ناضت نور على النبوري متحمسة..! حيت غاتلاقى باياد....بزز باش لبارح جاها النعاس حيت بقات تاتفكر فهاد اللقاء الليل كامل...و بقات تاتفكر فشنو بغى يقوليها اياد...و كاتفكر كيفاش هو خاطب و تايدوي معاها هاكا....بقات تاتفكر بزااااف و كلما كاتفكر قلبها تايرفرف متحمسة بزااااف لهاد اللقاء و متفائلة!
بعدما تجهزات برفقة ريم...خرجات من الدار بوحدها...و شدات طاكسي لي حطها نيشان فالقهوة لي ماكانتش بعيدة بزاف...نزلات قادات حوايجها....رتبات شعرها و دخلات براس مهزوز شافت فالساعة لقات التسعود و ربع... و بدات تاتقلب على اياد بعينيها...لمحاتو جالس بشكل رجولي حاط رجل على رجل و تايشرب قهوتو و تايهز راسو و تايشوف جهة الباب...لمح نور واقفة مزيرة على ساكها و بحالا مصدومة(حيت شافت احدى المناظر الطبيعية الخلابة) حط القهوة من يدو و شير ليها...هاد الاخيرة فاقت من سهوتها و تاجهات جهتو...
نور(جرات كرسي و جلسات ):ههه...تعطلت؟!
اياد(بابتسامة جانبية و نظرة عميقة تاتفحصها):هه لا عادي اصلا عاد جيت دابا شي شوية!
نور:(وترها بنظراتو و تقادات فالجلسة و رسمات ابتسامة واسعة على فمها):هههه ايوا صافا
اياد:الحمد الله..(شاف نيشان فعينيها) توحشت نشوفك ا نور
نور(توترات و ردات شعرها للور ):ههه عاد شفتيني ول البارح
اياد كتافى بنضراتو لي تايشوفو فبها بعمق..:اش تشربي؟(عيط للسيرفور)
نور(شافت فالنادل):عصير دالتفاح
اياد:(شاف فيها و شاف فالنادل و وجه صبعو السبابة ليه):و شي تشيز كايك
مشى الناظل و نور ضحكات و شافت فيه:ههه و لكن انا ماطلبتوش!
اياد:و لكن باينة فيك ما فاطراش!!
نور(ابتاسمات و ردات شعرها ورى ودنها و شافت فيه بامتنان):اه اياد! شكرا بزاف حيت قنعتي بابا!!عرفتي درتي شي حاجة لي مراهقتي كلها و انا كانحاول نديرها و ماصدقاتش
اياد:(ضحك حتى بانو سنانو و صغارو عينيه و ضهرو خطوط حولهوم) ماتكوليش ليا شكرا مرة اهرى راه مابيناتناش!!!
نور:(ابتاسمات و مدات يدها فوق الطبلة) ايوا ؟! شنو الموضوع لي ديما كنتي تاتقول ليا عليه؟!
اياد تقاد فالجلسة و مد يدو حتى هو و حطهوم على يديها و هز فيها عينيه و شاف فيها بنضرتو المعتادة لي كاتفحص رد فعلها بعناية ...و هي كاتحس بحالا قلبها تايتسمعو دقاتو...و شداتها التبوريشة و تزنكات ...
نطق اياد بابتسامة: نور شوفي ليا فعينيا!
نور كانت حانية راسها و بمجرد ماسمعات جملتو توترات و يديها بداو تايرجفو تحت من يديه لي حسسوها بالدفئ لي تسبب ليها فديك التزنيكة الوااااضحة....هزات عينيها بخجل شديد لقاتو تايشوف فيهوم مباشرة و على فمو مرسمة ابتسامة...ماكاملاش حتى ثانيتين رمشات عينيها بالزربة و حناتهوم... طلقات من يديه و و رجعات اللور و حكات عنقها بتوتر...
تكلمات و عينيها تايشوفو فكل مكان الا عينيه:احم علاش!
اياد(بنفس النظرات التي قد تتسبب لها في جلطة دماغية..او سكتة قلبية حيت قلبها فهاد الاثناء تايرقص الدبكة😂):انا لي خاصني نسولك علاش!!
نور:(سرطات ريقها و كانو باينين عليها ملامح التوتر و عدم الشعور بالراحة هادشي ناتج عن نظراتو لموجهة ليها....و لي نساتها حتى فالتنفس..!...اه تنفسها تخربق...الشي لي كايخلي هضرتها تخرج معكلة)ش..شنو لي علاش؟؟!
اياد(طلع فيها و هبط باعجاب و دوز صبعو على ذقنو و ضحك و رجع شوية اللور و هز يديه بتساؤل)علاش تانحس بيك متوترة و مامرتاحاش معايا!!
نور(حسات براسها و هزات فيه عينيها لي ضاهرين عالامات التوتر حولهم):ا..انا لا!! عادي!!
اياد(دار ابتسامة جانبية):اذن شوفي فعينيا !!!!!
نور(صافي صلاتبيهاللعظم و قلبها اصبح يستغيث!!! مابقات عارفة ماتدير عقلها ماقادرش يخدم تحت هاد الضغط...ولات كاتحس براسها مسجونة..!و ماكاين حتى مفر !! لا هروب من نظراته!!!...هزات فيه راسها و تلاقاو عينيها بعينيه و هاد المرة شاف فيها شحااااااااال حط يدو تحت من راسو و الاخرى على الطبلة و بظى تايتأمل فعينيها...اما هي هكانت هاظي فرصتها باش تامل فوجهو على خاطرها!دارت نفس الحركة لي دار و بدات تاتأمل فيه...!
اياد(على نفس الوضعية):ماعرفتش الصراحة شنو هادشي لي طاري ليا حاليا...يمكن....
اياد(على نفس الوضعية):ماعرفتش الصراحة شنو هادشي لي طاري ليا حاليا...يمكن....!!(صونا التيليفون و خنزر فيه) سمحي ليا انا جاي!
ناض و خلا نور مبلقة عينيها كان قلبها غايسكت سحابلها غايقول داكشي لي فبالكم ...!هلاها تاتسترجع انفاسها و شربات العصير ....
اما ايلد فكان تايدةي و تايحرك يديه و كانت باينة عليه العصبية..رجع جلس و هاد المرة ماشي مبتاسم انما مخنزر!...سرطاات نور ريقها و ترردات قبل ان
تنطق...: ا..اياد؟؟!! شكون صونا ؟
اياد(بنفس التخنزيرة ):مروة!
نور:(تقرصات و لكن مابيناتش خدات نفس عميق و سطانعات الابتسامة)اه خطيبتك!! اه خقا واخا عليك ماكلتيهاش ليا ..! و لكن هانية الموهيم راحتك! واتيتو بعضكم الصراحة(تاتعبر بيديها)ماشاء الله !! عر.ف..
كانت تادوي و تعبر ملي كان اياد خاني راسو غير هز فيها راسو على غفلة و شاف فعينيها بنظرة فتاكة تلفات ليها الهضرة و سكتات....
اياد(هاز حاجب و منزل حاجب و باين على ملامحو عدم الرضى):نور! راك مافاهمة والو!!!
نور:ك...كيفاش؟؟!
كان ككلشي مزيان حتى جاءت العقربة السامة لي ملامحها توحي للشر و السم و كل الصفات الذميمة و عاد لباسها لي الباين فيه كتر من المدرق...!ولي كايزيد يبين مدى حقارتها ...و بلا مانهضرو على تحدى لوحات ليوناردو دافنتشي المرسومة على وجهها😂😂(الميكاب زعما)تكول خدامة مع الشيخات !!...و عاد ريحة عطرها القوي لي لي تايضر فالانوف من كتر قوتو!!!...وقفات عليهوم كي عزرايل ماعرفوها نزلت من السمى ولا نبتت من الارض!...شافت فاياد بتخنزيرة
مروة:اياد!!! هادا هو اجتماع العمل؟!و شنو تادير مع هاد الشي!
حمر فيها اياد عينيه...و ناض مخنزر بعدما خبط فالطبلة مما اثار خوف نور...
اياد:😡مروة!!! ماتخلينيش نتعصب و نصدق مسيفطك لسبيطار الحماق!!!
مروة:(تلاحت عليه عنقاتو)كانبغيك عمرك تخلى عليا!(هنسات فودنو)نقظر نموت و الله حتى نموت!كاتبغيني ا اياد ياك اه ؟؟
هادشي كلو تم امام اعين نور لي كانت تاتسنى جواب اياد اش غايكون بترقب..!
بقى اياد تايحط يدو و يعاود يهزها متردد واش يعنقها تاهو او لا...اكتفى بانه قرب لودنها و همس:حتى انا!
غير سمعاتو مروة زادت فوتيرة التعناق....اما نور فحسات بحال شي طبسيل تهرس وسط جسدها يمكن كان قلبها... قلبها لي شبع صدمات من عند هاد السيد...هرجات تاتجري بعدما هزات ساكها ماخلاتلوش الفرصة فين يتبعها حيت اصلا ماشافهاش كان عاطي بالظهر
✨✨يوم خطوبة ريم(و ضريب الصداق)✨✨
جالسة نور مع ريم فغرفتها و كاتقاد ليها الميكاب...
ريم:دبا غانتزوج ياك😅
نور:اياااااه غاتزوجي و غاتهزي المسؤولية
ريم(تصدمات و هزات يديها بمعنى stop)بلاتي بلاتي دبا انا غانتزوج!!!يعني غانولي نطيب و نجفف !!اويلي
نور:(ضحكات عليها )هههههه عاد عقتي براسك!!! ههههه اوديي الموهيم فهاد الشي هو انك غاتزوجي بلي كاتبفيه!(بانو عليا ملامح الاسى)
صفية(مادا يديها بزج و كاتلوح بيهم):ماشاء الله ماشاء الله على كرشي و ماولدات!
