أفتقدك الجزء السادس

وجوبهاا فالبلاصة..بمسج صوتي 

عادل : هه الله ياودي كولشي ديالك مزال مزال عندي بزااف.. صيفطيلياا حتاا نتي بغيت نشوفك معندي صبر حتاا لعشية 

سمعاتو وبقوة الفرحة بغاات تبكي جلست فطرف فراشهاا كطلع تصاورهاا هادي زوينة هادي لاا ..هادي جيت فيهاا مشعكة... هادي خايبة ... 

بدات كتعزل الصور صيفطاات ليهاا 29 صورة وكيف صيفطاتهم لقاتو مصيفط صور ديالو بكثرة عمرهاا مشافتهم جداد والقدام.. تكمشت فبلاصتهاا كتشوف فيهم ودوز وحدة مور وحدة.. 

حتاا سمعات عياط امهاا حطت تليفون كيتشارجا وخرجت عندهاا 

مريم : شنيي اماماا 

حسناء : لبس عليك عنخرجو لقصارية نشريو حوايج 

مريم : لمن هاد الحوايج عاود 

حسناء : لمرات خاك ها خاك عطاني فلوس خصناا نمشيو نشوفو شعنشريولا 

مريم : ايوا اناا باقي مطرحت الخبز 

حسناء : بوطة دفران ماتت عنخرجوها فيداناا نفران د الزنقة وملي نرجعو ندخلوها فيداناا 

مريم : وشكون عيمشي 

حسناء : ايوا نتيناا وختك وعزيزاك وعمتك غطلاقاناا حتا هياا اتمشي معاناا 

مريم : واخاا اناا نلبس علياا ونجي.. ولكن منتعطلوشي نرجعو قبل متوذن المغرب 

حسناء : اااه رجعتيلي مراا د راجل ادخل قبل متوذن المغرب اصلاا نتيناا خصك غاا طوطااح داباا عاد رجعتي كتعرف 

مريم : وشحال فيك ايماا د الهضرة اناا قولت نجيو نعدلو العشاء بكري قبل ميجي باا وصافي..

خلاتها مريم كتلبس جلابتها فالصالون ودخلات لبيتهاا لبساات سروال نيلو لاسق على اللحم.. وجلابتها وفولار فوق راسهاا ملوي .. حرفاات بالصاك على كتاافهاا دارت فيه تليفون وسمعات فوذنيهاا وخرجات عندهم... لقات جداتهاا لبست جلابة سامبل قديمة بسفيفة وعقااد وفواطة د جلايل حمراء وفيهاا خطوط بويض على خصرهاا عقداهاا وشاشية فوق راسها (ترازة ) ويماها لبساات جلابتهاا وعقدت زيفها فعنهاا خبات فلوس لي عطاها ولدهاا فصدرهاا وخرجو كلهم ..شدت مريم فيدين ندى وخرجو هواا اللوالا عاد تبعوهم لاخرين.. كيتنااكرو على اش غيشريو وصلو لقصارية د حوايج وبداو كيشريو من ملابس داخلية لحوايج لي من التحت د القطن خداو ليها جوج بيجمات وقميص بشانو وشربيلو 

بوشيط طويل د المكيااج وشانطة صغيرة جمعو فيهاا داكشي كامل ومريم شادة تليفون فيديهاا كتكونيكطاا مع هدى ولي شراوهاا كتصورو ليهاا وتوريهاا خداو بعض من الفاكية من السوق ..

ودخلو لواحد المطعم شعبي ربعو رجليهم تماا.. 

حسناء : ايي ابني جيبناا واحد 4 زلايف د بيصاار 

.... واخاا احبابي 

مريم : العايل اناا مخصنيشي بيصاار جيبلي واحد بوكاديوو د طون وفريت 

... واخاا اختي

حسناء : عندك باش تشريه ولا 

مريم : ايواا لي يخلصلي زلافة د بيصار يخلصلي بوكاديو اماماا 

جبدات سقاطة من صاكهاا كتمد لبنت ختهاا حتاا جابو ليهم الطلبات .. شدت مريم سوندويتش بين يديهاا كتاكل فيه وتمد لبنت ختهاا بطاطة وطريفات البيض.. وامهاا شادة زلافة بيصارة بمعلقة كضرب فيهاا هيا وامهاا وامينة.. 

حتا كملو مكلتهم خلصاتو حسناء وشدو الطريق راجعين لدار والمغرب كتأذن عليهم حتاا قربو لزنقتهم .. رن تليفون مريم من صاكهاا جوباتو بسمعااات خرجو 

عادل : فينك 

مريم : هاناا فالزنقة يلاه راجعة لدار كناا خارجين.. 

عادل : بصح شمن بلاصة ! 

مريم : اناا فالطلعة د جامع...

حسناء : العيلة معامن كتهضر

حيداات السمعات من وذنيها بعداات تليفون وقالت : صاحيبتي امااماا صاحيبتيي..

ردات السماعاات لوذنيهاا وهياا كتردد : فاينك نتيناا .. واش كتسمعني.. 

الخط دايز ولا مجيب كتسمع غاا نفسو لي كتسوط من تليفون وصدااع د شارع.. بغات تقلب عينيها لجهة خراا.. وهياا تجي عينيهاا فعينيه شاد التليفون بيديه وخارج من طوموبيل..

سخونية خرجات ليهاا من وذنيهاا وبداو يزفروو خايفة من خطواتو لا يتقدم وهواا واقف كيشوف فيهاا وابتساامة مرسومة على وجهواا.. خشات تليفونها فصاك يلاه بغاات تهضر مع امهاا باش تسلت وهياا تشوفهاا امها قملات على جلابتها من جنب وشدت يديهاا كتغوت دراري كيلعبو فالزنقة الكورة .. 

حسناء : بلاتي عليك اولد فضيلة بلاتي وااخاا الحساين عقل فيهاا مجبرتو فاين تلعبو الكورة الهجيج اناا ماشا عند يمااك نشكملا ضارب كورة فمرا كبيرة قد عزيزاك 

....سمحلنا احبابي حناياا اصلا مشوفناكومشي 

الجدة : يعطيكوم قطيعة ولد وطلق نالزنقة غاا والديكم خصوم يتهناو منكم ولي داز تشقموه خليهاا سلعة ...

زادت عندو حسناء كتحلف فيه بيديهاا تبعاه وجداتها شادة فيد مريم لي قابلة وجهها من عادل مقدراش تزيد تشوف فيه مزال.. 

الجدة : زيد نتيناا قدامي اليوماا باك يبداا يحيح عاود... 

زادو خطوات ومريم مضوراتش وجهها لور عاد لحقات عليهم حسناء كتحيح مع دراري... 

نترات مريم يديها من يدين جداتها وزادت عند امهاا 

مريم : ماماا خصني نمشي عند هدى داباا 

حسناء : وليل هادا فاين عاد غتمشي عندا داباا حتاا نغدا 

مريم : اماماا شوية عنجي معنتعطلشي 

حسناء : هضرت معاك بلاماا تغددني زيد. قدامي 

مريم : وتقاداتلي الكارطة اناا غنمشي نعمر ونجي

حسناء : قيل مقابلالي غاا كراطي وتشاطي هادا فاش تبليتو وخبزك ديماا كيجي بحال المقدارة لي يبنيو بيهاا مدقص

مريم : بديناا اماماا عاود مكتقضاشي نتيناا ااه اصلا فكرتيني انمشي نجيب خبز من فران اري 6 دراهم 

جبدات حسناء بزطام من كمهاا عطاتها 10 دراهم وبدات تاني : والله وتعطلتي منعقل عليك مبقيتيليشي زوفري تبقاا ضور هدى معنداا فاش تنفعك هاهياا عملت عقلا غتجوج ونتيناا بقاا ضورلي من دار لدار.. 

شدات مريم فلوس ومشاات كتخلف حتاا هبطت لشارع لكبير.. جبدات تليفونهاا كتقلب لقااتو مصوني عليهاا شحال من مرة ... هزاتو كتقرا مسج 

عادل : وبغيت نشوفك اناا مزال كنتسنى 

فينك ... 

واش مجياش امريم 

مريم !! جاوبي واش نمشي... 

حطت تليفون فصاكهاا وزادت وهياا مترددة يمكن تلقاه مزال ممشاا يمكن تلقاه مشاا.. 

لقات طوموبيلتو مكينااش فبلاصة لي شافتو فيهاا وبقاات زايدة مع طريطوار وهياا كضور فعينيهاا حتاا شافتو واقف بعيد هاز تليفون فيدو وضو ضارب فوجهوا.. قطعات الشانطي ومشاات عندو هبطات الفولار على شعرهاا شوية باش يبانو خصلات كتقرص فحناكهاا باش يحمارو وحنات راسها غادية بخطوات بطيئة حتا قربات حداه عاد على عينو فيهاا.

قرب عندهاا مدات ليه يديهاا وهياا كتقزقز شد ليهاا فيهاا بقوة وقرب لوجهاا سلم عليهاا من جوج جيهاات ..حمارو خدودهاا بوحدهم كتر من القرصة لي عطاتهم زاد عندهاا وهواا كيتأمل فملامحهاا كتهز عينيهاا فيه وترجع تهبطهم مقدرااش تحكم فنضراتهاا ليه 

عادل : واخيراا شفتك عرفتي شحال واناا كنتسناك 

مريم : سمحلي بزاف مرديتشي البال نسيت 

عادل : ااه معليش اناا كنت بغيت نهضر معاك مي شفتك مع اهل ديالك ورجعت مامااك هاديك...

مقدراتش تجاوب وحشمات من الموقف لي طاحت فيه.. تنهدات فنفسهاا وقالت : لا هاديك غير خدامة لي عندناا فدار احم .. ااا.... مامم وهاديك امهاا وبنتها مشيت معاهم لدارهم ولبست هاد جلابة 

عادل : هه جاتك زوينة بقاي تلبسي بحال هاد اللعيباات 

مريم : ااه هه ونتيناا بخير شنو كتعاود 

عادل : هاد ساعة توحشتك بزااف وكنت مشوق غير ايمتاا نشوفك 

مريم : الصمت 

عادل : عطيني فرصة نخرجو شوية ونجلسو نهضرو امريم 

مريم : المهم اناا عنمشي داباا يااك وساعة يكون عندي الوقت ونشوفك 

عادل : مي متعطليش عفااك مكرهتش غداا بليز الا قدرتي 

.. بينها وبين نفسهاا وهواا كيهضر.. ( علاش كل مرة باغي يشوفني ! زعمة نكون عجبتو ههه لاا موحال .. يقدر يبغيني .. لا معرفتشي .. ياربي وشني غنعمل اناا بيدي رجعت خصني نشوفو ونعرفو واش نزيد ولا نتوخر علاش اناا اصلا كذبت عليه.. اصلا لو كان عارفني مكانشي عيبغيني ولا حتاا يديهاا فيهاا .. وقيلة حتا هواا تابع غاا ناس لي لاباس عليهم ديكشي علاش بغاني ! اناا مبقيت فاهمة والو ياربي وقف معاياا محتجااك ) فيقهاا من سهوهاا وقال : مريم صافي نشوفك غداا

مريم : اناا غنحاول يلاه نخليك تعطلت بزاف 

عادل : واخاا نهضرو ف تليفون اووك !

مريم : صافي واخاا يلاه بسلامة. 

عطاتو بضرهاا وزادت تبعهاا بعينيه ..ورجع دخل لطوموبيتلو وزاد هزت جحلولهاا ومشات طايرة عند مول فران لقاتو كيسد عطاهاا خبزهاا ورجعت لدار حطتها فالكوزينة ودخلات لبيتها حيدات جلابة وخرجت لصالون ربعات رجليهاا وامهاا وجداتها كيعاودو يشوفو فالحوايج .. دخلات تشوف الميسجات لقاات اللائحة طويلة.. 

هدى _ 

راوية _ 

صوفيا _ 

انس _ 

دخلات مسج راوية هواا الأول 

راوية : باز لقيتي باديل ولا شتك ميكتي فمراا..

_ هييه طلي عليناا بغيناا نشوفوك اصاحبي.. 

ردات عليهاا وعلماتها ف اي وقت لقاتو خاوي غتمشي عندهاا يلاه بغات تجاوب صوفيا.. وهواا يصيفط ليهاا عادل.. 

عادل : اناا غنمشي نلعب الكورة مع صحابي فليل نمشي لدار ونهضروا اوك...

جوباتو بالزربة... وكملات الهضرة مع باقي اصدقاااءهاا.. حتاا تجمعو صحاب دار كاملين.. وتعشاو تركنات فواحد السداري كتكونيكطاا وبالهاا ايمتاا يحل ويصيفط ليهاا.. حتا ضربات 00:00 د ليل عاد دخلات لبيتهاا وبدات تسنى.. 1:30 عاد اتصل بيها.. ناضت لباب بيتهاا شدتها بالساروت طوات جوج منطات دارت وحدة فوق وحدة وخشات فيهم راسهاا باش ميسمعهاا حد... شدات تليفونهاا بلهفة وهياا مرعودة كتهضر معاه وكتنهج من شدت السهد كل مرة تخرج راسهاا تستنشق الهوااء وترجع تكمل هضرتهاا ... حتاا أذن الفجر حست بالسخفة ملقاات فين تنفس وهواا مزال كيهضر كتشوف ف تليفون 1% ... وعينيهاا مبقاتش قادرة تحلهم تعسلو.. يلاه بغاات تجر بريز باش تخشيه وهواا يتطفى تليفون.. ربعت رجليهاا كتحاول تلسق البريز باش تكمل هضرتهاا واخاا مبقاا ليها جهد برونشاتو تكات باش شوية تنوض تشعلو .. محساتش براسهاا حتا داتها عينيها وناضت مخلوعة مع 11:30 راسهاا كيفرع بالحريق ..

حلات عينيهاا بزز كتشوق فالريدو لي داخلة منو الشمس .. مقدراتش حتاا تحرك من بلاصتها.. عاد تفكرت تليفون والأحداث د لباارح.. جمعت نوضة قلبات تليفون لقااتو حامي كيشوي حيدات ليه البريز وشعلاتو لقاتو عامر شارج.. بداو يوصوهاا مسجاات والعلبة الصوتية...صبح قلبها كيفرفر.. من اهتمام لي حساتو عااطيها... جوباتو وخرجات من بيتها بداتها حسناء من باب بيت 

حسناء : غاا ليل تبات ساهرة مع تليفون وصباح تصبح ناعسة شلالة عمرت بالحوايج كاا مغتصبن مغتجمع الدنياا انقيل تبعااك اناا كيف غيكون فيك ملي تجوج وتمشي ندارك شكون غيقبلك هاد العفن والعكز .. لا عكوزة لا راجل غيقبلك هادشي عمل عقلك اهاد البنت براكة متغددني.. 

