(واخيرا وصلو للقصر هزها بين ايديه جامع هاديك لغوباشة ودم خارج ليه من كرشو ممسوقش ليه نهائيا ..كيشوف فيها ويرجع يشوف قدامو ..حلات ليه لخدامة الباب ودخل امام انضار مجدولين لي تفزعات ملي شافت الدم وجواهر بين ايديه...
مجدولين:فهد ولدي شواقع؟
فهد:(مشافش فيها عفط على الاسونسير وطلع لبيتو....حطها فوق لفراش وشاف فيها شوفت لقتالة ...دخل لغرفة دريسنغ حيد قاميجتو لي عمرت دم وجبد علبة الإسعافات داوا جرحو وخيطو بيدو ومرة مرة كيسد عينيه من قوة الالم....دار لفاصمة على جرح وجبد تيشورت لبسو...وخرج لعندها لقاها يلاه بدات تحل عينيها...شاف فيها وربع ايديه كيتسناها تصحصح مزيان باش يبدا الحساب بيناتهم.
***************
علي:(بدا يحل عينيه على صوت الالات وريحة السبيطار لمعروفة شاف فرميلة كتصايب ليه سيروم:
_الحمد لله على سلامتك
علي:اه ه ه شكون جابني هنا؟؟
_معرفتش..ولكين شي رجال هوما لي جابوك كيتسناو برا
علي:واخا تعيطي على شي واحد منهم!!
_واخا(خرجات لعندهم كانو لي كارد هوما لي جابوه لسبيطار بعدما تكلفو بجون وريبيكا...داو علي لسبيطار حيت خدمة فهد مع اللوبيات والمافيات سرية بشكل كبير ومخاصش اي حد من العائلة يعرف بيها...)
علي:فهد هو لي كلفكم تجيبوني هنا؟
_وي امسيو.
علي:اوووف واخا تقدرو تمشو انا مزيان(خرجو من عندو وخلاوه كيانبو ضميرو على الشي لي دار.)
فهد:(غمض عينيه ورجع حلهم)الناس لي جينا نخطبو من عندهم ماشي عائلتك؟؟
جواهر:هئ هئ هئ عافاك سمعني عاف...
فهد:(جبدها من شعرها بجهد حتى حسات براسها طار من بلاصتو)جااااوبي على سؤال!!!
جواهر:هئ هئ هئ ماشي عائلتي...علي لي جابهم..هئ هئ
فهد:(صافي هادي لاخرا ليها وصلات فيه لعضم جبدها لعندو..وعطاها واحد مولاتي تصرفيقة يمكن سنانها طاحو قدامها....رجع عطاها وحدة اخرى حتى خلا دم خارج من نيفها...وبدا يغوت ويدور فلبيت بحال شي وحش لي قدامو كيهرسو ...)اناااااا بغيتك ..بغيتك الغدارة (رجع لعندها زير على فكها بجهد...)كتعرفي شنو يعني بغيتك....خترتك من بين بزااااف درتك فبلاصة مكنتش متوقع بلي غادي تجي شي وحدة نحطها فيها.....واش كتعرفي شنو هي بغيتتتتتتك....(لاحها بجهد حتى طاحت... كلامو كان كافي يخليها تتمنى يضربها اولا يقتلها.... ولا يجرحها هكا)طلعتي متسوايش طلعتي شماتة بحالك بحالو...ولكين برافو عليك...خليتي فهد الإسماعيلي يبغيك طيحتيه على زنافرو وقدرتي تحملي منو....(رجع لعندها من جديد وقفها من شعرها وزير عليها....قرب من ودنها ونطق)حمدي ربك وشكريه حيت مدرتش فيك ايدي ...لوكان ماشي هاد الولد (زير على خصرها)كنت قتلتك .....(رماها من جديد حتى جات على المسعودة وزدح الباب بجهد وخرج.)
حليمة:(ماشيا جايا على طول الصالة كتسنى فجواهر لي تعطلات مبانتش..كتصوني ليها وتيلي طافي..معرفت مدير من غير انها تلبس جلابتها وتهز صاكها وتمشي لقصر الاسماعيلي عالله تلقى شي حاجة...وصلها الشيفور لباب لقصر وبسيف خلاوها لي كارد تدخل طبعا بعدما هضرو مع فهد وخلاهم يدخلوها...دخلات لعندهم ايدها على قلبها لي حاسة بيه غادي يخرج...
فهد:(جالس فصالة حاط يدو تحت خدو وعينه مفيكسين فاتجاه واحد ومجدولين جالسة حداه كتسولو وتقول واش جاوبها.)