ريم:هههههه ياك بعدا(ضهرو عليها علامات التقليقة)اوفففف كون غا كان بابا😧
صفية(ابتاسمات):ههههه بغيتي باباك؟
تاجهات جهة الباب وحلاتو و مايدخل راجل اربعيني ضاهرسن شي شيبات على وجهو و لكن لي زين زين ....
غوتات ريم بجهد و تلاحت عليه...:بابا!!!!!!!! توحشتك!!!!
نساحبات نور و خرجات من غرفة و خلاتهوم يتعانقو حيت شحاااااال ما شافت باها...
خرجات نور من الباب مبتاسمة و هبطات لتحت و وقفات حدى الباب كانو بزااااف ديال الناس و منهوم عائلتها....كانو دايرين الرجال فصالة و العيالات فصالة اخرى...و الموسيقى خدامة على الجهد و غاد الزنقة عامرة بالطوموبيلات و الناس (كانت التلاتة د العشية)..سرحات نور عينيها فالصالة لي فيها الرجال كاتلمح عمر مجمع مع الناس...و بجانبو جالس اياد..تاهو تايدوي مع الناس....طولات فيه الشوفة و تكات راسها على الباب و هي تاتأمل فيه...جى بغى بدور وجهو و لمحها تاتشوف فيه....دورات وجهها دغيا و تمات طالعة فالدروج تاتجري شادة قفطانها لي كان طويل ... فجأة شدات يد يديها ....و هنا دقات قلبها تزادو و طلعات معاها التبوريشة و السخونية المعهودتين ...و دورات وجهها بالعرض البطيء ....
دورات وجهها بالعرض البطيء....
و هنا شافت لي ماتخيلاتوش كاااع 😒
كان باها...
نور(بملامح التفاجئ):بابا!!!!
احمد:(طلق من يدها) نور كولي لماماك انا غانمشي عندي شي شغل ...(تم غادي) اه و ملي تكونو راجعين صونيو ليا نجيبكم..
نور:(بسلات عينيها)و لكن ابابا...! غانبات عن ريم!
احمد:😒واخا واخا ! موهيم كوليها لماماك..
هبط باها مع الدروج و هي سترجعات انفاسها و خنزرات كاتعاير فراسها...!
نور(فنفسها و هي كاتعبر بيديها و بوجهها):اوف على افكار عندي فدماغي !!! اصلا علاش غايتبعني!!!! تفو حتى انا ماتانفكرش تفو!....
طلعات نور للفوق و جلسات فواحاد الصالون صغير جالسين فيه غير المقربين من عائلة ريم غير شي ربعة دالناس....شدات تيليفونها لات ميساج واصلها فالواتس...
"اياد: جا معاك القفطان💕"
خرجات نور عينيها و قلبها لي غا على سبة بدى تايدير خدمتو...ماعرفات ماظير شافت يمين شمال بتوتر و ناضت باتجاه بيت ريم شادة تيليفونها...حتى تايخرج باها...
يونس:سالام بنتي كيدايرة لاباس عليك؟
نور(بدات تاتلعب بتيلفونها بيديها):لاباس اعمي الخمدالله على سلامتك
يونس:(طبطب على كتفها)ايوا الله يخليكم ديما بحال هاكا!
بتاسمات ليه و مشى...هنا دخلات نور تاتجري عند ريم...
ريم(بعلامات السعادة على وجهها):نور بابا جا اححححح شحال توحشتو!!!
ضحكات معاها نور بفرح:ههه ايوا شفتييي حتى انا كنت عارفاه جاي و ماقلتهاش ليك كلنا نخليوها ليك مفاجأة!
ريم:احسن مفاجأة فحباتي و الله!!!
نور:هههه دابا نسيتي عمر!!!
ريم:اوففف غاسكتي!! باقا مامتيقاش بلي غانتزوجو ليوم!!!(بس: اليوم غايديرو غير العقد باقي العرس)زوج فرحات فنهار واحد...!عرفتي قلبي غايطرطق بكمية السعادة لي فالداخل ديالي هاد الساعة (وجهها مزنك و دايرة ابتسامة عفوية تارمز الى كل ما يوحي للسعادة)
نور:انا فرحانة ليك و الله العظيم!!!
ريم(عنقاتها):هههه الله يخليك ليا!!!!
ابتاسمات نور و بادلاتها العناق و مابقاتش كالت داكشي لي كانت ناوية تكول ليها مابغاتش تصدعها بحماقها و هي فقمة السعادة...
وصل وقت نزول ريم لعند العدول باش يضربو الكاغيط...
هابطة ريم تاترعد بابهى حللها و معاها نور من اليمين و امها من اليسار و نادبة(ام عمر) و بعض افراد العائلة....
نازلات فالدروج بالصلاة و السلام..و فرحااااااااانين...دخلو لغرفة كانو فيها العدول..و عمر لي جالس بكل وسامة لابس كوستيم مازاظو الا وسامة ....و ريم مبتاسمة ابتسامة عريضة و هازة راسها....جلسات حدى عمر لي غير شافها حتى هو ضحك تابانت ليه ضرسة العقل...اصلا هو حالتو ماكانتش حسن منها تاهو ماقاداه فرحة....!...بداو العدول تايطرحو ديك الاسئلة ديالهوم...و عنر و ريم تايجاوبو بكل سعادة....بعد دقائق تعالات الزغاريد و اصبح عمر و ريم زوج دناس مزوجين....دار عمر عند ريم و باس راسها بكل حب هاد الاخيرة تزنكات و ماكرهاتش تعنقو فهاد اللحظة...!
خرجو العرسان من الغرفة و بداو تايصفقو عليهوم الحاضرين و تايصوروهوم...مشاو جلسو فمكان خصصوه ليهم...و هنا بدى الشعبي و الناس ناضت تشطح...(شباب و شابات) و منهوم نور لي كانت تاتشطح مع امها...و فرحانة ....فجأة تاتشوف ماماها تبسمات لشي حد ورى نور...دارت نور بالعرض تايبان ليها اياد داير ابتسامة عريضة مد ليها يدو باش تشطح معاه....تجمع عليها كلشي فدقة و ماعرفات شنو دير..واش تعفس على كرامتها و تمد ليه يديها بعد كل ما وقع بيناتهوم(تعرفو من بعد) او تكمل شطيحها و ماتسوقس ليه...
⏳فلاش باك⌛
بعدما خرجات من القهوة...جلسات فالكراسى لي قدام البحر لي كان قريب للكافي..و بدات تاتفرج فالامواج تايتخبطو بحال قلبها...الشوفة فالبحر و امواجو كاتحسسها بواحاد الشعور غريب كاتحي بحالا ايلا خرجات ليه داكشي لي فقلبها غاترتاح...بدات تاتنفس بشكل مريح حيت ريحة البحر تاتحسسها بالانتعاش....عاشت مع هاد الجو و نسات راسها حسات بقلبها تفتح و بدى تايتهدن للحظة...و لكن ملي رجعات بيها الذاكرة تاتفكر كيفاش عنق مروة و هنس ليها بانو تايبغيها رجع قلبها تايضرب كالامواج الاي امامها..."ضحكات بسخرية" ماشي حيت فرحانة او عاجبها الحال...! لا...هي من داك النوع لي ماعزيزش عليه يبين حزنو حتى لراسو...ناشي من النوع لي عزيزة عليه الدراما و البكى و التحسر...!...واخا كاتحس بمشاعر خايبة و حاسة بقلبها كايضرها حيت تحبطات بعدما كان عندها امل كبير...الا انها مامبيناش هادشي...واخا باغا تبكي و تخوي قلبها و لكن مابافينش الدموع يخرجو...حيت عقلها مامصنفش هاظشي ضمن الاشياء لي خاص يتبكى عليها...و لكن مانقظروش نكرو انه كاين واحاد الجانب فيها غير راضي و باغي غا السبة فين يفش قلبو!....بقات تاتشوف فالامواج و كاتحس بالراحة رويدا رويدا كاتحس براسها بحالا كاتدير ماساج لعينيها و هي كاتشوف فالبحر و كاتستنشق هوائو النقي....عقلها كان خاوي...! ماباغاش تفكر كااااع باش تهني راسها...! 🌸
و فجأة و فوسط كل هاد الجو ديال الهدوء و السكينة و الطمأنينة لكانت غارقة وسط منو نور...ظهر امامها ما لم يكن في الحسبان او حتى فالتوقعات ديالكم قارئاتي...
بنفس حلتو و طلتو لي شافتو فيها فاخر مرة...خرجو عينيها بالصدمة و تجمدو يديها و رجليها و ختى فمها حسات بحال الا جاها بوغطاط ناقدرات دير حتى رد فعل...كاع داك كمية الراحة لي كانت حاسة بيها قبل دقائق اختافات فجأة و اتستبدلات بمشاعر خوف..مما جعل دقات قلبها يتخربقو و حتى تنفسها...!!!
✨
✨
✨
✨
✨
✨
✨
⬅
✨
لا لا لا ماشي حيت شافت اياد!!!
كان داك المخلوق لي وبخاتو ظيك النهار قدام دارهوم..وقف عليها بحال ملك الموت تايلعب بواحاد الزيزوارة فيدو... داير ليزيات فودن و الودن الاخرى مخليها بلاش...لابس توني ديال لاكوسط و سندالة ديال اديداس مع تقاشر صفرين...ضحك ضحكة جانبية مستفزة و هو تايشوف فيها بنظرات مرعبة
الولد:عقلتي عليا؟!اه؟؟!!
