جيتكم تاني بقصة عشنا معها الخيال و الحب والتشويق🙏🏻👌🏻
العنوان:سيد القلعة أو الأمير النائم
ربطو حزام الأمان سوف نسافر في رحلة الخيال و القوى الخارقة و عوالم الأرض و باطن الأرض و فوق السحب رحلة كلها مغامرات و تشويق مع #رافائيل_افرا_فابيان و ما نساوش #كريست_كارلوس ✈✈✈
سلام انا رافائيل بالمختصر رافا الغول ردو بالكم تقولو ليا الممسوخ حيت غادي نمسخ معالمكم بزاف منكم كيتهرب من مسألة أن الكون ما فيهش غير الإنسان و الحيوانات وهو عارف في اعماقو أن الكون فيه بزاف الظواهر الغريبة و الغامضة لاكيد وقعات لبزاف منكم شي حاجة منها كاين لخباها لراسو حيت خاف إلى قالها ناس تضحك عليه ولا يقولو هبيل أنتما البشر من كتنعسو في ليل حنا عاد كنخرجو و يرجع في عالمنا الحياة عالمنا لبعيد عليكم لكن نتما البشر ديما عزيز عليكم الاكتشاف حنا بعدنا منكم لكن نتما كتقلبو علينا انا ماشي كنخلعكم لا لكن هذي الحقيقة من نتما كتنعسو شحال من جن عاشق و عفريت مارد كيراقبكم و شحال من وحدة فيكم كتشدها الفيقة و كتحس بشي حاجة ثقيلة على صدرها ما كتقدرش تحرك لا ايديها لا رجليها كتغوت و لكن حتى حد ما كيسمعها واش حسيتو بيها هاهاهاهااا اكيد ما تقدروش تقولو اه ما تخافوش رآه الخوف لكيخلي مخلوقات العوالم تتقوى اه كتتقوى بالخوف تاعكم
انا طبعا ماشي مخلوق واحد ماشي عفريت ماشي جن ماشي مصاص دماء ولا مستذب ولا ساحر ولا ملاك ولا شيطان ولا حيوان ولا بشري انا كلشي ف واحد لكن انا دابا متناسب معكم هههه اه متزوج بشرية حمقا و شجاعة و جابت ليا احسن ولد في العالم ولد الغول نص بشري نصف غول يعني #هاجين قصتي مختلفة بزاف حيت فيها جميع المخلوقات من جميع العوالم نتا لكتقرا اه نتا معك كنهضر واش في نظرك كلشي لكتقراه فقط من الخيال ولا فيه شوية من الحقيقة ولا بزاااف كاع من الحقيقة لمعلوماتك هذا القصة مرضات بسبابها الكاتبة حيت تدخلات في عوالم الجن و العفاريت علاش تجبدوهم من ما قادرين عليهم😈😈😈 كنتمنى تكونو خفتوو وانا هنا غير باش نقوم بواجب اخافتكم لكن ردو بالكم تبينو الخوف تاعكم رآهم وراكم و قدامكم و فوق راسكم كيشوفو في عينيكم مباشرة كيتسناو غير امتى يشوفو خوفكم🤫🤫
اوووف هضرت بزاف نمشي نشوف ولدي فابيان اش من مشكلة دار ليا تاني و نطل على حبيبة قلبي افرا اه على فكرة سميتهاAFRa ماشي IFRa اسمها AFRA
ياله شكون مستاعد يغوص معنا في العوالم و المغامرات ما تخافوش رافائيل لهو انا ديما موجود للحماية الغزولات المهم نمشي لا تسمعني مراتي حبيبتي و تغير نصدق بايت برا هيا إلى المغامرات 👻👻👻👻
ياله فيقي فيقي ياااا واش ناعس ولا الموت هذي
فتحات افرا عينيها بزز و فابيان فوق سرير كينقز باش تفيق
فابيان:ماما الكاسولة بابا قال ليا نفيقك رآه عمي كارلوس و خالي كريست هنا
افرا:واخا انا غادي نجي ياربي ما قدني فيل زدت فيل آخر
فابيان:واراه فيووول ا ماما حرك ايديه و طار الفراش من فوقها شاف فيها بمكر و هز صبعو تجاهها
افرا:لاا لااا فابيااان لااا لكن شكون سمعها لقات راسها طايرة في السما و هو كيضحك غوتات بعصبية رافائيييييل
ظهر رافائيل في الغرفة كيف ظهر فابيان ترعب جمع ايديه و جات افرا نازلة للارض كتغوت مغمضة عيونها حتى حسات بشخص شدها فتحات بفرحة وهي كتشوف رافا معنقها ليه نزلها للأرض بخوف عليها
رافائيل:واش انتي بخير شاف في فابيان بغضب قلت لك ما تبقاش تخدم قواك مع ماماك
افرا:هذشي بزاف انا غادي نمشي و نخلي لكم دار
فابيان:ناري ا ماما والله رآه كنحبك كنحبك فين ما مشيتي نمشيو ياك ا بابا
رافائيل كيشوف فيه بنظرات غبر وجهك لا لصقك مع الحيط
فابيان:هههييي نخليكم تاخدو راحتكم العشران وهو كيختفي
افرا:هذ الولد بزاف كل مرة مطيرني رجعت بحال دجاجة معكم
رافائيل:عنقها انتي أحسن دجاجة الكبيدة والله حتى عزيزة عليه راكي عارفة صغر و القوى جديدة عليه فيه الفضول يجرب كلشي سبحان الله كيشبه في الفضول تاعو لواحد الشفارة كانت جات تشفر القلعة تاعي حتى طلعات شفرات قلبي
رافائيل:ايوا كنت بغيت نديك معيا واحد الحفلة من غضبانة مني صافي بلاش زيدي لبسي رآه خوك كيتسنى
افرا:اش من حفلة الحبيب تاعي
رافائيل:ياك مقلقة مني صافي رجعت الحبيب تاعك
افرا:على الهبيل يديو عليه ناس كتهضر وهي كتلبس
رافائيل:ايوا بعدا من عترفتي أنك هبيلة مزيان كاينة حفلة في عالم السحارة ليلة غادي يتوجو ملكة الزهور
افرا:واو و شكون هي
قرب ليها و باس على كتفها العريان وهو كيعاونها تلبس و شدها من كرشها
ماشي بشرية انتي ملكة غير تاعي واش مازال ما كاين شي كتكوتة في طريق
افرا:براكة عليا غير هداك الديناصور مشيبني عندو 4سنين بحال تقول عندو 50سنة
رافائيل:جاب ليا الله لي ياخد حقي منك حيت انتي ديما مشيباني ولدي حبيبي
فابيان:نعم ا بابا عيطي ليا
رافائيل:فااااابيان قلت لمك ما تبقاش تتجسس عليا انا و ماماااااك انت غادي نجي نعاقبك غادي ناخد قواك و نخليك تبقى تزحف
افرا:بضحكة ايوا شكون غادي يشيب انا ولا انت الحبيب
رافائيل:زيدي زيدي ضياف خليناهم و جاي مقابلك انتي و ولدك شد ايديها و ختفى ظهر هو وياها في الصالة لكان فيها كريست و كارلوس و فابيان
افرا:توحشتوني ولا
كارلوس:على شحال من مصيبة عندنا
كريست:سمعت هذ المشاغب مطلع ليك القرون
افرا سلمات عليهم و جلسات حداهم
ايوا اش دير ا خويا لولاد صغار ديما هكذا
فابيان:والله كنحبك ا ماما وقف و باسها و تخشى فيها عنقاتو و هي كتحك شعرو الاشقر
رافائيل:وانا كتكرهني لمك
فابيان:انت القلب وهي نباض الوليد بلا ما تغير
الكل ضحك على هضرات فابيان
رافائيل:طلعتي شاعر و خلي لحبيبة القلب ما تقول
فابيان:مازال الخير خاصها غير تبان
افرا:نوض راجع دروسك بقى لك غير الحب
فابيان:رآه قال ليا عمي كارلوس انتي و بابا عشتو قصة حب واعرة
رافائيل:و مازال كنعيشوها وقف جمع الوقفة ورد بالك شي أستاذ يتشكى منك تاني رآني قسمت لك غادي ناخد منك قواك القوة ماشي باش نبقاو نفتخرو بيها على في عالم البشر اش غادي دير ليا تما انت باينة غادي تفضحنا تما حتى يسدو علينا في حديقة الحيوانات
فابيان:صافي الوليد نعس على جنب راحة
رافائيل:من كنسمع نعس على جنب راحة عاد كنخاف
كريست:شغب تاع افرا كلو ورتو فابيان
كارلوس:احسن عوانك رافا ههههههههه
افرا:على انا مشاغبة😡😡
رافائيل:لا حبيبتي انتي أكبر مشاغبة جرها عندو شاف فيهم بغضب بعدو من مراطي أما عيلاتكم يطفروه انا بعدا متزوج زين و شجاعة و القوة كلشي هو هداك
افرا:يخليك ليا الحب
كريست:و مال أليس شهوة منها
كارلوس:و ريحانة كاع ما كاين بحالها
افرا:صافي صافي تيقناكم علاش جاين بلا بيهم شوفو انا رافائيل فين ما مشى يديني
كريست: رآه مازال مها ما قبلاش على زواجنا
رافائيل:قلت لك سرقها و هرب لعالمك
كارلوس:اه مالها ياك أليس عارفة انت مصاص دماء و قابلة
كريست:المشكلة تحولت مرة و ما تحكمتش في راسي تجرحات و تحولت شافتني خافت مني
رافائيل:عادي انا شي ناس نهار تحولت ليهم بشكل جدي رآه بالو في سراولهم ياك ا افرا
افرا:حمدالله ما درت حتى الكبيرة ديك لحظة
فابيان:ياه ماما كنتي خوافة ولكن ما تخافيش انا نحميك دابا
رافائيل:سير قلب لك على ما تحمي و قيل عليك حبيبتي انا نحميها
كريست:و سيرو فحالكم انا نحمي ختي
كارلوس:لا انا نحمي خطيبتي القديمة
افرا:و مالكم ا ربعات الهبال ياله كل واحد يمشي يشوف ما يدير شافت في فابيان وانت نوض سير مدراسة اش كتسنى
فابيان:انا ذكي بلا مدراسة
رافائيل:نوض تهز لا نهز ولدي وهو كيشوف فيه بجدية
ما عاودش معه فابيان الهضرة ختفى بزربا مدرسة فنون القتال
افرا:انا غادي نمشي الجامعة يومين ما مشيت
رافائيل:تسناي نمشي معك
افرا:لا غير خليك مع شباب
رافائيل:واش متأكدة
افرا:اه و صافي عندي غير ساعتين
رافائيل:واخا غادي نتوحشتك وقف عنقها وكمل ما تهضري مع حد ما تكلمي حد سيري نيشان و اجي نيشان اوك مدام
افرا:واخا ا بابا مازال شي حاجة
رافائيل:مازال واحد البيزو ابنتي حدا الباب نشدها قالها و غمزها
خرجات افرا من الدار حتى كتلقى مع جارتها سوزي سلمات عليها
سوزي:غادية السوق
افرا:لا الجامعة محتاجة شي حاجة
سوزي:كنت محتاجة شوية ابزار كنت جاية عندك ناخدو
افرا:ماشي مشكل رآه راجلي دقي عليه ياله بسلامة
وقفات سوزي بضحكة ههههااا اليوم غادي نكتشف حقيقة راجلها مستحيل يكون إنسان عادي كيفاش إنسان عادي طاح من طبق تالت و ما وقع ليه واالو انا بعيني شوفتو طاير لكن خاصني دليل قربات للباب و دقات فتح عليها رافائيل
سوزي:سلام جاري العزيز
رافائيل:اهلا اش بغيتي
سوزي:ياك ما صدعتك
رافائيل:و هضري اش بغيتي (هو عارف اش بغات ولكن ما غاديش يفرش راسو قدامها)
شاف فيها رافائيل و مشى تجاه المطبخ و خلاها واقفة كيف دخل دخلات من وراه كتسلت وهي كتشوف يمين يسار ربما تشوف شي حاجة غريبة دخلات الصالة لكانت خاوية ياله بغات تفتح واحد البيت حتى سمعات كارلوس من وراها
كارلوس:تفضلي عصير ولا مشروب غازي
دارت بالصدمة و الخوف لقات كريست و كارلوس جالسين في صالة كيشوفو فيها بنظرات كتخوف
سوزي:ووواااااا منين خرجتو
كريست:من صباح و حنا هنا
سوزي:لااا لاااا واااا جنون
كريست و كارلوس:بحال علمك الله وهما كيشوفو فيها بنظرات كدير الرعب و عيون كريست حمرا و كارلوس صفرة
هي بالخوف و الصدمة فشلو ليها الرجلين بقات كتسلت من قدامهم و هي كتبلع الريق بصعوبة ياله عطاتهم بظهر حتى سمعات رافائيل وراها
رافائيل:هاكي البزار
دارت بخوف عينيها خرجو من شافتو جالس وسطهم
سوزي:كيفاش انت ياك دخلتي الكوزينة لالاااا كنت عارفة انت جني وااااااااااااع شدات راسها وهي تسخف
أما هما نفجرو بالضحك على حالتها
كارلوس:ياك ما ماتت
رافائيل:لا غير سخفانة الحمدلله ما شافت افرا اش درنا كانت جرات علينا
كريست:دابا اش نديرو معها
رافائيل:غادي نحطها في فراشها نحط حداها البزار حتى إلى فاقت توجد الغدا
كريست و كارلوس:ههههه خطير انت
كريست:لكن مسح ليها الأحداث لا تفضحنا
