اياد:ههههه وا طلعتي رومانسييي😉 الخاتم فالحلوة و داكشي😂
عمر:الحب! الحب! تايخليك دير شي حوايج فشكل
اياد: (تنهد)ايي و الله ماكدبتي!
فهاد الاثناء حطو ليهوم العشاء و كلشي بدى تاياكل...
⭐⭐⭐⭐
صفية:(كادق على البنات)البنااات...ريم..
ريم(ضربات راسها بيدها):تانا باقا مخلية الباب مسورت....صبري امامااا...
دورات الساروت و حلات...
صفية:تعالو البنات تعشاو معانا(حركات يديها لنور بمعنى اجي)
نور(رفعات يديها بزوج و حركاتهوم):لا لا اخالتي و الله ماقادة
ريم:حتى انا اماما و زابدون داكشي دسم و غايغلضنا هههه
صفية:ههههههه واخا واخا عارفاااكوم...الموهيم بدلي حوايجك و لبسي شي حاجة زوينة راه غاتبات عندنا خالتك نادية(ام عمر)
ريم:هههه واخا اماما...
مشات صفية و شافو البنات فبعضياتهوم...
نور:اممم بان ليا خاصني نمشي انا ...زغعما ماغانباتش عندك!
ريم:اويلي لا غاتباتي كالاك
نور:(ضحكات)واتييي سيييري نتي راه خاصك تبركي مع عكوزتك و تفاهمو و شحاااال من حاجة انا خليني نمشي لدارنا نرتاح(شدات خصلات شعرها و بدات تاتلعب بيهوم و هي تاتشوف الفوق)و نبات تانحلم باياد'يم
ريم:(ميقات و ضحكات عليها)صافي درتي اياد و نتي تقلبي وجهك الكيدارة
نور(شافت فيها بسخرية):انا؟!!! الله يعطينا وجهك!...على الاقل انا و اياد مازال غير فمرحلة الحب و التعناب...اما نتي ازين راك تسجنتييي فالقفص الذهبي!!...(فتحات قوسين بيديها و هزات حجبانها تاتستافزها)تسجنتي!يعني سجن..! سجن!
نور(طلقات منها و ضحكات عليها بعدنا خلات الباب):ههههه من نيتك؟!! راك وليتي مرت الراجل!! اختي شكون كاليا يمشي يدخل عليك فاليي....
خرجات ريم عينيها و لاحت يديها على فمها سداتو قبل ماتكملها...:سوس! سوس!(سكتي بالتركية)...سكتي !! راه لباب محلول لمك!!
نور(كاوي تحت يدها و تاتعبر بيديها):ممممممومووممما(حيدات ريم يدها)اوفففف خنقتيني!!(ضحكات و هي تاتستافزها)الموهيم انا مشيت تهلاي ليا فنسيبي(طلعات فيها و هبطات بسخرية و هربات)...
عبطات ريم تاتجري بقفطانها لي تايطيتطاير...بانت ليها امها واقفة وسط المراح تادوي مع صفية و نادية...و تاجهات لعندهم..
غيتة(تاتنعت لنور):هاهيا جات نيت...
نور:(اشارت لراسها)انا؟! بغيتيني؟!
غيتة:اه ابنتي يالاه نمشيو...
نور:اااه واخا..
غيتة:يالاااه مبروك مادرتو!! العقوبة للعرس نشاء الله
صفية:نشاء الله نحضرو لعس نور تاهيا راه بحال بنتي!
نادية:العقوبة ليك تاتتي تفرخي ببنيتك...(كانت نور تاتبسم)
غيتة:ربي يخليكم..!
نادية:ساايني نعيط على عمر يجي يوصلكم!
غيتة:لا لا بلا مانعدبو العريس هههه
نادية:ماكاين لا عداب لا تا حاجة..(فهاد الاثناء كان عمر و اياد نازلين من الدروج...لاحظات نادية وجودهم و شيرات باتجاههم)هاهو نيت....
تاجه عمر رفقة ايلد عندهوم....و اياد تركيزو كان غير عند نور لي غير شافتو تبسمات و حنات راسها بخجل...اما هو فكان داير ابتسامة جانبية خفيفة...
عمر(ضحك ببشاشة و حط يدو على كتف امه و صفية و شاف فغيتة و نور):صافي غاديين؟!
غيتة(ابسمات ليه):اييه اوليدي تعطلنا...مبروك عليك الله يكمل عليكم بالخير
تبسم ليها عمر و ضحك و هو تايشوف جهة نور لي مبتاسمة بخجل حيت اياد يحدق فيها:العقبة لنسيبتي!
ضحكات نور و شافت فيه و هو يشير بعينيه لاباد و غمزها و هي تحني راسها...
نادية:ولدي وصلهوم راه ضلام الحال بلاما يرجعو وحدهم
عمر:اهاه نو...
قاطعو اياد و هو تايخبط على ضهرو بجهد:ههه بلاما نعدبو العريس انا نوصلهم اخالتي!
عضات نور على شفايفها و هي حانية راسها
نادية:بحال بحال اولدي...
تبسمات ليه غيتة و بدات تاتسلم على العيالات و ففمها عبارات التهنئة و الصواب...
خرج اياد متقدم غيتة و نور....حل ليهوم الباب و طلعات غيتة جلسات فالمقعد الامامي و بنتها جلسات فالباكسيت...
دبمارا اللوطو و نطالقو...
غيتة:ايوا اولدي اياد امتى نفرحو بيك تانتا
اياد:(شاف فنور من المراية لي كانت مقابلة مع وجهها)قرييييب قريييب اخالتي..!
غيتة(حطات يدها على فمها): الله يرحمهوم اولدي مايسحابش ليا!!! سمح ليا اولدي
تبسم اياد:عادي عادي اخالتي...
تاترات نور لور...و تفاجئات شيئا ما حيت ماكانتش فراسها...
بعد مسافة طريق وصلو للدار و نزلو بعدما ودعو اياد...
غيتة(تاتشوف فطوموبيلة اياد لي مشات باسف):مسكيييييييين بقى فيا..!
نور(بحزن):عمرو ماكالها ليا!
غيتة:مسكيييين(دورات وجهها بالعرض البطيء عند نور و هي تاتشوف فيها بشر)تسحابيني نسيت اش درتي قبيلة...زيدي قدامي زيدي قدامي...
طاح لنور المى فالركابي و حلات الباب و طلعات تاتجري...
بعدما مشى تلجمبع و خوات الدار....بقات غير نادية و ولدها و ختها(سناء) و لنتها الصغيرة صوفيا(17 عام) و بقات حتى واحاد خالت ريم عندها29 عام...و طبعا عمر..!..هاد الاخير لي هلى الجميع فالصالة تايدويو و تايشربو اتاي و مشى طلع تايتسلت...حل عليها على غفلة(ريم طبعا) و هنا كانت صدمة الاثنين معا!!!
كانت ريم يالاه طلعات السمطة ديال السوتيامات...و كانت تاتشوف جهة الباب غير شافت عمر و هوما يخرجو عينيها و تبلوكات...دغيا هزات الفوطة لي كانت مليوحة فوق الناموسية و دوراتها عليها...
اما عمر فنلامح المفاجئة باقين مرسومبن على فمو ماعرف شنو يدير...بقى غير واقف تايشوف...
ريم(حنات راسها بالحشمة و دوات مترددة بحروف متقطعة):ع..مر...ع..اف..اك خرج...
سكت عنر لثانيتين و هو واقف لبلاصتو...شوية بدى غادي و تايقرب لجهتها بابتسامة خبيثة و هي ركابيها خواو و قلبها بايخرج من بلاصتو طاحو فبالها كاع السيناريوهات الخايبين...متحدو كايقرب ماحد رجليها تايترعدو و قلبها تايزييييد فالوتيرة ديال الضريب..و تنفسها تخربق... بقى تايقرب ختى ولاو بيناتهوم خمس سنتمترات...نطق و هو قريب من فمها بزاااف لدرجة ان انفاسهوم كايتضاربو...
عمر:انا راجلك دبا!...ماعندك مناش تخافي!(شد ذقنها بيدو و هز راسها حتى تلاقاو عينيها بعينيه)دبا نقدر نشد فوجهك و نشوف فعينيك كيما بغيت...نقدر نلمسك (باسها من حنكها)نقدر نبوسك!
