عيشة:بقاي تغوتي لصباح و انتي"موجهة هضرتها لعايدة"كملي شغلك ولا نتبعك ليها
ياسمين ناعسة جنب امير و مخشية فصدرو ...تحل الباب عليهم و دخل الطبيب
الطبيب:سمحولي حساب لي بوحدك
امير:ماشي مشكل
الطبيب:المهم جيت نقولك بلي بعد غدا اتخرج من الكلينيك و انعطيك واحد الدوا لي خاصك تبقا تاخدو يوميا قبل ماتنعس و حاول ماديرش مجهود كبير متلا الرياضة و ان شاء الله تولي بيخير
امير:شكرا ادكتور
الطبيب:العفو بالشفاء
خرج الطبيب و امير بدا كيفيق ف ياسمين
امير:ياسمين فيقي
ياسمين:امم
امير:فيقي
ياسمين:خليني نعس شوية
امير:راك مامرتاحاش هكا سيري للدار و نعسي
ياسمين:انا مرتاحة حداك
امير:اوا نوضي غي هضري معايا راه قتلني الملل
ياسمين ناضت ...جلسات جنب السرير و قادات شعرها لي تخربق
امير:الطبيب قالي انخرج بعد غدا
ياسمين:بصح نتا مزال مابريتي خاصهم يزيدوك كتر
امير:ههههه كتعرفي كتر من الطبيب
ياسمين:ان....
قاطعها الباب لي تحل بجهد و داخلة منو ماماها و وفاء
ياسمين لي شاداها ماماها و معنقاها:متخافيش اخالتي راها كتعاقب دبا
وفاء:ونتي احبيبة كيداايرا معا الحمل ياكماا كيعدبك ولد عمييتو
ياسمين:غي شوية و صافي
حياة:ياكماا كتوحمي على شي حاجة نوجدها ليك ماحدي هناا
وفاء:اه نوجدو ليها الرفيسة كتعجبك ياك
حياة:لا بنتي كتعجبها الحريرة
امير:راه واقيلة انا لي مريض ماشي هيا
وفاء:مالك كتغير من مراااتك راه حاملة زعما و خاصها لي يحضيها و يوجد ليها اي حاجة تشهاتها و خاصها ترتاح فدارها ماشي تبقا مرمية فالكليينيك ااااه كوون نشد لي كاان السباب
حياة:كون غي تجي ابنتي دوزي معانا شي وقيت فالقرية
ياسمين:منقدش نمشي و نخلي امير حتا يولي لباس و نمشيو بزوج
امير:ياسمين ماعندها فين تمشي بلا بياا
وفاء:اوا صافي اجيو بزوج ترتاحو نيت و تبدلو الجو
تحل الباب عاوتاني و دخل حسام
حسام:هاي هاي العائلة كااملة مجموعة هنااا نيييت احسن ليا حيت عندي ليكم واحد الخبار
كلشي كيشوف فيه و كيتسناو هاد الخباار
حسام:كنت دابا عند الطبيب و قالي بلي بعد غدا ايخرج الواليد من الكلينيك و انا الغد ليه اندير العرس
دازو يومين طايريين ....ياسمين و امير دوزوهم فالكلينيك ...حسام و سناء دوزوهم فالتجهيزات للعرس ....فيصل و شهد شراو فيهم لي تيكي و وجدو راسهم للسفر ...
فهاد اللحظة فيصل و شهد و آسر فالمطار كيكملو الاجراءات د السفر ...كملو و طلعو للطيارة لي قلعت بعد دقااايق
ليوم كاين حدث آخر مهم لي هو عرس حسام و سناء ... دارو الحفل جنب البحر خداو واحد المساحة الكبيرو و قادو طريق الدخول بالورد الابيض ...و دارو طاولات مدوريين بناب بيض و موزع فوقها اوراق الورد الاحمر و محطوطين مقبلات ...دارو قبالتهم المكان لي غايجلسو فيه العرسان ....
البنات مجموعين فدارهم كيقادو راسهم و كيحاولو يهدنو سناء لي متوترة بزااااف ...حنان لابسة كسوة كحلة طويلة سميطات صدرها معري و محلولة من الجنب .. طالون كحل .. خلات شعرها مطلوق و دارت حويلقات و خاتم بنفس الشكل ..و ميكاب تقيل
مريم لبسات كسوة كحلة قصيرة بالكمام و معرية من الظهر...طالون باج .. ميكاب خفيف و شعرها جمعاتو
ياسمين لبسات كسوة حمرة قصيرة بلا كمام صدرها على شكل قلب ...طالون فالكحل ...ميكاب تقيل و شعرها جمعاااتو
ياسمين:واصافي تهدني راه كلشي ايكوون بيخيير
سناء:انا صافي مبقيتش باغا نتزوج و نبقاو غي صحاب حسن
مريم:ويلي شوفو الحمقة اشنو كتقول
ياسمين📱:الو امير ...وي ...واخة هاني نازلة "قطعات"البنات امير جاا خاصني نهبط و نتي صافي تهدني راه دكشي ساهل و ايعجبك ههههه
نزلات ياسمين عند امير لقاتو كيتسناها قدام لوطو لابس كومبلي كحل بقاميجة زرقة و صباط كحل مقاد شعرو و ناقص من لحيتو
امير شدها من يديها بزوج:اش هاد الزين كامل
ياسمين😋😋😋😋
امير :غاتشدي الارض تما واخا مكاين شطيح اليوم
ياسمين:لاا عافاك
امير:مكاين لا عافاك لا والو مكتشوفيش راسك لابسة الطالون ..ياله دبا طلعي راه حسام كيتسناانا تماا
مشاو ياسمين و امير لمكان الحفل لقاو حسام كيضور تما و فرحاان كان لابس كومبلي كحل ب قميجة بيضة و بابيون كحلة و صباط كحل ...
