قصة المنفى الغريب

- ﺍﻟﻮﺍﻟﻴﺪ : ﺃﺭﻱ ﺃﺑﻨﺘﻲ ﻧﺸﻮﻑ ﺩﺍﻙ ﺗﻠﻴﻔﻮﻥ ﺃﺵ ﻋﻨﺪﻙ ﻓﻴﻪ ﻧﻬﺎﺭ ﻛﺎﻣﻠﻮ ﻭﺍﻧﺖ ﻣﻘﺎﺑﻼﻩ

ﻛﻠﺸﻲ ﺑﺪﺍ ﻛﻴﻔﻴﻔﺮﻱ ﻓﺪﺍﺭ ﺑﺎﻟﻀﺤﻚ ﻭﻛﻴﺘﺴﻨﺎﻭ ﻟﻔﺮﺍﺟﺔ .. ﻭﺃﻧﺎ ﺑﺤﺎﻻ ﺻﺮﻓﻘﺘﻴﻨﻲ ﻭ ﻫﺰﻳﺘﻴﻨﻲ ﻟﺴﻤﺎ ﻭﺧﺒﻄﺘﻨﻲ .. ﻣﻦ ﻭﻗﻊ ﺍﻟﺼﺪﻣﺔ ﻟﻲ ﻣﺎﺣﺴﻴﺘﺶ ﺑﻴﻬﺎ ﺗﺎ ﻣﻠﻲ ﻗﺎﻟﻮ ﻟﻴﺎ ﺳﻘﻄﺘﻲ ﻓﺎﻟﺒﺎﻙ ﻟﻌﺎﻡ ﺍﻟﺘﺎﻟﺖ .. ﻟﻮﺍﻟﻴﺪ ﻭﺗﻠﻴﻔﻮﻥ ﻛﺤﺎﻟﺖ ﻋﻠﻴﺎ ﺑﺎﻟﻤﺰﻳﺎﻥ

- ﺇﻳﻮﺍ ﺃﺭﻱ ﻧﺸﻮﻓﻮ .. ﺷﻨﻮ ﻛﻴﻠﻬﻲ ﺑﻨﺘﻨﺎ ﻋﻠﻴﻨﺎ ؟

- ﺣﺎﺷﺔ .. ﺗﺎﺣﺎﺟﺔ ﺃﻟﻮﻟﻴﺪ ﻣﺎﺗﻘﺪﺭ ﺗﻠﻬﻴﻨﻲ ﻋﻠﻴﻚ .. ﻣﻦ ﻏﻴﺮ ﺩﻳﻦ ﺍﻹﺳﻼﻡ .. ﻛﻨﺖ ﻛﻨﻘﺮﺍ ﻓﺎﻟﺴﻴﺮﺓ ﺍﻟﻨﺒﻮﻳﺔ ﺍﻟﺸﺮﻳﻔﺔ .. ﻳﺎﻻﻩ ﻟﻘﻴﺘﻴﻨﻲ ﻭﺻﻠﺖ ﻟﻐﺰﻭﺓ ﺑﺪﺭ

ﺑﺪﺍ ﻛﻠﺸﻲ ﻛﺎﻳﺪﻭﺭ ﻓﺮﺍﺳﻮ ﺩﻟﻴﻞ ﺇﻃﻼﻕ ﺻﺎﺭﻭﺥ ﺟﻮﻱ ﻓﻲ ﺍﻟﻔﻀﺎﺀ ..

- ﺗﻲ ﻃﻠﻘﻲ ﻟﻬﻨﺎ .. ﻗﺒﻞ ﻻ ﻧﻀﺖ ﻟﻴﻚ .. ﺩﺍﻙ ﺗﻨﻮﻋﻴﺮ ﺩﻳﺎﻝ ﻭﺍﻟﻮ .. ﻣﺎﻳﻀﻴﻤﺶ ﻋﻠﻴﺎ

- ﺍﺣﻢ ﻫﻲ ﻟﻮﻟﻰ ‏( ﻭﻫﻲ ﻟﺨﺮﺓ ﻟﻴﺎ ‏)

ﻧﻀﺖ ﻣﺪﻳﺘﻮ ﻟﻴﻪ ﺑﺎﺳﺘﺴﻼﻡ ﻭﺑﻌﺪﺕ ﺑﺎﺵ ﺗﺎ ﺇﻟﻰ ﺟﺎﺕ ﺷﻲ ﻫﺠﻤﺔ ﺗﻠﻘﺎﻧﻲ ﺑﻌﻴﺪﺓ ... ﻭﻟﻜﻦ ﻟﺰﻫﺮﻱ ﺍﻟﻤﻌﻮﻕ ﺟﺎﺕ ﺍﻟﻘﺮﺩﺓ ﺩﻳﺎﻝ ﺍﺧﺘﻲ ﻛﺎﺗﻮﺭﻳﻪ ﻓﻴﻦ ﻳﺪﺧﻞ ﻭﻳﺨﺮﺝ ﺑﺪﺍ ﻣﻦ ﻟﻜﻮﻧﻄﺎﻛﻂ ﻟﻘﺎ ﺃﺯﻳﺪ ﻣﻦ 200 ﺍﺳﻢ ﺑﻘﺎ ﻓﻴﻬﻢ ﺷﻲ ﻧﺺ ﺳﺎﻋﺔ ﻭﻫﻮ ﻛﺎﻳﻘﺮﺍ ﺑﺠﻬﺪ ﻭﺃﻧﺎ ﻛﻨﻌﺮﻑ ﻭﻧﻌﻠﻞ

- ﺍﻣﺖ ﺭﺑﻴﻌﺔ .. ﺧﺖ ﺭﺑﻴﻌﺔ .. ﺑﻨﺖ ﺧﺎﻟﺖ ﺭﺑﻴﻌﺔ .. ﻭﻧﻤﺮﺓ ﺭﺑﻴﻌﺔ ﻣﻜﺎﻳﻨﺎﺵ .. ﺷﻜﻮﻥ ﻫﺎﺩ ﺭﺑﻴﻌﺔ؟؟

- ﻛﺘﻘﺮﺍ ﻣﻌﺎﻳﺎ ﺃﻟﻮﻟﻴﺪ

- ﺁﺁﻭ ﻫﺎﺩﻱ ﻓﻮﻕ 60 ﺑﻨﺖ .. ﻭﻛﺘﻘﺮﺍ ﻣﻌﺎﻙ .. ﻋﻠﻰ ﻗﺴﻤﻜﻢ ﻓﻴﻪ 60 ﻭﻛﻠﻮ ﺑﻨﺎﺕ ؟؟

- ﺃﻻ ﻟﺤﺎﺝ .. ﺷﻲ ﻣﻦ ﺍﻟﺒﺎﻙ ﻟﻮﻝ ﻭﺷﻲ ﻣﻦ ﺍﻟﺒﺎﻙ ﺍﻟﺘﺎﻧﻲ ﻭﺷﻲ ﻣﻦ ﺍﻟﺒﺎﻙ ﺍﻟﺘﺎﻟﺖ ﻭﺷﺤﺎﻝ ﻗﺪﻧﻲ ﻣﺎﻧﻌﻘﻞ ﺇﻳﻨﺎ ﻗﺴﻢ ﻗﺮﺍﺕ ﻣﻌﺎﻳﺎ .. ﻭﺍﻧﺎ ﺑﺤﺎﻟﻚ ﺃﻟﻮﻟﻴﺪ ﻭﺍﺧﺎ ﻣﻜﺎﺗﺒﻘﻰ ﻋﻨﺪﻱ ﺗﺎ ﻋﻼﻗﺔ ﻣﻊ ﺍﻟﻮﺍﺣﺪ ﻧﻤﺮﺗﻮ ﺃﺃﻗﺼﺪﺕ ﻧﻤﺮﺗﻬﺎ ﻛﺘﺒﻘﻰ ﻋﻨﺪﻱ ﻭﺍﺧﺎ ﻏﻴﺮ ﻧﺪﻋﻲ ﻋﻠﻴﻬﺎ ﺃﺃ ﻣﻌﺎﻫﺎ ﻣﻠﻲ ﻧﺸﻮﻑ ﺳﻤﻴﺘﻮ ﺃﺃ ﺳﻤﻴﺘﻬﺎﺍ .. ﺃﻧﺎ ﻣﺎﺷﻲ ﻧﻜﺎﺭﺕ ﺍﻟﺨﻴﺮ

- ﺍﻩ ﺍﻟﻜﻮﻣﻴﺴﻴﺮ ﺟﻌﻔﺮ ﻓﻲ ﺧﺪﻣﺘﻜﻢ ... ﺣﻴﺪ ﻋﻠﻴﺎ ﻫﺎﺩ ﺳﻤﻴﺎﺕ ﺍﻟﺒﺎﻳﺨﻴﻦ .. ﺟﺒﺪﻱ ﻟﻲ ﺍﻟﻤﻴﺴﺎﺟﺎﺕ

