نهار تزعطات جعواقة الجزء الرابع

وجد العشاء وحطاتو جنات وهي تعيط على بسمة أما زياد مقدراتش تمشي تعيط ليه حتى تم خاارج

زياد:أوه حطيتو لعشا ومتعبطوش ليا 

بسمة:سمحليا أحياتي مقدراش نعيط ليك 

جنات سمعات كلمة ديال حياتي وهي تقرص معرفاتش علاش ولكن محملتهاش تقولها ليه 

زياد:كان على نراتي العزيزة هي لي تعيط ليا وهو يغمز جنات 

فهاد اللحظة جنات الله يرحمها تزنگات وحشمات 

أما بسمة معجبهاش الحال شكات باللي بيناتهم شي حاجة 

بسمة:حبيبي زياد ممكن مورا لعشا بغيت نهضر معاك ضروري 

زياد كايشوف فجنات واخا 

جنات عرفات علاش غاتهضر معاه بقات كضحك فخاطر

مهم سالاو العشا وهي تجمع طبلة جنات وغسلاتهم ومشات تسنط أش غايقولو 

عند بسمة وزياد فالبيت 

بسمة:زياد باغا نهضر معاك فشي حاجة ضرورية 

زياد:واخا هاني كنسمعك ياك لبااس 

بسمة:مهم واحد نهار فاش مكنتيش جات واحد لبنت على ماسمعت سميتها فردوس وبقاو گالسين فصالون كايتافقو عليك ولاللهم جنات مخلات تاكلمة خيبة مقالتها فيك ونقصات منك ومن رجولتك

زياد كايحك فلحيتو بسمة أنا عارفك مكتحمليهاش ولكن ماشي لدرجة طيحي عليها باطل هاكا 

بسمة:كانقسم ليك ماكذبت عليك واش لهاد درجة مكتيقش بيا وليتي كاتيق بيها غير هيا ولكن أنا غانعطيك دليل باش تيق داك نهار سجلت هضرتهم كاملة مشات هزات لكادر ديال تصويرتها وخدات منو لكارط ميموار هاك خود ديرها فتيلي ديالك وسمع على خاطر خاطرك 

زياد ممصدقش كايتمنى ماتكونش هضرتها بصح وهادشي كولو غا حينت غايرة منها

خداها من عندها وخرج مشا لبيتو دار لكارط ميموار فتيلي وكايتمنى هادشي مايكونش صحيح معرفش علاش بغاها طلع بريئة (ههه غاسمع هادشي لي غاتسمع غادي يطيح فيك نص)

خدم تسجيل بقا شويا مبغاش يخدم ليه يالاه غايسدو وهو يسمع صوت بسمة طاح ليه العجب سمع كولشي ولكن تصدم صدمت العمر فاش سمع كلمة عثمان عينيه ولاو كي جغمة ديال دم وعروقو ولا كلهم كايبانو وهو يغوت بجهد بسسسسسسممممممممممممممممممممممممةةةةةوة وهو داك تيليفون تالسما ورماه 

مشا كابجري عندها لي هي فهاد اللخضة فرحانة مشا صاعر داخل عندها لبيت شافتو معصب وهي كتهضر شفتي قلتها ليك أخبيبي وماتقتيش 

زياد هز يديه تاليما وصرفقها وعاود هز ليها راسها وشد ليها شعرها أنا لقحبة يماك ديريها بيا هااا شكون نتي 

بسمة:كاتبكي ومخلوعة ززيااد ععفاك أش كادير هئ هئ أنا بسمة حبيبتك

زياد:منجبديهاش على غمك هاديك أشرف منك بألف درجة دبا قولي ليا شكون نتي واشمن علاقة عندك مع عثمان

بسمة غير سمعات سميت عثمات عرفات راسها صافي تكشفات على حقيقتها 

بسمة غيير سسمعني 

زياد مكاين من سمع هضري ولا كنحلف ليك بالله حتى غاتكون نهايتك على يدي ليوم

بسمة:وهي كتخنق صصافي أنا غانعاود ليك كولشي غير طلق مني 

زياد طلق منها بكثرت الأعصاب يديه بقاو مصورين ليه فعنقهااا 

زيااد:يالاااه دوي طلقينااا

داك نهار فاش ضربتو لبنت فطموبيل كنت أنا حينت ديكساعا كنت هربانة من واحد العصابة كانو خاطفيني ونتوما تخرجو فيا ولكن واحد راجل جا عتقني ودااني معااه دواني حتى بريت ولكن كان بمقابل أنو يدير ليا عنلية لي خدات ليا الوقت ديال مدة شهر رجعني نسخة طبق الأصل على بسمة وهو هددني لما عونتوش باش ينتاقم منك على لي درتي ليه غايرجعني عند دوك العصابة أنا كنت خايفة ودرت لي گال ليا 