امير:حسام مابقا ليه والو و يطير بالفرحة
ياسمين:داازت عليهم مسااكن بالسيف يكون فرحان
امير شد ليها فيدها ومشاو لعند حسام
حسام:فين هي صاحبتك قولها تجي خلاص
ياسمين:اويلي راه الناس و مزال ماجاو
امير:صبر اولدي شوية راه مابقاش بزاف ههههه
بداو الناس كيجيو و يشدو بلايصهم ...و البنات جا كريم و خداهم ف طونوبيلتو لي مزينة ....وصلو لمكان الحفل ..دخلات حنان و مريم هوما الاولين مشاو عنظ ياسمين و تسنااو دخل سناء ... بعد دقائق دخلات سناء فيد باباها ..لابسة الكسوة البيضة لي بسميطات و طويلة ...شعرها مطلوق و دايرة سنيسلة فراسها ...و هازة بوكي دالورد بيض مع ميكاب خفيف ...خداها باباها لعند حسام لي كيشوف فيها بنظرات حب و اعجاب ...شد يديها بزوج باسهم و باس راسها ...و جلسو فبلاصتهم ...بداو الناس كيجيو يبةركو ليهم و الموسيقى مطلوقة لي بغا يشطح كيشطح .... تطلقات موسيقى رومانسية و ناضو العرسان كيرقسو على الحاانها...تبعووهم لي كووبل حتاهما كيرقسو ....ناضو البنات كاملين كيشطحو معا رجالهم و بقات حنان جالسة بوحها و دايرة يدها على خدها كتفرج فيهم
سعد:احم ممكن تسمحيلي بهاد الرقصة
حنان:ا اناا
سعد: اه نتي .."مد ليها يديها و هي شدات فيه ..مشاو لحداهم و دور يدو على خصرها و و هي دارت يدها على كتفو ...شافوهم البنات و بداو كيتغامزو عليهم ...و سعد شاف فصاحبو امير و غمزو
كملو اجووااء العرس على هاد الحال ...رمات سناء البوكي و جاا فحنااان ... سالا الحفل فليل و بداو الناس كيمشيو ...مشا حسام و سناء لاوطيل فخم يدوزو فيه هاد الليلة و الغد ليه ينطالقو لشهر العسل لي ختارو اسبانيا يدوزوه فيها ..اما البقية فكل واحد رجع لدارو
شهد و فيصل وصلو بليل لليونان و خصوصا جزيرة سانتوريني ...و ختارو فندق سبا أنجيلز أند ستارز Angels and Stars Suites and Spa Hotel لي موجود فقرية ايميروفيغلي استقرو فالغرفة لي حجزو ...بدلو حوايجهم و رتاحو باش يبداو غدا الرحلة ديالهم
شهد و فيصل دوزو اسبوع ف سانتوريني بين المنحدرات المكسوة بالمباني التاريخية ذات القباب البيضاء والزرقاء و الشواطئ ذات الرمال السوداء والحمراءو حمامات السباحة ...و الوجهات السياحية المثالية و منساوش مشهد غروب الشمس المذهل اللي كايتعتابر من بين المناظر الأجمل في العالم على الإطلاق..و ختارو يدوزو اخر نهار على شكل رحلة فاليخت...فهاد الاسبوع الحالة د شهد كتدهور كتر حاسة براسها عيانة و بلي مابقاش ليها الوقت بزااف ... و فيصل كيصعب عليها الحال كتر بنظرااتوو لي كيحسسوهاا بندم حيت متعالجاااتش ..فحالا كيقولها حراام عليك درتي فينا هكااا...انا و ولدك منستاهلووش هدشي لي درتي فيناا ... مكرهتاش يرجع الزمن بالوراء و تعالج واخا اتعدب ولكن اتبقا معا راجلها و اتشوف ولدها كيكبر قدام عينيها ...فهاد اللحظة شهد جالسة قدام البحر و فيديها ورقة كتكتب فيها رسالة الوداع ..كتكتب و دموعها شلال (انقراو الرساالة من بعد)...كملات الكتابة و مسحات دموعها ورجعات لاوطيل ..دخلات لغرفتهم لقات فيصل كيجمع ف لي فاليز ...جات موراه و عنقاتو
فيصل ضار لعندها و شد يديها:مالكي كنتي كتبكي
شهد:ا لاا غي شي حاجة دخلات لعيني انا غانلبس آسر
فيصل :هربي هربي
شهد:منااش غانهرب
فيصل شد وجها بين يديه و باس ليها راسها:عاونيني نكملو الجميع باش مانتعطلوش
كماو جميع الحوايج و لبسو حوايجهم ..هزو آسر و مشاو للمطار ...
بعد عرس سناء و حسام لي مشاو اسبوع فقط لاسبانيا بسبب المحكمة لي خاص يحضرو ليهاا ...
