أسيرة جبروته الجزء السابع

وصلو الريسطو أمين ولي معاه...بالنسبة ليهم كان لجو زوين حيت يكفي انو يخرجهم من القنطة لي كانت فيهم..

مريم:واااو لبلاصة زوينة بزااف..

رؤيا:شتي..باش مايسحابلكش لعيشة هنا قل من المدينة...

مريم:لا حاشا ههه..

دخلو جلسو مجموعين فطبلة وحدة..

كريم:هادي هي الهضرة...لمهم حاول تزرب فهادشي..بغيت برائتي تبان حدا كلشي...

صلاح:اه..ضروري..غنعيط لصاحبي ونطلب المساعدة ديالو..

خالد:صاافي هكا مزيان..الله يسهل الامور..

كريم:اممم لمهم...شكون يشرب شي حاجة انا شحفت..

صلاح:ماغيا لي يمشي لتا بلاصة..

كريم:لا غنبقاو هنا...نمشي نجيب من كافي قريبة مانشربو ونرجع..

صلاح:اوك جيب شي نص نص..

خالد:جيبلي بحالو...

كريم:الرباعة دالحشايشية ههه..

خالد:هيهيهي..منين جبتي هاد خفة الدم هههه..

كريم:من مريم...(تفكرها)كان مايمكنش نكون معاها ومانضحكش ونفرح من قلبي هههه..

خالد:اوا سير ا لعاشق الولهان هههه...

مشى كريم مبتسم..جا فبالوو احداث زوينين دوزهم معاها...

مريم:رؤيا..فين الطواليط تزيرت ..

رؤيا:اويلي عاد جلسنا!!

مريم:لا اختي تزيرت بزااف..حاسة براسي غنطلقها ..

رؤيا:هههه اوك اوك..مي انا ماعارفاش...

أمين:مالكم؟.

رؤيا:مريم بغات الطواليط!!

أمين:اه واخة نوضي نوريهالك..نيت انا غنمشي..

مريم ضربت رؤيا لرجلها:والله لا بقات فيك..

رؤيا:هههه واخة...

مشات مريم حشمانة واخة متفاهمة مع أمين حست فشكل..

أمين:هاهي...دخلي..

مريم:واخة...

دخلت مريم تقضي حاجتها...

كريم دخل نيشان طلب كافي كحلا يوجدوهالو ويديها اومبورطي...

أمين خرج كيساين مريم تا بانت ليه خارجة:ياله..

مريم بقات غادية معاه جنب لجنب...وخرجو من داك الكولوار..وفنفس اللحظة كريم هاز الكيسان لبلاستيك فيديه وغادي بيهم...تا كيخرج فيهم...

كريم اول ماعلا عينيه شافها تصدم..وخصوصا فاش شاف مع جنبها لقى أمين معاها عقد حجبانو وتزير..

مريم جات عينيها فعينيه تكوانسات ماقدتش مازال تزيد..تا نتابه ليها أمين وهو يخنزر فكريم..

كريم بتوتر:م مريم..

مريم عينيها دمعو تفكرت بلي سمح فيها بلا مايقول والو هزت يديها وشدت فذراع أمين:ياله نمشيو..

أمين استغرب...مافهمش مالها ولكن مابغاش يعلق...زادو وخلاو كريم واقف مسمر فبلاصتو ومفيكسي عينيه مع يديها لي معلقاها فأمين...حس باحساس قبيح بزااف وبلي فرط فلبنت لي دارت معاه مزيااان وفتح ليه قلبها...خدا القهوة وكمل طريقو...

مريم رجعت للطبلة وجهها صفر وعينيها حومر..

رؤيا انتابهت:مريم حبيبة مالك؟؟

مريم بصوت مبحوح:شفت كريم...

كريم خرج علا برا كيشوف بعينيه..تا بانو ليه جالسين فواحد القنت..وانتابه بلي رؤيا معاهم...دار وكمل طريقو..

نجية بصدمة:اويلي...فين شفتي داك قدام النحس؟؟

أمين:سمحولي نقاطعكم ولكن منين كتعرف مريم ..كريم الحسناوي..؟؟

رؤيا:قصة طويلة..لمهم هي ماكانتش عارفة بلي هدا هو كريم من العائلة لي مضادين معاها..

أمين:اوا تا دبا..صااافي...تخوي دماغها حيت ماصالحش ليها..

مريم ساكتة وكتشوف فالارض..

رحمة:صاافي رخفو عليها...وبدلو علينا الموضوع..

رؤيا:أحسن حل...

وصل كريم عند خوتو قالب وجهو:هاكو...

خالد:ههه لا ضربنا حسن...

كريم ساكت وكيشوف بعيد..

خالد:لااا شي إن تما..شنو واقع؟عاد كنتي صافااا..

كريم:شفت مريم.(صلاح طلع عينيه فيه)..

خالد:فين؟؟

كريم:فالكافي لي مشيت ليها..وحقى تت رؤيا معاها..

صلاح نزعزع:رؤيا؟؟

كريم:اممم وخوها كريم وشي عيالات..

خالد:اوا ومالك...علاش داير بحال هكا..

كريم:ماداتهاش فيا..حسيت بلي تقصحت فاش شافتني ومابغاتش تبقى مازال تشوف..خلاتني وشدت فأمين ومشاو...وداكشي لي عصبني...

صلاح:ماديرش فبالك..يقدر يكون بحال خوها...

كريم:ويقدر يكون لااا...اش ضمن ليا!!

صلاح وخالد شافو فبعضياتهم..عرفو بلي دقتو صعيبة..

صلاح:شنو نمشيو؟؟

خالد:اه ياله..

ركب صلاح فالطوموبيل وساق وكريم رجع لور ساكت اما خالد وسطهم كيقول الحمدلله لي ماجربش الحب..

صلاح بقى غادي بالطوموبيل تا لقى راسو واقغ حدا الريسطو لي عرفهم فيها...

كريم هز عينيه:راهم فين جالسين..

صلاح بدا يطلل تا شاف رؤيا...لقاها كتبسم وتهاود معاهم..عقد حجبانو وتكره حيت حس بلي ماداياهاش فيه وماهامهاش فراقو..ديمارا الطوموبيل بطريقة خيالية تا تحكو الروايض مع الارض ومشى...

حميد تزير عاوتاني وبدا راسو يضرو..بقى غادي جاي فالبيت كيحك راسو وذاتو غيحماق..شوية بدا يضرب راسو مع الحيط معصب...وعينيه حومر..شوية قلبها غوات ويدفع فالناموسية ويعاود يرجعها..عاوتاني هز المخدة كيعضها ويرجع يعطيها البوني...غوت وغوت بزااف تا جاو عندو ممرضات وحاولو يشدوه..عطاوه مهدئ خفيف يخليه يقدر يصبر علا داك المعاناة لي هو فيها ويترخى شوية..

رجعو الدراري للدار تا ظلام الحال..لقاوهم مجمعين علا الكوطي..جلسو معاهم وكل واحد كيشوف فقنت..استثناء خالد لي كيحاول يخلق جو ويهضر الدراري..

رؤيا ومريم ناضو يتمشاو..كان كاين مرجوحات فداك الكافي..ناضو كل وحدة جلسة فمرجوحة وبداو يتحركو فيهم بالشوية..

رؤيا:باش حسيتي فاش شفتيه!!

مريم:بلي انا اضعف بنت فالدنيا...حسيت بلي واخة نعيى مانحاول صعيب عليا نساه..خصوصا فاش نطق بسميتي..كنت محتاجة نصرفقو ونضربو ونعنقو ...نقولو قداش جرحني وقداش توحشتو(رؤيا كتسمع وكتحس لكل كلمة حيت بخالا كتهضر عليها)..نعاتبو(عينيها دمعو)..نقولو بلي حشمني حدا ماما...وجرح قلبي بزااف حيت هو اول واحد دخل ليه...علاش ا رؤيا؟؟علاش ماشي اي حاجة كنقدرو نوصلو ليها؟؟علاش شي مرات كنتظلمو فهاد الحياة؟؟

رؤيا بهدوء:حيت ربي مخبي لينا ماحسن...يمكن ماعندناش لخير فداك الشخص..

مريم:نتيي لي كتقولي هكا؟؟

رؤيا:انا اكثر وحدة مقتانعة بهاد الهضرة..حيت عانيت وتعذبت ودبا بغيت نبدا من جديد..عارفة بلي كنبغي صلاح..واصعب قرار خديتو فحياتي هو النهار لي قررت نطلق منو...ولكن..هكا حسن..

مريم:باش حسن؟؟

رؤيا:حيت عارفاه كيبغي مرتو بزااف ..ومن الافضل نبعد عليه باش نمحي اي أمل يخليني كنتمناه...

مريم تنهدت:وانا...كريم شنو؟؟

رؤيا:انا ماغنقولكش نسايه..حيت يقدر يكون نصيبك..ولكن غنقولك دعي ربي يسهل الامور بيناتكم..

مريم تنهدت:ياربي ..يسر لينا وعطينا ماتمنينا...

رؤيا كتشوف فالارض:آميين...لمهم خلينا من الدراما واجي دفعيني توحشت لعب هههه..

مريم ابتاسمت:اهاه واااخة..

بدات مريم تدفع بالجهد فرؤيا..وكيغوتو ويضحكو بجوج ..

حسناء ماملتش وبدات اصوني عاوتاني علا أمين...شافها تعصب استأذن من مو وخالتو وناض..

أمين بعصبية:واش ماكاتقاضايش...مصدعالي دماغي النهار كامل(حسناء تصدمت ولكن سربس ليها الكلام ماخلاهاش تهضر)بنادم زعما خصو يفهم راسو..ولا نتوما فداك العائلة الفهم عندكم ثقيل شوية؟؟؟ينعل بو هاد النمرة لي عرفتي نتي تفووو...تيييط تيييييييط تيييييييط ..

حسناء عينيها دمعو وبقات حاطة تيلي قدامها..حست بالحكرة..اه هي صدعاتو ولكن حيت بغات تهضر مع رؤيا..وهو ماعطاهاش فرصة..قصحها بكلامو بزاااف...

أمين قطع معصب ورجع لبلاصتو..

رحمة:مالك اولدي؟؟

أمين:لا ماماليش...غي نمرة غلط مصدعالي دماغي..

صلاح هز تيلي كيشوفيه ماتشات ويتلف وقتو ولكن دماغو مع رؤيا...فاش شافها..كان موحشها بزااف ولكن اعصابو شعلو فاش شافها عايشة حياتها وهو ماقادرش بلا بيها..

حسناء شبعت بكاء وماقدتش تعشا نعست بلاش...اما أمين فاش حط راسو علا الناموسية تفكرها..وبدا يبرد..حس بلي زاد فيه شوية ..خصوصا انها مابغات والو من غير تهضر مع رؤيا..دخل نمرتها وشاف لواتس ديالها..لقاها دايرة فوطو زوينة بحال شي ممثلة...علا حاجبو فيها وتفكر فاش كان خاطفها عندو..بسم وحط تيلي من يديه...

فالزنزانة تطفى الضو..ولكن شخص واحد لي مازال مادق النعاس بابو لاول مرة..طارق..اه طارق لي شاغلة بالو لبنت لي شافها مع باها...نهار كامل وصورتها مافارقاتوش..والشيطان بدا يلعب بيه...هاهو غيخرج ويجيبها بين يديه..حيت فري دخلات لدماغو وعششت فيه غي من نظرة وحدة...

آلاء مشات لبلاصتها نعست ومابغاتش تبقى تضغط علا صلاح..اما هو كان كيتبرد فالبالكون..جالس علا كرسي شاد السيجار ديالو وكيبوخ فالسما...ماحسش تا لقا الصبح بدا يصبح..ناض وتخشى فبلاصتو ينعس شي ساعتاين باش يقد يفيق...

أصبحنا وأصبح الملك لله..

الجو ليوم زوين..الشميشة ديال الصيف والهوا نقي...خلا لي فاق كيعجبو لحال ...

كيف العادة كل واحد شد خدمتو..الا رؤيا لي لصقت أمين..

رؤيا:خويا عاافاك نمشي معاك للأرض ديالنا..ونشوف رزقنا..

أمين:علاش باغية تمشي الصهد عليك!!

رؤيا:لا غي خليني نمشي هاد القضية كنت باغية نديرها من شحال هادي ولكن بابا الله يرحمو ماكانش كيبغي وحميد تا هو معكس..اما نتا عارفاك غتبغي غي ديني معاك عااافاك..

أمين:هههه واخة ا لالة..زيدي معايا...

مشات لبست عباية طويلة محلولة من القدام..شاداها غي بخويطات خفاف فالغري تحتها بودي طويل فالبيض وسروال تا هو بيض..وصباط غري..وشال رماتو من جيهة وحدة علا كتفها ولاخور خلاتو هابط لقدام...جاها واعر وشعرها مطلوق كيبان ملور..

رؤيا:ها انا واجدة..

أمين:ههه اوك ياله..

خرجت مع خوها كضحك اما مريم مابغاتش تمشي بغات ترتاح فالدار نيت الشمس مجهدة عليها...

ركبت رؤيا حداه كضحك وعاجبها الحال..وهو غي كيشوفيها مستغرب هاد الحب الغريب للأرض..

صلاح وخوتو كانو مفرقين..كل واحد مشغول بخدمتو..ولكن صلاح كثر..قرب موسم الخيل وخصو يجهز احسن 3خيول ليه ولخوتو باش يتسابقو بيهم..

حسناء فاقت مغوبشة عاقدة حجبانها وساكتة علا غير عادتها واخة عيات فاطنوطة ولطيفة يسولو فيها والو...

آلاء دخلت زعما للكوزينة كتحاول طيب وتقاد معاهم..

آلاء:شنو الحاجة لي كتعجب صلاح بزاال فالماكلة؟؟

فاطنة:الدجاج محمر..

آلاء بابتسامة:صاافي ليوم نديرو ليه...بغيت نفرحو وندوقو طيابي..

لطيفة بابتسامة:الله يعاونك..

فاطنة كتبركم حدا حسناء:كنظن واخة طيبيه ماتجيبيهش بحال رؤيا!!

حسناء شافت فيها وبسمت حيت سمعتها اما آلاء ملهية مع المقادير كتجمعهم..

وصلت رؤيا للارض..خرجت دغيا كتمنظر وتشوفيها..تباركلله المردود كثير...

رؤيا:صافي غي هنا كاينة الارض ديالنا؟؟

أمين:وسهلتيها...راها فيها 10000خدام..كبيرة بزااف واصلة تالهيه..

رؤيا:اممم مزيان..بعدا تحرقت غي بلاصة صغيرة؟؟

أمين:اه الحمدلله..كون مالحقوها تحرق كلها..

رؤيا:اوا ربي يعوضنا..زايدون فاش كتحرق الارض كتعطي فالسنوات الجايين مردود حسن..

أمين:اممم برافو عبيك راك فاهمة كلشي ههه..

رؤيا:كنقرا علا هادشي وصاافي...ولكن مافهمتش حاجة وحدة..

أمين:شنو هي؟؟

رؤيا:فاش كنت عند(حدرت راسها)عائلة الحسناوي..سمعت بلي الابار خواو ومابقاش عندهم مياه جوفية يستافدو منها علا طول العام..وانا لي عارفاه بلي الارض ديال المنطقة ديالنا فلاحية من الدرجة الاولى والشتا تباركلله طاحت..

أمين:يعني!!

رؤيا:يعني بلي يقدرو مصادر الما يكونو تبدلو..ونقدرو لقاو آبار ومنابع جداد للما..

أمين:اه ممكن..وممكن لااا..

رؤيا بسمت وكملت الاستكشاف ديالها..كان عندها احساس زوين كأنها شي عالمة هههه..

صلاح حبس لخدمة بدا يدور فعنقو كيريح راسو شوية وهو يتفكر نسيم..هز تيلي وصونا عليه..طلب منو يجيب نوعية السلاح والقرطاسة لي دخلت فجسم محمد باش يقارنها مع ديال خوه...نسيم ماترددش حيت من السهل يعرف معلومات علا حادثة قريبة...

رؤيا بقات شحال تمشى تا حست براسها زطمت فشي حاجة كتزهق..حنات راسها لقات الارض فازكة وفيها الغيس...حنات كتقلب الارض بيديها...ورجعت لور شوية شافت الارض ناشفة مع الصهد بدا...بقات كتفكر وعيطات علا خوها..

رؤيا:أمييييين..

أمين:شنووو..

رؤيا:اجي لهنا عاافاك..

أمين خلا الخدام وجا عندها:شنو بغيتي ثاني..

رؤيا:شوف فالارض...فازكة هنا يااك..

أمين:اممم..

جراتو من يديه:وهنا...شوف ناشفة!!

أمين ربع يديه:ومن بعد!!

رؤيا بسمت:هاد الفترة الصهد بزااف..ومن الطبيعي تكون ناشفة..والارض تما فازكة وماكتيبسش دغيا..يعنبيييي ههههه..

أمين علا حاجبو وبسم:يعني كاين لما تحت الارض ههههه...

رؤيا بابتسامة:يييييس....

أمين ضحك وعجبو لحال:صاافي اذن نجيبو لي يحفر لينا..

رؤيا:اممم هههه..

عيط أمين للخدامين وفرحو بزااف وتاهما ماكانوش منتابهين للارض ودبا عاد عرفو...

أمين:الحمدلله نيت محتاجين لما بزااف..

رؤيا:ولكن..الا لقينا هنا لما..خصنا نعاونو بيه الاراضي لي حدانا..

أمين خنزر فيها:ماتقوليليش...

رؤيا هزت راسها:آه..(جا يهضر حبساتو)أمين لما ماشي ديالنا غي بوحدنا وماشي عيب نعاونو بيه الاراضي لي حدانا...

أمين:ولكن هاد الارض ديالنا وكاع لخير ديالها محسوب علينا...زايدون نتي لي كتفكري فيهم..كون كنا حنا لي محتاجين لما والله لاعطاوه لينا..

سمح فيها ومشى وهي واخة كانت غتهضر سكتات...تافق مع الخدامين يتكلفو وهو مشى باتجاه طوموبيلتو باش يرجعها للدار...

ركبت رؤيا كتشوفيه:دبا علاش مقلق..انا ماقلت تا كلمة دالعيب غي كنتناقشو يااك..

أمين:حيت نتي ظريفة زيادة عن اللزوم..وهادشي لي خلاك توصلي لي نتي فيه دباااا..

تنهدت رؤيا وسكتت كتشوف قدامها وخلاتو تا يبرد وتحاول معاه من جديد..فنظرها هي الما رزق من عند الله وحرام يكون عندها وتحرم الناس لي محتاجينو منو..هكا غتحيي الارض وغتعاونها وماهتمهاش موقفهم لو كانو فبلاصتها حيت هي كتعامل الناس بطريقتها ماشي بطريقتهم..

