باقة حب لا تذبل الجزء 21

بقات ريماس اسبوع كامل فالكلينيك تحت المراقة ديما معاها تاج الدين جالس ورا الباب كيطمن من عند لي دخل و لي خرج من عندها ..ديما شاد العسة كيمشي غا باش يديوش و يبدل حتى خدمتو هملها بزااف .. هاجر تا هي كل يوم كلتجي عندها هي و محمد انا عشق من نهار طرداتها ماباقي وصلاتها ..و رزان تا هي مابقاتش جات لعندها تخشات فبيتها و عاطياها غير للبكا كان عندها أمل تاج الدين يوافق بالحق فاش شافتو ماجاش تا دوا معاها فقدات داك الامل لي كان عندها .. تا فاروق قليل قاش كاتجاوبو انعزلات عليهم فخطرة مابغات تقول لتا واحد من خوتها اش بيها حدها مكتئبة فبيتها و ناعسة ..وصل اليوم لي غاتخرج فيه ريماس و كلهم كانوعندها ...

هاجر .. يالله خرجو دابا غانعاونها تبدل ..

خرجو كاملين بقات غير هاجر و شغف 

ريماس ..ماجااش يااك..

هاجر... اليوم مجاش .. قال ليا يمن عندو شي حاجة ضرورية فالخدمة ..

ريماس .. الخدمة ..! اهم مني انا لي هانخرج اليوم من الكلينيك!!

هاجر ... لا يا ختي باااااز !! ياك فينما يجي تجري عليه يا ختي كووون ما كان كيبغيك كون مشا من النهار الاول سمحي ليا ماتزيديش فيه تا نتي ..

ريماس ..اناااااا زايدة فيه .. اناااا ..فاااش شك فيااا وااااا ضربني اهااااجر تيق التصاااور و كذبني اااش بغيتي نقوول لؤديه بالاحضان يا حبيبي بالاحضااان ..!

هاجر.. هههههههه لا حول الله يا رب .. واش صاحبتي .. كون كنتي بلاصتو و شفتي داكشي لي شاف ماغاتشكيش ؟؟ ربي خلينب من الهضرة ديال لي كيبغي شي حد كيتيق فيه و داك البعر الخاوي .. قولي ليا دابا الى شفتي تاج الدين معانق مع شي وحدة نتي فبالك مكاتجيه تا حاجة .. و يوصلوك تصاورو معاها مرة ضاحكين مرة كيبوس ليها راسها مرة معنقها واش غاتيقي و تكذبي عينيك ..؟؟ خصوووصا انك كنتي راسمة ليه صورة فشكل و كاتموتي عليه بااش غاتحسي؟؟ .. مالك سكتي دوي ولا تقاضاو ليك؟؟ عييت نسكت ليك و نساير هبالك ولكن من عندي نقولها لك عااايااااقتييي اوا جمعي راسك شوية اويلي حي ..

ريماس .. و مع ذلك ماغانسامحوووش .. و غةنمشي مع حاااتم .. و حيت ماجاااش غايشووف داكشي لي عمرو شاافو ..😡

هاجر ..اععععع غانتفك البرهوشة .. تفووو يمتاا غاديري عقلك .. زمر ..

ريماس .. نهار ديريه نتي جي تحاسبي معايا .. و ديك لالاهم عشق .. تا هي مادارت لي والو غا نسامحها ياااك!! 

هاجر ..حيدي عليا هاديك من نهار تفركعت على بوها ماتليت حاشيتها ليها انا عارفاها مكاتحملكش بالحق قلت مع الوقت غاتولف نصحبها ضريفة.. كانت يصحابلي كرمة و فيها الكرمووص صدقات خرية مجمع عليها الناموس

ريماس ..حسابهم خاصاه تمخمييخة و ديك تاتيانا غا بلاتي على مها لا مامشيت شوهت الباطرونة لي قالتها لها فالشركة مانيش ريماس ...

هاجر ..نهار تبغي تمشي ديني معاك .. 

ريماس .. اجي شي خبار على رزان ؟ باقة كيف ما هي ..؟

هاجر .. وي مزالة تا لا طلعت عندها مكاتبغيش دوي .. يا ختي كانت صحة سلام تا تقلبات تقول ضربوها بسم الله الرحمان الرحيم ..

ريماس ..القضية فيها ان ..شووفي فاش تمشي للفيلا قولي لها بغيتها ضروري تجي عندي لدار حاتم ..

هاجر .. واخة الالة ميكون غا خاطرك ..

لبساتها مرة بالنگير مرة بالضحك تا كملو و عاوناتها باش تمشى بشوية كيف آمر الطبيب .. خرجات لقات حاتم و محمد كيتسناو فيهاشدات فدراع حاتم لي هزها على غفلة داها ديريكت للأوطو ركبات معاهم شغف و ودعو هاجر و محمد لي تجهو تا هوما للفيلا. ..

#شركة_الصقر_سيتي...

تدخل عليهم لقاعة الاجتماعات مكشش .. محيد الفيست ولابس غير شوميز فاتحها تال صدرو وطاوي اليدين السبحة كيضورها فيدو بعصبية .. جلس على رأس الطاولة خلاهم كاع كيشوفو كل واحد فيهم عارف اش داير .. شي كيدور فعينيه و شكيطرطق صباعو بالتوثر .. اما تاج الدين جلس كيشوف فيهم واحد واحد مدة عاد نطق ..

تاج الدين ..اتبااارك الله على الموضفين ديالي .. نغيب عشر اياام على الشركة نجي نلقاكم مروبلينها هههه ..تبارك الله ماشاء الله..."بتهكم" اتبارك الله على سي فاتح .. 

"فاتح . الموضف" الله يبارك فيك اسي الصقر ..

تاج الدين .."خزر فيه" زعما نتا حطمني الرقم القياسي فالختلاس هاد الشهر .. اصاحبي عيييت نسكت عليك و خصوصا فاش جمعت عليك معلومات لقيت بنتك مريضة و كاتعالجها قلنا مغلووب على حالو .. تكلفت لك بالعلاج و مصاريف الدوا البنت ولات بيخير و رجعات تقرا حتى مصاريف القراية تكلفنا بيهم ولكن باش ندير فيك خير و طعني ورا ضهري و تبدا تگعگع فرزقي هادي مانقبلهاش .. درت معاك الجهد اخويا ولكن الشفرة عند ديلمك فالدن .."ضرب فالبيرو بعصبية خلاه كيعرق و ينشف بوحدو خصوصا انو تشوه قدام الموضفين" و غاندي معاك بااات المزياان عند الزهر ماغانعيطش للبوليس دزتي فوجه ديك البنت ..اما بربي لي غانديرو فيك ماغانعاودوش يالله برا عليا مشوف وجهك كاتحوم على الشركة تطحن بوك .. يالله براا .. 

خرج حاني راسو انا الموضفين لاخرين ولا شي يشوف فشي ولي دار شي فعلة الخوف ركب فيه البولة .. اما تاج الدين .. دور راسو لجهة المصممين ..

تاج الدين...نتوما بعدا كنت تايق فيكم صاعا طلع بينكم واحد النزق .."شاف جهة واحد من المصممين " لا باش تكون كاتخلص مزيان و خدام مزيان و كل شهر كاتقبط الصالير ديالك فوقتو و تسرق التوب و الخيووط تبيعهم خصك تكووون من فصيلة بني كلبون .. اش ندير مع طسيلة بوك !!

"المصمم" ... اناا .. اااا .. سير تاتتت.. تاج الدين .. انا ..

تاج الدين .. نتاااا شفار هاني كملتها ليك .. "ضار عندالسكريتيرة ديالو" عتيقة هذا يمشي فحالو بلا حساب هاد الشهر بلا زوج ... غايتقدم بلاغ ضدو و غانطالبو بالتعويضات .. 

عتيقة .. واخة موسيو .. 

تاج الدين .. يالله نوض دردب عليا من هنا حسب الخطوات قبل لا نكسحك.. "خرج من غرفة الاجتماعات و دار عندهم تاج الدين كمل فينما كان شي واحد لاعب بذيلو ماعاخ قطعو ليه .." مزياللن عندي السيبة هنا ..كون ما مادموزيل تاتيانا علماتني بلي كين اهمال فالشركة كون مزالين ناعسين ليا فالعسل .. متجايييني تال العشرة تالصباح .. بربي و تعاود مايبقى واحد فيكم هنا .. يالله كل واحد لخدمتو .. 

خرج مكشكش كي دخل مشا للبيرو ديالو ردخ عليه الباب تبعاتو تاتيانا هازة كاس تالقهوة .. حطاتو ليه قدامو و وقفات حداه

تاتيانا .. تندن .. خود قهوة .. 

تاج الدين .."شاف فيه بجنب عينو" لا شكرا .. صايم ..

تاتيانا ... اااه .."قربات ليه و حطات يديها على كتافو كاتدير لو مساج .. " هاد الماساج غايريحك بزااف ..

تاج الدين .."شد يدها بزوج صباع و نطرهم و خزر فيها" مادموزيل الله يخليك .. هادي اخر مرة تجاوزي حدودك ..

تاتيانا .."تقرصات" هاء .. ااا انا غير بغبت نرحيك 

تاج الدين .."طلع فيها حاجبو" اييه ماطلبتش منك امادموزيل تريحيني ..

تاتيانا ..''الدخاخن كيصوطو فودنيها" سمحلي كان يصحابني هادشي عادي بين الزملاء

تاج الدين ..هايه تا انا ماقلتش العكس .. ولكن بعد المرات خصك تفكري بلي انا رئيسك فالعمل ماشي زميلك .. "وقف و خذا الفيست ديتلو و تيليفونو'' اه غير هو ماشي حيت سمحت ليك تحيدي الالقياب و الرسميات بناتنا يعني تماداي .. انا راجل مزوج و مانقبلش تقيسني وحدة اخرى من غير مرتي .. ولا بغيت المساج غانمشي عند مرتي ديرو لي

تاتيانا... هااء .. علاه نتووما مزال ما طلقتو .. ههههههههههه كاتفلى عليا ياااك .. انا لي عارفة .."قربات ليه تا لسقات معاه" هو انك حصلتي المدام كاتخونك .. "حطات يدها على فمها .. هااا ياك مااا سامحتيها .. اوووه ماشي ديالك هادي أمسيو تاج الدين ..

