الشقراء المثيرة الجزء الثالث

و بدا كيقلب جبد حمالات صدرية هما لولين.. و عاد سليب في لون اخر..

و جبد كسوة قصيرة.. قارنها معاه و قال..

غياث الدين: دبا هاذي كسوة ولا تشرت..

راضية غي كتشوف فيه.. عاود جبد ليها كسوة اخرا طويلة..

و جا لعندها هزها وقفها و طلع ليها لكسوة.. حيدها.. و بغا يحيد ليها حملات صدرية.. و قالت..

راضية: مالي معنديش ايديا.. غنحيدهم بوحدي غي دور..وااا دور..

تنهد و دار هي لبساتهم و عاودات قالت ليه..و هي هازة سليب في يديها

راضية: لا هادي ماشي دهادو راه كاين واحد كيشبه لهم.. 

غياث الدين: ياك غي سليب..

راضية: ءالا انا كنلبسهم اونصوبل.. قلب عليه و جيبيه..

مشا كيقلب على سليب في لون سوتيامات حتى لقاه و لاحو ليها.. و عطاها بضهر..

و هي لبساتو..و تلاحت فق سرير..دار لعندها.. و عقد حجبانو..

غياث الدين: نوضي لبسي ديك لكسوة..

راضية: هاكا كناخود راحتي..

غياث الدين: نتي اتاخدي راحتك و انا مغنرتاحش نهائيا..

فهمات قصدو و قالت بصوت هامس: واش جسمي مثير كيعدب حتال هد درجة 😞..

بتاسمات و ناضت لبساتها..

و رجعات تكات و هو تسرح حداها و تقلب على جنبو كيشوف فيها..و هي بقات تشوف فيه..

و قال : شنو وقع لولد..

راضية: مباغاش نهضر في هد لموضوع.. ولكن كن على يقين عمتك غنتاقم منها على دكشي لي دارت فيا..

غياث الدين(عقد حواجبو): زاهدة.. اش دارت ليك..

راضية: مباغاش نهضر دبا..

في بلاصة اخرى..

كانت غالية كتخبط في لباب و كتسب..و باغا تنفااجر..

غالية: حلووو عليا هيئ غنموت..حلوو الله ينعل مكم.. حل ازامل و تعالى واجهني.. هئ هليني نمشي فحالي.. 

عيات و رجع الألم لراسها.. و جسمها كامل فيه.. لحكة..مشات لحيط و بدات كتضرب في راسها..بجهذ كأنها حمقة و مواعياش..

كين في صقف عدسة كاميرا صغيرة.. شادة لغرفة كاملا..

كان جالسة شاد لبيسي و حاضيها.. و عرف غتبدا اصغب مرحلة في العلاج.. ولكن ميقدرش يعالجها و هو بين نارين..قال..

عمار: علاش نتي بدات سكنتي كياني و تملكتي.. عقلي.. كوغا مكنتيش نت علااش علااش.. انا غنعالجك ولكن مغنقدرش نأديك.. 

دوز يدو على مؤخر رأسو.. هو طبيب و متخصص قي هد لميدان و قبل ميتخرج كطبيب.. عاطفتو خاصو يعفط عليها..

مشا حل لباب و دخل عندها.. هي غي شافتو..

جات تجري عندو و هو لمح في جبينها جرحة صغيرة.. شدها بقوة من دراعها الايمن و قال..

عمار: واش حماقتي ولا مالك..

غالية: انا ماشي حمقة هئ واله ما حمقة انا كنموت الموت البطيئ.. قتلني و هنيني..

طاحو دموع من عينيها و هو عينيها رمادتين سحروه كيف ديما.. قرب لعندها و مسح دموعها..

و هو تبتاسم بشر هزات رجلها لفوق و عطاتو بركبتها لمعلم..حتى طاح شاد ما بين كجرو كيتعصر..

و هي هربات من حداه خرجات كتلافت يمين و يسار.. حتى شافتو وقف بانليها باب ملو زاج في لكوزينة.. مشات ليها.. و لقاتو مسورت..

شافت عمار جاي حمر فط اتجاهها.. هزات موس كبير الحجم.. و وجهاتو ليه و هي همها لوحيد هو تخرج.. و تاخد من سم لكيجري في داتها..

و تاخد من سم لي كيجري في داتها..

غالية: غتعطينيي سوارت طمووبيل و لا غندوز عليك من لودن لودن..

عمار: انا ليوم لي غنقتلك.. لا قديتي قربي..

ولا دخان كيخرج من ودنيها..

قربات عندو و ضرباتو لكرشو حتى خشاتو..و هو طاح و هي هربات..

شافت واحد صالة محطوط لبيسي و سوارت و لوراق.. مشات هزاتهم..

و خرجات من سرجم.. و هي تكتاشف بأنهم في فيرمة، بانت ليها طموبيل قذام لباب مشات ليها.. و كتمنى تكون ديالي.. و دكشي لكان..

طلعات و ديمارات و هي تكسيري موقفات..

تا دازت مدة.. و توقفات عند لقصر..

و دخلات كتجري.. طلعات لبيتها.. و مشات لماريوها جبدات من وسط حوايجها.. مسحوق الكوكايين و خواتو و بداات كتشم بلهفة.. و تلحس..

و خرجات هزات كارو شعلاتو و هبطات غادة كتكمي.. و جلسات في إحدى صلات كترد لمزاج..

برا كانت زاهدة كتستنى على احر من الجمر تا وصلات سيارة اسعاف.

و هبطو منها جوج رجال طوال لابسين وزرات بيضين..

زاهدة: مرحبا بكم زيدو شكرا بزاف غديرو فينا هد لخير..

..... : هانيا الالة. فين هي لبنت..

دخلاتهم و طالعا كتعيط بإسم غالية و كتلحنو..

حتى لمحاتها و قالت ليهم..

زاهدة: ها هي..

مشاو في اتجاهها.. و جبدو و زرة اخرا غالية شافتهم و طفات لكارو..

و هو شدوها و لبسوها هاديك لوزرة.. لكانو في كمامها خيط كيحزموه باش يشدو لحمقى يديهم..

و غالية عاقت بالقالب..

غالية: طلقووووووووني طلقوووووني ياااك ابنت لقحبببة بربييي تغنقتلللك اناااا ماااااشي حمقة غياااااث..

كلشي هبط صهيب بسمة صفية..و لخدم..

خرجوها على براا و هي تفركل و تبكي.. تقربو لسيارة..

و هي تفك منهم و مشات عند صوفيا.. تحنات عندها تتبكي..

غالية: صوفيا صوفيا واش انا حمقة هاا. . قولي عفااك متخليهمش يديوني.. صوفيا عفااك..

غالية: عفاك بسمة ياك.. عفاك متخليهمش نت زوينة والله متخليوهمش يديوني.صهيييب نتا عاارف انااا ماااشي حمقة.. صهيييب هئ..

صوفيا بدات كتبكي و حتى بسمة..

كان منضرها كيقطع لقلب.. مشات قربات عندها باغا تفك يذيها.. و هي تجرها زاهدة و قالت..

زاهدة: سيرو انا نجي ندير لاجراءات.. و كيف وصيتكم 😉 و نتي غتكمشي ولا مغيعجبك حال..

طلعووها و هي كتغوث..

غالية: اناااا مااااشي حمقة متديونييش نسبيطار دحماااق.. مغنسمحش ليكم..

تسد لباب و مشات سيارة في اتجاه مصحة لحمقى..

و حتى لخدامات بكاو معاها.. كلهم عارفينها قلبها بيض و نية.. حتى تصعقو بخبر اخر من اخدى الخادمات..

الخادمة: لالة زاهدة.. ببنتك لقيتها شانقة راسها في لبيت دلمرحومة..

الكل: 😮😮😮

الخبر نزل عليهم كصاعقة.. زاهدة رجليها فشلو عليها..

صهيب دخل لقصر بزربة.. كيجري و تبعوه لبنات.. و زاهدة..عينيها خارجيين..

وصلو لغرفة المرحومة..و دفعو لباب هو ميتصدمو..

صوفيا غوتات و شدات فمها.. و بسمة غي دموعها كيهبطو..

زاهدة وقفات مصنمة في بلاصتها..

و صهيب مشا نعندها هزها فق كتافو و قال..

صهيب: فااااش كتفرجووو حيدو لحبل من عنقها..سربييو..

مشات لعندو بسمة حيداتو من عنقها و خرج كيجري بيها تابعاه صوفيا..

بسمة: عمتييي.. ياله اعمتيي هئ ياله (شدات فيها)

زاهدة: بعدييي مني انحس متيقيصينيش.. نتييي نحس اه كنقسم ليك و توقع لبنتي شي حاجة نت لغتحملي لمسؤولية.. كتسمعي..

مشات جاهلة فحال ثور.. و بسمة بقات غكترمش.. 

واش نحس هي.. هدشي لصاري بسبابها.. هي شنو ذنبها.. 

لتحت وصلو.. و مشات صوفيا لطموبيلتها.. ركبات و صهيب ركب لور.. شاد في أميمة..

هو كان قرا طب لعام قبل ميتخصص في طب لأسنان..

قاص نبضها لقاه ضعيف..و قال..

صهيب: سيييرييي خلااص لبنت غتمووت..

صوفيا كسييرات و لسرعة.زادت.. صهيب ختارهت هي لي تسوق لأنها.. محترفة في سباق سيارات..

بعد مدة وصلو لأقرب كلينيك.. و نزل هازها.. و تابعاه ختو من لور..

ختى دخلو لبلوك.. و وقفو كيستناو برا.. شوية شعل نداء طوارئ لفق لباب.. و عرفو لخالك طارئة..

