قصة أنا و الشقيقان

حفل فدار كبيرة كلشي فيها محيح..

بنت زعرا معنقة شاب زوين وعاجبها لحال:بيبي..

الشاب:شنو نونا..

نرمين:ياله نطلعو لفوق توحشتك..

شاب:ههه مالك زربانة ياله بدات لحفلة..

نرمين:والله توحشتك ا آدم هادي مدة ماشفتك..

آدم بابتسامة طيح لي مايطيح:ههه زيدي قدامي باينة فيك واكلة دقتك خخخ..

نرمين عجبها لحال باستو وطلعو لبيت..

شد آدم لباب وهي تلاحت عليه كتحيدلو حوايجو وتبوسو وطيحاتو لفراش وبداو يمارسو بكل شهوة.. 

صباح جديد آدم فاق طلع حاجبو فنرمين.لبس عليه وخرج باتجاه دارو..

ففيلا كبيرة فاعلى مستوى شاب كيهضر فتيلي معصب

الشخص:شنو كفاش؟علاش ماوصلاتش لكوموند؟...شوف ماسوقيش انا راه لي عارفو هو خصكم ديرو خدمتكم ودوزوها قبل ماديرو الروطار..

شخص2:ا سي حسام..راه والله مالقينا لحل ضروري خص سيادتكم تهضر مع الجمارك يدوزوها والا راه دايرين الضد معانا وماغاديش يحركوها من تماك..

حسام:واش كتفلا عليا ونتوما شنو كديرو باش انا لي نتحرك..كنخلصكم غير هكاك ولا كفاش؟

شخص:دبا لمهم هو نقدو لموقف ولا راه السمعة ديالنا غتوصل لسوق وغيطيحو الاسهم ديالنا فلبورصة..

حسام غوت:اوووووف اووف قطع دزمر نشوف شنو ندير..

شخص:اوك خليتلك راح...تيط تيط..تفو مال هاد زمر قطع عليا..شنو غنديرلو انا ييخ مادير خير مايطرا باس وزايدها بالغوات معايا..

سكيرتيرة واقفة علا راسو حيت كيسني ليها شي وراق:تهدن اسي محجوب ها سكار غيطلع ليك..

محجوب:اشمن سكار هادا غيطلعلي لملحة وطونسيو وحوايج خرين..ناري كنا كنقولو باه صعيب ساعا الله يرحمو فين يبان حدا هدا..

سكرتيرة:برد(عطاتو لما ودواه)شرب اسي محجوب وتكالما عاد نكملو..

حسام كيتعصب بوحدو وغادي جاي فالصالون.عيط علا صحابو فالديوانا ولكن اكدو عليه بلي خصو يطلع لاوكرانيا ويشرف علا خروج السلعة من الجمارك ودخل لشركة نيشان بلا مشاكيل..

حسام تنهد وجلس كيصوني:الو رحاب قلهم يوجدو طيارتي لخاصة والاتجاه غيكون اوكرانيا..

رحاب:اوك سي حسام..

حسام:دغيا بعد ساعتاين غنتحركو..

رحاب:اوك سيدي كون هاني..

حسام:امم حقى وجدي راسك تا نتي غتمشي معانا..

رحاب بفرحة:ا اوك مي خصني نجيب حوايجي..

حسام:اوك بعد ساعتاين فمطاري لخاص..

رحاب:هه اعتذر اوك سي حسام..

حسام قطع وتأفف وشاف الساعة وناض داير يد فجيبو ويد هاز بيها تيلي..تا كيشوف قبالتو خوه عاد داخل لدار وداير جاكيط دلكوير فصبعانو وعلا كتافو..

حسام باستهزاء:هههه علا سلامتك اخويا لعزيز..كيف كانت السهرة؟مزيان نشطتي شوية..

آدم ببرود:مالنا علا الصبح شنو كاين؟

حسام:لا ماكاين والو.غير سلعة ديالنا ماوصلاتش لاوكرانيا تالدبا وخصنا ضروري نمشيو حنا نحركوها ولا غتبقى تما..

آدم:هاء علاش هادشي كامل؟ياك عمرها وقعات شي حاجة هكا..

حسام:وهاهي وقعات وسيادتكم ماشي فهاد لعالم..

آدم:حسام صافي برد انا نمشي ونقاد كلشي ماتخافش ماشي شي حاجة كبيرة..

حسام:لا غير هني راسك..انا غادي وعاوتاني غبر علا الشركة..

آدم:لا صافي كون هاني مسن نتا غتمشي انا كل نهار نكون تما ولخدمة غتمشي كيف الساعة..

حسام تنهد:شنو فيها اصاحبي كون كنتي ديما فجنبي فاش نحتاجك لقاك..

آدم:اوففف صافي راه غنبقى هنا..بلا ماتبدا نفس لهضرة ديما..

آدم طلع لبيتو يبدل وحسام شاف فيه وسكت..شوية دخل لبيتو جمع لفاليز ديالو بزربة..

رحاب عيطات علا الطاقم يوجدو راسهم وهي خرجات فرحانة حيت من شحال هادي كتحلم تسافر برا وخصوصا مع تيتيز بحال حسام..

طلع آدم معصب وزدح لباب حيت خوه ديما كيهضر معاه هكاك واخة كيعيى يتدخل ويدير كثر من جهدو فاش كيحتاجو..

دخل لدوش وخرج لبس رسمي..شوميز بيضة وسروال بلوغوا مع لفيست ديالو قاد شعرو وتعطر وهبط لقى حسام خارج من بيتو بلفاليز ديالو ومبدل حوايجو..

آدم:غتمشي دبا؟

حسام:اه..

آدم:طريق السلامة علا..فاش توصل طمني..

حسام:اوك خويا..بسلامة عليك..تعانقو وخرجو كل واحد ركب طوموبيلتو ومشاو فاتجاهات مختلفة..

امرأة كبيرة فالسن:شيماااء..ا بنتي.. 

شيماء دارت شافت فيها:شنو اخالتي فاطنة؟ 

فاطنة:سسري ابنتي طلعي ديري لميناج لمكتب سي حسام نيت راه ماغيجيش ليوم..

شيماء:اه واخة اخالتي..فين جا لمكتب؟

فاطنة:ليطاج لخر..وغير تسولي غيقولولك فين..هاكي سطل ولماطيرييل.. 

شيماء:واخة.. خديت شنو غنحتاج وقاديت ليونيفورم ديالي لي عبارة عن طاكية فوق نص شعري وسروال وفوقاني فالازرق والبيض مع صابو بيض دلبلاستيك.. ركبت سانسور ديال لميناج وطلعت...خرجت حانية راسي..وكنحاول مانشوفش فالناس..يمكن حيت خايفة نتقهر كثر فحياتي ونتدمر بحال ديما..آه انا شيماء لي كنت كنحاول نعطي جهدي فالقراية وكنت كنحلم نكون شي حاجة كبيرة باش نعوض ماما وخوتي علا لحرمان لي داقوه من نهار تزادينا..انا لبنت لي كنت ديما كنحاول نكبر قبل وقتي وفأي عطلة جاتني كنت كنخدم باش نعاون ماما..لمرا لي من نهار مات بابا كانت كتخدم فالديور وتقبل بالشياطة ديالهم وتجيبها لينا نسترو بيها الجوع ونتمناو يجي نهار لي ربي يفاجيها..ولكن غير ماما عيات وعرفت بلي قلبها عيى حلفت تا نريحها ونخدم فبلاصتها تا عاوناتني خالتي ندخل لهاد الشركة وهادي تقريبا 3شهور باش بديت ولاول مرة غنخدم فمكاتب لمدراء..فعمري18 وشفت فحياتي لي ماشافو حد..خرجت من السانكيام واخة كنت من لمجتهدين مي ربي كتب عليا..زايدون علاش نحني راسي ونخجل من خدمتي..حمدلله هادا قدر الله وخصني نكون قوية باش نتغلب عليه.. مشيت عند بنت لقيتها واقفة فداك لكولوار:سمحيلي عفاك فين مكتب سي حسام؟ 

لبنت:تالي علا يديك دليمن.. 

شيماء:شكرا.. مشيت قاصداه وخليت لباب مردودة وحطيت كلشي وبديت بالواجهة لي كلها زاج..بديت نمسح لغبرة ونقاد فيه تا سخفت..وعاوتاني قاديت لمكتب ومسحتو وجمعت زبل.. 

آدم وصل لشركة ودخل بكل ثقة وكلشي كيصبح عليه.. دخل الاسونسور حيد نظاظرو وحل طدايف لفيست ودخل لطابق ديالو ومشى نيشان لمكتب ديالو لي علا ليسر..

دخل وهي سكرتيرتو تبعو:صباح النور سي آدم.. 

آدم:صباح لخير..كريمة جيبيلي كاع الدوسيات لمزروبين وتا لخدمة لي كان غيديرها حسام.. 

كريمة:اوك سيدي راه عطاتني سكرتيرة سي حسام كلشي وبينات ليا لي خصهم لخدمة ضروري.. 

آدم:اوك جيبيهم..

كريمة:اوك.. 

خرجات جابت كاع الضوسيات..وآدم بدا بكل تباتة ورزانة خدمتو..اكيد راه قاري فاحسن جامعات امريكا مي هو بطبعو عزيز عليه يعيش حياتو كثر من لخدمة..حيت شاف باه كيفاش عاش حياتو وهو تحرم من بزاف فاش كمل قرايتو بعيد علا عائلتو ودبا مامستعدش يوهب حياتو لخدمة وينسى يستمتع بيها..بالرغم من هادشي نهار كيحتاجوه كيكون موجود و معروف بالحنكة ديالو وذكائو فحل كلشي..الا ان طبعو قاصح شوية والا بغى شي حاجة ضروري يوصل ليها بأي طريقة وماكيهمو والووو.. داز تقريبا الصبح كامل عاد خرجت من لمكتب وهبطت عند خالتي ومشينا عند شاف دميناج:سالينا خدمتنا..شنو مازال ا لالة؟

جميلة:اوك..شيماء نتي غتمشي تعاوني رقية فالطواليطات حيت قربت ساعة لغدا وخصهم يلقاوهم واجدين..ونتي فاطنة شوفي دروج لي مور سانسور.. انا غير سمعت طواليطات وقفاتلي لعقدة فحلقي..خرجت بلا هضرة ولحقت علا رقية:سلام خالتي.. 

رقية:اهلا بنتي..شنو صافطوك تعاونيني؟ 

شيماء:اه شنو خصني ندير؟. 

رقية:سيقي الارض بزربة واخة؟ 

شيماء:اوك.. بديت نكب لما ونقاد فيها ساكتة وعيني فالارض.. 

حسام طلع لطيارة هو ورحاب لي مازال مامتوعباش بلي راها طايرة فالسما مع حسام.بغات تجبد تيلي وتصور مي حشمات منو تا ناض لعند لبيلوط يهضر معاه عاد جلسات فبلاصتو كدير السيلفيات تا رجع علا غفلة جاتو عليها الضحكة وحبسها عاقد حجبانو..

رحاب:س سمحلي اسيدي غ غير..

قاطعها:صافي بلا ماندخلو فتفاصيل..

رحاب جلسات فبلاصتها مزنكة وساكتة..

آدم عيى بالاتصالات والخدمة شوية ناض باش يمشي يتغدا.. 

ساليت خدمتي وهي تقولي خالتي رقية:شوفي ابنتي سيري لطواليط رجال راه قاديتها مي يمكن نسيت برودوي تاني ديالنا تماك..سربي قبل مايبداو يستعملوها رجال ودقي قبل مادخلي..

شيماء:ا اوك صافي(ديما كتقول آه حسن مايطرفوه ليا ومن مصلحتي مانديرش اعداء اللهم نصبر) دقيت بزربة باينة ماكاين حد ودخلت شديت لباب و بديت نقلب علا لبرودوي..

