كولشي جمع حوايجو و وجدو ريوسهم و مشاو لطوموبيلات كل واحد ركب فطوموبيلتو شدو الطريق لأكادير ... وصلو فالليل مشاو لديورهم ، استأنفو حياتهم عادي لينا من الخدمة لدار و يونس جالس فدارهم كايتلاقا مع لينا وقتما كانت مسالية اما بالنسبة للخدمة فالسيد مازال كايحاول يلقا ليه مكان شاغر باش يدخل و يتوضف و فكل نهار كايدوز كايمرض كتر حيتاش الخدمة مشات ليه و ماقادرش يتزوج بلينا واخا عزيز ماقال والو و خلا بنتو على راحتها الا ان يونس مامهنيش و خايف يجي نهار لي تمشي و تخليه بسباب هادشي .... دازت اربع شهور وهوما على هاد لحال مشا لبرد و الشتا و دخل شهر ماي مع الصهودات ... شافت فالساعة لقاتها الوحدة و ناضت من لكرسي متوجهة للباب لابسة سروال ديال التوب فالباج مع شوميزة فالقهوي بلا يدين كلاص خاشياها فالسروال مع صندالة طالون عالية فالباج و شعرها مطلوق على راحتو مابقا والو و يوصل لمؤخرتها طويل و مسبسب كيف الحرير و ريحتها فايحة دايرة مكياج ترابي و نضاضر فوق راسها و صاك باج مربع و خاتم الخطوبة فيديها مزينها ... خرجات من لباب و دارت نضاضرها على عينيها و المووت ديال الصهد الشمس حااارة ... بانت ليها طويوطا كورولا كحلة كاتسنا فيها عرفات ديال من و مشات ليها ... تحل ليها لباب قبل ماتوصل و طلعات لقاتو جالس لابس سروال جينز مع تيشورت أسود كول V مزير على عضلاتو و صبرديلة كحلة فرجليه و ساعة كحلة فيديه و ريحتو فايحة و شعرو موقفو للفوق و داير نضاضر كحلين من رايبن مخرج يديه من الشرجم و لوخرا كايحك بيها لحيتو لي ولات كثيفة ... ضار شاف فيها ببطء و ببرودة و حيد النضاضر طلعها و هبطها و هي جالسة حداه ماقالت حتى كلمة كاتشوف فيه
يونس: اش هادشي
لينا: شنوو
يونس: نفس الموال ديما ماطلعش ليك فالراس (كايعبر بيديه) ماعندكش الراس لي يقول ليك (مصغر عينيه)
لينا:(ببرودة) اوا راه الصهد قتلني مانقدرش نبقا لابسة ديما الطويل راه سخون
يونس: واش انا طرطور ولا شنو ?? (كايسوط) عرفتي شنو ديري لي بغيتي مابقيتش غانقوليك شي حاجة عومي بحرك
لينا: واخا هي دابا نييت (حيدات لخاتم و عطاتو ليه) فقصتيني كل مرة خارج ليا بموشكيلة فشكل ماكاتعياش وااااه انا مرضت فراسي ديري هادي ماتديريش هادي هادشي قبل مانتزوجو علام الله الا تزوجنا غاتدير ليا السناسل و موحال تخليني نخدم و ماشي بعيد تلبسني الخمار
يونس: (بعصبية) حيدتي لخاتم !!! شنو صافي سالينا !!! ولا شنو مابقيتش فنظرك الراجل لي يوفر ليك لي بغيتي و درتي هادشي سبة ولا حيتاش داكشي باش وعدتك ماحققتوش ليك باااح الخدمة مشات عيييتي ماتتسناي يااك ضاعت ليك 5 شهور من حياتك و نتي معايا كان ممكن يجيك واحد حسن مني بآلاف الدرجات و انا شادك هنايا معايا ياك
شافت فيه بنظرة قاسية و صدرها كايطلع و يهبط و الدموع محجرين فعينيها ماتوقعاتش تتقال ليها هاد الهضرة و تسمعها منو هو دخلات لقلبها كيف الخنجر ... ماهضراتش حلات لباب و خرجات من طوموبيل خلاتو متبع ليها العين حتى هو ماكانش أقل منها كايحس بلي ولا زايد ناقص فحياتها و كان جاي يفرحها بخبار لي تقدر تقلب حياتهوم من الأسوء للأحسن و لكن تفاجئ باللبس لي لابسة و هو كايوصيها ديما باش تستر راسها ... بغصة فقلبو خشا الخاتم فالجيب و بقا كايشوف فيها غادة كاتبكي ضرو قلبو حس بصدرو كايحرقو ماكايغيش يقلثها ولا يبكيها كايتعامل معاها بحال شي بنيتة صغيرة و كايدير ليها خاطرها و لكن فالمقابل هي ماكاتديرش ليه خاطرو و كاتكسر كلمتو و كاتجرح كبرياءو كرجل ... زير على سنانو و ديمارا و مشا زاف و قطع عليها الطريق
يونس:(كايشوف قدامو) ركبي نوصلك لداركم
لينا:(كاتمسح دموعها) شكرا مانحتاجش
يونس:(بعصبية) ركبي قبل ماندير فضيحة هنايا
خافت من النبرة ديال صوتو لي تغيرات و علات و مابغاتش تتشوه بجانب مقر عملها و اضطرت تطلع معاه .. ديمارا لوطو بعدما ركبات و بقات كاتشوف فالشرجم و كاتبكي كاتسنا منو يحزرها كيف العادة اما هو فديمارا لوطو و متكي يدو على الشرجم و كايشوف فالطريق و كايخمم ... طول الطريق ماهضروش الصمت هو سيد الموقف وصلو لحيها و بلاصة لوطو كايشوف قدامو ماشافش فيها بمرة و حتى هي ... هيطات من الطوموبيل بلا ماتقول حتى كلمة و مشات لدارهوم اما هو فبقا متبعها بعينيه بحسرة و تكا على لفولون و قلبو كايحس بيه كايضرو و مزير عليه
دخلات لدار ماهضرات مع حد مشات لبيتها و بقات كاتبكي حتى فشات قلبها على راحتها و ارتاحت عاد خرجات غسلات وجهها و تغدات و رجعات لبيتها تجبدات فيه كاتفكر فهادشي لي وقع تنادم معاها لحال حيتاش عارفاه باش كايحس و عارفاه مغيار لأقصى حد ماكايبغيش حتى الشوفة يديرها فيها شي واحد ... بدا تأنيب الضمير كاياكلها من لداخل و عرفات راسها تسرعات فاش حطات ليه لخاتم و زادت ... بسرعة جمعات لوقفة و هزات صاكها لبسات صندالتها و خرجات من بيتها
السعدية: فين غادية ا بنتي
لينا: غانمشي عند خالتي راوية بغيتها فشي حاجة
معاذ: فااش !
لينا: شي حاجة و صافي
معاذ: اوا تسناي نوصلك لعندها
لينا: يالاه سربي سربي
ناض معاذ هز سوارت طوموبيل و تبعها كايتمشا بشوية حتى وصلو لبلاصة فين حاط طوموبيلو ركبو و ديمارا
معاذ: باركي ليا
لينا: على اش
معاذ: غانخطب
لينا:(خرجات عينيها) اوااااه ايمتا و كيفاش
معاذ: سيفطت مريم للحمام لي كاتمشي ليه الواليدة و لعبت مع الزهر الى عقلات عليها غاتصبنها و الا نساتها راه مزيان لمهم مشات راكي عارفة داكشي ديال لعيالات ضارت بيها مزيان و عجباتها فاش رجعات لبارح من لحمام جلس هضرت معاها و قلت ليها بغيت نخطب قالت ليا فاللول هند ماتهند و انا نقوليها لي بغيت هي لي غاندي و وريتها التصويرة و سكتات و من بعد قالت ليا الله يسخر و ناويين فهاد لويكاند نمشيو نخطبوها
هبطات لينا و توجهات لدار دقات جوج دقات و تلفتات لقات معاذ مشا .. شافت حد ماحل ليها و عاودت دقات و هي تسمع : هاني جايا وا صبرو
تحل لباب و طلات رقية مرات حسن و دخلات لينا سلمات عليها
لينا: اهلا صافا بيخير !!
رقية: بيخير دخلي دخلي ماتبقايش فالباب
لينا: كاين يونس!
رقية: جا و مشا
لينا: و فين مشا
رقية: سمعتو كايقول لخالتي راوية بلي غادي للمطار و كاع داكشي لي كان باغي تحقق ليه خاصو غير يمشي باش يقاد الأمور
بقات لينا واقفة مصدومة و مصمكة ماتكاتسمعش اش كايتقال باقي وقف بيها الزمن استوعبات فقط بلي يونس مشا لمطالا حاجة وحدة لي قالت هي راه سافر فين و كيفاش و علاش ماعرفاتش كان عندها احساس بلي ماغاديش تشوفو باقي و بحال الا غايبعد عليها خافت يكون سمع هضرة خوه و دفع للجزيرة ولا العربية و حتى ايم بي سي ... بقات مدة مصمرة مصمكة و كاتشوف فرقية و هاد الأخيرة بدات كاتفيقها من صدمتها
رقية: وا ختي لينا ... لينااااا وا لينا
لينا: 😨
مشات كاتجري و خلات رقية كاتعيط عليها مافاهمة والو ... العقل غايب و قلبها مزير عليها وغير كاتجري بان ليها طاكسي خاوي و وقفاتو و طلعات
لينا: المطار ... سربي عافاك
مول الطاكسي: راه بعيد ا لالة
لينا: وا راه غانعطيك رزقك غير سربي طلقني
ديمارا مول الطاكسي و اتاجه للمطار لي جا فالخرجة ديال لمدينة ... بقات كاتعيط عليه و تعاود تعيط ولا هو بغا يجاوب كايصوني حتى كايبرد قلبو و كاتعاود تعيط ... تخلط عليها الحال و بدات كاتبكي كيف عادتها بصمت غير صوت شهقاتها لي كايتسمع ... ماحساتش بالطريق بكترة التفكير و التخمام مالقات راسها غير محطوطة قدام لمطار و صوت مول الطاكسي خرجها من حالتها
مول الطاكسي: ا لالة راه وصلنا
لينا: واخا شكرا شحال عندي
قاليها شحال عندو و خلصاتو بل و زادتو باش مايبقاش كاينكر و هبطات مشات كاتجري دخلات من لباب ديال لمطار و كاتعيط و تعاود حتى تشد ليها و هي تالفة غير كاتضور فبلاصتها و كاتقلب عليه بعينها و الدموع هابطين منهوم
لينا: الوو
يونس: الو ويي
لينا: فينك !
يونس: فالمطار علاش
لينا:(حطات يدها على فمها كاتبكي) خرج من لداخل (كاتشهق) جي عندي
يونس: نتي هنا !?!
لينا: اه وا سربي
يونس: واخا واخا
قطع المكالمة و بقات واقفة كاتضور فراسها و كاتمسح الدموع كاتقلب عليه حتى بان ليها جاي من بعيد كايتمشا بالزربة و بدات كاتجري و شعرها غادي جاي معاها ... جاية جيهتو و كاتبكي و تلاحت عليه عنقاتو قدام الناس كاملين ... تخشات فيه كاتبكي و هو مافاهم والو
شاف فيها و ضور يديه عليها و الضحكة وصلات تال ودنيه
يونس: عاوديها
لينا:(حطات جبهتها على جبهتو) كانبغيك و اللّٰه حتى كانبغيك غير ماتمشيش
يونس: علاش انا اصلا فين غادي ! (كايحيد ليها الشعر على وجهها)
لينا: ياك غادي لبرا باش تخدم
يونس:(كمش جبهتو) شكون قاليك هادشي !!