رافائيل: ما تخافش ما كاين ليصدقها هي لقتقلب عليا اش ندير ليها تحنى هزها دخلها بيتها حطها في سرير حط جنبها البزار و ختفى من بيتها
وصل ليل لبسات افرا فستان في الأزرق و رافائيل كوسيتيم هو و فابيان نفس لبسة
افرا:كيف جيتكم وهي كدور
فابيان:صراحة ما بيكش شوية
افرا:بتعجب واش بصاح خايب نبدلو
رافائيل:اه بدليه عيان شوفي لبسي الكحل طويل و زوين
افرا:واخا رآه انت لجبتيه ليا زعما
رافائيل:ولكن خايب المهم ديري لي عجبك
افرا صافي غادي نبدلو تسناوني وهي كتعطيهم بالظهر
هز فابيان صبعو لباه👍🏻 و رافائيل ضحك معه و عاود ليه الإشارة فجأة دارت عندهم افرا بغضب
ياااك العصابة كضحكو عليا وهي كتهز صباطها و تشير عليهم
فابيان:والله والله بابا لي قال ليا غاار يشوفوك رجال هكذا
رافائيل:ياك الخائن غير صباط خلاك تعتارف واش متأكد انت ولد الغول
افرا:رافائيييييل ياك بغيتي نمشي خايبة يضحكو عليا
رافائيل:حياتي عمري انتي لي لبستي يجي معك غير بغيت هذ الجمال ليا بوحدي انا مغيار اش ندير قرب و عنقها لي عندو انتي خاصو يغير جيتي زوينة بزاف شد ايديها و مد ايديه ل فابيان و ختفى من عالم البشر لعالم السحارة لكان المكان كلو أضواء و حشرات المضيئة و جنيات الصغار طايرين كان كارلوس و ريحانة و كريست و أليس مشاو عندهم افرا و رافائيل
ريحانة:جيتي زوينة
افرا:شكرا حتى انتي زوينة شافت في أليس وانتي فين غابرة
اليس:راكي عارفة ماما اكيد عاود لك كريست
افرا:إلى انتي كتبغيه غادي تستسلم ماماك و تبغي سعادتك شوفي انا متزوجة رافائيل وانا بشرية وهو كل الأصناف ولكن نقسم لك انا أسعد وحدة
اليس:مرات كنحسدك حيت تاقلمتي مع الوضع انا كنبغي خوك بزاف لكن خايفة
افرا:شافت فيها حيت كنبغيه وهو كيبغيني اكيد نتاقلم و دابا عندنا ولد هذي هي سعادة
شافت أليس في رافائيل لجالس كيلعب مع ولدو و الجنيات دايرين بيهم و بتسمات شاف فيهم رافائيل و عيط على افرا تجي عندهم ستاذنات من أليس و مشات
رافائيل:شوفي هذا الجنية قالت ليا بغات تتزوجني وهو كيضحك لجنية ها هي مراطي هربي هربي
افرا:شافت فيها بان لك غير راجلي شوفي رآه خويا مازال ممزوج
الجنية:لا راجلك هو الزوين هنا سلفيه ليا غير نهار
رافائيل:إلى قبلات ما عنديش مشكل خاص غير تقبل
افرا:شافت فيه بصاح ما عندكش مشكل واخا سير معها
رافائيل:ياله الجنية مراطي وافقات تسلفني ليك حرك ايديه و في رمشة عين رجع جني صغير حتى هو بجناوح شد في يد الجنية و طارو بعيد
فابيان:صافي الواليدة طيرتي راجل غير جنية قد صبعي صغير طيراتو لك
افرا:بعصبية وصوت عالي رافائيييييل رجع والله حتى ندبحك
فابيان:وصافي رآه مشى هو وياها
افرا:فين مشاو هضر شافت في طريق لي مشى فيها رافائيل هو و الجنية و بدات كتبكي
فابيان:صافي البكاية شوفي لك شي جني حتى انتي
افرا:هىء هىء بغيت رافائيل
حتى كتسمع صوت رافائيل فوق كتفها
رافائيل:هههه شوفتي قلت لك ما تقدرش تبعد عليا ولو دقيقة
شافت افرا في كتفها كان رافائيل على شكل الجني هو و الجنية جالسين فوق كتفها
افرا:بعصبية رافائيل علاش كدير معيا هكذا علااااش وهي كضرب كتفها
طار رافائيل و رجع لشكلو وهو كيضحك
صافي رآه غير تراهنت معهم قالو ليا انتي ما كتبغينيش
افرا:انت و ولدك رجعتوني لعبة شد ولدك عندك انا غادي نمشي رجع مع خويا
فابيان:وانا اش درت بينك مع راجلك المهم انا مازال طفل صغير مكاني مع ماما وهو كيشد ايديها و يبتسم ليها
افرا:ياله زيد أ وليدي خليه رآه انت عقل منو شدات ايديه و مشات عند خوها كريست لجالس هو و جماعة من كل أصناف تبعهم رافائيل و شد ايديها
افرا:سير فحالك
رافائيل:وانا زوج هبيل مكاني مع مراطي بتسم ليها بحب و كمل كنبغيك سمحي ليا غادي نعوضك على الغضب بمكان واعر
افرا:وانا اكتر الهبيل ولكن ما تبقاش تعاودها
رافائيل:وعد غير كوني ليا على خاطرك شد ايديها و باسها حبيبة تاعي انتي
شاف فيهم واحد من جماعة المستذبين
المستذب:ما عرفتوناش على البشرية
رافائيل:هذي مراطي وراك عارف و الكل عارف أنها مراطي اسمها افرا ماشي البشرية
المستذب:شاف فيها نظرات غريبة وكمل ناقية القلب و الدم اممممم
افرا ترعبات من نظرات تاعو ليها شدات في يد رافائيل لشدها وسط ايديه بحال كيطمنها
رافائيل:عندك شي مشكل
المستذب:لالا غير ما توقعتش خت مصاص دماء و مراط الغول تكون بشرية زوينة و ناقية الدم مبروك عليكم جيتو زوينين
رافائيل:عارفها و نزيدك لي قرب لحاجتي رآه قرب لقبرو
المستذب:اشنو قصدك كتهدد
رافائيل:ما عنديش مع تهديد مازال عاقل آخر مستدبة قتلتها كانت بغات تهجم على افرا كان اسمها سيطيليا الله يرحمها انت اش سميتك سامي ياك
سامي:يعني بصاح كتقرا الأفكار
رافائيل:ماشي غير الأفكار يعني بمفهوم آخر كلشي واضح و ممتلكاتي اي واحد ممنوع يفكر فيهم غيري ولا احسن حاجة نقطعو راس لكيفكر في حاجة ناس
سامي:نخليكم دابا أمسية سعيدة و ختفى
افرا:علاش كان كيشوف فيا هكذا و علاش جبد موضوع ناقية الدم ياك الموضوع تسد
رافائيل:غير بغا يبين زعما رآه
ذكي خلينا منو تعالي وشوفي ملكة الزهور
افرا:اه اه فينها
رافائيل:تعالي خلي فابيان مع خالو و اجي
وقفات وهو معنقها حتى وصلو واحد العرش عليه الأشجار و الورود بزاف كانت واحد بنت جالسة فوق العرش ولكن ايديها كانو ورود و رجليها عروق و جدوع
افرا:لا ما يمكنش اشنو هذي اشنو صنف تاعها
رافائيل:ملكة الورود
افرا:واش هذشي حقيقي ولا اشنو
رافائيل:تبغي تمسيها
افرا:لا ولكن فين كتعيش هذشي بزاف
رافائيل:رآه شحال من أشخاص ما زال ما شوفتيهم هذي ملكةالزهور و كتسمى ام الطبيعة هي مكلفة بالطبيعة و تفتح الورد
افرا:وفي الخريف اش كدير
رافائيل:الخريف خدمتها تجمع كل أوراق الأشجار كتخيطهم فساتين ليها و لخدامها
افرا:كيفاش الملكة و كتخيط و تخدم
رافائيل:اه هذي ملكة الشغل ههه
افرا:كنت بغيت نكون ملكة الورد ولكن بناقص
رافائيل:قلت لك كوني ملكة تاعي بوحدي
افرا:عرفتي اش توحشت
رافائيل:هي لولى الحبيبة ياله اري ايديك شد ايديها و سرحهم مع ايديه و طار بيها و هما مسرحين ايديهم بحال الجناح هما طايرين و مستمتعين و كانو زوج أشخاص التحت مراقبينهم بغضب كل واحد مراقب شخص فيهم كيتمنى لو كان هو لي معه
رافائيل:وهو شادها بين صدرو عرفتي من كنشوف حياتي انتي و ولدنا كنشكر الرب أنو ما خلانيش بوحدي ممسوخ و كاره الجنس البشري و تابع غير خدام الشيطان انتي رجعتي فيا الحياة وانا كنبغيك كل يوم بضعف الحب لك
افرا:وهي كتعنقو كنبغيك كتر حتى انت و فابيان حياتي بلا بكم ماليها طعم كنشكر الله أني دخلت القلعة تاعك و فيقتك شافت في عينيه لكتلمع بالفرحة كنبغيييك
بتسم و عنقها ليه اكتر و تحنى حط شفايفو على شفايفها غمضات عينيها كتستجوب لنداء شفايفو حتى كينقز رافائيل وهو كيفتح عينيه بزربا و نزل الأرض بسرعة قسوة
افرا:اش واقع شي حاجة ياك
رافائيل:فابيان قالها و شاف قدامو وهو كيسمع أصوات غوات و غضب و كريست و كارلوس كيدافعو على فابيان هذشي كلشي سمعو غير هو طبعا
افرا:مالو فابيان اشنو واقع رافا تكلم
ما جاوبهاش طار لقدام فين كان عرش ملكة الورود كانو كل المدعوين هناك و صداع طار جا الوسط مباشرة كان كريست و كارولوس وسطهم فابيان و كل المخلوقات غضبانة منو و ملكة الورود كتبي و كتدبل الورد لهو ايديها مقطوف مرمي حداها ما حتاج رافائيل ليشرح ليه كلشي عرفو
فابيان:بابااا عتقني غادي يقتلوني هىء هىء
كريست:رافا مزيان من جيتي شوف لينا حل
ساحر من المعزومين:الحل هو نقتلو الولد هو قتل لينا ملكة الورود اصلا علاش ولد الغول هنا
رافا: بالغضب كبير وهو كيتحول لشكل كيخوف تحت عينيه كحل و فمو و وجهو كلو خطوط و لون عينيه بيض كلو عضام وجهو رجعو كيبانو بالغضب طار شنق على الساحر لشافو و ترعب من عرف شكون هو
رافا:عاود اشنوو قلتي شاف في المخلوقات ياله شكون عندو شجاعة يقدر يقتل ولد الغول يجي يتقدم شاف فيهم بعيون لامعة و غوت غوتة رجع صوتو بحال التنين ياااااله و ردو بالكم حتى تفكرو فيها أي واحد يفكر فيها نحرقو
وصلات افرا اخيرا لفين مجموعة ناس حتى كتصدم بمظهر رافائيل و ولدها لمعنقو كريست و كارلوس
افرا:رافاااا اشنو كدير طلق منو لا غادي تقتلو ياله كانت جاية عندو وقفها و ما دارش عندها ولا شاف فيها
رافا:خليك بلاصتك ما تحركيش شاف في الساحر ياله دابا طلب السماحة نسيتي شكون انا انا الغول انا سيد العوالم و الملك تاع اي كون انا الغول إلى خليتكم تعيشو كيف بغيتو ماشي معناه تركبو فوق ظهري شاف فيهم واش مفهوووووم
الساحر:اه مفهوم ا سيدي الغول
رماه رافا بعنف و شاف في المخلوقات واش مفهووووم
المخلوقات:نزلات راسها اه مفهوم اسيدي الغول
دار عند فابيان بغضب و شكلو لتغير و عيونو لزادت لمعات تعالى عندي انت هز صبعو و بدا فابيان كيتمشى عندو وهو كيبكي و يطلب مساعدة ماماه
كريست و كارلوس ما قالو والو حيت عارفين شكل رافا مستحيل تتفاهم معه دابا
افرا:رافائيل بعد منو هىء هىء بعد من ولدي اشنو بغيتي دير ليه فااابيان هرب هرب ا ولدي
رافا:افراااا سوكتي هذشي بيني و بين ولدي و ماعندو فين يهرب انا متحكم فيه شاف فيها و دابا سوكتي حتى انتي كيف قالها ما بقى لسان افرا كيتحرك جمدو قلبها كيضرب بخوف لكن عارفة رافائيل عزيز عليه فابيان مستحيل ياديه
____في مكان تاني في بلاصة كلها ظلام دخلات وهي كتعيط باسم شخص حتى حسات بانفاس شخص وراها دارت ولقاتو كيف ديما برداء اسود كيبان غير وجهو
....:اشنو الحاجة لضروري تشوفني فيها معلمي رآه جيت عندك بزز حيت معزومين تتويج ملكة الطبيعة
المعلم:هااا الزوينة مالكي ديما زربانة السيد بغاك لخدمة خاصك تديريها ولا راكي عارفة غادي تفناي في عالم الظلام
...:علاش انت ما ديرها انا ندمت بزاف من دخلت لهذشي رجعت خايفة كل مرة يعيقو بيا من عبادات الظلام
المعلم:ما عند الندم فين ينفعك انتي بغيتي القوة ياااك السيد غادي يعطيك قوة كبيرة لكن الأول خاصك تجيبي ليه الشخص لبغا هذا الشخص عندو قوة كبيرة وإلى جمعناها مع قوة الغول غادي رجعو كلنا أقوياء و ما عندك مناش تخافي مستحيل شي حد يعرفك انتي عبادات الظلام السيد مانع هذشي و الغول يقرأ حتى يعيى أفكارك مستحيل يعرفها
