سيد القلعة الجزء الخامس

شافت فيه افرا خايفة تصدقو تمشي معه يصدق دايها لشي بلاصة مغبرها بلا رجعة خايفة تكون خدعة منو

جامجوم:اشنو قرري 

افرا:تسنى نفكر

عند كارلوس و كريست جلسو كيتسناو افرا ترجع ولكن والو 

كارلوس:هذي فين مشات ما كانش علينا نخليوها تخرج بحدها 

كريست:رآه ما بغيتش نبقى ديما بحال حراسها خاصها شوية الحرية ياله نشوفو فين هي قالها و ختفى تبعو كارلوس حتى هو و ظهرو في الغابة حتى خرجات عندهم ريحانة

ريحانة:مالكم اش واقع

كريست:ما شوفتيش ختي 

ريحانة:قصدك البشرية

كارلوس:اه البشرية واش شوفتيها

ريحانة:كانت مع واحد من العفاريت وراه مشات معه 

كارلوس:اشنو كتقولي كيفاش مشات معه وعلاش ما قلتيهاش لينا

ريحانة:علاش مالي انا حارس شخصي تاعها رآه مشات وهي كضحك

كريست:بعصبية كيفاش كضحك وشكون هو

ريحانة:باش غادي نعرف ولكن دمو من العفاريت

كارلوس:علاش علااااش ما قلتيهاش ساعتها وهو كيدفع فيها إلى وقع ليها شي حاجة غادي ندفعك التمن غالي

ريحانة:علاش انا اش درت حتى دفع ليا ثمن غالي واش انت حمق

كريست:صافي كارلوس دابا خاص لقاوها

كارلوس:بغضب انا عارف علاش قلت لك ندفعك ثمن غالي انتي بغيتي تخلصني منها باش تخوي لك الطريق تسحابي سحر تاعك ديما يشد فيا 

كريست:انمتا اش واقع بينكم

ريحانة:بابتسامة ياله قول ليه اش واقع بنا

كارلوس:اشنو غادي يوقع بنا حتى انت ياله نشوفو هذا ختك فين مشات تاني هذ ختك رآه مصيبة متحركة

كريست:لالا دابا قولو ليا اش واقع انا ماشي هبيل 

ريحانة:خطيب ختك حاول يغتصبني

كارلوس:اشنوووو انا حاولت نغتاصبك الكدابة 

كريست:واش هذشي بصااح كارلوس هضر 

كارلوس:لا اه بستها بلا شعور يمكن نومتني مغناطسيا هذشي صافي

كريست:الحقير هز ايديه لسما نزل عليه لوجه 👊🏻 جاي حتى القبيلة تاعي و كتلعب 

كارلوس:شاد في نيفو رآه بلا شعور دابا ياله نشوفو افرا فين

ريحانة:نمشي معكم

كريست:سيري غبري عليا وجهك انتي لا نخلط أمك و نهار نشوفك دوري برجل أختي واحد نحيد قلبك بايدي 

ريحانة:ولكن انا

كريست:هضرة وحدة شاف في كارلوس تبعني انت و ختفى

كارلوس:طلعتي حقيرة فعلا قال اغتصاب نهار تهضريني نغتصبك فعلا و ختفى

بتسمت ريحانة بشر ههههه غير سيرو واخا تقلبو الأرض سفاها على علاها ما تلقاوها

عند افرا كانت مازال كتفكر هي ما مرتاحاش لهذشي ولكن فكرة رافائيل امكن أكون مازال عايش رجعات ليها أمل كبير في الحياة شافت في جامجوم اه ممكن يكون كيقول الصراحة علاش يكدب متلا 

افرا:واخا نمشي معك ولكن إلى كدبتي ما تنساش أن من غير خويا و كارلوس كاين الف واحد يوقف في وجهك بسبابي 

جامجوم:عارف انتي المنقدة ما تخافيش كنعرفك ماشي خوافة 

افرا:ماشي خايفة منك خايفة عليك قالتها بابتسامة كتاكد كلامها 

جامجوم:واخا ياله اري ايديك 

عطاتو ايديها بتوتر و ختفى بيها ظهرو جنب بحر ولكن لون تاعو ماشي كحل لون البحر المسحور كحل و ما فيه موج و مظلم 

افرا:هذا ماشي البحر المسحور

جامجوم:هههه تبارك الله راكي عارفة كلشي وهو كيضحك بشر هههااااا فعلا البشر أغبى مخلوقات

افرا:اشنو قصدك غدرتيني

جامجوم:ماشي غدرتك قولي جبتك هنا تفارد بيك سمعت راجلك مات فرحت ليه ومن سمعت زواجك قريب ب كارلوس قلت لازم نتحرك

افرا:يعني ما كاين لا قلعة لا صورة لوريتني 

جامجوم:داكشي ما عرفت المهم الأميرة تاعي زيدي تحركي قدامي

افرا:فين نتحرك مازال عندك الوقت ترجعني 

جامجوم:اه عندي الوقت نعيش معك كيف بغيت ا حياتي علاش مالي ياك انا ممكن نتحول لأي شخص اش مازال بغيتي 

افرا:المشكلة واخا تتحول لأي شخص عمرك تحول قلبك الكحل بيض وانا فعلا أغبى وحدة صدقت اخبث المخلوقات كيف قال ليا رافائيل

جامجوم:شوفتي هذا اخبث مخلوق غادي تصبحي عليه صباح وعشية هنا ياله زيدي قدامي

افرا:ما تقربش ليا غادي يلقاوني و يقتلوك كان على رافائيل يخليك معوق 

جامجوم:شدها من وجهها بعنف عمركي دكري ليا مازال هذا المخلوق الحقير سمعتي وهو كيهز ايديه و يمس وجهها وهي كتهرب منو 

جامجوم:وجهك ملس ا حبيبة طلع وجهها بغا يبوسها وهي كتهرب منو ولكن حكمها كان أقوى منها هي بزربا دفلات على وجهو عمراتو و كتشوف فيه بكره هز ايديه لوجهو مسح دفالها بغضب شاف فيها هز ايديه لسما و نزل على وجهها حتى طاحت الأرض بلا حركة

كريست:دابا فين غادي لقاو هذا المصيبة شكون هذا لي سرقها

كارلوس:رآه قالت لك ريحانة مشات بخاطرها يعني كتعرفو شكون هذا غادي يكون هذاك لي سرقها

كريست:انا غادي نقطع ليه ق*** و نعلقهم في ودنيه نوريه يجي المملكتي و هو حكم على راسو بالموت 

كارلوس:سير جيب ليا شي شي حوايج تاعها جيب ليا الحوايج لي بدلات اليوم

كريست:اش بغيتي حوايجها واش حنا دابا في الحوايج 

كارلوس:الغبي غادي نشوف بلاصتها فين كاينة انا رآه يمكن ساحر 

كريست:واخا انا غادي نشوف

عند افرا كانت في ظلام وهي كتجري و الكلاب تبعينها وهي كتجري و تغوت شوية كتشوف ضوء بعيد هي كتجري و الضو يزيد يبعد هي تجري وهو يبعد حتى طاحت في حفرة كتغوت و سمعات صوت لي عمرها تنساه صوت رافائيل كيعيط ليها افراااااااا نقزات من بلاصتها و هي كتشوف جنابها كانت في بلاصة بحال الغار و جنبها عافية باش ضوي البلاصة و جامجوم جالس جنبها

جامجوم:على سلامة شي حلمة خايبة هذي 

افرا:فين انا اش هذ المكان

جامجوم:هذا القصر تاعنا 

افرا:قول الحفرة تاعك هذا دابا قصر ولا قبر

جامجوم:بك انتي رآه جنة رآه الماكلة جنبك اه نسيت ما قلت لك بلا ما تحاولي تهربي الحراسة برا ما تخرج نملة 

افرا:فين انا دابا واش عالم العفاريت

جامجوم:لا هذا عالم البشر ولكن بلا ما تفرحي بعيدة على البشر داير بك غير الما إلى إلى كنتي عروس البحر ههههه

افرا:انت واحد حقير تسحاب ما غادي يقلب عليا حد ولا ما عندي حد يسول فيا خويا يشرب دمك

جامجوم:إلى نبقى معك و نتمتع بك شوية قابل نموت من بعد

شافت فيه افرا هي ما عندها اي قوة حتى من ولدها ما بقات تواصلات معه من داك اليوم غمضات عينيها حاولات تواصل معه ولكن والو كان بحال فراغ دموعو عينيها نهار فكرات تخرج من الحزن و تعيش حياتها لولدها خرج ليها هذا العفريت ولكن تستاهل هي الغبية لعب بيها على الوتر الحساس عرف كيفاش يصيدها و دابا ما عندها غير تسايرو حتى يجي لي يعاونها 

افرا:فيا جوع عطيني ناكل رآني حاملة و خاصني ناكل 

جامجوم:بابتسامة قرب ليها خدي كولي ولا نوكلك من إيدي إلى عيانة

افرا:لا بلاش شكرا تحنات كتاكل حيت فعلا جيعانة واخا ما فيه ملحة ولكن اش عندها ما دير

جامجوم:غادي ديري عقلك ياك

افرا:واش عندي شي حل آخر 

جامجوم:لا صراحة إلى قصحتي معيا غادي غير نعذبك 

افرا:غير تهنى غادي ندير عقلي وهي كتاكل ولكن بغيت منك طلب واحد 

جامجوم:اشنو هو ا حياتي قولي أنا عبد في ايديك

افرا:ما تقربش ليا حتى نولد ولدي و بغيت نخرج مرة مرة نشم الهوا رآه غادي نتخنق هكدا

جامجوم:شاف فيها اشنو كتختطي إلى الهروب غير نساي رآه مستحيل تهربي من هنا عندي برا الف حارس و 20 أسد مجوعين بغاو غير ما ياكلو 

افرا:لا ما غاديش نهرب ولكن انا ما بغيتش نتحبس وانت من داير الحراسة كتيرة ما عندك مناش تخاف من متأكد ما غاديش نهرب

جامجوم:واخا جاتك الحبيبة مازال شي حاجة أخرى البرنسيسة

افرا:لا غير هذشي 

جامجوم:امكن لك تخرجي اي وقت بغيتي ولكن غير نشوفك هربانة نقسم لك أن الأسود يتبعوك في رمشة عين 

افرا:لا صافي هضرنا واش امكن ليا نخرج دابا نيت

جامجوم:اه خرجي انا غادي نمشي عالمي باش ما يشكو في والو غادي رجع بزربا

افرا:واخا في خاطرها مشية بلا رجعة

ختفى جامجوم وقفات تابعة الضوء خرجات كانت كهف بحال تاع الدب على آخر عمرها رجعات في الحفاري شافت قدامها كانو رجال بزاف كيف قال ليها جامجوم و الأسود في القفص كل واحد قداش رجليها خواو بيها فعلا صعيب تهرب و إلى هربات من هدو هي وسط البحر جزيرة وسط البحر كون غير كانت تقدر تنفس في البحر بقات كتمشى وهي ساهية كتقلب على حل جلسات فوق حجرة وهي كطل على البحر 

افرا:بصوت عالي دابا كيفاش نهرب 

حتى كتسمع صوت ضحكة زوينة دارت وراها ما كان حد شافت الفوق والو قالت يمكن كتخايل حتى سمعات صوت بنت

