أحببته أبيض الشعر الجزء العاشر

بدات صوفيا كتحل فعينيها ....لقات راسها ناعسا على صدر زاين ...هزات عينها فيه لقاتو مزال ناعس ...رجعات تكات عليه ...اهي حشمانة ...على شحال ...

عاد ناضت من حداه بشوية ...بش متفيقوش ...مشات دخلات خدات دوش ...اخرجات لبسات شوميز خفيفة ...اتوجهات الكوزينة بش توجد شيحاجة ياكلوها ...خايدة راحتها فالدار ...اكدور حفيانة ...فرحانة برجوعها ...و بتواجدها حدا حبيبها ...وخا طه مزال شاغل ليها تفكريها ..مي زجود زين بقربها كطمانها ...

مشات حلات تلاجة ...و بدات كتشوف ...اشنو كاين ...جبدات دجاجة...

دارت ليها لقامة ادخلاتها تحمر ...ابقات كتقاد فشلايد ..اكتستف فوق الطبلة ...حتا سمعات صوت طه ...كنادي لباباه ...

عرفات زين مغيسمعوش حيت ناعس ...مشات عندو اهي كتدعي فخاطرها بش ميعاودش ادير شي ردة فعل خايبة ...

حلات عليه الباب ادخلات ...غي شافها طه بدا جسمو كترعد ...

صوفيا:شششش صافي تهدن احبيبي ...

جيت غي نديك عند باباك ...

طه: مني مني ...خلجي ...

اهو كشير ليها بايدو الباب ...

قربات منو صوفيا ...اشدات ليه فايدو...افنفس الوقت كدوز ايدها على شعرو ..

صوفيا:ششس صافي ...علاش كتجري عليا ...ياك ديك نهار ولينا اصدقاء ...

طه: خايبة نتي ...خايبة ..

صوفيا: علاش ...مبقيتش بغيتي نكونو اصدقاء ...

او دارت براسها تقلقات ...

بقا طه كشوف فيها ...

اهو يرجع كنادي لباباه ...

صوفيا: صافي صافي ...انا غنديك عند باباك ناضت صوفيا ...اشدات ليه فايدو ...رجع نترها منها فالبلاسة ...مشات قدامو اهو تابعها ...حتا وصلات قدام الغرفة ..

حلات ليه الباب .او قالت بصوت خافت ...

صوفيا: باباك ناعس ...فايقو بشوية ...دخل طه طلع جنب باه ...ابدا كفيق فيه ..بينما صوفيا رجعات الكوزينة كتكمل توجاد...

قدات طبلة ...ادوراتها بشلايد ...صايبات العصير حتا هو ...عاد حلات الفران ...خرجات دجاج حطاتو الوسط ...يلاه باغا تمشي تعيط عليهم ...حتا دخل زين لابس غي سروال ...اما الفوق عريان اشعرو فازغ يلاه خارج من الحمام ...اجار معاه طه ...لي غي كشوف او ساكت ...مشا نيشان لصوفيا ...قبلها ففمها ..

زين: اش هاد الحداغة تاني احبيبة ..

صوفيا: وجدت العشا ..اجيو بركو ...

مشاو دارو على طبلة ...ابداو كتعشاو ...ازين كل مرة كشكر فصوفيا على طيابها البنين ...غي هما لي كهضرو اما طه منطقش نهائيا ...احتا فاش كخضرو معاه مكجاوبهمش ...

كملو العشا ...اناض زين دا ولدو البيتو ...او شعل ليه فيلم اتلاها بيه ...رجع الكوزينة بش اعاون صوفيا فجميع ...دخل عليها ...او خوطها من لور ...

زين: دار عاد رجعت حيات من جديد..

صوفيا: بتلحوين .

غي الدار لي حيات صافي خههه ..

زين: مممم اس بانليك.

