أنا و الشقيقان الجزء التاسع

منصف كان جالس مور آدم غي سالا العرش دار ليه علامة بيديه👍..

جاو عندنا وطلبو منا نبقاو لحفلة بعد العرض..عيطت لمنصف نهضر معاه..

شيماء:منصف كون غي مشينا بلاش هاد الحفلة..

منصف:نو عادي نبقاو نيت صحابنا كاينين دونك عادي منها تا ديري بلاصتك وتعرفي مع بزااف دالناس..

عوجت فمي حيت عييت ومافياش مي فري هضرتو علا حق..وتفكرت بلي آدم كاين وانا توحشتو حيت مدة ماشفتو الصراحة واخة ماكنبينش مي قلبي ربي لي عالم بيه..

دخلنا لسهرة لبست كسوة حد الركبة كحلا بالكمام والظهر نصو عريان..مع ليباموص لون لحم..شعري طلقتو ولميك اب كان مناسب خليتو هكاك..

وقفت مع منصف حيت ماكنعرف تا حد..شكرونا اطر العرض..وهبطو كيسلمو ويتعرفو علا كلشي ومعاهم حسام وآدم لي تا هما مرة مرة يسلمو علا ناسهم..

شفت فآدم لي كان مندمج فالخدمة و واقف بكل ثقة هاز كاس فيديه وليد لخرا خاشيها فالسروال..ماحسيتش براسي وانا تالفة فيه..فري توحشتو واكيد ماكرهتش كون كنا مزالين بجوج..كلشي فيه كيعجبني ويدوخني..ابتسامتو ووقفو الرجولية وضرافتو..

آدم بدا يهضر علا لخدمة مع ضيوفو تا سالا وعلا عينيه علا غفلة تا شاف شيماء كتشوف فيه شوفات فشكل وغي شافها فاقت ودورات وجهها بزربة.ابتسم ابتسامة خفيفة وكمل هضرتو..

منصف كيدور فعينيه تا شاف لبوفي بغى ياكل شي حاجة..

منصف:انا غنجيب شي حاجة ناكلها نجيبلك معايا؟؟

شيماء:لا بلاش مافياش الجوع..

منصف:دبا نجيبلك شي حاجة خصك تاكلي باش ماتمشي تمرضي..

شيماء:اوك..

مشى وبقيت بوحدي كنشوف مع جنابي ونحك عنقي بالتوتر ماكنحملش بحال هاد البلايص..تا لقيت شي حد وقف ماجنبي..

دورت وجهي كنتفاجئ بشخص باينة فيه ماشي مغربي..

(الحوار بالانجليزية)

شخص:مرحبا..

شيماء كتحاول تهضر بالانجليزية لي الحمدلله دارت سونطر باش تقنها:مرحبا..

شخص:انا ريكي من مدراء الشركة الايطالية..

شيماء:تشرفت بمعرفتك..

ريكي:الشرف ليا..الصراحة عجبني العرض بزااف ونتي كنتي متألقة وراقية كيفما شفناك من قبل..

شيماء بابتسامة:شكرا..هادا لطف منك..

ريكي:لا كنهضر بصاح..نتي كنتي من اجمل عارضات ليوم..اصلا جمالك الطبيعي اخاااد كيخلي لي يشوفك تعجبيه ويرتاح ليك..

شيماء بخجل:شكراا..عيونك الزوينين..

ريكي قرب:ماشي بحال عويناتك..

آدم علا عينيه شاف داك المنظر ان هاداك كيهضر معاها وكيحاول يقرب وباينة فيه سكر وجاتو عليها..سمح فكاع صحابو ومشى باتجاههم..

شيماء بعدات وكتشوف تقلب علا منصف لي كان كيختار لماكلة:س سمحلي غنمشي عند مدير اعمالي غيكون محتاجني..

ريكي شدها من يديها:لا خليك شوية..ماقلت باش بقيتي بوحدك..

آدم وقف موراه والدخان خارج من ودنيه:لا ماراهاش بوحدها..

انا تصدمت بقيت نشوف وكنبلع ريقي الليلة ترون بسبابي..

ريكي دار كيضحك:اووو سي آدم..اجي شاركنا هاد اللحظة..الفاتنة ديال العرض بغات تمشي وتخليني وانا بغيت غي نهضرو شوية وصافي..

آدم هضر بالمغربية معصب منو:شيماء سيري عند منصف..

شيماء بلا ماتحس جاوباتو بخلعة:اوك مي برد وبلا شوهة..

آدم تنفس وهز راسو..

دار جيهة ريكي:هنا عندنا العارضات لعرض الازياء وصافي ماشي لشي حاجة خرا.(قرب عندو كيهضر بتأكيد)فهمتي..ماشي لشي حاجة خرا..محتاج شي حاجة قلب عليها فبلاصة خرت ولا انا نوصف ليك فين كاينين..

ريكي كيضحك ويحاول يستفزو:مي انا عجباتني هي..

آدم حاول يضبط اعصابو:هادي مشكلتك..

الايطاليين حسو بالندية د آدم وريكي من بعيد جاو عندهم..

روول:شنو واقع هنا؟؟

آدم:كنفسر لصاحبكم بلي لبنات لي هنة ماشي لاغراض خرا..

روول حشم وشاف فريكي لي باين عليه سكران:اوك اوك فهمت..ماتقلقش ا سي آدم..هادا هو ريكي ديما كيديرلنا هكا فاش كيسكر..كنعتاذر منك الا قلقك..

آدم:لمهم مايقلقش لعارضات عن اذنكم..

بعد آدم ومغلغل حيت ماضربوش..

كنت واقفة بعيدة وكلما كنشوف كفاش ديما آدم كيدافع عليا وكيتدخل فالوقت المناسب كيكبر فعيني اكيد تا مشى وماوقع والو وعرفتو وقفو عند حدو عاد مشيت عند منصف..

منصف:مالك لونك تبدل؟؟

عاودت ليه كلشي تعصب حيت مادانيش معاه ملول باش نتفاداو الصداع مي بينتلو بلي لاخور كان حاط عليا وفاي لحظة كان ممكن يجي عندي..مي آدم وقفو عند حدو..

منصف:آه يا آدم..ديما كيلحقك فالوقت المناسب..

دورت وجهي بعيد وهو تنهد وفكر مع بالو"فوقاش غتحني عليه اشيماء وتعرفي بلا ماغتلقايش واحد بحالو يبغيك هكا"...

آدم مشى دخل لحمام وكيضرب برجليه لبوبيل معصب وكيصوط"الز*** لاخور..قالك عجباتني..تفووووو تفوووو(كيغوت)عندك الزهر هي حبساتني عليك..مي يستاهل شي جوج كروشيات يدوخو دين مك..اوفف كان خصني نضرب باش نرتاح"..

حسام دخل حيت سمع بشنو وقع لقى آدم منيرفي ومزنك..

حسام:تهدن ا آدم صافي..

آدم:بففف جاي سحابلو عندنا حنا الدعارة ومن لبنات كاملين شاف غي شيماااء..دين مو كان خصني نقتلو..

حسام:لا بالعكس تصرفتي حسن كون دابزتو لعرض كيتقلب علا سفاه..تهدن ا صاحبي مالك..مابقى والو ويمشيو بحالهم لمهم تبقى صورتنا نقية..

آدم غسل وجهو باش يبرد وخرج مع خوه..

ماقديتش ناكل وبقيت كنقلب بعيني علا آدم..عرفتو كان معصب بزااف..تهولت عليه كنساينو ايمتا يبان..

منصف:شيماء مالك؟؟واش نمشيو لدار؟؟

شيماء:أ..لا لا بلاتي..

منصف:اوك لي بغيتي..

عليت عيني تا شفت حسام وآدم خرجو بجوج عاد رتاحيت حسيت بيه واخة مقلق مي متبت..

آدم شاف لجيهة منصف وشيماء جات عينيه فعينيها ودور وجهو باش مايحسسهاش بلي دار دام التصرف قصد يتقرب منها ولا يبان حداها..

حسيت بيه مبدل من جيهتي ماحملتش راسي فاش دور وجهو مني..

شيماء:منصف عييت ياله نمشيو..

منصف استغرب:ههه عاد سولتك قلتي لا..

شيماء:غتمشي ولا نمشيو بوحدنا..

منصف اوك اوك ياله..

تحركنا ودزنا من حداهم تا وقف منصف حداهم احترام..

منصف:حنا غنمشيو دبا..

آدم كيشوف جيهة منصف وصافي..

حسام:اوك ليلة سعيدة..شيماء برافو عليك ونتمنالك غي المزيد من النجاح..

شيماء:شكرا تصبحو علا خير..

منصف ضرب كتف آدم ومشى هو وشيماء..

خرجت ماحاملاش راسي..علاش كيعاملني هكاك مالي شنو درت ليه بففف..

آدم بقى فيه لحال ماجاوبهاش مي يمكن من الافضل مايهضرش..

وصلت لدار لقيت ماما كتسايني وخوتي نعسو..بستها ودخلنا نعسو زعما..

بقيت نمسح لمكياج كنتفكر وقفتو معايا مافهمتش واش غيرة ولا غي موقف رجولي مع بنت خدامة معاهم..زعما نساني؟؟شفتو تقلب عليا..يكون بقى فيه لحال حيت عاملتو هكاك؟!الصراحة تا انا زدت فيه..ماكانش خصني نديرلو هكاك..زعزعت راسي..لا مايمكنش..شنو كنقول انا نسيت شنو دار فيا وفاش فضل لالاتهم هبة عليا..احسن حاجة نوض نعس..حيدت لاغوب ولبست كيطما سخيخنة وحطيت راسي..

آدم رجع لدار بدل وجلس فالبالكون كيفكر فحياتو لي تبدلات بزااف من نهار تفارق مع شيماء لي فاش دخلات حياتو نوراتها وخلاتو يحس برغبتو فالزواج..وانو يدير دارو حيت لقى لحب الحقيقي..

حسام دخل لبيتو لقى رحاب ناعسة ومنعسة ولدها حداها..علا حاجبو وحك راسو كيفكر فين ينعس..دخل يبدل عليه وخرج شاف فيهم وابتاسم آه هادي حياتو وفهاد لبيت كيحس بكيانو اكيد ماغاديش يبعد..قرب منهم وكحز لخدية دايراها رحاب لولدها باش مايطيحش وحط راسو كيشوف فيها ناعسة وشادها ولدها من صبعها..

خدا يد ولدو التانية وشدلو صبعو عجبو لحال باسو..وبقى كيشوف فيهم تا عيى ونعس..

اصبحنا واصبح الملك لله..

فقت بزز مع مادانيش نعاس فطرت وعاونت ماما ماكاين مايدار..جلست قبالت التلفزة..

يسرا جات من المدرسة شافت ختها هكاك مشات سولت ماماها..

يسرا:ماما..مالها شيماء؟؟

ثورية:والله ماعرفت..من الصبح وهي مبدلا..

