أنين العشق الجزء السابع

مراد:(خنزر فيها) وعلاش بسلامة 

كوتر:(كتمتم) هاا مابغيتش غير خليها بسميتك نتا رااجل انا ممولفاش بهاد الاملاك بلاااش عفااك 

مراد:(كايضحك) ههه يالهبيلة راه غير غاتسني مغاديش تهزيها فوق ضهرك ..شدي سني بلا تبعكيك الخاوي 

كوتر:وااا بلااش عفااك امرااد ..

مراد:(خنزر وقصح نبرة تصوتو) سنييي ..شدات ستيلو وسنات وحطاتو وبقات كتشوفيه مزيرة على ايديها و مبلقة عنيها ..

مراد: نوضي نمشييو ..

كوتر: ييخخ كيداير (عوجات وجها) هاهيا نااض ونوض نتا ..وقف وشدها من قرفادتها ..

مراد: برهوشة غانهرس ليك وجهك وباقي خرجتي ديك الهضرة ..خرجو لجردة ركبو فطوموبيل شدو طريق دخلو على المدينة مشاو لاقرب بوتيك لملابس رياضية وقف طوموبيل 

مراد: شحال كتلبسي فرجليك 

كوتر: 37 ..اويلي واش غاتدخل رااسك تشري ليا ..

مراد: وي ..(طلعها وهبطها) واش غاتدخلي هكا ..

كوتر: وفين نبدل ..

مراد: فالاوطيل ..

كوتر: سيير سيير وجيب شي لوون زين لا تختار الوان فلة ولا باربي ..

مراد: وخاا اخوياا كوون هاني ...مشا بزربة ورجع هاز جوج بوشيطات حل عطاهوم ليها ..حلاتهوم وضحكاات سورفيت فالكحل اديداس وسبرديلة نفس اللون 

كوتر: الله ارضي علييك ...كسيرا موقف تالاوطيل دخلو من الباب لوراني طلعها لجناح ديالو خلاها ونزل جبدات بدلات حوايجها وجمعات شرعها الفوق ..صونات على ريما طلع عندها ..داز 10 دقايق جات عندها دخلات تسالموو ..

ريما: فين غابرة نتي 

كوتر: كيف قلت ليكووم راه غير جري جري مابقا واالو ونسني على عمري ..

ريما: تنا قربت (حدرات راسها) 

كوتر: كيفاااش واش غاتزوجو حتى نتوما ..

ريما: وي ليوم امين غايمشي اهضر مع بابا وفاتي غاتجي بليل وغدا جايين لداار ..

كوتر:(وقفات عنقاتها) الله ايسر لييك ...اهياتا اجي نديرو عرس وااحد عفاااك 

ريما: اويلي حنا يالله غانتخطبو ..(هزات خنافرها) باااقي عليا الحاال تزوجي نتي لزرباانة 

كوتر:(دارت ليها ضحكة شريرة) يااااك ..إواا وخااا وخااا هه ..نزلو بجووج لقاو مراد وامين فالكافي تالاوطيل كالسين وكلسات كل وحدة حدا حبيبها 

كوتر: مبرووك أ امين قالت ليا ريما غدا غاتمشي تخطبها 

أمين:(شد لريما فايديها) وي ان شاء الله ..

كوتر: الله ايسر ليكووم ..إوا طلق راسك ونديرو عرس وااحد ..شافت فريما وضحكات ليها اما ريما بلقات عينيها وكتعض فشنايفها ..

مراد: لالا كل واحد بوحدو بلا زحااام 

أمين: كوتر فكرة زويينة صافي انا نهضر مع باباها ونقنعو اننا نزربو ههه 

ريما: لاالاا بااقي لحال بلا زربة ..وقفات كوتر وشافت فمراد ..

كوتر: يالله نمشييو حنا (شافت فريما ) بسلامة احبيبتي ..غمزاتها وسبقات مراد ناض تبعها ..خرجو ركبو وداها لداار ...تسلامو ودخلات كتسلت تعرف اجواء الدار .. مشات تسالمات معا مها وغمقات عليها بالهضرة ودارت راسها سخفانة من نادي ..خلاتها طلعات لبيتها دخلات دوشات وتوضاات الوضوء الكبيير خرجات صلاة وكطلب من الله اسمح ليها واتمم ليها كولشي على خيير ...

دازو الايام بسرعة كوتر مابقاتش كتخرج منعاتها ماماها بحكم تقاليد خاصها تكلس متخرجش باش تبان زوينة واطيح عليها سر كانت كتهضر مع مراد غير فالفون مدة كولها دوزاتها غير ماسكات لوجها للحمها شعرها اي حااجة كاتلبق جابوها ليهاا وفهاد المدة كلها حاجة وحدة شاطناها هي الخااتم ماكاينش زوااج بلا خاتم وماعمرها قالتها لمراد مابغاتش تبين ليه خلاتو هو اعرف ولكن وااالوو ..ريما تاهي تخطبات وقررو اديرو العقد والعرس نهار واحد ...اليوم صبااح فاقت كوتر على زغاريت فداار والهضرة كتييرة ناض دخلات غسلات وجها وتوضات وخرجات صلات.. فيها الخلعة وموترة نزلات لقات الداار عامرة خالاتها جداتها عماماتها بسمة هداية ..كولشي غادي جاي كايوجدو شافوها وشدوها بزغاريت وصلاة عالنبي هي حشمانة وكضحك حطو ليها تفطر وليداز من حداها ابوسها بحال شي قبة سلات وجدات ليها مها باش تمشي لحمام ..بقات كتندب هي سيمانة كل نهار تدواش والفريك لاش الحمام ...مشات غسلات هي والبنات رجعو تغداو وخرجو لصالون خلطو عليهوم ريما وغفران ومعاهوم فاتي قادو ليها ماكياج خفيف شعرها قاداتو بوكلي وخلاتو على طولوو لبسوها قفطان بيض منبت من صدر والكمام نازل افازي مع فصالتها وفيه حزام رقيق كولو منبت ..البنات قادو غير شعرهوم وشوي تالماكياج لسبو كساوي كل وحدة فشكل ..خرجو باش ارجعو وصلو باب صالون وقفات كوتر مصدومة وعينيها خارجين من المنضر لقدامها .. ..

كوتر: (كتشوف فالبنات) اويلي اش هادشي واش تسطيتو شكوون مول هاد الفكرة !؟

البنات شافو فبسمة وكولهوم وجهوم حمر حابسين ضحكة بزز 

بسمة:(هازا خنافرها لسما) غاتكوني اول عروسة فمراكش كاتمشي بالكوتشي من الصالون لدارهوم وعرفتي شحال ونا كنقلب ليك على احسن كوتشي مبووكص فمراكش ...

كوتر: ومبووكص نيت ..دابا لي ماشرا اتنزه نبقا غاديا شاك رااك منهنا تالداار والواعرة مزوقينو ليا انا سندريلا ..

بسمة: هادي هي شكراا ييخ على بنادم ..كوتر وقفات كتشوف معجبة ماعرفات مديير واش تركب او تسنا شيحد اجي ليها من دار فاللخر قنعوها البنات وطلعو كاملين بزغاريت والصلاة عالنبي خاشين كوتر وصطهوم لايحا شال على وجها مكاتبانش ولبلاصة لدازو منها كايبقاو متبعينهوم بالعين والكولشي كايبارك ليها حتى وصلوها لداار ...نزلوها دخلات استقبلوها بالحليب وتمر دخلوها لصالون لكان مقااد ومتول وريحة العنبر كتعطعط منو كلسوها لوسط وشال هابط على راسها ..بقاو كايمشيو واجيو حتى سمعو صوت طوموبيلات برا وقفو واليدين كوتر استقبلو عائلة مراد كان جاي بابهى حلة لابس سورال كحل وشوميز زرق مغلوق وفوق منها فيست نفس لون سروال شعرو مرجعو لوور ولحية مطراسية ومكانة فاليد ريحتو كاتشم من ابعااد ..دخل ومعاه مو وخوتو وأمين وشي جوج عيالات لابسين جليلبات راقيين وهازين سويكات صغار فمرفقهوم العبيد من وراهوم هازين طيافر فالبيض مسدودين...دخلوهوم لصالون وقفات كوتر جاو تسالمو معاها كتمد غير ايديها وراسها ماتهزش.. جا مراد هو الاخير حداها وقرب لودنيها ..

مراد: حيدي هاد زيف حياتي نشوف مرتي ..

كوتر: لارد ..شادة فايديها وكترعد وحناكها طلعاتهوم الحرارة وابتاسمات ..

بابات كوتر: تفضلوو مرحباا والف مرحبااا 

كلس كولشي كايتعارفو العيالات بجوج خلات مراد ..عائلة كوتر عاطيينها لزغاريت مسكتوش بعد مدة قليلة جا العدول دخل كلس جنب مراد وكوتر جبد دفتارو وبدا فالمراسيم والخطاب تقليدي لكايقولو اي عدول باغي اكتب عقد زوااج ..من بعد سينا مراد وتبعاتو كوتر ..قرب حدا ودنيها وتمتم بين سنانو "وليتي ديالي" قلبها تزير وحابسة دمووع واديها طيباتهوم بكترت مكاتزير عليهوم ..خرج العدول جابو ليهوم الحليب وتمر وقفات لالا لطيفة وقربات جبدات من صاكها صنديقة صغيرة ورااقية حلاتها وحطاتها قدام كوتر ..

لالا لطيفة: مبروووك ابنتي ومرحباا بيك وسطنا من اليوم غاتكوني بنتي والله اقدرني ونفرحك احبيبتي ..

كوتر: (دموع فيعينها) شكراا اخالتي ...سرحات عينيها من تحت شال تشووف كان براسلي وسنسلة تصميمهوم متميز وبانين انتيكيتي فرحاات بزاااف ...

مامات كوتر: اوا اوليدي مغاتحيدش لمرتك شال على وجها ..

مراد:(كان على سبة دغيا ضار حيدو بزربة ) مبروووك علينا ....هزات عينيها فيه حمرين ودموع حابساهوم بزز شافها وقوس حجبانو معرفش مالها ..كولشي كايشوف فمراد وكايتسناو البسها الخاتم حسب المراسيم ...ضار شاف فمو كتغمزو باش افهم عاد عاق مد ايديه لجيب فلافيست جبد بواطة فالبيض صغيرة على شكل وردة مرصعة بالحجر شدها بجوج ايدين حلها وشاف فكوتر 

مراد: اري ايديك ..

كوتر: لارد ..مدات ايديها كترعد وحشمانة جبد خاتم تدهب كولو مرصع باحجار رقيقة وسطو الماسة كبييرة لبسو ليها فايديها وباسها ليها هي جراتها بزربة حشمانة من باها وعويناتها كايبرييو حطات ايديها فوق رجليها ومفيكسا بعينيها على الخاتم تحل صباعها وتعاود تسدهوم وكتبتاسم بينها وبين نفسها ...مراد مقابلها بنص عين وكايشوف ملامح وجها وعويناتها كابريو بالفرحة ...

مامات كوتر: الله اكمل بيخيير مبروك الله ايسر ليكوم وارضي عليكووم ....كولشي وقف كايسلم عليهوم واباركو ليهووم ...

: سلام وعليكوم ....كولشي شاف دخلة تصالون مراد جمع ضحكة ...

مراد: الوليد مرحبااا ..

بابات كوتر وقف وقرب لعند بابات مراد ومد ليه ايديه 

بات كوتر: مرحباا بسي عبد الله نورتيناا ...

بات مراد: ترحب بيك جنة اخويا حسن ..مراد بقا واقف وكايشوف فيهوم كيف كايتسالمو وكايعارفو اسماء بعضهوم مافهم والوو قرب عندهوم بخطوات تقاال وكوتر غير كتشوف بعينها 

مراد: الوليد ..

عبد الله: ولدي سمح ليا مجيتش من الاول غير مشيت قضيت واحد الغراض وجيت ..

حسن: مهم هو جيتي باش تكمل الفرحة ..تقدم سي عبد الله جيهت كوتر هي شافتو جاي عندها وحضرات راسها حشمانة وقف قدامها 

سي عبد الله: تبارك الله عليك ابنيتي الله احفظك وايسر ليكووم (خشا ايديه فجيبو) هاكي تفضلي ...كانت خنيشة صغيرة توبها رطب و حمرة بقات مزيرة على ايديها ومهبطة راسها 

سي عبد الله: متحشميش انا بحال باباك ...قبضاتها ونطقات حشمانة 

كوتر: شكراا اعمي ..

سي عبد الله: نتمنى تعجبك (قرب وشد ليها وجها وباسها فراسها) الله ارضي عليك ...مراد مقابلهوم من بعيد وباقي مامتيقش انا فرحتو كملات وكولشي فجنبو ..قرب عند باه باس ليه راسو 

مراد: شكرا الوليد ...ناض مامات كوتر جابو العشا تعشااو فجو من الضحك والهضر كتييرة ..كوتر سلتات من بينهوم طلعات لبيتها دخلات لطواليط حيت كانت مزيرة سلات غسلات اديها وقفات قدام المرايا وحلات كميميسة لعطاها بابات مراد لقات سنسلة طويلة تذهب وفيها حجرة كبيرة كتبري بزاااف حمقاتها وقبضاتها قرباتها لخاتم وكتشوف الحجرات بجوج كايبريو وعينيها كايلمعو معاهوم ..جمعاتها وخارجة من طواليط حاضرة راسها فالخاتم هزاتهوم لقات مراد قدامها وقفزات ..

كوتر: تفوو خلعتيني ...اش جاي دير هنا اويلي ...

مراد:(كايقرب ليها وعينيه غاياكلوها) جاي ناخد ابسط حقوقي كزوج احنينتي وهي بوسة خفيفة ..

كوتر: خرج خرج كون تحشم لايجي شيحد اشوفنا ..

مراد:(شدها من خصرها وجرها عندو) غانتكي مك فوق ناموسية ونغتاصبك واجي شيحد اهضر نخلطو معااك 

كوتر: ايهااااي ضسرتي وباقي مدازت تا ساعة باش سنينا صبر على رزقك يا زوجي العزيز 

مراد:(قرب لفمها) تسرح ليك لساان ..طار على فمها باسها بوسة كبييرة خرمج ليها العكر وطلقها ..

كوتر: يخ منك امراد والله شووف اش درتي ...

مراد: بصحتي 

كوتر:(كتعوج فمها) بصحتشييي... سير شوف وجهك فالمراية ابصحتك كون غير خليتك تنزل هكاك ونفرج فيك امة محمد ...مراد طلقها وتقابل مع المراية فمو عامر عكر كايمسح واعاود وهي كتقاد عكرها وكتضحك عليه ..سلات وخرجات خلاتو وراها دخلات كلسات فصالون كتبلق بعينيها تابان ليها جاي مقوس حجبانو ..كلس حداها ..

مراد:(قرب ودنيها) باقي فيا شيحاجة 

كوتر: فمك غووز ازين غير ديال البوسان ..حبسات ضحكة وكتشوفيه بنص عين ....سلات الليلة كولشي فرحاان خرجو وطلعات كوتر وتبعوها البنات كايقلبو الكادويات ...

بسمة: برعووك دهب بحال كيلوباترا ههه 

هداية: ههههه وييه لجا اعلق ليها هههه 

كوتر: اش كتعرفو فصوااب (هزات خنافرها) الله اخليهوم ليا وابعد علينا عينين ناس ...تعطل الوقت وخرجو لبنات كل وحدة مشات لدارهوم ...دخلات كوتر دوشات وخرجات صلات وتلاحت فوق ناموسية دغيا نعسات بالعيا ....

