الساقطة و الملتزم الجزء 13

♡عند الابطال ديالنا ♡

علاء: ايوا سمعيني ...نقووليك !!

اسيل: وي انا كنسمع ؟؟

علاء: اول حاجة انا مامعصبش معرفتش منين جبتيها ..شغلك هذاك تا نتي ..ثاني حااجة هاذيك ديال نشفق عليك و كذا علاش مالك مقطعة من شي رجل و لا من شي يد ..لا ياااك؟ انا قبلت نزوج بيك بزاااف الاسباب منهوم انا اصلا كنت باغي نكمل ديني ..ثاني حاااجة نتي كنعرفك و عارف عليك كلشي دونك مكاين تا حاجة مخبية و هذي اكثر حاجة خلاتني نقبل و اهم حاجة انني انخلي خلق من خلق الله يرجع طريقوو و هذي اكثر حااجة باااغي سمعتي ..بالنسبة لياا هادشي كبير قدام لخلقني و خلقك ..وخا معندكش ارادة انا غادي نخلق هاذ الإرادة ..بالنسبة العائلة فأنا شخص ليعندو 30 عام و شارب عقلي و عائلتي متفهممة و كل واحد في داك دار كيختااار قرار ديالو و كيناقشو مع عائلة اييه و لكن ماشي عائلة كتفرض عليه شي حد ..و منهوم أنا و هما عارفيني ..الواليدة هضرت معاها و جيتها صراااحة كيف نتي معندكش مع تزواق هضرة انا كنكره شي حاجة سميتها كذوب ..وخا بعض مرات كنضطر نكذب ..و كنبقااا ايام كنلوم رااسي ..و تاحاجة مغادي نديرها خااايبة بالعكس انديرها الحاجة لبانت لياااا صحيحة و هما معندهوم ميكولو غير الله يكمل بالخير...و ثالث حاااجة هي ديال نتي مكتصبريش هضرة و كذا ...باش نكونو واضحين من الاول و تا نتي تكوني عارفة فين اتحطي رجليك ..عندي ابارطومو ديالي بووحدي نفرشة مجهزة كنمشي ليها من كنبغي دمااغي يرتاااح و من كنبغي نرتااح و نبقى بووحدي اما سكن ديالي مع واليديا ..و عمري نخطيهوم..تا نهار يسالي العمر يا عمري يا عمرهوم و يحن الله من حد واليديا عايشين من حدي عايش معاهوم و خويا بكر (كبير) تا هو معانا هو وزوجة ديالو وولادو و هكااا تربينا و ضربو علينا تمارة و الاب ديالنا هو قظوة باانسبة ليااا ميمكنش نخليهوم شي نهااار ..و عائلتي و عارفاااها مغادي يجبدوك مغادي يقربو ليك بالعكس عائلة هادئة و كل واحد كيديها في جيهاا لدارااه و نتي ابنت نااااس لخاصك ديري بحالوهوم و طل واحد يبقا شاااد تيقاااارو و لغااا ديال نسااء نحدوه من هنا معندي مندير بيه و ها انا جيتك من لخر ...

اسيل(بقاااات غير حالة فومها فيه من صدمة 😮) ..د دبا تا لكنتي كدوي نتااا علاء ياك ؟؟

علاء: وي ..علاء دين بشحمه و لحمه ..

أسيل: و علاش هادشي كامل كتقووولو و بديتي تهدد من دبا باقي مدرنا في طاجين ميتحرق 😮

علاء: نهار الاول يموت المش كيف كيقولو ..أسيل نتي جيتيني نيشان و تا انا جيتك نيشان ابنت ناااس بلا نفااق يلا تزواق في هضرة ..

اسيل: ..دبا من لخر نتا باغي هاذ زواج ..

علاء: اه ونتي؟

اسيل: اوكي موافقة ...بشرط!!

علاء:(هز حاجب و هبط لاخور) اما هو ؟

اسيل: لا تفااهمنا هو هذاك متفااهمناش كل واحد يشد طريقو و لا بصح قدرتي تعاوني اتكون نتا رابح و حتى انا لا قدرنا نكملو مع بعضياتنا تبارك الله مقدرناش كل واحد يشد طريقو كيف تلاقينا نهار الاول نتفارقو ..

علاء: تا هذااا نضر و عندي نفس فكرة ديالك ..بالنسبة ليا هذا تحدي و خاصني نربح فيه ..

اسيل: اوك هذا تحدي لينااا بجوح ..😊

علاء: دبا هضري معا ماماك و ديري نهار لغادي نجيو نخطبوك رسمياا ..و من مور سيمانة نديرو العقد ..

اسيل: و العرس😱😱

علاء: (حل عينيه) شنااهو عرس ؟

اسيل: وشنووو منديرش العرس ..هذيك را ليلة العمر و كتجي غير مرة وحدة في الحيااة 😋

علاء: اهااه ولينا في العرس دبا..ايوا عرسي بووحدك عندك كامل الحرية ..

اسيل: و نتا غادي تكون ضروري ..

علاء:(ضحك بجنب) لا نتي كضحكي علياا ..واش ا اسيل داوية من نيتك ..را مستحيلة و راكي عارفة لكاين بلا منهضر ..بغيتي ديري عرس ديريه بيناتكوم انا انتسناااك في دار داك تخربيق معندي مندير بيه ..و تخلاط و الحالة بلاش منو..

اسيل: و عروووسة بلا عريس ...دبا غير كولي واش كاين شي رعد بلا برق 😣😣

علاء: يا الله نمشيو نتي بديتي تخرفي مافيهااش من بعد و نهضرو في هادشي هضري مع ماماك ..انا هضرت مع واليدة و الواليد ايجي اندوي معاه و نديرو نهار و نجيو ان شاء الله ...

اسيل: وخااا😕 يا الله ..

علاء: كوليلي بعدا كيف جاك كادو عجبك؟؟

اسيل: اااه غزال حمقني شكراا بزاففف😍

علاء: نتمنى يجي نهار لتلبسيه ..

اسيل: تا انا كنتمنى ..يا الله مشينا ..

علاء: يا الله ..خرجات اسيل و علاء من كافي و مشاو ركبو في لوطو وصل علاء اسيبل دارهوم لطريق كلها حلفات لاسكتات فرعات ليه راااسو كيكول غير فوقاش وصلها دارهوم ..غير وصلات هبطات تسناها تا طلعات دالهوم عاد كمل طريقو مشا الجامع صلا العصر والمغرب لكان عاد اذن و مشا المحل جمع شي حساابااات عندو و عطا خلاص خدامة و سد المحل و خرج نيشاان الحماع صلا عشاء و الشفع و الوتر و مشاا فيلا وصل لقاهوم مجموعين في صالون لاح سلام و طلع بيتو بدل عليه و هبط باش يهضر مع الأب ديالو لكان الله وصل مز السفر ..كاليه بغا يهضر معاه على الانفرااد و خرج الاب و الابن ديالو الجردة..

علاء: الحاج باغي نهضر معام في واحد موضوع..

الحاج: لكان على موضوع زواجك فراني عارف😕..

