عشق و كبرياء الجزء 13

آدم : نتي لي عقلك موسخ .. قلت زعما خاصك تشوفيني فجيم .. 

إسراء :همم جيم .. ضحك عليا أنا فعمري 5 سنين 

آدم : لا غير كيوت بحال مولات 5 سنين 

إسراء : آدم .. واش واكل شي حاجة من غير الخبز .. أويلي مالك ؟ 

آدم : وا سوليه هو مالو .. هو راس الحربة

إسراء : شكون هدا ؟ 

آدم : قريب نعرفك عليه أحبيبة .. غترتاحي ليه 😂

إسراء كتفكر مع راسها كيفاش آدم قاليها غيعرفها على راجل و هو رياض دار عليه حااالة .. بقات غير كتشوف فيه مافاهمة والو .. و هو مبتاسم و كيشوف فيها .. حتا تفكر بلي نهار لاخر غتمشي لخدمة .. 

آدم : غدا تسنايني .. غنجي نوصلك لخدمة 

إسراء : علاش غتعذب ؟ أنا غنمشي بوحدي بحال ديما و صافي 

آدم : كلمة وحدة أ إسراء .. 

إسراء : واخا .. لي بغيتي ..

بقاو مجمعين حتا سمعو والديهم خرجو لجردة .. كانو والدين آدم باغيين يمشيو .. تسالمو و مشا معاهم حتا آدم من بعد ما أكد على إسراء بلي غيوصلها .. 

دخلات إسراء نيشان لبيتها .. لبسات بيجامة ديال نعاس .. قرات ايميلز ديالها .. هدرات مع آدم ف لي ميساج و نعسات .. 

صبح الصباح .. فاقت إسراء على الفون كيصوني .. هزاتو و جاوبات 

إسراء : امم ؟ 

آدم : صباح نور بيب 

إسراء : مازال الحال 

آدم : نوضي خلاص .. 7 هادي .. شوية و نكون عندك .. غنفطرو على برا .. 

إسراء : اوكي ..

قطعات و ناضت غسلات وجهها و قضات حاجتها .. لبسات جيب ديال جلد كحلا و top كحل مع cardigan فالأبيض و الكحل .. و هيلز فنفس لون .. قادات ميك اب نيود .. و شعرها خلاتو سامبل . دارت نظاظرها .. هزت ساكها و نزلات .. لقات ماماها كتحط الفطور هي و الخدامة .. 

إسراء : صباح الخير 

سعيدة : صباح النور بنتي .. آجي جلسي .. ها الفطور واجد ..

إسراء : لا غير بصحة .. غنفطر أنا و آدم برا 

سعيدة : ههه ماقادرينش تفرقو على بعضياتكم .. شفتيه غا لبارح 😂

إسراء : ماما من نيتك .. 

سعيدة : هه سيري و سلمي عليه 

إسراء : اوكي .. باي 😘

خرجات لقات آدم واقف .. طلعات لطوموبيل باستو فحنكو و دارت سمطا .. و شافت فيه 

آدم : الحب شوية لاباس ؟ 

إسراء : الحمد لله..☺

آدم : اوا ملي لاباس واش كتقلبي على العصا ؟ 

إسراء : العصا ؟ 

آدم : غتمشي هاكا لخدمة ؟ 

إسراء : (شافت فحوايجها) آه .. عادي ديما كنلبس هاكا ؟ 

آدم : عادي ؟ كتمشي مقزبا و تبقا دوري قدام هداك *** و عادي ؟ 

إسراء : آدم مالنا على تخصار لهدرة على صباح ؟ ماموالفاش ليك تعلق على لبسي ؟ شنو لي تبدل زعما ؟ 

إسراء : آدم مالنا على تخصار لهدرة على صباح ؟ ماموالفاش ليك تعلق على لبسي ؟ شنو لي تبدل زعما ؟ 

تنهد آدم و مسح على وجهو بعصبية و نفاذ صبر .. لي خلاه يتعصب هو رياض لي غيبقا حاضيها .. كل ما كيفكر فهادشي كيزيد يتجنن .. 

آدم : بغيتي تمشي الخدمة ؟ اوكي يالاه لخدمة .. 

إسراء : آدم .. 

ماجاوبهاش و كسيرا وقف حدا شركة العثماني .. نزل و حل ليها الباب .. و دار ليها اشارة باش تنزل .. نزلات و هي مافاهمة والو .. عاد كان معصب و ماباغيهاش تمشي بهاداك اللبس و دابا جايبها .. 

إسراء : غير 5 دقايق و نخرج .. اوكي ؟ 

آدم : (شاف فماكانتو ) سيري 

مشات و دخلات لشركة .. غاديا و كتحس كلشي ناس كيشوفو فيها .. و كيوشوشو .. و البنات شي كيضحك شي كيخنزر فيها .. وقفات بزربة حتا ضربات شي حاجة معاها من لور .. ضارت لقاتو آدم .

إسراء : آدم ؟ ياك خليتك كتسنا 

شد ف يدها و تم غادي جارها بلا ميهدر معاها .. ابتاسمات هي .. عرفاتو كيغير عليها و مقدرش يبقا برا كيتسنا .. مشاو لمكتب المدير .. علماتو سكريتيرة بلي إسراءجات و دخلاتهم .. سبقات إسراء غير شافها رياض ضحك حتا بانو ضراسو و لكن غير بان ليه آدم داخل قلب 6 9 و ضربها بتخنزيرة .. 

رياض : سي الإدريسي عندنا ف wonders مرحبا .. إسراء سافا ؟ 

إسراء : الحمد لله 

آدم : جات باش تاخد إجازة 

رياض : آه .. اوكي شربو شي حاجة بعدا عاد نهضرو 

آدم : مكين لاش .. زربانين شوية 

رياض : اوكي (شاف فإسراء ) شحال بغيتي فيها ؟

يالاه غتهضر إسراء و هو ينطق آدم 

آدم : 3 أشهر 

تصدمات و خرجات فيه عينيها .. 3 أشهر طويلة بزاف .. و هي عزيزة عليها خدمتها و لكن متقدر تقوليه والو و تحرجو قدام رياض .. بقات ساكتة 

رياض : 3 أشهر .. مدة طويلة .. فعالم الفن بحالا غبتي 3 سنين .. سلوى غيخصها ضروري ماناجر فبلاصتك .. 

إسراء : ماشي مشكيل هشام غيتكلف بكلشي 

آدم : اوكي ..كنضن سالينا هنا .. (وقف و وقفات حتا إسراء شد فيها و هدر ) نخليوك تكمل خدمتك دابا .. 

و جرها و خرجو قبل مايقدر يهضر رياض .. 

خارج منرفز .. ركبو فطوموبيل و بقاو مدة غير ساكتين ..

إسراء : 3 أشهر ؟ 

آدم : آه أنا باغي ناخد راحتي مع مراتي حبيبتي .. 

إسراء : حتا نتا غتاخد إجازة اذن .. 

آدم : معلوم 😉

ابتاسمات ليه .. تفكرات فاش خلط عليها و ضحكات 

آدم : مالكي كضحكي ؟ 

إسراء : (باستو فحنكو ) .. يخليلي لي كيغير عليا 😍

آدم : بسبابك رجعنا مراهقين .. 

إسراء : ههه جاتني لبسة زوينة لهاد درجة ؟ 😂

آدم : ههه مضسريش 

إسراء : هه فين غاديين دابا ؟ 

آدم : نمشيو نفطرو بعدا .. 

إسراء : اوكي ☺

مشاو ريسطو فطرو فيه فجو ديال رومانس .. 

آدم : إلا ساليتي نمشيو .. عندي ليك واحد المفاجأة 

إسراء : (كانت كتاكل خرجات فيه عينيها) صافي .. كح .. صافي ساليت يالاه 

آدم : ههه غير بشوية عليك 

إسراء : شنو هيا المفاجأة؟  😢

آدم : ههه دابا نمشيو و تشوفي بعينيك 

إسراء : عرفتي درتي أكبر غلطة فحياتك 

آدم : هه علاش ؟ 

إسراء : إلا ولفتيني المفاجآت غتوحل فيا غير نتا 😂

آدم : نوحل فيك و توحلي فيا معنديش مشكيل .. 

جرها من دقنها و باسها حدا فمها .. 

إسراء : 😍😍

آدم : يالاه مشينا .. 

خلص آدم و خرجو ركبو فطوموبيل و ديمارا .. إسراء بقات حاضيا طريق .. شوية بانت ليها الفيلا ديالو تلفتات ليه 

إسراء : المفاجأة فالفيلا ديالك ؟ 

وقف طوموبيل و تلفت شد يدها و باسها .. 

آدم :ديالنا 

إسراء : مم ؟ 

آدم : نزلي بعدا 

نزلات مافاهما والو جا شد ف يدها و جرها .. دخلو مع جردة .. دازو من حدا لابيسين بان ليها بدل ستيل .. دار كليسات كايبانو cozy .. بقات غير كتشوف فيه و كتشوف فداكشي .. دخلها لدار لي كانت كاملة أضواء .. كيف دخلات حلات فمها .. ديكور كلشي مبدل .. قبل كان ديكور رجولي غالب عليه الأسود .. و دابا داخلين عليه الألوان لي كيعجبوها .. و كيبان عائلي .. طلقات منو و بقات كدور تشوف .. 

إسراء : امتا بدلتي هادشي كامل ؟ عاد جيتي من ألمانيا .. 

آدم : داكشي حالو ساهل .. المهم يعجبك 

إسراء : ?are u kidding ... كيحمق 😍😍

آدم : كملي تور بعدا 

إسراء : بدلتي مازال شي حاجة ؟ 

دار ليها إشارة ب يديه لفوق .. طلعات فدروج كتجري .. حلات بيت نعاس ديالو .. لقات الأسود ولا كري و شميعات فكل مكان .. البيانو أبيض عوض أسود و المكتب مبقاش فالبيت .. لحق عليها آدم و بقا كيشوف فيها .. شوية صفر تلفتات ليها و نعت ليها ف دريسينغ روم .. 