ﺟﺒﺪﺍﺗﻬﻢ ﻟﻴﻪ ﺍﻟﺒﻌﻠﻮﻛﺔ ﻟﻲ ﺣﺪﺍﻩ ﻭﺍﻧﺎ ﺻﺎﻓﻲ ﺍﻟﻤﺎ ﻛﺎﻳﻄﻴﺤﻮ ﻟﻲ ﻓﺮﻛﺎﺑﻲ .. ﻣﺎﻛﺮﻫﺘﺶ ﻧﺴﺨﻒ ﻭﻟﻜﻦ ﻭﺍﻟﻠﻪ ﻣﺎﻳﺸﻮﻑ ﺟﻴﻬﺘﻲ ﺗﺎﻳﺴﺎﻟﻴﻪ .. ﻭﺇﻟﻰ ﻟﻘﺎ ﺷﻲ ﺗﻬﻤﺔ ﻭﻻ ﺟﺮﻳﻤﺔ ﻳﺪﻳﻨﻲ ﺩﻳﺮﻳﻜﺖ ﻟﻠﺮﻭﺿﺔ .. ﺍﻟﺤﻤﺪﻟﻠﻪ ﻣﺎﻟﻘﻰ ﻏﻴﺮ ﻣﻴﺴﺎﺟﺎﺕ ﺇﻧﻮﻱ ﻭﺗﺼﺎﻻﺕ ﻭﻣﻴﺪﻳﺘﻴﻞ .. ﺃﺻﻼ ﺍﻟﻤﻴﺴﺎﺟﺎﺕ ﻏﺎﻟﻴﻴﻦ ﻭﻣﺪﻳﻤﻮﺿﻴﻦ .. ﻳﺎﺍﻟﻠﻪ ﺟﺎ ﻳﻤﺪ ﻟﻴﺎ ﺗﻠﻴﻔﻮﻥ ﺑﻌﺪ ﻣﺎﺳﻜﺎﻧﺎﻩ ﻭﺍﻟﻔﺮﺣﺔ ﺗﻌﺘﺮﻳﻨﻲ ﻭﻫﻲ ﺗﻨﻘﺰ ﺍﻟﻤﻮﻧﻴﻜﺔ ﻟﻲ ﺣﺪﺍﺍﻩ ﻣﻊ ﻋﻨﺪﻱ ﻣﻌﺎﻫﺎ ﺷﻲ ﺣﺴﺎﺑﺎﺕ ﺑﺪﺍﺕ ﺗﺮﺩ ﻟﻴﺎ ﺻﺮﻓﻬﻢ

- ﺑﺎﺑﺎ ﻛﺎﻉ ﻣﺎﺷﻔﺘﻲ ﺃﻫﻢ ﺣﺎﺟﺔ ﺍﻟﻮﺍﺗﺴﺎﺏ ﻭﺍﻟﻔﺎﻳﺴﺒﻮﻙ ﺗﻤﺎ ﺗﻌﺮﻑ ﺭﺑﻴﻌﺔ ﻣﻦ ﺭﺑﻴــــــــــــــﻊ ؟؟

- ﺇﻳﻪ ﺟﺒﺪﻳﻪ ﻟﻲ

ﻫﻨﺎ ﻣﺎﻛﺮﻫﺘﺶ ﻧﺘﻼﺡ ﻋﻠﻴﻬﺎ ﺑﺸﻲ ﻗﺠﺔ ﻭﻟﻜﻦ ﺩﻓﺎﻋﻬﺎ ﺻﺤﻴﺢ .. ﺃﻧﺎ ﺑﺪﻳﺖ ﻏﻴﺮ ﻛﻨﺘﺮﻋﺪ ﻭﻛﻨﺘﺴﻨﻰ ﺣﻜﻢ ﺍﻹﻋﺪﺍﻡ ﺣﻴﺖ ﻫﺎﺩﻱ ﻭﺍﻟﻠﻪ ﻻ ﻓﻠﺖ ﻣﻨﻬﺎ

- ﻧﺒﺪﺍﻭ ﺃﺑﺎﺑﻲ ﺑﻜﺮﻳﻤﺔ ﻟﻜﻮﺍﻓﻮﺭﺓ

- ﻻ ﻻ ﺃﺵ ﻏﺎﻧﺪﻳﺮﻭ ﺑﻬﻀﺮﺓ ﺍﻟﻌﻴﺎﻻﺕ ﺩﻭﺯﻱ ﺩﻭﺯﻱ

- ﻭﻧﺸﻮﻓﻮ ﻏﻴﺮ ﺗﺼﻮﻳﺮﺗﻬﺎ ﺑﻌﺪﺍ .. ﻟﻲ ﻣﺎﺷﺮﺍ ﻳﺘﻨﺰﻩ

- ﺇﻳﻪ ﻧﺸﻮﻓﻮ ﻭﺭﻛﻲ ﻋﻠﻴﻬﺎ

- ﺃﻭﻭﻭﻭﻭﻩ ﻭﻳﻨﻮ ﻋﻠﻰ ﻛﺮﻳﻤﺔ .. ﻋﻨﺪﻫﺎ ﻟﺤﻴﺔ ﻭﻟﻌﻀﻼﺍﺍﺍﺍﺍﺕ

- ﻭﻳﻠﻲ ﻋﻠﻰ ﺑﻨﺖ ﺍﻟﺤﺮﺍﻡ

ﻧﺎﺽ ﻋﻨﺪﻱ ﻧﻮﺿﺔ ﻭﺣﺪﺓ ﺿﺮﺑﻬﺎ ﻟﻴﺎ ﺑﺸﻨﻘﺔ ... ﺃﻭﺩﻱ ﻏﻴﺮ ﺷﻨﻖ ﺃﻟﻮﻟﻴﺪ .. ﻟﻤﻬﻢ ﻏﻴﺮ ﻣﺎﺗﺮﺟﻌﺶ ﺗﻜﻤﻞ .. ﺣﻴﺖ ﻏﺎﺗﺮﺗﻜﺐ ﺃﺑﺸﻊ ﺟﺮﻳﻤﺔ ﻓﺎﻟﺘﺎﺭﻳﺦ .. ﻋﻄﺎﻧﻲ ﺑﻮﺍﺣﺪ ﺍﻟﺼﻘﻠﺔ ﺃﻗﺴﻢ ﺃﻧﻲ ﺭﺃﻳﺖ ﺍﻟﻨﺠﻮﻡ ﻓﻮﻕ ﺭﺃﺳﻲ ﺗﺪﻭﺭ

- ﺃﻧﺎ : ﺃﻱ ﺃﻟﻮﺍﻟﻴﺪ ﺃﻱ .. ﺭﺍﻩ ﻛﺮﻳﻢ ﺃﺃ ﻛﺮﻳﻤﺔ ﻟﻜﻮﺍﻓﻮﺭﺓ ﻛﻈﻞ ﺗﻠﻮﺡ ﺗﺼﺎﻭﺭ ﺭﺍﺟﻠﻬﺎ ﺑﺎﺵ ﺗﻔﻮﺡ ﻋﻠﻴﻨﺎ

- ﺍﻟﻮﺍﻟﻴﺪ : ﺑﺼﺎﺍﺍﺡ ؟؟ ﺑﺮﻛﻲ ﻋﻠﻴﻬﺎ ﺍﻧﺘﻲ ‏( ﻣﻊ ﺍﺧﺘﻲ ‏) ﺷﻮﻓﻲ ﺍﻟﻬﻀﺮﺓ ﻟﻲ ﺑﻴﻨﺎﺗﻬﻢ

- ﺃﻧﺎ : ﺃ ؟؟؟ ﺻﺎﻓﻲ ﺃﻟﻮﻟﻴﺪ ﻏﻴﺮ ﻛﻤﻞ ﺿﺮﺏ .. ﻫﺎﺩ ﺟﻬﺔ ﺑﺎﻗﺎ ﻣﺎﺻﺮﻓﻘﺘﻴﻬﺎﺵ

- ﺍﺧﺘﻲ : ﻭﺍﺧﺎ ﺃﺑﺎﺑﻲ ﻫﻲ ﻟﻲ ﻣﺎﺗﻌﺎﻭﺩﺵ .. ‏( ﺑﺪﺍﺕ ﻛﺘﻘﺮﺍ ‏) ﻫﻮ : ﺩﻧﺪﻭﻧﺘﻲ ﻣﺎﻧﺸﻮﻓﻮﻛﺶ ﻫﺎﺩ ﺍﻟﻌﺸﻴﺔ .. ﻫﻲ : ﻭﺍﻟﻠﻪ ﺃﻛﺮﻣﻮﺷﺘﻲ ﺇﻳﻤﺎ ﻧﻘﺪﺭ ﺍﻟﻮﺍﻟﻴﺪ ﻣﻘﺮﻕ ﻟﻴﻨﺎ ﻓﺪﺍﺭ ﻫﺎﺩ ﺍﻟﻌﺸﻴﺔ ..)’: ﻫﻮ : ﺃﻭﻩ ﺩﻭﻣﺎﺝ ﺣﺒﻲ ﻣﺎﻧﺸﻮﻓﺶ ﺍﻟﻘﻤﺮ ﻟﻴﻮﻡ ﻣﺤﺎﻟﺶ ﻭﺍﺵ ﻳﺠﻴﻨﻲ ﻧﻌﺎﺱ .. ﻫﻲ : ﺗﺎ ﺃﻧﺎ ﺃﻋﻤﺮﻱ ﺧﺴﺎﺭﺓ /: ﻛﺒﻴﺪﺓ ؟؟ .. ﻫﻮ : ﻧﻌﺎﻡ ﺃﺷﺤﻴﻤﺘﻲ ؟؟ .. ﻫﻲ : ﺳﺎﻻ ﻟﻴﺎ ﺻﻮﻟﺪ ﻣﺎﺗﺴﻴﻔﻂ ﻟﻴﺎ ﺭﻭﺷﺎﺭﺝ ﺭﺍﻩ ﻣﺎﻳﺠﻴﻨﻴﺶ ﻧﻌﺎﺱ ﺇﻟﻰ ﻣﺎﻫﻀﺮﺗﺶ ﻣﻌﺎﻙ .. ﻫﻮ : ﻣﻦ ﻋﻴﻮﻧﺎﺗﻲ ﻛﻦ ﺷﻔﺘﻲ ﺃﻧﺎ .. ﻛﺎﻳﻦ ﺃﻟﻮﺍﻟﻴﺪ ﻭﺍﺣﺪ ﺍﻷﻭﺩﻳﻮ ﻧﻄﻠﻘﻮ ﺗﺴﻤﻊ ﻋﻠﻰ ﻭﺩﻳﻨﺎﺗﻚ

ﺃﻭﺩﻳﻮ ؟؟ ﻣﺎﻋﻘﻠﺘﺶ ﻭﺍﺵ ﻃﻠﻘﺎﺗﻮ ﻭﻻ ﻻ .. ﺃﺻﻼ ﻣﺎﻋﻘﻠﺘﺶ ﻋﻠﻰ ﺷﻨﻮ ﻃﺮﺍ ﻣﻦ ﺑﻌﺪ .. ﻣﻦ ﻏﻴﺮ ﺃﻧﻨﻲ ﻓﻘﺪ ﺍﻟﻮﻋﻲ .. ﻭﻟﻜﻦ ﻭﺍﺵ ﻣﻦ ﺍﻟﻌﺼﺎ ﻭﻻ ﺻﺪﻣﺔ ﺍﻟﻠﻪ ﺃﻋﻠﻰ ﻭﺃﻋﻠﻢ