لا وقعات شي حاجة لأميمة.. صوفيا مغتسمحش لراسها لأنها دائما كتحتاقرها..

و حتى صهيب عارفها شحال متعلقة فيه.. و عارف بأن معندها ذنب..

وصلات زاهدة جات عندهم.. كتشوف فيهم بشر و دمعة محجرة في عينيها زمرديتين..

زاهدة: كلشي بسبابك حتى نتا..واش لهد درجة راك مكلخ.. ديما كنعرض عليك بنتي.. و نتا مكتفهمش هدشي لي واقع دبا بسبابك..

صهيب: عمتي خليني محتارمك..و حتارمي تا بنتك راه انسانة و ماشي سلعة للبيع او ماركة للإستعراض..لا وقعات ليها شي حاجة راه بسبابك..

جلسات فق كرسي كتفكر بنتها لوحيدة لداخل ما بين لحياة و لموت.. و هي طول صغرها و هي كتعاملها خايب لان ذنب ماشي دنبها ذنب باها.. لي هرب و خلاهم.. او بالأحرى كان طماع.. و فاش عرف زاهدة ذكية و مغياخد منها حتى سنتيم هرب و خلاهم.. و هما مزال ممزوجينش.. و عمرو ولا سول فيهم.. زاهدة مكانتش هكا..كانت كتبغيه لدرجة لهوس.. وفاش عرافتو هرب قربات تحماق.. و ولات كتكره طبقة الفقيرة.. و فينما كتشوف بنتها كتفكرو..

حسات بغلطها و وعات.. و بلي بنتها ظلماتها.. طاحو دموع من عينيها..

الإخوة حاضينها بذهول.. و كيشوفو في دموعها و لأول مرة غتضعاف..

خرج طبيب و المسعفين و على ملامحهم الحزن..

صهيب(تقدم نحوهم): شنووو وققعع..

طبيب: قلبها نبضو ضعيف.. مزال ما فاقت.. يقدر في أي لحظة يتوقف..لأن سمنة تسببات ليها في ضيقة على قلب..

غاليـــة.. 

غي وصلو هبطوها و هي كتغوث لي ربي لي خلقها.. و كتنتر.. و كتغوث حتى حلقها تحس بيه تجرح..

عاونوهم ممرضات دخلوها لواحد لغرفة..

جات في طابق الأرضي.. فيها جوج بنات..

رابطينهم بسناسل كأنهم غيعدموهم..

سرحوها فق سرير و شدو رجليها ربطوهم.. و حتى يديها..و خلاوها تنتر..

و كتبكي و تغوث..

غالية: طلقوووووونيييييي انااااا مااااشي حمقة زااااااااهـــــــــــــــدة غندمــــــك... غاا صبـــري.. عليــــا..هـــئ هـــئ.. (تهدات) مـــامـــا..

اخر كلمة نطقاتها بهدوء.. و بقاو دموعها كيدوزو بصمت..و كتنخصص.. و تفكرات عمـــار..

غالية: عمار (نطقات بإسمو مرتاجفة) لا يـاربـي منكونش قتلتــلو.. هئ ويــلــي.. اشنو درت أنا لااااااااا..

بقات تركل و شعرها الحريري تخربق..

شوية دخلوو..

و جاريين عربة فيها فحال صذمات الكهربائية..

قرب منها طبيب.. و هزهم.. و حطهم على راسها واحدة فق اذنها اليمين و الأهرى اليسار..

و عطاهم اشارة.. و شغلوهم.. غي شغلوهم ولات كتهز من بلاصتها و تحط.. 

كانو صعقات كهربائية.. فيهم درجات اعلى درجة كتأدي لموت.. و الأخريات كيأثرو على ذماغ بشكل سلـــبـــي..

بعدهم عليها و حطهم و غالية عينيها تقلبو..

.... :صافي ليوم غنديرو هدشي فقط..غدا و نكملو..

يوم جديــد..

في لباخرة.. كانت تطفو فوق سطح المحيط الهادئ..

راضية كانت ناعسة.. و غياث الدين مسرح رجليه فق الكنباي.. و حاط ايدو على راسو..

حتى سمعها كتحرك.. تلافتت عندها و قال..

غياث الدين: على سلامة.. كيف جاتك نعسة..

راضية: مالك كتسول ياك نتا لي بغيتي نبقى معاك.. ياكما يحسابليك غنعسو بجوج.. حتى نكون يهودية و ديك ساعة مرحبا..

غياث الدين: ياكما وليتي ربيعة العدوية و انا ما في خباريش..

راضية: لا انا غي راضيــــة فــوزي..اسي دراغون..

غياث قلب عينيه بغيض.. و هو ليل كامل منعسش .. و محلاتش ليه نعسة فق الكناباي لي مكافيش جسمو ضخم..

ناضت بشوية دخلات لحمام.. بعد دقائق خرجات..

و تسطحات ثاني فق سرير..

و حتى هو دخل دار روتينو صباحي و خرج..

نشا في اتجهها و جبد دواء لعطاه طبيب البارحة..

قرب ليها و هي ترجع رجلها لور بتخوف..

هو يخنزر فيها.. و شد رجلها عاقد حواجبو..

و بدا كيحيد ليها في لفاصمة.. باش ادير ليها دواء و يلصق ليها وحدا اخرى..بدا كيذهن ليها في بومادة..على صاقها المضرور.. و هي كتنين..

راضية: اننن.. اممم..

غياث الدين: سكتييي مااالي كنولد فيك 😡..

راضية: اه..ححح أي هووف أحح اححح..انن اه..

غياث الدين(غي من اهاتها و انينها و توحويحها قيّم): الله يصبرني.. واش كن***ي فيك مثلا..واش باغا شي حاجة اخرى.. غي امري و انا نفذ..

غياث الدين(غي من اهاتها و انينها و توحويحها قيّم): الله يصبرني.. واش كن***ي فيك مثلا..واش باغا شي حاجة اخرى.. غي امري و انا نفذ..

ختمها ليها بغمزة.. و هي تخنزر فيه.. و قالت..

راضية: كلشي كتفهمو غالاط مالك..دبا وصلنا لمحيط الهادئ.. اذن قربنا لجزر سليمان..

غياث الدين: هه شحال أغبياء نتوما واش من نيتكم.. غتمشيو تقلبو على الحجرة..

راضية: و نتا مالك..

غياث الدين: هد لباطو راه غيحط في اندونيسيا و استراليا..

راضية: ميحتاجش توريني..

غياث الدين: ولات فيك لفهامة كثر من لقياس..

راضية: شنو يحسابليك.. انا مزال ديك لبنت لكانت قبل 5 سنين هاا..

غياث الدين: راك مزال.. غي مخبعاها مورا هد لقناع القوي..

راضية: مبقا والو و غنزل..

غياث الدين: غنزلو..

راضية: فين باغي تنزل.. 

غياث الدين: فينما نزلتي نتي غنزل انا..حتاش بسبابي وقع ليك هدشي..حتى تشفاي..

راضية: لي بغيتي..

عنكش ليها شعرها و خربقو.. و هي تبعد ليه يدو و هي مخنزرة كتقول..

راضية: حييد منك هد لفعايل.. شنوو يحسابك انا برهوشة..

غياث الدين: هه راك مزال في عينيا صغيرة..باقا تعقلي اول مرة شفتك.. في حمام دبيتي كتبولي..

راضية تزنگات و مرضاتش.. و هو عرفها مرضاتش تكرشخ بضحك.. حتى صغارو عينيها و شفرانو الكثاف تلاصقو.. و بانو سنانو لمسطرين لبويض..

و عينيه دمعو بضحك..

غياث الدين: ههه غا قولي لي واش مبانليك غا بيتي انا..

راضية: امم  😒

غياث الدين: هه كون ما كانوش خوتك.. كون راه جامي شفتك.. فين شذوها خوتك..

راضية: معرفتش.. 

غياث الدين: كفاش..

راضية: كتغابى عليا و لا شنو.. انا راه جراو عليا دارنا.. و بسبابي ماما تشللات.. و من تما مبقاوش كيهموني..

غياث الدين: عاودي ليا كلشي بتفصيل..

راضية: هادو كيبقاو اسراري الشخصية..مكنبغيش نقولهم لناس غرباء.. 😊

غياث الدين: اوكي ميحتاجش.. نسمع من عندك غنعرف كلشي بطريقتي..

راضية: و نتا.. عاود لي شنو لي تغير في عائلتكم.. انا عارفة ماماك ماتت.. و باباك مشدود في روما..

غياث الدين(تنهد): نتي عارفة غي لواليدة ماتت.. هي فصراحة نتاحرات..

راضية: أوااه علاش.. كمل..

غياث الدين: معرفتش سبب بطبظ..

راضية: و باباك..

غياث الدين: حضرة الجنرال لسقو فيه جريمة قتل..و تحكم عليه بالمؤبد.. و نزاح من منصبو..قبل ما يشد تقاعد..

راضية(مصدومة): هاا.. و خوتك..

غياث الدين: فيك لهضرة بزاف..

راضية: غي عاود لي عفاك.. و صافي غي كمل..

غياث الدين: سيف الدين خدام.. و عايش طرونكيل.. و غالية (تنهد بعمق) ولات مدمنة او بالأحرى شمكارة..

راضية: كي كيفاش شمكارة..و مدمنة..

غياث الدين: هاديك لفترة لي سايفطتها لحاجة ريو دي جانيرو.. انا مكنتش و هي كانت متعلقة بالواليدة بزاف.. و ماحتحملتش موتها.. و انتحارها قدام عينيها..

راضية: وونتا فين كنتي..

غياث الدين: واا ماكنتش معاها..مشات بوحدها..

راضية: و دبا..

غياث الدين: دبا جا واحد طبيب..هو لي غيعالجها..خلينا منهم دبا..