إسراء : نوو 😱 

مشات كتجري حلاتها و هي تصدم .. دريسينغ روم عامرة ملابس نسائية و أحذية و اكسسوارات .. دخلات بقات غير كتشوف و عينيها عامرين بالدموع .. تلفتات ليه و مشات عنقاتو و حتا هو زير عليها 

إسراء : I love it 😍😍

شد وجهها بيديه و قربها عندو باسها من شفايفها .. 

إسراء : نتا فين حوايجك ؟ 

آدم : غير هنا .. كاينا دريسينغ روم آخرا 

إسراء : omg .. آدم 😍 

حطات راسها على صدرو معنقاه و هو كيدوز يديه على شعرها

آدم : اوفف امتا غيوصل هاد الخميس ؟ 

إسراء : ههه مبقا والو .. 

آدم : أنا لي حاس بالوقت 😂

فهماتو و حشمات ضرباتو لكتفو .. خرجات و مشات حدا البيانو و جا حداها كيضحك .. 

إسراء : جا فالبيض زوين .. جامي لعبتي ليا البيانو 

آدم : مرة خرى .. كملي نتي تور .. أنا غنمشي لمكتب .. نشوف شي خدمة .. 

إسراء : اوكي 

باسها فحنكها و مشا .. و بقات هي كدور و تصور باش توري رجاء .. نزلات لكوزينة حلات تلاجة لقاتها عامرة .. صيبات عصير و داتو و مشات تقابلات مع تلفزة كتفرج .. حتا داها نعاس..

و مشات تقابلات مع تلفزة كتفرج .. حتا داها نعاس.. نزل آدم لقاها مكمشة فوق الفوتوي .. جلس حداها و بقا كيلعب فشعرها و يبوس فيها حتا فاقت تخشات فيه ..

إسراء : نزلتي .. 

آدم : خليتك دقيقة .. لقيتك نعستي 

إسراء : هه 

آدم : آجي نعاسك تقيل 

إسراء : آه .. علاش ؟ 

آدم : مزيان .. حتا الى درت صداع متفيقيش

إسراء : ههه آشمن صداع غدير نتا ؟ 

آدم : دابا تشوفي أحبيبة .. نمشيو دابا ؟ 

إسراء : اوكي .. ناخدو معانا شي كيك ؟ 

آدم : اوكي بيب .. 

خرجو و مشاو خداو كاتو .. و الورد .. و مشاو لفيلا ديال جهاد و رجاء ..

مسافة الطريق كانو قدام فيلا جهاد خرج و فتح لها الباب و شد فيدها و تحركو .. كي وصلو جيهت الباب لقاو رجاء كتسنا فيهم .. تسالمات هي و إسراء و جات حدا ادم تسالمو بلابيز .. رجاء كتسلم عليه و تشمشم حتا بعد وجهو و هي تزيد قربات ليه و زادتو بوسة فحنكو .. هو تصدم لاكن ماشي كتر من جهاد الي كان جاي من وراها و شاف ااش دارت .. عنق ختو الي حتا هي تصدمات من الحركة الي دارت رجاء .. و بقا شي كيشوف فشي و رجاء كتفرنس و ماجايبة للدنيا خبار جرات إسراء و دخلو .. جهاد و آدم تسالمو سالام رجولي و دخلو وراهم تابعينهم حتا وصلو حدا الباب الي كيخرج للحديقة ..

إسراء : ( بتسائل ) فين غاديين ؟

رجاء : ( جراتها ) غير زيدي تبعني عندي ليك مفاجأة ..

خرجو و هي تبان ليهم جليسة فالحديقة و لا أروع طابلة بربعة الكراسا مغطية بسقف بحال ديال الكوخ .. دايرة بيها الطبيعة و مزينة بالاضواء مع أجواء الليل كتبان رومنسية .. إسراء حلات عنيها و دارت شافت فآدم الي حتا هو مافاهم والو حتا نطق جهاد ..

جهاد : بلاما تضهشرو هاد خيتي من الصباح و هي توجد و تبلاني .. قالت ليك مبغاتش اكون عشا عادي .. بغاتو اكون بحال موعد ثنائي احتفالا بخطبتكم ..

إسراء : واو هادشي زوين بزاف ( عنقات رجاء ) شكرا حبيبة فاجائتيني و الله .. ماشي من عوايدك ..

رجاء : علاه مالي كي بنت ليك .. يخخ متعرفيش تقولي حاجة زينة بلا متخصريها فلخر .. هادشي درتو على قبل خطبتكم بغيت نكون اول شخص اهنئكم ..

آدم : شكرا ليك اختي رجاء .. غير هي راه خطبة و عقد .. و مكرهناش كون كان حتا عرس باش نتهناو بمرة ..

إسراء : ( حمرات فيه ) ههه اخليلي حبيبتي الي كتفكر فيا ..

جهاد : و انا لمك .. راه زيداتني نعاونها بلا اطريه ليا ..

مشات إسراء عنقات خوها و باستو و اتاجهو للطبلة .. جلسات إسراء حدا رجاء و مقابل معها آدم و جهاد .. جات الخدامة و حطات الأكل منوع و صحي كان اكل آسيوي .. مع رجاء عارفة بلي كيعجب إسراء و آدم .. بقاو كياكلو فجو الضحك و النشاط و رجاء كلا ساعة تهز و تحط لآدم فطبسيلو و تبسم ليه كي شي هبيلة .. هو مرك من تصرفها خاصة فاش شاف جهاد كيخنزر فيها و هي ممسوقاش .. كملو عشاهم و جابو ليهم الديزيرت الي كانت عبارة على تشيز كايك .. الي دخلات فيها رجاء طول و عرض بقاو غير حالين فمهم فيها .. هزات راسها و هي تلقاهم حاضينها كاملين ..

رجاء : ( مسحات فمها ) احم .. مالكوم ؟

رجاء : ( مسحات فمها ) احم .. مالكوم ؟

إسراء : لا والو .. غير هو بشوية عليك راه مغادي تهرب فين ..

رجاء : اففف .. حتا واحد مابقا ياكل فراحتو ..

جهاد : كولي كولي .. عنداك غير تخرج ليك من لودنين مجعورة ..

رجاء : ( كتغبن ) ياك تحاميتو عليا نتا و ختك هئ .. خويا آدم شوف كي دوروني اهئ ..

آدم : احم .. خودي راحتك .. هما غير خافو عليك لا اجيك عسر الهضم .. بصحتك ..

رجاء : ( ابتاسمات حتال لوذنين ) ههه شكرا .. ( دارت خنزرات فجهاد و إسراء و كملات مكلتها ..

بعدما سالاو بقاو الرجال مجمعين بيناتهم و كيشربو القهوة .. و إسراء و رجاء مشاو حدا البيسين جالسين فواحد الجليسة كيتحتتو ..

رجاء : بقات يومين المسخوطة .. مامخلوعاش ؟

إسراء : علاش غادي نتخلع .. عادي 

رجاء : حينت عارفاك متخوفة من ديك الناحية .. بلاما تغمقي عليا راني حافضاك ..

إسراء : علاه شكون قاليك حنا غادي نديرو شي حاجة .. واخا غادي نديرو لعقد مي حتا لمورا العرس ..

رجاء : مسكينة .. هو فنضرك علاش زربان على لعقد اه ؟ راه باينة مغاديش افلتك ..

إسراء : نو نو .. ميمكنش حتا ندوزو العرس و ديك الساع ياخد راحتو و نكون حتا انا مستاعدة نفسيا ..

رجاء : محال واش اصبر عليك .. و باز ليك حتا نتي .. كون انا كون زربت عليه .. علاه بحال هداك اقولو ليه الناس لا ..

إسراء : ( هزات راسها فيها لقاتها كتبلق عنيها فآدم ) نتي واش لباس .. بنتي ليا ماشي على طابيعتك .. تجامعي شوية راه غادي تاكلي عزاك ..

رجاء : علاه مالي ااش درت ؟

إسراء : من الصباح و نتي تحنزي فآدم و تفرنسي .. حتا جهاد لاحظ هادشي .. عرفتي كيف كان كيخنزر فيك و اسوط ..

رجاء : شحال فيكم .. راه مقصدت فيها والو غير راكي عارفة كتعجبني شخصية آدم القوية و الهيبة الي فيه ..

إسراء : امم .. اوى جمعي ..

رجاء : يخخ .. مالكي وليتي مغيارة بلا قياس .. راه غير كنخضر عويناتي ..

إسراء : حمقة و سلطها الله علينا .. و الله حتا كيبقا فيا جهاد غادي تخرجي فيه الشيب قبل الوقت ..

رجاء : شفتيه هو غير ساهل ..

كملو الجماعة و ناضت إسراء و آدم توادعو معاهم و شكروهم على هاد الأمسية .. آدم وصل إسراء و مشا لدارو ..

عند جهاد و رجاء الي طلعو لبيتهم و جهاد عاقدهم و مهضرهاش منين خرجو من عندهم إسراء و آدم .. دخلات دوشات و لبسات بيجامة خفيفة و تخشات بلاصتها .. دخل جهاد البيت و حتا هو دخل للدوش بلا ميشوف جيهتها دوش و خرج لاوي فوطة على نصو و كينشف شعرو لبس شورط و تخشا حداها شاد الفون كيخربق فيه .. هي تلفتات جيهتو شافتو مداهاش فيها و مهضرهاش و هي تقرب ليه حتا تخشات فيه و هو ابعد ..

جهاد : رجاء قليني عليك هاد الساعة ..

رجاء : مالك تاني شنو درت ليك ؟

جهاد : لا مادرتي والو .. صابر على هبالك كولو .. لكن باش تبقاي تزللي على خطيب ختي و صاحبتك هي الي منقبلهاش .. و قدامي مازال كي كنبان ليك انا مونيكة ..

رجاء : ااش كتقول .. ااش من تزلال واش بعقلك .. عارف راسك اش كتقول ..

جهاد : ( ناض من الناموسية غادي جاي دوز يديه على شعرو ) بلا متبوهلي عليا راه شفت كلشي بعنيا .. منين دخل و نتي تحليتي و مباقي جمعتي داك الفم ..

رجاء : جهاد واش كتشك فيا ؟ كتشك فحبي ليك ؟

جهاد : تصرفاتك ارجاء .. داكشي الي درتي ميقبلوش العقل .. صدمتيني فيك ..