علاء:😳

الحاج:اجي اولدي گلس

علاء:(مشا هو وباه گلسو بجوج بيهم وعلاء كايتسنا باه يهضر)

الحاج:الحاجة عاودات ليا كولشي المهم اولدي لي بغيت نگوليك نتا راك كبرتي وراك بعقلك ماتحتاجني لا انا لا الواليدة ديالك باش نگولولك شنو دير وشنو لي ماديرش نتا عارف الطريق الزوين والطريق لخايب وعارفك ماغادير حتا خطوة حتا تكون درستيها من گاع الجوانب داكشي علاش ملي هضرات معايا الحاجة كنت مرتاح حيت نتا ماغاتلوحش راسك فالهاوية وراك عارف مزيان شنو كادير وان شاء الله هضر مع البنت ودير معاها النهار لي غانمشيو ندويو فيها

علاء:(باس يد الاب ديالو) الله يخليك لينا الحااج

الحاج:الله ارضي عليك اولدي انا غاندخل كاين البرد

علاء:واخا الحاج سير ترتاح انا غانگلس شوية 

الحاج:واخا ملي اوجد العشا دخل

علاء:☺(مشا باه دخل وعلاء حط يدو تحت الذقن ديالو وبقا كايفكر حتا سمع التحنحين دار موراه لقاه خوه إسماعيل لي جاي بوجه مبشور گلس قدام علاء وبدا كايهضر معاه) 

إسماعيل:هي صافي قررتي تكمل دينك الله اكمل عليك اخوويا 

علاء:اميين 

إسماعيل:صراحة ملي هضرات معايا الواليدة تصدمت مايصاحبشليا نتا لي غاتلقا البنت لي غاتبغي تجوج بيها ونتا لي غاتجي تگوليهم راه بغيت نتجوج ههه ولكن مزيان فيها خير

علاء:ههه الواليدة نشرات الخبار ااه تا انا مايصحاابشليا غايجي هاد النهار ولكن كولشي قضاء الله وقدره وحمد الله على كل حال

إسماعيل:داكشي لي كاين الحمد الله اوا رخف شوية على البنت راه نتااا دغيا كاتعصب وشخصيتك صعييبة رخف عليها ههه اجي ندخلوو دبا

علاء:ههه ان شاء الله....(مشاو دخلو) 

إسراء:(كاتقاد العشا فوق الطبلة) خالتي واش بصاح علاء غايتجوج😍 (ملي مابغاش أماني هي غايكون باغي نور مسكينة غاتفرح) شكوون هادي كانعرفها

عيشة:لا ابنتي ماكانعرفها لا انا لا نتي

إسراء:😳

عيشة:ابنتي گاليا هو كايعرفها من المكتبة وگاليا راها مختالفة وزيد وزيد ولكن اشغاديري هو لي بغاها

إسراء:اخالتي تجوجوه بشي وحدة نتوما ماعارفين عليها والو 

عيشة:إسراء نتي عارفة علاء قبل مايدير اي حاجة كايكون دارسها مزيان وهو سول عليها وعجباتو ادن غانزيدو ليه غير الله يكمل بالخير

إسراء:عندك الحق اخالتي

عيشة:ااه حمد الله على كل حال مهم ابنتي سيري عيطي على إسماعيل وعلاء 

علاء:(داخل للدار هو وخوه تا كايتلاقاو إسراء عاد كانت جاية عندهوم دخلو كاملين وگلسو على الطبلة وهبطات الام ديال أماني وأمينة گلسو كاياكلو غير ساللاو ناض البطل ديالنا لقا السلام ومشا طلع لبيتو سد الباب وتكا ومن بعد داه النعاس.....)

♡عند البطلة ديالنا ♡

أسيل:(طلعات وحلات الباب بالساروت ديالها لقات ماماها باغة دخل باش توضا مشات باستها ومشات عند بسمة لي كانت فبيتها كادوي مع كرشها بحال الهبييلة ضحكات عليها ومشات لبيتها بدلات حوايجها مسحات الميكاپ لي دايرة وغسلات وجها ورطباتو وخرجات مشات للكوزينة بدات كاتقاد فالعشا خرجات خديجة من بعد ما صلات المغرب لقات أسيل بدات فالعشا خلاتها ومشات شدات منار وبسمة جات تخشات حداها اما اسيل نصبات العشاا ومشات گلساا مقابلة معاهم كادور فعينيها وكاتگول دبا ندوي لا خليها من بعد بقات هكاك حتا سالات منار وطاب العشاا وناضتت خديجة تصلي العشا لي كان ودن ورجعات گلسات مجمعة مع بسمة اما اسيل ساهية كاتخمم فردة الفعل دياالهوم ركادور فعينيها طاب العشا ومشات قاداتو وحطاتو وگلسو كاياكلو فوسط الماكلة هي تهضر أسيل) بغييت نهضر معاكم👀

خديجة:الله يسمعنا خبار الخير ابنتي

بسمة:😳

أسيل:ماما بسمة انااا احم مهم راه جاو فيا الخطااب 

الكل:😨😱

أسيل: ااه راه جاو فيا الخطااب وراكم كاتعرفووه علاء لي كان وقف معانا فالگنازة ديال بابا الله ارحمو هو لي بغاني وگاليا راه هضر مع دارهوم وگاليا نهضر معاكم دبا باش رد عليه ايمتا يجيو عندنا

بسمة:هاويلي بنتي ليه غا نتي مسكين مشاا فيها

أسيل:😡

بسمة:🙊

أسيل:ماما شنوو گلتي

خديجة:(غرغرو عينيها) حمد الله شكرتك ياربي وحمدتك ملي طولتي ليا فعمري حتا غانشوف بنتي بدارها وبولادها حمد الله ابنتي غانشوفك فداارك وبرااجلك قبل مانموووت

أسيل:بحالا كبيتي عليها سطل ديال الما بارد الشي لي فيقها من سهوتها ونسات موضوع المرض ديال ماماها نهائيا خصوصا ملي ولات دبا تنوض وتشقا ودير كولشي راسها بلا ماتحتااج شي حد) سكتي ا ماما ماتبقاايش تجبدي حس المووت على فمك اويلي هادي هضرة تگال كانگولك غايجيو فيا الخطااب وكادوي على المووت😑

بسمة:بسسيف مسكيينة تصدمات😂 ههه هي السيي علاء طااح على راسو مسكيين نااري شرااها ماعارفش راسو معامن طااح 

أسيل:كاتقلبي علياا نتي😒

خديجة:هههه لا لا راه واخا أسيل حارة وقااسحة وراسها قااسح وجهاا قسح منها ولكن راه حنينة

بسمة:هههه العيوب مابغاو گاع اتقاضاو😆

أسيل:😡

أسيل:حرام الواحد يهضر معاك نتي😤

بسمة:ههه غير كانضحك معاك ازين

خديجة:هه هبييلات ااه ابنتي انا من شحال هادي كانبغي نسولك وكانسا علاء ابنتي منين كاتعرفيه باينة فيه ولد النااس مسكين تعاون معانا فالگنازة يجري من هنا لهيه ودبا بغاك فالحلال ولد الناس

أسيل:عرفتو اماما حيت عندو مكتبة تما منين كانشري داكشي لي كايخصني داكشي باش كانقرارتما كانشريه ومن تما عرفتو 

خديجة:واخا ابنتي مايكون غي الخير ان شاء الله 

أسيل:ان شاء الله باش غارد عليه اماما

خديجة:خلي تا دوز واحد السيمانة نقاادو داكشي لي خاصنا ونخملو الدار ونشريو داكشي لي خاص

أسيل:مم واخا اماما

خديجة:ان شاء الله

بسمة:👀

أسيل:☺(كملو عشاهم في جو لا يخلو من المرح مع بسمة وأسيل حيت دبا بسمة لقات منين تشدها غير سالاو ومشات أسيل غسلات الماعن ومشات باست ماماها لي دخلات تكات من بعد دخلات لبيتها وشعلات الضو هي تصدم) اووف اعود بالله من الشيطان الرجيم خلعيتيني الزمر تي ماللك واش مزعزعة مقلزة ليا فوق الناموسية وفالضلام عالاقل ديري الصوت ولا شعلي الضو

بسمة:ههه عنكشني داةشي علاش تفطييو😋اوا اجي ريحي وعاودي ليا دبا داك الكدوب كامل لي گلتي لماما خديجة غير گري شنو كاين ههه

أسيل:كاين الله هههه (بدات أسيل تعاود لبسمة من طاق طاق تا للسلام عليكم سالات وبقات بسمة ضحك على أسيل وهبالها والراجل لي لاقاها بيه الله) 

بسمة:صرااحة مهم باش نجيك صراحة هو لي صلاح ليك ا أسيل والله تا هو لي صلاح ليك باش تبتي شوية ولكن بغيت غا نفهم مال مووك گلتي ليه الا ماتفاهمناش كولا يمشي فطرييقو مال موك كاطيري نقصي نقصي مزال تا ماتجمعتو وكادوي على الفراق واابااز له صاابر ليك ييخ فقصتيني

أسيل:بغيت غانعرف نتي ختي ولا ختو هو اويلي 

بسمة:انا خت الحق تلاحي تلاحي نمشي نعس عييت مبروووك يااا عروووسة مبروووك

أسيل:تي سيري فحالك😡

بسمة:(خرجات بسمة هربانة) 

