تفتحات أبواب مدرسة كبيرة كتعلن على نهاية الموسم الدراسي مع الفتحة خرجو جوج وليدات صغار بنت من ضحكتها ولمعان لي على وجها كتبان قداش هيا فرحانة هازة ورقة فيدها وشادة لدري لي كان طول منها ايديه وكتجري عند راجل لي كان واقف كيتسناهم حال ايديه تنطرات من دري لي كان خوها وتلاحت بين ايدين الأب ديالها وهيا كتغوت:
-يس داد يس جبتها وأخيرا نجحت وأنا أعلى نقطة فكيسمي كولو
-فاروق(الأب):ايمتا اتعلمي تكولي لقاف فبلاصت الكاف كولي قيسمي،نطق خوها لي كان من هضرتو فارض شخصيتو من صغرو:
هي:عمرك دير ليا هكا مرة خرى كتبغي تبكيني ديما (شافت فباها) دادي انت شاهد؟
فاروق:هههه شاهد ولكن ياك علمتك خاصك ديما تكوني قوية وزايدون تحريميات ديالك ماشي على بابا من صغرك وانت عافية وكتعداي على خوتك لي كبر منك،نطق خوها
هو:وأخيرا ظهر الحق بابا فيا جوع نمشيو؟
هي:لا بلاتي بابا واش بصح اليوم انرحلو لشيكاغو؟
فاروق:شكون كالها ليك كنت كتسنطي لينا انا وماماك؟
هي:نوو داد غير ودني سمعاتكم انا ماقصدتش المهم واش بصح؟
فاروق:أه بصح وهاد المرة تعلمي انو ممزيانش لي كيتسنط لناس تافقين،حدرتت راسها واشرات بالايجاب رجعات شافت فيه
هي:داد ولكن مالها نيويورك علاش انرحلو منها
فاروق:حتى لدار ونتفاهمو الهضرة ماشي هنا واخا بنتي يلاه طلعو فطوموبيل خلاص انبقاو هنا؛طلعات اللور او خوها لقدام فطوموبيل صغيرة من نوع فورد قديمة شوية وشدو طريق دار.
=كيف كتشوفو هادو وليداتي صغار من غير ولدي سراب لي كان هو الابن الكبير اما ولدي لي تابعو فهداك هو رائد اما اخر العنقود نسمة روحي لفليفلة ديال دار كيف مسميين عليها أليف(لهب)هدا هو معنى سميتها منين تزادت وهيا حارة فكرش مها وهيا حارة حنا ناس بحالنا بحال كل ناس عايشين على قد الحال حرفتنا هيا لاميكانيك متوارتينها أب عن جد الحمد لله عائلتنا صغيرة مرتابطة كلها حب حيت تزوجت عن حب من روحي وحياتي روقية وعطانا الله احسن وليدات.. مع وصلو لدار هبطات أليف كتجري طلعات دروج كتنقز فتحات باب دار وكتعيط
أليف:مام مام ريحة كيك بسكلاط،طلات روقية براسها من كوزينة كضحك
روقية:بنتي نيويورك مدينة كبيرة بزااف والمصاريف فيها غاليين وحنا خدينا دار فشيكاغو دار اتعجبك بزااف كاين معيزات وطيور كاع لي كيعجبك كاين تم وعندي ليك خبر زوين بزااف،شافت فيها بهتمام
أليف:يس يس يعيش داد يعيش،تجمعو كلشي على طبلة دخل سراب من المدرسة فرحان حتى هو بنقطة لي جاب سراب كان غير خوتو ضحكتو زوينة بزااف ودري شقي اما رائد فكانو عينيه زرقين بحال باه فياماتو وملامحو مزيج بين زعورية ولكحولية اما أليف كانت كتشبه لمها فالشهر اما لبشرة كان لونها خمري مايل لسمورية اما فاروق كان فيه واحد الوقار او واحد الهيبة شعرو بيض وعينيه صغار وفمو صغير،بداو تجهيزات ديال رحيل جمعو كولشي فكاميو كبير وغادي يودعو دار لي جمعاتهم ولي كبرو فيها اما فاروق ورقية لي هاد دار كانت اول عش زوجية ليهم حطو فيه رجليهم من نهار جاو من المغرب عائلاتهم كل واحد وفين داتو الوقت وفين داتو الغربة من بعد موت الوالدين مابقى شي كيشوف شي.
فكلية الهندسة الميكانيكية بمدينة شيكاغو كانو واقفين بزاااف ديال لكليكات مجمعين كل كليكة وشنو كدير كاين بي كتناقش دروس ديال الصباح كل واحد وباش مجمع من غير كليكة وحدة لي كانت على أعصابها منهم بنت كانت قصيرة وبيضة شعرها دهبي غامق شوية ملامح وجها بحال شي بنت صغيرة دغية كدخل لقلب شي لي خلاها محبوبة من عند صحابها كل دقيقة تشوف فساعة وضرب برجليها على الأرض كانو واقفين معاها جوج دراري واحد فيهم بنات الكلية كلها كيشوفو فيه من وسامة لي عطاه الله طول شموخ غطرسة أما هو معلى بالوش كاع حاضي غير مجدولين لي وتراتو بضريب رجليها محسات بيديه حتى ضربات على طبلة نقزات من بلاصتها لا هيا لا دري تاني لي معاهم لي نقز بحالو بحالها تصروفاتو ماشي ديال شي واحد مرجل بحال مجدولين تماما خنزرات فيه مجدولين:
مجدولين:اسي عمر مالنا ياك لاباس مكتعرفش تهضر ديما مخدم دوك لبالات لي عندك خالعني أنا وخالع حتى وليد
عمر:صغر عينيه)ها بلاما تزيد فيه اوليد ترجل شوية وانت براكة ما تقرقبي عليا فصباطك وترتيني وضربتيني فراسي وانت عارفاها مزال 5دقايق وأدخل من داك الباب على أساس مزال ماحفضتيهاش
مجدولين:تعطلات اليوم بزااف وياحسرة عارفة اليوم ايعلقو نتائج الخلعة اصلا رلكباني من ساسي لراسي وزدتي كملتي عليا انت بلي خاص ناري على تريكة كيمدايرة يااخ اليبغا يتصاحب معاكم
عمر:خنزر فيه)واخا تسكت شوية أنت وانت اديك نص بلاصة شوفي..
مجدولين:نقزااات)شش هاهيا جات،دخلات من باب الكلية على سكوتر قصير فالحمر شعرها كيطير وضحكة على وجها بصالوبيط حمر بحال لون سكوتر علات ايدها كتشير ليهم وفرحانة سنانها البويض كيخلي كلشي منباهر بسحر الابتسامة ديالها.. وصلات عندهم نزلات كتنقز بحال شي درية صفيرة لي شافها ميكولش عندها 23 سنة..غوبشت فيها مجدولين
مجدولين:هادي هيا 10 نكون عندكم دازت نص ساعة ديما القاعدة هيا القاعدة أليف عمرها تبدل
أليف:مزال كتفرنس)هيهيهي هانتي كلتيها لي فيه شيحاجة فيه عمرها تبدل اولفي عليها اكعب غزال
عمر:كونما جيتي كون واعواجت هنا
وليد:كيتغبن)ليف ليف تعداو على حبيبك لولو هاد المتوحش ديال عمر على شوية يسكت ليا قلبي وانا مزال صغير وعاد ناوي ندوز العطلة فجزر المالديف،عنقاتو أليف كضحك😁
أليف:انت اداك بو عضلات 100 مرة كنكوليك إلا لولو متعداش عليه عاجبينك بادرك راك عارفني ولا نفكرك فالتحدي دالمرة لفايتة؟
عمر:هاه غير لعب معاك زهر احبيبتي وكنت مريض واجيني دابا شنو بان ليك فالعشية؟
أليف:لا العشية عفيني انخدم مع بابا وخوتي فالكراج جايين بزاااف ديال الخدمة وخاص نكون معاهم خليها من بعد تافقنا؟
عمر:اوك😉
رجعت لدار بحال العادة وانا فيدي شهادة النجاح ديالي الحمد لله ربي مكيخيبنيش دخلت سكوتر لكراج ودخلت من بابا الكوزينة لقيت ماما كتقاد لكيك لي كنحماق عليه بشكلاط نقزت عليها من لور بحال عادتي حتى طارت من بلاصتها
أليف:شدات على راسها)لااااا عاوتاني متكوليهاش متكوليش ليا كيتفرج فسباق؟
روقية:بحال ديما عارفة باك مكيزكلش شي سباق خصوصا الى كان فيه النسر الأحمر
أليف:بغيت غير نعرف هاد النسر شنو عطاه منين كنا صغار وهو خاشي وجهو فتلفازة ومكيفوتش حتى سباق ليه من لبو لولد
روقية:راكي عارفة موسيو عماد قبل مايكون بطل كان من معارف باك ومزال لأن
أليف:المهم انا انطلع ندوش ونلبس عليا انهبط لكراج مع سراب ورائد عندنا الخدمة ليوم بزااف
روقية:منسمحش لباك وخوتك لي دكو فيك عاد لفيس دلميكانيك اعيباد الله راك بنت ماشي ولد،تكلبات عندها أليف هازة تفاحة فيدها
أليف:ماما مغاديش نرجعو لنفس الموال تاني وزايدون اليوم نجحت وبتقدير جيد جدا انكون حسن من أي راجل أخور والميكانيك كتجري فدمي وعمري منتخلى عليها هاني مشيت راه تابعني لاصال لعشية ايجي عمر يديني
روقية:ضحكات)سبحان الله داك الولد شحال كيدهل الخاطر،علات فيها أليف عينيها وغمزاتها
أليف:ماما داكشي لي كيدور فبالك عمرو مايكون اتهناي وانا مكنفكرش تربط راسي براجل من دابا اصلا انا معنديش العقل وهدا لي ايبغي يديني يا ايكون خارج من الحبس ولا سبيطار واحد فجوج وهاني مشيت،طلعات أليف كتجري لبيتها لي كان مكيشبهش لبيوت لبنات بسيط بزااف تصاورها معلقين على باب الماريو وأغلب الالواح لي معلقين فالبيت ديال ميكانيك وروايض طوموبيلات وطوموبيلات خاسرة فوق المكتب كانت تصويرة كبيرة ديالها هيا او عمر ومجدولين او وليد رباحي المرح ولكوارث وبجنب منهم صورة فيها هيا ومها وسراب لي كان كلو رجولة بجنبو رائد لي مكيقلش وسامة عليه عاد هيا هازة ايديها وسط منهم،تلاحيت على نموسية عييت ولكن الى مشيت حتى نعست صافي ايبرد فيا دم نوض وكان مجمع قشي باش من لكراج لصال لبست حوايجي كيطمة وسبرديلة وهزيت صكادو على ضهري وهبطت مشيت على رجليا حيت الكراج قريب من دار دارنا لي كانحماق عليها علاش لا وهيا جات فبلاصة كلها خضورية مايصدعك حد وصلت لقيت طون دالخدمة رائد كلو عروقات ناعس على ضهرة مخشي تحت واحد طوموبيل حس بيا وطل عليا
رائد:خارج من تحت طوموبيل كيمسح ايديه)عندو شي غراض وغادي يرجع انا ناكول شيحاجة ونرجع عندك،لبست طابلييتي وجمعت شعري وتخشيت تحت طوموبيل مكانتش كتفوت معايا بزااف حتى كتكون مصايبة داكشي باش لكليان كيطلبوني بزااف نقاد ليهم طوموبيلاتهم خوتي بالاضافة لميكانيك زليدين كيقراو عليها وحلم ديالهم يكونو اشهر ميكانيك فأمريكا كلها والحمد لله هادشي وصلنا ليه حيت ناس كيجيو منين ومنين يقادو عندنا رائد كان كبر مني بعامين اما سراب كبر مني ب5سنين هو لكبير فينا كان معارف مع واحد بنت جيرانا معرفتو مكمل معاها ولا تفارقو مكنتش كنقد ندخل معاه فتفاصيل وانا انا والحشمة مكنتلاقاوش جا سراب وكملنا الخدمة ديالنا وصلات 7ديال لعشية نضت غسلت ايدي ولبست حوايجي مع كملت وقف عمر بسكوتر ديالو خليت خوتي ركبت مع عمر وشدينا طريق لاصال عمر مالين دار كاملين كيعرفوه وكيأمنوه عليا ولا واحد من العائلة كيعجبني ركب معاه فسكوتر كيبقا سايك بجهد وانا كنموت فسرعة وصلنا لاصال مع دخلتا بدينا فتسخينات والحركات عاد ستلم عمر تدريب ديالي من صغري كان ديما كيوصيني
عمر:أليف هاد البلاد كتبغيك تكون سبع وتقدر دافع على راسك وتكوني جبهة باش ميحكروكش وياكلوك وانت حية تفاهمنا،من ديك ساع وهو مدهلني لاصال مكاينش شيحاجة معلمهاش ليا ودابا كنعرف نسلك راسي شي لي مكيخلينيش نخاف غير من لي خلقني،سالينا لاصال رجعني عمر حتى لباب دار او وقف يسلم عليا باش يمشي
وليد:هممم هاهاهاها واخا حبيبة ديالي انا نتسناك متعطليش يلاه يلاه،ناري هاد بوراس دوليد الي بغا يجيبو عندو ولكن اش اندير منقدش نعيش بلا بيه هزيت سوارت سكوتر ونزلت انا وياه غادية وسايكة بسرعة جنونية وهو ورايا كيولول بحال لمرة فالكنازة
وليد:وااااع وبشوية انموت وانا مزال ماشفت متشوفت الله ياخد فيك الحق بغيتي تنتاقمي مني وقفي بشوية بشوية
أليف:مكنسمعكش شنو كتكول غوت بجهد
وليد:بغيت ليك صمك كثر من داك صمك لي فيك،ماوصلنى لمول حتى غفر لوليد ربي دنوب مسكين هبطان وهو شاد فيا ورجليه كيخويو بيه ودايخ دخلنا هزيت لوان لي بغا حلف حتى يركب فالكروصة ونسوك بيه بحال شي ولد صغير غادية بيه وسط لمول وكنغنيو
أليف؛وليد:عطيني ساكي باغا نماكي بغا نبان اليوم زوينة سعر صفر عكر حمر حالفة حتى نوض روينة وندير حالة فرجالة كولشي يغوت يالغزالة،مواقفنا غير سوكيريتي بحجة ضجيج وخرق القنون تسيلفينا بعدا عاد خلصنا وخرجنا
وليد:كيتعوج)اووووف فوجت ولكن داك مصاص دماء لي لداخل خلعني ناري كون ادزنا لصالون درنا حصة مساج وسوان دفيزاج وجهي كيبان ليا دبال
وليد:اههه تحمست بزاااف يلاه بيبيتي،ركبنا ورجعنا لدار نيشان لبيتي كلستو على كرسي وقاديتو غطيت ليه حوايجو وبديت كنصايب ليه فشعرو كل خصلة بلون ساليت ليه من بعد مسالة لوقت غسلت ليه شعرو وطلع كيف بغا
وليد:اوووه جيت كنفتن ناري شحال زوين انا وسنيناتي زوينين خاصني نكون على غلاف المجلات اجي نديرو سيلفي،قربت حداه وتبسمت وتصورنا من بعد خرجتها وعلقتها بجنب تصاور لي كنت معلقة.
