فساد و حب الجزء 19

بعد ما خرجات مروى من العيادة ديال مجد .. شدات طاكسي طلبات منو يوصلها لمطعم زوين .. تغدات فيه و بقات جالسة كتستمتع بالطبيعة لي جنبها حتى سمعات مجموعة ديال البنات و الولاد كيهضرو على شس نايت كلوب مشهور .. بقات قناة عليهم حتى سمعات الاسم ديالو .. جمعات الوقفة خلصات و شدات طاكسي عطاتو اسم الفندق لي فيه النايت كلوب .. حيدات الكونط لواتو على يدها و دخلات كان كبير بزاف و مظلم و عامر بالضواو ملونين الناس لي فيه كلهم باينين من طبقة الغنية ..و ولاد لي لباس عليهم ..جلسات فمكان جا مقنت و بعيد على حلبة الرقص .. طلبات عصير فواكه و بقات جالسة كتهز مع الموسيقى غا بحدها .. ضورات راسها بانو لها الناس كيشيشو. . جاب لها السيرفور العصير ..

السيرفور. . مدام شي حاجة أخرى !؟

مروى .. اههه عافاك شيشة تفاح ..!

السيرفور. . اوكي ..

مشى جاب لها شيشة. . خداتها و بدات ضرب. . فالمرة الأولى تخنقات لكن مع كل شفطة بدا صدرها كيتعود عليها و شدات المود فالشيشة حتى سمعات الاغنية لي كتعجبها ''dispacito ''حطات الشيشة و ناضت كتجري لحلبة الرقص .. بدأت كتمايل و تعوج مع أنغام الأغنية باحترافية .. خواو لها الحلبة و دوروها كاع لي كانو كيشطحو ولاو كيتفرجو فيها و فحركات جسمها الخفيفة حتى كملات الأغنية .. سفقو عليها كاع الناس الحاضرين لي منهم مجد لي جا عندها بمجرد ما جلسات فمكانها. .

مجد .. قلت لك مانك محتاجة لدكتور نفسي .. انتي دكتور بنفسك..

مروى .."سلمات عليه" دكتور !؟ باش عرفتيني هنا !؟

مجد .. "جلس حداها " ما كنت بعرف .. أنا إجتماعية مع رفقاتي .. و شفتك عم ترقصي .. عااان جااد أبهرتيني برقصك...

مروى .. شكراا هههههه ..

مجد .. من وين اتعلمتي الرقص !؟

مروى .. من عند الله هههه..

مجد .. عن جد !؟ كثير حلو رقصك. .

مروى .. اممم ههه شكرا على المجاملة ..

مجد .. عم بحكي عن جد .. و جسمك واو .. كتير حلو ..

مروى ..'' طلعات حجابها و رمقاتو بنضرة تحديرية'' خصني نمشي تعطلت بزاف ..

مجد .. لكان انا بوصلك .. 

مروى .. لا لااااا! ؟ بغيت نقول انا الطاكسي كيتسناني. .

مجد .. اممم اوكي موعدنا بكرا 

مروى .. إنشاء الله ..

هزات المونطو ديالها و الصاك و خرجات شدات طاكسي الطريق كلها و هي كتبتسم و تشم فالهواء.. يمكن حسات براحة نسبية فتش فضفضات و خرجات لي فقلبها و خرجات ديفولات. . وصلات كي دقات الباب تفتح. .

مروى .."ضرباتو لكرشو " كنتي ناعس حدا الباب و لا ههههه

أنيس. .''تنفس بارتياح " خلعتينااا علييك فين كنتي..

مروى .. علاش تخلعوو ههههه

كريستينا. .'' مشات عندها كتجري عنقاتها و كتقلب فيها ".. بنتي .. مالك .. هااه فين كنتي .. جاوبينييي. .

مروى ..''شدات وجهها بين يديها" حبيبتي نتي انا بخير خرجت نتنفس شوية أحبيبة ديالي ماتخافيش عليا .. 

كريستينا. . خلعتينااا عليييك أبنتي .. علاش تلفونك طافي ..

مروى .. عادي غايكون غير ديشارجاا. .

كريستينا...تعشيتي ولا نصاوب ليك العشاء ..

مروى .. لا مافيا لي ياكل ..

كريستينا ..واخة سيري رتاحي دابا ..

مروى ...لاممم اوكي "باستها" بونوي. .

أنيس .. مروى ...!؟ مروى .. وي خويا ..

أنيس .. إلى بغيتي تخرجي قوليها ليا ولا لماما غير باش مانتخلعوش عليك ..

مروى ..'' باستو فحنكو" اوكي ماعندكم علااش تقلقو ولا تخافو .. أنا موالفة هاذ الخروج بوحدي ..

أنيس .. عذرينا دابا الوضع مختلف و نتي كانت نفسيتك محطمة .. يعني ..خفنا تكوني..

مروى ..خفت ندير شي حاجة فراسي!؟ هههههه

أنيس ..تماما 

مروى .."شداتو من حنكو .. '' حبيبي أنا ماشي بهاذ الغباء !! أنا مجروحة و مكسورة اههه و كل حاجة فيها الحزن كتنطبق عليا ولكن باش ننتحر أو نآذي راسي لا .. حياتي ماشي ملكي باش ندير فيها لي بغيت. .

أنيس .."باس لها راسها" .. الحمد لله ملي طلعتي عندك العقل مباينااش عليك .. ههههههههه 

مروى .."ضرباتو لصدرو" هي هي هي😒 اااه انا غدا خارجة .. غانمشي لبحر ..

أنيس .. نمشيو معاك!؟

مروى .. نوو😕 غادي مع الطبيب ..

أنيس .. طبيب!؟

مروى .. ااااه طبيب نفسي .. بديت اليوم اول حصة فادتني بزااااف. .

أنيس .. اوكي .. سيري ترتاحي بونوي. .

دخلات مروى .. دوشات و تخشات فبلاصتها نعسات بالبينوار ديال الدوش. ....

أما فجهة أخرى أسد لي وصلووه تصاور ديال مروى فالبار .. مرة كتشيش. . مرة كتضحك مع مجد مرة كتشطح .. كي شاف التصاور جن جنونو .. 

أسد .. ااااااعع غانقتلك امروى بربي ماتبقى فيييييك كلبة. . هاذشي علاااش باااغاااا طلق باااش تمشي ليا على حل شعرهاااااا هاااااه

سيلفادور. . أصاحبي تهدن مالك على هاذشي كامل ..

أسد .."رمى عليه التصاور " شوووف شفتيييييهااا فين عمرهااا كاانت كضرب الشيشة هااااااه !؟ فين عمرها كاانت. . هي كانت ديما كتحيد ليا الكاارو. .؟! شنو هاذشي بدااات التقحبيييين هاااه . شفتيها كيكااتكوز لزوااامل هاااه شوووف كي طااالقة عليهم الترووم القحبة لخراااا😡 و شكوووون داك الزااامل لي جالس حداااهااا هااا شوف ديلموو كي كيشوووف فصدرهااا. .

سيلفادور. . وا ماااتزيييدش فيييه تهدن أصاحبي ..

أسد .. ييه زدت فيه .. أنا مشي نقتل ديلمهااا داابا و نوريها تقحبييين على اصولوو 

سيلفادور. ."شدو من كتفو و جلسو على الكنابي. ."كااالم أصاحبي كااالم غانشوف و الحل لهاذشي و زايدوون نتا ماشي غدا غاتخرج الورقة تالطلاق شنو بغيتيها تقحبن و لا دير لي بغات ..

أسد .. مروى دياالي سوا طلقتها ولا لااا دياالي .. داك الكلب لي معاها غدا يكون عندي ضوسي ديالو مفهووووم 😡

سيلفادور. . تمااام...😌

.....

#غزلان ..

معشين فدار أيمن عادضة عليهم مو للعشاء .. كان الكل حاضر فالهواء .. أيمن غزلان و آمو و باه و خوه و مرتو و ولادها. . تعشاو بلي قسم الله ما خلات ما وجدت ليهم أم أيمن .. ..

غزلان .. الله يعطيك الصحة اخلتي هاذشي بنيييين😍 كنت البسيطيلة تالحوت. .

أم أيمن... بصحتك و راحتك ابنيتي

أيمن .. خشي فوجهك أحبيبتي ه.. علاش ماكطيبيش لينا بحال هاذشي علاااش. .

أم أيمن ..اوا بااااااز بشهاادتي غزلان كطيب مزياان. .

غزلان .. الله يجيب لي يقول الحق 

أيمن .. سبحاااااان الله أول مرة نشوف شي وحدة متفقة مع مرات ولدها ..

فتيحة "مرات خوه"... و انا فين نسيتيني ..

أيمن .. اوووه نتي راه عااااقلة. .

غزلان .."ضرباتو ليدو''دابا أنا هبيلة ولا شنو 😒

أيمن ..''باس لها يدها" أحلى هبيلة..هههههه

غزلان ..."خشات ليه لقمة مفمو" امممم هههههه كوووول 

أم أيمن .. الله يخليكم لبعض ..

شريف "آخ أيمن "و حنا مانشدوووش شي دعيوة

اب أيمن .. حاشد خوك على دعوة ههههه

أيمن ...وا هاااا تشوف الوالييد. .

