قصة الطاحونة لعنة دموع

كيف كيتعرفو جميع انا ريتال بنت محمد علي بنيس فاسية قحة من ال قولي نقولك فاوسط العشرينات من عمري ههه عمركم سمعتوها هه نن جو سي جو سي عارفة كلشي مع ريمي غريب عجيب لا داعي للتسفيق اللهم زدني تواضع 

انا من عائلة متوسطة ميسورة حمد لله معندناش و مخصناش كيف كل صيف كنتوجهو انا وعائلتي للدار لي فالقرية كتعرفو الحو ديال الجبال الطبيعة و الخضورة دكشي زين زين كنمشيو ندوزو شي ايامات و نرجعو ولكن هاد الصيف ماشي كيف كل صيف هه حيت غنمشيو نبيعو الفيرمة لي تم حيت الواليد الله يدكرو بيخير خسر خدمتو هنا اي ضيع المشروع لي كان بادي فيه بمعني اصح صاحبو الانتيم نصب عليه ودالو الفليسات لي كان جامع خلانا عالحديدة فملجأنا الوحيد هو الفيرمة د جدي لي مات هادشي سي 20 عام مسكين مات علي 105 عاش عمرو و عمر دري ف ل5 سنين من عمرو مكيحشمش لولا قضاء الله كراه باقي مبلاصي فالفيرمة كيقولو جدي كان منوض فيهم الرعب شابه لباه جدي مولاي يعقوب اي راس العائلة الكبير مكنعرفش بزاف عليهم حيت مكانش بابا يبغي يعاود لي عليهم ما علينا انا عندي ختي تويمية سميتها ريتاج فحالي سبيطار الحماق نهار جا بابا كيقولينا راني خسرت فلوسي تكرشخنا بالضحك بيتونا فالدروج معندناش المحاسيس ولكن اش غنديرو حنا هك بالفطرة و كين خويا صغير سهيل عندو شي 15 عام..

ماما تا كانت فقدت الامل فالخلفة خرج ليها خويا كي القرد كيفرنس كي راس المشوطة تيقو ولا متيقوش نهار ولدت ماما كونا انا و ريتاج قارقين علي القابلة مني خرج خرج ضاحك ولحد الان تشوفيه تلقاه ضاحك ضربو يبقا ضاحك بالخق راه نهار زاد كان عرس ولد عمي مكدبوش مني كيقولو للي كيضحك مالو زايد فعرس حيت فري زايد فعرس😂 

ما علينا مقلش ليكم ماما سميتها حورية و بابا سميتو محمد علي معرفتش كيفاش جدي لي سميتو شعيبةالله يدكرو بخير عرف يسمي بابا محمد علي لحد الان باقة كنتسائل بابا عندو ديك 67 عام ولكن باقي شاد فراسو راه قالك خوديه اربعيني ولكن ماما خداتو عشريني ماما الحبيبة حرية سميرس عندها 58 عام حتي هي توتوزة الله يخليها لينا ما علينا بابا بعد ما ضيع فلوسو ولا عصبي بزاف كل مرة يضور يا فيا يا فخوتي تا ماما تقرت ولات غير صابرة جمعنا رحيلنا حطيناه فالكاميو و ركبنا حنا فالطوموبيل لي بقات حيلتنا بعد ما خداو لينا الدار فالمزاد العلني تخيبو انا جالسة حدا ختي دب وشادانا الضحة من شكل بابا المخنظر معرفتش علاش ولكن احيانا كنقولو راه فينا شي عطب تقني من الصغر انا صراحتا متقبلتش فكرت العروبية و دكشي كنقولز كنمشيو فالصيف ولكن تعشيشي فيها لا هي ماشي عروبية عروبية فحال فيلاج ولكن الشنعة هي الي خايبة وصلنا كان ضلام الحال وتخيلو معايا مكناش فنفس الفيلاج لي قال ليما عليه بابا هدا فيلاج خر ولكن كيفاش علاش جينا لهنا 