أليف:اوووف على ملل اوووف بعدا وليد كان كيفوج عليا ودابا حتى هو سافر بقيت بوحدي حتى انا انخلط على مجدولين انكولها لبابا،فتحت الباب وهبطت بتسكيل جا لودني صوت بابا كيغوت هبطت كنجري حفيانة كنرمش مفاهمة والو بابا فرحان
أليف:بابا ماما شنو واقع؟
فاروق:ههههه مواقع والو ابنتي كيبان ليا بحال الى باغية تكولي شيحاجة
أليف:بابا قنطت بغيت نسافر عند مجدولين
فاروق:ماشي ليوم حتى لغدا،عينيا لمعو بالفرحة طرت طرت مشيت كنجري عند بابا فرحانة
اليف:يعطيك ستر ابابا الله يخليك ليا فرحتيني انمشي نجمع حوايجي مواح مواح،درت عليه هو وماما كنعنق ونبوس لدرجة محكرتش فتسوال علاش كان كيغوت طلعت لبيتي عيطت على مجدولين وعلمتها بلي غدا انشد طريق عندها ديك ليبة منعستش بالفرحة ناعسة حدا باليزتي وكنتسنى ايمتا يصبح الحال صونات ساعة فقت كنجري دخلت دوشت وقلبت واش نسيت شيحاجة ولالا...
أليف:اوووه كولشي مجموع ومزيان ودابا اراك برع لخروجات وتسركيل واي واي،جريت باليزتي وتميت هابطة لقيت ماما على طبلة كتفطر
أليف:صباح نور تيتيزة ديال دار
روقية:اح عليك اشلاهبية كتحلوني كلسي تفطري بينما جا باك
اليف:علاش فين مشا بابا؟
روقية:عندو شي غرض يقضيه ويجي كاليا نكوليك متحركي حتى يجي هو
أليف:ناري عندك ايتعطل
روقية:ميتعطل والو شوية ويجي فطري بعدا باش الى جا يلقاك واجدة،حيدت تجاكيط لي كنت لابسة وكلست كنفطر وكل دقيقة نشوف فساعة دازت نص ساعة ودخلنا فساعة بديت كنحس بلبرودة فداتي وقلبي كيضرب تخلط كلشي عليا خلعة والأعصاب مكنحملش نتسنى وانا زربانة او وقت طيارة ايمشي عليا
أليف:ماما راه ولينا فظهر واش انبقى نتسنى هكا؟شوية صونا تيليفون ديال دار مشيت بزربة هزيت وجاوبت عرفتو بابا
أليف:وي بابا فينك راه دخلنا فظهر دابا؟
فاروق:هزي سوارت وسيري حلي لكراج ضروري انا مزال حاصل وصت لمدينة وقعات كسيدة هنا وحابسين طريق
اليف:بصدمة)شنو الكراج بابا وسفر؟
فاروق:حتى لغدا معنديش وقت وخوتك سافرو مكاين من غيرك اليف بلاما ابقاي تلاجي معايا اليوم عندي كليان مهم وهاد نهار كنتسناه بحال نهار ولادتك اتخلي لي فيديك واتمشي تحلي الكراج يلاه...تيت تيت تيت😨😡بقيت كنشوف فلبراي ديال تيليفون وشاداني لبكية والأعصاب نباتني ماما
ماما:شنو كاليك باك
أليف:سفر تأجل بابا حصل فالمدينة وانا خاص نفتح الكراج هادشي كولشي حيتاش بابا جايو شي كليان واااعر وكاليك كيتسنا هاد نهار بحال نهار ولادتي شفتي هاد الفعايل هادو انا من لبارح منعستش بالفرحة وكنتسنى ودايرة مع مجدولين وعالماها وفالاخير بابا يدير ليا هادشي والله مارجولة هادي بالله
ماما:بنتي كل توخيرة وفيها خيرة ومعرفتيش شنو كان ممكن يوقع فهاد نهار هدا وغدا مابعيدش هزي سوارت وسيري الله يرضي عليك،هزيت سوارت ودفعت بالزي من كدامي وخرجت هزيت شعري لفوق حيت فعلا فهاد اللحظة طالعة ليا جنية ديال بصح هزيت سكوتر ومشيت لكراج وصلت بلاصيت سكوتري فبلاصتو وفتحت ودخلت بدلت حوايجي مكتشوفش قدامي بالأعصاب وبديت فالخدمة لخدمة مسالاتش انا خدامة وساكتة مكنبغيش نهضر فاش نكون معصبة دازت نص ساعة وأنا مخشية تحت واحد طوموبيل ديال واحد لكليانة معروفة عندنا حسيت بالعطش كنهضر مع راسي ونشاورو واش نوض نشرب ولالا سمعت حس ديال روايض وقفو بجهد
أليف:ااايه زربان،كملت لخدمة ولكن لعطش غلبني وجوع يلاه انوقف ايدي على لخدمة كيبان ليا ضو ديال لباب مابقاش كيبان يكون لبرد لي سدو نزلت من بين سلوكة وبديت كنخرج من تحت طوموبيل كيبان ليا صباط سبور كحل سبور ونص فسروال رمادي طلعت وانا كلشي زيت وكريس كيبان ليا واحد عاطيني بظهر طوووول وطووول نيت نيت بعرض وعرض نييييت هو ايدين كلهم وشام مع ساعة رياضية ومن شعر لي لور كيبان شعر رطب
أليف:كنحاول نشوف وجهو)سمحليا كتقلب على شيحاجة؟مع كملت هضرتي دار بقا واقف كيشوف عينيه مباينينش حيت مغطيين بنظاظر كحلين شعرو كان رطب فعلا فمو مسدود ولكن بزربة تبسم وبين سنان لي كانو بيض من القمر ولحية لي كانت خفيفة زادتو جمالية فعلا وبمعنى الكلمة كان كامل الرجولة والوسامة
الشخص:ايسكيوزمي كنتسنى ميستر فاروق فتحي
أليف:لا سي فاروق مكاينش وحل فالمدينة وموحال واش يجي هنا ولكن انا كاسنة هنا انا لي مكلفة الى عندك شي خدمة انا رهن الاشارة
....:اووه ولكن هو عطاني رونديفو مخاصوش يخلف بحال هكا ممكن يخسر لكليان
.....:ولكن نوع ديال طوموبيلتي ميستر فاروق بوحدو لي ممكن ليه يقادو
أليف:بدارجة)وامش طبة كحلة مع هاد لمعصعص هاد نهار
......:بدارجة)واش موالفين كتقلو الاحترام على لكليان بحال هكا،أليف شافت فيه وجاتها فاكة مافكها غير كاس دالما لي كان حداها نزلات عليه دقة وحدة....
