عشق و كبرياء الجزء التاسع

ركب فاللوطو ديالو و مشا لبواط شرب و شرب علا وعسى انسا هاد النهار الي داز عليه كحل .. رغم انو شرب بزاف الا انو باقي شاد فراسو ناض و مشا للدار دخل لبيتو و تلاح فالناموسية بغا غير انعس حاس بلي جهدو تقادا و هادشي الي وقع استنزف قوتو ..

النهار اللاخر فاق بكري لبس سروال سبور كحل مع تيشورت خزي بلا كمام و بيني كحلا فوق راسو هبط لاصال كيتريني و حجبانو عاقدهم كيحاول انضم افكارو و اشمن خطوة ادير .. هز فوطة مسح العرق الي كيقطر منو و تاصل بزياد قالو اجي عندو دازت شي نص ساعة .. دخل زياد و بان ليه آدم كيهز لحديد و تاعابير وجهو مكتبشرش بالخير ..

زياد : الناس ديال الحديد ..

آدم : ( هز راسو شاف فيه و كمل ) لقيتي داكشي الي قلت ليك ؟

زياد : للأسف لا ..

آدم : ( حط داكشي و ناض ) كيفاش .. دابا مول الفعلة افلت منها ..

زياد : راه صعيب اصاحبي نجبدوه .. حينت داكشي دغيا نتاشر و عرفتي الانترنيت .. شحال من سيت طلاع الخبر و لي باج و زيد و زيد ..

آدم : فااااك .. كن طاح فيديا هادا نفرتكو باديا .. ضروري خاصنا نلقاوه ..

زياد : غير تهدن .. داكشي خاصو الوقت وراه كلفت الي اقلب على المصدر .. غادي نجبدوه نجبدوه ..

آدم : اي جديد علمني اوكي ..

زياد : اكيييد .. كي كتحس دابا ؟

آدم : مبغيتش نهضر فالموضوع .. ( ناض خارج ) غير قلب ا زياد ..

زياد : على خاطرك .. فين غادي ؟

آدم : للشركة ..

زياد : اوو .. رتاح ليك شي ايام بعدا .. ديك الساع رجع راه الخدمة مغاديش تهرب ..

آدم : الخدمة هي راحتي ..

خرج ادم خلا زياد حاير معرف واش اواسيه و لا اطمر على القضية .. عمرو شاف آدم هاكا قرر اخليه دابا حتا ابغي اهضر بوحدو .. خرج حتا هو مشا لخدمتو .. آدم طلع دوش و لبس سوت فالكحل دار ساعتو و رش الريحة ديالو خرج هز اللوطو ديريكت للشركة .. دازو ايام و آدم من الشركة لبار لدار ولا كيشرب بزاف مكيسكرش انما كيبغي انسا و ميفكرش فإسراء .. فينما تقربات منو شي بنت كيقمعها مبقاش كيشوف جيهتهم .. قرر اقلب على إسراء و احاول اعرف احوالها واخا مشات مقدرش احقد عليها حاول اعدرها حينت داكشي الي وقع ماشي ساهل .. كلف ناس ديالو اعرفو مكانها و فعلا لقاوها خبروه بلي كاينة فلدن مع خوها ساكنة معاه فالشقة ديالو .. هو مرة مرة كيرجع للمغرب و كيعاود امشي لندن .. بعد تردد قرر امشي عندها و اهضر معاها اوضحو الامور و ميخليوش الامور معلقة اعطيو فرصة لحبهم و مينهازموش من اول مشكيل .. خدا طائرة و مشا لندن كي وصل مشا للاوطيل دوش و بدل حوايجو و خدا العنوان ديالها جابو ليه السيارة الي وصا عليها مشا مكسيري ..

بطا عليه غير امتا اشوفها .. هاد الاشهر الي دازت حس بها اعوام كي وصل وقف قدام الاقامة فين ساكنة كان عارف بلي جهاد رجع للمغرب .. مبغاش اتواجه معاه دابا حتا اهضر مع اسراء و اتناقشو بيناتهم اصلا هادشي كيخصهم هما بجوج .. بقا فاللوطو كيستجمع افكارو و كيفاش اقنعها بلي كيبغيها و مستحيل اتخلا عليها و غادي ادير جهدو احميها و عمر اوقع ليها سوء مرة خرا .. حط يدو على المقبض بغا احل الباب و هو المحها خارجا من العمارة قلبو تسارعات نبضاتو و بغا امشي اضمها بكل قوتو استنشق ريحتها الي توحشها بلا قياس ..

لكن سرعان ما تبدلو ملامح و جهو حيد يدو من الباب و هو كيشوفها مبتاسمة و باينة عليها فرحانة و هي مأبطا دراع رجل آخر .. كيحاول استوعب داكشي الي كيشوف قلبو ضرو و حس بالعافية شعلات فيه .. كتبان بحال الى موقع والو بحال الى عمرو كان فحياتها زعما تكوم نساتو بهاد السرعة و تجاوزات الامر و دبا كملات حياتها كأن شيئا لم يكن .. زير على ادو و جهو ولا حمر تعصب بلا قياس كيشوف فيهم بجوج غادين شادين فبعض كيبانو كيف العشاق ديمارا اللوطو و هو غيتفركع بالاعصاب .. قرر امشي قبل لا افقد السيطرة و انزل اخلطهم بجوج .. كسيرا حتى تحاكو الروايض مع الارض و خلاو لطراس مشا بسرعة قصوى رجع للاوطيل طلع للسويت كيخبط فاي حاجة جات قدامو حيد حوايجو و دخل للدوش و قف تحت الرشاشة وطلق عليه الما بارد .. علا وعسى تبرد العافية الي فقلبو كي غمض عنيه جات بين عينيه صورتها هي و هداك جمع ادو و ضرب فالحيط عاود ضرب مرة خرا .. هبط راسو لتحت والدم هابط فالارض مخلط مع الما هز فوطة لواها عليه خرج و هز الفون .. اتاصل بالناس الي كان كلف القاوها وضاهم اجيبو ليه معلومات علا الشخص الي كان معاها ..دازت ساعات صيفطو ليه المعلومات الي بغا عرف بلي هو من معارف جهاد .. و بلي كيجي عندها تقريبا يوميا و بعد المرات كيبات .. تساءل منين هو صاحب جهاد علاش كيجي عندها و جهاد مكاينش .. و من الطريقة الي كانو كيتعاملو بيها باينة متقاربين و ملي عرف بلي كيبات عندها .. صعر و مبقاش ميشوف قدامو الغيرة عمات ليه عنيه حقد عليها و حس بلي هو مكلخ الي كان كيضن غادي اجي القاها حالتها و اواسيها و ارجعها ليه .. حس بالغباء فاش جا كيجري و هو كولو امل ترجع معاه .. لبس عليه و خرج علمهم اوجدو ليه الطيارة مبقاش بغا ازيد و لو دقيقة فهاد لندن .. وصل للمطار ركب و قلعات الطائرة عودة للمغرب آدم خلا نفسو القديمة من بعدما انكاسر و حس بالخدلان للمرة الثانية .. رجع للمغرب و هو عازم انساها و عمرو باقي افكر فيها .. علم زياد اوقف البحت على مول الفعلة لان الامر مبقاش عندو فايدة و هو بغا انسا كلشي الي وقع ..

رجع آدم اسوء من الاول كل همو الخدمة و بعاد على الناس حتا الناس المقربين منو مبقاش كيكتر معاهم .. و لا كيسافر بزاف حينت حل فرع فالمانيا و تشغل بيه هاجر ديما معاه فين مامشا كتحاول تقرب منو اكتر فينما بانت ليها فرصة .. كتحاول تستاغلها هو كيعتامد عليها بزاف حينت خدمتها ديما متقونة ولا فينما مشا كيديها معاه .. و هادشي خلاها تعلق بيه اكتر و اكتر و بغاتو ليها .. كتحلم بالنهار الي اولي ملكها و عمرها تستسلم حتا اتحقق هاد الحلم ..

دازو أيام و أشهر و الاوضاع هي هي عند آدم مركز فقط على الخدمة .. اعمالو زادت توسعات و حقق نجاحات مرات سنتين بالضبط رجع ادم من المانيا و مشا لدارو الي ولا ساكن فيها بوحدو .. خدا فيلا كبيرا خارج المدينة جات وسط الطبيعة و قريبة للغابة ولف الوحدة و الكالم .. اتاصل بالدار و عرف بلي كاينين فالفيرمة خبرهم بلي غادي ادوز اشوفهم الغد ليه .. داكشي الي كان مشا عند والديه توحشهم و حتا هما مشافوه لمدة ست اشهر فاش كان فالمانيا .. فطر معاهم و جلس شوية معاهم عرف بلي شي ضياف جايين عند ماماه .. ناض خدا حصانو فجولة و رجع كيتجول فانحاء المزرعة عندو ذكريات زوينة فهاد المكان .. كانو كيجيو هنا بزاف فاش كان صغير و لكن من بعد الموت تاع جدو مبقاش كيجي ليها الا مؤخرا .. تفكر شي أحداث كانت وقعات هنا عيط لماماه خبرها بلي غادي امشي طلباتو ابقا حتا اتغدا معاهم لكن رفض .. مشا جيهت سيارتو بانو ليه سيارات اخرين عرف بلي الضياف و صلو ركب و كسيرا للشركة ..

دازو شي ايام كان عندو غداء عمل فواحد الريسطو رافقاتو هاجر تلاقا بالناس تناقشو على الصفقة و هو فخضم الحديت كتبان ليه إسراء .. اخر مرة شافها هي فاش مشا عندها لندن بقا كيشوف فيها و شعورو متناقض .. دور وجهو و رجع كمل هضرتو سالا الاجتماع و ناض توجه للخارج لمح الشخص الي معاها ماشي نفس الرجل الي شاف فلندن .. دارت شافتو و باينة الصدمة على وجها معرفش علاش شد فيد هاجر و هي كتشوف .. اقدر كان كيحاول غير احسسها غير شوية من داكشي الي حس به فاش شافها مع رجل اخر .. او انو بغا ابين بلي نساها و مبقاتش كتهمو كي خرج حيد من يدو يد هاجر عارف بلي كتحس بشي حاجة من جيهتو و مبغاش اعطيها آمال زائفة .. هو مستحيل احل قلبو لشي وحدة اخرى داكشي علاش ديما كيقمع اي وحدة تقربات منو ..

#الحاضر 

وصل آدم للشركة دخل للمكتب ديالو واقف كارز على يديه و وجهو حمر و عروقو تنفخو بغاو اطرطقو .. ضرب الطبلة الي قدامو برجليه حتى تشتتات هاجر سمعات التهراس جات كتجري و هي تحل الباب .. 

هاجر : Oh my gosh .. موسيو آدم ااش واقع مالك ؟ 

آدم : ( غوت حتا تزعزعات ) خرجييي تقاوديييي .. 