أسيل:(تنهدات وناضتت سدات الباب دبيتها وطفات الضو ومشات تكات) ااخ منك ا ماما قلبتي عليا المواجيع من بعد ماكنت نسييت شنو غايوقع بسمة بسمة شنو غايوقع لييها واش غانخليها بوووحدها مايمكنش بسمة ختي وقفات معايا ودخلاتنا لدارها ماشي غانبني حياتي ونخليها هي بووحدها خاصني نشوف شنو نديير ااه يوووسف يووسف خاصني نهضر معاه نشووف شنو السبب لي خلاه اخلي بسمة الا كانت شيحاجة انعاونو باش يرجع معاها الا كان غير كايكدب.... انا عارفة شنو نديير (ناضتت وبدات تقلب على تيليفونها هزاتو ودوزات لاپيل لعلاء وبقات كاتسناه وأخيرا جاوبها بصوت نعساان باينة فيقاتو) 

علاء:ممم😪

أسيل:علااء واش نتا معايا فيق فيق محتاجاك كاتسمعني ولا لا

علاء:مم أسيل مالك شنو واقع علاش صونيتي فهاد الوقت

أسيل:خاصني نهضر معاك 

علاء:انا كاانسمعك شنو كاين 

أسيل:ختي بسسمة الا تجوجنا وماتت ماما لمن غانخليها هي ولدها غانزيد شرط ااخور 

علاء:😳

أسيل:الا بسمة بقات معانا وماتت ماما لا قدر الله غانديها عندي رجلي برجلها فيما مشيت 

علاء:(بدا كايفكر ولقا بلي بصاح عندها الحق)أسيل هاد الهضرة ماشي وقتها

أسيل:لا وقتها موافق على شرطي ولا لا مايمكنش نبني حياتي ونخليها هي بووحدها فهمتي

علاء:عاارف ا أسيل راني فهمتك ولكن لي مافهمتش كيفاش الا بسمة بقات معاكم علاه فين خاصها تمشي؟

أسيل:😳(حيدات تيليفونها من ودنيها وشافت فيه بصدمة ورجعاتو لودنيها) ماشي شيحاجة مهمة تا توقع ونعاود ليك كولشي من لول ماتبقااش دقق فهضرتي😤

علاء:(طلع حاجبو)كيفاش زعما غاتبداي تخبي عليا من دبا واخا مهم نتي شرطي تا انا غانشرط أسيل مانبغييكش تخبي عليا ولا تكدبي عليا الحاجة كيفما كانت اجي گووليها ليا حيت انا ماكانتحملش لي كدب عليا ولا يخبي ومن بعد يحصل ولا توصلني الهضرة من شي بلاصة خرا ماكانصبرش ومانعرفش شنو نقدر نديير انا علمتك وقد أعذر من أنذر...

أسيل:😳(فخاطرها *واانااري هادا مامعاهش اللعب كايهدد فيا وحنا مزال تا مادرنا فالطاجين مايتحرق*) علاء هضرت معاك مهم انا گلتليك من بعد ونعاود ليك وراه انا قد كلمتي تا نعرف كولشي وغانعاود ليك وكون هاني ماغانكدبش عليك مهم الشرط ديالي اه ولا لا

علاء:بسمة ختك ونتي غاتولي مرااتي يعني هي ختي تا انا... 

أسيل:😮😳

علاء:وكوني متيقنة بلي داارنا مفتووحة فوجها تعييش معاناا معززة مكرمة هي ولدها وماكاين لي هضر معاها الدار حمد الله كبيرة تكفينا كاملين وعندك الحق بسمة ختك عمرك تخليها وانا غانعاونك فهادشي كوني هانية يكون خير ان شاء الله

أسيل:(بتاسمات) علاء 

علاء:ممم 

أسيل:شكراا 

علاء:😳

أسيل:شكراا على كووولشي وان شاء الله مايوقع بيناتنا تا مشكل

علاء:ان شاء الله

أسيل:واخا تصبح على خير سمحليا الا فيقتك 

علاء:😳ماشي مشكل تصبحي على خير

قطعو الابطال ديالنا وهوما بجوج مصدومين أسيل مصدومة فعلاء والرد ديالو كبر فعينيها وحسات بلي باغي يعاونها بصاح وعلاء كدلك بحالا عرف واحد الجانب فأسيل وحس بيه هي ماشي أنانية وكاتبغي عائلتها بزاف ودير على قبلهوم كولشي ومتيقن بلي نهار غادخل لعائلتو وتعتابرهوم عائلتها غاتعاملهم بنفس الشيئ شاف فالتيليفون وبتاسم وهو فرحان من هاد القرار لي خدا وبدا كايتيقن بلي ماغلطش ملي ختارها الابطال ديالنا بجوج تكاو وراسمين الابتسامة على وجوهوم تا داهم النعااس...)

// تسريع الأحداث//

دازت سيمااانة طايرة ..في هاذ السيمانة تافقاات اسيل مع علاء على كلشي و كل واحد فيهوم حط الشرروووط لاخر بداو التحضيرات عند عائلة الشاافعي و كذلك عند عائلة أسيل ...اسيل من بعد مكتجي من المدرسة كل نهار كتخرج يا مع خديجة يا مع بسمة لكتخرجها غير بزز تشري هذي و تشري هذي و اي حاجة بانت ليها كتاخذها ..اما علاء فغير من الخدمة لدار و مخلي الأم ديالو متكلفة بكلشي ..تلقا هو و أسيل و تافقو على شحال من حاجة و بينو شلا حوايج بعضيااتهوم باش زواجهوم يكون بادي عن صدق ..أسيل وخا فرحانة حيث اتاخذ علاء و لكن في راسها دايرة غير باش يعاونها و صافي وخا كيكوليها زواج حقيقي و لكن هي دايراه غير زواج على الورق اتسني على العقد و صافي ..و على ذكر العقد بداو كيجمعو وراقيهوم كاع داكشي لغادي يخصهوم باش يكتبو كتابهوم حيث علاء قرر نهار لغادي يجي يخطبو لا تافقو العائلات يركبو الخواتم باش الأسبوع الجاي يديرو العقد ديالهوم..رفضات أسيل حيث الوقت مزير وباغا دير العرس ..وخا علاء عيا يحاول معاها معندها مدير بعرس و لكن لي في راسها في راسها و تا هو عطا قرارو بغات دير عرسها ديرو و لكن هو مغاديش يكون و تا راجل مغادي يكون و هي بزز منها وافقات وخا كانت كتمنى تبرز معاه ..و لكن معندها مدير كيبقا هو ملتزم ..الأم ديال علاء كتخرج يوميا مع اسراء لنوعا ما مافرحاناش كانت باغا نور لتكون مرات علاء و لكن معندها مدير ..امينة تا هي متشوقة تعرف على هاذي لختار خوها و غاذي دخل لدارهوم ..اما اماني باقي عند راجلها وولدها تا علمها علاء بلي كاين و طلب منها تجي حيث ايحتاجها بزااف ولات بالنسبة ليه صديقة مقربة هي بحر اسرارو و هو كذلك مكتخبي عليه والو الأم ديال اماني كتعاون عائشة في تحضيرات و شنو غادين يديو معاهوم ..وخا علاء كاليهوم بلاش خليها هي تختار داكشي لبغات بوحدها و تاخذو من بعد ..فالأم ديالو رفضات ضروري ميمشيو يديهوم عامرين ..بما انهوم تافقو دونك خاص كلشي يكون هو هذاك ..أسيل كتحاول تعيط على علي باش تعلمو و لكن ديما طافي تيلو ديالو وملقات كيفاش توصل ليه ..سولات علاء كاليها راه في أمريكا من كتصوني عليه نتي كيكون ناعس و كيطفي تيلي ..صافي خلات تا يجي و تعاود ليه ..يوسف اضطر يرجع القنيطرة من بعد ما سمع سبب الموت ديال الأم ديالو ..ورجع لدارهوم ..و دوزو ايام جنازة و بقاات ليه 4 ايام خرا و يرجع حيث باقي خدمتو مسالات خاص شهر اخر عاد يرجع قنيطرة نهائيا ...أسيل حمقات علاء كل نهار خارجة ليه بشي بلان من جنب ..و هو ماعليه غير بالصبر ..