نور غامبلقة عينيها و تاتشوف فراجل غادي و كايزعم!....شد وجهها بيديه بزوج و بدا تايقرب وجهو بشوية بشوية و عينيه مفيكسيين على فمها...ريم بكترة السخونية لي طلعات معاها كانت غادوب...سهاااات للحظة و لكن غير شافت فمو غادي و كايقرب مابانت ليها غير رجلها هزاتها تالسمى و سيفطاتها لمكان ابنائهم المستقبليين..خرج عمر عينيه و شد مكان الضربة و غوت "اووووو"
ريم خرجو عينيها و ماعرفات مادير...هزات بقيت حوايجها و دخلات تاتجري للطواليط...و خلاتو تايتوجع...😂
⭐⭐⭐في الغد⭐⭐⭐
فافت ريم هزات تيليفونها لقات التمنية و نص ديال الصباح...لاحت الغطى و ناضت دغيا غسلات وجهها و مشات شافت وجهها فالمراية ...تفكرات لبارح...جاتها الضحكة...غير هرجات من الطواليط لقاتو خرج و مابقاتش سولات عليه..خر٠ات من بيتها و سمعات الهضرة فالكوزينة و تاجهات عندهوم...
دخلات شدات الكرسي ديالها فتلسال امنوجي بعدما سلمات عليهوم من جانب الصواب..
رقية(حتى هي خالة ريم):ايوا امتى ناويين ديرو العرس...
صفية:دبا دارو الكاغط و تهناو و العرس نشاء الله يكون فشهر تسعود...ياك اختي نادية(مع العلم انهم فشهر سبعة)
نادية:اه داكشي لي غايكون نشاء الله..!
صوفيا:اياااه بيتو ديروه فالقراية و انا عندي الباك! (تكبعات)ايوا هي مانحضرش
ريم:اويلييي على الهبيلة راه شهر تسعود يالاه تادخلو و تاتشدو بلايصكم...القرلية تاع بصح ماتاتبدى تالشهر عشرة...و وايدون الى ماجيتيش نتي انا كاعما دايرا العرس يالااااه
صوفيا(ضحكات):هههههه من نيتك اش بغيت انا كاااع بشي باك نجي نحيح فعؤس ولد و بنت خالاتي!
سناء:دابا نوريك اش باغا بشي باك
بقاو تايضحكو و تايدويو فمواضيع مختالفة...
☆°•☆°•☆°•☆°•☆°•☆°•☆°•☆
فاقت نور على صوت التيليفون تايصوني..رمات يديها على المجر و بدات تاتقلب عليه بعينيها مغمضين...حتى هزاتو و هي باقا متكية و عينيها معمشين بزز باش حلاتهوم...غير شافت النمرة تحلو عينيها مزياااان و لاحت الغطى و تقادات فالكلسة و جاوبات كانها ماكانتش ناعسة...
نور:الوو...
اياد:صباح النور يا نور عينيا
عضات نور على شفايفها و و بدات تاتنش على راسها :ههه كيصبحتي بيخير؟
اياد:على لي يمسي و يصبح عليك بغيتيه مايكونش بيخير؟!
نور(باقة على نفس الوضعية تاظوي و تاتخصر فوجهها و تاتعض على شفايفها و قلبها تايدردك...و حاطة يدها على حنكها لي طلعات معاه السخونية و حمار):ههه..ماتبقاش تحشمني!
اياد:هههه انا بالذات اخر واحد تفكري تحشمي منو!!...قريبا غاتولي مراتي..!
نور(خرجو عينيها):ا..ا؟!
اياد:ههههه الموهيم...
عرفتك عاد فايقة من النعاس...نوضي غسلي وجهك و فطرييي مزيااان!
نور:(عوجات وجهها بغنج)و باش عرفتيني عاد فقت هههه
اياد:هههه سر المهنة هاداك!
نور(عضات على شفتها الفوقانية و خزات عينيها الفوف):اممم...غانتلاقاو اليوم؟!
اياد:اممم...للاسف لا!! ..
بفف غانتلاقى مع ريم الحات عليا باش نحضر ليوم لواحاد المباراة ديال التنيس نشاركة فبها فواحاد الكلوب...و راك عارفة..
نور(حكات و را راسها و عوجات فمها باسف)امه اه...عرفت...ماشي مشكيل انا غانمشي عند ريم...
اياد:اممم...ايلا كنتو غاتخرجو اجيو للكلوب****(قاليها اسمو) راه اصلا تما غايكونو بزاف دالناس...و نتوما غاتكونو غير دي سبيكتاتوغ عاديين ماغاتلفنتوش الانتباه..
نور:اممم دبا نشوف..
اياد:اوك ا نور عينيا...و ماعنرك تنساي اني تانبغيك!
قطع و خلى نور تاتغلي فوق الناموسية بالفرحة مصبحها على الهضرة الزوينة و طاقات كلها ايجابية...و لكن فنفس الوقت ماعجبهاش الحال ملي ذكر مروة....داكشي علاش ناضت دغيا غسلات وجههاو قضات حاجتخا...و خرجات تاتجري هزات التيليفون ووزات لابيل لريم....
°☆°•☆°•☆°•☆°•☆°•☆°•☆°•☆°•☆°•☆°•☆°•☆°
باقة جالسة ريم مع العائلة تايفطرو و يضحكو حتى صونى ليها التيليفون..عتادرات و ناضت جاوبات خلاتهوم تايتغامزو سحابلهوم عمر😹
ريم:الوو نور..
نور:الوو كيصبحتي؟!
ريم:اةيليي غاسكتي فضيحتي انا فضييييحة!!
نور:اويلي اش درتي تان!
ريم: نعاودها ليك كي الخرافة...اخني هرجت من الدوش يالاه نويت نلبس حوايجي و هو يتسلط عليا عمر ماعرفتو منين خرج!!!...بقى غادي و كايزعم و مان ناوي....
نور:هاويليييي!!! و قضيتو الغاراض؟!
ريم:هاويلي لا....واراه ماعرفتش كيفاش هزيت راسي تالسمى و عطيتهالو للمعلم!...و المشكلة خرج معصب!
نور:شناواا؟!!!! اويليييييي واش منيتك؟!!!! واش عند مخ ولا عجينة؟!!! اودييي على لي نضل نشكر فيها و نكول دكية!..راه الرجال ماكايبغيوش لي يضربهوم تما راه تايعاودو عليها قاااااصحة!....واش بغيتيه يطلقك و نتوما مازال مادارت عليكوم حتى ربعة و عشرين ساعة؟!
ريم:اوووف...واراه زرب عليا و ماعقلتش على راسي!!..دبا اش خاصني ندير؟!
نور:واخاصك دعي الله مايكونش درامي!!و ماتانضنش غايكوليك شي حاااااجة غير حزريه!
ريم:اووفف واخا!!
نور:ايوا؟!! فكرتي ليا فشي خطة؟!
ريم:اا...واراه تا هيا مشات من بالي!!!
نور:اودييييي على لي عولت عليها!!
ريم:اوووففف و تانتلاقاو و نشوف...
نور:غانتلاقاو دبا؟!
ريم:اه...صبري غير نقولها لماما و نلبس حوايجي و ندوز عليك!
ريم خرجو عينيها بالفرحة حيت عتقوها من شوهة محتمة😂😂...ضحكاتتا بانو سنانها :بالفرحات عليا هي اللولة...
صفية: ههه..كنت باغاها طيب لينا ليوم الغدى
رقية:وا تانتي يام الله طويييلة!
صفية:هههههه
صوفيا:يالاه انا غانمشي نلبس دغيا
ريم:حتى انا....يالاه!
بعدما وجدو راسهوم...وصل عمر و دوى معاهوم فالانترفون باش ينزلو....هبطات ريم مترددة و خايفة...وقفات قدام الباب كايبان ليها قدام الباب فالطوموبيل تايشوف نيشان قدامو....حلات الباب ديال المقعد الامامي و جلسات...حامعة بديها عندها و حانية راسها...
صوفيا:يالاه اولظ خالتي دينا لشي بلاصة زويينة!!
عمر:(ضحك وش شاف فصوفيا من المراية)هههه هي اللولة...
ريم في حوار مع نفسها كانت تاتقول نكولها ولا مانكولهاش..فالاخير غمضات عينيها و نطقات:اممم...و..ولك..ن خاصنا ندوزو على نور دايرة معاها!!
عمر(حط يدو على يدها مما فاجئها):واخااا امراتي العزيزة
دورات ريم راسها و شافت فيه بملامح صدمة...و دار حتى هو شاف فيها بابتسامة...و ديمارا...
بعد دقائق وصلو لدار نور لي كانت تاتسنى...طلعات و القت السلام و سلمات على صوفيا..
صوفيا:انا بنت خالتهوم...
