(بعد ستة ايام)(كانت واقفة كتلبس حلاقات فودنيها..شافت الساعة لقاتها7:30 هزات صاكها ونزلات تجري لعند الشيفور اليوم اخر يوم فاسبوع الموضة لي كان مليء بالتعب والارهاق..عروض_ لقائات صحفية_حفلات عمل_وغيرها....جواهر قدارت تحقق نفسها فهاد الاسبوع بينات على قدرتها فتاقلم مع عالم الشهرة لمليء بالعمل والارهاق الجسدي والنفسي..ستطعات تخلي اسمها مع عارضات الصف الاول الشي لي خلا المصميمين يختاروها كعارضة الرئيسية لليوم الختامي لاسبوع الموضة..كانت هاد السيمانة مشغولة بزاااف اغلب الوقت كانت فشركة المنضمة...فهد من يوم الافتتاح مبانش ليها ..انشغالتو حتى هو خلات وقتو ضيق باش يحضر لبقية العروض...نزلات جواهر لعند الشيفور وتوجه بيها لمكان العرض المعروف..توجهات لغرفتها لبسات طالون ديالها ومشات تدرب مع بقية العارضات بعد فترة من الزمن رجعات من جديد لغرفتها..شدات دوش وخرجت لعند المصفف يصايب ليها شعرها...بعد ساعات بدات الحركة تزيد داخل الصالة شخصيات المشهورة بدات تدخل والصحفيين كيشدو اماكنهم اما وراء الكواليس كانت الدنيا مرونة شي ماشي وشي جاي مصممين كيجرو من قنت لقنت والعارضات كتر..كانت روينة بمعنى الكلمة..جواهر كملات شعرها والمكياج ديالها وتوجهت لغرفة التبديل هي والمساعدة ديالها تعونها تلبس كسيوة العروس باعتبار انها هي عارضة الختام الرئيسية...لبسات دو بياس وبدات المساعدة توجد ليها لكسيوة حتى سمعو شي حد كيدق..فتحات المساعدة الباب ..ودخلات بنت هازا ورد بيض مشكل وفيه كارت:
_هادي ليك اجواهر
جواهر:(جراتها من عندها بزربة كانت متأكدة انها من عندو. شمات الورد لي كان غالب عليه ريحةالياسمن وحلات الكارت وبدات تقرا بصوت خافت«بون شونس...يالساحرة»ترسمت بسمة على وجها وحطات لورد فلماريو الخاص بيها بينما الكارت حطاتو فصاكها لبسات لكسيوة وبدات تقلب على صندالتها لي غادي تلبس كتقلب فكل قنت هي والمساعدة:
المساعدة:انا متاكدة حطيتها هنا!!
جواهر:فين هي ..واش متاكدة؟؟
المساعدة:اه متاكدة حطيتها هنا(ورجعت تقلب من جديد)
جواهر:ساندرا يمكن حطيتها فشي بلاصة اخرى
ساندرا:لا انا متاكدة كانت هنا (بداو يقلبو من جديد فكل قنت..بينما الصندالة كانت عند جيسيكا العارضة لي كانت كتهدد جواهر)
علي:(جمع حجبانو)وعلاش يغوت عليها؟؟علاش هي دارتها بلعاني
مجدولين:خوك وكتعرفو..معندوش شي حاجة سميتها الخطأ فقاموسو واخا تكون ماشي مقصودة
علي:(هز تيلي ديالو وسوارت لوطو وناض من بلاصتو)انا خارج
مجدولين:واخا اولدي ولكين متعطلش برا بزااف
