أسيرة جبروته الجزء التاسع

صلاح خرج جاهل من الحفلة لي تقلبت سفاها علا علاها..أمين وكريم تبعوه..اما لبنات بقاو مجموعين كيواسيو بعضياتهم ويبكيو..

صلاح ساق بالجهد وماتسنى تاواحد..ولوخرين مشاو فالطوموبيل د أمين تابعينو..

صلاح هز تيلي كيسوق بسرعة ويقلب علا النمرة د نسيم وصونا ليه..

صلاح:ألو..نسيم..رؤيا تخطفت...خصنا لقاو لي خطفها ليوم قبل غدا..

نسيم ناض من بلاصتو:اوك تهدن انا غنشوف شنو نقدرو نديرو..

صلاح بعصبية:واش غتشوف شنو دير؟؟انا ماعرفتش فين هي ولا شكون خاطفها ولا شنو باغي وكتقولي تهدن...تيييط تيططط...

قطع تيلي ورماه كيدوز يديه علا راسو معصب وكيعض يديه حيت ماكانش منتابه ليها مزياان..

فبيت مظلم جالسة رؤيا سخفانة فوق كرسي شادين ليها يديها ملور ورجليها مع رجلين لكرسي وراخية راسها لقدام مع سكوتش ففمها..

طارق واقف قبالتها:ها حنا درنا لي بغيتي ا لالة..علا خاطرك دبا؟؟

آلاء:احححح قلبي برد..علا منظر شحال زوين...نتشهى نشوفو صباح وليل ههه..

طارق:مافهمتش..نتوما لبنات فشكل..(آلاء خنزرت فيه بمعنى علاش)..كتخليو لي داير ليكم المشكل وتلحقو لي ماعندو دخل..

آلاء:كفاش زعما عي مظلومة؟؟

طارق:لا راجلك لي مظلوم...راجلك لي باعك دغيا وبغاها اما هي...هاداك خليتيه وجايا تحكري عليها هههه هادشي كلو باش تحسي براسك قوية...

آلاء:شنو بغيتيني نديرلو..نقتلو!!نضربو نسبو وناخد فلوسو!!لاااا ا لحبيب ديالي...انا خديت دبا قلبو...شتي دبا غيتشهى يموت هو وترجع ليه علا خير..كيفما طعني فقلبي ودغيا حيدني من قلبو تا انا غنخليه يتطعن كل مرة..وهاد لولد لي فكرشها يموت كيفما قتلني ..

طارق ضحك:لا فالصراحة فيقتي آلاء القديمة..بشرها وقباحتها وغدرها فاش كتقصح..

آلاء تنهدت:ماكنتش باغية ولكن الوقت بغات...(دارت تخرج)خليها شي ساعة تا يبدا يحيد المخدر ونفيقها بطريقتي(غمزاتو)هههه..

طارق:اممم لي بغيتي ا لالة..لمهم اري نمرت راجلك ناخدو شوية دالفلوس هههه..

آلاء:حاول تبدل صوتك..وحقى خوتها باش غنصونيو عليهم؟؟

طارق:هي ماعندها تيلي..لبوص كيفيدنا ..

آلاء باشمئزاز:لقديمة لوخرا..تا تيلي ماتكسابوش خخخخ...ياله تهلا نمشي نريح شوية..

طارق هز فراسو ومشى جلس علا كرسي مقابل مع رؤيا:ماعندنا مانديرولك..جيتي فطريقنا..الصراحة زوينة وباينة فيك ماشي ديال هادشي..ولكن لفلوس حسن منك ههههه..

هز تيلي كيصوني علا صلاح بالبخيفي..

صلاح غي شاف تيلي كيصوني فتحو بزربة:ألو...

طارق بدل صوتو:ألو...صلاححح..(صلاح من طريقة لهضرة عرف بلي كاين شي حاجة)..حاجتك عندنااا...

صلاح حبس الطوموبيل بزربة تا دارت صوت تسمع بالجهد:ش شنو...رؤيا عندك؟؟

طارق:اه...عندي...وداكشي علاش بغيتك تسمعني مزيان...

أمين وكريم خرجو من طوموبيلتهم بزربة ومشاو يفهمو شنو وقع باش صلاح حبس...

صلاح:اش غنسمع فيك ا شماتة..اجي عندي واجهني وماتمشيش تخطف مرا ماليها جهد لهادشي..تفوو علا زا**بوك تفووو...

طارق ببرود:عاذرك ا بب..خرط لي فقلبك ولكن ماطولش..الصولد غيتسالا وماغنكملوش هضرتنا ههه..

صلاح تعصب وكريم وقف م

حداه كيسولو بعينيه مالو...

طارق:مزيان لي سكتي سمعني مزيان..انا طالب40مليون..(صلاح عقد حجبانو)ثمن حبيبت قلبك..

صلاح تعصب:شنو 40مليون ا بل الشفار لاخور...الله ينعل طب***مك..ووديني ونشدك تا نقطعك طرااف..

أمين بالشوية:سايسووو ا صاحبي..مالك..

صلاح عاد بدا يبرد ويتراجع..

طارق:ساليتي..اوا هادشي ثمن غي حبيبتك..مازال واحد 40خرا ديال ولدك خخخخ..

صلاح غيطرطق ولكن أمين كيسمع وكيهدنو بيديه...

كريم مشى كيجري بعيد صونا علا نسيم يقولو بلي المجرم كيهضر مع صلاح..وبدا يشير ليهم يطولو فالمكالمة باش يعرفو ارسال تيلي ديال طارق منين..

صلاح تنهد:وشنو يضمن ليا ماغضرهاش لا هي لا ولدي؟؟

طارق باستهزاء:الضامن هو الله ههه..(صلاح عض شنافتو)لمهم ماتعطلش علينا..

صلاح زير علا القبضة ديالو:بغيت نسمع صوتها...

طارق:واخة تا تفيق ونعطيك تسمعها..دبا خليها مرتاحة شوية خخخ..

صلاح غوت:شنو درتي ليها..بربي وتقيس شعر فيها تا نحرق دينمك بالعافية اولد الكلبة ا لملقط..

طارق:هههه لا درنا ليها غي مخدر باش تنعس وتهنينا من الصداع..

صلاح كيترعد عليه كون لقى يتيري فيه ميات قرطاسة باش يبرد..

طارق:لمهم وجد لفلوس باش مين نسمعك صوتها نقولك فين نتشاوفو...اوك...

صلاح بغوات:الله ينعل طب**مك ا ولد الق***..

أمين:برد ا صلاح..دبا خصنا نجمعو لفلوس ونساينو ايمتا يهضر..

كريم جا كيجري:راه نسيم كيشوف الارسال واش يوصلو لفين كاين هاد الشماتة..

صلاح خرج من الطوموبيل كيزدح فيها:فوووقاش غي قولي فوقاش...تا يفوت لفوت...

أمين:ماتقولش هكا..غلقاوها...انشاءلله..خلينا نبقاو واقفين مزياان..

صلاح:انا غنمشي باتجاه الخرجة دالمدينة غنسول ونشوف واش شافو شي حاجة غريبة..ونتوما عاوتاني سيرو للعكس وانتابهو لكاع الديور لي خارجبن لفيلاج وبوحدهم...

كريم:دبا هضرتي...لمهم خلي تيلي ديالك معاك ..سبحان يعيطولك تعلمنا بلي كاين..

صلاح هز راسو ومشى ركب طوموبيلتو وكسيرا...

أمين:ياله تا حنا..

مشاو كيجريو وكريم عيط لباه باش يمشي يعاون النسا لي بقاو بوحدهم ومنهم تا حسناء...حيت مابقات ثقة..

علاء مشى وقف عند راس عمر:مافهمتش كفاش تا وقع هادشي فدارك..

عمر:تا انا ماعرفتش...

علاء:بلاتي ماعندكش كاميرات؟؟

عمر:لا مازال ماركبتهم..

علاء خنزر فيه بحالا مامثيقش ومشى عند باه:انا غنمشي نعاونهم..خصنا لقاو رؤيا فاسرع وقت..

العمدة:وتخة اولدي ولكن حظي راسك..

علاء:واخة...ولكن شوف(قرب عند باه)انتابه علا داك عمر..الصراحة ماعجبنيش!!

العمدة:علاش اولدي؟؟

علاء:لمهم انتابه وصافي..اي حاجة علمني بيها واخة تا يهضر فتيلي..

العمدة:اه واخة...

مشى علاء بزربة ركب طومبيلتو..

اما رحمة ومريم كيبكيو ونجية تاهي كتحاول تصبرهم وترجع تبكي..وحسناء ماتفهمتش ليها بلي وسط حفلة هكا الخطف يكون ساهل..

صلاح بدا عملية البحث ديال ونسيم صونا عليه..اكدلو بلي كيديرو كثر من مجهودهم فالقضية..ودبا كيحاول باقصى سرعة يلقاو ارسال تيلي..

عمر مشى علا جنب والعمدة حاط عليه:الو..شنو درتو دبا؟؟..ءءء كفاش...صونيتي عليه من تماك؟؟تفووو علا حمار مكلخ...خصك تبدل لبلاصة دبا...تيلي غيقدر يفضحك ا بل الكلب لاخور..مال مك مكلخ تالهاد الدرجة؟؟

طارق تصدم ومشى كيجري عند آلاء:خصنا نبدبو لبلاصة..

آلاء:علاش؟؟

عاود ليها كلشي وهي تمشي تنوض الرجال لي معاها باش يهزو رؤيا ويبدلو لبلاصة..

نسيم صونا علا صلاح:ألو..حددنا المكان ديالها..

صلاح فرح:بصااح..عطيني العنوان دبا!!

خدا صلاح لعنوان وعيط لكريم وأمين فرحهم..ومشاو تا هما لنفس لبلاصة..

رؤيا مسكينة غي هازين فيها وهي مازال تأثير المخدر عليها..

عمر توتر بزااف مين جاو عندو لبوليس وبداو يستجوبو فالناس ويديرو خدمتهم..ومنهم تا عائلة رؤيا لي مقدةش يهضرو وطاهر جا موراهم طاهر وداهم..

عمر كان خصو ضروري يمشي..بين بلي محتاج يعاون فالقضية ولكن ماخلاوهش يتحرك..

العمدة دار راسو غادي ولكن بقى علا برا حاضي ومرتو فالطوموبيل مخلوعة..

صلاح بقى غادي باقصى سرعة عندو باش يوصل دغيا وتالبوليس كانو تما فالوقت..المداهمة جاتهم صعيبة فلول..حيت ماعارفينش شكون كاين تما..ولكن صلاح مابغاش مازال يفكر بدا يحاول يدخل ويشوف لي كاسن واخة عياو يحبسوه دفع لباب ودخل بالشوية ولبوليس تابعينو وواقفين بجنبو..

صلاح تنفس مزيان ودفع لباب..طلل مالقى والو..ولكن لقى الضو شاعل تما..تزير وشير ليهم دخلو موراه..حسو بلي تزطمو...وماكاين والو..صلاح كيقلب بعينيه ويشوف وهو بنتابه لشي حاجة كحلا طايحة..مشى كيجري هزها..

صلاح:هادا الشال ديال رؤيا(شمو)فيه ريحتها..

نسيم:متأكد!!

صلاح تزير:اه...(غوت)ياله كاانو هنا لكلاب ومشااوو..اووف دبا فين داوها؟فيين!!!

نسيم:برد ا صاحبي..غلقاوها انشاءلله غي تهدن..

امين وكريم ياله وصلو ومين عرفو لي كاين ضاع داك الامل لي كان فعيونهم!!

صلاح هز الشال وخرج معصب..ونسيم والفرقة البوليسية بداو ياخدو البصمات ويديرو خدمتهم..

أمين:مايمكنش...علا اخر لحظة عرفو بلي غنجيو ومشاو...هادشي ماكيطمنش..

كريم:ماعرفتش..شي حد قريب كيدير هادشي..مخلي اي تحرك لينا يتعرف..

صلاح:ولا شي حد ذكي كيسيرهم..وباغيين يلعبونا علا يديهم..ماعرفتش دبا فاش تفيق رؤيل كيفاش غيمون فيها؟؟اوووف ةالمشكلة حاملة وماخصهاش توتر..

أمين حبسو:ب بلاتي بلاتي...(شافو فيه)نتا قبايلا قلتي بلي طلب ثمن لبيبي ياك؟؟

صلاح:اه علاش؟؟

أمين:ولكن خبر الحمل ماعارفو حد من غيرنا(صلاح فتح عينيه علا الجهد هو وكريم)..نورمالمو ماخصهمش يكون عارفين..حيت حنا فدارنا وعارفين غي (كيحسب بيديه)لواليدة..مريم وخالتي نجية..هادو لي عارفين ونتوما قلتوها لشي حد؟؟

كريم:أنا وصلاح وخالد وبا ولواليدة وحسناء و....(كيفكر)..

صلاح بعينين غضبانين:و آلاااااء...

رؤيا بدات تتحل عينيها بثقالة..وراسها ضارها ولكن المشكل انها كتشوف في الظلاام..حاسة براسها مقيدة..وفمها مسدود بدات تحاول تحرك ووالو دايرينها لور وفجنبها جوج دالناس بقات تعافر وتحاول تفهم اش واقع..يديها ورجليها مربوطين وشعرها هابط علا عينيها...كتغوت ولكن كيتسمع بحرا أنين..

واحد فيهم:هاهي فاقت..

الثاني:مزيان..هكا نعرفوها ماماتتش دبا..

رؤيا كتدفع بيديه ورجليها ولكن هما شدوها زادو كملو عليها بغات طرطق أسوء احساس شي حد يشدك ويزير عليك وماتلقالو جهد..الدموع بداو هابطين ليها شلال مافاهماش واش كتحلم ولا هادشي بصااح...شوية وهي تفكر...اول ماغوتات علا صلاح وعلاء مشات من حداهم وغي دارت مع واحد الشجرة حست بشي حد خنقها بشي زيف ومن تما ماعقلت تالقات راسها هنا ...كتشوف مع الطريق كتخوطر فدماغها كيبان ليها الموت قريب ولكن شكون هادو لي دايرين هكا..شكون باغي يقتلها وهي عمرها آذات شي حد!!

صلاح غوت علا أحر من جندو وداخل كيغوت ولاح لفيست لي فوق منو فالارض كيعلي لكمام:نسيييييممم..

نسيم خرج عندو من تما:صلاخ مالك!!

صلاح بعصبية:فين آلاء..ياك تبعتيها فين جالسة؟؟

#فلاش_باك..

صلاح غوت علا آلاء وماضربها ماوالو باش يخلي ليها مساحة تدير لي بغات واخة هو ماثايقش فيها..مشى لطوموبيلتو وبقى مراقبها فين تمشي..صونا علا نسيم..صافط ليه مساعدين دخلو عند صلاح للطوموبيل وبين ليهم بلي مازال ماخرجت من الدرب...مشاو لطوموبيلتهم كيساينوها تخرج وغي شافو طوموبيل طارق غمزهم وهما يتبعوها...لقاوها غتجلس مع طارق فدار وسط لفيلاج...طلعت معاه ليها وماهبطوش منها بسرعة..

نسيم:انا غنعرف فين الدار لي مشات ليها غي تهدن..

نسيم بدا يدير اتصالاتو وصلاح سابقو مشى لطوموبيلتو وهو يلحق عليه بزربة وتحركو وموراهم كريم وأمين..

أمين خلا كريم يسوق حيت مابقاش قادر..خوفو علا ختو غيحمقو..بدا يشوف فالطريق عينيه حومر..

أمين:ماعندهاش الزهر...(كريم شافيه بالخطف ورجع كيشوف فالطريق)من نهار تزادت وهي كتحاول مادير تا حاجة تآذي تا واحد ولكن هي لي كتآذى...ياربي تحفظها...

كريم حط يديه علا رجلو:غلقاوها اصاحبي ماديرش فراسك هكا...ختك ختنااا وماغاديش نخليوها تآذى..

سلام مشى للداردولدو لقاها عامرة بوليس..مشى متقصد عند ولدو خايف:اش واقع اولدي؟.

عمر مافيه لي يهضر:بااا بدل الساعة بخرا الله يخليك...مافيا لي يهضر..

سلام بقى مشوكي وزاد تعصب:درتي لي فراسك؟؟ءءء..

عمر هضر بالحس:لا غي زيد غوت ولا حسن سير قولهم كلشي..

سلام:علاش اولدي!!!حرام عليك...

سمح فيه ومشى بحالو والعمدة هز تيلي كيصوني علا علاء لي كيعيط للبوليس يطقص علا شنو واقع..قالو لي شاف بعينيه..

علاء ماقدرش يصبر هز تيلي وصونا لأمين..

أمين شاف تيلي:اوففف مال هاد القلا.. كيصوني دبا شباغي مني اووف..

كريم بهدوء:جاوب حنا محتاجين اي واحد يفيدنا هاد اللحظة..

أمين ماترددش:ألو..علاء شنو كاين!!

علاء:فينكم!!بغيت نجي عندكم..

أمين:واش عاودولك علينا كنتساراو..راه كنقلبو علا رؤيا...

علاء عذرو:فهمت ولكن خصني نقولك شي هضرة..غي قولي فينكم..

أمين بدون تفكير:صافي راحنا غادين لسونطر الفيلاج..

علاء:اوك انا جاي...

رحمة مشات توضات ودخلت كتصلي وتطلب الله ترجع بنتها بالسلامة..دمعة كتمسحها وعشرة كينزلو..مابقاتش قادة تزيد تاكل صدمة فشي واحد..نجية ومريم غي كيشوفو ويهزو كفوفهم للسما يدعيو تبقى علا خير..

وصلو للدار اخيرا طلع صلاح كيجري فالدروج ونسيم تابعو بعدما عرف اينا اطاج..صلاك كيدق بحال شي مجنون فلباب ومين ماحلو تا واحد بدا يزدح فيها بكتفو علا جهدو تا تهرست ودخل..لقى الدار خاوية..بقى يقلب ومعاه نسيم كيف الحمق..حس بلي خصو يلقاها ضروري ..ولكن للأسف الدار مافيها حد..وفيها غي حوايج الرجال وتصويرة وحدة فبيت تماك فيها طارق منعق علي...عرفو بلي القضية مشربكة..علي وطارق فنفس الكفة ودبا معاهم آلاء والعالم الله واش شي حد اخور معاهم..

