🌺خوض مغامرة هي طريقة انتحار فنية واكثر إبداعا ..كل شيء في نهاية المطاف يقود إلى الموت ..لذا لا بأس ببعض الجنون والألم ..لا بأس بأن تتطفل على الحياة بدل المضي بمحاذاتها فقط...🌺
فزنقة مسدودة ومظلمة كانوا ثلاثة الاشخاص واقفين كيتسناو فصمت..
بنت طويلة لابسة كلاس وطالون.. دايرة يد على جنبها و كتطرطق المسكة ..وشاب قدها فالطول أشقر..عامر متكي على الحيط ومغمض عينيه بعدم اهتمام .. ولوسط كرسي متحرك جالس فيه شاب قصييير بزاف ملامحو طفولية ونظراتو باردة...
شوية تسمع صوت خطوات.. هزو راسهم كيتأملوها بهدوء..كانت بنت قصيرة لابسة مونطو طويل اسود مخبي جسمها النحيل كامل وكابيشو على راسها مخبي ملامح وجهها.. و هازة صاك فايديها..
وقفات قبالتهم و بقات ساكتة كتشوف فيهم بهدوء تا نطقات البنت الطويلة:"جبتي الأمانة؟ "
بلاما تجاوب لاحت ليهم الصاك .. لتاقطاتو لبنت وداتو للدري فالكرسي المتحرك حلاتو وراتو ليه كانو فيه ملابس و حاجيات يومية بسيطة (فرشاة اسنان مشط زجاجة عطر خاوية...)
شاف فيها وبتاسم برضى ولمح للشاب الآخر لي ابتاسم بدورو و قرب ليها جوج خطوات و هوب جرها عندو وتحنا عندها ..خشى يدو الكبيرة تحت لكابيشو شاد ليها عنقها ونص فوجهها ..هزات فيه عينيها بدهشة ممزوجة بتردد وقبل مدير شي ردة فعل ابتاسم ليها وباس ليها راسها وطلقها ..خلاها غارقة ف سهوتها ..جات عندها البنت وجبدات من صاكها علبة وعينيها على السيارة لي كتراقب من قبيلة ..وعطاتها ليها
البنت:الصفقة تمت خديتي لي بغيتي وخدينا لي بغينا نبغيوك تبقاي مرضية بحال هاكا ومتعانديناش
ربتات على كتفها بابتسامة ماكرة ودفعات الكرسي المتحرك ديال الدري وهو يدور عندها الاشقر غمزها وهي وسعات عينيها ... تماو غادين خرجو من زنقة ودارو مع الدورة،بقات شادة ديك العلبة فايديها وساهية حاضياهم تا غبرو عاد فاقت وتمات غادة.. يالله هتخرج وهوما يوقفو عليها جوج رجال لابسين لكلاس كحل ودايرين نضاضر كحلين نطر ليها واحد ديك العلبة و حاصرها مع الحيط
هو كي غوت ويدي فيها ويجيب و هي بخنقة كتنطر منو ملقات تا حل و هي طلع معاه ركبتها للمعلم تا غوت وطلقها كايتألم..خطفات العلبة وعلقات ما حبسات تاوصلات لدارهم و طلعات كتجري مع دقات حلات ليها جداها ضربات فيها و طلعات لبيتها لي فسطح جبدات ساكادو كبير دارت فيه شورطات دجين قصار و قبيات وتقاشر و ملابس داخلية هزات لاتخوس فيه حاجيات يومية كلها..حيدات حوايجها كاملين ولبسات ملابس داخلية .. لبسات ليبة موس و ديباردور كحل لاسق،سروال سورفيط غري و قبية كحلة كبييرة..تقابلات مع المراية وحيدات الطاقية لي كانت دايرة فراسها وهوما يطيحو منها جوج بطاقات دارت ابتسامة جانبية و تحنات هزاتهم تفكرات الدري لي باسها فجبهتها هو لي خشاهم ليها تما .. رمات عينيها على الكوافوز لي كان فيه مقص بقات كتشوف فيه شحال فالتالي هزاتو فإيد وشادة ضفيرة شعرها الطويلة فإيد كتعبرها بقات شحال كتشوف فالمراية بتردد قبل متزعم وتغمض عينيها ... ضرباتها كاملة عاد حلات عينيها وحطاتها عند الكوافوز شعكات شعرها الكورلي القصير بصباعها فوق وجهها وقاداتو مزال بالمقص تا قزباتو مزيان ...هزات داك الماكياج ديال كبيلة و دارت شوية العكر والفغاجو وطراسات حجبانها و جمعاتو تاهو فصاكادو لي لاحت فيه كاسكيطة كحلة لبسات كاط عالي شوية..دارت ليكات بلا صباع و ساعة اليد الرجالية الكبيرة عليها لي كطلعها تال المرفق وكتغطيها بكمام القبية..حلات مجر لي هزات منو سنسلة و كورميط بتاسمات بحنية وهي كتلبسهم..جمعات ديك الروينة كاملة بالخف وسدات الصكادو شعلات البيسي لي فورمطات البارح كتاكد منو و عاودات سداتو هزات تيليفونها الكاسك فودنيها وتمات هابطة كتجري فدروج تا تلقات ليها جداها
الجدة:هاويييلي على الزغبية تي شتك وليتي تخرجي بلازيف المسخوطة يسيق ليك باك الخبار و الله لا بقيتي عتبتيها
شافت فيها بسخرية و قالت:من هادشي كامل هادا هو همك و مع ذلك (مشات عندها وعنقاتها) نتي الوحيدة لي نقدر نسامح فهاد الدار..
طلقات منها ومشات خرجات بلاما تلفت تحت انظار وصدمة الجدة و فودنيها الكاسك كتمزك
هناء 21 سنة.. سنة ثالثة جامعة ادب انجليزي
قصيرة القامة و ضعيوفة عندها واحد شويقيق ديال لي هونش و صدير صغيور شعرها بني فاتح و كيرلي ودابا قطعاتو متوسطة الجمال ..ملامح وجهها بريئة وهادئة ..عينيها كبار قهويين وعندها حفرة دزين و بشرة حنطية ..الانطباع الاول لي كتاخدو عليها .. سكوتية..غير اجتماعية ..كارهة دنيا وطالع ليها كلشي فراسها وباغا تخوي لبلاد باي طريقة ..ودابا جاتها الفرصة ومستحيل ضيعها..مشات كتزرب دخلات لحمام عمومي جبدات شورط دجين قصير حيدات السروال ولبساتو خدات البطاقات دارتهم فجيبها دارت صاكادو فضهرها وخرجات... الطيابات ديال الحمام ما فهمو والو..
وصلات تحت دارو كتصوني وتعاود ..طل عليها توفيق و لاح ليها السوارت طلعات كتجري لقاتو حل الباب كان شاب طويل قد الباب شعرو بني غامق و ملامحو شينوية كان كيبتاسم كيتسناها تسلم عليه.. وكاعدتها ضربات فيه ودخلات نيشان لغرفتو.. سد باب الشقة وتبعها وقف فباب الغرفة متكي عليه ..ضارت عندو بتساؤل
هناء:صافي وجدتي كلشي ياك؟
توفيق شاف فيها بحيرة: هناء واش متاكدة من هادشي لي هنديرو زعما متسرعناش.
هناء(هزات عينيها فيه بحدة ومشات وقفات قدامو وعلات راسها):انا تاخدت قراري و غامرت بكولشي و لاكانت عندك بذرة شك قد هاكا (جمعات الابهام و السبابة)بلاما تجي معايا باش بلاما تعاتبني من بعد.
توفيق (وهو كيسد ساعة اليد ديالو):وغا بشوية عليك مالنا مهاجرين للموزنبيق
هناء:و غير سربي راه السبعة خاصنا نكونوو تم الى مشينا تتعطلنا صافي كولشي بحح
توفيق:صافي الالا متخافيش راه السكوتر دغيا انوصلو
هز تاهو صاكادو ديالو فظهرو والعادة ضارب الكويرة و الكاط فالكحل وتم غادي كيتعنكر و البتيبانة تابعاه ..سدو لباب و هبطو دارو الكاسك وفرررر غبرو وبقات وراهم غالعجاجة والوجهة هي وسط المدينة
قبل يومين♠️♥️:
هناء قدام البيسي كالعادة دايرة نضاضر وبزااف ديال الكانيطات خاويين ضايرين بيها وموسيقى الميطال كتسمع فالغرفة كتبقشش كتبقشش تا طاحت فواحد السيت مشبوه.. بغات دخل ليه ولكن لا ..طلبو منها تأكد عاد باش تدخل.. بقات كضور فعينيها وفالتالي قالت نجرب ندخل نشوف اش غيطرا كاع أكدات انها باغا دخل و اول حاجة عطاوها هي ولات الشاشة كحلة كاملة وعاد بداو كيبانو بزااف ديال النوافذ غادين وكيكترو كول وحدة واش فيها و الاغلبية فيديوهات و لايفات بغات تحرك لاسوغي لي تصدمات منين عرفات راه مبقاتش كتحكم فيها وبلي خاصها تخدم غير بالكلافيي و هو كدلك ضغطات بالصدفة على احد الازرار وهي تفتح نافذة لشاب اجنبي كيتكلم و ثار انتباهها داكشي لي كيقولو و اللي كان كالتالي:
الشاب:كنعاود نأكد مرة اخرى الموسم السابع ديال صيد الجوائز غادي ينطالق و غيتقام في غاية السرية مغنقدرش نعطي المزيد من المعلومات حيت كلها خاصة و سرية ولكن الى كنتي مهتم بالمشاركة خلي تعليق ..
