هو.(وكيبلع ريقو)ماا دار لك .. والوو .. ماقربش .. لك جاد .. ياك
هي.(وكتشهق بالبكاء)انا بخييير انت غيير نووض يلاااه نمشيو من هنااا، (بقات مضارة مع ديك السرسلة وكاتحاول تفك القفل ولكن والوو القف بلا ساروت مايمكنش يتحل، دورات راسها كتقلب على شي حاجة تهرسو بيها ومع الأسف مالقات والو وبدات تغوت)
هي.عاااوني يااربي عاااوني أهئ أهئ شنووو نديير شنوو أهئ أهئ، شوية لمحات واحد لقاض فوق طبلة وناض بالزربة مشات جابتو ورجعات كاتحاول تفك القفل وسيف قرب يفقذ الوعي من كثرة الدم لي نزفو، بعد عدات محاولات قدرات تحل القفل لاحت القاض فالأرض وحيدات القفل وجبدات السرسلة من يدو ورجلو المربوطة بيهم وجراتها بعيد)
هي.(وشداتو من يدو)نووض يلاااه نوووض، (بقات كاتجبد فيه وهو كايحاول يوقف على رجلو المضروبة بجوج رصاصات تاقدر يشد التوازن ديالو ؤوقف مسند على رغد وخا هو طويل عليها، بقاو غاديين وهو كيتألم ويتقطع بالوجع تاخرجو من المستودع)
رغد.صبر غيير شوية الطاكسي قرييب من هنااا انا جبتووو تحمل غير شوية مزاااال، بقاو كيتعكلو. ويعرجو فديك الطريق تاقربو للطاكسي وغير شافهم الشيفور وهو ينزل عندهم كيجري)
رغد.عاااوني اسيدي عفاااك عاونييي مابقاش قادر يتمشى، (شد سيف من يدو الاخرى وسندو عليه وعاونو تاوصل للطاكسي وركبو اللور وركبات معاه رغد والشيفور ديمارا)
هو.واش غانديوه للمستشفى
رغد.ااه اسيدي
سيف.(بصوت متقاطع)لااا الداااد
رغد.حالتك ماكتسمحش لك تمشي للدار عفاك خلينا نديروك للمستشفى
سيف.(وشد فيد رغد وكيشوف فيها وكيلح براسو زعمة لا، دارت ليه اشارة براسها زعما صافي وخا وبعدها عطات للشيفور العنوان وتاجه ديريكت للڤيلا وهو زايد فالسرعة، وبعد 18 دقيقة ديال الطريق قدرو يوصلو للڤيلا، هبطو وعاونو سيف باش يوقف ودخلوه للڤيلا وهو مابقاش قادر يتحمل قوة الحركة.
دخلوه وطلعوه ديريكت لبيتو بعد عناء طويل ديال الطلوع فالدروج، حطوه فوق الناموسية وعاونوه تاطلع رجلو)
هو.وخا أبنتي، (جبد تليفونو من جيبو وخرج لبرا، ورغد هزات قرعة ديال الماء فوق الكوافوزة حلاتها وعطات لسيف يشرب لي رجعات فيه الروح بعدما شاف رغد قدامو!!
هي.(وكتمسح ليه فمو من الماء)كتألم بزاف ياك صبرر مابقة قد مافات الطبيب دبا غايجي، (وحذرات راسها باش عينيها مايجيوش فعينيه حيت مابغاتش تضعاف قدامو وتنفاجر بالبكاء وبعدها تطمع فيه يعنقها بحظن دفئ باش يرجع لقلبها الحياة لي مشات منه)
سيف.(ونسى الألم لي كيحس بيه)هزي راسك
هي.(الصمت وكترمش بالزربة باش تقدر تحبس دموعها وتخبي شوقها ليه)
هو.قلت لك هزي رااااسك
هي.(الصمت هزات راسها وبقات كتشوف فيه بعينيها لي كتقول لا رحمني)
هو.(ودمعة جامدة فعينو)أجيي ،(ومازال گاع ماكملهاش وهي طير لصدرو وعنقاتو بكل قوتو وبعدها نفاجرات بالبكاء وخرجات كل احاسيسها وشوقها وضعفها ليه)
هي.(وكتنهج)كككنت غنموووت ماقدرررتش نتحممممل
هو.ششششت (وخشا راسها فعنقو وبعدها خرج دموعو لي كانو محبوسين من نهار فارق رغد، بقا معنقها وتاهي نفس الشئ وخا هدشي إلا تعاود لواحد غريب غيقول مستحيل، ( حيت هذي أول مرة سيف قلبو حن على رغد، ولا أصلا كانت عندو مشاعر وأحاسس تجاه رغد لكن كان كايحاول يخبيها بعصبيته ؤوحشيته، هدشي لي قدرات تفهمو رغد حاليا فهذ اللحظة، بقاو فنفس الحالة تا قاطعهم صوت)
الشخص.الطبيب قرب يوصل
المكان.(الصمت، بقا كيتسنى وماجاوبو حد والمنظر لي قدامه عطاه جواب لكلامه، وبعدها مشا فحالو وخلاهم فراحتهم، وعلم العساس يتسنى الطبيب تايوصل ويدخلو)
💝 #بعد_5_دقائق 💝
رغد.سيييف
هو.(الصمت، شافت فيه لقاتو فاقذ الوعي، حطات يدها فوق راسو ولقات حرارته طالعة ويلاه بغات تشوف واش جا الطبيب وهي تسمع صوت العساس)
العساس.(وكيدق باب الغرفة)سي سيف؟
رغد.غير قوليه يدخل، (دخل الطبيب ومشا ديريكت عند سيف
الطبيب.عندو جوج جروح فرجلو وحيت ماتخيطوش خسر بزاف ديال الدم ودبا فاقذ الوعي ولكن ماتخافيش هو غيولي بخير ان شاء الله
رغد.وخا صافي انا غانتسنى برا وعفاك غير بشوية عليه، (خرجات رغد وسدات الباب وراها وقلبها كله مع سيف، وماغتهناش تاتشوفو بعصبيتو وغواتو ليها ديك الساعة غتعرفو أنه ولا بخير، بقات كتسنى برا على أعصابها، وخا حالته ماشي خطيرة تالديك الدرجة حيت دارو ليه نص العلاج لكن هو مغيتحملش الخياطة بلا بنج، بقات كتدعي معاه من أعماق قلبها وفنفس الوقت فرحانة حيت بعد هذ العناء كامل قدرات تجمع معاه من جديد، بقات غادة جاية قدام الباب وتاحاجة ماكتسمعهاش تامقدراتش تحمل وهي تدخل ولقات الطبيب يلاه كيحيد الليگات ديالو)
هو.لحسن حظو الرصاصات لي تصاب بيهم خرجهم ولكن من قوة الحركة خسر بزاف ديال الدم ولكن هو صحيح ان شاء الله غيتغلب على هدشي ومن الأحسن مايتحركش من بلاصتو الا وقت الضرورة حيت الا تحرك بزاف الخياطة تقدر تحل
رغد.وخا ادكتور شكرا وسمح لينا عذبناك معانا
هو.الله ياودي هذي خدمتي يلاه نخليك دبا مازال عندي خدمة فالمستشفى ويلا حتاجيتي شي حاجة هذا رقمي، (عطا ليها رقمها وبعدها وصلاتو لباب ومشا فحالو وهي رجعات عند سيف لي باقي ناعس، جلسات حداه وبقات كتشوف فيه وسهات، حطات يدها فوق يدو وكتمرر عليها اصابعها بشوية)
هي.الحمدلله ياربي ☺ (شافت فحالة حوايجو لي كلهم مقطعيين ومشرشحين، وبعدها مشات حلات البلاكار ديالو وجبدات منو تيشورت مع شورط قصير حيت الا خدات سروال طويل يقدر يزيير عليه بلاصة الجروح، حطات الحوايج فوق الناموسية ومشات للدوش هزات فوطة وبللاتها تحت الروبيني بماء دفئ وبعدها رجعات عند سيف وبقات كتمسح ليه وجهو بديك الفوطة وبعدها حلات ليه زرار قميجته وهي مترددة حيت حشمانة تشوفو وهو عاري ولكن ماعندها تاشي خيار آخر...