《نهار قبل خطوبة 》

🌞 أصبحنا و أصبح الملك 🌞مع 7 ديال صباح ..

أسيل ضرباتها الفيقا بكري هزات تيلي ديالها شافت الساعة لقات باقي الحال بغات ترجع تنعس و هي تنوض قافزة ...

أسيل: ويلي ويلي اش نسيت😱😱😱😱

هزات تيلي ودوزات نمرة ديال علاء دغيااا بقا كيصوني تيلي تا جاوب علاء مقلوب بنعاااس

علاء: (مدوخ) مممم😪😪

اسيل: علاء نوووض نووض و تا نوض مالك باقي نااااعس 

علاء: أسيل مااااالك ثاني الصباح هذااا😑😑

أسيل: و تا نوض را نسيناااا الخواااتم😕

علاء: (حل عين و عين سادها) خوااتم😮

أسيل: ايييه خواتم مغاديش نشريوهوم ياك انتزوجووو ياكما تا هماا باغي دير ليا فيهوم بحال العرس..اوا سمع نقوليك غادي تنوض تبدل و تلبس و تجي عندي نمشيو ناخذو الخواتم ..

علاء: أسيل سيري خوووذي الخااتم ليبغيتي علاش خاصني نوض تا أنا ..

اسيل: اهيااااا داوي من نيتك ولا كيفاش اويلي وحدي شوف مبقيتش باغا نتزوج صافي ساااالينااا ..😠

علاء: (ناض ضرب الكلاااس ) كيفاااااااش😮

أسيل: كيف سمعتي (قطعاااات )..

علاء: (كيهضر مع راسو ) اويلي هاذي كتهضر من نيتهااا اوووف اش هاذ التخربيق ثاني و صداع الراااس اوووف منك ا أسيل اوووووف (ناض حيد عليها الغطا لاحهو و دخل دوش دوش بالما بارد🚿 باش يبرد عصباتو ..و خرج لاوي عليه فوطة على نصو و فوطة كيمسح بيها شعرو و لبس حوايجو و مشط شعرو و قاد لحيتو و رش ريحتو ديال مسك و دارتو ساعتو في يدو و هز بزطام و تيلي ديالو خشاهوم في الجيب و السوارت هازهوم في جيبيو هبط لقا كلشي فايق كيفطر ..قالهوم صباح الخير و كلس كيفطر و هو مغوبش تا سلا هاز زيف مسح فمو ..و ناض ..

علاء: اسماعيل خويا دوز المحل ليوم زعما هاذ صباح عندي شي شغل مغاديش نسالي(جبد سوارت محل) ها السوارت ..

اسماعيل : وخا خويا كون هاني انوصل شهد الروض و نمشي و انعيط على عزيز را عندو سوارت امحل لاخور هو يتكلف بيمن جيتي نتا و نمشي انا ..

علاء: صافي اخويا شكرا ..يالله صباحكوم مبروك بصحة فطور..😊 خرج علاء ركب في لوطو ديالو طل شاف ساعة كانت ديك 9 و مشا داز البنكة تيرا شي فلوس و مشا نيشان لعند أسيل ..

اما اسيل غير قطعات معاه و ناضت مغددة دخلات دوشات تاهي تخشات في بنوار 🛁 استرخات وريحات عضيماتها غسلات شعرها و لحمها دارت غير صابون و باندوش ناضت لبسات بنوار و مشات لبيتها جبدات كولون لاصق في باج وكسوة حد ركبة سماطي في الباج تا هي و نشفات شعرها و جمعاتو على شكل سفنجة ودارت كريم لوجهها و ريحات جبدات صباطها پلاا لبساتو ..مشات طلات لقات كلشي ناعس و هي غادة كوزينة سمعات تيلي ديالها كيصوني و رجعات هزاتو لقاتو علاء ..

أسيل: دبااااا هذااا لاش معيط ياك سالينا😑

♡♡ عند البطل ديالنا♡♡

مشا علاء مديماااري طاير نيشااان لعند أسيل وصل حدا العمااارة و حبس و جبد تيلي ديالو ..

علاء: اووووف منك يا أسيل ركبتي فيا الأعصاااب الصبر يا الله الله يعطيني صبر أيوب ..(دار نمرة ديال أسيل و صونا عليها ) ..

عند اسيل لشافت نمرتو و قلبات وجهها و قطعات عليه ..ومشات الكوزينة كتوجد فطور و علاء كيوصني كيصوني تا كيقطع و هي حلفات لاجوباتو تا سمعات مساج جاها ..مشات هزاتو فتحاتو لقاتو من عند علاء ..

✒أسيل هبطي انا التحت عندك 10 دقاااايق لامهبطتيش انطلع اناااااااا ✒

اسيل: اويلي هاذا من نيتو كيفاااش التحت مشات طلات من شرجم صالة و طلات بانت ليها لوطو ديال علاء و بدات تولول ..

أسيل : ويلي ويلي و الله تا دارها بصح ..و مشطبة كحلة هذي انا نهبط عندو...مشات هزات صاكها دارت فيه بزطامها و تيلي ديالها خشاتهوم في الصاك و هزات السوارت طفات على الغلاي كانت رداتو يطيب و قادات شعرها وجبدات عكر حمر عكراات في المراية لي حدا الباب تعكيرة نيت و سدات الباب و هبطات حلات باب العمارة و دارت نضاضر ديال الشمس في عينيها ومشات في اتجاه طونوبيلة ديال علاء..شافها جاية هبط الزاجة ديال لوطو و دار ليها براسو زعما طلعي ..و طلعات بلا هضرة بلاجوج غير ركبات و هو يقلع هو ساكت و هي ساكتة ..تا هضرات أسيل

اسيل: فين غاااديين؟؟

علاء: لارد...

اسيل: و تا هضر مالك تزيزنتي و لا شنو ؟؟

علاء: لا رد ..

أسيل: (قلبات وجهها جيهة الأخرى)ايوا الله يستر ..بقا علاء غادي تا وصل الملاح (واحد البلاصة في قنيطرة )..وقف و بلاصة الطونوبيل في واحد قنت ..

علاء: هبطي ...😑

أسيل : فين جايبني 😑

علاء: اسيل منقويوش الهضرة بزااف هبطي ..😠

اسيل:(منفخة) غير بشوية عليك لا طرطق ..هبطات أسيل و تبعاتو من لور و هو كيزرب في مشيتو تا لحقات عليه ..شافتو داخل واحد المحل ديال الذهب ..

اسيل: علاش جينا هنا ا علاء وقف هضر معااايا 😑

علاء: بغيتي خااتم ياك و دخلي ناخذو هاذ الخاتم دغيا را باقي عندي شلا ميدار ا أسيل ..

أسيل:(فرحات ) يا الله😍

دخلات أسيل و علاء عند مول محل ..حمماقاتو مسكين كاع الخواتم جبداتهوم عاد بان ليها واحد عريض ديال ذهب و فيه غير حجرة وسط باين غاالي ستيل ديالو واعر 😍

أسيل: بغيت هذا صاافي 😍

علاء: اوك ..ديرنا هذاك عافاك ..

أسيل: بلاتي ..عندك ديال رجااال ؟؟

.......: كاينين ديال ذهب ..

علاء: اسيل انا مكنلبسش ذهب في يدي اش كتخرقي صافي خوذي خاتمك و يا الله تا ناخذ انا واحد ..

اسيل: اوك ...يا الله ..

خلص علاء خاتم دارو ليهوم في بواطة و خرجو غاديين لطونوبيل تا كيبان لأسيل واحد مول نقرة ..

اسيل: يا الله اعلاء را واحد مول نقرة خوذ خااتم ...

علاء: مرة اخرى ا اسيل باقي عندي ميدااار ..

أسيل: عاافاك عاافاك ..😣

علاء: يا الله زيد وكلنا امرنا لله ..مشا علاء معاها و دخلو هاذ المرة عند مول النقرة و أسيل لكتختار ليه وتا حاجة مكتعجبو تا شافت واحد سامبل خفيف وراتو و ليه و عجبو ..

أسيل: صافي هذااا مزيان😍

علاء: (قيسو و جا قدو ) امم مزيان صافي ناخذو هذا ..