ريتاج (باستغراب)ماشي هدا هو الفيلاح ياك 

انا..نن ماشي هو ولكن علاش جابنا بابا لهنا

ريتاج...بايا علاش جينا لهنا 

الاب..زيدو وسكتو 

ريتاج...ولكن ابابا اش هادشي شوف الدنيا كدايرة تقول هدا منفي ماشي عروبية (كدور وجها) وتقول حس البشر واش كاين 

الاب...شوفي شحال الساعة تصحبي راسك ف فاس الليل و ماس كيدورو راكي فقرية الناس كيخافو علي راسهم الليل هدا 

سائق الكاميو(كيدوس بزربة) سيدي هزو سلعتكم دغيا خلينا نخرجو سالمين من هنا معرفتش اصلا اش جابني و اش داني نوصلكم 

ريتاج..(بدات عوتان) هههه حبس حبس لتطلقها فسروالك

سهيل..ههههه😁😁

انا..بابا فخبار هههه حاسة راسي ف فيلم رعب

الاب.(دار بزربة) سكتي كنقولك سكتي متبقايش تهضري علي دكشي 

انا...عير ضاحكة ابابا

الاب..متجبديهش تا فنفسك حراك لضحي قدامي 

انا..وااخ 

اوف يا بابا وليتي خنيق مكانتش لك كنتي تشد معانا قرقيب الناب تال اخر الليل شو اش دار ليا دب خسرتي اصاحبي ماشي ديالتك هادي ههه ما علينا الواليد هدا ..دخلت انا و انتيمتي ختي مشادين كنستكشفو المكان هازين كاميرتنا كنصورو كل قنت فخباركم حبستني الضحكة حيت فعلا الدار كتخلع كتعرفو داك اللون البيض د ديور لي كسولي رمادي بمرور الزمن ههه هداك ز مشققة من شي قنات السلامة يا ربي ولكن كيف فتنا الباب الدنيا مجموعة و ريحة المسك فايحة من المكان تقول يالله مسيقة ستغربنا حيت انا دارنا اللي ف قاس كنبقا نحك فالارض تا نعيا و بزز باش تشمي الريحة د النقا مع ريحة الرجلين ديال داك البعلوك دخويا كو جاو يخرجو شي ماركة من ريحة رجلو راه يربح زبابل الفلوس السلامة تخيلو الغبرة مكيناش الدنيا نقية نقيا

انا...بابا ديالمن هاد تلدار زاش ماليها عاد خرجو منها ولا شنو 

الاب(بتوتر) ..اه اه ماليها عاد خرجو منها احم يالله تفرقو كل واحد ياخد بيت الطابق لتحتاني تا حد مينزل ليه بابو يبقا مسدود كتسمعونس بابو يبقا مسدود 

تنا..اشمن باب ابابا 

الاب..داك الباب راه

درت نشوف كان بابا رمادي غير جاع البيبان اللي فالدار بالحديد ماشي بالخشب كيف لاخرين ستغربت

انا..ولكن علاش دايرينو بالخديد زعما عندنا الكنز لتحت خفايفو يتسرق هههههه

الاب(كيفوت) شغلك ديها فراسك كنقولك متقربيش من تم و صاف كتسمعي و حسك عينك مسيق بك الخبار قربتي ليه بديني وما اعبد تا نقتل والديك بيدي يالله و ديريها حلقة فودنك راه كيف تحاولي تفتيه ايتسمع الصوت اوا ردي بالك 