شريف .. وا ماكرهنااش شي دعيوة تا حنا هههههه

أم أيمن .. الله يخليكم لبعضياتكم و يخلي لكم هاذ البجاغط و يخليكم ليااااا كاااملييين و يرضي عليكم ..

الكل .. اااااميييييييين ..

غزلان... أاااام بغيت نقول لكم شي حاجة مادمنا مجموعين. .

أيمن .. هههههههه وجدو لشي كارثة. .

اب أيمن ..سكت اصاحبي كولشي عندك تفلية .. قولي لي بغيتي أبنتي ..

أيمن غير ماتقوليش بغيتي طلقني ههههخخخخ 

فتيحة. .أيمن اغيييت. .

أيمن .." سد فمو بيديه" تقدي تبداي. .

غزلان .. كون زدتي كلمة أخرى و الله ماكنت غانقول 😒..

أم أيمن .. يالله قولي ابني ..

غزلان ..أناااا .. انمم🙈🙊..

أيمن .. مالك نتي .. خلصيناا يا ماما😕

غزلان .. غايتزاد عندنا فرد آخر فالدار.. ههههه 

أيمن .. لالالالاا غزلان حبيبتي الدار يالله قادانا شكون غاتزيدي علينا!؟ ياكما شي صاحبتك ..

فتيحة .. اوووووووووه مبروووووك عليكم أحبيبة ديالي .."عنقات غزلان و باستها ..

أم أيمن .."طلقات زغروتة" يووووويووووووووي مبروووك أبنتي حبيبتي. . مبرووك عليك أولدي ..

كلهم باركو لغزلان بفرحة كبيييرة و أيمن لي قال ليه مبروك كيقوول ليه الله يبارك فيك و غا كيضور فعينيه نزل عليه الكلخ ديال الدنيا و الدين ..

أيمن .. شي وااااحد يتكرم و يفهمني راني مفاهم حتى لعبة !!

أم أيمن .. ههههههههههه واش نتا مزااال كاع ما فهمتي ههههه

غزلان .. سبحان الله أول مرة كيتكلخ. .

فتيحة ..ههههههههه مراتك حااملة اصكع مبرووك عليكم ..

شريف ... ههههه وجد ليا راسك للحليب و ليكووش ..

أيمن .. "شاف فغزلان لي كانو عينيها كيبرقو و حنيكاتها حميمرين " غزلان ..؟؟ واش بصح هاذشي ؟ حاملة بصح ..

غزلان .."حركات راسها بالإيجاب"..

وقف و بدى كيمشي و يجي و يأكل فتفاحة ..و العائلة كاملة كيشوفو فيه و يضحكو مشى عند غزلان هزها و بدى كيضور بيها و يغوت كي شي حمق ..

غزلان .... واااععاااعععععععووووووعععععع وا نزلنييي دوختييييني اااععععععععععااع. .

أيمن .."نزلها و شد يديها كيبوسهم و يعنقها فيها'' هههههههههه متصوريييش شحال فرحاان ههههه واااو مزال مامتيقش. .

غزلان .. ههههه لا غير تيق أحبيبي ..

أيمن .."هزها و جلسها فوق الكنابي '' أهم حاجة هي الراحة .. بغيتك ترتاحي ليا .. منشوفك ديري تا مجهود. .

غزلان. . هههه واخة ..

أيمن .. الخدمة بلاش منهااا .. 

غزلان .. هههههه لالا بزاف إلا الخدمة مستحيل .. اون بلوووس الخدمة ديالنا مافيهاش العذاب راك عارف الإخراج غير جلوس فوق الكرسي .. يعني مرتاحة ..

أيمن .. اممممم هاذي ندوزووها و من غدا غانجيب ليك خدامة .. متقولييش ليا مابغيتش ندخل الغريب لداري دابا تغير الوضع. .

غزلان .. ههههه اوكييي لي تشوفو. .

أيمن .."باسها فشفايفها" كنمووت علييك ..

أم أيمن .. هههههه يتربااا فعزكم ..

آب أيمن .. الله يكمل عليكم اوليدااتي. .

أيمن و غزلان .. امييييين ..

أيمن .."غمز غزلان "ماغانمشيوش لدارنا😉

غزلان .. بغيت نبقى مع خالتي 😄

أيمن .."نوضي قبل لا نخوي لمك الجناب ..

🌞🌞🌞🌞🌞🌞

فاقت مروى على أنغام الكروان لي وافق على البالكو ديالها... حلات عينيها بالثقالة كتجبد فحال لا عمرها نعسات ديك النعسة... اتجاهات للدوش غسلات وجهها ورجعات كتلبس. . شافت الساعة كانت 7:00 لبسات ديباردور إكس فالأبيض مع سروال جينز ازرق مشرك من الركابي مع كونفيرص فالأبيض .. و عگدات على خصرها شوميزة زيتية..لبسات ساعة ذهبية .. طلقات شعرها على راحتو ودارت مكياج خفيف إلا الشفايف دارهم گرونة. .هزات صاكأدو فالأسود صغيور و نضاراتها الشمسية .. خرجات كيف العادة كولشي ناعس .. شدات طاكسي و اتجهت للعيادة عند مجد لي لقاتو كيتسناها فالباب تا لعمارة 

...

مروى .. صباح النوور .

مجد. . بونجوور ..

مروى .. أنا جاهزة نمشيو للبحر 😄

مجد .. اليوم بدي ياك تحكي لي شو يلي بقلبك ... أو احسن شي .. اعتبريني انا الشخص يلي بدك توجه الو كلام أو رسالة و احكي .. ممكن تسرخي بوشي .. بس ضرب لا ههههه

مروى .. أي شخص ولا هندك شخص محدد فبالك ؟!.

مجد .. الكل... 

مروى .. شخص واحد هو أسد .. .. 

مجد ..اوكي انا اسد .. شو بدك تقولي لي !؟

مروى .. نتا .. حيوان .. حقير .. غبي .. مقر .. خاااااااااائن. . واااطي بغيييتك من قلبي روووحي و جسدي و شنووو درتييي نتااااا خنتينييي يا حيواااان كنكرهم قد شعر رااااسي كنكرهااااااااك ... 

مجد .. خلاص .. ههه شهيق زفير .. يالله مرة ثانية شهييق زفيير. . اممم شو حسيت. .

مروى ..كأني قلت لأسد هاذ الكلام .

مروى .. كأني قلت هاذ الكلام لأسد ..

مجد .. كفي حكي ..؟

مروى .. كملت .. 😕 اصلا يمكن عطيو كثر من قيمتو... أنا بصح بغيتو و أكثر من أي شيء فهاذ الدنيااا يمكن مزالة كنبغيه .. ولكن ديك الهيبة ودااك الحب و التقدير كلو تلاشى فآش شفت الفيديو كيف ما هو كحترمنييش و خاني حتى أنا ما بقيتش كنحتارموو .. 

مجد .. انتي ليش إجيتي لعندي؟؟

مروى ..هههه جيت لعندك باش تعاوني نرجع مروى ديال شحال هذااا ة نبقى قوية مهمااا كان .. و مهمااا شفت .. بغيت نرجع مروى العدلي للإعلام .. بغيت كاااع الناس يقولو هاهي مروى رجعات ..

مجد .. على فكرة .. كل هالشي بتقدري تعمليه لحالك. . و من غير مساعدة مني..لأنو انتي اصلا قوية .. مو محتاجة حداا يقويكي .. أنا رح أوقف حدك كصديق مو كحالة بعالجها ..

مروى .. شكرا ☺..

مجد ..اتنفسي أكثر .. أجمعي كملية كبيرة 

من الهواا بصدرك و انفشيها. .ايواا كثير حلو .. قولي ورايا .... أنا مروى .. أنا ليدي انا جميلة .. أنا قوية...

مروى .. أنا مروى .. أنا ليدي. . أنا جميلة انا قوية .. بغيت نغواااات ..

مجد .. أي صرخي لكان ..

مروى .. أنا مروى .. أنا ليدي. . أنا جميلة انا قوية .. بغيت نغواااات ..

مجد .. أي صرخي لكان ..

مروى ..''غوتاات بحر جهدها ..."ااااااااااااااوووووووووووووووووف اووووووووووف ااااااووووووووووووووووووووههههه. .

مجد .. كيف حسيتي .. !؟

مروى .. ههههه بتحسن .. فحال لا نزاحت شي حاجة على صدري ..

مجد .. بأي وقت حسيتي انو بدك تفضفضي تعي لهون و اصرخي راح ترتاحي اكيد ..

مروى .. هههه اوكي ..

بقات النهار كامل مع مجد مرة كتعاود ليه و هو كذلك عاود ليها على مرتو لي ماتت و هي كتولد ..و على المعاناة لي دوزها فآش عاد ماتت ..

مروى .. شحال باش ماتت؟! 

مجد .. أمم ست أشهر. .

مروى .. اااه يعني عاد ماتت .. كتبان ليا عادي ماحازنتيش عليها؟!

