قصة الحاسة السابعة الجزء الثالث

صفاء=واش بصاح الحمد لله سناء=دابا انا غادي نسولك وني غادي تجاوبيني صفاء= اوكي سالات لجلسة وتحكم على ميساء بالبرائة وسناء ربحة لقضية كلشي فرحان الى ابتسام حيت خسرات لقضية خرجات من لقاعة ونار شاعلة فقلبها , تعريف اتنمر او لحكرة بادارجة فالمدارس «التنمر المدرسي» شكل من أشكال الإساءة والإيذاء الذي انتشر منذ عقود في صفوف طلبة المدارس. وعرف بعض علماء الاجتماع التنمر المدرسي بأنه نوع من الإزعاج المتعمد والمضايقات الصادرة عن فرد أو جماعة، وقد يكون اعتداء بدنياً مباشراً أو تحرشاً لفظياً، أو إذاء نفسيا قد تتخذ من التآمر والتلاعب وسيلةً لها لإذلال الآخر واحتقاره أو وضع مقالب تجعل المستهدف محط سخرية الآخرين. ويُجمع علماء النفس والاجتماع على أن تعرض الطالب بشكل متكرر إلى أحد أنواع التنمر هذه يؤثر كثيراً على تحصيله العلمي، وقد يدفعه إلى ترك المدرسة أو التغيب باستمرار، وقبل ذلك على توازن شخصيته ونمو مداركه النفسية، وقد يخلق منه في بعض الأحيان شخصيةً متنمرةً تحاول بدورها اضطهاد من تصادفهم من ضعاف، ويصبح الطالب بذلك أكثر ميلاً إلى ممارسة العنف وتبني الانتقام منهجاً في التعامل هدا علاش أي طالب او طالبة خاصو ياخد عبرة من هاد لقصة باش مايوقعش فنفس لموقف ليطاحو فيه ابطالنا لحكرة مكيبغيها حتى حد بدا من نفسك وليترضاه لنفسك رضاه لغيرك =نمشيو عند ابطالنا= عماد ماحضرش لجلسة حيت مابغاش يتنسالو داك صوت ليسمع فالمحكمة وخايف ليكون داكشي ليكايفكر فيه بصح قرر يمشي لسجن يتاكد دخل لسجن شرطي= تفضل شكون بغيتي تشوف عماد= بغيت نشوف علال لحمداوي شرطي=اوكي تسنا نقلبلك (كايقلب فالحاسوب) سمحلي اسيدي هاد سيد تم الافراج عله مكاملاش شهر تقريبا عماد=داكشي ليكان خايف منو هوا ليوقاع(اه شكرا اسيدي سمحلي) خرج من سجن مشا لمحطة كيطلاقا مع سناء ركبو فطوبيس بجوج حتى وصلها لدارها عماد= واش نتي ديما كاتوصلي لدار حتى كايطيح ضلام سمعيني مزيان ماتخرجيش فليل وسدي لباب مزيان واخا يدق عليك شي خحد ماتحليلوش صافي سناء=مافاهمة والو(وانت مالك من هاد شي كايخصني واش خايف عليا) عماد=لا ماشي هاكاك يالله دخلي وسدس لباب موراك مزيان عماد جا غادي وقفاتو سناء عماد= بلاتي ماضورش خليك هاكاك . ماكونتش باغيا نقوليك هاد لهدرة ولاكن نتا زدتي فيه انا محامية وانت طالب انا كبر منك وباش نتفاداو هاد لمشاعر طفولية قلبلك على شي بنت قدك وحبها متلان ميساء تستاهل تكون معاها اما انا مانصلاحلكش اوكي عماد= عاطيها بدهر ومربع يديك وكايضحك بستهزاء (خخخخخخخخخ بلاتي شكون كايبغي شكون ) سناء= انت كتبغيني عماد= انا شكون كالهالك

سناء=وراتو لميساجات ليكايوصلوها عماد= دابا نتي كايحسابلك انا ليكانصيفطليك هاد لميساجات ههههه سناء=اه انت كانضن وقعتي فحبي نهار طلاقينا فالمحكمة ياك عماد=واش ماكاتيقيش هادي ماشي نمرتي وزايدون علاش غادي نصيفطليك فالمساجات وانا مالي ومالك سناء=كتكدب عماد=حيدلها تيليفون ودرب نمرتو فتليفونها (هانتي كاتسمعيه كاييصوني تيقتي دابا) سناء= ولاكن ديالمن هاد نمرة عماد= هادو شفارة كايسيفطيو هاد لميساجات لناس ليبحالك باش يشفرولك معلومات تلفون سناء= كاتقول فنفسها( انا غادي نحماق هادا هوا دول تام ولمطلق)شافتو كايضحك وعاااد تفكرت راه كايسمعها غطات وجها بيديها وطالعا كاتجري فدروج وبصراخ( هااااي اخر مرة تقرالي افكاري مانسمحلكش اخر مر ااااااخر مرة) خرج عماد وهوا كايموت بضحك عليها وصل للمحطة جبد تيليفوم سجل اسمها فتليفونو و وبقا كايفكر فداك نمرة ليكاتسيفط لمساجات لسناء وتفكرها فاش قالتلو من نهار بدات لجلسة ديال ميسا وهو كايوصلني نفس لمساج ورجع تفكر صوت ليسمعو نهار لجلسة وتفكر منين مشا لسجن وقالولو علال خرجوه عماد= لا لا لا مستحيل يكون هوا ( ورجع كايطير عند سناء خاف عليها من علال انا لالة سناء كاتقللب فلفراش مابغاش يديها