خلاتهاا مريم كتلحن مقطوعتها اليومياا ودخلات الحمام غسلات وجهها ورجعت الطبلة كتذهن وتاكل وامها ف الكوزينة كتنكر.. وجداتها كطلع وتهبط فيهاا. سمعات الصوني وناضت تشوف شكون..حلات لباهاا وختهاا لي جاو من المحكمة جلسو كيهضر ويتنااقشو ف امورهم ومريم راسهاا مرفوع مدخلات حتاا هضرة لراسها

... ناضت قملاات على كمامهاا هزت الشلالة وصابون وليخياا ودخلات الحمام شي دارتو فالمكينة شي حطاتو فلابابو كتحكو بين يديها 

شلاات وطلعات كلشي نشراتو جمعت صالونات والفراش غسلات المواعن.. بالزربة كانت 1:45 ومشات عند امها كتمسح يديهاا

مريم : يماا اناا اليوماا خصني نمشي نادي شحايلو مامشيت 

حسناء : معندك متعمل تماا دوز تجلس ديك ساعة دخل تعلم تعدل الحلوة خدم نالعراس وهنينا 

مريم : ماماا اناا ماشاا خليني نتعلم شغل راسي الله يعاونك.. 

مشات لبيتهاا طايرة كتلبس هادي وتحيد هادي كتشوف اش غيجي قدهاا .. لبساات سروال جيم طوات ليه رجليه مع قميجة طويلة شوية مجموعين يديها دضامة وشان على راسها قداتو وحطات كريم مرطب.. وكلوس وكحل خفيف فالعين... جمعت صاكهاا وخرجت كتسلت.. هبطت فالدروج كتجري باش ميشوفهاا حد حتا وقفت فالشارع معلوم.. تفكرت لقااءها مع عادل .. بغات تصيفط ليه مسج وتقوليه اناا مساليا مبغاتش طيح براسهاا وصيفطااتو لراوية.. فينك.. 

راوية : اناا فالاوطيل اجي عندي بب

مريم : واخا احوبي

شدت طاكسي ومشاات عندها طلعات نيشان لمقهى لقاتهاا جالسة كتبكي ونورة جالسة حداهاا كتسكت فياا.. خرجو عينين مريم ملي شافتهاا معاهااا بلوك مغاير.. ولباس فاضح سلمات على راوية وزادت خرجات عينيهاا ف نورة 

مريم : نورة شكتعمل نتيناا هناياا فاين كنتي يماك وباباك دابزو بسبة ديالك فاين مشيتي 

نورة : سلام ! لباس ! يلاه نخليكم 

شدات فيها مريم وقالت : اجي نهناا فاين ماشااا نتيناا قالك يلاه نخليكم رجع ندار ديالكم ازمر شهادشي

نترات نورة يديهاا وقالت : مريم ديهاا احبيبة فراسك الا نتي مزال صابرة على عقدة د طاسيلتك اناا تحررت منهاا وتهنيت وعايشة حياتي كيفماا اناا باغاا صافي وداباا خايني راهم كيتسناوني لتحت غنمشي لمراكش.. شي ناس مهمين جاو من كنداا ياحبيية.. غمزات مريم وهبطاات كتماايل بخصرهاا .. رجعت جلست مريم حدا راوية وهياا فحصرة 

مريم : راوية ياك لباس شعندك نتيناا كتبكي عاود ... شني عندك .. شكون عصبك .. شكون بكاك عاودلي !! 

زادت عندهاا راوية وعنقااتهاا بجهدهاا وقالت : اناا امريم عييت عييت بزااف.. عرفتي شحال واناا كندير فالخواطر عرفتي شحال د ناس وقفت معاهم ! وفلاخر كنحس بكلشي كيطعني كلشي هدف ديالو هواا الفلوس لي حناا غارقين فيهاا ولكن حناا معندنااش الزهر نفرحو ونعيشو بخير شتي امريم تشوفيناا ضاحكين وممهتمينش تقولي هادو هوماا ناس ولكن مطعونين بزااف من جيهت ناس لي كنبغيو اهئ اهئ كرهت راسي 

مريم : لا حول ولا قوة ابا بالله 

. الله يخلص كل واحد على قد نيتو اختي راوية مااتعرف شني مخبعلك 

راوية : ممخبعاا لياا والو من غير الويل اهئ اهئ صعيب تبغي شي حد ومتوصليش ليه 

مريم : شكون هواا هادا واش ع....

راوية : عادل امريم عادل اهئ اهئ اهئ بارح مخلا فياا غاا لي نسى وقالي اوطيل هانتي فيه معجبك حال سيري فحالك.. اهئ اهئ تصوري تهون عليه يجري علياا اهئ اهئ ويخليني ويقول لياا اناا غنبدا حياتي خراااااااا وقوليلي عفااك شنو ندير شنووو

مريم : الصمت 

راوية : عرفتيي مرضت مرضت ...

تكات راوية على فوطوي كتشهق والكاس فيديها كشرب... 

مريم : علاش مقولتيليشي نورة معاك شكتعدل هناياا وفاين ماشاا دابا 

راوية : مانعرف ليهاا.. صراحة كنت بغيتها تعاوني. زعمة تقرب من عادل وتعاود ليااا عليه شنو كيدير وشنو فبالو .. بمقاابل الفلووس وتبقاا عندي فداري وقبلت ولكن مشفت منها والو.. جاا صاحبي من هولاندا وكانت معاياا.. معرفتش كيف طراا حتا لقيتهم بجوج لتحت 

مفرزات مريم من كلامها راوية والو وبغات تعرف كتر : شني كيعملو نتاحيت واش تصابحت معاه ول...

راوية : كتق...ب معاه مالكي زعمة كديري راسك معارفة والو.. كتقصر معاه وتهبط معاه وداباا هوا مشاا بحالو وهياا شدت طريق 

مريم : واش نتيناا لي...

ضارت فيها راوية عاقدة حجبانها كطلع وتهبط فيهاا كتسناهاا اش غتقول : سمعييي اناا ماشي ق...دة امريم ماشي اناا لي زيدت نورة لهادشي وماشي اناا لي عرفتهاا على هادو... هياا بغات ولي لي كانت كتقلب عليهم بريق ناشف ولقاات داكشي لي باغا هناا 

مريم : كون غير هضرتي معاهاا ترجع ندار ديالوم تجبر يماهاا دابا مطبوخة عليهاا 

راوية : اناا مسوقي فحد.. لي بغاا شي حاجة يضبر راسو شتي امريم نتي كون بغيتي كون درتليك بلاصتك ولاقيتك مع ناس المهميين وتاخدي الضوبل لي كتاخدو اي وحدة.. مي شفتك مختالفة وخليتك على خاطرك ومزيان بعداا خليك هاكاا وعنداك نشوفك حتاا نتي شي نهار مغيسة 

مريم : الله يحفضني اختي اناا مقدراشي على ديكشي مخصنيشي 

راوية : اوك.. نخرجو شوية امريم اناا قنت 

مريم : ااه واخاا يلاه نخرجو شتيتو.. 

هبطات راوية ومريم موراهااا.. لبساات حوايجهاا وهبطو بجوج.. شدو الطريق حتاا خرجو على طنجة كيتعاودو بيناتهم.. بلاماا تنطق مريم حتتا كلمة من داكشي لي طراا مع عادل... نهارهاا كامل دوزاتو معاهاا حتا العشية.. بدا يطيح الضلام عاد رجعو وصلاتهاا راوية لدارهم ودخلات معاهاا لدار.. فتحاات ليهم امينة كطلع وتهبط فيهاا سلمو وطلعوا لفوق لقاو حسناء كتسخن نص خبزة فوق البوطة من الكوزينة مخرجة راسهاا كطل.. جلست راوية و مريم حدا طبلة .. فوقها سينية د اتاي وزيت وزيتون وزبدة وجبن .. 

خرجات جداتها من واحد بيت شادة تسابيح فيديها 

مريم : عزيزا الله يتقبل (باست ليها يديها ) اجي جلس حداياا .

الجدة : شكونياا هادي 

مريم : هادي صاحيبتي اعزيزاا 

شارت ل راوية بعينيهاا تسلم عليهاا ناضت من بلاصتهاا بغات تسلم وهياا تمدت ليهاا جداتهاا يديهاا تبوسهاا ليها

.. شدات فيهاا راوية ورجعت جلست بحالهاا.. 

الجدة : (تحت اللسان ) ماين ماجا هادي عاود بقيتاا غاا كتلقط وتجيب نهاد الدار حتاا سلام مكتعرفشي تسلم ولا 

مريم : اعزيزاا هادي نصرانية.. بغيت نقولك زعمة كبرت فبلاد نصارا فهمتي وداباا بلاماا تحشمني معاهاا 

الجدة : ايوا بحالك وبحال هاذي هوماا لي مخلاو لا شتا طيح ولا رزق يفيض كلشي غلا

ضورات مريم وجهها كتسووط ممستحملاش قوة الهضرة خرجت امها شادة نص خبزة فيديهاا سخون جاية عاقدة غوباشتهاا ناضت راوية سلماات عليهاا وجلست فبلاصتها.. 

رجعت حسناء لكوزينة وعيطاات لمريم نفس السيناريوو مبغاتش تسكت خلاتهاا ورجعت جلست حداا راوية.. 

مريم : نكوبلك اتاي 

راوية : لاا حبيبة مكنشربوش اناا غنمشي بحالي داباا ونبقااو على اتصال.. 

مريم : اناا نهبط معاك.. 

راوية : يلاه تصبحو على خير.. ابتاسمو فوجهها بمجاملة.. وهبطاات مع الدروج ومريم موراهااا. تسالموا ورجعت طلعت بحالها

حسناء : حتا نفوقاش عتبقاا نجيبناا هادي يشوفاا خاك بهاد الحالة شني عيقول.. 

خلاتهم كينكرو ودخلات لبيتهاا شدات عليها وتكات فالقنت كتقلب ف تليفون.. دغياا ملامح وجهها تغيرو ملي شافت رسالتو.. جوباتو وهياا متكية على جنبها كتسنى الرد ديالو.. وفنفس الوقت متوترة وتفكريهاا ف راوية.. اتصل بيها وشدت الباب مزياان وتركنات كتهضر ... عودات ليه على راوية وهواا كيسمع ليهاا.. تنهد وقال : مريم سمعيني راوية اناا لي كنعرفهاا يمكن معاك نتي مزيانة مي اناا لا شتي داباا لي كان بيناتناا تسالا تسالاااا مبقاا عندي مندير بيها ماشي فرصة ماشي جوج لي عطيتهاا طلعتهاا هبطتهاا لقيتهاا مصالحة لياا لوالو.. 

مريم : ااه صافي واخاا 

عادل : مريم .. سمعي عندااك تمشي تعاودي ليهاا شيحاجة بيلا كنهضرو ولا طلاقيناا ياكماا تكوني..

قطعاتو وقالت : لااا لااا منقدرشي نقولالا لااااء. كون هاني نتيناا من هادشي 

عادل : اوك 

مريم : شوف نخليك ماما كتعيطلي ساعة نهضرو انا وياك 

عادل : واخاا ملي تكوني مسالياا صوني لياا 

مريم : واخاا صافي... 

قطعات المكالمة معاه لبساات حوايجهاا وخرجاات عندهم لقاات امها كتنقي الخضرة 

حسناء : امشي وجد العشاء ختك مريطة هبطت بحالا ترتاح 

مريم : واخاا .. 

دخلات طيبااات العشااء طاحت عليهاا شوية د حداكة بدات كتغسل فالمواعن وتمسح الحيوط.. وتجفف خلات الدنياا نقية وهيا مقابلة عشاهاا.. حتا تعشاو وكل واحد شد بلاصتو وهياا دخلات لبلاصتهاا شادة الهضرة وتقشااب مع عادل.. حتا داها نعاس صبحات على تليفونهااا كتصبج عليه بكلام زوين وصور الوريداات...

تفاجئت ملي شافت خوهاا فالصالون متكي كيتفرج وباهاا فوسط الدار كيقراا كتاب... 

مشات عند ختهاا لكوزينة كتسول فيهاا

مريم : امينة با اليوما معيمشيشي تالخدمة ! شعندو ياسين صبح هناياا

امينة : ياسين شبر كونجي وبا صبح ضهرو كيحرقو صبحت كندلكبو اليوماا ممشاشي نكراج حتاا يرتاح شتيتو.. .. 

تنكدااات عليهاا وهياا دايرة فبالهاا انهاا غتخرج ومع ياسين لي فطبعو قااصح كتخاف منو ومن باهاا لي صعيب ومكيتفاهمش..

دوزات اسبوعين بالكامل وهياا غير فالدار شغل وجلاس وتليفون ولو كيخرج خوهاا واب ديالهاا كيبقاا خوفهاا مسيطر عليهاا وكلام امهاا وتحلفااتهاا كتخليهاا تركن فبلاصتها.. ...نهار وليل الهضرة مكتقدااش مع عادل.. ولفااتو ولا بحال الأوكسيجين بنسبة ليها يوم بعد يوم تهضر معاه وحتاا من الصلاة لي مكانتش كتصليهاا ولات كل ليلة تسجد وتبكي لعلى وعسى ربي يقربو ليهاا ويولي يبغيهاا .. صورو فيديوهاتو لي كيرسل ليهاا مبقااتش كتستغنى عليهم.. ضور وضور وتمشي تشوفهم وتأمل فيهم.. رباات كبدتهاا وتعمقاات فحبهاا ليه. وكل مرة كان يطلب منهاا يشوفهاا كانت تجيب عضر كيف ديمااا ... حيت مبيدهااش.. 