حليمة:س...سلام عليكم
فهد:(تلفت لعندها راسم بسمة سخرية على شفاهو)مرحبا مرحبا حماتي لعزيزة...
مجدولين:فهد شكتخربقّ..شكون هادي؟؟
حليمة:بغيت نهضر معاك اسي فهد!!
فهد:خههه نهضرو....فشنو غادي نهضرو!!
حليمة:سي فهد هئ هئ الله يخليك هئ هئ بغيت غير نعرف بنتي فين مشات هئ هئ
مجدولين:(ناضت من كرسيها)شي حد يفهمني شواقع هنا؟؟
حليمة:هئ هئ انا مامات جواهر
مجدولين:(طلعات فيها وهبطات)شنو؟؟؟
فهد:(مزال جالس فبلاصتو متحركات فيه حتى شعرة)جواهر تافقاات مع علي باش طيحني ونتزوجها حيت ولدك لعزيز بغا ينتاقم مني فموضوع ربى وصافي هادا مكان.
مجدولين:مستحيل هادشي لي كتقول ولدي علي ميديرهاش..هادو فعايلكم نتوما(كتشيرربيدها لحليمة)نتوما الطمعات ملقيتو من فين تشدو...قلتو نطيحوه ابنات •••••
حليمة:هئ هئ من حقكم تقولو هادشي هئ هئ اصلا لولا طمعي انا هئ هئ مكانتش بنتي دابا مختفية ...انا لي فرضت عليها توافق على عرض علي شحال من مرة بغات تتراجع وانا فرضت عليها العكس هئ هئ عارفة بلي الشي لي شركت فيه بنتي قاصح بزاااف وخصوصا عليك اسي فهد هئ هئ دابا عافاك بغيت غير نعرف بنتي فين نواعدك عمرك تشوف وجهنا مرة اخرى هئ هئ والى كانت غير على لفييلا ولوطو .....فهاهو سوارتهم بغيت غير بنتي هئ هئ مبغيتش حاجة اخرى من غيرها هئ هئ
مجدولين:يلاه بانت ليك الطماعة ي..
فهد:(ناض من بلاصتو)هادو خليهم ليك(حط سوارت فيدها)اما جواهر فهي معايا مغاديش تمشي لاي يلاصة حتى تولد...
حليمة:(شهقات من الصدمة)بنتي حاملة؟؟؟
مجدولين:علاش مفراسكش؟؟طلعتو حيات..وصلات لشي لي بغات
يسرا:(حاطة يدها على كرشها وكتبكي)هئ هئ هئ ولدي هئ هئ ولدي مشا....(سمعت صوت تيلي ديالها كيصوني كان زيد..رمات تيلي ورجعات تجمعات على وضع الجنين..سمعت من جديد صوت ميساج جرات تيلي وقراتو..
زيد:نقسم ليك بالله ايسرا ومتجاوبيش والله حتى نجي للقصر ونخرجك من تماك
يسرا:مغاد....'(قطع عليها الاتصال ..ناضت من بلاصتها دارت عليها مونطو وخرجات لعندو...كان كيتسناها فلوطو ركبات حداه ومشا ...تحت صمت طويل وقف قدام لبحر خرجات يسرا وتبعها وقف حداها...
زيد:يسرا حبيبة(كيحاول يلمسها وهي كتبعد)عافاك سمعني
يسرا:هئ هئ نتا دمرتني ازيد قتلتني..هئ هئ
زيد:ماشي انا لي رسلت ليك لفيديو نقسم بربي ماشي انا لي رسلتو
يسرا:هئ هئ واخا...وعلاش صورتني بهاداك الوضع هئ هئ شنو كنت كتخطط؟؟
زيد:معرفتش معرفتش علاش صورتك يمكن حيت بغيت نحمي راسي....
زيد:انا علي هو لي جابني نخدم فلقصر عندكم ...عطاني صال دو سبور لي كنتي كتدربي فيه...وتكلف بعلاج الواليدة وعطاني مبلغ كبير باش نطور خدمتي....ولمقابل لهادشي كان....
يسرا:(عينيها كيتغرغرو مبغاشا تصدم من الشي لي غادي يقول)
زيد:المقابل هو نخليك تبغيني...وهادشي لي كنت كنسعى وراه حتى تغير كلشي وليت انا لي كنبغيك ونموت عليك..يسرا عارف راسي غلطت ولكين عافاك..صدقني كبغيك متحرمينيش منك ومن ولدي..