كنشوف فيه ضحك ورجع كيهضر بجدية من أول وجديد
.....:الى كان ممكن راني زربان او وقتي ضيق ومعنديش وقت كافي،رميت عيني ليدو كيبان ليا خاتم زواج ولا خطوبة فيدو اه على اساس ايخليوه بخال هادو دغية كيطيرو بيهم
أليف:شفت فيه)كيف كتليك ميستر فاروق مكينش دابا والى كنت انت هو لكليان لمهم لي كيتسناه فراه وصاني والى على لوقت فراك انت لي كضيع فيه اما انا قايمة بالواجب ديالو نمشيو نشوفو طوموبيلتك،تبسمت وسبقتو كنتسناه حيد نظاظرو وكشف على عينين أقل ميقال عليهم جدابين وفنفس لوقت بحال ديال شي نسر فيهم واحد لمغناطيس خطير بزربة رجع نظاظرو واشر ليا بيديه نسبقو خرجت على برا كتبان ليا اخر موديل وطوب10 فطوموبيلات 2018 نيسان جي تي آر (Nissan GT-R فلون ناري حليت فمي وحسيت بالحماس وتمنيت لوكان سكتها
أليف:ممكن سوارت؟شاف فيا جبد سوارت من جيبو وبرك على بوطونة حمرا خدمها ومد ليا سوارت شديتهم من عندو فرحانة بحال شي وحدة ملاعباش فصغرها ركبت فيها ودخلتها لكراج ماسخيتش نهبط منها خرجت كيبان ليا واقف داير رجل على رجل ومقابلني
أليف:راه ممكن ليك تمشي وشوية ترجع بينما ساليت
.....:لا ماشي مشكيل انتسناك حتى تسالي غير خدمي على راحتك ديريني مكاينش اه نسيت بلاما تهضري بلغة غير لغتك باش تبقاي مرتاحة
أليف:أه حتى هدا نظر ريحتيني،درت عند طوموبيل معجبنيش الحال قلبت الموطور كيبان ليا فيه شي سيركوي بحال شي حد لاعب فيه دخلني شك شكون ايلعب بمطور ديال شي واحد بف نسيت راسي فين حنا وسلاكط ولمسوفجين عطاهم الله جبدت صندوق ديالي وبديت خدامة على دوك جوج كابليات كنقاد فيهم باش ترجع سرعة كيف كانت بقيت مدة وانا خدامة وأخيرا ساليت مسحت ايديا فطبلية ديالي وشفت فيه بفخر
أليف:ساليت المشكل كان فالمطور كان ملعوب بيه داكشي باش كانت سرعة محدودة ولكن دابا كلشي مزيان
.....:ملعوب بيه العجب المهم شكرا بزاااف شحال عندي،وهو كيهضر على ثمن بان ليا باب الكوفر ممسدودش مردود نص ردة
أليف:عارف بلي لي كيخلي باب الكوفر مسدود كيسبب فحوادث كثيرة؟
.....:كيفاش مفهمتش؟خليتو وتمشيت حدا لكوفر درت عليه ايديا بجوج سديتو رجع تحل رجعت سديتو تحل شد العكس
......:بلاتي سمحيليا،قرب حدايا ريحتو غطات ريحت لاكريس لي فلكاراج حط ايديه لي كانو كدهم كداش على لكوفر وسدو ولكن بلا فايدة رجع تحل
أليف:سمحليا يمكن الكوفر فيه شي مشكل خليني نشوف،خلاني ندوز بعد على طريقي وقف ورايا حطيت ايدي على باب الكوفر وعليتو وياريتني معليتوش ولا قربت ليه ولا مسيتو من الأصل تجمد دم فعروقي لبرودة طلعات ليا مع رجلي وقلبي كيضرب بجهد ريقي مابغاش لا ينزل ولا يطلع كنسمع صوتو كيتردد ورايا وانا مقاداش نشوف فيه قرب مني وبالخف نقزت من حداه تلاحيت على طورنوفيس وهزيتو فوجهو كولي كنترعد شفت فوجهو ليكانو كيشوفو فداخل دلكوفر وفالجثة ديال لبنت لي كانت وسط منو كلها غارقة فدماياتها ومن لباسها باسنة فيها شي عارضة ولا ملكة جمال شاف فيا بنظرات ممفهوماش وأخيرا قدرت نطق
أليف:كنبلع فريقي)متزيدش خطوة لقدام كنت شاكة فيك من لباسك والوشام لي على ايدك متكون غير شي قتال أ قتلتي لبنت مسكينة وباغي تصفيها ليا حتى انا ششش متهضرش اتبقى هنا هنا انا انعيط على لبوليس دابا يجيو يديوك دابا
......:بصدمة كثر من ديالها عيطي اش كتسناي عيطي انا مداير والو ومعارفش هادشي منين جا وشكون دارو هنا أكيد كاين غلط انت مكتعرفيش شكون انا؟
أليف:تكون شكون ماكنتي قتال دباح بزناز ولا من دوك لي كيديرو لكوكايين ماشغليش ايجيو البوليس دابا،نطق صوت ورايا وكان ديال بابا
فاروق:أليف اش هادشي كنشوف رمي داكشي لي فيديك رمي
أليف:برعب)بابا جابك الله عيط على لبوليس هدا قتال لقيت جثة ديال بنت فالكوفر ديالو متقربش ليه لايديك
.....:عمي فاروق انا مدرت والو انت عارف مستحيل ندير حاجة بحال هادي وحتى انا بحالي بحالها عادشي معرفتوش منين جا وشكون متقصدني
فاروق:بالغوات)أليف كتليك لوحي لي فيديك واش معرفتيش شكون هادا لي كتاهميه هدا جسور جسور حديد بطل سباق السيارات او ولد عماد حديد.....
بقيت واقفة ومركزة شوفة فيه وفبابا وأخيرا نطقت
أليف:واخا يكون حتى مهدي بناني مغانحطش وانعيط على البوليس
جسور:عيطي شنو كتسناي نشد ليك نمرة ونسهل عليك المأمورية حسن
فاروق:بنتي لوكان هو مول الفعلة ايكوليك عيطي لبوليس اول واحد ايكون خايف هو ولا ايهرب ومايجيبش طوموبيلتو تصلح وميخليش الجثة فالكوفر،كلام بابا بصح بديت كنحط ايدي شوية بشوية ولكن وجع الجثة لي كان غارق فدم خلى دوخة تشدني خليتهم وخرجت كنتنفس على برة ولكن دغية رجعت تفكرت خليت بابا معاه بوحدو لقيت داك جسور كلس وشاد على راسو وبابا حداه وقفت بعيد كنشوف فيه بشك
فاروق:ولدي غير تهدن واش عندك عداوة مع شي واحد؛شاف فيه جسور
جسور:انت عارف ضومين ديالنا كلو أعداء ماشي اواحد الميات تتوقع أي حاجة،غير كمل هضرتو وصلو ميساج هز تيليفون ديالو فتح الميساج لقى فيه فيديو خدا مدة قليلة تشارجا وهو يخدم كان فيديو ليه هو وحبيبتو لقديمة عارضة الازياء باليريا خارج هو وياها من واحد المطعم وباقي المقطع كلو بوسان مافهمش شنو لمغزى من الفيديو غوبش وتعصب شوية وصلو ميساج من نفس النمرة مكتوب فيه^كنتمنى يكون عجبك الكادو البطل هههههه قريب سميتك اتموت واتعفن انت وياها فالحباسات^كرز على ايديه حتى كان تيليفون ايطرطق مافهمش شكون هاد شخص دوز نمرة ولكن الخط مسدود ردخ تيليفون ديالو الاعصاب وصلو معاه للاخير.. شكون يكون قتل باليريا وبغا يغرقو الى مشا حتى شاع الخبر وتنسر سمعتو لي بناها أعوام اتدمر ليه فالحظة وحدة وشكون ايتيقو والجثة فطوموبيلتو وبصماتو على طوموبيل بدا كيغوت وكيزمجر بحال سبع ويضرب فليقدامو كونماشي فاروق لي كيهدن فيه ممكن يرتاكب جريمة حقيقية هاد المرة أليف مزال هازا طورنوفيس وكتشوف فيه بدا شوية بشوية كيتهدن كلس وجاب ليه فاروق كاس دالما يبرد بيه الريق ديالو...
^فدار نشر معروفة فأمريكا كانت كالسة صحافية كلوريا كتجمع معلومات على بطل السيارات جسور مقال كلفها بيه رئيس تحرير كالسة ورى الكومبيوتر ديالها وكتقلب فسيرة داتية ديالو^
<جسور حديد السن 33 إبن البطل السابق فسباق السيارات عماد حديد من بعد تقاعد ديالو نشأ شركات كبيرة لتصنيع سيارات وصبح من أهم المصديرين لسيارات ﻻاوروبا وأفريقيا والشرق الأوسط عندو ولد واحد لي هو جسور وجوج بنات الابن خدا من الأب ديالو صفة وحدة هيا حبو لسباق اما طباع مختلف تماما عليه رزين لاقصى درجة ولبرودة ديالو كتخلي اعداءو يخافو منو خصوصا انو خصم شرس ومجاش وتلقب بنسر الأحمر غير هكاك فمدة وجيزة تعرف فساحة المعارك وسباقات والى كان اسمو فلائحة الخصوم كلها كتدير الف حساب حيت عارفة ميمكنش يخرج من ساحة وهو خاسر كانو ملقبينو بساحر العارضات حيت كيريط علاقات غير مع عارضات الازياء وملكات الجمال حتى نهار لي خرج فصحف خبر الخطوبة ديالو مع ملكة جمال البرازيل 2018 جسور انسان كيضرب من تحت دف مكتعرفش شنو تحت راسو كيبان انسان هادئ لاقصى درجة ولكن لي كيعرفوه مزيان كيف كيكولو لا ينصح بمشاهدته الجمهور الناشئ،علات كلوريا حاجبها مستغربة حيت مبيناش عليه شراسة كيبان بارد لدرجة فواحد الفترة خدا لقب رجل الثلج،كلوريا لقات باقي صفحات خاوية عيات تقلب والو سدات بيسي ديالها وكتفات بالمعلومات لي خدات...
جسور: سي فاروق انا ممحتاجش نتخبا ولا نبقى كالس هنا بحال لعيلات مدرت ومعندي مناش نخاف وانت عارفني مزيان عمري مخفت من حتى واحد وبلاما نفكرك فهادي 6 سنين بضبط شنو وقع داكشي باش مكيهمني لا عدو لا غيرو حيت مكيبانوش قدامي أصلا،شفت فيه وفهاد الكبرياء والغرور ديالو
جسور:حمدي الله وشكريه ألف مرة حيت جيتي بنت موسيو فاروق ولي كنعزو ونحتارمو انا شي واحد أخور حسن ليك متعرفيش شنو كنت اندير ليه
فاروق:أليف لبسي حوايجك وسيري لدار
أليف:خنزرات فباها)بابا لا واش من نيتك نخليك مع قتال بحال والو يصفيها ليك حتى انت ويديرك مع هاديك لي فلكوفر انا ممحركاش من هنا،جسور مابقاش قاد يتحكم فراسو تنفس مزيان ودار عند فاروق وهو عاقد حجبانو
جسور:سي فاروق يا تكول لبناك تسد فمها يا مغنعقلش عليها،شاف فاروق فأليف وخنزر فيها عارفها راسها قاصح ومن سابع المستحيلات انهو تمشي
فاروق:خاصنا نعلمو سي عماد
جسور:الواليد معندو ميدير انا لي انقد بكولشي ممحتاجش ليه متنساش هو لي ديما كيحتاج ليا
فاروق:مكانش عليك تخرج بلا حماية عمرها كانت ليك
جسور:مغاديش نبقى طول حياتي مكبل برجال ورايا انا قاد نحني راسي براسي لي دار هاد الفعلة عندو زهر ماشفتوش ومهزيتش معايا سلاحي هنا فين قدر يلعبها مزيان ولكن معامن معايا انا مزال مكيعرفش نسر الاحمر شكون كيكون والى مشيت حتى حصلتو حسن بيه يموت ألف مرة ولا يموت على إيدي...
أليف:بصوت بحال الهمس)تجون سينا مثلا كيقتلوني غير بشفاوي الله يداوي وجهت كلامها ليه،متنساش راك هاز منتيف كبير فالكوفر الما قتلتيها انت شكون قتلها وزايدون صاحبتك والفيديو لي جاك مصور معاها اشنو ادير فيه اتكرو حتى هو،على حاجبو كيشوف فيها
جسور:سي فاروق كيبان ليا مربيتيش بنتك انو لي كيشوف فأسرار غيرو خايب ليه ولي كيطفل على شي حد مغاديش يعجبو الحال
أليف:وانت لي تيليفونك كبير بحال لمصلوح ديال المصبانة كيبان من بعيد
فاروق:تنحنح)بغيت غير نعرف كيفاش حتى جات هاد الجثة لطوموبيلتك
جسور:كيرجع سينتا لور**
#فلاش_باك
جسور سايك سونا ليه تيليفون
جسور:برودة أعصاب)وي سيفيانا لا مغاديش نقدر نحضر انت عارفاني معنديش مع دوك الاجواء وزايدون عارضة على صحاباتك وأنا مالي اووووف شوفي كتليك كلمة وحدة وانت عارفة كلامي مكنعاودوش وأخر مرة تغوتي ولا تلاجي معايا والى مشيتي حتى شفتك تبدلتي غير شوية وجناوحك بداو يطوالو انقطعهم ليك وانت عارفاني نديرها أحبيبة اوكي يلاه سي يو بب،قطع عليها بقا غادي على مهل حتى كتخرج ليه مرة ف80 من عمرها مقداش حتى تحرك...
كملات عليه أليف وهيا ساهية:
أليف:بطبيعة الحال وانت زربان باش توصل لهنا دغية خرجتي من طوموبيلتك وشديتي لمرة فيديها وقطعتيها شانطي فهاد الوقت انت تخدمتي ودخلات لجثة لطوموبيلتك بلاما تعيق ولا تحس وممكن يكون حتى المرا لي عرقلات ليك سير ديالك متكونش فعلا مرة شارفة كيف شفتي ويكون ملعوب تلعب عليك ولكن الى كنت انت ماشي مول هاد الفعلة شكون ايكون وعلاش خلاك حتى كنت جاي لكراج وعلاش مبلغش لحد دابا هدا الى كان بصح انت ماشي مولاها وغير كتبهلن،كملات كلامها ولا باها لا هو نطق تسمع صدى ديال تصفاق ديالو لي كان كايغبر على استهزاء بيها ماشي من عادتو يستهزء بناس وأرائهم ولكن أعدا حاجة عندو شي واحد يكدبو والكل ديار ليها ألف حساب لأسباب كثيرة اتعرف من بعد
جسور:بابتسامة على جنب فمو)اوووه على المحققة أليق زعمة معندي منسالك لي سمعك يكول غير كنتي معاهم فاش كانو كيخططو
أليف:غوبشات)انا غير كنستنتج لا أقل ولا أكثر،شوية شافت فباها لي غير كيفكر
أليف:اجي وحنا مالنا كاع قتل ولا دبح ولا سلخ اخويا هاك ها سوارتك وراه طوموبيلتك وحتى فلوسك بلاش منهم غير اخويا دي بلاك من بلانا حنا ناس ادراوش مقادين على مشاكيل أجي يكما كتبيع وتشري فالكوكايين وهادو شي عصابة عندك معاهم حساب ولا بحال والو كتاجرو فالأعضاء،تسمعات الغوتة ديال باها فالكراج كلو خلاتها تسكت وتزيدش من موراه حتى حرف
فاروق:أليف لزمي حدودك وحتارمي سي جسور مغاديش نسمح ليك تزيدي تكولي كلمة وحدة
أليف:وتحدي على وجها)علاش زعمة شكون كيكون واش ابابا...
