كانو مجموعين دراري فالصالة كيتفرجو او سخفانين بالجوع اما لبنات راهم فالكوزينة كيطيبو
قصي: واااش داك لفطووور مازال ماوجد
علي: وا مشكيييلة اصاحبي كون غير جبنا لخدامة معانا هادوك غادي اتعطلو
زمرد:(كتهضر بصوت مرتافع) واااصبروووو مااالكم على هاد الزربة
قصي: راااه 12 هادي على هاد الحساب الغدا لي اتصايبو
سارة:(دارت اخر لمسة ف الطبلة او مشات عندهم ) ها لفطور وااجد اجيو تاكلوو
ناضو كاملهم كياكلوو
شيماء: (جالسة كتشتش الريحة د نيار فالدار او كتستنشقها او هي مغمضة عينيها ) احححح الله على ريحة (كتشوف فيهم ) فين هو نيار
علي: خرج لبرا كيدير سبور
سارة:(تنهدات او هي كتشوف فالسرجم )
عند نيار كان ضارب شورط او سوفيطما او ليزيات فوذنو او تيليفون فدراعو او العرق نازل منو او شعرو فازك بقا كيجري مدة طوييلة حتى قرب للدار او هو اسمع غوات ديال بنت او رجع كيشوف لقا بنت طاحت كتبكي او مشا عندها
نيار: ختي اش واقعلك
البنت:(طلعات فيه راسها او هي تبلوكا الله الله اش هاد الزين واقف عليا اممممم نسات البكا او بلي رجلها تفدعات او بقات حالة فمها فيه )
نيار:(حنحن باش تفهم راسها ) احم احم
البنت:(عاد فاقت ) اهئ اهئ كنت غادية او زلقات ليا رجلي او طحت او دابا كضرني اهئ اهئ
البنت:(كتقول فراسها زهر او تفتح ليا احححح ) انا سميتي أية او نتا
نيار: (ابتاسم ليها) نيار
أية: سميتك زوينة
نيار:(ماطولش معاها لهضرة او وصلها للدار كان داخل هو وياها حتى حل للباب او دخلها او جلسها فوق ليفوتوي اما البنات او دراري منين سمعو صوت نيار او هوما اخرجو عندو )
قصي: نيار شكون هاد البنت
نيار: هادي أية لقيتها طايحة رجلها تفدعات او جبتها
علي: متشرفين اية
أية : شكرا ليكم بزااف
نيار:(تحنى عند رجلها او بقا كيمسدها ليها او هي كتوجع او عاضة شنايفها او بلعاني كتقيس فيدو او تنطق سميتو كنوع من تقحبين ) صبري شوية
أية : اوووف مابقيتش قادرة كضرني بزااف
زمرد:(قربات عند شيماء او همسات ليها) ناري اشيماء شوفي سارة غادي طرطق
شيماء:(شافت ف سارة) لا صافي قوادت
سارة:(كانت مربعة يديها او كتهز ف رجلها او هازة حاجب او مهبطة لاخر او كتصيفط شي شوفات ل نيار غير الله احفظ او صاف
علي: (مشا جاب كاس. د الماء او عطاه ل أية) هاكي شربي
زمرد:(جبدات حجبانها فيه) علي ماكانش فخباري راك حنين
علي:(ضار عندها كيقلي ليها السم) غير ماعارفانيش او صاف انا حنييين بزااف خصوصا مع لبنات زوينات (غمزها )
قصي:(جلس حدا أية ) يالاه نوصلك ل مشفى بلا متبقاي معذبة
أية: (ابتاسمات ليه) لهلا اخطيك ولكن ها نيار قام بالواجب لهلا اخطيه عليا
شيماء: (كارزة على سنانها) قصييي تكعد من تماااك
قصي:(كيدير ليها بعينيه شنوو )
شيماء: قلتلييك نوووض
قصي:(ناض او وقف حداها)
نيار:(طرطقلها لعضم د الرجل ) على سلامتك هانتي رجعتي صحة سلام
أية:(شداتليه ف يديه) شكرااا بزااف انياار بلا بيك مانعرف شنو كان ايوقعلي
نيار:(ابتاسم ليها ) ماكاين مشكل مرحبا فاي وقت
أية: عرفوني عليكم
علي او قصي عرفوها على راسهم او حتى على لبنات لي كانو كيخنزرو فيها او ماحاملينهاش اما سارة صااافي وصلات ليها للعضم على شوية او تلاح عليها تقجها
أية: اممم ساكنين غير هنا
قصي:وي
أية: باينين نتوما ماشي منهنا حتى انا جيت مع صحاباتي كوثر او اكرام او ساكنين غير حداكم
سارة:(دايرة ضحكة صفراء او عينيها فيهم شرارة الغيرة) مادام راك ساكنة غير هنااا سيييري لداارك بلا متعذبي او تجي لهنا
نيار:(شاف ف سارة ) سارة حشومة لبنت كانت مفدوعة من رجلها
أية: سمحولي الى كنت درت شي مشكلة بانليا لبنات ماحملونيش ههه او من حقهم فالاخير كل وحدة او حبيبها اتغير عليه
قصي: اش كتقصدي ب حبيبها (ضحك ب شر) انا ماعنديش حبيبتي مازال ديال راسي
شيماء:(حلات فمها فيه بصدمة)
علي:(كيشوف ف زمرد) اه عندو لحق حنا بثلاثة مامرتابطينش كل واحد او حياتو او لبنات غير اصدقاء او صاف
أية: اااه مزيان هاكااا (شافت ف نيار ) او نتا
نيار:(كيبلع ريقو او سارة كتشوف فيه كتسناه اش يقول سكت مدة عاد نطق ) حتى انا ديال راسي (سارة منين قال ديك الهضرة طاحولها دمووع او زيرات على عينيها او مشات من تماك طلعات لبيتها شافها نيار او هبط راسو عارف بلي قودها )
شيماء:(شافت ف نيار) كووولشي بسبااابك جايب لينا ديك الموصيبة او الطامة الكبرى اتجيب صحاباتها
نيار: انا غير عاونتها ماشي شغلي فداكشي
شيماء:(كتخنزر فيه) اوا فكها يا من وحلتيها (مشات حتى هي كتخبط فالدروج او دراري علي او قصي دارو ضحكة مجهدة فالدار اما نيار بقا كيخمم ف سارة او شوفات ديالها قفرها نييت اما عند لبنات دخلات شيماء لبيت سارة بزعفة او زدحات الباب لقات زمرد جالسة فوق النموسية كتعصر فواحد لمخدة او سارة غادية جاية او هي جلسات فالفوتوي )
زمرد: (جلسات حداها ) اه انلبسو او نتقادو مزياان او نخرجووو نفقصوهم
شيماء:(جلسات فلجيهة الاخرى) اه عندكم الحق بلا مانتعصبو (كتقيس فكرشها) انا راه مامزيانش ليا الاعصاب
سارة: مزيان دابا انتقادو او نخرجوو او مانهضروش معاهم او مانعبروهومش
زمرد: صاف تافقنا
شيماء: يالاه نوضو لبسو حوايجنا