رجاء : ( غرغرو عنيها ) انا و الله مقصدت شي حاجة .. كنت فرحانة ليهم و صافي ..

جهاد : هي انا غير كنألف من راسي ؟!

رجاء : هئ هئ هئ .. جهاد انا عمرني نفكر فشي واحد من غيرك .. نتا بوحدك الي ملكتي قلبي و بغيتك من يالاه شفتك .. و خبيت داك الحب فقلبي كيفاش خطر فبالك نشوف فغيرك !

جهاد : ( شافها كتبكي بقات فيه ) و مالك كتبكي دابا .. رجهت انا الب خايب .. رجاء هاد الهضرة منعاودهاش .. جمعي راسك و وزني هضرتك و تصرافاتك تفاهمنا ..

رجاء : ( حركات راسها باه ) و اجي تنعس ..

مشا عندها مسح لها دموعها معرفش مالها ولات على سبة دغيا كدمع عنقها و خشاها فيه و نعسو ..

أصبحنا و أصبح الملك لله

فاق آدم بكري دوش و لبس حوايج سبور شورط كري و تريكو بيض بالكمام لاصق عليه .. و سبرديلة نايكي هز سوارت و الفون و هبط .. لقا الخدامة وجدات ليه قهوتو منين بدل الديكور للدار جاب الخدم اتكلفو باش منين تنتاقل إسراء تلقا الي عاونها ..

شرب القهوة و خدا اللوطو ديالو لامبيركيتي كحلا و اتاجه للجيم شحال هدا مامشا ليه .. كان كيتريني غير فالدار وصل و حط اللوطو فالباركينغ و تم داخل بمشيتو الرجولية و التغوبيشة .. مع معروف تماك وخا غبر مؤخرا كلشي عارفو الدراري كيسلمو عليه و هو كيرد عليهم سلامهم .. و البنات حالين فامهم فيه بطولتو و عضلاتو البارزة و شخصيتو القوية الي باينة من الشوفة .. هو مامسوق لحد دخل حط ساكو فاللوكر و مشا كيتريني و مركز فداكشي الي كيدير و البنات حاضينو و كيتغامزو عليه .. خاصة فاش عارفينو تفارق مع هند و كل وحدة كتخطط فراسها كيفاش دير تقرب منو .. ناض آدم و تم غادي للالة لاخرى حتا شاف شي حد و هو ازير على يدو و وجهو ولا حمر و عروقو تنفخو .. محاملش اتحاك مع هاداك الشخص و كيحاول اتجنبو و اتكالما باش ميديرش فيه يديه .. داز من حداه و فاتو حتا سمعو كينادي عليه وقف و دار شاف فيه شوفة ديال القتيلة ..

رياض : موسيو آدم هنا ..

آدم : آه .. و من بعد ؟

رياض : لا والو .. غير عمرني شفتك .. مفخباريش كتجي لهاد لاصال ..

آدم : و ها هي ولات فخبارك .. ( دار و كمل طريقو )

رياض : إسراء لاباس عليها ؟

غير سمع إسراء من فمو و هو اصعر تم راجع عندو و نزل عليه بكروشي حتا ضار رياض لاخر حتا هو رد ليه البونية .. آدم مسح فمو و زادو وحدة كتر من لاولة و شنق عليه من التيشورت ..

آدم : باقي نسمع مك كتنطق سميتها نخلط جد مك الز*** .. راه صابر عليك غير بزز كون ماواعدتها كن باليت بيك شحال هدا ..

دفعو حتا كان غادي اطيح كن ما رياض شد التوازن ديالو فاخر لحضة قاد التيشورت ديالو و هو كيخنزر فآدم ..

رياض : علاش خدات إسراء إجازة ؟

آدم : ماشي شغل مك .. سير تقود ماحدي شاد راسي راه والله منعقل عليك .. و غادي نسا شي وعد ولا لخرا .. 

رياض : ( بابتسامة جانبية ) خلاتك تواعدها باش مدابزش معايا ..

آدم فهمو آش معنا بهضرتو و ولاو القرودة كيشطحو فوق راسو .. اصلا كان محلف عليه رجع كيضرب فيه و رياض حتا هو مخلاش من حقو مي آدم كان أقوى و مكانش عاقل على آش كيدير .. حاولو الناس فالجيم ادخلو و افارقوهم و البنات كاسريين الدنيا غوات .. مي آدم مبغاش اتكرع كيحيدوه عليه و ارجع اضرب فيه حتا ولا رياض كلو دمايات و آدم مضروب حدا فمو و فحاجبو .. جاو الترينيرز الي خدامين فلاصال و بعدو آدم و حاولو اهدنوه حينت كيعرفوه و كاملهم صحبة قديمة ..

آدم : هادي غير نغيزة باش توقر عليك إسراء .. و الله و باقي طرف بجيهتها ندفن مك حي مافيهاش ..

رياض : ( كيحاول انوض و كيمسح فمو الي عامر دم ) ماشي نتا الي تقرر واش نبعد ولا نبقا حداها .. هاد القرار كيرجع لإسراء بوحدها ..

آدم : أنا الي كنقرر و من حقي الجلاخة .. حينت هي من بعد غدا غادي تولي مرتي .. و ديك الخدمة الي جامعاكم بناقص منها ..

آدم كمل هضرتو و نفض يديه من هادوك الي كانو شاديين فيه و زاد دخل للوكر روم .. اما رياض بقا واقف مشوكي و الصدمة مرسومة على وجهو .. كلمة وحدة كتعاود ليه فودنيه 'غادي تولي مرتي' تحدر جلس فالكورسي و ممتيقش اش سمع .. ميمكنش افقد إسراء و تزوج بغيرو كان عندو أمل انها تميل ليه و انسيها فآدم و مع الوقت تولي تبغيه .. مكانش ضارب لحساب بلي هما وصلو لمرحلة الزواج زير على يديه و حالف ميستسلم .. 

اما البنات الي كانو تم و شافو قتال العمالقة حسدو هادي الي كانت سباب هاد المدابزة و مكرهوش كون كانو بلاصتها و اتقاتلو عليهم جوج بحال هادو واحد انسيك فلاخر ..

آدم خدا ساكو و خرج ديريكت للدار دوش و لبس سووت و مشا للشركة .. دوز النهار كولو معصب و غير كيغوط على الموضفين ..

كان جالس فالمكتب حتا صونا ليه الفون هزو تنفس بجهد و كيحاول اكون مهدن جاوب ..

آدم : الو حبيبة ..

إسراء : بيب توحشتك ..

آدم : أنا كتر .. فين كاينة ؟

إسراء : فالدار ماما و خالتي فتيحة مخلاونيش نخرج ..

آدم : عبرو عليك ..

إسراء : ياك أنا باغا نشكي عليك .. صدقتي معاهم ..

آدم : يالاه تولفي و تنقصي من داك كترت الخروج ..

إسراء : نو نو متقولهاش .. ياك ماناوي تحبسني فالدار ؟ 

آدم : بحال هكاك ..

آدم : بحال هكاك ..

إسراء : واش من نيتك ؟ حلم حلم ..

آدم : لمهم الهضرة ماشي دابا .. العشية نجي نديك تباتي معيا ..

إسراء : حماقيتي .. راه كايوصيو و اعاودو .. قالو ليا مخصناش نتشاوفو حتال نهار العقد ..

آدم : وااات .. و هما شغلهم فينا ..

إسراء : اوى اسيدي هادوك ماما و ماماك .. و انا معاهم فهادي .. باغي تخصر ليا اواصا مع خالتي نو نو نو ..

آدم : ياك لمك .. قيدي عندك من بعد نتفاهمو ..

إسراء : حبيبي باي ماما كتعيط عليا ..

آدم : شحال قدك تهربي .. مابقا والو ..

إسراء : هه بيزو ( قطعات )

آدم من بعد ما هضر مع إسراء تهدن شوية و رجع كمل شغلو و صلات لعشية و خرج غادي لدارو حتا اتاصلات بيه ماماه و قالت ليه اجي اتعشاو مجموعين راه ريم رجعات من السفر .. بدل الطريق و اتاجه لدارهم وصل و دخل و هو ابان ليه مجد حتا هو خارج من اللوطو .. تسالمو و تمو داخلين بجوج لقاو أحمد و فتيحة فالطبلة و الخدامة كتحط العشا .. سلمو عليهم و جلسو شوية و هي تم هابطة ريم من الدروج كتجري عنقات آدم و جلسات حداه .. هو غير شافها تفكر صاحبو زياد زير على يديه بجوج كيحاول ميبين والو بداو فالاكل ..

فتيحة : الله على راحة .. شحال هادي متجمعات هاد اللمة و شفت ولادي كاملين فطبلة وحدة ..

أحمد : اوى غير فرحي ها ريم جات فمرة .. اما هاد الجوج كاع لا تعولي خاصة هداك كان كيغبر و عزل السكنى باقي كاع متزوج .. و دابا منين اتزوج محال باقي نشوفوه ..

مجد : انا نبصم عليها .. آدم غير نساوه واش كاين ههه

فتيحة : الله ياولدي كنت كنقول امتا تزوج و تعمر عليا الدار .. صدقتي مبعد كون غير سكنتي معانا نتا و إسراء اولدي ..

آدم : لا لواليدة انا باغي ناخد راحتي مع مرتي .. و قتما بغيتي تشوفي ولدك جي عندي و حتا حنا مرة مرة ندوزو نشوفوكم .. مي نسكنو هنا لا ..

ريم : ناري على جحموم .. دغيا سخيتي بينا ..

مجد : شنيولة ديها فراسك .. السيد بغا انفارد مع مراتو ( غمز آدم )

آدم : حتارم راسك البرهوش ..

مجد : هاهو ساكت .. الواليدة راه انا الي دايم ليك .. اما راه حتا هادي الاخت غادي تزوج و تمشي تخليك ..

ريم سمعات هضرتو و جا معاد فبالها و هي تبتاسم و حدرات راسها .. عكس آدم الي سمع هاد الهضرة و ضرو خاطرو .. كملو عشاهم و مشاو جلسو فالصالة مقصرين فتيحة كتعاود على اش دارت هي و سعيدة و فين وصلو فالتوجاد .. شوية ناض آدم و دعهم و مشا لدارو وصل و طلع لبيتو دوش بدل عليه و تكا فالناموسية .. هز الفون و اتاصل بإسراء بقاو مجمعين حتا نعسات و هي شادة الفون آدم شافها سكتات عرفها نعسات .. بقا كيسمع كيسمع انفاسها و كيضحك عليها ابطا عليه غير امتا تولي تنعس فحضنو بقا هكاك حتا مشات بيه عنيه ..