أسيل: خووويا كتكتب عليهوم ..

.......: اه اختي ..

علاء: اش غاادي تكتبي ثاني؟؟

أسيل:سكت بلاتي..خويا اتكتب علينا على هاذ الخاتم و تا على واحد خاتم ديال ذهب 😊

....: اهاه اختي شنو انكتب (هاكي ورقة ديري فيها اسماء و لا عليك ) 

اسيل: (جبدات خاتم ديالها) هذاا اخويا اتكتب عليه Alaa بهاذ طريقة ياك و هاذا لخذينا من عندك اتكتب عليه Asil و بغيت ليوم وجدو صافي(ببرائة) 

علاء:😮😮😮😮

.....: كوني هانية اختي مورا العصر تلقايهوم موجودين ..

أسيل: صافي شكرا😍😍 يا الله اعلاء تا العشية و دوز ليهوم نتا من تجي غذا جيبهوم صافي 😍

علاء: (باقي مصدوم فيها ) 

أسيل: و يا الله زيد مالك تصدمتي اويلي انباتو هنا مابقيتش مشغوول ..

علاء: شتي نتي هي لغادي تجيبي ليا اخرتي مافيهااش...

أسيل: عارفة😋😋

مشا علاء مورا أسيل باقي تحت الصدمة كيشوف هاذ السيدة لقدامو لكل مرة كتوريه حاجة جديدة كتخليه مصدووم ..ضحك بالجنب و ومشا ركب ديمارا و مشا رجعها لدارهوم ..حيث عندو شي حسابات خاصهوم يتجمعو ..طلعات أسيل للدار كاتليهوم مشات تشري شي حاجة خاصة و مشات كتجمع مع ماماها دار و هكا دوزو نهارهوم غير في الجميع و مسيح الغبرة و توجاد الحلوى و اسيل كلشي دوموندات عليه من برا العشاء و الحلاوي و لاطاغط و المملحات كلشي ايجي جاهز ..و علاء مشا دوز نهارو كامل في الخدمة تا العشاء عاد دخل بحالو لقا مو في الصالة و امينة و ختو كبيرة جات را كيوجدو حلوى لغادي يديو و الكراطن ديال حليب ف بلاطو و باكيات ديال حنا في بلاطو و بلاطو ديال تمر كلشي واجد على حقو و طريقو سلم عليهوم علاء و طلع بيتو بدل عليه و هبط تعشا و طلع نعس مدكدك بالخدمة و اسيل تا هي نعسات بكري 😴 

جا النهار المعهود وكلشي مشغول كيوجدو و أسيل غير مع بسمة مقاتلين اما خديجة عيطاات على سعيدة و حليمة جارتهوم و بناتهوم باش الدنيا تعمر طريطور جا حط جوج طبالي بتجهيزاتهوم وسط الصالة و خديجة واقفة على الشغل مع مساعدة جاراتها ..و علاء تا هو ناض كيوجد راسو و عائلتو تا هما كل واحد و شنو كيدير ..

أسيل كرات قفطاان ايفازي براندة خفيفة و بعقيق ببلونكااسي و بليغة لبسااتها في رجليها قفطان حد المرفق ديالها دارت كورميط ديالها ديال الذهب بسنسلتو وحلقاتو و خاتمو ..سرحات ليها بسمة شعرها و بوكلاتو ليها و خلاتو مطلوق اما المكياج دارتو بووحدها سموكي ..من اللخر جات قراطسة 😍ومع الفورمة ديالها مقودة ليوم السي علاء يطيح نيت😂 بسمة لبسات غير فراشة واسعة عليها على حساب كرشها و خديجة لابسة غير قميص خفيف و دايرة فوطة على كرشها و كتشقى ..علاء ناض دوش وولبس و هبط فطر ..مشا المحل كلفهوم بالشغالات و رجع صلا الضهر و تغذا و طلع لبيتو كلس فيه كيقاد لخاصو يتقاد و مالين دار لبسو وتقادو باش يصليو العصر يخرجو و داكشي لكان غير اذن العصر و الكل صلاو ..علاء لبس عليه جلابة و قاد شعرو لور و رش ريحتو ديال المسك ..احح على مولاي السلطان 😍اسيل اتزعط😂 ..باه تا هو لبس جلابة ..اما اسماعيل خوه لباسو عادي و العيالات لبسو خمارات ديالهوم ..خرج علاء و ركب الاخت ديالو لمزوجة حاملة و الام ديال اماني و الام ديالو وأمينة..اما اماني عيطات ليه و اعتاذارت منو حيث ولدها الصغير مريض كاتليه تقدر تجي تقدر تا ليل متلحقش وداكشي لكان مجاتش ..اسماعيل ركب الأب ديالو و اسراء وولادو ..وشدو الطريق للدار عند أسيل ..اما اسيل وجدو كلشي و كلسو كيتسنااو عائلة علاء ..تا صونا ليها علاء كيعلمها بلي قربو...

أسيل:ماما راه گاليا قررااب يجيو 

بسمة:صافي اصلا كولشي واجد

خديجة:بلاتي ابنتي انا عاد سيفطات ليا ثريا هاديك مسكينة لي كانت واقفة معايا ملي كنت نقلب على خدمة سيفط ليها تجي لعندنا وراه ماعارفاش الطريق غانمشي نجيبها دباا راها قريبة

أسيل:ولكن اماما راه الناس قراب يجيو 

خديجة:راه ابنتي عيب نخليها تما كاتشمش راه عاد وصلات وماعارفاش الطريق راها قريبة شوية دغيا غارجع 

بسمة:صافي ا أسيل مالك متوترة راه دغيا غاتجي غاسيري اماما خديجة كوني هانية انا كاينة هنايا حتا الا جاو غاندخلوهوم ونضايفوهوم بيما جيتو نتوما 

أسيل:واخا صافي غا سيري ا ماما (مشات خديجة لاحت عليها الخمار ديالها ومشات خرجات كاتجري اما أسيل مشات طلات على العيالات لي فالكوزينة الجارات شكراتهم حيت كايعاونوهوم هي تجرها بسمة للبالكو كاتگوليها الناس راه جااو وصلو)

أسيل:😱والله الاجاو بصااح ناري بسسمة اشغاندير دباا كون غا زاادو تعطلو شوية 

بسمة:ههه مالك على هاد التوتر كاامل صاافي كاالم دبا اصااحبتي كاالم شوفي فيا صاافي راكي وااعرة👌🏻

أسيل:صافي دبا گوليليا واش انا لي غانحل الباب ولا نتي ولا شكون اويلي تلفت فيينك اماما اشبغيتي شي تريا ولا شي خرية

بسمة:(كاتموت بالضحك) هههه تي سيري دخلي انا غانحل ليهم الباب 

أسيل:(مشات بالجرا دخلات لبيتها لقات العيالات گالسين تا هوما وبدات دور ليهم فوق راسهم متوترة خرجو العيالات من البيت باش يستقبلو علاء وعائلاتهم وبقاو البنات مع أسيل كايهدنوها...)

بسمة:(سمعات الدقان فالباب ومشات بشوية عليها دارت إبتسامة عريضة على وجها ومن بعد حلات الباب) 😀 مرحباا بييكم دخلوو الدار دااركم (گاليها علاء السلام ورداتو عله وسلمات عليهم كاملين وهي محافضة على الابتسامة ديالها دخلو كاملين وگلسو فالصالة الكبيرة من بعد ماستقبلوهوم الجارات سعيدة وحليمة گلسو كاملين وبسمة كاترحب بيهم وبغات تعتادر ليهم على الغياب دياال خديجة) مرحبااا بييكم الدار دااركوم سمحوولينا ماما خديجة دبا غاتجي واحد 5 دقايق وتكون هنا غير سمحولينا

الحاج:ماكاين باس ابنتي ماكاين باس

عيشة:نتي هي خت العروسة ابنتي ياك 

بسمة:ااه اخالتي أسيل بحال ختي اناا غانعيط على أسيل ونجيبو باش نضايفوكوم مرحبا بيكم مرة خرا (ناضت بسمة والجارات كايتعاونو على الماعن كايحطوهوم فوق الطبلة ومشات بسمة كاتمشا بحال شي بطريق حتا دخلات عند أسيل باش تكلمها تجي تخرج لعندهوم حيت ماعرفات ماتگول مزال قدامهوم سمعات الدقان فالباب عرفاتها خديجة مشات بسمة دغيا حلات ليها الباب وسلمات على المرا لي كانت معاها) دخلي اماما راه الناس جاو وماعرفت مانگول معاهم حشمت سيري بدلي حوايجك 

خديجة:واخا ابنتي ثريا سيري گلسي غير لبس شيحاجة ونقاد حالتي وانا معاكم

بسمة:(مشات مع ثريا قدماتها لعائلة علاء بكونها صديقة ديال العائلة دخلو البنات مدخلين الحلوى وداكشي بسمة قشعات أسيل جاية وهي تحنحن بدات حاضية علاء وكولشي عرفها جاية وبقاو كايشوفو بغاو يعرفو شكون هاادي لي قدرات طيح علاء...)