هبطات للتعاليق لي لقات فيهم ازيد من 200 تعليق والاغلب كيبانو متحمسين وكانو كيتسناو الفرصة ...ترددت فالأول ضورات عينيها فداك السيت لي كلو مشبوه و شاد الشاشة كاملة ديال البيسي
ومتحكم فالكلافيي بغات تخرج منو وملقات منين تخرج جاها الفضول تعرف شناهو هاد صيد الجوائز واش شي مسابقة و لابرنامج ولا شنو وعلاش زعما سري تالهاد الدرجة قتلها الفضول وماهي الا ثواني تتفتحات قدامها صفحة اخرى و تفتاحت فيها تاهي نافذة كتاكد عليها واش باغا نيت تدخل ولا لا بعد تردد أكدات رغبتها ومباشرة عطاوها تعمر استمارة كتدخل فيها معلوماتها الشخصية وهاد المعلومات كانت جد عادية بحال الاسم و الهاتف و العنوان ستغربات حيت كانت متاكدة ان داك سيت مستوطن ديال الهاكرز وكيسولو بحال دوك الاسئلة لي يقدرو يجبدوهم بسهولة
عمرات هناء الاستمارة كيفما طلبو منها فنفس لحظة الارسال سيفطو ليها ميساج فتيليفونها فيه قن خاصها دخلو تم فالسيت دخلاتو وما هي الى ثواني جاها اتصال فتيلي رقم غريب و طوييل بزاف جاوبات فالحال و كان المتصل الغريب كيتكلم الانجليزية و من خلال طريقة الكلام ديالو كيبان لعوب وواثق في راسو
المتصل:
hello miss hana,
كنتمنى تكوني فاحسن الاحوال معاك ادارة صيد الجوائز كيفما سبق اكدتي الرغبة ديالك فالانضمام لهاد الموسم ولكن الى كنتي كضني ان بداك الاجراء السخيف راك تسجلتي فراك غالطة ..باش تسجلي رسميا خاصك تحصلي على واحد البطاقة القيمة ديالها جوج المليون مغربية و هي بمثابة تاشيرة الدخول ولكن على حد علمي نتي مفلسة دابا ومعند منين تجيبي هاد القدر ديال الفلوس ...غنكون كريم معاك وغنعطيك مهلة يومين تجمعي المبلغ و تشري البطاقة والا مغتخرجيش منها سالمة حيت فصيد الجوائز الى رميتي الخطوة اللولة عمرك تقدري ترجعي لور نتي دابا مراقبة و ابسط حركاتك تاهي مراقبة نخليك دابا ميس هانا كنضن جداك طالعة من بعد يومين غنعاود نتاصل بيك..
هو كيهضر وهناء كيتوسعو عينيها بصدمة و ايديها بداو كيترعدو و طول مدة الاتصال مقدرات تنطق تا حرف و مقدرات تفكر فحتى حاجة تفكرات اخر قالها جداها طالعة كيدارو تعرفو... كاميرات المراقبة.... كيدارو تعرفو ....مستحيل يكونو ركبوهم مستحييييل معندهم كيديرو ....وهي تالفة كتفرك عينيها بقوة وكتهز رجليها بتوتر ..محاولة يائسة للتفكير بعصبية و انفعال .... بطبيعة الحال دماغك فبحال هاد المواقف كيتبلوكا هادشي كامل وموسيقى الميطال الصاخبة كتصدح فارجاء الغرفة ...ناضت فصلات البريز ديال الباف بسخط وغوتات بعصبية كتخرج داك التوتر و بدات كدور فبلاصتها وهازة راسها لفوق وحاطة ايديها على عينيها موركة عليهم ..تاشوية ضربت راسها بقوة بايديها تفكرات شي حاجة
هناء:هنااااء نتي اكلخ وحدة فالعالم تفووو عليياا
مشات كتجري فصلات كاميرات المراقبة من البيسي .....ايه اسيادنا هي لي مركبة كاميرات المراقبة فكل قنت فالدار :الدروج .. البيوت البلاكارات اي بلاصة ..وتاحد معارف بلايصهم حيت اختارتهم بعناية ولكن فالنهاية فداتها هاكاو ليها البيسي ووصلو ليهم وهادشي كامل لي داز راه مكاملة تدقيقة ....شوية تحل الباب ودخلات الجدة ...مراة كبيرة شوية عاكفة راسها بزيف حياتي ومن لقدام كيبانو خصلات شعر حمرين بالحنة مشمرة على ايديها كتبان رغم كبر السن باقا شادة فراسها دك و دردك و الدليل هو طالعة هابطة فالدروج هازة بلاطو فيه لماكلة قدامها
الجدة:هناء جبتليك ابنتي تعشاي ...باك راه لتحت سول عليك وشحال كيتسناك فالتالي مشا يرقد قالك مخاصو بعشا.....معاااشي ..._وهي كتهضر بدات تركز و تصغر عينيها بانت ليها هناء مقلزة فوق الناموسية و نضاضرها مشقلبين و شعرها مشعكك و كل خصلة فيه شادة تردد فشكل التيليفون مليوح فقنت و الكاسك عند ودنيها ..مخرجة عينيها فالبيسي لي مضاربة معاه وبااينة فيها مخربقة و مشغووولة و ااخر حاجة كتسناها هو نكير جداها لي دارت يديها على جنابها وعلات حاجبها كافتتاحية للسمفونية المعتادة
دخلات الجدة حطات البلاطو فوق الطبلة و دارت يديها على جنابها و علات حاجبها وبدات السمفونية المعتادة
الجدة : نتي في عار الله ابنيتي ...واش فينما نجي نلقاك مخرجة دوك العينين فهاد المشقوف و الخيوط دايرين بيك شي نهار تموتي مقجوجة ...بقيتي تا خرجتي على دوك العينين ....وداك باك لي لتحت مالكي متنوضي تسلمي عليه وتبوسي ليه على يدييه وتقولي ليه على السلامة... هو مخنزر و نتي مخنزرة قهرتوووني اعباد الله قهرتوووني محيلتي ليه محيلتي ليك متعاونيني كيلبنات مطيبي تنتي شي حاجة مسيمنات ولا بطيبيطات تفرحيني تا انا ونقول راني مكبرة عزبة واالو مكاينش ونتي تبارك الله كبرتي ...قدك انا راه درت لولاد ......
وعلى هاد المنوال الجدة مزال كتدوي وتنكر و هناء حالة فمها غارقة فافكارها كتخمم لحريرتها ماهياش هنا مفاقت تاسمعات دعاوي البلا
الجدة:واش غنقولك ابنيتي قهرتيني ...سيري الله يتبعك البلا...الله يلكيها ليك منحكل مك هربات و خلاتكم واحلين فيا انا ...و الله ايلا هي للي عبرات
هناء بحالا سرفقتيها هزات عينيها وبتعبير جامد بدات كتبحلق بعينيها فالجدة للي سدات فمها و هبطات حجبانها بندم تا شوية بدات هناء كتفرنس غي بوحدها دارت يديها على عينيها ورجعات باللور تاطاحت ناعسة على الناموسية و رجليها مربعين و عاودات بنفس اطريقة ناضت جالسة
هناء:ياك اجدة ماما متتسواش سمحات فينا و مشات تعيش حياتها
الجدة باستسلام :راه انا لي مكنسواش ....هي مشااات دبرات على راسها ...
هي ربي عطاها العقل والداكا وانا عطاني التكليخة وجوج خطيات لاسقين ليا فجنابي .....ولكن من الحامدين الحمد لله الحمد الله يالاه هانا غادا و تعشاي و هبطي داك البلاطو وغسلي الماعن فاش كليتي و خشيه عاوتاني تحت الناموسية و خليه تا يدود.. فعايلك هادو
_ومشات خرجات وسدات الباب.....غير مشات هناء بدات تقلب على تيليفونها كيف لمسطية وهو غي عند رجليها تالقاتو شعلاتو ودخلات الكوناكط وبدات تاني تقلب تا لقات السمية لي مكتحملش غير وصلات ليها وخنزرات وعوجات فمها و على مضض دوزات التصال وفالحال جاوب
الشخص:كنت كنتسنى اتصالك ...عارفك كدوري حتى تعياي و ترجعي تقلبي عليا
هناء:_تنهدات_ الضرورة هي لي كتخليني نتاصل بيك .....سمعني مزيان نقدر نجيب ليك داكشي لي بغيتي .....داكشي لي ديما كتوصيني نجيبو ليك و لكن فامقاابل بغيت...._قاطعها_
الشخص:عارفك شنو بغيتي ....يااا هنااء فين وحلتي راسك تاني ياهناء ..وليتي باغا تخوي البلاد كاع _من ديما خطواتك ناقصين و افكارك مخربقين ايمتا غاتكبري و متبقايش تعولي عليا.....امم صيد الجوائز فكرة جريئة
هناء:_مستغرباتش من هضرتو عارفاه يجيب ضوسيها كامل مكمول_:مزيان منين عارف باش منكترش معاك لهضرة بغيت من عندك جوج بطاقات ديال صيد الجوائز الموسم السابع
هز حجبانو مع نصف ابتسامة كان كيتوقعها غتبغي غا بطاقة وحدة ساعا طلعات طميميعة
هناء:_كملات هضرتها_عندي طلب اخر قول لهادا ليعيط ليا دابا هناء لقات الفلوس و البطاقات مكاين لاش يبقى حاضيني ...عارفاك لي بغيتيها كتوصل ليها
ا
لشخص:طماعة كالعادة اهناء ولكن اعتابري طلبك تلبى اجي البلاصة فين كنتجمعو بعد غدا وجيبي معاك داكشي لي موصيك عليه
قطع الاتصال.....وترسمات الابتسامة فوجه هناء لي عاودات شعلات الموسيقى وبدات كتشطح .....ومن بعد تاصلات بتوفيق تصدمو بمخططاتها كالعادة وتقنعو بيهم و كلعادة غا كايتقدم معاها وصافي نرجعو للحاضر لعند هناء لي معنقا توفيق من لور بفعل السرعة
ديالو لي كيسوق بيها السكوتر وصلو لوسط المدينة بالضبط الجردة لي جات تم جردة كبيرة نوعا ما وشاغلة مساحة كبيرة داكشي لاش قررو يوقفو حدا مسجد القبة لي جا على تقاطع ربعة الشوارع تسناو تم بضع دقائق تاجاها ميساج تاني _follow the yellow car تبعو السيارة السيارة الصفراء _
قراه توفيق وهناء بجوج يالله غيتلفتو وهوما يلمحو سيارة صفراء ديمارات ديك الساعا ونطالقات بسرعة
توفيق_خرج عينيه_:شد شد شد
وهناء بدورها غوتات :توفييق تبعوو......
