الشقراء المثيرة الجزء السابع

غالية: عمار جيييب لي كااس ديال لماء يكون بارد.. راني غنتعرى عليكم هنا  😡 عمار: راه لكوزينة تعرفيها.. بسمة(عينها على الرضيع لفي دراعو): واش هاداك ولدك ؟ غالية: نو هاداك.. ولد المكبوت.. عمار(بحدة): غالييية.. غالية(وقفات مشات لعندو ووقفات قدامو كتقول): عرفتي شنو.. هاداك لحمار بغا يغت(جراتها بسمة من يدها و كتقوليها سكتي) والو.. عمار: شعندكم ؟ بسمة: ووالو اخويا ووالو.. غالية: هدشي ما فيه حياء.. عرفتي شنوو هد سيد طلع رجوولة على خويا.. نااري والله تا رجولة.عرفتي شنو كنعس معاه في بيت واحد و مشاركين سرير و عمرو ضسار عليا (ربتات على كتفوو) بسمة: شننوو.. عمار: اش واقع مالو خوك ؟ غالية: بغا يغتاصبها.. ولكن انا اندموو.. مغنخليهاش فيه 😡 عمار: جلسي لأرض و متخرجيش كتسمعي.. غالية: غنخروج.. شكون نتا تحبسني ؟ عمار(هز حاجبو): أهاا ياكما دار مخليها ليك باك.. ولا راك شريكة فيها معايا.. و بربي و تخرجي من داك لباب لا عاودتي دخلتي.. غالية: ياك دبا كتجري عليا.. غي قولي سيري فحاليك.. و نتقبلها منك.. ولكن ماشي تبدا تعاير فيا  😞 عمار: كلامي ميتعاودش.. و شدو عندكم لولد.. غيجي لعساس يعطيكم شي حوايج ليه..من احسن شديه عندك نتي (عطاه لبسمة) و نتي ديري عقلك.. و بعدي منو ولا راه لحبس كيستناك.. مشى كيتمشى بخطواتو ثقيلة و مشيتو المعهودة.. و هي جلسات كتشوف فيه حتى غبر و قالت ببرائة.. غالية: مالو معايا ؟ عمرو عاملني هاكا.. بسمة(بتاسمات): هه راه نتي مكتعامليهش كيف كيعاملك.. شنو يحسابليك هو خدام عندك.. هه عرفتي شحال كيبغيك.. غالية: يمشي يقود.. خلينا فين كنا.. ااه انا غندمو..و غنشوهو.. شنو يحسابلو غي هو لي عندو.. راه حتى لحمار عندو.. عطيني طلفونك.. عطاتها بسمة طلفونها.. و هي بقات كتخربق فيه بايد وحدة.. و بسمة كتلعب مع لبيبي لي كان فاتح عينيه.. و مخنزر و غير كيشوف فيها.. حتى قربات منها غالية.. و بدات كتصور فيه.. خدات ليه عدة صور و رجعات لمكانها.. سالات و حطات طلفون و دارت ابتسامة انتصار.. غالية: تمت الخطة بنجاح.. مشات طلعات و بعد مدة رجعات و جلسات.. فتحات خنيشة صغيرة.. و سرحات يدها.. خوات فيها الغبار الأبيض.. و خلات فيها شوية و جمعاتها خشاتها في صدرها.. و هزات يدها بدات كتشم و تستنشق كأنها كتستنشق الأكسيجين.. سالات و هزات رأسها في بسمة لي غي حاضياها.. بسمة: شنو هداك شي ؟ غالية: مالك جايا من وراء جبل.. هاداك لادروك.. بسمة: ناري هاداك سم قاتل.. غالية: و مميت.. بسمة: نتي عارفاه و كيديريها.. غالية: و نتي صوقك.. ديها في كرك.. تففوو.. بسمة: واخا متعصبيش.. شنو درتي بتصاور..د لبيبي..

بسمة: واخا متعصبيش.. شنو درتي بتصاور..د لبيبي.. غالية: سيفطتو لواحد لمجلة.. و غدا غيبان خبارو في جورنال ههه.. احح عليا و صافي عندو غدا مقابلة.. هههه غيزمتوه تماك.. و هكدا غتكوني نتاقمتي  😈 حتاش سمعتو غتخسر.. بسمة(بحزن): مبغيتش نوصلو لهدشي كامل.. غالية: صافي.. هدشي غي شوية.. نتي مخاصكش تبقاي هكدا.. لي جا يعفط عليك.. سمعتي خااصك تبدلي.. خااصك تولي قوية.. و بدلي حتى ستايلك.. ولي كلاص و متبقايش تخافي.. و راسك ديما هزييه لفوق هاكا (رفعات رأسها و دفعات صدرها) هااكا فهمتي.. بسمة: واخا.. دبا هو مغيعيقش بينا.. غالية: يمشي يقود مالو اش غيدير گاااع.. بسمة: يقدر يدير لي انا شي حاجة هو ولدو و محنش فيه ولاحو لزنقة.. غالية: لا واخا هاكاك.. سيف الدين عندو قلب.. و يمكن معارفوش.. عند عمار.. كان جالس مع باه داخل سيارة كبيرة.. و مقابليين مع بعضهم.. و هو مسرح رجليه.. و كيدوز يدو على لحيتو بعصبية.. عمار: دبا هدشي جاك صعيب.. و كون كانت شي حاجة دتهريب و شي حاجة دلممنوعات.. كوغا نتا لول فيها.. كارلوس: تيق بيا اولدي انا داير لفي جهدي..امكن هد اكسيدون كانت صدفة عمار: صدفة !! واش كضحك عليا.. و حتى لفعى لي دخلات لدار صدفة.. مثلا لا هدشي ماشي صدفة هدشي من وراه شي واحد.. و طموبيل لي عندها اخر تحديث و مستحيل فران يتقطع.. كارلوس: دبا مالك نتا.. ياك هي عندها خوتها و باها.. هما يحميوها نتا اش دخلك.. عمار: انا لي نحميها انااا.. كتسمعع انا و هدشي زاد على حدوو.. و لا سكت هد لمرة غيتوقع شي حاجة اخطر.. كارلوس: كون هاني اولدي 24 ساعة غنعرف شكون مول لفعلة.. عمار: نتمنى.. كارلوس: اجي بعدا كتبغيها ؟ عمار: و شنو بانليك.. كارلوس: واخا واخا اولدي..سير الله يعاونك.. عمار دار كاسكيط على رأسو و نزل.. مشى لطموبيلتو.. هو منسااش لموضوع و مغينسااه حتى يعرف شكون من وراء هدشي.. في العشريين يوم لي كانت غالية في غيبوبة مدار حتى شي حاجة و لا حاول يبعت لأنه حتى هو كان فحالا في غيبوبة.. و قلبو و تفكيرو و عقلو كلهم كانو معاها.. مشى للمصحة.. و نزل دخل و الممرضات و الممرضين كيسلمو عليه لأنه منين غالية دارت الحادث ما جا للعمل ديالا.. و ألغى جميع مواعيدو و جلساتو العلاجية.. و غاب عن مرضاه.. دخل لمكتبو و جلس.. حل لبيسي و دخل الكنكتيسي دالكاميرا د دار.. و بانو ليه جالسين.. و رجع بدقائق لور و هو يشوفها كتشم في سم من جديد.. في هد لحظة حس براسو غبي.. لأنها كانت كديرر بتخبية عليه و هو فرحان يحسابلو ممبقاتش كتعطاه.. كان كيشوف فيهم بلا صوت و مراقب حراكتها و كفاش كيتغيرو ملامح وجهها مع كل كلمة كتخرجها.. و كتبدا ترمش ببرائة و تعاود تبدا تغوث و وجها يحمار.. دخلات المساعدة ديالو جابت لائحة المرضى الجدد.. و تطورات لي وقعو ف غيابو.. دازو ساعات.. بسمة بقات عندها طول هد ساعات و جات زوجة الحارس طيبات ليهم الغداء و تكلفات بالرضيع كيفما وصاها عمار.. غالية: حجابي (هد هو لقب لي ولات كتناديها بيه نهار كامل).. بسمة: ههمم.. غالية: كيف شفتي سي طبيب ضريف و انا مباغاش نضسار عليه.. جالسة عندو و جايبة لبيبي، راه مغنقدش نقوليه نجلس معانا شي واحد اخر.. بسمة: هه لا اصلن انا غنمشي.. غالية: ايوا اش كتستناي..بلاتي بلاتي.. بسمة: شنو.. غالية: خاصني نقاد ليك لفولار و غنورييك واحد طريقة زويونة و بدلي هادي شوية.. بسمة: هاا هه اويلي نتي اش قرب لشي فولار.. غالية: انا خبيرة في هدشي.. عمار(وقف عليهم، مربع يديه): نتي خبيرة في اي مجال.. تباركالله غالية: ماشي سوقك.. اجي نصايب ليك زوليه.. بدات كتجر ليها فيه و بسمة شاداه.. و كتشوف جهة عمار.. غالية: ااه عماار.. هه رااه ماشي شي واحد غريب..راه غي صاحبي واخا يشوف شعرك..حسبيه غا انا

غالية: ااه عماار.. هه رااه ماشي شي واحد غريب..راه غي صاحبي واخا يشوف شعرك..حسبيه غا انا.. بسمة(بصوت خافث): واش حماقتي ولا.. زولي اغالية يديك.. عفااك غالية: صافي مسوقيش فيك.. بعدات منها مخنزرا و شافت في عمار و بتاسمات ليه.. و وقفات قدامو واصلا ليه بقامتها كاملة لعند فمو.. هو حط يدو على خصرها و سحبها لعندو حتى لصقات فيه.. و بذون انذار..تلاح على فمها كيمص في شفايفها.. و يجرهم.. و هي كدفعو غي بيد واحدة.. شوية بدا كيعض في شفتيها سفليين.. بحههد.. و جرهم بسنيه و بعد منها.. اما بسمة ولات غا طلقها في سروالها.. وجها حمار و ولات غطرطق بالحشمة.. و الحرارة طلعات معاها..و زوجة الحارس لكانت هازة الرضيع مشات بعدات منهم.. غالية بعد عليها و حطات اصابعها على فمها و كتحس بمذاق دم في فمها..و شافت فيه و عينيها عامرين بدمووع..ياله غتنطق قاطعاتهم بسمة.. بسمة: بسلامة انا غادة.. غالية: اا بلاتي.. بسمة طارت من امامهم و قلبها حاسة بيه غيزلق.. غالية: علاش علاش بستيني علاااش.. هئ و جرحتيني.. عمار: نتي جيتي لعندي باش نبوسك ياك.. غالية: الله ينعل.. عمار: كملييها.. تكمليها شفايفك غيطيروو.. و من ليوم نبغي لإحترام سمعتي.. واش سمعتييي.. غالية: تا نكون خدامة عند باك.. و عبدة تحت رجليك.. و ديك ساعة نقوليك حاضر امولاي.. هي لمتعاودش.. و هد لمرة غتبوسني.. غنطير لمك شفايفك بنيابي.. عمار: ماشي مشكل.. ها هما طيريهم.. قرب عندها.. و هي خنزرات فيه و دورات دراعها على عنقو و تلاحت على شفايفو.. كتعض فيهم و تجر و هو كدلك.. كيفتارس فيهم.. جلس و جلسات فق حجرو مدورة رجليها على ضهرو.. و مزال كتعض.. بجههد و هو محاول عليها.. حتى بعدات عليه كتنهج و شاداها لبكية.. غالية: مال قلبك قصاح.. لبارح كنا مناح.. عمار(حط يديه على فخاضها): هدشي لي كيابنليك ؟ غالية: بعد مني..هبطني.. وقف و حطها و هي بدات تبكي لا إراديا.. و كتمسح دموعها الهوادين بكمها.. و شعرها نارل على وجها..و كتبان فحال بنت صغيرة..و كتشهق بشوية.. تحنى لعندها و بعد شعر على وجهها..و قال بخوف.. عمار: مالك.. واش بيك شي حاجة ؟ غالية: علاش حتى واحد مكيبغيني.. صحابي كيبغيوني علا قبل فلوسي.. و كنضن حتى خوتي.. هئ حتاش ما خلات لي فلوسها و تروتها ليا..ولكن انا مكنعرفش نسيرها و خداها سيف الدين.. و نتا كتبغيني على قبل جسدي..و شاد لي لخاطر غي حتاش مزال موصلتي لمبتاغاك..يااك ؟ عمار(خنزر فيها): اش هد لهضرة انا كنبغييك نتي.. كإنسانة ماشي كجسد و نهار لول ملفتش انتباهي جسدك.. قد ما لفتت انتباهي برائتك.. غالية: نووض قود بعد مني عنيبة لاخر.. عمار: اش كيعني هد لمصطلح ؟