علي:(مهتمش بهضرتها)تصبحو بخير(خرج من القصر وركب رقمها فتيلي..ساعا لقا تيلي ديالها طافي..توجه لسيارتو لي كانت من نوع «بورش»وطار بيها خلا غير صوتها وراه
***********
(حاطة راسها على واحدة الميدة وكتبكي..بقات هكاك حتى سمعت شي حد كيدق)
جواهر:واش مكتسمعيش ساندرا خليني عليك هئ هئ (بقات حاطة راسها كتغبن وتبكي حتى شمات ريحة عطرو المعروفة...هزات راسها بشوية لقاتو واقف عند راسها وكيشوف فيها..ناضت من بلاصتها وتقابلات معاه حاولت تمسح دموعها بزربة وحادرا عينيها لارض)سمحلي كنت كنصحابها ساندرا
فهد:(جمع غوباشتو )شهاد الشي لي درتي؟؟
جواهر:(شافت فيه ونفجارات من جديد بالبكاء)هئ هئ سمحلي بزااف مكنستاهلش هاد لبلاصة لي انا فيها دابا..هئ هئ منستاهلش التيقة لي درتو فيا...انا غبية مقدرتش نمشي جوج خطوات مقاديين بقيت كنتعوج بحال لكاراكيز حتى جيت على كمارتي هئ هئ سمحلي
فهد:(حابسة الضحكة بزز قرب منها وهز وجها بيدو حتى خلا عيينيها فعينيه ..حط يدو بشوية على خدها وبدا يمسح دموعها بحنيةو عينيه كيتساراو فوجها...قرب صبعو من فمها وبدا يمسح دموعها لوصلو لثغرها الجذاب...شاف فيها ونطق)كنتي اكثر من رائعة..كنتي فاتنة العرض...(قرب من وجها حتى حسات بانفاسو السخونة المختلطة بريحة عطرو الرجولي وريحة سيكارو الغالي...كان مزيج كافي يخلي جواهر مبنجة غمضت عويناتها وحسات بحاجة سخونة تحطات على فمها.)
(واقف فلمكتب ديالو كيمشي ويجي..حاسس بالخوف والخلعة ولكين كيحاول يكالمي راسو ويقنع نفسو بلي الشي لي غادي يديرو غادي يخرج منو بحال الشعرة من العجين..مدام وراه ناس كبار معندو مناش يخاف...واخيرا شافهم جايين لعندو توجه لمكتب وجلس دار راسو كيقلب على شي وراق..حتى سمع دقان:
احمد:دخل
الشخص:سي احمد ...بغيت نهضر معاك
احمد:(طلع وجهو فيه..شافها وراه كتبكي)شنو واقع
الشخص:سيدي لقينا هاد الاوراق فغرفة السكرتيرة ديال المدير ..كانت كتكوبي النسخ ديال الارباح الشركة وملي بحتنا لقيناها كتصيفطهم لشركات منافسة عن طريق ايميلات
هي:والله ماانا هئ هئ سيدي احمد سمعني والله مدرت شي حاجة هئ
احمد:وفين جا هاد شي؟؟
هي :معرفتش ولكين والله ماانا نقسم ليك بلي عزيز عليك وغالي هئ هئ انا بريئة استحالة نخدعكم
احمد:(كدوز لوراق بين ايده واخا عارفهابريئة ولكين ضروري من كبش فداء ..وزهرها الخايب جابها فطريقو)هادشي لي بين ايديا كيبين العكس(شاف فيها )نتي مطرودة جمعي حوايجك وخلاص هاد شهر نزلي تاخديه من عنذ المحاسب..
