ثغرة الماضي الجزء السادس

نعلات شيطان ومسحات دمعة يتيمة نزلات على خذها 

همس:بفففف .. هو ميديرهاش ..لا اهمس ..إباء مبقاش كيف كان ..و..بفف اش هادشي لي كنفكر فيه ...نوض ندير لي ينفعني وانا غير مكنظلم فسيد..(ناضت لكوزينة وكتنكر غير بحدها متشادة مع راسها) هو هالكاتو لخدمة وجبدا طريق من هنا لمدينة وكل نهار سايق حتى عواج ظهرو (كتهز وتحط فلماعن والخضرة)..وزيد عليها مشاكل لخدمة وكلشي فوق راسو ولحاج وعلاجو وانا نوض نزيدو بشك لخاوي ...لا لهمس هادي ماشي ديالك (كتغسل فلخضرة) شفتي غير كيف عينيه كانو يتسدو ومهلوك طاح دودة معندو جهد حتى يتقلب على جنبو ونتي كتفكري هكذا ...(سدات روبيني) والا زعمة شكي كان فمحلو ونيشان كان مع شي معفنة . والله حتى نعفن جد والديه لكلب ..نقطعو ليه من جدر ..مزياااان تبارك الله يخوني هذا مابقا ليه ... 

بدات كتقطع لخضرة مربعات وسلقات كل حاجة بحدها ودارت معكرونة بالخضرة سلاطة ..وشافت لفران لقاتو مزال خاصو شوية بقات جالسة وشادة ليمون كتشم فيه باش ميتروعش ليها الخاطر بريحة طياب ومرة مرة تاكل منها وتتبنن لحموضة مغمضة عينيها كتستمتع بلحظة ..حتى حست بنفسو فعنقها حلات عينيها فيه وابتاسمات ليه

همس:صباح الانوار النعاس ..وخا منعستيش شي نعاس غير غمضتي عينيك وحليتيهم 

إباء باسها فعنقها وضحك:هههه واش يحسابليك كلشي بحالك كيغيبو (شاف ليمونة فيدها باستغراب)كتاكلي ليمون ؟!

همس بتلعثم:ل...انا..لا .لاااا..غير كيعجبني ..بغيت نقصد ..ريحتو زوينة وباينة ليمون بلدي ...غزال 

إباء خطف ليها ليمونة وكيحقق فيها:وسنين لفار لي هنا ديالمن ...هااا ..

همس خذاتها ليه وبدات كتاكل:وراه زوين وكيعجبني ...اححح لحموضة شحال غزالة ..(دفعاتو) سير سير خليني نشوف لفران ..اممم غسل يديك باش نحط لغذا 

حطات لاطة ديال لفران وقادت سلاطة فطباسل وجبدات عاصير من ثلاجة وقطعات ديسير ودارت فوقو ياغورت وقطع من شكلاط لتحلية قادت طبلة وهو متبعها بعينيه كيف كتمشي وتجي ومرة مرة تخسر صيفتها وطلع حاجب وتنزلو وكتمتم غير بحدها ..حطت اخر لمسات زوج كيسان ديال لماء كبار ...

إباء تبسم برضا:الله يعطيك صحة(هز يديها وباسهم) يخليلي هاد ليديدات واش كيحطو من صبيعاتهم ..

همس: بصحتك ..وذوق بعدا عاد حكم ...

إباء بدا ياكل ويشوف فيها كل مرة كتزيد تصدمو فيها كتر ...بنسبة ليه كاملة من كلشي والكمال لله سبحانه..هو كياكل وهي كتلعب فداك ديسير وبالها ماشي معاها ...لاحظها بلي ساهية 

إباء رجع ظهرو على لكرسي وكيشوف فيها وهي ساهية :فاش كتفكري..(همس غايبة قرب كرسيه عندها وحط يدو على كتفها حتى قفزت) ششش ..شنو عندك ..فاش كتفكري؟ 

همس شافت فيه وبعدات يدو من كتفها دارت قابلت وجها معا وجهو وكتشوف فعينيه:مكتكذبش عليا ياك؟

إباء هرب عينيه من عينيها وهز كاس ماء كيشرب ويهدر:نتي راه رجعت كنشك فيك كتاكلي شي حاجة من غير الخبز ..(رجع شاف فيها وضرب ليها نيفها بصبعو) الله يهديك فاش غنكدب عليك ..

همس:مثلا تكون فحياتك شي وحدة ..اش عرفني انا ..عمرو شطاح مينسى هز لكتاف

إباء:يهديك الله اهمس ..ما فحياتي حتى وحدة من غيرك..علاش غنكذب عليك ..ولو كان كانت شي وحدة من نيتك غنضرب هاد طريق كلها غير باش نكون معاك وانا ليل كولو مناعسش والخدمة فوق راسي ..(ناض مقلق وكاره راسو لي كيكذب عليها )

همس ناضت بزربة من موراه عنقاتو من ضهرو:سمحلي ..سمحلي عفااك ...مديرش عليا ..انا..انا .. (دورها لعندو كيشوف فيها وهي مهبطة راسها ) انا غير ...غير شميت لبارفان فتريكو ...صافي نسا 

إباء غمض عينيه وتنهد وفنفسو كيلعن ليوم لي تزاد فيه وكاره الوضع لي محطوط فيه تمنى يموت ولا يزيد.يغرق فبحر لكذوب وخايف من نهار لي يتفضح كلشي :احمم بارفان ..ديال ..ديال صوفي ..هي جات مع سام هاد صباح لشركة و سلمت عليها (بغا يلطف الجو) اممم حبيبتي لمغيارة لمشكاكة تليقي تخدمي مع لبوليس يديروك شيان بوليسي

همس ضرباتو لكتفو:الله يمسخك ..راه غير لبارفان قوي..وصافي ..ولكن صوفي مكتستعملش داك نوع ..كنت كنشري انا وياها نفس نوع ..اييه زعمة تكون بدلاتو

إباء:هنا هداي عليا ..صبري نصوني ليها نسولها هههع

همس:بفف بايخة مكضحكش ..زيد كمل غذاك 

إباء:اااه فيا جوع 

همس:وزيد تاكل ها لغذا محطوط..

إباء بابتسامة جنب:لااا فخاطري لحلوة 

همس بعفوية:نصايب ليك شي كيك بشكلاط؟

إباء:يتلحس ولا يتمص 

همس مستغربة:نتا راك خرفتي لكيك يتكال ميتلحس ميتمص 

إباء:بروتين ولا كاربوهيدرات 

همس:لا نتا راك كتطنز ..سير خليني نجمع طبلة 

إباء جبدها عندو شدها من خصرها هبط وجهو لعنقها كيشم فيه:احححح اش دايرة فيا غتسطيني ...ريحتك هبلاتني (باسها حتى تبورشات) مترحمينيش ولو غير مرة (بدا كيوزع قبلات حنينة حتى استقر على شفاها كيبوس ويعض بشوية حتى حسات بيه تزير ورجع كيفورصي عليها )

بعدات شفاها عليه ودورات وجها ) 

همس:إباء ..لاااا..منقدرش ..انا ...حرام منقدرش

إباء حط راسو على كتفها كينهج :سمحيليا ..(طلع باس جبهتها وطلع دخل نيشان لدوش يبرد على راسو) 

خرج من دوش لابس سيرفيك فالاحمر وهو يشوف تيليفونو كيصوني هزو وتنهد فتح الخط 

الحاج:واش نتا ناوي تصفيها ليا ..فين غابر ومخلي مراتك ..ااا مبغيتش دير عقلك كاع 

إباء بنفاذ صبر:اش واقع عاود تاني ..نفس الكاسيط مرااتك..مراااتك (بعصبية) هاد زواج مبقاش داخلي لراس ..هنا وحبس ..

الحاج: مغنطولش معاك الهدرة ...كاع هاد شي لي واقع ومزال كتسول ..شوف جوج كلمات ..نحبك دبا تكون فدار 

قطع عليه وضرب تيليفون مع لحيط وجلس حاط يديه على راسو وكيهزز برجليه وعروقو علاين يطرطقو ...ناض لبس سروال كحل وتريكو بولو فلبلونوي وزاد كويرة كحلة وبروتكان كحل دار ساعتو وهز سوارت ونزل ..لقاها فالكوزينة كتزوق فكيكة وفرحانة كتغني ..ابتاسم لا اراديا لمنظرها وهي مجلعة بشكلاط جيهت فمها قرب منها وهي هدرات بلا متشوف فيه مكتقاد لفريز تغطسو فشلاط وتحطو على وجه لكيكة 

همس:ها هيا احبيبي لحلوة واجدة (شافت فيه لابس قبل متهدر باسها فمها ولحس شكلاط لي فيه)

إباء:اححححح اقلبي ....شكلاط ياكل شكلاط

همس تزنكات:هههه..فين غادي ؟

إباء:عندي شي شغل لعشية ونرجع 

همس :عاوتاني غتمشي وتخليني بوحدي ..لمن انا درت هاد شي ..من صباح ولنا كنوجد ليك ..(بعدات عليه كتبكي ) كيف لبارح كنوجد ونحط وفالاخير ها هواك كلاه زبل

ااباء قرب منها:حبيبة انا..

همس طلعات كتجري وخلاتو كيسب ويلعن فاسماء وطاسيلتها..وفنهار لي فكر يتزوجها ...

خرج ساخط مشا مكسيري وصل لفيلا ودخل عاقد.حجبانو لقا لخدامة سولها 

اباء:فين الحاج؟

الخدامة :فبيتو ...ولكن

مخلاهاش تكمل ومشا لبيت لحاج دخل بلا ميدق وتصدم من لي شاف لقاه ناعس وسيروم فيدو ولفرملية واقفة ليه عند راس 

اباء بخوف:اش واقع ..عاد كيف هدر معايا صحة سلام 

الممرضة:مسيو ..صحتو على قد الحال وتوتر و الاعصاب ممزيانينش ليه ..علىىما قال طبيب بلي ضغط ديالو مرتافع بزاف وهذا مكيساعدش فحالتو وزيد عندو سكري فهذا كيزيد يازم الوضع 

اباء غير كيسمع ومقادؤش يجاوب عارف بلي بسبابو باه فهاد الحالة وممستاعدش يخسرو وفنفس الوقت مستحيل يخسرها هي روحو وكلشي بنسبة ليه وقف كيشوف فالحاج باس ليه جبهتو :سمحلي..

الحاج فتح عينيه وشافو :على سلامتك لي فكرتي فينا وشرفتينا ا سي إباء

اباء:من بعد الحاج ..دبا ارتاح..من بعد ونهدرو 

الحاج:دبا نهدرو ..لو كان كانت تهمك راحتي وصحتي ..كنت تخاف الله فديك لولية لي عندك ..وتنعل شيطان ...ولكن اش ندير انا لي معرفتش نربيك ...

اباء خرج وخلا الحاج من موراه مكشكش ..نزل ومشا نيشان لاقرب بار مبقاش قادر يستحمل كلها ومنين يجبد وهو فالوسط طاقتو استنزفات ورجع غير اطلال رجل ...بقا كاس مور كاس حتى رجعات قرعة مور قلعة حتى مبقاش قادر يزيد ..ناض متاجه لبلاصة لوحيدة لي يرتاح فيها حضنها هي ..عند منبع سكينة ديالو ...من حسن حظو طريق كانت خاوية وصل من بعد ساعة نزل كيتمايل بزز باش واقف وعينيه مضبين باغي يفتح لباب وسوارت يطيحو ليه ويرجع يهزهم وهو متكي على لباب ..كيعاود يجرب حتى فتحو وطلع كيتلاوح شافها ناعسة مشا جيهتها ركع على رجليه مقابل مع وجها كيدوز يديه على وجها 

إباء :سمحيلي...انا مكنستاهلكش ..انا مكنسوااااش ...سمحيلي احبيبتي سمحيلي ...

همس فاقت شافتو وقفزات كتحقق فيه :إباء ...(قربت ليه كدوز يدها على وجهو) واش وقعات شي حاجة

إباء حاوطها من خصرها وطلق لعنان لشهقاتو وصوتو رجولي لمبحوح كيردد كلمة سمحيلي ..خلعها اول مرة تشوفو فديك الحالة عنقاتو لعندها كتمسد على راسو وهي بدورها بكات لبكاه وخا معارفاش اش واقع ...

بقا ناعس على صدرها و هي محاوطاه ب يديها بجوج .. و هو مخشي فيها.. كأنه وليد صغير كان تالف و لقا ماماه.. كلماته مامفهومينش.. مرة يبقا يعاير ف راسو مرة يطلب منها السماحة.. مرة يقوليها نتي ماتستاهلينيش.. و هي كاتحاول تهدنو و تخليه ينعس ... 

حسات ب انفاسه تنظمات .. كان ناعس .. بحال ماشي هو اللي من قبيلة كايغوت و يخاصم... 

تنهدات و قاداتو فوق المخدة ... تحنات و حيدات ليه صباط.. و غطاتو مزيان.. 