رجعو للمغرب و لقاو البنات و امير كيتسنااوهم فالمطاار
البنات تعااانقو
سناء:توووحشتكم
ياسمين:حتاااا حناا توحشناااك
حنان:خاصك تعااودي اينااا دكشي كيداااز
سناء:حتاا لداار
حسام:وا باركة من الهضرة عطيوني مراتي خلاص
حنان:سيماانة و هي معاااك راه توحشنااها
ياسمين:سير نتا معا باباك و خليهاا معانا باغيين نهضرو
امير:اييه شفتي صاحبتك و نسيتيني انا
حنان:ناري مغانسالييوش ليوم"شدات فيد ياسمين و حنان و جراتهم" صدعتو لينا مخنا بهاد الرومانسية الخاوية زيدو خلاص
ركبو ف طاكسي و مشاو لدار البنات لي بقات فيها حنان بوحدها ...دخلو البنات و جلسو فالصالون
سناء:ياااه بقيتي بوحدك احنان كون غي تجي عندي اولا عند ياسمين
حنان:ماغنمشي لا عندك لا عندها
ياسمين:علاش اصاحبتي
حنان كضحك:حيت انمشي لدار راجلي 😍😍
سناء:نووووااي سعد ياااك
ياسمين:امتااا هدشي و علاش مقلتيلي والو
حنان:بغيت حتا نجمعكم و نقولها ليكم مكرهتش تكون حتا مريم مي مسافرة
ياسمين:لمهم عاودي لينااا كيفاش وقع
حنان:كنا تبادلنا النوامر فالعرس و بقينا كنهضرو فالايام الاولى من بعد طلب مني نخرجو نتعشاو على برااا ..وافقت و تمااا تقدم ليااا
سناء:يااااي فرحة ليييك
ياسمين:يااه كناا كاملين فهاد الدااار و بدات كتخرج منها وحدة مور لاخرة
حنان:غانتهنااو من الكرا بعدااا هههههه
دوزو البنات العشية فالدار كيتعاودو و يتجمعو و رجعات ياسمين و سناء عند رجالاتهم ...جلسو تاني كيعاودو ليهم على شهر العسل و مشاو لبيوتهم ينعسو باش يمشيو الغد ليه للمحكمة
ايمان:عرفتي اعايدة عندي احساس بلي كلشي ايسالي غدا و انرجعو لحياتنا طبيعية
عايدة:طالعة ليك السخانة واقيلة واش نتي مزبلاها و باغا يخرجوك
ايمان:زعما نتي لا
عايدة:انا مقلتش انخرج نتي لي كتقولي ..انا باغا غي نعرف شي خبار على سليم يعلم الله اشنو داارو فيه هدوك المجرمين باينة كيعاملوه خايب باش ينتاقمو مني
عيشة:اجيو نتوما ديرو لي مساج لضهري كيضرني
ايمان موجهة هضرتها لعايدة:واش معانا هادي
عيشة:اه امونيكات عيشورة
بداو العيالات كيضحكوو و كيتسنااو عايدة و ايمان ينوضو عندها بقاو جالسين فبلاصتهم
ايمان:نتي راااك زدتي فيه و بزاااف غداا غادي نخرجووو من هنا و ديك ساعة انصييفط لي يصفيهااا لييك
عيشة :ايييه الالة بانلي مزال متعلمتي من نهار طواليك شنو بان ليك دوزي اخر ليلة ليك فهاد الحبس فيه ههههههه
عايدة:صافي نوضي عندها ماقادين على صداع
ايمان:واش حماقيتي نقيس هاديك المعفوونة
عيشة ناضت ليها و شدااتها من شعرهاا جراتها وسط البيت و طياحتها
عيشة:دابا غاتنوضي ديري لي المساج ولا اانخشيه ليك فوجهك هاااد الممرة
ناضت ايمان و هي شادة فدراعها ...مشات ورا عيشة و بغات دير ليها مشاج حتا وقفاتها
عيشة:لا لا مبقاش ضهري دارني رجلي لي كضرني دابا ولكن غسليهم قبل حيت معفوونين و نتي مكيعجبكش العفن ههههنهههههههنه
دارت ايمان دكشي لي قالت ليها و هي محاملاش راااسها ..كملات ليه و مشات لسريرها
عيشة:مغتنعسيش ليوم تما اتنعسي ف ضس و بلا مخدة و لا فراش ياله
دارت دكشي لي قالتلها و مقداتش تنعس بسباب الحريق لي فيدها و بسباب البرودة د الضس و زيد عليهم التفكيير فشنو ايوقع ليها غدااا
اصبحنا و اصبح الملك لله 🌞
ياسمين امير حسام سناء مجمووعين فسفرة الاكل ...كملوو فطوورهم و مشاو للمحكمة ...دخلو و خداو بلايصهم ..من بعد دخلو المحاميين و عايدة و ايمان
ايمان كتشوووف ف سنااء بكره لي بدورها خشات يدها فدراع حسام و هزات يديها باش تشوف الخاتم ...هاد الحركة خلات ايمان يجن جنوونها بدات كتفوت ليهم تماا و تفركل عليهم و البوليس شادينها
ايمان:طلقووووني علييييهاااا طلقووووني الكلبة الحمااااارة لقيييتي الساااحة خاااوية ياااك و لكن بلاااامااااا تحلمي انااا ليوووم انخخرج و انوريييييك اش كنسواااا انخليييك تندمي على النهاااار لي وقفتي فطرييييقيييي كتفهميييي
جلسوهااا البوليييس بزز ..و دخل القاااضي ..بدات المرافعة مابين المحاميين و ناضو كلهم يعطييو الافادة ديالهم ...من بعد عطا القاضي الحكم ديالووو ايمان و عايدة متهميين بمحاولة القتل و زيد عليها ايمان لي متاهمة بالخطف ...عايدة تحكم عليها ب 15سنة و ايمان 30سنة .... خاااب ظن ايمان لي بقات غي ساكتة و كتشوف فيهم كاملين شوية بشوية ...جروهم بزووج رجعوهم للحبس و عايدة كتحاول تهضر معا ايمان مكتعطي حتا ردة فعل ...دخلو و بدات عيشة كتزعج فيهم عاوتاني و ماتسوقوش ليها ...مشات ايمان لسريرها و تكات كتبكي من اعمااق قلبهااا يصوت عااالي ...بقات على هداك الحال حتا بدا كيديها النعاس ....استسلمااات ليه و تمنااات ماتعااودش تفييق ....ولكن حتا هاد الامنية متحققاتش ...فاقت فنصاصات الليل لقات كلشي نااعس و كيشخر ناضت بحركات بطيئة لجيهة المطبخ هزات موس ماضي و رجعات لبلاصتها ....هزات يديها و هي كترعد و بدات كتقرب الموس باليد الاخرة حتا خشااتو فيها ...