زباد مصدوم ممتيقش باللي غثماان داار هادشي 

ونتي عاونتيه اه يعني أي حاجة قلتيها كلها كذوب جايا تعاونيه ولكن غايتقلب سحر على سااحر ومتي غاتستهدفي ليا سيهم عثمان لوكر ديالي وكنقسم ليك ديري هاه ولا هاه حتى نتبعك ليه ومن بعد ونتفاهم معاك 

بسمة:سسمحليا عفااك 

زياد:سكتي منيمعش صوتك قولي ليا سميتك 

هئ هئ نننددين 

زياد:ندين واخا ألاللة ندين هبارك يجيبوها تالييين

خرج وخلاها كتبكي وخايفة من عثمان ولكن ميكونش أمثر من زياد خايفة لا يدير ليها شي حاجة هي سامعة عليه بزااف وخاايفة منو 

فاش خرج زياد معصب دخلات عندها جنات لقاتها كتبكي وعرفات هلاش حينت كولشي داز على ودنيها 

جنااات:ههه كنتي ناوية ديريها بيا ونسيتي رااني جنات كنقشعها وهي طايرة فسما بلا ماديري أخبيبة دموع تماسيح حينت والله لا نفعووك معايا غهني راسك هاد المرة لا بغيتي ديريها بشي حد عودي عرفيه أش كايسواا مزيااان

خرجات وخلانها حاقدة عليها ممرهاتش طير عليها ولكن ملقات ليها جهد باركة غا موصيبتها لي مع زياد عاد عثمان

فاش خرج زياد من عند ندين مشا لنفس لبلاصة لي كايمشي ليها ديما گلس كايفكر فهادشي مزال دماغو ممستوعبش أش طرا ولا شنو غايطرا لي عاارف باللي نهاية عثمان على يديه داكشي علاش خرج من دار حينت لا بقا فالدار غايدير شي كريثة فندين خرج كايفكر فشي خطة باش يوقع فيها عثمان بقا شحال وشحاال كايخطط ويفكر تاطاحت عليه واحد الفكرة من بعد هز طموبيلتو ورجع زاف لدار دهل سمع سكات حينت كانت 4 ديال صباح مشا دغيا دخل لبيت ديال ندين لقاها ناعسة ودموع فعينيها ولتراس ديال يديه فعنقها زلا كايشوف فيها بحقد گاع لحب لي كان كيكنو ليها رجع كره حينت تقمصات شخصية إنسانة عزيزة وغالية وبتصرفها هذا كرهاتو فيها واها بسمة مبيدها والو وهي دبا هند لي خلقها إلا شي حاجة حيدات داك الحب لكبير من قلبو 

نفض أفكارو وهو يجر ندين من رجليها حتى طاحت من فوق ناموسية ناضت مخلوعة غاشافتو بدات كاتقفق غابوحدها 

ندين:ززياااد

زياد:بلا ماديري ليا فيها راكي خايفة لو كنتي خايفة مدخليش ناوية على الغدر من الأول 

ندين كتبكي:الله يخليك سمحليا ندمت بزااف راه شحال من مرة قلت ليه مليت وعييت من هاد اللعبة ولكن كل مرة كان كيهددني الله يخليك تيق بيا 

زياد:سكتي مبقيتش حامل نسمع صوتك أنا مجيتش دبا خينت موحشك ولا غانسامحك توتو مزال غانتكلف بيك خينت تانتي معاونة معاه دبا بغيتك تنفدي بالخرف هادشي لي غانقوليك غدا مع صباح غادي تعيطي ليه وبغيتك تقوليه بغيت نتلقااك ضروري وعندك شي حاجة مهمة لقيتيها عليا وغاتنفعو 

ندين:وولككن..

زياد:صرفقها عمرك تقاطعيني هو مع حقدو ليا عما ليه لعينين غايجي يجري ومن بعد خلي ليا نتكلف ولكن منصحكش ديري شي تصرف حينت عااد غاتقفريها نتااع بصح 

ندين:هئ هئ ولكن أنا أش غانكون أخراي من هادشي كامل 

زياد:أنا معارفش ومبغيش نعرف گاع 

ندين هئ هئ الاه يهليك نفذ لي بغيتي فير سمحليا وطلقني نمشي فحالي دير غير على العشرة لي جمعاتنا هاد شهورة 

زياد شدها من شعرها ونتي لي شفتيني كيف كانتعامل معاك وكنت كانبغيك ونتي مهتمتيش لمشاعر أخيب حاجة هي العدر من لي قريب ليك واخا نتي مكنعرفكش ولكن كتحملي وجه وشخصية لبنت لي كنت ناوي نكمل معاها حياتي كون جيتي وعاودتي ليا كنت من اللول غادي نعاونك ونسمح ليك

