ضورات وجهها مقلقة منو...رجعها من كتاافها كتشوف فيه..
عبيقة:مال حبي زعفاات عليا...(ماجاوباتش) الالة هزال غادي تكون دابة وصلات لتركيا...
أيلول:(تفكو ملاميحها) حلف..
عبيقة:قسما بالله..
أيلول:اللللله دابة رتاحيت...
عبيقة:ورياض راه عندو السوارت ودابة غادي ييكون فالدار...
أيلول:ماخاصوش يبقا بوحدو فالدار..
عبيقة:هاداك راااه راجل ونص..
باس ليها راسها عاد دار ليها الكاسك قادو ليها مزيان ركب وركبات موراه معنقااه من جنااب ضهرو حيت مفورمي عليها ييها مكيضوروش على كرشو ..حطات راسها على كتفو ..وكسيرا بجهد مخلي لي داز من حداه يتبعهم بعنيه...مسافة الطريق كان قداام الدخلة ديال الدرب..حطها بعيد شوية وكالعادة تسناها حتى دخلات ..عاد تحرك لداااارو...حط الموطور فالباب ودخل للدار كيصفر وكيلعب بسوااارت...وكيف ما توقع لقا رياض مبدل حوايجو وشاد الطابليط..حاط حداه لي،شيبس ..كيدوز بيهم لوقت ..
عبيقة:ها انا جيت
رياض:(ناض)بابااااا..
عبيقة:(هزو)توحشتك ...
رياض:حتى أنا..تعطلتي (عقد حجبانو)
عبيقة:عارف راسي تعطلت..اسيدي منعاودش
باسو ورجعو لبلاصتوو كيتفرج..وطلع يبدل عليه..
أما عند أيلول ..حطات سبرديلتها فالدخلة ديال لباااب..طلات فالكوزينة ملقاتش ماماها ..طلعات فالدروج كتغني ..طايرة من الفرحة مبتاسمة..غير دخلات عندهم للصالا ختافات باتسامتها وتحولات لنضرة هلع وخوف .خاصة ملي شافت العربي حاط رجل على رجل مخنزر ..وهي أدرى بيه ملي كيكون مخنزر..
وهي كدخل للصالا..
أيلول:ها واحد السلام عليكم
العربي:السلام ابنت الحراااام.
أيلول:(سرطات ريقها) هااااا
العربي:فين كنتي ..
أيلول:كنت فالمدرسة ابابا..
وقف غادي لجيهتها..البولة غتهبط ليها بقوة الخلعة ..فتيحة حاطة يديها على حنكها مقهورة من جيهت تعاامل العربي مع بنتها..اما واحد معااد شاد لقنت مخلوع ليبدا بيها ويكمل بيه...تمشا حتى وقف أون فاص معاها..
رجعات جابت صاكها لي حطاتو فوق السداري..جبدات منو كتاب عنوانو"المغرب تحت نضام الحماية"مداتو ليها تفحصو من جميع الجوانب..
أيلول:هادا جبتو من المكتبة..حيت استاذة الإجتماعيات طلبات منا بحت على المغرب ملي كان فنضام الحماية..وسولت واحد البنت كتقرى معايا ونعتات ليا هاد المكتبة مبعيداش بزاف..
العربي:(فحالا تاق)ومعامن مشيتي..
أيلول:بوحدي..وكريت الكتاب ب 5 دراهم..
العربي:اه مزيان المرة الجااية علميني
أيلول:واخا..
وضار راجع فحالو..غمزات لماماها زعما متخافيش..
أيلول:بااا ارا لكتاب بغيت نحفض.
العربي:انقراااه شوية ونرجعو ليك..
أيلول:واخا..الواليدة فيا الجوع..
فتيحة:راه ماكلتك فوق الطابلة سخني اتاي..
ونزلات كدردب فالدروج فرحااانة فحالا دايرة انجاز فحال هادوك لي كيكونو فبرنامج "ناجون من الكارتة"..على شوية كانت غادي تاكل قتلة ديال العصة عااالمية...سخنات اتااي وبدات تاكل ومرة مرة تفرنس ملي تفكر راه دوزتها على باباها وماعاقش بيها..اما ملي تتفكر عبيقة❤ تضحك حتال ودنيها..
ودازت 2 سيمانات بالتمااام والكمال ..فهاد لأيام حاولات أيلول تحفض ولكن لغالب الله راكم عارفين عيبها ..حتى كتركز وكتعاااود تسها...تلاقات مع عبيقة شي 3 لمراات فهاد السيمانة ..وكل نهار كيهضرو أبيل ..وكل نهاار موصيها تحفض دروسها ومع قرب الوطني زاااد فالنصح ديالها تحفض لدرجة ولاو كل نهاار مدابزين بسباب هادشي ..كيحااول يشجعها ويحفزها وكل نهار موصيها ..العربي يضور يضور ويهددها بإلا منجحاتش غادي يسلخها عصا ..وفتيحة كل نهار كتصبرها وكتعطيها الزبيب والتمر باش زعما يدماغها يتحل ..ولكن لي مكلخ راه مكلخ...
