الساقطة و الملتزم الجزء 16

♡ عند الأبطال ديالنا♡..

أسيل:امير ..ويلي معرفتيهش واحد بووكووس كيمثل في سامحيني ولد سيرين و شااهين كان تويمي دياال منار و محمود ..وا(قاطعها)..

علاء: شووووو كتعاودي ليا على الأفلام داكشي لبقاا..و كتمدحي فيه قدامي ايوا الله يمسخك😑

أسيل: اللهم امين ..😌(قلبات عنيها)

علاء: كتعوجي ..مزيان زيدي زيدي فوتي عليك واحد فرصة منكولكش😋..

أسيل: شناهي😑

علاء: كونت عوال ندي مراتي تركيا نساريها واحد سيمانة و لكن متستاااهليش ..

أسيل: (غوااااتاااات وعينيها لمعو) حلللللللف😍

علاء: كنا و كنتو سرنا و سرتووو..كونت عوال اما دبا مستحيل ..

أسيل: (كتغبنن) يااااك ياااك حسومة عليك😣اديني و الله تا ديني و لا نعواج ليك هنا ..

علاء: نووو...مدايكش و عواجي نشوف ..

اسيل: (هبطات كلسات ليه في الأرض و ربعات وسط مطار ) تا انا ممحركاااش ليك من هنا يا الله😈

علاء: ايوا بقاي كالسة تما تا العام جاي ..انا غادي طيارة هبطات و بقاي كيف الهبيلة لداز كيضحك عليك ..(مشا علاء دار راسو مامسوقش ليها مشا فين كيوقفو باش يشوفو مسافرين و كيشوف غير بنص عين في اسيل لباقا كالسة..) 

اسيل: ولد حرام زاد و خلاني و الله متسوق ليا و الله لابقات فيك اوليدي علاء😢😢 ابلاتي😈..

علاء بقا واقف تا كتبان ليه مو و خالتو شادين في بعضياتهوم و جايين و خديجة لباين عليها تعب ..موراها واحد قنبلة😂 بسمة لوصلات شهرها ثامن لابسمة كسوة طويلة سماطي و طالقة شعرها هازا كسة بنضاضر شمس و بزز كتزيد ..عائشة قشعات ولدها ..تساناهوم كملو اجراءات و خارجين جارين شاريو بلباليز مشا علاء عندهوم باس مو يديها و راسها و باس خالتو كذذلك ..اما بسمة اكتفى يمد يديه ..

خديجة: اح كيداير اولدي لباس ..واحد اسيل لباس عليها واش مجاتش معاك؟

علاء: لباس اخالتي ..بنتك جبتها معايا و لكن شهماتني راها فين كالسة (نعت ليهوم بيديه..بسمة غير شافتها خرات بضحك 😂😂😂) ..

بسمة: هذي مالها😂😂😂😂😂

عائشة : اويلي اسيل علاش كالسة في الأرض؟؟

بسمة: جاتها حالة اخالتي ..

خديجة: ويلي ويلي..انا غادة عندها ..

بقات اسيل مربعة ركابيها و يديها على فخضها تا هزات عينيها شافتهوم وصلو و هي تمشي تجري عند ماماها كتعنق فيها ..

اسيل:(عناقتها) ماااااماااا توحشتك بزااف😢😢

خديجة: تا انا احبيبة توحشتك 😍😍

عائشة : و انا معنديش حقي ..

اسيل: الله يا ودي نتي هي ماما ثانية (مشات عند خالتها عناقتها تا هي عاد دازت عند بسمة)..

اسيل: ويلي كيفاش وليتي بحال كرة 😂😂😂مالك على حالتك قربتي تفركعي ..

بسمة: (خمسات ليها في وجهها✋) خمسة و خميس ..زعما نتي طفرتيه ..(تسالمو و تعانقو وخا كرش بسمة معنكاشاهوم) تا تي اعفريتة جا معاك زواج ..😉دبا نشوفو من اتحملي كيفاش غادي تولي😉

علاء: كح كح ..يا الله نخرجو ..

اسيل: (بشوية )بغيت ليك لقوى ..فركعانا حنا بوشونة بقا ليا غير ولاد ..😑

بسمة:😂😂😂😂 باز ليه صابر ..

اسيل: زيدي زيدي سكتي شوية ..خرج علاء والأمهات و بنات موراهوم ..

علاء: اكيد غادي يكون فيكوم جوع ..نمشيو نتغذاو في شي بلاصة ..

بسمة: واييه را من فطورنا مكلينا ..من غير دوك توشيات لكيعطيو في طيارة كيدخلو بين سنان 😕

أسيل: هيشة 😂

بسمة: بكرة ..عاوديها مخك😑

خرجو و هما مناكرات و علاء غير كيدور راسو يمين شمال بمعنى لا حول و لا قوة الا بالله ..عائشة اسرات على خديجة تركب حدا علاء و داكشي لكان عائشة و اسيل و بسمة لور ..اصلا لوطو كبيرة من نوع4×4 ..مشا علاء واحد مطعم راقي في كازا على جنب بحر ..كانت ديك ساعة قرب العصر يآذن ..وصلو بسمة طلبات دجاج اما خديجة و عائشة خذاو غير حوت ..بشلايض و موندة ..علاء اكتفى بقهوة ..اما اسيل كالك من بيتزا ديال كروفيط تخلاق متكول غير كتوحم ..طلباها ليها علاء مع كولا ..و كلسو كيتيغذاو تا سمع علاء العصر كيأذن ..و مع حدا جامع حسن ثاني استآذن منهوم باش يمشي يصلي ..و خرج بقاو بقية كيدردشو ..بسمة كلات ماكلتها و زادت بيتزا مع اسيل تا عصابتها و خلاتها ليها و ناضت باش تغسل دخلات حمام كتغسل ..غسلات يديها و نشافتهوم و هي خارجة تا كدفعهااا يد لدااخل أسيل معرفت اش واقع هزات عينيها و هي تصدم ..

أسيل: نتاااااا اش كدير هنا😮😮واش كتبعنا و لا شنوووو و علاش دافعني اش باغي مني ..

.....: شووو ابشوية ..شوفي من شحال هذي باغي نهضر علييك ..

أسيل: و علاش هادشي اش باغي منا 😮

......: دبا انا عارف راجلك كاين هنا ..يقدر اي لحضة يشووفنا بغيت نمرتك ..و من بعد نتاااصل بيك حيث ضروري خاصنا نهضرو ضرووري سمعتي ...

اسيل: واش حمااقتيني نتا و لا مااالك اش بيني و بينك تفرق عليا و من عارف راااجلي هنااا و مزال جاي عندي لجا دبا و شافنا اش غادي يقوول واش باغي تجبد ليا صداع ..انا الله رتاحيت في داري مخاصني صداع و ديجا هضرنا ..

.....: لا مهضرنااااش خاصك تعرفي شلا حوايج ..و نتي لغادي تعاونيني سمعي نكوليك..من هادشي كامل اري نمرتك و لا والله من فرقك ..

أسيل: اووف على موصيبة يا الله قيد دغيا عندك قبل ميجي راجلي ..

.....: ايوا مبروك بعدا بالبنين و البنات😉

أسيل: قيد دغيا06*****يا الله حيد من قدامي..

.....: تسناي اتصال ديالي ..

♡عند اسيل♡ ..

غير عطاتو نمرة و مشات رجعات طبلة بحال تا حاجة ما وقعات كلسات معاهوم تا جا علاء و خلص و ناضو كيدوروهم علاء شوية في مدينة تال وصلات 5 و شدو طريق ثاني في لوطوروت نيشان قنيطرة ..و خديجة بغات تمشي لدارها و لكن مخلاتهااش عائشة كاتليها والو تمشي لدار معايا و باش في العشية يمشيو عند واليدين اسراء ..حيث معروضين لبيس خواتم ديال نور..و تا الأم ديال أماني مشات معاهوم بلاد من بعد مشات عند واليديها و كلسات عجابتها كلسة ..خت علاء رجعات بحالها ألمانيا هي و راجلها ..بحكم خدمتو و تا هي قربات تولد و خاصها تبقى تحت عناية ديال الأطباء ..عيط حاج عبد الحفيض لعلاء لطمأنو بانهوم راجعين قنيطرة و دبا كلشي هو هذاك ..و حاج بدورو علمو انهوم باقين ايزيدو شي اسبوع اخر بيمن سالاو شغلهوم في مرة ..امينة و اماني و اسراء مع نور كيعاونوهاا في خطوبة ديالها..بالنسبة ليها علاء غير حلم كاذب ...ختارعاتو راسها اما هو عمرو بين ليها بشي حاجة و لا لمح ليها بشي حاجة ..كذبات كذبة وتيقاتها بوحدها ..بالنسبة ليها هي حلمات و أسيل حقات ..و باش تنسى علاء قرات تا هي تفتح صفحة جديدة و تبدا من 0 و معرفات الخير فيناهو..

عند الأبطال ديالنا ما هي الا ساعات وصلو قدام فيلا مسخسخين بدوران و زيد طريق لضربو دخلات عائشة و خديجة و بسمة و اسيل نيشان صالون كلسو اما علاء غير بلاصة طونوبيل و طلع بيتو ..غسل و توضا و بدل عليه ..اما عائشة دات خديجة و بسمة بيت ضياف باش يبدلو و يرتاحو ليهوم و هي مشات تا هي بيتها ..اسيل تا هي طلعات بيت فتحات باب لقات علاء بدل و غادي خارج ...

أسيل: اتخرج؟

علاء: اه انمشي نصلي في جامع مغرب و ندوز نشوف خدمة كيف غادة ..

