المنفى الغريب الجزء الثاني

ﺃﻣﻴﻤﺘﻲ ﻣﻴﻤﺘﻲ ﻋﻠﻰ ﺍﺧﺮ ﺍﻳﺎﻣﻲ ﻧﺒﺎﺕ ﻣﻊ ﺑﻮﺑﺮﻳﺺ ﻓﻨﻔﺲ ﺍﻟﺒﻴﺖ .. ﺁﺁﺁﺁﻩ ﺍﻫﺊ ﺍﻫﺊ .. ﺳﻠﻤﺖ ﺃﻣﺮﻱ ﻟﻠﻪ ﻭﺭﺩﻳﺖ ﺑﻘﺪﺭﻱ .. ﻭﺗﺒﻌﺘﻬﺎ ﻟﻜﻮﺯﻳﻨﺔ ﻟﻘﻴﺘﻬﺎ ﻭﺟﺪﺍﺕ ﺻﻮﺑﺔ .. ﻫﺰﻳﺖ ﻣﻌﺎﻫﺎ ﺭﺑﻌﺔ ﺩﻳﺎﻝ ﺯﻻﻳﻒ ﻭﺍﺧﺎ ﺳﻮﻟﺘﻬﺎ ﻋﻼﺵ ﺣﻨﺎ ﻏﻴﺮ ﺟﻮﺝ .. ﻗﺎﻟﺖ ﻟﻴﺎ ﺩﺧﻠﻲ ﺳﻮﻕ ﺭﺍﺳﻚ .. ﻭﺻﻠﻨﺎ ﻟﻮﺍﺣﺪ ﺍﻟﺒﻴﺖ ﻛﺎﻧﻮ ﻓﻴﻪ ﺟﻮﺝ ﺳﺪﺍﺩﺭ ﻭﺍﺣﺪ ﻛﺎﻳﻀﺤﻚ ﻻﺧﻮﺭ ﻃﻼﻣﻄﻬﻢ ﺩﺍﻳﺰﺓ ﻋﻠﻴﻬﻢ ﻫﻴﺮﻭﺷﻴﻤﺎ ﻭﻛﻠﻬﻢ ﻣﻘﻄﻌﻴﻦ .. ﺟﻠﺴﻨﺎ ﻭﺑﺪﻳﻨﺎ ﻛﻨﺸﺮﺑﻮ ﻓﺼﻮﺑﺎ ﺃﻧﺎ ﻳﺎﻻﻩ ﺩﺭﺕ ﺟﻐﻤﺔ ﻟﻮﻻ ﻭﺑﻐﻴﺖ ﻧﺮﺩ

- ﻭﺍﺍﺍﻉ ﺷﻬﺎﺩﺷﻲ ﻣﺴﻮﻭﻭﺱ ﻭﺩﺍﻳﺮ ﻛﻲ ﺭﻣﻠﺔ

- ﺑﻐﻴﺘﻲ ﺗﺸﺮﺑﻲ ﻣﺎﺑﻐﻴﺘﻴﺶ ﺳﻴﺮﻱ ﺗﻨﻌﺴﻲ ﻭﺗﺒﺎﺗﻲ ﺑﺠﻮﻉ

- ﺕ .. ﺃﻧﺎ ﻧﻤﺸﻲ ﻧﺠﻴﺐ ﻟﻤﻠﺤﺔ

- ‏( ﻳﺎﻻﻩ ﻭﻗﻔﺖ ﻭﻫﻲ ﺗﻐﻮﺕ ‏) ﺟﻠﺴـــــــــــــــــــﻲ

- ﻭﺭﺍﻩ ﻣﺴﻮﺳﺔ ؟؟

- ﺷﺮﺑﻴﻬﺎ ﻫﻜﺎﻙ

ﻛﻨﺖ ﺑﺎﻏﺎ ﻧﺰﻳﺪ ﻓﺘﻤﺮﺩ ﻭﻟﻜﻦ ﺷﻔﺖ ﺷﺮﺍﺭﺍﺕ ﺧﺎﺭﺟﻴﻦ ﻟﻴﻬﺎ ﻣﻦ ﻋﻴﻨﻴﻬﺎ .. ﻭﺑﺮﻛﺖ ﻋﻠﻰ ﻗﻠﺒﻲ ﻭﺟﻠﺴﺖ ﺍﻷﺭﺽ ﺭﺍﻩ ﻣﻦ ﻟﺒﺎﺭﺡ ﻣﺎﺩﻗﺘﻮ .. ﺷﻜﻮﻥ ﻗﺎﻝ ﻟﺒﺎﺭﺡ ﻛﻨﺖ ﻓﺮﺣﺎﻧﺔ ﺑﻴﻦ ﻋﺎﺋﻠﺘﻲ ﻛﺎﻧﻀﺮﺏ ﻓﺮﻓﻴﺴﺔ ﺍﻟﻌﻤﻴﺔ .. ﻭﻟﻴﻮﻡ ﻛﺎﻧﻌﻤﻴﻬﺎ ﺑﺼﻮﺑﺔ ﻣﻊ ﻣﺮﺃﺓ ﻣﺎﻋﺎﺭﻓﺔ ﺗﺎ ﺳﻤﻴﺘﻬﺎ

- ﺳﻤﻴﺘﻲ ﺯﺍﻫﻴﺔ

ﻭﻳﻠﻲ ﻭﺍﺵ ﻫﺎﺩﺷﻲ ﻭﺍﺵ ﻛﺘﺴﻤﻌﻨﻲ ؟ .. ﻧﺎﺭﻱ ﺟﺎﺗﻨﻲ ﺗﺒﻮﺭﻳﺸﺔ ﻓﺮﺍﺱ

- ﻭﺍﻧﺖ ؟

- ﺃ ... ﺩﻧﻴﺎ

- ﺳﻤﻌﻲ ﺃﺩﻧﻴﺎ ﺩﺍﻙ ﺗﺒﺮﻫﻴﺶ ﺩﻳﺎﻝ ﺩﺍﺭﻛﻢ ﻧﺴﺎﻳﻪ .. ﻭﻫﺎﺩﻱ ﻫﻲ ﺩﺍﺭﻙ ﺟﺪﻳﺪﺓ .. ﺑﻐﻴﺘﻲ ﻭﻻ ﻛﺮﻫﺘﻲ .. ﻭﻛﻞ ﻣﺎﺣﻜﺮﺗﻲ ﻭﺗﻌﻨﻜﻜﺘﻲ .. ﻏﺎﺗﺠﻴﺒﻴﻬﺎ ﻏﻴﺮ ﻓﺮﺍﺳﻚ .. ﺳﻤﻌﻲ ﺍﻟﻬﻀﺮﺓ .. ﻭﻧﻘﺼﻲ ﺗﺴﻮﺍﻝ .. ﻭﻏﺎﺗﻌﻴﺸﻲ ﻣﺰﻳﺎﻥ ﻭﻣﻨﺎﻗﺼﻚ ﺗﺎ ﺧﻴﺮ

- ﻋﻼﺵ ﺟﺎﺑﻨﻲ ﺑﺎ ﻟﻌﻨﺪﻙ ؟؟ ﻭﺍﺵ ﻏﺎﻧﺒﻘﻰ ﻫﻨﺎ ﺩﻳﻤﺎ ؟

- ﻫﻬﻪ ﻓﻌﺎﻳﻠﻚ ﻫﻤﺎ ﻟﻲ ﺟﺎﺑﻮﻙ .. ﻭﺣﻴﺖ ﻫﻨﺎ ﻣﻜﺎﻳﻨﺶ ﺣﺲ ﺭﺟﺎﻝ ﺗﻜﺘﺐ ﻟﻴﻚ ﺗﻌﻴﺸﻲ ﻫﻨﺎ ﺗﺎ ﺗﻤﻮﺗﻲ .. ﺑﺤﺎﻟﻲ .. ﺣﺎﺳﺔ ﺑﻠﻲ ﺍﻧﺖ ﻫﻲ ﻟﺨﻠﻴﻔﺔ ﺩﻳﺎﻟﻲ .. ﻭﻏﺎﺗﻌﻴﺸﻲ ﻣﻦ ﺑﻌﺪﻱ ﻓﻬﺎﺩ ﺩﺍﺭ

- ‏( ﺑﺤﺸﻤﺔ ‏) ﻫﻲ ﻏﺎﺗﻜﺘﺒﻴﻬﺎ ﻟﻴﺎ ﺑﺴﻤﻴﺘﻲ

- ﻳﺎﻻﻩ ﺟﺎﺑﻚ ﺑﺎﻙ ﻭﺟﻴﺘﻲ ﻣﻦ ﺍﻟﻤﺪﻳﻨﺔ ﻟﺮﺍﺱ ﺟﺒﻞ .. ﻭﺑﻴﻦ ﻟﻴﻠﺔ ﻭﻧﻬﺎﺭ ﺗﻘﻠﺒﺎﺕ ﺣﻴﺎﺗﻚ .. ﻭﻣﺎﻫﺎﻣﻚ ﻏﻴﺮ ﺩﺍﺭ ﻧﻜﺘﺒﻬﺎ ﻟﻴﻚ ﺑﺴﻤﻴﺘﻚ .. ﺃﻻﻟﺔ ﻣﺎﻳﻘﺪ ﻋﻠﻴﻚ ﻏﻴﺮ ﻟﻲ ﺧﻠﻘﻚ

- ﻣﺎﺷﻲ ﻫﻜﺎﺍﺍﺍﻙ ﺃﺯﺍﻫﻴﺔ ﺃﺃ ﺧﺎﻟﺘﻲ

- ﻳﺨﻮﻱ ﻟﻴﻚ ﺿﺮﺍﺱ ﻣﺎﺗﺒﻘﺎﺵ ﺗﻘﻮﻟﻲ ﻟﻴﺎ ﺧﺎﻟﺘﻲ .. ﻛﻴﻤﺎ ﺑﻐﺎﺕ ﺗﻜﻮﻥ ﺗﺎ ﺗﻜﻮﻥ ﺩﺍﺭ ﺑﺴﻤﻴﺘﻲ ﻋﺎﺩ ﻧﻜﺘﺒﻬﺎ ﻟﻴﻚ ﺍﻧﺖ

- ﻋﻼﺵ ﺩﺍﺭ ﻣﺎﺷﻲ ﺑﺴﻤﻴﺘﻚ ؟؟

- ﻻ

- ﻭﺩﺍﺑﺎ ﻳﺠﻲ ﻣﻮﻻﻫﺎ ﻭﻳﺘﺮﻱ ﻋﻠﻴﻚ

- ﻣﻜﺎﻳﻨﺶ ﻭﻟﺪ ﻭﻻ ﺑﻨﺖ ﻟﻤﺮﺍ ﻟﻲ ﻳﺠﺮﻱ ﻋﻠﻴﺎ ﻣﻦ ﻫﻨﺎ

- ﻏﺎﺩﻱ ﻳﺠﻲ ﺃﺯﺍﻫﻴﺔ ﻏﺎﺩﻱ ﻳﺠﻲ ... ﻛﻨﺸﻢ ﺭﻳﺤﺘﻮ ﻣﻦ ﻫﻨﺎ .. ﻣﺎﻟﻴﺎ ﺍﻟﻤﻜﺎﻥ .. ﺭﺍﺟﻞ ﻣﺎﺷﻲ ﺑﺤﺎﻝ ﻛﺎﻉ ﺭﺟﺎﻝ