بعدما حلات الزرار ديال قميجته مسحات ليه صدرو ليكان كله دماياي من كثرة الضرب، وبعدها بقات كتحاول تحيد ليه القميجة باش تلبس ليه التيشورت ولكن ماقدراتش، أصلا شنو تحرك جبل، ماقدراتش تاتحركو من بلاصتو بقى غير تلبسو الحوايج، ومازال كتفكر شنو دير سيف بدا يحل عينو وهو مدمر كليا)
هو.(وعاقد حواجبو)أاااي
رغد.فقتييي
هو.(الصمت ورجع عليه ألام الخياطة لي كانت بلا بنج)
رغد.الطبيب قال غاتولي بخير ان شاء الله ولكن الا بقيتي ماكتحركش حيت قال ان الحركة تقدر تخلي الجرح يتحل ثاني
هو.(ومخرج فيها عينيها)جاد شنو دار معاك؟
هي.(الصمت وتفكرات الفعايل الكحلة ديال جاد، وسيف لي طلع ضحية ديال خوه ، والحقيقة لي كيحاول يخبيها بانت ومع الأسف طاحت فالشخص الغلط لي هو رغد، سيف ماكانش وحش كيما كيبين ليها ولكن خوه ماخلا ليه تاشي خيار اخر زرع فقلبو الكره والحقد واهم حاجة الإنتقام، وسيف الا مشا تاعرف فعايل جاد اكيد ماغيرحموش، لذلك رغد قررات تبقى ساكتة تايسترجع سيف صحته بالكامل ديك الساعة غاتعاود ليه على خطط جاد)
سيف.مالك ساكتة
هي.(وردات بالها)أ اا نن نعم
هو.فين سهيتي؟
رغد.لا والو انا غانمشي نوجد لك شي حاجة تاكلها، (ودورات راسها باش تخرج)
هو.كنهضررر معاك جاوبينيي
هي.(وقفات ودورات عندو ودموعها على خدها)واااش احسابليك ساهل علياااا نهضررر أ انا كنت غنمووووت وكاااان شرف...(سكتات)
هو.كملييي ماتسكتيش
هي.(ومشات حداه)ماتخلينيش نقول ان خوك عاملني بنفس الطريقة لي كتعملني بيها انت، هو راااه كرهنييي فرااااسي
سيف.كيما كرهتك فرسك تا انا ياك
هي.لاا لاااا انت ماشي بحالو وخا كانت المعاملة ديالك معايا بحال بحال ولكن لا كاين اختلاف كبيير وبزاف كل واحد وفاش كيفكر
هو.غتكوني عييتي ومليتي ياك
هي.الصراحة اه وبزاااف
هو.باقة كتفكري وعدي ليك؟
هي.(وتفكرات فاش قال ليها مدام انا معاك ماعمر شي حاجة غتوقع لك)
هي.(تبسمات وعنقاتو بلا ماتشعر)اه باقة عاقلة، علاه يمكن ليا ننسى!!
هو.انا ماقدرتش نوفي بوعدي ومابغيتش نزيد نعذبك معايا كثر من هكا لذلك قررت نبداو اجرأت الطلاق غدا ان شاء الله
سيف.(كيشوف فيها وكيتسنى جوابها، وهي واقفة قدامو جامدة من كثرة الصدمة ومابقات عارفة شنو تقول واش تسبق وباش غتبدا، كلام سيف تصب عليها بحال الجمر، حيت ماكانتش هذي الكلمات لي تسنات منه، وماكانتش حاطة فبالها ان سيف بعدما توضحات الأمور غيطلب منها الطلاق، كان احساب ليها غيعطيها فرصة باش تبين حبها ليه ساعة كولشي تقلب عليها، واخير حاجة كانت تفكر فيها هي أن جميع تضحيتها تكون نتيجتهم مصدر دمار ليها، والحاجة الواحيدة لي فهماتها دبا هي أن كل شئ انتهى))
رغد.صافي!!
سيف.ممكن تعاونيني بغيت نمشي للحمام
هي.(ومحطمة)ييه وخا .. (عطاها يدو وعاوناتو تاحط رجلو فالأرض وبشوية جر الرجل لي مضروب فيها وبقا مسند على رغد وهما شبه حاظنين بعضياتهم، بقاو كايتمشاو شوية بشوية ويد سيف حطها فوق رغد وشدات ليه يدو وهما كيتنفس انفاس بعضياتهم، جاتها مسافة من الناموسية للحمام مسافة طويلة وكأنها كاتمشى فوق الجمر، حلات ليه الباب وعاوناتو تادخل)
هي.(هزات راسها)غانتسناك برا .. (قالتها وبعدها خرجات بالزربة حيت مابقاتش قادرة تحبس دموعها، وغير سدات الباب موراها وهي تنفاجر بنوبة بكاء قاتلة، طاحت على رجليها ويدها فالحيط، وكتبكي فصمت، مازال ماقدراتش تستوعب كلام سيف وتدخلو لراسها، غير فاش كانت بعيدة عليه وكتسنى امتى تلاقا بيه كانت غتموت ومابالك الآن فاش عرفات ان الفراق غيكون للأبد، الأمور مابقاوش فيدها، بحال شي رمانة قطعتيها وتشتتا وكل حبة مشات لقنت،...