هاجر : سمحليا ( خرجات كتجري ) 

دخلات المكتب ديالها و هي تكركب كاع داكشي الي فوق المكتب و بدات تغوت .. 

هاجر : آاااااخ .. لاش رجعات لاااااش .. حتا قلنا تهنينا و آدم و لا كيعاملني مزيان .. شوف دابا حالتو كي ولات منين شافها .. بنادمة لاش بانت قدامو من جديد علااااش .. آاااه آربي ميمكنش نخليها تدخل لحياتنا و تدمر داكشي الي وصلت ليه .. مستحيييييل .. 

عند إسراء الي من بعدما طلعات عند سلوى لقاتها كملات التسجيل عطاتها غداها .. و من بعدما كملو وصلاتها لدارهم عاد مشات للدار دخلات و الابتسامة على وجها .. كتحاول تبين بلي حتا حاجة مواقعة و هي لداخل ديالها كتقطع و كتحصر على هادشي الي وصلات ليه .. 

بقات كتفكر كيفاش كان كيشوف فيها ديك النضرة ضراتها فقلبها كتبين بلي مبقاش كيحس بحتا شي حاجة من جيهتها يعني هي ولات ماضيه الي نساه .. 

إسراء : ( وقفات قدام المرايا ) إسراء جمعي راسك .. نتي كنت عارفة غادي اجي النهار الي تلقاو من جديد و أكيد عارفة بلي غادي اكون نساك .. اففف مخاصنيش نضعف .. 

بقات كتوجه لراسها هاد الكلمات و كتحاول تقوي نفسها .. هبطات لتحت و جلسات مع الدار اتاصلات برجاء وهضرات معها و مع خوها مي مجبداتش حس آدم و بلي شافتو .. 

داز شهر سلوى كملات تسجيل الألبوم و قربو اطلقوه فالاسواق .. إسراء فهاد المدة بقات مركزة غير فالخدمة كتشغل و قتها كامل باش متفكرش فيه .. و لاحضات بلي رياض كيحاول اتقرب منها فاي فرصة تاحت ليه .. 

هي كتعامل معاه عادي و كتهرب من تلميحاتو الي ديما كيبين فيهم بلي كتعجبو .. و هي مقررة مع راسها مستحيل ترتابط بشي حد مزال ضربات على شي حاجة سميتها المشاعر و العلاقات .. 

اليوم كاينة حفلة بعد المهرجان الدولي للموسيقى كاع الشخصيات و المشاهير حاضريين فيه و رجال الأعمال و الناس الهاي .. 

إسراء وجدات راسها لبسات غوب نود كلور بسميطات و محلولة من جيهت الصدر و فيها فتحة حتال الفخض فالجنب .. طلقات شعرها سامبل و دارت مايك اب خفيف رشات ريحتها و هبطات .. لقات الشيفور ديال رياض كيتسناها حينت قاليها غادي اصيفطو اجيبها هي و سلوى ركبات و توجهو لدار سلوى .. لقاوها كتسنا فيهم كانت لابسة فستان اسود قصير بسمطة دايرة على عنقها و من الضهر عريان و شعرها بوكلي كترتاح فيه هاكا كتر و مايك اب بسيط كيبرز ملامحها البريئة .. طلعات و توجهو للقاعة الي فيها الحفل .. 

سلوى : واااو إسراء جيتي غزالة كتحمقي .. 

إسراء : ميغسي .. حتا نتي جيتي زوينة بزاف .. كتباني ستاغ .. 

سلوى : بالصح !! شكرا .. و شكرا على البنات الي صيفطي ليا كون ما هما منعرف مندير .. 

إسراء : لا داعي .. من هنا لقدام غادي اولي عندك التيم ديالك اجهزوك لاي مناسبة .. و هاد الحفلة خاصنا نعرفوك على الناس الي فمجال الترفيه هادشي غادي اساعدك فالانطلاقة ديالك .. 

سلوى : عارفة .. غير انا شوية متوترة .. عمرني حضرت لبحال هاد الحفلات و معرفاش كيفاش نتصرف .. 

إسراء : تصرفي على طبيعتك .. هاكا الناس غادي ارتاحو ليك و اكيد غادي تعجبيهم .. تقي فموهبتك و كلشي غادي ادوز مزيان .. 

سلوى : كنتمنا .. 

وصلو للمكان فتح ليهم الشيفور الباب خرجو و دازو من البساط الأحمر .. عاد دخلو لداخل إسراء كانت متوترة من داكشي الي وقع هادي عامين لا اجبدو شي حد مي تشجعات لإيمتا غادي تبقا متخوفة

.. كي دخلو بانت ليهم القاعة كبيرة و عامرة غير بشكون و شكون اكترية الناس الي حاضرين تماك كتعرفهوم إسراء .. كانو طبالي عاليين و كل مجموعة ضايرة على طبلة هازين مشروبات و شي مجمع مع شي .. بقات كتقلب على الطابلة الي فيها رياض حتا بان ليها واقف بكل رجولة داير يديه فالجيب لابس سوت كري مع قاميجة بيضة كيهضر معا شي رجال .. شدات فسلوى واتاجهات لعندو كان كيهضر غير لمحها و هو اتوقف بقا كيتأملها من راسها حتال رجليها .. كل نهار كيزيد انباهر بجمالها و شخصيتها و داكشي الي كيحس بيه اتجاهها فات الاعجاب .. 

إسراء : بونسواغ موسيو رياض .. 

رياض : ( خرج من سهوتو ) بونسواغ مادموزيل إسراء ( هز يدها و قبلها ) You look stunning .. 

إسراء : Thank you .. 

رياض : ( سلم على سلوى ) سلوى صافا .. مستاعدة ؟ 

سلوى : وي صافا .. ميغسي موسيو .. و انشاء الله منخيبش ضنكم .. 

رياض : أكيد .. الألبوم هو هداك و غادي اخرج من هنا يومين و غادي تبداي تصوير MV ديال الاغنية الرئيسية .. 

سلوى : انشالله .. 

بقاو واقفين مجمعين و رياض محيدش عنيه على إسراء منين دخلات .. و خا اكون كيهضر مع شي حد كيبقا اشوف فيها و هي كاع ما منتابها ليه الي داز من حداها من معارفها كتعرفو على سلوى .. 

توقفات سيارة قدام الباب الكبير ديال القاعة خرج الشيفور بسرعة حل الباب و هو انزل آدم بديك الهيبة و التخنزيرة الي واضحة على وجهو .. لابس سوت فالاسود مع شوميز بيضة كانت فانسي و جات مع الفورمة الضخمة ديالو .. هبطات هاجر من موراه لابسة فستان احمر لاصق و قصير كاع مفاتنها باينين .. دخل بلا ميتسناها و هي تابعاه الناس كيلقو عليه التحية كيعطيهم جوابهم و ادوز مشا وقف فبلاصة معزولة .. هز مشروب فيدو و الفون فاليد اللوخرى كيطالع على شي حاجة جات و قفات حداه هاجر .. 

كانت إسراء واقفة مع سلوى حتا جا شي حد عنقها من اللور تخلعات و هي ضور بان ليها هشام هزات يدها وخبطاتو .. رياض خنزر فيه هو عارفو بلي صديقها مي معجبوش الحال ادير هاديك الحركة .. 

إسراء : الجهل انشالله .. خلعتيني .. 

هشام : ههه .. سوري بيب .. 

إسراء : الا باقي عاودتيها نتف خويا .. 

هشام : ( شاف سلوى و حل فمو ) وااو .. شكون هاد الحورية .. متقولوش ليا سلوى صاحبة الصوت العذب هادي .. 

سلوى : ( تزنكات و حدرات راسها ) 

إسراء : فرق عليك البنت .. و سير عنب فشي قنت اخر .. 

هشام : ديها فراسك مهضرتش معاك .. سلوى مبروك الألبوم .. 

سلوى : ( بصوت منخفض ) الله ابارك فيك .. 

آدم مل من هاد الاجواء و قرر امشي .. تم دايز من حدا الطبلة الي فيها إسراء مي مشفهاش و هاجر بانت ليها و هي تكحل بالعما .. دارت ابتسامة استهزاء و هي تنطق .. 

هاجر : او ..واش الماندجر إسراء هادي ولا كدبت ! 

إسراء سمعات سميتها و هي تلفت جيهت الصوت و آدم بدورو سمع اسمها ووقف دار و جات عنيه فعنيها .. 

الوقت توقف بالنسبة ليهم بجوج كلا واحد فيهم كيشوف فالاخر حتا نطقات هاجر .. 

هاجر : ( تأبطات دراع آدم ) و غبورات هادي امادموزيل اسراء .. هي رجعتي للساحة ؟ 

إسراء : (بقات كتشوف فيدها الي شادة فآدم استجمعات قواها ونطقات ) انا ديما كاينة .. غير خديت راحة و رجعت اقوى .. 

هشام : ( نطق باش اكسر السكوت الغامض ) موسيو الإدريسي .. شحال هادا ماشفناك .. 

آدم : ( ببرود ) الخدمة و صافي .. 

هشام : آاه نقدم ليك سلوى الفنانة الجديدة الي اكتاشفات إسراء .. البومها غادي اخرج الاسبوع الجاي .. 

آدم : ( شاف فإسراء و رجع شاف فسلوى ) متشرفين .. 

سلوى : الشرف ليا .. 

رجع عندهم رياض بعدما كان كيهضر مع شي رجال وقف حدا اسراء و شاف فآدم .. 

رياض : موسيو الإدريسي هنا ..

آدم : ( ببرود ) ميستر العثماني .. 

رياض : مبروك الفرع الجديد .. 

آدم : مبروك الأرتيست الجديدة .. 

بقاو كيهضرو مع بعض ببرود و باينة فيهم واحد محامل لاخر .. آدم عرفو بلي هو الي كان معاها داك النهار .. و رياض عرف بلي اسراء كانت معاه على علاقة من نهار ولا مهتم بيها بحت على كل ماكيخصها .. عائلتها خدمتها و حياتها الشخصية تماك عرف بعلاقتها مع آدم مي مهتمش قال ماضي و سالا .. 

إسراء مبقاش قدرات تتحمل كتر و قررات تنساحب يالاه دارت بغات تمشي و هي تعرض ليها هاجر رجلها جات طايحة و شدها رياض فآخر لحضة .. كان محاوط خصرها و تايه فعنيها آدم صعر و داك السكون الي كان فالداخل ديالو انفاجر .. هي يالاه شدات توازنها و بغات تحيد يد رياض بانت ليها يد دازت من حدا وجها وجات فوجه رياض حتا طلقها بلا هواه .. تلفتات بان ليها وجه آدم مكيبشرش بالخير علامات الغضب باينة عليه شد فيدها و جرها و الناس الي فالقاعة كيشوفو كلشي موجه نضراتهم لجيهتهم .. بقا غادي بيها و متسوقش لشي حد حتا خرج من القاعة شافو الشيفور و جاب اللوطو بخفة .. هي كتحاول تنطر يدها منو و كتغوط مي هو متزحزحش و مهضرش كي جات اللوطو حل الباب و خبطها لداخل خدا السوارت من عند السائق و ركب كسيرا خلا العجاجة من وراه .. 