نور غير مبلقة عينيها و عاجزة عن اانطق عينيها ولا تركيزهم كلو على الزيزوارة لي فيديو و الباقي كلو كايبان ليها كحل...هاد الشي لاحظو الولد و ضحك..
الولد:ههه خفتي (دور وجهو يمين يسار و شاف الصقيل)زعما الا درت داكشي لي فبالك دبا تاحد ماغايسيق ليا الخبار!..نكون بحال هاكا رديت اعتباري!!!...كولي اش بان ليك نرسم ليك خريطة الطاليان ولا المغرب فوجهك؟؟؟(تايدوي و تايلعب بالزيزوارة فيهيه)...نيت باش ماتبقايش متبوعة بالعين..!! هاكا تاحد ماغايبقى يديها فيك ولا يتسوق ليك ولا يحاشيها ليك و يبسبس عليك!!!و تهناي من بحالي!!!(ركز على هاد الكلمة)...!
نور غير تاترعد ...ماقادرة دير والو كانت جالسة فبلاصة خاوية الناس بعاد علبها شوية و ماغايلاحظوهاش حيت هو كايدوي بعيد عليها ....
هضراات بصوت معكل و مرعد: س...سمح ليا
هزات صاكها و وقفات و حنات راسها...هنا شدها
الولد: تو تو ماشي بحال هاكا الزوينة
نور قلبها كان غايسكت فهاد اللحظة...و ماعرفات مادير عينيها تايضوفو فعينيه لي كانو هازين الشر كلو تفكرات حاجة وحدة و الحمدالله ملي عقلها خدم....
بحكم انه كان قريب منها و هي جات قدامو....هزات رجليها تالسمى!! و عطاتو المعلم الرئيسي⬆ حتى شدو بيديه و بدى تاينقز ....فهاد اللحظة شافت يمين شمال و فرتحات عينيها مغمضين!! دارت شافت وراها كايبان ليها ناض من الارض و جاي باتجهها تايعرج و لكن العااااااافية الكحلا خاجة من عينيه كانو الناس دايزين من المكان لي واقفة فيه نور و لكن تاواحد ماداها فالوحش لي كل شوية تاتزاد سرعتو...عاوتاني ضرباتها بجرية و بلى ماتشوف كانت وصلات للشانطي...و مع دورات وجهها وقفات ليها طوموبيل عند رجليها...تصدمات حيت كانت غادخل فيها....نزل شخص تاتعرفو مزياااان...سد الطوموبيل و تم جاي عندها ...هي غير شافتو تاجهات عندو واخا ماكاتحملوش و ماباغاش ضسرو و لكن هو الحل الوحيد لي كان عندعا....
نور(كاتشير للولد لي تابعها و لي غير شافها وقفات معاه حبس فبلاصتو)ه...هادا تابعني!!! م...ناهرفتش اش باغي يدير (كادوي و كاتنهج و كاترعد باين عليها الخوف)
خرج فيها عينيه و شاف فالولد....و شدها من يدها و تمو غادين بزوج عندو....الولد غابان ليه جاي شهص اكبر منو حجما زرب فخطواتو و دار راسو ماتايعرفهاش و مشى....لكن ماستسلمش لاخور و زرب حتى هو فخطواتو (الكاميرا شادة غير على حدائو و وجه نور لي مرتعب و ماعارفة اشنو غايوقع)...وقف موراه مباشرة و حط يدو على كتفو ....دار عندو الولد بشويييية و هو شاد فيدو زيزوارة من التحت...
الولد:تدوي نخشيها فيك!
شد ليه يدو و لواها تاطيح الالة الحادة لي كان شاد بيدو و دفعو طيحو فالارض
سامي:شنو دبا اه؟!!! اش ببنك و بينها؟!!!
الولد(كايدوي معاه من الارض و هو باينة عليه حالة الخوف حيت سامي اقوى منو جسمانيا بظربة وحدة يتلفو على القبلة)سولها هي لي طيحات من قيمتي داك النهار اليوم لاقاتني بيها ليام و بغيت نوريعا اش كانسوى!!!
سامي(تحنى عندو و شدو من الكول ديال تريكوه و بدى تايديه و يجيب فيه كما بغىو هو مخنزر و العرقة درتسو بارزين بالعصب):سمع نكوليك....نهار نشوفك قربتي منها اولا دويتي معاها غانوريك النجوم فوضح النهار....اما الى حاولتي تهجم عليها(زير عليه مزيان و حمر فيه حتى قربو يخرجو عينيه)غير نسى الدنيا!!!!
بدى تايتفتف الولد...حتى طلق منو سامي و لاحو فالارض و رجع شد فيد نور لي كانت واقفة متبعة معاهوم و تاترعد...تمو غادين حتى بعدو منو و وقف و دورها عندو شد ليها وجهها..
بعدما ستارجعات نور انفاسها شدات يديه و حيداتهوم على وجهها و خنزرات فيه..
نور:عتقتيني..؟!شكرا اولد عمي !!!ماديرش فيها خايف عليا و ماعرت شنو!!!
سامي:(شدها من يدها و زير و بدى تايغوت)نور!!! ماتعصبينيش كيفاش بغيتيني مانخافش عليك؟!!! (قرب منها)كانبغيك ازمر مالك ماباغاش تفهمي!!!
جرات يديها من يديه و هضرات بشوية:سامي!!! عتقتيني !! الله يجازيك بيخير و شكرا بزاااااااف !!! انا ممنونة ليك! و لكن خليك خويا ماتجاوزش حدك معايا ...! ماتخلينيش نكرهك!!!(خنزرات)
سامي(خنزر فيها مزياااان...و ضحك باستهزاء):شنو؟!!! كاتبغي داك ميخي لي كنتي معاه داك النهار اه؟!!!
خنزرات نور و شافت فيه بتحدي :اه يالاه !!!عرفتي؟؟!يالاه بعد مني و ماتبقاش دور بساحتي قلبي عاااامر بوحداخور!!!!
مادواش معاها اكتافى بتخنزيرة و شد فيديها و تم جارها جهة اللوطو...و هي تاتحاول تخرج يدها من قبضة يدو القوية..!
نور(كاتغوت):هيييييه وا طلق المرض فين غادي بيا!!!!!...
وصلو قدام الباب ديال الطوموبيل....حتى تاتكلاكصوني عليهوم طوموبيل...
و قفات الطوموبيل و نزل منها اياد يشحمو و لحمو و وسامتو المعهودة..! و لكن للاسف ماكانش بوحدو كانت تابعاه واحاد الزواية دعاشوراء...
تم غادي اياد مخنزر باتجاه سامي لي كانت واضحة انو شاد نور بعنف
اياد(وقف قدامهوم مخنزر فسامي)شنو واقع هنا(نقل نضرو لنور لي كانو باينين عليها علامات الصدمة ملي شافتو)مالكوم!
خنزر فيه سامي و خصر فيه وجهو بعصبية: ناشي سوقك دخل سوق راسك!!!!(شاف فمروة لي كانت واقفة وراه و ضحك باستهزاء و شاف فنور)ههه هادا هو لي كاتبغي ؟! اه؟!!! ههههه دغيا دار فيكتيم جديد!!!
نقزات نروة قبل مايكمل هضرتو و بدات تاتشوف بتساؤل مرة فريم مرة فاياد:حبس حبس كيفاش كاتبغيه ولا؟! شنو هادشي؟!!!! شرح ليا ا اياد!!!!
نور فهاد اللحظة قلبها بخالا شديتيه و دكدكتيه كرهات راسها كون لقات الارض تسرطها و ماتبقاش تبان كاع ....حطها ولد الحرام بوجهها و قدامو ناعرفات ماظير بقات حانية رايها و مزيرة على سنانها بعصبية....و تاظعي على سامي بالموت فراسها...
اما اباد فحتى هو تصدم ملي سمع هضرة سامي..و حس بشعور غريب كنوع من الراحة و السعادة بحالا كان باغي يسمع غا هاد الهضرة!!!...
شاف فيها اياد بملامح غير مفهومة..و لكن يمكن تفسيرها انو مصدوم...و لكن دغيا خدم عقلو و هاد الاخير حار لاي صف يمشي واش لصف مروة او صف نور.....
اباد(نطق بتردد و هو موجه كلامو لمروة لدموع غانازلين من عينيها بحال الشتى):لا..لا غير سكتي انا و نور ما بيناتنا والو!!! هي بحال ختي !
رجعو ملامح مروة بردو و حسات بالراحة...
ملي سمع سامي هضرة اياد شاف فنور و ضحك عليها باستهزاء:سمعتي؟!! كايعتابرك بحال ختو !! يالاه ركبي راه مادابم ليك غا ولد عمك!!!
تجمعو حجبان نور حتى للحد و شافت فسامي المغرور و غوتات بجهد و بعصبية :نهاااار باقي دور بساحتي غاتشوف نور وحدة صبرت ليك حتى عييت و لكن صافي!!!!! (شافت فيه باشمئزاز)تفوووو على زمر كيداير
ماشافتش كاع جهة اياد و هربات تاتجري اول طاكسي وقف ليها ركبات فيه...
من داك النهار و هي ماكادويش كاع مع اياد و طريق لي كادي ليه كاتفاداها و و حتى ملي صاوبات تيليفونها دارت مود افيون....و الواتسابيزانستالاتو...!
⏳عودة للواقع⏳
باقي اياد ماد يدو لنور و هي تاتشوف فيهوم و تاتتفكر....