نور:متشرفين...عمر..واش حتى نتا عارضة عليك ديك المنتوفة؟!
عمر:(ضحك بجهد)ههههه واش مروة؟!!
نور:اه كاليا اياد عندها شي مباراة دتنس ولا ماعرت شنو...!
نقزات صوفيا:تنس؟!!! انا تانموت على تنس ديوني نتفرج بليييييز
عمر(شافيهوم من المراية بتساؤل):نمشيو للكلوب؟!
ريم:بلاتي بلاتي شرحو ليا!
نور:وا غير هاديك مروة مشاركة جبونص فشي كومبيتيسيون ديال التنس و نمسيو حتى حنا نتفرجو...
صوفيا:اوففف تانا تانعرف للتنس زعما نقدر نشارك...
عمر:ههههه وا تانوصلو و نشوفو الا كانو باقين تاسجلو ندخلوك حتى نتي معاهوم...
فهاظ الاثناء ريم عقلها كان تايدور هاد المعلومات فراسها..و مانت تاتقول فنفسها: مروة...تنس...صوفيا..عمر...امممم هههههه ...(دوات بصوت مرتفع)لقيتها!!!!!
نور(بتساؤل)شنو؟!
ريم(ضحكات بشر بينها و بين نفسها و هي تاتشوف قدامها و عينيها تايدورو و باين انها تاتفكر):ههههه والو!
بعد دقائق وصلو للكلوب لي كان كبير و فخم..جعل الفتيات كاملات ينصدمو و يبقاو حالات فمهوم...و طبعا تاوحدة مابينات...نزلو من اللوطو و تبعو عمر مشادات ب3 ..تاجه عمر لريسيبسيون و بدى تايدوي مع البنت لي كاتت تمى...كانت زعة و جامعة شعرها على شكل كعكة و ضاربة تعكيرة فالحمر غااااامق..رمقاتها ريم بعينها...و بقات تاطلع و تهبط فيها..مدات تاتلعب بلسانها وسط فمها بعصبية...خنزرات و مشات خشات دراعها فدرعو و عنقاتو من الجنب...
دار شاف فيها عمر بتفاجئ و ضحك و رجع شاف فالغيسيبسيونيست..:ختي عندكوم اليوم شي كونبيتيسيون ديال التنس ياك؟
الغيسيبسيونيست:وي موسيو...و لي كونديدا راهوم موجودين و قربو يبداو ابا بغيتو تفرجو راهوم غايلعبو فلا سال دو تنس الكبيرة...تقدر تمشي تفرج الا بغيتي حيت مشتارك معانا فالكلوب...اما بالنسبة لبنيتات فخاصهوم يخلصو!
خنزرات فيها ريم و طلعات و هبطات
عمر:اممم...واخا ولكن انا بغيت ندخل هاد البنت للمسابقة الا كان ممكن!(شير لصوفيا)
البنت:نو شوي طخي طخي ديزولي!! كون جات قبل!..اي اون بليس كيخاصها تكون مشتاركة معانا..!حيت فهاد المسابقة ختارو غير تمنية دالناس لي كايلعبو باحترافية!..
عمر(شاف فصوفيا باسف):اممم او ماكاينش كاع شي فرصة؟!
البنت(باسف):امم دوماج💁..
فهاد الاثناء جات واحاد البنت و هضرات مع الغيسيبسيونيسط لي بعدما سمعات شنو قالتلها جاوبات:اواه !!!فدوى المنصوري..نساحبات من المسابقة ديال التنس!!
جاوباتها البنت باه...و هنا عمر شاف فيهوم بزوج و شاف فصوفيا و ريم و نور لي كانو تاهوما تايشوفو فبها...نطق ببشاشة و هو موجه كلامو لريسيبسيونيسط:ا...سمحي ليا نتدخل...واش شي بنت نساحبات؟!
البنت:(باسف)وي دوماج...دبا خاصنا نعيطو لشي بنت اخرى و شووووف واش توافق...!
ضحك عمر و شاف في صوفيا بحالا تاينعتها ليها...فهماتها من طيارة و جاوبات:اووو نون مسيو عمر كيخاصها تكون مسجلة معانا من شحال هادي!
ربم(ابتاسمات بخبث):البنات بغيتكوم واحاد الدقيقة على انفراد!!
خنزر فيها عمر: شنو زعما تاتكولي ليا سير فحالك بطريقة غير مباشرة ولا شنو؟!!
ريم(شافت فيه ببرائة و قربات من و شدات فيديه):لا اراجلي العزيييز غير هو شي هضرة ديال البنات و صافي اوك(همسات فودنو باش مايسمعوهومش صوفيا و نور...و كانت قريبة لوجهو بزااف و و انفاسها الدافئة تايضربو فعنقو)و سمح ليا على البارح..!
عمر:(همس فودنها تاهو)كاينين طرق اخرى باش نسمح احبيبة...(بصوت مسموع)ولكن على العموم هانا كاندور غا هنا سيرو دويو فاش بغيتو!
سرطات ريم ريقها...و بعدات بشوية بشوية و هي تادور هضرتو فراسها...لتاحقات بالبنات لي كانو واقفين حداها..
صوفيا:اختييي رفقا بمشاعرنا راه حنا باقات بايرات!
ريم(طلعات فيها و هبطات بسخرية):شوو البعيليكو مازال ماكملتي تاتمنطاشر عام و وليتي بايرة..
نقزات نور: كلتها تا انا لي عندي 21 عام!!
صوفيا:هههه صافي صافي قصدت زعما غا عازبات😂
ريم:ههههه الموهيم خلينا من هادشي اجيو لهيها
شيرات لواحاد الطبلة..و مشاو جلسو فيها..
ريم(بنضرات شريرة...شافت فنور و نطقات):لقيت ليك خطة جهنمية!!
نور(شافت بحماس و عضات على شفايفها):اواه حلفيييي!!! سربي سربي كولي!!
ريم(ضحكات و شافت فيها):هههه وا سمعي الخطة و من بعد نشرح ليك كلشي اصلا نتي هي البطلة ديال هاد المسلسل لي من اخراجي 😂😂
شافت صوفيا بنس التساؤل و الفضول و استامرات ريم: همممم...احم احم...مع انا مبلية بالقصص...و مبلية بالمسلسلات...جبت ليكوم خطة مستوحاة من عدة قصص و مسلسلات ههه...
نور(بفضول):وا طلقينا طلقينا دغيا!!!
ريم:احم احم....
PAUSE▶
جاهزات يا فتيااااااات
هاي هاي سلمى
لاااااا اسمااااعكن
هاي هاي سلمى
تووووووت من هي صاحبة الخطط الشريرة
ريم صاحبة نور !!!!
هههه سوري تحمست شوية!
✨عدنا✨
ريم:(ردات شعرها لور بعجرفة و ضحكات بحماس و بدات تاتهضر):دبا صوفيا دخلات للمسابقة!!..و طبعا انا هادشي لي كنت باغة و حتى كون مادخلاتش بديك الطريقة كنت غانفكر فشي خطة لي غاندخلها...حبت هي لي غاتوصلنا للهدف ديالنا...و لي هو نفرشو مروة...الخطة كالتالي..
غاندخلو مع صوفيا للفيستييغ ولا البلاصة لي مجموعات فيها البنات المشاركات غير باش نبانو فالواجهة و اننا تانعرفوها..من بعد طبعا صوفيا غايجيها الفضول و غاتبغي تعرف منين تانعرفو صوفيا ...و انا متأطدة انها غاتسول صوفيا..هنا صوفيا غاتقول غير الحقيقة و بانها بنت خالتي...و لكن صوفيا غاتمتل شوية..غاتقرب منها و غاتقلقلها...و انا متأكدة ان مروة ماغاتكونش سادجة تالهاد الدرجة...و ماغاتعاودش ليها...لهذا غادي نطلقو عليها واحاد السلوكية...
صوفيا غادي تمتل انها كاتكرهني و ماكاتحملش فيا الشعرة...و هادشي كلو حيت تزوجت بعمر لي هي كانت تاتبفيه و كانت على علاقة معاه شحال هادي...و انا زعما ديتو ليها...و ماكرهاتش تنتاقم مني...و هنا اللفعة غاتطلق سمها و انا متأكدة انها ماحاملاني لا انا لا نتي...و صوفيا غاتجبد معاها الهضرة على اياد و غاتعمر ليها راسها بانك (على نور) باغا تقربي من اياد و داكشي و بلي كاتبغيه...و هنا مروة غاتشعل فيها العافية دبال الغيرة و غاتبغي تاني دير شي حاجة باش تحبسك...هنا غاتنوض صوقيا غاتقوليها بلي عندها خطة...و هي انها دير راسها مريضة نفسيا و ماتقدرش تعيش بلا اياد...كطريقة باش تخلي ايلد جنبها و عمرو يفكر يبعد عليها...