توفيق تاهو عفط عفطة وحدة تا لحق عليه و هو كيدوخ بيهم وسط الدروبا بحالا كيتلفهم كيدخل من هاد الدرب و كيقولو غيخرج من هنا تا كيضور من شي زنقة مطاحتش ليهم فالبال و شحال من مرة دارها بيهم و عاودو لقاوه و هادشي لسبب واحد ان السكوتر معروف بالسرعة ديالو مقارنة بالسيارة فمنطقة عامرة بالسيارات و المواصلات .....كل مرة كيقولو ضيعناه وكيعودو يلقاوه ولي ردو ليه البال من بعد انهم ماكانوش تابعينو غي بوحدهم بل حتاشي طوموبيلات اخرين وشي سكوتر اخر و كل مرة كتلتاحق بيهم سيارة جديدة او منهم لي ضيعوها وهوما على نفس المنوال والدوخة شداتهم تا خرجو فالطريق السيار وكانو فالنهاية ربعة الطوموبيلات وجوج سكوترات و فالطريق كانو طوموبيلات ملونين من نفس طراز الصفرا ووراهم تاهما سيارات و سكوترات تابعينهم فهمو انهم نفس البلان غير كل واحد و فيمن طاح و عندهم نفس الوجهة ....تا شوية عواجت الصفرا ودخلات من طريق اخر شي لي خلا شي وحدين يتبعوها ووحدين لا ..توفيق دار تابع الصفرا ...و هي توقف هناء وهي شادة فيه و قربات عند ودنيه وهضرات كتغوت باش يالله يسمعها
هناء:توفييق بلاما تبعها غادي غير توضرنا خلينا مع اللاخرين راه بحالها و غنوصلو لنفس لبلاصة
توفيق_حتى هو كيغوت_:اش مكتوب عندك فلميساج follow the yellow car that's wht we have to do shawty
هناء:بفف قنعتيني
وبدات تاني السيارة الصفراء ففعايلها ولي بيتيز كدوخ مع الدروبا وهاد المرة شداتهم الدوخة ديال بصح كتطرك مشاركين اخرين ويوضروها وحدين اخرين تاخرجات فطريق سيار اخر غير هاداك لي جاو منو لمرة لولة وهكذا تابلاصاو قدام بنااية ضخمة بزااف وقفات السيارة و تستفو وراها كاملين نقزات هناء من سكوتر وحيدات الخوذة و كدلك توفيق لي طريق كاملة وهو داير الصاكادو قدامو خرج السائق وتوجه للبناية وكدلك هوما تبعوه مع الباب تلقاوهم رجال لابسين الرسمي استقبلوهم برقي واحترام دار السائق من طريق اخرى اما هوما تكلفو بيهم الرجال لي استقبلوهم و قالو ليهم باش يتبعوهم وداكشي لي كان داوهم لبلاصة اشبه بالاستقبال طلبو منهم البطاقات وعطاوهم بلاصتها غرف و الصدمة كااااااااااااااااااااااااااااااااااااانت قوييييييييييييييييييييييييييييية البطاقات لي ساوية الملاين ماهي الا حجز فالفندق ..ولكن الغريب طلبو منهم يحددو ديك الساعة واش هوما فريق ولا كل واحد بوحدو دارو شافو فبعضااتهم و فالنهاية هناء لقات راسها هي وتوفيق فغرفة وحدة و لكن اسرة_ناموسيات_ منعزلة
توفيق جالس فوق الناموسية و كيشوف قدامو وجامع ايديه
توفيق:واش من نيييية نيتهم بطاقات ساوين جووج المليون طلعو ديال اوطيل هنااااء ياكما شاركنا فشي كاميرا خفية و لاطحنا مع شي نصاابة هناء حيدات داك لكاط فزعاتو كل فردة فقنت ونصلات تقاشرها غير بصباع رجليها نصلات الطاقية و تلاحت فوق الناموسية كتلتاقط انفاسهاعاد دوات
هناء:تنتا دابا يعطيوهم لينا ...هادشي مفيهش اللعب مضموووون
توفيق_كيصغر عينيه و يحقق فيها_:شتك تايقة فراسك ياك ليقيتي هادشي غا فسيت مشبوه ديال النت متلاقيتي حد مادويتي مع حد فاص مخديتي ضمانة من عند حد .....وكون غير كااان شي ايفينمو مشهوور و بنادم كيعرفو ودايرة عليه لهضرة وا حسي مسي اااو
هناء:_غمضات عينيها و بثقة دوات_:حيت داخل فيه واحد بنادم مكيحطش رجليه فالغيس توفيق:لانتي و اللهم بقيت كنعرفك وليتي كتدخلي راسك فشي تخلويض معارفة راسك من رجليك وزايداها بالثقة فالنفس
هناء_بنفاذ صبر_: توفيييق فرعتي ليا كغي
نقز توفيق وشنق عليها من لور _غاشوية السيدة كتبان على سبة يصدق كاردها_: ياك كنقول لمك متبقايش تخصري لهضرة لي شافك يقول هادي ملائكة
يشاع ان لغة العيون هي اصدق اللغات بعد لغة الموسيقى....عيناك يا صديقي تتفوه بكل الكلام الغير المنطوق الذي يعجز لسانك الكسول عنه ...فانت عندما تنظر لعينين صادقتين لن تملك عينيك الا ان تكون صادقة امامهما....لذا يا عزيزي عندما احادثك في المرة المقبلة لا تشيح بنظرك بعيدا عني ....لا داعي لان تكذب في كل مرة تلتقي فيها اعيننا.....دع مرآتك ولو لمرة واحدة تعكس صورتك بالطريقة الصحيحة....
توفيق شانق على هناء من لور وهي كتفركل برجليها و تتبعد ليه ايديه...بقا تارخف عليها و هي تقلب عندو... حطات وجهها قبالت و وجهو ووسعات عينيها على كبرهم و شعرها المشعكك طايح على وجهها كتبان فقمة البرااءة ....شافت مطولا فعينيه و ابتاسمات ببراءة ..
هناء:توفيق انا ..شيطاانة وحتى تنتا بحالي ....يا توفيق راه كاينين شي حوايج لا خبيناهم بزاف كيتفضحو
فديك اللحظة ملامح توفيق لي كانو كيعبرو على الغضب ممزوج بالمزاح تمحاو... وترسمو بلاصتهم ملامح جدية غريبة عينيه لي ديما ضاحكين توسعو ..وبدهشة لقا راسو كيشووف فهناء ...كيشوف فيها بعمق كيحاول يقرا شي حاجة ممكتوباش .. معرفش واش الشخص لي كان قدام عينيه كل الوقت تبدل و لا تكون عارفة شي حاجة ..غرق توفيق فدوامة التفكير و لاحظات هناء االتعبير الجدي ...فظرف اقل من خمسة التواني طاح القناع لي كان لابسو ...وبتاسمات ليه هناء بخبث ....فخضم حوار العيون الغريب ذاك قاطع اللحظة دقان فالباب ..تدارك توفيق الموقف ورسم ابتسامة بلهاء على وجهو كيغطي على الجدية لي بانت ..وناض توجه للباب حلو وكانت خدمة الغرف...بنت صدرها قد البطيخ وكتبتاسم بلطف
سالات هضرتها وهزات راسها فتوفيق لقاتو حال فمو فالصدر مسمع تا كلمة هبطات عينيها لتحت وهي تبان ليها هناء مخنزة و عينيها مضلمين و جامعة فمها ...جرات توفيق للداخل وخنزرات فيها تاني وردخات الباب ....ضارت عندو وهو مزال مبوق هزات رجلها تاهزاتها وعطاتو للمعدة تا تزوى و هبط شاد كرشو كيتالم
هناء:😒مسمعتيهاش ...كنتي حال فمك فالاوباي {الاوباي هو صدر باليابانية الانيم ومايدير} لعشا منهنا لنص ساعة يالله توكض شوية الضريف ...
ومشات كتلبس التقاشر و الكاط {ياكما يصحابليك غتمشي دوش وداك الموال البطلة كدوش جوج المرات فالنهار} وجبدات لاتخوس ديال الماكياج يالله غتبدا تماكي و هو يكلعو ليها توفيق و علاه الفوق و خلاها كتجر فيه و تنقز باش تاخدو
توفيق:ماشي داكشي 😂😂😂😂غاخليك كتباني بحالا عندك خمساطشر عام 😂😂😂😂😂😂
هناء مرضاتش قدامو شافت فيه بسخط ومشات هزات تيليفونها ومشات جيهت لباب حلاتو وهو متبع ليها العين خرجات ودرخات الباب و عاودات حلاتو وهزات فيه عينيها مبلقين ومكمشة فمها
هناء:لا بلاتي متسدش لباب مزيان
وهي تحل داك الباب تا حلاتو وعاودات ردخاتو بجهد تا تسمعات
وراها مباشرة هز توفيق تيليفونو وخرج تاهو.. لقاها يالله هتخرج من لكولوار غادا وكتلوح فرجليها ...خلط عليها ولاح ايديه على راسها وهي تنطرات منو... كيعجبو يعصبها بحال هاكا و يستافزها خصوصا بفرق الطول الشاسع بيناتهم
بقاو غادين مجلوقين تالفين معرفوش هاد لاصال فين جات ..تاهداهم الله يخدمو عقلهم و يهبطو الاستقبال يوجهوهم ...وداكشي لي كان دلوهم الخدم على بلاصة القاعة لي كان قدامها شيء اشبه بمكتب كبيير مجهز بشتى انواع الحواسيب و الاجهزة الالكترونية و الحائط ديالو عبارة عن مئات المجورا صغار ...قبل مدخل للقاعة كيطلبو منك تبصم فواحد اللوحة ومن بعد كيدخلو سميتك و كيربطوها مع المعلومات المسجلة عليك عندهم ووراها مباشرة كيتحل مجر الكترونيا من لور كيطلبو منك تيليفونك و اي جهاز الكتروني و كيحطوه تم ...
و هادشي لي دارو مع توفيق وهناء الاخيرة لي رفضات تتنازل على الكاسك و دارت ليهم تما الشوشرة حتى واعدوها يرجعوه ليها ولكن تايدوز فالفحص ....كتفوت المكتب و كدوز من واحد البوابة الكترونية كتشوف واش سالت بشي جهاز الكتروني ولا لا ... شحاااال من واحد تا بغا يدوز و فرشاتو و تكاشات ليه فضوسي ديالو ......