أسيل: اه مزيان ..الله يعاون ..

علاء: اللهم امين ..هبط علاء و خلا أسيل دخلات حيدات بوليرو و لاحتو فوق ناموسية و ناضت كتمسح ماكياجاها تا سمعات تيلي ديالها كيصوني 📲 ناضت جبداتو من صاك لقاتها نمرة غريبة و هي تجاوب ..اما علاء غير وصل لوطو تفكر انه معلمش أسيل و مسولهاش واش تمشي خطوبة حيث الأخ ديال نور ..عيط عليه عرضهوم و تا اسماعيل طلبو باش يمشي في بلاصتو عند نسابو معرف ميدير و هي اضطر يرجع باش يوصلها ..

أسيل: الوووو..

.....: أسيل ؟؟؟

أسيل: وي شكون معايااا؟؟

.....: انا يووسف هذي نمرتي ...!

أسيل: مزرووب سلامة اش بغيتي .؟؟😑

يوسف : فوقاش نتلقاااو ؟؟

أسيل: واش ضرووري ..اش غادي نعرف مزال .نتا لخاصك تعرف تنسا بسمة ..

يوسف: شوف بلا متحكمي ..خاصك تعرفي بزااف حوااايج لاكانت بسمة مهمة عندك ..خاصك تعاونيني و تعرفي الحقيقة و انه داكشي ماشي بيدي ..

أسيل: شوووف بسمة مهمة عندي بزااف و اي حاجة اضرها منبغيهاااش على قبلها ندير كلشي ..ودبا نتا شوقتيني نعرف شنو هي هاذ حقيقة ..

يوسف: هي صافي نتلقاو حيث هضرة بزاف و مجاتش في تيلي ..(بترجي)عافاك نص ساااعة منكملهاش..

أسيل: اووك شوف غذا في عشية دير شي قهوة و سيفط ليا عنوان في ميساج و الوقت و غادي تلاقاني تماا ..

يوسف: ان شاء الله شكرا بزااف 

اسيل: نتمنى مندمش (قطعااات) ..و مع هاذ جمل لخرين كان سيدهوم علاء طالع تا سمعها كدوي و دخلو شكو هذي معامن كانت كدوي ..و شياطين كيلعبو فوق راسو حل باب و لقاها كالسة فوق بوفة لكتكون قدام مراية و هازة قطن كتمسح وجههاا ..

علاء: أسيل!!!

أسيل:(خلعها..قفزات) بسم الله الرحمن الرحيم ..دير غير حس خلعتيني ..(بخلعة) من فوقاش و نتا هنا ..

علاء: (بشك) عاد جيت سمعتك كدوي في تيلي معامن كنتي كدوي؟

أسيل:(بتوتر)..الا اه انا مع غير كوثر صاحبتي ...

علاء: (عرفاها كذبات و مخبية شي حاجة ..و مع هو كيكره كذوب حس باعصاب بداو كيطلعو ليه) امم..هكاك كوليلي غير مع صاحبتك..

أسيل: اه ..و نتا شنو رجعك ياك خرجتي؟

علاء: غير نسيت نقوليك ..عائلة ديال نور عرضونا خطوبة انا وياك و تا اسماعيل بغاني نوب عليه قدام نسابو و جيت نسولك واش تبغي تمشي؟؟

أسيل: و علاش منمشيش ..صافي انا انتكا شوية ونوض نوجد راسي ..

علاء: صافي مورا العشاء ارجع دار و نمشيو ان شاء الله 

أسيل: ان شاء الله ..

خرج علاء هو شك كيقتلو ..معامن كدوي ؟؟ و معامن دارت تلقا معاه؟ و شنو كتحاول دير موراه ..؟ و علاش كذبات ؟؟كاع هاذ اسئلة كيجيو في راسو ..و زيادة نكرات و كذبات ..ركب في لوطو ديالو و مشا جامع صلا المغرب و عاد داز خدمة ..تحاسب مع منصف في خدمة ديال عشية و كمل خدمتو و طلب من منصف يجيبه ليه كاس ديال قهوة كحلة ..تا قرب ياذن العشاء ناض سد مكازة و مشا جاكع توضا صلا عشاء و شفع و للوتر و خرج عيط أسيل باش توجد راسها و تعلم اخرين ..بسمة كانت عندها في بيت ديجا لبسو و تقادو و تا خديجة و عائشة لجا ليهوم خو نور ..اسراء ليسفطاتو حيث شافتهوم تعطلو و دا معاه غير خديجة و عائشة و خلاو بنات تا يجي علاء ..اسيل جبدات كسوة طويلة في كري لاصقة و غير حدا كتاااف و مشبكة من جيهة صدر ..لباستها و لبسات صندالة عالية في نقري و صرحات شعرها خلاتو هكاك مطلوق و دارت ميكاب مثير و ركزات على عينيها كثر تريحات و دارت اكسسوارات ديالها جات بحال شي أميرة 😍

أسيل:(اما بسمة لبسات فراشة واسعة فالكحل وطلقات شعرها ودارت ميكاپ دخاني وعكر گرونة ماط وبلغة فالنقري على حساب حملها ماغاتلبسش الطالون جات غزالة دارت عند أسيل هي تصدم) بسسمة گوولي كيجاتني (كادور على راسها)جييت زويينة يااك😍

بسمة:هو جيتي واااعرة ولكن واش متيقنة علاء غايخليك تمشي بهاد الحالة

أسيل:وعلاش لا😑

بسمة:ياختي ماعرفت شكون فينا لي مجوجة انا وكانحشم علك واخا ماعندي لي گوليا لا فين مشيتي لا فين صديتي ههه

أسيل:(تفكرات يوسف وبدات تهضر فخاطرها الا كان طلع يوسف بصاح ماشي لخاطرو وداكشي كيف كايگوول غايولي عندك لي تحكم فيك خاصني ضروري نهضر معاه) هههههه دبا يولي عندك

بسمة:😒سيري تخراي مهم هاني فين گلتها لك دبا تجي تقلبي باش تسرتي راسك هههه

أسيل:(بغات تهضر هي تسمع الباب كايتحل عرفاتو علاء هي تهزها القفقافة حيت عارفة بسمة عندها الحق) 

بسمة:(شافت فأسيل لي خرجات عينيها وبدات تصفار هي تخرا عليها بالضحك) ههههه😂😂 ويلي باا معامن انا فين داك تخراج العينين انا انمشي نهبط ناكل شيحاجة قبل مانخرجو راكم غاتعطلو ههههه باينة وحسن باش مانسعمش شي قمعة ونموت علك بالضحك

أسيل:تهجرييه😒

بسمة:ييخ (مشات هبطات هي تلاقا مع علااء سلمات عله وهبطات لتحت للكوزينة) 

علاء:(دخل للدار من بعد ما حط لوطو غي علا برا مادخلهاش لداخل طلع فالدروج غادي لبيتو وهو ساهي كايفكر غير فموضوع أسيل ومعامن كانت كاتهضر شكون هادا فين كاتعرفو خاف يضلمها ولا شيحاجة واخا عارفها كاتكدب تلاقا مع بسمة فالدروج سلم عليها هو يطلع لقا أسيل عاطياه بالضهر ويديها عريانين هو يعقد حجبانو الله بغا يعيط عليها غير دارت هو يتصدم وحل فمو وبدا يخنزر فيها اما أسيل غير من شوفاتو عرفات القضية حامضة) أسيل بلا قوة الهضرة سيري بدلي حوايجك راه ماشي بوحدناا تما باش تلبسي هاد العجب سيري عريانة حسن

أسيل:آآ ااصلا انا راه غانلبس فوقو الكااپ راه غير گلت حتا نبغيو نخرجو عاد لبسو

علاء:ممم واخا سيري دغيا بيما قاديت حالتي انا 

أسيل:(مشات جيهة الپلاكار ديالها وهي كاتشوف فه بنص عين سلكات راسها بهاد الكدبة وبدات تحمد الله فخاطرها بدات تقلب على شيحاجة تلبسها حتا بان ليها واحد الكاپ قصير فالكحل حد المرفق خشاتو عليها وسداتو اما علاء لاح عليه واحد الڤيست فالكحل تا هو مشط شعرو ودار ريحتو ديال المسك ودار مگانتو وشاف فأسيل طلعها وهبطها ماراضيش بالنتيجة واخا هكاك كايبان سدرها شوية ولكن ماگال والو حدو دار ليها براسو زعما زيدي نهبطو هزات أسيل تيليفونها وطلات فالمراية ماعجبهاش الپوليرو مابغاتش تلبسو ولكن بزز منها بقات كاتعاير فعلاء فخاطرها طفات الضو ديال البيت وهبطات فالدروج كاتأفف حتا شافتها بسمة وبدات كاضحك عليها خرات عليها بالضحك غير شافت علاء هي تجمع الضحكة وخرجو مجموعين سدو الباب مزيان وركبو ركبات أسيل القدام حدا علاء وبسمة اللور تحرك علاء وزاد والوجهة ديالو دار نور وإسراء من بعد ما دازت 45 دقيقة وصلو لدار نور ولقاو الطونوبيلات بزاف وقف علاء حتا هبطو البنات ومشاو دخلو اما هو مشا حتا حط لوطو عاد رجع مشا دخل) 