يسرا:واخة انا نمشي نسولها..

ثورية:لا صافي خليها طرونكيل الا بغات تهضر هي غتهضر..

يسرا:صافي اوك..

دخلات لبيتها وعيطات لمنصف يجي عندها تحت الدار باش تعرف واش الحفلة سبابها..

جا منصف ويسرا قالت لماماها غتشوفو وطلع..

ثورية:اوك ماطوليش..

هبطات يسرا سلمات علا منصف وحرك الطوموبيل..

وقفو فبلاصة زوينة..

منصف:مالك ا حبيبة شنو كاين.؟

يسرا:اممم كنت بغيت نسولك..ختي ملبارح مافهمتش مالها وماقالت والو..

منصف مابغاش يبين:بصاح علاش مالها؟؟(خاف يهضر يبقاو ديما هازين ليها لهم فالخدمة ويسحابلهم ماغيقدرش ينفعها ولا يحميها..قرر يسكت حيت لموضوع مايستاهلش)

يسرا:اممم زعما(مامثيقاش)

منصف:كون كنت عارف غنخبي عليك؟؟

يسرا:علاش ماقاداش نثيق بيك..حاسة بيك مخبي عليا..

منصف:اوفف ا يسرا صافي قلتلك ماعارف والو..

يسرا تعصبات:اممم اوك صافؤ سمحلنا علا الازعاج..(خرجات من الطوموبيل وشيرات لطاكسي)

منصف تصدم فيها ماجا يلحق عليها تا ركبان ومشات.ضرب رجليه مع الرويضة وبقى معصب:اوووف شحال عقلها صغير ودغيا كتعصب..

رجعات يسرا معصبة كثر من ختها دخلات نيشان لبيت كتشوف ف تيلي كيصوني ومابغاتش تجاوب..

ثورية دخلات عندها:مالك شكاين؟؟

يسرا:والوو..

ثورية:لا باينة والو..غي كنتي غتهرسيلنا لباب..ياكما تخاصمتي معاه..

يسرا:يمشي يزمر كنسولو وعارفة تحت راسو شي حاجة مابغاش يجاوبني..

ثورية:يهديك الله ا بنتي..مالك دايرة شوهة صافي مابغاش ختك دبا تقاد لاش نايضة ديري لمشاكيل..هادشي مايستاهلش..ماتنسايش هو مدير اعمالها قبل مايكون خطيبك..فهمتي..

خرجات ثورية ويسرا كدورها فدماغها حسات براسها زادت فيه وبزااف...

شيماء:مالها؟؟

ثورية:غي مسكينة سحن عليها راسها كتقلب معامن دابز..

شيماء:ههه اوك شوية وترجع كيف لول..

ثورية:الله يهديكم وخلاص..

شيماء عرفاتها معنات تا عليها..سكتات وحطات راسها لأرض..

يسرا دخلات غسلات وجهها يديها كياكلوها علا تيلي كتساينو غي يصوني باش يتصالحو..

آدم جالس فالخدمة تا جاه تلفون هزو مستغرب من الرقم لي ماعرفوش..

آدم:ألو شكون معايا..

لبنت:ألوو..سي آدم ياك؟؟

آدم:آه انا شكون معايا؟؟..

لبنت:حنا من مستشفى $ بغينا نقولولك بلي سي منصف عندنا..

آدم وقف مخلوع:أ منصف؟؟شنو وقعلو؟؟

لبنت:ياله دار اكسيدو وجابوه عندنا قلت نعلم شي حد من عائلتو وطحت فنمرتك كان مصوني عليها آخر حاجة..

آدم:م ماسمعتش تيلي يمكن..بليز طمنيني عليه الا عارفة شي حاجة؟؟

لبنت:يمكن غي ردود ولكن مازال ماتأكدنا مزيان..

آدم:اوك اوك ها انا جاي دبا.لمهم الله يخليك صوني علا خطيبتو سميتها يسرا باش تجي واخة؟؟..

لبنت:اوك سيدي..

قطع آدم ماشايفش قدامو وخرج نيشان لكاراج ركب طوموبيلتو ومشى لمستشفى..

لبنت قلبات لقات يسرا تا هي كان كيصوني عليها بزااف..صونات عليها..

يسرا كانت حدا السرجم غي صونا تيلي مشات كتجري مي تصدمات مين مالقاتوش هو..

يسرا:ألو ؟!!

لبنت:ألو..يسرا ياك..بغيت نقولك خطيبك عندنا دار اكسيدو وهو دبا فالمستشفى $..

يسرا تصدمات وبدات تبكي:م منصف..لا اهئ اهئ وا واش فحالة خطيرة؟؟

ثورية وشيماء سمعوها كتبكي دخلو كيجريو يشوفو شنو كاين..

لبنت:مازال الفحص جاري ويقدر يكون غي ردود..

يسرا:اهئ اهئ اوك ها انا جاية..

قطعات كتبكي:م منصف دار اكسيدو..

شيماء دارت يديها علا فمها وثورية غوتات:الله ا ولدي..

يسرا:اهئ اهئ خصنا نمشيو دبا..

شيماء:اوك ديري عليك مونطو نمشيو..

ثورية:اوك سيرو وطمنوني واخة..انا خصني نساين تا يرجع عماد ونجيو واخة..

يسرا تلفات لبست بزز لمونطو وخرجات هي وشيماء شدو طاكسي نيشان لوبيطال

دخلنا لوبيطال سولنا وعرفنا فينو..طلعنا نيشان لبيت بالدخلة لقيناه متكي حال عينيه ومعلقين ليه رجليه وآدم حداه..تسمرت فبلاصتي..

يسرا بخوف:م منصف منصف..نتا صافا؟؟

منصف:ههه عاد كتسولي عليا..بقيت فيك!!

يسرا فشلات وهي تجلس كتبكي وهو غي شاف دموعها تكره..

منصف:يسرا لا ماتبكيش صافي ماكنبغيش نشوفك هكا!..جلسي حدايا هانتي انا مافيا والو رجلي لي تشعرات والحمدلله..

شيماء:حمدلله علا سلامتك ا منصف..

منصف:الله يسلمك ا شيماء..قولي لهاد لبكاية تسكت ههه..

شيماء:ههه انا علا برا..قولهالها نتا نيت..

آدم فهم راسو:تا انا غنساين علا برا هضرو نتوما..

منصف:اوك..

خرجت وعارفاه مورايا جلست علا كرسي حدا لباب كرتاح من لخلعة..

آدم خرج ووقف بعيد شوية باش مايسحابليهاش دارها بلعاني..

شفت فيه وحنيت راسي حيت شفتو جبد تيلي ديالو كيخندش فيه ماعرفتش واش دار صحابات ولا كفاش..بفف دبر راسو..

منصف:وا صافي(كيمسحلها عينيها)ماتبقايش تبكي..

يسرا:انا السبب اهئ اهئ..

منصف:ماتقوليش هكا كلشي من عند الله..

يسرا:لا انا قلقتك ونتا مين كتعصب ماكتعرفش تسوق..ماتبقاش تسوق هكاك واخة؟

منصف:واخة احبيبة واخة..اجي عندي.(عنقها)شوتت انا عمرني نتقلق منك..

يسرا:سمحلي خصني نقدر ظروفك ومانلومكش علا شنو ماكان..

منصف خرجلها راسها وشادو بين يديه:خفتي عليا ا حبيبة؟؟

يسرا تزنكات وهو استغل لموقف وبدا جارها عندو يبوسها وهي تا قربات وحنات راسها حشمانة وهو يعلي ليها راسها وباسها فجبهتها:نصبرو معاك شنو نديرو هههه..

يسرا بسمات وهو رجع حطها علا صدرو فرحان بيها..

لفرملية مشات نيشان عند آدم وشيماء مخنزرة مافاهمة والو..

لفرملية:سي آدم راه خرجو تصاور لرجل سي منصف الا كنتي باغي طمن كيف قلتيلي..

آدم بسم:اوك ياله نمشيو..

لفرملية عجبها آدم بقات تشوف فيه فرحانة وشيماء حسات بيها بدات تغلي تا قربو حداها وهضرات..

شيماء:ختي ياك لاباس.ياك سي منصف مافيه والو؟.

لفرملية ماعجبهاش لحال قاطعاتها مع آدم:ا لا غي غنمشيو نشوفو صور الاشعة ديالو..

شيماء وقفات:تا انا بغيت نشوفهم.

لفرملية:وشكون نتي اختي؟؟

شيماء خنزرات فيها:انا خت خطيبتو وهو مدير اعمالي اوك؟؟

لفرملية حنات راسها:اوك اوك ياله..

آدم جاتو الضحكة عليها اول مرة دير هكا وحس بيها بحالا غارت عليه وهو يتحل مزيان وعجبو راسو..

آدم:اممم لغرفة دالاشعة بعيدة ا آنسة ااا..

لفرملية بفرحة:ز زينب..

آدم:متشرفين آنسة زينب..

زينب:الشرف ليا..نو راها فالطابق لي تحت هادا..

بقيت غادية معاهم غنطرطق وحسيت بالحكرة عيني دمعو وهو كيتعرف عليها حدايا تا وقف الاسونسور ومشيت بحالي لجيهة الدروج كنمسح عينيا ولكن راه بزز مني كيهبطو..علاش كيديرلي هكا ديما..

آدم غي شافها سمحات فيهم وبحالا كتمسح عينيها عرف بلي غلط عاوتاني سمح فلفرملية لي مافهمات والو وبقات تعيطلو ماجاوبهاش وتبع شيماء...

هبطت فالدروج وجلست فواحد لقنت كنبكي ونمسح عينيا..

آدم:ش شيماء!!

شيماء:الصمت..

هبط قبالتها وهي حانية راسها:و واش تقلقتي مني..والله حتى كنت باغي نغيرك وصافي..نتي عارفة بلي ماكاينش من غيرك فقلبي ونتي لوحيدة لي...

قاطعاتو:لي كتجرح.(علات عينيها لحومر فيه.وهو تصدم من جوابها)انا الوحيدة لي كتجرح..وفري نستاهل حيت بغيتك من اعماق قلبي وتوقعت انك كتبغيني بزااف وكنت غالطة خيت دغيا سالا وقتي وجا وقت بنات خرين..

آدم بحزن:هاديك هضرة قلتها باش تكرهيني وتنسايني ماشي حيت بصاح..انا عمرني فكرت فيك هكا..نتي ديما كنتي فبالي لبنت النقية المربية لي ايمانها قوي وعمرها كتفكر تآذي شي حد..

شيماء:يمكن حيت انا هكا استمتعتي ونتا كتآذيني ..ونتا كتشوف الالم والدمار فعيني.(تنهدات)شنو مازال باغي مني ا آدم..كنتوقع بلي كلشي الزوين دوزناه فباريس دونك ماعندك ماتزيد تاخد..امم لا حقا بلاتي يمكن طامع فيا بحال كاع الرجال!مي سمحلي داكشي عمرك تلحقو مني كون هاني(ناضت تمشي شدها)..