المهم دازو من داك الباب و دخلو فقاااعة فخمة كبيييرة وواسعة من النظرة الاولى كتبان اشبه بالقصور الارستقراطية من ناحية البناء الراقي.. لامن ناحية الاثاث الفخم و لامن ناحية الديكور الكلاسيكي الثمين ...فالوسط ديال القاعة كانو سفراات طواااال مجهزين بكل مالذ وطاب من الاطعمة و المشروبات و مزينين بشمووع ذهبية
بين السفرة و الاخرى كاينة مساحة كايدوزو منها الخدم للي كيتصخرو .... من السقف المزكرش نازلين ثرياات كباااار ذهبيين و كتنباعث منهم اضاءة هادئة ...فراس ديال القاعة كاين منصة مسرح مسدلة الستار لي فالاحمر و الحيووط مزينة بلوحات اوروبية تعود للقرون الوسطى ...كل ما في القاعة يوحي بالرقي و الفخاامة ......دخلو المشاركين الواحد تلو الاخر و خداو الاماكن ديالهم .....امتالءات القاعة و عم الهرج و المرج ...هناء لي جالسة بهدوء كتشوف بعويناتها و تلاحظ ..و توفيق لي حال فمو فالاوباي مبوق كيضحك غا بوحدو حيت كاع خادمات الاوطيل عندهم صدر كبيير نتابهات ليه هناء و طلع ليها دم شدات كاس كان قدامو كبات فيه الما و هزاتو تاهزاتو و ردخاتو مع الطبلة تا نص تكفح عليه و هو يقفز ..هضرات معاه بحدة
😒😒هناء:شوف قدامك ونتا عينيك غا زايغين
😑😑توفيق:(كايمسح فحوايجو) تفو دايرة كيالعكووزة
وتكمش تاهو و ضار قدامو كيشوف بعويناتو و مرة مرة تا كايبغي يهز عينيه فشو وحدة كيرمي عينيه فهناء هي لولة لي كتحقق فيه و كيحدر عينيه بقلة حيلة تاشوية وهي توقف عليهم وحدة هازة فايديها جوج مشروبات وقفات مقابلة معاهم و تحنات راسمة على وجهها ابتسامة و صدرها تدلى; و كتهضر
البنت:شكون لي بغا فيكم مشروب بارد و منعش؟
هناء توترات و حمارت و حشمات فبلاصتها و ناضت وقفات دغية و دفعات كرسيها لور تادار الصوت و مدات ايديها لكتاف البنت كتحاول توقفها و هي كتهضر بزربة
البنت فهمات نوعا ما ردة الفعل ديال هناء و ناضت و هي مزال كتبتاسم ومشات عاد هناء جرات كرسيها و جلسات كتنهد
وسط ديك الفوضى و الضجيج انبثقت موسيقى كلاسيكية ملحمية وانخفضت الاضاءة .. عم السكون أرجاء المكان.. و كاع الانظار تاجهات للمنصة لي تفتحو ستائر المسرح ديالها فين كاينة فرقة موسيقية ضخمة ...موسيقى ليست مثيرة جدا بل بسيطة اشبه بشعار يعلن عن حدث مهم...سالات الفرقة الموسيقية و تحت تصفيق الجميع اسدل الستار مجددا و لكن الاضاءة بقات منخفضة و فنفس جو السكون لي كان تفتحات شاشة كبييرة ماشي فالمسرح و انما فجدار اخر كلشي نتابه للشاشة لي كانت كتبين رجل مقنع جالس فسفرة عشاء راقية ...رجل ارستقراطي بمعنى الكلمة من طقمو الكلاسيكي الاسود لشعرو الاشقر الفضي المفرود بعناية و الطوييل لاسفل كتافو و الاهم من كل هادا القناع الذهبي المرصع بالاحجار الكريمة من صنف فينيسا مغطي عينيه و النص فوجهو كيعطيه هيبة و حضور فوق الهيبة ديالو ...مسند ظهرو على كرسي ضخم ومهيكل بالذهب جالس عليه جلسة الملوك و الاضاءة المنخفضة لي كتعطي للأشياء اللامعة فرصة تبين البريق ديالها ....بتاسم قبل مايبدا الحديث ديالو بالانجليزية طبعا
الرجل الراقي:good evening every body ....اول حاجة كنبغي نرحب بيكم كاملين فالموسم السابع لصيد الجوائز ...و كنبغي نهنأ كل واحد على الجرأة لي كيتحلى بيها تا شارك فهاد اللعبة ....حيت هاد اللعبة تخلقات غير للناس الاقوياء و الشجعان ...وفاش كنقول القوة فكنقصد قوة الروح ..قوة لي كتكتاسب و كتكبر و كتنمى و هي المفتاح الوحيد باش تكمل تالنهاية .....فطول الرحلة خاصكم تحافظو على الصلابة ديالكم ..وتحطو الهدف ديال المشاركة نصب عينيكم ...ولكن لي انا متاكد منو (بتاسم بسخرية ) انكم غاتهرسو قبل ما توصلو ....حيت مع الوقت المتعة كتحول لطمع و الطمع كيولي مذلة ....ولكن فكل الأحوال تذكرو شيء واحد... شعار صيد الجوائز ..صيد الجوائز لعنة الى دخلتي ليها عمرك تخرج منها ....عارف عندكم بزااف ديال التساؤلات حول ماهية اللعبة ...غيتكلفو اشخاص بشرح كل تساؤلاتكم ... كنتمنى الحظ يكون حليفكم ...(رفع كاس النبيذ لي كان على السفرة) بصحتكم .
وهنا سالا الخطاب ديالو و تغلقات الشاشة وفذات اللحظة رجعات الاضاءة كيكانت ولكن بقا الصقيل و التساؤلات شكون هاد الراجل واش هو الرئيس ديال اللعبة ..الخطاب ديالو حرك فيهم شي حاجة فشكل ...حسسهم بانهم على وشك خوض غمار حدث غير عادي ..شي حاجة فشكل كتسناهم تقدر تكون بسيطة و تقدر تكون ممتعة و تقدر تكون مخيفة ما هي الا ثواني من الصمت حتى امتلأت القاعة تاني بالضجيج و كولشي عطاها القص حيت قليل فاش كتقدم ليك ماكلة بحال هاديك ها الدجاج ها البساطل ها الحلاوي اللحوم السلطات... الحوت... اكلات لي الاغلبية ديالها مغربية مراعاة لان جل المشاركين لي تما مغاربة و لكن هادشي مكايمنعش تطفل اطباق اجنبية اخرى و دكشي بالطلب ...
داكشي نيت لي كان توفيق طاح عما كاياكل من اي حاجة للي جات بسم الله و هناء جا قدامها حولي مشوي مكاين غا الله يعطيك صحيحتك مشا البروطوكول لي كان فالاول وكولشي بان على حقيقتو>
توفيق; حاط فطبسيلو طرف كبير ديال الحوت و مفرتت فوقو فواكه البحر و انواع اخرا ديال الحوت و كاب عليهم صلصة الطماطم حارة و كيشد كوولشي كيخلطو و يضرب ففمو...
هضر مع هناء و فمو عامر بالماكلة (كينغز فيها ...والحروف كيخرجو مخربقين):نااري هناء خاصك تجربي الاكلة الجديدة تااعي ...سمييتها.....سمييتها مزرعة الاسماك السعيدة و تاا بررب تا مقودة هاك هاك دوقي
هنااء كتفتارس واحد الكتف و كتضحك من ودنيها كركراات واحد الكاس ديال العصير و زدحاتو مع الطبلة
توفييق(بداكيضحااك بهستييرية):ناري طيرتيني كوميدية مع راسك خاصك دوزي فستانداب ...خاصني نسالي دغيا باش ندوز لديك البسطيلة من كبييلة و انا حاط عليها العين ...يالله رمات هناء على الطبسيل و هي تبان ليها و حدة هزاتو وحطاتو قدامها ...توفيق تصدم حبس المضيغ و ووسع عينيه لي يالله غيبداو يتغرغرو و هي تنطق هناء
هناء:تشا غااا تهدن خليها غتكون برداات ...راه وصيت على وحدة قلت ليه يديرها ليا كبييرة و حاارة (وهزات طرف ديال اللحم قداش ناهو دكساتو ففمها)
توفيق(غرغرو عينيه هاد المرة ديال بصح و سرط الدغمة لي كانت واحلة ليه):والله تا احسن عشيرة فالعااالم
هناء:(كتمضغ) عرفتي اساط اش تشهيت
توفيق دور عينيه فديك السفرة كاملة
توفيق:اشنو
هناء:واحد الاكلة يابانية كتعجبنا
توفيق:وسع عينيه كيضورهم بتساؤل ...شي حاجة من غير السوشي ياك
هناء:الى قلت لك ناروتو اش غتفكر
توفيق هز حجبانو و بتااسم تاوصلو حناكو لودنيه و قال هو هناء فدقة و مشيرين صباعهم البعضياتهم
هناء و توفيق:الرااامن
توفيق مع قالها طارت ليه كروفيطا من فمو و جات لهناء فعينيها ...هزاتها بلاما تهضر و رجعاتها ليه لفمو
توفيق:هانتي ندومونديو عليه ونيت بليما نضربو هاد البسطيلة و ديك الحلوة لي لهيه يكون وصل وسخون
هناء:باقي عندك فين تزيد داكشي
توفيق:هههه وعلى مالو لي ميبقاش
هايجيوكم مهاوشين وداكشي ولكن راه ماشي غابوحدهم كوولشي هاكاك ....تخيلي دابا نتي راسك فبلاصة مع صحابك المقربين نيت مابيناتكم لا زواق لا والو وفيكم جوع و قالو ليكم لي حاجة تبغيو تاكلوها تلقاوها ....مع الضحك وداكشي غتصرفو بعفوية .....مهم تحط ليهم الرامن وبداو كياكلوه على طريقة ناروتو (الرامن هو طبق ياباني المكون الاساسي ديالو هما النودلز بحال الشكل ديال اندومي تقريبا)كياكلو النودلز وكتبقى المرق فالجبانية كيهزوه ويشربوه و يحطوه فدقة و يبدااو يضحكو ......سالاو الماكلة و ناضت هناء هي اللولة طلعات للبيت كتمشى و كرشها سابقاها تقول دخلات فالسابع غادة و كتكرع و هزات سروال السورفيط و مستلزمات الاستحمام و حوايجها .. دخلات للحمام غسلات العرق و لبسات السروال ديال السورفيط غسلات سنانها و خرجات لقات توفيق تاهو شاد حوايجو وفوطتو دخل هو دوش كاع.. خرج لقا هناء طافية الضو ومسرحة فوق ناموسيتها و كتشوف فالسقف
شعل توفيق الضو باش يرجع المسائل دياولو وهي تنهض فيه باش يطفي الضو ولا شاعل غير ديال طواليط و كيضهسس
هناء:توفييق(كتلحنها)
توفيق(مباغيش يهضر فكعان زعما)همم
هناء:نطلبك طليبة
توفيق:وباز لقصوحية وجهك كترطابي غافاش كتبغي حاجتك
هناء:بفف وصافي البغل ..بغيت نقولييك غا حل داك الشرجم
توفيق مشا حل الشرجم و بانت الكمرة لي باقا مكملاتش مضوية... حفض بلاصتو فين جات وطفا الضو ديال الطواليط و مشا ليها تلاح بجهد و رجليه الطوال خارجين على الناموسية ...كانو الناموسيات حدا الشرجم تقريبا داكشي لاش كيبانو ليهم الوجوه ديال بعضياتهم ..هناء ضايرة عندو على جنبها ليمن وكتكول فاذكار النوم اهم شيء الايمان يكون فالقلب.. و توفيق كيشوف فالسقف شي خمسة دقايق و تقلب جيهتها وعينيه كيبريو تحت ضوء القمرة