حتى كانت غاتمشي و تنادم معاها الحال.. شيحاجة كاتخليها تبغي تبقا في كاتشوف فيه.. كايعجبها ف جميع حالاتو.. معصب مقلق.. حزين.. فرحان.. 

دخلات توضات و لبسات واحد العباية كانت عندها.. قلبات على القبلة ف تيليفونها.. و توجهات ليعا .. حشمانة من اللي خلقها.. ب اش من وجه غاتقابلو.. بالحرام اللي دارت و مازال عايشة فيه .. علاش ماقادراش تبعد.. ولدها و لا بنتها اللي مابغاتش يعيشو حتى هما فالحرام.. علاش ل دابا عمرو فاتحها ف موضوع زواج.. واش مابقاش كايبغيها.. واش مل منها و من المشاكل اللي كاتجيه من جهتها.. ولكن علاش باقي حابسها معاه.. 

تنهدات و مسحات دمعة نزلات من عبنيها.. بدات صلاتها.. كاطلب فيعا الرحمة و المغفرة.. نااااادمة.. على كلشي .. عارفة داكشي اللي دارت . هو اللي مامخليهاش تعيش دابا ف راحة. حاسة ب خاطرها مزيرة.. و قلبها مقبوض.. فينما كاتجي تفرح كاتنغص عليها.. هاذو ذنوبها.. هما اللي واقفين ف طريق سعادتها.. 

دعات ربي يسمح ليها يغفر ليها.. يحفظ ولدها اللي ف كرشها.. و يخفف الحمل على اباء.. مللي شافتو اليوم مهموم.. مكسور.. هو اللي كان جبل ما يهزو ريح .. منه كاتستامد قوتها.. هاهو ضعيف مكسور.. حاسة باللي مخبي شيحاجة. هان شي حمل ثقيل.. فينما كاتشوف ف عينيه كاتحس بيه مهموم وعندو كلام كثير ما قالوش ليها.. 

ولكن واخا هاكاك دعات معاه باش ربي يفرج علبه و يخفف علبه .. دعات حتى واليديها و تمنات خصامهم يسالي.. و تزوج اباء و ترجع ل واليديها معززة مكرمة.. هازة ف يديها حفيدهم... 

كملات صلاتها.. و عينيها منفوخين بالبكا.. 

حيدات العباية و تخشات حداه ناعسة.. 

🌄🌄🌄🌄 

صباح جديد .. و نهار جديد .. حلات هس الباب ديال البيت و ابتسامة على وجهها.. عينيها كايلمعو و فرحانة.. بحاال ماشي هي اللي باتت كاتبكي.. 

كانت لابسة دجين مع برودكان كحل .. و تيشورت بيضا فوقها شوميز ب الكاروات فالاخضر مغلوق و الكحل.. خاليها محلولة و فوقها جاكيت فالكحل بلقب فيه ريش حتى هي محلولة.. جامعة شعرها الفوق و دايرة كاشكول. فايديها .. هازة بلاطو فيه فطور مشكل.. و وريدة حمرة.. و تحت الكاس د القهوة شي اوراق.. 

دخلات حطات داكشي فوق الكوافوز و مشات كاتحل الريدويات.. 

اباء اللي وصلاتو اشعة شمس.. خلاتو يبعد وجهو منزاعج.. باقي ما فاق... 

شافيها ب نص عين و هي تبان ليه لابسة حوايج الزنقة.. دغيا رمش و ناض مخنزر.. 

همس: اااح صباح النوووور 

اباء بصوت مدعدع و باح بالنعاس: فين كنتي 

همس: ههههه فين غانكون.. 

اباء: مالكي لابسة حوايج زنقة. 

همس ماجاوباتش جات تخشات فيه .. 

همس: ااااح هابي بيرثداي حبيبي.. العقبة ل 100 عام 

اباء اللي نسا بالمرة واش اليوم عيد ميلادو... 

بقا في كايبلق فيها .. 

همس: يالاه نوض باش تفطر و نعطيك الكادو ديالك.. و خسك دوش باش تحيد العيا ديال البارح 

اباء بحال سرفقتيه عاد تفكر البارح و اش وقع فيه .. آخر حاجة عاقل عليها مللي كان كايشرب.. 

كمل ماكلتو و بقا كايشرب قهوتو باش يصحصح مزيان.. 

همس: اممم دابا جاوقت الكادو.. شوف. .. قبل ما نعطيك.. غادي تواعدني باش ماتقولش لا و ما تخسرش ليا خاطري. 

باس ليها يديها: نتي احسن كادو.. و انك حدايا هداك احسن هدية... 

همس: ولو واعدني عافاك

اباء: كانواعدك ا لالة..

هزات جوج بيي ديال طيارة و وراتهم ليه. 

همس: ترااااا.. هاهو الكادو رقم واحد 

اباء: اش هادشي 

همس: غادي نمشيو ل سويسرا هاد الويكاند..

اباء: كييييييفاش... واش تسطيتي.. منين جاك نتيا هادشي.. 

همس: و الله ماخرجت..بلا ماتسبق العصا على الغنم.. راه غي بالتليفون وصلني هادشي تال دار

اباء: و منين جاوك الفلوس 

همس: شي فلوس كنت مخبياهم..ولكن دابا مابقيتش محتاجاهم حينت نتا كاين معايا .. 

اباء: ولكن منين خرجتي لينا بهاد السفر و ليوم الجمعة 

همس: واعاااااافاك.. ياك نتا عزيز عليك الثلج و حنا غانمشيو ل سويسرا و راك عارف دابا الجو زوين.. و يدا الثلج كايطيح.. و راه واعديني غاتقول ااه و نوض تكعد دابا جمع الووقفة.. سير دوش و بدل حوايجك وتلبس حوايج دافيين.. هاني انا جمعت ليك معايا غاع ا غاتحتاج.. 

اباء: ولكن..

همس قاطعاتو: ماكاين ما ولكن.. كاين انا و نتا و رحلة نبعدو .. فيها على هنا .. يالاه نوووض خلاص.. راه مشا الحال ... 

اباء: على امت طيارة.. 

همس: مع 3 ..

اباء: وشحال هادي 

همس: 10 .. 

اباء: و راه مازال الحال ...

همس: لاااااا.. راه باقي غاندوزو هو الاول نعطيك الكادو الثاني... 

اباء: امممم سعداتي.. هي اليوم كامل كادويات هننن.. 

بدا كايقرب منها حتى حاصرها مع الناموسية... 

همس كاتشوف فيه ب عينيها عاملين كلهم حب ... 

حطات يديها فوق وجهه: تستاهل.. اي حاجة درتها.. ماغانقدرش نبين ليك قداش كانبغيك و بلاصتك..ف قلبي بوحدها.. اصلا قلبي كامل ملكك نتا بوحدك .. 

اباء هاد الكلام كايحس بيه كايختارق قلبه بحال سيف ذو حدين.... بكثرة ماهو زوين و كايعرف باللي كاتبغيه بحال كي كايبغيها..ولكن خايف من اش جاي و من الكذوب فاش معيشها.. 

تنهد و ناض خلاها مافاهمة والو.. دخل الحمام هارب من نظراتها اللي كلهم براءة و حب عكسه هو .. حاس براسو مخلوض.. تافه و مايسواش.. 

مادازش بزاف ديال الوقت كانو فاللوطو.. قاصدين العنوان اللي عطاتو باش توريه الكادو الثاني.. حتى هو فرحان بهاد الاهتمام.. خصوصا الاهتمام من عند الشخص اللي كاتبغي كايكون عندو طعم آخر.. 

وقف قدام العنوان الي بغاو.. و هز راسو مستغرب.. كان كلينيك.. 

همس: اححم صافي وصلنا.. 

تلفت عندها .. كايشوف ف وجهها بخوف.. 

اباء: همس .. واش مريضة.. كاضرك شيحاجة.. 

تبسمات ليه : تؤ .. غي جينا نشوفو شيحاجة و نمشيو دغيا.. ياله نزلو... 

تبع كلامها.. و نزلو من اللوطو .. مشادين اليدين.. اللي شافهم كايحسدهم.. على الكيمياء و الحب اللي كايبان كايشع منهم.. و كفاش جاو مواتيين لبعضياتهم... 

طلعو فالمصعد و وقفو فالايطاج الثالث..و اباء ماعارفاش واقع... 

كان ايطاج كامل عامر بتصاور لي بيبي .. و عيالات حاملات جالسين.. 

وقفو ف الاستقبال .. و الممرضة اللي تما شافت ف همس ب ابتسامة كأنها كاتعرفها.. 

الممرضة: مدام.. صباح الخير 

همس: صباح نور .. 

الممرضة: اممم مدام همس .. الدكتورة كاتسناك.. 

مشات همس قاصدة الباب ديال الكابيني و اباء وراها.. عقلو توقف و مابقا عارف اش واقع.. 

دخلو و استقبلاتها طبيبة اللي كانت بدورها كاتبتاسم.. 

جلسو بجوج قدامها و اباء قلبو كايزدح.. و عقلو موقف.. ماقادرش يتوقع شيحاجة... 

الطبيبة: مدام همس صافا.. البيبي صافا.. 

همس : الحمدلله.. مهدن هاد الساعة.. 

اباء وذنيه بداو كايصفرو... و حاس بالنفس غادية و كاتقلال.. كيفاش بيبي و همس.. 

ترفع و مابقا كايشوف والو.. لسانه تعقد.. مافاق من القلبة حتى سمع صوتها كاتناديه.. 

ناض بلا هواه غادي ل جهة فين كانت متكية و كرشها اللي باينة شويا معرية و الطبيبة جنبها كاتدوز عليها ب لاباراي.. 

وقف مسمر حداها عين على كرشها و عين على الشاشة اللي كاتبان فيعا شيحاجة كاتحرك.. ماقادرش يصدق واش داكشي اللي ف باله صحيح ... 

شدات ليه همس ف يديه.. و ركزات فيه الشوفة... 

همس: هدا هو الكادو الثاني اللي قلت ليك ... اباء .. شوف ولدنا قداش كايبان صغيور... سمع دقات قلبو.... 

كان صوت تك تك تك .. كايتسمع فالغرفة.. و اباء مصدوم... 

كيفاش امت.. ياك الولد مات.. كيفاش حتى باقي حاملة.. و كرشها اللي كاتبان علاش مالاحظش هادشي.. كيفاش هاد الوقت كامل و هي حداه حاملة وهو آخر من يعلم.. 

فيقو من سهوتو صوت الطبيبة: اممم البيبي صحتو مزيانة.. دخلتي دابا فالاسبوع 13 يعني ثلث شهور .. بقا شهر و تعرفو الجنس ديالو....

وجهات كلامها ا اباء: مبروك عليك ا موسيو.. بان ليا عاد عرفتي.. ولدكم صحتو مزيانة و غادي و كايكبر ماشاء الله... 

حيدات داكشي من فوق كرش همس و عطاتها كلينيكس باش تمسح.. حتى وقفهم صوتو.... 

وقفهم صوتو اللي كان باح و دال على صدمته و حزنه كثر من الفرحة.... 

اباء: .. خل.. خليني مازال نشوفو.... 

ضحكات الطبيبة على كلامه .. اما همس مللي شافت ملامحه بلعات ريقها خايفة من ردة فعله... 

بقا كايشوف فالبيبي و يديه مازال ف وسط يدين همس و كل مرة كايزيد يزيد عليهم كثر حتى قرب يغرس ظفارو فيها... و هي خايفة... 

كملات الطبيبة و ناضت.. مخلياهم بجوج.... 

ماحساتش همس حتى لقات راسها مجرورة من دراعها ببجهد... 

وقفها قدامه.. وجه ليها نظراته اللي كانو كي الشرار ديال العافية.. لهيبهم كايحرق قدر يوصليها قداش هو معصب... عينيه حمرين و عروقه برزو.. 

همس: متوترة: .. شوووف.. كل شي كايتحل بالهداوة.. 

اباء: بصوت قوي: واااااااش حمقة.. كيفاش بغيتيني نتهدن... واش بعقلك و لا ماتكسابيهش... كيفااااااش خبيتي عليا ولدي.. كيفااااااش كذبتي عليا و قلتي مااااااات.... 

همس ماقدررتش تجاوبو و خافت منه ... 

لحسن حظها ناداتهم طبيبة.. مشاو عندها و كل واحد فيهم عقلو كايفكر ف حاجة... 

الطبيبة: اممم الموعد الجاي غايكون من بعد شهر.. يعني ف شهر 1 .. باش نعرفو جنس الجنين... 

همس: هااا.. واخا .. و واش عافاك السفر ماخطرش عليه... 

الطبيبة: لا ماكاينش شي إشكال.. خس غي تعتاني ب صحتك و ماكلتك و ماتعبيش و ماديريش شي جهد كبير و ماغايوقع والو .

ابتاسمات ليهم و عطات ل همس صورة الايكو.. صورة ولدهم.. وهو باقي غي لحيمة صغيرة.. خرجو من عندها.. و اباء عاود زير على ذراعها و جرها وراه..ماقدراتش تدويه و لا تكلمه.. خافت من الشوهة عارفاه غايدير شي فضيحة ولكن اللهم بيناتهم و لا قدام أمة البشر.. 

