عشق و كبرياء الجزء العاشر

**بعد شهر .. آدم و إسراء بقاو كيتلاقاو في سر يا عندو فالدار يا فشي مطعم بعيد على المدينة .. علاقتهم زادت توطدات .. حتا واحد ماعارف بهادشي إلا رجاء .. إسراء كضل تحلف فيها لا تنطق بشي حاجة قدام جهاد .. كيتلاقاو تقريبا كل نهار .. إسراء نفسيتها رتاحت و ولات ديما ضاحكة و هادشي لاحظوه حتا عائلتها و لكن كيقولو السبب غيكون غير رجوعها لخدمتها .. 

فاقت إسراء الصباح .. اليوم مخداماش خدات وقتها فدوش .. و نزلات لقات واليديها جالسين كيفطرو ..

إسراء : صباح الخيير 

سعيدة : صباح نوور .. (وقفات ) اجي اجي عندي .. عيد ميلاد سعيد أحبيبتي (عنقاتها ) 

إسراء : هه مغسي ماما 😍

مشات سلمات على باباها لي حتا هو تمنى ليها عيد ميلاد سعيد .. 

حتا دخلات لابون هازة بوكي كبير ديال الورد حمر .. 

إسراء : واااو .. مشات كتجري .. شداتو من عندها و هي كضحك .. جبدات لا كارت و قراتها .. 

"Happy Birthday Baby ... come see me at 5 -A.I" 

"عيد ميلاد سعيد بيبي .. تعالي إلي مع الخامسة "

قراتها و ابتاسمات حتا بان ضرس العقل .. 

سعيدة : شكون سيفطو ليك ؟ 

إسراء : آ ؟ غير واحد الصديق .. 👀

سعيدة : ذوقو غزاال .. طلعيه ليها أبنتي لبيتها .. 

لابون : وصلوك بزاف ديال الهدايا و لي بوكي .. أنا غنحط كلشي فالغرفة ديالك 

إسراء : واخا شكرا ☺

جلسات إسراء فطرات من بعد طلعات لبيتها شافت داكشي لي جاها .. هزات الفون و عيطات لآدم .. دغيا جاوب

آدم : Je t'aime 

إسراء : (تنهدات) 😍

آدم : عجبك البوكي ؟ 

إسراء : حمقني .. مغسي حبيبي

آدم : العفو أحبيبة .. آجي عندي نحتافلو بكري حيت عارف العائلة غيبغيوك تكوني معاهم 

إسراء : امم يخليلي لي كيفهم .. 

آدم : ههه يالاه نخليك دابا .. متعطليش 

إسراء : اوكي بيب 😙

قطعات و مشات كتبقشش فالكادويات ديالها .. حتا دخلات عليها رجاء بعجاجتها .. 

رجاء : سنة حلوة يا جميييييل سنة حلوة يا جميييييل 

إسراء : ههه صوتك خيب غا سكتينا 😂

رجاء : يخخ سري أنا جاية فرحانة بيك 😒

إسراء : ههه غير كنضحك معاك .. (عنقاتها) مغسي حبيبة .. اوا ؟ 

رجاء : اوا شنو ؟

إسراء : فين الكادو ؟ 😂

رجاء : هه راه لتحت 

خرجات كتجري .. لقات جهاد واقف .. و بدات كتقلب بعينيها 

جهاد : ههه ماشي هنا خرجي برا .. 

مشات كتجري مع الخرجة لقات طوموبيل اودي بيضة مزوقة ب ruban حمر و نونوس كبير الفوق 

إسراء : OMG 😱😍😍😍😍

رجاء : أناري طرتي 😂 كيجاتك ؟ 

إسراء : كتحمق .. نتي لي ختاريتيها ياك ؟ 

رجاء : معلوم 😏 

مشات عنقاتها و عنقات جهاد .. 

جهاد : تستاهلي كثر أحبيبة .. 

دخلات لطوموبيل هي و رجاء بقاو كيتصورو .. من بعد دخلو لدار و بقاو جالسين مجمعين حتا وصل وقت الغدا ... تغداو مجموعين .. سالاو وطلعات إسراء لبيتها .. مشات بدلات عليها لبسات كسوة سميطات جاين على صدر .. كحلة فيها دي موتيف بيضين و شفافة .. قادت شعرها و دارتو wavy من تحت دارت ميك اب غامق ..لبسات هيلز فنفس لون الكسوة .. و هزات بوشيط صغيرة .. نزلات لقات كلشي جالس فصالون .. 

جهاد : مأنتكة فين غاديا ؟ 

إسراء : ا؟ غير واحد الغرض و جايا .. خرجات دغيا قبل ميزيد يسولها و تبدا تفتف .. شدات طاكسي وصلها حتال الفيلا ديال آدم .. وصلات لقات الباب محلول دخلات عيطات بسميتو مجاوبهاش .. بقات كتقلب .. خرجات لجردة حتا بان ليها شمع فالأرض على شكل ممر .. تبعاتو 

تبعاتو و تفاجئات بآدم واقف بابتسامة و حداه طابلة فوقها ميك و ماكلة و جردة كاملة شمع و ورد .. قرب ليها جرها من خصرها و باسها فحنكها ورك عليها 

آدم :happy birthday حبيبة 

إسراء : (باقا مصدومة من داكشي لي كتشوف ) آدم 😍 

ضحك و جرها لطابلة .. جرليها الكرسي جلسات و مشا جلس .. شد يدها و باسها 

آدم : كل عام و نتي حبيبتي 😍

إسراء شافت فيه و عينيها غرغرو بالفرحة ناضت كتجري تلاحت عليه عنقاتو و زيرات عليه و هو كيدوز يديه على شعرها .. 

إسراء : مكنحلمش أنا ياك ؟ 

عضها فعنقها حتا غوتات .. 

آدم : ههه مازال عندك شك ؟ 

إسراء : تانكيو سو ماتش بيب 

آدم : مابيناتناش تانكيو .. بعدها عليه و باسها فشفايفها و حتا هي تجاوبات معاه .. بعدات عليه و مشات جلسات .. كلاو في جو ديال الرومانسية و الضحك .. سالاو و ناض آدم مشا كيجري لداخل و رجع .. 

إسراء : فين مشيتي ؟ 

مكملاتهاش حتا طلقات موسيقى هادئة رومانسية .. مد ليها آدم يديه ابتاسمات ليه و عطاتو يدها .. جرها عندو محاوطها بيديه و هي يد مدوراها على عنقو و يد على صدرو .. 

بقاو كيرقصو و هما ساكتين مخليين غير عينيهم كيوصلو الحب و الشوق لي داخلهم .. هزات يدها كدوزها على عنقو .. نزل عندها باسها حدا فمها .. حبس و بقا حاط شفايفو عليها و هي مغمضا عويناتها .. 

إسراء : I Love You

هز عينيه فيها لقاها مغمضة عينيها جرها حتا تلاصقو أجسادهم و باسها فشفايفها بحنية

بحالا خايف يآذيها .. حلات عينيها ابتاسمات ليه .. طلق منها و مشا جاب بواط عطاها ليها ... 

إسراء : شنو هدا ؟ 

آدم : حليه .. 

حلاتو كان تشوكر ديال دياموند عريض .. 

آدم : كنتمنى يعجبك ذوقي 

إسراء : (هزات فيه عينيها) زوين بزاف .. حطات عليه يديها غير بشوية بحالا خايفة تهرسو .. 

آدم : اري نلبسو ليك .. 

عطاتو ليه و دارت عطاتو بظهرها و هزات شعرها .. ركبو ليها و باسها فعنقها حتا بورشها .. 

إسراء : مغسي آدم .. ذوقك غزال .. كنحماق على تشوكرز .. 

آدم : بصحة بيبي .. آه مازال حاجة خرى .. 

مشا تحت طبلة جبد كتاب و جابو ليها 

آدم : كتقراي الكتوبا ياك .. 

إسراء : وي .. 😍 لقيتيني قربت نسالي واحد الرواية .. تاكنس بيب

باسها فحكنها و رجعو جلسو كيهدرو حتا صونا ليها الفون كانت رجاء .. هزاتو جاوبات .. 

إسراء : وي رجاء 

رجاء : (كتوشوش) شبعتي حب ولا مازال ؟ 

إسراء : ههه علاش ؟ 

رجاء : غادي نمشيو لكلوب باغيين نحتافلو بيك .. نتلاقاو تما .. متعطليش را جهاد كيبقا يسول بزز باش كنتلفو .. 