ﺣﻄﺎﺕ ﺯﻻﻓﺔ ﻭﻧﺎﺿﺖ ﺷﻨﻘﺎﺕ ﻋﻠﻴﺎ ﻭﺍﻟﻐﻀﺐ ﻛﻴﺎﻛﻞ ﻓﻴﻬﺎ

- ﺃﻱ ﺃﻩ ﺃﻭ .. ﺃﺯﺍﻫﻴﺔ ﻃﻠﻘﻲ ﺭﺍﻩ ﻏﻴﺮ ﻛﻨﻀﺤﻚ ﻣﻌﺎﻙ ﻭﺍﺣﻖ ﺳﻴﺪﻱ ﺭﺑﻲ ﺇﻟﻰ ﻏﻴﺮ ﻛﻨﻀﺤﻚ .. ﺭﺍﻩ ﺑﺎ ﺣﺮﻣﻨﻲ ﻣﻦ ﺭﺟﺎﻝ ﻭﺑﺪﻳﺖ ﻧﻬﻮﺱ .. ﺃﻱ ﻃﻠﻘﻲ .. ﻛﻦ ﻛﻨﺖ ﻏﺎﻧﻌﺮﻑ ﺃﺵ ﻏﺎﻳﻄﺮﺍ .. ﻛﻦ ﻛﺎﻉ ﻣﺎ ﺗﻼ ﺑﻴﺎ ﻟﻴﺎﻡ ﻋﻨﺪﻙ

ﻗﺘﺎﻧﻌﺎﺕ ﺑﻬﻀﺮﺗﻲ ﻭﻃﻠﻘﺎﺕ .. ﺃﻩ ﻳﺎﻟﻄﻴﻒ ﻳﺪﻳﻬﺎ ﺍﻟﻤﻌﻀﻤﺔ . ﺩﺍﻳﺮﺓ ﻛﻲ ﺍﻟﻤﺴﺎﻣﺮ ﺍﻟﻠﻪ ﻳﺤﻀﺮ ﺳﻼﻣﺔ .. ﻳﺦ ﻋﻠﻰ ﻣﺮﺽ

- ﺃﻧﺎ ﻟﻲ ﺣﻤﻘﺔ ﺩﺍﻳﺮﺓ ﻓﻴﻚ ﺭﺍﺳﻲ .. ﺷﻮﻓﻲ ﺃﺩﻳﻚ ﺷﻨﻮﻳﻠﺔ ﻫﺪﺍ ﺃﺧﺮ ﻧﻬﺎﺭ ﺩﻭﻗﻲ ﻣﺎﻛﻠﺘﻲ ﻣﻦ ﻟﻴﻮﻡ ﺍﻧﺖ ﻟﻲ ﻏﺎﻃﻴﺒﻲ ﻭﺗﺨﻤﻠﻲ .. ﻭﺑﻐﻴﺖ ﻛﻲ ﺭﺩﻳﺘﻲ ﺩﺍﻙ ﺍﻟﺒﻴﺖ ﻛﺎﻉ ﺍﻟﺒﻴﻮﺕ ﻳﺘﻨﻘﺎﻭ ﺑﺤﺎﻟﻜﻢ .. ﺍﻟﻤﺎﻟﻜﺔ ﻧﻠﻘﺎ ﻓﻴﻬﺎ ﻧﻘﻄﺔ ﺩﻳﺎﻝ ﻟﻤﻠﺤﺔ ﻧﻜﺸﻒ ﻋﻠﻰ ﻭﺍﻟﺪﻳﻚ .. ﻭﻏﺪﺍ ﻗﺒﻞ ﻣﺎﻧﻔﻴﻖ ﻧﻠﻘﺎﻙ ﻓﻘﺘﻲ ﻣﻊ 6

- ﻣﺎﻟﻚ ﻋﻨﺪ ﺷﻲ ﺑﻘﺮ ﻭﻻ ﺷﻲ ﻣﻌﻴﺰ ﻭﻻ ﺷﻲ ﺩﺟﺎﺝ ﻳﺎﻙ ﻏﻴﺮ ﺗﺎﺗﺎ ﻭ ﺩﺑﺎﻥ

ﻫﺎﺩ ﺍﻟﻤﺮﺓ ﺗﻼﺣﺖ ﻋﻠﻴﺎ ﺑﺎﻟﻘﻤﻴﺶ ﻭﺍﻟﻌﻀﺎﻥ .. ﻣﺎﺣﺴﻴﺘﺶ ﺑﺮﺍﺳﻲ ﺗﺎ ﺩﻓﻌﺘﻬﺎ ﻭﺟﺒﺘﻬﺎ ﻣﻜﺴﻠﺔ ﻋﻠﻰ ﺍﻷﺭﺽ .. ﻳﺦ ﻗﻔﺮﺗﻬﺎ ﺩﺍﺑﺎ ﻧﻘﺘﻠﻬﺎ ﻭﻧﻮﻟﻲ ﻣﻨﻔﻴﺔ ﻓﻌﻜﺎﺷﺔ ﻣﺸﻴﺖ ﻛﻨﻄﻴﺮ ﻟﻌﻨﺪﻫﺎ ﻛﺎﻧﻄﻠﺐ ﺳﻤﺎﺣﺔ

- ﺯﺍﻫﻴﺔ ﺃﺯﺍﻫﻴﺔ ﻗﻠﺖ ﻟﻴﻚ ﻣﺎﺗﻘﺎﺑﺤﻴﺶ ﻣﻌﺎﻳﺎ .. ﺳﻤﺤﻴﻠﻴﺎ ﻭﺍﻟﻠﻪ ﻣﺎﻗﺼﺪﺕ ﻭﻻ ﻣﺎﻋﺮﻓﺖ ﻛﻲ ﺩﺭﺕ ﻟﻴﻬﺎ .. ﻭﺍﻧﺖ ﻟﻲ ﺧﻔﻴﻔﺔ .. ﺃﺃ ﻗﺼﺪﺕ ﺿﻌﻴﻔﺔ .. ‏( ﻛﻨﺪﻫﻦ ﻓﻴﻬﺎ ‏) ﻣﻦ ﻟﻴﻮﻡ ﺃﺣﺒﻴﺒﺘﻲ ﺯﺍﻫﻴﺔ ﺍﻳﺎﻣﻚ ﺗﻮﻟﻲ ﺯﺍﻫﻴﺔ .. ﻧﺘﻬﻼ ﻓﻴﻚ ﻓﺎﻟﻤﺎﻛﻠﺔ .. ﺗﺎﺗﻮﻟﻲ ﻛﻲ ﺍﻟﺨﻨﺸﺔ .. ﻭﻟﻲ ﻗﻠﺘﻴﻬﺎ ﻣﺎﺗﻌﺎﻭﺩ ﻏﻴﺮ ﺻﻼﺓ ﻋﻞ ﺍﻟﻨﺒﻲ ﻋﻠﻴﻬﺎ ... ﻭﺍﺳﻤﺤﻲ ﻟﻴﺎ ﺍﻟﻠﻪ ﻳﺰﻭﺟﻚ .. ﻣﺰﻭﺟﺔ ﺃﺯﺍﻫﻴﺔ ؟؟

ﻭﻫﻲ ﺑﺎﻗﺎ ﻛﺎﺗﺸﻮﻑ ﻓﻴﺎ ﺟﺎﺗﻨﻲ ﻭﺍﺣﺪ ﺍﻟﺒﻮﻧﻴﺔ ﻟﻠﻌﻴﻦ ﺟﺎﺑﺖ ﺭﺍﺳﻲ ﻣﻠﺼﻖ ﻋﻠﻰ ﺍﻷﺭﺽ .. ﻣﺎﻋﺮﻓﺘﻬﺎ ﻣﻨﻴﻦ ﺻﺪﺍﺕ ﻭﺍﻟﻤﺸﻜﻠﺔ ﻣﺎﺷﻲ ﻣﻦ ﻳﺪ ﺯﺍﻫﻴﺔ .. ﻭﺍﺍﺍﻉ ﻫﺎﺩ ﺍﻟﻴﺪ ﻋﺎﺍﺍﻣﺮﺓ .. ﺑﺪﻳﺖ ﻛﻨﺪﻭﺭ ﻓﻴﻌﻴﻨﻲ ﻟﻲ ﻣﺠﺎﺗﺶ ﻓﻴﻬﺎ ﺍﻟﺒﻮﻧﻴﺔ ﻣﺒﺎﻥ ﻟﻴﺎ ﺣﺪ .. ﺃﻣﺎ ﻟﻌﻴﻦ ﻟﻲ ﺗﻠﻜﻤﺎﺕ ﺣﺴﻴﺖ ﺑﻴﻬﺎ ﺩﺧﻼﺕ ﺗﻠﻌﺐ ﻓﺎﻟﻤﺦ ﻟﺒﻲ .. ﻧﺎﺿﺖ ﺍﻟﺰﺍﻫﻴﺔ ﻣﻦ ﺣﺪﺍﻳﺎ

- ﻫﺎﺩﻱ ﻏﻴﺮ ﺍﻟﺒﺪﻳﺔ .. ﻭﻟﻲ ﺟﺎﻱ ﻛﺘﺮ ﺟﻤﻌﻲ ﻃﺒﻠﺔ ﻭﻧﻮﺿﻲ ﺗﺮﻛﺪﻱ ﻗﺒﻞ ﻣﺎﻳﺠﻤﻌﻮﻙ ﺑﻨﺺ

- ﺷﻜﻮﻥ ﻫﻤﺎ ؟؟

- ﻣﻮﺍﻟﻴﻦ ﺍﻟﻤﻜﺎﻥ

ﻣﺸﺎﺕ ﺑﺤﺎﻟﻬﺎ ﻭﺻﺪﻯ ﺩﻳﺎﻝ ﻣﻮﺍﻟﻴﻦ ﺍﻟﻤﻜﺎﻥ ﻛﺎﻳﺘﻌﺎﻭﺩ .. ﺟﻤﻌﺖ ﺍﻟﻮﻗﻔﺔ ﺑﺰﺭﺑﺔ .. ﻭﺟﻤﻌﺖ ﻃﺒﻠﺔ ﻭﺍﻧﺎ ﻛﻨﺘﺮﻋﺪ .. ﻭﻣﺸﻴﺖ ﻧﻌﺴﺖ ﻭﺍﻧﺎ ﻣﺒﻨﺠﺔ .. ﺗﺎ ﺑﻮﺑﺮﻳﺼﺎﺕ ﻟﻲ ﻛﻴﻠﻌﺒﻮ ﻓﻮﻕ ﺭﺍﺳﻲ ﻛﺎﻉ ﻣﺎﺗﺴﻮﻗﺖ ﻟﻴﻬﻢ .. ﻛﻞ ﻫﻤﻲ ﻫﻮ ﺷﺤﺎﻝ ﻣﻦ ﺟﻦ ﺑﺴﻢ ﺍﻟﻠﻪ ﺍﻟﺮﺣﻤﺎﻥ ﺍﻟﺮﺣﻴﻢ ﺩﺍﻳﺮ ﺑﻴﺎ ﺣﺎﻟﻴﺎ

