فهد:(شاف فعلي لي راسم بسمة غير مفهومة على شفاهو)علي شتك ساكت!!
علي:(هز عيينه فيه)الله يكمل بخير(هز تيلي وخرج )
فهد:(مراقبو بعينيه حتى خرج.)
علي:(حط تيلي على ودنو والفرحة مرسومة على وجهو...واخيرا وصل لشي لي بغا..واخيرا بدا يقرب من هدفو....بعد لحضات تقطع الخط فوجهو ومفهمش السبب لي خلا جواهر تقطع عليه.)
***********
جواهر:(طلعت عيينيا فيها كنتسناها شنو غادي تقول..سمعت صوت تيلي ديالي ورميت عيني على اسم المتصل كان علي...
صفية:جاوبي..مال وجهك تخطف لونو
جواهر:ماشي حد مهم
صفية:(قعدات فوق ناموسية وحطات رجل فوق رجل...)علي الاسماعيلي كلو ...ويتقال عليه ماشي مهم...
صفية:لاتفاق لي جامعك مع علي الاسماعيلي على قبل خوه فهد(بسمة سخربة)
جواهر:ش...ش...شكتخربقي شهاد الهضرة؟؟
صفية:(ناضت من بلاصتها)كتعرفي مزيان على شنو كنهضر...سمعتك بودني كتهضري مع مريم على الاتفاق لي درتي مع علي...باش طيحي فهد..
جواهر:(حسيت بدموع كيتجمعو فعينيا عرفت بلي نهايتي قربات..شفت فيها باستسلام وجلست فطرف الناموسية...شديت راسي بين ايديا وسمعتها نطقات)
صفية:انا مغادي نقول والو لسي فهد...ولكن بشرط!!
جواهر:(طلعت عينيا فيا)
صفية:كيفما دخلتي لشركة سيمارا حتى بنتي ريم غادي تدخل ونتي لي غادي دخليها...اولا سي فهد غادي يعرف بكلشي...(ناضت من بلاصتها)فكري وردي عليا..غدا نبغي نسمع جوابك(رمات لها نضرة ديال شمتة وخرجت)
جواهر:(سدات لباب..ودخلت فموجة بكاء وهستيرية..كلشي غادي يسالي...كلشي غادي يضيع من بين ايديها...وهادشي لي كان خاصها تتوقعو شحال هادي.)
ربى:(حطات راسها على المخدة وعينيها حمرين بقوة لبكا...)
عائشة:(شافت فيها مطولا...جرات عليها لغطا وخرجات لعند ولدها...
يوسف:مزال على نفس الحال
عائشة:مزال اولدي بان ليا مزال كتبغيه..
يوسف:اوووف(شد راسو بين ايديه)
عائشة:خلينا نردوها لعندو اولدي ...خليها تواجهو بلا هاد الانتقام لي بان ليا غير كتعدب فيه
يوسف:الى مبغاتش ربى انا مغاديش نتراجع
عائشة؛(شافت فيه مطولا ونطقت)انا عارفة بلي انت كتعاون ربى حيت بقات فيك...ماشي على ود حاجة اخرى
يوسف؛(شاف فيها بنص عين ..فهم قصدها وطأطأ براسو)اكيد الواليدة اشنو غادي يكون غير هكا.
عائشة:(تبسمات ليه..ودخلات لكوزينة خلاتو متصارع مع افكارو وتخيولاتو.)
***************
جواهر:(حاطة راسها بين رجليها و دموعها شادين طريقهم على خدودها...دخلات عليها مريم مدرمة...لاحت صاكها وهبطات على رجليها ...كتحاول تعرف سبب بكائها....
مريم:متقدرش...فاش يتكلف بيها علي غادي تكمش بلاصتها...دابا نوضي غسلي وجهك...وهضري مع علي عاوديليه شنو وقع...وعساك تبيني شي حاجة لفهد راه قويفز يقدر يحكر عليك حتى تسرسبي عليه كلشي
مريم:صافي باراكا من لبكا...نوضي تقعدي غسلي وجهك ..
