كان جالس حدا المسبح داير فاصمة صغير على جنب فمو سارح كيفكر فنتيجة ديال حماقو وانتقامو من ذاتو حتى خرجات عندو الماس هازة بنتها جلسات حداه محسش بيها حتى حطات يدها على كتفو بقى على نفس الوضع كيشوف فنفس النقطة ..ناضت دخلات بنتها عطاتها لمربية ورجعات لقاتو كيف خلاتو جلسات حدا رجليه وحطات يدها فوق يديه لي مشابكهم مع بعض..
الماس:نتا وانا عارفين لي درت مكانش منحقك..للأسف داك شي لي درتو (تنهدات)عندي نسبة كبيرة فيه...انا للي خليتك ترجع هكذاك بسباب قلت عقلي ...(دور وجهو عليها ورجعات دوراتو بصبعها كتشوف فعينيه)كنت كتشوفها الماس لي رفضاتك..متقبلتش وحدة اخرى ترفضك ...رجعات ليك مواجع الماضي ولقيتها بلا حيلة وفديتي فيها كلشي ..ظلمتيها وعذبتيها وانا متأكدة عمرك رضيتي على تصرف من داك شي لي كنت كدير ...جساس ..انا عارفاك باش كتحس...عارفة انو تعيش عذاب ضمير وعذاب انك تحس بلي كنت كتخون اقرب شخص ليك..عذاب فقدان سند كان ليك...ولكن رعاد..رعاد وجساس كيان واحد شخص واحد ...طول عمركم واحد كيحمي الاخر وباقي لحد الان..
قاطعها جساس بصوت غليظ:حتى كلمة من لي قلتي مشفع لي درت..واش عارفة اشنو هي نطمع فمرت خويا..نستحمر خويا ونلعب من موراه..نستضعف مرا ..ضعيفة مستحيل تقدر تواجهني ...رعاد عندو صح انا ماشي راجل ..انا مكنسواش..(ناض كيدور ويغوت وقلب الكرسي لي كان جالس عليه رجع صاعر)انا ...غذرتو لعبت عليه كنت كنتلذذ منين نشوفها كتبكي ومعذبة ومقدراش تمنعني...كلما كانت كتقاوم وتوقف فوجهي كنت كنزيد كتر فعنادي وعذابها.. كنت واحد موسخ شماتة كنهدد فبنت ..هي من الاول كانت مجبورة من الاول رفضاتني ..من الاول مبغاتنيش ...عينيها نفس عينيك (شدها من ذراعها زير عليها)نفس نظرة لي رجعاتني بلا قلب نفس الغرور ..نفس الكبرياء كان فيها ...نتي سمحتي فيّ وهي نفس شي ..هربات من بين يدي ...خلاتني ناعس وهربات...منين لقيتها شفت فيها فرصة لي ستنيتها سنين ...فرصتي فأني نرجع ضربة ليك ..ليك نتي (لاول مرة كينزلو دموعو دفعها وهي مصدومة وكتبكي فصمت من هدرتو ومن دمعة لي نزلات من عينو(انا طعنت ليد لي تمدات لي بالخير
الماس :سمحلي ...سمحلي عفاك...حطت يديها على وجها وكتبكي بحرقة وكتردد اعتذارها .. هو خرج طلع فطوموبيلتو وكسيرا حتى تسمع صوت روايد تحكو مع الارض خلا طبايع كوحل وطار فطريق موقف حتى وصل لبلاصة خاوية ..صحراء ربع الخالي بالإمارات...وقف لوطو على جنب طريق ونزل وقف حداها مسرح عينيه فنقطة بعيدة ... مدة وهو كيفكر حتى جات فبالو شخص الوحيد لي يقدر يقاد الامور كلها وهو متأكد رعاد يكون تشغل بمحاولاتو مع اقسح راس فالعالم باش تسمح ليه ونسى باش يعلمها ولا يكون بغا حتى تقاد.امورهم ويمشيو عندها يفاجؤوها ..ابتاسم لا اراديا منين تخيل صاحبو كيحاول يقاد الامور مع حبيبتو وعفت هو اكثر شخص عارف عنادها فين ممكن يوصل خوه ولمواقف لي يقدر يعيشهم معاها ...
جساس:الحب يعمل معجزات يا رفيقي...الله يصبرك ...جا فبالي منظر الماس وهو خارج تنادم معاه الحال لي خلاها فداك الوضع رجع ركب فطوموبيلتو ورجع بنفس سرعة لي خرج بيها ولكن هاد المرة مكالمي ومصر على فكرة فبالو وحلف حتى يوصلها هو لي رونها وهو لي يقادها وخا على حساب حياتو ميرجعش لور...دخل كيبان لي صهير وكلشي مطفي ..اول شي مشا لبيت لارين لقاها ناعسة على ظهرها وحالة يديها ورجليها كل وحدة فجيه وغير بليكوش باسها وخرج لبيتو كيبان لي ضوء خفيف حل لباب غير بلاتي كانت مكمشة لابسة شميز نواغ قصير و حاطة يدها على فمها كتهزز مرة مرة عرفها كتبكي ..دخل دوش ولبس غير شورط وخرج تجبد حداها وجبدها لعندو محاوط خصرها ووجهو فعنقها باسها بوسة خفيفة وهمس فوذنها
جساس:ششش سمحي ليا..نتي معندك ذنب
دارت تخشات فصدرو وطلقات لعنان لشهقاتها لي خلاوه كينعل فنهار لي فكر يحقد عليها ويعذب فعفت زادت كملات على ما بيه تنهد وزير عليها خلاها تبكي على خاطرها وهو معنقها ومرة مرة يبوسها فراسها حتى حش بيها ترخات بين يديه وشهقاتها مبقاوش مسموعين غير اهتزازة فجسمها مرة مرة بعدها عليه شوية لقاها ناعسة تقاد فنعاسو وحط راسها عل صدرو كيدوز بيديه على شعرها
جساس:كنواعدك كلشي يتقاد ...وعد رجال ....
☆☆☆خلاتو مجبد فوق ناموسية وخرجات كتقلب فدار وتستكشف من جديد...كانت منزل الاحلام بنسبة ليها كلشي مقاد ومتول ..بيت اركان فالازرق والبيج ممخصوص من حتى حاجة العاب ديكورات سرير على شكل ملعب كورة ديكور كولو صبياني كورات وطوموبيلات دوش على شكل مزمار سيباق لبينوار على شكل سيارة سبور لفابو على شكل نصف كرة فالابيض والاسود بقات مبهورة من لي كتشوف والارضية HDفيها صور لشخصيات كرتونية ممتدة من لبيت لدوش ..
..انتاقلات لبيت نعمة فالغوز بيبي والابيض شخصيات ديزني فالارض بقنيتة ل Hd كيخليك تحسي بلي حقيقيين تخافي تزطمي عليهم ناموسية على شكل شكل لقديم ديال الاميرات فالابيض وحجوب من دونتيل نازلين معاها فالبيج عاطية طابع روعة مكتب بحال الغرفة صغير كدخل فيه وتسد بابو لي غير فنص بحال لكيوسك جاي كيوت كيعبر على العزلة ديالها منطقتها الدراسية المحضورة اما دوش فكان حكاية اخرى كبير وفيه بينوار مدور فالبيج و "ايلزا"(شخصية من المسلسل الكرتوني مملكة الثلج) كتبان حقيقية واقفة بحالي هي لي كتكب لما جامع يديها وروبيني جا بينهم عاطي منضر اخر وعلى بعد خطوات منها كتلقى "انّا" على شكل علاقة ديال لفوطة ..اما لفابو كان على شكل رجل ثلج "اولاف" لمرايا على شكل وردة متفتحة حمقها المنظر ...فوقاش قدر يوجد هاد شي وهو ياله رجع ...بقات كتتسائل واش كان عارف بلاصتها قبل.. حلات لماريو تشوف لقاتو عامر كساوي اشكال وانواع رجعات لبيت اركان لقات حتى هو موجد ليه كلشي ..فرحات لي كيفكر فيهم ولكن لحظة تفكرات لحظة لي حرقها في فخاضها جلسات على طرف ناموسية وطلعات لباس لكتشوف اثر لحروق لي مزتل باقيين شوية
عفت: منين كنشوف شخصيتك لحنينة كنحن ليك حتى كننسى وكنقرر نسامحك ..ولكن بمجرد مكنشوف اش دار فيا لوحش لي فيك ...كيرجع ليا رعب لي عيشتو ليا..خايفة على راسي وعلى ولادي منك...على قد ما نتا حنين على قد ما رحمة منعادمة فقلبك...تجبدات فبلاصت اركان حتى غفات ....
اصبحنا واصبح الملك لله ......
فاق مدكد وراسو عطيه لحريق بقى كيمسد جبينو بيدو وكيحاول يحل عينيه ويتأوه ناض يتعجز شاف فجنابو لقى راسو بوحدو ومزال بكسوتو ديال لبارح دور عينو فالبيت طابلة ديال لماكلة كيف كانت والورد فالارض وشمع داب وتطفى فز قلبو من بلاصتو وناض كيجري يشوفها فين هي وكيغوت بسميتها ...بقى كيحل فالبيبان ديال لبيوت حتى وصل لبيت اركان لقاها بكسوتها ناعسة فوضعية الجنين ولباس معري ليها رجليها كيبان سترينغ لي لابسة لتحت اسود جلس حداها وعرف بلي دارت ليه شي حاجة فمشروبو تأكد بلي حقدها عليه فوق توقعاتو ...تنهد ودوز يدو على شعرها هبط بعينيه كيتفحص كل انش من جسدها حتى وصل لفخاضها وحل عينيه على وسعهم ورجع بذاكرتو لنهار لي فقد سيطرة لكلية على نفسو وتعماو ليه لعينين ..نعل نهار لي قدر يحط عليها يدو بشر .. 2 ديال لحرقات شوهو ليها فخاضها وهو كان سباب ...بيدو خلا ليها اثر ديال ايام نحس عمرها تقدر تنساهم ..كيفاش قدر يثيق فمجرد صور ...كيفاش مسولهاش ومحاولش يسمع ليها منين كانت تترجاه ...كيفاش طاوع شيطانو ودمرها ودمر راسو..بسباب عنادو ضيع عامين من حياتو حياتها وحياة ولادو ..ضيع اجمل ايام ..يشوفها حاملة يستحملها فوحمها...يشوف كرشها وهي كتكبر يشوف مراحل نمو ولدو حصص الإيكو ديالو ...يكون معاها فلحظة لي يرجعو هو وياها اب وام..يحس معاها بالم لولادة ويواسيها ويكون معاها فاول ثانية لولدهم يشوف فيها هاد لحياة ..يحس بطعم الحياة معاهم ...يحس بلي مسؤول ..ياخذ نعمة لاول نهار ليها فالمدرسة...يجرب احساس منين يخرج هو وعائلتو فرحلة سفاري ...ندم بزااف وهو ساهي هي فهاد الاثناء حلت عينيها فيه تفكرات ليلة لبارح واش دارت فيه ابتاسمات
عفت:اوووو راجلي حبيبي ضارب حسابو لكلشي...ثانكس بب...دخلت طرفت حالتها بلا متقيس شعرها حيتاش كانت عاد قداتو فليل ...خرجت لاوية عليها فوطة قصير وشعرها جمعاتو لفوق هابط غير خصلات متمردة على عنقها ..مشات لغرفت تبديل كان جالس على طرف فوتوي صغير تما مقابل مع مراسة كبيرة كيقاد فسيور سبدرين بيضاء لابس الفوق تريكو بلا مونش بيض وسروال دجين زرق غامق طلع عينو لقاها بديك الحالة واقفة ثانية رجل ورجل مسرحتها وكتلعب بخصلة هابطة كتشوف اش تلبس وقف بلا هواه من موراها باسها فعنقها بوسة بورشاتها ودورها من خصرها وهو خاشي وجهو فعنقها كيتنفس وحرارة انفاسو قطعات فيها نفس غمضات عينيها وبلعات ريقها كطلع نفس وتهبطها بزز حيدات يدو من خصرها ورجعات دارت هزات لي تحتاج دو بييس فالبيج وسروال عريض وشميز فالبيج ولبيض وخرجات دخلات لدوش تحت انظارو رابطة ليه يديه بتصرفاتها وخا تعصب بتصرفها ديال ليل ودبا هاد تصرف لي دارت ولكن مبغاش يدير لي يندم عليه ويكرها فيه كتر خرج وردخ لباب من موراه حتى قفزات هي فدوش . هي لي كانت كتلبس وفنفس الوقت دموعها هابطين على خذها ..غير سمعاه لباب تسد بجهد وقفات كتشوف راسها فلمرايا
عفت:علاش كتبكي دبا ...كرامتك قبل كلشي..واش نسيتي اش دار ..غتاصبك..عذبك ...تكرفص عليك.. احتاقرك...كان ناوي يرجعك لمستنقع لي هربتي منو...ميستاهلكش...ميغركش هادشي لي كيدير ...حنيتو ساعة ودوز...اما الوحش لي فيه عمرك كامل وهو معاك...نسيتي اش كان كيقوليك...نسيتي شحال رغبتي فيه وترجيتيه يسمع ليك وهو رافض...(غوتات باعلى صوتها وهزات بارفان ديالو كان قدامها وضرباات زاجة حتى تشتات طار عليها شوية ديال زاج جرحتها فحنكها خرجات كأن شيء لم يكن
..هبطات تشوف متاكل كان هو وجد لفطور ..سمع صوت غواتها وزاج لي تهرس مبغاش يطلع يشوف عارف بلي الا شافتو فدرك اللحظة تقدر تزيد تجعر كتر وتآذي راسها وجد لفطور وحطو جلس يستناها ساهي لنجان القهوة لي حداه كيلعب فطرافو بصبعو حتة سمع صوت لكرسي تجر طلع فيها عينيه لقاها طالقة شعرها ولكسوة جات على قدها كتحمق جلست ورجعت شعرها جنب بقات كتجبد فطوسط ولفرماج وكتطلي هزات العصير ديال لبنان كباتو كتشرب حتى حست بلمستو فحنكها
رعاد:رتاحيتي دبا...فشيتي اعصابك
عفت شافت فيه نظرة باردة عكس البركان لي فيها الداخل مكرهتش تعنقو تبوسو ...تضربو وتعاقبو على داك شي لي قدر وطاوعو قلبو يديرو فيها:عمري نرتاح وانا كنشوف وجهك كل صباح ...
