الحاسة السابعة الجزء العاشر و الأخير

علال= كيفاش سناء= كيفاش ,,, ماضنش ان عماد غايولي بحالك عماد مختالف عليك بزاااااف علال= بعصبية ضرب لعطا مع الارض,,,قلتليك حتى تكوني متئكدة عاد هضري سناء= بابتسامة,,,انا متئكدة عماد ليكانعرفو ,,,ماشي مثير للشفقة بحالك علال= بعصبية نزل عليها بلكلامونيط (مفتاح قنينة الغاز) ,,,,سكتتتتتي سدي فمك اما محمد كايقلب عليها حتى هوا حتى جاه اتصال محمد= الو ,,,واش لقيتيها عماد= اه محمد= فين هيا عماد= خطفها علال الحقير محمد= اشنو اش كاتقول عماد= علال هددني هددني باش نجي بوحدي ولا غادي يقتل سناء الى خبرت شرطة محمد= فينك دابا عماد= انا قبالت المجمع سكني ليحدى لمحطة راه كايتسناني فسطح محمد= لا مادخلش مادخلش بوحدك عماد= ماعنديش شي حل اخر ,,هدا لاش محمد= الى مشيتي لتما غادي يحاصرك علال عماد= بصراخ,,,والى مامشيتش غادي تموووت محمد= الى مماتتش هيا غادي تموت نتا عماد= ادن نقدني نتا ,,,ودمعة فعينيه,,,انا ,,,مابغيتش نموت من قبل كان يحسابني لنني نقدر نموت باش نحميها ,,ولاكن دابا الوضع تغير الى وقعتلي شي حاجا هي غادي تالم بزاف ,,,كانترجات تنقدنا جيب معاك شرطة ونقدنا انا غادي نتسناك طوط طوط طوط قطع عيماد الخط وكمل طريقو وعلال فوق سطح كايتسناه وهاز نفس لكلامونيط عامر بالدم وفلحضة بانلو عماد جاي ابتسم ابتسامة خبيثة وعطاه اشارة باش يطلع بعد ماتئكد انه جاي بوحدو وفهاد الاثناء خرج محمد كايجري شد كاكسي وطلم من سائق يوصلو للمجمع سكني وعلى الفور اتصل باشرطة محمد= زهير سمعني مزيان علال خطف سناء زهير= اه عارف وحنى دابا مراقبين تلفون دييال المحامية سناء محمد= علال محتاجزها فلمجمع سكني ليقبالت المحطة زهير = داها لداك المكان المهجور

محمد= دبا عماد دابا غادي عندها ,,,كالك باغي ينقدها بنفسو زهير= اشنوووووو,,وهداك لحمق ,,حاول كيدير توقفو محمد= ماعنديش كيندير غايكون وصل دابا ,,, شوف كيدير وطلب فريق كامل يجي معاكوم زهير= اه واخا دابا غانجمعهوم محمد= علال ناوي يقتلهوم بجوج وكايول ان الامر وصل لنهاية زهير= واش كاضن انه غادي ينتاحر محمد= اه ولاكن كانضن ان علال باغي يخلي عماد ليقتلو فعين المكان تحرك الفريق رسمو خطة وهوما فطريق وحددو مكان ليمتواجد فيه علال باضبط القيامة قايمة اوهاد نها غادي يتحدد مصير كل واحد فيهم يايموتو كلهوم يايموت واحد وتاني يتحبس وتالت يعيش مع تئنيب اضمير او تموت سناء ويهرب علال وعماد يتحول لوحش هدفو الوحيد الانتقام ويعاود نفس سيناريو ليعاشو علال فهاد الاثناء عماد كان طالع مع ضروج حتى وصل لسطح بانلو علال عالس وحاط حداه عصا لا جانطتو قرب عندو بكل ثقة وفهاد الاثناء علال كان حاط حداه تلفون وفاتح لخط لسناء باش تسمع كلشي عماد= فين هيا,,,نفدت تعلماتك وجيت بوحدي طلقها تمشي علال= اوووف ,,هدا ممل ماكنتش كانتوقع غاتكون هادئ هاكا ,,علاش متهاجمنيش بحال اخر مرا عماد= انا عارف علاش كادير