ﺩﺍﺯﻭ ﻳﻮﻣﺎﻳﻦ ﻋﻠﻰ ﻓﺎﺵ ﺟﻴﺖ .. ﻭﺍﻧﺎ ﻏﻴﺮ ﻓﺸﻘﺎ ﻭﺗﻤﺎﺭﺓ ﺩﺍﺭ ﻛﺒﻴﻴﻴﺮﺓ ﻭﺍﻟﺒﻴﻮﺕ ﻓﻴﻬﺎ ﻛﺘﺎﺭ .. ﻇﻬﺮﻱ ﻋﻮﺍﺝ .. ﺍﻫﻢ ﺣﺎﺟﺔ ﻫﻲ ﺟﻤﻌﺖ ﺃﻱ ﺣﺎﺟﺔ ﺗﻌﺪ ﻣﻦ ﺩﻳﻜﻮﺭ ﺯﻭﻗﺖ ﺑﻴﻬﺎ ﺑﻴﺘﻲ ﺑﺎﺵ ﻧﺤﻴﺪ ﻏﻴﺮ ﺍﻟﻮﺣﺸﺔ ﻟﻲ ﻓﻴﻪ .. ﺃﻣﺎ ﻭﺍﺣﺪ ﺯﺍﻫﻴﺔ ﺍﻟﻠﻪ ﻳﻜﺤﻞ ﻟﻴﻬﺎ ﺳﻌﺪ .. ﻭﻻﺕ ﺩﺍﻳﺮﺍﻧﻲ ﻛﻲ ﺟﻔﺎﻑ ﺗﺤﺖ ﺭﺟﻠﻴﻬﺎ ﻣﻦ ﺑﻌﺪ ﺩﺍﻙ ﺍﻟﺒﻮﻧﻴﺔ ﻟﻲ ﺑﺎﻗﺎ ﻣﺨﻀﺮﺓ ﻟﻴﺎ ﺍﻟﻌﻴﻦ .. ﻏﻴﺮ ﺗﻘﻮﻝ ﺳﻤﻴﺘﻲ ﺗﻠﻘﺎﻧﻲ ﻧﺤﻀﺮ ﻗﺪﺍﻣﻬﺎ ﻓﺎﻟﺤﻴﻦ .. ﻭﻫﺎﺩ ﺍﻟﻤﺮﺓ ﻋﻴﻄﺎﺕ ﻟﻴﺎ ﺑﺎﺵ ﻧﺤﻞ ﺍﻟﺒﺎﺏ .. ﻭﺍﺍﺍﻭ ﺷﻲ ﺣﺪ ﺟﺎ ﻋﻨﺪﻧﺎ ﻳﻘﺪﺭ ﻳﻜﻮﻥ ﺑﺎ ﺟﺎ ﻳﺮﺩﻧﻲ .. ﻫﺎﺩ ﺍﻟﻔﻜﺮﺓ ﺩﺍﺭﺕ ﻓﻴﺎ ﺍﻟﺤﻤﺎﺱ ﻭﻣﺸﻴﺖ ﻛﻨﻄﻴﺮ ﻛﻲ ﺍﻟﻔﺮﺍﺷﺔ ﻟﺒﺎﺏ .. ﻭﺍﻧﺎ ﻛﻨﺰﻳﺪ ﻧﺨﻀﺮ ﻓﻌﻴﻨﻲ ﺑﺎﺵ ﺗﺒﺎﻥ ﻟﺒﺎ ﺍﻟﻤﻌﺎﻧﺎﺓ ﻟﻲ ﻛﺎﺩﻭﺯ ﻣﻨﻬﺎ ﺑﻨﺘﻮ .. ﻭﻟﻜﻦ ﺧﺎﺑﺖ ﻇﻨﻮﻧﻲ ﻛﺎﻟﻌﺎﺩﺓ ﻛﺎﻧﺖ ﻭﺍﺣﺪ ﺍﻟﻤﺮﺃﺓ ﻻﺑﺴﺔ ﺟﻼﺑﺔ ﻓﻠﺤﻤﺮ .. ﻓﻲ ﻣﻘﺘﺒﻞ ﺍﻟﻌﻤﺮ ﻭﺯﻭﻳﻮﻧﺔ .. ﻭﺧﺎ ﻣﺎﺷﻲ ﻫﻲ ﺍﻟﻤﻨﺘﻈﺮﺓ ﻭﻟﻜﻦ ﺳﻠﻤﺖ ﻋﻠﻴﻬﺎ ﺑﺤﻤﺎﺱ ﺑﺤﺎﻝ ﻻ ﻛﻨﻌﺮﻓﻬﺎ ﻣﻦ ﺷﺤﺎﻝ ﻫﺎﺩﻱ .. ﺃﻭﺩﻱ ﻟﻤﻬﻢ ﻏﻴﺮ ﻧﺒﺪﻟﻮ ﻭﺟﻪ ﺯﺍﻫﻴﺔ ﻟﻲ ﻭﻻ ﻛﺎﻳﺠﻴﻨﻲ ﺗﺎ ﻓﻠﻤﻨﺎﻡ ﻋﻠﻰ ﺷﻜﻞ ﻛﻮﺍﺑﻴﺲ .. ﺃﻋﻮﺫ ﺑﺎﻟﻠﻪ .. ﺍﻟﻤﻬﻢ ﺭﺣﺒﺖ ﺑﺎﻟﻤﺮﺍ ﻟﺪﺍﺧﻞ .. ﻭﻏﻴﺮ ﺷﺎﻓﺘﻬﺎ ﺯﺍﻫﻴﺔ ﻭﻗﻔﺎﺕ ﺑﻼ ﻋﻜﺎﺯ

- ﺍﻟﺒﺎﻫﻴﺔ ؟؟ ﺃﺵ ﻛﺎﺩﻳﺮﻱ ﻫﻨﺎ ﻓﻮﺳﻂ ﻧﻬﺎﺭ ؟

ﺃﻧﺎ ﺑﻘﻴﺖ ﻏﻴﺮ ﻣﺒﺮﻗﺔ ﻋﻴﻨﻲ ﻭﺃﻧﺎ ﻛﻠﻲ ﺃﻣﻞ ﺗﻘﻮﻝ ﻟﻴﺎ ﺯﺍﻫﻴﺔ ﻧﺠﻠﺲ ﻣﻌﺎﻫﻢ ﻧﺘﺠﻤﻊ ... ﺭﺍﻩ ﺷﺤﺎﻝ ﻫﺎﺩﻱ ﻣﺎﺗﺠﻤﻌﺖ ﻭﻛﻨﺤﻤﺎﻕ ﻋﻠﻰ ﺟﻤﺎﻋﺔ ﺩﻳﺎﻝ ﺍﻟﻨﺎﺱ ﻟﻜﺒﺎﺭ

- ‏( ﺷﻴﺮﺍﺕ ﻟﻴﺎ ‏) ﺃﺟﻲ ﺍﻧﺖ ﻛﺎﺗﺸﻮﻓﻴﻬﺎ ؟؟

- ﺃ ﺃ ﻋﻠﻰ ﻣﺎﻟﻲ ﺑﻌﺒﻮﻟﺔ ﻣﺎﻧﺸﻮﻓﻬﺎﺵ .. ﺭﺍﻛﻢ ﺧﻀﺮﺗﻮ ﻟﻴﺎ ﻏﻴﺮ ﻋﻴﻦ ﻭﺣﺪﺓ ‏( ﺍﻟﻠﻪ ﻳﻐﺮﻕ ﻟﻴﻜﻢ ﺍﻟﺸﻘﻒ ‏)

- ﺍﻟﺒﺎﻫﻴﺔ ﻋﻼﺵ ﺑﻨﺘﻲ ﻟﻴﻬﺎ ؟؟

- ﻭﻋﻼﺵ ﻣﺎﺗﺒﺎﻧﺶ ﻣﺎﻟﻲ ﺣﻮﻟﺔ ﻭﻻ ﻫﻲ ﺟﻨﻴﺔ

- ﻭﺭﺍﻫﺎ ﻧﻴﺖ ﺟﻨﻴﺔ

ﻫﻨﺎ ﻃﺎﺣﻮ ﻟﻴﺎ ﺍﻟﻤﺎ ﻓﺮﻛﺎﺑﻲ ﻭﺧﻮﺍﻭ ﺑﻴﺎ ﺭﺟﻠﻴﺎ .. ﻭﺟﻴﺖ ﻋﻠﻰ ﺭﺍﺳﻲ ﻓﺎﻷﺭﺽ .. ﻭﻣﺎﻳﺠﻲ ﻋﻴﻨﻲ ﻏﻴﺮ ﻋﻠﻰ ﺭﺟﻠﻴﻬﺎ ﻟﻲ ﻋﻠﻰ ﺷﻜﻞ ﻓﺮﺍﻗﺶ ﻣﻌﺰﺓ .. ﺃﻭﻳﻠﻲ ﻭﺣﺪﻱ ﻭﻟﻴﺖ ﻧﺸﻮﻑ ﺟﻨﻮﻥ ﺑﻨﻬﺎﺭ ﻟﺒﻬﺎﺭ .. ﻭﻣﺴﻠﻤﺔ ﻋﻠﻴﻬﻢ ﻣﻦ ﺍﻟﻔﻮﻕ

- ﻫﺎﺍﺍﺍﺍ ﻣﻘﻠﻨﺎ .. ﻋﻼﺵ ﺑﻨﺘﻲ ﻟﻴﻬﺎ

ﺑﻘﺎﺕ ﻛﺘﻬﻀﺮ ﻣﻌﺎﻫﺎ .. ﺃﻧﺎ ﻛﻨﺸﻮﻑ ﻏﻴﺮ ﺗﺤﺮﺍﻙ ﺷﻨﺎﻳﻒ ... ﺃﻣﺎ ﺻﻮﺕ ﺑﺤﺎﻟﺔ ﺩﺍﻳﺮﺓ ﻟﻴﻪ ﺳﻴﻠﻮﻧﺴﻴﻮﺯ