تسرح و حط راسو على صدرها.. و دور يديه على كرشها..و تنهد 

و راضية ما دارت حتى شي ردة فعل..

دوز يدو على كرشها لي لاصقة على ضهرها و قال..بصوت رجولي هادئ

غياث الدين: شنو بانليك هنا نديرو شي بي بي..

راضية(ضحكات): هههه هاضر من نيتك..

غياث الدين مجاوبها و اكتفى بملامسة بطنها.. و كيتحسس خصرها المنحوت و يدو طالعة معاها..

جاب ليها تبوريشة..

و هو كيسمع دقات قلبها كتسارع.. 

راضية: شنو كتحاول دير.. بعد عليا يذيك..

دازو ساعات و هما مزال في لبيت غي كيهضرو مرة يتغاوثو.. مرة يولي يقيص فيها حتى و سمعو صافرة الإنذار توحي إلى انهم وصلو..حطات الباخرة ركابها في ميناء جزيرة بالي..

رسمات ابتسامة خفيفة على ثغرها.. و اخيرا غتبدا رحلة البحث لمخططين ليها..

جاو رجال غياث هزو حوايجهم.. و خرجو من الباخرة..

كان تقريبا القليل لي نزل في أندنوسيا اغليهم متاجهين لأستراليا..

نزلو و تلاقات بأمين و سيهام و و باخثين اثار.. و عالمين إحاثة مسيفطهم معاهم كارلوس..

كانو كلهم كيساينو فيها.. تا وصلات عندهم ووقفات..

امين: كيف بقيتي..

راضية: الحمدلله.. اذن كلنا تجمعنا هنا.. فلنمشيو..

غياث الدين(جرها من خصرها): لفين الغزالة ديالي..

راضية(بهمس): غياث زول يديك.. مبغاهمش ياخدو علي نظرة خايبة..

حترمها و بعد عليها يدو و قال بغرور.. و ثقة في نفس..

غياث الدين: فلنمشيو كاملين.. و نتي ياله معايا انا نوصلك..سبقونا حنا وراكم..

امين: حنا جينا مجموعين غنمشيو مجموعين.

غياث الدين(خنزر فيه): مالكم غتمشيو محلولين..راه قلت سبقونا..

امين بادلو نفس نظرات و شدات فيه راضية..

و قالت: غي سير ازين.. انا غنلحق عليكم متخافش..

امين: ولكن..

راضية: متخافش.. غي سيرو..

مشاو و لقاتو غادي لسيارة فاهرة سوداء.. كان ديحا حجزها من العقارات لانه عارف مخططهم..

ركب و ركبات حداه و تبعوه رجالو من لور..

ياله غتنطق راضية هو يوقفها صوت طلفون..شاف نمرة.. دار ابتسامة جانبية رجولية.. 

غياث الدين: هولا.. مستر كارلوس..

كارلوس: علاش نزلتي ياك غادييي لأستراليا  😡😡 شنو كتلعب بينا..

غياث الدين(كيستافزو): حاشا اسي..مي فاش شقت بلي ما كاين والو و ممهربين والو قلت.. نزل مكاين لاش نضيع وقتي.. و بغيت دوك لأغبياء دياوبك يحتارموني ولا بمكمالة.. وحدة غضيع مخططاتكم..

قطع عليه.. و خلاه غينفاجر و ولا حمر..و قال بتهديد..

كارلوس: ها نت غتشوف اسي دراغون.. لمنصب لي عاجبك غتحيد منو 😏 و هدا وعد شرف..

صونا طلفونو و جاوب بلا ميشوف لخط و قال بنرفزة..

كارلوس: اش بغيتي تا نت.. 

- ولدك في سبيطار لقاوه مضروب بلموس..

كارلوس جاتو صدمة من طراز الرفيع..

طاح على ركابيه.. شاد من قلبو و هو بين عينيه غي صورة.. ولدو لكان عمرو ما كان معاه كيف لأب و ولدو.. دائما بينهم صراعات و مشحانات.. و بينهم علاقات تضاد.. 

لأن كارلوس باغيه يطيعو في أي حاجة..

و ولدو مكيسكتش على الحق خوا ليه دار منذ سنين.. لأنه رجل بمعنى الكلمة و مبغاش يبقى في دل..

بعدما استقر لوحدو و كون راسوو.. دائما كان كيبغي يجيب مو لعندو لأنه كان كيشوفها عايشة دل مع باه.. لأن كارلوس مهاماهش مراتو قد مهامو راسو و لفلوس.. واخا هو طيب ولكن اناني و طماع..

لقا في مساج عنوان المستشفى..

و خرج يجري من لبيرو ديالو.. عطى اشارة لسائقو يديماري..و ركب..

و طول لمدة و هو كيسوط حتى وصل..

من بعدما سول عليه طلع لفين كاين..

غيدور لجناح.. هو يوقفو صوت معروف بنسبة ليه..

زاهدة: سي كارلوس اش كدير هنا..

كارلوس: و نتي سوقك اديك سحارة

زاهدة: نسيتي راسك ولاا ؟؟

كارلوس: سيري فحالك حسن ليك..

كمل طريقو لقا زوجتو امرأة خمسينية دو ملامح سوداء و هندام أنيق و راقي شعرها قصير و وجها دائري جالسة فق الكرسي كتبكي..

شافتو و هي توقف مشات عندو..

كارلوس: اش كاين اش وقع ليه ا عفاف.. شكون هذا لي تجرأ و قاص في ولدو ليوما غنقتلو  😡..

عفاف: معرفتش كارلوس ولدنا كيموت.. غيمشي كيف ختو.. اكارلوس..هو هو فقد دم بزاف هئ و فصيلة دمو ناذرة..

كارلوس: منين عرفتيها نت..

عفاف: قالها لي طبيب.. هو ضرب لبارح و ليوم عاد جابوه من شي فيرمة.. انا شاكة في وحدا لي اتكون دارتها..

كارلوس: مسحي عليا خناينك و هضري ، شكون ؟؟

عفاف(مسحات دموعها): هو هو مشى بغا يعالج.. وحدا من الإدمان و هو ضرب في فيرمتهم..

كارلوس: شكون هادي..

عفاف: انقوليك و متعصبش..خت الجنيرال..

كارلوس(بعصبية): يا هد لمرا نت لعمرتي ليه راسوو يااك.. واش باغا تحمفيني ياك قلت ليك دكشي شووغلي مدخليش فيه..وااش كتفتشي على طلااااق باااغا نطلقك هاا..

عفاف تحنات على يدو كتبوسها و تبكي.. و تقول..

عفاف:هئ سمحلي سمحلي.. انا انا..غي شفتك..

كارلوس: تشوفي لعمى نشاءلله..

مشى من حداها جبد طلفونو دوز اتصال..

كارلوس: غتمشي تقلب في لفيرمة لكان فيها ولدي.. اي حاجة غتجيبها راه لغدارة بغاو يقتلوه.. لغدر مشى ليهم في دم.. ولكن يا بيا و لا بيهم..

قطع معاه و بقا كيتمتم بوحدو..

كارلوس: غا بلاتي ابنت نصاب.. انغرقك في لحباسات..

زاهدة(من وراه): و انا نعاونك..

زاهدة(من لاور): و أنا نعاونك.. كارلوس(تلافت عندها): و نتي مالك متعاونيني منعاونك.. كانت جامعانا غي لخدمة.. عطيني تيقار الالة.. مشا و خلاها بلاكة.. و هي تحرجات و مشات.. و هي كتسب فيه.. هو وصل لفين كانت مراتو لقاتو كتستنى فيه و على وجها ابتسامة و في عيونها دامعة فرحة.. عفاف: هئ الحمدلله ولدي خرجوه داوه لهد شونبر اصابتو مكانتش خطيرة..و راه فاق.. كارلوس: زيدي وريني فين.. داتو لواحد شومبر.. فتحات لباب.. كان عمار فايق.. و متكي كيشوف في نقطة وحدة و مخنزر.. غي شافهم دخلو و هو يقول.. عمار: لواليدة لبنت معندها دخل و انا صافي.. من ليوم غنمسحها من دماغي.. لا كان ولدك مجرم.. و خوهت عطاه لعقاب لي كيستاهل انا ما سوقيش.. كارلوس: على سلامتك.. بعدا هي مولات لفعلة.. مغتخرج منها سالمة.. عمار: نتا بذات مدخلش كتسمع.. عفاف: من حقو اولدي يدخل هئ من حقو.. بسباب خوها ولدي مسكينس ترزيت فيه و هو في عز شبابوو.. عمار: لواااليدة 😡 خوها مقتلوش ولدك الالة.. مات بوحدو الله يرحمو.. و اد يكن هو هي معندها دخل.. كارلوس(كيصفق ليه): برافو عليك اولدي ديك شمكارة بنت نصاب طيحاتك على زنافرك ياك.. عمار: مااا 😤 (غمض عينيه و عض على شفايفر فاش حس بالألم في بلاصة طعنة في اسفل بطنو) عفاف(شدات لو من كتافو): صاف سكتوو.. ولدي باش كتحس.. عمار: متيقيصيش فيا نت لي عمرتي لي راسي تا كنت غتأذي لبنت.. كارلوس: اهاا و هي مأذاتكش.. عمار: مدخلوش في هدشي.. كارلوس: غندخل كتسمع.. غندخل نتا راك ولدي.. عمار: خرج عليا مبغيتش نشوف وجهك.. كارلوس خرج.. و خلاهم عفاف جرات كرسي و جلسات قبالة عمار..كتشوف فيه.. عفاف: كتبغيها ؟ عمار: ما سوقكش في هدشي خليك بعيدة..علييه.. عفاف: صاف اولدي كالم..شكون جابك هنا عمار: جابني لعساس دلفيرمة.. بصدفة شافني اما كن بقيت تماك حتى مت (كرز على يديه فاش تفكر غالية) انا خاصني نخرج منهنا (بدا كيحيد في سيروم لي معلقين ليه) عفاف: لا لا مغتخرجش دبا طبيب قالي حتى تبرا.. عمار حاس بنفسو معندوش طاقة و هو يرجع جلس في مكانو و لفضول قاتلو من جيهتها.. باغي يعرف فين هي و شنو دارت.. في مكان اخر.. كانت جثة هامدة ممددة على سرير بذون حراك.. جامعة رجليها عندها و خاشيا فيهم راسها على شكل وضعية الجنين.. و حداها بنت كضحك غا بوحدها كانو و شادة دمية في يديها كتمشط ليها شعرها و تتردد كلمة واحدة.. "بنتي" تفتح لباب لحديدي.. و دخلو جوج ممرضات بنيتهم صحيحة.. هزو غالية كيف ريشة.. خرجوها و تسد لباب.. طلعوها لغرفة لفرق فسيحة و نضيفة و تليق بمقامها لكونها تنتمي الى عائلة راقية.. و تليق بالمصحة الخاصة.. سرحوها على سرير و بدلو ليها لبسوها كسوة وردية تحت ركبة.. و خرجو.. بعد مدة قصيرة.. تفتح لباب مرة ثانية..منو حذاء رياضي..