هاكا ,,وماعنديش نية انني ندير داكشي ليباغي ,,, واش ماقلتلكش لمرى ليفاتت انا مغانعيشش بحالك انا ماشي وحش علال= وحش,,,واش كاضن انني كنت وحش ملبداية هم,,, حتى انا كنت انسان كانت عندي كروسة كانبيع ونشري فيها والحمد لله وكانت عندي مرا كانبغيها اوليد كنت عايش غير على قبلهوم وباش ننقد حياتها درت ليفجهدي كنت كانخدم بدل اليوم يومين جوج خدمات باش نجمع لفلوس حيت مرتي كانت مريضو وقالو الاطباب مايمكنلهاش تعيش الى مازرعنالهاش قلب جديد ,, ومنين لقيتلها قلب جديد حسيتا نني ملكت دنيا بلي فيها وفداك لوقت كنت انسان ولاكن قبل العملية بساعة تسرق القلب وباك ليسرقو خدا منى القلب وباش ينقد ماماك سرق قلب مرتي ,,, طبيب غير بشوية اعلانات دارهوملو باك فلجريدة غير قائمة المحتاجين وبعدها بساعة ماتت مرتي وتيتم ولدي واش عارف هاد شي عماد= عارف علال= ادن نتا عارف ان باك ليبدا هادشي ماشي انا عماد= لا ليبدا هادشي هوا نتا اعلال نتا ليقتلتي الواليد فوليتي مجرم علال= بضحكة استهزاء,,, ههه كاتقول نفس لهضرة ديال ديك المحامية عماد= فينا هي,,,بصراخ,,,سولتك فيناهياااااا علال= منين كايفقد شخص شي حد عزيز عليه كايتحول لوحش ومكايبقا يخاف من والو ,,,هز لكلامونيط ولاحو عند رجلين عماد,,,, عماد شاف فلكلامونيك كلو دم ماصدقش وبدا يرجع بلور ويتنفس بقوة ودموع فعينيه علال= فلواقع ماكنتش باغي نقتلها ,,,كنت باغي نستخدمها كطعم باش نجيبك,,,ومن بعد نطلقها تمشي ...ولاكنها ستفزاتني وقولها انك مختالف عليا ,,,فجأة تعصبت

عماد= وهوا كايرجف,,,هدا لاش,,,فتلتيها علال= اممم اه ,,,قتلتها عماد= واش بصح قتلتيها ,,,,بصراخ,,ياك قلتيلي الى جيت غادي طلقهااااااا(فهاد الاثناء سناء كاتصنة عليهم وعلى فمها سكوتش ومربوطة وخايفا على عماد لايدير شي حاجا) علال= هي حفرت قبرها بيديها,,باش كاتحس دابا هاا قلي اما البوليس والفرقة وصلو وكل واحد توزع فمكان لقناصة طلعو لسطح وشرطة حاصرة المكان والباقي كايقلب بين شقق اما محمد وصل قبل منهوم وكايقلب شقة بشقة ومزال مالقاها اما هي مربوطة وكاتحاول تفك لحبل ولاكن بدون جدوى علال= باش كاتحس دابا ,,, قربتي تحماق هاه ,,, وباغي تقتلني ,,, كاينا ولا لا,,,ادن قتلي يالاه غير حاول هز لكلامونيط وماترحمنيش ,,,انا غانشجعك ,,ويالاه قرب ...قرب كتر ,,, مناش خايف يالاه هزوووووو كلتلك هزو (عماد بالاعصاب هو لكلامونيط وشر مالي عينيه وكل عرقان وضربات قلبو مرتافعين وكايرجف علال= هااا مزياااان هاكا نبغيك ماتكونش خواف غمض عينيك ودير خدمتك يالاه هز لكلامونيط وقرب عندوا ما لقناصا شدو اماكنهم وبانلهم عماد هوا ليغايهجم رئيس القناصة عطاهم اشارة باش مايقيصوهش علال= مزيان دابا واش حاسس بشعور ليحسيت بيه قبل 11لعام هاه ,,, وكايبتاسم بكل حقارة باش يستافزو عماد هز لكلامونيط حتى لسما باش ينزل عليه وتفكر لوعد ديالو لسناء تمالك اعصابو ولاح لكلامونيط فالارض ,,, عماد= هي مازالة