مراد وعائلتو وصلو الفيلا كولشي طلع ارتاح بالعيا وكلس هو وباه فصالون راجل لراجل 

مراد: شنو غير رأيك وجيتي ..

عبد الله: كنتي كتصور نخلي ولدي فبحال هاد النهاار منقدرش ..شوفي اولدي انا ماشي كنت ضد طموحك او واقف فطريقك باغي نكون ليك مستقبلك فحاجة تليق بييك ومن صغرك شخصيتك انطوائية كنتي كتخلعتي مكايعرف حد اش كايضور ليك فراسك او لاش كتخطط لدالك قررت ان احسن حاجة توالم شخصيتك هي تخدم فالمخابارت ...ولكن مدام كبرتي ودرتي عقلك فأنا غانوقف فجنبك فاي خطوة ناوي ديرها ...وخا وصلاتني خباار لاش كتخطط 

مراد: ههه عارف رجالك غايقولو ليك ....هاد الساعة قادر بشغلي غير افوت العرس ونكمل كولشي 

سي عبد الله: الله ايسر ليك اولدي ..وعلاش اختاريتي تبني فيلا فداك القنت بعيد 

مراد: بغيت رااحة ..وديك البلاصة لي غاتليق بمرت ولدك هه راك باقي مكتعرفها كتر مني فالعكس وطيران ...

سي عبد الله: ههه غير باقي صغيرة بشوي عليها غاتكبر وتهدن 

مراد:(وقف) ان شاء الله انا غانطلع نرتاح الوليد تصبح على خيير ...

"دازت 4ايام" 

هاد المدة كاملة كوتر كل نهاار كتمشي لسونطر بيوتي كاضور بحالتها ومرة مرة كاتمشي هي ومراد لنادي رجليها برجليه مقابلها وغادي معاها بالخاطر وغير بشوي كايدخل ليها لدماغها بلي ولات مزوجة ومحسوبة عليه وخاصها تحيد داك العكس ليفيها ... الامهات كايوجدو العرس كايعرضو واضومونديو لالا لطيفة مامقسرااش كتشري وتخبي لعروستها اي جااجة بانت ليها كتاخدها ..كوتر مرة مرة كتمشي لفيلا هي ومراد ديما كايبغي اتبسل عليها واجرها اطبق ليلة الدخلة مكتخليهش وتبقا تحلون وتدلع وتطلبو اخليها حتى افوت العرس ...دات معاها ريهام واحد نهار لفيلا وكيف واعداتها وجدو ليها بيتها بوحدها وتقربات من مراد مابقاش بيناتهوم غير علاقة زوج الاخت مع اخت زوجة كايحاول ابين ليها بلي ماخداش ليها ختها وغاتبقا علاقتهوم كيف الاول وكتر ...أمين تافق مع بابات ريما وصدمها بلي هي وكوتر غايكوون عرسهوم فنهار واحد غير هوما خلاو العقد حتى العرس ..فاتي خلات الاوطيل تكازا وجات كتوجد مع خوها وكتخرج تقدى مع ريما ومامات ريما.. باغيا تمتل عائلة أمين كاملة يعني تكون الاخت والام فنفس الوقت متخليهش احس بنقس واكون عليه الحمل كامل ...اليوم كوتر ومراد فنادي وهو لكايتريني بيها شخصيا مكايخلي حد اقرب ليها ومابقاتش كتلبس كيف كانت 

كوتر: اوووف سخفت والله براااكة الله ارحم ليك الواليدين 

مراد: شوفي الى تزوجنا يوميا سبوووور مغاتحبسيش 

كوتر: وخاا وخااا اوصل واحن غير براااكة عليا دابا ومنهنا نتفاهمو آخر نهار نجي لنادي بقا ليها 3جوغ لعرس بغيت رتااح 

مراد:(جر ليها حناكها) وخاا ازين ديالي ...

كوتر: انمشي ندوش ونجي باش نمشيو 

مراد: وخاا ومغانديكش لداركوم غانمشيو لفيلا بغيت نوريك شيحاجة بغيت نبدلها ...

كوتر: وخاا (رمات ليه بوسة فالهوا) يلاه هاني مشيت ...مشا تاهو دوش بالخف ولبس سروال حكل وتوني كحل رجع شعرو لور فازك كاينقط ليه على ظهرو غادي بخطوات جيهة الكلوار منين غاتخرج كوتر قرب لمحها واقفة مع شاب كان عاطيه ظهر قوص حجبانو وقرب ليهوم وقف كايشوف فيهوم كوتر نقز قلبها بالخلعة ...

مراد: سلاام 

:(شاف فمراد) سلام ..

كوتر: نقدم ليك مراد راجلي مراد هدا كوتش ديال لانتاسيو كنت كندرب عندو 

مراد:(مد ايديه وعاقد غوباشتو) مشرفين 

: شرف ليا ومبرووك عليكووم الله اكمل بخيير 

كوتر: شكرااا بزاااف ...مهم نخليك دابا اكوتش غانمشيو 

: متغبرييش تهلاي فراسك

كوتر: ان شاء الله (شدات فمراد وباغا غير امتا تفك ) فاتوه بشوي وعاود عيط ليها ضارت بقات واقفة بلاصتها وحسات بمرااد وصل لحدو من الاعصااب وغير صابر 

: بغيت نسولك على كوتش شهاب غبر مابقا حد عارف خبارو ...

كوتر:(لسانها تعقد وحسات بالعروق فيد مراد كايترعدو) هااا معرفتش (ضارت غاديا ووقفها مراد) 

مراد: اولا اكوتش من قلت الادب تشد مرا مزوجة بالهضرة وراجلها معاها بدون ماتعطيه حتى قليل من الاحتراام تانيا من قلة قلة الادب انك تسول مرا مزوجة على راجل آخر وهي شادة فيد رااجلها (نتر ايديه من يد كوتر وتقدم جيهة الكوتش) ماقلتي ممكن راجلها كايغير ممكن ماباغيش اعرف انها كانت كتعرف رجاال خرين ...(وقف قدام وجهو) ونزيدك كوتر آخر مرة غاتشوفها هنا 

: (تخلع من نبرة صوت مراد وطريقة باش دوا معاه والهيبة ديالو ) سمح لياا بزااف ....مراد جمع ايديه على شكل قبضة وزير عليها وضار عطاه بظهر ومشا جيهة كوتر كانت واقفة غاتسخف بالخلعة و خايفة مراد اتسرع واضربو 

مراد: يلاه ....شدات فيه حدرات راسها وخرجو ركبو فطوموبيل دارت سمطة وتكمشات مهضراتش هو شدها طريق وحدة حتى وصلو لفيلا دخل طوموبيل نزلات وكتسناه انزل ...

مراد:(نزل وجاي جهتها)اري ايديك ....شدات فيه وجرهاا غادي جهة لابسين وضارو من حداه ومشاو لجردة الكبيرة كاينة ورا الفيلا ..لقات فيراري صفرة موتارد سبور وفوقها نونوس كبير .

كوتر:(دموع فعينيها) متقولش ليا ديالي ..

مراد: ايييه دياالك احبيبتي ...

كوتر: حتى داكشي للفوق ..ضارت شافت فيه وعنقاتو من كرشو حيت طوييل عليها خشات وجها فكرشو وكتزير عليه بالفرحة 

كوتر: شكرااااا بزااف كنبغييك كنحمااق علييك.. وعفااك متقلقش على قبيلة والله مدرت شيحاجة وقفني عير اسولني فين غبرت وشرحت ليه كولشي 

مراد: شووو ..عرفت احبيبة وكون شكيت شوي فشيحاجة كنت غانشتت لمو وجهو ..دابا نساي داكشي عجباتك طوموبيلتك جديدة

كوتر: (بعدااات منو وقربات كتضور وتعلق فيها)على اساس كانت عندي قديمة باش تكون جديدة... عفاااك جبد ليا نوونس كايحمق 😍

مراد: كنت غانجيب ليك بيضة بحال ديال ريما ولكن عجباتني هادي مع الموديلات لجاو والى بغيتي نبدلها ليك واختاري نتي ..

كوتر: حسن من ديال ريما والله ...(حلات الباب وطلعات ركبات قدام الفولون) ناري هادشي صعييب نهار شديت لبيرمي علموني فداسيا 😒

مراد: هههه انا نعلمك غير افوت العرس ان شاء الله 

كوتر: غاتبقا هنا ..عفااك غطيها باش متغبرش ليا.. ونونوس غانديه ..

مراد: غير ارتاحي مغاتبقاش هنا ..

كوتر: اويلي فين غاتديها ؟؟ 

مراد: (جرها من ايديها) اجي نوريييك فين غانديها ...جرها ومشااو اللور تالفيلا وصلو واحد الباب تزاج صغير حلو ونزلو مع درووج كوتر غاديا وكتبلق بعينيها ..وصلو لتحت تدروج كان ضلام مد ايديه مراد للحيط وشعل ضو وهي تحل كوتر فمها ..شافت قدامها بزااف طوموببلات آخر موديل بانواع مختالفة والاوان ماعمرها شافتهووم ...

كوتر: وااااااو ديالمن هادوو 

مراد: ديالي ..

كوتر: واااااعرييين .. وباينين غاليين 

مراد:(جرها من ايديها) هادي هي الهواية ديال حبيبك (باس ايديها) وقتما خرج شي موديل عجبني خاصني نشرييه ..كنت كانسافر غير بااش نحضر لمعارض كايكونو ديال طوموببلات ماخليتي تا قنت ...

كوتر: زوييننيييبن بزااااف سعدااتك ...

مراد: غير تعلمي وهزي لحب خاطرك ...ونزيدك هادا هو المشروع لغاندير.. 

كوتر: مافهمتش 

مراد: غانحل اكبر معرض طوموببلات فالمغرب وغايكون هنا فمرااكش غانبقا نجيب غير الموديلات اللخرين ..متلا شيحد كاتعجبو شي طوموبيل عوض اضوموندي عليها تجيه من براا غايلقاها عندي اناا او باغي شي حاجة سبيسيال ليه بوحدو غانتكلف انا نجيبها ليه فوقت قصيير ...

كوتر: همم مزياان وخا انا مكنفهمش فهادشي ولكن مداام نتا عزيز عليك هاد المجال اكيد غاترتاح فييه.. 

مراد: وي بزااااف ..ومغالقاش صعوبة بحكم خدمتي دغيا غايسهالو عليا اجرائات فدوانة ...

كوتر:(عنقاتو) الله ايسر ليك احبيبة ..نخدم معاك هه

مراد: خدمي عندي اش بان ليك ..

كوتر:(بفرحة) وي وي والله الى عقلي خفيف دغيا نتعلم 

مراد: غاتخدمي تكوني مرتي براااكة عليك كلسي فدارك قابليني (حط ايديه على كرشها) وقابلي ولادنا ان شاء الله ...

كوتر:(تنفخات ) تا فرحت حشومة علييك 😣😣

مراد: زيدي نمشيو فحالنا راه فالعشية جايين عندي شي ضياف خاصني نتلقا ببهوم 

كوتر: (ببرائة) شكووون.. 

مراد:(كايعيبها) شكوووون ...واحد البنت مبووووكصة 

كوتر: برااكة من بسالة 😡 قولياا شكووون ؟!

مراد: والله مكدبت عليييك الى بنت ومبوووكصة تيتيييزة ..كوتر سقلات وضارت طالعة معا دروج تبعها هو من وراها وصلو نص فطريق وهي توقف وضارت شافت فيه وهي مخنزرة ...

كوتر: منين كاتخرج هاد طوموببلات 

مراد:(تفرشخ بضحك) ههه علاش كتسولي 

كوتر: بااش تنزل ليا طوموبيلتي تخبيها لهييه (كتوريه بصبعها) باش متعمرش بالغبرة 

مراد: الكراج للفوق فدخلة تالفيلا كاينزل لهنا ..وماتخافيش مغايوصلها والوو زيدي زيديي ..ضارت وكملات طريقها طلعو هزات نونوسها لخلات حدا طوموبيل وغاديا كتشتف برجليها وهو مقابلها من اللور ...

مراد: طلعي نونس حطيه فببت نعاس ..غاتديه وغاتعاودي ترجعيه

كوتر: مسوقكش عزيز عليا نتعدب ..عنقاتو من عنقو ورجليه كايتجرجرو فالارض وغاديا كتبعكك ومنفخة مكاتهضرش وصلو طوموبيل طلعات حطات نونس اللور دارت سمطة عاد طلع مراد 

مراد: زرباانة ..

كوتر: غير باش متعطلش نتا على تيتيييزة ديالك.. 

مراد: لارد ...ابتاسم وشد طريق كايشوف فيها مخنزرة ومضاربة مع صباعها وصلو ...ضارت كوتر هزات نونسها وحلات لباب خارجة وهو اشدها مراد ..

مراد: مغاتسلميش ..

كوتر: مابغييتش 

مراد:(خنزر فيها) سلمي لانفرشخ لمك رااسك ..سلمات عليه بنفاخة وهو حابس ضحكة ..نزلات دخلات لداار طلعات معصبة دخلات عند ريهاام 

ريهام: واااو شريتيه ليياا 

كوتر: قودو لييك نوضي لبسي وتقادي تمشي معايا لواحد البلاصة عافااااك ..

ريهام : فين واش باغا تشري شيحاجة !؟

كوتر: لااا غير نوضي بغيتك فموضوع آخر.. انا ندوش ولبس بالخف ونجي عندك ....

ريهام: وخاااا ...

مشات كوتر لبيتها لاحت نونس فوق ناموسية دخلات دوشات وتوضات خرجات صلات نشفات شعرها وقاداتو حلات لماريو كتشوف ماتلبس فالاخير اختارت سروال زرق طالع ومقطع من ركبة و شوميز بلو سيال نازلة من الكتاف وخشاتها فسروال بالغينة بيضة عالية محجرة من جناب ..دارت ماكياج وخلات شعرها مطلوق سامبل على ظهرها ..خرجات مشات عند ريهام لقاتها لابسة سروال كحل طالع وتريكو صفر كول V وسنسلة طويلة فعنقها جامعة شعرها كعكة لفوق ولابسة كونفيرس بيضة ..نزلو مع دروج تلقاو ماماهوم فطريق

ماماهوم: فين غاديين بلا غدا 

كوتر: عارض علينا مراد انا وريهام غاندوزو معاه العشية 

ماماهوم: مزياان سلمو علييه ....

خرجو وهي ضور ريهام كتشوف فكوتر ..

ريهام: وغير قوليها لاش كتخبي 

كوتر: زيدي وسكتينا مكاين لا مراد لا خيالو غانمشبو لاوطيل ونقوليك كولشي 

ريهام:كتخلعيني نتي شي بعد المراات ...شيرات كوتر لطاكسي ركبو جبدات لفون ديالها وتاصلات بريما ..

كوتر: الوو ريما كاينة فالاوطيل

ريما: وي كاينة علاش ؟؟

كوتر: الله ارحم ليك الواليدين شوفي ليا مراد واش كاين تماك ولكن حسي مسي ..مايعيق بيك حد 

ريما: اوكي ولكن ياك لباس شنو واقع 

كوتر: غير شوفي ليا نتي وهاني انا فطريق جايا ونشرح ليك كولشي ...

ريما: اوكي ..قطعات كوتر مع ريما ونزلات لريسبسيو سولات على مراد قالت ليها البنت لتماك بلي حاجز فالمطعم فاليل وحاجر غرفة خرا بسميتو لشي حد جاي من جيهتو .. ريما معرفات مدير حيت مافهمات والو وخافت تزيد تعقد الاومور طلعات لبيرو عندها وكلسات ..بعد ربع ساعة دخلات عليها كوتر وريهام وقفات سلمات عليهوم وكلسو ...

