كلشي التفت للباب غير شافوهم ووقفو ويقدمو التحية .... القاعة كانت فيها منصة طويلة عليها جوج كراسي وبزاف د المايكروفونات د القنوات على الطابل ... وقدامها كراااسي بزاف كالسين عليهم الصحافة وبعض من الضيوف و الموظفين و ممر طويل قدام البوابة لي هي جوج بيبان بالجلد حومر .. لامار غير شافت فالقاعة والكاميرات و الصحافة وهي ضور عند اسد لي ابتسم ليها وشد فيديها مشبك صبعانهم وزادو فداك المرر طويل و الصحافة كتلتقط فالصور ليهم مكيتسمع مع الصمت غير صوت الفلاشاااات كيتضرب فيهم ... هي داك التوتر كامل لي كان عنها خارج القاعة كولو خلاتو تما ... كلام اسد خلاها تحس برااسها انها ماشي ضعييفة وعلات راسها فالسما وكتمشى تماااااااماااا كيف كانت كتدرب وهي بنت 18 عام قدام مراية مشققة فبيتها د دارهم القديمة ...من لابسة كرافات ديال باباها لي مخليها للمناسابات و مسكدة حوايجها وطالون طويل و كتمشى و كتحلم ان الضواء كلها كضرب فوجهها وشاعلة فررفارة قدامها باش يولي شعرها يطير مع الرييييح ماشية جاااية دايرة عرض ازياااء فبيتهااا وهي كلهااا ثقة ... من صغرها وهي كتحلم بأحلام كباااااار .. غاتولي مشهورة شي نهار وغايتضرب ليها الحساااب ... وهي قدام مرايتها هازا مشطة وكتجاوب الحضور ... مافيها تاشي عيب تحلمو احلام كبار ... حلللمو غير حلمووو ... راه كولشي عند الله قريب .... كتمشى بكل ثقة فالنفس لي يشوفها يقول شي وحدة موووولفة بهاد الحياة و البرتوكولات وهي فقط تلميييذة ديال بيتها ومراااية مشققة ومشطة دايرها مايكروفون و جمهورر شافتوو فوسااايدها لي ستفاتهم فوق سرير ... اسد زايد وملامحو مخنزرين هو اصلا ديما فاش كيكون عندو لقاء صحفي كايتكره ولاكن لدعاية ضروووري منو ... داك الكلام لي قال كامل ليها برا كان فقط باش دير فيها النفس و تيق فراسها ولاكن هو لحد الان متاايقش وخايف واااش لامار تقد بهادشي ... هو براااسو حاط عليه تحدي واش تنجح واش لا ... شاف لعنها لقاها مبببببتسمة وكتمشى مشية الامرااااء و كأنها صاحبة سمو على بساط احمر ... زاظ تهدن و طلعو فوق المنصة قدام طاولة التصوير وجر ليها الكرسي كلسات و كلس تاهوا حداها ... عاد كلسو الحضور ...والمساعدين كايهضرو معاه غير بالشفايف بدون صوت واش يبداو و اشار ليهم ييداو . . وكيشوف لسعتو خصو غير دغيا يتفك يمشيو يفطرو ... ولامار غير كتشوف بعينيهااا
دخلات سناء المسؤؤووولة هازة الوراق فيديها و ملفات فتحاتهم قدامو ومشات كلسات تاهي مع للحضوووررر
الصحافي ج : حنا فرحانين بزاف و كنشركوم على قبووول طلبنا اننا نسجلوو معاكم هاد الحوار ... اولا كنتمناو ليكم النجاح والتوفيق فتأسيس هاظ الشركة وتتصدر تاهي سوق البورصة كيف شرمات لوخرين د groupe requin ...
صحافية ب : و باش منطولوش عليكم .... اول سؤال عندي .. هو lamar flowers مييين جات ؟
لامار : احم : ( قربات بالكرسي للمايكروفون والصور كيتلتقطو الفلاش مخلاهاش تاتفتح عينيها فخاطرهاا و اسد مربع يدو كيشوف فيها ) بحالي بجالكم الاسم دابا عاد عرفتو كان سوبرايز من الزوج ديالي ( شافت عندو هو لي مراقبها ورجعات شافت عندهم ) وبما ان اسد هو شخص واضح فكولشي فأكيد غايختار سم واااضح للشركة بحالو .. lamar flowers مافيهش تعقيدات بزاف و واضح لان شركة خاصة بااورود فمن للطبيعي غدا تسمى بحال هاكا ...