جواهر:(هزات راسها بالايجاب وتوجهات للدوش وقفات حدا لمرايا شافت حالتها كي ولات...رشات الماء على وجها وجبدات فوطة صغيرة معلقة مسحات وجها...وشدات نفس...استجمعات نفسها...وخرجات لعند مريم لي كانت جالسة كتسناها...شافت فيها وتوجهات لعند تيلي ديالها..ركبات رقم وحطات تيلي على ودنها.
فهد:(خرج من دوش لاوي على نصو تحتاني فوطة...صدرو كيلمع مع قطرات الماء لي كتهود عليه شادا طريقها على عضلاتو السداسية المنقوشة...نشف شعرو بفوطة صغيرة عليها الحروف الأولى من اسمو...وتوجه لغرفة الدريسينغ جبد منها سروال ديال النعاس...وشعل سيغار خاص بيه..جبد تيلي ديالو وركب الرقم:
فهد:فين وصلتو؟؟
الشخص:مسيو فهد الشي لي قلتي صحيح..مشتاركة معاهم!!
فهد:امممم مزيان...غدا نلقاها فلبلاصة المعهودة(قطع ونفخ الدخان لفوق فسقف...رجع كيبقشش فتيلي من جديد وركب رقمها من الصباح مشافها توحشها....ترسمات على شفاهو بسمة خفيفة ملي شاف اسم «حبيبتي»مكتوبة حط تيلي على ودنو لكن الخط مشغول...حاول مرة وجوج وتلاتة وحس بالسخونية طالعة معاه...شكون يقدر يشدها بالجماعة طول هاد المدة ناض من كرسيه كيسمح وجهو بيديه لقردة كتشطح فوق راسو...باغي غير يعرف مع من كتهضر....رجع جبد سيغارو وغمض عينيه كيمحي اي فكرة سوداء كتجي على بالو ...جواهر مركز تقة وهادشي لي كيقنع بيه نفسو استحالة تخون التقة ديالو....جبد تيشورت لبسو وجبد لبيسي كيحاول يلهي نفسو باش ميرجعش يصوني ليها...حيت الى رجع وصونا ولقى الخط مشغول مغاديش يتهدن ويقدر يدير حاجة لي يندم عليها.....
***********•*********
جواهر:مسيو علي شنو غادي دير؟؟
علي:جواهر متخميش هاديك خيتي غادي نتحاسب معاها حتى تنسى حاجة سميتها فهد
جواهر:عافاك امسيو متكبرش الموضوع غير حدرها وصافي
علي:جواهر...انا عارف شنو ندير ميقدر اي شخص يعرف بلاتفاق لي جمعنا..واصلا هي كيدارت حتى عرفات ياك الموضوع نبهت عليك ميعرف بيه اي شخص؟؟
جواهر:(توترات ومسحات عنقها)م...معرفتش يمكن سمعتني ملي كنت كنهضر معاك...اولا كانت مراقبانا
علي:امممم(بعدم تصديق)المهم دابا رتاحي من هاد المسالة حلها عندي...الاساس عندي من هاد الشي كلو هو الخطبة ديالك من فهد..