غفلات غيتة نور و شدات فيدها و فيد ابد و بداو تايشطحو بتلاتة...و نور غير يديها لي تايتحركو حيت امها لي متحكمة فيهم...حسات بالحرارة شاعلة فيها ... سلتات يديها و حنات رايها و خرجات من وسط البشار لي تايشطح ...و تمات غادة فالدروج تاتجري...و وقفات قدام الباب لي كان محلول و بدات تاتفكر:""نور ماتبقايش تفكري فيه !! ماكايستاهلش!! عامليه بقسوة! عامليه كأنك ماكاتعرفيهش!!! اه اصلا شكون اياد؟؟!(تجمعو حجبانها و طلعات شفتها السفلية و حسات بالضيم)ئهئه الشحص لي بغيتو من شحال هادي و عتابرتو مجرد حلم او امنية صعبة التحقق...!فنهاية المطاف هاهو قدامي ...تلاقيتو ...و هادا بحد داتو كان حلم...ولينا اصدقاء و حتى هدا كان حلم!!! و لكن انا طمعت فالمزيد و بغيت نحقق هاد الامنية اللي عتابرتها سابقا مستحيلة و باقة لحد الان مستحيلة...!اوففف ولكن علاش كان تايتعامل معايا هاكاك....علاش ديك النهار فالقوة دار ليا داكشي(ضربات جنب الباب برجلها و هضرات بالجهد ماشي فنفسها)
نور:تفوووووو عليك تفو عليك ا اياااد!!
وساهو عينيها و تزعزع قلبها ملي سمعات تحنحيتة ديال صوت ماغريبش عليها...بقات جامدة فبلاصتها و غير تادور فعينيها...
اما هو فكان واقف وراها...
اياد:(مع ابتسامة جانبية و هو مربع يديه) تو تو تو علم الله هاد اياد شحال دى ديال المعيور فهاد السيمانة!!
خنزرات نور و هي باقة على نفس الوضعية ماكاتشوفش فيه...
لاحظ اياد انها مادارت تا رد فعل و هو يزيد وقف حداها ولكن ماشافش فيها انما شاف يمين يسار باش يشوف واش كاين شي ولحد...و كتوقعاتو ماكان ختى واحد على برا....شاف فنور بنضرة شريرة مع ضحكة جانبية(غير بالضحك)و هووووووب...هزها....
نور تصدمات من قربها الشديد بيه راها ماشي غير قريبة راها لاسقة فيه!!! قريبة لقلبو....بل اذنها محطوطة عند قلبو...!!! سمعات باللحظة لثواتي...وي تفمر انها لا زالت تتلعب بينها و بين راسها دور العنيدة و الانسانة لي تاتكره اياد كمال!!...لذلك بدات تاتركل...واخا فالداخل ديالها الفراشات ترفرف ...نقدرو نقولو كاين صراع بين قلبها و عقلها (واخا انا ماتانآمنش بهاد المقولة...لان العقل هو المسؤول على كلشي!)...
وصلو قدام الطوموبيل و حل اياد الباب بيد و يد مازال شاد بيها نور ...شاف فيها بملامح شقية تلمح للفرح...
اياد:دخلي ولا ندخلك؟؟؟
خنزرات نور و جمعات قنانفها و دوزات عينيها للجنب زعما ماعاجبها حال...
ضحك اياد على تصرفها و خشاها فاللوطو و سد عليعا الباب...و هي مربعة يديها و مخنزرة ...(غا من برا ...اما من الداخل عقلها تايقول "اكرهك" و لكن قلبها تايقول"احبك" اصلا هادشي مايمكنش يتخبى لان دقاتو من كترة ماكايضربو بجهد يقدرو يكونو تايتسمعو....و عاد ديك الهرة لي شاداها فكرشها....اودي واخا دير لي دير راها طايحة فيه طيحة العنى فالظلمة!!!
رمب اياد حداها و ديمارا اللوطو و زاظ بلا ملمة بلا زوج....
بعد دقائق وصلو لمكان خاوي و هادئ حدى حافة كاطل على واحاد النهر..و عموما المنظر كان زوين....
اياد(حيط السمطة و شاف فيها بنظرتو العميقة و التي تحمل مل المشاعر الجميلة...):نور ...جبتك لهنا باش ندويو...! بلش نوضحو شي حوايج..! حيت نتي فاهمة بزاف دالحوايج غالاط...!
نور خانية راسها و تاتشوف فرجليها لي صباعهوم تايلعبو تحت من الصباط بتوتر.....ودنيها كانو مرميين عندو...مانت تاتصنت باهتمام كبير... و فكل كلنا تايقولها تايزيد يفرز عقلها فالهرمونات المتسببة فتسارع دقات قلبها!!
نزل اياظ من الطوبيل و مشى حل على نور الباب...و مد ليها يديه ....شافت فيهوم نور و ترددات تاتي باش تشدهوم...دبا هي بااااغا تهضر معاه و لكن فالمقابل دايرة فيها عزة نفسي و معاندة غير هاكاك....هي الفضول قاتلها و لكن دايرة فيها كرامتي سر انوثتي و داك التخربيق😂...من هاظشي كااااامل الفضول (او ما شائت ان تقنع بيه راسها) رغمها تشد فيديه بيد....و ليد الاخرى شدات بيها قفطانها الطويل (كان فاللون الوردي البارح سامبل مع مضيمة مصنوعة من الحجر عطاتو واحاد الرونق و جمالية رائعتين...!!! و عاظ الاكسسوارات لي مزينة بيهوم...و شعرها كانت جامعاه على شكل كعكة مجعدة...يعني ماشي هاظيك المسرحة...هاظي فيها تدرجات الموهيم الساطة كانت سوبر كيوت خصوصا مع داك الميكاب السييييمبل ...احمر خدود(اصلا هوما حمرين بلاش) و ايشادو فاللون الوردي البارد افتح من درجة اللون لي فقفطانها و عاظ عكر غوز النوهيم كان التناسق فطلتها مما هلاها تكون ساحرة) بقى شادها اياد من يديها حتى وصلو لديك الحافة...و وقفو ....طلق اياد من يديها و بدى تايشوف فيها بنطرة زوينة تبعث الراحة...طلع فيها و هبط باعجاب...
اياد:اميرة !!! اميرة ماشاء الله !!(هزات فيه نور عينيها و هبطاتهوم دغيا)مابقيتش صابر انور!!(ضهرو عللمات تساؤل على وجه نور لي كتنت حانية راسها و مادة يدها و جامعا سبابتيها بزوج و رجليها تايلعبة من تحت القفطان لي عريض و طويل من لتحت و ماتيبيتش رجليها..كمل اياد بالزربة) نور!! عييت نقنع راسي ان هادشي غير تهيئات و تخربيق..!!!ياما عتابرت العشق تفاهات و اشياء لا وجود لها الا في الافلام و الروايات !!! ياما آمنت انه لا وجود لشيء سميتو الحب..!! بل ماكاينش كااااع وجود لديك المشاعر لي تايهضرو عليها..!!!....عمري كنت كانتوقع انني غانلقاها...او حتى فكرة انها كاينة!!!.. هاديك لي غاتخلي هاد الجماد(شير لقلبو)يتحرك و يضرب ملي يشوفها قدامو...! ماطاحت فبالي حتى مرة انني غانبات تانفكر فانسانة!!!...و نبقى نتفكر الهضرة لي دويت معاها...و نبقى مشوق غير للنهار لي نعاود نتلاقاها....انسانة لي ايلا مادويتش معاها غير نهار واحد تانحس بشي حاجة ناقصاني!!!....هادشي كلو ماكنتش مآمن بيه!!(تايدوي و ملامح وجهو و يديه تايتحركو و تايشرحو تاهوما بدورهم كل كلمة تاينطقها..شد فيديها و حس بيهم تايترعدو)شفتي هاد النهر لي دايز تحت منا؟!(شير للنهر لي تحت من الحافة) غايشهد على استسلامي!!! و انهزامي قدام نفسي!!!لاني كسرت كاع دوك القواعد لي كنت غادي بيهوم فحياتي...و طحت فالفخ لي مايسحابلياش واش كاين فهاد الدنيا!! فخ الغرام!!!(كان تايدوي و هو موجه نظراتو ليها تايتفحص رد فعلها) انا اليوم كانعلن اني ستسلمت للحب....و لي بغى يديرو فيا يديرو....لي كايهمني هو نبقى نشوف فعينيك حتى لآخر يوم فحياتي...!!!(سكت شوية و زير على يديها بحنان و شاف فعينيها المغرغرين لي هزاتهوم فيه بحب ....و نطق)نور!!! لقد كسرتي كل قواعدي!! و جعلتني احب!!!...فيقتي فيا دوك النشاعر لي كانو في سبات عميق ضنيت انه عمرهم غايفيقو منو!! نن الاخير...! كانبغيك!!!!!💕
فكل كلمة كان تايطقها كانو مشاعرها تايتهزو...و قلبها تايدردك...ودنها كانت تاتسمع بعناااااية...و قلها حتى هو تايحلل كل حاجة و تايصنفها فالمكان المناسب....و هاد الكلماتكلهم مشاو لكان واحد... المكان كان مشاعر السعادة و الحب...لذلك نور خدات جرعة زائدة من السعادة و الحب جرعة ناكانتش تاتخيل انها غاتوصل ليها...هادشي علاش سيفط عقلها ميساج لكاع الاعضاء لي فالجسم باش يتصرفو على حسب هادشي...كرشها شداتها فيها ديك الهرة التي اسميها(هرة الحب)...اما يديها فبداو تايترعدو....و قلبها اكيد تايخبط بوتيرة سريعة...و تنفسها تخربق ولات تاتنفس بالزربة...اما عينيها فتمعو فيهوم دميعات ديال الفرح....و بداو تايلمعو...ماجى فين يكمل هضرتو حتى كانت غاتسخف....كيف سالا طلقات من يدو و حطات يديها بزوج و هوما تايترعدو على فمها و بدات تاتبكي و تشهق ...ماشي لسبب خايب انما لان هادشي داخل ضمن الميساجات لي رسل عقلها و تاهو يعتبر بالنسبة لهاد الاخير طقس من طقوس الشعور بالسعادة المفرطة...!