آدم:انا هو لوحيد لي ماكيشوفش غي جسمك..ولي عمرو يطمع فيك..وأي واحد يفكر يآذيك انا نوقف ضدو..حشومةعليك تفكري فيا هكا..غلطتي الوحيدة اني بغيت بنت تا خويا بغايا فيوم من الايام..حاولت نخلي علاقتي بيه مزيانة ومابغيتش نعيشك فعذاب لغيرة والشك كلما نتجمو معاه..ولا نحسسك بثقتي لمهزوزة فيكم ونتوما بجوج..حاولت نبعد باش مانشوفش خويا كيتألم ونتي معايا وديالي..حيت يوقع لي وقع عمرني نتمنالو داكشي..ماكرهتش ناخدك ونسافرو بعيد مي عارف ارتباطك بعائلتك ومابغيتش نكون اناني ونحطك فختيار..شيماء الا يسحابلك تعذبتي غي نتي غتكوني غالطة..تا انا تعذبت وبزااف وانا كنشوف نتيجة اعمالي فيك..وغيرتي الدايمة وخوفي عليك من ناس لي يتمناو يضيعوك..الا قدرتي تفهميني اكيد غتحسي شحال كنبغيك وعمرني نساك والله..

طلق آدم منها وهبط بلا مايسمع حتى كلمة..بخلاف شيماء لي حسات بكل كلمة قالها وتنهدات وهي كتمسح عينيها لي كيسقيو الارض"زعما كيبغيني تالهاد الدرجة..وكيخاف عليا؟وكيغير؟والله مابقيت فاهمة والو علا الاقل كون تطاني فرصة نستوعب هضرتو ونجاوبو"

رجعت لفوق ودخلت غسلت وجهي ودقيت علا منصف ودخلت..

منصف:فين غبرتي؟؟

يسرا شافتها:خ ختي مالك؟؟

شيماء:لا والو غي راسي ضارني..اوا كيبقيتي منصف؟؟

منصف:حمدلله..

شيماء:نتابه علا راسك راه يسرا كانت غتحماق لينا ههه..

باسلها يديها:اممم نشاءلله وتا هي خصها تنتابه علا راسها وكثر كاع..

ضخكات يسرا وشافت فختها لي مهمومة مي مابغاتش تقلقها بالاسئلة وبدات تعلم تصبر وتخلي لكل واحد مجال يبقى مع نفسو..

جات ماما وعماد طمنو علا منصف ومن بعد مشينا لدار وهو مابغى تا واحد يبات معاه حيت غينعس والا حتاج شي حاجة غيعيط لممرضة..

رجعنا وتعشينا وغي دخلت لبلاصتي بقيت نفكر فكل كلمة قالها آدم للحظة حسيت بالفرحة وبسمت..قال بلي كيبغيني ولكن انا حسيت بيها بلا مايقولها..خايفة يكون كيتفلا عليا عاوتاني اوف..لا لا كل كلمة كان عندو فيها لحق وماكنضنش بحالو بحال كاع الوحوش لي دايرين بيا..

حسام تكى فبلاصتو ورحاب لاحظها كتعاملو بنشافة بقى مستغرب مامتعوداش دير هكا..

لبسات كيطما فالحمام وخرجات كدهن كريمات ليديها ورجليها..فكات شعرها من لفوطة ونشفاتو بزربة وجمعاتو..تخشات فبلاصتها عاطية لحسام بالظهر وهو مازال كيشوف فيها..

رحاب:بونوي(طفات ضو لي حداها)

حسام:امم بونوي..

تاهو طفى الضو وبغى يجرب يقرب منها باش يشوف ردة فعلها..بدا كيزيد عندها شوية بشوية تا شم ريحة شعرها عجباتو..

زاد حداها وهضر بصوت خافت:مقلقة مني؟؟

رحاب غي سمعات صوتو وحساتو قريب.شداتها تبوريشة:ع علاش نتقلق منك؟درتي شي حاجة تقلقني؟.

حسام حط يدو علا شعرها:يمكن حيت ماكنقربش منك..

رحاب طلعات فيها وهبطات..دارت وخنزرات فيه:شنو كتقول؟؟علاش انا قلتلك قربي مني بزز؟؟

حسام ماكيرضاش:انا ماقلتش هكا مي غي سولت وصافي..

رحاب:لا..ها هو جوابي..زايدون نتا مامضطرش تقرب مني..حنا تزوجنا بسباب محمد حسام..وانا عارفة هادشي دونك متقبلة من نهارنا لول هاد لعيشة غي باش ولدي مايترباش بلا أب وصافي..اما انا نسيت راسي من شحال هادي.من نهار غلطت وتالدبا كندفع الثمن..

دورات رحاب وجهها وعينيها تعمرو بالدموع..حسام خس بلي زبلها بهضرتو وماعرفش يعبر..حيت هو ديما طبعو مايقول والو و واخة تكون عينيه فشي حاجة كيبغي يبين بلي الطرف التاني هو لي خلاه يدير هكاك..تلف ماعرف لا يواسيها ولا يعنقها ولا يعتاذر..رجع لبلاصتو وتكى علا ظهرو ومرة مرة يشوف فيها مي هي صافي غمضات عينيها ونعسات فنظرو..

رحاب زيرات علا عينيها والنعاس والو..هضرتو جرحاتها بحالا هي لي كتموت عليه وهو مامكثرتش...

آدم رجع عند منصف بعدما تأكد بلي كلهم مشاو..وكان ديجا سول الطبيب وقالو خصو راحة.ويبقى مكبص رجليه تقريبا شهر..

طلع لقاه ناعس جلس قدامو وغمض عينيه..

صباح جديد فاق منصف لقى آدم قبالتو..استغرب مافهمش مالو..

منصف:آدم آدم..

آدم حل عينيه:اممم..

منصف:شنو كدير هنا؟؟

آدم:مابغيتش نخليك بوحدك هنا..

منصف:ههه ياكما غنموت..

آدم:هههه كلنا غنموتو..

بقاو مجمعين فلبيت تا قرب وقت لخدمة ومشى باش مايتلاقا بتاواحد..

مشينا فالصبح لوبيطال وفاش طلعنا لكولوار شفت آدم غادي وركب فالاسونسور..ماكرهتش كون زربنا باش نتلاقاوه..بقينا مع منصف وبالي مع آدم الصراحة..

حسام فاق لقى رحاب و ولدها ماكاينيش غسل وجهو وجاه احساس قبيح بحالا تكون مشات فمرة..هبط كيجري ويقلب تا بانو ليه جالسين فالكوزينة وكيتهاودو مع دادة لعاليا..تنهد وبسم وضرب الدورة لبيتو..

رحاب عرفات ولدها خصو يبدل طلعات لبيت ولقات حسام كيدوش..جبدات حوايج وكتبدلو تا خرج..

حسام بابتسامة:صباح لخير..

رحاب:صباح نور..

حسام:فين كنتو فقت مالقيتكمش..

رحاب:غي محمد حسام فاق بكري وقلت نخويو لبيت حست مايفيقك..

حسام حنى عندو باسو:واخة يفيقني هانية..انا كنستمتع وانا حاس بيكم قدامي(شاف ف رحاب)

رحاب حنات راسها وسكتات..حيت عارفاه كيحاول ينسيها شنو وقع فليل..

حسام شاف فيها لقاها مازالة مقلقة شدلها يديها..

رحاب بقات كتشوف فيه..

حسام:سمحيلي..

رحاب بحالا تفلاشات مافهمت والو..يديها بداو يرجفو..

حسام بابتسامة:عارف راسي غلطت معاك..مي صبري عليا مازال ماولفت فكرة اننا تزوجنا..كنواعدك نحاول نحيد مني القباحة غي سمحيلي..(رحاب كترمش وفرحانة ملداخل)نتي وولدي دبا اهم حاجة فحياتي وعمرني غنبغي نخسركم اوك..

رحاب استغربات فيه اول مرة تشوفو هاكا وكيعتاذر ملفوق..

بسمات ليه:الله يسامح..

باسلها راسها فرحان ومشى كمل لباسو عاجبو لحال..

محمد حسام بقى يلعب برجيلاتو وهي كضحك معاه وتبوسو بالفرحة..وحسام حاضيهم فرحان بيهم قدامو..الكبرياء والغرور ماعندو تا بلاصة هنا وخصو يتعود علا حياتو هنا حيت مابقاش يحس بالراحة فأي بلاصة من غير هنا...

رجعنا منصف لدارو وعولنا نبقاو نمشيو نزوروه مرة مرة ونطمنو عليه.. حسام مشى لخدمة وبقى يفكر يدير عشاء رومانسي باش يفرح رحاب..وطلب من سكرتيرتو الجديدة تحجز فمطعم زوين.. آدم مشى لدار دوش وحس براسو عيان شوية تكى يريح راسو.. جا ليل وآدم مازال ناعس ومافيه لي ياكل محتاج غي ينعس هادي ايام مارتاح ولا نعس بحال الناس.. حسام رجع مع 6:30 وطلب من دادة تقابل ولدو واكيد قبلات وعجبها لحال..طلع هو نيشان لقاها منعسة محمد حسام.. حسام:رحاب وجدي راسك.. رحاب باستغراب:علاش شنو كاين؟؟ حسام:امممم واحد صاحبي عارض علينا هو ومراتو..وخصنا نمشيو.. رحاب:اه مي فين غنخليو محمد حسام؟؟ حسام:راه قلتها لدادة وهي غتكلف بيه..ياله سربي 7:30 ماكسيموم نخرجو من دار.. رحاب:امم اوك.. دخلات رحاب كتشوف شنو تلبس وختارت غوب بلوغوا بالكمام وحد الركبة وظهرها نصو عريان..طلقات شعرها مسرحاه ودارتلو بابيليز خفيف..وبدات وجهها ودارت شرطة مع قلم تحت عينيها زرق وعكار غوز لشنايف..صباط باج مع مونطو قصير بالحزام باج وصاك معاه.. خرجات عندو وتا هو كان لبس كوستيم غري مع كرافاط زرقا جاو متواتيين غي شافها داخ بسم وباسلها يديها.. حسام:جيتي زوينة.. رحاب تزنكات وبسمات:شكرا.. حسام:نمشيو؟! رحاب باست ولدها وهبطو.. لعاليا شافت فيهم عاجبها لحال شبعوها وصايا..ومشاو.. ركبو لور وهي فرحانة اول مرة يخرجو بجوج بعد الزواج.. وصلو لمطعم وهي شادة فدراعو.. دخلو جر ليها لكرسي وهي مستغربة:ف فين صاحبك ومراتو مازال ماجاش يمكن؟؟ حسام:هههههه.. رحاب:علاش كضحك؟. حسام:امممم ماكاين لا صاحبي لاوالو.. رحاب:؟؟ حسام شدلها يديها:انا بغيت نحتافلو بزواجنا علا طريقتي هههه.. رحاب علات حاجبها وبانت لفرحة فعينيها..وهو ضحك تا بانو سنيناتو لمستفين..طلب لماكلة وبداو يتعشاو ويهضرو مرة مرة.. سمعو موسيقى خافتة ناض مدلها يديه وناضو يشطحو.. حسام كيشطح جار رحاب من خصرها وملصقها فيه:فرحانة؟. رحاب:كثر ماتصور.. حسام فرح وهي خشات راسها فصدرو عنقها وبقاو يشطحو بهدوء.. سالات الاغنية وجلسو...حسام ناض لحمام يغسل يديه وبقات رحاب كتساينو يرجع.. شوية وقف عليها واحد:سلام!! رحاب علات راسها:سلام.. الشخص:ممكن نتشارك معاك الطبلة؟.اكيد الا كنتي بوحدك؟ رحاب:لا سمحلي راجلي معايا.. الشخص:مزوجة بففف علا زهر عندي.. رحاب:ياك سمعتي ردي دونك كتمنى تمشي حسن مايشوفك راجلي ويفهم غلط.. حسام شافو من بعيد تعصب ومشى دغيا لطبلة:شنو واقع هنا؟؟ رحاب بغات تهضر وهو يسبقها داك الشخص:سمحلي انا غلطت وشبهت عليها.. حسام:سبحان الله..غي هي لي شبهتي عليها؟؟اوا مين هكا لاش مازال واقف؟. الشخص:ها انا غادي... مشى الشخص وحسام خنزر ف رحاب.. رحاب:اقسم بالله قلتلو مع راجلي وهو بقى كيهضر.. حسام معصب:كون ماعطيتيهش فرصة مايبقاش واقف..مي تا دبا هانية نوضي نرجعو لدار.. رحاب:علاش كتقولي هكا انا شنو درت؟؟ حسام:دبا بلا شوهة وياله نمشيو لدار.. رحاب ناضت هزات صاكها وخرجات وهو تابعها..حسات بالحكرة بعدما تقادات الامور هاهي عواجت.. ركبو الطوموبيل وهو كيشوف فقنت وهي فقنت...