ونسمح ليك ولكن نتي دخلتي بنية ممزياناش فلذلك تحملي عواقبك 

زياد:مهم دبا نعسي غدا مع صباح نلقاك واجدة بغيت نهي هاد المهزالة بزربة خينت عندي بزااف والحوايج تقضى مناقصنيش هادشي تاهو 

خرج وخلاها كتبكي خايفة من المستقبل 

هئ هئ انا لي درتها لراسي دبا شنو غايوقع ليا لا عيط وقلتها ليه غايقتلني قبل مايقتلني زياد 

اش غاندير ياربي دبا هئ هئ وكفاش حتى عرف هادشي لي بغيت نعرف زعما تكون جنات لا إلى كانت قبل مانمشي فيها غانقتلها مشات كاتجري هزات موس ومشات عند جنات لبيت وهي تفيقها ناضت جنات مبوقة غاشافتها طلعو ليها لقرودة لسطح 

جنات:مسينا على ربي أش باغا باش تعرفيراسك منحوسة حتى لحلم خارجة ليا فيه خرجي تقاودي خليني نعس 

ندين:نتي لي بدلتي تسجيل ياك عليها تصرفاتك مبدلة هاد نهار 

جنات:حلات عينيها أووه مكنتش عارفاك ذكية لهاد درجة اه أنا كنتي زعما باغا ديريعا بيا ساعة تغديت بيك قبل ماتعشاي بيا راه قلت ليك من قبل عرفي معامن كتلعبي راه جنات المالكي وأجرك على الله ههه

ندين:وانا ليوم جيت نصفيها ليك 

جنات:ناري أويلي ميمتي بغيتي تقتليني شوفيني كيف كانترعد ومخلوعة ههه من نيتك أحبيبتي سيري نيني وكان سيري 

ندين جبدات لموس من وراها وبقات غاديا وكتقرب ليها ليوم غنصفيها ليك قبل مانمشي 

جنات كتصرط ريقها خينت بانت ليها مكضحكش ولكن ضروري باقا دافعة جبهة حسن ليك حيدي داك الموس ولا بربي أنا لي غانخشيه فيك 

ندين كاتقرب وجنات كتبعد حتى وقفها الحيط وندين حطات ليها الموس على كرشها 

ليوم نقتلك ونتهنا منك نتي سبتبي أنا أصلاا ميتة ميتة اللهما نخليك تسبقيني 

جنات:حست ليك حيدي هاد الموس راه غاتندمي 

ندين:هه لا مغاندمش بلعكس غانخلي زياد قلبو محروق عليك هه كيف غايخلي قلبي محروق 

جنات:اش كاتخربقي اش جاب زياد لهضرة 

ندين:هه واش يسحاب ليك انا هبيلة راه عارفاك كتبغيه زحتى هو غامن نضرات لي كتقيلو تبادلها قدامب وعلاش لا مدام غاينحيني علاش منديش محبوبتو تونسني 

جنات مصدومة ولكن غفلات ندين وبغات تاخد منها الموس ولكن ندين بقات كادابز معاها زتحاول ضربها عكس جنات لي كاتصدى شؤ ضربة تجي فيها ولكن ندين غفلاتها وضرباتها اجيهت لقلب وطاحت جنات لأرض غارقة فدماياتها فهاد اللحضة دخل زياد