عمار: اش كيعني هد لمصطلح.. غالية: كيعني راك.. زويين و رجولة.. عمار: هههه اش تواضغ.. فين هو لولد.. غالية: لولد سميتو غالي.. عمار: لولد بباه حتى تولدي و سميه غالي.. غالية: لا لا مبغاش نولد الله يحفظني.. عمار ضحك و مشى لعند زوجة الحارس.. كانت هازاه خداه من عندها.. و عطاها لإذن باش تمشي.. و هزو هو كيبوس فيه و يلعب معاه.. و حتى الرضيع عجبو الحال..جلس حداها..و هي كتشوف في نقطة وحدة و مكالميا..حتى زعجها صوتو كيبكي بجهدد.. غالية: اععععع ماااالك.. خلعتينيي.. عمار: واش صافا با.. في لقصر.. كان حاضر اسماعيل و شامة.. حتى التاحقات ليهم بسمة.. و تفجأت بوجود جوج رجال.. جراتها شامة جلسات جنبها.. و بقاو كستناو حضورو.. حتى جا و جلس جنبها.. بسمة غي جلس حداها بلعات ريقها.. و كأنها فهمات.. بسمة: لميمة.. شنو ددبا غنتزوجو.. فوقاش وجدتو هدشي.. شامة: كنت موجداه من شحال.. بسمة: انا انا مباغاش.. معامن تشاورتو.. شامة: نتي تخلاقتي ليه.. و هدايتو غتكون على يدك.. متعارضينيش ابنتي انا مبقالي والو في دنيا.. و خاصني نشوفك مرتاحة و نتهنى عليك.. و لا مدرتيش هاكا كوني اكيدة انا ميتة و غنبقى نتعدب.. بسمة(باست لها يدها): متقوليش هاكا الميمة..الله يطول لنا في عمرك.. شامة: اميين.. بسمة ياله غتنطق و قاطعها العدول بسؤالو.. و شافت في جداتها و خالها لي كانو كيحركو رؤوسم بالإيجاب.. خدات نفس عميق و شدات ستيلو ووقعات بلا ما تشوف فيه.. و هو بتاسم عاض على شفايفو.. و من بعدها وقع حتى هو و بداو كيباركو لهم.. و هو دور رأس بسمة من دقنها.. حتى شافت فيه..و دار ليها ابتسامة جدابة.. و قرب من فمها باسها و بعد.. حتى بغات تسخف.. و ولات حمرة و بدات تفرك في يديها.. و لهضرة مشات ليها.. شامة: ههههه الله الله يا سيدي ربي تهنييت.. و فراحت ليكم اولادي.. ههه دبا مغنتهنى حتى نزوج غالية.. و ديك ساع لموت لا بغات تجي مرحبا.. اسماعيل: اش بانليكم نديرو العرس ؟ سيف الدين: جنازة لا 😡 شامة: هه اجي ابنتي تبعيني.. جرات بسمة من معصمها.. و طلعاتها لبيتها و تبعوها خادمتين.. دخلو و قالت.. شامة: الليلة غتكون ليلتكم..و انا ديجا وجدت ليكم بيت.. بسمة: ششنووو لا.. لا الميمة عفاك هدشي مدخليش فيه.. انا مموافقاش على هدشي و هدشي كيخصني.. شامة: عارفة غي لحشمة هدشي علاش.. هه واخا نخليوك علا راحتك هد ليلة.. خرجو من عندها و سدو لباب.. و خلاوها كتفكر و كتقول مع راسها "دبا انا وليت امرأة مزوجة و مرتو هو اففف اسيدي ربي عاوني " مشات توضات و صلات و طلبات الله يعاونها.. و شدات كتاب الله كتقرأ اياتو.. دازو ساعات حتى تحل عليها لباب.. و رجع تسد.. سدات القرأن و رفعات رأسها و هي تصدم..داخل لابس غي شورط أسود و عاري الصدر.. و شعرو مخربق.. و منضرو مثير.. بسمة: ننتا ششكدير هنا.. سيف الدين(جلس حط رجل فق رجل): بااغي حقوقي زوجية اشريفة..

سيف الدين(جلس حط رجل فق رجل): بااغي حقوقي زوجية اشريفة..

بسمة: ششمن حقوق ؟

سيف الدين: أجي نوريك شمن حقوق.. أجيييي..

بسمة: خرج من بيتي غيشووفك شي حد..

سيف الدين(ضحك): هههه عاودي اش قلتي.. هه ياكما يحسابليك راني صاحبك.. 

بسمة: خروج عفاك..

سيف الدين: مخارجش تاناخد حقوقي..

بسمة(وقفات): صافي سير فحالك..

سيف الدين: معندي فين غنمشي.. اجي قربي لهنا..

بسمة: صافي سير فحالييك..مغنقربش لعندك

سيف الدين: واش عارفة هدشي كيتسمى عصيان زوج.. و كتعاقب عليه العدالة الإلاهية..

بسمة سكتات و بقات كتشوف فيه.. و حتى هو بقى كيبادلها نظرات.. 

و وقف دار يديه وراء ضهرو و قرب عندها..

حتى وقف امامها.. و هي ولات كترجف و كطلع نفس و تهبطها بزربة..

و نضراتو وتروها.. و هو دار ابتسامة جانبية..

و حيد ليها فولار من على رأسها.. رماه.. و جر شعرها حلوو.. حتى طاح على كتفيها..

و هز خصلات منو كيلعب بيهم..

سيف الدين: سمعي نقوليك.. انا ميمكنش ليا نربط حياتي بيك.. حتاش نتي ماشي من نوعي..صو..

بسمة: و سمع حتى انا نقوليك.. يحسابليك انا كنموت على سيادتك.. انا كنكرهك و اخر مرة تجي تقولي حقوق و لا قانون..

سيف الدين(ضحك ): هه لا هادوك واجب عليك تعطيهم ليا.. و غدوز مدة و نطالقو..سمعتي.. ليلة دوزتها ليك تتولفي (طبطب على خدها) و غدا نبغيك تعطيني حقوقي على أكمل وجه تافقنا.. و عنداك تمشي تقولي هد لهضرة لشي واحد.. كاينين شي حوايج كيبقاو ما بين نسا و رجالهم..فهمتي..

باسها في خدها و خرج كيتمختر و قال..

سيف الدين: ماشي مشكل.. الأهم غنتسلى معاها شوية و كلشي في الحلال زين مكاين مني يحسابني هه..

خلاها واقفة مسمرة في بلاصتها.. و مصدومة منين جات عمرها شافتو هاكا.. كان دائما كيبان ليها الرجل رزين و فيه شوية دلغرور..و قالت بحزن..

بسمة: بغا حقوقو و قال نطالقو..مستحييل يقيصني..مستحيل..

لبسات ملابس نوم و تخشات في سريرها و كتفكر.. حتى غفات..

صباح يوم جديد..

خرجات بسمة من غرفتها لابسة صايل طويلة في الأسود و تريكو و من الفوق مونطو اسود.. و دايرا فولارها و هازة صاكها..

و هي تشوفو خارج من غرفتو.. بكامل اناقتو لابسة سروال اسود و تريكو صوفي ابيض مع حداء في نفس لون..و شاد طلفونو.. و رائحة عطرها رتاطمات في أنفو مما خلاه يهز رأسو.. و شاف فيها جايا.. طلعها و نزل و وقف حتى وصلات عندو..

سيف الدين: صباح خير مراتي..

بسمة لا رد..

سيف الدين خنزر فيها و قرب منها و هي واجعة بلور حتى لصقات مع لحيط و حاصرها بيذيه..

و قرب من فمها و طبع قبلة على شفتيها..و بعد

سيف الدين: هادي لبوسة دصباح.. غتكون خفيفة.. و من بعد غنوريك لبوسة دليل كفاش غتكون.. و في وسط نهار مكينش لبوسان.. و هد هو سيسطيم جديد..

بسمة: بعد مني متوليش تقيص فيا واش مكتفهمش..

بعد عليها و قال.. بغرور..

سيف الدين: حاجة اخرى حنا.. مزوجين غي في هد لقصر.. اما على برا مكتعرفيني مكنعرفك..

مشى و تبعاتو.. كتخنزر فيه..

حتى نزلو لقاو غير شامة بتاسمات لهم.. و جلسو فطرو.. و كيتبادلو نظرات نارية..

حتى سالاو و كل واحد خرج.. هو غادي في اتجاه طموبيلتو و قال..

سيف الدين: متنسايش ليلة امراتي 😉 (طلع طموبيلتو)

بسمة(بعصبية و بصوت مخنوق): اعع زامل.. (حطات يدها على فمها) يا ربي تسمحلي انا شنو قلت.. استغفر الله العظيم.. افف ا غالية..

لقات شيفور جاب طموبيل و طلعات و هي كتستغفر في الله.. و طلب المغفرة على الكلمة الفاحشة لي قالت..

طلب المغفرة على الكلمة الفاحشة لي قالت..

في فيلا دعمار..

كان لتحت واقف خاشي يديه في جيابو و كيشوف من زاج دلباب لي كيخرج لجردة..

لابس سروال رياضي اسود و قبية بيضاء مكتوب فيها نايك بالأسود.. و لابس حداء رياضي.. 

و داير القب على رأسو..

حتى سمعها كتغوث عليه بجههد.. و طلع كيجري..

كانت جالسة فق سرير على ركابيها..لابسة سروال جينز عريض و كلو تقاطع و كيبان من تحتو بشرتها البيضاء..

و لابسة تريكو اسود عريض و هابط على كتفيها..

و شعرها مخربق..

و قدامها الرضيع هازة ليه رجليه بصبعانها و باغا تبدل ليه.. 

غي هزات ليه رجليه و خشات رأسها باغا تمسح ليه.. و هو يبول ليه غلى وجها..

لقاها مغمضة عينيها و جامعة شفايفها باغا تبكي.. و وجها فازگ..

عمار فهم لبلان و هو يطلق ضحكة رجولية بجهدد..

غالية: عللاش كضحك اععن هئ هئ ااااعععع..

عمار مشى عندها جرها من حداه خافها لا تولي ضارباه و لا تلووحو.. كيتوقع منها أي حاجة..

دخلها للحمام..

وقفها في جهة لافابو و حل لماء و خشى وجها كيغسل فيه و هي مغمضة عينيها.. حتى سالا و عطاها فوطة..

خداتها و مسحات وجهها و شافت فيه مخنزرة..

غالية: انا لي بغييت ندير فيه.. خير 😬 مأنوليش نقيصو مزال..غندييه لبااه..

عمار: ههههه.. واش نتي حمقة و لا ؟ هو راه مزال ملائكة.. 

غالية: صافي غنرجعو لباه..مبقيتش غنبقا معدبة معاه..

عمار: دبا شكون معدب معاه انا و لا نت..

غالية: بجوج..

عمار: شكون لي كينوض في ليل يجيب ليه لبيبرون..

غالية: بجووج..

عمار خرج فيها عينيه.. و هي كدلك كأنها هي لي معدبة معاه.. و فاش يفيق تنزل تجيب لو لحليب و تعطيه يرضع و تبقى معاه تينعس..

حطات فوطة و خرجات.. و هو خرج مشى بدل ليه و لبسو سالوبيط في رمادي.. و هزو شاف فيها واقفة في لبالكون.. و لبرد كيطير في شعرها..

شوية بدات كتلوح بيديها لشي واحد لأسفل و سيفطات لو بوسة في الهوا..

و رجعات كتجري هبطات.. و هو تبعها..

غالية فتحات لباب و هي تلقى كارلوس و في جنبو عشيقتو و حداه مراتو عفاف..

غالية: أووه كارلوس.. فين غبرتي اساط..

كارلوس: سلام بنتي.. هه غي في دنيا.. على سلامتك..

غالية: الله يسلمك.. ياكما كاين باس اش بغيتوو..

عفاف: اويلي علا مكاين باس اش بغيتوو.. حيدي فين هو ولدي..

دفعات لباب و دخلات و غالية خنزرات فيها.. و مشات دخلات لكوزينة تقلب على لفطور..

و هما جلسو و عمار واقف عليهم.. هاز لبيبي في يدو..

و هو حاضينو و كيسألو بيناتهم.. و عشيقة باه هايمة فيه و نظراتها ليه كلهم حب و عشق..

عفاف: شكون هداك.. لولد..

عمار: هذا ولد..

غالية: ولدنا 😈 

كارلوس: ههه امتا ولدتوه..

غالية: و علاش كتسول.. في خصوصياتنا..

عفاف: اش كتخوري نتي.. عماار شكون هذا..

عمار: هدا ولد صاحبي..

كلهم تنهدو بإرتياح.. و فلاورا العشيقة و عفاف..

غير كيخنزرو في غالية.. و هي حاضياهم و كتشوف فيهم..

غالية: مالكم كتحنزو فيا خاصاكم شي حاجة..

عفاف: اش هد لمستوى..

غالية: شوفي اديك شا..