ﻓﺎﺵ ﻓﻘﺖ ﻋﺎﻭﺩﻭ ﻟﻴﺎ ﻋﻠﻰ ﺍﺵ ﻃﺮﺍ ﺣﻴﺖ ﻓﻘﺖ ﻓﺎﻗﺪﺓ ﺩﺍﻛﺮﺓ .. ﻭﺍﻟﺨﻼﺻﺔ ﺍﻟﻮﺍﻟﻴﺪ ﺧﺮﺝ ﻣﻦ ﺩﺍﺭ ﻃﺎﺍﺍﺍﺍﺍﻟﻌﺔ ﻟﻴﻪ ﺍﻟﻘﺮﺩﺓ ﻭﻋﻮﺍﺍﺍﺍﻝ ﻋﻠﻰ ﺧﺰﻳﻴﻴﺖ .. ﻣﻦ ﺑﻌﺪ ﻣﺎﻋﺎﻭﺩﻭ ﻟﻴﺎ ﻛﻮﻟﺸﻲ .. ﺩﻭﺭﻭ ﻋﻠﻴﺎ ﻭﺟﻮﻫﻬﻢ ﺣﻴﺖ ﺑﺎﻟﻨﺴﺒﺔ ﻟﻴﻬﻢ ﺟﺒﺖ ﻟﻴﻬﻢ ﺍﻟﻌﺎﺭ ﻟﺪﺍﺭ .. ﺃﻧﺎ ﺻﺎﻓﻲ ﻣﺸﻴﺖ ﻓﻴﻬﺎ ﻭﻟﻲ ﺯﺍﺩ ﺃﻛﺪ ﻟﻴﺎ ﺣﺪﺳﻲ ﻫﻮ ﺗﻠﻴﻔﻮﻧﻲ ﻟﻲ ﻗﺪﺍﻣﻲ ﻣﺸﺨﺸﺦ ﻭﺷﻘﺎﻓﻮ ﻗﺪ ﻟﻜﺒﻴﺮ ﻗﺪ ﺍﻟﺼﻐﻴﺮ .. ﻳﺎ ﻭﻳﺤﺘﻲ ؟ .. ﻋﺎﺩ ﻛﻨﺖ ﺟﺎﻟﺴﺔ ﻫﺎﻧﻴﺔ ﻭﻓﺮﺣﺎﻧﺔ ﻭﻓﺪﻗﻴﻘﺔ ﺗﻘﻠﺒﺎﺕ ﺣﻴﺎﺗﻲ ﺭﺃﺳﺎ ﻋﻠﻰ ﻋﻘﺐ .. ﻋﻮﻳﻨﺔ ﻭﺻﺎﺑﺘﻨﻲ ﻭﻻ ﺩﻋﻮﺓ ﻭﻗﺮﺍﺕ ﻓﻴﺎ .. ﻭﻟﻲ ﺯﺍﺩ ﻃﻴﻦ ﺑﻠﺔ ﻭﻫﻮ ﻓﺎﺵ ﺩﺧﻞ ﻟﻮﺍﻟﻴﺪ ﻟﺪﺍﺭ ﻓﺮﺣﺎﻥ ﻭﺭﺍﺷﻘﺔ ﻟﻴﻪ ﻭﻛﺎﻳﺘﻤﺎﺯﺡ ﻣﻊ ﺷﻲ ﺣﺪ ... ﻛﻠﺸﻲ ﺩﺧﻠﻮ ﻟﻌﺠﺐ .. ﻭﻫﻤﺎ ﺩﺧﻠﻮ ﻟﺼﺎﻟﺔ ﻭﻛﺎﻳﻀﺤﻜﻮ ﻭﻳﻬﻀﺮﻭ .. ﻭﻣﻊ ﺃﻧﺎ ﻛﻨﺖ ﻓﺒﻴﺘﻲ ﺿﺮﻧﻲ ﺭﺍﺳﻲ ﺷﻜﻮﻥ ﻫﺬﺍ ﻟﻲ ﻗﻠﺐ ﻣﺰﺍﺝ ﺑﺎ ﻭﻧﺴﺎﻩ ﻓﻀﻴﺤﺘﻲ ... ﺗﺎ ﺟﺎﺕ ﻋﻨﺪﻱ ﻟﻮﺍﻟﻴﺪﺓ ﻭﻗﺎﻟﺖ ﻟﻴﺎ ﻗﺎﺩﻱ ﺣﺎﻟﺘﻚ ﻭﻟﺒﺴﻲ ﺷﻲ ﻗﻔﻄﺎﻥ ﺭﺍﻩ ﺟﺎﻭﻙ ﺍﻟﺨﻄﺎﺏ ... ﻭﻳﻠﻲ ؟؟ ﺍﻟﺨﻄﺎﺏ ؟؟ ﺷﻜﻮﻥ ﻫﺎﺩ ﻣﺘﻌﻮﺱ ﻟﻴﺎﻡ .. ﺑﻌﻬﺪﻱ ﻫﺎﺩﻭﻙ ﻟﻲ ﻛﻨﻈﻞ ﻣﻀﻴﻌﺔ ﻭﻗﺘﻲ ﻣﻌﺎﻫﻢ ﺗﺎﺣﺪ ﻣﻨﺎﻭﻱ ﻭﻻ ﻭﺍﺟﺪ ﻟﺰﻭﺍﺝ .. ﺩﺭﺗﻬﺎ ﻓﻴﺪ ﺍﻟﻠﻪ ﻭﻗﺎﺩﻳﺖ ﺣﺎﻟﺘﻲ .. ﻭﺍﺧﺎ ﺃﻧﺎ ﻣﺎﺍﺍﺍﺑﻐﺎ ﺯﻭﺍﺝ .. ﻭﻟﻜﻦ ﻧﺸﻮﻑ ﻗﺒﻞ ﻣﺎ ﻳﺰﺭﻕ ﻟﻴﺎ ﺍﻟﻮﺍﻟﻴﺪ ﺍﻟﻌﻴﻨﻴﻦ .. ﻟﺒﺴﺖ ﻭﻣﺸﻴﺖ ﻋﻨﺪ ﺍﻟﻮﺍﻟﻴﺪﺓ ﻭﻋﻄﺎﺗﻨﻲ ﺻﻴﻨﻴﺔ ﻭﻗﻠﺖ ﺑﺴﻢ ﺍﻟﻠﻪ ﻭﺩﺧﻠﺖ ﻭﻳﺎﺭﻳﺘﻨﻲ ﻣﺎﺩﺧﻠﺖ ﻛﺎﻧﺖ ﺍﻟﺼﺪﻣﺔ ﻣﻦ ﺍﻟﺨﻄﻴﺐ ﻭﺍﻟﻤﺨﻄﻮﺑﺔ

- ﺣﻤﺰﺓ ﺍﻟﻨﺠﺎﺍﺍﺍﺍﺭ ؟؟؟

- ﺩﻧﻴﺎ ؟؟

- ﺃﻧﺎ ﺑﺎ ﻗﺘﻠﻨﻲ ﻭﻣﻨﺘﺰﻭﺟﺶ ﺑﻬﺎﺩ ﻋﺪﻳﻢ ﺍﻷﺧﻼﻕ

- ﺍﻟﺤﺎﺝ ﺃﻧﺎ ﺟﻴﺖ ﻧﺨﻄﺐ ﺑﺸﺮﻯ ﻣﺎﺷﻲ ﺩﻧﻴﺎ .. ﺩﻧﻴﺎ ﻋﻨﺪﻙ ﻓﻠﻴﻔﻠﺔ ﻭﻛﻄﻴﺮ ﻣﻦ ﺍﻟﻤﻘﻠﻰ ﻋﺎﻣﻴﻦ ﻭﺍﺣﻨﺎ ﻛﻨﻬﻀﺮﻭ ﺳﻮﻗﻬﺎ ﺧﺎﻭﻱ .. ﺧﺴﺮﺕ ﻋﻠﻴﻬﺎ ﺷﻲ 100 ﺩﺭﻫﻢ ﻏﻴﺮ ﺭﻭﺷﺎﺭﺝ

