المنفى الغريب الجزء الثالث

- ﺃﺟﻲ ﺍﻧﺖ ﺃﺵ ﻛﺎﺗﺸﻮﻓﻲ ؟

- ﻛﺎﻧﺸﻮﻑ ﺍﻟﺒﻌﺎﺑﻊ .. ﻛﻴﻔﺎﺵ ﺷﻜﺎﻧﺸﻮﻑ

- ﻛﻨﺘﻲ ﻗﻠﺘﻲ ﻟﻴﺎ ﻏﺎﻳﺠﻲ ﺭﺍﺟﻞ ﻭﻫﺎﻫﻮ ﺟﺎ

- ﻭﺍﻟﻠﻪ ﺇﻟﻰ ﺑﺼﺢ ﻳﺎﺍﺍﺍﺍﺍﻩ ... ﻭﻟﻴﺖ ﺷﻮﺍﻓﺔ ﺃﺳﺘﻐﻔﺮ ﺍﻟﻠﻪ .. ﺩﺍﺑﺎ ﻛﻨﺸﻮﻑ .. ﺑﻼﺗﻲ ﻧﺸﻮﻑ ... ﻏﻴﻴﻴﺮ ﻛﺒﻲ ﻟﻤﺎ ﻋﻠﻰ ﻛﺮﺷﻚ ﺃﺯﺍﻫﻴﺔ ﺳﻴﺪ ﺑﻂ ﻧﺒﺖ ﻭﻧﺎﻭﻱ ﻋﻠﻰ ﺧﺰﻳﺖ .. ﻫﻬﻪ ﻏﻴﺮ ﻛﻨﻀﺤﻚ ﺑﻼ ﻣﺎﺗﺤﺮﺷﻲ ﺟﻨﻮﻧﻚ ﻋﻠﻴﺎ ﺗﺎﻧﻲ ... ﺩﺍﺑﺎ ﺃﺵ ﻏﺎﺩﻳﺮﻱ ﻓﻬﺎﺩ ﺧﻮﻧﺎ ﻓﺎﻟﻠﻪ

- ﺗﺎ ﻧﺘﻲ ﺟﺎﻭ ﻋﺸﺮﺓ ﻗﺒﻞ ﻣﻨﻮ .. ﻭﻛﻠﻬﻢ ﺩﺍﺭﻭ ﻧﻔﺲ ﺍﻟﺘﺼﺮﻑ .. ﻭﻗﺒﻞ ﻣﺎﻳﻄﻠﻊ ﻧﻬﺎﺭ ﺧﺮﺟﻮ ﻛﺎﻳﺠﺮﻳﻮﺍ ﺑﺎﻟﻐﻮﺍﺕ .. ﺗﺎﻫﺪﺍ ﻏﺎﻳﻜﻮﻥ ﺑﺤﺎﻟﻬﻢ .. ﻏﻴﺮ ﺗﻔﺮﺟﻲ

- ‏( ﺑﺘﻨﻬﺪ ‏) ﻛﻨﺘﻤﻨﻰ .. ﺗﺼﺒﺤﻲ ﻋﻠﻰ ﺧﻴﺮ

ﺩﻭﺭﺕ ﻭﺟﻬﻲ ﻭﻣﺎﺣﺴﻴﺖ ﺑﺮﺍﺳﻲ ﺇﻣﺘﻰ ﻗﻄﻌﺖ ... ﻭﺍﺧﺎ ﻛﺎﻥ ﺍﻟﺒﺮﺭﺭﺩ ﻭﻟﻜﻦ ﺍﻟﻌﻴﺎ ﻛﺎﻥ ﻻ ﻳﻮﺻﻒ

ﻃﻠﻊ ﺻﺒﺎﺡ ﻭﺑﺪﺍﺕ ﺍﻟﺸﻤﺶ ﺗﺸﺮﻕ ﻭﺍﻧﺎ ﺗﺠﻤﺪﺕ ﺑﺎﻟﺒﺮﺩ .. ﺃﻭﻝ ﻣﺮﺓ ﻧﻌﺲ ﺑﺮﺍ .. ﺗﺎ ﺣﺴﻴﺖ ﺑﺤﻼﻗﻤﻲ ﺗﻨﻔﺨﻮ .. ﺍﻟﻠﻪ ﻳﺎﺧﺪ ﺍﻟﺤﻖ ﻓﻠﻲ ﻛﺎﻥ ﺣﻴﻠﺔ ﻭﺳﺒﺎﺏ .. ﻧﻀﺖ ﻗﺎﺩﻳﺖ ﺍﻟﺠﻠﺴﺔ ﻭﺑﺪﻳﺖ ﻧﺪﻳﺮ ﺩﻳﻤﺎﺭﻱ ﻭﻟﻤﻴﺰﺍﺟﻮﻍ ﺑﺎﺵ ﻧﺘﻔﻜﺮ ﺃﺵ ﻭﻗﻊ ﻭﻧﻘﺎﺩ ﺍﻟﻤﺠﺎﺝ .. ﻭﻟﻜﻦ ﻫﺎﺩ ﺍﻷﺧﻴﺮ ﺣﻠﻒ ﻭﻻ ﻳﺘﻘﺎﺩ ... ﻭﺑﺎﻟﺨﺼﻮﺹ ﻣﻠﻲ ﺯﺍﻫﻴﺔ ﻏﺎﺩﺓ ﺟﺎﻳﺎ ﻓﻮﻕ ﺭﺍﺳﻲ .. ﺑﺎﻳﻨﺔ ﻋﻠﻴﻬﺎ ﻛﺎﻋﻴﺔ ﻭ ﻛﺎﻉ ﻣﺪﺍﻗﺖ ﻧﻌﺎﺱ ﻭﻻ ﺷﺎﻓﺘﻮ .. ﻭﺃﺧﻴﺮﺍ ﺟﺎ ﻟﻴﺤﺪﻫﻢ ﻟﻴﻬﺎ

- ‏( ﻛﻨﺘﻔﻮﻩ ‏) ﺯﺍﻫﻴﺔ ﻭﺍﺍﺍ ﺯﺍﻫﻴﺔ ﺗﻲ ﺟﻠﺴﻲ ﺍﻷﺭﺽ ﺩﻭﺧﺘﻴﻨﻲ

- ﺳﻜﺘﻴﻨﺎ ﺧﻠﻴﻨﻲ ﻧﻔﻜﺮ

- ﻋﻠﻰ ﺍﻧﺖ ﺃﺯﺍﻫﻴﺔ ﻋﻨﺪﻙ ﺷﻲ ﻋﻘﻞ ﺑﺎﺵ ﺗﻔﻜﺮﻱ .. ﻋﺎﻳﺸﺔ ﻓﺪﻳﻮﺭ ﻧﺎﺱ ﻭﻣﻌﻴﺸﺔ ﻣﻌﺎﻙ ﺟﻨﻮﻥ ﻣﻦ ﺍﻟﻔﻮﻕ .. ﻭﺍﺵ ﻣﺎﻓﺨﺒﺎﺭﻛﺶ ﺃﺯﺍﻫﻴﺔ ﺑﻠﻲ ﻟﻤﻐﻄﻲ ﺑﺪﻳﺎﻝ ﺍﻟﻨﺎﺱ ﻋﺮﻳﺎﻥ ﻭﻫﺎﻧﺘﻲ ﺗﻌﺮﻳﺘﻲ .. ﺃﺟﻲ ﺷﻔﺖ ﺩﺍﻙ ﺧﻮﻧﺎ ﻓﺎﻟﻠﻪ ﺑﺎﻗﻲ ﻣﻜﺴﻞ ﻓﺎﻟﺪﺍﺭ ﻣﺎﻏﻮﺕ ﻣﺎ ﺧﺮﺝ ﻛﺎﻳﻔﺮﻛﻞ ﻛﻲ ﻗﻠﺘﻲ

- ﻗﻠﻴﻞ ﺍﻟﺤﻴﺎ .. ﻟﻴﻞ ﻛﻠﻮ ﻭﻫﻮ ﻃﺎﻟﻖ ﺍﻟﻘﺮﺁﻥ

- ﺩﺍﺧﻠﻨﺎ ﻋﻠﻴﻚ ﺑﺎﻟﻠﻪ ... ‏( ﺷﺪﺍﺗﻨﻲ ﻟﻬﻴﺴﺘﻴﺮﻳﺔ ﺩﻳﺎﻝ ﺍﻟﻀﺤﻚ ‏) ﻫﺎﻫﺎﻫﺎﻫﺎﻫﻴﻬﻴﻬﻴﻬﻴﻬﻮﻫﻮﻫﻮﻩ ... ﺣﻠﻔﻲ ﻫﻬﻬﻪ ﻭﻭﻟﺪ ﺍﻟﺤﺮﺍﻡ ﻛﺎﻋﻤﺎ ﺑﺎﻳﻨﺔ ﻓﻴﻪ ﻣﺴﻠﻢ .. ﻣﺸﻴــــــــــﺘﻲ ﺃﺯﺍﻫﻴﺔ ﻛﻔﺘﺔ ﻣﻜﻔﺘﺔ ﻭﺑﺎﻟﺒﺼﻠﺔ ﻣﺸﻠﻀﺔ ﻫﻬﻪ

- ﻭﺍﺵ ﺍﻧﺘﻲ ﻟﻲ ﻛﻀﺤﻜﻲ ﻭﻻ ﻣﻮﻛﺎ ﻟﻲ ﻛﺘﻔﺮﻧﺲ ... ﺷﻜﻮﻥ ﻗﺎﻟﻚ ﻣﺸﻴﺖ ﻓﻴﻬﺎ .. ﻣﺸﻜﻠﺔ ﻭﺣﺪﺓ ﻭﺣﻞ ﻭﺍﺣﺪ .. ﺍﻟﻘﺮﺁﻥ ﻟﻲ ﺣﺎﻣﻲ ﺑﻴﻪ ﺭﺍﺳﻮ .. ﻧﻜﻠﻌﻮﻩ ﻟﻴﻪ

- ﺯﺍﻫﻴﺔ ؟؟ ﻣﺎﻳﺴﺤﺎﺑﻨﻴﺶ ﺭﺍﻙ ﻛﺎﻓﺮﺓ .. ﻃﺤﺘﻲ ﻣﻦ ﻋﻴﻨﻲ ﻭﺍﻟﻠﻪ ﺍﻟﻘﺴﻢ

- ﻫﺎﺩﻳﻚ ﺍﻟﺪﺍﺭ ﺭﺍﻩ ﻋﺸﺖ ﻓﻴﻬﺎ ﺣﻴﺎﺗﻲ ﻛﺎﻣﻠﺔ ... ﻭﻣﺎﻳﺠﻴﺶ ﻭﺍﺣﺪ ﻣﺎﻋﺮﻓﺖ ﻣﻨﻴﻦ ﻳﺠﺮﻱ ﻋﻠﻴﺎ ﻣﻨﻬﺎ ﻭﻫﻮ ﻋﻨﺪﻭ ﺍﻟﻐﺮﻕ ﺩﻳﺎﻝ ﺩﻳﻮﺭ

- ﺣﻠﻔﻲ ﺑﺎﻟﻠﻪ ؟؟ ﺷﺤﺎﻝ ؟ ﺷﺤﺎﻝ ؟ ﻳﺦ ﺟﺒﺪﺕ ﻣﻌﺎﻩ ﺍﻟﻌﻴﺐ ﻣﻦ ﻟﻮﻝ ﺃﺵ ﺩﺍﻧﻲ ﺗﻔﻮ ﺃﺵ ﻫﺎﺩ ﺍﻟﺰﻫﺮ .. ﻛﻦ ﻏﻴﺮ ﺧﻠﻴﺘﻮ ﻳﻘﻄﻊ ﻟﺴﺎﻧﻲ ﻋﻠﻰ ﻫﺎﺩ ﺍﻟﺸﻤﺘﺔ

- ‏( ﺑﺤﺎﻻ ﺿﺮﺑﺎﺕ ﻟﻴﻬﺎ ﻃﺮﻥ ﻓﺮﺍﺱ ‏) ﺩﻧﻴﺎ ؟

- ‏( ﻣﻦ ﻃﺮﻳﻘﺔ ﺑﺎﺵ ﻗﺎﻟﺖ ﺳﻤﻴﺘﻲ ﺑﺎﻥ ﻟﻴﺎ ﺍﻟﻘﻀﻴﺔ ﻓﻴﻬﺎ ﺇﻥ ‏) ﻣﺴﺎﻓﺮﺓ .. ﺧﺎﺭﺝ ﺍﻟﺘﻐﻄﻴﺔ

- ﺩﻧﻴﺎ ؟ ﻏﺎﺗﻤﺸﻲ ﻣﻊ ﺍﻟﺒﺎﻫﻴﺔ ﻭﺣﻴﺖ ﻫﻲ ﺟﻨﻴﺔ ﻣﺎﺗﻘﺪﺭﺵ ﺗﺴﺮﻕ ﺍﻟﻘﺮﺁﻥ ﻭﻟﻜﻦ ﺍﻧﺖ ﻣﻦ ﺍﻹﻧﺲ ﺗﻘﺪﺭﻱ ﺩﻳﺮﻳﻬﺎ

