شدها من يديها وتم غادي بيها يلاه اتنتر منو وهي تشوفهم واقفين وكيشوفو فيها وهما مصدووميين ..حسات بالدنيا ضارت بيها ورجليها مابقاوش هازينها
كمال بتاسم وهو مازال شاد فيديها:مالك سكتي درتي عقلك..شتي ياك كنقولك كتولي زوينة و نتي ساكتة
وبعد خصلة من شعرها كانت على وجها نعمة من الصدمة مادارت تاشي ردة فعل غير كتشوف تاعنيها مارمشاتهمش تبلوكات
كمال حس بشي حاجة ماشي هي هديك دور وجهو يشوف فين كتشوف تصدم هو التاني
مراد كيشوف فيها شوفات كون كانو عافية كون حرقوها ..كلشي تجمع عليه فهاد اللحضة الغضب ..الغيرة.الصدمة.وعاد كيحس بقلبو تجرح ..مامتيقش شكا يشوف زاد جوج خطوات لقدام باش يمشي لعندها وهو يشدو محمد هو تاني مصدوم مامتيقش عنيه:مراد خلينا نمشيو
مراد عنيه مازالتش من عليها
نعمة تمنات الارض تنشق وتبلعها وما طيحش فهاد الموقف . كون خيروها بين الموت و بين هاد اللحضة تختار الموت ..نترات يديها من يد كمال ورجعات اللور تفكرات لبسها معري غراقت فحوايجها..بدات كتغطي صدرها بشعرها وتحاول تهبط لكسوة على فخادها ولات كلها كترجف والدوخة شاداها حاسة براسها فشي كابوس نزلات عنيها لتحت شوفاتهم كيحرقوها قفزات فاش سمعات صوتو وهو كيغوت:عللاااااااش انييعمة
غمضات عنيها وهي كتبكي
مراد قرب لعندها باغي يزيد يتأكد ان هدي نعمة لبنت لي كيبغي لي محتارمة راسها..ومن نهار دارت لحجاب فاش كان عندها 14 لعام ماشاف اللون دشعرها كيف ولا ..واش طويل و لا قصير..واش باقي زعر ..عمرو عرف تفاصيل جسمها بلباسها المستور..دابة كيشوف وحدة قدامو نصها عريان ومافاتينها باينين شعرها طويل وزعر ومطلوق على طولتو ..حس بنار شاعل فيه شي حاجة فوق لغيرة فوق الغضب..شدها من دراعها وزير عليها شوية ويهرسها هضر وهو عاض على سنانو عنيه خارجين فيها:ننعمة كيفااش قدرتي ديريهااااا..كيفااش تجرئتي طيحي بياا وبالناس لي تاقو فيك ورباوك ..
نعمة غير حانية راسها وكتبكي ماعندها الوجه لي يشوف فيه او يقول شي حاجة
محمد نزلات دمعة حارة من عنيه واخة ماشي بنتو من لحمو ولكن راه رباها وكبرها.على اساس بنتو ..وغير هدشي ولدو لي دابة مجروح عارفو شحال كيبغيها حياتو غدمر..قرب عند ولدو وجرو من يديه:مرااد خلينا نمشيو
مراد شاف فيها:هضرييي علاش درتي فيا هدشي شنو درت ليييك باش ديري فيا هاد الحالة
تنتر من باه ومشا شدها من عنقها وزير عليها وهو كيغوت:هضريي المسسسخة علااااش غنقتلللك ونتهنة منننك
نعمة مابقاتش قادرة التنفس...كان حاكمها مزيان..كمال ماستحملش المنضر ولا كيغلي ماحس براسو حتى دفعو وعطاه كروشي..مراد رجع ليه كروشي تاهو بقاو هكا شي كيضرب فشي..ونعمة حاطة يديها على فمها وكتبكي..محمد كيفك ويغوت باش يتفرقو على بعضهم تا دخلو جوج من البيدورة فكوهم
كمال كيلهت:رمييوهم عليااا على بررى
نعمة غوتات:لاا ماتقيصوهمش
وسكتات وهي كتبكي
محمد شاف فيها:صدمتيني فيك. طعنتييني فضهري بموص حاافي ..
نعمة غير خرجو طاحت فالارض كتبكي وتغوت وضرب فوجهاا ..كمال بقة كيشوف فيها فلداخل ديالو حس برااحة حيت مابقاتش محسوبة على شيد حد من غيرو دار بتسامة جانبية وهو كيقول مع راسو غتبكي فتالي غتسكت وغترجع ليه حيت غير هو لي بقة ليها فهاد الدنيا
نعمة ناضت وهي معصبة وكتغوت قربات لعندو وبدات كضرب فيه:نننت سباااااب خرجتيلييي على حيااتي ..دمرتييي ليا حيااااااتي..الله ياخد فيييك الحق ..الله ياخد فييك الحق
كمال غير واقف ومخليها كتضرب ليه على صدرو
نعمة مزال كتغووت:كنكرررررهك
شدها من دراعهاا وزير عليها وغوت ليها فوجها:مااضربتكش على يديك وقلت ليك خدمي عندي بالسيييف من نهاار لول خيرتك بينك وبين بنت عمك..ختاريتي راااسك. شغا نديرلك..نتي لي دايرة فيها زعيمة وزعمة انسانة بريئة كضحي على قبل بنت عمك لي راها شبعاانة حو.. مع راجلها دابة..ماتلومينيش انااا سمعتيني نتي ختاريتي وتحملي العواقيب
تنترات منو وهي كتبكي:ماااتقيصنييييييش كنكررهك
وتمات خارجة تبعها :فييين غادة
نعمة ولات بحال شي حمقة بقوة الاعصاب فقدات شعور ونسات انها خارجة غير بلكسوة وشعرها مكشوف :لجهناااام ماشي سوووقك
خرجات من لكباري وحالتها حالة دموع شلال من عنيها بقات غادة فطريق وكتشهق بلبكة..فكرة ان مرااد ايسمح فيها كتخليها تبغي تحمااق..
طاحت فاللرض وهي كتبكي ماتقدرش تستحمل تخسر عائلتها والراجل لي كتبغي..حسات بشي حد واقف موراها عرفاتو هو غوتات بلا ماتشوف فيه:اااش بغيتي عندي لاااش جااي
كمال رما عليها عباية وشال ديالها:شوفي حالتك كيف دايرة لبسي هادشي
نعمة وقفات وشافت فيه:مااااشي سووقك بعد منيييي
تنهد:فين باغة تمشي
نعمة:عند عائلتي
بتاسم:عائلتك مابقاتش باغاك..ومستحيل يستقبلوك فدارهم صافي تخلاو عليك..ولكن من ليوم انا هو عائلتك
نعمة زاد عصبها بهضرتو:وااش نت حمق باغي تحمقني معااك ولا اشنو تفرق عليااا خرج من حياااتي
كمال:ماشي بهاد السهولة ماتنسايش الاتفاق ديالنا 6شهور باقي ماسلات وماعنديش مشكل دابة نمشي انا وياك ونعاودولهم الحقيقة داك ساع تقدري تحيدي التهمة عليك..ولالة مريم يطلقها راجلها من نهارها اللول هدشي لا ماقتلوهاش..اش بان ليك
نعمة طريق كاملة وهي كتبكي حتى وصلات لدار بقات مترددة واش تنزل غمضات عنيها ورجعات حلاتهم ونزلات من طاكسي بقات غادة حتى كيوقفها بصوتو:اختي ماخلصتينيش
كانت ناسية كااع بانها خاص تخلص طاكسي ماعندها تا ريال دورات وجها شافتو واقف مع مول طاكسي وكيخلصو خنزرات فيه وكملات طريقها ودخلات لداخل يلاه اتضغط على الجرس وهي تسمع صوت غواتو وتشخشييخ فدار كان مرااد معصب بزااف..اي حاجة لقاها حداه هرسها..ومحمد واقف وكيشوف فيه وقلبو كيضرو على الحالة دولدوو ..وزهرة كتبكي على هاد الحالة لي وصلو ليها
مراد عيا بلغواات تهد ولا كيلهت وكلو عرقان ويديه كلها ضرابي مشة هز سوارت طموبيل خاص يخرج يمشي لاي بلااصة المهم اي حاجة حيت كيحس براسو غيطرطق حل لباب وهو يشوفها قدامو قفزات فاش شافتو ولات كترجف ودموع نازلين من عنيها
مراد هز يديه تا لسما وجمع معاها بصقلة تاشافت النجوم قدامها:لااااش جاية ..واش جاية تشفاي فيا للحالة لي وصلتيني لييها
نعمة حاطة يديها على حنكها وكتبكي:مرااد اناا ..
وسكتات مالقات ماتقوول
مراد:ندمت على نهااار لي بغيتك فيه وتقت فييك..ندمت على نهاار لي ختارييتك تكوني مراتي وام ولادي. طلعتي وحدة مسخة ماكاتسواايش ختاريتي اوسخ لبلايص تكوني فيهم لاش جاية سيرييي فين كنتي
نعمة شافت فيه وتحنات ليه على رجليه:سمحلييي اعمي عفاااااك ..
محمد رجع اللور:سيري من لهناا
نزلو من الطموبيل وهوما كيشوفو فهاد المنضر مريم مافاهمة والو مشات بالزربة عند نعمة وتحنات لعندها:ختيي ماالك اش وااقع
علات راسها:باابا شنو واقع مال نعمة
شافت فمراد:مرااد جاوبني
مراد نفااجر:سوليييها هييييي..البنت لي تربات وسطنا طعناتنا فضهرنا ...كتخرج فنصاصات دليل مع الرجال وكترجع فوقاش ما رشقات ليها..وكتمشي لكباريهاات وتعرة ..مريم لبنت لي كيبغي خوك وختارها تكون مراتو طعنااتو فقلبوو
وسكت وهو كيغلي..مريم مصدومة فهماات كلشي بدات كتبكي هي سباااب هي لي وصلات نعمة لهاد الحالة
محمد :كنقسم ليك كون كنتي بنتي..وكون مريم لي دارت فينا هاد الحالة ماغانترددش ولو تانية باش نقتلهااا.ونشرب من دمها.ولكن نتي ماشي بنتي نتي أمانة عندي خلاها ليا المرحووم يمكن ماعرفتش نربييك ولكن ربي شاهد عليا ربيتك بنفس طريقة لي ربيت بيها مريم بنتي عمري فرقتك علييها...علاش خرج منك هدشي كاامل علاش درتي فينا هاد الحالة
مريم ماستحملاتش هضرتو وانه يقول فيها هاد الهضرة وهي ماعندها تاشي دنب:باااابا لاا ماتقولش هكاا...بابا رااه اناا..