فاقت عايدة الصباح هلى صوت عيشة لي كتفيق كتغوت..ناضت من بلاصتها و مشات غسلات وجها
عيشة:سيري فيقؤ هديك صاحبتك ياله راه عندكم مااايدار
عايدة:ايمان ..ايمان نوضي ...وا صافي عارفاك فايقة انا ونتي كنا عارفين بلي مغنخرجوش حيت هدكشي لي درنا خاصنا نتعاقبو عليه صافي رضاي بالامر الواقع و نوضي غسلي وجهك من البكاا ...ايمان"حركاتها و هي تقلب لجيهتها و الدم نازل من يدها"ايماااااااااان😱اششششنو درتييي ا اييماااان لا ياااربي لاااا عتقووووووني البنت كتمووت ايماااان نوضي فييقي جااوبينيي ايمااااان
دخلو الحراسات هزوها دغيا لمشفى السجن و بقات عايدة غادة جايا كتسناا شي خباار
عايدة موجهة هضرتها للحارسة:شوفي ليا اختي واش لاباس عليها الله يخليييك
الحارسة:ماخاصنيش نخلي بلاصتي بلاتي ترجع البنت لي معايا و تقوليك ..هاهي جاات
عايدة:شنو كااين اختي
الحارسة2:لقاوها ميتة
عايدة طاحت على طولتها :علاش درتي هكااا ا اييماان علاااااش
امير متكي ف السرير و شاد البيسي كيخدم حتا نقزات عليه ياسمين
ياسمين:سكت باركة من الهضرة و شرب دواك "مدات ليه دوا شربو و هو كيشوف فيها حطو فالكوافوز لي جنبو و ضار عندها شدها كن خصرها و دارها تحتو" مكتعجبكش الهضرة بزاف ياك امدام بنيس"بدا كيهر فيها"
ياسمين:هههههههههههههههه لا لا صافففي عااافك ههههههههههههه صافي مانعاودش ههههه
امير حبس الهران و باسها فراسها و حنيكاتها بزوج و اخيرا المركز شفايفهااا💋
فاقو الغد ليه على خاطرهم خداو دوش و لبسو حوايجهم هز امير لي فاليز و نزلو التحت
ياسمين باستو فحنكو و دخلات لبيتها لبسات شورط دجين طالع و قصير و شوميز بيضة نازلة على الكتف ...صندالة بلا مخططة بالييض و الكحل ..هزات صاك صغير حمر بسنسلة طلقات شعرها و هزات نضاضر د شمس ...خرجات عند امير لي بقا بالحوايج باش جاو شورط د دجين و تيشورت زرقة فيها الكتابة بالبيض و كلاكيطة فنفي اللون ..داير كاسكيط مقلوبة و نضاضر د الشمس
خداو الموطور د امير و نزلو ييه للبحر ...
ياسمين شادة فدراعو كيتمشاو فوق الرملة و يهضرو
ياسمين:عقلتي ملي جينا لهنااا
امير:ملي سخفتي وسط لبحر ههههه
ياسمين:امم تخلعتي عليا ياك ههه
امير:معلوم اجي نجلسو هنا"جلسو و شد ليها يدها"عرفتي من امتا و نتي شاغلة لي بالي من اول نهارك شفتك فيه باقي عاقل كنت تلاقينا فل اسانسور كنتي متوترة و باغا الخدمة باي شكل مم بعد عرفت بلي عندك حبيب و حاولت نحيدك من بالي واخا كل مرة كنشوفك فيها كتسحريني كتر ...ملي تلاقينا هنا و عرفتك عن قرب تحركات شي حاجة هنا"حط يدها على قلبو"ولكن كنت خايف تكوني كتعتابريني غي صديق ليك و متبغيش تكون بيناتنا شي حاجة بسبب فارق السن و كنت كانقول يمكن موت احسان لي خلاني نحس هكاك ..ملي بدات كضغط عليا وفاء قلت شي هضرة لي مخرجاتش من قلبي قلتها غي باش نسكتها و متعاودش تجبد الموضوع حتا نتاكد من المشاعر ديالي و فعلا ملي رجعت للمدينة و نتي بقيتي بعيدة عليا تاكدت من مشاعري جيهتك خصوصا باش شفتك هديك الليلة جالسة كضحكي معا هدوك الدراري حسييت بالنار فقلبي و دابا انا اسعد راجل فهاد الدنيا حيت مزوج بوحده فحالك ..