مجد ..كيف ما حزنت .. أنا لما قال الدكتور انو ماتت حسيت بروحي طلعت .. و يعني هي دخلت لتولد وخرجت ميتة انو ما استحملت هالشي ..بتعرفي بشو حسيت .. ماباعرف كيف اوصف هالاحساس. . كرهت ابني .. و رفضت إني شوفو .. ضليت شهرين و انا بغرفتي ما بشوف الشمس .. لليوم يلي إجت إمي لعندي و جابت معها ابني جاد .. بالأول رفضت شوفو .. لكن مع إصرار امي. . حملتو .. كان بيبكي بمجرد ما مسكتو انا سكت .. حسيت بشي غريب .. بعيونو. . كأنو بيقلي انا ماذنبي. . أنا بدي الماما. . لما ضميتو لصدري حسيت براحة غريبة .. حسيتااا حبيبتي بتقول خذ بالك منو .. من هذاك اليوم وعدت نفسي انو بحياتي مابتركو... هو محتاجني و انا كمان محتاجو... ..

مروى ..''مسحات دموعها " الله يخليه ليك .. تا انا كان غايكون عندي ولد ولا بنية ..😭😭

مجد .. بالمستقبل بتجيبي ولاد انشاء الله ععهههههههه

مروى .. اممم ممكن 😕.. مجد .. أنا خصني نزل للمغرب .. تما هانبدى حياتي ..

مجد .. بأي وقت انا بروح منك كمان ..

مروى .. لالا انا غانجلس بمرة .. ماشي غاندوز فاكونص. .

مجد .. بعرف .. أو يعني مو مرحب فيني أو شو ..

مروى .. لالا اكيد مش قصدي هذاا .. مي لي بغيتي ..

مجد .. ايي هيك هاه

مروى .. خصني نمشي ..

مجد .. اوكي ..

رجعات للدار بطاكسي كيف العادة مسمحاتش لمجد يوصلها .. كانت فرحانة نسبيا .. دخلات للدار كتغني .. مجا وجهها غا مع أسد لي جالس مع أنيس و حاط رجل على رجل بغرور.... فيساع تقلبو ملامحها من فرحة لغضب .. و اشمئزاز ..و حب و كره و حزن .. تجمعو عليها كاع الأحاسيس ..

أسد .. "شاف فأنيس" هاذي وقت تبقى فيها ختك فالزنقة !؟ ماليهاش كبير هاذي .. نتا شنو هنا بوكيمون..

أنيس .. ختي ماشي مراهقة .. ختي عندها 25 عاام يعني ماشي قاصر و عارفة الصح و الغلط ..

أسد .."كيحك فلحيتو "هههههههههه فعلا باينة .. عارفة الصح من الغلط ..

مروى .."قربات ليهم" لالا بلاتي .. عاود شنو قلتي الاخ؟! باش من حق تتدخل فحياتي هااااااه شكووون نتااااا. .

أسد .."حمر عينيه فآنيس " 

أنيس .. احم .. أنا غانخليكم تهضرو على خاطركم ..

أسد .."تنساه حتى خرج و جبد ورقة من جيبو " ها براتك .. فرحي دابا .. سيري ديري شي حفلة عاوتاني😉 ..

مروى .. "حسات بقلبها فحالا تغرسات فيه جنوية .. " اووووه لاش جايبها بنفسك .. كنتي تصيفطها مع شي واحد .. ..لاش مشقي راسك ..

أسد. . نونو حبيت نجيبها انا بنفسي ..

مروى .."غمضات عينيها بألم .." هههههه بففف الظاهر ماشي غا انا لي باغا الطلاق .. كنتي طالب عليها نييت ..

أسد ..فنضرك .. معتز فخري .. يرضى يعيش مع وحدة كتقول ليه كنكرهك و هو أي وحدة تحلم تكون معاه !؟طبعا لا .. أسد مكيفرضش نفسو على حتى واحد أحبيبتي .."شد راسو" اوووبس مابقاش عندي حق نقول لك حبيبتي ..أختي 😕

مروى .."فنفسها ''يخوي ليك الجنااب" .. هههه فعلا وفرتي عليا بزاف ..

أسد ..حاجة أخرى .."جبد من جيبو صور لي وصلوه رماهم على وجها" ميشرفنيش مرتي تكون قحبة .. كتكمي و تكوز لزوامل 😕 يا

اختي تشااو .. خليت ليك الراحة ..

مقدرات تنطق حتى كلمة .. بقات كتشوف فيه حتى خرج من الفيلا و طاحت هلى ركابيها .. خلات لدموع لي كانت حابسة المجال يشقو طريقهم على خدها. ... نزلات عينيها على الصور جمعاتها و مشات لبيتها قطعاتهم و رماتهم فالسلة.. ومشات لدوش فتحات عليها الماااء بحوايجها جلسات و خلات دموعها نازلين مع الماء بلا ماغوت فقط دموعها لي كيعبرو على الحرقة لي فقلبها هوما لي نازلين .. حيدات حوايجها و كملات الدوش بسرعة .. لبسات بينوارها وخرجات للبيت ..

هزات ورقة الطلاق .. كتقرى فيها و تعاود فحالا لا كتحفضها.. حتى حسات بشي يدين كيزعزعوها برفق ..طلعات راسها لقات كريستينا .. عنقاتها و خلات دموعها ينزلو مرة اخى .. 

كريستينا. . اووووووشت أبنتي قطعتي ليا قلبي .. الله يتخذ الحق فلي كان السبااااب ياا ربي ..

مروى .. صافي .. كولشي سالااا دابا .. كولشي سالااا طلقني أماما .. طلاااقنييي ..

كريستينا. . صافي ابنتي ياك هاذشي لي بغيتي .. لاش كتبكي داابا.

مروى .. حيت كنت بغيتو يعااارض هنهنهننهنننننهننهههنهنيييييييئ بغيتو يخرج فيا عينيه و يقول ليااا مامطلقش .. 

كريستينا. . معرفنا فآش غنشدوك امروى .. قلبي طاب أبنتي ..

مروى .. كنبغيييك 😭😭 ماشي بيدي .. واخة نضل نقول كنكرهووو😭 انا غانبقى نبغيييييه طووول ما أنا عايشة 😭

كريستينا. ."عنقاتها" .. ااااخ يا هاذ البنت ااخ

مروى .. نعسي معايا اليوم .. بغيت نبات فحضنك..

عنقاتها و بقات تلعب لها فشعرها چتر داها النعاس .. اما اسد .. حالتو تشفي العدو. . جالس بوحدو فاليخت ديالو و كيشرب و كل كأس شربو كيشير بيه ... و محطوطين صور آخرين ديال مروى مع مجد كيضحك و يلعبو فالغابة ..

أسد .. بربي تا نحرق قلبك امروى .. بربي تا نبكيك صبري عليا ..

حط راسو على الكرسي لي كان جالس عليه و غمض عينيه ..

فاتت تلات اشهر .. كل نهار مروى كتخرج مع مجد .. كل مرة و فين كيمشي و .. ولات أقوى أجمل .. دخلات لصال ديال السبور دارت صحابات جداد .. تلفات راسها بعرس يسرى و أنيس لي وجدان لو كولشي و قامت بيه .. حاولات تتعايش مع حياتها الجديدة .. واخة دائما كيبقى الحنين للأيام لي كانو مع أسد .. و واخة مرة مرة كتمشي تجبد صورو و تفرج فيهم .. حاولات ماتخليش قلبها مكسور .. داوات جرحها بيديها .. ولفات على مجد لي كيعاونها باش تجتاز أزمتها...و تنسى أسد و اي حاجة دازت عليها .. كريستينا حتى هي كتعاونها باش تنسى .. لدرجة ولات كتجيب لها عرسان😂

كريستينا. . يا بنتي غا شوفيه بعداا 

مروى .. ماما .. أنا ماهاديييش نتزوج قلت لك مكنفكرش فالزواااج قلت لك أنا هاذ الشهر نازلة للمغرب .. و زيدوون انا مستحييييل نتزوج واحد ماشي مغربي ..

كريستينا...اوووف و مالو الاسباني ؟ بحال بحال و زيد عليها مسلم ..

مروى .. و مسلم و لا مسيحي ماشي هاذشي لي كيهمني .. ماما انا عاد خرجت من تجربة .. بفف فاااااشلة ..لي نتجاات عليها أزمة مخرجتش منها بسهوولة.. بليييز ماما .. اااااخر مرة تجيبي ليا شي واحد حيت أنا مهااديش نتزوج بهاذ الطريقة ..

كريستينا .. بغيت غير مصلحتك .. مدامك واخذة قرارك .. شغلك هذاك ..

مروى .."شدات لها فيديها" مابغيتكش تقلقي عليا .. بلييز .. بغيتك تفهمني. .

كريستينا. . "طبطبت على يديها " انا فاهماك احبيبتي .. مشاء الله عندك خمسة و عشرين سنة .. يعني ماشي قاصر ..

مروى .. "عنقاتها "يخليييك ليلييي. .

أنيس "دخل عليهم ربع يديه و تكى على الباب".. مشاء الله ..مشاء الله .. خونة كتحاابو بلا بيااا 

مروى .. ههههههه اه كتسااالناا شي حااجة😒

كريستينا""فتحات ليه يديها" اجي نحبك اجييي. 