بقاو لبنات كيقادو فراسهم هل ليماسك او ها الوصفات او دوشو او صايبو شعرهم قادو ماكياج زوين او كل وحدة شنو لبسات بحال زمرد لبسات صاية فالازرق فيها وريدات بويض او بودي مشدود جيهت صدر معري او عندو ليدين او طالع على لكرش حتى هو ورق او فيه وريدات بويض او مع لونها اسمر جات قوقة بحال شي غجرية ردات شعرها للجنب او دارت لكحل فعينيها جاتها لبسة واعرة تضامنا مع الشمال هه
اما شيماء ف لبسات كسيوة بسميطات مزيرة لفوق او جايا واسعة من لتحت حد الركبة او داخلين فيها الالوان ها شيبي ها لغوز ها لبيض اوا دارت ميكياج ركزات فيه على عينيها لخوضر او غلوز او شعرها بوكلي لبسات طالون اما سارة محبوبة الجماهير لبسات كسوة غوز مطرطقققة عليها بينات المفاتن ديالهااا هاا صدر واقف هنا طرمة خارجة ناااري جات بومبا دارت ميكياج خفيف او طلقات شعرها لبسات طالون او صاك جات لوز كتحمق اوا خرجو لبنات كيلوزو فدوك الدروج او شافو فيهم دراي تخيلو معايا العرض البطيئ ديال الافلام او لبنات هابطين هاد لي كترد شعرها لور ها لي كتقلب عينيها ها لي تطورات كاع او جمعات فمها على شكل بوسة او دراري حلو عينيهم حتى نطق علي
علي: قصي شكون هادو
قصي: غير لبنات ديالنا هادو
علي: علاه حنا عندنا لبنات فالدار ياك غير موسطاشات (وييييع ضربلهم كولشي فالزيرو لبنات يبسوو فبلايصهم مصدوميين او علي او قصي طرطقو بالضحك اما نيار مطرطق عينيه ف سارة مخنزر فيها )
نيار: ماغاااااديييش تخرجي هاكاااا بوووحدك او زواااامل اشوفو فييك
سارة:(طرطقات فيه عينيها) مااااشي سووووقك
نيار: (بقا كيشوف فيها شحال ) هادي اخر هضرة عندك
سارة:اه
نيار:(طلقها ) سيري خرجي من قداامي ديري لي عجبك ماسوقيش فيك
سارة:(بقات مبهوطة فييه او تحركات عند لبنات بقاو كيتمشاو مدة طويلة فزناقي د شفشاون او كيتصورو )
شيماء:(تنهدات) قصي تبدل معايا يمكن مابقاش كيبغيني
زمرد:(تفكرات علي) قالك حنا موسطاشات
سارة: انا تخاريت مع نيار او تنادم معايا لحال امكن كاع ماقصد شيحاجا غير بغا اعاونها مسكين
شيماء:(خنزرات فيها) يااااك الآلة ماقصد واالووو راه بسبابو ولدي ايبقا بلا أب
زمرد: ااااه بسبابو قالو لينا موسطاشات
سارة: واراه حتى انا ماعجبنيش لحال راه غرت
شيماء: كاامليين هاكك
زمرد: نساو علينا هادشي شوفو لهيه(كانت كتشير ليهم لبلاصة فين كيتصورو بالطرابش او لحنادل لي كيلويو على الخصر او مشاو لبنات كيجريو باش اتصورو )
اما فالدار لي كانت اونفاص معاهم كانت أية هي او صحاباتها كوثر (تحية للادمينة كوثر) او اكرام بنات زوينات صراحة ولكن مايوصلوش للبطلات ديالنا كانت أية كطل من سرجم منبعد ما عاودات كولشي ل صحاباتها او كانت شافت لبنات منين خرجو هادي فرصة مايمكنش تفوتها
أية: نوضو نوضو لبسو حواايجكم دوك لمسمومات خرجو من تمااك
اكرام: ماتقوليليش انمشيو عند التيتيز
أية: اه عندهم انمشيو وا تحركو قبل مايجيو
كوثر : و اخيرا اراك لفراجة دابا
تقادو هاد لبنات او مشاو للدار عند دراري لي كانو كيضحكو على لبنات حتى سمعو صونيط
علي:(ناض ) انا نحل (اتاجه الباب د برا أو حلو و اذا به كيتصدم من لبنات دار ابتسامة او سلم على أية هي لولة) كيبقيتي مزيان
أية: وي بزاف
علي:دخلو مرحبا بيكم
دخلهم علي للدار نيار خنزر فيهم ماحملش داك لبلان ولكن مابغاش ابين شيحاجا جات عندو أية او باستو فحنكو او جراتو جلسو فالفوتوي اما كوثر لصقات ف قصي تعارفو او عجبها بهضرتو اما هو واخا كان كيهضر معاها عقلو مع شيماء اما اكرام جلسات مع علي كيضحو او يتعارفو كثر ولكن كيتفكر زمرد او يبقا اضحك المهم كانت ناشطة عندهم القضية فالدار
اما عند لبنات من بعد ماسالاو تصاور او خداو تذكارات من شفشاون مشاو لاقرب مطعم كان فالاعالي كيطل على جبال او شاطئ او زوين مفجج جلسو اديرو لگوطي بقاو كيهضرو او يخممو او كان اونفاص معاهم ثلاثة ددراري كيشوفو فهم كانت مقابلة ليهم زمرد طلعات عينيها او شافتهم او هي تحل عينيها بفرحة او ناضت
زمرد: (ماشية اتجاههم) نووووااي اش هاد الصدفة هههه
دراري ناضو سلمو عليها
انس: وا غبوور هادو ازمرد
زمرد: غير مع الخدمة
ايوب: (كيشوف ف سارة ) هادي مفاجأة زوينة
ياسين: اش كديري هنا
زمرد: جيت مع صحاباتي
ايوب: عرفينا عليهم
زمرد: وي بالطبع اجيو شاركونا الجلسة
سارة:(همسات ل شيماء) شفت هادوك جايين اتجاهنا
شيماء: امكن اصدقاء زمرد ماكاينش مشكل
جاو دراري سلمو على لبنات او تعارفو معاهم طلعو ظريفين او بوكووصيين ههه ياسين كان كيهضر مع شيماء او مع هي عفوية دغيا كدخل للخاطر اما ايوب ماحيدش عينيه على سارة كيحاول اجبد منها الهضرة ولكن متكبرة علييه حيت عارفة الى دارت فيه راسها راه اطيحو اللهم بعيد حسن اما انس كانت زمرد كتعجبو شحال هادي او كانو قراو كاملين ف جامعة وحدة اصدقاء او صاف خدات زمرد النمرة ديالهم او لبنات عطاولهم النمرة او عرضات زمرد عليهم اتبحرو غدا فطنجة مجموعين او وافقوو ناري غدا تقوم القيامة خرجو لبنات من المطعم راجعين للدار
بقاو لبنات كيتمشاو بخطوات سريعة للمنزل وصلو أو حلو لباب او مع لحلة كيسمعو لموسيقى على الجهد حلو الباب او شافو دوك لبنات جالسين مع دراري او تصدموو ناري كيولاو المشكلة هي دراري مانتابهوش ليهم حتى مشات زمرد طفات الموسيقى عاد شافوهم دراري او وقفو او لبنات حداهم
