أحببته أبيض الشعر الجزء 11

زين : لحبيب ديال بابااه شكون هواا

طه : ههه ا..انااا

زين : مسمعتش مزيااان شكون هوااا

طه وهوا كيموت بضحك : هههه ...اناااا ...اناااا

قطعاتهم صوفيا لي جابت الفطور بدات كتقاد فوق طبلة ومشات غلسات جنب طه

صوفيا قبلاتو فخدو : صباح الخير البطل ..

طه بدون ميجاوبها .و وجهو خالي من اي تعبير ..مكتقدرش تعرف واش فرحان ولا مقلق ....او حتا هيا محكراتش حيت عارفا ...طريقها مع طه مزال طويلة ...وهي عاد بدات...

صوفيا : انا غنحط الولدي هو لول ...

بدات كتحطلو فطبسيلو وهوا مكتافي بصمت وكيراقبها اش كدي .....اما زين كان كشوف فيها بافتخاار ورضى..حطاتليه وجلست تاهيا وبداو يفطرو ...

كملو ...او ناض طه لبيتو ...لي مكخرجش منو ...اغلبية الوقت ساد عليه فبه اعازل راسو ...حتا كجي زاين اخرجوا ...او كبقا معاه ...بش ابعدوا من ديك الحالة لي هو فيها ...

زين : حقا صوفي نسيت مقتلكش..

صوفيا طلعت راسها : شنو ياك لاباس

زين : خاصني نسافر واحد ليوماين عندي واحد الخدمة مهمة فكازا

صوفيا : ضروري

زين خدا يدها وقبلها : اه احبيبتي

صوفيا ببتسامة : ايوا خاصك صافي نمشيو معاك ..

زين : لا ..نتي غتبقاي هنا فدارك...مع طع ...انا 2 جوغ بالحساب انرجع..او غنمشي فالعشية..

صوفيا : ولكن...

زين : و صافي احبيبة...هانتي غتمشي و تعيشي فيها فمرة ...اما دبا خصني نشوف خدمتي ..

صوفيا : لاا ماشي هاكك خفت تجي جدات طه عاود تهجم علينا

زين ببتسامة :ههه.. لا ماتخافيش مغتجيش

هديك راه حفظتها...كتجي مرة فالسيمانة ..اكجيبوها غي الفلوس ...

صوفيا بياس : واخااا صافي ...

زين:بلا متقلقي مني احبيبة ...و منبغيش نوسيك...الدار متخرجيش منها حتا نجي ...و الباب ماحليش على لي كان ...

او عاد هادي فرصة ليك بش تقربي من طه (بغمزة)

صوفيا:غندير غاع لي فجهدي ..

زين:الله يخليكم ليا

داز النهار ..وحا الوقت فين زين الدين غادي يمشي ..كان جامع شيحوايج غي قلال حيت مغيتعطلش ...ودع صوفيا لي مكانتش مرتاحة لهاد السفر ...و لكن معندها مدير ..خاصو يشوف خدمتو ...ودع طه لي خلاه كبكي موراه و باغي امشي معاه ...

عنقهم بجوج او خرج ...رجعات صوفيا مقابلاه من النافدة ...حتى كبان ليها خرج و قصد واحد لوطو كحلة ...وكيدوي معا شيواحد ....من بعد رجع لوطو ديالو او مشا ...

معطاتش للامر اهتمام...حيت قالت غيكون غي شيواحد كعرفو ...

رجعات دخلات الدار ...او وخا يلاه خرج حسات بالدار خوات ..او بواحد الفراغ ....

دربات دورة فالدار مبانليها ميدار ...و مشات عند طه ...

دخلات بلا مدير الحس ...

حتا كبانليها ناعس على كرشو فوق الناموسية ...اصوت شهقات خفيف كتسمع ...

مشات قربات منو ...و دوراتو عندها ...لقاتو كبكي ..

صوفيا بخوف: طه ..طه ..مالك اولدي ..

طه غي كبكي و مكيجاوبش ...

صوفيا:قوليا احبيبي علاش كتبكي ...واش كضرك شيحاجة ..