فشلو على نور ركابيها و مابقاتش قاظا تبقى واقفة هادشي علاش جلسات و كملات بكاها....
شاف فيها اياد بقلق كبير و نزل لمستواها و جلس تاهو و شد يديها لي كانو مدرقين وجهها.. و جرهوم لقى وجهها فزك بالدموع و عينيها تجخمرو مع الماسكارا....كانت تاتشهق و تاترعد...مما خلى اياد يحس بالقلق...و سولها بتردد
اياد:ن..نور واش ماعجبكش هادشي لي قلت و...واش ماكاتب..بغينيش؟!
نور(حسات بالدفء من يديه...و هاد الدفئ بقى نتاشر فجسدها بحال الفايروس دفئ حسسها بالامان...نطقات بصوت متقلطع و مبحوح حيت بكات بزاف):ل..لا ئهئهئه م..نا عمر شي حد كاليا هاظ الهضرة!!! و عمرني كنت تانتخيل بل...لي ئهئهئه(تادوي و تاتشهف) شي حد غايكولها ليا...! ئهئهئه...ن..نتا دبا عطيتيني اوفر دوز ديال الحب و المش..شاعر الزوينة(ضحكات وهي تاترعد و تاتبكي(خيلوطة صافي))ماكانب..كيش حيت مقلقة و انما حيت ...قلبي غايخرج من بلاصتو بالفرح..حة!!غانطير!!!ئهئهئه هاظا هو التعبير لي خرج ليا فهاد الموقف!!!
ابتاسم اياد برضى و سعادة و حب شاف فعينيها الالامعتين و لقاهوم تايشوفو بكل برائة و نطق:اقسم انك ابرأ(اكثر انسانة بريئة)و ارق انسانة فالدنيا!!!...ماتصوريش شحال ديال الحب تانحس بيه دبا !!!!(وقف و وقفها معاه ...و مد يديه)بزاااااف ديال الحب!!!! بزاااااف!! ههههه تانحس بالراحة و اخيرا عتارفت !!!(قرب منها بزا و شد وجهها بين يديه و قرب ليها لدرجة تلاصقة نيوفهم مع بعض..)نور رتاحي حتى نتي! وعتارفي واش بصح هاظشي لي تايسحاب ليا؟؟ كاتبغيني؟!
توترات نور من هاد القرب و هبسو عينيها من اىدنوع و نشف حلقها...حيت حاليا عينيها وسط عينيه...و انفاسهم الدافئة متخالطة...ترددات قبل ماتهضر خيت فمها كان قريب من فمو ...حسات بحالا غاتدوي فيه...
نطقات بحروف متقاطعة و فمها ناشف بزز باش تايتحرك...عينيها تايرمشو بشوية : ايا..د! م..ماتز..يدش قل..بي غا...ي..سكت!!! (كاتفس بصعوبة)انا..كانب..غيك!!!!
طبعا نسات عزة نفسها علاش غاتبقى معفرة و هي كل همها كانت تسمع منو كلمة "كانبغيك" حتى هي حطات الجبل لي كان فوق ضهرهها و حسات بالراااااحة
ضحك اياد بشوية و حيد يديه من وجهها و حاوطهم على ضهرها ...و حط راسو على كتافها و هو مغمض عينيه براحة...حتى هي بادلاتو العناق و حطات راسها على كتافو غمضات عينيها... ليدخلو في دوامة الاحاسيس المختلطة بين سعادة و حب...كان كل واحد فيهوم تايصنت لدقات قلب الاخر !! كل واحد فيهوم حس بشعور لم يحس به من قبل...شعور بالدفء...و شعور بالراحة..راحة مستحيل تلقاها فافخم سرير فالعالم..!!! هاظ الراحة لا يقدمها الا العناق!!! عناق شخص تحبه!! لانو فهاد العناق كانو تايتبادلو طاقات ايجابية لا تبعث الا الراحة و الطمأنينة...بعد هاد العناق الطويييل لي دام اكثر من خمس دقائق...شدو فيدين بعضياتهوم و بداو تايبتاسمو بزوج بشكل عفوي...تحيدو الحدود لي كانو بيناتهوم..فضل كلمة السر.."كانبفيك"....
ابتاسمات نور و خشات يدها فيدو و تاجهو للطوموبيل ركبو فيها....و ديمارا اياد اللوطو مبتاسم بسعادة...حط يدو على يد نور لي حالتها ماكانتش اسوء منو...! و تاجهو لدار ريم
فدار ريم...
بارزين الازواج و مشابكين يديهوم وماقادهوم فرحة...ملي جليو و هوما تايهضرو ...او بالاحرى مني جلسو و سي ضعمر جالس تايتعنب على مادام ريم...
عمر(قرب لودنها و همس للمرة الالف):وليتي مراتي!!!
ريم:(ضحكات بجهد)واااااا عومااار!!! واش غاتبقى تقولها ليا مل شوية....راه آي نوو...اند ام سو هابي!!!
همس عمر مرة اخرى و هاد المرة بنبرة شر: كانفمرك باش من هنا للقدام ماتبقايش تحاسبيني على تصرفاتي!!!
بقات ريم غاكادور فعينيها....و سكتات شوية عاد نطقات فودن عمر ...
ريم:عوماار مابانتش ليا نور من قبييييلة!!!
عمر(دور عينيه):بصح!...بلاتي حتى امير ماكاينش!!
ريم:(ترسمات على محياها ملامح القلق)اوففف ماعرفت شنو غايكون واقع!
⭐⭐⭐⭐
بعد دقائف قليلة وصلو للدار...دار اياد جهة نور لقاها غفات...بعد داك البكى كامل و ديك الاوفر دوز من الرومانسية بقى تايتأمل فيها و دوز يديه على خصلات شاعرها لي هابطة على وجهها....بدى كايقرب شيئا فشيئا حتى جى فمو على جبهتها باسها و رجع اللور و نطق:ملاك! خارجيا و باطنيا!
نور:لا لا اصلا الشعبي صوتو واصل من راس الزنقة باينة كلشي تايشطح
اياد:ههههه واخا(نقل نظرو للطريق و رجع ديمارا اللوطو و تحركو...
ريم(بملامح القلق و هي كاتشوف قدامها و كاتنغر فعمر لي كايصفق و فرحان...):عمر!!!(حبس عمر من التصفاق و شاف فيها و حرك راسو بمعنى شنو؟) تخلعت على نور...مايمكنش ماتحظرش لحفلة ضريب صداقنا!!! و باش تختفي هي و اياد هادشي ماشي نورمال!!
ضحك عمر و رجع نقل نظرو لقدامو و بدى تايصفق و نطق:هههه و علاش تفكيرك مشى غير للحاجة الخايبة؟!
ريم(بتشكيك):عارف شي حاجة؟!
عمر(حط يدو بجنب فمو و بدى تايهمس فودنها):يقدر يكون كال ليها شي حاجة زوينة!
ريم:(بدات تادور فعينيها بتساؤل)كيفاش؟!
عمر(تبسم):وا كايبغيها!!!
ريم(حلات عينيعا و فمها ضحك):يعني يقدرو يكونو عتارفو!!
عمر:(حل عينيه و ضحك)اذن فعلا! حتى هي كاتبغيه!!!!
ريم:وايه!!!(ضحكات ريم)اووفففف يا ربي يكونو فعلا عتارفو لبعضهم...!
عمر:راه اياد كان ناوي...
ريم(خنزرات): (للتوظيح هاد الهضرة ليتايدويو كلها....و هو دايرين ابتسامة ديال البريستيج و تايشوفو فالناس...و تايوشوشو لبعضهوم.. ههه موهيم فاطار الهضرة لي تايقولو العرسان لبعضهوم)اجيي! شنو قصة ديك مروة ياك خاطبها و تايبغيها؟؟!!!...
عمر:.....(عاود ليها)
ريم(حلات عينيها بالصدمة):اوااااه !!اوفففف و لكن علاش مكالش ليها شحال هادي؟!
عمر:(بنظرة اسف)ماجابتهاش الوقت و صافي كان فينما تاينوي يكولها ليها تاتخرج ليه شي حاجة من الجنب!
⭐⭐⭐⭐⭐
نور(خرجات عينيها فالطريق و دورات وجهها تاتشوف يمين شمال):اياد!!! م..ماشي هاظي هي طريق الدار!
شاف فيها اياد و خنزر و دار ضحكة شر :ها هاها انا ماشي ايااااد!!!! انا كائن فضائي و غةنخطفك و نديك للكوكب ديالنا!!!
ضهرو علامات الخوف على وجهها و رجعات اللور و تكمشات بحال شي بعيليكة...شاف اياد رد فعلها و ضحك بجهد...
اياد: حق الله حتى هبيلة😂 واش من نيتك غاضحكت!!
نور:(خنزرات)عرفت !!! و لكن فين غاديين(بدات تاتشوف حواليها و جاتها الطريق مألوفة)واش للكاراج فين تاندربو؟!
حرك تياد راسو بالايجاب
نور(بتساؤل):و لكن علاش؟!