صلاح بدا يدفع فالطبالي ويغوت:فيننن هي...فين مشاات داك الكلبة..دبا عرفت علاش كرهتها..اوووف...

نسيم كيكالميه:صلاح تهدن حنا محتاجين اعصابنا فهاد لوقت..

طلع أمين كيجري وخلا كريم كيهضر مع علاء ويوصفلو العنوان..

آلاء غادية فالطوموبيل مخنزرة راكبة لقدام مع طارق..هزت تيلي وحيدت لاكارط ورماتو تيلي فالارض..

طارق:دكية مع راسك!!

آلاء:ميت دخل لهادشي اما كون دكي ولا حيد عليا خخخخ..دبا فين غاديين؟؟

طارق:لدار مهجورة فالدوار لي قريب..كون ما عمر نبهنا كون راحنا فعوكاشة دبا هههه..

آلاء:اوا نتا حمار..من ديما خصك لي يكودك..

طارق غوت:اييي حتارمي راسك ولا لوحك برااا..

آلاء ماداتهاش فيه وبقات تشوف فالطريق:دبا تكون ختنا فاقت..خليها تعاني شوية ماشي ديما la vie en rose خخخخ..

طارق:مسمووومة...خخخخ

صلاح ونسيم كيحاولو يشوفو واش اشعارات تيلي ديال آلاء تعطيهم لبلاصة ولكن تفاجئو بلي تيلي مابقاش كيعطي الارسال...تأكدو بلي طفاتو ولا لاحتو..صلاح حس براسو غيطرطق مالاقيش لحل..

هبطو حدا لباب عينيه حومر كيشوف فالطريق من جميع الجوايه باغي يعرف منين يمشي ولكن تبلوكا..

عمر مالقاش حل..مشى عند باه وقفلو عند راسو:شوف غتمشي نتا لداك الدار..(كيشوف فلبوليس لي فدارو بحذر)خصك تكون معاهم انا فهاد اللحظة ماكنثيقش فداك الحمار دطارق..مايمكنش نتحرك انا ولا غيشكو فيا...

سلام بعصبية:مادخلنيش فصداعكم..

عمر:واا باا سير عندهم باش ماتخليهمش يآذيو رؤيا..مابغيت يوقعلها والو..

سلاام:كنتي تفكر فيها نهار لول..خرام عليك باش آذاتك؟؟

عمر:ماشي وقت هاد الهضرة:سييير دبا الله يخليك..وانا غي لقى الفرصة نمشي..

علاء وصل عندهم:سلام..شي جديد؟؟

تا واحد ماقدر يجاوب الا كريم:والو..

علاء:الدراري..انا الصراحة مامرتاحش لواحد وشاك فيه عندو يد فهادشي!!

كريم وأمين:شكون؟؟

علاء:عمر...مول لحفلة..

أمين عقد حجبانو:ك كفاش..شنو خلاك تقول هكا؟؟

علاء:مايمكنش شي حد يدير شي حفلة ويوقع فيها هادشي ومايظيرش ردة فعل..هو تالكاميرات مادايرهمش..واصلا باين عليه بحالا كان عارف..(الدراري كيسمعو بتركيز)خليت لواليد حاضبه وقالي كيخدم تيلي كل ساعة ودبا جا عندو باه وكيتغاوتو معصبين..

أمين:م مايمكنش..عمر عندو رؤيا عزيزة بزااف..و...

صلاح:عمر كيكمي السيجار؟؟

أمين دازلو الشريط فبالو وتفكر نهار كان فالكافي:ءءء اههه..هو ...هو لي كان فيديه السيجار لي شفت بحالو...(خرج عينيه)وكان معايا فاش عيط ليا خالد...وغيكون ت تيعني...اووووفففف(كلهم تصدمو)هو عدووونا مااايمكنششش علاااش!!!

صلاح:و ودبا شنو؟؟شنو غنديرو؟؟

نسيم:غنعيط للبوليس يديرو خدمتهم..

أمين غوت:لاااا رؤيا غتولي فخطر..لاا ماتعيطش دبا..

علاء صونا ليه تيلي:هادا لواليد..

كريم:جاوب...

علاء:ألو بااا...كفاش!!..صاافي تبعو ..ها حنا موراك غي قولي فين ونتا غادي...بااا عاندااك الله يخليك..حيت عمر هو مول لفعلة صدق...تيييط تيييط..

صلاح بقلة صبر:شنوو..شنو قال؟؟

علاء:باا سلام هز طوموبيل بعدما هضر مع ولدو ومشى..وبا تابعو..

أمين:ياله..خصنا نتلاقاوه فالطريق..(هضر بغضب)وهو غيقول شنو دار ولدو...

كريم:لااا ماتسرعش مابغيناش نضيعو فرصة خرا...حنا غنتبعوه ونشوفوه فين غادي..يقدر يوصلنا لرؤيا..

صلاح بغوات:ياله...(شاف فعلاء ونسيم)نتوما ركبو معايا..

علاء ماترددش وركب حدا صلاح ونسيم لور..كيهضر مع لبوليس مايخليوش مساحة لعمر فين يتحرك ويبقى تحت نظرهم..وابخي عيط لأمبن لي موراهم فالطوموبيل وخدا نمرة عمر باش يراقبو تيلي ديالو ويتصنتو علا مكالماتو..

طارق وآلاء قربو يوصلو عاجبهم لحال...اما رؤيا مسكينة فزكت حوايجها بالبكى وكتشوف فالطريق ماعرفتش فين راها..الخلعة خلاتها تبغي تخرح علا عقلها..ماكرهتش كون قتلوها وتهنى من هادالاحساس...

صلاح سايق بسرعة خيالية ومعاه علاء لي علا اتصال بباه كيقولهم الطريق شوية بشوية..

اما باا سلام كل همو ينقد بنت خوه لي عمرو اعترف باخوتو ليه..ولكن رؤيا حنينة وطيبة القلب مايقدرش يتخيل يديرو فيها شي حاجة..داكشي علاش تاهو كان سايق بسرعة..خصو غي ايمتا يوصل..

وصلت اخيرا آلاء وطارق..الدار فري قديمة وخاوية كان نافعهم غي ضو الطوموبيلات..مضوي عليهم فداك الليل..

دخلو هما فلول معاه جوج رجال..وجوج لوخرين مع رؤيا لي فاش وقفت بيها الطوموبيل بغات تقيي وداك السكوتش علا فمها عينيها خرجو مسكينة بزز باش خيدوه ليها فاش جروها علا برا..تقيات فيديهم وطاحت علا ركابيها وشعرها فزك بقوة الجهد لي خسرت..هزها واحد علا كتافو وهي دايرة بحال شي شرويطة ماقادة دير والو..سخفانة والدموع فعينيها كتشوف الموت بعينيها..

آلاء:اووف علا ريحة..تفوو تقول كيدبحو الحوالا هنا..

طارق:لا كيدبحو بنادم هههه..

آلاء:قاد فين نحطوها وباراكة من الضحك..

طارق جمع فمو معصب ومشى كيعيك للرجال يقادو الكرسي..اما آلاء تخبعت حيت مازال ماجاش لوقت تشوفها..ربطوها الرجال فالكرسي وهي مرخية وراسها غالب عليها..

طارق علا ليها راسها من شعرها:علا سلامتك ا تيتيز..

رؤيا شافت فيه بعينين ذبلانين وبدات تبكي:ط طلقني(ماعندهاش الجهد)عااافااك ..شنو درتلك اهئ اهئ..

طارق:تايجيبو لينا لفلوس ا بب ونطلقك..

آلاء خرجت:لااا تا ناخد بعدا حقي انا منك ا بب..

رؤيا شافتها والعروقات كتصبب عليها..بصدمة:آ آلاء!!

آلاء بضحكة شر:اممم انا ا بب..

سلام غادي كيجري فالطريق مركز غي ففكرة انقاد رؤيا..الشي لي خلاه ماينتابهش لطوموبيل العمدة موراه..سلاام ولا يفكر يهزها ويهرب بيها ولكن كفاش غيدير مع الرجال لي تما..بقى يحاول يلقى حل حسن مايخليها تما..

صلاح بعصبية:هادا فين ماشي؟؟واش خارج علا لفيلاج فمرة!

علاء:خلينا نمشيو ونشوفو شنو كاين؟؟

صلاح مغزف:كنخاف يكون شي ملعوب تما وباغيين يتلفونا بلعاني..

نسيم:ماتخافش اي تغيير فالخطة غنعرفوه..ها هما مراقبين خط عمر وغيجيونا الاخبار..

آلاء:جبتك تالعندي نتهلا فيك...نقادك ونزينك (حطت يديها علا كرشها)ونتبعك بولدك..

رؤيا بدات تحاول تبعد وآلاء ضحكت:ههههه مالك..خايفة علا لبيبي د صلاح ا حبي..(ناضت)ماتخافيش..انا ماغنحطش يدي فيك...غنخلي طارق يدير شغالو فيك..

رؤيا تصدمت:ش شنو..كتقولي..حراام عليك..شنو درتلك اهئ اهئ علاش خاطفاني؟؟

آلاء بعصبية:حيت نتي خطفتيلي راجلي..خليتيه يكرهني ويبغيك(رؤيا تصدمت..كان عاهدها بصلاح كيبغي آلاء ماشي كيبغيها)اههه ضيعتي مني حب حياتي لي خلاني نعيش اجمل حياتي...ولكن غنخرج منك كلشي..(حطت يديها علا طارق)بغيتك تغتاصبها مزيااان...تا توسعها (رؤيا خرجت عينيها فيها)بغيت صلاح الا نهار اخور بغى يقرب منها يعيفها ومايلقى فيها مايتلبق...تولي بحال شي موسخة مايستمتعش وهو معاها..(طارق بدا يشوف فرؤيا بشهوة..مدة طويلة ماقاس شي بنت)واكيد داك الساع لبيبي ملغيقدش يصبر وغيطيح...ونكونو(صفقت)ضربنا عصفورين بحجر واحد ههههههه...

طارق بشر:انا بعدا موافق هههه..

رؤيا بدموع فعينيها وغصة فقلبها:لااااا لااا ماديريش فيا هكااا اهئ اهئ..

عمر حاس براسو محبوس فدارو كلما كيبغي يتحرك كيديرو ليه شي حاجة تحبسو..تا بدا يشك فرلسو ولكن مافيدو مايدير..

طارق بدا يحيد فحوايجو كيتشهى بعينيه:سيري..علاش جلستي(رؤياا كتبكي وتغوت)..

آلاء:بغيت نتفرج شحال ماشفت بورنو واون ديغيكط ياسلام..ناقصني غي شي فوطوي والذرة هههه..

طارق بسم:اوا عانداك غي تشهايني..

رؤيا بغوات:اهئ عتقوووني اعباااد الله اهئ اهئ..

طارق:بلا ماتغوتي ابب غيمشي صوتك علا الخاوي..هنا كاين غي حنا..وفري غواتك للحظاتنا الحميمية هههه..

آلاء:شووف تهلا..غي شرب تا تشبع بغيت تخرج سنين الحبس فيها...بغيت دماياتها تعمر الأرض..

طارق:كوني هانية بب ههه..

حل السمطة دالسروال وحيد صباطو وبقى غي بالبوكسر...رؤيا صاافي تسالاو ليها كتغمض عينيها وتغوت والصوت والو والجهد تقادا تمنات الموت باش ترتاح فهاد اللحظة..ولكن والو هو كيقرب عندها وبدا يحيد ليها لفيست وهي كتعكس معاه..هز تصرفيقة دوخها بيها وهي تبكي..

رؤيا:شوف فيا لله..ماضريتكش حرام عليك ضرني اهئ اهئ..

طارق:شوووتت بلا بكى انا قلبي هشيش راه نبكي معاك..

آلاء جالسة قبالتهم كتبسم ودايرة يديها تحت راسها..

رؤيا:عتقوووونييييي ياااربي...

رحمة قلبها تقبط بدات تغوت:بنتي بنتيييي..جيبولي بنتي اهئ اهئ..مريم ونجية تخلعو مشاو كيشدوها وهي خارجة من الدار كتبكي وتغوت..

اما أمين وصلاح فالطريق كانو اكثر وحدين واكلين الدق مزيان قلبهم غيخرج من بلاصتو...

طارق تعصب وهو كينثر ليها الفيست:سكتييييييي...

سلام دخل لبيت:اش كادير ا داك الحيواااان..

رؤيا شافتو رطعت فيها الروح.كتهضر بصوت مبحوح بالغوات وفيه نبرة بكا:بااا سللااام عتقني اهئ اهئ..

طارق وقف مخنزر فيه وآلاء ترسم الشر فوجهها:شكادير نتا هنا؟؟

سلام:نتا لي شنو كدير ا بل لموسخ لاخور..باغي تكرفص عليها..هادي هي هضرتنا..

طارق:شكاتخور..ونتا مالك ا شارف لاخور..

سلام هز تيلي:ساين نعيط لسيدك يسكتت ا لكلب ديالو..

طارق:لكلب نو نتا ..

سلام:اييه تحليك الفم..واخة..ألو ..شوف راه لقيتو غيتكرفص عليها..

رؤيا فوسطهم مصدومة ولكن حيت با سلام فهادشي رتاحت حيت كيدافع عليها..

سلام:خود هضر معاه..

نسيم:عمر جاتو مكالمة..هاهما غيصافطو شنو كيقول..

صلاح بعصبية:واش باك مازال ماوصل؟؟

علاء غي سالا صلاح من هضرتو صونا ليه تيلي:وصلت..

علاء:راه وصل..

صلاح هاد الكلمة شعلاتو ادرينالين..زاد كسيرا باش يوصلو..

نسيم صافطو ليه الهضرة تصدم..

صلاح:اش كيقولو؟؟

نسيم كيبلع ريقو:شي حد سميتو طارق باغي يتكرفص علا رؤيا..

صلاح عينيه ولاو بحال الجمر:شنوهووااااا...والله تا نقتل دينمووو..

عمر:ا داك بلمكلخ..رخف..عا لبنت..واش هادشي فاش هضرنا..

طارق قلب وجهو:شوف هضر معايا مقاد..مالك نتا وباك داخلين سخونين..

عمر:ا شوف نقطعو لدينمك الا قستيها..

طارق:نبدا بباك نيت لي راه حدايا..

آلاء كانت فيديها حديدة هبطت علا سلام تا غوت(ااااي)..

رؤيا بصدمة:لااااااا...

طارق:سمعتي ابب..

عمر:باااااا...ولد لكلب..والله تانحرك غي س...تييط تيييط..

آلاء:وها حنا تهنينا هههه..كمل ابب..

عمر حس براسو مسجون مالقى كيدير يعاون باه..بقى غادي جاي غيطرطق..وندم حيت دار ثيقتو فمحابسي وكلبة دالزنقة..

طارق شاف فرؤيا:عدناا...بعد الفاصل ا بب هههه..

رؤيا:لا عاافاك لااا ماتقربش مني عاافاك ارحمني اهئ اهئ..

آلاء رجعت جلست فبلاصتها كتمنظر...وعاجبها لحال..

اما نسيم كيسمع شنو وقع ومابغاش يزيد يوتر صلاح حيت تقريبا وصلو...

طارق حيدها من الكرسي كتدافع معاه وحطها علا الارض كيبرك علا فخادها ورجليها باش يطلقهم وهي كتغوت وكيحاول يحليها السنسلة دالسروال..

رؤيا:لاااا مامااااا اهئ اهئ..ياااربييي...

صلاح حبس الطوموبيل تلاقا العمدة:راهم لداخل..

ماخلاهش يكمل كلامو ومشى كيجري وأمين وكريم تابعينو ونسيم كيفرق العناصر ديالو..

رؤيا:طلققق منيييييي اهئ اهئ عتقوووني...

طارق صرفقها:سكتيي لمككك...

صلاح هاز فيديه زرواطة كيضرب لي لقاه قدامو وتاكريم وامين متعاونين معاه وعلاء تا هو..خلاهوه يسبق لداخل باش يعتقها تا دفع لباب وقفزو كاملين..

صلاح بعينين حومر وغوات:طلق منها ا داك الزا**..

طارق دور وجهو ورؤيا شداتها السخفة وبدات تشهق اما آلاء وقفت مصدومة كتشوفيه..

آلاء:لقيتينا هههه..

صلاح زاد عندها:اه فينما مشيتي غلقاك..(شدها بيد وحدة من عنقها خانقها مزبان تا بداو عينيها يحمارو ونو غادي بيها..كتحاول تحيدلو يديه بيديها بجوج ماقداتش)..

طارق تزير ولكن صلاح لاح آلاء لارض بعدما زراقت وهجم عليه كيضربو ويغوت:بيميني تا نقتل مك..والله تا نخرجها من دينمك...

بقى يضرب ويزرقلو فعينيه..جهدو كامل وغلو خرجو فيه ورؤيا مليوحة فالارض مسكينة مخلوعة وكتبكي..

صلاح هز رجليه تالسما وعطاها لكرش آلاء تا كشاكشها بغاو يخرجو..وبقى هكاك ضربة فيها وضربة فالكلب لي معاها..تا سخفها وطارق وجهو تخمج بالدمايات والزروقية..لمهم فدا فيهم كااع الفقصة ليه..وكلما كيتفكر ايام كان كيضرب رؤيا علا ودها كيركلها مزيان تا كتغوت..

أمين دخل دغيا ومشى باتجاه رؤيا هزها وكيحليها يديها ورجليها وهي كتبكي وتغوت..وقبالتو صلاح سخن عليه راسو كيضرب فيهم بجوج ومازال مابرد جنونو...فاش شاف صلاح سالا مع آلاء كمل شغالو فطارق لموسخ..

أمين بتوتر:ختييي ماتخاافيش انا معااك..ماتخاافيش..(عنقها كيحاول يهدنها وهي كترجف وقلبها غيخرج من بلاصتو..طبيعي لي شافتو ماشي قليل)..

رؤيا كتشهق:أ أمين اهئ اهئ..

كريم دخل ومشى كيجر خوه حيت طارق ولا كلو دمايات..ويقدر يموت فيديه..

كريم:عاونونييي..غيقتلو هنا هادا..

أمين مابغاش يطلق رؤيا بدا يعيط للدراري علا برا..