علي:كلشي موجدو...غدا غادي نلاقيك مع الناس لي غادي يكونو عائلتك غادي نحفضهوم شنو يقولو وشنو يخلو...ومبغيتش نهار السبت يبقى طير الطاير عندكم فلفيلا حتى من ماماك شوفي شي قنت تخليهم فيه حتى دوز الخطبة
جواهر:(تنفسات بغيض معجبهاش الشي لي كتسمع غمضات عينيها ورجعات حلاتهم ...معندها مدير غير توافق على كلامو بالنهاية هي لي ختارت هادشي كلو ....)اوكي لي بغيتي سي علي....(مع هاد الكلمة قطع الاتصال جلسات على صوفا وشدات راسها بين ايديها كتزيد طيح فهاد الطينة لي ختارتها...وكتسول راسها سؤال واحد «شنو غادي يوقع من بعد»؟؟)
«اصبحنا واصبح الملك لله»على صوت العصافير واشعة الشمس المشرقة لي بدات تختارق نافذت غرفتها...رمات جواهر لغطا عليها ودخلات للحمام قضات حاجتها فرشات سنانها وصيبات شعرها ومكياجها....خرجت تقلب على شنو تلبس حتى سمعات صوت تيلي ديالهاّ....مشات تجري لعند تيلي حيت عارفها بلي هو لي غادي يكون مصوني ليها حيت عارفها نعاسة وهاد الوقت هو فاش كتفيق فيه:
جواهر:امم غير دايرة مع واحد البنت معايا فلافاك غادي نشد من عندها لكور
فهد:(بعدم تصديق)امم..البارح علاش تيلي ديالك ليل كولو مشغول مع من كنتي كتهضري؟؟
جواهر:(غمضات عينيها ورجعات حلاتهم كتحاول تفكر فشي كدبة تعتق بيها راسها...)ا.. كنت كنهضر مع مريم كانت مخاصمة مع حبيبها وليل كولو كتعاود ليا....حبيبي مالك كتحكر عليا بلاسئلة...واش مكتيقش فيا؟:
فهد:اخر مرة نسمع هاد الكلمة منك...انا لو كنت مكنتيقش فيك مكنتش سولتك وهدنت راسي كنت عرفت كلشي بطريقتي
جواهر:(صرطات ريقها وصقلات حيت اصلا معندها متقول)
فهد:عمري انا دابا عندي شي خدمة ملي تسالي لحقي عليا لشركة نتغداو بجوج اوكي حبي
جواهر:واخا حبيبي.
فهد:جواهر!!!
جواهر:وي.....
فهد:بغيتك تعرفي حاجة وحدة«كنبغيك»كلمة وحدة كانت كافية تخلق صراع داخلي فنفسها. ..حاسة بالكره لذاتها..هاد الكلمة بذات كتبنجها وتخليها تبغي تخوي كلشي لي فقلبها ليه...غمضات عينيها ورجعات حلاتهم....بدلاتو نفس الكلمة المعسولة لي كتفرحها وتقلقها من راسها فنفس الوقت.)حتى انا كنبغيك...(حطات تيلي وجلست على طرف ناموسية تكالمي نفسها حاسة بلي هاد التقل بدا يتقل عليها باغية غير امتى ترميه من فوق ضهرها ولي ليها ليها....مسحات وجها بيديها ...ورجعت لماريو كتقلب على شنو تلبس..)
(وقفات بيهم لوطو قدام مستشفى«الأمل»اكبر مستشفى فلمدينة كيجوه غير صحاب الحبة والفلوس لكتيرة...جمعات صيفتها وربعات ايديها مبغاش تنزل)
زيد:يسرا متصرعينيش يلاه هبطي!
يسرا:مغاديش ننزل اصلا انت غير مكبر الموضوع راه غير المعدة وصافي...
زيد:الالة انا مغادي نرتاح حتى نعرف السبب لي كيخليك طول النهار كترضي...الى كانت المعدة نعرفوها..
يسرا:اووووف ولاش هادشي ...عافاك حبيبي خلينا نمشو والله الى انا بخير حاسة براسي مزيان.
زيد:(جرها لعندو وجمع خدودها بين ايديه )غادي تنزلي هي غادي تنزلي متعصبينيش على الصباح...
يسرا:اوووف اوكي يلاه...(جرات صاكها وشدات بيدو ...دخلو لعند ريسيبسيون سجلو سميتها وطلبو منها تمشي لواحد الغرفة غادي يجيها فيها طبيب عام يكشف عليها حيت مزال معرفات مالها...زير على ايدها زيد وتوجهو للغرفة ..بعد لحضات قليلة دخل عليهم الطبيب والابتسامة على وجهو رحب بيهم وعاودات ليه يسرا بشنو كتحس...توضح ليه كلشي ولكن بغا يتاكد ...
الطبيب:تفضلي معايا الالة هنا(شير بيدو على واحد الناموسية ديال الكشف...)