(فبحر القبلات الساخنة لي كانو ابطالنا عايشنها..حلات جواهر عويناتها بعدما حسات بالنفس غادي تقطع ليها...نساوكلشي محيط بيهم..خلاو اصوات قبلاتهم تسمع بكل زاوية وقنت في الغرفة ..كلما كانت كتبعد راسها عليه..كلما رجع جرها من خصرها لعندو وغطس فثغرها يمص ويقبل ويجر كل قنت فيه...قبلاتهم كانت كافية توصل الشي لي فداخلهم..مكانوش محتاجين يزوقو فلهضرا ويطولو فيها اولا يقصرو...كلشي كان واضح وباين قبلات فهد كانت كدل على التملك لي كان شحال هادي كيسعى ليه...وجواهر اخيرا اعتارفات فلداخل ديالها بلي طاحت على زنافرها مع اخر شخص كانت تتوقع انها طيح فيه هكا..بعدت جواهر راسها بزربة بعدما سمعو شي حد كيدق:
ساندرا:جواهر..نتي هنا؟؟
جواهر:اه دابا نخرج
ساندرا:يلاه بغينا نقطعو لكيك
جواهر:اوكي هانا معاكم(حدرت راسها ودوزات يدها على عنقها كتحاول تبعد عن نضراتو)
فهد:(كيتقدم ناحيتها وعينيه مفيكسين فيها..وصل لعندها ورجع جرها من خصرها حتى لصقة فيه)مالكي؟:
جواهر:و..و.ووالو خاصني نمشي
فهد:امم اوكي..نخرجو بجوج
جواهر:لا..ا...قصدي سبقني نتا بين منبدل كنحس بلكسوة خنقتني
فهد:(طلع فيها وهبط)نو بلعكس(باسها فخدها شمال)طالعة زوينة فيها(رجع باسها فخدها ليمين)جيتي فيها تفتني(قرب لعند فمها..كانو غادي يدخلو فقبلة جديدة لولا ساندرا لي رجعت كدق عليها من جديد)
ساندرا:جواهر واش نتي صافا؟
جواهر(بعدات عليه )صافا صافا جوج دقايق وهاني معاكم
ساندرا:اوكي متعطليش
جواهر:عافاك ممكن تخرج نبدل حوابجي(كترغبو بعويناتها)
فهد:اوكي(غمزها ومشا)
جواهر:(بدات تنش على وجها بيدها حاسة بسخونية طالعة معاها..شدات فراسها وحيدات عليها لكسيوة رجعت لبست حوايجها لي كانت لابسة قبل..وقفت حدا لمرايا تجمع شعرها..شافت وجها ولعكر لي خربق ليها حالتها..تبسمات وجبدات ديماكيو وبدات تمسح حالتها..هزات صاكها وخرجات عندهم كانو العارضات مجموعين فصالة و معاهم المصممين كيشدو الصور وحاطين طبلة فيها طارط كبيرة...توجهات لعندهم وبداو يصفقو ليها..
المصمم:كنتي فلمستوى المطلوب
جواهر:سمحلي معرفتش شنو وقع حتى طحت
المصمم:كتوقع يلاه نقطعو لكيك
جواهر:(قطعنا الكيك وشدينا صور تذكارية هاديك صفريطة ديال جيسيكا غير مقابلاني.ومخرجة فيا عينيها..بقيت معاهم حتى صونا تيلي ديالي كان فهد..بدا قلبي يضرب والرعدة شاداني.كنتدكر الشي لي جمعني معاه قبيلا كتطلع معايا سخونية...بعدت عليهم وجاوبت:
جواهر:الو
فهد:غاذي تخليني نتسنى؟؟
جواهر:مفهمتش!!
فهد:نزلي كنتسناك فلوطو
جواهر ا..ولكين..ا
فهد:شنو؟؟
جواهر:ا..بلا منعطلك غير سير انا نعيط لشيفور يجي
فهد:(تبسم)متخافيش مغاذي ندير ليك والو ..نمشو غير نتعاشو
جواهر:(تنهدات )اوكي جوج دقايق وهانا معاك
فهد:اوكي
جواهر(هزات صاكها وتوادعات مع ساندرا..خرجات عندو والصحافة برا يلاه جات تخرج وهو يجي عندها سيكيرتي
هو:مدام مدام
جواهر:'(تلفتات عندو )
هو:مسيو فهد قالك تخرجي من الباب الخلفي حيت الصحافة برا
جواهر:اوكي(مشات معاه وراها الباب الخلفي فين كاين شدات نفس وخرجات شافها شيفور نزل يفتح ليها الباب حتى سمع:
فهد،:خليك!(نزل كيقاد لفيستا ديال لكومبلي توجه لعندها وحل ليها الباب الخلفي..جواهر مرفوعة مسيكينة كانت فسابع سماء...ركبات لوطو وركب حداها...عطا اشارة لشيفور لمطعم لي غادي يمشو ليه ونطالق بيهم...حط يدو على يديها وجمعها عندو هز تيلي وبدا يهضر فيه..
جواهر:(كانت غير مبلقة عويناتها فيه وفلهيبة لعندو وطريقة كلامو والسيطرة لي عندو..السيدة تبنجات بلمعقول.)