دخلو لدار ورحاب طلعات بزربة فالدروج ودخلات لحمام تنهدات وغسلات وجهها..تا لعاليا شافتهم مافهمت تا حاجة..حسام طلع ودخل هز بيحامتو وخديتو وخرج لصالون..

رحاب تا تكالمات شوية خرجات مابانش ليها شافت لفراش مخصر ولخدية ماكايناش..تعصبات وجلسات كتندب حظها..لبسات بيجامة وطلات علا ولدها لقاتو ناعس..وتعطلات شوية شافتو ناعس فالصالون فوق الفوطوي..شدات لباب ومشات لبلاصتها مقلقة..نهار لي حساتو بداية علاقتهم الزوجية هاهو تخصر بفف فبلاصتو مايباتو معانقين ها هو بايت فبيت وهي فبيت آخور..

جا الصبح فاق آدم هبط فطر ومشى لخدمة قبل من خوه..

حسام ناض.دخل لبس بزربة وخلاهم ناعسين..

آدم جاه خبر من الايطاليين ان شيماء خصها الاسبوع المقبل تمشي باش تستاعد لعرض..بقى كيفكر كفاش يديرو ومنصف اصلا رجليه مريضة..ماضيعش لوقت وفكر يمشي عندو وقت لغدا ويهضرو فداكشي..بعد السلام دخلو فالموضوع..

آدم:العرض الايطالي بعد اسبوعين..

منصف:أ بصاح؟؟

آدم:اممم هادشي لي وصلني ليوم..دونك شيماء خصها تسافر سيمانة جاية بلش دير بروفات وياخدو قياساتها..

منصف:مي انا رجلي مريضة..

آدم:عارف وهدا هو المشكل..

منصف:نتا غتسافر؟؟

آدم:يمكن مازال ماعرفت!!

منصف:الا ماكنتش انا غنسافر ضروري تسافر نتا..

آدم بصدمة:أ...

منصف:آه هادا الحل الوحيد..مايمكنش نضيعولها هاد الفرصة..كيفما مايمكنش نخليوها تسافر بوحدها..

آدم:ولكن هي ماغاديش تقبل..

منصف:خلي شيماء عليا..انا غنحاول نقنعها..

آدم حنى راسو ماكرهش توافق ويسافرو بجوج..

رجع آدم لخدمتو بعدما تغدا هو ومنصف ديليفري..

منصف صونا علا شيماء:ألو..

شيماء:ألو منصف صافا؟؟

منصف:حمدلله ونتي؟؟

شيماء:حمدلله..

منصف:امم جاتك سفرة لايطاليا..بعد اسبوع خصك تسافري باش ديري بروفا وياخدو مقاساتك..

شيماء:ا أ كفاش..ونتا كيغادير؟؟

منصف:ماغنقدرش اكيد نسافر..

شيماء:هاء وانا صعيب نسافر بوحدي وتا اللغة ماعنديش..

منصف:شوية واجي عندي نتي ويسرا باش نهضرو فالموضوع اوك..

شيماء:اوك..شي ساعة ونجي نهضرو..

قطعات شيماء تلفون ومشات علمات يسرا توجد راسها لي فرحات بزااف غتشوف خطيبها ودوز معاه لعشية خخخ..

شدو طاكسي ووصلو بقاو يستفسرو علا السفر..

منصف:انا لقيتلك الحل..

شيماء:شنو!لمهم مانسافرش بوحدي..

منصف:غتسافري نتي وآدم..

شيماء حلات عينيها مصدومة ويسرا عجبها لحال وبسمات..

شيماء:ش شنو كتقول..انا وآدم؟؟

منصف:هدا هو لحل الوحيد هو غيقدر يكون جنبك ويعاونك..

شيماء:ل لا مستحيل نسافر 

معاه..

يسرا:علاش اختي..لخدمة كتبقى خدمة..

منصف:يرضي عليك هادي هي الهضرة ههه..وي حيت مايمكنش تفرطي فهاد الفرصة..وحيت ضروري يكون معاك شي حد خصو هو يسافر معاك..

شيماء:بففف مانقدرش..كفاش غنتجمعو من جديد..زايدون تا هو عندو خدمتو وماغاديش يفرط فيها علا قبلي..

منصف:غي قولي اه وماشي سوقك..هاد الفرصة ماخصهاش ضيع فهمتي..

شيماء:اووف شوفلنا حل آخور..

منصف:ماكاينش حل..آدم هو الحل الوحيد..

شيماء حنات راسها مقلقة مع انها بينها وبين نفسها عاجبها لحال..

منصف رتاح وغمز يسرا متفاؤلين بهاد السفرة ههه

حسام رجع لدار مخنزر زعما..طلع لبيتو لقا رحاب جالسة كتلعب فتيلي ماهضرش كاع..جبد بيجامتو وخرج من لبيت خصوصا انو شاف ولدو ناعس..

رحاب تفقصات حيت ماهضرش معاها وقررات تلعب عليه ديس..بغات تفقيلو قلبو وتعصبو كيفما كان كيعصبها..بقات تفكر تفكر تا طاحت فبالها فكرة..

آدم جاه اتصال من منصف..بقاو يهضرو شحاال..

آدم:امدرا سولتي شيماء؟؟

منصف:ههه وافقات..

آدم تقاد فالجلسة:كتفلا ياك؟؟

منصف:ههه والله حتى وافقات..

آدم عجبو لحال:اوك مزيان..

منصف:زعما مافرحتيش؟؟

آدم:عادي غاديين لخدمة.وصافي..

منصف:امم ثيقتك ههه..

آدم:ههه ديها فصحتك ههه..

منصف:علا سلامتنا سمعنا الضحيكة ديالك هههه..

آدم:قطع لمك ولا هاد النهار غنخرجلك من تيلي ههه..

قطع منصف فرحان حيت عندهم فرصة يتصالحو..

خرجت نتقدى وبديت نستاعد للسفر..اكيد تما ناس فشكل وزيد عليها سي آدم معايا دونك خصني نبان قرطاسة خخخخ..حسام ورحاب ديما مضادين فالتصرفات ولا يجي كيلقاها منعسة ولدها حداها بحالا ماعندها غرض بيه..والاغلبية كطلق لكليمة شوية وتلبس سوفيطمات وشوميز دونوي باش ثيرو..وحسام فاش كيشوفها هكاك كيبقى يتحك غي مع راسو ويحك فلحيتو ويخرج معصب..

آدم خدام اونفورم ومرتاح نفسيا حيت تابعو سفر مع شيماء..

اصبحنا واصبح الملك لله..

ليوم السفر فقت مع 6:00 واصلا ماقديتش نعس صراحة ههه..نضت دوشت وقاديت شعري ولبست فيست بيضة مع كسيوة طاي باطو لاصقة عليا تحت الركبة بشوية..مع ليبوط فالمارو وصاك صغير هازاه فيدي..قاديت وجهي خفيف للسفر مع عكار مارو فاتح ماط وشعري قاديتو مسرح جا زوين وسامبل..بقيت نساين يجي آدن مورايا حيت عندنا طيارة مع 10..واخيرا سمعت صوني دلباب جاوباتو ماما وقالتلو بلي هابطة..

سلمت عليهم وهزيت لفاليز ديالي ودرت فوق مني مونطو بيض طويل علا لكسوة..هبطت وتنفست الصعداء وفتحت لباب..

آدم كان متكي علا الطوموبيل كيساينها تخرج..لابس جاكيط بيضة قصيرة مع سروال جينز كحل وصبادري بيضة وداير نظاظر كادر كحل ومع الضو كيبانو خوضر..

غي شاف لباب تحلات بسم ومشى عندها خدا لفاليز منها:صباح لخير..

شيماء:صباح نور..

مشى خشى شانطة فلكوفر ورجع حل ليها لباب لور..

آدم:تفضلي..

شيماء سمحات فيه ومشات لقدام تجلس حداه احتراما حيت مايمكنش تحسبو شيفور..

آدم شافها ركبات ضحك ومشى جلس حداها فرحان..وديمارا الطوموبيل..

حسيت بقلبي تزير وهو حدايا فري توحشتو وكنحاول مانبينش مي حبي ليه كيغلبني بزااف..درت نظاظر فعيني باش الا قديت نسرق الشوفة..مي كلما كنحاول نشوف فيه كيحصلني وكنحس بيه عجبو لحال تكرهت وقعاتلي شحال من مرة ماحسيت تا قلتلو بلا شعور..

شيماء:سوق وشوف قدامك..

آدم:هههه واخة ا لالة ههه

بقينا غاديين والاعصاب شاديني من داك الضحكة جنب لي كيدير..هو الصراحة كيبان تيتيز ولكن..احم احم الله ينعل الشيطان ههه...

