الباتول: بزاف عليك حتى تكون بنتي بنت الزنقة و هاد المرة جمعي فمك و عرفي اش كتخرجي منو
مرت عمي بضحكة استهزاء: هههه بنتك متأكدة
عمي: سمعيني نتي لي كتهددي في ولدي انا مدويتش معاك
زينب: دويتي مع ماما ادا دويتي معايا
عمي: تي واش من نيتك متيقاها مك و راه مكتعرفكش راه خويا و مرتو دارو فيك خير و رباوك مني مات ولدهم
انا كنسمع و كنضور وجهي يمين يسار ممتيقاش اش كيتقال درت عند ماما عيني عامرين دموع
زينب: 😭😭😭 كيكدب ياك قولي شي حاجة
الباتول بقات ساكتة شحال: نتي بنتي بنتي 😢😢😭
زينب: علاش كتكدب علاش على قبل الورث غنعطيوه ليك مغاناكلوكش في حقك
مرت عمي: و علاش غيكدب لي كتكدب راها حداك يالاه دابا نديرو التحاليل و غتشوفي انك لا تمتي لها بصلة لا هي ولا لوسي
زينب دارت عند الباتول: هادشي لي كيقولو صحيح قولي شي حاجة ا ماما متبقايش ساكتة متديرش فيا هاكدا
ماما هبطت راسها و بقات كتبكي شهقت حيت أكدت ليا هضرتهم حسيت بخنجر تخشى فيا طحت على ركابيا كنبكي و قلت
زينب : شكون انا 😭😭😭
🔙 جات كوتر كانت بنت داخلة سوق راسها و ضريفة عزيزة عليا واخا مكناش كنتشاوفو بزاااف هي و خوها الآخر كانو بعاد على العيب و فاش كنا كنتلاقاو عند العائلة كانو كيلعبو معايا و قالت ليا
كوتر : نعاونك
زينب بصوت مقطع: ج ج جيبي لي تيليفوني عافاك
مشات كتجري جابتو و جات و انا باقا كيفما انا طايحة على رجلي و كنبكي و كلمة وحدة لي في بالي شكون انا
خديت التيليفون عيطت على ياسين جاوبني في البلاصة
ياسين: حبيبة
زينب: اهئ اهئ 😭😭
ياسين: زينب مالك متخلعينيش عليك
زينب: 😭😭 ياسين اجي عندي دابا
ياسين: واخا هاني جاي
قطعت و كل واحد واقف و فاش غادي بيه تخمامو بين عمي و مرتو لي كيتشفاو و ولدوا لي كيتحلف عليا بعينيه و بنتو و ولدوا الآخر لي كيشوفو فيا بشفقة و ماما لي حاطة راسها بين ايديها و كتبكي مكملاش 10 دقايق كنسمع الباب كيتدق مشات بنت عمي بالزربة تحل الباب حلاتو كان ياسين جات عيني في عينيه مع الباب مقابل مع الصالة لي كنا جالسين فيها شافني فديك الحالة جا كيجري عندي جلس حدايا
ياسين: زينب مالكي
انا كتفيت أنني نخبي راسي في صدرو
ياسين: زينب خلعتيني قولي لي مالك
ماما هزات راسها في عمي: الله ياخد فيك الحق اش بغيتي عندنا خرج عليا من داري
عمي: هاهاها دارك ضحكتيني هدا راه حقي و زيدون نتوما لي معفرين شحال من مرة طلبت ايديها لولدي باش منقولش ليها الحقيقة و لكن نتوما مبغيتوش لا نتي لا داك خويا
زينب: احترم راسك
عمي: بقيتي ليا غير نتي البعلوكة تعلميني الاحترام
ياسين صاعر مبغاش يخسر حيت عارفو عمها و لكن مني فات الحدود ناض: سمعتيها قالت ليك خرج من دارها و يالاه وريني عرض كتافك قبل مندير شي تصرف ميعجبكش و إلى كان على حقك نتلاقاو في المحكمة يالاه برا
ولدوا الكبير: هي هداك الز...... كيفاش تهضر مع بابا هكدا ( جاي لعندو)
ياسين غير سمعو خسر الهضرة عينيه حمارو و عروقو خرجو شافو جاي لجيهتو: نتا لي جنيتي على راسك
عطاه بونيا زعزعاتو خرجاتو من الصالة حتال المرح وطاح يالاه غادي يكمل عليه و هو يشدو ولدوا الآخر
ولد عمي الصغير: صافي أ خويا هانا غنخرجو
هزو خوه و خرجو و جات عندي بنت عمي هزاتني من الأرض و طبطبات عليا و خرجات دار ياسين جيهة عمي و مراتو و غوت حتى زعزع الحيوط
ياسين: يالاه براااااااااااااا
خرجو كيجريو و جا حدايا ياسين تخشيت فيه كنتنخصص
زينب: ياسين 😭😭😭 عرفتي اش قالو ليا قالو بلي بابا ماشي بابا 😢😢 و بلي ماما ماشي ماما قالو غير شفقو عليا و رباوني قالو بلي انا بنت الزنقة كيكدبو ياك 😭😭
ياسين: شششششش صافي أ حبيبة كلشي غيتصلح
زينب: مبغيتش نبقى هنا
ياسين: اوكي نمشيو الحاجة يالاه معانا
الباتول: غير سيرو ا ولدي
ياسين: لا الحاجة مغنطمئنش عليك هنا ممكن يرجعو في اي وقت و إلى غير على الناس راه كيعرفو دارنا يالاه دابا طلعي جمعي اش غتحتاجي