تاج الدين .."شدها من عنقها تا كانت غاتجيف .." شكوون قال لك هادشي هاااا شكووون 

تاتيانا .. كح كح "حيد عليا يدددددك ..كح .. سير تمرجل على لي خاانتك و سامحتيها .. وااخة ريحتها عطااات ..

تاج الدين .."دفعها و وجه ليها صبعو" لالااااك هاديك كاتفهمييي .. و فااش دوي عليها دوي باحترام .. شووفي غا حالتك .. سيري طلي على رااسك فالمراية شووفي لبسك شووفي مكيااجك .. ماشي ديال وحدة خدامة فشركة محترمة .. عىند باالك كون ما كنتي صاحبة عشق غاتخدمي هنااا ..

تاتيانا .. ههههههههههه اوووه على الاقل انا مكانلبسش قناع البرائة و نضحك على الناس و انا فالأصل قحباا ..

تاج الدين .."مع الكلمة اللخرة لوا معاها بتسرفيقة تا تخلطو معالم وجهها '' برب المعبووود و تزيدي كلمة على ريماااس ما نعقل عليك .."جرها من كول الشوميز لي كانت لابسة" شكون قال لك هادشي شكون عطاك خبارنا !!دوي لانفرع مك ..😡😡

تاج الدين .."مع الكلمة اللخرة لوا معاها بتسرفيقة تا تخلطو معالم وجهها '' برب المعبووود و تزيدي كلمة على ريماااس ما نعقل عليك .."جرها من كول الشوميز لي كانت لابسة" شكون قال لك هادشي شكون عطاك خبارنا !!دوي لانفرع مك ..😡😡

تاتيانا .."جبدات التيليفون ديالها وراتو التصاور .." هاانتا شووف كي سالينا الاجتماع وصلوني فالواتسااب و كتبو لي بلي هاد التصاور كي وصلوني وصلو كاع الموضفين لي معانا فالشركة ..

تاج الدين .."عض لسانو بالاعصاب .." نتي غاتمشي تجمعي قشك و غاتقودي عليا مابقاش ليك خدمة معانا .. خودي حسابك ديال هاد الشهر و الشهر لي جاي و ماتورينيش كمااارتك مفهوووم .."نطرها تا كانت غاطيح''

تاتيانا .. "جرات منو تيليفونها" هادشي كلوعلى ودخدها .. على ود ديك البرهوشة هءههءهء 😭 انا عمري خدمت معاك على ود الفلوس اتاج الدين .."قربات ليه و حطات يدها على صدرو .." انا كانبغيييك لتاج الدين داكشي علاش خدمت معاك .. هءههءه😭😭 نتا دياااالي انااا علااش باغي تبقى مع وحدة بحالها .. عافاك شوف انا ندير اي حتجة على ودك ..

تاج الديت .."بعد عليها و دفعها باشمأزاز" قووودي عليا من هنا مانشوفكش قداامي .. تفوو .. نتي لي بقيتي ليا فالحساب .. بغيني و لا كرهيني خصك تعرفي بلي ماكانحس بحتى حااجة من جهتك .. "طلع و نزل فيها" من غير الاشمئزاز .. برااا ..

تاتيانا .. "مسحات دموعها و وجهات ليه صبعها " غاتندم .. بربي تا ندمك اولد الصقر ..

تاج الدين ..اسيري قودي .. "شير عليها بفاز فاش خرجات شوية يجيها للراس .."

هز جاكيطو و خرج العيووون كلها كانت عليه و كيف قالت لو تاتيانا كولشي وصلوه التصاور و طبعا هي مولات الفعلة .. 

تاج الدين .. مالنا !! ااش كين لاش كاتحنزو !! " سمع من بعيد صوت واحد قال كيتمرجل غا على الموضفين ديالو رجع ليه بشوييية تا وقف قدامو عطاع ببونية و شدو لا يطيح عاود علاه للعيل لاخرة .. جرو عاود و عطاه بروصية تا داخ ..و نزل الدم من نيفو" ها تمرجيل كي كيكون .. "رماه و ضار شاف فيهم كاملين" الزااامل لي غاااايحل فمووو على مرتي نفرع ديلمو هاني علمتكم .. لي فالصووورة عندكم خوووها و بالرب المعبووود ولد الكلبة لي حل كبينتو نكويييه .. ماتخليوش بناادم يحترمكم .. ..كل واحد للبوسط ديالو ولا برااا .. 

نتشر داك القوم كلو تا حد مابقى كيدور حداه خرج منيرفي ركب الاوطو ديالو و انطلق لدار حاتم ..حط الاوطو ديالو فالباركينغ وطلع كي دق الباب مشات شغف كاتجري فتحات الباب و نقزاات عليه هزها باسها و طلعها فوق عنقو

تاج الدين... الزين ديال بابا .. 

شغف .. نعااام😍

تاج الدين .. فين خالو ..؟ 

شغف .. عند مامي .. 

تاج الدين ..وريني فين كينين ..

شغف .. اه 😍 سير من الهيه ..

مشا من الاتاه لي قالت ليه و دخل للبيت لي كات جالسة فيه ريماس ..كانت مددة فوق الكانابي و حاتم جالس فوق الطابلة كيضارب معاها باش تاكل ..

تاج الدين ..السلام عليكم ..

ريماس .."قلبها ناضت فيه الزدعة كي سمعات صوتو .. يالله كانت غاتبتسم و هي تجمعها و قلبات عينيها"

حاتم .. عليكم السلااااام و رحمة الله .. جابك الله يا اخي .. هاد المرا عندك ولات عنيدة كثر من الدراري الصغار مابغاتش تاكل ..

تاج الدين .."حط شغف و مشا لجهة ريماس جلس حداها و حط رجليها على فخاضو'' غاتاكل بالسيف عليها .. هازة زوج نفوس ماشي غا واحد ..

ريماس .. "كادوي من تحت نيفها" على اشاش هامينك ..

تاج الدين .."هرها تحت رجلبها " شكون بغا يهمني لا ماهمونيش هوما نتي مثلا ..

ريماس .. هااااااااا نطقتيها بفمك .. حااااتم شهد عليييه سمعتيييه ااااش قاال ياااك ...

حاتم .."حط البلاطو فوق الطبلة" حبي .. ختي العزيزة .. "باس لها راسها" ماندخلش بين مرا و راجلها انا .. 

غمز لتاج الدين و ناض خرج هو و شغف و سد الباب عليهم ..بقات ريماس غا كاتشوف فيه و حالة فمها تا جاتها بوسة للفم ..

ريماس .."دفعاتو" عممممرك تعاودها😡

تاج الدين .. مرتي .. حلالي و انا حر نتي مالك ..

جات تنوض و هو يجرها جابها فوق رجليه خشا وجهو فعنقها باسها بوسة طوييلة تا بوورشات .. دخل يديه تحتت التيشرت لي كانت لابسة و بدا يتلمس فكريشتها

تاج الدين ..ايمتا غاتكبر هاد الكريشة متمني نشوفها و هي كاتكبر .. نهار بعد نهار ..شهر بعد شهر ..

ريماس .."حسات براسها بدات كاتخدر" حيد حيد عليا يديك ياااك قلت ليك ماتعاودش تقيسني و ماتعاودش تجي لعندي ..و صيييمااانة ماااا جيتي تا النهار لي غانخرج فيه بركتي سااا سااالييييتي خدمتك عااد جاي كاتمختر عليا بشاااااخ ..

تاج الدين .. ههههههههههه ديك الصيمانة كااملة و انا مور الباب ديال البيت لي كنتي ناعسة فيه .."باسها فكتفها'' و اليوم مشيت للشركة حيت كانت نايضة فيها الروينة ..ساليت و جيت كانجري ..

ريماس ..ايييه عااارفة الخدمة اهم مني عادي جدا انا اصلا عارفة راسي ماشي مهمة عندك ..

تاج الدين .."عضها فعنقها و يديه كيدوزو على كرشها و كينزل بيديه للتحت😂" كيفاش ماهامانيش .. ابعدا عندي واحد الخبيرة غاتعجبك ..😉..

ريماس .."كاتصنع البرود" شنو عاود ..

تاج الدين .. تعقلي على ديك لي ماكنتيش تحمليها عندي فالشركة ..؟؟

ريماس ..شكون خاريااانا ..

تاج الدين .. تماماااا ههههههههههه ...

ريماس .."قفزات و شافت فيه" ماالها مااتت ..

تاج الدين .. ههههههههههه السلاماات .. الا ماماتتش جريت عليها اليوم ..

ريماس .. " لمعو عينيها بالفرحة" و علاااش ..

تاج الدين .. لقيتها كادور براجلك و انا عارف راجلك ملكية خاصة 😉

ريماس .. بلاتي بلاتي ..."كاتضور هضرتو فراسها" كيفاش كيفاااش كادوور بيك ..؟؟ اش قالت ليك ..

تاج الدين .. خليها مستورة مكين لاش نفضحها بداكشي لي قالت .. المهم اني عرفتها كاتقلب على فرصة باش تدخلني ...و هاد النوع هذا انا كانمقتوو ..

ريماي ..."قلبات شفايفها وهزات كتافها" و انا ماالي .. الدور بيك و دور بيها انا شااكووو .. ''غفلاتو و ناضت " نوض سير فحالك ..

تاج الدين .."وقف و بدا كيطوي فالكمايم ديال الشوميز و على فمو ابتسامة جانبية" نتي مالك!! همممم .. "كيقرب ليها و هي كاترجع لور "قلتي دور بيا ولا ندور بيها نتي ماشي سوقك هممم .."لسقها مع الحيط و حاصرها بيديه" امممم شنو دابا نمشي نرجعها للخدمة !؟

ريماس .."بدلع'' بلابز عينيك نجبدهم😑

تاج الدين .."تكرشخ بالضحك" هههههههههههههههه ... وينوو على المغيار ديالي .."باسها فحنكها" ماناويااش !؟

ريماس .."طلعات فيه عينيها" ااش؟؟

تاج الدين .. "باسها فالحنك لاخر" ماناوياش تصفي الخواطر😉 "باسها فعينيها" توحشت عوينااتك القطة الرومية .. 