غارقة فدماياتها فهاد اللحضة دخل زياد باش يطل على جنات غاشافها طايحة زالموس فيدين ندين تصدم من هول المنظر بحالا شديتي قلبو وقسمتيه شي حاجة فلداخل ديالو تهرسات شافها وغوت بأعلى صوتو حتى قفزاات ندين جنااااااااااااااااااات مشا كايجري تحنى عندها وهزها كايفيق فيها جنات جنات عفااك فيقي عفااك غير فيقي الله بخليك عمري نعااود نقلقك ولا نقول ليك شي حاجة كنواعدك اه كنبغييك عفاك غافيقي فهاد المدة بفيتك بثداعك وتجعويقك ولكن كنت رافض نقولها ليك دبا غافيقي والاه حتى كنبغيك ونموت علييك بقا كايفيق فيها مبغاتش هزها وقبل مايخرج قال لندين كنقسم بربي المعبود وتعتبي باب ظار حتى ندفنك وغانرجع ليك غابلاتي ندين خافت وحتى دارت لفعلة عاد تنادم معاها الحال وگلسات كتبكي وتلزم فراسها أما زياد طار بجنات المستشفى وصل وريب مستشفى بغواتو ويسب ويعرعر حتى الأطباء خافو منين سافوه وعرفوه جاو خداو من عندو جنات زيااااد:بربي توقع ليها شي حاجة هاد صبيطار يطيح فوق ريوسكم كتفهمو دخلو جنات لغرفات لعمليات لي ستغرقو فيها ياعات طويلة أما زياد واقف على نار من جمر كايتفكر فاش كان كايتجاحد معاها وشحال كايعجبو يعصبها اه ولا كايبغيها مي مبغاش يبينها ليها بغاها حتى تعلم مزيان عاد يعتارف ليها لكن هادي مكانش ضارب ليها لحساب مجرد الفكرة ديال تمشي من يدو وتموت كايضرو قلبو مغاديش يستحمل موتها ولي زاد عصبو الأطباء والممرضات كل مرة غاديين جاايين دازو 3 ديال سوااايع عاد خرج واحد من دوك الأطباء خرج وعلامات الحزن على وجهو زياد:أشكاين هضر واش هيا لباس طبيب:سي زياد أش غانقوليك درنا لي علينا وكثر ولكن دقة جاتها فالقلب زياد:شانق عليه وجهو حمر دبا عضر القلاوي أش وقع ليها تقول ماتت بربي تانحيييك من دنيا طبيب:سي زياد تهدن أنا نقلتش ليك ماتت غاهيا دخلات فغيبوبة معرفناش إنتا تقدر تنوض منها يمكن سيمانة شهر عام ويمكن متنوضش على حساب هي وجسمها والإرادة ديال لبقاء ديالها فهاد الحياة زياد مصدوم جمع يديه وعطاه حتى رعفو واش عاارف أش كاتقول كفاش تقدر تقول متنوضش ولش غرفتي إلى ضاعت من بين يديا ومناضتش كنقسم ليك حتى نقبىك قدام عباد الله جاو الممرضين هزو طبيب وكايهدنو فيه وباللي غايكون كولشي بيخير زياد:گلس ويديه فوق راسو مايمكنش تموتي مايمكنش خسرت بسمة ولكن نتي مغانخليكش تموتي واخا تكون حياتي ثمن غير افكر ندين ناض سااعر غادي ليها

زياد بلغداايد لي فيه مشا طاير ماعقلش على راسو حتى وصل لباختومون فين ساكن مشا كايجري فرع عليها لباب بينما ديكساعا كاانت ندين كتبكي وتشهد على روحها غاسمعات صوت شي حاجة تهريات عرفات راسها قفراتها بالمزياان ولا غاكتفتف والبولة حابساها 

زياد دخل عليها لبيت صااعر 

فينك القحبة اه واش عرفتي أش درتي بفعلوك حب حياتي قتلتيه حب حياتي دخلتيه فكومة واليوم بربي تانحييك من دنيا شدها من شعرهاا وىدا كايضرب فيها بحالا كابضرب فشي واحد صحيح مراعاش باللي راها بنت وجسمها ميتحملش داكشي كامل بقا عليها بلعصا حتى شوي متجيفات فيديه ولا غاكتشهد أما دموع تخالطو ليها مع دم زعضامها كلهم دگدگو 

ندين بصوت شبه مسموع:ععفااك سسممحليا الله ييخخليك ممكنتش فالووعي دديياللي

زياد:عينيه ولاو بحال جمر شدها من شعرها وقابل وجهو مع وجها غامكنتيش فوعييك تنوضي ضربيها بالموس طلبي ربك باللي ماماتش أما كنت غانصفيها ليك (الله الله ياسي زياد هادشي غا دگدگتيها مخليتي فيها حتى عظم صحيح أما كون ماتت علن الله شغادير)

ندين:زياد عفااك طلق مني ععفاك

زياد:عمرك تنطقي سميت زياد على فمك فهمتي فراسك مابقيتش كانحمل شوفة فيك بسببك كرهتيني فوجه بسمة الحقيقية واخا مدارت والو ودبا غاتغسلي هاد الحالة غاتعيطي لداك زامل وديري معاه وانا غانتكلف بيه 

ندين:ووااخخا عففاك غا عاونيي ننوقفف عللى ررجلليا 

زياد:واقيلة هضرت نوضي تقاودي كون كانو بصح رجليك عزاز عليك مديريش هاد الفعاايل كاملين 

ناضت كاتماااوت فالوشية بزز حتى ناضت غادية وشادة غالحيط ودم كايقطر عليها حتى وصلات لدوش حيدات لحوايج بزز وطلقات رشاشة والما كلينزل حمرر بكثرت دم لي خرج منها فينما كاتحط يديها كاضرها ديك لبلاصة 

أما زياد فاهز تيليفون ديالو عيط لمامات جنات لي كان من قبل سجل نمرة ديالها وهضر معاها

