أفتقدك الجزء الثالث

مريم : لاحول ولا قوة الا بالله وعطاتاا نفساا تقتل ولاداا يا لطيف

صوفيا : ههه سكتي كضحكيني نتي شمن ولاد وشمن نبك..

مريم : ودابا عادل عارف هادشي ؟

صوفيا : خهه اش غتقوليك يا حمقة

مريم: ودابا كملي

صوفيا: وي عارف مي هيا يحساب ليها بلي عادل معارفش ومشاا عادي بحالا مكاين والو ولكن هوا ديما كان متبع خطواتها فين مشات فين جات اخبارها كلها عارفها .الخ غير مكيبغيش يبين ليها وزيد عليها داباا مبقااش كيف كان .. كان عاطيهاا قمة داباا ابداا وتقوولي عندو بحال مشات بحال بقاات

مريم: هادشي صعيب لي قولتيلي اصوفيا ونتينا صحيبتا علاش عودتيلياا هادشي

صوفيا: حتاا عرفتي كلشي هههههه عاد تفكرتي صحبة شكون قالك صاحبتي!! كاااااانت اما دابا راني غادية معاهاا فنفاق ديالهاع كنقلب غير على الفرصة امريم لي ندمر بيها راوية على ويل لي شفتو منهاا

مريم: علاش مالها شنو عملتلك.

صوفيا: لي دارتو ميديروهش حتا ليهود... ولد لي كان خاطبني كان كيخوني معاها وهيا صحبتي وكنت كنعرفها عليه ونخليهم بجوح زعمة تايقة فيها وفيه ولكن طلعو *** بجوج..

مريم: كتزيد تصدمني اصوفياا كا بصح هادشي كا كتفلا علياا

صوفياا : مغنربح معاك والو الا كذبت لهاداا كنعاود ليك غاا ليكاين

مريم : واخاا وداباا قولي عادل وراوية رجعوا عادي يااك

صوفيا: راوية كانت دارت روينة على عادل مشا وخلاها كان كيبغيها بزاف مي فلاخر خلاها وزاد فديك ساعة وصلات للانتحاار ومدهاش فيها وقطعات العصبة ديديها راكي تكوني شيفانة مزال كيبانو عليهاا الغراز

مريم : لوالو موفتاشي

صوفيا : مهم مرضات بزااف تشوف وجهها متعرفيهاش ومشات حتا لدار عادل كترغب ماماه تهضر معاه مخلات مدارت حتا طاحت طيحة وحدة... دابا من بعد هاد مدة كيتعامل معاها معاملة عادية كيدير بحالا كيبغيها وزيدون وقتو كيدوز غاا بيها

مريم: اجي و... المهم دابا.. عادل كيبات معاها ؟

صوفيا : مبقاااش طايقها كيجيو عندو صحباتوو كل مرة وحدة يلاه كيسالي منهم كيقلب وجهوا. هيا ديما كتعط ليه ومرة مرة ملي كترشاقلو كيمشي عندها. مريم : وشعندو هادااا بحال حيوان يعوو كيغيلفوني رجال بحال هيداا اجي ميكونشي ملسق في شي مرض غا ديك نهار مانعرف شحال حسبو د ناس لي فيهم سيداا الله يلطف وصافي يمشي يداوي راسو. صوفيا : هههههه محنااا، على فالك

مريم : ولاهيلا كنهضر معاك بصح اويلي هاداا راه المرض كامل هازو الغيلووف عفت هاد خنز

.. طلقااات عينيهاا مع بالكوون سااهية وقالت

: ونتي شنو كتعمل هناياا فايااش خدامة

صوفيا : حتاا ليل وتعرفني فاين خدامة هه وصلها مسج شدات تليفون بين يديهاا كتقرا

راوية: فينكم ؟

مريم : هادي راوية كتسقسي فاين حنايا يلاه نطلعو

صوفيا : واخاا يلاه..

ناضت مريم حلات الباب وخرجاات هياا اللولة شدات ليهاا صوفياا يديهاا وقرباات وجها لوجهاا وقالت...

صوفيا : غااا نوصيك لا غير حضي راسك لا يستغلك شي حد ويلا بغيتي ديري شي حاجة ديريهاا ونتي مقتاانعة بيها ماشي بالضرورة تعمرليك راوية راسك اوك..

حركات مريم راسها بالايجااب وطلعوا بجوجهم لفوق جلسو حداهم

راوية: هربتو ليناا زعمة نورة: خليهم مهم انا معاك ههه

هزت مريم كارو من فوق الطبلة شعلات ليها صوفياا وهضرتهم بالغمزات

راوية: وجدي ليا راسك هاد ليلة صوفياااا بغيت ليلة زاهية ويكون عندك الجهد هزي وتهزي راكي عارفة بلاما نوصيك صوفيا: هههه ولا عليك كوني هانياا عوالا ليلة قوليلي

راوية : ضروري مفيهاااش هه عادل عادل عااادل.... يسس

نورة: متشوفوش لياا حتا انا شي واحد ويكون شبعاان فلوس

مريم: نورة حناياا خصناا نمشيو بكري متنسااشي هادشي

نورة : والله، لا مشيت بغيت سيري نتي سيري راوية: غاا جمعو جهدكم البناات ليلة ليلتكم .. صوفيا: ونتي امريم مريم: هههههه خليني غير مع هادا باركة عليا ههه صوفيا: لواااه خاصنا نشوفوليك هه

تحت لسان زعمة زعمة...

مريم: لاا والوو اختي بعد عليا انا ديشي

صوفياا : علاش شنو سبب خفتي لمتخلصيش هههه

مريم : انا مخصنيشي وصافي وزيدون انا مزال بنت غير عفيني

صوفيا: حلفي بالله بصح مريم: هانتي تشوفي

صوفيا : هكاااك قوليلي امم واخاا الالة.. بنات شباان ليكم نخرجو شوية حتاا لعشية عاد نرجعوا

راوية : مفياا لي يخرج انا

صوفياا : نوضي نتي هياا العمدة بغينااك تمشي معناا ونوضيي

مريم : اه بصح يلاه اراوية نفوجو شويوش

راوية : وبلاتي ماشي داباا

مريم : لاا غاا يلاه دابااا

قنعوهاا بزز... هبطات لبساات حوايجهاا ومريم واحلة مع مراية فلاشومبر د، صوفياا كتقاادد وتقوي المكيااج وطلق الشعر شافت صوفياا كتبدل حوايجهاا حداهاا عادي وهياا عرياانة ضورات وجهها وبقاات كتشوف فالحوايج لي حاطة... لقاات شورط فوق الركبة فالبيج ومعاه تيشورط ديالو قصيرة حد الصرة ويديه هابطين على كتاف وكتبين الصدر... كتشوف فدوك الحوايج لي محطوطين وفسروال جين لي لابسة لا علاقة... عييات تحاول تجااهل وبغاات هاد المرة تباان اكثر وتخلي كلشي حال فمو فيهاا وحتاا من راوية تعجب بيهاا وتكون بحالهاا.. شافت ف صوفيا وقالت : ختي صوفيا ماين شريتي هادو وبشحال

صوفيا : خديتهم من لندن احبيبة

مريم : اااه حسابلي شريتيهم من هناايا فاين نجبر بحالوم الا كناي عارفة

صوفيا : معرفتش بالضبط مي الا عجبوك خوديهم انا مزال ملبستهم هانتي كتشوفي مزال بالتيكي ديالهم

مريم : عجبوني صراحة ولكن بيعوملي

صوفيا ؛ ههه شغنبيع ليك غاا خودي معليش بصحتك...

مشاات مريم عندهاا عنقااتها كتبوس فيهاا

بدات تحيد حوايجهاا وتلبس وملهوفة باغاا تلبس دوك حوايج.. وقفاات حداا مراية كتشوف راسهاا وخدودهاا حمارو فينماا تبغي تجمع العنق كيرجع يهبط وشقت صدرهاا كتباان... ومع فورمتهاا عامرة جات معاهاا وقفت حداهاا صوفيا كتقاادد ليهاا ولات وحدة حداا لبست صبادري ديال ديك لبسة وخرجت هياا وصوفياا كتماايل ولي داز من حداهاا كتبقاا تشوف فيه وهياا مخلوعة وفنفس للوقت مترددة باش تحيدهاا.. هبطو فلاسنسور لتحت ومشااو جيهت الباركينك فين موقفة راوية طوموبيلتهاا لقااو نورة سبقاات جلسة حداا راوية وطلعوا اللور... غاديين كيغنيو ومحيحين ومعلا بالهم بوالو..

دوزو نهار كامل وهوماا غا الضوران ونشاط.. دخلو لمقهى شيشة وجلسو البنات شي يسوط على شي من غير مريم لي مزعمااتش عليه واخاا حولات معاهاا نورة وراوية هزت غاا كارو وعينيهاا مع داخل والخارج وحركات ناس كتحاول تبين شجاعتهاا وحتاا هياا من طبقة عالية.. طاح ليل وخرجو بحالهم يلاه هوماا غاديين مع الطريطوار كيبان ليهاا سفياان جاي جيهتهاا هواا وصاحبو... خلاه وتم كيتقرب لجيهتها علامة خوف ترسمت على وجهها.. ومعرفااتش كيفاش تصرف مع هاد الموقف..

سفياان : مريم شني هاد الحالة

مريم : مشي فحالك ماشي سوقك فيا

سفيان : كيفاش ماشي سوقي فيك شهاد الفضيحة عاملة فراسك وريحة دالخنز منك كتعيط

مريم : خانز هواا نتيناا زيدو يلاه نمشيو فحالناا

سفيان : اجي لهناا بعداا راوية : هييه بعد على يديهاا شباغي شكون نتاا

سفيان : طلاقيتو غاا رباعة د بنات الق** وحدة على ختاهاا هه ميحسبليشي حتاا نتيناا رجعتي منوم

مريم : مشي الا عندك شي شغل قديه اناا معندك متدي مني اصلا فاين كنعرفك ولا كتعرفني

صوفيا : زيدو البنات يلاه نمشيو غنتعطلوو

زادت راوية فالاول وموراها نورة ومريم شادة فيهاا صوفياا وكلشي كينعت جيهتهم وكل مجموعة مقنتين كيعيطو ليهم بكلام زنقة ضار سفياان وهوما غادين وقال : غاا بلاتي عليك عملا فاين تجيك هاهيااا ..