دخلها للوطو و زدح الباب و ركب حتى هو .. عاد طلق حللوقه.. كايغوت و يسب و يخاصم و يضرب فالفولون و هي في مكمشة و ساكتة... مابغاتش تجاوبو باش ماتزيدش تشعلو..عارفاه معصب و ماساهلش انها خبات عليه ولدو.. ولكن كانو عندها مبرراتها.. 

خلاتو حتى سالا على خاطرو و تهدن شويا.. تلفت عندها مخززر و حيد ليها تصويرة من يديها ب نترة... 

حطها قدام عينيه و بدأ كايدووز عليها ب يديه و عينيه كايتجمعو فيهم دموع فاش تفكر دقات قلبو... 

همس من بعد صراع مع عقلها.. قربات منه و عنقاته من دراعه... 

همس:سمح ليا .. سمح ليا حينت خبيت عليك .. كنت مجبورة.. عرفتي امت عرفت راسي حاملة.. نهار عرسك... كي بغيتيني نكون.. حاملة و بات ولدي غايتتزوج امرأة خرا.. فهمني ا اباء .. و فاش طحت.. و جيتي عندي الكلينيك.. ماكنتش عارفة واش باقي حي .. حتى مشيتو كلكم عاد عرفت باللي عطاه عمر جديد .. فكرت غي ف ولدي ديك الساع و غريزة الأمومة تحركات فيا ... فكرت غي كيفاش نحميه.. عارفة إلى عرفوه باقي عايش غايقتلوه.. انا و كنت غانموت.. ماعساك هو .. ولكن دابا عرفت باللي بلاصتنا حداك.. انا وياه.. جنبك.. 

بدلات نبرة صوتها ل ديال دري صغير و قالت: بابا اباء ... كي جيتك... صغيور ياك .. 

تلفت عندها و عينيه حمرين.. دمعته ف جنب عينيه.. بقا ليها شويا و تنزل.. 

نزل ل كرشها و عراها.. طبع عليها قبلة طويلة.. و حط راسو كايتسنط... عاد عاود هزو و طبع قبلة خرا على جبهتها و نطق بصوت حنين: الحمدلله.. الحمدلله..حينت ربي ماحرمنيش منه ... عمرني نقدر نتخلى عليكم.. و حتى نتي عمرك تفكري تبعدي عليا مرة خرا ... لا نتي لا ولدنا.. 

تنهدات همس اخيرا 

. الحمل اللي كانت هازة فوق خاطرها انزاح.. كانت خايفة من ردة فعله ولكن كلشي داز مزيان.. 

اباء : رجعي ل .. و ديري السمطة.. غانرجعو بحالنا..

خرجات فيه عينيها:اشنوووووو.. لا غاديبن نسافرو قالاك...

اباء: نتي حاملة.. مامزيانش.. خسك راحة .. قبل ما كنتش عارف ة لكن دابا اي حركةة درتيها غاتكون ف علمي و تحت عيني 

همس: وا اباء .. ياك سمعتي طبيبة شنو قالت ... عاااافاك.. غي يومين و غانرجعو... 

ماقدرش يخسر ليها خاطرها و فرحتهم و قلب طريق ف اتجاه المطار.. الطريق كاملة وهو كايسولها واش مشهية شيحاجة..حسات بيه فرحان من قلبه.. كأنك هزيتي واحد و حطيتي واحد آخر. اباء اللي حداها دابا ماشي هو اباء ديال البارح.. حمداات الله حينت قدرات تفرحه ولو غي شويا .. و خشات راسها ف عنقو كاتشم ريحتو و كاتحاول تنعس.. حينت ماكاتحملش الطلعة ديال طيارة.. حتى هو مامخليش من جهدو.. معنقها.. كل شويا كايطبع قبل متفرقة على وجهها و يديه حاطها فوق كرشها.. و ماباغيش يفكر ف شيحاجة اللي تخسر ليه هاد اللحظة التاريخية.. هو و حبيبتو و قطعة منه و منها. ثمرة حبهم... كايحمد الله .. دابا زاد تعلقه بيها.. انه يتفارق مع أسماء رجع من اولوياته اللي خسو يدير اول ما يرجعو...

نزلات الطيارة فوق الأراضي السويسرية.. و من بعد الإجراءات الروتينية.. خرجو من المطار و خداو سيارة... ب gps قدرو يعرفو طريق الفيلاج اللي كان خاص في بالاوطيلات و بالعطلة و جا قريب ل جبل كبير... 

وصلو مور ساعة و وقغو قدام الاوطيل و همس فرحانة.. تقول عندها العيد.. كادور و تشوف عاجبها المنظر.. الشمس كاتغرب و البرد و ثلج خفيف كايطيح.. الضواو شاعلين و غاع البنايات بالخشب و الثلج مغطي المكان.. اباء مللي كايشوف عينيها كايلمعو حتى هو كايفرح ل فرحتها.. 

حلو الباب د السويت اللي كانت زوينة و فراشها دافي.. كامل خشب ..سرير كبير.. لحافه ابيض و تيراس كبيرة كايبان منها الفيلاج كامل و الجبل .. عاد ف جنب جليسة عصرية قدام شوميني و التلفازة و حداهم شجرة الأرز.. اللي مزوقينها و شاعلين فيها ضو.. حينت قرب الميلاد... 

بقات همس كادور فرحانة و كاتكتاشف اما اباء دخل الحوايج و طلب العشا حينت طاح الظلام.. و عيانين بالطريق يعني ماكاين خريج اليوم... 

كانت واقفة كاطل من التيراس و حالة يديها كاتستقبل الثلج اللي كايطيح عليها .. و كاتضحك حتى كايتسدو عينيها و يتحفر جنب فمها.. قرب ليها اباء و حاوطها من خصرها و مخلي يديه فوق كرشها .. 

اباء: فراسك نتي احسن حاجة وقعات ف حياتي ... 

همس: عاااارفة 

اباء: و فراسك قداش كانبغيك... 

همس: مايمكنش تكون كثر مني 

اباء: اااااح و علاش 

همس: هاكاك... 

تلفتات عندو و حطات يديها على عنقو و هو يديه باقي محاوطين خصرها 

همس: اباء... 

اباء: عيون اباء 

همس: امت غانرجعو المغرب... باش نتزوجو.. 

بلع ريقه متوتر: اححم .. نسالي شي خدمة و نزلو.. 

همس: عرفتي قداش كانتسنا زعار اللي نتجمعو تحت سقف واحد فالحلال و ولدنا و لا بنتنا معانا... 

بغا غي يبدل الموضوع.. ماكايقدرش يسمع هادشي.. 

اباء: على ذكر ولدنا اللي نسيتيه غاع .. خس دخلي راه برد الحال .. و مشهية شيحاجة ؟؟ 

همس: لا .. غي ناكل من يديك صافي... 

قرب منعا و طبع قبلة على شفايفها و حتى هي بادلاتو.. ولكن دغيا بعدات . خايفة يطيحو تاني ف شي علاقة.. عارفة هو ماكايقدرش يصبر و حتى هي لمسة وحدة منه كاتخليها ترفع .. 

لحسن الحظ تدق الباب و مشا اباء خدا العشا .. 

جلسو قدام الشوميني و بدأ كايوكلها ب يديه و هي جلسة ف حضنه.. بحال شي بنية صغيرة .. 

كملات و ناضت كاتسوط.. كرشها عمرات.. هزات حوايجها و دخلات الحمام مخلياه كايدوي ف تيليفون ... 

خرجات من بعد ما خدات حمام دافي و لبسات بيجاما سخونة فالبيج.. 

لقاتو سابقها مخشي فالفراش و ضو مطفي .. و غي الضو الخفيف اللي جاي من تيراس هو اللي مضوي عليهم ... و تلفازة فيها فيلم ... 

حل يديه و دار ليها بلاصة جنبه.. تخشات حداه.. متكية على صدرو و هو كايلعب ف شعرها ... 

همس: حبيبي ... اش بغيتي نتا بنية و لا وليد... 

اباء: شي بنية تكون كاتشبه ليك ... عندها بحال شعرك.. و عينيك.. نسخة عليك ... 

همس: هههههه وا حتى انا بغيت نسخة عليك ... 

اباء: تجي البنت و نتبعوها دري ... 

همس: ههههه مابقيتيش كاتحشم.. غاع.. 

سكتات شويا و عاودات قالت: عرفتي ا اباء كنت حمقة مللي فكرت نبعد عليك ... و نفرقك على ولدك.. شوف نتا شنو درتي .. حتى زواجك مابقاش على قبلي و انا تسرعت و كنت غانبعد... ماعرفتش علاش فكرت هاكا ... 

هزات فيه عينيها ببراءة: ياك سمحتي ليا .. راه كنت مجبورة حينت خبيت عليك .. مابغيتش نبقا هاز ف خاطرك من جهتي ... 

بلع ريقه و ماقدرش يبقا كايشوف ف عينيها و لا يجاوبها و هو حاس ب حرقة و غصة ف قلبو.. اكتفى يبوسها ف راسها و عنقها كثر .. 

بقاو ساكتين و مرة مرة تقول شي حاجة اللي تخليه يزيد يكره راسو كثر ... 

حتى حس بيها نعسات.. عاد تسل من بين يديها ب شويا .. باسها ف فمها و ق كرشها و مشا سد عليه بالحمام.. حط يديه فوق الرخامة و تقابل مع المرايا.. كايبان ليه شخص لونه كحل .. كل مرة كايزيد يغرق كثر و كثر . مابقاش قادر يصبر .. تأنيب الضمير كاينهش فيه و الاحساس بالذنب.. كايخونها و هي اللي كادير كثر من جهدها باش تخليه يفرح.. باش كايجازيها هو الكذوب و الخيانة.. كيفاش ولا هاكا .. بلا ضمير.. بلا إحساس. اناااااني... بغا يغوت .. حاس براسو ف حبس .. من جهة عائلته و من جهة هي و دابا تزاد حتى ولدهم .. .. اشنو الحل .. ماكرهش يهزها و يهربو و ماباقيش يشوف وراه..ولكن شكون خلاك.. هو ماشي جبان هو بغا يواجه مشاكله ماشي يهرب منهم... 

اش الحل.. بدا كاينهج و يعراق.. وجههو و لا حمر و هو كايتفكر دقات قلب وجهه.. عينيها اللي كلهم حب و براءة.. هو مايستاهلهاش.. مايستاهلش ولدهم.. هو مايسواش.. حاس براسو مووووسخ.. كذاااااب مستحيل يتهنا من هاد اللعنة اللي تابعاه.. و اللي نهار تعرفها همس .. غاتوقع شيحاجة كبيرة .. مجرد يتخيل ديك اللحظة.. كاتخليه يفقد اعصابه و يحس بعروقه قربو يطرطقو.. ماشعرش حتى هز يدو ضرب المرايا اللي قدامو.. مابغاش مازال يشوف وجهه المرايا.. هاكا حسن.. المرايا تهرسات و يديه كاتنزف و النار اللي فالداخل ديالو غي ماكاتزيد تشعل... 

بقا مدة كيشوف فانعكاس صورتو فزاج لمهرس على لافابو حتى سمع صوت دق فالباب وهي كتغوت باسمو وباينة مخلوعة غسل يدو لوا عليها فوطة تنهد وخرج راسم ابتسامة بغات تدخل ومنعها 

إباء:رجعي تنعسي احبيبة مواقع والو ..سمحيلي خلعتك 

همس بخوف وكتترعد:اش واقع شوف يدك ..خاصها تتخيط ياك ..(بغات تحيد ليه لفوطة مخلاهاش)..اوووف ا إباء شي نهار تقتلني 

إباء باس ليها جبهتها ودفعها لبلاصتها نعسها فيها بزز وغطاها:نعسي احبيبة ..انا مزيان غير جرح بسيط ..نتي الالة فكري غير فلي فكرشك وفصحتك ..انا مزيان 

همس شداتو من يدو:ولاا قولي كيفاش حتى تجرحت ..راه سمعت صوت تهراس

إباء تنهد بنفاذ صبر وعصبية:قوتلك نعسي مواقع والو ..واش مكتفهميش 

همس بقا فيها الحال دارت على جنبها غمضات عينيها لي تغرغرو بدموع وكاتمة شهقتها على هاد القمعة لي قمعها ..اما هو فرجع لدوش كيقلب فلبلاكار لي تما حتى لقا علبة الاسعافات الاولية ضمد يدو شرب مهدئ يحد من وجع يدو ورجع عندها حاوط خصرها وجبدها لعندو باسها فعنقها وبصوت خافت فوذنها 

إباء:سمحيلي امصيبتي ...مكنبغيش نتعصب عليك ولكن نتي راسك قاسح 

نعس وهي حلت عينيها لي كانو حومر بدموع وحكت يدها على فمها كتكتم شهقات يتيمة حست بالحكرة هي غير من خوفها عليه مكتبغيش نسمة لهوى تآذيه عساك تشوف دمو سايح ..تقلقت منو بزاف لي غوت عليها بلا سبب ...بقات كتفكر حتى محست فوقاش غفات ..

