الحاسة السابعة الجزء السادس

حيت كاطلعلو سكار سي براهيم مكايفوتش معاها سلام عليكم وهي كدالك غير مصعب لي مرا مرا كايلطف لجو بنكتو لبايخة اما مكتب محمد جا فبلاصتو محامي اخر واحد لمحامي بكوص و معقد ومعقول مكايحملش سناء دم سنانو هي سناء اما محمد مسكين ولى خدام فلمخبازة ديال باه وحتو هوا رجع كيف كان لفريقة فشعر ونضيضرات كبار عبد الحليم وخلاص وشرطى مازالين ماقفلوش ضوسي ديال علال وعماد مازالين كايقلبو على عماد حتى وصلهوم خبار انه عايش فشي قرية صغيرة المحقق عدنان= داخل لواحد دار وشاف واحد سيد كبير فلعمر كايشرب اتي(سلام عليكم) سي حسن=وعلكم سلام اش حب الخاطر المحقق عدنان= واش كاتعرف واحد لولد سميتو عماد لعلامي (جبدليه صورة ديال عماد) سي حسن= (طاح ليه لكاس من يديه بلخلعة) اه كانعرف هاد شخص ليفصورة ولاكن ماسميتوش عماد المحقق عدنان= سي حسن ورينا فين كاين سي حسن= واخا اجيو معايا (داهوم مور دار ) على .. على فينك عماد= محشي فلقن ديال دجاج كايجمع البيض (هانا اجدي هانامع دجاج) سي حسن= ولدي على شي ناس كايقلبو عليك عماد=على راسو فيهم واخا اجدي ... سلام شنو بغيتو علاش كاتقلبو عليا المحقق عدنان= واش نتا هوا عماد لعلامي عماد= لا انا سميتي على يمكن غير غالطين المحقق عدنان= واخا تفضل معانا حتى لكمسارية ونعرفو شكون ليغالط فهاد الاثناء سناء مزالة ناعسا حيت ليوم عطلة صونا تيليفونها سناء= االو... هي انا,,,, اه عقلت ... (تاضت بسرعة) فين لقيتوه هانا جايا لبست حوايجها وخرجت وصلت لكمسارية لقات لمحقق عدنان واقف حدا لباب سناء= سلام فين هوا عماد واش بيخير عدنان= اه بيخير لقيناه مخبي فواحد ضوار ومبدل سميتو .... والله ماعرفت واش هوا دكي ولى غبي ماعرفتش سناء=شنو كاتقصد عدنان= منين نساليو معاه تحقيق نقولك خلاتو كايهضر بوحدو ودخلات لكمسارية لقاتو كالس على لكرسى وحاني راسو للارض وفيديه لمينوط سناء=وقفت كاتشوف فيه ومامصدقاش( عماد) عماد= هز راسو شاف فيها وهيا جايا كاتغوت (لارد) سناء= ضرباتو بصقلة (الحمق فين كنتي كان عليك علاقل تجاوب فتلفون ماتخلينيش غانحماق خفت عليك بزاف شوف حالتك حوايجك مبهدلين اشنو وقاعلك) عماد= واش انا سميتي عماد... كلشي كايعيطلي عماد مافهمت والو واش نتي عارفا شكون انا

سناء=بصدمة طلقت من يديه عرفت انه فقد داكرتو (سي عدنان هانتا كاتشوف ليقدامك ماشي عماد طلقوه يمشي بحالو) عدنان= شنهوااااا هههه كاضحكي عليا راه هوا عتارف بنفسو انه قتلو سناء= راه قالك ممكن نكون انا ليقتلتو ماكالش انا ليقتلتو شوف فيه ماعاقلش حتى على سميتو كيفاش غادي دخلوه لحبس وهوا مادار والو عدنان= يقدر يكون غير كايتضاهر بفقدان داكرة كيما قلتليك من قبل حنا هنا مكانضلمو حد غادي نكملو معاه تحقيق وضوسي ديالو غايتدفع لمحكمة وموراها نيشان لحبس الى كان عزيز عليك لهاد درجة تقدري تزوريه فعين قادوس وماتنسايش تديليه لماكلة سناء= بصراخ (اشنو كايحسابلك راسك نتا هنا باش دير خدمتك ماشي باش توريني شنو ندير واش عرفك انه هوا ليقتلو واش لقيتو شي جثة ) عدنان= قبل سيمانة من لحادث خدا جنويا وقال انه غادي ينتاقم منو وبما انه فشل لمرا لولة رجع وحاول مرا اخرى سناء= هداك لولد ليكاتهضر عليه من احسن طلاب حتل لمرتبة الاولى فجميع مرال دراستو ونزيدك على قبل صديقتو خاطر بحياتو ودافع عليها كانها مشكلته هاد شخص يقدر يضحى بحياتو من اجل اي شخص محتاج لمساعدة عدنان= ماتخدعيش حتى ناس طيبة تقدر تقتل الى دطرات سناء= بصراخ( هوا واعدني ...واعدني انه مغايقتل حد هاد لولد ماعمرو ماخلف بلوعود ديالو هادي عشرسنين واعدني ووفى بوعدو عماد= كايشوف فيها كاتهضر مع لمحقق كايقول فنفسو ( مع الاسف ماعاقلش على هاد الانسانة واقفة بجنبي وكادافع عليا وانا ماقادرش حتى نعقل عليها هاد صوت ودوك لعوينات لامعة من خلاصة كلامها انا ممكن نكون قتلت شي حد ... مابغيتش نتفكر مابغيتش نعرف انني كنت انسان سئ . بغض نضر على كل هاد شي كاينين شي حوايج بغيت نعرفهوم كنتسائل اي نوع من ناس انا كنت باش يكون شخص كيدافع عليا بهاد لهفة ) =في الغد= اصبحنى واصبح الملك لله فاقت لبست ودازت لكمسارية تشوف عماد قبل ماتمشي لخدمتها سناء= مالسا مقابلى معاه كاتشوووووفليه فعينيه وقالت فنفسها( فين كنتي هاد لوقت كلو (وكاتسناه يجاوبها ) واش مابقيتيش تقدر تقرا افكار جاوب) وقالت بجهد (واش ماسمعتينيش واش مابقيتيش تقدر تفرا الافكار ) عماد=مستغرب (افكار .. اشمن افكار ) سناء=تنهدت( ااه حتى لقدرة ديالك فقدتيها ) عماد=اشمن قدرة سناء= قالت فنفسها( من الاحسن ليك تفقد هاد لقدرة على الاقل تعيش فعالم هادئ) لا والو غير كانهضر وصافي عماد= اه ... شحال فعمري سناء= عشرين عماد= ادن انا مازال صغير كان كايحسابلي كتر سناء= تنهدت( اه ... مادازش عليك قليل وليتي كاتبان كبر من عمرك) عماد= كايبانلي انني كنت شخص مامزيانش قدرت نقتل روح