البنت:انا هنا ههههههه شوفي فيا انا في الما

نزلات عينيها في الما كتشوف بنت زوينة بزاف وسط الما

افرا:اش كديري طلعي من تما غادي تغرقي 

البنت:ههههه إلى طلعت غادي نموت اشنو اسمك

افرا:علاش تموتي انا افرا وانتي

البنت:لولو ههههه اه غادي نموت إلى طلعت شوفي و تقلبات الفوق افرا تصدمات من شافت عندها ديل سمكة

افرا:واااااو حرية البحر ووااااووو انتي ماشي اسطورة

لولو:اه شكون قال لك حنا أسطورة رآه حنا بزاف

افرا:واو انتي زوينة بزاف واش عندكم حتى حري البحر ههه

لولو:اه كاينين واعرين قولي اش كديري مع العفاريت هنا انتي بشرية ياك

افرا:اه بشرية انا مسجونة هنا قولي مسروقة

لولو:كيفاش 

ياله جات افرا تجاوب حتى كتسمع صوت الحارس وراها

الحارس:معمن كتهضري

افرا:شافت في لولو لي غطسات مع راسي عندك مشكل

قرب ليها الحارس شاف فين كتشوف كان غير الما شاف فيها

افرا:ياك تاكدتي ايوا بقى بعيد لا نقولها لجامجوم 

الحارس:واخا الالة وهو كيبعد

شافت افرا في الما و كتعيط بصوت ضعيف لووولوو لولو ولكن والو وقفات من شافت جامجوم ظهر قدامها

جامجوم:ياك ما تعطلت عليك

افرا:في خاطرها يعطيك غبارة لالا انا نمشي نعس 

جامجوم:تعالي ندورو شوية و نهضرو

افرا شافت فيه ما عندها خيار مشات كتمشى معه وهي كتمنى يجي كريست و كارلوس يعتقوها اكيد ما غاديش يخليوها غير مسألة وقت أما جامجوم جالس يخطط كيف غادي يعيش معها و يوصف مشاعرو الجن العاشق طاح طيحة فيها كانت كتشوف في الما حتى كتبان ليها لولو كتبتسم ليها بتسمات بلا شعور 

جامجوم:مع من كضحكي وهو كيشوف اتجاه لي ضحكات فيه كان خاوي 

افرا:كنت كنتخايل كيفاش غادي نعيش معك

جامجوم:بصاح كتهضري

افرا:صافي انا ستسلمت لقدر معك و ما عندي علاش نتصارع معك لكان كيحميني مات

جامجوم:انا نحميك من دابا

افرا:بضحكة الصفرا اه واخا 

عند كارلوس و كريست كان كارلوس صايب بحوايح افرا لعبة بحال المونيكة حطها الوسط

كارلوس:افرا فينك أن جيهة انتي فيها وهو كيشوف في المونيكة تحركات بجيهة غروب الشمس وهي كتحرك بحال الموج 

كريست:اشنو معنى هذشي 

كارلوس:كاينة بجيهة المغرب بين البحر 

كريست:اش من عالم رآه كل عالم فيه المغرب و البحر

كارلوس:افرا انتي فأي عالم

تحركات المونيكة بحال كطلع دروج ولا كتبني و مشات جيهة كاس كان في يد كريست فيه دم و وقفات

كريست:لا ما تقولش ليا ماتت لا غادي نحماق 

كارلوس:تهدن مازال عايشة هدو دروج ولا بنا و الدم اشنو معناها

كريست:شاف فيه بنا دم يعني بني آدم البشر 

كارلوس:اه اه هو هداك هز المونيكة ياله نمشيو هي غادي دلنا على الطريق 

كريست:راك سحار مع راسك زيد زيد

عند افرا كانت جالسة وهي كتحاول تتواصل مع الجنين ولكن ولو فشلات حتى كتقول مرات انهو مات ولكن الممرضة لكان جاب ليها خوها قالت عايش و علاش ما بغاش يتواصل معها واش كرهها حيت هي سبب موت باه حتى كتسمع صوت حركات شافت كان جامجوم كيقرب ليها بعيون لامعة

افرا:اشنو كاين 

جامجوم:والو بغيت نقرب منك

افرا:قلت لك حتى نولد

جامجوم:شاف في كرشها امتى غادي تولدي

ياله بغات تجاوب حتى كتسمع صوت غوات و صداع

جامجوم:اش واقع هنا وقف بعصبية و افرا تبعاتو كتمنى شي حد يكون جاي ينقدها حتى كتشوف كارلوس و كريست كيتقاتلو مع الحراس

افرا:كريست كارلوس بفرحة بحال شافت الفرج

كارلوس:انتي حسابي معك من بعد وهو كيضرب في الحراس

جامجوم:بعصبية شد افرا قتلوهم 

افرا:طلق مني المتوحش وهي كتهز رجليها وضربو في كرشو حتى هز ايديه ضربها شافو كريست نقز عليه ما تضربهاش الكلب و ضربو 

افرا:خويا كريست صافي ياله نهربو رآه كتار منا

شافت في كارلوس تلمو عليه الحراس رآه الف حارس فعلا 

كارلوس:شاف في افرا افرا هرببببييي هربببببي

افرا:لالا ما نقدرش نخليكم 

كريست:كيضرب في جامجوم ينعل أمك سيري جري 

جامجوم:وهو كينهج الأسود الاسوووود طلقوهم شافت افرا قفاص الأسود كيتفتح شافت في خوها لي تلمو عليه و كارلوس لي شدوه طلقات رجليها الريح و هي كتبكي كيفاش خلاتهم صافي غادي يموتو فكرات ترجع ما عندها فين تهرب شافت الأسود جاية جيهتها رآه الخوف يهرب اي واحد هربات حتى كتوصل الحد بينها وبين البحر تلفتات لور كان أسد جاي بجرا رجعات شافت القدام تفكرات مقولة البحر أمامكم و العدو وراءكم غمضات عينيها و طاحت قبل ما يوصلها كان الظلام و الما بارد بقات كتحاول تطلع كتطلع و تعاود تنزل شربات بزاف الما صافي ستسلمات و عيات بقوة ما خدمات ايديها حسات براسها كتنزل الما و هي كتغيب بشوية

حتى كتشوف بصورة مضببة حرية البحر جاي تجاهها شداتها خرجاتها من الما و سبحات بيها بعيد وهي غايبة بقات كتسبح بيها لمدة نص ساعة حتى بانت ليها واحد الجزيرة سبحات تجاهها حطاتها فوق اليابسة وهي كتضغط على صدرها بلطف حيت حاملة

افرا بدات كتخرج الما و لولو مقابلها و هي في الما حتى فتحات عينيها وهي كتشهق بقات شحال وهي ساكتة 

لولو:انتي لباس 

افرا:كون ما انتي كنت مت

لولو:عندك زهر هنا حتى حد ما يقدر يلقاك

افرا:ولكن خويا و كارلوس تما مشددين 

لولو:علاش انتي اصلا هناك مع العفاريت

افرا:قصة طووويلة

لولو:وانا فضولية غير قولي ليا

افرا:واش تقدري ترجعيني 

لولو:انتي حمقا غادي تموتي

افرا:بدموع لو كان رافائيل معيا عمر يوقع ليا هذشي

لولو:شكون رافائيل 

افرا:انا الحمقا خرجت على خويا و كارلوس كدب عليا قال قلعة الغول تحت الما هىء هىء انا غبية

لولو:اش بغيتي القلعة العائمة 

افرا:اش من قلعة عائمة انا كنهضر على قلعة رافائيل هىء هىء

لولو:رآه بصاح كاينة قلعة عائمة تحت الما ولكن رآها لهييييه بعيدة

افرا:ما بقيتش نصدق صافي رافائيل ماااات ماااات 

لولو:دابا انا وانتي صحابات ياك هههههه انا صاحبتي بشرية جداتي كتقول لينا هذيك قلعة الأمير النائم هو سيد القلعة

افرا:شافت فيها بدهشة كيفاش أمير نائم ضرب قلبها تاني واش ممكن يكون رافائيل فعلا كيف قال جامجوم و لولو يعني هو كاين ينقدر كارلوس و كريست

لولو:تعالي نشوفو جداتي ولكن ما عرفت اش غادي دير من تعرف جبت بشرية

افرا:عفاك بغيت نشوفها رآه سيد القلعة راجلي 

لولو:راجلك قولي ليا واش زين هو

افرا:😡فين جداتك رآه خويا و كارلوس غادي يموتو ا زوين

لولو:تسناي انا نمشي نعيط عليها

افرا:لا وإلى ما رجعتيش 

لولو:هزات صبعها الصغير وعد رجع ههههه صافي وهي كتغطس في الما

افرا بقات كطلب الله يكون فعلا رافائيل كاين ولكن إلى هو كيفاش وصل تحت الما كيفاش القلعة ختفت لتحت الما وهي شافتو ختفى بين ايديها ولكن رافائيل ماشي اي شخص عادي ممكن تتوقع اي حاجة معه غمضات عينيها ياربي يكون هو ياربي يكون عايش رآه توحشتو توحشت الأمير النائم تاعي بتسمت بفرح حتى كتحس الجنين تحرك في كرشها شدات كرشها فرحات و دموع في عينيها

افرا:ولدي حبيبي حاس بيا انا كنبغيك خاصك طلب الله يكون باباك عايش غمضات عينيها بفرح ولكن من كتفكر خوها و كارلوس كتحزن من شافتهم تشدو

شوية طلعات لولو هي و واحد حرية البحر عجوز 

لولو:هذي جداتي بصعوبة جات حيت حنا كنخافو من البشر يشوفونا 

افرا:اهلا ما تخافيش ما غاديش ناديك بغيت نسولك على سيد القلعة قالت ليا لولو كتعرفيها 

الجدة:اه القلعة العائمة كاين فيها أمير نائم ولكن حتى حد ما يقدر يفيقو إلى شخص واحد 

افرا:من امتي القلعة تما 

الجدة:انا كنعرفو من مدة ولكن هذا المرة القلعة نزلوها العفاريت لتحت البحر باش ما يلقاها حتى حد

افرا:بفرحة عفاك قولي ليا كيفاش كتعرفيه من شحال

الجدة:هو كان ناعس مدة و فاق بفضل الشخص المنتظر ما عرفت اش وقع ليه رجع نعس تاني كيقولو قدم راسو تضحية لشخص كيبغيه

افرا نزلو دموعها عفاك واش هذشي بصاح شدات ايديها عفاك انا رآه كنتعذب 6شهور ما كنعسش 6شهور معذبة عفاك فين كاينة القلعة عفاك

الجدة:شافت فيها بقات فيها رآه عندك الحق تفيقيه 3مرات صافي 

افرا:لالا انا سمعت 4 مرات عفاك فين كاينة ديني ليه لي بغيتي نديرو عفاااااك وهي كتبكي

لولو:جدة عفاك شوفي رآه حاملة وهي كتبكي

شافت فيها الجدة ولكن كيفاش غادي تدخل عمق البحر وهي ما عندهاش قدرة التنفس رآها غير بشرية

