سيد القلعة الجزء السابع

كارلوس:بخوف كريست كريست عفاك فيق اصاحبي واش هذا هو الوقت فين تغيب

سوزي:تاصل بالاسعاف اش كتسنى

كارلوس:من الأحسن انتي تسدي فمك

شد يد كريست و غمض عينيه كيتاكد واش مازال عايش حتى بدأ كيحس بحركة يد كريست فتح عينيه بفرحة

كارلوس:كريست كريست كتسمعني

بدا كيفتح عينيه بشوية حتى شاف كارلوس و سوزي فوق راسو عقد على عينيه باستغراب 

كريست:اشنو اش واقع

سوزي:انت بخير واش لباس

وقف من الأرض بخفة شاد على ايديه بحال كيحاول يتفكر اش وقع ليه

كارلوس:اش وقع لك علاش غبتي

كرست:والو والو انا لباس دابا

سوزي:ياله نخليكم من تاكدت انت لباس قالتها و بدات خارجة حتى شدها كريست

كريست:تسناااي انتي فين غادية اشنو كان داكشي 

سوزي:اشنووو

كارلوس:مالك كاين مشكل

كريست:تعالي هنا نقز عليها 

سوزي:اوووووه اش كدير بعد مني غادي نجيب لك شرطة

كارلوس:صاحبي مالك اش واقع

كريست:بعصبية اري ايديك وقفي شد ايديها و حط كفو على كفها كيتسنى توقع ليه شي حاجة لكن والو حاول مرة جوج والو وهي كتحاول تفلث منو لكن هو أقوى منها الف مرة

كارلوس:اشنو واقع

كريست:شاف فيها شكون انتي شوفي راكي عارفة داكشي لدخلتني وسطو اشنو كان

سوزي:شافت ف كارلوس هىء هىء عفاك هضر معه والله حتى نجيب الشرطة 

كارلوس:كريست صافي طلقها حنا عندنا مشكلة أكبر من هذا الحمقة

طلقها كريست و هو كيشوف فيها

مازال نتفاهم معك طلق ايديها بعنف و سد عليها الباب دار عند كارلوس

كريست:ما عرفت من شديت ايديها بحال شفت رؤيا بحال شي حاجة قديمة من الماضي

كارلوس:رآه غير بشرية والو لا نفع منها و اصلا قالو ليا فاقدة الذاكرة ما عاقلة حتى على اسمها 

كريست:شاف فيه فين افرا اخيرا الجماعة تفكرات افرا

كارلوس:رآها في البيت اكيد حالتها صعيبة وما عندنا ما نديرو غير نجلسو نتسناو رافائيل يرجع هو و فابيان ياله نمشيو عند افرا

*********

عند رافائيل فتح عينيه ف مكان كلو جبولة مظلم شاف قدامو و وراه كان كلشي حجر و جبولة ما كاين حس مخلوق جلس فوق واحد الجبل بحسرة و عدم حيلة نزل راسو للأرض لبعيدة بزاف عليه كان حزين بزاف كيحمل راسو مسؤولية لوقع حيت خاد القوى لولدو الى وقعات شي حاجة خايبة عمرو يسامح راسو عقلو مع فابيان لمختفي فهذا العالم عاد افرا لخلى وراه خاصو يدير اي حاجة باش يرجع ليها فابيان حيت كرهاتو و غادي تحملو المسؤولية لهذشي كلشي

******

عند افرا لقات راسها في غابة كلها شجر طويل لدرجة ضو الشمس ما كيدخل غير شوية منو وقفات كتشوف فين هي بان ليها هذشي عادي ما كاين خوف بدات كتعيط باحر جهدها

افرا:راااااافائيل فااابياااان فينكم رااااااافاااااا

وهي مستمرة في النداء حتى كتسمع صوت حركة و شجر كيتحرك من كل جيهة بدات كدور بخوف 

افرا:رافاا هذا انت واش انت هذا 

ما كاين صوت من ما سمعات والو دخلها الخوف اكتر 

تحرك الشجر اكتر و ظهرات منو مخلوقات غريبة كانت لابسة الجلد و فوق راسها قرون بحال الهنود الحمر لكن ماشي الهنود الحمر تاعنا لا تاعهم كيشوفو فيها بعيون حكرة و واحد فيهم هاز عود شاعل بالعافية

افرا:بخوف هيهيهي بضحكة غبية لباس عليكم جيت نقلب على ولدي

شافو فيها بلا اي كلمة و ما هزوش عينيهم منها كيحركو راسهم يمين و يسار بشكل مرعب بززززاف و لسانهم خارج بحال لجيعان سنين و كيشوف قدامو دجاج اخيرا

افرا:مالكم واش ما كتفهموش كلامي هيهي بدات كتبيبري بخوف وهي كترجع بلور بغات غير تهرب لكن كانو ضايرين بيها من كل جانب 

شاف فيهم هداك لهاز العافية اكيد هو الزعيم تاعهم هز ايديه لكانت كلها مخالب بحال النمر لفمو و بدا كيزغرط كيف زغرط برمشة عين نقزو على افرا المخلوقات كل واحد منين شدها و طيحوها الأرض

افرا:لالا هىء هىء طلقووني اشنو كديرو

نزل عندها الزعيم كيشوف فيها بدهشة بحال أول مرة يشوف هذا المخلوق العجيب ايييه البشر رجع عندهم مخلوق عجيب شد شعرها بايديه لكلها مشعرة و بدا يشم فيها 

افرا:هىء هىء بعدووو مني عاد..

نزل ايديه لكان فيها شي كرة صغيرة وسد ليها بيها فمها ما خلهاش تكمل هضرتها زغرط تاني لجماعتو لربطوها من ايديها و رجليها بجدوع شجر قوي و هزوها فوق كتافهم وهما كيزغرطو و يغوتو و افرا قلبها وقف من هول المنظر و الخوف غالب عليها واش صافي هنا غادي تموت واش غادي ياكلوها ولا بحال الافلام يقدرو يشوفوها زعرة و زوينة و غريبة و يديروها الهة تاعهم ابنتي صبري راسك و حلمي و صافي

دخل كريست و كارلوس لغرفة كانت فيها افرا حتى كيتصدمو غير بالخوا 

كارلوس:فين مشات هذي قالها وهو كيشوف فيه باستغراب

كريست: شد فراسو ما تقولش ليا لالا 

كارلوس:ناااري دارتها هذ ختك حمقا بقرة اشنو 

كريست:شاف في الكتاب انا غادي نتبعها

كارلوس:لا اصاحبي اشنو غادي تبع رآه القوى تاعنا تما غادي تكون ناقصة بزاف

كريست:شد فيه سمع هذيك رآها ختي و ما غاديش نبقى واقف كنتفرج

كارلوس:واخا و أليس وانا اشنو

كريست:شاف فيه وااا رآه ختي بقى انت مع أليس حتى رجع مع هذ المصيبة تاع ربي

كارلوس:لالا تسنى غادي نمشي معك ما نقدرش نخليك بوحدك

كريست:فين تمشي معيا رآه ماشي غادي العرس

كارلوس:سمع كنت غادي نمشي مع رافا و جلست بسباب ختك دابا ختك مشات ما غاديش نبقى هنا واخا ما عرفت اش ريحانة غادي تتفهم الوضع ياك عارفة الولد مختفي علاش اصلا ما جاتش معك ما مسوقاش

كريست:ريحانة رآه بانت ليا ماشي هي هديك خليك معها

كارلوس:انت صاحبي رافا خويا هذشي الأهم دابا

*****

كان رافائيل جالس في همو كيفكر منين غادي يبدا هذا العالم واش هنا كاين فابيان ولا لا حيت مابقاش قادر يتواصل معه ولا غير حيت مقلق و الغضب مسيطر عليه خاصو يهدأ حتى يعرف يتواصل مع ولدو وهو كيحاول يهدا حتى كيسمع صوت انثوي كغوت وقف قاز و طار نازال من فوق داك العلى كلو بنقزة وحدة جا محنى في الأرض وهو كيتحسس الصوت لكيطلب النجدة و كان صداع تاني ختفى لمكان لتحسس و ظهر فالمكان شاف ثعبان كبير بسبعة ريوس ملوي على بنت كانو عندها ودنين طوال و شعرها فالحمر طويل لابسة كسوة طويلة بيضة اكيد هي جنية وقف كيشوف اش كاين و اصلا رافائيل ماشي من نوع لعزيز عليه يتدخل في الأمور و المخلوقات غير إلى قربو ليه هما يعني واخا ياكلها ولا تاكلو ما يقرب ولا يفك كيف كيعتبر هذا الأمور ظواهر طبيعية 