حذاء رياضي ابيض كان لابس سروال اسود مع تشرت ابيض و دابر كاسكيط سوداء.. غالية.. كانت ممددة على سرير هزات عينيها بتثاقل شافت فيه.. و نزلاتهم كان مأثر عليها مخدر.. قرب عنذها و هو عند بالو هدوئها يعني راه بدات كتعالج..بتاسم ليها و قرب باسها في خدها بحنان و عفوية.. سيف الدين: صغيورة ديالي..كيف الحال.. ها نتي وليتي بخير كنت متأكد غتعالجي هه.. واخا جبت ليك طبيب بروفيسيونيل..هه معليش.. غالية غي كتشوف فيه و هي عقلها ممعاهاش.. سيف الدين: هه وليتي زوينة هكا.. غا تشفاي و نخرجك.. و موجد لي سيربرايز هه..مالك هضري.. عقد حواجبو بشك.. و جلس في جانبها كيودز سدو الخشنك على خدها الناعم.. سيف الدين: هه ضعافيتي واش مكتاكليش.. حركات راسها بلا و بداو كيدوزو دموعها.. في هد لوقيتة بذات زال مفعول المخدر.. ناضت تخشات في حضنو و هي كتبكي و وسط شهقاتها كتقول.. غالية: ديني نن نهنا.. و كنواعدك منوليش ندير شي حاجة.. هئ كنواعدك منولي لا نكمي لا نسري لا نشم (شهقات) نو حشيش نو هروين نو كوكايين.. سيف الدين(عنقها): غتخرجي من هنا.. و لكن تتعفاي.. غالية: انا مبغيتش نبقا نهنا انا ماشي حمقة.. صافي جيب عماااار انا بغيييت عممااااااار مبغييتش نبقا مع هاادو بغيييت عماااار  😭 سيف الدين: صافي تهدني اختي.. دخل طبيب.. و معاه ممرضات شاف فيها بنكر و دار ابتسامة صفراء و قال.. طبيب: دبا جا وقت دواها.. دكو ليها نتوما لبرا.. هه 😅شفتي اسي سيف الدين ها علاش مانعين زيارات العائلية.. المرضى كيرجعو لينا من اول نقطة علاج..تعالى برا نشرح ليك.. حرك رأسو بالإيجاب و شاف فيها.. قرب باسها فق راسها و هي شذات فيه.. جاراه من تشرت و مبغاش طلق كتبكي بجهد.. و هما كيجرو و هي كتجر.. سيف الدين تاسف و هو حزين على حال اختو.. لكانت البسمة مكتفراقش شفايفها الكرزيتان.. ولات دبا مكتائبة.. خرج و خلاها موجهة ليه يدها كترجاه.. و هو كيتوعد داخلو بلس غيعالجها.. و هدشي علاش خاصو يقصح قلبو.. و معارفش بلي هدشي لي كيدير خطأ+خطأ.. و عند بالو صحيح

عند بالو صحيح.. خرجو و طبيب بقا كيعطيه في نصائح كاذبة.. لا محل لها في الواقع.. سيف الدين: لا انا و لا بد نبقى نجي نشوفها.. طبيب: اه ولكن شوفها من بعيد افضل ليك و ليها.. نتا متأزمش و هي كيف سبقت وقلت مترجعش لأول نقطة لبداية العلاج.. في جزيرة بالي.. في إحدى فيلات الأجرى.. كانو في فيلا فخمة طبعا لي مستأجرها ليهم كارلوس.. كان كل واحد خدا غرفتو.. و غياث الدين بقا مع رجالو.. راضية كانت كتهضر مع مها زينب في طلفون.. كتسولها على احوالها.. زينب: الحمدلله ابنتي سي كارلوس لهلا يخطيه مهلي فيا مسكين.. هاداك رجل و نعمة رجال ملاك فوق الأرض.. راضية: هه متبالغيش فيه امّاما.. زينب: و نت.. راضية: مناين نتيا بخير فا حتى انا بخير و الحمدلله.. طال حديثهم.. كيف لي ام و بنتها.. من بعد قطعات معاها.. و جلسات فق سرير مسرحة رجليها..جابدة تخوس صغير فيه طلاء. اضافر في الألوان.. هزات لون الأسود كتصبغ في ضفران رجليها.. حتى تفتح لباب.. و دخل غياث الدين.. داير ابتسامة رجولية.. جلس و حيد ملابسو الفوقية.. و بقا عاري صدر.. و هي كتشوف فيه فاتحة ثغرها.. راضية: وا هادي بسالة.. شنو جابك لعندي.. غياث الدين: و صافي قلت انقابلك تيتشافاو رجليك.. راضية: واخا مي مغنباتوش بجوج غياث الدين: شنو تديري تتصبغي.. راضية(هزات راسها بالإيجاب و كملات) متنصبغش ديما..غي من شهر لشهر.. غياث الدين: امم حتى كتكوني ريكلي.. راضية(شافت فيه بعيناها لكريسطاليتين): وليتي نسونجي.. اي زهواني.. غياث الدين: (خنزر فيا) زامل لا.. راضية: انا ما قلتش هكا.. غياث الدين: لا غي قوليها.. قلبات عينيها بغنج و كملات في صبغ..فاش سالات تسرح حداها بجهد.. حتى تبومبا سرير.. و ضفرانها قاصو لفراش و تخربقو.. و شاف فيه معصبة.. راضية: شوف شنو درتي  😡 راك دب روسي سرير غتهرسو.. غياث الدين(قهقه بصوت رجولي): خخ معليش راه حتى دكشي يعد من زينة المراة و حرام.. راضية: مسوقكش في.. نوض عاود مسحهم و صبغهم لي.. غياث الدين: حتى ديري لي مساج لكتافي و نصبغهم ليك.. راضية: لا ديرلي نديرليك.. غياث الدين(بعناد): بربي مغندير ليك حتى ديري لي مساج.. عرفاتو اعند منها و ناضت تقلب على كرشو.. و هي جلسات حداه كتدلك مفاصلو.. و ضهرو.. غياث الدين: اش كتخوري تم.. طلعي جلسي فق ضهري.. تنهدات مستعينة بصبر.. ناضت جلسات في وسط ضهرو مسرحة رجليها موصلاهم عند وجهو.. و بدات كدلك في كتافو بدوائر.. و تولي تهبط.. و هو حس بقشعريرة من جسمو و طلعات معاه حرارة سرعان ما جلسات فق ضهرو.. و اصابعها لتامسو بشرة ضهرو.. راضية من حدها و هي كتقرب لو في رجليها.. تا حطات وحدة على وجهوو.. و هو باغي غي سبة شقلبها و جا فق منها..

و جا فق منها..و انفاسو حارين كيضربو في وجها..

راضية: هاا لبسالة.. و صافي نوض من فق مني.. 

غياث الدين: باغا شي حاجة اخرى لا..

راضية(بدات كضور في عينيها): لا شنو بغيت.. ااه بغيتك تصبغ لي ضفاري لي خسرتيهم ليا..

غياث الدين: ياكما بنتليك خدام في بيوتي سونتر..

راضية(هزات حاجبها): أهاا كتعرفو..شكون هادي لي كنتي كتوصلها ليه..

غياث الدين: الله يهديك شكون غنكون كنوصلها ليه..

راضية(مخنزرة): لا غي قول..شكون هادي

غياث الدين(باسها في عنقها حاى حسات بالقشعريرة): و نتي مالك غايرة ولا شنو..

راضية: نووض نووض بعدمني..

دفعاتو و تسلتات من تحت جسدو الضخم..و شافت فيه و نطقات بكلام قاصح..

راضية: انا بخيير.. و بلامــــا تعدب معايا راســـــك ادراغــون و انا براسي مفهمتش اش وقع لي و نسيت دكشي لي درتو فيا نتــا و عائلتك..خــرج عفاك من نهار وليتي في حيـاتي و انا لور، لور

غياث الدين(بتحدي): أهـــاا

راضية(بثقة): إيــــااه

سرعان ما تحولو ملامحو.. الى تخنزيرة حواجبو تقوسو..و خرج و ردخ لباب..

و راضية بقات كترمش بشفرانها طوال بحيرة..

و تنهدات.و هي كتقول برضى..