إسراء : اوكي .. شوية و نكون عندكم 

رجاء : سلمي على حبيب القلب 

إسراء : ههه مبلغ .. باي( قطعات و شافت فآدم) كتسلم عليك 😂

آدم : ههه شنو خاصك تمشي ؟ 

إسراء : امم 😔

آدم : اوكي .. آجي نوصلك .. هزات الكتاب لي جاب ليها و شدات فيه و مشاو ركبو فطوموبيل و كسيرا لعنوان لي عطاتو .. غاديين طريق كاملة كيتغزل فيها و هي كتضحك معاه حتا وصلو .. وقف حدا الكلوب .. 

آدم : عرفا فين غيكونو ؟ 

إسراء : وي VIP .. مغسي بيب على كلشي .. أحسن عيد ميلاد 😍

آدم : (هز يدها باسها) لي جاي أحلى أحبيبة 

قربات ليه باستو فشفايفو و بعدات تلفتات و هي تصدم .. 

إسراء : (بنبرة متوترة) آ .. آدم ؟ 

آدم : وي ؟ 

شافها فين كتشوف و هو يبان ليه رياض واقف كيشوف

فيهم .. 

آدم : إسراء سيري نتي دخلي دابا .. غنعيط ليك من بعد 

إسراء : اوكي 

نزلات و بقات غاديا و كتلفت لآدم و رياض حتا دخلات .. 

نزل آدم من طوموبيل و وقف دار يديه فجيابو .. جا عندو رياض .. 

آدم : موسيو العثماني .. آش هاد الصدفة ؟ 

رياض : كيبان لي رجعتو اونسومبل 

آدم : (ضحك باستهزاء) من ايمتا كناقش معاك حياتي الشخصية ؟ .. اون تو كا أسي العثماني (حط يديه على كتفو ) قلب ستة تسعود (غمزو) خلينا حباب .. 

كمل هدرتو و مشا خلا رياض معصب و كارز على يديه .. 

دخلات إسراء ل VIP بانو ليها رجاء و جهاد و سلوى و هشام و معاذ .. 

إسراء : هاااي ☺

رجاء : 😱 بنت الهم آش داكشي فعنقك ؟ غزال 

إسراء : شفتي ناس لي كيعرفو يختارو لي كادو 😍

رجاء : احح شبعتي حب و جيتي 😉😂

سلوى : عيد ميلاد سعيد إسراااء (عنقاتها) 

إسراء : مغسي حبيبة 😊😊

مشات سلمات على دراري لي حتاهما تمناو ليها عيد ميلاد سعيد و عطاوها لي كادو ديالها .. بقاو ناشطين مع الموسيقى .. كيشطحو اونسومبل .. حتا شوية حسات إسراء ب يد فوق كتفها تلفتات لقاتو رياض .. 

إسراء : م .. موسيو رياض 

رياض : (قرب ليها و وشوش ليها فودنيها) happy birthday beautiful 

إسراء : (بتوتر) تانكس .. بون نخليك عييت بغيت نمشي نجلس .. 

بغات تمشي جرها من يدها يالاه غيهدر و هو يوقف جهاد .. 

جهاد : إسراء. . تكلمي لرجاء بغاتك .. 

إسراء : اوكي .. 

مشات كتجري لقت رجاء جالسة جلسات حداها و عينيها غير كيدورو باينة متوترة 

رجاء : إسراء؟ مالكي ؟ 

إسراء : (كتوشوش ليها) رياض شافني مع آدم 

رجاء : 😱 كظني غيقولها لناس ؟ 

إسراء : معرفتش .. مي داك سيد كيجيني فشكل.. اوف .. فين سلوى ؟ 

رجاء : راها كتشطح مع هشام .. المسخوك مزعوط 😂

إسراء : ههه باينة عليه .. و هي مسكينة غشيمة ماجايبا لدنيا خبار 

رجاء : غا سكتي نتي كنتي كثر منها 😂😂 

خنزرات فيها و رجعو كيضحكو .. نضمو ليهم لخرين جابو كيك شعلو لإسراء شميعة تمنات أمنية و طفاتها و قطعوه كلاو و كملو شطيحهم .. من بعد خرجو هشام وصل سلوى و إسراء و معاذ ركبو مع جهاد و رجاء وصلو إسراء هي اللولا حطوها و مشاو .. طلعات لبيتها حطات لي كادو ديالها و دخلات دوشات و لبسات عليها بيجامة .. مشات هزات تشوكر لي جاب ليها آدم دارتو فالبواط ديالو و هي كتبتاسم .. هزات الفون و صونات ليه .. 

آدم : حبيبة ديالي

إسراء : امم .. شنو كدير ؟ 

آدم : كنقاد فشي خدمة .. كيف دازت ليلة ؟ 

إسراء : زوينة .. كانت غتكون أحلى معاك 😍

آدم : احح را غتخليني نخرج نجي لحسك دابا

إسراء : ههه مالك محسوس 😂

آدم : نتي جبديني و قولي ليا محسوس 

إسراء : ههه يالاه بوننوي 

آدم : هربي دابا .. قريب نشدك ألكبيدة نفدي فيك كلشي 

إسراء : ها ؟ 👀 سير سير بديتي تخربق 

قطعات عليه 

إسراء : ويلي ويلي مبقاش كيحشم .. 

بقات كتولول حتا وصلها ميساج 

"بوننوي الهرابة ديالي 😍 " قراتو .. ضحكات و مشات هزات هداك الكتاب لي عطاها .. تكات فسرير و بقات كتشوف فالغلاف ديالو .. 

إسراء : باينا قصة حب .. 

حلاتو و تصدمات .. الكتاب كان محفور من الوسط و فيه بحال البواط مسدودة .. ناضت تقادات فالجلسة و عينيها خارجين فداكشي لي قدامها مفهمات والو .. حلات البواط و هي تشهق و عينيها غرغرو بدموع .. 

كان خاتم ديامون بيض .. و حداه مكتوب .. "? will you marry me " "هل تتزوجينني ؟ " 

حطات يديها على فمها بصدمة ماقادراش تغوت حيت غيسمعوها دار .. ناضت كتجري سدات الكتاب هزاتو و خرجات ب بيجامتها .. مشات ركبات فطوموبيل و كسيرات لدار آدم .. طريق كاملة و هي كتشوف فالكتاب ممتيقاش بلي طلي منها زواج .. شي حاجة لي كانت ناسياها هي مكتفكرش فيها بالمرة همها الوحيد هو تكون معاه و فجنبو .. وصلات نزلات كتجري .. بقات كتصوني فالباب بحال المجنونة .. حتا حل ليها آدم .. لابس غير سويت بانتس فالكري و صدرو عريان .. 

آدم : إسراء؟ مالكي واقعة شي حاجة ؟ 

مازال مكمل هدرتو تلاحت عليه عنقاتو و حتا هو زير عليها .. 

إسراء : yes 😍

آدم : ها ؟ 

بعدات عليه و حلات الكتاب عاد فهمها و ابتاسم .. شد من عندها الكتاب و جرها دخلو لداخل .. جبد الخاتم و ركبو ليها .. 

آدم : هدا مبغيتوش يحيد من هنا .. مفاهمين ؟ 

إسراء : حركات راسها ب آه و هي غير كضحك .. 

عنقها و هزها عندو و هي دورات عليه رجليها .. باسها فعنقها حتا تبورشات و بعدات وجهها عليه بقات كتشوف فيه و كترمش فعويناتها حركاتها و شوفاتها خلاوه ينقض على شفايفها بحالا أول مرة غيبوسها .. كيقبل فيها غير بشوية و بحنية .. مشا بيها جهة الفوتوي و حطها و بقا فوقها مكالي ب ايديه و هي مدورة يديها على عنقو .. نزل باسها فعنقو و شاف حوايجها .. 

آدم : هه خرجتي بالبيجامة 

إسراء : (شافت شنو لابسة) 😱 نسيت راسي 

آدم : (باسها و بقا حاط شفايفو عليها كيهدر و يبوس) أنا نهار شفتك نسيت راسي و سميتي و كلشي 

إسراء : (تزنكات) 😶 

آدم : سقلتي دابا ؟ قلت ليك غنشدك نشدك 😉

إسراء : ها ؟ حيد حيد تقلتي عليا 👀

آدم : ههه هاهوا .. 

ناض عليها و تقادت فالجلسة و شافت فيه .. 

إسراء : شنو غنديرو مع الدار .. مفخبارهم والو 

آدم : خاصك تقوليها ليهم .. 

