ام جميلة: ممم فكرت ...و موافقة بدون شك ...هدا هو الهدف ديالي اصلن ....
غندم ديك الحمارة. ...و حتا داك الشماتة...
...:اوا حتا انا عرفت راسي قصدت الشخص المناسب ...
ام جميلة:اشنو الهدف ديالك من هدشي ...
...:من بعد او غتعرفي ..دبا عندك شي خطة...
ام جميلة: هههههه كاين خطط هما ...مي اكتر وحدة غتخليهم اعيشوا الجحيم. ..سمعيني مزيان غنديرو.....
عند زاين و صوفيا ...
لي من بعد ما وصلو الكازا ...ولات حياتهم جد رائعة....خاصة صوفيا ...لي كانت من ديما كتمنا تستقر فيها ...اما زاين فشوية بشوية بدا كعتاد عليها ...او على الخدمة فيها ....
دازو ايام مند وصولهم و استقرارهم فكازا ...
و اليوم هو عيد ميلاد طه ...
فقت ناشطة اليوم ...لا فالصراحة و ليت ديما ناشطة ...احح شحال زوينة تعيشي فالمدينة لي كتعجبك ..و مع الراجل لي كتبغي ...
كارولين:بصراحة ...انا عاودليا عليكم انس ..و هو لي عطانا العنوان...هو كان باغي بنتو تربى على المنهج الاسلامي ...مي مغنقدرش ندير هدشي. ..
ام صوفيا:اه هدشي لي خاص اكون..
كارولين:انا غنخليها معاكم هاد اليوماين ...حيت عندنا اسبوع و غنرجعوا...
ام صوفيا:خليها ليا نشبع منها ...
كارلوس :حنا باركين فلوطيل غنبقاو نجيو ...
ام صوفيا متوجهة الكارولين:ولكن نتي خاص تبقاي حدا بنتك ...هي باقا صغيرة...
كارولين :اه و لكن..
ام صوفيا:مكاين ما ولكن. .نتي بقاي معا بنتك هنا ..مرحبا بيك ...
كارلوس بعد تفكير:وخا صافي ...انا غنمشي ...
مسا كارلوس و بقات كارولين ...لي الام معفاتهاش من الاسئلة ...و الاستنطاقات ...
الام:الو صوفيا ...خاص النتي تجي المكناس ..
صوفيا :وقعا شيحاجة ..خلعتيني ...
الام:لا ابنتي ..غير مرت انس كاينا هنا (حشمت تقولها صاحبتو)
صوفيا باستغراب :علاش هو مزوج...
الام:و عندو بنت ..قصة طويلة حتا نجيو نفهمك...
صوفيا:وخا نيت زين عندو شي خدمة فقنيطرة ...نجيو عندكم ..و ندوزو حتا القنيطرة عاد رجعوا. .
الام:وخا ابنتي الله يجيبكم على خير....
...:بغيت شيحاجة لي دغيا كتقضي ..
...:عطاها فرعة صغيرة ...ها هي دقة ببطلة...
...:ابتاسمات بخبت ...و أخيرا لقيت لي ليق ليكم ههه
في صباح اليوم الموالي ...كانت صوفيا و زاين شادين طريق المكناس. ..منها صوفيا تشوف دارهم حيت من نهار مشاو الكازا مشافوهم...و منها تعرف على بنت انس و كارولين...
غادين فطريق حتا...
صوفيا:وقف وقف ...
زاين مخلوع:مالك ...اش عندك احبيبة...
صوفيا:وقف بغيت نهبط...
وقف زاين لوطو جنب طريق و هبطات صوفيا كتجري منها. ..
مشات جنب واحد الشجرة ...و بدات كترض ...حتا روحها بغات طلع ...بقا زاين حداها شاد فيها...و فنفس الوقت مخلوع ...حيت معمرها وقع ليها هاكا فطريق...
صوفيا :اوووف معرفت مالي ..كرشي ضاراني و خاطري مروعة...
زاين: غتكوني كليتي شيحاجة موافقاتكش ...
صوفيا: مكليت والو ...اووف...
مشا زاين جاب ليها الماء ...شربات و بقاو واقفين شوية ...حتا شمات صوفيا الهواء ...عاد رجعو شدو طريق ....خلا ليها زاين شرجم محلول حداها ...
بعد نصف ساعة رجعات وقفاتو من جديد ...و هبطات كترض تاني ...حتا وجهها ولا صفر ...و عينيها دبلو ...
أحببته أبيض الشعر الجزء 13
محتوى القصة
التنقل بين الأجزاء