أنيس. ."مشى عنقهم بزوج" كنحبكم واخة كتخونوووني هههههه

مروى ..اودي نتا راه الكل في الكل .. فين المدام ..

أنيس .. خليتها عند الكوافورة كتوجد .. أسد داير حفل اليوم .. و غانديها معايا ..

مروى .. كاع ما قلتيها ليا😒..

أنيس .. صراحة .. هو باغي الكل يحضر .. نتي .. و ماما .. عارض على كولشي .. مي مقلتهاش حيت عارفكم مغاديش تحضرو 😕 

مروى .."ضوراتها فراسها " اممم هو عارض عليا ياك؟؟

أنيس .. وي .. بالإسم ..

مروى ..إذاااا غانمشي .. 

كريستينا ..كتفلاي ؟؟ 

مروى.. هههه لالا بصح داوية .. هو بغاني نشوفو من بعد هاذ المدة .. بغا يشوفني واش باقة باغاه .. واش غادي نحن لا شفتو .. و انا غانوريه بلي غا زايد ناقص 😏..

أنيس .. مروش غاتجيبيها فراسك ..عنداك تشوفيه و تبداي تبكي ..

مروى ... هههههههه انا .. ههه هاذ الثلاث شهووور كاملة كنت كتدرب على بحال هاذ اليوم😌..

أنيس .. الي بغيتي .. نتي تعرفي اختي .. 

مروى .. أنا غانمشي نوجد راسي 😘 

مشات ديريكت لبيتها ختارت الغوب لي بغات تلبس لي كانت عبارة عم غوب قصيرة حد الفخض فيها دي زيستراس فالعناية معرية الكول على شكل V مع سنيدلة مشبكة فالأسود حتى هي .. ختارت بوشطة فالبيج بسنسلة طويلة .. و دارت مكياج سموكي غير ملامحها تمااامااا .. صاوبات شعرها بوكلي و خلاتو على راحتو .. كملات توجاد مع الوقت نيشان دارت عطرها المعتاد جادور ديور و خرجات لقاتهم جالسين فالصالون كيتسناها ..

يسرى .. اووه مااا گاااد طلعتيي فسر أاأ اصاحبتي ..

مروى .. يخليك ليلي ..

أنيس .. جيتي زوينة غير هي هاذ الغوب راها مامغطية والو كون غير حيدتيها .. 

مروى .. لا غا خليها ههههه..

يسرى .. و نتا شبيتيها شغلااااك ..

أنيس .. ههههه تحتميتو..

كريستينا .. حضو روسهم اوليدااتي .. مروى .. كون غا طاوعتيني ..

مروى .. ماما اا ماتخافيش عليا .. و زايدون راني غادااا مع خوويا هو غيحميني من أي حاجة ..

كريستينا. . قلبي مامرتااحش ..

مروى .. غير رتاحي ليك أحبيبتي رتاحي ..

باس كريستينا و اتجهو للسيرة .. أنيس سايق و يسرى حداه مروى ركبات اللور .. بقااو ساكتين حتى وصلو للقصر .. كي وقفو قدام الجريدة .. تفكرات الجلسات ديالها و هي كتقرى و فآش كيجي أسد من الخدما و تلقا ليه.. تفضلت داكشي من بالها و خرجات من السيارة .. كان الباب كلو مزين بالأضواء .. دخلو للقصر كانو فيه ناس بزااف و كلهم من الطبقة الراقية طبعا .. رجال أعمال و كبراء البلاد .... الموسيقى كانت هادئة .. مجرد عزف على البيانو ..و الشموع في كل مكان .. سحرها الجو خصوصا أنها من عشاق الموسيقى الكلاسيكية .. نسات الحفل و نسات فين هي فقط بقات مركزة مع الجو الشاعري و شادة مودها بحدها ..مافااقت منو إلا على إيقاع تسفيق الحضور ..طلعات راسها ..بان له أسد نازل من الدروج... بقات كتشوووف فيه

طلعات راسها ..بان له أسد نازل من الدروج... بقات كتشوووف فيه

و الصدمة على وجهها باينة ..أسد نازل .. و شادة فدراعو وئام بالفساد الأبيض .. وجهو كان باين عليه فرحان ابتسامة عريضة و عينيه لامعين .. أما وئام كتفرنس و مقدها حد .. شدات فالطبلة لي كانت حداها .. أنيس بقى واقف كيشوف فيها و يشوف فأسد و وئام .. مشات عندها يسرى شدات لها فيديها ..

مروى .."مبلوكية عينيها على اسد " ..كنتو عارفين ..؟!

يسرى .. أولي على عارفين .. لا لا و الله ما كنا عارفين ..علاه كون كنا عارفين غانجييو. .

أنيس .. ''شد فيها " يالله غانمشيو ..

مروة .."طلقات منو و حبساتو بيديها .. " لالا لالا ..

بقات واقفة كتشوف فيهم و عينيها مغرغرين بالدموع فقط كتحاول تستوعب هاذشي لي قدامها .. واش فعلا أسد هذا ؟!

مروى .. أنا مارلين عرس .. هههه لهاذ الدرجة كيبغيها ..

أنيس .. ختي هكذا كتمرضي رأيك .. اجي نمشيو ..

مروى .. قلت لا هي لا ااااااا ..

بقات ساهية فيهم .. طاحت عينو عليها قلبات و جهه فيساع باش ميشوفش دموعها ..

مروى .. غانمشي لطواليط ..

مشات كتجري لطواليط دخلات وسدات عليها الباب رمات الصاك و طاحت على وقفتها كتبكي و تنوض .. كتغوت و تقول مغوت .. وقفات و مشان ديريكت المراية بان لها وجهها كلو مربج بالمكيج .. غسلات و عاودات المكياج من أول وجديد ..بقات مدة كتشوف فالمراية خذات نفس عميق و اتجهت للباب يالله غاتفتحو حتى دفعوها شي يدين و سدو الباب ..شكون غيكوون من غير أسد ..حاوطها بيديه و حط راسو على عنقها كيستنشق ريحتها لي افتقدها هاذ المدة كاملة .. حول يتمااسك. . غرس لها صباعو فخرا حتة غوتات .. حاولات ندفعو عليها لكن مقداتش عليه طبعا ..

مروى .. اااااااااه مممم بعااااد عليييبا .. حيد ماتقييييسنيييش. .

نزل بيديه بصباعو على يديها و خشى عنقو كيمص و يعض فعنقها.. و يتلدد 

أسد .. علاش منقيسكش هاااه .. ياك كتخلي داك الزامل يقييسك .. علاش اناا لاا هاااه ..

مروى ... "دفعاتو بجهد" مااااانسماااااحش لييييك بعد عليا ااااأاااأااهععععععع سيييير عند مرااااتك بعد منييييي ..

أسد .. مرتي .. هههه مرتي ليها الليل بطولو أحبيبة 😉

مروى .. "كتحاول تحل الباب و ومباشر يحل لها .." حل لياااا الخرااااا نمشي فحااااااالي ..

أسد .."جرها لعندو و شدها من مؤخرتها .." فين زربانة أحياتي .. هااه .. 

طلع لها الكسوة من اللور خشى يدو تحت السليب بقى طيعجن فالطرماحة و فمو كيتسارااا فعنقها بجهالة .. ..و هي كضرب بيديها و رجليها و ألو فحال لا طاحت عليها حجرة ماشي بنادم .. نزل لها الكسوة و سد لها أمها بيديه هزها و فتح الباب تم غادي بيها طلعات من الدروج اللورانيرن باس ميشوفهم حتى حد ..طلع ديريكت لبيتو سورنا و رماها فوق الناموسية .. تحجرو الدموع فعينيها فآش شافتو فديك الحالة عينيه حمرين و عروقو خارجين .. تكمشات فبلاصتها و بقات كتشوف فيه كيقرب و ينصل فحوابجو 

مروى .. ش..شششنوو كديري .. معتز .. عافاك .. متفكرش ديرها ..

أسد .. هههه لا أحبيبة .. أنا غانديييرها ماشي غانفكر نديرها 

مروى ... اااااااععععاعععععععععععع عتقووووونييييييي هييييييئ هيييييييييييئ وااااعععااعععععووووعععع 

أسد .. زيدي غوتي .. زيدي صوتك عاد مكيزيييد يغرييني أكثر ..حتى واحد مهايسنعك ..

مروى ... اااااااععععاعععععععععععع عتقووووونييييييي هييييييئ هيييييييييييئ وااااعععااعععععووووعععع 

أسد .. زيدي غوتي .. زيدي صوتك عاد مكيزيييد يغرييني أكثر ..حتى واحد مهايسمعك ..

مروى .. أسد .. "ضمات يديها بترجي و عينيها شاعلة كيف الجمر" عافاك ماتغلطش .. هاااااذ هي اللخرة .. ليااااا إلى درتيييها هننننيييييييييئ هييييييييييييييبئ 😭😭 هاذي هي اللخرة إلى درتيييهااا يا معتز هئ هئ هييييييييييئ. .