جواهر(وقفات لوطو بينا قدام مطعم «بلو»دخلنا ويد فهد مزال مزيرة على يدي..توجهنا لطبلة الموجدة لينا وجلسنا..كمل فهد اتصالو..وطلبنا الماكلة:
فهد(شاف فيها)مزال مقلقة؟؟
جواهر:من شنو!!!
فهد:ههه اوكي باينة نسيتي
جواهر:(كان كيقصد الطيحة.لي نساني فيها بقبلاتو ...حنيت راسي وحطيت يدي على رقبتي)
فهد:(حرك راسو بالاجاب والبسمة على شفاهوّ....تحط لعشا وبداو يتعشاو وجواهر كتهضر وكتحرك ايديتها وشادا راحتها نسات اي حاجة محيطة بيها كسرات جميع الحواجز وتشاركو الحديث...ولي كان فيه فهد طول الوقت متبسم والفرحة باينة من عينيه لانو واخيرا لقا شي لي كان فاقدو فحياتو ...بعدما تعشاو ودوزو وقت زوين..خرجو من المطعم مشادين بليدين....جواهر منزلة وجها وفهد شاد بيدها ومتقدم لعند باب لمطعم..نصدمو ملي لقاو لفلاش كيضرب فيهم من كل اتجاه كانت صحافة كتسناهم ومنتاضراهم بفارغ الصبر...تقدم فهد لقدام وخلا جواهر وراه شاد بيدها مزيان..وهي حدرات راسها لارض وكتحاول تغطي وجها بيدها لأخرى...لكين الصحفيين سبقوها وشدو ليها صور لي غادي يتراسو عناوين صحف الغد....حل ليهم الشيفور الباب دخل فهد جواهر هي لولة ورجع جلس حداها كان كيغلي اعصابو غادي يطرطقو والغضب بارز على ملامحو .جبد تيلي ديالوّ وحطو على ودنو..جوج كلمات قالهم بغضب:
فهد:غدا نلقى شي خبر كيخصني ندفن مكم (قطع)
جواهر:(تصدمت معرفتش منقول ..كنحس براسي مدلولىة..من شوية كنا مناسجمين وحديثو وقبلاتو ليا كانت كتعبر على بزااف ديال لحوايج..علاش دابا تحول هكا...وماباغي حد يعرف بلي انا معاه..ضورت وجهي لجهة لاخرى ومهضرتش...وصلنا لاوطيل جريت صاكي وخرجت..يلاه حطيت رجلي على درجة..حسيت بيه شد دراعي حتى ضرت لعندو:
فهد:مالكي؟؟
جواهر:والو!!
فهد:سمحيلي يمكن طريقتي كانت مستفزة شوية ولكين اي حاجة كدور هنا(حط صبعو على راسي)غير مسحيها حيت لي كتفكري فيه ماشي صحيح
فهد:(كان جالس فلوطو يتسناه تخرج حتى جاه ميساج بلي شي جريدة نشرات خبر ارتباطو مع جواهر...دخل كيقلب على الخبر وجنون كيلعبو فوق راسو..عرف الجريدة لي حاطت الخبر..ركب رقم وحط تيلي على ودنو..دور وجهو لجهة شرجم لي حداه شافها نازلة والبسمة على وجها
الشخص:وي مسيو فهد
فهد:واحد زا••نشر واحد الخبر عليا فجريدة•••..تكفل بيه..عندك ساعة تمسح هاد الخبر من طبعة اليوم(قطع وخرج يتسناها تجي..وقفت عندو ونطقات)
جواهر:سلام
فهد:(جرها من خصرها ولصقها فيه طبع قبلة على شفاها ونطق(هاكا كنسلم انا
يسرا:(توجهات للوطو كتفادى الشوفة فيه...حل ليها الباب ونطق)
زيد:صباح الخير
يسرا:(مجاوباتوش ولا شافت فيه كترد ليه الصرفّّ...طلعت لوطو وشدات تيلي ديالها)
زيد؛(توجه لمقعد ديالو..وقاد لمرايا مع وجها)غادي تمشي لافاك