توفيق:(بصوت رجولي ثقيل ) كنحس بواحد الاحساس فشكل ....بحال فاش كتكون غادي دوز الوطني الخلعة و الحماس مخلطين ...عقلي مخربق و مقادش نعس
هناء:حتى انا حياتي كلها و انا كنتسنى شي فرصة بحال هادي ...و دابا مقاداش نصبر بغيت نشوف شنو كيتسنانا فهاد اللعبة كنتخيل بزااف الحوايج ...هتكون زعما شي حاجة بحاال داكشي ديال الافلام و الانيم ....وااو ايمتا غيجي غدا
توفيق:هناء بغيت نسولك..علاش باغا تشاركي فصيد الجوائز ...داك الراجل كبيلة قالينا خاصكم تحطو الهدف ديالكم لي عليه شاركتو ...نتي شنا هو الهدف ديالك
هناء:الهدف ...امم.. معرفتش ..كتجيني الحياة لي كنعيشوها مملة بزاف ..كل واحد كتعطاه فرصة وحدة باش يعيش و لكن قلييل لي كيعيش نيت ...ديما كنديرو شي حوايج داروهم ناس قبل منا و كنموتو بلاما نخليو تا حاجة كتعتارف بلي كنا واحد نهار من غير ولادنا وحفادنا ومعا الوقت كنتنساو...انا اتوفيق مبغيتش نعيش حياة عادية ..او بمعنى اخر بغيت نعيش ...بغيت نحط حياتي على المحك ...بغيت نجرب جميع انواع المشاعر ...انا معجبة بزااف بالمشاعر ديال الانسان فاوقات الفرح و الحزن الكبرياء المجد الخسارة النجاح الاحباط بغيت نجرب كلشي بغيت نهار لي نموت فيه و فاش نكون كنحتاضر نتفكر الحياة للي عشتها و نضحك ....بففف هضرت بزااف ...و نت اتوفيق علاش شاركتي فصيد الجوائز؟
توفيق (شاف فيها و ابتاسم كالعادة):حيت نتي شاركتي فيه
هناء فديك اللحظة ضرب قلبها وحسات واحد الاحساس فشكل معرفاتش تفسرو و تلخبطات حمارت و ضارت على كرشها.. و دفنات راسها تحت المخدة .....كتمرغ وجهها ...توفيق تعجب من حركاتها مولف بيها كدير ديما ديجيست عجيبين و يمكن هادشي لي كيميزها طريقة لي كتعبر بيها على مشاعرها كتكون افعال وماشي هضرة
قلب توفيق الهضرة
توفيق:فراسك هادي اول مرة غنبات مع شي واحد فنفس البيت ونهضرو قبل من نعسو
هناء(ضارت عندو):هه تا انا من شحال هادي فاش كنت صغيييرة كانت جدة كتنعسني حداها..(شوية غطات عينيها بايديها وبدات تضحك غابوحدها)عرفتي الساط اش تفكرت
توفيق (كيضحك على ضحكتها):اشنو تاني المصيبة
هناء:فاش كنت صغيرة كنت كنعس حدا جدة وكنطلبها تعاود ليا قصة بحال الرسوم المتحركة و لكن هي كانت حاافضة غا جوج خبيرات الكرعين ولا نموت و عايشة بنت الحوات هاديك الكرعين ولانموت كانت كل نهار كتعاودها ليا سامعاها شي مية مرة و عمرني فهمتها تاكنكون متاابعة معاها شوية كتوصل اللحظة الحماسية و جدة كتصرع الخبير كتكون كتغوت فواحد اللحظة منين كينوض من لقبر ...بيتو تقتلوني الكافرين بالله بيتو تقتلوني وهانا رجعت ليكم من الموت نهم نهم نهم خخخخخشششش كتوصل لهاد اللحظة و كتنعس بحالا مشارجينها يالله كنجي نغزها تفيق كضور لجيها لاخرا و كتكوز ليا طرمتها كتفزعني بيها الارض وليت كنشك بلي مشهد اكشن تابع للخبيرة ....اح على ديك الكرعين ولا نموت رواية دراماتيكية بحثة هههههه عمرك مطلقا بحال التقافة ديالنا حناايا
توفيق(كتعاود ليه هناء وهو كيضحااك واخا كاعما كضحك بزااف و لكن حيت صحاب واخا تقول تابطاطا غيتفرش بضحك) :هناء برووجوولة عاودي ليا هاد الخبيرة ..
هناء:واخا معقلتش عليها مزيان ولكن سير عالله<
غمض توفيق عينيه وتسطح على ظهرو وهناء حتاهي تسطحات على ضهرها مغطيا كاملة و مخرجة رجل لل تهوية
هناء:كان يا مكاان فيامات اللحم و القتبان رااجل عايش هو ومرتو و ربي مسهلش ليه فالتريكة كانو عايشين حدو قدو تاواحد النهار الراجل تشهات نفسو الكرعين و مشا تقداهم لمولات دارو طيبهم ليه ...مرتو كانت فمجمع مع جاراتها المسمومات وكل وحدة كتفوح على الاخرى و فاللخر حشاو ليها الهضرة حيت ديما ساكتة و من الزردة سالتة .....
هناء كتدوي تا سمعات الشخير لقات سي توفيق قطع الورااق اما هي بقاات شحال كدور فعينيها و على شحاال عاد سلمات للنعاس ...
طووووووط مع الربعة ديال الصباح كتاسح صونيط مجهد جميع اركان الوطييل و كولشي ناض قافز...مع الربعة باااقي الضلمة وكااين لي منعسش مزياان وكااين لي شبع نعااس و عاد كاين للي يالله نعس و سلم بحال لالة هناء توفيق مسكين شاداه الرعدة مع صونات ناض واقف معرف باش تبلى وناض كيفيق فهنااء لي كانت بحال الميتة عيا يمخض فيها ووالو
ووالو لا استجابة بدا تاني كايزعزع فيها محس تاجاتو رجلها فكرشو فكراتو فعشا لبارح خلاتو كايتلوى
هناء(كتهضر و صوتها مدغدغ بالنعاس):راه سمعتك اداك البغل ...هانتا عطييني خمسة دقايق سير لبس حوايجك خمسة الدقايق وانا معاك
توفيق:توفيق مكاين لاخمسة لا عشرة نوضي توكضي..
مشا شعل الضو و هي تغطي وجهها بليزار ناض توفيق حيد عليها ليزار من وجهها ووقفها وهي ناعسة غادي بيها للطواليط و هي سادة عينيها و قفها قدام المراية حل الما وبدا كيغسل ليها وجهها عاد حلات عينيها ومزال كيتلصقو ومع ذلك بقات مرخية مشات دغيا للشكارة جبدات الشورط و دخلات لبساتو هادشي لي كاليها عقلها فديك الساعة وخرجات جلسات كتفرج فتوفيق كيجمع صاكادو ديالو تا طاحت على الناموسية ناعسة ناض توفيق بعصبية لاح ليها صباطها عند رجليها تلبسو وبدى كايلبس ليها القبية و يدير ليها الطاقية عااد السيد لاحظ راها قطعات شعرها وسرات معاه حيت كانت ديما كضفرو وكتخشي الضفيرة فالحوايج و كتشعكك الكصة كتبان بحالا مقطعاه نيت.. معلينا لبسات الكاط و بزز باش حزمات داك السير ...
هناء:الكاسك ديالي الكاسك ديالي هههن بقا عندهم رزاوني فيه كيندير نعيش بلا موسيقى انا ..(بدات كتغبن) و هو يجبدو توفيق
عاد السيدة فرحات وتوكضات و رجعات فيها الروح ناضت شدات لي زور باش تغطاو وطواتهم توفيق كيقول اش هاد لحداكة وهي طواتهم صغار بزااف ومشات عندو
هناء:حل حل داك الصاك عندك نديرو فيه هادو
توفيق:من نيتك اساطة على اخر يامنا غنسرقو لي زور من وطيل
هناء:وتا حل باراكا من لفلسفة راه غادي غنتسلفوه من عندهم كيفما هوما خداو تيليفوناتنا تحنا غناخدو هادو راه غنحتاجوهم
توفيق:عندي بلاصة لواحد صافي اري انا واحد ونتي واحد صافي
..وداكشي لي كان جمعو صيكانهم و خرجو وسدو لبيت مشاو تاني للاستقبال هوما لي وراوهم فين غيمشيو كاانت سااحة كبيييرة لدرجة ان المشاركين ولاو كيبانو قلال وسط منها وهوما لي العدد ديالهم فايت 150
كان ديك الساعا الفجر يالله كيطلع خيط ضوء خافت ....الساحة مشحونة بمشاعر الخوف الحماس التردد و سيدهم التوتر كولشي ضربو البرد و توكض كيتسنا.. كانت الساحة منها للغابة كيفصل بيناتهم شبابيك الكترونية فيها مكاتب صغيرة كل شباك كيحمل حرف اجنبي و المجموع ديالها28
وفالجهة الاخرى كانت تما شاشة كبييرة تفتحات وبان فيها رجل اربعيني عندو لحية و شعر يكسوهما الشيب لابس رسمي و نظراتو عادية كتوحي بانه انسان بسيط
الرجل:صباح الخير جميعا...كنعتادرو حيت فيقناكم مع هاد الوقت ..نتوما على بعد دقائق من بداية حدث صيد الجوائز الموسم السابع ...المهمة ديالي نشرح ليكم قواعد اللعبة ... اول حاجة صيد الجوائز عبارة عن مرااحل كل مرحلة عندها مكان محدد و سيد ديالها هو لي كيتحكم فيها ...فكل سطاج او مرحلة غايتعطاوكم مجموعة ديال المهمات وكيختالفو على حسب السيد لي كتواصلو معاه فور وصولكم للمرحلة باش تدوز للسطاج خاصك تنجح فلي قبل منو او كل مهمة كتنفدها كيكون عندك فيها جائزة ماالية كتضاف للرصيد ديالك ....تقدر تصرفها او تحتافظ بيها الامر راجع ليك كل فريق كيكون عندو جهاز لوحي متعدد الاستخدامات وكل فرد عندو البطاقة ديالو لي كيتخزن فيها الرصيد ديالو اهم حاجة بالنسبة لينا هي اننا كنعتابرو الفريق كشخص واحد يعني الجائزة المالية لي كتعلق بشي مهمة كتقسم على اعضاء الفريق ككل بالتساوي ....كاين عاوتاني حاجة اخرى كتوقع ..الى قرر شي واحد و لا تم الطرد ديالو من شي فريق خاصو يلقى فريق ااخر ينضم ليهم قبل ما تسالي المهلة ديال المهمة و الا يعتبر مقصي ...اول حاجة غديروها هي هاد الشبابيك هادو غتمشيو ليهم على حسب الحرف الاول من سمياتكم غتاخدو البطاقة و اللوح غيتم الترتيب ديالكم على حسب حروف ابجدية و ارقام
غيتم الترتيب ديالك على حسب حروف ابجدية لاتينية تليها ارقام
يعني مثلا غتلقى شحال من مجموعة عندها الحرفA ولكن كاين لي عندوA1
وكاين لي عندها A2
وهكذا ..اول مهمة غتكون عندكم و هي تمهيد لما هو قادم خاصكم تخطاو حاجز الغابة وما يليها و توصلو للسفينة التابعة للتنظيم....عندكم مسافة60 kmو خاصكم توصلو ليها غدا مع 10 صباحا ..السفينة كتمشي على حساب جوج معايير اولا الوقت يعني الى وصل الوقت غتقلع و متسنى تاحد و ثانيا العدد بحيث العدد ديال المشاركين لي غتهز هو 100 و لا وصلات لهاد العدد واخا توصل قبل الوقت غتعتابر مقصي وماشي من حقك تكمل ..خط البداية من هنا ....حاجة اخيرة ...يسمح باستعمال جميع انواع الاسلحة و كل فرد ملزم باش يحمي راسو ....كنتمنى ليكم التوفيق و الحظ يكون فصفكم ....