سناء= واش عندك لاطراس ديال ضربة فكتفك عماد= اه عندي سناء= هداك جرح كان بسبابي حيت حاولتي تحميني عماد= مستغرب( وعلاش درت هاكا) سناء= كفاش علاش ... هدا دليل على انك شخص مزيان واش كاين شي حد مامزيانش غادي لضحي بحياتو من اجل اي حد (ضربت على طبلة) هدا علاش ماتفكرش انك انشان سئ وماتقولش انا قتال وبلاخص قدام لمحققين حيت يقدرو حيت يقدرو ياخدوه كدليل ضدك واش فهمتي عماد= هز براسو بمعنة نعم سناء= خاصك توجد راسك حيت ابتدأ من ليوم غادي تواجه بزاف ديال الامور سيئة... كايبانولي حوايجك مكرفسين عماد= اه سناء= حوايجك موسخين انا غادي نجيبلك حوايج نقين خصك تبدل هاد لحالة لبس مزيان نهار ليديوك لمكان لجريمة واش فهمتيني عماد= كفاش مكان لجريمة سناء= اه غايديوك باش تمتليهم كيف قتلتي علال عماد= ولاكن انا ماعاقل على والو سناء= ماتخافش انا غانكون معاك ودير داكشي ليغانطلب منك اوكي كانواعدك غادي نخرجك من هنا تيق بيا عماد=هز براسو بمعنى نعم سلى وقت زيارة ومشات سناء لخدمتها كالسا فمكتبها كاتبحت وتبحت وتبحت فلانترنيت ولجرائد كاتقلب على اي خيط يوصلها لشي حاجا ولاكن بدوم جدوى مصعب= سي براهيم واش غادي تمشي لفحص مدكرات الاعتقال دابا سي براهيم =اه غادي دابا بسلامة (سبقاتو سناء لباب ) شنو كاديري سناء= جبتليك معايا هاد لعاصير قبل مانجي (كدابة ماشراتوش على قبلو) سي براهيم= كانضن انكي مكتحملينيش سناء= اوييلي حاشا راك بحال لوليد غير كانحتارمك ومكانبغيش نكتر معاك لهضرة سي براهيم= تنهد( من هاد شي كامل شنو بغيتي ) سناء= سمعتك غادي لمكان فحص مدكرات الاعتقال بغيت نمشي معاك باش نشوف ضوسي ديال عماد بغيت نكون لمحامية ديالو سي براهيم= مكاين لاش حيت غاضلمي لولد مسكين نضرا لخدمتك لفاشلة مؤخرا كانفضل نمشي دابا غادي نتعطل سناء= مكاينش شي محامي اخر يقدر ياخد قضيتو من غيري انا كانعرفو مزيان ومكاينش ليغايصدقو بحالى لدالك عفاك كانترجاك خليني نستلم لقضية سي براهيم=ضار لعندها خنزر فيها وحيدليها لعصير من يدها وعطاها اشارا تبعيني

سناء= بابتسامة (شكرا بزاف) =في الغد= لبوليس داين عماد لمسرح لجريمة لحقة عليهم سناء لمحقق عدنان =فين فين فين غاديا سناء=غادي نركب معاكم انا هي لمحامية ديالو وعندي اوراقي تفضل شوف عدنان=جمعي عليا وراقك ماغاتمشيش سناء= دفعتهوم ودخلت ركبت بسيف عليهم عدنان= اااه ياربي واش كاع لمحاميات هاكا امري لله سناء=واش غايكونو بزاف دصحافة عدنان= اه اكيد تهمة ديالو ماشي ساهلة سناء=لبست كمامة على وجه عماد (هاكا ماغايشوفك حد) عدنان = اشكاديري حماقيتي سناء= انا لمحامية ديالو ومن حقي نحمي موكلي وحتى نتوما وصلو لمكان لجريمة نزلو وصحافة تجوقو عليهم وهي كادافع معاهم حتى طاحت بغاو يبينو رجه عماد ومنعاتهوم بجرئة كبيرة تنقل لخبر مباشرة مانت ميساء خدامة فصالون تجميل كاتصبع ضفار زبونة حتى سنعت اخبارو فماقدرتش تحبس دموعها كدالك محمد فلمحبزو شاف الاخبار وبقا واقف مصمر فبلاصتو وهوا كايشوف حبيبتو كاضارب مع صحافة واما مصعب وسي براهيم فلمكتب كايتفرجو فلفيديو فلحاسوب وكلشي مصدوم من دفاعها على عماد =في اليوم اتالي= ابتسام وافقة كاتسنا لمصعد ولحق عليها مصعب مصعب = واش نتي هي لمدعية العامة انسة ابتسام ابتسام= مشافتش حتى فيه( ا ه انا) مصعب= وصل لمصعد ودخلو(واش حتى نتي طالعا لطابق الخامس ابتسام= اه مصعب = حتى انا لمكتب ديالي تما .. ااه واش جايا لعند سناء ابتسام= اه وصلو لمكتب وطلبت من سناء يهضرو على انفراض سناء= شنو هاد شي ابتسام= هادي نصخة من بطاقة سيم ديال تلفون عماد وهادو تسجيل مكالامات ديالو وهادو صور من موقع لجريمة تقدري تشوفيها الى بغيتي سناء= علاش كاديري هاكا فجئة الى نسيني نفكر كراه نتي هيا لمدعية لعامة على هاد لقضية