واليوم بالضبط هو نهااار الوطني ..بعد ليلة طويلة من الحفاااضة لي بدون جدوى ..فاقت على صوت فتيحة لي فيقاتها مع 6 ونص ...ناضت من السرير بصعوبة ..عينيها معمشين ومنفوخين ..تمشات لجيهت لحمام كتحك فعينيها .قضات حاجتها على خاطر خاطرها ..غسلات وجهها وحكات سنانها..ورجعااات لبيتها..وقفات قدام لمرايا حيدات زيف حياتي لي كانت دايرة بيه باتشة ..حيداتو وطلقات شعرها رطب..جمعااتو ومشات لجيهت ناموسيتها جبدات التلفون دخلات لواتساب ملقات حتى ميساج من عند عبيقة ..نفخات فمها بغيض خااصة انه مبقاش كيهضر معاها بزاف مؤخراااا ..خشاتو فصدرها وجبدات حوايجها من الماريو ..لي كانو سروال تجينز كحل مع قميجة بيضة سامبل بلا يدين خشاتها فالسروال ..جمعات شعرها كوب شوڤال ..لبسات ميني بوط كحل فرجليها مع كويرة خفيفة كحلة ...هزات لاكارط ناسيونال والكونڤوكاسيون ديال لمتحان ...هزات النقلة خشاتها فصدرها قادااتها مزيان بعد ما حيدات التلفون خشاتو فالصاااك..هزات صاكادو ديالها وخرجااات ..نزلات لكوزينة فطرات مزيااان حتى تگرعااات وخرجات تحت دعاااوي فتيحة لي أصرااات تمشي معاها لكن أيلول عارضاتها....
خرجات مع 7 و15 دقيقة شادة كتاب فيديها وكتحاول تراااجع ولكن شنو غادي ترااجع شي حاااجة لي هي ماحافضاهاش ..تمشااات خاشية وجهها فهاداك لكتاااب ...يد شااادة بيها الكتااب ويد فجيب الكويرة كتنقب فالزبيب بحال القنية...خرجات من الدرب وهي مازال كتراجع ..
عبيقة:الزين كيرااجع...
سمعااات ومع كانت مضهشرة بالنعااس والخلعة ديال الوطني مدات ماجابت قالت هادا غير شي حد كيبسل فحال ديما..كملات طريقها ..وهو يتبعها ..
عبيقة:الحب مقلق عليا ولا مااالو
وقفات كتحلل وتناقش فالصوت لي سمعاات وملي فاقت من الگلبة ..دارت بالزربة كتشوف فيه مصدومة راكب على الموطور مفركس على الحاالة وجهو كيضوي ...
أيلول:أيغد !!
عبيقة:حبي توحشتك...
أيلول:(قصحات قلبها) يتوحشك لخير..
عبيقة:اهاااه ولات هاكة
أيلول:من زمان
عبيقة:عااارفك اش غادي تقولي وعاارف اش ضارك من جيهتي ولكن لمصلاحتك احبي..
أيلول:عندي امتحان خاصني ندوزو ..نهارك مبروك..
وجات ماشية فحالها ..نزل بالزربة من الموطور حتى وصل عندها وجرها لعندو شاد يديها عندو وهي تتعاافر معاه باغاه يطلقها...
عبيقة:رسااي لمك. رسااااي
أيلول:طلقني..طلق الزمر..
عبيقة:الق**وي هادا ماشي زمر ..ماباغيش نبكيك على الصباح..اوا مضسريش وطلعي ليا فوق كري..
ركبت فالموطور دار ليها الكااسك وركب حتا هو ..10 دقايق كان قدام المدرسة ودنيا خاوية شوية ..نزل وبقا معاها مخليها تحفض على خاطرها بدون مايزعجها ويبرزطها .. وشافت داك الجو تخلعات وهو كيفهمها ويهدنها حتى وصلات 8 تمنى ليها التوفيق والنجاج باسها فراسها ومشات دخلات للمدرسة ..
قالت بسم الله وجلسات فطاولتها بعد ما لقاتها بمساعدة الرقم لي عطاوها..كااان باقي لحال على 8 باش يحلو وراق لمتحانات..بدات كضور راسها وكتبرگگ فدوك اللافتات لي معلقين فالحيط ديال ممنوع الغش .وتتشوف فالأساتذة لي غادي يحرسوهم ..عكس التلاميذ لي كاانو معاها ..كانو غير كيرااجعو وكيحفضو ولي عندو شي نقلة تيقاادها غير بالريط بلا مايشوفوهم الأساتذة..ونتوما حفضتو أيلول وطبعها تنساااا راسها وتبدا بالتبرگيك...مارجعها من سهوتها غير الأستاذ لي لي حط ليها ورقة التحرير مع ورقة الوسخ..
صونات 8 نيشان وبداااو فتفراااق الورااق ديال مادة العربية ..حطو ليها الورقة قدامها ..قرات الأسئلة قبل ما تقرى النص مقشبلات وااالو فحالا كتقرى فالألمانية ..عاوداات قرات وعاودات قرات فالأخير قررات تقرى النص ..أ واخا قراااتو مافهمات والو ..دازت نص ساااعة. بالتمام والكمال أورقة الوسخ مازال خاوية عكس الناس لي معاها بداو كيكتبو...شافت واحد الولد فالطاولة الأخيرة جابد النقلة وكينقل وهي تفكر النقلة لي خااشية فصدرها...ومع جات فالطاولة التاالتة..جاتها صعيبة تجبدها ..شافت الوقت كيدوز والحراااسة مشددة وهي مازال مادارت والو .فقررات انها تخدم من عقلها من داكشي لي رجعات شوية وداكشي لي لتاقطاات فالقسم ..بدات كتخرج فدوك التمارين لي نصهم غلط ..مهم عندها متخليش الورقة خاوية..ودازو ساعتين ..داكشي لي عرفااات ليه دارتو..عطاااتهم الورقة هزات شكاارتها سنااات أ خرجات...