- ﻫﻬﻬﻬﻪ ﻻ .. ﻛﺘﺤﻠﻤﻲ ﺑﻠﻮﺍﻥ

- ﻳﺎﻙ ﺍﺑﻨﻴﺘﻲ ﺃﺩﻧﻴﺎ .. ﻭﻟﻴﺘﻲ ﺗﺮﺩﻱ ﻋﻠﻴﺎ ﺍﻟﻬﻀﺮﺓ .. ﻭﺍﺵ ﺑﻐﺎﻧﺎ ﻧﺒﻘﺎﻭ ﻧﺒﺎﺗﻮ ﻓﺎﻟﺨﻼ ﻭﺍﻟﺒﺮﺩ

- ﻭﺍﺧﺎ ﻧﺪﻳﻚ ﻋﻠﻰ ﻋﻘﻠﻚ .. ﻫﺎﺣﻨﺎ ﺳﺮﻗﻨﺎ ﺍﻟﻘﺮﺁﻥ .. ﻏﺎﻳﻤﺸﻲ ﻳﺠﻴﺐ ﻭﺍﺣﺪ ﺟﺪﻳﺪ ﺃﻟﻤﻄﻴﻮﺭﺓ

- ﻣﺎﺩﺍﻡ ﻣﻐﺎﻳﻠﻘﺎﺵ ﺍﻟﻘﺮﺁﻥ .. ﻏﺎﻳﻘﻮﻝ ﺑﻠﻲ ﺧﺪﺍﻭﻩ ﺟﻨﻮﻥ .. ﻭﻛﻞ ﻣﺮﺓ ﺷﺮﺍﻩ ﻏﺎﻳﺎﺧﺪﻭﻩ .. ﻭﻫﻮ ﻣﺎﺷﻲ ﻣﻜﻠﺦ ﺑﺤﺎﻟﻚ ﻳﺒﻘﻰ ﻳﺪﻭﺭ ﻓﺪﻭﺍﺭﺓ ﺧﺎﻭﻳﺔ .. ﻭﻳﺎﻻﻩ ﺟﻤﻌﻲ ﺍﻟﻮﻗﻔﺔ ﻭﺳﻴﺮﻱ ﻣﻊ ﺍﻟﺒﺎﻫﻴﺔ ﺗﻮﺭﻳﻚ ﻓﻴﻦ ﺣﺎﻃﻮ

- ﻻ ﺍﻧﺖ ﺑﺎﻏﺎ ﻓﻴﺎ ﺍﻟﺨﺪﻣﺔ ﻭﺍﺵ ﻣﻜﺎﻓﺎﻛﺶ ﺟﻨﻮﻧﻚ ﻳﻀﺮﺑﻮﻧﻲ ﻋﺎﺩ ﻧﺰﻳﺪ ﻋﻠﻴﻬﺎ ﺩﺍﻙ ﻃﻴﺮﺓ ﺑﻘﺮ ﺇﻟﻰ ﺣﺼﻠﻨﻲ ..

- ﺇﻟﻰ ﻣﺸﻴﺘﻲ ﻋﻤﺮ ﺟﻨﻮﻧﻲ ﻣﺎﻳﺤﻄﻮ ﻋﻠﻴﻚ ﻳﺪﻳﻬﻢ .. ﻭﻫﺎﺩﻱ ﻛﻠﻤﺔ ﺯﺍﻫﻴﺔ

- ﺣﻠﻔﻲ ؟؟

- ﻭﺍﺣﻖ ﻣﻮﻻﻧﺎ .. ﺇﻳﻮﺍ ﺃﺵ ﻗﻠﺘﻲ

- ﻭﺍﺧﺎ ﻣﺸﺎﺕ .. ﻳﺎﺭﺑﻲ ﺗﺴﻤﺢ ﻟﻴﺎ ﻭﺗﻌﻔﻮ ﻋﻠﻴﺎ ﻣﻦ ﻫﺎﺩ ﺷﺎﺭﻓﺔ ﻭﺩﺍﻙ ﺍﻟﻤﻘﻮﺑﻊ

- ﺃﺷﻘﻠﺘﻲ ؟؟

- ﻋﻠﻰ ﺑﺮﻛﺔ ﺍﻟﻠﻪ ..

ﻛﺎﻧﺖ ﺍﻟﺒﺎﻫﻴﺔ ﻭﺍﻗﻔﺔ ﺑﻌﻴﺪ .. ﻣﺸﻴﺖ ﻟﺠﻬﺘﻬﺎ ﻭﺑﻘﺎﺕ ﻫﻲ ﻏﺎﺩﺓ ﻭﺍﻧﺎ ﺗﺎﺑﻌﺎﻫﺎ ﺿﺮﻧﺎ ﻣﻦ ﻟﻮﺭ ﺩﻳﺎﻝ ﺩﺍﺭ .. ﻭﻣﺸﻴﻨﺎ ﻛﻨﺘﺴﻠﺘﻮ .. ﻭﻟﻜﻦ ﻫﻲ ﺑﻨﺖ ﺍﻟﺤﺮﺍﻡ ﻛﺪﺧﻞ ﻓﺎﻟﺤﻴﻮﻃﺔ ﻭﺩﺍﻙ ﺍﻟﻔﺮﺍﻗﺶ ﻋﻨﺪﻫﺎ ﻛﺎﻳﻄﻴﺮﻭ ﺑﻬﺎ ﺃﻣﺎ ﺃﻧﺎ ﻏﻴﺮ ﺍﻟﺤﺠﺮ ﻛﻨﺰﻟﻖ ﻓﻴﻪ .. ﻣﻬﻢ ﺑﻌﺪ ﻋﻨﺎﺀ ﻃﻮﻳﻞ ﺩﺧﻠﻨﺎ ﻣﺎﺑﺎﻥ ﻟﻴﻨﺎ ﺗﺎﺣﺪ ﻓﺪﺍﺭ .. ﻭﻗﻔﺎﺕ ﻟﻴﺎ ﺍﻟﺒﺎﻫﻴﺔ ﻗﺪﺍﻡ ﺑﻴﺘﻲ ﻭﻋﺮﻓﺖ ﺑﻠﻲ ﻫﻮ ﻟﻲ ﻓﻴﻪ ﺍﻟﻘﺮﺁﻥ .. ﺩﺧﻠﺖ ﻟﻴﻪ ﻛﺎﻥ ﻛﻴﺨﻨﻖ ﺑﺮﻳﺤﺔ ﺩﻳﺎﻝ ﺭﺟﺎﻝ .. ﺑﺎﻟﺤﻖ ﺯﻭﻳﻨﺔ ‏( ﺃﺟﻲ ﺗﺸﻮﻑ ﻳﺎ ﺃﺑﺘﻲ ﻭﺍﻟﻠﻪ ﻋﻠﻰ ﻫﺎﺩ ﺭﻳﺤﺔ ﺧﺼﻚ ﺗﺼﻮﻡ ﺳﺘﺔ ﺃﺷﻬﺮ ﻣﺘﺘﺎﺑﻌﺔ ‏) ﺑﺪﻳﺖ ﻛﻨﺸﻢ ﻭﻧﺘﺒﻨﻦ ﻣﻠﻲ ﻛﻨﺘﻔﻜﺮ ﻫﺮﺳﺖ ﻟﻴﻪ ﺣﻠﻮﻓﻮ .. ﻣﻦ ﺑﻌﺪ ﺍﻹﺳﺘﻤﺘﺎﻉ .. ﺑﺪﻳﺖ ﺍﻟﺨﺪﻣﺔ ﻛﺎﻥ ﻟﻤﻮﻧﻄﻮ ﺩﻳﺎﻟﻮ ﻣﺤﻄﻮﻁ ﻋﻠﻰ ﺍﻟﺒﻮﻧﺠﺔ ﻟﻲ ﺷﺤﺎﻝ ﻭﺍﻧﺎ ﻧﺸﻤﺶ ﻓﻴﻬﺎ .. ﻫﺰﻳﺘﻮ ﺑﺪﻳﺖ ﻛﻨﻘﻠﺒﻮ ﻣﺎﻟﻘﻴﺖ ﻓﻴﻪ ﻏﻴﺮ ﺷﻲ ﺣﺎﺟﺔ ﻫﺰﻳﺘﻬﺎ ﻭﺧﺸﻴﺘﻬﺎ ﺑﺰﺭﺑﺔ ﻓﺠﻴﺒﻲ ﻭﻟﺤﺖ ﺍﻟﻤﻮﻧﻄﻮ ﺑﺰﺭﺑﺔ ﻣﻦ ﺑﻌﺪ ﻣﺎﺑﺎﻥ ﻟﻴﺎ ﺍﻟﻘﺮﺁﻥ ﻣﺤﻄﻮﻁ ﻓﻮﻕ ﺍﻟﻔﻴﺘﺮﻳﻨﺎ .. ﻳﺎﻻﻩ ﺑﻐﻴﺖ ﻧﺎﺧﺪﻭ ﻭﺃﻧﺎ ﻧﺴﻤﻊ ﺷﻲ ﺻﻮﺕ ﻣﻦ ﻟﻮﺭ · · ·

ﺃﺵ ﻛﺎﺩﻳﺮﻱ ﻫﻨﺎ ﺃﺩﺍﻙ ﻟﺒﻌﻠﻮﻛﺔ ؟

ﺩﺭﺕ ﻋﻨﺪﻭ ﻧﺺ ﺩﻭﺭﺓ ﻛﺎﻥ ﻭﺍﻗﻒ ﻋﺮﻳﺎﻥ ﻻﺑﺲ ﻏﺎﺷﻮﺭﻁ ﻭﺍﻗﻠﺔ ﻛﺎﻥ ﻛﻴﻌﻮﻡ ﻓﺎﻟﺒﻴﺮ ﻳﻊ ﻣﻘﺰﺯ .. ﺩﺭﺕ ﻓﻴﻬﺎ ﺑﻨﺖ ﺩﺍﺭﻧﺎ

- ﻫﻴﻴﻴﻴﻴﻴﻴﻴﻴﻴﻴﻴﻲ ﻣﺎﻣﺎ ﻭﻳﻠﻲ ﻭﻳﻠﻲ .. ﻋﺮﻳﺎﻥ ﻟﺒﺲ ﻋﻠﻴﻚ ﺃﻟﻮﻳﻞ ﺷﻲ ﺣﺎﺟﺔ .. ﺭﺍﻧﻲ ﺑﺎﻗﺎ ﻣﺎﺩﻣﻮﺯﻳﻞ

ﻋﺎﺩ ﺗﻔﻜﺮ ﺭﺍﺳﻮ ﻭﻣﺸﺎ ﻫﺰ ﺍﻟﻤﻮﻧﻄﻮ ﻭﺃﻧﺎ ﺩﺭﺕ ﺍﻟﻘﺮﺁﻥ ﻣﺎﺑﻴﻦ ﺣﻮﺍﻳﺠﻲ ﺑﺰﺭﺑﺔ ﻭﺩﺭﺕ ﻋﻨﺪﻭ ﺑﻜﻞ ﺑﺮﺍﺀﺓ

- ﺍﺣﻢ

- ﺃﺵ ﺳﺮﻗﺘﻲ ؟؟

- ﺃﻧﺎ ؟؟؟ ﻻﺍﺍﺍﺍﺍﺍ ... ﻣﺎﺳﺮﻗﺖ ﻭﺍﻟﻮ .. ﻫﻮ ﺻﺮﺍﺣﺔ ﺻﺮﺍﺣﺔ ﺳﺮﻗﺖ ﻏﻴﺮ ﺷﻲ ﺣﺎﺟﺔ ﺩﻳﺎﻝ ﻟﺒﻨﺎﺕ ... ﻛﻲ ﺷﻔﺘﻲ ﺍﻧﺖ ﻟﺒﺎﺭﺡ ﺟﻴﺘﻲ ﻋﻠﻰ ﻏﻔﻠﺔ .. ﻭﻧﺴﻴﺖ ﺩﺍﻛﺸﻲ ﻭﺟﻴﺖ ﻟﻴﻮﻣﺎ ﻧﺪﻳﻪ ﻭﻧﻤﺸﻲ ﺑﺤﺎﻟﻲ ﺻﺎﺍﺍﻓﻲ

- ﻭﺷﻨﻮ ﻫﻲ ﻫﺎﺩ ﺍﻟﺤﺎﺟﺔ ؟

- ﺷﻲ ﺣﺎﺟﺔ ﺩﻳﺎﻝ ﻟﺒﻨﺎﺕ ﻭﻛﺎﻥ ‏( ﺗﺰﻧﻜﺖ ﻣﻦ ﺍﻟﺨﻠﻌﺔ ﻭﻫﻮ ﻳﺴﺤﺎﺑﻮ ﻣﻦ ﺍﻟﺤﺸﻤﺔ ‏)

- ﻭﺍﺧﺎ ﻫﻜﺎﻙ ﻧﻘﻠﺒﻚ ﻋﺎﺩ ﺗﻤﺸﻲ .. ﺣﻴﺖ ﺭﺍﻛﻲ ﺑﻨﺖ ﺷﺎﺭﻓﺔ ﻭﻗﻠﺐ ﺍﻟﺒﺮﻣﺔ ﻋﻠﻰ ﻓﻤﻬﺎ ﻃﻠﻊ ﺍﻟﺒﻨﺖ ﻛﺎﺗﺸﺒﻪ ﻟﻤﻬﺎ