شيماء: (كتخنزر ف قصي) سمحولينا ضيعنا ليكم السهرة
زمرد: (كتهضر تحت سنانها ) بغيتوو تقصرووو تلاحووو براااا
سارة:(كتحاول تهدن راسها او قربات من لبنات كتخنزر فيهم ) سمعوني مزيان القطيطات عندكم جوج اختيارات اتخرجو تقودو منهنا بدون خسائر صحة سلاام ولا غادي نقتل وحدة بوحدة او ندفنكم تحت هاد الدار او كنقسم ليكم نديرهاااا
لبنات بقاو كيضورو راسهم او تخلعو غير كيبلعو ريقهم هزو صيكانهم او قالو بسلامة للدراري او زادو خلفة مع الباب غير خرجو زدحات من وراهم شيماء الباب
زمرد: عييب او حشوومة هادشي ليكديرو والله
علي: ماكنا كنديرو والو غير كنهضرو عادي
شيماء:(بقاو الدموع كيطيحولها شلال او كتخنصص )
قصي:(شافها او بغا اقرب منها ندم كاع على هاد اللعب ولكن دفعاتو او مشات كتجري لبيتها ) شيمااء
سارة:(مشات عند علي ) عطيني سوارت الطوموبيل ديالك
علي: (عطاهم ليها بلا مايسول )
سارة:(شداتهم او خرجات مع الباب قبل ما طلع للطوموبيل طلعات راسها لفوق او تنهدات حسات بيه من وراها ) مافهمتش علاش كتعاقبني بحال هاكا او انا كنكره شيحاجا سميتها لغيرة كنحس بحال موس داخل فيااااا قلت زعما بلي ماقصدتيش او حاولت نخلق ليك الف اعتذار ولكن نتا بصح كنتي قاصدها
نيار:(ضورها عندو كيشوف ليها ف عينيها لي فيهم دموع ) انا مكنعاقبكش او مامخططش لهادشي مابغيتكش تغيري او تشكي فيا تيريزا انا كنبغييك مستحيييل نشووف شيوحدة من غيرك
سارة:(دفعاتو عليها ) او انا كنكرهك صااافي اهئاهئ دير فيا اي حاجاااا ولكن باش تخليني حتى نخرررج او تجيب ليا لقحبات للدار مانتفاهمش معااااك
نيار:(صرفقها ) تعاااااودي لمككك تخسري لهضرة نقتلك
سارة:(قادات شعرها او جمعات راسها او شافت فيه ) بغيتي غير اللعب انا مولاتو انحرق قلبك كيما حرقتي قلبي او حتى انا انخرج مع شي راجل او ندير معاه لي بغيت
نيار(جرها من شعرها لصقها معااه) جربي دييريهااااا نقتلللك كنقسم ليك بالرب حتى نقتلك
سارة: قتلتينيييييي شحاااااال هااااادي انيااااار علااااش حتى كنقووول علاقتنا تقادات او ولينا مزيااان او كترجع ضيع كووولشييي او تعيشنيييي فالعذاااب علااااش
نيار:(كيضرب فصدرو) وااااش مكتفهميش بلي نتي بوووحدك لي ساكنة فقلبي ماكانشوف ف حتى شيوحدة من غييييرك
سارة:(بغات تحل الطوموبيل او حيدلها سوارت من يديها ) طللق سواارت بغيت نمشي
نيار:ماااعندك فيين تمشي دخلي للدار
سارة:مابغيييتش ندخل لديك الدار او مابغيتش نشوف كمارتك
نيار: بزز عليييك فهمتي او اصلا فين باغا تمشي فهاد الليل
سارة: بغيت نمشي عند صاحبي نتا سوقك
نيار:(صافي داك شوية د الصبر لي كان عندووو طيراتو ليه يالاه ايمد يدو عليها جاه ميساج حل التيليفون اقراه او هو اتبدلو لون فوجهووو ولاااا اخطرر بكثييير بقا كيرجف. لعرووق د يديه باانوو او عينيه نقطة د الدم شاف فيها او ورالها التصويرة ديالها منين كانو جالسين فالمطعم مع دراري او بقا كيزير على داك التيليفون او جرها من يديها ) تحركييييييي
سارة:طللق منيييي ضريتيني انيار اهئ اهئ
نيار:(دخلها للدار كان صقيل بحال ماكاين حتى واحد او طلعها فالدروج بنترة حتى دخلها لبيتو اوسد الباب او كيغوت) من اليوووم من اليوووم عينييييي اتكوون عليك ماغااديش تنفسي بدون إذن مني ؟؟ فهمتيي او التفكير ممنوع الى مماقلتش ليك فكري (ككيضربها ب صبعو اللراس ) او الهضرة ممنوووعة الى ماقلتش ليك هضري (حيد الفيست رماها فالارض ) يالاه هضري بلا اذن مني الى سميتك مراا يالاااه هضريييي نشووووف
سارة:(تكمشات او بقات كترجف ) نتا هاكا كتقتلني ان..يااار
نيار:(طرطق فيها عينيه او شدها من الفك ديالها او لاحها على النموووسية او نطق بصوت زلزل الغرفة ) نتييييي دياااااااالي ىفهمييييهااااا (كيزير على الفك ديالها او هي كتبكي) قلتليك انقتلك الى درتي شيحاجااااا او اناااا ماكاااانضحكش
سارة تقطع حسها بقات غير ساكتة مصدومة او كترجف كتحس بالالم فالفك ديالها ولكن ماقدراتش تنطق شافت الجدية فعينيه او كان كيقصد كل كلمة كيقولها خافت او يبسات بلاصتها او هي متكية على النموسية حسات بقبلة سخوونة او قاسحة فشنايفهااا مادارت حتى ردة فعل او توالت القبلات بشكل حنين او رومانسي ولكن هي ماتفاعلاتش معاه بقات غير كتشوف ف عينيه هو لاحظ الخوف فيها او زاد دفنها فيه يديه تساراو على فخاضها او كيطلعو للخصر ديالها او صدر بطريقة حنينة او مازال كيبوس فيها حتى نطقات بصوت باكي
نيار: مابغيتكش تخافي مني بغيتك تحتارميني او تسمعي هضرتي
سارة:(دفعاتو من فوقها او ناضت ) كلكم بحال بحال اهئ اهئ نتا بحال علي غادي تبقا ضربني
نيار:(كيحاول اهدنها) انا كنبغيك اسارة واخا كنتعصب ولكن ماكاتخليلي حتى شي حل مكتسمعيش هضرتي
سارة: عرفتي السبب باش كرهت علي اهئ اهئ حيت ديما كيضربني او يعايرني عمرني عشت معاه مرتاحة ديما كنت عايشة فالعذاب كون لقيت فيه الخير عمرني كنت نخونو ولا نشوف غيرو اهئ اهئ انا بغيتك انيار حيت كتعامل معايا مزيان او كتحتارمني ولكن لاااا اهئ اهئ نتا ماشي نيار لي بغيت اهئ اهئ تبدلتي بزاف