الباتول: واخا ا ولدي الله يرضي عليك
طلعات ماما تجمع حوايجها و انا غير ساكتة و شادة في قميجة ياسين حاسة براسي عيانة و معنديش الطاقة حاسة براسي معنديش فين نهز شي دقة أخرى
هبطات ماما و خرجنا مشينا للفيلا دخلنا تلقات لينا سوما و لمياء كيسولو انا قلت لياسين طلعني معودهاش معايا هزني و طلعني لبيتي بقيت سارحة في أفكاري ياسين حس بيا باغا نبقى بوحدي خرج و خلاني باغا نغوت باغا نضرب باغا نهرس و لكن معنديش الطاقة و ندور في أفكاري حتى نعيا و نرجع نقول
#شكون_انا 😢
دوزت العشية كلها تفكير حتى غفيت فقت على ايدين ياسين كيلعبو في وجهي و حاط حداه بلاطو ديال الماكلة
ياسين: حبيبة اجي تاكلي
زينب: مبغيتش
ياسين: غير بززي عليك
بززت عليا الماكلة وكلني ياسين و شربني الماء و انا عينيا عليه
زينب: ياسين شكون انا
ياسين: نتي زينب حبيبتي و برهوشتي و بوكاهونتاستي نتي القلب و الكبدة نتي هي كل حاجة في حياتي
زينب عنقاتو : الحمد لله لي عطاك ليا الحمد لله لي نتا معايا
ياسين: حتى انا كنحمد الله لي نتي معايا و لي عطاك ليا(باسها في راسها ) و دابا غادي نهبطو نفهمو كلشي من ماماك اوكي
زينب: الصمت
ياسين: واش باغا تعرفي الحقيقة قادرة تواجهيها
زينب: نحاول
ياسين شد في وجهها: نواجهوها بجوج هانا معاك اوكي
زينب: اوكي
باسني بوسة طويلة في شفايفي و انا حاوطت عنقو بايدي كنحمد الله لي هو معايا كنحمد الله لي كتبوا ليا كل نهار كنبغيه كتر من لي قبل منو
شدني في ايدي و هبطنا لقينا الكل مجموع في الصالون مشيت جلست و جلس حدايا ياسين بدات ماما كتهضر
ماما: كنت داك النهار كنولد توجعت و تمحنت و مني خرج البيبي مبكاش كنسمعهم كيحاولو معاه ووالو قالو ليا راه تخنق و الحاجة لي زادت عليا انهم قالو ليا انهم حيدو ليا الرحم لأنه تضرر بكيت غوت تحيرت عرفت انه عمرني نحس احساس الامومة خرجوني من البلوك حطوني في غرفة عادية عقلي ممعاياش و كنبكي و نغوت و باباك الله يرحمو كيحاول يواسيني حتى دخلات علينا واحد المرأة هازة ملاك في ايديها سمعات حديثنا و عطاتك ليا و قالت " هاهي بنتي امانة في رقبتك متحاولوش تقلبو عليا ديروها بنتكم و متقولوش ليها حتى الحقيقة " باستك و خرجات من داك النهار مبقاتش بانت كان باباك كيمشي كل نهار للمستشفى يشوفها واش جات سولات عليك و خلا نمرتو باش إلى جات يعلموه و لكن والو
زينب: يعني هي تخلات عليا
الباتول حدرات راسها: الله عالم بضروفها
سوما: و عمها كيفاش عرفتي
الباتول: قالها ليه راجلي يصحابو نحاس ساعة من بعد عقنا بيه طامع غير في المحل
موسيو العلوي: الله يهدي ما خلق
انا غير كنسمع كلشي جديد عليا معرفتش اش نقدم و لا اش نوخر خرجت للجردة وقفت كنبكي في صمت و نفكر علاش تخلات عليا و نعطيها أعذار و من بعد نقول واخا معرف اش يكون متتخلاش عليا حتى تحطات ايد على كتفي درت لقيتو ايمن
و تقولي ولو حتى انا هكدا طرى ليا قصتي ممختلفاش بزاف على قصتك غير انا عرفت مني كنت صغير و تقبلتها و كبرت معاها و نتي اكيد بشويا بشويا اكيد غتولفي
زينب: و لكن انا قررت نقلب عليهم على الأقل نعرف علاش خلاوني
ايمن: ادن نتي بنت شجاعة ممكن حتى انا كون عرفت في سنك كنت نقلب عليهم و لكن دابا فات الفوت المهم دابا هو نتي ترتاحي و تعرفي اش باغا
زينب عنقاتو: شكرا ايمن
ارتاحيت بزاف مني هضرت مع ايمن ممكن حيت متأكدة انه هو الوحيد لي حاس بيا و وضعي نفس وضعوا و دار بادرة و جا هضر معايا بقيت معنقاه حتى خرج المغيار ديالي من حيت لا أدري
ياسين: شكرا فهمناها لاش و هاد التعنيقة ما محلها من الإعراب
ايمن: مغيار راها بحال ختي
ياسين: بحال ختك ماشي ختك سير حتى تكون ختك و اجي عنقها
زينب: صافي كون تحشم حتى نطلعو لبيتنا و دير لي بغيتي
ياسين: متأكدة لي بغيت لي بغيت
زينب ضرباتو لراسو: وا صافي ههه