- ﻻ ﺃﻧﺎ ﻣﺎﺷﻲ ﺑﺤﺎﻟﻬﺎ ... ﺃﻧﺎ ﻣﻌﺎﻙ ﺩﺍﺭ ﺩﺍﺭﻙ ﻭﺑﺴﻤﻴﺘﻚ ﻭﻣﻦ ﺣﻘﻚ .. ﻭﺃﻱ ﻭﺍﺣﺪ ﺑﻼﺻﺘﻚ ﻣﺎﻳﺒﻐﻴﺶ ﺷﻮﺍﻓﺔ ﻭﺷﻴﺎﻃﻴﻨﻬﺎ ﺍﻟﻤﻠﻌﻮﻧﻴﻦ ﻳﺴﻜﻨﻮ ﻓﻴﻬﺎ .. ﻭﺍﺧﺎ ﻳﻌﺮﻑ ﻳﺮﻳﺒﻬﺎ ﻭﻣﺎ ﻳﺪﻳﺶ ﺍﻟﺴﻴﺌﺔ ﺍﻟﺠﺎﺭﻳﺔ ﻣﻦ ﻣﻮﺭﺍﻫﺎ

- ﻫﻪ :o ﺯﻋﻤﺔ ﺭﺍﻫﺎ ﻣﻚ ﻻ !!!! ؟؟

- ﺃﻩ ﻣﻲ ﻭﻟﻜﻦ ﺍﻟﺤﻖ ﺭﺍﻩ ﺣﻖ ﻭﺍﺧﺎ ﻳﻜﻮﻥ ﻓﺮﺍﺱ ﺣﻤﻖ .. ﻭﺯﺍﻳﺪﻭﻥ ﻣﻜﺎﻳﺸﺮﻓﻨﻴﺶ ﻫﺎﺩﻳﻚ ﺗﻜﻮﻥ ﻣﻲ ... ﻋﺎﻓﺎﻙ ﻋﻨﺪﺍﻙ ﺗﺮﺟﻌﻬﺎ ﺗﺴﻜﻦ ﻫﻨﺎ .. ﺷﻮﻑ ﻏﻴﺮ ﻛﻲ ﺭﺟﻌﺎﺕ ﻟﻴﺎ ﺣﺎﻟﺘﻲ .. ﺷﻮﻑ ﻭﺟﻬﻲ ﻛﻠﻮ ﻣﺨﻀﺮ ﻭﻣﺰﺭﻕ .. ﺩﻳﻤﺎ ﻣﻌﺪﻳﺔ ﻋﻠﻴﺎ ﻭﻣﻜﺮﻓﺴﺔ ﻋﻠﻴﺎ .. ﺗﺨﻴﻞ ﺍﻧﺎ ﻋﻨﺪﻱ 24 ﻋﺎﻡ ﻭﺗﺎﺣﺪ ﻋﻤﺮ ﻣﺎﻋﺘﺐ ﺑﺎﺑﻨﺎ ﻳﺨﻄﺒﻨﻲ .. ‏( ﻏﺎﺩﺓ ﻛﻨﻘﺮﺏ ﻟﺠﻬﺘﻮ ‏) ﻋﻤﺮﻱ ﻫﻀﺮﺕ ﻣﻊ ﺷﻲ ﺭﺍﺟﻞ ﺑﺤﺎﻝ ﻫﻜﺎ .. ﻭﺯﻭﻳﻦ ﻫﻜﺎ .. ﻭﻋﻤﺮ ﺷﻲ ﺭﺍﺟﻞ ﺷﺎﻑ ﻓﻴﺎ ﺑﺤﺎﻝ ﻫﻜﺎ .. ﻭﻋﻄﺎﻧﻲ ﻭﻗﺖ ﻫﺎﻛﺎ .. ﺍﻧﺖ ﺃﻭﻝ ﺭﺍﺟﻞ ﻭﺣﺎﺳﺔ ﺑﻠﻲ ﺃﺧﺮ ﺭﺍﺟﻞ ﻫﻜﺎ .. ‏( ﻫﻨﺎ ﻭﺻﻠﺖ ﻟﻴﻪ ‏) ﺍﻷﺥ ﻣﺰﻭﺝ ؟؟

- ‏( ﺭﺟﻊ ﺑﺨﻄﻮﺓ ﻟﻮﺭ ‏) ﺑﻌﺪﻱ ﻣﻨﻲ ﺑﻌﺪﻱ ﺑﻌﺪﻱ

- ‏( ﺑﺪﻳﺖ ﻛﻨﺘﺒﻮﺣﻂ ﻭﺩﺍﻳﺮﺓ ﻓﻴﻬﺎ ﻣﺤﺮﻭﻣﺔ ‏) ﺷﻮﻑ ﺃﻧﺎ ﺭﺍﻩ ﺯﻭﻳﻨﺔ ﻭﺧﺎ ﻫﺎﺩ ﻟﻜﻤﺎﺕ ﻭﻟﻜﺪﻣﺎﺕ

- ﻻ ﺑﺎﺍﺍﻳﻨﺔ

- ﻭﻗﻠﺒﻲ ﺻﺎﻓﻲ ﻭﺑﻴﺾ ﻛﻲ ﺍﻟﺤﻠﻴﺐ .. ﻫﺎ ﻭﻧﻘﺪﺭ ﻧﻮﻟﺪ ﻣﻦ ﻋﺸﺮﺓ ﺍﻟﻔﻮﻕ .. ﻏﺎﺟﺮﺑﻨﻲ

- ﺑﻘﺮﺓ ﺻﺎﻓﻲ .. ﻻ .. ﻻ ... ﺧﺮﺟﻲ ﻋﻠﻴﺎ ﻣﻦ ﺩﺍﺭﻱ

- ﻭﺍﺧﺎ ﻫﺎﻫﻲ ﺧﺎﺭﺟﺔ .. ﻭﻋﻘﻞ ﻓﻴﻬﺎ ﻭﻣﺎﺗﻨﺴﺎﺵ ﺗﻔﻜﺮ ﻓﻴﺎ *:

ﻳﺎﻻﻩ ﻭﺻﻠﺖ ﺍﻟﺒﺎﺏ ﻭﺑﺪﺍ ﺗﻠﻴﻔﻮﻥ ﻛﺎﻳﺼﻮﻧﻲ ﺑﺪﺍ ﻛﻴﻘﻠﺐ ﻓﺠﻴﺎﺑﻮ .. ﻭﻟﻜﻦ ﺻﻮﺕ ﻟﻸﺳﻒ ﻛﺎﻥ ﺟﺎﻱ ﻣﻦ ﻋﻨﺪﻱ ﻋﻠﻰ ﻣﺎﺟﺎ ﻳﻬﺰ ﺭﺍﺳﻮ ﻟﻘﺎ ﻏﺎﺭﻳﺢ ... ﺗﺒﻌﻨﻲ ﻭﻟﻜﻦ ﻛﺎﻥ ﻓﺎﺭﻕ ﺗﻮﻗﻴﺖ ﻣﺎﺷﻲ ﻣﻦ ﺻﺎﻟﺤﻮ .. ﻭﺑﻠﺨﺼﻮﺹ ﻭﺃﻧﺎ ﺩﺍﻳﺮﺓ ﻛﻲ ﺯﻭﺍﻕ .. ﻣﺎ ﻭﻗﻔﺖ ﺗﺎ ﻭﺻﻠﺖ ﻋﻨﺪ ﺯﺍﻫﻴﺔ .. ﻋﻄﻴﺘﻬﺎ ﺍﻟﻘﺮﺁﻥ ﻭﻛﻤﻠﺖ ﺍﻟﺠﺮﻱ ﺗﺎ ﻟﻮﺍﺣﺪ ﺍﻟﻌﻮﻳﻨﺔ ﺭﻭﻳﺖ ﻣﻨﻬﺎ ﻋﻄﺸﻲ ﻭﺟﻠﺴﺖ ﻛﻨﺮﺗﺎﺡ ﻭﻛﻨﻌﻨﻖ ﻭﻧﺒﻮﺱ ﻓﺘﻠﻴﻔﻮﻥ ﻟﻲ ﺷﻔﺮﺕ .. ﺍﻟﻠﻪ .. ﻭﺍﺧﺎ ﻫﻮ ﻟﻲ ﺧﺮﺝ ﻋﻠﻴﺎ ﻭﻟﻜﻦ ﺑﻠﻴﺘﻮ ﺑﺎﻗﺎ ﻓﻴﺎ ... ﺍﻟﻐﺒﻲ ﻣﻜﺎﻧﺶ ﺩﺍﻳﺮ ﻟﻴﻪ ﺍﻟﻜﻮﺩ .. ﻭﺣﺘﻰ ﻛﻦ ﻛﺎﻥ ﺩﺍﻳﺮﻭ ﻧﻔﻮﺭﻣﺎﻃﻴﻪ .. ‏( ﺍﺧﺘﺼﺎﺹ ﺍﻟﺤﺮﺍﻣﻴﺔ ‏) .. ﺭﻛﺒﺖ ﻧﻤﺮﺓ ﻣﺎﻣﺎ ﻭﺑﺪﻳﺖ ﻛﻨﺼﻮﻧﻲ ﻭﻟﻜﻦ ﺗﺎ ﺣﺪ ﻣﻜﺎﻳﺠﺎﻭﺏ ﺩﺍﻙ ﺍﻟﺤﻤﺎﺱ ﻟﻲ ﻛﺎﻥ ﻓﻴﺎ ﻣﺸﺎ ﺑﻐﻴﺖ ﻧﺼﻮﻧﻲ ﻋﻠﻰ ﺍﻟﻮﺍﻟﻴﺪ ﺧﻔﺘﻮ ﻳﺠﻲ ﻫﺎﺩ ﺍﻟﻤﺮﺓ ﻳﻨﻔﻴﻨﻲ ﻟﻠﺪﺍﺭ ﺍﻷﺧﺮﺓ ... ﺩﺯﺕ ﺑﻐﻴﺖ ﻧﺤﻞ ﺍﻟﻔﺎﻳﺲ ﻭﻟﻜﻦ ﻣﻜﺎﻧﺶ ﻓﺘﻴﻠﻴﻔﻮﻥ ﺍﻟﻜﻮﻧﻴﻜﺴﻴﻮﻥ .. ﺗﻔﻮ ﺗﻠﻴﻔﻮﻥ ﻟﻲ ﺑﻼ ﻛﻮﻧﻴﻜﺲ ﻛﻲ ﺍﻟﺠﺴﺪ ﺑﻼ ﺭﻭﺡ .. ﺩﺧﻠﺖ ﻟﺘﺼﺎﻭﺭ ﻛﺎﻧﻮ ﻏﻴﺮ ﺷﻲ ﻋﺸﺮﺓ ﻛﻠﻬﻢ ﻓﻴﻬﻢ ﻏﺎﻭﺟﻬﻮ ﺍﻟﻤﻌﺒﺲ .. ﻧﻀﺖ ﻣﺤﻴﺘﻬﻢ ﻛﺎﻣﻠﻴﻦ ... ﻭﺑﺪﻳﺖ ﻛﺎﻧﻮﺭﻳﻪ ﻛﻲ ﻓﺎﺵ ﻛﺎﻳﺘﺼﻮﺭﻭ ﻧﺎﺱ .. ﻭﻛﻴﻔﺎﺵ ﺳﻠﻔﻲ ﻛﺎﻳﻜﻮﻥ .. ﺿﺮﺑﺖ ﺃﺯﻳﺪ ﻣﻦ ﻣﺎﺋﺘﺎﻥ ﺳﻠﻔﻲ ﻛﻠﻬﻢ ﺑﺒﻮﺯ ﺗﺸﻴﻴﻴﻴﻴﻲ ﻭ ﺧﺒﻴﻴﻴﻴﻴﺰ ﻭﻣﻌﻨﻮﻭﻭﻭﻭﻭﻭﻭﻭﻭﺱ .. ﺳﺎﻟﻴﺖ ﻣﻦ ﺳﻠﻔﻴﺎﺕ ﻭﺗﺒﻘﺸﻴﺶ ﻭﺭﺟﻌﺖ ﻋﻨﺪ ﺯﺍﻫﻴﺔ ﻟﻲ ﻟﻘﻴﺘﻬﺎ ﻛﺪﻭﺭ ﻛﻲ ﻟﺤﻤﻘﺔ

- ﻓﻴﻦ ﻛﻨﺘﻲ ؟؟

- ﻓﺎﻟﻌﻴﻦ ﻛﻨﺸﺮﺏ ..