عمار(شدها من معصمها): غاليية.. الواليدة سكتي شوية..

عفاف: دبا انا لي خاصني نسكت ؟ مشفتيهاش هي كفاش كتخرج في عينيها..

غالية خرجات ليها لسانها.. و بدات كترمش بعينيها كتقلي ليها سم..

مشى عمار عطى لمو لبيبي تشدو و جلس و غالية جلسات حداه..

كارلوس: جينا باش نعرضوك نمشيو ندوزو هد نهار في لفيرمة اونصومبل..

عمار(هز حاحبو باستفهام): شنو سبب هد لعراضة ؟

كارلوس: والو غي بغيت نتجمع و نحييو ايام زمان واخا ناقصنا خوك الله يرحمو..

عمار(شاف في غالية و ولا شاف فيهم): واخا ولكن غندي حتى غالية..

كارلوس: ماشي مشكل..

غالية بتاسمات و دورات وجها و هي تشوف في فلاورا عشيقة كارلوس.. غي حاضية عمار و منزلاتش عينها عليه.. و كل شوية تهبط لمككسوة من جهة صدرها.. و هي تخنزر فيها غالية..

و تكات رأسها على كتفوو.. و هو بدورو حاوطها من خصرها.. و فلاورا خنزرات فيها.. و غالية قلزات ليها..

و غالية قلزات ليها.. ههه و ضحكات بجهد.. و شدات في يدو لخشنة كتلعب في صباعو..

كارلوس: ياله نمشيو هادا هو لوقت باش نوصلو بكري..

عمار: واخا.. نوضي نتي..

ناض هو و تبعاتو غالية.. طلعو لبيتو هو بدا كيجمع في حوايج لبيبي و هي دخلات.. لدريسينغ تجبد ما تلبس في رجليها..

هزات سبرديلة بيضاء و خرجات.. و هي توقف مصدومة..

كان عمار محني كيعمر في واحد صاك صغير بحوايج دلبيبي..

و فلاورا واقفا وراه حاطة يديها على كتافو كتماصي فيهم.. و هو كيقول..

عمار: غالية.. جمعي يدييك راه مغنعقلش عليك.. ليوم شفت هرمونات عندك طالعين لا ؟

غالية جمعات شفايفها و ولات كطلع نفس و تهبطها بزربة..

و كتشوف في فلاورا بحقد.. هزات فردة دسبرديلتها و صوباتها في اتجاهها.. و سيفطاتها ليها..

جااتها لوجه دوخاتها و طاحت جالسة على مؤخرتها..

شادة في وجهها و عمار وقف كيشوف فيها بذهول.. و تلافتت لجهة غالية.. و فهم القصد و دار ابتسامة جانبية.. 

و شاف في فلاورا لي طايحة في الأرض دايخا..

تحنى لعندها عاونها توقف.. و هي تجي غالية..حيدات لو يدو..

غالية: متقيصش في هد لقحبة..

عمار: شعندك نتي.. شوفي شنو درتي لبنت.. مالها اش دارت ليك..

غالية: اش داارت ليا و مزال كتسول اش دارت ليا.. قول نتا كان عاجبك لحال تلمس فيك.. قول نتا مكبوت..

عمار: و لا قاصتني اش فيها..

غالية: اش فيييها.. قولي انا نقيصك و هي متقيصكش..

عمار ضحك من جنب و عرفها غارت.. مادام هي غارت فأكيد كتحس بشي حاجة من جيهتو.. احساس الغيرة مكيجيش غي هاكاك..

ناضت فلاورا تجري شادة من وجهها مرضاتش..

غالية: ههههه قحبة.. مزيان مني مهرستش ليها وجها..

مشات هزات سبرديلة لضرباتها بيها و مسحاتها.. و شافت فيه و بدات كترمش و قالت..

غالية: ممكن تلبسني ؟

عمار: شنو انا نتحنى لعند رجليك باش نلبسك..

غالية: بليز..نتا عارف دراعي ضارني و منقدرش نلبس بوحدي..

عمار: شنو المقابل..

غالية: لي بغيتي..

جلسات في طرف سرير و هو هز رجلها و خشاها في سبرديلة و ربط لها سيور و نفس شي لي دار مع رجل الأخرى..

سالا و وقف جرها لعندو.. و حط يدو على خصرها و حط شفايفو على شفايفها.. و بدا كيمص فيهم.. و يجر و دخل لسانو وسط فمها كيلعب فيه.. و لعابهم تغالط.. حتى سمعو صوت مو.. عاد بعد عليها..

عفاف: شفتكم تعطلتو دكشي لاش جيت نطل عليكم..

عمار: اسيري الواليدة ها حنا جايين..

مشات عفاف و محاملاش قرب ولدها من غالية..

غاالية: متبقاش تبوسني راه حتى هدشي يعد من الفواحش..

عمار: مزال مكملناش..

غالية: و صافي انا غي عطيتك المقابل و كنت عند كلمتي حيت الكلمة هي راجل..

عمار: يعني نتي راجل.. و لكن شنو هدشي (حط يدو على صدرها) ياكما متحول جنسي..

غالية: متحول حيواني.. مالك صافا با..

مشات و خلاتو كيضحك هز صاك لبيبي و تبعها..

خرجو على برا.. عمار خلا لولد مع مو.. لي مشات مع كارلوس و عشيقتو..

و غالية ركبات مع عمار.. دارو حزام سلامة و نطالقو..

بعد ساعات وصلو لفيرمة لكانت في منطقة جبلية..نزلو كلهم و دخلو 

و غالية مشات كتدور و تبقشش و رجعات لعندهم كانو جالسين..

و بقات كتدور في عينيها بملل و كتشوفهم هما متعمقين في حديثهم لي جاها ممل..

غالية: دبا نتا و مك و باك و هاديك طعريجة اش محلها من الإعراب..

عفاف بتاسمات لغالية و كأنها كتحييها.. و شافت في منافستها أي عشيقة زوجها.. لكانت بغات لأرض تنشق و تبلعها..

كارلوس: هادي واحد صديقة..

فلاورا: كوا صديقة ؟ شنو دبا كتفلا عليا..

كارلوس: كالم توا..

غالية ضحكات و ناضت كتقلب على حمام.. حتى لقاتو شوية رجعات.. و وقفات من بعيد كتناديه..

غالية: عمـار.. عمــــار..

شاف فيها بمعنى شنو و دارت ليه اشارة بيدها بمعنى تعالــى..

و جا عندها شاف فيها.. باغا تبكي و قالت..

غالية: فيا ليغيكل..

عمار: دم ؟

غالية (حركات رأسها بأه): ناري مباغاش نتشوه قدام مك و هاديك طعريجة.. 

عمار: و شنو غندير ليك ..

غالية: خاصني فوطة صحية..

عمار: واش كضحكي عليا..ياكما هازها في جيبي..

غالية(بدات كتهرنن): انننعع على اخر ايامي غنتشوه هئ هنن..

رجع شعرو لور بيدو .. و مشى عيط لمو..

عفاف: اش كاين اولدي..

عمار: غالية جاتها دورة شهرية.. و معندهاش فوطة صحية..

عفاف(تنهدات): افف راه هي أدرى منا كان خاصها دير لإحتياط..

عمار: دبا واش اتعاونيها ولا لا ؟

عفاف: واخا واخا سير جيب لي صاكي..

مشا جاب ليها صاكها و مشات هي وياها للحمام..

في دار راضية..

كانت واقفة في الكوزينة جامعا شعرها و لابسة شورط ابيض و تشرت بسماطي ابيض و كتصايب في الفطور.. عجنات لمسمن و بدات كطيب فيه..

حتى حسات بيه طبع قبلة على عنقها.. حتى تبورشات و ضحكات.. 

راضية: هههنن صباح نور..

غياث الدين: صباح الخير.. نتي لي كيطيبي..

راضية: اش بانليك ؟

غياث الدين: فقاش تعلمتي..

راضية: منين جراو عليا عائلتي ههه تعلمت نعول على راسي..

غياث الدين: نساي دكشي لي فات.. مبقيتش باغي نولي نسمعو..

راضية: جلس تفطر..

غياث الدين: مكاين لاش انمشي عندي لخدمة..

راضية: لا مغتمشيش حتى تفطر، وجدت لفطور على قبلك.. 

بغا يدير لها خاطرها و جلس و هي بعدما كملات جلسات قدامو.. في جنب سرجم كيطلع على البحر..

غياث الدين: طيابك زوين..

راضية: كلشي تيقولها ليا هه..اصلن لي صيبتها انا كتجي زوينة..

غياث الدين(شاف في أمواج البحر العاتية): لبحر هايج ليوم..

راضية: و شديد الهيجان ههه..

غياث الدين: انا غنمشي نسالي لخدمة و انرجع عندك..

راضية: صافي واخا..

وصلاتو لباب و باسها في خدها و قال..

غياث الدين: لبسي مزيان كاين لبرد.. 

راضية: واخا..

دازو ساعات..

و طاح ظلام، في لقصر كانو جالسين و سيف الدين ولأول مرة حتى هو جالس معاهم.. و كل دقيقة كيشوف في ساعة..

و حاضي لباب حتى نطقات جدتو..

شامة: فين هي مرتك..

سيف الدين: مزال ما دخلت 😒

شامة: هه ددبا تجي اولدي 😅 اش جاك ليوم حتى جيتي بكري و تواضعتي و جلستي معانا..

فاش تفكر مخططاتو دليلة.. ضحك حتى بانو ضروسو و عض على شفايفو..

صهيب: كيف كتعرفي راه عاد تزوج..

شامة: اهااهه فهمت..

دازو ساعتين وصلات 11 دليل..

كان خارج سيف الدين مخنزر قدام لباب و خاشي يديه في جيابو.. و غادي جاي..

حتى شاف طموبيل وقفات.. قدامو..

كانت بسمة و سائق طموبيل رجل.. و ضحكات ليه قبل ما تنزل و طلبات ليه أمسية سعيدة..

أما سيف الدين خرج عينيه و جمع يديه على شكل لكمة.. و ستناها حتى نزلات على خاطرها..

و ستناها حتى نزلات على خاطرها.. و سدات لباب و شدات في صاكها و تمات جايا و هي ترفع رأسها شافتو.. و تسألات في نفسها سبب وقوفو تماك و في هد الجو بارد.. سيف الدين: تباركالله عليك.. من إمتى وليتي ضحكي لرجال فين مشات لحشمة.. دازت من حداه متجاهلاه.. حتى شدها من معصمها.. و دورها لعندو بجههد.. مع دورة عطاها تصرفيقة حتى دار وجهها.. و كانت غطيح كون ما كان شادها بقوة من معصمها.. سيف الدين: هادي باش تعلمي ضحكي لشي راجل و هادي.. بغا يزيدها كف أخر و هي تشد لو يدو.. و شافت فيه بحقد.. بسمة: معندكش لحق باش تحط عليا يديك.. الحمار كتسمع..الله ياخد فيك الحق تفف.. سيف الدين خرج عينيه من جرئتها.. و على المعيارة لي قالت ليه..و زايداها دفلات عليه.. في هد لحظةفقد شعورو و سيطرة على نفسو.. عطاها كف لخد لأخر.. و شدها من رقبتها و فتح لباب و مدخلها بعنف.. و هي كتبكي و تغوث.. طلعها لطابق ثاني غادي بيها لغرفتو.. و هو يلمحهم صهيب.. و جا كيجري لعندهم وقفهم.. و حاول يفكها من قبضتو.. سيف الدين: شباغي ياكما كتسالني شي حاجة 😡 ؟؟ سير دخل سوق راسك و تكمش.. صهيب: طلق من لبنت.. سيف الدين: اش دخلك نتا هادي مرتي ديها في راسك، ندير فيها لي بغيت.. صهيب: مرتك ماشي عبدة عندك وا طلاااق منهااا أزبييي.. طلاااق.. فكها من يدو و دارها ورااه و تواجه معاه.. سيف الدين شنق عليه و حتى صهيب.. و بسمة دخلات وسط منهم كتحاول تفرقهم.. بسمة: بعد منو بعذ منوو نتا.. طلقوو.. سيف الدين: ماالك خايفاا عليه.. عطاه بلكمة لذقنو و صهيب رجع لو لكمة لفمو..حتى سال دم.. و بسمة بدات كتغوث و تبكي.. حتى سمعات خطوات جايين لجيهتهم و تلافتات.. كان غياث الدين عاقد حواجبوو.. دخل بيناتهم كيحاول يفكهم و هو مكره من موقفهم.. غياث الدين: براكة من تبرهيييش.. اش هد لحالة.. و طلقو.. قدر يفكهم و هما كيسبو في بعضهم من سمطة لتحت.. غياث الدين: جمعوو فامكم راه حداكم لبنت.. أخر مرة نشوف فحال هد زمر.. لا باغيين تخاصمو و لا ضاربو سيرو لخلا.. كتفهمووو.. بسمة مشات طايرا من حداهم.. و سيف الدين لي كان كيمسح في فمو حاضيها.. حتى ختفات و كيتحلف عليها.. و مشى في اتجاه بيتو و كيقول.. سيف الدين: والله لديلمك ما تبقى فيك.. غا تولي نتي كطلبيني و ترغبيني غا صبري عليا 😈 بسمة في بيتها كتقول.. - بلاتي عليك الحمار غندمك و الله ما تبقى فيك..من ليوم الضعف مكاينش ابسمة مكاينش.. مشات بدلات حوايجا و توضات و صلاة و تخشات في سريرها.. و غفات صباح يوم جديد.. كل أفراد العائلة كانو على مائدة الإفطار.. و اسماعيل لي مترأسها كيقرا في الجريدة صباحية..و كيقرا اخر اخبار البورصة و رجال الأعمال.. حتى لمح بخط كبير و واضح.. " رجل الأعمال الصاعد سيف الدين ضياء لديه إبن غير شرعي و كل المعلومات من مصادر موثوقة و غير معترف به من طرف أبيه لأنه انجبه مع عاهرة" اسماعيل طاحت الجريدة من يدو و تبعو كاس القهوة..