- ﻭﺍﺵ ﻏﺎﺗﺒﻘﺎﻱ ﻣﻜﺴﻠﺔ ﻟﻴﺎ ﺍﻧﺘﻲ ﻧﻬﺎﺭ ﻛﺎﻣﻞ .. ﺳﻴﺮﻱ ﻭﺟﺪﻱ ﻟﻴﻨﺎ ﺃﺗﺎﻱ ﻣﺴﻮﺱ

- ﺗﺴﻠﻴﻴﻴﻢ ﺃﺭﺟﺎﻝ ﺍﻟﺒﻼﺩ .. ﺣﺴﺒﻴﻪ ﻭﺍﺟﺪ

ﻧﻀﺖ ﺿﺮﺑﺘﻬﺎ ﺑﻜﻌﻄﺔ ﻭﺍﻧﺎ ﻛﻠﻲ ﻛﻨﻘﻔﻘﻒ .. ﻧﺎﺭﻱ ﻭﺍﺵ ﺃﻧﺎ ﻛﻨﺤﻠﻢ ﻭﻻ ﺑﺼﺢ .. ﺯﺍﻫﻴﺔ ﻻﻋﺒﺔ ﻣﻌﺎﻫﺎ ﻭﻟﻜﻦ ﺷﻲ ﺣﺎﺟﺔ ﻭﺍﺧﺮﻯ ﺍﻟﻠﻪ ﻳﺼﺒﺮﻧﻲ ﻭﺍﻟﻠﻪ ﻳﺮﺑﺢ .. ﻭﺟﺪﺕ ﻟﻴﻬﻢ ﺃﺗﺎﻱ ﻭﺩﻳﺘﻮ ﻟﻴﻬﻢ ﻭﺭﺟﻌﺖ ﺿﺮﺑﺘﻬﺎ ﺑﺠﺮﻳﺔ ﻟﺒﻴﺘﻲ ﻭﺭﺩﻳﺖ ﻋﻠﻴﺎ ﺍﻟﺒﺎﺏ ﻟﻲ ﻏﻴﺮ ﻣﻜﺎﻟﻲ ... ﻭﺑﺪﻳﺖ ﻧﻄﻠﺐ ﺍﻟﻠﻪ ﻳﺮﺣﻤﻨﻲ ﻭﻳﻨﻘﺪﻧﻲ ﻣﺎﻋﻨﺪﻱ ﺣﺪ ﻣﻦ ﻏﻴﺮﻭ .. ﻛﻠﺸﻲ ﻧﻜﺮﻧﻲ ﻭﻫﺎﻫﻴﺔ ﺯﺍﻫﻴﺔ ﺑﺎﻏﺎ ﺗﺤﻤﻘﻨﻲ ﻭﺗﺰﺍﺩﺕ ﻋﻠﻴﻬﺎ ﺍﻟﺒﺎﻫﻴﺔ ﺑﺎﻏﺎ ﺗﺼﻄﻴﻨﻲ ﻭﻏﺪﺍ ﻋﻠﻢ ﺍﻟﻠﻪ ﺷﻜﻮﻥ .. ﻭﺻﻞ ﻟﻴﻞ ﻭﻳﺎﻻﻩ ﺑﺪﻳﻨﺎ ﺷﺮﻳﺐ ﺩﻳﺎﻝ ﺻﻮﺑﺔ ﻟﻲ ﺣﻠﻔﺎﺕ ﻭﻻ ﺑﻐﺎﺕ ﺩﻭﺯ ﺃﻧﺎ ﻭﺯﺍﻫﻴﺔ ﻭﻻﻟﺔ ﺍﻟﺒﺎﻫﻴﺔ ﺗﺴﻠﻴﻴﻴﻴﻢ .. ﻭﺣﻨﺎ ﻧﺴﻤﻌﻮ ﺩﻗﺎﻥ ﺑﺠﻬﺪ ﺑﺤﺎﻻ ﺑﺎﻏﻴﻦ ﻳﻔﺮﻋﻮ ﺍﻟﺒﺎﺏ ﺍﻧﺎ ﺻﺎﻓﻲ ﺣﺴﻴﺖ ﺑﻮﺟﻬﻲ ﻣﺸﺎ ﻣﻨﻮ ﻟﻮﻥ ﻭﻗﻠﺒﻲ ﻭﻗﻒ .. ﻏﺎﺗﻜﻮﻥ ﻏﻴﺮ ﺷﻲ ﻗﺸﻠﺔ ﺩﻳﺎﻝ ﺟﻨﻮﻥ ﻫﺎﺟﻤﺔ .. ﻭﻗﻔﺎﺕ ﺯﺍﻫﻴﺔ ﻭﺗﺒﻌﺎﺗﻬﺎ ﺍﻟﺒﺎﻫﻴﺔ ﺃﻣﺎ ﺃﻧﺎ ﺗﻜﻤﺸﺖ ﺑﻼﺻﺘﻲ .. ﺃﺻﻼ ﻣﺎﻋﻨﺪﻱ ﺑﺎﺵ ﻧﻮﺽ ﺭﺟﻠﻲ ﻓﺸﻠﻮ .. ﻣﻦ ﺑﻌﺪ ﻣﺎﺗﺤﻼﺕ ﺍﻟﺒﺎﺏ ﺳﻤﻌﺖ ﺻﺪﺍﺍﺍﺍﻉ ﻭﺍﻟﻐﻮﺍﺕ .. ﺟﺎﻧﻲ ﺍﻟﻤﻮﺕ ﺩﻳﺎﻝ ﻟﻔﻀﻮﻝ ﻭﺗﺒﻌﺘﻬﻢ ﺑﻌﺪﻣﺎ ﻓﻜﺮﺕ ﺑﻠﻲ ﻛﻦ ﻛﺎﻧﻮ ﺟﻨﻮﻥ ﻛﺎﻋﻤﺎ ﻧﺴﻤﻊ ﺻﻮﺗﻬﻢ .. ﻭﺑﺪﻳﺖ ﻛﻨﻄﻞ ﻏﻴﺮ ﻣﻦ ﺳﺮﺟﻢ ﺣﻴﺖ ﻛﺎﻧﻮ ﻓﺠﺮﺩﺓ .. ﻛﺎﻧﺖ ﺯﺍﻫﻴﺔ ﻭﺍﻗﻔﺔ ﺑﻌﻜﺎﺯﻫﺎ ﻭﻣﺠﻤﻮﻋﻴﻦ ﻋﻠﻴﻬﺎ ﺑﺰﺍﺍﻑ ﺩﻳﺎﻝ ﺭﺟﺎﻝ ﻭﺷﻲ ﻋﻴﺎﻻﺕ .. ﻓﻴﻨﻚ ﺃﺑﺎ ﺗﺸﻮﻑ ﺭﺟﺎﺍﺍﺍﻝ ﻳﺎﻟﻲ ﻗﻠﺘﻲ ﺭﻳﺤﺘﻬﻢ ﻣﺎﻧﺸﻤﻬﺎﺵ .. ﻧﺮﺟﻌﻮ ﻟﺠﻘﻠﺔ .. ﺑﺪﺍ ﻭﺍﺣﺪ ﺭﺍﺟﻞ ﻣﻨﻬﻢ ﻛﺎﻳﻐﻮﺕ ﻋﻠﻰ ﺯﺍﻫﻴﺔ

- ﺃﺷﻮﻓﻲ ﺃﺩﺍﻙ ﺷﻮﺍﻓﺔ ﻟﻲ ﺩﺍﻳﺮﺓ ﺍﻟﻔﺘﻨﺔ ﻓﺪﻭﺍﺭ .. ﻟﻴﻮﻡ ﻧﺮﻳﺒﻮ ﻋﻠﻴﻚ ﻫﺎﺩ ﺩﺍﺭ .. ﻭﻧﺮﺟﻤﻮﻙ ﺑﺎﻟﺤﺠﺮ .. ﺗﺎﺗﺸﻬﻘﻲ ﺃﺧﺮ ﺷﻬﻘﺔ ﻓﺤﻴﺎﺗﻚ

- ﺯﻫﺰﻭﻫﺔ : ﻫﺎﻱ ﻫﺎﻱ ﻋﻠﻰ ﻋﺒﻴﺒﻴﺲ ﺗﺤﻞ ﻟﻠﻮﺍﻟﺪﻳﻚ ﺍﻟﻔﻢ ... ﺑﻌﺪ ﻣﺎﺗﺤﻠﻮ ﻋﻴﻨﻴﻚ ﻣﻦ ﻣﻮﺭ ﻣﺮﺍﺗﻚ

- ﺍﻣﺮﺃﺓ : ﻭﺯﻧﻲ ﻛﻼﻣﻚ ﺃﺯﺍﻫﻴﻪ

- ﺯﺍﻫﻴﺔ : ﺍﻧﺘﻲ ﺑﻌﺪﺍ ﻏﻴﺮ ﺳﻜﺘﻲ .. ﻛﻦ ﻛﺎﻥ ﻋﻨﺪﻙ ﺍﻟﺪﺭﺍﻉ ﻛﻦ ﺣﻀﻴﺘﻲ ﻏﻴﺮ ﺭﺍﺟﻠﻚ ﻟﻲ ﺑﺮﺍﺳﻮ ﻣﻘﻮﻟﺒﺎﻩ ﺩﺍﻙ ﺧﻴﺘﻲ ﻣﻊ ﻭﻟﺪ ﺍﻟﻤﻘﺪﻡ

ﻫﻨﺎ ﻭﻻ ﺳﻜﺎﺕ ﻭﺷﻲ ﻛﺎﻳﺸﻮﻑ ﻓﺸﻲ .. ﻛﻠﺸﻲ ﺷﺎﻙ ﻓﻜﻠﺸﻲ .. ﻭﺍﺗﺎﺣﺪ ﻣﺎﺗﺠﺮﺃ ﻳﻬﻀﺮ ﺧﺎﻳﻒ ﻻ ﺗﻔﻀﺤﻮ ﺯﺍﻫﻴﺔ ﺗﺎ ﻫﻮ .. ﻣﻦ ﺑﻌﺪ ﺑﻌﺾ ﺍﻟﺘﻤﺘﻤﺎﺕ ﻭﺍﻟﺪﻋﺎﺀ ﻋﻠﻰ ﺯﺍﻫﻴﺔ ﺑﺎﻟﻠﻪ ﻳﻐﺒﺮ ﻟﻴﻬﺎ ﺍﻷﺗﺮ ﺧﻮﺍﺕ ﺩﺍﺭ ﻭﻛﻠﻬﺎ ﻣﺸﺎ ﻟﺪﺍﺭﻭ .. ﻭﺭﺟﻌﺎﺕ ﺯﺍﻫﻴﺔ ﺗﻜﻤﻞ ﺻﻮﺑﺘﻬﺎ .. ﻭﺍﻭ ﻋﻠﻰ ﺧﺎﻃﺮ ﻋﻨﺪﻫﺎ .. ﺃﻣﺎ ﺍﻟﺒﺎﻫﻴﺔ ﻏﺒﺮﺍﺕ

- ﺯﺍﻫﻴﺔ ؟؟ ﺑﺼﺢ ﺍﻧﺖ ﺷﻮﺍﻓﺔ ؟؟

- ﻻ

- ﻛﺪﺍﺑﺔ ﻭﻫﺎﺩ ﺟﻨﻮﻥ ﻟﻲ ﺩﺍﻳﺮﻳﻦ ﺑﻴﻚ ﻛﺘﺸﻄﺤﻴﻬﻢ ﻣﺘﻼ

- ﻭﺍﺵ ﻣﺎﺑﻐﻴﺘﻴﺶ ﺗﺤﺸﻤﻲ .. ﺑﺎﻗﺎ ﻛﺎﺗﻜﻠﻚ ﻟﻌﻴﻦ ﻟﻮﺧﺮﺍ ﻻ ؟؟

- ﻻ .. ﺗﺴﻠﻴﻢ ﺃﺭﺟﺎﻝ ﻟﺒﻼﺩ ﺗﺴﻠﻴﻢ .. ﺍﻧﺎ ﻃﺎﻟﺒﺔ ﺳﻤﺎﺣﺔ .. ﺯﺍﻫﻴﺔ .. ﻫﺎﻛﻲ ﺯﻻﻓﺘﻲ ﺷﻮﻓﻲ ﻛﻤﺎ ﻳﺒﺎﻥ ﻟﻴﻚ ﺷﻲ ﺣﺎﺟﺔ ﻓﻄﺮﻳﻘﻲ .. ﻳﺎﻙ ﻣﺎﺷﻲ ﻣﺸﻜﻞ ﺑﻼﺻﺔ ﺍﻟﻘﻬﻮﺓ ﺗﻜﻮﻥ ﺻﻮﺑﺔ

- ﻋﻄﻴﻮﻫﺎ ﻟﺪﺍﻙ ﺍﻟﻜﻤﺎﺭﺍ

ﺟﺎﺗﻨﻲ ﻭﺍﺣﺪ ﺗﺼﺮﻓﻴﻘﺔ ... ﺗﻠﻔﺎﺗﻨﻲ ﻋﻠﻰ ﺍﻟﻘﺒﻠﺔ .. ﺧﻼﺕ ﻭﺟﻬﻲ ﻣﻌﻮﻕ ﻭﻓﻤﻲ ﻛﻠﻮ ﻣﺤﻠﻮﻝ

- ﺍﻧﺎ ﻣﺎﺷﻲ ﺷﻮﺍﻓﺔ .. ﻭﻣﻜﺎﻧﺸﻮﻓﺶ ﺃﺵ ﻏﺎﻳﺠﺮﺍ .. ﺣﻴﺖ ﺟﻨﻮﻧﻲ ﻣﻜﺎﻳﺘﺴﻨﻄﻮﺵ ﻋﻠﻰ ﺳﻤﺎ .. ﻭﻟﻜﻦ ﻋﺎﺭﻓﻴﻦ ﻏﻴﺮ ﺃﺵ ﻃﺎﺭﻱ .. ﺑﺤﺎﻝ ﻛﺮﻳﻤﺔ ﻟﻜﻮﺍﻓﻮﺭﺓ ﺩﻳﺎﻟﻚ

ﺍﻭﻳﻠﻲ ﻣﻴﻤﺘﻲ ﻭﻣﻨﻴﻦ ﻋﺮﻓﺎﺗﻮ .. ﺑﻐﻴﺖ ﻏﻴﺮ ﻧﺮﺩ ﻋﻠﻴﻬﺎ ﻭﻟﻜﻦ ﻓﻤﻲ ﺑﺎﻗﻲ ﻣﻌﻮﻕ ... ﺗﺎ ﺗﺴﺒﻴﺢ ﻣﺎﻗﺪﺭﺗﺶ ﻧﺴﺒﺢ ﻗﺒﻞ ﻣﺎﻧﻌﺲ ﺍﻟﻠﻪ ﻳﺎﺧﺪ ﻓﻴﻬﺎ ﺍﻟﺤﻖ ﻭﻓﺠﻨﻮﻧﻬﺎ ﺗﺎﻫﻤﺎ .. ﺗﻔﻮ ﻋﻴﻨﻲ ﺧﻀﺮﻭﻫﺎ ﻭﻟﻴﻮﻡ ﻭﺟﻬﻲ ﻋﻮﻗﻮﻩ .. ﻏﺪﺍ ﻳﺪﻓﻨﻮﻧﻲ ﺣﻴﺔ