راضية: هدشي لي درت خاصو يدار.. لهضرة معاه ممنوع اوك تافقنا شوفة فيه ممنوع.. (تنفسات بعمق) ههفف غنحاول نتجنب شوفة فيه.. عرفتو اشنو باغي ولكن ميلحمش و هو ديجا ضاحك عليا اذن خاصني ندمو.. و هاديك عمتو نوبتها قريبة.. غي تصبر عليا..

تسرحات فق سرير..و حطات ايدها على كرشها.. و هي كتفكر كون بقى الجنين لي كانت حاملة بيه غيكون دبا في عمرو تقريبا خمس سنوات.. 

رجعات بها ذاكرتها قبل خــــمــــــــس ســنــوات الماضية..🔙🔙🔙🔙🔙

كانت في لحمام دغرفتها جالسة فق لاشاص..جامعة شعرها لأشقر اسفنجة بعشوائية.. و لابسة سيرڤيت بيضة لاصقة عليها و سروال قصير شوية مع سبرديلة بيضاء..

كانت كتطلب في سرها بلي ميكونش دكشي لفي بالها صحيح..

و شادة في ايديها اختبار الحمل..و كتلعب برجليها.. فتحات عينيها الزرقاويتين مصغراهم..

و هي تصدم بنتيجة لكانت اجابية و كدل على انها حامل..

شهقات و لاحتها في الأرض و شدات على فمها.. عينيها بداو كيدمعو.. لا اراديا.. ذموعها ماشي من لفرحة انما كانو ناتجين عن الخوف و الرعب.. اشنو غتقول لعائلتها..

راضية هزاتو و كتأكد.. و مسحات عينيها و قالت و هي كترجف..

راضية: لا لا اككيد غيكون خاطئ.. خاصني نمشي لطبيب ضروري.. هئ الله ياربي واش غندير (شدات في راسها) الا كان بصح شنو نقول لمّــا خوتي ايقتلوني و بـابا غيدبحني.. و غياث مكيجاوبش هئ غيكون ضحك عليا و لا شنو..

وقفات كتبكي 3 ايام مجاوبهاش و طلفونو طافي.. و هدشي عاد مكيزيد يأكد ليها بلي غي ضحك عليها.. قررات تمشي لطبيب تأكد..

لبسات عليها مونطو دافئ لانهم كانو في فصل شتاء هزات فلوس حشاتهم في صاك و خرجات..

بعد مدة وصلات امام عيادة طبية.. مختصة بنساء..دخلات لريسبشن خدات غونديفو و جلسات كتستنى و غي ساهية.. و كتفكر واش فغي هي دبا هازة في احشائها جنين نطفة منو و منها..

نطفة منو و منها.. تنهدات باش ميكونش هدشي صحيح.. مبغاتش ولدها يكون هو ضحية بيناتهم..جبدات طلفونها و صونات ليه تاني ولكت نفس شيئ طافي..

وصلات نوبتها..و دخلات و هي ختيفة و فحال هد لأماكن غرااب عليها..

طبيب: متخاافيش ابنتي عارفك دبا مخلوعة مي كلشي غيكون مزيان..

حركات راسها بالإيجاب.. طلعات فق سرير..

و هو جلس كيقلبها.. و كيسولها و هي كتجاوب..

بتاسم و قال:

- مبروك ابنتي نتي حاملة..

راضية(بعدم تصديق): لا لا غتكون غي غالط..غي شوف..

- هه لا راك حاملة.. مبرووكم عليكم مجاش راجلك..

راضية(دموعها بداو ينزلو): لا اسي طبيب انا مبغيتوش.. هئ الله يخليك.. انا مغنكونش حاملة..

- استغفر الله، نتي راك درتي علاقة جنسية كاملة..علاش مغتكونش حاملة.. 

راضية: الله يرحم واالديك.. هئ انا غلطت و غيقتلونس عائلتي.. انا انا (شهقات) حاملة من لحرام.. هئ مبغيتوش يجي و ميكونش عندو بته.. هئ عاوني..

ولات حمرة بالبكى و دموعها كيهطلو كيف شلال.. طبيب بقات فيه و قطعات ليه فقلبو..

- سيري علمي باه و الا مبغاهش رجعي عندي نعطيك لادغيس دواحد دكتورة مختصة بالكورطاج.. ولكن غير شرعية..

راضية(مسحات دموعها، و شافت فسه بأمل): ماشي مشكل.. واش متأكد غتعاوني انا نعطيك لفلوس لي بغيتي..

- واخا ابنتي.. سيري علمي باه بعدا..واش تبغي تشوفيه..

راضية: كيفاش ؟

- ندير ليك ليكو تقدري تشوفيه و تسمعي دقات قلبو تغير نضرتك..

حركات راسها بأه و عاودات تسرحات طلعات قبيةتا و دهن لها سائل على كرشها من بعد وجهات نضرها لشاشة لكانت حداها.. و بذات كتشوفيه مزال نقطة صغيرة في طور نمو و تكامل.. قابها ولا كيدق بزربة و عينيها لمعو.. جاها احساس غريب و مكانتش مخططة ليه.. سمعات دقات قلبو و هنا تبدلات نضرتها و عارفات انها دارت غلط كبير ولكن مغضحيش بكبدتها.. غتكافح على قبلو واخا يعرفوها عائلتها.. مسحات كرشها و نلضت و خوج لها تصاورو.. و خرجات من بعد م شكراتو و عطاها ورقة .. غادة و في داخلها كيغمرها احساس الفرحة.. و الشوق لأمومة..

قررات تمشي لعندو لقصر شدات طاكسي و عطاتو لعنوان.. بعد دقائق وصلات خلصات طكسي و هبطات..

خلاوها الحراس دخل.. بقات غاذة حتى وصلات لباب.. قبل ما دقو جبدات صور دلجنين..

و هو يتفتح لباب كانت زاهدة شافتها و هي تخنزر كارهاها..

زاهدة: شنو جابك لهنا..

راضية: كاين غياث الدين..

زاهدة لمحات صور في يدها و هي تخطف ليهم..شافتهم و هي تخرج عينيها بصدمة..و زمجرت قائلة..

زاهدة: جااايبة لقييط باغا تلصقييه في ولد خويا متحلمييش.. انا غنوريك جرأة انك توصلي لقصر..و باغيا طيحي علينا باطل..

جراتها لقوة من دراعها..

منزلاها في اتجاه لباركينغ و في طريقها كتعيط بإسم حارسها شخصي..

تا وصلو لباركينغ و دخلات لغرفة صغيرة مجموع فيها زبل.. و دفعات راضية بجهد تا جات طايحة في الأرض و حسات بألم في رحمها..

و حسات بألم في رحمها..غمضات عينيها و هي عاضة على شفايفها..

وقفات و هي كتشوف في ملابسها رياضيين لبيضين توسخو.. نفضاتهم..

و هي متجاهلة زاهدة..شافت خيال في الأرض هزات راسها و هي تشوف جوج رجال واقفة بجنب زاهدة..

راضية ياله غتخطي خطوة.. و زاهدة هزات رجلها تال فوق و سيفطاتها ليها لكرش..

مع زاهدة لاعبة لكراطي..

راضية طاحت في الأرض كتلوى شادة في كرشها و الألم من حدو و كيقوى..

زيرات على كرشها و هي كتحاول تحميها..

زاهدة: ليوما غتشوفي لموت و متلقايهاش.. ديرو نتوما خدمتكم 😉

قربو منها واحد من ورا ضهرها و احد قدامها..

و بداو كيضربو فيها برجليهم كأنها خنشة درمل..قدامهم ماشي انسان و حاملة في بطنها انسان..

قتبوها بالعصى بذون رحمة ولا شفقة..

راضية كتبكي و تغوث و شادة كرشها..

زاهدة(هزات عصى): حيدو من تم..

قربات لعندها و نزلات عليها لكرش.. تا طلقات صرخة صمكاتهم.. و حسات بسائل دافئ نازل منها..

حوايجها لبيضين ولاو كلهم دم و هي كتغوث..

راضية: حرااام عليييك حراام علييك هئ ولديي الله ياخد فيكم الحق..

زاهدة: هزوها لوحوها قدام دارهم.. و قولو لهم كانت حاملة.. 

خرجات كأن شيئا لم يكن..

في طريق كان جاي غياث الدين.. و هو كل شوق للقائها.. توحشها بزاف.. هد لأيام لي دوز بلا بيها كان غيحماق..

كان جاه خبر الأب ديالو كان في غابة الأمازون في رحلة استكشاف وسط و تفقد و مشى كيقلب عليه مستعين بشرطة الغابات..و هدشي علاش كان طلفونو طافي..

عقلو كان معاها و طول طرييق كيفكر فيها..

و ساهي و سايق بلا عقل..

حتى خرج قدامو كاميو كبير و هو كان غادي بسرعة كبيرة.. فقد سيطرة على الفراميل..

و دخل في لكاميو و هي تقلب ليه طموبيل..

كان حادث خطير..

وقفو جميع سيارات لمارة و عيطو لإسعاف..

خرجوه لأن طموبيل كانت غتفركع..

داوه لسبيطار.. و زاهدة وصلاتها لخبار مشات طايرة..

و انفوا خرج طبيب عرفات بلي راه فق جزء من داكرتو و بضبط هد شهراين الأخيرة..

فرحات و عرفات بلي هكا غينساها.. لأنها هي ادرى بعلاقتهم.. و محملاهش يكون مع وحدة فقيرة..و ماشي من مستواهم..

راضية فاقت من تفكيرها على صوت لباب كيتفتح

دخلات منو سهام و سداتو.. تلاحت حداها تسرحات و قالت و هي كتغمز فيها..

سهام: اش بينك و بين موسيو لو جنيغال..