ريماس .. "قربات دوب من ريحتو بقات غا كاتستنشق فريحتو لي دوخاتها دارت لها العجاجة فراسها بالحق حلفات لا تنازلتت ليه على حقها" بغيت الموونگ .. بغيت بزاف منو .. 

تاج الدين .."باسها فنيفها" ههههههههههه كاتهربي .. واخا الالة على خاطرك بالحق صبري قرب يتقاضاا و الى خطفتك وهربت مايلومني حد ..😉..

ريماس .. بغيت المونگ😢

تاج الدين .. ههههههههههه واخة الالة نجيبو المونگ. ..'' نزل على ركابيه و هز لها التيشرت باس كرشها " على ودكم الخنيفسات راني صابر اما كون راني درت لها زوج فواحد .. 

ريماس"...حتبسة الضحكة" يالله جيب ليهم المونغ 

تاج الدين .."شد وجها بين يديه و زير عليها. ببوسة تا تقجات" اااحححح على هاد القنينفاات اححح .. 

ريماس .. ماعندكش الحق تبووسني رد بالك ..

تاج الدين .."خزر فيها و جرها لعندو عنقها" غاتحمقيني ابنت الحرام ..

باسها فعنقها مرة اخيرة .. و تم خارج تا وقفاتو .. 

ريماس.. احم .. تاج الدين ؛!!

تاج الدين .."ضار عندها" حياتو ..!

ريماس .. احم .. جيب ليا معاك .. امم جب ليا معاك .. اممم جيب ليا شي حاجة ديالك .

تاج الدين .."طلع حاجبو'' شي حاجة ديالي؟؟

ريماس .. اممم .. زعما شي خاجة كاتلبسها!! 

تاج الدين .. علاش!!

ريماس .. اوووف جيب ليا شي حتجة فيها ريحتك بغيتها و صافي ماشي سوقك ..

تاج الدين .. ههههههههههه هبيلة صافي واخة الالة .. شي شوية يكون عندك كاع لي طلبتي .. بغيتي شي حاجة اخرى؟

ريماس .. بغيييت الشكلاط بزاف منو ..

تتج الدين .. هههه واخة الالة .. 

خرج تاج الدين و خلاها عاضة على شفتها و كاتبتسم .. تفكرات رزان و خذات تليفونها اتصلات بيها مجاوباتهاش فالاول عاودات تصلات و جاوباتها طمئنات عليهاخبراتها باش تجي عندها و داكشي لي كان واعداتها تجي لعندها تا هي كانت محتاجة ريماس دوي معاها حيت هي اكثر وحدة كاتفهمها و عارفة كولشي على علاقتها مع فاروق ...

خرج تاج الدين و خلاها عاضة على شفتها و كاتبتسم .. تفكرات رزان و خذات تليفونها اتصلات بيها مجاوباتهاش فالاول عاودات تصلات و جاوباتها طمئنات عليهاخبراتها باش تجي عندها و داكشي لي كان واعداتها تجي لعندها تا هي كانت محتاجة ريماس دوي معاها حيت هي اكثر وحدة كاتفهمها و عارفة كولشي على علاقتها مع فاروق ... ماهي الا نص ساعة رجع تاج الدين محمل الشكلاط و صندوق ديال المونگ سمعات حسو و دارت راسها ناعسة .. دخل لعندها تا هو على نيتو غطاها و باسها فراسها بقى مدة كيشوف فيها و نزل باس لها كرشها .. حط لها تيشرت ديالو حدا راسها عاد خرج ... كي سمعات الباب ديال الدار تسد و هي تنقز ناضت كاتجري للكوزينة تا تصاطحات مع حاتم..

حاتم .."بغات تخطاه و هو يجرها من القب ديال القبية" اجي لهنا اديك الشويطينة .. يا كنتي ناعسة فاش دخل عندك تاج الدين!

ريماس .."ببرائة" دابا انااا مابغيتش تشوفو زوج مرات 😢

حاتم .. خفتي على راسك ههههههههههه راه داكشي لي بغيتي فالكوزينة يكفي العمارة كاملة..

ريماس .. هااااححححح😍

حاتم .. مزال نشوفك نازاة كاتجري نسلخكالطبيب قال ليك بشوية عليك .. مفهوووم ..

ريماس .."حركات راسها بطريقة طفولية "

طلق منها خلاها مشات ديريكت للكوزينة فحال لا مبرمجينها خذات البلاستيكات لقات فيهم الأنواااع ديال الشكلاط دارت الكرسي و طلعات فاق البوطاجي و ربعات الجليها حطات البلاستيكات قدامها و جلسات عليهم هاك بلاك تفتح هادي و تعض منها و تفتح لوخرة و تعض منها تا ولا المذاق ديال لسانها مر بكثرة الحلاوة .. المونغ ماقداتش تشوف فيه واخة كانت مشهياه هزاتو كلو رماتو فالطارو تالزبل و سدات عليه مزيان ماحملاتش تشم ريحتو حداها كيجيب ليها الغثيان .. رجعات نقبات من الشكلاط ديالها و شربات الحليب تا شبعات عاد نزلات كاتمخطر دازت حدا حاتم فحال لا مبوقة لاتو كيشوف فيها و كيضحك .. طلعات لبيتها دخلات للدوش غسلات وجها لي كان مجلخ بالشكلاط و حكات سنينات عاد مشات تخشات فبلاصتها و نعسااات ..... 

#في_مكــــــان_آخر

تاتيانا .. " كاتمشي و تجي فالصالون ديال دارها" .. اناااا .. انا يدير فيا هاد الحالة .. الكلب .. ماعااارفش قييمتي .. ماعااارفش شكوون انا .. بالحق انااا غانعرفو .. انااااا غاااانعرفووو .."خذات تيليفونها و دورات نمرة عشق .." هاااي هاااي .. كاتقطعي علياااا القحبة .. بااغاني نلبسها لوحدي .. لا تحلمييش ههه .. "دورات راسها لجهة الشخصلي كان جالس فوق الكانابي و تابعها فكل خطوة .." غاتبقى تحنزز فيااا هكذاا فكر لياا فحك .. 

(الشخص) .... شنو غاندير امدام .. كي دخلت قلتي ليا جلس و سكت ..

تاتيانا .."جلسات قدامو" اااافففف نتا لي كنتي ناقصني .. شوووف .. بانو ليا كاع المطط كيفشلو .. ناااري و يعرف تاج الدين بلي انا مولات كاع البلانات لي طراو ليه هو ديك البرهوشة ..بربي مانعقل عليك ..

(الشخص) ...لاا ماتخافيش .. المرة الاولى فاش دويت معاه الكارطة هرستها و فاش صيفطت لو التصاور فالايمايل غلقتو ..ديجا فتحت من سايبر كافي فسلا .. ماعندك مناش تخافي امادام ..

تاتيانا .. "حطات يدينا على راسها" لالا مامطمئناش .. يعد الهضرة لي قلت لو اكيد غايشك و غايشك فيا ..اكييد .."كاتغوت على الخدامة" جيجييييي ..جييجي جيييبي لياااا قهوة بلااااا سكاااار ..

الخادمة ..اوكيي مدام ''شات كاتجري للكوزينا''

(الشخص) مكانش عليك تقولي ديك الهضرة ...مشكلة ..

تاتيانا..اوووف انا ماعقتش بروحي اش كانقوول فااش رفضني .. ماحنلتش الستون .. و انا فاش كانتعصب كانولي كلي نترعد و نتجنن .. كانفقد السيطرة على اعصابي.. فحال كيف راني نترعد دابا .. راسي غاينفجر .. ماجبتيش ليا ديك الدوا لي كاتعطيني .. فاش كانتعصب ...

(الشخص) .."ابتسم بالجنب" لالا امدام لا كترتي منو غاضرك .. 

تاتيانا .. ماااشي سوووقك غير عطيني ..

(الشخص) ... ميمكنش ندير شي حاجة ضرك ولكن اش غانقول ليك .. باش نشريها ليك خاصيني فلوش ..

تاتينا .."رمات ليه سوارت الخزنة " هااك .. "شادة فراسها" سييير جيبو ليا .. هاددو سوارت الخزنة .. سير خود منها لي بغيتي .. لي غايقدك ..خصني الدوااا باش نتهذن شوية باش نفكر مزياان ..ميمكنش على ودو نضيعو .. تا الكلبة ديال عشق ماكاتجاوبنيش بالحق بربي لا بقات فيها ..

(الشخص ) ...."زير على السوارت و ابتسم باستهزاء'' من الاول قلت لك امدام ندوزو للخطة "ج"

تاتيانا ..هاد الخطة هي لي غاندخلو فيها .. و فاقرب وقت .. ماعندناش الوقت بزااف فهمتي .. 

(الشخص)... غير تهدني انا غانتكلف بكولشي .. ولكن كين واحد المشكل 

تاتيانا ..اوووففف ماتعصبنيييييش"شيرات بفاز" واش باغي تحمقنيييي .. كل حاجة كاتخرج ليا فيها مية مشكل و مشكل ..

(الشخص ) ... "جبد من جيبو ساشية فيها كينات عطاها قرقوبيات تعدي بيهم😂" هاكي لقيتهم فالجيب مكنتش عارفهم عندي تهدني باش ندويو .. 

تاتيانا .."خذاتها عندو بالنطيرشرباتنها بالزربة" اووف .."تكات على الكنابي .. " ..

(الشخص) ..خاصيني فلوس حتى لخطة .. مكينة تا حاجة فابور و هاد المرة غايخدمو معايا الدراري ماشي بوحدي ..

تاتيانا .."مغمضة عينيها" عندك السوارت سير خود لي يكفيك ...

مشا ديريكت للخزنة خذا لي يقدو و اكثر بكثير و رجع رما لها السوارت ..

(الشخص) هاني مشيت .. تشاو .. فاش غانبدا الخطة غانتصل بيك ..

تاتيانا .... ماتعطلش عليا ....

خرج من عندها خلاها يالله كاتستونا مع مخها و تشد برجها .. 

صباح جديييد فاقت ريماس ناشطة على غير العادة كانت معنقة التاشرت ديال تاج الدين .. استنشقات ريحتو حتى عمرات رأتيها و طواتو بطريقة مقااادة و دخلات خذات دوش خفيف توضات و خرجات صلات صلاتها .. نشفات شعرها و لبسات لبيسة فالابيض مع كلاكيطة تا هي فالابيض .. جمعات شعرها على شكل كعكة مهملة و نزلات لقات حاتم عاد داخل و هاز معاه ميكات ..