يسرا:(كتحس بجنوي تخشا فقلبها..عينيها حمرين بقوة الالم لي حاسة بيه دموعها على خدها وفمها محلول من الصدمة...شافت فيه شوفت حاملة بزاااف ديال لمعاني ومشات...خلاتو وراها تابعها كيطلبها تسمع لو وتسامحو وقفات طاكسي وركبات خبات وجها بيديها وعطاتها لبكى مقدراش تنطق حاسة بالسخفة وقلبها كتحس بيه كيضرب بجهد غادي يوقف... عينيها قدامهم ضبابة وبداو يتسدو..محسات براسها حتى طاحت على لكرسي لي جالسة فيه سخفانة...وقفها طاكسي قدام باب لقصر وطلب من لي كارد يخرجوها حيت سخفانة هزها واحد من لي كارد..ودخل بيها لقصر وسط انضار فهد المستغرب من حالة ختو هزها من بين ايديه وطلع بيها لبيتها طلب منهم يعيطو لطبيب وخلا مجدولين جالسة حداها.
دك:متخافوش غير سخفات معندها والو غير ماكلتها قليلة
دك:مدام مجدولين هادو فيتامينات ضروري تشربهم(مد لها الورقة)
مجدولين:(جرات من عندو الورقة وقراتها)«يسرا دارت لكورطاج...نفسيتها ضايعة ضروري تشوف طبيب نفسي»خرجت عينيها على جهدهم وخبات الورقة..هزات راسها لدكتور وخرجات معاه بينما فهد دار لغطا على ختو وباس جبينها ومشا لغرفتو...كانت جالسة فكرسي جنب لبالكون شعرها كيطيرو البرد ومكمشة فلكرسي بحال شي مشيشة ناعسة....قرب لعندها بشوية لمس شعرها لحريري وبقا شحال كيشوف فيها...هزها بشوية بين ايديه وحطها على لفراش بينما هو دخل لبالكون شعل سيجارو وحط حداه شرابو المعروف وسرح يفكر فشي لي وقع ليه مع جواهر.لي خدعاتو وخلاتو يفقد الثقة فيها...عقلو يطلب منو ينساها وقلبو يطلب منو يسمحلها بنهاية كلشي مخطط ليه علي..نفخ دخانو فسما ودخل لعندها غطاها وتمدد على صوفا لي فلغرفة.
****************
(فاقت راسها يحرقها بلوجع..حيدات عليها لغطا وتفكرات هضرت زيد وشي لي دار علي..وقفات قدام لمرايا مهلوكة حاسة بلالم فقلبها ..شافت راسها كيولات وشدات قرار مصيري تنهي بيه هاد الشي لي عاشتو فهاد الفترة...لبسات صباطها وجمعات شعرها..خرجات كتعوج يمين وشمال كتحس بلوجع فكرشها ...ركبات فلوطو ديالها ومشات بيها طايرة موقفات حتى وصلت لبحر..غمضت عينيها ورجعت حلاتهم عارفة راسها الشي لي غادي دير غادي يدمر عائلتها ولكين باش تريح راسها من هاد الحالة لي عايشة فيها معندهاش اي حل من غير هادا...ضغطات على لوطو بجهد حتى وقفات فراس الجرف المطل على لبحر لي امواجو كضرب فلعالي...تنفسات بعمق وغمضات عينها. عفطات على لوطو وطاحت بيها من اعلى الجرف حتى طاحت فوسط الأمواج الهائجة...بتلعاتها الأمواج هي ولوطو لي فيها...وشي طبيعي تكون دابا في عداد الأموات.)
جواهر:(شي طبيعي مغاديش يسمح ليها بهاد السرعة دخلات لدوش قضات حاجتها ورتبات نفسها..لبسات حوايج لي كانو عبارة عن سروال دجينز وتيشورت لقاتهم محطوطين فلماريو الزجاجي ..جمعت شعرها وجلسات على حافة السرير شادا كرشها لي كتغوت بالجوع...اصلا مقدراش تنزل لعندهم..بعد لحضات سمعت صوت شي حد كيدق عليها:
جواهر:دخل
خدامة:لالة قاليك سي فهد تنزلي تفطري
جواهر:(رسمت بسمة على شفاها)واخا هانا هابطة(شافت راسها فلمرايا وخرجت من لبيت ختارت تنزل مع الدروج حيت بغات تشوف القصر بدات دور عينيها والخدامة وراها كتوريها الطريق وصلو لطابق لتحتاني...لقاوهم جالسين على الميدة كيفطرو كان جالس على راس الميدة هو ومجدولين..جرات كرسي وجلسات...