طلعوا فالطوموبيل وديمرات راوية بسرعة محملاتش موقف لي طاحت فيه بسبب مريم... حتا وقفو حداا باب الاوطيل خرجت راوية هياا اللولة وموراهاا بنات طلعوا دخلو مع صوفياا لتحت..

لقاات عمال كيوجدو لي باقي من مأكولات وكيوضعوا اللمساات الأخيرة... وكيفماا طلباات منهم داروه عجبهاا الجو اكثر... هبطاات لتحن وهياا غادا لبيتها طلقاات مع أنس..

راوية : فين اصاحبي غبرتو هاد النهار فين مشيتو

أنس : مشيناا لغابة نصيدو ههه

راوية : بصح فين

أنس : لهيه جيهت العرايش داكشيي واعر

راوية : وعادل فين داباا

أنس : فبيتو قال غيدوش

راوية : صافي واااخاا يلاه طلع حتاا كمل معاهم اناا غنمشي نشوف بناات يوجدو راسهم وندخل حتاا اناا باش منتعطلش

أنس : خليك غاا هااكااا نتي زوينة بلااا والوو

راوية : هه سي جونتي عارفة راسي هه..

خلاتو حل لاسنسور طالع ومشاات مع الكولوار وقفت فبابها كتشوف ف لاشومبر د عادل حطاات يديها على بواني د الباب بغات تفتحو دخل عندو... خلاتو ورجعت لبيتهاا وسد

أنس : مزال اصاحبي ملبستي

عادل : غنطلع هاكاا

أنس : هه بالشورط باازلك وزيد دغياا يلاه نطلعواا

عادل : فين كنتي حتاا بعداا

أنس : طلعت لفوق نشوف شكاين ورجعت هبطت ملقيت حد تماا من غير ناس لي كيوجدو .. غتبقاا شاد داك الكاس فيدك ومتكي ونوض حبيبتك راهاا كتقادد على ودك ههههه

عادل : اااف اجي هاد مريم منين خرجات ليناا

انس ملي جيت نهار الدول لقيتها مع راوية جاتني ضريفة

عادل: وبرهوشة بالمعقول

انس : هههه علاش مالها شدارت ليك

عادل: واااالو غير شبعات فياا سبان

أنس : نتاااا لااا واش من نيتك نتاا يسبووك ناس آاااأ ههه علاش سباتك بعدا ضروري تكون درتي ليها شي حاجة

عادل: تيق بيا الا قلت لي مدرت ليها والو غير رشقات ليها ولا معرفت . انس : ميي تيتيزة فيهاا واحد برااءة فوجهها.. ماعرف شكون محضوض بيهاا

عادل : ايناا محضوض علامن كتهضر

أنس : راوية اننننبوسيبل تجي عندهاا شي وحدة ومتكونش كتقلب على شي واحد بحالك ههه المهم مديش علياا مبقيتش كنورق

نوض دابا يلاه نمشيو لعندهم نشوفو هاد حفلة ولا ماعرفت كيف غدوز.. حتا راوية تكون كتسناك

عادل: تمشي ت.... جلس شمن حفلة ولا زعتر انا غنعس

أنس : لاااا ودابا مجاتش وهيا كل مرة توجد على قبلك ودايرة جهدهاا.. يلاه غير شوية ويلا معجبكش الجو نخرجوا عادل: من بعد دابا غير خليني اناا مطالعش اصاحبي

لبساات راوية كسوة ذهبية قدات شعرهاا ومشات تشوف البنات فين وصلوو. لقات صوفياا واحلة مع مريم كتلبس ليهاا غوب فالبلو ماريين فوق ركبة وحد الصدر بلاا كمام

مريم : اوعدي حتاا سوستياام معملاهومشي عندك غاا يزلقولي نتفضح حدا الخلق

راوية : نوو جاتك زوينة بحال هاد الماركة متخاافيش منهاا. المهم البنات اناا طالعة ملي تكملو لحقوناا

نورة : اناا نمشي معاك بيدماا يساليو..

كملات صوفيا لمريم لبس... وجبدات المكيااج كتقاادد ليهاا وجهااا... باللون بلو مارين داكن... قدات ليهاا شعرهاا وخلاتو مطلوق جبدات ليهاا صباط عالي لبساتو وحاضيا طرافهاا لاطيح...

بدات صوفيا كتلبس حداا مريم ومريم خرجات عينيهاا فالكسوة لي لبساات صوفياا وقالت

مريم : هادي د شطيح واش نتيناا كتشطح

صوفيا: هه يس.. كيف جيتي

مريم : اوعدي فنة واخاا هياا معري كولا صدرك كامل خارج

صوفيا : ضروري

مريم : كا سليب هاكا كا شني

صوفيا : مم نن شورط قصير كيتجبد هانتي شوفي

مريم : لحمك طايبة كتفور ههه

صوفيا : وييه هانتي كتشوف مشيناا

مريم : اه واخاا يلاه نمشي وااا شبر فيااا عندااك نطيح

صوفيا : خخه غاا زيدي متخااافيش...

خرجات مريم شادة فصوفياا مشاو جيهت لاسنسور .. موسيقى هادئة كتسمع وناس شي داخل شي خارج.. زادت مريم كتمشى بشوية .. ولي دازت من حداه كيتبع ليهاا العين وحتاا من رجال اجانب وكباار فالسن كيعطيوهاا سلام كمشاات راسهاا ومشات جلست فالطبلة ديالهم ...

انس : وصاحبي نوض شوية ونرجعوا

عادل: قلب على ملتي غنمشي غتبقا تعوج عليا عوتاني طلعت ليا ف..... انس : سوقك هداك هانا مشيت

(مسج 🎶)

انس : هادا مسج من عند راوية كتسولني عليك شنو نقول عليهاا

خرج عادل عينو فيه.. وقلي وجهو

انس : صافي هانا مشيت..

راوية زاد توتر ديالها ملي مجوبهااش انس جلست كتحااول تهذن راسها... نورة حداهاا عينيها طايرين كتقلب غاا شكون يشوف فيها ولا ينعت ليها ولا يجلس حداهاا... ناضت كضور حداهم تما.. طلع انس بانت ليه مريم هيا اللولة جالسة ف ابهى حله... لدرجة معرفهااش فالاول... وتم غادي جيهته

صوفيا: شوفي كيف كتنقز

مريم: الحب صعيب ههه صوفيا: صبري انا غنمشي نشوفو ونجي

راوية: انس هييه تنس اجي لهنى

قلب انس لعند راوية حنى على ركابيه لعندهاا

وقالت : فين عادل مالو مكيجاوبش تليفون طافي

انس : مشفتوش من قبيلة يحساب ليا هنى معاكم

راوية : ماشي فلاشومبر ديالو

انس : نوو مكاينش

هبطاات صوفيا لتحت ومشاات مع الكولوار حتا لييتو فتحات الباب ولقااتو متكي كيشرب قهوة..

صوفيا: مالك مطلعتيش

عادل : طلعت ليا هاد المرض

صوفيا: حتا اصااحبي لي كتمرض راسك حسبهاا مكينااش فهاد العالم دير لي باغي وعيش كيف باغي عمرك متفكر فيها عادل : صاافي غاا طلع لياا الزعف مبقيتش باغي نشوفهاا داباا غاا خليني صوفيا : لاا عادل غتنووض وغنمشيو اناا ويااك ونجلسو شوية وديك ساعة هبط بحالك

عادل : معنديش الكانة اصوفياا بلاماا تبزيي علياا كتر...

ناضت وجرتو من يدوو بزز منو...

صوفيا : يلاه لبس حوايجك ويلاه

عادل: وغاا سيري بلاتي نجي

صوفيا: منتحركش من هناا حتا نمشيو يدي فيدك..

ناض وهواا كيسوط لاح عليه قميجة فالأسود وسروال جين وصبادري مشط شعرو اللور ورش جوج رشاات من برفاان ديالو .. وخرج هوا وصوفياا جيهت لاسنسور وطلعو عندهم غادي بخطوات بطييئة..

راوية تبدل ليها لون جهها ملي شافتو..بقوة ا لفرحة ب بابتساامة عريضة ناضت عندوو عنقااتو مريم شافتو تفكرات بلان لي طرا معاهاا قلبات عينيها لجهة خرا ..

جلس عادل حدا راوية كب ليه نادل كاس ومدو كان شاد تليفون فيدو حطو فوق الطبلة وهز عينو بانت ليه مريم كتشوف فيه وكتشتت النضر... هبطهاا من راسها لرجليهاا وكيحاول يشوف فجهة خرا.. ومرة مرة كيعاود يشوف فيهاا ومكيبينش وهواا كيهضر مع صوفياا لي جالسة جنبها.. حركات صوفياا راسهاا ليه وابتسمات وعلامة التعجب باينة على وجهها

صوفيا : آآآآآأأأااء بصح هه ؟

عادل: امم..

راوية : صوفياا يلاه ننوضي

صوفيا : احم هيا الاولة.. طلقو موسيقى الشرقية وناضت صوفيا طلعاات على المنصة حطاات صبااطهاا وبداات كتشطح بحركاات بطيئة. وغادية مع موسيقى.

