فساد و حب الجزء 20

أسد .. زيدي غوتي زيدي هههه حتى حتى حد مهايسمعك و حتى لو سمعك شي حد مغاديش يفكك من بين يدي .." خذا مسدس من جيبو" امممم دابا غاتقولي شنو كاين و شنو وقع ديك الليلة ولا نخوي هذا فدماغك. .😕

وئام .. أسد .. حرام عليك انا كنبغيك .. ماكفااااكش هاذشي لي درتي ليااا هاذ الأيام هيييييئ هييننيننيئ مافرحتتتش براااسي فحال كااااع العرايس 😭😭حتى نهار دخلتنا ماقربتيييش ليا هنيننينيههيئ هاااه مكدويش معااايااا نهااائيااا فحال لا عدوتك ماشي مرتك .. حراام عليك هاذشي انا كنبغيك هيييئ هييييئ انا كنبغيك من شحاال هاذا و نتا عارف هاااذشي 😭😭 .. فكني أحبيبي عافاك 😭

أسد .."وقف و مشى قدامها تحنى عليها..." ههههههه بحال العرايس .. ههههههههههاااهاااها لا يكون فبالك راك عروسة بصح هههههههه .. لالا ازوينة .. أسد عروستو وحدة .. وحدة كتفهميييي .. من غير مروى عمر شي وحدة تحلم دخل هنااااااااا شير لقلبو..

وئام .. علاااش هااااااااعععععع علاااش هي بالضبط علااااااش انااااااا لاااا 😡 انتااااا ديااالي أنااا و ديك القحبة سرهاااا داااكشي لي درت فيييها😡

أسد .." لوا معاها تسرفيقة حتى سال الدم من نيفها " مجرد تحاولي تقولي شي كلمة عليها نقطع لمك اللساااان كتفهميييي😡 لالااااك هااذييك .. "رجع شدها من ذقنها و زير عليها .." غاتقولي كولشي لمك ولا سند علا بوك هنااااااااا تا تودعي و تخماااجي هنااا 😡

وئام .. هنهنهظهنههيييئ .. فكني عااافاااك و غانقول لك كولشي .. غير فكني هاذشي ضرني فلحمي هئ هئ

أسد .. هاحنا غانفكوك بهيئة مكاتجي غا بتخراج العينين تفوو ..

فكها و رمى عليها الكسوة ديالها لبساتها و هي كتفتف بالخلعة عارفاه وصل للافان ديالو رجع الكرسي ديالو جلس و حط رجل على رجل ..

أسد .. قرضي تما .. و عاودي لياا كووولشي بالحرف من لي لقيتيني فالبار .. حتال الصباح ..

وئام .." مسحات دموعها و يديها كيترعدو بالخلعة .." د..ددد..ددااك النهار كنت جالسة فداك البار .. و فاش بغيت نمشي شفتك .. كنتي كتشرب بلا عقل .. و ف..فااش قربت ليك عرفتك جايب الكاو .. مي كنتي مزال عاقل .. اتصلت بناصر قلت ليه يتصرف و ..

أسد .. "قاطعها " بلاتي بلاتي ؟ قلتي ناصر .. شكون هاذ ناصر .. 

وئام .. ناصر .. هذاك لي ضربته نهار تزوجتي هاذيك الق... بغيت نقول مروى ..

أسد .." تكى على الكرسي و سرح رجليه. ." ايواا قلتي لي ناصر .. ههه و هو شنو غرضو بغا ينتقم على ديك الدقة لي كلا ..

وئام .. لا هو باغي مروى .. 

أسد .."وقف جاهل شدها من عنقها و وقفها" شنوووو قلتي .. بربي و يقرب ليها تا نحركم بزوووج الكلاااب ..

وئام. . " كتحاول تفلت منو " كح كح كح .. لا مابقاش باغيها .. كح كح طلق مني غاتجيفني. . هييييئ هنهنننننننيييي 

أسد .."طلق منها ساس يديه ورجع جلس فبلاصتو " كملي ..

وئام .."كتحك فرقبتها و تبكي .." هو كان بافيل .. ولكن دابا لا هيئ هئ دابا باغيني انا 😭 فآش عيطت عليه صيفط ليا مخدر مع رجالو ..و هاذ المخدر عطيتو لك فالقهوة .. فآش شربتيها قيمتي انا استغليت الفرصة و حيدت حوايجي هئ هئ و نعستي معايا ..😭

أسد " جرها من شعرها " علاش أنا معاقلش على هاذ الق**ي علاااش ..

وئام. . أي أي هئ هئ .. بسبب المخدر لي عطيتك ..

أسد .. ولاد القحاب .. و شكون صور الفيديو ؟!

وئام .. أنا .. أنا لي سجلتو 😭 و انا لي صيفطتو لها فآش عرفتها حاملة هئ هئ ..

أسد .. و الولد لي فكرشك ؟! ولد من ؟

وئام .. هئ هئ ولدك طبعا ولدك .. 

أسد .." ضرب لها الكرسي برجليه حتى طاحت .. '' ولد من بلا ما نستعمل يدي ..

وئام .. أنت .. أمم .. أ. .ااااناا محاملاش 😣

أسد .." خرج عينيه و مشى لعندها شرگلها الكسوة خلاها عريانة " و هاااذ الكرش ديااالمن باغا تخوري ديلمي... 

وئام .. هئ هئ هاذي بطن اصطناعية ماشي ديال بصح. .

أسد .. شناااوااا؟ !

وئام .." حيداتها فحال الجلدة مكاتبانش حيت نفس لون بشرتها "هانتا .. أنا مكنولدش😭 هئ هئ هييييييييييئ حاولت نحمل منك ولكن طبيبة قالت لي محاملاش .. و حاولت حتى مع ناصر و مشيت عند طبيبة أخرى قالت ليا بلي أنا عاقرة. . يعني مكنولدش هئ هئيييننيننيييييئئئننن. .

أسد.. طلعتي دماااغ أبنت القحبة شكون مقريك هاذشي بااك .. 

وئام .. "شدات لو فالشوميز ديالو "أسد انا كنبغيك .. هئ هي منقدرش نعيش بلا بيك عافاك متخلينييش انا قلت لك كولشي سمح ليا عافاااك و نبدااو صفحة جديدة .. هئ هئ هئ هييييييييييئ عااافاااك ..

أسد "دفعها حتى طاحت للأرض و دفل حداها " غاندمك بربي تا نخليك تعفني هنا شنو نتي شنو شيطان أو شنوو واش عرفتي شدرتي... 

وئام .. "كتعلق فرجليه " لالالالاا أسد عافاك عافاك متخلينيش هنا عافاك هيئ هئ هئ عافاااك ندير لي بغيتي عااافاااك هئ هئ هئ ..

أسد .."دفعها برجليه و جرها من شعرها وقفها" رمزية عندها يد فهاذشي .. 

وئام .. هئ هئ هئيييننيننيييييئئئننن هي .. هي ..لي كانت كتقول ليا شنو ندير " ردخها مع الحيط " أاأيييي هئ هييييييييييئ 

أسد.. بربي لا بقات فيكم ..

خرج و سد عليها بالسوارت خلاها كتغوت و تزگي .. طلع لبيت رمزية و سد الباب كانت جالسة الناموسية شادة كارو كتكمي شافت أسد و هي ترميه فوق الناموسية و عاودات هزاتو كطفي فيه ..

أسد .. حرقينا يا رمزية هانم. . 

رمزية.. هااء أسد .. ولدي " مشات لعندو عنقاتو " اول مرة كتجي عندي أحبيبي كنت عارفة قلبك غايحن عليا 

أسد .."تنطر منها و جلس فوق الكنابي " يحن .. ههههه ههههههه لا بصح شنو درتي باش قلبي يحن عليك فارقتيني مع مرتي ..

رمزية .." تصدمات .." ااااناا .. إن. . أنااا شكون قال لك هاذ الهضرة .. أنا 

أسد .. شكون قال ليا هاذ الهضرة .. قالتها ليا شريكتك. . " شاف فيها مزيان .." شفت وجهك صافي مابقيتيش مريضة ياك .. مشاء الله كل نهار كتغلاضي على النهار لي قبلو .. 

رمزية .." كتمسكن" اااه يا ولدي فين بيت الألم اناا لي حاسة بيه داخلي هئ هئ

أسد .. "شد راسو بيديه و كيضحك " هههههههههههههههه مستحيل نتي مستحييل تكوني أم .. نتي مستحيل تكوني انسان اصلا ههههه نحب نبشرك مدة هاذي مشيت لكلينيك لي كنتي جالسة فيه هددتهم و نتي عارفة أسد كلمة منو يريب عليهم داك الكلينيك.. هممم تصدق شنو قالو لي .. قالو لي المدام رمزية دفعات الفلوس باش تجلس هنا .. مشيت عند الطبيب ديالك عطيتو زوج تسرفيقات و گر ليا بكووولشي .. اوووف تقلبات عليك يا رمزية .. طووول عمرك طماعة ..

رمزية .."شدات فيديه" لالا اولدي ماتيقووش انا مريضة .. أنا مكدبتش عليك انا بصح انا مريضة اولدي اااه كنمووت و ما بقى ليا والو .. 

أسد .. " خذا شيك من جيبو كتب لها مبلغ يعيشها حياتها لي مزالة كاملة و يشيط" هاكي و سيري موتي بعيد عليا .. مباغيش أموات فداري .. من غدا مانلقاكش هنا .. و إلا أقسم بالله غاتخرجي بلا ريال بلا زوج .. غير جيتيني مي .. واخة ميشرفنيش ولكن أخلاقي ميسمحوليش نآذي لي ولداتني. .