كوتر: امدراا كاين ولا لا؟؟ 

ريما: نوو ولكن قالو ليا جاي ليووم 

كوتر: وشنوو آخر كملي ..

ريما: بردي مالكي معصبة شنو واقع 

كوتر: قوولي لياا اش كااين 

ريما: حاجز فالريسطو وشاد شومبر لشي حد جاي من جيهتو ..

كوتر:(وقفات) يااااك امراااد بديينااا من دابا الكدووب وتخبي عليا 

ريهام: وماالكي اش كاين جريتيني وراك ودابا معصبة وحنا معارفين والوو ....

كوتر:(كتغزز فصوتها ) مراد قاليك جايا عندو شي ضيفة (كتعوج فمها) بوكوووصة وزويينة مافهمتش لاش باغي اوصل ولكن تنا غانفرجو ونوريه كوتر شكوون حيت كايبان ليا نساا شوي

ريما: بردي ومتسرعييش ماعرفتي غير كايتفلا عليك وباغي اعصبك 

ريهام: وي ممكن ..ولكن نتي لاش جيتي علاش ناوية ..

كوتر: انا نوريكوم علاش ناوية (شافت فريما) تاصلي بيهوم وعرفي ليا معاياش غايجي ..

ريما: وخاا وخاا ..تاصلات ريما وعطاوها معلومات لبغات واكيد وصاتهوم مايقولوها لحد ..بعد ماكولشي عرفها خطيبة أمين ولاو كابضربو ليها الف حسااب وكايعاملوها كيفها كيف امين وفاتي ..

كوتر: باقي ساااعة هممم وخا اسيدي (شافت فريهام) يالله نطلعو ناكلو ونرتاحو شوي ..

ريما: اطط نقوليهوم اجيبو ليك كود ديال شي شومبر طلعي ارتاحي انا نسالي خدمتي ونجي عندكوم ..كوتر كتسمع وغير كتحرك راسها قروود دنيا كاملين كاينقزو فوق راسها دمها كايفور باغيا امتا اوصل لوقت ..جابو ليها الكود خداتو طلعات هي وريهام صيفطات ليهوم ريما الغدا كلاو وتكات كوتر فوق ناموسية كتفكر اما ريهام شادة لفون ديالها وكتسيلفا مامسوقاش..داز شوي تالوقت دقات ريما وحلات ليها كوتر 

ريما: ربي قولي علاش ناوية ..

كوتر: نااوية نفكر مراد فكوتر القديمة كايبان ليا نساا غير حنيت ليه الرااس ووليت كنطيع اش كايقول ضسر ..

ريما:(بعصبية) متجهليش رااه راجلك اشريفة هدااك ماشي صاحبك ..فكري بعقلك ماتخرجيش على علاقتكووم بهاد التصرفات ...

كوتر: انا منسيتش هو لنساا اقدر 😡 ..(فون ديالها كايصوني ) هاهو كايتاصل اتأكد واش انا مخشية فدار باش ادير هو مابغا ..

كوتر:(جاوباتو) الو 

مراد: مال هاد الو حرفية 

كوتر: مرة جاية ندهنها ليك بشوي كونفيتير 

مراد:(حابس ضحكة حيت عارفها منفخة) يااك الالا شنوو كديري 

كوتر:(شافت فريهام) كالسة انا وريهام كنتفرجوو (شيرات ليها بايديها باش تهضر بالغوات) 

ريهام:(كتغوت) واجييي قصر معاناا انسيبي العزيز كنتفرجو فسامحيني ..

كوتر:(جاتها ضحكة) فينك نتا ..

مراد: يالله خارج من دار غادي الاوطيل نشوف الضيفة ..

كوتر: اوكي بصحة بسلامة ..قطعات وضربات بالفون ووقفات معصبة كتمشي وتجي والبناات كايشوفو فيها ..

كوتر: قسماا بالله البنات وكانت ديك لفبالي هي لجايا تاحرام عليا وبقيت مرتو 

البنات:(بصدمة) اعوذ بالله من الشيطان الرجيم ...

ريما: (وقفات) كوتر الله اهدييك اش هاد الهضرة كتقولي 

كوتر:لعندي قلتو ونعاود نقولها والله العظيم لابقيت معااه دقيقة هي اللخرة 

ريهام:(تصدمات) كون فراسي هكا منجيش معاك من الاول وزدي فييه 

كوتر: دابا صاافي براااكة عليا من الفهاامة (شافت فريهام) غاتنزلي دابا تكلسي التحت حدا ريسيبسيو ديري نضاضر فعينيك وتسناي الى بان ليك دااخل علميني 

ريهام: واش صحابك كتمتلي مسلسل الجاسوسات على اساس الى درت نضاضر مغايشوفنيش وتانيا معندي بو نضاضر 

كوتر: متجهليش دينمي كلسي مدرقة ماتبانيش هزي مجلة فايديك ..خدمي عقلك وغاتعرفي 

ريهام: والله الى غانديو دنوب على هادشي لكانديرو ..

ريما: اناا خرجني من هادشي عومي بحرك الى حصلتي شوفي شكون افكك 

كوتر: مسوقكش سمعتي 😡 خليني نضبر رااسي هو لبدااا وهو عارفني كيف دايرة ...

ريما: الله اهديك ..

كوتر:امين ...نوضي اريهاام نزلي وغير ادخل تاصلي بيا ..وقفات ريهام خرجات وهي كتضرب بايديها وخايفة اتجبد شي صدااع هي عارفة ختها عصبية ومكاينش ليهدنها نزلات كلسات فالفوطويات اقدام ريسيبسيو هزات مجلة حلاتها قدام وجها وكلسات كل شوي تطل على الباب ..بعد مدة قليلة بان ليها مراد داخل من الباب ومعاه بنت زوينة وكاتبان صغييرة ..شداتها رعدة وبقات مبلقة وجها فالمجلة حتا دازو من قدامها هزات الفون وتاصلات بختها ..

ريهام: الو راه جاا 

كوتر: بوحدو ولا معاه شيحد ؟!

ريهام: هاا ..لاا معاه واحد البنت 

كوتر: همم 😡 كيف دايرة وصفي ليا وكيف كانو داخلين 

ريهام: واااع برااكة من هادشي حسيت برااسي ديك الفتيلة باش كايشعلو العافية...

كوتر: هضري ولا نخرج لمك من الفون 

ريهام:بنت تكوون قياس 25 26 عام سميرة وزوينة طاي عندها خطييرة ..كانو داخلين كايضحكو وكايهضرو ..

كوتر:(مزيرة بايديها على الفون غاطرطقو) ياااك وخاا وخاا شوفي الى بغيتي تبقاي تماك شوي او ضوري فالاوطيل خودي راحتك انا شوي ونتاصل بيك ...

ريهام: واخااا ...قطعات كوتر وبقات غاديا جايا فشومبر كيف شي مشة كتقلب على ماتهبش ..دخلات لطواليط قداات عكر وزاد فيه شوي شافت راسها فالمراية وتمتمات : جبديني امراااد

خرجات خدات صاكها لجات هازة حلاتو جبدات منو نفس ستيل شوميز كانت لابسة غير هادي فالكحل كتبري ومعريا من الكرش ونازلن ليها الكتاف بزااف لبساتها وزااد نزلات الكتاف حتى بانت فرقة تصدرها ..حيدات بلغينة وجبدات صباط طالون سامبل فالكحل فيه فاللور ريشة محجرة نازلة مع طالون ..شافت فراسها فالمراية طلعات نفس وهبطاتها ..خرجات هزات الفون فايديها خلات كولشي تماك ونزلات لتحت دازت من ريسيبسو مالقاتش ريهام كملات طريقها لريسطو دخلات هازة راسها لسما ورجعات شعرها اللور من واحد جهة سرحات عينيها بلباقة بلا مايحس شيحد لمحاتو من بعيد كالس وعاطيها بالظهر وبانت ليها البنت كتضحك تاكايبانو سنيناتها ..تمشات بخطوات تقاال كتضرب بطالونها فالارض اي راجل كالس تبعها بعينيه حتى وصلات لطابلة فين كالسين ..

كوتر: (وقفات وابتسامة على فمها) بون سواغ ...مراد هز راسو فيها طلعها واهبطها كايشوف شنو لابسة وضور وجهو فالطبالي لضايرين بيه لمح بزااف تدراري كايشوفو فيها ورجع عينيه لجهتها مخنزر 

مراد: اش هادشي

كوتر:(شافت فالبنت) مناويش تعرفني بزيين وتبوكيصة لمعااك

مراد:(وقف مغزز سنيه وشدها من دراعها) رجعي منين جيتي غانتبعك ونهضرو ..

:(وقفات) مراااد برد (شافت فكوتر ومدات ايديها) نقدم ليك راسي انا غزاال ..

كوتر:(قاطعاتها وخنزرات فيها) ومن بعد بزعطة الى سميتك غزاال (زير عليها مراد تقصحات ومابيناتش) انا مرتوو احبيبة دخليها لدماغك ..

غزال:(هزات ايديها قدام كوتر وحابسة ضحكة) تنا مزوجة 

كوتر:(عينيها غرغرو) مزوج مرا خرااا 

مراد:وااش جهلتي نتي ولا مالكي ..هادي غزاال مرت صاحبي هشام وزائد انها عميلة معانا جايين باش احضرو لعرسنا ...

كوتر:(حشمانة) سمحي ليا معرفتكش (دموع نازلين من عينيها) انا نخليكوم سمحو ليا ...نترات ايديها بجهد وضارت عطاتهوم بظهر وخرجات زربانة من ريسطو 

غزال: كتبغيييييك يااا خويااا تبعهاا راه كون انا بلاصتها نجبد الفردي ونتيري فييك ههه 

مراد: شتي هادي اكبر معكاسة على وجه الارض وحمدلله معندها فردي كون شحال هدا قتلاتني ..سمحي ليا انا نمشي نشوفها نتي تسناي هشام شوي ورجع عندكوم ..

خرج مراد بزربة تابعها ومقوس حجبانو ..بانت ليه واقفة كتسنا لاسانسور زاد فخطواتو قبل مايتحل وقف وراها ملاسق معا ظهرها مضارتش وخا حسات بيه هبطات عينيها ..تحل لباب حط ايديه على خصرها ودفعها دخلات وشاف فيها مخنزر.. 

مراد: اش من ايطاج ..

كوتر: لارد ...مدات ايديها ضغطات على الرقم ورجهات باللور تكات وربعات ايديها مقلبة عينيها مكاتشوفش فيه وصلو تحل لباب وخرجات زربانة كتعكل فالمشية مع طالون هو تابعة كايشوف فيها حتى وصلات شومبر حلاتو و دفعات الباب بجهد دخل تابعة كيف شي اعصاار ...

مراد: 😡اش هاد فعايل تبرهيش ..(قرب ليها) وااش هاد لباس وداك الوجه ....

كوتر: لارد ...عاطياه بظهر لاحت سباطها من رجليها وغادية داخلة لدوش وهو اشدها من دراعها وضورها بجهد ..

مراد: (معصب وعينيه حمرين) اقدر كنهضر ولا مابقيتيش كتسمعي ..

كوتر:(عينيها مغرغرين) سمح ليا برزطتكوم.. ورجع كمل سهرتك مع ضياافك 

مراد: علاش ديما كتسرعي ومكتفكريش بدماغك امتا ناوية ديري عقلك وتبقاي تضربي حساب لفين غاتحطي رجليك (دق ليها بصبعو جنب عينيها) كبريي هدااا سمعتي ...

كوتر:(نترات ايديها وبعدات خطوة) ايببه دابا انا لبرهووشة يااك اوا اسيدي شكوون ضربك على ايديك وقاليك تزوجها ماعندها عقل تزوجها مهورة بااقي مكتعرف اش كديير هااا دويي (هزات صباعها) ونزيييدك نتا ليفييك فعاايل الخراااا كتبقا تدخل وتخرج فالهضرة شنو فيها الى قلتي جاي عندي صاحبي ومرتو لاش ديك الدخلة لمخورة زعما عزييز عليك تعصبني عزيز عليك تشوفني كنتفقص (قربات ليه) وراااه مكااينش شي راااجل اقول ديك الهضرة لمرتو ومدير واالوو والى بدينا هكاا غانبقاو ديما فمشاكيل ..وتادابا سيييير عند ضياافك ونساني انا واش كاينة هنا (غوتاات) يالااااااه سييييير 😡 ...ضارت عطاتو بظهر ودخلات لدوش وسدات عليها كتنهج وتسووط روحها غاتخرج وقفات قداام لافابو كتشوف فالمرااية وكتنش بايديها على وجها ...

مراد:(ورا الباب) حلييي هاد الزمر ولا غانهرس دينمو ..

كوتر: هرسو ولا اهرسك سووقك هدااك ...باقي مكملاتهاش لقات لباب طار ومراد واقف قداامهاا ...

مراد:(كاينهج) انا غلط فاش خليتك تشكي بديك الهضرة و كنت باغي غير نضحك معاك صافي ولكن باش تصرفي نتي بتهور وتجي توقفي هكاك شنو قاليك رااسك (شد شوميز بطرف صبعو ) وااش هاد القلاوي لابسة شنوو كيضور ليك فداك الراس ورا هادشي ..

كوتر: عاادي نتا ضحكتي وانا ضحكت نتا خرجتي مع تيتيزة بوكووصة وانا ....حبسات مقدراتش تكمل لهضرة ..

مراد: 😡 نتي شنووو كمليي ..

كوتر:(بتحدي) خارجة نشووف تيتييييز وراك شفتي الشونطيو قبيلة كولشي حال فمو ...جاتها تسرفيقة للحنك حتى ضار وجها وشعرها غطا نص توجها ..

مراد: (قرب وشدها من دراعها) هاادي باش مرة خرااا تفكري الف مرة قبل متنوي على شيحاجة والفين مرة قبل متخرجي شي كلمة من فمك ...يالاه غسلي داك الوجه وبدلي دوك شرااوط ربع ساعة راجع ونتفاهمو على هاد تبرهيش الخاوي ديالك ...خرج من دوش خلاها باقي شادة فحنكها وكتغدد وتعض فشفايفها بالعصبية ..خرجات هزات بلغينتها كانت ماليوحة جنب دوش وشيرات بيها على الباب بجهد ..

كوتر: الله اعطييك القطع الحماااااار والله تندمك غير صبر ..مراد كان واقف ورا الباب سمعها شنو قالت وجمع ايديه على شكل قبضة تفكر فاش شافها بديك اللبسة نص لحمها عريان وكولشب كايطلعها واهبطها دمو كايفوور وماقادرش اتحكم فراسو ..نزل لتحت لريسطو لقا هشام جاا ..

هشام: (واقف) اهلاااا توحشتك ياصاحبي ..

مراد: على سلامتك كيف دايرين دراري كولهوم والقائد كولشي بخيير

هشام: كولشي كايبلغ ليك سلامو وقالو ليك غايديرو مستحيل باش كولشي احضر لعرسك ..

غزال: امدرا فينها كوتر ..

مراد:(تنهد) بقااات لفووق ..

غزال: بلييز عطيني رقم شومبر ديالها انا نطلع عندها نهضر معاها والى بغات تنزل نزلها معايا ...

مراد: كون غير خليتيها راه خفتها تقوليك شكلمة وهي معصبة مكتعرف اش كتخرج 

هشام: بحاالك سبحان الله ..ههه

غزال: وغيير قوول ..

مراد: شومبر رقم *** ومنهنا نقوليك بينك وبينها الى قالت ليك شيحااجة ..