صباح بكري صبحو صحاب الدار كيغلفوو فالكادوياات ويجمع الحوايج ويستفو الحلوة فالبلاطوايااات.. اليلة ليلة الخطبة..بعدما كانو مقريين يديروهاا قبل اسبوع اجلوهاا.. وداكشي لي كان.. مشا مريم وجداتها لحمام كسلات ليهاا وحكات ليهاا عاد رجعو.. مع ساعة د الغداا تغداو وجلسو كيتجمعواا دخل ياسين هاز كيس صغير حمر.. حطو فوق الطبلة وهياا تخطفو مريم قلباتو لقات فيه جوج خواتم.. واحد ضور د خطوبة ولاخر د العرس قلبوهاا زغااازيت وشطيح فرحانين بيه وهواا فوسطهم حشماان. صوراتو مريم وصيفطااتو لهدى .. 

عشية قادو راسهم كل واحد فجيهة كيلبس ويقااد .. وياسين واحل مع الكرافاط كتربطها ليها امينة.. كل واحد اش هاز فيدو وخرجو بالزغااريت من دارهم لدار هدى لقااو حباابهاا فباب كيتسناوهم .. استقبلوهم بالحليب والتمر والورد كيترش عليهم خلاتهم مريم ودخلات كتجري عند هدى فسفلي.. طلعو كلشي الفوص وهياا لقاتهاا فبيتهاا مع كوافورة كتقادد ليهاا.. لابسة تكشيطتهاا ومشيطة خفيفة ومكيااج خفيف جات مسرارة.. تعنقوو بحرارة وقلباتهاا هدى بدمووع حاريين ..

مريم : ههه يالحمارة وعلاش كتبكي شعندك خصك تفرح ههه 

هدى : فرحانة اهئ اهئ اهئ ماشي مفرحناشي.. وفنفس الوقت خيفاانة ومعرفتشي هادشي كيف عيدوز

مريم : بخير وعلى خييير ههه حمقة نتيناا شوف جخطنتي عينيك عوتاني 

- واختي منبقااشي كل مرة نعاودلك المكياااج صبر راسك وفرح (ضارت عند مريم ) ياختي من قبايلة وهياا كتسقسي عليك لي دخل تقول نتيناا هياا يماهاا 

هدى : مريم متجي حتاا وحدة فبلاصتااا هياا كلشي فهاد الدنياا عرفتي يااا مريم نتمنى من ربي الحبيب عمرو يفرقني عليك ولاهيلاا وربي شاهد علياا شوفتي نتينااا هيااا كلشي معزة ديالك والله متجي فبلاصتااا حتا ختي لي ولدتالي ماما وغنفرح ملي غنجي ندار ديالكم ولكن عتخرج مناا نتيناا كيف عيكون فيااا

مريم : اهدى يهديك الله نعل الشيطاان ههه كا من نيتك حناياا غنبقااو دايمان صوحاب 

وهوما معانقين وكيهضرو والكوافورة كتشوف فيهم ب اعجاااب ومبتاااسمة.. دخلات حسناء كتجر قفطاانهاا هيا وامينة سلمو على هدى.. وحطو داكشي لي جابو التحت باش كاع ناس يشوفو جهاجهاا ... 

طلعوهاا بالزغااريت وصلاة على نبي ومريم كتصور فيديو ودوز الكاميرة ليهاا. حتا جلسوهاا فبلاصتهاا حداا ياسين لي حاذر عينو لبسو خواتم وفرحو وهواا كل مرة يخطف شوفة فيهاا ويهضرو وهوماا حانيين راسهم الأرض.. دازت ليلتهم زوينة فرحانين ومريم شادة تليفون كتجمع ف قوة التصااور باش تلقااا متصيفط .. تعشااو وتفرقو ناس وجيران... بقاو غير بيناتهم. جلسو مجموعين وياسين مشاا عند رجال.. حتا قرب يوذن الفجر عاد مشااو بحالهم .. 

دوزات مريم يوماين خراا فالدار.. صباح بكري كيف عادتهاا فاقت لقاات غا جداتها وامينة. طرفاات فالحمام وجات تجلس حداهم .. 

مريم : فينياا ماما 

امينة : مشات نسوق 

مريم : علاش با ممشاشي 

امينة : با مشاا لخدمة 

ابتسمات بقلبهااا وبزربة سولاتهاا على ياسين 

امينة : ياسين مشاا نالرباط تماا عندو الخدمة 

كملات فطورهاا وهياا فرحاانة وباغا تقلب على شي خطة باش تسلت بيهاا .. واول وحدة جات فبالهاا هيا هدى صيفطاات ليهاا مسج 

مريم : هدى ديالي يرحم باباك ايلا معتقني شوف اناا خصني نخرج اليوماا يااك صوني على ماماا وقولاا خلي مريم تمشي معايا نالدريسية نشريو توب لي عتخيطو قميص الله يرحم والديك اهدى متقوليشي لااااء ماما تايقة فيك وغتخليني 

رسلاتو ليهاا وبقاات كتسنى الرد .. وهياا مكونطياا مع عادل كيف ديما.. علماتو الا لقاات شي فرصة غتشوفو..

وصلها جواب د هدى وهزات تليفون تشوف بالزربة : علاش فاين ماشاا وعندمن حتاا تقولي بعدااا عاد نشوف اناا مخصني صداع مع عائلة ديالك امريم من داباا.. وياسين يعرف نزدق اناا منسواا منصلاح فكر امريم شوية.. حاجة لي فيهاا خير ومزيانة انا معاك فيهاا واخاا نقطعااا من جنابي ولكن الا نيتك شي حاجة اخراا اناا مغنقدرشي 

عصبهاا مسااجهاا حتا بغات تنفاااجر محسااش براسهاا حتاا كتبات ليهاا جريدة : هيااا نتيناا منهم يااك هياا حتاا نتيناا غتجوج وتقلب وجهك !! عجبك راسك وقلبتي عليااا اهدى !! هادي هيا الصحبة هادي نعمل على قبلك كلشي هادي هياا ختي ولا خراااااااااا ولا منعرف شني !! سوقك فياا فاين نمشي وفاين نجي عندك شي داخلة فيااا عنمشي نطيش نتينااا شني حرقك .. طلبتك تعاوني ماشي تعملي فيهاا بحال ماماا .. هاد سطوريااا طلعتلي فراسي وهاد الهضرة كولاا معندي منعمل بيهاا ولي غيجيني من عندك الله يقطعوااا وندمتيني حتاا علاش حاشيتاالك ..بالحق اناا نستاهل زيدني كتر... لهلا يسهلك 

رسلاتو وهياا باغاا تاكل جنابهاا طلع ليهاا بلي كتقراه وهياا تبلوكي نمرتهاا فالبلاصة.. عياات تصوني عليهاا وتصيفط ليهاا مسجات فنمرة.. والو واش جوباات ولا هزت عليها.. دخلات حسناء متقلة كتعيط لمريم هبطاات لعندهاا طلعات معاهااالسخرة ودخلات الكوزينة تعاون ختهاا فتوجاد الغداا.. وهياا كتحاول تبحلس وتلقاا شي طريقة..

ملقاات حتاا حل.. كملات مع ختهاا الشغل بالزعفة ومشات تركنات فالصالون كضور فعينيهاا كتخمم فشي حل وجداتهاا حداها كطلع وتهبط فيهاا

وامها فالبيت اخر كتصلي 

الجدة : شني كاين عاود

مريم : والو اعزيزاا.. 

ضورات وجهها باغا تنفااجر حاضية امهاا لي كتصلي حتا كملت وجات جلست حداهم 

مريم : ماما خصني نمشي عند خالتي فاطمة نجيب ديك الجلابة 

حسناء : حتاا لمن بعد ومشي جيباا

مريم : لا والو اماماا خصني نمشي نجيباا اليوماا شحال وهيا مسيبة تماا اتشبع غا غباري وعطيني فلوس نمشي نجيباا وندوز عند هدى 

حسناء : براكة من خفة دالرجل سمع الهضرة جلابة اناا عنجيبالك ونخلصة وهدى داباا تجي وطلع فراسك وطلع فراساا 

بغاات تجنن من هضرت امهاا وناضت لبيتهاا تبرد جنونهاا غا فالبكاا.. مقدراش حتاا تهز تليفون وتشوف مسج ديالو وتقوليه مقدراش نطلقااك... ضاقت بيهاا وبقاات غاا كتسوط.. حتا دخلات عندهاا امينة 

امينة : مريم نوض تغداا 

مريم : (بالزعفة ) مفياشي 

امينة : شعندوم عينك حوومر هيداا كتبكي ولا

حساات بحنان اختهاا وهياا حانية حداهاا كتشوف فيهاا ب الأسى.. 

مريم : قنت بزاااف ياا امينة عييت ف هاد الدار 

امينة : حتا يااناا هيدااك اختي شني غنعملو نصبرو وصافي

مريم : (ضارت عندها بعينين حومر ) هاد صبر حتاا نفوقااش غاا نبقااو غاا صبر صبر شي نهار نفرحو فيه بحال ناس لااااء ؟؟ 

امينة : وعلاش داباا مالك شني خصك نتيناا 

مريم : خصني نخرج امينة خصني نضور قنت فدار 

امينة : هادا مكان !! ايوا عرفتي شني حتاا ياناا قنت بزاف ونتيناا عارفة با معيخلينيشي نخرج بوحدي ايقول انطلاقاا مع راجلي المهم اماا عنقول لماما نخرجو اناا وياك ونمشيو نضور فاينماا بغيتي

مريم : بصح !! مصااب ولاهيلاا مكرهتشي

امينة : ايوا نوض تغدا اناا حطيت لوبياا ومزاود نعمروهاا ونخرجو 

مريم : ههه صافي واخاا.. 

ناضت مع امينة خرجو برا عاد رتاحت وتهناات عقلها مرفوع كتسنى غاا اللحضة لي غتخرج فيهاا وغطلقاااه وشنو غتلبس وكيف غدير تشوفو وامينة معاهاا.. 

امينة : يماا اناا عنخرج انا ومريم نضربو شي باسيو ونجيو 

حسناء : حتا لاين 

غمزات مريم وقالت : معنبعدوشي شي ضورة فالبلاية ونجيو اناا راكي قنت والعيال قنطو فدار خصني نخرجوم شتيتو حسن ميقولك خصوم يمشيو عند باباهم 

مريم : ههه اه بصح نفوجو شوية 

حسناء : ايواا مشيو ومتعطلوشي مفيا منسمع هضرة من عند باك 

امينة : لا كون هانياا صافي ..

" ترن " ...

وصلها مسج هزات تليفون كتقرا 

عادل 💬: ااااه مريم عرفتي حسيت بيك دايرة لياا العقوبة فهاد المدة كلهاا ايمتاا غنشوفك خلاص شحال غنبقاا نتسنى.. 

ابتسماات من شوقهاا ليه .وجوباتو 

مريم : حتاا لشي نهار اعادل .. 

رسلاتو وهياا ملهفة على الجواب وشدق داللوبيا فيديهاا سهات مع تليفون وهياا كتحاول تفقصو.. 

حسناء : نتيناا ف عار الله كول ابنتي كولو ونتيناا مكتعقلشي حتاا عليه الله يستر ديك تليفون عيخرجلك عقلك.. 

كلات لي فيديهاا والشهية تسداات ليهاا مسحات يديها بالفوطة ورجعت باالور متكية على سداري وقلبها كيضرب.. حتاا وصلها جوابو 

عادل 💬 : اووك هياا نوقف فباب داركم باش نهضرو اناا وياك.. مريم كنهضر معاك بجدية راه بغيت نشوفك واليوم بالضبط. عندي بزااف منقولك بلييز متجيبي حتاا عضر تاني ..

ناضت لبيتهاا كتقلب على مااتلبس .. هزات حوايجهاا عاديين لي كتخرج بيهم حيت معندهاا حتاا خيار اخر..تريكو فاللون الوردي طويل فوق الركبة مزين ب ازهاار ملونة فاتحة مع سروال جين رجليه مطويين وسبادري ارضية فالأسود .. وفولار طويل فوق راسهاا فالأسود.. لبست حوايجهاا بالزربة وكتسنى امينة دخل حتاا هياا تبدل دغياا...

جلست فوق واحد كرسي قبالة مراية مهرسة فالنص كتجبد واحد صاك صغيرة فيه المكيااج كتكحل عينيهاا وكتحااول متبينش بزااق..والأيلينر فوق العين مكيااج خفيف عطاهاا جمالية اكثر وبين ليهاا حروفهاا قدات زيفهاا والفرقة فجنب خارج منها الشعر.. جمعت صااكها وقدات راسهاا مزيان كتشوف وتعاود وهياا كتلبس الإكسيسوار ديالهاا.. جلست كتسناهاا وهياا كتهضر مع عادل .. علماتو بلي غتشوفوو وهياا طايرة بالفرحة... كتمشي وتجي فبيتهاا... حتاا دخلات عندهاا امينة وفرحتهااا تقلباات نكد ملي قالت ليهاا : اووف يلاه اناا كنجمع طبلة وخالتي وفاء تجي هياا وبنات من كسطياخوو 

مريم : اويليي بصح واش هوماا هنااياا 

امينة : وهييه ها ماما هبطت تفتحلوم باب تفوو 

مريم : امينة اناا خصني نخرج اختي انااا غنفااجر اليومااا حرام عليكم والله خصني نخرج قنت وعاد غنزيد نقابل هادو !!!

امينة : شوف صافي ولا عاليك اناا نضبرلك الحل باش تخرج .. لبس شي بينوار وخرج سلم عليهم باش ميعرفوكشي كنتي خارجة يااك وديك ساعة اناا نعيطلك من كوزينة نقولك تسخرلي. المهم تجيبلي السفنج نحطوه فميرينداا ونتيناا مشي 

مريم : ايواا ملي نطلعولك وتقولي ماماا فاين ماشاا شني عنقولا ديك الساعة

امينة: ونتيناا شكون قالك طلعو حوط بلاستيكة فالدروج اناانهبطلو وهنيناا بشرط تدي معاك سليم تخرجو يفوج شتيتو حسن ميقولي قنت ويزدق يمشيلي عند باباه ديه معاك امريم 

يلاه صافي بقيتي على خاطرك.. 