يسرا:(شافت فزيد لي عطاها اشارة براسو باش تمشي معاه...طلعات فوق هاديك الناموسية طلع طبيب تيشورت لي لابسة حتى بانت كرشها تحت انضار زيد لي كيحاوب يهدن راسو...دهن ليها منطقة الكرش بواحد الجيل خاص بالكشف ودوز على كريشتها واحد الالة صغيرة كتبين شنو موجود فكرشها وتبينو على الشاشة صغيرة حداهم...يسرا وزيد مفاهمين والو غير كيشوفو فمعالم وجه الطبيب لي كيرسم تبسيمات خفيفة على وجهو....مسح ليها هاداك الجيل من كرشها...وهبطات تيشورت...رجعو كلسو على لكراسى المحيطة بالمكتب ديال الدكتور كيتسناو شنو غادي يقول.
الطبيب:لالة يسرا ملي عاودتي ليا بشنو كتحسي كنت شاك فشي حوايج ولكين بعد لفحص...داكشي لي فبالي طلع صحيح
زيد:شنو كاين ادكتور..؟؟
دك:(تلفت لعند زيد)مبروك عليكم المدام حامل
يسرا:(مع هاد الكلمة حسات بصعقة ..مكانتش تتوقع نهائيا بلي تكون حاملة..خرجات عينها على جهدهم وجمعات حويجباتها مستعدة لبكى...زيد كان حتى هو مصدوم من الشي لي سمع..ولكين معطاش للموضوع اهمية بالنهاية هو كيبغيها وباغيها ليه واخا عارف راسو مقودها مع علي ومعاها هي الى عرفات بلاتفاق لي جمعو مع علي ولكين الأهم من هادشي كلو هو الثمرة لي غادي تجمعهم..شاف فيها لقاها مصدومة ودموعها بداو يهبطو على خدها...شاف فدكتور لي علامات الاستغراب على وجهو..)
يسرا: فهد هئ هئ فهد الى عرف غادي يقتلني هئ هئ فهد ....هئ هئ انا شنو درت هئ هئ (بدات تضرب فراسها وتبكي ...كان بين عينيها غير فهد حيت عارفاه الى ساق لخبار غادي يدبح مها من لودن لودن.)
زيد:يسرا حبيبة....حبيبة شوفي فيا...(هز وجها بين ايديه)نتي ديالي مستحيل نخليك...انا ونتي غادي نتزوجو فاقرب وقت وميقدر اي مخلوق يمنعنا سمعتي
يسرا:هئ هئ عائلتي مغاديش يوافقو عليك...هئ هئ انا لي عارفة....فهد غادي يقتلك...بحال ماوقع مع علي هئ هئ غادي يوقع معايا حتى انا هئ هئ هئ ....
زيد:(كيحاول يفهم على شنو كتهضر ولكين مقدرش...بدا يهدنا ويكالميها حتى سكتات...مسح ليها دموعها ووعدها بلي مغاديش يخليها والى موافقوش عائلتها معندهم اي خيار من غير انهم يهربو....)
(ريحتو المعروفةبدات كتشم فارجاء المكان... مشيتو الرجولية بدات كتسمع على بعد اقدام....فمكانو المعروف الخاص بالتعديب والقتل بتعبير ادق ...حناو لي كارد روسهم ملي سمعو صوت خطواتو كتقرب ...كانت مربوطة على كرسي رابطين رجليها وايديها مزيان مع الكرسي لي جالسة فوقو...مغمضين ليها عينيها بلحاف اسود وسادين ليها فمها بسكوتش...واخيرا وصل لعندها...جرو ليه كرسي وجلس مقابل معاها...داير رجل فوق رجل...وعطا اشارة بيدو لي كارد لي واقف على راسها بلي يحيدو لحاف من على عينيها....حلات عينيها لي كيضروها والرعدة والخوف مسيطر عليها...شافتو قدامها حسات برجفة الخوف كتسارا فكل قنت من جسمها...حيدو سكوتش من فمها...وبدات تمتم عليه....ودموعها على خدها....
