عشق و كبرياء الجزء 12

جلسو كيتسناو ساعات و هما على اعصابهم شوية خرج الطبيب و هو امشي وقف عليه آدم .. 

آدم : هضر خلاص .. كيف ولا ؟ 

الطبيب : ( باسف ) المريض كان فحالة خطيرة .. كان عندو نزيف داخلي حاد و فقد بزاف ديال الدم .. وصل فحالة يرثى لها حنا درنا مافجهدنا باش نقدوه .. لكن للأسف المريض عطاك عمرو .. 

كي نطقها آدم نزل عليه بلكمة حتا تردخ مع الجاج ديال البلوك .. 

آدم : ااش كتخرا عليا .. غادي ترجع و دير خدمتك و متخرجش الى مرجعتيهش .. 

الطبيب : الله يهديك اولدي .. راه الأعمار بيد الله .. حنا درنا مافجهدنا .. دعيو ليه بالرحمة و الله اصبركم .. 

عاود شنق عليه بغا اضربو حتا تدخل احمد و جاو السيكيريتي فكوه من يد آدم .. ريم و سعيدة غير كيبكيو و احمد عنيه دامعين طبطب على كتف آدم الي منزلاتش دمعة من عينو .. تفكر اللوطو الي ضربات زياد و مشا كيجري خلاهم مفاهمين والو ..

.. هز اللوطو سايق بسرعة موقف حتا وصل لمكان الحادت .. لقاهم مطوقين المكان باشرطة صفرا و عامرة الدنيا بالبوليس و الاطفائيين و الناس كتفرج .. بقا غادي كيقرب حتا بانت ليه السيارة الي ضربات زياد خرجات فشجرة .. هز الشريط و تم داخل حبسو واحد من البوليس و هو ادفعو .. و كمل طريقو حتا وصل شاف فالشخص الي كان سايق وهو اتصدم .. كانت كلها دمايات و راسها راجع اللور .. كيشوف فيها و كلو كيترعد داتو بردات عليه .. قرب لجيهتها بغا افتح الباب و هما احبسوه تجمعو عليه تلاتة ديال البوليس كيجرو فيه و هو باغي اوصل ليها .. 

آدم : طلقوني الزو*** ليوما غادي نقتل لقح** مها و الله لا فلتات مني هاد المرة .. و طلقوني بلا حبس .. 

واحد من البوليس : رجع اللور .. راه البنت ماتت .. رجع قبل منديرو معاك شي اجراء اخر .. 

آدم : لا مخاصهاش تموت .. انا الي خاص نقتلها بيدي .. مخاصهاش تموووووت .. 

قبل ساعات من الحادثة ← 

كانت جالسة فالحديقة كتهضر بوحدها .. لابسة رداء ديال المرضى و شعرها مطلوق حد كتافها .. و جها شاحب و تحت عنيها كحل .. 

هاجر : آدم توحشتك .. علاش مكاتجيش تشوفني .. انا كنبغيك و غادي نكون مراتك و نولد ليك وليدات و نعيشو فدار وحدة .. ( شوية سكتات ) هئ هئ هو مكيبغنيش .. بعدني عليه و حطني هنا .. ميمكنش نعيش بعيدة عليه .. 

ناضت وقفات و مشات عند واحد من الحراس كتحلون عليه .. 

هاجر : شنو سميتك ؟ 

الحارس : علاش كتسولي ؟ 

هاجر : هكاك عجبتيني و بغيت نعرف سميتك .. 

الحارس : عثمان .. 

هاجر : امم .. سميتك زوينة بحالك .. ( غمزاتو ) 

الحارس : ( بضحكة جانبية ) حتا نتي زوينة .. 

هاجر : ههه مغسي .. شحال هادا و انا كنشوفك عجبتيني و مقديتش نقولها ليك .. خفت لا ضحك عليا و تقول عليا غير حمقة .. 

الحارس : حاشا .. مبيناش عليك حمقا .. ديما كتباني ليا مهدنة عكس المرضى لآخرين .. 

هاجر : ( بتحلوين ) كنتي حاضيني .. ! 

الحارس : بحال هكاك .. 

هاجر : ( حطات يدها على صدرو ) نقول ليك واحد السر .. تشهيتك .. 

الحارس : احم احم .. 

هاجر : مكرهتش نكونو فشي بلاصة خاوية غير بجوج .. 

الحارس : ( عجبو الحال ) هي الي موجودة .. مي ماشي دابا .. حتال اليل كتكون الحراسة قليلة .. و نجي عندك .. 

هاجر : ياااس .. انا عادي نتسناك عنداك تعطل عليا .. 

الحارس : نو انا نجي عند الزين ديالي و نبرعك ( وغمزها ) 

مشات هاجر و هي كضحك حينت وصلات لداكشي الي بغات .. غادة و كتهضر غير بوحدها .. 

هاجر : ههه مكلخ دغيا تيق راسو .. تفو كيف داير الرجلة المزورة .. ماشي بحال حبيبي آدم .. دخلات لشومبغ ديالها و تفكيرها كولو مع آدم .. جا الليل و هي كتسنا فالحارس اجي عندها .. شوية سمعات الباب تحل دخل و هو فرحان .. وقفات قربات ليه و جراتو عندها و هي كتعض فشفايفها .. السيد تلف و هبط كيبوس فيها بهمجية و هي كدوز يدها على ضهرو حتا وصلات لحزامو .. و هي تحيد ليه الساروت بخفة و هو عايش اللحضة محسش بيها .. بقات كضور فعنيها و هو ابان ليها الصاعق الكهربائي هازو معاه .. كيستعملوه على المرضى الى فقدو السيطرة نطراتو منو و هو خاشي وجهو فعنقها .. حطاتو على حجرو و صعقاتو حتا قفز و طاح على طولتو كيتركل .. هلطات زادتو صعقات اخرين حتا فقد الوعي ديالو .. قادات حوايجها و ضرباتو برجليها و حلات الباب بالساروت .. طلات مبان ليها حد و هي تخرج كتسلت حتا وصلات للبوابة لاخرى .. بان ليها الحارس جالس فالمكتب حدا الكاميرات كيكمع و هي تحدر حتا دازت من حداه .. فتحات الباب و خرجات غير فاتو ضرباطها بتكعيطة حتال الباركين ديال المستشفى .. كان الكونطاكط مع الساروت ديال الحارس وركات عليه حتا سمعات اللوطو تحلات عرفات انا وحدة فيهم مشات ركبات و كسيرات خارجة من الباركينغ .. الحراس الي فالبوابة بانت ليهم اللوطو جاية عرفوها ديال زميلهم و هما افتحو البوابة .. هي غير شافتها كتحل كسيرات و دازت من حداهم طايرة .. هما ماردوش البال لشكون سايق حينت كانت غادة بسرعة .. مشات طايرة و هي كضحك بالجهد كشي حمقة .. موقفات حتا وصلات حدا دار آدم هبطات كتجري حتا وقفها واحد الكارد .. 

الكارد : فين غادية نتي ؟ 

هاجر : بغيت نشوف حبيبي آدم .. 

الكارد : سيري فحالك .. موسيو آدم مكاينش .. 

هاجر : عافاك .. خليني نشوفو .. راه غادي اخاصم عليك الى مخلتنيش ندخل عندو .. انا راه المساعدة ديالو .. معقلتيش عليا !! 

الكارد : موسيو آدم مكاينش .. خرج قبيلة .. 

هاجر : ( بخيبة ) تفو على زهر .. فين غادي اكون مشا ؟ لا لا ميمكنش امشي عندها لاااااا ..

.. مشات رجعات للوطو و خلات الحارس غير كيشوف .. طلعات كسيرات و هي كتحلف غير بوحدها .. 

هاجر : باينة مشا عندها .. بغات تديه ليا .. و الله لاكان ليها .. الى مكانش ليا مغادي اكون لحتا حد من غيري .. 

كي وصلات لدار إسراء بانت ليها اللوطو ديال آدم واقفة .. وقفات بعيدة عليها و هي كتغدد .. كتنتف فشعرها و تغوت بوحدها .. شوية بان ليها ديمارا اللوطو تبعاتو بلا ميحس عليها .. شافتو قلب الطريق دارت نفس الشيء حتا وقف حدا ريسطو .. نزل و هي بقات متبعة ليه العين كتبكي و دخل و تخرج فالهضرة .. 

هاجر : عمرو غادي انساها .. هئ هئ هئ انا الي خاص نكون معاه .. هو دياليييي .. 

بقات مدة على ديك الحال حتا بان ليها خارج واقف حدا اللوطو غادي جاي .. 

هاجر : أكيد غادي ارجع عندها .. ميمكنش نخليها تهنا بيه .. هو ديالي الى مبغانيش نقتلو و نقتل راسي .. و منخليهش ليها .. 

مسحات دموعها بالتنطار و ديمارات اللوطو و عنيها على آدم حاطة .. كسيرات و كلمة وحدة الي فمها 'نتا ديالي' .. زادت فالسرعة و غمضات عنيها حسات باللوطو خبطات شي حد حلات عنيها و بانت ليها اللوطو غادة جيهت شجرة محبساتش الفران .. حتا دخلات فيها .. 

🌟جروه حتا بعدوه على اللوطو و بعدو الناس تحسبا لا تنفاجر السيارة مع البنزين كيتسرب .. آدم كيبغي ارجع ليها و كيحبسوه مبغاش استوعب انها مات بهاد السهولة .. بغا اقتلها بيدو باش اشفي غليلو واخة غير شوية .. دار شاف جيهة فين تضرب زياد كانت عامرة دمايات .. بقا واقف كيشوف و ملامحو ممحية .. جاميع الاحاسيس تجمعو عليه الألم من فقدان خوه و الحزن الي مبغاش اتقبلو .. الذنب الي كياكل فيه الحرقة و الشمتة كلشي هادشي جامعو لداخل .. الي شافو اقول مابيه والو و مبيناش عليه بلي فقد واحد من أعز الأشخاص ليه .. تمشا جيهت اللوطو طلع و كسيرا حتا تحكو الروايض مع لرض .. 

في المستشفى جاو والدين زياد غبر سمعو الخبر مو طاحت سخفات باه كيبكي و اعاود .. و سعيدة و ريم شاديين فمو و دموعهم محبسوش .. خداوها لشومبغ علقو ليها سيروم و بقات معاها سعيدة كتحصر على حالتها .. عارفة شحال صعيبة تفقدي ولدك و كبيدتك .. ريم اتاصلات بمجد الي كان فروما على حساب الخدمة .. كان ضروري تخبرو باش يجي عارفة شحال عزيز عليه و عندو هو فمتابة خوه آدم .. نزل عليه الخبر كي الصاعقة ممتيقش بلي زياد مات مبغاش تدخل ليه لدماغو .. طاح كيبكي و اغوت مجد من النوع الي كيخرج مشاعرو و كيعبر باش كيحس مكيخليش داكشي فالداخل ديالو عكس آدم .. من بعد مدة جمع راسو و شد اول طيارة للمغرب ..