فاروق:يمكن راني هضرت الهضرة سلات هنا ودابا اتهزي حوايجك وترجعي لدار دابا مفهوم دابا،أول مرة باها يتصرف معاها بحال هاد اصرف وعلى قبل من واحد معندو بيه علاقة ولا يمكن عندو أول مرة تعرف باها عندو أسرار مخبية كان يحسابليها باها كتاب مفتوح ساهل يقراه الواحد عند بالها هيا وباها صحاب ولكن طلع العكس كاين شي حوايح مكيتكالوش وحسن ميتعرفوش..
🔥🔥🔥🔥
[نيويورك]
على بعد مسافات من المدينة كتبان فيلا كبيرة الحراس قدام بابها تمت داخلة طوموبيل كبيرة كحلة او وراها طوموبيل ميرسيديس اخر موديل تفتحات ليها الباب حتى وقفات قدام الباب الكبير نزلو منها 6 ديال رجال لابسين كحل وأجهزة ديال الاستماع فودنيهم ونظارات كحلين على عينيهم وقفو عند الباب بتستيفة وحدة نزل شيفور من ميرسيديس والحل الباب هبطات رجل الولة لابسة صباط كيلمع عاد نزل بخطوات واثقة وشوفة ديال الاستفزاز على وجهو شعرو رطب وزعر وملامحو زعرة نيفو كان مغطرس وباين عليه الغرور لبس نظارات ديالو وبخطوات ثقيلة تم غادي جيهت الباب الرئيسي لي تفتح فتحاتو الخدامة وحنات راسها ليه تخطاها وتم غادي داخل نيشان لواحد الباب كان قبالتو دق وفتح الراجل لي كان على كرسي متحرك على راسو من على بيسي وشاف فيه تبسم ونطق:
الشخص:الخطة نجحات.....
هزيت ساكي وطلقت شعري مرجعتش شفت فبابا ولا فداك الموشوم هبطت راسي وخرجت مع الباب درت ايديا فجيابي وتميت غادية على رجليا فضلت منمشيش بسكوتر نهار داز صعيب عليا وزيد عليها هضرت بابا كملات لي خاص وصلت لدار مهضرت مع ماما متكلمت مشيت لبيتي نيشان سديت عليا الباب لحت ساكي ومشيت لحمام حيدت حوايجي وتخشيت تحت رشاشة مغمضة عينيا وكنتفكر وجه ديك البنت مسكينة غارقة فدمايتها من ملامح وجها لي كانو كيبان فيهم اشوية كتبان زوينة ناري كيفاش قدر يدير هكاك فبنت بحالها واش معندوش انسانية قلبو ميت لهاد درجة هادا الهضرة معاه حرام ولكن كون كان هو مغاديش يصر عليا نعيط على البوليس ولي قاتلني وقفت بابا معاه ولكن لش انتوقع بابا يضل ليل ونهار يتفرج فسباقات لي كيدير اووووف راسي ايتهرس والله،طفيت رشاشة وخرجت من لحمام لبست شورط وسوفيطما وتلاحيت على نموسيتي بغيت غير نعس حتى كترت الخدمة هداتني...
🔥🔥🔥🔥
فيلا كبيرة وسواريها عالية لابيسين لي داير بيها بحالةسحر اما ليكارد لي دايرين بيها قد شعرة ديال راس نفس اللباس فالكحل ونظاظر كحلين وسماعات فالودنين كانت فيلا متميزة على غيرها ولي كيميزها كثر هو نسر الكبير لي كان شكل ديالو بحال شي طائر ايفتارس الفريسة ديالو نيفو المغطرس وشوفة ديالو لي كتخلع تفتحات البوابة ودخلات طوموبيلت جسور وقفات عند الباب نزل ونزل معاه فاروق تفتح الباب وفتح الخدام حياهم وسد الباب وراهم كان عماد كالس داير رجل على رجل وشاد جورنو فيديه كيقرا على عينو فلي داخل بان ليه فاروق داخل مع جسور بإبتسامة وقف وفتح ايديه لفاروق عنقو
عماد:اوووه فاروق نهار كبير هدا توحشناك أصاحبي
فاروق:كيضرب على كتف عماد)حتى انا توحشتك ولكن راك عارف الخدمة والولاد،شاف عماد فولدو لي عضلات ديال وجهو كيطرطقو بوحديتهم وجهو حمر باغي يكمي ومقادش خصوصا بقى ليه سباق واحد ويعتازل سباق هو ايخوي ساحة ايخويها ولكن مابغاش يخلي شمايت يضحكو ويلعبو بيه وهاد الخبر معارفو حتى واحد من غيرو هو والمشرف على سباقات لي كيشارك فيهم...
كنت فغرق نعاس حتى كنسمع ماما كدق وتعيط بسميتي توكضت وكلست لقيت راسي عرقانة كنت كنحلم ولكن معقلتش علاياش بضبط وقفت كنجر فرجليا فتحت لماما لباب وانا كنحك فراسي
ماما:أليف بنتي مامالفش ليك تنعسي حتى لهاد الوقت حطيت العشا وعيت منعيط ومكتجاوبيش يكما مريضة؟
أليف:كتفوه)لا اماما مابيا والو اعييت مع الخدمة صافي اتعشاو مافيا لي يتعشا
ماما:بستغراب)ممالفاش ليك لالا انت مبنفع معاك اباك،يلاه تمت غادية وقفتها
أليف:صافي صافي هاني هابطة،شافت فيا ماما وهبطات درت بانطوفة فرجلي غسلت وجهي وعاد هبطت كنا احنا بتلاتة بينا لي على طبلة ماشفتش جيهت بابا نهائيا كنلعب بطبسيلي وساكتة حتى سالاو يلاه انوقف حتى نباني بابا:
أليف:تبعيني لجردة بغيتك،كانت عندنا واحد جريدة على الباب فيها طبلة من الخشب والكراسة ديالها كنخرجو من ليل ليل نكلسو فيها ونتكابلو مع نجوم والكمرة خرجت انا وبابا لتم وسد بابا الباب ورانا وقفت كنشوف فيه كيبان ليا متردد بابا وانا عارفاه
أليف:برودة)بابا غير خرج لي عندك وهني راسك وهنيني انا ميمكنش ليا نسكت على جريمة كانت قدامي مشات ضحيتها بنت فريعان شبابها ولكن ايصبح صباح ونبلغ بيها
فاروق:عندك شي دليل على هضرتك أو فين هيا هاد الجثة لي اتبلغي بيها؟
فاروق:كلس)انا ماشفت والو البنت دفناها وكان لي كان،انا واقفة وكتردد فودني غير كلمت دفناها شفت فبابا ممتيقاش واش بابا هدا لي قدامي لي ربانا على صدق واننا منخافو من والو ويلى شفتا ظلم بعينينا منسكتوش عليه لهاد درجة حبو لصاحبو او ولدو خلاه يتعاما،وقفت وانا فير كنشوف فيه
أليف:ممتيقاش شنو كنسمع دفنتوها بدم بارد فين عائلتها وفين وفين لهاد درجة بنادم مساوي والو عندكم ابابا لهاد درجة قدر سيهم جسور يرشيك،شاف فيا بابا بشي شوفات عمرني شفتهم منو
فاروق:أليف حتارمي راسك راه باك هدا لي قدامك كلسي نكمل كلامي
فاروق:جيت لأمريكا وانا ولد 16 سنة معارفش لا فين نمشي لا فين نجي كنت كنتوسد غير الكارطون وهنا مكايزكلو لا راجل لا لمرا مولشي عندهم بحال بحال واخا يبيعو غير أعضاءك ويستافدو منك ومتفلتش من بين ايديهم بصدفة تلاقيت بعماد كنت كنمسح صبابط بصباح وليل ناكول ونعس فزنقة منين عجباتو خدمتي ولا ديما كيجي لبلاصة فين كنكون كان كبر مني ب 6 سنين هكاك عائلتهم لباس عليها كان باه الله يرحمو عندو مافيا خاصة،علات عينيها فيه،كمل هضرتو:
فاروق:عارف مخك مشا لبعيد عاوتاني هاد المافيا لي كانت عندو متعاونة مع البوليس منين البوليس كيصعب عليهم يشدو شي راس كبير كيلجئو لأب عماد ولي هو جد جسور(تنهد)فواحد الوقت تاصلو بيا شي شماكرية ديال الحي فين كريت فيه بيت غروني نولي نبيع معاهم الحشيش مع عقل صغر تغريت حتى انا بغيت يولي عندي الفلوس بحال كراني دخلت معاهم مدة وتقطع الاتصال بيني وبين عماد لي كان مكيفرق لا بين غني ولافقير حتى لواحد المرة لي الزهر مكانش لاعب معايا وتشديت كليت قتلة من عند البوليس باش يعرفو شكون ورايا كانت عندي نمرة وحدة ديال عماد طلبت ورغبت باش يعطيوني نتاصل بيه بزز باش بغاو حضر وبحكم مكانتو ومكانت باه طلقوني ديك ساعات ولكن موقفاتش هنا تبعوني رجال لي كنت خدمت معاهم بغاوني نرجع حيت كنت خدام مزيان معاهم ولكن مابغيتش هنا قرو يقتلوني وفعلا تلكاو ليا وكنت انموت فيها كونما عماد لي غامر براسو ونقدني كوراه انا ميت دابا عرفتي دابا علاش انا منقدرش ندوزو؟
أليف:مزال مصدومة)ولكن عمرك معاودتي لينا على هادشي
فاروق:كنكول مكاين لاش نهضرو على شيحاجة دازت؛سكت وسهيت فهضرة بابا تفكرت شيحاجة ورجعت شفت فيه
أليف:بابا كلتي هادشي طرا قبل متزوج بماما ولكن سمعت ولد سي عماد كاليك متنساش شنو طرا هادي 6سنين شنو طرا وحنا مافخبرناش
أليف:كتهرب من الجواب واخا ابابا على خاطرك بغيتي تعاون صاحبك ماشي مشكيل ولكن انا دابا بغيت نرتاح غدا انسافر بغيت نخوي راسي
فاروق:واخا ابنتي لي بان ليك...