فهد:(حك على لحيتو بطريقة رجولية وكيشوف فيها)شنو الهدف ديالك؟؟
ايلينا:م...م...مفهمتش هئ هئ
فهد:لاش رسلوك لعندي؟؟(كيحاول يستفزها...حيت هو اصلا لخبار كلها عندو ومن اول نهار جات فيه للشركة عرف كلشي عليها وعرف شكون راسلها ولاش جايا ...وخلاها دير الشي لي بغاو بلا ميشكو فوالو...ولكين دابا يعلم الله شنو غادي يوقع ليها ملي طاحت بين ايديه)
ايلينا:هئ هئ انا مادرت والو هئ هئ هوما لي صيفطوني؟؟
فهد:وعلاش؟؟
ايلينا:(بدات تسرسب عليه كلشي..من اول نهار جاو فيه لعندها وحتى لآخر يوم هضرت معاهم....طلعت عويناتها فيه مزال جالس نفس الجلسة وكيحرك يدو على لحيتو...ناض من على كرسيه)
فهد:اهاه...بغيتيهم يطيرو جواهر من الطريق باش توصلي لشي لي باغيين معايا...
فهد:(هز لفيستا ديالو وتوجه لباب الخارجي)خليو عينيكم عليها...مبغيتكومش تمسوها ...ومن غدا بغيت عشرة منكم يراقبو جواهر بلا متحس بيكم...وياويلكم ويوقع ليها شي حاجة اولا يقرب ليها شي حد ...حل ليه شيفور الباب الخلفي لسيارة وتوجه للشركة.
***********************
جواهر:(وقفات بيها لوطو قدام واحد لكافي..هزات صاكها ونزلات ....لقاتو كيتسناها...مد لها يدو سلمات عليه..وجلسات:
علي:عائلتك دابا توصل(بسخرية)
جواهر:(تبسمات فوق خاطرها)شنو درتي مع صفية؟؟
علي:فاش نسالو مع عائلتك غادي يجي دورها.
جواهر:(حنات راسها وسكتات حتى سمعت صوتو من جديد)
علي:برافو عليك طيحتيه فوقت قياسي...
جواهر:(طلعات عينيها فيه)شنو نهاية هاد الشي؟؟
علي:متفكريش فالنهاية...يلاه بدينا للعب...(وقف من على كرسيه مد يدو للرجل المرأة لي حداه باينة فيهم محترفين فهاد الشي اصلا خدمتهم هي هادي ...ممتلين من الدرجة الاولى...جلسو معانا وبديت نهضر ليهم على حياتي واي سؤال كيطرحو علي كنجاول عليه وبناءا على جوابي كنختارعو كدبة لايقة ههههه كترة اللهم ضحك...بعد ساعتين ديال التمتيل وحفض الادوار عرفت شنو لي خاصني نقول وشنو لي خاصني نسكت فيه...ودعتهم ومشيت فاتجاه سيارتي مباشرة الى الشركة...مقدراش نشوف فيه وانا يلاه كنت كنخطط فكدوبي عليه....اووووف عييت بغيت غير امتى تسالي هاد الكدبة لي غير ماشية وكتكبر.)
يوسف:(هاز بلاطو فيه الماكلة دخل عليها..ولقاها جالسة كتلعب بصباعها)مكلتي والو من البارح ياك مدايرة شي اضراب؟؟
ربى:(هزات فيه عيوناتها الزرق لي كيقتلوه)لا غير مافياش الجوع
يوسف:(حط لبلاطو حداها وجلس)ربى...انا منقدرش نشوفك هكا.... الى بغيتي انا نديك بيدي لعندو...الاساس عندي مديريش فراسك هاد الحالة
ربى:(حدرت راسها وسكتات)
يوسف:(وقف من بلاصتو وشاف فيها)لي بغيتي انا نديرو...فكري وردي عليا ...حاجة وحدة بغيتها تكون فبالك انا مغاديش نخليك حتى توصلي لشي لي بغيتيه نتي.(حل الباب وخرج خلاها فدوامة أفكار جديدة معرفاش شنو دير اولا شنو لي تخدم كتر واش عقلها لي بغاها تنتاقم اولا قلبها لي بغاها تسامح وتنسى هاد الانتقام لي مسيطر عليها...حطات راسها بين رجليها وتنهدات باعلى صوتها كتفرغ الضغوطات لي كتحس بيهم.)