انا..صاف موقع والو ابابا راه مجرد سؤال 

الاب..متسوليش كتسمعي ديها فراسك و تابعي قرايتك من بيسيك

انا..مكنقراش انا ابابا زاش نسيتس انني تخرجت من عامين 

الاب...ما علينا تفرقو كل واحد فبيت 

حدكم حد هاد الطابق مطلعوش للفوق باش متتوضروش حيت دار كبيرة 

فعلا طانت دار كبيرة عبارة علي 3 طبقات و الكابق السفلي اللي بابا خلق لي الحماس باش ندخل ليه و نشوف شنو فيه منكدبش عليكم درت عند ريتال لقيتها تا هي كتر مني الحماس كيشقشق من عينيها تفرقنا كل واحد دخل غير تلاح معرفنا علاش نعسنا تا كنسمع صوت الادان د الفجر مع انني مشفت تا شي جامع قريب من هنا مني كنا جاين هزيت تيليفوني لقيتها 4؛24 دقيقة وقيتة د الغجر معرفتش صراحة زاش موض نصلي ولا لا تخيلو كان ضلام شامل اول مرة فحياتس نحس بالخوف معرفتش علاش كنت كنشوف فالشرجم لي كيبين الجو مغيم لي زاد ركب في الخوف مقدرتش نكدب عليكم مقدرتش نوض حسيت براسي مشلولة بقيت كنطلب السماحة من ربي و رجعت نعست حتي صبح الصباح طنحس بشي لعيبة كتحكحك لي مع وجهي معرفتش شنو حليت عيني بشوية كتعرفو العينين كيكونو معمشين و الضبابة مني كتكوني فايقة شفت شي حاجة زرقة حكيت عيني و عاودت حكيتها مني وضاحت الصورة كيبانلي دكشي صغير و لاسق مع وجهي غوت و جيت واقفة معرفت باش تبليت

معرفت باش تبليت تموتو بالضحك علي شنو لقيت مشيشة بيضة صغيورة غزيولة عويماتها زورق كيحمقو ويني مشيت كنلعب معاها و نهرها حمقتني خليتها فوق الناموسية و مشيت جريت باليزتي بدلت بيجامة او نقولو سيرقيط فيها قبيب صورت المشيشة بالكامرة و خشيتها فقبي و كندور يدي نهرها و نرجع هههه نزلت دخلت للحمام غسلت وجهي و رجعت خرجت كانت ماما موحة المسمن و دكشي جلسنا فطرنا جمعنا الدنيا و بابا غير مخنزر بانت ليه المشة فقبي و هو يعيط ليا 

انا..نعام ابابا 

الاب..ممين جبتي هاديك

انا..شناهي

الاب..لي فقبك منين جبتيها ساهلة

انا..معرت لقيتتها فالبيت هزيتها 

الاب..واش لوالديك انبقا نربيك انا لس بانت لك كتهزيها قتليك متقربي لتا حاجة مال والديك كطيري

انا..وبابا لاش الغوت راه غير مشيشة هزيتها مالي ش هزيت 

الاب...خرجيها علي

انا..ولكن علاااااش..

الاب..دويت منعاودش هضرتي 

انا..واخ..

انا اه لساني طويل و كلشي ولكن هضرت بابا عمرني كسرتها هو كلشي بالتسبة لي منقدرش نخصر ليها حيدتها من قبي خرجت من باب الدار مشيت وحد المسافة عاد لقيت ديك البوابة لي كنخرحو منها حطيتها بقات واقفة قدامي كتشوف في تخيلو اول مرة فحياتي انا الحيط الرنان لي ميهزني ريح بكيت اه بكيت بقات في المشة بزاف هلست علي راسها و درت باش ندخل منزلة راسي بعدت شويا علي اليوابة تا لقيتها قدامي ويلي درت للبوابة ملقيتهاش هزيتها عندي و هي كدير دوك الاصوات الزينين ديال القطط 

انا..اش كديري هنا كيفاش درتي ريها ها ههه يالله سيري فحالك دب حيت بابا ممكن يقتلني اوك بيبي مس يووو