الجنية كتبكي و تغوت و حتى حد ما كاين غيرها و الثعبان المرعب اكيد هي تعطات ليه قربان

هزها الثعبان قربها لواحد الفم من ريوسو السبعة ياله فتح فمو هزات ايديها دخلاتها في عينيه بحر الألم رماها جات طايحة للأرض هزات عينيها و بان ليها رافا حاط رجل لأرض ورجل متكيها على شجرة كاااع ما مسوق ليهم الجنية كيف شافتو بحال شافت الخلاص تاعها وقفات بزربا كتجري عندو شافتو ماشي جني لكن ما عندها وقت تسول شكون انت

الجني:عفااااااك عفاااااك فكني شدات فيه بتوصل و هي كتبي كانو دموعها نازالة على شكل حجيرات ألماس طايحة الأرض

رافائيل:هذا القدر تاعك ما خاصنيش ندخل فيه

الجنية:عفاااك هىء هىء هىء

الثعبان وقف من الأرض لكان طاح فيهابسبب الألم و تاجه تجاههم مباشرة نقز عليهم فاتح فمو لكن رافا كان أسرع و أخف عليه طار لسما و الجنية متعلقة فيه دار عندهم الثعبان تاني وقف كان كبير شاد بين الأرض و السما تاجه تجاه رافا تاني لكن رافا ختفى وراه مباشرة عطاه ركلة برجليه حتى تقطع ليه راس و طاح للأرض نزل رافا و نزل معه الجنية

رافائيل:واش انا جاي باش نفكك ياك انتي جنية دافعي على راسك شاف فيها لقاها كتبكي و دموعها أحجار كريمة بتسم ههههه جنية الثروة ايوا شوفتي فالموت ما كتنفع ثروة

وقف من الكلام من حس شي حد جاي هاجم عليه من لور نقز بزربا و رماها تجاه آخر وقف وهو كيشوف الثعبان واقف بستة ريوس و الراس السابع لقطع ليه كيتجدد كيف تجدد تاجه مباشرة بغضب تجاه رافائيل 

رافا:مال مك عندك سبعة رواح

بعد بخفة منو وخلاه يطيح فالأرض و طار راكب ظهرو الثعبان غضب كليا رجع كيهجم عليه بكل الرؤوس تاعو و هو كيف كيقرب عندو اي راس كيختفي و كتجي الضربة في الثعبان نفسو بقاو هكدا حتى قوة ثعبان تلاشات و طاح للأرض مهزوم كيف طاح ختفى رافائيل و جا قدامو هز ايديه قدامو و تكونات وسط كفو شعلة نارية بتسم بانتصار و هو كيهز ايديه قدام الثعبان لطايح للأرض مهلوك كيف هزها قدامو خرجات نار بحال الإعصار تجاه الثعبان شعلات فيه كولو بقى كيحاول ينوض و كيغوت لكن العافية كانت حاكماه مزيان بقى هكاك مدة دقيقة حتى تشوط الثعبان كليا بقى فيه غير الهيكل العظمي جمع رافائيل ايديه و دار عند الجنية لكلها رعب من لشافت قدامها 

رافائيل:واش غير هذا الحشرات المضحكة لعندكم

الجنية فشلو ليها الرجلين طاحت الأرض 

ش..ش..شكون انت

شاف فيها رافا فشكلها لباين عليه الخوف بزاف 

رافائيل:انا شخص غريب كنقلب على ولد صغير هو زعر و عينيه بحال لون عيني

الجنية:و الخوف مازال شادها لا ما..ما شوفت حد ممكن الجينات الآخرين يعرفو شي حاجة منين جيتي انت

رافائيل:بعييييد بزاف انتي اش كديري هنا

الجنية:انا تعطيت قربان لثعبان شهر حنا كل شهر كنعطيوه قربان وهذا شهر الدور تاعي

رافائيل:ودابا اش غادي ديري (رافا رآه كيقرا أفكارها لكن ما بغاش يفضح راسو و مخبيها احتياطيا)

الجنية:غادي نرجع عند الام الاب اكيد غادي يكونو مازال كيبطيو خاصك تمشي معيا باش المملكة تاعني تشكرك و منها تساعدك تلقى الولد 

رافائيل:واخا

******

عند افرا لعايشة الرعب حرفيا هزوها الأشخاص المتوحشين وهما كيغوتو بأصوات كتخوف و وحشية وهي مغمضة عينيها كتحاول تواصل مع رافائيل يعتقلها ندمات علاش ما سمعاتش كلام رافا و بقات مع كارلوس و خوها نزلات من عينيها دمعة ندم متأخرة وهي كتحس بيهم وقفو حيت هزوها فوق ريوسهم ما كتشوفش الأرض غير السما حسات بيهم كينزلو فيها بدأ قلبها كيضرب بالخوف وهي كتشوف قدامها مخلوقات كتار فيهم حتى العيلات تقدمات عندها وحدة مدات ليها ايديها زولات الكرة لكانت سادين بيها فمها جات بغات تمس راسها و افرا قلبات وجهها بخوف منها بدات المرا لمقرنة و كلها مشعرة و ما لابسة والو ابدا عكس رجال كتغوت و تزعرد و تبعوها كل شي يزغرد

افرا:لالالا هىء هىء راااااااافائيل هىء هىء عتقنيييي

مدات المرا تاني ايديها من بعد ما تبتو الرجال وجهها أما الباقي رآه مربوط و بدات كتتحسس وجهها بطريقة وحشية كتجر في الحنوك و تعاود تجر في الفم و نيف بحال بغات تشري خروف وافرا غير كتبكي و تغوت لكن شكون سمعها ولا فاهمها طلعات راسها المرا و حطات ايديها على فمها بدات تغوت و الرجل لهاز العافية كيجاوبها بالغوات باينة كيهضرو لغة ما فهمتها افرا من بعد دار عند شي رجال غوت معهم من بعد مشاو بالجرا بحال الزواق المهم قبيلة تاع الغوات و زغاريد 

افرا:عفااكم تلقوني اش بغيتو ديرو بيا عفاااكم جيت ناخد غير ولدي و راجلي عفاااكم هىء هىء

لكن حتى حد ما سوق ليها من بعد لحظات رجعو الرجال و هما هازين وراق اشجار غريب بزاف طويل و شي اعشاب و خضروات عجيبة افرا بدات تستغرب غير راسها واقلة شافوها ضعيفة جابو ليها الماكلة تاكل

_رجعو عند رافائيل مشى هو و الجنية لمملكتها لغير في الغابة كل ما يتمشاو يخرجو جنيات و جني رجال من ورا الشجر بحال مخبين من شي حاجة كتخوفهم 

الجنية:خرجو كلكم ما تخافوش الثعبان مات مااات قالتها بفرحة 

كيف سمعو ثعبان مات خرجو كلهم بدهشة كاين لفرحان كاين لمامصدق اش قالت هضر واحد الجني شارف باين الزعيم تاعهم

الجني:اشنو كيفاش و شكون هذا لمعك 

الجنية:مولاي هذا المنقذ واقلة الاسطورة أن غادي يجي التنين الذهبي ينقدنا رآها بصاح

رافا:اش كتخربقي انتي اش من تنين

الجني:شاف في رافائيل هذا اش من مخلوق

الجنية:مولاي هذا مخلوق قوي بزاف هذا رآه الثنين الاسطوري كيخرج العافية السيدة هذا الجمال كلو و القلدة و الشخصية بان ليها تنين شدوني عليها هااا العار شدوني عليها 😂

