رنيم: (ضرباتو ليديه) بعد مني خليني نقرا.. شدات راسها بيديها وحادرة كتشوف فوراقها واوستن كيشوف فيها بكل حب
اوستن: اجي نعاونك
رنيم: زعما غادي تعرف
اوستن: نسيتي بلي عندي الدكتوراة وكنت داير نفس التخصص
رنيم: (عوجات فمها) ممم ياله ورينا مهاراتك
اوستن: (خربقليها شعرها) قربي عندي
رنيم: (قدات شعرها) اوكي... جرات الكرسي حداه وبداو كيقراو... منغامسين بجوج فالقراية اوستن رجع جدي ورنيم عجبها الحال... شرحليها كاع داكشي لي مفاهماش... مشا الحال وهما مزال كيقراو حتى بدات رنيم كتفوه
اوستن: جاك النعاس
رنيم: نو غير كمل
اوستن: اوكي... شاد الستيلو كيشرحليها حتى حس بشي حاجة تكات على كتفو دار وهو يلقا رنيم ناعسة وشعرها مغطي وجهها.. ابتاسم وناض هزها.. داها لبيتها حطها فناموسيتها وغطاها
اوستن: (باس راسها) اي لوف يو... طفا الضو وسد الباب عليها.. وهو يمشي لبيتو نعس.... يوم جديد فاقت رنيم مدوخة شوية وهي تنوض كتجري.. دخلات عند اوستن لي كان مزال غرقان فنعاسو
اوستن: رنيييم سيري خليني نعس واش حماقيتي... رجع تكا ودار مخدة فوق راسو.... قربات لعندو وهي تحيدلو المخدة.. شاف فيها وهو مخنزر جبدها بيد وحدة حتى طاحت فوق الناموسية وهو يوقف عليها
اوستن: (تصدم) رنيم غير كنضحك معاك.. جلس ونوضها كيمسحليها دموعها.. وصافي احبيبة مدرتش شي حاجة لي تستاهل هاد البكا كامل
رنيم: (دفعاتلو يديه) بعد مني متعاودش تقيسني... صارحني درتيلي شي حاجة البارح.. بستيني ياك
اوستن: واش مكتقيش فيا
رنيم: (عوجات فمها) لا كنتيق فيك
اوستن: (كيلعب فشعرها) وحتى انا مدرت حتى حاجة لي نخون بيها تيقتك.. غير رتاحي وتهناي
رنيم: واخة هاحنا غنشوفو
خرجات الاغنية ودارت بوم فكندا... وجه جديد وزوين مع صوت رائع.. هادشي جذب الناس يسمعوليها وواحد كيقولها لواحد... المعجبين بداو كيبانو فاش كتكون برا.. كيعرفها مرة واحد وجوج.. اوستن معجبوش الحال بهاد الوضع بالاخص فاش كيكونو المعجبين رجال
اوستن: (بعصبية) ياله نرجعو للدار
رنيم: علاش
اوستن: زيدي قدامي... مشاو ركبو الطموبيل
رنيم: مالك
اوستن: هاد المرة متعاوديش تسلمي على الرجال سمعتيني
رنيم: وعلاش
اوستن: راني هضرت معاك قلتليك لا هي لا وبلا منتناقشو فيه
رنيم: افففف
اوستن: متبقايش ديري هكاك وبلا متزيدي تعصبيني... دورات وجهها للزاج بلا ماتجاوبو اوستن شاف فيها وعاود دور وجهو كيسوط..... بعد لحظات وقفات الطموبيل قدام الدار.. نزلات وزدحات عليه الباب وهي دخل.. تبعها وهو يشدها
اوستن: اش هاد البسالة عوتاني.. علاش تزدحي الباب وتبداي تسوطي
رنيم: (دفعاتو) سمعني انا حتى واحد مكيتحكم فيا فهمتي.. وحتى نتا معندكش الحق تتحكم فيا.. نتا عارفني مزياان كيفاش كنتعامل مع الناس ومعمري خليت شي حد يتجرأ عليا ويفوت الحدود ديالو.. كنظن هادشي فاهمو مزياان دونك بلا ديك الغيرة لي معندها معنى
اوستن: ممم اوكي سمحيلي ا انسة... خرج وزدح الباب ديال الدار حتى قفزات
اوستن: مقديتش نعس هاد اليومين خفت تنهي العلاقة لي بيناتنا
رنيم: (هزات عينيها فيه) انا تسرعت فهدرتي وحتى نتا كنتي معصب... جرها دخلها للطموبيل ومشا ركب.. كسيرا والصمت سيد الموقف حتى وصلو لواحد التلة وهو يوقف... خرج من الطموبيل وتبعاتو
اوستن: (كيشوف قدامو) كنتذكر أول مرة شفتك فيها.. أو نقولو أول مرة عرفت بلي نتي هي فتاة أحلامي.. كنت كنقول خاصني نحصل عليك وإلا غنموت... كانو عندي خطط لعلاقتنا مي دبا معندي حتى خطة.. تالف ومعارف مندير... لي عارف هو نتي أهم شخص عندي فهاد الحياة
رنيم: الى كانت الرومانسية هي تقيس فيا والبوسان والتعناق.. اسيدي انا ماشي رومانسية
اوستن: هههههه واااخة الالة.... داز الوقت وهما كيهضرو ويضحكو... ياكما جاك البرد
رنيم: (جامعة يديها عندها) ويي ياله ندخلو للطموبيل
اوستن: (قرصها فحنكها) واخة الزوينة