و هنا فين غاتكون لحظة الفرشة...حيت العقل الباطني ديال مروى ملي غايسمع هاد الخطة غايتفكر انه فايت دايرها...و هنا غاتفرش راسها و حنا غانكونو في الاستماع و تانسجلو...!
بعدنا كانت تاتسمع باهتمام و تمعن...رجعات نور اللور و تكات على الكرسي و بدات تاتصفق باعجاب: لا لا لا نتي تستاهلي جائزة الاوسكار على هاد السيناريو لي كلني دبا...! لا و دارسة كاع الجوانب واخا تكوني نتي هي البروفسور!!
ضحكات ريم بتكبر و هزات حاجبها:وا شتييي اححخ عليل و خلاص!
صوفيا بوجه خالي من التعابير:احم احم...شتكوم درتو بيا مسلسل !! و شكون هاد مروة مافهمت والو!!
⚾⚾بعد ساعة⚾⚾
داخلين البنات بالعرض البطيء للفيستييغ(المكان لي تايبدلو فبه المتسابقات)...شعرم تايطاير مع الريح كلشي دار تايشوف فهاد التلاتة دالبنات لي داخلات بكل ثقة...و طبعا وسط هاد كلشي كانت مروى...لي غير شافتهوم كحلات بالعمى و خنزرات ...
ريم:يالاه ازين هاحنا مشينا!!..غانمشيو نجلسو مع المتفرجين بون كوغاج ..
دخلات ثوفيا و مشات تاتهز فالحوايج لي غاتلبس(ملابس خاصة بالتنس)و بقات تاتبركم و كاتخنزر...لاحظاتها مروة و بدات تادور فعينيها شافت يمينها و فياسارها و تمات غادة باتجاهها...يالاه بغات تهز صوفيا حوايجها..حبساتها يد تحطات على حوايجها...هزات عينيها تاتبان ليها مروة تاتشوف فيها بتحدي و هازة حاجب و منزلة...و يد حاطاها على حوايجها و يد مكاليا بيها الحيط...
مروة:(بنفس النظرات)شكون نتي؟!
صوفيا(شافت فيها بنفس النظرات بعدما هزات حوايجها بنترة):صوفيا !!! حتى انا مشاركة فالمسابقة (بتحدي كبر)و انا لي غانربح(فهاظ الاثناء سمعات صوت فودنها..."ريم:صوفياااا كلت ليك تصاحبي معاها ماشي تحدايها!!")احم..ايلا كتاب
مروة(ميقات و عاود خنزرات فيها):عمرني ماشفتك فالكلوب!!
صوفيا:اوفف ماتبقايش دوي هاكا على غفلة راك كاتخلعيني مازال ماولفت!
PAUSE▶
صوفيا دايرة سماعات ديال البلوتوث و باش مايبانوش فودنها دايرة باندة على راسها و تيليفون فجيبها دايزة فيه لابيل مع ريم و هاد الاخيرة تاتسجل لابيل...و جالسة هي و نور تايسمعو بعناية
مروة:(بغضب)اياد راه دايرة فيه مابغيت دبا كلت لبه شي حاجة لي ماغاتخليهش يفكر يبعد عليا!!!...و لكن هي خاصها تبعد منو خيت انا باغاه يبغيني!!!...اوففف(خنزرات و جمعات يديها)غانقتلها غانقتلها!!!!!
☆☆☆☆
نور(خرجات عيينيها):تقتلنييي؟!!!! اويلي راها هبيييييلة و نخاف على راسي....صافي مابقيتش لاعبة
ريم و نور حالين ودنيهوم و تايساينو شنو غاتقول مروة بترقب...
مروة:ا..ممم (بتشكيك)بلاتي..! (صرطات صوفيا ريقها و قلبها بدى تايدرب لانها على حافة الخطر غاتفرش....لانها كانت تاتشوف جهة ودنها...)...[قربات مروة يدها بالعرض البطيئ]اا...شن
قاطعات هاد اللحظة الحاسة فتاة جات من برى...
البنت:البنااات يالاه المباراة غاتبدى!!
شافت فيها مروة و رجعات شافت فصوفيا بملامح غير مفسرة...شوية تبسمات ليها و تمو خارجات مع البنات...
هنا كانو بزاف ديال الناس جالسين فالمقاعد تايتفرجو...مروى غير خرجات عينبها بداو تايدورو تايقلبو على اياد...قشعاتو جالس و بجنبو عمر و هاد الاخير بجنبو مرتو و نور...خنزرات و مشات جلسات فالمكان لي جلسو فيه المشتركات(كانو تمنية و بداو بزوج..بزوج..و كانت نوبة صوفي و واحد البنت هي اللولة)...
مروة ابتايمات لصوفيا:بون كوغاج..
ناضت صوفيا و بدات تاتلعب هي و واحاد البنت و بسهولة ربحات....و رجعات جلسات مع المتسابقات في الحين البنت الاخرى تقصات..
مروة:(باعجاب)اوووو تاتعرفي تلعبي!!
صوفيا؛(ابتاسمات)هههه وي..
مروة:ههههه...اجي كولي ليا نتي ناوية تخلي ريم مع عمر بلا ماديري والو؟!!
صوفيا: (شافت بشر و تفكرات انها لا بقات غادة على هاد المنوال ماغاتستافد والو)تانفكر فواحاد الخطة غاتخليه يطلقها و يجي عندي انا!!!
صوفيا:غاندير راسي نتاحرت و كنت غانموت...و ملي غايجي عندي غانقوليه اني مانقدرش نعيش بلا بيه و ايلا ماولاش معايا غانتاحر نرة اخرى حتى نموت...و هنا غايأنبو ضميرو و غايبقى معايا!!
◇◇◇◇
ريم:اححححح على الصكعة تانحس بيها تادوي بصح...
نور(حطات صبعها على فمها و هي تاتصنت بتركيز)شووووت هاهيا غاتكولها دبا!!
◇◇◇◇
شافت فيها مروة حالا فمها: لا لا نتي فيك شي عرق مني!!! مايمكنش(مدات يديها)رشقي هنا(رشقات صوفيا)اقسم بالله تانفس الشيء لي دايرة لايادبا مابقى يقدر يهصر ايا تا حاجة حيت ضميرو تايئنبو...!!! انا ملي هضرت معاك فاللول عرفتك غاتكوني تاتشبهي ليا فطريقة التفكير
قتطعاتها صوفيا:الشريرة!!!
ضحكو بزوج بشر..
⭐⭐⭐⭐⭐⭐
نور حاكة يدها عل فمها و تاتشوف فريم بتفاجئ....حولات نضرها لاياد لي كان تايتفرج باهتمام و ماعلابالوش كاع بهادشي لي واقع!!
نور(خنزرات حتى بغات تخرج ليها العافية من عينيها و ناضت معصبة):لا لا لا مايمكنش ماغانخليهاش(ضربات على مروة من الفوق و شافت فيها بحقد)احححح من شحال عادي و انا تانتخيل هاد اللقطة دبا جاب الله علاش!!!
دازت نور من قدام عمر و اياد لي مافهمو والو
ريم(تبعاتها كاتغوت):نور! نور!!!! تسناااي
عمر(شدها من دراعها):هييي مالها!
ريم(رمات ليه تيليفون):هاك سمعو بزوج!
تبعات نور لي كانت هابطة فالدروج حااااقدة و تمات غادة جهة مروة بحال شي ثور شاف قطعة ديال ثوب احمر و غادي ماد قرونو😂...
قربات ليها و هي تغوت:مروااااااا!!!!
هزات مروى راسها و غير شافت نور كحلات بالعمى و ناضت مخنزرة.....غفلاتها مور و بدون دستور شداتها من شعرها لي كان مشموع على شكل كو دشوفال و هبطاتها تاااااالتحت و عاود طلعاتها ماخلاتهاش حتى تفكر...