ﺟﺎ ﻧﻬﺎﺭ ﺟﺪﻳﺪ ﻭﻟﻜﻦ ﻣﺎﻓﻴﻪ ﺗﺎ ﺟﺪﻳﺪ .. ﺑﺪﻳﺘﻮ ﺑﺘﺨﻤﺎﻝ ﻓﺸﻲ ﺑﻴﻮﺗﺔ ﻭﺑﺼﺪﻓﺔ ﻟﻘﻴﺖ ﻭﺍﺣﺪ ﺷﻘﻒ ﺩﻳﺎﻝ ﻣﺮﺍﻳﺎ .. ﺗﺨﻠﻌﺖ ﻣﻠﻲ ﺷﻔﺖ ﺍﻟﻮﺟﻪ ﺍﻟﻤﻌﻜﻮﺱ ﻓﻴﻪ .. ﻛﺎﻥ ﻭﺟﻬﻲ ﻣﺸﺎ ﻣﻨﻮ ﻟﻮﻥ ﺑﺤﺎﻝ ﺷﻲ ﺷﺒﺤﺔ ﻣﺮﻋﺒﺔ ﻓﻤﻲ ﺑﺎﻗﻲ ﻋﻮﺝ ﺑﺘﺼﺮﻓﻴﻘﺎ ﺩﻳﺎﻝ ﻟﺒﺎﺭﺡ ﺃﻣﺎ ﻋﻴﻨﻲ ﺍﻟﻤﻠﻜﻮﻣﺔ ﺣﻤﺮﺓ ﻭﺩﺍﻳﺮﺓ ﻋﻠﻴﻬﺎ ﺍﻟﺨﻀﻮﺭﻳﺔ ‏( ﺭﺍﻳﺔ ﺍﻟﻤﻐﺮﺏ ﻣﻘﻠﻮﺑﺔ ‏) ﺃﻣﺎ ﺍﻟﻌﻴﻦ ﺍﻷﺧﺮﻯ ﺩﺍﻳﺮﺓ ﻋﻠﻴﻬﺎ ﺯﺭﻭﻗﺔ ﺑﻜﺘﺮﺓ ﺳﻬﻴﺮ ﻭﺍﻟﺨﻠﻌﺔ .. ﻭﻭﺍﺣﺪ ﺳﺨﺎﻧﺔ ﻧﺎﻳﻀﺔ ﻟﻴﺎ ﻓﻔﻤﻚ ﻛﻤﻼﺕ ﻟﻲ ﻧﺎﻗﺺ .. ﻭﺍﺍﻉ ﻋﻠﻰ ﺣﺎﻟﺔ ﺗﻘﻮﻝ ﻛﻨﺒﺎﺕ ﻓﺒﻮﺧﺮﺍﺭﺏ ﻳﻌﻌﻌﻊ .. ﻣﺎﻋﺮﻓﺖ ﺩﺍﺑﺎ ﺷﻜﻮﻥ ﻟﻲ ﺟﻨﻮﻥ ﻫﻤﺎ ﻭﻻ ﺃﻧﺎ .. ﻭﻣﻊ ﺩﺍﻙ ﺍﻟﻤﺎﻛﻠﺔ ﺍﻟﻤﺴﻮﺳﺔ ﺭﺍﻧﻲ ﻏﺎﺩﺓ ﻓﻄﺮﻳﻖ ﻟﻺﻟﺘﺤﺎﻕ ﺑﺎﻟﺠﻴﺶ ﺩﻳﺎﻟﻬﻢ ... ﺩﺭﺕ ﺷﻘﻒ ﺩﻳﺎﻝ ﺍﻟﻤﺮﺍﻳﺎ ﻓﺠﻴﺒﻲ ﺗﺎ ﻧﺪﻳﻪ ﻟﺒﻴﺘﻲ .. ﻭﺩﺍﺯ ﻧﻬﺎﺭ ﻣﻤﻞ ﻭﻟﻜﻦ ﻟﻴﻞ ﻛﺎﻧﺖ ﺣﺎﺟﺔ ﺗﺎﻧﻴﺔ ﺧﺎﻟﺺ ﻭﺑﺪﺍ ﻣﻠﻲ ﺳﻤﻌﻨﺎ ﺩﻗﺎﻥ ﻓﺎﻟﺒﺎﺏ ﻛﺎﻥ ﻓﻘﻴﻪ ﺩﻭﺍﺭ ﻭﺷﻲ ﺭﺟﺎﻝ .. ﺃﻧﺎ ﻣﻠﻲ ﺷﻔﺘﻬﻢ ﺃﻭﻝ ﻓﻜﺮﺓ ﻃﺎﺣﺖ ﻟﻴﺎ ﻓﺒﺎﻟﻲ ﺇﻟﻰ ﻣﺎ ﺭﺟﻤﻮﺵ ﺯﺍﻫﻴﺔ ﻫﺎﺩ ﻟﻴﻠﺔ ﻏﺎﻳﺒﻴﺘﻮﻫﺎ ﻓﻌﻜﺎﺷﺔ ﻣﺎﻳﺤﻴﺪﻫﺎﺵ ﻟﻴﻬﺎ ﻃﺒﻴﺐ .. ﻭﻟﻜﻦ ﺗﺼﻤﺪﺕ ﺯﺍﻫﻴﺔ ﻫﻲ ﻃﺒﻴﺐ ﻫﺎﺩ ﻟﻴﻠﺔ ﺷﻲ ﻣﺮﺃﺓ ﻓﺪﻭﺍﺭ ﻛﺘﻮﻟﺪ ﻭﺍﻟﻘﺎﺑﻠﺔ ﺩﻳﺎﻟﻬﻢ ﻣﺴﺎﻓﺮﺓ ﻭﺯﺍﻫﻴﺔ ﻫﻲ ﻟﻲ ﻏﺎﺗﺮﻭﻣﺒﻼﺻﻴﻬﺎ .. ﻋﻴﻴﺖ ﻣﺎﻧﺮﻏﺐ ﻓﻴﻬﺎ ﺩﻳﻨﻲ ﻣﻌﺎﻫﺎ ﻭﻟﻜﻦ ﺑﻨﺖ ﺍﻟﻬﻢ ﺣﻠﻔﺎﺕ ﻋﻠﻴﺎ ﻻ ﻋﺘﺒﺖ ﺍﻟﺒﺎﺏ ﻻ ﻧﺠﺒﺪ ﻟﻴﻬﺎ ﺷﻲ ﺑﻼ ﺑﺤﺎﻝ ﻛﻲ ﻣﻮﺍﻟﻔﺔ .. ﺗﻔﻮ ﻋﻠﻰ ﺯﻫﺮ ﻛﻠﺸﻲ ﻋﺎﺭﻑ ﻣﺼﺎﻳﺒﻲ .. ﺭﻛﺒﺎﺕ ﻣﻌﺎﻫﻢ ﻓﻮﻕ ﺍﻟﺤﻤﺎﺭ ﺣﺎﺷﻜﻢ ﻭﻣﺸﺎﺕ .. ﺃﻭﺩﻱ ﺃﻭﺩﻱ ﻣﺎﻳﻮﺻﻠﻮ ﻋﻨﺪ ﺍﻟﻤﺮﺃﺓ ﺗﺎﻳﻠﻘﺎﻭ ﻭﻟﺪﻫﺎ ﻛﻴﺘﺰﻭﺝ .. ﻭﻟﻜﻦ ﻫﺬﺍ ﻫﻮ ﺍﻹﺳﻌﺎﻑ ﺩﻳﺎﻝ ﺍﻟﻤﻐﺮﺏ .. ﺭﺟﻌﺖ ﻛﺎﻧﻜﻤﻞ ﻓﺼﻮﺑﺔ ﻟﻲ ﻛﻨﺖ ﻛﺎﻧﺸﺮﺏ ﺳﺎﻟﻴﺘﻬﺎ ﻭﺯﺩﺕ ﻛﻤﻠﺖ ﺯﻻﻓﺔ ﺯﺍﻫﻴﺔ ﻭﺍﻧﺎ ﻛﻨﻔﻜﺮ ﻓﻬﺎﺩ ﺩﺭﻱ ﻟﻲ ﺃﻭﻝ ﻭﺟﻪ ﻏﺎﻳﺸﻮﻑ ﻓﺪﻧﻴﺎ ﻫﻮ ﺩﻳﺎﻟﻬﺎ .. ﺣﻴﺎﺗﻮ ﻛﻲ ﻏﺎﺗﻜﻮﻭﻭﻭﻥ .. ﻛﻦ ﻋﺮﻑ ﻣﺴﻜﻴﻦ ﻛﻦ ﻟﻮﺍ ﻋﻠﻴﻪ ﺍﻟﺤﺒﻞ ﺳﺮﻱ ﻭﻻ ﻟﻌﻴﺸﺔ ﺑﺈﻫﺎﻧﺔ ﺯﺍﻫﻴﺔ ﻫﻲ ﻟﻲ ﻭﻟﺪّﺍﺗﻚ .. ﻗﺎﻃﻊ ﺃﻓﻜﺎﺭﻱ ﺩﻗﺎﻥ ﺩﻳﺎﻝ ﻟﺒﺎﺏ 100 ﻓﺎﻟﻤﺎﺋﺔ .. ﺯﺍﻫﻴﺔ ﺯﻟﻘﺎﺕ ﺑﻬﺎ ﺍﻟﺤﻤﺎﺭﺓ .. ﺣﻠﻴﺖ ﺍﻟﺒﺎﺏ ﻭﺍﻧﺎ ﺣﺎﺑﺴﺔ ﺿﺤﻜﺔ .. ﻻ ﻳﺼﻠﻴﻬﺎ ﻣﻌﺎﻳﺎ ﺷﻲ ﺟﻦ ﻣﻦ ﺃﺗﺒﺎﻋﻬﺎ .. ﻭﻟﻜﻦ ﻛﺎﻥ ﻣﺎ ﻟﻢ ﻳﻜﻦ ﻓﻲ ﺍﻟﺤﺴﺒﺎﻥ ﺟﻦ ﻣﺴﻴﻒ ﻋﻠﻰ ﺷﻜﻞ ﺭﺍﺟﻞ ﻣﻔﻮﺭﻣﻲ ﻭﻃﻮﻳﻞ ﻭﻣﻼﻣﺤﻮ ﻏﺮﻳﺒﺔ ﻛﺎﻥ ﻻﺑﺲ ﻭﺍﺣﺪ ﺍﻟﻤﻮﻧﻄﻮ ﻃﻮﻳﻞ ﻓﻠﺤﻞ ..