مريم زيرات عليها وهي كتبكي:ننعمة علااش درتي هدشي فراسك انا مانستاهلش
نعمة باسها على خدها:تستاهلي. وحتى ايلا ماتستاهلتيش نتي ..عمي مايستاهلش يتصدم فبنتو عمي مايستاهلش نزلو ليه راسو الارض
رجعات باستها:انا غنمشي
مريم عنقاتها:سمحيييلي بزاااف اختي
نعمة بعدات عليها وتمات غادة وهي كتبكي حتى كيوقفها صوت عمها:تسنااي
ضارت وشافت فيه لقاتو دخل لدار بقات واقفة ودموع نازلين من عنيها ماباغاش تفرق على عائلتها شافت فمراد متكي على الحيط وكيشوف فيها ماستحملاتش شوفاتو نزلات عنيها بقات شحال واقفة حتى كتشوفو جاي لجيهتها وفيديه شي شانطة حطها قدام رجليها:هادو فلوسك خلاهم ليك باك ..ورت ديالك
سكت شحال وكمل:خبعتهم ليك يقدر تحتاجيهم فالمستقبال مابغيتش نقيسهم او ناخد منهم ريال واحد قلت زعمة نديرك بحال بنتي نصرف عليك من فلوسي ساعة كلشي ضربتيه فزيرو.واخة انا ماكايهمونيش لفلوس ..المهم جا الوقت فين اتصرفي هاد لفلوس دابة بقيتي بوحدك هاد لفلوس يقدر يعاونوك فبزاف دلحوايج هزيهم وسيري بحالك
وعطاها بالضهر :زيدو ندخلو مالكم واقفين
زهرة وهي كتبكي:الحااج ماعندها فين تمشي غير حنا لي عندها فهاد الدنياا..الله يخلييك ماديروش فيها هكاا راها بنتيي تاهي
محمد بلغوات:قللت زيدي دخلييي وجرها من يديها شاف فمراد واقف:شكا تسنا زيد تدخل
مراد شاف فيها لاخر مرة ودخل
محمد شاف فمصطفى:سمح لينا اولدي على هاد المنضر
مصطفى:ماشي مشكل
مريم كتبكي:بااابا حرام عليييك..مراااد هادي راها نعمة لبنت لي كتبغي
وصلو للكبااري نزلات ونزل تاهو..دخلو كان باقي خاوي بقات كتمشة باغة فوقاش توصل للبيت رجليها مابقاوش هازينها وقفات فاش حسات بالدوخة حطات يديها على الحيط..حتى طاحت فالارض سخفانة كمال جا كيجري لعندها بقة كيضرب ليها على وجها او والو مافاقتش هزها ودخلها للشمبر عيط لطبيبة ..دازت مدة وكانت عندهم حيدات ليها لعباية دارت ليها فحص لقات غير الاعصاب ضربات ليها شوكة باش تهدن ليها الاعصاب وصافي مشات بحالها
كمال بقة واقف شحال كيشوف فيها وهي ناعسة ..قرب وغطاها بلحاف وخرج
دازو ساعات
حلات عنيها بشوية كتحس براسها كيضرها وقلبها مروع..بقات كتشوف شحال فالسقف وهي كتسترجع فمخيلتها داكشي لي وقع نزلو دموعها حارين على خدها حتى بدات كتشهق ناضت من بلاصتها ودخلات كتجري لحمام ردات ..شوكة دالمهدئات من ديمة ماكاتوافقهاش كدير ليها الردة ..شلات فمها وغسلات وجها وهي كتلهت بقات كتشوف راسها فلمراية ودموعها نازلين وكتفكر حتى كيتحل لباب دلحمام كانت سعاد:نتي هنااا
نعمة شافت فيها وماجاوباتهاش
سعاد:لاش كتبكي شنو واقع
نعمة غير ساكتة
سعاد:هاكي طليفونك كان كيصوني
نعمة تفكرات مراد خداتو بالزربة دخلات لي زابيل لقات مريم صونات كتر من مرة..ومراد مامعيطلهاش كااع بقات كتشوف فطليفون وكتفكر انه صافي خرجها من حياتو .مابقة لا زواج لا والو دابة ولا كيكرها..عضات على شفايفها هي كتبغييه بزااف هو حب حياتهاا..غوتات على حر من جهدها وزدحات الطليفون مع لمراية تا قفزات سعاد
سعاد شادة فقلبها:بسم الله الرحمان الرحيييم واش حماقيتي
نعمة قربات ووقفات اونفاص مع واحد طرف من لمراية بقة لاسق كتشوف راسها كيف كانت وكي ولات ..شكلها مابقاش كيكان..مابقاتش كتعرف راسها حياتها تقلبات و تدمرات..خسرات كلشي بقات كتبكي بحرقة شافت طرف دزاج هزاتو وهي كتشوف فيه تموت وتهنة من هادشي كامل
سعاد شهقات:اويييلي حطي داكشي من يديك
نعمة غير ساكتة ودموعها نازلين وعنيها على زاجة كتفكر ..فتالي رمات الزاجة فلارض..خسرات كلشي مابغاتش تزيد تخسر تا علاقتها مع ربي .مايمكنش تنتاحر وتغضب ربي وتموت كافرة بأشمن وجه اتقابل ربي .عرفات ان الانتحار ماشي حل رجعات اللور وهي كتبكي ومادايهاش فسعاد لي كتسولها مالها..نعمة خرجات كطير حلات لباب وبقات كتمشة فلكولوار حاسة براسها مخنوقة ..باغة تخرج تشم الهوة نقيي هاد لبلاصة كتخنقها ..خرجات لصالة مابقات كتسمع والو من غير صوت لموسيقى..بقات كتمشة وسط ناس كيشطحو دخلات فسيرفورة وطيحات ليها صنية دلويسكي:المررض ماكاتشووفيش ...اجي فين غادة لكليان كيسول عليك
نعمة غير غادة باغة فوقاش توصل لبرة ..ماداتهاش فواحد من لكليان كان كيعيط ليها..دورات عنيها على الكباري هاد لبلاصة ماشي ديالها هي ماشي دهادشي.هاد الناس غراب عليها هي ماشي من هاد النوع حسات براسها اتخنق قلبها تزمت باغة تخرج دغية
خرجات وهي كتلهت ودموع فعنيها تكات على الحيط وهي شادة فقلبها كتبكي بحرقة ..شتنشقات لهوة بارد تسلل فلداخل ديالها خلاها ترخة غمضات عنيها يلاه اطيح وهو يشدها بقة كيشوف فيها شحال تنهد وهزها بين يديه شاف فواحد من رجالو حل ليه باب طوموبيل ركبها اللور وركب كسيرة بالجهد طريق كاملة وهو مرة مرة كيشوف فيها من لمراية لقدامو وصل لدار ..نزل ومشا هزها دخل لداخل..كانت جالسة فصالة ناضت واقفة:اويلي شنو درتي لبنت
كمال خنزر فيها:قتلتها
وطلع كيجري بيها فدروج وهي تابعاه دخلها لبيت وحطها فوق النموسية :اجي شوفي مالها
جميلة:اصبار نجيب الشانطة
جميلة كانت ممرضة. مشات كتجري لبيتها جابت شانطة ديالها ورجعات فحصاتها عرفات انه فقط من الاعصاب
كمال:واخة..ولكن ديري واحد الحاجة فبالك سيري فين ما بغيتي تمشي ولكن رجعيي سمعتيني..بلا مانعاودو نفس الهضرة
نعمة:عارفة ماناسياش غير بعد مني
ومشات بقة واقف حاضيها تا غبرات من قدامو بتاسم ورجع دخل لدار
نعمة بقات كتمشة وشانطة فيديها مشات نيشان وجلسات حدا لبحر فواحد لكرسي بقات كتفكر فحياتها خاص تصبر وتبدا حياة جديدة علامن تقاد الامور باقي عندها آمل انها اترجع لعائلتها حلات داك الشانطة لقات فيها بزاف دلفلوس ماعرفاتش شحال بالضبط..خاصها اول حاجة تشوف دار تجلس فيها مايمكنش تولي ترجع لدار دكمال او تبات فلكباري..
ناضت شدات طاكسي:عفاك ديني لاقرب مكتب دلعاقارات
مزل طاكسي شاف فيها وجها حزين :واخة ابنتي..واش باغة تشري شي دار ولا شنو أبنتي يقدر نعاونك
نعمة:اه اعمي محتاجة لشي دار ضاروري..
مول طاكسي:وكي بغيتي هاد الدار
نعمة:ماعرفتش نفضل تكون فبلاصة هادئة بعيدة على لبشار
مول طاكسي:مايكونوش الجيران
نعمة:مكرهتش نسكن غا بوحدي
مول الطاكسي:كاينة واحد الدار على نفس المواصفات لي باغة مولاها باغي يبيعها فأقرب وقت محتاج لفلوس..ونزيدك مفرشة ناضية غير لابغيتي تبدلي شي حاجة نتي
نعمة:واخة وبشحال
مول طاكسي :هو كيقول40 مليون
نعمة:40 مليون ومفرشة واش متأكد
مول طاكسي:اه ابنتي متأكد يلاه نشوفوها وخزديها نتي هاد النهار باش مايديهاش شي حد اخور..