ياسمين حطات راسها على صدرو و بقات كتسمع لهدرتو الزوينة لي مكنساليش ...💘
رجعو فيصل و شهد لدارهم فالعشية قادو حوايجهم و جلسو يرتاحو من السفر
مشات لبيتهم حلات البلاكار و خدات واحد الشوميز ديالو جلسات فوق السرير و بدات كتشم فيها و كتبكي بصمت باش مايسمعهاااش ...حطاتها و ناضت جبدات ليه كومبلي و حطات فيه الرسالة لي كتبات ..مسحات وجهااا و مشات لبيت آسر هزاتو و جلسات فوق الكنابي
شهد:حبيب الماما ..عارفة بلي بابا غادي يعوضك عليا و غادي يكون احسن اب فالدنياا بغيتك ملي تكبر متقلقووش و مديرش شي حاجة تعصبوو حيت مكيعجبنيش و هو معصب بغيتو يبقا ديما ضاحك و فرحان .. صافي اتواعدني "ضماتو لصدرها و بداو دموعها ينزلو كتشم ريحتووو و كتبووس فيه مساخياااش تحطوو حتا سمعات فيصل كيعيط ليها مسحات الدموع و مشات لعندو
فيصل:كنتي عند آسر
شهد:اه شفتو واش نعس
فيصل شد وجها بين يديه :واش نتي بيخير
شهد:اه بيخير بيخير شنو كادير واش كتوجد العشا
جرها جلسها فوق الكرسي لي قبالت الكوزينة و هو دار قبالتها
فيصل:شنو تبغي شهد الغزالة تاكل ليووم
شهد:اممممم صايبلي البايلا 😍
فيصل:حاااضر
شهد:تبغي نعاونك
فيصل:لا نتي غاتجلسي و تفرجي فيا هههه
بدا فيصل كيطيب و شهد غي ساهية فيه كيفاش كيتحرك كيفاش كيضحك دمعات عينيها للحظة و حبساتها غي بزز....وجد العشا و خداوه لطاولة
فيصل:اوا كولي ياك نتي باغاها
شهد حطات الفورشيط:معندي شهية انا غانمشي ندوش
دخلات لبيتهم خدات دوش و لبسات شوميز دو نوي كحل مشبك خلات شعرها هكاك فازك و طلقاتو دارت شوية د الميكاب و خرجات لقاتو جالس و ساهي ...دور وجهو و شاف فيها و الابتسامة على وجهو قربات منو و باستو فشفايفو بغات تكون هي لي متحكمة فهاد الليلة بغات تخليها ذكرة من بين الذكريات الزوينة لي جمعو ....سالاو و بغات تنوض لدوش
فيصل:خليك حتا لصباح و دوشي
شهد:لا بغيت ندوش دابا حسن
حدات دوش و لبسات حوايجهاا و رجعات لعندو لقاتو مزال فايق تخشات حداه و عنقاتو
فيصل:شكرا على هاد الليلة
شهد شافت فيها و بتاسماات و نعسات فحضنو
فاق فيصل صباح و ناض غي بشوية باش ميفيقش شهد دوش و لبس الحوايج لي وجدات ليه و مشا قاد الفطور و رجع يفيقها
فيصل:شهد نوضي احبيبة تفطري ..شهد"حركها باش تفيق و حس بيها باردة فحال التلج حاول يحيد هادوك الافكار لي كيضورو ليه فراسو و رجع كيفيق فيها"ياله احبيبة شهد نوضي نفطرو بزوج ..شهد نوضي 😢شهد ن ضي باركة من هاد الضحك الباسل "كيحرك فيها و الدموع نازلين من عينو"شهد فييقي عافاك جاوبيني مديريش هكا مزاال الحال مزاااال 😢😢 متخلينش اشهد متخلينش شششششششششششههههههههههههد 😭😭😭😭
فالمقبرة:
دفنو شهد تحت التراب و بداو الرجال كيمشيو و بقا فيصل تما جلس حدا القبر ديالها و مصدوم و شاد راسو بزز احساااااس فشكل منقدش نوصفوو احسااس انك تفقد شريك حيااتك انسان دوزتي معاه الحلوة و المرة انسان وقف جنبك و عاونك تحقق حلمك فلحظة مشا و خلاك ...