صحافي أ : واش مدااام لاماار الاسماعيلي ...عندها تجربة قديمة فمجال الادارة والتسيير ؟ الى كان الجواب بلا ؟ واش معنظهاش خوف من المسألة ؟
لامار بقات غير ترمش معرفات ماتقول تابان ليها اسد لي قرب للمايك ...
اسد : لامار فااام دميزون ... وكل ربة بيت كتمتلك هاد االخبرة ... تسيير و الادراة ... كيف كتقدر على مسؤوولية البيت و تسييرو .. غاتقد على الشركة تاهي ... كل هاوسوايف "ربة بيت" نااالجحة .. هي بيزنيس وومان "سيدة اعمال " نااااجحة ....
بقاو صحافة غير كيشوفو كيف تااااايق فمرتو وكيهضر عليها بحال هاكا شي مستغرب و شي مصدم و شي شاداه الغيرة من صبعو الصغير منها ...
اسبرو : هاااء ... اول مرة نعرف الروكان كيكدب
اريج : ماااالو اش قال
اسبرو : قالك هااااوسواايف .. هادي راه عنزي جااااايف ... ربة بيت قالك فين عمركم شفتوها صبنااااات و لا سيقات ولا مسحات تالغبرة عاقولوليا فين لاسقا ليها ربة بيت ....
رتاج : ( ضرباتو بمخدة ) شتتتتتت خلينا نسمعو
الصحافية ج : تماما موسيو اسماعيلي .....حنا كلنااا كنعرفو ان شركااتك هوما اولادك كيف كتسميهم ولكل شركة من شررركااتك كتبغي تختار ليها مدير(ة ) بعناااية بحالا كتختار ليها أم ... اشنو لي خلاك هاد المرة تختار الزوجة ديالك لشركتك الجديدة على السوووق و الفكرة الجديدة ايضا لي بعيدة على المجال ديالك
اسد : هاد الشركة بأصغر تفاصيلها كتهم بالجمال الطبيعي ... ف الى كان عنها مديرة او مدير مكايتوفرش على هاد الصفة غانكونو متناقضين ... لذا مغالقاش ماحسن من مراتي تكون أم لهاد الشركة ... الورد والجماال الطبيعي وقريبا الجنة تحت القدم ... مكيتجمعو غير فمراتي .... ( شاف عنها بكل اعجاب و لامار تزكاااااات وقلبات عينيها الارض بحرج )
اريج : ااااااح اقلبي اااااح
اسبرو : وو و وردة ؟؟؟؟؟ ج جماااااال طبيعي ( وقف فوق نامووووسية ) واااااتحييييد لي لوووونتي و تجي تهههههضررررر معااااياااا
رتاج : هههههه تفو على مغيااااااار ههههه
اريج : مالك بغيتيه يديرك نتااااا ..
الحضور بقاو غير يحنززو فبعضياااتهم ويبتسمووو و لامار غير كتشوف كتمنى لو يبقاو اااسئلة موجهين غير ليه
اسد : lamar flowers هي فكرة جات من جزيرة اكتشفاتها لامار .. خططنا اننها تكون خاصة بالورود وتقوم بإدارتها ... اما انا مجالي بحري و مخرجتش عليه وباقي فيه وغانبقا فيه ... حتى لو ان ها الشركة ضمن مجموعتي الا انها من تحت ادارة لامار ...
الصحافي أ : اه ولاكن كنعرفو ان شركاتك كلها واها عنها مدراء كتبقى تحت عينيك وتا مدير معندو الحق يتخد قرار دون موافقتك و كتقوم بتفتيشات شهرية ... واش حتا هاد الشركة نفس الشيء مادمتها داخل مجموعة شركات الروكان هو خلية الخاصة بك ؟ ....
اسد : ابدا ... هاد الشركة فيد مراتي دونك عنها كامل الصلاحة تتحكم فيها و تاخد قرااراتها و توقع صفاقتها دون موافقتي ... واخا هاكا انا عارفها مغادير حتا خطوة بدون ماتقولي اسد واش نديرها ...