طه: با ..با ...

صوفيا:اه كتبكي على باباك ..

شوف اولدي باباك مشا على قبل الخدمة ...و لكن مغديش يتعطل ...

نتا راك بطل ..او الابطال مكبكيوش ...خاصك تكون شجاع ...او غي غتنعس اتفيق 2 مرات ...غتلقاه رجع ..

طه: نعسو ...

صوفيا: اه غنعسو اليوم او غدا .و غلقاوه رجع عندنا ...تافقنا ..

طه اكتفى يحرك ليها راسو بمعنى اه ..

باستو فخدو امسحات ليه عينيه ..فرحات حيت تجاوب معاها ...

صوفيا:امم ايوا اش غنديرو دبا ...

طه بصوت شبه مسموع : باطمان .

صوفيا:هههه بغيتي تفرج فباطمان ...

وخا اجي نديروه و نتفرجو ب 2 ...

خدمات ليه صوفيا فيلم ...و مشات صيبات البوب كورن ..

جات و جلست حداه ..كيتفرجو ..

عند زاين لي كان وصل ...دخل نيشان لوطيل لي مريزيرفي فيه ...مشا الغرفتو ..خدا دوش خفيف اخرج تكا فوق الناموسية ...

خدا تيل اعيط ..

زين: انا فكازا دبا ...غدا نشاء الله نجي عندك ..

.....:وخا غتلقاني كنتسناك...

قطع و الابتسامة مرسومة على وجهو ...

رجع تاصل من جديد. .

زين الدين: الو حبيبة ..

صوفيا: وي بب ...وصلتي مزيان ..

زين:وصلت مزيان او انا دبا فلوطيل ..

نتوما مزيان ...طه؟

صوفيا:فاش خرجتي بقا كبكي عليك ..ولكن دبا صافي ..

تفرجت انا وياه فواحد الفيلم انعس ..

زين: ممم تقدم ملحوظ ههه.

اش كدير الحبيبة ديالي دبا ...

صوفيا: والو لقيتيني عاد دخلت لبيتي اشوية غنعس ...

صوفيا كتهضر معاه و واقفا كطل من شرجم ديال بيتها ...

زين: مزيان احبيبة ..غنتوحشكم..

صوفيا:حتا ..حنا ...

صوفيا بخوف : زز..زاين...

زين:وي حبيبة مالك ...

قبيلو قبل متمشي هضرتي مع واحد الواحد..

زين:اه احبيبة علاش...

صوفيا:رر..راه باقي واقف هنا...

يمكن من صباح وهو هنا ...شكون هدا ..

زين:بلا متخلعي احبيبة...هداك انا لي مكلفو يبقا تم...

صوفيا والخوف عاد مزاد :علاش ..واش واقعة شيحاجة ...

زين: لا احبيبة مواقع والو ...مي غي بش نبقا مطمان عليكم اصافي ..نتي نعسي امعندك مناش تخافي ...

صوفيا: صافي وخا ...

زين: يلاه بون نوي ...

قطع معاها ..اكل واحد مشا الفراشو ...

فمنتصف ليل ...ناعسا صوفيا فبيتها ...حتا كتحس بشي واحد كقيس فيها ...حلات عينيها ...حتا كتحس بشي اد كتحرك فيها تاني ...ناضت من فراشها مخلوعة ...اشعلات ضوء حيت قريب ليها ...دورات وجهها حتا كبان ليها ...طه ...كان طه واقف فالقنت ...

صوفيا بخوف: طه مالك احبيبي ...

طه: نعس ...معاك ..

صوفيا :هههه واش خفتي احبيبي ...

طه : با ..با ...مشا ....خفت...

صوفيا اهي حابسا ضحكة:مممم نتا مكتخافش غي فاش ككون باباك هههه..وخا اجي حدايا ..

طلعاتو حداها ...اغطاتو انعسو بجوج هاد المرة ...

نهار جديد ...حلات صوفيا عينها ...حتا كتحس بشي اد صغيرة مرمية على وجهها ..