جات ريم تاتجري و يسحاب ليكوم غاتفك؟!!!....هاهاها يوك جانملار....تاخي شداتالجهة الاخرى من شعرها و بدات هاك بالاك...ماخلاوليهاش حتى الفرصة فين تدافع ٢٤على راسها غفلوها و حكموها مزياااان...تكلفات ريم بالشعر ٢١ث شدات نور يدها لي كانت بات تحاول تمدها و تجر شعر نور...و ضرباتها ليها بواحاد العضة دبال الغدايد ناحبيات تاحسات بسنانها تلاقاو....و واها هاكاك ما بردوش غدايدها ..زاظت كملات بالقميش ها العنق ها الوجه....اما صوفيا فبدات تاتحاول تفك لكن بدون جدوى....الدراري تلهاو مع الاوديو لي كانو تايسمعوه...و ٠غيرتوو وصلو للقطة لي عتارفات فبها مروة
بشنو دايرة تفاجئو...و خنزر اياد و ضهرو عليه ملامح العصبية و هبط تايجري....جر نور و ريم بعدهوم عليها دغيا و هنا هزات مروى راسها بعينين حنرين اثر الدموع...غير شافتو دارت راسها سخفات...و طاحت على وقفتها...
ريم:(كاتنهج و هي مخنزرة شافت فمروة باشمئزاز و عاود شافت فاياد)ماتكولش ليا تيقتي انها فعلا سخفات!!!
نور...كاتنهج تاهيا و تاتدوي بعصبية و كانها مازال مابرداتش الغليل ديالها باقة مغزفة و مخصرة وجهها بعصبية....تحنات لعندها بلا مادوي و بدات تاتهر فيها من كرشها...هنا دارت مروة رد فعل
خنزر اياد حتى بانو العروقة ديال راسو شاف فيها باحتقار...هنا هي حلات عينيها و دارت بحالا عاد فاقت و بدات تاتمسكن :ايا...ياد..!
اياد(تحنى حتى لعندها بحيث كانت متكية و هو ينطق بعصبية و باحتقار): الله ينعل القرابة لي كاتجمع بيناتنا😡درتيني دمدومة و ضحكتي عليا!!!ايوابا بقاي بوحدك ماكايهمنيش!!! الله يجعلك تنتاحري هاد المرة ديال بصخ!!!
مروة تخوى ليها المى فالركابي و تزيرات و طلعات معاها التبوريشة و التزنيكة ملي فهمات من كلامو انه عاق بيها!....دارت شافت فصوفيا لي كانت شادا فريم و دغيا فهمات انهم داروها بيها...كانت دايرة بحال شي دجاجة مريشة و مع شعرها اصلا خفيف...هلاو ليها فيه غا زوج زغبات بنات الحرام!😂...فعاد اللحزة شداتها اللقوة ولات غاكاتشوف بعينيها و فمها مسدود ماقدرات تكول والو كيفاش غادوي و هي دايراها قد راسها!!! ...اكتفات بالسكات قدام هاد الشوهة حيت جميع الحاضرين كانو تايتفرجو فيها...
ناض اياد و شاف فنور لي كاتت تاهيا تاتشوف فمروى بغضب و كاتنفس بعصبية...مشى لجهتها...و جرها من يدها و قربها حداه تالاصقها معاه و عنقها من الجنب...و شاف فمروة باحتقار..: ملي بنتي على حقيقتك! انا غانعتارف ليك اني تاتبغي هادي(شاف فنور)هاظي هي لي قدرات تحرك مشاعري و هي لي قدرات تكسر قواعدي...ملشي بالكدوب انما بالمشاعر الصادقة بالعفوية و البرائة!!! و نتي مافيكش هادشي!! نتي مريضة !! عمرني شفت شي شخص بهاد الشر و الحقارة!!..اش غانقوليك ابنت عمي! الله يشافيك(ابتاسم و شاف فالاخرين بمعنى يالاه و مشاو..ملي دار هاكاك كاع ديك العصبية لي كانت فنور تلاشات بشوية بشوية...و شداتها تاني الهرة فكرشها ايتس لوف)
بقاات مروة مليوحة تما فالارض تاتنفس بزربة و دقات قلبها متسارعين حيت معصبة....شارجاااها مزياااان و مارضااااااتش قدام عباد الله...حسات بالحقد و الكره تجاه نور و داك السم كامل لي فيها خرجاتو فغوتة ...غوتات بجهد حتى فشات قلبها..و ناضت جمعات بقايا حطام كرامتها..و مشات تاتجري باتجاه الفيستيير..
نور(عضات على شفتها السفلية و هي مخنزرة):صرا£حة حنا كنا غير شاكين فهاد الموضوع!! و كنا باغين نتأكدو عن طريق هاد الخطة!! و لكن ملي سمعتها بودني عتارفات انها غير كدبات عليك!!! ماتحكمتش فاعصابي(مدات يديها و زادت فوتيرة التخنزير)و بان ليا غا داك الشعكاكة ديالها...من ذشحاااال هادي و انا مشهية فيها شي ترييشة!!!
شاف فيها اياد باهتمام:شكرا انور!!!...ماعرفتش كيفاش غانشكرك!! نتي بحال شي نور ديال بصح دخل لحياتي كون ماكنتيش نتي ماعرفتش كيفاش كنت غانكتاشفها على حقيقتها!!!
بتاسمات نور ابتسامة جانبية و حنات راسها و هي تاتلعب برجليها: بصراحة كون ماكنتش ريم عمر هاد الفكرة طيح فبالي!
بتاسم عمر حتى وساع فمو و شاف فريم لي بتاسمات بخجل...و دور دراعو على عنقها:كول ذ هي راس الحربة!!!! و مركز المخابرات السرية!!!...وا خاصني نولي نخاف على راسي
ضحكات ريم و هي مخشية فحضن عمر:هههه وا راه هي لي مكلخة ديك الكدبة لي كالت ليه ماكاينش شي مسلسل ولا قصة و مادازتش فيهوم😂
ضحك اياد بابتسامة مخلطة مع تخنزيرة:هه و اخيرا المسلسلات نفعونا بشي حاجة..!!
صوفيا(مخنزرة):و انا واقيلا نسيتوني!
نور(شافت فيها و جراتها من حناكها):اويلي نتي هي الكل فالطل كون ماكنتي نتي كاعما تفرش كاااع
ريم:وا بيناتنا المسخوطة طلعتي ممثيييلة!!!!واشوية كنت غانتيق!
صوفيا(شافت للجنب بتكبر):احححخ عليا و صافي !
اياد:(تنهد)شكرا ليكم كلكم بصراحة!!! دبا صافي تهنيت و ضميري مغايبقاش يأنبني و نقدر نكون مع البنت لي كانبغي مرتاح!!
ضحكو عليها كلهم...و من بعد ركب عمر و ريم و صوفيا فاللوطو تاع عمر...اما نور فركبات مع اياد بعدما سلمات على البنات و عمر ....
اياد(تايسوق و هو شاد فيد نور لي فرحانة):وجدي راسك!!
نور(بتساؤل مخلط مع فرحة):لاياش؟!!!
اياد:دبا ما بقى تا سبب تايمعني من انني نجي نخطبك من داركم!!!
نور(خرجو عينيها و تفاجئات):ا...و..و لكن!
اياد(خطف منها نظرة و رجع شاف فالطريق و رسم على وجهو نضرات تساؤل):و لكن شنو؟! ياكما ما باغاش!
نور(شافت قدامها و بدات تاتلعب بحجبانها و نضراتها تايوحيو للقلق)لا لا اكيد باغا...و لكن...تانضن باقي الحال حنا باقين فبداية علاقتنا!...مانظن باقي الحال!
اياد(تفاجئ من جوابها و هاد الشي كان باين من ملامحو):احم..واخا فبداية علاقتنا...ما عندنا مانساينو ياك كاتبغيني ؟!
نور(هزات حجبانها و زيرات على يدو):اكييد ا اياد!! لواحاد الدرجة ماتاتصورهاش و ماشي غير دبا!!!انا كانبغيك قبل مانتعرف عليك!!!كنت جابرا فان ديالك كان حلمي نتلاقى بيك!! و حلمي تحول لحقيقة...و كاع كتر ماكانتصور!! ماشي غير تلاقيتك و صافي و لكن حبينا بعضنا...شكوووون كان كايقول غانركب حداك فالطوموبيل و غانقوليك هاد الهضرة !!!
ابتاسم اياد ابتسامة توحي للسعادة واخا كانت خفيفة...و ركن الطوموبيل فجنب الطريق....و دار شاف فيها بنفس الابتسامة الساحرة و كل تفاصيل وجهو الساحرة شعرو..لحيتو ...حجبانو الرجوليين لي حتى هوما تايعبرو...شد فيديها بزوج و بدى تايشوف فعينيها مباشرة....بالنسبة لنور كان هاد رد الفعل ديالو كفيل باش يخليها تبلوكا و تبقى غير حالا فمها و تاترمش و تاتشوف فيه بحال كيف تايشوف فيها....سكتو و خلاو غير نظراتهوم لي تكلم لمدة خمس دقائق...حتى قاطع هاد السكات اياد لي قال كلمة خلات قلبها يسكت لمدة ثانيتين!