فاقت إسراء بكري و اتاصلات برجاء باش متعطلش عليها حينت غادي امشيو لبيوتي سانتر .. غي كملات معاها و هو اصوني ليها الفون لقاتها ريم خبراتها بلي رجعات و إسراء فرحات و قالت ليها تجي تمشي معاهم ..

ناضت إسراء لبسات حوايجها جينز و تيشورت ابيض و سبرديلة بيضة و طلقات شعرها ما دارت والو فوجها .. هبطات لتحت سلمات على والديها و جلسات كتفطر شوية تمات داخلة رجاء و موراها جهاد سلمو عليهم و انضمو كيفطرو معاهم حتا هما ..

إسراء : مافطراش اختي ؟

رجاء : ( كتاكل فالطوست بالجبن و الفريز ) نتي الي زربتيني و جيت كنجري بلا فطور ..

إسراء : اوى سربي دغيا .. دروك تجي ريم ..

رجاء : ريم ! علاه غادي تمشي معانا ؟ افف و شكون عرض عليها ؟

إسراء : انا الي عيط عليها ..

رجاء : هي الي ناقصة .. صاحبتك هي الي من حقها تمشي معاك ..

إسراء : اويلي حماقيتي .. راه خت آدم و صديقتي حتا هي ..

يالاه بغات تجاوبها رجاء و هو اصوني الفون ديال إسراء كانت ريم خبراتها بلي وصلات و كتسناها حدا باب الفيلا .. إسراء قالت ليها دخل مي رفضات قالت ليها حتا ارجعو حينت غادي اتعطلو .. ناضت إسراء و رجاء خارجين ركبو فاللوطو ديال إسراء و خرجات من البوابة بانت ليها ريم واقفة كتسناهم .. هبطات عندها إسراء و تعانقو عاد هبطات رجاء تسالمات معها ..

إسراء : علاش مبغتيش دخلي ؟

ريم : ماشي مشكيل نمشيو نقديو الغرض و نجي نجلس معاكم حتا تجريو عليا ..

إسراء : حاشا .. مرحبا بيك الحبيبة ديالي ..

ريم : ربي اخليك اعروسة خويا ههه ..

هما كيضحكو و رجاء كتخنزر فيهم نساوها واش كاينة حداهم .. خاصة ريم ماحملاتها مقبلاتها جاتها بحال الى غادي تاخد ليها بلاصتها .. شوية بان ليهم جهاد خارج برونج ديالو بانو ليه واقفين و ريم معاهم نزل باش اسلم عليها .. سلمات عليه ريم بالوجه و عنقاتو بعفوية و رجاء كطلع و تهبط فيها بغات طيرها من بلاصتها ..

جهاد : ريم غبورات هادي ..

ريم : غير مع الوقت عاد ساليت و غادي نستاقر هنا نهائيا ..

جهاد : يعني كملتي و دابا وليتي محامية رسميا ..

ريم : هه بحال هكاك .. قريي غادي نفتح مكتب انشالله ..

جهاد : اوى مبروك عليك ..

ريم : الله ابارك فيك .. فينما تحتاج شي استشارة قانونية انا فالخدمة ..

جهاد : معلوم ..

رجاء مقدراش تصبر و هي تقرب لجهاد و شدات فدراعو و تكات عليه و هي كتشوف فريم .. زعما بغات توصل ليها هو ديالي .. جهاد و إسراء بقاو غير كيشوفو فيها تصرفاتها كتزيد غرابة نهار على نهار ..

إسراء : يالاه نمشيو .. غادي نتعطلو ..

ركبات إسراء و طلعات ريم اللور يالاه بغات تركب رجاء عيط عليها جهاد ..

جهاد : ( عطاها كريدت كارط ) هاكي هادي خلصي نتي ..

رجاء : اوكي بيب ..

تلفتات شافت البنات كيتسناو فيها و هي تعلى على قرون صباعها و باست جهاد فمو بوسة طويلة .. عاد بعدات و مشات ركبات و خلاتو مضهشر و هي غادا و كتفرنس عند راسها دارت شي انجاز و فقصات العديان .. ركبات حدا إسراء و هي ديماري اللوطو و شدو الطريق ديريكت لبيوتي سنتير .. جهاد بقا كيشوف فيهم حتا غبرو و طلع اللوطو ديالو و هو كيضحك على تصرفها عارف هاد البوسة من وراها قصة مي هو عجبو الحال ..

كي وصلو لبنات دخلو و رحبو بيهم حينت باينة فيهم كليان مهمين .. دارو بالحالة صاونا و لمساج و لي صوان مداروش لاصيغ حينت بتلاتة دايرين لايزر و مهنيين .. دوزو نص نهار كامل تماك كملو و مشات كلا وحدة فيهم بغات هي الي تخلص مي رجاء اصرات و قالت ليهم بلي جهاد وصاها عاد تنازلو .. خرجو و مشاو تغداو على برا و من بعد دازو تقداو اش خاصهم لغد ليه .. إسراء مبغاتش تلبس التقليدي حينت مدايرينش شي حاجة كبيرة و غير الناس القراب الي غادي اكونو حاضريين .. و حتا البنات نفش الشيء خداو دي غوب كلا وحدة على دوقها و أحذية و بوشيطات مناسبين ليهم .. كملو و رجعو لدار إسراء لقاو نيت فتيحة كاينة مع سعيدة و كلسو معاهم

و راوهم آش شراو ..

سعيدة : بغيت غير نعرف علاش ماباغينش نلبسو القفاطن ؟

إسراء : اماما .. انا كنرتاح فهادشي كتر ..

سعيدة : بااز .. ديما نتي معكسة ..

فتيحة : لالة سعيدة خلي عروستي تلبس على راحتها .. راه بنات اليوم هما هادو ..

سعيدة : عولنا عليك بكري .. نتي ميصلاح تكوني عجوزة ..

فتيحة : إسراء قبل متكون عروستي راه بنتي هاديك ..

إسراء : ربي اخليك أخالتي ..

سعيدة : المهيم غدا لبسي الي عجبك .. مي العرش ضروري ابنتي من نحافضو على التقاليد ..

إسراء : اوكي اماما الي بان ليك ..

جلسو مقصرين حتا وصل وقت العشا تعشاو مجموعين غير العيالات و مشات فتيحة و ريم فحالهم بكري حينت الغد ليه العقد ..

جهاد رجع فوقت متأخر و طلع لبيتو هو و رجاء حينت أصرات تبات معاهم و هو ميمكنش ابات بعيد عليها ..

إسراء كي دخلات لبيتها صونات لآدم لقاتو بغا إحماق يومين مشافها .. هي كضحك عليه و هو كيتحلف و اعاود بقاو مدة مجمعين عاد قطعات إسراء و نعسات ..

★★★ اليوم الموعود

فاقت إسراء على اشعة الشمس الي داخلة من البالكون ناضت كتعكز دخلات لطواليت وقفات قدام المرايا .. عاد سرات معاها اليوم غادي تولي زوجة آدم رسميا تخلطو عليها المشاعر الفرحة و التوتر اخيرا غادي تولي مرتو .. بعد كاع دوك الصعاب و المشاكيل الي دازو منهم حبهم نجا و استمر هادشي كيبين قداش هما متشبتين ببعض .. و مستحيل اي قوى تفرقهم لانو و ببساطة مكتاببن اكونو لبعض غسلات وجها و سنانها و مشتات شعرها و هبطات لتحت .. بانو ليها الخدم كيتجراو فالدار و سعيدة واقفة عليهم باست ماماها و مشات للطبلة فين كاين يعقوب و جهاد و رجاء .. فطرو مع بعض و ناض جهاد و يعقوب مشاو لشغالهم حينت داكشي مغادي ابدا حتال العشية .. اما إسراء و رجاء خرجو للجردة و جلسو مجمعين حتا جات عندهم البنات الي غادي اقادو ليهم .. طلعو الفوق لبيت إسراء دخلات دوشات هي و رجاء و خرجو لابسين بينوارات و جلسو كلا وحدة شاداها بنت كتقاد ليها .. رجاء صبغات خصلات من شعرها بلون فاته ذهبي و دارت ليها شعرها وايفي جاها غزال و قادات ليها مكياج صارخ .. اما إسراء فخلات ليه لونو الطبيعي و قاداتو سامبل و من لتحت دارت ليها بوكلي جاها زوين مع زاد طوال .. و المايك اب دارتو شوية صارخ على كيف موالفة جات فنة و برز ملامحها البريئة .. كملو ليهم البنات خرجو و خلاوهم كيلبسو ..

عند آدم الي فاق ناشط و فرحان أخيراً النهار الي كيتسنا بفارغ الصبر جا و إسراء غادي تولي ديالو قدام كلشي .. هبط للاصال و تلاقا مع خوه تريناو بجوج و طلعو كلا واحد لبيتو باش ادوشو و نزلو فطرو .. كانت فتيحة موجدة كلشي ديال الخطبة و مقصراتش فرحتها بولدها الأكبر الي من ديما كاتمناه اتزوج و استاقر و تشوف وليداتو .. ناض آدم طلع لبيتو و اتاصل بإسراء مي مكتجاوبش عاود شحال من مرة و لا مجيب ..

حط الفون و هز شي وراق ديال الخدمة و اطالع عليهم حينت مغاديش للشركة كمل خدمتو و اتاصل بالمساعد ديالو اجي اديهم .. شوية تحل لباب كانت الخدامة جابت ليه التاكسيدو الي غادي البس جات من باريس خصيصا ليه .. حطاتها فوق الناموسية و خرجات شوية و هي دخل ريم عندو بعجاجتها ..

ريم : باغا نزغرت مي مكنعرفش ..

آدم : كون درتيها نلصقك مع الحيط ..

ريم : ماشي حشوما عليك انا غير فرحانة لخويا لحبيب .. غادي تزوج و دير وليدات ههه

آدم : ( بابتسامة ) انشالله ..