خرج و خلاها كضرب اخماس في اسداس خذات الشيك كي شافتو خرجو عينيها من المبلغ .

رمزية .. هههه اووووها 😳 هاذشي كلو ديالي .. "شافت لجهة الباب " ههه على أساس انا ميتة عليك 😒 " تكات على الكانابي" ااخ واخة ولفت العز ديال هاذ القصر .. ولكن تا هاذ المبلغ زوين هههههههه ..

كي خرج من عندها أسد تلاقى مع سيلفادور و عاود ليه كاع داكشي لي عاودات لو وئام ..

سيلفادور... عمري شفتك صابر على شي حد فحال هكذا ..

أسد .. صابر عليها حيت من دمي .. و نتا عارفني مكنقربش لدمي .. أما كون شحال هذا صفيتها ليها هي و باها و رمزية معاهم ..

سيلفادور. . و دابا شنو غادير .. سير دوي مع مروى أصاحبي ..

أسد .. فنضرك غاتيقني ؟! بفففف مروى راسها قااصح و انا كنعرفها مزياان 

سيلفادور... أصاحبي غير دوي معاها المهم دير لي عليك..

أسد .. خصني نقنعها .. فيا مايجيبها بزز ولكن مبغيتهاش تزيد تكرهني .. خصوصا آخر لقاء لينا كان مكهرب .. بقات فيا بزاف فآش شفتها فديك الحالة .. عارفها كتبغيني و عمرها غاتكرهني و لكن عند بالها انا خنتها بإرادتي انا نبغي نموت قبل لا نقيس شي وحدة أخرى من غيرها .... بفف حاس براسي ماشي هو هذاك .. 

سيلفادور... الحب هذاك العشير.ههههه ..

أسد .. هذاك من نهار طحنا فيه و حنا لور لور 😌

سيلفادور... خلينا ساكتين انا لمى قالت ليا ماتقبل تزوج بيا تا تكمل قرايتها هههه 

أسد .. خخخخ مزيان خليها تكون مستقبلها

سيلفادور... اودي الصبر .. 

أسد ..."حط راسو على رجليه .."الصبر كيقتل 

مروى كانت كتوجد للحلقة ديالها حتى حتى سمعات تيلي كيصوني شافت الرقم ديال برا. . مكانتش غاتجاوب حتى شافتو مصر .. 

مروى .. ألو ؟! 

أسد .. اااخ شحال توحشت هاذ الصوت ..

مروى .. "سمعات الصوت لي زلزل كيانها و خلا تلف .. وقفات و بقات كتشوف فالمراية .." اسد ..

أسد .. روح أسد .. عيون أسد .. حياة أسد ..

مروى .. أسد شنو بغيتي .. لاش متصل بيا ...

أسد .. توحشتك يا روح أسد ..

مروى .."غمضات عينيها بجهد "اسد سير لمرتك سير راها كتسناك .. عيب هاذشي لي كدير ..

أسد .. مرتي راها فالبلاصة لي خصها تكون فيها من شحال هذا 

مروى .. "دمعو عينيه و حبساتهم .. طلعات راسها لفوق باش مينزلوش" فعلا .. كل واحد راه فالبلاصة لي خصو يكون فيها ..

أسد .. شنو فهمتي عاوتاني .. 

مروى .."قاطعاتو" شنو غانفهم .. هاه ماعندي مانفهم .. أسد .. غدا خدامة خليني نمشي نعس الله يخليك ..

أسد ..خدمتي ؟! فآش ..

مروى .. خدمت مذيعة فراديو.. و زيدون شنو بغيتيني نخدم فينما بغيت ..

أسد.. كيفاش شنو بغيتك راك حبيبتي .. 

مروى .. اااااععععع ... كلامك مستفز .. اوف أوووووف حبيبتك هي مرتك .. هيااااا مرتك ..

أسد .. حبيبتي هي مروى .. 

مروى .. أسد بأي .. ماتعاودش تتصل بيا .. 

أسد .. مروى متأكدة انك بيخير .. 

مروى .."ابتسمات" فوووق البيخير .. أسد فوووق البيخير 

أسد .. سمحي ليا .. مروى ...علاش غانسمح ليك ..

أسد .. حيت طلقتك .. مروى .. لالالالاا كاين فرق .. أنا لي بغيت نطلق .."غمضات عينيها و قلبها غايخرج من بلاصتو " كاين فرق .. أنا لي بغيت طلاق .. 

أسد .. سعدااتك .. أنا ماشي بخير .. و مغانكون بخير حتى ترجعي مدام مروى فخري. .

مروى ..أسد .. أنا غانتزوج .. مستحيل نرجع. . سير اهتم بمراتك و ولدك و خليني نعيش حياتي مع لي ختاريتوو اناا ..

طفات عليه التيلي و نزلات للأرض كتنهج و مخرجة عينيها أما هو كي قطع معاها بقى كيشوف بالصدمة ماعرف مايدير رمى تيليفون و خرج عينيه حمرين كي الجمر و و غوات كي تسمع بحال زئير الأسد .. القصر كلو تهز و تحط على صوتو .. خرج جاهل كيردخ بأي حاجة جات قدامو دخل لطونوبيلتو و انطلق بأقصى سرعة حتى تسمعو الروايض شعلو فالأرض ..بقى سايق بلا عقل و معارفش لفين الوجهة ديالو كيشد الفران بجهد و يطلقو وصل لجرف عالي تحت منو واد جا يسد الفران مابغاش يشد ليه دار جمع المحاولات انو ينعطف لجنب ولكن فات الأوان نزلات الأوطو كتكركب حتال التحت... بقات كتبان غير الأوطو مدغدغة و شاعلة فيها العافية فهاذ الوقت كانت مروى كتحاول تنعس لكن فجأة قلبها تهز و تحط حتى شهقات وبداو عينيها كيدمعو😨😨

فهاذ الوقت كانت مروى كتحاول تنعس لكن فجأة قلبها تهز و تحط حتى شهقات و بداو عينيها كيدمعو.. الليل كلو الغصة فقلبها .. بداات كتبكي و تنخصص و كتخنقها الشهقة ديال البكاء .. حتى طلع الصباح .. دوشات بماء بارد لعلها تفيق شوية دخلات نشفات شعرها و لبسات سروال و شوميز فالأسود و طالون فالأسود حتى هو و حقيبة يدوية بالبيج و اتجهت للإذاعة... وراتها السكرتيرة المكتب ديالها كي دخلات ليه حطات راسها على المكتب و مغمضة عينيها حتى سمعات طرقات خفيفة على الباب ..

مروى .. "هزات راسها "تفضل ..

زين الدين .. السلام عليكم و رحمة الله ..

مروى .. عليكم السلام تفضل مسيو ..

زين الدين .."جلس فالكرسي لي بجنب المكتب .." جبت لك البرنامج تاع الإذاعة .. 

مروى .."خذات من عندو الورقة و شدات راسها كتقرااا فيها ." احم .. مزيان .. يعني انا البرنامج ديالي غايكون بالصباح ..

زين الدين .. وي فالصباح ..أمم باش تكملي خدمتك بكري قبل الليل .. مابغينااش نعطلوك بالليل هنا..

مروى .. شكرا بزاف ولكن أنا ماعنديش مشكل مع الليل ..

زين الدين ..المهم برنامجك غايكون بالصباح من الأفضل ..

مروى .. احم ..البرنامج ديالي غايكون عبارة عن حوار بيني و بين المستمعين .. يعني أي مستمع بغا يشكي همو عليا و انا نساعدو و نستضف خبراء و أطباء نفسيين شيوخ يعني كل حلقة نجيب متخصص فشي موضوع. . 

زين الدين ..اممم "كيحرك راسو بإعجاب " مزيان هاذ القضية ماعندناش فالإذاعة .. عجباتني ..

مروى .."ابتسمات بزز " شكرا ..

زين الدين .. "كيشوف فيها و يلعب فلحيتو " صراحة كنت كنضن بلي غاتقولي لي باغا ديري برنامج على الجمال و الموضة .. أعجبني تفكيرك ..

مروى .. هههه علاش بالضبط الجمال و الموضة ..

زين الدين .. حيت نتي جميلة اكيد عطية للجمال و الموضة حيز كبير فحياتك .. احم .. كنقصد يعني ..

مروى .. حيت أنا ماشي محجبة .؟

زين دين ... لالا ماتفهميش على النحو الخطأ انا كنقصد .. يعني مهتمة براسك ..

مروى ..أي بنت كتهتم بجمالها ولكن عادي .. ماشي واخذ حيز كبير من حياتي كف سبق وقلتي .. 

زين الدين .."سهى فيهم و هي كتلعب بالستيلو..." مشاء الله .. 😍

مروى .. عفوا قلتي شي حاجة ..؟!

زين الدين .. "وقف " لا أبدا .. البرنامج ديالك ظن دابا شوية غايبدى كنتمنى ليك التوفيق مسبقا ..

مروى .. شكرا بزاف ..

زين الدين .. السلام عليكم ..

مروى... عليكم السلام 

كي حى طاحت على الكرسي شادة قلبها و عينيها مدمعين و كل شوية كتشهق ...

مروى .."شادة راسها بيد و قلبها بيد أخر " خير يا رب خييير اللهم لا نسألك رد القضاء ولكن نسألك اللطف فيه اوووف يا ربي ..

دخلات الأستوديو عرضات البرنامج ديالها كي كملاتو مشات ديريكت لدارها و اتصلات بكريستينا. .

مروى .. ماما نتي بخير انيس و يسرى .. ياكما واقعة لكم شي حاجة ..