جرها لعندو عنقها
ياسين: الحمد لله لي شفت هاد الضحكة تاني
زينب ابتسمت و هي في حضنو: الله يخليك ليا
ياسين: و يخليك
جاو عيطو لينا نتعشاو دخلنا جلسنا على الطابلة كلشي غير كيبزز عليه الماكلة كلينا في جو صامت حيدو الأكل و جابو الكلاص انا شفتو تقلبت معدتي
ياسين: ها حبيبك جا
زينب: حيدو ا ياسين مبغيتوش
ياسين حل فمو: سجل يا تاريخ عمرها كانت ليك
زينب: مبغيتش و صافي
نضت قلت ليهم تصبحو على خير و بست لماما حناكها و طلعت للبيت
عند ياسين
موسيو العلوي: اش غتدير معاها
ياسين: معرفتش و لكن الى قررات تقلب على عائلتها غنعونها
الباتول عينيها غرغرو بالدموع
سوما: صافي أ صاحبتي طيبتي دوك العينين
ياسين: الحاجة كتبقاي نتي عائلتها الأولى و لكن هي عندها فضول علاش تخلاو عليها و مشاو(قالها بحسرة و هو كيتفكر مو )
لمياء: و لكن كي غتدير توصل ليهم
ياسين: معرفتش يمكن حاجة صغيرة توصلنا ليهم الحاجة فاش عطاتها ليك مها معطاتكش معاها شي حاجة و إلى قدرتي توصفيها هاهو ايمن يرسمها
الباتول: اه كانت عندها واحد السنسلة كحلة راها باقة محتافظة بيها و إلى بغيتو نوصفها انا مستعدة
ياسين: هادي مهمتك ا ايمن
ايمن: صافي عول عليا
عند زينب
طلعت بدلت حوايجي و جلست فوق الناموسية نفكر و نعاود سارحة كلشي جاني في خطرة حتى دخل ياسين بدل حوايجو و جا جلس حدايا مسند ضهرو على الكادر ديال الناموسية انا نضت جلست فوق رجليه و خشيت راسي في عنقو و هو حاوطني بايديه
زينب: ياسين دابا نتا خديتي وحدة مجهولة معارفة لا سميتها لا كنيتها
ياسين ضربها لراسها: نتي سميتك زينب من نهار تزاديتي و نتي عندك هاد السمية و هاد التخاريف ديال مجهولة حيديهم من دماغك على هادوك لي تعبوا عليك و رباوك و مخلاوك مخصوصة من حتى حاجة اش كتسميهم هادشي باش كتجازيهم
انا كنسمع و كنتنخصص 😭😭
زينب: انا مقصدتش دابا لنفرض لقيتي با مجرم و لا انا بنت الح.....
ياسين مخلاهاش تكمل شد شفايفها بين ايديه بقرصة : نقطعهم ليك إلى باقا فكرتي تقولي على راسك هكدا حتى واحد فينا مختار واليديه و نتي لحسن حضك ختاروك احسن واليدين و رباوك احسن تربية و قراوك و حافظوا عليك حتى سلموك لراجلك لي كيبغيك
زينب: 😭 و غتبقى ديما تبغيني
ياسين: فور ايفير 😘
عنقتو و خشيت راسي في عنقو نبوس و نعاود و هو كيتبورش
ياسين: حداي لمك كتبورشيني
زينب: ههههه
ياسين: كتضحكي اجي بعدا اش قررتي
زينب: غنقلب عليهم
ياسين: متأكدة عندك الشجاعة تواجهيهم
زينب: اه متأكدة و لكن كيفاش غنلقاوهم
ياسين: قالت ليا ماماك كانت عندك واحد السنسلة كحلة من صغرك
زينب: اه باقا عندي ولكن قالت ليا ماما راه عطاتها ليا صاحبتها
ياسين: و راها باينة مالها غتقوليك عطاتها ليك ماماك دابا نوضي جيبيها عندك هنا
زينب: اه بلاتي
نضت جبدت واحد الصنيديقة و جبدت السنلسلة مع وريتها لياسين مع تحلو عينيه و قال
ياسين: 😳😳 ميمكنش
شد من عندي السنلسلة و كيتفحصها و يعاود و كيردد كلمة وحدة ميمكنش ميمكنش
زينب: ياسين اشنو لي ميمكنش راك خلعتيني
ياسين: نوضي لبسي عليك شي حاجة غنخرجو
زينب: فين غنمشيو في هاد الليل
ياسين: غنديك نتأكدو من شي حاجة
نضت لبست حوايجي و هو كذلك و خرجنا و توجهنا للسيارة ركبنا و خرج طاير ما وقف حتى وقف حدى دارنا الأولى استغربت اش جينا نديرو هنا هبطنا و دخلنا للعمارة طلعنا لدارنا دخلنا شعل الضواو الله شحال توحشتها و شدني من ايدي و غادي بيا لغرفتو دخلني ووقفنا قدام ديك الغرفة لي قلت ليكم في الاول كانت مسدودة " عقلتو عليها" مد ايديه لفوق الباب معرفت علاش ورك تحل الباب دخل شعل الضو كانت غرفة بيضا و معلقين فيها صور ياسين فاش كان صغير و واحد المرة زوينة كتشبه ليه مرة كتلعب معاه مرة كتلبسو مرة كتوكلو و كاين حتى ايمن استنتجت انها ماماه بقيت كندور في عيني حتى جات عيني في آخر حاجة كنت نتوقعها كانت صورة مولود صغير يكون يالاه تزاد و لكن هاد المولود مألوف لباسو مانطتو كلشي هادي انا انا فاش يالاه كانت عندي نهار عندي نفس الصورة بنفس اللباس و نفس المانطا غير البلاصة لي مبدلة و لكن انا اش كندير عند ياسين و فبيتو السري درت عندو بعيون مستفسرة