زياد:ألو لاللة حبيبة 

لاللة حبيبة:ألو شكون معايا 

زياد:معاك زياد راجل بنتك جنات 

لاللة حبيبة نصدومةأول مرة يتاصل بيها اه أولدي لباس عليك واحد جنات 

زياد:داكشي علاش هضرت معاك متخلعي ماوالو جنات كاينة فسبيطار دبا 

لاللة حبيبة:مخلوعة😱😱أويلي مال بنتي ياك مدرتي ليها شي حاجة 

زياد:الله يهديك ألاللة أش عندي ماندير ليها مهم غانقوليك العنوان****سيري عندها عفاك قابليها لا تنوض كوني فجنبها أنا نقضي شي غراض ونجي 

لاللة حبيبة قطعات مخلوعة على بنتها مشات عيطات لفردوس قالتها ليها لي حتى عيا بدورها ماتت عليها بالخلعة تلقاو ومشاو عندها المستشفى لي نعت ليها زياد

------نرجعو عند زياد نشوفووه أش ناوي يدير ----

من بعد ناقطع مع لاللة حبيبة تاصل بالفرقة ديالو وخبرهم باش يتلقااو معاه فالمكان لي غايتلقا فيه مع عثمان 

قطع مشا دوش وبدل عليه لحوايج مع هادوك عمرو بالدم ديال جنات لبس تريكو نص كم فالكحل والأبيض نايك وسروال دجين وسبادري ناايك ودار عليه كاسكيطة وهز سوارت والفردي ديالو وخرج لقا ندين واقفة كاتسناه كانت لابسة سروال سليم فالغوز بارد مع مايو فالأبيض وصباط فالأبيض وصاك كانت طالقة شعرها وجها شاااحب مافيهش لون خايفة أشنو غايطرا فيها هي متأكدة غايسجنها مع عثمان 

شاف فيها زياد بشوفة ناقصة وقال ليها تحركي قدامي ندين معاوداتش معاه الهضرة حدرات راسها وسبقاتو طلعو فطوموبيل 

زياد:عيطي ليه دبا قولي ليه بغيتك فواحد الموضوع مهم وقولي بيه نتلقاو*** ويااك تبيني ليه شي حاجة 

ندين هزات لبورطابل ودارت لي قال ليها وخدمات لهوت باغلوغ

عثماان:أوهه وأخيرا عيطتي قلت غاتكوني نسيتينا إوا شنو ديك جنات دردبتيها من دار 

ندين شافت فزياد وهي تهضر اه صافي راه جرا عليها زياد ودبا باغاك ضروري عندي ليك شي حاجة لقيتها علبه تقدر تنفعك 

عثمان حل عينيه على الأخير 

بحالاش هادشي 

ندين:هادشي ماشي ديال تيليفون نتلقاو من دبا نص ساعة ف *** وجي بزربة راه بقدر زياد يجي فأي لحظة ومايلقانيش فالدار 

عثمان:واخا نص ساعة نكون عندك نتمنى تكوني جايبة شي حاجة بالفايدة ديالها (لا لا متخااقش من ناحيت بفايدتها بفايدتها نيييييت)

ندين:لا كون هاني وقطعات عليه 

زيااد:أوهووو دايرين ليا فيها عصابة ولكن غابلاتي بيا ولا بيكم 

ندين:غير

زياد:يكتي منسمعكش 

ندين معاودااتش لهضرة سكتات وضربات طم خايفة لا تجيبها فعضامهاوعي باقا مقصحة 

من لعصاا لي عطاها ليها 

--من بعد نص ساعة ديال طريق وصل زياد لواحد لبلاصة قريبة ونزل فيها ندين باش ميشوفوش عثمان 

زياد:غاديري هاه زلا هاه بربي ماتلومي إلا راسك ونتي تعرفي 

ندين:لا متخاافش 

زياد:أنا مخايفش نتي لي خاصك تخافي

ندين سرطات ريقها وهي تمشي بخطوات كلها خوف لكن خاولات تمالك أعصابها 

غير وصلات وشافتو وهي تنشي عندو 

عثمان:أهلا على يلامة فين هاد تعطيلة 

ندين:غاسمحليا غامع طريق كانت واقعة فيها واحد الأكسيدون 

عثمان:امم أوكي يالاه وري داكشي بي جبتي بعدا 

باقي مكملش عثمان هضرتو وقفو عليه لبوليس تصدم معرف باش تبلا شويا دار وبان ليه أخر واحد كايتمنى يشوفو فهاد للحضة

عثمان:نتاااا😲

زياد:عطاه بواحد لبونية لي جامع فيها گااع لغدايد والحقد والإنتقام ديالو اه أنا وأخيرا لقيتك ومكاينش لي يفكك مني بقا كايضرب فيه كايضرب دوي أنا يزاامل تصيفط ليا قحبة تلعب عليا محشمتيش اه مكفاكش لي درتي بيني وبين بسمة حتى ماتت 