إسراء : أنا ؟ 

آدم : ههه و شكون ؟ أنا ؟ 

إسراء : لا غتمشي معايا .. صافي ؟ 

آدم : أنا معندي مشكيل المهم تكوني نتي مرتاحة 

إسراء : (ابتاسمات ليه)

إسراء : (ابتاسمات ليه) اوكي اذن غدا نجمعهوم و تمشي معايا نهضرو معاهم ... اوف خايفة من رد فعل جهاد 

آدم : معندك مناش تخافي كلشي غيكون هو هداك .. طلعي دابا رتاحي حتال غدا و يحن الله .. 

إسراء : آ؟ غنبات هنا ؟ 

آدم : شنو ياكما بغيتي نخليك تمشي فهاد الليل ؟ (جرها من يدها) اجي لهنا .. 

داها البيت لي كانت نعسات فيه أول مرة جات عندو .. 

آدم : رتاحي هنا .. أنا غير فهاد البيت لي حداك الا حتاجيتي شي حاجة ..

إسراء : اوكي بيب .. بوننوي 😍

أدم : بوننوي حبيبة 

باس ليها راسها و مشا لبيتو .. مشات هي تكات فسرير و هزات يدها كتشوف فالخاتم ممتيقاش بلي أخيرا هي و آدم غيتجمعو و مغيبقا عند حتا واحد الحق أنو يفارقهم .. بقات كتفكر فرد فعل عائلتها كيف غيكون حتا داها النعاس .. صبح الصباح دخلات الشميسة على إسراء فيقاتها .. ناضت كتعجز دخلات لحمام طرفات حالتها .. خرجات مشات كتسلت لبيت آدم حلاتو غير بشوية و دخلات بان ليها مشيح فوق سرير .. ناعس على كرشو و ممغطيش لابس غير شورط .. مشات جلسات حداه .. و حطات يدها على وجهو تابعة ملامحو كتحفظ فيهم و مبتاسمة .. شوية حتا لقات راسها تحت منو .. 

إسراء : 😱 كنتي فايق 

آدم : كتستغليني و أنا ناعس ألحب ؟ 

إسراء : ها ؟ لا غير كنت بغيت نفيقك و صافي 😶

آدم : اوا هانتي فيقتيني .. شنو ندير ليك دابا ؟ 

إسراء : مدير ليا والو غير نوض من فوق مني (كدور فعينيها كنحاول متشوفش فيه) 

آدم : واخا وا شوفي فيا 

إسراء : (شافت فيه غا بزز ) امم ؟ 

باسها فشفايفها بوسة طويلة و عاود شاف فيها و تنهد 

آدم : سيري دابا قبل منصدقو فحاجة خرى .. 😂 

إسراء : آ ؟ آه أنا غاديا .. 

خرجات كتجري نزلات لتحت بقات جالسة كتسنا فيه .. حتا نزل عندها مدوش و مأنتك .. شافت و شافت فراسها لابسة بيجامة و شعرها مرون .. طلقاتو و قاداتو .. جا حداها باسها فحنكها .. 

إسراء : امم خاصني نمشي قبل ميفيقو دار و ندخل عليهم بالبيجامة .. 

آدم : غتمشي بلا فطور ؟

إسراء : ماشي مشكيل .. حتال دار و نفطر

آدم : اوكي .. العشية نعيط ليك 

حركات راسها بآه و كتبان متوترة .. جرها عنقها حتا تنهدات و خرج معاها ركبات فطوموبيل و مشات .. 

كيف وصلت دخلات إسراء لدار كتسلت بشوية .. طلعات لبيتها كتجري دخلات بدلات عليها .. و هزات الفون عيطات لرجاء .. 

رجاء : لي شاف حبابو ينسا صحابو 

إسراء : قولي غسلام أختي 😂 شفتيني غا لبارح 

رجاء : اه نسيت 😂 

إسراء : الله يستر .. شوفي لغيتك نتي و جهاد تجيو فالعشية .. قولي ليه إسراء بغات تقول شي هضرة و خاص تكونو مجموعين .. 

رجاء : متقوليييش ليا ... 

إسراء : آه .. أنا و آدم .. عييت منخبي و خصوصا دابا صافي خلصهم يعرفو 

رجاء : علاش مال دابا ؟ 

إسراء : البارح .. آدم طلبني لزواج 

رجاء : 😱 واااااهع 

إسراء : لحلاقم .. سكتي غيسمعك جهاد 

رجاء : جهاد راه لتحت ... omg آش قلتي ليه ؟ 

إسراء : كيفاش آش قلت ليه ؟معلوم قبلت .. 

رجاء : هاي هاي دابا جنية ديالي غتزوج 

إسراء : الا هاد العشية دازت بيخير 

رجاء : ان شاء الله .. جهاد واخا واخد منو موقف و لكن غيبغي ليك غير راحتك 

إسراء : ان شاء الله .. يالاه تلاحي .. عندي ميدار 

رجاء : بااي 😍

قطعات معاها و نزلات لقات والديها كيفطرو سلمات عليهم و جلسات فطرات حتا هيا .. ناض باباها باغي يمشي و هي تنطق .. 

إسراء : امم بابا .. هاد العشية بغيتكم تكونو كاملين عندي ليكم شي هضرة 

سعيدة : ياك لاباس أبنتي ؟ 

إسراء : لا والو باس .. غير خاصني نقوليكم شي حاجة 

يعقوب : واخا أبنتي .. العشية غنجي بكري 

إسراء : اوكي .. 😊

بقات عليها سعيدة بالهضرة باش تقوليها شنو كاين و لكن مبغاتش ناضت خرجات .. مشات عند سلوى .. عندها شوتينغ مع واحد المجلة .. بقات نهار كامل معاها حتا وصلات 6 ديال العشية .. صونا ليها آدم .. 

إسراء : وي بيب 

آدم : ساليتي الخدمة ولا مازال ؟ 

إسراء : لا صافي سالينا أنا خارجة دابا .. فين نلقاك ؟ 

آدم : آجي عندي لسويفت .. بما ساليت حتا أنا و نمشيو 

إسراء : اوكي شوية نكون عندك 

قطعات مشات وصات على سلوى شيفور و مشات هي طايرة لسويفت طلعات .. لقات سكريتيرة .. 

سكريتيرة : ميس إسراء ؟ 

إسراء : أهلا لاباس عليك ؟ البنيتة ديالك سافا ؟ 

سكريتيرة : حمد الله .. ونتي ؟ غبرتي علينا

إسراء : غير مع الوقت و صافي .. يالاه منلاهيكش على الخدمة .. 

ضحكات معاها و دخلات عند آدم لقاتو محني على شي وراق .. هز عينيه فيها و ابتاسم 

آدم : ميسز الإدريسي مرحبا 

إسراء : ههه مازال معطل ؟ 

آدم : نو .. صافي ساليت .. اجي نقوليك بعدا 

قربات ليها و وجهها كلو تساؤلات .. 

إسراء : امم ؟ 

وقف و حاوط خصرها بيديه و همس فوذنها "توحشتك"

إسراء : ههه شفتيني غير هاد الصباح 

آدم : أنا كنتوحشك و نتي معايا 

إسراء : اوفف 😍 .. را غنسخف ليك هنا 

ضحك و باسها حدا فمها .. خرجو مشادين نزلو لباركينغ خداو طوموبيلتو و مشاو الوجهة ديالهم فيلا اليوسفي .. 

إسراء : (شادة فيديه) نتمنى يدوز كلشي بيخير 

آدم : (باس يدها ) أنا معاك 

ضحكات ليه و دارت كتشوف فطريق كتفكر .. جاها مسج من عند رجاء بلي را كلشي مجموعين كيتسناو فيها تجي .. شداتها الخلعة .. وصلو .. نزلو و توجهو لباب و هي توقفو إسراء. . شافت فيه و عنقاتو و حتا هو زير عليها و دوز يديه على شعرها .. 

آدم : إسراء .. حبيبة (شافت فيه) relax خليك متفآلة كلشي غيكون بيخير 

إسراء : اوكي يالاه ندخلو .. 

شدات فيه و حلات الباب و دخلو جهة الصالون

شدات فيه و حلات الباب و دخلو جهة الصالون .. تلفتات رجاء هي لولا .. 

رجاء : إسراء جيتي .. 

ضحكات ليها إسراء و تمات غاديا شادة فآدم و لكن هو متحركش .. تلفتات ليه لقاتو كيشوف قدامو و مصدوم .. 

آدم : الوالدة ؟ اش كديري هنا ؟ 

كلشي بقا غير كيشوف .. تلفتات إسراء شافت فتيحة لي جالسة و كتشوف فيهم باستغراب .. 