شكت اياد و واصل طريقو...و ماهي الا دقيقة حتى وصلو...
اياد:يالاه!
نور:حلات نور الباب و نزلات...و تبعاتو...و لكن مامشاش للكارج انهما دار للجهة الاخرى و بدى تايحل باب الفيلا لي فيها الكاراج!!
نور:و واش دارك؟!
اياد(شاف فيها بتساؤل و هو تايدور السوارت):علاه مافراسكش؟!
حركات نور راسها يمينا و شمالا بمعنى لا...
اياد؛هههه بما ان الكاراج ديالي فحتى الفيلا ديالي!(حل لباب و دخل ...و وقف تايتسناها تدخل)
هزات فيه نور عينيها و هي تاتلعب بصباعها بتوتر..:م..ماشي ماتانتيقش فيك(حنات راسها و بدات تاطرطق فصباع رجليها لي مدرقين بالقفطان)و...ولكن كلهوم تايقولو عبارة 《واش ماكاتيقيش بيا فاللول》و...
قاطعها اياد بابتاسمة...و مد ليها السوارت:فهمتك...هاكي(حل الباب و بدى تاينعت ليها)راهيا الطواليط...راها كبيرة...دخلي غسلي وجهك و قادي مسائلك و انا كانتسناك برا...!
نور:(حنات راسها من الخجل و شدات السوارت)ا..اياد ماتفهمنيش غلاط!!
اياد(ابتاسم عليها و خو محافظ على نظرة الحب):فهمتك انور...انا اصلا جبتك لهنا حيت اقرب...من داركوم باش دغيا تسالي و ترجعي بلا مانلفتو انا و ياك الانتباه...!...انا تانتسناك هنا خودي راحتك!
دخلات نور للفيلا و بدات تادور راسها و تاتشوف....كانت دايزة من وسط مراح كبييير و بجنابها (على اليمين) صالون كبييييير نصو غصري و نصو تقليدي...اما على اليسار فكانت غرفة و و باب كبييييير من زجاج تايطل على الحديقة..
كانت نور تاتشوف فالمكان...حتى وصلات للطواليط...لي كانت كبيييييرة...و مقسمة على زوج نث فيه طواليط و داك الماطريال ديالها و النص لاخور فيه دوش..تاجهات نيشان للمراية...بعدما خشات جلايل القفطان فالمضمة و ولا بحال شي كسوة قصيرة... و بدات تااشوف فوجهها فالمراية.. لقات تحت عينيها كحل...و حناكها حومر...و شعرعا مشنتف ههه
نور(كاتقيس فوجهها و تاتغدد):ويلي ويلي!! من الصباح و انا معاه بحال هاكا!!!!!(خرجات عينيها)بلاتي اجي نشوف كيفاش كنت تاندير...
تقادات فالوقفة و و حنات راسها...من بعد هزاتو و هزات حتى عينيها بعفوية و بدات تاتشوف فالمراية..""زعما تاتقلد كيفاش كانت قبيلة""
نور(خنرات و ندبات حناكها):ويلي ويلي كي كنت!!!!...(حطات اصبعها الخنصر على البوطاجي و بدات تاتعوجو بتوتر و هي عاضة على شفايفها)امم ...و لكن هو اصلا قاليا تايبغيني بكل حالاتي..!!!(حطات يديها على وجهها و ترسمو ملامح السعادة على وجهها البريء)يااااااااااااي كاليا كانبغيييييك!!!!!(غمضات عينيها و بدات تاتفكر""نور اتا كانبغيك!"")احححح ناااري (حلات عينيها و شافت فالمرايا)احححححححححح ياااا ريي تانحمدك و نشكرك!!!!(تنهدات و حلات الروبيني و بدات تاتغسل وجهها بالصابون...شوية حبسات...و خنزرات ...شافت فالمراية بنفس التخنزيرة و الصابون فوجهها)وبكن شنو قصة مروة!!!!؟؟؟(غمضات عينيها بالزربة و بدات تاتمسحهوم)سسسس اااححح الصابون دخليا كاع فعيني سيري يا هاد مروة الله ينزل عليك النعلات!!!
غسلات وجهها دغيا و مسحاتو بالفوطة...رجعات وقفات قدام المراية و بدات تاتقاد فحجبانها لي تشعكو...و ضربات حناكها زوج ضربات خفاف باش ترشع فيهم الحمورية...رجعات شوية اللور و و حلات شعرها ...و حنات راسها لتااااحت حتى هبط شعرها بدات تاضربو بيديها ..بحلا تاتمشطو...من بعد هزات راسها دغيا و رجع شعرها...قربات للمراية و بدات تاتقاد فيه من القدام باش مايبقاوش الريزوات طالعين....فالاخير شدات الفوطة و خدات داك الجنب الحرش لي فيها و بدات تاتحك بيه فمها بشكل دائري باش تحرك فيه الدورة الدنوية و يحمار طبيعيا...
رجعات اللور و بدات تاتشوف فراسها باعجاب...و هزات حاجبها: دبا خاصني نعرف قصة مروة!!
خرجات من الطواليط و طلقات قفطانها و تاجهات للباب بلا مادوز لا هاكا لا هاكا..يعني ماجاهاش فضول تشوف شنو فالظار او تدخل لشي بيت ماشي بيتها..دارت شافت فمراية كانت حدى الباب...و بدات كاتقاد فقفطانها
نور(عوجات فمها و بظات تاتلعب بصباعها):اممم ماكلتيش ليا!! على مرو...
قاطعها اياد بعدما حط بدو على يدها:هاديك انور مابيني و بينها تاحاجة!!!
نور:(خنزرات)كيفاش؟!! و علاش كنتي تاتكول ليها ديك الهضرة قدامي!!
اياد...سكت شوية و ركن ابطوموبيل فالجنب و حبسها...و دار عندها و شاف مباشرة فعينيها و يديه شادين فيديها: نور...! ديجا كلت ليك بلي انا ماشي اي وحدة تانتعجب بيها!...و اصلا عمرني ماحسيت بها الشعور ...سواء اعجاب ام حب!! حتى الصديقات ماعنديش بزاف! نتي كنتي متميزة بزااااف!!! كنتي ماتاتشبهي لحتى بنت عرفتها فحياتي !!! كنتي تتصرفي بعفوية تانحس انني مرتاح و انا تاندوي معاك!! و كان بشوية بشوية تايتسلل شعور لقلبي ...شعور زوين بزاااااااف !!! وليت تانتفكر ضحكتك تانتبسم لا إراديا! تانتفكر شي لحظة معاك...و تانتبسم عاوتاتي!! وليتي شي حاجة زوبنة فحياتي!!!..ملي سولت على هادشي لقيت انه هو الحب !!!....
يعني انور الحب عرفتو غير معاك و عمر شي وحدة ماغاتخد بلاصتك فقلبي..يعني كوني مرتاحة مروة عمرها كانت ولا غاتكون حبيبتي و عمرني ماعتابرتها كتر من ختي...و لكن!
كانت نور متبعة و تاتشوف فعينيه بغينيها الامعتين...غير كمل هضرتو نطقات و هي على نفس الوضعية:و لكن شنو؟
اياد:(تنهد)هاديك بنت عمي!...(تايدوي و تايلعب بحجبانو كتعبير على الهضرة لي تايكول)كانت تاتبغيني شحال هادي!!...و كانت عتارفات ليا!! (صغر عينيه)ماشي شحال هاظي باش عتارفاات غاشي عام بحال هاكاك...كانت فاللول تاتلمح و لكن انا ماتسوقتش!! واحاد النهار عتارفات ليا! و لكن انا ماعجباتنيش هضرتها و وبختها...و من تماك وليت تانتفادى نتلاقاها او ندوي معاها!! مؤخرا..حتى لمن بعد ماتعرفت عليك...لاقاتنا ليام..رجعات لظاك الموال ديالها! و قنعتها و هاظ المرة كنت جدي كتر ندمتها على الهضرة اي كالت!!...و خصوصا حيت حاولات تقرب مني...و انا ماكانعتابرها الا اخت ديالي!!....و من بعد هاظشي ببومين..وصلاتني لخبار بانها حاولات تنتاحر!
كانت متبعة معاه باهتمام غير وصل لهنا و حلات عينيهل بتفاجئ:واش على ودك!!!😨
حرط رلسو بالايجاب:اه...هاشي لي قالتليا ملي زرتها فالسبيطار...قالو بلي نجات باعجوبة..فاللول ماتيقتش...و لكن من بعد جات دوات معايا ختها و لاقاتني بطبيبها النفساني...و شرح ليا الحالة ديالها قالي بلي الحل الوحيد باش ترتاح نفسيتها هو انني نوهمها انني كانبغيها...و نحسسها بالحب...لانها ناقصة حنان!!!...و هادشي علاش وليت تانتعامل نعاها هاكاك خوفا من انها تعاود تنتاحر...ولا شي حاجة !!!
نور(شافت باسف):اااااه (عوجات فمها)و انا لي تقت و كلت راك....(خنزرات)و لكن واخا هاكاك كان خاصك تكولها ليا ا اياد ماشي تخليني هاكا!!
اياد(شد خصلة من شعرها فيدو مما وترها):تفكري ...فينما كنت كانبغي نكولها ليك كاطرى شي حاجة او كاتخرج ليا هي من الجنب....راها مريضة !! و بغات تدخلني انا معاها فهاد المرض!! الصراحة مازال ماعرفتش كيفاش غانتهنى منها و لكن مازال غانرجع عند داك الطبيب!!!(غرق فعينيها)نساي عليا هادشي الموعيم هو الواقع..خلينا نعيشو دبا بلاماا نتحسرو على شحال هادي!!! انا كانبغيك دابا و من بعد ماكانتهيلش انني شي مرة غانكرهك!! هي باقي ماعارفتش بعلاقتنا و ماخاصهاش تعرفها بطريقة فجائية...!داكشي علاش خاصنا نتعاملو بحذر!