نعاس وكاتفكر فديك نمرة سناء= سناء كاتفكر وهيا ناعسا واحد لحضة وقفة واقفة( لا لا لا لا لا مايمكنش زعما يكون هوا لا لا لا لا اه وعلاش لا ممكن يكون لمحامي محمد هوا مول هاد لميساجات اوووووووووووووف غانحماق شكووون مولاهم . صافي باركة عليا من هاد لاسئلة نصوني على نمرة ونشوف شكون مولاها والى صدق محمد غادي نبهدلة) جبدت تيليفون وصونات وياريتها غير صونات بدات كاتسمع شي تيليفون كايصونيلها فدار اكيد ماشي ديالها ماصدقتش فالاول قطعت وعاودت تاصلت نفس صوني كاتسمعو فدار ورعب متالك قلبها كاتقطع وترجع تصوني ونفس الاغنية كاتعاود فدارها يعني تيليفون ومول تيليفول معاها فدار اخخخخ قلبي غايسكت فبلاستها فهاد لاثناء عماد كايجري ويصوني عليها كايلقتا تيليفون مشغول كايجري وكايجر عماد=كايجري فطريق ( جاوبي جاوبي جاوبييييييييييييي ااااااااه غادي تحمقني ) وهوا غادي عندها دخل فواحد درب كايخرجولو نفس دوك دراري ليتعرضو لياناء داك ساع كانو 3 انا دابا ولاو 10 ومعاهوم حتا ياسر تعرضوليه فطريق وسدو عليه جميع لجهات عماد = مامساليش ليكم دابا بعدو من طريقي ياسر=مازال لحال سمعت بلي ضربتيلي صحابي عماد= ياسر ماشي وقت هاد لهضرة حيد من طريقي ( ضارو عليه كاملين ) ياسر =ماعندك فين تمشي حتا نصفيو حسابنا رما عماد شانطا ديالو وبدا كايضرب فيهوم ولاكن بحكم عددهم لكبير ماطلقوه حتى سخفوه

فهاد لاثناء مازالة كاتاصل بنفس نمرة وكاتسمع صوني دخلت لكوزينة وهزت مقلة باش دافع على راسها وهي قلبها غادي يسكت كاتمشا غييير بالحس وكاتسمع مصدر صوت منين جاي سمعاتو جاي من لغرفة ديال لملابس ديالها وقفت حدا لباب سناء= ش شششكون شكون تما فهاد لاثناء عماد وصل لحدا لباب وكايلهت وسمعا كاتغوت وكاتقول سناء= شكون تما خرج عندي انا عيطت لبوليس عماد خاف عليها بقا يضرب فالباب برجليه حتا تحلات دخل وولقاها هازا مقلة فيديها ومخلوعا سناء=شنو كادير هنا شي واحد كاين فدار هانتا سمع سونيت على نمرة ليكاتسيفطلي لمسجات ولاكن صوني عندي فدار (جرها عماد من يديها وخرجها لبرا وقالها بقاي برا مادخليش حتا نعيطليك) خرجها ودخل متبع صوت صوني وحط يديه على يد لباب وكايفتخ غير بشوية دخل مابانلو والو شعل ضو كايبانلو تليفون محطوط فوق واحد طابلة وعرفو ديالمن تاصلو بشرطة جات لعندهوم شرطي= (شاد تيليفون فيدو )عيطتي لبوليس بسباب هاد تيليفون سناء=اه شرطي = وشكون هرس ديك لباب سناء= كاتشير بصباعها لعماد ( هوا) شرطي= اااه ادن هاد ضرابي ليفوجهك بسباب مول هاد تيليفون عماد = لا لا هادي واحد لمدابزا اخرا شرطي= اااااه ايوا علاش عيطتو لبوليس(بوليسي محشش هههههه) سناء=(بنفاد صبر) حيت هاد تيليفون هادي سيمانا وهوا كايوصلني منو مساجات منين صونيت نتاكد لقيتو عندي فدار يعني شي واحد قتاحم دار ودخل حطولي فالبيت واش فهمتي هادي جريمة يعاقب عليها لقانون عندو على الاقل خمسنين دلحبس عمادم=كايسمع افكار لبوليسي كايقول (هادي مريضة نفسية غادي نديها على عقلها) شرطي =صافي ماتخافيش غادي نديو تيليفون معانا ونحققو فهاد لقضية ماتخافيش سناء=واش غاتمشيو بهاد لبساطة بلى ماديرو والو شرطي= لا راحنا دايرين دورية فحاد لحومة ماعندك مناش تخافي (مشاو شرطة وخرجو عماد وسناء مور شرطي كايغوتو) مشا شرطي ولباب تعكسات مابغاتش تحليهوم سناء= مال وجهك معامن دابزتي عماد= (وهوا كايتالم بالحريق) نننسايني انا ووووشوفي ... الى عندك شي صاحبببببتك سيري باتي عندها قبل مايكمل كلامو اغمى عليه وجا مرمي على سناء سناء= طاحو بجوج بيهوم فالارض (هاااي واش نتا بيخير بلاتي غانعيط لاسعاف ) جبدت تيليفون وهي تسمعو كايشخر هههههههههه ( هاااي واش نعستي وافيق وابنادم فيق غير حلي لباب وسير لداركوم نعس)واشكووووون سمكع اختي سناء سيد تلتسنين مانعس هههههههههههه امرك لله ديري فيه خير ودخليه عندك ينعس الله يهديك حني عليه ولو غير مرا