راضية: والو..والله..

سهام: عرفتي شنو نتي احسن حاجة وقعات لي و مزيان مناين قنعتيني نجي لهاد رحلة.. اميين. 😍

راضية: مالو..

سهام: طلع كيبغيني و مخبي  😍😍 و عتارف لي بلي كيبغيني  😍

راضية(فرحات): بصصح ؟

يوم جذيد..

غالية كانت جالسة و مفعول لمخدر زال منها.. كانو مجلسينها بوخدها في غرفة كانت في طبقة ثانية..مكمشة في مكانها و كيتفكر كيف خاصها.. تهرب من هنا.. 

حتى تحل لباب و دخلو ليها لماكلة جلسات وحدا كتوكلها.. و هي كتاكل.. تا وصلات لحبات دواء عرفات هما هادو لي كيأترو ليها على دماغ.. و كيرخيوها..

فتحات فمها و خشات ليها جوج حبات..

غالية مسرطاتهمش خلاتهم تحت لسانها.. و بينات ليها بلي سرطاتهم..و شربات قطرة دلماء..

و خرجات و سدو لباب..

و بقات غالية في مكانها حيدتهم من فمها لاحتهم.. و بقات كتشوف في سقف..

و فجاة تفكرات عمار تمنات كون بقات معاه.. ولا هدشي.. تسألات واش غيكون بخير و لا مات..

غالية: لا لا يا ربي ميكونش مات..

دورات عينيها لسرجم كتشوف في اشعة شمس توحشات حياتها.. واصدقائها و ضحكها و نشاط لمذوزاه معاهم..

وقفات مكانوش رابطينها و جرات ليزار لأبيض..مزقاتو بسنانها..

و حزماتو مع بعضو تا ولا حبل طويل..

و حلات سرجم.. و دلاتو و حزماتو مع سرير..

و شافت في كاميرا المراقبة لكانو دايرين ليها في صقف و دارت باي باي..

و مشات لداك لحبل و قررات تهبط واخا كان قصير و مغيوصلهاش..

شدات منو و هبطات من سرجم ياله نزلات شوي و هو يتمزق و طاحت.. جات فق لكازو لفي جردة.. رجلها تجرحات و بدا دم كيدوز منها..

سمعاتهم جايين كيتغاتو..

غمضات عينيها غي وصلو عندها و هي تحبس نفس مبقاتش تدخل لأوكسيجين و لا تخرجو..

قرب عندها واحد لممرض شافها واش كتنفس.. تصعق يحسابلو ماتت.. و نفس شيئ دارت ممرضة اخرى.. و غالية كان عندها زهر مقاسوش نبضها.. شافوها غي واش كتنفس..

صافي تعالات لأصوات بيناتهم و كل واحد كيقول راه ماتت شنو غنديرو..

غالي غاتانمات لفرصة و خدات قدر من لأوكسبجين عمرات بيه رئتيها..تا شافت طبيب جاي..

- سيدي لبنت ماتت هانتا قيس نبضها..

جرلو يدو تحت انفها..و كانت غالية قاطعة نفسها طبيب حتى هو غبي.. بدا كيولول كيف المرأة..

و قال 

طبيب: هزوها لكلينيك.. 

دكشي لي دارو هزوها في سيارة اسعاف و هي مرة مرة كتبتاسم بخبت و كتقول" انا جايا ليك.. ازاهدة "

تا وصلو.. دخلوها لشومبر و مشاو يعيطو لطبيب..

غالية غي خرجو نزلات من فوق سرير كتجري.. غادة في لكلوارات كيف لحمقة.. مع دورة بانو ليها الممرضين لجابوها..جايين يجريو مع طبيب..

ركبات في سانسور.. لطابق العلوي..

غي تفتح.. دخلات لأول غرفة بانت ليها و سدات لباب.. و سورتاتو من لداخل.. و وقفات مغمضة عينيها كتنفس بجهد..فتحات عينيها و هي تشوفو تصدمات و لسانها تربط معرفات متقول..و هو كدلك مصدقش..و بقا ساهي فيها..

حتى فيقاتو كانت كتجر فيه..

غالية: سمحلي سمحلي سمحلي.. ديني من هنا عفاك و دير في لي بغيتي.. غيشدوني..

عمار(بهدوء): شكون هادو ؟

غالية: معنديش لوقت عفااك الله يرحم والديك.. هما داروني حمقة و داخلوني سبيطار دلحمقى..

عمار: لا معرفتش شكون هادو بربي تنخرجك ليهم..

غالية: عمتي زاهدة دارت في حمقة.. واا عفاك نوض..

عمار: واش كتسطاي عليا.. مكتشوفيش في حالتي..

غالية(بتلاعب): ياك قلتي غادي تزوج بيا.. و كتوجد في وراق..

عمار: اه كنت.. مي دبا لا ميشرفنيش نتزوج بغدارة فحالك..شي نهار نصبح مقتول..و منسيتش مدرتي فيا..

غالية: عفاك سمحلي.. غي ديني من نهنا.. و لي بغيتي ديرو فيا..

عمار(بمكر): لي بغيت..

غالية: اه لي بغيتي.. معاك متأكدة مايقربوش ليا..

عمار: جرحي مزال جديد و باقي مبراش..و مقادش نتمشى..

غالية قلبات عينيها بحيرة.. و هي تشوف كرسي متحرك..و ابتاسمات بشر و قالت..

غالية: صافي لقيتها.. ستنى انا جايا..

مشات بشوية فتحات لباب.. و دورات عينيها على لممر.. ملقات حد و خرجات كتجري..

و عمار بقى كيبتاسم بشر و يحك في مؤخر رأسو.. و قال..

عمار: جيتي برجليك لعندي..والله شمكار لي حطك ما تبقى فيك..

شافها داخلا هازة وزرة بيضاء و كمامة.. و نضارات طبية.. لبسات لوزرة و سداتها و جمعات شعرها.. دارت لكمامة على انفها و دارت نضارات..هزات طلفونو كان محطوط خشاتو في جيبها..

قربات لعندو..و هو كيشوف فيها بذهول و مصدوم في ذكائها لخارق..

كرسي متحرك و هو شد في كتفها و جرها لعندو مزير عليها قصدا.. و هي تبدا ضرب في صدرو مخنزرة..

تا هبطاتو و جلس في لكرسي المتحرك..

و دفعات بيه غي خرجو و هي تمشي تجري دافعاه..

ركبو في سنسور.. لأخر طابق لي هو لباركينغ..

عمار: عرفتي شنو دبا اشمكارة..

غالية: شمكارة هي مك..

عمار: شنو..

غالية: والو.. مالك..

عمار: انا مخاطو بحياتي و جرحي مزال مبراش و مزال كينزف..

غالية: ماشي مشكل.. دبا فين انمشيو عندك طموبيل..

عمار: معنديش..

غالية زفرات بجههد تفتح سنسور و خرجوو..

جبدات طلفونو و هو تلافت دار ليه اشارة بمعنى سكت.. و بدات كتفكر حتى ستعقلات..

نمرة.. و بدات كتكتب فيها..

و بدات كتكتب فيها.. دخلاتها كاملة و بدات تصوني و مرو ثواني و مجاوبش..

غالية: ايواا الله ينعل زامل بوك اولد لقحبة.. 😤 لعزوة لي حطك.. جااااوب..

عمار غي كيشووف فيها.. حتى غوتات..

غالية: ااااه يااا ولد قحبة دروك.. عاد وين.. شوف انا دبا في باركينغ سبيطار امم.. اش من سبيطار نتا..

عمار: كلينيييك ****

غالية: ها نت سمعتي دبا دبا تجي طاااير لعندي.. تعطل بربي تنقتل اصل مك..

قطعات معاه و شافت في عمار و قالت..

غالية: انمشيو لدارك.. واخا..

حرك راسو بالإيجاب..و بتاسمات ليه و لأول مرة غيشوف ابتسامة على وجها و غيشوف في سنانها.. لكانو مقادين و جوج قدامين طوال و بيضين.. و ملصقة دباگ فضيين في نيلبها لفوقانيين.. كيلمعوو.. خنزر فيها و قال..

عمار: اش هادوك لحديدات ملصاقهم في سنانك..

غالية: ديها في كر.. اه هادو هادو والو غي عجبوني و درتهم..

قلبات عينيها بملل.. و هي مكرها منو مي معندهاش خيار عرفاه هو لي قادر يحميها منهم بعد غياث الدين..

حتى شافت ضوء جاي في اتجاهم.. سيارة من نوع رونج روڤر بيضاء لون..

وقفات و نزل منها ابتاسمات ليه و هو جا عندها عنقها و هزها كيدور بيها..و هي خنقها و بدات كتدفع فيه..

غالية: يعطيك موصيبة.. خنقتيني..

كوامي(شدها من خدودها): توحشتك.. توجوغ كنت كنمشي لقصر ديالكم.. مي عمتك.. كانت متحبسني و كتقولي مكايناش.. و عرفت إن في الموضوع..

غالية: هاديك عمتي.. بربي تغنحوي زامل بوها.. بيا و لا بيها..

عمار غي كيخنزر في كوامي.. و فيها..

حتى شافت شافت نفس الممرضين لجابوها خارحين من سانسور غي شافتهم شهقات..

و مشات عند عمار دفعاتو لسيارة..

و طلبات من كوامي المساعدة..

نزل بوحدو و طلع و هي لغتصوق طلعات و دار كوامي طلع و كسيرات..

و خلاتهم كيغوتو و يسبو في بعضياتهم..

- نتا لي مكلخ.. 

- مال مك نتا لي قلتي ماتت..

- صافي هنيونا اش غنديرو دبا..واخا نلحقو عليهم مغنتبعوهمش

- انا غنقود فحالي من داك سبيطار دلحماق.. لا زدت فيه دقيقة انا لغنحماق..