نعمة بقات كتفكر جاها هادشي فشكل ولكن بغات توكل على الله:واخة ولكن خاص نعيط لبنت عمي تجيب لي وراقي
نعمة:مزيان عيشي حياتك..شوفي عفاك عيطي للخدامة وقولها تخرج لي لوراقو لاكارط ديالي وحوايجي
مريم:واخة راهم مجموعين دابة نقولها تخرجهم ليك
نعمة:واخة شكرا
مريم:ديالمن هاد النمرة ومال طليفونك طافي
نعمة:تهرس لي دابة نشري واحد اخور ونعطيك النمرة..المهم قلها غتلقاني فطاكسي حدا لباب لوراني
مريم:واخة
وقطعات..عطات لمول طاكسي العنوان..مسافة طريق وكانو حدا لباب تنهدات و هي كتشوف فدار لي عاشت فيها طفولتها ومراهقتها ..هدي هي دار لي تولد فيها حبها لي دابة مستحيل. مراد عمرو ايسمح ليها نزلات دمعة حارة من عنيها ..شافت لخدامة خارجة وواحلة بلباكاج تقيل عليها نزلات من طاكسي ومشات عندها:شكرا عذبتك معايا
لخدامة بدات كتبكي:خليتي بلاصتك دار ولات خاوية بلا بيك وعاد مريم تاهي سافرات..الحاج والحاجة غيموتو بلفقصة
نعمة عنقاتها:صافي كلشي دابة يفوت
الخدامة:ماتستاهليش هادشي لي وقع ليك انا متأكدة انه كاينة شي حاجة ماشي هي هديك
نعمة تنهدات:و مراد
الخدامة:مراد سافر هاد صباح
نعمة:مزيان..يلاه هنا مشيت
الخدامة رجعات عنقاتها:ربي معاك اختي
نعمة:اميين
نعمة هزات شانطة ولخدامة هزات واحد ساك تاهو فيه لحوايج داروهم فلكوفر
الخدامة:هادو لوراق ديالك
نعمة خداتهم:شكرا
سلمات عليها وركبات فطاكسي
مول طاكسي:صافي نمشيو لدار تشوفيها
نعمة:واخة
كانت غادة وكتشوف فطريق وكتفكر حتى كتحس بطاكسي وقفات شافت فلبلاصة فين هي ..عجباتها نزلات وهي كتشوف فدار من على برة . دار رومية جاية معزولة على ديور لوخرين فيها باب صغيرة ديال الدخلة عاد لباب داخلانية وجردة صغيورة فيها جليسة زوينة..عجبها لمنضر
مول طاكسي:شوية ويجي مول دار وندخلو نشوفوها ملداخل نمشي نحيد طاكسي من طريق ونجي
حل ليهم لباب ودخلو بقات كتسارا فدار عجباتها بزاف..كتكون من جوج طوابق ..سفلي فيه صالون كبير مفرش بطريقة عصرية واونفاص معاه كوزينة مفتوحة عليه. وعاد تدفئة دلخشب لي كتكون لاسقة فلحيط وحداها جليسة فلارض .وعاد حمام
وعاد لفوق فيه جوج بيوت ولاطراس
كلشي هو هداك دار ماكبيرة ماصغيرة.
نعمة باعجاب :زوينة بزاف
مول دار:ماكنتش باغي نبيعها غير ضروف ابنتي
نعمة كتشوف ان 40 مليون قليلة فحقها ولكن مكتابة ليها
مول دار:لا كانت فلوسك واجدة نمشيو دابة نتكاتبو صراحة مكتابة ليك نتي واخة تابعيني عليها بزاف دناس
نعمة غير ان الدار عاجباها باغة ضاروري شي بلاصة تجلس فيها :اه لفلوس واجدة خلينا نمشيو
مول طاكسي:انا نوصلكم لمكتب لعقار
خرجو ركبو فطاكسي نيشان لمكتب لعقار بعيد شوية وصلو نزلو دارو جميع الاجراءات وقعو لوراق وداكشي لي ايتحتاج..ولات دار بسميات عطاها ساروت:مبروك عليك ابنتي
بتاسمات:الله يبارك فيك شكرا
مول دار:غدا رجعي باش تاخدي لوراق ددار يكونو واجدين
نعمة:واخة
مول طاكسي:زيدي ابنتي نوصلك
نعمة:واخة اعمي ولكن قبل بغيت نشري شي حاجة لدار
مول طاكسي:اه راه مافيها والو
مشات هي وياه تقدات داكشي لاتحتاج شرات طليفون ووصلها لدار
مول طاكسي:ماشي مشكل ابنتي باينة فيك بنت الناس وتستاهلي كل خير
نعمة:شكرا
عاونها دخلات داكشي لدار ومشا بحالو شدات لباب عليها وتنهدات وهي كدور عنيها فدار اول حاجة دارت دوشات وتوضات وخرجات وصلاة داكشي لي فاتها قرات شوية دلقرآن وطلبات من ربي يعاونها ويوقف معاها..تنهدات وهي كتمسح دموعها..ناضت بدلات عليها ..ونزلات كدور فدار خاصها شوية دنضافة وجدات ادوات التنضيف ..خملات دار ومسحات لغبرة المهم ردات الدار كتشعل عاد رتاحت مشات قادات ليها شي حاجة تاكلها وجلسات فصالة حتى كتسمع صوت الادان دلمغرب ناضت لبسات عليها وصلاة ..سلات يلاه اتحيد حجابها ولعباية وهي تسمع لباب كتحل قفزات حسات بلخوف بقات واقفة فبلاصتها حتى كتشوف شي حد داخل وشد موراه لباب دار وشاف فيها وقفز هو تاني فاش شافها:شكون نتي وشكا ديري هنا
خنزرات فيه:نت لي شكة دير فداري
خنزر فيها تاهو:داارك من نيتك
نعمة حساب ليها شي شفار:انعيط ليك للبوليس لما خرجتييش من داري
جبدات طليفون باش تعيط وهو يوقفها صوتو:راه نتي لادخلي لحبس لما خرجتيش من دار ..شوفي مول دار دابة وهو جا راه ماكايتفاهمش ماغايرحمكش خرجي بلا صداع
نعمة حسات بشي حاجة ماشي هي هديك:انا عاد شريت دار هاد النهار
ومشات جابت لوراق ووراتهم ليه:شوف
خدا منها لوراق وبدا كيقراهم بتاسم:مزورين ضحكو عليك
جبد من شانطة لوراق لاصليين:شوفي حنا لبارح شريناها 80 مليون شوفي لفرق
خدات لورقة لاصلية ولورقة لي عندها تاكدات انها مزورة من طابع وشي كتابة تصدمات حسات بحال شي صطل دلما بارد تكب عليها..راه 40 مليون هادي ماشي ساهلة حسات بالدوخة كانت اطيح وهو يشدها:ياك لاباس اختي
نعمة رجعات اللور:انا بيخير
نزلو دموعها فلوسها مشات كلشي مشة بقات كتبكي
الشخص بقة غير كيشوف شاف فالساعة:ختي مول دار دابة وهو جا ما ايبغيش صداع
نعمة وهي كتبكي ومنزلة راسها:كيفاش..وفلوسي انا لي مشات
محمود:لقيتيني كنقولها تمشي بحالها ..تدعيهم ولا تشوف شغا دير
نعمة:وفلووسي لي مشات انا فين غنلقاه دابة ..راه 40 مليون لي مشات لي
محمود:وحنا مالنا
نعمة قربات عند زياد وهي حانية راسها:شوف اخويا انا ماعندي فين نمشي لفلوس لي كانت عندي مشاتلي فهاد الدار.وماعندي تاشي بلاصة نمشي ليها من غير الزنقة
محمود قرب لعندها:بلا ماتصدعيه بهاد الهضرة..هاد الهضرة قوليها لبوليس زيدي خرجي بحالك
نعمة:نت ماشي سوقك كندوي مع مول الدار
زيد تنهد بملل:شحال من بيت كاين هنا
محمد:جوج
زياد:خودي بيت جلسي فيه علامن تلقاي شي حل لراسك وسيري بحالك
نعمة:شكرا
زياد:وحاجة وحدا خرا مانبغيش نشوفك كدوري قدامي ملي نكون انا فدار غبري سمعتيني ماكانحملش الصداع انا شريت هاد الدار غير باش نبعد على الضجيج ونرتاح فيها سمعتيني
نعمة هزات راسها باه:تا نا داكشي لي باغة
زياد شاف فمحمود:دخل نت وشيفور شوانط قادو كل حاجة فبلاصتها وسيرو بحالكم
محمود:واخة اسيدي
زياد:وغدا صيفط شي وحدة تجي تنضف الدار
نعمة:صيبتها راها نقية
زياد دور عنيه على دار بانت ليه نقية ماشي بحال كيف شافها لبارح كلها غبرة:مزيان احم..كنضن كلامي مفهوم
فهمات قصدو..وطلعات لبيت وشدات عليها جلسات فوق النموسية هزات يديها لقاتها كترجف نزلو دموعها حارين كتشوف على زهر عندها كل نهار مشكل جديد كل نهار حياتها متزيد الدمر دابة بقات لا دار لاتالي لا والي لا حنين لا رحيم..تنهدات وهزات راسها لسما كتطلب من ريي الفرج
زياد دور عنيه على دار بانت ليه نقية ماشي بحال كيف شافها لبارح كلها غبرة مع الاتات كان عاد جديد شوية مغبر:مزيان احم..كنضن كلامي مفهوم
فهمات قصدو..وطلعات لبيت وشدات عليها جلسات فوق النموسية هزات يديها لقاتها كترجف نزلو دموعها حارين كتشوف على زهر عندها كل نهار مشكل جديد كل نهار حياتها متزيد الدمر دابة بقات لا دار لاتالي لا والي لا حنين لا رحيم..تنهدات وهزات راسها لسما كتطلب من ريي الفرج
لتحت
شاف فمحمود:سمعني مابغيت تاشي حد يعرف بلاصتي واخة يوقع لي يوقع
محمود:والخدمة
زياد:نت ماشي سوقك فهدشي
محمود:واخة اسيدي كون هاني
زياد:يمكن ليك تمشي
محمود:واخة اسيدي امسية سعيدة
وخرج مشة بحالو