- ﻋﻼﺵ ﺳﺮﻗﺘﻲ ﻟﻴﻪ ﺗﻠﻴﻔﻮﻥ

- ﺩﻏﻴﺎ ﻭﺻﻠﻮﻫﺎ ﻟﻴﻚ .. ﻭﺍﻧﺖ ﻣﺎﻟﻚ ؟؟

- ﻭﺍﺵ ﺃﻧﺎ ﻗﻠﺖ ﻟﻴﻚ ﺳﺮﻗﻲ ﻟﻴﻪ ﺍﻟﻘﺮﺁﻥ ﻭﻻﺷﺮﻱ ﻟﻴﻨﺎ ﺍﻟﻌﺪﺍﻭﺓ ﻣﻌﺎﻩ

- ﻳﺎﻙ ﺍﻟﻘﺮﺁﻥ ﻫﺎﻧﺎ ﺳﺮﻗﺘﻮ .. ﺇﻳﻮﺍ ﺩﺑﺎ ﺟﻨﻮﻧﻚ ﻳﺪﻳﺮﻭ ﺧﺪﻣﺘﻬﻢ .. ﻓﺎﺵ ﺗﻬﻤﻚ ﺍﻟﻌﺪﺍﻭﺓ ﻭﻻ ﺍﻟﻤﺤﺒﺔ ﻣﻌﺎﻩ .. ﻭﺯﺍﻳﺪﻭﻥ ﺍﻟﺘﻠﻴﻔﻮﻥ ﺷﻔﺮﺗﻮ ﻻ ﻳﻜﻮﻥ ﺩﺍﻳﺮ ﻓﻴﻪ ﺍﻟﻘﺮﺁﻥ .. ﻣﺎﻛﺘﻔﻜﺮﻳﺶ ﺑﻌﻴﻴﻴﺪ ﺗﻌﻠﻤﻲ ﻣﻦ ﻻﻻﻙ ﺩﻧﺪﻭﻧﺔ

- ﺗﻔﻮ ﺟﻮﺝ ﻣﺼﻴﺒﺎﺕ ﻓﺴﻴﻤﺎﻧﺔ ﻭﺣﺪﺓ .. ﻣﺎﻋﺮﻓﺖ ﺃﺵ ﺩﺭﺕ ﻓﺤﻴﺎﺗﻲ

- ﻣﺎﻻ ﻳﻌﺪ ﻭﻻ ﻳﺤﺼﻰ .. ﺯﺍﻫﻴﺔ ؟؟ ﻭﺍﺵ ﻣﺎﻗﺪﻳﺘﻴﺶ ﻋﻠﻴﻪ ؟ ﺍﻋﺘﺎﺭﻓﻲ

- ﺍﻟﺒﺎﻫﻴﺔ ﻗﺎﻟﻚ ﻋﺠﺒﻬﺎ ﻭﻣﺎﻧﺎﻭﻳﺎﺵ ﺗﺠﺮﻱ ﻋﻠﻴﻪ .. ﻭﺍﻧﺎ ﻣﺎﻧﻘﺪﺭ ﻧﺪﻳﺮ ﺗﺎ ﺣﺎﺟﺔ ﺑﻼ ﺑﻴﻬﺎ

- ﺃﺷﻨﻮ ؟؟ ﻫﻬﻬﻬﻬﻬﻬﻬﻬﻬﻬﻬﻪ

ﺷﺪﻳﺖ ﻛﺮﺷﻲ ﻭﺑﺪﻳﺖ ﻛﻨﺘﻔﺮﺷﺦ ﺑﺎﻟﻀﺤﻚ .. ﻭﻟﻜﻦ ﻣﺎﻃﻮﻟﺘﺶ ﻣﻠﻲ ﺷﻔﺖ ﺍﻟﺒﺎﻫﻴﺔ ﻣﺤﻤﺮﺓ ﻓﻴﺎ ﻋﻴﻨﻴﻬﺎ

- ﺍﺣﻢ ﻻ ﻫﻮ ﺻﺮﺍﺣﺔ ﻣﺎﺑﻴﻬﺶ .. ﻛﻦ ﺷﻔﺘﻲ ﺃﺯﺍﻫﻴﺔ ﻣﻠﻲ ﻟﻘﻴﻨﺎﻩ ﻋﺮﻳﺎﻥ ﻭﺍﻟﻌﻀﻼﺕ ﻭﺩﺍﻛﺸﻲ .. ﺃﺡ ﺃﻗﻠﺒﻲ ﺃﺥ .. ﻛﻦ ﻛﻨﺘﻲ ﻣﻌﺎﻧﺎ ﻋﻠﻢ ﺍﻟﻠﻪ ﺃﺵ ﺩﻳﺮﻱ .. ﺃﻧﺎ ﻭﺑﺰﺯ ﺑﺎﺵ ﺗﺤﻜﻤﺖ ﻓﺮﺍﺳﻲ ﺍﻣﺎ ﻛﻦ ..

- ﻛﻦ ﺷﻨﻮ ؟؟

- ﺃﻭﺩﻱ ﻟﻲ ﻛﻞ ﻣﻘﺎﻡ ﻣﻘﺎﻝ

ﺑﺪﻳﺖ ﻛﻨﻐﻤﺰﻫﺎ ﺑﻨﺺ ﻋﻴﻨﻲ ﻭﻧﻌﺾ ﻓﻔﻤﻲ ﺑﻠﻲ ﺭﺍﻧﻲ ﻏﻴﺮ ﻛﻨﻤﺸﻲ ﻋﻠﻰ ﻋﻘﻞ ﺍﻟﺒﺎﻫﻴﺔ .. ﺍﻣﺎ ﺍﻧﺎ ﻣﺎﻋﻨﺪﻱ ﺑﻴﻪ ﻏﺮﺽ ﻧﺎﻗﺼﻨﻲ ﻏﻴﺮ ﻫﻮ .. ﻛﺮﻳﻤﺔ ﺍﻟﻜﻮﺍﻓﻮﺭﺓ ﻋﻨﺪﻫﺎ ﻟﻌﻀﻼﺕ ﻛﺘﺮ ﻣﻨﻮ ﻭﺣﻨﻴﻦ ﻭﻟﺴﺎﻧﻮ ﻛﻲ ﺍﻟﻌﺴﻞ ﻭﺍﻷﻫﻢ ﻣﻦ ﺩﺍﻟﻚ ﺳﺨﻲ ﻣﺸﺒﻌﻨﻲ ﺭﻭﺷﺎﺭﺟﺎﺕ .

ﻣﺸﻴﺖ ﻛﻨﺘﺴﻠﺖ ﻟﺤﺪﺍ ﺩﺍﺭ ﻣﺎﻓﻴﺎ ﻟﻲ ﻳﺸﻮﻑ ﺩﺍﻙ ﺍﻟﻘﻨﺪﻭﺡ .. ﻭﺻﻠﺖ ﻟﺒﺎﺏ ﻭﺣﻄﻴﺖ ﻟﻴﻪ ﺗﻠﻴﻔﻮﻧﻮ ﻏﻴﺮ ﺑﺸﻮﻳﺔ ﺑﺎﺵ ﻓﺎﺵ ﻳﺨﺮﺝ ﻳﻠﻘﺎﻩ .. ﻭﻟﻜﻦ ﻛﻦ ﻛﺎﻥ ﻋﻨﺪﻱ ﺯﻫﺮ ﻛﻦ ﻛﺎﻉ ﻣﺎﻧﻮﺻﻞ ﻟﻬﻨﺎ .. ﻳﺎﻻﻩ ﺑﻌﺪﺕ ﺑﺠﻮﺝ ﺧﻄﻮﺍﺕ ﻭﺍﻧﺎ ﻧﺤﺲ ﺷﻲ ﺣﺪ ﺷﺪﻧﻲ ﻣﻦ ﺷﻌﺮﻱ ﻭﺟﺮﻧﻲ ﻟﻌﻨﺪﻭ

- ﻭﺍﻟﻠﻪ ﻟﻴﻮﻡ ﻣﺎ ﻳﻔﻜﻨﻲ ﻣﻨﻚ ﻏﻴﺮ ﻟﻲ ﺧﻠﻘﻚ .. ﻳﺎﺷﻔﺎﺭﺓ ﺑﻨﺖ ﺷﺎﺭﻓﺔ

- ﺁﻱ ﺃﻱ .. ﺭﺍﻩ ﺭﺍﺍﺍﺍﺍﻩ ﺗﻠﻴﻔﻮﻧﻚ ﻭﺍﻟﻠﻪ ﻣﺎﺷﻔﺮﺗﻮ

- ﻛﺬﺍﺑﺔ

- ﻭﺍﺷﻮﻑ ﺍﻟﻠﻪ ﻳﻌﻄﻴﻚ ﻟﻌﻤﻰ ‏( ﺯﺍﺩ ﺯﻳﺮ ﻟﻴﺎ ﻋﻠﻰ ﺷﻌﺮﻱ ‏) ﺃﺃ ﻟﻌﺰ ﺃﺃ ﺍﻟﻠﻪ ﻳﻌﻄﻴﻚ ﻟﻌﺰ .. ﺭﺍﻫﻮ ﺷﻮﻑ

- ﻋﻼﺵ ﺳﺮﻗﺘﻴﻪ ﻣﻠﻲ ﻧﺎﻭﻳﺔ ﺗﺮﺟﻌﻴﻪ ؟

- ﻭﺭﺍﻩ ﻳﺴﺤﺎﺑﻨﻲ ﺷﻜﻼﻁ ﺗﺎ ﺩﻳﺘﻮ ﻟﺰﺍﻫﻴﺔ ﻧﺪﻭﻗﻬﺎ ﻭﻫﻲ ﺗﻘﻮﻟﻴﺎ ﺭﺍﻩ ﺗﻠﻴﻔﻮﻥ

- ﻫﻬﻬﻪ ﻋﻠﻴﺎ ﺩﻳﺮﻳﻬﺎ .. ﻭﺍﺵ ﺑﻨﺖ ﻟﻲ ﻋﻨﺪﻱ ﻟﻜﺮﻭﻥ ؟؟

- ﻻ ﻏﻴﺮ ﻭﺩﻧﻴﻦ ﻣﻄﻮﺷﻴﻦ .. ﺃﻱ ﺃﺡ ,, ﻭﺭﺍﻧﻲ ﻏﺎﺑﻨﺖ ﺟﺒﻞ ﺑﺎﺵ ﻏﺎﻧﻌﺮﻑ

- ﺷﻜﻼﻁ ﻛﻴﺼﻮﻧﻲ ﺃﺑﻨﺖ ﺍﻟﺤﺮﺍﻡ

- ﻻ ﻭﻟﻜﻦ ﺭﺍﻩ ﺗﺨﻠﻌﺖ .. ﻭﺷﻜﻴﺖ ﻳﺨﺮﺟﻮ ﻣﻮﺍﻟﻴﻦ ﻟﻤﺪﻳﻨﺔ ﺷﻲ ﺷﻜﻼﻁ ﻛﻴﺼﻮﻧﻲ ﻳﺎﻙ ﺧﺮﺟﻮ ﺳﺒﺮﺩﻳﻼ ﻛﻀﻮﻱ

- ﺃﻫﺎﺍﺍﺍﻩ ﻛﺘﻌﺮﻓﻲ ﺳﺒﺮﺩﻳﻼ ﻟﻲ ﻛﻀﻮﻱ ﻭﻣﻜﺎﺗﻌﺮﻓﻴﺶ ﺗﻠﻴﻔﻮﻥ ﺃﺳﻠﺤﻔﺎﻧﺔ

- ﻻ ﻣﺎﺷﻲ ﻫﻜﺎﻙ ‏( ﻣﺎﻟﻘﻴﺖ ﻣﺎﻧﻘﻮﻝ ‏) .. ﺃﺟﻲ ‏( ﻗﺮﺑﺖ ﻟﻴﻪ ﻭﺑﺪﻳﺖ ﻛﻨﺸﻢ ﻭﻧﺸﻤﺸﻢ ‏) ﻫﺎﺩﻱ ﺭﻳﺤﺘﻚ ﻃﺒﻴﻌﻴﺔ ﻭﻻ ﻏﻴﺮ ﻣﺮﺷﻮﺵ ﺑﺮﻳﺤﺔ ... ‏( ﺑﺪﺍ ﻛﻴﺒﻌﺪ ‏) ﺩﻳﺎﻝ ﻟﻌﺒﺎﺭ ﻭﻻ ﺩﻳﺎﻝ ﺍﻟﻌﻄﺎﺭ؟؟ .. ﺃﺟﻲ ﻣﺎﺷﻲ ﺩﻳﺎﻝ ﺟﻮﻃﻴﻢ .. ﻭﻻ ﺩﻳﺎﻝ ﺃﻱ ﻟﻮﻑ ﻳﻮ ﻭﺍﻗﻠﺔ ؟؟ ... ﻟﻤﻬﻢ ﺃﻭﻟﺪ ﺍﻟﻨﺎﺱ ﺭﺍﻧﻲ ﺑﺪﻳﺖ ﻧﺒﻐﻴﻚ ﻭﻧﺘﺠﻮﺍﻧﻄﺔ ﻋﻠﻴﻚ .. ‏( ﺣﻄﻴﺖ ﻳﺪﻱ ﻓﻮﻕ ﻳﺪﻭ ﻟﻲ ﺷﺎﺩ ﻟﻴﺎ ﺑﻴﻬﺎ ﺷﻌﺮﻱ ‏) ﺣﻚ ﺣﻚ ﺃﻟﻌﻤﺮ ﺭﺍﻩ ﻛﻼﻧﻲ ﺍﻟﻘﻤﻞ ﺯﺍﻫﻴﺔ ﻣﻦ ﻧﻬﺎﺭ ﺟﻴﺘﻲ ﻣﺎﻓﻼﺗﻠﻲ

- ﺃﺷﻨﻮ ؟؟؟ ‏( ﻫﺮﺏ ﻳﺪﻭ ﻓﺎﻟﺒﻼﺻﺔ ‏)