صوفيا: اه غي الدار بصح هههه

زين: كضحكي ههه ...تلاح عليها كبوس فيها اكهر فيها ..اهي كتنقز اكطلب فيه احبس ...على شحال عاد حبس...

صوفيا: اووووف سخفتيني ...

صافي غي خرج متعاوني منعاونك ...

زين: هههه خفتي على راسك ...صافي انا زاغي ...

مشا زاين بدا كجمع معاها فطبلة ...اعاونها فالماعن هي كتغسل اهو كستف ...حتا كملو ...خرج المرح جبد البلاي ...او هلا صوفيا كتقاد لي شيبس ...

مشا جاب ولدو بش العبو مجموعين ...اجاو بركو قدام التلفازة .. 

بدا زاين كلعب هو وولدو ...فحين صوفيا باركا كتاكل فشيبس ...اكتشجع فيهم بحال شي بنت صغيرة ...صوتها مسمكهم ...كتعوت باعلى صوت ...و كانهم في عالمهم الخاص ...

بقا زين الدين كلعب مع ولدو اما صوفيا خلاتهم ودخلت لبيتها ...مرتاحة من ناحية انها رجعات لزين ...و لكن عارفا مزيان بلي واليديها مغيسكتوش على هدشي ...

هزات التلفون وعيطات لماماها ...الخوف و كلشي تخلط عليها ...

ولكن خاص ايعرفو فين هي دبا ..حيت كصحابليهم راها مشات مع انس لفرنسا ...

تلفون كصوني وكتستنى الرد ...و قلبها قرب وقف بالخلعة ....

الام: اااالو ...

صوفيا: الصمت...

الام:ااالو ...شكون معايااا. ..

صوفيا: م...ماما ....هادي انا ...

فدار صوفيا ....جالس الاب والام و معاهم عادل مجموعين من بعد ما تعشاو ....مزال الام كتجمع فالطبلة حتا صونا ليها التلفون ...جبداتوو و جوبات ...

الام:صوفيا . .هادي نتي ابنتي ...كدايرا ...كيف وصلتو ...

صوفيا: لباس الحمد لله ... وصلت مزيان. ..و لكن مشي لفرنسا ...

الام: اه ...كفاش مشي الفرنسا ...

اب صوفيا : مالها ...اش واقع ...

الام:قالتلك ممشات الفرنسا...

صوفيا:مم...اما...انا...رجعت لداري ...

الام بعصبية: اش كتخربقي ...ياك كنتي غادا لفرنسا. ..كفاش دارك ...

صوفيا: مماما ..بلا متقلقي مني ...و لكن انا مقدرتش نبعد...رجعت لداري ...و انا فرحانة دبا ...عفاكم فهموني حتا نتوما ...

الام: رجعتي ليه ...مورا غاع دكشي لي دار فيك رجعتي ليه اه ...

مدرتي لا بحسابي لا بحساب باك ..لا والو ....

الاب خطف ليها التلفون : رجعتي لدارك ...ضحكتي علينا كيف بغغيتي...حنا مسيفطينك زعما تبدلي الجو ...ساعا طعنتينا و مشيتي درتي لي فراسك ...

صوفيا: اهئ اهئ بابا متغولش هاكا ...

الاب:انا مشي باباك ...او من اليوم مبقات عندي حتا بنت سميتها صوفيا ...كيف نتي درتينا مكينينش و درتي لي فراسك ...حتا حنا غنخرجوك من حياتنا ...

صوفيا: لا ابابا ...حرام عليك. ..علاش ...

الاب: قطع عليها التلفون وخلاها داويا بوحدها ....

دار عند مرتو و ولدو: لي غنعرفوا هضر معاها ...غيشوف مني لي عمرو شافو ...

عادل : بابا ...صوفيا مبقاتش بنت صغيرة ...و مدام هي عارفا راسها مرتاحة مع داك السيد و غتعيش معاه مزيان ...فخليوها تعيش كبغات ...