لينا: رقية
يونس:(ضحك حتى تسدو عينيه) راه غير جيت وصلت صاحبي صافي (زيرها عليه) عاوديها عافاك
لينا:(مصدومة) هااااا و دابا انا لاش كانبكي و دايرة فيها فيها درامي رومانسي
يونس: حسستيني بلي انا بطل من هوليوود هههههههه (حط يديه على خدها) سمحي ليا ا حبيبة ماكانش خاصني نقولك داكشي قبيلة
لينا: سمح ليا حتى انا ماكانسمعش هضرتك
يونس: من ليوم وعد مني ماغاديش نبقا نفرض عليك شي حاجة ماباغاهاش و لكن ماشي تاني تتعرااي
لينا: لمغيار ديالي 😍
يونس: عاوديها عافاك شحال تسنيتك تقوليها
لينا:(ابتاسمات) كانبغييييييك
يونس:(باسها فجبهتها) عرفتي قلبي مسكين غادي يسكت
لينا:(شافت يمين و يسار) الناس كايتفرجو فينا
يونس: ههههه خليهوم يتعلمو شوية اجي ا حبيبة ديالي
ضور يديه عليها من خصرها و تحركو من ديك لبلاصة و خرجو من لمطار كايضحكو و توجهو لطوموبيلة دياال يونس و ركبو
يونس: دابا غادي ناخدو راحتنا
لينا: واش دابا نتا ماغاديش متأكد
يونس: وا فين غانمشي و نخليك واش حماقيتي ولا شنو (هز يديها و باسها فكفها) راه نتي هي كولشي
لينا: و علاش قلتي لخالتي راوية بلي كاع داكشي لي كنتي باغي تحقق ليك خاصك غير تمشي و تقاد الأمور
يونس:(ضحك حتى تسدو عينيه) وا يا لحميميقة راه لقا ليا السيد بلاصة و غانمشي نهار تنين باش ندوز لونخوتيان و الى تقبلت غادي يعطيوني برنامج ديالي نكون انا المقدم ديالو هههههه فهمتي ا نوارتي
لينا: اوا اش هاد الزماكور 🐸 صدقت دايرة فيلم على والو يخخخ
يونس: (جبد لخاتم من جيبو) هادا تحيديه باقي غادي نهرس ليك صبعانك
مدات ليه يديها و خشا ليها لخاتم و طبع قبلة على ضهر يديها و شبكها مع يديه
يونس: عاوديها ا نوارتي
لينا: (بدلع) وا صافي براكة عليييك
يونس:(جرها عندو) غادي ناكلك يا هاد لعفيريتة غادي نااااااكلك (كايفرق قبل على وجهها) هازة لبيرمي ا حبيبة
لينا: اوا طلقني نقلب صاكي
يونس: ها انا طلقتك
طلقها و حلات صاكها لقات لبيرمي كاين و جبداتو وراتو ليه
لينا: هاهوا اش باغيه
يونس: اوا زيدي صوgي😉
لينا: واخا 😍
بالفرحة ناضت بدلات لبلاصة هو جا بلاصتها و هي جات بلاصتو و ديمارات و بدات كاتصوق عينيها على الطريق و يديها على لفولون منتابهة على الطريق و يونس كايشوف فيها و يضحك
يونس: واخا واخا هاهوا ساكت بقا كايتأمل فيها كايشوفيها من لفوق حتال لتحت و مبتاسم كايشعر بالرضا حيتاش و اخيرا غادي تتقاد حياتو و غادي يتهنا
يونس: (دوز شعرها مور ودنيها) غادي نعوضك على هاد لوقت لي صبرتي معايا فيه ا نوارة قلبي Je t'aime لينا: وا صافي
مزيان خليني مركزة حتال من بعد و تعنب
يونس: معاك نتي نكون عنيبة نكون حامضة نكون بصلة والله ماكايهمني لي كايهمني هو نشوف ديك الضحيكة ديالك على وجهك الفنون ديالي ... دوك لعوينات عندك مخلييني بلا نعاس (تنهد) اما داك لفيم عندك كايشهي فالبوسة اما الفورمة بلا مانهضر كولشي كاين الخيورات غير مكبوبة هههههههه
هبطات من الطوموبيل كاتأفف و ركبات دارت الصمطة و دارها حتى هو و ديمارا
يونس: شفتي السوgان كيداير غير بيد وحدة و عين فيك و عين فالطريق و كانهضر من لفوق
لينا: ماشي بعيد نديرو شي كسيدة
يونس: فال اللّٰه ولا فالك ماتقوليش شي حاجة زينة سبحان الله ... فين نمشيو
لينا: حطني فالدار عييت هاد النهار
يونس: واخا واخا و لكن علمي داركم بلي كاين نهار لحد غانمشي باش نكون تما نهار تنين و بلي كان غانعلمك
لينا: يااا ربي يصدق هادشي
يونس: غادي يصدق ان شاء الله و من بعد رمضان و لعيد نتزوجو غاتجي فالصيف هي هاديك مزيانة بينما نيت ضبرت على دار و فرشتها (بلاصة لوطو)
لينا: لاش وقفتي قربتيني تال دار و حطيتيني هنايا
يونس: راه عارفك كاتبغي تتصوري بيا قدام بنات الجيران زعما شوفو خطيبي وقفت هنايا على قبل بوستي عطيها ليا
لينا: من بعد
يونس: و الله ماخاصك فيها اجي ولا نجي
بقات جالسة فبلاصتها ماقرباتش منو و اضطر هو يقرب منها دوز يديه على خصرها و يديه الثانية على عنقها و قرب منها وجهها حتى تشابكو أنفاسهوم و دخلو فقبلة رومانسية و هما مغمضين عينيهوم .... بقاو شحال كايتبادلو لقبلات بحنان و ليس بشهوة كتعبير على المشاعر ديالهم حتى حس بيها بغات تاخد الهواء و حبس خلا جبهتو على جبهتها و كاينهج
يونس: كانبغيك (باسها)
لينا: حتى انا
يونس:(حل عينيه) حتى نتي اش
لينا:(حلات عينيها و عنقاتو) حتى انا كانبغيك
بادلها لعناق و ابتسامة عذبة مرسومة على وجهو و فرحان حيتاش اخيرا قالتها ليه حس بلي اخيرا قرب منها و ذاب داك الجبل الجليدي لكان بيناتهوم و قدرات توصل ليه مشاعرها ... بعدات منو و شافت فيه و طبعات قبلة على خدو و حلات لباب مشات و بقا متبعها بعينيه بهيام و حب
دازت أيام و أيام و داز رمضان و تبعو العيد و معاذ خطب مريم و لينا قالت لواليديها على لخدمة الجديدة لي لقا يونس و تقبل فيها و تحقق حلمو ولا مذيع برنامج ديالو خاص بيه و بدا كايقاد دارهم الجديدة فالرباط و كيف كل يوم مشا لكازا باش يكمل الجميع ديال حوايجو لابس غير شورط حد الركبة فالبلو مارين بالسيور بيضين و لفوق تيشورت لاصق عليه أسود و شعرو طايح على وجهو مرة مرة كايرجعو لور حيتاش طوال ليه طالق لموسيقى و كايجمع فأشياءو حتى سمع الدقان فالباب .. نقص الموسيقى و مشا حل لباب و تصدم لقا إيمان واقفة حادرة راسها لابسة سروال اسود مع قميجة و طالقة شعرها ... زير على سنانو و ساط النفس بالجهد و يالاه دفع لباب باش يسدو هزات راسها و حبساتو و شافت فيه بترجي
إيمان: عافاك سمع ليا
يونس:( عض شفتو السفلية بعصبية) اش بغيتي
إيمان: بغيت غير نهضر معاك لآخر مرة عافاك
يونس: (ربع يديه) هضري سربي
إيمان: (كاتلعب بصبعانها) هنا فالباب
يونس: (عقد حجبانو) شنو باغاني ندخلك باش تلصقي ليا شي مونتيف تاني سيري ا بنت الناس عطيني بالتيساع
إيمان: سمح ليا عافاك لحقد عما ليا عينيا مابغيتكش تكون مع شي وحدة غيري (غرغرو عينيها بالدموع) و الله الا كانبغيك ا يونس
يونس: واش نتي حمقة ولا باغة تحمقيني حمدي ربك مني مارفعتش عليك دعوة و خليتك تخوخي فالبنيقة انا وياك كناااا و ساليناااا غير نتي لي مابغيتيش تفهمي راسك ا بنادم و انا ماعمرني بغيتك و قلتها ليك و نعاود نقولها
إيمان: انا ماجيتش هنا باش نقولك رجع معايا انا جيت باش تسمح ليا حيتاش غادي نمشي فحالي من هاد لبلاد ندمت و ندمت بزااااف كنت غادي نخرج عليك
يونس: بغيت غير نعرف كيفاش زربو ليا على داكشي و بلا أدلة كافيين حولوني للمحكمة !! عطيتي رشوة ولا شنو
إيمان: (حدرات راسها) اه
يونس:(كايحك لحيتو) عطيتي رشوة لمهم ا بنت الناس طريق السلامة و الله يعاون
يونس: ههههههه لمصعورة ديالي حتى نجمع الصرف و نديك تدوزي لهاني موون فينما بغيتي تستاهلي ا حبيبة ديالي
لينا: بسلامة عليك دابا ماما كاتعيط عليا
يونس: عطيني بوسة
لينا: مواااااااااح
يونس: يالاه سيري ا حبيبة
لينا: بسلامة
يونس: بااي
قطع لمكالمة و بقا كايشوف فالسقف و ابتسامة على وجهو مابقاتش كاتحشم منو بل تطلقات معاه و كاتعامل معاه كيفما كايتعامل معاها ... تنهد و ناض مشا لبيت النعاس كمل داكشي لي بدا قبل ماتجي إيمان
مشات لينا عنامها لصالون جلسات حداها لقاتها هازة كطالوج و كاتضور فيه
السعدية: تهلاي فراسك تهلاي فراسك مزيياااااان ا بنتي و تهلاي فيه حتى هو راه ولد الناس (شدات ليها يديها) و الى دار معاك شي حاجة خايبة ولا خصاتك شحاجة عيطي عليا حنا ديما معاك ا بنتي
لينا:(تخشات فمها) غادي نتوحشك غانتوحشكوم كامليين
السعدية: (كاتبكي) حتى انا ا بنتي راك طريف مني 😢 اوا هادي هي سنة الحياة (باستها فراسها) اش عندنا مانديرو كان غايجي هاد النهار كان غايجي
لينا:(كاتبكي) مابغيتش نمشي بغيت نبقا (كاتنخصص) غانتوحشكوم بزاااف باقة باغة نقز و نلعب باقة باغة نحمقكوم باقة باغة ندابز مع معاذ و أمين باقي ماشبعتش من الزبايل بغيت نرجع صغيرة 😭😭
السعدية: ديما غادي تبقاي بنتي الصغيرة مولات الزبايل و الكسايد (مسحات دموعها)
لينا: بغيت نصغار ا ماما انا باقة بغيت نلعب 😭😭
تحل لباب و دخل معاذ لابس سروال جينز مع تيشورت و كلاكيطة و شافهوم معانقين كايبكيو و دخل راسم ابتسامة زائفة على وجهو حيتاش حتى هو حزين على فراق ختو
معاذ: راها غير غادي تتزوج ماشي غادي تموت
السعدية: فمك لحسو كلب كحل مافيه حتا نقطة بيضة
لينا: عديم الأحاسيس
معاذ:(جلس) ياكي ا لبرهوشة نستاهل و انا لي دابا هاضر ليكوم مع عدول باش تتزوجي
معاذ: اوا يونس جاي بعد غدا و بغا نديرو لاكط هو لول عاد باش لعرس خافها تقلب رأيها نهار العرس عارفها حمقة و مع هي كلمة جوج تقول مابقيتش باغة نتزوج
لينا:(تقادت فالجلسة و عقدات حجبانها) ماقاليا والو
معاذ: مسحي خنونتك لمدلية هي لولا عاد هضري 😂
لينا: يخخ على باشار
معاذ: اجي لهنايا (حل يديه)
لينا: لا بلاش 😒
معاذ: وا مسحي الدموع و اجي عندي
لينا: حزرني
معاذ: بلاااش (ناض) شدي
لاح عليها بواطة حمرة صغيرة جاتها فالنيف بقات كاتحك فيها و هو واقف كايضحك عليها
معاذ: كنت باغي نعطيك غير هاديك و لكن ماكاينش معامن لمهم بعد يوماين لاكط وجدي راسك و راه دوا معايا و مع لواليد بلا ماتديري من لحبة قبة
مسحات الفزوكية لي كانت لاصقة فرموشها و هزات لبواطة حلاتها لقات فيها gورميط ديال النقرة وازنة فيها نجيمات زوينين ... شافتها و ابتاسمات و ناضت تبعات خوها عنقاتو من لور و هو يبتاسم
لينا: شكرااا
معاذ: بصحتك ا لبرهوشة
مشات لبيتها فرحانة بالكورميط لي شرا ليها ... لبساتها ديك الساعة و صوراتها و سيفطاتها ليونس لي ديك الساعة سيفط ليها اوديو
يونس: شريتيها !!