كل مرة كيخطف شوفة فيهاا ويرجع يقلب وجهو لعند راوية يضحك معاهاا... نورة غبرات حتاا بداو يسولو عليهاا شافتهاا مريم جاياا كتنقز جلساات حداهاا وقالت عليهاا فوذهاا : لقيت واحد تيتيز وانااااري

مريم: اويلي عندااك تمشي مع شي واحد راه شوية خصناا نرجعو لدار

نورة: اناا مرجعاااش واش ا.....

هزت عينيهاا ف عادل ورجعت شافت فمريم نورة : هادا من ايمتا وهوا هنا

مريم: منعرف ليه خليني دابا نشوف صوفيا...

على نغماات الموسيقى الشرقية كيتلوا خصرهاا.. وجميع الأعين متوجهة جيهتهاا... مريم حالة فمها فيهاا اول مرة تحضر بحال هاد الحفلات الراقية.. هزت تليفونهاا كتصورهاا فيديوو وتصور راسهاا وراوية لي فجنبهاا فطوي اخر وبجنبها عادل كتحاول دوز كاميرة جيهتو... حتاا كملات صوفياا وجات عندها كتلهت

صوفيا: اوووف سخفت هه

عادل: يعطيك صحة راوية: مرسي حبيبة.. مريم: تبارك الله عليك غزالة اختي

صوفيا: بصحتكوووم.. اااف

أنس : زيديناا نوضي

صوفيا : ماشي غنسخف هه خليني نرد النفس

تطلقاات موسيقى هادئة من جديد بضوء خفيف وجو رومانسي

جرت راوية عادل من يدو وعلى انضاار الجميع تكات على صدرو ويديهاا فيدو

عادل : شكديري

راوية: مفيهاا باس نرقصو شوية ولا

عادل : لا مبغيتش يلاه نجلسو

راوية : عادل لاا بليز شوف نااس

عادل : راوية متمرضينيش، اناا بزز باش طلعت هناا ر...

راوية : عفااك غاا شوية ونجلسو

....

قلب وجهوا وخلاهاا وصوفياا عاطيااهم العين ومريم شادة تليفون فيديهاا كتوري ل أنس فيديو... رخى عادل من يدين راوية ومشاا عندهم تكاا على فوطوي خلاهاا مصدومة فبلاصتها من تصرف لي دار معاهاا... سرطاات ريقها بزز ورجعت لعندهم وجهها حمر...

كانت جالسة مريم حدا انس وصوفياا كيشوفو الفيديو حتاا وصلهاا مسج يلاه بغاات تقراه وهواا يصوني تليفونها جوبات..

مريم: الو هدى

هدى: سمع ماماك قالت لي ياسين غيجي موراك عندي دابا فين مكنتي طير واجي مبغيت ليك لا صداع لا والو.

مريم: هدى لهلاااا يخطيك علياااا. واخا انا ماجااا

عادل : اوكي هانا هابط عندك لاا لا غاا تسنى... واخاا ...صافي...

راوية: عادل فين غادي عادل: واحد صاحبي راوية: غترجع ضروري حيت خصناا نقطعوا الكاطو

عادل : غا بصحة اناا غادي..

راوية : لاا عادل ضروري

تم زايد مجوبهاش..

مريم كملات هضرتها مع هدى حطت تليفونها فالصاك وضارت عند نورة قالت ليها شنو كاين

نورة: غير سيري اختي انا مغدياش.

مريم: اويلي ويلا سولات عليك ماما! ولا مامااك شني عنقولا

نورة: ديها فراسها مسوقيش

مريم: نتي تعرف انقولا مكنتيشي معاياا ضورات نورة وجهها ومريم زادت عند راوية

مريم : راوية نخليك اختي انا ماما عيطات ليا خاصني نمشي دااابا راوية: مزال الحال حتا نقطعو الكاطو..

مريم: بصحتك احبيبة المهم كادو ديالك يجيك غدا. اليوماا والله مقدرت نشريه

راوية : لا حبيبة مبيناتنااش كادوياات ردي بال لراسك

مريم: واخاا ختي لهلا يخطيك ختي صوفيا عفاااك خاصني نبدل هاد حوايج.

صوفيا: يلاه معايا ..

داتها صوفيا لاشومبر بدلات عليها. سلمات على صوفيا وهبطات فلاسنسور وهياا كتلوي الزيف على عنقهاا خرجات لشارع دنياا خاوي غاا طوموبيلات غاديين جايين مع كونيش لي قبالت الاوطيل وبحر لي كيشوف فيه.. بقات ماشا مع شارع وهيا كتقفقف بالخلعة خاشية يديها فالجيب كتقلب على فلوس طاكسي وقفت فالطريطوار كتشير وقفت حداهاا طاكسي

مريم : واخاا توصلي ل.....

... لا والو اختي هاديك ماشي طريق ديالي واصلا مغتجبرشي شي طاكسي تديك حتاا نتماا خصك تشبر طاكسي من محطة

مريم : محطة حتاا هياا بعيدة واخا توصلني المحطة تقربني غا شوية

... لا والو اختي الله يعاون..

خلاهاا وزاد ورجعت وقفت فالطريطوار كتسنى شي طاكسي اخر يباان.. حتا جاات طوموبيل وقفت حداهاا

عادل : طلعي نوصلك

مريم: محتاجشي انا غنشبر طاكسي

عادل: اووك

خلاهاا عادل واقفة وزاد وهياا تشوف طاكسي اخر شيرات ليه ..

مريم: اوووف تليفون عاود كذصوني..

الو هدى هانا كنشوف طاكسي مبغا يحبس حتا واحد

هدى: وعييت نكذب على ماماك قلت ليها خليها معايا غير شوية مريم: كيفما عتقتني الله يعتقك عفااك انا غير نلقا الفرصة والله حتا نرد ليك هادشي فالخير

هدى: واجي دغيا قبل ميجي خااك

مريم : واخا..

قطعت عليهاا مريم وهياا كضور بعينيهاا والخوف خارج من عينيهاا...

اويلي بقيت اناا هنا الله ياربي شني غنعمل ..

نفس السيارة رجعات جيهتهااا كيف شافتهاا هزاات يديهاا كتشير وتعيط قطعت الشانطي ومشاات لجهة خراا عندو

مريم: الله يرحم يمااك انا مزاوكة وصلني لدار وفلوس طاكسي نخلصملك

ضور عينو فيهاا فتح عليهاا الباب من داخل وطلعاات حداه عادل : Özledım senı çok.تييرا... bekledım yollannı طالق موسيقى تركية بصوت خافت كيردد مع الأغنية ضورات مريم وجهها شافت فيه ورجعت قلبت وجهاا كتصنت معاه.. ..görmedım çoktan o gözlenını beklıdım senı delı gıbı.. aradım bulamadım sordum çâbalâdım.. bunaldım kanadım .. sensız.... بعدو من البلاصة لي هوماا فيهاا وفينماا تجي مريم تهضر ترجع تسكت..

مريم: الله يرحم والديك منساش خيرك

عادل: اوك.. فين ساكنة اينا بلاصة.

مريم: غير بقا ماشي نيشان انا غنعت لك مزيونة هاد اغنية عادل: وي بزااف benı bırakıp gıtme.. كيف بقا لسانك مريم: ههه شوية المهم ملي توصل ديك قهوة راهياا ضور طلع مع ديك شارع عرفتييه؟ كتعرف كوميسرية

عادل: لعب دراري هادا هاكي صوكي نتي

مريم: عملتي خيرك كمل عليه هه

عادل: مالكي مكملتيش الحفل

مريم: عيطولي فدار خصني نمشي ضور عادل وجهو فيهاا شافها مقادة زيفهاا وماسحة مكياجهاا ولابسة حوايجهاا لي لا علاقة مع لي كانت لابسة.

عادل : نتي من هادوك

مريم : شكون

عادل : زعمة مفهمتيش

مريم : مفهمتيكشي شكون هادوك علامن كتهضر نتيناا

عادل : مع راوية فشكل وداباا شكل اخر هههه شمن لعبة عندك مريم : المهم صافي نزلني ليهن انا غنكمل على رجلي..

عادل: اوك مريم: مهم شكرا

خرجات مريم ومشات مع زناقي يلاه ديمارا بغا يقلب ضورة وهوا يشوف جوج مقنتين عاطيين العين لمريم خرجت من طوموبيل وتبعهاا حتا وقف حداهاا غادي جنبهاا نقزات من بلاصتها بقوة الخلعة

مريم: خلعتيني

عادل: زيدي فين داركم مريم: فهاد الطلعة انا غنمشي عند صحبتي عاد غنمشي لدارنا

عادل: واش غتبقاي ضوري فهاد ليل شمن صحبتك فهاد الوقت مريم: ودابا غير مشي نتينا انا صافي وصلت مزادش معاها الهضرة وقف وهياا زادت قدامو رجع لطوموبيل مشا خلا غا غبرة موراه

شدااتها مريم بجرية حتا وصلات لدار هدى لقاتها فالباب كتسناها

هدى : اوعدي فاين كنتي وشهاد الحالة شعرك خارج من كل جهة

مريم: هدى من بعد ونشرح ليك دابا فين ياسين مزال ماجا! هدى بقات مصدومة فمريم شمات فيها ريحة د كارو وروايح مخلطة ومكياج باقي فوجهها

هدى: دخل دخل غسل وجهك ولبس شي سبنية (فولار) اخراا قبل ميجي خاك ويجبرك هيدا ونرجعوا فحاجة اخرة دخلات مريم مع هدى وغسلات وجهها وهياا تهز عينيهاا تشوف فالمرايا وتعاود دوز صابون وتشلل عطاتها هدى لبسات عبايتها وفولارهاا يلاه هيا سلات وهوا يصوني ياسين على مريم ياسين: فينك..