ماسمعش منها ولا عطى لبكااها أي اهتمام نصل حوايجو كاملين بقى غير بالبوكسر...شاف فيها بنضرة شريرة .. واحد الشوفة لي مزالة بين عينيها .. ذكراتها بأول مرة تشوفو نفس النضرة .. و نفس الموقف .. فتحات عينيها بصدمة سكتات و جمداات فبلاصتها .. خلات دموها سايلين بدون ما تنطق ولا كلمة ولا دير أي ردة فعل أخرى .. فقط بقات كتشوف فيه و هو كيقرب ليها حتى تلاح عليها ... شد وجهها بين يديه و انقض على فمها كيلتهم فيه و يبوس بعنف و يعض .. كل شفة كيشدها مدة عاد يمشي للشفة الأخرى و هي فقط جامدة مكدير حتى حركة و لا صوت .. ممكتجاوب معاه مكتصدو. . عينيها بحدهم هوما لي كيعبرو على البركان لي داخلها .. عضها فشفتها السفلية حتى سال الدم فتحات فمها وكمشات عينيها بألم و هو استغل الوضع و دخل لسانو كيلعب و يعض فلسانها ..طلق من الشفايف و نزل لعنقها كيعض و خلي طبايع وراه طلع راسو و شاف فيها غمض عينيه و نصل لها الكسوة لي كان لابسة و جل لها السوتيامات حتى تجرحات فضهرها و بين الفرقة تصدرها داز على جسمها كولوو بالبوس و العضان و كل بلاصة داز عليها كيخليها زرقة .. آخر بلاصة داز عليها هي الطوتة باسها ..سد لها رجليها تلاح حداها ..

أسد .. مالك ساكتة ماشي من عادتك الاستسلام ...

مروى ..'' ضورات وجهها باش ماتشووووفش فيه ."

اسد .."دور لها وجهها بجهد لعندو" معاك داوي .. و فاش ندوي معاك شوفي فيااا 

مروى .. علاش وقفتي.. كمل .. هييييئ هنهنننننننيييي كماااااال بقااات لك حاااجة وحدة مادرتيييهاااش هي الاغتصاب .. دييييرهااا دااابااا قطع ااااخر خيط بيناتناااااا 😭

أسد .."طلع عليها و شد وجهها بين يديه" نتي عااااارفاااني مزيااان منديرهاااش .. حسن ليااا نمووت قبل لا نديييرهاااا سمعتيييي .. ماشي معتز لي يغتصب .. ماشي معتز لي يديرهااا. . نتييي عينييي هاااذو لي كنشوف بيهم .. كتفهمييييي .. "ضرب صدرو" نتييي هنااااا و هناااا شاااعلة فيييه الناااار امروى 

مروى .."دفعاتو من فوق منها" شنو بغيتي مني هااا هييييئ هييييئ .. ماكفااااكش لي درتي فيااا .. نتا قتلتيني قتلتيييييني .. لاااش مزال كتعدبني. .. علااااااش باااغي تقهرنييي كثااااار.. هييييئ عرفتي شنوووو درتييي خنتينييي مع وئام هيييئ هييييئ و حرمتيني من ولدي .. متصورش شنو درتي فيااا و متصورش باش كنحس ..غدرتيني .. عند بالك فرحانة .. أنا كل نهاااار كيزيد قلبي يتحرق حيت بعيييييد عليييك و مقااااداااش نكرهك و مقاداااش نكون معاااك .. هههه لدرجة وليت ههههه كنشوووف طبيب نفسي باااش نقدر نتقدم مع وضعي الجديد علاااش كدير هكذااا هييييئ أنااا مانستااااهلش منك هاااذشي كامل امعتز و الله مااااكنستااااهل هاذشي 😭😭

أسد .. "ضمها لصدرو و زير عليها حتى ترخات " قولي ليااا وقف هاذشي قولي ليا كتبغيني .. قولي ليا شي حاااجة تطفي النار لي فقلبي ..

مروى .."بعدات عليه .." شنو بغيتيني نقول لك ؟! ماتزوجش بيها !! باغيني نقول لك كنبغيك .. ااااه انا كنبغيك ... و كنموووت عليك .. و صعييبيييب عليااا فرااااقك ..جربت كووولشي باش ننساك .. ومقدرتش. . هاذ المدة كاااملة و انا كنحااول مااااقداااارتش ولكن عمري غانرجع ليييك .. حييت عمريييي غانعاااود نتيييق فيييك يا أسد مغنقدرش نتيق فيييك ..

أسد .."بعد عليها و وقف "هذا آخر كلام عندك ؟!

مروى .. "مسحات دموعها و خدات حوايجها كتلبسهم " هذا آخر كلام عندي ..

أسد..."لبس حوايجو و مشى لجهتها" آخر مرة غانسولك هذا آخر كلام عندك. .

مروى .."نزلو دموع حارين من عينيها " اه 😭😭

شد لها يديها بزوج بين يديه و باسهم و دخل يدو تحت شعرها وجرها لعندو باس لها عينيها بزوج و نزل لفمها طبع بوسة سخونة و طويلة .. 

أسد ..سمحي ليا .. جرحتك و درت بزاف .. ولكن غاتعرفي واحد النهار بلي داكشي لي شفتي مادرتوش برضاي حيت لي قلبو مع وحدة .. مكيقيسش وحدة أخرى ..

باس لها يديها و خرج كي تسد الباب طاحت على ركابيها كتنهج. .

مروى .. متمشييش. . مديرهاااش يا معتز 😭😭😭 

حطات راسها على النموسية وطلقات العنان لدموعها أكثر و أكثر .. حتى بدات تشهد و نحبس فيها النفس ..وقفات بشوية باش ما طيحش و اتجهت للحمام غسلات وجهها و شافت فالمراية مزيان .. لحمها لي كان مطبع .. يديها عنقها ..صدرها كلها عليها قبل الملكية .. خلا لها أمارات فلحمها قبل ما يمسي .. مسحات وجهها و بقات كتشوف فالحمد .. تفكرات شحال من مشهد ليها هي و يااه كيدوشو بزوج. . كتمشط ليه شعرو .. مسحات دمعة أخرى من عينيها و خرجات للبيت كانت كتشوف فكل قنت فحال لا كتحفض البيت. . تذكرات كاع اللحضات و المواقف لي دوزات معاه سواء كانت زوينة أو خايبة .. هزات صاكها وخرجات قبل ما تسد الباب لقات آخر نضرة على البيت ..و سداتو بشوية. .وقفات فأول درجة ... تفكرات نهار شافت الفيديو .. تفكرات فآش طاحت و نزل لها البيبي .. كل درجة كتنزلها كطيح معاها دمعو و بالخف كتمسحها ...حتى وصلات لدريجات اللخرين. . شافت أسد هو و وئام .. وقفين فطبلة و دايرين بيهم الحضور و رمزية جنب وئام و كتفرنس من همنا و ضحك من لهيه ..شافتو كيوقع عقد الزواج .. جلسات فالدرجة كتشوف فيه هو فقط فحال لا كتحفضو .. ضور راسو جات عينو فعينيها .. قلبو تهز و تحط فآش شافها مكسورة ..وجاهة ديك الجلسة بعينيها مدمعين .. طلق من وئام يالله بغى يمشي عندها .. شافتها وئام و هي تجرو باستو فمو مابغاتش طلقو مع ديك البوسة وقفات مروى فحال لا ضربها ضو ..هزات صاكها و مشات بخطى متسارعة للباب ..قبل ماتخرج وقفات ودارت لعندهم وقالت فنفسها ..

مروى .. أنا مروى العدلي .. من اليوم .. أنا مروى العدلي فقط .. مابقاش أمل .. مابقاتش شي حاجة سميتها أسد .. كاينة مروى فقط ..غانعيش من أجل نفسي .. من اليوم الخيط لي بيني و بينو تقطع و عمرووو غايرجع عاوتاني.. هو ختار حياتو و حتى أنا غانختار حياتي من اليوم أنا و من بعدي الطوفان .. ''مسحات دموعها و ابتسمات '' مبرووك يا معتز يا فخري .. خرجات و ضربات بالباب حتى تلفتو الناس كاملين .. عاد شافها أنيس جر يسرى و تبعوها حل لها الاوطو بلا ميهضر معاها لا هو لا يسرى .. دخلو للدار لقاو كريستينا جالسة على نار .. ..

كريستينا. . تعطلتو اوليدااتي .. هاذ الوقت كلو ديال حفلة ..

مروى ..''عنقاتها .." ماشي حفلة أماما .. عرس ..

كريستينا. . عرس ؟! تاع من ؟؟ سيلفادور 😳

مروى .. ههههههه لالا أسد ..

كريستينا .."خرجات عينيها ."أولي ..واش بصح ..

مروى .. اه أماما .. تصبحو على خير ..عييت 💋.. 

مشات و خلاتهم واقفين أنيس مصدوم على البرود لي وي بيه و يسرى مزال ما ستوعبات بلي حضرو عرس أسد ..أما كريستينا طاحت على الكانابي و طلعات راسها كتشوف فأنيس بشك ..

كريستينا .. كنتي عارفو اايتزوج،؟

أنيس .. واايلي الواليدة .. كون كنت عارف غانحضر؟! أنا قال لي حفلة و عارض على كولشي ..سيتو ..