ديمارا الطوموبيل ومشاو باتجاه الدار..

صلاح جمع كااع العمال لي فالاسطبل وبدا يسولهم علا عدد الخيل وشنو غيحتاجو فالموسم والناس لي غتشارك فيه..كان اول مرة غيترأسو ويصوبو هو ومن الطبيعي باغي يكون من احسن المواسم لي دوزها الفيلاج..

وصل أمين رؤيا للدار ورجع هو الخدمة...دخلت للدار فرحانة واخة هكاك..قرايتها علا الدومين جات بالفايدة..

رؤيا:ماماااا ..مريييييم...خالتيييي...

كانو جالسين فالجردة وخلعتهم مين عيطت هكاك..ولكن فاش شافو الفرحة فوجهها رتاحو..

رحمة:اش كاين ابنتي؟؟

رؤيا بفرحة:قدرت نعرف بلاصة البير فالارض ديالنا هههه..

مريم:م مافهمتش!!

رؤيا:الاراضي هاد السنوات الاخيرة بدات تحتاج لما كثير ولكن الآبار مابقاتش كافية..

مريم:اوا..

رؤيا:انا كتاشفت بير جديد فوسط الارض ديالنا هههه...

رحمة:ا سعدي لبنتي ههه الله يخليك ليا براافو عليك..

مريم:اووه علا المهندسة ديالنا اوووه هههه..

نجية:الله ينورك ابنتي..

مريم:ولكن كفاش عرفتي!!

رؤبا طلست وحطت رجل علا رجل وبدات تعاود ليهم وتفسرلهم من لول بقوة الفرحة هههه..ولكن فاش هضرت علا شنو وقع فالتالي استغربو من ردة فعل أمبن المعروف بكرمو وفلبو الكبير واكدو ليها بلي غيحاولو يقنعوه..

كريم وخالد لحقو علا صلاح:شنو ماغتمشيش تغدا؟؟

صلاح:اهاه جيتو فالوقت..

ركب معاهم ومشاو للدار لقا الطبق المفضل عندو ولكن للاسف ماشي باللذة لي كيساين..

صلاح:شكون صوب هاد الدجاج؟؟

لطيفة:علاش كتسول ههه..

صلاح:حيت ناقص ...

لطيفة تصدمت غمزاتو وآلاء تزيرت:مرتك لي طيباتو جاها زوين مالك!!

صلاح طلع حاجبو فمو:امممم...

آلاء بحسرة:ماعجبكش!!

صلاح حدر راسو:مابيهش..مرا خرا ديريه بحال ر....(عض شنافتو وكلهم عاقو بيه الا آلاء)بحال خالتي فاطنة..

آلاء:واخة انشاءلله..

كلا قليل وناض منيرفي..هو ديما غيبقى مفكر هاد رؤيا وتبقى شاغلة بالو...هي مكملا حياتها وهو معذب..خصو يلقى شي حل ويتأقلم مع حياتو الجديدة..ويقدر كااع ينساها حيت ماشي مدة كبيرة باش بغاها!!..

أمين دار خدمتو ورجع للدار..ولقاهم عاجبهم الحال بانجاز رؤيا ههه...وهنا حاولو يقنعوه بالفكرة ديال رؤيا..وبلي الخير فالمساعدة..من الافضل يعاونو حسن مايخليوهم مخصوصين...امين اقتانع شوية ولكن ماعطاش كلمتو التالية..تعشى ولبس جوايجو وتأنق...حيت خارج...

رحمة:أمين...ولدي فين غادي؟؟

أمين:غنتلاقا بواحد صاحبي..شحال ماشفتو..

رحمة:اممم اوا الله يعاونك وحظي راسك..

أمين باسلها يديها:ماتخافيش عليا ء لواليدة...

خرج بكل ثقة وركب طوموبيلتو وهو كيدور فبالو اخر حوار مع خوه فالسبيطار"كنواعدك انا غنقلب علا هاد لبنت ا خويت وغلقاها وغنعرف شكون موراها...لمهم نتا فهاد لوقت تكون كتعالج وتخرج داك السم من الدم ديالك...حيت اصلا لي خصو يقلب عليها ماخصوش يكون معروف..ونتا راه حفضوك تما...

حميد:وعد!!زعما متأكد تقدر ديرها؟؟

أمين:اهاه انشاءلله..

حميد:مين هكا انا غنبقى نتعالج..وغادي نولي حسن من لول ..عارف راسي غلطت بزااف ولكن ضروري نعرف غلطي ونستدرك لي داز..

أمين:هدا هو خويا لي كنعرف هههه"..

أمين شاف قبالتو بجدية حيت ضروري خصو يطبق وعد خوه...وديمارا الطوموبيل...

مريم دقت فلباب:مازالة فايقة!!

رؤيا:اه اجي..

مريم دخلت وشدت لباب:قلت نجي نتهاودو شوية طارلي النعاس..

رؤيا:اه جلسي...(ربعو رجليهم فوق الفراش متقابلين وهي تقرصها من خدها)شنو مطيرلك النعاس ههه..

مريم:نتي فرحانة!!(رؤيا تبدلو ملامحها)زعما صاافي مرتاحة..

رؤيا تنهدت:حمدلله..علاش كتسولي؟

مريم:حيت حسيت بيك بديتي تجاوزي همك...ولكن انا ماقدرتش بغيتك تعاونيني...

رؤيا:شكون قالك تجاوزت؟؟راه الانسان ربي رزقو الصبر غي باش يكمل حياتو..داكشي علاش كنتوكل علا الله ونحاول نصبر..ونسي راسي واخة انا ماناسياش...الحياة غتكمل..وماغتساين تا حد..

مريم:كنت كنظن بديت نرجع لحالتي الطبيعية..ولكن فاش شفتو ماقديتش نصبر...حسيت بقلبي ضرني(عينيها دمعو)ماكرهتش نضربو ونغوت عليه وهو يعنقني ويخليني نهضر تا نرتاح اهئ اهئ..

رؤيا تألمت وزادت حداها عنقتها بعينين مدمعين:شوووت..صافي ماتبكيش..دبا ربي يسهل الامور..

مريم:كنبغيه بزااف اهئ اهئ..كنكرهو..

رؤيا:اوا شدي طريق وحدة ههه..

مريم بسمت:اوا ديني علا قد عقلي..

رؤيا:تا يكون عند طاسيلتك لعقل هههه..

مريم خرجت راسها وضربتها لكتفها:وا باززز..

رؤيا مسحت ليها عينيها:ماتبقايش تبكي..وعرفتي شنو..غنوضو نخدمو فالارض انا وياك ونشغلو وقتنا حسن مانبقاو ديما جالسين صاافي..

مريم فرحت:واخة ههه ولكن انا راه دماغي ثقيل...صبري معايا ههه..

رؤيا:غي بالشوية وغتفهمي كلشي(تفوهت)شنو نعسو؟؟

مريم:نعس حداك؟؟

رؤيا:عاد كتسولي(ضربتها بمخدة)سهطي ههه..

تخشاو فبلاصتهم كيتهاودو تا داهم النعاس...

أمين دخل للبار كيشوف مع الجناب وفكاع الديكور بحالا كيحاول يفلي كل بلاصة..دخل بكل هدوء وتباتة..ومشى جلس علا لكونطوار...طلب مايشرب وهي تصوني عليه رجاء قطع عليها وبقى متبث لاش يلفت انتباه لبنات لي تما وهما لي يجيو عندو ...

خالد طلل علا المكتب لقى صلاح مازال تما:مازال مانعستي؟؟

صلاح:شوية ونعس..علاش؟؟

خالد:تعطل لوقت..شنو كدير!!

صلاح:كنحاول نسق لداك الموسم..

خالد:اوا دبا نشوفووو ههه..غتشارك تا نتا يااك؟؟

صلاح بثقة:غنشارك؟؟انا لي غربح اصلا هههه..

خالد:اوووه ههه اوا الله يسخر..

صلاح:آميين..

تحركت بنت لابسة جيب طالعة تالصرة فالموف وسوتيان فالبيض وليبوط حد الركبة ومشات باتجاه أمين...وقفت حداه مكرشخة علا داك الكونطوار ومخرجة المؤخرة كتحاول تجدبو..

لبنت:تيتيز اول نهار يزورنا؟؟؟

أمين كيشرب من الكاس وابتاسم بالخف:عندك شي مشكل؟؟

لبنت بتحلوين:لااا بالعكس!!ماكرهناش كل ليلة تجي هنا..مرحبااااا..

أمين:ياكما لبار ديالك ههه..

لبنت:هههه تقدر تقول هكا...بقاتلي طريطة قليلة ونكمل خلاصو..

أمين:هههههههه..سميتك..

لبنت:كوكي...

أمين:واسم الشهرة(شافت فيه وهو يطلق ضحكة وتا هي ضحكت)..

كوكي:مايسحابليش عندك حس فكاهي ههه..

أمين:ماتخافيش راه نعجبك..

كوكي زادت عندو:من ناحية الاعجاب(عضت علا شنافتها)عجبتيني(كدوز صبعها علا شنايفو)..

أمين بسم حاس بالانتصار:كيجيبلي الله بحالا هاد لبار فايت شايفو فشي مدينة خرا..حيت انا ماشي من هنا غي جيت ضيف وموالف نسافر بزااف...

كوكي:اه باينة حيت كون كنتي هنا نعرفك هههه..اممم بلاتي يمكن فايت شفتي لبار فكازا..حيت تما كاين الاصلي ديال هاد لبار(أمين وصل لمبتغاه)..هنا الفرع ديالو..

أمين:ونتي علاش ماتمشيش لكازا..لخدمة تما زوينة كثر من هنا!!

كوكي عوجت فمها:اوا الزهر العوج...داكشي عندو نظامو وتا كتبدا طلع بالكرادات عاد كتوصل لي بغيتي ..

أمين:اممم..(شاف فتيلي)اوووه صاحبي كيصوني عليا...

كوكي:قولو يجي!!

أمين:هو عندو شي شغال ضروري ومحتاجني دبا....انا نمشي عندو نوصلو والا لقيت كيندير نجي ونجيبو معايا..ماجيتش تاغددا ونتشاوفو ا زين..

كوكي:ياااك..غتخليني بوحدي واخة فيك.(رخات شنايفها ولكن مين شافتو متبت تقادت)..غدا الا ماجيتيش نتخاصم معاك..

أمين باسها بوسة خفيفة من فمها:وانا نقدر..

كوكي بقات مبلوكيا وداك لبوسة دوختها بقات متبعة ليه العين..وهو خرج كيشوف اسم لبار باش يسول عليه فكازا ويمشي يقلب فيه علا يارا..حيت فايت صافط خدام وطلبو يسول عليها قالولو مابقاتش خدامة فهاد لبار..

خرج عاجبو الحال وحرك طوموبيلتو كيمسح فمو عايف لبلاصة ولي يجي ليها...

أصبحنا وأصبح الملك لله..

آلاء مابقاتش تقفل علا صلاح..عاذراه حيت عارفاه مشغول بالتوجاد واخة هو لقاها سبة باش يبقى بعيد عليها حيت ماكيقدرش ينافقها ولا يكذب عليها...

حسناء ناضت مالاقية مادير..فطرت وكدور فالجردة وتقرا قصص حب تلف بيهم لوقت..كانت ولفت تلاقا برؤيا وتهاود معاها..اما آلاء كتجيها فشكل تجبد معاها مواضيع..

رؤيا فاقت معولة تبدا تمشي تشوف الارض هي ومريم..صدعو لأمين راسو تا داهم معاه...

رؤيا:أمين..حقى بغيتك تشريلي تيلي..

أمين:ايييه وشنو آخور؟؟

مريم:تا انا شريهلي عاافااك ههه..

أمين:ولدتكم ونسيتكم هههه..

رؤيا ومريم:ههههه الله يخليك لينا..

وصلو للأرض وحظرو علا الحفر ديال البير ولكن رؤيا خصها تفهم كلشي اي خدمة متعلقة فالارض كتستفسر عليها..اما واحد مريم..دور دور وتقطع لورد وتنتف فيه(كيبغيني ماكيبغينيش هههه)سالات ليهم الورد كامل وهي تمنى وتحلم..

أمين مشى جر رؤيا حيت جاه خبر جديد:ختي..لمهم انا هاد الليلة غنسافر بالليل..

رؤيا عقدت حجبانها:فين غتمشي؟؟ياكما الخدمة؟؟

أمين:بحال داكشي واحد الشغال ضروري خصني نديرو..نتي غتبقاي هنا وغتجي غدا باش توقفي علا الشغال وانا ماغنتعطلش..الا طولت بعد غدا فالصبح نكون هنا واخة!!

رؤيا هزت راسها:واخة اخويا..كون هاني غي قضي شغالك ورجع..

أمين:تا انا عارف راسي نعول عليك..

رؤيا بسمت ورجعت تسول وتحاول تفهم كلشي..

طارق خرجوهم يدورو فالساحة ولكن هو مركن وجالس فواحد لبلاصة حاضي شخص واحد تقدر تقول متربص ليه..ناض بالشوية عليه كيتحرك بهدوء ووقف عند راسو...

طارق:سي رشيد...لاباااس!!

رشيد حط راسو لأرض:حمدلله..

طارق جلس معاه علا طبلة صغيرة..وفرق رجليه بجوج عليهم كيحك بظفرو لحيتو..

طارق:ماجاتكش زيارة ليوم؟؟

رشيد طلع باللوان تفكرن داك النهار فاش بقى حاضيه مع عائلو:ءءء امم لا مابقاوش غيجيو..

طارق عقد حجبانو:وعلااش!!

رشيد:حيت وجودي هنا غلط وانا ماباغيش نزيد نغلط..

طارق:اممم..مزيااان..لمهم..انا قريب نخرج..الا بغيتي...(رشيد كيشوف بعينين خارجين)نبقى نطمن عليهم ونعاونهم الا بغاو شي حاجة مرحبااا..

رشيد توتر وطلعت عليه السخانة:لااا لااا اولدي..بلاش..بنتي غتزوج ومرتي غتعيش معاها ونتهناو..

طارق بسم جنب:ياااك...اوا مزيانن..(وقف)درت لي عليا ونتا لي بغيتي ..

رشيد:ا اههه عارفك اولدي لهلا يخطيك..شكرا بزااف تا علا كلام الخير..

طارق خنزر فيه ورجع لبلاصتو كيبركم:اممم غتزوج...والله وماحشمت تا نعرس بيك هاد الليلة نتا نيت 😡..

فالليل سلم أمين علا عائلتو وشد الطريق..

رؤيا جلست مع عائلتها كيهضرو:حقى ماما فين باا سلام!!مين رجعت ماشفتو هنا..

رحمة:مشى هو ومرتو حادة عند بنتهم لي مزوجة..قالك بغى يرتاح شوية هو ومرتو..

رؤيا:اممم بصااح..اوا مزيان...وولدو ماعندو تاخبار عليه؟؟

رحمة:اوا من نهار سافر كيقولو كيهضر معاهم مرة مرة..

رؤيا:اوا الله يعاونو..

رحمة:آميين...

صباح جديد..

فاقت رؤيا وجدت راسها هي ومريم ومشاو للارض بعدما فطرو..وصلهم خدام عندهم بالطوموبيل ودخلو للأرض يشوفو شنو كاين..

خالد:صلاح..الا غادي وصلني معاك!!

صلاح:لا ماغنمشيش دبا للاسطبل..غندوز للسوق نوصي علا شي حاجات وعاد نمشي..

حسناء نقزت:خووويا ديني معاك عاافاك..

صلاح عقد حجبانو:شنو غتمشي ديري تما؟؟

حسناء عوجت سيفتها:غي قنطت والله..نمشي معاك ونفوج شوية..

صلاح علا عينيه للسما كيفكر وفالتالي بقات فيه وهي كترغبو بعينيها:ياله سيري وجدي راسك وياله..

حسناء طارت من بلاصتها:يييس الله يخليك ليا هههه..

لبست حسناء بزربة وخرجت عند صلاح كتجري اما آلاء غي كتشوف وساكتة..

حسناء:تعطلت عليك؟؟

صلاح بهدوء:لااا..

حرك الطوموبيل في ساع ومشاو..

مريم:رؤيا شوفي..لهيه كاين شي عيالات بغااو يهضرو معاك..

رؤيا:اهاه واخة..

مشات رؤيا عندهم وفهمت بلي باغيين خدمة..طلبات منهم يساينو تا يبدا الحصاد وعاد يجيو...

صلاح سايق وحسناء كتمنظر فالطريق عاجبها الحال غاديين باتجاه السوق تا كتنتابه لرؤيا واقفة واحد الارض قريبة لأرضهم وكتهضر مع شي بنت..غوتت بلا ماتحس..

حسناء:رؤيااا..

صلاح عقد حجبانو فيها:مالها؟؟

حسناء:راها تما..

صلاح حبس الطوموبيل:فين؟؟

حسناء:لور..شفتها وحنا دايزين واقفة فالارض ديالهم..

صلاح دور وجهو كيشوف تا بانت ليه عاطية بالظهر..تخطف قلبو من بلاصتو.ولكن حاول يبين ثباتو..

صلاح:عادي..(بغى يحرك الطوموبيل)

حسناء:لا اخويا عاافاك بغيت نهضر معاها..

صلاح:واش تسطيتي؟؟

حسناء:لاا هي صاحبتي ومتفاهمين..توحشتها وبغيت نهضر معاها دغيا ونجي..(صلاح مخنزر وكيشوف قدامو)..عااافاك اخيي والله مانتعطل..

صلاح حرك الطوموبيل وهي نفخت:غنقربك(حسناء حلت عينيها فرحانة وهو بدا يشوف لور ويرجع ماغشاغييغ)..

حسناء ماصبرتش بزااف غي تقابلت معاها وخوها كيحبس الطوموبيل خرجت كتجري وهو حرك راسو بمعنى لاحول الله..بقى مراقبها غادية كتجري ورؤيا ماكيبانس وجهها ولكن قريبة ليه..كيشوف فشعرها نازل مع ظهرهت وفوق منو شال شيبي خفيف وشوميز باج مع سروال شيبي جايا كيوت..كيشوفيها طرف بطرف ومتمني لوكان تكون قريبة ليه..

رؤيا كتهضر مع مريم تا سمعت صوت ماغريبش عليها:رؤياااا..