فيصل:كيفاش اندخل لداار و نتي ماافيهااش 😢كيفاش انعس فوق سرير و نتي مناعساش فحضني😢كيفاش انزيد للقداام و متي مامعاااياش😭 انا منقدش نكمل بلا بيك نتي كنتي كاتعطيني جرعة القوة 😭كيفاش ماحسيتش البارح بلي كنتي كاتودعيني كيفاااش😭
ناض فيصل قاص التراب د قبرها و واعدها بلي ايبقا ديما يزورها و خرج ركب فطونوبيلتو و بدا كيبكي تاني مقادرش يشد رااسو فكرة انها صافي مشات و ماغيعاودش يشوفها مقادرش يتقبلهاا
بقا على هداك الحال حتا قرب يطلع الصباح ... خدم لوطو و كسيراا متاجه للدار...دخل وتفكر ملي كان كيدخل لهاد الدار كيلقا حبيبتو شهد كتسناه و ضحتكها الجميلة على وجها ...تنهد و سد الباب و بدا كيدور فالدار و كيتفكر لحظاتهم الزوينة كيشوف شهد واقفة فالكوزينة كطيب و كضحك ..كيشوفها فالصالون كدابز معاه على التيليكوموند ...دخل لبيتهم و شافها خارجة من الحمام كتنشف شعرها و ضحك ...جلس فوق السرير و حيد لافيست ديالو لاحها و بانت ليه ورقة طاحت منهاا ..هزها حلها و بدا كيقرا فيها "حبيبي فيصل ملي غاتكون كتقرا هاد الورقة ايكون الجسد ديالي بعيد عليك ولكن روحي اتبقا ديما معاك و معا ولدنا آسر ..اول حاجة بغيت نعتاذر منك كانعتاذر حيت خليتك تحس بهاد الالم كانعتاذر حيت كنت سباب باش ينزلو الدموع من عينيك ... بارادة الله و العزيمة و الصبر لي وزرعتيهم فيا قدرت نواجه المرض و نتغلب عليه...ملي تشافيت توجتيني كزوجة ليك...كانت فرحتي بزواجنا كتفوق فرحة شفائي و فرحت اكتر ملي ولا عندنا اجمل واد في الدنيا عشت معاكم اجمل ايام حياتي ولكن هاد المرة رجع المرض بقوة باش يقولي انا اقوى منك و يخليني خايفة نواجهو ...و بالرغم من تعبي بقيت مكملة و عايشة حياتي معاكم احبابي من غير مانخليك تعرف ان المرض نال من جسمي الهزيل..كنت كانعاني بصمت .. مابغيتش شي حد يشفق عليا ...مبغيتش شي حد يشطن باله معايا ..كنت باغة نغادر بصمت ولكن عرفتي بمرضي قبل مانمشي و هادشي خلاني نحس بعداب الضمير ...انا كنت انانية بزااف فضلت اني نرتاح على اني نبقا نتعالج و نتعدب ..فضلت اني نعدبك باش مانتعدبش انا ..سمحلي افيصل بزاف سمحلي انا بغيتك من قلبي و تمنيت كون تلاقينا فظروف احسن من هادي و عشنا حياتنا طبيعية ولكن هادشي لي عطا الله ...حبيبي فيصل عندي ليك طلب اخير كانتمنى انك تنفذو ..رجع لحب حياتك افيصل حارب على قبل ياسمين باش نكون انا مرتاحة فقبري اما آسر انا غادة و مطمنة من جيهتو حيت معاك تهلاو فبعضياتكم و دعيو معايا بالرحمة ..زوجتك شهد❤
كنل فيصل لقراية و الدموع نازلين شلال ..طوا الورقة و خشاها فالمجر لي حداه ..تكا فوق السرير و دار يدو مور راسو و بقا كيفكر فالهضرة لي قالت شهد
دازت الايام و الجنين كيكبر نهار على نهار ..وصلات ياسمين لشهرها الرابع وليوم غتعرف على جنس المولود ..لبسات كسوة فالكرونة سخونة باليدين و قصيرة برزات كرشها لي بدات كتكبر ...لبسات ليبة كحلة و مونطو كحل ..ميني بوط فالكحل و طاكية فالكري ..خرجات من البيت طايرة من الفرحة و نزلات دغيا عند امير لي لقاتو كيتسنااها قدام لوطو ...ركبها و ركب حتا هو و مشاو لموعدهم ..الطريق كاملة و ياسمين متحمسة و ضرسة د العقل باينة ليها ..وصلو للعيادة ودخلو عند الطبيبة ..
الطبيبة:واجدة تعرفي جنس المولود
ياسمين حركات راسها بمعنى اه
الطبيبة:عندك بنيتة مبروووك
ياسمين😍:كننننتت حاااسة يااااااي بنتي رميساء 😍"ناضت من بعد مامسحات كرشها عند امير عنقااتو"شفتي قلتهاااا ليييك
امير بادلها العناق و هو فرحان:الله يجيبها لينا على خير
عايدة مور موت ايمان حاولات تفتح صفحة جديدة على الاقل بينها و بين نفسها ..بدات كتصلي و تقرا القرآن و التقرب من الله سبحانه وتعالى و وطلب منو المغفرة على الاعمال الخايبة لي دارت ... بدات كتعلم العيالات دالحبس القراية و الكتابة واخا وقفات عيشة فطريقها فلول ولكن حتا هي دابا كاتعلم ..بغات دير شي حاجة مزيانة فحايتها لاول مرة...
#تسريع_الاحداث
دخلات ياسمين فشهرها و ولات كتحرك غي بزز ..بدلو بيتهم و خداو واحد التحت حيت مبقاتش قادة طلع و تنزل فالدروج ..