اياد:انا ماكانبغيكش!!!(كمل كلامو بعدما كانت نور غاتسخف)انا تانخس بشي حاجة فوق الحب تجاهك!...(بابسامتو ابجانبية المعهودو و نضراتو لي كلها حب)ماكانش كايسحاب ليا كاينين لي بحالك..تايبغيو بقلب نقي!..ماتحكريش راسك نتي انسانة صعب مانحبكش!! كاتعاملي معايا مزيان!! و ملي تانعاود ليك مشاكلي تاتنصحيني و تاتوقفي بجنبي!!تانحس براسي مرتاح و انا تاندوي معاك!!...تانفرح ملي تاندوي معاك...!تاتحس بيك عفوية فتصرفاتك!! ماماتصنعيي ما والو!!! كاتاكلي عادي تاتمشاي عادي!!! من كترة ماعرفت بنات متصنعات و تابعين غير البروتوكولات الخاوية!!..كان كيسحاب بلي البنات البسيطات بحالك انقارضو...!!! و اهم حاجة فهاد الشي هو ان بيناتنا صفات مشتركة بزاااف!! عندنا نفس الهوايات..!! تايعجبونا نفس الحاجات!!!انا محظوظ حيت عرفت بنت بحالك!!..كيفاش بغيتيني مانبغيكش؟!!..عارف هاد الهضرة كلتها بزااااف!! و لكن هي لي فقلبي !!...انا ماباغيكش تكوني مجرد حبيبة بغيت نتزوج بيك انور!!! بغيتك تشاركيني حياتي...! نولي نعنقك و انا مرتاح نشد فيدك نخرجو نسافرو ندورو نديرو كلشي بزوج...!!! اي حاجة تاتحلمي بيها غانحققها انا وياك!!! واش نتي قابلة تكوني مراتي وشريكة حياتي ؟!
تصدمات نور و مرة خرى عينيها غرغرو و تاترات بهاد الهضرة ..و تخربقات ليها تاتي الهضرة و ماعرفات ماتقول!...نطقات فالاهير بحروف متقجعة و صوت مبحوح:و..واش ..تا..طلب مني الزواج؟!
اياد(ضحك تابانو سنانو و هز يدو بشوية و حطها على وجهها و بدا تايدوز ابهامو على وجهها و مسح الدمعة لي غير نزلات صطادمات بابهامو و تمحات...نطق و هو على هاد الوضعية و عينيه آسرين عينيها: اه!...هه واخا ماكنتش موجد خاتم و داكشي لي تايطلبو بيه نوغمالمون الزواج و لكن...واش تقبلي تزوجي بيا؟!
بداو حجبان نور تايتحركو بتاتر و مرة اخرى ما قدراتش تدوي و لكن كتافات بانها حركات راسها بالايجاب و بزربة!!...زادت وساعت ابتسامة اياد و شد وجهها بيديه بزوج و باس جبهتها و رجع شاف فيها: يعني قابلة نجي نخطبك؟!
نور(حركات تاني راسعا بالايجاب):اه اه!!😢
ضحك تاني و مسح دموعها:ماتبقايش تبكي!!!
نور:(تاتنش على راسها)م...ماتا..نقدرش نتحكن فيهوم!!!
اياد:(تنهد)و بغيتيني مانبغيكش؟!!!
⭐⭐⭐⭐⭐
بعدما وصلو للدار طلعو عمر و ريم و صوفيا لقاو العائلة تايتسناوهوم...و كان حتى اب ريم....غير دخلات مشات عنقاتو و سلمات عليه...و بقاو جالسين مجمعين فجو عائلي و اب ريم تفاهم مع عمر....و بقاو مجمعين...شوية ناضت ريم لبيتها باش تبدل حوايجها...لبسات بيجامة ديال الدار صيفية عبارة عن شورط ماقصيرش بزاف! و الفوقاتي ديالو....وقفات قدام المراية و بدات تاتمسح الميكاب ....شوية تحركات الساقطة دالباب ...و شافت ريم جهة الباب بترقب باش تشوف شكون جى...
تحل الباب و خرج راس صوفيا تايطل بشوية...
صوفيا:ندخل؟!
ريم: و تاتشاوري؟!
صوفيا:(دخلات تاتفرنس)هيهي هيهي(كانت جامعة يديها لتحت و تاتدور عينيها فبيت نور) اممم بيتك زين...عجبني ديكورو!!
ريم: ثانكيووووو بايب هادا كلو من ابدعاتي
صوفيا:نو ووااااي!!! الصراحة اختي عندك معا هادكشي ديكور!! ختصك شي نهار لا جيتي عندنا تدوري ليا بواحاد بيتي راه الشوهة صافي...تكول بيت دشي زوفري...خصوصا انه ماعنديش مع النظام واخا تانحااااول و لكن دغيا تانربج الحاجة!!
ضحكات ريم:هههه تانا كنت بحالك!! هههه و لكن ساهل تبدلي هاد العادة الموهيم تالشي نهار لا جينا عندكوم و نعاونك!!
صوفيا(ابتاسمات بغنج)شكرا بيبي...اه...الموهيم عندك شي بيجامة صيفية؟؟ ختك جايبة داكشي ديال شهر 12 ماكانش كايسحاب لي غايصهد الحال بحال هاكا
ريم:ههههه واخا سايني نشوف ليك...(حلات الماريو و بدات تاتبقشش حتى جبدات ليها واحاد القاندورة صيفية و خفييييفة)هاكي هادي بااااااردة لبساها غامع سليب و سوتيامات و تبردي مع راساتك
ريم: هههه واسيري بدلي بزربة!!!..و هربي من جوابك😂😂😂
خرجات صوفيا تاتجري...اما ريم فقادات حوايجها قدام المرايية و سرحات شعرها لي جمعاتو و خلاتو اللور و نزلات للصالون فين مجموعين...
يونس(اب ريم): اجي كلسي حدايا ابنتي!!
ابتاسمات ريم ابتسامة واااسعة و مشات جلسات حداه من جهة اليمين اما من اليسار فكان حداه عمر...
يونس(شاف فعمر):سي عمر بنتي راها ولات امانة عندك!!! و راك عارف بحق الامانة و تانضن ماكاين لاش نوصيك عليها!!! راها الوحيييييدة لي عندنا انا و امها!!! راها كنزنا و الحاجة الزوينة لي خرجت بيها انا و صفية من هاد الدنيا!!!
ابتاسم عمر و هو تايشوف فريم لي كانت مبتاسمة و هي حاطة راسها على كتف باها و شادا فدراعو..كانو نظراتو..نزرات توحي للحب: ماعمرك تخاف على ريم و هي معايا !! واخا ماشي شي مدة طويلة باش تعارفنا لكن نقدر نقول ليك انني لقيت ماي سول مايت!! و كون مالقيت فيها مواصفات شريكة الحياة و الزوجة لي كانتخيل مستقبلي و حاضري معاها ماكنتش نتزوجها من الاول!!!...لكن ريم حاجة استثنائية(ابتاسم ابتسامة واسعة و شاف فصفية و شاف فيه هو بفم و عينين مبتسمتين)شكراااا ليكوم بزووووج حيت ولدتوها!!
كانت ريم غاطرطق بالحشنة خصوصا انه سيار يغازل فيها قدام باها😂...و عاد الهضرة لي كال دوباتها...
يونس(ضحك ضحكة رجولية مخلطة مع الجدية و الصرامة):ه..ه..ه..ه ايوا اولدي الحمدالله دبا ملي قلتي هاد الهضرة انا رتاحيت على بنتي!
صفية:الله يخليكوم ديما هاكا اولدي!!
دخلات فهاد الاثناء نادية هازا طبسيل كبييير فيه البسطيلة...لتاحقات بيهم صوفيا..و تجمعو على الطبلة...
صفية:بسمالله...
ريم:(عضات شفايفها بحماس)مممم و انا لي من صباح و انا تانقول اش هاد الريحة الزوينة!!!