كريستينا .. لالا أبنتي حنا لاباس كلنا بخير.. مالك شنو عندك 

مروى .. قلبي مامهنينيش .. شي حاجة وقعات أو غاتوقع .. البارح منعستش بالليل .. أكيد شي حاجة غاتوقع ..

كريستينا... الله يحفض .. وغاية والو انشاء الله غير قلبك مزير .. قراي القرآن غاتحسي بالراحة .. 

مروى .. واخة .. بسلامة دابا سلمي على الكل ..

كريستينا... بسلامة أحبيبتي ..

مروى "قفلات الخط ..حطات راسها على الوسادة و طلقات العنان لدموعها "أسد 😭 اكيد أسد .. ااااأاااأااهععععععع هئ هئ 😭😭 ..

استسلمت للنعاس و ماسمحاتش لنفسها ابدا تتصل بأسد و تعرف عليه أي خبر .. هكذا فات أسبوع كامل نفس الروتين عند مروى .. الصباح الخدمة و بالعشية الرياضة أو كتمشي عند غزلان تجلس معاها مع أنو نفس الإحساس مزال عندها قلبها مقبوض و خصوصا فالليل كيتزير عليها أكثر و كيحبس لها التنفس .. علاقتها مع زين بدات كتوطد خصوصا أنو كيبدي لها اهتمام واضح ..أما أسد من بعد يومين عاد لقاوه مرمي فوق حجرة بعيد على الطونوبيل ديالو مغمى عليه .. هزوه بالهلكوبتر للمستشفى لقاو دقات القلب عندو ضعيفة جدا و التنفس حتى هو ركبو ليه الآلات و اتصلو بسيلفادور لي كان كيقلب عليه و يحاول يوصل ليه فهاذ اليومين... داز أسبوع على علاجو و مع ذلك مكيفيقش و ما كاين حتى مؤشر كيقول بلي غايفيق كيف قال الطبيب لي كيعالجو لسيلفادور. .

سيلفادور. . كيفاش اش كتخربق نتا كيفاش مغايفيقش ..

الطبيب .. ميسيو سيلفادور ممكن تهذن .. حنا درنا لي علينا و الباقي نخليوه للقدر يتحكم فيه ..

سيلفادور. ."تجمعو الدموع فعينيه ولاو كي الجمر شنق على الطبيب " واااش نتااا عارف اش كتقوول هااااه عااارف شكووون هذااا لي هنااا هااااه .. واااش عااارف شكووون هو أسد .. كنقسم لك الى مااات غاندفنك حداااه كاااتفهم .. أسد خصوووووو يفييييق وااااع متحلمش تزييييد نهااار آخر من بعدوو و

جات طبيبة أخرى كتجر فسيلفادور و تحاول تهذنو .. 

الطبيبة .. اسيييي هاااذشي ماعندووو باش يفيد هو شنو غايدير إلى تسلااا اجلو .. آش هاذ الحالة داير .. هو شنو ذنبو ..

سلفادور. ."طلق منو و شد فدراعها " كنقسم ليك إلى مات غانحسب ربي مخلقكمش. . ديرو خدمتكم ولا غاتشوفو مني وجه ثااااني. .

الطبيبة .. ممكن طلق مني و تفضل معايا دقيقة ...

سيلفادور. .. "ضم يديه لي كانو كيترعدو بالأعصاب .." يعني ؟؟ .. يعنييي أسد ممكن يموت؟!..

الطبيبة .. ممكن طلق مني و تفضل معايا دقيقة ...

طلق منها و تبعها للمكتب ديالها. .

الطبيبة .. هاذشي لي كدير فيه ماغاديش يرجع ليك صاحبك ..تفضل شرب و رتاح .."مدات لو كأس تالماء .."

سيلفادور. ."خذاه من عندها و حطو بدون ما يشرب منو " اسد ماشي صاحبي أسد خويا انا و ياه واحد .. وإلى جرات ليه شي حاجة غانضرب فيكم كاملين و مغيهمني حتى واحد...

الطبيبة .. أسد طاح من مكان عالي و خرج من السيارة قبل ماتحرق ..شي لي خلاه يطيح هلى صخرة أثارت على دماغو .. و هاذ الحالة قليل لي كيفيق منها .. مغاديش نعطيك أمل كبير غانقول لك 2 من مئة يقدرو يفيق و يرجعو لحياتهم الطبيعية .. داكشي علاش مابغينااش نعطيوكم أمل كبييير باش متصدمووش ..

سيلفادور. ."ضم يديه لي كانو كيترعدو بالأعصاب .."" يعني؟؟ .. يعنييي أسد ممكن يموت ؟!..

سيلفادور. ."ضم يديه لي كانو كيترعدو بالأعصاب .."" يعني؟؟ .. يعنييي أسد ممكن يموت ؟!..

الطبيبة .. مغايموت مغايعيش .. غايبقى فغيبوبة .. كيحس ولكن مكيتجاوبش .. خصوصا أن جسمو مكيستجبش نهااائيا للعلاج .. هو أساسا يائس من الحياة كنضن ..

سيلفادور. . بالعكس .. كان متحمس يرجع مروى من بعد ما عرف الحقيقة ..

الطبيبة .. مرتو ؟!

سيلفادور ...واه مرتو .. إلى عرفات هاذشي اكيد غاتحماق ..

الطبيبة .. خصها تعرف .. على الأقل يحس بيها فجنبو..

سيلفادور. . هاذشي غايفيدنا بشي حاجة ؟!

الطبيبة .. غايفيدنا بزاااف ..

سيلفادور. ."بفرح " يعني كاين أمل ؟!..

الطبيبة .. عمرنا مانفقدو الأمل .. وجود مرتو إلى كان كيبغيها بزاف بجنبو ممكن ينفعنا ..

سيلفادور. . شكرا بزاف .. 

خرج للكولوار مسح دموعو و اتجه البلاصة لي كانت جالسة فيها كريستينا و أنيس ..

كريستينا. . مروى كانت عارفة شي حاجة غاتوقع .."مسحات دموعها و شدات راسها "النهار فآش وقع هاذشي .. دوات معايا قالت ليا واش كلكم مزيانين.. قلبها كان حاس بلي شي حاجة خايبة وقعات هئ هئ هئ. .

سيلفادور. ."عنقها " دعي معاه 

أنيس .. شنو قال طبيب ..

سيلفادور. . أسد غايبقى حياتو كلها فغيبوبة يا عالم إيمتا يفيق منها ..

كريستينا. ."دارت يديها على فمها " اويلي .. هئ هييييييييييئ الله يا ربي فين كان مخبي لينا هاذشي فييين ااااخ يا ربي ااخ ..

أنيس. ."جلس و حط يدو على راسو " شنو زعما مكاينش شي حل .. ميمكنش نستسلمو و نبقاو نشوفو فيه هكذا ..

سيلفادور... معرفتش انا دماغي تبلوكا .. الطبيبة لي كنت عندها قالت ليا بلي وجود مروى حداه ممكن يخفف عليه..

كريستينا..."وقفات كتشوف فسيلفادور. ." مستحيل .. كتسمع .. مستحييييل تقولو لها هاذشي كاتفهمووو بزوووجكم أي واحد حاول يقول لها شي حاجة انا غاندير شي مصيبة فراسي .. خسرت أسد مامستعداااش نخسر بنتي حتى هي كتفهاااام أقسم بعزة جلال الله و تخبرووها مغايعجبكم حال .. 

أنيس .. واش عارفة اش كتقولي هذا أسد .. ميمكنش تخلاي عليه مروى هي الخيط الرفييع الوحييييد لي قدامنا ..

كريستينا. . مروى ماخصهاش تعرف .. مروى هربات منو و من مشاكلو هربات حيت فاض بيها خليوها تبدى حياة جديدة الله يخليكم ماتحرقوولييش قلبي والله تا نقتل راسي لا درتو حاجة بحال هاذي .. كنحذركم انا ما مستعدا نخسرها بعد ما لقيتها ..

سيلفادور... للأسف طلعتي أنانية أكريستين لو تعرفي شنو كنتي كتعني لأسد .. كان كيعتبرك مو .. للأسف كان غالط فيك .. كووووووولناااا غالطين فيك .. كولناا. .

كريستينا..."شدات لو فيدو .." فهمني عافاك مروى مستحيل ترجعو هاذشي غير باش تخفف عليه و انا شكون يخفف عليا إلى تصدمات أو وقعات لها شيحااجة هاذيك بنتي و عاد لقيتها مستحيل نفرط فيها ..

سيلفادور. ."نطر منها يديه " سيري أكريستين سيري .. غير حيدي من هنا ماتعاوديش ترجعي. .

كريستينا... "ضرباتو بيديها لصدرو " هذاك ولديييي كتفهااام ولدي انا لي ربيتو لا نتااا لا هو ياكما نسيتي راسك هاااه هييييئ هنهنننننننيييي أسد ماشي غير كنت خدامة عندو أسد راه ولدي ميمكنش ليك تمنعني نشوفو ..

سيلفادور ..." شد راسو " شنو فايدة تشوفيه .. تشوفيه و هو راقد.. فغيبوووبة .. مغايتحركش و نتي .. اااخ يا كريستين نتي خايفة على بنتك .. 

كريستينا. . إلى عرفات مروى عمري نسامحكم ..

هزات صاكها و خرجات جلس سيلفادور فالأرض شاد راسو و تبعو أنيس حتى هو جلس حداه ..

سيلفادور. . مك كاتغلط بزااف و غاتندم على هاذشي ..

أنيس .. مروى طال الزمان ولا قصار غاتعرف و هاذشي غايخليها تاخذ منها موقف ..

سيلفادور. . شنو غانديرو دابا ..