رجعت حطيتها و رجعت ولقيتها قدامي شي 5 مرات فالاخر خليتها واقفة بلاصتها ورجعت دهلت تخطيتها حيت فعلا عيت اوووف ما علينا دخلت عاونت ماما و هكدا كمل نهارنا و تخيلو حس بنادم مقطوع و اللي كيدوزو قلااال شي عيالات دايرين نقاب بوخد الحايك من راسهم لرجليهم النفنافة ما باينة ما علينا بغيت غير نتعرف علي بنادم زالو مشفت تا حد مليت داز 15 يوم و حنا فروتينا اليومي و تقول واش شفنا شي حد ولا خؤجنا قدينا غير بدكشي لي كان عندنا جبناه معانا بابا كان كيخرج معرت فين كيمشي الله اعلم

جات لالة حرية مع الصباح كتفيقنا انا و ريتاج مفقنا غير بزز كنا صهرانين حاضين وحد الحمارة كتولد فالخلا لي قدامنا ههه حق مولانا حقلنا ليل كلو بوغطاط مخلانا فراحتنا منعسنا منعس لبسنا حوايحنا سبور و كدا و ماما تقليدي معروفة خرجنا كنتمشاو و داك السوق واش بغا يبان كتدربو كسااافة و عاد نلقاو دار ولي لاحضتو بلي جااااع الديور هنا فيهم نفس الاتار لي علي دارنا اتار الزمن او معرفتش ولكن بعد تفكييير من استنتاج اش دكشي جا فبالي داير كيف العافية وعلاش مسبغوش ديور

انا...مامااا

حورية ..نعاام..علاش هاد ديور ممسبوغينش

حورية..معرت 

انا..فحالس محروقين ياك

حورية..معرت مركزتش فيهم

انا..وركزي

حورية خليني عليك الله يرضي علسك خنشوف منين غنلقاو هاد السوق ما علينا سقلت بعد القمعة و كملنا طريقنا تا وصلنا لوحد الخلا فيه شي كريرسات فيهم الخضرا و العيالات مغطين وجوههم مكيبان منهم والو و كيف وصلنا بداو كيشوفو فينا و يوشوشو مع بعضياتهم درني راسي اش كيقولو وكيمشيو يوشوشو و يمشيو بغينا غا نتقداو معرفنا كيف نديرو تا مالين الكرارس مشاو او اش هادشي خلاو كرارسهم و عربو ويلي 

حورية...مالهم هادو هربو ويلي

ريتاج..شافو شمهاروش هععههه

انا..ويلي شفتي كسف كانو كيوشوشو 

حورية اه ..دب منين انتقداو و شكون انخلصو 

انا..زيدي زيدي هزي تقديتك و حطي الفلوس تم 

حورية ..و باش عرفنا الاتمنة 

انا ...واش حنا قلنا ليهم يهربو ويلي حنا راه اصلا من نهار جينا هادشي غريب الناس لي حسهم مقطوع و الا داز يدوز واحد ولا جوج الحيوانات كلهم تقول نقارضو غير الحمارة لي شفنا لبارح كتولد بليل و المشة لي جريت عليها تا هي معرت فين مشاتدب الناس لي كيهربو تقول شافو جن هادي فعلا غريب و بزاف 

حورية..عندك الحق ابنتي..يالله نمشيو من هنا 

ريتاج والتقدية

خورية..باكم يجسبها كيف جابنا لهاد الخلا يتحمل المسؤولية 

ريتاج..يالله زيدي 

كيف حنا تحركنا و فتنا ديك البلاصة بمسافة رجعو الناس خرجو بانو فالسوق ويلي اش هاد الزمر 

مشينا للدار كان بابا جايب التقدية فحتلي علمو الله عاودت ليه ماما كلشي وحنا جالسين و هو كان شيأ لم يكن فحالي موقع والو كتفا انه يقول ليها 

الاب..هاد المدينة بعيدة علي المدينة بزاف و تقدي تقولي اي غريب بالنسبة ليهم خطر دكشي علاش كيتفاداونا معندكم مناش تخافو غير يتاقلمو معاكم غتتعرفو علي ناس