رؤيا دارت شافت وهنا صلاح تنهد وهو حاضيها...قلبو بدا يضرب بالجهد وحس بشوق كبير ليها..لداك العوينات لي كان ديما مبكيهم..لداك الوجه الملائكي..لصبرها لقلبها الكبير..لشنايفها لي ماكانش كيقدر يقاومهم فاش كيقرب ليهم..بقى شحال مفيكسي عينيه فيها بنظرة كلها حب وحنين..وهنا تأكد من حقيقة المشاعر ديالو اتجاه هاد لبنت لي دخلت حياتو وقلبو بلا استأذان..

رؤيا دارت باستغراب وابتسامة:حسناء هههه..

حسناء مشات طارت عليها بتعنيقة:توحشتك احبيب توحشتم بزااف..

رؤيا:تا انا والله..كيبقيتي(خرجت راسها كتشوفيها)كيبقاو ماماك وباباك و ..وخوتك..

مريم غي كتشوف ماعرفتهاش شكون..

حسناء:كلهم لاباس حمدلله..تاهما بحالي توحشوك..

رؤيا بابتسامة حزينة:لهلا يخطيهم..بلاتي شكون جابك هنا؟ههه مفاجئة زوينة هادي!!

حسناء بابتسامة:جابني صلاح..(رؤيا تصدمت وتا مريم شافت مستغربة عرفتها من العائلة..وحسناء دورت وجهها عندو)را هو كيسايني...

رؤيا بلا ماتحس دورت راسها مع حسناء تقلب بعينيها تا شافتو وجات عينيه فعينيها واخة كان لداخل فالطوموبيل..تصدمت وقلبها بدا كيضرب...ماتوقعاتش تشوفو دبا..وحسناء حاضياها..

صلاح غي شافت فيه تزير ودور وجهو وهي عاد تواكضات وحنات راسها..

مريم حاولت تصلح الموقف:ءء انا مريم(مدات يديها لحسناء)بنت خالت رؤيا..

حسناء بابتسامة:متشرفين احبيبة..

رؤيا علات راسها بحشمة:شنو كتعاودي كاين شي جديد؟؟

حسناء:والو..كيف خليتيني باقا..والصراحة بقات عليا الدار خاوية ماكلقاش معامن نتهاود..

رؤيا جات تهضر وهو صلاح يكلاكصوني تا تلفها..

حسناء دارت عندو لقاتو كيشوف قدامو..لمهم زعما راه كيساين..

حسناء:ماسخيتش بيكم ولكن خصني نمشي..تهلاو فراسكم..(باستهم)نتشاوفو قريب انشاءلله..

رؤيا ومريم:انشاءلله..

مشات كتجري عند خوها ورؤيا واقفة مصدومة ماقاداش تهضر وبلا شعور كتشوف جيهة الطوموبيل..وغي دخلت حسناء عندو حرك الطوموبيل تا تسمع صوت الروايض تحكو مع الارض..

مريم حطت يديها علا كتف رؤيا:نتي صاافا احبيبة؟

رؤيا تنهدت وحنات عينيها للأرض:اممم...

مريم جرتها:شنو نمشيو نشوفو واش سالاو البير..

رؤيا:اممم ياله..

صلاح زاد بالطوموبيل ساكت ماكيهضرش..

حسناء:ماتعطلتش عليك يااك؟؟

صلاح بحدة:لأ...

بسمت ودارت كتشوف فالجنب..تاهي حست بالتغيير ديالو المفاجئ فاش شاف رؤيا..ولا عاقد حجبانو ومقندش ماحامل يهضر مع حد..حيت هاكا الراجل..فاش كيتوحش لمرا لي كيبغي كيولي قبيح وقاصح فبعدها عليه...

مريم قدرت تحاول تخلق جو لرؤيا ولكن ماقدرتش تنسيها..دماغها تلف وبالها بقى معاه واخة مشى..المشكل انها نسات ليك كلشي ونسات بلي هو بنفسو خرجها من الدار فنص الليل بلا مايفكر اش يقدر يوقع ليها..

وصلو للسوق..حسناء غي كدور فعينيها عاجبها الحال كتسارا مع خوها...اما صلاح عاقد 111 وغادي متقصد السيد لي غياخد من عندو السخرة ديالو..

أمين فاق فالاوتيل لي بات فيه فاش وصل...دخل للدوش وطلب الغدا حيت فيه الجوع بحرا ريق فالصبح بكري...جابوه ليه وهز تيلي كيقرا عنوان لبار لي غيمشي ليه فالليل..

صلاح بقى واقف كيوصي علا شنو خصو وكيختار فالسلعة..وحسناء جالسة كتصنت..شوية عطاه لفلوس وطلبو يوصلهم ليه للاسطبل وشد فختو وخرجو..ركبو الطوموبيل..

حسناء:غنرجعو للدار!!

صلاح:لا اندوز للاسطبل وعاد نمشيو باش نجيو قد قد مع الغدا..

حسناء بفرحة:اووكي هههه..

صلاح:تالهاد الدرجة قنطانة ههه..

حسناء:اممم وبزااف..مين مشات رؤيا كنحس براسي بوحدي فالدار كانت مونساني..

صلاح بحالا ضرباتو فالوتر الحساس:و ولكن تا دبا كاينة آلاء..ياك كنتو متفاهمين!!

حسناء:اه آلاء ضريفة وكلشي ولكن مامطلوقاش ..كنحس من ديما بيناتنا حواجز..

صلاح:اممم اوك..انا غنديك للاسطبل ونقولهم يوريوك الخيل..غيعجبوك بزااف..

حسناء:هههه بصااح..(صلاح هز راسو)صاافي عطيوني شي واحد يكون ديالي ههه..

صلاح:ختاري لي عجبك ههه من غير ديالي انا وخوتك..

حسناء:اوك كون هاني...

بسم صلاح وبقى غادي مكمل طريقو مع هاد الطفلة المسطية خخخ..

مريم:فياا الجوع..

رؤيا ضحكت:جوعاتك الهوا ههه..

مريم:اه..ياله نرجعو للدار..

رؤيا:واخة انا نعطيهم شي ساعة راحة باش نمشيو ونرجعو..

مريم:اوك سربي..

حسناء عرفت الطريق مبدلا:علاش مامشيناش من نفس الطريق؟؟

صلاح حاول يتلفها:حيت هاد الطريق اقرب للاسطبل..

حسناء جاتها الضحكة وحبستها:امممم...

صلاح علا حجبانو باش ماتزيدش تهضر حيت كطيرها منو بالجلدة ههه..

وصلو للاسطبل هو مشى يقضي شغالو وكلف خالد بيها..حمقاتو كل خيل تشوفو تقول هادا ديالي..

خالد:ههه ماخليتيلنا والو..كلهم دياولك..

حسناء:علاش لاا ههه دبا لي بغاهم يكريهم بالساعة ههه..

خالد ضربها لراسها:الطماعة لوخرا ههه..

صلاح قاد كلشي وناض عندهم:نمشيو!!

خالد:اوووو الحمدلله غنتهنى من هاد المسخوطة صدعتني ههه..

صلاح بسم:كون تشوف انا..والله ماتقول غي بنت فعمرها 12لعام..

حسناء باسهزاء وشدت فذراعهم بجوج مخشية فالوسط:بصحتي ههه..

يقاو يضحكو معاها دايرين ليها الخاطر..

رجعو للدار لقاو كريم مع باه كان معاه كيعاونو فالارض..وجدو ليهم الغدا وحطوه مع احاديث حسناء لي ماكتسالاش خخخ..

رؤيا تغدات وسالات ورجعت هي ومريم يقابلو الارض ويساينو يساليو لبير باش يرجعو..

جات العشية وأمين كيوجد راسو علا الجهد..تقاد ولبس شوميز كتبين الذات فالابيض مع سروال جينز كحل..وصبادري بيضة..قاد شعرو مزيان ومشط لحيتو ودار احسن عطر عندو وخرج باتجاه المكان المعلوم..

رحمة:تباركلله علا بنات المستقبل ههه..

مريم ورؤيا عاجبهم لحال..

نجية:اييه شفت تا بنتي ولات منها الفايدة خخخ..

مريم تحشمت:خشومة عليك اماما ديما كتهرسي ليا المشاعر ههه..

نجية:تسكتي ولا نوض نشتف علا بنتي..نيت توحشتي عصاتي ههههه...

مريم:لا لا هههه.

رؤيا ورحمة كيضحكو:رخفي عليها هههه..

خالد خرج للجردة هو وكريم لقاو صلاح جالس بوحدو..

خالد ضربو لضهرو:شكادير بوحدك..

صلاح:والو غي كنتبرد..ونرتاح من تمارة..

كريم:اوا دبا كلشي يسالي..وتهنى...

صلاح:لا بالعكس..الخدمة كتعجبني و...

كريم:كتنسيك هههه..

خالد غمزو يسكت:مالك ا صلاح..

صلاح:والو غي سكت هادا لي حداك ولا نعورو هه..

خالد:منك ليه ههه..

كريم:ههه صافي الله يسامح ههه..ولكن بيني وبينك نتا ماشي هو هاداك..

صلاح بسم:شفت حبيبت قلبك ههه..

كريم تزنك:ءءء ايمتا وفين هضر؟؟

صلاح:ههه غي بالشوية عليك...

خالد:كتعرفها!!

صلاح:لااا غي كانت مع..رؤيا..

كريم:هااااا شفتي تا رؤيا لعز هههه..

صلاح هز يديه غيضربو وهو يهرب..

خالد:اوا وشنو هضرتو؟؟

صلاح:لأ...حسناء لي هضرت معاها انا بقيت فالطوموبيل...(عاود ليهم علا لي وقع بلا تفاصيل)..

كريم مخنزر:وعلاش هما جالسين فالارض شكايديرو؟؟

صلاح:ماعرفت..يمكن كيديرو شي شغال تما..تا انا استغربت..

خالد:اوا دبر راسهم..

صلاح:كفاش دبر راسهم راها مازالة مرتي وخصها دير بحساب هادشي..

خالد:ولكن غطلقو..

صلاح تعصب وجاوب:مين نطلقها دير لي بغات..

كريم:اوا جاتك الفرصة..مين كنتي حداها كون قولتيهالها ههه..

صلاح وقف مزير علا يديه:نتا بعدا لي يطلس معاك خصو مو الدبيحة..ولا يرتكب شي جريمة فيك...

مشى صلاح معصب وكريم كيضحك:ماكيعجبوش لي يجيه نيشان هاد خونا هههه..

خالد:رخف عليه مالك...

كريم هز تيلي كيلعب فيه ويضحك..

طلع صلاح لبيتو لقى آلاء جالسة..شد لباب ومشى باتجاهها نوضها عندو وباسها بوسة عنيفة وطاح هو وياها فوق الفراش..طفى الضو بيدبه وحيد ليها حوايجها وهي غطير بالفرحة وطلع فوق منها وبدا يمارس معاها بكل عنف وقسوة..باغي يتبت لراسو بلي يقدر يعيش ويدير لي بغى وتا حد مايوقفو...حبو لرؤيا ولا يعذبو بزااف وخصو يتخلص منو...

دخل أمين للبار كيتمشى ويتمختر مع راسو..مشى جلس فواحد لقنت فيه فوطوي وحط يد علا راس الفوطوي طالقها...

عيط للكارصون وجا عطاه شنو يشرب...بقى جالس شحال...مدة طويلة وهو كيسكاني فلبنات لي تما تا بانت ليه اه..عرفها حيت حميد عطاه تيلي ديالو مصورها فاش كانت ناعسة حداه..وماكانش صعيب عليه يفرزها وسط داك لبنات..هز لكاس وهزو قبالتها وهي تشوفو..بسمت...وهو غمزها...تمت جاية عندو وهو فرحان حس بلي وصل لداكشي لي بغى...

يارا:الزين!!

أمين كيطلعها ملتحت تالفوق:الزين هو نتي ...

يارا جلست حداه عاجبها لحال وهو يذرعها:شفتك مزروب مالك؟؟

أمين:حب من اول نظرة هههه..

يارا:هههه ياااااه سعداتي..

أمين:شنو نشربو شي حاجة هنا ولا فالاوتيل؟؟

يارا شافت مع جنابها:نمشيو حسن..هنا الحضية(شافت شي بنات حاسدينها عليه)نوض نمشيو نوض..

أمين بابتسامة:اممم ياله...

ناض شاد فيها وخرجها..وصلو حدا طوموبيلتو وغي دخلت هز بخاخ ورشو عليها تخلعت ولكن دغيا طاحت ونعست...بسم بشر وحرك الطوموبيل...

صلاح ناض فوق منها بعدما فرغ كااع رغباتو خلاها مرخية ومصدومة منو..مافهمتش مالو..شنو بدلو..علا ولا هكا..تقصحت بزااف وقلبها ضرها..جرت ليزار عليها..اما هو ناض معصب ودخل للدوش...تنهد تحت لما كيضرب فالحيط..تبدل 180درجة..ولا شخص عنيف بزااف..ماكانش خصو يظلم آلاء معاه وكان لازم يعاملها حسن من هكا..دوش وبرد اعصابو وكلما كيفكر فرؤيا كيتعصب..خرج وهي تبان ليه مخشية فليزار وساكتة..لبس شورط قصير وتخشى حداها..احساسو بالذنب خلاه يجرها عندو باس ليها راسها..وقادها علا صدرو..الشي بي خلاها تفرح حيت حس بيها..بادلاتو العناق ونعست بعدما نسات اش وقع..

أصبحنا وأصبح الملك لله..

فاقت رؤيا قلبها كينغزها وطالع ليها الدم..مافهمتش مالها..هبطت تفطر بعدما صلات...

أمين جالس اونفاص مع يارا رابطها فكرسي وكيساينها تفيق..غي شافها بدات تحل عينيها بسم جنب..

أمين:صباح النووور..

يارا شافت فيه وفراسها تصدمت:ش شنو هادشي وشنو واقع وشكون نتا!؟؟

أمين:غي بالشوية ا لحب..

يارا بدات تعافر:طلقني..علاش رابطني...

أمين ناض كيتحرك ببطئ اتجاهها:جبتك هنا..حيت باغيك تعاونيني..قدرتي مزيان(نثفها)ماقدرتيش(يارا:اهههه اهئ)غتجيبيها فراسك..

يارا:شنو بغيتي مني؟؟

أمين:حميد...

يارا غي سمعت السمية تصدمت:ش شكون حميد؟؟

أمين بسم:صاافي نسيتيه(ضحك باستهزاء)لا انا فهمتك..مانسيتيهش غي كثرو عليك الرجال يااك...نوريهلك احبيبة باش تعقلي(جبد تيلي ووراها لفوطو ديالها معاه فالفراش)هادااا..قوليلي عاوتاني ماعرفتيش تا راسك..

يارا:شكون نتا اهئ وشنو بغيتي مني؟؟

أمين:وااالو..غي بغيت نعرف شكون عطاك الفانيد تعطيه ليه..

يارا:ت تا واحدد...حنا هكا معوذين ن نديروه للرجال باش يبقاو يجريو مورانا..

أمين:حلفي ههههه(صرفقها وبدل ملامحو)كتفلاي عليا لمك...ءءءء..شكووون ؟؟هضري حسن ما نطير لدينمك الراس...

يارا:اش باغي مني طلقني اهئ اهئ انا مادرت والو..

أمين:ايييه وشكون دار؟؟(جرلها شعرها تا طير فيه النص)

يارا غوتت علا حر جهدهت:اههههه اهئ اهئ عااافاكك..

أمين مخنزر ومخرج عينيه:غتهضري ولا نفرج لقح**مك ليوم..

يارا غوتت:صافي صااافي..اهئ اهئ..انا غنقولك كلشي...

فاق صلاح لقى آلاء ناعسة علا صدرو عريانة..تكره وناض بالشوية..بقى يفكر شحال وهو جالس فطرف الفراش..تخلط عليه كلشي..وفبلاصة ماكان يندم لس قاس رؤيا ولا يندم حيت دبا حس براسو خانها..ناض كيتأفف ودخل للدوش..

رؤيا فطرت دغيا هي ومريم مشاو للارض وماكانش عندها الغانة حاسة بلي ناقصاها شي حاجة.ولا غتوقع شي حاجة تقلقها..واخة عيات مريم ضحكها وتلعب معاها والو..لي فيها فيها..

أمين راجع فالطريق كيفكر فالهضرة لي سمع من عند يارا..خصو غي فوقاش يوصل..باش يبدا البحث ديالو من جديد...

صلاح مشى لخدمتو ومع بقاليه غي ليوم بدا كيقاد فالبلاصة لي غيديرو فيها السباق وغيتجمعو فيها الناس..

أمين وصل للأرض عجبو لحال لقى ختو فات بالغرض والبير غي كيسقفوه ويقادولو لبلاصة منين يتفرع لما لأي بلاصة..

رؤيا شافتو:علا سلامتك خويا!!

أمين:الله يسلمك..كيداز لبارح..

رؤيا:حمدلله..ونتا خدمتك مزيان؟؟

أمين:مزيان كلشي هو هاداك..

رؤيا:اوا الحمدلله..

أمين:لمهم دبا انا غنمشي عند حميد..عيط ليا وبغى يشوفني شوية..الارض فأمانتك..

رؤيا بلهفة:بصااح..ديني معاك نشوفو توحشتو..

أمين حط يديه علا كتفها:مرة خرا اختي..دبا خلينا نقسمو المهام..وكنواعد غي يدوز الموسم نديك تشوفيه..

رؤيا باستغراب:علاش حنا غنحظرو للموسم..

أمين:غنشاركو ههه..خوك غيشارك فيه بالخيل ديالي ههه..

رؤيا:اووووو ههههه اوا الله يعاونك...

أمين بابتسامة:مهم الا نسيت قوليها لكلشي باش يوجدو راسهم..

رؤيا بصدمة:غنمشيو معاك؟؟

أمين:ههههه ضروري...بغيت لي يشجعني ههه..

رؤيا بفرحة:اه اكيد غنشجعوك ههه..

مشى أمين بعدما خلا رؤيا فرحانة وعاجبها الحال جات عندها مريم مافهمتهاش..

رؤيا:وجدي راسك هههه غدا موسم الخيل وغنحظرولو مع مريم..

مريم حلت فمها وعينيها:ماااتقوليهااااش هههه...

أمين مشى عند حميد كيساينو يخرج..غي شافو بدا يلاحظ التغيير لي وقع فيه..عينيه زراقو ملتحت ومهدود فصحتو وباين عليه كيكافح باش يتعالج..

أمين حاول مايبينش ليه:خويااا...تباركلله دبا لاباس...حسن ملي كنتي..

حميد هز راسو:الحمدلله...اوا قولي كلشي مزيان..

أمين:كلهم بيخير..وكيسلمو عليك...بغاو يجيو معايا ولكن انا ختاريت نجي بوحدي حيت عندي مانقولك..

حميد عقد حجبانو:الله يسمعنا خبار لخير..