الاب بعصبية: من نهار دخل هداك لحياتها و هي فالمشاكل ...حتا من الحبس دخلها ليه ...و هضرات الناس لي ولات غي عليها ...و نتا كتغوليا خليها ...نخليها حتا يصيفطها ليا ميتا هاد المرة ...

عادل: ابابا ...راه ...

الاب: هز ادو بمعنى حبس....هضرتي راني قلتها ...وهاد الموضوع تسد منبغيش نعاود شي واحد يهضر فيه ...

خرج عادل وخلاهم معصبين لاقصى درجة ...

و لكن هو اكتر واحد كان قريب من ختو فهاد الفترة ...و عارف مزيان مغترجع تفرح حتا تكون مع زين الدين ...

عند صوفيا

من بعد ماتقطع لخط فوجهها طيحات تتليفون وطاحت فالارض على ركابيها ....كتشوف فنقطة وحدة.....نزلت دمعا سخووونة من عينها وكانت بداية لشلال من دموع لي لحقتها

صوفيا ( جامعة رجليها عندها ومدورة عليهم يديها وكتبكي ) : اهىء اهىء اهىء علاااش اربي علااش ...علاش تحطيت فهاد لموقف....علاش تحطيت بين نارين اهىء اهىء واش ممنحقيش نعيش فرحانة ...مقديتش نبعد على قلبي وحب حياتي ...واش هدا هوا جزائي صافي خسرت ولدياا اهىء اهئ 😭

عند زين لي سمع لبكا ناض طافج من بلاصتو ....قلبو كيدق بسرعة....لخوف تملكو ...خااف تكون شي حاجة أدات حبيبتو....خااف تكون وقعت لها شي حاجة....مشا كجري ودخل لبيت

زين بخوف : صووفياا..صوفياا حبيتي مالكي 

مشا يجري عندها وتحنى عليها....طلع لها راسها بيدو ولتقات الاعين ....اعين فيهاا لخوف مقابل اعين لي فيها آلاام ودمار كبير 

زين قبل راسها : حبيبتي مالكي علاش كتبكي عاد دابا كنتي مزيانة

صوفيا كتشهق : اهىء اهىء ا...اناا ...ا..نا

زين كيحاول يهدنها : شوووت صاافي صافي احبيبتي كالم طواا ..وعاوديلي شنو واقع..

صوفيا:هضرت مع دارنا ...

زين الدين: لي فهم انهم مباغينهاش ترجع ..او معارضين هدشي تماما ...

زين: صوفي...صافي احبيبة طيبتي هاد العنين ..

كتيقي فيا ...

صوفيا:و لكن ...

زين:واش كتيقي فيا ...

صوفيا: اه ..كنتيق فيك كتر من راسي ..

زين:الوغ مسحي هاد العنين ..او انا كنواعدك غندير غاع لي فجهدي بش نصلح هدشي ..

ضمها لصدرو ..وبقاو دموعها هابطين ...وخا هضرتو ..مشي ساهلة تسمع ديك الهضرة من والديك ....

وراء الباب ...واقف طه ...لي من وقت فاش سمع زين البكا ناض تبعو ...اداز المشهد كامل قدام عنيه ..

كان باين عليه الحزن ...و غي كراقب في صمت ...رجع سد الباب بلا ميردو البال او مشا لبيتو ...

نهار جديد ...فاقت صوفيا كيف العادة فاحضان حبيبها ...باستو بوسة خفيفة ..او ناضت دارت روتينها الصباحي ...دخلات الكوزينة كتوجد فالفطور ...حتا دخل عليها طه ...عينيه باقين مغمضين ..يلاه فايق من نعاس...مشات جراتو غسلات ليه وجهو ...اهاد المرة مصدهاش ...خلا صوفيا مفاهما والو..

مشا معاها الكوزينة ..ابرك فبلاصتو ...حتا تفكرات صوفيا هضرة زين ...