افرا:مستعدة نحاول 

الجدة:رآه ساعة في الغطس داخلة للموت مباشرة

لولو:انا عندي الحل

افرا:بفرحة بصاح اشنو هو 

لولو:تسناو دابا نجي وهي كتغطس و بقات افرا و الجدة كيشوفو في بعض باستغراب

بعد دقائق جات وهي هازة 2 قرعات اوكسجين

افرا:واو منين جبتيهم

لولو:سرقتهم من واحد الباخرة هههه

الجدة:لولو هذشي حرام امتى ديري عقلك

لولو:رآه سرقة في الخير ماشي حرام

افرا:اه صافي من بعد رجعوهم 

الجدة:واخا ياله غادي نمشيو في هذ الاتجاه من نوصلو لمكان فيه القمر كيبان وسط البحر غادي تغطسي سمعيني غطسي مباشرة مع القمر لي كيبان رآه غادي ياخدك حتى القلعة هو فوق القلعة 

افرا:ما غاديش تمشيو معنا

الجدة:لا حنا ماشي من حقنا نمشيو إلى انتي البنت الموعودة غادي تمشي في سلام إلى ماشي الموعودة غادي ياكلك القرش قطع قطع

افرا:برعب قرش كاين القرش

الجدة:إلى انتي الموعودة ما يقدر يوصلك حد حيت هذيك منطقة سيد القلعة 

افرا:بعزم واخا ياله

لولو:رآه ممكن ياكلك القرش

افرا:لا انا متأكدة رافائيل تما كيتسناني شافت في العجوز ياله نمشيو

عند كارلوس و كريست شدوهم علقوهم من رجليهم بحبل فوق شجرة و راسهم على الأرض رجليهم معلقة لسما و الأسود التحت كيتسناوهم يطيحو

كريست:ناري على موتة غادي نموتو

كارلوس:عرفتي اصاحبي ما كنتش كنحملك في الأول

كريست:ما شوفتي انا ولكن من نقدتني تغيرات نظرتي لك

كارلوس:ايوا دابا ما كاين لي ينقدنا على الله غير ما يشدو ديك المنتيف تاع ختك

كريست:إلى شدوها و متنا غير خليها تبعنا 

كارلوس:لالا هذيك رآه دخلنا الجهنم خليها رآه جامجوم يعرف ليها

كريست:ايوا سكوت لا نهرس أمك رآه ختي هديك وهو كيشدو من راسو

كارلوس:طلق رآه غادي نزلو قبل وقتنا بسبابك

كريست:ايوا بقى ساكت

كارلوس:صراحة انا بست ريحانة رآه كتعجبني 

كريست:حتى انا بست وحدة وهي ناعسة كنبغيها بزاف

كارلوس:اااهااا شكون شكون هذي

كريست:واحد البشرية حب مستحيل ياك

كارلوس:دابا عاد غادي تقولها ليا كون قلتيها و حنا بخير كنت جبتها لك على الغول كاع و حباتو ختك انت علاش ما تحبك

كريست:رآه افرا ولد خالتها هداك و كان بشري أما انا تولدت اب عن جد مصاص دماء

كارلوس:اشنو سميتها

كريست:أليس ياله ياله ودع العالم العشير نتلاقواه تما 

كارلوس:زعما ريحانة تكون كتبغيني

كريست:رآه غارت و خبات علينا موضوع هذ العفريت غير باش تبعد من افرا باينة كتبغيك ولكن سمع إلى كتاب تفكينا غادي ربي مها و رد بالك تتدخل بينا

كارلوس:و انا معك في هذي خاصها تتربى

عند افرا بقات كتسبح حتى وصلات المكان ظهور القمر وقفو 

العجوز:صافي ما يمكنش لينا نزيدو انتي كملي طريقك 

افرا:واخا شكرا بزاف 

لولو:إلى فيقتي الأمير النائم انا ديما هنا عيطي ليا نجي عندك ياك حنا صحابات

افرا:اه اكيد شكرا بزاف لكم أنتما مخلوقات ظريفة

العجوز:سمعي ابنتي ماشي غير الروح لي كترجع للحياة 

افرا:اشنو قصدك باستغراب

العجوز:من توصلي لمرادك هو يشرح لك قصدي ياله نزلي تبعي القمر يمكن انتي هي المنتظرة

افرا:واخا شكرا مرة خرا سلامات عليهم دارت الأوكسجين و غطسات تابعة القمر فرحات من ما شافت لا قرش ولا اي حاجة العكس كانت كتمشى بلا خوف و الطريق كانت كلها منورة بحال الشمس بقات كتغطس و تغطس اه عيات بغات توقف تستراح ولكن خايفة 2قرعات الأوكسجين يكملو ما عندهاش وقت بقات كتسبح اكتر واكتر متسارعة مع الوقت ومع كمية الهواء حتى كتشوف القلعة اه نفس القلعة باينة من بعيد القلعة السوداء قلبها فرفر بالفرحة ممكن كل هذ الجحيم تاعها يرجع نعيم ممكن كلشي يكون فرح في الأخير قربات ليها بزاف وهي كل لحظة كتاكد أنها نفس القلعة من وصلاتها مساتها بالفرحة و دموع وسط الما بقات تعنق فيها دارت كتقلب على باب السور حتى كتصدم بنفس صورة لوراها جامجوم يعني ما كدبش وهو لي غرق القلعة كيف مسات الباب حسات بحال الزلزال بحال البحر كيهيج خافت بزاف خصوصا من شافت القلعة كتحرك طالعة الفوق شدات في باب السور بكل قواتها وهي كتغوت و القلعة كتهز الفوق اكتر واكتر و قلب افرا كيتهز معها حتى خرجات من أعماق البحر و طلعات الفوق و وقفات اه القلعة طلعات المكانها كان البحر كلو مظلم و الما مظلم غير القمر بوحدو لي مضوي دفعات الباب و تفتح بسهولة تقول كان مفتوح كانت أول مرة نقزات السور ولكن دابا دخلات بحال القلعة تاعها اه رآها تاعها فيها حبيبها لي بدات كتشم ريحتو كانت الجردة دابلة الورود لكانت مزيناها تاجهات للباب تاني تاع القلعة كانت نفس الصورة تاع رجل شاد راسو و طالعة منو روح عينيها تفتحو اكتر يعني صورتها كانت في باب السور من الف سنين مرسومة قربات للباب تفتح بوحدو دخلات في الظلام غير شوي لي كيبان ليها

افرا:رافائيل انت هنا رافائيل انا جيت حبيبي انت هنا بقات كتقلب قنط بقنط واالو اي مكان دخلات ليه كتفقد فيه الأمل شوية بشوية بداها الحزن و اليأس دمعو عينيها شدات كرشها

ولدي ما كاينش فرحنا غير هكذا باك مشى هىء هىء هىء لحظة حسات بحركة في كرشها شافت فاز كان في طبلة في الهوا ترمى على الأرض و زاج تاعو رجعو سهم افرا بصدمة اشنو هذشي ولدي هذا انت حسات كرشها كتحرك تبعات السهم لي تكون من الزاج تحبس في وسط صالة افرا تفكرات نهار تجرحات هنا تجمع الدم تحنات على الأرض كضرب فيها كان فراغ فيها يعني كاينة شي حاجة تما شافت في جنابها كان سيف معلق هزاتو بدات كتضرب في الارضية كتضرب كتضرب حتى حسات نفس شعور داك نهار الأرض كتحرك وقفات وهي كتسنى اش يخرج ليها تفتحات الأرضية كاين مكان سري التحت شافت التحت كانو دروج داءرين كيوصلو لتحت الأرض ما فكراتش مرة زوج لا نزلات مع دروج مباشر

كانو الدروج دايرين بقات نازلة وهي شادة في الحيط ما كاينش فين تشد إلى زرقات طيح و الأرض عالية ستغربات اشنو هذ البلاصة و علاش عمرها شافتها ولا هضر ليها عليها واش غادي تلقى هنا فكرات ممكن تتلقى شي مخلوق آخر ربما مخلوق ساد عليه رافائيل ولكن ما يمكنش ليها تتراجع سمعات حركة الفوق شكون يمكن يكون دخل ياله بغات تعيط شكون هنا حتى كتسمع صوت جامجوم قلبو عليها ما عندها فين تخرج من هنا حسات بالخوف كان جامجوم و رجالو تبعوها رجعات كتزرب في الدروج وهي كطلب الله ما يوصلوها ولا يشوفوها يمكن الفتحة تسدات يمكن ما نتبهو ليها ما عندهاش وقت توقف تشوف و بعدات بزاف على تما بقات كتمشى بالتوتر حتى زلقات رجليها شدات في عمود بين الدروج و رجليها في الهوا بقات كتبكي صعيب أنها تطلع طلبات الله لو رافائيل هنا او كريست و كارلوس بقات كتبكي بحرقة حتى سمعات صوت الجنين

الجنين:وانا نسيتيني 

افرا:بالضحكة و دموع هىء ههه هىء ولدي عفاك طلعني من هنا انا كنت كنسحابك مقلق مني هىء هىء

فجأة بدات كتحس برجليها و داتها كيطيرو في السما طلقات واحد اليد تتأكد واش تقدر طير و تشجعات من تاكدات طلقات ايديها و طارت في الهوا وهي كتنزل التحت بحال الجدبية بتجرها التحت شدات كرشها بفرحة حتى حسات برجليها على الأرض وقفات كتشوف كانت غرفة ولكن الظلام 

افرا:ولدي شعل ليا شوية ضو 

كيف هزات راسها شعل ضو ضوا ليها كل الغرفة فرحات ما بقاتش خايفة من جامجوم اكيد ولدها كاين شافت في الغرفة كانت غرفة عامرة بلوحات ولكن ماشي لوحات مرعبة لا زوينة و فيها مكان الرسم يمكن هنا في كيمشي رافائيل من كيتعصب و يهرب باش ما يتهورش شوية شافت خمية شادة من السقق الأرض مشات تجاهها كيف قربات ليها تفتحات بوحدها شافت سرير كان فوقو صندوق من الزاج عامر بالورد بدات كتقرب ليه كايبانو رجلين شخص فيه يعني وسطو شي شخص خافت يكون وحش ولا شي حاجة تفكرات صندوق سندريلا من تسممات و حطوها الاقزام حتى جا الامير باسها زعما يكون سندريلو تاعها😅😅 زعمات و هي كتقرب اكتر وقلبها كيضرب بقوة كطلب الله يكون رافائيل قربات من شافت الشخص قلبها طار من بلاصتو بالصدمة الفرحة كل المشاعر تخلطو كان رافائيل ناعس على ظهرو مفرش بالورد و الورد ماشي دابل لا تقول ياله تحط كان عادي تقول غير ناعس كان لابس غير سروال افرا طاحت على ركبتها بالفرحة 

افرا:هىء هىء رافائيل انت هنا أميري النائم هىء هىء سمح ليا تعطلت عليك وهي شادة ايديها في فمها بدموع وقفات وهي كلها كترعد فتحات صندوق دوزات ايديها على شعرو بحال ما مصدقاش أنو قدامها كانت ريحة الورد من فتحات خارجة زوينة 

افرا:رافائيل عمري هىء هىء وهي كتعنق فيه كان الجسد تاعو بااااارد و لونو شاحب ولكن كان و غادي يبقى ديما زوين تحنات على فمو باستو وهي لاصقة جبهتها في جبهتو كتسناه يفتح عينيه والو تحنات باستو تاني والو

افرا:هىء هىء فيق الحبيب تاعي شوف انا جيت رافائيل حبيبي انا جيت عفاك فييييق تحنات عليه تاني باستو والو بقات كتبوس فيه بقوة وهي كتبكي و كتحرك فيه كان جثة هامدة كيتحرك كيف كتحركو 