رنيم: جمع يديك... مشات دخلات للطموبيل وتبعها وهو كيضحك عليها...... دازو ايام وبداو كيعيطوليها للحفلات.. قبلاتهم كاملين لانهم كانو بمبالغ كبيرة ولي صعيب ترفضهم... الكونط ديالها عمر واول حاجة دارتها سيفطات الفلوس لباباها مي ماشي غير على قبل تسنيم وانما حتى شادي غادي يجي لكندا يقرا... هاد الاخير لي فاش عرف طار بالفرحة مي شرطات عليه ختو يشد الباك ديالو بنقطة كتحمر الوجه وشرطات على ختها تشد الاجازة ديالها بنقطة مزيانة.. ويسيفطوليها وراقيهم وهي لي غتكلف بدفيع الجامعات... شهر رمضان الكريم على أبوابو ولاول مرة رنيم غدوزو بعيد على عائلتها... خرجات تقدات بعض الاشياء لي غادي تحتاج رجعات هازة ساشيات بزاف.. حليها اوستن الباب
رنيم: (بابتسامة) رمضان احبيبي هو شهر فين كنصومو حنا المسلمين.. يعني كنقاطعو عن الاكل والشرب من شروق الشمس الى غروبها... هاد الشهر كيكون مرة فالعام.. وهو
ركن من أركان الاسلام بحال الصلاة... وحاجة اخرى بالنسبة ليا رمضان هو الشهر الوحيد لي كيخليني نغذي الروح ديالي ونتقرب من الله أكثر وأكثر
اوستن: واخة... ناضت رنيم دخلات لبيتها لبسات بيجامتها.. ومشات توضات وصلات صلاتها عاد مشات للكوزينة طيب.... بعد ساعة وجدات طاجين عيطات لاوستن وكارمن حطاتليهم وخلات حقها
اوستن: مغاديش تعشاي
رنيم: لا بلاتي وناكل غير بالصحة... خلاتهم كياكلو ومشات لبيتها.. صلات شوية وهزات القرآن الكريم كتقرا.. دخل اوستن شافها لقاها لابسة عباية ودايرة الحجاب وهازة القران بين يديها
اوستن: احم رنيم
رنيم: صدق الله العظيم.. وي
اوستن: دبا نتي غذا مغاديش تاكلي
رنيم: ههههه نو غادي ناكل مي حتى تغرب الشمس
اوستن: اتبقاي بالجوع وتقدري تصبري
رنيم: ربي كيوقف معانا الحمد لله.. بالصح فالايام اللولة كنعيا مي من بعد كنولف وهذا مفيد للصحة ديالنا حتى هي.. لأن الذات ديالنا كتنقا من السموم وكنعطيوها شوية دالراحة
اوستن: اوكي.. بونوي
رنيم: بونوي...... خرج اوستن وهو كيحك راسو وهي كملات قراءة القران حتى وصلات ديك 2 دالليل وناضت سخنات الماكلة.. كلات وجمعات داكشي غسلات سنانها ومشات نعسات...... يوم جديد فاقت رنيم مع 7 صلات صلاتها ولبسات حوايجها وهي تمشي للجامعة... قرات وكملات مع ديك 1.. كانت عندها الخدمة بزاف مشات للمكتبة جلسات كتقرا حتى وصلات ديك 4 وهي ترجع للدار... دخلات للدار عيانة حيدات صباطها ودخلات لبيتها بدلات حوايجها وتوضات.. صلات صلاتها مشات للكوزينة دارت الحريرة كطيب ومشات كتجمع الدار رتبات داكشي وجففات.. طلقات عود الند لي كتحمقها ريحتو وكتهدنها.. خلاتو فالصالون ورجعات الكوزينة طلقات القران وبدات كطيب... دارت الملوي معمر ومقابلة الحريرة..... تفتح باب الدار دخلات كارمن واوستن... شمو ريحة غريبة عليهم.. واحد الهالة كانت فالدار غريبة وشعور غريب حسو بيه وهما كيسمعو ايات من القران الكريم.. دخلو للكوزينة وشمو ريحة الحريرة والملوي المعمر لي كيطيب
كارمن: رنيم
رنيم: (دارت) اهلا جيتو
كارمن: اش هادشي
رنيم: شنو
كارمن: هاد الريحة الغريبة وهاد الموسيقى الغريبة حتى هي
رنيم: لا هادي ماشي موسيقى.. هذا القران كتاب الاسلام.. وهادي غير ريحة عود الند
كارمن: ممم اوكي.. مزال مكليتي
رنيم: لا مزال.. كنتسنا حتى يوذن المغرب
كارمن: (بعدم فهم) اوكي
اوستن مهضرش كاع.. واقف كيسمع حديثهم او نقولو مستغرب من اجوبة رنيم لي تقريبا اول مرة يسمعها.. كيفاش القرآن كيتقرا بهاد الطريقة لدرجة كونات شعور غريب معرفش يوصفو... شعور نوعا ما مريح ونوعا ما كيحس براسو باغي يبكي رغم انه مفاهمش الكلمات.... حدر راسو ودخل لبيتو سد عليه وجلس... هز البيسي ديالو وبدا كيقلب.. ما هو الاسلام؟... قرا وتكونات عندو اسئلة كثيرة... شغلات بالو سمع رنيم كتعيط وهو يخرج
رنيم: (بابتسامة) اجي تاكل