زياد تنهد حيد تجاكيط ديالو كان لابس غا تيشيرط حس بلبرد تنهد ومشا يخدم لكليماتيزور لقاه خاسر دور وجهو وهو يشوف تدفئة دلحطب قرب مالقاش لخشب ومافيه لي يخرج يقطع لخشب عيان..طفا الضو وطلع لفلوق داز من حدا بيتها بان ليه ضو مشعول كمل طريقو ودخل لبيتو اول حاجة دار دوش بما دافي عاد خرج تلاح فبلاصتو نعس
دازو ساعات
ضرباتها لفيقة على صوت طليفون ناضت طافجة كان ريفير ..طفاتو وهي كتشوف 12 قل ربع دليل تفكرات انها خاص تمشي للكباري دوزات يديها على شعرها وهي كتنهد ماحاملاش تمشي مابقاتش حاملة ديك لبلاصة ناضت بخطوات تقال دخلات لحمام غسلات وجها بشا تصحصح وعلات راسها كتشوف راسها فلمراية ماباغاش تبقة هاكة باغة ترجع كيف كانت بنت بريئة كل همها تختم القرآن باش ترجع تولي تقراه من جديد..وتصلي صلاتها فالوقت وتزيد تقرب من الله..وحلمها تولي زوجة للراجل لي حب قلبها وتعيش معاه هانية ..نزلات دمعة حارة من عنيها مسحاتها ..لبكة ماعندو فاش يفيدها خرجات من لحمام بدلات عليها قبل تخرج دوزات النمرة دشيفور دطاكسي ماباغاش ضلمو بانه متافق مع مول دار لي نصب عليها ..بقة كيصوني حتى جاوبها رتاحت نسبيا:الو عمي
مول طاكسي:بنتي ياك لاباس حتاجيتي شي حاجة
نعمة كانت على سبة تفكرات صوت عمها لحنين فاش كيحس بيها ماشي هي هديك بقات كتبكي
بقة سايق وهي غير ساكتة عاد نطقات:احم عمي الدار لي بعتو ليا مبيوعة لواحد اخور بوراق اصليين وانا وراقي مزورين ..مشات ليا 40 مليون على والو دابة مابقالي فين نمشي
مزل طاكسي وقف:كيفاش
نعمة:هدشي كيسميوه نصب واحتيال اعمي
مزل طاكسي:لا حول ولا قوة الا بالله..أبنتي كنحلف ليك انا ماعندي تاشي دخل فهاد الموضوع كي كتشوفي كبير فسن وشيب غلبني هادو ماشي فعايلي وضميري مايطاوعنيش ندير هاد الفعلة ..ربي فوقي وشاهد عليا عمري مشيت فطريق لحرام وفلوسي كلها حلال
نعمة تنهدات:أمنت بالله
مزل طاكسي:مول هاد الدار ركب معايا فطاكسي بقينا هضرة كتجيب هضرة وجبدنا الموضوع قال باغي يبيع دارو وطلبني لا عرفت شي حد باغي يشري نعاونو ونجيبو تا لعندو انا بنتي درت غا لاجر وشوفي فين خرجنا سمحيلي ابنتي انا سباب
نعمة:ماشي مشكل اعمي هدشي مكتااب عليا..وزعمة ماكاتعرف عليه والو فين ساكن او شي حد من عائلتو يرجع لي غا فلوسي ماغاندعيه ماوالو
مول طاكسي:والو ابنتي بيناتنا غير طاكسي ولكن كوني هانية غنعاونك تا ترجع ليك فلوسك..غدة نمشي معاك تا لكوميسارية ندعيوه وهوما يبحتو .انا نشهد معاك
نعمة:ان شاء الله
مول طاكسي:الله ياخد فيه الحق
نعمة:امييين ماتصورش شحال كنت محتاجة لهاد الدار..دابة مول دار الجديد غير بليزير منو ماخرجنيش لزنقة علامن نلقة شي حل
مول طاكسي:ان شاء الله نرجعو ليك فلوسك
نعمة:ان شاء الله
بقاو ساكتين
مول طاكسي:فين بغيتي تمشي ابنتي
نعمة ماعرفاتش كي دير تقولهالو حشمات منو نطقاتها بمشقة الانفس:احم لكباري .(.. )لي جاي فلخرجة دلمدينة
وسكتات وهي كتامل فضفارها
مول طاكسي بدل طريق نيشان للكباري مابغاش يزيد يحرجها ويقول ليها شي حاجة
وصلو قبل تنزل شافت فيه:عمي انا عندي ضروف ماشي لخاطري
مول طاكسي:باينة فيك بنت ناس وجهك نقي وكيفما كانت ضروفك انا معاك ااابنتي لي حتاجيتيها مرحبا
نعمة:دمك بارد.مابان ليش نت حمق بالعكس نت تحمق لي مايتحمق
كمال:واحضي راسك لا تحماقي😉
نعمة:شنو بااغي
كمال:سمعي ختاصري عليك هاد ست شهور وكوني معايا ماتبقايش تجي لهنا كااع وماتخدميش هاد الخدمة المسخة كي كتقولي..
قرب لعندها بغة يشد ليها فيديها وهي تنتر منو:ماتقيسنييييش
كمال جمع يديه وخشاهم فجيبو:تزوجي بيا
نعمة بقات كضحك بالجهد بقوة الاعصاب بقة غير كيشوف فيها عارفها ماشي الضحكة دلقلب..
نعمة:ههههههه من نيتك هدي هي لي عمرها تكون عرفتي واخة تنطابق السما مع الارض عمرك تحلم بهاد الزواج..انا لما تزوجتش بمراد عمري نتزوج بشي حد اخور من غيرو خصوصا واحد حمق بحالك نت .سير شوف ليك شي طبيب يداويك
كمال كيشوف فيها ببرودة:واخة .يلاه كوني معايا بلا زواج عيشي معايا فدار مع الوليدة وكنواعدك عمري نقرب ليك المهم غير نشوف فيك قدامي انك معايا ماتعرفي يقدر تبغيني مع الوقت يقدر الهداية تجي على يديك وندير عقلي
نعمة :انا نبغيك نت ..بغيت شخص واحد وعمري انبغي شي حد موراه ..مراد اول و اخر شخص دخل لقلبي سمعتيني.
كمال:اوووه نتي هي جولييت وهو قيس .بزاف على هاد الحب لي ماكاينش
نعمة علات حاجبها:نسيتي راسك ماشي الحب لي حمقك شكون لي وصلك لهاد الحالة من غير الحب .
كمال قرب لعندها وهي رجعات اللور تا لصقات فلحيط:بببعد منيييي
كمال بتاسم وحط يديه بجوج على لحيط وهي فالوسط:باقي ماشتي حماقي ديال بصاح راه نمرضك فحياتك خليني زوين معاك محتارمك ومحتارم هاد لفولار لي على راسك
نعمة غير وصلات خلصات مول طاكسي وشكراتو..تافقات هي وياه باش يبدا يديها ويجيبها
دخلات لدار بشوية طلعات فدروج دخلات لبيتها وشدات عليها ..مشات نيشان للدوش دوشات وتوضات وخرجات شدات المصحف وبدات كتقرى علامن يودن لفجر..حتى كتمسع صوت الادان ناضت صلاة وتخشات فبلاصتها كانت عيانة دغية نعسات
جا نهار جديد
فاقت كتكسل شافت فساعة 8ونص ناضت دخلات للحمام توضات وصلات وخرجات من لبيت دارت جوج خطوات وهي تفكر انها ماشي غير بحدها فهاد الدار ..وعاد قالها مايبغيش يشوفها وهو فدار رجعات لبيت وجلسات فوق النموسية وتنهدات المشكلة ماعارفاهش واش كاين ولا لا .بقات جالسة شحال وهي تنوض طلات من شرجم شافت طوموبيلتو واقفة ادن راه كاين ..بقات كتشوف ففداك الطوموبيل من النوع رونج روفر كحلة قفزات فاش شافتو داخل بلباس سبور كان كيدير رباضة رجعات اللور قبل يشوفها.باقي مادققات فملاميحو وماكايهمهاش..هزات طليفونها وجلسات فوق النموسية كتخنتش فيه بملل ..وعاد فيها الجوع دازت ساعة و نص
نعمة:هدا ماناويش يخرج ولا شنو غنموت بجوع..مشكيييلة تاني
تكات فوق النموسية كما على الله يجيها النعاس تنعس ولكن واالو
ناضت للشرجم طوموبيل باقة بقات كطل حتى كتشوفو خارج ماركبش فلوطو مشا على رجليه
حلات تلاجة جبدات لحليب سخناتو ودارت فيه نيسكافي ..مع لفروماج فلخبز مقطر فوقو زيت جلسات كتفطر كان فيها الجوع كلات وشبعات ناضت غسلات طبسيلها وكاسها:يجمع روينتو راسو
طلعات فدروج وهي توقف تنهدات ماتقدرش هو عاونها وخلاها فدار ماجراش عليها ما آداهاش أبسط حاجة ديرها هي تنضف هاد الروينة..رجعات نزلات غسلات لماعن وجمعات الكوزينة ..من لبيض لي محروق عرفاتو ماكايعرفش يطيب..حلات تلاجة وجبدات الدجاج طيباتو مع الروز وحطاتولو فالقنت مسحات يديها باش تطلع لبيت قبل يجي ..حتى كتسمع الباب تحلات كان داخل وكيدوي فطليفون:الوليد سافرت باش نرتاح من المشاكيل نهار نبغي راه غنرجع
زياد تنهد ودخل لكوزينة يشرب لقاها مجموعة مقادة وريحة ديال طياب حل طنجرة ورجع شدها وهضر ببرودة بلا مايشوف فيها:ماخليتكش هنا باش تقضيلي شغال وطيبيلي كون بغيت هدشي كون جبت خدامة..نتي هنا لمدة محدودة وغتمشي
نعمة ماعجباتهاش طريقتو فالهضرة جاوباتو بنفس البرود:انا جمعت هدشي حيت قنطاتني هاد روينة ماشي على قبلك ..واصلا كنت غنعيش بوحدي ادن خاص ضاروري نقضي شغال نجمع الروينة مايمكنش يبقة هدشي هكا..وايلا طيبت راه باش ناكل تا انا ماغانبقاش بالجوع .وماحدي انا انا غنقضي شغالي نطيب طيابي تا نمشي بحالي .والله يكتر خييرك
وتمات غادة وقفها صوتو:اااا..