فالقاعة رياض مسح من فمو الدم و كان غادي اخلط عليهم حتا وقفو هشام .. قالو بلا متدخل اما واحد هاجر الفقصة وصلات ليها لعروق .. سلوى غير كتشوف مفهمات والو استأدن هشام و جر معاه سلوى وصلها لدارهم .. هي بغات تسولو مي مقداتش و هي تسكت حتا هو غادي سايق و كيفكر فإسراء و ااش غادي اطرا معها ..

عند آدم الي سايق بجهالة عاقد حجبانو وجهو حمر وعروقو منفوخين شوية و اطرطقو كارز على الفولون .. إسراء صاقلة تلفات معرفات آش دير واش تهضر معاه و لا تسكت حسن حينت الحالة الي كان فيها كتخلع .. عمرها شافتو معصب هاكا بقات شحال ساكتة عاد نطقات ..

إسراء : فين غاديين ؟ رجعني فحالي خليت سلوى بوحدها ..

آدم : لا رد ..

إسراء : قلت ليك نزلني .. فين غادي بيا ؟

آدم : لا رد ..

إسراء : آاااادم .. راه كنهضر معاك ..

ضار خنزر فيها و رجع شاف قدامو مركز مع الطريق مجوبهاش وهي من بعد ديك الشوفة سدات فمها حتا تشوف فين اخرتها ..

رجعات كتشوف قدامها كيبان ليها خرجو من المدينة و غير لخلا شوية دخلو فطريق الغابة .. بقاو غاديين شحاال عاد بانت ليها فيلا كبيرة شاعلين فيها الاضواء دخل مع البوابة الرئيسية وقف اللوطو و جا عندو بودي كارد خدا من عندو السوارت .. دار هو حل عليها الباب و جرها بقوة تمو داخلين مع باب الفيلا بقا جارها حتا وصلو لوسط الفيلا و نترات يدها منو ..

بقات كتحك فيدها الي توعطات و آدم واقف قدامها حاط يد على خصرو و الثانية كيحك بها على جبهتو .. هزات راسها شافت فيه ..

إسراء : فين حنا .. لاش جايبني هنا ؟

هز عنيه الي كانو حمرين كي الجمر و بقا كيشوف فيها عاد استوعب ااش دار .. محسش على راسو امتا و كفاش حتا دار هاكا علاش خرجها من الحفل .. علاش خلا شعورو اتحكم فيه غيرتو فضحاتو و مقدرش اشوف داك المنضر ديالها و هي بين يدين راجل اخر و قدام عنيه .. ديك الساع مفكرش بعقلو حينت قلبو الي تصرف ولكن هي راه سمحات فيه و نساتو .. سو علاش هو باقي متشبت بهاد المشاعر الي خلاوه انسا كبرياؤو و اتصرف بلا ميفكر .. بقا ساكت مدة عاد داز من حداها و مشا جيهت الباب حلو و شاف فيها ..

آدم : خرجي ..

إسراء : شنوو ؟!!

آدم : قلت ليك خرجي .. سيري فحالك ..

إسراء : ( بصدمة ) و علاش جايبني من اصلو ..

آدم : الصمت ..

تمات غادة بغات تخرج يالاه فاتو و هي تسمع صوتو ..

آدم : تسناي نوصلك ..

إسراء : متوصلني منوصلك .. نمشي بوحدي ..

آدم : ( غوت حتا تزعزعات ) قلت ليك تسنااااااي .. انا غادي نرجعك ..

إسراء : ( مشات و قفات قدامو ) متغوتش عليا .. انا مقلتش ليك جيبني .. نتا جريتني بزز ..

آدم : بلا كترت الهضرة تسناي هنا .. انا دروك نجي ونوصلك ..

إسراء : اففف مبغيتش ..

خلاها كتهضر و مشا طلع فالدروج دخل للغرفة ديالو و صدرو كيتهز و اتحط كيحاول اضبط راسو و ميتسرعش .. دخل غسل و جهو بالما بارد و حيد الفيست بقا غير بالقاميجة حل ليها الصديفات الي لفوق حتى ولى كيبان شوية من صدرو العريض .. مسح و جهو و هز الفون خبر الكارد اجيب اللوطو عاد تم نازل مع الدروج بانت ليه إسراء غادة جاية محيدة الكعب ديالها و كتسرح رجليها الي ضروها .. بقا كيشوف فيها كيطلعها و اهبطها هو مينكرش توحشها و توحش كل تفصيل فيها عنيها شفايفها ريحتها ضحكتها .. توحش كلشي فيها و هاد المدة كلها الي دازت منسى حتا شي تفصيل فيها صورتها محفوضة فدماغو و قلبو .. خرج من سهوتو فاش شافتو و تم جاي جيهتها هي لبسات حداءها و حدرات راسها كتلعب بيديها .. داز من حداها و نطق ..

آدم : تبعيني ..

إسراء : ( بصوت خافت ) هادا مالو ..

مشات تبعاتو طلع فاللوطو و حتا هي ركبات كسيرا و بقاو غاديين فالطريق و السكوت مالي الاجواء .. حتا واحد فيهم ما هضر كلا مدابز مع افكارو و كيتساءل ااش كيضور فراس لاخر .. من بعد مدة وصلو لمدينة وهي تنطق إسراء ..

إسراء : صافي نزلني غير هنا .. غادي نشد طاكسي ..

آدم : لا رد ..

إسراء : راني هضرت .. علاش كتجاهلني ..

آدم : احسن حاجة ديريها هي تسكتي .. مبغيش نسمع صوتك ..

إسراء : منين مباغيش تسمع صوتي و لا تشوف فوجهي .. لاش جايبني معاك و مجرجرني هاد التجرجيرة آا .. ؟!

آدم : لا رد ..

بقا ساكت مجوبهاش و هي بغات تنفاجر مقداتش تحبس دموعها مزال .. الطريقة الي عاملها بها و البرود الي فيه ضرها فخاطرها واخا عارفة راسها غالطة فحقو مي مستحملاتش اعاملها و كانها لا شيء .. و قف فالسطوب و هي تحل الباب و بقات غادة و كتزرب فخطواتها بغات تبعد ما امكن باش ميشوفش ضعفها و دموعها .. الطريق كانت خاوية حينت كان وقت متاخر و قليل فين كيدوزو السيارات و بنادم .. بقات غادة و شادة فستانها باش ميعكلهاش حتا تجرات من يدها بالجهد و تخبطات مع صدرو .. هزات عنيها فيه كانو عامرين دموع و نيفها حمر هو كان ناوي اغوط عليها مي ضعف فاش شاف دموعها شفايفها كيرجفو محسش على راسو حتا طار على شفايفها حاوط خصرها بيدو ولاخرة دايرها مورا شعرها .. هي حاولات تنطر منو مي كان حاكمها مزيان بقا كيقبل فيها بكل حب كيمص شفايفها و مستمتع بطعمهم الي خلاه اغيب .. هي قاومات فالاول ولكن استسلمات لمشاعرها و تجاوبات معاه .. بقاو مدة و هما على داك الحال حتا تفكرات القبلة الأخيرة ليهم و ااش طرا من بعدها وحياتهم الي تقلبات و هي تبعد ضارت بانت ليها طاكسي واقف .. مشات كتجري ركبات فيها و زادت هو فتح عنيه و كيحاول استوعب ااش دار .. للمرة الثانية مشاعرو تحكمو فيه تنهد و بقا كيشوف فالطاكسي الي ركبات فيه حتا غبر .. رجع حدا اللوطو ديالو واقف كيتفكر ااش دار هز ادو و ضرب فوق اللوطو بجهدو بقا محني كيتنفس بجهد مشا فتح الباب طلع و كسيرا لدارو ..

إسراء وصلات للدار دخلات و طلعات ديريكت لبيتها هزات الفون اتاصلات بسلوى طمأنات عليها و خبراتها بلي هشام وصلها .. وسلوى بدورها سولاتها على ااش طرا .. اسراء طمناتها بلي مكاين والو قطعات حيدات حوايجها و مشات للدوش قادات الجاكوزي عمراتو بالما دافي و دارت فيه لي بخودوي ديالها .. باش تسترخي دخلات و سطو و رجعات راسها اللور كتحاول متفكرش فلي وقع لكن عقلها غلب عليها .. تفكرات الجرة الي جرها من الحفل زعما اكون غار عليها تبسمات شوية و عاودات ضربات على جبهتها بيدها .. اكيد لا علاش غيغير و هو باين عليه بلي نساها و لكن القبلة كتبت العكس يعني باقي كيحس بشي حاجة من جيهتها و الا علاش باسها .. كانو افكارها مخربقين معرفاتش واش تفرح و لا تفكر بعقلانية ..

من بعد مدة ناضت شلات و لوات عليها فاطها خرجات لبسات بيجامة ديالها و تكات فوق نموسيتها .. أفكار ديها و أفكار تجيبها حتا غفات ..

عند آدم الي وصل و دخل كيسوط محاملش راسو على داكشي الي دار .. تعصب من راسو منها من الموقف الي طرا فالحفل .. كلشي تجمع عليه طلع لبيتو خدا دوش و خرج لابس شورط فقط هز الفون ديالو و خرج لبالكون .. تفحصو لقاه غادي اتفركع بمكالمات هاجر طفاه و جلس في الفوطوي الي فالبالكون .. حط راسو بين يديه و كيعض على شفايفو تفكر القبلة الي واخا هكاك مسخهاش تسالي .. مكرهش ابقاو على داك الحال للابد غير هما بجوج بلى حسابات بلا عتاب ..

عند جهاد الي باقي هو و رجاء فشهر العسل الي فات شهر و مسخاوش ارجعو او بالاحرى جهاد الي مسخاش ارجع ..

رجاء كالسة فالبالكون كتشرب فالعصير و تهزهز فرجليها باغة طرطق و جهاد مقابل معاها و كياكل معلابلوش ..

رجاء : جهاد .. امتا غادي نرجعو ؟

جهاد : علاش كتسولي .. صافي سخيتي ..

رجاء : لا ماشي هكاك .. مي توحشت إسراء ..

جهاد : توحشتيها ! نتي ديما داوية معاها فالفون و توحشتيها او ..

جهاد : واخا .. ماشي بحال بغيت نكون حداها و تعاود ليا ااش وقع ليها مع آ ..

جهاد : مع من ؟ علاه مال إسراء .. ااش واقع معاها ؟

رجاء : والووو .. بغيت نقول معرت فين وصلات مع الخدمة و ااش وقع مع سلوى باقي ..