عثمان:بسمة ماتت بسبااابك ماشي بسباابي 

زياد:كون ماشي نتا داك نهار لي قطعتي لرانات كون راها عايشة دبا 

عثمان:ههه ولكن مزيان منين مات ولا مكنتيش غاتلقا بجناات

زياد غير يمع سميت جنات وهو يصعر ولا كايضرب فينما عمرك تجبد سميتها يالكلب زامل سمعتي جنات متجبدهاش على فمك الموسخ

عثمان:ناض من الأرض وهو كايضحك ويشوف فواحد من دراري لي من الفرقة ديال زياد شويا غفلهم وهز لفردي على راس ندين 

هههه مايمكنش نمشي بوحدي وماشي أنا لي نتهزم ونستسلم قبل مانموت غانقتلها معايا حبنت خانتني وطعناتني فضهري 

زياد:حسن ليك حيد داك الفردي وباركة من هاد الهضرة ديال المسلسلاات والأفلام حينت هاد تمثيلية معندها فاش تفيدك معايا 

عثمان:هه هانتا غاتشوف ولش كنمثل ولا كانهضر بصح 

ندين:لا عفااك زياد متخليهش يقتلني الله يخلييك 

عثمان:هه لا أخبيبة دبا لا زياد لاغيرو غادي ينفعك 

زياد هز عليه الفردي خين ليك سلم راسك وخلي عليك لبنت 

عثمان:مستحيييييل ولا قي الأحلام أنا ميت مبت ولكن ماغانمشيش بوحدي 

هز سلاح فوق راسها وضغط على زناد ماهي إلى ثواني حتى كانت ندين جثة هامدة بين يدين زياد 

أما عثمان كيف قتلها تيرا فراسو 

أما زياد مزال مصدوم بندين لي كانت بين يديه كان ناوي من بعد داكشي كامل يسمح ليها حينت كيقما كان الحال تاهيا غير ضحية من ضحايا عثمان بقات فيه واخا بسبااابها جنات فغيبوبة 

عيطو الأسعاف ولكن فات الفوت كان دا مول الأمانة أمانتو ندين جاتها لقرطاسة فراس هزوها هي وعثمان وداوهم عكس زياد لي جاه كولشي على غفلة تفكر ياماتو مع بسمة و حتى ندين لي كانت حاملة لوجه ديالها وشخصيتها وهو فداومة ديال تفكير ديالو جاه إتصااال من المستشفى خبروه باللي جنات توقف نبض ديالها 

غير سمع زياد باللي جنات حبس نبض ديالها فلبو وقف رجليه مبقاوش هازينو طاح الأرض اه أول مرة زياد بن عمران يبكي على شي وحدة ويطلب ربي يرجع ليها حياتها بكى ونزل دموعو 

زياد:كنترجاك رجعها ليا كنبفيها بغيت نكمل معاها حياتي كنطلبك ياربي عاونها ترجع وتعيش وقلبها يحبا من جديد حينت باقا خياة طويلة بيناتنا فهاد اللحضة الأطباء فغرفة ديال العمليات كايديرو ليها صعقات الكهربائية باش تعيش 

الممرضة:غانفقدو المريضة أدكتور 

طبيب:لا ظغنفقدوهاش ديرو نفجهدكم وإلا هاد المستشفى غتهد فوق راسنا 

زياد:عفاك متخلينيش عيشي على قبلي إلى كنتي كتبغيني تشبتي بدنيا وخلي إرادتك قوية باش نكملو مع بعضياتنا 

فهاد الأثناء جاه إتصال من المستشفى خاف وتردد يجاوب خاف لا يسمع شي حاجة ممستعدش يسمعها ولكن دارها فيد الله وجاوب 

طبيب:ألو موسيو زياد بغيت غير تقوليك المدام ديالك راه الحمدالله قدرنا نعتقوها وتخطات مرحلة الخطر وراها مبقاتش داخلة فغيبوبة 

زياد سنع عضرتو بحالا أبواب جنة تفتحو ليه وعلاش لا وهو سنع أحسن خبر فحياتو وربي ستاجب لدعائو ورجع ليه حبيبتو باش يكمل معاها لي باقي مبداه 

طلع فطموبيل ومشا زااف ديريكت لجيهت المستشفى غير ةصل وهو تبان ليه مامات جنات گالسة مشا عندها 

زياد:هالتي الحمدالله جنات راها بهير وكولشي غايتصلح دبا 

لاللة حبيبة:أش غايتصلح وبنتي بسبابك شوف أشوقع ليها وهادشي غير لي فراسي أما لي مفراسيش يعلم بيه الله

زياد:خالتي سمحيليا على أي حاجة وأنا فهاد المدة تعلقت بنتك ماشي غابغيتها ولييت مهووس بيها ودبا طالبها من عند على سنة الله ورسوله الله يخليك مترديهاش فوجهي 