ليل كلو وأنا غير كنتكلب منعستش ماشتو من هضرت بابا معقلتش على راسي ايمتا نعست ضرباتني الفيقة مع الصباح نضت راسي بغا يتهرس بالزي كانو مجموعين غسلت وجهي ولبست حوايجي وهيطت مع دروج كان بابا وماما على طبلة كيفطرو
أليف:صباح الخير
ماما:صباح النور بنتي كلسي تفطري
أليف:لا مافياش والله بابا اتوصلني انت ولا نمشي فطاكسي؟
فاروق:لا أبنتي انا انديك،كلست تسنيت بابا حتى سالة فطورو دخل لبيتو دار عليه تجاكيط ديالو هز سوارت سلمت على ماما وخرجنا درت باليزتي فالكوفر ورجعت حدا بابا ديمارا طوموبيل وشدينا طريق المكار مكنهضروش نهائيا وقفنا عند سطوب وانا غير ساهية لي شفت ماقليل شعل ضو الخضر يلاه ايديماري بابا كيحس بشيواحد جاي كيجري لاح ليه من سرجم جوا ومشا كيجري وجهو مباينش بابا معرف باش تبلى لا أنا لا هو
أليف:بابا شنو هادشي؟
فاروق:نحيدو من طريق ونفهمو،حيد بابا من شارع وقفنا فواحد البلاصة خاوية وقف سد زاج ديال سراجم وهز داك جوا كيقلب فيه من لور والقدام مامكتوب والو قرر يفتحو كان مسدود مزيان بقا عليه حتى فتحو كيبان ليا جبد تصاور كنشوف لون ديال وجه بابا صفار وفمو بياض وجهو عليه أثار الصدمة خطفت ليه تصاور من إيديه لي كان فتصاور خلاني نتصدم كندور صورة بصورة تصاور كلهم كيبان فيهم بابا كيدفن البنت لي كانت فالكوفر الكاميرا شاداه مزيان وراجل أخور معاه شعرو رمادي هوما بجوج لي شداهم لكاميرا شفت فبابا لقيت وجهو صفار
أليف:بابا شنو واقع بغيت نعرف شنو كيطرا من نهار بان هاد جسور او وليت داخلة فأسرار بحال الى كنتفرج فشي فيلم
فاروق:متشغليش بالك أبنتي انتعطلو على طيارة
أليف:مغاديش نسافر ومغاديش نتحرك شنو باغيين منكم وشكون هادو لي دايرين هاد لعبة كلها
فاروق:بنتي انا معارف والو ومعارفش شكون مول هاد الفعلة خليك من هادشي وسيري بدلي الجو
أليف:من نيتك ابابا نمشي ونخليك انا ماغاديش نتفعفع من هنا وانت عارف راسي شحال قاصح،شاف فيها باها وشاف الاعناد فعينيها دور شعل طوموبيل ودورها وخدا طريق غير لي جاو فيها...
🔥🔥🔥🔥
تم هابط جسور من الفوق لابس سروال توب بيض وقميجة فنفس اللون هاز القهوة ديالو المعتادة لقا باه كالس غير شافو تقاد فالجلسة وكيتسنا فيه باش يهضرو
عماد:صباح النور ولدي كيصبحتي؟
جسور:مغاديش نولي مزيان حتى نلقى لي كالس كيلعب بينا ويخلط من ورى ظهري
عماد:هضرتي مع رضوان؟
جسور:هاز حاجبو وكيشرب فقهوتو)وي من هنا 5 دقايق ايكون هنا،تمت جايا الخدامة تحنات قدام عماد
ليل كلو وأنا غير كنتكلب منعستش ماشتو من هضرت بابا معقلتش على راسي ايمتا نعست ضرباتني الفيقة مع الصباح نضت راسي بغا يتهرس بالزي كانو مجموعين غسلت وجهي ولبست حوايجي وهيطت مع دروج كان بابا وماما على طبلة كيفطرو
أليف:صباح الخير
ماما:صباح النور بنتي كلسي تفطري
أليف:لا مافياش والله بابا اتوصلني انت ولا نمشي فطاكسي؟
فاروق:لا أبنتي انا انديك،كلست تسنيت بابا حتى سالة فطورو دخل لبيتو دار عليه تجاكيط ديالو هز سوارت سلمت على ماما وخرجنا درت باليزتي فالكوفر ورجعت حدا بابا ديمارا طوموبيل وشدينا طريق المكار مكنهضروش نهائيا وقفنا عند سطوب وانا غير ساهية لي شفت ماقليل شعل ضو الخضر يلاه ايديماري بابا كيحس بشيواحد جاي كيجري لاح ليه من سرجم جوا ومشا كيجري وجهو مباينش بابا معرف باش تبلى لا أنا لا هو
أليف:بابا شنو هادشي؟
فاروق:نحيدو من طريق ونفهمو،حيد بابا من شارع وقفنا فواحد البلاصة خاوية وقف سد زاج ديال سراجم وهز داك جوا كيقلب فيه من لور والقدام مامكتوب والو قرر يفتحو كان مسدود مزيان بقا عليه حتى فتحو كيبان ليا جبد تصاور كنشوف لون ديال وجه بابا صفار وفمو بياض وجهو عليه أثار الصدمة خطفت ليه تصاور من إيديه لي كان فتصاور خلاني نتصدم كندور صورة بصورة تصاور كلهم كيبان فيهم بابا كيدفن البنت لي كانت فالكوفر الكاميرا شاداه مزيان وراجل أخور معاه شعرو رمادي هوما بجوج لي شداهم لكاميرا شفت فبابا لقيت وجهو صفار
أليف:بابا شنو واقع بغيت نعرف شنو كيطرا من نهار بان هاد جسور او وليت داخلة فأسرار بحال الى كنتفرج فشي فيلم
فاروق:متشغليش بالك أبنتي انتعطلو على طيارة
أليف:مغاديش نسافر ومغاديش نتحرك شنو باغيين منكم وشكون هادو لي دايرين هاد لعبة كلها
فاروق:بنتي انا معارف والو ومعارفش شكون مول هاد الفعلة خليك من هادشي وسيري بدلي الجو
أليف:من نيتك ابابا نمشي ونخليك انا ماغاديش نتفعفع من هنا وانت عارف راسي شحال قاصح،شاف فيها باها وشاف الاعناد فعينيها دور شعل طوموبيل ودورها وخدا طريق غير لي جاو فيها...
🔥🔥🔥🔥
تم هابط جسور من الفوق لابس سروال توب بيض وقميجة فنفس اللون هاز القهوة ديالو المعتادة لقا باه كالس غير شافو تقاد فالجلسة وكيتسنا فيه باش يهضرو
عماد:صباح النور ولدي كيصبحتي؟
جسور:مغاديش نولي مزيان حتى نلقى لي كالس كيلعب بينا ويخلط من ورى ظهري
عماد:هضرتي مع رضوان؟
جسور:هاز حاجبو وكيشرب فقهوتو)وي من هنا 5 دقايق ايكون هنا،تمت جايا الخدامة تحنات قدام عماد
أليف:كتشوف فباها مفاهمة والو)بابا فين غاديين ياك كتليك نمشيو عند البوليس هو ايحلها بيدو دابا فين غاديين؟
فاروق:كيشوف قدامو سايك)أليف البوليس معندهم ميديرو من غير ايشدوني وندوز عمري كلو فالحبس على حاجة انا مدايرهاش ولش بغيتي باك يدوز ايامة فالحبس
أليف:بطبيعت الحال لا هادي حاحة باينة ولكن راه ايتيقونا
فاروق:أليف كضحكي عليا ولا على راسك باش غادي يتيقونا عندك شي دليل على كلامك يلاه هضري،سكت وانا كنفكر فهاد دوامة لي دخنا فيها حتى بدا صوت المديعة لي فراديو كتهضر
"اليوم وفتمام الساعة 9 صباحا تم الاعلان على إختاف عارضة الأزياء المشهورة ريتا فيرينتي لي دام الاختاف ديالها أسبوع كامل لم تضهر فيه المتغيبة بتاتا ولا زال البحث جاريا الى الان سنوافيكم بالمستجدات مشاهدينا الكرام كانت معكم ليونور مارتينيز....
إليف:بابا كيكولو سيدة مختفية هادي سيمانة ولكن هادشي داز البارح
فاروق:ناس لي خطفوها سيمانة وهيا عندهم باين عليها آثر ضرب
إليف:بابا طيحتي راسك فمشاكل كبيرة ومعندهم حل كيبان ليا....
بابا مكيجاوبش غير ساكت شدينا طريق طويلة وبعدتا على البلاصة فين ساكنين خدينا واحد طريق جنبها غير البحر بوحدو وناس قليل فيها لحد الان معارفاش بابا قين غادي بينا بقينا فديك طريق مدة قليلة قلب بابا دروة وخدينا طريق أخور هادا خاوي شوية بشوية كتبان ليا واحد المبنى بحال ديزني متميزة بزاف سوارعا العاليين كيبانو من بعيد وكلما قربتي كتبان ليك شيحاجة كيبانو ليا شي رجال بلباس رسمي كحل دايرين بحال شي تمثال حطيتيه مع وصلنا بانت دار كلها وكيفما كالت ديزني محطوطة شيحاجة خيالية من برا خلي الداخل كتخليك تسحري ومتقدريش تهضري هبط بابا وتبعتو وانا مزال مبهورة بهاد تحفة لي قدامي هاد المهندس لي صمم هاد الفيلا فنان وفنان كبير تفتحات البوابة لي كان فلون بيض كلها منقوشة دخل بابا وانا تابعاه مع دخلت شيحاجة خرا عاوتاني لابسين بحال بحر جزر الكاريبي كولو ألوان اما دخلة ونافورة لي جات فالوسط أحلام أحلام بنهار وكيدايرة خلي بليل كيف اتكون ومع ضواو وقفنا قدام بابا كبير لاصق فيه ايليفون او واحد تلفازة صغيرة
تفتح الباب ودخلاتنا الخدامة الداخل شكلو غير سيراميك لي فيه والاثات لي منين دخل لدار وانت غادي فيه الانبهار وصلنا لصالون لي كان فلون الكري والخضر كتهبط ليه بدروج دوزت عيني على كاع دار ومزال مامليت حتى طاحت عيني على سي جسور عاد توكضت شوفات ديالو الباردة وكيفاش كيشرب من قهوتو ويشوف فيا شوفات جامدة السيد لي حداه كان وجهو بشوش وأقل حدة منو هو
فاروق:عماد خاصنا نهضرو ضروري
عماد:كلس بعدا هادي أليف صغيرة تبارك الله نسخة طبق الأصل على ماماها كنتمنى سميتك ميكونش عندها علاقة بيك،يلاه جيت نطق وهو يسبقني جسور
جسور:بنفس البرود)من هاد نحية منضمنش ليك حيت كيبان ليا بحالها بحال سميتها أليف كتعني اللهب ومن اول لقاء لينا بان ليا انها عافية متنقلة..سكت ومجاوبتوض ماشي دابا من بعد احتراما لبابا وباه
فاروق:ماشي وقت هاد الهضرة هادي عماد القضية بدات تصعاب
عماد:شوشتيني شنو وقع،جبد بابا اجوا وعطاه ليه جسور حط قهوتو وقف على باه حيد ليه تصاور وكيدوز فيهم وهو مغوبش
جسور:كيفاش وصلو ليك هاد تصاور؟
فاروق:كلس)واحد لاحهم ليا فوق رجليا فطوموبيل وهرب
جسور:وانت مقديتيش تبعو
أليف:واش كالو ليك بابا هو باطمان مثلا ولا سوبر مان كيطير باش يلحك عليه
جسور:شاف فيها ورجع شاف ففاروق)معرفتيش شكون مولاهم؟
أليف:انا مولاتهم انا لي صورتكم ودابا باغية نبتزكم على سؤال كيداير على اساس كون عرفنا شكون كاعما نكونو هنا وزيدون هاد الفهامات كلها انا مولاهم اسي جسور ولا نفكرك....
جسور خدا نفس طويل وهو ينطق موجه كلامو لفاروق
جسور:الى بغيتينا نتفاهمو كول لبنتك تجلس للارض حسن حيت مابقيتش قاد نتحكم فأعصابي،شاف فاروق فأليف
أليف:واخا هاهيا سكتات وتجلس الارض،كلسات أليف شوية تشمع الفران ديال طوموبيل دقيقة حتى سونا الباب فتحات الخدامة وهو يتم داخل واحد طول بعرض قرع مافيه شعرة وحدة الهيبة على وجهو كان لابس سروال كحل وسوفيطمة بيضة درعانو عريانين كيبينو على القوة ديال دار عندو جسور ونطق
جسور:شي واحد كيلعب ورا ظهرنا ولا نكولو ورا ظهري انا بظبط
رضوان:وشكون هدا لي يقدر يتجرأ يلعب ورا ظهرك،شافت فيهم أليف وضحكت ورجعت دورت وجها
جسور:هاك شوف،عطاه تصاور شدهم رضوان كيشوف فيهم
رضوان:مزال مفهمت؟بدا جسور كيعاود ليه وهو منيرفي وعلى أعصابو
جسور:رضوان بغيتك تجمع ليا رجال كاملين هاد الليلة كلهم يكونو عندي هنا وبغياك كاع لملفات لقديمة يكونو هنا مفهوم؟
رضوان:يس بوص كون هاني مزال مخلاقش لي يلعب بيك اندفنو وهو حي
فاروق:وشنو خاصني ندير أنا؟
جسور:من الأحسن ولي كيبان ليا هو تبقى قريب منا لي وصل ليك ممكن يوصل حتى لدارك حين ليك تبقى هنا
فاروق:وشنو انكول لرقية او ولادي؟
جسور:ممكن تختارع أي كدبة ولكن فم بنتك منضمنش ايبقى ساكت،وقفات أليف وشافت فيه
أليف:هاد البنت عندها سمية يمكن ومتسناش مني نجي نسكن هنا وديرها فبالك حتى انت ابابا انا معندي مناش نخاف ومدايرة والو باش نهرب بغيتي تجي انت وماما لهنا انت تعرف أما أنا فمغاديش نتفرق على دارنا اكون هاني،خنزرت فيهم وخرجت كنتسنى بابا على برا غير بان ليا جاي ركبت فطوموبيل تسنيتو حتى طلع ديمارا ورجعنا لدار طريق كلها وحنا ساكتين مع دخلنا ماما تعجبات كيفاش رجعت وماسفرتش دخلت لبيتي وخليت بابا هو وماما لتحت حيدت تجاكيطي لحتها فتحت لبالكون وكلست مربعة رجليا وكنخمم كنا هانيين حتى خرج لينا هاد وجه الكروفيتة قلب لينا حياتنا سفاها على علاها.