جهاد : ( بعدم تصديق ) اممم .. متأكدة ؟

رجاء : آاه .. علاه غادي نكدب عليك .. ( بصوت منخفض ) ياربي تسمح ليا ..

جهاد : انا بعدا مسخيتش بك .. و مكرهتش نبقاو هنا ديما مكاين الي قاطعنا ( غمزها ) و ناخد راحتي مع مراتي الوقت كولو ..

رجاء : ياك غادي نسكنو بوحدنا .. شكون غادي اقاطعنا بالسلامة ..

جهاد : انا الي عارف .. غير غادي ترجعي غتلصقو فبعضياتكم تاني و انا نرجع لتوش ..

رجاء : شكون قالها ليك .. انا مستحيل نفرط فحبيبي ( وقغات ومشات جلسات فوق حجرو و دورات يديها على عنقو ) اوا قول ليا امتا نرجعو ؟

جهاد : ( خشا راسو فعنقها كيبوس ) امم .. هاحنا غنشوفو .. غدا نرجعو .. اصلا خاصني الاسبوع الجاي نرجع للتداريب ..

رجاء : اشنوووو .. يعني غادي تمشي لندن ؟!

جهاد : ( هز راسو شاف فيها ) آاه .. ضروري نرجع .. و لكن مغاديش نطول 3 ايام و نرجع عند كبيدتي ..

رجاء : اففف .. غادي نبداو من دابا .. غادي تبقا غادي جاي ؟

جهاد : هادشي الي عطا الله .. خدمتي فارضة عليا و مكاينش كندير .. حتا الى بغيت نمشيو نستقرو فلندن نتي مغتديش تبغي ..و حتا انا بغيت نبقى فجنب إسراء هي محتاجاني ..

رجاء : حتا انا ميمكنش نعيش بعيدة عليها .. راه هاد العامين كنا كنعانيو فاش بعدنا واخا كنت نشوفها مرة مرة ..

جهاد : دبا هاد إسراء وارتاني فيك زعما ..

رجاء : نتا الي ورتيني فيها .. راه هي الي سابقاك ..

جهاد : ناري كدافعي عليها .. سعداتها ..

رجاء : اوا إسراء حبي هاديك ..

جهاد : و انااا ؟؟

رجاء : اممم نتا .. نتا هو كلشي .. بلا بيك انا والو ..

جهاد : احححح عليك ( باسها من شفايفها ) نوضي من هنا لنجهل عليك سيري لبسي غادي نتبحرو اليومة .. باش غدا نرجعو للمغرب ..

رجاء : ياااي .. اوكي بيب هي اللولة ..

ناضت تجري جبدات مايو بيس وحدة فالابيض و فيه وريدات فالالوان طلقات شعرها و دارت ماسكارا واتر بروف و لبستيك غوز .. دخل جهاد طلعها و هبطها ..

جهاد : آش هادشي لابسة ؟

رجاء : مايو .. مالو معجبكش ؟

جهاد : لا هو عجاااابني .. مي ماشي معري بلا قياص !

رجاء : لواه حتا نتا .. انا هادشي باش موالفة نعوم ..

جهاد : ديك الساع كنتي تاع راسك .. دابا نتي مرتي .. و مبغيتش شي حد اشوفك لابسة هادشي من غيري ..

رجاء : جهاد متزيدش فيه .. راه حنا فميامي كلشي معري راك شفتيهم على عنيك .. و البشر هنا مولف بالعرا كاع ممسوقين ..

جهاد : افف .. صافي لبسي شي حاجة فوقو متحيديها حتا تبغي دخلي للما ..

رجاء : اوكي .. راسك شحال قاصح ..

جهاد : كن كان راسي قاصح كن كلستي فحالك دابا و درنا بناقص .. مي مبغيتش نكد عليك النهار اللخر .. و منين نرجعو للمغرب عمرك تحلمي باقي تلبسي بحال هاكا .. ديريها فبالك ..

رجاء : فهمت .. اسيدي ..

جهاد : اوا دوزي قدامي الالة ..

لبسات رجاء كاش مايو فالبيض فيه شبكة كتبين .. جهاد كان لابس شورط كحل و تيشورت كحل مع كاسكيطة كحلا قالبها جا متيتز بالجهد ..

خرجو من الاوطيل و مشاو لابلاج قريب و محسوب على الأوطيل .. فيه ناس قلال خداو صور لذكريات و لعبو كاع الحماق دوزوه رجاء حيدات الكاش و جهاد حتا هو حيد تيشورت هزها غادي بها كيجري و هي كتغوط و تخبط فيه .. دخلو لما و هو الوحها و هي كتجعوق عليه دخلو اداخل عامو و جهاد كلا ساعة ابوسها و اعبز فيها و هي تنكر .. دوزو وقت زوين رجعو للاوطيل و دوشو طلبو الغدا اطلعوه ليهم من بعد ماكلاو و ارتاحو خرجو ادورو تاني خداو لي سوفونيغ لعائلة و تعشاو على برا عاد رجعو ..

رجاء : افف .. عييت و لكن كان احسن نهار ..

جهاد : ( عنقها من اللور ) كاع الأيام الي دوزنا كانو زونين .. مسخيتش ..

رجاء : حتا انا .. عجبني الجو ديال ميامي ..

جهاد : مرة خرا نعاودو نرجعو ليها ..

رجاء : انشالله .. نمشي ندوش فيا الموت ديال النعاس ..

جهاد : ( باسها فعنقها ) حبيبة ماكاين نعاس ..

رجاء : شنوووو ! انت مسطي .. راه عييت ..

جهاد : ماشي سوقي .. انا بغيت الحلوة .. ممفاكش ..

رجاء : ( ببراءة ) جهاد حشومة عليك .. مبقيتش فيك راه عيانة ..

جهاد : و انا منبقاش فيك نبات بلا والو ..

بقات تزاوك حتا عيات دخلات للدوش حيدات حوايجها و وقفات تحت الرشاشة .. شوية حسات بانفاسو فعنقها عنقها من الور و حاوط خصرها و بدا فالمغازلة ضورها عندو و هبط على شفايفها كيبوس و اعض بشوية و حتا هي كدالك .. الما هابط عليهم و هما خدامين كملو فوق الناموسية .. مطلقها حتا ولات طلب الشرع عنقها و نعسو وهما فاحضان بعض ..

اصبحنا و أصبح الملك لله

فاق جهاد مع الوحدة و بقا ابوس فرجاء حتا حلات عنيها .. هادي هي عادتو كلا صباح الى فاق قبل منها يبقا ابوس و اعنفجها حتا تنوض .. دوشو بجوج و لبسو حوايجهم و جمعو شوانطهم عيط جهاد لي انزل ليهم الشوانط و هما هبطو كلاو فريسطو ديال الأوطيل ..

دارو فطور و غدا عاد خرجو لقاو الشوانط حطوهم ليه فاللوطو الي غادي تديهم للمطار .. طلعو و بعد دقائق كانو فالمطار رجعو فالطائرة الخاصة الي حجز جهاد من قبل .. قلعات و الوجهة المغرب بعد ساعات وصلو لمطار هزو حوايجهم و خرجو جهاد لقا الشيفور كيتسنا فيهم طلعو و مشاو ديريكت لدارهم حتا احطو حوايجهم و اتساراحو عاد امشيو اشوفو العائلة ..

و صلو للدار الي كانت عبارة على فيلا راقية و شاسعة جهاد كان شاريها شحال هادا فاش قرر استاقر من بعد ميعتارف لرجاء بحبو ليها .. و فاش كانو كيديرو التجهيزات للعرس كان بدا فتفريشها و تجهيزها على حسب دوق رجاء .. كلف اخيصائيين اقادو ليه المسائل و كملوها فاش كانو فشهر العسل .. دخلو مع البوابة و رجاء عجبها داكشي الحدائق الي دايرين بالفيلا و شكلها الخارجي رائع .. و فاش دخلو لداخل انباهرات بداكشي الي كان اكتر من روعة دارو فالفيلا و هما معانقيين عجبهوم كلشي .. هادا منزلهم الي غادي يبداو فيه حياتهم مع بعض و اأسسو فيه عائلتهم الصغيرة .. طلعو لبيت النعاس ديالهم و الخدم تبعو ليهم الشوانط دوشو و تلاحو نعسو و هما معانقين ..

في اليوم التالي فاقت اسراء و هي كتعكز اول حاجة جات فبالها آدم و داكشي الي وقع البارح .. نفضات هاد الافكار و ناضت غسلات وجها و سنانها هبطات لتحت .. لقات واليديها فالسفرة كيفطرو باستهم و جلسات تفطر شوية سمعو الهضرة جايا من الباب تلفتات إسراء بانت ليها رجاء جايا غير شافو بعضياتهم .. ناضو كيجربو تعانقو و كلا وحدة تبوس فالاخرة جهاد جاي من وراها كيحرك راسو يمين شمال بمعنى لا حول .. مشا سلم على ماما و باباه و دوك الجوج مزال معانقين ..

جهاد : و باز .. تقول متشاوفو قرن هادا .. خليني غبر نسلم على ختي .. حتا انا توحشتها ..

رجاء : اخخ تابعة .. ديما ناحسني ..

إسراء : ههه .. نتوما هما نتوما عمركم تبدلو .. ( عنقات خوها و حتا هو زير عليها ) على سلامتكم ..

جهاد : الله اسلمك الحبيبة ديالي .. ( باسها فحنكها ) صافا ؟

إسراء : وي .. الحمدلله ..

جلسو بعدما سلمات رجاء على والدين جهاد و انضمو ليهم كيفطرو مجموعين ..

إسراء : اوا .. كي داز شهر العسل .. و لا نقول شهر و الزيادة .. ههه مسخيتوش ..

جهاد : الصراحة لا ..

رجاء : ( كتنغز فجهاد كن تحت الطبلة لا يقول شي حاجة و ازبلها ) ههه .. ميامي زوينة .. المرة الجاية نمشي انا وياك ا إسراء ..

إسراء : ههه .. إنشاء الله ( غمزاتها عرفاتها بغات تبدل الموضوع )

سعيدة : امتا جيتو ؟

جهاد : البارح .. كي جينا ضربناها بنعسة ..

إسراء : رجاء كي جاتك الدار .. راه انا درت ليك شي لمسات اخيرة فاش كنتو فميامي ..

رجاء : غزالة بزاف .. حمقاتني الله اعطيك الصحة ..

إسراء : بالصحة .. انا نمشي نلبس عندي شي خدمة .. ياك نتوما باقيين .. غادي نرجع بكري نتعشاو مجموعين ..

رجاء : آاه .. باقين ياك اجهاد ؟

جهاد : اوكي .. مي المباتة ممعاناش ..

رجاء : ( بشوية ) اللقوة انشالله ..