تعصبات من الشرط لي قالت ليهاا ختهاا وهياا مترددة ابتسمااات ليهاا فوجهها و عنقااتهاا بالكل ماا فجهدهاا.. ومشات لبست بينوار عادي وحيدات فولارهاا وخرجاات كتسلم عادي وتهضر عادي بقااو مجمعين حتا عيطاات ليهاا امينة من كوزينة وناضت عندهاا عطاتها فلوس د السخرة ومشات لبيتها وسليم تابعهاا قدات راسها من جديد.. وبدات كتمشط لولد اختهاا.. وتلبس ليه خرجو بجوجهم... لعند مول السفنج شادة ل سليم فيدو وهياا كتسنى نوبتهاا. حتا وصلاتهاا عطااتو الفلوس.. وعطاهاا سفنج سخوون رجعات لدار كتجري حطاتو فالباسيو وشدت الباب ضرباات على ختهاا بحجرة صغيرة لسرجم كوزينة عطاتهاا اشارة بلي حطاتو.. ومشاات شادة لسليم فيدو غادا وكتوصي فيه وتعاود عنداااك يحشم بيهاا 

... شدات الطاكسي من شارع الكبير وجبدات تليفونهااكتهضر مع عادل ..

مريم : عادل فاين غنطلقااك انا فالطريق..

..... فاين اختي غنوصلك 

مريم : صبر شتيتو الله يرحم والدين غي ديني نمدينة وساعة نقولك فاين تزيد 

.... واخاا .. 

زاد بيهاا الطاكسي وهياا كتسنى جوابو تعطل عليهاا واتصلات بيه فالبلاصة جاوبها 

عادل : مريم 

مريم : صيفطلك مسج مجوبتينيشي 

عادل : مسمعتوش واش جاية 

مريم : اه ولكن فاين 

عادل : فينك داباا نتي 

مريم : بلاصة طورو فاين نطلقااك 

عادل : امم اذن دوزي الأوطيل اناا غنجي عندك 

مريم : صافي واخاا... 

خاي وصلني ل *****

... واخاا 

كمل طريقو حتا وصلها خرجات كتنفض فحوايجهاا وتبزق فصبادي وتمسح بكلينكس فواحد القنت فيه جردة صغيرة تابعة للأوطيل.. حيدات فولار من فوق راسهاا وطلقاات شعرها كتنفض فيه ولد ختهاا كيشوف فيها معجب .. جبدات عكر من صاك قدات فمها وكتجبد فحنكاتهاا باش يحمارو.. عاد رجعت لشارع.. واقفة حدا الأوطيل كطلع عينيهاا فيه وترجع تهبطهم.. حتا شافتو جاي من البعيد بطوموبيل .. تهز قلبهاا من الفرحة ونفسهاا كتخرجهاا بالزربة... وقف حداهاا وخرج وابتساامة مرسومة على وجهها وعينيهاا كيلمعواا من الفرحة.. قرب عندها وهيا تمد ليه يديهااا شدهاا بيديه بجوج وباسهاا خرجات عينيهاا فيه ممتيقاااش حلم ولا واقع !!!! طلعاات معاهاا البااردة هز عينو فيهاا وهواا فقمة الوساامة واللهبة لي كتحس بيهاا من جيهتو قال : توحشتك بزااف بزاااف الخايبة البنااات (غمزة ) 

مريم : هه .احم..اا... حتاا ياناا كيف نتيناا بعداا 

عادل : لباس شكون هااد تباقص لي معاك 

مريم : العايل د ختي سلم على عمو اسليم 

ابتاسم ليه عادل وحنى عندو باسو فجبهتو ودوز يديه على راسو.

عاادل : يلاه نمشيو من هناا 

مريم : علايااش فاين غنمشيو 

عادل : لدار حسن من الاوطيل 

حليها الباب.. طلعات القدام وسليم موراهاا غاا حال فمو ملقاا ميقول.. رجع لبلاصتو وقلب الضورة غادي بسرعة...

عادل : كنتي دايرة ليااالعقوبة يااك 

مريم : هه لا غير كانو عندي شي ضروف وصافي 

عادل : بحلاش هاد الضروف لي مخلاوكش تعطيني من وقتك شوية ومنشوفكش. غاا شوية كنتي غتلقايني معاك فبيتك 

مريم : ههههههههههه وتعملاا 

عادل : نفوتها لهيه ماشي غير نديرهاا 

مريم : هه اام حتاا ياناا صراحة ولفت الهضرة معاك 

عادل : بسيف زيانيتي بزااف فهاد المدة 

مريم : هه كنت مخبعة من القيلة (الشمس ) رزاتني هاد الصيفية 

عادل : كلشي كيجي معاك.. ونتي غزالة واخاا يكون لي كان .. 

شد ليهاا فيديهاا وهواا كيهضر معااهاا وعينيه مع الطريق.. بغات تجر يديهاا لقاتو مزير وحنات راسها الأرض كتشتت نضر...

حتا وصل لڤيلا ديالو لي عندها لاكاب من تحت الأرض.. كطلع الطوموبيل منو لجنب لڤيلا .. وقف طوموبيل وخرج حل لباب لسليم لي عينيه مطلوقة غير كيشوف وساكت .. وقفاات حداه مريم شدت ليه فيدو 

وتمات زايدة جنب عادل دخلو لداخل.. تفكرات نهار اول لي كانت جات عندو فيه .. مشات نيشاان لفوطوي الأسود جلساات وحداهاا سليم دخل لكوزينة جاب ليهم.. جوج عصير حطو حداهم 

مريم : هه كتسخر زعمة 

عادل : نضايفووك الالة (غمزة ) امم 

مريم : الليكتر خيرك هه .. 

جلس حداا سليم كيحك ليه فراسو 

عادل : فين اعمروو لباس 

رد عليه بصوت طوفولي خافت : لباس 

عادل : شنو سميتك العويول 

سليم : اسمي سليم 

عادل : اام مزياان كيعجبوك فلالس 

سليم : ااه كيعجبوني 

عادل : يلاه نديك تلعب معاهم 

سليم : بصح عندك هناياا 

عادل : وي يلاه 

هزو عادل فذراعو داه الكوزينة... محطوطين جوج فلالس ملونين يلاه شافهم سليم وهواا يفرطط بغاا يهبط ليهم حطو عادل حداهم.. وهواا كيهز فدوك فليلساات ويبوس فيهم.. 

خلاه تماا ورجع باللور لقا مريم جاية لجيهتهم شدهاا من خصرها بقوة جرهاا لعندو وقلبها كيطلع وينزل بمن الخلعة 

عادل : فين غادة نتي 

مريم : ام.ك .ن كنت ما م ماجاا نعندكم وصافي احم عادل زول يدك 

عادل : لاا 

مريم : الصمت 

عادل : راه قلت ليك شلاا منقولوو اليوم .. ونتي الالة عطلتي علياا فينماا نجي نهضر مشغوولة مشغولة 

قالت وهياا حاذرة راسهاا الأرض كتحس بيديه كدوز مع ضهرها واجسامهم متلاقياا : راه مكانشي عندي كيف نعمل وصافي عادل رخي مني شتيتو ر..

عادل : لاا احبيبة مغاديش نرخي اصلاا اليوم كاع موحال نطلقك هه 

تفزعات من كلامو وهياا كتشوف فيه.. بغات تبول فسروالها من شدة الخلعة

سكتات وحنات راسها الأرض .. وهواا كيتأمل فيها وكيتسنى شفتيفهاا لي كيترعدو اش غيقولو

مريم : داباا علاش بغيتي تشوفني وعلاش شابارني هيدا وعلاش دابا وساعة كنهضرو ونطلقاو وشنو لي عنقولو اليوما اعادل مفهمتكشي !! 

كلام لي كانت باغاا تلقى ليه جواب خرجاتو وهياا كترعد.. وخايفة من جوابو .. 

وهواا كيشوف فعينيها رخى منها وشد ليهاا فيديهاا ويد لاخرا كيحك بيهاا حاجبو.

عادل : مزال معرفتي علاش محسيتي بوالو فهاد الوقت لي دوزناا كامل والهضرة لي كنت نقوليك محسيتي بحتاا حاجة 

مريم : الصمت 

عادل : ملمحاات ليك بوالو .. مزال معرفتي هادا لي واقف حداك علاش مزال تابعك وكيهضر معاك .. ديجاا كنت قلت ليك كتعجبيني بزاااف وهادشي حسيت بيه من نهار تصنطيحة لي عطيتيني ف باب الأوطيل ههه ومخليتي فياا غا لي تلفاات ولكن داباا مبقااش غير اعجاب وصافي كتر

هزت عينيها فيه وهياا ممتيقااش اش كتسمع : وراوية ف... 

قبل متكمل كلامهاا قاطعهاا 

عادل : راوية راوية راوية. هاد السمية خلاص بلاماا تبقااي تجبديهاا مبقااتش كتعنيني امريم نسيتهاا فمراا وداكشي لي بيناتناا سالا شحال هادا ومبقاات حتاا حاجة تجمعناا.. كنهضر معاك بصدق اناا وليت باغيك نتي وبغيت نبدا من جديد عطيني فرصة 

فلحضة ترددات وجات صورة راوية قبالت عينيهاا ندمات حتاا علاش حطات رجلهاا عندو حست اناا دعواتهاا تستاجبو ولي كانت كدعي على قبلو هواا جاا وعتارف ليها بين ناريين حارت وملقاات حتاا جواب.. وهواا حداهاا كيقنع فيهاا ويوضح ليهاا الأمور...

مريم : سمحلي اعادل انااا مغنقدرشي غير الله يسهل عليك.. سليييم يلاه نمشيو 

عادل : اجيي صبري خلي دري ملاهي علاش مبغيتيش شنو مشكيل

مريم : الصمت

عادل : جاوبيني اشنو هواا المشكيل امريم عطيني جواب مقنع اناا بغيتك وكنت بغيت نقولهاا ليك من شحال هاداا نتي معطيتينيش فرصة 

مريم : معرفااشي 

عادل : كلشي باين اناا رتاحت ليك ... وعجبتيني بزااف وحسيت بيك انساانة عادية. واضحة فكلامك ومشاعرك.. واناا هاكاا كنت باغي شي وحدة 

حذرات راسهاا الأرض.. مقدراش تزيد تهضر .. من جهة راوية لي كتبغي عادل .. ومن جيهة كذوبهاا لي سبقااتهم .. واش تعتارف ليه ...!! كيفاش غتكون ردة فعل ديالو...شنو جوابو .. واش غيزيد يبغيهاا ويكمل معاهاا ولا حناا غيحبس وغينسااحب.. ويخلي قلبهاا محروق من جيهتو.. وهياا كانت تمنى غاا ايمتاا توصل هاد اللحضة... حارت وراسهاا ترون الصمت سيد الموقف.. كيتسنى جوابهاا وهياا حداه كتخمم. 

عادل : مريم ...

مريم : معرفتشي شني عنقولك مهم... اا عطيني فرصة ونشوف 

تنهد وقال : حتتا لإيمتاا !!

مريم : معرفتش المهم ساعة نشوف اناا منقدر نقولك حتا حاجة داباا 

عادل : واش كتبغي شي حد اخر !! 

مريم : للاااااا لا مكنبغي حتاا واحد ومكاين حتا واحد.غير هواا اناا بقاا فياا الحال حيت ..راوية ويدا عرفت واناا ..

قطعها بزعفة وهواا كيسووط : واش غنبقااا نعاود معاك الهضرة الاااف مرة باش تفهميها امريم.. راوية مبيناتنا سلينااا شحال هااادااا صاييي ( تهذن وقال : مكاااين والو صافي فهميني اش كنقول ليك وفوق هادشي حتاا نتي خاصكي تبعدي عليهاا مبقاات بيناتكم لا صحبة لا والو هياا ماشي هياا نتي .. ونهار تحسي براسك قنطانة ولا عياانة جي عندي نديك فين بغيتي وترتاحي كيف بغيتي.. 

هزت عينيهاا فيه ورجعت هبطتهم.. حركت راسها بالايجاب قالت : صافي واخاا 

ابتااسم وجرهاا لعندو فوق الفوطوي بغات تسلت وتنوض وهواا يشدهاا. 

عادل : اجي لهنى هه فين غتمشي 

مريم : انشوف العايل عندك يهرسلك شي حاجة 

عادل : خليه يدير لي بغاا .. فين باباك مشاا ولا مزال هنا 

ملقاات جواب لي ترد عليه بيه بقاات حداه كتمتم وهواا حداهاا شاد ليها فيديهاا ويد خراا كيدوزهاا مع شعرهاا وعينيه فعينيهاا.. 

مريم : ااا. باا مشا عندو شغل 

عادل : امم مزيان عندو شركة ديالو تماا ولا شنو كيدير عاودي عاودي بغيت نعرف كلشي هه

تقجات كتر حتاا وحلات ليهاا بقاات غاا كتكحب حداه..هز قرعة دالماء كب ليهاا ومد ليهاا كاس.. 

عادل : بشوية عليك.. اهاه كملي 

مريم : عندو شركة ديالو تماا 

عادل : ديلاش 

مريم : والله يمانعرف 

عادل : ههه بصح معرفااش العجب 

مريم : اا دابا يااناا معنديشي مع ديكشي مكندخلشي فالخدمة د با مهم هادشي لي كاين وصافي 

عادل : هه اوك.. شنو مستواك الدراسي امريم 

سؤال مور سؤال

.. كتحرج ومكتلقاا ليه جواب... حتاا باش تفكر فشي كذبة مكتلقاا حتا وحدة لي تناسبهاا 

مريم : من بعد ونقولك 

عادل : علاش داباا مالك ..اناا اليوم بغيت نعرف عليك كلشي.. تعشااي معاياا !! 

مريم : لاا لا منقدرشي نقصر اناا شتيتو انمشي بحالي 

عادل : ياك قلتي باباك مسافر ولا

مريم : واخاا هيداك اناا منقدرشي نبقاا هناياا بزاف..خصني نرجع ندار بكري 

عادل : لي يريحك 

ناض عادل وناضت موراه.. خرجو لجردة لقااو سليم كيلعب تماا بواحد الكورة وحاط فلالس حداه قرب منهاا وشدها بين خصرهاا لصق صدرهاا مع صدروا... 

مريم : لاااا اعادل العايل كيشوف رخي مني 

عادل : نوو هزهاا ودخلهاا لداخل رد الباب وشدهاا من جديد

مريم : عادل خصني نمشي داباا تعطلت 

عادل : سخيتي بياا دغياا يااك 

مريم : الصمت 

عادل : ايمتاا غنرج نشوفك متبقاايش تغيبي بزااف راه كنتوحشك 

مريم : اناا غنشوف ملي نكون مساليا ونقدر نخرج 

عادل : المهم من اليوم.. (حط صبعو فنواضرها ) هاد الهضرة دخليهاا هنااا مزياان وراه كاين واحد باغييك ومشوق ليك ومكيسخااش بيك 

هزت عينيهاا فيه وقالت : جاني فشكل هادشي هه 

دخل ولد ختهاا هاز فلوس فيدو وهياا ترجع باللور بالزربة.. 