اوستن: ياكما عييتي
رنيم: لا معييتش... دخلو للكوزينة لقاو الطبلة محطوطة.. اكلات اول مرة يشوفوها.. جلسو ورنيم خدات تمرة فرقات صيامها وناضت
اوستن: فين غادة
رنيم: غير نصلي ونرجع.. كولو نتوما.... مشات صلات المغرب ودعات من قلبها ربي يوفقها ويرضي عليها... رجعات لقاتهم كيتسناوها
رنيم: اش كتسناو
كارمن: كنتسناوك نتي
رنيم: اوكي... كباتليهم اتاي وبداو ياكلو
كارمن: (داقت الملوي) واااو لذيذ بزااف
رنيم: هههه بصحتك.. اوستن عجباتك الماكلة ولا لا
اوستن: نو لذيذة برافو.... كلاو من داكشي وشربو العصير
رنيم: نعطيكم الحريرة دبا
كارمن: عطيني ندوقها راه ريحتها زوينة
رنيم: ونتا
اوستن: اوكي جيبي... عطات لكل واحد زلافة وجلسات حتى هي شرباتها... كملو وناضت جمعات الطبلة بغات تغسل الماعن وهي تحبسها كارمن
كارمن: غير خليك انا نغسلهم نتي راك عييتي
رنيم: اوكي ميرسي بوكو.. مشات لبيتها تكات فوق الناموسية كترتاح... غمضات عينيها حتى حسات بالحركة وهي تحلهم
رنيم: اووستن بغيتي شي حاجة
اوستن: بغيت نسولك على شي حاجات
رنيم: (جلسات) وي شنو كاين
اوستن: نتمنا تجاوبيني بكل صراحة.. ومتقلقيش من اسئلتي
رنيم: نو مغاديش نتقلق سول براحتك
اوستن: دبا الاسلام كيقول بلي الهكم واحد ياك
رنيم: (ابتاسمات) اه بطبيعة الحال.. الله اله واااحد
اوستن: والاله شكون خلقو
رنيم: نتا عارف بلي الاله هو الخالق ياك
اوستن: اه
رنيم: ودبا كتسولني شكون خلق الخالق ياك
اوستن: بالضبط
رنيم: دبا من سؤالك رجعتي الله خالق ومخلوق وهذا في حد ذاته تناقض.. ميمكنش يكون الخالق هو مخلوق أيضا.. كتعرف الفيلسوف أرسطو... فقد استطرد في تسلسل الأسباب قائلاً : إن الكرسي من الخشب والخشب من الشجرة .. والشجرة من البذرة .. والبذرة من الزارع .. واضطر إلى القول بأن هذا الاستطراد المتسلسل في الزمن اللانهائي لابد أن ينتهي بنا في البدء الأول إلى سبب في غير حاجة إلى سبب .. سبب أول أو محرك أول في غير حاجة إلى من يحركه .. خالق في غير حاجة إلى خالق .. وههادشي نفسو لي كنقولوه او كينطابق على الله
اوستن: وشنو هو الدليل على وجود الله
رنيم: الله هو الدليل الذي لا يحتاج إلى دليل .. لأنه الله الحق الواضح بذاته .. وهو الحجة على كل شيء .. الله ظاهر في النظام والدقة والجمال والإحكام.. في ورقة الشجر.. في ريشة الطاووس.. في جناح الفراشة.. في عطر الورد.. في ترابط النجوم والكواكب.. في هذا الكون بصفة عامة..
اوستن: (بعد صمت) وعلاش منقولوش بلي كاينين آلهة كثيرة وكل اله مختص فشيء؟
رنيم: سؤال جميل.. اوكي.. إذا أخذنا مثال تشريح واحد.. تشريح الضفدعة ، والأرنب ، والحمامة ، والتمساح ، والزرافة ، والحوت ، يكشف عن خطة تشريحية واحدة ، نفس الشرايين والأوردة وغرفات القلب ، ونفس العظام ، كل عظمة لها نظيرتها .. الجناح في الحمامة هو الذراع في الضفدعة .. نفس العظام مع تحور طفيف ..والعنق في الزرافة على طوله نجد فيه نفس الفقرات السبع التي تجدها في عنق القنفذ .. والجهاز العصبي هو هو في الجميع ، يتألف من مخ وحبل شوكي وأعصاب حس وأعصاب حركة .. والجهاز الهضمي من معدة واثني عشر ، وأمعاء دقيقة وأمعاء غليظة والجهاز التناسلي نفس المبيض والرحم والخصية وقنواتها .. والجهاز البولي الكلية والحالب ، وحويصلة البول .. ثم الوحدة التشريحية في الجميع هي الخلية .. وهي في النبات كما في الحيوان كما في الإنسان، بنفس المواصفات، تتنفس وتتكاثر وتموت وتولد بنفس الطريقة .. فأية غرابة بعد هذا أن نقول إن الخالق واحد؟ .. ألا تدل على ذلك وحدة الأساليب.... ولماذا يتعدد الكامل ..؟ وهل به نقص ليحتاج إلى من يكمله ؟ إنما يتعدد الناقصون... ولو تعدد الآلهة لاختلفوا ، ولذهب كل إله بما خلق ، ولفسدت السماوات والأرض , والله له الكبرياء والجبروت وهذه صفات لا تحتمل الشراكة ..