مجدولين:برافو عليك لعبتينا على صباع ايديك...
جواهر:(حادرا راسها وساكتة معندها لوجه لي يشوف فيهم)
مجدولين:حمد لله حيت حاملة بحفيدي اولا كنتي غادي تشوفي الموت لكحلة..بعدما تولدي غادي تمشي من فين جيتي
جواهر:(طلعات عينيها فيها مصدومة من الشي لي كتسمع)
فهد:سدو علينا هاد الموضوع...فين يسرا؟؟
مجدولين:راه قلت لخدامة تفيقها...
جواهر:(حطات وجها على طبسيل وبدات تفطر حتى وقفات على راسهم لخدامة)
هي:مدام مجدولين....يسرا مكيناش؟؟
فهد:فين مشات؟؟ياك مريضة؟؟
مجدولين:(تخربقات)معرفتش اولدي...يمكن تكون غير هنا اولا مشات دير سبور
فهد:سبور وهي مريضة...
خدامة:(جايا تجري لونها مخطوف...)سيدي فهد..
فهد:(طلع عينيه فيها)البوليس برا
*****************
يوسف:ربى واجدة
ربى:اوووف اه واجدة
عائشة:(دموعها على خدها...طارت عليها عنقاتها)غادي نتوحشك ابنتي هئ هئ
ربى:صافي اخالتي مديريش هكا...
يوسف:لواليدة...باركا يلاه اربى
ربى:خالتي راه غير غادي نهضر معاه ونجي هنا
عائشة:هئ هئ نخافك مترجعيش وتبقاي معاه
يوسف:الواليدة الله يهديك..يلاه يلاه خلينا نمشو
ربى:(باست راسها وخرجات مع يوسف في اتجاه الشركة قلبها غادي يخرج من الخلعة.والتوتر.)
فهد:(بالتعجب...ناض من كرسيه وتوجه لباب لقصر مجدولين وراه وحتى جواهر..وقف قدامهم مستغرب)واقعة شي حاجة:؟
شرطي:سي فهد اليوم توصلنا باخبارية بلي لاقاو جثة فبحر ر•••
فهد:ومن بعد؟؟
شر:بغيناك تمشي معانا تاكد من الجثة!!
فهد:علاش غادي نمشي شنو علاقتي؟؟
شر:ممكن تكون جثة الانسة يسرا الإسماعيلي
مجدولين:(طاحت من وقفتها على ركابيها)
فهد:ش..ش...شنو!!
شر:تفضل معانا غادي تفهم كلشي..
فهد:(كان مرفوع بشكل كلي ممصدقش الشي لي كيسمع اكيد كاين خطأ...مشا تابعهم بلوطو ومعاه مجدولين جواهر بقات فلقصر كتحس بمغص فكرشها....دخل جاهل كيجري بين اروقة السيبطار حتى شار بيدو البوليسي على الغرفة لي فيها الموتة..كانت غرفة باردة بزاااف فيها غير خزانات مكتوب عليهم ارقام وقف قدامو طبيب وداه لوحدة من الخزانات كان رقمها 19...
دك:مستعد...
فهد:(غمض عينيه ورجع حلهم حرك راسو بالايجاب )
دك:(جر الصندوق الحديدي وبانت جثة مخشية فبلاستيكة سوداء...جرها لجهتو وقلب فهد غادي يسكت كيطلب من كل اعماقو متكونش يسرا...حل لبلاستيكة وبانت قدامو لونها زرق فمها بيض وعينها مغمضين وحمرين... كيشوف فيها بتمعن ...م ميمكنش تكون هادي يسرا...ميمكنش تكون أميرتو صغيرة هي .لي قدامو بهاد الحالة...
فهد:(كيسمع لكلام الدكتور لي كيعزيه فيها ومازال ممصدق مزال مرفوع فكرة« موت»كتخلق فيه صراع داخلي خصوصا الى كان الامر كيعني عائلتو...
دك:سي فهد ..خاصك تخرج من هنا بما انك تاكدت من الجثة فغادي يعطيك الشرطي المكلف بهاد القضية المعلومات على الحادث...والجثة غادي تبقا عندنا حتى تساليو اوراق الدفن وتقدرو تخرجوها...)(ردها لتلاجة وخرج )
فهد:(تبعو كيشوف بطريقة كلها صدمة وعدم تصديق...كانت مجدولين برا كتسناه مقدارش تدخل حتى خرج عليها بوضعو لي كيبين كلشي واخا منطق بحتى حرف..)