🔥🔥🔥🔥
فاروق:هادشي لي عطا الله اروقية
روقية:واش فينما نكولو الحمد لله الامور ولات مزيان وتنسات طلع لينا حاجة جديدة افاروق نبقاو كل مرة محولين
فاروق:راه كتليك خطر الى بقينا هنا والمشكيل لمبير هو أليف لي مموافقاش تجي معانا
ماما:ولكن ابنتي انت عارفة كلستك هنا بوحدك عندها خطر عليك كونماشي كان خطر علينا كون بقينا كاملين ابنتي الله يرضي عليك
أليف:ماما كلمة وحدة كلتها ليك انا مغاديش نخرج من دارنا مديرش متخافش بغيتو تمشيو انتوما سيرو اما انا فبلا متعولو عليا نزيد لشي بلاصة انا هنا حتى يرجعو خوتي
روقية:ولكن أليف أليف(مشات)اوووف،دخل فاروق
فاروق:كلتها ليك واخا تحاولي معاها راسها قاصح
روقية:وشنو انديرو نخليوها هنا بوحدها والى طرات ليها شيحاجة لا أفاروق منقدش نخلي بنتي
فاروق:متخافيش انا هضرت مع عماد وقادي يأمن ليها الحماية لي خاصاها وهادشي بلاما تعرف انت عارفة بنتك كيدايرة
فواحد الخلى بحال ملعب كبير كان واحد الكراج واسع بزاااااف وصلات طوموبيل رياضية وفنفس الوقت سكوتر من نوع رياضي سريع نزل منو جسور فكامل الهيبة ديالو اما طوموبيل لوخرا مزل منها رضوان دخلو بجوج للكراج دقة وحدة كانو بزاف ديال رجال واقفين وحادرين راس حط جسور الكاسك ديالو وتقابل معاهم
جسور:كيبان ليا تهاونت بزااف معاكم هاد المدة ولكن دابا انا ساليت ليكم اي واحد ميديرش خدمتو على أكمل وجه بلاما نفكركم فألكس والمصير ديالو ولا نسيتو بغيتكم تقسمو العنصر الاول مايفراقش دار وتاني يبقى جنب الكراج ديال فاروق اما البقية بغيتها تبقى حدا دارو ولكن بلاما تبان فالواجهة كلامي مفهوم وبلاما نعاودو،كتفاو غير بهزان راس وتسرسبو واحد تابع التاني
رضوان:قلبنا لملفات كلها ولكن مكاسن حتى حاجة كتير الانتباه
جسور:زعمة ميكونش شي واحد من الحباب لقدام سخن عليه راسو وبغا يلعب
رضوان:منضنش هوما عارفين مزيان شكون هو حفيد النسر وشكون هو النسر الله يرحمو
وليد:ناري ناري لا متكوليش ليا بوكريشة عرفتي شحال خص ألو ألو أليف عاوتاني دارتها بيا واخا حتى نشوفك،جاتني من الجنتي والناس اني نخرج قنطت دغية لبست عليا ميني كحلة مع ايشورت نفس لون وسلرديلة هزيت سكادو ديالي ونظاظري وخرجت ركبت على سكوتر ديالي وشديت طريق عند وليد..
.....:سيدي البنت خرجات دابا ركبات على سكوتر ديالها وشدات طريق المدينة نتبعوها واخا سيدي ماسكون اخاطرك.....
وليد:كيبكي)اخخ ياربي فين كان مخبي بيك هادشي اميمتي بغاو يقتلوك ليا ويخليوني يتيم اميمتي واجي طلي عليا وعلى مجاري فيا،أليف كتشوف فيه وهو كيولول كيف لوليات
أليف:وليد واخا تسكت شوية راه ضريتيني فراسي وحق الله من صباح وانت تعدد بحال لعيالات لي ماتو ليهم رجالتهم واش انا كنعاود ليك باش تلقى معايا حل ولا تعدد عليا
وليد:بدل سيفتو)شفتي انت واخا يديروك فكرش سبع مخاص بنادم يحن فيك سيري تعالجي خاصك طبيب والله انا خليف عليها وهيا كتغوت عليا منين جبتي هاد قصوحية الوجه أجي اديك مو رجلين طوال عاودتي لعمر؟
أليف:انجاوبك ولكن معيورك والله منساه لا معاودت ليه والو حتى يجي مابغيتش نخصر ليه العطلة ديالو
وليد:لافلوف حبيبة ديالي عنري روحي
أليف:عندي زيرو درهم فجيب مغادي نخسر عليك والو
وليد:صغر عينيه)تفو على سقرامة سامة عقروشة صافي زيدي كدامي انا انخلص اجيتيني فيا جوع اما الحزاق الى شمستي عندي شيحاجة،خرجو من عند دار وليد فيديها كرطونة صغيرة كتهز الكادو لي جاب ليها ركبو فسكوتر وطلعو لمطعم روزاليندا لي مالفين كياكلو فيه دخلو دومونداو على لغدا وكلسو كيديو ويحيبو فالهضرة وليد ماسكتش ولا رد لسانو لحلقو
وليد:احم أليف قربي عندي نكوليك
اليف:كتشوف فيه شوفات ممتيقاهش)هاء بغيتي تكرع عليا بحال المرة لي فاتت والله لا كانت ليك
وليد:اووف ولا أقربي،قربت ليه يشك كنتسناه شنو كيدير
أليف:شنو باغي تكول؟
وليد:واحد المصعصع منين كنا جايين تابعنا شفتو بعينيا ودابا كالس وراك وماشاد والو غير حاضيك وبلاما دوري دوك دورات ديالك
أليف:واش ورايا بعيد ولا قريب؟
وليد:بعيد،دورت وجهي بشوية كيبان ليا نفس الشخص لي شفتو ورايا فاش كنت جايا عند وليد ومديتهاش فيه هادي ماشي صدفة ياكما داك جسور مسيفطو باش يصفيها ليا كيما صفاها لصحايبتو
وليد:كيقفقف😨)ممم ان ان انا خايف د دابا اشنو انديرو؟
أليف:انوض انا لولة نبغي نمشي الحمام انزهق من الباب الوراني وحتى انت نفس شي أدير ب5ديال دقايق تكون تبعتيني واخا؟
وليد:لالا متخلينيش بوحدي
أليف:ترجل شوية اويلي ميمكنش يدير ليك شيحاجة وسط الناس المهم انا اندير راسي ضرتني كرشي وانمشي لحمام صافي(عبسات وجها وحطات ايدها على كرشها):ايي كرشي وليد انا جايا خاص ندخل لحمام
وليد:انجي معاك؟
أليف:أشنو ادير معايا ايي
وليد:واخا غير نمسح ليك،خنزرت فيه
أليف:متشمش لا انا جايا،هزيت ساكي ودايرة ايدي على كرشي ومشيت جيهت طواليط فير وصلت تكاديت فالوقفة بان ليا الباب الوراني خرجت منو بجري وقفت حدا سكوتر كنتسنى وليد بزربة تبعني طلع ورايا وكسيريت لطريق دار عندو..
🔥🔥🔥🔥
.....:أنت مصالح الوالو فين كانو عينيك فين
......:سيدي البنت بات ليا ضراتها شيحاجة ومشات الحمام مغفلتش عليهم 5دقايق مالقيت حتى واحد ولكن جهاز لي لصقت فسكوتر ديالها عطاني انها فطريق دار
أليف:مناش اتخاف لا انمشي نبات فدارنا حسن يلاه بلاما نتعطل بدا الحال كيضلام ايمشي الحال
وليد:الى حتاجيتي شيحاجة تاصلي بيا،ركبت على سكوتر ديالي ورجعت لدار وقفت سكوتر عند الباب كيف مالفة حليت الباب سقيل ماشي كيف مالفة غير نهار وليت كنحس بالملل حطيت سكادو ديالي وسوارت حيدت سبرديلتي مشيت جيهت تلاجة نشرب مشروب ديالي ماء حامض نعناع سديت تلاجة كنسمع حس زايد فدار انا كنحس الى كان شيواحد فدار من غيري ريحة غريبة وتقرقيب لي سمعت عطيت ودنيا وتميت غادية على صباع رجليا هزيت الفاز دالحديد لي كان فدخلة وطلعت بتسكيل صوت كيقلال ورجع سقيل كيف كان ماهرسو غير صوت نينان بحال الى شيواحد كيتوجع هنا بدا شك كيدخل ليا مع راسي الصوت جاي من بيتي حطيت ايدي على البوانيي ودورتها بشوية مديت ايدي لضو شعلتو المنظر لي شفت خلاني نطلق الفاز ونغوت على جهدي.....
جسور:كيفاش كنكوليك مليون مرة انت منافع لوالو كيفاش مشفتيش وجهو انا جاي دابا وحسن ليك منشوفش وجهك منين نجي،قطع جسور الخط ركب سكوتر ديالو وخرج فالخرجة كان رضوان داخل ابان ليه جسور تبعو من لور....
فاروف:متكولش هكاك غلط بسيط درتيه ومكانش مقصود انا لي خايف عليه دابا هو بنتي أليف خايف عليها بزااف
عماد:معندك مناش تخاف جسور مسيفط لي يراقبها وحتى لدابا مكاين حتى حاجة لي تير شك خاصنا نلقاو هدا لي كيلعب علينا فأقرب وقت كون كان لوليد عايش مكانش ايتعطل هاد لوقت كلها وانا مابغيتش نرجع لطريق لي كان ماشي فيها
فاروق:بين ليلة ونهار كولشي ترون بحال الى الماضي مبغاش يخلينا نرتاحو.....