دارت حتا كتلقا طه ناعس واحد النعسة عجيبة ههه.

ناعس على كرشو اكل رجل فجيه ...اعاد ايدو مليوحة عليها ..شعرو رطب هابط عليه ...كان كبان بريئ...

تاسفات انه فهاد العمر ..عانا من هاد المشاكل كاملة ...شاف مو كتنتاحر قدامو ...

كفاش ولد فعمرو يستحمل هدشي كامل..فالوقت لي خاصو يكون فرحان غي باللعب لي كجيوه...و لا فشي جردة او كلعب مع الاطفال ...

دوزات ايدها بلطف على وجهو ...وبقات كتمررها على شعرو ...و كتواعدو فنفسها ...تدير المستحيل بش اولي مزيان ...ويخرج من هاد الحالة لي فيها...

فدار صوفيا ...بارك الاب فغرفتو .. و فايدو صورة صوفيا فاش كانت مزال صغيرة ...كتامل فيها و عينيه مغرغرين ...وخا يعيا يقصح قلبو...و لكن راه اب او هاديك بنتو ...تفكر اشنو دارت ..اكفاش ضحكات عليهم ...مسح عينيه وخزن تصويرة ...و رجع لشخصية الاب الصارم ...

فكازا ..و وسط حي طاغي عليه الصمت و الهدوء ...او كلو فيلات ...وقف زاين قدام احدى الفيلات ...شكلها راقي و جميل ...توجه الباب و صونا ...دقائق ..او تفتح ليه الباب اتوماتيك...

دخل مع الباب ...لي كان كدخل نيشان فالجردة ...اكاينا طريق الوسط ..كتدي الباب تاني ...توجه ليه كان مردود ...دفعو و دخل الداخل ..

و فنفس الوقت نظرو متوجه لكل جزء فالفيلا ...دخل حتا كتبانليه واقفا ....شابة ف 20 من عمرها ...عاطياه بالظهر ...الابسا غوب غوج ...كتهضر فالتيل ...حتا سالات عاد دارت ...

.....:مرحبا بيك ههه

عند صوفيا ...من بعد مفاقت خلات طه ناعس ..و مشات وجدات الفطور ...قداتو عاد رجعات لطه ...بركات حداه ..ابدات كتفيق فيه...

صوفيا: طه ...ولدي ...فيق ...

طه ....يلاه احبيبي نزض باراكا ...

طه: مني ...مني ....نعس ...

صوفيا: طه ..نوض اولدي باركا ..

طه بدون رد

صوفيا:و يلاه اولدي مالك وليتي كاسول ...

طه: ممم نعس...

صوفيا عرفاتو مغينوضش ليها ...ناضت هزاتو بين ايديها و خا تقيل شوية هههه ..دخلاتو الحمام غسلات ليه ...بعينيه مغمضين ههه

..عاد مشاو ب 2 فطرو ...

كملو و خلاتو كتفرج كالعادة ..تلهات هي مع جميع الدار ..جمعاتها و نقاتها ...دوزات عليها جفاف حتا رجعات ريحتها زوينة ...هضرات مع زين و طمانات عليه ...

عاد رجعات الكوزينة ..قرات دير شي غاطو تاني لطه ...عيطات عليه جا عندها ...بدات كتجبد فالمقادير وهو كحطهم ليها فوق البوطاجي .....

بدات كتخلط اكتخليه اعاونها بش اتفاعل معاها ...

كملو الغاطو ..و دخلو الفران ..هزات صوفيا ايدها ...و خبط فيها طه ...

وقالو فدقة: ويييييه 😂

خلاوه كطيب او رجعو كتفرجو بش ادوزو الوقت ...

...:مرحبا بيك امسيو زاين ...

زين: شكرا

جوديا: ها هوما السوارت ..دبا رسميا ولات الدار دارك ..بقاو غي شي توقيعات دياولك ...حتا تشوف المحامي ..

زين:وي وي عارف ..

جوديا باعجاب :المهم راك عارف دار مفرشة ..او مفرشة باحسن طريقة ...منظنش غتلقا مشكل اباغ لا بغيتي تبدل على دوقك ...