أمين بابتسامة:لقيتها(حميد حل عينيه فيه)لقيت يارااا...

#فلاش_باك..

يارا:صافي صافي..اهئ اهئ..انا غنقولك كلشي..

أمين بعصبية نثرها:ياله هضري..

يارا:انا كنت بحال كاع لبنات خدامة فداك لبار اي واحد يجي نخاول ناخد منو لي قديت عليه و...

أمين بغوات:اختصري....

يارا بخوف:ا اوك..لمهم كنت مع حميد تا جا عندي واحد لفيدور وعطاني داك الدوا..وطلب مني نحطو بانتظام لحميد فالشراب.....فلول خفت..مابغيتش لانمشي نقتلو..ولكن هو قنعني خصوصا ف فاش جبد رزمة دالفلوس وعطاهالي ..(أمين مخنزر فيها)..لمهم خديتهم وبديت نحطهم ليه بانتظام تا وليت نحس بيه ولا يجي علا ودهم ماشي علا ودي..وتأت فاش شي مرات كيشرب الشراب وينعس....تا لنهار لي عاق بيا وضربني تا عطيتهم ليه ومن بعد غبروني هنا والحمدلله لي ماقتلونيش...

أمين بهدوء:شكون هادو؟؟

يارا:م ماعرفتش...

أمين قرب لعنقها وزير عليه تا غوتتك كدفعو ووالو تا كانت غتخنق وهو يطلقها وشدها من شعرها عاوتاني:نطقيييي...

يارا:كح كح اهئ حرااام عليك..غيقتلونيييي😭..

أمين:ونتي ماحرامش عليك..منتي غتقلي خوياااا...(داها وجابها من شعرها)شكووون هادو؟؟

يارا:اهئ اهئ...صا صافي...ا انا اهئ عارفة سميت غي لفيدور...

أمين:اوا قولي...

يارا:ه هو طويل وسمر ومتوسط السن...س سميتو اهئ اهئ(أمين مخنزر)س سميتو علي...

أمين:علي!!اممم مزيان..ومول لبار منهم؟؟

يارا:ماعرفتش والله..يمكن لا..حيت عمرني شفت هاد الفيدور من قبل وماعندوش علاقة كبيرة بمول شي..

أمين:وعمرك سمعتي لفيدور كيهضر؟؟وباش عرفتي سميتو؟؟

يارا:د داك النهار هضر معاه كارد فالبار وعيطلو بسميتو وهو يغوت عليه..اما لفيدو قليل فاش كيبان تما..

أمين:اوك..مزيااان ولكن عرفتي الا كدبتي عليا..راه ماتلومي غي راسك..

يارا:و وانا شنو غدير فيا اهئ اهئ طلقني عاافاك مادرت والو..

أمين:باش تعرفيني حقاني..غنطلقك وغتمشي وغنخلصك وبيني بلي دوزنا ليل بجوج باش مايشكوش فيك تا نتي ويقتلوك..حيت الا مشيتي وقلتي لي عرفتي(عوج كمارتو)غيبداو بيط نتي لولا حيت خرجتي اسرارهم فهمتيييي؟

يارا بخوف:لا لاااا انا والله مانقول شي حاجة..بناقص من هادشي كامل ندمت لي دخلت فيه اهئ اهئ..

أمين بدا كيحلها:الله يعفو عليك..

يارا مين شافتو غيطلقها نطقت:ت تفكرت حاجة تقدر تفيدك.(أمين شافيها باهتمام)..سمعت بلي كاين تما شي موسم وغيشاركو فيه داك الناس...

أمين بسم:بصااح..شكرا ا يارا...انا دبا عرفت بلي نتي بنت مزيانة..وشوفي الا حتاجيتي شي حاجة انا موجود..

يارا بسمت:شكرا اهئ راه غي الظروف وصاافي..لمهم سير وعاون خوك وسمحولي...

#الرجوع_الى_الواقع...

أمين:صاافي وطلقتها!

حميد بصدمة:ز زعما قالت الحقيقة؟؟

أمين:اه ومتأكد...حيت الانسان باين فاش كيكون كيهضر بصااح..واكدتلي فاش زادتني معلومة الموسم...حسيت فيها ندمانة..

حميد:لمهم شنو غدير دبا؟؟

أمين:غنشارك فالموسم..ونحاول نعرف فين هو هاد علي وشكون مورااه..

حميد:انا تايق فيك وعارفك غتلقاه اخوياااا..

أمين بسم:انشءلله...

حميد:اوا كيدايرة الارض...شكون كيعاونك فيها؟؟

أمين:ماغاتيقش حقى هههه ديت معايا رؤيا وقدرت تلقى لينا بير وسط الارض هههه..

حميد بسم:بصااح هههه...

أمين:اه صدقت فري كتبغي الهندسة الزراعية..الله يسمح لبا لي ماخلاهاش تكمل قرايتها..

حميد:واايييه..تا انا دبا شحال وليت نعاود حساباتي وعرفت بلي غلطت بزااف(حنى راسو)..

أمين شدو من كتفو:صاافي داكشي داززز ودبا فكر فصحتك باش ترجع لينا قوى من لول..

حميد:انشاءلله..قولي حقى با سلام رجع؟؟

أمين:مازال...طول لغيبة هو ومرتو..

حميد تأفف:تاهاداك كنتفكر شنو درت معاه كنتعصب..

أمين عقد حجبانو ياك لاباس؟؟

حميد:قصة قديمة شوية..قبل شي عاماين...فاش جريت علا ولدو من الفيلاج وحرقت قلبو..

أمين بصدمة:وعلاش ا خويا شنو دار ليك عمر؟؟

حميد:حصلتو هاز الخيل ديالي بالليل كيسارا بيه وانا كنت مانحملش لي يقيصو بلا خباري..وجريت عليه..

أمين:صاافي هادشي لي دار وجريتي عليه؟؟

حميد:لااا كنت كنحس بغيرتو اتجاهي وبحالا كيحسدني علا الخير لي أنا فيه...ومين لقيت ليه السبة جريت عليه..

أمين:وباا شنو قال؟؟

حميد:ماقال والو..صافي تقبلها بسهولة غي باا سلام بقى فيا..بكى علا ولدو وحنا سدينا لموضوع...من تما ماشفناه...

أمين حدر راسو كيحكو بيديه:اوووف علا مشكل هدا..وانا مافخباري والو..

حميد:تفكرت كاااع الاغلاط لي درت..انا عارف راسي كنت قاصي شي مرات وقبيح ولكن ندمت دبا والله..

أمين:صاافي..تكالما..مابقى والو دبا وتخرج وطلب السماحة من با سلام وهو اكيد غينسى كلشي..

حميد:اه ضروري انشاءلله..

رؤيا رجعت للدار فرحانة هي ومريم..قالو لكلشي يوجدو راسهم وباش يحظرو فالموسم لي كان محمد ماكيبغيش يخلي تاواحد يزطم فيه خصوصا النسااا...

أمين فاش رجع صافط خدام لبلاصة الموسم باش يسجلو سميتو فالسباق...

تحلت لباب لكبيرة ديال الحبس وهو يخرج طارق هاز صاك فيه حوايجو ودايرو علا كتفو كيتمنظر فالسما ويعطي الاشارة للامن...شاف قبالتو لقى صاحبو واقف مقابلو متكي علا طوموبيل زوينة وكيضحك..

قرب طارق باستهزاء:درتي لاباس ا صاط هههه..

علي:هانتا كتشوف ههه...ومااازال تشوف..

تسالمو باليدين وجرو عنقو:علا سلامتك ا صاحبي...

طارق:الله يسلمك...هههه ياله نمشيو...كرهت هاد لبلاصة..

علي:هههه اوك زيد قدامي...

ركبو فالطوموبيل وطلقو الزدحة وكسيراو من تما...

صلاح عيط علا اللائحة ديال المتسابقين وهو ينتابه لأمين الطراشن وعلاء ولد العمدة كاينين بسم جنب...وحط الورقة حيت كاينين شي سميات ماعمرو عرفهم..داكشي علاش ماخصوش يستاهن بالسباق هاد العام..

مريم تكات حدا رؤيا:غدا زعما يكون كاين صلاح وكريم؟؟

رؤيا عاد تفكرت:ءء اه يمكن..

مريم:ناري..خصني لبس احسن ماعندي هههه بغيت نسكت ليه القلب ههه..

رؤيا:ههه اوك..ياله نعسو دبا بلش نقدو نفيقو...بونوي..

مريم:بونوي الحب"حقابلو بكرة..وبعد بكرة خخخخ"

رؤيا ضربتها وضحكت عليها ولكن دخلت معاها..حست بلي غيكون صعيب عليها تولي تشوف صلاح مرة خرا..حيت شافتو ماهتمش بيها وماداهاش تا فيها فاش كانت حسناء واقفة معاها..تحسرت علا حالتها...

أصبحنا وأصبح الملك لله..

فاق الجميع مفتونين فطرو بزربة وكل واحد كيستاعد بطريقتو...الدراري كيلبسو لباس السباق من الطراز الرفيع...ولبنات كيحاولو يكونو الاجمل فداك الموسم هههه...

صلاح من الصباح فطر دغيا ومشى للموسم وتبعو كريم وخالد باش ينظمو الاحتفال..

المخطط كان باين..يجيو الناس لي غيشاركو مع عائلاتهم...غيتنظمو ويجلسو فبلايصهم مع موسيقى ثراتية وغيبدا السباق..ولي غيربحو غيتوج بالشطيح ويتعطى ليه سرج جديد غالي وعندو قيمة...وشهادة ديال فارس...

لمهم اغلبية الرجال كانت عينيهم علا داك الفروسية...

رؤيا لبست اونسومبل بلوغوا مع بودي فلبيض..والفيست طويلة فايتة المؤخرة..وطلقت شعرها ودارت عليه شال خفيف نفس اللون مخلياه كيف العادة مرخي علا كتافها وعنقها باين شوية..مع صباط وصاك كوحل جات مأنقة بزاااف..واخة دارت العلاقة ليديها المهرسة..اما مريم لبست شوميز خضراء بلا صدايف هابطة مقادة مع ذاتها وسروال بيض وصندالة مارو فلون الصاك..هبطو لتحت لقاو أمين كيساين فيهم..والحاجات تاهما بجلالبهم..ركبو معاه وانطلقو..

اما آلاء وحسناء تا هما لبسو مزيان..آلاء كسيوة مقزبة حد الركبة فالغوز كتيفاتها عريانين مع صندالة بيضة بالطالون.. طاهر شافها ماعجبوش لحال ولكن مابغاش يتدخل..اما حسناء لبست كسيوة طويلة فالبيض وفوقها كاب قصير فالاورنج...خرجو من الدار بصحبة لطيفة وركبو ومشاو..آلاء كتطلل فالمراية وتشوف راسها..جبدت الشابو حطاتو عليه وفاش قربو دارت نظاظر واعرين فعينيها..ولا ماتقول غادية لمسابقة الفروسية فشي بلا اوربية هههه..

وصلو الطوموبيلات قد قد سبحان الله..غي خرجت رؤيا وهي تشوف طاهر ولطيفة..غي بسمو ليها قربت عندهم وعائلتها ماتدخلوش فيها...

رؤيا:السلام عليكم..

طاهر قرب لعندها:وعليكم السلام ابنتي..

لطيفة:اهلا بنتي لاباس..

رؤيا:حمدلله..

آلاء خرجت وهي طلع فيها وتهبط مازال ماعرفتها..

حسناء دازت فيها ومشات عندها:رؤيااا حبيبتي..

تسالمو مزيان كيضحكو بجوج..

آلاء تزنكت بالالوان وماحملتش راسها..نفخت وزادت..

اما حسناء شافت فأمين قبالتها وغي شافها دورت وجهها وشيرت لمريم لي ردات ليها السلام من بعيد..وهو جاتو عليها الضحكة وماعيقش..

رؤيا انتابهت لآلاء كفاش دايرة والطريقة لي تعاملات بيها تزيرت:حمدلله لي شفتكم علا خير..انا غندخل مع عائلتي..

طاهر:واخة ابنتي..تهلاي فراسك..

رؤيا بسمت ورجعت عند لي معاها..

رحمة بسمت لرؤيا ودخلو..بقاو يشوفو فالمكان عامر مشى ختار ليهم أمين بلايص نقيين وسط العائلات وجلسو فيهم..اما الحسناوي كانو فنفس السيكتور ولكن بعاد عليهم شي شوية..

جلسو فبلايصهم علا انغام موسيقى زوينة وناشطة..فيها الطبالة والغياطة مهم زاندة..

مريم غتحوال بعينيها غي كتقلب تا نغزتها رؤيا:تبتي..راه هو يشوفك ونتي لااا..

مريم:اويليي حلفي...

رؤيا:ههه والله..يقول غتسطاي باش تشوفيه..

مريم:لا اختي بناقص..انا نبقى نشوف غي قدامي حسن..

أمين:انا غنمشي نوجد راسي دبا ونستاعد للسباق..

رحمة:والخيل ديالك اولدي؟؟

أمين:راه غيكون فالاسطبل مع الخدام لي صافطتو بيه..

رحمة:اوا سير الله يعاونك..

رؤيا:غنشجعوك اخويا...

أمين:هههه هادشي علاش جبتكم..والله وماشجعتوني تا نقجكم(شد وذن مريم)خصوصا متي ا سليعفانة..

مريم كضحك:اييي ههه زهري غي فلي يعصيني هههه..

كريم جا قد قد مع اللقطة تزنك فوجهو بغى يطرطق وكيشوفها مانقة وعاجبها الحال...لاح داك الريدو لي كان معليه يطلل ودخل كيسوط...

صلاح كان لداخل كينظم مع الخدامين:كلشي جاو يااك؟.

الخدامين:اه تقريبا..

صلاح:صافي سير حبس الموسيقى نمشي نقول الكلمة باش نبداو السباق..

الخدام:واخة..سي صلاح..

دخل أمين وسط الرجال..كيقلب ويحاول يلقى المواصفات لي قالتهم ليه يارا..مابانش ليه شي حد سمر معين..كلشي تخالط عليه ولكن بقى حاضي..مشى استلم الخيل ديالو وكيراقب واش كلشي هو هاداك..وهو يجي عندو علاء سلم عليه وتاهو من المتسابقين..

كريم خنزر فاش شاف امين حيت كيغير منو علا ود مريم وخالد كيجرو باش يوجد راسو...

صلاح خرج وطلع فوق منصة التتويج..هز لميكرو وبدا يهضر باش يركزو معاه..

صلاح بثقة وهيبة:مرحبااا بيكم فموسم الخيل 2018...

رؤيا غي سمعت صوتو دارت بزربة شافت فيه...كان واقف كيهبل..لابس فوقية بلوغوا مطروزة بالبيض وسروال ديالها بيض مع بلغة بيضة وداير شال بيض فوق راسو بحال شكل دالصحرا ومخلي طرف منو نازل..مهم تيتيز مع تا الضو ديال الشمس ضارب فعينيه الخوضر جا واعر..

الناس كلهم صفقو الا رؤيا..ومريم كتنغز فيها وضحك معاها...

صلاح:جيت باش نعلن عند بداية السباق...حظ موفق للجميع لي منهم أنا...فرجة ممتعة..

هبط وكلشي متبعو بعينيه الا رؤيا لي كتقرا المعوذتين خايفة عليه بزااف وماعرفت شكون تشجع واش راجلها ولا خوها...

مريم:اوووو نتي وياه نفس اللون داللباس..متافقين..لا غي قولي واش متافقين؟.

رؤيا:لا غي نوضي هزي لميكرو وسولي حدا كلشي...سكتينا ونتي شوهة..

مريم كضحك:هههه بيني وبينك ديتي الزين ههه..

رؤيا تنهدت:ماشتيش مرتو كفاش دايرة..هي لي داياه ومعاه ديما اما انا الطلاق تابعني(عينيها دمعو)..

مريم ندمت كاع لي هضرت..عنقتها بيد وسكتت..

دخل صلاح بزربة بدل السروال ولبس واحد اخور فالكحل يعاونو كثر وكااط كحل كببري...

بداو المدافع كيتطلقو كيبينو علا بداية المسابقة..وهنا دخلو الفرسان وواخة كيقولو سمياتهم ماكيتسمعوش ولكن رؤيا ومريم غي شافو أمين بداو يصفقو وخصوصا مريم كتصفر وكريم 😒 مكره هههه..خرجو واحد مور واحد باش يتستفو ويبداو..ولكن صلاح وسطهم بحال شي أمير علا حصانو النص دلبنات داخو فيه...

التصفيقات علا الجهد وكاين من المشاركين لي مامعروفش كااع..

العمدة دخل كيقلب علا بلاصة برفقة مرتو ومن الزهر جاو قراب للطراشن..تسالمو وجلسو حداهم..

طلعو الفرسان فوب الخيل ديالهم ومنهم صلاح لي كيتقاد وحاول يخوي دماغو من اي حاجة ويركز غي فالسباق...

المسؤول علا السباق:استعدااااااد.....(كلهم تقادو فالجلسة وجرو اللجام مزيان)...انطلاقققققق...

تحركو كاملين والغبابر نايضين والناس كيتفرجو ويصفقو عليهم...والفرسان كل واحد كيبرز عضلاتو باغي يبان بلي هو أحسن واحد..صوت الخيل فالمكان كان كيخطف القلوب ومستواهم العالي كيخليه تشوفهم متقادين..والتقارب بينهم واضح..كان خصهم يديرو دورة كبيرة وعاد يرجعو لحدا الناس ويشوفو شكون يدخل فلول...والصراحة مازال ماباين وتا واحد ماقادر يحكم حيت الجري ديالهم كيخليك تلف بيناتهم..

رؤيا شابكة يديها وحاضية واخة بعدو عليهم ودايرين لهيه باش يرجعو..ومريم كصفر وتغوت ومها كضربها لراسها وتضحك..لحظات قليلة ويبان شكون غيربح...

صلاح كيغافر بجهدو كامل ولكن الغريب ان كاين خيل غريب كيتقارب معاه وكيحاول يفوتو..اما أمين وكريم تا هما متقاربين وبيناتهم ندية..لاخور كارهو حيت كيغير منو علا مريم..ولاخور ماحاملوش حيت معتابرو هو لي قاتلو باه..لمهم شابكة بيناتهم..اما واحد علاء غي مجدد الحظور لي يجي يفوتو وكيعافر مسكين وتزنك باغي يبان حدا الناس..

قربت نقطة النهاية وبداو يتقاربو كلهم كيحاولو يوصلو فلول...

الترقب من عند كلشي...وقفو الناس كيساينو يشوفو شكون دخل فلول..وثواني قليلة تا كيبان الخيل ديال صلاح لي كسر حاجز الربح وخدا خيط حمر معاه وهو داخل لنقطة النهاية...