ابتسام= شبعت اماما عندي شي شغال حصني نقضيه فوزية=بعد مامشات ابتسام( باركة على هاد قساوت لقلب حن عيها ولو غير شوية راها بنتم زعما) عيسى= لارد =في منزل سناء= عماد فاق منعاس وهوا طاير بالفرحة خرج من لبيت كايقلب على سناء ليكانت ناعسا على لكنبة حست بيه ناض ووقفة كاتكسل بشعكاكتها طالعا فسما ومعمشاا ولبزق يابس على وحها وسروال دلكيطما رجل طالعة ورجل هابطة وسنضالة دميكا تخيليوها معايا بهاد لمنضر حالة وخلاص ههههههههه عماد= جاي عندها وفاش طلع عينيه معاها كانت صدمة( هاااااااا بسم الله رحمان راحيم ) سناء= شافتو جمعت تكسيلتها وحرج (بلا ماتشوف فيا هاكا بما انك كاتعرفني ماكاين لاش نتصرف معاك باناقة ) مشات حلت باب ثلاحة وحبدة كارطون دلعاسير ونزلت عليه بلا ماتغسل وجها وعيماد مصدوم فيها (بما انك ماعندكش اخت كبر منك انا غانقولك تعود وتسعين فالمئة من نساء كايفيقو بهاد شعر وبهاد لوجه (وهيا كاتشرب لعاصير) لهادا خاصك تفيق من لخيال هدا هوا لواقع ديالنا خاصك تتقبل لواقع (مداتلو لقرعة) تشرب عماد=كايهز براسو بنعنا لا عيفاتو لمصخوطا مشات سناء توجد لفطور ولكوزينا كايغلي عليها دبان لماعن ديال شهر مامغسولينش وهوا واقف حداها ومصدوم من طريقتها فتوجاد لفطور سخنت لحريرة ليكانت فتلاجة جابتهالها غير مها حيت هيا ماكاتعرفش طيب صبت لحريرة فجوج طاسات سناء= يالاه كول عماد=واش هادي لماكلة ديال لكلاب سناء=غير كول والله حتا تعجبك وغاترغبني نزيدك ومداتلو مغرف عماد=غادي ناكل بالمغرف سناء= بما انني عايشة بوحدي عندي معلقة وحدة وموس واحد وفرشيطة وحدة شنو بغيتيني نديرلك كول كول عماد مسكين كاياكل وقلبو طالع وكايشوف فروينة ليفدار حوايجها مشتتسن شي بيت لكلاس شي فطواليط شي فلكوزينة تخيلو معايا لمنضر عماد= شوفي على حالة دارها هادا ليدخل لدار واقلة كان كايقلب على شي حاجا ورون دار هاكا سناء=كاتشوف فدار وفمها عامر بالخبز وكاتهضر( ممممممم لا هوا مادار حتا حاجا انا مولات هاد شي) عماد=شاف فيها وقلبو طالع (ماتكوليليش نتي عايشا وسط هاد زريبة ) سناء=شافت فيه وكاتشمر لخنونة وتمسح نيفها بيديها وفمها عامر (لارد) عماد=كايشوف فيها بقرف سناء= (ماتهضر وفمها عامر)شوف انا غانقولك تسعود وتسعين من نساء كايعيشو على هاد لحالة هدا هوا لواقع عماد=ضرب على طابلة بيديه( ختاري ياتاكلي ياتهضري تفو عيفتيني) وتفكر نهار سولاتو ميساء على حبيبتو وقالها هي اجمل امراة شافتها عيني ضريفة وحنينا ونقيا .... وكايشوف فحوايجها لمرمين على لارض وشعكاكتها طلعا فسما وفمها عامر بالماكلة ييييييييييييييييييعععععععععععع خرجو بجوج من دار وهوا صبقها سناء=هيييي واش ماغاتوصلنيش معاك

عماد=كايتمشا بزربة ومادارش لعندها وقال( واش انا شيفور ديالك شيري بوحدك تفششتي بزاف) سناء= واقفة مصدومة اووووو دابا عاد تاكدت انه ماكايبغينيش ههههه( شكون غايبغيك اختي سناء ونتي على هاد لحالة يييعععع انا بنت وطلعتيلي قلبي وشنو يقول عماد ليكان كايحلم بيك منين كان صغير كرهك بفعايلك كانتفكر لمنضر ديالك ييييييييييعععععععع) مشا عماد لمركز شرطة باش يتاكد عماد=شنو واش تاكدتو من تيليفون شكون مولاه شرطي لمحشش =كاياكل ويهضر( اه كانت غير حادث واقلة حيت مول تيليفون مرا وتسرق منها تيليفونها) عماد=واش شفتو لبصمات ليعليه شرطي= كايمدغ لا ماشفتش عماد=داك نهار عاودتلك على علال مايكونش هوا شرطي=مازال كاياكل( هييي بلا ماضلم سيد منهار خرج وهوا داير عقلو وتايدير لاعمال لخيرية بلاماتفتري عليه) عماد=واش طلاقيتي بيه فين عايش شرطي=مانقدرش نقولك هاد شي خارج عن لقانون عماد= فكر انه يراوغو وقال(يكون دابا خدام مع شي جمعية اولي فشي دار لعجزة اولى فشي خيرية) شرطي =فنفسو( اويلي كيفاش عرفو فدار لعجزة) عماد=قرا افكارو وعرف مكانو خرج من مركز شرطة ومشا لدار لعجزة وفعلان لقاه تما كان كايخدم تما كايوزع لاكل على لعجزة (لحقير مازال كايتنفس ) وبدا