فهد:(كيحاول ينوضها بعدما شد فراسو شوية...هزها بين ايديه ودخلها لغرفة وعيط لطبيب لي جا يجري عطاها مهدآ وترخات ناعسة )
(اليوم هو يوم الدفن....ناس من الطبقة الراقية جات تعزيهم فيها...فهد وعلي واولاد عمهم وافقين فجنب باب القصر كيتلاقاو التعازي من طرف الناس صوت القران كتملي ارجاء القصر...جواهر جالسة مع النسا وبالها مشطون على فهد لي من النهار لي ماتت فيه يسرا مشافت دمعة وحدة نازلة من خدو...مجدولين كانت روحها ميتة وجسدها حاضر. غير كتشوف وممستوعباش مزال الشي لي وقع..جاتهم لاخبار بلي يسرا جابوها بعدما غسلوها وطلعوها لبيت باش يتوادعو معاها ويدفنوها من بعد ..طلعات لعندها مجدولين وعلي:
مجدولين:(وقفات عند باب بيتها مقدراش تدخل..حط علي يدو على كتفها وحل لباب كانت فوق فراشها دايرين عليها لحاف بيض وريحة الورد مالية المكان...تقدمات لعندها بشوية..وحيدات لغطى على وجها...دوزات يديها على وجها كتحفض تفاصيلو ونطقت بصوت مبحوح بكترة لبكى:
مجدولين:صافي ابنتي سخيتي بيا...لهاد الدرجة الموت ارحم ليك منا هئ هئ ...كيغاندير حتى نتعود على غيابك هئ هئ( دوزات ايديها على لحاف لمحطوط عليها)شوفي على دنيا.ابنتي...بدل منشوفك لابسة كسوة بيضة بحال لون هاد لحاف شفتك مجموعة فهاد لكفن هئ هئ هئ...بدل منشوفك ماشية لدار راجلك غادي نشوفهم مدخلينك لقبر هئ هئ بدل ميرشو عليك لورد..شفتهم غسلوك بيه هئ خئ هئ ...علاش درتي فيا هكا أيسراا هئ هئ علاش خترتي الموت وحرقتي قلبي عليك هئ هئ خئ هئ
علي:(نوضها)ماما..صافي باراكا..مجدولين:(باستها على جبينها وخرجات كتململ يمين وشمال اما علي فرجع جلس حداها...بلما يشعر خلى دموعو يشدو راحتهم على خدو)
علي:يسرا ...لبوكوسة ديالي...سمحيلي هئ هئ ..معرفتش علاش درت هكا معاك هئ خئ انا تافقت مع زيد عليك ..هئ هئ قلت ليه خليها تبغيك باش ننتاقم...هئ هئ لو كنت عارف هئ. هئ لو كنت عارف غادي نفقدك بهاد السرعة مكنتش فكرت نخدعك ولا ناديك...هئ هئ انا معارفش علاش قتلتي راسك ..ولكين نقسم بحياتك ايسرا ويكون السبب فموتك هو انا نقسم بلي خالقني يحتى نتبعك هئ هئ (حس بشي حد دخل عليه دار وراه كان فهد)
فهد:واخا تخليني نودع ختي...
علي:(هز راسو بالإيجاب .ّّ...شاف فيها مطولا وخرج)
فهد:(جلس حداها وكيشوف فيها مطولا...عينيه لي كانو كيهضرو باغي يقول بزاف ومقادرش..كلمة وحدة كانت كافية تلخص كلشي فقلبو)غنتوحشك....كنبغيك ايسرا(حط شفاهو على جبينها وبقا شحال مغمض عينيه ومباغيش يخليها طاحو دموعو على جبهتها ومسحهم بزربة دوز يدو على وجها بشوية وجر لحاف غطاها بيه...دخلو لعندو هزوها قدام عينيه ..بقا جامد فبلاصتو كيحاول يشد فراسو وميضعفش...تبعهم وسط نحيب وبكاء... ودعات يسرا هاد الدنيا وخلات وراها هاد الحياة الغدارة لي لعبات بيها كيفما بغاات ...ورماتها فلاخير.)
(ربى بعدما عرفات بلي يسرا ماتت مقدراتش تمشي للقصر عندهم قرات بلي ترجع مع يوسف حتى يسالي العزاء....هادا اخر نهار فلعزاء الناس لي جات من بلدان بعيدة رجعت من فين جات..فهد على نفس الحالة كاتم بزاااف فقلبو عاطيها غير لشراب وكيحاول يفرغ غضبو وعصبيتو فيه واحيانا فجواهر لي مستحملتو...