رعاد ابتاسم:مع ذلك كتبغيني
عفت سهات فابتسامتو لي كذوبها وبلا هواها نطقات بداك شي لي كتفكر بيه بصوت عالي : احح اقلبي ضحيكة كنحماق عليك
رعاد لي سمعها وبغا يلعب معاها شوية:قلتي شي حاجة امراتي لغزالة
رعاد:نشري لحبيبتي سيرو ديال شهية ..ولا نقولك عندي واحد لفيتامين فساعة ولحين يعطي مفعولو بحال المنوم لي درتي
عفت لي كانت هزا كاس ديال لعصير باغية ترب مجات فين تسرط جغمة حتى سمعات سيرة المنوم خرجو عينيها والعصير لي فمها خرجاتو على برا رونات دنيا وهو كيضحك دارت شافت فيه
عفت:ههه بغيتيني نثيق فيك ..نثيق فواحد غتاصبني ...واحد دمرني ودمر اي حاجة زوينة فحياتي...هههه ضحكيتي ارعاد من نيتك ..نتا كتهدر على ثقة ..اووو(كتصفق ) كنهنأك على لقب اقصح وجه فالعالم (شافت فيه بجدية)نسولك وتجاوب بصراحة
رعاد شاف فيها:عمري كذبت عليك باش نجي دبا ونكذب عليك..طول عمري وانا صريح معاك..لو كان كنتي حتى نتي تعاملتي بصراحة ..مكناش نوصلو لهاد شي
عفت عارفة هدرتو صح بصوت مخنوق:ماشي موضوعنا هذا دبا..
رعاد:موضوعنا..ياك نتي لي قلتي صراحة ولا راني غالط..
عفت:واش دبا نسول ولا نوض نتقود.من هنا
رعاد زير عليها على يدها:اخر مرة تخصري الهدرة ...
عفت :اييي يدي المرض..وخاااا ..وخاا صافي غير طلق(طلقها وهو كيسوط) تفو يعطيه الهرس فيهم
رعاد:سولي وهنينا
عفت: علاش رجعت..ياك عندك حبيبتك لي ..
قاطعها رعاد:رجعت باش ناخذ حاجتي ..ولادي ومرتي...عفت ..سمعيلي مزيان زوج كلمات لي عندي...نتي ديالي
عفت:وهي؟
رعاد:شكون هادي...انا من نهار لي مشيتي مشفت فحتى وحدة ..نتي ساكناني ..سالباني قلبا وقالبا...كيفاش نقدر نفكر فوحدة لخرى
عفت تفكرات تصاور ديال لعشا ديالو مع انابيث عينسها تغرغرو وبدات كتبكي :كذااب وغادي تبقى طول عمرك كذاب...تعرف لو كان قتلي غلط ومتحكمتش فراسي..كنت نقدر..نقدر نتقبلها..ولكن باش تكذب عيني عينك اسي هنري ...(طلعاتو ونزلاتو )غير مكتزيد.تكرهني فيك..بعيني شفت تصورك كتباوس نتا وياها وهي قريبة منك ..جالس تشلقم فوالديها كيف الفونتوز..يخخخ تفو ..محشمتي مفكرتي فيا ...بلاصتي انا هاديك من حقي انا ..انا لي مراتك ..وهي...هي شنو ..يأشمن صفة ......(وقفات باغية تمشي) تعرف لحاجة لوحيد لي شافعالك عندي هي الحاجة ...الام ديالك لي عاملاتني كتر من بنتها
عفت:علاااش ..علااش كرهتيني فيك...كنكره راسي حيتاش حقدة عليك...حاولت نسمح..حاولت نرجع شحال من مرة...ولكن منقدرش خوفي منك فوق منهم كاملين
رعادغمض عينيه كلامها و بكاها كيزيد يمرضو خلاها حتى تهدنات وطلعات دارت شالها بلا متهدر معاه ..خرجو فسكات وصلو لعمارة طلعو عفت دازت عند نور لقات ولادها مشاو لمدرسة جلست وحكات ليها بتفصيل
نور:اويلي لو كان قتلتي راجل..
عفت:راه منوم ازبل ماشي سم ....شوفي بلا متمرضيني ..انا نطلع نشوف دار ونمشي لبنك راه تعطلت بما فيه الكفاية ..اليوم غادي نزيد سوايع نعوض هادو لي غبتهم ...بليز نعمة واركان امانة عندك ..والا كان هو هنا طلعيهم ليه
نور:عفت...مديريش شي حاجة لي تندمي عليها
عفت ابتاسمات ليها وطلعات لدارها لقاتو كيتفرج فالاخبار ديال البورصا ...وكيهدر فتيليفون ومخدم لبيسي قدامو كيلعب فيه ..دخلت لبسات عباية طويلة كريمي وفيها طرزات فالاسود ..شال اسود ..مع ساك اسود وطالون اسود دارت ميك اب هادئ ترابي رشات برفانها ..وخرجات هازة وراق فيديها كتحقق فيهم حتى سمعاتو
رعاد:فين ؟؟
عفت بلا متشوف فيه:لفليبين تمشي ...بنادم راه عندي شغالي يمكن
عفت دارت يديها فخصرها:شناااهوااا..شوف ابابا ..راه مليون مرة قلتها ليك معليك.حكام عليا ..فهم هاد ثلاث كلمات ودهلهم لراسك..ونزيدك طلاق انا لي غادي ندفعو وديك ساعة يقولو رعاد هنري خلعاتو مرتو ..وتبقالك سيرة فحسن سيرة ..وهادي ولي هي الاهم سير تقود ياله..مزيان تبارك الله فعشنا وينشنا ..تريكة سبعة لا ربع ...
رعاد طلعات ليه قنديشة لراس هزها بلا سابق اذار قالبها راسها مور ظهرو لتحت ورجليها قدامو هبط كيسب غير من سمطة لتحت وهي كتضرب فيه وكتحاول كيح ليه سروال ولكن هو كان داير ليه سمطة
رعاد:غادي نوريك سير تقود كيف دايرة..رجعتي ديلمك خاسرة..غادي نخسرها مع جدك مزيااان ...رخفت لمك بزاف ..حتى رجعتي تتفرعني ...
عفت :وطلقنييييي..مبغيتكش..طلقني...اهيء اهيء...وعباد الله(وصلو لباب العمارة وشدات فيه)والكونسييرج ...وغمي الحاج...فدوة وينتش ..تعال الله يخليتش
رعاد جبدها حتى وزوزو يديها:قلبتيها حوالا ...غادي نحول لمك العاقبة ...طلعها فطوموبيل وطلع حداها هي كتغوت وهو كيشوف فيها ويرجع يركز مع طريق..اتاصل بالمساعد ديالو من طوموبيل وهي كتسمع
رعاد:غادي تتاصل بواحد من الكارد يدوز على نعمة واركان يلحقهم ليا لفيلا جديدة نعطيه نصف ساعة
رعاد:ردميه ..راه غادي نن...(هز يدو وهي تتكمش وتسكت) سوف نصف ساعة ..ومن غذا طيارة نحبها تكون واجدة...دير لي قتلك.....
تكمشات فبلاصتها مزادتش حرف عرفات راسها تجاوزات الحدود...اما هو فطول طريق كيسوط ويهدر مع راسو
رعاد معصب:مزيان تبارك الله ..رجعتي متحتارمي حد ..بصح غادي نوري مك لفهامة زايدة لي رجعات فيك... لي شادني عليك هاد ساعة ومزال مخمجتش لطاسيلتك لكمارة هما ولادك (ضرب لفولا بيدو وكيغوت)انا ترجعيني ميخي مدخلا لي داك ولد*** لوسط دار يتزلل على ولديك...وجالسة مورعة ليه بلا حجاب عاجبك زغبك (جبدها قابل وجها مع وجهو وهي نشف ليها لما فركابي بديك شوفة لي دار فيها)اش ندير فمك....علامن نحاسبك وشنو نخلي
عفت تشجعات وهدرات بنفس نبرت صوتو:لي درتو انا مايسوى والو قدام لي درتو نتا...ومزال عندك لوجه لي يحاسبني..قبل حاسب هذاك لي ميتسمى وحاسب راسك لي وصلتينا لهاد لحالة
رعاد وقف وقوف اضطراري بلا سابق انذار كان وصلو لدار نزل ونزلها جارها من موراه وهي كتتنثر دخلها دفعها لداخل وسد لباب وبدا كيتشارع هو وياها :هاد شي لي حنا فيه بسبااابك امدام ..دبا رجعت انا لي مني الغلاط ..ونتي الملاك لي مظلومة..مننكرش ظلمتك وعذبتك وندمان على اي حاجة درتها وتسرعت فيها..ولكن نتي وصلتينا لداك شي لوكان من الاول صارحتيني وحكيتيلي ماكناش نكونو هنا...