ريماس.. فين كنتي ..؟؟

حاتم .."باس ليها راسها" .. كيقولو صباح الخير انعاسة ..هههه

ريماس.. ههههههههههه صباح النور..واخة ما باقي صباح وقت الغدا هادي ..

حاتم .. هههه و داكشي لي جايب ليك تا انا نيت .. "مد لها الميكات .."

ريماس ..اش هادشي ..؟؟

حاتم .. كينتاكي .. بصححتك ..

ريماس .. احح عليك و خلاص😍 "باستو فحنكو و جلسات فوق الكرسي حطاتو على الطبلة و بدات كاتجبد و تاكل " امممممم بنين ..

حاتم .. واش فطرتي و كلتفطري باللحم!!

ريماس ..كانفطر بالدجاج ماشي اللحم هنهنننه 😁

حاتم.... اسعدي افرحي بيك .. مفترسة صافي .. 

ريماس... هههههه راني كماكل لثلاثة دالناس ...

حاتم .. قول تلاتة تاالوحوووش .. ههههههه ..

ىيماس .."خمسات فوجهو" ممسة و الخمامس و الحرمل فالكمامس كيف ما شتيني تخليني انا وليداتي ..

حاتم .. ههههههههههه العفوو منك ..

بقاو مرة بالضحك مرة بالنكير تا كملات ماكلتها و خرجو بزوج بركو فالصالون بينما وصلات الوقيتة لي غايجيب فيها حاتم شغف من المدرسة ..تا سمعو الدقان فالباب .. ناض حاتم فتح كانت رزان لي جات كيف واعدات ريماس ...

رزان .." جلسات حدا ريماس و حدرات راسها" ..

ريماس .."كاتشوووف فيها و حاطة يديها على خدها" اش هاد الحالة درتي فشعرك ..

رزان .. "شدات اطراف شعرها كاتشوف فيهم'' ههه .. لاش كانتعصب كاندير شي موصيبة و الموصيبة هاد الخطرة طلعات فشعري .. 

ريماي .. زعمة الطنطون ديال مخك ما قال لك اصبغيه غا بالغوز ؟؟ 

رزان .. اودي ماشي مهم اللون ..

حاتم ..جيتي فحال باربي هههع

رزان .. كاضحكو عليا دابا ههه..

ريماس .."تكحازت لحداها" قولي ليا مالك ..؟

رزان ..''شافت فحاتم لي كان شاد التيليفون و جالس معاهم" ماشي شي حاجة ..

ريماس .. كيفاش ماشي شي حاجة .. حاتم عافااك اخويا واخة تخلينا بوحدنا !

حاتم .."جمع الوقفة'' اه سمحو لي ..

ريماي .."تلفتات ليها بعد ماخرج حاتم" مالكي قالو ليا سادة على راسك و ماباغا دوي مع حد!؟ و مكاتاكليش ياك لباس ..

رزان .."حطات يديها على عينيها لي بداو كيدمعو" فااروق هءههء .. 

ريماس .. "حطات يدها على قلبها" فارووق .. مالو؟؟ اش وقع ليه!!

رزان .. مشا عند تاج الدين .. هءههء😢 قال ليه باغي نتزوج ختك .. ضارب معاه و جرا عليه و قال ليا هذا ااخر واحد نفكر نزوجك بيه*..😢

ريماس .."ربعات رجليها" لالا بلاتي !! عاودي ليا من الول .. بالديطاي ..

رزان .."بدات تعاود ليها لي وقع ... بين تاج الدين و فاروق .. و بينها و بين تاج الدين " ماعرفتش اش حاسبني .. هءههء واش انا ماعزدي شخصية . انا راني قدك .. و عندي عقلي فراسي .. شوفي نتي عندك بنت و حاملة و انا مزال تا ماعندي الحق نختار الانسان لي نكمل معاه حياتي ..ماشي الظلم و الحكرة هااادي .. 

ريماس .. اويلي اش يصحاب ليه راسو هذا .. عيق.. بربي لا عيق داير علينا فرعون😡...

رزان .. هانتي شوفي الحالة لي داير غليا و الله تا حشومة عليه هءههء .. انا مستحيييل نتزوج بشي واحد غير فاروق .. و هو قال لي نزوجك لاول وتحد يجيك و فاروق ماتحلميش بيه😢 علاش انا ماعنديش الحق نختار بحال كاع البنات هءهءههءه😭😭 

ريماس .."جراتها لعندها عنقاتها"صافي اصاحبتي كل حاجة ليها حل و داك خوك اناغانعرف شغلي معاه .. انا عارفاه علاش رافضو ..

رزان .."شافت فيها" بصح عارفة لاش اختي رافضو قولي ليا !!

ريماس .. احم .. شوفي فالوقت لي تفارقت مع تاج الدين كنت فتركيا و فاروق كان فحال خويا يعني كيعاوني و كولشي .. و تاج الدين فاش عرف كان كيشك بلي بينو و بيني شي حاجة المهم فاش تصلحات الامور بقا حاقد عليه مكيحملوش ..فهمتي و حاجة اخرى اخت فاروق مليكة .. سحارة .. 

رزان .. "شوكاتها"هاااء كيفاش سحارة ..!!؟

ريماس .. ههههههههههه ماشي شريرة ماتخافيش .. هههه بالحق هي مهووسة بداكشي ديال السحر الاسود و ممكن لا شافت فعينيك تقراك كلك و تعرفك فاش تتفكري .. 

رزان .. هاناااري .. بصح ..!!

ريماس .. وي و ماااعندهاش مع بنادم .. غانقول لك شي حاجة المرة اللخرة لي مشيت فيهالعندها قالت ليا قولي لاخت راجلك فاروق ماكيبغيش الخفة تجمع راسها شوية ..

رزان .."حلات فمها'' و هادشي وااش كين بصح ماشي فالافلام ..

ريميا .. انوضي الله يجيبك على خير .. دبصح هادشي تا انا مكنتش كانتيق .. اختي شفت بعيني بالسيف نتيق ..

رزان .. بديت كانتخلع ..😳

ريماس ...يعني صافي مابقيتيش باغا فاروق ..؟؟

رزان.. اويلي على ماباغاهش مالو هو بهادشي و زيدون اناغانتزوج بيه ماشي بختو ..!

ريماس .. مزيااان دابامتفاهمين ..و دابا بغيت نمرة فاروق حيت مشات لي ..

رزان... علاش ؟؟

ريماس .. غاتبقاي تسولي فيا بلا فايدة قلت لك اري يعني اري و غاتنوضي تمشي بحالك و السلام ...

رزان .. واخة.. "ملات عليها نمرة فاروق سجلاتها" صافي .. انا غانوض دابا .. تهلاي فراسك و فاافنيكيشات ..

ريماس.. ههههههههههه واخة الالة..

رزان .. مزال ماناوية ترجعي مع تاج اليدن ..

ريماس .. لا مزال .. عندي ليه شي بلانات ..

رزان .."سلملت عليها بالوجه" خرجيها منو خليه يتعذب كيفمعذبني ..

. ريمااس .. ههههههههههه لا توصي حريص كوني هاانية ..

... 

خرجات رزان ركبات الاوطو ديالها و اتجهات للفيلا كي وصلات حدا البوابة لمحات الاوطو ديال فاروق سينا لها بالفار باش تبعو بالحق مشات ديريكات دخلات للفيلا حابسة البكية و طلعات نيشان لبيتها سدات عليها و مشات للسرجم كاطل عليه .. هزات تيليفونها لقاتو كيصوني عليها قطعات عليه و كتبات لو لو ميساج ...«سمح لي منقدرش نشوفك و نعرضك للخطر .. تاج الدين صعيب و انا ماقادة على غضبو .. الله يخليك تا نحلو المشكل عاد نقدر نشوفك .. كنبغيك ..» صيفطات لو الميساج و سدات التيليفون .. عاودات طلات عليه من مور الستارة و عينيها عامرين بالدموع بكثرة ما توحشاتو ..ما جاها فبالها غير اغنية جوزيف عطية .."تعب الشوق " 

تعب الشوق يشتقلو ...

تعب القلب يندهلو قلبي ما حب ....

من قبلو لاااء عندي حنين لعيونه عمري لمين .. 

من دونه ان مرئو سنين...

ما بخونه لو خان .. كل العشاق

فاش مشات رزان ..رجع حاتمعندريماس خذاها و مشاو جابو شغف لي لقاوها هي و رائد جالسين فكوان حاطة راسها علىكتفو و هو كيلعب لها فشعرها ..

حاتم ..هاكاواا. . ههههههههههه ...

ريماس .. ه‍ههههههههههههههه عرفتي و يشوفهم تاج الدين .. يعصيهم بزوج .."تقبض قلبها كي نطقات سميتو و تفكرات فاشكانت كاتجي هي و ياه ياخدو ريماس و رائد و كي كان كيتعصب تاج الدين فاش كيلقاهم بزوج" ..

حاتم .."شافها ساهية و دوزيديه على عينيها"هاااي ..ياك لباس فين مشيتي ..

ريماس .."ابتسمات ليه" هه والو ..غير تفكرت شب حاجة ..

حاتم .."عنقها بيد وحدة .. عارف اش بيها" و ملي نتي ماقاداش على بعادو .. لاش دافعة كبير ؟؟

ريماس .. على فعايلو الزينة..😒 مابقيتش قادة نتيق فيه ..

حاتم ..ايايااااي نفسك خايبة ابنت الواليد فحال باك ههههه .. تيقي فيه .. على ضمانتي .. ماغاتلقايش لي يبغيق قدو ...! فكري مزيااااان .. 

ريماس... "عينيها تجمعو فيهم الدموع ..ولات ديجا على سبة" راك شتيه اش دار فيا .. 😢

حاسم .. تانتي غلطتي ماتقديش تنكري هادشي ؛!واعديني غاتجلسي مع راسك و تفكري مزياااان ..بيناتكم وليدات تبارك الله متجاتش تريبو ديك العلاقة لي بينكم .."عنطش لها شعرها ... يالله واعديني .. مالك ساكتة ..!!

ريماس ..ههه واخة .. وعد غانفكر ..