اسماعيل طاحت الجريدة من يدو و تبعو كاس القهوة.. مما خلاهم كلهم يشوفو فيه بإستفهام.. هو هز عينو ديركت في سيف الدين.. و وقف و ضرب لكرسي.. و تحنى هز الجريدة و لاحها على وجه ولدو.. لي حتى هو هزها و بدا كيقرا بصدمة.. و بلع ريقو.. هو كان نساه و مشى من بالو.. اسماعيل: اش هد لفضييييييحة.. اش هدشيييي جاوبنيييي.. شامة: اش واقع ؟ اسماعيل: هد شمااااتة لي قدامكم والد و لايح ولدو و مع عاهرة من لفووووق.. الكل تصدمو و بقاو غا كيشوفو في بعضياتهم.. و هو ما بقى عارف ميقول.. شامة: واااش هدشي صحيح.. سيف الدين: اشمن هدشي غا كدوب.. نتوما معارفينش صحافة.. اسماعيل: مغيجيييوش يكدبو علييك نتاا من غييير هد لباشار كاااامل.. شامة: أويلي و من لفووق ممعتارفش بيه.. سيف الدين: ماشي ولدي.. اسماعيل: دبا غتجيب لولد كتسمع.. بسمة(بمكر): ولكن دبا نتا فين غتلقاه و نتا بيديك لحتيه لخيرية.. سيف الدين في هد لحظة بذات مكرهش يخنقها بيديه.. و كلهم شافو فيه بعدم تصديق.. سيف الدين: صافي باغين الولد انا غنجيبو ليكم.. ناض غادي و مهاموش و مخلي باه غيموت بالفقصة.. و خلاه كيناديه و هو خرج.. غياث الدين: رجلة اخر زمن.. دايرها قد راسو و من لفوق لايحو و ممعتارفش بيه.. صهيب: ميبقاش فيك الحال اختي بسمة.. راجلك ولدو و محنش فيه.. صوفيا: وات ؟ راجلها ؟ غياث الدين: اش كتخور نتا.. صهيب: ههه نتوما كنت في دار غفلون.. عرفتو شنو.. دايما هاداك شماتة كيدي لبنت لمزيانة.. شامة: صهيب ! غياث الدين خرج لقى طموبيلتو موجدينها ليه..ركب فيها و ديمارى.. بعد مدة وصل أمام لفيلا.. و نزل تمشى بخطوات واثقة نحو الباب..و طرقو خشى يديه في جيابو.. حتى تفتح لباب كانت نفسها زوجة الحارس و هازة رضيع في حضنها.. غياث الدين: سلام، كاين عمار.. - اه اسيدي غياث الدين: فين هو.. - اجي معايا.. مشى معاها و خرجاتو لجردة و هو يتصدم.. لقى غالية جالسة فق لكازون مسرحة رجليها و لابسة سيرفيت و دراعها مزال فيه بانضة و حداها عمار.. و قدامهم سحاب ددخان.. و هي كتوريه كيفاش ينتر.. غالية: لا اصاحبي..قطع نفس من نيفك و عاد جر من فمك.. عمار دار كيف قالت ليه و نتر شوية هو يبدا يكح.. و ناضت حيدات سندالتها من رجلها و بدات تعطيه لقرفادة و هو عينيه حمارو.. غالية: و ناري حنا باغيين غنشطو ازمر.. لكماية متعرف تكمي تفف..و فين هي رجلة اصاحبي و بين ليا.. عمار: احم واخا انا غنوريك.. غالية: اااه غنلعبو واحد لعيبة ناضية..نتبادلو دخان.. نتا جمع دخان في فمك و انا فحالك.. و نتبادلو اوكي.. دار كيف قالت ليها و حتى هي و قربات و بدات كتبخ عليه في دخان و حتى هو.. حتى خلاها تكح.. غالية: اععع خنقتيني نتا بنادم ولا رابوز..

غالية: اععع خنقتيني نتا بنادم ولا رابوز.. غياث الدين غا حاضيهم و مصغر عينيه.. و كيشوف في قربهم لبعضهم.. و شاف اخر لقطة كانو قراب لبعضياتهم.. و طاح في بالو بلي ماشي بعيد يكونو حتى هما.. كيمارسو الحب في الفراش.. قرب منهم و هو مزال خاشي يديه في جيابو.. وقف عليهم و شافو فيه.. غالية بزربة عطات لعمار جوان لي كان في يدها و عمار رجعو ليها..و هي رجعاتو ليه.. غياث الدين: واش غنبقاو هنا ولا ؟ غالية (تبوقات بالمعقول، ووقفات): توحشتك ازبي.. غياث الدين(حاول يدير كأنه مسمعش و عنقها): حتى انا توحشتك.. غالية: شاجابك.. غياث الدين(بعدها عليه): بديتي كتبراي.. غالية: اه و من بعد.. عمار(وقف حداهم): مرحبا.. غياث الدين: عولني عليك بكري.. غتصدق نتا لي مبلي.. غالية: سير سير اش كتعرف هادي راه رجولة.. عمار: تبوقتي اعشيرتي.. غالية: اووه اش هد المستوى اصاحبي.. غياث الدين: واش بعقلكم لا.. عمار: اجي ندخلو.. دخلو بثلاثة و جلسو في صالة عصرية.. غالية سرحات رجليها فق طبلة و رجعات رأسها لور كتشوف في هدوء في سقف.. غياث الدين: واش مزال غتبقى على هد الحال.. عمار: قريب غتعالج و بسيف عليها 😉 غياث الدين: هدشي لي كديرو معاها اكيد بالمقابل ياك.. عمار: ههه مقابل.. نتا عارف علاش كندير معاها هدشي.. غياث الدين: فهمتك.. دبا راه مدة و نتوما عايشين تحت صقف واحد.. واش عمرك قصتيها.. عمار: ههههه غياث الدين: جاوبني بصراحة.. غالية(شافت فيه كترمش ): اويلي واش كتقصد.. حاوي..🙊 اوه الفاحشة دبا كتقصد انا مكنسواش ياك.. غياث الدين: انا مقلتش هاكا حاشا.. غالية: لا لا غي قول.. و جيه فاص و قوليه دبا نتا كليتي لغالية الحلوة.. غياث الدين: غاااااليية !!! عمار: ههههه جلسي لأرض لمك.. هههه غالية كمشات يديها و كتشوف في خوها و كتخنزر فيه.. عمار: تشرب شي حاجة.. غياث الدين: لا غالية: فين شادها داك المكبوت.. غياث الدين: شكون.. غالية: خوك.. غياث الدين: و نتي ولد باك.. غالية: جاوبني.. غياث الدين: تزوج.. ببسمة غالية: شنووو ؟؟ هااد لفعلة مغتكوون غي ديك شارفا موراها.. تمشي تقود.. سكتات و هما بقاو هاضرين شوية ناضت من حداهم بهدوء.. دازت مدة و وقف غياث الدين ماشي و وصلو عمار لباب.. هما يشوفو لعساس كيجري و كينعت ليهم لفوق.. هما بعدو من لباب و شافو لفوق لأخر طابق اي سطح و تصدمو..

هما بعدو من لباب و شافو لفوق لأخر طابق اي سطح و تصدمو.. كانت واقفة في الحافة و منزلة رأسها و شعرها الحريري كيطيرو لبرد.. شوية سرحات يديها و غمضات عينيها كأنها ستعدات للموت.. عمار: غااااليييية.. غياث الديين: غالــــيـــة نزلييي من تمااك.. عمار: غاااالييية نزليي غالية(بصوت خافت): عيت عمار(سمعها): منااااش عيتي ؟؟ غالية(بجهد): من حياتي عيييت و ملييت.. باغا نموت.. عمار: تمووووتي يااك نتييي مباغاش تموتي.. غالية: ءلااا باغا نموت.. عمار: ياك نتي ما موجدا والو.. غالية: موجدا موجدا.. عمار رجع دخل و تبعو غياث الدين و طلعو لسطح.. قرب منها عمار بالخف.. و شدها من معصمها دورها لعندو و عطاها بتصرفيقة لوجه..و بفضلها فاقت من تبويقة.. و شدات فيه و هي كتشوف مين كانت باغا تنتاحر.. غياث الدين: غالية !! غالية: اوييلي واش انا كنت باغا نتاحر من تم.. عمار: و شنو بانليك.. غالية: افف غياث الدين: هدشي علاش كنقول ليك متبقايش تكمي.. غالية عنقات عمار و تخشات وسط صدرو مدورة ايديها على ضهرو.. غالية: ماصوقكش.. سير فحالك.. عمار: من بعد و نتحاسبو على هذشي.. زيدي هبطي.. جرها و تبعهم غياث الدين كيطلب الصبر.. غياث الدين: انا غنمشي ياله حتى نتي معايا.. غالية: لا، تيمشي زامل دباك.. غياث الدين(قرب ليها غيشنق عليها): غاليية 😤 حبسو عمار و دارها من وراه و بقات كتشوف فيه و خرجات ليه لسانها.. عمار: صافي مديش عليها.. غياث الدين: حتى لإمتى غتبقاي هنا..همم غالية: حتى ليوم لقيامة.. غياث الدين حك مؤخر رأسو و مشى من بعد ما وصَّى عمار عليها.. عمار تلافت عندها و عاودها بتصرفيقة اخرى..حتى تسمعات في المكان كامل.. عمار: اش داااك تبرهييييش.. تبرهييييشك نقبلووو في أي حااااجة إلاااا لموووت لمووووت ممعاهاااش لعب كتسمعي.. غالية(دفلات لو على وجهو): كضربني ياااك.. وااخا.. هزات يدها غتعاودها ليه و شدها ليها.. و كرز عليها حتى تأوهات.. غالية: انن اي طلقني باااغا نمشي فحالي.. نتا باغي غي سبة باش تجري عليا يااك.. عمار: اي حاجة حسبيها راه باغي نجري عليك.. غالية: باغاا نمشي فحالي ااه اي.. طلق الحمار.. عمار (دفعها): من اليوم ديري شي حاجة ماشي هي هاديك.. غنفرشخ مك عليها.. غالية: و مك نتا فين نسيتيها.. تفووو.. دفلات عليه و هربات، طلعات لبيت و لباب سدات و فق سرير تسطحات.. و لعينيها غمضات.. شوية فتح لباب عمار.. و هز سوارتو خنزر فيها و غادي خارج.. حتى ناداتو بصوت هاذئ.. غالية: عمــار.. تلافت لعندها مخنزر.. و هي تخنزر فيه و قلزات ليه.. غالية: سد معاك لباب من وراك..و فاش تبغي تجي جيب ليا معاك شي حاجة دشكلاط.. عمار: خدام عند باك انا.. و داك صبع تولي تهزيه عاود.. غنهرسو كتسمعي.. خبط لباب و خرج و هي ضحكات و تقلبات لجهة الأخرى.. كيعجبها تشوفو معصب و ملامحو مغوبشين.. أو بالأحرى كيعجبها تعصبو هي..