غزال:(وقفات) نوو ماتخافش..شوي ورجع ..وقفات غزال وخرجان غادة عند كوتر خلات مراد وهشام كايهضرو 

هشام: ماالك كتبان معصب راه عاودات ليا غزال شنو وقع 

مراد: اووف ماعرفت منقوليك عرسنا بقا ليه دو جوغ وشوف شنو وقع (تنهد ورجع راسو اللور) خفتها دير شي موصيبة 

هشام: غير بالهداوة وتفاهم اتحل كولشي 

مراد: (شافيه بنص عين)كتقوليا هكا بحالا نتا كتعرف تهدن وتفاهم بالفم راه كوولنا طبيعة وحدة .. 

هشام: ضربتيها ..

مراد: وي ..

هشام: واش ضربة او ضرباااااا 

مراد: معرفتش مكانبغيش نتقل معاها وكنحاول نضرب ونقيس 

هشام: طلب من الله غير ماتبقاش لتطراس تكحلها عليك 

مراد:(ابتاسم) ضحكتيني والله ....

طلعات غزال كتقلب على شومبر لقاتها ودقاات محل حد عاوداات دقات وهي تحل ليها كوتر جامعة شعرها كعكة الفوق وجها حمر وفازك بالما ..

غزال: ياكما برزطك ممكن ندخل ..

كوتر:(حشمانة) مرحباا ..دارت ليها طريق دخلات ورجعات كوتر سدات لباب كلسو فوطيات ..

غزال: سمحي ليا الى وقع شي سوء تفاهم بسبابي 

كوتر:(قاطعاتها) كيف قلتي غير سوء تفاهم ماعندك نتي تا دخل بيه ..

غزال:(ابتاسمات) عرفتي فاش كنا فآخر عملية فايطاليا كان عندي فضوول نتعرف عليك ونعرف شخصيتك كيف دايرة حيت قدرتي تحكمي بعقل مراد وخاا بعييد عليك وهو من نوع مكايبينش مشاعرو عندو الخدمة هي الخدمة عرفتي قبل منخدم معااه كنت كنسمع علييه ..كولشي كايخاف منو وكامدحو دكائو ونجاحاتو ..وفاش التاحقت بيهوم شحال من مرة كان كايتعصب واتقلب علينا ومكنتش كنعرف مالو كنبعد ونخليه حتى تقربت من هشام وقاليا بلي هكا حالتو من آخر مرة جا من المغرب وكانو شاكين بلي عندو علاقة مع شيوحدة حيت كان قاليهوم ناوي اكمل وارجع اقدم استقالتو وغايستاقر فالمغرب ..

كوتر: لارد ..كتسنط وملامح وجها كاتغير من عصبية لكانت فيها بدات كترتاح وحتى غزال عارفات كيف دخلها بطريقة دكية جدا تخليها ترتاح من جيهتها وتبردها وبقاات كتعاود ليها وكوتر مرة مرة تبتاسم ...

كوتر: (حدرات راسها) سمحي ليا على قبيلة بزاااف 

غزال:(قاطعاتها) وعااادي كون انا بلاصتك كنت ندير كتر هههه راه اي وحدة مغاتبغيش ليوصل ليها حاجتها ..عرفتي شنو واحد المرة كنت انا وهشام مسافرين وقفنا فطريق بغيت ندخل لطواليط خليتو ومشيت رجعت بان ليا واقف حدا طوموبيل ومعاه بنت وكانت قريبة ليه بزااف قربات تعنقو معرفتش كيف درت لخطوات قربت ليهوم شافني هشام وضور لبنت بزربة خباها ورا ظهرو وكايطلب فيا غير نتهدن ...

كوتر:(كضحك من قلبها) اويلي واش كنتي غاديري !؟

غزال: معرفتش والله كنت غانفوت فيها شي ضربة طيح ماتنوض

كوتر: هههه ضحكتيني والله ..

غزال: داكشي باش ملمتكش وقلت لمراد كون كنت بلاصتها نقدر نجبد فردي ونتيري فيك 

كوتر:(تقلبو ملامح وجها) والله كون عندي كون قتلتو شحال هدا على فعايلو معايا 

غزال: صافي نعلي شيطان ونوضي نزلي معايا راه جا هشام وتعرفي عليه وراه تا كريم جاي صاحبهوم لاخور هبيييل وماقلناهاش لمراد باغي افاجئو ..

كوتر: نوو غير خليني اصلا شوي غانمشي انا لدار 

غزال: عفااك باقي مشبعتش منك دخلتي لخاطري وبغيت نكونو صحابات ..

كوتر: ليا شرف تكون عندي صديقة ضريفة وتيتيزة بحالك هههه مقلتيش ليا منين نتي ..

غزال: انا بنت اكادير وهشام ولد سلا وساكنين فالايمارات حيت هشام مايمكنش ابعد عليا وعلى الخدمة 

كوتر: دابا نتوما خدامين بجوج 

غزال: اشمن خدمة راه خرجني منها آخر مرة تضربت بقرطاسة 

كوتر:(شدات فمها) اويلي فيين وكيف وقع ليك ..

غزال: يالله نزلو وغدا غاندوزوه بجوج ونعاود ليك لبغيتي 

كوتر:غير على ودك ..بلاتي نتاصل بختي كاينة معايا نقوليها الى تبغي تخلط علينا ..

غزال: مزياان تجي ونقسروو مجموعين ..وقفات كوتر دخلات قدات وجها درقات لاطراس تصباع مراد طلقات شعرها لبسات شوميز باش جات فالاول ولبسات بلغينة هزات الفون تاصلات بريهام وقالت ليها تجي عندهوم لريسطو ..ونزلات مع غزال كايهضرو واضحكو وقفو على دراري مراد هز عينيه طلعها وهبطها هي كتهرب راسها باش متشوفش فيه 

هشام:(وقف ومد ايديه) اهلاا مدام كوتر وآخيييراا تعرفنا على لقدرات تروض الاسد تالفرقة 

كوتر:(ابتاسمات) شكرااا ومرحباا بييك ..كلسات جنب مراد وغزال جنب هشام ..

مراد:(قرب لودن كوتر) طلعي داكشي على دوك الكتاف ...مجاوباتوش طلعاتها وسرحات شعرها على كتافها باش ادرق ليها اللحم لمعريا ..مراد خشا اديه تحت طبلة وحطها ليها فوق فخضها وبقا مطلعها بحركة بطيئة بورشات ليها لحمها ..

مراد: باقي غاتخلصي والتخلصي على اليومة ...

هشام: فين غاديرو العرس ..

مراد: هناا نييت هاد الاوطيل ديال صاحبي وغانديرو عرس واحد انا وياه 

غزال:شتي نااس كايديرو لعرس بحالي انا زربتي عليا ..

مراد: نبرزوك معانا تانتي ..

هشام: فوتها علييك مابغينااش بصحتكووم نتوما ...بقاو كايهضرو سمعو الهضرة كتييرة وراهوم شيحد كايغوت ضاروو كولهووم و كوتر وقفاات ...

كوتر: (بين سنانها) نااري فين ما مشات خاصها تنوض روينة ..

مراد:(وقف وكايضحك) لاااا مايمكنش ...وقفات عليهوم ريهام كتهضر بزربة وكتنكر وتشير بيديها ومراد كايضحك اما كوتر حشمات كتشوفيها وتغمزها ..

ريهام: لاااش تابعني صافي سيير راه سمحت لييك ازمر...

مراد: وااش نتا ضروري دير الحيحة (عنقو) تووحشتك والله 

كريم: كتعرف هاد البرهوشة ..

ريهام:(كتهز فايديها) هيييييه جمع فمك نوريك برهوشة اشناهية الباسل ..الحااامض ..سير دير غير نضاضر واجي هضر ونتا داخل فيا كيف شي تراان 

مراد:(جر ريهام وعنقها من كتفها) ابعد ليا على نسيبتي العزيزة وحدة لعندي 

كريم: ومكاتقداش من الهضرة (شاف فريهام) قلت ليك سمحي ليا مشفتكش ..

ريهام: قولها بأدب ماشي كتنفخ بحالا غادي على البيض ...

مراد: صاافي بردو سووق وكلسوو ماوقع واالوو 

ريهام: مايقولش برهووشة 😡

كريم: انا لبرهوش داير فيك عقلي ...

كوتر:(كتجر فريهام) وصاافي يالموصيبة شوهتينا مع صحاب مراد صافي تهدني ونتي كطيري كيف الذرة 

ريهام: 😡 مادرت والوو رااه هو (كتشير فيه) كنت جاية ودخل فيا فاش شفت فيه قاليا مكتشوفيش وهاز خنافرو لسما ..

كريم: كون كنتي كتشوفي قدامك مغايوقع واااو نتي خاشية وجهك فالفون 

ريهام: مسووقكش يالله نشوف فنما عجبني 

كوتر: (حشماات وكتعض فشنايفها وتنغز فريهام) كريم سمحي ليها ومسحها فيا ..

ريهام: اويلييي لاااش لاااش تقولي ليه امسحها فيك نتي دفتر شكيات 😡 

مراد: صافي اريهاام سمحي ليه على قبلي ..

ريهام: صاافي غير حيت صاحبك اماا نوريه برهوشة ..كلسو كاملين كوتر باقي كتغمز ختها تحبس من تخنزير فكريم اما هو تعصب ومابغاش وصابر اما غزال وهشام ميتين بضحك على المنظر وكيف كريم لبساتو ريهام بالهضرة ومابقا عارف مايدير ...

غزال: تباارك الله نسخة عليك تقول تواما نتي وياها ...

كوتر: شكراا بزااف وخا صغر مني ولكن كاتبان قدي هه (شافت فريهام) هادي غزال مرت هشام صاحب مرااد وكانو بجوج خدامين معاه 

ريهام:(ببرائة) مشرفين ومرحبااا بيكووم (مدات ايدها تسالمات معاهوم) نتي هي تيتيزة 😂

مراد:(طلق ضحكة) يااك انسيبتي كنتي كتفرجي فسامحيني زعما ؟

ريهام: وي كنت ولكن واحد لقطة بانت فيها غزال داخلة وكنتي معاها بنتوو مبوكصين فشاشة ههه 

كوتر: وصاافي تلاقيتو تاني برااااكة ...

كريم: مشرفين اختي كوتر متعرفناش على ود هاد سوء تفاهم (مد ايديه) جبت ليك معايا وساام من المقر ..

كوتر: انااااا ...ديالاش ..

كريم: بمجهوداتك الجباارة وجمالك الخارق قدرتي تهنينا من اكبر فرااع فالفريق كان مخرجها منا ..

كوتر: ههه لهاد الدرجة 

مراد:جمع فمك تاني ... تايقول لمثل ماتبدل صاحبك غاماكرف منو ...بقاو مجمعين كايضحكو كاملين تعشااو وسلاو خرجو من ريسطو هشام وغزال طلعو لشومبر ديالهوم وكريم بقا مع مراد ...

مراد:(كايهضر مع كوتر) طلعي جيبي داكشي لخليتي لفوق باش نوصلكوم لدار 

كوتر: غانمشي انا وريهام فطاكسي بلا ماتعدب 

مراد:(قوس حجبانو) نوو غانديك ...مجاوباتوش طلعات بزربة هي وريهام جمعات داكشي فصاك وخرجو نازلين 

ريهام: نوصلو لدار وعاودي ليا اش درتي؟ 

كوتر: داكشي لدرت انا مايبانش قدام لدرتي نتي ..

ريهام:(كتبعكك) هو لجبدني وقاليا برهوشة وراااك شفتيه كايتنفخ ..

كوتر: وبرااااااااكة برااكة حفض هاد ديسك وقلنا ليك سكتي وحشمي على وجه مرااد ...والولد كايبان ضريف ومتواضع وفيه ضحك نتي لبستيه بالمقلوب ..

ريهاام: استافزني بهضرتو ..

كوتر: استافزك واستافلحبس 😡 صافي سكتينا دراري قدامنا ....

وقفات كوتر وريهام وخرجو كاملين ركبو لبنات اللور وكريم حدا مراد ..وصلوهوم نزل مراد حتى وصلهوم لباب تسالم مع ريهام دخلات وشد كوتر ..

مراد: خلاااص اليوم قرييب وجدي رااسك (غمزها ) يالله طلعي تنعسي ...مجاوباتوش دخلات بزربة وبقا هو واقف حدا الباب شوية عاد رجع عند كريم لطوموبيل ..

مراد: فين نمشيو..؟

كريم: مراااكش كبيير وكتسولني دينا لشي بلاصة على دوقك نسهرو فيها ...

مراد: اييه علاش لاا ..اوا كيف الاجواء تماك الخدمة مزيانة 

كريم: كولشي هو هداك خليتي بلاصتك والله وباقي القائد كايتمنى تراجع على قراارك 

مراد: راه باقي مسنيتش ..حيت مخلانيش قاليا سير وخليك تفكر 

كريم: عندو آماال ترجع ..

مراد: لا صاافي استاقريت ودرت داري وقريب ندير وليداتي ..عقبال عندك 

كريم: ان شاء الله علاش لاا 

مراد: (ضار وغمزو) هي كاينة شيحاجة ؟!

كريم: فاش جاي ركبات معايا فطيارة وحدة عجباتني ..

مراد: ومالك مهضرتيش معاهاا ..

كريم: هضرنا وتعرفنا تاهي بنت مراكش وخدامة مهندسة فالايمارات ..

مراد: مزياان بنت بلادك ماتلقاش ماحسن منها ..

كريم: حنا دابا غير فمرحلة التعارف ...

مراد: انا انتاصل بصاحبي امين امشي معانا ونعرفكووم ...تاصل مراد بامين لقاه عند ريما فدارهوم معشي معاهوم وقاليه اسالي واخلط عليهوم فين سهرانين ..قطع معاه ووقف طوموبيل قدام نايت كلوب خارج على مراكش فطريق اوريكا راقي هبطو وخلا طوموبيل ليكارد لي فلباب اتكلفو بيها ..دخلو بجوج مسرحين عينيهوم بالعرض بالبطيئ ادرسو القنت واختارو بلاصة زوينة فين ارتاحو ..

كريم:(كايشير بصبعو) بالاه لداك الكوان 

مراد: يلاه ...دخلو كايتمشاو وسط ناس شي كايشطح شي كايشرب شي كالس اشكاال وانوااع البشر ...كلسو خداو مشروب وتكاو على الفوطويات لكحلين ...

: مراد

هز مراد راسو طلعها وهبطها وتبدلو ملامحو لغضب واشمئزاز ..

:(ببرائة) سافا عليك 

مراد:(وقف وقوس حجبانو) سيري بعييد حسن ليك (قرب لوجها) ولا غاندفنك فين واقفة..

: عفااااك امراد خلينا غير نهضرو ونعاود ليك شنو وقع 

مراد: قلت لييك قااودي من قدامي مابغيتش نخصر مزاجي معاك

كريم:(وقف) مراد مالك كالم توا 

:(شيرات ليه بايديها) انا كالسة فديك طابلة الى بردي عفاااك خليني نشرح ليك 5 دقايق منزيدش عليهوم ..ضارت مشات ومراد رجع كلس هز الكاس شربو فجغمة وحدة وعاود عمر واحد آخر وشربو كريم غير كايشوف فيه مفاهم واااو شكون هادي لعصباتو وشنو علاقتو بيهاا بقاا سااكت ومراد نازل على القرعة كاس ورا كااس وبحالا كايشرب الماا فقط عينيه رجعو حمريين ..بعد نص ساعة جا امين ووقف عليهوم 

أمين: واحد سلاام ياكما تعطلت عليكوم ...