جواهر:زيدي عافاك حطي عصير ليمون
خدامة:واخا الالة
جواهر:(هزات الصينية بين ايديها وطلعات عندو شحال هادي مداق النعمة..حلات لباب برجلها ودخلات لعندو كان جالس فوق كرسيه...يد فيها قرعة ديال الشراب ويد لوخرا فيها سيجار...حطات لبلاطو قدامو وحاولت توكلو:
فهد:دور زوجة مديريهش عليا...
جواهر:غادي تقتل راسك هكا ..
فهد:اوووه الانسة جواهر سلامي خايفة عليا..اجي واش نسب ديالك سلامي اولا حتى هو كادبة فيه خههههه
جواهر:الى كنتي بغيت تجرحني فغير جرحني افهد انا متعودة ونستاهل اي حاجة ديرها نستاهلها...ولكين الشي لي كيديرو فراسك بزااف مكتنعسش..مكتاكلش ..حتى دمعة مقدراش تنزل على خدك...هادي راه ختك افهد غوت بكي هرس... ياسيدي ضربني الى كان هادشي غادي يريحك. .غير متبقاش ساكت هكا...
فهد:وشهمك نتي...لاش كدخلي راسك انا عاجبني هكا... واه اخر مرة تجبدي يسرا على لسانك
جواهر:(ناضت من قدامو ناوية تخرجو من الحالة لي عايش فيها كتغوت باعلى صوتها )الموت حق علينا كاملين ويسرا ماتت بحالها بحال غيرها من البشار...
فهد:سكتي....
جواهر:نسكت اه خاصني نسكت...حيت سمعتي الواقع يسرا مشات افهد مشات...
فهد:قلت ليك سكتي...
جواهر:طلعتي متكبر مقادرش تبين خوفك من الموت مقادرش تبكي على موت ختك...
فهد:(ضرب القرعة مع لارض حتى تشتات )سكتيييييي سكتييييي...انا مكنخافش مكنخافش من الموت...الى كانت غادي تجي غير تجي(حل ايديه)...انا واجد ليها هانا ....(نزل على ركابيه ضعيف... لقوة لي كانت معروفة عليه كلها تلاشات ملي نزلو دموعو على خدو...وهاد الشي مكينقسش من رجولتو بل كيدل على الجانب لحنين لي فيه...صرخ باعلى صوتو)اخخخخخخخخ .....اخخخخخخخخخخ
جواهر:(دموعها على خدها مخربقة من الشي لي كتشوف...ولكين قدرات تخليه يخرج ولو شوية من الالم لي مخليه فقلبو...تحنات عندو شادا وجهو بين ايديها)
فهد:ت...ت...توحشتها اجواهر...توحشتها
جواهر:(عنقاتو بجهد وحسات بيه جامعها ومزير عليها خايف لاتمشي حتى هي عليه...بعدات راسها بشوية وشافت فيه قربات منو وحطاات شفايفها على شفايفو السخان..كانت قبلة طويلة كتعبر على بزاااف بيناتهم رجع راسو شوية وشاف فيها جمع حجبانو وخرج صاعر خلاها جالسة كتشوف.)
(بعد 15 يوم)
(لبسات حوايجها وجمعات شعرها ونزلات لسفرة الفطور ..جرات كرسي وجلسات وسط هدوء شديد بسيف تسمع كلمة من عند شي واحد فيهم...بدات تفطر حتى سمعت صوت مجدولين:
فهد:(ضرب الطابلة برجلو حتى تشتت كلشي كان فقمة الثوران)اوووف اوووف مليت منكم مليت من مكائدكم ...لاش لاش كديرو هكا...ولكين كلشي منك اسي علي..نتا السباب فموت يسرا...تهنيتي دابا نتاقمتي على خاطرك
علي:انا مقتلتهاش مستحيل نقتل ختي..كنت بغيت غير نحسسها بلي الشي لي درتو ليا مكانش ساهل عليا نتقبلو
فهد:نتاقمتي مني ومن حقك ..ولكين يسراااااا شنو داااااااارت هضررر شنو دااااااارت(كان فاقد السيطرة على نفسو كان فهد اخر)
علي؛(شد راسو بين ايديه كيتمنى يموت الف موتة ولايكون هو السبب فموت ختو...رفع وجهو وتلفت وراه ملي سمع صوت مغريبش عليه..كانت هي واقفة وراه كتشوف فيهم واحد واحد...)