غياث الدين فاش خرج.. ركب سيارتو متاجه لمنزلها.. بعد مدة وصل.. صف سيارتو في جانب و نزل.. منها كيتمشى بخطوات موزونة.. و نظراتو حادين.. و لي دازت من حداه تبع ليه العين حتى يفوتها.. وصل لعند لباب و هو يلمحها جالسة.. في واحد لكوان جانب منزلها.. لابسة شورط قصير ابيض مع تشنوت ابيض قصير و بالكمام و اكتافها عريانين.. و شعرها الغجري مسرحاه لور.. و دايرة شابو على رأسها و شادة كأس في يدها.. سمعات خطوات و ابتاسمات ليه و عينيها الكريسطاليتين كيلمعو مع اشعة شمس.. بادلها لإبتسامة و دارت لو بلاصة في جنبها و اشارت لو بالجلوس.. و حتى هو دكشي لي دار جلس مسرح رجل و طاويها و الأخرى موقفها.. و شاف فيها بعينيه سوداويتين.. غياث الدين: شنو جالسة تديري هنا.. راضية: والو.. الجو زوين اليوم ياك 😍 غياث الدين: فحالك.. كانو جالسين قراب من بعضهم.. و عينيه ديركت مشاو لشفايفها الورديتان.. قرب منها و طبع قبلة على شفتيها ببطئ و بعد.. و هي بتاسمات ليه و عضات على شفايفها.. و دارت ابتسامة جذابة.. و نطقات بصوت انثوي رقيق.. راضية: مخدامش.. غياث الدين(دور يدو على خصرها): لا.. راضية: هه مزيان.. غياث الدين بقا غي كيشوف في ملامح وجهها.. حتى وترها.. راضية: ممالك كتشوف فيا.. غياث الدين: والو.. ليوم غنديك لقصر من ليوم فينما غنكون انا غتكوني جنبي.. من اليوم غتولي على ذمتي.. راضية: ولكن.. غياث الدين(قاطعها): مكاين ما ولكن.. صافي هدشي كنت ناوي نديرو خمس سنين و مكتابش.. راضية: انا.. غياث الدين: شنو نتي، واش عاجبك الحال تبقاي عايشة هنا بوحدك، عاجبك تبقاي تخلي زوامل يتزللو عليك.. همم راضية: لا.. ولكن نتا عارف خدمتي.. غياث الدين: انا غندير ليك لابوغطواغ في بلاصة زوينة و غتكون من اختيارك.. راضية: لا شكرا.. بلا منعدبك معايا.. غياث الدين: فاش غتعدبيني..فلوسي هي فلوسك كتسمعي.. راضية: ولكن.. غياث الدين: صافي ما بقى حتى اعتراض.. و انا مبقيتش باغي مزال نستنى انا في عمري 31 عام و قريب انكملها..و بغيت نشوف ولادي قطعة مني و منك.. حط يدو الخشنة فوق بطنها العاري حتى تبورشات.. و دوزها يمين و شمال.. حتى زولاتها هي.. غياث الدين: فهمتي ؟ راضية: نتا باغيني على قبل لولاد ياك ؟ غياث الدين: لا شكون قالها ليك.. انا باغيك نتي قبل لولاد.. راضية: صافي واخا.. حتى انا مليت لاصوليتيد..غنمشي معاك.. ولكن شنو غتقول لعائلتك و نتا غذخلني وسط منهم و مبيناتنا والو.. غياث الدين: نتي مرتي.. و معندي لحق نشرح لأي واحد مادام انا عارف شنو كندير و هادي حياتي..متخافيش لاكط قريب يطلع.. بتاسمات ليه براحة و جرها لعندو خشاها في حضنو.. و هي حطات يدها فوق صدرو.. غياث الدين: بغيت نعوضك على لأيام لفاتو.. راضية: مبقاش كيهمني لي كيهمني هو تكون حدايا.. خربق ليها شعرها و دفعاتو كتقاد فيه.. و عاود جرها من خصرها و خشى رأسو في عنقها كيبوسها.. و لحيتو كدير ليها تبوريشة.. عضها حتى تأوهات و بعد منها.. غياث الدين: نوضي جمعي حوايجك.. ناضت غادة و هو يوقفها بصوتو.. غياث الدين: غير خليهم.. ياك كلهم هاكا بناقص منهم انشري ليك حوايج اخرين و علي ذوقي.. راضية: هه لا لا ميمكنش ليا نغير ستايلي هذا لباسي.. غياث الدين: لا غيتغير.. مغتبقايش تدوري هاكا في لقصر و هو كلو رجال.. راضية ميقات فيه و مشات و قلبها كيفرفر بالفرحة.. طلعات لغرفتها و جبدات ڤاليز بيضاء و بدات كتجمع في حوايجها.. جمعات دكشي لي غتحتاج و سداتها و لبسات صندالة بيضاء في رجلها.. و جرات فاليزتها.. و هبطاتها.. لقاتو واقف بطولو المهيب امام الباب شاد طلفونو كيخربق فيه.. شاف فيها و قال.. غياث الدين: مشينا ! راضية: مسخيتش  😞 مشى هز فاليزتها و دفعها قدامو.. غياث الدين: دبا تولفي.. ياله قدامي.. سدات دار و هي كتودعها بعينيها الكريسطاليتين لي عمرو دموع.. تنهدات و جرها غياث الدين من يدها.. حط فاليزتها في لكوسان لاور و ركبو.. راضية: دبا انا مغنبقاش نشوف لبحر بمرة  😔

راضية: دبا انا مغنبقاش نشوف لبحر بمرة  😔 غياث الدين: لا بقيتي حدا لبحر كوني علي يقين غتموتي بسباب شي تصونامي.. ضحك برجولية حتى صغارو عينيه و هو مركز على طريق.. بعد مدة وصلو لقصر و راضية محاملاش وجودها فيه.. نزلو هاز فاليزتتها.. و دخلو كان موعد الغداء.. طلعو مع دروج هما تشوفهم شامة لي كانت جالسة في صالة الأكل مقابلة مع درج.. شامة: غياث الدين.. اسماعيل: شكون هاديك اولدي.. غياث الدين: ماشي مهم.. جرها من يدها و طلعها لجناحو..دخل و شد لباب.. غياث الدين: من ليوم هادا بيتك.. و تصرفي عادي.. راضية: عمتك فين ؟ غياث الدين: مغدورش في جهتك.. راضية: كنقسم ليك و ولات هضرات معايا حتى غندمها.. انا مبقيتش راضية دشحال.. غياث الدين(ضحك): هه عارف تزاد فيك هادا (اشار لصدرها) و هادي (لمؤخرتها) راضية: غياااث الدييين  😤 مكنضحكش.. غياث الدين: هه نمشي نجيب ليك لغذا.. راضية: مافياش جوع.. غياث الدين: اوكي غنمشي نجيب ليك الخدامة تقاد ليك لحوايج.. مشى خرج و قلبو مرتاح و أخيرا محبوبتو في جنبو و تحت سقفو و بين احضانو.. دخل الكوزينة و القى تحية على الخادمات.. و باس لطباخة امرأة كبيرة في سن رأسها.. كيحتارمها لأنه من نعومة اضافرو و هي كاينة هنا.. غياث الدين: شي وحدة فيكم طلع لبيتي.. تعاون لبنت لكاينة تماك.. تبعاتو خادمة صغيرة في سن كتعوج و دافعا صدرها لقدام.. و كتبقى ضرب في كعبها العالي مع الأرض قصدا باش تير انتباهو.. لكن هو ممسوقهاس.. دخلو لجناحو و جرات فاليز دخلاتها لدريسنغ كتقاد فيهم مع حوايجوو.. و هي كلها غيرة من الشقراء لغتشارك معاه في غرفتو و تنعس معاه في سريرو.. و مرة مرة كتبقى تشوف فيها بغل و حقد.. و حاسداها من معاملتو الرقيقة ليها.. غياث الدين: لا معجبكش ديزاين نبدلوه.. راضية: معنديش مشكيل.. لأهم هو انا وياك 😍 بتاسم ليها برضى و نظراتو ليها كلها عشق و هيام.. دازو ساعات.. و وصل اليل.. راضية ملي جات مخرجاتش حتى وصل وقت العشاء.. غياث الدين: غنهبطو نتعشاو.. راضية: مع عائلتك ؟ غياث الدين: سي.. نوضي لبسي شي حاجة طويلة.. و مقادة.. و جمعي شعرك تنهدات و مشات دخلات لبسات كسوة طويلة بيضاء بسماطي و جمعات شعرها ديل حصان و خرجات.. شد في يدها و نزلو لقاو كلشي على مائدة الطعام.. الكل بقى كيشوف فيهم بنظرات عدم الفهم.. غياث الدين مهتمش ليهم و جر ليها كرسي و جلسات هي بحرج.. و تنهدات براحة فاش ملقاتش الملعونة زاهدة.. غياث الدين جلس بجنبها.. و كل مرة كيعمر ليها صحن و يحطو ليها.. و هي كتاكل بهدوء و رقة كأنها من طبقة المخملية.. و كتصرف بتباث فحال شامة و صوفيا.. و في نفس طبلة كانو عيون كيتابدلو نظرات نارية.. هو كيخنزر فيها و هي كتخنزر فيه و كيشوف فيها بمعنى نزلي راسك و هي مزال كتخنزر فيه.. حتى عفط ليها على رجلها بحذائو الصلب و كانت لابسة صندالة و صبعانها خارجين كان غيسحقهم بحدائو.. مما خلاها تشهق بجهد و قفزات و بدااات تكح.. و تقلب عليها كأس الماء.. و هو دار ابتسامة جانبية.. سيف الدين: اش هد الهماج كامل.. طبلة عامرة و الماكلة مغتهربش كولي غا بشوية اما شيغي..

سيف الدين: اش هد الهماج كامل.. طبلة عامرة و الماكلة مغتهربش كولي غا بشوية اما شيغي.. بسمة جاتها البكية من الموقف لي تحطات فيه.. اسماعيل: ماشي مشكل ابنتي.. تعشاي و من بعد و بدلي حوايجك.. صهيب: ابشوية عليك غتوحل ليك.. سيف الدين دار ابتسامة انتصار.. شوية طاحت عليه فكرة أخرى و لي غتخليها تموت بالحشمة.. سيف الدين: لا كليتي نوضي.. راه عيان باغيي نن.. شامة: مالك اش خاصك.. سيف الدين: مخاصني والو الحاجة خاصني غي الحنان دمراتي.. نوضي تگعدي.. بسمة ولات باغا تخشى في الأرض و وجها حمار بالحشمة و ولات كترجف و مبقاتش قادرة تزيد تجلس معاهم مزال.. ناضت بزربة من وسطهم غادة كتجري.. و خلات الكل متعجب منها.. اسماعيل: مزال منسيتش نتا.. فين الولد.. سيف الدين: الوولد.. اسماعيل: ايييه فييين هوو عطيتك 24 ساااعة تجييبو نتأكدوو.. سيف الدين: مشي لي من بالي اصبار الواليد غدا غنجيبو.. اسماعيل: غدا و غنشوفو.. ناض كيفكر في الولد و فين غيكون.. و خرج على برا.. كيقلب على الحارس لي عطاه ليه.. و من زهرو لقاه خارج.. و رجع دخل غادي طالع في اتجاه غرفتها.. حط يدو على لبوانيي و بغا يفتحو لقاه مسدود.. سيف الدين: حليييي عليياا لباب.. رااه ليوم مغتفلتيش مني.. بسمة كانت كدوش.. و هو خبط حتي عيا و مشى و كيتحلف عليها.. لتحت كانو مزالين كيتعشاو.. اسماعيل: مقلتيش لينا اولدي شكون هد لبنت.. غياث الدين: هاذي مرتي اسماعيل: مرتك ؟؟ من امتا ؟ غياث الدين: من اليوم.. اسماعيل: بنت من هي و علاش مقلتيهاش..اش هد زواج د زمر.. غياث الدين: انا عارف شنو كندير.. مهم هادي مرتي و نبغي كلشي يحتارمها و ولات فرد من العائلة.. صوفيا(بتاسمات، بإعجاب): مرحبا بك.. امرت غياث الدين.. راضية بتاسمات ليها.. و دارت لغياث الدين اشارة باش ينوضو.. و دكشي لي دار.. دخلو لغرفتو و مشات ديركت دريسينغ و هو جاه اتصال و خرج لبالكون.. راضية زولات كسوتها و بقات بدوبياس واقفة كتشوف في شنو غتلبس.. حتى دخل غياث الدين لابس غي سروال و من الفوق عاري ناوي يبدل.. طلعها من راسها لرجليها.. و هو كيسكاني كل شبر في جسدها.. و راضية حشمات كأنها جامي لبساتهم هزات كسوتها و خبعات بيها لحمها.. و هو ضحك بعدم تصديق.. غياث الدين: ههه من نيتك.. علاش كتخبعي عليا.. ياكما عمرك لبستيهم.. راضية: معرفتش هاداك لبحر و هذا بيت.. غياث الدين: هه زوينة عندك هادي.. قرب منها و زول لكسوة من يدها و لاحها.. و زاد قرب منها و هي بلعات ريقها.. حاوطها من ضهرها و جرها لعندو و صدرها لاصق على صدرو.. هي بدات كترجف و تنفس بزربة و صدرها كيطلع و يهبط.. شافت فيه بعينيها لي لونهم كأنه سماء نهار و المحيط الهادي.. غياث الدين قرب من شفايفها و حط عليهم شفايفو.. لي كانو دافيين.. و بدا كيقبل فيها و كيحاول يطفي نار شوق لفي داخل ديالو.. كل شفة كيعطيها حقها.. و استسلمات ليه بذون إرادتها و بدات حتى هي كتجر في شفايفو.. و هدشي لي زاد سطاه.. حطات يدها على ذقنو الملتحي كتحاول تحكم في القبلة.. و هو يديه كيتساراو في ضهرها العاري.. و بدا كيحل ليها في الحمالات الصدرية.. بعد صعوبة.. فتحهم و لصقها مع الحيط.. و حط يديه فوق صدرها.. و مزالهم كيغوصو في القبلة الحميمية.. لي رفعات الى عالم شهوات و زادت اجسادهم حرارة..