زين: حتا نجيب مرتي تشوف هي لي تقرر ..

جوديا تقرسات: اه الله يكمل بالخير ...

نساحبات جوديا ...وبقا زين الدين كدور فالدار و كتامل فيها ...كانت كبيرة ...و واسعة ...فيها صالون كبير التحت مفرش بالتقليدي ...اكوزينة و طبلة كبيرة بالكراسا ..جات مقابلا مع جردة ..

او عاد كطلع الفوق كتلقا بيوت النعاس ..او بيت كبير حتا هو مفرش بطريقة تقليديه ..مي ديكور عصري ...

خرج زاين من الدار اهو فرحان ...حيت قدر اوصل الدار لي كان باغي ..اعاد متحمس اشوف ردة فعل صوفيا فاش تشوفها...خاصة انه شحال اهو كجري على قبل الإجراءات. .امخلا صوفيا تحس بحتا حاجة بش تبقا مفاجاة ..

مشا زاين تلاقا مع المحامي اكملو الاجراءات بصفة نهائية. .رجع الاوتيل جمع حوايجو ...اشد طريق بش ارجع لدارو...

عند صوفيا ...

لي من بعد مكلاو ...مشات جبدات مجموعة من الألعاب. ..كانت وصاتهم طبيبة اياخدوهم ليه ..حيت طعاونو الاطفال المصابين بالتوحد ...

من بينهم كانت لعبة مكونة من مجموعة ديال الصور ...امعاها حروف ...كتلاقيهم بش تلقا الاسم دبال اشنو فالصورة ...

حطات صوفيا الصور ...افرقات الحروف ...برك حداها طه ...لي كان باين عليه التركيز. ..اكشوف فدوك الصور ...

صوفيا: عرفتي اش غنديرو دبا ...

طه: حرك ليها راسو بمعنى لا ...

صوفيا: غنتعلمو شي كلمات ..

اجي حدايا ..

صوفيا: اشنو كاين فهاد الصورة ...

طه: بقا غي كشوف ...

صوفيا: هادي ديما كنشوفوها ...

طه : ش..جرة...

صوفيا: اه ...شجرة ...اجي نشوفو كفاش كتكتب دبا ...

بقات صوفيا ملهية معا طه ..او فنفس الوقت كتعلمو الحروف ...وكفاش كتكبو الكلمات ...و حتا طه كان دغيا كعقل على الكلمة ...ملقاتش معاه صعوبة نهائيا ..حاص غي لي سايس معاه ...

سايس سايس😂

فدار والدين صوفيا ...بارك الاب و اللم كالعادة فجو طاغي عليه الصمت ..كتفرجو فالتلفازة..او نقولو هي كتفرج فيهم...حيت كان باين عليهم ساهيين ...

خرجهم من سهوتهم صوت الباب لي صونا ...

ناضت الام ...او مشات حلات الباب بلا مطل ...

غي فتحات هزات عينيها مصدومة ...

ناريي سرقت البارت لخولة صيفطاتو ليااا و كانت مزال مغتحط و انا نحطو غادي تدخل و تتصدم و تقدر تبلوكيني المهم الى غبرت عرفوني تبلوكيت و شكراا

في جهة اخرى ..

جايا ام جميلة بخطوات سريعة ...امعصبة كيف ديما ...كتزرب في الخطوات و باغا غي امتا توصل ...مكترتاح حتا كتنوض الصداع ...وصلات الدار زين ...ابدات كتخبط فالباب كيف العادة ...اكتغوت باعلى صوت ...

ام جميلة: كتخبط فالباب ...

ام جميلة: حلو الباب ...حلي اخطافة رجال ...تلويتي على راجل اسيفطتي مرتو المقبرة ...

انا غنوريك اش كنسوا ...

....:شكون نتي الالا ....

دارت ام جميلة حتا كتفاجئ ب 2 رجال ...واقفين عليها ..غي بنيتهم كتخلع ...

ام جميلة بارتباك: اش بغيتو..