فاقت ياسمين هاد الصباح عيانة ..حلات عينيها و دورات وجها لجيهة امير مالقاتوش ..ناضت بشوية عليها لبسات بينوار و خرجات من بيتها
الخدامة:لالة صباح الخير سي امير خرج الصباح بكري و قالي نعلمك بلي غايجي فوقت الغدا
ياسمين:واخة جيبي لي فطوري لجردة
خرجات ياسمين للجردة و جلسات ..هادا فصل الربيع الجو غزال و الخضورة مالية المكان ...جابت ليها حكيمة فطورها و كلات شوية و بقات متكية فالجردة ..حسات بالم خفيف و قالت يمكن غي من العيا معطاتوش اهمية حيت مزال الحال على الولادة ..غمضات عينيها و داها نعاس فالجردة حتا فيقها الوجع حسات بالسكاكن كيقطعو فيها التحت
سمعات الخدامة الغوات و خرجات عندها كتجري لقاتها شادة كرشها و عرقانة
ياسمين:عيييطييي ل امييير ااااي عيطييي دغيااا
الخدامة:بلاتي نعيط للاسعاف هو الاول
ياسمين:لاا لاااا عيطي لاميير ااااااي اهئ اهى
دارت داكشي لي قالت ليها و عيطات ليها قاليها بلي راه قريب من الدار تهدنهاا بيدماا وصل ...عيط للاسعاف و كسيراا...وصل و دخل عندها كيجري ..لقاها متكية على ظهرها و حكيمة كتمسح ليها العرق و كتهدنها
امير جلس على ركابيه و شد ليها يديها بزوج:ياسمين تهدني و تنفسي ديري فحاالي شهيق زفيير
خدا الفوطا و بدا كيمسح ليها حتاا وصلات الاسعااف خرجوها دغيا و داوها لكلينيك...طريق كااملا وهي كتغوت بالالم و كتبكي و امير حداها كيهدن فيهاا ....دخلوها لغرفة الولادة و امير مافارقهااش
الطبيبة كتقاد ليها رجليها:ياسمين عاونينا جمعي النفس و دفعي يااله واحد جووج تلااتة
ياسمين:ااااااااااااه ماقدرتش ماقدرتش اهئ اهى
الطبيبة:عاودي ياله واحد جوج تلاااتة
بقات على هاد الحال حتا سمعو صوت البكا د البيبي ...بكات ياسمين من الفرحة و امير كيضحك و عينيه مدمعة ... حطاتها الممرضة فحضن ياسمين ..باستها بشوية و بدات كتغمض عينيها شوية بشوية
امير باس ليهم راسهم بزوج و خدات الممرضة البيبي يغسلو ليه و بقا معا ياسمين لي نعسات من التعب حتا كملو ليها و داوها لغرفتها ....
رميساء:انا مابقيتش صغيرة اماما باش نلعب بمونيكة راه صافي كبرت و زايدون هاد الحياوانات خاصهم لي يعتاني بيهم
ياسمين:فهمناا فهمناا ياله سيري عند كلبك و لعبي معاه غي فجردة نلقاه داخل الدار نتفاهم معاك
رميساء باستها:واخة اماماتي"مشات كتجري"
ياسمين دارت عند امير:شنو غاتجيب ليها المرة جاية تمساح 😂
امير عنقها جنب:اوا راك عارفاني مكنقدش نقوليها لا هههه و حتا نتي رخفي عليها خليها تلعب بلي بغات هي راحتها معاهم
ياسمين:ولكن انا كنخاف منهم :) دكشي علاش
امير جرها للداخل:زيدي زيدي الخوافة
بعد موت شهد ..فيصل خدم على راسو و طور نفسوو كتر ...ولا كيمتاالك سلسلة من المطاعم الفاخرة...كااع البنات كيحلمو يرتابطو بيه ...ولكن هو الهم الديالو هو شغلو و ولدو آسر لي كبر دابا ...دايريين فحال الصحاب و آسر عقلو كبير نيت.. مكيتفارقش معا باباه و حتا هو تعلم يطيب شوية ...فيصل قرر مايخبيش على آسر حقيقة انو متبنييه ..تقلق فالاول و نسا من بعد حيت فيصل عمرو حسسو انو ماشي ولدو بالعكس كيحاول يلعب دور الاب و الام ..
اليوم خارجين بزوج يديرو السبور ...
آسر:هانتا انديرو سباق ولي سبق ايسول لاخر اي سؤال و ااطرف الاخر خاسو ضروري يجاوب
فيصل:هههه واخا يااه اشنو غاتسول كااع
دارو خط البداية و تافقو فين يحبسو و بداو كيجرييو ..