صباح جديد فاق اباء قبل منها دخل دوش وبدل لفاصمة ليدو لي ربي سترو متحتاجش لخياطة ..لبس سروال اسود وتريكو لاكوسط خيط اسود وزاد مونطو اسود محلول مع كاشكول اسود ومني بوك اسود قاد شعرو لور رش بارفانو ودار ساعتو فيدو..انتابه ليها غارقة فنعاسها اتاصل باصحاب الخدمة طلب فطور مدة قصيرة وسمع دق فتح دخل لفطور جابو حتى لناموسية وجلس جنبها كيدوز يدو على وجها يبوس عنقها ويهرها بلحيتو ويوزع بوسات على وجها كولو وهي كدور وجها وتحاول تجبد لغطا ومساخياش تحل عينيها حتى فاض بيها الكيل وناضت ساخطة كتشوف فيه 

همس:اوووووف واش منرتاحش انا ..المر(قبل متكملها حكت يدها على فمها وناضت كتجري لدوش هو خلعاتو ناض من موراها لونو مخطوف لقاها جالسة حدا لساش وكترد جلس جلسة قرفصاء حداها جمع ليها شعرها وكيدوز بيدو على ظهرها بكل حنية ..حتى سالات سخفانة مقدراش طلع نفس عاونها وقفت غسلها وجها وسندت على صدرو كترجع نفس ..

..هزها رجعها لناموسية حطها كيبوس ليها فراسها هي حاطة راسها على صدرو وهو محاوطها بيديه وهي كتنهج بحال تقول كانت كتجري فماراطون ودقات قلبها كيتسمعو مجهدين ..إباء هز كاس لعاصير من شاريو لي على جنبو كيحاول يخليها تشربو 

إباء:حبيبة شربي هذا 

همس بصوت متقطع :ل.لا...ما..مافيا..مافيا ..لي .يش..كحح كححح..لي يشرب ..بغيت غير ننعس عافاك 

إباء:نوضي تشربي غير شوية ترجعي بيه طاقة ..وغنخرجو اليوم ..

همس بعدات عليه مزال مقلقة وبرود نطقت:قتلك ما فياش 

إباء رجع حط لكاس ودار عندها عرفها مقلقة:احمم ..واش ريم لمكاحيل مقلقة ..شوفي فيا ..(همس مدورة وجها ومطلعة نيفها بانفة) وغير شوفة ..بسس بسس واش ازين منشوفوش ..وغير نظرة اعينين لغزال ..وغير تبسيمة اسنين لمرجان ..(همس كتحاول متبتاسمش بزز)ها ..هاهي وطلقيها ..وغير ضحيكة متخليهاش فخاطرك

همس:هههه تفو مكتخلينيش نتقلق ونتفشش على خاطري

إباء جبد لبلاطو ديال لفطور حطو على رجليه لي مسرحهم فوق ناموسية :نتي الالة تآمري وكلشي يتنفذ ميحتاش تقلقي لينا ..واجي تفطري مزال عندنا ميدااااار ا عينين لغزال 

همس:اممم غتاخذني فين بغيت انا ..اليوم نهاري انا ..(شافت الاومليط بالفرماج غوتات بفرح وكتسفق بيديها)اااااااه...الاومليييييط ...عطيني عطييني 

إباء :ههههه هاهو الالة كلشي ديالك ..صمكتيني ..ولكن اول حاجة غتشربي العصير عاد كولي لي بغيتي 

همس دارت لي قال ليها وكلات لي فلبلاطو كامل هو اكتفى غير بفنجان قهوة هذا هو فطورو فالعادة ..ناضت دوشات لبسات سروال اسود وتريكو صوف بالكول اسود دارت كاشكول اسود وجاكيط سوداء وقفازات فالاسود ولبسات بروتكان اسود نشفات شعرها وكلقاتو على راحتو مع ميك اب سامبل ...خرجو مشابكين ليدين ومرة مرة اباء يبوس ليها يدها ويدورها وهي كضحك قررو يتمشاو ويستمتعو فاجواء هاد لبلاصة ثلج فكل بلاصة وشجور كانت على شكل غابة وبافكار همس وحبها للمغامرة لي مشاركاه هي وإباء حلفت حتى يطلعو لراس جبل حيتاش كانت فيه طريق لي توصل ليه وهذا لي كيمتاز بيه المنتجع لي جالسين فيه وجبل من ضمن حدودو واستاغلوه صلحوه حتى يزيدو بسبابو استقطاب زبائن..وهذا لي كان شدو طريق لقمة الحبل وإباء مكيفلت حتى فرصة فين يخطف بوسة ولا يعنكشها ومرة مرة يمرغها فثلج وينزل عليها حتى ياخذ بوساتو عاد كيوقفها ويزيدو يكملو ..موصلو لقمة حتى طيبها بالبوس..وصلو كان ضباب فالقمة واشعة شمس كتسلك طريقها بين سحاب منظر يخطف الانفاس والقمة حاجة اخرى كانت عبارة على جنة فوق الارض سبحان الله ...وكيترأس القمة مقهى ومطعم فنفس الوقت ..جلسو تغذاو فيه وهمس غير مخشية فإباء وكل مرة تتشهى ليه حاجة مصورة فالقائمة الاكل وهو داير ليها الخاطر ..حتى شافها عيقت وغاذي ضر صحتها ناضو رجعو الاوطيل وفطريقهم يتمشاو شوية وتوقف تستفرغ وترجع تتمشى شوية شافها مقدراش تزيد وكتمابر مباغياش تبين ليه ضعفها عرفها خايفاتو يغوت عليها هزها كيتمشى بيها وهي عنقاتو ومرة مرة تبوسو فعنقو ولا فخذو ومنين تزعم تخطف بوسة خفيفة فشفاهو إباء لي صابر بزز وهي كتزيد اشعلو 

إباء :همس راك كتقلبي نقلب مك هنا وندير فيك شرع يدي ..ديك ساعة متقوليش ظالمك ..ابنت لحرام واش كتشوفي فديلملتي مشوط وتزيدي تاخذي دنوبو 

همس بغنج:حبيبي وبغيت نبوسو منبوسكش..اصلا ولدك لي كيبوسك (بصوت طوفولي) صافي ا بابا مبقيناش غنبوسوك انا وماما ..نتا كاع مكتبغينا ..

إباء :ههه الله ياربي صبر من عندك ..حمقة وغتحمقني معاها

همس باستو فحنكو بجهد:حمقة ونموت فيييك وغنبوسك وموت بسم 

بدات كتوزع بوسات فوجهو لي شدتو بيدها وهو ميت بضحك..وصلو الاوطيل وهي دخلت بزربة قضاة حاجتها ودوشات خرجت لقاتو فالبالكون كيهدر فتيليفون وباينة مكشكش ..لبست بيجامة سخونة كولون فالموكارد وتريكو فالموطارد والمارون دهنات شعرها بسيروم وجمعاتو سفنجة مهملة وهو طول هاد المدة فالبالكون غادي جاي ومع لبالكون مسدود مكتسمعش اش كيقول شعلات تلفازة كتتفرج وجبدات سقاطة من لفريكو لي فشومبر..حتى شافتو خرج وجبد لباب من موراه بجهد ...

طول نهار وتيليفونو كيفيبري فجيبو وهو غاض تفكيرو عليه حتر رجعو خلاها دخلات لدوش وجبدو لقا كتر من 200 مكالمة والميساجات بلا عدد وهو هكذاك رجعات كتصوني ليه جاوبها ساخط

إباء:واش مكتفهميش الخ** مجاوبتش من الاول قلبي 6 9 ..

اسماء بلغوات:مغنقلب والو فهمت ..فينك ومخليني هنا ..هي معاك ياك ..سافرتو بزوج.. قولي رجعات لمسخة لملقطة خطافت رجال ..هي لي متلفاك 

اباء:برب لمعبود ومتسدي خربتك حتى نحسب ربي مخلقك ..شفتي مكانش لي ملقطة قدك ..هاذيك اشرف من عشرة بحالك ..على الاقل هي نية ماشي لفعة 

اسماء بدات كتبكي :شفتي نتا ميفكني معاك غير باك ..نتا لي كتخليني ندير هاد شي ...رجعت ملقكة حيتاش كنبغيك 

اباء بلع ريقو:اسماااااااء ..بلا بغو بلا تبهلا ديالك ...نتي عارفة وانا عارف ...لعوبكم مخافيش عليا ..لا نتي ولا لمدام لي مسانداك..بصح كنستنا غير نتأكد وديك ساع غتشوفي لي عمرك تخيلتيه حتى فمنامك ابنت محمد 

اسماء :ها هو اعمي جاوب 

الحاج:عطيني ابنتي داك تيليفون وخرجي 

اباء زفر بضيق:كملاااات دبا ...بفففف 

الحاج:اش هاد سفر المفاجئ..فين مشيت؟

اباء:عنظي شي شغال ونتا عارف خدمتي كيف دايرة ميحتاش نشرح ..وبوجه الله قول لديك لي حداك متبقاش مصدعاني ..راني خدام ممساليش لتخربيقها الخاوي 

الحاج:اباااء..مراتك هدر عليها باحترام ..وهي مهدرات معاك غير من خوفها عليك ..قدر موقفها شوية ..

اباء:الحاج عندي الخدمة دبا من بعد...

قاطعو الحاج: خدمتك نتا وانا عارفينها مزيان ...ومنين ترجع غنتفاهمو على هاد الخدمة لي خرجات جديدة 

اباء انفاجر عيا ميصبر:مرضتو جد ملتي ..كلها ومنين يجبد راه بنااادم هذا بناااادم ..ونجيك من لخرج غنرجع غندير حد بيني وبين ديك خيتي ...وهاد الخدمة لي كتقصدها هي لي غنكمل معاها حياتي وهاد لقرع نهنيو من مشيط راس ...

قطع عليه وخرج ساخط مبغاش يجلس تما عرفها غتبدا تسول وهو ماشي لخاطرو غيصدق قايل شي كلمة تبقا فيها خرج يضرب فيه الهوى قريب ساعة ونصف حتى اكتاشف بلايص جداد تما من ضمنهم احب حوايج على قلب همس ابتاسم لا اراديا ورجع لقاها حالة فمها وحداها شيبس مزلع وفيدها سنيكرز معضوضة وتلفازة شاعلة فيها فيلم ديال رعب سميتو the Nunتنهد طفا تلفازة دخل دوش وخرج لاوي على نصفو فوطة وكينشف شعرو بفوطة اخرى لبس بوكسور وبيجامة ديال نعاس وتجبد حدها يديه تحت من راسو وكيشوف فسقف وكيفكر فالقرار لي خذاه ومناويش يتراجع ..دار شاف فيها ناعسة وحالة فمها طلع ليها لازمتها بصبعو كيضحك على حالتها ..ورجع سهى كيفكر اش يدير فالمستقبل حتى غفى ...

اصبحنا واصبح الملك لله ناضت همس كتجري لطواليط وكتتلوى لقاتو هاز طوندوز فيدو لابس غير سروال سيرفييت وصدماتو بشكلها 

همس:خررج...خرججج (كتتلوى) يعطيك مصيبة خرج احححح غنطرطق 

اباء طلعها وهبطها وحابس ضحكة خرج وسد لباب شوية وهي تخرج ليه مخنزرة 

اباء:فكيتي الانحباس الحراري عندك

همس:فكيت خالتك ..اجي نتا شفتك ناوي تحسن 

اباء مستغرب :اااه علاش 

همس كتشالي بيديها:شوووف ا بابا نقوليك زوج كلمات تكرط ديك لحية نكرطولك من جدر وها انا علمتك ..وقول همس قالت ..

اباء كيقرب منها:بصاااح الالة..

همس:وراه هدرت ونتا دير بحال مقلت والو وديك ساعة شوف اش غيوقع ليك...لحية ماشي رزقك رزقي وانا لي نقرر فيها 

اباء حاصرها مع لحيط وهي كدور فعينيها :اش كنتي تقولي ..شنو بغيتي تكرطي 

همس بتوتر:ولااا ..دبا شفتي نتا..يعني فهمتي ..وخليني فيا جوع بغيت نفطر

اباء حط يدو فشعرو كيحكو وخلالها طريق :اححخ عليك نتي شي نهار تسكتيلي القلب ...

همس رجعت خطفت بوسة من خذو :بعيد شر احبيبي ...

دخل اباء كيقاد لحيتو وهي لبست ليبا موس كحلا مع لباس رمادي مخلوق حد ركبة وبوط طويرل حد ركبة اسوود وكويرة سوداء قادت شعرها بوكلي مع ميك اب سامبل ..وخرج هو مدوش لبس سروال اسود مع تريكو كول رمادي مغلوق وكويرة فالطابا وبروتكان اسود دار ساعتو ورش بارفانو لقاها هي طلبات لفكور وكتاكل 

اباء:حنا منسالوش ...مكتقوليش حبيبي مسكين بلا فطور وبلا عشا 

همس كتمضغ وفمها عامر:وزيت(زيد) مت (مد) يتيك(يديك)..تاكو(تاكل)

اباء:سلام ناماسطي ميري انديا هههههه وسرطي راه توحل ليك (جلس كيفطر ) اش خبار حبيبة باباه ...