....:اش بغيتي نتي لي جايا هاجما هنايا ..كاين شي منقضيو ...

ام جميلة وخا الخلعة مزال باغا تبين راها واعرة :

كفاش اش بغيت ...وا زوينة هادي ...قول نتوما مخليكم هنا عساسين على الاميرة ...

....: بحال دكشي ..يلاه خوي

ام جميلة:هايوا على خووي ...مغدينش توريوني اش غندير ...انا لي عارفة علاش جايا ...

الرجل اهو مزير على سنانو: راك بديتي كتعصبيني ...يا اما غتمشي فحالك بلا صداع ..او لا غنسيفطوك بطريقتنا ...

ام جميله :و الله الا زوينة هادي ..و شهدو الجيران ...شهدوا على هاد ....

قبل متكمل هضرتها ...شدوها بجوج سدو ليها فمها ...اداوها لوطو لي كانت قريبة طلعوها لور امشاو ...في حين بقا واحد قدام باب الدار ...حيت زين خلا تلاتة حاضين ...و لكن مكبانوش حيت لوطو دايرة بجاج فيمي ...

عند صوفيا لي كانت كطل ..و كلشي كدوز قدام عينيها ...للحظة تملكها الخوف ...خافت دخل اتاخد طه ...خافت اتعاود المشهد ديال جميلة من جديد..

مزال منسات ..امعرها تنسى اشنو داز قدام عينيها ...لدرجة ولات هادئة بزاف ...اباغا غي تبقا عيشا هانيا بلا مشاكل ...

ها هو قبل متسرقو ديك الحقيرة تاني😂

بقات صوفيا ساهيا ...وغارقا فدوامة تفكيرها...للحظة حسات براسها فشي متاهة ..وغاع طرقان مسدودة ...للحظة حسات براسها مخنوقة و مقادراش تنفس ...رجع مشهد جميلة كتعاود قدام عينيها ...لحظة بلحظة...حتا طاحت على طولتها فوق الارض ...وتسمع صوت الارتطام...

عند طه ...لي كان مزال كلعب فالمرح ....حتا كتفاجئ بصوت شيحاجة تخبطات فالبيت ..ناض بسرعة توجه ليه ...اهو خايف...

دخل حتا كتبانليه صوفيا طايحة فالارض مغمى عليها ...

الام:نتا اش جاي كدير هنا ..؟

زين: بغيت نهضر معاكم ...

الام: معندنا فاش نهضرو معاك ...سير فحالك...

بغات تسد عليه الباب فوجهو ...حتا حبسها بايدو ...

زين:الله يخليك ...سمعيني شوية ...

غي على قبل صوفيا...متقدريش تخيلي حالتها ...من بعد الهضرة لي غلتو ليها ...

الام: او غنعاودها...حنا مبقاتش عندنا شي بنت سميتها صوفيا...

....:ياك باغين تكملو حياتكم ب2 ...ايوا هانتوما ب 2...دبا نساونا عليكم فمرة...

زين: الحاج...واش كاين شي واحد كنسا والديه ...من حقكم تقلقو مني ...اه

...انا معرفتش نحافظ على بنتكم...و لكن هي مدنبها والو فهدشي...

اب صوفيا: دنبها انها مسمعاتش الهدرتنا من نهار لول ...اما كان كولشي غيبقا هاني مع راسو ...

زين : هدا مكتاب...و كان غيوقع بغيتو و لا كرهتو...

الحاج: مكانش غيوقع كون بقيتي بعيد علينا ...

زين: الحاج ..انا راه...

قاطع هضرتهم صوت التلفون ...جبدو زاين حتا كلقا نمرة واحد من رجال..

زاين بخوف:مالك ...و...واقعا شيحاجة؟

زين:صوفيا ...مالها اش وقع ليها ...

الام:مال بنتي تاني ...

زين: انا جاي...

دار زاين بش امشي ...حتا شداتو شي اد..

دار كلقاها الام...

...مال صوفيا. ..اش وقع ليها ...

زين:سخفات و داوها السبيطار...