- 100 ﺑﺪﻭﺑﻞ ﺃﺑﻨﺎﺩﻡ ﻭﻣﺎﺗﺰﻳﺪﺵ ﻓﻴﻪ

ﺑﺪﻳﻨﺎ ﻛﻨﺘﻌﺎﻳﺮﻭ ﻭﻧﺴﻴﻨﺎ ﺭﺍﺳﻨﺎ ﻭﺍﻷﻫﻢ ﻧﺴﻴﻨﺎ ﺍﻟﻮﺍﻟﻴﺪ ﻟﻲ ﻭﺍﻗﻒ ﻛﻴﺴﻤﻊ .. ﻫﺎﺩ ﺍﻷﺧﻴﺮ ﻟﻲ ﺟﺮﺍ ﻋﻠﻰ ﺣﻤﺰﺓ ﺍﻟﻨﺠﺎﺭ ﻣﻦ ﺍﻟﺪﺍﺭ .. ﻭﺍﻧﺎ ﻛﺎﻥ ﺣﺴﺎﺑﻮ ﻣﻌﺎﻳﺎ ﻋﺴﻴﺮ .. ﻣﺸﺎ ﻧﻴﺸﺎﻥ ﺟﺎﺏ ﺍﻟﺤﺎﻟﺔ ﺍﻟﻤﺪﻧﻴﺔ ﻭﺑﻐﺎ ﻳﻘﻄﻊ ﻭﺭﻗﺘﻲ ﻣﻨﻬﺎ ﻭﻟﻜﻦ ﺗﺮﺍﺟﻊ ﻓﺂﺧﺮ ﻟﺤﻈﺔ ﻣﻠﻲ ﻗﺎﻟﺖ ﻟﻴﻪ ﻣﻲ ﺑﻠﻲ ﺑﺸﺮﻯ ‏( ﻫﻲ ﺳﺒﺎﺏ ﺻﺪﺍﻉ ‏) ﻣﻘﻴﺪﺓ ﻣﻮﺭﺍﻳﺎ .. ﻛﻨﺖ ﻏﺎﻧﻔﺮﺡ ﻟﻴﻬﺎ ﻭﻟﻜﻦ ﻃﻠﻊ ﻋﻨﺪﻫﺎ ﺯﻫﺮ ﺃﻣﺎ ﺃﻧﺎ ﺣﻴﺎﺗﻲ ﺿﺎﻋﺖ ﻭﺳﺨﻂ ﺑﺎ ﺧﺪﻳﺘﻮ ﺍﻟﻠﻪ ﻳﺨﻠﻒ ... ﻣﻦ ﺑﻌﺪ ﻣﺸﺎ ﺑﻴﺪﻩ ﻭﺟﻤﻊ ﺣﻮﺍﻳﺠﻲ ﻓﻮﺍﺣﺪ ﺍﻟﻤﻴﻜﺎ ﻭﻗﺎﻟﻴﺎ ﺗﺴﺎﻓﻄﻲ ﻣﻊ ﻣﻚ .. ﻫﻨﺎ ﺻﺎﻓﻲ ﻣﺼﻴﺮﻱ ﺗﺤﺪﺩ ﺑﻴﻦ ﺟﻮﺝ ﺩﻳﺎﻝ ﺍﻻﺣﺘﻤﺎﻻﺕ ﻻ ﺗﺎﻟﺖ ﻟﻬﻤﺎ ﻳﺎﻟﻘﺘﻞ ﻳﺎ ﺍﻟﻨﻔﻲ .. ﻋﻴﻴﻨﺎ ﺃﻧﺎ ﻭﻣﻴﻤﺘﻲ ﻧﺰﺍﻭﻛﻮ ﻓﻴﻪ ﺑﺎﺵ ﻳﺘﺮﺍﺟﻊ ﻭﻟﻜﻦ ﻻ ﺣﻴﺎﺓ ﻟﻤﻦ ﺗﻨﺎﺩﻱ .. ﺍﺳﺘﺴﻠﻤﺖ ﻟﻘﺪﺭﻱ ﻭﺳﻠﻤﺖ ﺃﻣﺮﻱ ﻟﻠﻪ ﻭﻣﺸﻴﺖ ﻣﻌﺎﻩ .. ﺑﻘﻴﻨﺎ ﻏﺎﺩﻳﻦ ﻓﻄﻨﻮﺑﻴﻠﺘﻮ ﺗﺎ ﺧﺮﺟﻨﺎ ﻋﻠﻤﺪﻳﻨﺔ .. ﻭﻭﺻﻠﻨﺎ ﻟﺪﺍﺭ ﻋﻤﻲ ﻣﺼﻄﻔﻰ ﻣﻬﻨﺘﻪ ﺇﻣﺎﻡ ﺟﺎﻣﻊ

- ﺃﻧﺎ ﻣﺎﻗﺪﺭﺗﺶ ﻧﺮﺑﻴﻚ ﻭﻟﻜﻦ ﻫﻮ ﻏﺎﻳﻌﺎﻭﺩ ﻟﻴﻚ ﺗﺮﺍﺑﻲ

- ﻫﻪ ﺃﺷﻨﻮ ؟؟ ﻟﻮﺍﻟﻴﺪ ﻭﺍﺵ ﻛﻀﺤﻚ ﻣﻌﺎﻳﺎ .. ﻋﻤﻲ ﻟﻔﻘﻴﻪ ؟؟ ﺣﺮﺍﻡ ﻋﻠﻴﻚ .. ﻏﻴﺮ ﺭﺟﻌﻨﻲ ﻟﺪﺍﺭ ﺃﻗﺴﻢ ﻟﻚ ﻳﻤﻴﻨﺎ ﺗﺎ ﻧﺪﻳﺮ ﻋﻘﻠﻲ

- ﻭﺷﻮﻫﺔ ﻟﻲ ﺷﻮﻫﺘﻴﻨﺎ ؟ ﻋﻤﺮ ﺩﻡ ﻣﺎﻳﺤﻤﺮ ﻭﺟﻬﻨﺎ

- ﻋﻤﺮ ﺩﻡ ﻣﺎ ﻳﺮﺟﻊ ﻣﺎ ﺃﻟﺤﺎﺝ

- ﻣﺎﺑﻐﻴﺘﻴﺶ ﺗﻘﺮﺍﻱ ﻣﺎﻗﻠﻨﺎ ﺑﺎﺱ .. ﺗﺴﻘﻄﻲ ﻭﺗﻌﺎﻭﺩﻱ ﻣﺎ ﻃﺮﺍ ﻭﺍﻟﻮ .. ﻭﻟﻜﻦ ﺑﺎﺵ ﺗﻬﻀﺮﻱ ﻣﻊ ﻟﻲ ﻳﺴﻮﺍ ﻭﻟﻲ ﻣﺎﻳﺴﻮﺍﺵ ﻭﺗﻘﺒﻄﻲ ﻣﻦ ﻋﻨﺪﻫﻢ ﻟﻔﻠﻮﺱ ﺗﺎﻟﻬﻨﺎ ﻣﺎﻧﺴﻤﺤﺶ ﻟﻴﻚ .. ﻭﺍﺵ ﻋﻤﺮﻛﻲ ﻃﻠﺒﺘﻲ ﻟﻴﺎ ﺷﻲ ﺣﺎﺟﺔ ﻭﻣﺎﻋﻄﻴﺘﻬﺎﺵ ﻟﻴﻚ ؟

- ﺑﺎﺍﺍﺍ ﺭﺍﻩ ﺻﻐﺮ ﻭﻗﻠﺖ ﺍﻟﻌﻘﻞ .. ﻣﺎﺗﻌﺎﻗﺒﻨﻴﺶ ﻫﻜﺎ

- ﺧﻴﺒﺘﻲ ﻇﻨﻲ ﻓﻴﻚ

ﻃﻠﻖ ﺟﻤﻠﺘﻮ ﺑﺤﺎﻝ ﺭﺻﺎﺹ ﻭﺧﺮﺝ ﻣﻦ ﻃﻨﻮﺑﻴﻞ .. ﻫﻨﺎ ﺣﺴﻴﺖ ﺑﻔﻀﺎﻋﺔ ﺍﻟﺨﻄﺄ ﻟﻲ ﺩﺭﺕ .. ﺗﺒﻌﺘﻮ ﻭﺍﻧﺎ ﺣﺎﺩﺭﺓ ﺭﺍﺳﻲ .. ﻭﺃﻱ ﻋﻘﺎﺏ ﺩﺍﺭﻭ ﻟﻴﺎ ﻧﺴﺘﺎﻫﻠﻮ ...

ﺩﺧﻠﻨﺎ ﻟﺪﺍﺭ ﻭﻣﻦ ﺑﻌﺪ ﻣﺎﺭﺣﺒﻮ ﺑﻴﻨﺎ ﻋﻤﻲ ﻭﻣﺮﺗﻮ ﻭﺧﻮﺍﻭ ﻟﻴﻨﺎ ﺃﺗﺎﻱ .. ﻳﺎﻻﻩ ﺑﻐﺎ ﻟﻮﺍﻟﻴﺪ ﻳﻌﺎﻭﺩ ﻟﻌﻤﻲ ﻋﻠﻴﺎ ﻭﻫﻮ ﻳﺪﺧﻞ ﻋﺒﺪ ﺍﻟﺼﻤﺪ ﻭﻟﺪﻭ .. ﻻﺑﺲ ﻭﺍﺣﺪ ﺳﺮﻭﺍﻝ ﻣﻘﻄﻊ ﻭﺩﺍﻳﺮ ﻭﺍﺣﺪ ﺍﻟﻜﺎﺳﻜﻴﻄﺎ .. ﻭﺳﻠﻢ ﻋﻠﻴﻨﺎ ﺷﻲ ﺳﻼﻡ ﺩﻳﺎﻝ ﻟﻬﻴﺒﻬﻮﺏ

- ﻭﺍﻓﻴﻦ ﺃﺳﺎﻃﺎ ﺃﺃ ﺑﻨﺖ ﻋﻤﻲ ﺷﻔﺘﻚ ﻟﻴﻮﻣﺎ ﻛﺎﻉ ﻣﺎﺣﻠﻴﺘﻲ ﺍﻟﻔﺎﻳﺲ .. ﺗﺨﻠﻌﺖ ﻋﻠﻴﻚ .. ﻭﺑﻠﺨﺼﻮﺹ ﻣﻠﻲ ﻣﺎﺣﻄﻴﺘﻲ ﺗﺎ ﺗﺼﻮﻳﺮﺓ ﺩﻳﺎﻟﻚ ﻣﻦ ﺍﻟﺒﺎﺭﺡ