زينب: اشنو كيعني هادشي
ياسين: حتى انا معارفش لي عارف انه كنت في الدار كنلعب و ايمن كان ناعس جات ماما خارجة تبعتها لصقت فيها داتني معاها للمشفى دخلات عند واحد المرأة و كانت حداها هاد الملاك( كيشير على الصورة ) بقيت كنلعب معاك و هزيت الكاميرا صورتك حيت كانت هواية ايمن من الصغر و لصقها فيا عطيتك صبعي و شديتي فيه و مبقيتيش باغية تطلقيني حتى حيدت هاد السنسلة و حطيتها ليك في ايديك شديتيها عاد طلقتيني و شداتني ماما خرجاتني رجعنا الفيلا و من تما مشفتها
زينب: يعني مكنتوهمش هادي انا
ياسين: اه نتي ا حبيبتي انتي مكتابة ليا من نهار تزاديتي يالاه في عمرك نهار و شديتي فيا شدة العما في الضلمة
زينب: ههههه 😂
ياسين: باش عرفتي راسك
زينب: عندي نفس الصورة بنفس الحوايج زائد المانطا ممكن تقول بقات معايا صغري كامل و باقا عندي لحد الان
زينب: و نتا باش عرفتي السنسلة يمكن تكون عند اي واحد
ياسين قلب السنسلة و شير ليها على أحرف صغيرة إلى محققتيش منشوفهمش: اشنو كتشوفي هنا
زينب بقات شحال كتقرب ليها السنسلة و تشوف: YA
ياسين: اش كتعني في نظرك
زينب: yassine alawi
ياسين: برافو حتى انا عاقل على هاد السنلسلة من صغري و هي عندي حتى عطيتها ليك و ها هي رجعاتك ليا
زينب: ههه ياك
ياسين: شكون كان يقول البزقولة لي كنت كنشوفها كل نهار في التصويرة و نتخيلها كيفاش كبرات تولي مرتي
زينب: معرفتش اش نقول اشمن نوع من الصدف هادا معرفتش
ياسين: هادا القدر يا حلوتي
زينب: امممم وانا نفهم
ياسين: اجي لهنا متوحشتيش دارنا
زينب: سي توحشتها بزاف
ياسين: اوا هي نباتو هنا اليوم
زينب: موافقة 😍
هووووب هزني خرجنا للبيت حطني فوق الناموسية و تخشى حدايا حط راسو على صدري و انا كنلعب ليه بشعرو
زينب: ياسين دابا ماماك عندها علاقة بالمرأة لي ولداتني
ياسين: ههههه اه
زينب: و علاش كتضحك
ياسين: بجوجنا متوفقناش في المراوات لي ولدونا
زينب: و توفقنا فلي رباونا ههه امممم
ياسين: بلا متبقاي تمتمي غير قولي
زينب: ياسين إلى مكنتيش مستعد تقلب على ماماك صافي انا نتخلى على الفكرة
ياسين هز راسو و بقى كيشوف فيها مطولا و طبع بوسة في شفايفها: نتي بنت شجاعة و جمعتي قوتك و شجاعتك باش تقلبي عليهم و تعرفي الحقيقة و انا مغنكونش جبان و نحرمك انك تعرفي الحقيقة من غدا ان شاء الله نبداو نقلبو اوكي
زينب تلاحت كتبوس فيه و تعاود حتى ولى هو لي كيجر و يعض و دخلو لعالمهم و كل واحد كيستمد القوة من الاخر و كل واحد عارف و متأكد انه نصفو الآخر سند ليه بقاو مدة و نعسو في أحضان بعضياتهم 😴😴
أصبحنا وأصبح الملك لله
عند لمياء
كنا جالسين كنفطرو عيطت لحنان و قلت ليها تجي عندنا دخلات هي و مروان جلسات سولات فين زينب و علاش خالتي كاينة هنا عودنا ليها كلشي من الألف للياء
حنان: 😭😭😭😭 الله على صحايبتي مسكينة اش هادشي كتدوز منو 😭😭 فينها دابا بغيت نشوفها 😭😭
موسيو العلوي: هادشي لي كتدوز منو قضاء و قدر و نتي خاصك تكوني قوية باش تعونيها
حنان كتمسح في خناينها: واخا اهئ مغنبقاش نبكي
سوما: نورة نورة
نورة: نعام
سوما: سيري ابنتي قولي لزينب تهبط تفطر
مشات شويا رجعات قالت راه ملقاتهاش
لمياء: فين غتكون زادت
ايمن: يقدر تكون مع ياسين
سوما: معرفتش ممكن
عند زينب فقت لقيت ياسين كيشوف فيا غميت وجهي
ياسين: غير حيدي راه ساعة و انا كنشوف فيك
زينب: أو ممليتيش
ياسين: عمرني نمل من بوكاهونتاستي يالاه ندوشو باش نخرجو كوراهم كيقلبو علينا
زينب: اوكي