علي:ر.....ر...رربى
ربى:(كترعد كتشوف فيهم وفالوسط لي قدامها ..حسات بيه وقف قدامها كيطلع فيها ويهبط)
علي:نتي..نتي حية...ممتيش!!
ربى:(بسمة سخرية)علاش كنت كتمنى موتي؟؟...
علي:ولكين...ولكين قالو.لي بل..
ربى:بلي مت.... كدبو عليك(كتشوف ففهد)هادشي ماشي مهم دابا...انا جيت لهنا حيت مبغيتش ندير شي حاجة يانبني ضميري عليها.. جيت نقول الشي لي هازاه فقلبي حيت الى مواجهتك غادي تتبقى غصة فقلبي ..فكرت ننتاقم منكم واحد واحد ولكين مقدرتش..بغيتك غير تعرف بلي انا عايشة وبغيت نعرف علاش خليتيني ومسولتش فيا.؟؟؟حيت بسبابك عشت بزاااف ديال لحوايج...حياتي كلها متخبية هئ هئ عائليتي جراو عليا كنت غادي نتعرض للاغتصاب شحال من مرة هئ هئ كنت بغيت غير نشوفك وبكلمة وحدة منك كنتى غادي ننسى كلشي ولكين للاسف متسوقتيش ليا مكلفتش راسك تسول حتى على قبري تعرف فين دفنوني هئ هئ....عرفتي اعلي على قد محبتي ليك على قد كرهي ليك دابا...انت اكبر خطأ درتو فحياتي...(تنفسات من اعماق قلبها)دابا رتحت مكنتش نعرف بلي هادشي غادي يكون ساهل هكا...لو كنت نعرف بلي غادي نقدر نخرجك من حياتي بهاد البساطة كنت جيت لعندك شحال هادي...(شافت ففهد)سي فهد يلاه حسيت بشي لي درتيه معايا ...لولا موتي المزيف مكنتش غادي نعرف قيمتي ...(شافت فيه مزيان دفلات قدامو ونطقت ....) هاد الدفة تعبير مني على شي لي عشتو معاك(رماتهم بنضرة مزلزلة وخرجات)
علي:(كيحس بسكين مغروس فيه ..معارفش بشنو كيحس من غير الوجع فقلبو دمر كلشي بغبائو ..الشي لي الوحيد لي كان كيدور فراسو ختو يسرا لي مزال مستوعبش بلي هو السبب فموتها..خرج من عندهم مغيب ركب فلوطو وطار بيها
مجدولين:(جلسات على الكرسي شادا راسها محيلتها لبنتها لي ماتت ماحيلتها لودها علي والشي لي دار...شافتها جواهر مشات لعندها تجري شرباتها لماء وطلبتهم يجيبو لها دواها...طلعوها لغرفتها وخلاوها ترتاح....داز نهار طويل على عائلة الإسماعيلي..فهد واقف فلبالكون كيشم لهوى كيحل عينيه ويرجع يسدهم كيتمنى غير يكون فحلم...حس بيها جمعاتو بيدياتها من لور...
دك:عملية انتحار...لقاوه صيادة فنفس لبلاصة لي نتاحرت فيها يسرا...طلبو ليه الشفاء واستعدو لاي حاجة
فهد:(صافي مبقاش قادر يصبر كلشي تخلط عليه القوة لي كيبينها والضعف لي كيسعى يخبيه مبقاش قادر..جلس على لكرسي وشد راسو بين ايديه..دموعو على خدو ومقدرش يتصور فكرة انو غادي يفقد طرف اخر من عائلتو...مجدولين ولات عايشة غير بلمهدئات دخلوها لغرفة وعطاوها مهدا بينما جواهر حاطة يديها على ضهر فهد وكتحاول تهدئو...بعد اربع ساعات من الانتضار...خرجو الاطباء من عندو..:
فهد:(وقف قدام النافذة الزجاجية المطلة على علي..شافهم غطاوه بلحاف وخرجو من عندو....غمض عينيه وحس بغصة فقلبو ...جواهر تصدمات ملي شافتهم كيخرجو وحاطين لحاف على وجهو نزلو دموعها بلما تشعر وعنقات فهد لي كيحاول يتمالك راسو واخا الشي لي وقع بزاااف عليه ......
دك:لبركة فراسكم..
(فلاش باك......)