فهمات باغي يعرف سميتها:نعمة
زياد:نعمة
نعمة:نعام
زياد:لقاي حل راسك وسيري بحالك فأقرب وقت
نعمة ماجاوباتوش وطلعات فالدروج عصبها .طريقتو فالهضرة متحملاتهاش..وعاد البرود ديالو فشكل .دخلات للبيت وشدات عليها بغة تهنة من هدشي
حلات لبلاكار وبدلات عليها ودوزات النمرة دمول الطاكسي باش يمشيو للكوميسارية قطعات وهزات ساكها ونزلات مشافتوش فالصالة حلات لباب وخرجات سمعات شي صوت دورات وجها..شافتو هاز فيديه شاقور وكيقطع فلخشب على ود التدفئة..الجو بارد وهو لابس تيشيرط بيض مبين عضلاتو كيضرب فلخشبة ومركز لدرجة مانتابهش ليها عرفات انه شي حاجة مهمة كدور فبالو غير من تعبير لي على وجهو سهات وهي كتشوف فيه حسات بيه كيضرب فداك لخشبة وهو مغزف عليها بحاليلا كيخرج دوك الاعصاب لي فقلبو فيها..فلحضة علا راسو وشاف فيها دورات وجها دغية وكملات طريقها وهي كتحس بيه مزال كيشوف فيها خرجات من دار لقات طاكسي كتسناها ركبات ومشاو نيشان للكوميسارية
داز الوقت
كانو فطاكسي
نعمة:تا داك لكاتب لعقارات كان معاه ضحكو عليا وداو لي فلوسي..دابة ايكونو هربو
سكتات وهي كتفكر..كانت باغة ترجع دهبها ولكن الضروف لي ولات فيها دابة ماتقدرش لفلوس لي عندها محتاجاهاش هي لي فراس مالها
مول طاكسي فين نديك ابنتي
نعمة:ديني حدا لبحر نجلس شوية
مول طاكسي:واخة اينا بلاصة
قالتلو يديها لداك لكافي لي كانت كتجي ليها مع مراد وصلو دخلات خدات قهوتها وجلسات اونفاص مع لبحر كتفكر فحياتها تفكرات اخر مرة جات لهنا بتاسمات بلا ماتحس وتبعاتها دمعة حارة نزلات على خدودها صعيب تنسة ..مسحاتها فاش شافت نفس مول لورد وقف حداها بتاسمات وجبدات الفلوس من ساكها وخدات كاع داك الورد لي عندو
زياد حط لكاس ودوز يديه على راسو ومشا جلس فصالة رجع راسو اللور وهي تجي عنيه على لورد ماكاانش تماك عرفها هي لي جابتو..غمض عنيه وهو كيفكر..كيعجبو يفكر وهو مغمض عنيه ..هو طبيب .عندو مستشفى كبير فمدينة وحدا خرا فيه جميع التخصوصات حتى من الامراض النفسية .شخصيتو شوية غامضة ماتعرفش شنو من تحت راسو..وماتعرفوش واش معصب ولا مكالمي يعني يقدر ينفاجر فأي وقت ..عندو اب وام ديما ما مخاصمين ومأخرا الابد ديالو حصلاتو مو كيخونها وهادشي صوراتو الصحافة ولا كلشي كيهضر عليهم شي لي خلاه يخوي لمدينة ويجي لهنا باش يرتاح..اما بالنسبة للعلاقات العاطفية.كل مرة ومعامن باقي ماستاقر على بنت وحدة خخ .ومزال نزيدو نكتاشفو شي حوايج
دازو ساعات
نزلات من بعد ماشافتو خرج دخلات وجدات لعشة ..تعمدات تعطل باش تدوي معاه..شافتو دخل قربات لعندو وراسها لتحت:بغيت ندوي معاك
طلعات لبيت ..داك لفلوس لي بقات ليها تخليها للكرى من بعد ضبر على شي خدمة وتخدم..تنهدات وهي كتقول لي جاي صعيب..جبدات طليفونها دخلات للواتساب بغات تصيفط ميساج لمريم وهي تراجع اتكون مع راجلها دابة رجعات طليفون لبلاصتو تكات علامن يجي وقت لخدمة
داز الوقت
كانت فالخدمة كي لعادة كتسربي ولعنين عليها كل شوية شي واحد كيرمي ليها شي كلمة..
مشات عند واحد وقفات من قبيلة وهو دايها جايبها كل شوية باغي شي حاجة بلعاني غير باش تجي لعندو
الشخص:ماعييتيش من هاد الخدمة ازين
نعمة:اش بغيتي اسيدي تابعيني شغالات
الشخص شد ليها فيديها:نتي راكي ماعارفاش قيمتك
قبل يكمل هضرتو جمعات معاه بصقلة تا شاف النجوم قدامو:مااتقيصنييييش
مارضاش ناض وشدها من دراعها:كضربيني يابنت لقحبة
بقات كدفعو وهو شادها مزير عليها:رخيي منيي الحاقيير
كلشي بدا كيتفرج..كان حاضيها من لبعيد جا لعندهم بهدوء وقف حداهم:اش واقع هنايا
الشخص:هاد بنت لقحبة شوف شنو دير معاها جري عليها مدات عليا يديها
كمال شاف فيها:لاش مديتي عليه يديك
نعمة يلاه بغات تهضر وهي تقفز فاش شافتو نزل عليه بكروشي لوجه وزادو تاني وشنق عليه :كيفااش تجرأتي ومديتي يديييك علييها
هز فورشيط وخشاها ليه فليد باش قاصها حتى طوش الدم وبدا كيغوت بلحريق..نعمة مصدومة شهقات وهي كتشوف الدم وراجل كيغوت ربي لي خلقو وكمال ماناويش يرخي منو بدا غير كيضرب فيه
نعمة رجعات اللور خافت منو
كمال كيغوت ليه فوجهو:قسما بالله ونولي نلقاك كدور هنا يديك نطيرها ليك نوض تحرك تقووود
ناص مسكين كيطير ودمايات فيديه خرج بحالو
كمال شاف فناس لي كيتفرجو غوت:مابغييت نشوف تاشي حد هنااا سديينا مابقات فرااجة يلاه تحركووو
نعمة وهي غادة:داكشي مايصلاحلك غاسم تموت ونتهنة منك
كمال:غير تهنااي غنديك معايا
ماجاوباتوش مشات وجابت ليه جميع انواع المشروبات وحطاتهم حداه
كمال:بنت ليك انا حمار غنشرب هدشي كامل
نعمة:عاد عرفتيها
كمال:شنو
نعمة:والو
كمال بتاسم:ماشي مشكل غنشرب هدشي كامل حيت نتي جبتيه
نعمة غير كتشوف..يلاه كان معصب ورجع دابة كيبتاسم عرفات خاصو 36
كمال شرب داكشي كاامل تا ولة شرويطة سكر مزيان ولا كيهضر تقيل:هدشي لي بغيتي هنا سكرت
نعمة:يمكن لي نمشي دابة راه جا الوقت
كمال بغة يوقف وهو يطيح وطيح معاه لكرسي :هااء طحت
رجع ناض:مال راسك قااصح خلينا نتزوجو ونديرو وليدات
نعمة رجعات اللور:انا غادة
كمال رجع جلس:سييري ولكن رجعي ها وودني منك لما رجعتيش
نعمة خنزرات فيه ومشات بدلات عليها وعيطات لمول طاكسي وصلها لدار..دخلات كان سهات دخلات لكوزينة حيدات شال من على راسها طلقات شعرها كانت مزيراه قنطها..وعمرات لما شربات كانت عطشانة ..عاد خرجات من لكوزينة من بعد ما طفات الضو كانت عيانة طالعة فدروج وبالها بعيد وضلاام ..حتى كتدخل فشي حاجة كانت غطيح بغة يشدها وهو يختل التوازن ديالو جرها لعندو تا خشات راسها فصدرو وتكركبو بجوج فالدروج تا طاحو فالارض جات فوقو ..تقصح الدق كامل جا عليه هو ..علات راسها بشوية وشعرها مغطي ليه وجهو مد يديه حيد شعرها على وجهو وجات عنيه فعنيها ..هو كان ضارب ليه الضو فعنيه داخل من الشرجم ..اول مرة اتحقق فيه وتعرف ان اللون ديال عنيه زرق مفتوح ..ماتوقعاتهاش لونهم زوين بزاف..هو ماقدرش يشوفها مزيان مع كان ضلام لمح غير بعض من ملامحها وحس بشعرها على عنقو رطب جاب ليه تبوريشة ..نعمة بلعات ريقها وبغات تنوض هي ترجع طيح كان شعرها ملوي على سنسلة دتجاكيط ديالو تلفات:سمحلي انا..
بقات كتحاول تفك شعرها لدرجة بغات تقطعو حتى كتحس بيديه على يديها بعدااتهم وهو فك شعرها من سنسلة ناضت طايرة للكوزينة هزات شالها ودارتو فوق راسها وهي كترجف عمرها طاحت فهاد الموقف مزال كتحس بحرارة انفاسو على وجها..ودقات قلبو فاش كانت حاطة راسها على صدرو ..داز داكشي بزربة ماعرفاتش كي وقع..قلبها كيضرب فلمية ..قدات شال مزيان وخرجات لقاتو واقف كيقاد فتجاكيط شافت واحد.جرحة فيديه حنات راسها :سمح لي عفاك ماقصدتش ..كنت ساهية
زياد شاف فيها ماعرفش علاش بغاها تهز راسها وتشوف فيه باغي يعرف شكلها كيف دايرة ملاميحها ..فوقاش ما كتهضر معاه كتنزل راسها :احم حيدي من قدامي
وسكتات وهي كتفكر عنيه شحال زوينين ولونهم كيجدب ..هي لون عنيها زرق ولكن ماشي بحالو ..حسات على راسها ونعلات الشيطان وناضت توضات وجلسات تقرا فالقرآن كيف لعادة
جا نهار جديد
ناضت توضات وصلات الضهر حيت فاقت معطلة..طلات من الشرجم ماشافتش طوموبيلتو.مشات لبسات عليها ودارت حجابها عاد نزلات مابقاتش باغة تولي طيح معاه فشي موقف بحال لبارح..دخلات لكوزينة نفس الشي مشقلبة وطياب محروق..قربات ششوف شنو لي محروق ..لبيض بتاسمات:تا لبيض كي سيادو ماكايعرفش يطيبو
سكتات ومشا بالها لبعيد.لعند مراد بعد لمرات هو لي كان كيدخل للكوزينة ويطيب ليهم بتاسمات بلا ماتحس توحشات دوك ليام..تفيق وتجلس فوق الطبلة مع عائلتها وياكلو مجموعين ويناقشو المواضيع والابتسامة ماكاتفارقش وجها.تنهدات وهي كتشوف حالتها فين وصلات ..فيقها من تفكيرها صوت لباب قفزات وضارت تشوف شكون ..كان هو داخل وفيديه شي ساشيات ..دخل لكوزينة بلا مايشوف فيها هز شي طبسيل وحل ساشيا كانت فيها لماكلة سيد ماكايعرفش يطيب مشا جاب لفطور من زنقة..قاد داكشي فلبلاطو وقبل يخرج هضر وعنيه ماكايشوفوش فيها:واش خاص نعاود نفس الهضرة
ماجاوباتوش وطلعات لبيت وجلسات كتحس بالجوع وهو ماعلابالوش ..بقات صابرة طلات من شرجم طومو بيلتو مزالة تنهدات فيها لموت دجوع..ماقدراتش تصبر وهي تحل لباب و نزلات لقاتو سلا الماكلة و جالس كيلعب فطليفونو وفيديه كاس دلعاصير
دخلات الكوزينة حتى كتسمع صوتو:شتك نزلتي
نعمة حلات التلاجة تشوف شغا تاكل:ماغانموتش بالجوع باش نت تبقة على راحتك..اصلااا هاد الماكلة لي كتقيل تحرق فيها انا لي شارياها .ملي كاع
ماكتعرف طيب ماضيعش الماكلة على والو ..دابة باش انفطر انا لبيض كلو حرقتيه..واش ماكاتفهمش واحد الحاجة.لا تحرقات ليك البيضة لولا وتانية وتالتة نهار اللول مستحيل تعرف طيبها نهار تاني .