عفت شافت هدرتو كلها صح ولكن مبغاتش تتنازل كتبكي وتهدر:غتاصبتيني وخنتيني ....نتا..كذاب....و..و.و...(ملقات متزيد بقات غير كتبكي)اهيء اهيء ...غذبتوني وغربتوني على بلادي ..حرمتني من بنتي وبغيت ترجعني لداك لجحيم لي هربت منو ...نتا قتلتيني وانا حية...انا درت كلشي باش ننقذ بنتي ماشي لخاطري ...كنت كنرغب فيك باش تسمع ليا وترحمني ..ونتا شنو درت..حرقتيني لحد الان كنشوف اثارهم كيرجعلي داك نهار...هلكيتيني عصا ومكفاكش ...
رعاد:عففففففففت ...
عفت مبغاتش تسكت قلبها عامر:كملتي حرقتيني بلا رحمة وكتتلذذ ونتا تشوفني حداك بلا قوة مقدراش نوقف فوجهك ونحمي راسي ...مقدرتش تفدي دقتك فجساس ستقويتي عليا كيف دار هو ..تعرف على الاقل هو دقتو هانت اما نتا ...(ضحكت استهزاء)ههه جات فمقتل ...شحال ترجيت فيك ونتا شنو كنت مكتفلتش الفرصة ذلني وتمرمد بيا الارض..رجعتني لداك لوسخ..تكرفست عليا...كنت كنحلم باول مرة نكون معاك كمرتك...كنت كنقول عمري ننساها..وفعلا عمري ننساها..نهار لي غرست لخنجر فقلبي نهار لي زهقات روحي مني..نهار لي خذيتيني غصب ..وخا وصبرت على ود حبي ليك ...ونهار لي غادي تسمع ليا فيه وثيق بهدرتي انا..اناااا(ركزت عليها)..ماشي تيق بغيري وتسمع من لغريب وتيقوووو ...العلاقة لي مافيهاش ثيقة عمرها تنجح...وانا ونتا شي حاجة سميتها ثيقة عمرها تجمع بيناتنا....
رعاد:انا راااااجل واش كتعرفي معناها..نشوف مرتي مع واحد اخر وشكون صاحبي مع صاحبي لي كتر من خويا عايشة معاه لي حرماني منو ...مثيقتش ولكن تصرفاتك ...نتي لي خليتيني نتأكد بلي داك شي يقدر يكون واقع ..كذوبك ..وخوفك ..توترك كلما نقرب ليك ...حججك لواهنة ..وزيد عليها كنسيفط مراتي تقرا حتى كنتصدم بادارت المعهد كيعلموني بانقطاعها عليها ...و صورها لي كل مرة واصلاني حاجة ومنين نسولها كنلقاها كتكذب ...(ضرب كرسي حداه رفعو)واش كنبال ليك مكلخ لديك درجة تكذبي عيني عينك ومنعباش بيك...كنت كنبغيك وباقي الان حبي ليك عمرو تمس...وخا كاع داك شي ..لي خلاني نعاملك هكذا حبي ليك والقيمة لي كنت عطيك...لو كان كنتي كيف لسبقو منتسوقش ليك نذبحك و نرميك رميت لكلاب حتى ذفينة منخسرهاش فيك وميغمضش ليا جفن ميتحرك فيا والو....ولكن نتي ...بالضبط منين نتي ...(شده من ذعانها وطلعها لمستواه)مقدرتش ...كنت كنعذبك وانا لي كنتألم...كنتي كتغوتي ونار كتشعل فيا لداخل ...كلما كنشوف اثر لي خليتو فيك كنحقد على راسي ...ولكن مقدرتش نغفر ليك كرامتي ورجولتي معاك حسيتهم فالارض ...كتقولي تعذبتي..وقتلتك..مفكرتيش فلي عشتو انا...مرتي دمراتني وهربات وخذات بنتي والحاجة سخطات عليا وعام ونص وهي غايبة بين الحياة والموت...وتأنيب ضمير لي كان كيقتل فيا كل نهار عامين وانا عايش وما عايشش..عامين وانا كيف لمسطي مخليت فين قلبت عليك وويديا مربوطين كنشوف اغلى انسانة عندي عاجزة وعايشة غير بالاجهزة ومقدرتش ندير والو دافن راسي فالخدمة رجعت بلا احساس...شخص اخر ...لا وزوينة انو الوليدة لي كنت كنتمنى غير فوقاش تفيق اول ما حلات عينيها عملاتني كعدوها..بسبابمن هاد شي بسبابك..ولي زادت فاضت بالكاس..اركان ..ولدي لي حرمتيني منو ....اول فرحة ليا ...كتقولي حرمتك من بنتك ..نتي ...(طلعها وهبطها لي غير كتسمع وكتبكي بصدمتها جلسات كتشوف فنقطة فارغة ..
بصدمتها جلسات كتشوف فنقطة فارغة .. خبر الحاجة نزل عليها لحال صاعقة ..خرج بلا ميكمل هدرتو وزدخ لباب من موراه ...خرج عاقد غوباشتو مفكها غير منين شاف نعمة قصداتو كتجري فاتحة يديها واركان من موراها كيجري بجريتو العجيبة هزها باسها وحطها باس اركان
رعاد:ياله دخلو..(وجه كلامو لكارد بجدية)حتى حد ميخرج ..والا حاولت المدام تخرج دير معاها لازم فهمت ويوصلني لخبر فالحين ...
كسيرا بطوموبيلتو بسرعة .....اما هي فجلست كتبكي بحرقة
عفت كتضرب فوجها وفخاضها:كلشي مني....كلشي مني انا....الله ياربي ديني وهنيني...اهيء اهيء...علاش ..علاش اماما خليتيني من موراك علاش....بغيت نرتاح(نعسات فالارض على وضعية الجنين كتبكي )اش هاز فخاطرك من جيهتي...اش داز عليك من تحت راسي...من ايمتى رجعت بلا قلب...سمعت صوت نعمة واركان داخلين كيغوتو ويضحكو ناضت جلسات وحطات راسها على طبلة زجاجية لي حداها مسحات دموعها وتنهدات وخا كتحس بنفسها باغي يتقطع ابتاسمات ليهم حابسة البركان لي داخلها باسوها وجلسو كينقزو بالفرحة طلعاتهم كتوري كل واخد بيتو وكتشوف الفرحة لي فعينيهم وكتتخسر على سنين لي حرماتهم منو....
تعاشات العشية ... و الشمس قربات تغرب ... الجز بدا كايبرد. . و عفت جاها الملل و القنط. و زيد عليها رعاد اللي ماعارفة عليه خبار مللي خرج الصباح معصب ..
كانت فالكوزينة . باقي ب حوايجها. . واقفة كاتسنا الغراتان اللي دايرة فالفران يطيب .. باش تلها مشات وجدت سالاد و فلون ديسير. . كملات كلشي و خرجات هم القاعة ديال الأكل اللي كانت بطريقة ملكية غالب عليعا اللون الذهبي و البيج.. حطات كلشي فوق الطبلة و عيطات لولادها اللي كانو كايلعبو فالجردة ..
عفت: ويلي ويلي مال خوك ولا كولو تراب .
نعمة: هو اللي بقا كايلعب فيه ...
عفت:و مالك ماتغوتي عليه .. جلسو تأكلو باش تمشيو دوشو. .
حطات لنعمة قدامها و حطات أركان فوق رجليها وكلاتو. . أما هي ماداقت والو .. خلات الطبلة هاكاك و طلعات معاهم للفوق ...
دوشات ل كل واحد فيهم .. و خرجاتهم ملويين فالفوطات. . لبسات لكل واحد بيجاما دافية .. و دات أركان هو الأول ل بيتو. . حطاتو ف بلاصته و بقات كاتغني ليه و تحك ليه شعره حتى نعس .. عاد مشات تخشات حظا نعمة و كاتعاود ليها قصة حتى غفات. . خلات ليهم ضو خافت و الباب غي مردود باش تسمعهم إلى بكاو و لا بغاو شيحاجة .
مشات حتى ل بيت فين جابها رعاد اول مرة .. بقات كاتشوفيه و تأمل. . دخلات ل دريسينغ فين كانو الحوايج. .
لقات أي حاجة تخصها و حتى حوايجها القدام. . ماعرفاتش امت جابهم ليها ...
تنهدات و هزات ملابس داخلية و بيجاما رطبة فالاحمر و الأبيض ... و دخلات للحمام .. بقات شحال ف البينوار. . عقلها غايب و كاتفكر ف رعاد .. علاش مازال ماقادراش تسامح ليه و يبداو صفحة جديدة .. فين غبر عليهم اليوم .. ماموالفاش ليه ..
شللات. . و خرجات من تما .. ذهنات جسمها و لبسات بيجامتها. . و نشفات شعرها و خلاتو مطلوق طويل .. لبسات بانطوفة و نزلات بشويا عليها فالدروج. السكات و القصر خاوي كايصفر. . لا خدامات كاينين لا تاحد .. و الظلام طاح ...
جمعات الماكلة اللي بقات و جمعات الكوزينة اللي كانت كبيرة يجري فيها الخيل .. و رجعات كلشي ل بلاصتو .. هزات غي دانيت ديال الشكلاط و خرجات للصالون .. كانت فوق الكانابي محطوطة مانطا خفيفة .. لاحتها على رجليها و دارت يوتوب ف التلفازة .. بقات كاتسمع ل اغاني. . حتى طاحت فواحد الأغنية . خلات مشاعرها يتحركو و دموعها يبداو كاينزلو. ..
●●● we don't talk anymore
لم نعد نتكلم
Like We used to do
مثلما اعتدنا أن نفعل
We don't love anymore
لم نعد نحب
What was all of it for?
لماذا حدث كل هدا ؟؟
I Just heard you fond the one you've been looking
سمعت انك وجدت الشخص
You've been looking for
الذي كنت تبحثين عنه
I wish I would have known that wasn't me
أتمنى لو أني علمت أنه ليس أنا. .
بدأت كاتشهق و صوتها كايعلى. . حتى حسات براسها ترخات شويا .. عاد مسحات وجهها و بقات جالسة ف الظلام ..
سمعات الحس و الباب تحل .. ناضت بلا ما تحس .. قربات للباب و عينيها كايقلبو عليه .. قلبها كايضرب بجهد ندمات على الهضرة اللي قالت ليه ...
دخل رعاد و شعل الضو ... لمحها واقفة قدامو. .. شعرها طايح على وجهها و عينيها و نيفها و وجهها حمرين .. لابسة بانطوفة. . بقات كاتشوف فيه و ماقادراش تنطق. . بغات تمشي تلاح تعنقه و تقوله سمح ليا و لكن ماقدراتش. . و حتى هو .. داز من حداها ببرود. و نطق
رعاد: غدا جايينا ضيااف مهمين .. بغيت كلشي يكون هو هداك ..
عفت بصوت باح و خافت: شكون
رعاد:بلا أسئلة. . بغيت كلشي يكون هو هداك ..
عفت؛ فينهم الخدامات ..
رعاد:ضحك باستهزاء: ههههه رآه بقاو عندك فالبرطما. . و الله إلى قالت ليك الخدامات. . سمعي مزيان .. نتي للي كاينة و نتي مولات الدار .. واجباتكك غاتقومي بيهم و ولادك تربيهم كي كنتي فاش كنتي بوحدك .. سمعتي ..
زاد و خلاها مفقوسة غي بوحدها .. قربات تطرطق.
هزات من الكوزينة قرعة ديال الما. . طلعات لبيتها الفوق .. حلات الباب و هي تلقاه كايلبس السروال ديال البيجاما و الفوق عريان .. بلعات ريقها و سدات عينيها و رجعات باللور
تفت:س.. سمح سمح ليا .. خرجات و ردات الباب و بقات واقفة كاتسنا. .