فتيحة : آدم ؟ 

إسراء : كيفاش الوالدة ؟ (شافت فآدم ) خالتي فتيحة ماماك ؟ 😱

كلشي تصدم معرفو باش تبلاو .. 

سعيدة : جلسو أبنتي بعدا .. 

جهاد : فين غيجلسو .. آش جاي كيدير هذا هنا .. 

سعيدة : أويلي أولدي حشومة آش هاد الهدرة كتقول 

جهاد : كيفاش حشومة نسيتي هاد عاماين شنو وقع ليها ولا نفكرك ؟ 

آدم : (مهدن راسو حيت مبعدغاش يجبد صداع لإسراء ) داكشي لي وقع أثر علينا بجوج .. 

جهاد : (وقف و تم جاي ليه) نتا خليتي لي يسوا و لي ميسوا يحل فمو عليها و داا جايين مشادين بحالا حتا حاجة ماواقعة .. 

إسراء : (غوتات) جهااااد 

كلشي شاف فيها مصدومين حيت أول مرة ترفع صوتها على خوها .. 

إسراء : آدم .. كنبغيه واش عرفتي شناهيا كنبغيه ؟ مكيهمنيش شنو وقع .. لي كيهمني هو دابا أنا معاه .. معندكش الحق تدخل فيا سمعتي ؟ حياتي هادي .. 

جهاد : (تصنت ليها حتا سالات ) واخا ألالة .. مقلتي عيب حياتك هاديك .. موتي نتي وياه كاع .. 

خرج جهاد بزعفة و خبط الباب موراه و إسراء جلسات شدات راسها بين يديها و كتبكي .. مشات عندها رجاء .. 

آدم جلس مافاهم والو .. كيفاش ماماه ماينا فدار و كيفكر فإسراء لي تخاصمت مع خوها و هو عارف علاقتهم قوية بزاف .. 

آدم : الوالدة فهميني شنو كديري هنا ؟ 

فتيحة : ياك أولدي قلت ليك لقيت صحابنا ديال شحال هادي .. إسراء هي لبنت لي كنتي معاها هادي عامين ؟ 

سعيدة : اووف آش هاد المصيبة .. طاحت علينا .. (شافت ففتيحة) غير سمحيلينا على تصرف لي دار جهاد .. داكشي لي كان وقع مادازش علينا بساهل .. 

هاد الوقت كامل يعقوب كان غير كيشوف فداكشي قدامو و ساكت .. وقف و وجه كلامو لإسراء و آدم

يعقوب : تبعوني لمكتب 

شافو فبعضياتهم و ناضو مشاو معاه .. خلاو لخرين غير كيدورو فعينيهم

دخل جلس و جلسو هما قدامو مورا ما سدات إسراء الباب .. 

بقاو كيشوفو فيه كيتسناوه يهضر .. حتا نطق

يعقوب : الهدرة لي قلتي لخوك مكتفقالش .. من ديما الاحترام بيناتكم .. خاصك تعتاذري .. 

بغات تجاوبو هز يديه بمعنى سكتي .. 

يعقوب : و نتا آش هاد الدخلة داخل علينا .. سي أحمد حتا هو لا سمع بهادشي مغيعجبيوش لحال .. 

هو كيهدر و إسراء حادرة راسها حابسة دموع و آدم كيشوف فيها و كارز على يديه .. 

يعقوب : الا بغيتي البنت جيب والديك و آجي .. هاد دخلة لي درتي ممسلكاش 

تلفتو ليه بجوج و مصدومين .. 

إسراء : بابا 😢😍

وقف يعقوب و مشا حداهم و حتا هما وقفو 

يعقوب : (حط يظيه على شعرها) جهاد دابا يتفهم الأمر .. غير خوك و خايف عليك .. (تلفت لآدم سلم عليه باليد ) كبرتو أولدي وليتو طول منا .. غير داك نهار كنتي كتلعب نتا وياها فجردة ديال الحاج .. 

شافو فبعضياتهم مافهمو والو 

آدم : شكرا حيت تفهمتي الوضع .. ان شاء الله نجيو فأقرب وقت باش نخطب إسراء حسب الأصول (شاف فيها و هي تزنكات) 

يعقوب : اوا دابا هدرتي .. يالاه خرجو عليا من هنا 

ضحك آدم و خرج .. بقات اسراء كتشوف فباباها و عينيها عامرين دموع .. تلاحت عليه عنقاتو .. 

إسراء : سمحليا سمعتي هاديك الهدرة قبايلا .. و شكرت بزااف أبابا الله يخليك ليا 

يعقوب : نتي را هي الوريدة لي عندي .. خرجي دابا ماماك غتكون مخلوعة عليك و متنسايش جهاد خاصك تعتاذري 

إسراء : آه شوية و نمشي عندو 

باستو فحنكو و خرجات كتجري لقات آدم واقف فالكولوار .. مشات كتجري عنقاتو و هو زير عليها .. حتا وقفت عليهم رجاء 

رجاء : أويلي القيامة نايضة و هما كيتحابو هنا 

سمعوها و هما يضحكو و بعدو على بعضياتهم .. 

إسراء : زيدي زيدي 

جراتها و مشاو كانلين رجعو لصالون .. لقاو سعيدة و فتيحة كيتسناو غير شافوهم و لبقوهم بالأسئلة 

إسراء : ماما غبشوية عليك أنا غنقول شنو قال لينا 

سعيدة : وا هضري أبنتي دغيا 

إسراء : المهم عاتبنا على هاد الدخلة لي درنا .. و .. قال لآدم .. 

آدم : (ضحك عرفها حشمانة تقول) قال بلي خاص نجيو نخطبو رسمي ألوالدة 

غوتو بجوج و تعانقو بحالا كانو كيتسناو الفرج .. إسراء و رجاء و آدم بقاو غير كيشوفو معجبين .. 

سعيدة : أخيرا أختي .. من شحال هدا باغين نتناسبو 

فتيحة : سيرو الله يفرحكم كيف ما فرحتونا .. 

رجاء : ههه آش هاد الفيلم ... أنا را وليت خايفة تقولو ليهم راكم خوت برضاعة .. 

بداو كيضحكو .. شوية ناض آدم و فتيحة سلمو عليهم و مشاو .. دخلات سعيدة عند يعقوب و بقاو إسراء و رجاء جالسين .. 

إسراء : ناري قفرتها مع جهاد 

رجاء : تفركعتي عليه ياختي .. بصح مدرتي فيها ميصلاح .. هو باغي غي مصلاحتك 

إسراء : سكتي تانتي كتزيدي عليا .. فين يكون دابا ؟ 

رجاء : حبيبي مسيكين خرج معصب .. محال يكون مشا لدار 

إسراء : (عوجات فيها ) حبيبي .. عيطي ليه شوفيه فين 

هزات رجاء الفون و دوزات أبيل ماجاوبهاش دغيا .. 

رجاء : جهاد حبيبة فينك ؟ 

جهاد : سيري لدار أنا شوية و نجي .. قولي لشيفور يوصلك متمشيش بوحدك 

رجاء : واخا أحبيبي .. نتا سافا بعدا ؟ 

جهاد : سافا سافا .. 

رجاء : اوكي .. سي يو 

قطعات و قالت لإسراء بلي غيمشي لدار .. 

إسراء : نوضي يالاه 

رجاء : فين ؟ 

إسراء : لدارك .. خصني نعتاذر ليه 

رجاء : عنداك غير تنوضوها تاني .. را نجندخكم بجوج .. 

إسراء : زيدي .. راس مالك غا هدرة مالك ضربتي طم قبايلا 

رجاء : را غير تلاقاو عليا صدمات .. 

خرجو ركبو فطوموبيل ديال إسراء و مشاو ديريكت لدار .. يالاه وقفو حتا جا جهاد .. نزلو و وقفو كيشوفو فيه .. نزل هو جا فاتجاههم .. 

جهاد : آش جاية كديري نتي هنا ؟ 

رجاء : جهاد غير سمعها .. 

جهاد : دخلي نتي لدارك هاني جاي .. 

رجاء : وا صافي غير .. 

جهاد : (حمر فيها عينيه ) قلت ليك دخلي 

شافت فإسراء و مشات دخلات بقات كطل من الباب .. 