ابتسام= عتابريها كاضو من عندي سناء=كاضو ابتسام= لعام ليفات فلقضية ديال علال ماقدرتش نتبت لجريمة عليه واخا درت المستحيل لهدا نا حسيت انني ماديتش واجبي ليك بكونك بنت ضحية وبغيت نعاونك دابا سناء= هدا لاش قلتي خليني نعاونها باش نريح ضميري ابتسام= حتى انا كانضن ان شخص بحال علال يستاهل لموت على افعالو هدا لاش فكرت نطلب عشرسنين لعماد هادي تهمت قتل وتشويه الجثة عشرسنين تعتبر لا شئ لدالك نقدر نتلقى عقوبة من لجنة تاديبية وراكي عارفا سناء= عماد ماشي قتال ابتسام= تنهدت( انا جيت عندك حيت عرفتك غاتكوني هاكا شوفي جميع الادلة ضدو عتارفي انه مدنب داكساع غانطالب غير بعشر سنوات بغض نضر عن تهمتو الى عرفتي دافعي عليه حتى انا غانعاونك عسرسنين حتى حاجا ونين غايخرج غاتكون عندو تلاتين عام يعني مازال شاب والى اصريتي على برائتو ماغاديش يرحموه حيت جميع لادلة ضدو ويقدرو يعطيوه عشرين عام .. ها شنو بانلك سناء= والى اصريت على برائتو ابتسام= انا متفهمة موقفك وبغيت نعاونك بقدر استطاعتي... انتى عارفا انني صادقة فكلامي سناء= بعد صمت (اه) ابتسام= بغيت نقوليك ... (قاطعاتها سناء) سناء= فهمتك ... فهمت مزيان فين باغية توصلي خليلي شوية ديال لوقة نفكر ونرد عليك وفهاد الاثناء مصعب داخل كايشرب فلقهوة وقف كايشوف فسي براهيم كايطل من تقبة ديال ساروت وكايحاول يسمع اش كايقولو مصعب= سي براهيم سي براهم = شاف راسو حصل غير كونت مانمسح لباب مصعب= بصااااح ماتبقة فيا ههههه سي براهيم=سير تشوف شغلك خرجة ابتسام وتبعها مصعب حتى هوا بقات سناء وسي براهيم بحدهوم فلمكتب ابتسام= حاطا رايها على لمكتب وكاتهضر ( عشرسنين ضد عشرين عام ... ااااااااه ديك بتسام لحقيرة باغية تحمقني عاد ترتاح اااااااااخخخخ) تزدحت شي حاجا حداها وتخلعت( اااااااه اخخخ اقلبي واش باغي تقتلني) سي براهيم = ياريت كن كنت نقدر نديرها شدي قراي هاد لملفات فيهوم قضية سي حميد ليكان مع علال فلحبس سناء= وعلاش غادي نقراه ماعندي ماندير بيه سي براهيم= لقضية ديالو كاتشبه لقضية عماد وكنت انا هوا لمحامي هادي 26 ديالو حتى هوا ماكان عاقل على والو نهار لجريمة حيت كان كايشرب بزاف كانو بزاف ديال الادلة كايتبتو عليه الجريمة بصماتو كانو على لموس وطرف من ضحية(اليد) ليهيا مرتو كانت فدارو ونزيدك قبل من لجريمة بيوم دابز مع مرتو وضربها هي وياه ماكانوش متفاهمين قطعت يدها ولاحتها فدار باش تاهمو بلقتل ولاكن مع البحت لقاو ان مرتو مازالة عايشا ودارت هاكاك غير باش تهنا منو ولامن هيا ماستسلمتش وعاودت فتحت لقضية وقررو يحاكموه بمحاولة القتل منين مالقيت حتى شي طريقة وحلت جا عندي لمدعي العام سناء= وعلاش جا عندك