نور(عوجات فمها و شافت بقلق و تكبعات):شكرا ا اياد!
اياد(بنظرة حب و هو باقي شاد خصلة شعرها):علاش؟
نور(تنهدات):حيت حققتي ليا حلم من احلامي!!
اياد(بنفس النظرة):و لي هو؟!
نور(عنقاتو):هادا!!!!
اياد(ابتاسم و بادلها العناق و هو تايدوز يدو على شعرها و تايتنهد)
⭐⭐⭐⭐⭐
فدار ريم....ام نور..تاتقلب عليها..
غيتة(فودن ريم):بنتي ماشفتيش نور شتها غبرات مشيت شفت فبيتك ماكايناش!!!
ريم:(توترات و شافت فعمر لي شاف فيها بتساؤل)ا..ا نور(ضحكات)اااااه نور😂 هاها ها (حنات راسها بتوتر و حرج )نور...(نغزات عمر بلا ماتشوفها غيتة...لي كانت دايرة ليها ابتسامة ديال المجاملة لب مدرقة التوتر بيها)ااا...نور!
غيتة(تاتشوف فيهوم بزوج بتساؤل):فيناهيا؟!
عمر:نور ...اه هاهي(شير جهة الباب)
كانت نور داخلة بحلتها الانيقة متاجهة لجهة ريم و ماماها...
غيتة:نور؟!!! فين كنتي؟!!
ناعرفات نور ماتقول تلفات ليها الهضرة و تفكرات فين كانت و هي تبسم تبسيمة لا إرادية و قالت فنفسها*احح كون تعرفي يا ماما فين كنت😍*...:ااا كنت...
قاطعها اياد من اللور بعدما شد فكتف نور... الشيء لي سبب ليها السهانة من ضفر صبعها الصغير حتى لراسها(لانو ماشي من المفروض يبانو انهم كانو بزوج!)
اياد(و هو مبتاسم لغيتة):نور اخالتي كانت معايا!!...
غيتة(شافت بتساؤل):ااااه تخلعت عليها داكشي علاش و ملي كانت غا معاك ماشي مشكل!!!
حنات نور راسها بخجل...
غيتة:يالاه انور ملي تسالي اجي عندي ندوي معاك...
دارت نور شافت فاياد بتخنزيرة..و نطقات:اياد!!!علاش كلتي لناما كنا بزوج!
اياد(ابتاسم ابتسامة جانبية):باش ملي نجي نخطبك من داركوم تكون ماماك عارفة اننا تانتلاقاو كدى😂
ميقات نور بعينيها مع ابتسامة و شافت فريم لي كانت ابتسامتها وصلات لودنيها..جراتها هاد الاخيرة و جلياتها حداها و بدات توشوش ليها فودنها اما اياد فمشى عند عمر...
ضحكات نور..:هههه وا صبري مالكي خلي غير حتى تسالي الحفلة!!
ريم(خرجات عينيها ):واش كالها كالها؟!!!
حركات نور راسها بالايجاب و هي كاتشوف فيه بعينين لامعتين...
صفقات ريم بحماس و شافت فعنر لي دار شاف فيها بابتسانة حتى خو و غمزها...حولات نظرها لاياد و ابتاسم حتى هو....
نور(وشوشات فاذن ربم):الموهيم انا غانمشي عند ماما ...
ريم(خرجات عينيها):اااجيي!!! اجييي...
مشات نور تاتجري ..و مشات عند مها لي كانت جالسة مع العيالات...
نور(تاتشوف فمها و متجاهلة العيالات لي حداها):نعام اماما شنو بغيتي
غيتة(ضحكات للعيالات لي كانت مجمعة معاهوم):ههه هايا بنتي نور
وحدة من العيالات:تباااااركالله ماشاء الله اية فالجماااال!!! مشاء الله الله يحفضها ليك
دارت عندها انور و تبتمات ليها بلباقة من جانب الصواب
غيتة:(تبسمات لنور و ضربات على بلاصة خاوية حداها فالسداري باش تجلس زعما)نور ..اجي هنا..
جلسات نور حدا مها و حطات رجل على رجل و بدات تاتشوف امامها بعفوية..و راميا ودنها عند مها و المرى لي كانت معاها...
غيتة:ههه تباركالله الله يحفضو ليك
المرى:بدااارو تباركالله بطوميبلتو ما مخصوص من والو ناقصاه غا المرى لي تعمر عليه الدار
غيتة:(تبسمات ليها باعجاب)تبااااركالله و شحال عندو من عام
المرى:طااالع فخمسة وتلاتين!!! راجل !
غيتة:وا هادا هو الراجل!!
المرى:و نور بنتك شحال فعمرها؟!
تعصبات نور و خنزرات و فهمااات البلان و عرفات المرى علاياش كادق...و هي دور شافت فيها بحجبان مقرونين:عندي سبعطاشر عام ا لالا (غيربالعاني) و الى كنتي تاظقي عليا فانا ماباغاش نتزوج😑
صقلات المرى و بدات تادور فعينيها اما غيتة فتاهيا مركات و خرجات فيها عينيها...جمعات نور الوقفة هربا من اي قرصات قد تتلاقاهوم....و عربات عند ريم لي كانت حتى هي ناضت هي و راجلها و تمو خارجين من الصالون بالصلاة و السلام...و تاجهو للفوق تمو طالعين برفقة الناس لي هبطو معاهوم...تفارقات ريم مع عمر بعد ما قبل راسها و دخلات لبيتها برفقة نور....غير دهلات دورات الساروت و شافت فنور شوفة ديال الشر و هزات عليها الساروت كانها هازا السلاح الابيض و بدات تاتوجهو ليها و نور راجعة باللور حتى جلسات
ريم:امتى و وقتاش و كيفاش ؟؟!!! كولي كولي كولي كللللشي!!😍😍
ضحمات نور على تصرفها و جمعات يديها عندها...و بدات تاتشوف قدامها بععينين لامعتين...و تادوي..
نور:مشينا لواحاد المنحدر...و تمى قاليا شي هضرة (حطات يدها لي كاترعد على قلبها)عرفتيييي بزااااف (كاتدوي و عي عاضة هلى شفايفاها و مرسومين على وجهها كل علامات الحماس)شش..د فيدي و ووو (تنهدات)كاليا نتي اول وحدة بغيت و ...(شدات راسها)ماعرفتش ماعرفتش خدرني ديك الساعة تهزييييت من فوق الارض و مشبت لعالم اخووور...دبك الهضرة لي كال لياااا تلفاااتني...مانقدرش نوصفها هههن واخا نقولها ليك دابا ماغايوصلوكش المشاااعر (غمضات عينبها و عضات على شفايفها)ايااااد هههه(حلات عينيها و حطات يدها على فمها)كايبغيني ارييييم كايبغييييينيييي!!!!!(بدات كاتنش على عينيها باش تحبس الدموع)حلمي تحقق!!! عمر كانت فبالي حتى فكرة اني غانتلاقاه!!! ههههه تخيلييي.!!! مانكدبش اني فعلا كنت طايحة فيه واخا غير من السوشل ميديا!! ماعرفتش واش هاداك حب ولا ماعرت...و لكن كان اعجاب كبييييير و كانت بالنسبة ليا حاجة مستحيييييلة نتلاقاه كنت تانقول انو ماماين امل ...غانبقى غير فان عاظية بحالهم كاااااملات ...!!!ولكن!!!!
ريم(ضحكات بحنان و شدات فيديها):القدر.. القدر...بغاك تكوني معاه و الا لاحظتي راه ماكانتش غير طريقة وحدة لي غاتلاقيك بيه...راه كانو بزاااف...اول وحدة عن طريق الفيديو...تاني وحدة...انه صاحب عمر ...و عاد انه شريك باباك!!!....يعني كنتو غاتكونو لبعضياتكوم سواء انطبقت السماء على الارض!!!..
نور:(ابتاسمات بعفوية و عينيها بداو عينيها تايلمعو)ههه بصح!!! الحمد لله!!
ريم:(ضحكات تا بانو سنانها)واشتي كلت لبك حتى نتي غاتزوجي بلي كاتبغيه!!
ريم(خرجات فيها عينيها):ويلي الحمارة سكتي!!!...اصلا داكشي ماغانديروه تالمور العرس...!
نور(ضحكات عليها):ههههههه وا تي سيريييييي دبا راه ولى خلال عليه كلشي😂😂 مشييييتي فيها!!
ريم(ضرباتها بمخدة):ايوااا راااجلي هاداك من حقو الا بغى ماغانمنعوش😑
نور(حيدات المخدة من وجهها و بدات تاضحك عليها)هاي هاي هاي على بل سافالية الخرى طلعتي ماساهلاش!!
ريم(دارت ابتسامة جانبية و نطقات في اطار تغيير الموضوع):اجي بعظا كاليك على مروة؟!
نور(عوجات فمها و شافت بجدية)كاليا!!! و داكشي جاني فشكل!!
ريم: حتى انا كالها ليا عمر عاد قبايلة!
نور(وساعو عينيها):كان عارف؟!
ريم:وا راه صاحبو ضاروري ماغايكون عارف....كولي ليا اش بان ليك؟!