عايشا علال= بصدمة ,,,كيفاش عماد= نتا مخبي عينيك بنضاضر باش مانقراش افكارك ياك مما يعني انك كاتكدب عليا (سناء كاتسمع وتنفسة براحة حيت ليكانت خايفا منو ماوقاعش) هيا مازالة عايشا انا متاكد علال= بخيبة امل,,,كككولتليك انني قتلتها عماد= بدا يشوف من حوليه ويغوت ,,,سنااااااااااء سناااااااااااء واش كاتسمعينييييييييي ,,,سمعيني مزياااااان انا ماغانقتل حتى واحااااااااد ,,, ماغاديش نقتل هاد راجل ماغاديش نقتلو انا غانحافض على وعدي لييييييك ابدا ماغانعيشش حياتي كوحش غادي نحافض على وعدي هدا لاش تسناينييييييي(سناء مسكينة كاتسمع فيه وتبكي بالفرحة وفهاد الاثناء دخل محمد شافها محمد= سناء حياتي واش نتي بيخير,,,,فكلها سكوتش من على فمها وحلها لحبل سناء= عماد بغيت نطلع عند عماد محمد=لا مستحيل سناء= بعاااد من طريقي علال= قلتليك انني قتلتها شحال بغيتيني نعاودهالك من مرا عماد= لا ,,,هي مازالة عايشا ,,,حتى ولو ,,غادي نحافض على وعدي ومغانعيشش بحالك علال= كايضحك بهستيريا,,,ههههههههههه ,,,كازال كاتمتل عليا هههههههههههه

عماد= هاديك البنت مابغاتنيش نضيع حياتي من اجل الانتقام منك ,,,تماما بحال مرتك ,,,الى عرفت مرتك انك عايش هاكا ,,, عادي تعدب من اجل كنتا دابا كاتبان مثير للشفقة,,,انا خترت قراري لدا ماتبررش حياتك بستخدامي بعد الان ,,, ضار باش يمشي ولاكن علال ستفزاتو ديك لهضرة هز لعصا وبغا ينزل عليه بيها حتى طيحاتلو لقرطاسا لعصى ونتابه للقناصة ليمنتاشرين فكل جيهة شاف فالارض بانلو لكلامونيط بغى يهزو ومرا اخرى سبقو ليها القناص وفلتهالو من يديه فلحضة عمر سطح كلو قناصة وبوليس حاصروه من كل جهة عماد= صافي نتاهيتي لبوليس فكل مكان علال فلحضة تقلب الامر كولو عليه حياتو كاملة مرت بين عينيه لحضة بلحضة ودموع فعينيه كايرجع بالوراء خطوة خطوة حتىحتى وصل لنهاية طلع فوق صور ليكات قصير بزاف عماد= اشنو باغي دير لا علال فكر مزيان ماديرهاش فهاد الاثناء سناء ومحمد وصلو لسطح زكايشوفو المنضر ليحداهوم علال= قلتليك انها نهايتي ....غمض عينيه وبغى يتلاح حتى شدو عماد من يديه عماد= لااااااا علال= عماد يالاه....يالاه نمشيو بجوج,,,, ونرتاحو بجوج,,,جرو من تريكوه وتلاحو بجوج سناء اغمى عليها من المشهد القاصي ليشاف تاما عماد تمسك فواحد سرجم وعلال ماطلقش منو عماد= طلق,,, طلق مني علال= يانموتو بجوج يانعيشو بجوج منين شافو شرطة داك المنضر جراو بسرعة جابو بسرعة واحد سرير هوائى كبيييير كانو جايبينو معاهوم للاحتياط بسرعة نفخوه ووضعوه من تحت منهوم يدين عماد ماقدرتش تصبر كتر فاطاحو بجوج والحمد لله ماوقاعلهوم والو زهير= سربيو شدو علال علال= لااااااا ,,وقتلوني قلونييييييييييييييييييييييييي مابغيتش نعييييييييييييييش عدنان= واش نتا بيخير عماد= اه بيخير فين هيا سناء عدنان = الفريق ليلفوق مازل مانزلو باش نعرفو شنو واقع عماد هز عينيه شاف محمد هازها بين يديه وهي مغمى