كريم:(وقف) لاا باقي الحال انا كريم صاحب مراد (غمزو وشاف فمراد) 

أمين:(مد ليه ايديه تسالمو) مرحباا بيك والف مرحباا كايعاود ليا مراد عليكوم ..كلس امين جنب مراد وقرب ليه 

أمين: مالنا اصاحبي اش بيك غير قبيلة هضرتي معايا كنتي بخير

مراد:(هز عينيه لتحول لونهوم كيف دم) سرح عينيك فالقنت وتعرف مالي ...امين هز راسو كايشوف فناس بتعجب ماعارفش مراد شنو كايقصد حتى وقف عينيه على واحد جماعة تالبنات كالسين مجمعين وكايضحكو الى وحدة كانت حاطة عينيها على مراد وهازة كاس فايديها كتشرب جغمة بجغمة شافت امين كايشوف فيهوم وهزات كاسها عطاتو تحية 

أمين: واااش إيمان هاديك ؟؟ 

مراد: همم 

أمين: هاد بنت القحبة كتقلب على عزاها والله (وقف ) انا جاي 

مراد: (شدو من ايديه) خليك ماتستاهلش.. انمشي لطواليط ورجع ...وقف مراد كايتمشا عادي مأترش فيه شرااب ..

كريم: شنوو واقع ..

أمين: قوليا نتا شنو طراا 

كريم: يالله كلسنا بشوي وقفات وحدة بقا مراد كايغوت عليها مشات وكلس هو كايشرب 

أمين: وهي شنو قالت ليه

كريم: كتقوليه غير عفااك خليني نفهمك ونشرح ليك ..

أمين: الموسخة جايا الموت على رجليها ...هاديك كان كايعرفها مراد قبل مايبدا فالخدمة وكان باغيها ووقع بناتهوم مشكيل خلاه اكره جنس حواء بسبابها ..وحيت حن فيها مدار ليها والوو هي ورا داكشي هزات قشها و خوات البلاد ..

كريم: وعلاش هو تعصب لهاد درجة باقي كايبغيها ولا شنو 

أمين: مراد وحدة كايبغي هي كوتر من غيرها مكاانش هاديك وقتما شافها كايتفكر شمتة وكايصبر راسو باش مايقتلهاش ..

مراد واقف كايغسل ايديه ووجهو قدام مرايا.. خرج لقاها واقفة قدامو ..

مراد: عرفت لقحبة تمك غاتبعيني ..جرها من ايديها ودخلها لطواليط غوت على كاع لكاين اخرجو براا ...

أيمان: عفاااك سمح ليا وخليني غير نشرح ليك مدرتش داكشي لخاطري 

مراد:لارد ...جرها وودفع واحد الباب دخل و حل لاساش ...

إيمان:(مخلوعة) مرااد شنو كديير ...

مراد:(طلق دراعها وشدها من شعرها) عارفك غاتبعيني وخبيت ليك واحد الكادو حتى تجي ...حل سنسلة تسروالو وجبد المعلم طلق بولة كبييرة فلاساش وشافيها ...

مراد:نشوووفك كضوري بجنابي مرة خراا نحرك ...قبل متهضر خشا ليها وجها وسط لاساش عمرات بالبول وطلقها هزات راسها كتشهق وتدفل وتبكي ..

إيمان: إإإخخخخخه بوووةةووف بوووف 

مراد: يالاه كلسي هناا تسناي شيحد آخر اجي ادوقك ..(دفل عليها) الله احرق طواسلك ...خرج خلاها كتهرنن وتبكي وتمسح فمها بايديها ..خرجات وقفات قدام لافابو طلقات الما كتغسل وتعاود ودمع وريحتها كتعطعط ...

مراد رجع بابتسامة على فمو كلس وشير سرباي جاب ليهوم قرعة خراا ..هز راسو لقا دراري كايشوفو فيه ..

أمين: شنو درتي ..

مراد: مشيت بلت اش نكون درت هه 

كريم: براكة من الشرااب شكون غايوصلنا انا معارفش طريق ..

أمين: انا نديكووم خليونا نشطو شوي ...بقاو دراري مجمعين وكايضحكو أمين شك فشيحاجة حيت مابقاش شاف إيمان ولكن مابغاش ازيد اسول مراد خلاه على راحتو سلاو ورجعو فطوموبيلت امين وخلا مراد ديالو تايجيبوها ليه مشاو كاملين الاوطيل كل واحد شد شومبر ...دخل مراد حيد شوميز وسروال بقا بالبوكسر تلاح فوق ناموسية هز الفون تاصل بكوتر مكاتجاوبوش بقا كايعيط محبس حتى جاوباتو ..

مراد: نااعسة 

كوتر: هننن رااه مشا لحاال نعست قبيلة ..

مراد: كنبغييك نتي أحسن حااجة وقعات فحياتي وخا كتجهلي دينمي مرة مرة ولكن نتي حلوة عسل على قلبي ..

كوتر: سكران ..

مراد: لاا 

كوتر: همم كتبغيني بزاااف 

مراد: بزااااف 

كوتر:(بدلع) مابابقيش تعصبني 

مراد: لاا 

كوتر: اليوم انا مدرت واالو نتا درتي كولشي يااك !؟

مراد: وي اناا لخايب كنقلق نوور عينياا ..

كوتر: تنا كنبغييك ...

قطعات كوتر ودارت ضحكة شريرة رجعات الفون لبلاصتو وبقات كتشوف فسقف هزات ايديها كتشوف فخاتمها لفديها وتحركو وسط صبعها من بعد تقلبات على جنبها ليمني ونعسات ...

⛅🌞 بداية صباح تستوطنه اشعة الشمس ..فاقت على صوت الفون كايصوني هزاتو شافت نمرة وهزات راسها على المخدة وجاوبات ..

كوتر: صبااح نوور غزاال 

غزال: باقي ناعسة نوضي نوضي براكة عليك انخرجو نفطرو برا انا وياك

كوتر: صافي بزربة نوض نغسل ونلبس ونتلقاو ..اجي بعدا شنو بلاصة كتعارفي ؟؟

غزال: كنعرف سونطر كيليز ..

كوتر: اوكي نتلقاو حدا zara عرفتيها ..

غزال: وي عرفتها .يلاه نوضي المعكازة ...ناض كوتر دخلات غسلات وجها وسنيناتها توضات خرجات صلات ..جبدات صاية حد ركبة غري وتشري لاسق بيض بالغينة بيضة جمعات شعرها من جناب دارت كريم شمس وعكر وماسكارة ...هزات ساك صغيور غوز وشوميز دجين طويلة فيدها ونزلات مع درووج ..

ريهام:(تلاقات بيها) ناوية على شي موصيبة تاني ...

كوتر: سييري فحالك ضحكنا معاك شوي وضسرتي ...ماما ماما 

: نعم هاني فالبيت اجي ...مشات عندها لبيت نعاس ..

كوتر: انخرج مع مرت صاحب مراد الى تعطلت متسناونيش الغدا 

: دابا خاصك ابنتي تشاوري مع رااجلك هو لعندو لحق عليك ماخصك تحركي الى بشوارو وبرضاتو خاصك ديري فبالك بلي وليتي مرت رااجل يعني لا انا لا باباك عندنا حق نتحكمو فيك رااه شرع ودين ابنتي خااصك تطيعي رااجلك وليقاليك تقولي ليه اييه باش تكوني مرضية قدام الله سبحانه وتعالى 

كوتر: دابا قلت ليك خارجة عطيتيني محاضرة ..

: تسنطي ليا شنو كتقوليك وراك زعما كتحطي جبهتك للارض قرااي قرآن وتعرفي بلي هادشي كنقوليك هو لكاين راه جدواتنا لكانو كايموتو خلعة من رجالهوم هادوك لدااو الرضى اما عيالات دابا نفخة على والو قرااو جوج ورااق ولاو بغاو مساواة ودوك خزعبلات راه الله سبحانه وتعالى عطا كل جنس حقو رااجل مكانتو باينة والمرا كدالك والى بغيتي ربي ايسر ليك حدري رااسك وليقاليك راجلك قوليه اييه امر وطاعة والى شينهار دار شيحاجة ظلمك فيها ماشي تعاندي وتزيدي غلط على غلط قوليه ها ما درتي وشنو ضرني باش تزيدي تكبري فعينيه وارجع اضرب حسبة لمرة خرا ..

كوتر:(حدرات راسها) وخاا اماما اكوون خيير ...

: عرفتي علاش قلت ليك هادشي حيت نتي بنتي وحافظاك معكااسة من صغرك والى تعصبتي ماباقي كتعرفي اش كديري ومتحملي حد افرض عليك شيحاجة ..

كوتر: يااك بعدا عرفتيها اوا راه مايمكنش بين ليلة ونهار نتبدل 

: قلت ليك هزي قرآن قراااي وبزز منك غاتديري هادشي لقلت ليك ...

كوتر: وخاا انخرج دابا غانتعطل على البنت (باستها) بسلامة الحب ....خرجات من عند ماماها وجبدات الفون كتبات مسج لمراد " تاصلات بيا غزال غانخرج انا وياها اوكي " رجعاتو لصاكها وخرجات شدات طاكسي وصلها لبلاصة فين تافقات مع غزال ..وقفات وبعد 4دقايق جات غزال ...

غزال: الله ياااااربي على جو والهوااا شحال غزااال فمرااكش 

كوتر:(تسالمات معاها) طلبي هشام تستاقرو هنا تانتوما 

غزال: تسطيتي كيف غادير ايولي عايش فطيارة غادي جاي وماببغيش نكون بعيدة عليه بزااف ..

كوتر: اوا عرفتي شنو فاش تكوني غادا نعمر ليك بلاستيكاات كتااار فيهوم الهوا تمراكش سيري وحليهوم فدارك ..

غزال:(عوجات وجها) من نيتك ..كايقولو مراكشين مسرهطين ..

كوتر: ههه زيدي نفطرو غانطيح بجوع ....تحركو على رجليهوم داتها كوتر لاقرب كافي ف بلازا كلسو خداو عصير كريب كرواصة ..فطور خفيف ..

كوتر: فراسك فيا الخلعة عرسي مابقا ليه واالوو 

غزال: ضروري من ستريس م كولشي غادوز مزيان ..انا لتزوجت بلا عرس باقي فيا الفقسة

كوتر: علاش مدرتيهش 

غزال: كيف قلت ليك آخر عملية تضربت بقرطاسة هشام ديك الفترة كاملة كان معصب مكايهضر معا حد وغير كايغوت فاش عطاوني انني نخرج رجعنا لايمارات وقف عليا حتا قدمت استقالتي وخرجت بالبكا والله ...نهار الاخر لقيتو مقطع لينا بجوج نزلنا لمغرب انا مشيت لاكادير وهو لدارهوم ..بعد يوماين جاب دارهوم درنا خطبة وعقد ..

كوتر: واااو اسرع زواج شفتو فحياتي..كنقول انا زرب عليا مراد

غزال: قلت ليه ندير العرس قاليا ماكاينش الوقت ونتي مريضة ومايمكنش تبرزي وبقا عليا بالهضرة حتى استسلمت ورجعت معاه تاني الايمارات ..

كوتر: صحتك هي الاولى ..

غزال: واش انا غاتغلبني قرطاسة راه بلعاني دار سبة بداكشي هو غير ماباغش ادير العرس وصافي 

كوتر: عاودي ليا كيف وقع ليك حتى ضربتي ..

غزال: عاود ليك مراد على آخر عملية لينا؟

كوتر:(عوجات سفت وجها) اييه ديال ديك طاليانيا سميتها ماريا

غزال: ههه اييه هاديك وهي نيت لضرباتني ..كانت غاضرب مراد ووقفت قدامو وجات فيا 

كوتر:(حطات ايديها على فمها) اولي اعطيها لقطع فايديها بغيت ليها تشتااات والهرس مايلقاو مايجمعو فيها 

غزال:ههههه وبرااكة مسكينة ماشي لخاطرها لدازت منو صعييب 

كوتر: كانت غاتخليني بلا رااجل ..وحمد لله على سلامتك مزيان لكلسك هشام برااكة هادشي عندكوم كايخلع ..

غزال: كنتوحش الخدمة 😣

كوتر: حاسة بيك تنا شديت ديبلوم فالكوزينة وعزيز عليا داك المجال يالاه بديت خدمة تصلط عليا مراد ...

مراد:(قاطعها وواقف على راسها) هاهو نيت تصلط عليك دابا 

كوتر: قفزات ضورات وجها صفر وقلبها كايترعد حسات بالخوف وخا مدايرة واالو ولكن مجرد ماسمعات صوتو وشافتو واقف وسارح هيبتو قلبها تفزع ..

غزال: ماتخليوناش بوحدنا زعما شوي ...

هشام: جينا نديوكوم واحد البلاصة ...

غزال: فيين ..

مراد:(كلس حدا كوتر وشد فايديها وزير على صباعها) غانمشيو نتغداو فصويرة ورجعو ..

هشام:(كلس تاهو جنب غزال وعنقها من كتافها) جينا نفوجو وانستاغلو الوقت .ماشي نبقاو كالسين .(شاف فكوتر) صباح نور كوتر سافا عليك 

كوتر:(كترعد) سافا حمد لله ونتا ...

مراد:(قرب اودنيها) مالكي كترعدي شنو عندك ..

كوتر:(هزات عينيها فيه) واالوو غير ماتوقعتكومش تجيو وباش عرفتونا هنا ..

مراد: همم وعلاش متوقعتيناش كنتي دايرة شيحاجة خرا فراسك ..وبراكة راه ايديك كايقفقفو ...

كوتر: لاااا اناا واالوو ...

مراد: يالاه وقفو نمشيو ...

غزال: فينو كريم ...

مراد: غايجي هو وأمين وريما صاحبت كوتر لهي خطيبة صاحبي مهم تجيو وتعارفو بيناتكوم ..خلص مراد ووقفو مشاو لطوموبيلات كوتر زاد تخلعات فاش شافت جوج طوموبيلات يعني كل واحد غايركب مع مرتو ..

كوتر:(ببرائة) كون مشينا مجموعين حسن ..

مراد:(قوس حجبانو) وعلااااش ..الالا كل واحد باغي انفارد بمرتو اقدر ابغي ابوسها اعنقها ولا اقدر كاع ترشق ليه على شيحاجة فطريق ...مجاوباتوش خنزرات فيه وطلعات دارت سمطة وسكتات طلع وتحرك تابعو هشام من اللور حيت ماعارفش الخرجة تصويرة منين ..خرجو لطريق مسرحة وهوما اكسيريو ...

مراد:(سايك بيد ويد متكي عليها) كوتر 

كوتر: همم 

مراد: ضرووري نتخاصمو كل نهار ونتغاتو واش باقي مكتفهميش الى فات هضرت ليك على شيحاجة مرة وحدة لا داعي تعاوديها مرة خراا تفادايها باش نتفداو فرييع المخ ..

كوتر: شنوو درت تاني ..

مراد: فنظرك هاد اللباس لي لابسة عادي 

كوتر: مامعرياش ..

مراد: معريا نص فلحمك زائد لاسق عليك فصالتك كولها معبورة وسطو ..خلينا زوينين وماباقيش تلبسي هاد الزمر ...

كوتر: وعاادي كاع لبنات كايلبسو هكا..

مراد: انا مامزوجش بكاع لبناات وماعندي سوق فكاع لبنات كنهضر عليك نتي بصفتك مرتي ..فراسك قبل مانتزوجو مكنتش كنبغي نتدخل ليك فحوايجك حيت غايبقا ماعندي حق كنت مجرد حبيبك او بدريجة تاعرابت صاحبك ..ولكن ماقدرتش نخلي شيحد انعت فيك ولكن دابا راااااك مرتي يعني العرض ديالي ..