سي براهيم =تمامن بحال ليدارت لمدعية ابتسام قتارح علي صفقة قالي انه غايدخل ب15لسنة الى عتارف بلجريمة ويقول ان لجريمة كانت فلحضة غضب وانه نادم غادي يبقى فلقاضي وغادي يحكم عليه بسنوات قليلة سناء=ونتا قبلتي ياك سي براهيم= لا اصريت على كلامي وبقيت كانحاول نتبت برائتو امام القاضي حيت كنت متيقن من حاميد انه مايديرهاش وبرئ وكاع الادلة ليقدمت كانت ادلة افتراضية ولاكن فشلت وبسبابي هوا دابا مازال فلحبس هادي 26 سنة سناء= يعني كن كنتي قبلتي عرض لمدعي العام من راه دابا خرج من شحال هادي سي براهيم = اه مع الاسف... هاد لملفات هوا سجل فشلي المهني... بغض نضر ادا كان مدنب او لا انا متئكد ان هدا هوا لحل الوحيد ليفيديك (ناض وخلاها مصدومة ) سناء= سي براهيم الى كان بامكانك ترجع لداك نهار قبل 26 سنة واش كنتي غادي تبقى مصر على برائتو سي براهيم= بعد صمت (فكرت فهاد سؤال مئات لمرات هادي 26 سنة والى رجع بيا زمان غادي نبقا مصر على برائتو) خلاها وخرج بقات كالسا شوبا وخرجت مشات عند عماد لسجن باش تشوفو وتعاودلو على صفقة ليقالتلها ابتسام عماد=الى عتارفت انني لقاتل غادي يتحكم عليا غير بعشرسنين او قل والى اصريت على برائتي غادي نتسجن كتر من 20 عام هاد شي ليفهمت صحيح سناء= اه عماد= وشنو ندير فنضرك سناء= خلينا مصرين على البرائة انت برئ عماد= فهمتك صافي سناء= اووففففف لا لا ملاحسن تعتارف حيت ممكن تكون لقاتل على الاقل عشرسنين ماشي بزاف عماد= صافي واخا ليبغيتيه نديرو سناء=بصراخ( يااا فكر قبل ماتجاوبنب) عماد= علاش غانفكر نتي كاتعرفيني كتر ملى انا عارف نفسي تاخدي قراركي بنفسك وانا غانتحمل لمسؤلية سناء= انت شنو كايحسابك انا عماد= محامية دفاع ... علاش سناء= واش عارف هادشي شنو كايعني عماد= لا معارفش , ولاكن كاعتاقد سناء= اشنو كاتعتاقد عماد= واش ماشي نتي ليكاتوقفي فجنبي منين مكايكون حتى واحد ... اشنو واش انا خاطئ سناء= بعد صمت ( لا عندك لحق ... (بابتسامة) تفكرت كلام سي براهيم ) انا... غادي ندافع على برائتك عماد= بابتسامة وتايشوفليها فعينيها (واخا ليبغيتيه نديرو ) سناء= مصدومة من نضراتو ( اووف واش مازال ماتفكرتي والو )

عماد= لا مازال كانعتادر منك سناء= شداتليف فيديه بابتسامة ( ماشي مشكل خود وقتك رتاح مزيان وحاول تفكر ... والى تفكرتي شي حاجا عنداك ماتقولهاليش) عماد= تايشوف فيديها ابتسامة( اه اكيد) سالا لوقت ومشات لنفس لباب كاضور فيه وتفكر فشي حل وكاتقول فنفسها( واش غادي نكون قادرة نحمي عماد...واقلة خاصني نقوليه يعتارف انه لقاتل.... خرجات من لباب لقات شخص واقف كايشوف فيها محمد= داز وقت طويل زاف محامية سناء بغيت نتكلم معاك الى قبلتي ( وافقت ومشاو لواحد جريدة قريبة) شفتك داك نهار فلاخبار (بابتسامة كايحاول يضحكها وكاكرهش يزيرها فحضنو وخرج كاع اشتياقو ليها ) كنتي زوينة بحال انجلينا جولي ههه سناء= طالعليها دم (علاش جيني ) محمد= جمع ضحكة( بانسبة لحالة عماد ... اشنو رائك نخليو لمحاكمة امام هيئة المحلفين ) سناء= مستغربة (هيئة لمحلفين ) محمد= اه فرصة الحكم بالبرائة اعلى بتمنيا دمرات امام هيئة المحلفين من حكم القاضي وبما انه من الاسهل تاثير على هيئة المحلفين عكس القاضي كانضن ان هدا فمصلاحت عماد لانه مازال صغير وهادي اول جريمة ليه كانضن ان هيئة المحلفين غادي يتعاطفو معاه .. شنو رائك سناء= فكرا زوينة ... كاع مافكرت فيها محمد=الى كانت لمحاكمة امام هيئة المحلفين كانضن غادي تحتاجي لمحامي اخر يعاونك كاينة ولى لا سناء= اه عندك الحق محمد= الى بغيتي نكون انا هوا داك لمحامي ... لعام ليفات كلو وانا عايش فلجحيم ... مكنتش كانقدر نعس بتانيب ضمير حسيت انني غضرتك كنعتارفليك انني بغيتك من كل قلبي حبيتك ولاكن كنت كانقول ضميري لمهني مايسمحليش ندخل واحد لحبس وهوا برئ واخا عرفت شنو دار فيك واعدتك انني نوقف بجنبك ولاكن ماوفيتش بوعدي انا ضمرت قلبك بيدي ومستاعد نصلح خطئي ونوقف معاك هاد لمرا بجد كنواعدك هاد لمرا غاندير ليفجهدي باش نخرجو عماد من سجن سناء= وقفت وهزت صاكها( ادن خلينا نتعاونو هاد لمرا... انا مكايهمنيش اطلاقا لعالم ليعشتي فيه ,, وما ادا كنتي مازال كتامن باقانون اولى لا ... انت فقط شخص قادر تحول شخص من مدنب لبرئ ,, وهاد لمهارة ليعندك هيا ليمحتاجها فهاد لوقت بضبط) محمد= جرحاتو بكلامها وقف بحزن(عندك لحق ... وكانشكرك على لفرصة ليعطيتيني باش نساعدك) سناء= مدت يديها باش تسلم عليه ( كانضن اننا غانخدمو مزيان بجوج ) محمد= مد يديه يحزن وسلم عليها ( ستغرق الامر مني عام كامل باش نشدليك فيديك واخا نتي مازالة مقلقا مني ) خلاتو ومشات اما فهاد الاثناء ياسر كان كايعمر لورقة باش يدخل يشوف عماد فلحبس دخل كلس كايتسا يخرجو عماد واخيرا خرج وكلس مقابل معاه ساير= عمااااااد شوف فحوايجك هاد نوع من لحوايج كايناسبك جا معاك لباس دلحباسا عماد= واش... كاتعرفني اسيدي