ورجعات اللور حتى كتحس بشي حاجة قاصحة موراها تنهدات عرفاتو هو غمضات عنيها ورجعات حلاتهم وضارت لعندو وعنيها فاللاض
زياد:زيدي شي حاجة باقي ماقلتيها
نعمة وترها القرب ديالو رجعات اللور تا لصقات فتلاجة وهي كتشوف فصباطو لي لابس كيبري ومافيه حتى وسخة بقات كتسب راسها على تفكيرها هي فييين وتفكيرها فين
نعمة:احم بعد خليني ندوز
زاد قرب مابقة كيفصل بينهم والو تخنقات مابقاتش قادرة التنفس قريب ليها بزاف ولات كترجف غا بوحدها
نعمة:أ.اا
ماعرفاش تاسميتو كي ناس
زياد حط يديه بجوج على تلاجة وهي وسطهم وقرب لودنيها وهمس ليها:زياد
نعمة ماحساتش براسها حتى دفعاتو ولكن معامن. ماتحركش من بلاصتو:ببعد من.طريقي شكا دير
زياد:من نهار اللول قلت ليك ماكانحملش الصداع والهضرة بزاف وماتبقايش الدوري قدامي .ماتنضفيش الدار حيت ماشي دارك نتي غير مؤقتة فهاد الدار
نعمة بلعات ريقها ماقادراش تركز وهو قريب ليها تا لهاد الدراجة رجعات جمعات قوتعدها كاملة ودفعاتو يلاه اتبعد وهو يشدها من دراعها:هضرتيي دخلاتلك لدماغ ولا مزال
تنترات منو:اولا ماتقيييييسنييش سمعتيني ماتعاودش تمد عليا يديك تانياا ماحدي جالسة هنا راه خاص ناكل ونشرب ماشي نبقة بجوع حتى يخرج سيادتكم عاد نزل انا ناكل وكناكل غا ماكلتي لي دابة نت ساليتيها غا فلخوة ماكليتيها ماخليتيني ناكلها
حلات التلاجة :دابة انا شغا نفطر
بقة كيشوف فيها هضر بهدوء:شوفي فيا ونتي كتهضري مالك حادرة عنيك ..خاص تكوني تايقة فراسك شوفي راسك كيف كترجفي
بلعات ريقها وزادت حنات راسها لتحت:احم من طبعي ماكانعليش عيني فشي واحد ماكانعرفوش
زياد:هدا كلو وقار فيك
نعمة:متداكاندخلوش فطبع بعضنا
زياد تكة على الحيط بحاليلة لقة فاش يدوز وقتو:نتي لبديتي..قلتي عليا داك نهار مغرور ايوا بغيت نعرف هاد الطبع ديالك تا انا كيف داير
نعمة:عرفتي شنو مابقيتش باغة ناكل انا كاع
زياد وقف ليها فطريق:احم ماكنتش عارف ان هاد التقدية ديالك حسابلي محمود.جاب هادشي
نعمة حسات بصوتو فشكل وهو كيوضح ليها السوء التفاهم ماقدراتش تزيد تزايد معاه فالهضرة:صافي ماشي مشكل تا انا كبرت الموضوع ..
رجع اللور شوية يلاه اتمشي وهي تسمع صوتو:انا ماشي مغرور كيف قلت ليك طبعي حدودي ..وجيتيني فواحد الضروف لي باغي نبعد على البشار ونبقة بوحدي .باش نرتب افكاري
سكت وهو كيشوف فيها كتى كيسمع صوتها:بصاح كل واحد وضروفو..المكتاب لي جمعنا فهاد الدار انا وياك كل واحد وشنو هدافو نت هدافك تهرب من لبشار وترتاح وتركز وانا هدافي نهرب من لبشار ونلقة فين نجمع راسي..ولكن الدار كتابت ليك نت وانا لا .المهم غنحاول مانبقاش نبان قدامك علامن نلقة شي حل . غير فاش كيجيني الجوع راه ماكانصبرش
قالتها وهي كتبتاسم
بتاسم تاهو تمات غادة وهو يعيط ليها:نعمة
وقفات
زياد:شنو واقع ليك لاش نتي بوحدك
نعمة تنهدات:من الاحسن نحتافضو بخصوصياتنا
زياد:واخة..انا غنخرج دابة يمكن ليك تاخدي راحتك
هز سوارت طوموبيل وخرج تنهدات براحة :اوووف
ودخلات الكوزينة وجدات شغا تاكل جلسات فصالة كلات تا شبعات مزيان ..شافت فداك الكوزينة ماكانتش عوالة تجمعها ولكن فاش تفكرات هضرتو عرفات انه انسان مزيان ..جمعات الكوزينة وقدات الدار وطيبات الغدة وطلعات لبيتها دوشات وخرجات لبسات عليها ونشفات شعرها وتكات فوق النموسية دوزات النمرة دمول طاكسي:الو عمي.الحمد الله مشيتي الكوميسارية...اه ماعندي زهر ايكونو هرب عارف راسو شكا يدير..واخة لا عرفتي شي حاجة عيطلي
كمال وقف وشاف فيها بجدية:راه لابغيت نعرفك فين ساكنة راه غنعرف..غير ماباغيش نضغط عليك
نزلات وزدحات لباب شدات طاكسي وهو حاضيها تا مشات عاد حرك ومشا لدار
دازو جوج دلاسابيع
ماتبدل والو نفس الروتين كتمشي لخدمة بالسيف عليها وضاروري من استفزازات كمال وكترجع لدار ..لحد الان باقي ماعرفها فين ساكنة مخليها على راحتها ..اما زياد فولات كتحاول ما تجيش فطريقو عطاه التيقار ولا كيخلي ليها الوقت فين تنزل وتاكل وطلع بحالها..
وجدات لعشة طفات عليه يلاه اتخرج من لكوزينة وهي تشوفو داخل
نعمة بغات تطلع لبيت وهو يوقفها صوتو:نعمة تسناي
وقفات حسات بيه وقف حداها:ماشي غير خليتك تبقاي فدار هدا كيعني انك اتولي خدامة طيبيلي وتجمعيلي روينة .راني سبق وقلت كون بغيت خدامة كون جبتها.اا.
قاطعاتو:وحتى انا سبق وقلت ليك اني هاد شغال وهاد طياب كنديرهم راسي..ماكانحملش نبقة وسط روينة ونجلس واكيد مايمكنش نبقة بالجوع.ماكانديرش هدشي على قبلك..
وطلعات لبيت وجلسات وهي كتفكر هضرتو
#فلاش_باك
سمعها كتدوي فطليفون وعرف انهم مالقاوش نصاب .وانه ماعندها فين تمشي من غير تبقة فالزنقة هو مايقدرش يلوح شي حد لزنقة خصوصا لاكانت بنت.ماشي حقير حتى لهاد الدراجة ..
نعمة مع دورة لقاتو موراها :سمحلي ماشتكش
بغات طلع لبيت وهو يوقفها:نسناي
نعمة وقفات وهضرات بصوت باينة فيه لبكية؛اتقولي خاص نمشي.صافي كون هاني غنجمع حوايجي ونمشي
زياد:احم من هضرتك فطليفون عرفت انه ماعندك فين تمشي..وانا نفسي ماطاوعنيش نلوحك فزنقة.المهم انا جاي هنا غير نرتاح عندي داري فمدينة خرا.مدة محدودة وغنرجع هاد الدار اتبقة غير مشدودة يمكن ليك تبقاي فيها
نعمة؛وبلا مقابل
زياد:بلاش
نعمة بقات ساكتة كتفكر عاد نطقات:مايمكنش نبقة فدارك بلا مقابل..شوف علامن نلقة خدمة ونبدة نخلصك فشهر
زياد دخل للكوزبنة:لي بغيتي
نعمة:شكرا
زياد ماجاوبهاش
نرجعو للواقع..سمعات صوت طوموبيل طلات لقاتو مشا نزلات لتحت حلات طنجرة لقات لماكلة مزالة كيف هي ماهتاماتش صبات ليها وجلسات كلات عاد طلعات لبيت تكات شوية تا جا وقت الخدمة ناضت لبسات عليها ومشات من بعد ماجا موراها طاكسي
دخلات للكباري نيشان للشمبر لقاتو جالس كيتسنة؛شكا دير هنا
كمال بتاسم:كنتسناك
نعمة :ماعنديش دماغ لحماق ديالك
كمال وقف:بغيت نوريك واحد المفاجأة
نعمة:كمااال بعد منيي
كمال؛واحد الحاجة مهمة بزاااف اجي معايا
نعمة:فين.