قرب حداهاا وقاليها بصوت خافت : فياا البولة 

مريم : واخاا..عادل نديه لحمام 

عادل : وي بيان سير 

داتو لحمام وعادل مشاا لكوزينة... جبد من ثلاجة قرعة د زاج فيها مشروب خفيف...وجوج كيساان فيدو ومعاه قرعة صغيرة د عصير..وخرج بيهم لبراا جردة حطهم تمات مريم خارجة.. مشاات جيهتو نيشان.. 

عادل : نجلسو شوية وعااد سيري بلييز بلاماا تقولي لااا 

ضحكاات قبل متنطق بحتاا كلمة وجلست حداه... مد ل سليم قرعة صغيرة مشاا كيشرب فيهاا وهواا تابع الكورة... جر كاس لمريم كب ليهااا وليه وجلس قبالتهاا شاد ليهاا فيديهاا.. مرة يهضرهاا مرة يسكتو وهياا كضور عينييهاا.فينماا تبغي تنوض يشدهاا حتا قرب يطيح الضلام... عاد ناضت كتقادد ل سليم فحوايجو.. طلعت حداا عادل وسليم اللور وزادو مع الطريق وصلهاا لشارع ديال ديماا.. خرجت كتشوف فجنابهاا عندااك شي حد من جيران ولا عائلة يخرج فيهاا

... فتح الباب وقرب لعندهاا بغاا يقرب ليها وهياا تبعد... 

مريم : يلاه تصبح على خير ساعة نهضرو بسلامة.. حرك ليهاا راسو بالايجااب ومشاات قبالتو عينو..عطاات الخلفة وقفت حداا واحد الدار كتبنى... جبدت شانهاا كتلبس فيه وتهبط كمامهاا وتحاول تمسح وجهها.. شدت سليم من يدو بقوة وقالت : شوف والله وقولتي نماماك هادشي ولا نعزيزاك حتاا نحكلك سودااانية فدوقمك كتسمعني ويداا سقساااوك قولوم مشيناا نرياض وصافي 

سليم : واخا 

مريم : وقولي واخاا داباا وملي تمشي ندار قول شي هضرة والله حتاا نقطع منك اللحم وزيد قدامي.. 

زاد الولد حاني راسو شاد ليهاا فيديها وصلات لدار ودخلات كتسلت فالدروج وخايفة من كلام. امهاا..لي لقااتهاا شاعلة من الدخلة د باب 

جرتهاا لبيت نعاس 

حسناء : خالتك عاد جات ونتيناا خارجة طوطحلي فاين كنتي وعندمن ومعامن والله حتاا نقولا نباباك غاا بلاتي عليك..

مريم : مشيت اماماا نرياض نشم الهواء شغنبقاا نعمل هناايااا عييت 

حسناء : عيتي ابنت الحرام اجي شكون دالي 200 درهم من مسند شكووون .. متكوون غاا نتينااا ديتيهااا 

مريم : اااه ياا ماماا ولهلا يحط عليناا شي باطل فاين اناا شوفت هاد الفلوس

حسناء : وشكون عيكون داهاا شكون جنون شكون هاداا لي يقدر يهوزلي حتاا 10 فرانك شكووون .. اناا مشااتلي 200 درهم نتيناا ديتيهاا نتينااا نتينااا

مريم : ااه ياا مامااا والله يماا هزيتاا ولا حتاا شفتك فاين عملاهم تااقي الله لهلا يطح عليناا شي باطل واش حناايا ولادك وعنسرقوك بقيتي غاا كتخور.. ديك مجحومة د نورة هياا لي كل ساعة كتدخل تبقششلك فالبيت ديالك..هاديك بنت خاك لي كتقولو مربية.. اناا بيدي ساعة لي كانت شراتلي هدى سرقاتالي 

حسناء : (دخلات ليها الشك ) نورة !!! عليهاا كل مرة كتقولي اندخل نرتاح فبيت ديالك قولي المسخوطة كشطتني الله ياااخد فيهاا الحق الله يجعل طعام لي كلاتو يخرج فيهاا ..شبر ساروت شود بيت موراك وزيد عاون ختك فدوك دجاجات طيبوهم

مريم : واخا صافي.. 

خرجات حسناء كتاكل جنابهاا ومريم خرجت سدت موراهاا البيت.. ومشاا لبيتهاا على اعين بنات خلاتهاا لي كيطلعوا ويهبطوا فيهاا.لبست بيجامتهاا ومشات لعند امينة لكوزينة.

امينة : مريم 

مريم : هاناا اختي كيف قيالين 

امينة : ههه غير على تكحكيه (الضحك ) وانتيناا قالي سليم مشيتو نرياض 

مريم : ااه مشيناا ضرنا شوية تماا 

امينة : ايواا مزياان بصحتكم. قصصلي البصل نردو العشاء دخلو يطيب 

مريم : واخاا..

شدات البصلة كتقصص فيهااا وعقلهاا كيفكر فلقاء د عادل وكيف كان شادهاا وكلامو ليهاا... باغااا طير بقوة الفرحة لي مقدااهاا فرحة وقلبهاا باغي يطير... حتا حساات لحمها تبورشاات وقبالت عينيهاا ديك اللقطة. عونات اختهاا وخرجو جلسو مع عائلة جماعين. حتاا دخل باهاا ناضت سخنات ليه اتاي وحطات ليه باش يقضي فوسط دار بيدما يوجد العشاء.. ورجعت لصالون جالسة معاهم كيديو ويجيبو فالهضرة مع بنات خالتهااا.. وتليفون فيديهااكل مرة ضرب طليلة تلقااه مصيفط ليهاا... تجاوب وترجع تقلب تليفون على وجهواا باش ميلاحضوش فيهاا.. 

وصلهاا مسج من عند راوية دخلات تقراه 

راوية : ميري غداا اجي عندناا فالعشية اوك ... بيزو 

جوباات راوية وبقاات كتسنى الرد ديالهاا بدون رد.. عودات صيفطاات ليهاا والوو... رجعت لعادل كتكما معاه هضرتهاا... حتاا طاب عشااهم وقصرو بزاف.. تجمعواا على العشاء وهياا كتاكل بالزربة وتليفون حداهاا كيتشارجاا...ناضت ختهاا تجيب الديسير وهياا تبعهاا مريم.. 

مريم : ختي الله يسهل امورك ويصلح حالك ايلاا مخمل طبلة نتينااا وحوطلي كلشي فلابابو اناا غنهبط ونغسل كلشي الله يرحم والديك صافيي 

امينة : فاين ماشاا نتيناا بعداا 

مريم : نهضر فالتليفون الله يفرحك 

امينة : امن ههه مهدي واخاا اختي مشي 

ابتسمات مريم فوجهها ابتساامة جانبية .. هزت تليفون وسلتات مع الدروج... ردت عليهاا باب الصطح ومشاات تكاات على الصور لي كيطل على الزنقة.. حلت الخط وبدات كتهضر معاه بصوت خافت وحنون... 

عادل : كن غير كنتي معايا داباا يا مريم 

مريم : ههه علايااش زعمة 

عادل : تحكي ليااا راسي وتعاودي لياا .. نحس براحة د البصح مع واحد غزالة البناات 

مريم : امم هادشي كلكم كتقولوه فالأول فلاخر مكيبقاا والو 

عادل : كيقولوه ناس . مي اناا لا ...الا قلت شي حاجة راه عارف راسي شنو كنقول وشنو كندير الا كان كذب عليك شي حد من قبل اناا لاا

ضورات عينيها وقالت بالضحك : امم وشنو يضمنلي الهضرة ديالك ونتيقك ونعرفك بصح بافيني ومكتفلاشي ههه

عادل : لي يرضيك ولي يناسبك نديرو

مريم : ههه الله اكبر زعمة بهاد السهولة وفهاد المدة قصيرة غتبغيني وغنعجبك وغترتاحلي وغ....

عادل : سمعيني اشنوا غنقوليك... اناا ديماا كنقلب على حاجة لي غتخليني مرتااح وهاني... معندي مندير بقوة الصدااع... يلا بغيت شي وحدة ر...

سمعات الهضرة فالدروج وهياا تهبط تليفون من وذنيهاا لقاات بنات خالتهاا بجوج ومعاهم امينة طلعوا يتبردو فالصطح.. وقفو حداهاا كيتجمعواا ... حطت تليفون فالجيب وقفت حداهم كتأمل ف سواد اللليل من صطح ديالهم... بعداات عليهم ومشاات لجهة خراا هزت تليفون.. كتسمع غاا 

الوو .... ااوو... مريم ..!! كتسمعيني.

ردات عليه بصوت خافت : اه كمل سمحلي طاحلي تليفون من يدو عاد عوطتو...

عادل : اك المهم قلت ليك اناا يلا بغيت شي وحدة.. راه كنديرهاا فعيني واخاا غاا من شوفة اللولة.. كنلقاا عليهاا شي حاجة بسيطة راه كنسالي معاهاا معزيزش علياا نبقاا شاد فشي وحدة.. حيت القلب لي يبغيهاا بتصرفااتهاا نقدر نكرهااا امريم ولو عندي كلشي ساهل.. حتاا الا تزوجت.. راه مدوزش معاياا حتا نهار ونردهاا راه مكيهمني والو... كيعجبني شي حد يكون صادق فمشاعيرو فكلامو .. فتصرفااتو هاكاا كتكون واحد الحيااة زوينة. داكشي علاش ختاريتك من بين كاع بناات. فيك واحد الميزة مكينااش فخرين واناا مستاعد ندير لي يرضيك بشرط تكوني حتاا نتي قد كلمتك.

سكتات حيت ملقات متقول وعرفاات من كلامو انه موحال يكون ليهاا ولا توصل معاه لشي حاجة... حساات براسهاا باغاا تبكي باغاا تغوت كتر.. 

كلامو حرقهاا فقلبهاا ولكن مقدرات تقوليه حتاا كلمة حسات بالدموع هبطو من عينيهاا مسحاتهم بالزربة وقالت : بصح اعادل عندك الحق 

عادل : ايوا هادا مكان خاصكي غاا تعرفي نتي فشكل بغيتك بصح وليت منسخااش بيك يريت كن نشوفك دابااا وتكوني معاياا.. 

مريم : هه ان شاء الله باقين عندك دوك فلالس 

عادل : وي نعسو داباا نتغذاو غداا اناا وياك امريم !!

ترددات وخافت تعطيه كلمة ومتوفيهاش اكتفاات ب : المهم اناا عنشوف ويدا جبرت شي وقت ساعة نقولالك 

عادل : واخا زيدي.. 

شدت معاه الهضرة وكل مرة ضور عند خرين تشوفهم واش حاضينهاا وترجع تقلب وجهها لجهة خراا مع يجبد معاهاا موضوع كيضحك مرة كيعاودهاا على شي طرائف طراو فحياتوو. 

عادل : مريامةصاحبي اكرم جاا المهم بلاتي شوية ونهضرو صافي 

مريم : ااه وااخاا اناا نتسناك 

عادل : اوك باي بب 

انهات المكالمة وهبطاات لبيتهاا خلات تليفونها كيتشاارجا ومشات الكوزينة لقات كلشي مغسول ومجموع فرحاات ورجعت شدت عليهاا وتخشاات فالفراش كتسنااه يصوني عليهاا حتاا فات الحال وتعسلو عينيها بقوة النعااس يلاه داتهاا عينيها وهواا يفيقهاا الفيبرو دتليفون...ناضت مدهضرة تخشاات فالكاشة والصهد كيحرق.. كتهضر معاه بصوت منخفض بزر باش يسمع الهضرة.. عاد توكضاات معاه وبدات كتهضرروكل مرة تهز راسها فالباب وطل من شقة الباب عندااك يكون شي حد كيتصنت او شي حد فايق... صبحاات صباحهاا على الهضرة معاه مسخااتش حتاا تقطع معاه..واخاا طار منهاا النعااس ومحدو كيزيد يطلع الصبااح وهياا كتعياا وتحس بالفشل.. 5 صبااح وهياا مزال مبرونشياا تليفون مع السارج وكتهضر وعينيهاا حومر بحال السكران... عاد قدرات تخرج هضرة من فمها وتقوليه عييت بغيت نعس.. مبغاش يتفك كل مرة كيشدها بكلمة حتاا كتلقاا راسها دوزات الوقت عاد خلاهاا تنعس..طاحت طيحة وحدة حتاا وقفاات على راسهاا حسناء كتغوت وضرب فالبيبان

حسناء : لاليااتكم قراو وجاو وشي خدم شغل ورجع يرتاح وشي مشا يترزق الله ونتي مزال ناعسة شحال فالساعة هاذي ااااه !!! مالك كتبات عاسالي على طوموبيلات واملاك د ويزاراا هادشي ديالك داباا تندم عليه داباا توحل شكون غيقبلك 

خلاتهاا مريم كتنكر فوق راسهاا وناضت نوضة وحدة ومشات لحمام هازا سروالهاا غسلت وجهها ورجعت لبيتهاا بدلات حوايجهاا ومهاا غادية جاياا جيهت البيت كطل عليها لبساات فولارها وحوايجها.. وتمات خارجة 

حسناء : اجي فاين مشاا 

مريم ؛ غنمشي نادي فاين بالك عنمشي شحايلو ممشيت 

حسناء : معندك فاين تمشي هدى مبقاتشي كتمي ودوز نتيناا تركن 

مريم : تمشي ولا متمشيشي اناا مسوقيشي فيهاا اناا خصني نمشي نتعلم 

حسناء ؛ ويدا جاا باباك دابا شني عنقولو العيلة براكة متغددني.. 

قربات مريم عندهاا طبقات قبلة على جبينهاا ابتسماات فوجهها وخرجاات مع باب مضاتش موراهاا.. شدات طاكسي نيشاان لعند راوية بعدماا علماتها بلي هيا فالدار.. كانت ساعة 10:30 د نهار ... وصلات لإقاامة حيدات زيفهاا وطلقاات شعرهاا قدات راسها عاد طلعات ودقاات ف الباب حلات ليها بنت سمراء وشعرهاا اشقر لابس شورط فالبلوو وسوتياان فالبلو باين فيهاا يلاه نايضة من نعاس 

... بونجوغ 

مريم : صباح الخير اختي هناياا راوية يااك 

... وي كاينة لداخل دخلي.. 