غالية شذات طريق رئيسي.. و فرحانة.. كتهضر مع كوامي..و عمار لور حاس براسو زائد وسط منهم..

وقفات في رصيف تلافتات عندوو..

غالية: فين جات دارك..

عمار: برراا لمدينة.. ديري جي بي ايس..

حركات راسها بأه..

كوامي: انا غنصوق عليك..

غالية: لا انا لي غنصوق..

كوامي: انا عارف لطريق مزيان..

غالية(هزات فيه راسها معصبة): قلت ليك بلاش..

كوامي: انا نوصلكم بزربة..

غالية(عطاتو بتصرفيقة و هي في قمة لغضب): دبا لدينمك.. نتا تعرف حسن مني تكمش ولا غنهرس لمك سنانك.. كتسمع..

عمار كان مسرح رجليه لور و حاضيهم.. و هو يضحك ضحكة رجولية.. بارزة لغمازتو في الخد اليمين..

طلقات منو و رجعات.. و كوامي غي كيشوف ماشي اول مرة تعصب منو..

عمار بغاها فيه و مكرهش تنزلو و بقا غي هو وياها راس في راس..

ركبات عنوان في جي بي ايس.. بعد مدة..

وصلو فيلا صغيرة..

دخلات مع لباب و وقفات نزلات.. و فتحات لباب على عمار و هو بتاسم بالجنب كيحاسبليه مهتمة..بيه لكن خاب ضنو فاش قالت..

غالية: شوف نتا ، واش متأكد في هد لقرينة مغيلقانا حد..

قلب عينيه بملل.. و نزل و جرها لعندو كارز على عنقها.. جارها داخل هو وياها..

و كوامي تابعهم.. و صلو عند لباب و تحنى جبد من تحت واحد محبق ساروت و فتح لباب و دخلوو..و هو كيشوفو في ديزاين لفيلا كان فريد من نوعو كلشي في لون الأبيض.. الأتات الأرضية الحائط .سقف ستائر سراجم كلشي. 

عمار تلافت لكوامي لداخل كيتعنگر..

عمار: اشريف.. لفيين.

غالية: لتغمة لفيل.. هادا جاي معايا متهضرش معاه.. كوامي (شافت فيه) خود راحتك..ا حپيي (نطقات حرف لباء غليظ)

شافت في عمار و هي تلمح في تشرت ديالو الأبيض دم جهة كليتو ليسرى.. تماك فين ضرباتو... 

غالية: هيي نااري اصاحبي عندك.. دم..

عمار: ماشي مشكل..

غالية: خخخ باينة وعتك.. اسمحلي و صافي راه لبلية.. صعيييبة..

غادة كتفرنس و هو يجرها.. متكي عليها.. و خاشيها تحت دراعو..

عمار: اجي وصليني لبيتي و عاونيني نبدل..

غالية شافت فيه بغيض و تمشاو.. طالعين في اتجاه غرفتو.. كان مقابل مع درج..

فتحو و كان حتى هو كل في لون الإبيض و فيه ديطاش في لأسود..

متوسطو سرير دائري..جلس و جرها معاه و هي ناضت..

حيدت لوزرة البيضاء رماتها.. و لاحت نضارات..

عمار: عاونيني نحيد تشرت..

غالية: و مال يديك مهرسين ؟

عمار: متنسايش راك في داري و بسبابك انا واصل لهد لحالة.. و عرضت حياتي لخطر على ودك..الغزالة ديالي..

غالية: لاواه ضبعة ديالي.. هز يديك لفوق..

هزهم و هي طلعات ليه تشرت.. نصلاتو و دورات عينيها على صدرو العريض و عضلاتو السداسية..

دوزات اطراف اصابعها على صدرو.. و هو تعجب من تصرفها..

غالية: مفيكش زغب..

عمار: لا ، كاين لفيه و كاين لعكس.. 

غالية: اه يحسابلي راك كتحيدو.. حتى انا مفياش..

عمار: أري نشوف..

غالية: اش غتشوف.. يخخ غا لي بغا يهضرك نوض انا نداوي ليك لجرح ديالك..

عمار: و تعرفي..

غالية: وي راني بروفيسيونيل في هدشي..

عمار: دخلي لحمام غتلقاي بواط بيضة معلقة في بلاكار لفوف جيبيها..

دخلات جابتها.. حطاتها حداه و فتحاتها.. كانو فيها لوازم طبية و ادوية لضرورة..

غالية جابت ليه مخدة دارتها مورا ضهرو من كتافو و سرحاتو.. و تربعات حداه.. و حيدات ليه لفاصمة بجهدد حتى بغات تقلع معاه جلدة..

و هو يعض على شفايفو بألم.. 

شافت لخياطة لدايرين ليه... و هي تجبد لخيط بجهدد.. حتى حمار هوو..و ناض دفعها..

عمار: نوضي تقودي انعل زامل بوك..

غالية(عقدات غوباشتها): مالك شعندك.. اساط.

عمار: برااا.. قودي..

خنزرات فيه و ناضت.. هبطات لتحت لقات كوامي و هي تعلق فيه من لور..

كوامي: عندو دار زويينة..

غالية: ايواا نتا كلشي يعجبك.. احح توحشتك.. اجي نشطو شوية.. معندك لا كارو لا شراب 😉

كوامي: كلشي موجود.

غالية: ايوا طلقنا لفراجة. راه داك لقواد عطيتو فاش يتلاهى موحال واش يننزل نعندنا..

في ميناء جزيرة بالي.. كان كل خارجين و هازين دكشي لغيحتاجوو..

راضية لابسة سروال مينيتير و بوط دبلاستيك و ضوني ابيض.. و حداها كل من سهام و امين و 3 باحثين و عالمة احافير..

حتى وقف عليهم غياث الدين لابس سروال اسود و شوميز بيضاء و بالغين سوداء..

داير نضارات شمسية.. و رائحة عطرو قوية.. ارتاطمات بأنفهم و خلاتهم يتلافتو ليه..

كان خاشي يدو في جيابو و حاضي ليخت لغيركبو فيه.. راضية مداتهاش فيه و طلعوو..

و حتى هو تمشى بخطوات ثابتة.. و طلع بكل ثقة..و طلع طيراس و جلس مفرق رجليه و ميرح يديه..

حتى وقفات عليه و قالت بنرفزة..

راضية: شاجابك لهنا..

غياث الدين مجاوبهاش و قلب عينيه كيشوف في جهة اخرى..

راضية: معاك نتا كنهضر

حيد نضاراتو و قال بهدوء و صوتو رجولي خشن :

اجي ضربيني..

راضية: مكرهتش مي فورمتي على قد لحال..

غياث الدين: لا كنتي ساخية بروحك.. حيدي من قداامي عكرتي لجو..

راضية: ياك..

مجاوبهاش و اكتفى بغمض عينيه و رجع رأسو لور..

و راضية تقمعات و رجعات نازلة.. و هو بقى على نفس حالو..

مشى ليخت و راضية شادة خريطة.. و كتوريه في لإتجاه.. كانو غيدورو على الجزيرة كاملة يشوفو واش كاين إحدى الكهوف او المغارات..

حتى شافتها...

و عطاتو اشارة باش يمشي.. لجيهتها.. حتى وقفو امام.. كهف مضلم..

راضية: غنقلبو هنا مزيان.. لي نبغيه هو تفتحو عينيكم.. و تخدمو عقلكم..تافقنا..

حركو رأوسهم بالإيجاب..

و نزلو فق واحد صخرة.. و بدا لما كيضرب في رجليهم..

ؤ تبعهم غياث الدين هو الأخير.. غي هبط هو طلع لو لماء مع رجليه و زفر بغيض..

راضية(بسخرية): اوه كان علينا نجيبو لماستر الكولونيل صباط اخرر..

مشافش فيها و كأنه مسمعهاش و هدشي خلاها كتغلي من داخلها..

و وضعات كاسك على رأسها فيه ضوء.. و دخلات هازة خريطة.. و كلهم هازين حقيبات صغار على اكتافهم..

كان هدوء تام في الكهف و كيسمع غي صوت قطارات ندى و خطاويهم..

دخلو مسافة.. هما يشوفو شلال.. راضية تمشات قدامهم..

و هي تحس بالأرضية كتسحبها لتحت.. كان الوحل (الرمال زاحفة) لاحت لخريطة من يدها و هي تبدا تغوث.. و كتحاول تخرج رجلها ولكن معندهاش قوة..

ابتاسم غياث الدين بسخرية على غبائها.. و قرب مد ليها يدو..و جرها لكن كانت عالقة.. هو يتحنى دار يديه تحت صدرها و سحبها لفوق..

و سحبها لفوق بقوة.. حتى طاح و جات فق منو و دفعها..

و وقف و هي بقات كتهنج..

راضية: خاصنا نردو لبال في نحطو رجلينا..

غياث الدين: منبقاوش غا مدرمين كيف لبهايم..

راضية(خرجات عينيها): إيوااا حاااشاااك..يااا دب روسي..

جراتها سهام كضحك.. و امين نفض ليها حوايجها..

و كملو مشيهم.. و كياخدو خطواتهم بحذر.. و غياث الدين تابعهم بهدوء..

و وقفو كيشوفو في الكريسطال نازل مع صقف.. و هداك الكهف كان خيالي..

راضية جبدات لخريطة تدقيقية..و حطاتها في الأرض..

و تجمعو عليها كتوريهم و عالمة احافير كتشرح ليهم..

و غياث الدين غي كيدور في عينيه في المكان و مكره منو.. و تلافت لسبب لاش جا..

بقا حاضيها و هي كتشرح ليهم و جالسة في الأرض..