أسيل:(دخلات هي تلاقا بمامات نور فم الباب رحبات بيها هي وبسمة ودخلاتهم للصالة وهوما كايسمعو فالامداح دخلو للصالة لي كانت عامرة بالعيالات طبعا العائلة حيت غير تركاب الخواتم هدا غير شافتها عائشة هي تجي عندها وبدات تعرفها على العيالات لي تما حيت ماشي كولشي حضر لعرس أسيل وكولشي عجباتو حيت كاتبان مصوابة وضريفة تيتيزة ماشي غير زوينة مشات أسيل وبسمة شدو بلايصهوم گلسو هي دخل نور بخمارها البيض ووجها حمر النور على وجها معاها أمينة وأماني وإسراء ختها دخلوها بالزغاريت والصلا عالنببي گلسوها فبلاصتها وهي حشمانة ووجها حمر گلسو البنات كايتصورو معاها حتا عياو هي تزعم أسيل وناضتت لعندها مشات وقفات على نور غير هزات نور عينيها وهي تصدم اما البنات لاخرين ناضو سلمات عليها أسيل بلابيز هي تهضر) مبرووك عليك ا نور فرحت لك😇

نور:الله ابارك فيك شكرا☺

أسيل:نتمنا ماتحقديش عليا بسباب داك التصرف لي درت معاك كانت غيرة زوجة وصافي وآقدر زت فيه ودبا جيت بغيت نعتادر منك على دك الشوهة ههه وفنفس الوقت نبارك لك

نور:(شدات فيد أسيل) ماكاين لاش تعتادري مني بالعكس التصرف ديالك هو لي خلاني نفيق من الگلبة واخا هضرت مع علاء ووضح ليا بلي كايبغيك وبااغيك لخاطرو ونتي هي القدر ديالو ومكتاابو مافهمتش وكنت باقة مقسحة راسي وماعرفتش شنو كنت غاندير گاع ولكن هضرتك واخا جرحاتني ااه ولكن بصاح فيقاتني😌 حيت كنت غالطة كذبت كذبة وتيقتها علاء عمرو بين ليا بلي كايحس من جيهتي بشيحاجة من غير مشاعر الاخوة والاهتمام الاخوي وانا هادشي رديتو حوايج خرين الغلط ديالي ونستااهل داكشي علاش ماعندكش لاش تعتادري لعكس انا لي خاصني نعتاادر حيت مشيت بأفكاري بعيد عالعموم انا دبا فرحانة حيت هاد الشخص كايبغيني من قلبو وانا كنت مكبرة عله حيت كنت كايصحابليا بلي كانبغي علاء دبا ملي فهمت لقيت بلي هو الشخص المنااسب☺

أسيل:فرحت لك من قلبي❤

نور:دبا عاد فهمت لاش خويا علااء بغاك من قلبو حيت نتي قلبك بيض وتستااهلي شخص بحال علاء حافضي عله وحافضو على علاقتكم

*في خطوبة *

أسيل: شكرا ضروي غنحافظ عليه.. تا نتي الله يكمل عليك بخير.. و الله يسعدك.. 

نور: اللهم امين.. 

سلمات اسيل على نور من بعد ماباركات ليها و مشات رجعات كلسات حدا المعروضين.. تحط العشاء و من موراه الحلوى و اتاي لبسو الخواتم و تقرات الفاتحة و تفرق المجمع.. علاء دار لازم مع نسابهوم و بارك ليهوم و خرج لطونوبيلتو.. العيالات كيف كيقولو رحيلهوم ثقيل بقاو كيسلمو على بعضياتهوم..اسراء و البنات اماني و امينة بقاو مع نور.. اما البقيه عائشة و خديجة و أسيل و بسمة خرجو لقاو علاء كيتسناهوم و رجعو فيلا.. خديجة و بسمة طلعو بيت ضياف و عائشة تكلفات بفراشهوم و غطاهوم.. تا شافتهوم نعسو عاد ارتاحت و مشات بيتها.. أسيل دخلات لبيتها و مشات نيشان هزات شوميز دونوي في غوز بيبي ببنوار ديالو و دخلات حمام لقات لاغيكل جاتها طرفات حالتها و جبدات اولويز ديجا دايراها في بلاكار في الحمام دارتهاا.. و مسحات ماكياج ديالها و مشطات شعرها سرحاتو من بعد ما دهناتو بزيت الكوك.. غسلات سنانها و ذهنات وجهها ولحمها و خرجات لقات علاء الله صلا الصلاة ديالو من شافها تعطلات مشا الحمام على براا ..حيد فوقية و بقا غير بشورط و تيشورت ..هو دار تصدم و هي تصدمات كثر لابس غير شورط في كحل و تيشورت في كري.. رجليه مزغبين باينين هو طلعها و هبطها بشوميز دونوي فوق ركبة.. و هي طلعاتو و هبطاتو.. بقاو شي 5 دقايق و هما كيشوفو بعضياتهوم حتا داركات اسيل موقف.. 

اسيل: احم.. ا انا نمشي نشوف ماما و بسمة.. 

علاء: (عاد ضرباتو فيقة) ا ..ف..فين غادة بهاذ لبس ؟

اسيل: ياك غير حنا في دار انطل على ماما ونرجع 😑

علاء: اووك وخا ..صليتي ؟؟

اسيل:😳😳

علاء: مالك حماريتي؟

اسيل؛ ميمكنش 🙊

علاء: و علاش بسلامة ؟

اسيل: (طرطقات عينيها فيه و كالتها ليه بطاي طاي ) جاتني لاغيكيل وداد لاعبة ...🙊

علاء:(حشم و تزنك بلاصتها😳) اه ..صافي ..

خرجات اسيل كتعوج و علاء كيشوووف فيها ..جايبة ليه التمام و خلاص😂😂 مشا هز رواية بالعربية و حلها كيقرا فيها مخشي في بلاصتو و لايح عليه ليزار ..مشات اسيل طلات على ماماها و بسمة باستهوم و مشات هبطات كوزينة شربات و طلعات ..حيدات بنوار امام اعين سي علاء لكيشوف غير بنص عين من فوق الكتاااب ..اما اسيل بلعاني كدير هكاك مشات تخشات في بلاصتها و لاحت غير ليزار فوق منها و الصدر تزلع قدامها ..طفات ضو الفيوز من جيهتها ..

أسيل: تصبح على خير 😊

علاء: احم تصبحي على خير ..أحلام سعيدة ..

بقا علاء كيقرا في كتاب ..و اسيل بلعيا داتها عينيها و نعسات ..علاء سد الكتاب وحطو في جنب و طفا ضو من جيهتو بقا غير ضو قمر لداخل من شرجم ..بقا كايتأمل في تفاصيل وجه اسيل و يتنهد تا داتو عينيه ..وصل الفجر ناض علاء قبل الفجر طبعا و توضا و بدا كيصلي ركعات قيام الليل قبل الفجر ..تا اذن الفجر صلا 4 ركعات و جمع زربية باش يمشي يتخشى بلاصتو باش ينعس ...وهو يسمع تيلي كيصوني 📲📲

علاء: شكون كيصوني في هاذ وقت الله يسمعنا خبار الخير ..(مشا هز تيلي و هو يلقا نمرة علي و هو يجاوب ) السلام عليكوم ...

علي: و فين اساط غاااااطس توحشتك اعشيري...

علاء: غير في الدنيا..نتا لمشيتي و قلبتي وجهك مكتسول ما والو 

علي: ههههه ياك ..را غير الخدمة و صافي ..

علاء: زعما درتي عقلك و كتخدم نيت ؟؟ 

علي: بززز مني مالو خاطري اللهم الخدمة و لا نكير واليد ..

علاء: ههه حسن ليك ..ايوا فين شادها ؟

علي: غذا جاي ان شاء الله دبا شوية عندي طيارة ديك 9 صباح نكون في مطار الرباط ..

علاء: ايوا مزيان غير تسناني تما انا انجي ليك ..

علي: بلا منعذبك ...انشد طران و نرجع ..

علاء: لا لا مكاين لا عذاب لا والو ..انا انجي ان شاء الله غير تسناني سمعتي ..

علي: امرك اسيدي ..كاين شي جديد ؟؟

علاء:موجود غير نجي و نتعرف ..قطع دبا نتكا شوية و نوض نلبس ..و نشد طريق ..

علي: وخا انا نتسناك يا الله بسلامة (قطع) ..

قطع علاء و مشا بلاصتو رجع كمل نعاسو تا لديك 7 و ناض ..غسل وجهو و قدا حاجتو و خرج بدل عليه و دار داكشي لكيدير كل صباح (لا داعي لتكرار ) ..مشا هبط الريدو على أسيل ...و مشا غطاها مزيان و خرج ..لقا كلشي باقي ناعس بحكم العيا لعياو البارح ..ركب في لوطو ديالو مشا نيشان المكتبة فتحها..ووصى محسن و مشا شد الطريق لوتوروت نيشان لمطار الرباط ..وصل و دخل فين كيتسناو المسافرين ما هي الا نص ساعة نزلات الطيارة هبط علي ..و مشا كمل الاجراءات و هز لفاليز ديالو و خرج بان ليه علاء مشا نيشان عندو ..سلم عليه و تعانقو ...

علاء: على سلامتك ...تبتي و لا مزال 😂

علي: ههه شوية و صافي و فين اش كتعاود اشخبار العائلة كلشي هو هداك ؟

علاء: حمد الله يا الله نركبو و نهضرو ..

علي : يا الله ..

مشا علي ركب هو و علاء في لوطو من بعد محط لفاليز ديالو في الكوفر ..ركب حدا علاء و دار السمطة و هو يديماري ..غادين و كيهضرو و علاء مجبدش معاه موضوع زواج تا شاف خاتم زواج في يد علاء هو يتصدم 😱بقا كيشوف 👀

علي: تزوجتي 👀؟

علاء:(ضار شاف فيه و شاف في خاتم) ااه نسيت ..