يتفكر منين قتل باه ومنين بغا يقتل سناء نهار لجلسة وزير على يديه ومشا عندو وقف حداه علال =كاتبانلي مازال صغير واش جيتي لهنا تاكل فيك جوع عماد= مزير على يديه (لا جيت لهنا حيت مهتم بلاعمال تطوعية ) علال =ااااه مرحبا بيك اجي حدايا شنو سميتك عماد=بعد دقيقة من صمت ( سميتي رضوان) علال = اجي معايا لمطبخ (مشاو لمطبخ كايقطعو لبطاطا) ياكما عيتي ارضوان عماد= لا ماعيتش من فوقتاش ونتا خدام هنا علال = هادي شهر تقريبا عماد=وعايش هنا علال=اه هننا علاش كاتشوف فيا عماد= واش ماعقلتيش عليا علال =شاف فية (لا) وقال فنفسو( سبقلي شفت هاد لولد ولاكن ماعقلتش فين) علاش كاتسول عماد=حيت كاتبان مئلوف عندي سبقلي شفتك فشي بلاصة اه عقلت ماشي نتا ليكونتي فالمحكمة هادي واحد سيمانة علال= دخلو شك وقال فنفسو (زعما يكون شافني هاد لولد تما) لا مامشيتش لتما عماد=اااااه يمكن غير تغالطتيلي (طبعن عماد كان كايقرالو افكارو وتاكد بلي صوت ليسمع ديال علال)

علال= ااه ههههههههه (وكايشوف فيه بتشكيك) مشى لحال وخرج عماد من تما زمشا لمحطة يتسنا سناء باش يوصلها وهوا يشوفها جايا مع محمد وكايضحكو ومشا عندهوم محمد=ماشي نتا هوا ليكونتي داك نها فالمحكمة اااااه عقلت عليك ونتا عقلتي عليا هاهاهاهاها عماد=ماشافش حتا فيه (لا ماشي انا) محمد=واش ماعمر شي حد قالك كاتشبه لواحد لممتل اااااااااااااااااااا شنو سميتووووووووووووو ااااااه براد بيت ياك عماد=كايشوف فيه باستغراب ( انا كانشبه لبراد بيت عينيك مزاكلين لا) محمد = ههههههههههههههه دمك خفيف هههههه ضريف ضريع سناء كاتشوف فعيماد بمعنى غير ديه على عقلو محمد=ماقولتيليش اسناء فين ساكنا يالاه نوصلك راه مشا لحال (وشدليها فيديها) عماد=حيدلو يدو طلق منها انا غانوصلها محمد= ههههههههه ضريف ياك اسناءههههه لا انا ليغانوصلها عماد=كولتلك طلق منها محمد= وانا قولتليك لا هاهاهاهاها عماد=بنفاد صبر (واش باغي دابز) محمد=حيد جاكيتو وكايدير حركات تسخسنية (اه يالاه وجد راسك زيد زيد سخيتي بروحد زيد) سناء=هيييييييييييي صافي اش هاد تبرهيش محمد سير لدارك انا غانمشي مع عماد محمد= ولاكن (جرات سناء عماد ومشات خلاتو كايهضر بوحدو) هاهاهاها واخا هاكاك ضريفا وصلو لدار ولقا لباب مشدودة غير بسلك عماد= واش مازال ماصلحتي لباب ماكاتخافيش يرجع داك شخص ويدخل لدار سناء=اه ماكانش عندي لوقت صافي غير سير انا غاندبر راسي لا انا غانبقى معا كحتا تنعسي عاد نمشي سناء=اوكي منين تمشي سد معاك لباب راني شاربة سيرو ديال شاهية ودوخني بنعاس عماد=سيرو دشاهية بغيتي تغلاضي كتر من هاد لحالة لينتي فيها سيري سيري تنعسي مشات سناء تنعس وصبح صباح فاقت ومشات لخدمتها =في المكتب= سي براهيم= اه سناء تفكرت واحد لحاجة داك نهار مشيت نزور واحد صديق فالحبس سميتو حميد وعاودتلو عليك وطلع كايعرفك سناء=كيفاش كايعرفني انا سي براهيم= لا ماشي هوا ليكايعرفك صاحبو ليكان معاه فزنزانة شاف صورتك فلجاريدة وقالو كاتسالني شي حاجا وخاصني نرضهالها سناء=دخلها شك ( ماعرفتيش شنو سميتو ) سي براهيم=كانضن علال لحمداوي واقلة

سناء =عرفاتو شكون (واش مازال فلحبس) سي براهيم= لا هادي شهر باش خرج واش كاتعرفيه سناء=بصدمة وخوف ( ا لا ماكانعرفوش) سي براهيم =لعجب لمكن غير تشابهتيليو سناء= بخوف ( يمكن) سالات خدمتها وخرجات حتى طاح ضلام وغاديا فشارع كاتشوف على يمينها وشمالها خايفا لايكون علال تابعها سناء=فمفسها (زعما يكون هوا مول تيليفون اااااااااه ياربي اش غاندير فهاد لحصلة) مشات كادير بدال لخطوة خطوتين حتا وصلت لدار لقات عماد كايبدل لفرخة ديال دار وضرب صبعو بالمطرقة سناء=شكادير نتا هنا عماد=مكاتجاوبيش على اتصالاتي كولت نجي عندك ولقيت لباب مازالة خاسرة وانا كانصلحهالك سناء=بصراخ(سير بحالك ابنادم مانعاودش نشوف وجهك) عماد= علاش شنو درتليك سناء= وقالت فنفسها ( عنداك غير يكون كايعاون علال