قطعات صفية لكل واحد الطرف ديالو و كلشي حنا على طبسيلو و بداو تاياكلو في صمت كايتسمع غير صوت النديغ و تقرميش..كانت ربم حانية راسها و كاتاكل بشراهة بحكم ان البسطيلة اكلتها المفضلة فحنات راسها و ماهزاتوش من الطبسيل...فجأة تذكرات ان السي راجلها ولد خالتها...عمر!! جالس مباشرة قدامها حيت بعدما تحطات الطبلة تخول من ديك البلاصة و جلس فوق الكرسي لي اون فاص معاها...فجأة بدات تاتحبس النديغ بالشوية بشوية حتى حبسات بمرة و سرطات داكشي لي ف فمها بشوييية حسات فديك اللحظة بلي كلشي تايراقبها و تايشوف لجهتها و هي فالاساس تا حد مامسوق ليها...حسات براسها بحال شي مجرمة واقف عليها البوليسي فغرفة التحقيق...تكوانسات...هزات عينها بشوييييية باش تشوف واش عمر تايشوف فيها ...لقات السيد منغااااامس فماكلتو فيييييين تبان طريقتها فالماكلة قداممو😂...ابتاسمات ابتسامة خفيفة..و دورات عينيها فكلشي لقاتهوم تاياكلو و متخشعين...قاطع هاد اللحظة يونس اب ريم...
يونس:ا تباركالله على الطباخات! شحاااال بيني و بين هاد الماكلة الله يعز ماكلة المغريب
صفية:ههههه واشتي اصلا من هنا للقدام غاتبقى تاكل غير الشهيواات!
ريم(بحماس و فرحة) :غاتبقى معانا ابابا!!!!
يونس(شاف فصفية باسف و حنحن): احمم...هممم ماكلتي والو ابنتي!!
ريم:(كمشات حجبانها باسف)شنو زعما غاتمشي تاني!
يونس(ربت على ضهرها): كولي ابنتي دبا تالمن بعد و نهضرو!!!
حنات ريم راسها فطبسيل و بحالا تسد ليها النفس و مابقاتش باغا تاكل....لاحظ عمر هاد الشي و شاف فيونس باسف و تاهو يادلو نفس النظرة اما ريم فكانت باقا حانية راسها فطبسيلها....
⭐⭐عند نور و اياد⭐⭐
وصلو قدام دار نور ....
اياد:(شاد فيدها...بيدو اليمنى و ليد الاهرى شاد بيها عجلة السياقة...باس يدها و هو تايشوف فيها بكل حنان و حب و هيام) تهلاي فراسك! غانصوني عليك!
نور(بنفس النظرات): و انا غانساينك!
اياد:(حط يدو على خدو و ضور وجهو لجهة الطريق) هنا!!
نور:(ضحكات و خنزرات بعناد)نوغمالمون هادشي ماخاصوش يدار قبل الزواج!!
اياد:(هز حاجب و هبط لاخور و تبسم ابتسامة جانبية)ايوا ايلا جينا ندخلو لهاد الشي تاع الحلال و الحرام راه شحاااال من حاجة خاصك ديريها و فالمقابل شحال من خاجة ماخاص ديريهاش! (غمزها)
نور(بتاسمات و هزات عينيها للفوق باستسلام):دابا غلبتيني!..بس بردو مش حابوسك!!
اياد(خضر فمو زعما بحالا مقلق):همممم...(هز حاجب و نزل لاخور)انا غانبقى نحسبهوم لبك حتى نتزوجو!!
ابتاسمات نور بخجل و هي حانية راسها و حطات يديها على الباب كإستعداد للمغادرة: هممن.احن انا غانمشي دبا سييي يو..
هربات من نضراتو...مازال تتاتحشم منو شوية...نولات تاتفيبري بالفرجة من الطوموبيل...اما هو فديمارا و زاد...بقات متبعة طوموبيلتو حتى مشاات...رسمات ضحكة جانبية و تنهدات...ثم تاجهات للبلب و صونات فالانترفون و حلات ليها مها...
بعدما طلعات فالدروج مشات سلمات على مها و البعيليكة ديال نهال...
نهال:هاي هاي الناس ولات توصلهوم الرانج روفر تالباب الدار!
نور:(خرجات فيها عينيها)هاي هاي هاي تحل ليك الفم اسليعفانة!!!
غيتة:وصلك اياد!
نور:اه اماما...
غيتة:و ياك نتي خرجتي مع ريم!
نور:ر..راه غير لاقاتنا الوقت و هو بغى يوصلني حيت لوخربن غادين لبلاصة وحدة...
غيتة:اممممممه(كادوي و تاتفرج فالتلفازة)...وا نوضي را غداك فالفران ...ولا مغدية فالزنقة...
نور(كمشات حجبانها بتشكيك): ماما مالك تادوي معايا بحال هاكا؟!!
دارت عندها غيتة بالعرض البطيء و هي تاتشوف فيها بشر..: شوفي نتي!
نور:(توترات و سرطات ريقها)واش درت شي خاجة ماما ماتخلعينيش!!
غيتة:(خنزرات)فين كنتي اه؟!!!
نور:ا..انا؟! كك..كنت ف...
⭐⭐⭐⭐
عند عائلة ريم..بعدما سالاو الغداء تجمعو فالصالون و بداو تايدويو فمواضيع مختلفة...ختى حطات سناء ام صوفيا و رقية خالتهم ...صينية ديال اتاي مرافقة ببعض الحلويات....
ريم كانت جالسة حدى باها و متكية على كتفو....هاد الاخير حنحن و استقام فجلستو مما خلى ربم تهز راسها و تشوف فيه بتساؤل...
ريم:(عبنيها غرغرو و تكبعات و ضهرو ملامح الحزن على محياها)غ..غاتمشي ياك!!
صفية:بنتي بلا ماتبكي!!! سمعي هضرتنا تالخر!!
بنفس ملامح الحزن شافت فيهوم بزوج باهتمام
يونس:احم احم....طول هاد السنين كنت هاز ليك الهم غير نتي ابنتي!...طول هاد السنوات و انا خدام خارج البلاد و تانشوفكم مرتين على الاقل فالعام!! هادشي غير باش نوفر ليك ضروف عيش كريم...نتي و ماماك...لي صبرااااات معايا و واخا ضروف خدمتي قبلات عليا و رباتك فغيابي و احسن تربية!..كنت تانحلم تانا بداك النهار لي غاتلقاي فيه تانتي شريك حياتك لي يقد بيك و يتحمل مسؤوليتك...و تانظن احسنتي الاختيار!..
قاطعات صفية كلامو: بنتي بما انك كبرتي و ولا عندك سندك لي يحميك..و يبغيك ..و يقدرك...!..و بما انك غاديري دارك بوحدك ابنتي..! فانا ان شاء الله مور لعرس غانمشي مع باباك!!
ريم كان قلبها كايدق كانت متوقعة تسمع هاد الهضرة هبطو دموعها بحال الحجر و ماقدراتش تحبسهوم...! كان خبر صادم بالنسبة ليها...حيت فكروها فداك الجانب الاخر من الزواج....و لي هو انها غاتفرق على مها و غاتسكن بوحدها...حسسوها بان هاك الزواج ماشي غير علاقة شرعية تاتجمعك بلي كاتبغيه...بل هي ايضا مسؤولية كبيرة!!!...حسات بغصة فقلبها ملي تفكرات انها ماغاتبقاش ساكنة مع مها...بل و الا مشات مع باها فما غاتبقى تشوفها تاني من العام للعام!!..ترجمات كاع هاك الاحاسيس ببكاء بحرقة...لي ناااادرا ماكاتبكيبهادالشكل قدام الناس...عنقها باها و حتى هي بادلاتو العناق وايتمرات فالبكاء...
⭐⭐⭐⭐
غيتة: (باقا مخنزرة و كاتشوف بتشكيك) دوييي فين كنتي؟!
نور:مع ريم...و بنت خالتها...صوفيا...ا...اه...صوفيا كانت مشاركة فواحد المسابقة ديال التنس و مشينا تفرجنا فيها!..
نهال(نقزات):كدااابة!!!..(دورات طابليط ديالها جهة نور) يا العيشورية !!!
خرجات نور عينيها...كان فيديو مليوح فيوتيوب تحت عنوان"نور شمسي...الملقبة بالراقصة الصغيرة تتناتف(هههه ماعرفتش المرادف تاعها بالعربية)مع احدى الفتيات"...و كانو مصورينها و هي تاتريش نروى بالغدايد و عاد ملي لتاحقات بيهوم ريم...تصدمات من هاد الشرسات ليالفيديو لي شكات فاللول انها هي و صاحبتها...جاتها الضحكة فاللول و لكن ملي حسات بتخنزيرات امها تايختارقو راسها بحال شي رصاصة...شداتها الترعيدة و بدات تفكرر بشي مبرر مقنع لي خلاها تريش مروى بهاد النف...عم الصمت لثانتين و هزات راسها فامها و نطقات بثقة: استفزاتني!!