حاتم ..مزيان .. يالاه تجيبو بنتك بانت ليا كيديها النعاس ...شتي دوك الزوج كانتنبئ ليهم بمستقبل زاهر ههههههههههه ...

ريماس ..سكت ما يسمعك باها ههههههه ..

مشاو لعند شغف خذاوها و سلمو على رائد و خلاوه كيتسنى فباه ياخدو .. اما هوما خذاو عشا جاهز فالطريق و اتجهو للدار طلع حاتم يبدل حوايجو ..اما ريماس عشات شغف لي كان فيها النعاس و خلاتها طلع لبيتها و مشات هي ديريكت جلسات فالصالون خذات تيليفونها دوات مع فاروق .. عاود ليها لي وقع بينو وبين تاج الدين .. وصاتو بالصبر و واعداتو تحل ليهم المشكل ..ديالهم ..قطعات معاه فاش جلس حداها حاتم ...

حاتم .."سمع بلي كانت داوية على رزان ..'' مالها رزان!؟؟

ريماس .. عندها مشكل مع تاج الدين .."ربعات رجليها" خلينا منهم .. اجي قول ليا نتا ماناويش تزوج

حاتم .. لا مناويش .. ههههههههههه 

ريماس .. عمرك بغيتي شي وحدة ..؟

حاتم .. بغيت .. شحال هادي بالحق كرهاتنش فصغرها فيها بتصرفاتها .. و زادت كرهاتني تا فكبرها .. دابا وليت كانحس بالكره ديال بصح من جهتها ..

ريماس .. "صغرات فيه عينيها" عشق!!

حاتم ..."حرك راسو بالايجاب .."

ريماس... عرفتي ماغانسولكش علاش و لا كيفاش ماتزوجتوش حيت هاديك فعلاانسانة لا تطاق .. و العيشة معاهاا كاتقصر العمر.. 

حاتم .. خلينا من سيرتها .. عندي ليك مفاجأة ..غاتعجبك بزااف ..

ريماس .. شنو هي 😍😍

حاتم .. ههههههههههه ماغاتبقاش مفاجأة لا قلت لك شنو هي ..

ريماس .. اووف ماكنتيش تقول ليا كااع اوووف كانكره فحال هكذا .. بففف

حاتم.. ههههههههههه واخة الالة اجي نقول لك و نحرقو بوها هاد المفاجئة .. الاسبوع ااجاي نهار الاثنين بالضبط غاتمشي تفتتحي المدرسة ديالك ..

ريماس .. ها!! شمن مدرسة؟؟ بسم الله عليك اخويا 

حاتم .. ههههه عقلتي على المشروع لي قلت لك عليه المرة الاولى على مدرسة ديال التصميم؟؟

ريماس .. اه !! هاء علاه كان بصح 

حاتم .. ههههههههههه يه بصح و وجدات بقات خصك غا تدشنيها ... 

ريماس .."برقات فيه عينيها مدة و طارت عليه عنقاتو" ااااعع٧ععععععععععع😍😍 احلى مفااجئة من احسن أخ كانبغيييك بزااف ..

حاتم .."عنكش ليها شعرها ..'' ههههه من اليوم اي حاجة بغيتيها ماتردديش طلبيها مني .. انا خوك و فمتابة باباك دابا .. و اي حاجة ضراتك نحييها ..

ريماس .. احم. .حاتم بغيت نقول ليك شي حاجة ..!

حاتم ..اما هي ؟؟

ريماس .. عشق .. خلبنب مني ليها عافلك ..مانبغيش تاج الدبن يعرف بتا حاجة ..

حاتم ..عاوتاني .. غاتغلطي نفس الغلط واش نتي ماغاتوبيش..

ريماس ..سمعني اش بغيت نقول لك بعدا !! .. شوف انا غانخليها هي تقول ليه كولشي ..

حاتم .. وحدة دارت هادشي كلو باش تفارقك مع خوها .. مانتوقعش منها نهائيا تمشي عندو و تقول ليه البلان لي وقع معاك انا سبابو ..!

ريماس ..نجربو ماخاسرين والو ..انا بغيتها توقف قداام تاج الدين و تقول لو اناا و تاتيانا لي فارقناك مع ريماس .. حنا لي صورناها .. و حنا لي درنا كاع داك البلان .. 

حاتم .. واخة .. ديري لي يريحك ..انا ماكاتهمني تا حاجة من غير راحتك ..

ريماس .. الله يخليك ليا 😍...انا غانمشي نعس دابا .. حاسة براسي عيانة ..

حاتم ..ماغاتاكليش ..!!

ريماس .. ماقديتش .. نقبت مع شوشو شوية تالفريت ..

حاتم.. واخة سيري رتاحي ليك ..و فكري .."كيدور صبو جهة عقلو'' فكري مزيااااان مزيااااان

ريماس .. ههههه واخة .. بونوي ..

طلعات لبيتها مشات للدوش توضات و خرجات صلات لي عليها.. جلسات فوق السجادة و هزات المصحف قرات منو ما تيسر و طلباتاللخ يرشدها للطريقة الصحيح .. لبسات حوايجها و تكات فبلاصتها ..عقلها كيديها و يجيبها .. .. هضرة حاتم كاتديها و تجيبها و تا هضرة هاجر لي ديما كاتعايرها باش ترجع ليه .. و فسط تفكيرها فتاج الدين مشا لها بالها لعشق ... هزات تيليفونها و دورات نمرة ديالها ....

هضرة حاتم كاتديها و تجيبها و تا هضرة هاجر لي ديما كاتعايرها باش ترجع ليه .. و فسط تفكيرها فتاج الدين مشا لها بالها لعشق ... هزات تيليفونها و دورات نمرة ديالها ....

ريماس ... سلام .. عشق معايا؟؟

عشق .. وي شكون معايا ..!!

ريماس .. ههههههههههه. زعمة انا مسيفة نمرتك و نتي لا حشوومة ..معاك ريماس..

عشق .."تقادات فالگعدة'' اه ريماس .. كيف ديايرة اختي صافا؟؟

ريماس .. ختك ؟؟ ههههههههههه زوينة هادي .. ماعلينا من هاد الهضرة ماعندي مانگجدر بيها .. تصلت باش نقول لك زوج كلمات .. 

عشق ..واخة .. تفضلي ..!!

ريماس .. سمعيني مزياااان .. نتي عارفة بلي السبب باس تفارقت مع تاج الدين هو نتي و ديك صاحبتك !!

عشق .. و طلبت منك السماحة ..

ريماس .. و تا انا كانقول لك اعتذارك مرفوض .. لكن .. كينة واحد الطريقة لي ممكن نفكر غييير نفكر نسامحك و لا نخلي الامور تمشي فمجراها بلا مانعترض على تا حاجة ..و نخلي علاقتنا تحكم فبها الايام ...

عشق .. شنو هو شرطك؟؟

ريماس ..تاج الدين غايعرف بهادشي لي درتو .. سواء مني .. او من حاتم .. او هاجر ..ممكن يعرف من ابيي واحد ..فالاخير غايعرف .. و المطلوب منك نتي تقولي لو كوووولشي .. يعني .. تعترفي بالجريمة ديالك .. و ديال صاحبتك .. بغيت كااع داكشي لي خططتو لو .. تاج الدين يعرف بيه .. و حتى هادشي غايكون فمصلحتك .!! حيت دااائما لي كيسلم نفسو .. عقوبتو مكاتكونش فحال لي كينكر ..يعني غاتمتعي بضروف التخفيف ..

عشق .... ااش قاتقوولي .. انا منقدرش نواجهو ..ممكن يقتلني ..

ريماس ..تتت ...مايقتلكش..انااكتشفت بلب تاج الدين عاقل... ممكن يتحكم فغضبو ..غير تهناي ...

عشق .... غايقلب عليا .. خلي فقلبك شوية تالرحمة ..الله يخليك اريماس ..

ريماس .. ههههههههههه فين كانت الرحمة فاش خرجتي ليا على حياتي لي يالله قلت هاهي استقرات!!علة العموم ..عطيتك فرصة .. يبان لي مابغيتيش تستغليها .. بفف .. نتب كرة ..انا درت لب عليا .. و الباقي عليك .. تهراي ..

عشق ..لالا .. تسناي .. واخة .. غاندير لي قلتي لي .. بالحق.. خصك تعرفي بلي هادشي لي غاندير خطييير .. الى وقعات لبا شي حاجة .. كوني اكيدة .. بلي تاتيانا هي السبب ..ممكن ديب اي حاجة باش يكون تاج الدين ديالها .. داك النهار كنت باغية نحذرك بالحق نتي ماسمحتيليش تا ندوي معاك ..تاتيانا هدداتني بالموت لو حليت فمي .. و باش تعرفي بلي نيتي صاافية ...انا دابا غادي نمشي ندوي مع تاج الديت .. و لي بغا يطرا يطرا .. و سمحي لي خطرة اخرى !!

قطعات الاتصال و مشات ديريكت للحمام غسلات وجها و استجمعات النفس فصدرها .. فتحات باب بيتها و اتجهات لبيت تاج الدين .. دقات و فاش سمعاتو سمح ليها بالدخول دخلات لعندو بشوية و كاتفرك يدها .. 

عشق .. تاج الدين ..!! واخة ندوي معاك شوية ..؟؟

تاج الدين.."كان كيقرا ف "صحيح مسلم " سدو و طلع فيها عينيه" مرحبا .. اجي جلسي .. 

عشق.."جلسات قدامو'' السيجي لي غاندوي معاك فيه .. يمكن يعصبك .. يمكن تضربني .. يمكن ماتعاودش تشوف فوجهي .. بالحق .. ضروري ندوي ونقول لي كاين ..

تاج الدين ..دوي اعشق راسي ضارني ماعندي ماندير بالحجايات ..

عشق .."تنهدات و جمعات النفس فصدرها .. حسات براسها غاتسخف قدامو و سهات شوية كي طلعات عينيها نطقات حيت تحولو شوفاتو لتخنزيرات'' احم .. بغيت ندوي معاك فالموضوع ديال ريماس .. داكشي لي كان السبب ف فراقكم ..

تاج الدين .. وبففف .. و نتي اش علاقتك !!