باش يقتلني) دخلت وسدات لباب وعماد سمعها وعرف انها ساقت لخبار على علال خلاها على راحتها ومشا وهوا فطريق صونا تيليفونو عماد= الو علال=سي رضوان لباس عليك عماد=اه لاباس منين جبتي نمرتي علال =مشيت لجامعة ليكاتقرا فيها أأأأأأأأ سي عماد معقلتش عليك فلول حيت كبرتي وليتي راجل اخر مرة شفتك فالمحكمة هادي عشرسنين عماد= فينك فين راك بغيت نشوفك علال=نتلاقاو فلقهو ليحدا لمحطة مشا عماد لقى علال كايتسناه فالقهوة وكاياكل بركر علال= ماعرفتش شنو كاتفضل تاكل وطلبتليك بركر بحالي كل ( ومن حيت عارف عند عماد لقدرة انه يسمع افكار ناس قال فنفسو باش يسمعو عماد بوحدو ) واخيرا جيتي البرهوش عماد= لاياش كاتخطط علال= بابتسامة ماكرة( كبرتيي بزاف البرهوش وليتي راجل . كونتي قادر تقرالي افكاري هادي عشرسنين كانضن مازال عندك نفس ديك لقدرة) عماد= بغضب وشر فعينيه (قلها بلهضرة بدل ماتهضر فنفسك) علال= كايشوف فيه بابتسامة ماكرة وقال فنفسو (علاش واش خايف نديرلك شيحاجة ) عماد=بغضب( نتا كونتي مور داك تيليفون ياك) علال= فنفسو( علاش واش خفتي من حركة تافها انا مازال مابديت )

عماد=علاش ناوي علال=غير هني راسك ماعنديش حتى قطرة غضب عليك كان عندي مشكل مع باباك وتصفى وحتى دابا انا مغاضبش منك نتا بل من شخص اخر عماد=(بغضب )الى ماكونتش انا ادن شكون علال=شفتها ولات محامية هديك لحقيرة (هضرتو كاملة كانت فنفسو وعماد كايسمعو غير هوا) مكملش هضرتو حتا نقز عندو عماد ونهال عليه بضرب يضرب يضرب ونار ليفقلبو مابغاتش تطفى كايضرب بكل قوتي اما علال مدار حتى شي حركة كتفي بالغوات ليكاو فالقهوة كلشي هرب وكراسن كايفرقو ولاكن معامن مع ثور هائج عماد فقد اعصابة علال= بصراخ( ااااااااااااه عتقونيييي غادي يقتلنيييييي) عماد=هضر هضر بصوتك ماتفكرش هضر الحقييييييييير انت قتلتيني هادي عشرسنين ولاكن انا غانرجع حياتي منك الحقيييير لهدا ماتفكرش انك تاديها حيت انا غادي نحميها بروحي وغادي نقتلك علال=كايشوف فيه وهوا عامر دم وكايقول فنفسو( غادي نقتلها ونتا كاتشوف فيها بعينيك ههههههههههههه) عماد=غادي نقتلاااااااااااااااااااااااااااااااااااااك حيواااااااااااااااان سناء فهاد لاثناء ناعسا ومعنقى عصى وحاطا حداها موس وغاتموت بلخوف حتى صونا تيليفونها سناء=الو....مركز شرطة ... واخا هانا جايا مشات سناء لكمسارية حيت عيطولها لبوليس على قبل عماد دخلات طلاقات نفس شرطي ديال داك نهار شرطي =انسة سناء مرحبا عيطنالك على قبل داك شاب ليكان معاك داك نهار فالحادث ديال تلفون شديناه كايضارب مع شي حد وخاصو شي حد يسنيليه باش يخرج قالينا ماعندوش والديه وتفكرتك نتي وعيطلك سناء=وشكون هدا ليضربو شرطي=ماوجه حتى شي اتهامات تنازل على شكوة وخرج مبغاش يدير لمشاكل بما انه عاد خرج من لحبس سناء=خرج من لحبس شرطي= اه كولشي مسجل فلكامرة ديال لقهوة كان غادي يقتلو وميمكنش لينا نطلقوه الى ماسنالوش شي حد سناء=شنو سميت هاد راجل شرطي= سميتو علال خرج من لحبس شهر ليفات علاش واش كاتعرفيه سناء=واش ممكن نشوف تسجيل الى سمحتي شرطي =تفضلي بوحدو كان كايهضر ضحية مسكين ماقال حتى كلمة هادشي ليقالوه شهود بقا كايقولو هدر هدر بصوتك ماشي فنفسك هضر وكايضرب فيه وكايقولو غادي نقتلك الى قصتي فيها ماعرفتش شكةن كان كايقصد ولفينا فشانطة ديالو مطرقة سناء =تفكراتو تفكرات عماد نهار لحادث ونهار لمحكمة وتفكرة كلمة قالهالها فاش كان صغير فلمحكمة قالها غادي نحميك وتفكرة فاش هرس لباب وخلل عليها نهار لقات تيليفون فدارها وعرفاتو هوا عماد صغيور كبر وجا باش يوفي بوعدو وقالت لشرطي( ارا لورقة باش نسنيها) وفهاد لاثناء عماد شادينو جوج دلبوليس وتالت كالس على لمكتب عماد=ماكانش عليكم طلقوه هداك راه مجرم خطير شرطي =واقلة راكن سيتي واحد لحاجة راك نتا لمجرم وهوا ضحية عماد= هداك راه قتليا بابا وباغي يقتل ناس خرين