كذلك رغد الحاجة الواحيدة لي كتفكر فيها دبا هو داك اليوم الأسود لي قبلات فيه طلب أم سيف، كون ماقبلاتوش وماتزوجاتش بسيف ماكانتش غتبغيه وتعلق بيه لهذ الدرجة لكن هذي ماشي الحقيقة، انما الحقيقة هي ان رغد بغات سيف قبل گاع مايوقع الحريق وتزوج بيه، بغاتو وهو مازال مزوج بختها، مع الأسف القلب ماكيشاورش ويلا مشا تاتعلق بشخص نسيانو غيكون فالقبر ماشي فالدنيا، ناضت رغد ومسحات دموعها وكتفكر تصارح سيف بحبها لكن هذ المرة حطات احتمال الرفض فراسها)
سيف.(وحل الباب)ممكن تعطيني شي شورط من بلاكار
رغد.(الصمت، وساهية)
سيف.رغد؟؟
هي.بصح بغيتك من كل قلبي
سيف.(بإستغراب)نعم!!
رغد.(خرجات عينيها بعدما ردات بالها شنو قالت)لا لا ماتديش عليا شنو كنتي قلتي؟
هو.لا نقدر صافي انتي دبا غير سيري بدلي حوايجك تانتي
هي.لا ماغنخليكش بوحدك واش ماشفتيش حالتك؟
هو.ماتخافيش قاد براسي ويلا حتاجيتك غانعيط ليك، .. (قال ليها هذ جوج كلمات ومشا دخل وهي بلعات ريقها وخرجات مشات لبيتها، وتفكيرها كله مع سيف، ماعندهاش الجرأة لي تواجهو بيها وتقول "انا كنبغيك" ، حقا صعبة وبمجرد التفكير بالأمر قلبك كيبغي يخرج من بلاصتو، سيف الا رفضها وبعدها عطاها وراق الطلاق اكيد ماغتحملش وغادير شي حاجة فراسها، خلات أمرها لله ومشات دخلات للدوش باش تغسل حالتها وبعدها توجد العشاء لسيف وموراها غتصارحو بكولشي وديك الساعة هو لي غيقرر ماشي هي،...
بدات تدوش وفنفس الوقت كتفكر فكيفاش غتكون ردة فعل سيف وكترعد حيت خايفة من لي جاي، كملات التدواش بالزربة ونشفات راسها وخرجات مشات للپلاكار ديريكت وجبدات منه بيجامة طويلة فالحمر لبساتها مع شال فالبيض، وموكاصا، ويلاه بغا تمشي للكوزينة باش توجد العشاء لسيف وهي تفكر الحوايج لي كانت لابساهم ومشات هزاتهم باش ترميهم فالزبل حيت مابغاتش تاحاجة تفكرها بجاد، هبطات فالدروج وتاجهات للكوزينة ومع الدخلة كتنقز من بلاصتها)
رغد.ايييه وخااا، (ودورات جهة الباب وخرجات تاجهات عند سيف باش تقول ليه انّ هناء جسوسة جاد وكتوصل ليه جميع الأخبار وتفضح جميع فعايلو لي سيف كيعرف غير نصهم، وبعدها تصارحو بحبها، وهذي خطتها دبا .. وصلات لبيتو ودخلات بلا ماتدق ومع الدخلة كاتسمع)
سيف.اه ويلا سمحتي سربي حيت بغيت نطلق فهذ الأسبوع، (والخطوة لي دارتها رغد باش تدخل هي نفسها لي دارت ورجعات اللور ومشات كتجري لبيتها، دخلات وسدات عليها وهي كتبكي وقلبها غيخرج من بلاصتو، أسبوووع واحد أهئ أهئ أسبووع واااحد وهو غيبعد مني وهذ المرة مدى الحياااااة، شنووو ندييير ياااربي شنووو ندير أنا كنبغيييه بزاااف ومانقدرش نعييش بلا بيه أهئ أهئ، مسحات دموعها ومشات للشرجم حلاتو باش تشم الهواء لي يخلي أنفاسها مايتخنقوش، وبعدها تنهدات تنهيدة كتحمل شلا معاني لداخلها، ماقدراتش تحمل تبقى بعيدة على سيف، جمعات كل قوتها وثقتها بنفسها ومشات حلات لباب وتجاهات ديريكت عند سيف باش تواجهو بالحقيقة لي مخبياها، ويلاه كانت غتدخل وهي تلمح هناء كتعاون سيف باش يتكا وغير شافتها وهي تجري عندها بالزربة وجبداتها من يدها وسيف شد فالحيط)
رغد.(وباقة شادة يد هناء)انتيي شنووو كادييرييي؟
هناء.(ونترات يدها منها)كنعاون سي سيف باش يتكا واش درت شي غلط؟...