رافا:انا ماشي تنين انا يمكن خرجت العافية وانتي الغباء تاعك شافني تنين

الجني:شاف فيه واش بصاح قتلتي الثعبان

رافا:واش هذاك هو الثعبان هذاك غير حشرة كيفاش غلبكم كيف قالها بداو كلشي يشوفو فيه بدهشة الثعبان لكيظل ياكل فيهم لقرون و جد جدودهم ما قدرو عليه يقول عليه حشرة تحناو للأرض كيسجدو على رافائيل وهما كيبكيو و دموع كتخرج أحجار كريمة و كيغوتو كلهم مولاي الآلهة مولاي الآلهة رافا شد راسو بصدمة من هذا الكم الهائل من الغباء لقدامو ولكن رآه عالم آخر هدا اش يدير جر الزعيم تاعهم الجنية لنقد رافائيل بعدها منو و رافا كيشوف فيهم بعيون لامعة و كيسمع كلامهم

الجني:اكيد أسطورة التنين صحيحة من جبتي هذا التنين لنقدك ولكن انتي خاصك تحاولي تقربي منو و تحملي لينا ابن الآلهة باش تكون مملكتنا محمية حتى من المتواحشين لكايصيدونا اكلين لحوم

الجنية:ولكن كيفاش

الجني:هذشي انتي تعرفي ليه انتي دابا بايديك تحمي المملكة تاعنا من أي هجوم خاصك تغريه و تجبي ابن الآلهة دار عند رافائيل لكان كيشوف فيهم نظرات تاع ناري على أغبياء و سجد في الأرض حتى هو

الجني:بركاتك سيد الآلهة بركاااتك سيدي الآلهة 

رافائيل:و صافي تجمعو عليا واش في عقلكم العجينة اش من آلهة ولا بطيخ شاف فيهم بغضب كبير انا جاي كنقلب على واحد البشري طفل صغير كيشبهني شوية

الجني:ما عندناش هنا البشر و ما عندهم كيفاش يجيو شاف في الجنية و غمزها خوديه يرتاح و طهلي فيه مزياااان ورك على ديك مزيان بالمزيان نيييت بحال كيمعني ليها

*****

رجعو عند كارلوس و كريست لقررو يتبعوهم و مافكرو حتى فحد المهم يتبعو ديك الكارثة تاع افرا فتحو الكتاب و دخلو فيه تحطو في جبال و الحجر ما كاين حتى مشهد غير الخلى و القفار

كارلوس:زعما هنا فين جاو 

كريست:كيتسولني مالي عرفت كنت معهم

كارلوس:دابا اش نديرو نتفارقو ولا اشنو 

كريست:كيفاش نتفارقو انت حمق غادي نديرو عود رميوه فين ما حط راسو نمشيو في طريقو 

كارلوس:واخا هز عود هاهو العود ياله شوف طلعو الفوق و رماه جا في اتجاه محدد بتاسمو و طارو لاتجاه لحدد لكن للأسف كان عكس الاتجاه لفيه افرا و رافائيل

_ف حفرة الظلام كان السيد جالس بغضب والمعلم كيحاول يبرد فيه حتى وصلوه الأخبار لكانت غادي تزيد تشعلو اكتر دخلو الخدم تاعو و هما جارين أليس هازة الكتاب كيف شافها السيد دور وجهو عليها بحال خاف تشوف وجهو شافت فيه كان عطاها بظهر لابس سلهام كحل باين جسمو رياضي هكدا قالت حتى غوت فيقها من أفكارها

السيد:اشنووو علاش كتفرجي فيا جسمي رياضي ندير لك عرض الازياء 

حسات بالخوف من صوتو لزعزع المكان ومن أنو حتى هو عندو قدرة قراءة الأفكار 

المعلم:جبتي الكتاب علاش تعطلتي ياك ماشافك شي حد

أليس:تعطلت حيت داري بعيدة شوية على دار رافا و المواصلات قليلة لا ما شافني حد هاهو الكتاب مدات ليه الكتاب لشدو حتى كتشوف طاير غادي عند الشخص لباين هو السيد أمير الظلام نزل بين ايديه كيف مسو غوت

السيد:شحال من واحد دخل فيييييه

أليس:اكيد غير فابيان انا حطيتو بين الكتب لشرات ريحانة ليه ما غاديش يمسهم شي حد غيرو 

السيد:غوت لدرجة الحجر بدا كيطيح فوق راسهم غبية بشرية غبية دخلو 5اشخاص هنا دخلو كلهم مايكيل خرج عليا هدي من هنا سررررربي سررررربي

بزربا طار عليها المعلم و ختفى هو وياها خلاوه كيغوت و الحجر كيطيح بقوة الغوات لكن علاش ما قتلهاش اكيد مازال عندو ما يدير بيها

_عند افرا لمازال عايشة الرعب تقدمو الرجال لهازين أوراق الشجر و الخضروات و شي عجاين غريبة حطوها قدام المرا العجوز و بدات كتخلط في العجاين بشي ألوان ها الحمر ها الخضر سرحات الوراق الطوال لتقول غير زربية و بدات كدهنو بالعجين حتى كملات شافت فافرا لمخرجة عينيها فيهم بصدمة و بدات تزعرذ بداو الرجال كيتاجهو عند افرا و قلبها كيضرب مع كل خطوة صوت هرب ليها الخوف بحال اخيرا بدات كتفهم اش تابعها باينة شميسة ليزنديانة هذي ما عندها حتى باش تقاوم ولا تهرب مربوطة بإحكام جروها مع الأرض وهي كتبكي بقوة الغوات صوتها تباح ليها هزو موس كبير كل واحد فيهم غمضات عينيها صافي هذي الأخيرة ليها تفكرات عائلتها السعيدة رافائيل فابيان كريست كارلوس تفكرات كل الأوقات السعيدة اااه اليام كانت أسعد وحدة مع أميرها دابا غادي تموت مغدورة ستسلمت للواقع بدموع صامتة حتى كتحس بيهم كيقطعو الجدوع باش شادينها فرحات من لقات راسها ما ماتتش لكن فرحتها بدات تتلاشى من بداو يقطعو ليها فالحوايج خافت بزاف هدا الوحوش يغتصبوها كتغوت و تركل ولكن شكون تركل الجماعة كتغلب خلاوها عريانة كليا و هزوها وهي كتحس بلحمها فااااشل ما بقى عندها اي قوة للمقاومة نزلوها وسط أوراق الأشجار الكبار و بداو كيلويوها فيهم بحال أوراق العنب حتى خلاو غير راسها لباين فيها جابو واحد طنجرة كبيرة بزاف تاع الطين و خلاوها على جنب من بعد ما خواو عليها تشرميلة خلاوها تشرب الشرمولة و بداو كلهم كيقطعو في الخضر تاعهم ماشي تاعنا و يرميوها في الطنجرة

تبع رافائيل الجنية وهو شابع ضحك فخاطرو لو كان في مزاج و ما عندو هدف كان لعب بهذا القوم كيف بغا و ستمتع بهذشي اكتر الاستمتاع وهو تابع الجنية كيشوفوها كتغريه بالمفاتن تاعها كتعوج في مشيتها و تلعب بشعرها طويل هو كيحرك راسو يمين يسار بقى ليه غير جنية يجيب معها لولاد ولكن واخا والله ما يمشي حتى نيت يحقق ليها الأمنية تاعها و تاع الملك تاعها هو هنا غير باش يحقق الأمنيات تلوات الجنية عمدا كانت ياله غادي طيح حتى شدها رافائيل 

رافا:واش انتي لباس

الجنية:اييي رجلي كتوجعني

رافا:واش متأكدة غير رجليك ما كتوجعكش حاجة أخرى

الجنية:كيفاش

رافا:غير بغيت نتأكد واش انتي بخير

الجنية:هىء هىء موجوعة بزاااااف ما نقدرش نتمشى

رافا:بصاااح قالها بسخرية

الجنية:وهي كتشوف فيه بشهوة بزاااااف كتر من لكتصور هزني عفاك انت قوي هزيتي كاع الوحش و ما تقدر تهزني انا