ناضت إسراء و تبعاتها رجاء طلعو لبيت ..

رجاء : ويلي ويلي .. على هاد خوك غادي افضحنا .. كاع مكيحشم قدام والديه ..

إسراء : ههه .. نتي عاد غتعرفيه .. راه الدراري هكاك دايرين ..

رجاء : و لكن لا .. قدامك هانية .. مي انا كنحشم من خالتي سعيدة و عمي يعقوب ..

إسراء : هاهاها .. رجاء كتحشم زوينة هادي .. اصلا بابا و ماما كول كاع ممسوقين .. من هادشي كولو غادي تعاودي ليا كلشي بالتفصيل الممل ..

رجاء : نتي دابا خارجة .. حتا ترجعي و نعاود ليك .. و حتا نتي باينة عليك عندك شلا ميتقال .. فاش كنهضرو فالفون كنبغي نسولك مي جهاد ديما لاصق حدايا مكاين كيف ندير ..

إسراء : اوديي .. القاضية عندي حامضة .. ( كتلبس فحوايجها ) غير خليها على الله ..

رجاء : شوقتيني ابنت الهم .. فاش قلتي ليا شفتي آدم و الله حتا ضرني راسي و بغيت نعرف ااش طرا بيناتكم ..

إسراء : المهم نرجع و نعاود ليك حريرتي .. دبا عندي جلسة تصوير ديال سلوى ..

رجاء : نتي ماشي عندك حريرة .. راه مسلسل هاداك كلا نهار حدت جديد و مشوق ههه ..

إسراء : كضحكي عليا لمك .. حتا رجع ليك هانا مشيت ..

بعد نهار ديال الفوتوشوتس مع سلوى رجعات إسراء من الخدمة لقات رجاء و جهاد جالسين مع والديها فالصالون .. سلمات عليهم و جلسات شوية جراتها رجاء لبيتها .. 

إسراء : أناري يختي خلينا غنجمعو شوية 

رجاء : كتسطاي عليا ؟ من صباح كنتسنا فيك تجي تعاودي ليا .. يالاه طلقي شنو وقع ؟

إسراء : دابا كنا فالحفل ياك .. كنت واقفة مع سلوى و هشام

إسراء : اه .. حتا شوية سمعت شي وحدة عيطات بسميتي .. تلفت لقيتها هاديك هاجر و معاها آدم .. 

رجاء : شكون هاد هاجر ؟ 

إسراء : هاديك خيتي المساعدة ديالو .. المهم بقا هشام كيهدر مع آدم حتا وقف علينا رياض .. 

رجاء : امم هداك المدير 

إسراء : اوا .. سلم على آدم .. صدقو كيعرفو بعضياتهم .. المهم أنا معجبنيش هداك الموقف بغيت نمشي فحالي و أنا نعثر كون مشدنيش رياض كنت غانجي على وجهي 

رجاء : بلاتي .. بلاتي رياض لي شدك ؟ 😱 قدام آدم ؟ 

إسراء : اوا مجيت فين نوقف على رجليا حتا طار عليه آدم ب بونيا لوجه .. 

رجاء : 😱😱 ويلي ويلي فيلم هدا .. آيه و من بعد 

إسراء : جرني من يدي و خرجني معاه .. ركبت معاه ف طوموبيل .. عييت نهدر معاه يطلقني مبغاش و مبغاش حتا يقوليا فين غاديين .. ملي عييت سكت .. 

رجاء : فين داك ؟ 

إسراء : لدارو ... جات خارج على المدينة .. زوينة هاديك البلاصة .. 

رجاء : تي خليني من البلاصة و كملي ليا .. اش درتو

إسراء : مدرنا والو كيف دخلنا عاود خرجني قاليا زيدي نديك لدار .. مفهمت فيه والو .. جرجرني حتال تما فللخر ماقال ليا والو .. مجبدش معايا حتا حاجة ..

رجاء : مسولكش فين كنتي ؟ ولا علاش مشيتي ؟ 😨

إسراء : وااالو .. ركبنا تاني حتا دخلنا لمدينة قلت ليه ينزلني نشد طاسي ماجاوبنيش .. أنا هاديك ساعة مبقيتش قدرت نصبر .. كيف وقف ف سطوب نزلت كنجري .. 

رجاء : مسخوطاا .. ناري ياختي الهدرة مهدرش معاك 

إسراء : داكشي لي فقصني .. نزلت و بقيت غاديا و كنبكي بحال الحمقة حتاا .. احمم 

رجاء : حتا آش ؟ 😨

إسراء : جا جرني .. و .. باسني 

رجاء : 😱 مسخوووووط .. ايه و نتي ؟ 

إسراء : كيفاش و أنا ؟ 

رجاء : تجاوبتي معاه ؟ 

إسراء : آه .. توحشتو أرجاء .. غنتسطا .. عييت نحاول منفكرش فهادشي و لكن ملقيت جهاد 😭 

رجاء : اووف صافي أصحبتي من البكا .. (عنقاتها) 

إسراء : (مسحات دموعها) اه و نتي ؟ كليتي الحلوة 

رجاء : سلامة عاد كنتي كتبكي 😂 باينا فيا ؟ 😉

إسراء : لا بااقا حالتك مفيك ميتشاف 😂

رجاء : (ضرباتها بمخدة) يلعن مي أنا لي جالسة معاك .. نمشي عند راجلي أختي 

إسراء : ههه سيري .. ديرها الحلوة 😂

نزلات رجاء و تبعاتها إسراء لصالون بقاو جهاد و رجاء حتا تعشاو معاهم .. عاد مشاو لدارهم و طلعات إسراء تنعس .

⬅ بعد أسبوع :
عند هاجر لي جالسة فدارها شادة تصويرة ديال آدم و كتفكر ..
هاجر : آدم حبيبي أنا ... ديالي و لي جات فطريقي غنقتلها نقتلها .. إسراء المرة لولى فلتي منها و لكن هاد المرة غادي نحيك ..

*فلاش باك
خرجات إسراء من مكتب آدم و نزلات فدروج شافتها هاجر
هاجر : هادي مالها ديما كتنزل فدروج ؟ علاش مكتركبش فالمصعد ؟
سكريتيرة : آه آنسة إسراء عندها فوبيا من الأماكن المغلقة ..

*الحاضر ..
هاجر : هههههه أخيرا لقيت طريقة تهنيني منك أ ميس إسراء و هاد المرة فخطرة .. 😈😈
شافت فساعة لقاتها 8 ديال ليل ..
هاجر : غادي نتهنا منك اليوم نيت
خرجات من دارها مشات نيشان لسويفت .. دازت لمكتب الصيانة و من بعد هزات الفون و دوزات آبيل لإسراء ..
إسراء : ماناجر إسراء اليوسفي .. شكون معايا ؟
هاجر : آنسة إسراء .. أنا هاجر
إسراء : هاجر ؟
هاجر : آه هاجر المساعدة ديال موسيو آدم الإدريسي .. عرفتيني ؟
إسراء : آ ؟ اه معلوم عرفتك ... كاين شي مشكيل ؟
هاجر : الصراحة عندي ليك شي هدرة على موسيو آدم .. ضروري خاص نقولها ليك ؟
إسراء : آدم ؟ 😱 مال آدم ؟ وقعات ليه شي حاجة ؟
هاجر : لا هو بيخير و لكن خاص نتلاقاك و نهدرو أنا غنتسناك فسويفت آجي عندي دابا ..
و قطعات و ضحكات ضحكة شريرة ..
إسراء كانت جالسة فكافي و خدامة فالآيباد حتا جاها الاتصال مفهمات والو .. آش عند هاجر متقول ليها على آدم .. خرجات من الكافي ركبات فسيارتها و مشات نيشان لسويفت ... كيف وصلات دخلات طلعات فدروج ... وصلات و هي تبان ليها هاجر .. مشات عندها ..
إسراء : آدم مالو ؟ هدري ؟
هاجر : ششش آجي هنا و نهدرو لا يسمعنا شي واحد
جراتها لداخل حدا باب المصعد لي كان محلول ..
إسراء : شنو كاين هدري دغيا ؟
هاجر : لي بغيت نقوليك هو فرقي عليك آدم .. هو دابا كيبغيني أنا .. بلاش متبقاي دوري بيه .. قصتكم سالات هادي عامين ..
إسراء : ك ... كيفاش ؟
هاجر : كيفما سمعتي ... آدم ديالي و مغنسمحش ليك تخربي داكشي لي بنيت هاد سنين .. سمعتيني ..
إسراء : هههه عرفتي كنشفق عليك .. كتبقاي فيا بزاف .. كضلي ترطاي و هو مادايهاش فيك عرفتي علاش ؟ حيت آدم كيبغيييني .. واخا معرت شحال نتفرقو .. داكشي لي بيني و بين آدم ميمكنش وحدة بحالك تمحيه .. سمعتي ؟ .. حيدي من قدامي دابا