نيار:(دخلات هضرتها فقلبو بحال الموس كره راسو نهار فاش ضربهاا عرف بلي بسباب الضرب خرجات لباب الخيانة او كرهات علي مابغاش مصيرو اكون بحال هاكا كيبغيها او كيموت عليها او فكرة انها تبعد عليه او تكون لواحد اخر مايقدرش اتقبلها قلبو ضروو بزااف النفس ديالو تقطع او ولا فحالة صدمة بغا اقرب منها ولكن دفعاتو او خرجات كتجري لبيتها شاف ف يديه لي تمدو عليها ماشي مرة ماشي جوج او بقا كيضربهم مع الحييط حتى سال الدم او تفدعولو صبعان كيعاقب راسو باش مرة أخرى مايقيسهااش ولا انقص من كرامتها خرج للبالكون كيكمي او كيبرد جنونو فالكارو او ديك الخضرة مازال كضور ليه فدماغووو )
اصبحنا واصبح الملك لله
فاقو لبنات منفخات على دراري مابغاوش اهضرو معاهم كيفطرو او عاقدين غوباشتهم
قصي:(بغا اجبد شيماء ) احم احم ليوم انمشيو للبحر
علي: لبنات وجدو راسهم راه كيتسناونا
نيار: (كيشوف ف سارة لي قالبة وجهها ) انا مانمشيش
قصي: ماتقولهاش أية مسكينة من لبارح او هي كترغب فيك يالله نمشيو
زمرد: حتى حنا غاديين لبحر ولكن مانمشيوش معاكم منهنا لقدام كل واحد او طريقو
شيماء: اه او ديك الساعة خليو دوك صوبيصات انفعوكوم
سارة : يالاه البنات نوجدو راسنا
نيار:(شافها ناضت او تنهد ضروري خصو امشي منين اتمشي هي ) لا ماتافقناش على هادشي (شاف ف قصي او علي) ديرو عقلكم ادراري راكم كبار زعما باراكا من هاد تبرهيش (رجع شاف ف زمرد او شيماء) حنا جينا مجموعين ماغاديش نخليو شيواحد افرق بيناتنا او انمشيو مجموعين لبحر
زمرد: لاااا او تقووول ماغاديش نمشيو حنايا مع دوك لبنات عطيناكم الحرية ديرو لي عجبكم
نيار: (خنزر فيها ) راني هضرت او هضرتي ماكاتعاودش سيرو وجدو راسكم انمشيو كاملين
ناضو لبنات للبيتهم كل وحدة لبسات دوبياس د البحر او من فوق كسوة قصيرة حتى اوصلو لتماك او يحيدوها جمعو اغراض لبحر او كاع داكشي لي يحتاجو او هبطو او دراري لبسو شورطات او صوفيطمات او مقادين او خرجو مايتلاقاو غير مع دوك لبنات أية طارت على نيار ب تعنيقة قدام سارة ناااري تلونااات البنت او كوثر لصقات ف قصي او كيضحك او يغدد شيماء او هي كتخنزر فيه اما علي ف ركب مع اكرام فالطوموبيل او كملو سلامهم هي هاديك قصي او كوثر و علي و اكرام ركبو ف طوموبيل وحدة كانو ايمشيو حتى وقفاتهم زمرد او ركبات معاهم باش تحضيهم او ضحك علي معاها من لمراية اما نيار ركبات حداه أية او من لور ركبات شيماء او سارة طالعة ليهم عويشة ماوصلو لداك لبحر حتى كانو ايطرطقو خرجو من طوموبيل متاجهين للبحر قادو اغراضهم او المسائل ديالهم او كل واحد شد بلاصتو دوك صوبيصات ضربولك دو بياس او بقاو كيجرو دراري اتبحرو او مشاو معاهم او بقات غير سارة مع زمرد او شيماء
شيماء: دابا علاش كيديرو هاكا
زمرد: باش تغيرو
سارة: قلبي كيضرني تفووو مكنحملش الغيرة
زمرد: انشربوهم من نفس الكاس(ابتاسمات بشر او صونات على انس او ايوب او ياسين او حيدو لكساوي بقاو بدوبياس نااااري جاو كيحمقووو بزااف ماهي الى دقائق لمحات زمرد دراري او جرات لبنات او مشاو عندهم)
انس:(كيتفحصها ب عينيه ) نهار كبير هادا هه جيتي زوينة (باسها فخدها )
زمرد: لهلا اخطيك عليا
ايوب:(باس يد سارة) اشرفني نشوف هاد الجمال كاملوو
سارة:(هضرات ب غنج ) عويناتك لي زوينين ههه
ياسين:(جر شيماء عندو او عنقها ) لبارح كانت اجمل صدفة
شيماء:(دارت ابتسامة صفراء ) اه عندك الحق
بقاو لبنات كيضحو او يهضرو مع دراري او فجيهة اخرى كان نيار كيعوم ولكن بالو مع سارة حتى نطق قصي
قصي:(كيشوف ف شيماء) دراااري واش ماشي شيماء او زمرد او سارة هادوك
علي:(سمع زمرد او هو اضور راسو شافها مع دراري ) شكووون هااادووك لي معااهم
نيار:(شاف سارة كيفاش مضحك او شعل معاه ضو ) تحركووو
خرجو دراري من لبحر فاتجاه لبنات حتى وصلو عندهم قصي جر شيماء عندو كيخنزر فيها او علي واقف كيشوف ف زمرد او وجهو فيه علامات الغضب اما نيار غير شاف ف سارة جمعات راسها او جات حداه
انس: زمرد شكووون هادو
علي: لي غادي اخلي دار عشتك كوون ماتحركش منهنا اولد الزاملة
زمرد: علييي حشووومة هادو الاصدقاء دياولي
قصي: منين اصدقاء ديالك اش كديير شيماء او سارة معاهم
شيماء: (كتقلي ليه السم ) لبارح منين خرجنا تلاقينا بيهم هوما اصدقاء زمرد من ايام الدراسة بصراحة ظريفين
ياسين :(غمزها ) ظريفين غير مع لبنات زوينين بحالك
قصي: غاااادي نتقب لمك لعينين
ايوب: شنو واقع هنا زمرد قوليلنا شكون هادو
سارة: احم هادو اصدقاء ديالنا او صاف جابو صحاباتهم او خلاوهم فالبحر
احححح كيردو الصرف
زمرد: اجيو معانا لبلاصة ديالنا
شيماء: انا بغيت نتبحر
ياسين: يالاه نتبحرو انا وياك
قصي:(زير على شيماء فيدها او همس ليها ) غادي تبتي ولا ميعجبك حااال
علي:(شاف لبنات اش لابسين) تبارك الله عليكم حتى من لحوايج طيرتوهوم
سارة: راه لبحر هادا
علي: نتيييي تسكتيي حتى نرجعو او نتفاهمو
مشاو كلهم لبلاصة ديالهم او خرجو دوك الصوبيصات من لبحر او جلسو حداهم ولا كل واحد كيبغي ارد الصرف بطريقتو من غير نيار لي ساكت ولكن فالداخل ديالو واحد البركان هايج
سارة: لبنات يالاه نمشيو نعومو
نيار: انمشيو كاااملييين