دخلات مريم وهياا كضور عينيهاا فدار مرونة من باب مخاد مرميين وقراعي على اشكال فالارض وفوق الطبلة طباسل المكسرات مفرقين لقاات بنت خراا ناعسة فوق الفوطوي 

... جلسي هاا راوية غتجي داباا راهاا فالحمام 

مريم : واخاا اختي شكراا ... 

جلساات مريم فالطرف كضور فعينيهاا وبنت شدات تليفون وخرجات لبالكون كيباان غاا نصهاا كتهضر فالتليفون... ضورات مريم عينيهاا فالبنت لاخراا لقااتها حالة عينيهاا كتشوف فيهاا ب استغراب 

مريم : سمحناا وقيلة فيقنااك يااك 

... الصمت 

ضورات وجهها وشداات عينيهاا .. تحرجات مريم من هاد التصرف ولزمات الصمت حتاا بانت ليهاا راوية خارجة من حمام لابسة بينوار وشعرهاا مطلوق كيقطر منوو الماء 

جات جيهتهااا ومريم كي عادتهاا قلبهاا فرفر من شوفتهاا ليهاا... ناضت تعنقاات هياا وهياهاا وجلسو حداا بعضيااتهم 

مريم : توحشتك بزاف بزاااف 

راوية : اوسي غبرتي اصاحبي مالك

مريم : غير الدار ونتيناا عارفة الخروج والو قليل كندوز نهار غا فالدار

راوية : امم هكااك اليوم لانيف د اروى وبغيناااك تحضري معاناا ومنهاا تعرفي عليهم 

مريم ؛ ههه شكون هادي بعداا معرفتاشي 

أروى : اناا زين هه لي فتحت ليك الباب شكون من غيري 

دخلات من البالكون وجساات حداا البنت لي ناعسة شعلات راوية كارو حداهاا والبنت لي قبالتهم 

اروى : اليوم لانيف ديالي وراوية عودات ليناا عليك شوية بغات تكبر بانضياا ديالهاا هههه 

راوية : تجمعي لز... بووك حسن مندير مناقص معاكم 

مريم : وكون قولتوهالي بعداا نجيبلك الكادو ازيني 

اروى : نوو الشمالية غزالة وجودك راه كادو لياا مغسي راوية حتاا لين غنمشيو 

راوية : نشوفو اوطيل ** هدااك زوين 

اروى : يلاه نمشيو لاوطيل عادل هدااك حسن من اوطيلات خرين 

راوية : لاا اناا مبقيتش غنمشي اتماا...

ضارت البنت لي سادة عينيهاا وقالت : هياا غنتهنااو شوية من دموعك ونحيطك 

راوية : بسيف علياا نسااه اعبير صافي مبقاا بينااتناا والو يمشي يق...د 

طلقاات مريم وذنيهاا كتسمع وهياا فرحانة من الداخل ديالهاا بهاد الخباار لي كتسمع وبالهاا كولو مغ عادل... فرحتهاا فكراتهاا فالكارو لي من مدة مشداتو.. مدات ليهاا راوية هزت واحد وعمرات ليهاا كاس من مشروب اسود.. 

ناضت راوية تبدل حوايجها واروى جلست حدا مريم كتعارف عليهاا عكس البنت الثانية لي اسمها عبير غير متكية حداهم شادة كارو مزال حتاا مغسلات عينيهاا الدابلين قابلة وجهها عليهم.. 

اروى : اهااه وداباا كتقراي فداك السونطر 

مريم : اه ولكن قليل فاين كنمشي ليلو ونتيناا 

اروى : مزال كنحلم ههه 

مريم : بصح شني كتمنى قولي 

اروى : غندفع لكونكور د بوليس دومين الوحيد لي كنميل ليه واخا معندي قدرة هه

مريم : بصدمة ) حللللف بالله يااه اختي سعداااتك ولاهيلااا حتاا ياناا هادا الحلم د طفولة ديالي مصاب وكون كان عندي كيف نعمل نعاود نقراا وندفع 

اروى : نتي قصيورة موحال تقبلي هه 

مريم : بصح زعمة واخاا كون قريت 

اروى : ماعرفت داكشي سويرتي 

مريم : فاين ساكنة نتيناا بعداا واش غير هناياا ولا حتاا نتيناا ف لندن 

اروى : اناا بنت جديدة ولكن كبرت ف كازا.. صراحة عمري مشيت لندن عاد ناوية مي مشيت اسبانياا فرنساا تركياا 

مريم : بلهفة ) ياااختي سعدااااتك ايوالله شكون فحالك اناا مكرهتشي نمشي غاا ن افران ونشوف دونياا تما كيفنياا 

اروى : ياخد لياا بابا طوموبيل نديك فين بغيتي هه 

خرجات راوية كتمشط شعرهاا وقالت : فين الق....بات غتمشيو 

اروى : مريم بغاات تسااراا هه وقلت ليهاا نديهاا فين بغاات 

راوية : يلاهو الالة اناا نديكم تبغيو تمشيو هاد السيماناا ؟ 

عبير : اناا مغاداش 

اروى : علاش اصاااحبي يلاه نمشيو كلناا ونعيطو ل لصوفياا نتجاامعواا ونمشيو نقلبة على رجال ههه 

راوية : اااف وداباا نوضو نخرجو نتغداو براا باش فالعشية نسهروا شوية 

عبير : اناا مغاديش نسهر البنات غنتعشى مع صاحبي 

مريم : حتاا ياناا خصني نرجع ندار بكري شتيتو 

اروى : اويلي اذن مغاديش ندير انيف ولا شنو 

راوية : غنمشي نتغداو ونعيطو لديك زمر د صوفياا نتجامعواا نعيطو لدراري وصافي بلا منعطلو كلهاا يشوف شغلو 

مريم : اااه هيدااك حسن

راوية : ويلاه نوضو البنات.. 

ناضو البنات كل وحدة كتقاادد فجيه ويلبسو ومريم هزات كارو اخررر كماتو.. ولوات جوج فكاغيط دارتهم فااصاك بلاماا يرد ليهاا حتا واحد البال مشطاات شعرهاا حداا مراياا وحطات ميكاب خيف مع بنات حولات تبين مفاتينهاا اكثرر .. خرجو كلهم وراوية كتصوني وتعاود على على صوفيااا.. دخلو ل اوطيل فخم استقبلوهم الندلاء لطاولة كبيرة .. حجزات راوية قاعة صغيرة لفوق لحفل لي غدير اروى ..وصلات عليهم صوفياا سلمات عليهم وجلساات قبالت مريم كتسولها وتعاود على احوالهااا ... تغداو وكل واحد كياكل ب لباقة فورشيط وموس.. الا مريم لي معرفاات كيف تشدهم واخاا كتحاول تقلدهم عكسهم هوماا لي كياكلو ولا على بالهم.. وعينيهاا كيضورو من حواليهاا فالناس الأجنبيين مبغاات تحرج مع حد .. كتحاول تقطع الدغمة كبيرة باش تعطل فيهاا بالمديغ .. سمعات تليفونهاا كيصوني مسحات يديهاا وجبدات تليفون لقاات عادل قطعات عليه وحطات تليفون كتكمل مكلتهاا. توخرو اللور ولو باقي فيهاا الجوع توخراات حتاا هياا... طلعوا لقاعة لي مزال كيقتدو فيهاا ...جلسو فوق الفوطوي فالبالكون فيديهم مشروبات... شدات مريم الهضرة مع اروى وصوفيااا لي لقاتهم على كانتهاا كيهضرو بكل عفوية كيزيدو يتعرفووو كتر ويتفاهمواا.. كان تبادل الارقاام بين مريم واروى جلسو حداا بعضيااهم.. كتوريهاا التصاور ومريم حداهاا كتشوف وتعطي رأيهاا دخل عندهم انس سلم عليهم وصل امريم ومدات ليه يديهاا غمزهاا وابتاسم فوجهها... تعشاات العشية كان كلشي واجد.. والمدعويين لي عرضاات ليهم اروى بداو كيدخلو ويتسالمواا... دخل عندهم اكرم سلموا عليهم وقف حدا مريم وعلامة تعجب على وجهواا... تقفزاات مريم وحمارو خدودهااا خايفة يقول شافهاا عند عادل ...

اكرم : مريم ياااك 

" مد ليها يدو "

مريم : اااه لباس 

تجوبات معاه فسلام ب ابتساامة كمل سلامو على باقي البنات سلام بالوجه.. جلساات مريم معاهم فالقاعة فرقو مشروبات على كاع الحاضريين من غيرهاا هياا لي بغات تهز كاس وف اخر لحضة ترددات وحطااتو..كضور عينيهاا وبالهاا مع المجموعة... شافها انس وهيا تهز يديهاا شيراات ليه.. قرب عندهاا وجلس حداهاا 

انس : زيين بوحدك 

مريم : اه واش غيجي عادل لهناا حتاا هواا 

انس : لاا لا موحال ميجيش راه مشغول 

مريم : ااه واخاا 

رتاحت بعض الشيئ عاد رجع فيهاا النفس وهياا بالهاا مع اكرم لي كل شوية يضور عينو فيهاا وفين ميطلقااو الأعين يبتاسم فوجهها

.. تجامعوا كلهم على طبلة الزجاجية الطويلة عليهاا شموع حمراء بضوء خافت فالقااعة وطارط طويلة عليهاا صورة اروى قطعات الكاطو وكلشي تصور معاهاا ومريم كتحاول متبااانش فالصور معاهم اكتفاات بالصور من هاتف ديالهاا فقط... تشاركو الحلوياات والمأكوولات... مشات الحال انتبهات مريم فالساعة لقاات 7:30 دالعشية والحال ضلم عااد فطناات براسهاا وناضت مفزوعة باغاا تبكي من خوفهاا غيكون باها وصل لدار وملقهااش.. راه كيقلبو عليهاا كتشوف تليفونها تعاود كلها شكوووك انهم صونات عليهاا . لقاات مكاين والو ..قلبهاا مهنااهاا ومرتااحتش قلبات صاكها لقاات 2 دراهم وشي صروف حتاا فلوس طاكسي ملقاتها كلشي تسالا ليهاا....بغاات تحمااق كيفاش مرداتش البال لهادشي ... شدت صاكهاا ومشاات نيشان قاصدة راوية جراتهاا من بين ناس وبعدااتهاا شوية ... شرحات ليهاا بلي تعطلات وبغاات ترجع لدار .. ومحتاجة 10 دراهم باش تشد طاكسي كبير.. 

راوية : ولا عليك اطط.. 

خلاتهاا راوية واقفة ومشاات لصاكهاا طلعات 200 درهم مصرفة على جوج ملوية مداتها ليها 

راوية : هاكي تقدي تحتاجي شي حاجة مااتعرفي 

عنقااتهاا مريم من فرحهاا كتبوووس فيهاا وتعااود خاشيااهاا فصدرها ممتيقاش 

راوية : متماا والو ازين بصحة المهم هاا صوفيا غتوصلك بطوموبيلتهاا اوك هياا غتوصل انس معاهاا تصبقك نتي اللولة 

مريم : سير اراوية الله يفرحك ويعطيك متمنيتيي.. عاودات مريم كتسلم فيهاا وتعاود.. حتا جات صوفيا هياا وانس كانو فواحد القنت كيهضرو.. علماتهاا راوية يوصلو مريم.. بدون تردد وافقاات سلموا عى كاع بنات ومريم على راوية واروى .... 

هبطو مع الدروج هوماا فالاول ومريم بعد سلام عاد هبطات موراهم كتجري تبعهاا اكرم شدها من ذراعهاا وقال 

: نهضر معاك شوية 

مريم :شني ياك لباس 

اكرم : لا والو اجي... 

وقفهاا حداه وشعل تليفون طلع ليهاا مسج بالاسم ونفس الرقم.. 

ADEL "

💬أكرم افين واش مشيتي لداك الحفل !! المهم شوف واش حتاا مريم تماا باشماا كان رد علياا 

شافت فيه مريم بدهشة وفمهاا بداا يتفتف 

مريم : شني عتقولو ياكما اتقولو شيحاجة 

قطعهاا وقال : اناا غاا بحالا نبهتك ردي البال راه حاط عليك العين بزااف 

مريم : شكرااا بزاف متقولوو والووو الله يرحم يماك صاافي !! المهم اناا عنخليك خصني نمشي 

اكرم : واخاا ردي بال ... 

ابتاسم فوجهها طلع بحالو وهياا هبطاات كتفل على خلعة مشات لباركينك لفيه السيارات مصافيين .. لقاتهم كيتسناوهاا...طلعات لور وزادو.

وصلوو لشارع الكبير... لي كيبقا على جنبو شارع اخر كيطلع لزنقتهم.. وقفاتهاا تما 

مريم : صاافي اختي ديالي شي بلاصة هناايا يرحم يمااك 

صوفياا : نقربك شوية دار معليش غاا gولي 

مريم : الله يرحم والديك صافي ازيني بقاتلي هاد الطلعة اناا نكملا 

صوفيا : لي حبيتي.. 

خرج انس هوا اول فتح ليهاا.. ابتااسم فوجهها كيضور راسو ليهاا

مريم : ههه شعندك نتيناا 

خرجاات صوفياا وقرباات حداهم ربعت يديهاا 

انس : طيحتيه فالشبكة العفريتة ههههه 

مريم : بنكران ) شكونوااا علامن كتهضر 

صوفيا : امم واناا نعيق 

انس : وغاا هضريي راحناا معاك ههه 

مريم : بخجل ) معرفتشي شني غنعمل كتجي بين عيني راوية وهياا صاحيبتي زعمة 

صوفيا : بجدية) سمعي مكاين لاا صاااحبتك لا زمر... السيد بغاااااك نتي وااانوضي نوضة صحيحة وخطيك من راوية راه عاادل مغتلقاايش معاه مشكيل.. حيت ملي كيبغي كيبغي بصدق ومن قلبوو هدااك راه بحال خووياا وكتر... كنعرفووو من ايااام وايااام...وحفضااه وها انس حتاا هواا عارف

. نهار تعرف راوية شي حاجة وقفي صنطحي فوجهها قوليهاا مسوقك فوالو . بغاني وجاا لياا ماشي انا طلبتو تبغي متبغيش ضبر راسهاا المهم حناا مسوقناش فيهاا غرضناا دابا بيك نتي ويااه شدي فيه شدة صحييييحة غتعيشي لفوووق...