يسرا بقات طلل عليهم فاش مشاو وضحك..

ثورية:مالك نتي واش تسطيتي كضحكي بوحدك،؟

يسرا:ههه لا والو والو..

وصلنا اخيرا لمطار داخلين وهو جار جوج فاليزات ماخلاني نقيس فوالو..درت الصاك فيدي ومشيت معاه..دخلنا عطينا لوراق وخداو لي فاليز ومشينا نساينو فقاعة الانتظار..

آدم:تشربي شي حاجة؟؟

شيماء:لا..

آدم جلس وعارفها مازالة منفخة عليه..واخة هكاك كان عاجبو لحال..مسافرين غي بجوج ومتوقع الاحسن..

ناض ياخد مجلة ولقى لمجلة لي عارضة فيها شيماء..هزها ومشى عطاها وحدة وهو حل باج فالمجلة مصورة فيها وبقى كيشوف ويبسم..

بان ليا كيشوف وعاجبو لحال طليت عليه بلا شعور وهو يضحك:راه غي نتي لي هنا ههه..

ناري حسيت بالسطولا دلما باردين عليا دورت وجهي..

آدم:جيتي زوينة هنا بزااف..

تحليت وعجبني لحال ومازالة دافعة شبابي غالي..

آدم:لي يشوف تصاورك مايقولش عليك قبيحة وقلبك قاصح..

دورت وجهي خنزرت فيه..بسم:كنقول غي لي كاين..تبتيلي لعكس..

شيماء:مامحتاجة نتبتلك والو لي بغيتي تفكر فيه فكر..ماكيهمنيش عارفة راسي كيدايرة..

آدم كيلعب ليها علا الاعصاب:شو كيدايرة..غوباشة هههه..

تجننت وخشيت راسي فالمجلة..

آدم كيعجبو لحال وهو شايفها هكاك كيحس بلي ماكرهش يعنقها ويهدنها..مي هي ماكتبغيش ودبا مين عرف نقطة ضعفها غيبقى يلعب عليها...

"النداء الاخير لرحلة ميلانو..المرجو الدخول من البوابة 111 وشكرا"

آدم:ياله نمشيو..

شيماء:راه سمعت ولا عاودولك عليا ماكنسمعش..

سبقاتو وهو ضحك عليها عارفها معصبة..

جيهة الدخول كاين جوج خدامين..

الاول:هاد النهار مادرنا تا سيلفي..

التاني:نتا ولفتي هههه..

الاول:وا حشومة لباج ديالي تبقى خاوية ليوم..ضروري ندير فوطو مع شي مشهور هههه..

التاني:الله يعفو عليك..

مشينا جيهة الدخول ووقفت انا قبل من آدم ومورانا ناس قلال..

الاول:التأشيرة مادمو...(علا عينيه ضحك)العارضة المغربية لي دايرة لبوووز ههه مرحبااا مرحباا لالة شيماء..

انا عجبني لحال تحلييت خصوصا فاش شفت ف آدم وكان مخنزر فيه غيقرطسو هههه

جاوبتو:الله يبارك فيك..وي هي انا..

الاول:اممم تباركلله عليك هاهي نيت لمجلة لي نتي فيها عندي..مي بيني وبينك فالحقيقة حسن من الصور ههه..

ابتاسمت ليه:شكرا هادوك عينيك..

آدم تغلغل:شنو غنبقاو شادين صف 100عام ..عتقنا ندوزو ولا تمشي علينا الطيارة..

الاول:اه سمحلي..ارا ليا التأشيرة ودوز انا ماكرهتش ندير مع لالة شيماء سيلفي..

آدم عينيه حمارو..

هضرت ببرود:صافي ا آدم.مازال لحال..ندير معاه سيلفي حشومة يطلبني ومانبغيش..

آدم كيطلع ويهبط بالالوان..

التاني:انا نشوفلك ا سيدي..

آدم عطاه لوراق وكيشوف شيماء كتصور معاه ولاخور مابغاش يحبس سيلفي مور سيلفي مي كان محتارم وواخة هكاك آدم شعلات فيه نار الغيرة هههه..

صافي عيى صابر ومشى جيهتها مين خدا وراقو ووراقها..جرها من يديها..

آدم خنزر فيه وكيهضر تحت لسانو:قلتي غدير سيلفي ماشي ألبوم...

الاول بضحكة:اه ههه شكرا(هما غاديين قبالتو)رحلة سعيدة ههه..

التاني:وايلي ماكتقاضاش خخخخخ..

الاول:هههه وا لقينا معامن نديرو سيلفي..مي داك خينا بان ليا مغيار ييخ..

التاني:تا نتا كتعيق بسلامتك..اجي كمل خدمتك اجي هههه..

غي جرني من يدي وغادي كيشوف لقدام حسيت بالغيرة ديالو ورجولتو وحبو ليا لي باين فوجهو لي تزنك وتا يدي لي مزير عليها..قلبتلو 6..9 هههه يستاهل هو باغي يستافزني انا لي غادي نستافزو غي يساين خخخخخخ....

حسام ناض مشعكك من بلاصتو كيحك عينيه ودخل يغسل وجهو وهو يلقى رحاب شادة ولدها وكترضعو من صدرها وكضحك معاه..حبس عينيه من الشوفات ودخل لحمام..هي كتحس بيه كيطول فيها الشوفة وماكتبغيش تبين ليه عايقة..

طلعنا لطيارة وعندي احساس واعرر والله ماتقول غي ماشيين بجوج شهر عسل..

كانت بلاصتي حداه وهو جاتو بلاصتو حدا الشباك..

آدم:دخلي..

شيماء:مي هاديك بلاصتك..

آدم:غي جلسي عارفك كتبغي تكوني علا الشباك..

تفاجئت فيه مازال عاقل..بسمت وحنيت راسي وجلست..

بقيت نشد الحزام وهو شافو مازال مرخي زيرو ليا وانا غي قرب دخت اعباد الله شميت ريحتو لي ماتلفليش واخة ماعرفت شنو يوقع..غمضت عيني للحظة باش نتمالك اعصابي وحليتهم لقيتو سالا وبدا يقاد لراسو..

بكل عفوية وحنان قلتلو:شكرااا..

آدم:مرحبا..

جبد تيلي ديالو وبقى يقلب فشي تخربيق مافهمتوش..

آدم سالا وخدا لكيت مان ودار وحدة فودنيه وقالي:تصنتي معايا؟؟

هزيت راسي:اوك..

خديتها من عندو وهو بدا يدير اغاني علا ذوقو..داكشي متنوع وزوين خصوصا فاش دار اغنية واعرة فهمت فيها شوية"please forgive me=سامحيني"

المغزى ديالها"هل تذكرين اول ليلة قضيناها سويا..اول قبلة....مهما قابلت ستظلين الاهم.....سامحيني لا اعرف مادا افعل..سامحيني لا استطيع العيش بدونك.."

تصنت والصراعة أثرات فيا بزااف عيني دمعو حيت كل حاجة فالاغنية تقالت خلاتني نتفكر ذكرى معاه..

آدم تا هو تخيل كاع اللحظات الزوينة لي دوزها مع شيماء ولي كانت كلها حب ووفاء وسعادة..دور وجهو جيهتها وشدلها يديها مزير عليهم..

غي شدلي يدي شفت فيه ماعرفت للحظة بقيت نعاتبو بعيني علاش دار فينا هكا وعلاش تسبب فعذابنا كنت بغيت نحيد يدي ولكن الاقلاع ديال الطيارة خلاني نشد فيه باليد لخرى وهو عنقني عندو باش مانخافش..

تا طلعات عاد رتاحيت شوية وانا كنقرا القرآن وحيدت لكيت غمضت عيني ورجعت حليتهم وبعدت عليه وهو ماطولش وحيد يديه..رجع ركبلي لكيت فوذني وماهضرتش ودار موسيقى كالم بقيت نسمعها تا بداو عيني يتسدو بقلة النعاس..

آدم حس براسها علا كتفو تا لقاها ناعسة بسم وقادها مزيان وهو كيشم ريحتها لي توحشها...

خرج حسام لابس حوايجو ورحاب كتهضر مع ولدها..

رحاب:لا لا ا بابا ماتبكيش..اجي ا بابا هضر معايا ههه..

حسام عرفها كتجبدو..زاد حدا ولدو منفخ..هزو وبدا يضحك معاه:توحشتك اولدي..

رحاب:تا انا توحشتك ا بابا هههه..

حسام جاتو الضحكة وكيحبسها:كبرتي اولدي تباركلله..

رحاب:تا نتا تباركلله عليك الواليد ههه.

حسام طلق ضحكة:هههههههه..انا لواليد؟؟هههه

رحاب:هههه فاش غيكبر ماغيرضاش يقولك بابا ههه..

حسام:اممم..لمهم يبقى بصحتو وعافيتو..

رحاب:نتصالحو ا بابا؟.

حسام:بففف اوك..

رحاب عجبها لحال..حطو ولدهم وهي عنقاتو فرحانة:والله ماكنبغيك تقلق..

حسام:اممم باينة..

رحاب:والله والله..

حسام:صافي انا مسامحك..

رحاب غوبشات:انا قلتلك نتصالحو ماشي الله يسامح..حيت انا ماغلطتش اصلا..

حسام:مي نتي لي غالطة..

رحاب عقدات حجبانها:واش باغي تسطيني..انا مادرت والو..هو لي جا هضر معايا واش كنتي باغي ندير شوهة ياك قلتلك قلتلو سير بحالك هو مابغاش..

حسام:اوففل ماتزيديش تفكريني..انا قلت فهمتي غلطك..ساعا مازالة زايدة فيه..بسلامة..

رحاب تعصبات:اوك مي لغلط فيا انا لي جالسة كنطلب فيك..ونتا اصلا ماعندكش ثقة فيا..بناقص بفف..

هزات ولدها ودخلات لحمام وحسام حس براسو زاد فيه وبدا يتأفف..زدح لباب وهبط يفطر..

رحاب خرجات حطات ولدها وهي معصبة من تصرفاتو ديما كيبغي يطيح ليها الكرامة بهضرتو...

آدم كان عاجبو لحال وهي بين يديه اخيرا..مي غي وصلو بدا يحاول يفيقها..

بديت كنحس بيد فوق وجهي..

آدم:شيماء.ششيمااء فيقي راه وصلنا..

جاوبتو:اممم..بصاح؟؟

آدم:واييه عولنا عليك بكري تونسينا هههه..

كنمسح عيني:اممم مانعستش فليل مزيان..

آدم بسم:ياكما بالفرحة دالسفر معايا.(خنزرت فيه)غي كنضحك ههه..

حنيت راسي وبديت نحل السمطة..وهزيت صاكي وهبطنا..بقينا غاديين متقادين وتا واحد ماشاد فلاخور..