غيتة(كاتغوت و تاتخنزر):ستفزاااتك؟؟؟! ز ديري هاكا يا المكلخة؟؟! واشكايسحاب ليك راسك باقا نور عادية؟! راك زليتي مشهوووورة الكيدارة!!! راك انفلوانسر يا حسرة! واخا تكون البنت ماعرت اش داااارت مالك على هاد الحالة غدايد الدنيا و الدين بردتوهم فيها لا نتي ولا ديك العيشورية دصاحبتك!! الناس يتزوجو و يكيرو عقلهوم و عي غامازايدة فيه!!!
نور(مكمشة عينيها بخالا ضارب فيهوم الشعى...و جامعة فمها و هازا كتافها حتى لودنيها...بحالا تاتقاوم داك الغوات ديال امها...
نور:ماما...راك ماعارفة والو!!
خرجات نهال عينيها مرة اخرى فالطابليت و غوتات:مامااااااااااااااااا!!!!!!!!!....
نور حتى هي خرجو عينيها ملي تفكرات شنو كاين مور الترياش..و حسات بحالا نهايتها قربات!!!
نهال:مامااااا!!!! شوفيييي(كادوي و هي مخرجة عينيها)
شدات غيتة من عندها الطابليت...و بدات تاتفرج فالفيديو...اما نور فعاضا على شفايفها و و مخصرة وجهها و كاتساين رد فعل ماماها!!...هاد الاخيرة لي ديك تخنزيرة بدات تاتفرد بشوية بشوية...و بانت على وجهها اثار التفاجئ و دارت شافت فبنتها بالعرض البطيء...
نور:(قرمات حجبانها وهزات راسها بشوية و بدات تاتشوف تعابير امها كيف دايرين باش تعرف اشمن نوع دالإجابات غاتكوليها...ريحوها تعابيرها شيئا ما و نطقات بتردد):ا..اه ام..ما و ك..ككنت غانكولها ليك و الله!
غيتة(بدات تاترمش عينيها بالزربة و عاودات شافت فالتيليفون و شافت فيها):دبا نتي عليشة قصة حب مع اياد!! هاظشي لي بغيتي تكولي ياك؟!!
نور:(سرطات ريقها و هضرات و هي حانية راسها)م..ماشي بزاف!ماماملاش حاى سيمانة!
غيتة(شافت فيها بتشكيك و هي شبه مغمضة عينيها):وليتي تتحابي بلا خباري اه؟! ولاو النلس فاليوتيب يعرفو بنت اااحمد الشمسي مصاحبة و مها ماعارفة والو؟! اه؟! هادشي عباش فاللول كلت ليك تكمشي و دخلي سةق راسك...كلت ليك ماتبينيش وجهك للعلن!! الشهرة خايبة!! و لكن نتي ديما ماراداش البال ديما مشوهة رلسك الحماااارة!!!..دبا نكولو دوزتها ليك اناا!!! و باباك؟! اه؟! باباك ايلا شاف الفيدية اش غايكول..!تاق فيكوم و خلاكوم تديرو داكشي لي بغيتو!! سحاب ليه واش غير اصدقاء!!
نور(حانية راسها و كاتلعب بلسانها وسط فمها و تاتقول فراسها:اويلي شفت ماما قلباتها ميلودراما عاوتاتي!! اهييااانري اش جا ماسكتها!!)ماما راه غايدوي مع بابا!!...(شافت فجنب و حنات راسها و بدات تاتلعب بصباعها)عليي..ننا!
غيتة(خرجو عينيها و بانت عليه الصدمة):واش غايخطبك؟!!!
جمعات نور شفايفها لداخل و حركات راسها بالايجاب..
غيتة:(بنفس الملامح لي ضهرات عليهوم شوية الابتسامة)و لكن علاش هاد الشوهة و غلاش تاهو تابكول ليك ديك الهضرة قدام ناس...و لديك البنت!
تور(عوجات فمها و جلسات فوق السداري): ماما ديك البنت راه....(بدات تااعاود ليها)
⭐⭐⭐⭐
جالسة ريم فالبالكون فوق كرسي و شادا كلينيكس و كاتمسح عينيها...دخلات عندعا صوفيا و حطات يدها على كتفها
صوفيا:ههعه وا صافي تانتي ضحكي مالك على هاد النكد..! على اساس ماغاتبقايش تشوفيهم كاااع!!! راه ناغاتبقايش غير تسكني معاعوم و صافي...و زايدون راجلك ناوي يساريك العالم كلو!! شكون بحااالك تزوجتي برااجل بحال عمر تايبغيك و مستاعد يحقق ليك امنيات و مازال باغا تسكني مع بابي و مامي!!خاصك العصا نتي حق الله!!
ريم(حبسات من الدموع و بدات كاتشوف فصوفيا بتشكيك جمعات قبضة يدها و خرجات اصبعها سبابة و بدات تادورو)بلاتي بلاتي!!! عاودي شنو كلتي؟!!
صوفيا:(شافت بتحدي)ههه نتي خاصك العصى
ريم(رمشات بزربة و خرجات هاد المرة من قبضة بدها الابهام ديالها و رجعاتو اللور)لا لا ماشي هادي لي قبل!!
ريم(قرمات حواجبها و يدها باقا على نفس الوضعية):لا لا كلتي العالم كلو ولا ماعارت شنو!
صوفيا(خرجات عينيها و بدات تادورهوم و كانها ندمات):و..واش كلتها؟!
ريم(خرجات عبنيخا تاهيا و وقفات و شدات فكتافها): واش بصح!!!!
صوفيا:(ويعات عينيها فيها و حنات رايها و هربات منها):ماكتليك والو!!!
تبعاتعا ريم ماتجري و شداتها فاخير لحضة و دارت فيها شوفة البرائة:العاااار ماكولي!!!!
صوفيا:(بملامح حزن)اوففف وا نااري تي طلقي منؤ!!!
ريم: وا غا كولي بلييييز!!!!
طولاااات فيها صوفيا الشوفة و خرجات عينيعا و بدات تادوي بزربة:عمر بغى يدير ليك مفاجأة و مور العرس غاتزورو فشهر العسل كاع الدول لي كاتحلمي تزوريهم...! كلها قبيلا لعمي يونس ملي طلعتي!!!..موهي انا ماكلت ليك والو !!!
دهرو علانات التفاجئ على وجه ريم....
صوفيا(بملامح حزن):اووووووففف نااااري على فرااااشة هاد صوفيا(تادوي على راسها😅) و الله تا خرجات ليا غا بوحدها جيت نكحلها صدقت عامياها...عافاك هانتي ديري بحالا ما كلت ليك والو و ايلا سمعتيها من فمو تفاجئي باش مانخصرش ليك المفاجئة....نااااري و الله ماكرهت نخبط ليك راسك ببشي مقلة و تفقدي داكيييرة🙁
خنزرات ريم و هي شبه مبتاسمة:بنت الحرااام بيت تقتليني!!..(عضات على شفايفها و بان عليها الحماس)اححححححح دبا عمر بغى يحقق ليا واحد من احلامي!!(عنقاتها و بدات تاتنقز)ياك بصح واش بصح ماكاتكدبيش ياك!!
صوفيا:(مكبعة بحزن🙁 و هي مبادلاها العناق)العااار ماتكوليهاش ليه...بحالا ماكلتهاش ليك!!
ريم(كاضحك):هههه ماتخافيش كيما فراحتيني(طلقات منها و شاف فيها و حطات يدها على قلبها و هي تادوي بحماس كبيير)كاندعيها من قلبي!! بغيت ربي يفرحك بفرحة كبر من هادي!!!!
بتاسمات صوفيا تابانو سنانها :اححح الله يخليك ليا!!!!
ريم:هههههه علاش كنت كانبكي؟!
ضحكات عليها صوفيا: وا غسلي وجهك و اجي جلسي معانا...!
⭐⭐⭐⭐
كانت نور باقة ٠السة تاتعاود لمها على مروة...و غيتة متفاجئة و كاتعبر غير بملامحها
نور:هادي هي قصة مروة!
غيتة(حطات يدها على فمها)هادي لفعة ماشي بنادم!..اش هاد الشر كامل لي فيها!!! (تنهدات و خنزرات)و تانتي عايشورية مايتسالكش!
نور:(ضحكات بعدما كانت حابسة تلضحكة)بففففخخههههههه و الله اماما ماتحكمتش فراسي تفقصت و الله!!..
حلم الراقصة الصغيرة الجزء الخامس
محتوى القصة
التنقل بين الأجزاء