رغد.(وخرجات فيها عينيها)اااه غلطط انتيي باااشمن حق كتقربييي منه هذااا راجلي أنااا وانا لي خصني نعاونو ماااشي انتيي سمعتي وهذي اخير مرة تدخلي لهذ البيت ولا تدوزي حداه ويلا حصلتك شي مرة دخلتي ليه حسااابك معايا غيكون عسييير ودبا سيري غبرررري عليااا كمارتك قبل مانسمعك خل وذنييك يلااااه
هناء.(الصمت وكدير دموع التماسيح)
رغد.تحرررركي
هناء.(وهزات راسها)انا ماغنتحركش من هنا تايطلبها مني سي سيف، (ورغد غير سمعات كلامها بغات طرطق ماكانتش منظرة منها هذ الجواب القاصح، دورات راسها عند سيف لي لقاتو كيضحك غير بوحدو)
هي.انت هضضضر قووول شي حاااجة مالك ساكت ياكما عجبك الحال تبقى معاها؟
سيف.(وعقد حواجبو)هناء ممكن تخلينا بوحدنا
هي.(بصوت حنين)وخا اسي سيف، (خرجات ورغد ماكرهاتش تلاح عليها وتقجها خصوصا مورا داك الصوت دبائعات الهواء لي دارتو)
سيف.علاش هذ العصبية كلها؟
رغد.(وحبسات دموعها)اه سمح ليا احسابلي عندي الحق نغير على راجلي
هو.كنظن ماكاينة تاحاجة كتجمعنا باش تديري هذ التصروف هذا
رغد.(وكتستعد تعتارف ليه بكولشي)ممكن نهضر معاك
هو.هاحنا نيت كانهضرو
هي.(وكتشوف ليه فعينيه)عفاك ماتعاملنيش هكا
هو.وحيت كنعاملك هكا بغيت نهنيك مني وقريب غتكوني حرة بلا قيود غير تهناي
هي.لا انا ماقصدتش هكا انا...(الصمت)
هو.نتي شنو هضري؟
هي.سيف انا كنبغيك
هو.(الصمت وكيضحك)
هي.(بإستغراب)علاش كتضحك؟
هو.كانضحك حيت هدشي ماشي جديد انا عارفك كتبغيني
هي.ولكن انا ماعمري قلتها لك
هو.ولكن تصرفاتك كيقولوها واش نسيتي شحال من مرة تقربتي مني؟
هي.(وكتبلع ريقها)اه ودبا شنو؟
هو.كيفاش شنو؟
هي.زعمة شنو غيوقع من بعد
هو.الامور غتستمر على ماهي عليه
هي.يعني!!
هو.يعني اجرأت الطلاق بديتهم
هي.(وحطات يدها على يدو بالزربة)عطيني فرصة وحدة عفاك كنترجاك انا الا بعدت عليك غنمووت ماغنتحملش الله يخليك...
هو.(وخلا يدها)نتي عارفة بلي انا كنبغي ختك زعمة كنت كنبغيها ولكن هي غدراتني وصدماتني صدمة مايمكنش تفارقني عمري كله، انا صافي سديت على قلبي وضربت على شي حاجة اسمها الحب لذلك ماكاينة تاشي فرصة لي نقدر نعطيها ليك انتي كتستحقي شي واحد حسن مني انا أذيتك بزاف وندمت ودبا بغيت نحْرْرْك مني
سيف.هدشي ماكاينش غير انتي لي كتألفيه من راسك انا كنتصرف معاك بحال جميع الناس وصافي
رغد.عفااااك عطيني 6 شهوور غير 6 وديك الساعة الا ماقدرتش نخليك تبغيني طلقني ولكن عفاااك عطيني غييير فرصة وحدة ماظلمنيش برفضك لياالله يخلييك
سيف.كنظن ديجا قلت لك هدشي مستحييل
رغد.(وحطات عينها فعينو)واش مابقيتش فيك!!
سيف.غاتبقاي فيا الا عطيتك فرصة وأمل ان شي حاجة تقدر تكون بيناتنا، كنظن كولشي واضح دبا الا سمحتي خرجي بغيت نرتاح شوية وماتنسايش تجمعي حوايجك حيت غدا معاذ غيديك عند خواتاتك تايوصلوك وراق الطلاق
رغد.(ومحطمة)صافي!!
سيف.اه ،، (حذرات راسها وخرجات ومع الخرجة كتساطح بهناء، هزات راسها شافت فيها ودموعها على خدها وبعدها تاجهات لبيتها وهي مدمرة، دخلات وسدات وراها الباب ومشات ديريكت للناموسية وحطات راسها فوق المخدة وهي مخرجة عينيها ماقادراش تستوعب كلام سيف، حالتها ماخلاتهاش تسرح فخيالها بحال ديما، دغيا ستسلمات للنوم ونعسات وهي كتبكي وترجف وفنفس الوقت خايفة،)) .. ((دازت ساعات ورغد باقة ناعسة ماتحركاتش من بلاصتها تاوصل الصباح وشرقات الشمس، فيوم غير كل الأيام، فهذ النهار بزاف دالحوايج غيوقعو وبزاف دالحوايج غيتبدلو، دخلات هناء لبيت رغد، وبدات تفيقها بيدها لي كتحركها)
هناء.رغد فيقييي
هي.(الصمت)
هناء.(وحركاتها بقوة)فيقيي خلااااص...
رغد.(ونقزات من بلاصتها)سيييف
هناء.بسم الله عليك هذي انا ماشي سيف غير نوضي
رغد.نتي شنو كاديري فبيتييي أااا؟ شنو دخلك لعندي
هناء.سي سيف لي طلب مني نفييقك حيت سي معاذ وصل وكيتسناك تجمعي حوايجك ولكن بلا ماتهزي الهم انا لي غنجمعهم لك غير رتاحي
رغد.(الصمت، حيت تحطمات كليا، وعرفات ان مابقات فايذة فالهضرة، كمداتها فقلبها، وناضت من بلاصتها ومشات غسلات وجهها وبعدها مشات للبلاكار لي لقات فيه هناء كتهز منه الحوايج وكتحطهم فالباليزة، جبدات جلابة فالازرق ولبساتها على بيجامتها وقادات الشال ديالها وخرجات وهي تالفة مابقات عارفة اشدير، هبطات للتحت ولقات معاذ فالصالون،)
هي.واش سيف لي قال لك تجي؟
هو.اه عاد كنت عندو فبيتو وقال نتسناك هنا تاتهبطي
رغد.وخا غانمشي نشوفو قبل مانمشي
معاذ.لا راه خدا كينا ديال النعاس حيت قال عيان ومابغا حد يصدعو
رغد.(الصمت، وكتفكر تمشي عند سيف باش تودعو لاخير مرة)
معاذ.(وشدها من يدها)صافي يلاه نمشيو .. (جرها معاه وتاجه جهة الباب وهي دورات راسها كتشوف فالدروج وعيونها ماكرهوش يبكيو الدم، ستسلمات لقدرها ودورات راسها باش تخرج)
سيف.عندك فرصة وحدة
رغد.(ودورات راسها وهي غتحماق)كككفاااااش!!
سيف.(ؤواقف فوق الدروج وحداه هناء وراسم ابتسامة صغيرة)ماكنعيش كلامي .. (فهذ اللحظة رغد حاسة براسها كاطييير فالسماء، نترات يدها من يد معاذ ومشات كتجري عند سيف وهي طايرة ماصدقاتش شنو سمعات ودنيها، وصلات عندو وشافت فيه شوفة وحدة وبعدها تلاحت فصدرو وحظناتو بكل قوتها)
هي.(وكتهضر فعنقو)ماعمري غنسى هذ اللحظة وانا لي غنكسب الرهان كنواعدك
هو.(وعنقها وحكم يدو بقوة)وأنا كنتمى لك حظ موفق...