علاء ونسيم دخلو كيشوفو شنو واقع..لقاو با سلام مليوح فالارض كيشوفوه واش عايش ولا لا..ومشاو بزربة يبعدو صلاح لي شاخد ماقادرش يحبس من الضرب..وهنا حلت آلاء عينيها كيف الجن واخة كتوجع مازال فكرة فدماغها باغية ديرها واخة علا موتها...كلهم بالنسبة ليهم سخفانة ماتقدش تنوض ولكن هي الحر لي فيها وقفها بزز علا رجليها ومع كلشي ملهي مانتابهوش ليها وهي هزت الحديدة فيديها وبدات تحرك بالخف...

أمين كيوقف ختو ويحاول يخرجها من تما..تا حس بالضربة فراسو ملور...

داخ وشد راسو بيديه:آهههه..

ماجاو فين يدورو الدراري تا لقاوها كملت برؤيا وهبطت عليها لكرشها..

رؤيا غوتت بألم:آههههههههه...

نسيم شاف رؤيا غطيح وآلاء مازال غتزيد تضرب فيها جبد لفردي وصوب نيشان وتيراااا فيها بلا تفكير..طاحت لأرض فساعتها..

الاحداث وقعت بزربة خطيرة حدا صلاح لي غي شاف رؤيا طاحت علا طولتها وغيبت غوت بأعلا جهدو...

صلاح عروقو خارجين:رؤياااااااا...

صلاح دفع لي شادينو ومشى علا ركابيه كيغوت وهز رؤيا بين رجليه كيطلع راسها..

صلاح بخوف:رؤياااا!!رؤياااا فيقي ا حبيبة..فيقييي...

أمين شد فراسو وكيحاول ينوض اما علاء وكريم تصدمو من المنظر لي وقع...

نسيم هز صونفيل ديالو:عيطو لومبيلونص دبا...

آلاء طايحة رموشها كيترعدو ودماياتها هابطين من كرشها..

صلاح كيدوز يديه علا شعرها:رؤياااا كتسمعيني...(ناض علا رجليه وكيهزها)ماغنبقاش هنا انا..غنديها للسبيطار بيدي..

كريم:ء اه انا غنوصلك..

علاء:فري راه الطريق طويلة نمشيو حنا نتلاقاوهم فالطريق يديرو ليها اللازم..

أمين شاد راسو بيديه:تحركوووو دغيااا..

صلاح هز رؤيا فيديه وكان غيزطم علا آلاء ولكن دفعوه يمشي..اما نسيم بقى كيدير خدمتو..مشى دار لمينوط لآلاء ولطارق فيديه بجوج واخة مدوخ وعيط للمساعدين ديالو يهزو با سلام يخرجوه...ويعيطو للبوليس يشدو عمر..

خرجو الدراري كيجريو..وصلاح فيديه رؤيا كيحاول يفيقها ووالو..كريم دخل للطوموبيل يسوق وحداه أمين وصلاح حاط رؤيا علا رجليه ومتكيها عليه...

صلاح بالو غي معاها غيحماق كيشوفها صفرا فوجهها والتعب بان عليها وعينيها المنفوخين بالبكى..حس بقلبو مقهور كيعنقها عندو حيت حاس بلي ماكانش قد هادشي وواخة عيى يحاول تآذاات وبسباابو هو..

أمين مزير علا راسو وواخة الدم كيسيل مادايهاش فيه:ف فاقت؟

صلاح حرك راسو بالسلب:لاا مابغاتش تفيق..

كريم:ماتخافوش غتكون لاباس!!حقى أمين طمن عاىلتك بلي لقيتيها راه يكون غيحماقو..

أمين:اه واخة..هز وصونا علا الدار..

مريم كانت شادة فخالتها لي رجعوها من الزنقة تا بغات تسخف..شوية وتسمع الصوني كلهم قفزو ومريم ناضت كتجري..

مريم بلهفة:ألووو...

أمين:مريم...راه لقينا رؤيا..

مريم فرحت وغوتت:لقيتوها!!!

رحمة ونجية وقفو كيتأكدو من الهضرة..

مريم شافت فيهم:اه لقااوها..

رحمة بالبكى:حمدتك ياربي وشكرتك اهئ اهئ..

نجية كتمسح عينيها:شتييي قلتلك غيلقاوها..الحمدلله الحمدلله..

أمين:مريم..تلاقاوتا للسبيطار..

مريم:سبيطار؟؟

أمين:رؤيا سخفانة وغنديوها للسبيطار..ماتخلعيهمش نشاءلله مايكون والو...

مريم:واخة واخة..هاحنا غنمشيو دبا..

قطعت معاه ووجدو راسهم وخرجو باتجاه السبيطار..

عمر وقفو عليه لبوليس وبلا هضرة بلا كلام دارو ليه لمينوط فيدو..

عمر تصدم:اش هادشي؟؟

بوليسي:نتا متهم بحرق ارض الطراشن وقتل محمد الطراشن وخطف رؤيا...تفضل معانا..

عمر:و ولكن(دارو ليه المينوط وجروه)..

بربو الدراري للدخلة دالفيلاج وهي تلاقاهم لومبيلونص..خرج صلاح رؤبا فيديه وحطها فوق الباياص وطلعوها وهو طلع معاها بلا مايخلي فرصة لأمين..اما لوخرين تبعوه بالطوموبيل..

صلاح شاد ليها فيديها..وقلبو ضارو والدراري تما كيديرو اللازم معاها..

نسيم كيساين تجي لومبيلونص الثانية تهز داك المساخيط لوخرين..اما باا سلام مسكين بدا يفيق خرجوه وكيشربوه لما باش يفيق مزيان..

وصلو اخيرا للسبيطار وتما تلاقاو مريم ورحمة ونجية لي كيساينوهم فلباب..دخلو كيجريو برؤيا للمستعجلات..

رحمة شافت أمين دماياتو علا الشوميز:ولدي اش واقع اهئ اهئ مال ختك و ونتا مال حالتك؟.

أمين شدلها يديها:ماتحافيش ا ميمتي..انا مافيا والو..و رؤيااا سخفت وصاافي..لي داز عليها ماشي قليل..

صلاح دخل كيجري معاها تا حبسوه فلباب..

كريم شداتو مريم:شنوو واقع..لي شاف يقول كنتو فحرب..

كريم مسح علا وجهو:غي سكتي دبا والله مافيا لي يتفكر..

مريم بقات غي دور فعينيها مافاهمة والو..

وقفو كاملين حدا لباب وتجمع معاهم لطيفة وطاهر وحسناء..لمهم ترونت مزيان..

لممرضة:خويا اجي معايا خصك تنظف الجرح..

أمين واقف:بلاش ماكيضرنيش..

رحمة:لا اولدي غي سير ها حنا هنا..خصك داوي راسك..

أمين تنهد:واخة...

مشى مع لممرضة علا عينين حسناء لي مالقات كيدير تسول فيه فوسط هاد الروينة..

الطبيب خرج وصلاح كان غادي جاي غي شافو وقفو..

صلاح:دكتور!!

الدكتور:الصراحة حالتها حرجة..متعرضة للاجهاض والمشكلة انها تا هي بحالا مامعاوناناش..

صلاح تصدم:لمهم هي..الا كان لبيبي غيشكل خطر عليها سبقها هي لولا..

دكتور:نتا راجلها؟؟

صلاح تنهد حدا كلشي:اه..

دكتور:الله يكون معاها..دعيو ليها...

مشى وخلاهم غيتسطاو ورحمة زادت تخلعت ركابيها فشلو وحسناء ومريم كيشدوها..

كلشي كيدعي معاها بالشفاء وصلاح عينيه مدمعين متكي علا الحيط..ماقدرش يصبر سمح فيهم ومشى..

لطيفة:تبعووو ا ولدي تبع خوك اهئ اهئ..

كريم مشى كيجري موراه باش يبقى بجنبو..

عمر داوه لكوميسارية جالس كيندب علا النار لي دخل مرا فمخططاتو خرجت عليه دغيا..

خداو كااع لي عندو وتيليفونو ودخلوه للتحقيقات...اما آلاء حالتها خطر فلومبيلونص وطارق كيداويه وجهو والكدمات ديالو باش يرجع ينور الحبس...

صلاح خرج علا برا واقف مصدوم بعينين حومر:انا السبب..

كريم شدو:لا ماشي نتا..الظروف...ماتنساش بلي داك الموصيبة كان دايرنا فبالو لشي سبب وكان ضروري غيكمل انتقامو..

صلاح بحسرة وألم:ماقديتش نحميها هي وولدي..

كريم:ماتزيدهاش علا راسك..اصاحبي..صلي علا النبي وكلشي غيكون بيخير..

صلاح:اللهم صلي عليك ارسول الله...(شاف فالسما بعينين حومر)الله يشافيها...

بدا كيصبح الصبح..وكلهم حالين عينيهم بتعب...مدة مانعسو علا خاطرهم..صلاح هو لي مافيه لانعاس لاوالو..وزيد عليه رحمة حيت هاد الجوج لي هازين لهم مزيان..صلاح خايف يخسر حبيبتو حيت عمرو ماغيقدر يسامح نفسو..ورحمة لي خايفة علا بنتها لاتمشي تفقدها وهي ماعندها جهد لهادشي..

أمين ناض باتجاه الحمام..يغسل وجهو ويجيب قهوة هبط لتحت جلس فالكافي ديال السبيطار شوية لحقت عليه حسناء ومشات طلبت تا هي قهوة خداتها وجرت الكرسي وجلست حداه..

حسناء:غتولي لاباس..بلا مادير فراسك هكا..

أمين كينثر فداك الكارو وكيشرب موراه جغمة دالقهوة ويشوف بعيد..

حسناء خلاتو حطو ففمو وهي تحيدو ليه تا شافيها:شنو كدير..واش باغي تقتل راسك..كتكمي بلا ماتفطر ..

أمين:وشنو بغيتيني ندير..نوض نشطح مثلا..ختي لفوق كتعاني وتضربت حدانا ماقدينا مديرولها والو ..كفاش بغيتيني نتعامل عادي فهاد الظروف..

حسناء:شوف انا عارفة وحاسة بيك ولكن هادشي لي كدير ماغيفيدها بوالو..زعما الا ضريتي راسك هي غيعجبها لحال؟؟

أمين تأفف:اوففف ا حسناء..صبحي علا الله..اعدا ماعندي هاد المواعظ...

حسناء طفات لكارو فالطفاية وناضت وخلاتو..

أمين دور وجهو وانتابه ليها ماشية مقلقة وحدر راسو..وتاجبد كارو يكميه ورجع خبعو مخيب كمارتو..

كريم كيحل عينيه بزز ومنتابه لمريم قبالتو حاطة راسها علا كتف ماماها وناعسة حيت عياو بزااف بليل ..

طاهر صلا وجا عندهم:ماكاين خبار؟؟

صلاح مربع يديه كيشوف قدامو وساكت...

كريم:لاا والو..

طاهر:لاحول ولا قوة الا بالله..

الطبيب داز من حداهم داخل عند رؤيا:صباح لخير..

كلشي:صباح النور..

الطبيب:انا ندخل نشوفها ونجي نطمنكم عليها انشاءلله..

طاهر:واخة انشاءلله..

دخل الطبيب لقى رؤيا ناعسة علا الفراش..هز المعلومات لمعلقين فالسرير ديالها وقراه..شوية حطو ومشى كيحاول يحل ليها عينيها ...

رؤيا:باباااا بااابا توحشتك بزااف...

محمد:تا انا توحشتك ابنتي..بزااف...

رؤيا بدموع:علاش خليتيني؟انا ماقادراش نصبر علا فراقك!!.

محمد:كان ضروري نمشي...

رؤيا:اوا ديني معاك ا بابا الا ضروري تمشي!!

محمد بقى كيشوفيها بزاااف بلباسو لبيض ولحيتو الطويلة كحلا كتبري..

رؤيا:جاوبني ا بابا علاش ساكت...

محمد:نتي حاملة ابنتي!!

رؤيا بحشمة:اه ا بابا..

محمد:عطيني ولدك نديه معايا..

رؤيا خافت:لا ابابااا خليه معايا...حيت الا مشى ولدي معاك تا انا خصني نمشي ..مانقدرش نفارقكم بجوج ..

الطبيب بدا ينتابه لملامح رؤيا لي كيتبدلو..والضغط ديالها كيزاد..بدا يصوني علا لممرضات يجيو دغيا فجهاز الاندار...

صلاح ورحمة مين شافو لممرضات جايين كيجريو تخلعو..دخلو وشدو فوجههم لباب..

الطبيب:لمريضة هاد اللحظة فخطر..خصها محفزات باش تفيق ضروري...رؤياااا رؤيااا...

رؤيا:لا ابابااا اهئ اهئ ماتديهش عااافاك...

محمد غادي كيهضر بحزم:غنديه...

لممرضة بخلعة:دكتور لمريضة بدات تنزف...

الطبيب:اووف...قاديها نشوف...

علاو ليها رجليها وبدا يفحصها..

صلاح علا برا عقلو غيخرج:شنو واقع...علاش تا واحد ماكيجاوبنا؟؟

رحمة:لا اهئ بنتي..شنو بيها...اهئ اهئ..

مريم فاقت مخلوعة وكريم كيحاول يكالمي خوه..

حسناء جات بجرية:شنو واقع؟؟

طاهر:ماعرفت ابنتي...راهم عندها لداخل...

رؤيا كتجري مور باباها:صافي صاافي تا انا غادية معاك...

محمد:لاااا قلتلك نتي خصك تبقاي...انا غندي ولدك يونسني..ماعندو مايدير معاك..

رؤيا بحسرة:تا انا ماعندي ماندير تماك..غنمشي معاكم ونتهنى فمرة..

محمد بقى كيشوفيها وهي كتبكي..بقات فيه شدلها فيديها...

الطبيب بغوات:زيدي الجرعة فالسيرو خصها تفيق دبااا..ياااله..

رحمة:ياربي ياربي 😭😭😭..

مريم ونجية كلهم بداو يبكيو لوضع ماكيطمنش..

أمين من بعيد شافهم كفلش واقفين مشى كيجري وقف مصدوم خايف يهضر..

حسناء شداتلو يديه:غتولي لاباس!!

أمين بقى مركز عينيه فلباب كيساينو ايمتا تحل...

خرج الطبيب باين عليه الارهاق كيمسح العرق من عليه..

صلاح زير عليه:شنو وقع هضر!!

الطبيب:الحمدلله...نقدناها علا آخر لحظة...

صلاح رجعت فيه الروح وطلق منو:ك كتهضر ب بصاح يااك!!

رحمة:ب بنتي لاباس دبا؟؟

الطبيب:اه الحمدلله...راها فاقت..جيت نطمنكم فلول...

أمين بابتسامة:حمدلله مين فاقت..

كريم:ولبيبي ادكتور؟؟

الطبيب:لبيبي!!!(ابتاسم)تاهو بيخير...

كلشي:ااااااااالله اكبررررررر...ههههه حمدلله ياربييي..

تخالطو الاصوات والفرحة بانت فعينيهم..رحمة عنقت ختها ومريم وكريم تعانقو لقاوها سبة..أمين عنق حسناء لي كانت شادة فيه وطاهر شاد فكتاف صلاح لي اخيرا شرقت شمسو لي غابت عليه هادي مدة...

الطبيب:ماعرفناش شنو وقع ولكن كنا غنخسروها هي ولبيبي ربي زاد ليهم فالعمر..

#فلاش_باك..

محمد شد فرؤيا وهي كتساينو يديها معاه وهو عطاها كاس دالحليب:هادا ابنتي..عطيه لولدك..وتهلاي فيه...هو غيكون مزياان الا بقيتي نتي معاه ماشي انا...سيري وماتعاوديش تجي هنا...حيت هاد لبلاصة ماشي ديالك..نتي تستاهلي بلاصة حسن...

رؤبا عينيها دمعو:غتخليني وتمشي عاوتاني؟؟

محمد:من الافضل نمشي ابنتي...ونتي رجعي منين جيتي وتهلاي ليا فحفيدي(طلق منها وبدا كيبعد شوية بشوية)..

رؤيا كتمد يديها ليه:باااباااا..اهئ اهئ...باابااااا....

وهو قلبها يتخطف وحلت عينيها حومر والدمعة واقفة فيهم..

الطبيب كان وقف النزيف حيت ماشي كبير بزااف:حلت عينيها؟؟

لممرضة:اه..(قربت منها)رؤيا كتسمعيني!!

رؤيا هزت راسها بآه وهما يرتاحو..

الطبيب قادها ومشى كيفحص ليها عينيها ويشوف واش كتسمعو ومين تأكد دار ليها الايكو لكرشها ولقى نبضات قلب لبيبي خدامين فانتظام..تنفس مزيان وفرح..

الطبيب:تكتب ليهم عمر جديد الحمدلله..

رؤيا مازالة مافاقت مزيان ولكن بسمت مين سمعت دقات قلب ولدها بالجهد وتأكدات بلي بيخير..

رحمة:نقدر نشوفها؟؟

الطبيب:اه ساينو نديوها لبيت آخور وغتشوفوها انشاءلله كاملين..

صلاح بسم ولكن تقرص..تفكر هضرتها فاش قالت"مابغيتش نشوفك مرا خرا..مرضتوني فصحتي"..

حنى راسو وتم غادي..

طاهر شدو:فين غادي اولدي؟؟

صلاح بحسرة فوجهو:تالهنا ومهمتي سالااات...

كريم انتابه لخوه غادي تصدم:لواليد فين مشى صلاح؟؟

طاهر:خليه...هو محتاج يبقى بوحدو فهاد الساعة..

كريم بقى مراقب خوه غادي داير يديه فجيابو تا اختفى عن الانظار..

خرجو رؤيا من قدامهم كتشوفيهم بالشوية وحاطة يديها لي فيها الجبص شوية علا كرشها وراسمة ابتسامة خفيفة..

ترونت القضية وكل واحد كيهنئها بسلامتها وسلامت لبيبي وهي عينيها كتقلب علا شخص واحد..علا لي غامر وجا كيقلب عليها..علا لي كان بحال شي ثور هايج فاش شاف شخص اخور غيقرب منها...علا لي ولا كيبغيها كثر من راسو وفضلها علا خبو لقديم وهي ماخبارهاش...ولكن للأسف ماكاينش دبا...خافت عليه وحشمت تسول...بقات غادية قدامهم كيبوسو يديها ويبكيو ويضحكو فنفس لوقت تا طلعوها فالاسونسور باش تمشي لبيتها..