لقااتو باقي كيتسناها فرحااات ملي شافتو .مشات عندو طاايرة غير وصلات عندو شد ليها فيديها ..كيسولها بإهتمام..
عبيقة:أمضرا أحبي خدمتي مزيان !!
حركات راسها بلا لاوية فمها ومهبطة راسها للأرض بخيبة أمل..هز ليها راسها حتى تلاقااو عينيهم
عبيقة:عادي مازال ليك تلاتة المواد انشاء الله تعوضيهم
أيلول:إنشاء الله..
عبيقة:مشينا !!
أيلول:غين غادي نمشيو ؟؟
عبيقة:نتغدااو..ولا نسيتي..
أيلول:واخا يالاه..
وكالعادة ركبات ودار ليها الكاسك عاد ركب هو..15 دقيقة كان قدام ريسطورو كلاص ..حط الموطور فالباركينغ ودخلو معنقها جنب ..تلقا ليهم السرفور فالباب خدا من عندو تجاكيطة وخدا من عندها لكويرة ..ولكن ملي شاف القاميجة معندهاش الكمايم خداها من عندو ولبسها ليها تاني...تمشا معاهم السيرفور حتال طبلتهم ..عطاهم لموني ومشا فحالو..
دخلات لبتها كتنگر وتغبن ..لاحت ااشكااارة فوق الناموسية ..خشات يديها فصدرها لاحت ديك النقلة لي كانت كتقرصها فصدرها ..طلات عليه لقاااتو حمر..
أيلول:تف تف خسرت فيهم لفلوس غير على لخااوي ..احححح حمرو ليا صدري..
تلاحت فوق الناموسية كتفكر فشنو غادي دير مع المادة لي عندها فالعشية ولي هي الفلسفة ..مطفراااتو حتا فالعربية بقا ليها غير الفلسفة..بدات كتهضرر عير مع راسها لي شافها يقول غير حمقة وقالو ليها زغرتي..
أيلول :قراااية ديال الزمر..تفووو انا مالي ومال اريسطو ولا ديكارت (هزات لكتاب فيه تصويرت ديكارت) شو كيداير سبحااتولاه شعرو كي العزافة
(قرات السؤال)
من أنا ؟ ونسولك نتا اويلي حااي تيسولني انا ..هذا بااينة كان مسطل كتر مني..أعوذ بالله (قرات واحد النص كيهضر على الإلحااد) تف تف هادشي لي كيقريونا باغين يردونا كفااار..راه هادشي علاش ماباغاش انا نقرا ..رااه هادشي هو سباابي...
شوية داارت كتفكر فعبيقة..
أيلول:توحشت عبيقة..نااري على حبي شاد ليا لخااطر وخايف عليا..سير العربي الله يعطيك شي حجة ..أحسن حااجة درتي فحياااتك هي جبتينا لهاد كازا ..ولاقيتيني بالكبيدة ..ولاهيلا وليت كنبغيه..
لاحت لكتااب من يديها حتى طاح فالأرض طلقااات يديها كتسرح فيهم وكتجبد..حتى رتاااحت مزياان عاد ناضت حلات لمجر لي حدا راسها جبدات منو تاني عرااارم ديال النقلة ..شتاتها فوق السرير ..كتعزل شنو غادي تدي وشنو لا .ختااارت على خااطرها وبداات كتخشي وتسطوكي فصدرها حتى ولا كيبان كبير أوااقف ..حيدات ديك لقميجة ولبسات سروال بيض طاي هوت مع قميجة غوز نص كم ..خشاتها من القدام فالسروال..مع سبرديلة بيضة طلقاات شعرها وجمعاااتو ببونضو من القداام مع ميكياااج خفيف ...نزلات عاودات لغدا وخرجاات مع 1 من الداار..شادة طريق لمدرسة وملصقة شكااارتها فضهرها ..وكيف توقعاااات لقاتو واقف كيتسنا فيها فالقوس لي فالدرب..مشاات عندو كتفرنس ..ساعة لاقاااه بوجه جامد كتغطيه تعابير مكتفسرش..دغيا جمعات الضحكة..وسولاتو بحذر..
أيلول:مالك..
عبيقة:حفضتي
أيلول:حفضت
عبيقة:متأكدة..
أيلول:والله تا حفضت..
عبيقة:(شدها من ودنها)متحلفيش على لكدوووب متحلفيش..
أيلول:(تنهدات )وااا راه والله حتى حااولت نحفض ولكن داكشي معقد ..
عبيقة:وشنو غادي ديري دابة ..
أيلول:راااني فااهمة شوية غادي نسلك راسي
عبيقة:غير الله يحفض مع الله يستر ..
أيلول:كتزيد تخلعني كتر ما أنا مخلوعة..
عبيقة:زيدي زيدي نوصلك..ومتبقايش تسنطحي..
أيلول:واخا واخا..
بعد 15 دقيقة وصلها قدام لمدرسة ..خدا من عندها لكتاب وبدا كيحااول يراجع معاها ويفهمها ..ويدخل ليها قدر للإمكان من المعلومات..
أيلول:أيغد نسولك !!
عبيقة:سولي.
أيلول:نتا حتال اش قاري..
عبيقة:شديت لباااك هنا فالمغرب ب 14 وقريت إدارة المقاولات فتركيا...
أيلول:أوااااه..
عبيقة:على مالي لهاد الدرجة كنبان ماقاريش..
أيلول:لا لا والله غير تفااجأت شوية
جبد ليها ودنيها حيت باغا غير الفرصة فين تهرب مم المرااجعة ..ورجع كيشرح ليها..حتى صونات ..تمنى ليها التوفيق وقال ليها بلي ديما غادي يكون واقف معاها..هزات شكارتها ودخلات..