اوستن: الصمت
رنيم: (قربات لعندو وشدات يدو حطاتها على قلبو) هنا كاين الله.. وجود الله كنتأكدو منو من خلال ضميرنا وقلبنا.. نساا المغالطات لي عارف على الاسلام وحاول تعرف عليه من جديد... انا غنكون جنبك فكل خطوة غادي تخطيها.. وغادي نكون فرحانة بزاااف الى رجعتي مسلم
اوستن: (شاف فيها) معرفتش
رنيم: انا مطلبتش منك اليوم تسلم... اصلا ميمكنش خاصك تقرا وتلقا اجوبتك كاااملين.. خاصك تقتانع 100 ف100 عاد كتجي الخطوة الاخيرة لي هي دخولك للاسلام ان شاء الله
اوستن: (حك راسو) واخة... ناض خرج وهي تنوض رنيم صلات ودعات الله يعاونها باش تبين لاوستن الطريق الصحيحة.. وكتمنا من كل قلبها يدخل للاسلام
يوم جديد دوزاتو رنيم برة كيف العادة رجعات للدار عياانة.. حلات الباب وهي تلقا اوستن جالس كيتفرج وكياكل البيتزا شافها وهو ينوض لعندها
اوستن: مالك
رنيم: والو غيير عييت
اوستن: اجي جلسي ترتاحي... مشا هز ديك البيتزا داها للكوزينة ورجع لعندها لقاها متكية ومغمضة عينيها.. مشا جاب غطا غطاها وجلس كيشوف فيها.. تنهد وناض من حداها....... حلات عينيها وهي تلقا الظلام قفزات من بلاصتها حتى شداتها الدوخة... ناضت شادة فراسها هزات تيليفونها لقات باقة ساعة على المغرب... هزات صاكها ومشات كتجر فرجليها لقات كارمن واوستن فالكوزينة
رنيم: اوكي.... بدلات حوايجها وتوضات وصلات صلاتها.. رجعات للكوزينة لقاتهم حاطين الطبلة ومسخنين الحريرة لي بقات.. شوية وهو يودن جلسو مجموعين فرقات صيامها ومشات صلات وهي ترجع... فطرات رنيم عاد رجعات فيها الروح ناضت كارمن هي لي جمعات الطبلة وغسلات الماعن.. بقات هي جالسة
كارمن: (بحماس) شناهيا... مدات لكل واحد فيهم القران الكريم
رنيم: هذا هو القران.. مشيت قلبت عليه وراه مترجم... غادي نكون فرحانة الى قريتوه.. وبالنسبة لك ا اوستن هنا كاينين الاجوبة ديالك... البارح مبغيتش نعطيك اجوبة من الايات الشرعية وانما من العلم لي كتامن به... وفالقران غادي تلقا اشياء عاد اكتاشفوها العلماء وهي كاينة هنا منذ قرون.... اوستن خداه من عندها بدون ميتكلم
كارمن: اصلا كنت باغية نقوليك فين نلقاه متحمسة نعرف الدين الاسلامي
رنيم: مزيان واي حاجة احتاجيتيها سوليني عليها ونقدرو نبحثو عليها انا وياك
دازت الايام ورنيم مجبداتش موضوع الاسلام مع اوستن خلاتو على خاطرو على عكس كارمن لي كانت متحمسة ومتعطشة للمعلومة... ورنيم مبخلاتش عليها بداكشي لي عارفة وحتى فاش كتوحل كتمشي تقلب وتجيبليها المعلومة صحيحة... هاد النهار صبحات لالة رنيم فاطرة حيت البارح زارتها خالتنا هههه... ناضت لبسات حوايجها ومشات تقرا هي وكارمن.... كملو ورجعو للدار مكانش اوستن... مشات رنيم للكوزينة وجدات ماكلتها وجلسات كتاكل
كارمن: (باستغراب) اش كديري
رنيم: هههه مالكي مخلوعة راه فيا ليغيكل والله عاطينا الحق ناكلو رمضان ففترة العادة الشهرية هذا ماكان
كارمن: ههههه ااه اوكي... مشات كارمن لبيتها وجلسات رنيم كتاكل على خاطرها حتى حسات بشي حد وقف عليها.. هزات راسها غير شافت اوستن وهي توحليها
رنيم: كح كح كح... عطاها الما شرباتو وهي كدور فعينيها
اوستن: (باستغراب) علاش كليتي.. ياك قلتيلي غادي تصومي شهر
رنيم: ممم
اوستن: جاوبيني مالك
رنيم: انا.. انا
اوستن: نتي شنو
رنيم: احم دبا فرمضان عندنا واحد الوقت نقدرو ناكلو فيه
اوستن: كيف كديري تعرفي هاد الوقت
رنيم: هاا
اوستن: كيفاش كتعرفي الوقت لي خاصك تاكلي فيه
رنيم: (عوجات فمها) هكاك وصافي
اوستن: (بتشكيك) كيفاش هكاك وصافي
رنيم: (ناضت) جاتني ليغيكل وخاصني ناكل صافي ارتاحيتي... ضربات فيه وخرجات خلاتو مصدوم وفنفس الوقت كيضحك..... دخلات لبيتها وجلسات فوق الناموسية كتويل حتى دخل عندها غير شافتو وهي تكحل بالعما