خرج صلاح ركب طوموبيلتو ..هز تيلي كيصوني لنسيم ..

نسيم:ألو...صلاح!!

صلاح بجدية:ألو..فين وصلت داك الكلبة؟؟

نسيم:بين الحياة والموت..الضربة جاتها فالرئة..

صلاح:عقبال نسمع خبارها..

نسيم:نيت الطبيب كيقول حالتها ميؤوس منها..

صلاح:ورباعتها؟؟

نسيم:عمر مازال فالتحقيقات وطارق راه فالحبس حيت تشد متلبس..

صلاح:لمهم علمني باي جديد..وماتنساوش علي سباب كااع هادشي..

نسيم:لا ماتخافش ..عمر قال بلي غيصوني عليه فهاد الايام وحنا كنساينو..

صلاح:عاالله مايوصلوش لخبار ويهرب فمرة..

نسيم:حتى لو!!سميتو وشكلو عندها والامن مستنفر مايتهناو ختى يشدوه..

صلاح:انشاءلله..

نسيم:كيف بقات رؤيا؟؟

صلاح بهدوء:حمدلله فاقت ودبا لاباس!!

نسيم:اوا علا سلامتها..

صلاح:الله يسلمك..ياله نهضرو من بعد..تيييط...

قطع صلاح ودور الطوموبيل باتجاه الدار...

رؤيا قادوها فبيتها وماجاو الممرضين فين يخرجو تا هجمو عليها كاملين..شي يبوس شي يعنق وشي يتفرج ويضحك..

مريم جالسة من جيهة ورجمة من جيهة...اما التاباقي كيشوفو فيها فرحانين بلي رجعت للحياة مرة خرا...واخة لب داز عليها ماشي قليل واكيد صعيب تنساه..

مريم:توحشناك اصاحبتي دوزتيها علينا بالخوف..

رؤيا بسمت وحنات راسها..

نجية ضرباها للراس:سكتينا نتي..لمهم دبا هي بيخير..

مريم:اييي(كتحك الضربة)مالي شنو درت؟؟

كريم ضحك تفكر شنو دوزت نجية علا بنتها قدام عينيه..

مريم شافتو كيضحك مارضاتش..

كريم:صافي اخالتي..بلا ضرب عاافااك راه هادشي لي كديري ماشي قانوني ههه..

كلش شافو فيه..

نجية خنزرت:اينا قانون!!

كريم:دبا مريم ماغتبقاش محسوبة عليك..دونك تبقاي تسوليني قبل ماديري اي تصرف...

طاهر تصدم وخرج عينيه فيه وهو تا هضر علا حشم..اما مريم تزنكت ونجية جاتها الضحكة..

رؤيا علات عينيها فيها كضحك عليها ولات كي ماطيشة..ناضت دغيا وخرجت هربانة من شوفاتهم ..

لطيفة دخلت قد قد مع خروج مريم كتشوفيها..

كريم:سمحولي ماشي وقتها..ولكن باش نفسر ليكم..انا فاش كنت بعيد خالتي نجية وبنتها كانو جيرانا انا وميي يامنة..وتماك بغيتها وتمنيت نتزوجها ولمن فاش عرفت قرابتهم ليكم تراجعت حيت مابغيتش نضرها..لمهم حدا كلشي كنقول بلي انا عمرني نويت نتفلا عليها..خصوصا حداك ا خالتي نجية..والا قبلتي عليا نجيب دارنا ونخطبها فاش تقاد الامور..

نجية بسمت:عارفة لي كاين اولدي وعذرتك...ولي فيها لخير الله يآتينا بيها..

أمين وحسناء تصدمو كيشوفو فبعضياتهم..

اما طاهر ولطيفة تلفو..

لطيفة:تلفتيني ماسلمتش تا علا بنتي الله يخليك بالخلا ههههه...

كلشي ضحكو وهي زادت عند رؤيا لي فرحانة لختها وحبيبتها مريم...لخيرا ربي غيطمع شملها مع حبيب قلبها كريم..

لطيفة:دبا شوية ابنتي؟؟

رؤيا بهدوء:حمدلله..اخالتي..

لطيفة:سمحيلي..ولكن كنت مع خالد..راك عار..

رؤيا:عارفة اخالتي..كيبقى هو؟؟

لطيفة:حمدلله...كيسلم عليك وفرحان لي وليتي بيخير..

حسناء خرجت فوسط هضرتهم كتقلب علا مريم..لقاتها غادية طاية فالكولوار بقات تضحك عليها..

مريم بعفوية:شتي اختي شنو دار معايا شتيي..

حسناء كضحك:هههه سعداتك هههه..

مريم:اييه ضحكي..تمنيت الارض تشق وتبلعني هههه..

حسناء:اوا حمدلله لي خرجتي راه كملت هضرتو وخطبك حدا كلشي..

مريم حلت عينيهت بالجهد:حلفييي هههه..

ممرضة دخلت عند خالد لي متكي كيقرا شوية الجورنال حيت قنط..

لممرضة:دبا يدوخك داك الجورنال من الافضل ماتقراهش ونتا متكي هكاك..

خالد طلل عليها باش يسكتها وهو يتبلوكا لقاها مزيونة بيوضة وشعرها مارو شوكولا وعويناتها كبار ومطيبزة شوية كيوت..حط الجورنال كيشوفيها مزيان..

خالد:ءءء..شنو قلتي؟؟

لممرضة علات عينيها تعاود لهضرة لقاتو ساهي فيها وراسم ضحكة علا وجهو..تزنكت وتلفت..

لممرضة:غ غي ب بغيت نقول ز زعما...

خالد زرب عليها:سميتك؟؟(شافت فيه وهو يزيد يدوخ)..اول مرة نشوف هاد الزين هنا!!

خالد من طبعو متبت ولكن الزين دوخو خخخ..

لممرضة حشمت:س سميتي ن ندى..

خالد بابتسامة:الله..ندى..سميتك زوينة بحالك..

ندى توترت ولكن تاهي عجبها مشات كتقيسلو الضغط باش تسجل..

خالد:لا غتلقايه طااالع بزااف هههه..

ندى بسمت:لا هوا هاداك تباركلله..

بدات تسجل وهو حاضيها وداير يديه تحت راسو..

ندى:الا حتاجيتي شي حاجة صوني فهاداك لي حداك..

خالد:اوك..(شدو فيديه)غي توصلي غتلقايه كيصوني ههه..

ندى ضحكت:اوا هي نبقى هنا نيت..

خالد:ماكرهتش هههه..

خرجت ندى وهي كدور وجهها وتشوفيه عاد شدت لباب...

خالد تنهد وسرح ظهرو:الله اربي الله...

صلاح وصل للدار دخل دار دوش وطلبهم يرميو حوايج آلاء..لبس عليه ومشى هز فاليز كيعمرها بحوايجو..عوال يسافر ويبعد شوية فهاد الفترة..

رجعت مريم مخبعة فحسناء وكلشي حاضيينها جاتهم الضحكة ولكن مابغاوش يحشموها كثر..

طاهر ولطيفة رجعو عند ولدهم وخلاو رؤيا ترتاح شوية برفقة عائلتها..

غي دخلو علا خالد قفز سحابلو ندى..فاش شافهم تراجع..

لطيفة:لاباس اولدي!!

خالد:مت لاباس حمدلله ههه..كيبقات رؤيا؟؟

طاهر:حمدلله ولكن خصها تبقى فالسبيطار تا تستقر حالتها مزيان..

خالد:اوا الله ينجيها..

رؤيا متكية ورحمة شادالها فيديها:بنتي دبا كتحسي براسك مزيان؟؟

رؤيا:حمدلله..مامااا..

رحمة:شنو ا ماما..

رؤيا:بابا زارني فالمنام..

رحمة:بصااح عاوديلي ابنتي..

رؤيا عاودات لماماها كلشي وهي تبوس ليها يديها:حمدلله لي ماداكش معاه اهئ اهئ..حمدلله لي خلاك معايا ابنتي..

رؤيا:ماتبكيش اماما..ها انا معاك..

رحمة بسمت:عندك لحق ابنتي..باراكة علينا من لبكى..

جات العشية صلاح هز الفاليز فيديه حطها فالكوفر وركب داير نظاظرو فعينيه ومشى باتجاه الاسطبل يشوف الخيل ديالو قبل مايسافر...

رؤيا مخشية وسطهم وحاضية لباب كتساين يجي عندها..واخة فرحانة حيت رجعت وسط عارئلة كبيرة كيبغيوها كاملين..ولكن ناقصها هو حيت بلاصتو بوحدها..

رحمة:ياله اختي سيري نتي ومريم ارتاحو فالدار..تالغدا واجيو انا غنبقى مع بنتي وأمين يوصلكم..

نجية:اويلي ونخليك بوحدك..لا!!

رؤيا:خالتي غي سيرو انا دبا حمدلله..رتاحو شوية راه باين عليكم التعب..وادا انشاءلله اجيو..

مريم:و ولكن..

رحمة:وا صاافي هضرنا..

أمين:انا انوصلهم ونرجع..

رحمة:لا بلاش اولدي..اصلا لحال شوية ويبدا يظلام وخصك تا نتا ترتاح..غدا اجيو فالصبح واخة..

أمين تنهد:اوك..زيدو..

رحمة:تصبحو علا خير..

حسناء هي وكريم كانو مشاو قبل يطلو علا خوهم خالد..بقاو معاه ومين قرب الليل رطعو للدار يرتاحو شوية من هاد الايام الصعيبة لي دازت عليهم...

باسو رؤيا وخرجو ماساخيينش يخليوها بوحدها..ولكن هكا حسن باش مايبقاش كلش معذب..

صلاح كيمشط للخيل ديالو شعرو:غنخليك شوية..(متأثر)وتاهي غنخليها..ماشي حيت ماكنبغيهاش!!حيت فالصراخة خايف...اه صلاح خايف..ببا ماضحك عليا.....خايف من ردة فعلها فاش تشوفني...(تنهد)ضريتها وتقدر تكون كرهاتني ودبا ماحاملاش تشوفني حيت كنت انا السبب الاول فاش ضربتها داك الكلبة...وماقديتش نمنعها تآذيها وعلا شوية كنت غنفقدها ونفقد ولدي...ولكن حمدلله...لمهم يكونو بيخير واخة انا غنتعذب فغيابها لمهم نسمع عليها خبار لخير..وتكون مرتاحة واخة بعيدة عليااا...(باسو)غنتوحشك...

رؤيا جالسة فبيتها كتشوف فماماها كتقرا القرآن بسمت ودورت وجهها كتشوف جيهة لباب وتساينو يجي...واخة تقلقت من غيابو وحيت تعطل عليها هي متأكدة غي تشوف وجهو غتنسى كلشي...الحب الأعمى هادا هو تفسير الشي لي هي فيه...لمهم تعنقو وتشم ريحتو وابخي عاد تغوت وتسب وضربو علا كاع لي دارو فيها واخة هي فالاصل مسامحاااه...

صلاح وقف بطوموبيلتو حدا السبيطار وطلع عند خوه يطمن عليه..لقاه فلبيت وطاهر ولطيفة مشاو يصليو لعشا..

خالد باستغراب:صلاح...علا سلامة رؤيا!!

صلاح بسم:الله يسلمك...نتا صافا!!

خالد:حمدلله..(شافو باغي يقول شي حاجة)هضر ا صلاح شنو باغي تقول؟

صلاح بسم:غنسافر...جيت نسلم عليك..

خالد عقد حجبانو:فين غادي؟وعلاش دبا؟؟نسيتي مرتك وولدك؟؟

صلاح:خصني نمشي...رؤيا خصها ترتاح شوية مني وتفكر علا خاطرها شنو يقدر يوقع..

خالد:ولكن هكا كتبان كتخلا عليها..غتقصحها مرة خرا اصلاح وغتندم..

صلاح:عارف..ولكن تقدر تكون نساتني..وانا مانقدرش نتخيل الا قربت منها ورفضاتني شنو يقدر يوقعلي..

خالد تنهد:فنظرك السفر حل!!سير عتاذر منها وبداو من جديد..عيينا بهادشي خصكم ترجعو لبعضياتكم دبا..

صلاح وقف:تهلا فراسك اخويا..انا غنمشي...

خالد تأفف:الله يديك علا خير..

صلاح بسم وخرج من عندو مأزم ومشى للجناح ديال النساء ووقف قريب لبيت رؤيا..شاف فرملية قريبة..

صلاح:عاافاك بغيت نعرف واش معاها شي حد لداخل؟؟

لممرضة:معاها ماماها..

صلاح:اوك شكرا...

دار يمشي وهو يسمع لباب تحل تخبع وطل بانت ليه رحمة كتشد لباب بالشوية ومشات باتجاه مسجد المستشفى...حس بلي هادي اشارة زوينة قرب من لبيت وحلو بالشوية وبانت ليه رؤيا متكية علا فراشها والضو خافت...فتح لباب مزيان ودخل وشدو موراه....قرب بخطوات ثقال كيركز فملامحها...جلس علا ركابيه قريب ليها كيغمض عينيه وينفس ريحتها لي كدخل لقلبو كتخليه يرتاح...بسم وهو كيشوفها ناعسة وشعرها مليوح علا المخدة وخصلات قريبة لوجهها قرب يديه يحيدهم ولكن خاف يفيقها وتراجع..زير علا القبضة ديالو ودارها فجيبو....

ندى دخلت عند خالد لابسة حوايجها ومقادة حيت سالات الخدمة وغتمشي لدارهم..خالد غي شافها تلف بقى حال فمو مع مكحلة عينيها ودايرة عكار خفيف..

ندى:انا جيت نقولك بلي سالات خدمتي..وغنمشي...غدا انشاءلله..الا حتاجيتي شي حاجة راه كاينة بنت خرا غتشد بلاصتي وتاهي ضريفة..

خالد:نتي لي كاينة وماكاين ماحسن..

ندى ضحكت عليه:ايييه اوا مزيان غدا نشوفو شنو غتقول عليك..

خالد:كوني هانية..

خرجت من عندو وهو راسم ابتسامة علا وجهو..

صلاح بعد تأمل طويل حنى علا راس رؤيا حيت تأكد بلي ناعسة وباسها بوسة خفيفة فجبهتها وناض من الارض خارج...

رؤيا بصوت حنين:صلااح..

صلاح تصدم ماقدرش يدور..

رؤيا حلت عينيها كتشوفيه:كنت عارفاك غتجي...

صلاح دور وجهو شافيها لقى عينيها مدمعين..بقى واقف مبلوكي قدامها عاض علا شنافتو ماراضيش بشنو دار فيها...

رؤيا بهدوء:غتبقى ساكت...(مدت يديها وشعلت الضو)..

صلاح حشمان:سمحيلي الا فيقتك..

رؤيا تقادات شوية فالجلسة:كنت كنساينك تفيقني ..

صلاح باستغراب:حسيتي بيا؟؟

رؤيا:اممم..فاش دخلتي..من ريحتك عرفتك نتا...علاش مافيقتينيش؟؟

صلاح قرب عندها:ماعنديش لوجه لي يقابلك..حاس براسي غلطت معاك بزااف..ومانستاهلش نوقف قدامك..

رؤيا:علاش ديما كتحط احتمالات وتبني عليهم حياتك؟؟

صلاح:حيت نتي ماباغياش تشوفيني وقلتيها بفمك..وانا مابغيتش مازال نقلقك..

رؤيا تزيرت:و ولكن انا...

صلاح:عارف..انا درت فيك غي القبيحة وماقدرتش نحميك وماكنتش قد المسؤولية..و...

رؤيا قاطعاتو بصوت دافي:توحشتك...

صلاح زاد قرب وجلس فجنب لفراش قدامها مصدوم:ش شنو!!

رؤيا حشمت:راك سمعتي...(شدتلو يديه)انا عارفة راسي قصحتك بكلامي لبارح ولكن..نتا قصحتيني كثر..وهضرتي مانقدروش نقارنوها بهضرتك..هادشي عل....

صلاح عينيه لمعو:كنبغييييك..

رؤيا تزنكت وحست بفرحة كبيرة وبقات كتشوفيه...

صلاح:اه كنبغيك(شد يديها عندو وحطها علا قلبو)كنبغيك بزااف من نهار مشيتي مابقيتش قادر نعيش...حسيت بلي خديتي طرف مني ومشيتي...ضعت وتلفت وماعرفت شنو ندير(رؤيا عينيها مدمعين وكتصنتلو بتركيز وهو كيهضر ويرتاح ويشوف بعيد..حست بلي كيعني كل كلمة كيقولها)وكلما كانت كتجي فرصة كنقول غنعتارف ليك وغنتقرب منك..كنصدق ماقادر نقول والو..وكنزيد نكرهك فيا...مافهمتش علاش..يمكن حيت بديناها قبيح وبالضد كان صعيب عليا نعتارف بلي هزمتي كبريائي وجبروتي..وقدرتي دخلي لقلبي وتاخدي بلاصة وتفرشيها وتاسعي مع راسك تا مايقدر حد يدخل معاك(ضحكت وهو هز يديه كيدوزها علا وجهها)نتي كنتي وغتكوني وغتبقاي اجمل حاجة طرات ليا فحياتي واكيد ماغنقدرش نفقدك.(رؤيا بسمت وحشمت)اوا ونتي!!

رؤيا:انا شنو؟؟

صلاح بصوت رجولي وبالحس:كتبغيني؟؟

رؤيا حدرت راسها وهو طلعو ليها:بغيت نسمعها منك..

رؤيا بابتسامة..طولت الشوفة فيه ونطقت من جوارحها:اه كنبغيك...

صلاح تنهد وشاف فالسما:اوووووه واخيرا...(جرها عندو عنقها بالجهد..خاشي ليها راسها فصدرو ومزير عليها مزيان لدرجة راسها علا قلبو وكتسمع فدقاتو لي تزادت بالجهد)..

خرج ليها راسها بالشوية كيحيد الشعر لي قريب علا وجهها كيردولها لور..

صلاح حط يديه علا كرشها وهو قريب:كيبقى ولدي البطل؟؟

رؤيا بسمت:حمدلله...بلاتي دبا جيتي تشوفني ولا علا ودو؟؟

صلاح:هههه لا انا جيت علا ودك اما هو مازال ماشفتو تالدبا ..