لينا: لا جابها ليا معاذ كادو زوينة ياك
يونس: زوينة بصحتك ا نوارتي ... غادي نسيفط ليك شي روايات على شكل PDF صيفطيهوم لختك الصغيرة فواتساب
لينا: واخا و لكن هي كاتفضل يكونو كتوبة
يونس: جاايب ليها لكتوبة و لكن هادو مالقيتهومش مترجمينهم كتوبة للعربية داكشي علاش
وصلها لأوديو و حطات تيلي طارت لقدام لمرايا قادت حاجبها و قلبات سنانها ياكما فيهوم شيحاجة و دارت ملمع شفاه و قادات بيجامتها و طلقات شعرها فرقاتو من لوسط و تجبدات فوق الفراش و هزات تيلي و جاوبات و وضحات الصورة لقاتو مجبد فوق كانابي و شعرو هابط على وجهو كايهزو كل شوية من على عينيه عريان من لفوق و كايبانو عضلاتو مفورميين و قاصحيين و زغب صدرو واضح و زادو رجولة و عاد الإسمرار بسبب البحر زادو وسامة فوق وسامتو ... ابتاسم حتى بانو سنانو و سيفط ليها بوسة فالهوا
يونس: توحشتك ا الزيين
بقات لينا كاتشوف فيه و عينيها الخضيضرين كايلمعو كاتفحصوه
لينا: حتى انا
يونس: الناس و الغوز نعام ا سيي (غمزة)
هبطات راسها لقات بلي شوية من السوتيام فالغوز كايبان من لفوقي ديال لبيجامة و بسرعة خباتو و قلبات وجهها بخجل
يونس: وا غير خليه ديك الساعة نتمنضرو و لكن مابقا قد مافات و كولشي غانشوفو هههههههه
لينا: بااسل (عوجات فمها)
يونس: ياك باسل غير معاك نتي و لكن قريييب ناكل الفرماجة (عض شفتو السفلية) اححححح على لفرماجة
لينا: (عقدات حجبانها و جمعات فمها بغضب) غادي نقطع
يونس:(كايضحك) صافي صافي ههههههه ماتقطعيش (حيد الشعر من على عينيه)
لينا: شعرك طوال بزااف وليتي بحال توم كروز فياماتو ههههههه
يونس: كنت غادي نقصو و لكن المخرج قاليا غير خليه كانرجعو لور و كايجيني مزيان
لينا: هممممم اوا شفت داك لينستا عندك عمر بنات و عاد لي كومونطير ماكاين غير تعنب يتعنب
يونس: (دوز ذراعو مور عنقو) مي انا واش كانجاوب شي وحدة من غيرك ولا مفولويي شي وحدة ياك غير نتي و لافامي و شي فنانة لي متابع
لينا: ماتبقاش تحط ليهوم شي حاجة فالستوري ا لباشار
يونس: اوا حتى نتي ماتبقايش تلوحي تصاورك و صدرك كايبان ولا رجليك كايبانو راه كولشي عارفنا مخطوبين
لينا: (قلبات عينيها) وجدات الدار
يونس: واااجدة خاص غير مولاتها تجي ليها
لينا: (بحزن) ماسخيتش ببابا و ماما و معاذ و سمر و أمين
يونس: اش غاتديري ا حبيبة ماعندي كيف ندير مانقدرش نخليك فأكادير و نبقا غادي جااي
لينا: و الله ماسخيت بيهوم
يونس: غادي نبقاو ندوزو معاهوم كل عيد نجيب حبيبتي عند واليديها تعيد معاهوم (تفوه)
لينا: فيك النعاس !!
يونس: شوية كانفيق بكري داكشي علاش
لينا: اوا نخليك دابا سير تنعس
يونس: واخا ا حبيبة تصبحي على خير
لينا: تصبح على خير
يونس: كانبغييييك
لينا:(بخجل) حتى انا
على صوت الأمداح النبوية فاقت كاتحك فعينيها مبوقة بالنعاس بقات مدة ناعسة على ضهرها و شعرها مخبل و عينيها مجبدين و خط من اللعاب هابط من فمها حتال الذقن ديالها ... بقات كاتضور فعينيها و الضلام فالبيت حتا تحل الباب على غفلة و دخلات هند و سمر كايهضرو
هند: وا لالا العروسة تكعدي
سمر: (بهدوء) هضري بشوية راه بالسلم زويين
لينا: (بصوت صباحي) اش باغيين
هند:(وقفات عند راسها) نوضي تمشي عند لكوافورة راه التلاتة غايجيو الناس
لينا: ماعرفت مالو مزروب (جلسات عاقدة حجبانها)
هند: نوضي نوضي راه خالتي لي سيفطاتنا
ناضت لينا من لفراش مقلوبة بالنعاس خرجات من بيتها لقات الدار مقلوبة بالناس مقادة مصايبة و مجبدة و عماتها و عمامها كاينين و ولادهوم كايحنقزو و العجاج فالدار بسباب البخور و الصداع ديال لهضرة زائد الأمداح لي مطلوقين فالتلفازة ... دخلات لطواليط قضات حاجتها و غسلات وجهها و حكات سنانها و مشطات شعرها و جمعاتو و خرجات مشات نيشان لبيتها لبسات عباية كحلة و نضاضر كحلين و هزات ساك كحل دارت فيه لفلوس و التيلي و كلاكيطة كحلة فرجليها و خرجات لقات هند و سمر واجدات
لينا: فينو معاذ !!
سمر: راه برا
خرجو بسرعة قبل مايشوفهوم شي حد فالعائلة و يكترو لهضرة تاني ... خرجو لزنقة لقاو معاذ كايتسناهوم فطوموبيل ... ركبو بسرعة و ديمارا حطهوم قدام صالون كبير
معاذ: فاش تقربي تسالي عيطي عليا صافي و هاكي قفطانك راه جبتو ليك من عند النكافة
لينا: (خداتو) واخا صافي بااي
هبطو و دخلو لصالون لقاو شبه عامر ... تلقات ليهوم وحدة و لقات عليهوم التحية
لينا: ديجا حجزت ليا انا و خوتاتي لينا الجوهري
البنت: ااه العروسة مرحبا و الف مرحبا ... سعااااد سعااااد
سعاد: نعام
البنت: تهلاي لينا فلالة العلاوسة و خواتاتها
سعاد: اجي معايا ا ختي
دخلات لينا و حيدات النضاضر و موراها هند و سمر و سعاد سابقاهوم
سعاد: دخلي للحمام هو لول ولا غير مينيكير و الشعر و لواكس
لينا: كنت فالحمام بغيت غير لمينيكير و لبيديكير و تقادي ليا حجباني و شعري و لميكاب
بدات ليها بالعيون هوما لولين ستعملات لااي شادو الأسود و الرمادي و مشتقاتهم و جبدات ليها عينيها بآي لاينير و دوزات ليها مسكارا على رموشها و بانو كبار و طراسات لحجبان و دازت للوجه قاداتو ليها و اصلا وجهها صافي مهلية فالبشرة ديالها ماعندها ماتخبي ... قادات ليها لوجه و برزات ليها حروف وجهها بالكونتور و دارت ليها ليب كلوس ماط احمر غامق عطاها فوليم اكثر و فيكسات ليها لمكياج و حلات عينيها عجبها راسها و بقات كاتضور وجهها كاتشوف و نضرة رضى على وجهها ... ناضت من بلاصتها و سمر و هند كايقراو عليها المعوذتين ... عاونوها حتا لبسات القفطان الأبيض محجر من الصدر و لبسات فوقو سلهامو و صباط أبيض عالي كايبين غير جوج صباع من الرجلين ... رجعاات لبلاصتها باش تقاد شعرها ... بدات ليها سعاد فالشعر جبداتو ليها مزيااان و دارت ليها مشيطة زوينة جمعاتو ليها على جنب و خلات قصيصة من الجنب مايلة هابطة على وجهها و فيكساتو ليها و ناضت لقات هند و سمر سالاو دالاو مكياج خفيف و قاضو الضفران و صبغوهم و هند لبسات قفطان فالأحمر و سمر فالأزرق ... خلصو و خرجو لقاو معاض كايتسناهوم حيتاش عيطات عليه سمر ... ركبوها بسرعة و هي حادرة راسها و ديمارا
وصلو و بلاصا قدام باب الدار هبطات و شداتها ختها من جهة و هند من الجهة الثانية و دخلوها لدار بالصلاة على النبي و الزغاريت و هي حادرة راسها ... تلقات ليهوم السعدية لابسة قفطان فالبنفسجي من لموبرة محجر من الصدر بفولارو و شداتها و دخلاتها لبيتها و جلساتها
السعدية:بسم الله الرحمان الرحيم قل أعوذ برب الفلق من شر ما خلق و من شر غاسق إذا وقب و من شر النفاثات في العقد و من شر حاسد إذا حسد ..... الله يحفظك من لعين ا بنتي
لينا: واش جاو !!
السعدية: راه جاو جالسين فالصالون كايتسناوك واش واجدة
لينا: عطيني واحد الطقم تما نلبسو الكوليي و الحوالق و الخاتم
السعدية: بلاش من لخاتم ديالو (جبدات الطقم) راه غايلبسك لخاتم ديال الزواج ... ناري ا بنتي جايب ليك الألماس ماهو نقرة ما هو ذهب و عاد لكادوات لي دخلو معاهوم ليوم داكشي كولشي خبيتو هنايا
لينا: سدي ليا لكوليي عافاك و عطيني لبراسليي لي شرا ليا معاذ
لبسات براسلي من الذهب الأبيض محجر بحجرات صغار ديال دياموند بين عنقها عامر و البراسلي دارتو فيديها ليمنا جاها لاصق على عبار يديها لبيضة المطبزة و ركبات ليها السعدية الحوالق و بقاو كايبرييو ... وقفات مقادة و غمضات عينيها و خدات نفس عمييق و زفراتو و خدات نفس عميق تاني و زفراتو و شافت فالسعدية و التوتر باين على وجهها
لينا: ناري ا ماما و الله الا مخلوعة
السعدية: ماعندك مناش تخافي زيدي و قراي القرآن فخاطرك و جلسي حدا يونس و ماتشدي من حد شي حاجة الماكلة نجيبها ليك انا راه عارفاك باقة ماتغديتيش ماتشربي حتى حاجة من عند شي واحد جلسي و تبتي غادي تقطعو لحلوة غادي يوكلك كولي و تكمشي حتى نجيب ليك انا (حطات يديها على صدرها) صافي !!