واااو علا فرحة كانت ابتسامتو طاغية وعاجبو لحال والناس كيصفقولو..وتا رؤيا بسمت حيت فرحت ليه واخة خوها أمين جا هو الثالث....بقى صلاح غادي شحال كيخفف السرعة..حدا كااع الحظور..وطاهر فرحان بيه عاجبو لحال اما واحد آلاء كتنقز وتغوت ماكرهتش تقول بالحهد هادا راجلي حدا كلشي هههه..غي قرب حداهم شاف فرؤيا لي كانت قبالتو وهو فوق العود ديالو..لقاها مبتسمة وكتصفق عادي وهو وجهو بدون ملامح ولكن عينيه باين فيهم بريق فشكل ماقداتش تنتابه ليه علا داك البعد..حبس احتراما لباه وهبط لعندو عنقو...ولطيفة وحسناء فرحانين كيساينو نوبتهم..ولكن غي باس راس باه طارت عليه آلاء بتعنيقة خطيرة خلات الضحكة لي فوجه رؤيا تحيد وتبدل بدموع..حست بلي هي والو..وبلي هاديك هي مراتو لي كيعتارف بيها حدا كلشي...

صلاح عنقها عادي وهي كتنقز وتبوسو فعنقو وتهلس علا لحيتو تا حشم طاهر وحنى راسو...ورؤيا دورت وجهها عينيها مغرغرين صبرتها غي مريم لي زيرت عليها..وغمزتها تصبر..

صلاح دور وجهو جيهتها لقاها عاطياه بالظهر تكره وحيد لآلاء يديها بحجة انو غيسلم علا مو..

دخل الثاني وموراه أمين جا لعندهم كيسلمو عليه..

رؤيا حاولت تناسى وفرحانة بخوها واخة هكاك..

أمين فعز هضرتو مع عائلتو سمع نداء خلاه يتلف"علييي"..دور وجهو مزروب وشاف شخص غادي بعدما عيطلو شي حد..

أمين:سمحولي دقيقة..

مشى كيجري تابعو ولكن تا وصل علا برا شافو ركب طوموبيل ومشى بزربة..أمين بقى مكره كيحك فراسو وكيحاول يعقل علا الطوموبيل ولماركة ديالها..رجع دخل كيتنهد بلي ماعرفو تالآخر لحظة..

صلاح سلم عليهم كاملين ولكن آلاء مابغاتش تطلق منو..واخة هكاك كان دماغو مع رؤيا كل مرة يشوف جيهتها...بحالو بحال كريم لي دخل هو الرابع وماعاحبوش لحال..خنزر فمريم لي غي شافتو صفارت وبدات تخبع فرؤيا خايفة من شوفتو..

رجع أمين عندهم وهنا عيطو علا الفائزين بالترتيب...

صلاح طاهر الحسناوي...

عمر سلام اليازامي..

أمين محمد الطراشن..

أول ماتقالت سمية الثاني فيهم الطراشن عقدو حجبانهم..

رؤيا تالفة:ع عمر ولد بااا سلام؟؟؟

رحمة:و والله ماعرفتو..

مريم:مالكم؟؟

رؤيا:الثاني هو ولد با سلام لي معانا فالدار..

مريم:اوووو برافو عليه...

أمين طلع مبسم ومستغرب:عمر...ماعرفتكش اخويا..

عمر ابتاسم بهدوء:اهلا خويا أمين...عادي كتوقع..

أمين:تبدلتي داكشي علاش ماعرفتكش..لمهم..مبروك ليك...

عمر:الله يبارك فيك تا نتا مبروك..

أمين ضربو لكتفو:الله يبارك فيك...

صلاح عاقد حجبانو ماعرفش عمر واستغرب من المعاملة ديال أمين معاه..

عطاو الجوائز للرابحين علا تصفيقات الجمهور...

علاء وقف حدا عائلتو كيسلم عليهم شوية وتسل عند رؤيا وعائلتها..

علاء:رؤيا صافا؟؟

رؤيا بابتسامة خفيفة:حمدلله ونتا..

علاء:لاباس(شافيهم)الحاجات..ختي لاباس عليكم؟؟

كلشي:حمدلله ولدي..

مريم مارتاحتش ليه عطاتو ضحكة صفرا وهي تشوف قدامها لقات كريم غيقرطسها كون لقى القرطاس..نفخت شعرها وتأفف زعما ماكيهمهاش ودورت وجهها خخخ..

صلاح بدا يركب السرج لي عطاوه للخيل ديالو بفرحة وانتصار باينين عليه ولكن غي شاف علاء واقف حدا رؤيا كيهضر معاها..شعلت فيه النار..وتقلب بريق الفرحة لشعلة نار لو تخرج تحرق الموسم بلي فيه...

واحد آلاء غطير قدما تنقز..وتغوت وتشير لصلاح..زعما هاداك ديالي هههه..ولكن هو عينيه كل مرة كيمشيو لرؤيا وكيزيدو اعصابو ماكرهش يسطح داك علاء ويتهنى فمرة...

أمين وعمر صفقو بروح رياضية وهبطو..ومشاو باتجاه العائلة وهنا عاوتاني صلاح زاد سخن عليه راسو..

عمر:ختي رؤيا!!لاباس؟

رؤيا بضحكة عفوية:الحمدلله ربي يخليك اخيي..رجعتي لهنا؟؟

علاء واقف كيشوف فيهم ساكت ولكن ما بعدش بقى لاصق..

عمر:اه ياله رجعت..وغنبقى هنا...تغربت بما فيه الكفاية وبغيت نرجع لبلادي..

رحمة:اوا فيها خير..واليديك عارفين؟؟

عمر:اه راه خليتهم فالدار لي شريت..

كلهم استغربو منو ومن ظهورو المفاجئ وهاد الفلوس لي

باينة عليه ولكن عاملوه مزيان ومابينو والو..

صلاح هبط لتحت عاقد حجبانو فيهم..

عمر:ياله سمحولي انا غادي نمشي..

أمين:واخة..مي نبقاو علا اتصال..

عمر:ضروري...انشاءلله..

أمين:انا غنمشي نوصل لخيل ديالي ونرجع...

رؤيا هزت راسها وبسمت..

علاء:شنو عجبك لجو هنا؟؟

رؤيا:اه مزياان..

أمين داز من حدا حسناء وجات عينو فعينيها بسم وهي تفقصت وتوترت..ولكن حمقتها ضحكتو وبقات تالفة بوحدها...

مريم دارت السبة:بغيت نمشي نشرب..

علاء:راها واحد لبلاصة كيحطو فيها الما..

مريم بسمت بزربة:شكرا..هانا جاية..

نجية:فين غادية نتي؟؟

مريم توترت:ن نمشي نشرب ونجي..

نجية:اوا جيبي معاك شي كاس..شحفت...

مريم فرحت:واخة..

مشات كتكسول حدا كلشي وكريم غي شافها دار عند خوه:شد هاد الخيل معاك هانا جاي..

خالد:اوا عاانداك حضي راسك ههه..

كريم عوج سيفتو ومشى..

علاء:مالك ساكتة؟؟

رؤيا:لا عادي غي الصهد وصافي..بلاتي حقى فين هي مرتك؟؟

علاء ببرود:طلقتها...

رؤيا خرجت عينيها:بصااح!!

صلاح عيى صابر كيشوفيه يحشم والو صافي حيد يد آلاء من ذراعو ومشى باتجاههم زاند...

علاء:اه طلقتها..ماتفاهمناش وصاافي..

رؤيا:اوا الله يعوضك خير..

صلاح بصوت خشن:آمييين..

رؤيا دارت مخلوعة وقلبها كيضرب خصوصا فاش شافت وجه صلاح ماكيبشرش بالخير..

عاء ببرود:خويا صلاح مبروك..

صلاح برد اعصابو وشدها من ذراعها لي مامهرساش..وعضر بحقد..

صلاح:نتا بعدا حسابك علا تالي..

جر رؤيا لي كتحاول تنثر منو ووالو غادي بيها ساخط ومادايها فتاواحد واخة راه كلذي كيشوف باتجاههم مع عارفين لفيلم من لول..

مريم وصلت حدا جيهت لما تا حست بيد جبداتها وخبعتها مور واحد الشجرة..

كريم مخرج عينيه فيها:دبا انا نقتل دينمك؟؟ءءء(غوت)جااوبي..

مريم تعصبت:بعد مني...شغالك فيا...عطيني التساع...

كريم زيرلها يديها:زيدي غوتي..زيدي..سحابلك غادي تغلبيني..مال مك تعكستي..تا نتي وليتي تهضريلي مع الشمايت..دوري من هنا وتجي من هنا..ماكاين لي يحكمك...

مريم:ماااشي سوووقك فيا...علاش اصلا وباينا حق تغوت عليا وتسبني..مراتك..ختك..صاحببتك؟؟دخل سوق راسك وفرقني عليك(دفعاتو)..

كريم بعصبية:طوالك اللسان..ءء وليتي تهضري وتغوتي..والله وماحشمت تا ندبحك هنا وندفنك..

مريم عينيها دمعو:راك ذبحتيني(صدماتو)ودفنتيني شحاااال هادي...فاش مشيتي وخليتيني بلا هضرة بلا كلام...درتيلي كيف شي بنت الزنقة..دوزتي العطلة ولحتيها...مرضت وتقهرت وطاحت صحتي بسبابك اهئ اهئ وعلاش دبا جاي تعاتبني وتحاسبني...نتا اصلا(طلعات فيه وهبطات)ماتستاهلش تا نجاوبك علا كلامك ولا نعطيك وقت(دفعاتو ودازت فيه وهو بقى مشوكي من هضرتها ماعرف باش يجاوب..)..

آلاء غي شافت كفاش صلاح مشى عند رؤيا وداها بداك الطريقة تقصحت فقلبها وكلهم حسو بيها والناس مستغربين كينمو حداها..ماقدتش تصبر هزت لي باقي من كرامتها وبقات غادية جيهت لباب...

صلاح غادي جار فيديه رؤيا لي ولات مزنكة بشوفات الناس...ماتهنى تا وصلها لواحد القنت فيه الريدو بحال شي بيت دفعها مع لقنت وقابلها وصوت انفاسو المجهدين فوجهها...

بقات كتشوف خايفة منو..حيت ولفت بعصبيتو وعارفاه مين كيجهل شنو كيدير..

صلاح بعصبية:واش مابغيتيش تحشمي؟..عييت صابر ونقول غدير عقلها..صاافي خرجتي من عندي خرجو رجليك الشواري..

رؤيا تصدمت فهضرتو:أنا ماشي حمارة باش يخرجو رجلي الشواري...

صلاح زاد تعصب:الحمارة فيها النفع عليك..(رؤيا دمعو عينيها)..شنو...الا ماباغياش ديري القيمة لراسك...انا ماكنحملش لي يطيح بقيمتي الارض ..ديما من هادا لهادا..مابغيتيش تمركي...(عروقو خرجو)غادية وتهضري مع الزو** وفالتالي تقولي انا مظلومة...ء لالة قبل ماديري اي حاجة تفكري بلا راك مازالة علا ذمتي....

رؤيا حنات راسها وانفاجرت بالبكى...كان هادا اخر حوار كتنتظر تسمعو منو..حست بلي ماكيحملهاش..وكل همو كرامتو وقيمتو حدا الناس ماتهزش..غطات وجهها بيد وحدة وبقات تبكي بضعف..تا هي مافهمتش راسها..علاش ماقاداش دافع علا نفسها وخلياه يقول لي بغى..ولكن شنو لفايدة من هضرتها مين هو كيشوفها بحال ديما موسخة...

رؤيا فنظر أي واحد بهاد التصرف لي دارت كتبان ضعيفة بزااف...ولكن هو فاش شافها كفاش كتبكي هكاك تزير وسكت وحس بالنزاف عليه..ندم علا كل كلمة قالها ولكن شنو غيدير..صلاح هكا..لسانو عور وفبلاصة مايوصل ليها بلي كيغير ويخاف عليها..وصلها بطريقتو انها أسوء بنت وعزيز عليها وسخ الرجال..

رؤيا علا فيه عينيها الحومر كتمسح دموعها وهو مصدوم وساكت ماعارف باش يسكتها..

رؤيا بنبرة بكاء:ها المحكمة قريبة...غنطلقو وترتاح...

هاد الكلام نزل بحال الصاعقة علا وذن صلاح..حس بالدنيا دارت بيه بقى مركز فعينيها بحالا كيقولها لا مانقدرش..ولكن هي كارهاه كتشوفيه بألم علا شنو قال..

رؤيا بغات تحيد ليه يديه وتمشي وهو يجرها لعندو زير عليها وقرب بسرعة منها وباسها....بالنسبة ليه هاد البوسة غتنسيها كلشي حيت تاهو كيتلغاو حواسو فاش كيقرب منها وكيحاول يوصل ليها اعتاذرو علا اي حاجة كيدير..اما هي شافت بوستو كأنها كمالة لشنو قال...بحالا هي شايطة..صالحة غي للسر ومرتو هي آلاء دايرها فالعلن..وانو فري كيشوفها غي للمتعة لكاع الرجال لي منهم تاهي...كرهاتو وبقات دفع فيه ومع بيد وحدة ماقدرتش عليه تا بدات تزير وتحاول تغوت وجمعت يديها وضرباتو لصدرو وكملت بالدفيع..وهو علا خاطرو حيد منها..وماحسش تالقى تصرفيقة حارة علا الجهد فوجهووو تسمعت"ترملاااااق"...

صلاح تصدم وعلا عينيه فيها مخنزر وهي تقرب تالعندو وعلات صبعها فيه ..

رؤيا بحدة وكره:آخر مرة تقرب لياااا...انا ماشي ديال الوسخ..مرتك تحطها فوجه الناس وانا ديرني للتفلية...(صلاح كينهج ومصدوم فالقسوة لي خارجة من فمها وهي كتهضر تحت سنانها)ممم مابقيتش حاملة نشوفك مرا خرا...ودبا طلقني الا كنتي راجل وبصااح كتخاف علا القيمة ديالك...حيت تا انا مايشرفنيش نكون مرت واحد بحالك...

صلاح خرج فيها عينيه ونيفو كيخرج منو الدخان وهي خنزرت فيه مزيان ومشات بحالها...لأول مرة كتجاوبو هكا...كانت بالنسبة ليه صدمة كبيرة ولكن دبا نيت عاد فهم شنو دار وعاد حسب وراجع كل كلمة قبيحة خرجها فحقهاا..ندم حيت قال هكاك فبلاصة مايقولها كنبغيك...كان كلشي يقدر يتبدل ولكن كيف ديما..خلا غرورو وكبريائو يطغاو عليه وهو معاها..وخلاها تكرهو وتبين ليه الحقد لي زرعو فيها..ضرب علا راسو بيديه وغمض عينيه معصب من نفسو كثر منها...

رؤيا رجعت لبلاصتها بالدموع فعينيها..حادرة راسها وساكتة..جبدت النظاظر ودارتهم وكتمسح عينيها ملتحت فاش كتهبط شي دمعة..كلامو ليها صدمها وخلاها تعول تطلق حسن ماتبقى معاه وهو شايفها بداك الصورة القبيحة...

مريم كانت رجعت هازة قرعة دالما عطاتها لماماها وهي كتشوف فالسما كتحاول تصبر دموعها ماينزلوش...

رؤيا بصوت حزين:ش شنو نمشيو؟؟

رحمة عرفت بلي دابزو وقصحها عاوتاني..وندمت لي ماتدخلتش بيناتهم من لول ولكن كان عندها أمل ترجعلو حيت عرفتها كتبغيه..

رحمة:واخة ابنتي..عيطو لخوك يوصلنا...

آلاء خرجت حدا لباب بدموعها وبدات غادية علا رجليها كتساين يدوز شي طاكسي صغير ولا لي كان يوصلها...تا سمعت صوت كيعيط ليها..

الشخص:آلاءءءء!!!!

آلاء دارت كتشوف وهي تلقاه حداها كيشوفيها بابتسامة شر:ههههه الدنيا صغيرة...وها انا لقيتك ههه!!!

آلاء خرجت عينيها وقلبها كيضرب فالمية..جاتها السخفة وهي كتحقق فالملامح:ط طاااارق؟؟

لطيفة:سيري ابنتي شوفي آلاء خرجت كتجري...

حسناء:واخة ا ماما..

مشات حسناء كتجري كتحاول تلقى الطريق منين دوز وهي دخل فأمين..لي غي شافها هي بسم..

حسناء توترت:سمح ليا(حدرت راسها وبغات تمشي وهو يحبسها ووقفلها فالطريق)..

أمين:فين غادية؟؟

حسناء علات راسها فيه:نمشي ن نشوف ..(دورتها لدماغها)ونتا مالك؟؟

أمين بسم:ياااك..باين ليا مازال مقلقة!!

حسناء:لا مامقلقاش..عادي علاش غتقلق منك..شنو بيني وبينك..طلبت نهضر مع ختك مابغيتش صاافي علا خاطرك..نيت تا انا زدت فيه وصدعتك سمحليا..(أمين مركز فيها)ياله خليني نمشي دبا..

أمين حيد ليها الشعر علا وجهها ورجعو لور وهي تصدمت وكلات لسانها..فين حسناء لي ماكتسكتش هاهو سكتها ههه..

أمين:سمحي ليا..ماكانش خصني نغوت عليك...ولكن راك عارفة الظروف لي كانت و...

حسناء:عادي فاهمة..داكشي علاش خصني نمشي..(أمين علا حاجبو خصو يفهم)..لا هضرتنا ولا وقفتنا هنا دبا صالحين لينا...من الافضل نمشي..بسلامة..

حكزت ومشات فطريقها كتقلب علا آلاء اما هو دور وجهو معاها مستغرب وقنعاتو بهضرتها واخة ماكانش باغيها تمشي..

علاء واقف فالجنب مع واليديه شاف رؤيا لقاها رجعت وغتمشي مع خوها وعائلتها..بسم جنب فرحان حيت باين بلي هي وصلاح دابزو وهو كان سببهم..

أما صلاح خلا تا برد شوية عاد خرج حدا الناس لي كيتلاقاه كيهنؤو بالربح ديالو وهو دماغو عامر كيجاوب غي بزز..

آلاء بتوتر:ل لا لااا مايمكنش تكون ن نتا...

طارق بابتسامة شر:هو انا ههه..سحابلك غنبقى فالحبس ديما؟؟

آلاء بخوف:ا لااا لاا غي ش شنو جابك هنا؟؟

طارق:صدفة وصافي..وبيني وبينك..صدفة زويننننة هادي لي لاقاتني بيك...نيت كنت عاد غنبدا نقلب عليك...ههههه باش تعرفي بلي مازال مانسيت اش طرا ...