همس:غزال ماماه صبح ضريف اليوم ومعذبهاش ..يخليلي ماماتي ديالي

اباء:وقلنالك بنت وتشبه ليك 

همس:وقولت ليك ولد ويشبه ليك 

شاف فيها وشافت فيه وبداو يضحكو

إباء بجدية:همس اخر مرة نشوفك متبعة شي فيلم ظيال بخليع 

همس دارت يديها فجنابها :وعلااااش

إباء:راك حاملة امدام ..مبقيتيش ديال راسك 

همس:سو واات فين كاين المشكل ..اش دخل هذا فهذا 

إباء ضرب ليها نيفها بزوج صباع:هدرنا الغزاالة(باسها فحنكها بجهد) مساخيش بيكم فهمتي ..ردي لبال لراسك ولي فكرشك اوكي

همس اتبسمات ليه:اوكي هه

..كملو لفطور وخرجو كيتساراو وهمس كلما تبغي تمشي من شي طريق اباء يجرها من موراه وهي تهرنن عليه حتى وصلها لبلاصة لي شافها فليل ..جبدها قدامو وغمض ليها عينيها وهمس فوذنها

اباء:شششششش ..عندي ليك سوبرايز 

همس:اباء راه كنتخنق طلقني ..(عاد سرات معاها اش قال) مفاجعة ..اااه بغيت نقول مفاجئة اش هي فين هي ...

اباء تمشاي وسكتي ونتي شحال فيك هدرة 

همس:وطلقني ونتمشى

اباء:لااا هكذا وغتمشاي ...بين يديا الحب (باسها فعنقها)

وصلها لشارع ابيض بثلج و على طولو محلات كتفتح نفس كلها لشكلاط اشكال وانواع ..دخلها لواحد منهم وخلاها دير لي بغات ..وااححح اقلبي على شكلاط سويسرية...مخلات سوداء والبيضاء ..الكراميل والبابلي ولي بالبيسكوي وها لي بالفواكه وها لي بالبندق ..قريب متخرج راكبها سكار من تم هي تاكل وتوكلو ممفاكاش معاه واكيد ضروري متتقضى الاحتياط معاها خرجات فرحانة من تم ...

همس:احححح نتا راك شكيليطة ديالي كنموت فيك(شداتو من حناكو) ويتك على حبيبي شرالي شكيليطاتي ...احح وشحال كنبغيك 

اباء كيطنز عليها:وحبيبك شرالك شكليطاتك ..وعطيه هو الحلوة علاش حارماه منها 

همس من نيتها:ياك دوقتك ابردك علاش كتظلمني ..لي كليت منها عطيتك منها 

اباء:علاش تكذبي عندك واحد الحلوة كاع مبغيتي تعطيني منها 

همس:منين نرجعو وريهاني ونعطيك منها غير متقلقش

اباء ابتاسم جنب:وعد..زعمة تعطيني منها 

همس:الا كنا شريناها والله حتى نعطيهالك...امم ودبا فين نمشيو 

اباء:زيدي المفاجئة مزال مكملات ..وعنداك تنساي لحلوة 

همس:وزيد زيد منساش...

مشاو شوية وهي تشوف مجموعة من الاضواء والاغاني مطلوقة مجهدة وناس بزاف وهي تبدا تنقز 

همس:يااااااه الكرنفااال ..سييييرك ...(دارت عندو) ابااااء سيرك ..غنلعب فيهم كلهم 

اباء غدعنقها جنب وهي شابكت يدها مع يدو لي فوق من كتفها:احححح زيدي زيدي ...غنتفاهمو من دبا لعب خفيف راه فيك زوج احبيبة مساخيش بنتي انا ...

همس:اوووف بديتي عاود تاني ...

دخلو مخلاو حتى لعبة وهي كتضحك من قلبها وهووكيضحك لضحكتها وعايش معاها لحظة ومباغيش يفكر فحتى حاجة من غير هي والجنين ...طلعو فالافعوانية غير هنا بزوج ..وكانت هي خاتمة خرجتهم ..رجعو لدار وهي فرحتها متعطيها لحد ...دخلو مهدودين جلست على كنابي وكتضحك غير بحدها وهو جلس حداها داير يديه مور ظهرها وكيشوف فيها وهي دور تشوف فيه وترجع تشوف قدامها كتضحك 

اباء:كنبغيييك 

همس:ههه حتى انا 

اباء جبدها عندومعنقها وهي حاوطت خصرو نطق من اعماق قلبو:بغيتك تعرفي بلي غير نتي لي كاينة

همس كتضحك:نتي لي ماينة وما كاين ماحسن.. .فكرتني غير فامينوكس

اباء:لمك انا كنهدر ونتي كتتفلاي ..ايييه ولا قوليلي باغية تضمسيني فالحلوة 

همس:ايييه الحلوة ...(جبدت لخناشي حداها وستفات شكلاط حداها) فين هي باش نعطيك

اباء شاف فيها وشاف فشكلاط وتشتت بضحك حتى دمعو عينيه وهي غير كتشوف مفاهمة والو 

همس:اويلي مالك كتضحك...وقولي فين هي ..ها كلشي لي شرينا حداك وفين هي 

اباء حط يديه على ركابيه وكيضحك من قلبو جبدها عندو معنكشها من عنقها :اححخخ على لمكلخة ديالي (طلع ليها وجها وباسها فمها بوسة حنينة خلاها تستاجب ليه بلا هواها....

⏳⏳⏳ الوقت الحالي ( يعني من بعد اربع سنين.. فاش غانعاودو نرجعو للفلاش غادي نقولوها ) 

..... 💔💔 هل للوداع مكان .. ام أنه سفينة بلا شراع .. يا ليت الزمان يعود .. و اللقاء يبقى للأبد.. ولكن مهما مضينا من سنين سيبقى هو الأنين.. و ستبقى الذكريات قاموس تتردد عليه لمسات الوداع و الفراق.. و الموت هو البقاء... 

💔💔 ف بعد الفراق.. كل طرف يقول لست مخطئ .. ربما يكون هو من اخطأ.. و ربما تكون هي من فعلت .. لذلك لا مجال للعتاب بعد الفراق ... 

🌃🌃🌃🌃 ف مدينة بيرووت.. 

كانت كاتوضع اللمسات الأخيرة... ختماتها بعكر حمر.. برز المكياج اللي دايرة.. طلقات شعرها و حلات ليه ليبوكل.. و تطلق طوييل و مبوكلي.. كحل كايلمع.. عينيها الكبار بدورهم كايلمعو و هي كاتبتاسم راضية على شكلها النهائي.. 

حيدات البينوار اللي كانت لابسة و هزات لاغوب.. لبساتها على لحم .. كانت كحلة فيها ليزيستخاس.. زادت ليبا موس فلون الجلد و معاهم بوط دومي طالون قصير ديال دان.. باقي كيفما هي .. الزمان ماغير فيها والو.. بالعكس زادت نضجات و جمالها اكتامل.. امرأة متكاملة.. جميلة قلبا و قالبا.. حتى حاجة ماناقصاها.. 

يالاه بدات كاتصايب حلقات ف وذنيها حتى سمعات الباب تحل .. بلا ما دور.. عرفات شكون غي من ريحتو..

قرب ل عندها حتى هو ف كامل اناقته.. ملابس راقية.. و حتى هو كاينافسها فالجمال... 

شدها من يديها و دار بيها دورة كاملة.. عاد وقف قابط ف يديها.. 

علي: كي ديما كاتحمقي ف جميع حالاتك.. 

شافت فيه كاضحك: حتى نتا ا سيدي.. جا معاك الكحل ههههه.. 

علي: اااح عويناتك اللي كايشوفو كلشي زوين.. 

قاطعهم صوت تيليفون.. هزاتو دغيا جاوبات.. 

سكتات شويا كاتسمع عاد جاوبات: اوووك تماما جايين هلأ... سوري... 

قطعات و دارت عندو.. 

همس: زيد زيد تعطلنا ويلي ويلي.. تلقا دراري قلبو ل مربية راسها مسكينة.. 

لاحت عليها كاب سخون و هزات ساكها و خرجات كاتقرقب بطالون.. سد هو الباب و ركبو فاللوطو و تحركو ف اتجاه الحفل.. كانت حفلة بمناسبة الكريسماس .. و مع ف لبنان كايحتافلو بهادشي.. 

وقفو قدام اوطيل راقي.. نزلات و نزل وراها شاد فيها.. كان البرد و الثلج مغطي دنيا .. دخلو للداخل .. و صوت دراري صغار كايلعبو.. و اجواء الاحتفال و الكريسماس.. خداو طبلة معزولة شويا و كاطل على برة.. كايبان الثلج ابيض عليه انعكاس الضو ف الوان مختلفة... 

شويا بانت ليهم المربية جاية عندهم. ف يديها وليد صغير تكون عندو قريب عامين... لابس حوايج كلاص.. شوميز بيضا و فيست و شعيره شهب طويل شويا جامعينو ليه اللور.. غي شاف همس ووبدا كايتجبد و مد ليها يديه كايضحك باش تهزو.. خداتو من عندها كاتبوس فيه ت هو فرحان كايخربق فالهضرة.. 

همس: موااااح.. ااااح شحال غزيول.. ياختي ماكانشبعش من ولدي انا .. 

عاودات باستو وهو كايتخبا فيها و يضحك حشمان.. 

شافيهم علي بابتسامة: صافي .. نسيتوني انا.. 

همس: ههههه عرفتي نتا واحد المغيار منك ماكاين.. زاااين.. الحبيب ديالي.. سير عندو سير يالاه ... 

مابغاش و تخشا فيها كثر .... 

همس: هههه شتي راه هو اللي ماباكش.. 

علي: انا غادي عندي بنتي غاع ... خليتو ليك ... 

همس: سير سير .. خليني انا مع ولدي.. 

بقات جالسة كاتلعب معاه و تضحك حتى جا حداهم سانتا كلوز... بلباسه الاحمر و لحيته البيضا الطويلة.. ابتاسم ل زاين و عطاه كادو.. و جلس حداهم كايتصورو معاه... 

شويا جاهم صوتها جاية كاتجري من بعيد و كاتبكي... 

وقفات قدام همس مربعة يديها و مخنزرة... شعرها الاشقر مغطي ظهرها و عينيها اللي بحال لون البحر دامعين.. وجهها حمر و حجبانها معقودين... 

همس: هيي. مالكي تاني.. معامن تخاصمتي.. 

ذكرى بصوت طفولي و كاتبكي: هنننننن... علاث كاتصورو بوووحدكم... 

همس: و راه نتي كنتي كاتلعبي... 

بغات تدفع زاين من يدين همس.. 

همس: ويلي ويلي على المجعورة.. 

ذكرى: هزيني حتى انا هنننن...

همس: واخا واخا.. اجي جلسي فالجهة الآخرى... 

حطاتها حتى هي فوق رجليها و بقات كاضحك على هبالها و غيرتها.. 

همس: نتي زعما الكبيرة.. و قربات تولي عندك 4 سنين و باقي كاتبكي.. ياك قلت ليك الأميرات ماكيبكيوش.. 

ذكرى باقي غي كاتخنزر 

همس: و خوك مسكين صغير.. و نتي كبيرة.. علاش كاتقلقي منه.. راه هو خوك صغير..و نتي الكبيرة.. خسك تخافي عليه و تحميه ماشي تقلقي منه و ضربيه... 

باستها ف حنكها و باست حتى زاين.. و خلاتهم حداها كايلعبو.. هاكا ديما كي المش و الفار محمقينها.. 

جات عينيها على واحد الجهة معزولة فيها كوبل باين على وجههم الفرحة.. و محتافلين فرحانين.. كأنهم بوحدهم اللي تما.. حبهم كبير باين من نظرات كل واحد فيهم لآخر... 

تنهدات و مسحات دمعة قبل ما طيح.. و سرحات ب ذاكرتها ل سنين دازو.. نفس الوقيتة.. نفس الفصل و نفس المشاعر و الأحاسيس.. واخا تعيا تخبي و تنسا و تنكر.. حاجة بسيطة كاتخليها تسترجع كلشي.. و خصوصا هاد الوقت فالعام.. كايرجعها ل ذكرياتها معاه... 

⏪⏪⏪⏪⏪ قبل اربع سنوات... 

كملو تقريبا شهر باش رجعو من رحلتهم من سويسرا.. الجو ولا بارد و حتى بلجيكا طاح فيها ثلج.. علاش لا و العام الجديد على الأبواب.. و شهر 12 قرب يسالي... 