علي:(خرج مخربق من القصر ركب لوطو ديالو وطار بيها فاتجاه بحر ••••لبحر لي نتاحرت منو يسرا..وقف لوطو ونزل على رجليه وقف على حافة جرف ونزل عينيه لامواج لي كضرب بجهد...هادشي لي غادي يدير كانو خاصو يديرو شحال هادي هو لي كان خاصو يموت ماشي يسرا..اصلا حياتو مبقا ليها حتى معنى الانسانة لي ضحى على حسابها وحاول يرد شوية من الشي لي شافتو خلاتو بكل بساطة...والضحية فهادشي كلو يسرا لي بسبابو فقدات روحها وروح ولدها ...هو دابا كيشوف راسو حاجة وحدة(قتال) وهاد القتال خاصو ينهي حياتو حيت غادي يانبو ضميرو فكل دقيقة..فتح ايديه وغمض عينيه تقدم بشوية ولاح راسو.بين لامواج لي بدات ترميه يمين وشمال...)
«صعيبة تفقد شخص غالي عليك وصعيب كتر تفقدو ونتا مخاصم معاه اولا مكتهضرش معاه..سنة الحياة هي هادي تفقد أشخاص وتجيب ليك الدنيا اشخاص يعوضوك فلي ضاع....»»
(بعد ستة أشهر)
جواهر:فهد بغيت دلاح
فهد:حبيبة راني فايق بكري خليني ننعس شوية
جواهر:وراه ولادك افهد لي مشهين دلاح
فهد:اوووف اعمري من فين غادي نجيبو دابا راه 12 دليل واصلا هادا ماشي وقت الدلاح
جواهر:بغيتو افهد والله الى شهوتي فيه
فهد:'(ناض من فراشو النعاس مدوخو ..لبس تيشورت وشد بيدها هز سوارت لوطو وبقا يقلب من قنت لقنت على شي حد يكون عندو دلاح فهاد الوقت....)اووف شتي بعينيك مكينش الدلاح شوفي شي حاجة اخرى
جواهر:واش كتفلا عليا..بغيت دلاح دابا والله حتى نحكو فشي قنت يخرج فولادك
(هادي هي حالتهم جواهر مخرجت فيه لعجب...كل مرة جايبة ليه حاجة جديدة وهو داير ليها خاطرها...ومرة مرة كتعصبو...جاوقت لولادة وطار بيها فهد لفرنسا..السيد مكيتيقش فلجزارا لي عندنا...دخلوهم لغرفة لولادة وبدات لالكم بلغوات والبكا مخرجو ولادها منها حتى شمشرات فهد مخلات فيه بلاصة مجرحاتها...حطوهم على صدرها وخلاوهم يشمو ريحتها حيت حاجة ضرورية يديروها....رجعو لمغرب ووليداتهم بين أيديهم«علي ويسرا»هادو هوما الأسماء لي ختارو ليهم....مجدولين موجدة لقصر ومزيناه وكتسنى على احر من الجمر تشوف احفادها...دخلو بلغنى والشطيح وصوت الموسيقى والصحافة لي ناقلة الحدث...فرحتهم مقدها فرحة..حيت«يسرا وعلي»جاو فوقتهم فالوقت لي محتاجة فيه عائلة الاسماعيلي لنور يرجع للقصر من جديد...ستة اشهر دازو فيها بزاف ديال الاحداث لي كانت مرة فبعض الاحيان وحلوة احيان اخرى ...زواج فهد وجواهر كان أكثر من بسيط بطلب من جواهر لي كانت بغاتو يكون بين لعائلة...ربى فهاد ستة أشهر كانت كتحاول قدر الامكان تخرج من بالها حاجة سميتها علي.وبدات تلاحظ تقرب يوسف منها والإعجاب لي باين من عينيه....اما مجدولين فطول هاد المدة كانت دايرة مع طبيبب نفسي حيت حسات براسها تدمرات خصوصا بعد موت ولادها لي مابين وفاتهم والو ولكين دابا بعدما جاو احفادها كتحس بالروح رجعات ليها من جديد....اما فهد فقرب جواهر منو هاد الفترة كلها خلاتو يحس بقيمتها استحالة انو يفكر يخليها واخا كيخاف عليها كتر من روحو بسبب المافيات لي معاه وضدو ولكين بعد ولادتها كيفكر يسالي معاهم حيت مبقاتش عندو الطاقة يتحمل موت شي حد جديد......
وكيما كيقولو ناس زمان«مشات خبيرتنا من واد لواد وبقيت انا مع ناس لجواد»
الساحرة و عالم المشاهير الجزء 15 و الأخير
محتوى القصة
التنقل بين الأجزاء