علاء:(سمع خطوات جايين عرفها هي لي جاية ...*من بعد ما خرجات بسمة من الشومبر ديال أسيل مشات أسيل دخلات الكوزينة هي والبنات هزو داكشي لي بقا وخلاو الپلاطو ديال القهوة لأسيل لي تبعاتهم من اللور من بعد ما دخلو وسمعاتهم سلمو معاهم ورجعو للداخل مشات بخطوات بطيئة حتا دخلات للصالة وهي حانية راسها ويديها كايرجفو نوعا ما حطات الپلاطو ومشات سلمات معاهم بدات بأول وحدة هي الام ديال أماني لي سلمات عليها بحفاوة ومن بعد إسراء لي سلمات عليها عادي وأمينة كدلك وأسيل كاطلب الله ماتفكرهاش أمينة حيت ديجا جبدات معاها الصداع وأخت علاء الكبيرة كدلك سلمات عليها بحفاوة وصلات عند الام ديال علاء باست ليها يدها وعيشة ستقبلاتها بإبتسامة والاب ديال علاء كدلك وخو علاء گالتله السلام عليكم حيت خافت لايكون ماكايسلمش وتقمع نهار خطبتها وعلاء دازتو حشمات منو قدمات ليهم القهوة وأتاي لي بغا ومشات هازة كاس ديال القهوة بغات تعطيه لعلاء!! هو....*)

علاء: (لحظات صمت قبل دخوولها!! 

إرتجف كياني لرؤيتهاا!!

جمال رباني سبحان من سواها!! 

إستيقظت من سهوتي وهي أمامي!! 

تمد لي فنجان قهوة!!☕

في محياها إبتسامة خفية!! 

الجميع ينظر إلي نعم فضحني إعجابي!! 

ااخ أسرتني تلك الفاتنة!!) احم احم (شد من عندها الكاس)شكرا

أسيل:☺

عيشة:(كاتشوف فولدها والطريقة لي كان كايشوف فيها فأسيل كولشي قشعو خصوصا انهم كانو مركزين معاه ومع ردة الفعل ديالو) 👀

أمينة:(كاتهمس لإسراء)شفتي خويا كيفاش دار فيها والله الا طااح 

إسراء:انا هاد البنت فايت ليا شفتها وماعرفت فين

أمينة:(هي تفكرات أسيل وتفكرات الموقف لي وقع ليها معاها) ماعرفت ولكن صراحة خويا عندو الدوق زويينة البنت

أم أماني:ااه تبارك الله ما شاء الله زوينة الله يحجبها

بسمة:ماما غاتجي دبا غير شربو قهوتكم لا تبرد 

عيشة:(جغمات من القهوة)تبارك الله ابنتي 

بسمة: اخالتي ماتحشموش كولشي ديالكم مرحبا بيكم

عيشة:ترحب بيكم الجنة ابنتي بنتي أسيل تبارك الله عليك زوينة الله احجبك 

أسيل:(حانية راسها ماكاطلعش الصوت) شكرا اخالتي☺

عيشة:(شافت فبسمة) بنتي كيغادا مع الحمل باينة فيك تقلتي فيناهوا رااجلك

بسمة:😳(تقرسات من هضرتها وسكتات) 

أسيل:(ختافات الابتسامة من وجها وهي تهز راسها بصدمة شافت فعلاء نيشان)

علاء:(شاف فأسيل لي كاتشوف فيه هو يتدخل) ااه الواااليدة بسمة مطلقة 

عيشة:ااه سمحيليا ابنتي ماكنتش عارفة مايبقاش فيك الحال راه هو لي خاسر

بسمة:☺(بتااسمات بزز هزات داك الكاس ديال أتاي كاتشرب فيه بزز منها من بعد حطاتو) انا غانشوف ماما(ناضتت دغيا خلاتهم) 

عيشة:اجي ابنتي حدايا بغيت نتعرف على عروسة ولدي

أسيل:(ناضتت حشمانة ومشات گلسات حدا عيشة لي كاتشوف فيها وكاتشكرها وتمدح الجمال لي عطاها الله)

بسمة:ماما ساليتي 

خديجة:(خرجات خديجة بفراشة فالشيبي ولابسة فولار ديالها)ااه ابنتي غير هاد السنسلة معامن كنت مدابزة حلفات لا تسدات

بسمة:انا غانسدها (عطاتها خديجة بالضهر ووبسمة لبسات ليها السنسلة ديال الدهب وسداتها) صافي زيدي راه نتي لي بقيتي

خديجة:واخا ابنتي(مشات خديجة بخطوات بطيئة ماحدها كاتقرب وقلبها كايتزير عليها دخلات للصالة وهي مبتااسمة قربات ليهم هي تهضر) السلام عليكم ☺

الكل:وعليكم السلام

خديجة:(بدات كاتقرب منهوم) 

عيشة:(هزات راسها باش تشوف فالام ديال أسيل غير هزات راسها هي تصدم صدمة العمر خرجو عينيها والهضرة وحلات ليها) 😨

خديجة:(كانت حانية راسها كاتشوف فالطبلة واش كولشي هو هاداك راكم عارفين الامهات المغربيات👌🏻 غير هزات راسها جيهة بنتها هي توقف مصدوومة رجليها مابقاوش هازينها كولشي لاحض هاادشي وماعرفووش السر ديال هاد الصدمة😳) 

أسيل:(كاتشوف فماماها لي مصدوومة ومفيكسية عينيها فيها) 

علاء:(دور عينيه كايشوف جيهة أسيل لقا ماماه راسمة نفس النظرة مافهم والو) 

الكل:😳

علاء:الواليدة!!

الحاج:عييشة مااالك

خديجة:خخختتتتيييي😢 (غمضات عينيها وغابت عن الوعي وبسمة طلقات حلوقها وغوتات كولشي ناض كايجري كايستفسر أسيل مشات جيهة ماماها مصدومة ودغيا طاحو دموعها حيت هي عارفة الام ديالها مريضة وعلاء كدلك مشا كايطير عند خديجة هزها بين يديه وأسسل غادة موراه قدامو دخلاتو للبيت ديال ماماها وجبدات الريحة بدات تحطها ليها على نيفها وحلات ليها الزيف اما علاء گال لأسيل غايرجع دبا ومشا خرج يسول ماماه لقا الواليدة ديالو كاتبكي وكولشي داير بيها) 😨الواليدة ماالك الحاج شنو وقع

الحاج:ماعرفتش اولدي بوحدها بدات تبكي عيشة شنوو واااقع

عيشة:ختي ختي😭

علاء:(هز كاس ديال الما مدو لماماه حتا شرباتو باش تهدن شوية) الواليدة تهدني وگوليليا مااالك نتي وخالتي خديجة شنوو وقع ليكم كيفاش ختك

عيشة:😢كيفما سمعتي اولدي خديجة ختي من با ومي الله ارحمهوم 

الكل:😱😳

نتوما:😨

حنا:😈😋

علاء:كييفاش الوااليدة كيفاش ختك وحنا مافرااسناش

عيشة:ولدي خديجة مني كانت صغيرة جا خطبها واحد كانت كاتعرفو سميتو عمر واقيلة ولكن واليديا ماابغااوهش وخلفو على خديجة لا تزوجات بيه وشحاال وهوما حابسينها فالدار ولكن هربات من تما واليديا سخطو عليها وماعمري مزال شفتها😢