فاكادير كانت إسراء فالجناح هي و سلوى مجمعين كيضحكو شوية صمعو الباب .. مشات إسراء حلات الباب بان ليها هشام واقف و وجهو مافيه حتا تعبير .. موالف ديما غير اشوفها و ابدا اضحك ليها و ابتاسم جاها غريب تشوفو هاكا جدي ..

إسراء : السلامة اخويا .. مالك ؟

هشام : ( دخل ) إسراء عندي ليك شي خبار ..

إسراء : ( تخلعات ) اشنو كاين .. ؟

هشام : ا .. آدم ..

إسراء : ( قلبها قفز ) آدم مالو .. ياكما وقعات ليه شي حاجة ؟

هشام : لا هو بخير موقع ليه والو .. صاحبو الي دار اكسيدون ..

إسراء : ( حطات يدها على فمها بالصدمة ) ك .. كفاااش .. صاحبو .. واش زياد ؟؟

هشام : ااه .. هو .. راه الخبر تنشر فالسوشيل ميديا ..

إسراء : الله ياربي .. و كيف بقا ؟

هشام : الله ارحمو ..

إسراء : ( شهقات و عنيها عمرو دموع جلسات فطرف الناموسية ) ناري ااش هاد الموصيبة .. آدم .. آدم كي غادي تكون حالتو .. ( وقفات ) خاصني نمشي عندو .. هو محتاجني دابا ..

هشام : الليل هادا خلي حتال الصباح ونمشيو ..

إسراء : لا لا منقدرش نصبر .. خاصني نشوفو دابا ..

ناضت خدات حوايجها و دخلات للحمام تبدل .. سلوى حتا هي تأترات بالخبر واخا مكتعرفوش شخصيا ..

سلوى : الله ارحمو .. و الله ارزق عائلتو الصبر ..

هشام : امين .. انا غادي ندي إسراء ميمكنش نخليها تمشي بوحدها ..

سلوى : اوكي .. حتا انا مكرهتش نمشي معاكم .. مي ضروري نحضر للمؤتمر الصحفي إلي عندي فالصباح ..

هشام : اه خاصك ضروري تحضري .. حتا اسالي و نرجع ليك ..

سلوى : بلا ماترجع .. عادي تعدب .. انا نرجع مع الشيفور ..

يالاه غيجاوبها و هي تخرج اسراء تالفة تحط هادي و تهز هادي .. عقلها كولو مع آدم .. هزات الفون و حقيبتها و غادي جيهت الباب ..

إسراء : هاني مشيت ..

هشام : بلاتي فين غادية .. انا الي غادي نديك ..

إسراء : يالاه سربي عفاك ..

خرجات هي و هشام هبطو خدا هو اللوطو ديالو .. ركبات حداه و شدو طريق العودة .. هزات إسراء الفون و تاصلات بآدم لقاتو طافي ..

معارفات مادير هي عارفة حالتو كي غادي تكون .. عارفة مزيان زياد ااش كيعني ليه علاقتهم وطيدة بزاف .. آدم واخة مكيبينش مشاعرو الا و قلبو حنين ..

جاتها الطريق طويلة بلا قياس جاوها دوك السوايع بحال ايام .. فاش دخلو لمدينة هزات الفون اتاصلات بريم .. جلسات شحال عاد جوبات بصوت باكي ..

ريم : ( كتشهق ) إسراء ..

إسراء : ( دموعها دغيا هبطو ) ريم .. 

ريم : هئ هئ .. زياد مات ا إسراء .. مقدراش نتيق .. أكيد غير كنحلم .. ميمكنش اموت ..

إسراء : صافي أحبيبة .. معليك غير بالصبر .. الله ارحمو .. نتوما فين كاينين ؟

ريم : حنا فالصبيطار .. مامات رياض سخفات بالصدمة .. كنتسناوها تفيق باش نمشيو للدار .. هئ هئ هئ قالو لينا حتال الصباح عاد غيسلمو لينا الجتة ديالو ..

إسراء : ( كتبكي ) آدم .. آدم فينا هو ؟؟

ريم : معرفتش .. خرج قبيلة كيجري .. معرفناهش فين مشا .. كنصونيو عليه الفون ديالو طافي .. متخيليش حالتو كيف كانت .. غير ساكت و مصدوم باينة واصلة فيه للعضم .. خايفة عليه بزاف ..

إسراء : معرفتيش فين اقدر اكون ؟؟

ريم : لا معرفتش .. هو فبحال هاد الاوقات كيبعد .. مكيبغيش شي حد اشوفو فديك الحالة .. صعيبة عليه بزاف .. من نهار مات جدي و هو مكيبينش باش كيحس .. كانت صدمة كبيرة بالنسبة ليه و دابا بموت صاحبو غادي ارجعو عليه المواجيع ..

إسراء : خاصني نشوفو .. فين ممكن اكون .. مخاصوش ابقا بوحدو ..

ريم : بلاتي .. انا شاكة فواحد البلاصة .. مي ممتاكداش ..

إسراء : فيبين ؟؟

ريم : الفيرمة ..

إسراء : صافي عرفت .. فايت مشيت ليها ..

ريم : الى لقيتيه .. بليز جبيه معاك واخة صعيبة مي خاصو ضروري احضر لجنازة صاحبو ..

إسراء : اوكي باشما كان نرد عليك ..

قطعات إسراء و دارت العنوان ف جي بي اس وصلها هشام وقالت ليه غير امشي بلاما اتسناها ..

خرجات و توجهات للبوابة فتحو ليها و دخلات للدار سولات على آدم قالو ليها الخدم بلي طلع لبيتو .. 

.. طلعات كتجري و صلات لبيتو حطات يدها على و فتحات الباب .. دخلات و عنيها كتقلب عليه فارجاء الغرفة .. دارت جيهت البالكون و هو ابان ليها واقف عاطيها بضهرو و حاط يدو على الشرفة .. محسش عليها فاش دخلات واقف جامد كيشوف فنقطة وحدة بلاما اتحرك و لا اتململ .. قربات ليه و حطات يدها فوق يدو .. حس بدفئ يديها على يديه الي باردين .. دور وجهو وشاف فيها و هي تنزل دمعة من عينو مقدرش احبسها .. حتا هي دموها هبطو كيتجراو فاش شافت دمعة نازلة من عينو .. قلبها ضرها حاسة بيه و عارفة اش كيحس فالداخل ديالو .. رجع شاف قدامو مبغهاش تشوفو فهاد الحالة مبغاهاش تحس بضعفو .. عمرو بكا و لا بكا قدام شي حد من آخر مرة فاش مات جدو .. قربات ليه و شدات وجهو بين يديها و هي كتشوف عنيه مغرغرين .. باينة فيه مقصح بزاف و معالم بيه غير الله .. بقا كيشوف فيها و كيحس بصباعها كيمسحو ليه أثر الدمعة من على خدو .. نطق بصوت كيرجف و مخنوق كان الدنيا داقت بيه ..

آدم : عنقيني ..

قال هاد الكلمة فقط و سكت هي بدون تردد تلاحت عليه و عنقاتو بجهدها .. دور يديه و زير عليها خشاها فيه .. كيتنفس بجهد كانو مخنوق و حاطة شي حاجة تقيلة على صدرو ..

.. بقا مدة طويلة في حضنها كيحاول القى مهرب من هادشي الي كيحس بيه .. كيفاش اقدر اسامح راسو و هو السبب فموت صاحبو و خوه ااه هو كيلقي اللوم لراسو .. تصرفو و انعالو عليه فاش جا صارحو بحبو لختو هو كان اصلا معصب و تصرع فتعاملو معاه .. مد عليه يدو و هددو و طلب منو ابعد على الانسانة الي كيبغي .. كيفاش عطاتو خاطرو ادير معاه هاكا و هو الي مجرب احساس الحب و العشق و انك تكون بعيد على محبوبتك و متقدرش توصل ليها .. و من هادشي كولو محقدش عليه و ضحا براسو و تلقى الدقة فبلاصتو .. الحرقة شاعلة ليه فقلبو عمرو اسامح راسو و لا اقدر انسا هاد الليلة الكحلة الي فقد فيها صديق عمرو ..

إسراء التازمات بالصمت فقط عارفاه كيتالم و هي بدورها قلبها ضرها فاش شافتو فهاد الحالة .. خلاتو على راحتو حتا بعد عليها شاف فيها مدة و دخل لداخل هز قرعة ديال المشروب و خرج مشا المكتب و سد عليه .. جلس بكل تقل فالفوطوي و حل القرعة ونزل عليها كيشرب بلا عقل بغا اغيب و عقلو ميبقاش افكر .. مكرهش هاد الليلة تمحا من داكرتو يا ريت ارجع بالزمن للوراء و اتصرف غير .. اول مرة فحياتو اندم ندم شديد و يكره انغعالو و تصرعو .. 

إسراء بقات واقفة فالبالكون معرفاتش واش تبعو و لا تخليه بوحدو .. بقات مترددة شحال فالخر توجهات جيهت المكتب دقات و حلات الباب و هو ابان ليها .. متكي على الفوطوي و مرجع راسو الور و كيشوف فالسقف .. قربات بخطى بطيئة و جلسات حداه شافت فالقرعة فوق الطابلة كانت خاوية كلها .. هزات يدها و دوزاتها على راسو هو متحركش بقا على نفس الوضعية .. بقات كدوز على شعرو و التزمات الصمت بغات فقط تكون جنبو و ميبقاش بوحدو .. جاها فضول تعرف ااش طرا و كيفاش وقع الي وقع لزياد لكن حالت آدم باينة فيه مباغيش اهضر داكشي علاش بعد ..

.. بان ليها سد عنيه لكن باين منعسش فقط ساد عنيه اصلا منين غادي اجيه النعاس .. ناضت بشوية خرجات و خدات الفون و اتاصلات بريم خبراتها بلي لقاتو فالفيرمة .. و غادي تحاول غدا فالصباح اجيو قطعات و اتاصلات بماماها خبراتها بلي وقع .. و بلي غادي تبقا مع آدم .. سعيدة مسكينة تأترات حينت كتعرفو و شحال من مرة جا مع آدم عندهوم .. شخص طيب و ضحوكي ميستاهلش الي طرا ليه دعات ليه بالرحمة .. يالاه بغات تحط الفون و هو اضوني ليها فيدها كانت رجاء ..

رجاء : ( بصوت حزين ) عارفة !

إسراء : امم .. انا دابا مع آدم فالفيرمة .. اهلا اعطيك حالتو كيف دايرة .. عمري شفتو هاكا .. كيقطع فالقلب ..