كمل هو و خرج و خلا ليها منين دوز .. دخلات البيت اللي كان عامر ب ريحتو. . عينيها غي ماغاديين و يعمرو بالدموع على تعامله معاها ..
تخشات ف الفراش و تقلبات جهة البالكون اللي كان كايبان منه السنا لونها كحل و كاتوسطها قمرة كبيرة و نجوم. .بقات كاتشوف فيهم و تبكي .. عمرها فرحات فرحة كاملة .. اش كن ذنب دارت حتى كاتخلص عليه هاكا .
سمعات الباب تحل و بقات ناعسة عاطيها بالظهر .. حتى دخل و نعس حداها و هو بدوره عطاها بالظهر و ما تلفتش غاع ل جهتها.
داز شويا ديال الوقت و هي الهموم و المشاكل و كثرة التفكير طيرو عليعا النعاس .. تلفتات عندو .. و قربات ليه شويا .. ترددات فالأول و زعمات و حطات يديها فوق شعره . بقات كاتحكه ليه .. و تفكر .. أما هو رتاح حينت دارت هاكاك و نتاقل لعالم الاحلام ...
صبح صباح جديد... نهار جديد مليء ب المفاجآت. .. تسمع صوت المنبه بجهد ف الغرفة .. حلات عفت عينيها و هي ماحاملاش راسها تفيق دابا .. باقي ما شبعات نعاس .. يمكن حينت نعسات حداه و نعسات براحة و ماقدراتش تنوض و تخليه ...
تلفتات و بان ليعا باقي ناعس و هي كانت مخشية فيه .. باستو ب خفت ف حنكه و ناضت .. رمات العكز و دخلات غسلات وجهها و سنانها و قضات حاجتها. . و خرجات تفيق ولادها. . فيقات كل واحد فيهم و لبسات ليه و نزلت ب بيجامتها كاتوجد الفطور و نعمة و اركان حداها جالسين. كايغنيو. . حتى شمات ريحتو .. دارت و لقاتو هاز كل واحد ف يد و هما فرحانين بيه و معنقينه. . جلس فطبلة ديال الفطور و حطهم بجوج فوق رجليه .. حطات عفت الصينية د اتاي. . هي آخر حاجة حينت مولفة كاتفطر بيه ..
و جلسات ....
عفت: ارا ليا أركان و حط نعمة راه ماغايخليوكش تأكل ف خاطرك ...
رعاد: بصوت بارد: شكيت عليك ..
ماجاوباتوش و كبات ل ولادها الحليب و ليه القهوة .. و ليها اتاي و بداو كايفطرو. .
الصمت و ماكايشوفش ف بعضياتهم. ..
كملو و ناض وقف ...
رعاد: انا اللي غانديهم للمدرسة ..
عفت: اوكي ..انا خدامة ..
رعاد: ببرود: ماكاين بو خدمة
عفت : علاااش
رعاد: جايين الضياف اليوم .. وجدي كلشي اللي خاسهم. . راه الغدا غايوصلو
عفت: و لكن الخدمة
رهاد:دويت و كلمتي ماغاتنزلش للأرض. .. ااه و حاجة خرا .. لبسي بحال الناس و نتي من البارح كادوري بهاد البيجاما وو ماكاين لاش تغطي راسك .. راه غي عيالات. .
مشت كاتجمع الدار و تدعي فيه معصبة .. دخلات الكوزينة . و بدات كاتوجد ف الشهيوات. . اللي لقاتها طيباتها. .
ما حساتش بالوقت مع معصبة و كاتبرد غدايدها ف داكشي اللي كادير .. شافت ف الساعة .. و لقاتها قريب 1 .. شهقات .. و مشات كاتجري للفوق .. دوشات مزيان .. و صايبات شعرها .. بقات كاتشوف اش تلبس .. هزات شوميز كحلة و فيها وريدات صغار بالكحل و الحمر .. و كولون كحل و طالون .. جلسات قدام المرايا و دارت ماكياج كثير برز جمالها. ..
طلقات شعرها .. و شافت فالمرايا . جات زوينة بزاف .. ابتاسمات. . و رشات ريحتها. . نزلات كاتقرقب بخطوات ثابثة .. دخلات للكوزينة و طلات على الماكلة لقات كلشي
هداك .. البسطيلة. . و لحم معسلين بالمشماش و الكركاع ة اللوز ... شلايض و سالاد دوفخوي. .
سمعات الباب تحل و بدا قلبها كايدق بزربة .. ما قدراتش تمشي تشوف شكون اللي جا معاه .. سمعات صوت بنت .. بداو يديها كايرجفو و نا قدراتش تخرج عندهم ..
ولكن كانو رجلين راجل .. هزات راسها و شافتو هو كايبتاسم و فرحان ماشي كي كان الصباح .
بقا كايشوف فيها .. سحرو جمالها و لكن ما قدرش يتغزل بيها. .
قرب حداها و دوا: واش غاتباتي هنا .. من الصواب تخرجي تستقبلي الناس .. ماشي تبقاي مخبية هنا فالكوزينة ..
عفت متوترة: هااا.. لا رآه كنت مقابلة الماكلة ..
رعاد: كايبان ليا كلشي واجد ما بقا ما تقابل ... زيدي قدامي يالاه ..
بلعات ريقها و تبعاته .. كاتخطي خطوة القدام و عشرة اللور. .
وصلات للصالون و كاتسمع الضحك و صوت أنثوي .. صوت قدرات تفرزه. . الدموع تجمعو ف عينيها .. مللي هزات راسها و لقاتها قدامها د لابسة جلابة راقية و شال .. و واقفة على رجليها ماشي فكرسي متحرك .. ما شعراتش حتى مشات كاتجري تلاحت ف حضنها غير مبالية ل شكون كاين حداهم .. و حتى الحاجة بادلاتها العناق .. كل وحدة فيهم كاتحيد وحشها من الأخرى ... عفت دموعها ما بقاوش بغاو يحبسو. . الحاجة الي كانت بالنسبة ليعا كثر من الام. . حتاضناتها. . تاقت فيعا و فضلاتها على ولدها ..
بعدات عليها شويا .. و بدات كاتمسح ف دموعها و تشهق. .
الحاجة:انا مابقيتش ماماك .. ماماك ماتت نهار هربتي و خليتينا غانحماقو عليك .. عامين و نتي غابرة .. ماعرفتينا متنا و لا حيينا و زدي كملتيها ب الولد اللي خبيتي. . كي قدرتي تعطيك خاطرك .. نعمة و اركان .. بعديهم علينا .. و انا اللي كانت أمنيتي تهز ولد ولدي ف يدي .. خسارة ا عفت خسارة ما كنتيش قد المقام .. و مادرتيش بحساب العشرة. . هادي هي ماما حبيبتي .. أول فرصة جاتك هزيتي راسك و بتي ما صبحتي. .
بعدات من حداها الحاجة و مشات جلسات .. و حتى هي دموعها عمرو خدها. .
عفت: ماشي لخاطري .. علاش كلكم كاتحاسبوني. . اشنو ذنبي إلى تظلمت. . أول فرصة للنجاة لقيتها رآه درتها. .
ماقدرتش نبقا معا واحد اذاني و دمرني. . ظلمني و عذبني. .. حرق ليا قلبي ..
الحاجة: ماشي وقت هاد الهضرة دابا .. فينهم حفايدي
عفت: فالمدرسة ....
حنحن رعاد و هزات فيه عفت عينيها
رعاد:عفت هادي أحلام بنت خالي. ..
عفت عاد ردات البال للبنت اللي كانت جالسة بكل انوثة. . حاطة رجل على رجل .. و دايرة نظاظر د الشمس و شعرها طويل مغطي ظهرها .. جلستها مستقيمة و ملامحها حادين و زوينين. . لابسة كسوة بيج مشبكة. . و رجليها الجذابين عريانين. .
عفت دغيا تقلبو ملامحها و بدات كاتخنزر. . مللي شافت رعاد كايبتاسم ليها .. و حتى هي كتبادلو نفس الابتسامة.
خلاتهم ومشات كاتجري طلعات للفوق...
طلعات عفت لبيتها. . سدات عليها الباب و طاحت فالأرض كاتبكي ... كلشي تدمر .. رجعات بوحدها عاوتاني. .. عائلتها خسراتها ب يدها .. سمعات الباب وراها كايتدق. . مسحات دموعها و صايبات حوايجها و ناضت وقفات .. حلات الباب و دخل رعاد كي الرعدة. .
شدها من يديها و جرها عنده حتى تزدحات مع صدره. . وبقات مسافة قصيرة كاتفصل شفايفهم. ..
رعاد بصوت كايخلع: اش داكشي درتي التحت
بنفس الصوت:طلق مني .. ماسوقكش.
رعاد:راه غانهرس ل ديلمك داك الفم ..
عفت: اااه اصلا نتا داكشي فاش فالح. . طلق من يديا
رعاد: علاش طلعتي و خليتيهم التحت .. هدا هو الصواب .. و لا مك ما ربات فيك والو ..
عينيها عمرو دموع: ااخخخخر. مرة .. سمعتي .. آخر مرة تجبد سمية مي على فمك .. مي حسن منك و مربية عليك ..
دفعها بالجهد حتى كانت قريب طيح
رعاد:نحسب حتى ل 10 مانلقاكش ل تحت غاتكون هضرة خرا ديك الساع ...
خرج و زدح الباب و بقات هي كاتبكي...
قوات راسها و ناضت عاودات ماكياجها اللي خسر ...
تنهدات و خدات نفس عميق و نزلات .. لقاتهم مجموعين على الطبلة ديال الماكلة و هديك بنت خالو هي اللي كاتسخر و رعاد كايفرنس. وقفات عليه كي ملك الموت عفت بابتسامة صفرا: اممم حبيبة جلسي . مرحبا بيك .. علاش معذبة راسك ...
احلام: كاتحلون:نو . ماكاين عذاب ...
ماجاوباتهاش عفت و مشات للكوزينة .. جابت كلشي حطاتو و جلسات جنب رعاد و من الجهة الاخرى الحاجة و حداها أحلام . هما كايضحكو و هي كاتنهد. . و حلفات اللقمة مادوز ليها .. اللي كلاتها كاتبقا واقفة ليعا ف حلقها. .. و خصوصا ماللي كاتشوف رهاد كايضحك مللي أحلام كاتدوي معاه .. حسات بالعافية شاعلة فيعا .. و ماكرهاتش تنوض تخشي ليعا وجهها ف داك الطبسيل اللي قدامها ...
كملو و ناضو و خلاوها هي كاتجمع. .
دخلات الكوزينة تغسل الماعن و كاتنكر و تدعي ..
كملت كلشي و صايبات ليهم قهوة .. داتها ليهم مع شي مكسرات و حلوى .. حطاتها ليهم و جلسات فالقنت. . كاتشوف ف كل واحد فيهم .. كيفاش منساجمين و فرحانين. . و هي بحال لا ماكاتعرفهومش. . غريبة عليهم ..
تفكرات واليديها. . كون بقاو حيين كون راها دابا فالمغرب .. جالسة معاهم . كون حنى حاجة من هادشي ما وقعات ...
منعت دموعها من النزول بصعوبة ..
هاكا دازت ديك العشية عليها بحال العام .. ماقدراتش تداخل معاهم .. الحاجة عاطياها مشي و مقابلة غي نعمة و اركان اللي جاو من المدرسة. . أما رعاد مشا يقضي شي خدمة .. و احلام خرجات دور .... وصل الليل و تعشاو. .