ريم : عرفتي ا آدم عندك الزهر .. إسراء إنسانة مكاينش بحالها الزين و الشخصية القوية و الطيبة كلشي فيها ..

آدم : ( خربق ليها شعرها ) عارف ..

ريم : ااه انا نمشي نجهز راسي .. الى حتاجيتي شي مساعدة عيط ليا ..

آدم : اوكي ..

خرجات ريم و آدم دخل لبس البدلة الي جاتو هي هاديك مع فصالتو الضخمة كانت كلاس فالاسود مع قاميجة بيضة و كرافات كحلا .. هو كيرتاح فحوايج سبور بزاز لكن فالمناسبات كيلبس رسمي الي كيعطيه هيبة اكتر .. لبس ساعتو و دار باخفانو الي كيدوخ و هز سوارتو و خرج داز من حدا مو واقفاتو .. 

فتيحة : فين غادي ؟ شي ساعة خاصنا نتحركو .. 

آدم : غادي نقضي شي غراض و نجي دغيا .. 

فتيحة : آشمن غراض ؟ مالك جلستي حتال دابا ؟ 

آدم : الواليدة دغيا نجي .. 

فتيحة : متعطلش .. 

مشا و خدا اللوطو و اتاجه للوجهة ديالو .. بعد مدة وصل لمحال ديال المجوهرات كان كبير .. دخل آدم رحبو بيه و طلب منهم الطلبية الي كان وصا عليها .. جابوها ليها فتحها و تأكد منها كانت بواطة حمراء فيها خاتم الماس Cartier مصمم خصيصا لإسراء .. تحت طلب آدم مع انو كان طلب يدها و هداها خاتم من قبل مي بغا البس ليها الخاتم اتناء حضور الكل و فخطبتهم الرسمية .. داكشي علاش خدا ليها واحد آخر كان راقي و بسيط كتوسطو ألماسة خمس قراط مربعة .. خداه و توجه لسيارتو راجع للدار اتاصل بمحل الورود اكد عليهم اوصلو الطلبية ديالو لدار إسراء .. كان خدا بوكي كبير ميمكنش اهزو معاه اما الشوكولا و الحلويات كاينين مع داكشي الي جهزات ماماه .. 

نرجعو عند إسراء الي لبسات فستانها الخلاب كان فلون بلون كاسي ومزين بلايس .. عاري من الضهر و جا بذيل طويل كيتجرجر لبسات اكسسوارتها الي عبارة على حلقات ديال الفضة و براسلي فاليد اليمنى .. رجاء حتا هي لبسات فستانها الي كان مفتوح من جهة الصدر لونو خوخي و فتحة فالجنب جاها زوين بزاف مع فصالتها .. 

وصل آدم للدار كان كلشي جاهز ركب هو و خوه فاللوطو ديالو و والديه فسيارة أخرى و معاهم ريم و شدو طريق لفيلا ديال اليوسفي .. وصلو لقاو الباب مفتوح و فاستقبالهم سعيدة و يعقوب الي لابسين لباس تقليدي .. فتيحة تسالمات هي و صاحبتها سعيدة كلا وحدة كتبان متألقة فقفطانها و رجالهم كدالك لابسين جلالب كتبين على الوقار و الشخصية القوية لكل واحد فيهم .. كملو السلام و دخلو للصالون الكبير و الخدم تكلفو بداكشي الي جابو عائلة العريس دخلوه .. ريم جلسات معاهم شوية و هي تسلت طلعات عند إسراء لبيت دخلات لقاتهم كيديرو اللمسات الأخيرة .. تسالمو و كل وحدة كتشكر فاطلالة ديال لاخرة ريم كانت لابسة فستان بيج مرصع بالأحجار و جا لاصق على طايتها و طالع حتال الفوق .. و شعرها دايرة ليه شدة بسيطة و مطلوق على ضهرها و دايرة خريسات الماس فقط .. كتبان بحال شي أميرة بجمالها البريء بتلاتة كيبانو أميرات متألقات .. 

لتحت كان الجلسة مليئة بأجواء الضحك كانهم عائلة وحدة دخل جهاد لابس سوت فالاسود مع شوميز بيضة محلولة من جهة الصدر .. 

و معاه معاذ حتا هو لابس كلاس قاميجة كري مع سروال توب كحل تسالمو معاهم و جلسو .. تقدمات مقبلات و مملحات مع عصائر مختالفة و الكل ناشط .. شوية تم داخل هشام و معاه سلوى الي سولات على إسراء و طلعات ديريكت عندها .. اما هشام دخل عندهم و دغيا ندامج مع الجماعة .. 

سلوى دقات و دخلات عند البنات سلمات عليهم و بقاو جالسين الفوق مع إسراء و شادين فيها .. شوية و هي دخل عليهم سعيدة محيحة .. 

سعيدة : نتوما مالكوم طلعتو ماباقي نزلتو .. زيدو قدامي هبطو حدا الناس .. 

إسراء : أماما غير خليهم معايا مونسيني .. 

سعيدة : ويلي على مونسينك .. نوضو نتوما ونتي شوية نعيطو عليك و هبطي ماشي غادي تبقاي ساكنة هنا .. 

جرات عليهم سعيدة و هبطو رجاء مشات جلسات حدا راجلها و سلوى جلسات حداها مهبطة وجها حشمانة .. حينت مكتعرف أغلبية الحاضرين ريم مشات للطواليت قضات حاجتها و عودات ليبستيك ديالها .. 

معاذ استأدن منهم و مشا بغا اجاوب على اتصال جاه تم غادي مع الكولوار باش اخرج للجردة .. و هي دخل فيه ريم الي غادة و كتقاد ففستانها كانت غادي طيح كن ما شدهاش من خصرها .. لصقات مع صدرو منين شدات توازنها كحزات عليه و طلعات عنيها فيه و هي تصدم .. كتسد عنيها و تعاود تحلهم او آش كيدير معاذ هنا نفس الشيء بالنسبة لمعاذ عنيه وساعو من الصدمة و اللقاء لغير متوقع .. بقاو مدة كيشوفو فبعض عاد وعات ريم على حالها و بعدات منو ..

ريم : معاذ ااش كدير هنا ؟

معاذ : ها .. جينت نحضر لخطبة إسراء .. و نتي ؟

ريم : كتعرف إسراء ؟

معاذ : آه صديقتي و خت صاحبي ..

ريم : نتا صاحب جهاد ؟

معاذ : آاه صاحب جهاد .. و نتي آش كديري هنا و منين كتعرفيهم ؟

ريم : خطيب إسراء هو خويا ..

معاذ : واو على صدفة .. ( تفكر شي حاجة و عقد غوباشتو ) اجي بعدا علاش هاد الأواخر مبقتيش كتجاوبي على اتصالاتي امم ؟

ريم : ( بتوتر ) اا .. لا .. غير دبا كنت .. اه مشيت لنيويورك شي يامات و مكنتش مخدمة نمرتي ..

معاذ : و علاش مقلتهاش ليا .. ريم علاش وقتما كنحاول نقرب نتي كتبعدي ؟ واش عندك شي حد فحياتك ؟

ريم : لا لا .. ماشي هكاك ..

معاذ : وشنو ؟

ريم : انا عمر كانت عندي شي علاقة جدية منقبل .. و معرفتش متخوفة بزاف .. اه خاصني نمشي نجلس معاهم ..

يالاه بغات دور تمشي و هو اجرها معاذ من يدها و بقا غادي بيها حتا خرجو من الباب ديال الكوزينة الي كيدي لحديقة ..

ريم : معاذ آش كدير .. طلق من يدي .. الى شافنا شي ح..

باقي مكملاتش هضرتها و هو يتلاح على شفايفها كيبوس فيها .. هي بقات لوهلة مصدومة بغات تبعد مي حكمها و دور يديه على خصرها قربها ليه كتر و بقا كيمص شفايفها .. ريم ندامجات معاه بلا هواها و بقاو مدة و هما كيقبلو بعض من خلال ديل البوسة كلا واحد عبر فيهم على احاسيسو اتجاه الاخر .. من نهار تلقاو فالبحر و خدا نمرتها و هما على اتصال كيهضرو فالهاتف يوميا و وقتما طلب منها اتلاقاو كتهرب ريم و معرفاتش علاش .. اول مرة تجرب هاد الشعور و كانت متخوفة من الخطوة التالية و هي جديدة على هادشي .. واخا تربات فعائلة متفتحة و قرات خارج البلاد الا و انها كانت بعيدة كل البعد على العلاقات الغرامية .. و مركزة على حلمها و قرايتها و حتا توصيات آدم و خوفو عليها بلا ميقجر عليها خلاوها 

.. خلاوها تحيد هاد الفكرة من راسها كانو عندها أصدقاء و خرجات فمواعيد لكن عمرها ارتابطات بشي حد ..

بعد مدة و هما على داك الحال بعد معاذ و هو كيشوف فيها و الابتسامة على وجهو هز يدو و حطها على خدها و هي كترعد ..

معاذ : ريم واش كنعجبك ؟

ريم : ( حركات راسها باه )

معاذ : ( بتاسم ) حتا نتي كتعجبيني و بزااااف .. من نهار تلاقينا فالطيارة مغبتيش على بالي .. نجيك من لخر .. واش تقبلي تكوني حبيبتي ؟

ريم : أنا .. آا ..

معاذ : انا عارف معندكش تجارب قبل .. و عارف بلي هادي كانت اول قبلة ليك ( عنقها ) متصوريش شحال فرحان .. نتي من اليوم حبيبتي ( بعد عليها ) تفاهمنا ؟

ريم : امم ..

معاذ : ( باسها على جبهتها ) اليوم احسن نهار فحياتي .. 

تحنا بغا اعاود ابوسها فشفايفها و هي دفعو و هربات .. بقا موراها داير ابتسامة جنب و مقاداه فرحة هاد الاميرة الي كلها براءة و اطلالتها الي زادتها جمال ولات ديالو ..

خدا الفون ديالو و دوز اتصال بلي كان كيتاصل بيه كمل و رجع عندهم .. كي دخل بانت ليه جالسة حدا آدم شافت فيه و غمزها و هي تحدر راسها و خدودها تزنكو .. مشا جلس حدا جهاد و محيدش عنيه عليها ..