كمال:غير اجي
تبعاتو خرجو
نعمة؛كمال عنداك تكون كتفلة عليا باش تعصبني
كمال؛كنقسم ليك لاشي حاجة مهمة واركبي
ركبات ركب تاهو وديمارا طريق كاملة وهوما ساكتين شافت فيه لقاتو مبتاسم مارتاحتش لابتسامتو بقات حاضية طريق متفاجأة حتى كيوقف شافت فيه:لاش جايبني لهنا
نعمة دخلات بلا تاشي كلمة لداخل و هي حاطة يديها على قلبها وعنيها كتقلب عليها حتى كتشوفو جالس فلكوشة وعروستوو حداه وقفات قلبها كيضرب فلمية حسات بدنية ضارت بيها بحال شي حد جا وعطاها بشي صقلة بالجهد او هز جنوي وغرسو ليها فقلبها تخلطو عليها لاحاسيس ودموعها بداو كينزلو وهي كتسمع زغاريت..دور وجهو وجات عنيه فعنيها تصدم لدرجة بعد يديه من يد لعروسة ووقف ..كيشوف فيها
نعمة دموعها ولاو شلال من عنيها ..مريم وقفات حداها:نعمة سمحييلي هو راه..
قاطعاتها وهي كتبكي بحرقة:صااافي نسيتوني محيتوني من حياتكم ياااكي انا مابقييييتش .نعمة ولات من لمااضي مافكرتووش فيااا وباش غنحس ..
شافت فمراد لي جاي لعندها:دغيية نساني وتزوج
وقف حداها ماستحملش يشوفها كتبكي مارضاش تشوفو مع غيرها .اصلا هي لي خاص تكون فبلاصتها نسة كلشي فهاد اللحضة يلاه ايهضر وهو يسمع صوت باه:نتي شكت ديري هنا لاش جاية..
نعمة كتشوف فيه بحاليلا كترجاه:حرااك علييييك امراد دمرتيني
مراد شدها من دراعها:نسيييتي راسك راه نتي لي دمرتيلي حياتي..سيرييي بحااالك ماتخلينيش نمد يدي عليك
مريم تحنات لعندها وهي كتبكي:نعممة نوضي اختي
تنترات منها:مااتقيصينييش
وناضت وهي كتبكي شافت فيهم كاملين مالقات ماتقول وخرجات من دار وهي محطمة شافتو قدامها زادت تعصبات قربات لعندو وبدات كضرب فيه؛الله ياااخد فييك الحق شنووو بغيتييي منيييي ..الحقييييير لااش جايبني لهنااااا واش باغي تحمقني
وجلسات فالارض وهي كتبكي..
ناضت وهي كتبكي شافت فيهم كاملين مالقات ماتقول وخرجات من دار وهي محطمة شافتو قدامها زادت تعصبات قربات لعندو وبدات كضرب فيه؛الله ياااخد فييك الحق شنووو بغيتييي منيييي ..الحقييييير لااش جايبني لهنااااا واش باغي تحمقني
وجلسات فالارض وهي كتبكي..كمال بقة واقف وكيشوف فيها وهي كتبكي .تنهد وتحنا لعندها شدها من دراعها ووقفها تنترات منو وهي كتبكي:بعد منيي
كمال:واخة..خلينا نمشيو من لهنا
نعمة قربات لعندو وهي مخنزرة فيه:رتاااحيتي دابة ياك هدشي لي بغيتي خرجتيلي على حياتي..
كمال:بالعكس ماكنحملش نشوفكي كتبكي
نعمة غوتات ليه فوجهو:وعلاااااش جايبني لهنا
كمال:باش تنسايه وتفكري فيا تعطيني فرصة ندخل لحياتك
نعمة غير مصدومة من تفكيرو
كمال:بغيتيني نكدب.راه صراحة بغييتك تشوفيه باش تنسايه وتحيديه من قلبك..حبك ليه خلاني نغير حسدت بلاصتو فقلبك بغيت ناخدها
نعمو بقات كضحك وهي كتبكي :لا غير قولي باغي تحمقني ياااك
كمال:لا
نعمة دورات وجها وهي كتبكي:واش عرفتي شكون هديك لتزوجها
كمال:اه صاحبتك عارف
نعمة قربات لعندو:صااحبتي كانت كتقرى معايا انا ومريم.ومن بعد مكتاشفت انها حاطة عنيها عليه بعدنا منها.شتي على حرقة تكوة بيها قلبي هدشي لي بغيتي..
كمال:غتنسايه..مزيان لي عرفتي قيمتك عندهم ..لالة مريم زوجات خوها لصاحبتكم لبنت لي ضحيتي عليها طعناتك فضهرك
نعمة :صاافي سكت بعد منيييييي
مريم كانت خارجة كتسلت شدات لباب موراها مشات عندهم:نعمة
نعمة شافت فيها بشوفات محطمين كتعاتبها بعنيها:يااك امريم هدشي ماكانسوة عندك حراام عليك مادرت ليك والو ..مالقيتو تاشي وحدة من غييرهاا
مريم كتبكي تاهي:نعمة ماعندي تاشي علاقة بهاد الزواج لي وقع ..هي جات لعند ماما فاش عرفاتكم فسختو الخطوبة..زعمة كتسول علينا ولعبات لعبتها بدات كتقرب من مراد وماما..وراك عارفة مراد كان مزال مجروح باش يطفي نار لي فقلبو تزوجها هو باقي كيبغيييك والله العضيييم راه غيندم
كمال قرب عند مريم:يلاه على هاد المحبة والمعزة لي كتعزيها لصاحبتك دخلي وقوليلهم الحقيقة
مريم:نت ماشي سووقك
كمال:نتي راك واحد القحبة تمسكنتي عليها وتزوجتي وخليتيها حاصلة بوحدها
مريم:كمااال مادخلش هادشي بيني وبينها
كمال:مالك خفتي ..ماتهربييش من هضرتي دخلي وقولي كلشي
مريم توتراات ولات كلها حمرة
كمال بتاسم باش يستافزها:فيك غا الهضرة سيري ابنتي دخلي لدار ورجعي عند راجلك وماتبقايش ديرينا فيها لبنت ضريفة
مريم شافت فنعمة:انا غنقولهم كلشي اختي صافي هدشي زاد على حدو نتي تعذبتي بما فيه لكفاية
كمال واقف كيتفرج وهو مبتاسم
مريم تمات غادة حتى كتوقفها نعمة:لااا ماتقوولي واالو
كانت كتشوف فالارض شوية حسات بلحرارة طالعة معاها مع العلم انه البرد تنهدات وعلات راسها وشافت فسما شداتها بحال دوخة بقات كتشوف فلقمر كيبان ليها جوج منو غمضات عنيها وهي كتنعل شيطان..
شافت طاكسي وقفات يلاه اتركب وهو يوقفها كمال:تصبحي على خير
حسات بهضرتو كتعاود فودنيها كتر من مرة شافت فيه كتحس بيه قريب ليها بزاف وهو فالاصل بعيد عليها:بعد منيييي ماتقربلييش
كمال:تي مالك
ركبات فطاكسي وهي كتلهت
مزل طاكسي ديمارا:بنتي لاباس
ماجاوباتوش كتحس براسها مرفوعة
رجع سولها:بنتي نعمة
قفزات:نعام
مزل طاكسي:بسم الله عليك ياك لاباس
بقات كتشوف فيه كتحاول تستوعب شكا يقول:مزيان غير عيانة شوية
وسكتات وشافت طريق ورجعات شافت فيه:مالك وقفتي طوموبيل
مول طاكسي مستغرب:كيفاش ابنتي..راني باقي سايق
نعمة ماعارفاش شهادشي واقع ليها بقات ساكتة حتى كتسمع صوتو:هانتي وصلتي
هزات راسها باه حلات ساك جبدات شي فلوس وعطاتهالو ونزلات ماسمعاتوش فاش عيط ليها يعطيها لباقي ...دخلات لدار وشدات لباب كتحس بلعافية شاعلة فيها حيدات شال ورماتو فالارض كتحس بدار كدور بيها دخلات لكوزينة عمرات كاس دلما شرباتو وبقات كتغسل فوجها باش تفيق .ولكن كتحس بهدشي غادي وكيزيد..طلعات فدروج نيشان لبيتها ولحرارة مرتافعة فجسمها حيدات حوايجها ودخلات لحمام طلقات عليها لما باارد كمال على الله تبرد..خرجات وهي كترجف بلبرد ولكن ماحاساش بييه ..حلات لبلاكار كتشوف داكشي مخربق ماقادرااش تقلب شغا تلبس اصلا تفكيرها مخربق وصورة ماوضحاش ليها هزات بيجامة بياسة وحدة سميطات وقصيرة كتجي من صدر مكشوفة..لبساتها فوق لحم وتلاحت فوق النموسية بشعرها لفازك عنقات لخدية وهي كتهضر بوحدها:شهاادشي كيوقع لياااا واش حمااقيتت...اه كمال حمقنيي ..
ناضت ونزلات من فوق النموسية وهي كتبكي:كماااال حمقنيييي
بقات كتبكي وهي ماعارفاش شهادشي واقع ليها هزات طليفون دوزات نمرتو غير جاوبها بدات كتغوت:حمقتيييييني الحقييير..صافي انا حمااقيت شنو درتيلي..كمال انا حاسة براسي انحماق
كمال مافاهم والو:نعمة شنو واقع فهميني
نعمة :الله ياخد فيك الحق حمقتوووني رتاحيتو
وقطعات وجلسات فالارض كتبكي فهاد اللحضة كلشي جا فبالها ..تفكرات مراد وزادت فلبكة حطات راسها على لحيط وهي كتهضر وتبكي فنفس الوقت:مراااد علاش درتي فيا هكا حرام عليك انا كنبغيييك
بقات غير كتبكي قلبها كان طايب وزاد كمل دابة...بقات شحال وهي على هاد لحال عاد ناضت .حاسة بشي جوع غريب ولعطش..كانت هابطة فدروج وشادة فلحديدات لاطيح داتها تقيلة عليها وشادها طيارة.دخلات لكوزينة شربات لما وحلات تلاجة تشوف شغا تاكل لي لقاتها حداها كلاتها..و ترجع تاكل بحاليلا ماكلات والو رجعات عمرات لما وشرباتو ريقها ناشف ..خرجات من لكوزينة شافت فدروج ماقادراش تطلع ماعندهاش الجهد رجعات شاافت فلكنابي قربات تكات فوقهم جاها الموت دنعاس غمضات عنيها..كانت ناعسة وماناعساش ..فيها الهلوسة وطالعة معاها تبويقة ..