هاد الشهر ماتبدل فيه والو.. رجعو ل حياتهم.. و اباء باقي مخلي معاه همس غي هو جابها ل الابارطومون لي عندو وسط المدينة.. علاقتهم لحد دابا مزيانة.. و كل مرة كاتفكرو ف موضوع زواج كايقوليها حتى يسالي شي خدمة عاد ينزلو المغرب.. فرحانين بالحمل و كايتسناو غي امت يعرفو جنس البيبي.. همس كل مرة جابدة ليه شي أكلة ف شكل كاتشهاها و كاتخليه يجي من الخدمة كايجري يجيبها ليها .. ولكن فرحان و كايحمد الله حينت الأمور بيناتهم مقادة... 

اليوم و بعد إصرار من الحاج.. جلس بزز يتعشا معاهم و عقلو مع همس اللي واعدها يتعشا معاها.. 

مجموعين كلهم ف الطبلة.. الحاج فالراس و قبالتو فالراس الآخر اباء. حداه اسماء الضحكة واصلة ليها ل وذنيها.. و إسلام حتى هي و كل شويا كايشوفو ف بعضياتهم و يتغامزو...

كانت جالسة مقابلة مع لمرايا .. مقادة ميك اب سامبل لابسة سروال ااسود وتريكو خيط كول ابيض مع سبدرين بيضاء ومونطو مفتوح فطابا طالقة شعرها وحداها ساك اسود كوتشي وفيدها تيليفانها كتصوني وتعاود ونفس شيء تيليفون طافي 

همس:بفف فين تعطل هذا 9 وباقي مجاش..(رجعات كتحاول تصوني ليه ونفس شيء بدا الخوف كيدخل ليها لاعماقها) ياربي حفظو ونجيه من كل شر ..غير يرجع سالم مبقيتش باغية نخرج ولا نتعشا غير يجي ...

ناضت بدلات عليها لبسات بيجامة حد ركبة فالبيج ومكتوبة بالاسود ..بقات غاديا جاية فالبيت وتخرج لصالون و غير تسمع صوت طوموبيل تشوف من لبالكون لعل وعسى يكون هو ولكن هيهاااات ..محساتش امتا غفات فوق طبلة لكنابي فصالون ...

اما سيد اباء فمن بعد لعشا طلع ياخذ شي وراق عندو فالبيت حتى بدا كيحس براسو كيدور ونار شاعلة فيه ملقا ملاذو غير على سرير جلس كيسترجع نفس لي تحبسات فيه معرف باش تبلا شوية رجع كيشوف دنيا كدور حتى مبقاش عاقل اش وقع ليه ظلام وسبالت عميق ..دخلت اسماء كتتمختر وتشوف فيه كيفاش جزئو العلوي فوق ناموسية ورجليه على الحافة اتبسمات ودخلات لدوش كتغني اغنية ودوش وصوتها مسموع ♬♪

▶

U 're the light, u 're the night

U're the colour of my blood

U're the cure, u're the pain

U're the only thing i wanna touch

Never knew that it could mean

So much,somuch

U the fear,i don't care

Cause i've never been so hight

Follow me to the dark

Let me take u past our satellites

U can see the world you brought

To life,to life

خرجت لابسة بينوار وجلست كتدهن لحمها مقابلة معاه وهو مغيب وكتضحك ومكملة الاغنية ...سكتات وخدمات سمفونية كارمينا بورانا ... وتاجهات ناحيتو كيف تخلقات زبطة قاداتو فناموسية وحيدات ليه من رجليه وطلعات لشوميز كتحل فصدايفها وكتشم فعنقو وتبوس فيه حيدات ليه شوميز وطلعات فوق منو كتبوش فيه وتعاود كتحيد شوقها منو واستقرات فعنقو كتبوس واتعمدات تخلي فيه ليطراس تحت من ودنو وهو غايب مفعول لمنوم لي عطاتو عمل مفعولو بقات هكذا حتى حسات برعدة كطلع معاها مبقاتش قادرة تصبر كتر وكتحس بنار شاعلة فيها كملات بممارسة العادة حتى تفكات على خير (قولولها مبروك..بنت لمكبوتة الاخرى😂😂😂)...فصباح صبح راسو ثقيل وعاطيه صداع حل عينيه بزز شاف لبيت كولو مظلم ناض بتثاقل لدوش وهو عين فاتحها وعين سادها غير شعل ضوء ولاحظ دوش ديال لفيلا معرف باش تبلا رجع شعل ضوء وهو يشوف اسماء عريانة حداه ..بصدمتو دخل لدوش وسد عليه كيحاول يتفكر اش وقع ..ووالو صفحة بيضاء ليلة مفقودوة من ذاكرتو بقا كيشوف راسة فلمراية ملقا حتى اثر لاي حاجة تنهد ودخل دوش لبس سروال اسود وتريكو كول اسود ومونطو فالمارون قد شعرو لور ودار ساعتو هز وراقيه وتيليفونو وسوارتو ونزل كيخالف درجات شاف تيليفونو طافي ولعن نهار لي تولد فيه ..مشا نيشان لعندها دخل كيتسلبت حتى لمحها ناعسة فصالون وتلفاز..مشا جلس قدامها فطبلة زجاجية وكيتفحصخا بعينيه تنهد ..وقرب منها كيدوز يدو على وجها ..هزها ودخلها لبيت وهي فسابع نومة مع لحمل رجع نعاسها ثقيل ..خرج تاصل بسام علمو بلي مغيجيش وهو يتكلف باجتماعات كلهم ..دخل شاف لكوزينة مشطبة عرفها بقات بلا عشا حيد.لمونطو وكفط على كمامو ..قاد ليها فطور متكامل وهز لبلاطو حطو فوق الاباجورة وجلس حداها حاط يد مور راسها ويد كيلعب ليها فاطراف شعرها بقا كيفيق فيها ويبوس 

اباء:مهووس ...حبيبتي فيقي ..ونعاسة ..ريم لميكاحيل ...وسبات ديناصور عندك ..والاناكوندا ...ولعمر فيقي 

همس بدات كتحرك وتحك فعينيها غير شافتو وهي تقفز كتفحص وجهو بيديها

همس بخوف:نتا مزيان ..موقع ليك والو ..فين كنتي ..علاش طافي تيليفون..اهيء اهيء (عنقاتو) كنت غنتسطى عليك 

اباء عنقها وكيدوز على راسها:شششش ..بلا بكى..ها انا حداك دبا ..شش (بعدها كيشوف فوجها ويمس ليها دموعها) وصافي ا ديناصورة نعاسة ..(باغي يلطف الجو)..اووو اووو كاع هادشي حيتاش توحشتيني..مكانش فخباري بلي عزيزي عليك حتى لهاد درجة 

همس ضرباتو لكتفو معصبة:سير فرقني عليك لااا ومزال عندك لوجه لي تضحك ..مخليني كنستنا فيك كيف لهبيلة معارفاك فإينا قرينة كحلا شاد ...وزيد.تيليفونك طافي..علاش داير نتا داك تيليفون كاع ..ناس كدير تيليفون باش تجاوب ماشي تطفيه(ناضت من حداه غاديا جاية فالبيت وكتغوت وهو غير كيشوف فيها) فين بايت..ااه ..علاش جاي دبا ..سيؤ رجع فين كنتي..(شافت فالبيت سكتت شوية) اجي ..كيف درت حتى جيت لهنا ..اويلي رفعوني جنون فليل ...(بقات كتف فصدرها) سملحرمرحيم..انا معاكم بالله وبشرع (شافت فيه) تفوو على تريكة عوج لمفاصل ...مشات دوش خلاتو حابس ضحكة ..خرجت مشا جلست حداه كتشوف فيه وهو كيشوف فيها 

اباء:وصافي احبيبتي ..كنت خدام..وتيليفون طفا ..وصافي فكيها ..اش خبار بنوتة باباها هاد صباح ..

همس:سير سير ...قولب غيري اما انا عايقة بيك..قالك خدام ...خدموك لخدامة ان شاء الله..لباس عليه يا ربي ...(كتضرب فمها) هاكي اهمس هاكي ..متدعيش ... 

اباء شدلها يدها باسها وجبدها عنقها كيضحك:وغير شدي طريق يا دعي فيا ..يا دعي معايا بزوج ممواتيينش 

همس:يعطيك مصيبة ..سير بعدني ..راه مقلقة ومخاصمة معاك...مخليني كنستنا فيك ...ليل كولو وانا شهوتي فسوشي ..

اباء:الالة بغيتي غير سوشي ناخذك دبا تاكليه ..غير رضاي علينا 

همس:لااا مبغيتش نخرج نطلبوه ديليفري حسن...بغيت اليوم نجلس غير انا وياك راس فراس ونتفرجو لشي فيلم وندوزو وقتنا غير هنا ..

اباء:صافي الالة جاتك ..ودبا (جبد لبلاطو حداه) لمدام ولي فكرشها سمعت بلي مزال مفطرو وفليل بسباب واحد لخايب بقاو بلا عشا ...

همس مطت شنايفها:اول حاجة حبيبي زين وتباتة ويحامي تلاتة ..متقولش عليه خايب ..(كتشوف فكرشهل) ياك اماما بابا غزال ..(باسها فجبهتها) وثاني حاجة جيب داك لبلاطو لهنا حسن منبدا فيك نفتارسك ونتا حي ههه

اباء بنظرة كلها حب وحنية:يخليكم ليا ...

فطرات همس و اباء ناض بدل لبس سيرفييت ديال دار فرمادي مشا اتاصل بمطعم صيني وطلب ليهم لغذا وعطاهم لعنوان ..جاب علبة فيها ليكارط بزاف ورسومات ..كيخصك تجمع مجموعة من صور لنفس لفيلم الكرتوني والخاسر كيحكمو عليه ..بقاو كيلعبو وداير لخاطر لهمس ومخليها تربحو وكل مرة تطلب منو حاجة حتى سمعو صونيت فالباب ناض كان ولد جاب ليهم غذاهم خذاه منو وتحاسب معاه ..تغذاو فجو لا يخلو من رمنسية وشد ليا نقطع ليك ..من بعد دارو فيلم رمنسي من اختيار همس كان تركي سميتو زهرة الغاب delibal رمنسي حزين طول لفيلم وهمس تبكي واباء يضحك عليها ويسكت فيها ..حتى سلا لفيلم شعل ضوء كيسكت فيها وهي تتمخشش فيه ..حتى كتلمح زروقية فعنقو ..بقا كيخف تنخصيص ديالها وهي كتتلمس عنقو وهو كيمسح ليها دموعها

إباء:وهيا لغلاط ..واحد واخذ خنشة فلوس ووحدة دموعها جففت بيهم دار..وا لمسطية راه غير تمثيل ماشي بصح 

همس بصوت متقطع وعينها غير على اثر لمصة فعنقو:ولكن الحب.. يدير كتر..

عنقاتو وكدوز يدها على اثر لمصة وطلقات لعنان لدموعها وفنفسها كتهدر

همس:مستحيل يخونك ...لااا ...ميمكنش تكون لي فبالي ..هو مان خدام ..بايت خدام..همس بلاش من شك ..لااا ..شك لاا ..هو كان خداام ..ميمكن يكون مع شي وحدة ..الخدمة وصافي ...بعدات عليه مسحات دموعها وتنهدات 

همس:اباء ..(شاف فيها ونظرتها كلها ترجي)... واش فحياتك شي وحدة من غيري....

وهي مزال معنقاه فيقها من سهوتها وتخيلها مواجهتو بلي كيدور فدماغها وجع حاد فكرشها اثر تشنجات لي كتجيها بالاعصاب وتوتر زيرات عليه وتنفسها مضطارب حس بيها تغيرات حاول يبعدها عليه وهي كتتأوه وكتحاول تماصي كرشها ومشللة مقدراش تتحرك لانو اي حركة كتزيد من حدة لوجع بدا وجها كيتزنك بلحمورية حيتاش كتحاول تخنق تنفسها باش متتوجعش اثر حركة الجسم بعملية شهيق و زفير ..مجرد دموع خذاو مجراهم على خذها دليل على صبرها لالم حاد ...اما هو فمعرف باش تبلى ولا اش يدير ..ياله كانت صاغ سليم ودبا تحولات بقا يحاول يبعد يدها لي حطاها على كرشها وهي واخذة وضعية الجنين واليد الاخرى حطها على راسها غير حسات بلمستو صعرات عليه 

همس بانفعال:متقربلييييييش ..بعد منييي ..اهيء اهيء ..الله ياربي ..(كدوز يدها على كرشها)..الله يا ربي ..بفففف بفففف بفففف 

إباء بخوف:مهس..مهس شنو...مالك ..نوضي نديك لفرماسيان.ااه ..لاا طبيب ..طبيب ياكي 

همس بدا كيخف عليها لوجع شويا هدرات معاه وهي مغمضة عينيها وجبهتها عليها تجاعيد :لااا..غير ننعس ..ننعس..إباء..عفاك..بففف..واحد لبوماد..(كتشير بصبعها لاباجورة)راه تما عطيهاني 

إباء ناض مفعفع جبد ليها كاع لخنشات ديال دوايات مخلا كنينات وقوالب وبوماد حتى من الالكول ودوا لحمر جابهم حط كلشي حداه 

إباء بتوتر:فين ..انا وحدة (شافها مغمضة عينيها بدا كيحرك فيها وهو جاياتو لبكية كيشوف لونها تخطف )هييه همس ...فيقي احبيبة ..همس إنا وحدة 