آدم وصل لتحت حس براسو مزير قال يدوز لطواليط بزربة ويغسل يديه باش يخرج ياكل.. مشى باتجاه الطواليط العامة حيت ديالهم بعيدة..لقى لباب مشدود حلو ودخل....

انا لقيت لبرودوي لداخل فواحد طواليط جبدتو وبغيت نخرج.. 

آدم شاف تا واحد ماكاين داز بزربة لطواليط وبدا يحل سمطة دسروالو..من زهر شاف باب محلولة دخل ليها..

هزيتو وجيت خارجة تا دخلت فحيط شداتني الدوخة خصوصا فاش شفت قبالتي واحد ماعرفتو منين تسلط عليا وحال سمطة دسروالو.. 

آدم غير دخل داز فبنت تفاجئ خصوصا فاش شافها حشمانة حداه وهو حال سمطتو ولات حمرة وبان عليها تحشمات.. 

آدم:شنو كديري هنا؟ياك هادي طواليط د رجال.

. شيماء:كنت كنضفها ا سيدي.. آدم علا حاجبو:نتي؟ شيماء بحشمة:اه والله غير هاد لبرودوي نسيتو هنا وكنت غنجيبو ونمشي.. آدم بسخرية:غتجيبيه؟!!خخخ انا مافهمت والو:اه ا سيدي.سمحلي خصني نمشي.. آدم عرفها علا نياتها بسم:وشكون حاصرك دوزي.ياك جبتيه(ضحك ضحكة جنب)؟؟ شيماء:لا غير تباركلله شاد عليا طريق.. آدم:امم اه(كحز ليها غير شوية)ياله دوزي.. بديت نداحس معاه باش ندوز..حيت ضيق وماقديتش نهضر خفت تكون يديه واصلة فالشركة وتجي فيا انا..قبح الله الفقر.. آدم هي دايزة من حداه وهو حاني راسو غياكلها بعينيه وشايف لحشمة باينة عليها وعاقدة غوباشتها.. هرجت بزربة ومشيت ماثلت والو لخالتي اصلا غير غندير لبلبالا علا والو.. آدم بقى متبعها تا مشات وبسم:قالك تجيبو ههه.كنت بقيت هنا وتشوفي كيغاتولي الا جبتيه خخخخ..قاد حوايجو وخرج باتجاه سيارتو لي جابها ليه لكارد بزربة ومشى لمطعمو لمفضل يتغدى ويتكونصونطرا بشوفة لبحر ويرجع يكمل خدمتو.. اما حنا هزينا كلشي ومشينا لقيناهم جابو لينا لغدا غسلت يدي و كليت لي قديت عليه وتاباقي خبعتو ندوقهم فالدار حيت ماعزيزش عليا ناكل بلا بيهم..واخة هادشي غير شياطة مي الحمدلله.. وصل آدم لمطعم وهو تيلي يصوني شاف سمية نرمين وهو يقلب وجهو.سكت تيلي ودارو فجيبو.. تلاقاه فالدخلة كارد سطالا الطوموبيل ومسؤول فلباب رحب بيه:مرحبا بيك سي آدم.نورتينا.. آدم بسم:شكرا.. دخل ونادل تكلف بيه.حل صدايف لفيست وجلس بنخوة وهز لموني..ختار شنو ياكل من احسن الاكلات لي كيدلرو فالمطعم وحط لموني..جبد تيلي كيشوف لبورصة وشنو لجديد تا جاه لغدا..كلا ماكلة خفيفة وخلا كثر من النص فوق الطبلة حيت هو سبورتيف وماكلتو داير ليها نظام..ناض جبد بزطامو وحط لفلوس تحت كاس لما فيها بوربواغ لنادل وخرج كيبسم ليهم..هز طوموبيلتو وتحرك.. نادل هز لفلوس وكيشوف فلماكلة:هادا مالو خلا هادشي كامل؟خلص شهريتي كاملة فهاد لغدا وخلاه كلو!! اوا كل واحد وكجاتو فهاد دنيا شي مفشش وشي مالقى ماياكل.. رجع آدم لشركة وفالطابق الاول تفكر شنو وقع فالطواليط بسم بوحدو.. وصل لمكتب ديالو ولبنات لي شافوه كيتكالاو.. هدى:ياختي سعدات لي غتدي هاد تيتيز والله.. سهيلة:واييه..ماعرفت شكون زعما مانكونش انا؟ هدى:ههههههه طيرتيتي..سكتي سكتي.. رحاب عيات تقاوم واستسلمات لنعاس حيت طريق كانت طويلة..اما حسام ماداهاش فيها وبقى خدام علا لبيسي وكيقاد شغالو ويشوف الاخبار.. كلشي سالا بالغدا أخيرا..مشيت انا و3 د نسا وبدينا نجمعو داك الروينة..ضهري كيتقسم بالتجفاف واخة بالكراطة مي لحنيان كيهدني..نمسح ونعاود باش تا واحد مايلاحظ عليا..الصراحة الدنيا كتبان ليا ظلام مي ديما كنطلب الله ونزاوكو يخليلي عائلتي حيت هما لي الا فقدتهم لي دنيا غتظلام فمرة..كملنا تا تهدينا.. آدم بقى خدام فلبيسي ومرة مرة يشوف فالضوسيات لي حداه تا دخلات عندو كريمة:سي آدم..شي بنت بغات تشوفك.. آدم باستغراب:شكون؟ هبة:انا ا سي آدم.. آدم بسم:اه هبة مرحبا دخلي.. خرجات كريمة وهي تمشي عندو لكرسيه باستو فحنكو حدا فمو:توحشتك ا آدم كون ماقالوليش راك هنا مانقدرش نوصلك..فين غبرتي؟ آدم:غير مشاغل الدنيا.نتي صافا؟باباك صافا؟ هبة:كلشي بيخير الا انا😏.. آدم عرفها كتفشش بسم وجرها جلسها علا حجرو:علاش مال هبة ديالي؟ هبة ترخات وعجبها حال وريحتها دوخاتو حطات يديها علا عنقو:ت و ح ش ت ك بززززاف.. آدم:ها انا حداك بيبي..آمري شنو بغيتي؟ قربات لشنايفو:بغيتك نتا.. تباوسو مزيان وهو مزير علا عنقها وهي غطير بالفرحة وهي بين يديه.. آدم طلق منها وهي ماكرهاتش تبقى هكاك نهار كامل.. آدم:ياله بيبي نوضي تمشي عندي لخدمة بزاف والا بقيتي حدايا صافي لخدمة غتعطل ههه.. هبة جاوباتو بصوت حنين ومبحوح:اممم ماسخيتش بيك حبي. آدم:دبا نعوضهالك بيبي.. هبة ناضت بزز:اوك غنساين تيلفونك.. آدم بسم وهي خرجات كتلوى ماقاداها فرحة.. آدم هز كلينيكس ومسح شنايفو ورماه كيضحك جنب..

اخيرا جات لخمسة..وسالينا شغالنا حيت كنجيو فالستة ديال الصبح كنبداو بكري باش مين يجيو لموضفين يلقاو كلشي نقي..

بدلت حوايجي كلي ثعب وخرجت من تماك ركبت طوبيس كان فيه الزحم بزاف صبرت راسي تا وصلت لمحطة ديالي..شربت 10دقايق باش وصلت لدارنا.حليت ودخلت..تلاقيت ب عماد و يسرا خوتي الصغار بستهم ودخلت لبيت عند ماما بستلها راسها:ميمتي كيبقيتي؟

ماما:لاباس ابنتي ونتي كيدايرة مع تمارة؟

شيماء:ههه إنا تمارة تا نتي.خدمة عادية ومهليين فينا حمدلله..لمهم بعدا لفلوس دلخلاص معاونانا علا زمان..

ماما:الله يعاونك ويسهل عليك..

شيماء:كيبقيتي ليوم شوية؟

ماما:حمدلله ابنتي..

يسرا دخلات كتجري:غير كتكذب عليك اختي راه ليوما عيات وشداتها الدوخة حمدلله ماقريتش لعشية وكنت معاها..

انا تخلعت وشفت فيها:علاش مالك ياك لاباس اماما؟

يسرا:قالك نايضة تحك لماعن بالحلفة حيت توسخو..

تعصبت وشفت فيها:اويلي اماما ياك قلتلك الاحد نجبدهم نصوبهم مالك علا هاد تمارة واش بايعة روحك..

ماما:واغير بغيت نعاونك شوية..مابيديك لزنقة ولا الدار..الله يكون فعوانك هزيتي لحمل من صغرك ابنتي وزايداك تا بمرضي..

شيماء بعيون مدمعين:شوووت ا ماما الله يهديك هاد لهضرة كنكرهها..الا مادرتش انا هكا شكون يدير زايدون انا قابلة وراضية بحكم الله نتي لي تقبليها وبقاي تريحي راسك..وجودك فحياتنا هو لي كيهون علينا كلشي..

ماما:الله يرضي عليكم اوليداتي..

بستلها يديها ونضت نوجد لعشا باش ناكلو بكري..

آدم رجع لدار دوش ودار كوطي خفيف نعس ساعتاين وناض لبس كبيبط كول في خضر وسروال جينز كحل وصبادري نفس لون..ودار عليه جاكيط خفيفة وخرج..

حطيت لي كتب الله مع شنو جبت من لخدمة وبقينا نحاولو نفوجو علا ماما واخة حالتها ماعاجبانيش غير كتسعل وتصفار فلونها..سالينا جمعت انا وختي وعطيت لماما دواها ورجعت عاونت خوتي فالتمارين ومن بعد قاديت بلايصهم ومشيت نعس حدا ماما باش الا حتاجت شي حاجة تلقاني قريبة..

حسام اخيرا وصلو لاوطيل خداو لي شومبر باش يرتاحو وفالصبح يتحركو..عيط لآدم طمنو بلي وصل.ونعس..

اما آدم مشى يقصر مع صحابو طه وسامي ومنصف تعشاو وقصرو شوية من بعد رجع لدار لبس بيجامتو وسكت تيلي كيف ديما ونعس...

فقت صباح بحال لعادة مع 5 دالصبح وجدت لفطور وخليتو مقاد وعمرت طيرموس بالحليب باش فاش يفيقو خوتي كلشي يكون واجد.لبست عليا بالشوية وخرجت كنزطم فجلايلي بالخوف ديما ماكندوز من دروبة دحومتي تا كيسكتلي لقلب حيت دنيا كتكون خاوية مع 5:45..مشيت بزربة وركبت طوبيس كان خاوي تا وصلني لحدا فين كاينة الشركة..حمدلله جيت مع لوقت نيشان دخلت لبست ومشينا كل وحدة فين عندها لخدمة واكيد تمارة بزاف حيت الشركة كلها خصها تكون كتلمع قبل 9:00..

آدم فاق اونفورم حيت نعس شوية بكري..ناض غسل وجهو ولبس سيرفيط وهبط يجري فالجردة لي كبيرة تقريبا 1000متر وكيبقى يدور ويدير حركات باش ديما يبقى عندو السوفل..وبعد 30دقيقة طلع لبيتو دوش وهنا فاقت لعاليا وهي الدادة ديالهم لي مكلفة بكلشي فالدار وهي مسؤوبة علا لخدم الصغار..فيقاتهم وبداو يوجدو لفطور..تقريبا 10دقايق وجد كلشي..اما سي آدم كان كيقاد حوايجو مزيان وكيلبس كلاس باش تبان هيبتو...هبط كيتمختر بسروال ثوب غري مع شوميز بيضة وجيلي غري والفيست فيديه جلس..

آدم:صباح نور دادة..