ﺍﻟﻠﻪ ﻳﻌﻄﻴﻚ ﺍﻟﺤﻜﺔ ﻭﻗﻠﺖ ﺍﻟﻀﻔﺎﺭ ﺑﺤﺎﻻ ﺍﻧﺖ ﻟﻲ ﻧﺎﻗﺼﻨﻲ .. ﻟﻮﺍﻟﻴﺪ ﺩﻡ ﻣﺸﺎ ﻣﻦ ﻭﺟﻬﻮ ... ﻣﺎﺗﺼﺮﻃﺎﺗﺶ ﻟﻴﻪ .. ﺁﺁﻭ ﻓﻴﻦ ﻣﺎ ﻛﻴﻤﺸﻲ ﻛﺎﻳﻠﻘﺎﻧﻲ ﻣﺨﺮﻭﺿﺎﻫﺎ .. ﻣﺎﻋﺮﻓﻨﻲ ﺑﻨﺖ ﻭﻻ ﺯﻭﺑﻴﺔ .. ﺍﻟﺤﺎﺻﻮﻝ ﺩﺍﻛﺸﻲ ﻟﻲ ﻋﻼﺵ ﺟﺎ ﻟﻮﺍﻟﻴﺪ ﺗﺮﺍﺟﻊ ﻋﻠﻴﻪ .. ﺣﻴﺖ ﺷﺎﻑ ﺑﻠﻲ ﺗﺮﺑﻴﺔ ﻋﻤﻲ ﻟﻮﻟﺪﻭ ﻛﻔﺲ ﻣﻦ ﺗﺮﺑﻴﺘﻮ ﻟﻴﺎ ﻭﺇﻟﻰ ﺧﻼﻧﻲ ﻫﻨﺎ ﻏﻴﺮ ﻏﺎﻳﺰﻳﺪ ﻳﺨﺮﺝ ﻋﻠﻴﺎ .. ﻣﺎﻛﻤﻠﻨﺎﺵ ﺳﺎﻋﺔ ﺗﺎﻗﺎﻟﻴﺎ ﻧﻮﺿﻲ .. ﺭﻛﺒﻨﺎ ﺗﺎﻧﻲ ﻟﻄﻨﻮﺑﻴﻞ ﻭﺃﻧﺎ ﻛﻠﻲ ﺃﻣﻞ ﻧﺮﺟﻌﻮ ﻟﺪﺍﺭ ﻭﻟﻜﻦ ﺧﺎﺏ ﺃﻣﻠﻲ ﻣﻠﻲ ﺷﻔﺘﻮ ﻏﺎﺩﻱ ﻓﺠﻬﺔ ﺍﻟﻤﻌﺎﻛﺴﺔ ﻭﺧﺎﺭﺝ ﻋﻠﻰ ﺍﻟﻤﺪﻳﻨﺔ ... ﻛﺎﻥ ﺳﺎﻛﺖ ﻭﻟﻜﻦ ﻣﻦ ﻭﺟﻬﻮ ﺑﺎﻳﻦ ﻧﺎﻭﻱ ﻋﻠﻰ ﺷﻲ ﺣﺎﺟﺔ .. ﺃﻣﺎ ﺃﻧﺎ ﻣﺎﻟﻘﻴﺖ ﻣﺎﻧﻘﻮﻝ ﺣﻴﺖ ﺇﺣﺴﺎﺳﻲ ﺍﻟﺬﻱ ﻻ ﻳﻜﺬﺏ ﺣﺲ ﺑﻠﻲ ﺣﻴﺎﺗﻲ ﻏﺎﺗﻘﻠﺐ ﻛﺘﺮ ﻣﻦ ﻟﻲ ﺗﻘﻠﺒﺎﺕ .. ﻭﺍﻟﺒﻼﺻﺔ ﻟﻲ ﻏﺎﺩﻳﻴﻦ ﻟﻴﻬﺎ ﺩﺍﺑﺎ ﻫﻲ ﺍﻟﻤﻨﻔﻰ ﺍﻟﺤﻘﻴﻘﻲ ﺑﻜﻞ ﻣﻌﻨﻰ ﻟﻠﻜﻠﻤﺔ

ﺑﻘﻴﻨﺎ ﻏﺎﺩﻳﻦ ﺷﻲ ﺳﺎﻋﺘﻴﻦ ﻭﺣﻨﺎ ﻓﻄﺮﻳﻖ .. ﻛﺎﻉ ﺍﻷﻓﻜﺎﺭ ﺍﻟﺨﺎﻳﺒﺔ ﻃﺎﺣﻮ ﻋﻠﻴﺎ .. ﻭﺧﺎ ﻫﻜﺎﻙ ﺍﻟﻮﺍﻟﻴﺪ ﺣﻨﻴﻦ ﻏﻴﺮ ﺧﺺ ﺷﻮﻳﺔ ﺩﻳﺎﻝ ﻟﻮﻗﺖ ﺑﺎﺵ ﻳﻨﺴﻰ .. ﻭﺩﺍﻙ ﻟﻮﻗﺖ ﻫﻮ ﻟﻲ ﻓﻴﻪ ﺍﻟﻤﺸﻜﻞ .. ﺃﻧﺎ ﺑﺼﺢ ﻓﻠﻴﻔﻠﺔ ﻭﻛﻨﻄﻴﺮ ﻣﻦ ﺍﻟﻤﻘﻠﻰ ﻭﻟﻜﻦ ﻋﻤﺮﻱ ﻓﺖ ﺍﻟﺤﺪﻭﺩ .. ﻛﺎﻧﻬﻀﺮ ﻣﻊ ﺩﺭﺍﺭﻱ ﻭﻟﻜﻦ ﻣﻦ ﻏﻴﺮ ﺍﻟﻬﻀﺮﺓ ﻋﻤﺮﻱ ﺩﺭﺕ ﺷﻲ ﺣﺎﺟﺔ ﻭﺍﺧﺮﻯ .. ﺃﺻﻼ ﻋﻤﺮ ﺷﻲ ﻭﺍﺣﺪ ﻣﺎ ﺩﺧﻞ ﻟﻘﻠﺒﻲ ﻭﺣﺴﻴﺖ ﺑﺸﻲ ﺣﺎﺟﺔ ﺍﺗﺠﺎﻫﻬﻢ .. ﻓﻘﻂ ﺗﺪﻭﺍﺯ ﺍﻟﻮﻗﺖ ﻣﻦ ﻃﺮﻓﻴﻦ .. ﻭﺭﺟﺎﻝ ﻛﻠﻬﻢ ﻓﻌﻴﻨﻲ ﺑﺤﺎﻝ ﺑﺤﺎﻝ .. ﺷﺤﺎﻝ ﻣﻦ ﻣﺮﺓ ﺣﺼﻠﺖ ﻛﺪﻭﺑﻬﻢ ﻭﺗﺠﺎﻫﻠﺖ ﺃﺧﻄﺎﺋﻬﻢ ﻭﻟﻜﻦ ﻛﺎﻳﺨﻠﺼﻬﻢ ﻓﻠﻮﺱ ﻭﺗﻌﺒﺌﺎﺕ ﻫﻪ ﺣﻴﺖ ﻳﺴﺘﺎﻫﻠﻮ .. ﺿﺤﻚ ﻭﺍﻟﻬﻀﺮﺓ ﻟﺨﺎﻭﻳﺔ ﻛﻴﻌﻄﻴﻮ ﻟﻴﻬﺎ ﺣﻜﺔ ﻭﺩﻳﻤﺎ ﺃﻭﻥ ﻻﻳﻦ ﻭﻣﻠﻲ ﺗﺪﻛﺮ ﺯﻭﺍﺝ ﻳﺴﺒﻘﻮ ﻟﻴﻚ ﺍﻟﻤﻴﻢ ﻣﺎﻧﺎﻭﻳﺶ .. ﻣﺎﻭﺟﺪﺵ .. ﻣﺎﻋﻨﺪﻳﺶ ﺑﺎﺵ .. ﻭﻣﻦ ﺑﻌﺪ ﻣﺎﺗﻔﺎﺭﻗﻲ ﻣﻌﺎﻩ ﺑﺴﻴﻤﺎﻧﺔ ﻳﻮﺻﻠﻚ ﺧﺒﺮ ﺯﻭﺍﺟﻮ ﻣﻦ ﺑﻨﺖ ﻃﺎﺳﻴﻠﺘﻮ .. ﺃﻭﺩﻱ ﻟﻲ ﺿﺤﻜﺘﻲ ﻋﻠﻴﻪ ﻳﻀﺤﻚ ﻟﻴﻚ ﻭﻟﻲ ﺿﺤﻜﺘﻲ ﻟﻴﻪ ﻳﻬﺠﺮﻭ ﻟﻴﻚ .. ﺃﻭﻑ ﺃﺵ ﻫﺎﺩ ﺍﻟﺰﻣﺮ ﻟﻲ ﻃﻴﺤﺖ ﻓﻴﻪ ﺭﺍﺳﻲ ..... ﻭﺻﻠﻨﺎ ﻟﻮﺍﺣﺪ ﺍﻟﻌﺮﻭﺑﻴﺔ ﻣﻜﺤﻄﺔ ﻓﻴﻬﺎ ﺷﻲ ﺑﻌﺎﻟﻚ ﻛﻴﺠﺮﻳﻮﺍ ﻭﺩﻳﻮﺭ ﺩﻳﺎﻝ ﺗﺮﺍﺏ ﻭﻧﻌﺎﺝ ﻭﺍﻟﻤﻌﻴﺰ ﻛﻞ ﻭﺍﺣﺪ ﻓﻴﻦ ﺳﺎﺭﺡ

- ﺑﺎ ﻭﺍﺵ ﻏﺎﺗﺴﻜﻨﻲ ﻓﺎﻟﻌﺮﻭﺑﻴﺔ ؟؟

- ﻻ .. ﻭﺗﺎ ﺩﺍﻙ ﺍﻟﻌﺮﻭﺑﻴﺔ ﻭﺍﻟﻠﻪ ﻻ ﺣﻠﻤﺘﻲ ﺑﻴﻬﺎ .. ﺃﻧﺎ ﻏﺎﻧﺪﻳﻚ ﻟﺒﻼﺻﺔ ﻣﺎﻓﻴﻬﺎﺵ ﺣﺲ ﺍﻟﺮﺟﺎﻝ .. ﺑﺎﺵ ﺗﻌﻠﻤﻲ