رافا:حطها الأرض بعد عليها هز ايديه تجاهها و طارت من الأرض شاف فيها بمكر دابا مزيان

الجنية:وعلاش ما تهزني انت

رافا:على دابا شكون هازك ياله ياله رآني عيان بغيت نعس وريني هذا دار فينها 

الجنية:بالفقصة قربنا رآها دار شيرات ليه تجاه شجرة كبيرة

شاف رافائيل بصدمة من فهم أنهم كيسكونو وسط الشجر كان الحال بدا يظلام كينتشر وصلو و دخلات الجنية و تبعها رافا كانت شجرة محفورة من الوسط فيها كرسي و مكتب صغير فيه أكياس عامرة بالدموع تاعها لهي جواهر عاد سرير صغير و حشرات مضيئة كتنور المكان رافائيل مسكين سكت بقوة الصدمة راكم عارفين هو جوج حوايج ما يقدرش عليهم العفن و الوسخ و مكان ماشي مناسب ليه

الجنية:وهي كضرب بشعرها في وجهو مزيان دابا انا نوجد لك قهوة تشربها و ترتاح

رافا:اه والله حتى محتاجها نيت جلس على سرير وهو كيشوف المكان أما جنية مشات واحد المجر هزات كيس و خرجات منو حشرات كحلة حطات كمشة في الطبلة هزات ايديها حتى السما و طلقاتها عليهم جاو مبجوغين

رافائيل:بصدمة اشنووو كديري

الجنية:احسن قهوة كحلة غادي تشرب ليلة باش تسهر مزيااان

رافائيل:لاااا لاااا القهوة كتوجعني غير تعالي جلسي حدايا 

الجنية:ولكن القهوة

رافا:لا بلاش تعالي رجع بغا غير يبدل الموضوع لا يرجع ليها مصارنو تما 

جات عندو بابتسامة ياله بغات تحط عليه ايديها وقفها 

لا ما تمسنيش عاف ايديها عافها كلشي

الجنية:مالك معصب مال زوين مقلق

رافا:لا زوينة مامقلق والو غير خاصني نمشي دابا

الجنية:لااا كيفاش تمشي عرفتي انا كندير احسن مساج تبغي تجرب

في هدا الاتناء رافائيل سمع صوت بكى برا و كلام حلاه ستغرب للأمر اكيد هي ما سمعاتش حيت هو دابانة كيسمعها لكن طاحت عليه فكرة جهنامية

رافائيل:عرفتي اشنو وجدي الزيوت و طفي الضو و حيدي حوايجك انا ندير لك مساج ازوينة شاف فيها بعينيه للمعو كيف شافت فيه و بدا كيركز في عينيها بصوت مهموس نوووضي دابا حيدي حوايجك و طفي الضو انا جاي 

الجنية وقفات بحال بلا اي كلمة بعيون لاصقة اكيد نومها مغناطسيا كيف وقفات خرج هو طاير فاتجاه الصوت اكيد خاصو يخلي بصمتو الخاصة و خاصو يعلمهم كيفاش يجيبو ابن الآلهة طاير وهو كيضحك بمكر فراسو حتى وصل لعند واحد الجني باين كبير بزاف يكون عمرو قروووون من عام ديناصورات بلحية بيضة و شعر بيض طويل كان جالس كيبكي بحسرة شاف فيه رافائيل بشفقة حيت من كلامو لسمع تطرد من العشيرة تاعو حيت مابقى فيه نفع ومن شي حد ما يبقى نافع لوالو كيتنفى

رافائيل:انا عندي لك الحل غادي رجع اكتر واحد عندو قيمة هنا

شاف فيه العجوز غير عرفو هو الآلهة تاعهم المزعوم وقف بالسيف و سجد ليه

العجوز:سيدي الآلهة عارفك انت كتعاون الأخبار عاوني هز ايديه بتوصل و عيون دامعة جواهر عوني فجأة تسمع صوت بوووووم بوووووم و دخان عااافية جاية من بعييييد بحال شي قبيلة كتحتافل

رافائيل:هز ايديه تجاه دخان العالي لبعيييد عليهم اشنو كاين تما

العجوز:اكلي اللحوم اليوم صيدو فريسة ما عمر شافو بحالها فرحانين بزاف و محتافلين دابا كيوجدو العافية مابقى ليهم والو و يطبخوها شاف فيه مولاي الآلهة غادي تعاوني ياااك رآه مابقى فيا نفع و ما بقيت نقدر ندير والو أشار لمركز تاعو صافي مااااات هىء هىء هىء

كريست:واش متأكد هذا الخلى و القفار يكون فيه رافا و افرا بان ليا هذشي ما فيه حس مخلوق

كارلوس:انت زيد رآه معك ساحر كيشمها وهي طايرة 

كريست:أودي هذي هي المشكلة حيت آخر مرة عاقل بسبابك كنت غادي نموت

كارلوس:زيد زيد و تبعني تربح

بقاو كيتمشاو و الجو كيظلام اكتر واكتر لذرجة ما بقى كارلوس كيشوف والو أما كرست رآه مصاص دماء كيشوف عشرين على عشرة ف ظلام

كارلوس:اشنو هذشي علاش ظلام الحال هكدا فجأة علينا

كريست:قلت لك طريق غلط وقف و بقى مركز و كارلوس شاد فيه 

كارلوس:علاش وقفتي اصاحبي تحرك نخرجو من هذا ظلام

كريست:كاين معنا رفقة نعم اسي

كارلوس:كيفاش شكون واش نتاهب للقتال

كريست:ما عرفت لكن ستعد لأي حاجة انا غادي نتفرق نشوف شكون انت بقى هنا بسرعة تحول كريست لمجموعة من الخفافيش طارت في السما كتقلب على مكان المخلوق لمراقبهم حتى سمع كارلوس كيغوت طارو الخفافيش راجعين لعند كارلوس و هما كيتكونو حتى رجع كريست

********

رافائيل:كيفاش معمرهم شافو بحالها

العجوز:اه فريسة غاية فالجمال انا شوفتو من كانو هازينو واش عندك حل ليا

رافائيل:مع الغول كلشي كاين ليه الحل لكن سمع انا غادي نصيفطك لجنية رآها واجدة خاصها غير مع من و حتى انت حيت سنوات الجفاف عندك ليلة غادي تزهى ليا الشويرف و تحتفل مع راسك غادي تشد الريزو حتى تبقى تطلب منو غير ينعس ما كاين غير الحريث الحريت و العروسة كيف قلت لك واجدة كتسناك 

العجوز:بعيون لامعة بصاح

رافائيل:و مالنا كلعبو هنا هز ايديه لتجاه مركز العجوز و خرج بحال تيار كهربائي من ايديه مباشرة للمركز شاف فيه بابتسامة ايوا هنا عقل على الخير تناشر احصنة كيتبورضو

العجوز:شاف في المركز لكن والو غير كملها بدا كيحس بشي حاجة غادية و كتوقف كتوقف كتوقف🤥🤥 حتى رجعات بحال عصا طويلة مع لابس سروال فضفاضي يا فضيحة بالجلاجلها

رافائيل:شاف ف المركز رآه زدت حتى شوية طول ياله سير نيشان انا غادي نصيفطك نيشان الآلة العروسة رآها طايبة قول ليا فالصباح من تنتابه أنك ماشي انا الغول عندو مرآة وحدة و الولاد غادي يديرهم غير معاها و المراة راها في دارها معززة مكرمة ما توصل ليها لخريتها (اح امسكين ما فخباروش قال معززة مكرمة في دارها راها في الطنجرة كتكرمل)

العجوز:باستغراب كيفاش اشنو

رافائيل:ماشي وقت الهضرة هذي سير حفر على ولادك حرك ايديه و كمل سير من هنااا كيف قالها تحرك العجوز بلا اي كلمة حتى البيت الشجري تاع الجنية كان رافائيل بطريقة سحرية طفى كل ضواو كيف دخل العجوز بقى غادي بيه رافائيل بتخاطر الذهني حتى لمس الجنية لكانت واقفة كتقلب علاش الإنارة طفات 