آلاء تلفت:م ماعرفتكش علاش كتهضر و...

طارق عوج سيفتو:ماعرفتيش!!نسيتي...نفكرك احبيبة..ههه ولا حسن(كيدور وجهو مع الارجاء)نقولها بأعلى صوت باش نيت تفكري مزيان..

آلاء تخلعت:ل لالا لاااا عافاااك..اهئ اهئ انا دبا مرا مزوجة وغادي تخرج عليا..

طارق:امممم نخرج عليك مسكيييينة...وانا شكون خرج عليا ءءءء(غوت)شكون ضيعلي حياتي من غيرك ..وتزوجتي(كيستهزء)كتقولسها فوجهي..فرحانة براسك ياااك..

آلاء:اهئ اهئ بالشوية عافااك..

طارق:شتي نتي غتخلصي الثمن غاليييي...مين ضاعت سنين من عمري بمسبتك..ماغنزيدش نضيع ماكثر فهمتي؟؟اما تخلصيني فيهم ولا......

آلاء برعب فعينيها:ن نعطيك لي بغيتي اهئ اهئ غي ماتفرشنيش اهئ اهئ عافاك..

طارق بسم:الا كان هكا واخة...تفاهمنا..

حسناء شافتها من بعيد وتمت غادية عندهم كتجري مستغربة داك الشخص..والطريقة اصلا لي واقفة بيها معاه آلاء جابت ليها الشك..

حسناء بغوات:آلااااااء..

آلاء دارت مصدومة كتمسح عينيها:ح حسناء!!!

حسناء وففت حداهم كتخنزر فطارق:فين كنتي...عييت نقلب عليك..شنو كديري هنا؟؟

آلاء:ءء اممم غي كنت معصبة وخرجت بغيت نمشي و ولكن(انتابهت بلي حسناء كطلع وتهبط فطارق)..ت تلاقيت ب بطارق..

حسناء:طارق؟؟

آلاء:اه طارق ولد جيرانا..شحال هاظي كان مهاجر للخارج ودبا رجع وتلاقيتو فكرني فالماضي فاش كانو الواليدين!!

حسناء بشك:هااء ياك قلتي واليديك ماكتعقليش عليهم؟؟

آلاء تلفت:ءءء اه و ولكن هو عاقل كان كبر مني يما ك كيعاود ليا عليهم..

طارق بسم ودار عند حسناء مد يديه:ختي حسناء لاباس؟.

حسناء سلمت عليه:حمدلله اخويا(كدير شوفات ديال مامرتاحاش لشي حد)...

آلاء:ش شنو ندخلو؟؟

حسناء:اه يالاه وتا نتا ياله معانا تعرف علا عائلة راجل بنت جيرانكم..

آلاء تصدمت:ءءء!!

اما طارق جاتو فرصة من ذهب باش يدخل لحياة آلاء ويرونها ليها ويخليها ديما تحت السيطرة ديالو..

طارق:اهاه نتشرف..

حسناء:اوك ياله..

آلاء كدور فعينيها وزادت صفارت فوجهها ...

دخلت حسناء مامتأكداش منهم وحاسة بلي كاينة شي حاجة ماشي تالهيه وهادشي لي خلاها تعرفو علا واليديها وخوتها باش يعرفو لراسهم معاه..

أمين رجع عند عائلتو بعدما صافط الخيل مع الخدام ديالو:شنو نمشيو؟؟

كلشي:اه..

أمين انتابه لرؤيا:ختي..مالك؟

رؤيا بهدوء:لاا والو..

مريم بقلة صبر:صافي ياله نمشيو..

خرجو من تما وصلاح واخة كان بعيد انتابه ليهم وهما غاديين بقى حاضيهم ومافيديه مايدير..تا مرتو لي زعما من حقو خلاها تكرهو وماتحملش تشوفو مرة خرا..

ركبو فالطوموبيل وتحركو ساكتين خصوصا مريم ورؤيا لي كل واحد فيهم كيشوف فقنت ومصدومين..

حسناء وقفت حدا واليديها وهما كيشوفو فطارق...شرحت ليهم لي كاين وهما حاولو يتعاملو معاه عادي..

طارق:تشرفت بمعرفتكم..باينة فيكم ناس مزيانين..وآلاء محظوظة بيكم..

لطيفة:ربي يخليك اولدي..

طاهر حس من شوفة طارق فآلاء وتوترها تاهي حداه بلي مخبيين شي حاجة..ولكن واخة هكاك ماحاولش يعيق..

جا خالد وكريم اخيرا بعدما قادو امور الخيل ديالهم حداهم وتا هما تعرفو علا طارق وعاملوه عادي مع بعض الاسئلة ديال التعارف...وكل مرة كيسولوه آلاء كتشدها الخلعة..

صلاح شافهم مجموعين مشى عندهم وآلاء نسات كااع شنو دار هو ورؤيا وشدتلو فيديه...

صلاح مطلع حاجبو كيشوفيها وهي تنقز:نقدم ليك طارق..ولد جيرانا شحال هادي..وتلاقيتو هنا..

صلاح بهدوء مد يديه:اهلا خويا..لاباس؟

طارق:حمدلله ونتا؟؟

صلاح:مزيان...جيتي لهنا تفرج فالموسم؟حيت عمرني شفتك!!

طارق:لا جيت هنا حيت غنبدا نخدم فالفيلاج..وقلت نجي نشوف الموسم!

صلاح:مرحبا(شاف فعائلتو)نمشيو يمكن؟

طاهر:اه نيت عيينا..

طارق:ياله نخليكم دبا..

حسناء ماحملاتوش غي مخنزرة فيه..اما الدراري سلمو عليه ومشى..

هما بغاو يتحركو وهو يوقف عليهم العمدة وعائلتو..صلاح غي شاف علاء قندش فيه..

العمدة:مبروك اولدي(صلاح هز راسو زعما شكرا)ودبا خصنا نمشيو بسلامة عليكم..

صلاح تاشافهم غاديين عاد هضر:علاء اجي نقولك!!

علاء دار ابتسامة ومشاو علا جنب كلهم حاضيين..

صلاح واقف متبت وكيهضر بجدية وحزم:شوف...مرتي فرقها عليك...مانعاودش نشوفك كدور بيها..

علاء بهدوء:مرتك آلاء..ماهضرتش كااع معاها..

صلاح ضحك:هههههه..(رجع خنزر)شوف داك داخ دوخ ديالك..ديرها مع لي قدك..فهمتيييي؟؟(هز يديه كيضربها مع صدر علاء)رؤيا خرج من طريقها حسن ليك..

علاء ببرود:ياك نتا غطلقها!!وماعندك غرض بيها..علاش مازال كتدخل فيها؟.هي الا مابغاتنيش هي تقولهالي..ماااشي نتا!!

صلاح شنق عليه:واش نتا باغي تخرط مني الحامض لدينمك...قلتلك خرج طريقها صافي خرج..ماشي تبقى تدي وتجيب معايا فالهضرة بحال النسااا..(الدراري تصدمو وجاو يفارقو اما علاء مبسم وماهاموش كيقليلو السم)رؤيا مازالة مرتي تالدبا..وانا ماغاديش نخليك تبقى دور بيها بحال الزو***..

فرقهم كريم وخالد وعلاء ينطق:ماشي نتا لي غتقولي شنو ندير وفمك جمعو عندك...

صلاح تزنك وطلعو ليه اعصاب الدنيا..دفع خوتو ونقز عليه بالكروشيات وطاهر والعمدة تصدمو بداو يحاولو تا هما يفكو اما العيالات كيغوتو خايفين..

صلاح تا شبع فيه ضرب عاد طلق منو كينهج وخوتو كيجروه:هاد المرة غندوزها مرة خرا نصفيها لدين باباك..

العمدة:ءءء ولدي حشومة هادشي لي كدير فيه..عيب والله تا عيب..

صلاح:لعيب ولدك مولاه..ماكيفهمش كاموني خصو يدق باش دخل لهضرة لدماغو..يييخ تفو...

نثر راسو منهم ومشى معصب وعائلتو تبعوه..هو ركب طوموبيلتو بزربة ومشى فيها زاند غي بوحدو...

أمين وصلهم للدار ومشى عند حميد يعاود ليه شنو وقع ويحطو فالصورة..

اما لبنات طلعو لبيت مأزمين كل وحدة فين كتشوف...ناضو بدلو عليهم وصلاو وهما يسمعو الصداع تخلعو وهبطو لتحت..

رحمة:اش واقع انارييي..

رؤيا دارت الشال علا راسها:انا نشوف..

خرجو بربعة بيهم علا برا...سولو الخدام وهنا كانت الصدمة..صلاح داير فضيحة علا برا باغي يدخل ومين ماخلاوش جالس يضارب معاهم ويغوت...

رؤيا تصدمت بقى قلبها يضرب:ا أنا نمشي نشوفو..

رحمة:لا ابنتي نخاف عليك؟؟

رؤيا:لا ماتخافيش انا نخرج نشوف مالو..حسن مايبقى داير الصداع هنا..

نجية:اوا حظي راسك ابنتي..

مريم:عاندااك ا رؤيا...

رؤيا بهدوء مخبع خوف وتوتر كبير:م ماتخافوش..

وصلو عائلة الحسناوي للدار وآلاء معمر دماغها غي طارق لي خرج ليها من الجنب..

اما رؤيا قبل مايحلو ليها لباب باش تخرج عندو شافتو داخل عندها معصب وكيدفع فيهم..تصدمت حيت قدر يتجاوزهم ويدخل عندها..

صلاح زاد عندها عروقو خارجين وشدها من يديها كيجرها:غتمشي معايا دبا نتي...

رؤيا كتحيد يديها منو:لااا..ماغنمشيش معاك...طلق مني..

رحمة جات تدخل ونجية رجعتها لور:تهدني باين كيبغيها(رحمة شافت فيها)ماشفتيهش شنو دار علا قبلها باش يدخل هنا!!

رحمة تهدنت اما مريم مبسمة بحالا كتفرج فشي فيلم وعجبها شنو كيدير للبطل ههه..

صلاح وقف وخنزر فيها:غتمشي...نتي راك مازالة مرتي..وفينما كنت انا غتكوني نتي كتسمعي؟؟

رؤيا بهدوء:انا ماشي لعبة فيديك..(عينيها دمعو)سيري ا رؤيا اجي ا رؤيا..جلسي ا رؤيا نوضي ارؤيا...نتي بنت مزيانة..نتي كتخلي الرجال يدورو بيك...(حركت راسها بالسلب)مايمكنش...مايمكنش نزيد نقبل بهاد العيشة...

صلاح حمر فيها:ولكن انا قابل وخصك تكوني معايا فينما كنت...حيت....(رؤيا كتساينو يهضر)ح حيت انا ماغنقبلش مرتي مباحة للجميع...

رؤيا كانت كتساينو يعتارف بحبو وينقص من كلامو القبيح ولكن مين زاد فيه عزمت كثر:مرتك فالدار..عندك..هاديك هي حبيبتك لي ماخليتي مادرتي فيا علا ودها..لي كرهتيني فالرجال والزواج بسبابها...انا ماغنقبلش نكون مرا ثانية خصوصا مع راجل بحالك..مايثيقش فيا ومايعاملنيش بالحسنى..ص صلاح(سمع سميتو من فمها ذاب)سير بحالك وفرقني عليك..انة مانصلاحش ليك ولا لتعذيبك..ياك مرتك رجعات ليك ..اوا خليني عليك فالتيقار..حيت اصلا غنطلقو ماتنساش هادشي..

صلاح عينيه حمارو:هادا اخر كلام عندك؟؟

رؤيا تزيرت وبركت علا راسها:ء اه...بغيتك تخرج من حياتي صاافي..

صلاح حدر راسو ورجع طلع عينيه فيها بجدية:واخة..مين بغيتي نتفارقو انا غنطلقك..(رؤيا هبطت دمعة من عينيها وهو شاف بعيد باش مايتأثرش)وغنعاونك كااع ونسرع الجلسة لاش نتفكو من هاد الزواج بزربة...

دار ومشى وخلاها مبلوكيا كتشوفيه وتغكر فكلامو ..صافي سالا لفيلم وطلعت لكتابة..والأمل لي كان عندها فاش شافتو مشى..اكيد ماكيبغيهاش حيت لوكان حاس بشي حاجة غيكون تعاملو حسن من هكا...غي خرج طاحت للأرض علا ركابيها بكل ضعف وبقات تشهق وتبكي كأنها خسرت السبب لي مخليها تعيش..

مريم مسحت عينيها ومشات كتجري عندها كتنوضها هي ورحمة ونجية..ولكن هي مازالة كتبكي مقهورة...كان صعيب يشوفوها فهاد الحالة ومايبكيوش معاها...حيت كان باين فيها كتموت عليه ومقصحة من كلامو ليها...عزت عليهم..وهزوها بمساعدة خدامين ودخلوها لبيتها...

صلاح خرج ماكيشوفش قدامو دخل طوموبيلتو وساق..ولكن هاد المرة كاره راسو حيت طيح بكرامتو وهي لي مابغاتوش..حس بلي تسرع فاش جا ودار الصداع علا ودها وهي ماقدراتش..اه ماعتارفش ليها..ولكن كل كلمة منو وكل تصرف دارو..لنظرو كانو كيبينو حبو لكبير ليها..ومين هي ماتقبلتش صاافي هنا غتكون نهاية قصتو معاها...

جا ليل وكل واحد كان فبلاصتو..أمين واخة عرف لي وقع مادار تا ردة فعل حيت ختو فات بالغرض وبعدات ولد الحسناوي عليهم..اما آلاء سهطت باش ماثيرش الشكوك وماحاولاتش تجبد الصداع مع صلاح..لي غي رجع دوش وحط راسو ينعس باش يبدا حياة جديدة مافيهاش اسم رؤيا بالمرة..

مريم متكية حدا رؤيا مرة يبكيو مرة يسكتو وزادت كملتها مين طلقت اغنية جات معاهم هي هاديك..خصوصا مريم وكريم.."لي يبغيك..غادي يسول فيك..ماشي ناسيك ولا حاس بغيابك...لي شاري باين ولا بايع باييين..ياقلبي حتى لاين غادي ديرو بحسابك"رؤيا حاطة راسها علا يديها لي مامهرساش وكتمسح عينيها بظهر يديها فصمت..اما مريم ناعسة علا ظهرها ودموعها هابطين مع جناب وجهها كيفزكو شعرها"عييت عييت عيييت ومن حالي مليت..حرام تبكييا عيني علا واحد ناسيني"..

رؤيا خست بقلبها غيخرج من بلاصتو..زادت كملت عليها الاغنية هضرت بنبرة بكاء شديد..

رؤيا:طفيها عاافااك..مابقيتش قادة!😭😭

مريم سمعت منها وطفاتها...

أصبحنا وأصبح الملك لله..

ناضت رؤيا بزز عينيها منفوخين وراسها دارها بالبكى دلبارح..توضات وصلات وهبطت لتحت حيت مابغاتش تفيق مريم...لقات لفطور واجد جلست تفطر وكلهم كيسولوها كيصبحت وهي كتجاوب علا قد السؤال..

صلاح غي فاق هبط كيف العادة راسم 111 فجبهتو..وداز لبيت خالد..

صلاح:صباح لخير..بغيت نهضر معاك..

خالد:صباح النور...دخل.(شد لباب)الله يسمعنا خبار لخير..

صلاح جلس علا كرسي وشافيه:لأول مرة غنستغل مكانتك..(خالد عقد حجبانو)بغيتك تسرع دعوى الطلاق...

خالد خرج عينيه:كتهضر من نيتك؟؟

صلاح بجدية:شنو غتعاوني ولا نشوف من غيرك..انا بغيت لجلسة تكون غدا..بغيت نتفك بزربة..

خالد:اوك صافي..انا غنهضر مع واحد صاحبي...حالها ساهل..ولكن انا مابغيتكش تسرع..خود وق...

قاطعو صلاح بخشونة:اوك شكرا..انا غنمشي دبا للخدمة تا تلحق عليا...

خالد بقى غي كيشوف:واخة..

هبط صلاح كيطلع كمام الشوميز ومشى نيشان للخدمة بلا مايفطر..

أمين رجع من جديد يقلب علا داك علي..ولكن واخة هكاك مقابل الارض حيت رؤيا ماقدتش تمشي ليوم...

داز يوم روتيني كلشي فيه علا حالو الا آلاء لي كتخمم كفاش غتهنى من هاد طارق..

فالعشية كانو مجمعين فالدار ديال الطراشن العائلة الكريمة تا سمعو الدقان..فتح الخدام لباب وهو يدخل راجل فيديه..

الخدام:لالة رؤيا..تكلمي..

ناضت رؤيا مستغربة:شنو!!

الراجل:جبتلك ابنتي موعد الجلسة ديال الطلاق..(رؤيا استغربت)غدا انشاءلله...(تصدمت)

أمين ناض:ولكن كان الموعد تالسيمانة الجاي؟..

الراجل:سرعو فالجلسة وغدا انشاءلله خصها تكون حاضرة...هااكي الاستدعاء..وسني ليا هنا..

رؤيا تزيرت ولكن خدات الورقة وسنات ليه ويديها كترجف..

الراجل:شكراااا..

دخلت رؤيا كتشوف فالورقة..وكلهم حاضيينها...طلعت لبيتها وشدت لباب عليها..

نجية:مسكينة هاد لبنت..ماعندها زهر..

مريم:نطلع عندها..

أمين:لاا بلاش خليها يمكن تكون باغية تبقى بوحدها..

رحمة جلست كتبكي:الله علا بنتي..اهئ اهئ..قطعت ليا قلبي..ماعندها زهر اهئ اهئ..

أمين:ماتبكيش ا ميمتي..ربي دبا يفاجيها..ويعوضها بما حسن منو..

رحمة هزت راسها وهي كتبكي ونجية جلست حداها كتهدنها..

خالد مشى للاسطبل تا قربت العشية تسالي:وجد راسك غدا الجلسة..وتا الاستدعاء وصلت لرؤيا...

صلاح تقصح وحدر راسو بعزة نفس:اه..مزيان..

خالد جلس:شنو مازال ماغتمشي للدار؟؟

صلاح:لا غنساين نسيم يجي باش نعطيه الفردي ديال كريم يقارنو مع القرطاسة..

خالد:اممم اوك..لمهم انا غنمشي..نتلاقاو فالدار...

صلاح:انشاءلله..

رؤيا بقات فبيتها بكات وسكتت ومن بعد صلات تدعي الله يصبرها...تا دخلت عندها مريم وحاولات تخرجها من داك الحالة وهبطتها لتحت...