كريستينا. . "شدات رسها"... لالا هدا ماشي أسد لي كنعرف .. هذا ماشي وي أسد لي ربيت.. على الأقل يدير بحساب العشرة .. و الداكشي لي درت معاااه طوول هاذ السنواات جاب بنتي لعندو باش يكسرها .. ولا بلا قلب و بلا رحمة أسد .. مكااانش هكذاا .. واخة يدير لي دار عمرو ظلم شي حد كيف دار مع بنتي .. الله ياخد فيك الحق يا معتز 😭😭

يسرى .."عنقات كريستينا" متبكييييش اخالتي .. يصحاب لك غايربح .. صافي حسن ليها تعرفو اش كيسوا حقير ..تستاهل سيد الرجال و مزال غاتديه. .

كريستينا. . ربي لي عالم بحالها دابا اااااخخ يا بنتي ماتستاااهليييش هاذشي لي كيجرااا ليك ..

أنيس .. وا الواليدة صافي ما تعصبيش راسك .. لي وقع وقع .. مروى ماشي اول وحدة يجري لها هاذشي .. دابا عاد غاتبدى حياتها لي غاتختارها هي .. أما هاذ الحياة كانت غير مجبووورة تعيشها ..

كريستينا .. الله ياخد فيك الحق يا أسد ..

..أما مروى .. حلفات لا مزال طيحات شي دمعة .. سمعات كاع داكشي لي تقال .. دخلات لبيتها و سدات عليها .. مشات ديريكت للدوش خدات شوار دافي و خفيف و خرجات جبدات بالزها جمعات حوايجها كاملين و مكياجها .. وجدات الباسبور ديالها و البطاقات تاع ها .. طاحت من بينهم بطاقة بنكية كان عاطيها لها أسد لا تخصها شي حاجة ....

مروى .. بفففف فلوسك حسن منك خشاها فالصاك ديالها و مشات لبلاصتها هضرات مع غزلان علماتها بلي غاتنزل للمغرب .. وقطعات تيكي لأول طيارة ديال الغد ليه ..داكشي لي كان نيت الصباح كي فاقت لبسات سروال فالبيج مقطع من الركابي مع ضوني فنفس اللون و عليه شبكة فالگري مع كونطو فالبوردو و صنيدلة عالية فالبيج .. سرحات شعرها و خلاتو على راحتو .. دارت مكيج خفيف بألوان ترابية ..و خرجات لقات كريستينااا موجدة الفطور ..

دارت مكيج خفيف بألوان ترابية ..و خرجات لقات كريستينااا موجدة الفطور ..

مروى ..صباحو مامي😍😍

كريستينا.."شافت فيها بنضرة حزن "صباح النور بنتي كيف صبحتي ..😔

مروى .. الحمد لله فوق بيخير .. مالكي عاقداهم .."هرانا فجنابها " فرفشي با بطة ..😂

كريستينا. . ايهاااي اش هاذ النشاط كامل ههههه ..

مروى .. امممم اوا حيت قدامي أجمل و احلى أم .. ثانيا حيت هاذ الصباح غا نزل للمغرب .☺

كريستينا .. اويلي و تخلي ماماك ..

مروى. . أنا عارفاك ماتقديش تعيشي فالمغرب .. هكذا انا منقدرش نعيش مزال هنا فاسبانيااا .. خصني نبعد و نتي عارفة مزيااان علاش ..

كريستينا. . ماساخياااش بيك انا

مروى .. ولا انا أحبيبتي .. ولكن اش غاندير .. خصني نبدى حياتي .. و نكمل منين وقفت آخر مرة .. 

كريستينا. . تقدري تبداي هنا .. و الى مابغيتيش مدريد نقدرو نمشيو لمدينة أخرى ..

مروى .. تيقيني إلى قلت لك .. المغرب كيعطيني قوة .. كنحس براسي ضعيفة من نهار جيت لهاذ البلاد ..

كريستينا. . ماتنسايش هاذي بلاد ماماك .. يعني بلادك حتى نتي .. 

مروى.. راني عارفة أماما .. مي المغرب حاجة أخرى .. فيه تربيت حتى وليت قد هكذا .. يمكن كون تربيت فاسبانيااا مكنتش غانقول هكذا 

كريستينا. . اممم ماعندي مانو ههه فينما نتناقش معاك كتسكتيني .. المن هي راحتك احبوبتي .. إيمتا طيارتك

مروى .. مع 13:00

كريستينا. . مزااال الحال اجي تفطري انا غانفيق أنيس و يسرى .. 

مروى .. اه فيقيهم حيت غا ناكل دغيا و نخرج مابقاش بزااف ❤ 

مشات كريستينا فيقاتها يسرى و أنيس لي تفاجئو بالخبر ..

أنيس .. غايمشي معاك الطبيب ..؟!

مروى .. مابغيت معايا حتى حد.. غانمشي بوحدي .. صافي ساليت الحصص ديالي عندو شنو أي غايخليه يجي معايا 

يسرى .. صدمتيني صراحة .. 

مروى .. ههههههه مانخافووش مرة مرة تجيو تزوروني ..

أنيس. . نتي مهاتزوريناااش .. 

مروى .. أنا .. امممم نو حاليا غانمشي نخدم و نبني حياة جديدة .. ماغانعاودش نرجع لهاذ البلاد لي عطاتني غير الهم و الغم .. يمكن مستقبلا اقدر .. لكن حاليا لا ثم لا ..

انيس.. وا صااااخطة اعشيري ..

مروى.. هههههه فوق ما تصور .. أنا غانمشي دابا ..قربات وقت طيارتي

أنيس .. يالله غانوصلك ..

مروى .. لالا طلبت طاكسي .. و بعدين معزيزش عليا الودااع كنكره دوك اللحظات ..

كريستينا. ."عنقاتها بحرااارة و باستها " ااااخ مابغيتش نفترق أبنتي ..

مروى .."باست لها يديها و راسها .." غانصيفط ليك كل مرة تجي تجلسي عندي تا انا و الله ما ساخية بيكم ..

كريستينا. . عنداك تنساينا ..

مروى .. كاين لي ينسى ميمتو😍..

سلمو عليها كلهم و ودعاتهم .. خرج ليها أنيس البالز لطاكسي لي وصلها للمطار .. كيف قلعات الطائرة بدات كتحس بالراحة تدريجيااا ما كملات حتى حطات رجليها فالمغرب ..لقات غزلان كاتسناها فالمطار هي و أيمن .. لي يتقبلها بحفاااوة حتى هو .. خذا منها لي فاليز و أنجرة لدارهم...

غزلان .. اوا عاودي ليلا .. شنو طرا و شنو وقع ..

مروى .. أول حاجة بغيت نقولها لكم. . حتى واحد ما يعاود يسولني على شي حاجة دازت فالمااضي .. من اليوم أنا مروى ديال شحال هاذي .. سمعتووو ..أمم اعتبروني كنت فغيبوبة و دابا عاد فقت ..

غزلان .. و كيبقيتي شوية من الغيبوبة😉

مروى .. غانركب طاسيلة مك نخرج ليك داك الولد من فمك

غزلان .. على أساس هاذ الولد شايط ليك و الله تا يقتلك باه ..

أيمن ..غانرجعها اسبانيا مكسحة. .

مروى .. الكريشة كتكبر 😍

غزلان .. ههههه ماشي بزاااف هههههه😄

مروى .. اححح ولدي هذا. .

أيمن .. صافي نشأ ليا ولدي ضااع 😕

مروى .. تا سير اااه راه معاك غيضيييع. .

غزلان .. ههههه بليز ماتبدااوش عاوتاني ..

مروى .. فيا جوع كاين شي ما يتكامل فيا الجووووووع 

تعشاو ومشات لبيت للضياف ترتاح هكذا دوزات معاهم أسبوع كامل على ما تخملات دارها و تصلحات عاد انتقلت ليها .. و قررت دير عشاء تعرض على كاع الناس لي كتعرف أصدقائها و زملائها باش تسترجع معاهم ديك العلاقة لي كانت من قبل ... وجدات لهم من أطيب الأكلات و ألذها صاوبات و شرات من برا طبعا غزلان عاوناتها ..👇👇👇👇

وجدات لهم من أطيب الأكلات و ألذها صاوبات و شرات من برا طبعا غزلان عاوناتها. ...

تعشاو و جلسو فالصالون كيسترجعو الأيام الخوالي ..

.......1....إوا يا مروى .. مقلتيلناش فين كنتي مختفية ...

مروى ...ههه كنت مزوجة و طلقت 😌..

......2...وايلي .. ومعرضتينااش لعرس .. خفتينا نحسدووك هههههه ..

مروى .. حتى نكون درتو انا بعدااا .. داكشي داز بزربة ..

...... 1 ..... اوا و غاترجعي للخدمة .. ؟؟

مروى .. بطبيعة الحال غانرجع ...مي ماشي لنفس البرنامج ولا نفس القناة..

......3....و شنو ناوية تخدمي فالمونتاج مثلا؟!

مروى .. هههه طبعا لا .. غادي نزاحمك ارشيد فالراديو ..

.......3 ..... مرحبااا و ألف مرحبا و حنا نطول ..