و تغلقات الشاشة ديال الرجل العجوز و ف ذات اللحظة المشاركين مشاو كيجريو للمكاتب لي كتحمل الحرف الاول من اسماءهم د ولي غلب على شي حد كيدوز قبل منو ....توفيق العملاق دغيا سلت عطاوه لوح بصم فيه و ديك الساعة خرجات ليه بطاقة على شكل بادج فيها اسمو و معلومات عليه وفيها S4 مكتوبة كبيرة... اما هناء مع صغيورة
فلي جا كيغمق عليها ويدوز و بالكشايف باش سلكات عطاوها تاهي بطاقة بحال توفيق و لوح الكتروني صغير الحجم ..بدات كتقلب على توفيق لي بدورو كيقلب عليها وراتو شنو عطاوها و تاهو ..و ستغربو من الجهاز العجيب لي عطاوهم ...كل فريق عندو غي واحد بغاو يشعلو ولكن مشعلش داروه فالصاكادو....كانو المجموعات بزااف يعني قليييل فاش كتلقى شي حد بوحو وغالبا هادوك لي بوحدهم غير كياخدو المسائل ديالهم كيبانو ليك علقو ...اما المجموعات فخاصهم يبقاو يتسنااو بعضياتهم و يتجمعو عاد يمكن ليهم ينطالقو هادشي عطا لتوفيق و هناء فرصة انهم يواكبو الجماعة و ميكونوش معطلين ...الطريق وسط الغاابة كانت تقريبا باينة ...لكن فالتعليمات متعطاتهم تاخريطة و الاغلبية تبعو غا الحدس ديالهم و تبعو الطريق لي كتبان مفروزة وواضحة.....وماهي الا ثواني حتى بدا السبااق الكل كيستاغل ديك الطاقة لي عندهم الصبااح باش يضربو اكبر مسافة ممكنة...
بزوغ الفجر ...لون قرمزي فااتن ...و نسيم يصفع الهدوء و الاشجار...لا صوت يسمع سوى توالي الخطوات.. اشخاص يسابقون انفسهم ...يبتعدون قدر الامكان عن خط البداية .فلا احد يريد ان يكون الخاسر..لا احد يريد ان يعلق هنا للابد
دازت اكثر من ساعتين و شرقات الشميسة وبدات كتاضح معالم المكان اكثر ..كانت غابة قليلة الكثافة و لكن نابضة بالحياة...الارض ديالها ماشي مستوية ...محفرة شوية و فيها بلايص واطيين وبلايص عاليين...و المتشاركين عياو بقوة الجري اكثر من ساعتين وهوما كيغالبو انفسهم باش يبقاو مواكبين بعضياتهم و لكن الله غالب ...و قفو كيستاراحو لدقائق فقط و عاوتاني بداو المراطون ....مكاين غا جري عليا نجري عليك ...كلهم كوم و هناء كووم بووحدها ولات غادة غابزز ومتقل عليها صاكها ...وعاد معندهاش طول النفس ..دكشي لاش ولات مرة كتجري شوية و كتوقف تلهث و مرة تبقى غير كتمشى وتوفيق مجارييها وطلع ليه الدم ومفقوص حيت بان ليه بنادم بدا كيفوتهم كون كان بوحدو كون معرت فيين وصل....تا ضار لقاها ربعات ليه فالارض و كتنهج و هازة يديها بجوج كتشير بيهم
هناء:واااالو وتقوول واش نزيد خطوة وحدة ...هلكتيني بقوة لجري...خلي دينمهم يسبقو لي بغا يسبق يسبق .....(شوية تفكرات شي حاجة مهمة بزااف وسعات عينيها و ضمات حجبانها و فمها بحالا بغات تبكي)
هناء:توفييق لما ...بغيت نشرب
توفيق بعصبية:(نهض فيها)منين ابتيبانة معندكش الصحة و مقاداش ..لااش خاشية راسك فهادشي كبيير عليك ...شوفي بنادم كولشي كيضرب فينا ويزييد باااينة غنبقاو واحلين انا وياك هنايا حتى تناك علينا ...
هناء مرضاااتش قدامو و جمعات الوقفة و جمعات تا حجبانها وبدات كتنكر..
هناء:ورااه غير حيت الصباح وانا كتعرفني كنكون لاعلاقة فالصباح وعااد فيا العطش و الجووع و حنايا كلنا خرجنا بلاما نحطو اللقمة ففمنا .. ودابا انا داكشي لي جمعتو لبارح كولو حطيتو فلجرا منين هتجييني انا الطاقة منيين و اصلا انا...
يالله هتكمل الشكوى و التغبان وهو يسكتها توفيق بدغمة ففمها
توفيق:شدي كولي يا علا منييكة ديال عيشورة خاصنا نديرو ليك الحجرة عاد تخدمي
توفيق حل ديك الشكارة كااملة وجبد قراعي ديال الما و طروفا ديال الخبز عامرين باللحم و الدجاج .. للي كان ..و مخبي مزاال الخير فالشكارة لداخل
توفيق مد ليها الخبز ...و هي تخطفو ليه و كركرات ديك القرعة
ويالله ا غتشد من عندو الخبز وهو يرجعو و جبد بلاصتو تفاح و فطاائر
توفيق:شدي كولي هادو دابا ولاخرين تنتغداو بيهم...خاصك تعلمي تفكري بحالي ...هادشي راه لبارح فاش كلينا وبقا الخير غامدفق طاحت ليا هاد الفكرة العظيمة فبالي ...وقلت حنا معارفينش غدا اش يقدر يكون ماشي غيبقاو يديرو لينا ديما بحال هاد العشا وهناء مسكينة عزيز عليها اللحم و تقدر تعيا ليا مع الطريق ..داكشي لاش على قبلك جبت هادشي
مع سالا و هي تجمع هناء ايديها و طلعات معاه كروشي لكرشو بجهد تاهبط كيتلوى (كيجيها جهد غا فاش كتبغي)..
هنااء:كدااااب ....من نيتك باغيني نتيق هاد الفيلم الهيندي لي درتي ليا ...هادشي كاامل معزتي عندك و فهامة زايدة فييك.....توفيييق قول ليا الحقيقة
توفيق(بدا كيضور عنينيه باستسلام): يا علا بنادم ...هادشي الالة بتيبانة لبارح فاش تعشينا وسالينا واحد جوج خدامات تما كانو كيوشوشو قرييب ليا قلت نسمع اش كيقولو وحدة قالت لاخرة راه غدا غيدوز عدنا صعييب و خاصنا ناكلو باش يالله نعوضو وهي طيح ليا هاد الفكرة فبالي
هناء(كتحقق فيه عينيها): توفييق ...قول الحقيقة بلاما نستعمل معاك العنف....راه نتا الى كانو قدامك واخا يهضرو معاك مكتسمعهمش كتبقى حال فيهم فمك ...
توفيق:(تنهد دغيا و سرسب الهضرة)هادي واحد الدرية خدامة تم هي لي صيباتهم ليا البارح...وووو بلاما ندخل معاك فالتفاصيل
هناء(كملات التفاحة و فزعات الازبال ديالها...تنهدات وقالت):الزيغة ديالك ...كتنفع بعض المرات..الى كليتي يالله
جمع توفيق صاكو و دارو فضهرو هو وصاك هناء و انطالقو تاني كيجريو و يقولو مجرينا باش يخلطو على لاخرين ......