الجنية:اوووه انت هذا تعطلتي ما لقاتش جواب مساتو مالك ما كتهضرش حسات بيد كتقربها ليه بطريقة وحشية شهوانية و بلا سابق إنذار قطعات ليها الكسوة

الجنية:اووووه هههههه بشوية عليك داكشي كيكون حلو بالخاطر قبل ما تكمل هضرتها تهزات و ترمات على السرير و العجوز كينقز عليها مسكينة الصدمة غادي تكون قوية

عند رافائيل نقز من فوق الجبل طاير فالسما وهو كيشوف فالدخان الكتيف لطالع مع السما شي حاجة كتقول ليه سربي سربي مافهمش اشنو هذا شعور حيت هو حاليا ما متواصل مع حتى حد افرا فعالم البشر فابيان حاليا مختفي حتى هنا فالعالم الآخر ماكاينش لكن غادي يتبع احساسو يشوف اشنو هذا المخلوق الرائع

-عند افرا شعلو اكلي اللحوم العافية و حطو الخضر تاعهم و هزو افرا حطوها وسط طنجرة تعاونو على الطنجرة حطوها فوق العواد افرا كانت غايبة واش ناعسة واش غايبة ما عرفت بدات كتحس بشي حرارة طالعة معها فتحات عينيها وهي تصدم من عرفات راسها حطوها طيب

افرا:هىء هىء هىء عتقوني رافااااااائيل هىء هىء بدات كطلع معه سخونية اكتر و اكتر وبدات تغوت اكتر

- عند رافائيل سمع غوات افرا تشوك ليه لحم واش هذشي لكيسمع بصاح ولا كدوب ما بقاش طاير بالعرض البطيء برمشة عين تحول لنسر عملاق و طار اكتر من طيارة و هو كيحاول يكدب سمع تاعو وصل المكان و صوت افرا بدا كيضعاف اكتر و اكتر شاف في الطنجرة الكبيرة طار تجاهها و اكلي اللحوم هاربة من شافت طائر عملاق نقز على الطنجرة قلبها من فوق العافية و تكفح كاع لوسطها وشاف مصيبته التي غرق فيها أجل يا سادة افرا ملوية بحال أوراق العنب طالع ليها غير راس لاوي و شعر هابط عليها

دارت بيه الأرض وهو كيشوفها طايحة الأرض كانت غادي تكون وجبة لهذا الممسوخين هزها بمنقارو و طار بيها بعيد حطها على الأرض بدات افرا كتفتح عينيها و يا ريت ما فتحاتها شافت قدامها طائر عملاق واش نسر واش عقاب بدا كيقرب ليها الطير وهي كتحاول تتحرر من لوية بدموع والله ما تكال مطبوخة بعدا ما تحس بأي حاجة ولا تتكال حية 

افرا:بصوت ضعيف هىء هىء ب.ب..عدددد هىء هىء شافت طير هز جناحو الطوال لغطاو عليها السما نفجرات بغوتة لالالاااااااااااااا هىء هىء حتى كتشوف طائر تحول لرافائيل قلبها بدا يضرب بفرحة 

افرا:بضحكة هستيرية ههههههههههه رافا ههههههه رافا هذا انت ههههههه لكن جمعات ضحكة من شافت عيون رافائيل عيونو حمرة بحال نقطة الدم و عروقو بارزة لذرجة تنفخو ليه برزو عظلاتو اكتر و اكتر تمنات الف اكلي لحوم ولا رافا فهذ الحالة 

رافائيل:اشنوووووو كديري هنا الق** تاع مك انااااااا ز*** ما تديهاااا ف كلاميييي المكان تزعزع بقوة صوتو اي كائن كان قريب منهم هرب بالخوف من الصوت 

افرا:ما. ما ما قدرتش هىء هىء ما قدرتش 

قبل ما تكمل كلامها جاتها خبطة عالمية من حيت لا تذري بقوة الخبطة طارت وهي ملوية فالورقة عشر أقدام بقات مغمضة عينيها بالخوف اخيرا دوك أوراق العنب عتقوها كون ما كنت ملوية في الوراق كانت تتشتت ما يلقاو ما يجمعو فيها

طاحت للأرض و بدات كتحاول تهز راسها حتى شافت رجل رافائيل واقف عليها شافت فيه بدموع و هي كتحس ايديها تحررات خرجاتهم و بدات كتشد ف رجليه كتحاول توقف ما قادرة تقول حتى كلمة خلاها حتى وصلات ركبتو تحنى شدها من شعرها بعنف حتى حط وجهها قدام وجهو و حط ايديه تانية فوق من الوراق لملوية عليها زولهم بسهولة حتى خرجو عينيه بالصدمة عريانة كليا ماذا أقول لكم يا سادة إنه الغول فعلا زائر بصوت مخيف لو كان عند الاشجار ارجل لا هربت والله

رافائيل:اشنووووو هذشي اشنوووو شكون عرااااك شكوووون شاااف لحمك غيري 

اكيد ما غاديش يسول واش غتصبك شي حد حيت هي تاعو مستحيل شي حد يقدر يوصلها مطقفها السيد و مطقف ليفكر حتى فيها 

افرا:هىء هىء صافي واش ما كتشوفش لحمي كاع طايب هىء هىء

رافا:كان عليا نخلي أمك تشواي يا بنت الكلب هز يديه ولا نقولو خبطات تاعو و طلقهم على وجهها حتى طاحت للأرض تحنى عندها بغى يعاودها حتى حس بشي خطوات بعيدة جاية عندهم طلقها طايحة الأرض و هز ايديه على لحمها و فجأة بانت كسوة واسعة على لحمها مابغاش يلبسها مزير على حساب لحمها مسلوخ بسخونية كانت شبه غايبة حس بسهم جاي تجاهو بزربا هز افرا و طار لشجرة بايد أخرى كيف طار لشجرة شد واحد من اكلي لحوم كان غادي يرمي عليه شبكة بغاو يصديو الغول

هزو حتى لسما و طلقو مباشرة للأرض طاح مباشرة بلا اي حركة تجمعو عليه صحابو اكلي لحوم و بداو كيزغردو و ينقزو كلشي عندهم بالزغاريد

فتحات افرا عينيها وهي طايرة شادها رافائيل بين ايديه تكمشات عليه بخوف خافت يرميها للارض هو حس بخوفها كون كان في موقف آخر كان يعنقها لكن فعلا غلطات بزاف شاف في المخلوقات المقرفة نزل عندهم وحط افرا

رافائيل:ما تبعديش عليا إلى ما بغيتي ترجعي لطنجرة شاف فيهم أنتما لكنتو غادي طبخو ليا مراطي

نقز واحد من قبيلة اكلي لحوم قبل ما يوصل عندو هز رافائيل ايديه طلق العافية جا مشوي كلي طاح الأرض الكل شافو بخوف قرب عندهم رافائيل و افرا وراه و بدا كيشوي فيهم بواحد واحد ما خلى ليهم فين يهربو حتى كيسمع صوت غوات افرا دار بالزربا شاف مخلوق من كتلة شعر مليوح على افرا نقز عندها طاير هز ايديه ضرب المخلوق حتى طاح للارض كانت مرأة من اكلي لحوم شاف رافائيل صدرها مدلي و شعر بين رجليها واصل حتى لتحت ركبتها

رافائيل:واااااع ماعندكومش ماكينة الحسانة

افرا:الله ينعلك اش داك تشوف تما

رافائيل:رآه ما نقدرش مستحيل ما نشوف هذا اكتشاف رهيب شعر ط***طول من شعر راسك

افرا:راااااافائيل هىء هىء 

دار عندها ولقى مرآة أخرى شادها هز رجليه لسما و خبطها بيها هز افرا بين ايديه بخوف بحال جوهرة ثمينة 