نفس السيناااريو تعااود ..جلسات فطاولتها..مارسات هوايتها المفضلة لي هي التبرگيگ..تحطو لورااق قرات الأسئلة ..مقشبلات والو..النقلة مقدراااتش تجبدها ..فيها غير الفم وتخراج لعينين..وفوقيتت الصح كتسكت ومتقد دير والو...خدمات داكشي لي فهمات قلباااتها تقافة عااامة..خرجات من مور ساعة ونص لقااات عبيقة مازال كيتسناااها وكان معاه حتى رياااض .مشا جاابو من الداار وجا..فرحااات بيه بزااف ملي جا عندها..مشاااو بتلاتة لماكدوناالدز كلاااو وضحكو ونشطو مع راسهم ..رجعها لدار ومشا يقابل خدمتو...وهاكا دازو يوماين ديال الإمتحانات لي مطفراااتوش فيهم..النهار الأخير حصلتها الأستاااذة جابدة النقلة ..بالطليب وبالرغيب باااش سمحااات ليها..خرجات كتبكي لقاات عبيقة برا لي داوم على الحضور طووول أيام الإمتحااان..شافها كتبكي تخلع عليها معرف مالها..وباش ميكملش عليها كدبااات عليه بحجة أنها كتبكي غير حيت خاايفة تسقط...أما كون عرفها دايرة النقلة كون مرمقها معاااها حتى ضوور....
داازت بالتماااام والكمال 15 يوم ..نقوليكم بإختصااار شنو طرا فهاد الأيااام..جلسات ايلول فالداار لي ولات بالنسبة ليها جحيم فجحيم..مايمكنش يدوز نهااارها بدون متسمع المعيور من عند العربي وتسمع تهديداااتو فحااالة االرسوب وتسمع تفننو فسرد أنواع العقاب لي غادي يماارسو عليها...كيف كتقول عبيقة لي مصبرها على هادشي بطبيعت الحال مقالتش ليه معااملة باباها ليه..كيتلاقااو مرة مرة ملي كتسنح ليهم الفرصة..
واليوم بالضبط 12/6/2017 السااعة تشير إلى 2 ونص ديال العشية..
أيلول:وااا مااما هبطي خلاص..
فتيحة:أتسنااي نلبس غير جلابتي بعدا..
أيلول:واااا راه الطابلو ايتعلق وغادي نلقا الزحاااام عليه..
هبطات كتقاااد فالفولار..
فتيحة:زيدي قداامي..الله يسمعنا خبار لخير
أيلول:أمييين..
جرو معااهم معاد لي نجح ب 13 واخا هاكاك مفرحش بيه العربي حگاا والواد كان باغيه يجيب 15 الق**وي على عينيك اسي العربي...خرجو من الدااار نيشان ضورات راسها لجيهت دار حبيب قلبها بان ليها جالس فالعتبة هو ورياض لي نجح بمشقة الأنفاااس جاب 5 واقفة على رجليها كلا من عند عبيقة جوج تمرميقات..غمزها وطمنها بعينيه بلي كلشي غادي يكون مزيان ..
مسااافة الطريق كانو قدام الليسي ..دنياا عامرة بالعيالات لي جاااو مع ولادهم وبناتهم..العيالات بعاااد على البااب ..دغيا دارو التجمعااات وتعارفو بينااتهم..نضماات ليهم فتيحة لي تتموت على التبرگيگ..طالعة لمها فهاد لقضية...ونضمات أيلول لتلاميد لي مجمعين جيهت لباب بحشود كبيرة..قتاااربااات بصعوبة من جيهت الگرياج(لحديد) لي فالباب ..مازال الطابلو متعلق ..غير شادين لبلايص..كولشي مخلوع وكاينة لي شاداها السخفة گاااع..المدير وااقف فالساااحة مربع يديه جيهت صدرو.. مراقب التلاميد هااز مناخرو للسماا كيتسنا فالحارس العام يجيب الطابلو لي مصاوب مقاااد ناضي..دازت 5 دقايق بان ليهم الحارس ديال لبااب والحارس العام هازين الطابلو..من حدهم كيقربو وأيلول قلبها كيتكمش وكيتطلق شاداها الخلعة من صبعها الصغير .عاد طلعات معاها الشاهدة وحسات بالقالب ..وهادي هي خلعة الباااك..لحضات قليلة كتفصلها على معرفة مصيرها..
اه كلمة مصير كبيرة على البااك..كيفاش يمكن لي شهاادة بسيطة أن تحدد مصير شخص ما..ولكن اه عند أيلول الباك ماشي غير كيحدد مصيرها كيحدد حتى نوع الحياااة لي غادي تعيشها من هنا للقدام..إلا هي نجحات فرااه غادي تعيش معززة مكرمة ولكن إلا سقطات فراااه غادي تعيش أكفس عيشة .
اولا: ممنوع تعااود لعام
تانيا: ممنوع الزنقة
تاالتا: العصا كل نهااار حتى تكره راسها كتر ما هي كارهاااه..
رابعا :وكيف كيتوعد ليها باباها ..أول راجل يطبها يزوجها ليه الله يجعلو يكون حتى سراااح..
حطو الطابلو قريب شوية للباااب..بداو كيداافعو باش يشوفو نتيجة الباكالوريا..بقااو كيدفعو فيها حتى رجعوها اللور ..شداتها البكية كتر ما هي شاداها..جمعات شعرها لفوق وجبداااتو ..جمعات كمايم التوني لي لابسة ...وبدات كدفع فالبشااار ..حتى وصلات وعنقااات لحديدة باش ميعودوش يجروها للور..