رجاء : مسكين .. صعيبة بزاف .. الله ارزقو الصبر هو و عائلتو .. كان قريب ليهم بزاف .. بقا فيا مسكين الله ارحمو و اوسع عليه ..

إسراء : امييين .. جهاد فخبارو ؟

رجاء : آه .. هو الي قالها ليا .. حتا هو تأتر بالخبر .. هاهو حدايا بغا اهضر معاك ..

جهاد : حبيبتي صفا ؟

إسراء : ( تنهدات ) نقولو الحمدلله ..

جهاد : آدم كيف بقا ؟

إسراء : مقصح بزااف ..

جهاد : الله اصبرو .. و الله ارحم زياد ..

إسراء : غدا غادي نرجعو .. عادي نحاول ندي آدم احضر لجنازة .. غادي تجيو ؟

جهاد : أكيد ..

إسراء : اوكي .. يالاه بسلامة ..

جهاد : بسلامة ..

قطعات مع جهاد و مشات رجعات عند آدم للمكتب مبانش ليها .. دخلات لبيتو لقاتو هاز قرعة خرا و كالس فطرف الناموسية .. قربات و حيدات ليه القرعة من يدو هز عينيه الي كانو حمرين شاف فيها ..

إسراء : باركة عليك ..

حيداتها حطاتها فوق الطبلة و رجعات تحدرات و حيدات ليه صباطو و التقاشر و هو جامد .. وقفات و شدات ليه فيديه و جراتو شاف فيها و هي تنعت ليه بعنيها بمعنى تسطح ..

داكشي الي دار غطاتو و دارت الجهة لاخرة حيدات حداءها و تخشات حداه قربات ليه و جراتو عندها و حطات راسو على صدرها .. حتا هو حوطها باديه و عنقها و راسو فوف صدرها .. كان محتاج لهاد الحضن كتر من اي حاجة بقاو هكاك مدة عاد مشات بيه عنيه هي حسات بيه نعس و هي تغمص عنيها حتا هي ..

اصبحنا و أصبح الملك لله

فاقت إسراء و ضارت ملقاتش آدم حداها ناضت قافزة كتقلب عليه فارجو الغرفة مبانش ليها .. نزلات كتجري مع الدروج و سولات اول خدامة بانت ليها على آدم .. قالت ليها بلي خرج بكري للاسطبل .. مشات بخطوات مسرعة كي وصلات بان ليها واقف حدا واحد الخيل فالماغون كيدوز اديه عليه ..

قربات ليه و حطات يدها على كتفو .. تلفت شاف فيها و رجع شاف فالعاود ..

آدم : هدا ديال زياد .. و داك الكحل الي حداه ديالي .. تزادو هنا فالمزرعة و كبرو هنا و كنا عازلين كلا واحد و ديالو من نهار تولدو .. وقتما جينا لهنا كنديرو سباق بيناتنا .. اخر مرة سبقتو و مرضاش قالي لمرة جايا اكيد غادي نسبقك ..

إسراء عنيها غرغرو بالدموع و هي كتسمع ليه كيهضر بنبرة كلها حزن .. قربات ليه و عنقاتو من اللور و حطات راسها على ضهرو .. خدات نفس و نطقات ..

إسراء : الله ارحمو .. آدم خاصنا نرجعو .. هي صعيبة لكن خاصك تقوي راسك .. ضروري تحضر لجنازت صاحبك .. الى ممشتيش من بعد غادي تندم ..

بقا ساكت كيتسنط ليها شوية حيد يديها و تم خارج ..

إسراء : آدم بليز .. خاصنا نرجعو .. راه الموت علينا حق .. كلنا ليها ..

آدم : ( بقا غادي مدارش عندها ) تبعيني ..

إسراء تبعاتو حتا وصلو لباركينغ طلع و ركبات حداه .. و هو اديماري بقاو غاديين فجو فالسكات حتا واحد فيهم ما هضر .. دخلو لمدينة و هو اوقف آدم حدا واحد الريسطو ..

هبط و هي بقات كتشوف معرفاتش فين مشا شوية بان ليها جاي و هاز معاه شي حاجة فيديه .. كان كيس دخل و عطاه ليها و هو اديماري بقات غير كتشوف مفهمات والو ..

إسراء : شنو هدا ؟

آدم : فطري من البارح مكليتي والو ..

إسراء : و نتا ؟؟

آدم : ( الصمت )

إسراء : خلي حتا نوصلو و نفطرو انا وياك ..

آدم : غير كولي انا مبغيتش ..

إسراء هزات نقبات شوية حينت كانت فيها السخفة من الغدا ديال البارح مداقت النعمة .. شوية بانت ليها اللوطو و قغات هزات راسها و هي تلقا جابها للدار ..

إسراء : علاش جينا لهنا .. انا بغيت نبقا معاك ..

آدم : سيري رتاحي شوية و من بعد جي نتي و والديك .. انا خاصني نقضي شي غراض ..

إسراء : اوكي ..

قربات ليه باستو فخدو و هبطات وقفات حتا شافتو تحرك عاد دخلات ..

آدم كسيرا ديريكت لدارو وصل خدا كن عندو الكارد اللوطو .. هو طلع ديريكت لبيتو نسل حوايجو و دخل للدوش تحت الرشاشة .. كمل و لوا عليه فوطة و لبس جينز و تيشورت بيض و جاكيط كحلا و سبرديلة كحلة دار ناضاراتو .. خرج خدا للوطو نيشان للصبيطار وصل و طلع سولهم على جتة زياد .. قالو ليه باقي شي إجراءات عاد غادي اسلموها لعائلتو مشا وقف على داكشي راسو باش ميزيدوش اتعطلو .. كان واقف شوية بان ليه اب زياد جاي كي شافو آدم حدر عنيه مقدرش اشوف فيه ..

مصطفى : ( اب زياد ) و لدي آدم .. ( قرب ليه و عنقو ) فين كنتي من البارح و انا نسول عليك .. ولدي مشا .. سبقني و مشا ..

آدم : ( غير ساكت معرف اش اقول ) الله ارحمو ..

مصطفى : آمين .. عارف معزتو عندك .. معرفت واش نواسيك و لا تواسيني ..

آدم : احم .. خالتي حليمة .. فيناهيا ؟

مصطفى : راها لفوق من البارح و هي طايحة .. مقدراتش تستحمل الصدمة .. راه لا فتيحة معاها ..

آدم : غير سير أعمي للدار .. غادي اكونو الناس ساقو لخبار و اتكبو .. انا غادي نكمل هادشي و نوقف عليهم حنا نتسلمو .. لمهم غير سير

مصطفى : واخا اولدي الله ارضي عليك .. كنتي ديما نعمة الاخ لولدي .. حنا كنا مقصرين من جيهتو بزاف .. وفرنا ليه كلشي الا الحنان و الاستقرار .. تبعنا مشاغل الدنيا عند بالنا هاكا غادي نكونو درنا الي علينا .. دابا حتا حاجة مبقات ليها معنى .. ولدي الوحيد فقدتو و الندم معندو ميدير ..

آدم طبطب عليه على كتفو .. شاف دموعو و هو كيهضر على ولدو .. محملش راسو استادن منو و دخل لداخل باش اشوف فين وصلو ..

كمل آدم الإجراءات و عيط لاب زياد سنا شي وراق عاد مشا هو و مرتو الي كانت كي شي جتة هامدة كتحرك كيفما دارو ليها و دموعها دايزين .. شادة فيها مامات آدم حتا ركبو كاملين فسيارة خاصة وصا عليها آدم بالسائق .. هو ركب فاللوطو و تابع سيارة الاسعاف الى نقلات جتة زياد للفيلا ديالهم .. و صلو كانت الدار عامرة بالعزاية حتا عائلة إسراء .. الاجواء كانت كئيبة بلا قياس كلشي ملامحو ممحية و علامات الحزن باينة فوجاهم .. من بعد ما دخلوه باش توادع معاه عائلتو لآخر مرة .. كان آدم اخر واحد دخل عندو كان واقف حداه و هما مغطين ليه و جهو .. قرب و حيد الغطاء على راسو و يدو كلها كترعد .. نزلات دمعة من عينو و مسحها بالزربة و رد الغطاء و خرج بخطا مسرعة .. ماوقف حتا وصل للحديقة كان هادئ عكس بداكشي الي كيحس بيه فالداخل ديالو .. إسراء شافتو فاش خرج و تبعاتو بقات واقفة بعيد كتشوف فيه .. كانت ملامح وجهو مختلفة على كيف موالفة تشوفو .. كان ديما عاقد حجبانو و عندو نضرة حادة كتزرع الرعب فاي شخص شاف فيه .. اما دابا كان كيبان شخص مهزوم و متقل بهموم حتا حد ما عارف اشناهيا .. عنيه ماليهم حزن كبير و هاد النضرات وصلو لإسراء باش كان كيحس فديك اللحظة .. مكرهاتش تهز عليه و لو شوية ديال الحزن و التقل الي خلاه اتهد هاكا .. سمعاتهم غادي اخرجوه باش اصليو عليه صلاة الجنازة و ادفنوه .. تقدمات ناحيت آدم و وقفات حداه شدات يدو و جراتو بلاما تهضر .. هز عينو فيها و وقف بقا تابعها و هي شادة فيه حتا دخلو للفيلا و شافهم مخرجينو .. تقدم و خدا بلاصة واحد من دوك الي هازين النعش .. خرجوه و حطوه فسيارة الي غادي تمشي المقبرة .. و الرجال كلهم ركبو فسياراتهم و تبعوه .. آدم ركب بوحدو و مجد ركب هو و باباه و جهاد حتا هو مشا فاللوطو ديالو ..

النساء بقاو فالدار مع العائلة .. فتيحة مفارقاتش ام زياد الي كانت حالتها و إسراء كانت جالسة حدا ريم و معاهم رجاء كيواسيوها .. جاتها صعيبة حينت كانت مقربة منو بزاف .. و كيعاملها بحنان كيخاف عليها و اسول على احوالها .. معزتو كبيرا فقلبها كتحس بحال الى فقدات واحد من اشقائها .. و الي مخبي كان أعظم خافي عليها اش كانت كتعني ليه و حبو النقي و الكبير الي كان حاس بيه اتجاهها و مخبيه فقلبو .. من بعدما دفنوه رجعو الرجال الفيلا ضلو فدار العزا و من بعد بداو انساحبو بشوية بشوية .. حتا بقاو غير المقربين كانت إسراء كتقلب على آدم الي مشافتوش منين رجعو من المقبرة .. مشات عند جهاد الي كان واقف مع شي رجال ..

إسراء : جهاد اجي معايا بغيتك ..

تبعها حتا خرجو للجردة ..

جهاد : وي .. ياك شي باس مكاين ؟؟

إسراء : مبانش ليك آدم .. من قبيلة و انا كنقلب عليه ..