مروى .... هههه ربي يخليك اخويا

....1.... و شنو قلبتي على شي إذاعة دفعتي دوصي ديالك؟!

......3 ...... وااايليييي احنان هاذي راه مروى العدلي أي إذاعة تتمناها 

مروى .. هههه لالا متزيدش فيه .. صراحة من غدا غانبدى ندفع .. مي مزال معرفتش كاع الإذاعات لي كاينين ..

.....2 ... واحد الإذاعة جديدة تفتحات مؤخرا منقولكش وااعرة و عندهم جودة الصوت و حتى البرامج ديالهم ماشي تافهة ..

مروى .. أهاه شنو اسمها!؟

.....3 ... اه ياكما تكونو كدويو على جوهرة راديو؟!

.....2 .... تمااامااا ..

.....3 ... هذاك السيد لي ديرها صاحبي .. عشيري قرأ معايا مي هو ديجا خانز فلوس داكشي علاش كي دخل للمغرب دار قناة ديالو .. عرض عليا نخدم معاه .. مي انا ولفت البرنامج ديالي ..

مروى ..اممم عطوني العنوان ديال هاذ الإذاعة نمشي نجرب حضي ..

.... 3... ههه غدا انشاء الله نمشي معاك و منها نيت نشوفو ..

أيمن .. هانتي يا لالة دغيا لقيتي خدمة ..

غزلان .. أصلا مروى غاتشد بالجراا. .

مروى .. هههه كتسبقو العصى قدام الغنم ..يمكن هاذ السيد ميكونش باغي يوضف مزال ناس خرين .. كولشي ممكن..

غزلان ...لالا انشاء الله تخدمي معاه. .

كملات العراضة لي خرجات بيه مروى بخدمة و كان هذا هو إله الرئيسي ديال داك العشااء. . كل واحد مشى فحالو حتال غد ليه جا عندها رشيد الصديق ديالها باش يمشي معاها للإذاعة ... وجدات راسها ولبسات لبيسة كلاس تيشرت بيضاء و سروال كحل مع صاك و صندالة فنفس اللون .. دارت مكياج خفيف و سرحات شعرها خلاتو على راحتو و مشات مع صديقها لإذاعة لي كانت في بناية كبييرة بزاف و كلها زاج على البانو ديال الإذاعة كبير و مضوي .. كي دخلات كولشي بدى يتغامز عليها .. مشاو للاستقبال سولوه و دلهم على المكتب ديالو وصلو وقفاتهم سكرتيرة لي لاحضو أنها محجبة و ماشي غير هي كاع البنات لي كيدورو فالاذاعة. .

رشيد...بونجوغ.. زين الخلفي كاين. . 

السكرتيرة. . وي مسيو عندك موعد! ؟ 

رشيد. . موعد جاي ندوز انا قولي لو صاحبك رشيد ..

السكرتيرة. . واخة تسناني دقيقة ..

رشيد .. تفضلي ..

السكرتيرة .. تفضلو 😊..

"مروى"

دخلنا لبيرو لي كان كبييير كلو قد داري تقريبا .. ضورت عني فيه مزيان مصبوغ بالأبيض و فيه ديكورات بالموف و فوق البيرو مكتوبة بخط عريض Jawhara Fm و بيرو چتر هو بالموف غامق .. ديكورات راقية و الشخص لي واقف كيطل من النوافذ ديال البيرو كيبان أرقى .. من وقفتو باين عليه شاب ..طويل و عضلاتو بارزة من الكوستيم .. فآش سمعنا دخلنا دار لجهتنا بابتسامة عريضة بينات الغمازة لي فخدو الأيسر و عينيه صغارو أكثر .. و لحيتو الكثيفة عاطيااه ستيل رائع وسيم و باينة عليه شخصية... شاد سبحة فيديه كيلعب بيها ..

رشيد. ."تعانق هو و ياه" اغبرتييي أصاحبي. .

زين الدين.. راك عارف .. الخدمة ديالنا خصها الجد فالأول باش نجحو هاذ القناة .. داكشي علاش مابقيتش كنبان بزاف ...

رشيد .. توحشناا يا صاحبي دوك الجلسات و السهرات ديال زمان .. ههههه 

زين دين... ههه لالا أصاحبي عفى الله عما سلف توبة نصوحة أخي. .

رشيد... ناري تخوانجيتي اصااط ولا شنو..هههههه 

زين الدين... تبنااا إلى الله هههه ..

رشيد .. تقبل الله توبتكم يا أخي هههههه العقوبة لشي حجة ..

زين الدين. . عبد ربه حاج عامين على التوالي .. العقوبة لحجة الثالثة انشاء الله ..

رشيد .. وا صاحبي غبرتي علينا تا ماعرفنا خبارك. .ههههه تبدلتييي. .

زين. . نأمل يكون تغيير الأحسن ..

رشيد .. هههه اكيد للأحسن .. احم .. مروى قربي .. هاذي مروى العدلي .. كانت مذيعة ..

زين الدين.."طلع و نزل فيها بقى مدة كيشوف عقد غوباشتو و نزل راسو "اه كنت كنحضر برنامجها..

أنا .."مديت يدي نسلم عليه .." أهلا مسيو ..متشرفة بمعرفتك. 

زين الدين. ."كيسبح " عفوا مكنسلمش على النساء... مرحبا أختي تفضلو جلسو ..

أنا .."أولي حرقني ينعل طواسل بوه " شكرا 😑

رشيد .. إوا اسي زين .. جينا اليوم عندك على ود واحد الموضوع ..كنتمنى متردنيش. . 

زين الدين .. الله يا ودي نخدمك بعيني يا صاحبي..

رشيد ..كنت كنقول بما أن مروى ..

أنا .. "قاطعتو " آسفة .. رشيد قطعت كلامك .. خليني نكمل انا إلى كان ممكن .. 

رشيد .. طبعا طبعا تفضلي. .

انا .. المهم سي مروان .. جيت باش نقدم فطلب وضيفة إلى كان ممكن طبعا .. يعني السيفي ديالي عامر بشود و تجارب لي قناة تتمنى نخدم معاها .. حيت أنا كنخدم برامجي بنفسي و كنتكلف بكل شيء ..

زين الدين .. مفهمتش ؟! ولكن حنا مطالبينش موضفين للأسف ..

أنا .. ولكن أنا غانفعكم و هاذشي راك عارفو مزياان. . شهاداتي و خبرتي. . يعني هاذشي أي قناة تتمناه خصوصا أن برنامجي الأخير نقط على الحروف كان كيشكل أكبر نسبة مشاهدة.. 

زين الدين... مدامك مذيعة فالتلفزة شنو لي خلاك تقرري تغيري. .

انا .. حيت باغا نبعد على التلفاز القضايا السياسية .. 

رشيد .. صراحة هذي راه متعوضش القناة ديالك غاتزيد تشهر مع مروى .. كنقول هاذشي ماشي حيت صديقتي أبدا .. حيت عارفها مزيان و تايق فالقدرات ديالها. .

زين الدين .... حتى ولو وافقت .. غايبقى واحد المشكل ..

أنا و رشيد ... أما هو "؟؟؟

زين الدين ... اللباس ..

أنا .. شمن لباس؟؟ 

زين الدين.. شرط التوضيف هنا عندنا فالقناة أن الفتاة لي تخدم فيه متكونش متبرجة .. يعني كيف كتشوفي البنات هنا كلهم محجبات ..

أنا .. هههه لالا مفهمتش مزيان .. هنا .. مكيتوضفوش إلى مدايراتش الحجاب ؟! هههه و بالنسبة للولاد حتى هوما مكيتوضفش لي ماديرش اللحية .. حيت بأن لي شحال من واحد محسن على براا .. أولا يمكن الرجال كيكون عندهم الإيمان فالقلب ههههه 

زين الدين .. الحجاب فريضة من عند الله ...شكون حنا باش نحيدوه. .

أنا .. الحجاب كيكون عن قناعة .. ماشي باش نرضي رئيسي فالعمل أو باش نحترم شروط التوضيف .. سمحلي أستاذ و شكرا على الوقت لي عطيتينا ..

خرجت و خليت معاه رشيد .. لي جابني مقلتش عليه .. استفزني بكلامو .. شنو يعني إلى مكنتش محجبة اذا انا خارجة طريق .. شديت طاكسي ديريكت للدار بدلت عليا و لبست حوايج السبور كولون و ضوني مع لي باسكيط تغديت.. درت لكيت فودني وخرجت كنجري معرفتش شحال جريت مي مراجعت حتى بدى الضلام كطيح .. رجعت للدار و عاودت نفس الروتين جمعتها ..غسلت الماعن دوشت تخشيت فبلاصتي دويت مع لمى ..

أنا .. لولو حبيبي ..

لمى ... توحشتك اختي بزاااف

انا .. اوسي بيبي .. كيف راك و كيف راها ماما ..

خديجة..."نطرات منها التيليفون " ماماك هههه داكشي علاش كتسولي فيها .. أنا يا هاذ البنت مصرفة فيك العار باش ماتسوليش علياا

انا .."تلبكت " اااممم .. هااء . أنااا ماما خديجة ..