افرا:رافائييييييييل انا جيت فيق احبيبي فييييق وهي كتلمس وجهو فييييق حتى كتسمع صوت رجال جامجوم

الحارس:سي جامجوم سي جامجوم هنا كاين شي حاجة التحت

افرا خافت صافي غادي يكتاشفوها فين كاينة

افرا:رافائيل فيق فييييق غادي يقتلونا وهي كتبوس فيه فيق عفاك سمعاتهم كيضربو الأرض بقات بحال الهبيلة كتشوف في جثة رافائيل و الفوق

بقات كتفكر كيفاش تفيقو علاش ما فاقش من باستو تفكرات أنها فيقاتو ببوسة من تنوم دابا ماشي منوم لا دابا خاصو الدم وقفات و دموعها غالبة عليها بقات كتقلب على شي حاجة تضرب بيها راسها والو دارت تجاه التابوت الزجاجي شافت الغطا تاعو لي هزاتو باش يتفتح قربات ليه هزات رجليها لسما بلا شعور كل همها رافائيل يرجع و ضرباتها حتى تشتت الزاج دخل شوية في فخادها ولكن ما بقاتش كتحس هزات طرف تاع الزاج قربات عند رافائيل هزات ايديه اليسرى وهي كلها كترعد هزات طرف الزاجة ضربات بيها شريان ايديه اكيد ما غاديش يخرج الدم و هزات على كمها و ضربات جيهة شريان ايدها اليسرى حتى خرج الدم وهي كتتالم نزلات ايديها حطات مكان المضروب على الجرحة لي دارت ليه و حطات راسها على كرشو وهي كتبكي خايفة ما يفيقش و جامجوم و الحراس كيحاولو يفتحو الفوق بقات كتحس بالضعف 

افرا:رافائيل عفااااك عفاااااك فيق فييق وهي كتبوس فيه حسات بالجسد تاعو كيدفى ما بقاش بارد فرحات بزاف رجع عندها أمل غادي يفيق عصرات على يديها اكتر باش يخرج الدم وهي فرحانة واخا بدات كتحس بالضعف مع دم كينقص منها بدا وجه رافائيل كيرجع فيه لون حطات راسها على صدرو تاني و ركبيها في الأرض بدات كتحس بالضعف غمضات عينيها حتى كتحس بايديه كتحرك هزات راسها بفرحة

افرا:رافائيل رافائيل فتح عينيك 

كان رافائيل في ظلام وهو كيسمع صوت افرا كتعيط ليه و طلبو يفتح عينيه شاف ضو في الظلام طار مباشرة ليه كيف وصل ليه فتح عينيه حس بشي حاجة على صدرو و عروقو كيشربو شاف كانت افرا طايحة على صدرو بزربا وقف بعدها عليه شاف في ايديه كانت مجروحة و ايديها 

رافائيل:افراااا افرااااا شوفي فيا فتحي عينيك افرا حبيبتي علاش درتيها 

افرا:فتحات عينيها بصعوبة وكتهضر بصوت ضعيف رافائيل حبيبي هذا انت انت هذا ياك وهي كتمس وجهو

رافائيل:اه انا ا حياتي انا باس ايديها شاف جنابو قطع طرف من الخامية و لوها على ايديها شاف في ايديه كانت الجرحة تجمعات بحال عمرها كانت تحنى باس على جبهتها 

افرا:رافائيل عتق ليا كريست و كارلوس غادي يقتلوهم 

رافائيل:صافي تهناي ما تقولي والو قريت أفكارك غادي نتفاهم مع هذ فراقش بقر علال لي هنا الأول 

افرا:لبس عليك مزيان تبقى دور ليا هكذا

رافائيل:بتسم ليها كيفاش هذي خاسرة دم و مازال كتغير عليه صافي تهدني شاف فيها توحشتك الهبيلة كيفاش قدرتي ترجعيني 6 شهور ياك 

افرا:تاع العذاب وانت ناعس ليا بين الورد

رافائيل:عنقها بقوة حتى انا تعذبت كنت في ظلام شوفي فيا ما تغمضيش عينيك غادي رجع لك من نشوف هذ البقر لي سارح ليا هنا شد في كرشها توحشتكم الحماق و قف دار على راسو و بزربا رجع لابس عليه الفوق حرك ايديه ضو كل المكان و الدروج و تفتح باب الفوق طرطق عظام عنقو و طار الفوق

كان جامجوم و الحراس كيقلبو على باب للتحت حتى تفتحات الأرض بداو يطلو برعب اش يكون هنا حتى طار شخص بحال الخفاش شد 2 الحراس لي كانو كيطلو من عنقهم طار لسما كل واحد شادو بايد طلع السقف اكتر و جامجوم مصدوم من عرفو رافائيل هز كل حارس حتى السما و لصقو مع لآخر جمعهم بايد واحدة و رماهم الأرض وهو مازال طاير دور وجهو تجاههم بحال صاروخ نطلق بسرعة و ايديه تجاههم رجعات من لهب دخلها مباشرة لقلبهم و ختفو و قف وهو كيدور عند جامجوم لي كان وجهو بحال شاف شبح

رافائيل:مالك كاع ما فرحان بشوفتي 

جامجوم:لالا انت ياك كنتي ميت 

رافائيل:الغول ما كيموووتش غير كيقتل 

جامجوم:عفاك خليني نمشي ياك افرا عندك

رافائيل:مالك زربان مازال ما ضيفتك هز ايديه في اتجاهو و بدا جامجوم كيجي عندو بشوية بشوية

جامجوم:عفاااك لااا عمري نقرب منكم والله وعد

رافائيل:بابتسامة غير قرب إلى قدرتي مازال وصل عندو وقف ايديه على رجليه

جامجوم:غير حس بايد رافائيل لالالا عفاك هىء هىء لا ما تعاودهاش

رافائيل:بابتسامة شر مزيان راك عارف اش كيتسناك غادي نواعدك عمري نزولها لك مرة أخرى حرك ايديه من الفوق التحت و طلع بيها حتى لراسو شاف فيه بابتسامة حركة الأفعى السامة شلل في كل اعضاءك إلى لسانك هذا ساعة هضر قول ليا فين كارلوس و كريست

جامجوم:غادي نقول لك و رجعني كنتحرك 

رافائيل:انت ماشي في مكان مناسب لتشرط رآه نحرك غير ايدي نفجر راسك بغيتي تجرب وهو كيهز ايديه 

جامجوم:صافي صاااافي غادي نهضر غادي نهضر

فجأة تسمع صوت افرا كتغوت بصوت عالي و هي كتعيط ليه طلق منو و مشى طاير عندها

رافائيل:افرا حبي اشنو اش واقع وهو كيتحنى عندها كانت ناعسة على الأرض على ظهرها

افرا:بصوت ضعيف غادي نموت وهي كتغمض عينيها

رافائيل:فتحي فتحي عينيك افرا ما تغمضيش ولكن والو لا جواب هزها طلع بيها عند جامجوم

جامجوم:افرا اش درتي ليها 

رافائيل:سمعني غادي فين كريست و كارلوس هضر سربي

جامجوم:في جزيرة الاشباح

رافائيل:ياله سير فحالك

جامجوم:ياك قلتي غادي ترجعني نتحرك

رافائيل:سمع الغول ما كيهضرش زوج المرات و دابا عمرك تحرك حتى لسانك طول حياتك حرك ايديه سير فحالك و ختفى جامجوم شاف في افرا بخوف و ختفى بيها بين أعماق البحار و هو معنقها و فمو في فمها باش تتنفس حتى وصل واحد القصر تحت الما دخل ليه كانت العجوز حرية البحر تما شافتو و بتسمات

العجوز:يعني بصاح هي المنتظرة

رافائيل:جيبي ليا طحالب الشفاء بزربا وهو كيدير على افرا حاجز باش تتنفس 

العجوز شافت افرا مغيبة مشات كتجري جابت الطحالب عطاتهم ليه شدهم و زول الزيف لي كان حازم بيه ايديها حط الطحالب على الجرحة وهز شوية حطو في فمو مضغو حتى رجع سائل تحنى عليها فتح فمها حط عليه فمو و خوى الساءل في فمها طلع راسو بابتسامة

العجوز:كتبغيها حتى لهذ درجة

رافائيل:نموت عليها ولكن كيفاش فقت 4مرة

العجوز:ماشي غير الروح لكتفيق 

رافائيل:شاف في افرا الناعسة اه حتى القلب فهمت دابا يعني 4مرة كانت بقلبي فعلا هي حيات ليا قلبي 

العجوز:حتى هي كتبغيك 

رافائيل:اه عارف نخليك عندي مازال شي حساب هز افرا و ختفى ظهر في الجزيرة لفيها كريست و كارلوس حط افرا في الأرض

رافائيل:افرا افرااا فيقي النعاسة 

فتحات عينيها شافتو كيبتسم ليها 

افرا:رافائيل حياتي توحشتك 

رافائيل:حتى انا ا قلبي غادي نقد خوك و كارلوس و رجع ليك تشبعي مني

افرا:عمري نشبع منك

باسها حتى انا المهم انا جاي شوفي رآه داير لك حاجز ما يقدر يدخل عندك حد غيري اي حاجة توقف حداك ماتخافيش صافي 

افرا:ما تعطلش شافت قدامها كتشوف كريست و كارلوس معلقين و الأسود التحت كيتجابدو يوصلوهم 

افرا:ناري عتق عتق غادي ياكلوهم 

رافائيل:ما تخافيش غادي رجعو عندك دابا

افرا:شكرا حيت كتخاف عليا

رافائيل:هذا الواجب تاعي باسها و وقف

كان كريست و كارلوس معلقين حتى كيشوفو الأسود طارو في السما و رافائيل واقف كيطير الحراس

كارلوس: صاحبي واش كتشوف لي كنشوف

كريست:ناري الموتى اصاحبي صافي ساعتنا وصلات 

كارلوس:شوف رافا مازال صحيح يمكن من أصحاب

كارلوس:شوف رافا مازال صحيح يمكن من أصحاب الجنة جاي يدينا 

كان رافائيل كيطير في الحراس حتى سمع غوات افرا تحنى على ركبتو جمع ايديه عندو و طلقها بقوة حتى تخبطو كاع العفاريت و ختفو جرا عندها

كارلوس:ناري واش حتى ختك ماتت لالا صافي جهنم هذي

كريست:سكوت شوية رآه انت لي غادي تكمل معها حياتك 

كارلوس:لالا غادي نموتو غير ودع

رافائيل:حياتي واش انتي بخير

شافها كتنفس بصعوبة

افرا:رافائيل عتقننني عتقنيييي

رافائيل:شد فيها لا لا هذشي اه ما يمكنش لالا افرا قولي شي حاجة أخرى

كارلوس:صاحبي رآه هدشي بصاح ماشي خيال راااافاءيل رجع الحياة جا نقدنا 

كريست:هيه نتما تعالو فكونا 

افرا:شادة في شعرو وهي كتوجع أولد الحرام انت السبب مالي انا صنعتو ووووو غااااادي نوووولد لك هنا ا ولد الحراااام 

كارلوس:ا ولاد الحرااااام نزلووونا رافائيل افراااا 

رافائيل:ضحكة شداه على افرا وهي شادة شعرو و كتجر فيه و على كلامها رآه مازال الوقت الهبيلة أرى نشوف 