*•****************
صفية:(هازا ساشيات بين ايديها وكتمشي بتمختر متوجها لباب لفيلا....محسات براسها حتى هزها شي حد من لبلاصة لي فيها ودفعها حتى دخلات للوطو...سد على فمها بيدو وطارت بيهم لوطو ...موقفات حتى لقدام واحد لغابة مطرفة معروفة عليها الموت...لانو اي شخص بغا ينتاخر اولا يغتاصب اولا يقتل شي حد يجيبو لهاد الغابة لي كل نهار كتوقع فيها عملية قتل...دفعها من لوطو ودخلها لداخل فلغابة حاسة بالخوف والبول غادي طلقو فاي لحضة....دفعها وسط الغابة ووقف دارت عندو كتشوف فيه...حاسة بلي كتعرفو اولا فايتة شايفاه ومعرفاش فين
علي:عرفتي شكون انا؟؟
صفية:هئ هئ لا ش....ش...شكون نتا هئ هئ
علي:انا علي الإسماعيلي قتال رواح...(كيقرب منها)مكنفلتش الضحية ديالي...كنسلخ جلدها من على عضمها...كنشرب من دمها...ولي بقا منها كنعطيه لكلاب يتعشاو بيه..(كيهضر وكيقرب منها حتى لصقات مع جدع الشجرة لي وراها...صافي البول غادي طلقو مفيهاش قلبها كيضرب بجهد غادي يخرج من بلاصتو الرعدة كتزعزعها...)
صفية:ا...انا...انا مدرت وال...والو هئ هئ
علي:درتيه الحاجة درتيه.....هددتي شخص مكانش عليك تقربي ليه اصلا
صفية:(عرفات راسها كحلاتها مزيان بدات تبوحط عليه)هئ هئ والله مقصدت نهددها اصلا غير كنت كنهضر معاها وصافي هئ هئئ نواعدك ميعرف حد بالشي لي وقع نواعدك هئ هئ
علي:(شاف فيها عرف بلي وصل لشي لي بغاها...بعد هاد الخلعة لي زرع فيها غادي دير الطم وتشد لارض)والى هضرتي عرفتي شنو غادي ندير ليك!!
صفية:هئ هئ وا....والله والله منهضر هئ هئ
علي:(رجع لور وشاف فيها)اليوم نبهتك...ياويلك ونسمع شي حاجة خرجات من فمك والله متفلتي من بين يديا...(خلاها كتلتاقط أنفاسها ومشا فاتجاه لوطو عفط الشيفور على لوطو وخلاوها فلغابة غادي تموت بالخلعة عمرها تفكر تفتح فمها بشي حاجة من بعد هاد الشي لي وقع ليها.)
جواهر:(دخلات لعندو للمكتب هاز تيلي كيهضر فيه واقف قدام الاطلالة الخارجية ومركز مع المتصل...جات وراه ودخلات ايديها ورا ضهرو جمعاتو بيديها وحطات راسها على ضهرو وغمضت عينيها حس بيها وحط يدو على ايديها وتيلي مزال على ودنو...كمل اتصالو ودورها لعندو طبع قبلة صباحية طويلة على فمها وحط جبينو على جبينها مغمض عينيه وكيهضر:
فهد:(شاف فيها وناض من على كرسيه...كيشوف الناس كيتفرجو فيهم هضر بصوت خشن ملئ بالغضب ...)خرجو تقودو. من هنا...منشوفش طير منكم قودددددو...(ضرب واحد لميدة برجلو حتى تشتت كلشي فيها...بداو الناس يخرجو خايفين من هاد الوحش لي تحول...بينما جواهر تكمشات فكرسيها حاطة ايديها على عينيها ومقدراش تشوف فيه.)