....:اه مزيان انا بغيت قوة كبيرة بغيت نكون قوية في العوالم و نقدر نحصل على الغول ياك
المعلم:هااا هاا اه اه سمعي دابا مزيان هذا كتاب خطير بزاف نزل ايديه و خرج كتاب من تحت سلهامو الأسود كتاب كان غريب خارج منو نور شاف فيها ردي بالك تفتحيه هذا الكتاب اي واحد يفتحو يدخل العالم الغامض و بزاف الاسرار حتى حد ما عارفها و كاع لدخل فيه ما خرج منو غير يتفتح يمص الشخص لفتحو بغيتك توصيله لولد الغول خاص ولد الغول يفتحو هاهاهاهااا
.....:رآه فابيان غير ولد صغير اش بغيتوه و زيد عليها رافا كيموت عليه ماشي غير ولدو رآه صاحبو و روحو
المعلم:بغضب سمممعي ديري لقلت لك ولا السيد بنفسو غادي يتكلف بك مد ليها الكتاب بغضب انتي هنا حيت بغيتي تكوني اكتر قوة و تبقاي ديما شابة وانا قلت لك غادي نعاونك و نحقق لك امنينك بدم الخلود تاع افرا انتي غادي تكوني ملكة العوالم اش مازال بغيتي
....:عندك الصح هذشي لبغيتي شدات الكتاب بشر حرك المعلم ايديه و ختفات كيف ختفات نفجر بالضحك
المعلم:هاهاهاهااا غبية لكن المهم غادي دير داكشي لبغينا و في الأخير السيد يتكلف بيها هاهاها
__رجعو عند رافائيل و افرا و فابيان هز رافا ايديه لعند فابيان لوقفو قدامو مباشرة بعيون لامعة بحال عيون التنين و شكلو لكيخوف لأول مرة فابيان يشوف تحول باباه هكدا كون كان طفل عادي كان يموت في بلاصتو لكن فابيان في راسو كان عامر أسئلة واش هكذا غادي رجع واش حتى انا نتحول هكذا واااو هذشي زوين كل هذا الأفكار لكانت كدور في راسو قراها رافا لزاد تعصب يعني فابيان ما عارفش اشنو دار و المشكل لحطهم فيه بغا مازال يتحول هذشي عصب رافائيل بزاف
فابيان:بخوف من كلام باباه لا عفاااك هىء هىء انا عجباتني الوردة و قطفتها باش غادي نعرف هي وردة متحركة ودابا ما وقع والو نغرسوها في تراب
رافائيل:بغضب و صوتو هز المكان كلو فاااابياااان
الكل طاح من قوة صوتو تزعزعات الأرض الكل عرف شي مصيبة جاية من ورا هذا الغضب
افرا بدات غير كتحرك في رأسها بلا حيت لسان تشلل عاد حركاتها تفكرات أنها تقدر تواصل مع رافا روحيا غمضات عينيها لغير هي بوحدها كتحرك فيها و هضرات داخل أعماق رافا
افرا:رافائيل عفاك خليه رآه صغير ما عارف والو هىء هىء يمكن العيب تاعي انا لبشرية فضولو ورتو عليا عفاك إلى كتبغيني خليه على وجهي
شاف رافا تجاهها كانت مغمضة عينيها جاوبها روحيا
افرا:ما دخليش في هذشي خاصو يتعاقب العيب ماشي تاعك العيب أنو عندو قوة خلاتو يرجع مغرور إلى ما وقفتو على الحدود ممكن يزيد و يخرج على طوعي وانا كنحبك كتر من اي حاجة في الوجود وانتي عارفة تعالي سمعي المخلوقات اش كتقول في أعماقها و حكمي
غير قالها بدات افرا كتسمع المخلوقات كل واحد اش كيقول شي كيقول غير حيت ولدو ما حكم بالعدل شي كيقول حيت قوي الغول ظلمنا كانو كلشي كيقولو ظلمهم رافائيل
رافا:ايوا اشنو دابا ندير
افرا:دمي دمي انا نشافيها
رافا:فقد السيطرة على راسو فتح عينيه بغضب شاف فيها بصوت عالي مابقاش تواصل سووووكتي سووووكتي اشنو واش هبلتي والى نزفتي للموت وإلى دمك تمص شاف في فابيان بغضب لكان كيبكي بخوف و كمل صااافي هذشي لبغيتي انت تغلط أمك تمشي فيها هز ايديه بغضب حطها على صدر فابيان لكان محكم فيه ما يتحرك
رافائيل:انت محروم من القوة تاعك من هذا الساعة انت شخص عادي كيف قالها تفتحات تقبة وسط ايديه لهزها على صدر ولدو لكان كيضوي و داك الضو كيدخل في التقبة لفي يد رافا كانت هذي قوة فابيان ياخدها ليه رافائيل رجع فابيان كيحس بضعف في داتو و بحال اي شخص عادي أما رافا بقى كيمص القوة بايديه حتى ختفى الضو و ختفات قوة فابيان
رافا:شاف فيه ياله طلب من الجماعة السماحة سربي طلب منهم
شاف فيه فابيان بحزن و دموع نازالة من عينيه لما بقاوش بنفس لون لامع تاع رافائيل و شاف في الجماعة لكل من أصناف العوالم
فابيان:بدموع سمحو ليا ما قصدتش هىء هىء
الجماعة كانت نصف رتاحت لحكم الغول لعاقب ولدو قدام عينيهم
رافا:ياله تحرك عند خالك هز ايديه و طيرو عند كريست لشدو لصدرو و ختفى بيه بزربا قبل ما يكون شي حكم تاني
أليس:قالت ليا غادي تمشي تسلم على صاحبتها ما بقات رجعات لعجب كنت كنسحاب معكم
كارلوس:لا ماشي معنا لكن شكون صاحبتها من غير كريست حتى حد ما مصاص دماء هنا
أليس:ما عرفت انا بانت ليا فشكل بحال متوثرة
كريست:صافي صافي عنقها وهو هاز فابيان و كمل ف ودنيها بلا ما تزيدي تشغليه
كارلوس:دابا اشنو نديرو
فابيان:الله ا فابيان تلات بيك الأيام من كنتي تهز قناطر رجعو مصاصي دماء يهزوك
كريست:ايوا جمع راسك رآه خالك واقلة رماه للأرض زيد تبعني انت وهو نجلسو نتنفسو غير شوية
فابيان:خالي على انت كتنفس هههه
كارلوس:والله هذي عندك المسخوط ههههههه عجبتني
أليس:دخلو سوق راسكم سيرو شوف مراتك فينها و بعد من حبي و حياتي قالتها و عنقاتو وهي كتبوس فيه
كريست:غير خليهم خليهم ا حياتي يموتو بسبهم شد ايديها و تمشى بيها لطبلة جلس و كارلوس و فابيان مراقبنهم
كارلوس:اشنو شعورك وانت إنسان دابا
فابيان:شاف فيه بغضب رآه الى ما عندي قوة عندي عقل و انا ذكي بزاف ا عمي و دابا زيد قدامي نخربو عليهم الحب شاف فيه بنظرات شريرة و تقدم لعند خالو و خطيبتو
كارلوس:ياربي سلامة واش متأكد عندك 4سنين قالها و تبعو حتى سمع صوت ربحانة وراه تلفت عندها
كارلوس:فين كنتي قالها وهو هاز حاجب
ريحانة:كنت كنشم شوية الهوا و انت عارف حنا و المستذبين أعداء ما نقدرش نقرب لكم اشنو درتو
كارلوس:وهو كيشوف فيها كتهضر بثوتر رافا كيف ديما وقف كلشي قالت ليا أليس مشيتي تسلمي على شي حد هنا
ريحانة:ها اه اه لكن غير تشابه ليا بصاحبتي قديمة
كارلوس:واش انتي بخير
ريحانة:اه اه علاش
كارلوس:والو صافي نساي شد ايديها تعالي نجلسو معهم شوية على ما يجي رافا و افرا
ريحانة:شدات ايديه انا كنبغيك بزاف
كارلوس:واو هذا اعتراف ولا اشنو قالها بابتسامة ساحرة
ريحانة:هذا حب شدات ايدو و تمشات معه
_عند رافائيل و افرا
تحول رافا لشكلو الطبيعي و تقدم عند افرا لمازال مجمدها دوز ايديه بحب على وجهها
رافا:سمحي ليا ا حياتي حط جبهتو على جبهتها و شد ايديها و كمل تحركي حركاتك هي الحياة ليا كيف قالها حسات افرا بالخفة في جسدها
افرا:دفعاتو بعد مني المتوحش ولكن شكون غادي يتدفع كان اقوى من الحيط
رافائيل:متوحش و كتموتي عليه قالها بابتسامة صافي سمحي ليا راكي عارفة وقت الغضب ما كنتحكمش في راسي
افرا:و دابا اشنو نخليو هذا العجب يموت
رافائيل:ما عرفت ما عرفت انا ديما معك كنحير لكن ما نقدرش نتقبل دمك ينزل قدامي شد في راسو ووووف اوووف فابيان اشنو درتي
افرا:شافت فيه غادي تموت غير قطرة كافية
رافائيل:واش انتي عارفة كل هذا المخلوقات تشوف نقطة من دمك كلهم يهجمو عليك و منهم خوك
افرا:و عارفة ملاكي الحارس لهو انت تحميني ايوا هزات ايديها لعندو ياله اشنو كتسنى غير جريحة و عفاك بلا ما نحس رآني خوافة
رافا:شد ايديها واخا تسناي وقف غمض عينيه و طار من الأرض وقف في السما هز ايديه لسما و فتح عينيه و بدا كيدور في السما بحال الزوبعة و نزل ايديه قدامو
رافائيل:بصوت بحال كيهضر في البوق ولاااا حركة كيف قالها نقز الأرض وهو واتش على ركبتو و مطلع راسو لعند افرا لكانت متبعة حركاتو و كدور في عنقها باستغراب
افرا:اشنو درتي دابا واش كنتي كتشطح
رافا:لواه كنت كنطبل شوفي قدامك
شافت افرا و وقفات باستغراب كان كلشي واقف بلا اي حركة حتى من طيور و الفرشات واقفين في السما و المخلوقات كاينين لياله بغا يشرب كاين لمراقبهم كلشي جااامد
افرا:ناري قتلتيهم
رافا:الغبية غير وقفت الوقت دابا اري ايديك نرجعو هذا البصلة الحريف و نختفيو من هنا
افرا:فين نمشيو
رافا:مفاجأة اري ايديك و ولدنا لكان يسبب لينا الصداع ما يقدر يحرك حجرة
افرا:واخا جرحني لكن غير بشوية
رافا:ما غاديش تحسي ا حياتي شد دراعها و تحولو عيونو لون حمر بحال الدم و لونو رجع شاحب و خرجو ليه نياب
افرا:بخوف ههه رافا حبيبي رآه قلت غير قطرة ماشي شطفني
رافا:شاف فيه بشكل دراكولا شطفتك شحال هذي غير تهدني شد ايديها تحنى باسها بطريقة خلاتها تتهدن و ترفع لسما نسات كلشي غير بوسة في اليد واش دارت ليها بقى كيدوز في شفافو على ايديها بإثارة برز نيابو اكتر و غرسهم هي ما حسات بولو حتى طلع وجهو عاد شافت نيابو و جنب فمو عامر دم
افرا:وااا تسنى تسنى واش غادي تبوسها باش دخل ليها الدم
رافا:اه ضروري حط ايديه على الثقابي لدار ليها بسباب نيابو و ختفو وقف متاجه لملكة الطبيعة لمجمدة
افرا:والله لا خليتك تعالى رافائيل وقفات شداتو من شعرو وهو ميت عليها بالضحك في اعماقو شكون غادي تشد بقى مشي وهي لاصقة فيه جات تجرو صدق هو لجرها
رافائيل:افرا صافي سوكتي هذشي ضروري نديرو واش بغيتيها تموت قبل ما تجاوب افرا تحنى لعند ملكة الطبيعة
افرا:غير خليها تموت هىء هىء لالا رافا لااا ما تبوسهاش والله ما نبقى نبوسك بقات غي كتشوف فيه بدموع نازلة
تحنى اكتر رافا و شد يد الملكة وقف صبعو و طلع منو ظفر طويل جرح بيه ايديها خرج منها سائل خضر لازج
رافا:يييععع اش هذشي غادي نتفاهم من بعد مع فابيان لكيخلينا نزلو لهذا المستويات خرج نيابو تاني و نزلات منهم قطرة تاع دم طاحت على الجرحة و فجأة بدات الملكة كتجدد ايديها خرجو منها ورود تاني كانت أجمل من الأول و بدات كتسترجع الحياة
افرا:بسعادة واو رجعات زوينة ضرباتو على كتفو حتى شدات ايديها بقوة الوجع اووووف واش كتف ولا حيط
رافا:أودي عيت ما نقول لك رآه صحتك على قد الحال بعدي مني شد ايديها لكانت مازال كتبرد فيها و باسها واش مازال كتوجعك
افرا:لا دابا مزيان لكن كتوجعني يدي تانية اووووف اووووف
رافا:ويلي على ضربتني بجوج ايدين
افرا:رآه دابا هو الضربة وصلات اليد التانية حسات باليد و تض. ..