افرا:كضرب فيه و تعض أولد الحرام الممسوخ باقي الوقت مالو ولد بشري اوووف اوووووووف 

رافائيل:واخا واخا واش بغيتي ندير دابا انا نولدك غير تنفسي تنفسي ا حبيبتي بشوية لا ما يمكنش راكي خاسرة دم كتير عفاك ما تولديش غادي ضيعي

كريست:افرا فكينا خوك انا زعما الغدارةغير شوفتي راجلك نسيتنا 

دار عندهم رافائيل سكتووونا هز ايديه جيهتهم تقطع الحبل بقاو كيغوتو وهما طايحين في الارض

افرا:يا الحيوان الاليف كيفاش ما نولد سير جيب ليا شي حد يولدني انت تولدني بنت لك فار البغل اووووف اوووووف

تحنى رافائيل شد ايديها بزوج في ايد وحدة و تحنى على كرشها

رافائيل:صافي سوكتي انا غادي نتصرف وهو كيحط راسو على كرشها

افرا:أولد الحرام مااا تولدنيش غادي تقتلنيي اش كتعرف 

رافائيل غمض عينيه خلاها كتهضر و تقول لي بغات و بقى كيتواصل مع الجنين 

افرا:هىء هىء عتقني انت ناعس ليا راك نعستي 6 شهور كاع مازال ما شبعتي 

فتح رافائيل عينيه فيها وهو كيضحك 

رافائيل:ياربي اصبرني على هذ الهبيلة طلع راسو و شد راسها و كمل مازال كتوجعي 

افرا:بصوت ضعيف ولكن مرتاح لالا مشى الوجع واش صافي خرج الولد أرى نشوف ولدي ولدي

رافائيل:افرا واش الدم ناقصك وانتي كتهلوسي واش متلا حملتك بالبلوتوث رآه الولد غير كان فرحان من شافني بقى كيتحرك بزاف

افرا:اوووف صافي نعس بغيت نعس

شاف فيها و بتسم ياله نعسي غادي تلقايني حداك من تفيقي 

افرا:واعد ياك

رافائيل:ما نحتاجش نواعدك حيت انا ديما معك تحنى باسها و حط ايديه على راسها و كمل نعسي براحة كيف قالها نعسات عاد تلفت عند كارلوس و كريست لي كانو كيحكو في ظهورهم و رجليهم 

كريست:انت كيفاش رجعتي ولكن جيتي في الوقت

كارلوس:هيه انت بعد ليا من خطيبتي مزيان ما بقى احترام

قرب ليهم رافائيل و شد ايديهم وقفهم بتسمو ليه و عنقوه

كارلوس:معجزة زوينة فعلا الغول ما كيموتش وهو كيعنقو توحشتك شحال كنت نعاتب راسي على موتك

رافائيل:عادي داكشي فات اش وقع في غيابي

كريست:لي وقع راك شوفتيه كنا معلقين ياله ياله من هنا مال افرا نعسات

رافائيل:عيانة شوية انا غادي نمشي انا وهي لقلعة تاعي

كارلوس:اشنو هو عرفتي إلى ما تحركتي و فتي عليك خطيبتي نتفاهم معك

رافائيل:شاف فيه و مالك بغل 6شهور كلها ما تزوجتيها

كارلوس:وا فين كنا كنشوفوها 

كريست:ياله عندنا القلعة من بعد رجع انت و ياها تحنى هزها و ختفو كلهم و بانو في عالم مصاصي الدماء

مشى رافائيل هاز افرا دخل بيها البيتها حتى كيشم ريحت الكارو و يشوف حالة البيت مظلم و مرون حطها على سرير و حك راسها

رافائيل:هذشي كلشي وقع لك الحبيبة تاعي غادي نعوضك على كلشي الهبيلة شاف في ايديها لي ضربات ختفات الجرحة بتسم و تحنى باس كف ايديها انتي ملاكي ما كايناش شي وحدة غادي دير على قبلي نص لي درتي ليا كيفاش مستعدة ضحي براسك على قبلي الهبيلة تاعي يمكن ربي حرمني نكون عادي و نعيش حياتي عادية ولكن عطاني حب كاع ناس يتمناوه كنبغيييك باس كفها تاني توحشتك و باس كفها تاني انتي كل حياتي كنت عارف ما غاديش تتزوجي ب كارلوس ولكن كنت متأكد ما غاديش يسمح فيك انتي تاعي تاعي بوحدي انتي ملكي وانا ملكك غادي نعيشك احسن عيشة و نسيك في كاع هذ الحزن و العذاب صافي جا وقت الفرح وقف فتح سراجم و زول الخميات الكحلة قرب ليها و نعس حداها غادي نديك لقلعة تاعنا من تفيقي عنقها و بقى كيشوف فيها و يلمس كرشها وهي ناعسة بابتسامة على شفايفها عارفها مرتاحة و شايف أحلامها كانت غير عليه قربها ليه اكتر و هو كيدوز ايديه على كرشها هو تحرم من صغرو من العائلة و الحنان ولكن غادي يكون أجمل عائلة دابا 

عند كارلوس غير وصل خرج كيقلب على ريحانة عارفها ديما كاينة في شجر حتى سمعها كتعيط عليه من فوق شجرة شاف الفوق و طار لعندها كانت جالسة فوق شجرة وقف حداها

ريحانة:واش لقيتو خطيبتك

كارلوس:اه الحمدلله لقيناها ما تصوريش شحال كنت غادي نموت من سمعت الخبر

ريحانة:و وجهها مغير اه اه مزيان فرحت لك

كارلوس:انا كنبغيها بزاف حياتي بلا بيها ما تسوى والو

ريحانة:و هي واحلة ليها مزيان الله يفرحكم 

شوية بان حداهم كريست وهو معصب بزاف

كريست:اجي ا بنت الق*** شوفتي ختي مع العفريت و سكوتي بغيتيه يبعدها باش يخلي لك الساحة خاوية

ريحانة:كتشوف في كارلوس لالا و رجعات كتشوف في كريست انا سحابتو صديقها

كريست:لعبي غيرها وهو كيشدها من شعرها بعنف و رماها من فوق شجرة للأرض بكل قوتو و تبعها وقف وهي ياله كتحاول توقف 

كريست:خاصك تتعلمي عمركي تعاوديها العائلة الملكية تحترميها كيف ما كانت

ريحانة:كتوقف من الأرض ولكن انا ما درت والو

كريست:بعصبية مازال كتكذبي شدها من راسها ووقفها خبطها مع شجرة 

نزل كارلوس عندهم غير شافتو جرات عندو

ريحانة:عفاك فكني خليه يوقف 

كارلوس:سمحي ليا ا حبيبة فعلا خاصك العصا باش ديري عقلك هز ايديه لسما و طلقها في وجهها حتى دار وجهها لور 

كارلوس:عرفتي بسبابك كنا غادي نموتو كلنا الغبية شاف في كريست ياله رجعو خليها براكة عليها

كريست:شاف فيها إلى كتبغيه جيه نيشان ماشي تبقاي تلعبي لعب غادي غير يهرس عظامك و ختفى شاف فيها كارلوس بتسم ليها هز ايديه عطاها بوسة في الهوا و ختفى خلاها طايحة كتبكي بعد المرات المشاعر تاعنا كتخلينا نغلطو هي ماشي خايبة ولا ثفقات مع جامجوم ولكن شافت فرصة جات حتى العندها قالت تستاغلها

عند افرا فتحات عينيها لقات رافائيل كيشوف فيها و هو كيلعب في شعرها بصباعو بطريقة حنينة بتسم ليها بحب

رافائيل:صباح الخير نعستي مزيان

افرا:مدة ما نعست بحاا هكذا وعدني عمرك تخليني مازال ما نقدرش نعيش بلاك كنت كل يوم كنتعذب مازال كنتفكرك و انت كتختفي في أيدي بحال السراب شافت فيه و دمعات عينيها توحشتك هىء هىء 

قربها ليه عنقها بقوة وهو كيحط شعرها و يضرب على ظهرها بلطف 

رافائيل:توحشتك حتى انا صافي شششششت ما تبكيش شوفي انا حداك وعد عمري نخليك رآه ما نقدرش على فراقك

افرا:كنت كل يوم لوم راسي حيت لو ما كنت كنزف داك نهار و كنت سبابك في الألم تاعك حتى ضربك الشيطان كون كنتي قتلتيه بلا ما تمشي

رافائيل:باسها صافي هذشي غادي يبقى في ذكرى شاف فيها وانتي من دابا خاصك ترجعي افرا لي كنعرف وعلاش رجعتي كتكمي تاني

افرا:كنت كنحاول نشغل راسي صافي انت دابا حدايا غادي نشغل راسي بك

رافائيل:بابتسامة اه شغلي راسك غي بيا انا وانتي غادي نمشيو كل أماكن العالم و نعيشو المغامرات

افرا:كتشوف فيه بحب انا يكفيني انت

رافائيل:يخليك ليا الحب 

افرا:لالا تسنى عاقل على الاتفاق تاعنا داك نهار

رافائيل:اشمن اتفاق وهو كيبتسم بمكر

افرا:لالل راك عاااارف ياك كتقرا الأفكار

رافائيل:دابا ما قريت والو اش من اتفاق وهو كيضحك

افرا:بحزن صافي صافي نسى

قرب ليها رافائيل عنقها وهو كيشوف في عينيها

رافائيل:دابا ما كنفكر إلى فيك و باش نمشي نعيش في عالمك رآه صعيبة باس عينيها بزوج و شاف فيها رآه غادي نسى أني عايش بين البشر و نبقى نخدم القوى تاعي

افرا:كتلمس في شعرو ولكن على قبلي إلى كتبغيني و عرفتي كريست كيحب بشرية حتى هو

رافائيل:الله الله هذا العام غادي نتناسبو مع البشر بزاف شكون عرف ولدنا يحب بشرية حتى هو و يسرقها من تعرفو ماشي بشرية كليا و تتغرم بيه من بعد

افرا:رجع خيالك واسع 

رافائيل:لا هذشي لغادي يوقع ل فابيان 

افرا:شكون فابيان

رافائيل:ولدنا 

افرا:ما عندكش الحق تسميه ياك انا لي حاملة بيه

رافائيل:هذا نسميه انا و انتي سمي الباقين تعالي تعالي نقول لك واحد الحاجة في ودنيك 

افرا:سير سير عارفة فعايلك 

رافائيل:مزيان من عارفة فعايلي قرب عندها بسرعة البرق فجأة لقات راسها التحت وهو الفوق

افرا:واش هبلتي خويا و كريست هنا

رافائيل:ما تخافيش ما غاديش يجيو عارفين مشتاقين لبعضنا خلاو لينا القلعة كلها شاف فيها ولا ما مشتاقة ليا وقف و نعس جنبها صافي نعسي

افرا:انا ماشي مشتاقة لك انا رآه غادي نحماق بالاشتياق عليك قربات ليه مد ليها ايديه و عنقها وهو كيبتسم و يزيد يقرب ليها...