لعاليا:صباح نور ولدي.كيف صبحتي؟

آدم:لاباس شكرا..(علا عينيه فيها)جلسي فطري معايا..

لعاليا حلات عينيها:ا لا اول...

قاطعها:صافي جلسي مافيا لي نفطر بوحدي..

لعاليا بسمات:بحال ديما هههه..اوك ولدي مي تبقى بيناتنا..

آدم:ماسوق حد فينا..وتا حسام الا كان فارض النظام فالدار انا اسوء حاجة كنكره هي هاد النظام.انا باغي حياتي نعيشها بحريتي ماشي ديما لقيود ولحدود..

لعاليا:اه ولكن هكا كيفرض عليكم لبروطوكول..

آدم:لبروطوكول حاجة ختارعوها ناس عزيز عليهم المظاهر وانا عمرني نآمن ولا نعتارف بهادشي..

لعاليا:غير حيت عشتي برا كيجيبلك الله هادشي خصو يطبق تا هنا..

آدم حنى راسو:لا حيت لواليدة كانت هكا بسيطة وعزيز عليها تاخد الحياة ببساطة وهادشي لي كان كيحببني فيها..

لعاليا بسمات:الله يرحمها هي وباباك..

آدم:آميييين...

بداو يفطرو وآدم كياكل أي حاجة مهمة وتقدر تفيدو داكشي علاش كتبان ماكلتو قليلة ودغيا كيسالي..

بقيت نمسح فالارض والسراجم تا ضهري ضرني واخيرا قربات 9 باش نرتاحو شوية تا يتآنسطالاو فمكاتبهم عاد يفرقونا عاوتاني...

آدم ناض سلم علا لعاليا حيت عزيزة عليه ولبس لفيست ديالو وركب طوموبيلتو فورد واعرة فالاسود براق..

وصل فأقصى سرعة لخدمتو كانت ساعة قريبة 9..طلع نيشان لمكتب وبدا يكمل لخدمة لي ناقصة...

حسام اخيرا فاق حيت عياو بالطريق بزاف كانت طويلة وهو يسمع دقان حل لقاها رحاب مبتسمة..

رحاب:صباح لخير..

حسام:صباح نور دخلي..

رحاب جبدات الايباد وبدات تهضر:سي حسام من دبا نص ساعة عندنا لقاء مع مسؤول مهم فالجمارك داكرانيا وخصنا نفطرو معاه باش نتافقو علا لحل..آبخي خصنا نمشيو بموقع لي غيحددو لينا حيت غلقاو سفير لمغربي تماك ويحاول يسرع خروج سلعتنا من تماك و ...

حسام:صافي صافي..خليني غير نغسل وجهي بعدا ونتي زاربة عليا..ههه سايني ها انا خارج..جلسي علاما نسالي..

رحاب داخت مع ضحكتو وهضرات بابتسامة:ههه اوك سي حسام هانا كنساينك..

دخل حسام دوش ولبس بينوار وخرج..

رحاب كانت حانية كتقرا لمواعيد فاش علات عينيها داخت:س سي حسام(ناضت)انا غنخرج تا تلبس ونجي..

حسام:ههه غير جلسي انا غلبس لداخل ههه..

رحاب حشمات وحنات راسها وحسام عرفها جاتها فشكل ههه..

دخل ل دريسين روم وبدا ينسق لباسو.تا سالا وخرج عندها وهي بسمات ليه وخرجو بعدما عطاها اشارة براسو وبقات تابعاه...

هبطو لتحت ومشاو باتجاه لكافي لي غيتلاقاو فيها بداك لمسؤول..تلاقاوه وسلمو عليه وجلسو كيهضرو وحسام كيشرحلو بالانجليزية كلشي وتا داك المسؤول اقتانع وبدا يحرك اتصالاتو باش يسهل عليهم العملية..

انا بقيت جالسة فالفيستيير ديالنا كنساينو تقاد لحركة تا جات عندنا جميلة وفرقات علسنا لمهام..ليوم عطاتني الدروج..فرحت حيت كيكونو خلويين واخة كيقسمو الظهر..هزيت لماطيرييل ومشيت ندير خدمتي من سكات..

آدم كان مشغول لدرجة أي مكالمة خارج نطاق لعمل من احدى صحاباتو ماكيهتمش بيها وداير تركيزو غير علا لخدمة..صباح كامل وهو تماك كيحاول يبين لخوه بلي راه قد لمسؤولية اكيد..

حسام ورحاب سالاو لفطور وتاجهو لديوانا حيت غيتلاقاو بالسفير..

تلاقاو مع بزاف دالناس وكان كلشي مزيان خصوصا بعدما قدم ليهم كاع عقود معاملاتو مع الشركات ودارو فحص شامل لبضاعة لي عبارة عن اقمشة حرير من النوع الرفيع لي شركة جابري معروفة بسها علا الصعيد لعالمي وضروري تبقى السمعة ديالها طيبة ومايتسمعش حس هاد لمشكل لي حسام داير طاقم خاص باش تموت فبلاصتها هاد لقضية وماتوصل لتا حد..

خلاص الجمارك تأكدو من كل الوثائق والسلعة اكيد حيت ولا التهريب شيء ساهل وضروري يديرو احتياطاتهم..و واعدو حسام بلي لبضاعة غتخرج من الجمارك غدا ولولا تدخل السفير كانت مازالة غتشد صف مع كاع الشاحنات..مي حسام عاد رتاح وعيط ل آدم باش تطمن علا احوال الشغل حيت مازال غيزيد نهار تماك..

حسام:الو آدم..سافا

آدم:اهلا سافا حمدلله ونتا كيداير اخويا؟

حسام:لاباس حمدلله..شوف عيطتلك باش نقولك راه لمشكل تحل وغدا نشاءلله الشركة غتوصل بالسلعة ديالنا..

آدم:اوا علا سلامتنا مبروك..شنو غتجي تالغدا؟

حسام:اه ضروري تا نطمن لا توقع شي حاجة..مي الا كانت لخدمة معطلة عادي نرجع..

آدم:ههه لا ماتخافش كندير كثر من جهدي واكيد كلشي غيكون مزيان وباش طمن غنصافط ليك كاع الخدمة لي كنتي مخلي وكفاش قاديتها وعوضت غيابك...

حسام:اهااا اوك مزيان ياله نخليك دبا..

آدم:اوك تهلا فراسك..ب بلاتي ماتقطعش..اجي بغيت نسولك لعقد ديال الشركة لوسيطة لي درتوه فالصيف فين كاين؟حيت محتاجو نشوف بنوذو..

حسام:اممم اه راه فالمكتب ديالي فالدرج ثاني مي راه سوراتو كاينين فالمجر لول فواحد لعلبة كحلا ولونو غري...

آدم:اه اوك بلاتي ونمشي نجيبو شكرا خويا بسلامة..

حسام:اوك وجيبو بيديك راه عندي وثائق مهمة تماك..

آدم:اممم اكيد كون هاني بسلامة..

قطع آدم وعيط لكريمة تصافط لحسام كاع لخدمة لي دارو باغ ايميل..

اما حسام كان مرتاح حل لمشكل ورحاب كانت فرحتها كبيرة فاش عرفات بلي مازال غتزيد يوم آخور..

رجعو لاوطيل يرتاحو شوية ومن بعد يهبطو يتغداو..

تقريبا ساليت الدروج من ضهري توعت مابقيتش حاسة بيه..رجعت عند جميلة وقلتلها بلي ساليت..خلاتني نرتاح شوية..

جميلة:شوفي ا شيماء ماحدك ساليتي غطلعي لمكتب سي حسام حيت يقدر يرجع غدا وغتبداي تنقيه حيت هو عزيز عليه نقى بزاف اوك..وفاش تسالي هبطي تغداي..

شيماء:اوك لالة..

هزيت داكشي ومشيت وانا كنخمم غير بوحدي(اوففف ياله صوبتو لبارح كيعييني مي باينة غيكون مازال نقي..فيها خير اللهم لمكتب ولا الطواليط)..

طلعت نيشان حيت حفضت الطريق ودخلت..بديت بالمسيح و تلميع الزاج وابخي بديت تجفاف والحمدلله مافيهش خدمة بزاف مي ضهري كان ضارني بزاف..

آدم شاف وقت لغدا قرب ناض لمكتب حسام ياخد لعقد ومن بعد عاد يمشي يتغدى...

خلا لفيست ديالو وخرج غير بالجيلي ومطلع لكمام شوية حيت فالخدمة كيبغي مايكونش مزير علا راسو..

بقالي غير شوية ونسالي قلت ارا ندير شي حركات باش نسرح ضهري ويجري فيه الدم مزيان..بقيت ندور لخصر ديالي ونقاد عنقي ونجبد يدي ومع كنت مخلية لباب مردودة ماحسيتش بلي شي حد جا وكيشوفني شنة كندير

آدم مشى بزربة حيت لمكتب د حسام مقابل معاه تقريبا..فاش قرب شاف لباب محلول وغير ركز مزيان بانت ليه بنت كدير حركات باش تسرح عنقها وضهرها وخصرها.هي كتحرك وهو بسم وماقدرش يمنع راسو يبقى واقف وكيشوف فيها من ساسها لراسها.واخة مازال ماشاف وجهها..

بقيت هكاك تا درت علا غفلة وانا نشوف قبالتي شاب غيى ركزت فيه عرفتو هو نيت ديال الطواليط..تصدمت بقيت نتفتف وشتو جاي لمكتب وهما قالولي هادا مكتب مول الشركة..ناري ميمتي مايسحابليش هو غيصدق مولاها حمدلله لي ماقلت والو لبارح..

آدم فاش شافت فيه اوتوماتيكمو تفكرها وركز بعينيه فيها وهو شايفها عراقت ولخوف والحشمة بانو عليها..

حسيت بيه عقل عليا قلت نهرب حسن:س سمحلي اسيدي ا انا غنمشي تا تكمل ونرجع..

آدم حبسها بحركة بيديه فاش شافها غتهز سطولاتها وداكشي:نو غير خليك كملي شغالك انا شوية ونمشي..

صرطت لمسران بزبلو وهزيت راسي بالايجاب وكملت داك شوية لي بقالي..

اما هو دخل قبالتي جلس علا لمكتب وانا ماقاداش نعلي عيني فيه..

آدم دخل بتباتة جلس ومرة مرة يشوف فيها..كان بامكانو يسربؤ ويخرج دغيا مي هو كان مستمتع وهو كيشوفها قدامو حشمانة وتالفة..نوع جديد هدا من لبنات مازال ماصادفو والفضول قاتلو بغى يزيد يشوف تصرفاتها لي ديما كيصادفهم فشكل وكيضحكوه..

كيقلب بالشوية عليه تا جبد الساروت ةحل ولقى دغيا لعقود حيت خسام منظم فخدمتو والتواريخ كيسهلو عليه كلشي..جبدو وحطو بدا يقراه بالشوية عليه وهو كيرجع كلشي بلاصتو وعاجبو توترها لي باين من رجفة يديها وحمورية وجهها الملائكي لي عايش فذل وتمارة كبر من سنو..ولي لوكان تهلا فيه شوية غتولي واعرة بزاف واخة تا دبا برائتها وطبيعيتها طاغية..

ساليت وانا غير كنرون حداه هزيت داكشي تا شفتو تا هو نايض..

شيماء:عن اذنك اسيدي..

آدم:تفضلي..

خرجت وهو جاي مورايا.شد لباب وانا تاجهت لسانسور الميناج وهبطت..

آدم غير شافها خارجة ناض اكسبري عزيز عليه يشوفها هكاك ههه شد لباب وبقى حاضيها وهي غادية..من بعد رجع لمكتبو حط العقد مبسم وخرج يتغدا..

هبطت وعطاونا غدانا كليت ورجعت كملت فاش سالا وقت لغدا..