انا صراحتا مأقنعنيش 

رتاج..حتا انا مي اش دب نعرفو كلشي ههه 

ماما تيقت و ناضت كطيب الغدا اللي كليناه تال الليل غدا و عشا و مشينا انا وخوتي فحال كل ليل للتيراسا د الدار كطل علي الزنقة كنلعبو كارطة و نعاودو قصص و كدا ههه تا كنسمعو الغوات معرفناه منين جا نضنا نطلو الحس مقطوووع غير الهوا كيسرفق او شنو هدا حتي كي بان لينا العجاج ضرب فجأة من عدم الدنيا ولات غبرة و الكارطة تشتت و الغوات تجهد ديال بنادم كيدارب و مرا كتبكي و تغوت وفشي جهة بعيدة كينة لمعة ضو قبنا ممكن يكون شي حد تم كيغوت ولكن الغريب فالامر ان الفوات كان قريب بزاف بدرجة قلما راه حنا وسط المداربة شفنا فبعضنا باستغراب و هو ينطق سهيل 

سهيل...يالله نشوفو شنو كين 

انا..شوف احمين المسافة شحال بعيدة منوصلو لتم تا يغفر لينا ربي الدنوب و يحصلنا باك ينحرنا سهيل ..درني راااسي ههه بغيت نعرف علاش هاد خيتي كتغوت هههه تكون شي تيتيزة ولا هه ندير فيها خير و نتزوجها 

ريتاج هههه تا شكون يديها فك بعلوك د الخلا (ضحكة شريرة) اش بان ليكم نمشيو ندربو طليلة نديرو مزاود فناموسيات و نمشيو ها 

انا ..نن نن انا منقدرش اصلا ويلي هاد الخلا و القيفار تخيلو يتعرض لينا شي حد ميعتقنا منها عتاق نن انا ملاعباش 

ريتاج نمشيو ا سهيل 

سهيل ..يالله هههه

مشاو كيجريو كيطلو علي ماما و بابا و خرجو جاو تال قدامي و كيعطو عليا باش نغير راي

ريتاج..يالله تصاحبتي نحيو مغامرات فاس شحال من مرة هربنا من دار ودخلنا لديور مهجورين حبكت دب دب يالله خنشوفو اش كاين تم اصلا راه القرية يالله علي هدي شنو هي خلينا نعسو تال غدا و نمشيو نشوفو اش واقع 

ريتاج..نن دب دب

ريتال..نن منقدرش غير سيرو ههه و جيبو لي الخبار ولكن ردو البال لراسكم عافاكم 

ريتاج اوك بيبي سي يو 😘 

انا..سي يو 😘

مشاو و بقيت انا جالسة فالتيراسة كنشوف .فالهوا لي غادي و اللي جاي اما بنادم مقطوع كيف قتليكم ولكن لي تارني و تااار انتباهي شي حد جاي من بعيد من جيهة الضو بالشوية ولاويا عليها الحايك ولكن الحايك كان فالكحل فحال الرداء نازل علي راسها مكيبانوش ملامحهادازت من قدامي تا حزرت هي شكون كانت مرا باش عرفتها بشعرها الحمر لون ناري و المسبسب و القصير اللي كان طايح علي وجها سبحان الخالق كان غزال بزااف اكيد غتكون شي تيتيزة مفيهاش ههه مع قلتها فخاطري رمقتني بنص عين

و رجعت شافت قدامها ملحقتش نشوفها ولكن عيطت عليها 

انا...عافاك اختي وحد الدقيقة ..

وقفت بلاصتها ورجعت دارت عندي و هي فنفس البلاصة هبطت الحايك من راسها حتي تسبسب شعرها علي داتها كانت كيف الملاك كتفتن بالزين بقيت حالة فمي و لي زاد صدمني صوتها الحنين و الرقيق ميييمتي اش هدا كو كنت دري كو معرت اش وقع استغفر الله اكيد اتكون مزوجة ولكن راجلها لاش مخرجها فنصاص الليل معرفتش

البنت..نعام

انا..اختي جايا من جيهت الصوت د المداربة اش واقع تم..