- ‏( ﺑﺘﻤﺴﻜﻴﻦ ‏) ﻣﺎﻟﻚ ﻫﺮﺑﺘﻲ ﻳﺪﻙ .. ﺣﺮﺍﻡ ﻋﻠﻴﻚ .. ﺍﻧﺎ ﻛﻞ ﻟﻤﺴﺔ ﻣﻨﻚ ﻛﺘﻌﻄﻴﻨﻲ ﻟﻘﻮﺓ ﻭﺍﻟﻄﺎﻗﺔ ﻟﻤﺤﺎﺭﺑﺔ ﺍﻟﻔﻘﺮ ﻭﺍﻟﺠﻬﻞ ﻭﺍﻷﻣﻴﺔ .. ﻣﺎﺗﺤﺮﻣﻨﻴﺶ ﻣﻨﻬﺎ

- ﺃﺟﻲ ﻭﺍﺵ ﺍﻧﺘﻲ ﻣﺴﻄﻴﺔ ﺧﻠﻮﻕ ﻭﻻ ﻛﺘﺴﻄﺎﻱ ﻋﻠﻴﺎ ؟؟

ﺩﺍﻙ ﻟﺨﻄﻮﺓ ﻟﻲ ﻛﺎﻥ ﺭﺟﻊ ﺑﻴﻬﺎ ﻟﻮﺭ ﺩﺍﺑﺎ ﺯﺍﺩ ﺑﻬﺎ ﺍﻟﻘﺪﺍﻡ .. ﻋﺮﻓﺖ ﺭﺍﺳﻲ ﺑﻠﻲ ﻏﺎﺩﻱ ﻧﺪﺧﻞ ﻓﻤﺮﺣﻠﺔ ﺍﻟﺨﻄﺮ .. ﻟﺪﺍﻛﺸﻲ ﻣﺎﻧﻘﺪﺭﺵ ﻧﺰﻳﺪ ﻧﻐﺎﻣﺮ ﻣﻌﺎﻩ .. ﻟﺪﺍﻛﺸﻲ ﻋﻄﻴﺘﻮ ﻭﺍﺣﺪ ﺍﻹﺑﺘﺴﺎﻣﺔ ﻣﻦ ﺑﻌﺪ ﺧﺮﺟﺖ ﻟﻴﻪ ﻟﺴﺎﻧﻲ .. ﻭﺿﺮﺑﺘﻬﺎ ﺑﺠﺮﻳﺔ ... ﺧﻠﻴﺖ ﻏﻴﺮ ﺍﻟﻐﺒﺮﺓ ﺑﻼﺻﺘﻲ .. ﻫﻮ ﻛﺎﻉ ﻣﺎﺗﺒﻌﻨﻲ ﺣﻴﺖ ﻣﺎﻋﻨﺪﻭ ﻣﺎﻳﺪﻱ ﻣﻨﻲ ﻭﻋﺎﺭﻑ ﺭﺍﺳﻮ ﻣﻐﺎﻳﻠﺤﻘﻨﻴﺶ .. ﺧﺼﻨﻲ ﻧﻠﻘﻰ ﺷﻲ ﺧﻄﺔ ﺗﺒﻘﻰ ﺗﻔﻜﻨﻲ ﻣﻨﻮ ﻣﻦ ﻏﻴﺮ ﺍﻹﻏﺮﺍﺀ ﺣﻴﺖ ﻏﺎﻳﻌﺮﻓﻨﻲ ﺩﺍﻓﻌﺔ ﻏﻴﺮ ﺟﺒﻬﺔ .. ﻭﺻﺮﺍﺣﺔ ﺧﺒﺮﺗﻲ ﻣﻊ ﺭﺟﺎﻝ ﻓﺎﺩﺗﺘﻨﻲ ﻣﻌﺎﻩ ﻭﻫﻮ ﻣﻦ ﺍﻟﻨﻮﻉ ﻟﻲ ﻛﺎﺗﺠﺪﺑﻮ ﺍﻟﻤﺮﺃﺓ ﺍﻟﺠﻤﻴﻠﺔ ﻭﺍﻟﻤﺘﻘﻔﺔ .. ﻣﺎﺷﻲ ﺑﺤﺎﻟﻲ ﻭﺟﻬﻲ ﻛﻠﻮ ﻣﻄﺒﻊ ﺑﻀﺮﺍﺑﻲ ﻭﺍﻟﺤﺒﻮﺏ ﻭﻧﻤﺶ ﻭﺍﻟﺮﻳﺶ ﻭﺯﻳﺪ ﻋﻠﻴﻬﺎ ﺳﺨﺎﻧﺔ ﻛﻤﺎﻟﺖ .. ﻫﺎﺩﺷﻲ ﻛﺎﻉ ﻣﻜﺎﻥ ﺭﺍﻩ ﻏﻴﺮ ﺍﻟﺨﻠﻌﺔ ﻭﺍﻟﻔﻘﺼﺔ ﻭﻧﻘﺺ ﻓﺎﻟﻤﻠﺤﺔ ﻟﻲ ﺩﺍﺭﺗﻬﺎ ... ﺍﻣﺎ ﺃﻧﺎ ﺭﺍﻩ ﻛﻨﺖ ﺯﻭﻳﻨﺔ ﻓﻨﺔ ﻛﻨﻠﻤﻊ ﻭﺍﻟﻠﻪ ﻭﻟﻜﻦ ﺻﺪﻕ ﻣﻦ ﻗﺎﻝ ﻣﻠﻲ ﺣﺘﺎﺟﻴﺘﻚ ﺃﻭﺟﻬﻲ ﻗﻤﺸﻮﻙ ﺍﻟﻤﺸﺎﺵ ... ﻭﻟﻜﻦ ﺩﺍﺑﺎ ﺑﺎﻗﺎ ﻣﺎﻣﺤﺘﺠﺎﻫﺶ ﺍﻟﺤﻤﺪﻟﻠﻪ · · ·

ﺩﺍﺯﺕ ﺳﻴﻤﺎﻧﺔ ﻋﻠﻰ ﻓﺎﺵ ﺧﺮﺟﻨﺎ ﺩﺍﻙ ﺍﻟﺤﻠﻮﻑ ﻣﻦ ﺩﺍﺭ .. ﻭﺍﻧﺎ ﻭﺯﺍﻫﻴﺔ ﻛﻨﺪﻭﺭﻭ ﻣﻦ ﺩﺍﺭ ﻟﺪﺍﺭ ﻓﺪﻭﺍﺭ .. ﻛﻞ ﻧﻬﺎﺭ ﻧﺒﺎﺗﻮ ﻋﻦ ﻭﺍﺣﺪ .. ﺗﺎﻝ ﻧﻬﺎﺭ ﻟﺨﺮ ﻓﺴﻴﻤﺎﻧﺔ ﻟﻘﻴﻨﺎ ﺭﺍﺳﻨﺎ ﻓﺰﻧﻘﺔ ... ﺣﻴﺖ ﻻﻟﻬﻢ ﺯﺍﻫﻴﺔ ﺗﻘﻮﻝ ﻭﺍﺵ ﻛﺘﺮﺻﻰ ﻛﻠﺸﻲ ﺷﺮﺍﺕ ﻟﻴﻪ ﺻﺪﺍﻉ ﺗﺎ ﺧﺮﻭﺿﺎﺕ ﺩﻭﺍﺭ ﻛﺎﻣﻞ ... ﻭﺑﻘﻴﻨﺎ ﻻ ﺑﺪﻳﺪﻱ ﻻ ﺣﺐ ﺍﻟﻤﻠﻮﻙ .. ﻭﺣﺘﻰ ﺩﺍﻙ ﺟﻨﻮﻧﻬﺎ ﻣﺎﻗﻀﺎﻭ ﻟﻴﻬﺎ ﻭﺍﻟﻮ .. ﻭﻣﻮﻝ ﺍﻟﺪﺍﺭ ﻛﻞ ﻧﻬﺎﺭ ﻣﻄﻠﻊ ﻛﺎﻣﻴﻮ ﻟﺮﺍﺱ ﺟﺒﻞ ﻣﺎﻋﺮﻓﻨﺎﻩ ﻛﻴﺮﺑﻬﺎ ﻭﻻ ﻛﻴﻌﻤﺮﻫﺎ ... ﻭﺍﻭﺍﺧﺎ ﻛﻠﺸﻲ ﺟﺮﺍ ﻋﻠﻴﻨﺎ ﻣﻦ ﺩﺍﺭﻭ ﻭﺳﺪ ﻋﻠﻴﻨﺎ ﺑﺎﺑﻮ ﻭﻟﻜﻦ ﺗﺎﺣﺪ ﻣﺎﻣﻬﻨﻲ ﺗﺒﻘﻰ ﺯﺍﻫﻴﺔ ﻛﺎﺩﻭﺭ ﺑﻴﻦ ﺩﻳﻮﺭ .. ﻟﺪﺍﻛﺸﻲ ﻗﺮﺭﻭ ﻳﺪﻳﺮﻭ ﺧﻴﺮ ﻓﻴﻬﺎ ﻭﻓﻴﻬﻢ ﻭﻳﻄﻠﻌﻮ ﻋﻨﺪ ﻣﻮﻝ ﺩﺍﺭ ﻳﺤﺰﺭﻭﻩ ﻭﻳﺮﻏﺒﻮﻩ .. ﻳﺨﻠﻲ ﺯﺍﻫﻴﺔ ﺗﻜﻤﻞ ﻟﻴﺎﻡ ﻟﻘﻠﻴﻠﺔ ﻟﻲ ﺑﺎﻗﻰ ﻟﻴﻬﺎ ﻛﺨﺪﺍﻣﺔ ﻋﻨﺪ ﺳﻴﺎﺩﺗﻮ .. ﻫﺎﺩ ﺍﻷﺧﻴﺮ ﻟﻲ ﻣﺎﺩﺧﻠﻨﺎ ﺗﺎ ﻟﺪﺍﺭ ﻭﺣﻴﺖ ﻫﻮ ﻣﺎﺷﻲ ﻣﻜﻴﻠﺦ ﺭﻓﺾ ﺭﻓﻀﺎ ﺑﺎﺗﺎ ﻭ ﻗﺎﺍﺍﺍﺍﻃﻌﺎ ﺑﺤﺠﺔ ﺩﺍﺭﻭ ﻭﻫﻮ ﺣﺮ ﻓﻴﻬﺎ ﻭﺗﻘﺪﺭ ﺗﻤﺸﻲ ﺗﻘﺘﻠﻮ ﻭﻻ ﺗﺤﻤﻘﻮ .. ﺃﻛﺪ ﻟﻴﻪ ﻟﻔﻘﻴﻪ ﻟﻲ ﺗﺎﻫﻮ ﻛﺎﻥ ﻣﻦ ﺃﻋﻀﺎﺀ ﻓﺮﻳﻖ ﺍﻹﻗﻨﺎﻉ ﺑﻠﻲ ﺇﻟﻰ ﻭﻗﻌﺎﺕ ﻟﻴﻪ ﺷﻲ ﺣﺎﺟﺔ ﻳﺮﺟﻤﻮ ﺯﺍﻫﻴﺔ ﻭﻫﻲ ﺣﻴﺔ

- ﺩﺍﺑﺎ ﺗﺎ ﺗﻮﻗﻊ ﻟﻴﺎ ﺷﻲ ﺣﺎﺟﺔ ﻋﺎﺩ ﺗﻨﻮﺿﻮ ﺗﺮﺟﻤﻮﻫﺎ .. ﻭﺍﻧﺎ ﻧﻤﺸﻲ ﺧﻼ .. ﺍﻟﻠﻪ ﻳﻌﻄﻴﻜﻢ ﺍﻟﺼﺤﺔ ﺃﻣﺎ ﺍﻟﻌﻘﻞ ﻏﻴﺮ ﻳﺘﻘﻞ ﻋﻠﻴﻜﻢ ... ﺃﺳﻴﺪﻱ ﺗﻌﻄﻴﻨﻲ ﺗﻘﺎﺭ .. ﺑﻘﺎﺕ ﻓﻴﻜﻢ ﺳﻜﻨﻮﻫﺎ ﻋﻨﺪﻛﻢ ﻻﺵ ﺟﺎﻳﺒﻴﻨﻬﺎ ﻟﻌﻨﺪﻱ ..

ﻣﻦ ﺑﻌﺪ ﻣﺎﻗﺎﻝ ﻛﻠﻤﺘﻮ ﻷﺧﻴﺮﺓ .. ﻣﺎﺑﻘﺎ ﻛﻼﻡ ﻋﻨﺪ ﻧﺎﺱ ﺩﻭﺍﺭ ﻭﺑﺪﺍ ﻛﻴﺪﺭﺩﺑﻮ ﻭﺍﺣﺪ ﺑﻮﺍﺣﺪ ..