مريم: هانا مع هدى فينك نتينا ياسين انا حدا الزنقة ماجي خرج نتيناا اناا نطلقااك

مريم: واخا هاياناا ماجا قطعات مريم مع ياسين وهبطوا هيا وهدى يلاه فتحات هدى الباب لقاتو داخل بطوموبيلتو مع الزنقة .. حتا وقف حداهم

هدى: ياسين كيف نتينا اخاي لباس عليك

ياسين: الحمد وانت مزيانة امورك

هدى: مشين مع الوقت هاهياا امانة ديالكم ههه

ياسين: شكرا بزاف وعيد ميلاد سعيد.

هدى: شكرا ربي يخليك

طلعت مريم حداه وياسين طلع عينو ورجع هبطهاا ف هدى . طلع فالطوموبيل بتاسم ليهاا وبقا غادي وهواا متبعهاا غمزها وزاد.. بقات فبلاصتها مفهمات والو واش دارها بلعاني ولا مقصد فيها والو سمعات عيااط امهاا دخلات وشدت مريم وياسين وصلو يلاه مريم طلعات وهيا تجرها حسناء لبيت حسناء: دابا نتي قد جدر فخض ديالي غتبقا تلعب بيا ملي يصبح الله صبااح ونتي على برا مكفاكش نهار والعشية كملتيهاا حتاا لنصاص ليل شوف سكد راسك وعمل عقلك ولا والله حتا نعاود هادشي لخاك مريم: علاش مالي شني عملت عوتاني واصلا كنت عند صاحيبتي ومع العايلة دحبيبي ماشي بوحدي

حسناء: الا نورة سايبة وممربياش متكونشي فحالا هوما كلشي عندهم عادي يماهاا مفشااهم اما حنااا لاااااا فهم راسك وعرف فين كتزطم متيق فحتا واحد متقولي لا نورة لا يماهااا

مريم: ودابا علاش هاد الهضرة كاملة كل مرة تجي تعطيني درس بشكل خليني اماما نرد النفس

حسناء: حنا رجعنا عندك بحالا مكينينش يااك ايوا شير حتا تندم على رايك خرجات مريم من عند مها من بعد الهضرة لي قالت ليها ومشات لبيتها حيدات حوايجها وتكات على فراشهاا بقاات كتقلب من جهة لجهة ناضت لكوزينة لقاات روز مطيب بالخضر ودجاج حطاات فطبسيل صغير كلاتو تماا وخرجت لقاات الهضرة فصطح هزت تليفونها وطلعاات عندهم لقات بنات كيتبردو وينقبو ف حمص مقلي ..

شد عادل طريق لڤيلا ديالو الصغيرة لي خارجة على طنجة فيهاا سكان قلال ..

وقف السيارة ديالو برا حل الباب ورك على الضوء لي لاسق فالحيط تشعلو ضواو عاد دخل بحالو حل باب دار وهبط ف 4 الدريجات شعل الضوء خاافت وتكاا على الفوطوي هز تليفونوو وصلوه الفيديوات دالحفلة من عند أنس لس كان كيصور.. وهواا كيتفرج فداك الفيديو حتا بانت ليه مريم

.وقفو وبقاا كيشوف فالصورة ديالهاا ويعاود الفيدو وهوا مركز على لقطاات لي بانت فيهم.. خرج من تماا و دخل الفيس بوك ديبلوكاهاا ورسل ليهاا مسج.. جلست حداهم فوق الحصيرة موركة على مخدة وشادة حفنة دالحمص كتهرم فيه

بشرى : داباا شنو مغتجيش ولا شني

مريم : طاحت اخالتي طيحة وحدة عييت منوضاا قالتلي خالتي زهرة غا خليهاا تبات معاناا غدا فصبااح عتجي

بشرى : اويلي ناس برانين وهياا غتنعس عندهم اناا هابطة عند ياسين يمشي موراهاا ايواا صافي

مريم : غتمشي غتجبروم نعسو ماشي عيكلوهاا غدا اخالتي صبااح عتجي هدى ويماهاا كنعرفوهم الله يعمراا دار

🎶مسج

هزات مريم تليفون تشوف شكون صيفطليهاا مسج و'ااخاا ضنهاا كولو مشاا مع راوية هياا لي تقدر تصيفط ولكن تفجأت وهياا كتقرا

عادل: امور تمام ؟!

قفزات من بلاصتهاا وربعات رجلياا وهزت صبعاانهاا كتكتب ليه جوباتو فبلاصة : عادل لباس مزيان شكرا بزاف بزاف سمحلي عذبتك معايااا لهلا يخطيك

عادل: شكرا علامن؟

مريم: ههههه حيت وصلتيني

عادل: Vu شاف مسج ديالهاا وخلاهاا بلاكة مهناهاا حا ورسلات ليه

مريم: فينك دابا رجعتي مكمل معاهم حفيلة ولا؟

عادل: نوو جيت بحالي

مريم: اه مزياان

تلفات اش غتقول كتكتب مسج وترجع تمسحوا وتعاود تكتب اخر وتمسحو وعادل كيشوفها كتكتب ومصيفطات والو وهوا يصيفط ليها

عادل: مزال مجاك نعاس!

مريم : هه مزال كان فيا ودابا طار

عادل: كتسهري بزاف

مريم: كل مرة وكيفاش..

عادل: ايوا شدي قنت وعاوديلي شنو بلانك حيت جيتيني بشكل

مريم : vu

خلات بشرى وبنات كيهضرو معاهاا وجمعت نوضة وهبطت كدردك فالدروج بالحفى دخلات لبيتها وسدات عليهاا...

وهيا كتقفقف معرفااات متقدر ولا متاخر...

دخلات لبلاصتهاا وتعاود تشوف المسج وتأكد منوو... عاود رسل عليهاا

عادل: يلاه فازي هانا كنتسنى

هزت تليفون بين يديها وسجلات ليه مسج صوتي طويل ...... وعادل كيسمع ليه وعاود رسل ليهاا

عادل : اوك مي بغيتك تعاوديلي على راسك نتي من اول.. ضوراتهاا فراسهاا ولحمهاا تشوك امر غير عادي ..

شدت تليفون من جديد رخااات راسهاا فالهضرة وبصوت حنين خارج من فمها كتعود ليه وهواا كيسمع ليهم بقات كتسناه يجوبها طلع ليهاا بلي كيجسل مسج صوتي تخرج من واتساب وتعااود دخل ليه وهيا كشطح فبلاصتها مسج صوتي طويل .. عادل : امم حياة زوينة عندك معمري صراحة معرفت بنت بهاد الموصفات لي كتقول ليااا ههه ولاا نقولو مكينينش بنات دار وحتاا الا كنتي بنت دار وعائلتك محافضة وكدا علاش كتجي عند راوية !! كتعرفي راوية مزيان ولا غير ماشا معاها عادي بحال شي وحدة عاادية

مريم: راوية رتاحتلا بزااف وضريفة لدرجة تعلقت بيهاا هياا صحبتي وعزيزة علياا لي يضرا فخاطري يضرني حتا ياناا صراحة بنت ناس الله يعمرلا دار... وهاحنا مشين

خرج عادل عينو بدهشة وطريقتهاا بالمدح ف راوية تعجب وطلق ابتساامة جانبية وقال

عادل: انا لي نقول ليك ردي لبال لراسك هه

مريم: هه لا والو متخافشي لي نيتو مزيانة دايمان كيكون هواا رابح وانتيناا عاودلي

عادل :عادي بحالي بحال ناس

مريم: ههه وعرفت انا عودتلك على راسي ودابا نتينا عاودلي عادل : معندي معودلك كتباني طويلة ههه ونتي غاا قزمة مريم: بزاف عليك ههه اللهم قزمة ولا بحال سلوم..

عادل : هههه هادشي كوليه راوية

مريم : هيييه ويلي ويلييي لااا هههه فكرتيني هياا طويلة عادل : هه

مريم: نسولك وتجاوبني بصراحة

عادل: فازي..!

مريم: كتبغي راوية ياااك ؟

عادل: وي علاش

مريم: الصمت

عادل: ؟

مريم: الصمت

عادل: يلاه بون نوي 👍🏻

مجوباتوش ومحساتش براسها حتا هبطو 2 دمعات من عينيهاا بلا حس بحال ، مسحاتهم بصبعهااا ورجعاات شدت تليفون وهيا مترددة واش تصيفط ولا لااا... حتاا كتباتو ورسلاتو مريم: الله يجيبليك اخاي معاها تسير

عادل : vu

مريم : نعستي وقيلة ياااك

عادل : نن

مريم : ااه واخاا حرارة بزااف ياااك

عادل : وي خرجي ضربي ضورة نتي وصااحبك شافت مسج ديالو حمارت غااا بوحدها...

خلاتو هكاك مجوباتوش وحطات تليفون..

عادل: ؟

عادل: فينك!

مريم: نخليك غنعس بون نوي.

طفات مريم تليفون وخشاتو تحت المخدة بقات متكياا شحاال ورجعات شعلاتوو طللات على عادل لقاتو مصيفط ليها والو ومزال اون لاين.. بقات شوية ورجعات صيفطات ليه مريم: مزال منعستي

عادل: Vu

مريم : يااااربي يجاوبني تفو علاش يخليني هيداا خزيت ندمت حتاا علاش نصيفطلك خليها سلعة البق اووف معيبغيشي حتا يجيني نعاس عادل : باس لياا طوف ديالك نشوفك... شافت مسج ديالو من براا وخرجت بالزربة كتقلب على احسن تصااور ديالهاا لقاات وحدة ف اوطيل مع راوية...