🔥🔥🔥🔥
أليف:كلها كترعد)جاك جاك عفاك جاك شد فراسك شكون دار ليك هكا شكون
جاك:العساس كان مخشي فيه جنوية فجتب كرشو وكلو مضروب)ممم مع معرفتش أنسة أيليف بلييز هالب مي هالب مي بليييز
أليف:كتغوت)عفاكم عفاكم شي واحد يعاوني شنو اندير ياربي شنو اندير مجات فين تكمل هضرتها حتى وقف عليها جسور بلا هضرة قرب عندها هز جاك فيديه شوية تبعو رضوان عاونو وهبطوه لتحت بجري فتح رضوان الباب دخلوه طلعت حداه أليف جسور ركب فبلاصة رضوان ورضوان حداه ديمارا طوموبيل وساك بزربة لأقرب سبيطار مع وصلو هبطوه وهو سخفان حالتو صعيبة ودمايات غير كتفرفر منو غير شافوه الفرمليات جابو نقالة داروها فيه ودخلوه بزربة لغرفة المستعجلات مخلاوش جسور والبقية يدخلو معاهم بقاو على برا أليف ايديها كيترعدو وكلهم دم وقف عليها جسور
جسور:شوفي صبري بدا كيقل وانا الى مشيت حتى صبري تقادة مكتعرف لي قدامي واش مرا ولا راجل داكشي باش بلاما تستفزيني
أليف:وباش عرفت انا وانت مسيفط ليا واحد تابعني من صباح شكون عرف
جسور:حبيبة ديالي انا رجالي الى كانو تابعين شي حد مكيبانوش وفضحو ريوسهم ماشي مكلخين حتى لديك درجة
أليف:هيه انت انا مشي حبيبة ديالك حتارم راسك شوية،رضوان هو لي سكت هاد صداع
رضوان:انتوما فين وحنا فين واخا اسكتو شوية
جسور:رضوان
رضوان:سمحليا جسور مقصدتش نرفع صوتي ولكن هاد الوقت ماشي وقت المخاصمة واش مكتشوفوش كاين لي باغي يلعب بيكم بجوج خاصكم تفكىو بالعقل ماشي بالغوات،خنزر فيه جسور ومشا لمكينة دالقهوة مب راسو كاس وكلس كيحاول ما أمكن يبرد وخا هو مكيبرد حتى كيمشي عند المعلم ديالو كومونوكي كلشي سكت كيتسناو حتى خرج طبيب اشافتو أليف جات كتجري عندو
أليف:دكتور كيف بقى
دكتور:الحمد لله قدرنا نوقفو نزيف خيطنا الجرح ودابا كيرتاح كونما جبتوه دغية كان ايفوت لفوت سمحوليا ولكن عيطت على البوليس المسألة فيخا محاولة قتل وضرب سمحوليا،عتادر منهم ومشا كلست أليف كتشوف فالفراغ ساهية تمو جايين جوج ضباط بالباس رسمي دخلو نيشان لبيت لي فيه جاك خداو الأقوال ديالو وخرجو وقفو جسور كيسول:
جسور:ممكن نعرف شنو كاليكم؟جسور كان معروف بزاااف من قبل جدو وزاد تعرف منين حتارف سباق سيارات
الشرطي1:ميستر جسور المريض كال انو سمع تخرشيش فدار موسيو فتحي ومنين دخل كيتفاجئ بشيواحد كان فدار شدو عطا قتلة ديال لعصى وضربو بالموس هادشي كيبين انو القضية فيها جريمة سرقة ولكن للأسف انو الضحية مشافش وجهو
جسور:اوك تانكس..
تمدات ليها إيد هازة كاس ديال القهوة علات راسها بان ليها رضوان تبسم ليها كيزعمها تشد من عندو شدات منو الكاس شربات منو بدات كتحس براحة شوية بشوية حتى وقف عليها جسور
أليف:شافت فيه بنص عين وقفات وتخطاتو ودازت قدامو وقفت وشافت فيه)ياك بغيتي تهضر،سرط ريقو وخدا نفس طويل طرطق صباعو هادي عندو قاعيدة الى كان معصب كيطرطق ايديه وصباع رجليه تبعها حتى وقف مقابل معاها
جسور:لي نكولوه نقصروه خاصك تجي معايا لادار
أليف:الى كان بابا لي مسيفطك ودايرين عليا هادشي باش نخاف احيدو هاد الفكرة من بالكم،هاد البنت اتخرج ليه عقلو محسش بيديه حتى كرزات على لفك ديالها
جسور:تحت سنانو)واش لهاد درجة بان ليك حياة ناس لعبة عندنا مالقينا منديرو نضربو العساس ونلوحوه فبيتك باش تخافي ولا مونيكة هو شوفي نكوليك انا مكنلعبش ومكنضيعش وقتي فحوايج تافهة الى بغيت نلعب انلعب مع قدي ماشي مع سردينة قدك تافقنا ونزيدك غير حيت انت بنت فاروق مابغيتكش تأداي اما نخليك يا تعفني فالحبس يا يكلوك الكلاب منين يلكاو صكيطة ديالك مرمية فالغابة تفاهمنا،حيد ايديه من على وجها خلاها كتمسد فالبلاصة فين كان شادها يلاه ايمشي ورجع عندها
جسور:اتمشي مع رضوان يديك لدار تهزي حوايجك كلهم ويوصلك لفيلا اوك وحسن ليك متعانديش الما بغيتيش شينهار تصبحي ميتة كنظن انت دكية بزااف على انك تيقى قضية ديال شفرة لي وقعات وخير مثال لملثم لي كان تابعك اوك نشوفك فدار،خلاها ومشا
أليف:أش أش كيحسابلو انا عبدة عندو ولا يكوليا أشنو ديري ولا مديريش وجهو بحال لكروفيتة لاوية وكيتحكم فيا
رضوان:حسور ايتكلف بكولشي متخافيش وحسن ليك متراضيش معاه اتعياي انت وهو ميعياش انسة أليف ممكن نمشيو دابا عندي ميدار ومغاديش نبقى واقف هنا نتسنا سبقها وخلاها واقفة كتشوف فيه
أليف:هادو مالهم بجوج كل واحد كيأمر فيا من جيهة وزوينة هادي
رضوان:انسة أليف!
أليف:واخا هاني جايا
🔥فيلا عماد🔥
تفتح الباب دخل رضوان هاز جوج باليزات ديال أليف سبقها وهيا تابعاه من لور وقف باها ومها لي كانو كالسين مع عماد غير شافتها روقية مشات كتجري عندها عنقاتها
روقية:بنتي انت بيخير مواقع والو ياك
أليف:لا والو
روقية:ولكن ديالاش هاد الدم لي على قميجتك؟بنتي الله يرضي عليك متخلعينيش،نباهت صوتو من لور
جسور:ماوقع والو مكاين لاش تخافو
عماد:شنو واقع اولدي؟
جسور:كيفما لعبو بسا كانو باغيين يلعبو حتى بيها
أليف:بلاما تبقى ترون سمعتي جاك كاليك غير شي واحد كان باغي يسرق
فاروق:كيفاش فهمونا شنو واقع
أليف:والو كنت خارجة جيت لقيت جاك فبيتو كلو مضروب ومخشي فيه موس
روقية:شهقات وشدات على فمها)ككيفاش مضروب شكون لي ضربو؟
أليف:كال القضية فيها سرقة شيواحد كان ايدخل يسرق ومنين دخل باش يشدو ضربو وهرب،تسمع صوت ديال ضحك عالي،ضارت أليف بشوية كتبان ليها ضحكة على وجه جسور لي بينو على سنان بيضين مستفين شاف فيهم او هو يسكت
جسور:سمحوليا ولكن نكتة لي كالت الميكانيكية ديالنا صغيرة ضحكاتني
أليف:شنو لي كلت خلاك ضحك؟
جسور:واش من نيتك تيقتي ديك الهضرة
أليف:جاك ميمكنش يكدب
جسور:وأنا مكلتش ليك جاك كدب
أليف:وشنو؟
جسور:لي دخل لدار مكانش ناوي يقتل جاك كان ناوي يقتلك
أليف:كيفاش؟....
جسور:كيف كتسمعي السيد لي وصيناه يراقبك وحطيناه عند باب دارك بقى مراقبك حتى خرجتي من دار ولكن لي معارفاش انت هو كان شي حد اخور تابعك كلفت واحد من ليكارد ديالي يتبعك حتى الى وقعات ليك شيحاجة يكون هو معاك ويقدر يحميك فديك لوقت لي انت كنت على برا شخص لي ضرب جاك كان دخل لداركم ودازت مدة ديال 6سوايع وهو فدار فديك الوقت جاك جا لعندكم دار كيدق باش يجمع تبرعات لشي جارتكم اسمها مدام ميرت يمكن منين سمع تقرقيب وهو ديجا عارف انو غير انت لي بقيتي فدار بوحدك لي خلى شك يدخل ليه راسو هو لخيال ديال رتجل لي بان ليه وسط دار هنا حس انو شيحاجة ماشي هيا هاديك واقعة والباقي كتعرفيه(بستهزاء)دابا اتخدمي معايا داك العقل ديال دهب لي عندك كون كانت عملية ديال سرقة نيت كون فديك 6دسوايع سرق وسالة وهرب فأقل من ساعتين يعني هدا كان كيتسناك انت باش يقتلك وممكن منين شاف راسو حصل حاول يقتل جاك باش تلصق فيك انت تهمة
أليف:ممتيقاش هضرتو)ووعلاش انبغي نقتل جاك؟
جسور:مم دفاع على نفس كنت بوحدك فدار تهجم عليك وضربتيه
جسور:صغر عينيه)السمطة كدور عليك كنتي كتشفاي حتى صدقتي على شوية بايتة فالحبس كتكلاصاي
فاروق:جسور عفاك
جسور:فاروق انا كنحاول من صباح نشرح لبنتك بلي حياتها فخطر وهيا مكتفهمش كنحاول ندخل ليها لمخها بلي راني بعيد على هاد تخربيق ولكن عقلها مكتخدموش عفاك شوف معاها شي حل من الأحسن متبقاش تعتب باب دار فهاد المدة هادي مقاد على مصايب
أليف:خنزرات فيه)داكشي لي بقا ليا اتحبسني بين ربعة دالحيوط اسيدي الى انت معندك صحاب انا عندي صحاب منقدش نبقى محبوسة بحال داك طير لي شادينو فقفص كيدخلو ليه غير الما ولماكلة ميرمش ماينبش،قرب ليها عند وجها
جسور:الفرق لي بينك وبين داك طير هو طير من الما وانت طير من نار داكشي باش سماوك أليف
عماد:براكة عفاكم براكة فهاد الوقت لي كتغاوتو فيه خاصكم تاحدو وديرو ايد فيد وتعاونو باش تعرفو شكون لي باغي يورطكم فهادشي
جسور:ممحتاجش نتعاون مع شي حد هادي فبلاصة متعاوني غير اتغرقني تصبحو على خير،ضرب فيهم وطلع لبيتو حط حوايجو هز بينوار ديالو وهبط لبيسين لي كاين لتحت خاص بتدليك حيد حوايجو بقا غير بالبوكسور جسد رياضي منحوت عضلات بارزة الوشام لي زادو هيبة كثر من لي فيه نزل لبيسين وطلق الجسد ديالو للما سخون لي بدا كيعطيه دبدبات لعضلاتو كلها غمض عينيه وبدا كيسترخي شوية بشوية....
🔥أليف:بابا مابقيت فاهمة والو واش انا فحلم ولا علم غير كوليا بين ليلة ونهار صدقنا فقتيلة وسرقة ومعرفت شنو جاي أخور وكولشي كوم وسكنة مع وجه لكروفيتة لاوية كوم تاني خلاوها المصريين لالا شيحاجة تما(غادية جايا فالبيت)
فاروق:أليف وقفي براكة براكة دوختيني لي خاصك تعرفيه ابنتي حنا هنا فأمن كبير بينما سلاو خوتك الكونجي ديالهم الى بقينا تم علم الله شنو ايوقع لينا ابنتي وانا مغاديش نكد نخاطر بحياتك لا انت لا ماماك خلينا هنا بينما لقينا حل لهادشي
فاروق:بنتي هادا لي كيلعب معانا مجا ولعب حتى عندو ايد واصلة فالمخزن والى مشينا حتى علمنا البوليس غير انزيدو نغرقو فراسنا
أليف:انت زعمة تايق فهاد جسور(ضحكت)نسيت انت كتيق فيه كار منا حنا وكتموت عليه كاعما خاصني نسول
روقية:كطبطب على كتف بنتها)بنتي ان شاء الله مغادي يكون غير الخير غير شوية ديال صبر والمعاونة عفاك متقسحيش راسك وخلينا هانيين يكفي غير لي فينا واخا بنتي الله يرضي عليك،شافت فيها أليف وحدرت راسها خرج فاروق وروقية من عندها وخلاوها كالسة وكتفكر كون سافرات نهار لي كالتها ليهم مغاديش يطرا هادشي كلو ولكن بحال الى هادشي مكتوب ليها تعيشو أمريكا فيها هادشي متنكرش ولكن كانت كتكول غير ناس الهاي لي كيعيشوه ماشي عائلتها ناس على قد حالهم كيبغيو بعضياتهم مخاصهم والو وبعاد من مشاكيل ناس وقفات وبقات كتشوف فالبيت لي هيا فيه...
جاها رجولي شوية نموسية وغطاها لي كان فالقهوي مخادها لي كانو من الجلد وربية لي مخطة بحال الحمار الوحشي كانت راقية وفنفس الوقت رجولية
أليف:كلست)عطاونا بيت يكملو خيرهم ويعطيوه لينا ديال لبنات اوف فينك امجدولين وعمر توحشتكم،تلاحت على نموسية كتفرج فسقف حتى داتها عينيها..
أصبحنا وأصبح الملك لله
💪تلك المعركة التي تخوضيها بداخلك ٱطاحت بك أرضًا,لكنك ستقفين بعدها لتكوني أقوىٰ وأعظم في عين نفسك ,إياكِ أن تستسلمي !