الحاج:شفتي نحافظ عليها كيف دايرة..

زين بعصبية:هاد المرة راه نتوما لي معرفتوش تحافظو عليها ...او الا طرات ليها شيحاجة دبا..فراه حتا نتوما عندكم دور فيها ...

دار زاين معصب ...حيت عارف ان حتا موضوع واليديها ماتر عليها . مبغاهمش ابقاو حاطين عليه هو اللوم ...في حين حتا هوما سموها بهضرتهم ...اعاد نكروها من الفوق

..ركب بسرعة او توجه المستشفى ...دقائق او كان وصل...لقا واحد من رجالو قدام الباب ...بداو غادين ب2 ...

زين: كدايرا حالتها ...

...:مزال معرفنا ..باقي عندها طبيب...

وصلو قدام الغرفة ...حتا كلقا طه بارك فوق الكرسي كبكي في صمت...

زين بعصبية :علاش جبتوه معاها...

...:راه كان معاها ...امبغاش ابقا فالدار...

زين مشا عند ولدو ...او هو خايف لا يرجع يتاتر بلي وقع...

زين:ولدي هانا جيت ...صافي موقع والو...

طه: صو فيا..

زين:ماماك غتكون بخير..هي غي عيانة شوية...متخافش عليها..و مسح عينيك ...الا شافتك كتبكي غتقلق اترجع تمرض...

طه:و..وخا...مسحهم..

تهدن طه ملي شاف باباه ...

...:الو عادل ولدي...

عادل:نعام اماما ...

الام: ختك سخفات سير لحق عليها شوفها و طمان عليها ..

عادل بقلق:كفاش سخفات ...

الام:منعرف..سير شوفها...

زين الدين:اش وقع ..

الغارد:كنا واقفين قدام الباب ...حتا سمعنا صوت ولدك كبكي وكغوت ....

فرغعنا الباب و طلعنا ...لقينا مرتك مغمى عليها...و الولد حداها كبكي و كغوت ...

زين:مفهمتش ...اشنو لي خلاه تسخف...اوووف اش غيكون طرا ..

الغارد: بصراحة قبل متسخف ...كانت جات واحد السيدة وبقات كتغوت ..و باغا دخل بزز...

زين: ايوا ...يكما حلات عليها صوفيا..

الغارد:لا لا حنا حبسناها فالباب ..او عينا معاها تمشي فحالها مبغاتش...

زين:اش درتو معاها..

الغارد: ديناها بلوطو ..حتا الخرجة ديال المدينة..حطيناها تماك و رجعنا...اكيد غتلقا صعوبة ترجع...

زين اهو كارز على سنانو:باقا مبغتيش...وخا دبا نوريك اش كنسوا...

بقا زين ساهي كفكر ..و فنفس الوقت كتسنى فالطبيب اخرج...هو مشي خايف من ام جميلة..لا ..الا بغا يقدر اغبرها ..و ميجيب ليه حد الخبار...و لكن كان حاط لوم على راسو فموت بنتها ...او وخا كلشي ..راه كانت مرتو واحد الوقت...دكشي علاش ممخليهاش محتاجا ..و واخا غاع ديك الدراما ممنعهاش تشوف حفيدها..و لا تحرم منو...

و كان كتسنى غي حتا يمشيو لكازا ..ديك ساعا هو لي غيولي اقرر امتى تشوفو ..حيت مغتعرفش فين كينين...

مي دبا ...صافي ...

زين:نتي لي بغيتي..من اليوم ...مبقيتيش غتشوفي ولدي ...

ولدي انااا...

خرج الطبيب ....

الطبيب: نتا هو راجلها..

زين:اه كبقات مرتي...

الطبب:متخافش معندهاش شي حاجة خطيرة..غي الارهاق..خاصها الراحة ...و بعدوها على المشاكل ...حيت باين ماترين عليها...

زين: غنبعدها...نقدر نشوفها...

الطبيب: اه راه فايقا ..

شكر زين الطبيب...شد فولدو اتوجهو عندها...

حتا كسمع..

...:زين...وقف بلاتي...

يتبع