خديجة ..ولا صافي عرفتي مك لي ولداتك و نسيتي لي رباتك .. شكون كان يوكلك. . شكون كبرك دغيا نسيتيني. . فين عمري ضربتك ولا حطيت عليك يدي .. ديما كنخاف عليك فحال بنتي فحال لا والداك .. احياانييي 

انا .. ماما .. نتي لي قلتي ليا مانعاودش ندوي معاك ..

خديجة .. كنت خايفة على ختك .. چت راسك قاصح و مكاتسمعييش مني أبنتي ..

أنا .. ماما و الله ما عارفة معزك عندي راني عليك حليت عيني و نتي كتبقاي ماما واخة خبيتي عليا ولكن مغانحاسبكش. .د

خديجة .. حبيت عليك باش ماحسيش بالنقص أبنتي .. و فاش قلت لك ماتدويش معايا ماخرجاتش من قلبي يا هاذ البنت واخة تكوني بنت راجلي راني انا لي ربيتك 

انا .. صافي موقع والو يا الحنينة الله يخليك ليلي راك عزيزة و ديما غاتبقاي فوق راسي ..

خديجة .. احياني كون كنت عزيزة كون جيتي عندي الخايبة ..

أنا .. غانجي و الله تا نجي غير نقاد اموري هنا و نهبط لعندكم راني توحشتك نتي و خالي ..

خديجة .. راهو يسول عليك ديما ..

أنا .. سلمي عليه يالله خليت ليكم الراحة تال غدا و ندويو ..

خديجة .. تصبحي بخير اكبيدة. .

....

هكذا داز أسبوع آخر على جيتها للمغرب .. نفس الروتين كتعاودو كل نهار بالصباح السبور و العشية مع غزلان و فآش كترجع كدوي مع كريستينا و أنيس ولا لمى ولا كتمشي لدور الأيتام تلاها معاهم و تي لهم هدايا كتفرح الوليدات... ما بقاتش قلبات على خدمة ..حتال النهار لي كانت جالسة كتصاوب عشاها حتى صون عليها رقم مجهول ..فالأول تجاهلاتو لكن فآش شافتو مصر جاوبات ..

مروى. . ألو شكون معايا ؟!

المتصل .. مروى العدلي !؟

مروى .. وي هي شكون نتا أسيدي ..

المتصل .. مروى العدلي !؟

مروى .. وي هي شكون نتا أسيدي ..

المتصل ...أمم معاك زين الدين الخلفي. .صاحب إذاعة جوهرة ..

مروى .."بتعجب" اه وي مسيو زين الدين.. تفضل ..

زين الدين.. أولا كيف الحال نتمنى تكونو بألف خير .. 

مروى .. شكرا ربي يخليك .. ممكن نعرف علاياش اتصلتي ..

زين الدين.. إلى كان ممكن تمري علينا للإذاعة ..

مروى .. وعلاش بالسلامة ..

زين الدين. . بغينا نتحذتثو معاك إلى كان ممكن .. طبعا ..

مروى.. هممم واخة أسيدي 

زين الدين .. سيدنا و سيد رسول الله إيمتا غاتمري علينا .. 

مروى .. غدا نشاء الله ..ألى لقيت الوقت طبعا ..

زين الدين. . طبعا اختي خودي راحتك 

. قطعات معاه الخط و بدات كضور فعينيها و تضرب اخماس في أسداد تعشات عشاها و دخلات لبيتها نعسات الغد ليه فاقت بكري خذات دوش خفيف و نشفات شعرها فرداتو على راحتو و مشات وقفات قدام البلاكار كتشوف شنو تلبس خذات كسوة طويلة فالأسود بالكميمات و مغطية جسمها كلو ..

مروى .. اهااااااه دابا يشوفني لابسة هكذا يقول غا خفت منو .. يحرق بوه😒 .. و الله لا كانت ليك اسي زين دين 😌

خذات جيب تحت الركبة فالقهوي لاسقة عليها و فيها الجياب كبار من جهة الصمطة .. و تريكو باليدين فالبيج .. خذات صاك بيد طويلة فالقهوي و طالون فلانتينو منمر .. عملات مكياج خفيف و خرجات .. شدات طاكسي للمقر ديال الإذاعة .. كيف المرة لي فاتت غير دخلات بداو يتغامزو عليها ..خزرات فيهم و طلعت لمكتب ديال زين الدين كيف شافتها السكرتيرة دخلاتها .. لقاتو كيف المرة الأولى شاد السبحة فيديه و كيطل من النوافذ ديال البيرو. .

مروى .. صباح الخير أستاذ الخلفي ..

زين الدين .. "حط السبحة فين و اتجه للمكتب ديالو " مرحبا تفضلي جلسي ..

مروى .. شكرا .. قلتي بغيتيني فشي موضوع !؟

زين الدين .. "طول فيها الشوفة " احم احم ..واه كنت بغيت نعرض عليك وضيفة معانا إلى قبلتي ..

مروى .. احم .. ولكن شنو لي خلاك تغير رأيك ..؟!

زين الدين. . تقدري تقولي .. قتنعت بكلامك .. فعلا الحجاب كيكون عن اقتناع ماشي خوف من انسان بحالك بحالو .. و زيد عليها شفت موظفات عندي هنا خرجو من الاذاعة و جيدو الفولار .. يعني لقيت راسي فحال لا كنخوي الماء على الرملة .. داكشي علاش غانبدل شروط التوضيف ..

مروى .. هاذشي لي كنت باغا نوصل ليك ديك النهار .. حيت مغاديش تنجح القناة بهاذ الطريقة .. يعني كل واحد خلقة ربي فذاتو و عندو شخصيتو مجاتش نتا تحكم فيهم أو فلبسهم ..

زين الدين .. " كيلعب بستيلو" فعلا هاذشي لي فهمت من كلامك.. دورتها فراسي مزيان هاذ المدة لقيت هاذشي غلط حيت لي غايدير الحجاب .. راسو هو لي غايقولها لو ماشي شي حد آخر ..

مروى .. ههه مزيان على الأقل قتانعتي بكلامي واخة ماتناقشنااش فهاذ الموضوع ههه ..

زين الدين .."سهى فيها "

مروى .. احم . ..

زين الدين. . ههه احم .. "دوز على لحيتو بيديه" شنو دابا موافقة تخدمي معانا ؟'

مروى .. ليا الشرف أستاذ ..

زين الدين. ."بابتسامة ".. اوكي مزيان من غدا تقدري تبداي إلى بغيتي😊 .. 

مروى .. واخة انشاء الله .. شكرا .. 😍😍

خرجات من عندو خلاتو متبعها بعينيه و كيلعب فلحيتو ..

زين الدين .. استغفر الله العظيم يا رب ..  😌

خرجات من الإذاعة ديريكت لعند غزلان فرحاتها و مشاو للمول تقضات حويجات جداد ومشات كتستعد للأول حلقة من برنامجها الجديد ..

...

أما أسد نزل وئام لاكاف ديال القصر 

أسد .. زيدي .. "جرها من يديها و رماها على كرسي هزاز ..." مرحبا بيك ..

وئام.." كتلوى عليه وضحك" ههههههههه مالك جايبني تال هنااا دير فيا لي بغيتي احبيبي لفوق ..

أسد .. هو انا غاندير فيك لي بغيت مزياان ولكن هنا ماشي الفوق احبيبي هههههه "حيد لها الكسوة لي كانت لابسة و ربطها مع الكرسي بسلك حاد كل ما تحرك يدخل فلحمها ..

وئام.. ااااووووووو اااححح حبيبي عافاك فك هاذشي كيضر .. اووف جرحني ..

فتح صديفات تاع الشوميزة و جر كرسي و جلس قدامها 

أسد .. هاه .. يالله قولي لي كووولشي من طق طق حتال السلام عليكم 😌

وئام .. ههههه أسد شكتخربق .. شنو غانقول لك ..؟! فكني عافاك مكنحملش هاذ اللعب ..

أسد .. ههههه اووه مسكينة .. ضرك اححح بقيتي فيا😔 .. " رقمها بنضرة كون كانت قرطاس كون قتلاتها "حتى هي ضريتيها و و ضريتيني حتى أنا ..

وئام .. شنو كتقول أسد بديتي تخلعني .. شنو درت باش تربطني ..

أسد .. اوووه خلعتك أحبيبتي .. لا لا انا منسواش .."غوت بأعلى صوتو حتى تهزات و تحطات فبلاصتها " غاتجمعي معاايااا لقحبة دمك هااااااه طلقيني معنديش وقت راني صبرت عليييك بزااااف

وئام .."كتغووت و تبكي" هيييييئ هييينينننينينيننينيييئ وااااع طلقتي .. علااش رابطني أسد عافاااك حيد عليا هاذشي هييتينينيننينيئ واااااعووووعععععووعععععااااااءء واااهههعععع عتقووووونييييييي 😭😭😣

أسد .. زيدي غوتي زيدي هههه حتى حتى حد مهايسمعك و حتى لو سمعك شي حد مغاديش يفكك من بين يدي .." خذا مسدس من جيبو " امممم دابا غاتقولي شنو كاين و شنو وقع ديك الليلة ولا نخوي هذا فدماغك. .😕

...

يتبع