اما واحد سي آدم غير كيتشوا ابطا عليه غير امتا تنزل حبيبتو منين دخل و هو كيقلب عليها .. مكرهش انوض اطلع عندها اشوفها و اعنقها هاد التلات ايام الي مشافها فيهم جاوه بحال عام ..

كانت إسراء واقفة حدا المرايا كتأمل راسها و كتشوف كي طلعات و واش آدم غادي تعجبو اطلالتها .. مكانش همها الناس الأخرين كل همها هو تشوف ردة فعلو فاش اشوفها متأنقة و اتغزل فيها كي العادة ..

أمام فيلا ديال اليوسفي كان واقف باللوطو ديالو و هو كيخمم و اخطط شنو ادير .. حل الباب و خرج بان ليه الحارس حدا الباب و هو ارجع و تم غادي لور ديال الفيلا حتا لقا باب آخر .. و محداه حتا حد كان الصور تماك قصير و هو بحكم جسمو رياضي ملقاش صعوبة تصلقو و هبط للجردة .. تمشا بخطا هادئة و بان ليه باب ديال الكوزينة مكان حتا حد تماك حينت الخدم كاينين فالحديقة الأمامية حدا البوفيه .. دخل كيتسلل و كيسمع الهضرة جايا من واحد الصالة كبيرة دار طلع مع الدروج بخفة حتا وصل الطابق الثاني .. داز كن جدا الباب الأول و فتحو مافيه حد و مشا للغرفة المقابلة ليه كان باب فاللون الأبيض عرفها ديال إسراء .. فتح الباب بشوية و بانت ليه واقفة حدا المرايا حلو فمو فيها كيطلعها من راسها لرجليها قلبو بدا كيضرب بجهد .. سد الباب بمهل و تمشا ناحيتها هي سمعات حس خطوات و دارت بسرعة حتا كتصدم ..

إسراء : ر رياض .. آش كدير هنا ؟

رياض : ( كيتأمل فوجها و سائر جسمها ) جيتي زوينة ..

إسراء : رياض اش كتخربق كيدرتي حتا طلعتي هنا ؟ آدم .. شافك آدم ؟

رياض : متخافيش مشافني حتا حد .. إسراء علاش كديري فيا هكا

إسراء : آش درت ليك ؟ و مال وجهك كولو ضرابي ؟

رياض : على قبلك ماشي غير نتضرب .. انا ممكن نموت على قبلك ..

إسراء : واش حماقيتي ولا مالك .. الى شافك آدم عرفت..

رياض : ( كن تحت سنانو ) آدم آدم .. واش مكانبانش ليك انا .. انا كنبغيك ا إسراء و عمر نآديك بحالو .. هو تخلا عليك و مشا و عادي اديرها مرة خرا ..

إسراء : نتا أكيد شارب شي حاجة .. واش مكتفهمش انا كنبغيه و كنموت عليه ميمكنش نرتابط بشي حد من غيرو .. واخا اتخلا عليا انا ولا يمكن نساه ..

هضرتها ضراتو فقلبو مقدرش استحمل شدها من دراعها بقوة و قرب ليها .. هي نفضات يدها منو و هزات صبعها فوجهو ..

إسراء : متحطش عليا يديك .. الى كنتي كتفهم حنا عمرنا نكونو مع بعض و قلتها ليك كن قبل .. انا عمرني طمعتك فشي حاجة نتا قلتي نكونو أصدقاء و وافقت .. .. لكن نتا متستاهلش .. حكل آدم حضرني نبقا بعيدة عليك ..

رياض : ( رجع شدها من دراعها بجوج ) نتي ديالي واخا اوقع الي وقع غادي انتاهي بيك المطاف فجنبي .. كني متأكدة مغاديش نستسلم .. هوا كيقرب لوجها و هي كتبعدو و غرغرو عنيها شافها هكاك و حس بنغزة فقلبو منين شاف الخوف فعنيها .. مبغاهاش تخاف منو ولا تكرهو بعد عليها و تم عادي جيهت الباب ..

رياض : غادي نرجعو نتلقاو .. ماشي هادي هي النهاية مغنرتاح حتا تولي ليا ..

خرج و سد الباب خلاها كترعد كانت خايفة بزاف مي بينات العكس و مبغاتش تبكي و تبان ضعيفة قدامو .. 

شوية سمعات الدقان و هي تقفز اسحاب ليها هو الي رجع حنا سمهات صوت رجاء كتنادي عليها .. مشات شافت فالمرايا و نشات على عنيها باش ميطيحوش الدموع و هي تحل الباب ..

رجاء : عروسة الشتا خرجي خلاص راه كيعيطو ليك ..

إسراء : اوكي يالاه ..

رجاء : إسراء مالكي .. مال عنيك حمرين ؟

إسراء : لا والو .. غير كنت فالبالكون و الريح ضراتني فعنيا ..

رجاء : ياله زيدي زيدي .. آدم من الصباح و هو اتشوا و حاضي الباب ..

تبسمات إسراء و هي كضور عنيها فالارجاء خافت اكون شافو شي حد خارج من عندها .. نزلو من الدروج و هي غادا بخطوات تقيلة و رجاء كتجر فيها اسحابلها غير حشمات ..

رياض منين خرج من عندها رجع من نفس الطريق الي جا منها بلا ميشوفو شي حد .. ركب فسيارتو و هو كيتحلف ميخليها لآدم كسيرا ديريكت لبواط .. دخل وجلس فبلاصت في اي بي و شاد القرعة كيشرب كاس مورا كاس و إسراء بين عنيه مبقاش غير كيبغيها ولا مهووس بها ..

دخلات إسراء حادرة راسها آدم شم ريحتها و تلفت كتبان ليه كي شي ملاك سها فيها و هي مقدراتش تهز فيه عنيها عرفات غادي احس بلي بها شي حاجة .. سلمات على كلشي و وصلات عندو مدات ليه يدها و هو انوض باسها فخدها .. .. متسوق لحد جلسات حداه و هما ابداو الآباء كيهضرو داكشي الي كيتقال المهم خطبوها من والديها حسب العادات و خداو رأيها الي كان 'آه موافقة' .. و جبد آدم الخواتم حل البواطة و جبد الخاتم حيد ليها الأول و دار ليها الجديد و حط القديم فالعلبة .. جبد بواطة اخرا فيها خاتم اخر دائري و بسيط ديال الفضة عطاه ليها تلبسو ليه .. لبساتو ليه و باسها فجبهتها و عنيه كيبريو بالفرحة شوية دخل العدول الي كان فصالة اخرى عطاهم وقعو على العقد .. هنئهم و نصارف بعدما ضايفوه و ناضو العائلة كيباركو ليهم و الكل فرحان .. إسراء حاولات تنسا آش وقع باش ميأترش على فرحتها هدا نهارها الي توحدات مع حبيبها و حتا حاجة مغادي تفارقهم .. امهاتهم فرحانين ازغرتو و اعاودو ناضو خرجو للحديقة الي كانت مزينة على الاخر بالورود و طبالي دايرين بيهم فطويات .. كانو شي تلاتة الجلسات حينت هما الي كاينين فقط و عاد كاين البوفيه حداها شيف واقف على الاكل هو و المساعدين ديالو .. جلسو الآباء و الأمهات فطبلة و البنات جرو إسراء و مشاو جلسو فطبلة .. و الرجال بوحدهم فطبلة اخرا آدم محملش الديكور جالس و كيشوف فيها دايرين بها البنات .. مكرهش انوض اجرها من وسطهم و يديها لدارو صافي هي ولات مراتو ما منحق حد امنعو .. الي حابسو هو مبغاش احرجها مع العائلة اما هو معندو سوق تحطو ليهم اكلات مغربية شهية .. كان الكل ناشط و ضاحك و طالقين موسيقى هادئة كتسمع فانحاء الحديقة كلها .. البنات منساجمين و عاطينها للضحك و واحد رجاء طاحت فالبسطيلة عميا كتاكل و تعاود .. الدراري شي كيهضر شي حاضي رزقو جهاد كيشوف فرجاء اش كدير و ادور راسو بلا حولة هشام مجمع و عنيه على سلوى و نفس الشيء معاذ كيشوف فريم بلا ميعيق .. آدم خلاص معصب و رجلو كتفيبري و عنيه على إسراء الي كضحك ..

.. و متلفتاتش جيهتو بغا غير تهز عنيها فيه باش اقول ليها تنوض تبعو ساع والو .. كلاو و شربو و نشطو و ناض هشام و سلوى باركو ليهم و مشاو و مجد حتا هو جاه الجو ممل و غادر مشا اقصر مع صحابو .. ناضت فتيحة و أحمد حتا هما بغاو امشيو و آدم خاصو امشي معاهم و هو باقي ملقا حتا فرصة انفارد بإسراء .. نطق قبل ما يتسالمو 

آدم : ممكن نهضر مع إسراء واحد 10 دقايق .. خاصنا نتافقو امتا لعرس ..

يعقوب : اه اولدي سيرو لبيتها و اتافقو .. والي درتوها حنا معاكم ..

آدم شد فيد إسراء و جرها كي الريشة موراه ما وقف حتا وصلو لبيتها دخلها وسورت الباب و دار كيشوف فيها شوفات شيطانية ..

آدم : أخيرا بقينا بوحدنا ..

آدم : أخيرا بقينا بوحدنا ..

إسراء : ( كترجع باللور ) آدم يالاه نهبطو نهضرو لتحت راه غادي اسحاب ليهم كنديرو شي حاجة ..

آدم : ( حوطها من خصرها و زدحها مع صدرو ) و من بعد .. ياك نتي مراتي و حد ماسوقو فينا ..

إسراء : واخا راه حشومة ..

آدم : ما حشومة والو اعمري ( باسها من خدها ) من ليوم نتي وليتي ديالي ( باسها من الخد لاخر ) و انا حر ندير فيك مابغيت .. مفهوم ؟

إسراء : احم .. كفاش ؟

آدم : أنا غادي نفهمك ..