صوفيا: جات بركات قريب لطه ...

كعجبك الغاطو...

طه: لا رد ...

صوفيا : كنت باغا نصايب واحد الغاطو زوين بالشوكولا ..و لكن لا مبغيتهش صافي ...

طه بتردد امن بعد شحال عاد جاوب بصوت ممسموعش

طه: بغيتو ...

صوفيا:و لكن بشرط حنا خاص نتعاونو ..انكونو فريق واحد ...

جراتو صوفيا بركاتو فوق البوطاجي ...اجبدات غاع المقاديير لي خاصا ستفاتهوم قدامو ...بدات كتدير فيهم ..اكطلب من طه كل مرة يعطيها حاجا ...اهو فرحان كشوف الغاطو كتصايب ..

بقاو هكاك ..اصوفيا كتعمد تجبد طه ...بش تقرب منو ..

وصلات الدقيق ... و هي تهز شوية حطاتو على نيف طه ...

بدا طه كمسح فيه حيت مكبغيش لي يوسخو ...اغعما دار شي ردة فعل .خلاها بلاكة ههه

..رجعات صوفيا كتوجد ..حتا كتحس بشي غبرة تلاحت على وجهها ....الددنيا ولات غاع بيضا ...الكوزينة ترونت بالدقيق ...مجات فين تفتح عينيها ...حتا كتلقا طه طار ...عرفاتو هو مولاها ..

ضحكات بقلة حيلة على الخدمة لي خرجها ليها من جنب ...او من ناحية اخرى فرحت ..حيت تجاوب معاها ...

عند زين لي كان يلاه خارج من البيت ..اغادي اشوف حبيبتو ...حتا كقاطعو صوت الباب ...

مشا الباب فتحو ...

زين الدين: عاااادل😨

عادل:مالك تصدمتي ..غتخليني واقف هنا ههه

زين: ههه لا لا تفضل ...نهار كبير هدا ...

سلم عادل على زين ادخلو ...

عادل: فين صوفيا لاباس عليها ...

زين: لاباس عليها ..غتفرح ملي تشوفك...بلاتي نعيط عليها ...

عادل: لا بغيت نفاجئها ..ععهه

مشاو قصدو الكوزينة ...غي دخلو لقاو صوفيا كتمسح فالبوطاجي اعطياهم بالظهر ...

عادل:صوفيااا ..

دارت صوفيا و هي تصدمهم بالمنظر ديالها ...كانت كلها عامرة دقيق ...شعرها من القدام بيض ....

زين: هيييييه...اش وقع لك ...شي اعصار داز من هنا 😨

عادل:بسم الله الرحمان الرحيم ...واش غطستي فالدقيق ...

صوفيا: عااااادل ...امتى جيتي ...

عادل:الله يا ربي ..جيت نفاجئها ..صدقات هي مفجئاني 😂

بدات جايا كتجري باتجاهو بش تعنقو و نسات راسها راه غاع مطلية ...غا شافها عادل جايا اهو يهرب ..بعد منها ههه

عادل:سيري فحالك ....اويلي باغا تعنقيني فهاد الحالة...

صوفيا:وصافي غي نسيت ...ها هي غادا تبدل دبا ...

دخل مرحبا بيك ...الدار داري 😈 

زين:هههه شي نهار تجري علينا هادي مفيهاش ...

عادل: غا جمع حوايجك من دبا ههههه 

مشات صوفيا تبدل ...اما عادل او زين دخلو الصالون ...

زين: واش والديك عارفين راه غتجي ...

عادل:لا ..و بش نكون صريح معاك ...هما دبا معصبين ...حيت صدمتهم صوفيا بهاد التصرف ...او مكانوش متوقعين غترجع ليك ...او بعاد الطريقة خصوصا...