ايوب: اه فكرة زوينة
مشاو كلهم دخلو للبحر او قصي لاصق ف شيماء مابغاش اطلقها او هي منفخة علييه اما علي شادة فيه اكرام او محاوطة يديها مور عنقو او مقابل مع زمرد او انس لي على نفس الوضعية او كيصيفطو لبعضياتهم شي شووفاات الله احفظ او صاف اما سارة كانت كتهضر مع ايوب حتى جبداتها شي يد من لتحت او هبطاتها فالماء كان داكشي غارق حلات عينيها تحت الماء او شافتو نيار شدها من يدها او بقاو كيعومو لتحت حتى بعدو بزااف عاد طلعوو
سارة:(كترد النفس او شادة ف نيار ) اش هااد اللعب الخايب
نيار: (زير على الخصر ديالها ) اش هاااد اللعب نتيييي وااش باغاااا تخرجيلي لعقل هاااا
سارة: حسيتي دابا بيا
نيار: انا راااه مكنديييرش داااك التبرهييش
سارة: مشيتي معاها كتعوم مادرتيلي حتى اعتبار ليوم ولا غدا لقاك ناعس معاها
نيار:(مغمض عينيه بعصبية) انااااا نهااااار نبغييي نعس مع شيوحدة راه ماكانديييرش هاد لخرااا كاااااملوووو انااااا داكشيييي طلعلي فكري لبنااات كيتعراااو قداااامي او كيديرووو لي فجهدهم. باش نرضى لمخيرة كتكووون ديااالي واااش مااابغيتيييش تفهمي بلي كنبغيييك نتي مابقات معمرة ليا حتى شيوحدة عيني من غييييرك فهميها
سارة:(هبطات راسها ) واخا هاكاك مابغيتكش تهضر مع شيوحدة قلبي كيتحرق او كيتقطع فيا النفس
نيار: الى نتي جاك هاد الاحساس غير فهاد الفترة انا راه من دييييماااا كيجيني او كنصبر حيت كنقول مع راسي واحد نهار اتكوني ليا انصبر على قبلك
سارة: يالاه نخرجو منهنا انيار عفاااك
نيار:(شدها من يدها او بقاو كيعومو حتى وصلو لشاطئ او جلسو كيرتاحو مشا نيار جاب فوطة ليها او غطاها اما عند قصي نايضة عندهم هو او شيماء )
قصي: شكووون دااك زاامل او من فوووقاش او نتي كتعرفيه
قصي: انااا هادشي كاااملووو درتووو غير ضحك ميمكنش نشوف ف شيوحدة من غيرك
شيماء: ماشي شغلي فيك تحمل نتيجة افعالك (خرجات شيماء خلاتو مصدوم او مشات جلسات حدا سارة او منفخة عليه اما علي كانت اكرام كدهنلو كريم فضهرو او كتقصد تهبط لتحت او زمرد كتشوف فيهم حتى هزها أنس او خرجها من لبحر او كضحك بصوت مرتافع باش اسمعها علي او فعلا ناض او شافها او تبدلولو الملامييح حتى تعصب اما هي هبطات او مشات جلسات حدا لبنات او ماهي الى دقائق جا ايوب عند سارة نوضها )
نيار: تعاااااود تقييييسهااااا الزااامل نقتلككك (تكاه او بقا كيعطيه لكروشي لوجه) هااادي ديااالي دياااااااالي نقتلك الى قربتي ليهااا (صحاب ايوب منين شافوه فديك الحالة قربو افكوه او هو اجي قصي شد ياسين بالركل او لعصا اما علي كان كيضحك مع اكرام او هي كتلعببلو ف ظهرو حتى سمع لغوات د زمرد او ناض اشوف لقا روينة نايضة بغا افك ولكن لقاها فرصة نييت اصلا محلف على انس من قبيلة عطاه داكشي علاش كيقلب بدأت لمضاربة لبنات كيغوتوو او كيحاولو افكو ولكن ماقدرووش حتى فكوهم الناس انس و ايوب و ياسين مليوحين فالارض عامرين دماياات او نيار كينهج هو او قصي او علي جرو لبنات او كل واحد تلاح فطوموبيل نيار او قصي او شيماء او سارة مشاو فطوموبيل وحدة كيغوتوو عليهم او يعايروهم او لبنات مكمشين فبعضياتهم كيتصنتو اما علي هز زمرد فالطوموبيل او زاد بيها للدار وقفة او دخلات زمرد بجرية حتى وقفها صوتوو فالجردة )
علي: وقفيييييي اتحركي نقتل ديلمك
زمرد: مااالك معايااا واش شغلك فيا
علي: من ليوووم كووولشي كيخصك شغليييي فهمييييهااااا
زمرد: او شنووو المنااااسبة اسي علي
علي: مااااشي شغلللك انا نقووول او نتي تنفدي
زمرد: ماااعندكش الحق تآمرني سيير عند ديك القحبة دياالك او حكم فييهااا ولا شنو نتا دير صحاب او انا لا
زمرد:(دموعها كيسيلو او معصبة نترات منو او بقات كتغوت ) اااه اه غرت علييييك كنغييير عليك او قلبي كيتحرق منين كنشوفك من وحدة أخرى اهئ اهئ حييت انا اول وحدة شافتك أو اول وحدة عرفاااتك قبل ماتعرفك حياااة اهئ اهئ كنت كنبغيييك او قلتها ل حياة او هي شنو دارت مشات تعرفات عليك او حرقتولي قلبي اهئ اهئ واخا هاكاك سكت او كمدتها فقلبي او تمنيتلكم السعاده ولكن كيما خديتي قلبي خديتيلي حتى ختي اهئ اهئ مشيت لفرنسا باش نقرا غيير باااش نرجع عندك او نوريييك البنت لي بغاتك لشخصيتك اما حياة كانت طماااعة او ماقالتليكش بلي عندها عائلة باش تشفق عليها ولكن اناااا ماشي بحاالها ا علي انااا كنواااجه كووولشي او قوية او نصبر على اي حاجاا اهئ اهئ
علي:(كان كيشوف فيها بدون تعابير كاع الاعصاب لي كانو فيه تلاشاو فورما قالت هاد الهضرة ماعرفتش علاش حس بالفرحة او قلبو كيضرب بالجهد شافها كيفاش كتهضر او تبكي او ترجف جبدها عندو بالجهد او باسها ففمها بقوة حتى وعتها او بقا كيلتاحم شنايفهااا او يمصهم حتى حس بالدم ف شنايفو او هي كتبعدو حتى دفعاتو او شافت فيه بحقد او كره )
زمرد: نتا كتشوفني حياة قدامك ولكن انااا زمردد (كتشدد السمية ) انا زمرد ماااااشي حياااة (مشات زمرد كتجري لبيتها تلاحت على النموسية او كتبكي بحرقة اما علي كان كيضحك او يبتاسم بحال لهبيل نسا الهضرة كاملها او كلمة وحدة لي كتردد فوذنو هي كنبغيك دخل للدار او مشا لبيتو
اما عند قصي او نيار مازال كيعايرو فالبنات حتى غوتات شيماء بحر الالم لي فكرشهااا )