جهاد : حياتك و مبقيناش غندخلو فيها .. سيري فحالك دابا .. (دار غادي )

إسراء : جهاد 😢 سمحليا عافاك .. معرفتش كيفاش خرجت هاديك الهضرة .. (مشات شدات فيدو ) الله يخليك متبقاش مقلق عليا .. نتا عارف نتا خويا و صاحبي و كلشي بنسبة ليا .. الا مشيتي نتا شكون غيبقا فجنبي ؟ (سكتات و شاف فيها) كنبغيه أجهاد 😭 و حتا هوا .. داكشي لي كان وقع ماشي بسبابو مي سبب حنا بجوج لي محضيناش شنو كنديرو .. جهاد أنا عارفاك باغي مصلاحتي ... مصلاحتي مع آدم 😢 وا عفاك هضر قوليا شي حاجة .. 

جهاد : (جرها عنقها) إلا آذاك غنقتلو سمعتي ؟ نتي را ختي حبيبتي (بعدها عليه و قرص ليها شفايفها حتا ضرها) .. و ها لي باقي يهز صوتو عليا 

إسراء : آااي .. صافي مبقيتش نعاود ☺ 

جهاد : (هدر بجهد) تفرجتي نتي ؟ سالا الفيلم 

رجاء : 😱 شهقات و طلعات لبيتها كتجري 

ضحكات إسراء و دخلات هي و خوها معانقين لدار 

.. بقات معاهم هاديك العشية و من بعد خرجات ركبات فطوموبيلتها و دوزات آبيل لآدم .. 

آدم : كبيدة فينك ؟ 

إسراء : عاد خرجت من عند جهاد 

آدم : ياك كلشي لاباس ؟ 

إسراء : وي تصالحنا .. نتا فين ؟ 

آدم : فدار عند الوالدة .. قتلاتني بالأسئلة 

إسراء : ههه 

آدم : آه ريم جاية اليوم .. آجي الا بغيتي تشوفيها 

إسراء : أخييرا توحشتها .. اوكي غندوز لدار نبدل عليا و نجي .. 

آدم : اوكي بيب .. love you 

إسراء : love you too 😍

قطعات و كسيرات لدار .. كيف دخلات لقات ماماها جالسة فصالون مشات عندها .. 

سعيدة : بنتي كبرتي و غتزوجي حتا نتي .. 

إسراء : ماما باقي الحال على هاد الهدرة .. حنا غادي غير نتخطبو دابا .. 

سعيدة : آجي عندي آجي 

مشات عندها عنقاتها .. 

إسراء : يالاه نخليك خاصني نطلع نبدل عليا .. ريم جاية غنمشي نشوفها .. 

سعيدة : اوكي .. غتعطلي ؟

إسراء : معرفتش .. آلا تعطلت غيجي معايا آدم ..

طلعات كتجري لبيت .. لبسات كسوة كحلة قصيرة مع ليبا موس و شعرها طلقاتو .. دارت ميك آب خفييف و هزات ساكها و خرجات .. شدات طريق لفيلا الإدريسي. . كيف وصلات حل ليها العساس الباب .. داخلة و كدور فعينيها .. صونتت فالباب و حلات ليها خدامة ... دخلاتها لصالون كانت فتيحة وأحمد و ريم و آدم .. 

إسراء : السلام عليكم 😶

ريم : إسرااااااء 😱😍 

ناضت عندها كتجري تعانقو شحال عاد طلقاتها .. 

ريم : لاباس عليك ؟ حشومة عليك أصاحبتي مشيتي غبرتي .. امتا رجعتي ؟ نتي و آدم ؟ 

ناض آدم جر ختو 

آدم : واش سارطو كسيطة ؟ .. باركة من الأسئلة 

سلمات إسراء على فتيحة و أحمد و بغات تسلم على آدم غير ب يديها و لكن معااامن هي ... جرها حتا باسها فحنكها عاد طلقها .. و هي وجهها شعلات فيه العافية بالحشمة .. 

فتيحة : هدرتي مع جهاد أبنتي ؟ 

إسراء : آه .. صافي تصالحنا .. كان غير مقلق مني حيت خبيت عليه (شافت فآدم و ابتاسم ليها) 

أحمد : واحد سي يعقوب لاباس ؟ من العرس مشفناه 

إسراء : الحمد لله 

ريم : عرس ؟ عرس ديالمن ؟ 

إسراء : عرس جهاد و رجاء 

ريم : واااو تزوجو .. الله يكمل عليهم بالخير 

فتيحة : و ان شاء الله .. عرس آخر فطريق .. 

ريم : أويلي شكون غيتزوج تاني ؟ 

شافو فيها بجوج و حلات عينيها مصدومة 

ريم : هاد الوحش غيتزوج ؟ و بإسراء ؟ 😱

آدم : أنا وحش لمك ؟ 

ريم : OMG دابا غتولي وحدة من العائلة .. مبرووووك .. (ناضت عنقاتها و عنقات خوها ).. امتا العرس ؟ 

فتيحة : جلسي أبنتي نتي غكتفرفري .. حتا نخطبوها بعدا .. 

بقاو مجمعين .. حتا ناض أحمد و تبعاتو فتيحة .. من بعد حتا ريم طلعات لبيتها ترتاح .. بقات غير إسراء و آدم راس فراس .. جا قرب حداها 

آدم : الحب .. توحشتك ألخايبا ديالي 

إسراء : خايبا ؟ 😒

آدم : ههه خليتي الحب و توحشتك و شديتي فخايبا .. 

قرب ليها و سرق بوسة من شفايفها .. 

إسراء : حشم شوية .. دابا يجي شي واحد 

آدم : واش عارفاني كنتسوق لشي حد ؟ .. را غير مراعي ليك .. عارفك كتغرقي فحوايجك بالحشمة 😂

إسراء : عوجات فيه 

آدم : هه آجي معايا .. (جرها من يدها) 

إسراء : فين ؟ 

ماجاوبهاش و جرها فدروج .. حل واحد الباب و دخل .. كان بيتو .. كبير يجريو فيه الخيل .. طاغي عليه اللون الأسود .. فيه سرير ملكي .. و فقنت آخر كاين بيانو و مكتب حداه خزانة ديال الكتوبا .. دريسينغ روم بوحدها .. و فيه بالكون 

طلقات منو إسراء و دخلات كتشوف و تلفتات عندو .. 

إسراء : كتعزف البيانو ؟ 😍

آدم : شوية .. جلسي أنا غندوش بالخف و نخرج 

إسراء : اوكي .. 

دخل هو و ناضت هي جهة البيانو .. حطات يدها و هو يدير صوت قفزها .. تلفتات حداها و كملات تبقشيشها ..

مشات كتشوف الكتب لي عندو .. تقريبا كلشي فلسفي و على علم النفس .. مشات المكتب و هي تلقا تصويرتها فكادر .. 

إسراء : مجيت كاع فيها زوينة 😍😍 

آدم : نتي ديما زوينة 

تلفتات لقات آدم واقف موراها .. صدرو عريان و لابس غير بوكسر 

إسراء : امتا خرجتي ؟ 

آدم : علاش ؟ حصلتك كتبقشي فحوايجي ؟ 

إسراء : آ ؟ لا كنت غير كنشوف 

قرب ليها و حاوطها بيديه 

آدم : كلشي ديالك أ زين 

إسراء : ههه سير لبس حوايجك بعدا 

آدم : هاني لابس .. 

كان بغا يهدر حتا قاطعو دقان فالباب .. قالهم يدخلو .. دخلات الخدامة .. شافتهم هكاك جاتها ضحكة .. قالت ليهم ينزلو يتعشاو و مشات 

إسراء : ويلي دابا شافتنا هكا غتقول غير كنا كنديرو شي حاجة 

آدم : شي حاجة بحالاش ؟ 😉

إسراء : آ؟ 😶 شي حاجة و صافي .. 

آدم : (باسها فحنكها و تنهد مسكين واصلة ليه لعظم ههه ) آش بان ليك غدا نديرو العقد ؟ 

إسراء : شنو ؟ تسطيتي نتا ؟ .. خطبني بعدا 

آدم : نديرو خطبة و كلشي .. مبقيتش فيك أنا ؟ 

إسراء : علاش مالك ؟ 

يالاه غيجاوبها و هي دير ليها طرن فراسها شهقات 

إسراء : صافي سكت مبغيتش نعرف (دفعاتو و هربات خلاتو غير كيضحك عليها) 

نزلات إسراء جلسات فالطابلة و لحق عليها آدم شافت فيه غمزها و جلس مقابل معاها .. كلاو فجو عائلي إسراء دغيا انساجمات معاهم ..

بقات فتيحة كتعاود ليهم على فاش كانو صغار و كانو كيلعبو مع بعضياتهم و هما غير كيضحكو ممتيقينش حيت ماعاقلين على والو .. ملي سالاو استئذنات منهم إسراء باش تمشي و سلمات عليهم .. من بعد ما عرضات على ريم تجي عندها لدار .. خرج معاها آدم .. 