زين:عارفهم مقلقين ...او من حقهم ...اي والدين غيديرو النفس الشيء ...ولكن اشنو ذنبي انا و ختك لا بغينا بعضياتنا وسط هدشي كامل ...

عادل:او هدشي علاش جيت ...حيت انا اكتر واحد كان معا صوفيا فهاد المدة لي دازت ...و شفت الحالة لي وصلات ليها ...وخا حاولات متبينش ...

و لكن مغترتاح حتا تكون هنا ...هادي هي بلاصتها ...

زين:احتا انا مكنرتاح تا كتكون هي هنا ...و لكن كفاش غنقنعهم ..و نرجع تقتهم فيا ...اوووف 

عادل:نتا خاص ترجع تقتهم فيك باي طريقة ...انا متاكد غيتقبلو الامر مع الوقت...و لكن لا شافوا بنتهم فرحانا ...او عايشا مزيان ...

اما لا رجعنا سمعنا عليها ابسط الحوايج...غتلقاتي انا فوجهك ...او معمرك مزال تعاود تشوف صوفيا ...

زين: مغيطرا والو ...اصلن حنا قررنا نبعدو من هنا ...

عادل :فين غت...

قاطعات هضرتهم صوفيا لي دخلات ...جات نيشان عنقات خوها ...و بدات كتسول فيه على والديها ...

حاول عادل اطمانها ...او قاليها تعطيهم شوية الوقت ...احتا هو غيحاول اقنعهم ...عاد رتاحت شوية ...

رتاحت صوفيا لهدرة خوها ...و عاد حسات بلي كاين شيواحد فجنبها و مساندها ...مشي كلشي واقف ضدها ...

ناضت وجدات طبلة ...و عاد عيطات عليهم جاو بركو ...احتا طه ...لي غي بان ليه الغاطو بغا يطير بالفرحة ...

هزو زين بركو فبلاصتو ...ابداو كياكلو فجو غالب عليه الضحك ...فرحة صوفيا بخوها ....و فرحة زين بحبيبتو ...و فرحة طه بالغاطو ديال شوكولا لي ملي تحط ليه نساهم واش كينين ..و لا عقلو غي مع داك الغاطو ...

زين: ولدي ...عجبك الغاطو ديال ماما صوفيا ...

طه:اومأ براسو بمعنى اه بلا ميشوف فصوفيا ...

حيت تفكر الكارتة لي دار ليها قبيلة ...لوحة فنية هه

اصلن كلشي على الابيض هههه

من بعد ما سالاو. ...

عادل: اناا خاصني نمشي دبا ...

صوفيا:علاش ...بقا معانا مزاال ...

عادل:لا عندي ميدار ...جيت غي نطمان عليك ...حيت عرفت غيبقى فك الحال من هضرة والدينا ...

المهم قاليا زين بلي غتمشيو من هنا ...

صوفيا:اه قررنا نتحولو كازا ..و نعيشوا تماك..

عادل :احسن ما غاديرو...بعدو من هنا ابداو حياة جديدة ... اي حاجة طرات هنا دفنوعا هنا ...او بداو من لول ...

زين:هدشي لي غنديرو نشاء الله. .

ودعو عادل او رجعوا دخلو ...عاون زين صوفيا كالعادة حتا جمعات الطبلة ..خلاها كتجمع فالماعن ..و مشا عند ولدو ...حتا كسمعو الخبيط فالباب ..

ام جميلة: حلووو الباااب ....زين الدين ...راني عارفاك هنا ...

حل هاد الباب خلااااص ...

مشا زين كجري الباب ..حيت كان باقي موصل لعند ولدو ...غي حل الباب ..

ام جميلة:عاام بش تحلو الباب ...حيد خندخل ..

زين حبسها فالباب:الالا فين مدرمة ...اليوم ممساليش لك ..سيري حتا لمن بعد اجي شوفي ولد بنتك ..