ﻭﺃﻧﺎ ﺑﺎﻗﺎ ﺣﺎﻟﺔ ﻓﻤﻲ ﻭﻛﺎﻧﺴﻜﺎﻧﻴﻪ ﺩﻓﻌﻨﻲ ﻭﺩﺧﻞ ﻛﺎﻳﻐﻮﺕ

- ﻓﻴﻦ ﻫﻲ ﺩﺍﻙ ﺍﻟﺸﺎﺭﻓﺔ ﺍﻟﻬﺎﺭﻓﺔ ؟؟

- ﺷﻨﻮ ؟ ﺷﻜﻮﻥ ؟

ﺭﺩﻳﺖ ﺍﻟﺒﺎﺏ ﺑﺰﺭﺑﺔ ﻭﺗﺒﻌﺘﻮ ﻭﻫﻮ ﻛﺎﻥ ﺷﺎﺍﺍﺍﻋﻞ ﺑﺎﻳﻦ ﻃﺎﻟﻌﺔ ﻟﻴﻪ ﺍﻟﻐﻮﺭﻳﻼ ﻟﺮﺍﺱ

- ﻣﺎﻧﻌﺮﻑ ﻟﺠﺪﻫﺎ ﺃﺵ ﺳﻤﻴﺘﻬﺎ .. ﻋﻴﻄﻲ ﻟﻴﻬﺎ ﺩﺍﺍﺍﺍﺑﺎ ﺗﺤﻀﺮ ﻗﺪﺍﻣﻲ

- ﻭﻟﻜﻦ ﺭﺍﻫﺎ ﻣﻜﺎﻳﻨﺎﺵ ﺩﺍﺑﺎ

- ﺁﺁﻩ ﻧﺴﻴﺖ ﺷﻮﺍﺍﻓﺎﺕ ﻣﻦ ﺩﺭﺟﺔ ﺍﻟﻘﺎﺋﺪ ﻳﻜﻮﻧﻮ ﺩﺍﺑﺎ ﻛﺎﻳﺤﻔﺮﻭ ﻓﺎﻟﻘﺒﻮﺭ ﺑﺤﺎﻟﻬﺎ .. ﺷﻮﻑ ﻛﻲ ﺭﺩﺍﺕ ﺩﺍﺭ ﻛﻴﺸﻲ ﺯﺭﻳﺒﺔ ﺍﻟﻠﻪ ﻳﺘﺒﻌﻬﺎ ﺍﻟﺒﻼ .. ﺃﺡ ﻛﻮﻥ ﻧﺸﺪﻫﺎ ﻧﺨﻠﻲ ﻓﻴﻬﺎ ﻏﻴﺮ ﻟﻲ ﻧﺴﻴﺖ ... ﻭﻟﻜﻦ ﺇﻟﻰ ﺑﻘﺎﺕ ﻓﻴﻬﺎ ﺭﺍﻧﻲ ﺑﺤﺎﻟﻬﺎ .. ﺷﻜﻮﻥ ﺍﻧﺖ ﺑﻌﺪﺍ؟؟

ﺑﻐﻴﺖ ﻧﺠﺎﻭﺏ ﻭﻟﻜﻦ ﻫﻮ ﺑﺤﺎﻻ ﺳﺎﺭﻁ ﻛﺴﻴﻴﻴﻄﺔ ﺳﻼﻣﺔ .. ﻭﻟﻜﻦ ﻋﺠﺒﻨﻲ ﻓﺰﺍﻫﻴﺔ ﺣﺴﻴﺖ ﺑﻀﻤﻴﺮﻱ ﻫﻮ ﻟﻲ ﻣﺠﺴﺪ ﻓﻴﻪ ﺑﺮﺩ ﻟﻴﺎ ﻏﺪﺍﺩﻱ .. ﻫﺪﺍ ﺑﺎﻳﻨﺔ ﻏﻴﺮ ﻣﻦ ﻃﻮﻟﺘﻮ ﻣﺎﺷﻲ ﺟﻦ ﻋﺎﺩﻱ .. ﻏﺎﻳﻜﻮﻥ ﻣﻠﻚ ﺟﻨﻮﻥ ﻭﻻ ﻋﻔﺮﻳﺖ

- ﻏﺎﺗﻜﻮﻧﻲ ﻏﻲ ﺑﻨﺘﻬﺎ ﻟﻲ ﺟﺎﻳﺒﺎﻫﺎ ﻣﻦ ﺍﻟﺨﻼ .. ﺃﺻﻼ ﺗﻘﻮﻝ ﺷﺎﺭﻓﺔ ﻗﺒﻞ 10 ﻋﺸﺮ ﺳﻨﻴﻦ

ﻻ ﻻ ﻫﺪﺍ ﺯﺍﺩ ﻓﻴﻪ ﺯﻳﺎﺩﺓ ﻋﻠﻰ ﻧﻌﺘﻲ ﺑﺒﻨﺖ ﺯﺍﻫﻴﺔ ﺃﺳﺘﻐﻔﺮ ﺍﻟﻠﻪ .. ﻣﺸﺒﻬﻨﻲ ﺑﻴﻬﺎ ﻭﻓﺮﻕ ﺍﻟﻌﻤﺮ 10 ﺳﻨﻴﻦ .. ﻳﺎﻻﻩ ﺑﻐﻴﺖ ﻧﺮﺩ ﻋﻠﻴﻪ .. ﻭﻫﻮ ﻳﺸﻨﻖ ﻋﻠﻴﺎ ﻣﻦ ﺍﻟﻜﻮﻝ ﺩﻳﺎﻝ ﻃﺮﻳﻜﻮ ﺗﺎ ﺣﺴﻴﺖ ﺑﺮﺟﻠﻴﺎ ﻣﺎﺑﻘﺎﻭﺵ ﻗﺎﻳﺴﻴﻦ ﺍﻷﺭﺽ

- ﻳﺎﻛﻤﺎ ﺗﻜﻮﻧﻲ ﺍﻧﺖ ﻫﻲ ﺷﺎﺭﻓﺔ .. ﻭﺩﺭﺗﻲ ﺷﻲ ﺗﺸﻴﻄﻴﻦ ﻭﺭﺟﻌﺘﻲ ﺻﻐﻴﺮﺓ

- ﻭﺭﺍﻙ ﺯﺩﺗﻲ ﻓﻴﻪ ﺃﺑﻨﺎﺩﻡ .. ﺃﺃ ﻗﺼﺪﺕ ﺟﻦ

- ﺟﻦ ؟؟

- ﻋﻠﻰ ﺍﻧﺖ ﻣﺎﺷﻲ ﺟﻦ ؟

ﺯﺍﺩ ﺯﻳﺮ ﻋﻠﻰ ﺍﻟﻜﻮﻝ ﻭﺯﺍﺩ ﺑﻌﺪﻧﻲ ﻋﻠﻰ ﺍﻷﺭﺽ

- ﺃﻧﺎ ﺑﻬﺎﺩ ﻃﻮﻟﺔ ﻭﺯﻳﻦ ﻭﺍﻟﻔﻮﺭﻣﺔ ﺭﺩﻳﺘﻴﻨﻲ ﺟﻦ ﺃﻟﻤﻮﻧﻴﻜﺔ ﺩﻳﺎﻝ ﻋﺸﺮﺓ ﺩﺭﻳﺎﻝ ﻭﺍﻟﻠﻪ ﻟﻴﻮﻡ ﺗﺎﻥ ...

ﺗﺤﺒﺴﺎﺕ ﻓﻴﻪ ﺍﻟﻬﻀﺮﺓ ﻣﻠﻲ ﺟﻤﻌﺖ ﻣﻌﺎﻩ ﺑﻮﺍﺣﺪ ﺭﻛﻠﺔ ﻭﺍﻭﺍﺣﺪ ﺍﻟﻌﻀﺔ ﺣﺴﻴﺖ ﺑﺪﻣﻮ ﻓﺴﻨﺎﻧﻲ .. ﻳﺨﺦ .. ﻃﻠﻖ ﻣﻨﻲ ﺑﻘﻮﺓ ﺍﻷﻟﻢ .. ﺟﻴﺖ ﻣﻜﺴﻠﺔ ﻓﺎﻷﺭﺽ ﻳﺦ ﻭﻣﻊ ﺳﻘﻄﺔ ﻛﺎﻧﺖ ﻣﻔﺎﺟﺌﺔ ﺟﻴﺖ ﻋﻠﻰ ﺭﺟﻠﻲ ﻭ ﺗﻠﻮﺍﺕ ﻟﻴﺎ

- ﻭﻣﻠﻲ ﻣﺎﺷﻲ ﺟﻦ ﻻﺵ ﻣﻘﻔﺰﻧﻲ ﻭﻋﺎﻃﻴﺎﻙ ﺍﻟﺨﺎﻃﺮ .. ﻟﺒﻌﻠﻮﻙ ﻻﺧﻮﺭ ﺑﺤﺎﻟﻚ ﺑﺤﺎﻟﻬﺎ ﺍﻟﻠﻪ ﻳﻐﺮﻕ ﻟﺠﺪ ﺑﻮﻛﻢ ﺷﻘﻒ

ﺗﺤﻨﻰ ﻋﻨﺪﻱ ﻭﺟﺮ ﻟﻴﺎ ﺷﻌﺮﻱ

- ﻣﺰﺍﻝ ﻣﺎﺗﻮﻟﺪﺍﺕ ﺑﻨﺖ ﺍﻟﻤﺮﺍ ﻟﻲ ﺗﻬﺰ ﻋﻠﻴﺎ ﺭﺟﻠﻬﺎ ﻭﺗﺤﻞ ﻋﻠﻴﺎ ﻓﻤﻬﺎ ... ﻭﺍﻧﺘﻲ ﻳﺎﺑﻨﺖ ﺷﺎﺭﻓﺔ ﺩﺭﺗﻴﻬﻢ ﺑﺠﻮﺝ ﻓﺪﻗﺔ ﻭﺣﺪﺓ ﻭﺍﻟﻠﻪ ﻻ ﺩﻭﺯﺗﻬﺎ ﻟﻴﻚ

- ﺩﺍﺭ ﻟﻴﻚ ﻭ ﺩﻭﺯ ﻟﻴﻚ ﻏﻴﺮ ﺑﺎﻟﻤﺎ ﺍﻟﻘﺎﻃﻊ ﺍﻥ ﺷﺎﺀ ﺍﻟﻠﻪ ﻳﺎ ﻭﺟﻪ ﺍﻟﻮﻳﻞ .. ﺃﺵ ﻛﺎﺗﺤﺴﺐ ﻓﺮﺍﺳﻚ .. ﺩﻣﺪﻭﻣﺔ .. ﻭﻛﺎﻛﺎﺗﻚ ﻏﻴﺮ ﻣﺮﺃﺓ ﺑﻌﺪ ﻣﺎﺧﻨﺎﺯﻳﺘﻲ ﻓﻜﺮﺷﻬﺎ ﺗﺴﻊ ﺷﻬﻮﺭ ... ﻃﻠﻖ ﻣﻦ ﺷﻌﺮﻱ ﻗﺒﻞ ﻣﺎﻧﺘﺴﻴﻒ ﻋﻠﻰ ﻣﻚ

ﺑﻘﺎ ﻏﻴﺮ ﺣﺎﻝ ﻓﻤﻮ ﻣﻦ ﺻﺪﻣﺔ ﺑﺎﻳﻦ ﻋﻠﻴﻪ ﻋﻤﺮﻭ ﺗﺴﺐ ﺑﻬﺎﺩ ﻃﺮﻳﻘﺔ ﺍﻟﻤﺮﻭﻋﺔ .. ﻭﺃﻧﺎ ﻋﺎﺩ ﻣﺰﺍﻳﺪﺓ ﻓﻴﻪ

- ﻭﺍﺑﻨﺎﺩﻡ ﻭﺍﺵ ﻛﻨﻬﻀﺮ ﻣﻊ ﺣﻴﻂ ﻃﻠﻖ .. ﻳﺴﺤﺎﺑﻚ ﺭﺍﺳﻚ ﺭﺍﺟﻞ ﻭﺍﻧﺖ ﻫﺎﺯ ﺩﺭﺍﻋﻚ ﺍﻟﻤﻔﺸﻮﺷﻴﻦ ﻋﻠﻰ ﺍﻣﺮﺃﺓ .. ﺭﺍﻩ ﺳﻴﺎﺩﻙ ﻣﺒﻴﻨﻴﻦ ﺩﺭﺍﻋﻬﻢ ﻓﻄﻮﺏ ﻭﺍﻟﻤﺮﻃﻮﺏ ﻭﺣﺎﺩﺭﻳﻦ ﺭﺍﺱ