ياسر= مصدوم( علاش كاتهضر معايا باحترام ... هضر معايا بشكل عادي راحنا قد قد فلعمر ابنادم) عماد= مافاهم والو ( هاه ... واخا) ياسر= واش كاتحاول ترجع داكرتك واش كاتشرب شي دوا ء عماد= لا ياسر= اوووووف كانكره نتعامل معاك مزيان ... (جبد كتاب من شانطة) هاك حود هاد لكتاب خديتو من خزانتك لعام ليفات ماعرفتش بضبط واش ليمكتوب فيه مدكرات ولى يوميات ولى رسائل ماعرفتش شنو هيا شد لكتاب وقراه يمكن يعاونك باش ترجع داكرتك عماد= بلهفة( واش نتا متئكد انها ديالي) ياسر= ااه ديالك ... اشااااف واش بامكانك تعطيه هاد لكتاب راه فيه مدكراتو شرطي= كاع مامسموحش بلمدكرات هنا ياسر= كيفاش وعلاش شرطي= الى كنتي مصر قراهالو بنفسك ياسر= غادي نحماق الى قريتها اشاف مابغيتش عماد= واش قريتيه ياسر= أ... قريت غير شي صفحات اصلان انا مامساليش نقرا تفهات عماد= قراهالي الله يخليك خصني نحاول بما امكن نرجع داكرتي ياسر= كاضحك عليا مدت زيارة عشرين دقيقة كيغاندير نقراهلك الى بغيت نقراهالك خاصني نجي كل نهار عماد= كنترجاك بقى تجي عندي وتقرالي كانترجاك ياسر= اووووووووف اش داني نجي كاع امري لله غير بقيتي فيا كلس تسمه اوووف نخليوه يقرالو ونمشيو عند سناء كالسا برا كاتسنا ياسر يخرج باش تدخل عندو خرج هوا ودخلت هيا سناء= شكون هدا بسكان معاك عماد= قالي انه كان كايقرا معايا سناء= ااااه مزيان... قلي دابا عاودلي على اخر حاجا عقلتي عليها عماد= ليعاقل عليه انني فقةت لقيت راسي فدار جدي وقالى انني ولد خوه سناء= هادشي غريب علاش قالك هاكا عماد=(تفكر فاش قرالو ياسر مدكراتو) علاش نتي كادفعي عليا بهاد لهفة واش كاع لمحامين بحال هاكا او انا حالة خاصة عندك سناء= بابتسامة( اه انتا حالة خاصة عندي... عرفتي هداك علال ليمتاهمينك بقتلو قتل باباك وماما ولكن هوا ستخدم لقانون للهروب ...وفنهاية المطاف تحولت نتا لقاتل... الى خسرنا هاد لقضية غادي نفقد ايماني بالقانون وبنضام وبالعدالة وماغاديش نقدر نكمل فلمحامات هدا لاش انا ماغانخلي حتى طريقة ممكنة باش نخرجك من هنا .. انا غانستخدم القانون باش نحميك هدا هوا سبب انك مميز بنسبة ليا

عماد= (تفكر لمدكرات ليقراهوم عليه ياسر) فهمتك واتي شنو بنسبة ليا يعني واش كانت بيناتنا شي علاقة واش كنت كانبغيك سناء= تصدمت وتفكرت نهار مشاو لحوض الاسماك وباسها وبعد صمت ( انا مجرد شخص كاتعرفو صافي) عماد= كاتكدبي سناء= اه كانكدب وهاد شي ليبغيت بغيت نكون مجرد شخص عرفتيه فقط دابا بغيتك تركز على دكرياتك بغيتك تفكر كلشي يقدر يخرجك من ها سلى الوقت وخرجت تاصلت بمحمد سناء= الو محمد لاباس واش ممكن نتلاقاو فشي مقهي محمد= ممكن تجي عندي لداري الى بغيتي سناء= واخا عطيني العنوان عطاها لعنوان وصلت لعندو دقت وحل لباب محمد= مرحبا تفضلي سناء= شكرا محمد = شنو تشربي سناء= لا مابغيت والو ماعنديش لوقت بزاف كلس باش نهضرو على لقضية محمد= اهاه واخا صراحا انا خايف بزاف لاندير شي غلاط مايكونش فصالح عماد سناء= كاتشوووووف فيه وساهيا (اه عندك لحق خاصنا نديرو ليفجهدنى) محمد= كايشوف ليها فعينيها وقرب حداها وكلس وشد ليها فيديها(توحشتك بزاف ماتصوريش شحال) سناء= اممم ... باينة توحشتيني وعام ونتا غابر مافكرتي حتى تسول فيا خليتيني فاسوء ضروف ومشيتي تخبيتي كيف لجبان وكاتقولي توحشتيني محمد= صدقيني الى قلتليك ماغبتي على بالي ولو لحضة ولاكن مكانش عندي لوجه لينشوف فيك لبيه كنت عايش مع تانيب ضمير قبل موت ماماك كنت باغي نعتارفليك بحبي ليك ولاكن لاحضت شي حوايج فماقديتش نعتارفليك سناء= اشمن حوايج محمد= لاحضت ان عماد كايتقرب منك بزاف وحسيت بيك حتى نتي كاتبادليه نفس شعور سناء= مامصدقاش كلامو (اش كاتقول هداك لولد راه صغر مني وبحال خويا فعلان هوا عبرلي على مشاعرو ولاكن انا مادخلتش داكشي لقلبي حيت قلبي كان عامر بوحداخر) محمد= بعصبية ( شكون هوا هاد ليفقلبك) سناء= غمضت عينيها بنفاد صبر وبصراخ قالت( واش نتا اعمى واش ماكاتشوفش لوحيد ليفقلبي هوا نتا صحيح فلول ماكنتش كانحملك حيت كنتي تقيل على لقلب ولاكن مع لوقت بديت كانكتاشف فيك شي حوايج ليخلاوني نتغرم بيك طيبت قلبك