دخلات رسلتهاا ليه هكاك بقات كتسنى يجاوبها ولا يصيف ليها شي حاجة ولا يمدح فيهاا ولا يعطي رأي ديالو فيهاا خلاها بلاكة ترجع تمد وتنوض ماشاا ماجا تشوف فمرايا وترجع تشوف ف تليفون وتحاول تلف رجعت لبلاصتها كتقلب حتا داها نعاس . صباح جديد.. يلاه حلات مريم عينيها وهيا تلقا نورة ناعسة على كرشها حالة فمها ناضت مجموعة ربعاات رجليهاا هزت تليفونهاا تفكر الاغنية لي سمعات عند عادل بقات ليها فوذنها ناضت كتقلب عليها كتحاول تذكر دوك الكلماات حتا لقاتها فيديو.. تليشارجاتوو وتليشارجات الاغنية وبقات كل مرة تفرجع فداك الفيديو وتردد معاهم الاغنية aradim bulamadim sordum çâbalâdim....

قلباات المسجاات لقات صوفيا مصيفطاا عليهاا

صوفيا: بب صبااحو

مريم: زين صباح الورد

صوفيا: كيف صبحتي نعستي مزيان.

مريم: طووب احبيبة كيف صبحات راوية

صوفيا: هههه بايتة على بكاا وتهراس ورمات حتا كاطو نوضاات روينة وكلشي كيشوف فيهاا لهلاا يوريك

مريم: اويلي مااالها شنو كاين

صوفيا: عادل ملي خرج مرجعش وعيات تصيفط ليه وتصوني عليه ومجوبهاش وكل مرة يقطع عليها. ليل كولوو مجات حتا 5 دصباح عاد دخلات حالتها حالة ...

مريم: ولكن صبر صوفيا انقوليك واحد الحاجة!!

لبارح هضرنا ياناا وعادل وقالي كيبغيها.... ملي كيبغيها علاش مخليها صوفيا: هههه شوف هوا والله ميعطيك راس الخيط قالها ليك باش يشوف اش تحت راسك مريم: انا متحت راسي والو اناا صراحة بالله غاا سولتو

صوفيا: ااام تيقتك هههه مريم: ودابا مالك راه قلتلك لي كاين متيقتينيشي

صوفيا: دابا من لاخر هوا مكيبغييهااش حتا 1% معندووش معاهاا بالمعقول خوي راسك. خرجاات نفس عميييق وابتسااامة عريضة ترسمات على وجهها.. وقالت

مريم: اووك صوفيا اجي عندناا لعرس ختي

غدا عندنا الحناء ونهار الجمعة العرس وشطحلناا

صوفيا: هههه انا نشوف ونقوليك..

مريم : حااول الله يرحم والديك مشوقة نشوفك

صوفياا : صاافي يكون خير..

خلات تليفونهاا كيتشارجااا وناضت نيشان لحمام طلقات رشاش وبقات تحتوو شحااال كتخمم وتفكر ف عادل وتبلاني باش تجبدو من جديد.. . دوشات وخرجات بينوار وفوطة فوق راسها ودنيا مقلووبة فدارهم بالهضرة والضحك وغنااا وشطيح ورديح العائلة مجموعة ناشطين على طبلة دفطوور منوعة بالحلويات و رغيفات و بساطل صغاار وبريوات ولمياء بارزة فراس لابسة قفطان فالغوز بيبي.. وشعرها مطلوق.

طلات عليهم مريم ومشات تبدل حوايجها لقاات نورة فاقت قالبة وجهها

مريم : نورة فقااش جيتي

نورة: فصبااح فقااش غنجي اااااه ياا مي ضلوعي

مريم : شعندك واكلة الدق ههه

نورة : لهلا يوريك واحد زمر

مريم: شكون هادا نورة: واحد كاوري اااانااري

مريم: هههه شحال عطاك

نورة: عطاني صبع

تفوووو

مريم : زدقتي ما نتيناا بخبزة ماا نتيناا بنصاا شوفتي ماماك بعداا

نورة : شوفتهاا لقيتها مقوندة فالصالون بدات تعطيني درس على صبااح غاا خليهاا عالله كنت غنزبلهاا واش نتي قلتي ليها اناا كنت بايتة مع هدى

مريم : ههه اه علاه كنتي اتفضحناا

نورة: جاب الله قالتهاا لياا هياا اللولة قالت ليا واش جات معاك هدى قلت ليهاا اه خرجناا انا وياهاا هيا مشات تشري الخبز واخاا جيت لدار

مريم : ايواا لبااس وقفت معاناا هدى فهادي كرهني نورة : سيي شهاد الصداع براا

مريم : دايرين الفال امم ياا حصرة وعروسة مبرزة ليهم

نورة : اناا نوض نغسل وجهي

مريم: عندك شي كارو عتقيني بيه ؟

نورة: معنديش دابا ملي نخرج نجيبو ليك.. مريم : واخاا حتاا نخرجوا....

بدلات مريم حوايجهاا ومشات عندهم لصالون سلمات على كلشي وجلسات تفطر وناشطة معاهم وحسناء غير كتطلع عينيها تشوف فيها وترجع تهبطها..

أنس : الله على راحة الشاااون

عادل : احسن ماادرتي هواا دزتي موراياا اناا اناا كنت عكزان

أنس : ايواا تلفقناا اصااحبي لبارح مالك داير بحال الشرقي نشربو كافي ونتغداو ونضبرو الا لقيناا شي زين هنا هه

عادل : داك الراجل كيشير راقيلة خصني نحيد طوموبيل من تماا

أنس : اه وي راه كينعت ليك راه باركينك سير سير نتاا غتشرب القهوة

عادل : وي

هز عادل كونطاكط طوموبيل ومشاا وأنس مشاا عندهم طلب جوج قهوة ورجع كيتنزه فالخضور لي ضايرة بيهم حتاا رجع عندو وجلس حداه.. دايين جايبين فالهضرة

عادل : عندك نمرة د مريم

أنس : مريم؟؟ شكون هادي

عادل : وديك بنت لي كتجي عند راوية بغيت نمرتهاا د تليفون عندي،نمرتهاا غاا دالواتسااب دايرة بحال الحراكة واتسااب بنمرة وفيس بنمرة وتليفون بنمرة

أنس : صيفط ليهاا مسج وقليهاا تعطيهاا ليك ههه حمقة هادي. عندها ضواساا صحاح

عادل : ودابا من لاخر شوف ليناا نمرة

أنس : هه واااشغدير بيهاا

عادل : وديهاا فراسك الا عندك نمرة جبدهاا

أنس : وانت عندك ولاا

عادل : لا معنديش

أنس : اناا براسي معنديش مي الا كنتي باغيهاا داباا تكون عندك

عادل : ويلاه بين لياا

أنس : واخاا صبر.. هزت أنس تليفونو وصيفط مسج لصوفياا لي كانت على القرص كيف شافت مسج ديالو جوباتو

أنس : هاهياا

عادل يلاه نوض غبرر من حداياا

أنس : فين غنمشي

عادل موت وتحرك من حداياا ويلاه سير طلق رجليك شوية

أنس : اااف زدتي فيه

ناس أنس من حداه حط السماعات فوذنو وزاد كيتمزك وعينيه مع البناات لي كيدوزو من حداه، ورك عادل بيديه على طبلة واتاصل برقم مريم لي كان تليفونهاا فالبيت كيتشاارجا ونورة حداه هزاتو وجوبات

نورة : الو شكون

عادل : مريم!

نورة : لا اناا بنت خالهاا شكون حتا واش سفيان؟

عادل : حداك مريم دوزيهاالي

نورة : وشكون حتاا بعداا عااد ندوزهاا ليك

عادل : انا ل.... ملي تليفون ماشي ديالك لاش هزااه تف..

قطع عليهاا وحط تليفون حداه

نورة : ينعل لي ميحشم صبحت على نحس.. مريم واااااااا مريااام

مريم : شني شعندك كتعيط

نورة : واحد زمر صوناا ليك جوبتو عا ي وهواا يخصر الهضرة معرفتش شكون هاد الحمار معرفتش منين كتجيب هاد نماذج ايكون غاا سفياان

مريم : اراا نشوف ... دمن هاد نيمرة معرفتااشي ومعنديشي مسجلة ..

دوزات مريم نمرة كتصوني وهياا كطل فالسرجم ونورة خرجت مشاات لحمام..

كان عادل كيشير بيديه ل أنس حتاا صوناا ليه تليفون شير ليه يكمل طريقو هز تليفون وفتح الخط

عادل : مال موك شكاين

مريم : شنييي شكون نتيناا ازمر لي مصوني علياا فنمرتي وعاد زايدة بالصناطح

عادل : مريم !

مريم : وعارف شني اسمي شكون نتيناا بسلامة

عادل : ايواا قوليهاا من صبااح ونتي مصيفطاا لياا ماعرفت شكون

مريم : العايلة دحبيبي وشكون نتيناا اناا هاد النمرة معنديشي

عادل : اناا لي موصلك لبارح اماا كون خليتك تشمشي فالزنااقي فنصاص ليل

مريم : طفرتولي زعمة غاا نتيناا والكلبة كحلة لي فهاد الدونياا كيعملو الخير ااااف بنااد..

😨 عااد عرفت راسهاا معامن كتهضر ورجع عقلهاا لبلاصتو بعدماا كان كيفكر فالبعيييد... سكااات كتندم فوجههاا بصمت شنييي مقدرااتش حتاا تزيد تهضر

مريم : عادل كيف نتيناا مزيان اناا معرفتكشي فالأول كيف عاملين العائلة والاخوان

عادل : على سلااامة بعداا.. اناامزيان مبنتيش اليوم فين شداها

مريم : هئ كيسول عليااا زعمة يكون خصوو شي حاجة ولا غاا كيسول!! .. والو هاد الساعة غير مشغولين مع العرس دختي مرة مرة كنطلل شتيتو وصافي

عادل : اوك باي..

قطع عادل ومريم شدات تليفون مخرجة عينيهاا علاش يقطع

مريم : علاش قطع داباا زعمة حتاا عجبني الحال وقلت عنهضر معاه عااد يقطع فوجهي ايواا مشي الله يعطيك شي تشقليبة تشقلبك ياا ولد الاديناا تجيني عاا خبارك مااسخ بوو ضلوع لحية د الشيطااان تفو مكحلة بحال العويلة المبنت خزيت وياااجي دابا صوني والله حتاا نقطع فوسط وجهك بنادم دالقزدير ..