- ﺗﺎ ﺭﺍﺟﻞ ﻭﺍﺣﺪ ؟؟

- ﺭﻳﺤﺘﻬﻢ ﻣﺎﺗﺸﻤﻴﻬﺎﺵ

- ﻭﺍﻧﺖ ﺃﺑﺎ ؟؟

- ﻣﺎﺗﻌﺎﻭﺩﻳﺶ ﺗﺸﻮﻓﻴﻨﻲ .. ﻭﻣﻦ ﻟﻴﻮﻡ ﻣﺎ ﺃﻧﺎ ﺑﺎﻙ ﻣﺎ ﺍﻧﺖ ﺑﻨﺘﻲ

- ﺑﺎﺍﺍﺍﺍ .. ﻭﺍﺵ ﺟﺒﺖ ﻟﻴﻚ ﻛﺮﺵ ﻣﻦ ﺯﻧﻘﺔ .. ﻭﻣﺎﺗﺰﻳﺪﺵ ﻓﻴﻪ .. ﻋﻤﺮﻙ ﺷﻔﺘﻴﻨﻲ ﻣﻊ ﺷﻲ ﺣﺪ .. ﺭﺍﻩ ﻏﻴﺮ ﻛﻨﻬﻀﺮ ﻭﺻﺎﻑ ﻭﻛﺎﻉ ﺍﻟﺒﻨﺎﺕ ﻛﻴﻬﻀﺮﻭ

- ﻣﺎﺷﻲ ﻛﺎﻉ ﺍﻟﺒﻨﺎﺕ .. ﻭﺑﻨﺎﺕ ﺍﻷﺻﻞ ﻛﺎﻉ ﻣﻜﺎﻳﻄﻠﺒﻮ ﻣﻦ ﺍﻟﺒﺮﺍﻧﻲ ﻟﻔﻠﻮﺱ .. ﻭﺷﻜﻮﻥ ﺿﻤﻦ ﻟﻴﺎ ﺑﻠﻲ ﺍﻟﻬﻀﺮﺓ ﻟﻴﻮﻡ ﻣﺎﺗﺮﺟﻌﺶ ﺣﺎﺟﺔ ﻭﺍﺧﺮﻯ ﻏﺪﺍ

- ﻭﺑﺎﻟﻨﺴﺒﺔ ﻟﻴﻚ ﺗﻨﻔﻴﻨﻲ ﻫﺪﺍ ﻫﻮ ﺍﻟﺤﻞ

- ﺍﻩ

ﺑﺼﺢ ﻏﺎﻟﻄﺔ ﻭﻟﻜﻦ ﻣﺎﺷﻲ ﺗﺎ ﻟﻬﺎﺩ ﺩﺭﺟﺔ ﻧﺘﻌﺎﻗﺐ .. ﺣﻨﻴﺖ ﺭﺍﺳﻲ ﻭﺳﻜﺖ .. ﺑﺎﻥ ﻟﻴﺎ ﺑﺎ ﺯﺍﺩ ﻓﻴﻪ ﺷﻮﻳﺔ .. ﻛﻠﻴﺖ ﺍﻟﻌﺼﺎ ﻭﻣﺎﻗﻠﺖ ﻭﺍﻟﻮ ﺟﺎﺏ ﺍﻭﻝ ﺭﺍﺟﻞ ﻟﻘﺎﻩ ﻗﺪﺍﻣﻮ ﻭﺑﻐﺎ ﻳﺰﻭﺟﻨﻲ ﻟﻴﻪ ﻭﻣﺎﻗﻠﺖ ﻭﺍﻟﻮ .. ﻭﻟﻜﻦ ﺑﺎﺵ ﻳﺒﻌﺪﻧﻲ ﻋﻠﻴﻪ ﻭﻋﻠﻰ ﻣﻲ ﺣﺒﻴﺒﺘﻲ ﻭﺧﻮﺗﻲ ﻭﺩﺍﺭ ﻟﻲ ﻛﺒﺮﺕ ﻓﻴﻬﺎ ﻭﺻﺤﺎﺑﺎﺗﻲ ﻭﺣﻴﺎﺗﻲ ﻛﺎﻣﻠﺔ ﺭﺍﻩ ﺑﺰﺍﺍﻑ ﺻﺮﺍﺣﺔ ﺃﻭﻝ ﻣﺮﺓ ﻧﺘﻌﺼﺐ ﻣﻨﻮ .. ﻭﺃﻧﺎ ﻣﻦ ﻃﺒﻌﻲ ﻣﻜﺎﻧﻐﻮﺗﺶ ﻓﺎﺵ ﻛﻨﺘﻌﺼﺐ ﻛﺎﻧﺨﺒﻴﻬﺎ ﻓﻘﻠﺒﻲ ﺑﺤﺎﻻ ﻣﺎﻃﺮﺍ ﻭﺍﻟﻮ .. ﻭﻟﻜﻦ ﺃﻧﺎ ﻟﻌﺎﻓﻴﺔ ﺷﺎﻋﻠﺔ ﻓﻴﺎ ﻭﺭﺑﻲ ﻟﻲ ﻋﺎﻟﻢ ﺑﻴﺎ .. ﻃﻠﻌﻨﺎ ﻓﻮﺍﺣﺪ ﺟﺒﻞ ﻃﺮﻳﻖ ﻛﺎﻧﺖ ﻛﻠﻬﺎ ﺣﻔﺎﺭﻱ ﻭﺿﻴﻘﺔ .. ﺗﺎ ﻭﻟﻴﺖ ﺧﺎﻳﻔﺔ ﻻ ﻧﻤﻮﺗﻮ ﺑﺠﻮﺝ .. ﻭﻟﻜﻦ ﺑﺎﻳﻨﺔ ﻛﺎﻥ ﻋﺎﺭﻑ ﺃﺵ ﻛﺎﻳﺪﻳﺮ .. ﻣﺎﻭﻗﻔﻨﺎ ﺗﺎ ﻭﺻﻠﻨﺎ ﻟﻮﺍﺣﺪ ﺩﺍﺭ ﻓﺮﺍﺱ ﺟﺒﻞ .. ﺻﺮﺍﺣﺔ ﻣﺎﺷﻲ ﺩﺍﺭ ﻓﻴﻴﻴﻴﻼ ﻛﺒﻴﻴﻴﺮﺓ ﻭﻋﻨﺪﻫﺎ ﺟﺮﺩﺓ .. ﻛﺎﻧﺖ ﺑﺤﺎﻝ ﺍﻟﺪﻳﻮﺭ ﺩﻳﺎﻝ ﺃﻓﻼﻡ ﺍﻟﺮﻋﺐ ... ﺩﻗﻴﻨﺎ ﻋﻞ ﺍﻟﺒﺎﺏ ﻭﺑﻘﻴﻨﺎ ﺷﻲ ﺭﺑﻊ ﺳﺎﻋﺔ ﻭﺍﺣﻨﺎ ﻛﺎﻧﺘﺴﻨﺎﻭ ﻭﻋﺎﺩ ﺗﺤﻼﺕ ﺍﻟﺒﺎﺏ ﻭﻛﺎﻧﺖ ﻣﻦ ﻣﻮﺭﺍﻫﺎ ﻭﺍﺣﺪ ﺍﻟﻤﺮﺍ ﺷﺎﺍﺍﺭﻓﺔ ﺩﺍﻳﺮﺓ ﺑﺤﺎﻝ ﻣﺎﻣﺎ ﻏﻮﻟﺔ ﺍﻟﻠﻪ ﻳﺴﻤﺢ ﻟﻴﺎ ﺑﺎﻳﻦ ﻟﻴﻬﺎ ﺷﺮ ﻭﻧﺤﺲ ﻓﻠﻮﺟﻪ .. ﺑﺪﺍﺕ ﻛﺘﺸﻮﻑ ﻓﻴﻨﺎ ﻭﺍﺣﺪ ﺑﻮﺍﺣﺪ .. ﺑﺤﺎﻻ ﺑﺎﻏﺎ ﺗﺎﻛﻠﻨﺎ ﺃﻧﺎ ﻣﻦ ﻟﺨﻠﻌﺔ ﺗﺨﺒﻴﺖ ﻣﻦ ﻣﻮﺭﺍ ﺍﻟﻮﺍﻟﻴﺪ ... ﻫﺎﺩ ﺍﻷﺧﻴﺮ ﻟﻲ ﺑﺪﺍ ﻛﻴﻬﻀﺮ ﻣﻌﺎﻫﺎ ﺑﺸﻠﺤﺔ ﻭﺻﺮﺍﺣﺔ ﻣﺎﻓﻬﻤﺖ ﺗﺎ ﻟﻌﺒﺔ ﻭﻟﻜﻦ ﻣﻦ ﻭﺟﻬﺎ ﺑﺎﻥ ﺑﻠﻲ ﻋﺎﺩ ﻋﺮﻓﺎﺗﻮ ﺷﻜﻮﻥ ..

- ﺩﺧﻠﻲ ﻣﻌﺎﻫﺎ

- ﻭﺍﻧﺖ ﺃﺑﺎﺑﺎ

- ‏( ﺑﻨﻔﺨﺔ ‏) ﺃﻧﺎ ﻏﺎﻧﻤﺸﻲ ﺑﺤﺎﻟﻲ

ﻋﻄﺎﻧﻲ ﻟﻤﻴﻜﺔ ﻟﻲ ﺟﻤﻊ ﻟﻴﺎ ﻓﻴﻬﺎ ﺣﻮﺍﻳﺠﻲ ﻭﻣﺸﺎ ﺑﻼ ﻣﺎﻳﺘﻠﻔﺖ ﻋﻨﺪﻱ .. ﺃﻣﺎ ﺃﻧﺎ ﺑﻘﻴﺖ ﻏﻴﺮ ﺟﺎﻣﺪﺓ ﻓﺒﻼﺻﺘﻲ ﻣﻦ ﺻﺪﻣﺔ .. ﺑﻬﺎﺩ ﺳﻬﻮﻟﺔ ﺗﺨﻠﻰ ﻋﻠﻴﺎ .. ﻭﺑﻼ ﻣﺎﻳﺴﻤﻌﻨﻲ ﻭﻻ ﺣﺘﻰ ﻳﻌﻄﻴﻨﻲ ﻓﺮﺻﺔ ﻭﺍﺧﺮﻯ .. ﺃﻫﻢ ﺣﺎﺟﺔ ﻫﻲ ﺳﻤﻌﺘﻮ .. ﺃﻣﺎ ﺑﻨﺘﻮ ؟ .. ﺑﻘﻴﺖ ﻛﺎﻧﺸﻮﻑ ﺗﺎ ﻏﺒﺮﺍﺕ ﻃﻨﻮﺑﻴﻠﺘﻮ ﻭﺃﻧﺎ ﻛﻠﻲ ﺃﻣﻞ ﻳﺮﺟﻊ ﻭﻻ ﻧﻔﻴﻖ ﻣﻦ ﻫﺎﺩ ﺍﻟﻜﺎﺑﻮﺱ ..