جون:ياربي ميكونش الشي لي فبالي صحيح....نخاف يكون فهد عاق بيها...غادي يضيع كلشي لي خططنا ليه
ريبيكا:منضنش لو كان هادشي صحيح..مكانش فهد مهدن لحتى دابا كون دابا قلب على كر••المانيا كلها
جون:اووووف(شد راسو بين ايديه كيفكر فشي حل)
ريبيكا:(جرات كرسي وجلست)مخاصش اليكس يعرف الى عرف غادي يقطع ريوسنا مافيهاش..
جون:زيدي على مابيا
ريبيكا:وغا سمعني...خاصنا نمشو لمغرب جلوسنا هنا معندو ميدير لينا
جون:اهاه بغيتيني نعطيه حياتي لعند رجليه
ريبيكا:وعلاه هو غادي يكون مراقب المغرب كلو...حنا نمشو تماك وندرسو امورنا بشوية علينا...اصلا باينة مقطوع راسنا فلحالتين اما من عند فهد اولا من اليكس ...فكر ورد عليا.
(طول الطريق وهوما ساكتين فهد حاس بل متاكد بلي مخبية عليه شي حاجة كبيرة مخليتها تضعف وتتهرب من نضراتو...وجواهر حاطة راسها على لكرسي وكتخمم فهاد الدوامة لي طولت كتر من لقياس...محساتش ايمتا وصلات للحي...شافت فيه لقاتو كيشوف فجهة لاخرى مبغيش حتى يشوفها...عرفات راسها مكحلاها بلبيان...حلات الباب وجرات صاكها مهضرات بحتى كلمة...فتح ليها لعساس باب لفيلا ودخلات كتجر رجليها...بينما فهد عفط على لوطو وطار بيها
جومانة:مرحبا الالة نوجد ليك لعشا
جواهر:فين ماما؟؟
جومانة:مشات لدار لقديمة هادشي لي قالت
جواهر:(بسمة سخرية ترسمات على شفاهها..تفكرات بلي غدا خطبتها وهي لي طلبات من ماماها تمشي حتى دوز لخطبة طلعات كتجر رجليها لبيتها بدلات حوايجها...ودخلات عليها مريم...
مريم:تبارك الله على جواهر كبرات مشاء الله وبداو لخطاب يجوها
جواهر:(حطات راسها على لمخدة وحاولت تغمض عينيها سمعات صوت تيلي..نقزات على بالها هو...شافت اسم علي مكتوب ونفخات باعلى صوتها..قدات الجلسة وجاوبت:
جواهر:الو وي
علي:وي جواهر..سمعيني مزيان
جواهر:(خرجات عينيها)ياك لاباس؟؟
علي:فهد كلف لي كارد يراقبوك ...لقائتنا مبقاوش غادي يكونو اي حاجة بغيتيها غادي تبقاي تصوني ليا اوكي
جواهر:(صدمها وخوفها بنفس الوقت..لي فهمات من كلام علي هو انو فهد بدا يشك فيها ومتايقش فيها الشي لي خلاه يكلف لكارد يراقبوها...ولكين لحقيقة غير هاكا هو كلف لكارد حيت خايف عليها من العصابات لي تابعينو وكيتسناو ابسط حاجة باش ينتاقمو منو..قطعات مع علي الاتصال...وحطات تيلي حاسة براسها غادي ينفاجر...هزات فانيدة دوبتها وحاولت تنعس خوات راسها من كلشي ..كتمنى من داخل قلبها انها تنعس ومتبقاش تفيق....بينما فهد كان فصال ديال السبور لي فلقصر كيلعب لبوكسين ويفش اعصابو معارفش فشنو يفكر اولا فشنو يدير..مسح لعرق لي نازل من عنقو وجبد قرعة ديال الشراب طاح عليها دقة وحدة...ضرب لقرعة حتى تشتات وطلع لبيتو صاعر مقادر حتى حد يقرب منو..حيد تيشورت وجبد سيغارو جلس فلبالكون وبدا يشرب وينفخ الدخان فلعالي كيفكر ويفكر ومعارفش شنو لي يدير باش يعرف الشي لي مخبية جواهر عليه.)
الساحرة و عالم المشاهير الجزء 12
محتوى القصة
التنقل بين الأجزاء