وبرائتك ورجولتك وكلشي فيك عجبتيي نضراتك حركاتك صوتك ولكن نتا خدلتيني وحطمتيني فاش وقفتي مع عدوي لدود (بدموع) علاش درتي بحال هاكا علاش) محمد= كايحاول يستوعب كلامها وتفكر فاش قالو عماد انها معجبة بيك بابتسامة قرب منها كتر ( ماكنتش عارف انك كاتبادليني نفس شعور (وقف بعصبية) ولاكن انا غبي حمار ليماحسيتش بيك سناء= وقفت وقربت ليه ششووو ماتقولش هاكا على شخص ليكانبغي مانسمحلكش محمد= بفرحة (هاد شخص ليكاتبغي مايستاهلكش نتي تستاهلى حسن منو واخا ضلمك وتخلى عليك فامس ضروف مازالة كاتبغيه) سناء=بابتسامة ودموع فعينيها (عندك لحق مايستاهلنيش ) محمد= كنترجاك تعطيه اخر فرصة سناء= قررت نرسم حدود بيني وبينو ونوضع حد لهاد لحب انا اصلان كنت بديت ننساه ولاكن هوا رجعلي تاني محمد= بقى يقرب منها وهي كاترجع بلور سناء= محمد اش كادير نعل شيطان تعطلت خاصني نمشي محمد= لصقها مع لحيط وحاصرها بيديه بجوج وكايشوف فشفتيها بلهفت ( كانبغيك ... كانموت فنسمة لهوا ليكاتستنشقيها وكانحسد وسادتك ليكداعب خدك ومرايتك ليكاتشوفك كل نهار... وكانحسد عطرك ليكايداعب بشرتك,,, وكانموت على عينيك ليكايقتلوني غير بنضراتك هادي كتر من عام باش شفتك صدقيني اول شوفا فيك حسيت انني كانعرفك من زمان حاولت نتقرب منك بسداجتي ونكتي لبايخة ههه ولاكن كرهتيني واخا كنتي كاتعصبي عليا وضربيني عقلتي ههه ولاكن فلاخر نجحت نخطف قلبك (كايداعب خصلات شهرها بشوق) كنت كانغير من عماد بزاااف كنت كانكرهو فاش كانشوفو كايقرب منك ولاكن كنت كانكبت مشاعري باش مانعصبكش سناء= بتالعت ريقها وهيا ماتحس بانفاسو كداعب خدها زيرت على يديها وكاتحاول تمالك نفها وهي كاتشوف حبيبها قريب منها لهاد دارجا ( ووواش ممكن تبعد شويا) محمد= زاد قرب ليها مانقدرش عييت ملبعد عيييت وبغيت نبقا قريب منك طول حياتي بغيت نعوضك على ليفات كانواعدك غادي نحميك وندافع عليك بكل قوتي والى ضطريت نفديك بحياتي ماتكوليليش نبعد عليك وانا معاك كل يوم غانعيشو عيد ومعاك لويم كانشوف حلمي قدامي بغيتك ليا لعمر كلو سناء= غمضت عينيها بشوق وهيا كاتشوف كايقرب كتر وكتر حتى طبع قبلة طوييييييييييييلة على شفتيها ماقدرتش تقاومها ستسلمت وتشاركت معاه نفس لمشاعر حتى فاقت من صدمة دفعاتو هزت صاكها وخرجت كاتجري ودموع فعينيها =في الغد= يوم الجلسة سناء ومحمد فلمكتب كايوجدو راسهوم باش يمشيو محمد= حياتي مالكي ميكا عليا سناء= منخلاه( اولا انا ماشي حياتك وهضر معايا برسمية انا لمحامية سناء الى كان يحسابك سمحتليك راك غالط) محمد= واخا ليبغيتي... على خاطرك