إسراء : جبت طوموبيل بلاش منعدبك معايا 

آدم : خليها هنا حتا نصيفطها ليك و زيدي نوصلك من الهدرة الخاوية 

إسراء : هه اوكي 

جرها من يدها و حل ليها باب طوموبيل ديالو .. ابتاسمات ليه و ركبات .. عاد دار هو ركب و خرج من الفيلا .. سايق و شاد فيدها .. 

آدم : دابا مكين لي يبرزطنا .. نتحابو على خاطرنا 😉

إسراء : ههه الله يستر .. بحالا نتا كان حابسك شي 

واحد .. مكتحشمش حتا قدام داركم

آدم : نتي لي حيدي عليك هاد الحشمة .. مانافعاناش فالمستقبل 

إسراء : ها ؟ 

آدم : هه والو مديريش فبالك 

ضحك و باس يدها و حطها على قلبو .. طريق كاملة و هما مجمعين حتا وصلو .. 

آدم : الحب آجي نقوليك 

إسراء : (عرفاتو شنو باغي) ههه قول من تيساع 

آدم : لا هادشي مكيتقالش فتيساع .. غير آجي 

حيدات سمطة و قربات ليه حتا لصق نيفها مع نيفو 

إسراء : امم .. هاني .. شنو بغيتي تقول ؟ 

آدم : (حط يدو على ذقنها كيداعب فوجهها ) هه دابا أنا كنت كنلعب معاك فصغر ؟ غنكون شبعت فحسك بوسان 

إسراء : ههه 

حط شفايفو على ديالها بلا ميتحرك حتا باستو هيا .. جات تبعد و هو يعضها حتا تبتات .. باسها و يديه على وجهها كيدورو كيف بغا .. و هي يديها فعنقو .. بقاو على هاديك الحالة حتا قطع فيها نفس .. بعد عليها لقاها باقا مغمضة عويناتها .. ابتاسم و باسها فجبهتها .. ودعاتو و نزلات لدار و هو كالعادة كيتسناها حتا دخل عاد كيمشي .. 

في الشركة عند رياض :

جالس في المكتب هاز شي ضواصا خدام فيهم .. و عقلو ممعاهش هو الي كان حتا حاجة متلهيه على الخدمة .. هاد الآونة الأخيرة شخص واحد شاغل تفكيرو .. من نهار شافها شغلات تفكيرو و مهما حاول احيدها مقدرش .. خاصة فاش دابا عرفها رجعات مع آدم الإدريسي .. الأمل الي كان عندو تدمر و لكن هو ماشي من الأشخاص الي تستسلم دغيا .. خاصة فاش عرف فهاد الأيام الي مبقاش شافها فيهم ان مشاعرو قوية اتجاهها وتوحشها .. هي من بعد ما كمل تسجيل الألبوم ديال سلوى و الترويج ديالو مبقاتش جات للشركة .. بقا كيفكر خاصو شي طريقة باش اشوفها .. شوية هز الفون و عيط على المساعدة ديالو .. بعد دقائق دخلات ..

المساعدة : وي موسيو رياض ..

رياض : ااش اخبار الألبوم ديال سلوى ..

المساعدة : كيف متوقع حقق نجاح كبير و الاغنية الرئيسية باقة متصدرا القائمة تلاتة اسابيع لحد الآن ..

رياض : مزيان .. بغيتك تهدري مع المسؤولين على الحفلات باش من هنا أسبوع اكون حفل خاص بسلوى تغني فيه ..

المساعدة : مي موسيو .. هي باقة يالاه بدات .. حفل خاص ماشي مخاطرة .. على الاقل دير افتتاحية لحفلات فنانين اخرين بينما دير بلاصتها ..

رياض : ( ضرب على المكتب بيديه حتا قفزات ) واش لمك نتي الي غادي توريني ماندير .. تكركبي ديري داكشي الي قلت ليك ..

المساعدة : حاضر موسيو ..

رياض : ااه .. قبل تاصلي بالماندجر ديالها الانسة إسراء .. و قولي ليها دوز عندي غدا هي و سلوى ضروري ..

المساعدة : اوكي ..

خرجات المساعدة و رياض من بعد مكان عاقد حواجبو ابتاسم و هو كيتسنا الغد ليه بفارغ الصبر ..

في حانة كان جالس آدم و زياد شاديين مشروب و مجمعين ..

آدم : راه قلت لمك لباقيش تعيط عليا لبحال هاد البلايص .. راك عارف معنديش مع الصداع و كترت بنادم ..

زياد : مالك وليتي ممل كتر من لقياس .. ياك رجعتي الحب ديالك اوى طلقها اصاحبي ..

آدم : دابا فرأيك إسراء الى عرفات فين كاين غادي اعجبها الحال ..

زياد : وااا ههههههه .. ناري على لحكام .. قول هاكاك خفتي تاكل لعصا .. و انا نفهم ..

آدم : راه غادي نفرشخ مك .. ضحكك باسل بحالك ..

زياد : اوى منين مخايفش .. مالك مباغيش تقصر و تخلينا ناشطين ..

يالاه غادي اجاوبو و هي تجلس حداه وحدة لابسة داكشي مقزب و صدرها نصو خارج و وجها خاوية عليه كيلو ديال المكياج ..

البنت : ( موجها هدرتها لآدم ) الزين مالك مغوبش .. باينة فيك وحيد و حتا انا وحيدة .. ااش بان ليك نتوانسو بجوج ( و غمزتو )

آدم : ( عقد حواجبو كتر ماهو عاقدهم ) غادي تنوضي تقودي فحالك حسن ليك ..

البنت : ( حطات يدها على فخضو ) اووه قاصح مع راسك .. النوع الي كيعجبني ..

آدم : ( حيد ليها يدها بجوج صباع بحال لهاز الزبل و بعدها عليه ) ينعل الحمارة تاع مك الموسخة .. بقا ليا غير حشرة بحالك نشوف فيها .. ( باعلى صوتو ) قووودييي من حدايا ..

البنت ناضت كتجري بلا اطريه ليها .. ضار جيهت زياد لقاه كيشوف فالجيهة لاخرة ..

آدم : عجبك هاد الحبس ..

زياد : ههههه .. ناري قتلاتني الجرية الي دارت .. قفزتيها مسكينة ..

آدم : تهجرو .. تفو امتا دير عقلك .. ( ناض وقف ) انا غادي .. غدا عندي خدمة بكري ..

زياد : تسنا حتا انا غادي معاك .. شحال هادي مشفت خالتي فتيحة .. و نيت نتعشا معاكم ..

آدم : ديما خاشي راسك .. زيد زيد ..

خرجو من البار و مشاو للدار كلا فاللوطو ديالو .. وصلو لقاو فتيحة و احمد فالصالة .. سلمو و جلسو مجمعين معاهم و زياد غير كيتشوا و اشوف جيهت الدروج .. شوية و هي ترسم ابتسامة على وجهو فاش شافها نازلة مع الدروج .. لابسة بيجامة و جامعة شعرها كوت شوفال ..

كتبان كيوت وصلات باست خوها فخدو و تسالمات مع زياد بلابيز ..

زياد : على السلامة البرهوشة .. ناس تاع المحامات ..

ريم : برهوشة هي صحيبتك .. اما انا بزاف عليك ..

زياد : شكون قال ليك انا عندي الصحيبة .. I'm still single .. و انا عاد ناوي ..

ريم : ااش ناوي ؟؟

زياد : المعقول ..

آدم وريم : ههههه ..

زياد : مالكوم كضحكو .. راه معنديش مع المصاحبة و منين نبغي شي وحدة غادي نتزوج بيها ديريكت ..

آدم : وايلي ..

زياد : كتنز .. دابا تشوف ..

جات الخدامة علماتهم العشا واجد فوق الطبلة .. ناضو تعشاو والوقت كامل زياد محيدش عنيه على ريم .. نهار على نهار كيزيد حبو ليها .. كبرات قدامو و شافها فجميع حالاتها معرفش امتا حس بهاد الحب كولو اتجاهها .. حاول و حاول انساها هي خت صاحبو و صعيب اكونو مع بعض .. داكشي علاش كان كيرافق بنات بزاف كيحاول اتناسا مي فشل ديما شاغلا بالو .. و خايف من ردت فعل آدم لعرف بمشاعرو اتجاه ختو .. لكن فكرة انها تعرف على شي حد و يخدها ليه شي حد ميقدرش اتحملها .. داكشي علاش استجمع قواه و قرر افاتح آدم و ياخدو موافقتو عاد اعتارف ليها ..