لي رفعاتهم الى عالم شهوات و زادت اجسادهم حرارة.. حسات بيديه على صدرها تبورشات.. لكن سرعان ما ترخات عاود فاش بدا كيتلمس اطراف دراوعها.. بصباعو.. و ولا حط يديه على صدرها و كيعصر فيهم بشوية.. حتى تأوهات داخل فمو.. شوية هزها بالخف و مزالهم غارقين في قبلتهم.. و هي مغمضة عينيها..حطها فق سرير و جا فق منها.. و هد لمرة حيد ليها الحمالات لاحهم و بقي صدرها البارز أمامو.. رجع تكى عليها و يديه بدا كيعصر بهم صدرها بشوية.. و هي كتأوه.. فجأة ملاماساتو و قبلو ولاو عينيفين.. و هو من طبعو عنيف في الممارسة.. نزل لعنقها كيبوس فيه و يعض حتى كيخلي اثار اسنانو.. و طبايع دقبلاتو.. و نزل لصدرها كذلك و هي خشات يديه في شعرو و كطلق أهات من شهوة.. نزل مع كرشها بقبلات حتى وصل لسرتها.. و وقف حيد سروالو بقى بالبوكسور.. و بغا يزول لها سليب و شداتو بيدها.. هز عينيه شاف فيها و حركات لو رأسها بلا و هي كتفكر اول ممارسة و أخر ممارسة شنو صرا فيها.. هو فمها و باسها في فمها و قال بصوت رجولي خافت.. غياث الدين: معمرني غنخليك.. حتا لمووت.. عد الكلمات كانو كافيين يريحو جزء منها.. زول لها سليب و رجع طلع فق منها.. كيقبل في وجها و كيلعب بصدرها.. حتى حسات 🍌 بيه طالع معاها.. زيرات عليه في كتافو حتى قمشاتو ضفرانها كانو طوال.. هو محاول عليها و كانت مزيرة بزاف و زاد تأكد بلي عمر شي حد قاصها من غيرو لأنها ولات كأول مرة قاصها.. طلقات صرخة فاش حسات به طلع معاها كامل و كتماتها و هي عاضة على شفايفها.. و غياث الدين و لا العرق كينصب من جبينو و شعرو..ما هي الا ثواني و جابو في داخل ديالها..و يديه كيعصرو في صدرها و شفايفها طيبهم بالبوسان.. دازو ساعات من الممارسة و قالت و هي مهدودة.. راضية: انن عييت.. اغياث عيبت غياث الدين: ماشي مشكل غدا و نكملو.. خرجو منها و لبس البوكسور لاح عليها الغطاء و ناض دخل لحمام.. دوش و خرج لبس سروال سيرفيت و رجع تخشى حداها.. صباح يوم جديد.. في فيلا عمار.. كان جالس لابس بذلة رياضية سوداء اديداس مع حذاء رياضي و داير كاسكيط.. و مسرح رجليه و شاد لولد كيضحك معاه كان مبدل ليه.. شدو من تحت اكتافو و كيخشي راسو في كريشتو حتى كيبغي يتسطى بضحك عاد يبعد عليه.. حتى وقفات عليه غالية لابسة سروال جينز فيزباري مقطع و تشرت اسود و الوشام لفي دراعها باين و البانضا زولاتها.. لأنها صافي تشافات.. و لابسة كاط اسود و دايرة كاسكيط من دياولو قالباها.. غالية: دير ليا حتى انا فحالو 😾 عمار: نهرك ؟ غالية: اااه  😍 عمار: ههه سيري راك واقيلا هبلتي.. مشات مخنزرا فطرات و رجعات جلسات حداه.. غالية: زامل صافا.. عمار مجاوبهاش بقا كيلعب مع الولد.. حتى جلسات حداه و باستو في خدو.. عمار: شنو.. غالية: بغيتك تسلفني و نردهم ليك.. عمار: لا.. قاليها هد لكلمة و خرجات و خبطات لباب.. كتسب فيه.. مشات شدات طاكسي لقصر كانت عندها 10 ذراهم غي وصلها و نزلات.. عطاتو ل10 دراهم و وقفها.. السائق: اختي راه 30 درهم.. غالية: ياكما وصلتيني لأوكرانيا ؟ سير الله يعاونك.. خبطات لباب و نزلات دخلات لقصر مخنزرا..كان تقريبا كلشي ناعس.. طلعات في اتجاه جناح غياث الدين غي فتحات باب غرفتو.. و فتحات فمها.. غالية: اللهم إن هذا لا منكر.. اعود بالله من شيطان رجيم بسم الله رحمان رحيم.. غياث الدين(حل عينيه و قال بصوت ناعس): ضاربك جن ؟ غالية(سدات عينيها ): شوووف راه نعل الله زاني و زانية.. و فحالكم خاصنا نزجموهم بالحجر.. غياث الدين: انا لي غنوض نرجم مك لا مخرجتيش.. غالية فتحات عينيها و باغا تعرف شكون لبنت لفي جنبو لكن راضية كانت عاطياها بضهر.. غالية: اناا بغييييت فلووووسي في لكومبت ديالي.. راه انا غنبيع كلشي و نمشي والله تا نديرها..دبا ساعة طلقو ليا حسابي نلقى فيه 5000 درهم.. خرجات و هي كتسب فيهم من سمطة لتحت.. فتحات لباب و هي تشوف سيارة مغريباش عليها واقفة.. شوويييية تصدمااااات من هول المنظر.. و جاتها دوخة..

فتحات لباب و هي تشوف سيارة مغريباش عليها واقفة.. شوويييية تصدمااااات من هول المنظر.. و جاتها دوخة.. شوية حتى نزل كوامي كيفرنس و دار فتح ليها لباب و مد لها يدو بكل رقة و شدات فيه و نزلات هازة راسها لفوق و دافعة صدرها كيف ديما.. هادي هي صوفيا.. قرب منها باسها في شفايفها.. و قال.. كوامي: ههنن نتشاوفو من بعد حبيبتي😅 صوفيا: اوكي حبيبي 😍 لا غالية هدشي بزاف عليها و جامي فكرات بلي صوفيا بنت عمها لي شابعة بروتوكول و بريستيج و تكبر تكون مع كوامي.. طاحت سخفات لولا الحارس لي كان مراقبها و شدها في أخر لحظة.. و لمحها كوامي و جا يجري لعندها و تبعاتو صوفيا.. كوامي: غالية ! مالها شعندها.. غالية(كتحل في عينيها و ممستوعباش): اش هدشي.. اوه سيدي ربي.. كوامي هزها و فتحات لو صوفيا لباب.. دخلها لاقرب صالة كان أتاتها تقليدي حطها فق سداري.. صوفيا: مالها هادي ؟ كوامي: شحال توحشتها.. صوفيا: توحشتيها ؟؟ كوامي: لا ماشي هكاك.. غي فحال ختي راك عارفة علاقتي بيها.. صوفيا: انمشي نجيب ليها كاس دلما.. مشات و كوامي بقى كيحرك فيها حتى فتحات عينيها.. و جلسات..كتشوف بعدم الفهم. غالية: دبا نتا و بنت عمي كوبل.. كوامي: هههه وي وي ، كنت غنقولها ليك فاش نمشي لعندك.. غالية: نوو مستحيل.. صوفيا و كوامي وا زوينة هاذي ههه.. لا ولاهيلا ههههه صوفيا(مدات ليه كاس لماء): مالها علاش جاتك غريبة ؟ غالية: لا لا اش هدشي.. واقيلا كنحلم كوامي: لا قريب غنتزوجو.. غالية: تزووجووو و اناا ؟؟ شنو ندير نبقى بووحدي.. كوامي: ياك نتي مع سي طبيب.. غالية: طبونمك  😡 ناضت بزعفة و كتسب و فيها لبكية..دخلات لكوزينة فيها جوع هما يتجمعو عليها.. الخدم كيعنقو فيها و يبوسو فيها لأنهم كانو على دراية بالحادث لي وقع ليها.. غالية: قودو بعدو مني.. طالعا ليا.. فيا جووووع.. طباخة: وجدنا لفطور راه لفوق ابنتي.. خنزرت فيهم و مشات و هما عارفين مزاجها كل مرة و كيف داير و مكيتقلقوش منها.. مشات لقاعة الأكل لقاتهم موجدين لفطور.. و مزال حتى واحد ما نزل يفطر.. جلسات هي في مقدم طاولة.. مترأساها و بدات تاكل و فمها عامر و كتزيد تعمرو.. حتى بداو كينزلو افراد العائلة.. كيشوفو كيفرحر و هي كتميق فيهم.. حتى نزل كلشي و جاو حتى صوفيا و كوامي.. عاد جا اسماعيل لقاها جالسة لو في بلاصتو تنهد و جل في كرسي كان خاوي في جانبها.. و باشرو في الفطور بهدوء تام.. حتى سالات هي و رجعات لكرسي لور.. و جلسات عليه و حطات رجل على رجل فق طبلة.. و تگرعات حتى كلهم شافو فيها.. و قال و هي كتلعب بخصلة في شعرها.. غالية: لي معجبتو نفقصو.. فااك.. حتى واحد ما هضر معاها من غير صهيب لي كيضحك.. شوية و قالت.. غالية: بسمة.. بسمة هزات فيها رأسها بهدوء..و قلزات ليها حتى كوامي دار ضحكة كتخلع و فمو عامر و لماكلة كتهبط من فمو.. خلا صهيب و غالية غيتسطاو بضحك.. و صوفيا بغات تخشى في الأرض..

و صوفيا بغات تخشى في الأرض..و عفطات عليه بكعبها العالي.. و حبس ضحكة تدريجيا.. و بسمة غوبشات في غالية.. و غالية دارت ليها حركة بيديها كالقطة.. و حتى واحد فيهم ما استغرب لوجود كوامي بيناتهم لأنهم عارفينو صديق غالية.. شامة: توحشناك ابنتي. غالية: يتوحشك الخير..كيبانلي كلشي تزوج هنا.. شامة: شكون ؟ غالية: خويا لكبير و خويا صغير.. و بنت عمي.. شامة: بنت عمك ؟ غالية: ايه صوفيا و كوامي غيتزوجو.. صهيب وحلات ليه و بدات كتخبط فيه شامة حتى رجعات فيه روح.. عاد قال.. صهيب: ختي بي من هتزوج ؟ غالية: بكوامي.. صوفيا: ااه عاد كنت بغيت نقولها (شاف فيه) انا و كوامي كنبغيو بعضياتنا.. و دبا شهر و حنا مرتابطين.. غالية: ياك اكوامي انا اخر من يعلم هادي هي صحبة عنداك و عقال ؟ كوامي: انا بغيت نعاود ليك.. غالية: عاود لكرك اولد القحبة.. اسماعيل(خبط ايدو مع طبلة): غاليية.. غالية: بغيت ليك طنجرة تغلى فيها.. اسماعيل: اش هد لمستوى.. غالية(بتاسمات حتى بان الباك لفي نيابها سفلين): اوه عارفا مستوى ديالي عالي و حتى واحد ميوصل ليه.. شامة: اواحدي انا.. شوف ليك البنت.. غياث الدين: غالية ! غالية: شوف نتا حسابي بغيتو يعمر كتسمع..و نتا جي دي عليا ولدك.. و نتا اداك وجه طاجين متوليش تهضرني كتسمع.. وقفات و ضربات لكرسي برجليها حتى طاح.. و باها غا كيشوف في لوشام لي طالع مع دراعها ليمن.. و قال بسخط.. اسماعيل: اش داك لوشام في دراعك.. غالية: سوقك ؟ لا لا خاصك تعرف.. باقي تعقل فاش كويتي ما الله يرحمها.. بحديدة حامية فاش كنا في دار لفي جبل.. و انا كنت كنغوث و حطيتيها لي على دراعي و شوهتيه ليا (عمرو عينيها بدموع) باقي كتعقل ياك ، نتا شوهتي لي دراعي و انا درت هد لوشام باش نغطيه.. حسات بدمعة غتطيح من عينها و مشات باش متبكيش قدامهم و تشوف نظرات شفقة في أعينهم.. اسماعيل كلشي شاف فيه بصدمة.. و هو تزير و لأول مرة غيعرفو حقيقة وشامها لفي دراعها كامل.. غياث الدين(من تحت سنيه): هدشييي صحييح.. اسماعيل: واش كتحاسبو معايا ؟ ناض باغي يهرب من أسئلتهم و مباغيش يعرفو حقيقة دكشي لكان مدوز على أمهم..و لي عارفاها غير غالية.. غياث الدين(تبعو و شدو من دراعو): معندك فين تهرب.. غالية كلامها صحيح، اه.لا.. اسماعيل(تنهد): كلامها صحيح.. و انا ندمان بزاف ديك ليلة كنت سكران مكنتش في وعيي.. غياث الدين(بحدة): ماشي غي ليلة كنت كضرب المرحومة الله يرحمها.. كيفما قالت لي غالية يوميا.. و هدشي صحيح و باش غتفسروو.. اسماعيل: إيوا صافي هدشي لي بقى تقادو لكتاف وليتي مكتيقش في باك ولا انا ندمت و بزاف و الماضي مباغيش نجبدو.. مشى هربان عاود من أسئلتو.. و غياث الدين خشى يديه في جيايو و وقف حاضيه مصغر عينيه.. غياث الدين: غنعرف كلشي بطريقتي و الا كان دكشي صحيح كنحلف ليك حتى غنحاسبك قانونيا.. و هداك ساعة غنسى دم لي بيناتنا.. غالية كانت جالسة فق درج لي عند باب لقصر و مسرحا رجليها.. و مخنزرا.. حتى وقف عليها اسماعيل و قالت بلا ما تشوف فيه.. غالية: كنقسم ليك و ما تبعد من قدامي حتى نن.. اسماعيل: بنتي.. غالية: معندكش لبنات.. مشى بلا ميزيد معاها كلمة.. و هي بقات جالسة ساخطة على الوضع.. غالية: الله يخليها سلعة لا فلوس لا طموبيل.. لا كارو هو لأخير.. لي خرج كيوقف يهضر معاها كتقمعو.. و لا تكتفي غي بتقليزة.. سيف الدين: نوضي دخلي لداخل نتي جالسة هنا كيف سعاية.. غالية: سوق مك ؟ سيف الدين: مالك وليتي معايا هاكا ثاني.. غالية: والو.. شوف بغيت فلوسي من دبا لساعة يكونو في لكومبت.. ياله تلاح من قدامي.. بقات جالسة حتى شافت طموبيلتو وقفات حداها.. و هما يتفتحو ملامحها المغوبشين و بتاسمات و بغات طير من الفرحة..ناضت لعندو و حلات عليه لباب.. غالية: كنت ناوية نصوني ليك.. هه العز هاكا تكون صحبة اعشيري راك تم..