لاصقة مع ديك لحديدة ومخرجة راسها شوية..منضرها جا كيضحك..بداات كتقلب فاللائحة اللولة..ملقااتش سميتها..اللائحة التاانية والو ..وكذلك التاالة..هنا بالذات قلبها كان غادي يوقف..نعلات الشيطان فسرها وقالت غير يمكن ماشافتش مزيان..عاودات قلبات كذلك كتر من مرة حتى لعرق ولا نااازل معاها وتأكدات بلي سقطات..الدموع تجمعو فعينيها وبسرعة داارو الطريق..تكااات على ديك لحديدة وبدااات كتبكي وتنوح بصوت مسموع كولشي بقااات فيه..
أيلول:وااا ناري باش من وجه غادي نشوف لعربي..واااا ناري ليوم يقتلني عصا..وااا ميمتي قواادت على جظ بويا..اش داني اميمتي منحفضش وناري ليوم ناكل وندوق
كولشي تما بقااات فيه وكاااين حتى لي تشفااا فيها..حتى نقز واحد الولد قرااي..شافها كتبكي وقرر يتدخل..
الولد:ختي مايبقاش فيك الحال ..قلبي فاللائجة المستدركين متعرفي تكون سميتك تما..
أيلول:(كتبكي)وااا لا مبغييتش
الولد:شنو سميتك..
أيلول:أيلول
الولد:الكنية .
أيلول: أيلول..أيلول الهااشيمي
الولد:أنا نشوف ليك...
مشا لفين كاااينة ديك اللائحة ..قلب بعينيه مزياان حتى بانت ليه سميتها مجبدة أيلول الهاشيمي..رجع لعندها فرحان كيفرنس تقول سميتو لي لقا..
تفكرات فتيحة وهي تقفز وااقفة..خرجااات غير كدخل فعبااد الله كي المصدومة والدموع مجلخين ليها وجهها..مخرجات غير بزز....باااقة تتبكي وتتنوح بالجهد فحالا فعزو...
كانت مجمعة مع العيالات عاطية بضهرها لتلاميد...غير سمعت نواااحها عرفاتها..
أيلول:عافاك والله تنحفض..هانتا راه عطاوني استدراكية..والله تنحفض.(قرب ليها مابقا كيفصلهم الا سنتيميترات)
وا عتقوووني...ماما الله يخليك متخليهش يضربني..
العربي:انا بنت لحرام تضحكي عليا..الكلبة ليوم تااكلي ودوقي الملقطة الخاانزة..
دفع فتيحة حتى طاااحت جاب الله تلقاااها السداري اما كون كلاتها فعضامها ..جر أيلول من شعرها حتى مشااات وجات وفنفس الوقت تتبكي من قوة الألم لي حاسة بيه فجدور شعرها ...جمع يديه حتااال السما وعطاها تصرفيقة بضهر يدو ..حتى الدم نزل من نيفها..ناضت فتيحة بالزربة مستاااعدة قوتها ..جرت أيلول لعندها مخبيااها فحضنها من هاد الوحش الآدمي..
فتيحة:امااالك واخا تكون محصلها مديرش ليها هاد لحااالة..
العربي:طلقي الكلبة لهنا نربيها ..طلقيييها
فتيحة:عيقتي العربي..مااالها راه غير كرطونة ..وهي جوج راه عطااوها استدراكية ..نزير راسها شوية وغادي تنجح..
فرحااات ومسحااات دموعها ..كيسحاااب ليها نجات من العصااا..ولكن غير نطق بآخر جملة قال ..رجعو عينيها شلالات من الدموع..وعاود الرعب تزرع فيها من جديد
العربي:ولكن اخرة مرة توقفي على رجليك...حالف بحلوفي حتى نعطبك..طلعتي ليا فراسي..
أيلول:(تتبكي)ولكن علاش أ بااا
العربي:يبني عليك حيط...انا كنت باغي نولد الولدة اللولة ولد..حتا خرجتي ليا نتي من الجنب ..انا هي مليون مكنحملش البنااات..معرت علاش سلطك عليا الله.
وقفاات على الحركة جااامدة بعد ما كانت كتحااول تبعد منو قدر الإمكاان ..هضرت الشحص لي عتاابرااتو سند فالحياة..الحاامي والركيزة الوحيدة لي عندها..باباها دخلات فقلبها بحااال الخنجر ..قبل ما تستفرد براسها وضور هضرتو فدمااغها مزيان..كان وصل ليها ..جااارها لعندو من الأرض من شعرها ..وقبل ماتستوعب شنو طراا كان شبع فيها تصرفيق ..والتصرفيق فوجهها كااامل ماشي غير حناااكها ..وجهها ولا فحال التربية التشكيلية..تخلطااات لخنونة مع الدم مع الدموووع نخليكم تخيلو لمنضر...هز يديه على شكل بونية وعطااااها ليها لعين ..زراااقت فالبلاصة وتنفخت كاااملة..مقنعاااتوش ديك لعصاا مشا لمجر لي فبيتها جبد السمطة لي كتديرها لسروالها .وبداااا كيشحط يديه وفين نيشاااات ...هي تتخبي غير وجهها واخا مابقا فيخ ماايتخبااا ...صوتها بح بالغوات والطليب...أما صوت ماااماها راه تجرح ..ورااا لبااب كتخبط فاالباااب بكل ما عطااها الله من قوة..باغا الباب يتحل بأي طريقة بالسيف راه كبدتها لي تتكول لعصا لداااخل ..وفينما كتسمع استنجااادها بسميتها*ماما* كتمنى لموت تجي وتدي روحهااا ولا هاد لعذاااب..طاحت للأرض متكية على الباااب وتتبكي هادا هو الحل لي لقااات..