انس : ويي عندك الحق راوية كتبقا هياا هياا باغاا.. غا مصلاحتهاا وتقدر تشدك نتي فشي غرااد غاا حضي راسك حيت مغتبغيكش غاا هكاك فهمتي 

.. 

نوعاا ماا حساات بلي فلحضة... محبة راوية نقصاات بدرجة صغيرة بكلامهم انهاا باغاا تستاغل.. طلقاات نفس عميق ديال الهم لي كانت هاازة من جيهت راوية... رتاح قلبهاا لي كيفرفر شوق ليه تهضر معاه وتعرف خباارو وهياا ملهوفة... سلماات عليهاا صوفياا و انس فعنااق اول مرة تسمح لشي ولد يعنقهاا بداك الشكل... لي هوما فالاصل عندهم عادي... عكس مريم لي من عائلتها متقدرش تسلم عليهم بديك الطريقة ... شافت صطافيط دازت من حداهم ورجعت كتكمل هضرتهاا معاهم توادعواا وطلعاات بحالهاا فديك العقبة... كتنهج تركناات فواحد القنت جبدات زيف يلاه بغات ديرو وتليفون وسمعات فيديها وهياا تحس بيد شداتها من تريكو لي لابسة م جيهت كتافها وضارت حتاا طاح ليها التليفون بقوة الخلعة وسمعات تقطعات ليهم وذنين لقاات يااسين واقف مخرج عينيه فيها قبل متكمل الشوفة فيه عطاها لكمة لوجه حتاا عضت لسااانها ودمياات هابطة بلاا ميتسنى زادهاا لكمة اخرى لحنكهاا بكل قوتو رخى منهاا وهياا كتوجع وترغب فيه بصوت منخفض عطاهاا ركلة لجيهة الكلوة خلاهاا مقوسة هزهاا من داك الشعر حتاا تجوقو الناس دفعها مع الارض وقال 

ياسين : زيد الله يحرق جدر د باباك زيد اليوم نمشي عليك نالحبس.. شدات فصااكها وزادت كتعوج هاربة وخاايفة يزيدهاا لكمة اخرى طيح ف بلاصتهاا .. هزت ليها تليفون فيديو وخلا سمعات تماا ... تبعهاا لدار لقااها غطات راسها واقفة فالباب كتسنى يرميو ليها السوارت حل الباب ودفعهاا لداخل بغاات تهرب وطلع لفووق وهواا يشدهاا من رجلهاا وطيحهاا على طولتهاا فديك الدرج حتاا دغدغااات لحمهاا دخلهاا لسفلي وغواتهاا كيتسمع منين ولين كلشي هبط كيجي يشوف شنو كاين لقاوه دخلهاا لتحت وسد الباب لكمة مور خراا مور خراا مور خراا. خلا ليها وجهها زرق مقدراش حتاا تحط صبعهاا عليه غرس ضفارو فيهاا وهواا كيضرب ويسب.. 

ياسين : رجعتي تجينييي فنصاااص ليلل هااااااا شدي )سلاااااااااي ( وتجيبي القو.....اا معااك .... (سلااااااااي) وتسلم على الرجال ونااس كلشي يشوف.. جبرتيني مكاينشي هناياا قولتي اراا نعمل لي خصني هااااااك شبببر ابنت القح.... يماك مربااتكشي اهاااا. هاااااك عقل عليهاا باش تعلم تجيب معاك الزو..... حتا لدار وتسلم عليهم وشعر طالع فالسمااء كااع حمير والحضاااية يجيبولناا خباارك ابنت.. الليهودي (عطاهاا بركلة ) والله حتاا نفرعلك الخساااااير ونمشي عليك الحبس 

... كلشي باغي يهرس الباب من قوة الدقااان ورغيب كلشي مفزوووع... 

مريم بقوة الزوية لي عطاهااا خلا حتااا صوتهاا مكيتسمعش مقدرااش حتاا تغوت بحالا كتلقف بحالا كتودع غيرر عينيهاا خارجيين ردااات مصانهاا فوق داك الفراش حتاا هبط معااه الدم شاادة فكرشهاا وجنابهاا لي كيتقطعو بالحرييق وقف عند راسهاا كيتحلف فيهااا وخرج وخلا خرين دخلو بالزربة وخالتو شداه فالباب باغاا تعرف اش طراا.. وعلاش ضربهاا وصاكو دالسفر مزال على كتافو...

حيح عليهم فالباب وكينعت بيدو جيهتها : هاد السلكوطة مرة خراا نشوفهاا فالزنقة غنقتلاااا والله حتاا نصفيهاا معاهاا يما شبر بنتك هااانااا فاين كنقولالك ونعااود

امينة : ايااسين شعندك اخااي قولناا بعداا شني كاين شعندا هادي فاين كانت !! 

ياسين : والو غاا محيحة راساا فالزنقة ومعاهاا واحد جوج د ق....ب كتدرع فيهم وتبووس بلا حياء بلا ريااء يعلم الله فاين كانت ونص د ليل هاداا فاين كانت 

امينة : صافي اخايي برد حناياا غنهضرو معاهاا

... صبر اولدي معندك مدير مع بنات اليوم 

يلاه سمعات حسناء الهضرة د ولدهاا وهياا تنزل عليهاا كتقرص ليهاا فخااضهاا ضرب وتشتف عليهاا حتاا دخلات ختاهاا وبناتها وامينة كيفكواا فيها ويراجعو فيهاا.. حولو يهذن القضية قبل ماايجي باهاا.. ناضت مريم وهياا مدغدغة. مقدراش حتاا تنفس غير كتنخصص وترعد مقدراش تحل عينيهاا من قوة الحريق طلعاتهاا بنت خالتها وامينة لفوق لبيتهاا وهياا بالهاا مع تليفون وصاك لي بقااو لتحت كرهاات ساعة لي فكرت فيهاا تمشي.. نعسوهاا على فراشهاا فينماا حطو يديهم تغوت كل بلاصة فيهاا كتزدح ... تكات وعينيهاا كيدمعواا متوقعة قتلة دالعصى خرا الا حل تليفونهاا وقلب شنو فيه... واخاا فيه الكود ماشي صعيب يفتحو بكل سهولة .. شوية شافتو وقف فباب ولطخ ليهاا تليفون على الارض حتا تشتت وزطم عليه برجليه كيزيد يمعس فيه باش مبيقاا فيه ميتجمع..

ياسين : هااااا تليفون عااود هزووو... عاود هضر .. عاود تصاحب وخرج مع زو... ا قسمت فمي بالله ولقيتك مرة خرااا كطلل غاا م السطح لي نعملو معااك منعاودو ابنت القح..... 

شدت عينيها كتنخصص مقدرااش حتاا تشوف داك المنضر ولا تسمع لداك الكلام مكمشة رجليها عندهاا كلشي كيزند فيهاا ... بقاات هكاك وبنت خالتهاا حدا راسها كدوز يديهاا على وجهها وتمسح ليهاا عينيهاا وامينة هزت شطابة دوم كتشطب وتجمع فداك زاج .. حتاا داهاا نعاس حلت عينيهاا فالضلام ضوء لي داخل من جنب السرجم .. باين باقي ليل مغطية بمانطة كضور عينيهاا كتوجع من حريقهاا مزيرة باغاا تمشي لحمام وفين رجلين لي ينوضوو مقدراش حتاا تحركهم احداث كلهاا دازو مع عينيها كتبكي فصمت حاسة بخنقة باغاا تنفااجر .. بقاات كتهزز فبلاصتهاا حتا جمعت النوضة وهياا كتقطع بجنابهااا خرجت بالحفى غادية بخطوات بطيئة .. حلت الباب لقاات غاا ضلام كملت طريقها لحمام لبسات صندالة لي فالباب ودخلات قضاات حاجتها ورجعت خرجت شعلات الضوء دالدروج باش يبان ليها شنو كاين. دخلات كتقلب على صاكهاا لقااتو فوق التلفاازة . هزاتو كتقلب لقاات كاغيط مزال تماا هزاتو فجيبهاا وخلات صاك .. مشات لطارو د زبل كتقلب بين قشور بطاطة وعضومة دجاج على بقااية تليفون لقااتو تماا غاا حديدة مزال شادة هزاتهاا جبدت منهاا كارطة دارتهاا فجيبهاا خلات داكشي هوا هداك طفات الضوء ورجعت لبيتها... لاحت داك الكاغيط تحت الفراش والكارطة خشاتها فالمخدة مع الصوف.. وبقاات كتقلب من جهة لجهة كتحااول تنعس ومتبقااش تفكرر كتر ويخفااف عليهاا الألم شوية .. حتا داها نعاس بعد اذان الفجر... فاقت مدوخة مقدراش تحكم فراسهاا غاا عينيهاا محلولين وفمها معوج بالمخدة كتسمع غاا هضرتهم براا مرة مرة يدخلو عندها .. كدير راسها ناعسة....

وصل وقت الغداا دخلات امينة كترغب وطلب فيهاا تبعاتها خالتها والو غاا كتحرك راسها ب لاا... خلاوها على خاطرهاا دوزت نهارهاا كولوو فالبيت غير البكاا حتااا تقج حلقهاا.. دخلو ليهاا الماكلة مبغاات تاكل خلاتهاا تماا عيطو ليها تخرج مبغاات.. دخلات خالتها وبناتهاا سلموا عليها لابسين جامعين حوايجهم غيرجعوا بحالهم سلمت عليهم ورجعت تكاات .. ناضت بشوية خرجات لحمام لقاات ياسين جالسة مضوراتش وجهها جيهتو. قضات حاجتها بالزربة ومشاات لبيتها ... خرجات امها من كوزينة وجلست حدا ياسين سمعات صداع برا قربات لباب كتسنت ..

حسناء ؛ فاين جبرتيهاا ومعامن داباا خالتك دي متعاود 

ياسين : بلاماا تجهلني ايماا حناياا ماشي... خليني سااكت حسن منبداا عاود..شكون ديك شمكار لي كانت معاه وديك بنت. ال..اوووف ودراري د الزنقة كل مرة يسيبولي هضرة فوسط وجهي .. ختك ختك شبر بنتك حسن منقطعلاا رجلا ونخليهالكم هناياا 

حسناء : ايماا غطرطقلي المرارة غتغددني هاد المسخوطة. حتا باك سقساني عليهاا بارح ملي جا من كراج قلتلو ناعسة اليوماا هيداك قلتو مريطة عندك يسيق الخبار نهادشي

ياسين : يماا مسوقيشي نتسنااو عيد جوجاا ب مهدي وهنيوناا من صداع ديالا هادشي محكومة كون مكنتشي محكومة يعلم الله شني تعمل 

حسناء : ديكشي لي غنعملو حتا حنايا بغات ولا مبغات تبقاا تمرطناا (تمرضنا) فراسناا.. 

رجعت مريم باللور منهارة باغاا تنفاااجر تشهق وتقمش فالفرااش ناضت لمرايا كتشوف وجهها لي زرق كولو وعينيها منفوخين ميقدر حد يشوف فيه.. تركنات فالارض تبكي وتشهق دخلات عندهاا امها باغاا تخرجهاا تعشى مبغااتش صيفطو ليها ندى وسليم كييوسو فيهاا ويرغبو والو.. تخشات فبلاصتهاا كتقلب حتا حست بالعياء ونعساات وهياا كتبكي ف حلامها... 

صباح بكري مع الفجر .. كتسمع الهضرة ناضت من بلاصتهاا كتحاول تصنت سمعت رجلين هابطين فالدروج... مشات لسرجم كطل وترجع دخل راسهاا.. بان ليهاا باهاا هاز صاك فيدو د الحوايج.. وياسين معاه. طلعواا فالطوموبيل ومشااو.. رجعت لبلاصتها تكمشت كطيب نعاسهاا حتاا سمعات ياسين رجع وطلع نيشاان لبيتو...عرفاتو وصل باهاا لمحطة حيت كان كيقول غيمشي لجبل . رتاحت من واحد الحمل كانت هزاه.. لو عرف باهاا لو ساق الخبااار !! فين كانت توصل !! يكمل عليهاا باهاا ويحرم عليهاا حتاا سطح طلع ليه.. حمدات الله ونعساات... دوزات اسبوع وهياا على نفس الحال زاد وجهها تنفخ وزاد زراق والزروقية لي فيه رجعت كحلة. غاا بيتها نعاس مرة تاكل مرة لا غااا بيت وحمام مكدير حتاا حاجة.. ملي مكتلقاا مدير كتهز كتاب د فصالة وتبداا ترسم وتصمم فيه... ترجع تحطو وتنعس تفيق وترجع تهزو وتكتب شعر من راسهاا تمشي لحمام وترجع على نفس الحال. مرة مرة كدخل عندهاا امينة طلل عليهاا وترجع... حتاا دوزات سيمانتهاا تمااا بالهاا مع عادل... راه يكون صونى !! راه يكون رسل !! فين يكون داباا !! بنات يكونو صيفطولي ... داباا يسولو فياا... 

عقلهاا تالف حتاا ولات تهضر بوحدهاا. فنهار جديد صبحات حالة عينيهاا لي كيشوفو فالسرجم.. واشعة الشمس الساخنة داخلة معاه.. دخلات عندهاا امينة كتحاول من جديد تنوضهاا وتخرجهاا تفرج وتاكل.. خرجات مريم بزز حالة عين وعين لاخرا بقوة نفخ مشققة.. غسلات وجهها برفق ورجعت لصالون شافت امهاا خارجة من بيت نعاس هازة جلابة فيديهاا كتلبس فيهاا.. شافت فيهاا وضورات وجهها جيهت امينة ..

حسناء : رد بالك امينة عندااااك 

امينة : لا كون هانياا اماماا ولا عليك المهم متنساليشي زيتون معاك وجبن لي غنعملو فالبيتزا صافي ايمتا 

حسناء : واخاا .. عقدات زيفهاا فعنقهاا وشدت بزطام فيديهاا وهبطت مع الدرج.... 