حتى وقفو و كملو لقاو ممر ضيق.. و صقفو قصير..

دخلو منو محنين و تبعهم غياث الدين.. و حاس بهدشي غي تبرهيش..

شوية حسو بهزات ارضية و صوت صخور كتراكم على بعضها رجع غياث الدين هو لول و مد ليهم يديه كيجر فيهم تا خرحهم كاملين... و دفعهم قدامو و خرجو كيجريو منيين جاو.. توصلو لمدخل.. و رجعو ليخت طلعو لوو.. 

كلهم كانو قلوبهم كيضربو.. كان شوي غتريب عليهم و يموتو منبوذين..

غياث الدين(كان واضغ لا سلكي على ودنو): دبا غنرجع فحالي قطع لي في اول طيارة غدي لمغرب..

في الجهة الأخرى

راضية: لا لا مغنزيدش هنا دقيقة واش حنا حماقنا لهد درجة.. مستحيل نبقى هنا.. كاولوس اجي بنفسوو كون راابت علينا ديك طقبة.. كون متنا و ميسيق حد خبارنا.. و مغنوليش هنا دقيقة..

كان كل واحد شاد قنت.. حتى وصلو.. و كل واخد فيهم نزل..طلعوو كيجمعوو في حوايجهم..

في فيلا عمار..

كان قاد جرحو بعد معاناة و الم.. و لبس عليه تشرت اخر بسماطي في لون الأسود و لبس سروال سيرفيت.. و نزل..

كقلب عليهم.. حتى سمع صوت ضحكهم جاي من لكوزينة.. قلب دورة.. و رجع.. غي دخل هو يحل عينيه بدهشة من المنضر لقدامو..

حل هينيه بدهشة من لمنضر لي شاف قدامو..

كان كوامي حاط ركابيه على الأرض و يديه..

و هي راكبة فق ضهرو كأنه حمار..

و فوق طاولة الأكل كانو قراعي دويسكي.. خاويين..

غالية: سيير.. طووط طووط حيد نتا من طريق..

كوامي: حيد من طريق و لا انديرو كسيدة.. طيييط..

مشا في اتجاهو و عمار باقي مستوعبش هد لحماق.. دار لهم طريق و خرج كوامي كيكحز بشوية..

غالية: سيييير بزربة..

كوامي كان مأثر عليه المشروب دكشي علاش غادي بثتاقل و هي تحيد صباط من رجلها..

و شداتو في يدها و شحطاتو لمؤخرتو..

و هو ينقز و زاد في سرعة..

و هي كضحك بأعلى صوتها.. و فرحانة كأنها شي بنيتة صغيرة..

دار بيها صالة كاملة.. رجع دار بيها لكلوارات..

و عمار غا تابعهم.. 

عاودو رجعو لباب و قفاتو و نزلات غالية من فوق ضهر كوامي..

فتحاتو و رجعات طلعات.. و مشى كيحروك بيها في جردة..و عررقو كيقطر و كل ما كينقص من سرعتو..

كتشحطو غالية لمؤخرتو بجهد و كيزيد في سرعة من جديد..

عمار دخل لداخل كيقلب في نوع المشروب لي شاربينو..

تنهد و خرج عندهم مخنزر هو يشوفها هد لمرة رابطاه من عنقو بحزام لكان في كسوتها..

و جراه و هو جاي على نفس لوضعية كينهج..

عمار وقف ليها في لباب مخلاهاش دخل و هي تخنزر فيه..

غالية: غتحيد من قدامي.. و لا نقول لكلبي يفتارسك و يخلي فيك غير لعضومة.. كوااامي (تلافتات ليه)

كوامي(نبح): هااااو هااووو هااو..

عمار ضهرات على ملامحو ابتسامة رجولية فاتنة..

و دار ليها طريق..

دخلات جارا كوامي.. ربطاتو مع رجل دطبلة لوسط صالة..

و هو تكمش و هي جلسات حداه مربعة كتحك ليه في رأسو.. تا غفى..

عمار: اش هد تبرهييش.. كيبانلي راك حمقى بصصح..

غالية: شش غتفيقو و غينوض يعضك..

مدات ليه يدها بمعنى يعاونها تنوض.. جرها حتى رأسها صطادم بصدرو..

و شاف فيها و قال..

عمار: هدا مغيبقاش في داري..

غالية: خليه يفيق بعدا.. تانا بغيت نعس..

عمار: و نعسي مالي حابسك.. (عطاها بضهر و مشى و هو يرجع) باغا تنعسي أجيي.. لهناا..

شدها من معصمها.. و جرها معاه دخلها لواحد لغرفة صغيرة..

تسرحات فق سرير و بدات كتقلب.. و هي تقول ليه بغباء..

غالية: نعاس هرب عليا عاود.. اجي حك لي في شعري و غيرجع ثاني..

عمار: راه نتي لي خاصك تحكي لي في شعري..شكون لي مريض انا و لا نتي..

غالية: حك ليا و نحك ليك احميمتك.. تعالى..

دارت ليه بلاصة حداها اما عمار جاتو من الجنة و ناس.. عرفها كون كانت واعية متخليهش يقرب منها.. لاح صندالتو و تسرح حداها و جرها لعندو من خصرها..

حتى لصقها عليه.. و شافت فيه بنظرات هادئة كترمش في عينيها..

و هزات يدو خشاتها في شعرها و قالت بصوت تعبان..

غالية: بقا تلعب في شعري.. باش يرجع لي نعاس..

عمار: بوسيني و نبقا نلعب ليك في شعرك.. (مد لها شفايفو)

غالية: و الا شافنا شي واحيد..

عمار: مغيشوفنا حد غا زيدي..

جمع شفايفو و كيشوف فيه بنص عين.. و هي قربات ليها طبعات قبلة هادئة.. و بعدات.. و شدات في يدو و حطاتها على شعرها..

و حطاتها على شعرها.. و هو بدا كيلعب في شعرها لحريري.. و هي غمضات عينيها و نعسات، لأنها اليوم خاضت معركة قوية..

عمار بقا كيشوف في شفايفها الكرزيتان.. و شفارها الكتيفين.. و انفها المستقيم.. و دوز ايدو على خدها بشرتها ناعمة مثل الأطفال..

بتاسم فاش تفكر شنو كانت دايرا لكوامي..

معرفش شنو يدير فيها و هي الأن تحت رحمتو.. معرفش اش غيكون عقابها.. على طعنة لي طعناتو..

قبل كان معصب منها بزاف.. لأنه حس براسو حمار.. و لكن سرعان مشافها نسى كلشي..

تأمل في ملامحها طفوولية..

حتى غفى..

دازو ساعات و طاح ظلام..

دخلات سيارة فاهرة لقصر..توقف امام لباب و نزل منها غياث الدين..

تمشى بخطواتو المزونة و نظراتو مثل صقر.. دفع لباب و دخل.. كانت شامة جالسة في صالون..

في يديها القرآن الكريم.. كتجود فيه..

قرب منها و باس على رأسها و هي حبسات و سداتو.. هز يدها باسها.. و ابتسمات له برضى.. و حطات يدها على ذقنو التي تزينه لحية سوداء خفيفة.. زادته رجولة و وسامة..

شامة: طولتي الغيبة اولدي..

غياث الدين: ماشي بزاف الحاجة.. كيف راك..

شامة: الحمد الله..

غياث الدين: كيابنلي لقصر خاوي..

شامة: علاه ما في خبارك.. بنت زاهدة نتاحرات و لحد الأن را هي في خطر لقيتيني كندعي مع هاديك ليتيمة مسكينة..

غياث الدين: علاش دارت هكا..

شامة: عمتك.. اولدي عمتك (تنهدات) كلشي منها..كرهت لبنت في حياتها و ديما محملاها لمسؤولية..

غياث الدين: و فين غالية ؟

شامة(بتوتر): اأ غغالية..

غياث الدين(بشك): مالك ؟

شامة: والو اولدي.. غي حسيت بالخنقة..

عقد حواجبو اكثر و هز كاس دلماء لكان قبالتها فوق طبلة الكريسطالية.. شداتو من عندو بارتجاف..

و شرباتو تحت نضراتو.. و من بعد مسحات فمها..

غياث الدين: الحااجة ! غالية واقعة لها شي حاجة، راك مغتكدبيش عليا..

شامة(بداو دموعها ينزلو): اش غنقوليك اولدي.. ختك حماقت هئ مشى لها العقل و عمتك.. واعداتنا غتعالجها و دخلات لسبيطار دحماق انترناسيونال..

غياث الدين(خرج عينيه): كفاش !!؟؟ معامن تشاورتو ااه معامن تشاورتووو... لا هد لمرة راكم زدتو فيه..

شامة: و نتا اولدي لي مشيتي و خليتيها..

غياث الدين: انا خليتها لسيف الدين ولد الق** (كرز على سنانو مكملهاش) فين هي دبا.. شممننننن سبيطاااااار (زمجر بصوت عالي)

شامة(كترعد): مم معرفتش اولدي تهدن..

مشى بخطوات سريعة و ملامحو باين فيهم لغضب.. غي فتح لباب بانليه سيف الدين خارج من سيارتو.. كيلعب بطلفونو..

هو يتمشى في اتجاهو شنق عليه..

غياث الدين: ياك اولد القخبة هادي هي رجلك عندك.. تخلي ختك مدخلينها مع لحماق.. و عارفهت متستحمل تا دقيقة و هي محبوسة..و داعي رجعتيها حمقى..

سيف الدين: شكتخور نتا 😡.. ختك كانت حمقى و كون ما عمتي مسكينة لي باغا مصلاحتها كون لاحت حوايجها في زنقة.. و تشوهنا

يتبع