اما آلاء كانت جالسة مابيها ماعليها تا صونات عليها نمرة غريبة:ألو..

طارق:ءلو الزين..

آلاء تصدمت:ط طارق..منين جبتي نمرتي؟؟

طارق:تا حاجة ماصعيبة ا زين..

ناضت طلت مور بيتها لقات تا واحد ماكاين..شدت لباب وكملت لهضرة..

آلاء:د دبا شنو بغيتي هضر..

طارق:غدا نشوفك..وجيبيلي 5مليون..

آلاء:ءءءءء شنو كتقول؟؟

طارق:لمهم غدا نقولك فوقاش تجي..وحسن ليك تجيبي لفلوس معاك..تبييط تييييط تييييييط..

قطع فوجه آلاء وهي طيحت تيلي بالصدمة..منين غتجيبلو لفلوس...حست بلي صاافي مشات فيها ومن دبا غتبدا سلسلة التهديدات....

صلاح جا عندو نسيم ماض سلم عليه..

نسيم:سمحلي تعطلت عليك..

صلاح:لا عادي..(جبد الفردي فبلاستيكة)هاهو كيف قلتلك..ولكن يبقى بيناتنا هادشي..

نسيم:ما متأكدش من خوك؟؟

صلاح:لااا متأكد غي مابغيتش شي حد يعرف..باش مايترون والو..

نسيم:اوك كون هاني...

بقاو شحال كيهضرو ونيت صلاح جاه علا قلبو مافيه لي يرجع للدار بكري..

مريم جالسة مع رؤيا فالجردة:نمشي معاك غدا؟؟

رؤيا:واخة..

مريم شدتلها يديها:ياريت كون مشيتي معاه باش ماطلقوش..

رؤيا:لااا ..هو باغي غي نتسمى ديالو حدا كلشي..وماراضيش يقرب ليا شي حد..هو اناني وهدفو يطيح بكرامتي...وانا مستحيل نرجع ليه يدير فيا لي بغى وينقص مني حدا مرتو لي كيبغي فهمتي..

مريم:هادو كلهم اعذار(رؤيا شافت فيها)نتي مابغيتيش ترجعي حيت ماباغياش تشوفيه مع مرتو كل نهار وتشاركك فيه وحدة خرا..حيت كتبغيه وماغتصبريش..

رؤيا شافت فيها بعينين مغرغرين وحدرت راسها تأكيد علا هاد الهضرة ..

جا الليل..كلشي تخشى فبلاصتو..الا صلاح ناض من فراشو..وخرج للبالكون ...الليل جاه طويل وتفكيرو فالصبح خلاه مايقدرش ينعس...

رؤيا حالة عينيها فالسقف..كلما كتفكر بلي غدا غيتحيد الرابط الوحيد بينها وبين صلاح..كتحس بالخنقة وكينزلو دموعها...اه عذبها وتا الا رجعات ليه دبا غيعذبها ولكن كتبغيه..ماقادراش تخيل بلي غتفارق معاه ومايبقاش من حقها تا تشوفو ولا تسمع صوتو..

هبط صلاح يوجد كاس دالقهوة واخة ماكيعرفش بدا يرون تما تا قادها وخرج..وكريم يتلاقاه فالكولوار..

كريم:مازال فايق؟

صلاح:اه ماجانيش النعاس..ونتا؟

كريم:فيا العطش قلت نوض نشرب(شاف فيديه)واش ماجاكش النعاس ولا ماباغيش تنعس؟؟حيت القهوة تا الا كان فيك شوية غطيرو..

صلاح:لا نيت مافيا تا غرام دالنعاس قلت نشربها تكالميني..

كريم حس بيه فشكل:سبقني للجردة هانا جاي..

صلاح:ياك قلتي غتنعس..

كريم:غي سبقني..

صلاح هز راسو ومشى جلس فكرسي فقنت فالجردة وهو يجي كريم عندو...وجلس حداه..

كريم:كنسمعك!!

صلاح باستغراب:شنو؟؟

كريم:علاش بغيتي تسرع الطلاق...كون خليتيه فوقتو حسن كماعلله تحل..

صلاح خدا رشفة من القهوة:حيت هكاك حسن..(كريم ؟؟؟)..هي ماباغيانيش وانا ماتعودتش نترفض الصراحة...وأصلا ماغنفرضش عليها تكون معايا بزز..خليها تطلق وتشوف حياتها..

كريم:ونتا؟؟

صلاح:مالي انا؟؟

كريم:غتخلا عليها بهاد السهولة؟؟

صلاح بجدية:هي لي بغات..حاولت نرجعها هي رفضت..

كريم:ولكن انا كنظن بلي تاهي كتبغيك..

صلاح:لأ...هي عيات من العيشة معايا...قالتها ليا بفمها..وانا صافي تقبلت قرارها وغنطلقها انشاءلله..

كريم:صااافي..ماغتحاولش مازال...ثيق بيا غتندم بزااف الا طلقتيها..

صلاح:وغندم كثر الا رغمتها تعيش معايا وكرهتني كثر..

كريم تنهد:اوا انا درت لي عليا..نتا شوف لي يسلكك..

صلاح:لمهم نوض تنعس انا نيت غنطلع لبيتي..

كريم:غدا غنمشي معاك..ماتمشيش بلا بيا..نفطرو ونمشيو واخة..

صلاح:واخة لي بغيتي..

كريم ربت علا كتفو وناض:ياله تصبح علا خير..

صلاح:تصبح علا خير..

صلاح أثرت فيه لهضرة لي قال كريم..ولكن هو داكشي لي شافو خلاه مايرجعش فقرارو..

أصبحنا وأصبح الملك لله..

كان كلشي جالس علا الطبلة..رؤيا وعائلتها...كيحاولو يفطرو ولكن ماقادينش..

رؤيا ناضت وطلعت تبدل عليها...لبست جلابة فالكحل مخيطة بالاحمر وصباط وشال مخطط بالحمر والكحل..وهبطت لقات مريم واجدة وأمين..اما رحمة ونجية مابغاتهمش يتعذبو ويمشيو..

رحمة بألم:ربي يكون معاك ابنتي..

رؤيا ماقدتش تهضر..اكتافات غي بهزة راسها وزادت..

مشاو ركبو فالطوموبيل مع أمين...

كما هو الحال عند الحسناوي..صلاح ناض من الطبلة واجد وكريم تبعو اما واحد آلاء غطير بالفرحة ليوم غتهنى من رؤيا..

آلاء:حبيبي نمشي معاك؟؟

صلاح باغي غي معامن يدابز:فين غتمشي نتي بالسلامة..غاديين نتساراو حنا..

آلاء تزيرت:غ غي بغيت نوقف معاك..فه فهاد الموقف..

صلاح:لا غي جلسي لأرض..

سمح فيها وخرج وهي تحشمت حدا كلش...

ركب الطوموبيل ولكن كريم هو لي بغى يسوق خيت شايف حالة خوه ..

وصلو للمحكمة وغي بغات رؤيا تخرج شدتها مريم:رؤيا..فكري كثر...تشبتي بيه الا مابغاش يطلقك تا نتي ماتبغيش ورجعيلو..

رؤيا:من نيتك؟؟هو اصلا لي سرع الطلاق...لمهم دبا ياله نخرجو..

مريم:واخة ولكن الا شفتيه مايل لجيهتك عرفي بلي كيبغيك فري وسايريه..

رؤيا تنهدت وخرجت..

وصلو لحدا لقاعة..وقفو كيساينو يخرجو يعيطو ليهم..والمحامي كان معاهم..

أمين كيهضر بالحس مع المحامي:شحال خصنا نساينو؟.

المحامي:تقريبا 10دقايق وصافي ..

مريم فوذن رؤيا:شفتو تعطل ياكما ماناويش يجي هههه..احسن حاجة يديرها فحياتو..

رؤيا:صافي عااافاااك..

مريم:واخة واخة..

دازت تقريبا شي 6دقايق وهما يساينوه يبان وهنا خرج عندهم واحد من الامن كيعيط بسمية"رؤيا الطراشن وصلاح الحسناوي"..

المحامي عطى لاكارط ديالو والتوكيل ودخل ومعاه رؤيا...وتا امين ومريم دخلو معاها...وهو المحامي يجي ديال الطرف الثاني وعطى الوثائق ديالو..

الأمن:فين هو الموكل ديالك؟؟

المحامي:كنظن غيكون جاي..

دخلو ...وخداو بلايصهم..

المحامي:ماتهضري حتى يأذن ليك القاضي واخة..

رؤيا بتوتر:واخة..

القاض دخل وهما يوقفو وهنا بدا يتزرع الأمل فرؤيا ومريم بلي مايجيش ومايطلقوش..

جلس القاضي:فين هو صلاح(شاف فالورقة)الحسناوي؟؟

المحامي:ءء كنظن بل...

صلاح دخل:ها انا...(كلشي شافو فيه..ومريم تنهدت بخيبة أمل)سمح ليا الطريق كانت عامرة..

رؤيا حنات راسها...وكريم دخل موراه غي شاف مريم حدا أمين عقد حجبانو وجلس فالطرف المقابل ليهم مخنزر..ومريم مادارتش ردة فعل بقات ساكتة..كتشوف قدامها واخة قلبها تخطف مين شافتو..

القاضي:لمهم نبداو الجلسة..

صلاح شاف جيهة رؤيا لقاها كتشوف فالقاضي...رجع دور وجهو كيساينو قرار القاضي..

القاضي:بناءا علا الوثائق لي فيدي..كنشوف بلي بجوج موافقين علا الطلاق...نقدر نعطيكم فرصة للصلح الا بغيتو تراجعو..

المحامي ديال صلاح نقز:لااا..الموكل ديالي مقرر الطلاق وباغيه فأسرع وقت..

رؤيا تزيرت وبدات تحك يديها مع بعضياتهم تحت الطبلة..اما صلاح ماعلقش هو فايت قال هاد الهضرة للمحامي ولكن دبا جاتو قاصحة مين تقالت..

القاضي شاف جيهة رؤيا:ونتوما قابلين بالطلاق؟؟

صلاح بلع ريقو كيساينها تجاوب واخة ماكرههاش ترفض..

المحامي شاف فرؤيا وهي هزت راسها بالايجاب وهي حانياه:اممم تا حنا موافقين..

القاضي تنهد:واخة مين الاطراف بجوج موافقين(صلاح كيشوف فرؤيا لي حادرة راسها ماقاداش طلعو حس بقلبو ضرو بزااف عليهت وعلا حالو)غادي يتم الطلاق ليوم...ودبا نهضرو فحقوق الزوجة..

المحامي دصلاح:كلها محفوظة..غتاخد حقها بالكامل..

المحامي درؤيا:لااا الموكلة ديالي مابغات والو من غير ورقة طلاقها..

صلاح تزير وبقى كيشوفيها ساكت...

القاضي عيط ليهم يسنيو...ناضت رؤيا بالشوية كتحاول تبت راسها..شدت ستيلو بيدين كيرجفو وسنات ورجعت لبلاصتها(مريم عشت شنايفها مفقوصة وكريم براسو ماعاجبوش لحال..اما أمين فنظرو هادا هو احسن حل باش ختو ترتاح من المشاكيل وتبدا صفحة جديدة)..ناض عاوتاني صلاح..وماحاولش يفكر سنى فالورقة ورطع لبلاصتو...

دق القاضي بالمطرقة ديال وهما يوقفو كاملين:ودبا استنادا علا الوثائق لي قدامي(رؤيا رجليها كيرجفو وماقاداش تعلي عينيهت فيهم)..كنعلن انفاصلكم علا بعضكم...

رؤيا هبطت ليها دمعة من عينيها اما صلاح شافيها لآخر مرة ودار يخرج ماباغيش يطول تما حيت تخنق بزاااف...

كريم تبعو بعدما شاف فمريم بزربة وهي بادلااتو الشوفة ومشات عند رؤيا...

أمين وقف عند راسها ماعارف مايقول حيت شايف حالتها كي دايرة دموعها هابطين خصوصا فاش خرجو صلاح وكريم..

مريم حنات عندها بعينين مغرغرين:رؤيا..نوضي نمشيو احبيبة..خصنا نرجعو للدار(زيرت ليها علا يديها بجوج)..

رؤيا شافت فيها كتبكي وهزت راسها ومريم كتمسح ليها عينيها..

أمين تألم مين شافها فداك الحالة..عرف بلي ختو كتبغي واحد من أعدائهم..كان مافيديه مايدير من غير يبقى غادي موراهم وهما بجوج متشادين وسابقينو..

خرج صلاح واكل الدق..ركب فالطوموبيل وحبس كريم بيديه..زعما مايمشيش معاه..كسيرا ومشى طاير..

اما كريم ماعلقش مشى يقلب علل طاكسي توصلو..وهو كيساين فالطاكسي انتابه ليهم خارجين وشاف حالة رؤيا وهي كتبكي عقد حجبانو وعرف بلي خوه ماعرفش يقرر مصير علاقتو مع لمرا لي كيبغي..

ركبو ومشاو..الطريق كلها ورؤيا تمسح عينيها من الدموع ويهبطو خرين...هو اصلا الطريق صعيب ولكن الاصعب انك طلق من شخص كتبغيه بزااف وماتقدرش تعيش بلا بيه..

مريم غي حاضياها وتبكي معاها..فهاد اللحظة نسات همها...

رجعو للدار ورحمة ونجية استقبلوها بالعناق وكيهدنوها واخة هي صاافي انفاطرت ماقداتش تحبس من لبكى ولا تصبر راسهااا..صبرها تقادا ومابقى عندها جهد للصدمات..

صلاح بقى غادي بالطوموبيل معصب وعينيه حومر..ندم اه ندم وماقدرش يتراجع فنص الطريق..ديما كبريائو كيسيطر عليه...كيعقل نهار بغى آلاء ماخداش وقت طويل باش يعتارف ليها ويتزوجو..ولكن دبا رؤيا خلاتو يحس باحساس جديد وصعيب عليه حداها يعتارف ولا يقول باش حاس...يمكن حيت بغاها بزااف..كثر من روحو...جاه صعيب يقول بالهضرة..ولكن فالمقابل افعالو ماكانتش فصفو وكان كيزيد يدير بينها وبينو حدود وحواجز كتكبر مع الايام وصعيب تهرس...

طلعت رؤيا لبيتها واستنجدت بالقرآن والصلاة..حاولت تخرج من الكرب لي عايشاه بالتقرب من الله..وتشكيلو همها هو الوحيد لي يقدر يسمعها ويفهمها بلا ماتهضر...

آلاء عيط ليها طارق وطلب يشوفها مع الفلوس..تلفت ماعرفت مادير..خرجت كتسلت وطلبت من الشيفور يوصلها للسوق ومشات...اول مادخلت للسوق دخلت لمحل وتما شافت طارق..هزت لفلوس وعطاتهوملو دغيا وخرجت كتجري...شرات شي حوايح من تما باش ماثيرش الشكوك ورجعت للدار..

صلاح خلا تيلي فالطوموبيل كل مرة يصوني ومايجاوبش وهو متكي علا الارض كيحاول ياخد شوية ديال الراحة وهو بوحدو..

ومن الناس لي كيصونيو عليه كان نسيم...ولكن فاش فقد الامل ان صلاح يجاوبو عيط لخالد سولو عليه وفاش عرفو مختفي قرر يخلي النتيجة لي توصل ليها مخبعة تا يقولها لصلاح..

مدة طويلة وصلاح غابر علا الدار..وكلشي حاس بيه الا آلاء لي واخة فرحانة تهنى من مطرقة..بانت ليها مطرقة جديدة لي هي طارق وخصها ايمتا هنا منو.. داك الخمسة دالمليون دبا كانت عندها فلبانكة..من دارها لي تباعت ولكن من بعد شنو غيطلب..خوفها من تهديداتو خلاها ماتستطعم تا حاجة زوينة كتوقع ليها..

مريم طلعت طل علا رؤيا لقاتها ناعسة مابغاتش تفيقها نيت ماغتقدرش تعشى وهي فداك الحالة..شدت عليها لباب وخلاتها مرتاحة ..

رحمة:مابغاتش تاكل ياك؟؟

مريم:لا لقيتها ناعسة مابغيتش نفيقها..

نجية:حسن نيت..خليها ترتاح...

تجمعو فالطبلة ياكلو واخة لجو ديال الدار مامخليهمش يفكرو فالماكلة..

اما كريم تعشى وناض عيط لدكتور صاحبو باش يطمن علا يامنة..حيت بدا يحاول يعالجها واخة راه بعيد عليها...من بعد دخل لبيتو يرتاح بعد يوم طويييل..

رجع طارق للدار سكران مع راسو...عاجبو لحال معمر جيبو بالملاين..

علي خرج من بيتو عريان ملفوق وجيد كارو يكميه:شفتك ناشط ياك لاباس؟؟

طارق جبد لفلوس وحطها كيضحك..

علي:اووووو...منين دبرتي علا هاد اللعاقة؟؟

طارق:ههههه هادو بداية استرجاع شبابي لي فنيتو علا لخاوي..

علي:يعني مازال لخير لقداام؟؟ههه

طارق:بززاااااف وغتشوف بعينيك ههه..

علي:اوا دير علاياش تولي...نيت هاد الشاف لي خدامين معاه ماشي د الله الله..خصنا نحظيو طرافنا معاه..

طارق:كون هاني...انا مايقدرش يديرها بيا..

علي:اوا هكا نبغيك...تا انا ديما يدي ننا ولهيه..الثقة حرام...باش تا الا شد عليا شي حاحة نكون تا انا شاد عليه ماكثر ..

طارق:فري...فهاد الزمان تآمن لحاحة وحدة...جيبك ..ههههههه

علي كيضحك:ههههه هاديييك..

أصبحنا وأصبح الملك لله..

فاقت آلاء لقات صلاح ناعس حداها..عرفاتو جا معطل..قربت منو وعنقاتو وكدوز يديها علا لحيتو...توحشاتو بزااف وبعدو عليها معذبها..حطت شنايفها علا شنايفو وباستو بوسة خفيفة ولكن فاش جات تنوض جرها عندو تا عحبها لحال..

صلاح مغمض عينيه:خليك حدايا احبيبة!!

آلاء عنقاتو:انا ديما حداك احبيبي...

صلاح عنقها:كنبغيييك بززاف ا رؤيا..