خرجنا من المطار وكنت فرحانة الصراحة لجو هنا غيكون واعر...ماعرفت علاش متفائلة..

ركبنا طاكسي وغي آدم لي كيتصرف انا دايخة مع جمالية المكان خخخ..

وصلنا لاوطيل عاجبني لحال وهنا غيبدا الحماق خخخخ..

آدم وقف كيسول فالريسيبشن علا الغرف تا شاف فيا..

آدم:الاوطيل عامر..والغرف محجوزين..كاين غي جناح واحد لي خاوي..

انل حليت فمي:شنو؟جناح واحد..لا لا نشوفو اوطيل آخور ماكاينش غي هدا..

آدم:مي قالي هاد الفترة كاين فيستيفال والقضية عامرة فكاع الاوطيلات حيت كاين حجوزات علا الجهد..ونقدرو نفلتو هاد الجناح ونبقاو بلاش..

شيماء:ا لا مايمكنش..لقاو لقاو..

آدم:سايني نسولو..

آدم بقى بستفسر علا الاوطيلات والو كلشي عامر..

آدم:وهاد الجناح شنو فيه؟؟

الاستقبال:بيت نعاس وصالون..

آدم:بففف..

دار عند شيماء معصب...

آدم:والو ماكاين والو..

شيماء:هاء وشنو لحل؟؟

آدم:غادي نجلسو فيه لفترة تالغدا ونشوفو شي حل..

شيماء بقلة حيلة:وهاد الجناح شنو فيه؟؟

آدم:بيت وصالون..

شيماء:ماكافيش..

آدم:صافي ياله بعدا رتاحو من السفر نتي خودي لبيت وانا الصالون..

شفت فيه وبقى فيا الصراحة مي ماعندنا مانديرو..

طلعونا لباكاج ودخلنا لجناح كان كيحمق الصراحة دخلت لبيت واعر وفيه حمام..حطيت صاكي وجلست وآدم مابغاش يدخل لبيت احتراما وبقى فالصالون كيشوف فيه غي لفوطوي كيغايدير ينعس..

بدلت عليا وتكيت..تاسمعت الدقان..

انا:دخل..

آدم:سمحيلي بغيت ندوش..

انا:اه واخة دخل..

آدم:اوك ميغسي..

دخل بدا يدوش ولحمام اصلا طخونصباغو...الله يسمحلي مرة مرة نشوف كيبان ليا لخيتل ديال الجسم ديالو خخخخخ نوض نقج مو راخ طارلي النعاس هههه..

شفتو سالا غمضت عيني وحالا التانية شوية وهو خرج لاوي عليه لفوطة ملتحت ومشى لصالون...ناري شحال مؤدب ماشافش لجيهتي وانا ناعسة..

خرج آدم مسح ولبس عليه تيشورط وشورط كوحل وجمع 2فوطويات وتكى...

مشالي النعاس ونيت كنت شبعتو فالطيارة خخخ..

خرجت بالحس لصالون لقيتو ناعس..ناري قلبي الصغير لا يتحمل..دخت اعباد الله بحالا اول مرة غنشوفو.وقفت قبالتو كنشوف فيه وساهية بسمت وقربت ليه ماكرهتش نعنقو...تا مديت يدي نقيس شعرو وتراجعت..زوين بزااف وباين بحال شي ملاك واخة هو فالاصل ماشي شيطان..الشخص الوحيد لي عمري لقى بحالو ولي ديما كيكون بجنبي وقتما حتاجيتو..كفاش غنقدر نساه وانا فالاصل محظوظة بيه..بقى فيا وهو ناعس معذب..

فيقتو:آدددم آددممم..

آدم حل عينيه:اممم..

شيماء:نوض نعس لداخل..انا مافياش نعاس ماتبقاش معذب هنا..

آدم:لا لا غي خليني هنا..

شيماء:قلتلك نوض. ولا والله مانخليك تنعس..

آدم بسم وناض..دخل تلاح علا لفراش حيت مازال دايخ بالنعاس..

مشيت هزيت حوايجي كنستفهم فالبلاكار وكنشوف فيه وهو ناعس..تخيلت بلي مزوجين وعايشين لافي هههه..ياخسارة وياربي ماتخيبنا..هزيت تيلي طمنت ختي وماما عليا عن طريق لواتس...وخرجت لصالون بعدما شديت عليه لباب وتفرجت فتيفي..

حسام خدم خدمتو وحيت آدم ماكاينش اضطر انو يبقى يخدم كثر وماعياش حيت هو فالاصل ماباغيش يرجع لدار وكيدير السبة..

بقيت شحال كنشوف واحد لفيلم مؤثر بكاني وبقيت نمسح عيني..

آدم فاق كيحك راسو وعاد تفكر لحوار ديالهم عجبو لحال وناض غسل وجهو وخرج..غي شافها متفرج وتمسح عينيها طلعلو الدم ومشى حداها..

آدم:شيماء...مالك شنو فيك؟؟

شيماء كتمسح عينيها:أهئ اهئ والو .

آدم جلس حداها:لا قولي علاش كتبكي خلعتيني..

شيماء:غي هاد لفيلم حنين بكاني..

آدم تنهد وجاتو الضحكة..شاف جيهة تيفي لقى فيلم ديال شاروخان فاش كيكون مريض بالقلب..

آدم:وهنود ملفوق...بففف ماتفرجيش باش ماتبكيش كاع بناقص..

شيماء:تا نتا ماشي اول نبكي..ولكن هاد لفيلم فينما نشوفو نبكي..

آدم:ومفرجالو من قبل؟الله يهديك..صافي ماتبقايش تبكي هما غي كيمثلو نساي..

شيماء:اوا بقى فيا اهئ اهئ .صعيب تخسر شي حد كتبغيه..

آدم علا عينيه فيها:ماشي ضروري تخسرو ديفينيتيفمو..يقدر يكون غي وقت محدد من بعد يرجعو..

شيماء:وعلاش يسمح فيها من لول؟

آدم:ظرووووف عاوتاني كل واحد وظروفو وحنا خصنا نعدرو ونحطو بلاصتنا بلاصتو..

شيماء بغات تشد لموضوع:صافي لفيلم سالا انا غنوض نبدل حوايجي نهبطو ناكلو..

آدم تنهد وسكت..

دخلت لبيت وحسيت براسي تسرعت..كانت فرصة نصلحو لي داز وانا زربت تفووو عليا شي مرات كنبقى نطير بلا سروااااال تفوووو...

هبطنا نتعشاو لقينا بوفي طويل بقى يشرحلي شنو فيه وانا كنختار شنو ناكل..وشي مرات كنعيف لماكلة وكيبقى يضحك عليا مهم حمدلله لحد الان ماتغانيناش ههه..

حسام رجع لدار والوقت كان معطل..دخل لبيت لقى رحاب ناعسة وولدها فبلاصتو..مشى بدل حوايجو وخرج ينعس برا..مابغاش يديه النعاس عيى يعافر..شوية هز خديتو ودخل لداخل..تكى حداها كيشوف فيها واخة عاطياه بالظهر زاد عندها وعنقها من كرشها بيديه وبدا يشم ريحتها تا نعس بكل سهولة..

ختارينا لماكلة وتعشينا..

آدم:واخة تبغي نخرجو ولا نطلعو نرتاحو؟؟

شيماء:لا غدا خصني نمشي بكري وخص وجهي يكون مرتاح دونك نطلع بحرا نعس راه مانعستش فالعشية..

آدم:اوك لي بغيتي..

طلعنا لسويت دخلت نيشان بدلت حمدلله لي عارفة لبرد وجبت حوايج محتارمين اما كون راني تشوهت مع تاهو معايا فلبيت..

لبست بيجامة غوز بارد سروال وفوقاني بالكمام..

آدم دق وانا خرجت خليتو يبدل علا راحتووطنفكر لنعاسو..

آدم:صافي دخلي انا ساليت..

شيماء:فين غتنعس؟؟

آدم:هنا!!

شيماء:مي ماكيكفيكش لفوطوي نتا تباركلله طويل صعيب عليك هكاك..

آدم:ههه هانية مولف نديباني فين ماكان..

شيماء باستغراب:نتا؟؟

آدم:هههه آه جاتك غريبة..لي حداك جرب كلشي فالدنيا..لفلوس ولمسارية والفشوش وقلة الحيلة والفقر والتبهديل شي مرات..(شيماء حالا عينيها فيه)اممم جربت كلشي..شي مرات كنت كنمنع لواليد يصافطلي لفلوس وكنت كندبر علا راسي فخدمة تفكني حيت كنت كنكره المن ديالو عليا..الله يرحمو كان عزيز عليه البريستيج ونوصل لابعد حدود.

شيماء:مي هادشي ماشي غلط..

آدم:عارف..مي طريقة علا طريقة كتختالف..ماكنتش كنرضى وواخة كتسالا ليا لفلوس شي مرات كندوزها فراسي ولا كنبريكولي باش نقد نفسي بنفسي..ومن تما عرفت بحق الحياة والطبقية وكلشي..وليت نحس بأي عامل ولا خدام كيضرب تمارة..اممم حمدلله باش نقدر نعرف نتصرف مع كل واحد..كنبقاو كلنا بشر غي الله فرقنا باش شي يكمل شي وصافي..

شيماء عجبها وزاد كبر فعينيها..

آدم:كندم علا غلط واحد درتو فحياتي(شيماء كتساينو يهضر)نهار طلبتيتي وماعاونتكش..

شيماء:بففف انا نسيت صافي نسى داك سيجي..

آدم:مانقدرش..انل ماشي هكاك غي يمكن حيت كنتي عاجباني قلت لقيتلك الطريق..مي لحد الساعة مازال كلعن اللحظة لي قهرتك فيها هكاك..

شيماء:صافي الله يسامح..عرفتي شنو خليني انا نعس هنا ونتا لداخل..حشومة معذباك معايا وجايباك تالميلانو ونمحنك فالنعاس..

آدم:عذابك راحة..انا باغيك نتي تكوني مرتاحة..هادشي كافيني..

شيماء بابتسامة:متأكد؟؟

آدم ضحك:كنتمنى ماندمش هههه..

شيماء:ههه اوك بونوي..

آدم:بونوي..

دخلت تكيت فبلاصتي كنفكر فهضرتو الزوينة وشخصيتو الطيبة..ياربي ديرلنا شي تاويل..

اصبحنا واصبح الملك لله..

فقت كنتكسل دخلت غسلت وجهي وتوضيت باش نصلي..

آدم ناض جمع بلاصتو ودق علا شيماء لاتكون مازالة ناعسة..مين ماحلاتش فتح علا غفلة لقاها كتصلي بسم وحك راسو ودخل لحمام..دوش وخرج..

شيماء:صباح لخير..

آدم:صباح نور..الله يتقبل..

شيماء:شكراا..

آدم هز حوايجو:وجدي راسك نهبطو نفطرو ونمشيو..

شيماء:اممم اوك..