دخلات نورة حلات فمهاا فيهاا لقااتها كتسب وغتااكل جناابهاا وبالهاا غا مع تليفون

نورة : اتي مالكي ههه شكون كتسبي

مريم : هاد الزمر بنيوتة

نورة : شكون هادااا علامن كتهضري

مريم : واش عمرك شفتي راجل مكحل عينو اجي لاحضتيها حتاا نتيناا واقيلة معوط الحوجبين ههه حجباانو حسن من حجباني، ههه ن

نورة : علامن كتهضري الحمقة شكون هادااا وشرحي ليااا بعدااا

مريم : ولحية عندو بحال شيطاان هههه بحال هادوك لي كيجيو ف افلام ممياء هههه

نورة : خرااا سيري تزمري اناا نقوليك شكون هادااا ونتي طنزي عليااا

مريم : ااااه لا والوو تاواحد، اناا غا كنهضر هداك لي جاا كيغني فستوديو دوزام

نورة : مفهمت والو

مريم : كاس دقهوة نجبروو برد خليني..خرجت مريم خالاتهاا حالة فمهاا مفهماات منهاا والو وتبعااتهاا..

جلست مريم حداهم كتذهن فالخبز مربعة رجليها كتحرك السكر فالكاس سمعو شي حد طالع فالدروج ناضت ولقمة فمهاا كطل لقات باها طالع فالدروج وموراه امينة شادة فيد ولدهاا هبطاات كتجري عنقاااتوو بالجهد ودموع الفرحة فعينيهاا وكضور بيه

مريم : سلييييييييم حبيب دياليييييي الخنفووش خلتووووووووووو توحشتك توحشتتك على سلامة ديالك اختي هنية عليك

امينة : الله يسلمك..

طلعت امينة دموع فعينيهاا ومريم موراهاا كتعنق فيه وتبووس

الجلسة الاولى ديال امينة المحكمة عطاتها الحق تاخد ولدها وجابوه ليها يلاه مريم طالعة فالدروج وهياا تسمع الصوني هبطاات تشوف شكون لقاات طوموبيل 207 واقفة فباب دارهم العائلة من الجبل جات سلماات على جداتهاا هيا الولة جاية بجلابة عادية بيضاء وفوق منهاا فوطة دالجبالة وشاشية فوق راسهاا هازة فيديهاا خنيشة صغيرة فيهاا البيض البلدي ومرات عمرها شادة جوج دجاجات وبيبي فيديهاا ومرات خالهاا جارة ولادها شي فضهرهاا شي فيديهاا هبطو صحاب الدار من الفوق كيسلموا ويستقبلو العائلة لي جاات.. سلمات مريم على عمامها وخوالها وخولاتها ولادهم وعمتهاا لي من باب دار بدات بالنكير.. خواو لعمامهاا الدروج مطلعين الزرع والزيتون وضروبة دالعرس..

تروناات دنياا كل برهوش كينتف من جيه وحدة ناشرة ولدها كتبدل ليه ليكوش وريحة مدوخاهم ولاخراا كتهز من حداا خرين وتحط لولادهاا.. ضورات مريم وجهها منهم كتسووط على حالة هوماا فيهاا مشاات عنقاات جداتهاا وجلست حداهاا

الجدة : فيواخ العيلة عتجوج نتيناا

مريم : ههه باقي اعزيزة

الجدة : حتاا تكمش ياالملعوقة ويخرجولك النواضر شايبين كاا عندك شي عقل كاا مدكسبوشي شني فيه ابراهيم العايل د عمك خصو يجوج بيك ونتيناا مخصكشي

مريم : واش اعزيزة عنجوج فجبل والقايلة كتحرق نقيل نحطب ونضرب فتوامر ونكملا فلاخر نمشي نجني الكيف ااااه ياا يماا

الجدة : امشي ياا مشي شكون قالك نتيناا عتخرج من الدويرة نتيناا عاا طيب غديوا ديالك وخبز تجيك سخونة زعمة مرا د عمك عتخليك ضرب تمارة

مريم : عزيزة هوز فقاص نتيناا كيعجبك كوبلا امل اتاي كوب

الجدة : اناا كنهضر معاك نيشاان ونتيناا كتبجقل علياا

بشرى ؛ هه وراه بنات اليوم ولاو يحبووو ويطلقااو وهياا وراجلهاا يختارو خواتم عااد يتزوجو ولا ميتفاهموش

حسناء : لا اختي مكاين لا تصاحيب لا تخربيق ولد ناس لي جاا دق فباب ولقيناه يصلاح نزوجوه

حسناء : اماا قضية دتصاحيب معندناشي

بشرى : وياا ختي هادشي كنقولوه حناا اماا بنان ولا ولاد نديرو لي درناا ميسمعوش ليناا

الجدة : شلادقول ابنتي حناياا فزمان ديالناا كان العز وشان راجيل والله لا شوفتيه ولا عرفتي حتاا خنشوش ديالو كي لاقي

نورة : طاتي وعاودي ليناا كيف طلاقيتي مع تيتيز ديالك

مريم : كانت كتهضر معاه فالسنابي وتصورلو محبق فوق راساا ههههه

نورة : هههههههههههههه اميي كرشي

الجدة : شنييي

مريم : سمع سمع اجي بعداا شني اسمو جدي ااا اه ههه معطي داباا جدي لمعيطي الله يراحموا عمركم تلاقيتو تصاحبتو

عملتو شي بسالة ههه

امينة : هههه حشم املعوقة شهاد، الهضرة

حسناء : هيه حتارم عزيزاك شهاد القلة حيااء

..... مريم وغلي (جري ) ابنثي على راسك ههه عزيوزة عندهاا مدقوول

مريم : وهضر اعزيزة ههه

الجدة : انوض مشي فحالك حسن منهبط على راس د باباك بهاد الطيرمو

مريم : هههه لاااا والو منطلقشي منك مرا د عمي عودلي نتيناا

.... ختي واضحة ههه عاود نلعيلة مسكينة غتبقاا دودة تغلي فيها

.... عيوشة دعاودلا اناا عكوز ديالي مكوناشي لانتفهموا فالأول عيوشة سي...هداك شني سمو الله يفكرناا فالشهادة ااه سيلاريو (سيناريو ) ااه

سيلاريو د عكوز كاميل عارفااه عيوشة هاهياا دعاود

الجدة : خيلاه شني خصكم دعرفو اناا راجيل ديالي الله يراحمو مسكين عمرني حتاا شفت صبع د رجلو هواا لاخراني حتا نهار خل علياا فالعرس ورجع خرج بحالو ديك ساعة

مريم : ههههه علاش اعزيزة عاودلناا

عيوشة : وقالوو جبر عندا شيي قنفود تماا وعميل مناقص ههههههههه

نورة : ههههههه طاتي مكانتش عندكم مكينة د حسانة

مريم : ههههه هادو فالعهد ديالوم كانو كيشعلو عاا وقيدة ويحرقوو مكان عندم لا كوشياا (شفرة الحلاقة ) لا كريماا يزولو بيهاا

نورة : الله ياربي الله مريم : كانت قبة د مولاي عابد خصناا نزوروها ههه نورة : وهيا الا هبطاات قندريساا ديالهاا ونجيو نزورو ونجيبو شمع

مريم : ههه العايلة سكت نتيناا شوف اعزيزا لو مكنتيشي نتيناا والخير ديالك كاعماا كنتي تجبرناا هيداا مجموعين حدااك اااليه شوف حتاا تعياا وقول بفضل قرد شوف شحال من قمقوم حطيت

الجدة : كنتو ممسوخين وزيدتو تمسختو

مريم : مراا د عمي زيد كمل عزيزا كول وسكت ههه

يلاه بغاات تهضر وهياا تشوف ياسين طالع مع الدروج وقلبو الموضوع شاادين ضحكتهم بزز.

ياسين : هااا واحد السلام عليكم عزيزا اهلان على السلامة

الجدة : ياسين اجي الحبيب دقلبي اجي اكبذة المعاودة

قرب عندها ياسين يبوس فراسهاا ويديهاا ويعاود سلم على جميل وكحز مريم بيدو وجلس حداا جداتو

العائلة

......1 هادا مزال متزوج ......

2 حاس براسو تقول كاين غير هوااا .....

1 وصراحة زوين وعاطي العين غير هوا قاصح واش بوليس كاملين كيكونو هاكا. ......

2 الله يهديك هوا باغي غير يبان نخواا على خوا

سمعات امل هضرة د بنات المدينة ولاد عمتها لي جاو من كازة شاديين الركنة مراضيينش يجلسو مع ناس الجبل كيطلعواا عينيهم فيهم ويرجعوا يهبطوهم

ضارت عندهم بجوج امل: ايوااا حيت ملحقتوهش وموصلتوهش وما داها فحتا وحدة فيكم داكشي علااش فمكم تشرم بالهضرة

... 1 باسم الله عليك على اساس غيديهاا فيك نتي

امل : اناا بحال خوياا معندو لاش يديهاا فيهاا

.... 2 وييه بحال خوك تيقنااك ابنت العبد

امل : ايواا سمكم هاهواا فيكم كيغلي الله يستر.. ضورات امل وجهها منهم.. وياسين شاد الخاطر مع جداه وعيلات عمامو وخولاتو وعمتو الجدة : (بصوت عالي ) ايوا اولدي مزال مناوي تجمع راسك وتعملناا شي عرس

ياسين: واااشغادي نقوليك اعزيزا راسي مجموع من شحال هادي مي زواج قولي قريب.