ﻭﻟﻜﻦ ﻓﻘﺖ ﻋﻠﻰ ﺍﻟﺨﻴﺒﺎﺕ ﻭﻋﻠﻰ ﺍﻟﻮﺍﻗﻊ ﺍﻟﻤﺮ ﻣﻠﻲ ﺳﻤﻌﺖ ﺩﺍﻙ ﺍﻟﻤﺮﺍ ﻛﺎﺗﻘﻮﻝ

- ﻣﻠﻲ ﺗﺪﺧﻠﻲ ﺭﺩﻱ ﻣﻌﺎﻙ ﺍﻟﺒﺎﺏ

ﻭﺍﺣﺪ ﺍﻟﺮﺍﺱ ﻛﺎﻳﻘﻮﻝ ﻟﻴﺎ ﺩﺭﺑﻴﻬﺎ ﺑﺸﻲ ﻛﻌﻄﺔ ﻣﺎﺗﻮﻗﻔﻲ ﺗﺎﺗﻮﺻﻠﻲ ﻋﻨﺪ ﻣﻚ .. ﻭﻟﻜﻦ ﻓﻴﻦ ﻏﺎﻧﻌﻄﻴﻬﺎ ﻓﻬﺎﺩ ﺟﺒﺎﻝ .. ﻭﺍﻟﺼﺪﻣﺔ ﻓﺸﺎﺕ ﻟﻴﺎ ﺭﻛﺎﺑﻲ .. ﺗﺒﻌﺘﻬﺎ ﺑﺤﺎﻻ ﺩﺍﻳﺮﺓ ﻟﻴﺎ ﺗﻨﻮﻳﻢ ﺍﻟﻤﻐﻨﻄﻴﺴﻲ .. ﻭﺃﺵ ﻓﻴﺪﻱ ﻧﺪﻳﺮ ﻣﻦ ﻏﻴﺮ ﻧﺘﺒﻌﻬﺎ .. ﻭﺭﺩﻳﺖ ﺍﻟﺒﺎﺏ ﻭﺩﺧﻠﺖ ﻣﻮﺭﺍﻫﺎ ﻟﺪﺍﺭ .. ﻛﺎﻧﺖ ﺩﺍﺭ ﻓﻴﻬﺎ ﺳﻔﻠﻲ ﻭﺍﻟﻔﻮﻗﻲ .. ﻭﺣﺪﺍ ﻟﻜﻮﺯﻳﻨﺔ ﻟﻲ ﻓﺴﻔﻠﻲ ﻛﺎﻳﻦ ﻭﺍﺣﺪ ﺍﻟﺒﻴﺖ ﺷﻴﺮﺍﺕ ﻟﻴﺎ ﻟﻴﻪ ﻭﻗﺎﻟﺖ ﻟﻴﺎ ﻣﺮﺣﺒﺎ ﺑﻮﺍﺣﺪ ﺍﻟﻠﻬﺠﺔ ﻏﺮﻳﺒﺔ ﺣﺴﻴﺖ ﺑﻴﻬﺎ ﻣﺎﺷﻲ ﻣﻦ ﺍﻟﻘﻠﺐ ﻭﻗﺎﻟﺖ ﻟﻴﺎ ﻧﻤﺸﻲ ﻧﺮﺗﺎﺡ ﻓﻴﻪ .. ﻣﺎﺭﺩﻳﺘﺶ ﻋﻠﻴﻬﺎ ﺍﻟﻬﻀﺮﺓ ﻭﻣﺸﻴﺖ ﻛﻨﻄﻴﺮ .. ﻣﻠﻲ ﺩﺧﻠﺖ ﻟﻴﻪ ﻏﻴﺮ ﺩﻓﻌﺖ ﺍﻟﺒﺎﺏ ﻃﺎﺣﺖ ﻭﺗﺴﻤﻌﺎﺕ ﺑﺎﺍﺍﺍﻕ ﻭﺍﻟﻤﺸﻜﻞ ﺻﺪﻯ ﻛﺎﻳﺘﻌﺎﻭﺩ ﺑﺤﺎﻻ ﻃﺎﺣﺖ ﻋﺸﺮﺓ ﺩﻳﺎﻝ ﻟﻤﺮﺍﺕ ﻣﻊ ﺩﺍﺭ ﺧﺎﻭﻳﺔ .. ﺷﺪﻳﺖ ﻓﺮﺍﺳﻲ ﻣﻦ ﺍﻟﺨﻠﻌﺔ .. ﻭﺩﻭﺭﺓ ﻭﺟﻬﻲ ﻏﻴﺮ ﺑﺸﻮﻳﺔ ﻧﺸﻮﻑ ﺭﺩﺓ ﻓﻌﻠﻬﺎ .. ﻛﺎﻧﺖ ﻛﺎﻉ ﻣﺎﻣﺴﻮﻗﺔ .. ﺭﺟﻌﺖ ﻭﺟﻬﻲ ﻟﻠﻤﻨﻔﻰ ﺍﻷﺑﺪﻱ ﺯﻃﻤﺖ ﻋﻞ ﺍﻟﺒﺎﺏ ﻭﺩﺧﻠﺖ ﻟﺒﻴﺖ .. ﻋﻔﻮﺍ ﻣﺎﺷﻲ ﺑﻴﺖ ﻛﻮﻭﻭﻭﻭﻭﻭﺭﻱ ... ﻋﺎﻣﺮ ﺧﻨﺎﺷﻲ ﺩﻳﺎﻝ ﺯﺭﻉ .. ﻭﺍﻟﺤﻴﻂ ﻛﻠﻮ ﻣﻘﺸﺮ ﻭﺗﺒﻦ ﻣﻐﻄﻲ ﺍﻷﺭﺽ ﻭﻭﺍﺣﺪ ﺍﻟﺒﻮﻧﺠﺔ ﻣﻠﻤﻄﺔ ﺑﺎﻟﺨﻴﻮﻁ ﺩﻳﺎﻝ ﺭﺗﻴﻠﺔ ‏( ﺍﻟﻌﻨﻜﺒﻮﺕ ‏) ﻭﺍﻭﺍﺣﺪ ﺍﻟﻔﻴﺘﺮﻳﻨﺎ ﺟﺎﺟﻬﺎ ﻣﺸﺨﺸﺦ ﺃﻣﺎ ﺧﺸﺒﻬﺎ ﺍﻟﻠﻬﻢ ﺻﻞ ﻋﺎﻟﻨﺒﻲ .. ﺃﻣﺎ ﺍﻟﺠﻴﺶ ﺩﻳﺎﻝ ﺍﻟﻨﻤﻞ ﻭﺍﺧﺪ ﺍﻟﺒﻴﺖ ﻫﻮ ﺍﻟﻘﺸﻠﺔ ﺩﻳﺎﻟﻬﻢ .. ﻭﻭﺍﺣﺪ ﺟﻮﺝ ﺗﺎﺗﺎﺕ ‏( ﺑﻮﺑﺮﺻﺔ ‏) ﻛﻴﺸﻄﺤﻮ ﻓﺎﻟﺤﻴﻂ ﺃﻣﺎ ﺍﻟﻐﺒﺮﺓ ﻓﻬﻲ ﺗﺴﺒﺢ ﻓﻲ ﺍﻟﻤﻜﺎﻥ .. ﻭﺍﺍﺍﻉ ﻭﺍﺣﺪ ﺍﻟﺤﺎﻟﺔ ﻳﺮﺛﻰ ﻟﻬﺎ ﻭﺍﻟﻠﻪ ... ﺍﻟﺤﺎﺟﺔ ﺍﻟﻮﺣﻴﺪﺓ ﺍﻹﻳﺠﺎﺑﻴﺔ ﻫﻲ ﻋﻨﺪﻭ ﺳﺮﺟﻢ ﻋﻠﻰ ﺑﺮﺍ .. ﻭﻭﺍﺣﺪ ﺍﻟﺒﻮﻟﺔ ﺧﻔﺖ ﻏﻴﺮ ﻧﺪﻭﺯ ﻣﻦ ﺟﻬﺘﻬﺎ ﺗﺸﻘﻒ ﻟﻴﺎ ﻋﻠﻰ ﺭﺍﺳﻲ .. ﻧﺎﺭﻱ ﺃﺵ ﻫﺎﺩ ﺍﻟﺰﻣﺮ .. ﺭﺟﻠﻲ ﻓﺸﻠﻮ ﻋﻠﻴﺎ ﻣﻠﻲ ﻛﻤﻠﺖ ﺗﺤﻨﺰﻳﺰ ﻓﺎﻟﺒﻴﺖ .. ﻣﻦ ﺷﻜﻞ ﺩﻳﺎﻝ ﺩﺍﺭ ﻣﻦ ﺑﺮﺍ ﺗﺨﻴﻠﺘﻬﺎ ﻏﺎﺗﻜﻮﻥ ﻣﻦ ﻟﺪﺍﺧﻞ ﺑﺤﺎﻝ ﺩﻳﻮﺭ ﺩﻳﺎﻝ ﻧﺎﺱ ﺍﻷﻟﺒﺔ .. ﻃﺰﺯ ﻋﻠﻰ ﺣﺎﻟﺔ .. ﺗﻔﻮ ﺷﻲ ﻧﻮﻳﻤﺮﺍﺕ ﻓﺘﻠﻴﻔﻮﻥ ﻗﻠﺒﻮ ﻟﻴﺎ ﺣﻴﺎﺗﻲ ﻭﺟﺎﺏ ﺍﻟﻠﻪ ﻣﺎﻛﻤﻠﺶ ﺍﻟﻘﺮﺍﻳﺎ ﺃﻣﺎ ﻛﻦ ﺻﻴﻔﻄﻨﻲ ﻻﺧﺮﺓ ﺑﻼ ﻭﺭﺍﻕ ﺑﻼ ﺳﺘﺔ ﺣﻤﺺ ... ﺗﻮﺷﺤﺸﺖ ﻣــــــــــــــــــﻲ )’: ... ﺍﻟﻴﺄﺱ ﻭﻧﺪﻡ ﻣﺎﻋﻨﺪﻭ ﺑﺎﺵ ﻳﻔﻴﺪﻧﻲ ﺩﺍﺑﺎ .. ﺧﺪﻳﺖ ﻧﻔﺲ ﻃﻮﻳﻞ ﻭ ﺣﻴﺪﺕ ﺟﻼﺑﺘﻲ ﻭﺣﻄﻴﺘﻬﺎ ﻓﺎﻟﻤﻴﻜﺔ ﻣﻊ ﺣﻮﺍﻳﺠﻲ .. ﻭﺷﻤﺮﺕ ﻋﻠﻰ ﺩﺭﺍﻋﻲ ﻭﻋﻠﻴﺖ ﺷﻌﺮﻱ ﺍﻟﻔﻮﻕ ﻭﺑﺪﻳﺖ ﻓﻌﻤﻠﻴﺔ ﺍﻟﺘﻨﻈﻴﻒ ﻭﺍﻟﺘﻨﻈﻴﻢ