علي: وايلي فوقاش و شكون هذي ؟؟

علاء:هههه اتصدم !!

علي: و هضر دغيا راسي ضرني ؟

علاء: كتعرفها مزيان ...أسيل!!

علي:أسيل😳😳

♡ عند علاء الدين و علي ♡

علي: أسيل 😳😳

علاء وي أسيل ..

علي: تاااا كيفاااش واش أسيل أسيل ..

علاء: اه أسيل أسيل ...!!!

علي: و كيدرتو ليها ...واش طانز عليا و لا طالقها عليا و لا شنووو هادشي مكيدخلش العقل نهااااائيا😑

علاء: معندو لاش يدخل ا علي تجوجنا ولي عطا الله عطاه

علي:(كايحاول يخبي العصبية ديالو) ماقصت فيها والو ولكن زعما أسيل راك عاارف فين تعرفتي عليها وايمتا تعرفتي عليها وزعما راه ماجاتش معاك ونتا عارفها مزيان كيفاش داايرة ا علاء 

علاء:عاي راه أسيل كانعرفها كتر مما كاتعرفها نتايا هاد المدة لي عرفتها كان كافية باش نعرف بلي هي معامن غانكمل حياتي ومن ناحية ماجاتش معايا راه راه بدات كاتبدل شوية بشوية

علي:الله يكمل عليكم بالخير اصاحبي حشوومة ماعرطييش عليا العرس 

علاء:ههه دبا نعوضك كون هاني 

علي:😬(ضحك لعلاء ضحكة صفرة وقلب وجهو وبدا كايهضر فخاطرو *نتا بغيتيها تبدل باش تجي معااك انا راه بغييتها بلا ماتبدل بلا والو بغيتها كيفما هي وديتيها نتا😏 ديما كاديرهاا هاد المرة مانخلييكش ا علاء كرهتيني فحياتي عتابرتك صاحبي وديما حاجتي كاتاخدها مني ولكن هادي ماغانخليكش* بقا علي مجمع مع علاء وهوما شادين لوطوروط من بعد مدة وصلو وصل علاء علي لدارهم وطلع سلم على واليديه وهبط دغيا خلاهوم ومشا لخدمتو.....)

♡عند بطلتنا أسيل ♡

أسيل:(فاقت كاتفوه غير حلات عينيها ما بان ليها حد حداها بقات كادور فعينيها حتا فاقت على خاطر خاطرها هي تشوف فالساعة كانت 10 ناضتت دغيا مشات للحمام دارت روتينها الصباحي وطرفات حالتها بدلات حوايجها مشطات شعرها وقاداتو دارت پارفان خفيف هي تهبط للتحت سمعات التقرقيب فالكوزينة ومشات دخلات كانو فايقين كاملين وعاد كايوجدو فالفطور كولشي فاق معطل عياو البارح مشات سلمات عليهم وگلسات حدا بسمة فوق الكرسي وعائشة وخديجة خدامين فالفطور كايوجدوه) 

عائشة:ما شاء الله عروستي زويينة تبارك الله طايح علك السر 

أسيل:ربي خليك اخالتي 

بسمة:(همسات لأسيل) السر ديالاش ياكما درتو شيحاجة

أسيل:ههه السر ديال ليغيگل اصاحبتي

بسمة:ههههه باز ليه صابر علك ييخ مسكين غايكون محروم غاتديه للحرام ولا يگلس حتا يتفرگع شي نهار ههه وتصدقي بلاش مني تبغيه نتيا ههه

أسيل:اويلي وزعما يتفرگع بصاح😨

بسمة:ههه اوا جربي وتشوفي

أسيل:تفو هجرتيه لدينمي على الصباح سيري تخراي

خديجة:شنو كاتگولو البنات 

عائشة:اايه اختي راه نخلونا هوما صغار كايهضرو فالمواضيع الخاصة هههه حنا كبرنا دبا

أسيل:لا اويلي اخالتي نتي باقي شاابة وصغيرة تبارك الله هههه (گلسو حتا فطرو على خاطر خاطرهوم وناضتت خديجة وبسمة جمعو النوضة بغاو امشيو فحالهم مابغاوش ازيدو يگلسو وعرضات عليهم أسيل تمشي توصلهوم تما عاودات ليهم على الكدبة لي تافقات مع علاء عليها باركو ليها ومشاو كاملين لبسو حوايجهوم تا من عائشة خرجات معاهم باش تشوف أسيل كاتسوگ وداكشي لي كان قادو حالتهم ومشاو خرجو ركبو عند أسيل لي هي وبسمة بقاو غير كايضحكو على الكدبة لي كدبات أسيل وصلاتهوم أسيل ورجعات هي وخالتها دغيا على حساب الغدا وصلو وبدلو حوايجهوم ودخلو الكوزينة وعائشة فرحانة بعروستها وكاتشكر فيها اما علاء غير قرب اودن الضهر مشا للجامع توضا وصلا ورجع سد المكتبة ومشا للڤيلا بدل حوايجو وهبط گلس معاهم فالكوزينة حطو الغدا غير تما حيت كاينين غا هوما تغداو جمعات أسيل الماعن وغسلاتهم اما عائشة مشات باش تفرج بحالها بحال ختها اما علاء طلع تا هو لبيتو وتكا كايرتاح كايتسنا أسيل تلحق عليه طلعات تا هي من بعد ماسالات)

علاء:أسيل راه ليوم جا علي جبتو من المطار هاد الصباح

أسيل:بصاح على سلااامتو☺

علاء:ااه انعرض عليه ليوم لعشا 

أسيل:اه صافي واخا مرحبا به انا غانقاد العشا كون هاني

علاء:واخا انا غادي نعلمو ونرد عليك لايكون عيان مع الطريق

أسيل:اه واخا غير هو علمني بكري 

علاء:ان شاء الله😌 جيبي ليا معاك دك الرواية 

أسيل:هاديك لي كنتي كاتقرا البارح 

علاء:اااه

أسيل:اوكي (مشات جابت ليه الرواية وعطاتها له وتكات حداه گالسة شادة تيليفونها مجمعة مع بسمة كاتموت بالضحك هي وياها وشادين النميمة والتبرگييگ وعلاء كايطل عليها بنص عين باقي الشك كاياكل فه ناضتت أسيل حطات تيليونها ودخلات للحمام فدك اللحظة وصلها مساج كان من يوسف *أسيل غدا مع 4 ديال العشية قهوة إفلي ماتعطليش عافاك غانتسنااك ضروري* علاء كان كايقرا حتا سمع المساج فلول ماتسوقش ومن بعد بدا كايفكر هادي ماشي النغمة دياال واتساپ هادي دياال مساج جاه الفضول باش يعرف شكون هز تيليفونها دغيا مابغاش يدخل قرا المساج غا من داك الشريط لي لفوق هو يعقد حجبانو خصوصا ماعرفش النمرة ديالمن حيت أسيل مقيدة نمرة يوسف برمز الخطر⚠قاصدة بيها زعما ماتيقش فه وترد بالها لايكون غير كايكدب عليها ولكن هايهات عقل علاء شنو كان كايضور فه بغا يقيد النمرة ومالقاش كيفاش حيت أسيل دايرة لكود لتيليفونها الخلاصة الادلة كاملة ضد أسيل قيد علاء العنوان وصمم باش يعرف شكون هاد الشخص معامن كاتهضر أسيل مابغاش يضلمها) 

♡عند الأبطال ديالنا ♡

..قرا علاء المساج و حط تيلي ديالها في بلاصتو و هز الرواية دديالو كأن شيئا لم يقع خرجات هي من الحمام كتمسح في وجهها ..عيطات ليهوم عائشة حيت ماداهاش النعاس وهبطات قادات القهوة وعيطات عليهم باش يهبطو ..هبطو بجوج وگلسو كايشربو القهوة مع قطع الكيك ومجمعين مع عائشة كيهضرو و كيضحكو تا سالاو ناضت اسيل جمعات الطبلة و غسلات الماعن داز نهارهم روتيني كيف العادة علاء مشا الخذمة أسيل خرجات مع عائشة للسوق باش تشري شي حوايج جداد وتقضا للعشا صونا عليها علاء وعلمها بلي علي ماغايجيش ليوم عيان تا لغد له داكشي علاش خلاو التقضية حتا لمن بعد ضرات عائشة وأسيل شي حويجات ديال الدار اما ديال برا مابغاتش تريهم أسيل قدام عائشة حشمات منها رجعو للدار مع المغرب مشات عائشة توضات وصلات وأسيل طلعات لبيتها قادات حويجاتها وهبطات بدات تقاد فالعشا من بعد ماصلا علاء صلاة العشاء فالجامع رجع للدار بدل حوايجو وصلا الشفع والوتر هبط لقا أسيل حطات العشا وماماه شادة التسبيح فيديها گلسو مجموعين حتا تعشاو غسلات أسيل الماعن وجمعات الكوزينة عاد طلعات لقات علاء كايقرا فواحد الرواية مشات للپلاكار خدات حوايجها ودخلات الحمام بدلات وخرجات لابسة شوميز دو نوي فالكحل مزير مشات قدام المراية هزات رجليها كادهنهوم بحليب ديال الجسم برائحة الفواكه كادوز على لحمها بالعرض البطيئ بشوية عليها حتا سالات ودازت لوجها وشناايفها هادشي كامل داز قدام علاء لي كايشوف فيها بنص عين تلف ومابقا عارف فين وصل فالقراية كاتجيب له التمام من بعد مشات تكات حداه وبقات كاتشوف فه وهو كايحاول يبان مركز مع القراية) فيين وصلتي

علاء:آآآ عااد بديت فيها

أسيل:علاياش كادوي هاد الرواية😮

علاء:(بقا كايدور فعينيه نسا تا علاياش داوية) راه گلتليك عاد بديت ماعرفتش بالضبط

أسيل:اه واخا يالله تصبح على خير غدا تابعني بزاف ديال الشقا

علاء:(وتابعك موعد) تصبحي على خير

أسيل:(غمضات عينيها من بعد شوية ديال الوفت داها النعااس....) 