يسرا:(طلعت فيه حاجبها)اولا هادشي خاصك تكون عارفو بلا منقولو انا..وتاني حاجة متنساش تسبق مادموزيل قبل متهضر معايا اوكي
زيد:(طلع حاجبو فيها وشافها فلمرايا)اوكي مدموزيل(توجه بيها لافاك وطول طريق ساكت)
يسرا:(كانت كتحس بغصة فقلبها ..تاكدات من حبها ليه لكين شي لي دار معاها خلاها تعيد النضر فهاد الحب المستحيل لي غادي يقابلو الرفض من طرف عائلتها من الدرجة الأولى زيد عليه السيد مكيبين ليها والو...مسحت دمعة نزلت من عينيها بلخف..طلعت فيه عويناتها تسرق نضرات سريعة عليه اصلا هادشي لي تقدر دير فضل هاد الشي لي عايشتو)
(امام برج إيفيل المليء بالعشاق ..مشات جواهر كدور من بلاصة لبلاصة كتشد صور وتجري على لحمام بيديها كانت فرحة لاتصور فهد غير مراقبها بعينيه وفين مكتجيه شي فرصة يسرق قبلة بلخف...شدو صور حدا راقصين ومغنين شباب فساحة لي امام البرج وشاركو معاهم فرقصاتهم..توجهو لكافي بلقرب من البرج وفطرو مع بعضهم...
جواهر:ايوة دابا فين غادي نمشو؟
فهد:شتك والفتي!
جواهر:خاصك تعرف واحد الحاجة مهمة ..
فهد:شنو هي؟؟
جواهر:مخاصش لواحد يضسرني..الى مشيت حتى ضسرت هي لاخر ليك تبدا تطلب الشرع مني
******(نخلو جواهر تفرج فلماتش ونمشو لعند ربى لي كانت كتوجد راسها)
يوسف:ربى متاكد بلي باغية تمشي!!
ربى:اه بغيت نمشي...كتلبس صباطها
يوسف:هادشي لي كديري غادي يخصر علينا المخطط لي راسمينو
ربى:متخافش مغاديش يشوفني يلاه( سبقاتو وتبعها كيطلبها ترجع ولكين هي مصرة على قرارها دارت شال على وجها وركبات لوطو..شاف حتى عيا ومشا معاها فلخط...قعد فلكرسي ديالو ونطلق لشركة)
************
احمد:(جالس على اعصابو كيتسناها تجي...سمع صوت كعب كيقرب من المكتب ديالو..سبقها وحل الباب..دخلت كتعوج يمين وشمال...
ايلينا:شتك كتسناني؟؟
احمد:بلا هضرا خاوية المدير دابا يجي
ايلينا:ياك كان مسافر؟؟
احمد:قصدي على المدير لاخر..دابا شدي هادا سيفي ديالك الى طلبوه منك تعطيه..شدي هادا عقد العمل ديالك مسني ومقاد..غرفة المدير فطابق عشرين غادي تلقاي واحد البنت كتسناك غادي تفهمك الخدمة لي ديري وطبقيها وعنداك ديري شي غلطة..وانا خدمتي معاك سالات يلاه سيري
ايلينا:اوكي(هزات لوراق لي عطاها ومشات لطابق العشرين)
يسرا:(كملات حصصها وتوجهات لوطو كان واقف مسند على لوطو شادا كارو كيكمي...شافتو حطات يدها على قلبها وشدات راسها خاصها تنساه باي طريقة خاصها تخرجو من فكرها وبالها..توجهات عندو كتعوج يمين وشمال حل ليها الباب وطلعات...
يسرا:لاصال
زيد:واخا مدموزيل
يسرا:فليل غادي ترجع لعندي مع 9
زيد:انشاء الله
يسرا:(نزلات عويناتها على تيلي وحاولات تتفادى نضراتو...وصلو لاصال ..حل ليها الباب وسبقاتو دخلت لغرفة تبدل حوايجها.... لبسات لبساها الرياضي المثير لي كان عبارة عن سوتيام وسروال لاصق ديال السبور جمعت شعرها لفوق وخرجات لغرفة التسخينات...