صحافية ج : مدام الاسماعيلي شنو كان احسااسك ملي عرفتي غاتولي مديرة شركة و ماااشي أي شؤكة هي من ضمن مجموعة شركات ااروكان لي غنييين على التعريف ومكتسحين اسواق البورصة .. واسمائهم عنها صدى انتيرناسيونال .... واش مجاكش تخوف من هاد المسؤوولية الثقيلة نظرا لتجربتك الاولى ؟
لامار : احم .... اي حاجة فهاد الحياة كتخوف وأي خطوة كنديروها للخارج حتى هي كتخوف ... ويلا بقينا تابعين مخااويفنا عمرنا غانزيدو للقداااام ...التجااارة و الاعمال او الحياة بشكل عااام كتستدعي شوية د الجرأة وأحيانا التهوور ... فأنا تهووررت مع راااجلي فهاد الفكرة لي اقترح عليا .. و تحديت راااسي كل المخاوف ... مفكرتش فواش نقد ولا منقدش .. انا جيييت من الللخر .. وقلت صافي راني نجحت ...
صفققووو علييهااا وكلهم معجبين بطرييقة لي كتهضر بيهااا ثقيييييلة وكل حرف محطوووووط حدا خووووه وكيفاش واااثقة من نفسهاااا وكيفاش كترمش بعينييييها و اسد غير كيشوف فيها ويديزيد يتأكد ان اختيارو ليها كان موفق .... لا من ناحية شريكة حياتو .. ولا من ناحية حبيبت قلبو و لا من ناحية ام لبنتو .. ولام من ناحية مديرة شركتو ...
الصحافية ب : مدام ايسماعيلي .. واش نقدرو نعرفووو أسس هاد الشركة و شنو هدفها .. وشنو غااتقدم للسوووق من مزااياا ..
لامار هنا وحلات ليها العصا فالرويدة بقات غي كترمش ماعرفات اش تقول شافت عند اسد وهو غير كيشوف فيها بنظرة ديال هضري ... هنا فهمات بلي خااصها تخطط لهادشي راسها و مغايقول ليها والو ... هنا فين عرفات تكبات عليها المزيودة .. وهي تسرط فريقها حيت فعلا مزالا ماعراش اش غاتكجدر هنا لي قال ليها اسد انها فقط د الورود و الفرشات ... ولاكن اش غادير بيهم الله واعلم خاصها تبتكر شي خرية من مخها وصافي ...
رجعات لامار شافت عندهم وبدات تهضر غير من عقلها وهي مامخخطا لوالو .. فقط كتقول شنوو بلغا ديرر هاكداا بدووون تخطييط ولا تفكييير وهو مريع يدو وكيشوف ش كتقول هنا غايشوفها واش تنجح فالاختبار و لا تفشل .... داكشي باش خلا ليها هاد المهمة ليها بوحدهااا ومقالش ليها اسس و اهداف الشركة خلاها هي تخدم مخها وتبتكرهم .... حيت هنا غايشوف واش فهلا مسيرة ولا متقدش على هادشي ...
لامار : ( تنفسااات ) lamar flowers بحال الارض الخصبة ... لي كنغرسو فيه عرش فارغ .. ومع شوية د العناية كتعطيناا وردة منتهى الروعة ...وبغينا زبانئنا يوضعو فينا الثقة كيف كيوضعها المزارع فاأرضوو ... عند lamar flowers تقدرررو تلقاااااو أجود انواع الوروود و النااااذرة ايضااا لي مكيناش فشي بلاصة من غير شركتنا ... بكل الاشكال والالوان و الروائح ..... من الارض مباااشرة للبوكيه الخاص بيكم ... ايضاااا اجمل المستخلصاااات من عطووورر و كرييمات و مستحضرات التجميل ( اسد غير كيشوووف افكااررر واعرين ) ايضااا شموووع وبوودراات للصباغة الشعر كلهمم من مستخلصات الزهوور ..... ووايضااا شيء للمميز للزباانئنا اننا نقدرو نعطيو حلة فردوسية لكل منااسباااتهم بتزين طاولاتها ببوكيه ورد من اروع مااغااتجود بيه تربة الجزيرة ... عندنا اييضااا تقدروو تلقاااو اجمل انواع الفرشاااات لتزيين حدائقكم و اعطائها رونق خاااص ... ... و الجميل ان كل شهر كاين سحب بالقرعة ل5 تذااااكر لكل عائلة باش تمشي فزيااارة سياااحية للجزيرة ... وهاد الميزة خاصة فقط بزبنائنا لي مشتركين عندنا وواضعين ثقتهم ف lamar flowers لي مكتقتصرش على التجارة فقط بل حتا السيااااحية طبعاااا .. الان الورد رمز للسعادة و lamar flowers كتسهر لاسعاااادكم ( اسد حمقاتو الفكرة لانهاااا فعلا غاااتحفز كولشي يجي ينضم ويشري اسهم منهم مااافكرش فيها كاع انو يديرها سياااحية بقا غير منبهر ) .. ( رجعات بالكرسي لور بابتسامة ساحرة ) باش منطولش عليكم وبكل اختصاار lamar flowers أسستت بااش تسرق الجمال من الطبيعية و تحطو بين يديكم ......