علاء:(بقا حاضيها وكايشوف فيها ويتنهد) كنا غانكونو هانيين ماعرفت هاد البلانات منين كايخرجو پفف (حط علاء الرواية وطفا الضو لي حداه وداه النعاس تاهو من بعد فاق مشا دوش وتوضا الوضوء الكبير دارتها به أسيل تاني والوضوء الصغير توضا وصلا صلاتوو وقرا ما تيسر له من القرآن الكريم ومشا نعس لغد له فاق بالصباح دار الروتين ديالو ومشا هبط للتحت لقا الواليدة ديالو دايرة الفطور مولفة هي كاتفيق بكري وهضرات مع أسيل گالتليها راها غاطيب الفطور بلا ماتفيق على النبوري وداكشي لي كان أسيل جبداات عليها مشا علاء فطر وسلم على الواليدة ديالو ومشا خرج لخدمتو اما أسيل ما فاقت تا 10 دخلات للحمام بدلات عليها دارت روتينها المعتاد وطرفات حالتها هبطات للتحت لقات عائشة كاتفرج فطرات گلسات شوية ومشات كاطيب الغدا علاء كمل خدمتو ومشا للجامع صلا الضهر ورجع للدار طلع الفوق لحقات عله أسيل دخلات للحمام بدلات حوايجها من ريحة الطياب غير خرجات سمعو عائشة ةاتعيط ليهم باش يهبطو يتغذاو ..هبطو بجوج تغذاو مع عائشة سالاو ناضت اسيل جمعات الطبلة و غسلات الماعن و صيبات قهوة كحلة و قادات الكيسااان في بلاطو و داتها صالة فين كالس علاء و عائشة ..كلسات حداهوم وكبات لكل واحد كاسو ..

علاء :أسيل قارية ؟؟ 

أسيل :(توترات ) ا اااه مع 2..

علاء:امم مزيان ..انا انوض نبدل باش نمشي الخدمة ..نوصلك معايا ..؟

أسيل: لا بلاش انمشي في طونوبيلتي بلا منعذبك ؟؟ 

علاء : لا طونوبيلتك انديها انا ..طونوبيلتي فيها شي مشكل ..

أسيل: صافي نشد طاكسي ..بلا منعذبك ..

علاء:(مبغاش يحكر عليها ) وخاا صافي ليبغيتي ..نوضي را 1ونص هذي اتعطلي ..

أسيل:ااه وخا ..

طلع علاء غسل سنانو و بدل حوايجو قاد المسائل ديالو و أسيل تا هي غسلات و بدلات حوايجها ..خرج علاء هو لول باس لمو راسها و خرج ركب في لوطو أسيل هو غير دار السبة بلوطو ديالو فيها شي مشكل باش يعرف أسيل شنو تحت راسها ركب في لوطو و مشا ضرب الدورة مورة الفيلا حدا واحد الشجرة ووقف...أما أسيل بدلات حوايجها و قادات الأمور ديالها و سيفطات مساج ل يوسف ​*سلام..شوف انا عندي حصة دبا مع 4 انشد طاكسي و غنجي​* سيفطاتو و هزات صاكها لددارت فيه كاع المستلزمات ديالها وهبطات سلمات على عكوزتها و خرجات وقفات تا بانت ليها 🚖 و شيرات عليه تحت اعين علاء لمراقبها ..غير تحرك الطاكسي و تبعو علاء..وصل الطاكسي أسيل لمدرستها خلصاتو و دخلات..اما علاء حبس لوطو في واحد الجيه و بقا حاضيها ..و مرجع كوسان لور ..جبد تيلي و عيط على منصف علمو بانه مغاديش يجي (خرجات ليه اسيل على خدمتو 😂😂) دخلات اسيل دوزات ساعتين ديالها ..دغيا و خرجات ..علاء بقا تما ساعتين كاملة طالق القرآن و كالس ..غير خرجات أسيل شافها شدات طاكسي ثاني و تحرك موراها ..وصل الطاكسي للعنوان لعطاتو و هبطات ..دخلات الكافي و هو يبان ليها يوسف كالس كيتسناها في الطبلة مشات وقفات عليه ..

أسيل: احم احم ...

يوسف :(هز راسو ..و ناض وقف مد يديه) أسيل مرحبااا 😊

أسيل:(مدات يديها ليه) سلام..شكرا ..

يوسف :تفضلي كلسي ..

أسيل:(كلسات )..شكرا مهم قول لعندك دغيا باش نمشي ...مخصنيش نتعطل ..

يوسف: بسمة لبااس عليها؟

أسيل: ياك كضل تابعنااا راك عارف كلشي كثر مني يانا  😑

يوسف: ههه وخا تشربي شي حاجة ؟

أسيل: نووونو مزروبة غير كاس ديال الماء عافاك ..

يوسف عيط على سرباي يجيب كاس لما لأسيل و قهوة كحلة ليه ...جاب ليهوم داكشي لبغااو ..

يوسف: ...مهم بغيتك تصنتي ليا مزيان انا انعاود ليك من الأول تا الاخر ونتي حكمي ..

أسيل: وخا انا كنسمع👂

يوسف:مهم ....سر سر سر (قاطعهوم التيلي ديال أسيل لي كيصوني ..كان علاء لتبعها تا القهوة و شافها تا دخلات سلمات على يوسف و كلسات بقا مراقبهوم والطونوبيل موقفها اونفاص مع قهوة ..و مع أسيل و يوسف كالسين غير برا ...قرر علاء يصوني عليها يشوفها اش غادي تقول ...جبد تيلي و دوز نمرتها 

أسيل سمعات تيلي كيوصني جبدات تيلي و هي تشوف نمرة علاء بدات كتصفار 

أسيل: 😳علاء ...(جاوبات) الووو؟؟

علاء: سلام ..أسيل فينك؟

أسيل: علاش😳

علاء: الخدمة ناقصة هاذ عشية ..و گلت ندوز عندك فينك دبا ؟؟

أسيل: ..كيفاش ..انا في المدرسة دبا انخرج و نجي دااار ؟

علاء: فوقاش خارجة شتك جاوبتي في تيلي راكي ماشي في حصة ...اولاا؟

أسيل:😨😱

♡ عند الأبطال ديالنا ♡

أسيل:😱(توترات) ..لا..اه بغيت نقول را خرجت دبا انشد طاكسي ..و نرجع دار ...بلا متعذب راسك ..

علاء: اصلا انا قريب من المدرسة تسنايني حدا الباب (قطع ) ..

أسيل: لا ..اويلي ...لا علاء ..الو ..اويلي قطع..ناري قفارت 😨

يوسف:مالك 😳

أسيل : خاصني نمشي دبا ضروري..

يوسف: ولكن باقي مدويناش ؟

أسيل : مرة اخرى ..را نمرتي عندك بيناتنا تيلي ...(ناضت) يا الله الله يعاون ..خرجاات أسيل دغيا بان ليها واحد الطاكسي الله نزل شي

ناس مشات كتجري ركبات فيه ..و كاتليه يختصر الطريق و يديها المدرسة و هي كتلعب بصباعها و تزدح برجليها بالتوتر ...اما علاء بقا حاضيها تا شافها ناضت و خرجات كتجري شدات طاكسي ..

علاء: ( تعصب..ضرب يديه مع كيدون ) ااااااش كديري مورااايااا اهاااذ البنت ...شكووون هذا؟ و علاش كتكذبي ؟ ....ابلاتي الهضرة ماشي دباا ...حرك طونوبيلتو و تابعها غير بشوية ..وقفها طاكسي حدا باب مدرسة ضورات عينيها👀 ماقشعاتش علاء تنفسات بارتياااح و وقفات حدا الباب ..الله بغات تجبد تيلي و هو يبان ليها علاء شد واحد الفران قدام باب مدرسة ..هبط زاجة و شير ليها هي شافتو تنهدات و غادة عندو بشوية عليها وصلات اومى ليها بعينيه باش طلع شافتو عاقد حجابنو و هي تخلع ليكون شك في شي حاجة حيت واحد بحال علاء ميمكنش ديريها بيه ...ركبات و دارت السمطة ..

أسيل: سلام ..علاش عذبتي راسك كونت نشد طاكسي و نرجع ..

علاء: ...ماشي مشكل...

ديمارا علاء و هو مكيشوف جيهتها مكسيري شافتو مشادش طريق لفيلا و هي تسولو ..

أسيل: مغاديش نمشيو فيلا ؟

علاء:(ببرود) لا ...

أسيل:😳

أسيل: مغادينش فيلا ؟

علاء:(ببرود ) لا ..

أسيل: 😳...فين غادين ؟

علاء: نتي عارفة علي ايتعشا معانا ليوم ..خاصنا نتقداو شي حاجة باش توجدو العشاء ..حيث تا الأم ديالو غادي تجي ..

أسيل: اه ...هكاك ..ايوا صافي نمشيو المارشي هو الاول ..

علاء: هو لغاديين ليه دبا ...أسيل ؟

اسيل: نعام ..

علاء:(باقي صايك مركز مع طريق ) قبل منتزوجوو كوتليك تا واحد ماخاص يخبي على لاخور شي حاجة كاينة و لا لا ؟؟

أسيل:(توترااات) امممم كاينة ..