لينا:(بتوتر) واخا
خدات نفس عميييق و زفراتو و خرجات من بيتها السلةام كايترجر موراها و السعدية و خديجة كايزغتو موراها و يصليو على النبي اما هي فقد مافرحانة قد ما متوترة و مخلوعة ... دخلات للصالون حادرة راسها كاتلوح عينيها غير لجناب لقات فراشو شو مبدل ... شداتها السعدية حتى داتها حدا يونس لي تقاد فالجلسة و ابتسامة على وجهو متبعها بعينيه لابس كومبلي بلو مارين افازي مع قميجة بيضة حال ليها جوج صدافي و فرجليه صباط اسود لامع مرجع شعرو للخلف مقاد لحية و ريحتو عاطية ... جلسات حداه حادرة راسها التوتر غالب عليها و الصهد طالع معاها حيتاش عارفة بلي جميع الأعين عليها و صدرها كايطلع و يهبط ... حس بيها يون و هز يديه دوزها على ضهرها تحت انظار الجميع لا عائلتو لا عائلتها و بدا كايقرا القرآن عليها و الناس كايشوفو غير شفافو كايتحركو .... قرا عليها ماتيسر من القرآن الكريم و حس بيها تكالمات شوية و هزات راسها كاتشوف فالضيوف و كاتبتاسم فوجههم و قلبها كايضرب بجهد و يونس كايشوف فيها مبهور بجمالها بقا ساهي فيها و ابتاسمة على وجهو مافيقو غير صوت معاذ لي جا جلس قريب ليهوم
معاذ: يونس واااا يونس ... يونس
يونس: (ضور وجهو و عينيه معلقين عيها) ويي
معاذ: اوا شوفينا راه ماغاديش تهرب من حداك
يونس:(تحرج و شاف فمعاذ) احم (كايسرح حلقو) اححم اححح جا العدول
معاذ: وي جا الى واجدين راه السيد واجد
يونس: (كايدوز يديه على فخدو) وي وي واجدين واجدين
دخل لعدول و جلس و جابو طابلة كراوها من عند النكافة حطوها قدام العدول و سي عزيز .... بعد الإجراءات المعتادة عطاهوم يسنيو ... سنا يونس هو لول بالفرحة و دوز للينا باش تسني هزات ستيلو بيد كاترعد و صدر كاينهج قربات الستيلو من لورقة و سنات بيدها كاترعد و ارتافعو الزغاريت فالصالون و الصلاة على النبي ... احاسيس مختالفة خالجتها ماعرفاتهاش حسات براسها بحال الا تسرعات بهادشي لي دارت باقة مامستعداش تخلي عائلتها باقة باغة تكون ديال راسها
هزات راسها شافت فالضيوف و رسمات على وجهها ابتسامة صفراء و شافت فيونس لقاتو فرحان بلا قياس و باينة غير من عيونو ... جابو ليهوم سينيا فيها جوج بواطات حمرين صغار محلولين و بواطات كبارات فيهوم دي كوليي بخواتمهم و حوالقهم حطو السينيا قدامهوم و هز يونس خاتم زوين مرصع فوسطو الماسة لونها مائل للون السماء شكلو زوين ... هز ليها يديها و لبسو ليها فصبعها فاليد ليمنى و هي هزات خاتم رجالي فلون خاتمها لبساتو ليه فصبعو و لكاميرا مان كايصورهم و حطو كيك من طبقتين ديال لاكخييم عطاوهوم موس تصورو كايقطعو لحلوة و قطعات مورسو صغير عطاتو ليه كلاه و قطع مورسو صغير عضات منو غير شوية و داكشي لي شاط ليها كلاه هو و هو يتطلق الشعبي و لي عندها شي موهبة ديال الشطيح بيناتها و خفو الأنظار على العرسان
يونس:(دوز يديه مور ضهرها) حبيبة مالك شفتك انورمال
لينا: ماعرفتش من قبيلة و انا مرونة
يونس: قولي اعوذ بالله من الشيطان الرجيم
لينا: أعوذ بالله من الشيطان الرجيم
يونس: غير افكار شيطانية هادوك و صافي مرة مرة قراي القرآن و استاعيذي بالله و غاتولي بيخير
لينا: 😊
يونس:(تنهد) اوا مبروك ا مادامتي دابا صاافي وليتي مراتي بالشرع و القانون و حتى الإشهار بالزواج هاهوا درناه (قرب من ودنها) ايمتا غاناكل لفرماجة
لينا: حتى نديرو لعرس
يونس:(شاف فيها) و علااش
لينا: ماما قالتها ليا و انا غانطبق هضرتها
يونس:(صغر عينيه) وا نسييييبة عندي انا ... هي شبعات مورتاديلا مع راسها و انا تحرم عليا لفرماج لمهم من بعد و نهضرو فهادشي ... جيتي تيتيزة تاني اجي حدايا نضربو شي سيلفي
دوز يدو على خصرها و جرها حداه حتى تلاصقو و هز تيلي لفوق و دار كاميرا سيلفي و صورهم و هبط شاف الصورة
لينا: جيت بوكوصة
يونس: راه نتي اصلا بوكوصة (خطف بوسة من خدها)
لينا:(خرجات عينيها) ويلي دابا يشوفوك (كاتقلب بعينها على شي واحد واش شافهم)
بعد منها شوية فاش شاف السعدية جاية هازة سينيا حطاتها قدام لينا لقات فيها طبسيل فيه جزء من البسطيلة و الطبسيل الثاني فيه فخض الدجاج محمر مع الدغميرة ديالو و خبز السوق
السعدية: كولي ا بنتي شوفي كيف وليتي صفرة
لينا: جا فوقتو معدتي كاتغوت بالجوع
السعدية: بصحتك ا بنتي
مشات السعدية و بدات لينا كاتاكل بكل أدب قدام الناس لي مرا مرا كايشوفو فيها و يونس كاينقب مع لينا حتى طلع ليها الدم
لينا: ياك تغديتي 😡
يونس: وا راه غير كانقب معاك اش فيها
لينا: فيها صبعك يالاه دg
يونس: هاكاوا على الدرية ولات كاتماركي عليا راه غاندخل فمرتي بشي راس حتى تلف عليك لقبلة (هز شوية من الدجاج) عرفتي جاني واحد الإحساس زويين فاش قلت ليك مراتي اححح ا قلبي تزوجت بيها
لينا: بعد غير من ماكلتي و وحوح حتى تشبع
يونس: وا نااااري على مجواعة
لينا: ماكاين شي مجواع قدك (كاتاكل و تهضر) عرفتي كيفاش كاتسوط فالماكلة و بالة لي عندك ماشي يد لا علاقة ليك بالإيتيكيت و الأدب كاتصوط فالطبسيل بحال سبيراتور
يونس: راه داكشي من الصغر كبر معايا (ضحك حتى تسدو عينيه) تفكرت دابا الصغر عرفتي شنو كنا كانتجمعو عمامي و عماتي و ولادهم و الواليد اللّٰه يرحمو و خوتي و لواليدة و كاناكلو و تبااارك الله راه عائلات و الطبسيل عااامر تال لفم على شكل قبة فخمسة ديال الدقايق كاتلقايه تسااط تلحس عرفتي كيفاش كاناكلو راه داكشي بسرعة الضوء خفا زربا حيتاش الا كليتي بشوية غاتقولب و طلع الصبع و ماغاتاكل والو و بقات فيا ديك الطبيعة .... عطيني ديك لكروفيتة
لينا:(جبداتها من لبسطيلة) هاااك تاكل فيها جغديد
راوية: ياكما خاصاكم شي حاجة
ضورات لينا وجهها شافت راوية لابسة قفطان فالأخضر ملكي محجر بمضمتو و شالو زوين و قالت : لا ا خالتي
راوية: مبروك بعدا
لينا: الله يبارك فيك
يونس: اجي تتصوري معانا
دخلات وسط منهم و دورات يديها عليهوم و هوما كذلك و جا المصور صورهم و شافتهوم العائلة و تناوبو عليهوم حتى تصور معاهوم كولشي
رجعات لور بعدما عمرات كرشها و جابو ليها لعسيل غسلات يديها و بقات كاتضور فعينيها كاتشوف فالناس و فيونس لي ساهي ... هزات يديها حطاتها على ضهرو و ضار عندها
لينا: مالك !!
يونس: لا والو ... كيف بقيتي شوية !
لينا: وي بيخير دابا
يونس: حسيت بيك قبيلة بحال الى مترددة !!
لينا: لا لا
يونس: واش بيك شي حاجة !! ياكما حسيتي بلي زربنا ! ولا ياكما باقة خايفة من الدخلة
لينا:(بخوف) شوية ... مايمكنش لينا نتزوجو بلا مانديرو داكشي
يونس: (حابس الضحكة) و شنو تحرميني من فريميجتي !! و لولاد نديروهوم بالبلوتوت ياك ا حبيبة بلا ماتخافي انا اااااخر واحد يفكر يضرك قلتها ليك ما هي مرة ما هي جوج كولشي غايدوز بشوية و بالخااااطر عارف النهار اللول كايكون قاصح عندكوم نتوما غير هو الى عرفتي كيفاش راه ماغاتقصحيش بزاف
لينا: (تنهدات)
يونس:(كايدوز يدو مور ضهرها) مابغيتيش صداقك ?