اوستن: انا قريت تقريبا النصف من القران وعرفت بلي كاين رسول سميتو مهمد
رنيم: كتقصد الرسول محمد صلى الله عليه وسلم.. وي مالو
اوستن: المهم شفت بلي نزل عليه الوخي وعن طريق ملاك سميتو كبريل
رنيم: الملاك جبريل اه شنو سؤالك
اوستن: دبا نتي واش تيقتي بلي كاينين الملائكة ونزل من السما؟؟؟ يعني حنا دبا فعصر متقدم مغاديش نتيقو انه كاينين ملائكة مكنشفهومش.. وزعما علاش منقولوش بلي رسولكم هو لي كتب القرآن؟؟
رنيم: مممم اوكي...اولا حنا فعصر يسهل فيه تماما أن نصدق بأن هناك ملائكة لا ترى، وبأن الحقائق يمكن أن تلقى إلى الإنسان وحيا.. اليوم كيتكلمو عن كواكب بعيدة وأشعة غير منظورة تقتل، وأمواج لاسلكية تحدد الأهداف وتضربها.. وصور تتحول إلى ذبذبات في الهواء ثم تستقبل في أجهزة صغيرة.. وكاميرات تصور الأشباح.. وعيون ترى في الظلام.. ورجل يمشى على القمر.. وسفينة تنزل على المريخ.. ماشي غريب نسمعو أن الله أرسل ملكا خفيا من ملائكته.. وأنه ألقى بوحيه على أحد أنبيائه.. لقد أصبح وجود جبريل اليوم حقيقة.. وأقل عجبا وغرابة مما نرى ونسمع كل يوم... وبخصوص هل محمد (ص) هو الذي ألف القرآن؟.. لأن القران بشكله وعباراته وحروفه وما احتوى عليه من علوم ومعارف وأسرار وجمال بلاغى ودقة لغوية هو مما لا يدخل في قدرة بشر أن يؤلفه.. فإذا أضفنا الى ذلك أن محمدا عليه الصلاة والسلام كان أميا، لا يقرأ ولا يكتب ولم يتعلم في مدرسة ولم يختلط بحضارة، ولم يبرح شبه الجزيرة العربية، فإن احتمال الشك واحتمال إلقاء هذا السؤال يغدو مستحيلا.. والله يتحدى المنكرين ممن زعموا أن القرآن مؤلف.... أظن انني جاوبتك على اسئلتك
اوستن: (ناض من على رجليها) اه جاااوبتيني... خلال نقاشنا المرة الفايتة قلتي بلي الله كيمتاز بالكمال.. وقريت فالقران بأن الله رؤوف ورحيم... هنا لقيت تناقض
رنيم: (بتساؤل) فيناهو تناقض
اوستن: الى كان الله كيفما كتقولي كامل ورؤوف ورحيم علاش خلق الشر.. المرض، الشيخوخة، الزلازل، البراكين وزيد وزيد
رنيم: ممممم اوكي... لأن الله أرادنا أحرارا .. والحرية اقتضت الخطأ ولا معنى للحرية دون أن يكون لنا حق التجربة والخطأ والصواب .. والاختيار الحر بين المعصية والطاعة
وكان في قدرة الله أن يجعلنا جميعا أخيارا وذلك بأن يقهرنا على الطاعة قهرا وكان ذلك يقتضي أن يسلبنا حرية الاختيار
وفي دستور الله وسنته أن الحرية مع الألم أكرم للإنسان من العبودية مع السعادة .. ولهذا تركنا نخطيء ونتألم ونتعلم وهذه هي الحكمة في سماحه بالشر
ومع ذلك فإن النظر المنصف المحايد سوف يكشف لنا أن #الخير في الوجود هو #القاعدة وأن #الشر هو #الاستثناء ..
فالصحة هي القاعدة والمرض استثناء ونحن نقضي معظم سنوات عمرنا في صحة ولا يزورنا المرض إلا أياما قليلة .. وبالمثل الزلازل هي في مجملها بضع دقائق في عمر الكرة الأرضية الذي يحصى بملايين السنين وكذلك البراكين وكذلك الحروب هي تشنجات قصيرة في حياة الأمم بين فترات سلام طويلة ممتدة..... ثم أننا نرى لكل شيء وجه خير فالمرض يخلف وقاية والألم يربي الصلابة والجلد والتحمل والزلازل تنفس عن الضغط المكبوت في داخل الكرة الأرضية وتحمي القشرة الأرضية من الانفجار وتعيد الجبال إلى أماكنها كأحزمة وثقالات تثبت القشرة الأرضية في مكانها، والبراكين تنفث المعادن والثروات الخبيثة الباطنة وتكسو الأرض بتربة بركانية خصبة .. والحروب تدمج الأمم وتلقح بينها وتجمعها في كتل وأحلاف.. وأعظم الاختراعات خرجت أثناء الحروب .. الذرة الصواريخ الطائرات النفاثة كلها خرجت من أتون الحروب.... ومن سم الثعبان يخرج الترياق.. ومن الميكروب نصنع اللقاح.... هذا هو الجواب...... خرج اوستن من البيت بلا مايجاوبها وخلاها جالسة كدعي معااه
اوستن من داك النهار معاودش بان وفاش سولات كارمن قالتليها بلي رجع لدارو...