آدم كلا ورجع لروتينو بكل جدية بحال عادتو..

اما حسام ورحاب تلاقاو تغداو فالاوطيل بجوج وهي ماقاداها فرحة الضروف جمعتها ب مدير واعر وكيعجبها بزاف وفدولة جديدة وعايشة الرفاهية لي عاجباها واي بنت غدوخ الا داقتها وهي عايشة خياة بسيطة..

طلعو لبيت بدلو وقالها يخرجو يكتاشفو لمدينة(بوخاريست)كانو فيها معالم قدام وآثار رائعة ولكن رحاب ماقداتش تجبد تيلي وتصور تا الا تشغل بشي حاجة عاد كتزرب دغيا وتخبعو كضحك...

جات لعشية ساليت خدمتي وماكنتش عارفة شنو كيسايني..

آدم سالا خدمتو وخرج باتجاه الدار باش يرتاح ويخرج يرفه عن نفسو ويرجع ينعس بكري حيت مازال كيخدم غدا بحال هاد الريتم..

حسام جاه اتصال من عند السفير:الو سي حسام..

حسام:الو سعادة السفير كمال..

كمال:ياك نتا مازال معانا هنا؟

حسام:اه نشاءلله غدا فليل بعدما نطمن علا لخدمة نرجع..

كمال:لا والله مانخليك ماقلت باش جا هنا ولد بلادي..شوف انا والمدام غدا عارضين عليكم لعشا ضروري تجيو وبعد فدا سافرو فالصبح خسن ليكم..

حسام:شرف ليا هاد الدعوة مي..

قاطعو:ماغنقبل تاشي عذر ونشاءلله غدا موعدنا واخة..

حسام تنهد:اوك واخة مرحبا..

كمال:اوك غدا نصافط ليكم ف8 دليل شيفور يجيبكم لعندي من الاوطيل..

حسام:اوك صافي شكرا..

كمال:لعفو ياله خليتلك الراحة..

قطع معاه وبقى كيشوف فلبيسي لقى لخدمة غاظية مزيان وهو يصوني علا رحاب لي كانت فبيتها:الو رحاب بلا ماتوجدي حوايجك غنزيدو تا غدا ونسافرو بعد غدا حيت عندنا عشا مع السفير اوك؟

رحاب طارت بالفرحة مي تبتات راسها:اوك سي حسام صافي..

حسام:ياله غرتاح شوية ونتلاقاو بعد ساعتاين لعشا..

رحاب:بكل فرح..

قطع معاها وحط لبسي وتكى يرتاح..

رجعت لدار مابيا ماعليا تا لقيت لومبيلونص حدا دارنا صافي قلبي فلت عرفت شي خاجة واقعة وبديت نطلب الله ونزاوكو مايكونش داكشي لي فبالي..

قربت حداهم وبقيت خايفة كنسول راسي تا بانت ليا ختي كتبكي مشيت كنجري عندها عرفت ماما لي مريضة..

شبيماء بلهفة:ي يسرا شنو كاين؟

يسرا:اهئ اهئ ختي م ماما !!.

شيماء:مالها ماما هضري..

يسرا:تزاد عليها لحال من قبايلا وغير جيران دارو الاجر وعيطو لومبيلونص..

شيماء:ا وعلاش ماقلتيهاليش وتصوني عليا فالتلفون آ(خرجت عيني فيها)

يسرا:راه عييت نعيط ليك والو كيعطيني طافي..

شيماء:اوففف سايني نطلع..

يسرا:ها هما هابطين غير صبري..

شيماء والدموع فعينيها:ياربي تخليها ليها وتحظر السلامة..

هبطوها حدانا وجهها صفر..حسيت بقهرة وانا كنشوف ف ميمتي لي ماعندنا غيرها مي غير شفت خويا وهتي كيبكيو عنقتهم وجريتهم نمشيو معاها علا ودهم خصني نصبر ومانبانش ضعيفة..

تحركات لومبيلونص وحنا شدينا طاكسي تبعناها..غادية ويدي علا قلبي..ياربي لهلا تخيبنا وخلي لينا ميمتنا هي الحنان لي عمر الانسان يلقاه الا عندها..

وصلنا لسبيطار عمومي دخلنا كنجريو وهما دخلوها لمستعجلات..خوتي كيبكيو وانا مصبرة راسي وكنهدنهم..جمعتهم بجوج تحت جناحي:شوفو فبلاصة لبكى ندعيو ليها..اكيد سيدي ربي غيعاونا ويخليها لينا وتشافا صافييي...

بداو يسكتو شوية ولكن خويا الصغير ألمني فاش بدا يهضر وصوتو مبحوح بالبكى:كفاش مانبكيش ا ختي..عندنا غير ماما من غيرها ماكاينش لي يحن علينا..واخة كنبغي نحبس دموعي هما كيهبطو بوحدهم.اهئ اهئ..

بقاو دموعي هابطين فصمت تا انا جلد ولحم عييت صابرة مي ها دموعي خانوني..تعانقنا كنساينو شي حد يخرج يطمنا شوية..

حسام فاق ناض دوش وخرج لبس عليه وداز لبيت رحاب..لي كانت كتساينو يجي.لبسات كسيوة بيضة حد الركبة وطلقات شعرها مع شوية دلميك اب وصباط عالي كحل بصاكو..حسام فاش شافها مادار تا ردة فعل..وهي طاح فيها النص(ناري فوقاش غنحرك فيه شي ساكن..تفوووو)..

آدم دار كوطي وتكى كيتفرج فماتش ديربي ريال وبارصا..وهو جد متعصب لبارصا حيت اصلا كان مشى رحلة لبرشلونة وكيعشقها..

داكشي علاش كيبغي يتفرج بوحدو باش يتكونصونطرا ومايصدعو حد..

بقينا نساينو تا جا عندنا دكتور..

مشيت عندو بزربة:د دكتور خبار لخير..

دكتور:مانقدر نقولكم دبا والو.غنديرو ليها صور اشعة وتحاليل من بعد نشوفو شنو يكون(حط يديه علا كتفي)دعيو معاها...

هزيت راسي بالايجاب ورجعت عند خوتي..ناري شحال صعيب الانتظار لوقت كيدوز بالسطارطير..قلبي فكل دقيقة كيضرب فالمياتاين.ياربي تسمعنا خبار لخير..

شوية تا شفت جارتنا خدوج جاية عنقاتني وعنقات خوتي

خدوج:ماتبكيوش ابنتي ربي دبا يشوف من حالها ويرجعها ليكم..

شيماء:آمييين ربي يخليك ا خالتي...

خدوج كتفكر مع بالها(الله ياوليداتي ميمتكم لي عندكم مسكينةة وهاهي فهاد لحالة..الصراحة حالتها ماكطمنش مي ربي عندو كل خير ونشاءلله يخليها ليهم ومايقهرهمش بفقدانها)..جلسات كتشوف فيهم واحد واحد وطلب الله ..

سالا لماتش وناض يخدم فلبيسي علاما يوجد لعشا اما حسام ورحاب تعشاو فجو عادي وخرجو يشوفو شنو فالمدينة ويكتاشفوها جالسين جالسين تا صونا عليه آدم..

آدم:الو حسام سافا؟

حسام:حمدلله خويا..

رحاب شافتو جاه تيلي مشات ضرب سيلفيات ماحدو مشغول ههه..

آدم:شنو غدا غتجي؟

حسام:ل لا..

آدم:بصاح علاش؟ياكما عجبك لجو تماك خخخ..

حسام:لا غير السفير عرض علينا وقالك ضروري نتعشاو غدا معاه صافي مالقيت ماندير..

آدم:اييييه هههه اوا بصحتكم لعراضة.ومن جيهة لخدمة كون هاني..

حسام:يعطيك الصحة..

آدم:اجي بعدا كاين شي تيتيز تماك وللا غير طالقينها؟!ههههه

حسام:مازال مابغى يهديك الله ههه..

آدم:غير كنضحك..انا مع بنات بلادي ومامفاكش بقاولي غير الاوكرانيات ههه..

حسام:ياله نخليك دبا نهضرو من بعد ولا تا نتشاوفو..

آدم:اوك الله يجيبك علا خير بسلامة..

قطع آدم وكمل خدمتو تا عيطات ليه دادة ديالو ينوض ياكل..

اما رحاب خشات تيلي فجيبها وتبعات حسام فرحانة..

لوقت تعطل وماما مسكينة كل مرة شنو كيديرولها..مرة أشعة ومرة تحاليل..دازت تقريبا ساعتاين تا عيطات علينا لممرضة ودخلنا لمكتب الطبيب..كنت ماباغياش خوتي يسمعو مي مايمكليش نمنعهم..

دخلنا وجلسنا قبالت الطبيب ومعانا خالتي خدوج كنساينوه غير ايمتا يهضر ويقول شنو كاين وماكرهناش يكون غير لخير..

دكتور:الصراحة امكم عندها مشكل فالوريد ديال القلب وخصها ضروري عملية..حيت قلبها كيتلقى الضغط والوريد وقع فيها مشكل..

انا تصدمت بقيت نشوف فيه مي بلا تفكير هضرت:نديرو لعملية..

دكتور شاف فيا بجدية:العملية غتكلف فوق 7مليون..

انا هنا وقفاتلي لعقدة فقلبي حسيتو تزير خوتي شافو فيا محسرين وخالتي خدوج حطات يديه علا فمها حيت عارفة لحالة كيدايرة..صافي دارت بيا الدنيا حسيت بالعجز شنو غندير ومنين نجيبها.خوتي اكيد غيعولو عليا وماكاينش اصلا لي يقدر يفيدنا لا حنين لارحيم من غير الله لي كنستجدو بيه طول عمرنا...بقيت ساهية ماهي مليون ماهي 2 ولا 3 هادو 7..شنو نديرررر شنوووو ومنين نجيبها؟؟؟؟

فكرت وفكرت والطبيب حس بينا وقال:نقدر نهبطلكم التكاليف مليون ولكن تاباقي صعيب يتنقص..

عضيت علا شنافتي مقهورة:صافي دكتور عطيني تالغدا ونقولك لي كاين ونشاءلله نحاول ندبر المصاريف..

دكتور:الله يسهل الامور..

خرجنا من عندو وعمرني حسيت بالاحباط لي حسيتو داك اللحظة..دنيا ظلامت فوجهي..بقينا نشوفو فماما من الزاجة وحاسة بلي اول مرة المسافة بيناتنا طويلة.تقهرت وهي قبالتي وبعيدة وتا باش تولي لاباس فيد الله ماعرفنا شتو يقدر يوقع..شحال قبيح تكون بوحدك وماكاينش شي ظهر تسند عليه ويعاونك وقت الشدة ولكن هاظشي مكاتيب الله ماعندنا مانديرو..طلبت خالتي توصل خوتي لدار وعما تعكسو مي حاولت نقنعهم:شوفو ضروري تمشيو لدار ترتاحو غدا عندكم لقراية وخصكم ماضيعوهاش اكيد ماما كون كانت فايقة ماغتبغيكمش ديرو هكا..زايدون اكيد الله غيشوف من حالنا ونشاءلله فاش تفيق نبغيها تلقى كلشي كيف خلاتو..

عنقوني خوتي..عماد هضر:غتفيق اختي ياك؟اهئ اهئ ..

شيماء بابتسامة مخبية دموع:نشاءلله.(مسحتلو عينيه)زايدون نتا راجل وخصك تصبر وماتبكيش اوك..

هز راسو وبستو وبست يسرا و سلمت علا خالتي و وصيتها عليهم..وهي طمناتني بلي غتاخد حوايجهم وادواتهم وطلعهك يباتو معاها وفالصبح تفيقهم لمدرسة..