غالية: كنت ناوية نصوني ليك.. هه العز هاكا تكون صحبة اعشيري راك تم.. عمار(خنزر فيها): مجيتش على قبلك.. جيت نعطي لولد لباه.. غالية خاب ضنها فيه و شافت فيه بنظرات حزينة.. و لأول مرة يشوف الحزن في عينيها.. و مشات دخلات.. تلاقات بصوفيا و دارت ليها اشارة تبعها.. دخلو لبيتها و جلسو.. غالية: نجيك من لخر و انا لي عارفاك.. لا بان ليك في كوامي لبلان غتبعدي منو و لا مغيعجبك حال.. صوفيا: انا كنبغيه.. غالية: نتي و كوامي شي حاجة امبوسيبل.. سو جيني من لخر ؟ صوفيا: كنقسم ليك انا كنبغيه.. لقيت فيه هو شي حاجة لي ملقيتهاش في رجال لي باغييني.. انا مكيهمنيش لون لي بيناتنا لي كيهمني انه من مستوايا و شخصيتو هي لي كنبغي.. و حتى هو كيبغيني هذشي لكاين 😍 غالية: اوك قودي.. ناضت صوفيا من حداها.. و سدات عليها لباب.. و هي تسطحات و كتقول مع راسها.. غالية: انا من ليوم مغنعول على حتى زامل.. و غندم ديلمهم واحد بواحد.. و انا لي غنخدم براسي.. بغيت نولي مليونيرة. 😍 اول حاجة غنبدل ستايل ديالي.. و طريقتي في الهضرة.. بتاسمات و عضات على شفايفها.. و دخلات لحمام دوشات و هي كتغني في راي.. و خرجات لاوية عليها فوطة قصيرة.. و شداها من جهة صدرها.. و شعرها القصير سارد.. حتى تفاجئات بوجودو في غرفتها كان واقف عاطيها بضهر.. غالية: مالنا اتبي.. خاصاك شي حاجة و لا غالط في لعنوان.. عمار(تلافت لعندها، طبعها و هبطها): خاصاني نتي.. قرب عنذها و داير ايديه من وره.. حتى وقف عليها.. و عينيه مشاو لديركت لشفايفها الكرزيتان كيقطرو بالماء.. و خدودها موردين..و شفرانها طوال مبلولين.. منظرها و هي مبلولة سطاه.. و لأول مرة كتير انتباهو و كتحرك شهوتو.. طبعا لأنها دائما مخشية وسط حوايجها سبورتيف العراض.. و مخبعا جسدها الأنثوي داخلهم.. حط يدو على خصرها و سحبها لعندو و تحنى على شفايفها كيبوس فيهم و يجر و يمص فيهم..و يعض و كأنه غيبتلاعهم.. و هي كتبغدو عليها و شادة لفوطة.. حتى دازو دقيقتين عاد بعد عليها كينهج. غالية: وا تبي زملتي لا.. لا زملتي راه 20 درهم تجيب ليك قحبة و قود من بيتي.. دبا و لا بربي حتى نجمعهم عليك.. عمار: اش هد لهضرة.. بليل غن.. غالية: بليل موت گاع مبقيتيش كتهمني و حوايجي جيبهم ليا معاك.. اوووكي.. ياله اتس گو.. قبل ما يخرج قرب منها و باسها في كتفها حتى تبورشات و خرج و مفاهمش مالها داغي تقلبات و حتى في كلامها تبدلات.. مشات لبسات سيرفيط و هي كتسب و دارت طاگية عبى رأسها و شعرها منشفاتوش.. هزات كارت بونكير و خرجات.. مشات لباركينغ هزات طموبيلة تويرگ دلعائلة.. و مشات لبنك لقاتهم ريزيرفاو ليها فلوس.. جبدات خمس الاف درهم.. و مشات تشري حوايج لستايلها جديد.. و هي فرحانة حتاش غتخدم في شركة العقار لي خلات ليها المرحومة أمها.. بعد ما شاورات راسها.. دوزات يومها في دوران و عاد حسات بلي رجعات كيف كانت.. دازو ساعات و طاح ظلام و رجعات لقصر دخلات مبدلة لحوايج.. و هازة بزاف دصيكان.. تلاقات مع بسمة عند لباب.. بسمة: كنت كنستناك.. خاصكي توجدي راسك.. غالية: غتمشي من قدامي و لا نسيفط ختي لوجدة..حجابي لاخرا.. خنزرات فيها و مشات حتى لمحات الصالة تقليدية عامرة.. مشات وقفات و هي تشوف كارلوس بتاسمات ليه و قالت.. غالية: ويلكوم كارلوس.. هاوريو ؟ كلهم غا كيطلعو فيها.. كانت لابسة سيرڤيت لاكوست سوداء و كلاكيطة لاكوست و كتبان وسط منها كيوت و كيبانو ارادفها.. و لي كيلبسو هدشي غير شمكارة و لمشرملين.. عمار لكان جالس حاط رجل على رجل و بكامل اناقتو خنزر فيها.. غالية: اوه، ديزيس ماي نيولوك.. اوكي باي 😒 مشات كتغني شوية وقفات و جاتها غريبة ان عمار جاي هو و مو و باه.. و جالسين مع عائلتها كأنهم افراد منها.. 

عمار جاي هو و مو و باه.. و جالسين مع عائلتها كأنهم افراد منها.. هزات حاجبها بإستفهام.. كانت غترجع و هي تهز كتافها و كملات طريق لبيتها و هي كدندن..دخلات و مشات لماريو ديالها.. حيدات منو لحوايج لقدام و بدات كتحط فيه لي سيرفيت و كتقادهم.. و كتغني.. غالية: مزال نتلاقو ، مزال نتعاشقو ، لي سوفونير عمرهم يتبدلو.. كملات و خرجات.. نزلات دازت من حداهم و مدارتش ليهم إعتبار.. مشات لكوزينة لقات الخدم كلهم مشغولين و كل واحد و شنو كيصايب.. هي دورات عينيها و لقاتهم موجدين بزاف دلأطباق.. و معرفاتش متختار.. و هي يبان ليهاواحد دجاجة محمرا محطوطة في طبسيل.. مشات حيدات ليها لفخض 🍗 و شماتو كانت ريحتو شهية.. و باقي سخون و خرجات غادة شافتهم و هي ترجع مشات جلسات.. و بدات كتعض فيه و تبنن.. غالية: اممم ااه بنين هادا.. اححح حرقني.. بدات كتبخ عليه..و هما كلهم سكتو و شافو فيها.. و عفاف غي كتخنزر و مكرها من الموقف.. و جايا معاهم بسيف.. و كتشوف بغضب.. غالية(فمها عامر): مالكم فاش كنتو كتهضرو ..علاش جيتو بعدا ؟ كارلوس: شنو كتجري علينا.. غالية: حاشا اساط.. كارلوس(شاف في الكل): كيفما كتشوفو.. مكاين لاش تبقى هد لعداوة بيناتنا.. غياث الدين: الا نتا غلطتي راك غتودي 😉 كارلوس: انا بعدت من دكشي و ندمت بزاف.. اسماعيل: ايوا لا كان هاكا انا قابل اعتدارك.. و من يوم نحييو صداقتنا لي دازت عليها سنين.. كارلوس: ايه علاش لا.. و انا ليوم بغيت بنتك لولدي.. على سنة الله و رسولة و انا مغنلقاش ما حسن منها.. عفاف(بهمس): عطى الله ما حسن منها.. افف شحال كتزيدو فيه مفهمتش اش عاجبهم فيها.. كارلوس سمعها و نغزها بدراعو حتى قفزت و جمعت فمها.. غالية: إينا وحدة ؟ سيف الدين: و شكون من غيرك.. غالية: أنا 😨 (شافت في عمار لكان داير ابتسامة) دبا انا نتزوج.. ياك اولد حرام نتا عينك عليا.. و كوغا كتخايلني مرتك و انا كنقول صاحبي.. عمار ضحك بجهد مدور وجههو حتى بانت غمازة لفي خدو المكسو بلحية خفيفة.. و هي وجها حمار و غتبدا تسب و هو يقاطعها باها.. اسماعيل: هدشي لي كنت كنفكر فيه.. يقدر زواج يدير لها عقلها و بليس سي عمار تباركالله طبيب و بإمكانو يعالجها.. غالية: يعالجني ؟ شوفو الله يرحم جدكم انا عاد بغيت نبدا حياتي.. و من غدا غنبدا في الخدمة.. اسماعيل: و حتى فاش تزوجي لا بغيتي خدمي.. سيف الدين: فاش غتخدمي بعدا ؟ غالية: سوق مك ؟ ديها في كرك.. عفاف: أوه اش هد المستوى ؟ كارلوس: عفاف سدي فمك.. غياث الدين: غالية.. خاصك تزوجي لمصلاحتك.. غالية: انا مزال عاد بغيت ندير صحاب جداد 😞 غياث الدين: حتى واحد محابسك.. شامة: اه زواج راه مكيمنعش صحاب.. غالية: انا كنبغي نخرج.. شامة: راه كتاخدي حريتك.. غالية(حطات رجل فق رجل): إيوا خليوني نفكر.. بقات كدور في عينيها الكبار و كترمش و عمار حاضيها.. و شافت فيه و بتاسمات قائلة..