علاء:(كايفكر فهادشي لي كاتگول الواليدة ديالو) الواليدة جدي وجدة ماتو كتر من 15 عام هادي ماعمرك سولتي عليييهاا!!! ؟؟

عيشة:(شافت فولدها فصدمة فهمات شنو كايگوول وعرفات بلي كايلوومها)انا اولدي ماكنتش موافقة على زوااجهاا وملي تبراو منها واليديا تبريت منها تا انا

الحاج:لا حول ولا قوة الا بالله

علاء:(بداو حجبانو كايتعقدو تلقائيا دليلا على انه معصب بزاف وبلا قياس دار موراه هو يلقا أسيل واقفة فباب الصالة مخنزرة وعاقدة ححبانها حل عينيه مصدوم هادشي كايعني أسيل سمعات كولشي) 

أسيل:(كاتفكر فماماها والقهرة لي دوزات والتكرفيس لي عاشتو خدمات فالديور وفلوزينات فالشتا وفالصهد بيما ختها كانت عايشة عيشة ديال االملوك هادشي لي داز قدام أسيل بدات كاتنفس بالزربة وهي تنطق) خاالتي ماما بغاات تشووووفك (خنزرات فيهم هي تحدر راسها ومشات لبيتها مامشاتش لعند ماماها) 

علاء:(حنا راسو وغمض عينيه معصب وشاف فماماه كايگوليها بعينيه نوضي) 

عيشة:خليوني نمشي نشووفها

أمينة:واخا اماما ارا يدك نعاونك

عيشة:لا بلاش (ناضتت عيشة غا بزز ومشات كاتجر فرجليها ومشات للبيت ديال خديجة) 

علاء:(شاف الام ديالو حتا دخلات للشومبر وشاف فباه) الحاج كنتي عارف

الحاج:مافراسيش هاد الهضرة اولدي 

علاء:(تنهد ومشا عند أسيل دق عليها فالشومبغ ديالها هو يحل الباب لقاها گالسة فوق الناموسية وشادة ليزار مخنزرة وباينة فيها كاعية لافان) 

أسيل:علاء عاافااك خرج وخليني مابغيتش نگول شيحاجة فحق الواليدة دياالك قدامك 

علاء:(سد الباب ومشا جر كرسي وگلس قدام أسيل) أسيل

أسيل:😡😤علااء عاافااك.....

علاء:أسيل اناا فهمتك....

♡عند الأبطال ديالنا ♡

أسيل : علااااء صااافي براكة عافاااك😡😤

علاء: أسيل انااا فهمتك...و لكن سمعيني عاافااك ..

أسيل: علاء ماباغاش نهضر دبااا...😑

علاء: لا غادي نهضرو (مشا سد باب البيت و رجع وقف على أسيل هي كالسة فوق الناموسية بان ليه كرسي و جرو وكلس قدامها) شووفي ا أسيل انا عارف دبا نتي مصدومة و انا كتر منك و عارفك معصبة و بزااف و منكذبش عليك تا انا معصب و بلا قياااس ..الواليدة مدارت فيها ميصلاح نهار تخلات على ختها ..و انا في هاذ المدة تعرفت على خالتي خديجة مكاينش بحاالها شتي تا الواليدة ماشي بحالها ..مراة لنية و درويشة و قلبها كبير ..وزيد ايمانها قوي وراضية بلعطى الله ..مراة لضربات تمااارة و تقااتلت مع الزمان و تقاتلات عليك تا كبرتي ووليتي هكا ..غير هادشي كافي باش تكون احسن امراة ..انا قبل منعرفها واش خت الواليدة كانت معزتها كبيرة ..و ليوم من بعد هاذ الصدمة زاادت معزتها كبرات ..الواليدة معرفتش كيفاااش و لكن هي كبر من الأم ديالك ...ديجا كانت كتكولينا عندكوم خالتكوم صغيرة مزوجة و لكن راني معارفاهاش فين ساكنة ..و كنقسم ليك بالله شحال من مرة كنوض نشرب و لا شي حاجة كنلقاها في الصالة كتبكي ..و كتكول ختي توحشتك ..من كنسولوها كتكولك انا معارفاش بلاصتها ..غير هادشي لكتكول عمرها عاودات لينا القصة و اش واقع بالضبط و علاش ماعارفاش ختها فين كاينة ..و كنقسم ليك بالله دبا من عرفت الواليدة تبراات من الأم ديالك بحال لخشيتي فيا موس في قلبي ...الواليدة مدارت فيها مايليق و بزاااف كاع ..و انا عارفك دبا كتفكري في العذاب لعشتو و كيفاش عائلة ماماك سمحات فيكوم عارفك معصبة و مقلقة ..ديري ليبغيتي و لكن انا كنعتذر بالنيابة عن الواليدة ..لتاهي متاكد اتكون ندمات ..

أسيل: انا عارفة القصة عمر ماااما خبات عليا شي حاجة و من كانت عندي 15 عااام عاودات ليا كلشي و فهماتني 

..من تما حقدت على شيحاجة سميتها عائلة ماماا...اما بالنسبة لعائلة بابا كثرررررر و راك شتي تا حد مكان في الموت ديالو اصلا واليديه مييتين و عمامي عماماتي ناكرينااا و مدايرينش ليناااا كاع حساااب دايمن من كنت صغيرة كيجيو يعايرو غير ماما و يمشيو ..و زيد عائلتها هي كيفااااش واليديها تبراو منها ..ااااه ماما غلطات من بغات واحد ميستاااهلش و عارضااات واليديها و لكن كتبقى بنتهم لاش تبراو منها ...غير حيث ختها الكبيرة خذات واحد لاباااس عليه صافي صحاب ليهوم كلشي كايتشرا بالفلوس ...كيفااش سمحو في بنتهوم عندها 18 عااام لاكان هي غلطات هماا الواجب ديالهوم يوعيوها و يكولو ليها شنو الصحيح ينصحوها و يبقاو ديما واقفين معااها كتبقى بنتهوم ...و نجيو لخااالتي يا حسرة لهي ماماااك ..كيفاش قدرات تبرى من ختهاا.. شوف غير انا بسمة ماشي ختي و لكن وخا دير لدير وخاا تغلط وخا دير اي حاجة عمري نسمح فيها حيث بني آدم كيغلط و حنا غير الانسان و انسان بدورو كيغلط مكاينش لمكيغلطش...كيفاش قدرات تكوليها انا ما ختك مانتي ختي ...ساهلة خرجات ليها هاذ الكلمة ...كيفاااش ماما طلباتها و رغباتها باش تسمح ليها ..و هي لا ديما كاتواجها بالرفض ...دبا تاا فات لفووت عاد ندمات تا مامااا مابقا ليها والو و تمشي و تخلينااا ...علاش مامااااا بالضبط علااااش اشدرات هي كاااع ..هي غير مراة مسكينة ضعيفة ...علاش هاااااذشي كيوقع ليهااا...بعض خطرات كنكول كون غير متولدااااتش كون غير واليديها ماولدوهاش باش تعذب 😢...كون دباا تا انا مكاينااش و ممعذباااااش...هي بزااف عليها هادشي بزااف ...ضلماااااات من اقرب ناس ليها ...ضلماات من ناس لبعاااد ..الحياة ضلمتها بزااف😢 و انا هادشي حطمني...

علاء: فاااهمك و الله تا فاهمك و هادشي لكلتي كلو عندو فيك صح انا براسي دبا تعصبت و لكن هاذشي قضاء و قدر و هادشي مكتاب عليناا..خليهوم هما دبا يهضرو و نشوفو ..

أسيل:(ناضت) انوض نشوفهوم...