دخلنا دوشنا اكيد مع البسالات ديال ياسين هه خرجنا رجعنا حوايجنا لي كنا لابسين و خرجنا شدينا الطريق للفيلا مع الدخلة سمعنا سميت ياسين
ياسين: كتقلبو عليا
تلفتو لينا ناضت حنان طارت عليا بتعنيقة ممكن عوضات شهرين لي مشافتنيش عارفاها كتواسيني حيت مكتعرفش تعبر بالكلمات بقات معنقاني شحال حتى جرها ياسين و قال
ياسين: فليفلة شفتك ورتني
ايمن: هههه متقولش ليا حتى حنان غتغير منها أو بزااف
ياسين: دخل سوق راسك نتا
جرني من ايدي و جلسنا كاملين
سوما: ولدي فين مشيتو
ياسين: كنا في دارنا
موسيو العلوي: امدرا وصلتي لشي حاجة
ياسين: انا قررت نقلب على ماما
سوما و ايمن و لمياء حلو فامهم اولا على كلمة ماما لي خرجات لياسين بلا ما يحس و تانيا حيت قال غيقلب عليها
موسيو العلوي طيح الفورشيت من ايدو: كيفاش
عاود ليهم كلشي موسيو العلوي تشوكا و بقى كيضور في عينيه و كيردد كلمة مستحيل في خاطرو و عقلو سرح بعيد
ياسين: مالكم سكتو
موسيو العلوي: لا ا ولدي غير كنسمعو ليك اوا منين ناوي تبدى التقلاب
ياسين: انا علمت فؤاد عطيتو جميع المعلومات لي غادي تخصو
سوما: اوكي ا ولدي الله يسر ليكم
ياسين: امين
مروان: ياسين إلى حتاجيتي شي حاجة هانا موجود
ياسين: ربي يخليك ا خويا عارف لي كاين
ايمن كيهضر مع مروان: اش درتي في الخدمة
مروان: صافي فضيت نقلت كلشي هنا و إلى كانت شي حاجة مهمة نقدر نديبلاصا
ايمن: اه مزيان احسن ما درتي الله يسهل عليك
مروان: امين
بقينا كنهضرو ناض موسيو العلوي مشا لبيروه متوتر و تبعاتو سوما شافتو موتر و ناضت ماما ترتاح و حنا بقينا جالسين نديو و نجيبو في الهضرة حتى واحد مامشى لخدمتو على قبلي باش يبقاو معايا الحمد لله لي لقيتهم حدايا
لمياء: ياسين دابا نتا اول واحد شفتي زينب 😍😍 واو سو رومانتيك
ياسين: اه يعني أ فليفلة( موجه كلامو لحنان ) متبقايش تقولي ليا راه صاحبتي قبل متكون مرتك(كيعيبها)
حنان: اوا صافي هاهو لقى تاني منين يشدني
الكل: هههههههههه 😂😂😂😂
بعد يومين كل واحد رجع للروتين اليومي ديالو حتى انا رجعت للخدمة و لكن ماشي بنفس الحماس مشيت عند ياسين للبيرو لقيت عندو واحد الشاب في مقتبل العمر و كيهضر معاه شافني سكت
زينب: désolé كيحساب ليا بوحدك
ياسين: اجي دخلي صاحبي فؤاد مرتي زينب
فؤاد و زينب: متشرفين
فؤاد: يالاه ياسين ها الدوصي بين ايديك هانا مشيت
ياسين: شكرا ا خويا
فؤاد: مابيناتناش ا صاحبي (خرج )
زينب: خاصك توضف شي سكريتيرة
ياسين كيشوف في الملف لي بين ايديه و متوتر: اه راه وصيتهم يلقاو شي وحدة كفئ
زينب لاحظات انه ماشي هو هداك: ياسين مالك ياك لاباس
ياسين: زينب عرفتي هاد الملف اش فيه
زينب بتساؤل: اش فيه 😳
ياسين: هذا ملف المرأة لي ولداتني
شفتو ماشي هو هداك متوتر و باغي يحل الملف و مباغيش مضارب غير مع راسو قربت حداه شديت ايديه و قلت
زينب: إلى ممستعدش دابا خلي حتال من بعد المهم راحتك
ياسين: حتال امتى صافي انا قررت نشوفو
بدى كيحل الملف و انا وقفت وراه كنقرى
" حياة خيري 50 سنة ربة بيت مقيمة بطنجة شارع *** إقامة *** رقم 5 الحالة العائلية متزوجة و ام لفتاة عمرها 17 سنة " ياسين كيقرى و كيترعد و جبد واحد الصورة كانت في الملف فيها بتلاتة الأم و الزوج و البنت كيبانو فرحانين و هي مخدا منها الزمان والو متبدلاتش على التصاور لي شفت داك النهار غير شويا ديال علامات الكبر و دارت الفولار
ياسين: شفتي اش شفت قريتي اش قريت قاليك عندها عائلة و فرحانة و بخير وانا لي كنفصل و نخيط ربما مريضة ربما مكانش عندها باش تربيني ولكن هي اش(بالغوات ) مشات تربي وحدة أخرى مشات تعطيها هي الحنان و تخلات عليا انا ياك
انا معرفت مندير كيبان ليا ياسين كيتألم مشيت جلست على رجليه و خديتو في حضني حط راسو على صدري و انا كندوز ليه على راسو حتى تهدن و قال
ياسين: دابا انا عندي ختي أخرى من مي هههه و مي تخلات عليا باش تزوج و تولد