قبل ما تكمل تحنى رافا على فمها باسها ليه وهو كيعنقها كانت بوسة كبيرة و كتحمل بزاف الحب ما طلقها حتى بدات كتنفس بصعوبة
رافا:و دابا مزيانة
افرا:اوووف فوق مزيانة هههه ولكن تسنى تسنى كيفاش لعبتي بيا خليتني كنبكي و قلتي ليا غادي تبوسها
رافائيل:اااح افرا مالي حمق نفوت الغباء تاعك افرا خاصك تعرفي حنا رآه كنكونو مخلصين اكتر من بنادم إلى حبينا كنحبو بالمعقول و مستحيل شي حاجة تنسي لينا حبنا وانا مستحيل نخونك واخا ندخل وسط الف بنت كنبغيك ا حياتي
افرا:و مال البشر زعما خائن نسيتي رآه انا بشرية
رافائيل:انتي بشرية غير عادية و مرات الغول و خت أكبر خائن هههه
افرا:كيفاش أكبر خائن مال خويا كيموت على أليس
رافا:اه لك دراكولا معروف عليه بو عيلات و كيموت على العلاقات و النساء و عندو تقنية تنويم المغناطيسي يخليك تمشي الفراش بلا هواك
افرا:اها وانت إلى جينا نشوفو راك دراكولا حتى انت يعني جانب فيك كيموت على النساء
رافائيل:كنموت غير عليك واش غادي نخليو هدو هكدا مجمدين تعالى نهرب انا وانتي من هنا هذا الفستان للابسة بغيتو ليا بوحدي
افرا:لكن و فابيان
رافائيل:صافي تهناي من جيهتو ما عندو حتى قوة تخليه يشغلنا و هو مع خالو و عمو كارلوس دابا ما عندك اعدار
افرا:فين غادي تديني
رافائيل:مملكة البحار اشنو رأيك فيها
افرا:ولكن كيفاش نتنفس فيها مستحيل
رافائيل:انا ما عنديش المستحيل في قاموسي شد ايديها و هز ايديه تانية حرك صبعانو و ختفى هو و هي كيف ختفو تحركو كاع لكانو جامدين
ملكة الطبيعة:واااو اشنو وقع ليا انا بخير بخير بزاف
سمعو المخلوقات الملكة و مشاو بجرا يتاكدو و كلشي مستغرب كيفاش و امتى ومن بينهم كريست و كارلوس و الباقية
كارلوس:واو دم افرا معجزة
كريست:سكت اصاحبي غادي تنوض لينا صداع
ريحانة:فين هو رافائيل
فابيان:اكيد مشاو لشهر العسل رقم مئة بلا بيا
كريست:بصحتهم هاهما نقدوك من مشكلة كنتي تبقى متبوع طول عمرك
فابيان:اوووف اخالي حتى انت صافي صافي ياله فحالنا
كريست:عنق أليس لبقات غير كتشوف في الملكة بتعجب انا مازال بغيت نبقى مع حبيبتي
فابيان:وانا بغيت نمشي من هنا
اليس:شافت في كريست حبي ياله ناخدوه و رجعو
كريست:انا هذا الولد عصبني خارج لختو في هبالو خليه باش يعرف أن الكون ماشي على هواه مشي
كارلوس:بصاح عندك الصح ا صاحبي متافق معك
ريحانة:أنتما ديما متافقين فين عمركم ما تفقتو
كريست:ضرب على كتف كارلوس الله يخلي ليا صاحبي العزيز
اليس:صافي إلى ما بغيتوش تديوه نديه انا
ريحانة:لالا انا ناخدو
كارلوس:خديتي اذني الغزالة
ريحانة:ما نحتاجوش انا كبيرة الحب شدات في يد فابيان بابتسامة
كارلوس:ريحانة ما تحاوليش ديريها سمعتي والله..
شافت فيه بابتسامة و ختفات
كريست:خاصك تقصاح معها شوية رجعات كدير لبغات
اليس:ما تزيدوش فيه رآه الولد معصب
كارلوس:دابا نتفاهم معها غير صبرو عليا
_في مكان بعيد بزاف كلو ظلام كان المعلم لعطى الكتاب يتحط لفابيان و السيد تاعو
المعلم:عطيتها الكتاب لكن خايف تمشي تغدر بينا بحال ندمات
السيد:ما تخافش هي اصلا فيها جانب الظلام حنا غير قويناه ليها
السيد:والى جانب الضوء غلب على جانب الظلام
السيد:شاف فيه بعيون حمرا هذشي غير ف الافلام كنشوفوه مستحيل الجانب المظلم يغلب عليه الجانب المشرق حنا في هذا الكون غير كنساعدو المخلوقات للجانب تاعها مظلم باش تزيد تتقوى هما كيعطونا القوة بالغضب تاعهم بالحزن تاعهم بالحسد تاعهم و الغدر و الكره تاعهم الخيانة في نظرك هدو كلشي انا لخايب انا لعطيتهم الجانب المظلم لا هههههااا لا اكيد هما لنماو الجانب المظلم فيهم عندك غير انت اشنو خلاك تكون شريكي
المعلم:طبعا رغبتي في الانتقام من الغول و مراطو و ولدهم بغيتهم يموتو كلهم بسباب دوك جوج انا عايش وحيد
السيد:غادي نتهناو منهم اه هكداك بقى كارههم الكره تاعك كيعطيني قوة اكتر سمع قول ل خدمة الظلام كيف يختفي الولد الهاجين تهز الكتاب تجيبو لك ديك ساعة انت تكلف بيها
المعلم:اشنو ندير ليها
السيد:رميها فحفرة الظلام تتغدى بيها الأرواح لتمى المهم علمها كيف يختفي تجيب الكتاب الكتاب الأسود ما خاصوش يبقى تما وانا بنفسي غادي نستقبل الهاجين هاهاها من الهاجين يوصل بين إيدي كل قوتو غادي ترجع ليا غادي نتلبسو و نسكن الجسد تاعو و نرجع عند بابا الغول و مي الغولة هاهاهاهااا
المعلم:واو هذشي باين غادي ينجح تما يمكن لك بسهولة تقضي على الغول و مراتو
السيد:اه هذشي درستو مدة طويلة خاص الغول يحيد من طريقي باش نسيطر على العوالم و ما حدو هو عايش مستحيل نتصرف براحتي هو ديما غادي يشلل تحركي هو و البشرية الحقيرة هاها حتى الغوال حتى هما طلع ليهم قلب و كيتمعشقو ليا
السيد:خليه يتمعشق حتى ما يعرف ضربة منين تجيه الخديمة رآه حاطت الكتاب و اكيد رآها دابا خدات الهاجين لدار تنفرد بيه
السيد:ياله سير فحالك راقب ليا كلشي مزيان ما بغيت يوقع حتى غلط
المعلم:وهو كيتحنى على ركبتو ولاءي ليك سيدي كون هاني قالها و ختفى
_رجع عند افرا و رافائيل لعايشين في عالمهم الخاص بعيد من البشر في بيت زوجاجي من أفخم البيوت جالسة افرا بين رجلين رافائيل للابس غير شورط وهي كتشوف في الحوت بكل الأنواع من الزجاج
رافائيل:عجبك المكان
افرا:واعر بزاف بتسمات ليه كنبغيك الغول تاعي
رافا:نموت عليك البشرية الضعيفة
افرا:وقفات لعندو و جلسات غادي يكون دابا..