جهاد : لا مبانش ليا .. فاش كنا راجعين شفتو ركب فاللوطو و داز من طريق اخرى ..

إسراء : معرفتش فين مشا افف !

جهاد : اه .. سمعت شي حاجة غريبة .. قالو بلي مكانتش اكسيدون عاديا !

إسراء : كفاااش ؟!

جهاد : تانا مفهمتش .. هادشي الي سمعت ..

إسراء : صافي غادي نصوني عليه عاوتاني .. واخا مكايجاوبش ..

جهاد : حنا خاصنا نمشيو .. عيطي ليا لرجاء و يالاه ندوزك معايا ..

إسراء : لا غير سيرو نتوما .. انا غادي نمشي مع ريم للفيلا حينت خالتي فتيحة غادي تبقا هنا .. انا دابا نمشي نعيط لرجاء ..

جهاد : اوكي احبيبتي ( عنقها )

مشات إسراء هازة الفون كتصوني على آدم ولا مجيب كيبقا اصوني حتا اقطع .. لقات رجاء خبراتها بلي جهاد كيتسناها .. تسالمات معاهم و مشات و حتا والدين إسراء مشاو فحالهم .. إسراء دات معاها ريم فاللوطو ديالها و مشاو للفيلا ديال الإدريسي باش متخليش ريم بوحدها ..

و على امل تلقا آدم تماك الي غبر و حتا الفون مكيجاوبش عليه .. و صلو و طلعات ريم لبيتها خدات دوش و تكات فناموسيتها و وقتما تفكرات زياد تزيد تبكي .. إسراء مشات لبيت آدم ملقاتوش و قلبات المكتب ديالو حتا هو مافيهش .. نزلات لتحت و هو ابان ليها مجد جالس حدا المدفئة و ساهي قربات منو و وقفات حداه هو محسش عليها حتا هضرات ..

إسراء : مجد صافا ؟

مجد : ( هز فيها عنيه ) الحمدلله ..

إسراء : الحمدلله .. الله ارزقكم الصبر و ارحمو و اوسع عليه ..

مجد : آمين ..

إسراء : كان قاليا آدم بلي كنتو مقربين بزاف و كنتي تعتابرو بحال خوك ..

مجد : ماشي بحال خويا .. هو كان خويا .. بحالو بحال آدم ..

إسراء : انا ماتلاقيتوش بزاف مي باينة كان إنسان طيب القلب .. و من داكشي الي عاود ليا عليه آدم كان و نعم الصديق و الأخ ..

مجد : ( وقف ) سمحليا غادي نطلع لبيتي ..

إسراء : ماشي مشكيل .. اه .. مجد مبانش ليك آدم ؟

مجد : مشا لألمانيا .. ( طلع مع الدروج )

إسراء : ألمانيا !!!

بعد مرور ستة أشهر ←

فهاد المدة وقعو احدات كتيرة من نهار الدفن ديال زياد آدم سافر لألمانيا و مباقيش رجع كيحاولو اوصلو ليه مي هو مبعد على كلشي .. و الخدمة مقابلها من بعيد و مكلف المساعد ديالو بكلشي .. إسراء حاولات توصل ليه مي بدون نتيجة الفون ديالو ديما طافي و مساجاتها مقراهمش .. بغات توصل ليه باي طريقة خاصة ملي عرفات اسباب موت زياد و ان الي كان معني هو آدم .. و ان هاجر هي مولات الفعلة داكشي علاش مصرة تلقاه عارفة بلي آدم كيلقي اللوم على راسو و مقتانع بلي هو السبب فموت زياد .. إسراء ميأساتش و معاتباتوش لانو مشا بلا ميخبرها لانها عارفة ماشي لخاطرو هي فقط بغات تكون فجنبو باش اقدر اتجاوز هادشي ..

دازت أيام و أشهر و آدم مبانش والديه و خوه عياو مع المساعد اقول ليهم فين كاين لكنو رافض فقط كيطمنهوم عليه و بلي هو بخير ..

فهاد المدة كاملة آدم كان مركز فالخدمة بالنهار و الشراب بالليل باش اقدر انعس .. مقتانع بلي ميستاهلش اعيش حياتو عادية و ارجع كأن شيئا لم يكن .. داكشي علاش بعد على عائلتو و محبوبتو لانو ميستحقش افرح .. توحش اسراء بلا قياس و مكرهاش تكون بجنبو ديما كيعرف اخبارها و ساق لخبار بلي كتقلب عليه .. لكنو مصر ابقى بعيد محتافظ بصورتها معاه حاطها في المكتب و حدا ناموسيتو .. كيعذب راسو براسو موحشها و لكن ميمكنش ليه ارجع عندها و لا يشوفها و يشم ريحتها ..

فاقت إسراء صباح بكري و هي عازمة أنها تلاقا آدم .. عيات متقلب بوحدها و توحشاتو .. عارفاه غيكون غارق فالحزن و الندم .. واخا هو ماليه حتا ذنب و لكن كيبقا صاحبو بحال خوه و توفى و هما مخاصمين .. لبسات عليها و خرجات ركبات فطوموبيلتها قاصدة سويفت .. كيف وصلات طلعات كتجري لمكتب ديال آدم لقات المساعد ديالو .. هو لي مكلف بأعمالو فهاد الفترة .. سدات الباب و مشات وقفات قبالتو .. 

المساعد : ميس إسراء ؟ 

إسراء : شوف .. دابا غتقولي آدم فين كاين بضبط .. ماخارجاش من هنا حتا نعرف 

المساعد : سمحيلي ولكن منقدرش نعطيك أي معلومة .. 

إسراء : (بدات كتبكي) عاجباك حالتو ؟ واش مكتشوفش بلي هو محتاجنا معاه واخا معرت شنو يقوليك .. عارفاه محتاجني حداه .. و غنمشي عندو هي غنمشي .. غتعطيني عنوانو و لا مغيعجبك حال .. 

المساعد : (تنهد) الصراحة .. حاولت معاه شحال و لكن نتي كتعرفيه .. لا دار شي حاجة فدماغو ميمكنش يبدلها ليه شي واحد .. غنعطيك عنوانو و لكن نتي فقط .. حتا واحد آخر ماخاصو يعرف 

إسراء : (فرحات) اه صافي كنواعدك .. غير قوليا فين هوا عفاك .. 

هز ستيلو كتب ليها العنوان ديال دار فورقة .. 

المساعد : هو هدا العنوان .. كنتمنا تقدري تقنعيه يرجع .. 

شدات من عندو الورقة و عينيها كيبريو أخيرا غتشوفو .. شكراتو و خرجات .. مشات لدار بدلات عليها هزات باسبورها و خرجات مشات نيشان لمطار .. قامت بالإجراءات اللازمة و 5 سوايع من بعد لقات راسها خارج مطار برلين فألمانيا ... خدات طاكسي عطاتو العنوان لي عطاها المساعد و تحرك .. الطريق كاملة و هي كتفكر و كتدعي يكون آدم بيخير و تقنعو يرجع معاها .. شافت فالطريق بانت ليها الدنيا عامرة شجر و طبيعة خضرا و زوينة .. تنهدات .. حتا حسات بطاكسي وقف .. خلصاتو و نزلات .. لقات راسها قدام فيلا صغيرة .. مشات صونات فالباب .. و بقات كتسنا ماجاوبها حتا حد .. بقات كتصوني و كتعيط بدون جدوى .. قالت مع راسها يمكن خارج .. جلسات حدا الباب كتسنا .. جبدات الفون لقات مكالمات من رياض و رجاء .. طفاتو و دارتو فجيبها .. همها دابا هو آدم .. بقات على هاديك الحال حتا داها نعاس .. 

عند آدم لي كان راجع لدار من بعد مخرج قضا شغلو ... لمح شي واحد حدا الباب .. محدو كيقرب و هو ممتيقش عينيه .. حبيبتو ناعسة حدا الباب .. للحظة فكر أنهو بكثرة متوحشها غير تخيلات ليه ... قرب ليها و هز خصلة من شعرها على وجهها .. و بان ليه وجهها .. حنيكاتها مزنكين بالبرد و شفايفها حمرين و جالسة مكمشة ... دوز يديه بحنان على وجهها ..و نطق بإسمها .. إسراء حسات بالحركة حداها و بشوية حتى حلات عينيها لقاتو قدامها و يديه فوجهها .. دغيا تحجرو دموع فعينيها 

إسراء : آدم 😭

تلاحت عليه عنقاتو و حتا هو زير عليها .. حاطة راسها على صدرو و محاوطاه ب يديها بحالا خايفاه يهرب و كتبكي 

إسراء : حشومة عليك ... لمن مشيتي و خليتيني ؟ 😭 منقدرش .. منقدرش نعيش بعيدة عليك 😭😭 

آدم : ششش صافي هاني معاك .. عمرني نخليك 

بعدات عليه و ضربات فصدرو 

إسراء : كتكذب .. حتا هديك المرة قلتيلي متعاودش تخليني .. (شدات ليه فوجهو .. عينيها فعينيه) علاش كتعذب راسك و معذب ناس لي كيبغيوك معاك على قبل حاجة ماليك فيها حتا ذنب .. قدر و مكتوب الله تصرف .. ياك كتآمن بالله ؟ .. جاوبني أ آدم 

آدم : (تنهد) و نعمة بالله 

إسراء : زياد الله يرحمو مكانش غيبغي يشوفك فهاد الحالة .. 

غمض آدم عينيه و حط جبهتو على جبهتها .. عرفاتو مازال مألم من موت صاحبو ..

بقاو على هاديك الحالة شحال حتا نطق 

آدم : توحشتك 

حلات إسراء عينيها و بعدات عليه شوية .. بقات كتشوف فيه و عينيها عامرين دموع .. قرب ليها و حط شفايفو على ديالها و باسها غير بشوية و بحنية .. بحالا كيطمأنها عليه .. بعد عليها و وقفها .. 

آدم : آجي ندخلو .. غيكون جاك البرد 

حل الباب و دخلها و سدو .. دورات عينيها بان ليها ريدويات نازلين و دنيا مظلمة غالب عليها الحزن .. مشا آدم شعل المدفئة و جرها جلسها ففوتوي .. غطاها بمانطة صغيرة كانت تما و مشا .. شوية رجع و فيديه جوج كيسان ديال القهوة .. عطاها واحد و جلس حداها .. قربات و تخشات فيه و هو حاوطها ب يديه كيدوز على شعرها .. 

إسراء : متقول لمساعد ديالك والو .. أنا لي بززت عليه يعطيني العنوان 

بتاسم آدم و باس جبهتها .. شوية تنفضات منو شافت فيه و حطات الكاس من يديها .. 

آدم : مالك ؟ 

شافت فخاتمها و وراتو ليه .. 