علاء: انا نسيت مكتليكش واحد الحاجة و لكن ماشي مخبي عليك ..لا غير حيت داكشي ماكايخصنيش انا وحيث الأمر مكيهمش ؟ 

أسيل: شناهوا هاد الامر؟

علاء: انا من قبل كانو باغييني نتجوج بأماني وحطونا قدام الامر الواقع تجمعو واليديها وواليديا وگالولينا القرار ديالهم 

أسيل:😳

علاء:مهم هضرت انا وأماني على إنفراد وهي عاردات ليا واحد الحاجة لي ماكنتش متوقعها نهائا هي صدقات مجوجة وعندها ولد 

أسيل:😱😨

علاء:مهم بلا ماتسوليني دبا علاش وكيفاش حيت داكشي كايخصها انا غير مابغيتش نكون مخبي علك وصافي

أسيل: وي فهمتك واخا..

علاء: دبا كلشي عاارفاه عليا تا حاجة مبقات مخبية ...نتي عندك شي حاجة باقي مكلتيهاش ليا ؟؟

أسيل:(مع راسها *نعاود ليه على بسمة و يوسف و لا لا ...لا ماشي وقتها تا من بعد* ) كح كح ..انا ..اه ..لا بغيت نكول كلشي راك عارفو..

علاء:(مع راسو *عطيتك فرصة ا أسيل و لكن فضلتي تسكتي ..و دبا كل الشكوك ديالي اكدتيهم ..فعلا زربت في قراري بالزواج بيك*💔) اوووكي ...يا الله نزلي وصلنا ..

هبط علاء عاقد غوباشتو معصب و باغي فين يفرغ اعصاابو و مقادرش ...قلبو شاعلة فيه العافية ..أسيل خبات عليه و بهادشي حطمات اي حاجة زوينة كان دايرها في بالو ..دخلو المارشي خدات اسيل جميع انواع الحوت باش دير البسطيلة ..و دازو خذاو نص حاولي من عند الكزار ..دازو خذاو ديسير ..و مشاو لمرجان خذاو الموناذة ووالماس ..و داز علاء خذا كاطوو ديال الشكلاط و عاد بلاطو ديال الحلوى ...خلصو و رجعو كل واحد فيهوم ساكت و كيخمم تا وصلو الفيلا و دخل علاء داكشي و طلع نيشان لبيتو ...لاح الفيست ديالو و دخل الحمام شعل الدوش 🚿 و طلق الما بارد باش يبرد دوش و غسل و توضا ..و خرج صلا غير في الدار العصر لفاتو و المغرب و بقا في بيتو اما اسيل ووصلات داكشي الكوزينة لقات عائشة كتفرج في برنامج ديني سلمات عليها و طلعات لبيتها سمعاات الدوش عرفات علاء في الحمام جبدات حوايجها و بدلات لبسات بيجامة بسروالها و مسحات وجهها من الماكياج ..دارت تيلي ديالها كيتشارجا و هبطاات الكوزينة باش تبدا توجد...لقات البنات وصلو الا اسراء اماني و امينة جاو وصلهوم الأخ ديال نور ...سلمو على اسيل و عائشة و طلعو بدلو حوايجهوم و هبطو عند اسيل لقاوها وجدات كسكروط و حطاتو فوق الطبلة ..اسيل طلعات عيطات على علاء باش ياكل و هبط ..دارو كاسكروط في جو هادئ كلشي ساكت الا امينة و اسيل كيهضرو ...سالاو ناضت امينة و اسيل جمعو الماعن ..امينة كتغسلهوم البقية بقاو كالسين ..

اماني: (غمزات علاء) علاء بغيت ندوي معاك في واحد الموضوع لاجات على خاطرك؟

علاء: وي ..تفضلي ..

اماني: على انفراد ..

علاء: اوك يا الله نمشيو للجردة ..

خرجات اماني و علاء من باب الكوزينة تحت اعين اسيل و امينة و خرجو للجردة ..

اسيل:(كتغسل لحم) هاذو شنو مشاو يديرو تما ؟

امينة: واقيلة بغات دوي معاه؟

اسيل: و فاش ايدويو؟

امينة : و شكون عرف بحالي بحالك ...

اسيل: اممم صافي شوفي جبدي ليا الخس و البروكولي من الثلاجة ...و البيض و كاع داكشي لغادي يخصنا ..

امينة: اش اديري العشاء؟

اسيل: والله باقي معرفت مهم انصيب بسطيلة بالحوت و هاذ اللحم بالي غير نطيبو عادي و نعسلوه و نديرو معاه برقوق و مشماش و اللوز ..و الشلايض 

امينة: اححح هادشي كتعرفي ديريه😍

اسيل: ضروووري ..ختك واعرة غير ماشافونيش خاصني نشارك في ماستر شاف ..

امينة: هههه هبيلة غسلي غسلي ..

عند علاء و اماني خرجو وقفو ببرا في جردة ..

علاء: اماني عندك شي مشكل؟

اماني: خويا انا قررت نصارح واليديا ...ماما هضرات معايا قبيلة وكاتلي بابا ايرجع بعد غذا باش يدينا ..و تا ماما اترجع غذا ...و انا صافي عييت باركة غير 5 سنين ديال العذاب مابقيتش قادرة نعيش بعي على ولدي و هو كذلك كل ليلة كيبكي على باباه و انا صبري تسالا 😢

علاء: فاهمك ...و انا معاك في هاذ القراار لباغا ديري حيث خاصهوم يعرفو ..و كوني اكيدة انا غادي نوقف معاك و ميكون غير الخير ..

اماني: عارفة لكاين ..شكرا اخويااا عمري نسا ليك هاد الخير 😢

علاء: انا مدرت والو ا اماني نتي بحال امينة و معنديش فرق ...و ان شاء الله ايكون غير الخير...

اماني: يا ربي امين ..

علاء: يا الله ندخلو ...دبا شوية ايجيو الضياف خاصني نبدل ..

اماني: يا الله ..

دخل علاء و اماني ثاني من الكوزينة ....علاء شاف اسيل خدامة مركزة مع الطياب شاف فيها و تنهد و خرج بلا هضرة بلا جوج ..اما اماني مشات كتعاون البنات..اسيل مبغاتش تسولها باش متكولش هادي مهتمة و غيرانة ...

♡في فيلا ♡ ..

طلع علاء لبيتو ...كالس في بالكو و كيفكر في هادشي لواقع معاهم ..و فبالو فكرة وحدة اسيل مخبية شي حاجة كبيرة نيت..و شي حاجة مابااغاش علاء يعرفها نهائيا ..و هادشي لشاغل بالو و جميع الافكار خايبة جاو في بالو ..سمع الاذان كيأذن استغفر الله و مشا هز كونطاكت ديالو لوطو و هبط باش يمشي جاامع ..اما اسيل و بنات وجدو كلشي طيبوه و خلاوه ..طلعات اسيل لبيتها لقات علاء خارج ...كالها ايمشي يصلي و خرج اما هي هزات دوبياس و الدوني و الشورط دخلات للدوش عمرات البنوار 🛁 بالماء و دخلات تخشات فيه غسلات لحمها و شعرها مزيان هزات فوطة لواتها عليها و مشات مسحات شعرها مزيان و خرجاات كلسات قبالة المراية نشفات شعرها و دهناتو بسيروم ديالها و مشات نشفات لحمها و دهناتو بلاكريم و جبدات اولويز دارتو في سليبها و لبساتو من بعد لبساات سوتيمات و الدوني و الشورط و مشات گلسات قبالة المراية قادات وجهها على حقو و طريقو و جبداات فراشة في الكحل مطرزة من جيهة السدر و من اللور ديال الضهر هابطا سانبل بخياطة عادية لبساتها و جبدات بلغة في كحل لبساتها ..لبسات كورميط في يديها و الساعة في اليد لاخرا زينات وذنيها بحلقات و لبسات سنسلتها و دارت ريحتها ..سرحات شعرها و خلاتو مطلوق شداتو غير من واحد الجيهة بمقبط صغير ..و هبطات لقات كلشي كالس في الصالة كيتفرجو ..شافو اسيل و مدحو جمالها كلسات بيناتهوم كيدردشو تا دخل علاء و علي و الأم ديالو ..من بعد ماخرج علاء مشا للجامع صلا العشاء و الشفع و الوتر و رجع الفيلا من وصل بان ليه علي و الأم ديالو في الباب هازين الورد و علبة شكلاط ...سلم عليهوم و استقبلهوم و دخلو ...البقية غير سمعو الهضرة و الباب تحل ناضت عائشة و أسيل استقبلوهوم هي شافها طلعها و هبطها و تأكد بصح علاء تزوج بيها...دار ابتسامة من فوق قلبو ..

علي: (سلم على عائشة ) خالتي لباااس؟

عائشة : لبااس حمد الله اولدي دخلو ...نعيمة زيدي دخلي ..

علي: (مد يديه أسيل) سلام لباااس...مبروووك 

أسيل:(مدات ليه يديها) حمد الله اخويا الله يبارك فيك تفضل ..