ﻭﻣﻠﻲ ﻣﺸﺎ ﻛﻠﺸﻲ ﺑﻘﻴﻨﺎ ﻏﻴﺮ ﺃﻧﺎ ﻭﻳﺎﻩ ﻃﻴﻂ ﺃﻃﻴﻂ

- ﺃﺵ ﺑﺎﻗﺎ ﻛﺘﺴﻨﺎﻱ ﺍﻧﺖ ؟

- ‏( ﻏﻤﺰﺗﻮ ‏) ﺯﻳﻦ ﻣﺎﻧﺸﻮﻓﻮﻛﺶ .. ﻋﺮﻓﺘﻲ ﻣﻠﻲ ﻛﺎﺗﻜﻮﻥ ﻣﻌﺼﺐ ﻛﺎﺗﺠﻲ ﻛﻲ ﺷﻲ ﻗﻨﺒﻠﺔ ﻛﺎﺗﺨﻠﻲ ﺿﺮﺑﺎﺕ ﻗﻠﺒﻲ ﻏﻴﺮ ﻣﺸﺘﺘﺔ ... ﺑﻼ ﻣﺎﺗﻬﻀﺮ ﺗﺎ ﻧﻜﻤﻞ ﻫﻀﺮﺗﻲ .. ﺩﺍﺍﺍﺍﺍﻙ ﻧﻬﺎﺭ ﺗﺨﺎﻃﺮﻧﺎ ﻋﻠﻰ ﻟﺴﺎﻧﻲ ﻭﺍﺵ ﻳﺒﻘﻰ ﻗﺒﻞ ﻣﺎﺗﺸﺮﻕ ﺷﻤﺶ .. ﻭﺷﺮﻗﺎﺕ ﺷﻤﺶ ﻓﺸﻤﻮﺷﺎﺕ ﻭﻟﺴﺎﻧﻲ ﺑﺎﻗﻲ ﺍﻟﺤﻤﺪﻟﻠﻪ .. ﻧﺰﻏﺮﺕ ﻟﻴﻚ ﺇﻟﻰ ﺑﻐﻴﺘﻲ ﺗﺄﻛﺪ ؟؟ .. ﺩﺍﺑﺎ ﺃﻧﺎ ﻟﻲ ﻓﺰﺕ ﺑﺮﻫﺎﻥ .. ﻳﻌﻨﻲ ﻏﺎﺗﺤﻘﻖ ﻟﻴﺎ ﺩﺍﻛﺸﻲ ﻟﻲ ﺑﻐﻴﺖ ؟؟ ﺁ ﺃﻫﺎ

- ﺇﻳﻨﺎﺍ ﺭﻫﺎﻥ ﻛﺘﻬﻀﺮﻱ ﻋﻠﻴﻪ ؟؟؟ ﻭﻧﺤﻘﻖ ﻟﻴﻚ ﺯﻣﺮ .. ﺩﺭﻛﻲ ﻋﻠﻴﺎ ﺯﻻﻓﺘﻚ

- ﺇﻟﻰ ﻣﺎﺭﺿﻴﺘﻴﺶ .. ﺭﺍﻙ ﻣﺎﺷﻲ ﺭﺍﺟﻞ

- ﻭﺷﻜﻮﻥ ﻗﺎﻟﻴﻚ ﺃﻧﺎ ﺭﺍﺟﻞ ﺃﻻﻟﺔ .. ﻭﺭﺃﻳﻚ ﻛﺎﻉ ﻣﻜﺎﻳﻬﻤﻨﻲ ﻣﻦ ﻟﺨﺮ ﻳﺎﻻﻩ ﺗﻼﺣﻲ ﻣﻦ ﻗﺪﺍﻣﻲ

- ﺍﻟﻠﻪ ﻳﺤﻔﺮ ﻟﻴﻚ ﺟﺪﺭ

- ﻭﺍﺵ ﻏﺎﺗﻤﺸﻲ ﻭﻻ ﻧﺠﻲ ﻧﺴﻴﺐ ﺑﻴﻚ ﻣﻦ ﻫﺎﺩ ﺟﺒﻞ

- ﻧﺎﻧﺎﻧﺎ ﻧﺎﻧﺎﻧﺎ

ﺑﺪﻳﺖ ﻛﻨﻌﻮﺝ ﻓﻴﻪ ﻭﺿﺮﺑﺘﻬﺎ ﺑﺠﺮﻳﺔ ... ﻟﻘﻴﺖ ﺯﺍﻫﻴﺔ ﻭﺍﻗﻔﺔ ﻛﺎﺗﺴﻨﺎﻧﻲ ﻣﻦ ﻟﺒﻌﻴﺪ

- ﺍﺵ ﺩﺭﺗﻲ ﻣﻌﺎﻩ؟؟

- ﻭﺍﻟﻮ ﺩﺍﺭ ﻟﻴﻪ .. ﻟﻘﺮﺩ ﻻﺧﻮﺭ

- ﺗﺴﻨﺎﻱ ﻫﻨﺎ ﺭﺍﺟﻌﺔ

- ﻓﻴﻦ ﻏﺎﺩﺓ ؟؟

ﻣﺸﺎﺕ ﻭﺧﻼﺗﻨﻲ ﻭﻟﻜﻦ ﺑﺎﻳﻨﺔ ﺭﺍﺟﻌﺔ ﻋﻨﺪﻭ .. ﺑﻘﺎﺕ ﻓﻴﺎ ﺻﻜﻌﺔ .. ﺣﺎﺳﺔ ﺑﻴﻬﺎ .. ﺗﺎ ﺃﻧﺎ ﺟﺮﺍﻭ ﻋﻠﻴﺎ ﻣﻦ ﺩﺍﺭ ﻟﻲ ﻋﺸﺖ ﻓﻴﻬﺎ ﺣﻴﺎﺗﻲ ﻛﺎﻣﻠﺔ .. ﺻﻌﻴﺒﺔ ﻭﺍﻟﻠﻪ .. ﻭﻟﻜﻦ ﺗﺎ ﺣﺎﻝ ﻣﺪﺍﻳﻢ ﻭﺩﻧﻴﺎ ﻓﺎﻧﻴﺔ .. ﺑﺪﻳﺖ ﻛﻨﻌﻠﺐ ﺑﺸﻲ ﺣﺠﺮ ﻟﻘﻴﺘﻮ ﻗﺪﺍﻣﻲ ﺩﻭﺯﺕ ﺑﻴﻪ ﻟﻮﻗﺖ ﺗﺎ ﺟﺎﺕ ﺯﺍﻫﻴﺔ ﻧﺎﺷﻄﺔ ﻭﻛﺘﺒﻮﺭﺩ ﺑﻌﻜﺎﺯﻫﺎ ..

- ﺟﺮﺍ ﻋﻠﻴﻚ ﺗﺎ ﺍﻧﺘﻲ

- ﻋﻠﻰ ﺃﻧﺎ ﻫﻲ ﺍﻧﺘﻲ ﻫﺰﻱ ﻣﻴﻜﺘﻚ ﻭﺯﻳﺪﻱ ﺭﺍﻩ ﺑﻐﺎ ﻧﺴﻜﻨﻮ ﻋﻨﺪﻭ

- ﻛﺬﺍﺑﺔ ... ﻭﻛﻲ ﺩﺭﺗﻴﻠﻴﻬﺎ

- ﻭﻳﺎﻻﻩ ﺩﺍﺑﺎ ﻻ ﻳﺮﺟﻊ ﻓﻬﻀﺮﺗﻮ

ﻣﺸﻴﻨﺎ ﻛﺎ ﻧﻜﺴﻮ ﻭﻫﻮ ﺑﺎﻳﻨﺔ ﻓﻴﻪ ﻣﺤﺎﻣﻠﺶ ﺭﺍﺳﻮ .. ﻭﻗﺒﻞ ﻣﺎﻳﺨﻠﻴﻨﺎ ﻧﺪﺧﻠﻮ ﺑﺪﺍ ﻛﻴﺒﻠﺒﻞ ﻋﻠﻴﻨﺎ ﺑﺎﻟﺸﺮﻭﻁ .. ﺃﻣﺎ ﺃﻧﺎ ﺗﺨﺒﻴﺖ ﻣﻦ ﻣﻮﺭﺍ ﺯﺍﻫﻴﺔ ﺣﻴﺖ ﺑﺎﻗﻲ ﺳﻨﺎﻧﻲ ﻛﻴﺘﻐﺰﺯﻭ ﻋﻠﻴﻪ

- ﻫﻮ : ﻟﻴﻜﻦ ﻓﻲ ﻋﻠﻢ ﺳﻴﺎﺩﺗﻜﻢ ﺭﺍﻩ ﺩﺍﺭ ﻛﻠﻬﺎ ﻭﻻﺕ ﻛﺎﻣﻴﺮﺍﺕ ﻫﺎ ﻭﻻ ﻫﺎ ﻧﻴﺸﺎﻥ ﻟﺰﺍﻛﻲ

- ﺃﻧﺎ : ﺑﺎﺩﻭ ؟

- ﻫﻮ : ﻻ ﺩﻳﺒﺎﺭﺩﻭ ,, ﺍﻟﺤﺒﺲ ﻳﺎ ﻭﺟﻪ ﺍﻟﺤﺒﺲ ... ﺭﺍﻩ ﺭﻣﺸﺔ ﻋﻴﻨﻜﻢ ﻧﻘﺸﻌﻬﺎ .. ﺇﻳﻮﺍ ﺍﻟﻠﻪ ﻳﻌﻤﻴﻬﺎ ﻟﻴﻜﻢ .. ﺷﻬﺮ ﺟﺎﻱ ﻏﺎﻧﺒﻴﻊ ﺩﺍﺭ ﻟﺪﺍﻟﻚ ﻣﻠﻲ ﻳﺠﻲ ﻣﻮﻻﻫﺎ ﺟﺪﻳﺪ ﻣﺎﺑﻐﻴﺘﺶ ﻧﺸﻮﻑ ﻛﻤﺎﻣﺮﻛﻢ ﺇﻟﻰ ﺑﻐﻴﺘﻮ ﺗﻀﺮﻗﻮ ﻣﻦ ﺍﻟﺒﺮﺩ ﻭﺷﺘﺎ ﻭﺍﻟﺘﻠﺞ .. ﻭﻫﺎﺩ ﺍﻟﻤﺪﺓ ﻟﻲ ﻏﺎﺗﺠﻠﺴﻮ ﻓﻴﻬﺎ ﻣﺎﺷﻲ ﻟﻠﻪ ﻓﻲ ﺳﺒﻴﻞ ﺍﻟﻠﻪ

- ﺃﻧﺎ : ﻋﻠﻰ ﺍﻧﺖ ﻓﻴﻚ ﻛﺘﻌﺮﻑ ﺍﻟﻠﻪ

- ﻫﻮ : ﻏﺎﺗﺠﻤﻌﻲ ﺑﻨﺘﻚ ﻭﻻ ﻭﺍﻟﻠﻪ ﻻ ﻋﺘﺒﺘﻮ ﻫﺎﺩ ﺩﺍﺭ ...

- ﺯﺍﻫﻴﺔ : ‏( ﺑﺪﺍﺕ ﻛﺘﻘﺮﺹ ﻓﻴﺎ ﻧﺴﻜﺖ ‏) ﻛﻤﻞ ﻛﻤﻞ

- ﺩﺍﺭ ﻣﺎﻧﻠﻘﻰ ﻓﻴﻬﺎ ﻧﻘﻄﺔ ﺩﻳﺎﻝ ﺍﻟﻐﺒﺮﺓ .. ﺑﻐﻴﺘﻬﺎ ﺗﻮﻟﻲ ﻛﺘﻠﻤﻊ .. ﻭ ﺍﻟﻤﺎﻛﻠﺔ ﻓﻠﻮﻗﺖ ﺗﻮﺟﺪ ﻭﻟﻤﺎ ﻣﻦ ﻟﺒﻴﺮ ﻳﺤﻀﺮ .. ﻭﺍﻷﻫﻢ .. ﺍﻷﻫﻢ ﻭﺟﻮﻫﻜﻢ ﻣﺎﺑﻐﻴﺘﺶ ﻧﺸﻮﻓﻬﻢ .. ﻧﺤﻀﺮ ﺃﻧﺎ ﺍﻧﺘﻮﻣﺎ ﺗﻐﺒﺮﻭ