كارمن: قررت نصوم غذا
رنيم: واش بالصح ولا كضحكي
كارمن: نو بالصح بغيت نجرب هاد الشعور
رنيم: (بفرحة) واخة.... تجمعو بجوج دارو الصحور وهما كيهضرو ويضحكو... كلاو وناضو نعسو... يوم جديد صبحو وهما فالجامعة كيقراو
كارمن: (كتجر فرجليها) نااري عييت
رنيم: ههههه مزال ياله ل11 هادي وعييتي
كارمن: واييه بازليكم اختي
رنيم: ههههه غير كتقولي هكا وراه فاللول عادي يجيك هكا هانتي غتشوفي مع ديك 3 كاع مغادي تحسي بوالو
كارمن: اوكي.... كملو قرايتهم ورجعو للدار
رنيم: ياله سيري بدلي واجي نوجدو الفطور
كارمن: لا مقاداااش نتحرك خلي حتى نطلبو شي حاجة واجدة
رنيم: هذا هو شعور رمضان... رمضان هو الشهر الوحيد فين كنغذيو روحنا.. وكنتقربو من الله سبحانه وتعالى
كارمن: فالصراحة حسدتك على هادشي
رنيم: مغاديش نقوليك دخلي للاسلام حيت هذا قرارك وخاصك تكوني مقتاانعة باش تخطي هاد الخطوة
كارمن: وي عارفة.... سكتو وكملو شغلهم وكل وحدة سرحات فتفكيرها.. كارمن دخلات حتى هي للمتاهة ورنيم كتفكر فاوستن وفالميساجات لي كتصيفط ومكاين حتى اجابة......... وذن المغرب تجمعو كيفطرو وكارمن فرحانة حيت كملات النهار وجربات شعور جديد عليها... سمعو الدقان ناضت كارمن حلات الباب ورجعات للكوزينة هي ولورا
لورا: (بنفخة) هاي
رنيم: سلام.... جلسات معاهم
لورا: (كتشوف فالطبلة) واش دايرين حفلة اش هاد الاطباق كاملة
كارمن: كنت انا ورنيم صايمين
لورا: كيفاش
كارمن: يعني مكليناش النهار كامل.. فهاد الشهر كينقاطعو المسلمين عن الاكل
لورا: واش حماقيتي بغيتي تقتلي راسك
كارمن: لا محسيت بوالو بالعكس عجبني الحال
لورا: ممم اوكي
كارمن: ايوا كيغادة مع الخدمة
لورا: مزياان بما ان اوستن شاف ديالي دونك الخدمة كدوز زويينة هههههههه
لورا: ويي سافااا البارح دوزنا ليلة واااعرة هههههههه.... ناضت رنيم بالزربة دخلات لبيتها وسدات عليها.. نزلات دمعة من عينيها وهي تمسحها
رنيم: الى عاودت صيفطليك شي ميساج راه ماولد فيا عادل غير الخلا
تكات رنيم فوق ناموسيتها كتفكر حتى نعسات... حلات عينيها على شي حد شاد يديها لقات اوستن
اوستن: (باس يديها) توحشتك
رنيم: (جرات يديها) بعد مني وخرج من بيتي
اوستن: (باستغراب) رنييم مالك
رنيم: (ناضت كدفع فيه) خرج ومتعاودش تهضر معايا هئ هئ
اوستن: (شد وجهها) علاش كتبكي.. شنو واقع
رنيم: ماشي سوقك... خرجاتو وسدات عليه الباب وجلسات كتبكي.... مشا اوستن عند كارمن ولورا لي كانو جالسين فالبيت
اوستن: كارمن مال رنيم
كارمن: اجي معايا... مشاو للكوزينة.. احم لورا قبيلة قالت قدام رنيم بلي نتا وياها قضيتو البارح ليلة مع بعضياتكم
اوستن: كيفااش
كارمن: هادشي لي قالت لورا وباينة رنيم معجبهاش الحال... مشا اوستن نيشان عند لورا
اوستن: شفتيني البارح
لورا: (بتوتر) لا
اوستن: اوا الكلبة علاش كتقولي شي حاجة مكايناش لحبيبتي
لورا: كتعايرني على قبل ديك المسلمة ياااك نتا مكتحملهومش شنو لي غير رأيك
اوستن: كنبغييييها فهمتي ودخلي سوق راسك وبعدي منها والا غيكون عندي تصرف اخر معاك.. انا مزال مكالمي على ود ديك سنين المعرفة مي هاديك حبيبتي ولي قلقها راه قلقني انا ولي مكيحملهاش اذن مكيحملنيش حتى انا.. فهمتي..... خرج من البيت ساخط شاف رنيم واقفة وعينيها مدمعين... حل الباب وخرج... هزات لورا صاكها وهي معصبة ضربات فيها
لورا: غادي يدوز بيك يامات ويلوحك كيفما لي قبل منك... قربات عندها رنيم وهي كتبتاسم