لينا: اه بعدا نسييييتو
يونس: اوا يا لالة صداقك غايكون سوارت
لينا: كيفاش
يونس: الدار لي شريت فسميتك الزين يعني نهار نطلع ليك فالراس ممكن تجري عليا ههههههههههه
لينا:(بصدمة) من نيتك 😳
يونس: لا من ريتي
لينا: حلف حلف
يونس: شنو انا كداب
لينا:ماشي كداب مي راه دار على قدها ا يونس
يونس: راه ابارتومون فعمارة ماشي دار بوحدها مي كبيرة و متيسعة و غانكري واحد لماكازة من العمارة نيت ندير فيها شي مشروع
لينا: يونس واش كاتضحك عليا
يونس: ماكانضحكش عليك اقسم بالله الا الدار فسميتك حتى تشوفيها بعينيك فالوراق
لينا:(شدات ليه فيديه و ماكرهاتش تنقز بالفرحة) وا نااااري ا عيباد الله هادا كاع عندي زهر
يونس: اوا شفتي حافضي عليا (دار رجل فوق رجل و قاد لكلسة)
لينا: شكرااااااا 😍
يونس:(شافيها و ابتاسم) ماتقوليش ليا شكرا هاداك راه حقك ا نوارتي
لينا: اويلي جلس جلس بابا و خويا و ماما و عمامي و خوالي كايشوفو فينا غادي يقولو بلي كانديرو شي حاجة تما
يونس: وا نوضي تكعدي راكي مراتي ا زوبيدة و من حقي هادشي (شير بيديه)
السعدية: اش خاصكم ا ولدي
يونس: عييت ا خالتي و حتى لينا عييات
السعدية: سير لبيت لينا و جلسو تما فراحتكم
يونس: شكرا (شاف فلينا) يالاه زيدي
بقات لينا كاتضور فعينيها محرجة ماحسات غير بيد يونس جراتها و سلهامها مجرجر موراها و الضيوف كايشوفو فيهوم و هي حادرة راسها وجهها حمر بزاااف و قلبها كايضرب ... دخلو للبيت و سدو عليهوم من لداخل و بقات واقفة كارمة على لباب باقة مامستوعباش اش وقع عائلتها كولها عارفة بلي راجل عندها فالبيت و ماقالو ليها والو بالعكس امها لي قالت ليهوم سيرو ... بقا هو كايضور فالبيت بعد ما حيد فالفيستة و لاحها فوق الفراش و بقا بالقاميجة و طوا كمامها حتال للمرفق و تلاح فوق الفراش و دوز يديه تحت عنقو متكي عليها
يونس: اوا ا زيين مانشوفوش 😉 اجي حدايا
لينا: الصمممت
يونس: تجي ولا نجي
لينا: تكمش فبلاصتك قالاك
يونس: وا ماقايسكش غير اجي
لينا: لااا بابا برا
يونس: الله يعطيك الحبس راه باك عاطيك ليا باش ناكل ليك فرماجتك غير هنينا ... وا اجي حدايا
لينا: مابغيييتش (عوجات فمها)
يونس: وا الزاماكور البلدي جي حدايا (جلس كايشير بيديه)
لينا:(بهمس) ناري و الله الى كاضرني ترمتي اوفففف على شوهة
حيدات الصباط من رجليها حيتاش ضرها فرجليها و قنتاتو و شافت حتى عيات و لقات من الأحسن تمشي تتجبد فوق فراشها حيتاش عياااات ... مشات جيهة لفراش كاتجر فرجليها و يونس حال شوية من عينيه كايشوف فيها مراقبها غير قربات حداه و دار راسو ناعس و غطا وجهو بيديه ... جلسات حداه و سرحات رجليها حتى طرطقو و تكات على لور تاع لفراش و غمضات عينيها ... شافها يونس و هز راسو و حطو فوق حجرها بحال شي دري صغير ، حلات عينيها و هبطاتو و شافتو كايشوف فيها و شد يديه شبكها مع يديها و باسها
يونس: ماكاين ماحسن من الحلال ا مراتي
لينا: ياااك ا يويو
يونس: وايييه ا ليلو
لينا: (كاتدوز يديها على لحيتو) كاتجيك اللحية لخفيفة زوينة
يونس: نبقا نخليها هاكدا !
لينا: اه عجباتني
يونس: و شعري!!
لينا:(خشات يديها فشعرو) خليه هاكدا عجبني بحال توم كروز فاش كان باقي جووون
يونس:مالك نتي مع هاد توم كروز كل مرة حاشياها ليا
لينا: كايعجبني داكشي علاش 😍😍
يونس: ايييه ا لالة شكرا (بغا ينوض)
لينا: تقلقتي !!! وينوووو اوا شرب من لبحر (حمرات فيه) كايصحابك غانحزرك بحال داكشي ديال الأفلام نو ا بب هادي غير لينا لعيشورية (كاتضرب فصدرها) لي ماعندهاش مع التحزار و التبزار
يونس:(رجع راسو فوق حجرها) راني عارف طاح حبي على حجرة مانتفشش شوية و تقووول ماكاين لا كلام حلو لا تحزار لا تعناق و تقووول الجفاف العاطفي حاجة وحدة لي نعطيك 10 على 10 فيها
يونس:(حيد ليها يديها من فمو) علاش بخاطرك ههاهاهاهها من دابا فصاعدا ماكاين غير الفساد نخرج ليها طاي طاي
ضور يديه على عنقها و جرها حتى تقسم ضهرها هبط ليها راسها و حكم شفايفها بشفايفو و بداو كايتبادلو لقبل فالأول قاوماتو و فالأخير مشات معاه و غمضات عينيها و نغامسات معاه كاتبوس فيه ماكايتسمع فالبيت غير صوت البوسة و صوت انفاسهم لي كاتجري معاهوم .... سمعو الدقان فالباب و اضطر يطلقها و بقا شاد يديها كايدوز يديها عليها و مرة مرة يبوسها
لينا: شكووون
السعدية: راه بغاو الناس يمشيو
يونس: واخا ا خالتي هاني خارج
مشات السعدية و بقا يونس كايبوس فيد لينا و هي كاتدوز يديها على راسو ماساخياش بيه
يونس: جي عندي غدا
لينا: فين
يونس: لدار
لينا:(تنوات) لاش لدار
يونس: راه غير غانكون بوحدي غدا فالدار و بغيتك تونسيني سي تو اصلا انا ماسخيتش بيك
لينا: لا ا يونس
يونس: علاش لا
لينا: داكشي حتا نديرو لعرس
يونس: وا ماناعسش معاك غير تهناي غير غاتونيسي و صافي (باسها فكفها) و زايدون الى بغيت ناخد حقي منك كون خديتو و بموافقة السعدية فهمتي (ناض) و دابا تهلاي فراسك ا حبيبة و غدا شوفي كيف تديري حتى تجي عندي (باسها ففمها) كانبغيك
لينا: حتى انا 😊
يونس: 😉
هز لفيستة ديالو لبسها شاف راسو فالمرايا ياكما لاصق فيه عكرها لقا راسو مزيان و حل لباب سيفط ليها بوسة و خرج
خوات الدار من عائلة العريس و بقات غير عائلة لعروسة ... بدلات حوايجها و مسحات لماكياج و فسخات شعرها و تلاحت فوق الفراش شعرها مفرش كحل كيف ليل طوييييل رطب و لابسة بيجامة فالغوز لكول ديالها دائري قصيرة مع شورط ديالها حد الركبة مزير عليها فالغوز ... هزات يديها كاتشوف فالخاتم لي جاب ليها بقات كاتقلب فيه مزياان و عجبها شكلو ...تنهدات و سرحات بخيالها و عقلها كايفكر و يراجع هادشي لي دارت واش مزيان ولا لا و كاتحسب ايجابياتو و سلبياتو و فالأخير فوضات امرها للّٰه عز وجل و تذكرات بلي لي مكتابة ليها هي لي غادي توقع واخا تطير واخا تنزل و يونس كايعاملها مزيان داير ليها كيف الما لقليل عينيه يعطيهوم ليها مبرعها كادوات و كلام حلو راجل داخل سوق راسو خدام برزقو بدارو بطموبيلتو متاقي اللّٰه و الصلاة فوقتها غير هو مغيار بزاف و مرة مرة كايبغي يتحكم فكولشي باش يفرض رجولتو عليها باش ماتتماداش بزاف و تركب ليه فوق الراس و يولي راجل المرا بعد م لمرات كايقصح معاها و كايقلب ستة تسعود حتى كاتحس بالغلط ديالها و ترجع تطلب السماحة منو و لكن فنفس الوقت حنين معاها و قابلها بهبالها مابغاهاش تتبدل بالعكس لسانها السليط و طبعها الحاد هو لي خلاه يطيح فيها و يبغيها من قلبو ... بقات فكرة تدي فكرة و فكرة تجيب فكرة حتى داتها عينها و نعسات من فرط التعب.
صبح الصباح فاقت على صوت غوات الدراري الصغار ديال لعائلة بزز منها ناضت تكسلات و حكات عينيها و حلاتهم مزيان و ناضت لبسات كلاكيطتها و خرجات كاتجر فرجليها و شعرها مشعكك ... مشات لطواليط قضات حاجتها و غسلات سنانها و وجهها و خرجات جلسات معاهوم فالصالون فطرات معاهوم و هوما كايهضرو و يقشبو حتى ناضو لعيالات كاجمعو الدنيا و بقاو غير الرجال و رجعات لبيتها سدات عليها فيه .... نعسات فبلاصتها و هزات تيلي بقات كاتضور فلينستا و فالفيسبوك حتى جاتها ابييل من عند يونس و جاوباتو
يونس: الو حبيبة
لينا:(بصوت رقييييق) الوووو
يونس: كيف صبحتي
لينا: بيخير و نتا
يونس: اوسي .... ماازال غاتجي !
لينا: ماعرفتش اصلا ماشي دابا حتال لعشية و نشوف
يونس: معاياش
لينا: ديك الربعة لخمسة
يونس: غانتسناك ديك لوقيتة اوكي ماتخويش بيا
لينا: مانواعدكش راه ماما حال و حوال تقدر ماتخلينيش نخرج
يونس: شوفي كيفاش تديري لمهم جي عندي
لينا: صافي صافي حتى نشوف اش ندير بلي كان غانجاوبك فميساج
يونس: واخا يكون خير
قطعات معاه المكالمة و ناضت من فراشها حلات لماريو ديالها و بقات كاتشوفيه شحال كاتفكر شنو تلبس ... بان ليها سروال جينز طاي هوت هزاتو حطاتو فوق الفراش و هزات تيشورت فالأبيض فيه كتبة بالقهوي واسع من لتحت و قصير من لقدام و طويل شوية من لور ... حطاتو حدا السروال و سدات لماريو و لبسات الحوايج لي ختارت و جلسات قدام المرايا سرحات شعرها بالمشطة و فرقاتو و بدات كاتبوكليه كل جهة بوحدها حتى كملات و جمعاتو ... قلبات الساعة لقاتها الجوج ، خرجات من لبيت لعند امها فالصالون جالسة مع العيالات و شيرات ليها و خرجات عندها
السعدية:(طلعات و هبطات) فين غادة
لينا: غانمشي عند واحد الخياطة تعاود تقاد ليا الجلابة من هنا (شيرات لخصرها) بغيتها تتزير كتر و غانمشي عند الذهايبي غادي نبدل واحد لكوليي مابقاش عاجبني و غاندوز نشري شي حوايج
السعدية: خلي تال غدا و نمشيو انا وياك
لينا: لاا بغيت نمشي بوحدي اصلا انا هضرت مع لخياطة فالتيليفون و قالت ليا دوزي ليوم مع التلاتة ديك الساعة غاتكون خاوية مع قرب العيد الكبير و كولشي كايخيط و يفصل
السعدية: اااا لينا ها ودني منك راكي مرات الراجل دابا مابقيتيش ديال راسك يعني يشوف شي حاجة ماشي تال لهيه يطلقك قبل العرس و تولي فضيحتنا فكل لسان
لينا: ياك ا ماما مالي اش كاندير بالسلامة عمرني اصلا درت شي حاجة تفضحكم ولا تشوهكم حشومة عليك ... كاع انا نقوليه بناقص من هادشي كامل واخا شكرا
السعدية: صافي صافي سيري ماتعطليش
لينا: نكون هنا مع ديك التسعود كيشفتي دابا زادو ساعة هي التمنية لقديمة
السعدية: رضي بالك عنداك يقولك عقلك تمشي عندو ها ودني منك 👂🏼الدخلة حتى ليلة العرس
لينا: وا صافي ماتخافيش ... الغدا معطل !