رؤيا عضت شنافتها:واخة ههه..

صلاح كيشوفيها بكل حب وشوق..حنى كيقرب لشنايفها طامع يضرب شي بوسة مادايراش..بداو انفاسهم كيضاربو هو غيحط فمو علا فمها ولباب تحلت بعد عليها وهي تزنكت...

رحمة باستغراب:صلاح!!!

رحمة بقات تشوفيهم وصلاح وقف قبالتها:سلام خالتي..

رحمة:سلام(كتشوفيه وفرؤيا)..فوقاش جيتي؟؟

صلاح بتوتر:ي ياله جيت و...

رؤيا:جا يطمن عليا وصافي اماما..

رحمة:امم واخة..

صلاح:ي ياله نخليكم انا نمشي دبا...

رحمة:فين غادي..هانتا جالس..خليني نمشي نجيب شي حاجة تشربها..

صلاح بسم:لا شكرا..زادون انا ماغنمشيش..غنبقى هنا..علا برا زعما..الا حتاجيتو شي حاجة انا موجود..

رؤيا بسمت وهي كتشوفيه ورحمة جاوباتو:لا اولدي بلا ماتشقي راسك..سير رتاح فالدار الليل هادا..

صلاح دار جيهت رؤيا وبسم:راحتي هنا...(رؤيا حنات راسها مزنكة)..

رحمة بسمت:واخة اولدي علا خاطرك..

صلاح:تصبحو علا خير..

رؤيا ورحمة:تصبح علا خير..

خرج صلاح فرحان جلس علا كرسي علا برا مربع يديه وكيضحك بوحدو..هو هادا الحب كيخليك تولي حمق لي شافك يقول الله يستر...

رحمة قربت حدا بنتها:شنو..

رؤيا:ش شنو شنو!!

رحمة بغمزة:تصالحتو؟؟(رؤيا حشمت وحنات راسها)اوا علا سلامتكم هههه نيت داكشي لي بغينا..

رؤيا بسمت..وبقات ساكتة وساهية كتفمر كل كلمة زوينة قالها ليها...اصلا احسن حاجة فالخطف ديالها هي فاش اعترفت آلاء بلي صلاح ماكيبغيهاش وكيبغي رؤيا...وزيد عليها فاش شافت مواقفو الرجولية معاها وانه عتقها من يد داك المجرم الحيوان...حاولات تخوي دماغها وماتفكرش لي وقع..حيت فيه لحظات صعاب بزااف وهي دبا باغية تبقى فرحانة ..

أصبحنا وأصبح الملك لله..

صلاح بايت جالس فالكرسي ياله يكون نعس شي ساعة بقوة الفرحة...ناض كيتكسل ناشط ومشى يغسل وجهو باش يفيق مزيان..

رؤيا حلت عينيها وشافت ماماها ناعسة بسمت وتفكرت لبارح..اكيد اي بنت كتكون فرحانة بعد اعتراف حبيبيها ليها...ولكن هو ماشي غي حبيبها..هو بابات ولدها لي جاي للدنيا انشاءلله..حطت يديها علا كرشها بحالا كتصبح علا لبيبي وبقات تساين يجي عندها...حيت توحشاتو..

مريم ناضت كتجري خصها غي ايمتا تفطر وتمشي لوبيطال باش تشوف رؤيا وحبيب قلبها كريم...

ونفس الشي بالنسبة لحسناء لي وجدت راسها عوالة تشوف أمين...مابقاش هاداك مستشفى ولا ملتقى العشاق ههههه..

خالد حل عينيه علا لممرضة الجديدة كتقرا معلومات عليه وتسجل..نفخ ورجع غمض عينيه كيساين ندى تجي تخدم...

رجع صلاح ودق فلباب وهي تحل رحمة عينيها:دخل(كتمسح عينيها)..

صلاح:صباح لخير(ابتسامة قتالة)

رؤيا غي شافتو بان لمعان فعينيها:صباح لخير..

رحمة:اهلا ولدي دخل..مزيان لي جيتي..انا نمشي نغسل وجهي ونتا بقى مع رؤيا عافااك..

صلاح بسم:اه مرحبا..

رؤيا انتابهت لفرحتو عجبها لحال...

رحمة:ماغنتعطلش نصلي ونجي ابنتي..

رؤيا:واخة ا ماما..

خرجت رحمة وهو صلاح عض شايفو ومشى عندها بخطوات رجولية داير يد فجيبو ويد كيحك بيها لحيتو..

صلاح:حبيبية..صباح النور(حنى باسها فراسها)..

رؤيا بابتسامة:صباح نوررر..

صلاح جلس حداها:توحشتك..

رؤيا كتحاول تقاد جلستها وهو طلعليها الخدية ملور وكيحاول يجلسها شوية..

رؤيا:بقيتي علا برا..

صلاح كيدوز يديه علا شعرها:اممم(كيشوف فعينيها)مانقدرش نبعد عليك ا بب..

رؤيا بسمت:فين كانت هاد الهضرة الزوينة من شحال هادي؟؟ههه..

صلاح حك وذنيه:دبا لاا..كان داكشي محصور وغي تفتح ماباقيش يتشد ههه..

رؤيا:هههههه...

صلاح شافها كضحك سهى فيها:ضحكتك كتحمق(قرب لعندها باسها فخدها كيشم فريحتها وهي حشمانة ولالاتهم مريم تدخل)..

مريم:انا ج.....(شافا صلاح جالس حدا رؤيا تصدمت وفرحت)..

صلاح ناض كيمسح فلحيتو مفقوص فينما يقرب من رؤيا كيدخل شي حد..بسم لمريم بزربة..

رؤيا تزيرت عارفة مريم ماكتستر والو:اممم مريم..صباح لخير..

مريم كتشوفيهم بمعنى حصلتكم:ههه صباك نوور والزين والحب هههه..

صلاح بسم كيدور فعينيه ورؤيا تزنكت كتغمزها تسكت ووالو..

دخل أمين وهو يشوف صلاخ واقف وموراه نجية..

أمين باستغراب:صلاح!!

صلاح:أمين..صافا؟؟

أمين:حمدلله..شكادير هنا؟؟

صلاح:غي خالتي بغات تمشي تصلي وانا بقيت حدا رؤيا لا تمشي تحتاج شي حاجة..

أمين:امم مزياان..

دخلو سلمو علا رؤيا وجلسو حداهم وصلاح تكى علا الحيط مرة مرة يبسم لرؤيا ولا يغمزها فاش مايشوفهم حد...تا دخلو عاوتاني كريم وحسناء وهي تشبك داك الساع كل واحد دخل سوق راسو وحاضي حبيبتو هههه..

جات لممرضة تبدل ليها وهما خرجو كاملين...شوية وأمين يسمع نداء ليه دور وجهو وهو يخرج عينيه..

رجاء:أمين...

أمين كيشوفهت كتقرب وجات طارت عليه بتعنيقة..

حسناء تزنكت وطلعت معاها السخانة من الموقف...

اما أمين دار معنقاه رجاء كيشوف جيهة حسناء لي حنات راسها ماطلعاتو..وباين عليها مقلقة بزااف...

رجاء حدا كلشي مشبطة فيه:سمحلي..ماكنتش عارفة ا بب بلي رؤيا فلوبيطال..فاش شفتك تعطلتي هنا بزااف جيت نسول عليك وعاد عرفت..

أمين كيحاول يحيدها:ماوقع باس..(حيد ليها يديها)كببقيتي صافا؟؟

حسناء شافت فمريم:انا غنمشي نشرب شوية ونرجع..

مريم حست بيها:واخة ا حبيبة..

مشات حسناء من حداه كتشوف قدامها وترجع شعرها مور وذنيها باين فيها تقصحت بزااف..

أمين تكره بقى متبعها بعينيه وماكرهش يتبعها يشرح ليها اش كاين..

كريم وصلاح جالسين ماعاطيينش للموضوع اهمية..اما مريم حاضية لفيلم هي ومها..

نجية ببرود ديال طيابات لحمام:أميييين...شنو لمادموزيل..ماغتعرفناش؟؟

أمين توتر:اممم اه..هادي رجاء خدامة معايا فالشركة..

رجاء:صاافي!!كمل...

أمين خنزر فيها:شنو غنكمل..

مريم وقفت كطلعها من راسها لرجليها:لا كملي نتي نيت..دخلتي علينا بحال الرعدة..

كريم كيجرها تسكت وهي كدفعلو يديه واقفة معوطة رجل ومربعة يديها..

رجاء شافت فأمين:شكون هادي؟؟

أمين كيمسح علا وجهو وجرها من يديها:زيدي قدامي...

خرجها لعلا برا باش يتفاهم معاها...

عمر جالس فغرفة التحقيقات..ونسيم قبالتو معبس كيخرج لهضرة منو بزز..

نسيم:شوف راه صبرت عليك بمافيه الكفاية ..واش ماغاديش تهضر؟؟

عمر كيشوف مع الجنب متكي علا الطبلة وشابك يديه بجوج..

نسيم ضرب علا الطبلة تا كانت غطير:اوك لي بغيتي...لمهم دبا نمشي عند با سلااام عاوتاني نستجوبو باش يشد بلاصتو من دبا..

عمر غي سمع بلي باه غيدخل فالقضية تزير:لااا حبس...با ماعندو تا دخل فهادشي!!

نسيم بسم عاطي بالظهر:واخة هكاك غيفيدني ويعطيني تفاصيل...ويحاول يبرئ راسو حيت كان مع المجرمين فموقع الجريمة..

عمر بلا تفكير:لا لاااا باا مسكين انا صافتو تما..

نسيم دار:هااااا يعني نتا كنتي عارف لي كاين ملول..

عمر حدر راسو كيحكو وعيان حيت تقريبا يوماين مانعس:انا المسؤول علا داكشي..باا غي خرجو انا دخلتو فصداعي بزز منو...

نسيم جلس راسم ابتسامة:اهاه..هضر دبا ونشوفو...

عمر بقى كيشوف بعيد:انا كنت انسان عادي...ولد خدام محمد الطراشن..كنت كنبغي ولادو وقراب لقلبي..ولكن من بعد وبدون قصد..سمعت محمد الطراشن كيعضر مع بااا..

#فلاش_باك..

سلام:ء محمد..حرام هادشي لي كدير..ماتنساش تا انا عندي حقي فشنو كتملك..

محمظ باستهزاء:اينا حق!!محشمتيش تساوي راسك بيا..ءءء صاافي دبا تقادو لكتاف..

عمر كان دايز حدا لكوري وسمع لهضرة ووقف مستغرب مافاهمش..

سلام:لا حاشا ماشي لكتاف لي تقادو..غي زعما راحنا خوت..وخصك دير بهادشي..

عمر خرج عينيه بصدمة..

محمد:اوا تبتلي بلي حنا فري خوت...انا مازال مامثيقش..

سلام بحسرة:صافي نسيتي شنو قال باا قبل مايموت..بقى يوصيك عليا ويقولك تهلا فيا ولو بالقليل..

محمد:اوا و ها انا كنتهلا فيك..عايش بيخير..ونتا ذراعي ليمنيا...كفاش بغيتيني نقسم معاك حقي ونتا اصلا ولد لحر...استفر الله..

سلام تقصح:اممم يمكن انا ولد الحرام...ولكن ربي بغى هكا..كان ممكن نتا تكون فبلاصتي وانا فبلاصتك..

محمد تعصب:ايييي حدك تما...انا دبا فبلاصتي..انا ولد قاسم الطراشن ووالعاليا بنت الرشيدي لي كلشي عارف اصلهم ومفصلهم.....لمهم لمهم انا ماغنزيدش نطول معاك..لي كاين قلتو..بغيتي ترضى برزقك..كول وخدم وشرب وربي ولادك..مابغيتيش هز شطايطك عليا وسير شوف شكون يقوم بيك...

سلام عينيه دمعو:صافي اخويا..الا نتا قابل نعيش هكا معاك طول حياتي انا غنقبل..لمهم ضميرك يبقى مرتاح...

عمر عروقو خرجو وبغى يخرج علا عقلو تخبع باش مايشوفوش محمد وهو خارج ساخط...

عمر دخل عند باه:بااااا محمد خوك..

سلام تصدم:ششوووت م منين جبتي هاد الهضرة..

عمر:سمعت كلشي ابااا وبربي ومايعطينا حقنا تا نخرجو منو بزز..

سلام:اش كتخرف اولدي..حنا ماعندنا حق...لا وراق ولا قانون يقدر يتبت..هادشي علاش رضى بلي قسمو عليك الله..واخر مرة تجبد هادشي ماقادين علا صداااع..

عمر تعصب:ا بااا شكات ..

سلام غوت:صااافي هضرة وحدة قلتها..خلينا هانيين ...

خرج سلام وعمر موراه كيتفقص علا الرزق ديالهم لي ماقادينش يطولوه...

عمر كيكمل لنسيم:من داك النهار كبر فقلبي الحقد والحسد..وليت نشوف فولاد محمد الطراشن بلي عايشين فرزقنا ومتعين فيه وحنا مخدمينا عندهم..وليت نحاول ناخد حوايجهم بغيت نجرب حياتهم وممتلكاتهم..وكبر لغل ديالي تجاه باهم لي ديما كيستصغر بااا ويطيح بيه..تالنهار لي ركبت فليل علا خيل حميد وكنا من قبل بدا الصراع بيناتنا ومابقيناش متحاملين..هو لقالي السبة وجرا عليا وانا مابغيتش نبقى تمى ونطيح براسي...مشيت وغبرت مدة..كنقلب فين نخدم..ميي عطاتني ذهبها ومشيت بعتو وحرقت لطاليان..خدمت فيها 6شهور فالغبرة ومن تما هربت لنجليز..كنت جمعت حصيصة بديت نخدمها كل مرة فاش تا زدت عليها الفلوس..ورجعت للبلاد..

نسيم:ماطاردوكش هادوك دالغبرة؟؟

عمر:فاش حسيت بلي اوربا خطر عليا رجعت للمغرب واستقريت فدوار قريب للفيلاج ديالنا...تما عيطت لواليديا ومنعتهم يجيبو سيرتي...وبدات الرحلة ديالي فالانتقاااام...

نسيم كيتصنت بتركيز وهو كيشوف عمر كيهضر بهدوء وعينين ذبلانين...

نسيم:كيدرتي تعرفتي علا علي؟.

عمر:بالصدفة..كنت مشيت نسهر فواحد لبار...وتما تلاقيتو وكل مرة تشاوفنا بدينا نهضرو كثر...ومين تعرفت علا مول لبار..ولا يشكرولي..وانا نطلبو يخدم معايا.....تافقنا علا كلشي وعولنا نوضو الصدااع بين العائلات حسن مانقيسو غي الطراشن وتجي مفروشة لقضية..حاولت نطيحت داك جوج عائلات فبعضياتهم باش نقدر نطلع انا وهما يبقاو مشغولين فالصراع...

نسيم:نتا لي حرضتيه يقتل محمد الطراشن؟؟

عمر:لا..ماكناش عوالين نقتلوه..انا كنت باغي نخوفوه..ساعا هكاك جات..

نسيم:الفردي عندك؟؟

عمر:اه عندي خليتو باش يبقى حاميني من علي..

نسيم:اممم غنحتاجوه اكيد...وطوموبيل د صلاح شكون قطع ليها الفران؟؟

عمر:الطوموبيل لعبنا فيها بشكل بسيط قبل يوماين من الحادثة باش نوضو الصداع...وجات فمرتو...

نسيم:اممم وشنو آخور عاوتاني؟؟

عمر كيشوف مع جنابو..

نسيم:حميد...نتا لي خليتيه يتبلا...

عمر:كان ضرورييي حيت هو سبب كلشي..احتاقرني وتقلب عليا كيفما تقلب باه علا بااا..

نسيم:ورؤيا شنو ذنبها؟؟باش تخطفها؟؟

عمر:رؤيا هي الغلطة الوحيدة لي درت..طارق خرج من لحبس وجابولي علي يخدم معانا..عجبتني خدمتو..ولكن ماكانش سحابلي مكلخ وكيمشيوه العيالات..مين دخل داك آلاء بيناتنا وحنا لور لور..

نسيم كيحك راسو:وخالد حقى..كيدرتيلو؟؟

عمر:داكشي فاش سمعت امين والدراري غيتلاقاو فهمت بلي عوالين يتشاركو صاافي قلت خصنا نوقفوهم..صافي كان ضروري أمين يتضرب باش يقوى الصداع.. ولكن جات فخالد..

نسيم:الصراحة عندك جرائم كثيرة..حرق الأرض لي تأكدنا من حمضك النووي علا السيجار...

قاطعو عمر:هاداك علي دارها..بلعاني باش يطيكني الا فكرت نطيحو..اما هو لي مشى حرق الارض..

نسيم:ماشي مهم..لمهم انكم بجوج كتافقو وكل مرة واحد كينفد....الحرق محاولة قتل والقتل والخطف...(تنهد)عندك شي محامي؟؟

عمر تهكم:باش غيفيدني؟؟..لمهم بااا خؤجو حيت مادار والو..

نسيم:الا مالقينا عليه حتى دليل صافي غنخرجوه..

عمر:وعلي...مازال تا خبار عليه؟؟

نسيم:كنساينو اتصالو وداك الساع نتا غتعاونا..

عمر حدر راسو وسكت كيلعب بصبعانو...

نسيم جاه تيلي ناض خرج...كينصنت وعقد حجبانو...

أمين خرج رجاء فيديه:شنو كديري!!علاش هاد التصرفات حدا كلشي...راه حشومة هاد التصرفات.

رجاء رخات شنايفها:هادي هي عليك...جايا تالهنا وموحشاك وباغية نوقف معاك ونتا كديرلي هكا..انا لي خصني نتعصب مدة هادي ونتا غابر ماكتجاوبش تا علا تيلي..

أمين بعصبية كيمسح فراسو:حيت مشغووول..ماعنديش لوقت للهضرة..خصك تفهميها خ

هكا..

رجاء:اوك اوك بب انا عاذراك..

أمين:انا ماشي طون بب..رجاء انا غنجيك للصراحة..نتي بنت الناس ومانبغيش نتفلا عليك..الف واحد يتمناك الا انا(رجاء تصدمت)حاولت..اه والله حتى حاولت..ولكن ماقدرتش..هادشي علاش بلا ماتحمقي راسك معايا..من الافضل تنساي كلشي وتمشي تكملي حياتك..