كان كريست و كارلوس واقفين حدا واحد الكافي في عالم البشر

كارلوس:زيد ندخلو علاش واقفين هنا 

كريست:ها هي غادي تخرج دابا ترمي زبل كيف قالها خرجات واحد البنت لابسة حوايج الخدمة كانت نادلة هازة كيس كحل رماتو في القمامة

كارلوس:و حافظ الوقت مضبوط

كريست:اه هاهي غادي تحط الكيس في القمامة و غادي تهز تيلي تعيط 

فعلا داكشي لي دارت البنت

كارلوس:مع من كتهضر شوف كيف كضحك

كريست:ما عرفت كون غير نقدر نقرا الأفكار بحال رافائيل 

كارلوس:صافي لقيتها غادي نجيبو معنا رافائيل 

كريست:واش هبلتي لالا انت شوهني في العوالم كاع يجيبو خباري زيد تحرك قدامي

كارلوس:رآه رافا رجل ختك و منا و فينا هو لقدر يحل لينا مشكلتك

كريست:زعما يقدر

كارلوس:الأول يقدر على كلشي

كريست:نخاف غير تشوفو و تتغرم بيه و نطلع مخور 

كارلوس:ساعتها نطلقو عليها افرا تخورها زيد زيد نشوفو كيف نفكو حريرتك

عنقها ليه و نعسها على صدرو لكان عرقان وهي كتنفس بصوت مسموع 

رافائيل:ياك ما سخفتي البشرية ضعيفة 

افرا:ايوا راك عارف ما عنديش القوة تاعك غير بقى مكايس عليا

باس راسها من كتكوني حدايا ما كاين بو تكياس شاف في كريشتها المدورة و حط عليها ايديه لشافك ما يقولش حاملة ما عندك كرش كبيرة ولدي مهلي ليا فكرش ماماه

افرا:اه كنت كنتسنى تطلع كرشي بحال بوصيحة كيف كنتي قلتي ليا 

رافائيل:الكرش تانية رجعها لك بحال بوصيحة ما تخافيش

طلعات راسها فيه زعما صافي المشاكل مشات و غادي نعيشو بسعادة

رافائيل:اه مشات و مايقدرش حد يمسك والى اصلا زغبو راسو يمسك شوفي فيا من انا معك عمركي تفكري ولا تخافي فكري غير فيا و الباقي خليه ليا

افرا:هزات راسها اكتر عندو مقابلة مع عينيه دابا انت من غادي نموت واش غادي تحب شي وحدة حيت انا غير بشرية اكيد عمري ماشي بحال عمرك

رافائيل:شاف فيها وهو كيمس وجهها اه ضروري غادي نحب شي وحدة و نحملها و نديرو ولاد رآه انا ما نقدرش نعيش بوحدي كنت كنمشي ندوز ساعات و نقضي غراضي ولكن دابا دقت جسم البشربات من تموتي غادي نحب بشرية

افرا:بصدمة وعيون حمرة ااااا يعني ما غاديش تبقى مخلص ليا ولا تحزن عليا

رافائيل:لا ضروري نحزن عليك واحد صمانة ولا شهر كاع إلى كترت من بعد نعيش حياتي 

افرا:بعصبية اشنو هو نوض تكعد من قدامي ياك الممسوخ شافت في باز كان فوق سرير ياله بغات تهزو قرا رافائيل أفكارها ختفى 

افرا:فينك ايوا بان الخواف انا لي كنحدهم لمك والله زوينة هدي انا نهار نعرف غادي نموت غادي نسبق أمك انت لول قدامي عارفة كيف نقتلك والله لا كنتي لشي وحدة غيري انسبق جدك عاد رتاح في قبري فينك بان وهي كتقلب في كل جيهة اويلي على رجل واش خرج ليا برا وهو عريان كي القرد و تعالى لبس غير حوايجك لمك عاجبك راسك والله حتى نقطعو لك وهي كضرب يد على يد بالعصبية 

رافائيل كان مختفي و كيشوف فيها كيفاش كتحلف عليه و تهضر بحال شي بنيتة صغيرة شابع عليها ضحك خلاها حتى رجعات فراشها و طاح عليا

رافائيل:ياك انا قرد دابا ا بوصيحة

افرا:نوض تكعد من فوقي راك بجغتني سير سير من دابا قلب على راسك إلى ما قطعتو طراف طراف و نديرو لك صوصيص

رافائيل:ميت ضحك باسها في جبهتها عارفك ما تقدريش رآه عزيز عليك كتر مني يمكن كاع

افرا:و نوض من فوقي لا نغوت نجمع عليك خويا و كارلوس 

رافائيل:والله ما يقدر حد يدخل مراطي و حر فيها دابا مالكي معصبة غير بردي بردي المغيارة 

افرا:مغيارة على زينك وكحل عينك وانت عينك كيضويو في ليل بحال البيل تاع شفارة

نفجر رافائيل ضحك من قلبو رجع سرير و عنقها تحكم فيها باش ما تهربش 

بنوتي المغيارة واش انا دابا نشوف في غيرك واش انا نقدر عرفتي رآه قلبي و عقلي و كلي ملكتيه انتي الهبيلة انا بلاكي رآه والو انتي كل حياتي 

افرا:اه اه كولني بهذالهضرة 

رافائيل:دابا اري ليا بوسة ونقول لك واحد الحاجة غادي تعجبك بزااااف 

افرا:اشنو تزوجتي من كنتي في الغيبوبة متلا

رافائيل:اي كتفهميها طايرة هههههه

افرا هزات وسادة ضرباتو بيها نوض من حدايا 

رافائيل:دابا امتى نعرفك على ضرتك هي زوينة واعرة و كتهبل شد في قلبو ااااح اقلبي و تشوفيها يضرك خاطرك و هو كيتحنى يبوسها 

افرا😡😡😡

رافائيل:ناري عندك تقتليني مالكي تشوفي في حبيبك بحال هكدا بتسمي ليا اجي بعدا كيفاش غادي تقتليني

افرا:نشد دمك و نشربو لك في العصير 

رافائيل:واو خطيرة مع راسك العمر و زعما ما نبقاش فيك حبيبك انا

افرا:ايه نخليك باش تتزوج عليا انت تاعي بووووحدي سمعتي بووووحدي 

رافائيل:والله ا حبيبتي تاعك بوحدك غير بردي وهو كيبوسها بعدا إلى مت رآه غادي تموتي معيا دابا ماشي غير انا لي مرتبط بك تموتي نموت لا حتى انتي الحبيبة

افرا:بدهشة كيفااش 

رافائيل:أول مرة ماشي بخاطرك عطيتني دم تضربتي بلا قصد و جسدي جر دمك ياك 

افرا:اه و دابا اشنو الفرق

رافائيل:دابا الفرق انتي وهبتني دمك يعني ربطي راسك بيا دابا انا وانتي نحسو ببعضنا بحال فولة مقصومة على زوج

افرا:يعني إلى تضربتي نحس بك 

رافائيل:اه ا حياتي ولكن ما تخافيش ما كاين لي يضربني

افرا:أرى نجرب نتأكد هزات ايديها ضرباتو لصدرو حتى كتحس بضربة لصدرها شدات صدرها بألم 

رافائيل:ايوا شوفتي مالكي مغددة عليا جربي غير بشوية انتي بوحدك لي حسيتي بالضربة اري اري نشوف وهو كيحك صدرها و باس بلاصة الضربة 

افرا:واو هذشي زوين والله

رافائيل:عارف لمسة أيدي زوينة نحك صدرك كلو

افرا:لا قصدي نحس بك و تحس بيا يعني غادي تحس بوجع الولادة بحالي ههههههههه 

رافائيل:و مصيبة كحلة نسيت هذي ولكن غادي لقى حل اري بوسة نقول لك واحد الحاجة تعجبك اكتر

افرا:اشنو هي

رافائيل حط صبعو على فمو زعما بوسيني بعدا

طلعات وجهها و باستو ياله بغات ترجع راسها لور شدها لصقها ليه بقى كيبوس وهي معه في الخط دقائق عاد هز راسو خلاها تنفس رآه عارفها غير بشرية ما عندها جهد رجعها في سرير و بتسم ليها ايوا سمعي 

افرا:ياله قولي ياك ما حتى انت حامل هههه

رافائيل:اشنوو هو لالا انتي خاصني نبدل تعاملي معك بديتي كضسري عليا بزاف

افرا:و غير ضحكت قلت زعما كتحس بيا خاصك ت

رافائيل:قاطعها انا غير كنحمل سوكتي ها عار الله المهم انا وانتي مربوطين مع بعضنا يعني انا وانتي كنشكلو لا نهاية

افرا:باستغراب و وضح اكتر رآني غير غبية

رافائيل:هذي متافق معك فيها الآلة انا وانتي ما غاديش نموتو فهمتي دابا لا نهاية🔗

افرا:بفرحة كتهضر بصااااح 

رافائيل:يمكن اه يمكن لا

افرا:تعالى تعالى غادي نبوسك حتى لصباح دابا فهمت علاش كنتي شاد فيا من سولتك إلى مت انا نموت عليك انا نحماق عليك ممممموووووح 

رافائيل:شوف شوف سيدة كيف رجعات عسل ههه

افرا:انت العسل انت شهد العسل تعالى تعالى و هي كتجر فيه كتبوس فيه وهو فرحان بالهبيلة تاعو بدا يعنق فيها و يبوسها..

رجعو كارلوس و كريست القصر لقاو الهدوء

كارلوس:و هدو مازال معتكفين لينا في البيت من صباح واش ما كيعياوش

كريست:رآه غادي نهرس أمك رد بالك

كارلوس:و دابا كيفاش نهضرو مع هذ خونا 

كريست:تعالى تعالى نجلسو حتى ينزل هو على خاطرو رآه 6شهور تاع الفراق ماشي ساهلة و افرا ما غاديش طلقو حتى تخوي ليه ركابي 

كارلوس:اهااا و دابا شكون يهرس لآخر المحترم

كريست:على لعاشر جدك يبقى محترم قول ليا كيف جاتك أليس زوينة ياك

كارلوس:اه زوينة بزاف ما عندهاش شي ختها 

كريست:و ريحانة ولا صافي

كارلوس:أودي ريحانة يمكن روحها شريرة خليها بعيد مني تعالى نشربو شي كاس اش بان لك

كريست:انا غادي نشرب الأول كاس الدم وانت وجد لينا جلسة و شراب ليلة ما غاديش تنعس أما انا راك عارف 

كارلوس:ياله مشات العشير خاصنا غير شي بنات و تكمل سهرة

كريست:لالا بلاش حتى تمشي افرا و رجلها اجي عرفتي اشنو داك موعد زواج تاعك انت و افرا غادي نزوجو افرا ب رافائيل هما تزوجو في عالم العفاريت ولكن خاصهم يتزوجو عندي

كارلوس:اه فكرة زوينة ينزل رافائيل نقولوها ليه زيد زيد قدامي

افرا:اووووف صافي صافي عيييت

رافائيل:اه ضروري تعياي وانتي كل دقيقة تشدي فيا نعسي ا حبيبتي

افرا:غادي لقاك حدايا من نفيق

رافائيل:ديما حداك رآه خوك و كارلوس رجعو من صباح انا غادي ندوش ونزل عندهم انتي نعسي حتى الصباح و دوشي

افرا:اه عيانة نيت كنبغيك بزاف

رافائيل:انا اكتر ا حياتي تحنى باسها وحط ايديه على راسها ياله نعسي شافها نعسات ختفى دخل الدوش