أنيس .. لا الصحافة ولا أي واحد خصو يعرف بهاذشي .. 

سيلفادور... و شنو فايدة هاذشي ..

أنيس .. أعدائه غادي يبغيو يستغلو الوضع .. غاندوي مع الطبيب .. خصنا نقلوه من هنا ..

سيلفادور. . فين غاندوه. .

أنيس ..القصر .. تما غايكمل العلاج ديالو ماتنسااايش عندنا أجهزة فالقصر مكاينين فهاذ الكلينيك..

سيلفادور. . اوك .. 

خرج أنيس لعند الطبيب خذا منو الموافقة باش ينقل أسد للقصر و داكشي لي كاين نقلوه للقصر هو و الطبيبة ديالو و الممرضات لي غايعتانيو بيه جلسو معاه كيف العادة هو سيلفادور.... 

أنيس ..... واش غانسمعو كلام الوليدة .. .. 

سيلفادور. .و شنو غانديرو ؟! عندك حل آخر ..

أنيس .. لا 😔 صعيب عليا نشوفو بهاذ الحالة ..

سيلفادور. . ربي معانا .."شاف فالغرفة ديال أسد .." و معاه😔

●●●●بعد مرور ثلاث سنوات●●●●

فاتت مدة طوييييلة تغيرات فيها حياتي للأحسن كنضن .. مع انو ضروري يكون عندي حنين للماضي ولكن هاذ الإحساس كنقتلو كل ما كنسوف بنتي .. جات عندي غزلان و جلسنا فالصالون كيف العادة ولدها كيلعب بالبسكلبتة فالكولوار بنوتتي كتحبو قدامي و تبجغط غا بحدها ..

غزلان .. سراج ولدي بشوية غاتهرس التلفاز ديال خالتك ..اوعدي هاذ الولد لمن خارج ..

أنا .. هههههههه كتسولي لمن خارج طبعا خارج لباه ... علاه أيمن كيجلس فبلاصة وحدة ..

غزلان .. ههه حشومة عليك .. من بعد الزواج ولا كي النسمة قدام ولدو ..

انا .. "هزات البنت فوق حجرها" ااااخخخ انا على حبيبة ماماها يا قلبي انتي روحي ..اااموووه. . 💋

غزلان .. هاذ حياة واخدة منك عنادك هههه البارح فآش خليتيها لي تغوووت و طير و تنزل بغيت ماما هي بغيت ماما .. 

انا .."عنقات بنتها" حياتي هاذي متقدرش تفارق مامي .. سكوون كيبغي مامي سكوون اممم ...

حياة .. هههعهههنظهنننننغغغغننغغ ما مااا. .

أنا .. اااححح اش هاذي شكلاااطة يا خوااتيي ..

غزلان .. الله يخليها ليك حتى تزوجيها و تشوفي وليداتها انشاء الله .

انا ... و يخلي لك هاذ البييسل .. 

غزلان .. امييين يا ربي ..

سراج. . ماما .. يالله نمسيو .. عيت. .

انا .."عنكشاتو من شعرو" عييتي كانهزو عليك الحجر الخايب هممم ..

غزلان يالله نخليك أحبيبة .. راك كتشوفي لا بدا فالغوات راك كتعرفي ميسكتش .. 

انا .. ههههه يالله ايي بونوييي...

خرجات غزلان و رجعت لعند بنتي وكلتها و بقيت كنلعب معاها حتى نعسات لي فيدي بستها و حطيتها فكونة ديالها .. خذيت التيليفون ديالي اتصلت بزين الدين 

انا .. زين الدين سمحلي صدعتك فهاذ الوقت... مي بغيت نسولك على البنت لي كتتصل بيا فكل حلقة قلت لصطونداغ يسجلو ليا نمرتها و يعطوها ليك .. واشعطاوها لك ..

زين الدين .. "ريح فبلاصتو و مدد رجليه. ." شنو المقابل ..

أنا .. الله يسهل عليك ماشي وقت هاذ الهضرة دابا .. ممكن تعطيني النمرة ولا شنو ..

زين الدين .. بلا متعصبي و هاذ الموضوع غاندويو فيه من بعد انا غانرسل لك الرقم فميساج. .

مروى .. مشكور عليها تصبح على خير ..

قفلت الخط مع زين الدين و تفكرت البنت لي كتصل بيا في كل حلقة و تعاود لها على قصتها .. .

🔙فلاش باك 🔙

انا .. نعم مستمعتي الوفية تفضلي .. شنو درتي صارحتيها كيف قلت لك فالمرة الفايتة. .

...... مروى مقدرتش .. خايفة بزاف حيت بسبابي .. تدمرات حياتها و حياتو و حياتي حتى أنا .. أنا صدقيني حاسة بالذنب ..فآش خرجت من ديك البلاصة حسيت بلي ربي عطاني عمر جديد .. خصني نكفر عن ذنبي ولكن أنا خايفة بزاف و ماقادااش نصارحها ..

انا .. واش فنضرك إلى خبيتي عليها غادي تكوني بهاذ الطريقة مكضريهاش .. كيف قلتي دمرتي حياتها و اي وحدة مكانتش تتحمل يعلم الله حالتها لا هي لا هو ..

وئام .. أنا غانخلي نمرتي فالصطونداغ اتصلي بيا داك الساع غاتقدي تعاونيني أكثر ..

........

قاطع أفكارها صوت الرسالة لي صيفط ليها زين الدين فيها الرقم .. خداتو داك الساع و اتصلات بالبنت. .

مروى .. ألو .. ختي لباس عليك ..؟!

...... وي شكون معاياا..؟!

مروى .. أنا مروى .. مروى العدلي برنامج حياتي قصة ..

...... ااه اه لباس عليك اختي ..

مروى .. لباس أحبيبة .. كنتي قلتي لي غاتخلي الرقم ديالك باش نساعدك انا مستعدة نعاونك حتى تقولي كولشي للبنت 

....... واخة .. ممكن نتلاقاو .. الهضرة فالتيليفون تقيلة ..

مروى .. أهاه .. واخة غدا مور البرنامج نتلاقاو كي نخرج غانضور لك ..

...... أنا غانصيفط لك العنوان ديال واحد الكافي نتلاقاو فيه ..

مروى .. أمم واخة .. مي باش غانعرفك ..

...... أنا كنعرفك ..

مروى.. اممم واخة ميعادنا غدا انشاء الله ..

الغد ليه مباشرة من بعد ما كملت خدمتي مشيت للمطعم لي قالت لي عليه البنت.. طلبت قهوة وبقيت كنتسناها مدة طويلة حتى فقدت الأمل أنها غاتجي .. يالله كنت غانهز صاكي نمشي حتى اسمع شي حد كيعيط لي باسمي ..ضرت نشوف شكون كيعيط لي حتى تصدمت بلي شفتو ..

مروى .. ن...ننن.. نتي 😳

...... اه أنا .. 😔..

مروى .. شنو كديري هنااا هااا نوضي سيري فحالك ..

...... لا مغانمشي تا تسمعيني و حتى نتي مغااادييش تمشي 

مروى .."خذيت صاكي بغيت نمشي .." وريني كيفاش غاتمنعيني نمشي ..

..... مروى .. جلسي عافاك .. أنا هي البنت لي كانت كدوي معاك عافاك جلسي ..

مروى .. نتي 😳 اكيد هاذي شي مصيبة جديدة من مصيباتك بسعيدة مني ياك خليت لك كولشي عااافااك بعدي مني الله يخليك .. .. 

.......الله يهديك امروى .. جلسي ماجيتش نآديك جلسي و غانتفاهمو ..

الله يهديك امروى .. جلسي ماجيتش نآديك جلسي و غانتفاهمو ..

مروى .. .. وئام .. أنا عارفة مزيااان بلي وراك مايجيش خير .. خرجي داكشي لي عندك و طلقيني .. 

وئام .. كاينين شي حوايج نتي .. نتي معارفاهمش .. أنا ندمت بزااف على لي درت من قبل .. ندمت بزااف .. و عرفت بلي ضيعت حياتك و حياتو و حياتي .. أنا عمري كنت كنبغيه .. كان حب امتلاك كنت باغاه يكون ديالي بأي ثمن .. طبع هو .. و فلووسو... الطمع عماني .. قال ليا راسي ندير شي حوايج ماشي ديالي .. ماتقبلتش فكرة انو رفضني و ختارك نتي .. .. 

مروى.. اشنو هايدير ليا ندمك لا نتي لا هو .. عمري غانسامحكم نتي آذيتيني حيت كتكرهيني و هو .. هااا هو علاش يآذيني .. هااا علااش يآذيني علاش يخوووني ..

وئام .. صدقيني عمرو ما خانك .. داكشي كلو انا لي خططت ليه .. أنا لي درت داكشي كلو .. أنا لي عطيتو مخدر خلاه يدير معايا علاقة جنسية ... و طووول الممارسة كانت جملة وحدة على فمو حبيبتي مروى كنبغيك . أنا كنت فينما نقرب ليه كيقول ليا السبع كيدير وحدة الكلاب هوما لي كيتبعو الكلبات ..هاذ القلب فيه وحدة هي مروى بلاصتك نتي مكايناش.. دائما كان كيستفزني بهاذ الكلام .. داكشي قررت ننتقم منك وخصوصا فآش عرفتك حاملة صيفطت لك فيديو ديالنا .. كنقسم ليك أسد مكانش عارف شنو كيدير .. كان غائب تماما ..و معقلش شنو وقع داك النهار اصلا .. لعبت عليكم لعبة قذرة خلاتني نضيع حياتي و حياتكم .. و درت داك القالب ديال الحمل باش نبقى فيك من بعد ما طاح ليك البيبي .. وفعلا طحتي فالشبكة .. وطلبتي منو الطلاق .. هنا لعبت لعبتي و تزوجت بيه ..