كوتر:(كتبعكك) وخاا صافي برااكة من هاد الهضرة ..

مراد: مالكي مكتقبليش الهضرة ..ديما كتعصبي وتبقاي تغبني وكانحاول منزيرش معاك ولكن مدام دابا تناقشنا آخر مرة نجبدو هاد الموضوع ..وكاينة حاجة خرا..

كوتر: شنو خير وسلام ..

مراد: خرجتي مع غزال يااك خديتي موافقتي لااا غير علمتيني وصافي يعني انا طرنوون عندك غاتبقاي تحركي كيف بغيتي وانا ماعندي حتى دور ..

كوتر:(تعصبات) مرااااد انا باقي فداار بابا يعني ماشي نتشاور معااك ونتا بعييد صيفط ليك مسج وقلتها ليك ..وكون نسيت ومقلت ليك والوو؟؟ 

مراد: كون راك كتبكي فشي قنت تاني ..مخصكش تنساي سمعتي راه انا والي امرك دابا ..وبعدا خرجتي ماقلتي نعطيك فلوس ماوالو غاتكوني شديتيهوم من عند باباك ياك؟؟ 

كوتر:(ببرائة) لاا والله مشديت من عند بابا فلوس صداقي لحطيتي ليا فالكونط هوما باش كنتصرف لاش غايبقاو مخبين 

مراد: هههه ضحكتيني والله اوكي ..راه حطيت ليك فلووس خرين باش تشري ليبغيتي ماتبقايش تقولي لباباك او ماماك عطيني غانتخاصم معاك والى احتاجيتي شيحاجة كيف مكانت قوليها لياا دابا انا راجلك 

كوتر:(قربات ليه باستو فحنكو) شكراا بزاااف وسمح ليا ..غانخرج نشري حوايج جداد غير افوت العرس ان شاء الله 

مراد: الله ارضي عليك ...قاليها هاد الكلمة وحسات بالفرحة ووجها تبدلو ملاميحو بسرعة وحسات برااحة فداخل ديالها تفكرات هضرت ماماها لقالت ليها وشافت انها فاش تعاملات برزانة وتصنطات لهضرة وكيف جاوبها قلبها ارتاح ...ضارت شافت فيه صايك ومركز مع طريق .. هزات شوميز ديال دجين حلات سمطة ولبساتها ورجعات سمطة ..ضار شافيها وابتاسم هز ايديها قربها لفمو وباسها من برا ومن داخل ..

مراد: سمحي ليا حيت عصبتك البارح ..فصراحة غلط ولكن كنت باغي نضحك معاك ونعصبك ومنها تكون درس ليك باش ماعمرك تشكي فيا (رجع باس ايديها مرة خرا) مدام اختارتك نتي غاتبقاي فقلبي تانمووت مكايناش شبوحدة تعمر بلاصتك كيفما باتكون ..نتي مرتي ومامات ولادي ان شاء الله ..

كوتر:(تزنكو حنيكاتها) ان شاء الله ...

مراد:شوفي ها امين وكريم وريما لحقو علينا ..غايكونو طحنو طريق ..

كوتر: ههه بقات فيا ريما غاتكون سخفات بالخلعة ..ضارت شافت تاهوما جيين مفرقين كريم بوحدو وريما مع أمين ..

كوتر: ناري شحال من كوموبيل كون جبتو كار وجمعتونا كاملين

مراد: ونديرو رحلة هههه كملو طريق دغيا وصلو ساعة وربع ...

داخلين على المدينة تقلو فسرعة باش اشوفو بعينيهوم مراد لكان سابق شد بيهوم طريق لسقالة ديريكت وقفو طوموبيلات فالباركينغ نزلو مشات كوتر عند غزال جراتها عند ريما وعرفاتهوم على بعضهوم ..أمين ديجا تعرف على غزال وهشام فالاوطيل تحركو كل واحد شاد فمرتو الا كريم بقا غادي بوحدو وكل مرة الوح شي كلمة وابقاو كايضحكو طلعو لسقالة لفوق تصورو ووقفو شوي كايضرب فيهوم رييح وريحة الحوت لمجهدة وشميسة كضر فالعينين نزلو من تماك مشاو لمطعم راقي خداو طابلة كطل على البحر كلسو كريم فراس وهوما شي حدا شي ...عمرو ليهوم طبلة بجميع انواع الحووت وشلايض والفريت وليصوص ..بداو فالماكلة الى كوتر كتنقب من الفريت كاتهز وحدة تبقا تعظ فيها طريف بطريف وتشرب فالموناضة ..

مراد:(قرب حدا وجها) كولي ..

كوتر: نوو مافياش غير بصحة ..هزات راسها لقات ريما كتشوفيها وهي تغمزها كوتر بمعنى سكتي متقولي والوو ..

مراد: كيفاش مافيكش راه مكليتي واالو ..

كوتر: والله مافيا جووع غير كوول احبيبة بصحتك ..

مراد:(قوص حجبانو وهز دغمة من الحوت) هااكي كولي غير هادي وغاتفتح ليك شاهية ..

كوتر:(كتبعد راسها) لاا لااا عننننمممم همممم عفااك بلااش ..حطات ايديها على فمها وناض كتجري لطواليط ....

غزال: مال كوتر شنو بيها 

كريم: درتيهاا يالعفريت غانحضرو لسبوع قبل لعرس 

مراد:(بعصبية) اش درت دااار ليك ان شاء الله ...

ريما:(كتمتم) كوتر كتكره الحووت ريحتو كتخنقها وفراسك عزيزة عليها صويرة ولكن مكاتوصلش لبلايص لقراب لمرصة ..

هشام: نتا مرتك باقي مكتعرف اش كتاكل واش مكاتاكلش 

غزال: ماشي بضروري باقي معاشتش معاه باش اعرف ...مراد خلاهوم كايهضرو ووقف مشا لعند كوتر وقف كايتسناها حتى خرجات وشدها ..

مراد:(بعصبية) قوووليي مكتحملييهش لاااش مبززة على رااسك ..

كوتر:(كتنفس بصعوبة) نوو عادي شكون قاليك مكنحملوش 

مراد: براااااكة 😡 ..(حط صبعو جنب راسها) وارااه راجلك انا ازمرة خاصني نعرف كوولشي علاش غاتبقاي تبعككي قدامي تصرفي طبيعي ...

كوتر:(جرحها بهضرتو) اوكي مرة خراا غاتقولها ليك هاد الزمرة ..خلاتو واقف وفاتو مشات لطابلة كلسات وبقات كضحك معاهوم هزات الفون صيفطات مسج لريما " تفوو على طواسل مك قلت ليك سكتي" ...شافتو راجع وضحكات ليه فوجهو ..كلس جنبها وشد ليها فايديها وشافت ليه فعينيه فمها مرسوما عليه اكبر ابتسامة وعينيها كايبريو بالدموع ...حس بالخنقة من منظرها وزاد ضغط ليها على صباعها وقوس حجبانو ..رجع بلور ودفع طبسل لقدامو وجبد الفون كايلعب فيه بيد وحدة حتى سلاو وناضو دخلو لمدينة كايضورو واتقداو ..الا كوتر ومراد مهضروش مع بعضهوم ..غادي شاد فيها حتى وقفو فواحد بلاصة وبعدات عليه قربات لبنات كتوريهوم شيحاجة وتحركو وبقات شادة فريما ..ورجع أمين عند مراد ...

أمين: رخف شوي امراد يالاه مدة قليلة باش بعدي على خدمة تاعام ماكمل غاتبقا تبرد عصبيتك فيها ..

مراد: شي مرات كنفكر علاش حبيتها انا وياها كيف زيت والعافيا ...هي مكتبغيش تبن ضعفها وانا بغيتها معايا تعامل على طبيعتها ..

أمين: كولشي كايجي مع الوقت ..وراه العرس بعد غدا لا داعي تعصبها ...خاصنا نديرو كتر من جهدنا باش نفرحهوم ..

مراد: اكون خير ..سير جر ريما وصيفط هاديك لعندي ...أمين تقدم وعنق ريما من كتافها وبضحك قال لكوتر سيري عند راجلك وقفات حتى وصل عليها شدها من ايديها وهي غير حانيا راسها ..كملو دوران ورجعو لطوموبيلتهوم كل واحد ركب خلاهوم مراد اسبقو ووقف جنب سوبر مارشي صغير فطريق نزل وخلاها وبعد مدة رجع هاز بلاستيكة عامرة عطاها ليها بلا اي كلمة شداتها وحطاتها فلكوسان اللور.. وشدو طريق رجعة ... دارت ليزيات فودنيها وتكات غمضات عينيها هو زاد تعصب من حركة لدارت زاااد فسرعة وداز من حداهوم طااير خلا غبرة من وراه ... حتى وصلو كل واحد شد الوجهة ديالو مراد وصل كوتر نزلات بلا متسالم معاه دخلات طلعات لبيتها ديريكت ماهضرات مع حد دخلات لدوش دوشات بجميع لبرودويات لعندها وخرجات صلات ولبسات بيجامة تكات فوق ناموسية وعطاتها لبكاا تفركات كيف هضر معاها وبقات كتبكي وتنخصص تجمع عليها كولشي خلعة ستريس رجعات حساسة جمعات ايديها ونعساات على نفس الوضعية ....

⛅🌞صبااح جديد كوتر ناعسة وريهام فوق راسها كتعيط وتحرك فيها وهي ماباغش تحل عينيها دايرة موتة حمار مابغاتش تفيق ..

ريهام: وبرااكة من تفليا ونوضي رااه شوي وجيو البناات غانمشيو الحمام ..

كوتر: لا رد

ريهام: والله تنخوي عليك لما ومنضي عرفتك فايقة وكتفلاي 

كوتر:(مغمضة عينيها) مغادياش الحمام ومابغيت نحني مابغيت ندير عرس ...

ريهام: اوكي انا نتاصل بمراد نقولها ليه يلاه رجعي تنعسي ...

كوتر: اوكي ...خرجات ريهام وبقات كوتر مكمشة بلاصتها شعرها مشعكك ووجها صفر حاسة بايديها فاشلين ومقادراش تحرك عضامها مدكدين بحالا ليل كامل كتكول العصا ..بعد نص ساعة ..تحل لباب مجهد حتى قفزات وحلات عينيها ..

كوتر:(معبسة وجها) أزمر مالنا مالنا على هاد الدخلة ...

بسمة: نوضي الله اعطيك الحكة براكة من الخنات الخاوي ..

كوتر: ديها فرااسك انا مابغيتش نمشي لحمام مغاندير والو 

بسمة: متحمقونيش راه خاصنا نمشيو ونجيو تحني وفالعشية نمشيو عند ريماا ..حيت على قلة نهارات جامعين عرسكوم نهار واحد ...

هداية:(داخلة مع الباب) اويلي حي باقي نتي ناعسة نوضي راه مشا الحااال 😡...ناض كوتر دخلات غسلات وجها وتوضات خرجات جرات عليهوم حتى صلات ونزلات كتحرك بزز دخلات كوزينة باش تفطر وشداتها سخفة كانت غطيح كون مسندات ايديها مع البوتاجي ...

: مالكي ياك لباس باش كتحسي 

كوتر: والو اماما فيا السخفة ودوخة اديا كايترعدو وعضامي كايضروني ..

: نعستي بلا عشا يااك ...

كوتر تفركرات بلي البارح من فطورها مكلات واالو عاد عرفات سبب هاد السخفة ودوخة ...مجاوباتش ماماها كلسات فطراات فاش سلات عطاتها ماماها كاس حليب كبير دافئ فيه شيحاجة حمرة 

كوتر: اش هادشي (شماتو) اعع ريحتو كيف تراب ..

: هاديك الفووة شربيه راه زينة تحيد ليك سخفة ووجهك ارجع فيه لون ..

كوتر: بلاش ندير دوا الحمر لوجهي ومنشرب هاد العجب ..

:(وقفات عند راسها) شربي 😡...سدات نفها وشربات كولشي دقة وحدة ..مشات لصالة لقات البنات وحتى غفران جات كايتسناوها باش امشيو لحمام و

كوتر:(كتشوف فريهام) ونتي مغادياش 

ريهام: لا غانكلس نعاون ماما فشغال دار 

كوتر: وغير ساعة ورجعو يلاه ..

ريهام: غير سيرو نتوما ...خرجات كوتر مع بسمة وهداية وغفران لابسة جلابة فالبستاج بارد.. غسلو ورجعو ..دخلو لقات دار عامرة وحتى مامات مراد كاينة تسالمات معاهوم كاملين شافت حتى نقاشة كتسناها حطو ليهوم كلاو مجمعين ضاحكين ..

ريهام:(قربات لكوتر) طلعي لبسي شي قفطان من دوك جداد ..

كوتر: وخاا فكرتيني نسيت وغانشف شعري دغيا ورجع.. ..خلاتهوم كالسين وطلعات لبيتها حلات لباب وقفات مسمرة ..

مراد:(متكي فوق ناموسية) نونوستي جيتي بصحتك تحمحيمة 

كوتر: 😡 كيف درتي وصلتي هنا ...

مراد: ساهلة وصلت لواليدة وختي وقالت ليا ماماك كلس تسانا مرتك تجي تشوفها قلت ليها لا اخالتي راه مقلقة مني وبقات طلبني وكلست ..

كوتر: براااكة من تفليا الخاوية نوض سير فحالك كاينين غير العيالات اش جاي مخشي هنا ..وقف وقرب ليها عينيه كايطلعوها واهبطوها وصل ليها جرها وعنقها خشا وجهو وسط عنقها كايستنشق ريحتها 

مراد: احح على رويحة شحال كتحمق (باسها فعنقها) 

كوتر:(دفعاتو) وخرج سير راه حشوومة كاينين غير العيالات ..

مراد: ومن بعد انا مكالسش وسط لعيالات انا معااك وسط بيتك وسادين علينا ...جرها وهزها من خصرها داها فوق ناموسية ولاحها وجا من فوقها ...

مراد: جاتك جليليبة غزاالة (حيد ليها فوطة لعلى راسها) وشعرك فازك والحنيكات حمرين وفيمك ديال عضان (نزل باسها) شنو ندير فيك دابا هااا ..

كوتر:(كدفعو) ونووض واش تسطيتي نتا بعد علياااا ...شد ليها ايديها وحكمها تحت منو ونزل على شفايفها عضان وبوسان حتى تجاوبات معاه وترخاات ونسات العيالات ومابقاتش قالت حشومة

مراد:(بعد وجهو) احححح امتا إمتااا يااااربي نساليو هاد الفريع مابقيتش قادر نصبر ..

كوتر:(حناكها حمرين) وصافي نووض خليني نوجد راسي نزل كايتسناوني ..

مراد:(باسها فراسها) سمحي ليا على البارح ..

كوتر:(نزلات عينيها) ولفت امراد.. نتا باغيني نتبدل ولكن مفكرتيش تبدل شوي من طبيعتك شي مرات كتجرحني بشي تصرفات كنكره رااسي وكنقول موحال واش كايبغيني 

مراد:(باسها) غاندير مستحيل باش منبقاش نقلقك غير صبري معايا احبيبة (ناض) يالاه نوضي لبسي نشوفك قبل مانمشي ...وراه غاتجي غزال تحضر معاك لحنة ..

كوتر: ومالها مجات صباح تمشي معانا لحمام ..

مراد: هشام باغي امشي لاوريكا صيفط معاهوم شيفور قالت ليا اجيو وتجي ...