همس حلت عينيها بزز:صغيرة فيهم ...(كتحاول طلع نفس )راه فيها ..فيها الازرق

اباء تالف تعماو ليه العنين وهو عينو غير عليها مزال شادة فكرشها:راه عرام هنا ..شوفي احبيبة ..(لقا لبوماد لي قاتلو عليها)ها هي لقيتها ...اش ندير دبا 

همس مدات يدها وحاولت تتكعد وكتتهج وعرقانة :خرج عفاك ..خليني بوحدي 

إباء:كيفاش نخرج ..مريضة نتي ...شايفة حالتك كيف ظايرة بغيتيني نخرج ونخليك 

همس كتحاول ضبط اعصابها حيتاش طول مكتتعصب لوجع كيزيد:خرج اولد الحاج ...الله يخليك ..(شافت فيه بترحي وعينيها مدمعين)الله يخليك غير خرج انا مزيانة ..بغيت غير نرتاح بليييييز

ناض من حداها جمع دوك لخناشي حطهم فوق الاباجورة على جنبو وعينو عليها كيفاش كتضغط بيدها على لفراش ومغمضة عينيها تنهد وخرج مفاهم والو ..وعلاش تسيفات ...غير سمعت لباب تسد طلقات لعنان لشهقاتها وهزت وسادة كتعض فيها من حر لفقصة ولوجع ...وغير ما افكارها كتدي وتجيب فيها وفكرة خيانتو ليها هي طاغية ...طلعات بيجامتها وطلات لبوماد على كرشها بحركات دائرية وكتماصي بشوية وتنخصص وتهدر بحدها 

همس:يا ربي ميكونش لي فبالي نيشان ..يا ربي رحمني يا ربي ...مبقيتش قارة مزال نتصدم ..الحمد لله..(تكمشات فوضعية الجنين كتحاول تلملم راسها وحطات راسها على لوسادة )...الحمد لله على كل حال لي جات من عندك مرحبا بيها ..بصح يا ربي غير متعاقبنيش بيه ..عارفة كندير الغلاط ..وعارفة لحرام تابعني ..بصح يا ربي نتا غفور رحيم ..غفرليا وليه يا ربي ..غفر لينا وجمع بيناتنا فلحلال ....(كيقولك الا بذكر الله تطمئن القلوب وهذا لي دارت همس حتى غفات) استغفر الله العظيم واتوب اليه من كل ذنب عظيم ...لا الاه الا انت سبحانك اني كنت من ظالمين ...

اما هو فخرج مشا لمارشي تقضا وداز لبلاصت شراب هز لي يحتاح معرفش علاش تخنق وبانت ليه يشرب رجع دخل حط تقضية ودخل عندها لقاها ناعسة وشعرها شي مغطي وجها شي مخربق فور راسها ومكمشة ..خرج لصالون حط قرعة vodka absolut قاد بلاطو فيه لحامض مقطع وفواكه الجافة وستيك مشوي وشيبس ..شعل تلفازة اولد قناة لقاهم دايرين فيلم فرنسي بلجيكي..De rouille et D'os

بقا هكذاك حتى حس براسو ثقال وبدا كيوجعو ناض طفا تلفازة ودخل نعس حداها جبدها عندو وحط راسها على صدرو وكيلعب فشعرها حتى نعس ...دازت سيمانة على قدها كل نهار ونهارو وإباء رحع كيتعطل فرجعة لعندها لانو اسماء كل نهار خارجة بقصة حديدة ودراما اجدد..همس كتتحارب غير مع افكارها وشك غادي يقتلهاولكن ممستعداش تواجهو خايفة من الجواب ..ومن ديك نظرة لي فعينيه ...لي كتخليها تنجارف مع شك وهي كتشوف توتر ديالو ورجفة فعينيه كأنو خاربها وجالس على تلها ..فاقت صباح شافت فارجاء لبيت عرفاتو مرجعش ..واصلا مبقاتش كتستناه ...ندغسلات وجها فطرات وجمعات دار شوية دارت لغذا يطيب بيض ومطيشة تشهاتهم وملي غير بحدها رجعات غير كديباني مراشقالهاش طيب ...شوية وهو يجي فبالها علي ..ناضت بزربة لصنيديقتها جبداتها ..وجبدات الاجوندا ديالها..همس من نوع لي كتحتافظ بنوامر والارقام سرية واي حاجة مهمة فديك الاجوندا ..بقات كتقلب حتى لقات نمرتو دخلاتها وبدات كتصوني ولكن للاسف طافي..حاولات مرارا وتكرارا ونفس شي 

همس :بفففف اعلي حتى نتا ..يا ربي ميكونش بدل نمرة ...زعمة يكون رجع لبنان ..لااا ميمكنش ..

فيقها من نسيج افكارها المسموع صوت لباب لي تسد.....

المانيا وبضبط فمنهايم..كان حالس وطالع ليه دم ..كيشوف فاوراق البنك لي لي ارقامهم كبار ثلاث اشهر مرت على زواجو رجع كيشوف مرأة عكس لي بغاها وتعرف عليها تبدلات 360 درجة ..ناض معصب هز لفيست ديال وخرج لقا سكريتير فالباب باغية دخل عندو بلا ميشوف فيها 

إياد:لغي اي اجتماع ولا لقاء عندي ليوم ..مراجعش 

خرج معصب طلع فطوموبيل كسيرا وكيحاول يتاصل بيها كتر من 6 لمحاولات عاد جاوباتو ..ويا سلام صوت الاغاني مجهدة ولغوات ..خرجت عبير من لصال باش تسمع اش كيقول 

عبير:اولووو..إياد

إياد بعصبية وعروقو غيطرطقو:اش هاد لخ*** لي رجعتي فيه ...فينك امداام ..

عبير:مالنا على هاد لغوات اسيدي ..اش درت كاع 

اياد:جوج كلمات اعبير انا غادي لدار نحبك قبل منوصل تكوني تما ..Verstehen Sie mich?(فهمتي)

عبير:Ich bin derzeit beschäftigt sprechen am Abend ...مشغولة دبا حتى لعشية ونهدرو 

قطعات عليه وخلاتو كيغلي خدم GPS وحدد بلاصتها مشا مكسيري وصل امام ملهى هبط بغا يدخل وقفوه لكارد منعوه يدخل تشاد معاهم ووالو ممنعوه رجع كيحاول يتاصل بيها مكتجاوبش...مشا رجع لطوموبيل ديالو بعد شوية وهي تبان ليه بحال دريبة صغيرة كانت منين كيدخلو لموضفين وفين كاين لباسورة ديال لملهى نزل وتاجه لتما ومن زهرو لباب محلول دخل كيسرح فعينيه ويا ريتو مدخل شاف لي ندمو على نهار لي تعرف عليها شد فالحيط كيمتع عويناتو بذاك المنظر حتى لمحها جالسة وكتنقز فبلاصتها وضرس لعقل كتبان ليها ..كان الملهى عامر غير بنساء فمختلف الاعمار ومل مجموعة جالسين مداورين على طبلة وكل طبلة كيتوسطها راقص لتعري ونتي وخاطرك بغيتيه غير يشطح ولا بغيتيه يمتعك بطريقة اخرى وكيدور كانو 5 شباب وكيتناوبو على طاولات كل مرة ينتاقل واحد لبلاصت الاخر ويتمع الحشد بطريق اخرى ..مهم كان جو معفن بامتياز...حاول يضبط اعصابو قد الامكان ..خرج شم لهوى راس كيقوليه دخل دوز عليها بجنوي حافي وراس اخر كيقوليه متستاهلش ضيع حياتك عليها..رجع دخل هز تيليفونو ومن زهرو جا مع دور ديالها وهي كتتلوى على هذاك وكل مرة منين كدوز يدها عليه ولكن لي صافي مخلاتوش يزيد يفكر وشرقيتو غلبات عليه شافها كتبوس فيه وهذاك كيدوز يدو عليها ..دخل رون دنيا وجلخ داك نص رويجل اما هي فجرجرها من شعر مخرجها وهي كتغوت وكتحاول تتفك منو ..فكوها لكارد وتحاماو عليه ضربة فيه وضربة فيهم ولكن تغلبو عليه ..شوية وجاو لبوليس خذاوه ..اما عبير وشي نساء من المجتمع راقي هربو تحسبا لبريستيج ديالهم لايضيع..خذاو اياد نيشان لمخفر وجا صاحب الملهى رفع دعوة عليه وحتى داك راقص بلغ ضدو تهمة تعدي على مواطن ..اياد مبغاش يهدر حدو اتاصل بمحاميه جا ودار لي فجهدو حتى خرجو وخلص عليه تعويض ..اما هو من بعد.ليلة دوزها فالحبس..رحع لدار وفبالو حاجة وحدة .....

..... كانت هازة كأس د الحليب ب شكلاط سخون.. و واقفة قدام البالكون.. كاتشوف الثلج كي كايطيح و يغطي الدنيا كاملة.. تنهدات و ضحكات و هي كاتفكر نهار من هادي شحال .. احسن ايام دازو ف حياتها.. 

رجعات بيها ذاكرتها اللور... مللي كانت عندها يالاه 17 عام .. كانت قرأت ف واحد الرواية باللي إلى طاح الثلج آخر نهار فالسنة... كايتحققو ليك امنياتك... تلاقات من بعد ب اباء و عاودات ليه هادشي و تمنات لو كان الثلج يطيح عندهم ف وجدة باش تحقق امنياتها ولكن هي حتى عمرها شافتو مباشرة .. و اباء قدر يحقق ليها هاد الحلم اللي بالنسبة ليه هو بسيط اما ليها كان حدث كبير.. قاليها تقول ل امها بايتة عند أسماء و داها ل إفران شافت الثلج اول مرة .. عمرها تنسا داك نهار .. كيفاش خلاها تفرح .. كيفاش فكر فيها و حقق ليها اش كاتمنا.. تفكرات قداش كان كايبغيها .. اش تغير دابا ... واش حينت كبرو .. واش المشاكل.. واش حينت تزوجات.. و لا واش حبهم اللي قلال و مابقاش... 

تنهدات و هي كاتحاول ماتفكرش هادشي .. بقدر ما هما ذكريات زوينين.. إلا و مللي كاتفكرهم كاتحس بواحد الغصة.. حنين ل ماضي كان زوين .. ماشي بحال دابا .. تفرح نهار و تهجرو شهر ... 

حطات داك الكاس من يديها.. و هزات تيليفونها .. 

دوزات الابيل.. ليه و شكون من غيرو.. حبيب قلبها.. 

حطات تيليفون على وذنيها و هي مبتاسمة و متشوقة تسمع صوتو... 

اباء: حياتي ... 

همس: اباااء... 

اباء: عيون اباء ... 

همس: توحشتك... علاش ماجيتيش البارح 

اباء: (بتوتر)ااااحم.. راك عارفة اليوم اخر نهار فالسنة و الخدمة كثيرة.... 

همس: ماتبقاش تعب راسك... صحتك عندي اهم من شي خدمة ... 

اباء: لهلا يحرمني منك.... و تبقاي ديما ف جنبي ... 

همس: اميين يا ربي ... اباااء.. شفتي الثلج كايطيح 

اباء: و راه البرد 

همس: دابا مللي كايطيح الثلج و اليوم رأس العام يعني اي امنية تمنيناها غاتحقق ياك 

اباء : بدأ كايضحك: ههههه مانسيتيش. على حساب واش امنيتك اللي تمنيتيها آخر مرة تحت ثلج واش تحققات.. 

همس: اااه و هاني انا وياك دابا باقي مجموعين... الحمدلله.. حتى دابا امنيتي هي نبقاو بجوج و ولدنا يتزاد بيخير و نرجعو المغرب نتزوجو و نتصالح مع بابا و ماما... 

اباء طلق تنهيدة من الأعماق د قلبه: و انا غانبقا ديما ف جنبك و نحقق ليك امنياتك.... 

همس: يالاه سير كمل خدمتك.. تبقا مقابلني انا راه ماعندي مايدار ههههه 

اباء: و إلى ماقابلتكش نتي شكون نقابل.... اممممم 

يالاه بلا يدوي حتى سمع الحس موراه و هو يجمع و يطوي دغيا و قطع تيليفون... 

رجع تخنزيرة و دار يديه ف جيابه: اش كاين .. علاش جاية كاتمشاي بلا حس بحال اللغعة.. 

اسماء بلعات ريقها: و..واللو.. غي عمي بغاك ف شي موضوع.. 

ماجاوبهاش و ضرب فيها و خرج .. اما هي بقات جالسة كاتفقس عرفاتو كان كايدوي معاها... 

عينيها تحجرو فيهم دموع و مابغاتش تبكي و ضعف.. بالعكس خسها تفرح قربات توصل ل هدفها.. و داكشي اللي كان .. تنفسات مزيان و جمعات قوتها و نزلات عندهم التحت.. سمعات حس الغوات جاي من مكتب لحاج.. 