مروى .. لالا اكيد كتبي .. ميمكنش تكوني حقير تال هاذ الدرجة .. ميمكنش تكوني ضحكت عليا و على أسد .. أسد .. أسد عرف هاذشي ..

وئام .. اه عرف و دوقني العذاب باش نعترف و فآش اعترفت ليه حبسني فلاكاف ديال القصر.. لولا سيلفادور... لي فتح ليا كنت غانمووت تما من بعد أربع أيام بلا ماكلة بلا شراب .. 

مروى.. مدام عارف علاااش ماقاااليش علااش مجاتش لعندي 😭😭 هاااه علاااش هئ هئيييننيننيييييئئ خرجتي علينا .. خرجتي على حياتناااا منك لله منك لله ..

وئام .. أنا مكنتش غانصارحك .. خفت .. لكن فآش جيت للمغرب و بديت كتهضر معاك على أساس اني مستمعة .. عرفت بلي قلبك كبيير و بيض .. كتعاوني ناس مكتعرفيهمش .. داكشي علاش حكيت لك قصتك .. ماشي قصتي .. كنت باغا نوصل لك ميساج .. ملي مفهمتينيش قررت نقول لك و خصوصا فآش عرفت بالصدفة أنك معارفاش بلي أسد .. ....

مروى .."شدات لها فدراعها" مالو ها .. أسد مالو ..

وئام ..أسد دار حاذث

مروى .. "وقفات بصدمة " حاذث .. حاذث اش .. هااا حاذث اااش ..آش كتقولي .. هذا شي ملعوب جديد ..هااا 

وئام .. لا ماشي ملعوب .. أسد فغيبوبة .. ثلاث سنوات و هو فغيبوبة .. و ماماك محرمة عليهم يخبروك. .

مروى .."طاحت على الكرسي و شدات فراسها" .. ش.شششنو كتقولي وئام .. قلبي غايسكت واش نتي متأكدة ..مقاداش نتيق ..

وئام .. الطبيب قال لهم بلي وجودك حداه غاينفعو بزاف ولكن كريستينااا رفضت .. أصرت انهم يخبيو عليك.. 

مروى .. لالا ميمكنش .. أسد لا ..

هزات صاكها و طارت قطعات اول طيارة غادا لإسبانياا و دازت للحضانة بلا عقل خذات حياة داتها لعند غزلان ..

مروى .. خوذي حياة لعند ماما خديجة اغزلان الله يسهل عليك ماعنديش وقت بزاف ..

غزلان .. غير قوليلي شبيك اصاحبتي اويلي غاتخليني مشطونة ..

مروى ..أسد .. أسد خصني نمشي نشوفو .. هو محتاجني دابا .. ردي البال لحياة ..

غزلان .. اويلي شمن أسد ولا الخرا واش هبلتي .."جراتها و سدات الباب " اجي لهناا مغانخليكش تعاودي تمشي عندو باارااكاا لي داز عليك منو ..

مروى .. " كتشوف فيها بترجي و عينيها شلال بالدموع "عافاك خليني نمشي اغزلان .. هيييئ هييييئ مابقييتش قادة نهضر .. اسد .. هو محتاجني هئ هئيييننيننيييييئئ ..

غزلان .. هزات حياة لي كانت كتغووت و عطاتو لمروى بالضهر" سيري .. ضبري راسك .. و عنداك ترجعي ليا باكية ..

خرجات مروى كتجري لدارها خذات صاكها و وراقها و اتجهات للمطار ديريكت .. ماوصلات وقت طيارتها حتى طيبات معدتها بالقهوة ..و عينيها ماحبسوش بالدموع كلام وئام نزل عليها بحال السم .. ماقتلها ما حيتاها .. ماعرفات واش تفرح حيت عرفات واش أسد مخانهااش .. ولا تبكي على حالتو .. 

مروى ..ياربي خير .. ثلاث سنيييين أماما ثلث سنيييين ااااخ 😭

دوزات سوايع الطيارة غير بطليع الروح كي وصلات لمطار مدريد شدات طاكسي ديريكت للقصر الحراس فآش شافوها فتحو لها البوابة بلا مايعترضو دخلات بالطاكسي حتال الباب خلصاتو و طلعات من الدرجات ديال الباب .. ...دقات بشوية فالأول.. رجليها مابقاوش هازينها بالخلعة .. فتحات لها الخدامة الباب ..

الخدامة .. لالة مروى .. على سلامة طولي الغيبة ..

مروى .. " كتبكي و دوي " هئ هييييييييييئ فين أسد .. فينو .. 

الخدامة .. دخلي .. تفضلي سي سيلفادور الداخل ..

دخلات كتجري للصالون كان سيلفادور و أنيس و كريستينا جالسين فالصالون ..

مروى .. متجمعييين عند النبي ..كوووولكم هنااا ..

كريستينا. ." وقفات و ملامح الصدمة على وجهها .."مروى .. بنتي .. لاش جاية .. 

مروى .. شنو مالك تصدمتي هاااه مالك ..

سيلفادور. ."بانت الفرحة على وجهو " ماكنتش عارفك غاتجي منت نجي نجيبك...

مروى .. غير ريح ليا راسك .. فين أسد ..

كريستينا. . أسد .. أاأ. .مم..

مروى .. سولت سيلفادور .. سيلفادور رجلي مهازينييش. . فين أسد ..

سيلفادور. . اجي معايا .. 

مشات مروى مع سيلفادور و طاحت كريستينا على الكنابي شدات راسها ..

كريستينا... ميمكنش. . شكون قالها لها ..

أنيس .. كنت خايف من هاذ النهار .. ودابا شوفي كيفاش غاتفكيها..

كريستينا. . ماتزيدش عليا عافاك خليني بوحدي ..

دخلات للغرفة ديال أسد .. طاحت كون ما شدها سلفادور سندها بمجرد ما شافت الآلات و السلوكا لي كانو ضايرين بأسد .. قربها لعندو كي شافتو خرجو عينيها...

مروى ..هئيييننيننيييييئئ هييييييييييئ اويلي .. أسد .. هذااا أسد .. لا ميمكنش .. لالا لالالالاا مستحيل نصدق أسد .. "شدات لو فرجليه "رجليه باااردين هئ هئ .. جيب ليا باش نغطيه هييييييييييئ. . أسد حبيبي هاني جيت .. حبيبتك جات .. أنا جيت و عمري غانمشي حبيبي ..حياتي فيق .."قربات لعندو و شدات يديه كتبوسهم .. فيق هئيييننيننيييييئئئننن فيق رجع ليا .. أنا حمارة .. أناا مكانش عليا نخليك. . أنا السبب هئ هئ أنااا "تكات على صدرو كتسمع نبض قلبو" حياتي فيق .. أنا هناا هئ هئ .. أسد فيق .. أحبيبي توحشتك .. حياتي بلا بيك مكان ليها حتى معنى .. فيييق .. 

خرج سيلفادور و خلاها جالسة معاه قربات جلسات حداه و حطات راسو على صدرها كتعاود ليه شنو طرا فهاذ السنين حتى داها نعااس حتال الغد ليه كتفيق على شي حد كيحرك فيها و يغوت

الطبيبة " دخلات كتغوت عليها" اماداام شكون عطااااك الحق دخلي هنااا 

مروى .."وقفات قدامها و عينيها حمرين" أنااا مرتوووو و عااااد عرفت بمرضووو نتي لي شكووون عطاااك الحق دخلي بلا مادقي. .

الطبيبة .. أنا طبيبة ديالو ألالة و فآش كندخل مكندقش الباب .. و دابا تفضلي خرجي حيت غانحسن ليه دابا ..

مروى..."نطرات لها الماكينة باش كان كيصاوب اللحية " انا هنا .. نتي برا .. و زيدون نتي طبيب ولا حلاق .. يالله برا..

الطبيبة .. أمدام راه ماعندكش الحق دخلي اصلا ..

مروى .. و شكون غايحيد ليا هاذ الحق .. نتي مثلا ؟!.. قودي لبرا بلا منستعمل يدي ..

الطبيبة .. صوفاج 😒

مروى .. هي مك .. يالله برا عليا ..

خرجات الطبيبة كتغلي من داخل أما مروى .. دخلات للحمام خذات فوطة فزكاتها بماء دافي ورجعات لعند أسد لي ناعس و لونو شااحب اللحية كبرت واخة كانو كيصاوبوها ليه لكن ماشي كيف كان كيصايبها هو .. نقص الوزن ديالو على الأول .. خذات الفوطة مسحات لو وجهو و يديه و دوزات على على رجليه و عينيها مضببين بالدموع .. خذات المكينة باش كيرازي صايبات لو اللحية كيف كيبغيها خفيفة و مامرتباش 

مروى .. "باستو و عنقاتو " أميري النائم ..

..مسحات دموعها و دخلات رشات وجهها بالماء .. رجعات لعندو كدوي معاه فحال لا كيسمعها ..