إسراء : مبقيتيش زربان ؟ 

آدم : (ضحك و شد يدها باسها) هه مازال زربان .. 

إسراء : اوا صافي بلاش علينا من شي خطبة نديرو عقد نيشان ..

آدم : متأكدة ؟ 

إسراء : اه .. بغيت نربطك بزواج .. باش ملي تغبر عليا عاوتاني .. ندعيك باش يرجعوك لبيت زوجية بلاما نحماق بتقلاب 

ضحك آدم من نيتو و إسراء فرحات فاش شافتو ضاحك .. جرها لعندو و خشاها فصدرو .. 

آدم : را قلت ليك منعاودش نبعد عليك 

إسراء : المهم .. احتياط 

ابتاسم آدم .. بقاو هكاك مجمعين .. حتا داهم نعاس

بضع ساعات من بعد فاقت إسراء .. لقات راسها فحضن آدم .. ابتاسمات و باستو .. ناضت بشوية بلاما دير الحس .. مشات الكوزينة .. وجدات مياكلو .. خرجات حيدات ريدويات دخل ضو نهار لدار .. مبقاتش كئيبة .. قادت الماكلة فطبلة و مشات عند آدم .. قربات ليه .. يديها على وجهو .. كدوزها و كتنهد .. قاست شفايفو و نزلات عندو باستو .. بعدات و هو يحل عينيه .. 

إسراء : فقتي 

جرها عندو عنقها و باسها فعنقها حتا بورشها 

إسراء : نوض ناكلو شي حاجة .. أنا غنموت بجوع 

آدم : تسناي .. نوض نقاد ليك شي حاجة .. 

إسراء : غير آجي كلشي موجود .. 

جراتو لطبلة .. جلسو كياكلو و مجمعين .. حتا صونا لآدم الفون مشا كيجاوب .. بقات إسراء كتشوف حتا تفكرات تيليفونها طفاتو غيكونو كيسولو عليها .. شهقات و مشات بجرى شعلاتو .. و عيطات لرجاء هي لولى .. 

رجاء : فينك ألكلبة ؟ خرجتي صباح بكري مرجعتي و الخدمة ممشيتيش ليها ؟ كلشي كيسول عليك 

إسراء : تنفسي بشوية عليك .. أنا مع آدم 

رجاء : 😱 آدم رجع ؟ 

إسراء : لا جيت عندو .. أنا فألمانيا 

رجاء : أويلي وا غير علمينا 

إسراء : ماكانش عندي الوقت .. المهم دابا هو لقيتو و أنا معاه دابا 

رجاء : كبقا هو شوية ؟ 

إسراء : الحمد لله .. كنت غنتصطا كون ملقيتوش .. 

رجاء : أحيانا على الحب 

يالاه بغات تجاوبها إسراء حتا حسات بيديه معنقينها من لور .. تلفتات عندو و ابتاسمات ليه و سهات .. 

رجاء : آلو ؟ إسراء؟ وااااا الحبس .. فين مشيتي بغيت ليك الاسهال 

إسراء : (تفكراتها و دارت الفون على ودنها ) هاني غير معاك (باسها فعنقها و بقا كيدوز عليها لحيتو) ههه فين كنا ؟ 

رجاء : لاش كتفرنسي ؟ 

إسراء : والو .. ههه شوفي قولي ليهم أنا لاباس و صافي .. متقولي والو على آدم .. حتا نرجع 

رجاء : واخا يالاه تلاحي 

قطعات إسراء و دارت عند آدم لقاتو كيضحك عليها .. 

آدم : قلتي كنتي غتصطاي .. 

إسراء : امم 

آدم : أنا را تصطييت هدا شحال (باسها جنب فمها) 

إسراء : ههه 😶

آدم :هه كضحكي .. امتا نرجعو ؟ 

إسراء : الوقت لي بغيتي .. المهم أنا رجلي على رجلك 😁

آدم : فايت ليك جيتي لألمانيا ؟ 

إسراء : جيت ديجا مع هند و لكن متساريناش .. غير على قبل الخدمة 

آدم : امم آش ظهر ليك نساري حبيبتي هنا شوية عاد نمشيو ؟ 

إسراء بقات كتشوف فيه .. فرحانة حيت رجعات ليه الضحكة و فرحانة حيت معاه .. عنقاتو و زيرات عليه 

إسراء : أحسن حاجة غنديرو 😍

آدم : اوكي .. طلعي دابا دوشي و رتاحي أنا غنخرج نقضي واحد الغرض و نجي .. 

إسراء : نمشي معاك .. 

آدم : غير تهناي .. مهربانش .. ليمن نخلي هاد زيونات 

إسراء : هه واخا .. متعطلش بزاف 

باسها فشفايفها و هز دجاكيتو لبسها و خرج .. طلعات هي لبيتو بقات كدور بانت ليها تصويرتها ابتاسمات و دخلات لحمام .. دوشات و خرجات بالفوطة حلات الماريو لقات حوايج آدم .. هزات بوكسر لبساتو و لبسات شوميز ديالو جاتها بحال لكسيوة .. و كتبان سيكسي مع شعرها فازك .. نشفاتو شوية و نزلات جمعات الكوزينة .. خدامة و كتغني .. بقات ناشطة حتا سمعات الحس موراها .. تلفتات كان آدم .. هو حل فمو فيها كيطلع فيها و يهبط .. مسمعهاش هي لي كتهدر معاه .. 

إسراء : آدم .. هيهو .. شنو داكشي ف يديك ؟ 

آدم : (فاق من القلبة) آ ؟ هادو حوايج باش تبدلي .. واقلا بلاش منهم خليك غير هكا .. 

إسراء : ههه شوف كيجاتني بحال الكسوة .. 

هي كتهدر و كتشوف ف شوميز لي لابسة حتا كتحس بأنفاسو عليها .. 

آدم : عرفتي يالاه دابا لمغرب .. ألمانيا حتال من بعد و نتساراو فيها 

إسراء : (هزات عينيها فيه ) علاش ؟ 

آدم : (جرها من خصرها ) خاصني نتزوج قبل مندير شي جريمة .. 

إسراء : (عاد عاقت علاش كيهدر) أويلي .. مالك وليتي كثر من جهاد .. 

آدم : ههه علاش مال جهاد ؟ 

إسراء : مكبو .. 😱 (شهقات ملي حسات على راسها شنو قالت) 

آدم : ههه 😂 محشوماش خوك كتقولي عليه هاد الهدرة ؟ 

إسراء : مراتو لي كتقول ماشي أنا .. احمم .. أرا نشوف شنو جبتي .. 

خطفات داكشي من يدو و طلعات لبيت بدات كتقلب لقاتو جايب ليها حوايج ديال البرد و كلشي لي غتحتاج حتا من الملابس الداخلية شراهم و كلشي على ذوقها .. ابتاسمات و مشات دارتهم فالماريو .. و نزلات لقاتو كيهدر فالفون مشات شعلات تيفي و جلسات كتفرج حتا سالا هدرتو و جا حداها .. جرها تكاها على صدرو و بقاو هكاك ساكتين و كيتفرجو .. حتا شاف فيها لقاها نعسات .. هزها بشوية و طلع لبيت حطها و تكا حداها على جنبو .. حيد شعرها على وجهها و بقا كيدوز يديه على حنيكاتها .. حتا جاه ميساج ديال الخدمة .. غطاها و نزل هز لابتوب ديالو قابل خدمتو و قهوتو حداه .. حتا تناص الليل و طلع لقاها مازال ناعسة كيف خلاها .. نعس حداها و جرها عندو راسها على صدرو و نعس حتا هو .. 

صبح الصباح .. فاقت إسراء على أشعة الشمس ضاربا ليها فوجهها .. تعكزات .. لقات راسها فالبيت .. ناضت دخلات لحمام غسلات وجهها قضات حاجتها و نزلات .. ضرباتها ريحة القهوة زوينة .. دخلات الكوزينة لقات آدم واقف

عاطيها بظهرو .. لابس غير سروال فالكري .. مشات عنقاتو و باستو وسط ظهرو .. 

إسراء : صباح نووور 

آدم : (تلفت عندها و باسها فحنكها) صباح النور أنعاسة .. جلسي نفطرو دغيا باش نخرجو .. 

إسراء : أوووكي ☺☺

جلسات فطبلة و حط ليها توست و اومليت ديالها مع عصير .. و حط ليه هو كاس ديال القهوة .. جلسو كيفطرو .. هزات ليه كاسو شربات منو ..

إسراء : الله زوينة 

ابتاسم و حط ليها كاسو و ناض صايب واحد جديد ليه .. كملو فطورهم و طلعات إسراء لبسات عليها الحوايج لي جاب ليها .. دارت عليها مونطو فالماغون و شعرها طلقاتو ... هزات ساكها غتخرج حتا دخل عندها .. 

آدم : صافي لبستي ؟ 

إسراء : وي لبس نتا أنا غنتسناك لتحت .. باستو و نزلات كتسناه .. حتا خلط عليها و خرجو .. ركبو فطوموبيل و مشاو لعاصمة .. مخلاو حتا منطقة سياحية ماشافوهاش .. و إسراء قتلاتو بتصاور .. لي شافتها بغاتها و آدم غير متبعها و كيضحك على العفوية ديالها .. تغداو و كملو دوران .. و ضروري من شوبينغ .. حتا تسخسخات و جلسات ليه فواحد الكرسي .. 

إسراء : اوف عييت .. تسارينا بزاف 

آدم : على سلامتك عييتي .. صافي سالات الحجرة ؟ 

إسراء : ههه هادا جهدي .. يالاه نرجعو 

آدم : هه يالاه .. 

مشاو ركبو فطوموبيل و تاجهو لدار .. إسراء بكثرة العيا نعسات .. 

مشاو ركبو فطوموبيل و تاجهو لدار .. إسراء بكثرة العيا نعسات .. حتا وصلو و دار آدم حل الباب من جيهتها و حيد ليها السمطة .. باسها فشفايفها و ورك عليها حتا فاقت .. 

آدم : صباح نور .. وصلنا 

إسراء : آه .. نعست محسيتش بطريق .. ولاش كتستغل فيا و أنا ناعسة ؟ 😒

آدم : (عاود باسها) بغيت .. عندك شي مانع ؟ 

إسراء : آ ؟ لا .. هيهي 😁 

آدم : قطيطة ديالي نتي .. نوضي ندخلو 

إسراء : واخا 😍 

هز آدم داكشي لي شرات و دخلو .. 

إسراء : طلع دوش .. بينما وجدت شي حاجة مناكلو اوكي ؟ 

آدم : اوكي بيب 

مشا هو و دخلات هي لكوزينة قادات كراتان و عصير و دارت سالاد فخوي صغيرة .. شافت آدم مدوش جالس فصالون طلعات هي دوشات بالخف و لبسات عليها بيجاما شراتها و نزلات عيطات على آدم و حطات العشا .. 