هاجر : (تعصبات و عروقها بانو و بدات كتغوت) باشمن حق راجعة دابا من مورا عامين كتقولي كيبغيك (شدات فكتاف إسراء ) آدم نساك كيشوفك كيندم على نهار لي عرفك فيه .. كيكرهك ..
إسراء : (كتغوت) طلقي مني واش تسطيتي ...
هاجر : أنا غنقتلك و نتهنا منك ... آدم دياااااااالي .... غوتات و دفعات إسراء فالمصعد و سدات عليها .. هزات الفون و صونات لواحد فالصيانة دورات معاه قالت ليه يوقف المصعد و يقطع الضوء ...
هاجر : هههه دابا آدم غيشوفني غير أنا .. 😈
خرجات من تما و مشات لكلوب كيكون فيه آدم ... كيف دخلات بان ليها ف VIP .. مشات عندو جلسات حداه و لاحت يدها على فخضو .. هز فيها عينيه
هاجر : هاي ..
آدم : (هز يدها و لاحها و هز كاسو تاني كيشرب ) ياك لاباس ؟
هاجر : آدم ؟ مالك طالع لك الدم تاني ... نهار رجعات هاديك خيتي تاني وليتي غير معصب ..
آدم : (تلفت ليها و باينا عليه معصب ) كنقول لوالديك دخلي سوق راسك ولالا ؟ ... من ايمتا وليتي تقولي سميتي حرفيا ؟
هاجر : (هزات يدها و طلعاتها حتا قاست ليه المعلم) اوا صافي حتال امتا غتبقا دافع عليا كبير .. حنا بجوج عارفين شحال نتا باغيني
هز آدم يدو حطها على وجهها .. حتا يسحابلها مشا معاها فداكشي لي بغات و هو يصرفقها معاها حتا تلاحت
آدم : معنديش مع العفن .. غتهزي لزا** بوك من هنا قبل مندير فيك شي حاجة لحد الآن مبغيتش نمد يدي على امرأة... انتي مطرودة .. غدا دوزي خودي حسابك .. كاس مخليتينا نعقلو عليه تفو .. هز كاسو شرب داكشي لي بقا و تم غادي ..
هاجر : آاااااااادم
تلفت ليها
هاجر : مطرودة ؟ مورا هادشي كامل .. كتلوحني بحال الزبل ؟ أنا ؟ ...( مشات شدات ليه فشوميز) عرفتي شنو درت على قبلك ؟ ههه أنا فارقتك على هاديك خيتي ... أنا لي نشرت تصاور .. ههه و لكن رجعااااات .. القح*ة رجعات و بغات تاخدك ليا شافت ليا فعيني و قالت يا نتا مازال كتبغيها ... و لكن صافي تهنيت منها ... غتكون ودعت دابا هههه
هدرتها خلات آدم مصدوم كيفاش المسبب فالمحنة ديالو هو و إسراء كان غير حداه و فجنبو عاماين كاملة و مقدرش يعرفها .. ملي سمعها قالت "غتكون ودعت دابا " شنق عليها
آدم : آش درتي لإسراء ؟ نطقيييي (كيغوت و مزير على عنقها)
هاجر : اوووه .. كيعجبك العنف حتا فسرير ؟ أنا كنحماق عليه ههه (زير عليها كثر) أنا قتلتها .. غتكون دابا كتلتاقط أنفاسها الأخيرة فهاداك المصعد فين ؟ هههه فالبلاصة فين بدات قصة الحب الفاشلة ديالكم فسويفت .. ههه
آدم سمع هدرتها و تصدم ماكانش متوقع منها هادشي كامل زير عليها و هزها حتا رجليها بداو كيلعبو فسما و عينيها خرجو آدم : غندمك على هادش لي درتي سمعتي ؟ غنقتلك ب ايديا الا وقعات لإسراء شي حاجة ...
طلقها حتا طاحت فالأرض و خرج كيجري ركب فطوموبيلتو و كسيرا .. غادي بسرعة و كيسب فطريق .. بغا يعيط ليها معندوش نمرتها جديدة تعصب و بدا كيسب و زاد كسيرا .. كيف وصل حبس فران سيك خلا كلشي كيتلفت و نزل كيجري دخل لسويفت كان الضوء مقطوع .. مشا كيجري .. لمكتب الصيانة .. لقا خاينا مركن و شاد الفون .. مشا شنق عليه ..
آدم : هادي هي الخدمة آلكلب ؟ دابا شوف المصعد فين واقف ..
لاخر بدا كيقفقف مشا قاليه المصعد فالطابق العاشر ...
آدم : الضو دابا يرجع ولا غنقتل ز**** دبوكم كاملين فهاد الشركة ..
طلع آدم فدروج كيجري .. كيف وصل مشا لمصعد ..
آدم : إسراااء .. إسراء حبيبتي كتسمعيني ؟؟

*عند إسراء لي طاحت فالمصعد فاش دفعاتها هاجر ..
إسراء : ااااهع .. لا حلي عافاك ... (بدات كضرب فالباب) حليييي عليا ..
تخنقات و حطات يدها على عنقها كتحاول طلع النفس .. و كضرب فالباب .. بدات كتبكي و كتعراق ... بقات كضرب فالباب حتا تسالا ليها جهد .. جلسات كتبكي بصوت خافت و كتحاول تنفس .. بقات على هاد الحال حتا سمعات شي حد كيعيط بسميتها ..
.... : إسرااااء .. حبيبتي كتسمعيني ؟ إسراء ... غنخرجك دابا أحبيبة غير صبري
سمعات الصوت و عرفاتو آدم و بدات كتبكي بجهد
إسراء : آااادم ... حل عليا ... آدم
آدم : (سمعها) إسراء؟ نتي بيخير ؟
إسراء : آادم مبقيتش قادرة .. عافاك حل الباب ..
مازال مكملتهاش رجع الضو و ناضت وقفت تكات على الباب .. آدم غير شاف الضو رجع ورك على البوتون ديال المصعد و هو يتحل .. بانت ليه إسراء وجهها صفر ملامحها ذابلين و دموعها دايزين .. جرها و خشاها فيه عنقها و زير عليها و هي غير كتبكي ..
آدم : صافي أنا معاك دابا .. (كيدوز يديه على شعرها)
إسراء : بغات تقتلني أ آدم 😭😭
آدم : ششش حتا واحد مغيقدر يآذيك محدني حي .. سمعتيني ؟ (بعدها عليه و شد فوجهها .. شاف فعويناتها لي عامرين دموع ) اوكي حبيبة ؟
حركات إسراء راسها بآه و عاودت تلاحت عليه عنقاتو و زيرات عليه و هو نفس الشيء
إسراء : توحشتك 😭
آدم : (باس راسها) أنا كثر ...
بقاو هكاك شوية من بعد بغاو ينزلو شافها آدم ماقادراش تمشي و هزها بحال البيبي و هي تخشات فعنقو و غمضات عويناتها .. مشا لطوموبيل و بغا يحطها لقاها نعسات بقا كيشوف فيها .. كيشوف الإنسانة لي حمقاتو خلاتو بلاعقل هاد العامين هاهيا تاني بين ايديه و معاه و عطا وعد لراسو معمرو يعاود يفرط فيها واخا هي غالطة فحقو ولكن عشقو ليها أقوى .. حطها فطوموبيل لور و طلع ديمارا نيشان لفيلا ديالو .. وصل و نزل هزها و طلع لبيت حطها .. حيد ليها سباط و غطاها و بقا جالس كيتأمل فيها من بعد مشا لبيت آخر دوش و بدل عليه و نزل لمكتب ديالو و جلس كيفكر شنو غيدير مع هار لي حاولات تقتل إسراء و إسراء لي خلاتو و مشات دغيا نساتو .. من بعد خدم شوية و طلع طل على إسراء لقاها ناعسة باسها فجبهتها و مشا لبيتو نعس ..
صبح الصباح .. دخلات شميسة على إسراء فيقاتها .. ناضت كتعكز ..بقات شحال جالسة حتا ستوعبات داكشي لي وقع ليها و لكن غير تفكرات بلي هي فدار آدم بانت الضحكة على وجهها .. ناضت دخلات لحمام .. دوشات و دارت عليها فوطة . حلات الماريو لقات غير حوايج رجاليين .. خدات تيشرت لبساتو جاها بحال الكسوة و بوكسر لتحت .. نشفات شعرها خرجات من البيت و نزلات لتحت .. بان ليها آدم جالس كيفطر و شاد الفون ف ايديه .. مشات حتال حداه و وقفات .. هز فيها عينيه و تصدم .. رجيلاتها عريانين و تيشرت طايح على كتفها و وجهها مافيهش الميك اب كتبان كيوت ...
إسراء : كتفطر بوحدك ؟

آدم : (كان حال فمو حتا هدرات و فيقاتو) احم .. جلسي فطري باش نوصلك ..
مشات هزات توست لي عندو و عضات منو ..
إسراء : أنا ماغادياش من هنا
هزات كاسو ديال العصير و شربات منو .. هو بقا غير كيشوف .. هز داكشي ديالو كامل حطو ليها و هز توست و كب ليه كاس ديال العصير جديد ..
إسراء : مغنمشيش .. كح .. كح (وحلات ليها)
هز آدم كاس ديال الما عطاه ليها .
آدم : كملي ماكلتك عاد هدري
إسراء : احمم 😶
بقات كتاكل و هو كيشوف فالفون و مرة مرة كيسرق شويفات .. حتا وقف
إسراء : فين غادي ؟
آدم : لخدمة و حتا نتي غاديا .. يالاه (دار عطاها بظهرو و تم غادي)
إسراء : ملي مبقيتش كنهمك علاش جيتي عندي البارح ؟
وقف شحال ساكت و تلفت عندها ..
آدم : أي واحد بلاصتي كان غيدير نفس الشيء ..
إسراء : (قاطعاتو ) أي واحد كان غيعنقني و يقول ليا توحشتك ؟
جا قرب ليها و باينا فيه بدا كيتعصب
آدم : نتي لي ختاريتي تمشي .. نسيتي ولا نفكرك ؟ من أول مشكل استسلمتي و مشيتي كملتي حياتك مع واحد آخر ..
إسراء :(بدات كتبكي) فنظرك كانت ساهلة عليا نمشي ؟ كل نهار كنموت ألف مرة ملي كنتفكر بلي منقدرش نشوفك ولا نعنقك ولا نشم ريحتك ... كرهت الخدمة لي فرقاتنا .. كرهت راسي و كرهت حياتي .. تمنيت الموت ولا العيشة بلا بيك .. و مكملت حياتي مع حتا واحد .. أنا حياتي أصلا عاد رجعات ليا البارح ملي عنقتيني و شميت ريحتك .. بصح معاذ كان سبب من الأسباب لي خلاوني نرجع لخدمتي ... آدم .. عافاك متزيدش تعذبني كثر والله حتا عييت 😭😭😭 مبقيتش قادرة نصبر كثر ... نموت و منعيش بلا بيك ..
آدم بقا كيتصنت و حاضي دميعاتها لي كينزلو على قلبو بحال الحجر و مبقاش قدر يزير راسو و يزيد يبعد عليها ..
إسراء : آدم .. هدر قول شي...
قبل متكملها تلاح آدم على شفايفها كيقبل فيهم بشوق .. و هي تجاوبت معاه و دموعها مازال دايزين .. بعدها عليه باسها فجبهتها و عاود باسها ف فمها و عنقها ..
آدم : كنبغيك ..
غير سمعاتو إسراء و زيرات عليه ... شحال و هما معانقين مبقاتش بغات طلق منو إسراء ..
آدم : إسراء
إسراء : امم ؟
آدم : غنبقاو واقفين هكا ؟
هزات راسها شافت فيه و ابتاسمات و نزل عندها باسها .. طلقات منو و مشات كتكمل فطورها .. و جا جلس حداها ..