عشق .. علاقتي هي اني انا مكنتش الاخت المثالية لي كان كيضنها خويا !! انا لي كنت السبب باش تفارقتو .. انا .. و تاتيانا .. كنت باغاك تزوج بيها ..حيت كنت ضانة ريماس بنت رحيم .."تنهدات و عاودات ليك كووووووولشي فاش تافتو ساللكت '' انا و الله تا من خووفي علبك و غيرتي عليك منها درت داكشي كلو ..انا و الله تا نتا و خوتك هوما حيااتي و نفديكم برووحي كنت ضاناها غاتآديك .. لي داز علينا مساهلش .. قلبي مكانش مهنيني .. الله يعطيني مصيبة لا غا كنت خااايفة عليك منها .. دابا ندير اي حاجة باااش ترجعو عافاااك غبر ماتعصبش عليا ..

تاج الدين .."كيشوووف فبها و يضور السبحة بيديو تا قطعها و شتتها" مانتعصبش عليك ..!! هههه .. وووااو ..عشق .. ختي .. لي فمقام الولبدة الله يرحمها .. غير قولي ليا راك كاتفلاي !! ياك ..؟؟ غا كاضحكي معايا .. !!

عشق .."عينيها دايزين بالدموع حنات راسها و حركاتو بمعنى لا" ...

تاج الدين .. "ناض من حداها و هز يديه لفوق '' هاين .. ماغانتعصبش عليك اختي الحبيبة .. ولا غلنضربك .. عرفتي علاش ..؟؟ ههه حيت حاس بالاشمئزاز منك .. لاول خطرة كانحس بالنفور .. ماغاندير ليك والو.. ولكن .."هز الفيست ديالو" ماباغيش نشوف وجهك مرة اخرى .. لا ضوري بيااا .. ولا بمرتي ولا ولادي .. و الا بعزة جلال الله نعصى فيك لي خلقني و خلقك .. سمعتي !!؟..

عشق .."بغات تشدو " عافاك ههءهءههء😭😭😭😭

تاج الدين .. "غوت تا زعزعها" يديك ماتحطيهمش عليا فهمتيييي.. 

هز تيليفونو و خرج مكشكش ... مكيشووفش قداموو كسييرا بالاوطو ديالو و خلا وراه العجاجة وقلب اختو كيتقطع وراه .. ..و الوجهة غبر معروفة بقا غااادي و ماعارفش راسو فين غااادي تا وقف الاوطو خاارج المدينة وسط الطريق .. خرج منها و ردخ الباب .. قلبو حس بيه كيضرو ديال بسحكتكثر انسان تقلق بيه خانو و غدرو ..ختو ..ماشي واحد غريب .. ختو دخلات بينو و بين مرتو كي السوسة بسبب حوايج تافهين ..!! او ولاو تافهين بالنسبة ليه من نهار تعلق بريماس ...غمض عينيها و ركل الرويضة ديال الاوطو برجليه و طلق غوتة فحال اسد مجرووووح كيزأر .. مخرجها من صدرووو ببحة فشكاال .. كان كينهج بالاعصاب .. ماحملش راسو ..و كره ختو لأبعد ااحدود ..

.. ختو دخلات بينو و بين مرتو كي السوسة بسبب حوايج تافهين ..!! او ولاو تافهين بالنسبة ليه من نهار تعلق بريماس ...غمض عينيها و ركل الرويضة ديال الاوطو برجليه و طلق غوتة فحال اسد مجرووووح كيزأر .. مخرجها من صدرووو ببحة فشكاال .. كان كينهج بالاعصاب .. ماحملش راسو ..و كره ختو لأبعد ااحدود ..جلس فوق الاوطو ديالو كيحاول يتهدن بالاستغفار .. انتضم تنفسو و ترخااا .. كيفكر فكااع داكشي لي طرا .. كاع الكلام الي قال لريماس فاش كان شاك فيها .. جرحها بكلام نابي .. بصفات ماكينينش فيها .. قال لها حوايج مكانش عليه يقول لهم ..ضرب راسو تا حس بيه تزعزعو تنهدد .. ماعرفش اش يدير يخليها تسامحو حيت فعلا حياتو بلا بيها فاارغة .. ركب الاوطو و اتجه للبرطمة ديالو يجلس فيها حيت ماتلاش متحمل حتى يسمع سيرة عشق .... أما ريماس باتت لليلة كاااملة كاتفكر .. تا سمعات التيليفون ديالها كيصوفي ...

ريماس..."بصوت ناااعس'' الوووو...

تاج الدين .."ابتسم كي سمع صوتها" داخلة لقلبي كيف السهم ..

ريماس ..."سمعات صوتو و قفزات"هااء ..نتا .. شنو باغي ..؟؟ لاش متصل اش عندك؟؟

تاج الدين .. عندي الزين و غايب على دارو !!

ريماس ..الى كنتي متصل باش تضسر عليا غا قطع راك حااامض ..و انا نعساانة ..

تاج الدين .. عشق هي مولات البلان كامل ..علاش ماقلتيهاليش ..

ريماس .." شداتها اللقوة و لسانها تعقد''.. قق..قالتها لك!!

تاج الدين ..علاش ماقلتيهاش ليانتي؟؟

ريماس .."تنهدات ...اش باغيني نقول ليك!!ماقدرتش نجي عندك نقول لك اسي راجلي راه ختك دارت و دارت ..مقدرتش ..فضلت هي تقولها لك .. على الاقل تكون اعترفات بالخطأ ديالها!!

تاج الدين .. بففف .. هادي هي لي جامي توقعتها .. نهار نشوفها قدامي نقدر نقتلها ..شديت راسي غا بزز و تقيت فيها الله''

ريماي .. مهمى دارت كاتبقى ختك .. و انا سامحتها حيت كيف قلت لها تخبرك بلي وقع ..قالتها لك .. و صراحة ..هي من خوفها .. و من داكشي لي شافت فالماضي .. لي بافدقي كيتعاود قدامها كل نهار و معقدها ..ماعرفتش ماقاداش نحقد عليها فاش فكىت لقيت بلي لو انا تحطيت فداك الموقف .. ممكن ندير كيف دارت و خصوصا ان ديك صاحبتها لقاتها نية و هبيلة و لعبات عليها .. يعني الى جينا نشوفو .. تاتيانا هي الرأس المدبر .. و هي لي كاتنفذ .. مغرفتش اش غانقول ليك .. من غير حاول تسامحها !!

تاج الدين .. صعييب .. سيري تنعسي دابا .. غدا هاني عندك ..

ريماي .."مابغاتش تصر عليه" اوك بونوي ..

قطعات الاتصال و حطات راسها كي حطاتو مشاات فسابع نومة ...... 

#صباح_جديد و اخذااث جداد مع كل يوم كيجينا...فاقت ريماس على غير العادة بكري ..مشات للحمام طرفات حالتها و توضات خرجات صلات و لبسات حوايجها .. نزلات وجدات الفطور .. فاق حاتم و تبعاتو عشق تا هي فطرو و مشطاات لها شعرها وخرجو بزوج بيهم ..اما ريماس فطرات و خلا الكوزنة للخدامة جمعاتها و مشات تكات فالصالون كاتسنى تاج الدين كل شوية تقول هاهو جا ... تا سمعات الدقان عرفوتو ديالو حيت هو لي كيدق ثبدلاثة دقات متابعين و غير بشوية ...

تاج الدين .. جلس حداها و خذا يدها باسها و وجرها من يديها لعندو نزل راسو باسها من راسها" التوينز ديالي كي دايرين .. امم ..

ريماس .."باات تهرب منو" احم .. لباس عليهم ..

تاج الدين .."طلق منها و خلاها على خاطرها ..'' مازال ماهداك اللله!؟

ريماس .. احم .. تاج الدين .. شنو درتي مع عشق ..!؟

تاج الدين .. ريماس .. هاد السيجي نسايه عليا حاليا راسي كيتفرع ماناقصنيش ...

ريماس .."بقات كاتشوووف فيه .. حطات يدها على وجهو و دوزات صبعها تحت عينيع" باينة عليك مرهق واش ماناعسش ..؟؟

تاج الدين .. "خذا يدها باسها من الداخل" من نهار خطيتيني مابقاش النعاس كيجيني ..

ريماس .. "تنهدات و نزلات راسها" دابا ماغاتقولش ليا اش درتي مع عشق !!

تاج الدين .. ماعندي مانقول ليه مانكذبش عليك .. عشق كانت شي حاجة كبيرة بالنسبة ليا ولكن كي دير معايا بلانات فحال هادو تخرج ليا على زواجي ... تفرقني مع مرتي .. تطلعها خاينة فعيني .. هادي ماشي ختي لي كنت كاناخدها مثل اعلى .. ختي الكبيرة انا اذاتني .. من هادشي كلو لي بقى فيا هو الثقة لي عطيتها و خذلاتني .."حك لحيتو و شاف فريمات .. طول الشووفة تا تحولو نضراتو لنظرات عاشق .. هاايم فعينيها" نتي خليك من هادشي و فكري ليا غير فولادي و فالمشروع لي غاتفتتحي غدا .. مابغيتكش تستريساي .. ولا تقلقك ليا اي حاجة .. مفهووم .."قرصها فنيفها"

ريماس .. "ابتسمات و نزلات راسها" .. احم .. بغيت ندوي معاك فواحد الموضوع ..

تاج الدين .. "تكا و ربع يديه" كلي اذان صاغية الالة ..

ريماس .. رزاان.. 

تاج الدين .. "غوبش " مالها؟؟

ريماس .. نتاا لي غاتقول ليا مالك معاها ..!!..

تاج الدين .. مانحتاجش نقول لك انا متأكد بلي قالت لك كولشي..

ريماس .. اهاه .. اوا سمع مني الموشح لي كنت موجدة لك .. تااااعت اللله هذاك وجهك ولا قفاك .. اربي واش نتا مريض و لا بيك شي مصيبة!؟ واااش اعباااد الله ختك جاها رزقها ونادتا غاتوقف فطريقها علاش؟؟ مافكرتيش بلي ممكن تكون كاتبيغيه و هو كيبغيها و انا متأكدة ..مافكرتيش فختك لي ولات مكتأبة بزاف هادشي اتاج الدين على التزمت بي كول اصاحبي .. 