مشاو قبالتي بقيت بوحدي حسيت براسي غنطيح علا طولتي ودموعي هابطين مافتروش بقيت نشوف فماما وانا كنتحسر(كفاش غنعاونك اماما..كفاش غنقدر نوفر ليك فلوس لعملية اهئ اهئ)ماقديتش نصبر هبطت كنجري خرجت جلست فمقعد وبقيت نبكي وصوتي مسموع..ياربي تفاجيها ياربي قلبي كيتحرق واخة شنو مادرت مايمكليش نوفر هاد لفلوس اهئ اهئ.هزيت تلفوني لي قديم بزاف وتفكرت ان خوتي استنجدو بيا ومانفعنيش..شيرت بيه وهرستو معصبة.شوية نضت خديت لاكارط وسمحت فيه مرمي تماك..

بكيت تا ماكفاني وفالتالي طلعت كنجري لعندها لقيتها علا حالها..سولت علا مسجد سبيطار ومشيت نصلي ونشكي هي علا الله..تا حسيت براحة زوينة دخلات لقلبي وطلبت الله يكمل علينا بالصبر والخير فلي جاي..

كانت ليلة طويلة مادقتش فيها النعاس..هزيت مصحف وبديت نقراه وكلي امل بكل حرف فيه ربي يجعل لينا مسلك خير وتبرالي ميمتي.ويتجمع شملنا من جديد...

حسام رجع هو ورحاب لاوطيل وكل واحد دخل لبيتو ينعسو..اما آدم فاش سالا لعشا طلع تكونيكطا شوية ولقى بزاف ديال ميساجات ماجاوب تا واحد وطفى تيلي باش ينعس ويفيق بكري...

اخيرا صبح الصباح..دخلت عند ماما سلمت عليها وبستها وهي ماقاداش تهضر ودايرين بيها الاجهزة..

شيماء:بلا ماتهضري اماما رتاحي انا غنمشي ساعة لخدمة نحاول ندبر فلوس العملية ونجي..تهدني ونشاءلله ربي يفاجيها علينا وترجعلك صحتك احبيبتي(ابتسامة مصطنعة)مازال غتعيشي نشاءلله ونفرحو ونتجمعو كاملين.واخة غير صبري شوية..

هزات راسها بعينين مدمعين وسكتات..بستلها يديها ومشيت بزربة خديت طاكسي تا وصلت لخدمة طلعت كنجري لفيستيير ديالنا..شافتني جميلة زربات عليا:هاي هاي هاي علا سلامتك ا لالة كون غير بقيتي فدار تا نتي وليتي موضفة جاياني تا 8:30..

شيماء كتنهج:اهئ اهئ ماما اهئ اهئ..

تبدلو ملامحها:امم مالها؟

شيماء:مريضة بزاف وخصها عملية دالقلب اهئ اهئ..

جميلة:لا حول الله ولكن كون غي علمتينا بشنو كاين بلا ماتجي..

شيماء:تيلي مابقاش خدام و وبغيت نشوف واش يقدرو يسلفوني باش ندير ليها العملية اهئ اهئ..

جميلة عرفات لقضية مافيهاش:شوفي ابنتي مانكذبش عليك موحاااال مي جربي حظك ودوزي عند لمحاسب..

هبطاتلي كاع المعنويات حنيت راسي:واخة انا نجرب عالله..

خرجت بحالة يرثى لها قلبي كيتقطع ودخلت عند مكتب المحاسبة..عاودت ليهم كلشي وقلتلهم بغيت سلفة ب 7مليون حيت تكاليف تقدر توصل لداكشي..

المحاسب:عطيني لاكارط ديال خدمتك هنا..

جت بزطامي وعطيتهالو..شاف فيا وقال:خدامة فالميناج..

شيماء:امم اه..

المحاسب:سمحيلي ولكن لمبلغ لمطلوب كبير بزاف علا صالير ديالك اذن ماتقدريش تاخدي سلف..

عيني دمعو:و علاش لا؟ماعندي فين نمشي بماما وزعما لخدمة خصها تعاوني..

المحاسب عطاني لكارط زعما لهضرة سالات:سمحيلي هادو هما لقوانين..

خديت لاكارط وهبطو دموعي وبقيت كنمسح بظهر يدي ومشيت..

محاسبة خرا:مسكينةةة قطعاتلي قلبي..

المحاسب:تا انا مي هادشي لي كاين..

خرجت وجا فبالي غير مدير الشركة..مشيت لاستقبال سولت علا مكتب مدير الشركة صافطوني لمسؤول تاني حيت المدير مسافر علا زهري..

طلعت فسانسور..تا وصلت و مشيت علا لوصف تا دقين ودخلت ومن زهري سكرتيرة ماكاننش كاينة..

آدم كان صباحو عادي فطر ومشى لخدمة كيف لعادة..بقى خدام تا سمع الدقان فلباب..

آدم:دخل..

دخلت حانية راسي عندو:سلام سيدي..

آدم علا عينيه تفاجئ لقاها نفس لبنت لي ديما الصدفة جمعاتو بيها.هز راسو مركز:سلام..

شيماء:س سيدي جيت قاصداك حيت مشيت قبل منك عند لمحاسب وطلبتو مي مين مابغاش وقالي قوانين الشركة ماكتسمحش جيت عندك..

آدم شد لبيسي باستغراب:دخلي فالموضوع شنو بغيتي؟

شيماء بصوت مبحوح:ب بغيت سلفة حيت الام ديالي مريضة بزاف ومحتاجة عملية..

آدم كيتصنت ومركز ماعرف واش يثيق ولا لا!!

شيماء:طلبت 7مليون مي مابغاوش يسلفوني حيت لمبلغ كبير مي انا ماعنديش من غير هاد الشركة لي تقدر تعاوني..(كتجيني لبكية وكنحبسها حيت ماراضياش عم ني ذليت لشي حد مي هما الظروف حكمات)

آدم حنى راسو معلي حجبانو و ولا كيشوف فيها:ونتي خدامة فالميناج ياك؟؟

شيماء:اه ولكن تقدرو تقطعو لفلوس كاملو لمهم تسلفوني..

آدم:صعيب بزاف شحال خصك من عام باش ترديه؟وباش غتعيشي الا رديتيه كامل؟

شفت فيه بجدية:انا ندبر راسي لمهم تعاونوني..

آدم بقى يطلع فيها ويهبط:لأ لقوانين لمفروضة ماتسمحش..

تشدو لبيبان فوجهي حنيت راسي وهضرت بزز:ا اوك شكرا..

بغيت نمشي تا وصلت لباب وهو يهضر..

آدم:كاين حل الا بغيتيه!

درت بزربة شفت فيه عيني كيلمعو:ش شنو؟

آدم:قربي..

قربت قبالتو فبلاصتي لولا وهو مازال فالمكتب ديالو..

آدم:تكوني ديالي..

حليت عيني فيه بالصدمة وهو ينوض عندي:الصراحة فيك شي حاجة ماعرفت شنو هي خلاتني نبغيك تكوني ديالي وتباتي معايا واخة غير ليلة فبيتي فواحد الاوطيل ومن بعد نعطيك شيك بالمبلغ ويبقى هادشي بيناتنا.واخة 7مليون بزاف مي ماشي مشكل متأكد ماغندمش(كيطلعني ويهبطني بشوفات فشكل)

تصدمت بقيت شحال مركزة فعينيه وهو كيساين جوابي:آ شنو قلتي؟غدا بالليل؟..

ناري كيهضر بحالا قلتلو آه..

هبطات دمعو من عيني قبالتو مسحتها وحنيت راسي نمشي..

آدم تصدم مافهمش شنو جوابها:فين غادية؟

جاوبتو وانا حدا لباب:س سمحلي علا الازعاج اسيدي..

خرجت وزدحت لباب وعيني ولاو حومر نمسح دمعة تهبط ختها..واخة ميمتي هي كلشي مي مانقدرش..ماشي لأني فضلت شرفي علا صحتها ولكن حيت مانرضاش نغضب الله ونعالج ماما بفلوس حرام..الله ماخلقناش باش يضيعنا وعندي قناعة بلي ربي غيفاجيها اللهم لك الحمد..هبطت لفيسيير غير شافو حالتي عرفو طلبي ترفض..خديت يوماين نبقى مع ميمتي ومارفضوش..خرجت من الشركة بزربة وانا فاقدة الامل شديت طاكسي ورجعت لوبيطال..

آدم تصدم ماعرف راسو باش تبلا خصوصا فالرد ديالها وفاش خرجات منكسرة..تعصب من راسو اول مرة كيحاول يستغل ظروف شي حد..زعما بصاح محتاحة لفلوس تالهاد الدرجة؟؟كان خصو يتيق حيت اكيد مغتكونش هكا حالتها كون كانت كتفلا..

جلس وبقى بالو تماك وفتالي حاول يتلف بالخدمة..

حسام ورحاب فطرو بجوج من بعد دخلو لابيسين وهي حشمانة..دخل يعوم وهي كتشوف فيه وتساينو يسالي باش تعطيه لفوطة بحالا راهت مراتو خخخ..الابتسامة مافارقاتش وجهها وهي كتشوف عيون لحساد حاضيينها وهي معاه..

سالا لعومان وطلع مشات عندو عطاتو لفوطة مبتسمة..

حسام:شكرا..

رحاب:لعفو..

حسام:دخلي الا بغيتي تعومي؟

رحاب جاتها فرصة:اه كيعجبني نعوم مي كنخاف..

حسام:الا كتخافي هني راسك..

مشى يجلس وهي تصدمات.كانت كتقول غيقولها نعومك وتستغل لفرصة ساعا ماداهاش فيها ههه..

جلسات شحال وجاتها شهوة دلما وناضت حداه..حيدات كسوتها وبقات بدوبييس هو علا نص عينيه وحدرهم..حطات كسوتها ودخلات بدات تعوم وتبرد وهو جمع غوباشتو تحت نظاظرو ومرة مرة يسرق فيها الشوفة..

وصلت لسبيطار حالتي حالة..سولت علا ماما قالولي حالتها كيف خليتها..

جلست كنحاول نستوعب شنو وقعلي ونولي نقنع راسي بلي داكشي بي درتو هو لي غيكون..

رحاب خرجات من لابيسين حدا حسام وهو مين جات حداه ماداهاش فيها..لبسات عليها وجلسات حداه وهو ينوض..

حسام:ياله نطلعو نرتاحو لفوق..

رحاب تخلعات وفهمات غلط:ك كفاش؟

حسام:ههه مالك فهمتيني بالمقلوب نوضي كل واحد يدخل لبيتو يرتاح..

رحاب تزنكات:ا اه واخة..

سبقها وجاتو الضحكة واخة هو دارها بلعاني باش يشوف ردة فعلها..

جات لعشية خوتي جاو عندي كيتساؤلو علا ماما وحالتها واش تحسنات وانا كنحاول نطمنهم بأي طريقة..

عماد:خصنا نديرو اي حاجة باش نعاونوها ونجمعو فلوس لعملية..ماما خصها تبرا..

انا دخلات معايا لدرجة كنقول فبالي واش داكشي لي درتو هو الصحيح ولا لا..

آدم رجع لدار عاقد حجبانو ماعاجبو حال وتا لعاليا مابغاتش تهضر معاه حساتو مقلق شوية..طلع بدل عليه وخرج بزربة ودار مع منصف يشوفو شوية ويبدل جو..

حسام صونا لرحاب توجد راسها لعشا وهي داكشي ماسمعات ناضت تقاد مزيان لبسات غوب فوشيا بالسميطات وحد الركبة..وشعرها طلقاتو وقادات وجهها فرحانة..هزات صاك باج مع صاكو وخرجات..