رنيم: الحقد والغيرة لي فقلبك كيقتلو فيك ههههه بقيتي فيا احبيبة..... دارت مشات لبيتها وبقات لورا واقفة مصدومة.. خرجات وزدحات الباب وهي كتحلف فيها
كارمن: (تبعات رنيم) رنيم واش مزال مقلقة من اوستن
رنيم: لا راه هو لي مقلق مني
كارمن: نو ميقدرش يتقلق منك.. شوية تلقايه حدا راسك هو راه كيبغيك بالصح.. معمري شفتو داير علاقة مع بنت بهاد الجدية
رنيم: مي انا غوت وجريت عليه
كارمن: عادي راه غادي يتفهمك... ياله اجي نديرو العشا راه 2هادي ونتي غذا صايمة ولا نسيتي
رنيم: واش هاد المصيبة لي جات تخليك تذكري شي حاجة... ناضو للكوزينة ياله بغاو يبداو حتى سمعو الدقان.. مشات كارمن حلات الباب ورنيم بغات تبدا توجد.. دخل اوستن هاز البيتزا فيديه
اوستن: حبيبتي.. دارت رنيم شافتو وابتاسمات قرب لعندها باس راسها وبعد... سمحيلي على داكشي لي سمعتي من هاديك
رنيم: انا لي سمح..
اوستن: (قاطعها) نتي ماعندك مناش تعتادري.. ياله اجي تاكلي... جلسو فوق الطبلة كل واحد شاد بيتزا كياكلو ويهضرو
رنيم: علاش مكنتيش كتجاوب على ميساجاتي
اوستن: كنت محتاج وقت نفكر فيه
دخلات رنيم للشركة مشات نيشان عند السكرتيرة
رنيم: كاين موسيو سفيان
السكرتيرة: وي شكون نتي
رنيم: صديقة
السكرتيرة: اوكي خاصك تسناي شوية حيت هو فاجتماع دبا
رنيم: انا مكنتسناش... مشات للبيرو ديالو حلات الباب كان جالس مع بنت كيخدمو شافها وهو ينوض
السكرتيرة: سمحلي مقديتش نحبسها
سفيان: اصلا مخاصكش تحبسيها صافي غير سيري
رنيم: (عنقاتو) توحشتك
سفيان: حتى انا.. علاش مقلتيليش جاية نتعرضليك
رنيم: (حيدات نظاظرها) حتى واحد مكان عارف
سفيان: رنيييم مال عينيك منفوخين واش كنتي كتبكي.. شنو واقع
رنيم: (عنقاتو) ختك كتعدب اسفيان هئ هئ
سفيان: (دار عند البنت) اكرام من بعد ونكملو ممكن تفضلي
بابا: منين شفتك بيخير راه حتى انا بخير....... تجمعو على الهضرة والمعاودة حيدو داك الشوق لي كان فيهم... رنيم فهاد الوقيتة نسات كلشي وعطات الوقت للعائلة لي رباتها وتعبات عليها مبغاتش شي حاجة تخسرليهم الجلسة.... بقاو هكاك حتى ناضت ماماها حطات العشا وتجمعو عوتاني على الماكل
رنيم: الدين هو العائق الكبير فعلاقتنا.. وميمكنش نستامر فعلاقة عارفة بلي مغاديش تنتاهي بالزواج يعني غنبقاو معلقين هكا... بسلامة
اوستن: (شدها) لا ارنيم انا كنبغيك متخلينيش
رنيم: هذا ماشي الوداع.. هو فقط استراحة حتى نلقاو طريقنا وفحالة كانت طريقك هي طريقي كون متاكد غادي نتلقاو مرة اخرى.. بعدات عليه وخرجات من الكافي بالزربة... غير فاتت الباب دموعها بداو كينزلو
《 تجبرنا الحياة بعض الاحيان على اتخاذ قرارات صعبة.. قرارات قد تسبب جروح في قلوبنا وارواحنا.. قرارات صعبة للغاية تكاد تقتلنا... لكن ماذا عسانا ان نفعل امام هذه الحياة وماذا عسانا ان نقول امامها.. الحياة كلمة صغيرة لكن مفهومها عميق... من لا زال لم يتعلم من مدرسة الحياة فهو جاهل... الحياة تعلمنا كيف نبقى صامدين امام كل العواصف.. الحياة تعلمنا كيف نخفي آلامنا وجروحنا ونقابل التحديات بشموخ وتعالي》
#الحاضر
مسحات دموعها لي نزلو.. قلبها مزال مستوعب هادشي لي واقع.. حاجتو لاوستن اكبر بكثير مما كنتخايلو فهو الحب الاول... والحب الاول لا ينسى
شادي: (خسر وجهو) وا هداي راه غير كنضحك معاك... ديني معاك حتى انا
رنيم: شد الارض.... خرجات رنيم وكارمن مشاو شافو الدار وتافقو مع مولاها على حساب الكرا... كملو ومشاو كيشوفو على حساب الفراش.. كان فيها شي فراش مي بغات تزيد شي حويجات... كملو ورجعو للدار