ريماس .. اهاه .. اوا سمع مني الموشح لي كنت موجدة لك .. تااااعت اللله هذاك وجهك ولا قفاك .. اربي واش نتا مريض و لا بيك شي مصيبة!؟ واااش اعباااد الله ختك جاها رزقها ونادتا غاتوقف فطريقها علاش؟؟ مافكرتيش بلي ممكن تكون كاتبيغيه و هو كيبغيها و انا متأكدة ..مافكرتيش فختك لي ولات مكتأبة بزاف هادشي اتاج الدين على التزمت بي كول اصاحبي .. 

تاج الدين .. ييه اصاحبتي .. شنو مزال!! واش انا واقف مع بوك فراس الدرب .. ريماس .. مابغيتش ندوي فتا حاجة كاتنيرفي الله يرحم باك !!

ريماس .. اهاااه انا لي غانتنيرفا دابا .. سمعتي اناااا .. قول ليا حااااجة وحدة اااش دار لك فارووق هاااا!!! هاد الهضىة ماغاتبغيش تسمعها و ماغاتحملنيش بالحق غاتسمعها و رجليك فوق راسك حيت فريموون فاض بيااا .. شتي داك فاااروووق لي نتا ماحااملوووش نتااا .. فاش رميتيني فبلاد ماشي بلادي و فبلاصة بعيييدة على بلااادي بلا رياال بلا زوووج هوو لي دخلني لدارو و اعتنى بيا و فاش كنت حاملة هو لي تحمل كااع الوحم لي كان فيا .. هو لي عاوني انا و بنتي و اعتبرها فحال بنتو فهمتي!! هو لي مااخلانيش لكلاب الشواارع اما كون يعلم الله فين انا دابا بدل ماتشكرو دير فبه هاد الحالة ضربو! و تجري عليه !! علاش حيت بغا ختك و بغاها فالحلال .. عطيني اللوجييك .. بايت سبب مقنع اتااج الدين حيت حتى حق ما يعطيك تختار بلاسط رزان .. 

تاج الدين .. "مربع يديه و كيشوف فيها" ايه زيدي مزال شوفي ياك ما نسيتي شي حاجة؟؟

ريماس .. دورها فراسك و شوف لا لقيتيني قلت شي كلمة ماشي فمحلها حاسبني .. "تنهدات و شدات لو فيدو" نتا عارف مزيااان شنو هي تبغي شي حد على ما أضن و لا انا غالطة!؟ لا يمكن غالطة .. يمكن ماكاتعرفش اصلا شنو هو الحب ..😒

تاج الدين .."جرها لعندو و حط راسها على صدرو بالجهد تا تآوهات .. وزير عليها " ااخخ كون دخلتي دااخل صدري غاتعرفي واش كانعرف شنو هو الحب و لا لا..

ريماس .."طلعات راسها و شافت مباشرة فعينيه" و علاش واقف فطريقهم. ..! شوف .. انا ماختاريتش نكون مرتك .. نتا رغمتيني علاش ماحطيتيش وحدة من خواتاتك بلاصتي ولا حيت انا ما كانووش عندي الخوت .. قدرتي دير فيا مابغيتي ..!

تاج الدين .."مالقى ميقول ..حيت عاارف فدااخلو ان كل كلمة قالتها عندها فيها الحق .. لكن طاح ليه العجب من الطريقة الجديدة عليه لي كادوي بيها!! ولات واثقة كثر من كل كلمة كاتقولها .. و فاش كادوي ماكاتنزلش عينيها كاتشووف فيه بكل جرأة .. الشيء لي خلااه يبتسم لا إيراديا .. حيت عرف بلي داكشي لي دازت منو كاااامل ما جااوالو قدام داكشي لي دازت منو مؤخرا .. خلاها تولي اقوى .. و غير لها جزء من شخصيتها ..خلاها اكثر جرأة و تقدر تقول لي بغات بلا ماتخاف ولا تحشم .."

ريماس .. غاتبقى ساكت. .!! شوف ختك و فاروق كيبغيو بعض و الى ماتزوجوش كون اكيد غاتخسر ختك .. و غاتخسرني تا انا .. "ناضت من فوق صدرو و وقفات مربعة يديها "

تاج الدين ..كايفاش هاد غانخسرك عاوتاني امدام!!

ريماس .. يعني .. يا توااافق على فاروق .. يااا 

تاج الدين ..يا اااش .."عقد حواجبو و وقف قدامها"

ريماس .. يا انا لي عمري غانسامحك .. 

تاج الدين ..كاتلوي ليا دراعي دابا ولا كيفاش !!

ريماس .. حسبها كيف بغيتي .. المهم رزان لفاروق و فاروق لرزان 😌..

تاج الدين .."ربع يديه بقا غا كيشوف فيها شوكاتو" ايه و المشعوذة ديال ختو ماشي من حقي نخاف على ختي منها !!

ريماس .." شافت فيه ببرائة" دابا انا دويت مع فابوق .. و قال ليا كوني هانية مليكة بعيدة عليا كل البعد و تا هي قالت لو نهار يتزوج مايسكنش معاها و هو عندو دارو بوحدو و مستعد يشري ليها اي دار حلات عليها فمها ..باقي عندك شي عذر !!

تاج الدين .. "كيحك لحيتو " تا حد ميقدر يغلب لسانك ..بفف ..

ريماس .. "حطات يديها على فمها" نعتبرها موااافقة😍

تاج الدين .. دابا نشوفو ..

ريماس .."طارت عليه عنقاتو ولوات رجليها على وسطو و باستو فموو بجهد" ااااححححح شحال كانمووت عليك 😍

تاج الدين .. "رض لها نفس البوسة " تعرفي شحكون عتقك مني !! 

ريماس .."بدلع'' شكوون ..!! 

تاج الدين ..(أدهم و أيهم) هوما لي عتقوك كون ما كنتي حاملة كون جريت والديك من شعرك لعش الزوجية ..

ريماس..ههههههه دغيا درتيهم ولاد .. ممكن يكونو بنات ..!

تاج الدين .."حطها و باس لها جبهتها" لي جا من عند الله زين .. بالحق عندي احساس يا ولد وبنت يا زوج ولاد ..

ريماس ..اوا الله يجيبهم على خير 😍

تاج الدين .. اامين احياتي .. بغيتي شي حاجة! نجيب لك شي حاجة؟؟

ريماس ..لا احبيبو ماخصني والو عاد كليت بزاف ديال الكورنيشوو😍

تاج الدين .. هادشي غاياكل ليك معدتك بكثرة الحموضة .. 

ريماس .. "حطات يدها على لحيتو خشات فيها صباعها و بقات كاتشووف فيه"لحيتك زادت كبرات .. جاتك زوينة😍

تاج الدين .."باسها فشفايفها" نتي لي الحمل زاد زينك كثر ما نتي زوينة ..

ريماس .."كادللللع عليه" ههههه😍 

تاج الدين .."عقد حجبانو'' اخخخ لمك شحال جامع ليك ....عندك الزهر لمك الطبيب مانع الحتكاك هاد المدة .. 

ريماس .. ههههههههههه 🙊

تاج الدين .."عنقها و باسها بين عينيها .." من غدا غاتمشي معايا لدارك ..

ريماس ..بات معايا اليوم هنا ..! فين جالس دابا ..

تاج الدين .."شد وجها بين يديه .. " جالس فداري .. عندي برطمة و هي لي غاتولي دارك من غدا ..

ريماس .."ابتسمات ليه'' واخة انشاء الله ..

تاج الدين .. يالله حبيبي سيري تنعسي باش تفيقي غدا اونفورم ..

ريماس .. اوكي يالله سير واخة ماسخيتش بيك ..

تاج الدين .. و كنتي حارماني منك الخايبة .."باسها فشفايفها '' لا اله الا الله ..

ريماس .. محمد رسول الله ....

بقات متبعة لو العين تا خرج و طلعات طلات على شغف .. باستها و غطاتها عاد مشات لبيتها لقات ميساج فتيليفونها من حاتم بلي غايتعطل باش ماتخلعش عليه ..دخلات لبيتها نصلات كاع الحوايج لب كانت لابسة وللسات التيشؤت ديال تاج الدين .. تكات على الناموسية ديالها و بقات كاتفكر فكاع داكشي لي فات...

بزاف كانتجرحو من اقرب الناس .. ممكن يكونو ماشي غير مهمين .. لا .. تقدر تكون حياتنا كادور عليهم .. و كانحطوهم فعينينا .. كنوليو اي حاجة درناها كانقولو ''واش غاتعجبهم" هادوك النااس هوما لي كانتجرحو من طرفهم الاغلبية دالمرات .. اصعب احساس ان واحد كنتي كاتيق فيه و كاتبغيه بكل جوارحك يضن فيك ضن السوء ولا يشك فيك .. و الاصعب انو يجرحك بكلام كيقتل فيك و يذبحك من الداخل .. كاتولي حاس بلي داك الحب لي كان كيوهمك بيه كلوو كان مجرد كذبة .. و حياتكم السابقة تا هي غير كذبة .. هادشي لي كانت كاتحس بيه ريماس .. شك تاج الدين فيها خلاها تحس بالإهانة .. و خصوصا انها تعذبات فحياتها بزاااف و حبو ليها كان هو الامل الوحيد باش تخرج من داك العذاب لي داز عليها و ترميه ورا ضهرها .. لكن فالاخير اقتنعات بلي اي واحد ممكن تكون ردة فعلو بهاد الشكل و خصوصا انو شاف بزاف تالحوايج و سكت عليهم تا فاض بيه الكاس .. حطات راسها بلاصتو .. الليلة لي جلسات كاتفكر فيها فهادشي كامل استرجعات بزااف ديال مواقف لي كانت كادير .. و شحال من خطرة كذبات عليه باش تمشي تشوف حاتم .. هذا غير الصور و شوفتو ليها و هي معنقة حاتم .. و مع هادشي كامل ماضربهاش و ماآدااهاش .. واخة بقى فيها الحال حيت شك فيهالكن كلو يهون ... ''حطات يديها على كرشها كاتحسسها" .. ولدات معاه بنت و كبرات و دابا جايينهم توأم فالطريق .. ميمكنش تخليهم بعاد على باباهم .لي فالأصل هي مستحيل تبقى بعيدة عليه .. اهم حاجة انو عطاها فرصة تا قالت لو الحقيقة لي كانت مصرة تخبيها عليه .. و هو طلب منها السماحة و ماخلاهاش .. و مزال كيجري وراها باش تسامحو ..هادشي كافي انها تتأكد من حبو ليها .. غمضات عينيها و ابتسمات .. عنقات التيشرت ديالو لي كانت لابسة و باستو .. ... غمضات عينيها كاتستعد ليوم جديد .. يوم غايتغير فيه مجرى حياتها العملية و العاطفية .. اليوم لي غاتبدا فيه تحقيق ذاتها فالدومين لي كاتبغيه و غاترجع فيه لحبيبها و ابو ولادها .. !! 