رافا:قاطعها يتقلقك و يبرد ما تخافيش رآه خاصو يتعلم اشنو الغلط واشنو الصح القوة ماشي باش ناديو بيها الضعيف عنقها و بسهولة بطريقة سحرية رجها فوق رجليه و كمل دابا خليني غير انا وانتي انا غادي رجع ليه القوة تاعو لكن من نعرفو رجع ناضج دابا غادي يسبب لينا غير المشاكل
افرا:ههه شكون كيهضر الغول الشرير
رافا:كنت شرير قبل ما نحبك شاف فيها بمكر عرفتي اشنو كنفكر
افرا:باش غادي نعرف رآني ماشي بحالك انا غير بشرية ضعيفة
رافا:بشرية حبيبة الغول نقطة ضعف الغول يعني ماشي ضعيفة مهمة قوية صراحة كيقول ليا راسي ما رجعك لدار حتى نعمر لك كرشك بشي غولة صغيرة اشنو بان لك غير عطيني ضو الخضر
افرا:رافا لا راك عارف انا مازال كنقرا و عاد فابيان مشيبني بزاف نزيدو بنت نحماق ماشي وقتو هدي
رافائيل:ولادي رآه كيتولدو قادين على راسك كيتك انتي والله مازال يجي نهار لنعمرهت بزز منك بحال فابيان اجي نعومو شوية و هذا الموضوع خليه انا نتكلف بيه
افرا:عندك ديرها بيها ما جبتش حوايج البحر
رافا:ها هما هز ايديه قدامها بطريقة سحرية تيدلو حوايج افرا و رجعات لابسة مايو في الكحل زوين
افرا:هههه مصباحي السحري
رافا:شاف فيها بشهوة عرفتي بناقص من العوم في الما تعالي نوريك واحد العومة أخرى
فابيان:والله معصب هو و هي مشاو يستمتعو ليا و انا معاقب كنكرههم
ريحانة:هما خايبين ياك اجي فين مشى باباك
فابيان:شاف فيها بنص عين علاش كتسولي
ريحانة:والو غير فضول مالك كدير فيا هذا شوفات
فابيان:المرأة ما خاصهاش تسول على شي رجل من غير رجلها
ريحانة:اوووه على الرجل الصغير قالتها وهي كتلعب بشعرو اشنو رأيك نخليك تقرا شي قصة شوف جبت لك قصص بزاااف زوينة
فابيان:لا بغيت غير نعس ممكن تخليني بوحدي
ريحانة:وهي كتهز بزاف الكتب غير شوف رآه قصص زوينة انا مشيت حطات القصص و خرجات خلاتو
شاف في القصص بعصبية هو معصب من باباه لكن من طبعو ما كيبغيش يبين قدام اي واحد باش تبقى عندو الهيبة كابر عندو نفس بحال باباه
فابيان:اوووف الغول الشرير دابا كيفاش نبقى نبان قدام البنات في المدراسة شاف في القصص بعصبية و رماهم حتى تشتتو على خير يامي رجعت نقرا القصص بحال بنادم شاف في القصص لكانت مرمية كان واحد الكتاب فيهم كيخرج منو نور هزو بفضول وهو كيتحسس في الغلاف تاعو اوووه اشنو هذشي كان كتاب بحروف غريبة ما قدرش يقراها بلغة ما مفهوماش لكن غادي يفتحو و يشوف اشنو فيه
_في مكان آخر في نفس الحفرة المظلمة دخلات بخطوات سراع كان كيتسناها جالس في عرش كلو عظام بشرية
...:معلمي رآه درت كلشي و دابا ولد رافائيل بقى ليه غير يفتح الكتاب
المعلم:مزيااان الغزالة هذشي خاصو شي نخب اشنو بان لك ولا زربانة تاني
...:لا ما زربانة ما كاين ليتسنى فيا عرفوني مشيت
المعلم:مزيان اشنو بان لك دم بشري ولا دم حيواني ولا دم ملاك عاد نازل من السما
....:بابتسامة دم ملاك احسن حاجة ههه
المعلم:اوك الغزالة وقف لواحد الحفرة خرج منها جثة رمية كانت بجناح بحال جناح الحمامة كباار كانت خارج منها نور خافت باينة الجسد كيطلع روحو حطها الأرض و طلع ايديه لعنق الملاك لكانت انثى بشعر أحمر طويل غاية في الجمال دوز ايديه بحركة شهوة في وجهها نزولا لعنقها كيف وصل العنق حط ايديه بجوج تحكم في العنق و بدا كيلوي في رأس بطريقة وحشية حتى طار الراس من العنق و بدا الدم كيسيل هز جوج كيسان و بدا كيعمرهم حتى عمرو وقف و مد ليها كأس بابتسامة نخب القوة لغادي نحصلو عليها قريب
.....:ونخب رافائيل لغادي يكون ملكي هههه
المعلم:هاهاها نخب الاحلام
_رجعو عند فابيان ياله شد في الغلاف بغا يفتحو حتى نقز من سمع شي حاجة ضربات في الشرجم تاع بيتو شد القصص و حطهم في مجر جنب فراشو و وقف يشوف اش واقع شاف بنت تكون كبر منو بعام كطل من الشرجم لقدام دارهم غير شافتو شيرات ليه
البنت:سمح ليا والله بالغلط ترمات الكرة
فابيان:وجمعي عليا زبلك كون هرستي زاج كان بابا يهرسك
البنت:مالك مقلق رآه قلت لك سمح ليا شافت في الكرة لطايحة في الأرض و كملات نزل لعبو الكرة
فابيان:الكرة كيلعبوها غير الاغبياء سيري فحالك
البنت:واخا انا غبية هههه نزل لعبو مالك كتهضر كبر من عمرك كملات هضرتها و عطاتو بالظهر ما تسناتش يجاوب نزلات التحت بقى فابيان غير مراقبها و هي كتلعب بوحدها الكرة وسط الثلج هزات راسها فيه
البنت:ياله تعالى غادي نخليك تهزمني
فابيان:اصلا إلى جيت غادي نهزمك بلا ما تخليني
البنت:ايوا بين لينا ماشي بان علينا
فابيان:واخا انا نوري لمك بعد من الشرجم بدل حوايجو بزربا و نزل لعندها وهو معنفر
فابيان:ما كنحملش تعارف اري الكرة نوريك كيفاش نهزمك شد الكرة من عندها و شاف فيها بتحدي و بداو لعب
_عند رافائيل و افرا كان رافا مسرح على سرير وهو كيشوف في افرا كيفاش كتمشط شعرها قدام المرايا جالس مستمتع بحال كيشوف فيلم ولا اكتر من فيلم حتى تلفتات عندو لقاتو سارح فيها بتسمات ليه و بادلها البسمة بحب
افرا:ما غاديش رجعو عند فابيان
رافائيل:لا غادي نبقى سارقك هنا عندك مانع
افرا:اااامم ستنى نفكر
رافائيل:هز ايديه لعندها و جات طايرة لعندو حطها بين رجليه و همس ليها في ودنيها تفكيرك ساافل
افرا:شافت فيه و غمزاتو السفالة منك تعلمناها
رافائيل:ايوا طلعتي تلميذة مجتهدة بسرعة كتحفظي
افرا:رافا حبي قول ليا اشنو السبب لخلاك نحضرو هذا الحفل ياك انت براسك قررتي تبعدنا عن العوالم
رافائيل:تسرح في سرير و سرحها جنبو لخلاني أن ولدي بدا كيكبر و خاصو يتعلم كلشي و يعرف يتعامل مع العوالم أكيد هو غادي يدخل العوالم من يكبر وانا دور تاعي نعرفو على المخلوقات شوفي غير اليوم اش دار ليا مع ملكة الطبيعة
افرا:مازال صغير بغى يكتشف كلشي
رافائيل:وانا خايف فضولو يحطو فشي موقف خايب كيف حطك فضولك بين طريقي
افرا:عنقاتو قول طماع تاعي
رافائيل:طميميعة تاعي اشنو بان لك نغوسو في البحار غادي نوريك شي أسماك و مناظر عمرك شفتيهم
افرا:اه اه بغيت
رافائيل:واخا اري خلاصي
تحنات افرا على وجهو و باستو في حنكو و عودات باستو في شفافو
رافائيل:احسن خلصة بتسم و وقف وهو هازها بسهولة بيد وحدة و الابتسامة ما مفارقة معه كيف وقف بيها بحركة سحرية لقات راسها لابسة مايو حسن من الأول و هو لابس غير شورط
رافائيل:مستعدة
ما تسناش الجواب تاعها لقات راسها مركبها فوق ظهرو و الحوت بكل الألوان قدامهم كانو في كرة شفافة هي دائرة الحماية باش تنفس افرا في الما حوطات ايديها لعنقو بحب وهي كتستمتع بجمال المحيط
عند فابيان و إيمي شافت فيه بغضب طفولي
ايمي:مالك معصب غير بوحدك رآه ضروري خاصني نعرف اسمك كيفاش لعب معك بلا ما نعرف سميتك
فابيان شاف فيها و هز صبعو على فمو كيفكر
فابيان:امممم واخا ستني نفكر اها لقيتها إلى ربحتك ما نقولش لك اسمي والى ربحتني نقول لك اسمي
ايمي:واخا تفقنا لكن عندك تمشي عند ماماك كتبكي من نهزمك
فابيان:والله ا زوينة حتى نخاف عليك غير انتي شاف فيها بنظرات حادة ياله نبداو
ايمي:واخا هدا المرمى تاعي و هذا تاعك ياله زيد
بداو كيلعبو و فابيان ديما واخد ليها الكرة اكيد غادي يغلبها حيت هو ديما كيلعب الكرة مع باباه نهار في الأسبوع و كيف عارفين كانت أمنية رافائيل من كان بشري يكون لاعب كرة قدم مشهور
شدات الكرة و بدات كتجري وهي كلها أمل تسجل عليه هذف حيت غالبها ب تلاتة لصيفر تبعها و بسهولة خطف منها الكرة و جات طايحة على ركبتها تجرحات منها و نفجرات بالبكى بطفولة تحنى فابيان عندها
فابيان:صافي صافي ما تبكيش رآه غير جرحة صغيرة تسناي نجيب الفاصمة و المعقم لك
ايمي:هىء هىء كتحرقني
فابيان:ما تكونيش ضعيفة بتسم ليها صافي سوكتي و نقول لك سميتي
ايمي:شافت فيه بعيون دامعة بصاااح
فابيان:اه لكن بشرط حيت انا لربحتك هز عينيه فسلم الطوارىء لواصل لشرجم بيتو و كمل شوفي طلعي عندي في ليل لبيتي و نقول لك سميتي
ايمي:علاش ليل وعلاش بيتك مالنا في موعد
فابيان:شاف فيها موعد مالقيت غير معك مالك حمقا انا رآه واعر عليك غير هو ليل فين كيقولو الاسرار
_كان رافائيل كيسبح ب افرا و كيوريها المناظر لعمرها ف حياتها شافتها حتى نفجر بالضحك غير بوحدو بحال شي هبيل
افرا:مالك واش هبلتي
رافائيل:هههههههه ههههههه لا لا والو ههههههههه كيضحك حتى دمعو عينيه و كانت ضحكتو كدوب افرا لكن علاش كيضحك
رافائيل:علاش ما عمركي قلتي ليا في ليل هو فين كيعترفو بالاسرار
افرا نزلات من فوق ظهرو و حوطات رجليها على كرشو و ايديها على عنقو باش تشوف فيه مزيان
واش انت مزيان مالك لالا شي حاجة
رافائيل:لا والله بخير غير هو صراحة شفت دابا فابيان اشنو كيدير باش نطمئن عليه و ضحكني
افرا:اشنو كيدير
رافائيل:كيبني العمارات تعالي نوريك عروس البحر اكيد شحال هذي ما شوفتيها عروس بحر غير صاحبتك و فابيان رآه بخير عنقها ليه و باسها و كمل خارج لك في كلشي و البنت اكيد غادي تخرج ليا قالها و عنقها ليه اكتر حرك ايديه و تحركات الكرة بيهم في الما
ايمي:على اسمك سر
فابيان:أكبر سر المهم انتي تعرفي إلى بغيتي تعرفي اسمي تعالى في ليل
سمعو صوت من لور كان تاع جارتهم سوزي
سوزي:ايميلي اشنو كديري هناك جرات عندها و عنقاتها ليها ضربك ياك شافت في فابيان و كملات علاش ضربتيها
ايمي:لا خالتو رآه غير طحت
فابيان:شاف فيها و ديك جارة الحمقا واش طار لك الفرخ
سوزي:أنتما مخلوقات غريبة بعدو منا انا عارفة نتما كائنات فضائية ياله هزات ايديها بغات ضربو حتى تشدات ليها اليد كان كارلوس كان جا يطل على فابيان
كارلوس:اشنو كديري بغيتي نقطعها لك
سوزي:اي ايدي
كارلوس:مرة خرا نقطعها لك طلق من ايديها بقوة حتى جات طايحة للارض وهز فابيان واش انت بخير
فابيان:اه بخير ا عمي رآني رجل
سوزي:غادي نبلغ عليكم الشرطة وقفات و هزات ايميلي حتى وقفات عليها مرآة أخرى
المراة:اشنو واقع
سوزي:شافت فيها و كتشير بايديها على كارلوس و فابيان ها هما المخلوقات لقلت لك شوفي شد إيدي و طيرني جيت طايحة و الولد كان بغا ياكل ايميلي ياك ابنتي
إيمي:شافت في المرا لكانت ماماها ماما قولي ليها طلقني رآه كتوجعني هما ما دارو لينا والو خالتو كتخلعني
المراة:صافي صافي تهدني سوزي اري ايمي شدات منها البنت و شافت في كارلوس و فابيان شوفي هدو رآه بشرين بحالنا و الولد صغير كيفاش ياكل ايمي ها هي براسها كتقول طحت
سوزي:شداتها كاترينا صدقيني هما رآه جنون ولا مخلوقات فضائية شوفي شفتي هذا رجل عينيه كيلمعو و لونهم صفر و صاحبو عينيه حمرين و شاحب لونو خاصك تصدقيني كيختفي و يبانو فاي وقت و بابات هذا رسام المشهور رآه كائن بحالهم كيطير من طوابق دارو كيختفي فاي لحظة
كارلوس:شاف في كاترينا واش هذي حمقا كتفرج في افلام الخيال بزاف قربت نصدق أني مخلوق فضائي ههههه