زينب: كلها و ضروفو باقي معرفناش اش خلاها تدير هاكدا
ياسين: و ماباغيش نعرف
زينب بحزن: اوكي لي بغيتي
ياسين هز راسو و شد وجهها : ماشي معناتو انكي مغاتعرفيش الحقيقة حنا غنمشيو لطنجة و غتعرفي داكشي لي كيخصك اوكي
زينب: اوكي
رجع راسو لصدري و أنا بقيت كنلعب بشعرو حتى سمعنا دقة وحدة في الباب و تحل دغيا دخلات واحد بومبا تبارك الله الطولة و الفورمة و الشعر زعر و البشرة بيضاء و العوينات زرقين هادشي لاحظتو غير انا أما ياسين صاعر ضرب البيرو و غوت
ياسين: اش هاد الآداب سمعتي شي دخل من امتى كندخلو مدرمين للبيروهات بلا ماناخدو الادن
البنت: ا ا ا انا دقيت
ياسين: واش سمعتيني عطيتك الادن و زيدون شكون نتيا
البنت: انا صوفيا السكريترة الجديدة
ياسين: اوكي مطرودة
زينب: اويلي ياسين لعن الشيطان سيري ا انسة لبيروك
صوفيا: اوكي مدام
ياسين: والمرة الجاية حتى طلبي الإذن و تسمعي دخل عاد درمي عندي 😡
خرجات البنت و انا تلفت لياسين
زينب: ا مالك خلعتيها حرام عليك
ياسين: زينب و الله ما في مودي اليوم
زينب: عارفة داكشي علاش غنخطفك اليوم بلاش من الخدمة يالاه نخرجو
ياسين: فين غنمشيو
زينب: نمشيو ناخدو طاقة إيجابية
ياسين: هه اوكي يالاه مشينا
خرجنا من الشركة في اتجاه سيارة ياسين خديت السوارت و سقت بيه مشيت لواحد البلاصة خارجة شويا على المدينة مقابلة مع البحر كتكون خاوية وقفت و خرجنا كان الجو زوين بزاف كاين واحد الريح خفيف وشميشة قريبة تغرب جلست فوق الطوموبيل و غوت بأحر من جهدي
زينب: في بزااااف ههه كنت ديما عايشة حياتي عادية بنت عادية مربية بين واليديها الحمد لله مكانوش عندنا مشاكل عمرها مجات في بالي أنني نقدر نكون ماشي بنتهم حتى بالضحك و في سيمانة تقلب كلشي بابا مات و حقيقة أنني مربية وليت فتاة بلا هوية معرفاش راسي شكون كون جاوني في اياماتي كوراني ضربت على كلشي و طجيت معرفوني فين زدت و لكن دابا خفت خفت نواجهها و تمشي و تخليني بحال بابا و هي لي بقات عندي 😢
ياسين قربها ليه و عنقها جنب: بكي دابا غوتي عليا هانا قدامك أما ماماك تلقايها حتى هي عالم بيها الله معرفتيها دابا كيفاش كتفكر و سيرتو دابا سمعاتك باغية تقلبي على عائلتك عرفتي احساسها كي غيكون
زينب: عارفة 😭داكشي علاش مدرت حتى ردة فعل داكشي علاش انا ساكته اصلا انا عمرني نتخلى على ماما واخا معرفتش اش يطرى
ياسين: عارف و هادشي لي خاصو يكون
زينب حطات راسها على كتفو: دابا انا يقدر يكون عندي خوت و خواتات
ياسين: كيفما انا عندي خت مكنعرفهاش
زينب: ههههه واييه كوراه شحال من مرة شفنا خوتنا و معرفناهمش
ياسين:😂😂😂😂 كترت الهم كتضحك
زينب: نوض انا جاني الجوع
ياسين: اش بغيتي تاكلي
زينب: تشهيت السوشي 🍣
ياسين: اوكي يالاه زيدي قدامي
مشينا لمطعم خاص غير بسوشي و جلست هادي تنفع هادي تضر و ياسين مقابلني و كيضحك
ياسين: كنت عارفك وكالة و لكن ماشي لهاد الدرجة
زينب كتصرط: كيما شفتيني تخليني
ياسين: وا باراكا غايضرك
زينب: صافي غير هادي و نحبس
كليتها و رجعت اللور نتنفس
زينب: واااع حاسة براسي غنتفركع
ياسين: بالسيف متفركعي زيدي يالاه قدامي للدار مزوج وحش هادشي كاع حب في السوشي
زينب: في راسك واحد الحاجة مكنت كاع كنحملو كناكل غير هداك الطيب
ياسين: دابا صطتي في الخضر و الطايب
زينب: وااااييييه معرفت مالي 😂
خرجنا توجهنا للدار دخلنا كان كلشي مجموع هزيت عيني و هو يبان ليا عمي و مرتو و داك ولدوا دخلت صاعرة
زينب: نتوما اش كتديرو هنا
مرت عمي: تبارك الله على بنتي منورة( سبحان مبدل الاحوال)
زينب: شوفي داك التبوهيل ديريه مع شي واحد اخر ماشي معايا انا
عمي: سمحي ليا ا بنتي داك النهار غير كنت معصب و قلت ديك الهضرة
زينب: ما كاين ما ولكن صافي انا قررت نتي غتعيشي معايا هنا معززة مكرمة و هما باش يفرقونا غنرجع ليهم داكشي ديال بابا