رجاء والدموع فعينيها:هادا اخر هضرة عندك؟؟

أمين:اه..حيت انا وليت كنبغي بنت خرا..وسط هاد الظروف والمشاكيل لي وقعو..ونشاءلله غنكمل معاها..

رجاء مسحت عينيها:صافي..واخة الله يسهل عليك...

سمحت فيه وتحركت مقهورة شيرت لطاكسي وشافت فيه لآخر مرة ومشات...

أمين تنهد حيت بقات فيه ولكن هكا حسن باش مايزيدش دنوبها..اصلا هو قلبو مع بنت خرا وقلبها تجرح منو هاد النهار خصو يصالحها بفففف...

صلاح صونا ليه تيلي هز لقاه نسيم:ألو...نسيم!!

نسيم:صلاح عندي ليك خبر..

صلاح تخلع:آشنو؟؟

نسيم:آلاء ماتت!!

صلاح ببرود:علا سلامتنا...تهنينا من داك الشر للمطلق...

نسيم:شنو غنديرو فالجثمان ديالها؟؟

صلاح:دفنوها نتوما انا مابغيتش مازال ندخلها فحياتي..وءءءء تأكدو من موتها هاديك دايرة بحال القطة بسبع رواااح...

نسيم:لااا راها ماتت وتعذبت بزااف باش تخرج منها الروح...

صلاح:بذنوب عباد الله..استغفر الله..لمهم الله يتولاها..

نسيم:داكشي لي كاين...حقى عمر عتارف بكلشي بعد يوماين ديال تمارة معاه...وعرفنا بلي...

صلاح:شنو؟؟

نسيم:عمر ولد عم مرتك ا صلاح(صلاح عقد حجبانو)وكان كينتاقم حيت محمد الطراشن منع علا خوه الورث ديالو..

صلاح مسح علا وجهو:لا حول ولا قوة الا بالله..وعلي..شديتوه؟؟

نسيم:هاداك لي باقي لينا..مي كنساينو اتصالو لعمر لمهم مايسيقش لخبار...

صلاح:مانتهنى تا يتشدو كاملين ونرتاحو..

نسيم:انشاءلله...

صلاح شاف لقى الممرضات خرجو من عند رؤيا بسم:اوك نسيم نهضرو من بعد..

نسيم:واخة اخويا تهلا..

خشى صلاح تيلي فجيبو ومشى باتجاه لباب وهو يشوف أمين جاي حبس احتراما ليه..

أمين كيقلب بعينيه علا حسناء بي ماكايناش:صلاح..انا غنمشي نشوف خالد..من شحال ماسولت فيه..

صلاح بسم:واخة..بلاتي(قرب عندو)شوف انا غنبقى هنا حيت مانقدرش نبعد علا رؤيا ونتا عارف بلي غنولي نتزوجها(أمين بسم)غي باش تعرف وصافي واخة..

أمين:اه عارف..(ضربو فكتفو)تهلا فيها..

صلاح بابتسامة وتباتة:رؤبا فعينيا..

دخل عندها وأمين ضرب الدورة كتبان ليه مريم وكريم جالسين شادين لحديث..خنزر فيها وهي حشمت ودخلت عند رؤيا..

كريم كيضحك:مادرناش هكا ا صاحبي هههه..

أمين:تا تجي تخطب ومانديروش هكا ا صاحبي ههه..

مشى وخلاه كيضحك ويحك فراسو..

أمين مابيهشاي يشوف خالد..غي بغى يتلاقا حسناء ويحاول يفسر ليها..

صلاح دخل لقى رؤيا متكية ومعليين ليها راسها بالمخاد حيت الطبيب وصاها تبقى ناعسة علا ظهرها باش يستقر الحمل..

صلاح جر الكرسي وجلس مقابلها:دبا شوية؟؟

رؤيا:حمدلله..

صلاح غمزها بلا ماينتابه تا واحد وقالها"كنبغيك"..

رؤيا حدرت راسها كتلعب فشعرها وحشمانة..

صلاح:خالتي..انا راه هضرت مع أمين..ونشاءلله فأقرب وقت غنرجع رؤيا غي باش تكونو مطمنين..

رؤيا تزنكت وعجبها لحال..

رحمة:اوا الله يسهل الامور..

نجية:ياربي امييين تستاهلو..

صلاح:ربي يخليكم..رؤيا نتي شنو رأيك؟؟فوقاش نديرو عرسنا!!

رؤيا بصدمة:عرس؟؟

صلاح شدلها يديها:اه عرس..بغيتك تفرحي وديري بحال كااع لبنات..مابغيتش غي عرس هكاك..ولا نتي ماباغياش؟؟

رؤيا بسمت:اكيد باغية..غي العرس صعيب دبا حيت بابا ياله مات وحميد بعيد..

صلاح:ماتخافيش ..حنا ماغنديرو والو بلا حميد..وبالنسبة لباباك كنظن راه كمل الربعين..دونك تقدري تفرحي الا بغيتي..

رؤيا تنهدت:ماكافيش هادشي..

صلاح تفكر:حقى..انا عرفت علاش عمر هو عدونا..

رؤيا بصدمة:عمر!!

رحمة:اويلي..

صلاح مسح علا راسو:انا غنعاود ليكم كلشي...

أمين وصل عند خالد دق فلباب..

خالد غي سمع الدقان توقع بلي ندى جات..فرح وبدا يتقاد:دخل..

حسناء عقدت حجبانها مستغرباه..وهو يبان ليهم أمين..تزيرت وحنات راسها..

خالد بخيبة أمل:أميينن!؟

أمين شافيه و فحسناء بلا عياقة:سلام..جيت نشوفك ونطمن علا حالتك..

خالد:لهلا يخطيك اخويا دخل..

حسناء وقفت:انا غنكون برا جلسو علا راحتكم..

أمين بغى يحبسها ومابغاش يدير الشوهة..خرجت قدام عينيه وهو غيطرطق..

خالد:كيبقات رؤيا؟؟

أمين تالف:حمدلله حمدلله..ونتا..الجرح برا شوية؟؟

خالد:نحمدوه ونشكروه..

أمين بقى جالس ماعارف مايقول..شوية وهو يدخل فالهضرة علا الارض والما وماجاورهما..

حسناء جلست علا برا..تا جات ماماها من الدار بعدما بدلت حوايجها..

لطيغة:علاش مخليا خوك بوحدو؟

حسناء عاقدة حجبانها:راه معاه أمين..

لطيفة:ومالك كتقوليها معبسة...

حسناء ناضت:لا والو..انا غادية عند رؤيا حسن..

لطيفة استغربت فيها..عرفت بلي كاين شي حاجة..

رؤيا فاش عرفت كلشي تصدمت وبقى فيها لحال بزااف من باباها..وتألمت لعمر واخة هو ختار الطريق لخطأ..

رحمة:اوا الله يهدي ماخلق..ويسمح لمحمد الا كان هادشي بصااح..

صلاح:داكشي لي كاين..

مريم:مابايناش فيه الصراحة ولكن الله يسمحلو علا مادار..

كريم دخل عندهم:صلاح..انا غنمشي للارض مخليينها بوحدها..نشوف لي كاين ونرجع..

مريم ماعجبهاش لحال..وصلاح جاوبو:واخة..ودوز تا علا الاسطبل طمن علا الخيول..

كريم:واخة..

رؤيا بهدوء:صلاح..سير لخدمتك انا وليت بيخير بلا ماتشطن راسك بيا زايدون هانتا كتشوف كلشي معايا..

صلاح:شوووت..ماتقوليش هكا..ماعنديش اهم منك..

كريم:اوك لمهم عقل..باش تا انا نهار نحتاج ناخد كونجي(كيشوف فمريم)ماتقولوليش رجع هههه..

نجية:تمشي ولا نجي نوريك كونجي هههه..

مريم ورؤيا بقاو يضحكو وهو خرج ابتسامتو واصلة للضرسة دالعقل..

رؤيا:ماما سيري رتاحي شوية باين عليك العيى..

رحمة:مانقدرش نخليك ابنتي..

صلاح:لا رؤيا عندها الحق..هادي يوماين مانعستي مزيان..سيري رتاحي نتي وخالتي نجية وانا ومريم غنبقاو هنا..

مريم:اه سيرو منها جيبولنا ماناكلو ههه..

نجية:امم كاينة..ياله نوجدو لماكلة ليهم ونجيبوها اختي نتي ترتاحي شوية وانا نتكلف..

رحمة تنهدت:واخة ..ياله ا ختي..

ناضو وخرجو من لبيت ومريم فهمت راسها:انا غنخرج لبرا..

رؤيا:خليك معانا..

صلاح:اه عادي اختي مريم ..

مريم:لااا..عادي بلاتي ونجي..

صلاح:اوك..

خرجات مريم وهو زاد عند رؤيا:اوا احبيبة!!

رؤيا بسمت وشداتلو يديه:قنطت هنا بزااف..

صلاح حط يديه علا خدها وهضر بحنية:خصك تبقاي هنا...تا نطمنو عليك نتي وولدنا(حط يديه علا كرشها)..اممم شحال متمني تولديه ليا ونشوفو ههه..

رؤيا بسمت:امم باش تنساني ههه..

صلاح:دبا انا نساك!!حمقااا هههه نتي لي غتبقاي تهلاي فيه وتخليني بوحدي كنتحرق..

رؤيا حطت يديها علا وجهو:لااا ا صلاح ماغاديش نخليك..غي لمهم تعاوني واخة؟؟

صلاح تزنك:اكيد ا حبيبة..لمهم تكوني حدايا ومعايا كلشي يسهال..

رؤيا بسمت:الله يخليك ليا..

صلاح:هااااح ويخليك ليا ههه..خلي بيناتنا مسافة حيت ماغنقدرش نزيد نصبر ههه..

رؤيا حشمت ودورت وجهها كتشوف لهيه وتضحك..

صلاح:يخليلي لي كتحشم...امممم فوقاش ترجعي ليا يا ربي هههه..

رؤيا ضحكت عليه ولقاتو تاهو كيشوفيها ويضحك..

ندى مشا باتجاه بيت خالد..دقت ودخلت:سلام ..

خالد كان فقد الامل غي شافها فرح:وعليكم السلام..

أمين بحالا تحلو لبيبان فوجهو:ياله انا نخليك دبا..الله يشافيك..

خالد:واخة واخة..تهلا..

خرج أمين وخالد انفاجر:تعطلتي عليا 😒😒..

أمين خرج علا برا كيقلب بعينيه علا حسناء سلم علا لطيفة ورجع عند ختو كتمسح علا وجهو معصب..فينما كيعمر بلاصة هي كتخويها...

حسناء جالسة مع مريم علا برا كيتهاودو ومريم كتسول علا كاراكطير كريم وتضحك فرحانة..

أمين بانت ليه جالسة تما تنهد ومشى عندهم:شنو كديرو!!

حسناء عقدت غوباشتها...

مريم:غي كنتهاودو..

أمين كيشوف بنص عين فحسناء:شكون مع رؤيا!!

مريم:صلاح..

أمين ماعلقش:اوك...بغى يجلس كانو غي مقعد د جوج كراسا...خلا لحيط لي حدا مريم ووقف من جيهة حسناء لي حانية راسها كتشوف فتيلي زعما..

ربع يديه وبدا كينغزها فكتفها..حسناء حلت عينيها وكدفع كتفها منو..

أمين جاتو عليها بالبيان..بدا ينغز فيها ويضحك..حسناء تعصبت كتحيدلو يديه..

مريم:اجي ا أمين تجلس...

حسناء:لا غي خليك انا غنمشي..ويجلس هنا..

أمين:جلسي لارض فين غتمشي..لعب الدراري هادا..

حسناء تزيرت وخنزرت فيه ومريم حست بشوفاتهم فشكل..

مريم:ء انا غنوض نمشي نشرب ونجي..

أمين مخرج عينيه فحسناء:سيري...

مريم فهمت راسها ومشات قنطانة ماكرهتش يجي كريم يونسها..

اما أمين جلس حداها وهي كتسوط:مالك نتي!!؟

رؤيا:صلاح نسولك؟؟

صلاح:وي حبيبة..شنو..

رؤيا:شنو وقع فهادوك لي خطفوني؟؟

صلاح تنهد:بلا ماتسولي فيهم الحمدلله تشدو..

رؤيا:لا عاافاك قولي..

صلاح:واخة...لمهم آلاء ماتت!!(رؤيا حلت عينيها)وطارق مشدود دبا وعمر فالتحقيقات..

رؤيا بصدمة:ماتت!!

صلاح:اه وتستاهل...علا شي لي دارتو فيك وفيا..

رؤيا:لا حول ولا قوة الا بالله..هي ختارت هاد الطريق..

صلاح شدلها يديها:صافي ماتبقايش تفكري فشي حد..فكري غي فيا وفيك وفولدنا وحياتنا بجوج فهمتي...انا عمرني غنخليك ومستاعد نفديك بروحي..

رؤيا بخوف:غتبقى ديما معايا يااك؟؟

صلاح ناض وجلس حداها علا الفراش:وعمرني غنخليك ثيقي فيا(هز ليها راسها قبالتو)لموت هي الوحيدة لي غتفرقنا..

رؤيا شدتلو فمو بيديها:شووت ماتقولش لموت..عااافاك انا مانقدرش نتخيل حياتي بلا بيك اهئ اهئ نتا هو الهوا لي كنتنفسو..نتا الانسان الوحيد لي دخل لقلبي..ماباغياش نخسرك شنو ماكان السبب..كنبغيك بزاااف ء صلاح..

صلاح تأثر بهضرتها وحنى علا شنايفها باسها بوسة حنينة وهي لأول مرة تجاوبت معاه حيت فري كتبغيه ومابقاتش خايفة تبين مشاعرها ليه...طول فلبوسة ومين سالا حنات راسها كيمسح ليها عويناتها وخشاها فصدرو عارفها حشمانة..

صلاح مغزف:واش ناكلك..غي قوليلي..مافهمتش شنو درتي فيا..خليتيني نتبدل 180درجة..(رؤيا مخشية فيه كتسمع وعاجبها لحال وهو كيدوز يديه علا شعرها)اممم شحال ريحتك زوينة..الله يخليك ليا احبيبة...ونعوضك علا كلشي لي داز..

حسناء ماشافتش فأمين واخة هضر معاها..

أمين:اييي..كنهضر مع الحيط ولا كفاش!!

حسناء:سير راها تكون كتقلب عليك..

أمين بابتسامة:مشااات..جريت عليها داك الساع هههه..

حسناء فرحت ولكن مازالة مقلقة..

أمين دفعها بكتفو لكتفها:وا صاافي..ماتبقايش مقلقة..

حسناء:وشكون قالك مقلقة..غي مافيا لي يهضر..

أمين:راه غوت عليها وقلتلها تمشي بحالها...

حسناء:احم وشكون هاديك؟؟

أمين:بنت خدامة معايا فالشركة..وماغنكدبش..كانت تقربت مني(حسناء دورت وجهها عندو كتشوفيه شنو غيقول)وانا قلت نحاول..ولكن ماقديتش..و...

حسناء:اممم وعلاش ماقديتيش؟

أمين:حيت كنت مازال ماتلاقيت لي نقدر نفتح ليها قلبي..

حسناء تزنكت:اوا..

أمين بسم كيشوفيها:اوا ودبا كنظن لقيتها..

حسناء بابتسامة كدوخ:كظن؟؟

أمين عجبو لحال:لا متأكد لقيتها..

حسناء حنات راسها كتخبي ابتسامتها وحشمتها:لمهم خصك تعرفني عليها..

أمين شدلها يديها:هي لولا ههه..

حسناء:زعما مابينك وبينها والو صافي!!

أمين:والو والله..واش لي عندز الحسناء غيشوف من غيرها.(ضحكت حسناء)اوا شفتي...هاكا ضحكي راه ماكاينش من غيرك..

بعد مرور أسبوع..

رؤيا وقفت وهو يدخل صلاح بالكرسي المتحرك..

رؤيا:لاوااه لاواه راه نقدر نمشي علا رجلي..

صلاح حداهم كاملين:شوفي كاينين جوج حلول..اما تجلسي فيه ولا نهزك..

كلهم ضحكو عليها..عقدت حجبانها ومشات جلست منفخة..لاحت الشال فوق كتفها وشافت فيه زعما ياله..

مريم:ههه هو لي كيعرف ليها ههه..

أمين:زيدي وسكتي حسن مانعرف انا ليك..

مريم:يااه علا حكار..(زادت لوذنيه)دبا نشكيك لحسناء..

أمين تزير وخنزر فيها عرفها عايقة بيهم..

خرجو من لوبيطال..ومشاو للطوموبيل ركبت رؤيا وماماها ومريم لور وصلاح سايق وأمين حداه..

بقاو غاديين فالطريق وصلاح كيشوفيها من المراية ويغمزها تا كضحك..

خالد مابقى ليه والو ويخرج ولكن ماساخيش..تا كيبغي الدكتور يكتبلو علا الخروج. كيبين ليه بلي عيان ههه..وكل همو يشوف ندى كل نهار..

اما طاهر وكريم هما المسؤولين علا الارض والخدمة حيت سيدي صلاح ماقدر يخلي رؤيا تا نهار وهي فالسبيطار...يااي علا الحب هههه..

وصلو للدار ودخلو مجموعين ورؤيا والو ضروري تكي حداهم وصلاح كيضحك عليها كلشي شادين فيها وحاضيينها..

صلاح:أمين محتاجك فشي موضوع...

أمين:اهاه ياله...

دخل أمين وصلاح لبيت فالجنب بحال صالون وجلسو فيه..

أمين:كنسمعك!

صلاح:الصراحة بغيت نسولك علا حميد..واش مازال غيبقى معطل؟؟

أمين:ماعرفتش..(كيحك راسو)ولكن كنظن بلي مابقى ليه والو ويجي..الطبيب داك النهار قالي حالتو تحسنت علا لي كان..

صلاح:اوا الله يرجعو ليكم بالسلامة..

أمين:انشاءلله..مي علاش كتسول؟؟

صلاح مسح علا لحيتو:حيت بغيت نتزوج رؤيا..راك عارف ماعاجبنيش هاد البعد بيناتنا وهاد الدخول والخروج هنا ماعاجبنيش..راك عارف الهضرة دالناس..