آدم خرج لبس حوايجو وبقى يساينها تسالي..

رحاب حسات شي يد شاداها بدات تفيق شافت يدو وبدات دور بالشوية..

حسام غي تحركات حل عينيه..

فاش شافت فيه بسم:صباح نوور..

رحاب تصدمات جاتها بحالا كتحلم اكدلها الواقع غي بالبوسة لي طبعها فخدها وهو كيستنشق ريحتها..

هضر بصوت خافت:سمحيلي..

رحاب شداتها تبوريشة دارت شافت فيه وتقابلو كل واحد متكي علا جنبو..وعيونهم شوق وحب..

رحاب:الله يسامح..

جرها عندو وهي قلبها كيضرب:الليلة وجدي راسك..غتكون ليلة عمرك تنسايها..

رحاب توترات وقلبها كيطير بالفرحة والحشمة..تا طلقها ورجع جرها عندو:اممم ومحمد حسام يبات عند دادة ليلة..

ناض بزربة كيصفر وهي تالفة ماعارفة مادير ولا تقول.

تنهدات وقالت:الحمدلله..اخيرا قلبو حن عليا هههه

مشى حسام لخدمة وهو ناشط وفرحان بعدما ودع حدا لباب مراتو وولدو وهو ماساخيش..

خرجت من لبيت لابسة جاكيط قصيرة دلكوير وبودي اورونج مع سروال كحل و دومي بوط باج مفتوح مع صاك جنب..ودرت طاكيا علا راسي فالاورنج مع ميك اب خغيف..

آدم خرجات حداه وهو يدوخ فيها بقى كيسرط ريقو..

آدم:نمشيو؟؟

شيماء بابتسامة:اوك..

خرجنا من سويت وهبطنا نفطرو مع بعضياتنا وفاش كنحس بيه كيدير فيا داك الشوفات كنفرح ونحني راسي..

سالينا وهو كان وصى علا طوموبيل نتحركو بيها..

مشينا نيشان لموقع..كان داكشي علا اعلا مستوى بحال لوكيشن ديال تصوير الافلام..اول مادخلنا شافونا لمسؤولين..خصوصا هاداك لي كان دصر عليا..

الحوار بالانجليزية..

ريكي:مرحبا بيكم عندنا..

آدم كيهضر بزز:شكرا..

ريكي:سميتك شيما ياك؟؟

انا فهمتو وصاحتهالو:شيماء..

ريكي:شيماء..اهلا بيك معانا..

شيماء:شكرا..

ريكي حس بالهضرة ثقيلة:كنعتاذر منكم علا داك المرة والله ماقصدت غي كنت سكران وصافي..

آدم:ماشي مشكل لمهم مايتكررش..

ريكي كيشوف فشيماء:نو ماتخافش..

دخلت يبداو ياخدو مقاساتي شي كنفهمو شي لا..والمصمم لي كياخدهم كيهضر غي بالطاليانيا بينتلو بلي مافهمتوش وعيطت لآدم حدايا..

شيماء:شوف هاد خينا راه حمقني كيهضر غي لايطالية ههه..

آدم:ههه اوك انا نتفاهم معاه..

الحوار بالايطالية:

المصمم:دوري..

آدم:شيماء دوري..

شيماء:اوك..

مهم بقى يفسرلي وانا غادية معاه خخخ..

المصمم:ماشاء الله الجسم عندها زوين بزااف وباين طبيعي هكا..

آدم تزنك سولتو:شنو قال؟؟

آدم:ماشي مهم.(شاف فيه)فهمنا.ودبا خدم بلا ماتكثر الشوفة..

المصمم:هههه ياكما غيران..بيناتكم شي حاجة؟؟

آدم:آه شيماء حبيبتي..

انا سمعت هضرتو ومع كنعرف بلي كنبغيك وداكشي بالايطالية هي داك طيامو ههه..حسيت بشي حاجة فشكل خصوصا فاش شاف فيا المصمم انا وياه وضحك..

شفت فآدم:شنو قالك؟؟

آدم بسم:ههه والو غي علا لخدمة..

بقيت هازه لكلمة عليا بسي غوغل وطغاديكسيو لي غتنفعني هههه..

سالينا لقياسات جلسنا شوية قبل ماتجي نوبتي لبروفا الصور..

هزيت تيلي وحاولت نكتبها ف غوغل فلول..صحوهالي ومن بعد حطيتها فالطغاديكسيو..وكنتصدم بشنو شفت..

اول ما شفت داك حبيبتي حليت عيني وشفت فيه لقيتو كيخدم فتيلي..تنهدت وعجبني لحال وقلت خليني شاداها عليه تاللحظة المناسبة ونقولو هههه

كملنا شغالنا عادي مي كانت عندي دفعة واعرة نخدم ونشط..شكون بحالي معايا حبيبي بجنبي وكندير لخدمة لي كتعجبني دونك مزيان..

حسام كيساين نهار فوقاش يسالي..

اما رحاب دوشات ومشات لصالون قادات راسها من لول لتالي..لاسيغ ولميك اب والشعر..

خلات ولدها ناعس وواخة يفيق لعاليا تكلف بيه..لي حسات بشنو كاين وماخلاتش رحاب تحشم وهي طلبات تنعس محمد حسام معاها خخخخ..

رحاب كانت كلها اشراق وعينيها باين فيهم بريق..اكيد اخيرا غتجمع مع حبيبها ههه..

سالينا وآدم جرني ومشينا..

آدم فالطوموبيل سايق:غنمشيو نساريك شوية ههه..

شيماء:اوك ههه..

وصلنا لساحة فيها لحمام..شرا لماكلة وبقينا نوكلوهم وكطيرو حدانا شي مرات كنخاف منهم كيجرني عندو كنحس بيه عاجبو لحال مرة كنقدر نبعد ومرة غي شوفاتنا لي كيهضرو..

لعبنا وتصورنا مع رجال لابسين فشكل بحال الاصنام فاش تحركو تخلعت وغوت وآدم تكرشخ بالضحك عليا..ضربتو حيت ماقاليش من لول..

شرينا تويشيات واعرين منهم..كنت كلما نسهى فيه يحصلني..كلينا ماكلة خفيفة وبقينا ندورو تت شبعنا..

جا ليل حسيت بالعيى..رجعنا لاوطيل..دخلت نيشان لبيت تلاحيت علا لفراش..وآدم دخل قبالتي ضحك عليا..

آدم:ناري لمعجازة دغيا عييتي ههه..(جا كينوضني)نوضي نووضضي هههه..

بقيت نضحك:طلق مني راه عييت ههه والله..

آدم تلاح حدايا:فري عندك لحق النعسة هنا مريحة..

شفت فيه وضحكت:ا نووووض ا عمي ونتا عجباتك النعسة..

آدم:الا قديتي نوضيني ههه..

نضت بلا شقا عليا كنجرو داير بحال لحيط:اممم ناري شحال ثقيل هههه.

آدم:مازال ماشفتي والو(غمزة)..

تزنكت حيت فهمتو شنو كيقصد وبغيت نطلق من يديه..جرني جابني فوق منو تساطحت معاه..

بقيت نشوف فعينيه وقلبي كيضرب..وهو مفيكسي النظر غي فشنايفي..بدا كيقرب وهو شادني من خصري لعندو تزيرت..وتا مابقى والو بيني وبينو قلبت وجهي وحاولت نوض وهو مامنعنيش..

وقفت كنسرح فشعري بيدي بقوة التوتر وهو ينوض جا قبالتي..

آدم:انا ندخل ندوش واخة؟؟

شيماء بتوتر:اممم اوك..

دخل آدم كيتفكر داك اللحظة وكيعض علا شنافتو:فوقاش غطفي هاد الشوق ليا فيا ابنت الناس؟؟

تلفت وجبدت بيجامة وخرجت باش مانشوفش فيه وهو كيدوش..بقيت نساينو يخرج باش ندوش موراه..

آدم خرج بالفوطة علا نصو وفبالو يخليها تحس بالشوق ليه خخخ..

عليت عيني شفت فيه تشوكيت..وليت حنيت راسي:بالصحة(هزيت حوايجي بزربة ودخلت)

آدم:يعطيك الصحة(كيضحك عليها وهي حشمانة وداخلة كتجري)..

حسام رجع لدار هاز بوكي دالورد فيديه ولكن تفاجئ فاش دخل لجناح ديالو ولقاه مزين بالورود والضو خافت والجو رومانسي لا يعلا عليه هههه..كانت رحاب مقادالو عشاء زوين..فرح وزاد عندها عطاها لبوكي وهو عينيه غتاكلها ههه..

حسام:اممم جيتي زوينة ليوم..

رحاب كانت لابسة غوب سواغي كحلا عريانة من الظهر وبلا سماطي..وطويلة فيه فتحة من لقدام وطالقة شعرها سامبل مع ميك اب غامق والعالي..

رحاب:امم عويناتك الزوينين..

حسام:هاد لاغوب ناقصاها شي حاحة ياك؟؟

رحاب بقات تشوف فيه باستغراب:شنو؟؟

حسام جبد بواط من جيبو كبير وفيه سنسلة الماس قصيرة وبيضة كتحمق..

رحاب حلات فهما:اووووو هادشي بزااف عليا..

حسام:تا حاجة ماتغلا عليك..

رحاب عنقاتو وهو باسها من عنقها ودورها كيشدلها العقد ورجع باسها فكتفها..

رحاب جراتو وجلسو:لعشاء غيبرد..

حسام:لمهم شنو غيوقع بعد لعشا هههه..

رحاب تزنكات وبداو ياكلو علا موسيقى هادئة..تا سالا وبلا مايشاوها هزها ودخلو لبيتهم..ش

لباب برجليه وهو كيضحكلها..

حسام:ليلة تفدي الصرف هههه..

رحاب:انا كلي ديالك بيبي..

حسام حطها واقفة وقرب منها تا تلاصقو وباسها بوسة حنينة لي تحولات لبوسة قوية بعدما اندامجو وبداو يطفيو الشوق..حبسو كينهجو وهو يبدا يحيد حوايجو وهي كتعاونو وتحل معاه وفاش شافها هكاك بدا يحل سنسلة لاغوب فرحان تا طاحت لاغوب فالارض وبقات غي بالسليب ديالها..تماك جهل وجرها عندو كيغرز فيها راسو ويبوس ويمص ويزير بيديه علا جسمها..شوية حطها علا لفراش ونصل سوفيطما وسروال وتلاح عليها..فلول بدا كيبوسها من راسها لرجليها هابط دقة دقة..تا وصل لسليب حيدو وتماك بدا يلعب بلسانو ويخشيه تالطرف وهي كتزيد تحل رجليها بالشهوة..كانت عاجبو لحال لدرجة سخن دغيا وطلع ليها كيعضها من فمها وصدرها ويجر ولاح سليب ديالو ودخلو...هي فلول تقصحات وغوتات..