مروى .. كتبووحط عليا باش تعذبني ياك .. احيااني عليك العفريت اصلا انا غانبقى حدى راسك حتى تفيق واخة تبقى هنا مئة عام و نشوفو شكون غايعيا .. اخخخ شحال توحشتك "باست لو كف يدو ..و شدات وجهو بين يديها " توحشت شوفاتك .. كلامك واخة يكون معيور و سبان ... توحشت نشفات ريحتك .. توحشت نبوسك .. توحشتك عينيك فآش كتشوف فيااا ملي كتفيق من النعاس .. فيق شوف فيا عافاك أحبيبي . شوف فيا .. عمري نعاود نبعد عليك .. شكيت فيك و جرحتك .. سمح ليا حبيبي .. الله ياخد فيها الحق .. الله يأخذ الحق فلي كانت السبب . مكانش عليا نخليك .. ولا حتى نشك فيك .. "باستو فشفاشفو" ... حبيبي حل عينيك .. علاش ناعس هاذ المد كاملة .. علااش .. خليني نشوفك ..فيق .. ضربني غوت عليا دير لي بغيتي قتلني حتى غير فيق عافاك أحبيبي ..

الطبيبة.. "واقفة عند الباب " باينة كنتو كتبغيو بعضياتكم 

مروى .. "شافت فالطبيبة و مسحات دموعها" كثر ما كتصوري .. هو الهواء باش كنتنفس ..

الطبيبة .. علاش تعطلتي ... ؟! هاذي أكثر من ثلاث سنوات .. قلت لهم وجودك بجنبو ممكن يغير بزااف ..

مروى .." شدات راسها" هئ هييييييييييئ ماقالو ليا واالو هئ هئيييننيننيييييئئ خباو عليا .. معرفتش علاش .. هئ هييييييييييئ علاش دارو فيا هكذا هئ هئيييننيننيييييئئ. ..

الطبيبة .. "قربات لها عنقاتها" شووووووت صافي .. متبكيش .. خصك تكوني قوية .. أسد الأمل انو يعاود يفيق ضعيف مغاديش نكذب عليك .. ولكن بوجود شي حد كتربطو بيه شي علاقة خاصة يقدر ينفعو بزااف ..

مروى .. هئيييننيننيييييئئئننن هييييييييييئ إلى مفاقش غانمووت .. و الله و يموت تا نتبعو هييييئ هنهنننننننيييي مستحيل نعيش بلا بيه..

مروى ... هئييييينيننينييييينننينن هييييييييييييئ إلى مفاقش غانمووت. . و الله و يمووووت تا نتبعوووو هييييييئ هيينهنننننننيييئ مستحيل نعيش بلا بيييه

الطبيبة .. "كتمسح لها دموعهت .." نتي غير جلسي حداه و دعي معاه .. اكيد غايولي مزيان احبيبة ..

مروى .. شكرا بزاف .. و سمحي لي على ود البارح راك عارفة .. كنت معصبة ..

الطبيبة .."شدات فيديها" ماشي مشكل ..خوذي راحتك..

خرجات الطبيبة و خلات مروى مع أسد .. جلسات حداه كتبكي و تبوس فيه حتى دخل عليها سيلفادور...

سيلفادور. . مروى أجي دقيقة ..

مروى .. مغانخليهش بوحدو ..

سيلفادور. . غير دقيقة 

خرجات معاه قالبة وجهها محاملاش تشوف فيه لا هو لا أنيس لي كان جالس حداه ..

سيلفادور... "حط بلاطو ديال الأكل فوق الطبلة .." أجي تفطري من لي جيتي ما حطيتي حتى حاجة في فمك ..

مروى .."رجعات تدخل عند اسد" متخصنيش. .

أنيس ...."شد لها فيديها" عافاك اختي .. أجي ديري غير لقمة باش تقدي توقفي على رجليك..

مروى .."تنطرات منو و دورات وجهها" ماتعاودش تشد فيا ولا تحط عليا يدك ..

سيلفادور... عارفين بلي مقلقة منا ولكن كريستينا حلفاتنا مانقولولكش .. مكانش عندنا خيار ..

مروى .."شافت فيه بنظرة استهزاء و تنقيص" حيت كريستينا حلفاتكم تخليتي على صاحبك ؟! تخليتي عليه باش متقلقهااش و انا فين من هاذشي كامل هااا؟! فين انا .. انا ماشي من حقي نعرف ..؟!

كريستينا... و يعني شنو درتي دابا هانتي معاه علاش مفاقش؟! 

مروى .."دارت لعندها" علاش مفاقش .. ههههه نسولك نتي .. نتي .. نتي سبب كون جيت من شحال هذا يمكن يكون فايق دابا ؟!

كريستينا. . انا خايفة عليك .. فهميني انا ماماك .. انا خفت لا تمرضي. . مجاكش القليل منووو

مروى .. ماما .. هههههه لالا عافاك هاذشي أوفر .. واش ماقالكش راسك بلي هاذشي مهمااا تخبااا غايجي نهار و غايتفضح؟! هاااه انا مصدومة فيك .. مصدووومة فيكم كااااملين .. 

أنيس .. مروى .. تهذني .. 

مروى .. اش نتهذن اااش واش عارف شكون هذا لي داخل عارف شنو كيعني ليا ولا لا ؟! 

سيلفادور.... مكنتش باغي نبي عليك ياما حاولت مع كريستينا ولكن كانت خايفة عليك بزاف ..

مروى .. هذا ماااشي خوف .. منااش غاتخاااف عليا هاااه منااش .. من أسد .. كنتو عارفينو مظلوم ياك ؟؟ عارفين ديك وئام هي لي دارت هاذشي كلو باش نتفارق مع أسد .. و مع ذلك ماقلتو ليا والو .. مابغيت حتى واحد .. خليوني بوحدي .. كلكم خرجو .. 

كريستينا. . بنتي نعلم الشيطان شنو درتي لهاذشي كامل ..

مروى .. يا برووودك اويلي على شنو درتي أماما واش من نيتك .. انا لقيت الخير فعدوتي و مالقيتووش فيكم .. 

كريستينا... مروى سمحي ليا ابنتي .. انا 

مروى .. نتي اشنو ..هاااه شنوو نتووماا كوولكم غاتخرجو و تخليوني بوحدي الله يخليكم. .

أنيس ..صافي غير ماتقلقيش .. غانخرجو كالم ..

شد أنيس فكريستينا و خرجها كتبكي اما سلفادور بقى واقف معاها..

مروى .. خرج .. كووولكم خرجو ه هييييييئ هئ هيننننههننننيييييئ برااا

سيلفادور. ."عنقها واخة كتقاومو بقى شاد فيها حتى ترخات" شووووت كوولشي غايفووت تهذني ..

مروى ..علااش خبيتو عليا ..علااش انا اول وحدة كان خصها تعرف..

سيلفادور. . اشنو ندير انا كريستينا قالت لنا إلى وصلنا لك الاخبار غادير شي حاجة فراسها و صراحة هي عندها الحق تخاف عليك .. لي دزتي منو مكانش ساهل ..

مروى .."مسحات دموعها و جلسات حاطة رأسها بين يديها" راسي غينفجر ... 

سيلفادور... سامحتيني 😢... خوك انا خوك 

مروى .. كيف غادي مع لمى..؟!

سيلفادور.. اش غانقول لك من نهار الحادث ديال أسد مابقيناش فحال الأول ..

مروى .. لمى كانت عارفة ؟!

سيلفادور. . لا طبعا .. ماقلتهاش لها .. خليها تكمل قرايتها كيف بغات باين ليا غانبقى أعزب مكرس مع هاذ ختك ...

مروى .. هههه سرك 😌..

سيلفادور... كوولشي من عندكم عسل ... 

مروى .. انا غانمشي عند اسد ..

سيلفادور. . حرك راسو بالإيجاب و خرج من الغرفة .. تبعاتو مروى لي مشات عند أسد جلسات حداه و كتشوف فيه .. ناعس و مكالمي على غير العادة😔 .. هزات مصحف من صاكها و بدات كتقرى عليه و كل ما كتزيد تقرى و تخشع كيحرك رمووش عينيه و صباعو بشوية كي شافتو حطات المصحف و مشات كتجري لعند الطبيبة ..

مروى .. "كتنهج و تسوط " ختي .. اسد اسد حرك عينيه و صباعو ..

طبيبة .. اجي نشوفو ..

دخلو عند اسد و كشفات عليه الطبيبة و على ملامح وجهها الصدمة و الذهول ..

الطبيبة ..كيفاش هاذشي ميمكنش يعني مكانش كيتفاعل جسمو مع العلاج نتي شنو درتي ليه؟!

مروى .. انا !!والو انا غير قريت عليه القرآن فقط هذا ما درت ..

الطبيبة .. إلى بقينا هكذا ممكن يفيق ..

مروى .. "عينيها كيبريو بالفرحة " يصح .. يا رب يا رب ..😍

الطبيبة .. ياك قلت لك غير بقاي معاه غايولي مزيان هانتي مفاتو حتى يومين و بدى كيتحسن ..

مروى .. الحمد لله ههه😍😍

خرجات الطبيبة بعد ما ريحات مروى بهضرتها و جلسات حدى أسد كتب ليه فشعرو و تبوسو .. و مرة تقرى عليه القرآن مرة تبدى تعاود ليه على حياة ..

مرة تقرى عليه القرآن مرة تبدى تعاود ليه على حياة .....هكذا دوزات عشر أيام بالتمام الوحيد لي كدوي معاه هو سيلفادور... كريستينا خذات منها موقف فيما كتشوفها كدور وجهها و تخليها بلاكة مع أنها كتبقى فيها و خصوصا أنها فيما كتشوفها كتفكر حياة .. لي كتسول عليها غزلان غير فالتيليفون ... اما أسد كتضل جالسة حداه و كتقرى عليه القرآن و نفس الشيء كيطرى كل مرة كيحرك شفارو و صباع يديه و جسمو كيزيد يتفاعل مع العلاج لي كياخد مرة على مرة .. 

كانو جالسين كيفطرو فالصالون حتى نزلات عندهم مروى سلمات على سيلفادور فقط .. و جلسات كتفطر ..