و شافت فيه و بتاسمات قائلة.. غالية: إلا كان هاكا صافي.. الكل تصدم ما عدى عمار.. تصدمو لأنهم كانو متأكدين مغتوافقش واخا كانو كيحاولو يقنعوها.. غالية: مالكم ،كتشوفو راه زواج سنة الحياة.. لواحد هو لي يتزوج قبل ما يطيح في الفحشاء و المنكر فحال شي ناس.. شافت في خوتها بحوج كأنها كتعنيهم.. و خنزرو فيها.. و هي ضحكات.. شامة: اه اه عندك الحق ابنتي 😍 دبا انموت و انا مهنيا.. غالية: هي لا درتيها و طلقتي راسك.. (قلبات عينيها) شحال حامضة تفوو.. كارلوس: ههه ما قالت عيب و كلامها.. صحيح ههه دبا ولينا عائلة وحدا مبروك علينا.. عفاف كتخنزر و تمناتها لو متوافقش.. و تمنات يرجع زمن لور و لو بشوية.. تنفارد بيها و تقنعها متوافقش.. و غاليةحتى هي وافقات على مصلاحتها.. و مفكرا بلي من بعد زواج غتهنى من عائلتها و مغيوليوش يدخلو في أمورها و دير لي عجبها..و بليس عجباتها العيشة مع عمار و حاسا بلي راه متحكمة فيه.. من بعد ما تسالمو و فرحانين من غيرها هي لي ما خلات حد يقيصها.. جلسو و بداو ثاني في قضايا و أراء.. كارلوس: انا غندير لولادي احسن عرس في لبلاد.. شامة: انشاءالله غيكون عرس اسطوري  😍 غالية: اه و انا نلبس هاداك لي كيكون طويل تقليذي شنو سميتوو ؟؟ اه سميتو قفطان ياك.. و هاديك لبيضا طويلة و ناس و شطيح.. ياك ؟ شامة: اه ابنيتي عرفتي كيف غتجي تحمقي 😍 غالية:واااي من هنا نتفاهموو مكاين لا عرس لا زبي.. خنزرو فيها كلهم.. و هي كتبادلهم بنظرات نارية.. عمار: من لأحسن بلاش.. غالية: و دبا هضرتي اعشيري.. عفاف: كنتمنى من بعد زواج تبدل كليا.. غالية: غنتبدل نصفيا لا.. شوفي الله يرحم باك انا راه غي ماشي من دوك نكارين لخير.. و مبغيتش نسى لبيليز لي درتي معايا ديك نهار.. و جمعي كرك معايا الله يحفظك.. سيف الدين و صهيب ولاو دموع هوادين ليهم بضحك.. و راضية لي كانت جالسة و كتشوف حتى هي جاتها ضحكة.. غالية: كارلوس كارلوس: وي بنتي.. غالية: اي ساطة عجباتك.. انا معاك تا تصيدها حتاش هد لمرة عندك شوية لاباس.. كارلوس دار ابتسامة و حسساتو بلي باقي صغير قدامهم.. اما عفاف بغات تنوض تفتارسها و عمار معجبوش لحال تهضر مع الأم ديالو هاكاك.. و كيجمع ليها.. مشات تعشاو و لي هضر معاها كتسبو.. سالاو لعشاء و ناضو وصلوهم لباب.. و حتى هي معاهم.. عمار: غالية ياله نمشيو.. غالية: غير سير مباغاش نمشي معاك.. باغا نبات في بيتي كنعس معاك فق سرير كتشبع في غا ركيل.. دارو فيها نظرة غريبة و هي ياله كانت غتبدا تشرح ليهم.. و هزات كتافها و سدات فمها.. عفاف جات باغا دير صواب و تسلم عليها.. مدات يدها بعجرفة و شافت فيها بغرور.. و غالية خلاتها بلاكة و مادارتش ليها اعتبار.. خلاتها باغا تخشى في حوايجها و كتحلف فيها.. بسمة(همسات في أذنها): غالية.. حشومة هادي راه عدوستك.. غالية: عدوستي و تكون حتى بزولتي تمشي تقود..

غالية: عدوستي و تكون حتى بزولتي تمشي تقود.. مشات جالسة كتستنى فيهم.. حتى شافتهم كل واحد غادي طالع لبيتو و هي تناديهم.. غالية: وااي بلاتي، مزال مكملناش لهضرة.. تعالى ا سي سماعيل.. اسماعيل: اسماعيل.. ماشي سماعيل.. غالية: كيف كيف اسماعيل الله يرزق اصحة و سلامة.. شامة: الله يسمعنا خبار الخير.. غالية: قبيلة طبيب جاب ليكم الولد ياك ؟ شامة: لولد.. غالية: ايه ، لا ؟ شامة: ايه.. غالية: مهم غدا سيرو ديرو تحاليل و تأكدو و شوفوه واش ولد المكبوت.. مشات حتى هي طلعات لبيتها.. و كتفكر في القرار لي خدات و حايرة شوية قالت و هي تايقة في نفسها.. غالية: الا كان زواج، راه كاين حتى طلاق.. مشات لماريو حلات صاك من صيكان لي شرات.. و جبدات خنشة صغيورة فيها مسحوق ابيض اي لادروگ خوات كمية صغيرة في ايدها و بدات كتشم و هي حاسة بالإنتعاش.. و لباقي رجعاتو لبلاصتو و تلاحت فق سريرها..كتلعب بشعرها.. حتى تفتح لباب بجهد و ناضت مفزوعة. كانت بسمة لابسة بيجامة قصيرة حد ركبة و شعرها طويل الأسود.. مطلوق وراء ضهرها.. سدات لباب و صدرها كيطلع و يهبط بزربة.. غالية: الله ينعل بوك مالك.. بسمة: خوك، خوك كان كان غي غي.. غالية: مالو ؟ ياكما مبغيتيش تعطيه حقوقو.. بسمة حركات رأسها بأه.. غالية: و لاش تزوجتي بيه.. بسمة: باغا نتاقم منو.. سمعو خطوات جايين و هي تمشي تجري تخشات وراء غالية.. و بقاو مترقبين لباب حتى تفتح.. كان هو كيف كل ليلة حالف تا ياخد حقوقو بسيف عليها.. و كيف كل ليلة مكينجحش.. كان كلو عرقان و لابس غي شورط و حافي القدمين.. غالية: شاجابك ؟ سيف الدين: ليلة والله ما تهربي مني.. بيا و لا بيك والله حتى نفرع مك هنا.. غالية: عاود ، عاود اش قلتي ؟ (هزات ليه صبعها بتهديد) هيييي دبا هي في بيتيي كتسمع يعني تحت رحمتي أنا كتسمع ايوا قرب ليها و تشوووف.. سيف الدين: ايه برهوشة حتى هي ولات كتهدد.. غالية: شوف الله يرحم باك.. راه دايرا غي بالخاوة لي بيناتنا وا قلب ستة لتسعود و دور تقود.. سيف الدين: بسمة اجييي لهنا 😡 غالية: حيجابييي متحركييش  😤 شوف الله يرحم جذك متنساش راني منخارطة في جمعية العنف ضد المرأة.. راه غنخرج ليك على مستقبالك.. بسمة كتشوف في كلامهم و ملامح وجهووههم ما فيهمش اي تعبير للضحك.. و كيتبادلو غي نظرات الغضب.. و شافت الجو تكهرب و مبغاتش تكون هي سبب في خصامهم.. تسلات من وراء ضهر غالية.. حتى شداتها.. غالية: تخرجي من هنا انا كلبة.. و نتا برا.. و براااااا و لا نجيب ليك لبوليس.. سيف الدين خرج معصب مشى لبس حوايجو و هز سوارتو و خرج.. و هما بقاو غالية ضحكات بفرح لأنها هزماتو.. و بسمة بقات خايفة.. بسمة: واخا نبات معاك.. غالية: مرحبا.. نعسو و طفاو ضوء بقى غي ضوء نجوم الذهبية و القمر ساطع لي داخل من سرجم.. بقاو كيهضرو بهدوء حتى غفاو.. و هنا بدات غالية في ركيل.. و دفع برجليها و كتحلم بأنها داخل حلبة المصارعة هي و سيف الدين.. حتى جابت بسمة طايحة لأرض على طرمتها..

حتى جابت بسمة طايحة لأرض على طرمتها.. ناضت و كتحك فيها و مشات خرجات اللهم سيف الدين و لا ركيل غالية.. البوكس لي لعبات فيها.. رجعات لبيتها و كملات نعاسها.. 💕 صباح يوم جديد.. كان غياث الدين لابس لباس رسمي اسود.. و واقف امام المرايا كيلبس في ساعتو اليدوية.. و تلافتت ليها و ابتسامة رجولية تزين وجهو..جر عليها لغطاء.. غياث الدين: نوضي من نعاس براكة عليك.. راضية: و خليني.. غياث الدين: وا نوضي تگعدي خلاص.. راضية: ياك نتا غادي لخدمتك.. و انا انبقي بوحدي.. غياث الدين: غنتغداو على برا و بليل انديرو لاكط وجدي راسك.. مشى خرج و خلاها غارقة في نومها.. داز لغرفة غالية.. فتح لباب و دخل.. كانت كل رجل و فين لايحاها و شعرها مخبل و مغطي ملامح وجهها و ناعسة بنفس سيرفيت..و غرفتها مرونة.. دار ابتسامة خفيفة و قرب منها.. بعد شعر من على وجهها.. و قال.. غياث الدين: غالية.. غالية: امم.. غياث الدين: نوضي من نعاس، ياك باغا تخدمي.. غالية(فتحات عينيها): اه باغا نخدم.. غياث الدين: نوضي باش نمشيو نشوفو شركة.. غالية: حلف بالله.. غياث الدين(قهقه بصوت رجولي): خخ علاه نتي محتاجة تاخدي اذن شي واحد.. وا تگعدي.. ناضت بزربة كتجري دخلات للحمام.. دوشات و خرجات مخشية في بينوار.. لقاتو مشى.. لبسات ملابس داخلية.. و سروال مينيتير عريض و تشرت لاكوست في زيتي و سبرديلة كبرى منيتير.. و دارت كاسكيط نفسهم.. و نزلات فطرات و لقات غياث الدين كيستناها و مشات هي وياه.. لشركة لي عمرهم شافوها كيف دايرة.. لقاو المسير و هو بدا كيعطيها في تعليمات و هي غي كتحرك راسها بأه و هي في الأصل مفاهمة حتى وزة.. غي كتشوف عينين غياث الدين حاضينها.. دكشي علاش كتضاهر بالفهامة.. دازو ساعات.. كان بسمة جالسة حتى جابت ليها لخدامة باقة ورد أحمر و وسط منو ورقة مكتوب عليها بخط اليد.. بدات كتقرا بجهد.. بسمة: ليوما بغيت نصلح جميع اغلاطي معاك.. لأني وعيت بلي ضلمتك بزاف.. و بغيتك تغداي معايا و مترفضيش اتلاقاي شيفور كيستناك.. هو غيجيبك لعندي ...... سيف الدين.. بقات كتشوف بذهول.. واش اخيرا تنازل و وعى بغلطو..؟ ولكن فين مشى الغرور لي كيفطر به و يتعشى به.. ؟ هد الاسئلة في دماغها طرحات.. و ليها ما لقات إجابات.. هي مبغاتش ترفض و بغات تغفر ليه لانها معندهاش لحق باش متغفرش ليه.. شكون هي ؟ مادام سيد الكون و خالق الوجود كيغفر فعلاش مغتغفرش هي.. ناضت بدلات لبسات كسوة طويلة في الموڤ و دارت من فوقها فورر اسوذ و دارت فولار في لموف و لبسات صباط كلاص اسود.. و هزات صاكها من بعدما وضعات شوية دلميكاب..و خرجات.. هو يتلقى ليها شيفور.. طلعات و مشات معاه.. بعد مدة دخلو لحي راقي فيه بنايات ناطحات سحاب.. وقفو امام بناية شيك.. و نزل شيفور وصلها لشقة لكانت في طابق رابع.. دقات لباب بخوف و تردد.. و فتحو ليها داير ابتسامة رجولية فاتنة.. و لابس طقم بلومارين و مطلع شعرو للفوق..و ناقص لحيتو..و قال.. سيف الدين: تفضلي..امرتي.. بسمة(بتردد): ممتبقاش تقولي مرتي.. سيف الدين: عشيرتي ؟ بسمة قلبات عينيها و دخلات هازة منخارها لسماء.. كانت شقة كبيرة و اتاتها راقي.. لقاتو موجد غداء رومانسي.. سيف الدين: نتغداو هو الأول.. حركات رأسها بالإيجاب.. و جر ليها الكرسي بكل رقة.. و جلسات و حاسة بقلبها كيضرب.. جلس امامها و بدا كياكل و هي اكتفات غي بشوية دلأكل.. و هز قرعة دلمشروب خواه ليها في كأسها.. و حتى هو غي داقتو جاها حار و خيبات ملامحها.. بسمة: شنو هدشي حار ؟ سيف الدين: نزيد ليك فيه سكار ؟ بسمة(بغباء): لاكان غيولي زوين.. سيف الدين: شربي و براكة من لفشوش.. غيعجبك.. شافتو هو كيشرب و محاسش بيه و بدات كدير فحالو.. كتجغم شوية و تحطو و تعاود تجغم..و هو ناض قرب منها.. و كيشوف فيها بمكر.. عنقها من لور.. سيف الدين: احح و اخيرا نفاردت بزوجتي الصالحة.. والله ليوم متفلتي من بين يدي و غنعلم ديلمك كفاش تخليني حتى نقيم عليك و تهربي و مخلياني مكفح ولادي في طواليت.. و مغتخرجتيش من داك لباب الا و نتي مادام سيف الدين ضياء.. و لا انا ماشي راجل 😈 

يتبع