المسافة لي عندهم مع الوقت لي عاطينهم كتبان منطقية بشوية الماط غتجيهم كيلومترين فكل ساعة ....كيفايهم و موفية خصوصا لكانو كيجريو ...ولكن من ناحية اخرة المدة لي عاطينهم متواصلة يعني خاصهم يقتاطعو منها ساعات الراحة و النوم و شحاال من حاجة ...هدشي فالاول مااشي كلشي فكر فيه ....وكاين لي فكر فيه مزيان وعلييه بنا ....وفصمت كيخطط
تعشات العشية و كوولشي تعب و عيا ....العطش و الجوع مكيرحمش ...وشحال ما صبرو و جاهدو الجهد كيتقادا ....الا واحد القوم عركوها وعطاوها للاطاك تا وصلو على اللوالا ....حيت فسباق فيه مساافة طويلة لي خصك تجنبو هو ترهق نفسك ....فاللييل وفقلب الغابة طاحت الضلمة ولكن كاينة القمرة مضوية كلشي توسد الارض و سند ظهرو على الشجر باغين يغمضو عينيهم و ينقصو شوية من العيا لي عليهم.. الا واحد الجماعة شاعلين العافية و كيشويو فلحم قنيات صيدوهم.. ضايرين بالعافية و كيتحتو ويضحكو مجمعين و انضمو ليهم وحدين اخرين وهاكا كبر المجمع و تعالت اصواتهم و قهقهاتهم ...توفيق وهناء فقنت بعاد عليهم
توفيق مسند على شجرة ومغمض عينيه ناعس و حداه هناء جالسة وحاضية الصيكان و اش ضاير بيهم كتبعد الحشرات لابانو ليها و كتراقبهم من بعيد كيبانو ليها ضايرين بالعافية ...محملاتش المنضر ديالهم و محملاتش التجمع ديالهم....حساسيتها الزايدة من بنادم و خصوصا التجمعات ديال الضحك كتكرههم ..كيفكروها فبزااف الحوايج فينما كتغمض عينيها كتفكرهم ......وهي مخنزة جيهتهم و مرة مرة ضور عينيها بانت ليها بنت جاية قاصداهم و فايدها هازة الماكلة وقفات عليهم .. فكات هناء غوباشتها ..وهزات فيها عينيها
نطقات البنت لي مكانتش كتبان مزيان من غير عينيها للي كيبريو وشعرها الطويل كيشالي وراها
البنت:سلاام ...صيدنا قبيلة القني و جبنا ليكم حقكم تنتوما واخا مدخلتوش معانا ولكن منسيناكمش
حل توفيق عينيه كيحقق فالبنت و عاقد حجبانو وابتاسمات ليها هناء وشكراتها من لفوق طبعا
غير مشات وهو يسولها توفيق
توفيق:شكون نغ ديك البنت
هناء:من دوك الجماعة لي لهيه قاتليك جابت لينا حقنا فالصيد واخل مشاركناش معاهم
توفيق(بتعجب):مصوابين بزااف
هناء:داكشي لي بان ليا تانا ...بلاتي مدوقش دابا
فرتات داك للحم ب ايديها وبان ليها كيتزلق و للحم لاتشوا كيبس و الشحمة كدوب ولحم القنية اصلا مكيكونش فيه الدهن و الاغلبية ديالو لحم ....هزاتو وداتو لنيفها هو اللول كتشم و عوجات فمها....هزات طريف صغير وداتو لفمها مضغات مزيان ودفلاتو
وخيبات سيفتها و توفيق مغوبش و متبع معاها
هناء:فيه شي حاجة ماشي هي هاديك .....زايدين فيه شي حاجة داكشي لاش كيتلصق...معندهاش ريحة مميزة غتكون شي مركب كيميائي وماشي طبيعي او طبيعي وزايدين فيه شي حاجة و بيها ساقيين اللحم....مهم مناكلوهش مخاسرين والو
توفيق:الا كانت فيه شي حاجة كضر خلينا نقولوها حتال لاخرين ...معرفتي متكونش فراسهم
...يالله هينوض وهي تشد ليه هناء يدو ونطقات
هناء: ومعرفتيهم يكونو عارفين و ساكتين البنت للي جات من داك المجمع مغتكونش قصداتنا غير هكاك...(شافت فيه وهضرات بجدية ممزوجة بحزن)توفيق تا حاجة فهاد الوقت مكتعطى هكاك ....كل حاجة عندها مقابل حنا باقي كاعما بدينا وبنادم بدا فبلاناتو و فالغش من دابا علم الله شنو باغين يوكلونا وشمن مصلحة عندهم و لكن بالتاكيد باغين ياديونا..انا بغيت نعتازل بنادم ...بغيت نبقا غير انا وياك و ميدخل معانا حد من هضرو مع حد منتصاحبو مع حد....توفيق خلينا نعتازلو بنادم كي كنا كنديرو ديما ....خلينا نكونو فامان
توفيق:كنبغي ديما نعرف الطريقة باش كتفكري و مكنقدرش ...ولكن عارف حاجة وحدة عقلك كيخدم بشي طريقة مختالفة عن اي انسان عرفتو قبل ....غنتيق فيك اهناء كيفما نتي كتيقي فالحدس و الحواس ديالك ......انا نعست وشبعت نعاس نعسي تنتي شوية ....باش نوضو نكملو الطريق
نعسات هناء موسدة صاكها ..ناعسة على جنبها و جامعة رجليها عند كرشها و شعرها طايح على وجهها وكل مرة كتدي ايديها عند رجلها وكتململ بانزعاج فاش شي حشرة كتجي ليها ...توفيق لي كان هاز راسو فالسما علم الله فاش كيخمم ولا يمكن غير كيتامل جمال السماء المرصعة بالنجوم ...منضر مكتشوفوش فسماء المدينة بسبب كثرة الاضواء .....دازت لفحة هواء باردة..وتكمشات هناء كتر ...هبط توفيق عينيه جيهتها ولاحظ كيفاش كتكمش ووجها حيد كويرتو وغطاها بيها ...بقا كتامل ملامح وجهها للي كيبان فيها غير شوية و كيفكر...كيتفكر البارح فاش سولاتو على الهدف ديالو ...وكيقارن هضرتها البارح على الحياة مع داكشي لي قال هو ...ضحك بسخرية على راسو و جمع الضحكة وتعبير جاد باين على وجهو ....يمكن هو دابا اكتر واحد مظلوم فالدنيا واكتر واحد حائر فحقيقة مشاعرو و لكن مشاعر وحدة لي متاكد منها تجاه راسو ...وهي مشاعر الشفقة على راسو ......دوز وقت وهو كيفكر و كيجمع الذكرياات ....بان ليه طيف شي حد تحرك وهو يتحرك تاهو فيق هناء لي ناضت مبوقلة بزز باش وقفات ليه دارو صيكانهم ضورو عينيهم تما بان ليهم بنادم كل واحد فين مفروش كيحلم بداو فالاول غادين كيتمشاو غا بشوية وعاد بداو كيجريو وتاني غابشوية وهناء كل مرة كتعكل و توفيق شاد ليها ايديها شوية وقفات هناء ووقفاتو تاهو..
توفيق:مالك وقفتي
هناء:فراسك هاد الوقيتة هي لي كتسمى السحر و الدعاء فيها مستجااب..
توفيق:سبحاان الاه كتفكري الله غا فاش كتبغي
هناء(جمعات فمها وخرجات شنوفتها لتحتانية):انا راه عندي الايمان فالقلب شتي واخا مكنديرش بزااف الحوايج خاصني نديرهم فالدين ولكن عارفة حدودي و كنبغي الله فقلبي راه واخا قطعت الصلاة ولكن غنرجع نصلي ان شاء الله
توفيق:همم باش بشورط
هناء:اووف اوووف و نتا غادعي الله يسر لينا مصعاب و سهل علينا طريقنا و يحمينا من شر ما خلق
وهوما غادين فطريقهم كيجريو ويقولو مجرينا بدا الفجر كيلون الدنيا كيعلن على بداية يوم جديد وكيحمل معاه احداث جديدة ..نرجعو عند واحد الجماعة فالغاابة باقين ناعسين بعمق وكل مرة يتقلبو على جيهة موسدين الارض و ريوكهم عليها هوادين .....واحد الجماعة اخرة غادين كيجريو مترأساهم بنت دايرة كاسكيطة ولابسة تجاكيطة كبييرة فيها بزاف ديال الجيوبة و كتبتاسم ابتسامة واثقة من راسها.....باتت على يقين انها هي وجماعتها غيوصلو لا محالة
اشرقت شمس مارس الحمراء وارتقت لقلب السماء تمد ضياءها لاماكن معتمة تشحنها ببعض من جرعات الحياة
يوم مشمس من بدايته ...غتطون هاديك التمنية ديال الصباح ..هناء و توفيق كيجرو فرجليهم بتعب الغابة الكئيبة مبغاتش تسالي توفيق ناصل الكويرة و التيشورت وكيضور عاري الصدر لي كيتصبب بالعرق و هناء هي الاخرى عاقدة كمايم قبيتها عند خصرهاووجهها فازك و شعرها تاهو عرق و لصق على وجهها هاد الاخير كتبعدو عليه بانزعاج
بان عليهم تعب ليلة كاملة ديال المشي و الجري و قتلهم العطش ...ياسو وفقدو الاماال وقالو هنا بقينا فهاد الغابة للي ولاو كيكرهوها ....
فقلب الياس وخيبة الامل ..نسيم عليل جر معاه اوراق الاشجارالمتاسقة على الارض و داعب انوفهم ....نسيم كيحمل معااه ريحة غرييبة ...كشترح الصدر و طيب النفس .....ريحة الملوحة الباردة...هاديك لي كتشموها فاش كتمشيو للبحر .....شاافت هناء فتوفييق لي بدورو شاف فيها كيبتاسمو لبعضياتهم بسعاادة..جر توفيق هناء من ايديها و بداو كيجريو تاني و داك العيا لي كان بحالا مكانش و تزادهم جهد جديد ..كيجريو باقصى سرعة حتى لاح ليهم فالافق صورة الضياء مابين سيقان جوج شجرات ...كانت هاديك هي نهاية الغابة لي وضراتهم وسط منها وهوما كيقتاربو اكتر و الريحة كتزاد اكثر وكذلك الصورة كتوضح اكثر و اخييرا ...هاهوما على حافة اخر شجرتين ...توفيق حاط ايدو على وحدة وكيتنهد بجهد و الضحكة ممفارقاهش و كذلك هناء لي محنية وشادة فركابيها كتلهث ...هزات عينيها فتوفيق و هي كتضحك و الدموع فعينيها ...وكترجع شعرها المشعكك لور و كيعاود يوقف تاني .......شافو لتحت فين كاين البحر لي هاادئ نوعا ما ...هناء كضحك وتجر توفيق من ايديه تجوازو الشجيرتين و بداو هابطين فواحد الحافة رملية معالياش بزاف
هناء هابطة مقدمة و كضور تشوف فتوفيق وضحك مشافتش واحد التيمومة مقمقة باج بحال الرملة خارجة من ديك الحافة مقلزة ليهم مع عفطات عليها و هي تلوى ليها الرجل لاخرة مع رجليها لولة و هي تجي مكعورة مزلكة على وجهها و الزوينة هي توفيق كانت شادة فيه جراتو معاها تاهو و مع الصاك تقيل تاهو عاونهم يتكربعو وجههم تخشى فالرملة وصاكهم على ضهرهم كيقول ليهم عافاكم غاشوية ونوضو ...ناض توفيق هو اللول وقف وجر هناء من صاكها تاوقفات ....و ساست وجهها من الرملة و شافت توفيق لي راسم على وجهو تعبير 😏😏 مع شافت فيه و هوما يتزلعو بالضحك .....مشات هناء كتجري جيهت البحر حيدات تقاشر خشاتهم وسط السباط و مشات كتغسل رجليها ووجهها و ايديها و كتحيد العرق من بيطانها و توفيق نفس الشيء كيفزك صدرو و كرشو تاولاو كيبريو بالما ضار عند هناء كيستعرض عضلاتو
توفيق(مقصح كرشو و مزير على صدرو باش يبان منفوخ):هنااء ورقي ليا العضلات و الفصالة كيدايرة شوفي مع فازكين وضاربة فيهم الشمش ...ورقي ليا الفراكة
هناء:اه اه واايه ...تانا راه عندي العضلات و مخبياهم نوريهم ليك🤨
توفيق:😒
واخييرا عاد نتابهو...هاهوما لقاو لبحر و لكن فين السفينة لي غتقلع بيهم ضورو عينيهم بحيرة مبان ليهم والو ...سرح توفيق عينيه عاد بانت ليه ....بعيدة شوية.