شرطي =واش عندك شي داليل عماد=ا هانا راني سمعتو انا كانسمع افكا(وقبل مايكملها دخلت سناء عليهم) سناء=باركة (شافتليه فعينيه وقالت فنفسها) بلى ماتقولهوم والو مغايصدقوكش غادي غير يضحكو عليك عماد انا عقلت عليك دابا عقلت عليك مزيان ( عماد مصدوم وغير مايشوف) شرطي= لمصخوط كان هاز معاه سلاح فشانطة علاياش كنتي عوال سناء= لمطرقة ماشي سلاح هوا هزها معاه حيت كان كيصوبلي لباب شرطى الثاني=واش نتوما مقربين لهاد درجة باش يصلحليك لباب نتي قلتي مكايجيكش سناء=كانعرفو هادي عشر سنين راه بحال خويا تقدر تقول عائلة (عماد حلفيها عينيه مصدوم من هضرتها) شرطي الاول= كانضن نتوما عايشين بجوجكوم فنفس دار(تصدمو كاملين) شرطيالثاني= قول والله شرطي الاول= اااه والله حيت نهار حادث ديال تلفون لقيتهوم بجوج بيهم فدار وفصبح دزت من تما لقيتهوم خارجين بجو بيهم من دار عماد=لا لا راك فهمتي غلاط سناء=قمعاتو( اه حنا عايشين بجوج بينا فنفس دار بما انه كايقرى فلجامعة وطريق بعيدة عليه كولتليه يجي يسكن معايا (عماد غير كايسمع وحال فمو مافاهم والو) شرطي =فهاد لحالة مزيان خرجو من لكومسارية وغادين فطريق سناء= وفاد ليل ماغاديش نلقاو طوبيس واش هاز معاك لفلوس نشدو طاكسي عماد=اه عندي ( قاطعوهوم نفس شرطين ليكانو فلكومسارية ) شرطي= يالاه طلعو نوصلوكم معانا سناء= لا مكاين لاش غادي نشوفو شي طاكسي شرطي =راه مشا لحال دابا ماغاتلقاوش طاكسي سناء= اوكي شكران (طلعو معاهوم وكيف لعادة دوك لبوليس ثرثارين فيهم كترة لاسئلة) شرطي ثاني =بغيت غير نفهم اعماد شنو هيا مشكلتك مع علال مسكين سناء= بنفاد صبر(قبل عشرسنسن علال قتليه باباه وانا كونت شاهدة على لجريمة) شرطين كايشوفو فبعضياتهوم ومستغربين وصلوهوم لدار شرطي =شوف اولدي عماد انا متفهم شعورك مع علال ولاكن هدا مكايعنيش انك ضربو ولى تنتاقم منو دير عقلك شرطي ثاني= لالة سناء تهلاي فيه ورديليه لبال راه طايش بزاف سناء=(كاطنز وتشوف فعماد وعنقاتو حتا نزل عندها حيت هيا قصيرة عليه) ماتخافوش راه خويا صغير هددا نديرو فعينيا ههه ياك اخويا عماد عماد= ماحاملش راسو ( ااااه .... اختي لكبيرة ) شرطي=اااه هههه يالاه دخلو شكاتسناو

سناء=جارا عماد من عنقو( اه واخا هاحنا داخلين تصبحو على خير) حتى دخلو لدار عماد= كايشوف فدار مرونة( مازالة مابغيتي تخملي هاد زريبة) سناء= اوووووووف شحال فيك دنكير كولنالك ماعنديش لوقت عماد=انا غادي نمشي لداري سناء = ماعندك فين تمشي خليك هنا شي يامات هاد جوج دلبوليس غادي يبقاو حاضينا وغايعرفوني كدبت عليهم وقالت فنفسها( غادي نحتاج هاد لولد يكلس هاد ليامات معايا باش الى جا علال مانكونش بوحدي) عماد= كايضحك عليها وفيا جوع بغيت ناكل سناء= شفتك بديتي تعطي لاوامر عماد= انا ضيف وخاصك طيبيلي ماناكل سناء=بنفاد صبر (صافي تسنا) كلسو كاياكلو وعماد كاياكل بنفس لمغرف سناء= كيفاش تعرفتي عليا واخا دازت هاد لمدة كاملة عماد= غير سمعت سميتك عرفتك ماشي بحالك سناء=فنفسها( زعما نكون انا هي حبو لاول) عماد=بلا ماتفكري بديك طريقة ماشي نتي حبي لاول سناء= ايوا علاش قلبتي عليا وكاتقول غادي تحميني عماد= حيت بقيتي فيا وصافي وباش نردلك لجميل ليدرتي معايا فلمحكمة هدا لاش تعشاو ونعشو هيا نعست فبيتها وهوا نعس فبيت لكلاس على لفطوي ولاكن هيا بقات كاتقلب ففراشها ماجاهاش نعاس وناضت باش تشرب خرجات شافتو ناعس وداير واحد نعسا كادوب وبقات واااااقفة كاتشوف فيه وتفكر فاش هزها على كتافو ونضراتو ليها وفاش كانكايضرب علال وكايقولو غادي نفديها بروجي ومنين هرس لباب باش ينقدها ونسات اصلان علاش خرجات من لبيت نتابهت لصبعو لمجروج ومشات جبدت دوا ولفاصمة وكلست على لارض وعاطياه بضهر ونضفت لجرح ولواتلو لفاصمة هي يحسابها ناعس ولاكن هوا مازال فايق وكايشوف فيها بابتسامة وهي شادالو يدو ماكرهش ماطلقش منو وكايقول فنفسو عماد=اااااخ لوكان تعرفي ليكانحس بيه من جيهتك غادي