حط شفايفو على شفايفها كيمص كلا وحدة بوحدها كيتلدد بمداقهم الي كيخليه اغيب .. و إسراء مستسلمة كليا لقبلاتو و لمساتو خشا راسو فعنقها كيوزع قبلات و كيشم فريحتها .. حسات بيديه كينزلو كتاف الغوب الي لابسة و هي تبعد هز عينيه شاف فيها و عنيه حمريين ..

إسراء : خاصنا نهبطو .. راه كيتسناونا ..

آدم : كتهربي معليش .. صبرنا نزيدو نصبرو مزال .. اوى الالة اش بان ليك نديرو العرس السيمانة الجاية ؟

إسراء : ها ؟ حماقيتي .. راه خاص الوقت باش يالاه نقادو كلشي .. على الاقل شي شهرين ديال التجهيزات ..

آدم : ( غوبش ) لواه عام .. واش باغا تحمقيني .... دبا نجر مك دبا معيا و بناقص من شي عرس ..

إسراء : آدم حشومة عليك .. راه مع الخدمة و كاين بزاف ميتقضا راه غير قلت شهرين اما خاصني كتر ..

آدم : اوى سمعي مزيان .. عندك 15 يوم فقط توجدي الي بغيتي .. اما التجهيزات انا غادي نتكلف بكلشي .. و قضية الخدمة مزال غادي نهضرو فيها من بعد ماشي دابا ..

إسراء : واخا ..

هبطات راسها مقلقة بقات فيه جرها عنقها خشاها فيه ..

آدم : مبقيتيش قادر نعيش بعيد عليك .. تعدبنا و تفرقنا بما فيه الكفاية .. داكشي باش درت هاكا .. (شد فيدها و خرجو من البيت ) إسراء ..

إسراء : ( شافت فيه )

آدم : تافقنا ؟

إسراء : آه ..

آدم : ( هز يدها بجوج باسهم ) كنموت عليك ..

نزلو لقاوهم فالصالة و خبرهم آدم بالمدة الي غادي اكون فيها العرس و العيالات ناضو حيحو ..

سعيدة : راه 15 قليلة بزاف أولدي ..

فتيحة : متافقة معاك اختي سعيدة .. ( شافت فيهم ) مالكوم على هاد الزربة ؟

إسراء : ( حدرات راسها حشمات )

أحمد : مايكون غير آدم ورا هاد القرار .. ولدي و انا عارفو ..

آدم : آه .. انا الي قررت ..

فتيحة : و مالك على هاد الزربة ؟

آدم : آاه زربان .. و راه درت معاكم بات المزيان ..

فتيحة : هادا ماشي قرارك غير بوحدك .. آش قلتي ابنتي إسراء ..

إسراء : أنا قلت ليه ( شافت فآدم لقاتو كيخنزر فيها ) ش شهر .. خاصنا شهر ..

سعيدة : وخا مكافيش مي ماشي بحال ..

فتيحة : مزيان شهر نديرو فيه كلشي ..

آدم : الواليدة را ..

فتيحة : ماتعاود غير الصلاة على النبي .. العرس بعد شهر ..

إسراء جاها الضحك و هي كتشوف فآدم عاقد حجبانو معاجبو حال غير شاف فيها و هي تجمعها .. توادعو مع بعضياتهم و تمو خارجين سبقو والدين آدم مشاو معا الشيفور و آدم بقا مع إسراء فالجردة كيتوادعو ..

آدم : عقلي على هادي زيديها فالحساب ..

إسراء : علاه آش درت ؟

آدم : لا مدرتي والو .. أنا الي غادي ندير منين طيحي فيديا ( غمزها )

خرجات ريم و رجاء و جهاد و معاذ 

رجاء : مسخيتوش ههه ..

جهاد : زيدي أفليفلة قدامي .. تاحنا خاصنا نمشيو غدا مسافر بكري ..

معاذ : سيادنا نخليكم .. مبروك عليكم عوتاني ..

إسراء و آدم : الله ابارك فيك ..

تم خارج معاذ و آدم متبعو كيخنزر فيه معندوش معاه منين شافو مع إسراء فلندن .. و وخا عرف بلي مبيناتهم والو مكيحملش ابقا اشوفو غادي جاي عندهم .. بان ليه معاذ كيتلفت و افرنس و هو اشوف فين كيشوف و هي تجي عنيه فريم الي كانت مبتاسمة و كتشوف جيهتو .. آدم عقدها كتر ما هي معقودة سلم على إسراء و جر ريم و مشاو .. توادعات إسراء مع خوها و رجاء و مشاو طلعات لبيتها حيدات حوايجها و دخلات قادات الجاكوزي ترخي عضيماتها .. كانت كتحس بواحد الفرحة عارمة شوية تفكرات رياض و آش قال ليها تملكها الخوف و لكن دغيا نفضات دوك الأفكار .. تاحجة ما تستحق تعكر مزاجها و فرحتها هاد النهار ناضت شللات و لوات عليها فوطة خرجات لبسات بيجامة و نشفات شعرها و تلاحت فناموسيتها كتفكر فآدم حتا نعسات ..

🌸🌸🌸

كان ناعس محاوطها بين يديه و راسها فوق صدرو حل عنيه و شاف فيها .. تحنا باسها فراسها و فشفايفها و ناض بشوية قاد ليها راسها فوق المخدة .. دخل للحمام دوش و لوا على نصو فوطة خرج و اتاجه لعندها بقا كيبوس فوجها كامل باش تفيق .. حسات بقطرات الما كيطيحو على وجها فتحات عنيها و هي تلقاه محني عليها ابتاسمات و دورات يديها على عنقو و جراتو عندها .. حطات شفايفها على شفايفو يالاه بغات تبوسو و هي طلع ليها الرضة دفعاتو و ناضت كتجري شادة فمها .. وصلات و تحدرات على لاشاص كتفرغ تبعها كيجري و هو ما فاهم والو .. بانت ليه هكاك تخلع عليها و مشا شد ليها شعرها حتا كملات عاونها وقفات و غسلات وجها و سندها عليه حتا وصلها لناموسة و جلسها ..

جهاد : رجاء مالك .. كي كتحسي .. شوية ؟

رجاء : اه شوية ..

جهاد : كيف طرا ليك .. واش كضرك كرشك ؟

رجاء : لاء مكيضرني والو .. غير حسيت برضة فاش ..

جهاد : فاش آش ؟

رجاء : فاش كنت غنبوسك .. ريحتك نوضات ليا خاطري ..

جهاد : ( خنزر ) ريحتي ؟ اش من ريحة و أنا يالاه دوشت ..

رجاء : معرفتش .. عفتها ..

جهاد : وليت كنعيفك .. امم مزيان ..

رجاء : لا .. ماشي هكاك انا غير ..

ناض بزعفة و مشا لغرفة الملابس لبس عليه تيشورت بيض و جينز و سبادري بيضة .. خرج شاف فيها لقاها باقا فبلاصتها و دور عنيه مشا خدا الشانطة احط فيها حوايجو مع غادي للندن ..

رجاء : بلاتي نجمع ليك حوايجك ..

جهاد : ( بلاما اشوف فيها ) غير خليك انا غادي نجمعهم راسي ..

رجاء : جهاد مالك هاد الصباح .. غير تسنا انا .. 

و قفات يالاه زادت جوج خطوات و هي تشدها الدوخة و نزلات ليها الضبابة على عنيها فشلات عليها داتها و جات لرض .. جهاد كان كيجمع حوايجو حتا سمع شي تخبطات خرج من دريسيغ روم و هي تبان ليه رجاء مغيبة ..

مشا طاير عندها هزها حطها فوق الناموسية و كيصرفق فيها بشوية و مفاقتش .. بغا اخرج ليه لعقل معرف باش تبلا و تلف مشا خدا الفون و اتاصل بطبيب و خبرو اجي على وجه السرعة .. بقا جالس حداها كيدوز يديه على شعرها و كيبوس ليها فيديها حتا سمع الدقان .. كانت الخدامة و معها الدكتور دخلو و مشات الخدامة لشغلها فحصها الطبيب امام جهاد الي متزحزحش من حداها .. من بعدما سالا شاف فجهاد و هو مبتاسم جهاد خنزر فيه زعما هادا مالو حتا نطق الطبيب ..

الطبيب : معندها والو بلا متخاف .. شوية و تفيق ..

جهاد : و علاش سخفات منين معندها والو ؟ عاود فحصها ..

الطبيب : عادي اوقع ليها هاكا .. مبروك عليكم المدام حاملة ..

جهاد : ( خرج عنيه بصدمة ) واااات ؟ حاملة .. متأكد ..

الطبيب : ههه .. وي متأكد ..

ناض جهاد بالفرحة عنق الطبيب و هو ممتيقش آش سمع .. غادي اولي اب و اجيهم بيبي هو و حبيبتو .. استأدن الطبيب و خرج و جهاد رجع عند رجاء كيعنق و ابوس فيها حتا بدات كتحل عنيها ..

رجاء : شنو وقع ؟

جهاد : I love you .. ( شدها خشاها فضلوعو فلعصها ) أحسن خبر تلقيتو فحياتي ..

رجاء : جهاد خنقتيني ( طلقها ) واش شوية صافا ؟

جهاد : عقلتي آش وقع ليك ؟

رجاء : اا .. آه كنت نايضة نجمع ليك حوايجك حتا شداتني شي دوخة و مباقيش عقلت اش وقع ..

جهاد : سخفتي و خرجتيها مني بالخلعة ..

رجاء : بالصح ! معرفتش كي طرا ليا .. اليوم صابحا ماشي هي هاديك .. رضيت و سخفت واقيلة حينت البارح خلطت بزاف ..

جهاد ( كيحرك راسو بلا ) دابا عاد عرفت علاش البارح كنتي كتلتاهمي كيف الدابة ..

رجاء : ( خبطاتو على صدرو ) حاشاك .. وا قول ليا شنو كاين ..

جهاد : من دبا خاصكي تنتابهي للأكل ديالك .. و تديها فصحتك ( حطو يدو على كرشها ) و صحت ولدي ..

رجاء : هااا ؟ ولدك !!!!

جهاد : آه ولدي .. ولدنا و تمرة حبنا ..

رجاء : دبا .. دبا انا حاملة ؟

جهاد : ( باسها فجبهتها ) اممم ..

رجاء : أويلي ..