- ﺃﻧﺎ : ‏( ﻣﻦ ﺑﻴﻦ ﺳﻨﺎﻧﻲ ‏) ﺍﻟﻠﻪ ﻳﻐﺒﺮ ﻟﻴﻚ ﺷﻘﻒ

- ﻫﻮ : ﺃﺷﻘﻠﺘﻲ ﺍﻧﺘﻲ؟

- ﺯﺍﻫﻴﺔ : ﻭﺍﻟﻮ

- ﻫﻮ : ﺣﺴﻦ ﻟﻴﻚ ﻣﺎﺗﺒﻘﺎﻳﺶ ﺗﺘﻤﺘﻲ .. ﺣﻴﺖ ﺣﺴﺎﺑﻚ ﺍﻟﻘﺪﻳﻢ ﺑﺎﻗﻲ ﻣﺎﺧﻠﺼﺘﻴﻪ .. ﻳﺎﻻﻩ ﺩﺧﻠﻮ

- ﺃﻧﺎ : ﺩﺧﻞ ﻓﺤﻴﻂ

ﻗﺮﺻﺎﺗﻨﻲ ﺯﺍﻫﻴﺔ .. ﻭﺳﻜﺘﺖ ﺃﻣﺎ ﻛﻨﺖ ﻧﺎﻭﻳﺔ ﻧﻌﻄﻴﻪ ﻋﻼﺵ ﻛﻴﻘﻠﺐ .. ﻋﻠﻰ ﺧﺮ ﺍﻳﺎﻣﻲ ﻧﻮﻟﻲ ﻧﺤﻨﻲ ﺭﺍﺱ ﻟﻮﺍﺣﺪ ﻣﻜﺎﻳﺴﻮﺍﺵ .. ﻭﻧﺨﺪﻡ ﻋﻠﻴﻪ ﻣﻦ ﻟﻔﻮﻕ .. ﺃﻧﺎ ﻟﻲ ﻛﻨﺖ ﻣﻌﺰﺯﺓ ﻣﻜﺮﻣﺔ ﻓﺪﺍﺭ ﺑﺎ ﻟﻲ ﻧﺒﻐﻲ ﺗﺤﻀﺮ ﻭﺗﺎ ﻣﻠﻲ ﺳﻘﻄﺖ ﻓﺎﻟﺒﺎﻙ ﻣﺎﻋﻼﺵ ﻋﻠﻴﺎ ﺻﻮﺗﻮ .. ﻳﺠﻲ ﻫﺎﺩ ﺯﻣﺮ ﻳﺠﻔﻒ ﺑﻴﺎ ﺍﻷﺭﺽ .. ﺃﻭﺩﻱ ﺯﻳﻐﺔ ﻟﻲ ﺩﺍﺭﺗﻬﺎ ﻟﻴﺎ .. ﻳﻜﻔﻴﻨﻲ ﺗﺤﺴﺮﺍ .. ﻧﺸﻮﻑ ﻟﻘﺪﺍﻡ ﻭﺍﻟﻠﻪ ﻣﻜﺎﻳﺪﻳﺮ ﻏﻴﺮ ﻟﻲ ﻓﻴﻬﺎ ﻟﺨﻴﺮ · · ·

ﺩﺧﻠﻨﺎ ﻟﺪﺍﺭ ﺑﻘﻴﻨﺎ ﺃﻧﺎ ﻭﺯﺍﻫﻴﺔ ﻏﻴﺮ ﺣﺎﻟﻴﻦ ﻓﻤﻨﺎ .. ﺑﺤﺎﻻ ﻋﻤﺮﻧﺎ ﺩﺧﻠﻨﺎ ﻟﻴﻬﺎ ﻭﺍﺍﻭ ﺗﺒﺪﻻﺕ ﻭﻋﻤﺮﻫﺎ ﺑﺎﻷﺗﺎﺕ ﺑﻌﺪ ﻣﻜﺎﻧﺖ ﺧﺮﺑﺔ ﻣﻬﺠﻮﺭﺓ .. ﻭﺩﺍﺑﺎ ﻛﺘﺴﻤﻰ ﺩﺍﺍﺍﺍﺭ .. ﺗﺎ ﻣﻦ ﻟﺤﻴﻮﻃﺔ ﺗﺼﺒﻐﻮ .. ﻣﺸﻴﺖ ﺑﻐﻴﺖ ﻧﺤﻂ ﺣﻮﺍﻳﺠﻲ ﻓﺒﻴﺘﻲ ﻭﺍﻧﺎ ﻧﻠﻘﺎﻩ ﻣﺘﺎﺧﺪﻫﺎ ﻣﻘﺮ ﺭﺋﻴﺴﻲ ﻟﻴﻪ ﺷﻲﺀ ﻟﻲ ﻛﺐ ﺯﻳﺖ ﻋﻞ ﺍﻟﻌﺎﻓﻴﻪ

- ﺟﻤﻊ ﻋﻠﻴﺎ ﺷﻄﺎﻳﻄﻚ ﻣﻦ ﺑﻴﺘﻲ

- ﻋﺎﻭﺩﻱ ﺃﺵ ﻗﻠﺘﻲ ﻣﺎﺳﻤﻌﺘﺶ .. ﺑﻴﺘﻚ ؟؟

- ﺍﻩ ﺑﻴﺘﻲ ﻣﻠﻲ ﺗﺰﺍﺩﻳﺖ ﻭﺍﻧﺎ ﻋﺎﻳﺸﺔ ﻓﻴﻪ

- ﻫﺎﺩﻱ ﺭﺍﻫﺎ ﺩﺍﺭﻱ ﻭﻫﺎﺩ ﺍﻟﺒﻴﺖ ﺭﺍﻩ ﻣﻦ ﻣﻤﺘﻠﻜﺎﺗﻲ .. ﻭﺍﻟﻰ ﻣﺎﻋﺠﺒﻜﺶ ﻟﺤﺎﻝ ﺯﺩﺣﻲ ﺭﺍﺳﻚ ﻣﻊ ﺍﻟﺤﻴﻂ

- ‏( ﺧﺪﻳﺖ ﻧﻔﺲ ﻃﻮﻳﻞ ﺑﺎﺵ ﻧﺒﺮﺩ .. ﻋﻠﻴﺖ ﺭﺟﻠﻴﺎ ﻭﻫﺰﻳﺖ ﺭﺍﺳﻲ ﻟﻔﻮﻕ ‏) ﻭﺍﺧﺎ .. ﻫﺎﺩ ﻟﺒﻴﺖ ﺭﺍﻩ ﺟﺎ ﺣﺪﺍ ﻟﻜﻮﺯﻳﻨﺔ .. ﻭﻟﻲ ﻛﻴﻌﻴﺶ ﺣﺪﺍ ﻟﻜﻮﺯﻳﻨﺔ ﻏﻴﺮ ﺍﻟﺨﺪﻣﺎﺕ .. ﻭﻟﻜﻦ ﻋﺎﺩﺭﺍﻙ ﻗﺎﺭﻱ ﻓﺰﺣﺎﻡ .. ﻭﻣﻮﻟﻒ ﻋﻴﺸﺔ ﺩﻝ .. ﺭﺑﺢ ﺑﻴﻪ .. ﺯﻳﺪﻭ ﻓﺮﺍﺳﻚ

ﺿﺮﺕ ﻫﺰﻳﺖ ﻣﻴﻜﺘﻲ ﻟﻲ ﻓﻴﻬﺎ ﺣﻮﺍﻳﺠﻲ ﻓﻴﺪﻱ ﻭﻣﺸﻴﺖ ﻛﻨﻘﻠﺐ ﻋﻠﻰ ﻓﻴﻦ ﻧﺒﺎﺕ ﺃﻣﺎ ﻫﻮ ﺑﻘﺎ ﻧﺺ ﺳﺎﻋﺔ ﻓﺒﻼﺻﺘﻮ ﻛﻴﺠﻤﻊ ﻗﻄﻊ ﻛﺮﺍﻣﺘﻮ .. ﻟﻘﻴﺖ ﻭﺍﺣﺪ ﺍﻟﺒﻴﺖ ﻓﻦ ﺣﺴﻦ ﻣﻦ ﻫﺪﺍﻙ ﻟﻲ ﻛﻨﺖ ﻓﻴﻪ ﻣﻬﻮﻱ ﻭﻣﺸﻤﺶ .. ﻭﻣﻔﺮﺵ ﺑﺎﻟﻔﺮﺍﺵ ﺟﺪﻳﺪ .. ﻫﺎ ﻣﺎﻗﻠﻨﺎ ﺍﻟﻠﻪ ﻛﻴﻌﻮﺽ ﻏﺎ ﺑﻤﺎ ﺣﺴﻦ .. ﺃﻣﺎ ﻫﻮ ﺧﻠﻴﻪ ﻳﺒﺎﺕ ﺣﺪﺍ ﻟﻜﻮﺯﻳﻨﺔ ﺧﺼﻮ ﻏﻴﺮ ﺷﻲ ﺯﻳﻒ ﺣﻴﺎﺗﻲ ﻣﺤﺰﻡ ﻋﻨﺪ ﺟﺒﻬﺔ ﻭﺷﻲ ﻃﺎﺑﻠﻴﺔ ﺑﺎﻟﻜﺎﺭﻭﺍﺕ ﻭﻳﻮﻟﻲ ﻛﻲ ﻋﻮﻳﺸﺔ .. ﻣﻬﻢ ﺧﻠﻴﻨﺎ ﻣﻨﻮ ﺑﺮﺍﻛﺔ ﻋﻠﻴﺎ ﻏﻴﺮ ﺣﺎﻟﺘﻲ ﻟﻲ ﺭﺟﻌﺎﺕ ﻛﻲ ﻗﻨﻔﺪ ﺻﺤﺮﺍ ﻛﻠﻲ ﻣﻐﺒﺮﺓ ﺑﺘﺮﺍﺏ ﻣﻊ ﻃﻠﻌﻨﺎ ﻟﺠﺒﻞ ﺳﻴﺮﺍ ﻋﻠﻰ ﺍﻷﻗﺪﺍﻡ .. ﺟﺒﺪﺕ ﻣﻴﻜﺘﻲ ﻧﺸﻮﻑ ﺑﺎﺵ ﻏﺎﻧﺒﺪﻝ ﻟﻘﻴﺖ ﺍﻟﺤﻮﺍﻳﺞ ﻛﺎﻣﻠﻴﻦ ﻣﻮﺳﺨﻴﻦ ﻭﻣﺎﻫﺰ ﻟﻴﺎ ﺍﻟﻮﺍﻟﻴﺪ ﺍﻟﻠﻪ ﻳﻌﻄﻴﻪ ﻣﺎﻋﻄﺎ ﻏﻴﺮ ﺩﻳﺸﻲ ﻭﺭﺍﺷﻲ .. ﻣﺸﻴﺖ ﻋﻨﺪ ﺯﺍﻫﻴﺔ ﻋﻄﺎﺗﻨﻲ ﻭﺍﺣﺪ ﺍﻟﻜﺴﻮﺓ ﻛﻲ ﺍﻟﺰﻣﺎﻥ ﻛﻠﻬﺎ ﻭﺭﺩ ﻭﻧﻮﺍﻭﺵ ﻛﺎﻟﻚ ﺩﻳﺎﻟﻬﺎ ﻣﻠﻲ ﻛﺎﻧﺖ ﻓﻌﻤﺮﻱ .. ﻋﻠﻴﻬﺎ ﺃﺯﺍﻫﻴﺔ ﺑﻘﻴﺘﻲ ﺑﺎﻳﺮﺓ ﻻﺯﻭﺍﺝ ﻻ ﻭﻻﺩ ... ﻗﻠﺖ ﻟﻴﻬﺎ ﺍﻟﻠﻪ ﻳﺨﻠﻒ ﻭﺯﺩﺕ ... ﻣﺸﻴﺖ ﻟﺒﻴﺘﻲ ﺟﺪﻳﺪ ﺑﻐﻴﺖ ﻧﺒﺪﻝ ﻓﻴﻪ ﻳﺎﻟﻠﻪ ﻗﻠﺖ ﺑﺴﻢ ﺍﻟﻠﻪ ﻭﻫﻤﺎ ﻳﻔﻜﺮﻭﻧﻲ ﻣﻼﻳﻜﺘﻲ ﺑﺎﻟﻜﺎﻣﻴﺮﺍ .. ﺃﻣﺎ ﻛﻦ ﻓﻀﻴﺤﺘﻲ ﻓﻀﻴﺤﺔ .. ﺑﺪﻳﺖ ﻛﻨﺪﻭﺭ ﻋﻴﻨﻲ ﺗﺎ ﻟﻘﻴﺘﻬﺎ ﻏﻄﻴﺘﻬﺎ ﻭﺑﻘﻴﺖ ﺷﻲ ﺳﺎﻋﺔ ﻭﺍﻧﺎ ﻛﻨﻘﻠﺐ ﻋﻠﻰ ﺷﻲ ﻛﺎﻣﻴﺮﺍ ﻭﺍﺧﺮﻯ ﻣﻠﻲ ﻣﺎﻟﻘﻴﺘﺶ ﻋﺎﺩ ﻗﻠﺖ ﺑﺴﻢ ﺍﻟﻠﻪ .. ﻭﺍﻧﺎ ﺑﺎﻗﺎ ﻓﺪﻗﻴﻘﺔ ﺗﺴﻌﻴﻦ ﻣﻦ ﺗﺒﺪﺍﻝ ﻭﻫﻲ ﺗﻔﺮﻉ ﻋﻠﻴﺎ ﺍﻟﺒﺎﺏ .. ﻳﺴﺤﺎﺑﻨﻲ ﻏﺎ ﺟﻨﻮﻥ ﺯﺍﻫﻴﺔ .. ﻭﻟﻜﻦ ﻭﺍﺵ ﻛﺎﻳﻦ ﺷﻲ ﺟﻦ ﻛﺒﺮ ﻣﻦ ﺩﺍﻙ ﺑﻮﺭﺍﺹ