ﺑﺪﻳﺖ ﻣﻊ 4 ﺩﻳﺎﻝ ﺍﻟﻌﺸﻴﺔ ﻣﺴﺎﻟﻴﺖ ﺗﺎﻝ 8 ﺩﻳﺎﻝ ﻟﻴﻞ .. ﺟﺎﺗﻨﻲ ﺍﻟﺴﺨﻔﺔ .. ﺍﻟﺨﻨﺎﺷﻲ ﺩﻳﺎﻝ ﺍﻟﺰﺭﻉ ﺟﻤﻌﺘﻬﻢ ﻓﻮﺍﺣﺪ ﺍﻟﻘﻨﻴﺘﺔ ﺑﻴﻨﻤﺎ ﻧﺴﺎﻟﻴﻠﻬﻢ .. ﺍﻟﺒﻮﻧﺠﺔ ﺧﺮﺟﺘﻬﺎ ﻟﺒﺮﺓ ﻧﻔﻀﺘﻬﺎ ﺃﻣﺎ ﻭﺍﺣﺪ ﺍﻟﻮﺳﺎﺩﺓ ﻛﺎﻧﺖ ﻛﻠﻬﺎ ﻭﺍﻛﻠﻬﺎ ﺗﻮﻧﻴﺔ .. ﺯﺍﻭﻃﺖ ﺑﺎﺑﺎﻫﺎ .. ﻧﻤﻞ ﻗﻠﺖ ﺑﺴﻢ ﺍﻟﻠﻪ ﻭﻛﺒﻴﺖ ﻋﻠﻴﻪ ﺍﻟﻤﻠﺤﺔ .. ﺍﻟﻔﻴﺘﺮﻳﻨﺎ ﺭﺩﻳﺘﻬﺎ ﻟﻮﺍﺣﺪ ﺟﻬﺔ ﺑﻌﺪ ﻣﺎﻏﺴﻠﺘﻬﺎ ﻭﻣﺤﻴﺘﻬﺎ ﻭﺣﻄﻴﺖ ﻋﻠﻴﻬﺎ ﺣﻮﺍﻳﺠﻲ .. ﻭﺣﻄﻴﺖ ﻋﻠﻴﻪ ﻭﺍﺣﺪ ﺳﺎﻋﺔ ﺩﻳﺎﻝ ﺩﺟﺎﺟﺔ ﻟﻘﻴﺘﻬﺎ ﺑﺮﺍ ﻣﻠﻮﺍﺣﺔ .. ﻭﺍﺧﺎ ﻣﺎﺧﺪﺍﻣﺎﺵ .. ﻭﻟﻜﻦ ﻟﺪﻳﻜﻮﺭ ﻓﻘﻂ .. ﻣﻬﻢ ﺷﻄﺒﺖ ﻭﺳﻴﻘﺖ ﻭﺗﺴﺨﺴﺨﺖ ﻭﺗﺪﻛﺪﺕ .. ﻭﺑﻘﺎﻭ ﻟﻴﺎ ﻏﻴﺮ ﺩﺍﻙ ﺟﻮﺝ ﺑﻮﺑﺮﻳﺼﺎﺕ .. ﺣﻄﻴﺘﻬﻢ ﻗﺪﺍﻡ ﻋﻴﻨﻲ ﻭﺑﺪﻳﺖ ﻧﻴﺶ .. ﻭﺗﻘﻮﻝ ﺟﻨﻮﻥ ﻭﻻ ﺑﻐﺎﻭ ﻳﺘﺸﺪﻭ ﻟﻴﺎ ... ﻭﻟﻜﻦ ﻣﻌﺎﻳﺎ ﺃﻧﺎ ﻳﻠﻌﺒﻮ ... ﺩﺭﺳﺖ ﻟﻴﻬﻢ ﺯﺍﻭﻳﺔ ﻟﻤﻨﺎﺳﺒﺔ ﻟﻠﻘﺘﻞ ﺑﺼﻨﺪﺍﻟﺔ .. ﻳﺎﻻﻩ ﻗﻠﺖ ﺑﺴﻢ ﺍﻟﻠﻪ ﻭﺑﻐﻴﺖ ﻧﺸﻴﺮ ﻭﻫﻲ ﺗﻮﻗﻒ ﻋﻠﻴﺎ ﺩﺍﻙ ﺍﻟﻤﺮﺍ ﻛﻲ ﺍﻟﻤﻮﺕ ﻟﻲ ﻛﺎﻧﺖ ﻛﺎﺗﻔﺮﺝ ﻋﻠﻴﺎ ﻏﻴﺮ ﻣﻦ ﻟﺒﻌﻴﺪ ﻭﺳﺎﻛﺘﺔ

- ﺍﺵ ﻛﺎﺩﻳﺮﻱ ؟

- ﻛﻨﺒﻴﻊ ﺍﻟﺤﺸﻴﺶ ﻣﻜﺎﺗﺸﻮﻓﻴﺶ ‏( ﻧﺎﺭﻱ ﻋﻠﻰ ﺷﻮﻓﺎﺕ ﺩﺍﺭﺕ ﻓﻴﺎ ﺗﺨﻠﻌﺖ ﺃﻧﺎ ﺗﻌﺰﻋﺰﺕ .. ﺩﺭﺕ ﻭﺍﺣﺪ ﺿﺤﻴﻜﺔ ﺯﻋﻤﺔ ﺍﻟﺒﺮﺍﺀﺓ ‏) .. ﺳﻤﺤﻴﻠﻲ ﺃﻻﻟﺔ .. ﺩﺍﻙ ﺟﻮﺝ ﺑﻮﺑﺮﻳﺼﺎﺕ ﺑﻐﻴﺖ ﻧﺨﺮﺟﻬﻢ

- ‏( ﻣﺨﻨﺰﺭﺓ ‏) ﺗﺨﺮﺟﻴﻬﻢ ﻭﻻ ﺗﻘﺘﻠﻴﻬﻢ ؟

- ‏( ﺑﺘﻤﺴﻜﻴﻦ ‏) ﺣﺎﺷﺔ .. ﻏﻴﺮ ﻧﺨﺮﺟﻬﻢ

- ﻫﺎﺩ ﺩﺍﺭ ﺩﺍﺭﻫﻢ .. ﻭﻧﺘﻲ ﻟﻲ ﻫﺎﺟﻤﺔ ﻋﻠﻴﻬﻢ

- ﺃﻧﺎ !!!!!! ؟؟

- ﻭﻟﻲ ﻣﺎﻋﺠﺒﻮ ﺣﺎﻝ ﻳﺒﺎﺕ ﺑﺮﺍ

- ﻳﺎﻻﻩ ﺳﻤﻌﺘﻮﻫﺎ ﺗﻼﺣﻮ ﻓﺤﺎﻟﻜﻢ .. ﻣﺎﻋﻨﺪﻧﺎﺵ ﻫﻨﺎ ﺍﻟﺨﻴﺮﻳﺔ

- ﻭﺍﺵ ﺍﻧﺖ ﻋﻨﺪﻙ ﺷﻲ ﻋﻘﻞ ﻭﻻ ﻏﻴﺮ ﺍﻟﻌﺠﻴﻨﺔ .. ﺩﺍﻙ ﺿﺴﺎﺭﺓ ﺭﺍﻩ ﻣﺎﻋﻨﺪﻱ ﻣﺎﻧﺪﻳﺮ ﺑﻴﻬﺎ ﻫﻨﺎ .. ﺭﺍﻩ ﻣﺎﺷﻲ ﺑﺎﻙ ﺳﻤﺢ ﻓﻴﻚ ﻭﺍﻧﺎ ﻧﺤﺼﻞ ﻓﻴﻚ ... ﻫﺎﺩﻭﻙ ﺟﻮﺝ ﺗﻤﺎ ﻳﺒﻘﺎﻭ ﻭﺇﻟﻰ ﻣﺎﻋﺠﺒﻚ ﺍﻟﺤﺎﻝ ﺑﺎﺗﻲ ﺑﺮﺍ

- ‏( ﺑﺘﺪﻣﺮ ‏) ﻭﺭﺍﻩ ﻛﺎﻧﺨﺎﻑ ﻣﻨﻬﻢ

- ﺑﺮﺍ ﻛﺎﻳﻦ ﻣﺎﻛﺒﺮ ﻣﻨﻬﻢ .. ﺇﻳﻮﺍ ﻟﻲ ﺑﻐﻴﺘﻲ

ﻗﺎﻟﺖ ﻫﻀﺮﺗﻬﺎ ﻟﻲ ﺑﺪﺍﺕ ﻛﺎﻳﺘﻌﺎﻭﺩ ﺻﺪﻯ ﺩﻳﺎﻟﻬﺎ ﻭﺧﺮﺟﺎﺕ ..

يتبع