أمين:اممم..عندك لحق..لمهم انا غنحاول نسول ونرد عليك..وانشاءلله مايكون غي لخير..

صلاح تنهد:واخة...

أمين:شنو نخرجو عندهم ولا نبقاو هنا ههه..

صلاح بسم:ياله نخرجو..

مريم:ماعرفت شنو يكونو كيقولو؟.

رؤيا:ماعرفتش..الله يسمعنا خبار لخير..

حادة كتجمع حوايجها وتبكي:صاافي تهنيتوووو جبتوها فالعش..اهئ اهئ هاهو غيدوز حياتو كاملة فالحبس اهئ اهئ ماقلت باش رجع ليا..

سلاام كيدوز يديه علا جبهتو مفقوص:ياا داك المرا..واش ديما غنبقى نقولك انا ماقلتلو والو..هو لي بغى..انا عييت فيه يبعد علا الصداع..

حادة:اهئ اهئ..نتا السبب نتا لي عمرتيه وعمرني نسمحلك..غنمشي عند بنتي فمرة ونتا شوف شكون يكون بيك..

سلاام:صافي سيري نيت تبعدي علا الصداع والمشاكيل..

حادة هزت الفاليز ديالها ومشات باتجاه لباب...اما سلام حاضيها وساكت..حياتهم ضاعت ومابقى ليها قيمة..

خرج صلاح وأمين ملبيت ومشاو حداهم..

سعدية بابتسامة:تشربو شي حاجة!!

أمين:جيبيلي شي قهوة كحلا..

صلاح:بحالو تا انا..

رؤيا:انا بغيت...

صلاح:كاس دالعصير يكون فريش..

رؤيا:ولكن مافياش بغيت غي نشرب..

صلاح:تا العصير كيتشرب...جيبيهم ليها بجوج عافااااك..

مريم كضحك:تا انا جيبيلي عصير بحالها..

بقاو مجمعين كاملين كيتهاودو ويضحكو ونجية ورحمة كيوجدو لغدا للنسيب ههه..

خالد:ندى...

ندى:نعام..

خالد:غنخرج غدا..حيت صافي مابقالي مانزيد هنا..

ندى ماعجبهاش لحال:اوا الحمدلله علا سلامتك..

خالد:غتهناي مني ههه..

ندى:حشومة ماتقولش هكا..بالعكس..انا راه ولا يعجبني السبيطار غي حيت كنشوفك..

خالد بفرحة:بصااح!!

ندى حشمت:اممم..

خالد:ولكن ضروري نتشاوفو برا لوبيطال..

ندى بابتسامة:انشاءلله..

أمين دار الهضرة ديال صلاح فبالو..لبس حوايجو ومشى يشوف خوه ومنها يسول الطبيب عليه..

كريم دخل لكوزينة:لواليدة!!

لطيفة:شنو اولدي..

كريم:هضرتي مع با فداكشي؟؟

لطيفة:اينا شي؟.

كريم تنيرفا:الزواج..الزوااااج دغيا نسيتي وانا معول عليك!!

لطيفة ضحكت:اممم اه هضرت هضرت ههه..

كريم بلهفة:اوا...شنو؟؟

لطيفة:موافق(كريم ضحك)غي خصنا نصبرو شوية..

كريم نفخ:وعلاش؟؟

لطيفة:خوك خصو يرد مرتو وبطبيعة لحال ماغنزوجكش نتا وياه فليلة وحدة..نخاف من العين..

كريم تكره:هاااء وانا علاش نبقى نساين راه عييت والله(انتابه لهضرتو وحشم)ز زعما ماكاين لاش من التأخير..

لطيفة:اوا صبر اولدي..وشوف انا اسيدي غنخطبها ليك نهار نمشيو عندهم غي العرس صبر شوية..

كريم تعصب مشى كيبركم(شنو غندير انا بهاد الخطبة..غنجيبها لداري مثلا اوووف)..

فاطنة كضحك:والله حتى كتاخدو فيه الذنوب هههه..

لطيفة:هههه اوا يصبر شوية..

أمين وصل للمصحة...دخل نيشان عند الطبيب:سلام..

الطبيب:سي أمين مرحبا دخل..

أمين سلم عليه وجلس:فالصراحة انا بغيت نهضر معاك علا حالت خويا..واش تحسن ولا مازال خصو وقت؟؟

الطبيب:لا الحمدلله صحتو غادية وكترجع..ولات قليل فاش كتجيه النوبة ودبا بدا جسمو يصفى من داك السم..

أمين:شنو زعما نقدرو نخرجوه؟؟

الطبيب:مازال خصو شوية دالوقت..

أمين:اممم وحنا محتاجينو..مايمكنش يخرج شي نهار ويرجع يكمل علاجو؟؟

الطبيب:اهاه..ماكاينش مشكل..لمهم مايتعرضش للضغط والتوتر..

أمين بابتسامة:اممم اكيد..انا غنحرس علا هادشي..

الطبيب:اوك تافقنا...فاش تبغي تخرجوو علمني بليلة قبل باش نوجد ليه التصريح..

أمين:وهو كذلك..

سلم عليه ومشى باتجاه الجردة حيت وقت الزيارة..

حميد جالس فمقعد كيتأمل ويقرا كتاب فيديه..

أمين:هاي هاي علا المثقف هههه...

حميد بسم وطوا جنب الصفحة لي كيقرا وشد لكتاب:أمين ههه..

أمين عنقو:لاباس عليك؟؟

حميد:حمدلله ونتا؟؟جلس...

أمين جلس حداه:لا تباركلله منور..

حميد:حمدلله...كيبقاو فالدار..توحشتهم بزااف..

أمين:حمدلله تا رؤيا خرجت ليوم من السبيطار..

حميد:علا سلامتها...اوا شنو سبب هاد الزيارة المفاجئ؟؟

أمين بحبح صوتو باش يبدا يقولو علا لي ناويين..

صلاح وصل دارهم طلع لبيتو هو ورؤيا تكى باش يرتاح ويمشي للخدمة فلعشية..سمع الدقان علا راسو..

كريم:خوياا..

صلاح:كريم..مالك دخل!!

كريم غضبان:جيت نهضر معاك..

صلاح:هضر خلعتيني شكاين؟.

كريم:بغيت نتزوج مريم..

صلاح تنهد:وايلي ا صاحبي سحابلي داير شي موصيبة؟

كريم جلس:وراه تاهادي موصيبة..انا باغي نتزوج وواليديك كيعطلو فيا!!

صلاح بسم وتقاد فالجلسة:وعلاش ا سي روميو؟؟

كريم:كيقولو تا تزوج نتا..

صلاح:اييه وشنو لمطلوب؟

كريم:تزوج دغيا ا خويا راني عييت من الوحدانية وبغيت نكمل ديني هههه..

صلاح بسم:بحالا علمك الله..تا انا هادشي فاش هضرت مع أمين ليوم..ونشاءلله فهاد اليوماين نديرو لاكط والعرس فالتالي دالسيمانة..

كريم فرح:لعززز اوا مين هكا مبروككك..الله يكمل عليك بالخير والعقبى ليا ههه..

صلاح ضربو لكتفو:واغي خليتي انا ندعي معاك ييخ هههه..

حميد سمع لخبار وعجبو لحال:الله يكمل عليهم بالخير..ولكن انا صعيب نخرج من هنا دبا يااك؟؟

أمين:لا هضرت مع الطبيب ديالك والا كانت شي حاجة غيعطيك التصريح..

حميد:مين هكا واخة..

أمين:حاس بيك مرتاح هنا...

حميد:راحة غريبة دخلت عليا الحمدلله..الهدوء والصفاء والنقا خلاني نتفورماطا باش نبدا من جديد حياتي..

أمين:اوا هادشي لي بغينا...

رؤيا طلعتها مريم لبيتها وجالسين يتحدتو..

رؤيا:اوا شنو تافقتي نتي وكريم؟؟

مريم:كيقول باغي يجي للدار فأقرب وقت..

رؤيا:اوا الله يسهل الامور..

مريم:ياربي أمين..عرفتي بان عليك الحب(رؤيا تزنكت)وليتي فشكل...عينيك كيبريو والابتسامة ماكتفارقكش..الله يخليكم لبعضياتكم..

رؤيا بابتسامة:آمييين(حلات يديها باش تعنقها)أحسن حاجة هي انا وياك غنعيشو فدار وحدة هههه يا سلام هههه..

مريم:وايييه الحمدلله لي ماغانتفارقوش خخخخ بيميني تا نحمقوهم تما هههه..

رؤيا:ههه لا فهادشي اوهو هههه..

خرج أمين وعيط لصلاح أكد عليه يشوف الوقت المناسب للاكط...وصلاح ناض فرحان وعلم كااع لي معاه فالدار بلي غيتزوج هو ورؤيا غدا...

رحمة:اويلي...كنتي بعدا تشاورني اولدي..ماموجدين والو..

أمين:وا غي لاكط ا عباد الله..ماشي لعرس...كلشي يجي من الزنقة..الحال ساهل..

رحمة ما اقتانعاتش:لا لاااا حشومة وعيب كااع..الناس اول مرة يدخلو للدار ونجيبو كلشي من الزنقة..الله يسمحلك..لمهم دبا جيبلي عيالات الخداما لي عندنا باش نوجدو لكاطو ونخملو الدار..

نجية:ااايييه نوض اولدي نوض..حمدلله لي دايرين غدا العشا بحرا يكفينا لوقت..

ناض أمين كيتأفف ويضحك عليهم..

رحمة:شنو نديرو ا ختي..الدجاج واللحم ولا البسطيلة والمبخر ولا شنو راه تلفت..

نجية:تي مالك تلفتي..غنديرو الدجاج مبخر وموراه لحم مقلي والديسير..صافي..

رحمة:اوا والكاطو..نديرو سابليات وكعب غزال والبريوات وبيتزات صغار ياك..

نجية:نديرو لي ساهل ولي صعيب نصافطو نجيبوه من السوق..غي رتاحي انا غنتكلف..

رحمة باستها:لهلا يخطيك عليا اختي..حمدلله لي راك معايا..

نجية:واييه وايييه فمهنا..بقات لينا 24ساعة ياله نبداو..

مريم واقفة كطلل:والله ماتقول ماستر شاف بادي ههه..نمشي نفرح رؤيا هههه..

مريم حلت لباب بالجهالة تا قفزت رؤيا..

رؤيا:حرام عليك خلعتيني..

مريم:وا نوووضي راه غدا غديري لاكط نتي والقرع ديالك..

رؤيا حلت عينيها بالجهد:حلفي؟؟

مريم ضحكت ضحكة دالحماق:والله ههههههه..

رؤيا تلفت:اويلي ماموجداش راسي!!علاش ماسولونيش..بففف .

مريم:ياله أمين وصلاح تافقو..هههه خصك تشوفي مك ومي اش دايرين لتحت..حايرين فشنو يوجدو خراوني بالضحك هههه..

رؤيا دارت ظفرها ففمها وكتفكر:مريم سيري حلي لبلاكار قبالتي...

مريم:ايييه ولكن لي حطيت عليها يدي لبسها هههه..

رؤيا بابتسامة:جاتك ههه..

مشات مريم كضحك حلات لبلاكار ورؤيا كتوريها تجبد باش تشوف وفالتالي ختارت عباية خفيفة فالسماوي مخيطو بالسقلي خفيف..اما مريم عجبها قفيطن زوين طلباتو لرؤيا وعطاتولها..

رحمة ونجية حايرين فالكوزينة..وصافطو الخدامين يتقداو ليهم اللحم والدجاج وماجاورهما ...

اما حسناء وأمين شادينها فالشاط..

أمين:العقبا لينا ا حبيبة..

حسناء:ههه امين..

أمين:كون كنا حنا لي جايين كون راني خطبتك غدا..ولكن نصبرو شوية تا يدوز لعرس ونخطبك..

حسناء:هههه لااا مازال..

أمين:اش مازال؟؟

حسناء:كريم لي غيخطب مريم..غي ساين وشد الصف تباركلله خخخخ..

أصبحنا وأصبج الملك لله..

كلشي فايقين مستنفرين..لي كيوجد الدار ولي مقابل الكوزينة..ولي كيتحمم ويقاد فراسو..لمهم القضية مرونة بالبيان..

عائلة الحسناوي تا هما ماخلاوش فجهدهم غي كيشريو ويوجدو باش يديو معاهم..

صلاح كيشوفيهم مخربقين وكيتسائلو فين لي يصلاح وفين لي مايصلاحش..وهو كيشرب قهوتو وناشط ويتغامز مع كريم عليهم..

طاهر:ياله اولادي نمشيو نجيو خوكم من السبيطار..

صلاح:واخة ا لواليد ياله..

اما واحد خالد شاد الستون ومافيه لي يخرج..

خالد:ماكرهتش يتعطلو عليا ههه..

ندى:اوا خصك تخرج..جو السبيطار ماغيفيدكش..

خالد:اممم عارف ولكن خصنا نتلاقاووو...واعدينييي...

ندى بابتسامة:وعلاش باغي تشوفني؟؟

خالد:ياااء عاد كتسولي؟نتي وليتي مهمة فحياتي..وباغي نشوفك ديما..

ندى:اممم تا نتا...داكشي علاش كنواعدك..

خالد:هههه اوا علا سلامتنا..

رؤيا دخلت لحمام دوشت مع راسها وحكت وهردت وتا مريم كانت كدير نفس الشي...

خرجو من الدوش حميمرات وبيوضات هههه..هزت رؤيا تيلي وعيطت لواحد صاحبتها كوافورة..باش تجي تقادهم..

اما هما لبسو حوايج الدار ملويين لفوطة علا شعرهم وعاجبهم لحال..

أمين مشى للمصحة خدا التصريح وخرج حميد معاه..

حميد ركب فالطوموبيل كيشوف الطريق ومبتسم كأنو عاد تولد من جديد..

وصلو للدار وهنا تلاقاتو ميمتو بالبوسان والتعناق والدموع وهو عاجبو لحال لي رجع وسطهم بعدا كان غيدمر كلشي...

حميد:توحشتكم بزااف..

رحمة:تا حنا اولدي 😭😭..

رؤيا ومريم هبطو لقاوه قدامهم مشات رؤيا طارت عليه وعنقاتو كتبكي...

حميد:شووت ماتبكيش الحمقة..ليوم غي دالفرحة والبهجة..ها انا معاكم..سمحولي عذبتكم ولكن كنواعدكم نتبدل...

رؤيا كتمسح عينيها:ماتقولش هكا..نتا خويا لي عمرني نفرط فيه..

حميد تنهد:عارف..تعذبتي ورميتي راسك فالنار علا ودي..ماكاينش دليل كثر من هكااا..الله يعوض صبرك خير اختي ويسمحلي منك..

رؤيا كتهضر وكلشي متأثر:مسامحاك ا خويا..مسامحاك دنيا واخرة لمهم ترجع لينا بصحتك كيف لول..

حميد رجع عنقها فرحان بيها:ليوم غتزوجي هههه..خصك طلعي توجدي راسك لايهرب العريس هههه..

مريم مسحت عينيها:اه ياللله..تعطلنا ا صاحبتي..وفين هاد الكوافورة..شتها سكنت..

رؤيا:دبا تكون فالطريق..

رحمة:سيرو اوليداتي وحنا غنتكلفو بالعشا فالكوزينة..

حميد:الله يعاونكم..

دخلو للصالون شعلو تيفي كيتفرجو فالبطولة وخلاو العيالات يديرو شغلهم..

مريم طلعت لبيت كتساين لكوافورة:رؤيا!!نسولك..

رؤيا:سولي عارفة اسئلتك حمقا بحالك..

مريم:ههه يااك..لمهم كيداير داكشي؟؟

رؤيا باستغراب:شنو هو داكشي؟؟

مريم متوترة:ز زعما..داكشي اممم ل لي كيديرو الراجل مع مراتو؟؟

رؤيا حلت عينيها فيها وتصدمت:ش شنو مافهمتش..فين باغية توصلي؟؟

مريم:م ماتفهمينيش غلط..غي بغيت نفهم..حيت والله ماعارفة شي حاجة..نتي غتزوجي قبل مني ومطربة بغيت نسولك حسن مانمشي عندو مجمكة..

رؤيا:فالصراحة..انا براسي ماعنديش معلومات كافية..انا غنقولك غي شي لبسيط لي عارفاه ..

مريم بسمت:قولي ههههه...

رؤيا توترت كتحك يديها ودورت وجهها لهيه:ل لمهم فلول..نتي م ماكيستوجب عليك ديري والو..خ خثك تكوني راخية راسك وتخليك هو يدير لي عليه..ولكن فنفس لوقت تحسسيه بلي نتي راك معاه ماشي غايبة ولا مامهتماش..وضروري من الخوف..سيغطو فاش كيحط يديه عليك لأول مرة....ممم لمهم خصك تطاوعيه فالمقدمات لي قبل من داكشي..تجاوبي معاه ولكن ماشي تحلي فمرة حشومة ...وصافي فالتالي هو كيتصرف وكيقضي الغرض..

مريم:امم وتقصحتي نتي؟؟

رؤيا تفكرت داكشي تزنكت سيغطو فاش غتاصبها صلاح..عبست وتفكرت داك الليلة..

مريم:ايييي رؤيا؟؟

رؤيا:ءءء اممم شوية..كتقصحي حيت بحالا كيفتح باب كان مشدود لتحت..

مريم بدات تحك فوجهها خايفة:اووف كيبان ليا ندير بناقص وصاافي...

رؤيا:هههه غي كيجيبلك الله..حيت حدك فالمرة لولا كتجيك صعيبة..من بعد غيعجبك لحال..

مريم:حلفي ههه..

رؤيا جات تجاوب وفاتي دخلت:سلااام لبنات...سمحولي ياله لقيت فاش نجي..

رؤيا:هانية احبيبة..دخلي مرحبااا..

فاتي:ترحب بيك الجنة..ياله بمن نبدا..

مريم:اكيد بلالة لعروسة..

فاتي:ههه اوا وريني شنو غتلبسي باش نشوف اش يوالمك..

مريم ناضت جبدت حوايجهم بجوج..

فاتي:اوك دبا نقدر نعرف شنو لي يجي معاكم ههه..توكلنا علا الله..