كوتر: اوكي ..وسير 

مراد: لبسي وبعد نمشي 

كوتر: والله لا حلمتي بيها غير سييير فحاااالك (كدفعو لجهت لباب) سيير وصبر مابقا واالووو 

مراد:( ضار باسها) أمري لله بصحتك احبيبتي وصيفطي ليا تصاور ...خرج مراد ودخلات كوتر لبسات قفطان خفيف فقهوي بارد مخدوم براندة وطرز كميمات حد المرفق ونازل فصالة وحدة وبلغة صفرة نشفات شعرها وخلاتو مطلوق دارت عكر خفيف وماسكارة ونزلات شافوها وطلقوها زغاريت

تقدماات وسطهوم حشمانة ومهبطة راسها كتشوف فيهوم والفرحة على وجهوم كلسوها الوسط كلسات قدامها نقاشة مدات اديها وبقات كتقوليها شنو بغات حاولات متكرتش دارت داكشي خفييف طلقو البنات موسيقى وبقاو كايشطحو وهي وسطهوم كتشوف فيهوم وضحك وحاسة بنقس حيت مكايناش معاها ريما وحتى فاتي بقات مع ريما دمعو عينيها وحدرات راسها وهي توقف عليها ريهام هازة الفون فايديها ودايرة ابيل فيديو مع ريما وفاتي شافتها كوتر وعطاتها بكا وتهرنين ولخرا تاهي مقسراتش كايسكتو فيهوم ووالو كاينوحو حيت باغيين اكونو مع بعضهوم وشاركو كولشي قطعات معاها ومسحو ليها وجها ..دخلات غزال تسلمات مع كولشي وباركات لكوتر نوضوها شطحات معاهوم وبقاو البنات كايتناوبو كل وحدة تكلس تنقش مرة وكولهوم نقشو يد وحدة وخلاو يد لخرا انقشوها عند ريما فدار باش تاوحدة ماتقلق ...وصلات 4 وخرجو لبنات كاملين مشاو عند ريما وكوتر بقات معاها غزال وريهام ...مشاو عند ريما وتاهي مشاو معاها لحمام وجاو دوزو معاها نفس المراسيم ماقصرو من جهة تاوحدة وخاا عيااو بزااف جوج تحمحيمات زايد طريق من دار لداار ...دااز نهاار زوين عند العرايسات بجووج ...

⛅🌞 صبااااح النهاار المنتظر عند الابطاال كولشي فاق بكري نص تالبنات صبحو عند كوتر ونص الاخر عند ريما ..كوتر لبسات جلابة بيضة افازي قبيب صغير مخدومة بالخضر وقصيرة من التحت فيها جوج شاشيات نازلين من القب طلقات شعرها ووجها خلاتو نقي مافيه والوو ..ونزلات لقات غزال وغفران وهداية وريهام كايتسناوها فطرو مجموعين وخرجو ...مشاو مجموعين الاوطيل جات ريما لابسة جلابة فصومو وفيها طرز من القدام نازلة فصالة وحدة ..كانو معاها فاتي وبسمة غير تلاقاو وبقاو اتعانقو وابكيو بحالا متشاوفوش عاام ...طلعو لجناح لموجد خصيصا ليهوم..دخلو حيدو جلالبهوم ولسبو بنوارات بيضين خفاف وحتا البنات كدالك ..هزات فاتي الفون هضرات مع شيحد وبعد مدة طلعو مجموعة تالبنات محملين باليزات فيديهوم ولابسين طابليات بيضين ..دخلو هضرات معاهوم فاتي عطاتهوم تعليمات وكلسو وجدو كراسة وناموسيات تالمساج حولو لجناح لصالون تجميل ..وقفات ريما وكوتر طلعو تسرحو فوق جوج بياصات بداو ليهوم بماسكات للوجه خلاهوم شوي تالوقت بعد قادو ليهوم ضفار وفنفس الوقت الخرين خدامين مع البنات ...سلاو ليهوم لسوان وضفار ولاسيغ ونزلو ..رجعو لبنات كايبريو حنيكاتهوم حمرين طلعو ليهوم الماكلة كلاو ..وتكاو ارتاحو شوي

ريما: (كتهضر مع كوتر ) هضرتي مع مراد 

كوتر: لااا مابغيتش نهضر معااه خليه اتوحشني 

ريما: انا تاصلت بامين صباح مجاوبنيش 

كوتر: فيك دودة يلاه ....

ريهام: (كتبعكك) لحمي كتحرقني اول مرة ندير هاد لاسيغ واصلا مافياش زغب غير جبتها فراسي ...

غزال:(كضحك) مزياان ماباقيش انوض ليك زغب وتهناي فمرة ..بقاو مجمعين حتى سمعو دقان ناض فاتي حلات لباب ودخلات بنت لابسة كلاص ومعاها علاااقة طوييلة ..

فاتي: غزال هداية غفران بسمة ..اجيو اختارو شنو غاتلبسو ..

غفران: هادي هي المفاجئة ديالك ههه 

فاتي: خاصنا نبانو مبووكصاات هه 

ريهام:(هازة خنافرها لسما) انا غانصدمكوم فاش لبس من يديات بابا حبيبي ...

هداية: بصحتك ...ناضو البنات اختارو كل وحدة تكشيطة على دوقها واصلا كولشي كاان زوين حيت فاتي جابت ليهوم احسن مصممة فمراكش ...خداو داكشي وخرجات لبنت من بعدها جات نكافة ومعاها مساعدات ديالها وجاو فريق مختص فالتجميل وبدااو خدمتهوم ..كايقادو لبنات كوتر سمعات فون كايصوني قالت اقدر مراد فاش هزاتو لقات نمرة تالخارج ..

كوتر: الوو 

ابتسام: كوتر تووحشتك (كتبكي) مبروووووك يلاه عرفت بلي ليوم عرسك ..

كوتر:(جاتها البكية) تمنيت كون كنتي معايا والله مشيتي وغبرتي مابقيت عرفت عليك والوو 

ابتسام: ظروووف احبيبة مبرووووك عليك والله ايسر لييك ونشووفك ديما فرحااانة ..

كوتر:(كتبكي) ربي اخليك احبيبتي كيف دايرة خالتي..

ابتسام: هاهي حدايا وكتبلغك سلامها وقالت ليك الله اكمل عليك كوتر: بوسيهاا ليا والعقباال عندك يااربي ..

ابتسام: ان شاء الله ياربي يلاه نخليك مبروك مرة خراا 

كوتر: الله ابارك فييك ..قطعات وناض دخلات لطواليط البنات بقاو كايشوفو فيها ..

ريما: شكووون ..

هداية: اقدر ابتسام هي لغبرات ..

بسمة:(نايضة) انا نمشي نشوفها ..

هداية: نو خليك انا نمشي عندها ...دقات عليها ودخلات لقاتها واقفة قدام مراية وعينيها حمرين ..

هداية: واش ابتسام 

كوتر: وي هي ..متصوريش الفرااغ لبقا فقلبي من ديك ناحية

هداية: ياكما قالت ليك شيحاجة على خوها 

كوتر: لاا مجبداتوش غير ماماها ...مكنتش باغيا هادشي اطرا والله ندمت ندمت ..

هداية: ندمتي علاش ويلي ؟!

كوتر: حيت خليتو ادخل حياتي ..

هداية: شهااب

كوتر: وي وشكوون من غيروو ...

هداية: صافي لفات مااات مسحي دموعك وخرجي فرحي ليووم نهااارك ماتخلي تاحاجة تقلقك ...

كوتر: وخاا غير سبقي ندير بيبي ونغسل وجهي ونجي ..خرجات هداية وبعد دقايق خرجات كوتر رجعات كلسات وبداو كايقادو ليهوم شعر والماكياج ..

كدالك دراري كانو فجناح آخر بعيد على جناح تالبنات مراد وأمين وكريم وهشام ..كانو معاهوم مختصين قادو ليهوم الشعر وطراساوه ليهوم اللحية وخرجو خلاوهوم مرحيين كايهضرو واضحكو ..سمعو دقان ووقف أمين مشا حل لباب ولقا بزاااف ترجال لابسين كلاص ...

أمين: نعم اش حب الخاطر ..

: قالو لينا هنا كاين مراد ..

أمين: (عقد حجبانو) وي شكون نقوليه؟ 

: انا القائد محمد وهادو الفريق لكان خدام معاهوم مراد..

أمين:(بابتسامة) مرحباا والف مرحباا سمحو ليا (دار ليهوم طريق) تفضلووو ...دخلو كاملين كان القائد ومعاه 7 من الفريق جاو خصيصان احضرو لعرسو وباغيين ايدروها ليه مفاجئة دخلوو كاملين كايغوتوو من غير قائد محمد كان كايبتاسم بطريقة طاغي عليها الوقار والهيبة كايبتاسم ..

مراد:(وقف) ماااايمكنش أحسن مفااجئة ..تعانق معاهوم واحد واحد وصل لقائد وعطاه تيحة عاد تسالم معااه ..

قائد: مبروووووك باش تعرف معزتك عندنا خلينا المقر وجينا على قبل نحضرو لعرسك ..

مراد: فرحتووني والله مرحباا بيكوم وعلاش مقلتوهاش كنت نتسناكوم فالمطار ...

: قالينا لقائد مانقولوهاش ليك وكنا خايفين كريم افضحنا

كريم: وانا نقدر بغيتوني نخرج على راسي ..

مراد: كلسو رتاحوو ..كلس شي وشي الاخر بقا واقف عمرو الجناح ..كاملين عرفهوم على امين وقاليهوم بلي تاهو عرسو اليوم باركو ليه ...وقف امين تاصل بموظفين تالوطيل وعطاهوم تعليمات اوجدو غرف لضيوف واطلعو ليهوم مشروبات...بقاو كايهضرو ارتاحو ووصل الوقت صيفطات نكافة مساعدة ديالها تقول العرسان اوجدو راه العرايسات نازيلن ....

كوتر وريما كانو لابسين وخاصهوم غير لمسات الاخيرة جات مامات ريما ومامات كوتر وحتى مامات مراد شافوهوم وكل وحدة قرات على بنتها المعوذتين ..وخلاوهوم ونزلو اشوفو القاعة وارحبو بضيافهوم ...لسقو ليهوم تاج ووقفو شافو ريوسهوم فالمراية ..عجبهوم كولشي غير كايضحكو ووحدة كاتشوف فالخراا والبنات كايزغرتو ليهووم ..دارو ليهوم نفس مشيطة تشعر ماكياج راقي وبرز ملامح وجه كل وحدة كوتر لبسوها تكشيطة موبرة خضرة نازلة بحجر جنب سفيفة حتى التحت مع اكسسوارات مواتيين تكشيطة وريما تكشيطة حريرية منبتة من صدر بالعقيق وتاهي اكسسوارات نفس تكوتر مع تاج صغير وخيط روح فراسهوم حافظو على لباس تقليدي الاصيل ..والبنات كل وحدة قدات ولبسات تكشيطها ومكياج وشعورات وروايح وقفو ودارو كوتر وريما وسطهوم وتصورو ...

كوتر: وفياااا الخلعة رجليا مهازينيش 

ريما: لمييمة شجعيني ونشجعك اناا كتر منك ..

ريهام: (مقابلة مع لمرايا) نااري كنباان تيتيزة عليكوووم (لابسة تكشيطة ذهيبة افازي مع فصالتها وكميمات مزيرين قادات وجها ودارت عدسات فالعسلي وطالقا شعرها على طولو غطا ليها كتافها ) 

غزال: صرااحة اريهام صدمتيني غيرك الماكياج.. 

ريهام:(بتقة فنفس) غير مكنبغيش نتقاد كون تزوجت قبل كوتر

بسمة: ديريهااا اطيااارة ...

فاتي: براااكة وقرااو على ريوسكوم قرآن راه العين حق ...

كوتر:(شافت فغزال) ليوم هشام اطير ليه العقل الى شافك..

غزال: عرفتي شحال هدا ملبست تقليدي وتقاديت بحال هكا ..

ريما: اوا هاهي جات الفرصة تبارك الله عليك ...

النكافة: يالله الغزالات خاصنا نهبطو ...

غفران: وي دغيا عبد الله جا وكايتسناني التحت ..

كوتر:(برائة) غانلقاو مراد وأمين تاحنا التحت !؟

النكافة: ههه لا حتا تكلسو واجيو هوماا غايدخلو دفووع تكل وحدة فيكوم..دارو ليهوم زيوف تالحرير فالخضر على وجهووم باش مايبانوش وخرجوو كايصليو عالنبي والبنات من وراهوم كايزغرتو وكل وحدة هازة جلايلها بيديها ..نكافة صيفطات تقوليهوم بلي العرايسات جايين وجدو ليهوم جوج عماريات فالخضر ملكي ..وصولو وكل وحدة ركبات فوحدة دخلوهوم القاعة بدقة المراكشية غفران مشات عند راجلها والبنات الخرين بقاو واقفين كايشطحو .. كلشي لحاضر وقف شي كايصور شي كايبارك ليهوم من بعيد ..هوما كايبتاسمو من تحت الزيف وشادين بيديهوم العمارية من جناب حيت خايفين ...جابو بيهوم ضورة وسط القاعة كاملة ومن بعد نزلوهوم وكل وحدة كلسات فالبرزة ديالها كانت كولها خضرة وداخل فيها دهبي وجاو حدا بعضياتهوم ...بقاو كالسين ونكافات حداهوم كايزغرتو والموسيقى خدامة ..شوي سكتات الموسيقى وسمعو عيساوة من بعيد هزو عينيهوم بشوي وبقاو مفكسين ..مراد وامين داخلين ..مراد لابس قفطان فالخضر كايبين ومن تحتو سروال قندريسي فالبيض وشومبز بيضة وبلغة صفرة شعرو مرجعو اللور واللحية مطراسية ..أمين لابس جلابة فالبيض ومخدومة بالخضر قفازية وكايبان سروال بيض من تحتها وبلغة صفرة تاهو شعر مقاد واللحية داخلين كايتمخترو بابتسامة على وجهوم ..من وراهوم مجموعة تدراري لا يقلون وسامة على العرسان كولشي لابس الكلاص ...كل واحد وقف قدام عروستو جات نكافة وقالت ليهوم اعريو ليهوم وجهوم ..

مراد:(باسها فراسها) مبروووك ...

كوتر:(حنيكات حمرين) مبروك علينا بجوج 

أمين:(باس ريما فحنكها) زين ديالي ..

ريما:(بلقات عينيها) اولي حشومة ..

أمين: سكتي لانضربها لمك بشي عضة ..

ريما: وبراكة كولشي كايشوف ..كلسو حدا عرايساتهوم وهو ادخل دفوع وكل وحدة تحطو طيافر قدامها وعراوهوم شي فيه تكاشط شي فيه بيجامات وزيد وزيد عاد جوج صنيدقات صغار تحطو فالقدام كل وحدة فيها دهب لجاها كادو ..بقاو عيساوة كايغنيو ودراري واقفين وانضاار البنات فالقاعة كاملة على داك الجيش من الجمال والرجولة وطولة والاناقة ..القائد كلس مع بابات مراد وبابات كوتر فطبلة وحدة ..سلاو عيساوة وبدات الموسيقة الشعبية ..دخل العدول هاز كتابو وقف قدام ريما وأمين جابو ليه كرسي حل الكتاب وبدا بكلماتو المعتادة وفالاخير عطاهوم سناو وكولشي بارك ليهوم وزغاريت خرج هو ..ناضو البنات كايتصورو مع كل عرسان بوحدهوم ..وقفات بسمة حدا مراد ونزلات قريبة لودنيه..

بسمة: لمييمة انسيبنا العزيز شكون دوك خلية النحل لدخلو معاكوم 

مراد: علاش كتسولي افليفلة ...