أليف:ايي اراسي معرفت شحال ساعة(مطات ايديها لتيليفون شعلاتو بانت ليها10 شهقات)ويلي ويلي والله حتى خمرت ممالفاش ليا دغية قفزات فتحت باليزاة ديالها جبدات شيتة ودونتيفريس حكات سنانها وغسلات وجها جبدات سروال كحل منقط بالبيض مفضفض مع شوميز ديال كتعقد عند الكرش وطربوش معاهم لبسات حوايجها وجمعات شعرها جنب على شكل ضفيرة رشات ريحتها ليكانت مزيج بين رائحة البوميلو وزهرة الباشون والعنبر الماسي دارت صندالة صيفية فرجليها وخرجات سدات الباب من وراها وتبعات طريق منين دخلات لبارح مشات لصالون فين كان صالة مونجي لقاتهم كولهم مجموعين على طبلة من غير جسور لي مكانش
أليف:صباح الخير عليكم كيف صبحتو مزيان؟
عماد:صباح نور ابنتي كيبقيتي رتاحيتي شوية
أليف:الحمد لله اسي عماد
عماد:كولي ليا غير عمي حسن انا وباك راه صحاب وخوت
أليف:احم مدامتك كاع ماشفتها واش مسافرة،فاروق زطم ليها على رجليها باش تسكت
عماد:اححم لا أبنتي مراتي ميتة هادي شحال
أليف:تزنكط)اه سمحليا مكنتش عارفة(لقوة لعسرية أ أليف مكتسديش درقوشك)،تسمع صوت خطوات تقال هابطين مع دروج طليت براسي ورا راس بابا كيبان ليا ميستر كروفيتا لاوية هابط هاي هاي على الاناقة ماسويهلش ليك لخوينز ضارب ليك سروال كلاص بيض مع قميجة فنفس اللون مع فيست فالبلو غوا ساعة حديدية فيديه وريحتو سابقاه الى شميتيها تكول خليط بين خشب صندل وليلك وقف علينا بحال البوليسي
جسور:صباح الخير
عماد:صباح النور الولدي
الكل:صباح الخير
جسور: الوليد انغيب هاد صباح وراني ساد تيليفون بغيت انعلمك الى كانت شيحاجة راه وصيت رضوان واخا
عماد:علاش شنو كاين هاد صباح،تسمع صوت انثوي رقيق وراهم
......:حبيبيييييي،كنت كنخشي فوجهي حتى سمعت هاد تحلوين خلاني انا لي بنت نتلفت كتبان ليا وحدة واقفة كيبحال دوك مانكانت لي فالبوتيك ميني جيب قصيورة كتبري وكلها هدوب صندالة عالية كحلة مع وشم فجنب رجليها على شكل وردة شوميز بيضة بلا ليدين وبوندو بحال تاج على شعرها تمات داخلة كتغنجى بشوية عليا
أليف:عمي مديرهاش مني قلت صواب بحال الى سمعت ديك خيتي عيطات على ولدك غوريلا ومدار والو،تسمعات ضحكت عماد فصالون كولو
عماد:ههههههه اووف أبنتي بحالك بحال باك فيكم ضحك بزاااف لا أبنتي عيطات ليه كويلا روسا جسور تعرف فإيطاليا حيت اغلب سباقات كانو كيدارو فإيطاليا وكان عايش تما مدة طويلة وسماو عليه لكويلا روسا هيا النسر الأحمر وبقا هداك هو لقب ديالو قليل لي كيعيط عليه بجسور
أليف:علات حجبانها)هاكاك دابا عاد فهمت همم،شافت جيهت جسور لقاتو كيشوف فيه عاكد غوباشتو
جسور:سيفيانا مشينا،حنا مقديتش نحبس من ضحك شركات ليا بضحك
أليف:هاهاها سمحو سمحوليا انوض واكواك امي كرشي مابقيتش قادة،تخطيتهم وانا ميتة بضحك بسيف بسيف مسكين مايكون معقد فحياتو بقدو وبقامتو وحتى واحد مكايرفض ليه طلب ولي تكالت كدار وكولشي داير ليه حساب وخطيبتو أسميتها ليسبيانة لالا حتى لهادي وبراكة اوووف وكواك، خرجت على برا حتى يضربني البرد ورتاحيت عاد تميت راجعة كيبانو ليا بجوج كيهضرو #أكويلا (جسور)عينيه حمرين
أكويلا:انت عارفة مزيان مكنحملش لي يلوي ليا دراعي ياك كلت ليك نسالي شغالي وانجي علاش زعمة جايا حتى لهنا
سيفيانا:كتدوز ايدها على صدرو)حبيبي انا كنت بغيت نديرها ليك سوربرايز وانت ديما الخدمة لخدمة عفاك عطيني غير شوية من وقتك،شدها من عنقها بجهد وقربها لعندو
سيفيانا:وأنا كنموت على العقوبات ديالك(عضات على شفايفها)،جرها بجهد لجيهت فمو،دغية رجعت راسي لور وانا كنشوف هاد الوحش لي قدامي لالا باين فيه مكيرحمش علم الله ديك لي ماتت مسكينة اش دار ليها باين هو مول الفعلة خاصني نحصلو مافيهاش
جسور:كيقاد قميجتو)الفيلا ديال جبل؟
سيفيانا:اووه يس بيبي،أليف كتبرقق فعويناتها تسلتات بشوية على صباع رجليها رجعات لبيتها بالخف هزات ساك صغير كديرو على جنب وهبطات منين جات بانت ليها اسيفيانا واقفة بوحدها سبقاتها بلاما تشوفها مشات لكاب فين كانو بزاااف ديال طوموبيلات شافت جيهت الباب لي كارد عاطيين بضهر
أليف:فين طوموبيلتو فين انركب فليمونية ولي ليها ليها..
سديت عليا وبقيت قابة عينيا وساكتة كنتسنا شي حس سمعت صوت ديال شي حد جاي..
جسور:طلعي شنو كتسناي نحل ليك الباب؟
سيفيانا:همم معرفتش علاش بعد المرات كنحس بيك مكتبغينيش
جسور:واش انباتو هنا ولا حسن نتراجع؟😡
سيفيانا:لا بب هاني،طلعات سيفيانا حدا جسور ديمارا طوموبيل وخرج من الباب لوراني للفيلا
سيفيانا:حبيبي هاد طوموبيل ممناسباش لفيلا ديال جبل،مع قالها فرانة او وقف شاف فيها ونطق:
جسور:لأول مرة كتكولي شيحاجة صحيحة،هز تيليفون ديالو مجاش فين يكمل سونيط لولة تشد الخط
جسور:وي رضوان انا فطريقي لفيلا ديال جبل راك عارف شنو كاين اليوم المهم عينك على الفيلا ولي فيها بلاما نوصيك اوكي...قطع مع رضوان وتسلم طوموبيل من الكارد وعطاه سوارت طوموبيل لوخرا يرجعها لدار....
#فالكوفر
أليف:لا والله حتى تخنقت انطل غير بشوية نشوف اش كيديرو،بدات كتحاول طلع من تحت لكراسة لورانيين
كارد:ممم شش شكون انت ععفاك عفااك متأدينيش عفاك يارب تحميني يارب،كيدير شعار المسيح)انا مأمن مأمن بالعفاريت ولكن ولكن عفاك متأدينيش عارف انا لي جيتك منين قريت كتاب الأرواح،أليف شداتها ضحكة ولكن عبسات وقرات تمشي معاه فهبالو
أليف:بصوت سحارات)اهاهاهاه ولكن أنا عجباتني عنكرتك هاهاها دايرة بحال شوارما وانا فيا جوع ولي فيه جوع شنو خاصو يدير كول لبوك يلعن بوك كول
الكارد:مممم يياكل ياكل(البولة بغات تخرج ليه)
أليف:كدور فراسها بحال ليكزورسيست)هاااا وانا جيعانة وخاصني ناكل منين نبداك من عينيك لي كي بوعبولة ولا حناكك لي كيلخردولة ولا قنانفك لي كي صوصيطة عرفتي بزازل لحولي بنانين سبحان الله بزازلك ابزازل الحولي وانا فيا جوع جوع شمهروج بردقوش خردقوش
الكارد:عفاااك عفاك ندير ليك لي بغيتي لي بغيتي امتقيسينيش راه عندي وليدات (كيبكي)...
#نيويورك
قدام بيسين كبير كالس كيشرب فالقهوة ديالو المفضلة داير رجل على رجل شعرو مسرحو على جنب نظاظر مغطيين عينيه حضورو طاغي حتى من لخدم كيكونو حداه حادرين راسهم جا الخدام حاني راسو وهاز تيليفون فيديه:
الخادم:ميستر دراكيلا تيليفون ليك،شد تيليفون عندو بلاما يشوف فيه
دراكيلا:شنو كاين مزيان مزيان(مع إبتسامة خفيفة)دابا عجبتيني همم بغيتك توجد ليا لفيلا لي فشيكاغو مليت من صداع بغيت نرتاح شوية ومنها نشوف العصفورة ديالي صغيرة واش مزال كطلع منها لعافية ولا ولات دخان(كيضحاك بصوت عالي كيزلزل الأرض😈😈)قطع تيليفون وسها وكيهضر
أليف:هيهيهي مامشيت فين يلاه يلاه شوف كدامك ولا نعوجك يلاه،رجع كيترعد وكمل طريق ديالو...
#الفيلا_ديال_جبل
جسور:ماباغيش كترت الناس بزااف كلتي انكونو غير انا وياك وصحاب لي قراب ليك ممنوع صحافة تكون مفهوم
سيفيانا:كتحلون عليه)بيبي ولكن هادا راه عيد ميلادي وبغيت ناس كلهم يشوفو سيفيانا وميستر أكويلا روسا كداش فرحانين
جسور:برودة)وقيلة هضرت وقيلة كلت لي عندي وانت عارفاني نخليك ونزيد وشوهتك يعاودوها المجلات ديال أمريكا كلها
سيفيانا:كترمش اوك بيبي ميكون غير خاطرك(حدرت راسها)تسمع صوت طوموبيل وقفات قدام فيلا ديال جبل لي كانت صغيرة وبسيطة ديكورها زوين بزاف كلها خشب يجي ليها الواحد غير يرتاح،دور جسور راسو بانت ليه طوموبيلتو لي كان راكب فيها وقفات
جسور:هدا شنو جاي كيدير هنا،حيد ايد سيفيانا وخرج لبرا يعرف شنو واقع خرج عند الكارد لي كان حاني راسو وكيترعد
جسور:عاكد غوباشتو)شنو واقع ياك كتليك دي طوموبيل لفيلا ماشي تجيبها ورايا
الكارد:ممم ماشي انا(كيترعد)
جسور:كيفاش ماشي انت اش كتخربق عضر نيشان)؟
الكارد:هيا هيا جنية هيا لي كالت ليا الى مديتهاش فين كاين اتقتلني وتشويني
جسور:مكزز على سنانو)راه انا لي انشويك ونعطي لحمك لكلاب الما كلتي ليا ضنو واقع
الكارد:شوف لور وانت تعرف هيا هيا لور انا انا معارف والو معارف والو مابغيت والو بغيت انمشي عند ولادي مابغيت والو(كيكولها وغادي كيجري هربان)أليف مخبية ورا طوموبيلت جسور ومينة بضحك بالخف قدات تهرب دغية قبل ميشوفها شي واحد،جسور بقا مستغرب من تصرفات لكارد قلب طوموبيل مبان ليه والو كيشوف فطريق وفجيهت لفيلا مكيان حتى حاجة لي كتير الانتباه وهو واقف بداو طوموبيلات كيوصلو وحدة بوحدة تصنع الضحكة وبدا كيستقبل الناس خرجتت عندو سيفيانا متوترة:
سيفيانا:باستو فحنكو)اوكي بيبي،غير هوما دخلو خرجات أليف من ورا طوموبيل
أليف:همممم هيا اليوم عيد ميلاد ديك ليسبيانة هممم صراحة عجباتني هاد لعبة ديال جنون ومع ليلة ايكون نشاط شحال هادي مالعبت نيت اراك لفراجة زغرتي يا إنشراح الي كاي أحلى من إلي راح رورورورورورورويييي........
قصة عصفورتي من نار سبيد
محتوى القصة
التنقل بين الأجزاء