عمي: الله يرضي عليك ابنتي حنا بغينا غير المحل و داكشي لي في البنك أما الدار غير خليوها ليكم
زينب: صافي غير نقدي شي شغل و نشوف معاكم واخا متستاهلوش غير على وجه كوتر و كمال ( ولد عمي و بنت عمي الآخرين)
مرت عمي: واخا الله يرضي عليك ابنتي
مشاو فحالهم
الباتول: علاش ابنتي غتسلمي رزق باك للبراني
زينب: راه خوه انا لي برانية
الباتول: متقوليش هكدا نتي راه الكبدة
مشيت تخشيت فيها
زينب: انا درت هكدا باش نرتاحو كلنا و زيدون حنا هنا مخصنا حتى خير اولا
الباتول: الحمد لله ابنتي لي عطانا هاد العائلة واقفة معانا في الحارة قبل الحلوة
سوما: وا هانا غنتقلق راك ختي و زينب راها بنتي و مرت ولدي
الباتول: ربي يخليك
بانو ليا العصابة كتسلت و ياسين دار ليا إشارة بعينيه باش نخرج للجردة نضت تبعتهم جلسنا في واحد الجلسة
ياسين: غدا غنمشيو لطنجة
لمياء: علاش
ياسين عاود ليهم كلشي : هادا ما كان
ايمن: اوكي غنمشي معاك
ياسين: هادي بلا ما ياخذك فيها شك على شكون غيدي زينب عند هاديك المرأة
ايمن بملامح حزن: انا نديها ماشي مشكل
ياسين: ايمن عارفك باش كتحس و لكن راك عارف منقدر نعول على حتى واحد من غيرك
لمياء: حتى انا غنمشي معاكم
ياسين و ايمن: نتي جلسي في داركم
لمياء: لا غنمشي هي غنمشي
حنان: حتى انا منخليش عجينة ايدي بوحدها
ايمن: هي غاديين عصابة و صافي
الكل: هههههههههه 😂
زينب: الله يخليكم ليا
درنا الوقت معاش غنتلاقاو نشدو الطريق لطنجة لي غنعرف فيها حقائق عمرها كانت تطيح ليا على البال
أصبحنا وأصبح الملك لله
فقنا قادينا حالتنا خرجنا تلاقينا مع الكل و شدينا الطريق كل واحد في طوموبيلتو
انا و ياسين ايمن و لمياء مروان و حنان في الطريق وقفت ياسين شي 3 المرات باش نستفرغ
ياسين: شتي السوشي ديال البارح اش دار ليك
زينب: اه واقيلا تقلت فيه
ياسين : 😏 واقيلا
زينب: وا صافي
نزلات حنان من الطوموبيل
حنان: امالك هادي المرة التالتة عمرها كانت ليك
زينب: معرفتش ياختي
ياسين: معرفتيش 😏 راها ضاربة البارح محل ديال السوشي بالسيف
حنان: وايلي ياك مكايعجبكش
زينب: وا صافي قلبو عليا ااووووع اوووع
جا ياسين كيضرب على ضهري عطاني الماء و غسل ليا وجهي
ياسين: شويا كي كتحسي
زينب: شويا
ياسين: تبغي تاكلي شي حاجة
زينب: متبقاش تجبد عليا حس الماكلة
ياسين: هههه اوا يالاه زيدي قدامي فليفلة طوموبيلتكم لا تفلت
مشات حنان و حنا رجعنا للطوموبيل تكيت راسي على الكرسي و غمضت و كسيرا ياسين بعد مدة حسيت بياسين كيفيقني وصلنا لطنجة وقفنا دخلنا لواحد الكافي طلبنا اش بغينا غير باش نهرسو الجوع و صافي كلينا شويا و جلسنا نتناقشو
لمياء: اوا اش غاديرو دابا
زينب: معرفتش
ياسين: غنمشيو للعنوان لي عندنا و تطلعي نتي و ايمن لعند هاديك المرأة و تعرفي كلشي اوك
زينب: اوكي
لمياء: وليني مجاتش تمشيو عندهم دابا وقت الغداء
حنان: اه هي نمشيو لمغارة هرقل ندوزو الوقت بيما جات العشية
مروان: لا حول ولا قوة الا بالله
ايمن: مروان متأكد انك مزوج بوحدة بعقلها
لمياء: مالها اش فيها منها ندورو نيت
ايمن: زيد عليها هادي( دار عند زينب) الأخت مغاتزاديش عليهم حتى نتي
ياسين: بعد من مرتي
ايمن: مالي غناكلها
زينب: بعد ليا من ايمن يقول لي بغا
ياسين: 😏😏
ايمن: يخليك ليا ا الزين ديالي
ياسين: ايمن راه غنوض 😠
ايمن: صافي صافي هانا ساكت يالاه اش غنديرو نتحركو
حنان و لمياء: المغارة المغارة 👏🏻👏🏻
ايمن و مروان: جايبين معانا البراهش
ياسين: انا مرتي بعقلها
زينب: أودي راه غير المطارق كيخبطو في راسي أما كون لقيتيني وصلت لباب المغارة هه
ياسين: خوي راسك واجي نبدلو الجو
زينب: مشينا
الكل: مشينا
فعلا شدينا طريق المغارة وصلنا دخلنا كنكتاشفو لمياء و حنان يتصورو و يعاودو و مروان حاضيهم و انا و ايمن و ياسين واخا معاهم إلا أن عقلنا في بلاصة آخرة انا كنفكر واش غنقدر نستحمل اي حاجة تتقال ليا واش واليديا حتى هما كاينين في هاد المدينة أولى في بلاصة أخرى واش عايشين علاش جابوني مني مباغينيش بزاف ديال الأسئلة و الجواب ديالهم عند الأم البيولوجية ديال ياسين