فهذ اللحظة معاذ فهم الموضوع ونساحب بسرعة ومشى لأعماله لي كتسناه وهناء بعدما تعكر مزجها بالمنظر لي قدامها مشات لكوزينتها بدون تفكير مسبق)
سيف.اااي رجلي ضراتني
رغد.(بعدات منه وكتمسح دموعها لي كانو دموع فرح)أجيي اجيي .. (عاوناتو تادور ومشاو دخلو للبيت وخلاتو يجلس فوق الناموسية)
هو.(يلاه بغا يهضر وهي تحط يدها فوق شفايفو)
رغد.هذ المرة لا .. عفاك خليني نستمتع بهذ اللحظة وخا عرفتها مادايماش ولكن بغيت نعيشها
سيف.لهذ الدرجة كتبغيني؟
رغد.(الصمت، وحذرات راسها، حيت فهذ اللحظة ماتقدرش تعبر على مدى حبها ليه)
سيف.(وهز ليها راسها)غاتقدري تحمليني؟
رغد.(لاحت براسها زعمة اه)
سيف.(وكيشوف فعينيها)كنتعصب وكنتسرع وماشي كولشي كيعجبني وعارفاني باقي فصدمة
رغد.اه وعارفة انني اخت البنت لي حبيتيها
سيف.لا انا ماعمري فكرت هكا نوال حاجة وانتي حاجة وحدة أخرى ولي وقع ولا من الماضي غير هو انتي غتعذبي معايا بزاف
رغد.الا كان العذاب غيخليني نكون معاك ونتنفس نفس الهواء لي كتنفسو انا مستعدة ليه
سيف.انا كنقدر حبك ليا وحطيت راسي بلاصتك لذلك قررت نعطيك فرصة وماتنسايش غنبقاو مع بعضياتنا لمدة 6 شهور فقط ويلا كسبتي الرهان راكي عارفة النتيجة ويلا خسرتيه راه كل واحد غيمشي فطريقه
رغد.(ودورات عندو)كون تعرف داكشي لي مخبيه خوك گاعما تقول عليه خويا
سيف.(بإستغراب)شنو كتقصدي
رغد.هانا غنقولك شنو كانقصد .. (مشات جلسات حداه وبدات تشرح ليه كل فعايل جاد، عاودات ليه من أول نهار تزوج فيه سيف وعلاش جاد جا للمغرب وموضوع الوصية والورث وكيفاش دار لنوال تاطيحها فشباكو وكيفاش خططو بجوج يهربو والجثة لي زادوها مكان نوال والخدامات لي دارهم جسوسات باش يوصلو ليهم الخبار و مرض نوال لي ماخلاهاش تولد مرة اخرى وخطة جاد باش يتفك منها وخطف سيف باش يخليه يسلم ليه كل أملاكه وخطف رغد تاهي باش يخليها تحمل منه ولكن غير وصلات لهذ النقطة سيف حبسها)
هو.(وخرج عينو)واااش جاااد تقرب منك
هي.لا لااا مادار والو حيت انا هربت منه ودبا احسابليه بلي عندي تسجيل ديالو حيت جات عندو واحد البنت كنظن طبيبة لي عالجات ليا مكان الضربة لي فراسي مهم تاهي تافقات معاه وقالت ليه النص بالنص وانا سمعت جاد فاش قال ليها كولشي وعتارف ليها وموراها انا هربت وجيت عندك
سيف.حقييير واحد ماكيسوااش وأناني كيفكر غير فراسوو كون ماما بقات عايشة كانت غتسخط عليه حيت مستحيل يكون الولد لي تعذبات عليه تاكبراتو ؤولا راجل
رغد.تهدن انا كنتفهم عصبيتك انت دبا مريض خلي هدشي تاتبرا وتسترجع صحتك عاد نهضرو فيه
سيف.واش من نيييتك؟؟ احسابليك جاد غايبقى مربع يدو ويتسنى اكيد هذي لي خرجات من هنا دبا غتقول ليه بلي ماكاين تاشي تسجيل
رغد.(بخوف)ايوة وحنا شنو غنديرو؟؟
هو.(وشد يدها)انتي دبا ماتهزي الهم لوالو خوي راسك من هدشي انا عارفك مابقيتيش قادرة تحملي هذ الصداع كامل ولكن ان شاء الله هدشي قريب وغيسالي
رغد.هدشي لي كظنو؟
سيف.اه ثقي بيا قريب غنتهناو من جاد
رغد.ونوال؟
سيف.نوال بلا جاد ماتقدر دير والو وعلى حسب داكشي لي عاودتي ليا راه مستحيل يرجعو يتاحدو مع بعضياتهم من جديد
رغد.اه عندك الحق ولكن خاصنا نتوقعو أي حاجة وخا هي ختي انا ماضامناهاش
سيف.انا غانعلم معاذ يقلب على جاد
رغد.ويلا جاد دار ليه شي حاجة؟
سيف.لا ماتخافيش معاذ قاد براسو ولكن تاهناء خصنا نردو منها البال...