آلاء الضحكة لي كانت فوجهها تمسحت وجاو دموع فبلاصتهم..حيدت راسها منو بزز كتشوفيه وهو ناعس وماحاس بوالو..وفالمقابل هي حاسة بقهرة من جيهتو...دغيا نساها؟؟فوقاش بغى رؤيا وكفاش قدرت تدخل قلبو بسهولة؟؟هي وعانات بزااف باش يبغيها ورؤيا شهر خلاتو يولي ملهوف عليها وكيموت علا الثراب لي كتمشي عليه...وغيرتو سابقاه وفاضحاه حدا كلشي...علاش نساها هي؟؟ماخصوش ينساها وماخصهاش تسمح لرؤيا تاخدو منها!!(مسحت عينيها كتشوف بحقد فالفراغ)

آلاء:والله لا فرحتي بيه ابنت الكلب..واخة تموتيييي...

ناضت من بلاصتها عينيها كلهم شر ودخلت للدوش...ومع بالها كتقول يمكن حيت خبات لماضي علا راحلها ربي كيعاقبها بهادشي لي كيوقع..

صلاح الصبح كامل وهو ناعس وتاواحد مابغى يفيقو خلاوه يرتاح عارفينو مانعسش بليل..

كريم وخالد فطرو بزربة ومشاو يخدمو...اما أمين لبس حوايجو وتأنق وهبط لتحت يفطر..

رؤيا علا غير عادتها فاقت صلات وهبطت تفطر..من ديما كتحاول تخبي ألمها لداخل..ماكتبغيش تزيد تا علا عائلتها وتخليهم يهزو ليها الهم..زايدون الحياة غتستمر وخصها تكون قوية..تجمعو كاملين وهي عوالة تمشي للارض..

أمين ماعارضهاش ولكن هي كان عندها موضوع تناقشو فيه:خويا بغيت نعرف قرارك الاخير فموضوع لما...الا كنتي غتقبل نعطيو لما للأراضي لي حدانا يستافدو بيه واخة والا مابغ..

قاطعها امين بابتسامة:ظ

ديري لي بغيتي انا كنتيق فيك..

رؤيا بسمت:شكرا خويااا..

رحمة:الله يخليكم لبعضياتكم..

مريم:هاءءء..(كلش استغربو فيها)قولي اخالتي الله يخلينا لبعضياتنا هههه..

نجية:هههه خلعتيني بنت الحمقة..

مريم:اووو اخيرا عرفتي راسك حمقا ههه..

نجية هزت يديها وهي تخلع مريم وبقاو يضحكو..

رؤيا:ياله نمشيو امريم..

أمين:نوضو باش نوصلكم..

رؤيا:اوك...

دارت شال علا راسها وهزت صاكها وخرجو من الدار...وهما فالطريق تفكرت..

رؤيا:أمين حقى باقية عندك نمرة حسناء؟

أمين غي سمع سميتها تزعزع:ءء اه..علاش؟؟

رؤيا:بغيتها دبا..

أمين:خوديها من تيلي...اممم حقى مازال ماعندك تيلي..بففف والله حتى نسيت..

مريم كطل عليه ملور:شتي شتي..خليتينا صومك بلا تيلي هاد ليامات ههه..

رؤيا:ههه ماشي مشكل..لمهم نقدر نعيط ليها من عندك!!

أمين:اه اكيد...(تفكر)ب بلاتي..ديري لانكوني اوك..

رؤيا:واخة خويا..

هزت رؤيا تيلي صونات علا حسناء لي ماعرفتهاش فلول..وبعد السلام بداو هضرة المعقول..

رؤيا:عيطت عليك باش نقولك..بلي حنا لقينا لما تحت ارضنا وخرجناها من بير...

حسناء بابتسامة:مبروك عليكم احبيبة..

رؤيا:الله يبارك فيك..لمهم..قولي لعمي مرحبا بيه فوقما بغى الما..(حسناء حلت فمها بالفرحة)حنا غنوفرو لما لكاع الاراضي لي ناقصها انشاءلله لمهم تجيبو الخدامين ديالكم باش يوصلو الساقية دالما لارضكم واخة!!

حسناء:حلفي؟؟

رؤيا:ههه والله...قوليها لعمي وماتنسايش واخة؟

حسناء:د دبااا دبا نقولهالو هههه..شكرا احبيبة بزااف..

رؤيا:مابيناتناش..لمهم دبا ندير نمرتي ونصوني عليك باش نتافقو علا لوقت المناسب لكلشي ..

حسناء:واخة واخة..ربي يخليك وخلاص..

رؤيا:هادت واجب..بسلامو حبيبة وسلمي عليهم..

حسناء:مبلغ تا نتي سلمي علا كلشي...بسلامة..

قطعت حسناء عاجبها الحال ومشات كتجري تعلم باباها لي جالس فالصالون مع مرتو مازال مامشى لخدمتو...

صلاح فاق مدوخ دوش ولبس وهبط للتحت باش يفطر..والهبطة ديالو جات قد قد مع حسناء لي خارجة كتجري باين عليها الفرحة وغادية عند باباها...تبعها عاقد حجبانو مافاهمش!!

هبط بالشوية ولحق عليها للصالون...

حسناء:ب بابااااااا...

لطيفة تخلعت:مالك شكاين؟؟

طاهر عقد حجبانو:شنو؟؟

حسناء:عندي ليكم خبر ب10دلمليون ههههه..

طاهر:اووف يعني خبر زوين..خلعتينا ابنتي..

لطيفة:والله تا عندك لحق..

صلاح دخل موراها باغي يسمع هاد الخبر..

حسناء:عرفتو شكون عيطت عليا دبا؟؟

طاهر:ماعرفناش في نطقي!!

حسناء بابتسامة:رؤياااا...(كلهم تصدمو وصلاح حل عينيه باغي يفهم)..قالت ليا بلي لقاو فأرضهم شي بير ولا بحال هكا...وبلي الما غيتفرق علا كاع الاراضي لي محتاجين ومنهم تا حنا(طاهر فرح والبشرى بانت فوجهو هو ولطيفة..اما صلاح بريق غريب بان فعينيه حيت لمرة خرا كتفاجئو بتصرف مزيان)..

لطيفة:بصااح ابنتي؟؟

حسناء:والله...وقالتلي نصافطو شي خدامين باش يدير ساقية الما بينا وبينهم..

طاهر تنهد:ناري هاد لبنت باش غنجازيوها...دارت ومازالة كدير غي فالمزيانة..الله يعطيها الرزق فوق الرزق ويزيدها ربي من عندو النور...

لطيفة:آه تستاهل...

صلاح بهدوء:انا غنتكلف بهادشي...خليوه ليا..

آلاء واقفة مور الصالون عينيها مدمعين..وكل مرة كيزيد الحقد ديالها علا رؤيا كثر وكثر...

صلاح خرج من الدار بلا فطور...الخبر لي سمع خلاه يتفقص كثر..حيت فقد انسانة مزيانة بحال هكا...كدير لخير واخة مع ناس ماخلاو مادارو فيها..فعلا خسرها بأنانيتو وجبروتو وهادشي ماعمرو يخليه يرتاح...كان غيركب فالطوموبيل تا صونا ليه نسيم..

صلاح:ألو...نسيم!!

نسيم:علا سلامتك لي جاوبتي صافا بعدا؟؟

صلاح:حمدلله..سمحلي لبارح كنت مامساليش..

نسيم:هانية..لمهم التقرير خرج..وبغيت نوريهلك..

صلاح عاد تفكر داكشي هضر بلا تفكير:اهاه واخة هانا جاي دبا...

آلاء بقات دور فالدار مخنزرة غطرطق غي بوحدها..ومين حسو بيها لطيفة وحسناء خلاوها علا خاطرها..

صلاح مشى بسرعة عند نسيم سلم عليه:امدرا شنو؟؟

نسيم:جلس بعدا..

صلاح:لا مزروب..جيت باش نعرف شنو خرج فالتقرير..

نسيم:لمهم التقرير كيقول بلي...(صلاح كيترقب بتركيز)القرطاسة خرجت من فردي...شي حد آخور(صلاح تنهد)فري خوك مظلوم.

صلاح:اووووف واخيرا...حمدلله..الصراحة فاش حلف وعاود حسيت بلي مظلوم...

نسيم:اه...يعني شي حد فنفس اللحظة قتل محمد الطراشن باش تسمى فيكم نتوما...

صلاح كيحك فراسو:شي حد بغالينا هاد الصداع..خصني نعرفو ضروري حيت كان سبب فهادشي كامل ..

نسيم:اه..عدوكم الحقيقي خصكم تعرفوه دبا..قبل ما توقع شي حاجة خرا..

صلاح:دبا داك القرطاسة مايمكنش نعرفوها من اينا مسدس خرجات؟؟

نسيم:صعيب بزااف..ولكن الا كنا شاكين فشي حد نقدرو نعرفو..

صلاح:اممم هاد الساعة ماعارفش شكون..ولكن من بعد غنعرف انشاءلله .

نسيم:نبقاو علا اتصال وصافي..

صلاح:واخة ياله انا غنمشي..(خدا التقرير)تهلا فراسك..وشكرا بزااف..

نسيم:مرحباااا..

خرج صلاح عاجبو لحال من ناحية خوه ومشى لخدمتو يفرحو وعاد يتكلف بقضية الما...

وصلت رؤيا للأرض وبدات تشوف الخداما شنو كيديرو وتحاول تسجل شنو كيدخلو وشنو كيخرجو..

اما صلاح وصل عيط علا خوتو للمكتب وفرحهم بالخبر..

صلاح:كريم ماشي نتا لي قتلتي محمد الطراشن..القرطاسة ماشي ديالك..

كريم تأفف:قلتهالكم..وتاواحد ماثيقني..

خالد:كان صعيب نثيقو اخويا نتا قدامنا كنتي هاز الفردي..وتوقعانك درتيها وماحسيتيش..

صلاح:صافي ماشي هادشي لمهم..

كريم:وشنو؟؟

صلاح:خصنا نعرفو شكون قتل..باش نعرفو عدونا الحقيقي..لي باغي ينوض الصداع بينا وبين الطراشن..

خالد:اه عندك لحق..ولكن دبا مابقيناش بوحدنا لي متضرين..

صلاح:شنو كتقصد؟؟

خالد:خصنا ندخلو معانا أمين(كلهم تصدمو من هضرتو)اه أمين شاب بعقلو وهو لي يقدر يفيدنا حيت تا هو تضر..والا بحثنا كلنا غنستافدو كثر..

كريم:الصراحة عندك لحق ولكن شنو ضمن لينا بلي غيثيق بينا..

صلاح:غي كترونو..ولاد الطراشن عمرهم يديرو يدينا فيديهم..

خالد:غيدير حيت...تا هو غيبغي يعرف شكون لي قاتلو باه..

صلاح حك راسو:ماعرفتش الصراحة..

خالد:جبتي التقرير بعدا؟؟

صلاح:اه علاش!!

خالد:باش نوريوه لأمين وانا متأكد غيولي فصفنا خيت عدونا واحد..

صلاح لأول مرة كيخلي الكافية فيد خوتو..وهو ناض..

كريم:فين غادي؟؟

صلاح:اه حقى ..الطراشن حفرو بير فأرضهم..وغيعطيونا لما...

خرج وخلاهم حالين فمهم ومشوكيين..

خرج صلاح خدا معاه خدامين وساق بيهم باتجاه الارض..

مريم:رؤيا!!جاني الصهد اختي عييت..

رؤيا:سيري تخبعي تحت شي شجرة..اصلا مابقاش بزااف ونرجعو للدار..

مريم بنفخة:اممم واخة..

تحركت مريم من تما ورؤيا كتحسب التبن لي مجموع تما باش يخبعوه..

صلاح وصل تما ...خرج من الطوموبيل وصافط الرجال يمشيو يحسبو المسافة باش يديرو ساقية بين الاراضي..عا عينيه وهو ينتابه لرؤيا خدامة فالارض شادة دفتر وكتكتب فيه ومركزة..تكى علا طوموبيلتو مربع يديه وكيشوفيها باعجاب..

وصلو الرجال حداها:السلام عليكم..

رؤيا باستغراب:وعليكم السلام..

الخدام:حنا جينا ليوم علا ود الساقية بي غنديرو بين ارضكم وارض الحسناوي..

رؤيا:اه اوك مرحبا...ياله معايا نوريكم فين بلاصة لبير..

الخدام:اه واخة..

مشات معاهم رؤيا سابقاهم وهما تابعينها حانيين الراس وصلاح متبع ليها العين...وحس بغيرتو عليها وهي كدور حدا كلشي ماكرهش يخبعها منهم فقلبو ومايخلي تاواحد يقرب ليها ولكن دوماج تفارقو دبااا..

رؤيا شيرت لمريم وناضت تابعاهم ووقفو عند لبير..

رؤيا:هادا هو البير..ديري حسابكم وانا غنمشي نكمل خدمتي واخة؟؟مريم خليك معاهم تا يساليو..

مريم:واخة..

رجعت رؤيا لبلاصتها كتخدم بهدوء شوية وحست بالرجل موراها دورت وجهها وهي تلقى صلاح موراها تزنكت وبدا قلبها يضرب بالجهد وهو واقف بهيبتو داير يديه فجيابو وكيشوفيها..

صلاح كيشوفيها ببريق خاص فعينيه:شكرااا..

رؤيا بصوت حنين:ع علاش؟؟

صلاح شاف فالرجال وشير بيديه:علا هادشي..(شاف فالارض بزربة ورجع شافيها)وعلا كلشي..

رؤيا حنات راسها:انا درت غي الواجب..اي واحد فبلاصتي كان غيدير نفس الشي..

صلاح حرك راسو بالسلب:لا..ماشي أي واحد...(رؤيا شافت فيه ورجعت شافت فالجنب ماقاداش طول الشوفة كثر)..

مريم بقات واقفة لهادوك عند راسهم وهما كيحسبو لقياس تا شافت صلاح واقف متقابل مع رؤيا كيشوفيها...سمحت فهادوك ومشات عندهم..

صلاح:نتي مزيان..زعما صافا؟؟

رؤيا بتوتر:الحمدلله..طلعت دفتر لي حداها وبقات تقرا فيه زعما وهي غي شوفاتو لي دوخوها مابقاتش قادرة تصبر..

مريم:سلام..

صلاح شافيها:سلام..

مريم مدت يديها:انا مريم..بنت خالت رؤيا..

صلاح بسم ومد يديه:هي نتي!!

مريم شافت فرؤيا ورجعت شافت فيه:ك كفاش زعما؟؟

صلاح بسم جنب:ل لا والو..

رؤيا شافتو كيبسم سهات فيه ورجعت استدركت لموقف:انا غنمشي نشوف الا حتاجو شي حاجة..

صلاح:واخة انا غرجع للطوموبيل قولهم يلحقو عليا عااافاك..

رؤيا هزت راسها ودورت وجهها..

صلاح:بسلامة ا ختي..

مريم خنزرت فيه عرفت خوه عاودلو..هضرت بنفخة:بسلامة..

دار يمشي وجاتو الضحكة عليها..اخيرا تعرفت علا لبنت لي كيبغيها خوه..ولكن فنفس لوقت حس باحساس زوين وهو كيهضر مع رؤيا بلا صدااع بلا والو..بسم ودخل لطوموبيلتو يساين الخدامين يجيو..

رؤيا وقفت يديها ورجليها كيرجفو...بين عينيها غي ابتسامتو لي قليل فاش كتشوفها..

مريم ضربتها لظهرها:شنو جا يدير هاداك هنا؟؟

رؤيا خرجت فيها عينيها وجرتها من حدا الرجال:واش ديما شوهة..بالشوية هضري..هو لي وصل هادو لهنا..

مريم:اممم مسكيييين..وماكاينش من غيرو يجي؟

رؤيا:بحال كريم مثلا هههه..

مريم توترت:ل لا لا والله ماقصدت هكا..غي زعما خصو مايبقاش غادي جاي ياله طلقتو(رؤيا تحيدت الابتسامة علا وجهها)م ماتفهمينيش غلط انا غي خايفة عليك من هضرة الناس وصاافي..

رؤيا تنهدت:فهمتك...لمهم هاهما قربو يساليو ويمشيو..باش تا حنا نمشيو للدار..

مريم:اوك الزين موواااح..

رؤيا ضحكت عليها وبقات واقفة مكملة معاهم وفنفس لوقت كدير شي حسابات فالدفتر لي عندها...

غي سالاو لقاو التحية ومشاو بحالهم ورؤيا بلا ماتحس دورت وجهها تقلب علا الطوموبيل ولكن كانت بعيدة شوية ومابانتش ليها..

صلاح ركبو معاه عطاوه كااع شنو دارو وتحرك بيهم..

آلاء صونات عليها نمرة غريبة جاوبت بخوف:ءء ألو..

طارق:ألو..

آلاء تصدمت:اويلي شنو بغيتي تاني؟؟

طارق:بغيت نتي..هههه..

آلاء بعصبية:ش شنو كتخربق؟؟واش حماقيتي..انا مرا مزوجة ونتا كتقولي هكا!!

طارق:شوفي غدا تجي عندي للقهوة لي فالدخلة دالفيلاج..جيبي فيديك شي ربعة دالمليون اوك بب..

آلاء غوتت:واش كتفلا عليا..ياله عطيتك سحابلك عندي لبانكة هنا؟؟

طارق:هادشي الا مابغيتيش راجلك يعرف كلشي فهمتي..(تزيزنت)تشاووو بب....تيييييط تيييييييط تيييييييييييط..

حطت آلاء تيلي وقلبها غيخرج من بلاصتو..شنو غدير فهاد الموصيبة لي تسلطت عليها..بقات تبكي وتنوح علا زهرها العوج..

رؤيا سالات خدمتها مشات توصي الخدامين بالارض وهي تلقاهم كياكلو رجعت وهما يعيطو ليها هي ومريم..

مريم:لا اختي..الرفيسة تما مانقدرش نقول لا..زايدون الماكلة هنا غتجينا لذيذة نيت سخفت بالجوع ياله ههه..

رؤيا بسمت:فري عندك لحق..اوك نلكلو مي ماتساليهاش ليهم ويبقاو بلاش ههه..

مريم:اوا ماعرفت ههه..

جلست تا رؤيا حداهم كيعطيوها وكتاكل هي ومريم عاجباهم لماكلة..تا شبعو كرشهم وشاط لخير عاد ناضو فرحانين..

رؤيا:الله يخلف عليكم..

مريم:اه والله لماكلة واعرة طوووب ههه..

المرا:مرحبا بيكم..

مشاو للدار شبعانين طلعو نعسو بقوة التعب هههه..

خالد رجع للدار هو وخوتو تغداو كاملين وآلاء فعالم آخور..ماقاداش تاكل غي كتلعب فطبسيلها شوية ناضت وطلعت لبيتها..

خالد تجمع مع خوتو فالمكتب:بغيت نمرة أمين..

كريم:ومنين غنجيبوها تاني..

يتبع ...

أسيرة جبروته الجزء السابع

محتوى القصة

التنقل بين الأجزاء