الكل وقققف كييصصصفق بحراااارة من غيرر اسد لي غيؤ كيشوووف فيهاا ويعاود هضرتها مع مخوو وهادشي لي كتفكررر فيه كيفااش دغيا طاح على راسها هادشي و ما داررساه ماا مخططا ليه ماوالو فعلا بقا منبهر مصدوم ... وكولشي كيصصصفق و عاجبوو الحااال .... وهي عينيهاا كااايلمعوووو وتعاود تفكر اش قااالت .. كانت كتهضر بلا عقل معرفاتش كاع اش كانت كتقول .. اما اسبرو غافاتح فمووووو تاشداتلو اريج
اريج : لموت كضور ابعمي ....
اسد بقا كيلاحظ كيفاااش كيشوفو فيهاا ويهضروو على جمااالها لانو كيقراا شفايفهم وهو يقرب المااايك و المسااعيدين كيوميو ليهم يحبسو من تصيفيق
اسد : كنتمنى نكونو جاوبنا على تسئلتكم كلها .... الافتتاح بعد شهر ...
ووقف و كيعاون لامار توقف مع الكرش مكتبغي لاتحرك من بلاصتها خاااص تايشد فيها الواحد وهوما باقين كيغوتووو بلي مزال عنهم ماااتيقااال نوضوووو الروينة
صحافي أ : عفااك اسيدي اااااخرررر سؤاال ...
صحافية ب : دقيييقة عفاااااكم
مداهاش فيهم وجاو ليكارد كيبعدوهوم وهو جار للامار من يديهااا قربو ياكلووووهااا ماااشي مخخخخخخنزر لي ميلقاه كيشوف عنها كيحمر فيه ... جارها موراه وهي كتمشى كي شي بطريق زبان ....وكولشي كيصصصوررر وهو خاارج بيها مكشكش نظم كااااع لاش قبل بهاد اللقاء ... ولكارد شادينهم وهوما كلهم كيقرربو ليهم المااايكاات يكملو اسئلتهم تااخرجو وطلعها فساانسور بووحدها حيت لفوق ممنوع يطلع شي حد دابا قبل الافتتاح ... و دهخل للمكتب
اسد : ههه مهم منبعد ناقشو هادشي على خاطرنا ... حيت الافتتاح مغايكون تاتولدي و تبراي ... هاد البلاصة غاندير فيها كونة لبنتنا ماابغيتهاش تفرق عليك تافاش تكوني هنا جيبيها معاك ... يلاه حبي مغااانتعععطلش عليك بزااااف ردي لبال لراسك ...
لامار : وواخااا صاااافي ... غانتسناك
اسد : ( قرب لفمها ببوسة طويلة تااااشبع ) نمووووت فلغزااالة ة ديااالي ... غانقولليهم يخرجو صحافة باش مايصدعووك ... قلقاتك شي حاجة صوني لياااا ... ( وقف ) يلاه مفتنتعطلش ...
مشااا اسد وهي متبعاه بعينو تاخرج وكلسات على لكرسي دمكتبها كتشوف بعينيهاا ... كيفاش دير لهادشي داابااا ؟؟؟؟ ومنين تبدااااه ... بقات دور فداك الكرسي وهي عاااجبها الكلسة عليه ... وتشوف مع المكككتب شحال زوين ومرييح ومضوي لان لور غير زاج .. وكتحس براااسها بأنها وصلات للللقمة مع اااسد وصلهااا لاعلى المرااااااتب ... كان فحياتها كيف مصباح علاء الدين ... كل مكانت تمناه وصلاتو .. وفاتت معاه قانون الثلاث امااااني ولات فللالاف لي تححقووو ...