رغد.غاتكون مشات كتجري عند جاد دبا باش توصل ليه الخبار سخونة وهدشي الا خرجات من الڤيلا بعدا عرفتي شنو انا غانمشي نتأكد واش خرجات
سيف.وخا، (خرجات رغد وسيف بقى كيفكر فخوه لي طلع أكبر عدوو ليه وماتيقش انه على قبل الفلوس دار هذ التمثلية كلها وعرض ناس أبرياء للخطر، ولكن فالأخير كل واحد غيخلص الجزاء
ديالو لي كيستحقو، حيت الله ماعمرو كينصر الباطل))
▼▽▼#بعد_مرور_أسبوع▼▽▼
نعم أسبوع، 7 أيام مرو من حياة سيف ورغد، لي دوزو أحلى أسبوع مع بعضياتهم، وخا ماكيتقربوش فيه لبعضياتهم ولكن أسبوع داز بلا مشاكل وصداع، سيف سترجع صحتو ورغد كذلك، نسات داكشي لي دوزو عليها جاد اما سيف داكشي لي دوز عليها مادخلاتوش لراسها أصلا باش تنساه، وخا ماكيتفاهموش مع بعضياتهم على الأقل فهذ الأسبوع تاواحد فيهم ماختالف على لاخر ولا عكْس الأمور بالعكس زادو تعرفو كثر على بعضياتهم وتقربو وخا من بعيد، ومن حظهم جاد ونوال بعدو عليهم ومابقى بان ليهم الأثار، ولكن هدشي أكيد ماكيعنيش انهم ستسلمو وخلاو سيف ورغد فالتقار، لا بالعكس هما اكيد غيكونو كيوجدو لشي حاجة لذلك سيف دار حراسة على الڤيلا ودور الحراس فكل بلاصة باش يخلي رغد فأمان حيت بعدما عاودات ليه الفعايل الخبيثة ديال جاد ولا خايف يكرر عملية الخطف، ويخطف رغد مرة أخرى باش ينفذ خطته الوسخة))
▽▼▽ #الآن ▽▼▽
فهذ اللحظة رغد وجدات العشاء وحطاتو فوق الطبلة، وبعدها طلعات عند سيف باش تعاونو يهبط حيت باقي مقصح)
رغد.سيف
هو.(وحط كتاب فوق الكوافوزة كان كيقراه)نعم
رغد.العشا واجد يلاه تعشا
سيف.مافياش الجوع
رغد.الا ماكليتيش تا انا ماغناكلش
سيف.ماديريش هكا انا شهيتي مسدودة غير كولي انتي بصحتك
هي.واش انت بخير؟
هو.اه بخير غير خاطري ضاق عليا شوية
هي.(وجلسات حداه)ممكن نبقى معاك هذ اليلة
هو.(يلاه بغا يهضر وهي تقاطعو)...
رغد.عفاك انا مابغيتش نبقى بعيدة عليك وانا معاك تحت سقف واحد، واصلا كانخاف ننعس بوحدي فداك البيت وكل شوية كنتخيل جاد ونوال جاو عندي اه ولا عرفتي شنو هذا غيكون عقابك ياك قلتي مستعد لأي عقاب نعطيه لك وانا..
هي.شوف تسناني عنداك تنعس راه بغيتك تعاود ليا على طفولتك
هو.شنو فكرك فيها فجأة؟
هي.ديما كنبغي نقولك تعاودها ليا ولكن انت
هو.اه فهمت صافي سيري وانا غنتسنك، (خرجات رغد ومشات كتجري بالزربة باش تجمع الطبلة وهي فرحانة ماتيقاتش انها غتدوز باقي الليالي مع سيف، دبا يمكن المهمة سهالت عليها، حيت هكا غتخلي سيف قريب منها طول الوقت، ومدة 6 شهور بالنسبة ليها قليلة ودغيا غادوز وخصها تصرف بالزربة، بدات تجمع الطبلة وسيف كمل القراءة ديالو وماوقف تاسمع صوت تليفونو كيصوني ، دار يدو فوق الكوافوزة وهزو، شاف فالرقم لقاه رقم خاص، جاوب وهو مستغرب)
هو.(والشرارة كتبان من عينو)سووووولتك وماااشي مرة ماااشي جوج ومع ذلك كذبتييي!!
رغد.(ويدها على خدها لي ولات حمرة من قوة الضربة)سيف راني مافاهمة والو شنو كاين انا شنو درت؟؟
هو.(وهبط عندها للأرض وعينو فعينها)ومااازااال كتسوليي شنو درتي (خنزر فيها) خسااارة (الصمت) خسارة فيك الفرصة لي عطيتك كيبان ليا بحالك بحال ختك!! (قال ليها هذ الهضرة ومشا خرج ماتسنى تا يسمع جوابها ولا شي تفسير منها .. ورغد باقة بلاصتها ماتحركاتش وهي مخرجة عينيها مافاهمة والو، ستغربات شنو بدل سيف ف 5 دقائق، وكتسول شنو لي وقع فغيابها، عاد كانو ماأحلاهم وهي فعز سعادتها كتعرض للضرب ودبا هاهي غارقة فدموعها، .. (ناضت من بلاصتها ومشات كتجري تبعات سيف لي كان غادي خارج، لقاتو يلاه غيحل الباب وهي توقفو بعناق من اللور)
هو.(قرب لوجهها وهمس فوذنها)هدشي سيري قوليه لجاد هو يعطيك خبار التوحيمة لي فصدرك .. (دفعها وبعدها طلع فيها عينو وهبطها ومشا خرج وزدح الباب موراه الشئ لي خلا رغد تنقز من بلاصتها ودموعها على خدها، حذرات راسها وعينيها جاو فالتوحيمة لي فيها، كانت شوية وطيح بعد هذ الصدمة لكن شدات فالحيط، وبقات كتحاول تفهم كلام سيف...
وبعد ثواني قليلة من استرجاع ذاكرتها، تفكرات داك النهار الكحل فاش كانت كدوش وجاد واقف كيتفرج فيها، .. تبسمات وهي واقفة كتبكي، بعدما فهمات شنو واقع وعلاش سيف تبدل فلحظة وحدة، مسحات دموعها لي مابغاوش يوقفو ومشات طلعات للفوق ودخلات لبيتها وهي محطمة وعلاش لا وأيامها السوداء رجعو من جديد، لاء والأكثر من هذا سيف شبهها بنوال، .. جلسات فوق الناموسية وهي ساهية، «شنو!! صافي خسرت هاااه فرصتي الواحيدة صافي مشات، لااا مايمكنش!!» .. وقفات من كثرة الحر لي فقلبها وهي عارفة ان سيف مستحيل يسامحها حيت احسابليه هي كذبات عليه وخبات عليه انّ جاد تقرب منها ؤوقعات شي حاجة بيناتهم، .. بقات كادوور راسها من جهة لجهة وهي تالفة وماعارفاش اشنو دير، ويلاه كان كولشي غادي ليها كيما بغاتو ودبا كولشي رجع ضدها!! .. تنهدات وبعدها مشات حلات الپلاكار بيد مثقلا وجبدات منها تيشورت فالبيض لبساتو وخرجات من الغرفة وخلات باب الپلاكار محلول عگزات تاتسدو، دخلات لبيت سيف ومشات لبلاصتو بخطوات مهيلة، جلسات وهزات رجليها فوق الناموسية وحطات راسها على المخدة وهي مغمضة عينيها وكتحاول تشم ريحة سيف لي كانت فالمخدة، لكن ماصبراتش ودغيا نفجرات بالبكاء مرة اخرى وخدات المخدة وحظناتها بقوة وهي كتردد، .. "مااادرت والو .. مادرت والووو" ثق بياااا .. (فهذ اللحظة كرهات راسها وخا ماعندها تاشي ذنب لكن كرهات راسها وكرهات كولشي فمرة وحدة، .. دارت يدها جنب الناموسية وسدات الضوو حيت مابقات باغة عينيها يشوفو والو غير الضلام والسواد لي مرافق حياتها، بقات على حالها أكثر من 5 ساعات تاوصلات 2 ديال اليل وهي باقة كتبكي وتلوم فراسها، تاسمعات صوت خطوات جاية للغرفة، مسحات دموعها بالزربة ورجعات المخدة لبلاصتها وغمضات عينيها حيت عرفاتو سيف وماكانتش باغا عينيها يجيو فعينو) .. (دخل سيف وريحة الگارو سابقاه شعل الضوو وهو حاذر راسو ماشافش رغد، تاجه للپلاكار وحلو وهو شبه سكير، حييد قميجتو وبقى عاري من الفوق ورغد كاتشوف فيه من اللور وهي فوق الناموسية وحابسة دموعها، دوور راسو باش يمشي ينعس وهو يتصدم برغد ناعسة بلاصتو، وغير شافها وهو يعقد حواجبو ومشا عندها بالزربة ولكن غير وصل حداها وقف!!،...