زياد : آدم منين نساليو بغيتك فشي موضوع ..

آدم : ( مسح فمو ) هي دابا .. يلاه للمكتب ..

يالاه و قف آدم سمع الفون كيصوني هزو لقا إسراء ..

آدم : زياد تلاح دابا غدا نشاوفو اوكي ..

طلع لبيتو دخل و جاوب 

آدم : بيبي ..

إسراء : هانيي ..

آدم : ( تلاح فوق الناموسية ) توحشتكككك ..

إسراء : مي توو ..

آدم : ااه .. نشوفك غدا ؟

إسراء : اا .. غدا عندي اجتماع .. معرفتش امتا غادي نسالي ..

آدم : اجتماع !! ديالاش ؟

إسراء : آا .. اجتماع مع رياض العثماني ..

آدم : ( ناض وقف ) وااات ؟ اشمن اجتماع عندك مع داك خينا .. 

إسراء : راك عارف .. على حساب سلوى .. 

آدم : فااااك .. ضروري زعما تمشي ؟

إسراء : آدم ويلي .. راه انا الماندجر ديالها .. اكيد خاصني نحضر ..

آدم : اففف .. اوكي .. مي غير اسالي الاجتماع خرجي فحالك .. غتكوم سلوى معاكم ياك ..

إسراء : ااه .. سلوى حتا هي .. و آدم بلا متعصب راه بيناتنا غير الخدمة .. وااش مكتيقش فيا ؟

آدم : انا تايق فيك احبيبة .. مي هو لا .. انا الي شفت شوفاتو ليك .. شوف هاني كنقولها ليك ادير معاك هاك و لا هاك .. علميني اوكي ..

إسراء : كون هاني .. حتا حاجة من هادشي مغادي توقع .. 

آدم : الى ساليتي عيطي ليا نجي عندك ..

إسراء : اوكي بيب .. يالاه بون نوي ..

آدم : بون نوي ..

قطعات إسراء و ادم زير على الفون فيدو .. محاملش ان إسراء خدامة مع رياض .. و غادي ابقاو اتشاوفو و هو عارف ان رياض عينو على إسراء .. مي ميقدرش امنعها متخدمش معاه هو عارف شحال كتبغي خدمتها .. بقا كيصوط غير بوحدو مشا نسل حوايجو و دخل خدا دوش لبس شورط فقط و تكا كيفكر فهاد الحريرة حتا مشات بيه عينيه ..

إسراء فاقت دارت روتينها الصباحي لبسات تيشورت أسود بالسيور من الصدر خاشياه فسروال كحل هاي وايستيد جا لاصق معها مبين الطاي ديالها .. شعرها طلقاتو سامبل و مايك اب خفيف كيف العادة و هزات صاك كحل بسمطة طويلة و سبرديلة كري ..

هبطات فطرات و اتاجهات ديريكت للشركة حينت سلوى ولى عندها سائق كيديها و اجيبها .. مسافة الطريق وصلات و طلعات عندو ديريكت دخلات من بعد ما استأدنات هز راسو شافها كيطلعها و اهبطها باعجاب ..

إسراء : صباح الخير موسيو رياض ..

رياض : ( بعنين كيلمعو ) صباح النور إسراء .. و رياض ماشي موسيو رياض واش نبقا نعاودها .. راه زعما مبقاوش بيناتنا رسميات ..

إسراء : اه .. سووري كنسا ..

رياض : تفضلي جلسي .. تشربي شي حاجة ؟

إسراء : قهوة بليز ..

رياض : اوكي .. ( هز الفون ) جوج قهوة .. و جيبي معاك الملف الي قلت ليك عليه ..

إسراء : سلوى باقي مجات ؟

رياض : نو مزال .. ( سمع الدقان ) دخل ..

دخلات السكريتيرة حطات ليهم القهوة و عطاتو الملف و انصارفات ..

إسراء : ممكن نعرف سبب الاجتماع المفاجئ ؟

رياض : اكيد .. غير تجي سلوى نطرقو للموضوع ..

إسراء بقات كتشرب قهوتها و كتحاول تشتت شوفاتها باش متشوفش جيهتو .. اما هو منزلش عنيه عليها بغا ياكلها بعنيه ..

شوية دخلات سلوى و ناضو لقاعة الإجتماعات وانضمو ليهم اشخاص اخرين .. رياض خبرهم بالحفل الي غادي اتنضم لسلوى و خاص اكون على احسن وجه .. إسراء فرحات ليها و عرفات بلي غادي تشغل بلا قياس على حساب هاد الحفل .. سلاو الاجتماع و بداو كيخرجو ناضت إسراء مع سلوى حينت خاصها تبدا تدريبات من دابا .. حتا وقفها رياض ..

رياض : سلوى ممكن تمشي الاستوديو حتا تلحق عليك إسراء ..

انصارفات سلوى و بقات إسراء و رياض كتسناه اهضر ..

رياض : اممم .. إسراء عندي شي حاجة خاصني نقولها ليك .. ممكن نتعشاو مع بعض منين تسالي الخدمة ؟

إسراء : آا .. ميمكنش تقول داكشي الي بغيتي دابا ..

رياض : من فضلك .. و لا غادي ترديها ليا فوجهي ؟

إسراء : ( بتردد ) اوكي .. ( وقفات ) نخليك دابا ..

رياض : ( بفرح ) لعشية ندوز عليك اوكي ..

إسراء : نو نو .. سيفط ليا العنوان و نتلقاو تم ..

رياض : اوكي .. على راحتك ..

خرجات إسراء و هو بقا متبعها بعنيه حتا مبقاتش كتبان .. هي مشات خلطات على سلوى .. وصلات وقت الغدا صونا عليها آدم و هبطات عندو .. كان واقف حدا اللوطو لابس هودي فلكحل مع سروال سيرفيت كحل و سبرديلة بيضة و داير ناضارات فالاسود ..

سلمات عليه بلابيز و هو عاقدهم فتح ليها باب اللوطو طلعات و دار ركب حتا هو و ديمارا ..

إسراء : بيب صافا ؟

آدم : وي .. كي داز الاجتماع ؟

إسراء : مزيان ..

رياض : صافي هادشي الي كاين .. مقال ليك والو هاداك ..

إسراء : ( بتوثر ) اا .. لا .. هضرنا على الحفل الي غادي اتقام على حساب سلوى .. باش تروج لالبومها ..

رياض : و نتي مقال ليك والو ؟؟

إسراء : ( قلبات الموضوع ) شفتك لابس سبوور مكنتيش فالشركة ؟

آدم : لا .. مامشيتش هاد الصباح ..

إسراء : مزيان .. فين غادي نتغداو ؟

آدم : دابا تشوفي ..

بقاو غاديين مجمعين و إسراء بالها مشغول معرفاتش واش تقولو على العشاء او لا .. كانت بغا تقولها لو ولكن منين شافتو غير على سبة ضربات الطم تجنبا للمشاكيل .. واخا عارفة هادشي الي كدير خطأ و مخصهاش تخبي عليه ..

و صلو للريسطو ديال الطعام الكوري ادم عارفها عزيز عليها الاكل الكوري داكشي باش جابها هنا .. هي فرحات حينت كينتابه لادق التفاصيل و عارف ااش كيعجبها وااش مكيعجبهاش و ديما كيفاجأها .. دخلو و خداو مأكولات متنوعة كلاو فجو مليئ بالضحك و الرومانسية .. سلاو و خرجو آدم رجعها للشركة من بعد توصيات انها تحاول ما امكن دير مسافة بينها و بين رياض حطها و مشا .. طلعات هي كملات الخدمة و رجعات للدار طلعات لبيتها و اتاصلات برجاء ..

إسراء : رجاء عتقيني ..

إسراء : رجاء عتقيني ..

رجاء : اويليي .. مالك ؟

إسراء : قفارت عليا .. رياض عارضني لعشا قاليا بغا اقول ليا شي حاجة مهمة مقدرتش نرفض .. و آدم كيتحلف عليا و اعاود قاليا بعدي منو قدر الإمكان .. اففف 

رجاء : ناري يا المسوخطة .. القاضية حامضة .. اوى ااش غادي ديري ؟

إسراء : ااش عندي مندير غادي نمشي نتلقاه نشوف شنو عندو و نيت نقولو على علاقتي بآدم ..

رجاء : عرفتي آدم و يسيق ليك لخبار .. خاصة منين خبيتي عليه .. باينة غادي تاكلي شي تفرشيخة مافيهاش ..