ناضت على لمكتب غير حطات رجليهااا بررا حسااات براااسها بحال شي عرج بلا عكااااززز ملي مامعاش اسد ...
ماعرفات فين تزيد ولا فين ترجع ... كاتعيا تقنع راسها بلي راااها فشركتهااااا وخااصها تصرف على هاد الاساس .. ولاكن واالو كتحس راسها حشمااانة وبحالا غاضيفة .. بقات دور فداك الكولوار وتفتح اي باب كتلقى غير مكااااتب و صاالات دللاجتماعات و حمامات .. شرررركة كبييييرة وكلها بحال شي قصر يوناني ... ساارياات منقوشين و شباك لي كيطل على ساحة لتحت كولو مدهب ... طلات منها وهو يبانلها داك القرص لتحت كيتلألأ .. عينيها لمعو معاااه حساااات براسها شي حاحة مهمة فهاد اللحظة ...... وهبطات هاد المرة غافدروووج ... كضور على طوابق لي كانو كلهم مكاتب كاين لي فردين و كاين لي مجموووعين فيهم يزااف بحال سونطر دابيل... و قاعاات خاوين فيهم غي زاج مزال معرفاتش لاش كيصلاحو يمكن معارض د االورد ...بقات هابطة تتاوصلات للتحت عاظ لقات ناس ... كيمشيو ويجيو .. هادو غير المسؤوولين و الحراسة و صحاب للاستقبال لان لوخرين باااقين متختااارووووش لي شافها كيقدم ليها التحية و كترد عليهم بابتساااامة تاجات عندها سنااء ببشاااشة
مشات ولامار بقات ضور تمااا كاين قوة الهاارااااج ... غير لفوق لي خاوي ... مشات حدا داك للقرص ووقفااات كتشوف فيه كيييلمع واسمهااا منقوووش بكل دقة شكون غايكون هاظ الفنان لي صنع هاد القطعة الاثررررررية وتحط فالاستقبااال ؟؟ ... بانليها واحد دايز وعيطات ليه
- وي مداااام أمري
لامار : شكوون نحت هادي ؟؟؟
- مااعرفتشو الالة تقدر تسولي موسيوو للاسماعيلي اكيد غااايكون عارف
- ممم اوكي تقدر تمشي ..
مشا وهي بقااات تشف معاها عجباااتهااا ... وبقات دوووررر تاني كاينييين غي صاالووونااات فكل مكاااان و هبطات فواحد سكة كتهبط تالتحت لقات الحراسة فتحو ليها دخل مع التحية و بقات تشوف لقاتو بحال فريييكوو وخاوي كتشوف غي باستغرااب .. ديكشي كبييييررر واخد اللاكاااف كاااااامل و فيه مختبرات و ادوات التقطير ..... وكونجيلاتوراا يمكن ديال التخزين ... و بقات تمااا وتشوف فداكشي وتقرا فشي كتب محطوطين على انواع للورووود ومييزاتها .. تاكتسمع شي هضرة جاااية من بعيييييد وهي تسول لحارس
لامار : شكون كااين لداخل ؟
الحارس : تاحد الالة .. غير ليفااام دمينااااج ..
لامار : ممم ..
حطات داك الكتاب و بدات ماشية و اهضرة كتوضح ..
لاماى : هادو بدااااو ليا بتوشوش ونميمة من دااباااااا ...
قلشااااات ودنيها و لات كي شي عقرووووشة وحطاتهم على جنب كتسمع فاش كيهضرو .......
- ياااا ختي شفتووووو كيف كيعاااملهاااااا ؟؟؟؟
- اناااا الماااا جمد لياا فركااابي ااح على وردة ااااح ... ياختي طلع رومانسي مع رااسو
- داير ليها شركة على قددددهاااا علم الله شحال من مليااار حااط فيهااا ...وحنا يشري ليك غاا خاتم د نقرة ويشحفك عليه ويطيبيك عليه حياتك كاملة تي فاين الخاتم تي علاش ودرتي الخاااتم..
حبيبي الأصم الجزء 107
محتوى القصة
التنقل بين الأجزاء