بقى لمدة دقيقة كاملة وبعدها رغد سمعات صوت خطواتو وهو كيبعد، حلات عينيها ولمحاتو كيقاد مخدة فوق الفوتوي باش ينعس)
هي.واش ماغتجيش تنعس بلاصتك!!
هو.(الصمت، وتكا بلاصتو وغمض عينو)
رغد.(ومشات لعندو)انا مادرت والو ثق بيا
سيف.(الصمت وماتحركش من بلاصته)
رغد.(وشدات من يدو بيديها بجوج)كنحلف لك بالله مادرنا والو جاد كذب عليك غير باش يفرقنا مع بعضياتنا حيت هناء قالت ليه اننا..(ومازال كاتهضر هو وقفها وخرج فيها عينو)
سيف.ومنين عرف التوحيمة لي فصدرك؟؟ واش تا انا غتكذبيني وخا شفت كولشي بعيني!!
رغد.(الصمت، حيت مبقى عندها ماتقول)
سيف.بلا ماتعذبي راسك على والو أصلا أمرك ماكيهمنيش لا من قبل ولا دبا وحاجة وحدة ندمت عليها هي أنني عطيتك فرصة اعلم الله تاداكشي لي قلتي ليا على جاد غير كذوب وموضوع يجيب منك ولد غير ألفتيه من راسك
رغد.(الصمت، وخرجات عينيها من كثرة الصدمة)
سيف.نتي راك بحالك بحال ختك غير هو كتختالفو فحاجة وحدة هي عترفات بأغلاطها وانتي لا، الحمدلله حيت ماعندي تاشي مشاعر ولا أحاسس تجاهك أما كنت مغندوزش لك هذ الأمر مرور الكرام ودبا تصبحي على خير . (وبعدها دور وجهو للجهة الأخرى وغمض عينو، أما رغد فابعدما تحطمات بسبب كلام سيف وكرمتها ولات فالأرض ناضت ومسحات دموعها ومشات لبيتها وقلبها محروق، وبدون تفكير مسبق جبدات باليزتها حلاتها وجمعات فيها كل حوايجها وبعدها سداتها ولبسات كسوتها لي خلاتها فالپلاكار مع شال أسواد كيتناسق مع لون حياتها!! .. ((وأخيرا بعد كل هذ الشهور لي دوزاتها وهي مذلولة وكتفكر فغيرها قبل راسها، دارت النفس وهزات باليزتها وخرجات هبطات ديريكت للتحت باش تنقذ ماباقي من كرمتها وشرفها لي ولا مشكوك فيه، خرجات فنص اليل وتمشات فعز الضلام وتاجهات نحو المجهول بخطوات ثقيلة تعباتهم اثقال الدنيا، هي صبرات وضحات وكفحات، صبرات للذل والقهرة وضحات براسها وعرضاتو للخطر حيت بغات تقاتل وتكافح على قبل الحب والشخص لي مازادها غير البؤس، بقات غادة فالطريق بوحدها بملامحها التي يغزوها اليأس!!...
وماوقفات تاسمعات صوت طموبيلا كاتكلاكصوني ليها باش تبعد من الطريق وتشد طريقها الصحيحة، هزات راسها وكتلقى قدامها رجل ف الستينيات)
هو.أبنتي حاولي تردي البال فالطريق راه كون ماوقفتش فالوقت كانت غاتوقع مصيبة هنايا
هي.(وبغات غير تسد وذنيها حيت مابقى فيها لي يستحمل صوت البشر)وخا سمح ليا .. سمح ليا أسيدي
هو.(ومستغرب من ردة فعلها وطريقة كلامها لي كيدل على حزنها)واش نتي بخير ابنتي؟
هي.(الصمت ودورات راسها باش تمشي فحالها)
هو.(وشدها من يدها)مانقدرش نخليك وانتي فهذ الحالة عطيني الرقم ديال واليديك باش نتاصل بيهم يجيو يديك راه الطريق فهذ الوقت خطر عليهم
هي.(وهزات راسها)كنت غنمشي عندهم ولكن انت وقفتيني!!
هو.اه واش هما قراب من هنا؟؟
هي.اه فالمقبرة
هو.(مستغرب)اجي معايا انا غنوصلك كاتباني ماشي فوعيك .. (شد من عندها باليزتها وحطها فالمقعد الخلفي ديال الطموبيل وحل ليها الباب الأمامي باش تركب)
هي.(الصمت وركبات بلا ماتفكر حيت الحاجة الواحيدة لي بغاتها هي تبعد اه تبعد وماتبقاش ترجع لهذ البلاصة لي هذ مصدر عذبها .. ديمارا السيد بطموبيلتو وبقى غادي والصمت سيطر على المكان وماعارفش فين يدي رغد سوى لدارو تايصبح الصباح ديك الساعة غيخليها تمشي فحال هواها) .. وبعد مدة مافاتتش 14 دقيقة الطموبيلا كاتوقف قدام ڤيلا كبيرة، العساس حل الباب والسيد دخل الطموبيلا ؤوقفها بلاصتها)
هو.يلاه أبنتي نزلي
رغد.(الصمت، وساهية)
هو.(شدها من يدها وخرجها من الطموبلا بكل هدوء وتاجه بيها لداخل الڤيلا ومع الدخلة كيتلاقاو بسيدة من شكلها كاتبان هي مولاة الدار)
هي.أحمد مرحبا جيتي اليوم تعطلتي
هو.(وسلم عليها)يلاه فكينا المشكيل لي كان فالشركة
هي.(وحطات يدها فوق يد رغد)وشكون هذ البنت
هو.تاندخلو وتعرفي (دار ليها إشارة براسو زعمة بشوية عليها)..