كان كريست و كارلوس كيشربو و كيضحكو حتى ظهر حداهم رافائيل 

كارلوس:على سلامة اخيرا طلقاتك 

كريست:شوفتك مازال قد توقف على رجليك فين ختي ياك ما عوقتيها

شاف في كارلوس و نفجرو ضحك

أما رافائيل شاف فيهم شوفة القتيل

رافائيل:والله كون ما كنتي صاحبي وانت خو افرا نعوق مكم ما بقيتو كتحشمو 

كريست :جلس جلس هذشي عادي و حنا رجال عطاه كاس خد و ضحك شوية وانت رابط الغباشة 

خدا رافائيل الكاس و جلس حداهم على الأرض بقى كيشرب معهم وهما كيجبدو كاع لي وقع في هذ المدة

كارلوس:دابا رآه عرسي مع افرا بعد شهر مرحبا بك ههه

رافائيل:الله أودي انا جاي اش نجيب لك من هذية

كارلوس:حضورك الهدية العشير 

كريست:نسيبي بغيت منك خدمة حيت انت الوحيد فينا لعندو قدرات خارقة

رافائيل:اه قول كنسمع اش من مصيبة

كارلوس:بغيناك تعاونو في واحد البنت

رافائيل:بنت كاع لالا خليوني بعيد افرا كتغير عليا بزاف 

كارلوس:اويلي على الغول كيخاف من مراطو 

رافائيل:جمع راسك هدا ماشي خوف هذا احترام و تقدر إلى ما كتعرفو الغبي 

كريست:انا كنبغيها من أعوام بغيتك غير

رافائيل:قاطعو واخا غير نقرا أفكارها و نشوف واش عندها شي حد موافق

كارلوس:اه ياله دابا 

رافائيل:و افرا 

كريست:ما تخافش ما كاين لي وصلها رآه كنخليوها في القلعة ديما مابقى خوف

رافائيل:واخا زيد نشوفو هذشي فين غادي يخرج

وصلو قدام الكافي لي خدامة فيه أليس دخلو الداخل كانت كافي كبيرة و راقية جلسو في طبلة مقابلة مع السرباية حتى تقدمات عندهم نفس البنت أليس شافها كريست جاية لونها بدا لونو كيتغير أما رافائيل غير كيشوف فيهم 

أليس:سلام عليكم مرحبا وهي كتمد ليهم لائحة 

شدها رافائيل و بتسم ليها وكمل مرسي من بعد نعيطو لك

اليس:واخا مرحبا و مشات

رافائيل:اويلي مالك ما عارف لا شكرا لا عليكم السلام لا تبتسم جالس تترعد ليا تما 

كريست:رآه قلبي كيوقف قدامها

كارلوس:اويلي عولنا عليك بكري رافا واش قالت شي حاجة في أفكارها 

رافائيل:لا كانت متوترة حتى هي شاف في البنت لكانت كضحك مع شي بنات في طبلة قدامهم و نفجر ضحك 

كريست:اش كاين قول ليا

رافائيل:باينة اليوم نطلق دعيتكم الله دوك البنات سولو علينا عجبناهم و بغاو يجيو يجلسو معنا

كارلوس:ديك البنت الزعرة زوينة بزاف شوفو رآه تاعي

كريست:دابا حنا جاين على حساب أليس ولا البنات

رافائيل:دراري ما تشوفوش وراكم هاهما جاين مصيبة كحلة هدي

وصلو البنات كانو تلاتة البنات المغطي كتر المعري

البنت:سلام ممكن نجلسو معكم وهي كتبتسم

رافائيل:بابتسامة لا رجعو فحالكم 

كارلوس:ههه اه مرحبا غير كيضحك معكم تفضلو تفضلو 

البنات جلسو بضحكة 

كانت افرا ناعسة حتى كتحس بركلة في كرشها فاقت بالخوف شافت ما كاينش رافائيل حتى كتسمع صوت فابيان الجنين

الجنين:انتي ناعسة هنا و راجلك خارج مقصر مع البنات

افرا:انت اش كتقول رآه باباك التحت دابا فيقتني على هدشي

الجنين:ماما وقفي إلى مازال بغيتي راجلك زيدي تبعيني تشوفيه

افرا:وقفات ياله زيد والله و كلامك بصاح نتفاهم معه عمرو يشوفني ياله زيد ديني

الجنين:بغيتي تمشي بهذ الحالة زيد دوشي لبسي احسن لبسة و صايبي راسك مزيان

افرا:مالي غادية العرس بلا ما تعصبني 

الجنين:مالكي تمشي هكدا رآه البنات لي معه وحدة تنسيك في تانية وانا نعطيك خطة لي تقلبي كلشي عليه 

افرا:يخليك ليا الحبيب تاع ماماه ياله ندوشو دخلات دوش خرجات لبسات كسوة فوق الركبة في الكحل نشفات شعرها و دارتو بوكلي دارت ماكياج و عطر المهم جات زاااز وهي كتاخد خطة ولدها واش خاصها دير

عند رافائيل بقاو جالسين مع البنات و كريست و كارلوس نساجمو مع البنات 

البنت:مالك ما كتهضرش بزاف وهي كتشوف في رافائيل كاع ما قلتي ليا اسمك

رافائيل:سميتي الغول 

البنت:ههههههههه والله ضحكتني إلى الغول زين بحالك الله يعطي لكل بنت غول انا كلوديا اسي الغول صراحة راك زوين

رافائيل:شكرا ولكن عارف راسي زوين

كلوديا:زوين و شخصيتك قوية مالك من صباح كتشوف في النادلة واش عجباتك 

رافائيل:اه بزااااف كيعجبوني لي كيخدمو بعرف جبينهم ماشي لكيخدمو ب ك**هم

كلوديا:اه حتى انا كيعجبوني ناس تخدم بعرقهم 

كارلوس:اشنو بان لكم البنات نمشيو شي مكان نبقاو بخاطرنا

كريست:جلس و سكت 

رافائيل:باينة غادي نوقف نعلق مك هنا

ظهرات افرا قدام الكافي و قال ليها الجنين دخلي ديري لي قلت لك رسمات افرا ابتسامة على شفايفها و دخلات كتعوج بدات كتقلب بعينيها على العصابة تاعها حتى شافتهم مع 3 بنات جالسين كيضحكو و باينة ناشطين جلسات وراهم شاف فيها واحد الشاب عملات بوصية ولدها كيف شاف فيها بتسمات ليه و بقات كتشوف فيه وقف و تم جاي عندها

الشاب:زين لباس عليك ممكن نجلس

افرا:اه تفضل

الشاب:انا طوني وانتي

افرا:انا افرا اه اسمي غريب ههه

طوني:هههه اه ولكن يناسبك

كلوديا:والله الشباب الكلام معكم زوين واخا صاحبكم قليل الهضرة 

كارلوس:انا نمشي المرحاض و رجع مع الوقفة لي وقف جات عينيه في افرا وهي كضحك مع شاب بقى كيشوف مصدوم شافت فيه و هزات الكاس تجاهو زعما بالصحة

جلس في الكرسي بالصدمة كلشي تعجب ليه

كلوديا:انت لباس كاين شي مشكل مالك بحال شوفتي شبح

كريست:مالك اش واقع وهو بغا يدور شدو كارلوس باش ما يدورش 

كارلوس:لالا عفاك ما تلفتش شد في رافائيل حتى انت خصوصا انت ما تلفتش

رافائيل سد عينيه شاف افرا بلا ما يلتفت فتح عينيه بغضب و عينين حمرة

دار كريست لور حتى كيشوف افرا جالسة مع شاب 

رافائيل:كارلوس طلق مني غادي نقتلك

البنات بداو يشوفو في بعضهم باستغراب

كارلوس:صافي غير بالخاطر بلا شوهة رآه حنا عند البشر

كلوديا:كاين شي مشكل

رافائيل:غادي تنوضي تق** من هنا انتي و رباعتك 

كلوديا:ناري على مستوى 

كريست:صافي سوكتي حسن لك لا يفوت فيك شي ضربة

وقف رافائيل وهو معصب في اتجاه افرا لي غير شافتو حاي رجليها بداو يلعبو وقف قدامهم بعصبية 

رافائيل:زيدي تحركي قدامي 

شاف فيه طوني وشاف فيها كيتسناها تجاوب

افرا:نعم سمح ليا واش معيا ا خويا 

رافائيل:بعصبية افرا ما تعصبيش أمي انتي عارفة إلى تعصبت اش يوقع

طوني:امكن ليا نعرف اش حاب خاطرك

رافائيل:بعصبية افرااااا آخر مرة زيدي قدامي

افرا:شافت فيه بدموع سير فين كنتي ولا اشنو انت تجلس تلعب و تتضحك ليا مع الق***وانا ناعسة تخلوني بوحدي و تجي تقصر ليا مع راسك

رافائيل:انتي ما عارفاش اش كاين واصلا شكون جابك هنا شاف في كرشها ويلي رجعات عندي عصابة هنا الاتحاد صافي

افرا:سكوت عندك الوجه تهضر هزات كاس طلقاتو عليه ولكن خوا عليه قبل ما يضربو 

طوني:لالا انتي حمقا وقف و خرج هربان

رافائيل:صافي وقفي بلا هبال رآه خوك لي جابنا هنا

افرا:يخوي لك الضلوع انت وهو الخوانة تخلوني ناعسة وتجي انت وياهم نقولو هما رآه ما عندهم لا عيلات لا ولاد وانت اشنو نسيتي راسك ولكن يخلي ليا ولدي رجعها لك بالفن واش حسيتي بإحساس تشوف حاجتك مع غيرك

رافائيل:افرا واش ما عندكش تقة فيا لالا باينة هذ الولد غادي يخرج عليا خاصو عقوبة جلس قدامها سمعي الهبيلة خاصكي تيقي في حبي لك و تتاكدي والله ما نخونك ولا غادي نخونك شي نهار 

افرا:اييه ايييه شوفت كلشي بعيني 

رافائيل:رآه خوك جابنا نشوفو نادلة لي كيبغي وهو كيوريها أليس و هذو لصقو فينا انا قلت ليهم ما تجلسوش معنا ولكن خوك و الغبي كارلوس قالو جلسو والله ما انا جابوني نقرا ليهم الأفكار طلعو خرجو عليا

افرا:ايوا سير رجع عند البنت رآه كتسناك من صباح كتشوف فينا

رافائيل:ههه مغيارة ولكن جيتي زوينة بزاف آخر مرة ديري هكذا والله نهرس رجليك تعالي هنا ياله نمشيو عندهم باش تتاكدي ما بينا والو

افرا:ياله زيد تحرك قدامي

رافائيل:ما بقيتيش كتخافي يمكن خاصني نتسيف عليك

افرا:شدات في ايديه زيد زيد الغول تاعي الخوف معك كاع ما كاين

رافائيل:شاف فيها بحب هكدا نبغيك

افرا:شدات في ايديه زيد زيد الغول تاعي الخوف معك كاع ما كاين

رافائيل:شاف فيها بحب هكدا نبغيك

تقدمو الطبلة لفيها كريست و كارلوس و البنات لي شافو افرا معنقها رافائيل شافو في كلوديا زعما هزك الما 

كريست:هههه ختي مرحبا

افرا:يخوي لك سنان حسابي معك وهي كتشوف في البنات بغضب

كارلوس:افرا جلسي مزيان من جيتي 

جلس رافائيل وشد افرا جلسها على رجليه من بعد ما حيد جاكيط تاعو و لبسها ليها

كلوديا:ما شرفتناش بالانسة واش ختك 

رافائيل:شاد في يد افرا ختي اه

افرا:شافت فيه بصدمة

أما كلوديا فرحات حتى كمل رافائيل 

ختي و أمي و بابا و مراطي و حبيبتي و روحي شد على كرشها و مامات ولادي وكل عائلتي 

افرا شافت فيه بحب عنقاتو اكيد اي وحدة تحس بالافتخار إلى كانت بلاصتها أما كلوديا ما حملاتش راسها كتفت بابتسامة وهي كتشوف العشاق معانقين قدامها