ام جميلة:شناهواااا ...تا حيد ...ولد المرحومة بنتي ..هو لي بقا ليا منها نشم فيها ريحتو ...باغي تحرمني منو ...

دعيتك الله ..حرمتيني من بنتي ...او بافي تحرمني من حفيدي حتا هو ...

حيد من قدامي ..

زين : ضروري تجي فالاوقات المناسبة ...

دخلات ام جميلة. للدار ...بحال العجاجة ..غي دخلات بدات كتعيط لطه ...

ام جميلة: طه ...طه ..اجي اولدي نشم فك ريحة المرحومة بنتي ...اجي غي نتا لي بقيتي عندي ...

دورات وجهها حتا كتبان ليها صوفيا ..وقفا قدام الكوزينة ...اكتشوف فيها ببرود ..

ام جميلة لي غي شافتها تعصبت اتمات غادا ليها ولكن زين حبسها .. 

ام جميلة: هادي اش كدير هنا ..

انا بنتي سبفطتيها الروضة ..امشيتي جبتي لي قتلاتها الوسط دارها ...

زين: الحاجة ...هادي لي كتهضري عليها راه مرتي اهادي دارها ...امقتلات حد..

ام جميلة:اكدافع عليها من الفوق ...يا الشماتة ...الله يا ربي ...و شهدوا يا جيررااااان ...قتلات ليا بنتي اتزوج بيها ...خوات لك الساحة دبا ...و درتي ما بغيتي. ..

خضري اخطافة الرجال ...المجرمة ...

زين: صوفيا سيري لبيتك...

مشات صوفيا لبيتها حيت مفيها لي يتجاوب معاها ...اهضرتها ماتراتش غاع فيها ...حيت عارفاها غي كتمتل ...و باغا تجبد الصداع ...اكتفات تعاملها ببرود لي زاد عصب الام كتر و كتر ...

زين:لي نطولوه نقصروه ...راني صبرت لك بزاف ولكن نتي غا مزايدا فيه ...هديك لي لداخل مرتي ...امنبغيكش تعاودي تهضري معاها و لا تحديها مرا خرا ...و الا غتشوفي وجه لي مغيعجبكش...

ام جميلة:احتا انا هديك بي ماتت بنتي ...اهاد اامجرمة لي قتلاتها ...انا مغنبقاش نصدع فراسي ...

حيت نتا وياها ماركة وحدة ...

و لكن ولد بنتي مغنخليهش مع وحدة بحال هادي ...

من اليوم ..طه غيمشي اعيش معايا ...

زين:وقيلة راك نسيتي راني باه الشريفة...

ام جميلة : هضرتي راني غلتها ...

زين بنفاد صبر: الشريفة ..من لخر ...ولد بنتك راه فبيتو بغيتي تشوفيه مرحبا ...بغيتي تبقاي غي مصدعانا ..ها الباب فين جااا ..

ام جميلة التزمات الصمت و كانها كتفكر فشي حاجة ...من بعد دقائق دورات وجهها و مشات ياتجاه غرفة طه ....

دخلات عند طه لقاتو بارك كتفرج ...مشات كتجري عندو ..وقفاتو قدامها ...

ام جميلة: انا علاش وصيتك ...

علاش خليتي باباك جاب هادي الدار ..

طه غي كشوف فيها مفاهم والو. ..

ام جميلة:شفتي هديك المرا لي بارا ...هي لي سيفطلت ماماك الفوق ..

طه:ماما ...فوق ..

ام جميلة:اه هي لي قتلاتها لك .

متبقاش تخضر معاها ...امتبقاش تهضر مع باباك حت يخرجها بحالها من هنا ..

واش فهمتي..

طه: فهمت ...

ام جميلة:هديك المرا خايبة و شريرة او نتا مخاصش تعامل الاشرار مزيان فهمتي ...

طه:اكتفى يحرك راسو. ..

و كيف كل مرة كتجي عندو ام جميلة ...غي بش تعمر ليه راسو ...