إسراء : احم .. بغيت نسولك على .. هاجر ..
آدم : أنا غنتكلف بهاديك .. كوني هانيا .. أصلا لبارح طردتها ..
إسراء : معرفتش كيفاش قدرات دير حاجة بحال هاديك ..
آدم : (دوز يدو على حنكها) أنا معاك دابا .. لي قرب ليك نفنيه ..
إسراء : اووف 😍 ممتيقاش نتا معايا دابا
آدم : (ضحك و جر ليها حنكها بجهد ) دابا تيقتي ؟
إسراء : آااححح غير بشوية ..
آدم : احح هي نتي 😉
إسراء : 😶 ... احمم .. شنو غنديرو دابا ؟
آدم : هه غنمشيو لخدمة مثلا ؟
إسراء : ضروري زعما الخدمة اليوم؟
آدم : اوكي منمشيوش .. و شنو نديرو ؟
إسراء : غادي نبقاو غير هنا فدار .. (جراتو من يديه ) آجي معايا ..
داتو ليفينغ روم و دفعاتو جلس فوق الفوتوي هو غير متبع حركاتها .. مشات هزات تيليكوموند و تلاحت حداه متكيا على صدرو .. هز يديه كيدوزها على ذراعها و هي عقلها مع تيفي كتقلب حتا لقات فيلم ..
آدم : ههه صافي هادشي لي باغا ديري ؟
إسراء : امم .. (شافت فيه) معجبكش الفيلم ؟
باسها حدا فمها .. بتاسمات ليه و دارت كتفرج .. بقاو هكاك حتا جات لقطة رومنسية .. بدات إسراء كدور فعينيها ..
إسراء : احمم .. عرفتي شنو ؟ واقيلا خاصنا نمشيو الخدمة ...
ضحك آدم و جرها عندو و دور عليها رجليه مبقاتش لقات كيفاش تحرك ..
آدم : تفرجي و سكتي .. 😂
إسراء : معرت كيداير الجو اليوم .. دير 2m شوف الميتيو .. 👀
آدم : الحال سخووون اليوم .. أنا نقوليك بلاش من 2m 😉
إسراء : احمم آدم ..
آدم : نعام أكبيدة
إسراء : سمحليا بزاف .. كان يسحابلي بهاديك طريقة كنحميك من المشاكل
آدم : ششش (باس راسها) صافي نساي داكشي .. ركزي فيا دابا 😉
إسراء : فيك ؟
شاف آدم جهة حجرو .. شافتو إسراء فين كيشوف و هي تشهق و دارت يديها على عينيها ..
إسراء :😱 مبقيتيش كتحشم
آدم : حتالين غنبقاو نحشمو ؟ 😉
إسراء : أويلي .. تسطيتي نتا .. طلقني نوض فحالي
آدم : هه ياك ماغادياش ؟
إسراء : احمم .. نمشي نوجد الغدا .. غنبقاو بجوع ؟
آدم : كتعرفي بعدا؟
خنزرات فيه و دفعاتو مشات لكوزينا .. حلات ثلاجة لقاتها عامرة .. لحق عليها آدم ..
آدم : غير مبيناش فيك تكوني كتعرفي طيبي و صافي 😂
إسراء : معلوم كنعرف .. شنو بغيتي فالغدا ؟
آدم : امم .. لي دارتها ليا حبيبتي معنديش مشكيل
إسراء : (ابتاسمات و باستو فحنكو) يالاه خرج برا .. حتا نسالي
آدم : غير خليني نشوف
جبدات إسراء دجاج حمراتو و دارت سالاد و عصير و الوقت كامل آدم غير لاصق فيها كتكون واقفة حتا كيخشي راسو فعنقها كيبورشها .. سالات و حطات كلشي فوق الطبلة و كلسو .. هز آدم يدها و باسها .. تغداو و كل ساعة يوكلها و هي غطير بالفرحة ممتيقاش أخيرا تجمعات هي و آدم من جديد .. كملو ماكلتهم و ناض آدم ..
آدم : حبيبة أنا غنخرج دابا نقضي واحد الغرض و نجي .. اوكي ؟
إسراء : غتعطل ؟ 😔
آدم : (نزل راسو باسها فشفايفها) لا ساعتين ديال المكانة نكون عندك
إسراء : اوكي ☺
مشا آدم بدل عليه هز سوارتو و خرج .. بقات إسراء بوحدها .. مشات جمعات الماعن فاش كلاو غسلاتهم ..

خرج آدم ركب ف طوموبيل شد طريق لسويفت .. كيف وصل قال لسكريتيرة تصوني لهاجر تجي عندو هاديك ساعة .. و هز الفون تاصل بصاحبو أخصائي نفسي باش يجي و قاليه بلي الحالة طارئة .. جلس فالمكتب حتا دخلات عليه هاجر كلها مقزبة لحمها كيبان و ماكياج صارخ ..
هاجر : آدم .. كنت عارفاك غتعيط ليا و مغتسمحش فيا .. رجعات هاديك باش تفرقنا و لكن متخليتيش عليا .. (مشات قربات ليه و هو يوقف قرب ليها و هدر )
آدم : فيقي من أحلامك .. (شدها من فكها و زير عليها ) آش قربك ليها ألق**ة .. كون جيتيني فظرف آخر كنت غندفنك حية .. غتغبري عليا و تنساي عليك إسراء و إلا غتشوفي وجه آخر .. كتسمعي ؟
هاجر :(معصبة) علااااش ؟ علاش لدابا باقي كتذكرها ؟ واش أنا ماشي بنت ؟ أنا مبنتش ليك ؟ باش حسن مني هي باش ؟ أنا غنقتلها سمعتي غنقتلها ... (ملامحها تبدلو و ابتاسمت) آدم حبيبي بغات تاخدك ليا ياك ؟ خلاتك ياك ؟ أنا .. أنا غنعوضك .. أنا معمرني نخليك آدم .. كتبغيني ياك ؟
كانت كتهدر حتا دخل صاحب آدم و معاه ممرضين .. مشاو كيجريو شدوها و لبسوها لبسة بيضة و رجعو ليها يديها لور و هي غير كتغوت بإسم آدم .. ضرب ليها طبيب ابرة حتا ترخات و هزوها خرجوها ..
آدم : سمحلي عذبتك معايا ..
طبيب : متقولش هكا أصاحبي .. صراحة حالتها خطيرة بزاف كون بقات كانت تقدر تآذي راسها ولا شي واحد .. غنضطرو نحبسوها فالمصحة ..
آدم : دير لي بان ليك .. غنخليهم يسيفطو الملف ديالها .. الا عندها شي عائلة يعرفو ..
طبيب : اوكي .. يالاه نخليك دابا ..
آدم : باي ..
رجع آدم جلس فالمكتب ديالو و هدر مع سكريتي تسيفط الملف ديال هاجر للمصحة و هز سوارتو و الفون و رجع لدار .. كيف وصل جاه الحس مقطوع .. هيط لإسراء ماجاوباتوش .. طلع الفوق قلب مالقاهاش و دخل لبيسين و هي تبان ليه مسرحة فوق الما لابسة غير ملابسها داخلية لي كانو باينين ماشي ديال العومان .. ابتاسم و مشا غير بشوية قرب حداها
إسراء كملات غسيل الماعن و مشات كتكتاشف فالفيلا .. حتا دخلات البيسين دايرو آدم لداخل .. طلعات كتجري لبيت هزات ملابسها الداخلية كانت صبناتهم لبساتهم و دازت لكوزينة هزات كاس ديال العصير و مشات البيسيت تلاحت فيه بقات كتعوم حتا عيات و تسرحات على ظهرها و غمضات عينيها كتفكر فآدم و فالخدمة .. حتا حسات بالما كيترش عليها ..

حلات عينيها لقاتو آدم ..
إسراء : (ابتاسمات) جيتي ☺
آدم : امم (كيهدر و كيحيد حوايجو) توحشتيني ؟ 😉
إسراء : آه .. آش كدير ؟
آدم : (كيحيد فسروالو) كنحيد حوايجي مكيبانش ليك ؟ باش نعوم أنا و حبيبتي
إسراء : آ؟ .. لا أنا أصلا صافي عييت بغيت نخرج ..
تمات خارجة .. حيد هو سروال لاحو بقا بالبوكسر و تلاح فالما و جرها معاه حتا تخنقات و هزها فوق الما .
إسراء : (كتمسح فوجهها) آخ .. خنقتيني .. لحتي عليا ثقلك أنا غنقد عليك ؟
آدم : ههه خاصك تولفي من دابا ..
جرها من خصرها قربها ليه حتا تلاصق صدرو مع صدرها و باسها فعنقها
آدم : توحشتك 😘
إسراء : (تبورشات ) آدم ؟
آدم : (مازال كيبوس فيها ) رووح آدم ..
إسراء : (طلعات ليها سخونية من صباع رجليها) سير عوم فتيساع ..
آدم : لا عاجبني هنا ..
إسراء : هههه
آدم : كضحكي ؟ 😂 (عضها فحنكها)
إسراء : احح مالك متوحش ..
مازال مكملات هدرتها نقض على فمها بالقبل .. كيبوس فيها و يديه كيتساراو فجسمها .. و هي يدها على صدرو و لاخرا فعنقو .. حتا هي زعمات و حيدات الحشمة كتجاوب معاه .. بجوج خرجو شوق سنين لي كانو فيها بعاد على بعض .. بقاو هكاك حتا تقطع فيهم نفس .. حط آدم جبهتو على جبهتها..
آدم : تبعدي عليا مازال نقتلك .. سمعتي ؟ كنبغييك
إسراء : حتا أنا 😍
آدم : (عاود باسها) حتا نتي شنو ؟
إسراء : حتا أنا كنبغيك و جوتييم و أي لوف يووو .. (و باستو هي هاد المرة )
آدم : احح قطيطة ديالي نتي 😍
إسراء : هه يالاه نخرجو من هنا .. خاصني نمشي
آدم : نووو ..
إسراء : ههه ولفتيها .. (جراتو من يدو) زيد ..
خرجو مشات قدامو هزات فوطة جابتها ليه .. لقاتو عينيه فالتين فيها .. عاد طلعات معاها راها لابسا غير ملابس داخلية .. مشات كتجري هزات فوطة غطات لحمها ..
آدم : ههه علاش كتغطي .. صافي شفت كلشي .. 😂
قرب حتال ودنها و وشوش ليها
آدم : و قستو بيدي كاع .. 😉
ضربها لموخرتها و مشا بقات مصدومة
إسراء : يخ .. تفو كيهدر معايا كنحل فمي بحال البقرة .. (شافت فيه غادي عضلاتو مستفين و كيبان ضخم) .. اووف غنتسطا 😍
مشات تبعاتو لقاتو دخل لبيتو .. مشات حتا هي دوشات بالخف و لبسات حوايجها لي جات بيهم و خرجات مشات لبيتو لقاتو مازال فالحمام .. جلسات على سرير حتا خرج لاوي على نصو لتحتاني فوطة .. شافتو بقات حالة فمها فيه ..
آدم : الحب
إسراء : آ ؟ (تم جاي عندها) عرفتي أنا غنتسناك لتحت
خرجات كتجري خلاتو كيضحك عليها ..