استقبلوهوم و دخلوهوم للصالة سلمو على البقية ..نعيمة من دخلات و هي كتشكر في أسيل عجباتها بزااف و علي غير كيشوف و علاء تا هو للحضة سها فيها عجباتو بالفراشة و بالخصوص اللون الأسود كيجي معاها ..استأذنات منهوم و ناضت هي و البنات الكوزينة و جدو اتاي و الحلوى و حطوهوم فوق الطبلة و رجعو باش يوجدو العشاء ...قادو الشلايض في طباسل اسيل وجدات بسطيلة في الطبسيل الكبير ..بداو كيحطو العشاء ..تعشاو و سالاو عجبهوم طياب أسيل و بالخصوص علاء كيحماق على البسطيلة ..شكرو طيابها ..حطو الديسير و من بعد حطو الحلوى لي جاب علاء مع العصير ..كلاو و باركو للعرسان بزواجهوم ..علي غير ساكت ..و اسيل تا هي باغا دوي معاه و لكن ملقات كيدير و كلشي حاضر..ناضو استاذنو باش يمشيو خرج معاهوم علاء و اسيل تا لبرا وودعوهوم و مشاو ..اما اسيل رجعات كفضاات يديها و دخلات مع البنات للكوزينة و جمعو الدنيا غسلو الماعن و جمعو الكوزينة ..عائشة طلعات لبيتها و علاء تاهو طلع غسل سنانو و مشا تخشا في بلاصتو هز القران كيقرا شوية ...اسيل سالات هي وبنات جميع و طلعات تبعات علاء و البناات تا هما طلعو دخلات اسيل لقات علاء كيجود عجبها صوتو بزااف ..بقات مدة كتصنت ليه و هو مركز في قرايتو . دخلات الحمام غسلات سنانها ووجهها مزيان دهنات و حيدات الفراشة بقات غير بالدوني و الشورط و خرجات هزات تيلي ديالها من الشارج و مشات تخشاات في بلاصتها و علاء تا هو سد القران و دار نعس و تا هي دغيا داتها عينيها و نعسو بجوج تا واحد مكيدوي مع لاخور😴

🌞أصبح و أصبح الملك 🌞

قبل الفجر ناض علاء كعادتو صلا قيام الليل و الفجر و رجع نعس تا 7 و ناض بدل عليه ..و هو خارج فاقت اسيل كتكسل ..

اسيل: علاء خارج ؟

علاء: اه ...غادي الخدمة نتي قارية ؟

اسيل: اه ...مع 10 

علاء:ايوا باقي الحال غير رجعي نعسي ...

اسيل: لا الله نوجد راسي ..

علاء: ايوا لبغيتي يا الله انا مشيت ..

اسيل: الله يعاونك ...

علاء : اللهم امين... خرج علاء هبط لقا مو ناضت وجدات الفطور كلس فطر معاها و باس راسها و خرج ركب في لوطو ومشا خدمتو اما أسيل ناضت من موراه دخلات غسلات و طرفات حالتها بدلات حوايجها قادات وجهها بميكاب خفيف ضريف ..و تريحات هزات تيلي ديالها و هي دوز نمرة يوسف ..

يوسف : الو ...اسيل ..

اسيل: سلام ..سمح ليا على البارح و لكن كنت مضطرة سمعني دبا ..انا هاذ اليومين ميمكنش نتلقا بيك ..علاء ولا كيشك ..و انا ماباغاش نخلق مشكل في زواجي سمعتيني ..خلي تا لبعد غذا و نتلقاو في نفس كافي و نفس الوقت ..

يوسف: وخا تا انا لقيتيني انصوني ليك عندي شي خدمة ..

اسيل: ايوا مزيان ..

يوسف: نتمنى نكون مخلقتش ليك شي مشكل 😊

اسيل: لحد الان لا ساعة خرا الله وعلم ..يا الله انقطع الله يعاون ..

يوسف: هههه وخا ..(قطع) عالاااام هاذ البنت..

هزات صاكها أسيل و هبطات التحت لقات البقية فاقو كيفطرو سلمات عليهوم و كلسو كيفطرو في جو لا يخلو من الضحك ..تا سالاو و ناضت اسيل و امينة تا هي قارية ..مشات مع اسيل ركبات في لوطو ديالها ما وقفو تا للمدرسة هبطو بجووج و كل وحدة مشات المحاضرة ديالها ..

علاء:(كان خدام حاني على خدمتو حتا سمع تيليفونو كايصوني هز التيليفون لقاها أماني شدها دغيا وهضر) 

أماني:الو علااء!!

علاء:الو أماني شنو ماالك

أماني:بابا غايجي هاد العشية ماشي غداا غايجيب ماما 

علاء:صافي تهدني نتي باغة تعتارفي ليهم ياك متيقنة

أماني:ااه متيقنة

علاء:اوا صافي يكون خير غايكونوو هنا فالوقت باش يتعشاو ياك

أماني:ااه حيت غدا بالصباح انشدو الطريق تاني 

علاء:واخا يكون خير بلا ماتوتري غايتفهموووك وانا غانعاونك

أماني:واخا شكرا بزااف

علاء:مابيناتناش (قطع علاء مع أماني هو يسيفط لأسيل مساج *مني تسالي صوني عليا* كمل خدمتو حتا سمع تيليفونو كايصوني) اللووو أسييل!! 

أسيل:الوو علاء كاتسمعني انا فطونوبيل دبا كانتسنا أمينة تجي 

علاء:واخا شوفي العشية غايجيو واليدين أماني 

أسيل:ااه مزيان الله يجيبهوم على خير ايمتا غايجيو 

علاء:غايجيو للعشاا 

أسيل:واخا انا شوية غانمشي للدار نجمعووها 

علاء:واخا أماني غاتگول لواليديها داكشي لي كاين

أسيل:ناري مسكينة اتكون مخلوعة دبا صافي غانمشي عندها دبا

علاء:واخا انا نيت غانوض نمشي للجامع قرب اودن الضهر 

أسيل:واخا صافي (قطعات أسيل مع علاء هي تجي عندها أمينة أسيل حدها گالتليها غايجيو أهل أماني اما داكشي لا حيت عارفة غير علاء لي عارف وراه عاود ليها باش مايخبيش عليها تنادم معاها الحال حيت هو مامخبي عليها والو وكايحاول ينجح زواجهوم وهي مخبية عليه واعدات راها بلي فأقرب فرصة غاتعاود له كولشي ديمارات الطونوبيل وأمينة برونشات تيلي ديالها مع لوطو وطلقات الزدحة وبداو كايغنيو ويضحكو حتا وصلو دخلو بدلو حوايجهوم وهبطات أسيل كاتعاون عائشة وأماني فتوجاد الغدا إسماعيل والحاج عبد الحفيظ باقي مسافرين دخل علاء لقا السلام عليهم وطلع لبيتو بدل حوايجو وتكا حتا جات عندو أسيل گالتليه يهبط يتغداو گلسو كاملين كايتغداو وأسيل حاضية أماني لي باينة فيها متوترة حتا سالاو تعاونو على الماعن غسلوهوم وعلاء گلس مع الواليدة ديالو شوية هو يطلع لبيتو سمع تيليفون أسيل جاها مساج من إنوي هزو وبقا كايشوف فه وهو عقلو كايفكر غير فداك المساج لي جاها وهاداك شكون ومنين كاتعرفو حتا سمع أسل من موراه) 

أسيل:😳علاء مالك اه تيليفوني واش كان كايصوني بسمة؟؟

علاء:علاه شكون خاصو يكون😏

أسيل:😳كيفاش

علاء:علاش دايرة الكوود لتيليفونك ا أسسيييل

أسيل:آآآ كوود راه غير كنت دايراه من شحال هازي ونسيتو

علاء:وعلاش انا ماعارفوش

أسيل:غير حيت عمرك سولتيني وصافي هاك هاهوا (حلات التيليفون) دير ليه الكود لي بغيتي 

علاء:(😳تصدم من هاد الحركة لي دارت علاش كاتبان بهاد التقة كاملة وهي مزبلاها تربج وفالحقيقة كان فرحان ولا عندو أمل بلي أسيل ماشي كيفما گال عليها)صافي ديري الكود لي بغيتي غير نكون عارفو

أسيل:☺واخا انا درت دبا ربعة ديال زيرواات صافي

علاء:صافي☺

أسيل:(مشات أسيل هزات الحوايج لموسخين فالسلة ودقات على أمينة فبيتها وأماني وعائشة كدلك جمعات من عندهوم الحوايج الموسخين داتهم لبيت الصابون ودارتهوم فلاماشين وخلاتهم إتغسلو ورجعات لبيتها جبدات حوايجها تاني من الپلاكار وگلسات فلارض وبقات كاتطوي فيهم تاني وتقادهوم مهووسة بالنقاوة حطات شي كساوي وفراشات قدامها وبدات كاتشوف دارت عند علاء) علااء شنو غااالبس هاد الليلة

علاء:(تفكرها وهي لابسة فراشة كحلة سحراتو) لبسي هاديك الكحلة

أسيل:😳هاادي لا لبستها ديجا مابغيتش يگولو مرات علاء مامهلياش فراسها😉

علاء:ههه واخا ختاري لي بغيتي

أسيل:(دارت قدامها تاني كادوي مع راسها وكاتفصل وكاتخطط بوحدها جمعات الروينة لي دارت ومشاات لبيت الصابون جبدات الحوايج ومشات نشراتهم فالسطاح هبطات لقات علاء مقاد حالتو وكايدير پارفان ديالو وكايقاد فشعرو شافت فه بإعجاب وهو شافها من المراية ودار عندها)