بسمة: ودابا جاوب الله احفظك واش صحابك او من العائلة ولا خدامين هنا عتقني راه والله تانمشي نسولهوم برجلي ..

مراد:(حابس الضحة) هادوك خدامين معايا وراه فيهوم لمزوج عنداكي ضربيها فعين العورة ...

بسمة: شوف غانحط العين على واحد ونجي عندك انسيبي العزيز تعطيني رابور ..

كوتر:(قربات ليهوم) اش كتوشوشو تماك 

بسمة: دخلي سوق راسك ...

مراد: سيري الله امسخك كوني تحشمي ...(عيط على ريهام كانت واقفة كتصور مع ختها) اجي نتي لهنا ..

ريهام:اش باغي مني ..

مراد: وا تصيد كاتباني حسن من ختك اش بان ليك نوض عند باك نبدل السلعة ..

ريهام: السلعة لا تبدل ولا تسترجع طحتي على وجهك (كتشوف بعيد) شوف ليا شي واحد من دوك لدخلو معاك ناري زوينن 

مراد: ايهااي تانتي كتسولي مابقيتي تحشمي

ريما: واش عرفتي نص تالبنات تلفو فاش شافوهوم يعني شوف لنسيبتك هي الاولى وعطيتك تختار ليا نتا والله مكنتشرط

مراد: صافي غانختار ليك نتي وبسمة ههه ..وقفو عليهوم دراري باغيين اتصورو والبنات حشمو وخلاوهوم ورجعو بلايصهوم ..باركو لكوتر وهي كاتجاوب وحشمانة تصورو معهوم وبقاو واقفين جنب مراد ..قرب ليه واحد من دراري ...

: اهيا شكون ديك درية مولات الدهبي وطويلة كتشبه لمرتك

مراد: اجمع عينيك لانفركعها لمك هاديك خوتها صغيرة ..

كريم:(ضار بجهد حيت سمع الهضرة) واش هاديك هي ديييك ختها لتغاوت معاهاا ...هي ...هي ولا شي وحدة خراا 

مراد: هي راه وحدة لعندهاا ..

: تيتيييزة يا صاحبي ضحيكة عندهاا كتهبل ..

كريم: غير جمع عينيك عندك باقي صغييرة ماديالش زوااج شوف ليك شيحد آخر عطا الله الخير ...

مراد: اهياوينا برااكة جايين تزللو على البنات ولا تحضرو العرس 

: وراه شحال هدا ماشفنا تيتز تالبلاد وصرااحة احسن زين فالعاالم هوما المغربيات لهلا اخطيهوم عليناا كتشوفهوم كاتزعظ ليك الخااطر ..

كريم: زيد زيد لانزعز مك . ...مشاو كلسو تاهوما ..

بقاو بارزين مدة وكل شوي اجي شيحد اتصور او ابارك ليهووم مراد تخنق ومابقاش قادر اصبر عقد حجبانو وكايجبد فالكول ديال القفطان ...

مراد: مغانوضوش عيت بهاد الكلسة وكولشي كايشوف فينا

كوتر: وصبر راه يلاه بديتي وباقي لبساات كتاار ..

مراد: غانوض انا حيت تزيرت ومابقيتش قادر نهضر مع شيحد او ندير معاه صواب ..

كوتر: فين غاتنوض صبر شوي ونوضو نبدلوو الحوايج ..

مراد: عفاااك اكوتر مابقيتش قاادر اوووف ..ضار شاف فأمين وغمزو كايهضرو غير بالايشارات من بعد عيط مراد على نكافة جات حداه ..

مراد:(عاقد غوباشتو ) نوضينا برااكة قبل منوض 

نكافة: ولكن...

مراد: مكاين ما ولكن.. داابااااا ..سكتات ضارت شافت فأمين وتاهو هضر معاها بعينيه زعما براكة ...نوضاتهوم تحت انضار كولشي وداوهوم لغرف قراب القاعة باش مايعياوش كل جوج دخلو لشومبر ..مراد دار شاف فيهوم وعينيه حمرين 

مرااد: خرجوووو حتى نعيط ليكووم ...تخلعوو وخرجو كاملين تبعهوم سد الباب وضار شاف فكوتر ....

مراد: بغيت نقوليك شيحاجة ولكن بلا متعصبي وتبداي تاني كتنفخي...

كوتر:(حلات عينيها) شنوو خير وسلام ..

مراد: انا وياك مغانسافروش.. حيت خرج ليا واحد المشكيل خاصني نحلو ..

كوتر: (عبسات وجها) ممكن نعرف هاد المشكيل لبسبابو غانديرو انولي لشهر عسلنا ...

مراد: شيحاجة فالخدمة وخاصها تلقاني هناا فمراكش باش نوقف عليها رااسي ..

كوتر:(حدرات راسها) اوكي (عطاتو بظهرها) عيط عليهوم باش نبدلو ومانتعطلوش ...مراد مزادش من وراها شي كلمة توجه لباب وعيط عليهووم دخلو جبدو تكشيطة الخرا لكانت غاتلبس ودخل مراد لدوش تاهو البس ..كملو ليها لبسوها تكشيطة حريرية فالدهبي افازي نازلة بالحجر حتى التحت وصندالة دهبية عاود صححو ليها المكياج ودارو ليها اكسسوارات خفيفة تدهب الحر وتاج صغير فوق راسها ..خرج مراد لابس كوستيم حكل كامل مضروب بشوي تالبريو فالكول وشوميز كحلة بلا كرافاط وصباط حكل كايبري عاود قاد شعرو ...قرب ليها وشد ليها فايديها وطلعها لفمو وباسها ليها من الداخل وبراا وبقا كابشوف فعينيها شدها من وجها وباسها بين عينيها ووحدة فوق راسها وردد بصوت خافت (الله ارضي عليك) خلا البنات لي معا نكافة حالين فمهوم فيه وفطريقت تعاملو ...خرجوهوم لكولوار وخرجو حتى ريما وأمين تاهيا لابسة نفس اللون غير التكشيطة والخياطة مغايرة وامين لابس كوستم كحل وشوميز بيضة ...كل واحد شد فعروستو وخرجهوم ونكافات من وراهوم بزغاريت ..كوتر كتحاول تغطي وجها بابتسامة ولكن من داخل واصلة فيها الحد حيت فرحتها مغاتكملش ...كلسوهوم والموسيقة خدامة كولشي فرحان والسرباية دايرين كتر من جهدهوم كايضورو بين طبالي وابدلو فالكيسان وحطو فالحلويات والعصيرات ..البناات لحاضرين منهوم عائلة ريما وعائلة كوتر محيحين بالشطيح كل وحدة كاتبين على مواهبها فتلوااز علاه وعسى طيح شيواحد من صحاب مراد ..اما بسمة وريهام وهداية ..عاطينها لنشاط وتصاور وسيلفيات مابقاوش تسوقو لشيحاجة غفران شدها راجلها تكلس حبت مابغاش شيحد اشوف فيها ..فاتي ومامات ريما كايضورو ارحبو بعائلاتهوم واشوفو واش كولشي هو هداك ومامات كوتر مع لالا لطيفة مقابلين ناسهوم وعائلاتهوم ..غفران كانت كالسة وكتشوف فريما وكوتر وكتصفق بيديها ولاحظات بلي كوتر بيها شيحاجة وعرفاتها كضحك غير بزز قالتها لراجلها وناضت عندها وقفات من جيهتها وقربات لودنيها ...

غفران: مالكي واش كضرك شيحاجة او مامرتاحاش نقولها ليهوم..

كوتر: لاا كولشي هو هداك ..

غفران: ومالكي راه باينة فوجهك ..

كوتر: (تنهدات وقربات ليها مع الموسيقى مكايسمعوهمش مراد) طلعنا دابا وصدمني مراد قاليا مغانسافروش 

غفران: علاش شنو وقع 

كوتر: قاليك شي خدمة خاصها تلقاه هنا ..

غفران: ماشي مشكيل عادي وكايقول لمثل كل توخيرا فيها خيرا مهم فالاخير غاتسافرو ..

كوتر: ولكن مغاتبقاش عندها نفس الحلاوة ..

غفران:(قلباتها ضحك) همم.. غير تهناي الحلوة غاتاكليها سافرتي او كلستي ...

كوتر: هه الله امسخك اصلا مخلوعة 

غفران: مديريش فبالك داكشي بنيين ماتبقاي كاع تسخاي هه 

كوتر: سيري فحالك تفو ههه ...جبدات غفران الفون وضربات سيلفي مع كوتر وواحد آخر معاهوم بجوج خلات كوتر ومشات عند ريما تاهي ..

ريما: مال كوتر حاسة بيها شيحاجة 

غفران:همم احساس الاومومة ههه مابيها والو مخلوعة ..تصورات معاها تاهي وخلاتها ورجعات البلاصتها ..بقاو بارزين العرسان وشوي نوضوهوم تاني ابدلو ..ريما وكوتر فرحانين اما دراري شوي واديرو بناقس مابقاوش حملو ديك نوض وكلس دخلو لبنات وبقا مراد مع أمين فالكولوار كايهضرو بجوج كل واحد كايشكي على الاخر حتى سمعو صوت من وراهوم ...

ضارو دراري بجوج ...

أمين:(حل دراعو) واااا اخييراااا جيتي ..

:منقدرش منحضرش درت مستحيل باش نجي ...

أمين: وفاتي فخبارها؟ 

: لاا قلت ليها مجاياش وباغيا نديرها ليها مفاجئة ..

أمين:(معنقها من كتافها) مراد نعرفك هادي خت فاتي فرضاعة سهيلة عايشة فايسبانيا ..وهدا مراد صديقي ولعريس تاني .

مراد:(مد ايديه مع ابتسامة) مشرفين ..

سهيلة: مشرفين ومبرووك عليكوم والله ايسر وارزقكوم الذرية الصالحة ...

مراد: أميييين شكراا ...

أمين:(عاود عنقها وخشاها فصدرو) توحشتك يالبرهوشة وخا كبرتي وزيانتي (جبد ليها حناكها) باقي كاتباني ليا ختتي الفنكوشة ..

سهيلة: وبرااكة ضيعتي ليا البريستيج ...ومسحتي ليا ماكياج بيديك ..

أمين: زينة بلا مكياج ..كيف دايرة خالتي مالها مجاتش معااك؟ ..

سهيلة: بقات مع جدتي مريضة ...فين كاينة فاتي توحشتها بزااااف ..فهاد الاتناء خرجو ريما وكوتر لقاو دراري واقفين مع بنت صاروخ فالجمال طويلة ولابسة فقطان افازي فالكحل كايبري بين تضاريس جسمها وشعر واصل عند خصرها كحل وعينين مشفرين وعسليين وعكر حمر وحنيكات مطيبزين ..قربو كايطلعوها واهبطوها ريما عقدات حجبانها مني شافتها مخشيا فأمين ...

أمين:(حل دراعو الاخرا) ريما اجي تعرفي على خت فاتي لكنت عاود ليك عليها ..

ريما:(دغيا ابتاسمات) مرحبااا بييك .. مسكينة فاتي تقلقات بزاف حيت قلتي ليها مجاياش 

سهيلة: كنت باغيا نعصبها شوي ومن بعد نفاجئها ..

ريما: مرحبااا نورتيناا ..هادي كوتر صاحبتي وبحال ختي ..

سهيلة: مبرووووك عليكوم تبارك الله كتحمقووو ربي اكمل عليكوم وتكون حياتكوم كلها فرح ...

كوتر:شكرااا بزااااف عقبااال عندك ومرحبا بييك ..

سهيلة: انمشي انا نشوف فاتي ...خلات البنات كايقادوهوم فالعمارية البيضة باش ادخلوهوم حيت طلبو من نكافة تجيب عماريات بزاف..ومشات دخلات القاعة كولشي ضار شاف فيها وفجمالها وطريقة باش كتمشى كتقول يا أرضي تهدي من عليك قدي ..فاتي شافتها وناض عندها عنقاتها وكولشي كايشوف فيهوم تبوس وتعنق فيها والاخرا كدالك ومن بعد جراتها تعرفها على عائلة ريما وعلى البنات وكلسو اتسناو العروسات لدخلو بالعماريات البيضين كوتر لابيسة زرق سماوي وريما الغوز ..جاو كايحمقو بقاو كايضورو بيهوم ومراد وأمين كلسو فالبرزة وكل واحد حاضي مرتو وعويناتهوم كايبريو بالفرحة وهوما كايشيرو لناس ...سلاو ونزلوهوم كلسو جنب رجالهوم قادو ليهوم طابلة وسط القاعة طويلة تزاج باواني من الفضة وصطها جوج فازات فيهوم ورد بيض كلسو كل عرسان فالقنت تطابلة مقابلين وفجنبهوم عائلتهوم ...وحطو ليهوم العشا مع موسيقة الطرب الاندلسي كاياكلو بتباتة ورزانة الكاميرة خدامة كتسجل سلاو خرجوهوم وعاودو بدلو ليهوم جوج مرات ولبسو لبسة الفاسية التقيلة دراري لبسو جلالب بيضين ببلغة بيضة ..ضارو للمرة تالتة فالعمارية ...وخرجوهوم ديريكت مقدروش اكلسو بيها السبو اللبسة الاخيرا لمعروف انها ديما كتكون غوب بيضة ..لكت مراد كان شارط على كوتر متلبسهاش معرية ..واختارت انها تلبي فقطان على شكل غوب فيه ديل طوييل ونازل افازي بعقيدات وسفيفة رقيقة فيه حزام رقيق فالفضي وتاج صغير طلقات شعرها سامبل على ظهرها ...وريما لبسات غوب بيضة كيف الحوتة مرصعة بالحجر جابها ليها أمين كادو من باريس..وتاهي طلقات شعرها سامبل وتاج صغير هزو بوكي ورد صغير فيه وريدات بيضين وغوز بارد.. ودراري بدلو ولبسو بجوج نفس ستيل تكوستيمات فالكحل بشوميز بيضة وبابييو بوردو ...خرجوو على موسيقى غربية هادئة وضواو مطفيين فقط هوما لكايبانو دخلو ووقفو الوسط كل واحد شد معشوقتو بين ايديه كايرقصها على انغام دقات قلبو وبين رموش عينيه كايشوف فيها بكل حب وهيام ...سلات موسيقة وصفق ليهوم الحضور لكانو فرحانين لفرحتهوم ..دخلو ليهوم جوج طورطات كباار على نفس شكل وقفهوم قدامهوم وعطاوهوم سيوف باش كل زوجين اقطعو طورطة ديالهوم ...سلاو وخلاو سربايا اتكلفو وتوجهو قدام البرزة بقاو واقفين ريما تجمعو وراها البنات تلوح ليهوم البوكي ..وجا فبسمة ..شداتو غاطير بالفرحة ..وكوتر طلبو من شباب لباقي بلا زواج اتجمعو وراها رماتو وجا فواحد من صحاب مراد ....وصل لوقت لغايخرجو كل واحد اياخد الوجهة ديالو توادعو بدمووع مع عائلاتهوم وصحاباتهوم ..ريما توادعات مع كوتر بدموع وطلعات مع امين...كوتر تسالمات مع ماماها وباباها لطلب من مراد احطها فعينيه وأمانة عطاها ليه ودار فيه تقة كبيرة ..وتوادعات مع البنات وبقات كاتبكا هي وريهاام بحرا ماتفرقو من بعد ركبات مع مراد شد طريق وهي مضورة وجها كتشوف فالبنات واقفين وكدير ليهوم باي باي ودموع فعينيها ....

نهاية الفصل الأول

يتبع