لداااخل مازال أيلول كتصاارع وتطلب النااس يفكوها..كتخبي وجههاا وعينيها شلااااال ..شدها من يدها لاويها ليها ..واحد الوقت غوتاااات بالجهد تسمع العضم طرطق فذراعها فاااقدات الوعي ..جات طايحة على راسها مزدووحة بالجهد على الارض حتى دماااغها مشا وجاااا..
شافها متتحركش دفل عليها حل الباااب وخرج بدون مايلتااافت وبدون ما يحس ولو ب1% من تأنيب الضمير..
دفع فتيحة برجلو فحااال الوسخ مشمأز منها...فتيحة لي كاانت متكية على لباااب تتبكي لبكااااء بنتها..غير شااافتو خرج وقفات بالزربة باغا طل عليها..تشوفو إلا كان طير ليها شي رجل..وقبل ماتوصل عندها..طلقااات غوتة بحر جهدها..تسمع صداها فالدااار كاملة..كانت شافت بنتها فااقدة للوعي تماااما..والدم مجلخ ليها وجهها ..ملاميحها مابقااوش كيبانو بقوة الضرب والعصااا لي كلات...تقدمااات ناحيتها ركابيها فاشلين عليها خايفاااه لايكون قتلها..غير وصلت حداااها هبطات على ركابيها ..تتقلب فيها..ضورات ليها وجهها ..حتى شهقااات من المنضر خاصة ملي لاحضااات عينيها لي منفوخة وزرقة ..والدم كيقطر من نيفها وفمها.. وسدااااتها ركابيها..حطات ليها يديها على قلبها لقاااتو كيضرب..عاد رجعات فيها النفس..صرفاقتها جوج التصرفيقات باش تفيق..ملي ملقات حتى ردة فعل منها..ناااضت بلا عقل تتبكي وتتنخصص..طارت لصاالا فين لقاتو مجبد كيتفرج فناشيونال تجيوگرافيك
..
فتيحة:لعنة الله وعليك إلى يوم الدين..نتا بشر نتااا ..
العربي:بغيتي نوض نكمل عليك..
فتيحة:واش مفقلبكش الرحمة ..بنتك سخفاانة ونتا هنا كتفرج فخوتك...
العربي: راها غير تتبوحط..خوي عليها الما تنوض كدردك
قالت أعوذ بالله من الشيطان الرجيم فنفسها ..وخرجات بعد ما هزات تلفونها..غادا كتجري لبيت بنتها ومعاذ تابعها..غير شااف ختو بدا فالتهرنين والبكاااوات..عيطااات على لومبيلونص بعد ما وصفاات ليهم حاالتها..
كتمشي وتجي فالبيت وتبكي على زهر بنتها كتسنا فلومبيلونص تجي..مرة مرة تحنى عندها تقيص نبضها ..وتمسح لمعاذ دموعو وتسكتو..لي كان مربع رجليه وجاالس حدا راسها ..مخلوع عليها بلا قيااس..
متكي فالنااموسية كيخربق فتلفونو ..طاالع ليه الدم..معصب لأقصى درجة..ملي شاافها جاية كتبكي مع مهااا وهو كيصوني ليها بدون مجيب..لاح التلفوون حدااه ملي مالقاا حتى رد..راااد يديه ورااا راسو وكيخمم فحالها كيف غادي يكون..لاهلا يوريك حاالها اسي عبيقة...غمض عينيه باغي يرتااح..حتى كيحل عينيه على صوت صفارة لامبيلونس..دغيا رجع سدهم بعدم كترات ضنا منه انها غادي تكون غير دااايزة من دربهم..
وقفات لامبيلونص قدااام باب الداار..جوج دقاات فالبااب نزل معاد كيجري حل ليهم.وطلعو بالخف نيشااان لبيتها فين ورااهم معاد..لقاوها باقة سخفااانة..يالاه غادي يقيصو ليها النبض حتى كيدخل لعربي كي لعجاااجة مانعهم من أنهم يهزوها..
العربي:الشريف شكون عطااك الإذن تدخل لداري..
المسعفين والممرضة بقاو غير كيشوفو فبعضياتهم بعدم فهم ..
فتيحة:انا لي عطيتهم الإذن..
العربي:يااك غير ااسبيطاار والله لا مشات ليه..
فتيحة:ياك غير. السبيطار هو لي غادي نديها ليه..
العربي:جربي
فتيحة:قسما عضما حتى ندير بيك شيكاية عند وكيل الملك ونخرج ليك على خدمتك..واتقي شري وبعد مني ومن بنتي..
العربي:اهااااه ولات هاكا..واخا لهضرة من بعد.
وخرج مربع يديه ورا ضهرو..كملو المسعفين خدمتهم ..هزوها فالبياااص مركبين ليها السيروم..مهبطوها غير بزز من الدروج..