عليها يحسابو فعلا ماتت فنهار بلبكى ولغوات,,,كايجري ورا سيارة الاسعاف ويطيح يبكي ويغوت ,,, وصلت اشرطة العلمية وبدات خدمتها بعد ساعة ابتسام كاتجري وتقلب فلمشفى حتى طلاقات مع محمد ابتسام= فين هيا واش بيخير ماوقعلها والو محمد= مكاين لاش تخافي هيا بيخير عندها غير ضربة صغيرة فراس ابتسام= اااه الحمد لله وهداك الحقير ديال علال شنو دارو معاه محمد= مزالين شادينو ابتسام= هداك الانسان حقير ومعندو قيمة بحالو خاص يعزلوه على المجتمع الى الابد محمد= الى قلتلك انه بقى فيا بزاف ابتسام= اشنووو بقا فيك محمد واش حماقيتي هاد بنادم قتل بزاف دناس وماتنساش انه هرسليك ددراعك

محمد= عارف انه ماعندو قيمة ولاكن واش بغيتي تعرفي الفرق بين علال وعماد= ابتسام= لاااا مابغيتش مابغيتش حتى نسمع سميتو محمد= علال ماعندو حتى حد ...ماعندوش لي يتيق فيه ,,وماعندوش لي يسمعليه ...حتى واحد مكايبغيه ...وماعنو حتا حد لي يحميه ,,,يمكن كون كان عندو غير شخص واحد ,,,يمكن كان غايعيش حياتو بشكل مختلف بحال عماد تماما هدا علاش كايبقى فيا علال ابتسام= ماتحاولش تقنعني انه مضلوم وهاد المرة ماغايفلتش مني غادي ندخلو لحبس بالمؤبد محمد= فهمتيني غلاط انا غير قلتليك الفرق ليبيناتهوم هدا ماكان وهوا يستاحق الاعدام ماشي غير المؤبد اما عماد معنق سناء وماباغيش يطلق منها وحمد الله انها بقات عايشا سناء=ماعمرني سولتك هاد سؤال,,, كيفاش ماتت ماماك عماد= من بعد متزرع ليها القلب بشي شهر ماتت ,,وجسمها رفض الزرع سناء= وهدا لاش علال حقد على بباك ياك القلب ليكان من المفروض ينقدلو مرتو اختفى بكل سهولة عماد= امممم,,,سمحيليي حيت معاودتلكش حيت خفت نفقدك هدا لاش سناء= واش انا كانبانليك انني نقدر نعاقبك على حاجا بحال,,,حطت يديها على خدو,,, ماتلومش نفسك حيت نتا ماعندك حتى دنب فهادشي كامل عماد= عنقها... شكرا,,,شكرا بزاف ... كانبغيك بزاف في 1فبراير فنفس اليوم تم القبض على علال والقصة ليبدات قبل 11لعام ,,,,,اخيييييرا انتهت بعد مرور شهر من الحادثة عماد وسناء قررو يوضعو حد لمشاعرهم وهدا كان بارادت سناء فهوا مابغاش يغصبها وخلاها على خاطرها ,,ووبعد مرو بضع ايم عماد تقبل فاكدمية اشرطة وقبل مايغادر وصى محمد على سناء من بعد مشى لسطاج 6شهور بعد دالك عطاوه يخدم فامريكة خمس سنوات فكانت فرصة باش ينسى سناء ويلتف لحياتو شوية اما سناء من نهار مشا عماد لامريكة عاشة ايام صعيبة بزاف اومالقات غير محمد هوا ليوقف بجنبها تطورة العلاقة بيناتهم ولاكن ماشي بسهولة حتى وراتو نجوم فضهر عاد قبلة تولي معاه تزوجو بعد سنة من الخطوبة اما ابتسام فكانت كاتموت على مصطفى وحتى هوما تطورت علاقتهوم وهوم وحت هوما تزوجو اما ياسر وميساء قد اما كانو كايكرهو بعضياتهم تقلبات الكراهية لحب وبعد مرور خمس سنوات سناء= نوض نوووووووووض ,,,ااااااااااااااااه نووووووض شدني لوجع محمد= نعسي باراكا من تفلية دابا يفوتك الحال سناء= والله