حسام خرج باش يدوز عندها وهو يشوفها جاية..مادارش ردة فعل مي ملداخل ديالو عجباتو وشافها عاجبها راسها مابغاش يبين..اما هو كان لابس كوستيم بلوغوا بالجيلي ديالو وكرافاط فيها دوغري دلون زرق خطيطات..بقات هابطة معاه وعي عينيها عليه..تا ركبو مع الشيفور لي سافطو السفير وهي حداه حاسة بلي ملكات الدنيا..

آدم جلس مع منصف فكافي vip وبقى مبدل تا سولو. 

منصف:صاحبي مالك شنو فيك؟

آدم:لا والو غير لخدمة وصافي..

منصف:هههه علاش اول مرة غتخدم(ضربو لكتفو)راني فاهمك مزيان لعشرة ديال 16عام ماساهلاش..دي موا شنو كاين؟راك مبدل ليوم وبزاف..

آدم تنهد:ماعرفت اول مرة كندير واحد التصرف وخفت نكون ظلمت الصراحة..

منصف باستغراب:عاودلي شنو كاين..

آدم عاود كلشي ل منصف وسكت..اما منصف غير كيشوف فيه مالقى مايقول..

آدم صبر تا عيى وقالو:شنو غتبقى ساكت!!.

منصف تقاد فالجلسة:الصراحة استغربت وبزاف(آدم كيشوف ومركز عارف راسو دارها قد راسو)شتي يجيو عندي يقولولي دوزتي مع لبنات وماخليتي مادرتي نثيق يقولو دابزتي مع دراري ولا درتي شي زبلة آه..مي باش تستغل شي حد وهو طلب لمساعدة ديالك لا..عمرك كنتي هكا كيوقعلك اصاحبي؟؟؟

آدم حك راسو معصب:ماعرفتش والله..

منصف:صافي دبا تهدن لي وقع وقع..

آدم:اووف..

وصل حسام ورحاب عند السفير..استقبلهم احسن استقبال هو ومراتو مونيكا وجلسو فالصالون كيهضرو مجموعين..رحاب مرة مرة ترمي عليه لعين وهو عاجبو لحال وحاس بيها وماعلابالوش..

بقيت جالسة انا وخوتي قبالت ماما وهي متكية تا دخل طبيب فحصعا وشاف رابور ديالها وفاش جا خارج عيط ليا..وصيت يسرا تبقى جالسة حدا عماد وخرجت..

شدينا لباب وطبيب كيشوف فيا..

شيماء:امدرا دكتور؟

طبيب:الصراحة حالتها غادي وكتدهور ونبض قلبها كيتسارع بقوة الضغط عليه..ضروري خصها لعملية..

حنيت راسي:عارفة ادكتور.مي راه كنحاول ندبر المبلغ..

طبيب:راه ابنتي هنا عطيتك ثمن خيالي خصك تعرفي بلي الا درتيها فبلاصة خرا راه فوق 14مليون..مي هنا كنديرو بالاستطاعة دلمواطن والله..

بسمت باستهزاء:تا 7 ماشي فاستطاعتي وكنحاول ندبرها بمايريد الله..ونشاءلله ربي ماغيخيبنيش.(تحصرو الدموع فعيني)تا واحد ماكيتمنى يشوف ميمتو معذبة هكا..

طبيب تزير حس براسو ضفط عليها:صافي يكون خير نشاءلله..

هزيت راسي وسكت..مشى بقيت نتنفس ونشمر وندير لهوا لعيني باش مايهبطوش دموعي..خديت نفس عميق ودخلت عند خوتي مبتسمة..تقبطو بيا..

عماد كيهضر بالحس:شنو قالك طبيب؟

ابتسمت:حمدلله غتكون بيخير..قلتلو انا غنحاول ندبر لفلوس وهو طمني..

يسرا بفرحة:بصاح منين غتجيبي لفلوس؟

هضرت بسخرية:هههه كتستهيني بقدرات ختك..ماحدي معاكم عمركم تخافو واخة!!

خوتي بسمو وعنقوني وعيني علا ماما..يمكن خصني نفكر مزيان وندير ماما فوق اي حساب...

سالا حسام ورحاب لعشا وناضو بعدما تبادلو اطراف لحوار مع السفير وعائلتو و وطد علاقتو بيه باش تا الا حتاجو بلا مايضطر يسافر تالهنا..

رجعهم شيفور لاوطيل ورحاب حاسة براسها وصلات لقمة.هادي هي حياة الرفاهية لي كانت باغياها وتمنات تعيشا ومعامن مع مديرها تيتيز لي مدوخ نص لبنات ياسلااااام...

تعطل لوقت وقلت لخوتي يمشيو حيت غنبقى مع ماما..شديت ليهم طاكسي ووصيت يسرا تحظي عماد والا خافو يشدو لباب ويمشيو عند شي حد فالجيران..

طلعت لعند ماما ودماغي مقلوب ماعارفة ماندير مشيت توضيت وصليت كنبكي وندعي الله يديرلي شي مسلك دلخير..

آدم رجع لدار واحساسو بالذنب زاد حيت عرف غلطو وهادشي ماشي من اخلاقو وتالدبا كيسول راسو(علاش درت معاها هكا؟غتقول بلي محروم بنات وهما ديما دايرين بيا..علاش مين دقات بابي ماعاونتهاش علاش؟؟)تكى باش ينعس و والو نعس غير بزز..

حسام وصل رحاب حدا باب بيتها وهو كيشوف فيها:ياله تصبحي علا خير..

رحاب كانو عينيها فشكل جاوباتو بزز:ت تصبح علا خير س سي حسام..

حسام بسم:ياله دخلي..

رحاب:ا امم اه واخة..

حسام حس بيها فشكل وتا هو جاه احساس مبدل يمكن رغبة فيها..

رحاب حلات لباب وبقات واقفة فلباب كتشوف فيه..حسام حل عينيه فيها وبدا كيقرب بخطى ثقيلة وهي تعلقات فيه وعنقاتو..باسها وهي شاداه خايفاه يبعد وهو بقى دافعها لداخل وشد لباب موراه..

دخلو وهي كتحيدلو حوايجو وهو كيدوز يديه علا كتيفاتها ويهبط ليها سميطات ويبوسها تماك.وشايفها مستمتعة وعينيها مغمضين بدا كيمسح ليها فشعرها وهو شادها عندو وكيشوف فيها وهي حلات عينيها فيه بسمات وقالتلو:كنبغيك..

صافي هنا ماقدرش يصبر..اكيد حيت عتارفات ليه وهما فلحظة فشكل..

عنقاتو وهو يطيحها لفراش واكيد ماغيضيعش لفرصة..حيد ليها حوايجها وتا هو نصل حوايجو وجا فوق منها...كانت غريزتو غالبة عليه..كان مدة ماعاشر شي مرا وهاهي جاتو لفرصة مع جسم زوين وانسانة كتبغيه..تا هو استمتع بزاف وهو كيحس بالرعشة ديالها وهو كيقيصها..كل لحظة كان كيدوز يديه علا شي بلاصة كان كيشوفها كتلذذ وتعض شنايفها شي لي كيخليه يزيد ويكمل بشنايفها لي كلاهم ليها وهو فرحان..رحاب انتاقلات لعالم آخور..عالم حسات بيه احاسيس جداد كان عقلها مغيب وقلبها وحبها لي حاضرين.وكتزيد تفرح فاش كتسمع آهاتو وتنهيدتو..وصل لحظة لحاسمة وقضى لغرض..هنا رحاب غوتات وهو بقى مازال خدام شغالو تا جاب لبليزير ديالو وعاد نتابه لدم فالعضو ديالو وعلا لفراش..شاف فيها وهي مقصحة وعاد حسات شنو دارت..

حسام:و واش باقية بنت؟

رحاب هزات راسها بالايجاب وهو يحني عندها عنقها عندو وباسلها راسها..

رحاب عنقاتو فرحانة واخة خسرات اهم حاجة عند كل بنت ولكن ماشي مع ايا كان مع حبيبها لي تاليوم تأكدات بلي كتموت علا التراب لي كيمشي عليه..

انا اخيرا استسلمت لنعاس فقاعة الانتظار..واحد لحظة فقت بحالا نعست بزاف وهما ياله ساعتاين وغير حليت عيني تفكرت لحلم لي جاني فهاد الساعتاين...

بقيت نحل عيني ونشدهم زعما نكون حلمت هكا حيت سيدي ربي بغى ينور بصيرتي؟؟..اوووف ماعرفت لمهم غدا غنحاول نشوف شي حاجة تعاوني فهادشي..

فاقت رحاب كتكسل تا حسات براسها عريانة تكمشات وتفكرات بدات تقلب مع جنابها مابان ليها والو..ناضت جلسات بزز وهي جارا ليزار تستر راسها لايكون حسام فلحمام مي ماكاينش حسو..مافهماتش فين مشى و واش مازال غيولي يجي..بقات تساين شي 10دقايق فالتالي ناضت تدوش وهي ماعارفة شنو كاين.وتفكيرها مخربق..واش تفرح بلي وقع ولا تبكي حيت نسات عقلها فلحظة..دوشات ولبسات كتساينو يصوني مين فقدات فيه الامل جمعات حوايجها بزربة ف فاليز وخلاتها فلبيت ومشات عندو كدق عليه فبيتو..

#فلاش_باك

حسام فاق بكري.حل عينيه لقى راسو معنق رحاب وهو تدور السينطا فبالو كفاش وصل لهنا وعلاش؟كان خصو مايطيحش فهاد لفخ ويخلي حدود مع سكرتيرتو..وتا هيبتو تبقى..هاهي تحسبات عليه غلطة..حيت حسام من طبعو عايش فالمتالية وماباغيش يخسر بلاصتو ولا بروتوكولو وحياتو فهادشي..ناس لخدمة غير دالخدمة وناس تفريغ الرغبات فجيهة خرا باش مايصدعش راسو..ناض لبس عليه وقادها بالشوية باش ماتفيقش ومشى لبيتو.دوش وجمع حوايجو..تكى وهز تيلي ديالو..عيط علا طاقم الطيارة يوجدو راسهم بعد ساعتاين ديبار..ناض لبس رسمي تا سمع الدقان فلباب عرفها غتكون هي..عقد غوباشتو بحال لول وفتح..

رحاب كتمنى يحل ويقولها شي كلمة زوينة بعد ليلة خدا فيها كلشي منها وبارادتها..

حسام حل كيشوف عادي وهي تقولو:ص صباح لخير..

حسام ضرب الدورة ودخل كيهضر بجدية:صباح لخير..شوفي غنمشيو بعد ساعتاين وجدي راسك نفطرو ونديرو الديبار..

رحاب كتبلع ريقها وحسات بلي ليلة لي دازت ما أثرات فيه بوالو جاوباتو بحال لعادة:كلشي واجد اسيدي..

حسام:اوك حنا نهبطو ولاكوي يهبطو حوايجنا..

رحاب سكتات هو خرج وهي تبعاتو بالشوية وبصدمة كبيرة مازال ماشافت تأثيرها لكبير تالدبا..

وصلو لريسيبشن سالا لحجز وخلص ودخلو لمطعم يفطرو..وهي غير كتخمم..حسام طلب ماياكل عادي وهي اكتفات بقهوة حيت ماقداتش تاكل وفقلبها قهرة كبيرة..حسام حس مي مابغاش يشوف فيها كاع..

سالا وناضو ودعوهم الاوطيل وعطاوهم لباكاج..

ركبو فالطاكسي بصمت تا وصلو لمطار طيارتو وطلعو كيقادو راسهم ويساينو يجي وقت الانطلاق..

آدم فاق دوش ولبس..هبط يفطر عادي ومن بعد مشى لخدمة.غير وصل عيط ليه حسام..

حسام:صباح نور..

رحاب شافتو هز تيلي ماعرفاتوش معامن كيهضر..واخة مجروحة منو مي غارت فلول..