جهاد : كيفاش اويلي .. واش مفرحناش ؟

رجاء : آا .. دابا انا غادي نولي أم .. حنا غادي اولي عندنا بيبي صغيور ..

طارت على جهاد عنقاتو و هو زير عليها واخا مكانوش مخططين اجيبو ولاد حاليا .. على الأقل حتا استاقرو فمكان واحد لكن شاءت الأقدار و حملات رجاء ..

جهاد : خلعتيني .. اسحابلي مفرحتيش ..

رجاء : أنا حاملة .. جهاد و اللاهيلة أنا حاملة .. ( حاطة يدها على كرشها ) ولدي حبيبي غادي اجي اونسني و نلعب بيه ..

جهاد : شناهوااااا .. تلعبي بيه هو منيكة ..

رجاء : لا زعمة نلعب معاه ..

جهاد : الله احضر فيك السلامة .. بقا فيا ولدي من دابا ..

رجاء : بغيتي تقول انا ام سيئة .. هئ هئ علاه مالي كي بنت ليك .. راه ولدي هاداك و نفديه بروحي ..

جهاد : شووو ( عنقها ) صافي احبيبتي غير ضحكت معاك .. نتي غادي تكون أحسن تم انا متأكد .. و براكة من لبكا وليتي على سبة

رجاء : ( كدفعو عليها ) حيد عليا ريحتك خنقاتني ..

جهاد : صبر أيوب .. خليك بلاصتك نهبط نجيب ليك تفطري .. و غدا خاصنا نمشيو عند شي طبيبة تبعي معها و نشوفو شحال عندك ..

رجاء : و الخدمة .. مباقيش مسافر ؟

جهاد : ميمكنش نسافر دابا و نخليك .. ارتاحي و متحركيش من بلاصتك هاني جاي ..

هبط جهاد وصا الخدامة تقاد ليها فطور صحي و مغدي طلعو ليها و بقا معها حتا فطرات .. عاونها تلبس و مشاو عند الطبيبة فحصاتها و خبراتها بلي عندها شهر و أسبوعين .. وصفات ليها فيتامينات و الراحة حينت الفترة الأولى ديال الحمل كتكون حساسة و خاصها ترد البال .. و تبع نضام غدائي خاص و دير رياضة بلاما تجهد على راسها ..عطاتها الموعد الجاي امتا و خرجو طايرين بالفرحة مشاو ديريكت لفيلا اليوسفي باش ازفو ليهم الخبر السعيد ..

كي وقف جهاد اللوطو و نزلات رجاء كتجري و هو تابعها كيغوط عليها دخلات لقاتهم كيفطرو .. مسات تلاحت على إسراء عنقاتها و كتبوس فيها بحال شي حمقة ..

رجاء : انا غادي نولي أم .. أنا حاملة ..

إسراء : وااااو ( عنقاتها ) مبروك عليك احبيبتي ( عنقات خوها ) مبروك عليك اخويا الحبيب .. غادي تولي اب و انا عمة .. ههه وينو غادي انضم فنكوش لهاد العائلة ..

سعيدة و يعقوب مقداتهم فرحة غادي اجيهم اول حفيد ناضو باركو ليهم .. و جلسو كاملين كيفطرو و اهضرو على المولود الي جاي ..

سعيدة : اوى اولدي جهاد دابا منين رجاء حاملة مكاين لا انتقال لا والو ..

إسراء : آه بالصح .. الحمل ماشي شي حاجة ساهلة و خاصة اول مرة .. خاصها تكون بين عائلتها ..

رجاء : قولوها ليه ..

جهاد : حتا انا فهادشي فاش لقيتوني كنفكر .. غادي نأجل الانتقال حتا تولد رجاء و ديك السعات نشوفو ..

رجاء : ( فرحات ) يااااي ..

جهاد : ( جابت ليه الضحك ) حمقة ..

رجاء : هي م.. 

جمعاتها فأخر لحضة و بقات كتبلق فعنيها .. شافو فيها كاملين و هما اتفرشخو بالضحك .. شوية ناض جهاد خصو امشي اقدي شي شغل .. قبل ميخرج كيوصي فرجاء و اعاود و نبها متبقاش ترطا و تنتابه على راسها .. كي خرج طلعات رجاء و إسراء لبيتها و جلسو فرحانين وحدة بمولدوها الي جاي فالطريق و لاخرة بارتباطها بحبيبها ..

إسراء : وينوو غادي تولي أم ..

رجاء : ههه وييه مزال ممصدقاش .. العقبة ليك ..

إسراء : انشالله ..

رجاء : اوى .. امتا ناوية تفركعي الرمانة ؟ لعجب الي فلتك آدم لبارح ..

إسراء : ويلي الشوهة .. فاش طلعنا و كلشي عارفنا كينين فالبيت بوحدنا ..

رجاء : عادي .. ياك مزوجين .. اوى قولي آش درتو ..

.. بغيت نبقا معاك البارح تعاودي ليا .. الساع داك المزغوب جرني مخلانيش ..

إسراء : احم .. مادرنا والو .. غير هضرنا ..

رجاء : ياك .. عليها هابطة حناكك مزنكين .. غير كري و الله حتا شلقمك ..

إسراء : ( كضور فعنيها ) ا .. آه ..

رجاء : اوى قوليها .. موالفة تحشمي الله اعطينا وجهك .. شحال من مرة بتي معاه .. دبا عاد هبطات عليك الحشمة ..

إسراء : لا ديك الساع كنت عارفاه مغادي ادير والو وخا نعس حداه عريانة .. اما دابا مزوجين .. عرفتي البارح مفلت منو غير بلكشايف ..

رجاء : و الله الى هاد آدم صبار .. ولكن الصبر كيتقادا .. ميمشي حتا افركع ليك الرمانة قبل العرس و هاني فين قلتها ليك ..

إسراء : ميمكنش .. انا قلت ليه حتا نديرو العرس ..

رجاء : اوى منين بعدتي العرس .. غادي تشوفي .. و عقلي على هضرتي ..

إسراء : انا ميمكنش نتراجع على قراري ..

رجاء : نتحاطو ..

إسراء : اوكي مشات ..

بقاو كيهدرو حتا صونا الفون ديال إسراء .. كان آدم دغيا جاوباتو 

آدم : مادام ديالي كيصبحات ؟ 

إسراء : هه حمد الله نتا سافا ؟ 

آدم : بيخير .. فينك ؟ 

إسراء : فدار .. علاش ؟ 

آدم : أنا شوية و ندوز عليك .. 

إسراء : غنمشيو لشي بلاصة ؟ 

آدم : وي واحد نص شاعة نكون عندك 

إسراء : اوكي بيب 😙 

قطعات معاه و ناضت دغيا دوشات و لبسات top فالأبيض و cardigan فنفس لون مع سروال دجين و ساك شانيل فالأسود و الأبيض .. شعرها خلاتو سامبل مع ماكياج خفيف و عكر غامق مات رشات ريحتها .. و نزلات عند سعيدة و رجاء 

سعيدة : خارجين ؟ 

إسراء : أنا و آدم 

سعيدة : آه .. سلمي ليا عليه .. الله يكمل عليكم بالخير أبنتي 

إسراء : آمين .. رجاء غتبقاي هنا حتا نرجع ياك ؟ 

رجاء : معلوم غير سيري 

صونا ليها و هي تخرج لقاتو واقف حدا طوموبيل .. ابتاسمات ليه و مشات عنقاتو و باسها فخدها فتح ليها الباب و مشا ركب حتا هو و ديمارا .. هز يدها باسها .. 

آدم : توحشتك 

إسراء : حتا أنا أحبيبي 

آدم : ممم دابا حبيبك و لبارح صيدتيني 

إسراء : ههه اوا صافي را الوقت دغيا غيدوز .. 

آدم : دابا نشوفو 

إسراء : فين غاديين بعدا ؟ 

آدم : دابا تعرفي 😉 

بقاو مجمعين حتا كتشوفو وقف حدا المطار .. تعجبات و شافت فيه

إسراء : جاي شي واحد ؟ 

آدم : غير نشوف واحد صاحبي لداخل و نمشيو 

إسراء : اوكي 

جرها و دخلو .. وقفها حدا واحد المكتب 

آدم : تسنايني هنا .. متحركيش أنا جاي اوكي ؟ 

إسراء : واخا .. 

مشا آدم و بقات هي واقفة حاضيا لي غادي و لي جاي .. حتا رجع .. 

إسراء : شفتي صاحبك ؟ 

آدم : آه .. آجي .. جرها و تم غادي بيها 

إسراء : آدم فين غادي .. غير ناس لي مسافرين هما لي كيدخلو من هنا .. 

آدم : وي عرفت .. 

وقف عند sécurité وراه شي وراق .. طلات إسراء و هو يبان ليها الباسبور ديالها 

إسراء : 😱 هادا ديالي .. آش كيدير عندك ؟ أويلي آدم فين غادي بيا ؟ 

آدم : شششش سكتي شوية دابا تفهمي .. 

جرها و دخلو .. دارو الإجراءات بسهولة بحكم ماهازين معاهم والو و طلعو لطيارة و إسراء غير حالة فمها و مصدومة .. حتا فيقها صوت المضيفة 

إسراء : سانتوريني ؟ 😱😱

دارت عند آدم لقاتو كيشوف فالفون خطفاتو ليه 

إسراء : وا ركز معايا .. آش غانديرو فسانتوريني ؟ 

آدم : جاتني شي خدمة تما 

إسراء : آه و أنا لاش غاديا ؟ 

آدم : حيت نتي مراتي غتمشي معايا 

إسراء : آ ؟ 

آدم : هه مازال مولفتي عليها يمكن 😂

إسراء : آاادم باركة من ضحك .. دار مقلت ليهم والو 

آدم : مالكي غاديا مع براني .. مزوجين فين كاين المشكيل ؟ 

إسراء : واخا .. مازال مدرنا العرس 

آدم : داكشي غير وجهيات و صافي .. نتي ديالي و أنا ديالك دابا أحبيبة 😉

إسراء : (تفكرات هدرة رجاء و بلعات ريقها) شحال غنجلسو ؟ 

آدم : مازال فشك على حساب الخدمة .. 

سكتات و بقات كتفكر شوية هي تبتاسم