يوسف:(وقف لوطو قدام شركة ..)ربى انا غادي ننزل نشوف شغلي..بليز مديريش حاجة تندمي عليها من بعد..راك قربتي توصلي لهدف ديالك
ربى:صافي متخافش عارفة شنو ندير
يوسف:اوكي عندك فلوس باش ترجعي!!
ربى:اه عندي صافي غير نزل نتا غادي تتعطل
يوسف:اوكي بسلامة
ربى:بسلامة(،خبات وجها مزيان بلحاف..وبقات فبلاصتها كتشوف فكل شخص ماشي وجاي..حتى وقفات قدام شركة لوطو من نوع «شيفروليه »..نزل الشيفور حل الباب الخلفي..ونزل من لوطو بكل شموخ لابس كوستيم كحل حاط نضاضر سود على عينيه وحاط تيلي على ودنو كيهضر...حسات بقلبها غادي يخرج..دموع عينيها سايلين على خدها ..بدأت تضرب فلوطو من القدام تغوت وتبكي شداتها هستيرة نفسية ...كانت غادي تفرش راسها لولا تدخل يوسف لي مشا عندها يجري وحل الباب دخلها فحضنو وبدا يهديها ..دخل وجها فصدرو حاول قدر الامكان ميبانش وجها لعلي لي تلفت لجهتهم بعدما سمع غواتها...
علي:شكون هادو؟؟
شيفور:هادا يوسف سيكيرتي جديد..يمكن هاديك شي وحدة من العائلة ديالو
علي:'(بقا كيشوف فيهم ورجع شاف قدامو)،قولو يهتم بخدمتو وهاد الحركات ميديرهومش قدام الشركة
شيفور :واخا مسيو علي
علي:(حط نضاضرو من جديد وكمل طريقو)
***************(الى باريس)
جواهر:(كان يوم ولا فلاحلام عمرني حسيت بهاد السعادة قد هادي لي حاسة بيها دابا..فهد انسان متكامل الاوصاف كيعرف يحسس المرأة بانوثتها ..وفنفس الوقت كيكون جنتل مان بكل المقاييس..وليت كنحس بيه جزء من حياتي لي مستحيل نفرط بيه...
فهة من بعد المباراة فين غادي نمشو(جبدها من خصرها وقربها ليه)
جواهر:ا..ا...معرفتش(كتحاول تبعد انضارها عليه حيت كتخربق بشكل كلي)
فهذ:مم..وعلاش مكتشوفيش فيا
جواهر:ها...
فهد:شوفي فيا؟؟
جواهر:(طلعات عويناتها فيه).
فهد:اوووف ...عويناتك بحال لقرطاس
جواهر:وهادي حاجة زوينة اولا خايبة
فهد:زوينة ..زوينة بزاااف(رجع دخل معاها فقبلة ساخنة نسات راسها فيها...ستجمعت نفسها وبعدات)
جواهر:ا...خاصنا نمشو غدا عندنا سفر
فهذ:كتهربي
جواهر:لا..غير خفت نتعطل كتعرفني شحال نعاسة
فهد:اوكي يلاه
*********
(بدا ليل يطلق ضلامو ..وبدات نجوم تبات بشكل واضح فسما...كانت مضاربة مع الكعب ديالها كتلبسو...شافت راسها فلمرايا...طلعت زوينة وكيوت خصوصا فهاديك لكسيوة لي كتوالم عمرها...هزات بوشيطة لاحت فيها تيلي وخرجات لعندو..
زيد:(كان واقف على لوطو..كيتسناها حتى شاف لوطو ديال علي جاية...قاد الوقفة ..وتسناه يخرج...)
علي:(نزل من لوطو وشافو واقف..و.مشا لعندو)مندرا فين وصلتي؟:
زيد:كلشي تحت السيطرة مسيو
علي:بغيتها طيح فيك عمية..سمعتي ...مخصهاش تتنفس بلا بيك
زيد:(شاف فيه ونطق)الموضوع عندي مسيو ..متشغلش بالك
يسرا:(جات على غفلة)على شنو كتهضرو؟؟؟
علي:متعطليش برا..زيد غادي يدخل معاك لكلوب ويرجعك فلوقت
الساحرة و عالم المشاهير الجزء التاسع
محتوى القصة
التنقل بين الأجزاء