و الحاجة بغات تنعس حفايدها و طلعاتهم للفوق و بقات عفت التحت .. جمعات الدنيا و كملات و حسهم باقي ما بان تاواحد فيهم ما جا .. لابسة بيجاما دافية كحلة و فوقها بينوار رطب فالماغون. . طالقة شعرها و جامعة الجناب .. و هازة التيليفون ف يديها كل شويا كاتشوف الساعة ... بغات تاصل بيه و لكن ماقدراتش. .
حاولات ما أمكن تبعد من راسها فمرة انهم يكونو مع بعضياتهم. . يمكن غي صدفة حينت بجوجهم مازال ما رجعو. . شويا سمعات اللوطو. . وقفات كاتجري .ول مشات جهة الباب .. اللي تخل و تحل معاه فمها .. رعاد و احلام داخلين بجوج. . كايضحكو و الفرحة قربات تنقز من عينيهم .. رعاد هاز ساشيات كتار و احلام حتى هي ..
عفت:كيفاش .. مايمكنش يكونو و بجوج ..يا ربي رزقني الصبر يا ربي راني مابقيتش قادرة مازال ..
تنهدات و طلعات حتى هي .. دخلات لبيتهم و لقات رعاد مسرح فوق الناموسية و كايتفرج ..
عفت: مابيتيش تعشا؟؟
رعاد:بلا نا شوفيها: تعشيت برة انا و احلام ..
بلعات عفت الغصة اللي ختارقات قلبها و مشات دخلات للحمام .. بلا ما تحس لقات راسها تحت الرشاشة. علاه الما يطفي العافية باش كاتحس .. كملات و خرجات ملوية ف فوطة قصيرة مغطية غي نص صدرها .... و شعرها فازك كايقطر. . شكلها كان جذاب .. خرجات هاكاك حينت ما دخلاتش معاها حوايجها. .
مشات قدام البلاكار كاتشوف شنو تلبس .. حتى حسات بنفس سخونة ف عنقها .. و يديه كايبعدو شعرها ... باسها بوسة خلاتها تحس التبوريشة و السخونية من صبعها الصغير د رجليها .. دورها عندو و هز وجهها عندو و تقابلو عينيهم .. قرب شفايفو ل شفايفها. و كاتحس ب نفسو سخونة. .. يالاه بغا يحطهم فوق دياولها و هي تفكر منظره هو و احلام .. دفعاتو و بجهد و هزات دغيا حوايجها و دخلات للحمام .. خلاتو واقف كيغلي غي بوحدو وجهه ولاو حمر و عروقه تنفخو. .
دخلات للحمام و لبسات تما .. و هي كاتفكر كيفاش دفعاتو... يستحق حينت هو النهار كامل خارج مع هديك و ما كلف راسو حتى يعيط ليها يقوليها ا فلانة رآه غانتعطل. . مخليها مشطونة عليه ..
خرجات و لقاتو مخلي غي ضو خافت و ناعس على ظهره و يديه فوق رأسه ...
هزات مخدتها و فراش من البلاكار .. و هو متبعها بعينيه كايشوفها اش كاتحاول دير .. فرشات فالأرض و نعسات عاطياه بالظهر. .
رعاد: ا مدام رآه بلاصتك هنا واقيلة ..
ماجاوباتوش و غطات وجهها بالغطا كاتحاول تنعس ...
●●● صبح صباح جديد .. فاقت عفت هي الأولى على صوت المنبه كي ديما ...
ناضت كاتعكز و ظهرها ضارها بديك النعسة. .
شافت فيه هو باقي غارق ف النعاس ..
عفت: تفو .. شي ينعس شي يفيق معوكف. .
دخلات للحمام و دارت روتينها. . لبسات حوايجها ... عباية طويلة فالاسود و البوغدو و شال ف نفس اللون .. طالون و دارت ماكايج خفيف .. كملات و سمعات تيليفونها كايصوني. . هزاتو دغيا و جاوبات. ..
عفت: الو .. صباح الخير .. بدأت كاضحك. . و رعاد غي سمع الحس فاق و بقا بلاصتو كايتصنط. .
عفت: وي .. ديزولي البارح .. ااه صافي من دابا نص الساعة انشاء الله نكون تما .. ههههه وا صافي ماعندك مناش تخاف . اوكي وا صافي ا سعد ما بيناتناش. . بسلامة ..
قطعات معاه و هي تلقا قدامها قباض روحها . معصب لأقصى درجة و عينيه حمرين .. شدها من يديها بجهد و غارس صباعو ف يديها ..
رعاد:واش انا كانت ل دينمك شماتة هاااا .. كيفاش كادوي مع زامل و نتي مع راجلك فالبيت ...
عفت: طلق من يدي .. ما عندكش الحق تدخل فيا . سمعتي ..
رعاد:ياك الآلة .. انا مونيكة .
عفت:دبر راسك .. مون شكون ما بغيتي تكون . عطيني انا غي التقار
رعاد: ياك قلنا الخدمة ماكايناش. .
بنفس نبرة صوته: الا هاديك سمعتي .. صبرت ليك على كلشي ولكن حتى ل خدمتي و سطوب. من 7 المستحيلات نخرج منها .. و حيد دابا خليني نمشي رآه تعطلت ..
رعاد:اييه الآلة هادي آخر هضرة عندك ..
عفت:اااااه
رعاد: اوا سمعني مزيان و حلي وذنيك. . حتى انا غاندوي و هادي آخر هضرة عندي. . انا غانتزوج. .
°°° ا ن ا غ ا ن ت ز و ج °°°°
كلمة بقا الصدا ديالعا كاتردد ف ودنين عفت اللي ترفعات على العالم ديالنا .. صدمتها قوية .. كيفاش يتزوج .. من صدمتها طلقات الساك اللي كانت هازة ف يديها و عينيها خارجين و لسانها تربط ماقادرة تخرج حتى حرف ...
عفت بصدمة .... كيبيفاش. . ماسمعتكش مزيان اش قلتي
رعاد ببرود: بغيت نتزوج ..
عفت: واش جهلتي. ..اش كاتخربق تاني
رعاد: مللي مراتي عامين و هي بعيدة و مللي رجعات ولات وحدة خرى حسن ليا نتزوج. ..
عفت: كاتحاول تكبحموعها و تبين راسها قوية باراك غي كرامتها اللي كل مرة كيمسح بيها الأرض ماتزيدش حتى دموعها: اوا مالك ما درتيها عامين هادي ...
رعاد: كنت كانتسناك حينت ضروري موافقتك. .
ابتاسمات باستهزاء: ههه لا واش من نيتك ..
تنهدات و كملات :شوف و سمع مزيان اش غانقوليك .. الموافقة هي اللي عمرك تحلم بيها سمعتي .. سير تزوج بيها عرفي و لا بالفاتحة. . اصلا طلعتي ليا فراسي .. و عييت منك و من مشاكلك. . كرهتيني ف حياتي. . كون ما ولادي مانزيدش دقيقة وحدة فهاد الخربة .. الله ياخد فيك الحق .. هادشي اللي غاديا نقوليك . حسبي الله و نعم الوكيل فيك ... كون كنت عارفة غاتصدق هاكا. . كون بقيت متشردة ف كندا حسن ليا ..
ضربات فيه و هزات ساكها و خرجات .. زدحات الباب و نزلات .. ركبات فاللوطو ديالها عاد طلقات العنان ل دموعها ..
عفت: كاتبكي و نضرب فالفولون: انا اللي حمارة هئ هئ انا اللي حمارة تقت فيك .. و بغيت نبداو من جديد .. ولكن رآه عندهم الصح اللي فيه شي لولة عمرها تحيد منه ..
سمعات تيليفونها كايصوني. . جبداتو و لقات سعد .. دارت ليه سيلونسيو. . و كسيرات ...
ف القصر .. رعاد كان بغا غي يلوي ليعا يديها .. بغاها هي تعتارف ليه باللي باقي كاتبغيه. . كيفما هو دارها .. و لمن هي غي مازايدة فيه تاحاجة ما كاتردعها. . بالاعصاب هز واحد الكأس و ضربو مع المرايا حتة تشخشخ. . و جات الحاجة كاتجري ...
الحاجة : اويلي رعاد .. الرجوع الله .. مالك شنو واقع ..
رعاد: اشمن غي جالس و كايشوف ف نقطة وحدة ..
الحاجة:رعاد ولدي .. مالك .. و مال عفت . سمعت صوتكم من التحت .. اش واقع ..
رعاد:انا عييت ..
الحاجة: مالكم تاني ..
رعاد: منين ما شديتها كاتعواج. . مابغاتش تنازل و تخلينا نعيشو هانيين. . و قلت زعما إلى لويت ليها يديها .. بالزواج غادي ترطاب و لكن بحال عنادها عمرني شفت ...
ااحاجة:اشمن زواج .. اش كاتخربق ..
رعاد: زواجي انا و احلام ..
الحاجة:خرجات فيه عينيها و حطات يديها على فمها: اويلي وحدي .. واش جهلتي نتا .. اشمن زواج .. واش بغيتي تقتلني عاد تهنا ...
رعاد: الله يطول ف عمرك ..
الحاجة: و كيفاش زواج .. ياك نتا مزوج ..
الحاجة: واش عرفتي راسك اش درتي .. اشمن زواج
رعاد: البارح خرجت مع احلام و عاودت ليها و هي قتارحات عليا هادشي ..
الحاجة: اش غانقوليك ا ولدي .. جيتي حتى لهاد وهادي تكلختي. هاااا .. ماعرفتش نتا احلام قداش كانت كاتبغيك. . نسيتي و لا نفكرك. . و دابا بغيتيها تكون وسيط باش تصالح نتا و مراتك. . اوا راك غالط .. إلى حسابك عي نساتك. . راه لا .. انا غاعما كنت باغياها تجي عنظنا .. غي حشمت . حينت عرفت المشاكل غايبداو. . و نتا نضتي درتي يديك ف يديها . قهرتيني و شهمتيني. . ربي عالم ب حالة عفت مسكينة .. ذنوبها رآه على رقبتك سمعتي ..
رعاد:انا كانبغي عفت ظ. و درت هادشي غي باش ترطاب ..
الحاجة: اوا فكها دابا. شتي واخا ترجع ف كلامك و ترجع ل مراتك. . احلام مستحيل تبعد منك .. هاني قلتها ليك و عقل عليها
رعاد:تاحد ما يقدر يفرقني على عفت .. نتي عارفة قداش كانبغيها. .
الحاجة: شوف نقوليك .. إلى كنتي كاتبغيها بالصح رآه ماتقدرش تكون سباب ف أنها تبكي .. و نتا تبارك الله راك بكيتيها الدم و شربتيها المرار .. إلى شفتيني انا البارح
تعاملت معاها هاكاك. .غي حينت بيتها تحس بداكشي الي دارت .. بغلطها و بالولد اللي خبات .. تما شي حاجة خرا رآه نتا السباب فيها سمعتي .. نتا هو سبب هادشي اللي نتوما فيه .. و ف عواد ما تصلح المشكل .. كاتزيد تشبكها. . وا فكها دابا راسك .. انا خزيت معاك يديا .. هدا الله .. عييت منك و من صداعك. . و دابا نتا اللي غالط .. و أي حاجة دارتها عفت انا معاها فيها ..
ناضت خرجات و خلاتو بوحدو ..مدابز مع أفكاره .. ما بقا عرف اش يقدم و لا يوخر. .
فالخدمة عند عفت .. خاشية راسها ف الأوراق .. و كاتحاول تنسي داكشي اللي وقع . سمعات الباب تحل
. هزات راسها و عاودات نزلاتو و رجعات ل داكشي اللي كانت كادير ....
دخلات الماس و سدات الباب وراها. . جلسات قدامها حادرة راسها ..
الماس:عفت ..
عفت: الصمت
الماس: عفت . راه و الله ما بيدي. . أما مادرت والو . حتى قلت لقيت صاحبتي ف الغربة ..