آدم : غدا فالليل نمشيو لمغرب ان شاء الله 

إسراء : و فالصباح شنو غنديرو ؟ 

آدم : غنديك لأحسن بلاصة فألمانيا 

إسراء : حلف .. شنو فيها ؟ 

آدم : مفاجأة 😉

إسراء : وا غير قوليا غدا ندير راسي تفاجأت 

آدم : هههه تعشاي و سكتي 

إسراء : هاهيا عندك 😒 

ضحك عليها و كملو ماكلتهم جمعات هي الكوزينة و طلعات لقاتو فالبيت جالس و كيشوف فالفون .. مشات جلسات حداه و كتسرق شويفات باغا تشوفو شنو كيدير .. 

آدم : غير الخدمة .. 

إسراء : و شكون قالك شي حاجة ؟ 😏

حط آدم الفون و جرها دارها تحت منو و محاوطها بيديه .. 

آدم : مالنا على نفاخة ؟ 

إسراء : أنا تنفخت ؟ 

آدم : لا .. أنا 

سكتات و بقات كتشوف فيه و عينيها كيدورو باين عليها توتر .. قرب آدم حتا لشفايفها و نطق

آدم : توحشتك 

إسراء : توحشتيني و أنا معاك ؟ 

آدم : امم .. حط شفايفو على ديالها و باسها و هي بحالا كانت طالبة عليها دغيا تجاوبات معاه .. شوية ولا كيبوس فيها بعنف .. عضها ففمها و تحولات القبلة البريئة لقبلة فرنسية .. بقاو هكاك حتا تقطع فيهم نفس .. نزل لعنقها كيبوس فيه حتا كيخلي البصمة ديالو .. و هي مغمضة عينيها و يديها كيتساراو فعنقو و صدرو .. حتا حسات بيه ناض و دخل لحمام .. سمعات حس الما بقات كضحك عليه .. عرفاتو وصلات معاه لفينيش .. خرج آدم لابس شورط و شعرو فازك .. مشا جرها عندو و بقاو مجمعين حتا داهم نعاس .. صبح الصباح .. فاق آدم و فيق معاه إسراء لي كانت مكمشة فيه .. لبسو عليهم و خرجو بلا فطور .. ركبو فطوموبيل 

إسراء : مازال مغتقوليش فين غاديين ؟ 

آدم : (قرص حنكها) مكتصبرييش .. هاحنا غاديين و غتعرفي .. 

إسراء : احح .. و القريص علاش ؟ 😒

لاح ليها بوسة فالهوا و دار حاضي طريق .. بقاو شحال غاديين وقف ف ستاسيون كان فيها ريستو .. 

آدم : آجي نفطرو هنا عاد نكملو طريق .. 

إسراء : مازال بعاد ؟ 

آدم : غير شوية .. 

نزلو و دخلو لريسطو مشادين .. جلسو و طلبو شنو بغاو و من بعد ناضو كملو طريقهم .. لي كانت كلها طبيعة و شجر .. طول المسافة كانت إسراء منباهرة بجمال المكان لي كلما قربو و هو كيزداد كثر .. شوية وقفو حدا باب كبير .. الحرس ديالو غير شاف آدم و مشا كيجري فتح الباب .. و دخلو فممر طويل دايرا بيه الخضورة .. و فآخرو كان شالي ديال الخشب أكثر من رائع .. وقف آدم طوموبيل و نزل حل الباب جهة إسراء لي حالة فمها بداكشي لي قدامها .. نزلها و مشاو باتجاه الباب حتا وقفات عليهم مرا كبيرة فالعمر و أنيقة .. 

آدم : داكشي لي وصيتكم عليه واجد ؟ 

المرا : كلشي واجد أسيدي غير كون هاني 

آدم : اوكي .. (شاف ف إسراء ) آجي معايا .. 

جرها لجنب شالي حتا كيبان ليها مكان كبير كيبان بحال شي مستودع .. 

إسراء : شنو هاد .. (مازال مكملاتهاش حتا كيبان ليها رجل خارج و جار فيديه عود ) 😱 اسطبل ؟ 

آدم : آه .. آجي بغيت نوريك واحد فيهم 

دخلو و هي غير تابعاه و حالا فمها .. حتا وقف و ابتاسم 

شافتو فين كيشوف بان ليها عود لونو ذهبي و كيبان صغير .. قربات و بشوية حطات يديها عليه 

إسراء : زوين بزااااف ..😍 (تلفتات لآدم ) شنو سميتو ؟ 

آدم : كان كيتسناك نتي تسميه 

إسراء : أنا ؟ 

آدم : وي .. هدا ديالك 

إسراء : 😱 

تلاحت على آدم عنقاتو و كضحك و تلفتات لعود و حطات يديها باستو 

إسراء : نتا سميتك بريق .. جات معاه ياك ؟ 

آدم : وي 

تلفتات لآدم 

إسراء : شكرا بزاف أحبيبي .. أحسن مفاجأة 😍

آدم : (باس راسها) ششش مبيناتناش شكرا .. 

إسراء : فين ديالك نتا ؟ 

آدم : آجي معايا .. 

مشاو شويا حتا وقفو حدا عود كحل .. سوادو قاتم و صحيح .. 

آدم : هادا رعد 

إسراء : واو .. حتا هو ضخم بحالك 😂

آدم : (جر ليها حنكها) أنا ضخم ؟ 

إسراء : هه مكتشوفش راسك فالمرايا .. ياكما كيضرب 

آدم : هه لا أنا معاك متخافيش .. غير قيسيه .. 

هزات يدها عليه غير بشوية حيت خايفة حتا شدها آدم و حطها على العود .. 

آدم : تسناي نخرجو .. 

خرجو آدم من الإسطبل و مشات معاه .. ركب و عطاها يدو ركبات قدامو .. 

آدم : توتوتو .. ركبتي غلط 

إسراء : كيفاش غنركب ؟ 

آدم : أنا نوريك .. 

هزها و قلبها عندو تقابلات معاه و وجهها عند وجهو .. قرب منها و خطف بوسة ..

آدم : بحااال هاكا 

إسراء : آدم .. غيشوفنا شي واحد 😶

آدم : عادي .. هاد ناس كلشي كيديروه فزنقة 😂

تحرك بيهم العود غادي بشوية .. و هما مجمعين و محبسوش من لي بيتيز .. حتا نطق آدم 

آدم : وصلنا .. أخيراً 

تلفتات إسراء كتبان ليها بحيرة كبيرة .. و حداها الخضورة و بيكنيك مقادة .. تلفتات شافت فآدم ابتاسمات حتا بان ضرس العقل و باستو فحنكو وركات عليه .. 

إسراء : يالاه نزلو خلاص 

آدم : ههه مكتصبريش ..

نزل آدم و هزها نزلها حتا هي .. مشا عقد لجام ديال العود باش ميهربش ليه و دار عندها لقاها ماشيا كتجري و كضحك بحال شي بنت صغيرة .. شافتو جاي وقفات و الضحكة على محياها حتا وصل عندها و عنقاتو .. 

إسراء : غزال هنا .. عجبني بزاف .. امتا وجدتي هادشي ؟ 

آدم : عيطت ليهم البارح .. آجي نجلسو .. 

جلسو فالبلاصة لي كانت موجدينها ليهم .. فيها خديات صغار و سليلة فيها الماكلة .. بقاو شحال ضاحكين و كيتصورو .. كلاو و ناضت إسراء كتاخد سيلفيز عيطات على آدم و صوراتو .. بقاو حتا تعاشات العشية .. كان خاصهوم يرجعو حيت مسافرين بليل .. رجعو لإسطبل تصورات مع العود لي جاب ليها و بزز باش تفارقات عليه .. 

شدو طريق العودة و هما مشادين اليدين .. و إسراء فرحانة حيت أخيرا تجمعات هي و آدم .. ديما لحظاتها معاه كتكون أسعد أوقاتها .. رجعو لدار .. جمعات إسراء لحوايج لي شرات و آدم خز داكشي لي خاص بيه و انطالقو لمطار .. من بعد 5 ساعات لقاو راسهم فالديار المغربية .. كان الوقت متأخر فليل .. إسراء أصرت أنها تمشي مع آدم .. مشاو دخلو عيانين .. كيف وصلو دخل آدم لبيتو تلاح فوق سرير ..دخلات إسراء لحمام و خرجات لقاتو نعس .. حيدات ليه صباط و غطاتو .. باستو فحنكو .. يالاه بغات تمشي تنعس حتا صونا ليها الفون .. كانت رجاء 

إسراء : (كتوشوش) آلو 

رجاء : أهلين الحب .. مالكي كتوشوشي ؟ 

إسراء : آدم ناعس .. 

رجاء : هاي هاي .. شفتك نتي نسيتي راسك .. وليتي تنعسي معاه قبل الوقت .. تجمعي نتي تحليتي 

إسراء : واش تسطيتي .. مكنديرو والو 

رجاء : لا غديري نيت باش نتف ختي .. امتا غترجعو ؟ 

إسراء : عاد رجعنا .. حنا فالمغرب 

رجاء : وا غير علميني .. مالكي ممشيتي لدار ؟ 

إسراء : (شافت فآدم ) مسخيتش بيه .. 

رجاء : اويلي على تحلوين .. شوفي غدا صباح تكوني فداركم .. تزوجو و ديك ساعة لصقي فيه .. خرجو رجليك شواري .. شحال مقرصتك 

إسراء : مالكي درتي فيلم .. موقع والو .. را موحشاه 

رجاء : الا مجيتيش غنجي نريب عليكم داك القنت 

إسراء : هه صافي .. غدا غنمشي لدار .. آجي عندي تما 

رجاء : اوكي .. تهلاي .. عنداك تغتاصبي سيد 

إسراء: ربي لما سيري حضي راجلك .. أويلي درتي ليا دراما 😂

قطعات و تكات حدا آدم عنقاتو و نعسات .. 

صبح الصباح فاقت اسراء لقات راسها على صدر آدم و هو يديه على ظهرها و شعرها مغطي وجهو .. حيداتو عليه و باستو فحنكو 

آدم : (كيهدر و مغمض عينيه) قلت ليك ماشي هكاك كنبوسو 

إسراء : 😱 خلعتيني .. كنتي فايق ؟ 

شاف فيها و باسها ف شفايفها و ورك عليها حتا قطع فيها نفس عاد طلقها .. 

إسراء : خليني غير حتا نغسل حالتي بعدا 🙈

آدم : أنا عاجباني هاكا معمشة 😂 باس راسها و ناض دخل لحمام .. 

إسراء : معمشة ؟ أويلي ؟ 

ناضت كتجري شافت فالمرايا .. ملفات والو غير شعرها مشنتف قاداتو .. و مشات لحمام آخر غسلات و قضات حاجتها و نزلات لقاتو كيوجد فالقهوة .. 