*****

تكون كريست لشكلو و هو كيشوف رجل عجوز في الظلام قصير بزاف بزاف بلحية طويلة جالس فوق عنق كارلوس لكيحاول ينزلو 

كارلوس:كريست اشنووو هذشي

كريست:بعيون حمرا و نياب بارزة وصوت بحال فحيح الافعى طللللللق منووو حسن لك ولا غادي نشرب دمك حتى لاخير قطرة

العجوز:الله اولدي غير شوفتو قوي بزاف عيت بالمشية قلت نركب شوية فوق عنقو ما نويت فيها أذية 

كارلوس:انا ماشي طاكسي نزل بزربا تحول كارلوس لاسد ذهبي وراه 

العجوز:طاح الأرض و نفجر بالضحك هاهاهاها

نفجر العجوز بالضحك بهستيرية شاف الأسد الذهبي لهو كارلوس ف كريست لحتى هو شاف فيه باستغراب هذا الشارف 

كارلوس:وهو متحول للأسد عندك تموت واش صحتك قادرة على الضحك

كان سؤال لبسرعة الريح لقى ليه الجواب بدا جسد القزم كيتجبد و يطوااااال يطوااااال حتى مابقى راسو كيبان دخل وسط الغيوم عملاق عملاق غير رجل وحدة أكبر من كريست و كارلوس بدا كيتحرك والأرض كتزلزل بيهم و هما كينقزو و ينزلو بسبب رجليه

كريست:فااااك اشنوو هذشي كارررلوس هررررب هررررب

كارلوس:ما قادرش شي حاجة شاداة ديلي هرب انت هرررب كريست هرببب 

كريست:انت حمق ما نخليك واخا نموتو بحوج ياله بغى يتمشى عندو حتى حس برجليه كيتمشى فيها بحال النمل و ايديه شي حاجة طالعة معه واخا صغيرة لكن قوية بدا كيتناتر ويحاول يفلت لكن والو شاف في ايديه كانت مخلوقات قزمة شابهة للقزم العملاق شادينو من كل بلاصة و بدات كتحول لعمالقة حتى هما و كريست مهزوز معهم بحال الخرشاشة

كارلوس:كريست فينك اشنو واقع علاش ساكت حتى كيحس بنفس شي واقع ليه كيتهز لسما

كريست:كارلوس هرررب هرررب إلى قادر

العملاق:بصوت بحال الرعد هاهاهاها دخلوهم لصندوق بزربا هاهاهاها 

تهز كارلوس و كريست رماوهم ف صندوق و سدو عليهم 

كريست:وهو شاد فراسو ايييي اشنو هذشي

كارلوس:اش هذا العالم 

كيهضرو وهما كيسمعو خطوات العمالقة وهما مهزوزين كيتخبطو وسط صندوق

كريست:وقف اصحابي نطيرو من هنا نختفيو واش غادي نبقاو هنا

كارلوس:ضرب يد على يد حط زك** الأرض يمكن نسيتي هذو عوالم غير عوالمنا ما عارفين عليهم والو 

كريست:اشنو قصدك؟؟

كارلوس:قصدي انت وانا رآه غير خفاش مع ساحر ماشي الغول ما عندناش حق نختفيو من عالم العالم حيت ما عارفينش العوالم و حنا ماشي من العوالم السفلى ولا العليا

كريست:جلس للأرض بصدمة اشنو دابا نستسلمو علاش هذشي ما قلتيهش ليا قبل ما ندخلو العوالم علااااش ما قلتيش ليا أن قوتنا غادي تضعاف

كارلوس:و علاش انت ما عارفش

كريست:بعصبية ماااااشي انا لكنجلس طووول حياااتي نقرا في كتب العواااالم 

كارلوس:اااااه نسسسيت انت دراكولا نص عمرك قاديها فالنعاس حتى جا رجل ختك خلاك تشوف شمس

كريست:طار عليه بعصبية شانق عليه بعدا ماشي كنتحول لاسد لا فائدة مني طار عليه بضربة مالي ما خدمتش عقلي الكتب و السحر رآه انت لكتجلس وسطهم

كارلوس:نقز عليه بضربة حتى هو اشنووو قصدك الامي لآخر

كريست:قصدي باااين علاش ما تكونش انت لحطيتي الكتاب لفابيان و دخلتنا لهذشي حيت رافا أقوى منك

كارلوس:فتح عينيه فيه بصدمة اشنووو انت حمار هذاك رآه ولد خويا و رافائيل خويا الحمار رآه مربيني هو بحال ولدو هو كل عائلتي شاف فيه بحصرة صراحة خسارة كيفاش تصاحبت مع غبي بحالك انا ظن فيا هذشي

كريست: وهو عاد نتابه اش قال كارلوس انا..انا قرب ليه مسو بغى يعنقو 

كارلوس:وقف وهو كيبعد منو ما تقربش ليا أي صداقة بيني وبينك هنا كملات

كريست:وهو شاد شعرو لا كارلوس انا غلط سمح ليا رآه غير ثوتر سمح ليا بزاف ما كنتش واعي انت احسن صديق عندي انت خويا و صاحبي عارف انت ما تقدر تادي حتى حد

كارلوس:بعد عليه اكتر لا كنت عارف اش كتقول انا لكنت غالط فيك ما تبقاش تهضر معيا فعلا مكاني ماشي مع دراكولا

كريست:لااا صاحبي..ا

فجأة تهز غطى الصندوق هزو عينيهم لفوق كيتسناو اي حاجة حتى كيشوف كريست بنت مرمية لعندهم كتغوت كارلوس ما يقدرش يشوف ظلام عكس كريست شدها قبل ما طيح بين ايديه وهي كتغوت بخوف وكلها كترعد

كريست:صافي صافي ما تخافيش انتي بخير هزات عينيها فيه بتوتر اكتر كانت عينيها لونها فالاصفر أول مرة يشوف هذا لون

كارلوس:كريست اشنو واقع واش افرا هذي

كريست:لا مخلوقة غريبة ما عرفت اش من نوع شاف فيها شكون انتي

البنت:هىء هىء هىء صوريااا هىء هىء

كارلوس و كريست:باستغراب صوريا انتي منين

البنت:لا صوريا اسم ختي هىء هىء فينك صوريا

كريست:وهو مازال شادها بين ايديه لحس بحرارة كبيرة ف ايديه خارجة منها انتي اش كتوكني

البنت:شافت فيه بعيون صفرا الفاتح بخوف انا..انا نجمة

كارلوس و كريست:اشنوووو

كارلوس:اسمك نجمة

البنت:اسمي إيمان انا جاية من العالم السماوي انا نجمة

كريست:بصدمة وهو طالقها نجمة قصدك نجوم لفي السما

كارلوس:قرب ليهم واش زعما نيت نجمة اشنو كدير نجمة فالأرض وعلى النجوم مخلوقات حية

إيمان:شافت فيهم شكون نتما بعدا واش غادي يوقع لينا وقفات وكيف وقفات من الأرض ضوا المكان كلو رجعات هي كضوي شافت في كريست و كارلوس و لسانهم تلجم ليهم بقوة الصدمة أول مرة يشوفو كائن خارج منو نور اكيد غادي تكون نجمة ولا قمر فعلا ولا شمس كاع ضوات ليهم كاع الظلام 

إيمان:هيهو مالكم واش عمركم شفتو نجوم دوزات ايديها على شعرها اكيد واخا تشوفو ما غاديش تشوفو بحال الجمال تاعي تبا لتواضعي

كارلوس:منين جيتي صراحة فيك زين غير هذا الضو فابور لدرتي لينا

كريست:واش أنتما بزاف

إيمان:هذشي ماشي وقتو دابا انا خاصني رجع دار قبل شروق الشمس

كريست:وانا فشروق الشمس خاصني نعس 

كارلوس:بصاح هذشي ماشي مهم شكون انتي ولا حنا الأهم خاصنا نخرجو من هنا كيفاش شدوك انتي واش ايديهم طويلة لهذا درجة يقطفو نجوم من السما