ياسين حدايا سارح في افكارو باينة كيخمم في الكلام لي غتقول ليا ماماه واش يقدر يشفع ليها علاش مشات و خلاتو واخا رافض انه يطلع و يواجهها إلا أنني متأكدة انه باغي يعرف السبب و كيتمنى يكون سبب كبير لي خلاها تمشي و تخليه
و ايمن لي حتى هو قصتو بحال قصتي و اسئلتو كلها جوابها عند مامات ياسين و اكيد كيفكر كيفاش يواجهها و هو 3 سنين و هو كيحسابليه ماماه و تأزم مني مشات و خلاتهم اكتر من فاش عرف انه ماشي ولدهم
بقى كل واحد فينا عقلو خدام في جهة حتى وصل الوقت و خرجنا من المغارة و شدينا الطريق نيشان للعنوان لي عندنا وقفنا قدام العمارة ياسين متوتر و كيحاول يخبي توترو و يبان قوي ايمن كذلك انا كنترعد
لمياء: انا غنطلع معاهم
ياسين: اوكي سيري(دار عند زينب شد وجهها بين ايديه) بوكاهونتاستي بغيتك مهما سمعتي الفوق تبقاي قوية صافي ها لمياء معاك و ايمن
زينب تعلات و باستو في حنكو: اوكي متخافش عليا
ياسين قرب حدا وذنيها: كنبغيك
تبسمت درت إشارة لايمن و لمياء باش ندخلو طلعنا في الدروج وقفنا قدام الباب و انا قلبي باغي يخرج من بلاصتو دق ايمن الباب حلاتو بنت زوينة اكيد اخت ياسين شافت ايمن خرجو عينيها و قالت
ايمن و هو مستغرب: سمحي ليا ا ختي و لكن كيفاش عرفتيني
.....: دخلو بعدا متبقاوش واقفين في الباب
دخلاتنا للصالون مقابل مع الباب تار انتباهي واحد القنت عامر بالتصاور قربت حداه حليت فمي كانو تصاور لياسين و لايمن في كل مراحل عمرهم شفت في ايمن ناض يشوفني تفاجئ بقى غير حال عينيه في التصاور و عينيه عامرين بالأسئلة دار عند اخت ياسين
ايمن: عافاك اا
....: سميتي راوية اكيد كتسائل كيفاش تصاورك معمرة الحيط نتا و ياسين مني عقلت و انا عارفة عندي جوج خوت و ماما كتعاود ليا عليكم
ايمن: هي دابا نتي ختي الصغيورة متشرفين و فينها ماماك
راوية:عند الجيران هانا غادي نعيط ليها تسناوني
ايمن: اوكي
مشات تعيط على ماماها و حنا بقينا في جو من التساؤلات
زينب: فهمتوا شي حاجة
لمياء: والو
ايمن: زيدوني عليكم
زينب: مني هي متبعاكم هاد الأعوام كاملة و عارفاكم فين كاينين علاش مجاتش لعندكم
ايمن: حتى انا معارفش و مقادرش نفكر
و حنا كنهضرو تحل الباب و دخلات مامات ياسين كتبان مرأة حنينة و بشوشة ملامحها كيخليوك تحسي انك كتعرفيها من زمان و تحسي بحنانها بقيت كنتحسر على ياسين لي كان محتاج هاد كمية الحنان اللي عندها و كنتساءل علاش حرماتو منو و هي بقات كتشوف في ايمن و عينيها مغرغرين وقفات بقات كتشوف فيه شحال و كتأمل فيه هادا هو الولد اللي ربات فاش كانت عندو 4 سنين و مشات و خلاتو فاش دار 7 سنين حمدات الله حيت موسيو العلوي متخلاش عليه و رباه احسن تربية قربات حداه و هي خايفة يصدها متوترة و عينيها دايزين بالدموع شافها هاكداك و حل ليها ايديه و تلاحت في حضنو كتبكي بالصوت و كتقول ولدي ولدي بقات مدة معنقاه شحال و كتبكي حتى بردات جات سلمات علينا هي و راوية
ايمن: هادي لمياء اخت ياسين الصغيرة
حياة: متشرفين ا بنتي مرحبا بيك
لمياء: الله يبارك فيك 😊
ايمن: و هادي زينب مرت ياسين
حياة بقات شحال كتشوف فيا و هي تبتاسم: مرحبا بيك ا بنتي
زينب: الله يبارك فيك ا لالة
حياة: قولي ليا خالتي
زينب: واخا ا خالتي
حياة: فين فين ياسين
ايمن حدر راسو: الصمت
زينب: الصمت
حياة: اه فهمت مباغيش يشوفني ياك
كلنا: الصمت
حياة: ماشي مشكل عادراه و لكن كيفاش حتى جيت في بالكم
عاود ليها ايمن كلشي بقات غير كتشوف فينا و ساكتة مرة تشوف فيا مرة في ايمن
زينب: هادشي علاش جينا عندك بغيت نعرف المرأة لي ولداتني
صفقة زواج من متعجرف الجزء 15
محتوى القصة
التنقل بين الأجزاء