توفيق:رااها فين هنااء خاصنا نتحركو راه الوقت قريب
حتاو على صبابطهم فايديهم و كي
جريو فجيهة لي على البحر حيت الرملة غتعنكشهم و تعطلهم ...كيجريو بكل الجهد لي عندهم .....وكلما كيقربو كتبان ليهم السفينة كتر ....فميناء صغير بزااف طلعو من رملة لارض مضسة و تاجهو جيهت السفينة لي مكبيراش و ما صغيرااش لقاو لي فيها فيها و بناادم شحاال كاين معمر تما طلع توفيق هو اللول ومد ايديه لهناء جرها عندو هاد الاخيرة لي غير حطات رجليها تما و هي طير عليه بتعنيقة و حيت فرق الطول بيناتهم كبير ديك التعنيقة جات مشكودرة ولكن حلوة 😂
داز نص نهار وسط الباطو....من بعد ما ل 100 شخص خداو بلايصهم ....وتعطاتهم غرفهم ٤وهاد المرة غرفة للواحد ....العيا و الارهاق كان باين على الجميع داكشي لاش الاغلبية دخلو فنوبة نوم عمييق....وماكيتسمع غير هدوء امواج البحر و الصقييل ....فغرفة ظطفي فيها الضوء ناعسة هناء على ضهرها غير بالملابس الداخلية البيضاء ناشرة كل ايد فجيه و كل رجل فجيه و ريوكها سايلين على المخدة مسمعااتش باب غرفتها لي من صباح وهو كيتدق ....بدا الدقان كيعلا بجهد ..تاناضت هناء قافزة وتحت عينيها كحل و شعرها شاد الريزوات ...حطات رجليها على الارض و هي كتفكر شكون هي واش كدير هنا ...مدات ايديها تحت المخدة تقلب على تيليفونها وملقاتوش مدات ايديها جيهت الفيوز شعلاتو وبانت الغرفة فشكل...ناضت مشات شعلات الضو طلات على راسها لقاتها ملابساش وهي تلوح عليها قبيتها الكبيرة كتجيها هابطة شوية وقفات ورا البا وحلاتو وهي مخرجة غا راسها زعما حشمانة ..ساعا مبان ليها تاحد
سدات الباب ومشات جلسات فالناموسية شحال تا صحصحات وهي تجمع الوقفة جبدات الصاكادو وحلاتو ..جبدات منو تيشورت مخطط بالكحل و الابيض طويل شوية مع كولون كحل ...تقاشر جداد لبسات الكاط ديالها فرقات شعرها من جنب جيهة خلاتها مشعكة ومنفوخة و جيهة سرحاتها بالمشطة ولبداتها تال ورا ودنيها دارت كاسكيطتها بالمقلوب و جبدات لاتخوس ديال المكياج دارت شوية العكر و الفغاجو كالعادة ودارت شوية لنيفها طراسات حجبانها ...ووقفات قدام المراية
قبل متخرج تفكرات البادج لي حيداتو مع حوايجها فاش دخلات دوش ومشات كتقلب عليه مع لحوايج لي لايحة فالارض و هزاتو كتحنزز فيه مزيان و تعبرو و من بعد لبساتو وخشاتو تحت تيشورت خرجات من بيتها وسداتو و مشات فالصف ديال غرف لعند توفيق
ضورات البوانيي وهو يتحل الباب كان الضو مشعول دخلات بالحس لقات توفيق ناااعس كيشخر و رجليه مدليين....سدات الباب بالحس و مشات جيهت ناموسيتو طلعات لجيهة الخاوية وقفات وحسبات حد تلاتة و هي تنقز و جات جالسة تاتنفضات الناموسية وهو ينوض توفيق قافز عاقد حجبانو ومخرج عينيه صحبليه معرت شوقع وهو يضور عينيه عاد بانت ليه شنيولة مفرووشة بالضحك.....هز مخدة وصيفطها ليها لكمارتها تاطاحت فلارض و ناضت مخنزرة ليه
هناء:يلحماار شوف دابا مسحتي ليا المكياج
توفيق:(شاف فيها وهو يحبس الضحكة)هاي هاي على العكر ....(صغر عينيه وهز حاجبو وقال بابتسامة ساخرة)جدااب.. لدرجة العدااب ...راك واو بلا ضواو
تعصبات هناء و هزات ديك المخدة تهزات ونزلات عليه و قلبو مضاربة بالمخاد ولكن ماشي داكشي ديال الافلام الريش كيطير وكيضربو غابشوية و كيضحكو ....هادو راه دايرينها معركة حياة او موت ....كيخدمو كاع الاسلحة المباحة و المراوغات التكتيكية..والقوة البدنية ....توفيق طايح فالارض وكيقلب على مخدتو هز فعينيه موسعهم وحال فمو بهاد التعبير😧😧
وهناء فوق الناموسية هازة مخدتها تا دلات و را ضهرها و كتبومبا و مخرجة فسه عينسها وكضحك حسبات تلاتة و نقزات على توفيق لي ملقي ايديه على وجهو سبقات ليه المخدة وهي فوق منها
توفيق:لااااا اااااع ناري على مجعورة.... نتي كتر من سراق الزيت لي كيطير
هناء:شكون نغ ليربح دااباا..اااناا .....لا يهم والوسيلة او التضحيات التي تقدمها طالما تحقق الانتصار ....شتي الفيلسوفة هناء كي كتفكر
خرجو من بيت توفيق من بعد ما لبس تاهو و بقاو ضايرين مع لكولوار منين جاو لمرة لولة تا طاحو فلبيفيت كانت عاامرة واصلا قبيلة كانو كيدقو عليهم باش يمشيو ياكلو حيت عندهم داكشي منظم و بالوقت والى فاتك الوقت كب على كرشك الما ....مشاو يدومونديو ساعا عطاتهم مراة غليضة هي للي.. كطيب بلاطو لواحد فيه شوية شوية من لحاجة...داوه وجلسو على طاولة خشبية مقابلين مع بعضياتهم كلاو دغيا و ناضو خرجو على برا كيطلو على البحر و يقشبو وهناء طالقة المزيكة وديما الكاسك الكحل مكيتفارقوش .....طالقين طراكات ديال الراب و كي شطحو عليهم على طريقة البريك دانس غير كيتصاطحو وصافي و بنادم من بعد حاضيهم
...على الجيهة الاخرة لمحات هناء بنت شعرها طويل ووجهها منمش و حجبانها طوال وديما هازة حاجب لابسة تجاكيطة طويلة حد الركبة فالخزي وفيها بزاااف ديال الجيوبة صغار كيتسدو بالسنسلة.....كانو ضايرين بيها واحد المجموعة لي تقريبا العدد ديالهم فوق سبعة منهم واحد التوام طوال ومكلضمين و صلعين....هزات بدورها عينيها فهناء وهي كتبتاسم تلاقات الاعين...وهزات فيها هناء حجبانها و هي كتبتاسم ابتسامة هادئة.....كانت هي البنت لي جات عندهم ديك المرة وجابت لحم الارنب لي معرت باش مخلطاه ....هناء قالت بعينيها راها مداراتهاش بيها وهاهي وصلات....ولبنت تاهي فهمات الرسالة....وتوفيق ملاحظ وااالو كيدندن مع واحد الطراك و يضحك غابوحدو ......
كنضن احسن منظر تقدر تشوفو هو غروب الشمس على البحر..ونتا وسط البحر .....مزيج الالوان ذاك لايضاهيه في التناسق جمال ...الشمس بعظمتها كتبان بحلا كتغرق فالبحر الهاادئ....بقاو متبعين المنظر بتاثر و تأمل تا غبرات الشميشة و طاح الليل.....وصل وقت العشا و كالعادة خصهم يكونو فالوقت....مشاو جميعا لبيفيو لي كيتاسع ليهم كلهم و خداو كالعادة ماكلتهم بالطابور .....وهوما كياكلو لعشا دخلات بنت متوسطة الطول ذات جسم انثوي ممشوق بلباسها الشاطئي مايو اسود و شورط دجين قصير مبينة الاوشام لي عندها فكرشها و خصرها و تا رجلها دايرة فوق منهم كيمونو ياباني (هاداك اللبس التقليدي الياباني لي داير بحال البينوار 😂)...حريري محلول و ثوبو شفاف شعرها الاشقر قصير و بشرتها السمراء بفعل الشمس
دخلات بكل انوثة و اعين الجميع عليها وراها جوج من رجالها ....جلسات على طاولة و مسندة ايديها وراها والابتسامة ممفارقاش وجهها .....شافت فيه كاملين و نطقات بصوت باح نوعا ما....
فتاة الكيمونو:مسااء الخير جميعا....كنتمنى تكونو ارتاحيتو مزيان وعجباتكم الضيافة ديالنا .....نعرفكم براسي ...انا لينا الكابتن ديال السفينة لي نتوما فيها و عضو فإدارة صيد الجوائز ....فمرحلة الرحلة غتكونو تحت الرعاية ديالي.....و باش متكونش الرحلة مملة قررات الكابتن لينا نلعبو لعبة ....(ابتاسمات تا بانو سنانها..
وصوتها بح كتر)...وشبانليكم للي خسر نلوحوه فالبحر 😄....متخلعوش غتكون لعبة زوينة ....القوانين ديالها كالتالي ....غتخرجو لسطح السفينة و غتقسمو لعشر مجموعات و كل مجموعة فيها عشر اشخاص غتشكل حلقة ضايرة .....وفكل مجموعة غيكون مراقب ...اللعبة ديالنا غتكون لعبة ورق....ولكن ماشي ورق عادي .....غادين نفرقو عليكم عشرة ديال اوراق اللعب و الحادية عشر عند الحكم هاد الاخيرة غتكون مكتوبة فيها جملة .....والاوراق الاخرى تاهي جمل مختلفة من بينها جملة فيها النفي ديال هاديك لي عند الحكم لي جات فيه هاد الورقة خاصو يخرج من لحلقة و غتبقاو تخرجو حتى يبقى فائز واحد.....
نقز واحد الدري كيبان زاعم
الزاعم:ولكن كيفاش غيكون خاسر واحد من بين هادو كاملين لي غيتقصاو؟
هزات لينا كتافها بمعنى معرفتش و قالت
لينا:لينا باقي مقرراتش ....تالمنبعد و نشرح ليكم الباقي
قصة صيد الجوائز
محتوى القصة
التنقل بين الأجزاء