هاد المرا بصح محمد= وحتى لبارح قولتيلي هاد لمرا بصح خرجتيني مع لفجر نقلب على طاكسيات سناء= محمد كانحس بشي حاجا نازلة بحال الما عتقنييي محمد= لما واش مزيرة دخلي لطواليط سناء= والما دلولادااااااا ,,,,عضاتو حتى طيرت ليه لكتف محمد= ااااااااااااااه الله ياخد فيك الحق لبسي حوايجك غادي نقلب على طاكسي خرج محمد كايقلب على طاكسي حتى لقاه بلكسايف لقا سناء كاتسناه فالباب مع صاك ديال لبيبي وصلو لطبيب ودخلوها على الفور كانت عندها ولادة عسيرة هدا لاش ولدوها بلعملية ممرضة= واش نتا هوا راجل سناء العلمي محمد= اه انا

ممرضة= هاك شد هاي بنتك الله يسخر محمد= شد من عندها.,..بسم الله ماشاء الله الممرضة = تسناني هنا مازال الخير محمد= الخير كفاش الممرضة= دخلا وخرجت,,,هاك شد هادي بنتك تانيا محمد= هاه توام اللله على فرحة الممرضة= اومازال الخير محمد= الخير الله ياربي الممرضة=دخلت وخرجت,,,هاك شد وهادا ولدك يتربا فعزك محمد= مصدوم,,,,ثلاتة ,,,اختي واش مازال الخير ممرضة= ههههههههههه صافي باراكا غادي نخرجو لمرا دابا وتسناها علاما تفيق ملبنج محمد= شكرا...وليداتي وينو الله يحفضكوم ليا كلكم كاتشبهو ليا خرجوها من لبلوك ودخلوها لغرفة خاصة فاقت من البنج سناء= ولدي فين هوا ولدي محمد= تلاتة احبيبتي تلاتة ماشاء الله سناء= بصح ويني نشوف محمد= هانتي سميتهوم كاملين سناء= ايوا وانا غير تصخرتليك محمد= هاه ,,بحال بحااااال هادي سميتها على مي وهادي سميتها على جدا وهاد الكتكوت سميتو على با سناء= واقلة كان خاصني نولد كتر باش تسمي عائلتك كاملة محمد= حشومة عليك احياتي سناء= شوف وحدا غانسميوها على ماما وتانيا على ماماك اما لوليد غانسميوه عماد محمد= اهاه فكرة زوينة ابتسام= سلااااااام على سلامتك احبيبة مصطفى = على سلامتك اختي سناء سناء الله يسلمك لهلا يخطيكم ابتسام= وينوووووو غزيوليييين يخليكوم ليلي سناء= العقبا ليك تخاوي ولدك ابتسام= اميييين ولاكن ماشي دابا حتى يكبر شوية ولدي حميد سناء= اشاء الله ميسام= سلاااام على سلامتك اختي غير سقت لخبار جيت كانجري وينوووو شحال فنين الله يصخر سناء= ههه كاضحكيني اميساء مازال مابغيتي تكبري ياسر= على سلامكت اختي سناء سناء= شكرا الله يسلمك ,,,الله يفكك على خير اميساء ميساء= اممميين اختي يالاه عندي 6شهور وماغبقيتش نقدر نعس فراحتي ياسر= اه قبل مانسا هضرت مع عماد وقالي اليوم غايشدو طيارا لمغرب سناء= اها قولتي هوما شحا لبيهم ياسر= اه ماقلتلكش غايجي هوا وخاطيبتو سميتها بشرى واحد البنت زوينة بزاف ميساء= احم احم سناء= صافي دغيا نساني محمد= حمر فيها.,,,,احم احم احم سناء= هههههههه غير كانضحك بعد سيمانة من الولادة عملو حفلة سبوع لوليدات حضرو فيها لمحكمة كلها ومانساوش عماد حتى هوا جا وحضر فرح بزاف لسناء ومحمد وكدالك خطيبتو تعرفت عليهم كاملين دوزو ايام 

جميلة من بعد كاااااع الاحزان ليعاشوهم قبل 

,,,,,النهااااااايه