نزلات جلسات فصالون هزات الفون ديالها لقاتو غيطرطق بالمكالمات من عند رجاء و سلوى .. دوزات آبيل لرجاء ..
رجاء : الله يلعن والديك ألكلبة .. فينك من البارح و أنا كنعيط ؟
إسراء : وا بردي .. مالكي لبقتيني .. قولي غا سلام
رجاء : خلا عشك .. فينك ؟
إسراء : أ؟ أنا غير هنا ..
نزل آدم تبسم ليها و جا باسها فحنكها
رجاء : فين هنا ؟ شكون معاك .. 😱 مع آدم أ سلكوطة ؟
إسراء : دابا لاش المعيار ؟
خطف ليها آدم الفون و حطو على ودنو ..
رجاء : يلعن والديك نتي و ياه جالسين كتحابو و مخلياني مخلوعة عليك .. بتي معاه أجنية .. خرجو رجليك شواري .. ياكما حليتي ليه كراوعك نتي غا كتشوفيه كتنساي سميتك ..
آدم : مالك أختي حاضياني فرزقي ؟
رجاء : 😱 .. آ .. آدم .. سي آدم لاباس عليك ؟
آدم : حمد الله .. مبروك عليك زواج
رجاء : اه .. الله يبارك فيك .. خود راحتك معاها را غير كنت بغيت نضحك معاها ههه راك عارف
آدم : ههه واخا .. ندوزها ليك ؟
رجاء : لا لا حتا تجي و نهدر معاها غير خود راحتك .. تهلا
آدم : هه باي
قطع .. و عطا الفون لإسراء لي بقات غكتشوف ..
إسراء : باش عرفتيهم تزوجو ؟
آدم : أي حاجة كتخصك كنعرفها 😉
إسراء : هه ☺😶 يالاه مشينا ؟
خرجو حل ليها آدم الباب و مشا ركب و شد طريق لفيلا اليوسفي .. طريق كاملة و هو شاد لإسراء فيدها كل ساعة يبوسها و هي غير كتضحك .. حتا وصلو .. وقف دور عينيه عندها ..
آدم : من هداك نهار مجيت لهنا ..
هزات إسراء يدو و حلاتها شافت فكفو لقات سيكاتريس ديال جرحة .. باستها
إسراء : قالتها ليا رجاء ..
جرها عندو و باسها فجبهتها و بقا شحال غير حاط شفايفو على جبهتها ..
آدم : كنواعدك حتا حاجة ماباقي غتفرقنا ..
إسراء : و أنا كنواعدك جامي نتخلا عليك ..
نزل عندها و باسها فشفايفها و غرق فيها .. للحظة نساو الوقت و نساو الدنيا .. عنقاتو إسراء و هو زير عليها ..
إسراء: سجلت نمرتي عندك ..
آدم : اوكي بيب تهلاي فراسك
إسراء : حتا نتا 😍
نزلات إسراء بقا متبعها آدم حتا دخلات عاد كسيرا و مشا ..

دخلات إسراء ناشطة لدار .. تعشات مع دارهم و طلعات وجدات شي حاجة ديال الخدمة و نعست ..
صبح الصباح فاق إسراء قبل ميصوني المنبه .. ماضت كتغني دخلات لحمام دوشات و قضات حاجتها .. خرجات نشفات شعرها و صايباتو سامبل و لبسات طوب بلا كمام كحل لاصق عليها خشاتو فدجين و زادت الفوق cardigan على البرد دارت ميك اب ديالها مع ليبستيك غامق بينها سيكسي .. و هزات الفون و ساكها و نزلات .. لقات لا بون موجدة الفطور شربات كاس ديال العصير و هزات معاها كرواسا خارجا و كتاكل .. ركبات فطوموبيلتها و شدات طريق لعند سلوى .. وصلات لقاتها كتسنى ..
إسراء : هاااي ..
سلوى : إسراء سافا ؟ شحال عيط ليك ماجاوبتيش لبارح ..
إسراء : آه كنت مشغولة شوية .. اليوم عندنا اجتماع مع موسيو رياض بخصوص الدعاية ديال الألبوم و من بعد خاصك تمشي تسجلي مع المنتج ..
سلوى : اووكي ..
مشاو لشركة و داتهم سكريتيرة لقاعة الاجتماع .. بقاو كيتسناو حتا دخل رياض
رياض : أهلا .. سمحولي تعطلت عليكم .. (شاف فإسراء و كلاها بنظراتو) ميس إسراء سافا ؟
إسراء : الحمد لله
رياض : الفنانة ديالنا اون فورم ؟
سلوى : هه وي
رياض : بون بالنسبة لدعاية .. الأفكار لي قتارحتو كلها مزيانة غير هو غيخصنا نعتامدو كثر على راديو و سوشل ميديا ..
كانو كيهدرو حتا صونا الفون ديال إسراء ..
إسراء : آه .. سمحولي .. ألو ماناجر إسراء اليوسفي شكون معايا ..
آدم : حبيبة ديالي توحشتك 😘
إسراء : (مبغاتش تعيق قدامهم ) حتا حنا سعداء بزاف بالخدمة معاكم
آدم : ههه حداك شي واحد ؟
إسراء : وي
آدم : امتا غنشوفك ؟
إسراء : اوكي أنا العشية غندوز بنفسي لمقر ديالكم باش نهدرو فالتفاصيل
آدم : احح على التفاصيل ... معاش ؟
إسراء : (حابسة الضحكة) امم 5 وقت مناسب ؟
آدم : هه غتلقايني كنتسناك
إسراء : اوكي ممتاز .. ان شاءالله
آدم : يالاه سي يو بيب
إسراء : باي
قطعات و دارت عندهم لقاتهم كيشوفو فيها ..
إسراء : احم .. واحد المجلة باغيين انترفيو
رياض : اوكي.. بون على مابان لي كلشي واضح هنا .. غير كيف قلت نزيدو نخدمو على المركتينغ كثر .. أنا غنجمع ليكم تيم يخدم معاكم ..
إسراء : نايس.. هكدا غتسهال الخدمة .. شكرا بزاف
رياض :(ابتاسم ليها) العفو هدا واجب
سلوى جاها ميساج من عند المنتج و استئذنات بقات إسراء مع رياض بوحدهم .. هي كتشوف فملف قدامها و هو حاضيها حتا هزات عينيها و شافتو ..
إسراء : احمم .. موسيو رياض ؟ كاين شي مشكيل ؟
رياض : لا .. ممكن نسولك ؟
إسراء : وي تفضل
رياض : آدم الإدريسي ..
إسراء غير سمعات سمية آدم و هي تهز فيه عينيها بصدمة ..
رياض : بينك و بينو شي حاجة ؟
إسراء : ممكن نعرف علاش هاد السؤال ؟
رياض : سمحيليا الا تعديت الحدود ديالي مي تصرف لي دار هاديك المرة ..
إسراء : (قاطعاتو) هداك التصرف أنا كنعتذر عليه .. كنظن بلي غتكون عارف شنو علاقتي بآدم الإدريسي مزيان .. داكشي كان شحال هدا .. بون نخليك دابا نمشي نقضي شغلي
خرجات إسراء من القاعة متوترة .. من ناحية مبغات حتا واحد يعرف بعلاقتها بآدم من جديد باش ميوقعوش فالمشاكل .. و من ناحية مبغاتش هدا يكون سبب لي يعطي لرياض آمال فارغة .. مشات عند سلوى لي كانت كتسجل بقات معاها هاديك العشية من بعد وصات عليها شيفور ديال شركة و خرجات شدات طريق لعند آدم و طريق كاملة الابتسامة مافارقاتهاش .. وصلات حطات طوموبيل يالاه جات تصوني حتا تحل الباب .. كان آدم مبتاسم غير شافتو و عنقاتو

إسراء : فيا جوووع
آدم : (بعدها عليه و باسها فحنكها) اجي أنا نوجد لحبيبتي متاكل ..
دخلو حطتت ساكها و حيدات cardigan لي كانت لابسة لفوق .. وتلفتات عندو لقاتو كيشوف فيها
إسراء : هه مالك ؟
آدم : (قرب لعندها و جرها من خصرها) مكرهتش نخبيك .. ميشوفك حتا واحد
إسراء : ههه واخا غير دير ليا ماناكل و خبيني
آدم : أنا را غناكلك نتي 😘
ضحكات إسراء و تسلتات منو مشات لكوزينة جلسات فوق البوطاجي و تبعها آدم ..
إسراء : يالاه وريني حنة يديك 😂
ضحك آدم و مشا جبد السباغيتي و clams (بلح البحر) .. قاد لا صوص بيشاميل و إسراء غير كتشوف و معجبة فيه كيعرف هادشي كامل .. حتا سالا و لقاها حالا فمها ..
إسراء : واو .. كتبان بحال شي شيف
آدم : ههه كنتي حاكراني ..
حط كلشي فوق طبلة و مشاو كياكلو ..
إسراء : احمم .. آدم
آدم : (حط الفورشيت من يدو و شاف فيها ) وي ..
إسراء : موسيو رياض سولني على علاقتنا
آدم : (هز حاجب و تحولو ملامحو لجدية ) باش جاوبتيه ؟
إسراء : ماجاوبتوش ديريكت ..(حدرات عينيها) خايفة يعرفو بعلاقتنا .. ممستاعداش نغامر تاني
آدم : (شد ف يديها) شوفي فيا (شافت فيه ) مغنسمح لحتا مخلوق يقول عليك شي كلمة .. واش كتيقي فيا ؟
حركات إسراء راسها ب آه
كملو ماكلتهم و خرجو بقاو جالسين فجردة مجمعين .. آدم جالس و إسراء مخشية فيه و هو محاوطها بيديه ..
إسراء : الفيلا زوينة بزاف .. أحسن حاجة هي بعيدة على المدينة
آدم : امم يعني تبغي تسكني هنا ؟
إسراء : آه كيعجبني هاد الهدوء ديال الطبيعة (سكتات شوية و هي تشهق) .. OMG 😱
آدم : مالكي ؟
إسراء : ريم ... نسيت مسولتكش عليها
آدم : هههه .. مالك على هاديك الشهقة كاملة؟ 😂
إسراء : غير تفكرتها و صافي .. فين هي مشفتهاش معاك ملي رجعت ؟
آدم : فأمريكا .. هاد العام عندها الماستر .. سو ماجاتش بزاف
إسراء : نايس الله يسر ليها .. (شافت فساعة ) الوقت دغيا كيدوز 9 هادي
آدم : شنو غتمشي ؟
إسراء : نبقا ؟😯 ... أويلي لا خاصني نمشي ..
وقفات و هو بقا كيضحك .. دخلات لدار و تبعها .. لبسات cardigan ديالها هزات ساكها و مشات تقابلات معاه بقات كتشوف فيه و شيرات ليها ب يديه باش ينزل عندها .. نزل راسو و هي تعلا باستو فشفايفو طلقات منو بغات تمشي و هو يجرها و عاود تلاح عليها كيبوس فيها حتا قطع فيها نفس ..
آدم : هكا ناس كيبوسو 😂
إسراء : (تزنكات) خليني نمشي فحالي 😶
ضحك و خرج معاها وصلها لطوموبيل وصاها تسوق بحذر و مشات .. بقا متبعها بعينيه حتا مبقاتش كتبان و دخل فحالو ..

#يتبع