رحاب:أيييي...

ولكن سرعان ماتلفها بلمساتو وآهاتو معاها وحركاتو لي كثير..وتحولو الاهات لتوحويح خخخ..

رحاب:ايييي احححح بالشوية بيبي ايييي..

وحسام عاجبو لحال مرة مرة يسخن:احححححح..

طيطول فيها حيت فري سخن مزيان..مارتاح تا جاب لبليزير ديالو..وجابتو تا هي...تلاح كيرتاح وهو معنقها..

حسام:نموت فيك بيبي..

رحاب:كنبغيك احسامممم..

دخلت ندوش شديت لباب دلبيت باش مايشوفنيش وخرجت لبست عليا..رتاحيت شوية ومشيت عندو..

شيماء:بونوي..

آدم بابتسامة:بونوي وبصحتك الدوش..كون عيطتيلي نحكلك ظهرك ههههه..

تزنكت:بفف...

دخلت وزدحت لباب معصبة..آدم كيموت بالضحك عليها..تكى فبلاصتو وتفكيرو غي فيها وفشنو دوزو ليوم...

رحاب وحسام تعانقو وغي شوية رجع دورها فوق منو وبدا يداعبها تا ترخات ليه وطلعو معاها وبقات هي تخدم الشغال وتحرك تا جابو عاوتاني...مهم ليلة كاملة وهما ناشطين تا نعسو مخشيين فبعضياتهم وماحاسين بوالو...

اصبحنا واصبح الملك لله..

فقت كنتكسل دخلت غسلت وجهي وتوضيت..

خرجت من لبيت لقيت آدم كيقاد لفوطوي..

شيماء:صباح لخير .

آدم:صباح نور..

شيماء:راك حادك تباركلله ههه..

آدم:ههه شوية..شنو نهبطو نفطرو؟؟

شيماء:اممم ماحد عندي لوقت ليوم نستاغلوه..

آدم:اوك انا اصلا داير بروكرام واعر..

شيماء:امم بحالاش؟؟

آدم:غنفطرو فكافي زوينة حدا السوق..ومن بعد كنتساراو فيه ونشوفو المعالم لي كاينين..ومن بعد نتغداو فشي بلاصة..ونمشيو نتفرجو ففيلم فالسينما..ونركبك باخرة نتساراو فالنهر..

شيماء:اوووو هادشي كلو!!

آدم:الا بقى لينا لوقت نمشيو بلايص خرين ههه..

شيماء:ههه اوك..

دخل هو يدوش ويلبس وبعد منو لبست عليا سروال كحل وبودي دالصوف بيض مع جاكيط كرونا ولي بوط نفس لون..هزيت صاك جنب كحل ودرت كاشكوول وطربوش بويض..قاديت لميك اب ديالي الطبيعي وخرجت عندو..

شيماء:انا واجدة..

آدم:اووو جيتي زوينة بزااف..

شيماء بحشمة:ههه ميغسي تا نتا..

آدم كان لابس كبيبط كحل مع سروال جينز فلونو وفيست شخونة فالمارو فيها بلايك من المرفق فالاسود..وشال كحل وكاط فالمارو جا تيتييييز وبالجهد ههه..

آدم:ههه عويناتك هادوك..

خرجنا باش نمشيو نفطرو..

حسام سمع الدقان وماقادرش ينوض..شاف فالساعة لقاها 8:00..غيتعطل علا لخدمة..شاف فيديه لقا رحاب ناعسة معنقاه..ضحك وباسها..

حسام:حبيبة فيقي..

رحاب:اممم..

حسام:فيقي راه باينة محمد حسام جاع وبغاوك ترضعيه..

رحاب كتكسل:اممم صباح لخير..

حسام باسها:صباح نور بيبي..

رحاب فرحات وعجبها لحال:بيبي تقدر تخرج تجيبو انا ماقاداش نوض..

حسام:ماسخيتش بيك ههه..

رحاب:تا انا ههه..

تا بغاو يتباوسو وهما يسمعو دقان..

حسام:بففف..

رحاب:ههه نوض..

ناض حسام لبس شورط ديالو ودار عليه بينوار سخون وخرج لصالون كيحك راسو ناشط وفتح لباب..

لعاليا:صباح نوررر.

حسام حنى راسو لارض:صباح لخير دادة..

لعاليا:محمد حسام فاق وبغى ياكل..

حسام:اجي ا بابا..واخة شكرا ادادة..عذبناك معانا..

لعاليا:ماتقولش هكا نتا راه ولدي..

هبطات لعاليا وهو شد لباب ودخل عند رحاب..

حسام:ها حنا جينا ا ماما..

رحاب ناضت كتقاد وساترة راسها بالكوويط:اهلا اهلا حبيبي توحشتك..

حسام وقف:كتهضري معايا ولا معاه؟؟

رحاب:ههه معاه..

حسام:ياك؟صافي حنا ماجايينش ههه..

رحاب:لا لا اجيو بجوج ههه..

جلس حسام حداها وعطاها محمد حسام ليديها..

رحاب بقات تبوسو وهو حاضي وكيضحك..

حسام:ياله انا غندوش باش نمشي لخدمة..نتي رضعيه ورتاحي اوك..

رحاب:امم واخة بيبي..

دخل حسام دوش وخرج لقاها كترضعو باسها فشنايفها ولبس وهبط يفطر..

رحاب رضعات ولدها وحطاتو يلعب غبلاصتو ورجعات نعسات..

حسام فطر ومشى وكون لقى مايمشيش كاع لخدمة مي آدم ماكاينش وبزز منو خصو يمشي...

خرجنا انا وآدم فطرنا وماخلينا فين مشينا..وكل مرة يشريلي شي حاجة..ضحكنا وتصورنا مع داك لبرج لمايل..تزافطنا ولعبنا وشي مرات كيكون شي حد كيشوف فيا كيجرني وكيعنقني وانا ماكنعلقش عليه اصلا عاجبني لحال ههه..

دخلنا لسينما وتفرجنا ففيلم رومانسي زوين خرجنا منو ودزنا كلينا درة واي حاجة كنشوفوها كياخد منها..

اخيرا جا وقت لباخرة الضغيرة..ركبت وهو كيعاوني وجلسنا وهاداك سايق بينا..كنشوفو لمدينة والهدوء والجسور فوق منا ياسلام..تا للحظة عنقني حاط يدو علا كتفي..

آدم:توحشتك بزااف..

شيماء:الصمت..

آدم:صافي نساي لي داز..كان قصدي خير..وماكنتش ناوي نجرحك..حيت نتي لوحيدة لي بغيتك والله..

شيماء بعينين مدمعين:ولكن جرحتيني حدا داك خيتي لي كانت عندك..

آدم تنهد:انا لي عيطت ليها..وقلتلها تجي باش فاش توصلي تلقايها..وكنت موصي سيكيريتي غي يشوفوك يعلموني..انا والله كنت باغيك تكرهيني وهي غير مشيتي سبيتها وجريت عليها بحالا عمرها ماكانت..

شيماء تنهدات:اوووف..

آدم:وا صافي احبيبة اجي نبداو من جديد..

شيماء جاتها الضحكة وكتحاول تخبيها..

آدم هز يديه كيدفعها:وا صافي...صافي!!

شيماء:ههه بالشوية عليا..

آدم عنقها:وا كنبغيكككك ا عباد الله...(وقف كيغوت)طيياااااامووووووووو

الناس لي علا الضفة كيضحكو وانا كنجلسو حشمانة وهو داير شوهة هههه..

كنا فرحانين لاقصى درجة..مشينا نتساراو فالمدينة حيت ماسخيناش لعبو وتعانقو وقلبي غيطير بالفرحة وتا هو باينة عليه..سبحان الله اروبا كتبغي تجمعنا ههه فينما كنجيو هنا كندوزو احسن ايامنا..

حسام رجع تلاقا رحاب فلباب عنقاتو وتباوسو ودخلو بجوج..

رجعنا لاوطيل مفلاشيين خخخ الجوج لي خرجو ماشي هما الجوج لي رجعو..

ماقدينا ناكلو والو طلعنا لبيت تلاحينا فالفوطوي..

آدم:اووو علا سلامتنا كنت غنفقد الامل..

شيماء:تا انا مي يمكن الله مكتب لينا نكونو بجوج..

آدم:كنبغيك بزااف وكنواعدك عمري نخليك..

شيماء:تا انا ثايقة فيك وبزااف..وتا ماما ههه كتبغيك بزااف وديما عاطياك اعذار..

آدم:ههه حماتي بتحبني ههه..

شيماء:قوي قوي ههه فيلم حمادة هلال..

آدم:ههه وي عرفتو..ياله نوضي بدلي ورتاحي..

شيماء:اوك..

ولات الايام كلها فرح حمدلله..بديت نمشي ندير بروفات وآدم ديما مقابلني وبجنبي وكيشجعني...الصراحة لهلا يخطيه عليا واقف معايا فكل لحظة..

قرب لعرض وكلما كتسمح ليا لفرصة كنخرج انا وياه ونتساراو ونعيشو لحب ديالنا..

ليوم لعرض..هضرت مع عائلتي كيف لعادة شجعوني وفرحو ليا وآدم عطاني شحنة ايجابية..لبست لاغوب بلوكاناغ الطويلة مع سمطة فالكوغاي جات زوينة واخة ماتوقعتهاش..لبست طالون وشعري دارولو تسريحة عجيبة مانعرفش نوصفها وميك اب خارق للعادة..بحالا باندا علا عيني وجبهتي فالكوغاي ولبلوكاناغ..

بقيت نساين نوبتي تا خرجت وشفت آدم فالجنب بسمت ليه ومشي بكل ثقة ودخلت ياسلامم اخيرا دازت نوبتي خخخ..

سالا لعرض وشدني آدم من يدي مشينا لحفلة شوية وسلتنا ماشافنا حد..خداني حدا لبحر وكنت عوالة بلي غنمشيو لدار مي هو خداني لبلاصة خرا مع داك 9:00..دخلت كيبان ليا داكشي فشكل..عطا التذاكر لشي حد ودخلنا وكنتفاجئ بحفل مباشر ديال يونس وعاد بدا يغني مول شاطووو..

شفت فآدم مصدومة وشادة علا فمي بيدي:امممم ماشي معقول هههه..

آدم:عارفك كيعجبك اغانيه..

شيماء:ماشي غي اغانيه ههه..

آدم خنزر وانا جريتو كنضحكو..

بقى يغني وحنا ناشطين معاه كنغنيو ونصفقوو..

آدم كيشوفها كتغني وفرحانة عجبو لحال حيت جابها هنا..اكيد خصو يعوضها علا لبكى والدمار لي عاشتو بسبابو..

دوزت ليلة واعرة عمرها تنسى..ورجعنا لاوطيل نعست بلا مانحس وتا آدم ماتأخرش حيت مع 12 غدا غتكون عندنا الطيارة....

يتبع