عفت: صاحبتك. . ياك .. صاحبتك اللي رجعتيها للصفر من بعدا ما بدأت حياتها كتقاد. .
الماس: ماتقوليش هاكا .. حياتك رآه بجنب راجلك و حبيبتك و بابات ولادك ..
عفت بحال عطاتها الضو الأخضر .. عاودات ليعا كلشي و كاتبكي .. عاد حسات براسها خففات عليعا الحمل شويا ..
ألماس عنقاتعا: شششش. صافي ا عفت .. نتي قوية .. درتي من ما صعب . راه باين غي داير ليك هاكاك باش تغيري. . راه ما شتيش حالتو كي كانت مللي كنتي بعيدة عليه ..
عفت:عطيني شي حل راني مابقيتش عارفة شنو نسبق و لانوخر. .
الماس: غاديري راسك مامسوقاش. . عيشي حياتك خرجي . دوري فوجي. . ماتبقايش دايراه هو أهم حاجة ف حياتك . عطي لراسك قيمة . و خلي داكشي اللي كايعجيك هو اولوياتك فالحياة .. ماشي هو ..
ألماس :اوكي صافي مشات .. يالاه نوضي مسحي عليا دموعك باراك عليك من هم الراجل و الدراري وليتي بحال الشارفات. . نتي باقي حتى 24 عام ما كملتيها. عيشي حياتك و نساي عليك الهم.
خرجو من تما كايضحكو. .. و مشاو محييحين بحال المراهقين. . ما خلاو فين مشاو .. و ختموها بمطعم فخم و فيه karaoke غناو حتى شبعو و نشطو. . شافو الوقت و لقاوها 1 ديال الليل . ماسحوش بالوقت ب مرة .. طفاو تيليفوناتهم. . و ماداوها ف حد .. خرجو من تما كايضحكو. وصلو الماس هي الأولى .. عاد سعد وصل عفت ..
حطها فالقصر الداخل ..نزلات و نزل حتى هو .. وقف حداها و قال: نتمنا بحال هاد النهار يتعاود. . ماتخليش شيحاجة تقلقك. نتي ماتستاهليش هادشي .. نتي باراك عليك تعيشي مي شي أميرة و اللي طلبتيها تحضر. . عويناتك زوينين ماشي ديال الدموع .. حشمات و نزلات راسها .و عاود هزو ليعا: عفت نتي عزيزة عليا بزاف .. وقتما بغيت شيحاجة .. غانلقايني ف جنبك ..
عنقها ب عفوية و حتى هي بادلاتو العناق كاضحك. .
عفت:يالاه تصبح على خير .. راه خدامين مع الصباح ههه
سعد: كله يهون باش نشوف هاد الضحيكة الزوينة. تصبحي على خير ..
ركب و مشا و هي بقات كادير ليه باي باي .. و مارداتش البال لواحد الوحش كان مقابلها من الفوق .. عينيه حمرين و عروقه قربو يطرطقو. شحال وهو كايعيط عليها مخلوع و فاللخر هي ماشي فهاد العالم و جاية مع راجل حتى للدار و زايدها معنقاه. . زف بالكأس اللي كان هاز و نزل كايجري بحال شي ثور هايج..
وقفات عند لباب تنهدات واستجمعات قوتها حلفات متبين ليه ضعفها ..وقررات هنا وحبس ...كيف كيقولو انما لصبر حدود خلاتها ام كلثوم ...دخلت غير فاتت حلات شال وشعرها نزل على كتافها تمشات بكل ثقة حتى كتشوفو نازل بخطوات سريعة مع درج جاي قاصدها كيف القدر المستعجل وجهو مكتفسرش ابتاسمات ليه
عفت باستهزاء:مقدرتش تنعس اراجلي لعزيز ..عزيت عليك
رعاد شدها من شعرها وقابلها مع وجهو:واش مبغيتيش يا ديلمك ترباي...مبقيتي معبرة حد ااا هدري...سكت لطاسيلتك مرة رجعتيها عادة تجيبيلي ز***لقلب داري ويتجرأو عليك ... هدري يا لمسخة قلبتيها حرفة (كيدي فيها ويجيب من شعرها وهي شدالو يدو تخفف الالم جبدة)..بسيف ما طرطور لي عندك فدار ممقنعكش
عفت تنترات منو وبكل ما فيها من قوة عطاتو طرشة صمكاتو: بزااف عليك وعلى طاسيلتك ... صبرت عليك بزاف ...(هزت صبعها فوجهو) اخر مرة نسمح ليك تغلط بكلمة فحقي...(الحاجة واخلام نزلو منين سمعو لغوات) ياك باغي تتزوج ...تزوج مبقيتش كتهمني ..شفت جيب حتى 20 وحدة الله ينعل لي يهدر ولا يتسوق ليك..ولكن انا بغيت حاجة وحدة طلاقي يوصلني ...
رعاد زير على يدها لي طرشاتو بيها وكارز على سنانو قرب منها وجهو فوجها:عمرك تحلمي بيها..(دار طالع داز من حدا الحاجة واحلام)طلاق ممطلقش ورجليك نقطعهم ليك الا فكرتي تعتبي برا دار
عفت بتحدي:الا ولصلت لودنك عضها ..(شافت فالحاجة) انا الحد الآن صابرة على ولادي وعلا جالك نتي...اما هو فاض بيا الكاس من جيهتو ...(بترجي)خليه يطلقني ويخليني فحالي ...عييت
الحاجة عزات عليها وهي فداك المنظر ولكن متقدرش تسايرها فطلاق :لا حول ولا قوة الا بالله
اما احلام فعجبها الحال بقات كتسبل فعينيها وتلعب بشفافها ولحقات على رعاد لبيت حلات بلا متستأذن لقاتو جالس على طرف ناموسية وحاط راسو بين يديه وكيهزز فرجلو بالاعصاب..جلسات حداه وحطات يدها فعنقو كتلعب فشعرو ويد على فخضو وهو غير كيسوط
رعاد ناض جرها من يدها وخرجها من لبيت :باغي نتكالما ممكن ...(دخل وسد عليها لباب فوجها هنا عفت كانت خارجة من بيت نعمة لي دازت عندهم منين طلعات كتطمأن عليهم وخا مهنية دبا من جيهتهم فحضور الحاجة...طلعات وهبطات فأحلام لي كانت بشميز ديال نعاس قصير كريمي مبين كتر من لي مغطي دازت فيها ودخلت عليه كان فدوش دخلات هزات كسوتها لي تبدل بيها ولي تحتاج فصباح على حساب الخدمة وجات خارجة تيساطحت معاه مبغاتش طلع عينها فيه
رعاد :فين بسلامة
عفت:لبيت بنتي عندك شي مانع
رعاد:استغفر الله ..صبريا ربي
عفت باستهزاء:كتعرف ربي من فوقاش
رعاد:عفت نعلي شيطان وتبتي الارض...دراري خليهم بعاد على مشاكلنا
رعاد استغرب من طريقتها فالهدرة...دخلات عفت خذات دوش وخرجات بلعاني بفوطة قصيرة كتتعوج عليه..هو مان لبس سيرفييت ديالو وجلس يقتد شي وراق لخدمتو..حيتاش استغل جلاسو فدبي ودخل فمناقصة مهمة ..بدات كتدهن فلحمها جات حتى لظهرها وبدات كتغوت عليه
عفت:رعااااد...لجي الله يستر عليك
رعاد تنهد وناض وقف على حافت لباب كيشوف فيها:اش بغيتي اعفت..والله حتى مشغول..
عفت بصوت خافت:هذاك مبغات الوقت.. الا موصلتكش اوليدي لعين ونردك شحفان راني ماشي بنت مي وبا ...
رعاد:اش كتبركمي تما
عفت كتلعب بطرف لفوطة لي شدها على صدرها:غير بغيتك دوز ليا لكريمة على ضهري ...(كتسبل ليه فعينيها)عفاك
رعاد بلع ريقو:واش ضروري من هاد لويل دبا ...عفت راه عندي وراق مهمين ممساليش
عفت:شفت نتا عمرك تتبدل ..قتلك غير دوز ليا لكريمة غير شوية ..بصح انا لي معندي نفس
رعاد.قرب منها وكيدعي الله غير ميتهورش وهي بلعاني دارت مرطب بنكهة الخوخ وهو كتحمقو ريحتها جلس موراها وعطاتو ظهرها ومدات ليه لمرطب..كب ليها شوية فظهرها وهي تنقز:ايي..احححح بارد ..غير بشوية ..(شافت فيه بص عين) خلعتيني
رعاد دور وجهو وتنهد من الاعماق بدا كيماسي ليها وهي كتتأوه
رعاد بصوت قرب منها وشدها من يديها بصوت حنين:حبيبتي توحشتك(بقى طالع بيديه كيتلمس يديها وهي كطلع نفس وفبالها حاجة وحدة باغي يتزوج عليك خلاتو حتى حكمها مزيان من خصرها وتعلات على طراف صباعها وقربات بحالي غادي تبوسو وقلبات وجها لودنو همسات بصوت خافت
عفت:نجوم سما قرب ليك مني ... (رجعات شافت فيه باصرار) باغي تتزوج وسير عند ديك خيتي تقضي ليك الغراض
رعاد بصدمة:بففففف ...علاش مصرة نبقاو غير فالمشاكل
عفت لبسات دو بييس بطريق احترافية ونزلات لفوطة ولبسات بيجامة ديال نعاس قصيرة:نهار لي تتعلم لغة الحوار ولا نقول نهار لي رجع رعاد لقديم ..نقدر نجلس نتحاور معاه...اما صاحب حاجتو لي قدامي ..اوهوووو..اوو حبيبي نسيت خدمتك (قربت باستو فخذو وزادت كتضحك نعسات فبلاصتها وطفات لفيوز لي حداها ...وفبالها ترجع كرامتها وتخرجها منهم عفت ضعيفة لي كتتنازل مبقاتش ....
هو جلس كيشوف فيها وفتغيير لي فيها شك واش عندها انفصام فشخصية ....بقى خدام على صفقة ويتأكد من كل حاجة واش واجدة
رعاد:عفت ..نعستي؟
عفتكتمثل عليه :امممم..اش بغيتي ..
رعاد:شوفي راه غادي نخلي هاد لوراق وليوسبي غير هنا فالبيت عنداك يخرب فيهم شي حد
عفت:منين مهمين ديرهم فالمكتب وهنيني من صداعك..اووف بغيت ننعس ...
رعاد:راه هدرت معاك وها ودني منك توقع فيهم شي حاجة راه متسالكيش معايا...
عفت كتسوط::اووف وخا وخا...
جلس حتى لوقت متأخر خلا كلشي محطوط وناض نعس طاح كاو عفت لي كانت حاضياه ودايرة راسها ناعسة غير تأكدا بلي نعس ناضت هزات لبيسي ولفلاش لي فيه لبروجي وبقات كتتختل حتى نزلات لجردة حطات لبيسي فوق طبلة كتضحك وتحك بيديها وتلعب بحواجبها
عفت:اجي يا حبيبي نشوفو اش كنت كدير ...من واجبي نعاون راجلي لعزيز...ياك كيقوليك وراء كل رجل عظيم امرأة عظيمة ههههه
بقات كتدخل من فايل ل فايل والفكرة لي جات فبالها كضيفها ليه وبالاخير حطات اخلى حاحة بنسبة ليها وبدات كتضحك وحابسة ضحكتها بيديها طلعات بشوية بانت ليها الحاجة فاقت وشاعلة ضوء فبيتها عرفات لفجر قرب جرات جرية وحدة لبيت حطات لبيسي كيف كان ودخلات توضات و خرجات دارت شال طويل لواتو عليها شترت شعرها ورعانها وتخشات حداه جلسات حدا راسو كتقرا بجهد القرآن وتجود وهو كيتململ فنعاسو حتى حل عين وسد عين
رعاد بصوت ناعس وعيان:واش جاك تقراي غير هنا ..نزلي لمسجد وقراي وصلي فيه ..