#فدار_تاتيانا

تاتيانا .."كللللها كاترعد بسبب المخدرات لي كاتاخد" هاااد الوقت كاااملة تااااخدها غييير باااش تقتلها واش باااااغيييي تجنني اولد الق**

(الشخص) ...."ابتسم بالجنب" غييير نقتلها .. سهلتي القتيل .. و زيدون مالقيتش فرصة ..السيدة مكاتخرجش كااع شبيندير ليك انا ..

تاتيانا .. و دووك الفلوووس لب كتاااخد لاش لايقيين هااا لااااش .. اولللد الكلبة كشطييني ..

(الشخص)..."قرب ليها و حمر عينيه فيها"مزااالة تسبي نفرع ديلمك "جرها منتدى دراعها و دار يديه على خصرهاو بدا كينزل لمؤخرتها و هي كاتنطر منو.." خلاصي هاد المرة ماشي فلووس .. حيت الفلوس لي كانو عندك و اتاتي كلها تسالات .. 

تاتيانا .."كلتنطر منو و تجنن" وااااعععع بععععععد منيييي اولد الخااانزة بعاااد كيفاااش تجرأ تقييييسنيييي هاااععتعنننننععع الكااالب حيد يديك ..

(الشخص) .. ههههههههههه "ضغط لها على المؤخرة ديالها و لسقها عليه مزيان .. وبدا كيحك عضوو معاها" شتي بحاالك نتي هوما لي مكيوصلو لا عنب الشام ولا بلح اليمن ..هههههولكن انا غاناخد حقي من هاد المدة لي بركتها معاك ازوينة و كانفذ اوامرك ..اممم .."عضها فوذنها" ولا شنو بان لك نتي نمشي بلا خلاص حشوومة فحقك و نتي كريمة ..!!

تاتيانا .."مابقااش عندها الجهد من ديكشي لي كاتعاطاا" سير خرج عليا .. بعد مني مابغيتش نشوووفك مرة اخرى .. فهمتيييي .. 

(الشخص) ..ايه فهمت شتي من بعد مانشد خلاصي غانمشي و ماغاتعاوديش تشوفيني .. ..

تاتيانا ... خوووود كاع لي بغيتي ''كلها كااترعد" و خراااج عليا ..

(الشخص ) .. اوا دابا دويتي .. "دفعها عليه'' بغيت كاع لي عندك تحضريه دابا ..و مانبغيييش نسمعك تقولي ماعنديش 

تاتياتا .. الفلوس لي كانو عندي كاااملين خديتيهم .. اش غانعطيك ..

(الشخص ) .. اوا هاني غانخياااب ..

تاتيانا .. اووف .. صاافي اي حاجة عندي كاتجيب الفلوس خودها .. سير خودي لي بغيتي ..سيير ..

(الشخص ..) قرب ليها و باسها فمها" اوا هاكذا نبغيك ازوينة .. 

تاتيانا .."دفعاتو علبها" ماتقيييسنييش الحمار ..

ضحك بالجنب و دخل لبيتها اي حاجة ديال الدهم و غاتجيب لو الثمن هزها .. ماخلا ليها غا الحوايج ..

(الشخص) ... هانتي باش ماتقوليش عليا شفار .."وراها داكشي لي هز" ماخديتش شي حاااجة غا باش نعديو وصافي ...

تاتيانا .. هادشي لي ديتي كامل غاتندم عليه ماخليتي والو .. بربي تا ندمك ..

تاتيانا .. "كلها كاترجف" اوا خرج عليا دابا .. براااااااا ..

(الشخص ..) واخة ماخديتش داكشي لي بغيت مي كوميم ماغاديش بلاش .. يالله الغزالة خليت ليك الراحة ...ااه نسيت .."جبد من الجيب ميكة و رماها ليها" هاكي واحد زوج قرقوبيلت يصبروك ههههه خصك تقلبي فين ضبري فيهمحست انا كيما كاتعرفي سالات خدمتي معاك بس .. كولي غير وحدة لوخرا غاتحتاجيها غدا .. ههههههههههه ..

تاتيانا .."كلعات فيه عينيها" غدا ..غدا اش كين ..؟؟ هاا ..

(الشخص)... اووه علاش ماقلتش لك شكين غداا ..؟؟ اووه دوماج ..دابا لا قلت لك غايخصني خلاص ااخر ونتي مابقى عدك ماتعطيني .. "قرب ليها و عض على شواربو" الا اذا قررتي تعطيني خلاص من نوع اااخر😉

تاتيانا .. خذيتي كوولشي حرام عليك...

(الشخص).. و علاه يصحاب لك اذية الناس فابور هههههه

تاتيانا .."بعدات عليه و جرات سنسلة كانت فعنقها و خاتم فيدها مداتهم ليه" هااك..خود هادو 

(الشخص)...اووه ..هههههه كريمة يا كريمة ..

تاتيانا ..اوا طلقني ..ااش كين غدااا ..!!

(الشخص)... غدا غريمتك غايكون التتاح ديال مدرسة ديال خوها و على حسب معلوماتي لي جمعت عليهم كنضن عطاها ليها و لا مانعرف شنو المهم غدا غاتفتتح المدرسة بالليل ... 

تاتيانا .."شعلاااات فيها العاافية" و تاااج الدين غايكون معاها!!

(الشخص) .. مابقى عندك ماتعطي ابنت العم ..

غمزها و صيفط لها بوسة فالهوا و خرج خلاها كاااتشواا و تقلا فسمها .. جلسات فوق الفوطوي كاتهز رجليها بعصبية .. خذات من المخدرات لي عطاها و ترخاات فوق الفوطوي كاتفكر فالخطوة لي غادير .. ....

#اليوم_الثاني

النهار كلو و ريماس كاتقاد راسها معاها هاجر و رزان لي كانت طاااايرة بالفرحة بعد ما جاها الافراج من تاج الدين واخة مادواش معاها و حتى هي مادواتش معاه لكن كفاية ريماس لي فرحاتها بالخبر .. اما يمن و تاج الدين و محمد ضلو النهار كاامل مع حاتم فالمدرسة كايوجدو للافتتاح حيت وقفو على شغلهم بوحدهم باش ماتنقص ريماس حتى حاجة .. اما رائد و شغف خلاوهم اليوم علىىىى راحتهم كيجريف فالجريدة ديال المدرسة حيت مشاو مع الدراري .. ... وصلات الوقيتة ديال الحفل جا تاج الدين و حاتم وراهم داوهم .. الطريق كاملة ماوقفش تاج الدين من التغزل بجمال ريماس و كي كانت بدر منور دبك الليلة أسراتو اكثر بجمالها خصوصا انو كان موحشها فوق القياس .. .. .. ....

.....

مكان كبير .. تقريبا موبل مكون من اربع طبقات .. كل طبقة فيها اقسام اماكن مخصصة لحصص الرسم ..اماكن اخرى احصص الفصالة ..و اخرى للخياطة الطرز . كل الاقسام مجهزين باحدث الآلات و المعدات ..زارت المدرسة كاملة لي سحراتها ماكانتش متوقعاها بهاد ااجمال من ديما كان حلمها فمشغل فقط يكون خاص بيها و هاهي الحين غاتملك مدرسة على قدها ...الحفل كان فالطابق الأرضي .. لي حضرو فبه ابرز المصممين المغاربة و الشخصيات المهمة سواء من طرف حاتم او تاج الدين بزوجهمكانو عندهم معارف من الطبقات الراقية .. كيف عادتها تكون فكامل اناقتها .. البم ختارت تلبس الأحمر .. متارت تنفتح على عالمها الجديد بكل حب .. و كيف كانعرفو كيف ما هو لون الحب فكذلك هو اون القوة و الجرأة .. اليوم غادخل لعالم الاعمال .. من اليوم واعدات راسها انها تغير حياتها و بطبيعة الحال راجلها بجنبها .. مدليها يديه باش طلع للمنصة .. اتجهات للمكان لي محطوط فيه الميكرو ..فالاول كانت طاغية عليها الدهشة و حتى التوثر ..لكن سرعان ما حيدات عليها الخوف كي شافت فعينين تاج الدين لي ميل ليها راسو .. 

ربماي .. احم ..بدايتا سلام عليكم تولموند .. و مرحبا بيكم .. كيسرني نتعرف على ناس فحالكم ..و شكرا على تلبية الدعوة ..تانيا و قبل كل شيء .. بغيت نشكر واحد الانسان لي بان فحياتي مؤخرا .. صراحة كي ضهر فحياتي تغيرو فيا بزاااف تالحوايج .. عرفت المعنى ديال الاخوة .. و عرفت شنو كاتعني جملة انا "عندي خويا" ..هي انا عندي ضهر .. عندي عزوة ..سند .. قوة .. عائلة .. و اهم حاجة حنان .. هادشي كلو كنت مفتقداه .. و كي بان حاتم فحياتي .. وليت حاسة بيه .. حاتم .. خويا ولد بابا .. لي ماعشتش معاه .. ولد بابا لي شفتو يمكن مرة وحدة .. هو لي ولا بالنسبة ليا الاب دابا .. .. اما السند الثاني .. هو زوجي .. بابات بنتي شغف .. و وليداتي لي جايين فالطريق .. هههههه"شافت جهة تاج الدين بحب .. و عينيهم هايمين فعيون بعض ..'' هههه ماعرفتش اش غانقول عليه .. يمكن المشاكل و الصراعات لي عشناها كثر من الايام الزوينة .. ولكن بغيت نقول ليك بلي نتا هو حبيبي .. و غاتبقى دائما لي كيدعمني .. رغم المشااكل و السراعات و كمية المطباات لي كاندوزو منهم لكن كانبقى ريماس ديال تاج الدين و تا قوة فالعااالم مهمااا كاانت تقدر تفارقنا ..