فابيان:اووه جارتنا ممكن تكون هي حشورة متلا ولا مرات شامشوم هههههههه
كاترينا:سمحو ليا في بلاصتها لكن سوزي رآه فاقدة ذاكرة و مرات كتهلوس رآه عايشة غير بالدوا ما مفكرة حتى على سميتها و
كارلوس:قطعها ما فينا ليسمع قصتها إلى هبيلة خدوها المصح باي عطاهم بالظهر و مشى
سوزي:والله خاصك تصدقيني كاتي ما كنكدبش
كاترينا:واخا واخا ياله دابا ندخلو انا صدقتك شدات في ايديها انتي بنت زوينة و ما كتكدبيش هما مخلوقات فضائية غير ياله ندخلو تشربي دواك باش من بعد نديرو خطة نكشفوهم
سوزي:بصاح ياك صدقتني
كاترينا:وهي كتغمز بنتها اه الله اودي غير ياله ندخلو الدار بقات مسايسة معها حتى دخلاتها عطاتها دواها باش تهدن و دوات بنتها وهي كتفكر تاخد سوزي المصحة حيت باينة حالتها كتدهور
دخل كارلوس وهو هاز فابيان بين ايديه حطو باعصاب
كارلوس:اشنو كنتي كدير برا واش ما يمكنش لينا نخليوك غير نص ساعة بلا ما تدير شي حاجة
فابيان:امالك حتى انت ا عمي رآه كنت غير كنلعب رآه واقلة عمري غير 4 سنين واش ماشي من حقي لعب
كارلوس:شاف فيه بشك هذشي يقولو شي حد ما عندوش بحال باباك وانت الاكتر حظ في العالم رافائيل ما خلى فين داك واش لعب معك و كل الألعاب جابها لك ليسمعك يقول باباك حارمك من لعب
فابيان:لا صراحة بابا أعظم أب شاف فيه كارلوس و كمل لكن من هذشي لدار فيا ما تبقاش تهضر ليا عليه
كارلوس:بغضب واقلة مازال ماعرفتي اشنو كنتي غادي تحط فيه راسك عرفتي اش دير زيد قدامي تجلس معنا انا و ريحانة
فابيان:لا غير سير بغيت نبقى بوحدي
كارلوس:ما جايش ناخد ادنك خالك كيتسنى فينا شدو من ايديه و ختفى بيه
عند رافائيل و افرا هز رافا محارة كبيرة كانت بلون زهري و عطاها لافرا
رافا:حبيبتي فتحيها
افرا:شداتها اشنو فيها
رافائيل:ايوا فتحي و تعرفي
بدات كتفتح فيها و المحارة وقت ما كتفتح فيها كيلمع وسطها حتى قدرات تفتحها كانت فيها لؤلؤة كبيرة لامعة بلون ابيض ناصع
افرا:واو واعرة بزاف شحال يكون ثمنها
رافائيل:ما عندهاش ثمن هذي لؤلؤة الحظ انتي الوحيدة بين البشر لعندك حتى حد ما عارف مكانها
افرا:واو رافائيل واعرة لكن خفت تسبب ليا مشاكل ولا يحاولو يسرقوها مني
رافائيل:ما كاين لغادي يعرفها إلى إلى فرشتي راسك شاف في خاتم زواج لفي ايديها هذا الخاتم رجع قديم جا الوقت لتبدليه شد من عندها لؤلؤة و دوز عليها ايديه و رجعات في رمشة عين وسط خاتم ذهبي غاية في الجمال
افرا بقات غير حالة فمها فيه وفي طريقة لرجعو رافائيل شاف فيها بحب و شد ايديها لفيها الخاتم دوز عليها ايديه برمشة عين ختفى الخاتم القديم و رجع بلاصتو خاتم اللؤلؤة شاف فيها بحب
رافائيل؛جا معك واعر الغالي للغالي تخلق شد ايديها و باسها
افرا:شافت فيه بحب شكرا بزاف هذشي رآه بزااف عليا انت أغلى حاجة يارب يخليك ليا
رافا:وانتي و فابيان احسن حاجة عندي دوزت معك لحظات زوينة و غادي نكرروها طول عمرنا دابا ياله رجعو
افرا:صافي سلات الريحة
رافائيل:زيدي شكون بحالك كتسافري لبلايص عمرك شوفتيها و عمر شي حد يشوفها و غادي نديك مازال لأماكن بزاااف غير دابا خاصنا رجعو رآه واقلة عندنا ولد مع خالو و خالو حتى هو بغى لحظات مع حبيبتو هز ايديه ليها و بزربا تغيرو ليها الحوايج رجعات لابسة سروال جينز زرق غامق و قميجة في البيض مشبكة من الفوق و حتى هو تغيرو ليه الحوايج بتسم ليها و ختفى بيها
_كان كريست و أليس و كارلوس و ريحانة و معهم فابيان جالسين في القصر تاع كريست حتى ظهر رافائيل هو و افرا
كريست:اهلا بالعشاق عاد تفكرتون
فابيان:كاع ما تفكرو عندهم ولد عاد يتفكروك
رافا:شاف فيه بعيون لامعة مازال كتهضر لمك واقلة بغيتي نحطك مع الخفافيش
افرا:صافي رافائيل براك عليه مشات عندو و عنقاتو حبيبي ما توحشتيش ماماك
فابيان:شاف فيها على انتي توحشتني
افرا:اه بزاف راك ولدنا
جلس رافائيل حداهم وهو كيشوف في افرا و ولدو شوية هز عينيه في ريحانة باستغراب كانت كتشوف فيه بنظرات غريبة غير هز عينيه فيها نزلات عينيها بزربا هربانة من نظراتو
كريست:ايوا ا نسيب فين كنتو قالها و حط ايديه على كتافو
شاف فيه رافائيل بشرود واش ريحانة كانت كتهضر عليه ولا على راجلها واش بينها و بينو اصلا هذا قراءة الأفكار كرهها واخا مرات كتنفعو لكن مع اصحابو و اهلو كرهها حيت مرات كيقرا أفكار عيب و حشومة حتى يعرفها
كارلوس:هيه فين مشيتي
رافا:انا معكم شاف في ريحانة و كمل ايوا كاين شي جديد
أليس:والو غير مشكلة أهلي لمازال رافضين زواجي ب كريست
افرا:وهي هازة فابيان بين ايديها ساهلة هربو واصلا انتي دابا في عالم مصاصي الدماء شكون عارفك هنا
اليس:ما نقدرش انا الوحيدة لعند اهلي شافت في رافائيل بتوصل رافا خاصك تعاونا انت قادر على كلشي
رافائيل:واش اي حاجة تدخلوني فيها انا اشنو غادي ندير لك و رآه كريست مصاص دماء و عندو قدرة التنويم المغناطيسي شاف في فابيان تعالى البطل تاع باباه مازال غضبان قالها و هزو من عند افرا
فابيان:اش بان لك
رافائيل:لبان ليا ياله نتهزو من هنا لدارنا و نخليو الناس ياخدو راحتهم
كريست:غير جلسو معنا رآه غادي نسهرو حتى الفجر
افرا:لا خاص فابيان ينعس و عاد انا عندي محاضرة غدا
رافا:ياله بسلامة الصحاب نشوفكم قريب شد في يد افرا و ختفو
كارلوس:ريحانة امتى حتى حنا نولدو شي ولد
ريحانة:بتسمات ليه من يجي الوقت
بتسم ليها و عنقها غادي نكون حتى انا أب بحال رافائيل مزيان
اليس:امممم و حنا واحلين غير امتى نتزوجو
كريست:عرفتي اشنو الحل هو تحملي مني و تحطي مك في أرض الواقع
كان فابيان جالس في بيتو كيتسنى إيمي تدق عليه الزاج حتى دخل عليه رافا
رافا:اشنو كيدير البطل تاعي
فابيان:والو كنحسب النجوم اشنو غادي ندير في نظرك
رافا:كتستنى البنت
فابيان:اين بنت
رافا:بابتسامة سمع البنات رآه مخلوقات غريبة ما خاصكش تعامل معهم ضريف و زوين في الأول خاصك تجرجرهم حتى يبقاو غير تبعينك
فابيان:دابا انت جرجرتي ماما و دفعتي عليها كبير
رافا:اوووه لهلى يوريك شاف فيه و تسرح جنبو في سرير وهو كيعنق فيه انت رآه مازال صغير غير الهرمونات تاعك مضطربة و هذشي تاع الحب و الإعجاب رآه بكري عليك
فابيان:شاف فيه بابا واش حنا بصاح مخلوقات خايبة كناكلو بنادم
رافا:شكون قالها لك شاف فيه و قرا افكارو هديك جارتنا رآه هبيلة حنا رآه بحالنا بحالهم غير حنا حسن منهم حيت أقوياء عليهم و هما ضعاف
فابيان:علاش مصاصي دماء كيشربو دم البشر و المستذبين كياكلو البشر و السحرة كيخليو البشر يحلمو احلام خايبة
رافا:أولا خالك كيشرب دم الحيوانات او دم مصطنع و القبيلة تاعو كلها دار ليهم مصنع خاص لدم وانت و ماماك كون كانو كيشربو دم البشر كنتي تمصيطي شحال هذي كاينين شي طائفة خارجة على الحكم تاع خالك هي لكتمص دم البشر لكن قلال و المستذبين رآه درنا معهم اتفاقية
فابيان:دابا واش إيمي شافتني وحش داكشي علاش ما جاتش
رافائيل:دابا انت واش معجب بيها
فابيان:لا والله بغيت غير حتى انا ندير صديقات مع البشر لكن يمكن انا فعلا وحش
رافائيل:عنقو سمع خاصك تتقبل راسك كيما انت و ليبغاك غادي يبغيك كيما انت و مازال غادي دير صدقات بزاف مع البشر ما تنساش رآه انت نصف بشري يعني انت من البشر غير انت حسن منهم بزاف هما ضعاف انت قوي كتر من عمرك و غدا إنشاء الله غادي نتفاهم مع ديك الحمقا غادي نزيد نحمق مها دابا نعس و رتاح صافي
فابيان:شاف فيه كنبغيك ا صاحبي
رافائيل:حتى انا الخايب غدا غادي نديك مدينة الألعاب ندوزو وقت واعر خربق ليه شعرو صافي تفاهمنا
فابيان:لكن رجع ليا قوتي غادي ندير عقلي وعد
رافا:من نشوفك درتي عقلك رجعها لك ياله نعس و رتاح دوز ايديه على شعرو و في رمشة عين نعس فابيان بتسم و ختفى لعند افرا لكانت ناعسة في بيتها تحط فوق سرير و تلفت لجيهتها شاف فيها بحب و بقى كيراقب في ملامحها الطفولية لعمرو شبع منهم
_يوم جديد بأحداث جديدة غادي تغير بزاف من حياة الأبطال و تقلب حياتهم تخليهم في عوالم مفروقين كل واحد في جيهة
كانت افرا خارجة من المحاضرة حتى ظهر شاب قدامها شافت فيه و حسات بيه غريب و فايتة شافتو لكن ما عقلاتش فين بتسم ليها بعيون براقة كان المستذيب سام
سام:اهلا زوينة لباس عليك
افرا:سمح ليا واش معيا
سام:ويلي نسيتيني انا سام ياك انتي افرا مراط الغول
افرا:شافت جنابها بخوف نعم اشنو بغيتي علاش خارج ليا هنا في عالمي
سام:ما تخافيش ما عندي حتى نية ناديك بغيت غير نهضر معك في واحد الموضوع مهم
افرا:بخوف ما عندي فاش نهضر معك كون اكيد إلى عرف رافائيل انت موقفني غادي يتقلق
سام:شوفي ياله معيا بغيت نقول لك شي حاجة مهمة بلا ما تخافي
-كان رافائيل مع فابيان في مدينة الملاهي طبعا ماشي مدينة الملاهي تاعنا تاعهم هما حتى حس بقلبو كيضرب و انفاسو متسارعة
رافائيل:افرا
شاف فيه فابيان بخوف بابا اشنو مال ماما
رافائيل:ماماك مع مستذيب هي في خطر خاصنا رجعو شد ايديه و ختفى بيه لدار غير حطو في دار و ختفى تاني
-افرا:ما عندي علاش نهضر معك سير فحالك عفاك
سام:غير سمعيني بغيت نهضر معك غير على ريحانة ضروري خاصك تسمعيني
افرا:بدهشة ريحانة كيفاش فين كتعرفها
سام:غير ياله معيا نجلسو مكان بعيد و نهضرو حيت ريحة البشر كتخليني نفقد تحكم في راسي
كيف قالها سمع ضحكة من وراه طويلة كان رافائيل
رافا:ههههههههههه على هي ماشي بشرية
افرا:وهي كتشوف فيه رافا اشنو كدير هنا
رافائيل:نسيتي أن بيني وبينك تواصل ولا شاف في سام اشنو جابك عند مراتي قلت لك بعد لكن انت تحديتيني و جيتي لعالم البشر تسحاب ما نقدر نقتلك فيه
سام:لا راك فاهم غلط انا ما بغيتش ناديها
رافائيل:انا رآه عرفتك من الأول شكون انت غير تجاهلتك
سام:اشنو قصدك قالها بتوتر
رافائيل وهو كيقرب ليه شاف فيه بنظرات تحدي مباشرة في عينيه حط ايديه عليه و كمل مشيتو عند افرا حتى وقف حداها
رافائيل:طيسيليا قالها بلا ما يدور عندو عينيه على افرا كانت نظراتو غاضبة هز ايديه بلا اي إنذار خبط بيها وجه افرا حتى جات طايحة للأرض و كمل ايوا جاوب
رافا:هاذي حيت ما تواصلتيش معيا كيف ظهر قدامك و مازال غادي نتحاسب مع مك واااااش سمعتي هزها من للأرض بصبع واحد وهز ايديه
افرا:هىء هىء لالا عفاك هىء كتهضر وهي كتغطي وجهها عفاك ما ضربنيش
سام ياله جا بغا يتحرك لقى راسو مشلول من أي حركة
رافائيل:وهو كيرمي افرا للأرض لطاحت و غيبات دار عندو اشنو ما قادرش تتحرك اكيد ما غاديش تتحرك شوفتي غير يدي حطيتها عليك شللتك انا نفكرك دابا اه وعلى فكرة كاع ما تخمم في البشر انا وانت وهي محجوبين على النظر بحال جنون واش عارف الجنون كيظلو يشطحو فوق ريوس بنادم و هو ما جايب خبار بحال هكدا انا وانت قلت ليك انا سيد العوالم اي عالم نقطحمو بلا منازع
سام:سمع رخيني خليني نمشي فحالي انا ما بغيت منكم والو