لاللة خبيبة شافت تاعيات وعرفاتو باللي بصح كايبغيها ومعمرو يفرط فيها باينة غير من دموع لي فعينيه مكاينش شي راجل يبكي على ود شي وحدة غير هكاك واخا ولكن بشرط نديرو داكشي بتقاليد جيب مك وباك يخطبو البنت من عندي 

زياد بفرحة باس بيها على يديها هي لي متعاودش أنسيبتي لعزيزة غير تشافا لينا جنات ونديرو لي بغيتي 

لاللة حبيبة:إوا الله يرضي عليكم ويكمل عليكم 

زياد:أنين ياربي 

فهاد اللحظة جا طبيب سي زياد لاللة جنات راها فاقت 

زياد ناض فرحان بغيت نشوفها 

طببيب:واخا راه حولناها لشومبغ ديالها ويمكن ليك دخل تشوفها 

زياد:واخا شكرا 

طبيب:لا واجب

شاف زياد فلاللة حبيبة وحركات ليه رايها زعما غير سير شوفها مشا بزربة طاير دهل عندها لقاها حالا عينيها غاشافتو وهي تقلب وجها 

زياد:كايضحك فنفسو ولكن جمع تغوبيشة مالنا أشكاين 

جنات:الله ينعل لي مايحشم جاي تكمل مابدات ديك صفريطة والله لا بقاات فيها غابلاتي نوريها ضريب بلماس باغا تصيفطني مكفنة وانا مزال ماشفت ماتشوفت وگلسات كتعبر هه ومزال ماتلاقبت بفارس أحلامي لي غانعيش معاه فرومانسية ونتزوجو ونولدو أحح إنتا نلقاه دارت لقاتو كايخنزر مقدرش يستحملها كاتهضر على واحد أهور من غير وهو يطير على فمها باسها بوسة حنينة كاتعبر على حبو وشوقو وخوفو عليها قبلة لي ندمجات معاه فيها وحسستها باللي راه فحضن دافئ لي غادي يحميها وبدافع عليها وغايكون ليها هو الأمان بقاو دقائق على ديك الحالة عاد حيد من وهي تزنگات وحمارت 

زياد كايضحك ويتك ويتك على الحشمة عمرني عرفتك ياجعولقتي كاتحشمي 

شافت فيه زنالي بنت ليك نقزدرة لديك درجة 

زياد:ها لي گلنا ههه

شوفي نقوليك واحد الحاجة من اليوم نتي ديالي صبرت وهبيت فقلبي ختى عيييت ولكن فاش كانت الموت غاتدييك ليا عرفت قيمتك كنبغيك أجنات ويلا بغيتي نقولها لعالم نقولها كنبغيك بعضرتك تجعويقك قباحتك ضحكتك فجميع حلاتك كنبغيك وغاتبقاي فجنبي ومعايا طول ما أنا عايش بزز بالخاطر المهم غاتكوني حدايا بفيت نكمل معاك حياتي ونولد معاك ولادي هذا❤بغااك نتي👈

جنات:لي عمر دمعتها سالت لي حلفات دموعها هي براسها متشوفهومش ليوم طيحاتهم 

زياد:شش كنبغيكش تبكي عينيك مبغيتش نشوف من اليوم فيهم دموع 

جنات طارت عليه بتعنيقة لي كافية توصل ليه بيها أحاسيسها وباللي حتى هيا كتبغيه 

زياد ههه هاي هاي على جعيويقتي طايحة فيا ومفراسيش

جنات:إوا ماشي دسرتك عليا طلع فوق راسي راه سميتي لاللة جنات 

زياد:جنات ديالي ههه

جنات:نيقات فيه ديالك مالي شاريني من دلالة 

زياد:ألاللة باز فراسك جيت تالعند وتحدو ليا 

جنات:إوا قول راه كيدهن عظيم 

زياد:مناحيت عظيييم فهو أعظم ههه 

جنات:إوا طلب تسليم 

زياد:حمقة ديالي

زياد:أجي بعدا گالسة عليا گبيلة كاتحلمي عليا ياك قلتي معندكش مع رجال وأهر همك هو زواج 

جنات:وراه كنت كانمعني عليك المطنگ

زياد:ياك أنا مطنگ هه وبدا كايهر فيها 

جنات:وابعد مني ونتا ضحكك كي لبناي راه دايرة عملية وباقا جرحة جديدة 

زياد:هه واخا سمحي ليا 

جنات:أجي بعدا نتا كتقوليا كتبغيني وعذا وديك صفريطة أش غادير معاها 

زياد:أووف حريرة واشمن حريرة معرفت منين نبدا ليك 

جنات:بدا من اللول كيف كايبداو گاع النااس 

زياد:المهم أنا غانعاود ليك من نهار عرفت بسمة وأشنو وقع معاها وعلاقتها بعثمان 

جنات:عثمااان؟؟

زياد:هاني غانعاود ليك مهم بقا زيااد كايعااود ليها كولشي من اللول تالأخير ولكن مزال مقال ليها راه ماتت 