البنت..راجل مخاصم مع مرتو كيدربها 

انا..ويلي و علاش

البنت(هزت كتافها) معرفتش 

انا..هممم شكرا..اه مبانتش لك وحد البنت قدي هكا و ولد صغير تم فالطريق..

البنت..نن 

انا شكرا..(جات غادة و وقفتها عوتاني) اه شنو سميتك نسيت ههوققت فبلاصتها جنب و قدرت نلمخ ابتسامة منكسرة علي وجهها و قالت..دموع 

انا..دموع..سمية زوينة ولكن معناها غريب ولا 

البنت..الالم..و الحزن..الحسرة و الدموع..

انا..مقصدتدش

البنت..ماشي مشكيل باي..

انا..فين كتسكني

دموع..انا..انا فكل مكان وقت بغيتي شي حاجة غتلقايني متحتاجين عنوان 

انا..ههه غريبة هادي

دموع..كلشي غريب هنا غير متركزيش ومتهتميش ..

انا..واخ تصبحي علي خير 

بقيت متبعاها بعيني كتبعد و كطلع الحايك علي راسها حتي ختفت و مبقاتش كتبان مسكينة ضريفة بزاف هييح واخيرا هضرت مع شي حد فهاد القبيلة المنحوسة اتفه جبت مانطتي و جلست فبلاصتي كنتسناهم فات بزاف د الوقت و غير الضلام اللي مخيم عالمكان انا براسي خفت منكدبش عليكم خوف ما بعدو خوتي معرفت فينومشاو البنت جات قبالديلة و هما مكينش حسهم اش هادشي بقيت حتي غفلت عيني و صبح الصباح لقيت راسي فبلاصتي ناعسة و ختي حدايا اكيد رماتني الفيقة بالليل و جيت لهنا تهزيت و كيف ديما بدلت نزلت فطرت و خوتي باقين ناعسين مشيت فيقتهم شافت في ختي شوفة تجمد الما فالركابي معرفت باش تبليت خليتها و هربت كانو ملامحها جامدين دون اي ملامح او تعبير نزلت للكوزينة جلست كنفكر بغيت نتلاقا مع دموع بغيتها تعاود لي اش شافت لبارح ضرني راسي هه طول عمري فضولية بقيت كنقي الخضرا و كتطل علي ريتاج كنلقاها مفيكسية عينيها فالتلفازة كيف جلست كيف بقات و حتا سهيل معرت مالهم خاصني نهضر معاهم و نشوف اش واقع معاهم معاودو ليا والو حطيت دكشي و مشيت جلست حداهم 

انا..ريتاح اش وقع لبارح اش شفتي دريتاج (الصمت) 

انا..و ريتاااح (شافت في) 

اما..كتشوفيش في اش وقع 

ريتاح..لبارح..مشفنا والو الدنيا كانت خاويا و الطريق كلها ضلام ..كن مانا تا حد مكان غيعتفنا 

انا قتليك متمشيش و نتي مشيتي 

ريتاج..كنتي غتشبعس بدار بكلشي 

انا..اش هاد الهضرة اريتاح تي اش كتخربقي 

ريتاج..صاف بعدي مني خليني عليك ناضت مشات بقيت جالسة حدا سهيل ايف ريحة خايبة اش هادشي كانت فيهم ريحة خايبة كيف ناضو ضربت ديك الريحة ويلي مشيت تابعاهم دخل سعيل عند ريتاح و تسد الباب عليهم عيت ندق مخلوش ليا خليتهم و خرجت للتيراسا كنطلل كنتسني نلمح دموع و وااالو مكينش حسها بففف