تقتليني انا عارفك مجنونة وديريها ولاكن واخا هاكاك كانبغيك وغادي نحميك بكل قوتي والى ضطريت نفديك بروحي (شافها سالات ورجع دار راسو ناعس ضارت لعندو وقفت على ركابيها كاتشووووووف فيه بحنان حطت يديها على راسو كاتحسس حرارتو لقاتو مامريضش غطاتو مزيان ومشات لبيتها وشدت لباب سناء= وقفت مور لباب وكاضرب فوجها وكاتقول فنفسها (لا مايمكنش ياكما تغرمت بيه لا لا لا لا لا اويييييلي صافي وليت غير كانخرف اويلي راه صغر مني خاصني نتفادا هاد لمشاعر طفولية) تلاحت على ناموسية ونعست وهيا كاضرب راسها مع لخدية وكاتخاول تطرد دوك لافكار ليغايحمقوها اما هوا كان مازال فايق كايشوف فصبعو وكايتفكر نهار سمح فيه عمو فمدينة لالعاب طاح ضلام وبقا غير هوا بوحدو تما كايشوف فواحد لبالونة واحلة فواحد شجرة تسلق شجرة وكايحاول يجبدها ولاكن طاح وتجرحلو نفس صبع ولاكن داك ساع مالقاش ليعملو دوا ويعتاني بيه

=في صباح= اصبحنا واصبح لملك لله عماد كايصلح فلباب وسناء خارجا حلت لباب وهوا جا طايح فلارض سناء=شافت فيه ببرودة ( سمحلي) وزادت عماد = كايطلعها من راسها رجليها حتى لرايها كانت لابسة سبادري وسروال دجين وطريكو وهازا لمضل وخا ماكايناش شتا(مالكي على هاد لباس غاديا لشي سباق واش فنضرك بهاد لمضل غادي تقاتلي مع علال) سناء= ياك قولتليك ماتبقاش تقرالي افكاري وقالت فنفسها (خاسني نتسجل فشي نادي ونتعلم دفاع عن نفس) عماد=سمعها وحيد ليها لمضل وجا موراها مع هوا طويل راسها وصل لصدرو شدلها فيديها وبدا كايعلمها حركات دافع بيهم على نفسها ولاكن هيا قربو منها كايخليها ضعف (شوفي الى جا منهنا غاتهزي يدك وتعكيه يعنق طراخ بهاد طريقة والى جا من لقدام غاتهزي ركبتك وضربيه لمنطقة لحساسة فهمتي) سناء =ومن بعد شنو ندير عماد=منبعد هربي هههههههههههه سناء =بحزن( نهرب .... قولي نهار دابزتي مع علال واش قريتي افكارو) عماد=اه سناء=واش هوا ليحطلي تيليفون فدار عماد= اه سناء= بخوف بتالعت ريقها ( شنو قالك باغي ينتاقم مني ياك) عماد=قرب منها وعنقها ماعندك مناش تخافي لبوليس وانا فجنبك انا غادي نحميك سناء= زيرة عليه بخوف عافاك ماتخليهش يقتلني عماد= تهدني انا معاك يالله خلينا نمشيو دابا غادي تعطلي على لخدمة خرجو من لباب وهوما هابطين مع درب كان علال واقف فراس درب عماد حس بشي حاجة تلفت موراه ومالقا حتا حاجا وكمل طريقو علال=هاد لولد واقفلي فطريقي ماعرفتش كيغاندير ليه باش نزولو من طريقي ... بلاتي كاين حل واحد ههههههههه اكيييد غادي يجيب ليها تمام وصلو عماد وسناء لمحطة كايتسناو طوبيس وهوا يصونيلها تيليفون سناء=الو ماما اش هاد لغيبة فاطمة= غير مع هاد لخدمة لكليان واخدينلي لوقت كولو تعقلي داك نهار فاش قلتليك جارتنا عيشة عندها واحد ولد ختها باغي يتزوج سناء= اه مالو ياكما لقا لعروسا فاطمة= الا يالهبيلة جات عندي عيشة لبارح وقالتلي عجبتيها وبغات تلاقيكوم وتعرفو على بعضياتكوم يعني موعد سناء=بحماس(موعد ... كيف بانلك زوين ) عماد سمعها كاتهضر حيد صناتات باش يسمع مزيان فاطمة= لعجب داك نهار دكرتلك حسو غوتي عليا وكولتيلي انكي مزوجا بالقانون شنو ليوقاعلك دابا ها

سناء=طلقنا اماما طلقنا كوليلي بعدا واش زوين شفتيه فاطمة=شفتو ابنتي زويييين واخا لاباس عليه متواضع كان خدام بوليسي ولاكن ماكملش ولى محامي عام بحالك (اكيد عرفتو علامن كاتهضر ااااااه هوا محمد لمحامي ليخدام مع سناء ههههه) سناء=ماشي هاد شي ليقصدتلك زعما واش صحيح عندو عضلات يقدر يحميني فاطمة=شوف هاد لبنت فاش كاتفكر ياك داك مرا قولتيلي مكايهمكش زين وليكايهمك هوا لفلوس شنو وقعلك دابا سناء=بدلت رئي بدلتو دابا كانهتم بالجسد كتر من لفلوس كوليلي كايبانلك عندو لعضلات فاطمة=بنفاد صبر( ماحيدتلوش حوايجو باش نشوف واش عندو لضلات ولى لا ليشفت كانو كتافو قاصحين كيف لحجر ولمضهر ديالو زوين سناء=ادن صافي غادي نشوف شي وقيت سيمانا جايا