عفت باستغراب وصدمة بشكلو لي اول مرة تشوفو بيه:كتصلي؟!!
رعاد باستهزاء:يمكن حتى انا مسلم الا ما خفت نكذب
عفت:سبحاااااانك يا إلاه...(ناضت كتلبس وكتشوف فيه وتحقق فيه)واش نيشان رجعت كتصلي ؟
رعاد:ههه اكيد معندكش الوقت تشوفي تغيير الإيجابي لي فيا ..مركزة غير فسلبي عاذرك...دبا زيدي راه بحرا نصليو 2 ركعات قيام ...
عفت خرجات هي وياه وفرحانة منين شافتو هكذاك وهما نازلين فدرج شافت فيه كطلع وتنزل فحواجبها:درت فيك خير بعدا نوضتك تحفن حسنات شوية على الله ربي يغفرلك لي داز
رعاد:سبحان الله ..ابليس متبري من داك لسان لي عندك...هههه بصح شي مرات تحراميات لي رجعو فيك كيربحو على بنادم
عفت:عامين فوتهم سطاج عند فرعون ...و6 شهور طبقت لي تعلمت على ابليس ..قالي القرار نيهائي فيدك نتا لي كتحكم
رعاد شاف حتى عيا وقلبها ضحك نازل كيضحك ويضر يديه مع بعضهم شافتهم الحاجة هكذاك فرحات واستغربات
امم بيهم رعاد وفكل سجدة كيطول ويدعي فخاطرو ربي يفرجها عليه ويفتحها فوجه هو وياها ويرضا على ولادو ويحفظ ليه ميمتو ....صلاو وطلعو كلها وشد بلاصة ...
دازت سيمانة وجا وقت المناقصة .... رعاد على اعصابو هادي اول مناقصة ليه فشرق الاوسط وخا سمعتو واصلة قبل منو ميحتاش يسولو عليه..ولكن هاد المرة غير المرات لي فاتو ..هاد المرة كاين لي يفرح معاه الا خذاها ...كاين الحاجة وعفت وولادهم ...ناض دوش ولبس كومبلي رمادي وشميز بيضاء طلع شعرو لور كيف موالف رش برفانو ودار ساعتو فاقت عفت كتتعجز دخلات لدوش دارت روتينها وخرجات لبسات سروال عريض بيج وشميز فالاسود مع بوليرو بيج حد ركبة ومفتوح من القدام وسباط طالون اسود وبوشيط سوداء دارت شال فيه الاسود والبيج والاحمر ستيل تركي وكتفات بميك اب سامبل خط فالعين عكر ماط احمر رشت رافانها جا خارجة من غرفت تبديل لقات رعاد كيقاد فوراقو ..طلع عينو فيها بهراتو بطلتها
رعاد :احمم..احمم ...فين هو ليوسبي لي قتلك خبيه...
عفت كتقاد فثنيات شالها :راه مع لبيسي ديالك...اليوم المناقصة؟
رعاد بتوتر:ااه ..اليوم...
عفت حست بغصة فقلبها وتنادم معاها لي دارت:متقدرش تأجلها؟
طلع فيها رعاد عينو باستغراب:اكيد لااا..راه خدمتنا قانونها الانضباط فمواعيد تسليم..بحال البنك عندكم
عفت:مزيان..(بخوف) بون كوغاج
رعاد:ميغسي...
عفت شافت فيه وباتاسمات:باي ..انا غناخذ دراري فطريقي
رعاد:مبغيتيش ديري بناقص منها
عفت بلا مدور عندو:خدمتي هي حياتي ....
خلاتو كياكل فجنونو وخرجت رجعات كتتعامل برود
خرجت لقات الحاجة فطرات وجالسة فجردة كتقرا كتاب باستها ورجعات فطرات ولادها وخرجو عند الحاجة يستناوها بلما كملت هي فطورها بانت ليها احلام جاية من الكوزينة جايبة طوسط ديالها والعصير ديال لفريز ولبامبليموس مخلطين ..حيتاش هي متبعة حمية غذائية باش متزيدش فالوزن وماكلتها خاصة
احلا كتبعكك:بونجوغ...رعاد فاق؟
عفت كتعيبها:بونجوغ..فاق ابب ..طلعي راه كيستناك تصبحي عليه
احلام حطت لي بين يديها:انا نمشي نشوفو ونرجع نفطر عاد
عفت:سيري احبيبة سيري..(بصوت خافت) وتلقايني قاديت ليك فطروك مزياااااااااان... بقات متبعة ليها العين حتى غبرات وهي تشد الملح كباتو ليها فالعصير وزادت عليه سكار وناضت بجرا لكوزينة جابت لهريسة غبرا وحطات ليها معلقة وحركات مزيان ...
عفت بابتسامة جانبية:بصحة فطورك الغزالة..هههه غادي تقلعي تقليعة وحدة ...(بدات تغني) سوق بيها يا شيباني سوق بيها ..سوق بيها تخدم عليك وعليها ..اها ..ايهي..اايييوا
رعاد كان هابط هو واحلام وشافها كتغني وتشطح فبلاصتها ...دخلو شك فيها دارت ابتاسمات ليهم ودارت ليهم بوسة فلهوى
عفت:نهاركم مبروك....خرجت كتتعوج ودندن لقات نعمة واركان كيستناوها حدا طوموبيل طول كريق وهي تغني معاهم وتضحك وهما ناشطين وصلاتهم ...وفطريقها طاحت فبالها لارا صونات عليها ومع كانت طالقة شعبي اغنيتها المفضلة ....لارا بفتحت الخط جلست تغني معاها ...حيتاش عفت ملي كانو بزوج كانت كضل دايراها وتطح عليها حتى حفظاتها لارا....
عفت كطبل فالفولا ولارا فطبلة حداها كيغنيو :ااه..ااااه..اااااااه..ااااااااااااااه..الله يا لمعفر تعفر بشوية..ياهااه ياهاااه..سيدي لمعفر تعفر بشوية ..ياهاااه يا هاااه ...يا داك لمعفر تعفر بشوية...ياهاااه يا هاااه..ويا داك لمعفر تعفر بشوياااا..يا هاه يا هااه..يانا ودور ليام دبا تجيبك ليا..وهيا جيلالي...ايلي ايلي ايلييي..يا وداوي حالي يا بوعلام..وتعالا تعالا تشوف..يا وفيك زليجز فيك الرخام..وايلي..ايلي ايلي...ونتا الوالي وانا ضعيف..وتعالا تعالا تشوف...وداوي حالي يا بوعبيد.....
انا دخلت لبيتو لقيتو يكتب...لالة ودخلت لبيتو لقيتو يكتب..انا وهذا حبي ولقيتو يكتب ...سيدي حبيبي ستيلو مذهب وصدر مزغب
لارا:بدي بالمهم...كنسمع اويلي ونشدك منخلي فيك غير لي نسيت...اش خبار حبايبي؟
عفت:لباس عليهم ...لقاو باباهم شكون بحالهم
لارا كانت كتشرب القهوة دفقات على كسوتها:شنو..كححح.كححح.كححح..شكون باباهم
عفت كطنز:راجلي سابع...والجنس على شحال من راجل مزوجة انا
لارا:اويلي رعاد وصل ليك
عفت:وايييييه اللالة ...وقالك باغي يجيب عليا ضرة
لارا:شناهوااا....حربش ...نخسر طيار على طاسيلتها هادي لي يجي مدخلها عليك ...مزيان تبارك الله قالك ضرة
عفت:هههه وراه دخلها عليا ..مسكنها فقلب داري عاد
....عييت الارا وكرامتي مستحيل نتنازل من بعد كاع داك شي لي دار...غيرر مكيزيد ينفرني منو كتر...لارا(بترجي) محتاجاك عفااك...كنحس راسي بوحدي
لارا:الاه ياختي مبغات دنيا تضحك ليك...بصح تفو كلهم تريكة ناقصة ...ولاد لحرام بغيت ليهم عذاب دنيا والاخرة ...شوفي بلا متفكعي فراسك ...ولا تمرضي عقلك بتفكير راه تجيبيها غير فصحتك...ميستاهلوش اصلا...انا غير يجي داك زين زيون لي عندي حتى هو يا ربي سلامة رجع واحد جلاخة ...ونقطع لبيي ...يسحاب ليه معندك حد رااااه غاااااالط....
عفت:بصح غادي تجي...حلفي
لارا:عطيني يومين نكون معاك....تعرفي نيت جاني الملل ..نبعد على سهيل شوية وهاك بلاك لفراجة ....توحشت يماتنا هنا فكندا
عفت:ناري يا احلام مشيتي خلا هههههه
لارا:شكون احلام
عفت بمياعة:احلام فيتنيس ...ضرتي..واحد سكوليت هههههه داير كيف لفرشيطة ..تفو يعطيه لعمى مخلي لهبرة وغاذي لعظام..بصح اش تسناي من الكلب ..سرو ينهش غير لعظم
لارا:ناري ويسمعك هههههه
عفت:ويسمع..راكي غالطة سمعتو ما كتر هههههه...(تفكرات صفقة) ويلي وتعرفي اش درت ليه اليوم غادي يتشوه مسكين بريستيجو ضاع بين دول 😂😂😂😂😂
لارا:اش درتي ..شوفي هاد ضحكة ديالك مكتبشرش بالخير
عفت:نصيخة الا بغيتي تفوجي قبل متجي عندي ....ديري قنات ديال الاخبار العالمية ولا خليك معتاكفة فضائح الاعمال 😂😂😂😂
لارا:اويلي يا زغبية اش درتي
عفت:سيري راه وصلت لبنك بيزو وبوسيلي حبوبتي...
دخلت عفت لبنك بابتسامتها لقات سعد واقف مع الماس كيوريها شي وراق سلمات عليهم وبانت ليهم ناشطة وكتضحك
الماس:الله يدومها فرحة
سعد:شفتي كيف صبحتي منورة اليوم
عفت :نارب متتصورش شحال فرحانة...الماس..
الماس:اش عندك
عفت:غير تكملي الا معندك ميدار بغيت نهدر معاك
الماس عتاذرات من سعد ومشات معاها لمكتبها
عفت وهي كتضحك:ناري يا الماس عتقيني...ويلي اليوم يخلي عشتي
الماس:شكون..رعاد؟؟؟
عفت:ااه وشكون من غيرو ...ويلي شيطان ولد لحرام وسوس ليا وانا نرون ليه لبروجي لي غادي يقدم بيه صفقة
الماس حطت يدها على فمها مصدومة:اويلي اش درتي..ناري هو وجساس كلشي يسمحو في الا خدمتهم...ويلي اليوم صفقة عالمية ..ناري اش درتي..؟
عفت:وراه لي درتو ميتقالش ..راه ..راه.هههههههههه راه غادي ينكشف على دول العربية
الماس مفهمتش:كيفاش ينكشف عل دول ...شافت فساعة..شعلي ديك لبلازما راه دبا يكونو دايرينها لايف غادي يوقو معاها اليوم من بعد عرض لبروجي مباشرة هذا ما قالي جساس
شعلات عفت لبلازما وجلسو مقابلينها وعفت كتضحك وتسكت تقول كيهروها والماس كدور تشوف فيها وتشوف فتلفازة حتى شافو المقدم بدا فتقديم وطلعو زوج رجال الاعمال من بعد خطاب كيشرح الملتقى شافو رعاد وجساس طالعين حيتاش دخلو شركة فصفقة ...