- ﺃﺷﻜﺎﺩﻳﺮﻱ ؟

- ﻛﺎﻥ .. ‏( ﺃﺳﺘﻐﻔﺮ ﺍﻟﻠﻪ ‏) ﻛﺎﻧﺼﻴﺪ ﺍﻟﺤﻮﺕ ﻓﺎﻟﺒﺤﺮ .. ﻭﺍﺵ ﻣﻜﺎﺗﺸﻮﻓﺶ ﺃﻟﺒﻌﺮ

- ﻭﻋﻼﺵ ﻣﻐﻄﻴﺔ ﻟﻜﺎﻣﻴﺮﺍ ؟؟

- ﻻ ﻭﻻﺵ ﻟﻜﺎﻣﻴﺮﺍ .. ﻧﺠﻲ ﺗﺎﻝ ﻟﻌﻨﺪﻙ ﻭﻧﺒﺪﻝ ﻋﻠﻰ ﻋﻮﻳﻨﺎﺗﻚ ﻣﺒﺎﺷﺮﺓ ﻟﻬﻼ ﻳﺤﻮﺟﻚ

- ﺑﺮﺍﻛﺔ ﻣﻦ ﺿﺴﺎﺭﺓ

- ﺿﺴﺎﺭﺓ ؟؟ ﺷﻜﻮﻥ ﻟﻲ ﻛﺎﻳﺪﻳﺮ ﻓﻴﻬﺎ ﺩﺍﺑﺎ

- ﺩﻳﺘﻬﺎ ﻏﺎ ﻓﻴﻚ

- ﻭﺩﻳﻬﺎ ﻏﺎﻓﺮﺍﺳﻚ

- ﺗﻔﻮ ﻋﻠﻰ ﺑﻨﺎﺩﻣﺔ ... ﺷﻮﻓﻲ ﻟﻜﺎﻣﻴﺮﺍ ﻣﺎﺑﻐﻴﺘﻬﺎﺵ ﺗﻘﺎﺱ .. ﻭﺇﻟﻰ ﺑﻐﻴﺘﻲ ﺗﺒﺪﻟﻲ ﺧﺮﺟﻲ ﻟﺨﻼ .. ﻭﻻ ﻏﺎﺗﺒﺎﺗﻲ ﺗﺎ ﻓﻴﻪ .. ﻭﺩﺍﻙ ﻟﻬﻀﺮﺓ ﻟﺨﺎﻭﻳﺔ ﺩﻳﺎﻟﻚ ﺣﻴﺪﻳﻬﺎ ﺣﻴﺖ ﻣﺎﺷﻲ ﻣﻦ ﻣﺼﻼﺣﺘﻚ .. ﻭﺃﻧﺎ ﻫﻨﺎ ﻫﻮ ﺍﻟﺴﻴﺪ ﻭﺍﻧﺘﻲ ﻏﻴﺮ ﺣﺸﺮﺓ ﺭﺷﺔ ﻣﻦ ﻓﻠﻴﻄﻮﻛﺲ ﺗﺠﺮﻱ ﻋﻠﻰ ﺍﻳﺎﻣﻚ ... ﻭﺑﻘﺎﻱ ﻣﺒﺮﻗﺔ ﻓﻴﺎ ﻋﻴﻨﻚ

ﻗﺎﻝ ﻫﻀﺮﺗﻮ ﻭﺧﺮﺝ ﻻ ﻫﺮﺏ ﺣﻴﺖ ﻛﻦ ﺑﻘﺎ ﻛﻦ ﻧﻘﻴﺖ ﺑﻴﻪ ﺳﻨﺎﻧﻲ .. ﻟﺤﻘﻴﺮ .. ﺩﺍﻳﺮ ﻓﻴﻬﺎ ﺳﻲ ﺳﻴﺪ ﺍﻟﻠﻪ ﻳﻌﻄﻴﻪ ﺳﺨﺎﻧﺔ ﺳﻴﻤﺎﻧﺔ · · ·

ﺩﺍﺯ ﺍﻟﻨﻬﺎﺭ ﻏﻴﺮ ﺑﻤﺸﻘﺔ ﺍﻷﻧﻔﺲ .. ﺃﻱ ﺣﺮﻛﺔ ﻛﻨﺪﻳﺮﻭﻫﺎ ﻛﻨﺤﺴﻮ ﺑﻌﻴﻨﻴﻪ ﺑﻼﺻﺔ ﻟﻜﺎﻣﻴﺮﺍﺕ ﺍﻟﻠﻪ ﻳﺘﺒﻌﻮ ﺍﻟﺒﻼ .. ﻧﻬﺎﺭ ﻛﻠﻮ ﻭﺣﻨﺎ ﻛﻨﺴﻴﻘﻮ .. ﻻ ﺃﻧﺎ ﻟﻲ ﻛﻨﺴﻴﻖ ﺃﻣﺎ ﺯﺍﻫﻴﺔ ﻏﻴﺮ ﻫﺎﺯﺍ ﻋﻠﻴﺎ ﻋﻜﺎﺯﻫﺎ .. ﺩﻭﺯﻱ ﻣﻦ ﻫﻨﺎ ﺩﻭﺯﻱ ﻣﻦ ﻟﻬﻴﻪ .. ﺍﻟﻠﻪ ﻳﺪﻭﺯ ﻋﻠﻴﻜﻢ ﻃﺮﺍﻛﺲ ﺑﺠﻮﺝ .. ﺃﻫﻢ ﻓﺎﺋﺪﺓ ﺟﺎﺕ ﻣﻌﺎ ﻫﺪﺍﻙ ﻟﻲ ﻣﺎﻳﺘﺴﻤﺎﺵ ﻫﻮ ﺟﺎﺏ ﻟﻤﻠﺤﺔ ﻟﺪﺍﺭ .. ﻭﻫﻮ ﺗﻌﺸﺎ ﺑﻮﺣﺪﻭ ﻛﻲ ﺟﻦ ﻓﺼﺎﻟﺔ ﻣﻮﻧﺠﻲ .. ﻭﺃﻧﺎ ﻭﺯﺍﻫﻴﺔ ﻛﻠﻴﻨﺎ ﻓﺎﻟﻜﻮﺯﻳﻨﺔ ﻛﻲ ﺍﻟﺨﺪﺍﻣﺎﺕ .. ﻓﻴﻨﻚ ﺃﻣﻴﻤﺘﻲ ﺗﺸﻮﻓﻲ ﻛﻴﺒﺪﺗﻚ ﻛﺘﺸﻮﺍ ﺑﻴﻦ ﺟﻮﺝ ﻣﺴﺎﺧﻂ ﻣﻜﺎﻳﻌﺮﻓﻮ ﻻ ﺭﺣﻤﺔ ﻻ ﻣﺤﻨﺔ .. ﻭﺃﺧﻴﺮﺍ ﺣﻄﻴﺖ ﺭﺍﺳﻲ ﻟﻸﺭﺽ .. ﻛﺎﻧﺖ ﺷﺘﺎ ﻣﺠﻬﺪﺓ ﻭﺧﻴﻂ ﻣﻦ ﺳﻤﺎ ﻛﻨﺤﻤﺎﻕ ﻋﻠﻰ ﻫﺎﺩ ﺍﻟﺠﻮ .. ﺩﺍﻳﺮﺓ ﺑﺤﺎﻝ ﺩﻳﺎﻝ ﺃﻓﻼﻡ ﺍﻟﺮﻋﺐ .. ﺩﻭﻣﺎﺝ ﺟﻨﻮﻥ ﺩﻳﺎﻝ ﺯﺍﻫﻴﺔ ﻣﺰﺍﻟﻴﻦ ﺟﻨﻮﻥ ﺍﻟﻜﺎﺭﻃﻮﻥ .. ﻛﻴﻔﻘﺼﻮ ﻛﺘﺮ ﻣﺎ ﻳﺨﻠﻌﻮ .. ﺩﺍﻧﻲ ﻧﻌﺎﺱ ﺗﺎﻝ ﺟﻮﺝ ﺩﻳﺎﻝ ﺻﺒﺎﺡ ﻭﺿﺮﺑﺎﺗﻨﻲ ﺍﻟﻔﻴﻘﺔ ﻭﺍﻧﺎ ﻛﻨﻠﻬﺖ ﺑﺴﺒﺎﺏ ﺍﻟﻜﻮﺍﺑﻴﺲ ﺍﻟﻤﺰﻋﺠﺔ .. ﺍﻟﺰﻣﺮﺓ ﻭﺍﻟﺰﻣﺮ ﻛﻴﺴﻮﻃﻮ ﻓﻴﺎ ﺑﺎﻟﻤﺴﻮﻁ ﺩﻳﺎﻝ ﺍﻟﺒﻐﻠﺔ ﻭﺍﻧﺎ ﻛﻲ ﺍﻟﺒﻐﻠﺔ ﻛﺎﻧﺨﺪﻡ ﻟﻴﻬﻢ ﺷﻘﺎ ﻭﻛﻞ ﻣﺮﺓ ﻭﺍﺣﺪ ﻳﻐﻮﺕ ﻣﻦ ﺟﻴﻪ ﺗﺎ ﺗﺼﻤﻜﻮ ﻭﺩﻧﻴﺎ .. ﺻﺎﻓﻲ ﺃﻧﺎ ﻏﺎﻳﺨﺮﺝ ﻟﻴﺎ ﻟﻌﻘﻞ .. ﺇﻟﻰ ﺑﻘﻴﺖ ﻣﻌﻬﻢ .. ﻧﻀﺖ ﻟﻠﻜﻮﺯﻳﻨﺔ ﻛﻨﻘﻠﺐ ﻋﻠﻰ ﻟﻤﺎ ﻭﻣﺎﻟﻘﻴﺖ ﺗﺎﻗﻄﺮﺓ .. ﻛﺎﻉ ﻟﻤﺎ ﻟﻲ ﻛﺎﻥ ﺳﻴﻘﺖ ﺑﻴﻪ ﻫﺎﺩ ﺍﻟﺨﺮﺑﺔ .. ﻭﺑﻤﺎ ﺃﻥ ﻓﻴﺎ ﺍﻟﻤﻮﺕ ﺩﻳﺎﻝ ﻟﻌﻄﺶ ﻗﺮﺭﺕ ﻧﻤﺸﻲ ﻧﺴﻘﻲ ﻣﻦ ﺍﻟﺒﻴﺮ ﻭﺣﻴﺖ ﻛﺎﻧﺖ ﺷﺘﺎ ﺑﺎﻗﺎ ﻛﺎﺗﻨﻘﻂ ﺩﺭﺕ ﻭﺍﺣﺪ ﺩﺭﺓ ﺩﻳﺎﻝ ﺯﺍﻫﻴﺔ ﻭﻋﻘﺪﺗﻬﺎ ﻋﻨﺪ ﺍﻟﻌﻨﻖ ﺑﺤﺎﻝ ﻛﻲ ﻛﺎﺩﻳﺮ ﻟﻴﻬﺎ .. ﻭﺩﺭﺕ ﻭﺍﺣﺪ ﺍﻟﻤﻴﻜﺔ ﺩﻳﺎﻝ ﻃﺒﻠﺔ ﻋﻠﻴﺎ ﻭﺗﻮﻛﻠﺖ ﻋﻠﻰ ﺍﻟﻠﻪ ﻭﺍﻧﺎ ﻣﻄﻤﺌﻨﺔ ﺣﻴﺖ ﺟﻨﻮﻥ ﻳﻜﻮﻧﻮ ﻣﻜﺴﻠﻴﻦ ﺣﺪﺍ ﺯﺍﻫﻴﺔ ... ﺧﺮﺟﺖ ﻣﻦ ﺩﺍﺭ ﻭﻣﻊ ﺍﻟﺒﻴﺮ ﻛﺎﻥ ﺑﺮﺍ ﺳﻮﺭ ﻣﺎﺳﺪﻳﺘﺶ ﺍﻟﺒﺎﺏ ﺩﻳﺎﻝ ﺑﺮﺍ .. ﺣﻴﺪﺕ ﻟﻐﻄﺎ ﻟﻠﺒﻴﺮ ﻭﻟﺤﺖ ﺳﻄﻞ ﻭﻣﻌﺎ ﺷﺘﺎ ﻛﺎﻧﺖ ﻛﺎﻃﻴﺢ ﺣﺼﻠﺖ ﻏﻴﺮ ﻓﺎﻟﻤﻴﻜﺔ ﻟﻲ ﻋﻠﻴﺎ .. ﺷﻮﻳﺔ ﺷﻮﻳﺔ ﺑﺪﻳﺖ ﻛﻨﺴﻤﻊ ﺷﻲ ﺻﻮﺕ ﺟﺎﻱ ﻣﻦ ﻗﺎﻉ ﻟﺒﻴﺮ

- ﻭﻳﻠﻲ ﺃﺵ ﻫﺎﺩﺷﻲ

ﻣﺎﻋﺮﻓﺖ ﻧﺠﺮ ﻋﻨﺪﻱ ﺳﻄﻞ ﻭﻻ ﻧﻄﻠﻘﻮ .. ﺗﻜﻮﻓﺮﺕ .. ﻭﻟﻲ ﺯﺍﺩ ﺑﻠﻮﻛﺎﻧﻲ ﻫﻮ ﺻﻮﺕ ﻛﻴﻘﻮﻝ " ﺩﻧﻴﺎﺍﺍﺍﺍ ﺩﻧﻴﺎﺍﺍﺍﺍ ﻗﺮﺑــــــﻲ " ﻳﺪﻳﺎ ﺟﻤﺪﻭ ﻋﻠﻰ ﻟﻜﻮﺭﺩﺓ .. ﻟﻌﻄﺶ ﻟﻲ ﻛﺎﻥ ﻓﻴﺎ ﺑﺤﺎﻻ ﺗﻜﺒﺎﺕ ﻋﻠﻴﻪ ﺍﻟﻤﻠﺤﺔ

يتبع