السعدية: باقي معطل شوية
لينا: لمهم انا شوية غادي نمشي
السعدية: معاذ شوية غايمشي للخدمة قولي ليه يوصلك
لينا: لا بلاش 😅 غير خليه بغيت نتمشا شوية صيف كامل و انا غير الدار
السعدية: اوا سيري ا بنتي الله يرضي عليك
لينا: اميين
رجعات لبيتها من بعد ماتهنات من امها ... جلسات و تقادات مع لمرايا و جبدات شفارها بالمسكارا و جبدات عينيها باي لاينر و طراسات شفافيها بقلم قهوي و دارت ليp كلوس فالقهوي ماط من "كايلي جينر" و براوزنر لخدودها ... فسخات شعرها و طلقاتو بقا مبوكلي جاها زوين و دارت ريحة تعطرات بيها و لبسات لكورميط لي عطاها خوها فيديها و فعنقها السنسلة لي عطاها يونس شحال هادي و فيديها خاتم الزواج .... جبدات صندالة عالية فالقهوي بالصماطي شيك فالمنظر من برادا و هزات صاك مربع قهويحطات فيه مسائلها و جلابة باش تطمر على السعدية و هزات تيلي و خرجات من لبيت قبل مايشوفها شي واحد و يبدا عليها بسين و جيم خلاجات و طلقات رجليها لريح و اول طاكسي بان ليها شداتو و ركبات
لينا: ديني ل دشيرة
ديمارا الشيفور بعدما قالت ليه على لوجهة ديالها و هزات تيلي ديالها و سيفطات ليونس بلي هي فالطاكسي جايا عندو و بسرعة جاوبها بلي كايتسناها .... بعد مسافة الطريق وصلات و حطها الطاكسي قدام الدار خلصاتو و هبطات دقات فالدار و بنادم كايبركك و حيتاش عارفينها شكون هي و جابو خبارها دخلو و سدو عليهوم ديورهم وهادا حال لمغاربة الا من رحم ربي ... تحل لباب و لقاتو واقف لابس شورط حد الركبة مع فالأسود مع تيشورت فالبلو مارين و حفيان شعرو طايح على عينيه مضارب معاه كل شوية يرجعو لور ... دخلات لدار و سد لباب موراها و باسها فشفافها و رجع شافيها و بإبتسامة ساحرة قال : توحشتك
لينا: حتى انا
يونس: دابا شنو ندير فيك (ضور يدو على خصرها) ناكلك و حد مايسيق ليك لخبار
لينا: زيد زيد قدامي راه فيا الجوع
يونس: او ماتغديتيش (غاديين لقاع الدار)
لينا:لا مازال و نتا
يونس: حتى انا كانتسنا مدامتي تجي تطيب ليا
لينا: اوا جلس انا نمشي نشوف شنو نوجد (سبقاتو)
يونس:(جرها من يدها و تضربات مع صدرو) اش هاد لبس ا مدام لاش مزيرة على هادي (ضربها لمؤخرتها) نبداو تاني نفس الكاسيطا كون تبسل عليك شي واحد فين غانوليو
بقات لينا كاتفكر فشي حيلة باش تخرج منها و تفك راسها حيتاش شافتو بدا كايصعر و ملامحو بداو كايتبدلو و ماكاين لي يفكها الى انفاجر عليها البركان لي فيه
لينا:(ضورات يديها على عنقو) يوسي حبيبة ديالي لبست هاكدا غير حيتاش جاية عندك (بالتحلوين) و اصلا انا من دارنا لطاكسي و من الطاكسي لداركم ( كاتدوز يديها على لحيتو) شنو غادي نتخاصمو و حنى يالاه لبارح درنا لاكط خايبة حتال لمعاودة كالما ا حبيبة و ماتديرش فبالك اصلا مابقا والو و نجي نسكن معاك ياك
بقا يونس متبع كلامها و بطريقتها الحنينة و لمساتها قدرات تبردو و تروضو و طيح على الساروت ديالو .... حسات بيه برد و بقا غير كايشوف فيها و طبعات بوسة على خدو و قالت: دابا غانمشي نطيب ماناكلو راه كرشي كاتغرغر
يونس: نطيبو بجوج اش بان ليك
لينا: لي بغيتي
طبع قبلة اخرى على شفافها و ضور يديه على خصرها و غادي و يهضر معاها على حساب اللبس لي لابسة حيتاش واخا تهدن مانساش ... دخلو للطوزينة و مشات لينا لتلاجة حلاتها و بقات كاتشوفيها كاتفكر شنو تطيب
لينا: كاتاكل لكغاتان !!!
يونس: (جالس فوق لبوطاجي) ااه اصلا كناكل كولشي
لينا: كاينة لكفتة !!
يونس:(هبط) تسناي واقلة كاينة
جا و بقا كايشوف فالتلاجة كايقلب بعينيه حتا بانت ليه بواطة جبدها و حلها لقا فيها لكفتة
لينا:جمع يديك راه قصحتيني حشم شوية (كاتجبد باقي لمكونات)
يونس: هاكاوا على حشم راكي مراتي ا لالة فهمتي اري نهز معاك نص هادشي غادي يطيح قبل ماتوصلي
عطاتو هز معاها و هي دايرة اطونسيون منو لايضربها فمؤخرتها بدات كاتنقي بطاطا و هو كايعاونها يدو بيديه و نقات باقي المكونات و وجدات لي خاصو يوجد و هو كل مرة ياخد بوسة ولا يشحط معاها لشي قنت
يونس: اري نخشي داكشي فالفران
لينا: هاك و غير بشوية
عطاتو طاوة زاجية بيضوية الشكل عامرة بداكشي لي صايبو و خشاها فالفران بعدما دار العبار لي بغا فيه و ضار عندها لقاها كاتنقي الدنيا
يونس: دابا شنو
لينا:(ضارت شافت فيه) دابا نتسناو حتى طييب
يونس: مزيان مزيان (جرها من السدادات ديال السوتيام لي فالضهر حتى تسمعات طااق) اشمن لون هادو
لينا: احححح قصحتيني ا الزمر
يونس: ماتقولييييش اح راه باقي مادرت والو واقولي اشمن لوون
لينا: وا ناااري حشم شوية
يونس: علاش هادشي فيه حشمة عادي غير قولي ولا ندير شرع يدي
لينا: فالكحل الله يكحل ايامك
يونس: انا وياك يا ربي هههههههه
كملات التطراف و يونس كل شوية يقيس و يبوس مبرزطها ... مشاو لصالون جلسو تما مجمعين و مرة مرة كايغفلها و يبوسها فشي بلاصة حتى طاب لغدا و خرجاتها من لفران و وجدات الصينية و الطباسل و قطعات داكشي و حطات لماكلة ... كملو لماكلة و يونس كايشكر فماكلتها و ناضت جمعات الطبلة و رجعات جلسات معاه فالصالون و هو يضور شافيها و دار ابتسامة سخرية
يونس: ماطلعتيييش ا لينا
لينا: ?!!
يونس: ماعمرني ضنيتك تكوني من النوع لي كايدخل لديور الرجال طحتي من عيني و كيفما دخلتي عندي و كليتي معايا و طيبتي ليا غاتديري مع وحداخر درت ليك اختبار و فشلتي فيه
لينا: اش كاتقول نتا !!!
يونس:(قلب وجهو و زفر بعصبية) قلت لي خاص يتقال و دابا سيري فحالك حسن ليك
وقفات لينا كاتشوف فيه بغضب و هزات صاكها ضرباتو بيه الراس و هو قالب وجهو ماكايشوفش جيهتها
يونس: اش درتي !! جمعي يديك ياتا
لينا: نتا سخن عليك الراس بزاااااف عليك ندخل لديور الرجاال انا مادخلت معاك لدار حتى ضربتي بيا لاكط و قدام عائلتي كاملة و باقة بشرفي العيب هو لادخلت معاك قبل الزواج ا سيي الفاهيم و دابا بنتي على حقيقتك نستاهل انا لي كادبة على دارنا باش نجي عند راجلي مي اش من رجلة بقات ولا ياكما دايرها سبة حيتاش بقات فيك الدار ولا الطوموبيل انا راه مابغيت منك والو ماداخلاش على طمع جالسة فدار بااا معززة مكرمة نلبس ليمارك و سبابطي ليمارك واحسن حاجة ناكلها دابا ل اللّٰه يعاونك ذهبك غانسيفطو ليك مع رانيا و التوابات حتى هوما و الكادوات ماعندي ماندير بيهوم ... خسارة فيك الوقت لي بغيتك فيه
عطاتو بالضهر غادة و كبرياءها تجرح اهانها فشرفها قسم قلبها على جوج و كاع داكشي لي كانت خايفة منو طاحت فيه هربات من الحب حياتها كلها باش ماتتجرحش و نهار طاحت فيه بغاها للحلال و خلاها حتال لحلال و قاليها هاد الهضرة لي حطماتها من لداخل واخا كاتدعي القوة .. خرجات من الصالون و تفكرات بلي عاتمو و سنسلتو فعنقها و رجعات لقاتو باغي يخرج من الصالة و بلا هضرة حيدات الخاتم حطاتو ليه فيديه و شافيها بعصبية و كمش فمو ... هزات يديه ضوراتها على عنقها باش تحل السنسلة و حسات براسها تلاحت فوق الطليق و بسرعة نعس فوقها و بيد وحدة حمع ليها يديها و سرحهم فوق راسها
لينا: بعد مني ا يونس (كاتركل) بعد منيييي
باسها فشفايفها بجهد و هي كاتقاومو مابغاتوش يقيصها حتى تقطع نفسها عاد حبس و شافيها
يهمس: الهيشة راه غير كانضحك معاك و لكن عجبتيني زدتي عجبتيني ا لينا نفسك حاااارة كرامتك و كبرياءك فوق كولشي فوق حتى حبك ليا كنت عارف بلي غاتديري هاكدا كنتي غاتصدميني كون طلبتيني ولا قلت سكت ماتقول والو مي نتي بغيتي تفرقي عليا حسن ليك ماتطلبيني نبقا معاك و لكن لي ماعجبنيش هو تيقيتيني انا كانبغيك و نقول هادشي نعطيك عيني و نقول هادشي كاين شي راجل يهين مراتو هاكداك نتي ماشي صاحبتي نتي مراااااااااتي عرفتي شناهيا مرااااتي راه غير ضحكت معاك ا حبيبتي ماتشديش فخاطرك و من حقك تجي لدار راجلك و ماعند لا باك لا مك كلمة عليك حيتاش نتي من مسؤوليتي فهمتي!!!
بقات كاتشوف فيه مدة و ملامحها مامفسرينش و قالت: تفو عليك ا الجيفة طلقني نقجك طلقني .... نتا يجوز فيك القتل يهودي مقطر من فصيلة بني كلبون طلقني خليني نقمش و نضرب (كاتركل)
يونس: ا رصاي وا هداي هههههه راه كاتحاكي معاه دابا تنوضيه و اجاااا ماينعسو
لينا: نوض من فوقي نووووض يخخخ ماعرفتش لاش تزوجت بيك لاااااااش عزيز عليك تفقصني و طلع ليا السكااار
يونس:(خشا راسو فعنقها) حيتاش كانبغيك و كانحماق عليك و ماكانبغي حد يشوف هاد لفورمة من غيري انا كووولك دياااااالي
لينا:(كمشات عنقها) حيد من تما ا يونس
يونس: شنو ياكما درتي امارش ههههههههه
لينا: وااا نوووووووووض
يونس: مابغيتش خليني ناعس فوق الريشبوند و الماتاريال عندك رطب ... غانطل على الصدر نشوف واش ديال بصح ولا غير بونج
لينا: وا حيد يديك اويلي كون تحشم وا نوووض راه مانسيتش ليك اش قلتي
يونس: اوا صافي ا حبيبة غير ضاحك معاك نتي لالة البنات و اشرف وحدة عرفتها يكفيني صبرتي معايا فاش كنت بطالي ماخدام ماردام و بقيتي معايا و ماخلتينيش و مشيتي عند ماحسن مني (حيد الشعر من على وجهها) كاين شي وحدة غايفرط فوحدة هاكدا !!! و زيد عليها فاش دخلت لحبس عاونتيني ولقيتي دليل برائتي كاينة ولا لا !!! و من بعد هادشي نوض انا نخليك راه واخا تلصق السما مع الأرض مانخليكش حاجة وحدة لي تفرقني معاك هي لموت فقط فهمتي !!