آدم:اهلا سافا؟ياكما راك جاي؟

حسام:اه هاحنا جايين تقريبا نص ساعة باش قلعنا..غيكون باقي شي 3سوايع ونوصلو..

آدم:اوك الله يوصلكم علا خير..غدوز لشركة ولا لدار؟؟

حسام:لا غندوز لشركة نشوف شنو كاين ابخي عاد الدار..

آدم:اوك نتشاوفو اذن بسلامة..

حسام:امم باي..

رحاب كتشوف بعيد وحسام حس بيها مقلقة ومقهورة وماقاداش تبين..

حسام:رحاب..

رحاب باستغراب وقلبها كيضرب فالمياتاين:ا شنو سي حسام؟(ماكرهاتش يقولها شي كلمة زوينة)

حسام:شوفيلي مواعيد ليوم..

رحاب تزيرات وبدات تقراهم ليه وهو كيسمع تا سالات.حسات بالدوخة حيت ماكلات والو..شدات راسها وحسام جابلو الله غير كتفشش بلعاني باش يهتم بيها..حتى حسات براسها غتقيى ناضت كتجري لطواليط وهو دور وجهو معاها وعرفها غتكون بصاح داخت..

دخلات بقات ترد وتبكي بالفقصة تا سالات وخرجات..

حسام:ياكما دختي؟

رحاب هزات راسها ماقاداش تهضر..

حسام:امم ياله رتاحي وفاش نوصلو سيري لدار باش معدتك تستقر شوية غدا عاد اجي..

رحاب:ش شكرا..

تكات راسها وغمضات عينيها وهو ناض جبد عصير وعطاه ليها:شربي هدا تولي لاباس(شعورو بالذنب حيت هو اول واحد قاصها وماتعاملش معاها مزيان كيحركو..مي كيصبر راسو بلي هي لي بغات واستسلمات ليه بسهولة)..

رحاب خدات منو وشربات جغمة ورجعات تكات..

انا شفت ماما فاقت دخلت عندها بستلها يديها:ماما توحشتك..صباحك مبروك احبيبتي..

ماما:ب بنتي..

شيماء:ماتهضريش صحتك علا قد الحال..صبري احبيبة تا نديرولك لعملية وتولي ديري شنو بغيتي..ههه ونجريو بجوج كاع ومتأكدة غتسبقيني نشاءلله ههه..

ماما ابتاسمات وانا غير كتفرح ماما كنحس ببيبان الدنيا تفتحو فوجهي..

بقيت نساين تجي خالتي خدوج تجلس مع ماما حيت انا غندوز لشركة..ساعا تعطلات عليا حيت خرجلها شي شغال ماعرفتوش..

تعطل لوقت وحسام وصل هو ورحاب خارجة شادة فمعدتها..دخلو لطوموبيل رحاب جلسات حدا شيفور حسام علا حاجبو ودخل..

تحركو وهي خلات تا وصلات لمدينة وحبسات شيفور..

رحاب:الله يخليك حطني هنا..

الشيفور:اوك..

حبس وهي خرجات وقالت ليهم:بسلامة..

الشيفور كمل ب حسام لشركة..

آدم فاش رجع من لغدا كان عندو اجتماع مهم بقى مشغول وماعرفش بلي حسام جا وطلع لمكتب ديالو..جلس ودخلات عندو كريمة سكرتيرة آدم وعطاتو ملفات لخدمة..

كريمة:علا سلامتك اسيدي..

حسام:الله يسلمك..

كريمة:رحاب ماغتجيش ليوم؟.

حسام:لا عيات بالطريق بزاف غدا عاد غتجي..

كريمة:اوك سي حسام الا حتاجيتي شي خدمة عيط ليا.وغير يسالي سي آدم من اجتماعو غنعلمو بوصلكم..

حسام:اوك شكرا..

خرجات كريمة من عندو ومشات لمكتبها..

أخيرا وصلات عندي خدوج وبقوة ماتعطلات جابت معاها خوتي لي كانو سالاو قرايتهم..وصيتهم علا ماما ومشيت كنجري لشركة..دخلت وطلعت سولت علا سي حسام لي كان مسافر قالولي رجع..طلعت وبقيت نقلب بعيني مالقيتش سكرتيرة دقيت ودخلت..

شيماء:سلام سي حسام..

حسام علا عينيه مستغرب:اشكون نتي؟

شديت لباب وزدت حداه:انا شيماء موضفة هنا فالميناج..

حسام ربع يديه:ومن بعد!!

شيماء:الصراحة انا حتاجيت سلفة من الشركة حيت ماما محتاجة عملية(دمعو عينيها)ومين طلبتها رفضو..

حسام:علاش؟؟

شيماء:قالولي بلي 7مليون صعيب باش يعطيوهالي وصاليري قليل..

حسام:مافهمتش فين باغية توصلي؟؟

شيماء:لا صافي انا قتانعت بفكرة رفض السلفة(علامات الاستغراب علا وجه حسام)مي ماكرهتش تعاوني..

حسام سحابلو بغات طلبها منو هو جا يهضر وهي سبقاتو:ز زعما الا كان شي جمعية كتعرفها ولا شي حد يقدر يساعدني فهاد العملية..حيت عارفة تباركلله عندكم معارف كثار..

حسام شاف فعينيها الحشمة والالم:و واخة نشاءلله..

هبطات دمعة من عيني:شكرا بزاف وسمحلي ديرونجيتك..

فهاد اللحظة دخل آدم تصدم بالمنظر خصوصا فاش كانت كتمسح دموعها توقع تكون عاودات كلشي لخوه بقى كيشوف فيها وفيه مافاهم والو..

انا شفتو دخل وحنيت راسي:عن اذنكم..

حسام هز راسو وشاف فخوه:آدم..

خرجت من تماك وجاني امل جديد هادا هو حلمي الجمعيات عاونوني فالحلم وكنت فرحانة ياربي يتحقق هادشي..

دخل آدم:ش شنو كاين؟

حسام بسم:هادي هي علا سلامتك اخويا؟

آدم غير شافو بسم تهدن عرف داكشي ماتفرشش:ههه سمحلي عبا سلامتك ا صاط ههه..

تعانقو مزيان..

حسام:الله يسلمك.قالولي كان عندك اجتماع فاش جيت..

آدم:اه ياله ساليت وجيت عندك..كيف كانت السفرة؟

حسام جلس:سافا حمدلله..كيدايرة لخدمة؟؟

آدم:مزيان مزيااان..(جلس)قولي هاد لبنت مالها؟

حسام:علاش معمر راسك بيها؟

آدم تلف:ل لا لا غير شفتها من قبل كتخدم فلميناج ودبا كانت كتبكي بغيت نفهم مالها..

حسام تقاد فالجلسة وحط يديه علا لمكتب:قالتلي بلي حتاجت فلوس لعملية ل ماماها يمكن وطلباتني نشوفلها شي جمعية بحكم عندنا معارف وصافي..

آدم:صافي؟؟

حسام:آه شنو غيكون آخور..مازال تا ماسخنتش بلاصتي وجات عندي..مي الصراحة بقات فيا حسيت بيها حشمانة وهي كطلب وحاسة بالقهرة..مهم بلاتي ونسول شي معارف عالله وطلب زهرها..

آدم بلا تفكير:انا نتكلف بكلشي..

حسام باستغراب:نتا؟؟

آدم:اه علاش لا لبنت محتاجة وانا غنعاونها..مافيها باس نصدقو من رزقنا شي مرة ونديرو لخير باش لقاوه..

حسام:هاهاهاهاهاهاهاها والله ماعرفتك..شنو هاد لعقل وحب الخير لي تسلط عليك خخخخ..

آدم:هي كنتي كتشوفني كافر؟؟عادي والله ماعندي شي غاية..نطلب غير حاجة منك..ماتقولهاش انا لي غنتكلف..قلها شي حد بغى يدير لخير ويسترو واخة؟؟

حسام استغرب:واخة هاديك فلوسك ونتا حر فيها..

آدم:صافي وصلها لخبار بزربة تقدر تكون لعملية خصها فالحين..

حسام:اوك غنقولها لمسؤولة عليها ونشوفو..

آدم ناض:اوك شكرا..ياله نتشاوفو بلاتي نمشي نكمل خدمتي..

حسام:اوك فاش نسالي نمشيو لدار بجوج..

آدم:اوك(جا خارج ودار)حقى فين رحاب ماشفتهاش؟؟

حسام تفكر كلشي وتبت راسو:امم غير عيات من السفر وكانت سافا با صافطتها تالصبح وتجي..

آدم بسم جنب:شنو درتي لبنت ههههه

حسام تغلغل:شنو كفاش شنو درتلها؟

آدم:ههه واغير ضحكنا مالك..زعما غتكون عيات ب سير واجي..خويا وعارفك الله يعطيها معاك الصبر هههه..

حسام خنزر فيه..

آدم:خارج خارج بلا دفيع خخخ..

خرجت من الشركة ودزت لدار دوشت بزربة ولبست حوايجي..هزيت شي صرف عندي ومشيت شريت تيلي جديد ندير فيه نمرتي ورجعت لسبيطار جلست معاهم تا مشاو وبقيت كيف لعادة تماك..كنساين ايمتا ماما تبرا ونتمنى نحل عين ونسد لوخرا لقاها بصحتها ضاحكة ناشطة..كانت حياتنا صعيبة ولكن كنا فرحانين حيت حنا كاملين ومجموعين..عندي امل فالله كبير ونشاءلله ربي ماغيخيبناش..

سالا حسام لخدمة مشا لمكتب آدم ودخل نيشان لقاه حاير مع لخدمة فلبيسي..

حسام:هاي هاي علا المدير ديالنا ههه..

آدم حيد نظاظر لبروطيكسيو من عينيه:ههه اوا شتي..

حسام:مازال قدامك لخدمة بزاف؟انا عييت بغيت نريح فالدار..

آدم:لا غير واحد الايميل ونمشيو..

حسام:هاء كلف كريمة تصافطولك..

آدم:لا شغال لمهم بحال هكا كنبغي نصافطو بيدي..

حسام:اممم اوك..هانا نساينك غير سربي..

بسم آدم ورجع نظاظرو كمل بتمعن وخفة..شد لبيسي وناض..هز لفيست ديالو وخرج هو وخوه كيهضرو علا السفر وناشطين..

رحاب فاقت من نعاس ناضت تاكل مي ماقداتش..دارت عصير خفيف وبدات تشربو وهي كتحس بلمسات حسام بحالا راه معاها..شعورها دلبارح مابغاش يحيد بدات تبكي وهي كتفكر كفاش عاملها من بعد وصدمها..بحالا شي بنت الزنقة دوز بيها لوقت ورماها..

سمعات تيلي كيصوني ناضت بزربة لقات ختها دنيا..

هضرات معاها عادي وبينات ليها بلي غير تعب مخلي صوتها مبدل..رحاب بنت وحيدة واليديها ماتو فاكسيدو وختها لكبيرة دنيا رباتها وقراتها ومن بعد رحاب بعدات عليها وجات تخدم هنا باش تخلي لختها خصوصية مع راجلها.ولكن مات راجلهت مسكينة وعندها 2وليدات..اما رحاب رفضات ترجع حيت عانات باش وصلت لهاد لمنصب مرة مرة كتمشي عندهم تشوفهم..قطعات معاها ورجعات تكات قبالت تيلي كتفرج باش تلف..

ركب حسام مع آدم حيت حسام ماكيبغيش يسوق عكس آدم لي كيستمتع وهو كيدير لراسو اي حاجة..وا كيجبد معاه لموضوع..

آدم:شنو هضرتي مع لمسؤولين علا داك لبنت؟

حسام:إنا بنت؟

آدم:ههه ركز معايا لبنت لي بغات لعملية..