خرجو متاجهين للمحكمة وصلو لقاو لقاعة عامرة بهيئة لمحلافين ولمدعية لعامة ابتسام وزميلها مدعي عام جوج محامين ضد جوج مدعين دخل لقاضي كلشي وقف القاضي = باسم جلالة الملك نبدئ الجلسة دخلو لمتهم دخلو عماد لقاعم وسناء كاتشوف فيه بابتسامة وتمنات لو كان مازالا عندو لقدرة على قرائة الافكار القاضي= المدعية العامة تفضلي ابتسام= وقفت امام هيئة المحلفين ( انا المدعية العامة المكلفة بالقضية انا اقف امامكم لمساعدتكم على فهم ورئية الحقيقة . قبل 11 لسنة اضحية علال الحمداوي قتل اب المتهم عماد العالمي بعد ماخرج اضحية من سجن ضل المتهم تابعو وكايهدد فيه ويتوعدو بالانتقام والعام ليفات اصيب المتهم عماد باصابة بسبب محاولة قتل اضحية علال وما انه مانجحش قرر يحاول مرى اخري فستدعاه لقرية صغيرة وقتلو امام نهو وشوه لجثة وخفاها (عماد فهاد لحضة بداو كايتفكر بعض الاحدات يون الجريمة) فالمتهم اعترف يوم القي القبض عليه وكدالك كاينين بعض الادلة التى تثبت عليه الجريمة المتهم ماكتفاش بقتل ضحية بل قطعها وشوهها وخفاها وبدل مايسلم راسو ضل مخبي وسط قرية سغيرة الى ان رئاه احد الاشخاص وقام بابلاغ شرطة كانتمنى تكونو فهمتو القضية مزيان القاضي = المتهم واش نتا موافق على التهم الموجهة ليك عماد كايرجف وبعض لقطات كايمرو بين عينيه شافتو سناء متوتر شداتليه فيديه ومحمد كان كايشوف غير بنصف عين القاضي = المتهم واش كاتسمعني عماد= اه انا كانكر هاد تهم انا برئ القاضي =هدا كايعني انك برئ وماشي قاتل عماد= اه القاضي= فهمت ... محامين دفاع عندكم ماتقولو سناء= ناضت نعم سيدي (وقفت امام هيئة المحلفين ) اسمي سناء الداودي وانا هي المحامية ليمكلفة بالقضية قبل مانبدى بغيت نشكركوم على قبول دعوة ومساعدتكم في اضهار الحقيقة ... بعد رئيتي للادلة انا ايضا شكيت انه ممكن يكون المشتبه بيه الوحيد في الجريمة ... ولاكن بعدما بحتنا وتحدت بعمق مع المتهم فقد اكتشفنا ان هناك اشياء عديدة تتبة برائته... اعتراف المتهم جاء خلال فقدانه لداكرة فخلال الاستجوابه فلم يكونو ادلة مباشرة تدل على قتله للضحية بل كانت ادلة ا فتراضية لا غير برغم من عيشه مدة سنة فقرية صغيرة الا انه لم يعش هناك للهروب من الجريمة ... بل لم يجد طريق العودة لمنزله بسبب فقدانه لداكرة , مثلما عمل الادعاء على تبين ان اضحية مجرم عن طريق العديد من الادلة فنحن ايضا نريكم الادلة التي تنعكس على اتهمات الادعاء للمدعي عليه . في الحقيقة لايوجد اي دليل مباشر الدي يتبت ان المتهم قتل اضحية وعملنا كدفاع هوا اثبات برائة المتهم من الجريمة هادشي ليعندي شكرا ليكم (مشات لبلاصتها وهيا كاتشوف فابتسام بنضرات تحدي ) القاضي= المدعين عندكوم ماضبقو

ابنسام= كاتشوف فسناء وكاتقول فنفسها ( نتي ليجنيتي على نفسك حاولت نعاونك ولاكن مابغيتيش ) اعم سيدي القاضي لدي شريط مصور الى سمحتي نبيتو على شاشة القاضي= تفضلي ركبت سيدي وكان فيديو ديال عماد فاش كان كايضرب علال فلقهوة تصدمات سناء فاش شافتو ابتسام= كما ترون اضغينة التي حملها المتهم على اضحية كانت خطيرة وهاد ضغينة فاقة الحدود منين خرج علال من سجن واصبح المتهم لا يؤمن بالقانون مجداا وقام بتطبيق الحكم عليه بيده في قتل اضحية علال الحمداوي المتهم اخفي الجثة بسبب ضغينة اتحاهه وعمل الازم من خلال اخفاء الجثة والاختباء لمدة سنة كاملة وبعد اكتشاف اليد اليسرى لضحية في انهر جريمة المتهم المثالية قد وصلة الى نهاية القاضي = محامي المدعى علية عندك ماضيف محمد= نعم سيدي بين اساعة الحادي عشر والثالة صباحا واسكين الدي تم اكتشافه في مسرح الجريمة يبلغ طوله حوالي 15 سنتمر واضحية علال كان شخصا ضخم يزن اكتر من 80كيلو فكيف لسكين صغير ان يقطع جثة كاملة وكما قالت المدعية العامة اننا نشك في اناس بدون ادلة كافية في ان كل هده الادلة تشير الى شخص واحد , وانيابة تؤكد ان هدا اشخص هوا المدعى عليه عماد اعالمي سناء= ومع دالك يوجد مشتبه به اخر (كلشي كايشوف فيها باستغراب) حتى هوا كان فمسرح الجريمة ويناسب مع جميع الادلة ايضا لديه سجل مكالامات ويملك سكينا كسلاح ولديه القوة على قطع المعصم القاضي= من هوا هدا اشخص سناء= انه اضحية علال الحمداوي القاضي= اش كاتقولي علال نفسو هوا ضحية فهاد القضية كيفاش ممكن تقولي انه هو المجرم سناء= سيدي القاضي واعضاء هيئة المحلفين ... نحن نعتقد ان اضحية علال الحمداوي لا يزال على قيد الحياة (كلشي مستغرب من كلامها) ضارت شافت فعماد وبتاسمتلو القاضي= المدعيم ومحامين الدفاع ممكن تجيو عندي (قربو عندو بربعا شد فلمكرفون باش مايسمعوهش ) المحامين اش هادشي ليدرتو هاد لكلام كان عليكم تقولوه قبل فتحقيق ماشي حتى لدابا محمد= كانعتادر اسيدي ولاكن حنى عاد فكرنى فهاد لموضوع المدعي العام ادريس= هاد الافتراض غير معقول ونتا عارف هاد شي سناء= اه عارفين وحتى الى كان الادعاء غير معقول فيستاهل اننا نخدمو عليه ابتسام= هاد لمحاكمة امام هيئة المحلفين وحنا ماغاديش نقبلو باي ادلة اضافية او شهود محمد=سيدي حنى غانخدمو انطلاقا من الادلة ليفيدينا القاضي =اووووووف فهمت اخر فرصة غانعطيهالكوم عرفو كيف ديرو تستاغلوها