- ﻭﻟﻴﻨﻲ ﺭﺍﻛﻲ ﻭﺍﺣﺪ ﺳﻠﻴﻄﺔ ﻟﺴﺎﻥ ﻣﺎﻣﻨﻜﺶ ﺟﻮﺝ ... ﺃﺵ ﺑﺎﻥ ﻟﻴﻚ ﻧﺘﺨﺎﻃﺮﻭ ﺇﻟﻰ ﺑﻘﺎ ﻫﺎﺩ ﻟﺴﺎﻥ ﻛﻴﺘﺤﺮﻙ ﻣﻮﺭ ﻣﺎﺗﺸﺮﻕ ﺍﻟﺸﻤﺶ

- ‏( ﻭﻳﻠﻲ ﻣﻴﻤﺘﻲ ﻓﺎﺵ ﺣﻄﻴﺖ ﺭﺍﺳﻲ ﻋﻼﺵ ﻧﺎﻭﻱ ﻫﺎﺩ ﺍﻟﻤﺼﻴﺒﺔ ﻭﻟﻜﻦ ﻋﺰﺓ ﻧﻔﺲ ﻭﻟﺴﺎﻧﻲ ﻃﻮﻳﻞ ﺃﻛﺒﺮ ﻣﺼﻴﺒﺔ ﻣﺎﻳﺤﺒﺴﺶ ﻭﻟﻮ ﻋﻠﻰ ﺟﺘﺘﻮ ‏) ﺃﻫﺎﻩ ﻋﻼﺵ ﻣﺎﺑﻐﻴﺘﻲ ؟؟

- ﻟﻲ ﺑﻐﻴﺘﻲ ﺍﻧﺘﻲ ؟ ﺃﺵ ﻗﻠﺘﻲ

- ﻣﺘﺎﻓﻘﻴﻦ

ﺃﻭﻳﻠﻲ ﺃ ﻟﺴﺎﻧﻲ ﺣﺒﺲ ﻭﺍﺵ ﻣﺎﺷﻔﺘﻴﺶ ﻋﻴﻨﻲ ﻭﺣﻨﻜﻲ ﻛﻲ ﻭﻻﻭ .. ﺑﺎﻏﻲ ﻧﺘﺮﺯﺍ ﺗﺎ ﻓﻴﻚ ... ﺃﺵ ﻫﺎﺩ ﺯﻋﺎﻣﺔ ﻟﻲ ﺟﺎﺗﻨﻲ ﺃﻧﺎ ﻣﺴﺘﺤﻴﻞ ﻣﺴﺘﺤﻴﻞ ﻧﻘﻮﻝ ﻫﺎﺩ ﺍﻟﻬﻀﺮﺓ ﻭ ﻧﻠﻮﺡ ﺭﺍﺳﻲ ﺍﻟﻌﺎﻓﻴﺔ .. ﻭﻫﻮ ﻭﻟﺪ ﺍﻟﺤﺮﺍﻡ ﻭﺟﻪ ﺍﻹﺟﺮﺍﻡ ﺟﺒﺪ ﻭﺍﺣﺪ ﺍﻟﻤﻮﺱ ﻣﺎﺍﺍﺍﺍﺿﻲ ﻣﻦ ﺟﻴﺒﻮ ﻛﺎﻳﺘﺠﻤﻊ ﻃﻠﻘﻮ ﺑﺎﺣﺘﺮﺍﻑ ﻗﺪﺍﻡ ﻋﻴﻨﻲ

- ﻳﺎﻻﻩ ﺩﺍﺑﺎ ﻏﺎﺗﺨﺮﺟﻲ ﻟﺴﺎﻧﻚ ﺑﻠﺨﺎﻃﺮ .. ﻭﻻ ﻧﺒﺪﺍ ﻣﻦ ﻭﺟﻬﻚ ﻫﻮ ﻟﻮﻝ

- ﻻ ﻣﺎﻋﻨﺪﻧﺎ ﻻﺵ ﻧﻄﻮﻟﻮ .. ﻫﺎﻙ ﻫﺎ ﻟﺴﺎﻧﻲ

- ﻭﺍﺍﺍ ﺟﺒﻬﺎﺍﺍ ﻋﻨﺪﻙ .. ﺍﻧﺘﻲ ﺃﻭﻝ ﺿﺤﻴﺔ ﺳﺎﻫﻠﺔ ﻭﻟﺴﺎﻧﻬﺎ ﺷﺎﻳﻂ ﻋﻠﻴﻬﺎ

- ﻭﺩﺍﺑﺎ ﺑﻼ ﻫﻀﺮﺓ ﺧﺎﻭﻳﺔ ﻭﺑﺪﺍ ﺗﻘﻄﺎﻉ ﺭﺍﻧﻲ ﻣﺎﻣﺴﺎﻟﻴﺎ ﺵ ﻭﻋﻨﺪﻱ ﻣﺎﻳﺪﺍﺭ

- ﺍﻫﺎﻩ ﻣﺎﻃﻠﺒﻴﺘﻲ ﻏﻴﺮ ﺍﻟﻤﻮﺟﻮﺩ ﻳﺎﺍﺍﺍ ﺑﺴﻢ ﺍﻟﻠﻪ

ﺣﻠﻴﺖ ﻟﻴﻪ ﻟﺴﺎﻧﻲ ﻭﺍﻧﺎ ﺩﺍﺭﺳﺔ ﺍﻟﺨﻄﺔ ﻣﺰﻳﺎﻥ .. ﻭﺣﺎﺳﺒﺔ ﺍﻟﺨﻄﻮﺍﺕ ﺩﻳﺎﻝ ﺯﺍﻫﻴﺔ ﻣﻦ ﺍﻟﺒﺎﺏ ﺩﻳﺎﻝ ﺑﺮﺍ ﻟﺒﺎﺏ ﺩﻳﺎﻝ ﺩﺍﺧﻞ .. ﻭﻫﻮ ﺑﺎﻗﻲ ﻣﺘﺮﺩﺩ ... ﺣﻼﺕ ﺯﺍﻫﻴﺔ ﺍﻟﺒﺎﺏ .. ﻭﺩﺍﺭ ﻳﺸﻮﻑ ﺷﻜﻮﻥ .. ﻭﺍﻧﺎ ﺑﺨﻔﺔ ﻏﻴﺮ ﻣﺘﻮﻗﻌﺔ ﻫﺰﻳﺖ ﻳﺪﻱ ﻟﺴﻤﺎ ﻭﺧﺒﻄﺘﻬﺎ ﻟﻴﺪﻭ ﻟﻲ ﻫﺎﺯ ﻓﻴﻬﺎ ﺍﻟﻤﻮﺱ ﻭﻟﺤﺴﻦ ﺣﻈﻲ ﻫﻲ ﻟﻲ ﻛﺎﻧﺖ ﻓﻴﻬﺎ ﻋﻀﺘﻲ .. ﻣﻦ ﺍﻷﻟﻢ ﻃﻠﻖ ﺍﻟﻤﻮﺱ ﻭﺩﻓﻌﺘﻮ ﺑﺮﺟﻠﻲ ﻭﻣﻊ ﻛﻨﺖ ﺟﺎﺑﺪﺓ ﺷﻘﻒ ﺩﻳﺎﻝ ﺍﻟﻤﺮﺍﻳﺎ ﻓﻴﺪﻱ ﺣﻄﻴﺘﻬﺎ ﻟﻴﻪ ﻧﻴﺸﺎﻥ ﻋﻠﻰ ﻋﻨﻘﻮ ﺑﺈﺣﻜﺎﻡ ,, ﻏﻴﺮ ﻫﻮ ﻟﻲ ﻳﻌﺮﻑ ﻟﻺﺟﺮﺍﻡ .. ﺯﺍﻫﻴﺔ ﺩﺍﺧﻠﺔ ﻣﺼﺪﻭﻣﺔ ﺍﻟﻈﺎﻫﺮ ﺟﻨﻮﻧﻬﺎ ﻣﺸﺎﻭ ﻣﻌﺎﻫﺎ ﻭﻛﻠﻬﻢ ﻓﺪﺍﺭ ﻏﻔﻠﻮﻥ

- ﺯﺍﻫﻴﺔ .. ﻫﺎﻧﺘﻲ ﻻ ﺗﻘﻮﻟﻲ ﻣﺨﻠﻴﺔ ﺑﻌﺒﻮﻟﺔ ﻓﺪﺍﺭ .. ﺃﺵ ﺑﺎﻥ ﻟﻴﻚ ﻧﺪﻭﺯ ﻋﻠﻴﻪ ﻭﻧﺪﻳﺮﻭﻩ ﻳﺘﺸﻮﺍ .. ﺭﺍﻩ ﻃﻠﻌﺎﺕ ﻟﻴﺎ ﺻﻮﺑﺔ ﻓﺎﻟﺮﺍﺱ

- ﺯﺍﻫﻴﺔ : ﺷﻜﻮﻥ ﻫﺪﺍﻙ ؟

- ﺃﻧﺎ : ﻭﺷﻜﻮﻥ ﻋﺮﻑ .. ﻟﻘﺮﺩ ﻻﺧﻮﺭ .. ﻭﺍﺵ ﻣﺎﻋﻤﺮﻙ ﺳﻤﻌﺘﻲ ﺑﻠﻲ ﺍﻟﻬﺎﺟﻢ ﻳﻤﻮﺕ ﺷﺮﻉ .. ﺗﻬﺰ ﻳﺪﻳﻚ ﻋﻠﻰ ﻻﻻﻙ ﺑﻨﺖ ﺳﻴﺪﻙ ﺗﻌﻄﻴﻚ ﺍﻟﻄﺮﺵ ﻭﺗﺰﻳﺪﻙ

- ﻫﻮ : ﻏﺎﺻﺒﺮﻱ ﻋﻠﻴﺎ ﺃﺑﻨﺖ ﺷﺎﺭﻓﺔ .. ﺇﻟﻰ ﻣﺎﺩﻓﻨﺘﻜﺶ ﻭﺍﻧﺖ ﺣﻴﺔ ﺃﻧﺎ ﻣﺎﺗﺴﻤﺎﺵ

- ﺃﻧﺎ : ﻭﺍﺵ ﺑﺼﺎﺍﺍﺡ ؟؟ ﻗﺎﻟﻚ ﺇﻛﺮﺍﻡ ﺍﻟﻤﻴﺖ ﺩﻓﻨﻪ .. ﺃﻣﺎ ﺃﻧﺎ ﻣﻐﺎﻧﻌﻄﻴﻜﺶ ﻫﺎﺩ ﺍﻟﺸﺮﻑ .. ﻣﻦ ﺑﻌﺪ ﻣﺎﻧﺸﺒﻊ ﻣﻨﻚ ﻧﻌﻄﻴﻚ ﻟﻜﻼﺏ ﻳﻘﺪﺩﻭﻙ

- ﺯﺍﻫﻴﺔ : ﺳﻜﺘﻲ ﻧﻌﺮﻓﻮ ﺷﻜﻮﻥ ﻫﻮ ﺑﻌﺪﺍ

- ﻫﻮ : ﺃﻧﺎ ﺃﺷﺎﺭﻓﺔ ﻫﻮ ﻟﻲ ﻏﺎﺗﻜﻮﻥ ﻣﻮﺗﻚ ﻋﻠﻰ ﻳﺪﻭ .. ﺍﻧﺖ ﻭﻫﺎﺩ ﺍﻟﺤﺸﺮﺓ

ﻭﺍﺧﺎ ﺣﺎﻃﺎ ﻟﻴﻪ ﺷﻘﻒ ﺩﻳﺎﻝ ﺍﻟﻤﺮﺍﻳﺎ ﻋﻠﻰ ﻋﻨﻘﻮ .. ﺯﻋﺎﻳﻤﻲ ﻻﺧﻮﺭ ﻃﻴﺮﻧﻲ ﺑﻴﺪﻭ ﺑﺤﺎﻝ ﺷﻲ ﻛﺎﺷﺔ ﻋﺎﻣﺮﺓ ﺑﺎﻟﻐﺒﺮﺓ .. ﺟﺎ ﺭﺍﺳﻲ ﻋﻠﻰ ﺭﺟﻞ ﺩﻳﺎﻝ ﻃﺒﻠﺔ .. ﺃﻣﺎ ﻫﻮ ﻭﻗﻒ ﻭﺯﺍﺩ ﻋﻨﺪ ﺯﺍﻫﻴﺔ ﻣﻜﻤﻞ ﻫﻀﺮﺗﻮ