ونطلاقاه يالاه بسلامة طوط طوط طوط وقالت فنفسها( وعما غادي نكون فامان الى تزوجت ) عماد سنعها وغادي يحماق بلغيرة عماد=اري داك تيليفون سناء=علاش عماد=غادي نطيليشارجي واحد تطبيق سناء=ديالاش عماد=ديال تتبع باش منين تحتاجيني ولى نحتاجك تلقايني ونلقاك سناء=بفرح( واش بصح ) عماد=اه سناء= واااااااااااااااااااااو داير بحال لئف ب ياي ماكانش يحسابلي نتا دكي هاكا وصلو وكل واحد مشا فطريقو سناء لخدمة وعماد لجامعة سناء غاديا مع شانطي وسي براهيم ومصعب من جهة تانية من شانطي مصعب= شوف شوف شكون ماشي هاديك سناء سي براهيم=اااه هيا ديك لمتعجرفة ولاكن علاش هازا لمضل ياكما غاطيح شتا مصعب = لا مكانضنش كاتبانلي شميشة وهاداك لي موراها ماشي محمد سي براهيم = اااه هوا شوف شوف شنو كايدير غادي يخلعها ههههههههههه مشا فيها محمد جاي مور سناء كاينقز وباغي يخلعها رش فمو بالمعطر محمد= نقز عندها ( هوووووووووووووووووووووو) باط نزلت عليه بديك لحركات ليعلمهوملها عماد بلمضل وعطاتو لمنطقة لحساسة بااااااااط سناء= هي محمد اش هاد لحركات خلعتيني محمد=اااه اااه اىىىىىىىىىى اااااه =في المكتب= سي براهيم= كايشوف محمد كايتالم (كانضن خاصك تمشي لدار ترتاح شويا) محمد= اااااااااااااااه اييي لا ماكككاين لاش عندي جلسا ممور ساعة مصعب=علا على كمامو عوال يدابز ( سناء واش ماغاديش تعتادري منو

مصعب=علا على كمامو عوال يدابز ( سناء واش ماغاديش تعتادري منو ) سناء=لا ماغاديش نعتادر هوا ليخاصو يعتاضر حيت خلعني انا غير دافعت على راسي مصعب= كان دفاع مبالغ فيه وكون كان انهارت رجولة سي محمد مكانش غادي يقدر يولد ولادو فلمستقبل محمد= لا لا لا راه ماتئديتش بزاف راه قلبت راسي فطواليط كولشي تمام اااااااه سناء=هانتا سمعتيه مافيه والو محمد=كانعتادر منك ماكانش يحسابني غادي تخلعي بديك طريقة هاهاها اااااااااااااااااه مصعب= شوفو كيف كايهضر كاتوقف بجنبها واخا ضرباتك راها كانت غاتخليك بلا ولاد وفوق هاد شي كاتعتادر سناء=وقفت كتغوت( صافي صافي كانعتادر اسيدي صافي رتاحيتي) مصعب=واش كاتسميه هادا اعتضار سي براهيم= سكوت هادي راها ماكاتحشمش الى ضطرات غادي تسرفقك خلاتهوم كايهضرو وخرجات لقات شتا كاطيح سناء=لحمد لله جبت معايا لمضل ديالي محمد موراها عيطلها وماسمعاتوش وصل لعندها وكان غايشدها من كتفها ورجع جمع يديه خاف على راسو من شي ضربة اخرى وبقى تابعها وصلت سناء لباب لمحكمة ومحمد موراها محمد=بابتسامة مريضة (واش عندك شي جلسة دابا) سناء=بقا فيها مسكين كايقطع لقلب وحنت عليه(واش كونتي مورايا علاش ماعيطتيليش ندرقك وعايا راك فزكتي) محمد= ههههههه خفت لاناكل شي طريح ديال لعصى عاود سناء=بابتسامة (صراحا انا كانعتادر منك على داكشي ليدرتلك ماكانش خاصني نتسرع واش ممكن تقبل لعراضا ديالي فلعشيا ) محمد= بابتسامة اكيد بكل فرح سناء=اوكي نشوفك فلعشيا بسلامة محمد = بسلامة وكايقول فنفسو( ااااااااخ لعصا ليكليت جابت نتيجة اخيرا مكرهتش نخطف ونديك لشي عالم فيه غير انا ونتي كانبغيك بزاف اسناء كانتمنى تبادليني شعور شي نهار ) جات لعشيا وطلاقاو فلكافتريا ديال لمحكمة وبقاو كايتحدتو على لقضايا ديالهوم وفواحد لحضة بقات كاتشووووووووووووووفف فمحمد لاحضت فيه شي حوايج عمرها لاحضتهوم فيه وكاتقول فنفسها سناء= فنفسها وكاتشوف فيه كايهضر ( كان خاصني نكون معصبة دابا علاش دابا انا فرحانة معاه اوووووووف اش هاد لمشاعر عندي دغيا كانتاتر مرة عماد ومرا محمد ولاكن محمد غيييييييييير كايبان راجل قوي ومعقول وزوييييييين لوكان يحيد داك لموسطاج غايولي واااو عويناتو كايلمعو اااااااااااااااااااخ يارربيييييييييييي طحت طحت ) هزت يديها بدون شعور وحطاتها على خدو محمد=سناء هههههه مالكي سناء= (عاااااد عاقت)أأأأأأأأأ لا لا غغغير كانشوفلك سخانة حيت وليتي غير كاتخربق فلهضرة (وبتالعت ريقها) اخ حماقيت حماقيت تبا

يتبع