حسام:آههه..لا مازال..

آدم غوبش:وعلاش لا ياك قلتلك وصلها لخبار..

حسام:صافي اصاحبي هنينا غدا الصبح نعلموها فاش تجي..

آدم:والا ماجاتش؟.

حسام:دبا تجي زايدون راه كاين اختراع سميتو تلفون.(شاف فيه مركز)ونتا مالك داير فضيحة؟صافي خليني نرتاح من هاد السفر ونتوما زربتو عليا..

آدم:بففف..

وصلو دراري لدار دوشو وهبط حسام ياكل حيت توحش لماكلة لمغربية وطياب داده لعاليا..

آدم:جلسي معانا داده..

حسام خنزر فيه حيت بحالو بحال باه عزيز عليه النظام والبروتوكول..

لعاليا فاهمة:لا ولدي بصحتكم..

آدم بسم ليها وخنزر فخوه:علاش مابغيتيش تبدل؟هانية الا عتابرناها بحال لواليدة وجلسات معانا باراكا من داك النظام لخاوي ديالكم..

حسام خنزر فيه وحنا راسو يكمل ماكلتو كيف لعادة..

بست ماما وخرجت علا برا قلت نقاد لاكارط فتيلي وصونيت علا خدوج طمناتني علا خوتي.ومن بعد طلبتها تجي الصبح عند ماما حيت خصني نمشي لخدمة بزز مني ومسكينة مارداتهاليش فوجهي..

شوية سمع صوت الاجهزة وشفت لفرمليات كيجريو ويدخلو لبيت ماما قلبي فلت مني..بقيت كنسولهم ماكيجاوبوش بغيت ندخل منعوني شوية شفت كيقلبو فماما ويقادو سيروم والطبيب جا بزربة معاه فرملية شافت حالتي عذراتني وقالتلي:دعي مع ماماك راها محتاجة لدعواتك خصوصا دبا..دخلات عندهم بقيت نبكي ونشهق كنشوف ماما كتموت قدام عيني وانا السيب كون قبلت كون راها كدير لعملية..أستغفر الله ياربي تشافيها ماغنقدرش نعيش الا خلاتنا..مازالين محتاجين ليها يااااربي اهئ اهئئ..

بقاو يضربولها الشوك وانا رجلي فشلو عليا..متكسة يدي علا الزاجة كنقرا لقرآن وقلبي كيتقطع..شافتني واحد لمرا وانا فداك لحالة لهستيرية جات عندي

لمرا:بنتي مالك ياك لاباس؟؟

شيماء:م ماما اهئ اهئ..

لمرا شافت من الزاجة وعنقاتني وبقيت نبكي وهي تهدن فيا:غتولي بيخير نشاءلله احبيبتي..تهدني ربي يكون معاها..

دموعي مابغاوش يفترو شيطان كيجيبهالي غير عوجة ولوقت ميدوز ثقيل..شي ربع ساعة وحنا واقفين تا شفتهم تهدنو والطبيب دار جيهة الزاجة وكالماني بيديه ودارلي 👍..عاد رجعات فيا الروح وكملتها بكى ولمرا جراتني جلساتني وجابتلي كاس دلما شديتو بيدي كيرجفو..عقلي مابقاش معايا وهي كتحاول توكضني فدقيقة كنت غنخسر سبب وجودي كفاش نقدر نصبر ولا نتحمل..تحطيت فموقف خلاني نعرف بلي نقدر ندير اي حاجة ونصبر علا شنو يدوز عليا الا اني نفقد ميمتي..حطاتلي لمرا راسي علا كتفها وكانت مألمة من جيهتي وبقيت هكاك كنسترجع قوتي تا خرج طبيب وجا عندي وقفت حداه..

طبيب:حمدلله قدرنا نعاونوها هاد لمرة مي هادشي لي هضرتلك عليه..هاد نوبات الا تكررو يقدرو يتسببو ف...

قاطعتو:غدا غدا نشاءلله نجيبلك لفلوس ونديرو لعملية..

طبيب:متأكدة؟؟

شيماء:انشاءلله..

طبيب:اوك غدا الا جبتي تكاليف كلشي فساعة يوجد الطاقم ونديروها..

شيماء:واخة غير استعدو..

مشى طبيب ولقيت راسي قررت بلا تفكير..شنو شرفي اغلى من امي اكيد لا..الله عالي وعالم بحالي وبعد هادشي عمرني نولي نغلط انشاءلله..

مشات لمرا بحالا ودعات لماما بالشفاء وانا نضت كتشوفها كتنفس بالشوية من الزاجة وحالتها متدهورة.تفكرت هضرة بابا وتوصياتو لينا وخوف ماما علينا من آفات الدنيا..عارفة بلي غنرتكب غلط كبير مي ربي يسمحلي..وتا دبا ماكرهتش شي معجزة تبان تخليني مانديرش هاد لفعلة..

تعشا آدم وحسام وكل واحد طلع لبيتو ينعسو..

ليلة دازت طويلة كتديني شي مرات عيني كنفيق كنجري كلقا كلشي علا حالو..فالتالي فقدت الامل فنعاسي..خديت كافي وساينت يطلع الصبح باش نمشي ندير خدمتي ونجيب لفلوس انشاءلله..

اخيرا صبح لحال..جات خدوج عندي فلوقت ودعت ماما من زاجة حيت مانعين الزيارة ومشيت لخدمتي واخة قلبي مامطاوعنيش ولكم طرف لخبز صعيب الصراحة...

وصلت لخدمتي فداك لحالة عيني زورق ولخوف والفقصة لاعبين عليا..كلشي بقيت فيه وكيسولو ولكن لخدمة خدمة..بقيت كنساين 9 تجي بفارغ الصبر باش نمشي هاد لمرة وانا نعرض راسي علا هاداك ونقولو قبلت بطلبو الدنيء..

رحاب ناضت مدوخة دوشات وقادات حالتها ومشات لخدمة..وكذلك حسام وآدم بعدما فطرو..

وصلات 9 كلشي جا..خليت ماطرييل دلخدمة فالدروج ومشيت بزربة باش نشوفو..وغير وصلت لكولوار غوتات عليا رحاب:اي اي فين غادية نتي؟

شيماء:بغيت نشوف المسؤول لي هنا؟

رحاب:اوا استأدني فلول ولا داخلاها بصباطك؟؟سولي بعدا..زايدون عندك شي موعد ولا غير جاية هكاك؟؟

شيماء:لمسؤول الا شافني غيعرفني..زايدون بلا ماتغوتي عليا انا راه قلبت علا سكرتيرتو ماشفتهاش..

رحاب:صافي غير ماشفتيهاش ديري مابغيتي الدنيا سايبة!!

حسام:ايييي هنيونا شنو واقع هنا؟؟

آدم شاف شيماء والصداع لي دايراه معاها رحاب تقلق ومافهمش شنو جات دير..

رحاب:غير اسيدي جاية وباغية دخل عند سي آدم بلا ماتسول حد..

شيماء:انا قلبت علا سكرتيرة مالقيتهاش اسيدي..

آدم تصدم ماعرفش شنو بغات منو..وهو حسام يهضر بزربة:صافي صافي..مزيان لي جيتي نيت كنت غنقولهم يعيطو عليك..

انا مافهمت والو بقيت كنساينو يكمل..

حسام:لقيت ليك واحد من المحسنين لي غيدير عملية ماماك علا حسابو..

انا شداتني الرجفة ورجلي مابقاوش هازيني دخت وفرحت وانفاجرت بالبكىتا كنت غادي نطيح..

رحاب مافهمات والو ولكن غير شافتها فداك لحالة بقات فيها ومشات وقفاتها وتا آدم شدها من يديها وتألم حيت خلاها تالدبا كون من قبل ظار هكا ماتعانيش تالهاد الدرجة حيت بانت فوجهها وحالتها..مي كلشي بوقتو..

وقفوني وانا غير كنبكي..

رحاب:تهدني اختي.اجي جلسي تشربي شي حاجة باش تولي سافا..

انا بالي غير فرحمة الله وقدرتو الالاهية لي خلاتني نصبر تالدبا وماشي من فراغ..حمدلله ربي بغاني نبقى نقية ونعالج ميمتي بطريقة حلال بقيت نضحك ونبكي..

حسام:المتبرع شافلك مستشفى دلقلب وليوم ماماك غتنقل وتمشي تماك يديرو ليها لعملية(مع لفطور آدم قال ل حسام المستجدات وكان فليل بحث باش لخير لي دارو يكون كامل وماناقصو والو..حسام استغرب من اهتمامو بالموضوع مي مابغاش يحكر عليه)

هنا انا ماكرهتش نطير عليه ونعنقو حيت هادشي فرحني بزاااف..

رحاب بسمات وهي كتشوف فحسام لي كبر فعينيها وهو كيدير لخير..اما آدم غير ساكت كيشوف ردة فعلها..

شوية آدم جر حسام وهضر معاه فاش شاف رحاب كتعاون تشرب لما لشيماء..

آدم:شوف قلها راها فاجازة لمدة اسبوع تا دير ماماها لعملية وتقابلها عاد ترجع اوك..ومن دبا تمشي تعلم عائلتها بلي كاين..

حسام:منين جبتي هاد لحنية كاملة؟؟

آدم:من لواليدة اولد لواليد خخخ..

وداكشي لي دار حسام قالها كلشي..

نضت شكرتو وعيني دمعو:شكرا ليك والله يكثر خيرك وخير هاداك لي غيعاونا..الصراحة ماغلطتش نهار دقيت بابك..ربي صافطك لينا بحال ملاك رحمة والله..تانتا اسيدي الله يعاونك فحياتك ويحققلك لي كتمنى..

آدم تزير وماكرهش هاد لهضرة تكون ليه مي هو ضيع لفرصة نهار لول وارتاكب غلط مازااال غيندم عليه..

حسام:مادرت الا لواجب..الله يشافيلك ماماك..ودبا سيري باش توجديها لكلشي..

شيماء بابتسامة:واخة..سمحولي عطلتكم نهاركم وايامكم مبروكين..

مسات وآدم متبعها بعينيه اما حسام دخل لمكتبو ورحاب نسات كاع شنو داز وبدات تشوف فيه صفة الشهم طيب لقلب لي عزيز عليه يعاون الناس ومتواضع...واكيد غيجي يوم ويندم علا شنو دار فيها ويحن قلبو عليها..

هبطت عند صحاباتي فالخدمة علمتهم وفرحولي ولكن نسيت ماسولتش سي حسام شكون لي دار هاد لخير..كلشي توقع يكون هو حيت غير قلتهالو دارها..وتا انا كان عندي احساس زوين بلي هو لي غيتكلف بالعملية..حيت كيهضر عارف التفاصيل وكلشي..سلمت عليهم وخديت اجازة اسبوع ومشيت نوجد راسنا وخليت ليهم كاع المعلومات باش الطاقم ديال لوبيطال دالقلب يتكلف بكلشي..

وصلت بعدما طوالت عليا الطريق..لقيت خدوج مسكينة داها نعاس..عنقتها تا تخلعات وعاودت ليها كلشي..فرحات بزاف وكانت غادي تزغرت وانا حبستها كنضحكو ولمعان زوين فعيني..ابتسامة جميلة كنت راسماها تاجاو فرمليات استفسرو وفرحولي مساكن وتا طبيب قالي مبروك ليكم وبلي لوبيطال نسق معاهم بعد ساعة ينقلوها لتماك ولعشية لعملية..فرحتي بالعملية نساتني خوفي منها و واش ماما غتخرج منها علا خير..مي حاولت نتشبت بالله ونطلبو كيفما خلق فحياتي معجزة يخليلي امي عايشة وبيخيررر...

يتبع