رافائيل:اشنو ما بقيتيش غادي تنتاقم لختك طيسيليا والو مانعاودش لك كانت شاطرة في المساج و ***
سام:سكوووووووووووت سكووووووت
رافا:بابتسامة اييييه هكداك بغيتك تغوت غوت غوت صوت غواتك احسن من الموسيقى شاف فيه بعيون لامعة جاي تقتل ليا مراطي ياك انت في المكان الغلط مع الشخص الغلط حيت مراط الغول ما كتموتش الغول كينحي اي أحد كيقرب ليها عطيتك فرصة تمشي فحالك وانت ما ستغلتيهاش
_في حفرة الظلام كان السيد جالس كيشوف اش واقع بين رافائيل و سام هو و المعلم
السيد:هذا لمصيفط لغول رآه غير فار واش مالقيت حتى حد آخر
المعلم:انا ا سيدي صيفطو لمراط الغول قلت إلى سمعات اسم ريحانة تجي معه و نتخلصو منها
السيد:بغضب ضرب على العرش لمن العافية حتى تزعزع المكان أكبر غللللط درتي عمرك دير شي حاجة من رااااسك ما تنساش انت عقلك بشري غادي غير تغرقنا البشر أفكارهم غبية تسحاب هذشي صعيب عليا نصيف شي واحد لبشرية الحقيرة لكن الغول ماشي غبي ما تنساش هو قوي عليك و عليا لحد ساعة انا وهو اقوى مخلوقات في العالم لكن هو مازال غالبني شاف في سام للخوف شادو كليا من رافائيل هز ايديه و ختفى سام من قدام رافا
السيد:حطو في الحفرة لكن ما تعطيه لأي روح نقدر مازال نحتاجو بقى حط ليه لحم بشري اطفال صغار البراءة مزيانة لتكوين الكره
المعلم:اوامرك ا سيدي
السيد:اشنو وقع مع الصغير الغبي مازال ما فتح الكتاب واش الخديمة حطاتو
السيد:اه حطاتو بين الكتب لشرات ليه ريحانة الغبية هي لعطاتو الكتب ما نتبهاتش ان كاين كتاب غريب
السيد:كيف يختفي أمرها تجيب الكتاب ما بغيتش اي غلط
المعلم:تهنى ا سيدي
-عند رافائيل ياله هز ايديه بغى يحرق قلب سام حتى ختفى من قدامو وقف بعصبية غمض عينيه كتحسس شكون لعاونو يهرب مالقى حتى شخص ضرب على ايديه بعصبية اكيد غادي يكون شي ساحر كان مراقبهم من عالم آخر هو لعاونو يهرب لكن طوال الزمان ولا قصار غادي يعرف شكون و غادي يقتل سام حيت اكيد ما غاديش يهدأ و يحاول يقتل تاني افرا تحنى لعند افرا هزها و ختفى بيها
كان فابيان هو و خالو و عمو كريست جالسين كيتفرجو حتى بان رافائيل هاز افرا وهي مغيبة وقفو بخوف كل واحد كيسول مالها
كريست:مال ختي اش وقع ليها شاف في وجهها فيه آثار يد رجع شاف في رافا ضربتيها يااااك علااااش تحط عليها يديك تسحاب ما عندها لدافع عليها
رافا:حط افرا على الكنبة هذي مراتي ندير فيها ما بغيت
كريست:مالها عبدة عندك الحقير طار عليه و شنق عليه من عنقو
فابيان:خالي بابا لا ما تضربوش هىء هىء
رافا:كريست طلق مني ما بغيتش نضربك
كارلوس:كريست طلقو ا صاحبي غادي يشرح لينا
كريست:بعصبية شوف وجهها كيف درتي ليه هز ايديه ياله حطها على وجه رافا وقبل ما تتحط ختفى رافائيل
كريست:باااان هربتي ااا الجبان قادر غير على البنات كيف قالها ترمى للحيط و تشد من عنقو كان رافائيل ظهر من شدو
رافا:صافي سكوت ما بغيتش نضربك
كارلوس:رافا كريست صافي شوفو فابيان كيبكي شوهتونا و ناس كيسمعو
شاف كريست و رافائيل في فابيان لكان كيبكي و وقفو من المخاصمة
رافا:ولدي انا و خالك رآه ماشي مخاصمين شوف رآه عزيز عليا خالك غير سوء فهم ياك ا تسيبي العزيز
كريست:اه بزاف كاع عزيز عليا ترمى على رافا عنقو لبادلو العناق حتى هو
فابيان:و ماما مالها هىء هىء
رافا:تحنى لعندو رآه غير سخفانة ما تخافش الماما قوية
فابيان:واش ضربتيها بصاح
رافا:انا عمري كدبت عليك و ما غاديش نكدب عليك حتى دابا حيت انت ولدي وصاحبي اه ضربتها لكن على مصلحتها كان واحد المستذيب غادي يقتلها
كريست و كارلوس و فابيان:اشنوووو شكون هو
رافائيل:خو وحدة كنت قتلتها من زمان بسبب افرا قرب ليها و شدها من راسها دوز ايديه على وجهها و ختفات آثار ايديه حط ايديه على راسها و بدات كتفتح في عينيها حتى شافتو قدامها نقزات بخوف من قدامو حتى كتشوف ولدها و خوها و كارلوس
فابيان:و ماما و صافي رآه ما كتعرفيش تمتلي واصلا الضربة مشات كاع مابقيتي تحسي بوالو السوفاجي صافي غبرها
كريست:اوووف افرا امتى ديري عقلك كنتي كتهضري مع مستذيب كاع أعدائنا و أعداء البشر واش انتي حمارة
افرا: فرقات رجليها للأرض بحال درية صغيرة اشنو أدبا تجمعتو عليا واش هو وقفني في طريق اشنو ندير هىء هىء
رافائيل:شاف فيها وفي حركاتها الهبيلة كون كان في لحظة غير هدي كان نقز عليها متل الجدية واخا برد من الأعصاب من شافها سمعي انتي رآه ماشي صغيرة نبقى مقابلك راكي ام لولد ناضج عليك كيفاش يوقفك و ما تواصلي معيا والمشكلة كنتي غادي تمشي معه
افرا:صافي صافي انا غير بشرية ضعيفة عارفة هدشي
كارلوس:انتي كارثة متنقلة شاف في رافائيل اشنو لمخليك تعيش في عالم البشر هزها هي و ولدك القلعة و تهنى
رافائيل:داكشي لغادي ندير حيت باينة غادي تتسبب ليا غير المشاكل
فابيان:لا انا ما بغيتش ننقاطع على عالم البشر أنا بغيت نعرف كلشي
رافائيل:انت غير سكت عارف علاش بغيتي تبقى هنا عرفتي اش سير فحالك لبيتك
فابيان:ولكن انا
رافا:وهو كيقاطعو قلت لك سير بيتك ما تعاودش معيا الهضرة
شاف فيه فابيان بغضب و تاجه لبيتو
رافائيل:لا مزيان تعالى ضربني كاع
افرا:رآه صغير واش انت مريض
رافا:افرا سمعي من نكون كنهضر مع ولدي زميه وفعلا رآه ضسرتك غادي ناخدك القلعة تعزلي ليا من البشر
رافائيل:كاين شي ساحر كيعاونو من كنت بغيت نقتلو ختفى ما يمكنش يختفي بوحدو وانا كنت مشلل ليه حركاتو
كارلوس:اشنو زعما شي حد بغى افرا
رافائيل:غير يجي نعطيها ليه في طبق من ذهب
افرا:اشنو هو ياك ايوا إلى مثقلة عليك نفهم راسي و نمشي
رافا:شاف فيها بابتسامة تاع بزز جلسي و سوكتي ا مدام الغولة
-عند فابيان دخل بيتو وهو معصب بزاف
فابيان:عيت من هذشي واش انا ما عندي كلمة بابا ديما مقرر علينا انا ما بغيتش نمشي من العالم البشري شرير تاع بابا فعلا الغوال أشرار جلس فوق سرير بعصبية و حط ايديه على راسو من نكبر غادي نطير انا و ماما بعيد على بابا اه هو بزاف ظريف معيا لكن مرات شرير شاف في المجر و تفكر داك الكتاب الغريب قرب لمجر و فتحو و جبد الكتب جلس كيقلب حتى طاحو عينيه على الكتاب
فابيان:اشنو هذشي واش زعما خالتو ريحانة جابت ليا كتاب تعلم شي لغة ستنى نشوف هزو بين ايديه صغيرين كيف فتحو خرج نور قوي بزاف و حس بحال كيتمص بحال الجدبية كتجدبو لداخل ياله بغا يغوت بابااا حتى تجر كليا و طار الكتاب تسد و طحت فوق سرير
_افرا:سيد الغول علاش نجلس من انت ما حاملنيش حداك
رافا:غادي تبقاي حدايا حتى للموت واخا كنكرهك
كريست:يارب صبرني و الحماق و الشعب نضجو شوية
كارلوس:حتى انت واش ما عارفش هما ديما بحال القط و الفأر وحتى حد ما قادر يستغنى على الآخر غير كيحمقو فينا
رافا ما عطاها جواب ختفى بزربا من حداهم كيف ختافو كارلوس و كريست
أما افرا عطات رجليها ريح كتحاول تسابق معهم توصل لغرفة فابيان
كيف ظهر رافائيل هو و كارلوس و كريست تصدمو بالغرفة خاوية من فابيان
رافا:بخوف شديد فين مشى ولدي لالا مستحيل فينك فابيان
كريست:رافا حاول تواصل معه ياك ما كاين غير فشي بلاصة هنا ناري افرا غادي تموت
دخلات افرا مع كلمة خوها شافتهم بعلامة الخوف و فابيان ما كاينش
افرا:رافا فين فابيان شافت فيه بعيون دامعة فينو غير كيلعب معنا كيف ديما باك
رافائيل شاف فيها ما قدرش يجاوبها أول مرة يتصرط ليه لسان شاف فيها بنظرات خوف على ولدو خوف عليها و ضعفو انو ما عارف فين كاين
افرا:بدموع و صوت مخنوق بالبكى لاااا لااا فابياااان فاااابيان شدات في عنق تريكو تاع رافائيل انت السبب انت السبب جيب ليا ولدي هىء هىء انت بسبابك مشى ولدي
رافائيل بقى غير مصدوم من تصرفها و كلامها كيفاش هو السبب واش فعلا هو السبب
رافائيل:اشنو كتخربقي انتي رآه ولدي هداك سمعتي كيفاش يمكن ليا نكون سبب في هذشيييي
افرا:بالغوات مااااشي شغلييي جيب لياااا ولدي دابااا طاحت الأرض بدموع وهي كضرب على قلبها هىء هىء فابيان حبيبي رجع لماماك
نزل كريست عندها عنقها كيواسي فيها اما رافا بقى غير كيشوف فيها بقات فيه عارفها محروقة على ولدها لكن واش كاين شي حد يحس بيه راه حتى هو ولدو حس بيد كارلوس كتطحت على كتفو
كارلوس:رآه غي الخوف و الخلعة على ولدها هي ما قصداتش هذشي شوف رافا واش كتحس بيه فشي عالم من العوالم تأكد مزيان و حتى انا غادي نجرب سحر تاعي نشوف
رافائيل:بعصبية غوت وااالو ما كاينش ما كاينش بحال بلعاتو الأرض وحتى لو بلعاتو الأرض كنت غادي نحس بيه شد في شعرو مااااكاين حتى فشي عوالم من تاوعنا
افرا:شافت فيه بدموع انت السبب إلى وقع لولدي شي حاجة عمري نسامح لك
كريست:افرا صافي تهدني رآه حتى هو باااه
رافائيل:بعصبية شكون بغاك تسمحي ليا و علاش ما تكون هرموناتك الغبية هي السبب غوت بصوت عالي و داااابا سوكتي ولا نفوت فيك شي جريمة
افرا ورات وجهها حتى بان ليها فاز ياله كتفكر تهزو تخبط بيه رافائيل حتى هضر
ماتحاوليش قسم نقتلك
كريست:افرا صافي وقفي من هبالك خلينا نفكرو فابيان غادي يرجع وعد
كريست:صافي تهدني خلينا نشوفو حل وقف عند رافائيل و كارلوس وهو كيشوف ف رافا نظرات توصل باش يتهدن
رافائيل:شاف فيه سير تأكد ياك ما مع ريحانة
كارلوس:ما يمكنش ريحانة تديه بلا خبارنا
رافائيل:المهم تاكدو خاص اي حاجة نقلبوها
كريست:واخا انا غادي نمشي كيف قالها ختفى
_السيد:هههه اخيرا الهاجين فتح الكتاب شاف ف واحد من الخدم تاعو سربي شدو جيبو ما حد البوابة مفتوحة قبل ما تتسد و يتاجه للعالم الآخر
الخدم:تحنى على راسو اوامرك سيدي و ختفى
السيد:هااههااههااا اخيرا غادي نتخلص من سيطرة تاعك رافائيل و غادي نتلبس لك ولدك و رجع عندك انت و ماما هاهاهاهااا نقتلكم واحد واحد وعاد دوك الاغبياء لمعك كريست و كارلوس الساحر المهرج لكن غير تسنى نشد ولدك و ناخد القوة تاعو لغادي تخليني رجع اقوى منك الف مرة ودع روح ولدك غادي يكون اليوم الاخير لروح ابن ناقية الدم غادي ناكلو روحو اممممم جسدو غادي يخليني نحقق أحلامي و قريب غادي نفتح بوابة الجحيم على البشر هاهاهااااععع السلطة والقوة فطريقها ليا
_عند فابيان فتح عينيه كان بين السما و الأرض بقى غير كيدور في راسو ما فهم والو واش زعما باباه كيلعب معه غمض عينيه و عاود فتحها والو مازال واقف في السما هو فاقد القدرات تاعو ما يمكنش ليه يطير كيفاش طاير يعني باباه هنا
فابيان:رافا غير خرج براك من لعب ما غاديش نتصالح معك سكت شوية حتى حد ما هضر و كمل راااافااا صافي لعبك باسل لكن والو واش كاين شي جواب بدا الخوف كيدخلو خصوصا من شاف شي مخلوق كحل طاير تجاهو بحال الخفاش بحال الغراب لكن كان كبير و عندو قرون جاي تجاهو مباشرة بسرعة زائدة بدا كلو كيترعد بخوف قبل ما يفتح فمو يغوت طار عليه المخلوق و ختفى هو وياه...