شيماء:(شادة فكرشها او مغمضة عينيها بجهد) وااااااا اهئ اهئ
سارة: (كتفحصها )شيمااااء مااالك
قصي:(كيشوفها من لمراية ) شيمااااء اش واااقعلك
سارة: وقاااااف الطوموبيييل
وقف قصي الطوموبيل او خرج هو او نيار منها او خرجو شيماء جلسوها فالارض
نيار: يالاه ناخدوها للطبيب
شيماء: لا لا مانمشيييش اهئ اهئ غير خليوني دابا افوتلي هادشي
شيماء:(ناضت غير بشوية عليها او الالم بدا كيخف شوية بشوية حتى ركبات فالطوموبيل او تاجهو للدار دخلو او سارة وصلات شيماء لبيتها او بقات معاها اما قصي او نيار جلسو فالصالة)
قصي: تفو على نهار
نيار: نتوما لي كديرو لينا هاد المشاكل كاملها
علي:(هابط من دروج او جاي اتجاههم او جلس ) فين تعطلتوو
قصي: شيماء لي ضراتها كرشها او بقينا معاها حتى خف لوجع شوية
علي: (شاف ف يد نيار كتنزف ) نيار يدك كتنزف
نيار:(عاد شاف يدو ) امكن منين كنت كنضرب داك ولد القحبة
شيماء: اه سارة عندها الحق باراكا مانلعبو معاهم القط او الفار يالاه نصايبو حفلة شواء فالجردة
سارة: واااه فكرة زوينة
زمرد:(بقلة حيلة ) اوكي
هبطو لبنات لتحت خرجو الشواية للجردة او قادو لممجمر د لفاخر او شيماء قادات اللحم فالقطبان او خرجو كيشويو حتى هبطو دراري
نيار: يا الله زوين هادشي
سارة: سيرو جلسو فالطبلة شوية او يوجد
مشاو دراري جلسو فالطبلة او كيضحو او يتفرجو فالبنات كيشوييو حتى صايبو كولشي فالطباسل او دارو وليمة كبيرة او حطوها فالطبلة او تجمعو كياكلو او ينساو المشاكيل لي بيناتهم
علي: سارة مديلي لملحة حداك
سارة: (مداتليه الملحة او هي كتهضر مع شيماء اما علي فكان بغا الملحة حتى لاحظ الوشم لي فيديهااا نفس الوشم لي.عند نيار على شكل نصف قلب بقا مصدووم او شحاال او هو كيشوف حتى نطقات سارة ) هاك الملحة
علي:(خدا لملحة او تفكيرو مشوش طاحو عليه بزاف د الأسئلة فوقاش نيار او سارة وشمو او علاش نفس الوشم
انفض راسومن هاد الافكار او كيقول غير صدفة او صاف سالاو ابطالنا الماكلة او ناضو كيجمعو الطبلة او تافقو اديرو فيلم او يتفرجو فيه كاملين جلسو لبنات فالفوتوي قبالت لبلازما او دراري صايبو لفوشار او جابوه او ناضو الخلافات على اشمن فيلم اديرو حتى دارو القرعة او جا ف فيلم درامي من اختيار زمرد الفيلم كان سميتو : revolutionary road كيهضر على زواج فاشل الراجل كيضرب مراتو او هاد الاخيرة نتاحرات كان يالاه خرج او بغاو اتفرجوو ليه بلامايعرفو شنو المحتوى ديالو ف اكيد الفيلم كيجمع بين نجمي هوليوود الشهيرين كيت وينسلت و ليونارد دي كابريو نفس الممثيلين لي مثلو فيلم تايتانيك رجعو بفلم جديد انصح مشاهدته جلسو ابطالنا يالاه بدا الفيلم عادي او كولشي مركز معاه حتى ناضت سارة بغات تقاد ليهم العصير
شيماء: دابا هي علاش ماطلقاتش منو
زمرد:(شافت علي ) مابغاش اطلقها
علي: حيت كيبغيها
زمرد: كنعرف واحد الانسان مكيبغييش مراتو او معذبها معاه
علي: اوووووف
قصي: سكتو خلينا نكملو الفيلم
رجعو ابطالنا كيتفرجو او سارة قادات العصائر فالكيسان او جايباهم فالبلاطو حتى وقفات بلاصتها منين شافت مشهد الضرب فداك الفيلم كان الراجل كيضرب مراتو بوحشية بقات غير كتشوف تفكرات راسها او شنو دوزات ماتنكرش بلي هاد اللقطة توشاتها بزاف الفيلم كانه كيهضر عليها بقات كترجف بلاصتها او دموع كينزلو ليها حتى طيحات بلاطو من يديها او عمرات الأرضية بالزاج كاملهم ضارو عندها لقاوها كتبكي او كترجف او كترجع باللور
نيار:(مشا عندها كيجري شدها ) ساارة مااالك
شيماء: سارة حبيبة ماالك
سارة:(بقات كتبان ليها غير ضبابة او الاحداث ديال التعذيب لي داز عليها مازال فدماغها او كتشوفو قدامها ) بعد مني اهئ اهئ واااااااع (طاحت للارض كتفركل او تغوت لربي لي خلقها او كتقول غير كلمة وحدة بعد مني نيار كيحاول اشدها او زمرد او شيماء كيبكيو او يحاولو اهدنوها اما قصي اتاصل بالطبيب باش اجي علي شاف داك المنظر تبلوكا فبلاصتو بغا اقرب منها او هي تشوفو او زادت فالوتيرة) بعدد مني اعلي اهئ اهئ باااااراااكاااا من الضرب حرااااام عليييك واااااااع اهئ اهئ
نيار:(دفع علي بعيد ) تقربب منهاااا نقتل ديلمك
زمرد: سارة تهدني هاهو ايمشي
سارة: اهئ اهئ عافاك تهدني
سارة:(عرقات او دموعها شلال ولاو عينيها حومر او صدرها كينهج بقات كتغوت حتى تسخفات بين يدين نيار )
نيار: (هزها كيجري بيها لبيت او كولشي تابعهم) سااارة فييقييي(نيار قلبو تهز خاف عليها بزاف فاكيد داكشي لي عاشت ماشي ساهل حطها فوق النموسية او جلسو لبنات حداها كيحاولو افيقوها اما هو منين شاف علي وقف حداه جرو من الكول او كركبو فالدروووج ) هااااادشي لي بغييتيي عقدتي لبنت او كرهتيهاااا فراااسهاااا اشمننن نوووع د رجااال نتاااا معذبها معاك3 سنين كضربهاااا ماحشمتيييييش الله ياااخد فييك الحق (تقابل معاه ) والله كنقسم ليييك او تعاااااود صور بساحتها نقتلك (دفعو ) يالاه تحررك من قدااامي مانشوووفش خليييقتك هناااا