نور:وا صراحة البنت زعما...مربضة خاصو يدير معاها الخاطر حيت الا وقعات ليها شي حاجة غايجيه تأنيب الضمير...كال ليا بلي غانبقاو انا وياه نتصرفو عادي باش مانشككوهاش..! حتى يلقى شي حل!
ريم(خنزرات فيها باستهزاء و هزات يديها لفوق بمعنى سطوب)بلتتي بلاتي!! واش ماكاتفرجي فافلام ماماتقراي قصااااص؟؟؟!
نور(هزات حاحب و هبطات لاخور):كيفاش؟!
ريم(عوجات فمها و خنزرات فيها):نتي و الله تا نية بالله!!!...(جمعات صباعها)انا غانشرح ليك!....دبا ديك ختنا لقات اياد تاهو نية كتر منك...و دغيا لعبات عليه ...و المشكلة لعبة ديال الدراري الصغار!! مشات جابت سيناريو ماماينش شي مسلسل ولا قصة و مادازش فيه..!! حقا ما حقا نتاحرات حيت كاتبغيه!!! ...باينة هاد ختنا متاترة بالمسلسلات التركية!!..و الهنود!!
نور(بملامح تفاجئ):شنو؟ زعما تكون تاتكدب؟!!
ريم:واماشي زعما!! راها كاتكدب!!..(دوزات صبعها على لسانها و من بعد مسحاتو فالحيط)وهاهي الا كنت هضرتي ماصحيحاش!!!
نور(دورات عينيها و بدات تاتفكر..و تااتحك فراسها):دبا مروة غير تاتكدب!!!(خنزرات)يعني خاصني نكولها لاياااد!!
ريم:اوييييلييي على الهبيلة!!!...راه تايكون المتل تبع الكداب تالباب الظار...داكشي لي غايدير اياد...انا غانفكر ليها فشي خطة!! لي طيحها فالشبكة و نشوهوها مع اياد غير بالفن حيت ديك الساعة ماغاتبقاش تبان قدامو..!
اما ادادا الفهيمة الا مشيتي و كلتيها لاياااد!! شنو غايدير فنضرك؟!!طبعا غايمشي عندها و غايغوت عليها...و هي طبعا غاتمسكن عليه و غاترد الكرة لجهتها...و غاتصدقي نتي لي طيحتي الباطل!!...اللهم نفضحوها غا بالفن!!(شافت بنفاذ صبر)تانكولبكيما خدمي عقلك عقلك!!! وا كاتفقصييييني!!...
نور(ضحكات بشر):و اللعيلا عندك الصح...تفو تانا مكلخة!! (حركات يظيها مع بعضهوم)اححح شحال عزيزين عليا الخطط...(شافت فيها ببرائة)خصوصا ملي تاتخططيهوم نتي!!!
و ريم هازة عينيها فالسمى و تاظوي فنفسها:اوففففف ها الشمس غربات يعني احتمال دوز طيارة فيها (would you marry me) تحيد (شافت فيه و لقاتو تايشووووف قدامو و بحالا كاعما مسوق)اوديييي معامن انا
فجأة دار شاف فيها عمر و نطق بملامح بشوشة: يالاه نمشيو نتعشاو فشي بلاصة و نوصلك لداركوم راه ضلام الحال....باش يالاه توي راسك لغدا 😍
ريم(شافت لفوق بياس و ناضت):اوك يالاه!!!
فتفسها:بفففف كاعما مسوق غير نحيد زبل من بالي...صافي اصلا غانتزوجو...و المغاربة كاعما فيهوم ديك الرومانسية دالمسلسلات التركية...بففف
ناضو و تشادو و تمو غاديين باتجاه الباركينغ...ركبو فالسيارة و نطالقو..بعد دقائق وصلو لمطعم راقي ماكنش بعيد بزاف...دخلو و جلسو فمطعم طلبو العشاء و جلسو تابدويو...
ريم(بابتسلمة خجولة):اااا عمر...
عمر(شافيها عمر بعينين لامعتين):نعام😍
ريم(ردات شعرها ورى ودنيها و نطقات بخجل):د..با حنا غانتزوجو؟؟!
عمر(ابتاسم و شد فيديها):ههه اه غانتزوجو...و غاتولي حلالي و ديالي بوحدي و غانخليك تعيشي احلى ايام معايا!!!
ريم(ابتاسمات بخجل):ههه و لكن و..واش؟؟
قاطع حديثهم النادل لي حط ليهوم الماكلة...و زاد
عمر(شد الفورشيط و الموس و حرك راسو بتاسؤل مع الابتسامة طبعا): شنو كنتي باغا تكولي؟!
ريم(خرجات عينيها و نطقات فنفسها: احم...بلاتي بلاتي مانزربش!!!باقي امل فان الخاتم ايكون فالماكلة)ا..ا لا والو...ممم هاظشي تايبان تايشهي ....
حنات راسها و بدات تاتاكل بزربة و لسانها تايدور وسط فمها تايتلمس الماكلة املا في ان يجد ذلك الشيء المعدني....كلات ريم الطبسيل كامل و والو مالقات تاحاجة!
هزات فيه عينيها بحزن لقاتو تاياكل بشوية و مازال ما وصل حتال النص فالطبسيل
عمر:(ظحك)ريم!! ساليتي ههههه واراك سريعة
ريم(عوجات فمعا و دوات تحت سنانها)و نتا بطيء تفووو تانا تانفكر بزااااف كلت السيد كابر ففرانها و باريس و الرومانسية و داكشي...فالاخير....اوديييي
كمل عمر ماكلتو...و جاب ليهوم الناظل الديسير...غير تحط ريم رجعات اللور و ماحطاتش فيه يدها شاف فيها عمر ش بتساؤل
عمر:ريييم واش ماعجبكش؟!
ريم:(ببتسامةديال بزز)لا لا غير تقلت...
عمر(دار فيها مقلق): كولي اريم ولا غانتقلق...و زايدون انا طلبت ليك هدا بالشكلاط حيت عارفك كاتموتي عليه...
قربات ريم للطبلة و هزات الفورشيط باش دير ليه خاطرو...و هو كان مراقبها بترقب...
جشات ريم ففمها طريف صغير...و حطات يدها على حنكها و دارت شافت جهة الشرجم و بدات تاتندغ بشوية...فجأة خسات بشي حاجة معدنية ففمها نزلات يدها من على حنكها و دارت عند عمر بالعرض البطيء و هي راسمة على فمها ابتسامة عجيبة...هزات يدها جهة فمها و جبدات الشيء لي حسات بيه...و كان فعلا خاتم...بقات تاتشوووووف فيه ريم كانها تصدمات...اما عمر فكان تايحاول يقرى افكارها عن طريق تعابير وجهها..
تحولات رد فعل ريم الجامدة الى ضحكة بقات غادة و كاتعلى حتى ولات بصوت مرتفع..:هههههه و الله حتى كنت عاااارفة عرفتك غاظيرها!!!!(عضات على شفايفها و بدات تاتشووووف فالخاتم
عمر(شد الخاتم من يديها و بدى تايشوف فيه و هو مبتاسم):هادا ماشي خاتم عادي!! مامشيتش و شريتو من عند صاحب المجورات... (هز عينو غيها و كمل)هادا كنز متوارت من شحال هاادي...الواليدة كانت عطاتو ليها جداتي ملي كانت غاتزوج بالواليد...و جداتي حتى هي عطاتو ليها ام جدي ملي كانت غاتزوج...يعني هادا شي حاجة قَيِّمَة بزااااف...!!! و الحمد لله حتى انا لقيت لي تستاهل هاد الخاتم...!كانحمد الله و نشكرو لانه رسلك ليا!! نتي واحاد النسانة مميزة واخا تعرفت عليك فوق قصير الا انه كتاشفت حوايج فشخصيتك جدبوني بزاااف و قلت انه واخا نبقى نقلب حياني كاملة ماغانلقاش بحالك...انسانة طيبة و خلوقة و ..كاتفهميني...انا وياك متفاهمين بزااف !!(فهاد الاثناء خدمات اغنية"will you marry me--jason derulo")
و ناض عمر قاد كوستيمو..و وقف تحت انظار الجميع ...و شاف فريم لي كانت متاترة و دموعها تاينزلو من عينيها لي تايشوفو فيه بكل حب...و بدى ياشوف فيها حتى هو بكل حب..و نزل على ركابيه و تسنى حتى وصلات الاغنية لمقطع(i'll say will you marry me) و نطق حتى هو على غرار الاغنية..
عمر(بعينين لامعتين و هو شاد الخاتم فيد و اليد الخرى شاد فيدها):will u marry me?!
وساع فم ريم اثر الظحكة لي ماقدراتش تحبس رغم الدموع..حطات يدها الخرى على يدو و نطقات بحماس : علاه نتا عاد غاتسولنيي!!! اكيد موافقة 😍
ظحك عمر و دخل الخاتم فيدها لي كانت تاترعد...تحت تصفيقات الناس لي كانو فالريسطو...
غير سالا رجع جر الكرسي و جلس و بدى تايشوف فيها بتامل ..كانت شادة صبعها لي فيه الخاتم و تاتشوف فيه...
عمر:(بابتسامة توحي للسعادة)عجبك؟
ربم:(حركات راشها بمعنى لا مما صدمو فاللول)ماعجبنيييش! راه حمقني!!!...(كادوي و تعابير وجهاا تايغبرو تاهوما كان باين عليا التاتر و السعادة)...ديما تاندير الخواتم فصبعي و لكن هاد المرة حسيت بشعور اخووور...حسيت بشي حاجة كبيرة فيدي شي حاجة دات قيييمة!!!
حلم الراقصة الصغيرة الجزء الرابع
محتوى القصة
التنقل بين الأجزاء