لينا:(حركات راسها بالإيجاب)
يونس: فينو داك لقليب لي ضريتو قبيلة هاهوااااا
باسها فصدرها من فوق التيشورت على غفلة و بدات كاتفركل ليه تاني كيف الدجاجة مالقا كيف يدير يحبسها من غير انو يبوسها و داكشي لي دار بقبلة طويلة رومانسية حبس تحركاتها و خلاها تتجاوب معاه و طلق يديها و ضوراتها على عنقو و مشااااو.
بدا كايصوني تيلي فجيب الشورط ديال يونس و هز راسو تقييل و عينيه معسلين كايهنج محيد التيشورت عاري من لفوق و الوشام باين فكتفو واضح و جمييل شكلو و لينا تحت منو شبه سخفانة عينيها شبه مسدودين كاتنهج التيشورت طالع ليها الشيء لي كشف صدرها واخا باقي مغطي بالسوتيام لي يالاه تحل اما سروالها فيلاه تحلات فيه الصدفة و هبطات شوية فالسنسلة .... جاوب يونس بعدما ضور وجهو فالبيت لقا راسو فبيت النعاس و لينا تحت منو عاق براسو اش كان غايدير و زير على فمو و الخط محلول حتى كايسمع فودنو الو الو
يونس: وي الو
أمين امالك ا صاحبي
يونس: (ساط) والو والو
أمين: كاين شي بلان ليوم !!
يونس: لا تال غدا
أمين: اوا صافي نخليك دابا واقلة مشغول
يونس: بحال هاكداك يالاه بسلامة
قطع يونس و لاح تيلي فوق الفراش و هز راسو لسما و ساط بجهد و جلس فطرف الفراش و قال: ترفعت ماعقلتش باقي على راسي كون ماكانت هاد لمكالمة كون زبلناها
قادات لينا حوايجها فاش كان باقي و كايهضر و جلسات كاتسناه يكمل ... سمعات هضرتو و جات حداه شبكات يديها مع يديه و دار شافيها
لينا: لي كايهمني هو مادرناش شي حاجة حرام انا وياك مزوجين فيها خير مني جات هاد لمكالمة
لينا: (خداتو) راه باقي مادوزتهاش ليك سير سير لحساب من بعد
مشا لدوش بسرعة دوش و برد راسو و خرج لاوي عليه فوطة من لتحت و لفوق بقا عريان و لما هابط من شعرو و صدرو فيه الزغب قليل فازك و عضلاتو واقفين قاصحين ... مشا لبيت النعاس لقاها متكية فوق ناموسية هازة تيلي و كاتخربق فيه باش تقتل الملل ... شافتو دخل و حطات تيلي و بقات كاتطلع و تهبط فيه
يونس: مالنا على دوك الشوفات 😒
لينا: نقصات لفورمة ديالك شوية
يونس: حتى انا حسيت بيها مابقيتش كانتريني داكشي علاش غير الخدمة الخدمة و قهراتني (كايجبد لحوايج من لماريو) غاتتقاد الامور و نرجع لونتريما (ضار شافيها) غانلبس دابا يا غمضي عينيك يا خرجي باش تاني بلا ماتصفاري و تخضاري عليا هنايا بحال ديك لمرة
لينا:(عطاتو بالضهر) ضاروري تفكرني بداك النهار 😒
يونس: ههههههه (كايلبس لبوكسر) كاتبقاي فيا ا الزيين و لكن هانتي ليوم حسيتي بشي حاجة !!
لينا: الصمممت
يونس: راه هاكدا غانبداو بشوية بشوية كاع ماغاتحسي فلول غير تهناي
لينا: صافي مزيان اوا فين غانمشيو
يونس: فينما بغيتي ... صافي ضوري راه لبست
ضارت شافت فيه لقاتو لابس سروال بييج مع قميجة بيضة خاشيها فالسروال طاويها من لكمام حتال لمرفق و حال صدفة لفوقانية و سمطة كحلة غليضة و كايمسح شعرو بفوطة صغيرة ... ناضت عندو وقفات قدامو و هو كايمسح شعرو و بقا متبعها بغا يعرف اش غاتدير ... تقادت معاه و هزات يديها بدات كاتقاد ليه لكول دياال لقاميجة
يونس: لحب ديالي
لينا:(عوجات فمها) اكبر عنيبة عرفاتو لبشرية
يونس: الا ماتعنبت على مراتي علامن غانتعنب .. اجي نشفي ليا شعري
لينا: حيد يديك ولا غانحرقها ليك (خدمات سوشوار) هاكاوا على الراجل **ل ليه الضمير
يونس: السبان نعام اسييي وا ناري على همجية الشعر لصق فيديك ياك
لينا: مانتفتش بزاف غير شوية اصلا عندك كل زغبة يا زغبة طويل هههههه
يونس: لور قصير لقدام كتير و طويل راه مامطولو تاني بحال كاري
لينا: لا غير ديرها باش تولي بحال ادومة و اشباهه
يونس: واش مازال ماساليتيش
لينا: صافي ساليت (طفات سوشوار)
يونس: اوا كبي لما
لينا: يخ على حامض
يونس:(ناض و ضار شافيها) حامض و عنيبة و كانبغيك الهمجية
لينا: سير شوف شنو تدير لداك الشعر
مشا لكوافوز هز زيت دهنو لشعرو باش طاحت الزغبة و مابقاتش ناشفة و رجعو لور و لبس فرجليه صباط اسود مع تقاشر و خرجو مشاديين ليدييين كملو لعشية غير بالدوران و كلمات الغزل و الحب و الغرام حتى لحقات التسعود و داها لدارهم توادعو و مشات لدارهم كأن شيئا لم يقع
صبح صباح جديد مشمس و دافئ ، فاقت لينا بنشاط و حيوية كيف لا و ليوم يوم لحناء و لغد عرسها و غاتكون اخيرا مع الشخص لي كاتمنا ... ناضت من فراشها لابسة بيجامة طويلة نص كم لبسات كلاكيطتها و خرجات من بيتها لقات العائلة فايقة شي غادي و شي جاي .. دخلات لطواليط قضات حاجتها و فاش بغات تطلع السليب بانو ليها بقع حمرين قلبات السليب لقات لي غيكل جاتها شداتها الضحكة حيتاش الدخلة تأجلات و عرفات بلي يونس غادي يتفقس و هو لي كان كايحسب الأيام ... طرفات حالتها و جبدات من لمجر اولويز لبساتها و غسلات وجهها و حكات سنانها و خرجات حابسة الضحكة و كاتخيل يونس يعرف بلي تحرمات عليه ليلة الدخلة ... مشات فطرات مع العائلة غير كملات و نوضاتها امها
السعدية: نوضي ابنتي خاصك تمشي للحمام
لينا:(بهمس) جاتني لي غيكل و كانحس بالوجع
السعدية: معاااذ نوض جيب ليا قرعة ديال كوكا صغيرة و اسبرو
معاذ: علااش
السعدية: نوض تكعد و هنينا
ناض معاذ على وعدو و سعدو مشا للحانوت و لينا مشات لبيتها مع امها لقات حوايجها مجموعين معاهوم برودياتها و كاع مسائلها
السعدية: شوفي هانتي لبنات غايمشيو معاك و لكن هند و سمر هوما لي غايكسلوك ماتشدي من حتى وحدة شي حاجة فهمتي !! راه لوقت و الزمان هادا و بنادم ماتعرفش اش فنيتو
لينا: واخا صافي لي بغيتي
السعدية: غاتجي تخشاي فالبيت نيشان راه غاتلقاي لكوافورة كاتنساك باش تصايب ليك و تخرجي تنقشي
لينا: و الحوايج لي شرينا !
السعدية: كولشي موجود ستفت داكشي فالفاليزات حطيتهوم فبيتي حتى يجيبو ليوم الدهاز و نجمعو داكشي كولو مع بعضياتهم (سمعات الدقان) شكوون
معاذ: هذا انا جبت ليك داكشي
السعدية: واخا هاني جاية حطهوم فالكوزينة ... انا غانجيب ليك كوكا باش تخفف عليك الوجع و فاش يفوتك سيري لحمام راه لبنات كايتسناو و كولشي موجود
خرجات السعدية مشات للكوزينة سخنات كوكا غير دفات و خواتها فكاس و لاحت فيها حبة اسبرو و جابتها للينا لي مخشية فالفراش كاتوجع ... نزلات على لكاس خطرة وحدة و سخنات و بعد نص ساعة فاتها لوجع ... دخلات عندها سمر لابسة جلابة خفيفة نص كم و هند كذلك طلو عليها لقاها صحات
هند: كيف بقيتي !!
لينا: بيخير ... صافي نمشيو
سمر: تسناي قالت ليك ماما لبسي لملحفة ديالك
ناضت لوات عليها لملحفة الصحراوية و لبسات بلغة فرجليها و درقات وجهها بقاو كايبانو فيها غير العينين و خرجات هزات ليها هند الصاك ديالها لي فيه حوايجها و برودوياتها و تبعوها بالصلاة و السلام على النبي و تلاقات مع بنات العائلة لي مامزوجاتش و بداو كايصليو عليه كل وحدة هازة صاك فيديها و لابسين جلالبهم و خرجو من الدار هازين الطبوقة فيهم الحنة و الورد و الغاسول و الصابون لبلدي و الكيوسة و فالطبوقة لوخرين هازين التمر و لحلوى و المكسرات.