هي.(ودخلات رغد)مرحبا بك عندنا .. (داتها للصالون وجلسو)
أحمد.هذ النهار غير ديال المصايب ولكن الحمدلله ربي فجنبي هذ المرة
هي.علاه شنو واقع من غير السرقة؟
هو.وانا جاي فالطريق كنت شوية ونضرب هذ البنت غير الله لطف وصافي
هي.(بخوف ودورات عند رغد)واش انتي بخير ابنتي ماوقع لك والو؟
رغد.(بألامبالات)بخير
هي.ؤواليديها واش عندهم خبار انك جبتيها لهنا؟
هو.من كلامها كيبان بلي والديها ميتين
هي.(وعنقاتها)الله ابنتي الله يصبرك .. واش ماعندكش خواتاتك فين ساكنة؟
رغد.(وهي محطمة ع الأخير)ماعندي حد
أحمد.ربما تكون كارية فشي بلاصة وجراو عليها ولا يمكن عاد جات للمدينة وماعندها فين تمشي
هي.شوفي أبنتي الدار دارك ماتحشميش منا وماتخافيش منا انا وسي أحمد غير بوحدنا لي عايشين هنا وتا ولدي جهاد راه كايجي لهنا غير مرة مرة حيت هو عندو دارو ماساكنش هنا
رغد.(وعقلها ماحاضرش بلاصتو)بغيت نعس ضرني راسي
أحمد.ايمان ديها للبيت ديال جهاد هو البيت الواحيد لي مفرش تاللصباح ونفهمو منها شنو واقع ليها
ايمان.اه وخا نيت كتبان عيانة (نوضات رغد من بلاصتها بكل حنية)
هي.(وجلساتها فوق الناموسية)تصرفي على راحتك أبنتي (شيرات ليها بيدها)الحمام راه كاين هنا ويلا ضرك الجوع نزلي للتحت ماتحشميش الكوزينة راها مقابلة مع الصالون وخودي لي بغيتي ويلا خصاتك شي حاجة عيطي عليا ودبا انا غنمشي باش نجيبلك شي بيجامة وخا ابنتي .. (خرجات السيدة إيمان لي ماكانتش كتعرف لا إسم رغد ولا شكون هي ولا منين جات ولا شنو قصتها دخلاتها لدارها وكرماتها ومابخلات عليها بتاحاجة وهدشي كامل سببه أنها محرومة من البنات ربي رزقها غير ولد واحد وأي بنت شافتها كتموت عليها ومستعدة تدير ليها أي حاجة، . فهذ اللحظة رغد شبه مغيبة ماعارفة تا اشواقع قدامها ولا فين هي راسها كله كيدور حول جملة وحدة وهي [أمرك ماكيهمنيش وبحالك بحال ختك] دخلات السيدة إيمان وفيدها 5 دالبيجامات حطاتهم قدام رغد وطلبات منها تعزل وتخير لي بغات وبعدها خرجات وسدات الباب وراها، ورغد فالبلاصة حطات راسها على المخدة ونعسات وخلات الضوو شاعل والبيجامات بلاصتهم ماكلفات راسها تاتشوف فيهم)...
الصباح وصل والغرفة كيغلب عليها طبع الهدوء، والسماء اليوم صافية والعصافر صوت تغريدتها كيفيقو رغد، حلات عينيها وهي كتجبد فبلاصتها وشفايفها كيتحركو بوحدهم حيت لسانها كينطق بإسم سيف، وغير فتحات عينيها وجاو فالسقف نقزات من بلاصتها ومستغربة فين هي وكيفاش وصلات لهنا، بقات كتدور عينيها من جهة لجهة فأرجاء الغرفة لي من شكلها كتبان غرفة رجولية، حطات رجليها فالأرض ويدها فوق راسها وعاقدة حواجبها وكتحاول تفكر شنو وقع ليلة البارح تاقدرات تسترجع الجزء المفقود من ذكرتها، وبمجرد تفكيرها فسيف وكلامه الجارح ليها ناضت من بلاصتها بعجرفة وحلات الباب ومع الحلا كتساطح مع السيدة إيمان)
إيمان.صباح الخير أبنتي يلاه جيت نفيقك باش تنزلي تفطري معانا
رغد.لا انا غنمشي فحالي
إيمان.(وكتبلع فريقها من كثرة خوفها على رغد)بشوية عليك أبنتي تانهضرو بعدا ونعرفو قصتك مايمكنش تمشيي هكا وتخلينا
رغد.(بعصبية)قصتي قصيرة وبالمختصر المفيذ الراحة لي مالقيتهاش فدنيتي فنلقاها فقبري
إيمان.(وشادتها من يدها)أعوذ بالله ماتقوليش هكا انا وخا مافاهماش شنو واقع معاك ولا كيفاش عايشة حياتك لكن متيأسيش ومتفقديش الأمل حيت تاواحد ماعارف الأيام شنو مخبية ليه مظلميش راسك وفكري بعقلك وماتسرعيش ومن خلال داك الوقت لي خرجتي فيه البارح كنفهم انك فحالة صعبة (ضحكات) الله أبنتي راه كيبغييك واش عرفتي علاش؟حيت كون ما أحمد كان غيضربك بطموبيلتو گاع ماتجيي لهنا باش تسمعي مني هذ الهضرة وربما انتي كنتي كتفكري فالإنتحار ولا ناوية تفكري فيه
رغد.(الصمت، حيت هذي أول مرة تسمع درس عنوانه النصيحة من شخص وخا مكيعرفهاش مهتم ليها)
إيمان.انا فهمت حالتك أبنتي وشخص الوحيد لي يقدر يعاونك هو ولدي جهاد ماتهزيش الهم هو طبيب نفساني وهو لي غيوقف معاك تاتقدري تخرجي من هذ الدوامة ديال اليأس أنا غنعييط ليه دبا .. (فهذ اللحظة السيدة إيمان خدات تليفونها لي اصلا كان فيدها وتاصلات بولدها جهاد بلا ماتعرف حكاية رغد ولكن طريقة كلامها وملامحها قالو كولشي)
الأسد الجائع الجزء الثالث
محتوى القصة
التنقل بين الأجزاء