جنات:أوااه وهادي أش غادير معاها من النفروض تسدها فالحبس حينت نتاحلات شخصية وحدة خرى وعاد ضارباني بالموس أنا بعدا والله مانيمح ليها غانرفع عليها دعوى قبل بعدا غانضرب ليها واحد مولاتي نتفة ياسلااام 

زياد؛ونااااري ولش فمك فيه غالقرطاس ونتيف مكتسكتييش خليني نكمل ليك راه ندين ماتت 

جنات:تصدمات ماتتت😲😲 إنتا؟كفاش؟وعلاش؟وشكون قتلها 

زياد إلى خليتيني نكملل غاتعرفي مهم كيف قلت ليك عثمان سيفطها ليا ولكن واحد تسجيل طاح فيدي وسمعتو هو لي بين ليا الخقيقة مهم درت أنا وياها خطة طيحنا عثمان فالغخ ولكن لي مكنتش متوقع هو عثمان تيرا فيها وتيرا فراسو 

جنات:أوااه نااري ولد لحرااام صدق مجرم مهم كل واحد كايتعاااقب على أفعالو وهما دارو هادشي فالدنيا وربي كتب ليهم هادشي 

زياد:داكشي بي كاين واخا بقات فيا ندين كانت غاضحية من ضحايا عثمان كنت ناوي نسمح ليها ونعاونها توقف على رجليها 

جنات:أييه وتزوجو وفرخو نتوما گاع 

زيااا؛هاي هاي على الغيرة 

جنات:لغيرة إوا صافي مالقيت علامن نغير 

زياد:مالك بوگووص 

جنات هه ضحكة صفرة:شكاار راسو داز من هنا 

زياد:ومالك نتحاطو كلمة مني نطبح المخيرة فالبنات

جنات:ههه أيبه لابغيتي بحيرو فيك طباا مرحبا 

زياد عنقها ههه مغيارتي الحمقة علاه أنا باقي نقدر تشوف من غيرك 

جنات:إوا غالا قدرتي 

جنات فاش كان معنقها زياد حيات بتأنيب ضمير مقدراتش متقوليهش راه هي لي بدلات ايجيل داكشي علاش قالت نقولها ليه ولي ليها ليها ويلا كان بصح كايبغيني غايتفهم الموضوع جنات:أحم زياد زياد:رووح زياد جنات:بغيت نقوليك شي حاجة ضرورية زياد:كايلعب ليها فشعرها مبغيت نعرف والو باركة غير هاد اللحظة لي أنا معاك فيها دبا جنات:حيدات ليه يديه وراه ضروري زياد:بف يالاه هضري جنات:دبا حنا بدينا فواحد العلاقة جدية لي يقدر بنتج عليها فالمستقبل شحال من حاجة ومخصناش نبداوها بلكذوب كولشي يكون صريح زياد:شاد ليها فيديها هادي مافيهاش شك أحياتي خاصنا منخبيو على بعضياتنا والو ومنكذبوش على بعضياتنا جنات:أنا مخبية عليك واحد الحاجة زياد رفع حاجب ونزل واحد أخور أما هي جنات:وحلف ماتعصب زياد:على حساب جنات:ولا حلف ليا ولا والله لا قلت ليك زياد:ظاير ليها خاطرها كنحلف ليك منتقلقش غاقولي أوجه المصايب جنات:عرفتي تسجيل لي سمعتي قيه هضرت بسمة ولا منعرف سميتها هي وداك عثمان زياد:اهاه مالو جنات:كذبل فعويناتها😌أنا لي سجلتو زياد:😰نتي وميف درتي ليها اه بلاتي بلاتي بديت كنفهم داك نهار قالت ليا ندين عندها واحد تسجيل عليك بغات تسمعو ليا وعطاتني واحد الكارط مبموار ولكن كانت فيها هضرتها وشكيت مبمكنش هي تفصح راسها جنات:واراه انا لي بادلت تسجيلات حينت فاش جات عندب صاحبتي واحد نهار كنت حاقدة عليك ومع فمي كاياكلني مخليت فيك غاللي نسيت مشات هي سجلاتني باش تسمعو ليك باش تجري عليا زياد؛هاا نصتي نتي بادلتيهم باش تخرج فحالها هي ولايتي راكي واحد شيطانة منك مكاين جنات:شدات ليه فوجهو اهاااه باش دردبني مع دروج وتاخد راحتها معاك والله لا كانت ليها زياد":غانسمح ليك على حاجة وحدة حينت جياي وصرحتيني ولبنت راها ماتت دكريها بالخير جنات:الله يرحمها زياد:أمين .. فهاد اللحظة دخلات فردوس كيف لعجاجة...

يتبع فالجزء الأخير