وملي سمعها حبسات قريبة بزااف يعني حبسات فدربهم..ناااض بلا عگز كيطل من الشرجم..حتى تعجب ملي لقااها واقفة قدام دار أيلول..وقبل ما يدارك الصدمة ولا يدير شي ردة فعل .شافهم مخرجين بيااص فيه شي حد..وغير بعدو المسعفين باش يحلو لامبيلونص وضاحت ليه الرؤية وشاااف حبيبتو..نااعسة على داك البياااص..فااااشلة بدون قوى..ملاميحها شبه منعااادمين بسبب الدم لي غطا ليها وجهها ..ويدها ليساار شادينها ليها ببااانضة حدا صدرها..خرج عينيه مصدوم من شنو شافت عينيه تيقول فنفسو او كيفاش حتى طرا ياك عاد دابة ماكاملاش نص سااعة باش شافها..بدون تردد نزل مدردب مع الدروووج حل لبااب باغي غير يوصل ليها..ولكن للأسف لقا لاموبيلونس ياللاه تحركااات ..بعد ما ركبااات معاها ماماهاا وخوها لي قلبوها جنااازة..
ضرب رجليه على الارض بسخط ورجع لداارو بجرى..طلع لبيت هز السوارت ديال الموطور..وخرج بعد ما وصاا ولدو ميعتبش برااا الدار...
ركب فالموطور وكسيرا بأقصى سرعة ممكنة..وكيف حط لهدف ديالو..وصل ليه..لقا لامبيلونص يالاه خرجااات من الدرب لي. حداااهم..بقاااات غادا بسرعة وهو تابعها وفنفس لوقت خدام كيفكر فشنو ممكن يكون طرااا ليها وشنو السبب لي خلاها توصل لهاد لحااالة .. غاديا لاومبيلونص وكطلق الصوت لي معروفة بيه باش يخويو ليهم الطريق..مساافة نصف ساااعة كانو قداام المستشفى المركزي..وقفات لومبيلونص اوقف وراااها.نزل من الموطور مخليه هاكاك بلا قفل وبلا حماااية ....مشا جيهت لبااب كيتسناااهم يحلوه..نزلو الممرضين بالزربة حلو لبااب ..مشات نيشان عينيه ليها ..فااقدة تمااما للوعي ..حول نضرو لماااماها لي حناااكها گاع هبطاااتهم بالنديب...هبطوها المسعغين وهو غير كيشوف ومصدوم من حالتها..تبعاااتها فتيحة شادة ليها فيديها ومعاااد شاد لماماه فجلابتها لي لبساااتها مقلوبة بالخلعة والتلفة..هوما جارينها لداخا وهو تابعهم كيحك على شعرو..باغي يغوت باغي يبكي..باغي يسول ..مالها شكون لي ضربها شكون لي وصلها لهاد لحاال..باغي يضرب ويهرس..ولكن فحالا الحوااس ماتو فيه ولسااانو تعقد..تبعهم بالزربة لقاااهم طلعو فالسااانسور....مشا لجيهت الدروح وطلع..وفينما يوصل لشي طاج..يقلب عليهمم ملي ميلقااهمش يعاود يشوف الطاج لي لبعدو..حتى وصل لطااج السابع..لي ماوصل ليه حتى سخف كينهج والعرق كيتقاطر منو ..قلب مع الضورة بانت ليه فتيحة جالسة فالأرض مسرحة رجليها وفجنبها كاين معاااد معانقين كيتباااكاو..بدون تردد توجه ليها..همو الوحيد يعرف مالها وسؤال واحد لي كيضور. فبالو هو:
"شكون لي وصلها لهاد لحالة؟"..
تمشاااا ناحيتها بالزربة جوج التوااني كان حداااها..طايح على ركااابيه وحااط يدو على كتفها الأيمن باش تنتااابه ليه..وفعلا هزاات راسها فيه.كتمسح فدموعها وعقلها خدااام كيفكر فين فايت ليها شاايفااه عييااات تفكر وبدون نتيجة..كان كيسولها غير بعينيه الساعة هي كانت مشغولة بالتفكير ..فحالا قرااا أفكارها وعرفها فاش كتفكر بالزربة عطاااها راس لخيط ..باغي يسربي باش يسولها على حاال ايلول..
عبيقة:انا ولد دربكم..
شافها مادارا حتى ردت فعل عصبااتو..
كنت تلاقيت معااكم فالمول ..انا بابات رياض..
عاد حيدااات من على دماغها الضبابة وتفكرات..
فتيحة:اااه عقلت عليك اوليدي..
عبيقة:مال أيلول شنو طرااا ليها !!
فتيحة:(بدات كتمتم)أ أيللللول
عبيقة:(تعصب)ااه أيلول مالها...
فتيحة:تلقاااا ليها شفااار ملي كانت غادا لمدرسة..
وقف كيحك فلحيتو تاالف وحااير ..عاارفاها كتكدب عليه..حيت شااافها ملي جات هي وماماها وكانت صحة سلامة..مسح على شعرو وقلب الضورة ..حتى وقفاااتو بصوتها..
فتيحة:نتا شنو جيتي دير هنااا
عبيقة:جيت نشوف شي ناس عندنا من العاائلة..ونتوما تبااانو ليا وجيت نسول فيها
باس ليها على راسها ومشااا ياللاه فاتهم حتى سمع الجملة لي زعزعااااتو كاامل
معاذ:ماااما علاش كدبتي على الرااجل ياك بابا لي،ضربها ماشي شفااار
فتيحة:ماشاكيلنا يبقااو بيناتنا..
كمل طريقو كيتغدد وكيتعصب ..ناااوي على خزيت ..دمو كيغلي..بزز باش صبر راااسو باغي يطمن عليها عاد يشوف شنو يدير فهاد لبلاان..جلس فالدروج مقابل مع الغرفة لي مدخلينها ليها ..كياااكل فضفااارو ..مرة يوقف مرة يجلس مامرتاااحش فالجلسة فحالا شادو لوجع..حتى بانت ليه الممرضة خااارجة هازا بلاطو فيديها عامر بالقطن فيه الدم..