انتاقلات رنيم مع خوتها لدارهم الجديدة.. كانت كبيرة وزوينة وكل واحد عندو بيتو.. مشات معاهم حتى تسجلو فالجامعات وقادو امورها
تسنيم: ساليتو ولا مزال... دارو شافو فيها وهما يضحكو
رنيم: اجي الحبيبة ديالي وتوأمي... عنقاتها.. غرتي
تسنيم: (عوجات فمها) لا علاش غادي نغير
رنيم: غذا حتى نتي غنسجلك معاه.. مهمتكم تشدو البيرمي صافي
تسنيم: واخة
رنيم: وغادي ناخذليك حتى نتي طموبيل غيير ضحكي
تسنيم: (حابسة الضحكة) مممم اوك
رنيم: مالكي معفرة علينا.. راني عارفاك تلقاك كتشطحي من الداخل
تسنيم: هههههه وصافي زيدو راني غادي نتعطل
رنيم: زيدي القراية ديالنا
شادي: كنبغيكم... تحشا فوسطهم وعنقهم بجوج.. دخلو بثلاثة وهما كيضحكو.... تفارقو وكل واحد مشا لقسمو..... دازت الايام غير فالقراية ورنيم بدات كتوجد للبروجي ديال التخرج ديالها... دارت اغنية جديدة لي دارت بووم فكندا وتشهرات حتى خارج كندا... عيطوليها بزاف ديال الحفلات تحييهم ووافقات..... اليوم كانت عندها الحفلة.. جالسة كتلبس وتقاد
تسنيم: بون كوغاج
رنيم: ميرسي حبيبتي.. خرجي جلسي
تسنيم: اوك انا غادية
رنيم: اوك... خرجات رنيم وبدات فالغناء كلشي حماق عليها
تسنيم: حمقتيني اختي بالاخص فاللقطة لي حيدوليك الحوايج... شفتي فاش بداو كيغوتو الناس حمقتيهم هههه
رنيم: هههههه ويي..... الفيديو تحط فاليوتيوب.. حقق الملايين من المشاهدة وشافوه شي ناس مخاصهومش يشوفوه للاسف
♧الاغنية لي ختاريت انها تكون ديال رنيم او لي غنات رنيم كتهضر على الجمال لي بالنسبة ليا هو حقيقة نسبية فالاذواق تختلف.. نقدر نكون كنبانليك انا مثلا زوينة ووحدة اخرى نبانليها لا باس بي واخرى نبانليها خايبة.. علاش؟؟؟.. لان كل شخص فينا عندو معايير للجمال... ولكن الجمال الحقيييقي هو الجمال الداخلي اي الروحي.. وهو الجمال الفكري.. فبدلا من انني نبحث عن وصفة تصفية الوجه من الحبوب او تبييضه او تبييض المناطق الحساسة.. وصفة باش نحيد الكرش.. وصفة لتكبير المؤخرة والصدر... احسن انني نهتم بالجمال الداخلي ديالي.. بثقافتي وبلباقتي فالحديث.. الانوثة ماشي هي الجمال العظيم.. الانوثة هي اللباقة في التفكير.. اللباقة في الحديث.. فمثلا انا فاش كتقرب تجيني ليغيكل كتنوضلي حبوبة فوسط وجهي تبانليك على بعد 100 متر.. هل هذا ينقص من انوثتي وجمالي؟؟... الانثى معروفة انه كل شهر هناك تقلبات فالهرمونات وتقدر تنوضلي حبوبة اولا نكون معصبة ومحاملة نهضر مع حد.. هدا مكيعنيش انني نوض نجري نقلب على وصفة نحيد بيها الحبوبة... مكنقولش هكا اي انني منعتانيش بنفسي.. اكيد لا... قلت هكا باش منعطيش الاولوية لجسمي وشكلي الخارجي ونهمل اهم شيء لي هو الداخل وثقافتي... ياك حنا كاملات متافقات بان واحد بوكوص يعني عندو عضلات ولحية وداكشي... مثلا طحتي فيه وجلستو فكافي هضرتو فمواضيع مختلفة ولقيتي تفكيرو "خرا" كوني اكيدة مغايبقاش يبانليك زوين... مثل كيقول "الله يعطينا سعد الخايبات" وراه حنا هما الخايبات.. حيت هداك تلقا هضر معاها ولقاها مثقفة وكتعرف تهضر وتصرف وقلبها بيض... بعد المرات كنشوفو "ملكة جمال العالم" كنقولو ييخخ كيدايرة انا وحسن منها... راه مولاتش ملكة جمال غير بوجهها... اكيد نتوما عارفين بلي كاينة مسابقة ديال الثقافة والتحدث باللغات واللباقة فالكلام الخ.......... كوني طبيعية وتصرفي بتلقائية اهتمي بدراستك وثقافتك وجمالك الروحي قبل الخارجي..... الاغنية لي فالفيديو كتلخص هادشي من اجمل الاغاني بالنسبة ليا من ناحية الكلمات
لأني أنثى الجزء الرابع
محتوى القصة
التنقل بين الأجزاء