إيمان:جالسات بحزن لا نزلت انا و ختي صوريا نشوفو العالم السفلي

كريست:بسخرية اه و شوفتيه كيف جاك

إيمان:شافت فيه بنظرات غريبة وااااعر زووووين بزاااف ما كنتش كنعرف أنو بهذا الجمال

كارلوس:ا شريفة رجوع لله فيقي ابنتي اش من زين فيه

إيمان:انا كنجمة ف عمري ستة أشهر نقول لك هذا جمال يأسر القلب 

كريست:هههه واش ستة أشهر ولا ستة قرووون

إيمان:باستغراب لا ستة شهور اش من ستة قرون 

كارلوس:ههه حنا لفي عمرو ستة شهور رآه مازال مخرقين ليه ا بنيتي

نفجر كريست بضحك هههههههه والله إلى

كارلوس:شاف فيه بغضب ما تهضرش معيا رآه مخاصمين

إيمان:شافت فيهم بدهشة على أنتما شحال ف عمركم

نفجر كريست و كارلوس بالضحك حيت إلى جاوبوها غادي تصدم هذي إلى ما دبلات ليهم هنا

إيمان:شافت ف كريست ضحكتك زوينة بزاف

كارلوس:حتى مراتو زوينة بزاف غي جمعي ريقك

إيمان:شافت فيه بغضب لا فهمتوني غلط ضحكتكم زوينة بجوج

كريست:حتى انتي ابنتنا زوينة

كارلوس:سكتو سكتو واش سمعتو 

بقاو كيسمعو الحس تقطع و مابقى حتى صوت الخطوات وعاد الصندوق ما بقاش كيتهز يعني تحط

كريست:واقلة وصلو فين بغاو سمع كارلوس نسى لوقع وانا سمح ليا انت راك اكتر من صديق دابا كيف يتفتح الصندوق نهجمو شاف ف إيمان انتي اشنو كتعرفي ديري غير تبقاي ضوي

إيمان:كنبقى ندير المكياج باش نبقى زوينة و نصايب ظفاري و شعري

كارلوس:شاف فيه نسى عليا البراهش رآه بلا فايدة

إيمان:اشنو هي معنى البراهش

كارلوس:بعصبية هي الجمال بتسم ليها بزز انتي غاية فالجمال

إيمان:بعيون لامعة فيها نجيمات ههه شكرا

كريست:صاحبي زيد زيد قبل ما نشرب دم هذي بغيت نيت ندوق عروق المخلوقات السماوية كيف دايرين 

تفتح الباب وهما كيهضرو سكتو و كريست و كارلوس تاهبو للقتال أودي اش غادي تقتلو حتى دخلات إيد عملاقة بزاف رشات عليهم مسحوق لكيف ترش كريست و كارلوس و إيمان تنشرو فالأرض بحال الحشرات لطرش عليها المبيذ

*رجعو للعالم البشري شوية تحديدا عند أليس كانت جالسة ف بيتها كتاكل في ظفارها كل مخطط تاعها فشل كانت بغات يكون رافائيل تاعها و تتخلص من كريست و عصابتو و ختو و تنفرد ب رافائيل يكون غير تاعها من اول مرة شافتو عجبها و خصوصا من ظهر مايكيل طمعها اكتر أنو ممكن لا ماشي ممكن غادي يكون تاعها لو حطات ايديها فايديهم هو و السيد كانت غادي تمشي الخطة هي هديك لو الكتاب ما دخلوش ليه كلشي لكن شكون هذا ربعة آخرين لدخلو اكيد رافائيل حبيب قلبها منهم خلات الغبية ريحانة تشري ل فابيان كتب قصص و حطات ليها الكتاب بلا ما تنتابه خصوصا أن ريحانة عندها مشاكل تاعها لما بغات تدخل عليها راجلها كانت بغات رافائيل يعاونها لكن ما لقات كيفاش تتواصل معه ما نتبهاتش لكتاب العوالم و عطاتو ليه لكن كان عليه يفتحو من شحال من كان رافائيل و الحقيرة افرا ف الرومنسية تاعهم دابا واخا هاهما فالعوالم لكن اكيد مع بعض ودابا هي ما ربحات والو العكس حطات راسها بمشاكل السيد مقلق منها و مايكيل شحال قدو يجي ف تجاهها غادي يجي نهار ليمل منها ومن فراشها و يخلي السيد يقتلها وحتى إلى سلمات منهم اكيد رافا ما غاديش تفلت منو إلى عرف هي مولات الفعلة واخا تهرب اي بلاصة يجي عندها فرمشة عين كانت جالسة كتفكر و تناقش حتى دق باب بيتها كانت ماماها

الام:بنتي صاحبتك ريحانة هنا واش ندخلها عندك ولا تنزلي عندها

اليس:ااا ريحانة قالتها بخوف دخليها اماما

الام:واخا ابنتي خرجات قالت لريحانة طلع عندها طلعات و دخلات

اليس:اهلا ريحانة تفضلي وقفات باستها 

ريحانة:ناري ماماك شحال ضريفة واش متأكدة ما كتحملش كريست من صباح كتسولني عليه

اليس:اااح ا صاحبتي كدير هكداك غير قدامكم أما انا ليل و نهار تهددني السخط و الرضى إلى ما بعدت منو

ريحانة:اااي البشر فعلا منافق حنا ما نقدروش نخبيو مشاعرنا و نافقو ناس شافت فيها عاد نتبهت اش قالت هههههه سمحي ليا يمكن ماماك كتفكر ف مصلحتك

أليس:ماشي مشكل خدي راحتك رآه حنا خوتات اشنو تشربي

ربحانة:لا والو بغيت نسولك واش لقاو فابيان و علاش جماعة غابرة

اليس:بخوف مصطنع علاش مال فابيان

ريحانة:كيفاش واش ما فخباركش رآه فابيان ختفى جا عندي كريست سول عليه كنت مشغولة من تبعتو ما لقيت حد

اليس:وقفات بخوف الله اربي كيفاش الله اربي ولدي حبيبي كيفاش ختفى فين و امتى

ريحانة:ما عرفت والو كان كريست زربان سول و غبر حتى كارلوس مختفي وانا محتاجة نهضر معه صافي قررت نقول ليه كلشي انا ما نقدرش نعيش بلاه حيت كنبغيه بزاف هىء هىء

أليس:واش انتي حمقا تقولي ليه تتسببي بالموت ليه

ريحانة:انا ما نقدرش نبعد عليه غير هذا الأيام لجالسة كنفكر و بعدت عليه لقيت حياتي بلاه والو اش فيها إلى انا وهو مختلفين المهم الحب جمعنا شوفي خويا رافائيل و افرا بشرية و غول و عايشين قمة السعادة واش خاص نبررو مشاعرنا لأي حد مادام انا كارلوس هو سعادتي

أليس:قربات ليها كنفهمك احبيبتي عنقاتها وهي كتبجك من وراها كارهة تقرب ليها و تعنقها غير صبري يجي رافائيل يلقى لك حل حتى انا رآه نفس قصتك كنموت على كريست و كلشي واقف ليا هىء هىء بدموع مصطنع

*****

رافائيل:وهو طاير بافرا يا بنت الق***هذشي لبغيتي بشرية حقيرة بقى كيسوس فيها بعنف وهي كتغوت 

افرا:هىء هىء صااافي صااافي هىء هىء سمح ليا

شدها مزيان بين ايديه و رماها بقوة خيالية جات طايرة فالسما بحال صاروخ طالع وهي كتغوت رخات حلقها ما بقات جمعاتو 

افرا:لااااااااااااااااااااا لااااااااااااا وهي مغمضة عينيها كتحس بالحنك بقوة الضغط كيتهز ليها كلشي فيها مهزوز

طار رافائيل حتى هو و تحول ل تنين ذهبي كبير من نار فتح فمو و نار خارجة منو حرق كل الشجر و المخلوقات اكلي اللحوم كل المكان تحرق رجع رماد طلع تاني لسما بسرعة خيالية و افرا كتبان ليه مازال طالعة قربات تخرج من كوكب الأرض طار لعندها وهي مازال ف غواتها برمشة عين فتح فمو الكبير و دخلها فيه رجع نازل الأرض حط رجليه فالأرض لكلها عافية وهز جناحو الكبااار بدا يحرك فيهم بحال مروحية حتى برد المكان كليا فتح فمو و خرج افرا لكانت غايبة و تحول لشكلو الطبيعي تحنى هازها بين ايديه