إسراء : بيب 

آدم :وي ؟ 

إسراء : أنا خاصني نمشي دابا .. الا ممشيتش غتجي رجاء تحرم فينا العيشة 😂

آدم : غتكون غير كضحك معاك 

إسراء : (شافت فيه شحال ) ديرها و تفوتها لهيه .. معندهاش لمراكات 😂

آدم : آجي فطري و نوصلك 

إسراء : اوكي 

فطرو و بدلو عليهم .. هزات إسراء حواجها و خرجو .. وصلها حتا لدار 

آدم : (باس يدها) تهلاي فراسك .. و قولي لباباك غندوز عندو فالعشية 

إسراء : بابا ؟ علاش ؟ 

آدم : متشغليش بالك .. يالاه سي يو 

إسراء : okey take care 

باستو و نزلات دخلات لفيلا .. تسناها حتا دخلات و مشا 

دخلات إسراء لقات واليديها جالسين كيفطرو سلمات عليهم

سعيدة : بنتي .. فين كنتي غابرة ؟ كنا مخلوعين كون ما رجاء لي طمناتنا عليك 

إسراء : غير شي حاجة ديال الخدمة .. أنا بيخير الحمد لله .. بابا العشية غايجي عندك آدم .. 

يعقوب : مرحبا بيه 

سعيدة : كيبقا مسيكين من الموت ديال صاحبو ؟ 

إسراء : الحمد لله شوية 

سعيدة : اوا على هاد الحساب نوجدو شي عشيوة على حقها و طريقها جاي عندي نسيبي 

إسراء : (حشمات قدام باباها) ماما .. مازال الحال على هاد الهضرة 😶

سعيدة : ماكاين ما مازال .. صافي بغينا نفرحو بيكم و حتا فتيحة كانت كتسناه غير يرجع 

سكتات إسراء. . بقات غير كتشوف .. حتا دخلات عليهم رجاء بعجاجتها .. 

رجاء : السلام عليكم 

سعيدة : أهلا بعروستي الغزالة .. (سلمات عليها ) 

رجاء : خالتي لاباس عليك ؟ 

سعيدة : الحمد الله أبنتي .. فين جهاد ؟ ماجاش معاك ؟ 

رجاء : لا عندو شي خدمة .. بالحق غيدوز فالعشية 

سعيدة : قولي ليه را نسيبي غيجي هاد العشية. . باش يجي بكري .. شحال متجمعنا 

رجاء : نسيبك ؟ (شافت فإسراء ) آه آدم غيجي هنا ؟ مزيان 

مشات باست إسراء و جلسات حداها 

رجاء : علاش غيجي الموسيو ديالك أجنية ؟ 

إسراء : قاليا بغا يهضر مع بابا .. 

رجاء : امم يعلم الله شنو غيقول ليه .. (سكتات و هي تقرصها ) لمك نتي محشمتيش .. غاديا حتال ألمانيا و مقلتي والو 

إسراء : أححح .. حشومة عليك غتبقا بلاصتها زرقة .. را داكشي جا على غفلة 

رجاء : امم و نعاس حتا هو على غفلة ؟ فين حدكم ؟ 

إسراء : أويلي تسطيتي .. مكاين والو من داكشي .. 

رجاء : اوا هكاك نبغيك .. حتا ضربو الكحل فالأبيض و اغتاضبو بعضياتكم كاع 

إسراء : الله يستر را نتي لي راسك عامر غا سفالة 

رجاء : و شبعاانا الحمد الله 😏 احح نموت أنا فزين ديالي 

إسراء : تفو لاش كتعاودي ليا .. را خويا أزمرا ... تكعدي نطلعو الفوق 

مشاو خلاو سعيدة تالفة مع الخدامة كيفكرو شنو يوجدو لعشا .. 

عند آدم لي حط إسراء و مشا نيشان لدارهم .. كيف دخل لقا ماماه كتفطر .. شافتو و ناضت عندو كتبكي و عنقاتو

فتيحة : آدم ولدي 😭😭

آدم : لاش كتبكي دابا .. هاني حداك 

بعدات عليه و بدات كضرب فيه و هو مخليها و كيبتاسم

فتيحة : لحسك درتي هاكا و زدتي معرفناك فين .. سول غير فميمتك و إسراء خليتيها معلقة .. 

آدم : (باس راسها) سمحيليا ألواليدة .. 

حبسات الضرب و وقفات كتقلب فيه واش صحيح و ماضاراه والو .. حتا صونا الفون ديالها .. هزاتو و آدم طلع لبيتو 

فتيحة : آلو الحبيبة .. 

سعيدة : الحمد الله على سلامة آدم .. عاد رتاحينا من جيهتو 

فتيحة : الله يسلمك .. عاد لقيتيه دخل عندي .. عيط ليكم؟

سعيدة : لا قالتها لينا إسراء هاد صباح .. قلت لينا آدم بغا يجي يهدر يعقوب ..

فتيحة : شوفي ياختي الحلوف ماقاليا والو .. 

سعيدة : هه راك عارفة هادو هما ولاد اليوم .. وا آجيو كاملين تعشاو معانا .. مرحبا بيكم 

فتيحة : توحشتك نيت شحال مجمعنا .. اوكي غنقولها ل أحمد و نجيو إن شاء الله ..

قطعات سعيدة و مشات تكمل شغالها كتوجد لعشا فرحانة بنسابها جايين عندها .. بينما آدم بدل عليه و خرج مشا لدار والدين زياد حيت مازالين فالمغرب .. مشا يشوفهم حيت كيعتابروه ولدهم .. 

ف فيلا اليوسفي .. إسراء كتقاد لرجاء فشعرها و مجمعين .. 

إسراء : عيطي لجهاد يجي بكري؟ 

رجاء : آه آري ليا الفون .. عطاتو ليها و دوزات رجاء المكالمة 

جهاد : حبيبة ديالي 

رجاء : حبيبي توحشتك 😘 

إسراء : الله يستر شفتيه غير هاد صباح 😒 

رجاء : ديها فراسك نتي .. حبيبي لاباس عليك؟ 

جهاد : الحمد لله .. حداك إسراء؟ 

رجاء : آه .. جهاد آجي لدار بكري را غيكون آدم 

جهاد : على سلامتو رجع .. غنحاول نجي بكري .. 

رجاء : اوكي .. بيزو حبيبي 

جهاد : لوف يو بيب 😘

قطعات و تلفتات لإسراء لقاتها كتعوج فيها زفات عليها بمشطة 

رجاء : باز بحالا نتي و آدم مكتحابوش 

إسراء : كنتحابو و لكن نتوما بزااف 😂😂

رجاء : تهزي كملي ليا هاد شعكوك .. نوض نقود فحالي 

إسراء : أويلي كنضحك معاك مالكي دغيا شعلتي ؟ 😂

سكتات رجاء و مخنزرة رجعات إسراء كملات ليها شعرها حتا ضحكات ليها .. دخلات إسراء لدوش و خرجات تريحات و لبسات دجين بيض مقطع و لفوق top فالبيج و شعرها قاداتو ليها رجاء .. دارتو ليها بوكلي غير من لتحت مع ميك اب طبيعي و نيود .. بقاو جالسين كيتصورو حتا سمعو سعيدة كتهيط من لتحت .. نزلو عندها لقاو الخدامة كتجري كتقاد فالطبلة .. و العساس مدخل تقدية .. مفهمو والو .. مشاو عند سعيدة .. 

إسراء : ماما آش هادشي كامل ؟ 

رجاء : ناري أخالتي غنتقلق .. أنا مدرتيش ليا هادشي ..

سعيدة : سكتي أفليفلة و آجيو عاونو .. نسابي جايين عندي 

إسراء : را غير آدم لي جاي .. هو باغي غير يهدر مع بابا بالخف و يمشي 

سعيدة : لا أبنيتي را كلهم جايين 

رجاء/إسراء : 😱 

سعيدة : وا سيرو شوفو ليا هاداك صالون واش قادوه مزيان 

إسراء : آه .. واخا 

مشاو مصدومين بقاو واقفين على كلشي حتا تقاد و جلسو مع سعيدة فالصالون .. شوية جا جهاد و يعقوب حتا هما .. بقاو جالسين مجمعين و رجاء غير كتنكر على جهاد .. 

عند آدم لي شاد طريق لفيلا اليوسفي .. وقف خدا بوكي ديال الورد و كاتو و كمل طريقو يالاه غيباركي حتا كتبان ليه طوموبيل وقفات حداه .. بقا كيشوف حتا بانت ليه ماماه نازلة .. نزل دغيا و مشا عندها .. 

آدم : الوالدة آش كديري هنا ؟ 

فتيحة : (قرصاتو فدراعو) ياك أنمس .. جاي عند نسابك و مقلتي ليا والو .. 

أحمد : بعدي من الولد .. بغيتيه يعاود ليك كلشي 

آدم : أنا كنت جاي غير دقيقة نهدر معا سي يعقوب و نمشي 

فتيحة : وا زيدو دابا ندخلو .. هز شي حاجة من الكوفر 

مشا آدم هز داكشي ديالو و شي حاجة جايباها ماماه كادو لإسراء .. و صوناو فالباب .. حلات ليهم الخدامة و دخلو ..

استقبلاتهم سعيدة 

سعيدة : أهلا أهلا بولدي .. غبرتي علينا توحشناك .. 

مشات عنقات آدم و هو عطاها البوكي .. 

سلمات عليهم كاملسن و دخلو لصالون .. تسالمو مع كلشي و جلسو و آدم مقابل مع إسراء كيشوف فيها و تشوف فيه و تبتاسم .. حتا نغزاتها رجاء 

رجاء : ضحكتي عليا حتا عييتي و نتي غا شفتيه تحليتي 

رجاء : وا الصراحة آدم تيتيز أصاحبتي و ريحتو زوينة .. شميتها من الباب 

إسراء : واييه أنا كتحمقني .. مكرهتش نبقا نرشها فالمخدة 

رجاء : نوضي نوضي جلسي حدا عجوزتك .. 

إسراء : أويلي تي سكتي 

كانو كيوشوشو حتا نطق يعقوب 

يعقوب : اوا سي آدم .. قالو ليا بغيتي تقوليا شي كلام 

آدم : آه .. الصراحة أنا و إسراء تافقنا على شي حاجو و بغينا نخبروكم بيها 

إسراء غير سمعات سميتها و خرجات عينيها فيه كطلبو غير بعينيها باش يسكت .. 

جهاد : ههه ياك لاباس ؟ آش قررتو ؟ 

سعيدة : قول أولدي 

آدم : تافقنا غنديرو خطبة و عقد فنهار واحد 

رجاء : 😱 

فتيحة :اللله أحسن قرار 

سعيدة : واللهيلا أحسن حاجة غنديرو .. 