إسراء : واش انا معيطا عليك تنصحيني .. و نتي كتفايلي عليا ..

رجاء : اوا ااش غادي نقول ليك .. سيري مي هادي اخر مرا تخبي عليه و ديري شي حاجة من وراه .. راه غادي تجبدي على راسك المشاكيل اصاحبتي ..

إسراء : اوكي .. داكشي الي غادي ندير .. تلاحي نوض نوجد راسي .. 

قطعات إسراء و مشات خدات دوش قادات شعرها و دارت مايك اب لبسات قاميجة طويلة دايرة كي الفستان مع صمطة فالخصر و كعب عالي و حقيبة فالاحمر .. خدات اللوطو ديالها و دارت عنوان الريسطو ف GPS و انطالقات .. كي وصلات لقات رياض حتا هو يالاه وصل واقف حدا سيارتو و هاز الفون باغي اتاصل بيها .. كان لابس جينز و تيشورت ابيض لاصق عليه و سبرديلة بيضة و ساعة فاليد .. هز راسو شافها و اتاجه لعندها و الابتسامة على وجهو ..

رياض : ( سلم عليها بلابيز ) You look gorgeous as always .. ( جيتي زوينة كيف ديما )

إسراء : Thank you ..

رياض : يالاه مشينا ..

دخلو و اتاجهو لطبلتهم رياض جر لإسراء الكرسي بكل لباقة .. ابتاسمات ليه و شكراتو و جلسات .. مشا جلس مقابل معاها ..

خداو لي موني و طلبو الأكل مشا السيرفور و هزات اسراء كاس ديال الما شربات منو و هزات عنيها فرياض الي كان مراقب كل حركاتها ..

إسراء : ممكن نعرف سبب هاد اللقاء ؟

رياض : هو ضروري يكون سبب ! مميكنش زعما نخرجو نتعشاو مع بعض مرة مرة ..

إسراء : رياض ..

رياض : اااخ .. اول مرة اعجبني نسمع اسمي ..

إسراء : احم .. بليز لا معندكش متقول .. خليني نمشي فحالي ..

رياض : ( بجدية ) إسراء .. بدون دوران .. انا كتعجبيني .. و بزاااف .. و ( قطعاتو )

إسراء : سمحلي .. مي انا مرتابطة ..

رياض : شكون ؟ متقوليش ليا آدم .. زعما رجعتي ليه واخا داكشي الي وقع ليك بسبابو ..

إسراء : أنا كنحتارمك .. مي هادي حياتي الشخصية .. حتا حد معندو الحق ادخل فيها ..

رياض : علاش هو بالدات ؟؟

رياض : علاش هو بالدات ؟؟

إسراء : معرفتش .. ماشي بالضرورة اكون سبب انك تبغي شي حد .. و تبغي تكمل معاه حياتك ..

رياض : انا أكيد مغاديش اسعدك .. و غادي اعاود اخدلك ..

إسراء : منضنش .. آدم كيبغيني .. و حنا تعلمنا من أخطأنا و مستحيل نعاودو نطيحو فنفس المشكل .. ( و قفات ) سمحليا بزاف .. مي كنتمنا تنسا هادشي الي قلتي كيف انا غادي ندير بحال الى مسمعتوش .. و نخليو علاقتنا فنطاق العمل فقط ..

هزات ساكها و خرجات اما رياض زير على يديه .. معصب و حالف حتا تولي ديالو مستحيل استسلم ..

إسراء و صلات للدار و هي تبان ليها سيارة ديال آدم واقفة .. نزل ليها لما فالركابي معرفاتش باش تبلات .. هبطات و هي كلها كترعد غادة جيهتو و هو واقف مربع يديه و متكي على اللوطو كيشوف فيها ..

آدم : على السلامة .. فين كنتي ؟ علاش مكتجاوبيش على تيليفون ؟

إسراء : آا .. ( هزات الفون من الصاك لقات لي زابيل ديالو ) كان سيلونص مسمعتوش ..

آدم : آه .. و فين كنتي بالسلامة الي مسكتا داك المشقوف ؟

إسراء : ( كتفتف ) ك كنت خارجة ..

آدم : عرفتك كنتي خارجة .. مع من ؟

إسراء : آا .. دابا .. هو ..

آدم : ( بصوت عالي ) إسراااااء .. نطقي خلاص ..

إسراء : ( تغرغرو عنيها ) آدم .. بليز متعصبش .. راه غير تلاقيتو باش نوضحو الأمور .. و

آدم : كنتي مع رياض ؟

إسراء : ( حركات راسها الفوق لتحت )

آدم : Oh great .. فين كنتو ؟

إسراء : فف فريسطو عرضي لعشا قالي شي حاجة ضاروري .. و مشيت باش ن ..

آدم : صافييي سكتييي .. ( طلعها و هبطها ) كنت نتوقع منك اي حاجة الا انك تخبي عليا .. واخا تبريت منك و مع دلك مشيتي تعشاي نتي وياه الراس فالراس ..

سراء : آدم متفهمش غلاط .. نتا عارفني كنبغيك و معمرني فكرت نغدر بيك ..

آدم : و هادشي الي درتي دابا .. ااش تسميه .. خارجة مع راجل آخر و عارفة نواياه و اش باغي منك .. افف أحسن لبا نمشي فحالي قبل منقول و لا ندير شي حاجة ندم عليها ..

تم عادي احل باب اللوطو و تبعاتو إسراء شداتو من دراعو ..

إسراء : آدم بليز سمعني .. راه و الله حتا ..

نطر يدو منها حنا رجعات باللور و طاحت فالارض و تجردات من يدها ..

آدم : إسراء التقة هي كلشي باش تنجح العلاقة .. خاب ضني فيك ..

مشا و خلاها مليوحة فالارض ركب و كسيرا خلا العجاجة موراه .. إسراء توجعات فيدها و لكن قلبها ضرها كتر .. ندمات علاش مصارحاتوش و تجنب هادشي .. وقفات نفضات حوايجها و هزات حقيبتها مسحات دموعها و دخلات للدار .. طلعات ديريكت لبيتها باش واليدها ميشوفوش الحالة الي فيها .. دخلات غسلات يدها من الدم و عقماتها و دارت فاصمة حيدات حوايجها و تكات فناموسيتها .. و كل متفكر فكلام الي قال ليها آدم تزيد تبكي .. هزات الفون وتاصلات بيه كيصوني و لكن لا موجيب عاودات شحال من مرة حتا فاللخر صونات و لقاتو طافي .. حطاتو و بقات تبكي حتا نعسات ..

أصبحنا و أصبح الملك لله

فاقت اسراء عنيها منفوخين بكترة البكا الي بكات البارح .. اتاصلات بسلوى و خبراتها بلي متقدرش تجي اليوم صبحات عيانة .. ناضت خدات دوش لبسات سيرفيت فالاسود و هبطات لقات ماماها .. فطرات هي وياها و خرجات للحديقة و هي غير كتخمم فحريرتها و كيف غادي دير باش تصالح آدم و اسمح ليها ..

في مكان اخر ←

في مستشفى إعادة التأهيل كانت جالسة في الحديقة داتها كلها كترعد .. ماشي من البرد و انما جسمها محتاج لمخدر الي تعود عليه .. ولات حالتها من نهار الفضيحة قالت الأمور غادي تحسن حينت الناس كانو فصفها.. و آدم غادي ارجع ليها و كلشي ارجع لطبيعتو و إسراء تولي من خبر كان .. لكن وقع العكس تماما آدم قلب عليها فمرة و عمرو سول فيها و قررات تكون المبادرة منها و تمشي عندو و غادي اصالحها .. طردوها من الشركة قبل كاع متوصل عندو حاولات شحال من مرة تلاقاه و لكن محاولاتها كلها باءت بالفشل .. هملات خدمتها و تراجعات للور لأنها كانت كتعتامد على إسراء فكلشي هي الي كانت مسيرة أعمالها .. و من بعدها معرفات متسبق و لا متوخر جابت منادجر جديدة و فشلات انها ترجعها للساحة .. يوم بعد يوم اسم هند الشرايبي تلاشى و مع المنافسة كانت قوية العروض قلالت حتا انعادمات .. هي متقبلاتش هادشي و كانت كتشرب بلا قياس و زادتها بتعاطي المخدرات .. كتحاول تنسى الحالة الي وصلات ليها و كتلقي اللوم كولو على إسراء و انها هي سبابها فهادشي الي واقع ليها .. و كتوعدها بالانتقام حالما تحسن حالتها و تخرج من هاد الجحيم ..

#يتبع