شاف فيها رافائيل لي من صباح كيقرا أفكارها غير نوضي شوفي لك جيهة آخرا شوفتي انا متزوج وعمري نشوف فشي وحدة غير مراطي و هداك كيموت على وحدة و هذا غادي لصقو فشي وحدة من عالمو يعني تهزو عليا من هنا

كلوديا:اه واخا البنات ياله سمعتو الهضرة وهي واقفة ما حملاتش راسها من بعد ما مشاو شاف فيهم كارلوس 

حرام عليكم واش ما نشوفش بنت ليا

افرا:انت بقى ساكت حسابي معك من بعد

كارلوس:شاف فيها بغضب سمعي انتي بقى شهر و نتزوجك غادي نقتلك

ضربو رافائيل لكتفو و عنقها بقى ساكت قال تقتلها و نوض شوف لك شي وحدة تتزوجها في هذ شهر لي بقى 

كارلوس:على نتما خليتوني تفوو من أول نهار شوفتك عرفتك منحوسة 

شاف رافائيل فيه حبيبتي رآه هي الحظ براسو 

أما واحد كريست كاع ما هز عينيه من أليس شافتو افرا و بتسمات بمكر

افرا:ختي عفاك 

اليس:جات عندها نعم أختي

رافائيل غير مبتسم حيت عارف اش غادي تقول 

افرا:ختي واش انتي مرتبطة

اليس:بصدمة نعم 

كارلوس و كريست تصدمو من سؤال افرا

افرا:اه واش انتي مرتبطة 

قرب لعندها رافائيل هضر في ودنيها لا مامرتبطاش ياله كملي

افرا:صراحة عندي خويا كيبغبك بزاف مدة و هو مراقبك و خايف يهضر معك ترفضيه شافت في كريست ياك اخويا

كريست خرجو عينيه بالصدمة افرا اش كتقولي

اليس:وعلاش خايف رفضو خوك 

افرا:صراحة خويا مصاص دماء وانتي بشرية خايف تعرفي و تخافي

كارلوس و كريست تصدمو من الهضرة واش هذي بغات تخرج عليهم

اليس:ههههه ههههه مصاص دماء وانتي مصاصة دماء حتى انتي

افرا:لا انا بشرية ولكن رجلي و كتوريها رافائيل غول رافائيل بتسم ليها و عمل ليها بصباعو اهلا👋🏻

اليس:ههههههه ايوا من انتي بشرية و مزوجة غول انا نتزوج خوك مصاص الدماء 

افرا:رآه معك بصاح

أليس:ههههه واخا واخا حتى انا هههه وهي كضحك على بالها كضحك معها

افرا:واش تقبلي تخرجي مع خويا من تكملي خدمتك

أليس:واخا سمعي انا غادي نبقى خدامة باقي ساعتين إلى خوك جا و طلبها مني نخرج معه وعد ياله باي 

كريست:واش انتي حمقا اش درتي

كارلوس:لالاغير قولي ليهم يجيو يهزونا لحديقة الحيوانات 

رافائيل:مالكم معصبين ها هي خدات لك موعد وعلى فكرة البنت حتى هي كتسنى منك غير المبادرة راك كتعجبها وعندها مشاعر لك

افرا:خاصكم ديرو بحال رافائيل نهار شافني صيدني 

رافائيل:قريه قريه هههه

افرا:حبي ياله نمشيو المسكن تاعي والله توحشت عالمي عفااك عفاااك

رافائيل:واخا ولكن ما غاديش نعيشو هنا رآه عندنا عالم تاعنا خاصنا رجعو ليه

افرا:انا ما عندي أي عالم غير هذا صافي لقيت حل زوين عالمي و عالمك نديرو فيهم نوبة نسكنو هنا شهر و هناك شهر

رافائيل:حبيبتي خاصك تعرفي انا وانتي ما غاديش نكبرو اه انتي بشرية ولكن مربوطة بيا كيف قلت لك حنا لا نهاية و كيفاش غادي نسكنو في عالم البشر اكيد غادي ينتابهو لينا ما كنكبروش

افرا:غادي تلقى ليا ا حبيبي الحل الغول تاعي ا حياتي اجي اجي نبوسك 

كريست:حم حم تجمعي شوية رآني كاين

رافائيل:غمض عينيك وهو كيتحنى يبوسها

وقف كريست بغضب و تجه عند أليس 

افرا:اش كيقول ليها

رافائيل:قال ليها هو خوك و غادي يتسناها حتى تسالي خدمتها سولاتو واش انت هو مصاص الدماء هههههههه مسكينة كتسحابك ضحكتي معها

افرا:إلى كتبغيه غادي تقبل بيه كيف ما كان اشنو بأن لك نشدو طاكسي و نمشيو البحر

رافائيل:طاكسي ياله مرحبا قال طاكسي الغبية هزها و خرج بيها حتى تأكد ما كاين حد و ختفى بيها

دازت ايام و رافائيل و افرا في عالم سحارة و شرى قصر في عالم البشر اي وقت كتوحش افرا العالم تاعها كيديها اليوم غادي يتزوج بيها في عالم السحارة هو قرر كل العوالم يتزوج بيها فيها حيت هو من كل العوالم

افرا:حبيبي كيف جيتك

رافائيل:شاد على قلبو زوينة زوينة كيف ديما عرفتي انا محظوظ بك

افرا:وانا محظوظة بك العمر

رافائيل:عنقها غادي نسعدك طول حياتك حيت انتي رآه سعادة تاعي ما عمري تصورت بشرية تكون حياتي

افرا:وانا عمري تصورت غول يكون عمري عنقاتو الله يخليك ليا

كريست:واش ما كتملوش من الرومنسية

افرا:مالك محساد 

اليس:وهي معنقة كرست علاش يكون محساد مالو محروم

رافائيل:و صراحة باين محروم ههه

كارلوس:انا لي محروم خاصني حتى انا شي حبيبة كلشي مغرم ليا هنا

افرا و أليس:بشرية هههه

كارلوس:لالا بغيتها غير من عالمي

حتى كيسمعو صوت من لور كانت ريحانة

ريحانة:وانا ما مقبولاش 

دار كارلوس عندها بصدمة و رافائيل و افرا كيتغامزو بالضحك عليهم 

كارلوس:ريحانة اش جابك

ريحانة:قربات ليه كنبغيك و تحنات عليه ببوسة 

و الباقي كيضحكو و يقولو ووووااااه صفقو عليهم و بدا مراسم زواج تاع افرا و رافائيل في عالم سحارة 

كارلوس:العرس جاي يكون تاعنا

ريحانة:اه قابلة وهي كتعنقو

كريست:العرس جاي يكون تاعنا

أليس:اه ضروري وهي كتعنقو

تزوجات افرا مع رافائيل في كل العوالم حتى عالم البشر دار ليها رافائيل عرس كبير كانو فيه كاع ناس تاع الميتم و الأب لي رباها و أليس و أهلها منها يتعرفو على كريست و اكيد حتى حد ما عارف حقيقتهم ولا أنهم ماشي بشريين كنهضرو على كريست و كارلوس أما رافائيل فاهو رغم كلشي كيحمل نسبة من البشر ولكن مرتاح في العوالم الأخرى على عالم البشر في عالم البشر رجع رسام مشهور و افرا رجعات كتكمل قرايتها واكيد مع قدرة رافائيل في الحظور فأي وقت بحال رمشة العين ما عندهمش مشكل 

افرا:حبيبي واش انت فرحان

رافائيل:عمري كنت غادي نكون فرحان بحال هكدا انا كنشكر الله أنك كاينة في حياتي 

افرا:حتى انت والله احسن هدية

رافائيل:خليك هكذا رسمك

افرا:اه واخا ولكن عندك دير ليا بحال ليليا ترسمني بدمك تصدق ساد على روحي

رافائيل:هههه أنا سديت على روحك شحال هذي هنا❤ وقف و بدا كيرسم فيها كانت جالسة على كرسي و ايديها على كرشها و شعرها مطلوق على ظهرها بدأ يرسم و هو كيبتسم حتى بدات كتغوت

افرا:رافائيل حبيبي عتقني غادي نولد اووووف

رافائيل:شدها صافي حياتي غير صبري انا دابا نديك لكنينيك

افرا:وا سربي الممسوووووخ وهي شادة في عنقو

هزها و ختفى وهي كتغوت ظهر بيها وسط الكنينيك جاب الله كان خاوي كون ناس هربو من يبان قدامهم مع الوقت كان معطل

رافائيل:كيجري و يعيط حتى جاو الممرضين شدو افرا حطوها في بياص و دخلوها غرفة الولادة

بقى رافائيل كيتوجع حتى هو ولكن غير بشوية حيت هو أقوى من افرا ألفين مرة شوية ظهر كريست و كارلوس و ريحانة

رافائيل:باش عرفتوها ما يخفى عليكم والو

كارلوس:ولدات ولا مازال

رافائيل:مازال شوية

كريست:غادي نمشي نعطل الكاميرات لا نصدقو مشوهيين 

رافائيل:اه و اجي سربي راك انت الخال الولد تولد دابا

عنقوه بالفرحة مبروك عليك خرجات طبيبة لقاتهم كيباركو عليه

الطبيبة:بدهشة مبروك ولد زوين واخا واقلة الحباب باركو لك 

رافائيل:بغيت نشوفهم

الطبيبة:اه تفضل

دخل رافائيل وهو كيشوف افرا جالسة على سرير هازة ولدها و كتبتسم شافت رافائيل و بتسمات ليه قرب ليها و عنقها باسها

رافائيل:على سلامتك شاف في الولد لكان كيضحك ليهم

افرا:ناري كنت خايفة يكون خايب شوف شحال زوين شوف لون عينيه و شعرو

رافائيل:زوين بزاف شعرو بحال شعرك

افرا:عنقاتو و حطات عليه راسها و عينيه لون عينيك انا متأكدة غادي يتحاربو عليه البنات 

رافائيل:فابيان البطل تاعي مالك ساكت حشمان من مك

فابيان:خايف يسمعني شي حد 

افرا:بابتسامة لالا هدشي بزاف رضيع كيهضر 

رافائيل:مزيان منها ينعس ما يفيقناش في ليل و ناخدو راحتنا رآه خاصو خوه

افرا:لالا ماشي دابا 

فابيان:اه أبابا خاصك تجيب ليا خويا في أسرع وقت

رافائيل:غير ترتاح ماماك نجيب لولدي ختو ماشي خوك غادي تكون بنت تحنى باسو و باس راس افرا بتسم بحب و كمل ربي عطاني عائلة تحرمت منها من الف سنين 

افرا:باستو غادي نكونو عائلة سعيدة ا حياتي

رافائيل:اه اكيد الحبيبة تاعي

كانت هذي قصة سيد القلعة او الأمير النائم عاش مع افرا بسعادة واخا مختلفين ولكن الحب كيغلب كلشي نتلاقاو قريبا كيف العادة في قصة أخرى إن شاء الله

يتبع ...
الموسم الثاني