مشات كاتجري تشوف اش واقع .. كان اباء واقف كايغوت و الحاج حتى هو و اسلام بيناتهم كاترطب الجوو...

اباء: حفلة و لا زمر... اش غاندير اناةب شي حفلة..... 

الحاج: الحفلة فيها رجال مهمين وانتا عارف كل عام كانديروها اليوم .... كيفاش مابغيتيش تكون حاضر 

اباء صوتو غادي و كايرتافع و معصب: وااااااااش بزز... ياك خدمتي و درتها... اش بيني و بين شي حفلة و لا خرى... 

الحاج: اباااء صلح الفاظك راني باك.. و الحفلة غاتحضر ليعا و غانبداو العام جديد مجموعين و تحداني و غاتشوف ديك الساع .... مزيان ولينا بحال بحال دابا .. تقادو الكتاف.. مابقا احترام ما بقا والو ... إلى ماحضرتيش لهاد الحفلة و خليتينا نبداو العام منغصين.. ما انا باك ما نتا ولدي .. زدي فيه .. سكت و سكت ...

اباء : واش انا باقي برهوش... تبقا تحكم فيا اش ندير و اش ماندييييرش... 

الحاج: طول ما انا حي غانتحكم فيك .. طول ما نتا ولدي .. و انا باك .. عندنا نفس السمية غانتحكم فيك ... نهار نموت و تلوح تراب على وجهي.. دير مابغيتي... 

كمل كلامو و خرج مخلي اباء كايغلي و يفور و اسلام حداه .. بغات تدوي و خافت منه ... 

شافت حتى عيات و هي تنطق ... 

اسلام: ولدي .. الله يرضي عليك راه باك.. راه مريض.. و ولد واحد اللي عندو هو انت .. خسك تكون واقف ب جنبو ... كايبغي يفتاخر و يتباهى بيك ... 

اباء: واش انا باقي كانرضع صبعي.. يبقا كايتحكم فيا ف طالعة و نازلة... 

اسلام: كاطبطب ليه على ظهرو: وا غي على ودي .. اليوم اخر نهار و غدا غايبدا عام جديد.. ماتخليناش نبداوه مخاصمين.. بان شويا فالحفلة و ديك الساع سير فينما بغيتي.. الله يرضي عليك... 

سااااط بالاعصاب و ماجاوبهاش و خرج .... اما هي جلسات فوق واحد الكانابي تما مللي شافت اسماء جاية فرحانة و كاتمختر.. 

خنزرات فيها و قالت: تهنيتي.. هاهو غايجلس فالحفلة.. شهر هذا و نتي كاتقولي في خليني عارفة ماندير... قادة ب شغلي و حتى حاجة ما شتناها.. 

اسماء: غي صبري ا طاتي.. مللي دابا غايجلس يدوز معانا رأس العام باراك.. و غاظي تشوفي ل شنو كانوجد.. 

اسلام: المهم طلقينا خلاص .. عيييت انا ب كل نهار صداع بيناتهم.. راه هو و باه علاقتهم خسرات على كي كانت ..

اسماء: خس غي هادشي اللي بيت ندير يصدق و غاترجع ل مياه ل مجاريها.. 

♧♧♧♧♧♧ عند همس كانت جالسة و جاها الملل . موالفة بحال هاد نهار كاتخرج و تشري شكلاط و شي غاطو.. ماماهم كاتوجد العشا و كايتجمعو كلهم .. واش باقي كايديرو نيت هادشي واخا هي ماكايناش معاهم.. باش تنسا .. سيفطات مساج ل علي اللي نمرتو لقاتها نفسها مابدلهاش.. 

فالحين وصلها الرد 

* happy new year hamss🎉🎉* 

بتاسمت و عاودات سيفطات ليه مساج ... 

* عام جديد غايدخل .. انشاء الله يكون زوين و عامر بالفرحة ... لينا كاملنا* 

عاود جاوبها 

* و نعاودو نتشاوفو.. * 

همس

* بطبيعة الحال .. عرفتي متحسمة لهاد العام .. كانتمنا يكون زوين .. حينت آخر هاد العيماان اللي دازو.. كانو خايبين.. ولكن مللي حبيبي حدايا و ولدي ف كرشي راه بداية زوينة...* 

طلع ليها vu و بقا شحال عاد جاوب 

* الله يخليكم ل بعضياتكم.. و انا ديما ف جنبك.. اي حاجة حتاجيتيها.. انا موجود.. غاتلقايني ب جنبك...* 

بتاسمات و هي كاتقرا المساج.. كلنا كانفرحو مللي كانسمعو هاد الكلام ... غاتلقايني ف جنبك .. و هاكا همس ..واخا عندها يقين إلى كانت مع اباء ماعمرها تحتاج شي حد ولكن صديق شيحاجة و حبيبي شيحاجة خرا . كيفما كانحتاجو الحب ف حياتنا.. راه كانحتاجو حتى الصداقة .. بجوج مهمين .. 

ناضت فيها واحد الحماس ف شكل .. شافت الساعة لقاتها قريب 4 .. دخلات لبسات حوايج دافيين و جاكييط مبطنة سخونة.. صباعيات و بوط.. و طاقية مغطية بيها وذنيها من البرد.. هزات تيليفونها و صونات علة اباء جوج مرات مي كاتلقا تيليفونو مسدود.. قالت يمكن الخدمة و مشغول.. كتبات ورقة علقاتهاا ف الثلاجة و هزات الفلوس و السوارت و خرجات.. متوجهة لأقرب سوبيرمارشي.. و عقلها كايدي و يجيب و كاتخطط ل شي ليلة تكون رومانسية يبداو بيها عامهم جديد... 

عام كايمشي و عام جديد كايدخل.. كل واحد و شنو مخبي ليه فيه .. كاين اللي متمني شيحاجة و فهاد العام غاتحقق ووكاين اللي غايفقد شيحاجة... كل واحد فينا و اش مكتاب و مقدر عليه ... و همس كانت بحال أي وحدة فينا ... عندها آمال كبيرة باللي هاد العام غايكون حسن من اللي فاتو... 

بقات كادور بين لي غييون ف سوبيرمارشي و تهز أي حاجة محتاجاها.. و عينيها كايلمعو فرحانة... كملات و مشات غي على رجليها للدار.. حلات الباب و لقات باقي ماجا.. حطات داكشي و بدأت كاتوجد العشا .. خلاتو كايطيب و مشات خدات حمام دافي.. و رجعات طفات على العشا و خرجات تاني قاصدة اقرب صالون... دخلات و لقات دنيا عامرة مع رأس العام.. و بقا كاتسنا نوبتها ... جلسات قدام المرايا و حاطة يديها على كرشها كادوي مع ولدها و لا بنتها. و البنت كاتصايب ليها شعرها.. 

كملاتو ليها و دارت ليها مشيطة سامبل و دازت ل وجهها.. تفننات ليها فيه حتى ولات كاتبان بحال شي أميرة.. و دارت ليها لي لونتيي... 

خلصات و خرجات شدات طاكسي و ف طاكسي خدات سيلفي و سيفطاتو ل اباء مع مساج فيه عنداك تعطل فالليل عندي ليك مفاجأة... 

حطها قدام الإقامة و دخلات الدار.. و مشات كاتكمل اش خسها توجد.. دارت عشا منوع.. و ديسير.. حطات الغاتو اللي كان بالشكلاط و الكراميل فالثلاجة.. و بدأت كاتنفخ نفاخات و تزوق فالدار .. شعلات شميعة فيها ريحة الورد.. و قادات الصالون و الطابل ا مونجي... 

كلشي هو هداك .. بقا خسها غي تلبس.. 

عاودات هزات تيليفونها و صونات عليه لقاتو باقي طافي.. تنهدات و مشات البيت تشوف شنو تلبس .. و النجوم غطاو السما.. 

و اباء باقي ماجا ... كاتصبر راسها غي بالخدمة اللي غايكون باقي مشغول فيها ... 

بقات واقفة قدام الماريو كاتشوف شنو تلبس و يديها فوق شفايفها مغوبشة.. حتى طاحت عينيها على واحد لاغوب زوينة ... 

جبداتها و مشلت تقيسها.. خافت تجيها مزيرة مع كرشها كبرات شويا... 

☆☆☆☆☆☆☆ 

ف بلاصة خرا و بالضبط ف الفيلا د الحاج ... 

كان كلشي واجد .. العشا اللي غايتحط للناس هو الأول عاد الحفلة اللي غاتبدا مع منتصف الليل باش يدخلو العام جديد مجموعين .. رجال أعمال معروفين بداو كايجيو.. و إسلام هي اللي واقفة على كلشي ب يديها اما الحاج جالس كايشوف مع مابقاش كايقدر يبقا واقف بزاف.... 

فالفوق.. كان طالع مخنزر .. و ماحاملش راسو .. دوز نهار كامل فالخدمة.. كايحاول ما أمكن يبعد ولكن شكون خلاه... 

حل باب بيتهم و دخل ساخط .. غي كايسوط .. 

اول حاجة دارها حط تيليفون فوق الكوافوز و دارو يتشارجا حينت كان طافي... 

بلا ما يهز فيعا عينيه.. خدا شي حوايج من الدريسينغ و دخل للحمام.. 

اسماء اللي كانت كاتوضع اللمسات اللخرة.. مارضاتش و هي كاتشوفو.. دخل بلا احم و لا دستور.. حتى كلمة و لا شوفة ماخسرهم عليها.. هي اللي من صباح كاتقاد و تصايب على ودو.. كانت طالقة شعرها الأشقر.. و لابسة غوب فالنقري كاتبري و لاصقة عليها.. طالون و ماكايج جريئ... خلاوها تبان حتى هي زوينة... 

بقات كادور ف عينيها.. و هو يبان ليها تيليفونو.. ابتاسمات ب خبث و مشات شعلاتو..اول حاجة طلعات ليها كان مساج من عند همس .. دخلات كاتجري تشوف و القرودة كايلعبو فوق راسها.. بلا ما تردد مسحاتو و مسحات تصويرة اللي سيفطات.... 

حطات تيليفون بنترة و هزات ديالها.. دوزات الابيل و قالت 

اسماء: بغيت داكشي يوصلها دابا .... 

قطعات و بدأت كاضحك بحال شي حمقة 

اسماء: هههههههه اباء ديالي ... راجلي و كلشي غايتفضح اليوم .. غانبداو عام مافيهش شيحاجة سميتها همس . كاينة غي اسماء و اباء ... اسماء اباء (بدات كاضحك بجهد ) هاهاها اباء اسماء شحال جاو زوينين .. 

قاطع ضحكها مللي سمعاتو جل باب دوش.. تلفتات تشوفو و عينيها فيهم القلوب.. و هو قدامها لابس حوايج رسميين طقم رفيع فالازرق غامق.. سباط كلاص و ريحتو كاتشم منين و لين ... 

قربات ليه بلا ما تحس و حطات يديها فوق صدرو... و كاتشوف فيه شوفات ف شكل و كاتعض على شفايفها.. هو غفلاتو ماعرفها اما حطات عليه يديها.. خنزر مزيان و وجهو ولا حمر .. شد ليها يديها بعدها عليه ..

اباء: ااااااخر مرة .. اااخر مرة تحطي عليا يديك.. 

اسماء:( عينيه متلفينها) يالاه نزلو... 

دفعها عليه و مشا سابقها و هي تابعاه واحلة مع جلايلها و كاتخلف خطاوي كبار باش تلحق عليه ... 

☆☆☆☆☆ عند همس .. شافت كلشي هو.. مابقاش بزاف ل منتصف الليل ... كل شويا كاتشوف تيليفونها و تنهد ... 

مابغاتش تفقد الأمل.. هو مستحيل يخليها ف نهار يحال هدا بوحدها و عارفها فالغربة و ماعندها حد ...

قاطع تفكيرها صووت الباب .. عينيها لمعو و دقات قلبها تزادو.. طلات على دار .. عجببها ديكور اللي دارت و اللون الاحمر اللي غالب.. 

شافت راسها فالمرايا . . كانت لابسة.. كسوة خفيفة و عريضة شويا .. فالبيج.. يديها عريانين و حتى سيقانها اللي بانو طوال و سيكسي بسباب الطالون اللي لابسة.. توجهات الباب بابتسامة مشرقة على وجهها و كاتمشا بشويا خايفة على ولدها... 

يالاه حلات الباب و هي تلقا ولد هاز علبة ف يديه ... 

جمعات ابتسامتها و دوات ب جدية.. 

همس: فاش نقدر نعاونك . .

الولد: مادموزيل همس .. 

همس: ويي علاش 

الولد: هادي هدية جاتك.. تقدري توقعي هنا .. 

زرب عليها .. و عطاها دغيا ستيلو سنات و قدم ليعا الهدية اللي كان شوية كبيرة و كلها ملفوفة ف ورق حمر فيه نجيمات و شكل ثلج ❄❄ بالأبيض..

سدات الباب و دخلات حطاتها حدا الشوميني و الفضول واكلها اش فيعا و من عند من جات.. ولكن كاتقول حتى يجي اباء و يحلوها بجوج ...

يتبع