صلاح بدا يجبد حوايجو..لي عبارة عن كوستيم كحل واعر وكرافاط فنفس اللون جا متيتز..وكريم لبس شوميز كحلا مع سروال كحل وفيست مارو كتبري وصمطة مارو باينة جا واعر..هبطو لتحت كيستاعدو يمشيو..بقاو شي نص ساعة والعيالات غاديين جايين مفتونين هههه..

كريم:وا فكونا لله..

خالد من شحال وهو موجد راسو وجالس حدا باه:والله ماتقول نتوما لي غتعشيونا..سربيونا خلاص...

صلاح كيشوف فالساعة..قربت 7:30 وهما مازال مامشاو..

حسناء لبست جلابة باج مخيطة فالحجر حمر جات مزيونة وصباط عالي باج بصاك خفيف شاداه بكفها..وشعرها صوباتو سامبل ودايراه مور ودنيها لي فيهم حلقات ناعمين فالحمر..

حسناء:صافي ها انا واجدة..

كريم:علا سلامتك ا لالة لعروسة..ياله مشينا؟؟

حسناء كضحك:وا صافي بردو..مابقى والو ونمشيو..

خالد:الله يعطينا الصبر..

طاهر كيشوف ويضحك..

مريم:واووو جيتي كتحمقي ا صاحبتي فنةةة فنةةة..

رؤيا بحشمة ربي يخليك ليلي احبيبة..

مريم:وليلي..ياله ا ختي فاتي فكيني تا انا راه الناس قربو يجيو..

فاتي:اوا هاانا غنسالي شعرك ونبدا فوجهك..

رؤيا:اوا خدمي علا خاطرك..اصلا ماغنهبطوش اول مايجيو..

مريم:اممم لمهم نجي زوينة هههه..

فاتي:غتجي غزالة دبا تشوفي..اصلا ماكثرتش ليكم المكياج باش ماتجيوش اوفر..بغيتكم تبانو طبيعيات..هاد المكياج كيديروه غي المشهورات والله..

رؤيا:وي لهلا يخطيك وتباركلله عليك..

رحمة بتوتر:كلشي واجد يااك!!

نجية:اه غي تهدني...طلعي بدلي عليك وها انا طاية موراك..

رحمة عنقت ختها:والله ماعارفة اش نقولك..ربي يخليك ليا بلا بيك كون وحلت..

نجية بسمت:ماتقوليش هكاك..حنا خواتات ههه الله يجعل كلشي مبارك ومسعود..

رحمة:آميييين...

طلعت رحمة توجد راسها وأمين ووحميد واجدين علا بكري..اما نجية لحقت عليها وخلات سعدية وشي بنات مقابلين لكوزينة..

اما رؤيا لبست وجالسة كتساين يجيو..ومريم قريبة تسالي..وتلبس...

صلاح خرج لبوكي دالورد والشكلاط..ولطيفة وحسناء هازين الحناء وشي قمايص وكادويات ليهم والرجال السكار والحليب..لمهم منها لاكط لرؤيا وخطابة لمريم هههه..

ركبو طوموبيلاتهم ومشاو باتجاه الفيرما ديال الطراشن لي عمرهم طا فبالهم غيدخلو ليها ولا يخطبو منها..

كلشي كان واجد وتا مريم لبست قفطانها وكتساين يجيو..تا تسمع صوت الطوموبيلات داخلين للفيرما...ناضو دغيا كيطلو لقاوهم جاو وغيدخلو للدار..

أمين:حميد نوض معايا نستقبلوهم..لواليدةةةة..

رحمة ونجية:ها حنا موراكم..

مريم شافت كريم مقاد وخارج من الطوموبيل حمقها:اووه يا ختي شوفي كريم كيداير..

رؤيا ساهية فصلاح ومبتسمة كان كيحمق بحال عادتو..

مريم:اووو جايبين هادشي كامل..

رؤيا:اوا ماشي خسارة فينا ههه..

مريم:ههه عندك لحق..

طاهر زاد هو ومرتو لقدام وموراهم صلاح وكريم وخالد وحسناء..دقو فلباب وأمين فتح بابتسامة مشرقة:مرحباااا مرحبا دخلو..

طاهر:الله يبارك فيك اولدي..

بداو يسلمو عليه ويدخلو وحسناء مخليا راسها فالتالي باش تسلم علا خاطرها..

دازو لعند حميد لي كيرحب بيهم برزانة وثقالة وكلهم كيسولوه علا حالتو الصحية ويطمنو عليه..

حسناء بحشمة:سلام..

أمين طلعها مزيان وهبطها:سلام..(هضر بالحس وهي مادة يديها وداخلة)جيتي كتحمقي..

حسناء بسمت وتا بغات تمشي وقالت:تانتا هههه..

دخلت وهو بسم بوحدو..عاض هلا شنافتو وكيحسبها ملور وهي دايزة كتكسول..

رحمة:مرحبااا بيكم وألف مرحبا...

تسالمو كلهم بالابتسامة وصلاح متبت..اما كريم عينيه كيدورو كيقلب علا مريم خخخخ..

جلسو فالصالون..وحطو شنو جايبين..

نجية:علاش شقيتو راسكم؟؟

خالد:غي البركة وصافي تستاهلو كثر..

صلاح:اوا حميد..لاباس عليك؟؟

حميد بابتسامة:حمدلله..ونتا مزيان؟؟

صلاح:مزيان لهلا يخطيك..

مريم:لااا ماغنقدرش نصبر..خصني نمشي نطل..الا بقيت هنا غنطرطق..

رؤيا:اويلي تبتي ا صاحبتي..لا يمشيو يشوفك..

مريم:لا غنمشي...خصني نسمع كلشي..

خرجت وزدحت لباب اما رؤيا بقات تضحك عليها:حمقا هههه..

مشات مريم كتسلت فالدروج هازة البلغة فيديها..وكطلل..ماتهنات تا شافت طريف من كريم كتحاول تزيد طلل علاين طيح ومابانش ليها..وفاش كانت غتشوفو طت ليها البلغة ملفوق لتحت"بااااق"..

لي جالسين عقدو حجبانهم وحميد وأمين تزيرو ..اما مريم تصدمت😳😱😱..ورجعت كتجري لبيت بفردة وحدة كتويل..

كريم بسم عارفهم فعايلها اما نجية ناضت مغلغلة عاقت بيها مشات هزت لبلغة وداتها معاها لكوزينة 🤨..

مريم دخلت كتجري لبيت صفرا:ويلييي..ويلييي..

رؤيا تخلعت:مالك؟

مريم:مشيت نطل طاح ليا الشربيل..اويلي تفرشنا كنطلو..

رؤيا:تعصبت:اويلي ا صاحبتي..شنو هاد الشوهة؟؟حشميتيهم لتحت باينة..

مريم:اويلي ياختي..كيغاندير دبا..نهبط بالحفى..ناااري..

رؤيا:نتي تستاهلي تهبطي عريانة علا الطيرة ديالك..

مريم:اووف اوف..ماخصنيش نبقى لابساه غيعيقو بيا..خصني نبدل..

رؤيا غي كتشوفيها واخة هكاك جاتها الضحكة..

طاهر:اوا اولدي فوقاش غيجيو لعدول؟؟

حميد:راهم فالطريق..صوني ليهم ا أمين شوف فينهم..

أمين:اهاه واخة..

ناض أمين كيصوني ليهم وعرف بلي فالطريق جايين..

رحمة:سمحولي واحد الدقيقة..

لطيفة:خودي راحتك..

طلعت رحمة عند لبنات وحلت عليهم لباب..

رحمة:ياله وجدو راسكم العدول جايين..

رؤيا توترت:ا اه واخة..

مريم:خ خالتي..ماشفتيش بلغتي؟؟

رحمة:ومازالة كتهشري نتي خصك لي ينتفك من سوالفك..مك داتها لكوزينة غي عولي علا شي سلخة بيها فاش يمشيو الناس...

رؤيا جاتها الضحكة وحبستها اما مريم عقدت حجبانها وبدات تحك لذاتها عارفة العصى فيها فيها هههه..

رحمة:فاش نعيط ليك هبطي ابنتي!!وتا نتي معاها..

رؤيا:واخة اماما..

مريم مشا لبلاكار كتبقش ولبست صباط كحل مفتوح ملقدام..

وصلو لعدول جلسوهم فصالون والعيالات ناضو جلسو فوسط الدار..

نجية:حبيبتي حسناء طلعي عيطي لرؤبا تهبط..

حسناء:اهاه ا خالتي مرحباا..

طلعت حسناء بالشوية عليها فالدروج علا عينين أمين..لي غي كيشوفها كيدوخ ويبقى حاضيها..

دق دق..

رؤيا:دخل..

حسناء طلت براسها:سلاااام..

رؤيل بسمت:اهلا اهلا..مرحبا دخلي احبيبة..

مريم:اهلا حسناء لاباس؟؟

حسناء سلمت عليهم بجوج:جيتو زوينات الله يحجبكم..

رؤيا:عويناتك احبيبة تا نتي فنة..

حسناء:يخليك ليلي..ياله نهبطو دبا راه خالتي عبطت عليك..لعدول جاو..

رؤيا توترت:ءء اه صافي ندير الشال علا راسي ونمشيو..

حسناء:واخة ا زين..

مريم:ياله سربيو..دبا انا وياك ا حسناء لوزيرات ياك ههه..

حسناء:اه بحال داكشي ههه..

رؤيا دارت الشال علا راسها وشدو فيها لباب هابطة بالشوية وبرزانة حادرة الراس ومشات لوسط الدار جلست..بعدما سلمت علا كلشي..

لطيفة:غزالة تباركلله..

مريم شافت فكريم لي كيبان ليها وهو غمزها..بقات تضحك تا نغزتها نجسة باش تبت..

صلاح مابانتش ليها رؤيا حيت جالس فالراس..بقى تالف خصو غي فوقاش..

طاهر:ياله ا سيدي توكل عالله..

العدول:يا بسم الله...

بدا يدير العدول الاجراءات ديالو..وهو أمين ينوض عيط لختو..جابها فيديه حشمانة وماقاداش طلع راسها اما صلاح غياكلها بعينيه..جلسها أمين حداه وعطى لاكارط ديالها..

العدول:ياله سنيو ليا هنا..

صلاح هز ستيلو وشافيها وسنى دغيا..

أمين:نوبتك اختي..

عطاوها الكتاب وحنات سنات عليه وكتقاد الشال علا عنقها بالتوتر..

العدول:الله يجعل كلشي مبارك ومسعود..

صلاح بسم وهي علات عينيها بالخطفة فيه لقاتو كيشوفيها بحب..حنات راسها مزنكة..

طاهر:الله يبارك فيك..

نجية:يووووويويوووووو..

مريم وحسناء ولطيفة:صلاااة وسلام علا رسول الله......الله مع الجاه العالي...يووويووووو...

ناضو العيالات يجيبو العشا للعدول والعائلة..وناضت رؤيا خرجت عند العيالات كيزغرتو ويبوسو فيها..وهي ربي نزل عليها السر سبحان الله..

وجدو طبلة للعيالات وجلسو مجموعين كيتعشاو..غي سالاو ناض العدول كيهنئهم ومشى بحالو...وهنا تجمعو كاملين..وتخشاو فالصالون..ولي حاط علا شي وحدة..كيشوفيها..

رؤبا جلسوها حدا مولاي السلطان غي جلست هز يديها حدا كلشي وباسها...وهي حنات راسها كتشوف فالارض..

كريم عينيه حوالو بالغميز غيتسطى غي بوحدو تا هضر باه..

طاهر:اوا مين مجموعين نيت...عندنا طلب اخور..

حميد:مرحبا ا عمي..

طاهر:بغينا نطلبو بنتي مريم لولدي كريم علا سنة الله ورسوله..

مريم تزنكت وناضت من حداهم ورؤيا وصلاح ضحكو عليها..

حميد:اوا سنو غنقولك اعمي..الا كانو متفاهمين مانزيدكم انا وماماها غي الصلاة علا النبي..ياك ا خالتي؟؟

نجية بابتسامة:لي قلتيها اولدي هي لي كاينة والا جات عليا ماغاديش لقى حسن منكم...

لطيفة:لهلا يخطيك اختي..تا حنا نتشرفو بيكم..

خالد:اوا هي نقراو الفاتحة بنية التيسير..

حميد:اهاه مرحبا..

رؤيا وصلاح هزو يديهم بابتسامة وكريم كيقراها ويدور عينيه..تا بانت ليه مريم كطلل عليه وتقرا معاهم عاد ارتاح هههه..

سالاوو القراية...

طاهر:الله يكمل بالخير..

حميد:ياربي أمين..

طاهر:لمهم تقريبا دبا خطبناهم والعرس انشاءلله بعد شهر..

حميد:اهاه مرحبااا..

صلاح دار جيهت رؤيا وجبد من جيبو خاتم واعر 💍وهي تفاجئات وعجبها لحال..

صلاح:كان مستحيل نتزوجو وماديريش لخاتم فيديك..

رؤيا فرحت ومدت يديها:و ولكن انا ماشريتلك والو..حيت عارفاك ماكديرش لخواتم..

صلاح بسم وهضر بالشوية:باش تعرفي قداش كنبغيك هانتي(جبد خاتم دالنقرة مكتوب فيه سميتو وسميتها ملداخل)..

رؤيا فرحت:ولكن انا لي خصني نشريه ليك!!..

صلاح:لمهم فيه سمياتنا وغيخليني نولي ديالك حدا كلشي..

رؤيا خداتو من عندو وركباتولو..

صفقو عليهم وهما ضحكو..

مريم جات حيت عيات واقفة ماجا حد موراها..زعما حانية راسها والضحكة فوجهها..

حسناء شافت فأمين..شوفة عقباليك..وتا هو هكاك..

صلاح:دبا واش تمشي تباتي معانا ولا نبات معاك؟ههه..

رؤيا تزنكت:ل لااا ..حشومة..

صلاح:ههههه كنضحك معاك..واخة انا ماكرهتش..

رؤيا دورت وجهها لهيه كضحك..

صلاح:كيداير ولدي...اهيااا جاوبيني!!

رؤيا:حمدلله..دبا بيخير..

صلاح:اوا تهلاي فيه فهاد الربعيام لي باقية للعرس..

رؤيا بصدمة:ربعيام!!

صلاح هضر بالجهد:اه..حقى..راه تافقت مع تريتور والعرس بعد ربعيام..

رحمة خرجت عينيها:ناري اولدي ماموجدين والو!!

صلاح:مايحتاش ا خالتي..كلشي غيكون مزيان وفيدو..

رحمة:ولكن...

صلاح:راه يكفي لوقت علا ربعيام قليلة؟؟

أمين:ولكن بشرط!!

صلاح:اما هو؟؟

أمين:نعطيو حقنا فالعرس..حيت تا حنا عندنا غي اخت وحدة وباغيين نفرحو بيها..

صلاح ماعحبوش لحال:لاا ماكاين لاش!!

أمين:اوا خليني علا خاطري..

طاهر شافيه وغمزو زعما خصو يوافق..

صلاح تنهد:صافي واخة..نتلافاو ونتفاهمو..

حميد:الا كان هكا مزياااان ههه..

كريم فوسط الهضرة ديالهم كيغمز فمريم تجي تجلس حداه وهي حالة فمها كضحك ومابغاتش تنوض..

خالد نغز باه وهما يوقفو:ياله نخليوكم دبا...

كريم وقف ماساخيش وصلاح ناض شاد فمرتو من يديها..

حميد:هانتوما جالسين..

طاهر:لا تعطل لوقت..نمشيو ودبا نتلاقاو مرات خرين نشاءلله..

حميد:اوا ربي يسهل الامور..

أمين:عاودولنا هاد المجية..

كريم بابتسامة:ضروري ههه..

بقاو يضحكو والعيالات كيتهاودو مع بعضياتهم..

جاو يسلمو علا رؤيا وهو تقول واش طلق منها..شاد فيها خايفها تهرب ههه..تا سالاو كاملين وخرجو لباب وبقى واقف معاها حدا لباب..

صلاح داير عندها:حبيبة تهلاي فراسك..ونعسي مزيان(حط يديه علا كرشها)وانتابهي لبيبي واخة؟؟

رؤيا هزت راسها:اممم تا نتا تهلا فراسك..ورتاح شوية راه عييتي بزااف الايام لي دازو..

صلاح حط يديه علا خدها:تعبك راحة بب..(جرها وباسها فجبهتها)غنتوحشك ابب..(رؤيا بسمت:تا انا)..تصبحي علا خير..

رؤيا:تصبح علا خير احبيبي..

صلاح ضحك فرحان وماكرهش يخطف بوسة ولكن حشم حدا كلشي:حقى نسيت خلي هادا معاك📱راه فيه نمرة جديدة واخة!!

رؤيا:واخة ههه..

غمزها وطلق من يديها بزز..هبط بكل رجولة ومشى يسوق وشير ليها ومشاو..

مريم واقفة حدا ماماها لي شاداها لادير شي زبلة وكريم ماسخاش يحرك الطوموبيل تا تحرك خوه هههه..

دخلو مجموعين للدار وكلهم هايمين فالعسل..وضروري مايجمعو ويهضرو فالتفاصيل تا جات نجية من الكوزينة وهبطت علا كتف مريم تا قفزت..

مريم:اييي ماامااا..

نجية مخنزرة:كنقولك ابنت لحرام حطي السر ...ضروري ديري الفرشة..

مريم تخبعت حدا رؤيا:و واغي طاحت ليا..

نجية قربت ورؤيا هضرت:لا اخالتي عاافاك صافي..تمشيو تقيسوني هههه..

مريم:اييه خايفة علا راسك..

رؤيا:اوا نتي درتيها لراسك هههه..

وصل صلاح للدار وطلع لبيتو دوش وبدل..تخشى فبلاصتو..وصونل علا حبيبتو..

صلاح:مازالة فايقة؟.

رؤيا متكية:كنساينك..

صلاح بضحكة شريرة:هي نجي دبا هههه..

رؤيا:ههه لا زعما كنساين ابيل ديالك..ههه

صلاح:اوك..مبروك علينا..

رؤيا:اه اخيرا غنتجمعو انشاءلله.......بقاو شادين بالهضرة ليل كامل..وماسخاوش ينعسو بحال كااع عشاق الليل خخخ..

يتبع ...

الجزء الأخير

أسيرة جبروته الجزء التاسع

محتوى القصة

التنقل بين الأجزاء