محمد وسناء= شكرا شكرا بزاف ابتسام= ولاكن مايمكنش القاضي = تفضلو لاماكنكم ستدعيو شاهد حميد زيان دخلو شاهد وادى لقسم محمد=انا تسجنتي هادي 62 سنة من اجل تهمت قتل وتشويه جثة زوجت صحيح حميد=صحيح محمد= وفداك لوقت لقات شرطة فقط اليد ليسرى لزوجتك صحيح حميد =اه محمد= بينما انت منتي فنفس زنزانة مع ضحية علال واش عمرك عاودتيلو على هاد القضية حمد= اه بصح عاودتلو محمد= اكيد نتا عارف ان علال تقتل حميد= اه فخباري محمد= الادلة ليكاتبت موت ضحية هي يديه ليسرية ليلقاوها فمكان الحادث واش عارف حتى هاد شي حميد= لا اول مرة غانسمعها منك محمد= واش ماكاضنش ان القضية ديالك كاتشبه بزاف لهاد القضية حميد= بصح كاتشبهلها بزاف محمد= ضار عند الحضور ( حسننا دعونا نفكر في السيناريو في دالك الوقت كان ضحية علال مطلوب للاشتباه في اشروع في القتل .وقام بجريمة انتقامية وهوا سبقلو سمع على قضية اليد اليسرى من شاهد حميد زيان وحصل على فكرة يمكنها ان تحرره بكونه مطلوب لدى الشرطة وايضا تمكن من الانتقام من المدعى علايه عماد العالمي لدالك قطع يده اليسرى وجعل الامر يبدو كما لو ان عماد العالمي ارتكب جريمة قتل وتشويه المدعي العام= انا اعترض المحامي دفاع يشوه الحقائق باتكهنات محمد= اليس تهمة الادعاء ايضا تكهنات ,تم اكتشاف اليد اليسرة فقط ولم يتم العتور على باقي الجسم في اي مكان بدون وجود الجثة وصف هده القضية بالقتل هوا مجرد تخمين لا اكتر , وهدا خطئ في رئي القاضي = استدعوا شاهد ثاني المدعي مصطفى= في 30مايو 1015واش جا عندك المتهم عماد وقام بتهديدك شركي ياسين= شاف فسناء وفعماد وبتلع ريقو(اه) المدعي مصطفى= باش هددك ياسين= قالي الى ماتاخدتوش اي اجرائات انا غادي نلقى علال ونقتلو بنفسي المدعي مصطفى= الى تقتل علال فنضرك شكون هوا المشتبه بيه الاول فلجريمة ياسين= عماد (شافت فيه ابتسام وحلفات فيه) محمد= (شاف فيه شوفة خبيتة) شاهد ياسين فواحد وتلاتين مايو واش فقدتي المسدس ديالك

ياسين= شداتو الخلعة حيت غايتحاسب حيت تلف المسدس شاف فسناء كاتديرلو حركات تهديد ابتلع ريقو بالخلعة (أأأ.... أأأأ اه صحيح) محمد= واش شكيتي ان عماد هوا ليسرقليك مسدسك ياسين= أأ ... اه محمد= واش فعلا عماد هوا ليشفروليك ياسين= لا لا هداك كان خطئي محمد= واش بما انك شكيتي فيه فلول انه هوا ليسرق المسدسك فنضرك دابا واش هوا القاتل ليقتل علال ياسين= أأ ... ماكانضنش هوا... محمد= (قاطعو ) تقدر تمشي خرجو شرطي ياسين...وعماد تنفس صعضاء رتاح شويا ولاكن المعركة مازال ماسالات الحرب قايمة مابين المدعين والمحامين سناء واخا ماكاتشوفش فمحمد الى انهم غادين بشكل سلس وحاليا الحق فصفهوم شكون ليغايربح فالاخر وشكون ليغايقدر ياثر على هيئة المحلفين المدعين بدورهم قايمين بالواجب وماخلاو حتى فرصة باش يغرقو عماد وفهاد الاثناء سي براهيم كالس مع الحضور وكايحاول يدعم سناء ومحمد بافكار بسيطة اما مصعب كانت عندو مهمة خاصو ينجزها قبل الجلسة كلفو محمد باش يمشي لقرية لكان فيها عماد ويحاول يعرف شكون ليبلغ على عماد وبالفعل ماخلى حتى طريقة بقى يقلب حتى طاح فيها هي كانت مرا ليبلغات البوليس مهنتها بيع الفواكه عندها دكان صغير وصل عندها مصعب مصعب= سلام عليكم اشريفة سيدة رقية= وعليكم اسلام اش حب الخاطر اولدي مصعب= هاد الخوخ عندك غير من شوفة كايشهي رقية= ايه اولدي هادا اخر صندوق بقالي يالاه جبت فياج هاد صبح وتباركلاه دغيا تمشا مصعب= وبشحال تمانم اشريقة رقية= خمسين درهم مصعب= للكيلو رقية= لا لصندوق مصعب= ادن صوبيلي شي صندوق قوليلي اشريفة قالولي نتي ليبلغتي على هداك لمجرم ليقتل واحد راجل ماعندي مايتسالك ماسكتيش على ضلم اي واحد خصو يتعاقب على جريمتو رقية= تاترت بكلامو( اه عندك الحق اولدي الواحد هوا ليمايسكتش على الحق) مصعب= كوليلي اشريفا وصفيلي داك لولد كالولي كايخلع باينا غير من وجهو مجرم خطير رقية= ااااه والله وكن شفتيه مايجيكش نعاس كحل وطويل وغليط وجهو كولو مخطط بسيكاتريسات الله يستر كايخلع مصعب= (تاكد انها ماشافتوش) ولاكن اشريفا هوا ماكحلش وماغليضش ووجهو مامضروبش كيفاش بلغتي عليه ونتي اصلا ماشفتيهش

يتبع