♡عند خديجة و عائشة ♡

دخلات عائشة بشوي عليها بيت عند خديجة لقاتها متكية فوق ناموسية مجبدة و مغطية و كتشوف في السقف قربات جيهتها ...و كلسات في جنبها 

عائشة : خديجة ختي😢😢😢

خديجة:(ضورات وجهها و دموعها نازلين) ختي 😢😢توحشتك اختي 😢

عائشة:(كتبكي) و انا كثر اختي و انا كثر😭سمحي لياا...سمحي ليا ...سمحي ليااا😭

خديجة:(ناضت ضربات الكلاس بشوية عليها و شدات في يدي ختها ) شووووو اختي شووو معندكش لاش طلبي سمااحة ...بجوجنا غلطنا😢😢انا مسمعتش من ختي الكبيرة و ونتي مسمعتيش مني بجوجنا غالطين ...سمحي لياا حيث مسمعتش ليك 😢😢

عائشة:(جراتها عندها و عنقاتها بجهد) سكتي اختي الحبيبة سكتي ...حبيبتي توحشتك😢😢 و توحشت الهضرة معاااك عرفي عمر مانسيتك كنت كولا نهاار كانبكي... 

خديجة: (كتبكي و مزيرة على ختها) تا انا توحشتك ..تا انا توحشتك اختي توحشتك 😢

عائشة :(جابتها قدامها و كتمسح ليها دموعها) صافي براكة علينا اختي من دموع ..و هذا نهار كبير و سبحان الله ولادنا لجمعونا باش تعرفي المكتاب ديالنا ولادنا جمعونا ...

خديجة: سبحااان الله ..ربي كبير و شوفي الصدف كيدايرين دبا ولدك باغي بنتي ..

عائشة : اييه اختي انوليو نساب ان شاء الله و هاذي هي فرحة كبيرة بنتك تكون عروستي ..(خرجات اسيل و تبعها علاء دخلات البيت على ماماها) 

دخلات أسيل البيت عند ماماها و سمعاتهوم كيهضرو و كيضحكووو...

أسيل: لاااااا😕

خديجة: أسيل دخلي ابنتي مالك ؟؟

أسيل: كولو ليا اش واقع هنااا...؟

😡

خديجة: بنتي اجي قربي حدايااا و سلمي على خالتك و عكوزتك المستقبلية ..

أسيل: انا ماعندي خااالة و مغادي تكون عندي عكووووزة ...صافي الحفلة سااالات 😠

خديجة: لواااه ابنتي تسطيتي ...شكون بحالك خالتك اتكون هي حماتك..بنتي انا وخالتك هضرنا و تصالحنا ..

عائشة :(ناضت وقفات قدام أسيل) ..بنتي انا بغيت نطلب منك السمااحة (شدات أسيل من يديها و حنات راسها باستهوم ) سمحي لياا احبيبة سمحلياا ابنتي😢

أسيل:😳😳

علاء: احم احم ...

عائشة :(هزات عينيها مدمعين ) عاافاك ابنتي لما سمحي ليا ..

خديجة: (ناضت وقفات جنبهوم) أسيل سلمي على خالتك عفا ابنتي راها في مااقام واليدة و نتي راها في مقام جداك را هي لرباتني ..

أسيل: (شافت في ماما لكتبتسم و فرحة باينة في عينيها ..و درات شافت في علاء لمربع يديه و اوما ليها براسو ) خااالتي 😍(عنقاتها ) ..

عائشة :(زيرات على أسيل و كدوز ليها على شعرها بعينها مدمعين) بنتي احح حبيبتي غزااالة بنت ختي تبارك الله ماشاء الله كتحمق ..(جراتها قدامها و كدوز ليها على وجهها ) كتحمقي ...فرحة كبيرة ان بنت ختي اتولي عرووستي .. 

أسيل:😊

خديجة: يا الله نخرجو خاليناهوم بوحدهوم حشومة ..مشات خديجة شدات في يد ختها و خرجو صالة عند الموجودين و اسيل وعلاء موراهوم...ناضو خواتات علاء سلمو على خالتهوم و على اسيل و تا اسراء و الحاج عبد الحفيض فرح ..بخصوص من كانت عائشة كتبكي و كتكوليه ختي توحشتها ..فرح سلم على خديجة ..و كلسو ..بسمة مشات كوزينة كطل تشوف واش كلشي هو هذاك(مغاااديش نطولو بزااف في هادشي ) ..صافي دار الصواب الأب ديال علاء و طلب يد أسيل لولدو و بما ان الأبطال ديالنا موافقين ..صاف بداو زغاريت جاارات خديجة و تا عائشة و مامات اماني و خديجة كلشي فرحان و اسيل غير حانية راسها حشمانة زعما كالسة في جنب علاء ..جابت بسمة بلاطو ديال حليب و تمر من بعد مقادت خواتم لجاب علاء ..لبسو خواتم بعضياتهوم و شربو حليب و تمر و بسمة كتصور ..علاء كيدير داكشي غير بزز ماقادرش يقرب ليها و لكن أسيل حلفاات عليه😂😂و ما في جهدو ميدير ..قراو فاتحة و تافقو على كلشي و قادو نهار سبت جاي دير أسيل عرس لحلف علاء ميحضر ليه ..و هي خلاتو على خاطرو عارفاه معكس و كال الهضرة مغاديش يرجع فيه ..صافي دارو نهار جمعة يكون العقد مع الطلبة في دار اسيل نيت و السبت دير ليلتها غير عيالات و تجي لدار راجلها ..تعشاو و شربو و ناضو جمعو الوقفة ديالهوم و سلمو عليهوم و عائشة فضلات ديك ليلة تكلس عندهوم و داكشي لكان باتت عندهوم تا صباح عاد جا ليها ..علاء هكا دازت سيمانة طايرة الأبطال ديالنا جمعو الوراق ديالهوم وبداو تحضيرات العيالات و كلشي كيجري من هنا لهنا ..وصل نهار الجمعة نهار لغادي يكتبو كتابهوم الأبطال ديالنا ..فاقت أسيل صباح اول حاجة دخلات دوشات و تهلات في راسها بليماسك و لكريم و خرجات لبسات عليها بيجامة سماطي حد ركبة خفيفة و نشفات شعرها و خرجات لقات بسمة كتاكل و ماماها و جارات لجاو صباح بكري و تا مامات علاء مكتخرجش من عندهوم من الدار فرحانة فرحة لا توصف ...علاء و اسيل سيمانة كاملة متلقاوش غير تيلفون بيناتها ..أم علاء وجدات كاع دفوع عروستها و على ذوق أسيل لكتخرج معاها ..ناضت أسيل كدور من هنا لهنا فطرات و رجعات بيتها بدات تقاد ضفارها و جات بسمة سرحات ليها شعرها و دارت ليه باتشة ..تا وصلات وقيتة الغذا تغذاو ..و هي تجي نقاشة باش تنقش ليها الله تنشف ليها في ليل من يجيو العدول و داكشي لكان لبسات قفطان لاصق في بلونكاصي و خلات شعرها مطلوق دارت غير ميكاب خفيف ..و كلسات في صالة و حداها بسمة و بنات و تا خوتات علاء الا اسراء بقات في دار كتكمل تحضيرات جات نقاشة دارت صبيعاات أسيل في يديها و صبيعات في رجليها و بسمة تاهي و بنات ...اما عيالات كبار مبغاوش سالات ليها وومشات بحالها و أسيل دخلات لبيتها رشات ريحة على حنة و كلسات متكية تا شافتها نشفات و حيداتها و مسحات يديها و مشات كتجمع بقية ديال حوايجها في لي فاليز ...تا اذن المغرب و صونا ليها علاء و علمها بانهوم جايين و تا العدول ..توجد راسها ناضت عاودات ميكاب ديالها و لبسات خاتمها في يديها طلقات شعرها و لبسات بليغة و كلسات في ناموسيتها كتسناه في جنبها بسمة كتكول شكلاط ..اما علاء دوز نهارو عادي غير كيشوف اش خاص تا اذن المغرب و ناض لبس جبادور في باج و فوق منو سلهام في كرونة و بلغة في رجليه و رد شعرو لور و قاد لحيتو شوية نقص منها و لبس خاتمو و ساعتو في يدو و رش ريحتو ديال المسك و هبط لقا الأب ديالو و راجل ختو و خوه و العدول واجدين ركبو في سياراتهوم و شدو الطريق وصلو و استقبلوهوم بحليب و تمر و مشا علاء صالة هو و رجال و كلس سيفط ميساج أسيل لكانت في بيتها ..كاليها تلوح شي شال على راسها من تخرج و داكشي لدارت بان ليها واحد شد خفيف لاحتو على راسها و خرجات بزغاريت ديال ام علاء و ماماها ....

#يتبع....