.........1 اويلي

........2 فقيه صحيح هادا امل: هاكو شدو. الجدة : واش بصح شي حاجة ماجاا ولا غا كتهضر

ياسين : قريب مبقااش بزاف الا كتااب

حسناء: صلاااااااااة وسلاااااام على رسول الله...... يويويويويوري ياك وانا اخر من يعلم

ياسين: ماما عااد غنهضرواا

الجدة : ياااااكبدي وشحال فرحتيني الله يكملك بالخير

مريم يقات غييير حالة فمهماا ملقااات متقول ليه وفنفس الوقت ممتيقااش

خلاتهم نورة فالصالون مجموعين ودخلات بحالهاا لبيت ضرباتها بنعسة ومريم شادة معاهم حديث وجمامع والضحك وبالهاا مع تليفون ومسجاا لي كيوصلوهاا من عند صوفياا لي ولات هضرة بيناتهم كل وقت بحالا كيعرفو بعضهم من زماان.. نهار كامل ونورة فالبيت ناعسة فينماا ينوضوهاا مكتبغي تنوض حتاا طاح الضلام وتعشااو عااد دخلات مريم لعندها دخلات عليهاا عشااهاا وربعت هساا وياهاا فوق الفراش عاطيينها لتكركير ضيافهم شش ي نعس شي طلع لسطح كل واحد فين تفرق

نورة : واش ياسين كيبغي شي وحدة

مريم : والله ماعرفة اختي اناا بحالك حتاا شلطني

نورة : ايكون باغي شي وحدة وقيلة وغيتزوجهاا

مريم : يضبر راسو حناا مالناا

ضورات نورة وجهها جيهت سرجم كتسوط دخلات عندهم امل وموراهاا لمياء هازة جلايلهاا

أمل : شفتكم رجعتو حنان على بعضيااتكم هه

نورة : وعلاه شحال عندي منهاا

لمياء : وعلاش داخلين هنااياا بوحديتكم طلعوا تجلسو مع ناس

نورة : اناا غاا عفينيي اختي معنديش اصلااا مع عراس وحتاا هاد النماذج البشرية لي جاو هههه

لمياء : وعلاش بقيتي هنااياا كن غاا مشيتي فاين ترتاح

نورة : باغاا تعايري ولا شنوو

لمياء : حسبيهاا كيف باغااا ازين مكيهمنيش امرك

مريم : شعند الهضرة ديالك نتيناا بحال سم متعرفشي تشود دوقمك شوية

لمياء : ونتي،مالك فاش واحلة اناا غاا هضرت

نورة : اناا مجيتش عندك اولاا جيت عند عمتي اون بليس اناا مغنبقااش هناا اناا غادياا بحالي غااا تفشي وشوفي فمن تلسقي

لمياء : ضحكت معاك كنتي على سبة سوقك هداااك

أمل : نورة لمياء قللتلك الحق نتي عيقتي اختي

نورة : سير تزمر نتي وياااهااا ملي جيناا وهياا هازة شوكة ديالهااا

لمياء : فشوش داركم متعملوشي معااناا هناياا سمعتيني واامشي كوب على كرشك المااء. خرجاات لميااء كتجر جلايلها تبعااتهاا امل ونورة جلست فطرف شاادة دموعهاا كتنهد ناااضت لحوايجها بدات تجمعهم ومريم كتحاول تهذنهاا وترطب معاهاا الجو ابداا واش سمعات ليهاا لبساات حوايجهاا وهزات صاك صغير فيه الحوايج وتماات خارجة ومريم كتجر فيهاا وطلب وتبوس ولاخراا تدفع فيهاا خلاتهاا مريم وعيطاات على امل هابطة من السطح كتجري

امل : مالكي مريم

مريم : نورة خرجت فهاد الليل علاش هضرتو معاهاا هيداااك

أمل : لهلااا يردهاا كتخرج ليناا غضبانة من دار يحساب ليهاا كلشي غيقبل ليهاا هاد تبرهيش

مريم : شكتخراي علياا نتي واش ختك نص ليل خارجة ونتي عااد زايدة فالهضرة عيط لماماك تهبط دغيا بلاماا اخرين يعرفوو نشوفو شني غنعملو

أمل : الا بقاات فيك سيري موراهاا اناا مغنهضر مع حد..

رجعت مريم لبيتهاا مترددة اش غتقول ومعامن غتهضر ولا تنكر ولا تكذب ولا دير راسهااا ماعارفة والو.. هزت تليفونهاا كتصوني عليهاا وتعااوذ بدون رد.. فالوقت لي خرجات فيه نورة من دار توجهاات لمقهى قريبة لدار شوية خدات كافي مع كارو كتبرد غذايدهااا وكتقلب فالتليفون على شي نمرة د معارفهاا.. طلعاات،ليها راوية مخلياا مسج...

راوية : hi

شدات تليفون فيديها وبدات تضيفط ليها فالميسجاات واحد، مور واحد...

نورة : ونتي لباس

راوية : نو

راوية : علاش

راوية : فينك واش مع مريم

نورة : لا راه خرجت من دارهم طرا معاياا واحد مشكيل

راوية : علاش شنو طراا

نورة : واخاا نجي عندك محتاااجااك

راوية : اووك واخاا انا فداري بلحق نعطيك عنوان واجي

نورة : صافي واخاا، صيفطيه لياا ف مسج..

ناضت نورة شدت طاكسي فديك نصاص ليل وزنقة عامرة كلشي خرج يتبرد وناس جالسين فالجرادي ولادهم كيلعبو فالكازو.. وهياا عينيها مع زاج كتشوف.. حتا وصلات عند راوية وطلعاات عندهاا حلات ليها باب تسالموا وستقبلتها فدارهاا..

نورة : دارك زوينة

جلست قبالتها راوية لابسة شوميز بلو مارين من التحت وبينوار زرق من فوقهاا كضور عينييها

راوية : غتكون عندك بحالك

نورة : ههه موحال

راوية : كتشربي

نورة : وي وي غير كبي

راوية : صرااحة... بغيت نهضر معاك وكنت كنفكر فيك دااكشي علاش صيفط ليك مسج

نورة: مرحباا فوق راسي لي بغيتيهاا نديرهاا ونفوتها لهيه

راوية : اوك شوفي اي حاجة تحطي عليهاا لساانك وطلبيهااا كيفماا كانت نحضرهاا ليك كنهضر معاك بصح ماشي كنتفلا مي بشرط

سمعات نورة لي طلبااات وتحلوو عينيهاا مزياان حطت الكاس من يديها وحلت وذنيهاا تسمع عليهاا

نورة : شوفي حسبيني كتر من صحبتك لي بغيتيهاا اناا موجوودة

راوية : اوك من لاخر اناا كنبغي عادل وبسبابو اناا مريضة شوفي يدي كيف ولات...

نورة : هيييه مالكي شدرتي فراسك مال يدك مخيطة

راوية : معليناا داباا مهم بغيتك باي طريقة تجيبيه ليااا وتحبيه فياا .. اناا مخليت ماادرت وحتاا من مريم مقضاات لياا والو فيها غا الهضرة

نورة : هادا مكان ! هييه وصافي ضربيه على حسابي كوني،هانيا من هاد الناحية اناا هادشي فاش حادكة غاا فالتطيااح بنادم ههه

راوية : نتمنى المهم الوقت كولو فيدك وزيني،علاش قادة

نورة : ولا عليك كوني هانياا.. من هادشي اناا قادة بيه.. تيق بياا غادي يرجع ليك واصلاا هاداا فاش حادكة اناا هه

راوية : واخاا غنتيق فيك تصرفي كي بغيتي هاا دار دارك حتاا تصلح امورك ويلا بغيتي نخرجو يلاه اناا قنت

نورة : يلاااه فاين مااابغيتي نمشيو نترمااو حتاا فالبحر هههه

راوية : يلاه نلبس حوايجي ونجي عندك..

لبساات راوية وقدات قدام المرااا عطرات راسهاا هياا ونورة لي واحلة غاا مع تبدال. حتا كملو وخرجو يسهرو على برا...

سكاات فدار مريم وكلشي عاقد على نورة فالبيت بقاات مريم واحلة شنو غتقول لمهاا وكيفاش غتشرح ليها الوضع. جلست كتخمم ويدهاا فتليفون...

أنس : عرفتي كيعجبوني دوك اماكن الشعبية شبان ليك نذيرو شي شواياا

عادل : شناهوااا زيد زيد

أنس : مالك اصاحبي على هاد الطبيعة كون شعبي ولد بلاد واخاا زعمة ولد لندن احم احم راه كيبقاا الأصل هواا الأصل

عادل : وجاب هااد الهضرة لهضرتناا دويت ليك شوف على ماكلة وعلى دخاخن شوف واش هاد الناس حتتاا غاسلين يديهم ولاا لاا ماكلة تقيل منشورة شابعة غبراا دايز عليها ذباان ونتاا كتكولي كون شعبي حمااق

أنس : ضبر راسك من جيهتي متاكلش كااع اناا غنمشي ناكل تمشي يلاه تسناني هانتاا هناا..

قلب عادل وجهواا وتم زايد.. وأنس جلس فوق واحد الطبلة كيشير بيديه لخدام

أنس : اخوناا شي شواية الله يحفضك

.. خل الفيس ديالو يشوفو اش جديد ضار حتاا عياا عاد مشاا يشوف الرسائل.. لقاا مريم مصيفطاا ليه

مريم : أنس كيف نتيناا اخاي لباس...

أنس : اهلاا ميمي شكون تفكرناا مزياان وانت

مريم : احم الحمد الله وانتيناا ولي معاك

أنس : ههه اااه فهمت وعقت

مريم : شني !! فايش عيقتي

أنس : مهم مشاا ينعس

حولات تبدل الهضرة ومعرفاات متقول

مريم : ونتيناا مزال مجاك النعااس

أنس : اناا فهاد ليل مزال كنضرب شواية ههه

مريم : بصح حتاا ياناا كتحمقني الملعوق شهيتيني فيهاا يعطيك شي خير

أنس : اجي نتعشااو اناا وياك مرحباا

مريم : فينك داباا

أنس؛ شاون

مريم : ايواا بعيد علياا

أنس : ههه نجي موراك

مريم : ربي يخليك اخاي مهم منبرزطكشي انخليك تعشاا فخاطرك

أنس : لاا غير بقااي وانت جديدك !