يعقوب : أسيدي الا نتوما متافقين منزيدوكم غير صلى عنبي

أحمد: و مقررتوش امتا ؟ 

يالاه غتنطق إسراء تقول لا حتا سبقها آدم 

آدم : الخميس جاي إن شاء الله 

إسراء : 😱

رجاء : الخميس ؟ اليوم الأحد .. مبقاش بزاف 

سعيدة : بصح خاصنا الوقت نوجدو 

فتيحة : ماشي مشكيل كلشي يوجد فالحين .. المهم غير وليداتنا يتجمعو .. 

إسراء حشمات مبقاتش قدرات تشوفيهم و آدم كيشوف فيها و حابس ضحكة بزز .. 

رجاء : لمك هادشي كنتي مخبياه عليا محشمتيش ؟ و كضحكي عليا نتي باغا غير امتا تاكلي الحلوة 😂

إسراء : الحلاقم .. سكتينا .. نوضي نمشيو لكوزينة 

رجاء : آ ؟ آه .. (هضرات بجهد ) إسراء آجي معايا نشوفو العشا 

ناضو بجرى و مشاو لكوزينة وقفات إسراء و بقات كتولول 

إسراء : ويلي ويي حشمني ولد الحرام .. ماتافقناش علاش الوقت .. ناري على الخميس ... (شافت فرجاء ) أويلي غنتزوج نهار الخميس ؟ 

يالاه بغات تجاوبها رجاء و هي تشوف آدم جاي موراها كيضحك .. 

رجاء : وا صافي .. ياك نتي باغا تزوجي بيه 

إسراء : آه باغا نتزوج بيه .. ولكن حشمني قدامهم .. غيقولو غير باغا تاكل الحلوة ..

رجاء : إسراء .. 

إسراء: (قاطعاتها) أويلي دابا غنتزوجو عنداك يبغي داكشي .. ناري غنحشم 

رجاء : (كتشوف فآدم واقف كيتصنت و كيضحك ) إسراااء 

إسراء : (بالغوات) آاااشنو ؟ 

دارت ليها اشارة بصبعها باش دور .. دارت إسراء بالعرض البطيء و هي كتمنا ميكونش داكشي لي فبالها .. حتا لقاتو قدامها شهقات و حطات يدها على فمها .. 

آدم : آشمن حلوة بضبط علاش كتهدري؟ 😉

إسراء حمارت و زراقت .. كاع ألوان طيف دازو عليها بالحشمة .. دارت بشوية باغا تمشي حتا شدها آدم من حوايجها .. 

رجاء : تهلاو .. 

ضحكات و دارت بغات تمشي و هي توقف و رجعات حدا آدم كتشم فيه.. بقاو غير كيشوفو فيها .. 

إسراء : رجاء آش كديري ؟ 

رجاء : آ ؟ لا والو .. أنا غاديا 

مشات و يالاه غتستغل رجاء الفرصة تهرب حتا شدها و خرجها لجردة 

وقف و وقفها قدامو شد يدها لقاها كترعد 

آدم : بيب رلاكس .. مالكي ؟ 

إسراء : والو .. غير .. الهضرة لي قلت

آدم : ههه عادي .. 

هزات فيه عينيها و ابتاسمات 

آدم : توحشتك 

إسراء : حتا أنا 😍

آدم : بزاف ولا شوية ؟ 

إسراء : بزاااف 

آدم : بوسي نشوف شحال .. 

إسراء :(ضرباتو فذراعو) آدم .. ماشي هنا 

آدم : اوكي مبغيتيش أنا نوريك شحال توحشتك 

تلاح على شفايفها كيبوس فيهم بحالا غتهرب ليه .. طلقها غا بزز 

حطات يدها على فمها و بقات غير كتشوف فيه ..

آدم : مالكي سقلتي ؟ 😂 

إسراء : آ؟ شنو بغيتي نقول ليك ؟ 

آدم : داكشي لي كنتي كتقولي لرجاء 😉

إسراء : آ ؟ مقلت ليها والو .. و زايدون نتا لاش كتصنت علينا 😒

آدم : متصنتش غير سمعتك بالصدفة .. را قلت ليك عادي غير طلقي الضحكة خلاص 

إسراء : وايالاه ندخلو خلاص ..

آدم : (شد يدها و قرب لوذنها) وريني ضحيكة بعدا 

إسراء : (حابسة الابتسامة .. ضرباتو لكتفو) بحالا معمرك شفتيها 

آدم : خاصني نشوفها كل ساعة .. هي باش عايش أنا

باسها حدا فمها .. خلاها غير حالا فمها كتفرنس و دخل لدار تبعاتو .. جلس آدم مع رجال مجمعين .. و إسراء نضمات لماماها و رجاء و فتيحة .. 

سعيدة :جابك الله أبنيتي .. آجي تسمعي علاش تافقنا 

إسراء : هاني أماما 

فتيحة : هاد الخميس إن شاء الله .. نديرو خطبة و ضريب الصداق .. و العرس غنخلوه لمن بعد بصيمانة يالاه نوجدو مزيان .. ميمكنش تزوجو بلا فرح .. 

إسراء : لي بغيتو أنا معنديش مشكيل 

رجاء : العرس فشي اوطيل .. ياك .. خاصني نفكر فشنو غنلبس 

سعيدة : ههه فليفلة يابنيتي 

إسراء : خالتي .. آش خبار ريم ؟ غبرات من الواتساب 

فتيحة : مشات لأمريكا بالخف تقاد شي وراق و تجي .. غنقولها ليها تجي كتجري بلا عقل 

إسراء : ههه غير خليها حتا تقضي غرضها .. 

جات الخدامة هدرات مع سعيدة .. قالت ليها الطبلة واجدة .. ناضو كاملين يتعشاو فجو عائلي .. تفكرو ذكريات و ضحكو على آدم و إسراء فاش كانو صغار .. رجاء و جهاد مقابلين مع آدم و إسراء .. 

رجاء : جهاد .. حبيبي 

جهاد : وي ؟ 

رجاء : خاصنا نعرضو آدم .. حشومة غيولي نسيبنا زعما 

جهاد : آه .. اوا حتا يتزوجو بعدا 

رجاء : أويلي لا .. العراضة بوحدها و مور زواج بوحدها 

جهاد : اوكي لي بغيتي .. حتا نساليو العشا و نقولها ليه 

رجاء : اووكي 😊 

آدم : حبيبة خودي من الحلوى .. قلتي كتعجبك 😂 

إسراء :(وحلات ليها و عينيها خرجو) كح .. كح كح .. لا مبغيتش 

هزات فتيحة كاس ديال لما عطاتو ليها 

فتيحة : بشوية عليك أبنتي نتي فعار الله 

إسراء : (ابتاسمات ليها) شكرا 

آدم :(كيوشوش ليها) حلال أحبيبة 

شافت فيه و نزلات راسها كتشوف فطبسيلها .. 

إسراء : ناااري على فرشة 😢

رجاء : آدم .. مرحبا بيك كول مكليتي والو 

آدم : هه مخليتي لينا والو ..

رجاء : (فخاطرها) اوف على فرطة 

جهاد : بقيتي تنقزي هاهو عطاك 😂 

رجاء : جهاد .. باغي تصوم هاد ليلة ؟ 😒

جهاد : لا صيام ممعاناش 😂.. صافي أحبيبة .. مسحيها فيا 

حدرات راسها كملات عشاها .. ملي سالاو .. خرجو لي جون لجردة جالسين و كيشربو القهوة .. 

جهاد : آدم غدا عارضة عليك المدام أسيدي .. آجي تغدا معانا 

آدم : هه اييه على راس و العين 

إسراء : عارضة على آدم و أنا ؟ 

رجاء : عارفاك غتجي بلا عراضة 😂

جهاد : هه آش خبار الخدمة ؟ 

إسراء : غدا غنمشي نعلمهم ناخد إجازة طويلة شوية 

جهاد : آه منضنش رياض يرفض 

شافت إسراء فآدم لقاتو كارز على يديه .. عارفاه مكيحملش سيرتو 

غمزات رجاء باش تقلب الموضوع 

رجاء : ألمانيا زوينة ؟ 

آدم : وي .. واخا البرد 

جهاد : نتي فكري ليا غير فانجلترا دابا .. مبقا والو و نمشيو .. 

إسراء: صافي قررتو

رجاء : هو لي قرر .. أنا غا مكيدا 

حط جهاد يديه على جبهتو و حرك راسو زعما لا حول .. 

إسراء : متخافيش غنبقا نمشي عندك الوقت لي بغيتي .. 

آدم : و معامن تشاورتي ؟ 

إسراء : ها ؟ 

جهاد : يالاه 😂😂

إسراء : ههه غير كيضحك ... (شافتو كيشوف فيها بالمعقول) لا من نيتك ؟

آدم : هادشي فيه الضحك ؟ 

رجاء : آش كنضل نقوليك ... را رجال مسكيين بمغرفة وحدة .. 

إسراء : آجي نتي لي حاصلة .. أنا باقي مدرت فطاجين ميتحرق

جهاد : اووه عطاتك أ موسيو الإدريسي 😂

رجاء : نتا بكثرة الكرة وليتي داير فيها معلق 

آدم : ههه على دخول الحمام بحال خروجو .. حتا نتي راك حاصلة 

إسراء : رجاء .. نوضي دي راجلك من هنا را كينقل العدوى 

جهاد : أنا فيا وباء لمك 😂 

خرجات ليه لسانها و كحزات حدا آدم زعما كتحمى فيه .. هو عجبو لو جيست لي دارت و بقا كيشوف فيها مكرهش يطير عليها ديك ساعة ...

بقاو مجمعين حتا مشا جهاد و جر معاه رجاء دخلو سلمو و خرجو .. 

بقات إسراء راس فراس مع آدم .. بقات كدور فعينيها .. ماقادراش تشوفيه على الفرشة لي وقعات ليها معاه .. 

آدم : كبيدة 

إسراء : امم 

آدم :آجي نقوليك 

إسراء : (شافت فيه ) غير قول من تيساع 

آدم : دابا غتجي ولا نجي أنا ؟ 

إسراء : آ ؟ صافي أنا نجي 

آدم : هه يالاه 

قربات ليه و جرها عندو حتا ولات تخالطت أنفاسهم 

آدم : علاش نتي هاكا ؟ 

إسراء : كيفاش هاكا ؟ 

آدم : كتحمقي و كيوت .. غير ديال الماكلة 

إسراء : ههه متوحش 

آدم : باقي مشفتي والو فتوحشيت أحبيبة .. 😉

غمزها و سرق بوسة من شفايفها 

إسراء : باركة غير هادشي مبغيتش نشوف مازال 

آدم : تو تو .. خاصكي تشوفي .. داكشي زوين 

إسراء : مالك ماسخ .. نوض ندخلو

يتبع