تلاقاو مع بنات الجيران مشاو معاهم حتى هوما و دايرين عليها و كايصليو و يزغرتو كايخليو الناس كاملين يطلو و يستكشفو اش واقع و لبنا عاجبها الحال كاتضحك و مخبية ضحكتها بالملحفة .... وصلو للحمام و دخلو كايزغرتو و كايطبلو و مع الصدا كايتسمع داكشي مجهد الشيء لي خلا العيالات لي فالحمام يخرجو يطلو اش واقع ... حطو الطابيق حدا الطيابات و جلسو و لبنات مدرقين لينا و سمر و هند كايحدو ليها حوايجها ... حيجو لبنات حوايجهم و دخلو لداخل فبلاصة شاديينها ليهوم الطيابات و سرحو الجلدة و جلسوها تما و دقوها بإيزار أبيض باش مايحضيوهاش لعيالات و كسلاتها هند بمساعدة سمر و لبنات قالبين الدنيا بتطبالهم و غناهم ... غسلو ليها شعروها و شللو ليها و غسلو ليها الجسم ديالها ببرودياتها و شللوها و لواوها فبينوارها و خرجوها بالزغاريت تاني و دوروها غبروها حتى لبساتها هند و سمر .. لبسوها دو بياس بيضين جداد مشبكين و ديباردور ابيض مشبك من الضهر و شورط ابيض قصير مزير لبسوها قفطان ايفازي ابيض نص كم مطروز و تقاشر بيضين مع بلغة خضراء و جمعو ليها شعرها و لواه فزيف حياتي و لبسات من لفوق جلابة بيضة ايفازي مع شالها و خرجو و خلاو لبنات لي مازال ماسالاو و مشاو معاها غير هند و سمر لي دوشو معاها ... خرجو برا لقاو معاذ كايتسناهم ، طلعو ركبو و داهم نيشان لدار
جالسة فوق سداري ملمط بتلميطة خضراء و خديات موراها خضرين شكلهم جميلة حادرة راسها لابسة تكشيطة فالأخضر ملكي بمضمتها و دايرة على وجهها شبكة مدرقاه عاطية يديها لنقاشة و الناس جالسين كايشوفو فيها و البنات نايضين كايشطحو و نقاشة اخرى كاتنقش لناس الحاضرين ... و قدامها طابلة فيها شميعات و قالب ديال السكر مزوقين بالذهبي و الأخضر و جوج كيسان بالطالون كاس منقوش عليه اسم لينا و الثاني اسم يونس و حدا لينا مخيدة على شكل قلب مطروز عليه اسم العرسان بطريقة جميلة و جميع الأشياء لمحيطة بلينا فالأخضر و الذهبي الشيء لي خلا حفل حناءها متميز على كاع حفلات الحناء لي دازو فحومتهم كولشي متقون و مقاد على حقو و طريقو و فالطابلة صينية فيها لافتات صغار فالذهبي فيهوم انا العروس انا اخت العروس انا صديقة العروس بحال لي دارت مريم سعيد ... بقات لينا كاتضور عينيها و كاتشوف امها غادة جاية لابسة قفطان فالأزرق ملكي مع فولارو شداتها البكية و حدرات راسها طلقات العنان لدموعها كونها اخر ليلة غاتدوز مع عائلتها هي هادي اخر نهار ليها معاهوم حيتاش لغد غايديها رجل اخر و غاتبقا معاه حياتها كلها ... جات حداها سمر جلسات بجانبها و سمعاتها كاتشهق و بدات كاتطبطب عليها و حتى سمر شداتها لبكية حيتاش ختها الكبيرة غاتمشي و غاتخوا عليهم الدار ... بداو عيون سمر كايدمعو و كاتمسح الدموع قبل مايهبطو و كاتسكت ختها و كاتحاول تضحكها و لكن معامن هي لينا عاد باش تزاد عليها لحال و وجهها عمر بالدموع و تزير و تزنك عيونها ولاو بحال نقطة ديال الدم ... عيات معاها و والو ماسكتاتش ، دخل عندهم معاذ لابس سروال توب اسود و قميجة بيضة خاشيها فالسروال ماشط شعرو و ريحتو فايحة مشا حدا ختو عاق بيها كاتبكي و جرها لحضنو خشاها فيه و بدا كايسكت فيها
معاذ: دابا لاش لبكا شششش صافي
لينا: 😭😭😭
معاذ: الضياف كايشوفو فيك باراكة عليك من التبوحيط يا لبوحاطية
لينا: (كاتنخصص) مابغيتش مابغيتش نتزوج
معاذ:(ضحك حتى تسدو عينيه) هههههههه راك تزوجتي و لي عطا الله عطاااه ا الزيين ديال خوها هادشي غير بروطوكول قدام الناس
لينا: بغيت نبقا اهئئئئ اههههئئئههههئئ
معاذ: فين غاتبقاي ا ليلو باك و مك راه كايكبرو و انا قريب نتزوج و ندير داري حتا انا و سمر هاهيا كاتكبر شكون غايبقا !!
لينا: ماسخييتش 😭😭😭
معاذ: و شكون سخا (خشا راسو معاها تحت الشبكة) شو عينيك كيف ولاو حمرين كيف الدم (باسها فجبهتها) يونس ولد الناس و مربي انا بعدا عطيتك و عرفت لمن عطيتك غادي يتهلا فيك ا ليلو و وقتما توحشتيني عيطي ليا نجي عندك ماعنديش موشكيل
لينا:( كانتخصص) حلف
معاذ: و الله حتى نجي اوا باراكة من الدموع (مسح ليها دموعها) هانتي ها عائلة راجلك جات
خرج راسو من الشبكة و ناض خرج و دخلات راوية لابسة تكشيطة فالباج منبتة بالخضر مع فولارها و لابسة ذهوباتها و معاها رانيا لابسة فراشة عصرية فالكرونة مع صندالة عالية و طالقة شعرها و دايرة سنيسلة فعنقها و كورميط فيديها خلات راسها سامبل و معاهوم نجمة اخت راوية لابسة تكشيطة فالذهبي بفولارها و معاهوم رقية مرات حسن لابسة تكشيطة فالأسود محجرة لابسة فولارها ... دخلو جلسو حدا لعروسة فرحانين الا راوية لي واخا كولشي باقة شوية مامقتانعاش بالزواج و لكن اش عند الميت مايدير قدام غسالو لي عطا الله عطاااه و لينا و يونس تزوجو سوا قبلات سوا رفضات
كملات النقيش اليدين و الرجلين و بقات جالسة ساكتة كاتشوف فالناس غاديين جايين ولا كايشطحو ... جات سمر و هند قشرو ليها الحنة من يديها و رجليها و داو داكشي و بقات جالسة قاتلها لملل و غير كاتضور عينيها تحت من الشبكة و تطلع و تهبط فالضيوف ... تعالات اصوات الزغاريت و الصلاة على النبي و دخل يونس لابس جبادور فالأخضر ملكي مخططة بالأبيض مع بلغة بيضاء و تقاشر بيضين نقيين نقاد لحيتو و نقص شوية من شعرو و رجعو للخلف كيف لعادة و طاح عليه السر و من لبعيد كايبان بلي هو العريس ... دخل كايبتاسم فوجه الناس و كايحرك راسو كتحية لضيوف ... مشا حدا لينا جر السروال شوية و جلس مقاد ضهرو و لكاميرا كاتصور .. ضار عندها و هي كاتشوف قدامها دور ليها وجهها بيديه بشوية و حيد الشبكة من على وجهها و ابتاسم ليها .. هزات عينيها فيه بخجل و الناس غايكلوهم بعينيهم ، بقا مدة كايتفحص وجهها بعناية كانت رائعة الجمال و زاد المكياج برز جمالها اكثر ... بقات كاتشوفيه بعينيها لخضرين و كاتبتاسم بخجل حيتاش وسيم بلا قياس خلا كاع لبنات تابعينو بعينيهوم .. تنهد و قرب منها طبع قبلة على جبهتها و طول فيها شوية ماساخيش يبعد فمو من عليها ... قرب من ودنها و همس : الزين الصافي ديالي كنتي كاتبكي !
بعد منها و شاف فيها وحركات راسها بالإيجاب و رجع قرب من ودنها و همس : علاش بكيتي ياكما قاليك شي واحد شي حاجة !
لينا:(بهمس) غانتوحش ماما (شداتها لبكية)
يونس:(شافيها) بلا ماتبكي الناس كايشوفو و غايقولو هادو قربلوها قبل مايبداو ههههههه ضحكي احبيبة ديالي عائتك وقتما بغيتي تشوفيهم نجيو عندهم هذا نهارك ماتبكيش فيه
لينا:(مسحات دمعة قبلة ماتهبط) مانقدرش داكشي بوحدو
يونس:(باسها فجبتها) قراي القرآن و غاتكوني بيخير ... شوفي لهيه
دورات وجهها و شافت جيهة لباب لقات سمر هازة تيلي ديال يونس و دارت ليهوم صورة و هو مدور يدو عليها و كايضحك و هي سادة فمها و مخرجة عينيها ... جات العائلة حداهوم بداو كايتصورو معاهوم من لكبير تال الصغير عائلة لعريس و عائلة لعروسة كولشي عطاوه حقو و دغيا تلفو لينا و رجعات كاتضحك
يونس: حبيبة ديالي شوية غادي نمشي
لينا: علاااش بقا شوية
يونس: انا جيت غير باش نتصور معاك و صافي اما هادشي كاع ماعندي معاه و هاد لموسيقى كاتضرني فراسي
لينا: اوففففف حتى نهار الحنة غاتنكدو عليا
يونس: اللّٰه يهديك يا هاذ لبنت راه العريس غير كايتصور مع العروسة نهار لحنة و صافي ماشي كايبقا مبند معاها
لينا: صافي سير سير الله يمشيك على الجمر
يونس: انا وياك يا سليعفانة ... مابقاش قد مافات و نديك معايا و ناكل لفرماجة
لينا:(بسخرية) القوادس مهرسين ا حبيبي
يونس: كيفاش !!
لينا: حتى لغدا و تفهم ا الزيين
بقات كاتشوفيه و كاتضحك و هو مافاهم والو و لحق لوقت و مشا فحالو بعدما شبعو تصاور و جاو بنات العائلة حداها و هزو الافتات و بداو كايصورو بيهوم
حطو العشا و تعشاو الضياف و بداو كايمشيو الناس واحد بواحد حتى بقات غير العائلة المقربة و ناضت لينا بدلات حوايجها و من فرط التعب طاحت دودة.
صبح الصباح و جا اليوم الموعود نقطة تحول اي بنت غاتحول من ابنة لزوجة مسؤولة على زوجها و بيتها ... عمرات الدار العائلة القريبة و البعيدة كولشي جا يحضر لعرس لينا و يونس ... دخلات لدوش دوشات و دارت لي باندوش ديالها خلاو فيها رائحة زكية و خرجات من الدوش جلسات فالصالون لابسة قفطان خفيف ابيض نص كم و طالقة شعرها و الحنة فيديها صبغات و عطا لونها و وجهها خالي من المكياج داير كيف القمرة منور مغطياه بشبكة و لبنات محزمات كايشطحو و يردحو و يغنيو اغاني أمازيغية و كايضربو لبندير .... بدات امها و خالتها كايغنيو اغاني ديال وداع لعروسة و بداو كايبكيو وحدة تلاحت على وحدة و كاينوحو حاجة صعيبة انك تربي لحيمة من تولدات و تكبرها و فالأخير تمشي لدار اخرها بعدما كانت معاك كل يوم فالدار ماليها بصداعها و بغواتها ... لينا وجهها تزنك و الدموع هابطين خطوط على وجهها مخليين لاطراس و امها كاتبكي و تسكت فبنتها ماساخياش بكبدتها ... جا معاذ لابس جبادور خضراء جا فيها وسيم كيف عادتو و خطيبتو مريم من الحاضرات الشيء لي خلاه غير يشوفها يبتاسم و مشا عند ختو ضحكها و تلاحت عليه كاتبكي و هو كايصبر فيها و يراري بيها حتى لحق لوقت و نوضها و لبسوها سلهام ابيض و بلغة بيضاء فرجليها ووجها مغطي و شد ليها فيديها و خرج موراه هند و سمر و هند الأخيرة كاتبكي بحرقة على فراق اختها لي غادي تكون اخر مرة تخرج من دارها باها كابنة و الى رجعات غاترجع كزوجة ملك لشخص اخر ... ركبوها فطوموبيل و الدنيا موراها مقلوبة الدقة المراكشية خدامة و الزغاريت و الصلاة على النبي مسموعين ... توجه معاذ لقاعة العرس قاعة الهدى و لينا لور كاتبكي و ختها من جيهة و هنمن جيهة كايسكتو فيها
معاذ: (كايشوف فيها من المراياا) واش عندك سيتيرنا ديال الدموع ماعياوش عينيك من لبكا
هند: خليها عليك اش بغيتيها نتا ماغاديش تحس بيها غاتمشي تعيش مع راجل غريب عليها فمدينة غريبة عليها غاتفرق مع باها و امها و خوتها هادشي كافي يخليها تبكي ليل و نهار
معاذ: وا راني عارف هادشي كامل هادي هي سنة الحياة اش عندها ماتدير كاع لبنات هادشي تابعهم ضاروري غايجي نهار يخليو واليديهم
لينا: (كاتنخصص) ماسخيتش ... ماسخيتش نمشي
معاذ: علاش بخاطرك ا ليلو راه السيد تزوج بيك و كيفما قلت ليك لبارح راه ماعطيناكش حتى سولنا مزيااان عليه شنو غير هو لي يسول عليك حتى حنا نسولو على هاد الراجل لي غادي يديك
هند: ديها فالطريق و هنينا
معاذ: شفتك بحال الا حاقدة عليا ابنت خالتي خاصك غير ايمتا تقمعيني
الحب ليس بالكلمات الجزء 11
محتوى القصة
التنقل بين الأجزاء