آسر:وييييي انا لول
فيصل:باباك بدا كيشرف ههههه
آسر:دابا خاصك تجااوب على سؤالي
فيصل:ياله سول اسيدي
آسر:شكون هاديك البنت لي مصور معاها و مخبي صورتكم وسط الحوايج 😁
فيصل تصدم من سؤالو:اا انا صورة انا ماعقلتش عليها
آسر:قانون اللعبة مخاصكش تكدب و لا تخبي شي حاجة
فيصل:راه قتليك معرفتش على اينا صورة كتهضر
آسر:واخا "شدو من يدو"ياله لدار نوريها ليك
فيصل:آسسسر راه ياله جينااا
آسر:نتا بااغي تهرب من الجواب ياك ..ياك حنا صحااب و تافقنا نعاودو كلشي لبعضياتناا علاش كتخبي عليا دابا "عطاه بالظهر و بقا كيتمشا داير راسو مقلق"
فيصل:اوووف"مشا لحق عليه"صافي واخا انعاود ليك
آسر جلس فواحد الكرسي حداهم و اشار ليه يجلس حدااه ....جلي حداه فيصل و بدا كيعاود ليه
فيصل:هاديك لي معايا فالصورة سميتها ياسمين ...ياسمين هي اول بنت بغيتها
آسر:كيفاش تعرفتو على بعضياتكم
فيصل:حنا كنا ساكنين ف قرية وحدة و باش كنا قدك كنا كاملين كانخرجو نلعبو مجموعين
آسر:كيفاش عرفتي راسك كتبغيها
فيصل:ماعرفت حتا كبرنا ..يعني كنت كنغير عليها و منخليهاش تلعب مع غيري ولكن مكنتش فاهم بلي هداك حب حتا كبرنا عاد ففهمت و عتارفت ليها
آسر:و حتا هي كانت كاتبغيك؟
فيصل:هادشي لي كانت كتقول
آسر:كيفاش و فين هي دابا
فيصل:دابا هيا معا عائلتها تزوجات و ولدات
آسر:و علاش خليتيها تزوج بواجد غيرك و حتا هي علاش خلاتك تزوج بماما الله يرحمها ياك كتبغيو بعضياتكم
فيصل:هاد السؤال بالضبط منقدش نجاوبك عليه حيت انا براسي معارفش علاش وقع معانا هدشي
آسر:اذن نتا مكنتيش كتبغي ماما
فيصل:علاش قلتي هكا اكيد كنت كنبغيها ماماك الله يرحمها كتشتاهل اكتر من الحب
فيصل:و شنو غايتبدل ايلا كنت مزال كنبغيها اولا هي عايشة حياتها دابا
آسر:وعلاش حتا نتا ماتعيش حياتك
فيصل:حيت انا جربت ننسا حبي ليها بزواجي من ماماك و ماقديتش
آسر:هادشي عندك معععقد العشير
فيصل قرفدو:اش هاد الهضرة وليتي كتقول
سناء حنان مريم مجموعين عند ياسمين ...دازو سنين و عمرهم تفارقو عااشو الحلوة و المرة ..كل وحدة ولات بدارها و ولادهاا ..سناء ولدات ولد سماتو الياس ..مريم ولدات بنت سماتها صوفيا و ولد صفوان اما حنان فعانات سينين بين الاطباء و السبيطارات حتاا رزقها الله و هي دابا حاملة
مريم:انا صافي قربت نحماق كل نهار مدابزين عييت عييت
ياسمين:اهلا يوريك الجنية لي عندي رداات الدار حديقة الحيوانات
صوفيا:واااا مااااااماااااا عتقييييينيييي
رميساء:هههههههه وا ماتخافيش منوو
مريم:صوفيا اش كااين
صوفيا:ماما شوفي على كلب قدو قدااش حرشاتو عليا رميساء
رميساء:ناري على كداابة هو بغا غي يلعب معاك
ياسمين:رميساء حشومة و زايدون راه قلت ليك الكلب يبقا فالجردة علاش طلعتيه لبيتك
سناء:يااي امتا شريتو ليها هاد الكلب فخبارك ارميساء من صغري كنت كنحلم نربي شي كلب شنو سميتيه
رميساء:اخييرا لقيت شي واحد فهاد العائلة ميفهمني سميتو روكي
سناء كدوز يديها عليه:رووكي ياااي غزاال بزاف دابا نقول ل حسام يجيب لي شي كلبة و نزوجوهم هههه"ضربو فيدين بعضياتهم و كيضحكو دارو لقاو ياسمين كتخنزر فيهم"
رميساء موجهة هضرتها لسناء بشوية:انا غانخرجو لجردة قبل ماتقتلنا بزوج "جراتو و مشات"
ياسمين:تبارك الله عليك ا سناء كزال ماتفكينا معا واحد جيبي ليه كلبة يولدو لينا عراام هنايا
سناء: صافي سكتي شحال ولا فيك ديال نكير
امير:السلام عليكم
الجميع:وعليكم السلام
سناء:لقيتينا غاديين مشا لحال ياله البنات
ياسمين:بسلامة"سلمو علا بعضياتهم و كل وحدة مشات لدارها"
امير باس ياسمين:فين هي رميساء
ياسمين:فالجردة معا الكلب
امير:مزيان اجي عاونيني نجمع الفاليز
ياسمين:كون غي درتي بهضرتي و جلستي صيفط شي حد بلاصتك
امير:خاصني نمشي نشوف داكشي بعيني راه هدا اهم عرض انديروه و خاصني ضروري نمشي لباريس نشوف دكشي كيف غادي
ياسمين:واخا لي بغيتي انا غي غانتوحشك"عنقاتو"
رميساء:حصلتتتتكم شنو كدييرووو هاا "تخشات وسطهم و عنقاتهم بزوج"بلاصتي هناا ديما هنا "باسوها بزوج كل واحد من حنك"
صباح جديد🌞
فاق امير على راحتو و ناض لبس حوايجو جر لفاليز ديالو و نزل لتحت لقا ياسمين و رميساء لابسين نفس البيجامة و حاطين قبالتهم جوج كيسان د الحليب ...ياسمين كتهضر فالتيليفون و رميساء خاشيا ودنها معاها ...منظرهم ضحكوو
امير:ههههه عندي جوج برهوشات فالدار
ياسمين دارت ليه اشارة بيدها باش يسكت و هو شاف ف رميساء بمعنى شنو كاين
ياسمين:صافي واخة شكرا بزاف امدام"قطعات و دارت كتخنزر ف رميساء"
العشيقة الصغيرة الجزء العاشر
محتوى القصة
التنقل بين الأجزاء