مريم : حناياا غدا العرس عندناا فدار حناء د ختي

أنس : مبرعين سعداتكم كيعجبوني عراس

مريم : تكان عندي كيف نعمل كون عرضتك ولكن عائلة ديالناا فشكل

أنس : ولاا عليك ازين .

شدو الهضرة بيناتهم والضحك لي ميتسلاش نفس العقلية عندهم بجوج ...

عادل غادي مع ازقة شاون كيتساااارا وفيدو تليفون وكل مرة يهزو يضرب شوفة فصورة مريم... مهناهش خاطرو وكتب ليهاا مسج...

شادة التلفون كتهضر مع انس وصلهاا مسج من عند عادل

عادل : ماري !

مشافتوش كملات هضرتهاا وعاطيااهاا الضحك رجع صيفط ليهاا مرة خراا

عادل : بغيت نهضر معاك جاوبي

مرداتش البال حتا دخلات عندها بشرى...

بشرى: اجي لهنى اش طراا فين نورة فين مشااات فهاد الليل

مريم: سول لمياء وامل انا مسوقيشي هوما لي كيهضروا بلا قياس

بشرى: مريم شوفي لميمة ابنتي لاما قوليلي فين هياا وشنو طرا راكي عااارفة باها غداا غيجي هوا والمهدي ومبغيت صداع انا راضية عليك..

مريم: اخالتي بنتج امل ولمياء ضارو فيها وهيا معجبهاشي الحال وخرجت معرفتاشي فاين عتكوون مشات

بشرى: اويلي على بنت الق*** اويلي على الخطية لي عطاني الله اويلي غطيحني واناا واقفة اويلي اخر شرفي نطلق ونتسمى ممزينااش وممربيااش ولادي اويلي اويلي ياا ويلي على المسخوووطة ياااويلي وشنو درت فملك الله... تجمعوا عليها كلهم كيسكتو فيها ويحاولو يهذنوهاا ومريم مربعة يديهاا ومضورة وجهها كتسناهم غا يخرجو من بيتهاا... خرجوهاا برا سدت باب بيتها ورجعت لبلاصتها فاتحة السرجم ورياحة مطلوقة حداهاا كتبرد

وصلها مسج اخر... و بلاما ترد البال دخلات لمسج ديالو وقرات اخر المسج وهيا تجاوبو....

عادل: القزمة فينك

مريم: القزمة هياا يمااك السلوكي ههههه مفيكش حتا اللحم بحال عباد الله.. ههههههه امضرا فاين وصلتي شبعتي ولا مزال خاصك شي بوكاديوس اخور

شاف المسج ديالهاا حمارو وذنيه وكز على سنانو..

عادل: vu

قرات المسج ديالهاا وعلات عينيهاا فالنمرة وصورة البروفيل معرفت راسها باش تبلات ملي فعوض متصيفط ل أنس رسلاتو ل عادل

.. شدااات فحنااكهاا كتولول

مريم : اويلي وشحال قدي منحضي شني خصك ازمر عاود علاش مصيفط فهاد نص ليل امشي الله يخليها سلعة اويلي وشعندي اناا دوقمي زراب هياا اصلا اناا لي غلطت اوووف شحال حمارة ياااانااا... موصيبة شني غنعمل شني عنقولو

مريم : عاادل كيف نتينا مزيان سمحلي الله يرحم يماك انا كنت كنهضر مع أنس وملي بغيت ندخل لميسج ديالو دخلت لديالك وبلاما نردلك البال جوبتك بهاد الطريقة سمح ليا

عادل : Vu

عادل : مزال شاد لياا الحديث مع بناات غتهز من تماا ولا نجي !! تكعد وتهز نتا وداك التليفون

أنس : امالك اصاحبي اش تما شكاين

عادل : vu

أنس : ومفهمتش عادل مالك شرح ليا اش كاين

عادل: سير تق***

أنس : اوك اوووك ههه هاني مشيت

رسل أنس لمريم مسج بزربة..

وخرج من الواتساب...

أنس : مريم تصبحي على خير ازين من بعد نكملو الهضرة مسخيتش بيك والله مي حكمت المحكة ههه

مريم: مفهمتشي كيفاش...

شتفت موصلوش مسج وخرج رسلات ليه واحد اخر..

مريم : واخا حتا لغدا بسلامة عليك.

بقاات حاضية شكون غيصيفط ليهاا وبالهاا مع عادل لي مجوبهااش حتا طلع ليها كيكتب..

عادل : ايواا كملتي ودوزي لهناا

مريم: شني عملت ياناا والله حتا غلطت ماشي بلعاني ايوالله

عادل: شنو قلتي لياا قبيلة

مريم: هانتي شوف نتينااا بوقوص وزوين وضرافات الله يعمراا دار الله يحفض الكرش لي ولدتك اخاي ديالي

عادل: كتعرفي تخرجي عينيك وعندك مع الزواااق

مريم: والله ياا خاي حتا بصح سمحلي ..

عادل: اوك اناا راجع واحد شوية الا بقيتي فايقة..

مريم: هانااا فايقة من دابا حتا لصباااح واخاا اناا نتسنااك...

شاف مسج وابتاسم وحط تليفون يتشارجاا فلاشومبر ديالو فالأوطيل لي نزل فيه... حيد حوايجو ومشاات يدوش

ومريم مشات الحمام طايرة لقااتهم واحلين فالصالون بالصونياات على نورة وامهاا كتبكي وتندب .. ورجعات لبلاصتهاا كتسناه

تحمحم مزيااان و خرج بفوطة على عنقو وبوكسور كحل تلاح فوق الفوطوي فالبالكون كيتبرد وكاس عصير حداه .. كانت داخلة المحادثة بيناتهم كتسنااه ومرة مرة تشوف صورة البروفيلو حتاا طلع ليها كيكتب „ قشااعتو وبداا قلبها يزدح كتسنى شنو غيخرج

عادل: فين خليناهااا..

مريم: هنايا وصافي ههه كيف عامل الجو عندكم فالشاون

عادل : شكون قالك حنا فالشاون

مريم : غير انس وصافيي

عادل : ااه اوك..

مريم : شكتعمل بالصحة تدويشة بعداا

عادل : مغسي

مريم : حرارة يااااك وقولي معتمشيشي بحالك باقي هناياا...

عادل : مزال

مريم : ااه واخاا

سكتات وهواا كيتسنااهاا اش غتقول..

عادل : شكديري الملعوقة

مريم : هههه تعلمتي طنجوية دغياان

عادل : معاك ناس يتعلمو كلشي .. يعايرو .. يزوقو فالهضرة .. كلشي

مريم : ههه واا غا سمحلي دقم مفيه عطم عادل : عطم

مريم : ههه هواا هداك العضم زعمة متديشي علياا

عادل : ههه خيت موصيبة هادي

غلبو الضحك بعفويتهاا وهضرتهاا المزروبة حتاا كتبقاا غاا تبلز وترون الهضرة...

مجوبهااش خلاهاا هكاك...

مريم : وشحااال حمارة ياااناا علاش نقولو اناا فايقة حتاا لصباح زعمة هاد الشان كامل انكبرو لهاد الزمر وفلاخر ميجوبنيشي شحال عاجبو راسو ومشي تماا بقيتي عااود صيفطلي الا منخليك حتا نتيناا بلاكة..

حطت تليفونهاا جنبهاا وتكات على المخدة مغمضة عينيهاا ..

فديك الوقيتة أنس كان وصل الأوطيل ومشاا نيشاان عند عادل فتح ليه الباب ورجع لبلاصتو كيطلع ويهبط فصورة مريم وأنس حداه طالق الضحكة

أنس : عجبااتك هه

عادل : الصمت

أنس : جاتني على كانتي ضريفة كتباان واخاا فيهاا قوة بلا بلاا

عادل : زويييينة بزاااف

أنس : عندك الحق

جر أنس كاس د عادل كيشرب فيه..

وعادل متكي حداه وتليفون على صدرو العرياان

هزت تليفونهاا طل واش صيفط لقاات مكاين والوو.. خرجت نفس عمييق وهزت تليفون كتكتب

مريم : شعندا راوية ممشاتش معاكم

عادل : نو.. اجي ممكن نشوفك

مريم : فاين عتشوفنيي !!

عادل : صيفطيلياا صورتك.. باش اصلاا نسمح لك

بدون تردد جوباتو ب واخاا... ودخلت لملف الصور تعزل لي غتصيفط ليه...

مريم: شوف هادي!

عادل: اممم مبيكش

مريم: () يااك خايبة ! هادي كنت مع راوية ..

عادل : المهم قزمة وصافي

مريم: المهم دابا سمحتيلياا ولا مزال

عادل: والمهم هانا دوزتها ليك

مريم: ههه ووريني حتا نتا نشوفك

عادل: شغادي تشوفي فياا

مريم: عادي بحالي شفتيني انا

عادل: لاا حبيبتي راوية مكتبغيش نصيفط تصاوري

مريم: . اوك سمحلي

عادل: ههههههههه هههههههه ههههههههههه اووكووكوو ههههههههه

أنس : هههه مالك كضحك هضر

عادل : هههههه لا صافي خلااص هههههههههه بالدمووع ناري

أنس : وقول شكاين ..

جلس عادل كيمووت بالضحك مد تليفون لأنس كيقرااا داكشي لي كاتب..

أنس : هههههه مسخوط حرام عليك ههههه والله هههههه

يتبع

أفتقدك الجزء الثالث

محتوى القصة

التنقل بين الأجزاء