_رافائيل:شاف فيها غير سكتي من البكى راك كتوشوشيني ما كتخلينيش ركز
افرا:هىء هىء جيب ليا ولدي انت ما عندك قلب عليه منعدم الأحاسيس
رافائيل:صافي سوكتي هز ايديه تجاهها و جمدها شاف في كارلوس و كمل حتى انت سكت
كارلوس:باستغراب انا ساكت
وقف رافا وسط الغرفة تاع فابيان غمض عينيه شاف في مخيلتو الغرفة كلها ظلام بدا كيدور راسو تجاه كل قنط حتى شاف نور قدامو كانت طاقة سلبية كبيرة تما حس بيها من ركز فتح عينيه مباشرة في السرير بعيون لامعة طار عند الكتاب هزو
رافائيل:بدهشة اشنو هذا هزو وراه ل كارلوس و افرا لغير كتشوف و تسمع لكن ما قادرة تحرك ولا تهضر
كارلوس:كتاب اش غادي بكون
رافا:هزو و شاف في الكتابة الغريبة لماقدرش يقراها فابيان حط عليها ايديه و غمض عينيه فتح عينيه في كارلوس
رافائيل:ريموس طس طابار هيروش طاك طاك
كارلوس:بصدمة أدخل العالم الآخر ينتظرك
رافا:بخوف لا متقولش لالا منين جاه هذا الكتاب كيفاش ما حسيت بالقوى السلبية شد في راسو بخوف ايه الغول جوج حوايج ليخاف عليهم في الدنيا افرا و فابيان و مايقدرش يعيش بلا بيهم يضحي بعمرو غير على سعادتهم
شاف في الكتاب لفي ايديه و شاف في افرا لقدامو و الخوف كبير مسيطر عليه دابا فابيان داخل العالم الآخر و اشنو فهذا العالم الآخر و منين جاه الكتاب
كارلوس:الكتاب الملعون مختفي شحال من قروون من القرن لتقتل فيه آلهة الخير على يد الهة الشر لكن في الاخير آلهة الشر تقتل على يد تنين ناري احمر و ضحى بروحو باش يختفي الكتاب هذا الشي رآه من قروون قبل ما نتخلق لا انت ولا انا كيفاش وصل هنا و منين جا
رافائيل:ما عرفتش لكن لعرفت أن فابيان تما و خاصني نجيبو قبل ما يوقع ليه شي حاجة ضرب ايديه على الحيط حتى تشقق و تهز السقف بغضب
كارلوس:الغضب ما عندو فين ينفع دابا تهدن
شاف فيه و هز ايديه لعند افرا نطق تحركي كيف نطقها تحركات بدموع
افرا:كيفاش ولدي فالعالم الآخر اشنو هو العالم الآخر
نزل عندها رافائيل بزربا شد ايديها بين ايديه و عنقها وهي كتضرب فيه في ظهرو و تغوت كارلوس بزز منو نزلات دمعة من عينيه بسبب المشهد
رافائيل:بعدها من صدرو سمعي سمعيني مزيان شد وجهها بايديه باش يحكمها تشوف فيه و كمل انا رآه كبير و هداك رآه ولد صغير اه فعلا ممكن الغلط تاعي لا ماشي ممكن الغلط تاعي انا عاقبتو خديت ليه القوة ما غاديش نسامح راسي توقع ليه شي حاجة غادي نعيش منفي ما عنديش حل آخر هذا كتاب هذا عالم آخر عالم منفي كتر من قرووووون انا غادي نجيب لك ولدك ولدنا ممكن يرجع بوحدو ممكن رجعو بجوجنا ممكن حتى حد فينا ما يرجع انتي راك قوية و عندك جوج هما كارلوس و كريست يفديوك بروحهم تحنى باس على جبهتها حسات بقطرة سخونة طاحت على جبهتها يمكن دمعة من عين رافا هز راسو فيها شاف فيها مطولا بحال كيحفظ ملامحها لآخر مرة طارت برمشة عين لكتاب فتحو خرج منو نور
كارلوس و افرا:لاااا لاااا ستنى
كان سريع بزاف تفتح الكتاب و ختفى رافائيل طار الكتاب و تسد و تحط في مكانو
أما كارلوس ما كانش أقل منها نزل للأرض شاد على راسو بصدمة وهو كيشوف في الكتاب بسهولة صاحبو و خوه لكان معها وقت الفرح و الضيق ختفى قدام عينيه
ظهر كريست شاف في المنظر لقدامو بصدمة واستغراب
كريست:افرا كارلوس اشنو واقع ما هضر حتى حد كمل بعصبية اشنووو واقع هضرووو تحنى على افرا هز راسها من الأرض اشنو واقع
افرا:مشى مشى هىء هىء هىء مشى
كريست:شكون مشى هضري
لكن افرا بقات غير كتبكي تحنى عند كارلوس
كارلوس:هز ايديه لكتاب رافائيل مشى مشى كيهضر وهو مصدوم
كريست:ما فهم والو كيفاش رافا مشى ياك فابيان لمختفي ومالك كتشير لهذا الكتاب طار الكتاب و هزو قرا الكلمات رماه بصدمة وهو كيشوف في افرا و كارلوس حتى كيسمعو صوت الباب شاف كريست فيه أما افرا طايحة بحال الصنم
كارلوس:جارتهم الحمقا
كريست:اجي نشوفو ياك ما عارفة شي حاجة ممكن نكونو غلطنا طار و تبعو كارلوس
طار للباب و تبعو كارلوس فتح الباب كانت سوزي شافت فيه بخوف و ابتسامة كتحاول تخبي خوفها
كريست:اشنو
سوزي:هههه لباس
كارلوس:من وراه اشنو الحمقا
سوزي:انا ماشي حمقا سمعتي هزات عينيها كتحاول تشوف من وراهم بحال كتقلب على شي حاجة
كارلوس:اشنو بغيتي
_هزات افرا راسها و عيونها حمر دموع نازلة
افرا:رافائيل رجع هىء هىء واعدتيني تبقى معيا ديما فابيان حبيبي الصغير انت بلا بيكم اشنو هىء هىء نزلات عينيها و شافت في الأرض كان الكتاب مرمي وقفات بخطوات قصار و قربات ليه
افرا:مستحيل نخليكم انا جاية ما فكراتش اكتر فتحات الكتاب كيف العادة خرج منو نور ختفات طار و تسد وترمى على الارض
_في حفرة الظلام كان فابيان ف قفص كبير بحال تاع العصافير كيغوت فتحو ليا هىء هىء ماما بابا
سمع خطوات جاية تجاهو سكت بخوف و قلبو كيضرب حتى تفتحو عينيه بفرحة و صدمة كيشوف باباه جاي تجاهو
فابيان:بابا جاي تعتقني كنت عارف ما غاديش تخليني شوف الرجل الخوفاش اش دار ليا خرجني
رافائيل:واخا ا ولدي حبيبي صافي رآه قتلتو هز ايديه تجاه القفص كيف هز ايديه تشتت القفص و بقى فابيان طاير في السما و نازل بشوية حتى وصل الأرض شاف في باباه بسعادة
فابيان:ووووبيي عندي بابا قوي جرا عندو عنقو
رافائيل:حط ايديه عليه ولدي الحبيب قالها بعيون لامعة في الأحمر وحط ايديه على راسو كيف حطها بعدو عليه بزربا وشاف فيه بغضب
رافائيل:فابيان فين قواك
فابيان:ياك خديتيها ليا
رافا:اشنو قالها بصدمة وغضب
فابيان:بابا خاصك ترجع ليا القوى تاعي شوف كيف وقع ليا دابا رآه القوى كتنفع
رافا:بغضب صافي جلس نعس انا جاي قالها و ختفى
فابيان:فين نعس رافا الله يهديك رجعني مالك غريب واش ضربك شي حد على راسك
*****
السيد:كيفااااش هذشي انت مخدم معيا غير الاغبياء كيفااااش القوى مشات ليه وانت ما عارفش
المعلم:والله ا سيدي ما فراسي والو حتى الخادمة ما قالت ليا والو
السيد:على البشر اش تستنى منهم انا الحمار مخدم معيا البشر دابا اشنو ندير بيه رجع بشاري حقير لا نفع فيه
المعلم :غادي لقاو حل اسيدي
السيد:فين هي أليس علاش ما جابت الكتاب ياك قلت لك قول ليها كيف يدخل الحقير الصغير تجيب ليا الكتاب
المعلم:غادي تجيب الكتاب اسيدي غير تهنى و القوى غادي لقاو ليها حل
السيد:من الأحسن أليس تجيب الكتاب حيت قبل ما يعيق بيها داك جليدان لمعاها ويمص دمها غادي نمص دمها و عظامها
******
رجعو عند كارلوس و كريست و الحمقا سوزي
سوزي:مالكم معصبين انا غي سمعت صوت صداع وضرب بغيت نشوف واش كلشي بخير اجي اش كديرو نتما هنا
كريست:واش شغلك رآه واقلة دار ختي هدي سيري فحالك
كارلوس:سيري الحمقا مسالين لك
سوزي:وهي كدخل فين افرا مالها غابرة
كريست:شاد الباب سيري فحالك
سوزي:ستنى غير نشوف غير افرا
كريست:سيري فحالك لا نمص مك كلك هز ايديه دفعها
سوزي:اووو لالا فقدات توازن وهي هازة ايديها كتحاول تشد فشي حاجة باش ما طيحش مد ليها كريست ايديه كيف شدات ايديه و مس الكف تاعو الكف تاعها حس بحال الضو ضربو بحال كيترمى وسط حفرة غاااارقة ودنيه كيصفرو و دقات قلبو متسارعة طاح على وقفتو في الأرض وغيب
جرا ليه كارلوس بصدمة وهو كيشوف لونو رجع حمر أما سوزي تصدمات الخوف باين عليها
كارلوس:كريست كريست هضر معيا شاف فيها اشنو درتي ليه هضري
سوزي:بخوف والله ما درت ليه والو عيط على الاسعاف رآه كيتخنق
شاف فيها كارلوس اصلا اش عندها ما دير هي غير بشرية عادية والله و يوقع ليه شي حاجة ندبحك سمعتي
سوزي:الله ا خويا والله ما درت ليه والو تحنات على كريست الغايب فيق عفاااك واش كتسمعني فيق
لحداها شي ريحة ولا بصيلة ولا سوارت تعتق لينا دراكولا تاعنا رآه حتى هو تيتيز
سيد القلعة الجزء السادس
محتوى القصة
التنقل بين الأجزاء