الماس:ها هما ...ناري متحمسة نشوف اش دارو
عفت بصوت مخن ق بضحكة:ناري مقديتش كرشي....مزال تشوفي الحماس على اصولو ..بداو فتقديم وفالاول جساس لي بدا وحط لبروجي الاولي ...انباهرو بدقة واتقان تصميمو وحتى من شيولة ديالو..جا دور رعاد باش يكمل على الخلفيات ديالو غير حط ليوس بي دار تشغيل وهو يتصدم وكتر الهراج فصالة وضحك ....
من بعد مخرجات عفت جلس هو واحلام كيفطرو
احلام:اووه نست كاع مشكرتك لبارح على لبيسي ..معرفت ديالي مالو ..وظاك الايميل كان مهم ...عتقتيني
رعاد:هانية ...اصلا متعطلتيش بيه..مهم هي امورك مقادة
احلام:اووه كلشي مزيان...نتا اليوم عندك صفقة ياك..شفت كلشي فسوشل ميديا كيهدر عليها
رعاد:اااه..صفقة مكتتعوضش
احلام:وانا متأكدة غادي تاخذها...
رعاد:خذيتها اليوم غير موقعو العقد مباشرة ....
احلام:ناري شفت واحد الفيديو عندك ...سطاني بضحك....ديال دوش
رعاد تزنك:شناهوا نتي اش دخلك لداك لفايلز
احلام:عادي كنت كنشوف تصاورك وطحت فيه..باقي فيك لحماق
رعاد ناض:بصحتك....انا تعطلت..هو خرج وخلاها..وهي هزت لعصير غير شرباتو عينيها خرجو وجلست تكحب كانت غادي تجيف هزت كاس ديال لما وزاد على لحرور بقات كتبكي وتنقز ....حتى دخلات عندها الحاجة جابت ليها لعسل عاد تهدن شوية ...رعاد لي كان جالس على اعصابو هو جساس ...ماضو قدمو المشروع النهائي ديالهم وردت فعل ناس كانت كيف بغاو حتى حط رعاد ليوسبي وهو يطلع ليه فيديو ديالو كيغني فدوش ويشطح ....حس بدوخة معرف باش تبلى حيدو وعتاذر حط يدو على جبهتو وتنهد ومن حسن حظو كان مخلي تصميم فسيدي وجايبو معاه كمل تقديم وتم قبول مشروعهم ووقعو العقد وعلنو على تنظيم حفل من بعد يومين كاحتفال بشراكة ديالهم ...جساس لي طول ما كانو جالسين حابس ضحكة ورعاد لي طول ديك المدة وهو عاقد غوباشتو وحالف غير فوقاش يرجع لدار حتى يريبها عليها وعلى تبرهيشها.....غير خرجو من تم طلعو فطوموبيل وجساس ينفاجر بضحك
جساس:نحلف عليها الا عفت لي دارتها ههههه وناري يا صاحبي على افكار كيطيحو عليها
رعاد :بلع داك زبل لي عندك راه ضابط راسي بسيف..راه غادي تجي فيك شي دقة
طلعات عفت لقات اركان فبيتو كيلعب بالبازل ويخربق فيهم ويرجع يحاول يجمعهم هزاتو باستو وبقات كتلعب معاه وهو كيضحك ويهرب ليها وترجع تشدو ...حتى عيا وخلاتو مشات لبيت دخلت حيدت شالها ولبوليرو ديالها بان ليها فالبالكون وكيكمي عرفاتو واصل بيه لعظم ..شلتت حوايجها ودخلت لدوش غير طرفت وخرجات لبسات بيجامة ديال دار كولون اسود وقبية فالاحمر والاسود فيها ميني ماوس دارت شعرها كرينات وهي كتجمع فاخر خصلات ليها شافتو واقف من موراها مباشرة
رعاد مبتاسم:سلام..على سلامتك
عفت بادلاتو الابتسامة:الله يسلمك...اش خبارك
رعاد باستهزاء:نعرفوها منك ...
عفت:مفهمتش ..شنو كتقصد؟
رعاد:مفهمتيش ...امممم..وخا اجي نفهمك..شدها من يدها جرها وهي مستغربة من البرود لي فيه... جلسها حدا لبيسي وشعلو وبان ليها لفيديو بدات كتضحك وتشوف فيه هو رجع من موراها واقف..
عفت كتضحك:اش هذا ؟
رعاد:هذا ..(طلع حاجب ونزلو وهبط همس عند وذنها ويديه على عنقها) هذا تبرهيشك لي نزل من قيمتي قدام ناس...
عفت:اش كتخربق نتا...هدر نيشان بركة من الالغاز..
رعاد بدا كيزير على عنقها غير بشوية:نتي لي غادس تهدري ولا بربي يا عفت حتى نخلي نهارك اخر نهار....
عفت ناضت كتشوف فيه:شوف اسي انا مفهمت والو ...هدر وفهمني اش واقع..راه جايا من نهار طويل وما فيا لي يتشاد معاك لي فيا كافيني...
رعاد:واش كتمهبلي على ديلمي ....نتي لي اظنتك على لفليش ولبيسي...نتي لي كتدخلي لبيت ..مكانش من غيرنا ..حتى حد مكيتجرأ على صوالحي من غيرك..واش كيقولك داك لمخ...مشوهاني حدا ناس...
عفت:اااوووووفففف...راه مفهمت والو شكون شوه شكون ...واشمن صوالح تجرأت عليهم ...(بدات كتتنشى قاصدة لباب) نتا راك مريض وانا مزال تابعني نشوف بنتي بلا منضع هاد شوية ديال طاقة لي باقيالي فدفيش ديالك
رعاد جبدها من يدها كارز على سنانو:عفت..راه كنهدر معاك بلعقل ..هدري ما حدي شاد راسي..علاش درتي هكذاك
عفت:اش درت اويلي ....
رعاد استغرب من ردت فعلها كتبان مفراسها والو قرر يسولها:عفت واش نتي لي حطيتي داك لفيديو مع لبروجي؟
عفت:اشمن فيديو ؟؟واش هذا لي وريتني دبا؟
رعاد بنفاذ صبر:دلملت شيطان ...عفت نطقي..
عفت:واش كضن انا ندير شي حاحة بحال هديك..كيفاش قدرت تفكر فيها حتى...شوف يكفي لي ضنيتو فيا لحتى ليوم ..انا مليت اي مصيبة تجي عندي انا...ونزيدك راه ماشي غير انا لي كندخل لهاد لبيت...الا نسيت نفكرك...حبيبة قلبك حتى هي...سير سولها هي لي بايت عندها بيسيك...ونصحح ليك واحد الفكرة انا لحاجة لي ماشي ديالي مكنحطش عليها يدي ..دير هادي فبالك..سو عطيني تيقار وبركة ممنغص عليا حياتي...(بعدت عليه وعطاتو بظهر تنهدات وكملات على هدرتها)مزيان تبارك الله دبا المجاعة لي فالعالم مرة اخرى لي سول على سبابها قولو عفت...حتى الكوارث طبيعية انا سبابهم وانا لي دايرة الحروب فدنيا...
رعاد:عفت انا...
عفت قاطعاتو و دارت شافت فيه:دبا منين هكذا ..سمع اولد ناس..لبيوت عطى الله نمشي لشي بيت اخر ونتهنى من لمشاكل...ومتسبب فيا منسبب فيك(جات خارجة وحابسة ضحكة)
رجعها رعاد :عفت ماشي نتي..شكون غادي يكون..
عفت:منهز ذنب حد على رقبتي ...نحكم على راسي قتلك ماشي انا...ماشي انا ...الا كتفهم ..والله ارعاد الا جاية مهلوكة خليني نمشي نشوف بنتي اش دارت ونجي نموت نرتاح من صداعكم ..(خرجت كتنكر) اووف شرفتوني بلا وقت ....
رعاد جلس كيحك جبهتو: هدرتها كتبين ماشي هي ...واش زعمة تكون احلام..نيت احلام لي جبدات لي صباح لفيديو ...بففففف ...علاش مجاش فبالي تقدر تكون هي ...يا ربي غير مزايد ونكفسها معاها....
احلام:انا مدرتش هكذا ..انا غير تفرجت ..منقلتوش...(رعاد خنزر فيها)يمكن بالغلط انا والله مقصدت..
عفت :ولالة نتي مخربقة ليه شعبان مع رمضان وتشوه بسبابك فالمؤتمر...ومجات غير فوجه لمحاين..بسيف ما انا جفاف لي كيمسح فيه رجليه..مهانش عليه يحاسب حبيبة القلب ويخسر ليها الخاطر..الاميرة ديالو خاصها تبقى على خاطرها ..(شافت فيه)دبا عاد عرفت قيمتي مزيان شكرا...طلعات كتجري دخلات لبيت غير بيتهم سداتو بساروت وجلسات تنهج وتضحك...طلعت فوق ناموسية كتنقز
عفت:سلكت ..سلكت...يسلملي عقلي....(كتبوس راسها فلمرايا لي مقابلة معاها)ضايعة ابنتي ضايعة ..بلاصتك ماشي هنا...هادي غير لمبدو واسي رعاد (كتحك يديها مع بعضهم وجلسات ربعات رجليها)مزااال الحمدو ...
طلع رعاد نزل ولادو عشاهم ونعمة غير عاقدة غوباشتها وكلات غير شوية وناضت طلعات ...كمل اركان عشاه وطلعو دار معاه روتين ليلي نعسو وداز عند نعمة لقاها جالسة وكتبكي معنقة نونوسها مشا جلس حداها معنقها عندو
رعاد :مال اميرتي..شكون قلقك؟
نعمة بصوت متقطع بلبكا:ماما مبقاتش كتبغيني
رعاد:علاش كتقولي هكذا؟
نعمة:علاش غوتات عليا ..انا مدرت حتى غلاط باش تعاقبني
رعاد:ماماك كتبغيك بزاااف ...ومغوتاتش عليك..هي جات عيانة ومريضة من لخدمة ويمكن صوتها علا شوية ..
نعمة:وعلاش مجاتش تعشات معانا؟
رعاد:حيتاش مريضة وشربات دوا ونعسات ..نعسي دبا وغذا صباح غادي نجي عندك كيف كا نهار
نعمة بفرحة:بصح ابابا ونديرو رحلة ياك ..بحال كيف كنديرو مع ماما فالعطلة ...كتاخذنا هي وخالو فهد وماما نور وجدة نوال لطبيعة وكنلعبو انا واركان ..ومرات كيجي عمو جابر هو واباء وختو كيلعبو معانا...توحشت ماما نور ...
رعاد:ونعسي خلاص باش ناخذك عندها منين تفيقي
نعمة غمضات عينيها ونعسات مخشية فيه...بقى حداها حتى غفى حداها...
فصباح فاقت عفت كتتعجز دارت روتينها وخرجات من البيت كان الويك اند مكان لا خدمة ولا قراية...دازت لبيت حلاتو غير بلاتي ودخلت تتسلت كيبان ليها خاوي...دورات عينيها كيبان ليها مقاد
عفت قوسات عينيها:اهااااا وخا رجعتي اسيدي لعوايدك يا سلقوط..قالك داير العمرة..شلااا اشمن عمرة لي شاطت عليه...
دخلت لبسات غوب قصيرة حد ركبة جات سانتري على طايتها فالاسود مع سباط بيج طالون قادت وجها سامبل ودارت سبولة جنب فشعرها ..مشات لبيت اركان لقات الحاجة كتلبسو
عفت:صباح الخير ماما...علاش عذبتي راسك راه كنت جاية نقادو..
الأم العازبة الجزء 11
محتوى القصة
التنقل بين الأجزاء