سمعات دقات فالباب و دخل زين ..

او فاديه جوا صفر كالعادة ...شداتو بالنفخة ...او ناضت مشات فحالها ...وصلات الوسط دار اغوتات بأعلى صوت ..

ام جميلة :مزال غنرجع..

مزاااال هضرتي مسالات ...

شافت فزين بحقد ...خبطات الباب و خرجات ...

تنهد زين بنفاد صبر. ..و مشى يشوف صوفيا ...

متكية فوق النموسية ...حتا دخل زين ..

زين::صوفي حبيبة ...سمحليا على هدشي لي طرا ..

صوفيا:علاش كتعتادر نتا معلك والو...

زين:تحنى عليها ..و تقابل مع وجهها ...وليت باغي غي امتا نمشيو من هنا ...و نبداو حياتنا ..غي انا وياك او ولدنا ...اعاد نزيدو شي بيبي يونس طه ...

صوفيا:هههه نشاء الله ..

زين:و اجي نخدمو ليه ....

تحنى على شفايفهل كبوس فيهم ...و من بعد غطسو فعالمهم الخاص ..

🎇 اصبحنا واصبح الملك لله

صبح الصباح على العشاق ههه ..

صوفيا غاارقا فنعاس عميييق.....ملامحها كتوحي على الراحة والفرحة .. ...شعرها مشتت على طول صدر زاين ...

بدا زين كيفتح عينيه على اشعة الشمس المتسللة من نافدة الغرفة.....فتح عينيه على وجه محبوبتوو..... 

بتاسم ابتسامة خفيفة كتوحي على السعاادة و الفرحة.....هز يدو وحطها فوق خصلات شعرها وبدا يدوز يدو ببطىء عليه....هبط راسو تال وجهها وقرب منها ببطىء وقبل شفايفها ....قبلة حب....قبلة رضى من بعد مادوزو ليلى حمراء بامتياز بقات مرسخة فبالو....على اثر ديك لقبلة فتحت صوفيا عويناتها بتثاقل

زين ببتسامة : مشيشتي فاقت

صوفيا بدلاتو نفس الابتسامة وخدودها مزنكين : صبااح لخير

زين الدين: صباااح الخيير....صباح النور....صباح الحب.....صباااح الورد لحبيبة قلبي

صوفيا بدلع : زااااين 

زاين : عيوون زين ...روح زين

صوفيا بخجل : وباراكاا راك كتحشمني

زين خطف قبلة فعنقها: اححح عليك غي غوليلي شنو درتي فيا

صوفيا غطات صدرها : هه رصاا...كونك تحشم 

زين زاد قربلها تا قلبها لتحت : امم شنو قلتي أ هه نحشم ؟

صوفيا : ههه اشوف اداك اه علاش كتقلب فهاد صباح

زين غمزها : اش بان ليك ههه 

صوفيا : ههه ونااري نووض نوض ..مكتشبعش 

زين : هه عندك زهر راني مشغول اما كون درنا شي ماتش على صباح احح

ناض من فوقها وهوما كيضحكو على حالتهم 

الحب ومدار فيهم😂

زين : يالاه ندخلو ندوشو

صوفيا : دخل دوش نتا لول انا نمشي نوجد لفطور ونجي 

زين جبدها من يديها تا جات على صدرو : لاااء معايا ابب هه

جرها ودخلو لدوش بزوج....من بعد نص ساعة خرجو بزوج من لحمام وصوفيا حنوكها مزنكين 

مشات لبلاكار لبست حوايجها وخرجت لكوزينة تقاد لفطور....اما زين من بعد ما لبس حوايجو مشا لبيت ولدو فيقو وغسلو وجهو ولبسو وهوا كيلعب معاه ويضحكو حتا سالا .....وخداه معاه لاصال مونجي وجلسو حداه يتسناو لفطور يجي

يتبع