مروى .. سيلفادور بغيتك فوائد الخدمة ...

سيلفادور. . نخدمك بعينياا اختي ..

مروى .. بغيتك تجيب ليا بنتي من المغرب..

سيلفادور. ."وحل لو الخبز لي كان في فمو" كح كح كحححح ..ب..بننتك؟!..

مروى .. آه بنتي .. ماشي وقت استغراب دابا .. انا جبت مربية طلبتها لبارح غاتكون جاية فطريق .. صيفطها هي و رجالك يجيبو ليا بنتي من عند غزلان .."جبدات ورقة جيبها" هذا العنوان ديال غيزو .. يالله من بعد نتشاوفو

سيلفادور. . أجي لهنا شرحي ليا ليا شنو هاذشي ..

مروى .. من بعد حتى ترجع و نعاود لك 

طلعات لعند أسد كيف العادة وخلال سيلفادور كيضوور فعينيه هو أنيس .. شافو بزوجهم فكريستينا. .

كريستينا. . مالكم كتشوفو فيا سيرو شوفو فيها هي .. 

ناض و خلاتهم واحد كيشوف فالآخر ..

أنيس .. فهمتي شي حاجة ؟!

سيلفادور. . ختك مزوجة ؟!

أنيس ..بالعماا واش عارف شي حاجة ..

سيلفادور ..."شرب قهوتو و ناض" نمشي نشوف هاذ المصيبة لي طاحت علينا عاوتاني ..

أنيس ..سير سير .. انا نمشي نشوف ولدي خليتو فيه السخانة هاذ الصباح ..

سيلفادور. . لباس عليه😌..

خرج كل واحد مشى يدير داكشي لي وراه و مروى كيف عادتها جلسات النهار كلو حدى أسد بدون كلل و لا ملل حتى جا سيلفادور عيط عليها خرجات لعندو لقاتو كيلعب مع حياة ..

سيلفادور... ''مد لها حياة '' ولكن مقلتيليش شكون باباها .. إما شي واحد كنعرفو ..؟! علاش مجاش معاك .. يعني .. هو خلاك تجي بحدك تشوفي أسد عادي ..!!

مروى ... ههههه حيلك حيلك ...هههههه اش هاذ الأسئلة لي ماتشبه بعضها 

سيلفادور .. هههه آوا بغيت نعرف هاذ البنت منين جات ..!!؟

مروى ..''رجعت بيها الذاكرة للوراء ''..اش غانقول لك رجعتبني لواحد النهار عمري غانساه فحياتي .. كنت كنزور دار الأيتام كيف عادتي كل سبت .. وداك السبت كان غير الأيام كلها. . دخلت لعبت مع الوليدات و عطيتهم الكادوات لي جبت لهم حتى كنسمع الهراج و ناس كيهضرو بجهد .. مشيت عند الباب .. بانو ليا المشرفات ديال الدار و المديرة كلهم مجمعين على سليلة صغيرة محطوطة فوق البيرو تالإستقبال قربت لهم ....

........

مروى .. البنات شنو واقع .. خلعتوني يصحابلي مضاربين ..

مشرفة 1 ..هانتي أختي مروى .. أجي تشوفي شنو لقينا قدام باب الدار ..

مروى ..'' شافت فالسلة ..'' شنو هذا ؟!

مشرفة 2.. هاذي نتيجة ثقي فيا و كنبغيك غير نتيا و انا راجلك و نتي مرتي ..آخ الله ياخد فيهم الحق و صافي .

قربت للسلة كي طليت فيها بانت ليا بنيوتة صغيورة غاتكون مافاتت على الزيادة ديالها حتى عشر أيام مكمشة فليزار لي مغطية بيه و حدها وريقة صغيرة فتحتها لقيت مكتوبة عليها '' يمكن هي تكتبات ليها حياة جديدة ولكن انا اليوم غانموت.. ماتبدلولهاش اسمها خليوها حياة باش تنبع الحياة فيما كانت ..'' مقدرتش نخليها ..تبنيتها و خليت اسمها حياة كيف ما طلبات أمها أو لي حطها .. و فعلا من نهار دخلات لحياتي عاد عطاتها حياة و دفء ..

سيلفادور .... اممم درتي خير كبير سعداتها عندها أم بحالك .. ''شدها من عنقها و ضمها ليه '' خليك ديما هكذا .. 

مروى ..حياتي مخاصها والو من غير أسد ..

سيلفادور. . قولي يا رب .. 

مروى .. يا رب. . بغيتو ينووض و نقول ليه شحاال كنبغيه و شال معذبة بلا بيه .. كنت كل يوم كنتفكرو .. كل حاجة كنديرها كنتفكرو حتى فاش كنبغي نصاوب القهوة كنتفكرو فاش كيقول لي صاوبي ليا قهوة من يديك كطلع حلوة واخة مافيهاش سكر ...ههه ..

سيلفادور... اااخخخ 😔 كون غير ينوض و يغوت عليا .. نعاودو نتناقشو .. نضاربو و الغد ليه ندويو كأن شيئا لم يكن .. 

مروى .. ''شدات فيد سيلفادور '' انا متأكدة غايفيق ..إنشاء الله غايفيق ياك احياتوو ''بدات كتبوس فحياة'' مدام حياة جات حداه انا متأكدة ربي غايكتب ليه حياة جديدة .....

...مروى .. ''شدات فيد سيلفادور '' انا متأكدة غايفيق ..إنشاء الله غايفيق ياك احياتوو ''بدات كتبوس فحياة'' مدام حياة جات حداه انا متأكدة ربي غايكتب ليه حياة جديدة .....

سيلفادور..."بابتسامة " انشاء الله 😊...

دخلات مروى لعند أسد و حطاات حياة فوق من كرشو ..

مروى .. هاهو پاپا. . عجبك هههه

حياة .. "حطات يديها على صدرو كتقيس فيه .. مدات يديها لحيتو كتلعب بيها و ضحك .. حطات فمها على حنكو كتبوس فيه و عمراتو بركها"پاپي. . پااا پاااا غغغغغننننهههه ههههه😍😍

مروى ..ههه پاپاا ويلي شنو درتي لپاپا ههههه"خذات لانجيت مسحات لو وجهو" 

حياة .. ماااماااا عععع😡 "عاودات فتحات فمها وحطاتو على حنكو كتبوس فيه" ..غغنننغغغغ پااا پاااا 😄😍

مروى .. ويلي ويلي على البعلوكة تخنزري فماما اخانزة😱

حياة ..... عععههغغغغنننهه مااا مااااتي ماااااه 😍😍

مروى .."مداات يدها تعزها" يالله أجي عندي خلي پاپي يرتااح ..

حياة .. "تعلقات فماماها " پااا پااا حححننننن 😫😫

مروى .. "باستها في فمها" دابا يفيق أماما ..

باستها و عطاتها للمربية خرجاتها من بيت أسد و جلسات شدات فيدو و كتعاود ليه كيف العادة على دوك السنوات لي عاشتهم بعيدة عليه و كيفاش حتى لقات حياة .. كتعاود ليه و تبوس فيديه كتحاول ما أمكن ماتبكيش و هي حداه... 

مروى .. شفتي بنتي .. حياة .. حياتي ..دايرة بحالك كتكون كضحك حتى تقلبها تجعويق و بكاا.. دغيا كتعصب الله يستر .. هههه دائما كتفكرني بيك فكل حالاتها .. ''شدات يدو باستها" اصلا عمرك رحتي من بالي ..

بغات تحط يدو و هو يشدها زير عليها ..شافت فيه كيحاول يرمش بعينيه قلبها كان غيسكت ..

مروى .. أسد ..ااااااااااااااااااااأاااعععععععععع حبيبي .. فقتي .. دكتووووور "خرجات كتجري كتقلب على الطبيبة لي سمعاتها و دخلات عندو هي و الممرضات في ساع ..شافوه فاق كلهم تصدمو ..حيد الخيوط ديال الأوكسيجين من نيفو و كيحاول يحيد الخيوط تالآلات لي فصدرو سدو الباب و مخلاو حتى حد يدخل ليه كشفات عليه الطبيبة ..

الطبيبة .. باش كتحس دابا امسيو. .؟!

أسد .. والو .. 😏

الطبيبة .. مكتحسش بشي حريق فراسك؟!

أسد .. شوية ماشي بزاف !! 

الطبيبة .. صراحة كنا يائسيين تماااما من انك تحل عينيك مرة أخرى .. لكن وجود مدام مروى خلاك تتحسن يمكن لو كانت معاك قبل هاذ ثلث سنين كنتي غاتشافا لا محال ..

أسد .. ثلث سنين😳

الطبيبة .. آه .. ثلث سنين و نتا فغيبوبة .. حتى فقدنا الأمل أنك ترجع لينا مرة أخرى ..

أسد .."كيحيد الخيوط من صدرو و يديه" حيدو عليا هاذ الخراا. .

الطبيبة .. واخة امسيو متعصبش رااسك. . 

حيدو لو الخيوط لي فداتو كلها و لبسوه تيشرت...

أسد .. سيلفادور. . بغيتو دابا يحضر عندي ..

الطبيبة .. المدام مروى .. كتسنى على برا ..

أسد .."غوت عليها " انااااا قلت سيييلفااادوور هي سيييلفااادوور...

الطبيبة ... لي بغيتي .. 

خرجات الطبيبة مباشرة تلاقات بمروى لي واقفة عند الباب كتنقز بالفرحة باغا دخل لعندو ..

مروى .. لاش واقفة قدامي .. حيدي خليني ندخل ..