علاء:انا غانمشي دبا للخدمة

أسيل:واخا ماغاتشربش قهوة ديالك

علاء:لا بلاااش تا لتما وناخدها

أسيل:واخا جي العشية بكري 

علاء:ان شاء الله☺

أسيل:(مشا علاء وأسيل دخلات البالكو وبقات حاضياه وقلبها كايضرب إبتاسمات ببلاهة وهي كاتشوف فه ومن بعد جمعات راسها وصرفقات وجها ومشات دخلات تكات مجمعة مع بسمة لي ديما اون لاين حيت ماعندها مايدار دقو عليها البنات وگلسات معاهم بقاو مجمعين كايضحكو بيناتهم تا ودن العصر ناضو البنات توضاو وصلاو وأسيل هبطات للتحت صايبات كيكة ودارتها فالفران هبطو البنات معاونيها ها لي كاتغسل الماعن وها لي كاتعمر أتاي والقهوة اما أماني باينة فيها ساهية كاتفكر كاتغسل الماعن وساهية شافتها أسيل هي تحط يديها على كتفها كاطبط عليها) كولشي غايكوون بيخير 

أماني:😕ان شاء الله اختي ان شاء الله

أماني:(كانت حاسة أسيل غاتكون عارفة يعني علاء ماغايخبيش عليها داكشي علاش ماحكراتش على الموضوع) 

أسيل:(بتاسمات لأماني كاتحاول طمأنها كملو داكشي لي فيديهم طابت الكيكة جبداتها أسيل زوقاتها بالشكلاط والفريز وحطو كاسكروط هبطات عائشة كااتشمشم فالروايح گلسو كاياكلو ويشربو حتا سالاو غسلو الماعن هو يودن المغرب مشاو كاملين اصليو الا أسيل لي عندها عذر ومشات جبدات الدجاج كاتنقيه وغسلاتو مزيان ورقداتو وجبدات اللحم كدلك جاو البنات وعائشة وبداو كايقادو فالعشا الدجاج بالدغميرة واللحم بالبرقوق سالاو داكشي وقادوه سمعو الباب مشات عائشة حلات كان علاء لي جا سلم عليهم وعلمهوم بلي راه أهل أماني راهم فالطريق وراه دخلو لقنيطرة طلع لبيتو اما أسيل كملات لي فيديها وطلعات لبيتها دخلات للحمام طرفات حالتها دهنات لحمها بحليب ديال الجسم ودارت سيروم لشعرها لبسات دوپباس وديباردور وكولون وخرجات لعند علاء لي كان كايقاد حوايجو تا هو جبدات فراشة فالشيبي لبساتها ومشات قدام المراية سرحات شعرها وقاداتو دارت ليه مشيطة سامپل ودارت ميكاپ خفيف كحلات عينيها مهم ميكاپ خفيف ضريف دارت إكسسوارات ديالها رشات پارفان ديالها ولبسات بلغة فالنقري سالات وشافت فعلاء لي كايشوف فيها بإنبهار نسا راسو ونسا شكان كايدير ضحكات عله ومشات وقفات عله)نجبد لك شنو تلبس

علاء:ااه علاش لا

أسيل:(جبدات له حوايجو وعطاتهم له)انا غانمشي نطل على البنات

علاء:واخا

أسيل:(هبطات للتحت عند البنات لي بدلر حوايجهوم تا هوما كملو اللمسات النهائية وطفاو على العشا سمعو الباب هبط علاء حل عليهم ومشاو سلمو عليهم وأماني بقات معنقة باها حيت توحشاتو دخلو كاملين گلسو شوية ومن بعد ناضو بداو كايحطو العشا گلسو كاملين تعشاو أهل أماني كلاو وشبعو كرموهوم من بعد ما سالاو وغسلو الماعن مشات أماني گلسات حدا واليديها وكاتشوف فعلاء لي كايطمأنها بعينيه جابو البنات أتاي أماني قلبها كايضرب بالجهد خايفة ولكن تشجعات وهي كاتفمر غير فولدها ماقاداش تبعد عليه مزااال) 

أماني:بابا ماما محتاجة نگولكم شيحاجة

الحاج:الله يسمعنا خبار الخير

أماني:😔عافاكم حاولو تفهموني (شافت فعلاء وحدرات راسها) بابا عقلتي على عبد الهادي لي خطبني هادي شحال وماقبلتوش

الحاج:(عقد حجبانو) اااه

الحاجة:(خرجات عينيها وحطات كاس أتاي وبقات تشوف فبنتها) 

أماني:بابا انا كانبغييه وبزاف ومانقدرش نتخيل راسي مع شي واحد من غيرو نتا ماكنتيش عادل معاه مافيها والو لاماكناش من نفس الطبقة المادية المهم انا بغيتو من قلبي😢ملي شفت الرفض ديالكم المستمر قررت نحطكوم أمام الامر الواقع داكشي علاش تزوجت انا ويااااه هادشي دازت عله 5 سنيين دبا بابا رااك جد عندك حفييد يعقوووب😢 عافاكم سمحووليا ولكن كانبغيه بزاف وهو كذلك راني فرحانة معاه ومع ولدنا ولكن مانقدرش نبعد عليهم مزال عاافااكم سمحووليا 

*لحظات صمت سادت المكان تا واحد ماقدر يهضر حتا تسمع صوت تصرفييقة خلات أماني طيح لارض من جهدها*

أماني:(كاتبكي وهي گالسة فلارض) 

الحاج:😡درتييها ابنت الحرااام شفتي شفتي تربية يديييك شفتييهااا عندك ولد 5 سنين ونتي مجوجة عاد باليك عند واليديك كايفكرووو لك وكايفكروو بمستقبلللك ايمتا كنتي كاتشوفيه

الحاجة:الحاج راك مريض عافاك تهدن

الحاج:😡نتي بالدات سكتي تربيتك الفااشلة هي لي وصلاااتناا لهاادشي فيين كاتشوووفيه دباا ديني لعندووو

أماني:بابا راه ماكاينش هنا هووو هو كاين فاالرباط هو ولدنا عافاكم سمحووليا راني كانبغيه راه عندي معاه ولد سمحوليا بغيتكم غير ترضاو عليا راني عايشة حياتي معاه بيخير والله 

الحاج:رضااياا هو لي عمرك ماغاتااخدي انا ساااخط علك دنياااا وااااخرة مابقاتش عندي بنت انا من اليووم مانتي بنتي ماني بااك

الكل:😱

أماني:😭😨بابا حشوومة علك (تلاحت على رجليه) حشوومة علك ماديرش فيا هكا عافاك ماما هضري معاه عافاك

علاء:الحاج الحاجة من حقكوم تقلقو اه ولكن ماديرش هكا راه القلب ماكايشاورش وهي مادارتش شيحاجة لي خايبة راهم مجوجين فالحلال وراك زعما راجل حقاني المستوى المادي عمرو ماكان كايهم اي اب فالدنيا كايبغي يشوف بنتو فرحانة راها فرحانة دباا مع راجلها...

الحاج:كنتيي عاارف ياااك 

الحاجة:كنتي كاتستر علييهاا😠

علاء:ولكن....😥

الحاج:انا من ليووم ماعندي ولاااااد مبري منك ساخط علك دنيااا وآخرة الحاجة نووضي فحاالك مابقات عندنا هضرة مع هاادو كايضحكو علينااا

عائشة:الحاج الله يهديك راه تا حنا عاد عرفنا مافراسي والو انا من هادشي والحاج تا هو ماديرش هكا البنت بنتك غلطات ااه ولكن من الواجب علينا كأهل نعاتبوهوم ومن بعد نسمحو لبهم ماشي هادا هو الحل

الحاج:الا كنتي نتي قاابلة لولدك شي وحدة ماعندهااا تا بااهاا انا مانقبلهااش لبنتي

أسيل:(تصدمات مني سمعاات هاد الهضرة لي دخلات فقلبها بحال السم💔فين مشا داك الراجل تشهاي تشوفي فه النور على وجهو داير بحال شي ملاك فهاد اللحظة ولا شيطان بسيفة إنسااان)

علاء:😡

عائشة:الحاج تهدن عارفاك معصب ولكن بنت ختي شنو جابها الهضرة

الحاج:مابقات معااكم هضرة ونتااا (شير لعلاء) نتا كنتي كاتستر عليها تاا دباا دير فيها مابغيتي نتي مااشي بنتي وانا ماشي بااك وراني سااخط علك دنياا وآخرة ديما كنت باغي نشووفك عايشة فالعز فدااارك ويكون المستوى ديالك حسن مناا ونتي كاتشوفي غير حدا رجليك ملي مابغيتوش هي مابغيتوش فمرة ودبا الله يربحك بيه انا مبري منك وفرانك هو اللخر مانخسرو علك واخا تكوني كاتموتي الحاجة زيدي 

الحاجة:خساارة تربيتي فك كنت باغة نشووفك فشي بلاصة بعيدة ونتي باغة تعيشي مع الزبل والوسخ خسارة (مشات وتبعات راجلها وخلات الكل مصدوم من هادشي لي داز قدامهم أماني كانت عارفة واليديها غايتعصبو ولكن ماشي لهاد الدرجة نهارت بالبكا ومشات كاتجري حفيانة خارجة لعندهوم اما باها ماحنش فيها وهي شادة له فرجليه كاطلب منو يسمح ليها دفعها ومشا ركب فطونوبيلتو هو ومراتو وخلاها هكاك مرمية تا جاو عندها كايجريو كايهزوها من الارض وتعاود طيح فشلااات ونهارت بكل معنى الكلمة أسيل كاتبكي وأمينة كدلك وعائشة قطعات ليها فقلبها وكاتبوس ليها على راسها وكاتحاول تهدنها اما علاء كايشوف فيها بأسى وكايگول غير لا حول ولا قوة الا بالله عرف بلي واليديها أكبر ماديين على وجه الكرة الارضية ماحملهومش وخصوصا جبدو ليه مراتو بزز باش نوضو أماني ودخلوها للڤيلا كايهدنو فيها) 

#يتبع......