- ﻫﻮ : ﺃﻧﺎ ﻫﻮ ﻣﻮﻝ ﺩﺍﺭ ﺟﺪﻳﺪ ﻭﻣﻦ ﻟﻴﻮﻡ ﻣﺎﺑﻐﻴﺘﺶ ﻧﺸﻮﻑ ﺍﻟﺤﺘﺎﻟﺔ ﺩﻳﺎﻝ ﻭﺟﻬﻜﻢ ﻓﺪﺍﺭﻱ ... ﺭﺍﻩ ﺳﻴﻔﻂ ﻟﻴﻚ ﺇﻧﺬﺍﺭ ﻣﻊ ﺟﺪﺍﺭﻣﻴﺔ ﺷﻬﺮ ﻟﻲ ﻓﺎﺕ .. ﻳﺎﻻﻩ ﻳﺎﻻﻩ ﺟﻤﻌﻮ ﻋﻠﻴﺎ ﺷﻄﺎﻳﻄﻜﻢ ﻭﺩﺭﻛﻮ ﻋﻠﻴﺎ ﺯﻻﻳﻔﻜﻢ

- ﺯﺍﻫﻴﺔ : ﻭﻟﻜﻦ ﻓﻲ ﻏﺎﻧﺒﺎﺗﻮ ﻓﻬﺎﺩ ﻟﻴﻞ ؟؟

- ﻫﻮ : ﻓﺎﻟﺨﻼ ﻭﺟﻼ .. ﻓﺠﻬﻨﻢ ﺍﻟﺤﻤﺮﺍ ﺃﻧﺎ ﻣﺎﻟﻲ

- ﺯﺍﻫﻴﺔ : ﺻﺒﺮ ﻋﻠﻴﻨﺎ ﻏﻴﺮ ﺗﺎ ﻟﺼﺒﺎﺡ

- ﻫﻮ : ﺩﻗﻴﻘﺔ ﻫﻲ ﻟﻲ ﻧﻌﻄﻴﻜﻢ .. ﻫﺪﺍ ﺇﻟﻰ ﻣﺎﺑﻐﻴﺘﻮﺵ ﻧﻠﻮﺣﻜﻢ ﺑﻴﺪﻳﺎ

- ﺯﺍﻫﻴﺔ : ﺩﻗﻴﻘﺘﻚ ﺑﺨﺮ ﺑﻴﻬﺎ ... ﺩﻧﻴﺎ ﺟﻤﻌﻲ ﺍﻟﻮﻗﻔﺔ ﻭﻳﺎﻻﻩ ﻧﺨﻠﻴﻮﻩ ﻓﻬﺎﺩ ﺍﻟﺨﺮﺑﺔ ﺑﻮﺣﺪﻭ ﻛﻲ ﻃﻴﺮﺍ ﺑﻘﺮ

ﺃﻧﺎ ﺑﻘﻴﺖ ﻏﻴﺮ ﻛﻨﺘﻔﺮﺝ ﻓﻴﻬﻢ ﺃﻭ ﻫﺎﺩﻱ ﻫﻲ ﺯﺍﻫﻴﺔ ﻟﻲ ﻗﺎﻟﺖ ﻟﻴﻚ ﻣﻜﺎﻳﻨﺶ ﻭﻟﺪ ﺍﻟﻤﺮﺃﺓ ﻟﻲ ﻳﺨﺮﺟﻬﺎ ﻣﻦ ﻫﺎﺩ ﺩﺍﺭ .. ﺗﺎ ﺃﻧﺎ ﻣﺎﺷﻲ ﻣﻦ ﺍﻟﻌﺎﻛﺰﻳﻦ ﻣﺸﻴﺖ ﻛﻨﻄﻴﺮ ﺟﻤﻌﺖ ﺣﻮﺍﻳﺠﻲ ﻓﺎﻟﻤﻴﻜﺔ ﻟﻲ ﻛﺎﻧﻮ ﻓﻴﻬﺎ ﻭﺗﺒﻌﺖ ﺯﺍﻫﻴﺔ ﻟﻲ ﻣﺎﺩﺍﺕ ﻣﻌﺎﻫﺎ ﺗﺎ ﺑﺎﺵ ﺗﻨﻘﻲ ﺳﻨﺎﻧﻬﺎ .. ﻏﻴﺮ ﺧﺮﺟﻨﺎ ﻭﻫﻮ ﻳﺰﺩﺡ ﻣﻦ ﻣﻮﺭﺍﻧﺎ ﺍﻟﺒﺎﺏ ..

- ﺩﻧﻮﺑﻲ ﻭﺧﺮﺟﻮ ﻓﻴﻚ ﺃﺯﺍﻫﻴﺔ .. ﺗﺎ ﺗﻼّﺕ ﺑﻴﻚ ﻟﻴﺎﻡ ﻭﺟﺎ ﻧﻬﺎﺭ ﻭﻳﺘﺰﺩﺡ ﻋﻠﻴﻚ ﺍﻟﺒﺎﺏ ..

- ﻭﺍﺵ ﻛﺘﺸﻔﺎﻱ ﻓﻴﺎ

- ﺣﺎﺷﺔ ... ﻣﺎﺑﻴﻨﻲ ﻭﺑﻴﻨﻚ ﻏﺎ ﺍﻟﺨﻴﺮ .. ﻳﻼﻩ ﻧﺨﻠﻴﻚ ﻧﻤﺸﻲ ﺑﺤﺎﻟﻲ .. ﺍﻟﻤﺴﺎﻣﺤﺔ

- ﻓﻴﻦ ﻏﺎﺩﺓ ﻓﻬﺎﺩ ﻟﻴﻞ ﻭﻓﻬﺎﺩ ﺟﺒﻞ

- ﻛﻴﻔﺎﺵ ﻓﻴﻦ ﻏﺎﺩﺓ .. ﺭﺍﻩ ﺟﺎﺑﻨﻲ ﻋﻨﺪﻙ ﺑﺎ ﺍﻟﻠﻪ ﻳﺴﻤﺢ ﻟﻴﻪ ﺑﺎﺵ ﻧﺴﻜﻦ ﻣﻌﺎﻙ ﻣﺎﺷﻲ ﺑﺎﺵ ﻧﺘﺸﺮﺩ ﻣﻌﺎﻙ ﻓﺰﻧﺎﻗﻲ ... ﺯﺍﻫﻴﺔ ﺗﻼﺣﻲ ﻣﻦ ﻗﺪﺍﻣﻲ ﻭﺳﻴﺮﻱ ﺗﻜﻤﺸﻲ ﻣﻦ ﺗﺤﺖ ﺷﻲ ﺷﺠﺮﺓ ﺭﺍﻩ ﺍﻟﺒﺮﺩ ﻋﻠﻴﻚ

ﺿﺮﺕ ﻭﺧﻠﻴﺘﻬﺎ ﻭﻣﺎ ﺣﺴﻴﺖ ﻏﻴﺮ ﺑﺸﻲ ﺣﺎﺟﺔ ﻛﺎﺗﺠﺮﻧﻲ ﻣﻦ ﻇﻬﺮﻱ ﻭﺑﺎﻏﺎ ﺗﻘﺴﻤﻮﻟﻴﺎ ﻋﻠﻰ ﺟﻮﺝ .. ﻭﻛﻞ ﻣﻜﺎﻧﻘﺎﻭﻡ ﻛﺎﺗﺰﻳﺮ ﻋﻠﻴﺎ ... ﻭﻓﺮﻣﺸﺔ ﻋﻴﻦ ﻭﻻﺕ ﺯﺍﻫﻴﺔ ﻗﺪﺍﻣﻲ .. ﻭﺷﺪﺍﺕ ﻟﻴﺎ ﺑﺪﺍﻙ ﻟﻘﻄﺒﺎﻥ ﺍﻟﻤﺼﺪﻳﻴﻦ ﺩﻳﺎﻝ ﺻﺒﺎﻋﻬﺎ ﻭﺟﻬﻲ ﺗﺎ ﺣﺴﻴﺖ ﺑﻴﻬﻢ ﻏﺎﻳﺪﺧﻠﻮ ﻓﻴﻪ

- ﻭﺍﺵ ﺩﺧﻮﻝ ﻟﺤﻤﺎﻡ ﺑﺤﺎﻝ ﺧﺮﻭﺟﻮ .. ﺑﺎﻙ ﻋﻄﺎﻙ ﻟﻴﺎ ﻣﺎﺷﻲ ﺳﻜﻨﻚ ﻣﻌﺎﻳﺎ .. ﻧﺪﻳﺮ ﺑﻴﻚ ﻟﻲ ﺑﻐﻴﺖ .. ﻭﺩﺍﻙ ﺗﻔﻠﻔﻴﻞ ﺩﻳﺎﻟﻚ ﻗﻠﺘﻠﻴﻚ ﻛﻠﻌﻴﻪ ﻣﻨﻚ

- ﺁﺁﺁﻩ ﻗﻮﻟﻴﻬﻢ ﻳﻄﻠﻘﻮ ﻣﻦ ﻇﻬﺮﻱ ﻭﻧﻬﻀﺮﻭ

- ﻣﺎﻋﻨﺪﻧﺎ ﻓﺎﺵ ﻧﻬﻀﺮﻭ .. ﻫﻀﺮﺗﻨﺎ ﻫﻨﺎ ﺳﺎﻻﺕ ... ﻣﻨﺎﻗﺼﻨﻲ ﻫﻤﻚ ﺗﺎ ﻧﺘﻲ ﻧﺰﻳﺪﻭ ﺑﺮﺍﻛﺔ ﻋﻠﻴﺎ ﻏﻴﺮ ﻫﺎﺩ ‏( ﻃﻴﻴﻴﻴﻴﻂ ‏) ...

ﻣﺸﺎﺕ ﻭﺧﻼﺗﻨﻲ .. ﺃﻭﻑ ﺗﺮﺩﺩﺕ ﻭﺍﺵ ﻧﺘﺒﻌﻬﺎ .. ﻭﻟﻜﻦ ﺟﻨﻮﻧﻬﺎ ﺷﺎﺩﻳﻨﻲ ﻣﻦ ﺟﻬﺔ ﻟﻲ ﺿﺎﺭﻧﻲ .. ﻣﺸﻴﻨﺎ ﺗﺤﺖ ﻭﺍﺣﺪ ﺷﺠﺮﺓ ﻣﻘﺎﺑﻠﺔ ﻣﻊ ﺩﺍﺭ ﻭﺟﻠﺴﻨﺎ ﻻ ﻫﻲ ﻟﻲ ﺟﻠﺴﺎﺕ ﺃﻣﺎ ﺃﻧﺎ ﺗﻜﺴﻠﺖ .. ﻣﻊ ﻋﻈﺎﻣﻲ ﻛﻠﻬﻢ ﻛﺎﻳﻀﺮﻭﻧﻲ ﻳﺦ ﻣﺎﻗﺪﻭﻧﻲ ﺇﻧﺲ ﺗﺰﺍﺩﻭﻧﻲ ﺟﻨﻮﻥ ..

يتبع