علي:(سمع بما فيه الكفاية جمع راسو او زاد خلفة مع طريق غادي او كيسب ف راسو واش كل مرة خصهم ابينو ليه بلي مايسواش واش لهاد الدرجة اتبقا صورتو موسخة او العار ايلاحقوو ؟؟ ..بنادم كيتبدل او كيستاحق فرصة أخرى ولكن علااااش الدنيا واقفة ضددو او يمكن ذنوب سارة هادو ركب فالطوموبيل او كسيرة للمجهول )
اما عند سارة دخل عندها نيار جالس ليها فوق الراس او لبنات معاها واخا هاكاك مابغاتش تفيق حتى دخل قصي مع الطبيب
طبيب: خرجو عفاكم نفحصها
نيار: انا ماغاديش نخرج فحصها قدامي
لبنات خرجو بقا معاها غير نيار فحصها الطبيب
طبيب: وقعلها انهيار عصبي جراء صدمة عاشتها فحياتهااا خاصها الراحة او تبعد على ستريس او هاهوما دوايات لي خاصينها خليت ليكم راحة
خرج الطبيب او دخلو لبنات عندها بقاو حداها حتى بدأت كتحل عينيها
سارة:(كتحل عينيها بشوية) اشش..اشواقع
نيار:(باس يدها) حبيبة نتي مزيان ؟؟ باش كتحسي
سارة:(ناضت من نعاس او تقادات فالجلسة او شادة راسها ) اش وقعلي
شيماء: راك سخفتي خلعتينا عليك
سارة:(بدأت كترد الاحداث او حطات يديها على عينيها) اوووف مانعرف مالي عمر وقعلي بحال هاكا
نيار: ماتعصبيش الطبيب قالك خصك راحة
سارة: ضيعت كولشي دابا اووووف
نيار: ماضيعتي حتى حاجا مزيان خاص كل واحد اتحاسب على افعالو
زمرد:(كانت كتصوني على علي باش تعرف فينو خرجات من الغرفة مشوشة او غادة جاية )
عند علي كان جالس فالطوموبيل كيفكر واش ممكن تكون شي علاقة بين سارة او نيار حيت هادشي لي وقع قدامو ماشي عادي اولا الوشم لي فنفس لبلاصة او ايضا انفعال نيار بديك الطريقة بقا كيفكر او يفكر او ماشافش التيليفون ديالو لي كان كيصوني ….اما فالدار نعسات سارة ف حضن نيار منبعد ماطلبات منو مايمشيش او هو نفذلها الرغبة ديالها غير حس بيها نعسات مشا لبيتو اما شيماء تصالحات مع قصي او راهم كيتفرجو ففيلم فالصالة اما زمرد كانت فالجردة او هبلات بالصونيت على علي حتى عيات او تلاحت لبيتها تنعس
اصبحنا و اصبح الملك لله
كانت شيماء او قصي كيفطرو او زمرد مشبحة فوق ليفوتوي لابسة كيطمة زرقاء او كتقرا كتاب اما سارة مشات لبيت نيار حلات لباب بشوية ضرباتها ريحتوو احححح انتعاش مع صباح لقات البيت مظلمة او نيار مسفح فوق النموسية صدرو عريان او سيقانو عريانين لابس غير بوكسر او ليزار ملوي ليه على نصو ناعس على كرشو او شعرو طايح على وجهو احححح المنظر ديالو سيكسي عضات سارة شنايفها او سدات لباب او بقات كتمشا لجيهتو غير بشوية جلسات حداه او كتحيد ليه شعر من عينيه او كتهمس ليه فوذنو بشوية
سارة: نيار حبيبي فيق
نيار:(كان حاس بيها منين دخلات ولكن مابغاش افيق حتى اشوف اش ادير هي لوخرى بقات كدوز يدها بحنان على وجهو ) اممم
سارة:(تحنات عندو باستو فالخد ديالو ) وافييق باراكا من نعاس
نيار:(جبدها عندو او قلبها تحتو او هو لفوق او كيشوف فيها بعينين ناعسين ) اش بغيتي عندي فهاد صباح القطيطة ديالي
سارة:(مدلية قنوفتها او حاطة صباعها على صدروو ) بغيتك تفيق نعستي بزاف
نيار:(طلع راسو فيها او شاف فيها بعينين مزمولين او حط يديه على صدها ) ضريتك هنا ؟
سارة:(كتبلع ريقهااا او نطقات ديك اااه بغنج )
نيار:(هبط راسو عندها او بنجها بقبلة صباحية سخووونة او بقا كيبوس او يعاود كل شنافة كيعطيها حقها حط صبعو فالذقن ديالها او هبطو ليها باش افتح فمها او دخل لسانو كيلعب فلسانها حاولات تجاريه ولكن كان اقوى منهااا حسات بنشوة طالعة من صبعها صغييير احححح او انقباض اسفل البطن اما هو هبط لعنقها كيلحس فيه او يبوس او يديه كيماصي بيهم فخادها العريانين هي بحر النشوة طلعات ركبتها بغير قصد او حكات زبووو هي بهاد الحركة هيجاااتووو كان مزال كيزوق ليها عنقها او حيد فمو او همس ليها فوذنها ) اوووف كتحمقيييني وا مووصيييبة معاااك هانتي خليتيني نقيم عليك كيفاش انبرد دابا ههه
سارة:(كانت عاضة شنايفها او مغمضة عينيها حتى سمعات صوتوو او حلات عينيها بثقالة او كتبلع ريقها جاوباتو بنفس النبرة ) او انا شكون ايبردني دابا هههه
نيار:(ضحكاتو بطريقة باش قالتها عنقها او تكا حداها كيشوف فيها او كيدوز يدو بحنان على وجها ) كيبقيتي
سارة:(ابتاسمات ليه) مزيان ..لبارح خفتي عليا ؟
نيار:قلبي كان ايسكت منين شفتك فديك الحالة
سارة: اخليلي لي كيخاف عليا ههه (باستو ففمو او ناضت من النموسية ) دابا فيقتك ياك اوا سير دوش او اجي تفطر
نيار: ههه تبقاي تفيقيني هاكا ديما
سارة: ههه حمق (وصلات لباب او ضارت عندو غمزاتو او نطقات بصوت مقحبن ) نقدر نفيقك بما كثر هههه (خرجات اوسدات االباب اما هو ضحك او نطق )
نيار: ااه تيريزا
فهاد الاثناء دخل علي مع لباب شافتو زمرد قلبها تهز او مشات عندو
زمرد: فين كنتي فليل شحال او انا كنصوني
علي:(كانو عينيه حوومر ماشبعش نعاس كيشوفها قدامو بحال كيشوف جنة نقز عليها بتعنيقة طويلة زيرها عندو او دفنها فيه اما هي بقات مصدومة ماعرفات اش دير حطات يديها على ظهرو او هي مترددة او كان قصي او شيماء كيشوفو فيهم حتى نطق بكلمات سمعاتهم غير هي ) عييت ازمرد حياتي كضيع شوية بشوية عتقيني عفاك (منين سمعات هضرتو زادت زيرات ليه كانها كنقولو من خلال التعنيقة بلي هي ديما معاه او ماتخلاش عليه اكتافات بالصمت اما هو طلق منها او مشا لبيتو بلا ميشوف فوجها او تلاح على النموسية ديالو نعس ..)