دازت من حدااا فتيحة ومنتااابهااتش ليها.كانت مشغولة مع معاذ كتسكت فيه من البكاااا..قبل ما توصل عندو كان وصل ليها ..خلعها حتى قفزاات ولكن غير حققات فيه الشوفة شرگاات فمها حتال ودنيها ودفعات الصدر لقدااام .. ونطقااات بصوت باااين مرقق..
الفرملية :ويي موسيو أش حب لخاااطر
عبيقة:واحد البنت دخلوها دابة شنو عندها !؟
الفرملية:عندها كسر على مستوى اليد اليسرى وكدمااات فكامل جسمها ووجهها..
عبيقة:كسر !! واش يدها تهرسات
الفرملية:اه كسر ناتج على الضرب المبرح..
عينيه دمعو وكشاااكشو خرجو ..
عبيقة:بربي حتى نفرشخ الزااامل بوه ..الا ما درتش فيه كتر من هاكا راه منتسماش عبيقة
ومشاااا نازل فالدروج مخليها غير كتشوف مبحلقة عينيها ..جمعات صدرها وكملات طريقها تجيب الصخرة لي وصاها عليها الطبيب..
مسافة الطريق كان فدربهم..دخل لدارو طل على ولدو طيب ليه ماياكل ..بدل حوايجو وخرج..
كان يالاه خارج من الجامع بنفس الفوقية لي كان لابس ملي ضرب بنتو ..داير الصلاية فوق كتااافو ..غادي كيتمشا راجع للدار ..وغير وصل لواحد الزنقة شبه مضلمة ..خرجو ليه جوج وجه الشرع .طوال وعراض واحد فيه تخسيرة فوجهو شادة من حاجبو حتال حنكو ..والتاني يديه كاااع مشرطين وبجووجهم واشمين داك الوشام الخضر ..فمهم زرق بقوة الگااارو ..ودايرين تحااسن غريبة عجيبة..
الش1:فين أعمو..
ولا كيقفق العربي يسحاب ليهم جايين يگريسيوه..
العربي: أش بغيتو من عندي.
الش2:جينا نتحاسبو معاك..
العربي:معنديش الفلوس ..معندكم متگريسيو فيا..
الش2:فلوسك طلعهم مع ك***رك
العربي:شوف اوليدي سير نعل الشيطان الليل هادا
الش1:والليل طوال وعندنا معاك هضرة طويلة يالاه يقدنا الليل باش نصفيو لحساب..
وقبل ما يجااوبهم كانو جرينو من يديه ..كل واحد شادو من كتف وساد ليه واحد فيهم فمو ..داوه لواحد القنت ورااا الديور وبداو كيعطيوه يديهم وفين جات وهوما تبارك الله كل خباااطة يا خباااطة ..وملي سلاو هزوه سخففااان ولكن حال عينيه ..الفوقية عامرة دم..مرجعينو منين هزوه..حطوه ومشاااو وقبل ما يمشيو رماو ليه جوج كلمااات لكن مدا ما جاب مع العصا لي واكل
الش1:متبقاش ترجل على البنات..
ومشااو فحالهم مخلينو كينين بصوت مرتفع..
دازت نص سااعة وهو مليوح تماااا ..حتى دازو جوج رجال بالصدفة ولقاااوه ..دغيا مشااو عندو وبدون تردد بغاو يقدمو ليه المساااعدة ..بغاو يديوه لسبيطار لكن رفض بشدة.وطلبهم يديو لداارو ..بداكشي لي فيه نعت ليهم الدار فين جاات...وصلوه حتال دارو دايرينو بيناتهم ..عطاهم الساروت حلو ليه الدار عونوه حتى دخل ..رحم ليهم الواليدين ومشاااو ..
جالس فدوك الدروج مقابل مع بيتها ..سول عليها قالو ليه راه ولات بيخير كيتسنا غير ماماها تمشي ويدخل عندها..شاف فالساااعة لقاها 9 يعني الزيارة قريبة تسالي ...ضور مع السكيريطي وخلاه يبات معاها ..حاط يديها على حناكو حتى كيسمع تلفونو كيصوني..جاوب بلهفة..
عبيقة:أمضراات.
الش1:شرشمناااه ..زعزعناااه.كلاها
عبيقة:مزيان..شكرا اسامايكوسص
الش1:خيرك ساابق اخاي عبيقة..
عبيقة:يالاه تلاح..
عاااد رتااح وطفااات العافية لي كانت شاعلة من جيهتو...واخا تكرفص عليها..وصااهم ميحميوش معاه الطرح..وصاهم يضربو ويقيصو ..ولكن هوما من داك النوع لي متيعرفش يتكايس....
معرفش شحال ديال الوقت بقا كينسنا..عاد بانت ليه خااارجة هي ومعاد تخبااا باش متشوفوش..وغير شاافها نزلات فساانسور ..مشااا طاير لعندها..دق جوج دقات فالباااب حتى سمعها نطقات بصوت ضعيف باين فيه العيا...
أيلول:شكووون.
شداتو الضحكة حشم يماركي عليها..السيدة كانت غادي تموت وهو فين تيفكر ..بلحمار لي قالها ليه..بدون ما يجاااوبها حل لبااب وخرج راااسو كيطل بيه...
أنقذوني عبيقة كيبغيني الجزء السادس
محتوى القصة
التنقل بين الأجزاء