وقف طموبيل ونزل بخطوات تقال حل لباب ودخل..شعل دوار مع دورة كتبان ليه شيوحدة شبه عارية لبيجامة طالعة لنص دفخادها لبويض كيلمعو وسماطي دلبيجامة نازلين على كتافها ونص دصدرها باين وشعرها مطلوق على طولتو ومغطي ليها وجها. منضرها كان متير وجداب فشوفة ماحسش براسو تاكان حداها تحنة على ركابيه وعنيه عليها مد يديه وبعد شعرها على وجها وبان ليه وجها بقة كيتأملها من ريوس صبعانها حتى لراسها ..ناعسة بحال شي ملاك ...نعمة غير حسات بيديه على وجها حلات عنيها ..جات عنيه فعنيها ..هي كانت مرفوعة وكتشوف فيه مافاهماش اش واقع ليها..وهو نسى راسو وهو كيشوف فعويناتها زريرقين اول مرة يشوفهم ..ترفع وهو كيحقق فملاميحها .اول مرة ايكتاشف انها زوينة لهاد الدراجة واول مرة ايشوف جسمها المنحوت كانت ديما بلباس طويل ومستور.ماعرفش راسو باش تبلة
نعمة رجعات غمضات عنيها ونعسات
زياد حس بقلبو كيضرب بالجهد ولحرارة طلعات معاه ناض بالزربة خايف لا يتهور ويدير شي حاجة ماشي هي هديك بلع ريقو ماقدرش مايشوفش فيها.رجع شاف فيها طول فالشوفة نطق بلا مايحس:ننعمة
نعمة لا حياة لمن تنادي..زياد تنهد ودوز يديه على راسو..مشا لحمام غسل وجهو كيحاول يمحي صورتها من بين عنيه ..خرج من لحمام هو يشوفها طالعة فدروج بخطوات تقال بقة حاضيها حتى مابقاتش تبان قدامو تنهد ومشا جلس فصالة كيحاول يستوعب هدشي..
نعمة غير دخلات لبيت تلاحت فوق النموسية ونعسات ..زياد بقة شحال كيفكر من بعد طلع لبيتو تاهو بدل عليه وتخشة فبلاصتو وبالو معاها حتى داتو عنيه ونعس
جا نهار جديد
فاقت وهي كتحس براسها كيضرها بزاف بقات مخشية فبلاصتها كتفكر اش وقع لبارح ماعقلات على واو من غير انها نعسات فبلاصتها وشي لقطات مواضحبنش كيدوزو فمخيلتها..فسراتهم انهم فقط من الاعصاب تنهدات وهي كتفكر ان مراد صافي تزوج ولا مع وحدا خرا نزلات دمعة حارة من عنيها مسحاتها دغية عيات من لبكة..دخلات للحمام دوشات وتوضات وخرجات لبسات عليها صلات داكشي لي فاتها وقرات شوية دلقرآن...عاد ناضت نزلات لتحت كتحس بجوع..ماشافتوش قدامها..دخلات للكوزينة وجدات فطورها وجلسات كتاكل حتى كتشوفو داخل من لباب حدرات عنيها وهي كتاكل بهدوء
زياد غير شافها قلبو قفز وقف بقة كيشوف فيها شحال ماكرههاش تهز راسها ويشوف وجها وعويناتها ..حس على راسو وكمل طريقو وهو مافاهمش شهادشي واقع ليه..بحاليلا عمرو شاف الزين..وعمرو شاف جسم شي بنت ..تنهد وهو كينفض هاد الافكار من راسو طلع لبيتو بدل عليه عاد نزل شاف فيها عاد خرج من دار ..نعمة ناضت غسلات لواني لعات لبيت راسها كيضرها تكات وهزات طليفوت لقاتو غيطرطق بليزابيل من عند كمال..يلاه اتحطو وهي تشوفو كيصوني جاوبات:اش بغيتي
كمال كان عقلو خارج:دابة نتي علاياش كتقلبي وااش باغة تزيدي تحمقي دلمييي...مالك ماكاتجاوبيش..عيطتيلي كتبكي وتغوتي وقطعتي كنت انموت بلخلعة عليييك خفت توقع ليك شي حاجة
نعمة ماعارفاهش حتى علاياش داوي:شكا تخربق شمن بكة
كماال:المهم واش نتي لاباس ماوقع ليك واالو
نعمة:انا بيخير
كمال تنهد براحة:صافي رتاحي دابة وتا لغدا واجي واخة
نعمة:واخة..غنقطع
قطعات وحطات طليفون..وغمضات عنيها ونعسات..مزالة تحت تأتير (ليكسطا)لي عطاتها سعاد ..نوع من المخدرات
دازو ساعات
حلات عنيها بشوية شافت فساعة 9ونص دليل..تنهدات ماعرفاتش مالها مع هاد النعاس تفكرات دوة لي عطاتها سعاد قالت يمكن هو لي داير ليها النعاس ..دخلات توضات خرجات صلات..طلات من لبالكون مابانتش ليها طوموبيلتو..عاد نزلات لتحت وجدات لعشى وجلسات كتفرج شوية تلف الوقت باش ماتفكرش فشي حاجة تعدبها..باغة تنسة ...نساجمات مع الفلم حتى كتسمع صوت لباب دورات وجها وهي تشوفو داخل ومعاه شي وحدة جارة شانطة ديالها ..لابسة كسوة قصيرة فلحمر وفوقها مونطو طويل دافي فلكحل وصباط.طالون كحل..باينة عليها كلاس..ولمكياج خفيف وشعر زعر مقاد.زوينة
نعمة بقات كتشوف فيها عجبها ستايلها واخة ماشي من نوع ديالها
لبنت بقات كتشوف فيها ورجعات شافت ف زياد لي كيشوف فنعمة مانزلش عنيه ..هضرات بالانجلش:واش هادي لخدامة
زياد شاف فيها:ونتي فيك الاسئلة بزاف لا ساليتي اجي نخدمو
فخرية:واخة نجمع هدشي
ناضت جمعات الطبلة ورجعات لعندو جلسو ولملفات دايرين بيهم..كيدرسو بعض حالات المرضة لي حالتهم خطيرة..وكيشوفو المدخول ديال المستشفى ..مع هو شحال ما مشة للمستشفى جابت ليه الملفات تا لعندو غتجلس معاهم شي يامات
فخرية:امم زياد باباك بغاني نقنعك باش ترجع
زياد:هاد الموضوع بدات حيدييه من دماغك..ونوضي تنعسي
بتاسمات:واخة ولكن فين غنعس شفت عندكم غا جوج بيوت
تنهد:فبيتي كاين بيت اخور يمكن ليك تنعسي فيه
فخرية:واخة
ناضت قبل تمشي شافت فيه:ماعندكش شي مشروب هنا
زياد :راكي عارفاني كنشرب غا فالمناسبات
فخرية:اه نسيت يلاه تصبح على خير
وطلعات للبيت دوشات ودخلات للبيت صغير لي زايد فبيت زياد ..واخة صغير ولكن تصميمو زوين تخشات فبلاصتها ونعسات
عند زياد كان جالس فصالة وطافي دواو كاملين كيفكر فيها مامشاتش من بالو نهار كامل وصورتها بين عنيه عمرها وقعات ليه ..تنهد وهو كيمسح على راسو كيقول غير نزوة وغدوز..مجرد اعجاب
ناض باش يطلع ينعس داز من حدا بيتها ضو طافي..باقة واقف شحال ماحسش براسو حتى حل لباب بشوية ودخل شافها فوق النموسية ناعسة بهدوء قرب لعندها وعنيه عليها نزل لمستواها باش يشوفها مزيان..بقة كيحقق فملاميحها ..شفايفها عنيها المغمضين خدودها وشعرها لي مرمي على لمخدة تا نزل لجيهت صدرها لبارز ..بلع ريقو كلشي حداب فيها وناض باغي يتحكم فراسو جر عليها لغطة..غطاها خرج من لبيت ودخل لبيتو دوش وتحشا فبلاصتو .ماقدرش مايفكرش فيها.تانعس
جا نهار جديد
فاقت قبل منهم راسها كيضرها بقوة النعاس ..ناضت دوشات وخرجات صلاة وقرات شوية دلقرآن ..من بعد بدلات حوايجها حيت اتخرج دارت حجابها ونزلات لتحت قدات لفطور فطرات ودوزات النمرة دمول طاكسي ماعرفاتش علاش جا فبالها الدهب خافت يبيعوو علأقل تعطيه شوية دلفلوس علامن تكمل ليه..حلات لباب باش تخرج هي توقف فاش شافت شتا كطيح بتاسمات كيعجبها هاد الجو..رجعات دملات لدار هزات لمضل وخرجات وهي كتسنشق لهوة النقي وقفات كتسنة طاكسي..بقات شحال شافت فساع تعطل دوزات نمرتو:وي عمي فينك...ااه..ماشي مشكل انشوف شي طاكسي خرا..بسلامة
تنهدات وهي كتشوف مع جنابها تا طاكسي ماكاينة سظعات شي صوت من موراها..دورات جها وهي تشوفهم كيركبو فطوموبيل نزلات راسها
عند زياد
ديمارا طوموبيل وكسيرا علا راسو وهو يشوفها جنب طريق خفف سرعة وهو كيشوف فيها حتى علات عنيها جات عنيها فعنيه
فخرية :ااه هدي نعمة وقف نشوفو مالها
وقف طوموبيل وعنيه مزال عليها
فخرية طبعا بالانجلش..:نعمة شكا ديري فهاد شتا
نعمة:كناسنة طاكسي
فخرية شافت فزياد:خلينا نوصلوها فطريقنا
زياد هز راسو باه بمعنة واخة
فخرية:طلعي نوصلووك
نعمة:لا بلاش غير خليني
فخرية:لا شوفي شتا ماغاتلقايش طاكسي غير طلعي
نعمة شافت فزياد ورجعات شافت ففخرية:واخة
وحلات طوموبيل وركبات اللور زياد كسيرا وقاد لمراية فتجاها كيسوق ومرة مرة كيشوف فيها
فخرية:ااه ماقلتيناش فين انوصلوك
نعمة:اه بصااح لوسط لمدينة عند واحد مول الدهب معروف تماك اصلا غير هو لي كاين
أتعبني قدري الجزء الثاني
محتوى القصة
التنقل بين الأجزاء