الطبيبة .. سمحي ليا .. المسيو بغا يشوف سيلفادور. .

مروى .. كيفاش .. حيدي خليني ندخل واش كتفلااي ..

الطبيبة .. ماخصوش يتعصب بليز .. قولو لسيلفادور بلي المسيو أسد بغا يشوفو... 

مروى .. "جلسات فالأرض" انا مابغاش يشوفني ..

انيس.. مروى ختي راه غير مزال ما فاق مزيان ..

مروى .. مابغاش يشوفني 😭😭

انيس،،"عنقها و كيحاول يواسيها" ماتبكيش عافاك .. 

مروى .. فينو سيلفادور هااا دابا قولو لو يجيييي...

كريستينا .. انا غانتصل بيه ..

مروى .. لا رد ..

سيلفادور من بعد الاتصال ديال كريستينا رجع كيجري دخل عند أسد ..

سيلفادور. ."كيشوف فيه بصدمة " أسد😳

أسد .. مالك أصحابي كتشوف فيا فحال شي واحد راجع من الموت ..

سيلفادور. . وااارااك نيت راجع من الموت اعشيري .... "مشى عندو عنقو و كيتنفس بجهد.."

أسد .."دفعو عليه" ههههه اصااحبي مالك فحال الدريات..

سيلفادور. ... "ضربوو فةق ضهرو"هههههه توحشنااك العشير...

أسد ..جلس عاود ليا شنو وقع فغيابي😌 غير الخدمة .. الخدمة فقط. .

سيلفادور. . وووو مروى..؟!

أسد .. الخدمة فقط 😌..

سيلفادور. . أصحابي السيدة تعذبات معاك متكونش قاصح تال هاذ الدرجة .. 

أسد .. نوض قود عليا😡

سيلفادور .. صافي صافي .. 

كيخرج سيلفادور من عند اسد وقفات عليه مروى ..

مروى .. كيف ولا ؟!

سيلفادور. . مزيان .. فحال لا مكانش مريض .. واخة باينة فيه شوية عيان مي ماشي بحال ...

مروى .. مابغاش يشوفني ؟!

سيلفادور. . غير مزال عيان و بغى يرتاح دابا تشوفيه و ويشوفك تا تشبعي منو ..

مروى .."نزلات راسها" 😏 ماعندك لاش تقول هاذ الهضرة .. أسد ماباغيش يشوفني .. مي ماشي مهم .. دابا مابغاش يشوفني و انا مغادييش نمل حيت فاش جيت جيت مصممة نرجعو ليا حيت أسد ديال مروى .."مسحات دموعها و شافت فسيلفادور " مصيرو غايقبل يشوفني😉

سيلفادور .. شفتي نتي .. ماكاينش منك زوج .. هههههه والله تا عالااام

مروى .. هييييييييييييئ هييييييئ بغيت نشوفو دابا ..

سيلفادور .. واش صافي لاش البكااا دابا اا غادخلي لعندو و تشوفيه حتى تملي غير صبري شوية ..

مروى .. واخة 😭😭..

مروی.. واخة..

سيلفادور... (طبطب على ظهرها) داباا ترجع المياه لمجريها خص غير شويييش تالصبر 

مروى ..(ابتسمات ليه) لي صبرات على هاذشي لي فات كلوووو مغاتصبرش دابا !!!

سيلفادور.... هههه هكذا نبغيك دييما قوية💪💪

كل واحد مشاا لشغلو سيلفادور لخدمتو.. مروى مشات لعند بنتها و هكذا فات أسبوع كامل بدون احتكاك بين مروى و اسد لي صح و ولا كيخرج بوحدو و كيمشي لخدمتو عادي فحال لا مكانش مريض .. أماا مروى فينما كتجي تدوي معاه أو تشوفو كيضرب الباب فوجها مكيعطيهاش فرصة حتى تقول لو سلام .. وخصوصا فاش كيشوفها هازة حياة ولا كتلعب معاها .. وحتى سيلفادور ماخلاهش يشرح ليه .. فينما كيجبد ليه اسمها كيكعاا...

سيلفادور..(سد الملف و حطو فوق المكتب). اسد خصني ندوي معاك ..

أسد..."طلع فيه عينيه .. حيد النضاضر ورماهم باهمال على المكتب" بخصوص ؟؟ 

سيلفادور... همممم بخصوص مروى !!

اسد... "ضرب البيرو بقبضة يدو" أاااسي هذا مكان تالخدمة ماشي ديال المواضيع الشخصيــــة😠 

سيلفادور...(تكا على الكرسي لي كان جالس عليه ببرووووود) إذا نمشيو للدار و نهضرو اولا نخرجو لشي بلاصة نجلسو و نهضرو على خاطرنا..

اسد... شفتي نتاا زعمتي بلاااا قياس 😒😠

سيلفادور... أقسم لك يمينا تا ندويو اليوووووم شمن اليوم دااابا نيت غاتسمعني حيت عيقتي على السيدة بزااااف او مكاتشوفش فيهااا حتى الشوفة حشومة اصاحبي و هي خلات دارها و خدمتها على ودك و نتا تعاملها هكذا?? 

أسد.. اجي ضربني لا!? ..

سيلفادور.. وا كل مرة كنجبد معاك هاد السيجي كتقلب عليا ..عيقتي..

أسد.. باش نكونو مفاااهمين أنا ماطلبتش منها تجي تشوفني مطلبتش منها تخلي لا دارها ولا خدمتها ولا حتى رجالها هه😏😏بففف قول لها امشي فحالها اشنو مزالها كدير عندي فداري !! هاااه? 

سيلفادور... همممم القضية هكذااا ههههه اوااا قول من الاول راك غيراان.. هههههه 

أسد..." شاف لجهة الباب و وقف من بلاصتو مشى للسرجم كيطل و يتنفس بجهد.. غيران ههههههههه غانغير على وحدة انا طلقتها..!! كون كنت باغيها مانطلقهاش ههه راك عارفني فاش كنبغي الحاجة مكنطلقش منها بسهولة 😉😉..

مع هاد الهضرة تسمعات شي حاجة طاحت دار سيلفادور بانت ليه مروى كتجمع فصاكها و كترعد... اما أسد ضحك ضحيكة بالجنب حيت مقال ديك الهضرة حتى شافها داخلة مع الباب..جمعات صاكها و خرجات كتجري عينيها مضببين بالدموع كتحاول تتماسك ولكن الدموع كانو أقوى منها شدات تاكسي حتال القصر تدخلات ديريكت عند بنتها هزاتها و طلقات العنان لدموعها يسيلووو على راحتهم..

المربية.. ختي مروى ؟ ياك لباس؟؟ شنو عندك

مروى ..''مسحات دموعها ومدات ليها حياة لي بدات تا هي كتبكي و تهرنن" خودي حياة نعسيها.. و من بعد جمعي لها حوايجها كاملين

المربية..واخة مادام مروى ..

خرجات مروى لبيتها جمعات كاع حوايجها لي جابت معاها و تكات على النموسية كتسنى اسد يرجع... 

أما سيلفادور فاش شافها فديك الحالة معرف ما يدير واش يتبعها ولا يخليها..

سيلفادور.. واش عرفتي شنو درتي دابا؟ ولا غا كتخرااااا هاااه😠

أسد.."جلس على الكرسي وطلع رجليه فوق البيرو ببرود" خليها دوق شوية من لي ذوقاتني هههه😏

سيلفادور... مرتااااح نتا دااابااا هاااه مرتااااح ..غاتندم و الله تا تندم ..

أسد.."وقف و قرب لجهتو" بربي و متجمع راسك تا نتا لي غاتندم..

سيلفادور...داكشي لي عندك فداك الراس كووولووو والو.. كلو غلط..

أسد.. النار لي داخلي مغايبردهااش هاد الكلام بففف...

سيلفادور.. شنو لي غيبردهااا؟؟ تبقى تشوفها هكذا كتعدب هااه؟؟ و ماشي غير هي لي كتعذااب كتعدبها و تعدب راسك.. 

آسد.. خرج علياااااا يالله برااا..😠😠

سيلفادور.. مغانمشي حتى تسمعني ...

أسد.. عندك خمسة تالدقايق ..

سيلفادور.. مروى .. ممزوجاش مروى عمرها تقدر تكون لغيرك متفهم😒

اسد.. طلقهاااا؟؟؟ 

سيلفادور.. شكون هذا لي غايطلقها.؟؟ 

أسد.. راجلها بات ديك البرهوشةَ 😏..

سيلفادور.. هههههه اصاحبي واش مغاديش تفهم.. مروى جاامي تزوجات غيرك نتا لي فالقلب اصاحبي بهاد قصوحية الراااس غاتخرب حياتك.... 

أسد.. طيب.. كيفااش ديك البنت.. يعني ولداتها مع الجنون..مثلااا..؟؟..

سيلفادور.... الله يا ربي مع من أنا عهدي بيك كتطيرها فالسماء شنو وقع دابااا .. ديك البنت اصاحبي رباتها.. من الميثم لي كانت كتزورو.. 

أسد... ك..كككيفاش.. يعني.. هييي.. يعني مروى .. ماتزوجاتش.. و مانساتنيش..ّ

سيلفادور.. واش كون نساتك غاندي تسهر عليك حتى تفيق..؟ هاا كون نساتك غاتقاطع كريستي حيت خبات عليها الحاذثة ديالك؟؟ ..

قبل ما يكمل هضرتو جاتو بونية للوجه ...

أسد.. باش مرة أخرى تقول الهضرة فوقتها ماشي حتى يدووز عليها العالم ... 

سيلفادور.. الله يعفو عليك اخااي الله يرد بيك😒

يتبع