امينة : وزيد فطر اختي متبقااشي هيداا 

مريم : مخصنيشي امينة صافي خليني 

امينة : وعاودلي شكون هادوك لي جاو معاك واش عايل ديالك (صاحبك ) قول !! واش شي واحد كتعرفو 

مريم : هاداا غا صديق ماا صاحبي ماا والو وخاك كبر موضوع قد السخط الله يعطي ليدو البطل حمار لاخورر يجيب الغلبن ديالو عليااا اهئ اهئ اهئ الله يلاقيهاالو الممسوخ الله يعطيه كسيدة يمشي فراتل 

امينة : نعل الشيطان العيلة راه خاك وخايف عليك 

مريم : ميخاااف علياا منخاف عليه يمشي الله يعطيه كسيدة الجرو يااخور 

تنهداات امينة حداهاا. كبات ليهاا كاس د حليب مداتو ليهااا كتشرب فيه بجغمة ورجعت حطاتو...

شافت ختهاا هازة تليفون فيديها كتهضر مسج صوتي مع معارفهاا ومريم بالهاا معاه .. كضور وجهها وترجع تشوف فيهاا وفتليفون... 

مريم : امينة متقدرشي تخليلي تليفون ديالك قنت اختي قنت بزااف 

امينة : ويداا جبرو عندك ياسين شني عنقولوو 

مريم : الله يفرحك اختي راه قنت هنايا بوحديتي مكنخرج ماا عندي تليفون عتاقني بيه اختي ديالي.

شافت امينة حتاا هياات وقالت : ويدا جبرو عندك ياسين شني غنقولو ينوض ليلي حتاا ياناا

مريم : عطيهلي شتيتو وملي يكون هنايا ولا يقرب يجي نعطيهلك يرحم يماك 

امينة: غنبقاا نخليهلك بااليل وصافي حيت كننعس بكري وصباح تعطيهلي 

مريم : صاافي واخاا 

عنقااتهاا كتبوس فيهاا وفرحاانة.. خلاتو ليهاا امينة وناضت لكوزينة.. شداتو مريم دخلات من جوجل فتحات الحساب ديالهاا.. لقات مسجات بلا حساب كلشي كيسول فيهاا حتاا غلبو عليهاا الدموع .. اول مسج مشاات ليه د عادل.. لقاتو مصيفط بلا حساب قرات دوك الميسجات وهياا كتقلب على شي كلمة تقولهاا ليه ... خلات ليه مسج..

مريم : عادل اناا سافرت عند العائلة فواحد البلاصة مفيهاشي الريزو. وحتا تليفون تهرسلي ملي نرجع نطنجة ساعة نصيفطلك ونهضر معاك 

رسلاتو ودخلات لمسج اخر من عند اروى لقاتهاا مصيفطاا ليهاا طلب الصداقة...دخلاتهاا عندهاا وجوباتها

.. فالبلاصة كان الرد من عند عادل... 

عادل : اوو كتر من سيماناا ونتي مسافرة على اقل علميني غاا من شي تليفون ماشي ديري هاكاا مريااام !! عاودلي واش عندك شي مشكيل جااوبي راني كنصوني فنمرتك .. 

جاوبي !! 

طاحو دموع من عينيهاا بلاماا تحس... حتاا لامتاا غتبقاا هاكاا حتا لإمتااا غتبقا تهذنو بكذوبهاا. وتغطي على راسهاا هزت يديهاا كتمسح عينيهاا رجعات لور تكمشت فالفرااش وهياا كتشوفوو كيكتب. 

عادل : مرياام بغيت نشوفك اناا غنحي موراك فين داباا قوليلي 

صيفطاات ليه بالزربة وقالت : المهم غير نجي نطنجة اناا غنجي عندك قولي نتينااا بعداا كيف عامل امورك مزياانة 

عادل : نوو ممزياان والو بغيت نشوفك ممهنيش عليك 

مريم : اناا لباس علياا غير معنديشي تليفون داباا وصافي المهم اناا غير نجي نمشي نشوفك صاافي

عادل ؛ اووك لي حبيتي ... توحشتك مريم 

مريم : بخجل ) حتاا ياناا شكتعاود فاينك نتيناا

عادل : اناا فتطون . غنمشي لكازا بلاتي شوية ..

مريم : بصصح وفيواخ عتجي واش عتعطل بزاف 

عادل : نوو. مع دخلة د رمضاان عنرجع حيت ماماا غتجي هيا وخوت..واناا غنمشي خاصني نكون شفتك 

مريم : وينشاء الله يكون خير 

يلاه هواا كيكتب وهياا تسمع طوموبيل حصرات حداا باب.. خرجات من فيسبوكهاا بالزربة ومسحات داكشي.. حطت لختهاا تليفون فوق الطبلة ومشاات طايرة لبيت .شدت عليها سمعات هضرتو براا مخرجاات معتباات حتاا سمعات سكات عاد خرجت راسها كطل لقاات غا امينة فالكوزينة كتغني ولادها كيتفرجو ف طيور الجنة...تكات فبلاصتهاا.. حتا وجدت ختهاا الغداا ودخلات امها من سوق.. خرجات جلست معاهم وشركات معاه الطعام.. ناضت هياا اللولة جمعت طبلة.. غسلت المواعن وجبدات طوبات الثلج كدوزهم على وجهها باش يخفاف الأمل وتفش عينيها وحناكها شوية .. رجعت جلست حداهم كتفرج فالثلفازة وساكتة ..

حسناء : العواشر هادي خصناا نجمعو الدار ونخملو ونوجدو لرمضان 

امينة : شحال باقيلو داباا 

حسناء : 20 يوم وهاهواا معاك ناس جمعو وحنايا دايماا خانزين (عضرب المعنى وتشوف فمريم ) غاا تليفون ونعااس والضوران.. الله يرزق الصبر 

امينة : اتعدلو شباكية ولا عتشريوهاا 

حسناء : انعدلو صطل د سفوف ونهنيو راسناا كلشي يجيبو باباك..

امينة : واخاا غدا نبداو نخملو ان شاء الله.. 

جلست معاهم حتاا طاب نصهاا بالجلاس وهياا مركزة غاا مغ تلفااازة وعقلهاا غاايب حتاا تعشات العشية وناضت مع امينة لكوزينة.. نفس الروتين يوجدو.. كملات معاهاا ودخلات لبيتهاا حتا تجلمعوا على طبلة دالعشاء ..وكل واحد مشاا لبيتو بعدماا قصروا وجمعواا.. دخلات مريم عند امينة لي كطبطب على بنتهاا تنعسهاا وقالت بصوت خافت

مريم ؛ ختي واخاا تخليلي ديك التليفون غداا نعطيهلك 

امينة : ااه راهواا ليهن هوزو ويدا صوناا شي واحد جيبولي .

مريم : صافي واخاا..

هزتو وخرجت بشوية عليهاا مشات لبيتهاا وسورتات الباب.. تكمشت فبلاصتهاا شادة تليفون فيديهاا ركبات نمرتهاا وتليشارجات واتساب ديالهاا.. حتاا بداو كيوصلوهاا كاع الرساائل بلا حسااب... جوبات كلشي وشدت الهضرة مع عادل لي موحشة فيه وموحش فيهاا.. رسل ليهاا صور ديالو.وطلب منهاا ترسل ليه او تهضر معاه فالكاميرة ورفضااات .. لي طلب منها مكتبغي...حتاا تنرفز بوحدو ولا كيهضر معاهاا بالقيااس ..وهيا كتحاول تسايس معاه وفنفس الوقت كتجاوب اروى.. وصوفيا لي كيهضرو معاهاا...رتاح قلبهاا ل اروى لقاتها مصوابة وحتاا هياا قلبهاا عاامر.. كتجاوب هادا وهاداا حتا تلفاات... من قهرهاا وبكاهاا محساااتش براسهاا حتا عودات لأروى كلشي من اول نهار هضرت مع راوية كيف طلقااو كيف شافت عادل كيف بقاااتو بسرعة... وكان جوابهاا على كلام مريم هوا 

اروى : ااااخ امريم ااااخ هياا قوليلي كليتيهاا فعضاامك وحناا كنقولو هادي علاش غبرات... عرفتي علاش بغيت اناا نمرتك نهار اول !! حيت اناا عارفة بلي عادل كيبغيك هادشي قالولي انس واعدتو يبقاا بيناتناا وشكيت 1000% غيكون عندك شي مشكيل عرفتي الموصيبة لي درتي هياا كذبتي عليه ومن اول بديتيها معااه فالكذووب. والله حتاا ضريف راه صاااحبي وعزيز علياا وعمرناا سمعناا عيبو كيبغي يضحك ويفوج مي كي قالك معزيزش عليه الكذوب .. نتي داباا واحلة واناا حاسة بيك غتكوني باغاا تشوفيه وحتاا هواا ولكن معرفتش اش نقولك والله مهم فااشماا حتاجيتينييييي وعدمني غتلقاايني بجنبك لي حتاجيتي امريم لا اناا ولا صوفياا مهم شوفي شي حل نتي وحناا معاك .. اوك زينة !!

قرات مسجها فرحت شوية حيت رخفااات على راسها اول مرة تعاود حقيقة حياتهاا لشي بنت... عياات متفكر فشي حتاا داخت ...وملقاات جهد.. كملات هضرتهاا مع اروى وعادل حتاا صبح الصبح عاد مشاات اروى تنعس وبقاات كتهضر مع عادل وعينيهاا معسليين باغاا تنعس ومقادرة كتستاغل داك الوقت باش تهضر معاه كتررر... سمعات الهضرة براا عرفتهم فااقو من نعاس وامهاا كتوجد الفطور.. استأذنت من عادل وحولات تفهمواا بلس المنطقة لي فيهاا مفيهااش ريزو حتااتجي تنعس عااد تهضر معاه.. وكان اتفااقهم كل ليلة يهضرو..مسحات واتساب وكااع التصاور لي وصلوهاا مسحات كلشي خباات كارطة وركبات كارطة د امينة عاد حطت تليفون حداهاا وضربتها بنعسة... ماهياا الا نصف ساعة دخلات امينة كتنوض فيهاا تخرج وتعاود دخل تنوض فيهاا وصلات 11.. دخلات امها محيحة عليهاا 

حسناء : واش غتبقاا ناعسة ليل نهار جنابك مطابوش الخرا راه حماضلك ف..... ناس كل واحد فاين طايش ونتيناا غاا فراش فراش.. 

حلات عينيهاا تقال مقدراش حتاا تحكم فراسها .. ناضت براس تقيل وجسم متعب سادة عينيها جرت صندالتها ومشاات لحمام.. خرجت كتمسح وجهها فالفوطة لي معلقة فالباب وقفات حداهاا حسناء 

حسناء : دوز تفطر ومشي هوز صالون طلع زراني نالسطح وهبط عدل تلامط فلابادورة (مصبنة ) وسيق باش غدا تركن ودوز نوسط الدار حتا هياا نجمع هاد الخنز .. حتاا الا كانت الخطيبة مور العيد يكون كلشي نقي.. 

دازت من حداهاا مريم عاقدة حجبانها بلاماا تهضرهاا ولا تقول ليهاا حتاا كلمة دخلات لصالون وبدات تستف سداري فوق سداري وتهز فدوك طبالي دالفرااش تقاالين ...كتوقفهم مع الحيط. جرت زرابي بجوج وطلعات وحدة مور وحدة.. حنات على ركابيها تيو د الماء فيديهاا ويد خراا شيتة كتحك فيهم .. حتا تقوص ضهرهاا بقوة الحكاان شلالتهم وخلاتهم يستقطرو هبطاات لصالون كتجمع ليه فالتلامط ودخلهم لمكينة جمعات سيقاات خملات مسحاات.. تغداو وعيطو ليها مبغات لا تهضر ولا تقول حتا كلمة... غاا كتخدم شغلهاا وهياا ساكتة كتخمم وتحلم تبني وتهدم غير بوحدهاا... حتا طاح الضلام وهياا مزالة كتحك فالحيوط دالدروج هابطة كتحك وتشلل وتمسح.. مهبطات حتاا دغمة طول نهار.. وصلات 9:00 د ليل مبقااتش متحكمة فرجليهاا لي طابو بالوقووف مبقاات قادرة تهز يديهااا كملات تسيااق بزز جمعت شطابة وجفاف وسطولة وطلعت كتلهت فالدروج... حطاتهم وتركنت فجنب فراش.. 

حسناء ؛ حناا قلنالك عمل شغل بشوية عليك مقولنالكشي جاهد فراسك ومتاكولشي نهار كامل. مشي سخن الغداا وياجي ياكول بيدماا يطيب العشاء.. 

ناضت بلا متجاوبهاا حلت لكوكوت لقاات عدس غرفاات فطبسيل د الزنك وفرتلات فيه الخبز لداتو فوق البوطة كيسخن وهياا كتحرك فيه.. حتاا تقلا عااد خرجاتو حطاتو فوق الطبلة كلاتو كامل وبداات كتكرط الحراق ديالو بمعلقة ..عمراتهاا عاد رجعات فيهاا النفس.. 

همها الوحيد هواا ايمتاا يجي ياسين ويطلع لبيتو باش تشد تليفون فخاطرهاا.. جلست كتسنى حتاا دارت 11 تسناو حتاا جاا عاد حطو عشاء كلات معاهم علاش قدات وناضت كتجمع دنياا محدو طلع لبيتو وهياا حاضية خطواتو حتا سمعات بابو تسد.. عاد رتاحت وطلبات من ختهاا تليفون... نفس الشيئ كيف الليلة الماضية شدت تليفون كتهضر معاه ومع بنااات واخاا تغلباات بالنعاس تبداا طرش فوجههاا باش تبقاا صاحية.. حتاا صبح الحال .. ناضت بلاماا ينوضهاا حد خرجات بنفسها وجدت الفطور وبدات كتجمع بشوية بلاماا تقرقب.. خرجات حسناء من بيتهاا تعجباات فيهاا مقالت حتاا كلمة بقاات غا ساكتة كتشوف.. حطت مريم الفطور وجلست كتفطر حدا امها..

حسناء : ايواا هاكاا بنات ناس يكونو راه قوة التفرفير مكيفيد بوالو غاا كيجيب الدل على مولاه.. فكر بعقلك وشوف راسك وصبر على خبزتك غاا قولي داباا غا قولي شكون هداك لي كنتي معاه ومعانقين واش حناا ليهود !! واش حناا معندناا اصل !! هادا متعلمتو من افلام وتوااركا والمكسيك ايواا الله يستر.. 

فطرات مريم على نكير امها. صابرة معندهاا مدير ومتقدرش حتاا تجاوب.. كملات فطورهاا وناضت بدات فالشغل لي خلاتو من بارح

يتبع