...هبطات سارة كتفطر او هبط نيار حتى هو كيفكر
شيماء: شنو بانلكم نخرجو
قصي: لي بغيتي
شيماء:(شافت ف سارة) شنو قلتي
سارة: ماعرفتش الى بغا نيار
نيار:(ابتاسم ليها) انخرجو كاملين
زمرد:(كانت ساهية كتحرك لمعلقة فالكاس د القهوة مدة طويلة حتى قفها صوت شيماء كتعط ليها ) أ أ شنوو
شيماء: فين سهيتي ولا تعنيقة د علي دارت مفعول هههههه
سارة:(شافت ف شيماء ) اشمن تعنيقة
شيماء: علي قبيلة دخل للدار او عنق زمرد هههه
سارة:(شافت ف زمرد بحال كتسولها عينيها ياك عاد البارح كانت كتكرهو فوقاش طورات علاقتهم او رجعو حباب الشوفات لي كانت كتشوف فيها أولهم نيار بلي غارت او زير على القبضة ديالو او حنحن)
نيار: احم احم
سارة:(شافت فيه او هبطات راسها كتفطر )
قصي: سيرو لبسو حوايجكم باش نخرجو
شيماء:اوكي(جرات سارة أو بغات تجر زمرد او هي تحبسها)
زمرد: انا ماغاديش نخرج غير سيرو نتوما
سارة كانت جاراها شيماء باش اطلعو او هي عينيها كيمشيو غير عند زمرد حتى طلعو لبيت لبسو حوايجهم و اشهد يا تاريخ اول مرة تلبس سارة شيحاجا مستورة فاكيد مابغاتش صداع مع نيار هبطو لقاو دراري كيتناوهم برا او تمشاو على رجليهم قصي شاد فيد شيماء او هي كضحك معاه او بعدو على نيار او سارة بضع خطوات اما سارة بقات كتشوف ف نيار مالو قالب وجهو عليها حتى سولاتو
سارة: نيار مالك
نيار:والو
سارة : لا بيك شيحاجا قولي
نيار: شوفي نتي
سارة:(وقفاتو ) شنو درت عاوتاني ؟
نيار: (عصر تحت سنانو او كيخنزر فيها ) علااااش شفتي ف زمرد ديك شووفة منين قالتلك شيماء بلي علي عنقها ؟؟ ولا ياكما غرتي ؟؟
سارة: منيتك واش نتا واعي لشنو كتقول
نيار: يالاه فسريلي
سارة:(تنهدات) نيار انا مغرتش انا خفت على زمرد من واحد بحال علي حيت مايستاهلهاش او مابغيتهاش تورط كيما وقعلي انا هادشي لي كان (حطات يديها على حناكو) عمرك تشك فحبي ليك اوك حبيبي
نيار:(تهدن نسبيا او باسلها يدها ) نتي عارفاني متسرع بلاش من دوك الحركات قدامي
سارة: صاف ماتكون غير على خاطرك
نيار:(شداها فيدها او زاد بيها ) فين بغيتينا نمشيو
سارة: نضور شفشاون كلها ههه
نيار: اوكي ابيبي (داكشي لي كان الرباعي ديالنا تمتع بالمسارية اي حاجا بغاوها داروها نيار او قصي حصلو فالساشيات ديال المشتريات لكل من شيماء او سارة او مشاو لمطعم كيديرو لگوطي )
...اما فالدار كانت زمرد كتفرج حتى هبط علي جلس حداها
قصي: فين مشاو هادوك
زمرد : خرجو
قصي:(بقا متردد واش اسولها او نن حتى تشجع ) زمرد بغيت نسولك او تجاوبيني بصراحة
زمرد: اوكي
علي: سارة او نيار بيناتهم شيحاجا
زمرد:(طاح عليها السؤال بحال الصاعقة تصدمات ماعرفات باش تبلات كان سؤال على غفلة) كي..كيفاش
ماهي الى دقائق لبسات زمرد عليها او خرجات هي او علي كيهضرو او يتعرفو على بعضياتهم كثر كاع داك الحقد او الكره لي كان فقلبها اتجاه ديالو تلاشى او عرفات علي اخر ظريف او زوين او حسات بيه تبدل بقاو كيضورو او شرالها تذكار من شفشاون طرابش ديالهم او بقاو كيضورو بدأت الشمس كتغرب سارة او نيار او قصي او شيماء طلعو لبلاصة عالية كيشوفو غروب الشمس او عاجبهم المنظر حتى سالاو او طاح الليل او رجعو ادراجهم للدار دخلو او كل واحد مشا لبيتو ابدل حوايجو حتى تلاقاو لتحت كيوجدو لعشا او هاد المرة قصي او نيار لي كيطيبو او لبنات كيتفرجو فالتلفازة حتى دخل علي او زمرد كيضحكو او شافتهم سارة او رجعات لنفس الوضعية ديالها او عينيها على تلفازة او نطقات )
سارة: قلتي مافيك لي يخرج
زمرد:(بقات كتفتف و كلشي كيتسنى جوابها ) انا ..انا
علي:(انقذها او مشا عند سارة) كيبقيتي
سارة:(شافت فيه) مزيان
علي: (هبط راسو او كيشوف فيها او عينيه كيقولولها سمحيلي )
ضورات راسها دغيا او زمرد طلعات لبيتها اما نيار كان حاط يدو على لبوطاجي او كيخنزر ف علي لي داز من حداه او هبط راسو سارة جمعات الوقفة او مشات عند زمرد دقات عليها فالبيت او دخلات
سارة: ندخل؟؟
زمرد: وي
سارة:(جلسات حداها فالنموسية ) زمرد سمعيني انا ماعنديش مشكلة تكوني مع علي ولا تخرجي معاه ولا تقريب منو غير كنتمنى ماتخبي ليا حتى حاجا او تصارحيني بكلشي
زمرد:(هبطات راسها او نزلولها دموعها ) اهئ اهئ سمحيلي اسارة غدرتك ولكن ماشي لخاطري (عاوداتلها كلشي )
سارة: ششش ماتبكيش الحمقة الحب ماشي عيب او انا حاسة بلي حتى علي كيبغيك والله انا غير خايفة عليك حيت مايستاهلش وحدة بحالك
زمرد: نتي مامقلقاش مني
سارة : لا هه والله
زمرد: (عنقاتها ) شكرااا بزاااف
سارة: انا لي خصني نشكرك حيت بلا بيك ماكنت نقدر ندير حتى حاجا انا قررت منين نرجعو للقصر نطلب طلاقي من علي او نهددو باملاكو الى مابغاش
زمرد: اه فكرتيني ليوم علي سولني قالي واش سارة بينها او بين نيار شيحاجا او نكرت بلييز اسارة ردي لبال لراسك راه علي كيشك
سارة:(تنهدات) انا مخايفة حتى من شيواحد او قريب كولشي اتفضح الاهم عندي هو نبقا مع نيار او صاف
زمرد: انشاء الله كولشي ايتقاد
سارة: يالاه زيدي نتعشاو
هبطو لبنات او كلشي تعشا او مشا لبيتو او ايصبح صباح جديد اتقلب فيه موازين القصة ...
تيريزا الجزء الثامن
محتوى القصة
التنقل بين الأجزاء