رافائيل:فيقي لمك والله واخا تموتي رجع مك للحياة و نتحاسب معك هز ايديه لسما و طلقها مع وجهها فيييييقي الق*** عيتي لمك تسحابي هنا جاية لحفل راقص الكلبة انا و ما عرفت اش من مخلوقات هنا هز ايديه فوق وجهها و بدا ينقط على وجهها قطرات من الماء بحال ايديه السما بدات افرا كتفتح عينيها و هي مستحلية الما فتحات فمها كانت عطشانة عطشااانة بزاااف

رافائيل:شربي دابا من بعد نشرب مك السم قسم قسم قالها بعيون لامعة غاضبة

رافائيل:شربي شربي غادي نشرب مك السم شاف فيها ما قادرة حتى تفتح عينيها فيه وجهها حمر و فيه شي كدمات و شعرها منتوف هز الكسوة على رجليها كانو فخادها محروقين حمرين هز ايديه حتى لسما و ضربها فالأرض حتى دخلات وسطها كون تعطل غير شوية كون دابا تشوات ولكن كيفاش وعلاش ما حس بيها ما تواصل معها واش حيت كان غضبان من راسو ولا حيت هما ف عالم غير عالمهم و علاش الجسد تاعو ما تحرق والو غير شوية ياك هو متواصل معها نزل ايديه لفخادها و بقى كيدوزهم عليها أي بلاصة حط فيها ايديه كترجع كيف كانت ممحروقاش بقى كيدوز على جسدها كلو من بعد ما عراها كليا حتى ختفى كل الحريق و الجرح لفي جسدها شاف فيها بحب غير مسألة أنها كانت قريب تمشي و تتكال غير تفكير فيها غادي يحمقو هي ديالو هي خاصة بيه بوحدو ما يقدرش يعيش بلا بيها كان عوال يدخل يرجع فابيان و يرجعو بزربا عندها و دابا هي تبعاتو بحال عقاب ليه لكن عقاب ما يقدرش يعيش بلا بيه اكيد هي بشرية وسط العالم الآخر و ناقية الدم غادي تتسبب ليه بمشاكل اكتر من لهو فيها واش دابا يقلب على ولدهم ولا يحظي مع راسو ولا مع افرا ولو كان يقدر يرجعها كان يرجعها دابا و فهذا لحظة لكن ما عارفش البوابة هز ايديه لسما و كون حاجز شفاف باش يحميها و يحمي راسو من اي هجوم كلشي ممكن فهذا العالم و تحنى نعس على صدرها وهو هاز فيها عينيه

رافائيل:علاش افرا علاش ما كتسمعيش الكلام علاش كتجبدي وجهي الآخر علاش ما تجلسي مع خوك و كارلوس فالامان تاعهم حتى رجع واعدتك رجع لك ولدنا علاش تبعتني واش بغيتي تخرجي ليا شوية العقل لعندي شاف فيها كانت غايبة اكيد عيات لداز عليها ماشي قليل عنقها ليه بقوة و كمل غدا نتحاسب مع مك غير تسناي

-أصبحنا وأصبح الملك لله

_فاقت بيد معنقاها من لور غير تفكرات كاع الحرب و القتال الشرس لدار فيها التنين الإلهي تاعهم بتسمت برضى و صدرها كيتهز ناشطة ماشطة رايقة يا عالم نزلات عينيها فاليد لمعنقاها و حطات عليها ايديها باستغراب

الجنية:اشنو هذشي جالس كت**فيا حتى تكمشتي ههههههه مالك شرفتي ناااري انا كنشرف ولكن كان ليل احسن ليلة اكيد غادي نجيب ابن الآلهة اااحححح يا فرحتي تلفتات لجيهة لكان خاص يكون رافائيل زعما فيها حتى كتصدم ب جني عجووووز فيه غير العظيمات

الجنية:وااااااا نقزات من الفراش وهي كتغوت واااااا واااااا شكووون انت

فاق العجوز بصوت الغوات سيد كان ماشي ناعس ميت غير شافها حتى هو وقف كيغووووت

الجني العجوز:وااااااااا شكووون انتي وقف عريان كيف ما هي 

الجنية:لاااااا انا نعست مع الآلهة نزلات عينيها لمركز الجني العجوز لمازال وااااااقف احسن وقفة كيف شافت فيه وهي تصدم هزات عينيها فالعجوز لفهم فاش فكرات بتسم ليها ابتسامة غباء 

الجني العجوز:عجبك هيهيهي رآه تاع الآلهة نيت

الجنية سدات ودنينها و طلقات حلقها حتى كلشي سمع الغوات دخلو عندها الجنيات و الجنيين لكانو برا وهما يتصدمو بالمنظر لكانو فيه دخل الملك تاعهم حتى هو لكان قال ليها نعسي مع رافائيل جيبي ابن الآلهة تصدم اكتر

الملك:اشنو هذشي شاف فالجنية و الجني العجوز انت اشنو دير هنا ياك تنفيتي من عندنا مصيرك عند اكلي اللحوم حيت مابقيتي تنفع ف والو

العجوز:وهو هاز كتافو بفخر لالا نفع واكتر من اي واحد فيكم شد المركز تاعو بايديه شوف العظامة كيف دايرة و سول الدواقة كيف جاتهم البنة قالها وهو كيغمز الجنية لكانت كتغطي فلحمها و ما بقى عندها وجه تشوف فحتى حد من الشوهة و الفضيحة لرجعات فيها اش داها توافق على شي خطة

*****

عند كريست و كارلوس و إيمان بداو كيفتحو في عينيهم كل واحد فين مرمي

كريست:كارلوس صاحبي انت بخير

كارلوس:شاف فيه بصدمة و نفجر بالضحك اويلي اشنو لابس ههههههههه اشنو هذشي

كريست:عاد نتابه لبس كارلوس اويلي مالك رجعتي بنت هههههههه سكت لحظة كيشوف فين هما كانو ف غرفة فيها صالون و كوزينة و سرير بحال غرفة الدمى

كارلوس:فين هي نجمة كيف قالها سمعو صوت إيمان

إيمان:شوفو رجعت راجل ههههههه وانتما بنات جا معكم المكياج و الشعر شافت ف كريست جيتي واعرة الغزالة

فتحات عينيها وهي تنقز بخوف من بلاصتها كان رافائيل مراقبها بنظرات استهزاء

افرا:وهي كتقلب في ذاتها بفرحة انا عايشة عايشة ما وقع ليا والو يااااك شافت فيه بسعادة ياله جات تنقز عليه تعنقو حتى وقفها بطرشة عالمية

رافائيل:ما تقربيش ليا اشنو جابك هنا انا ميخي لمك ما عندي كلمة عليك طاحت الأرض بقوة الضربة وهي شادة وجهها

افرا:بعيون دامعة انت واحد وحش جممممع ااايديك مرة أخرى ضربني نتفاهم معك

رافائيل:نقز عندها بصااح هز ايديه طرشها طرشة تانية ياله زيدي تفاهمي معيا واقلة نسيتي راسك

افرا:وقفات بدموع حقير هىء هىء هزات رجليها ياله بغات تعطيها ليه المركز حط عليها غير صبع و جمدات 

رافا:ههااهاا لالا نسيتي راسك نيت قرب لودنيها وهمس راكي غير بشرية حقيرة ضعيفة كتسبب غير المشاكل

افرا:اه بشرية حقيرة كتسبب المشاكل اسي الغول لكن نسيتي رآه بفضلي انت عايش 

رافائيل:إلى غير على حساب هذا العيشة المرة ا بنت خالتي غير خليها عندك حيت طلعتي ليا فراااااسي سمعتي طلعتييي ليا فك**

افرا:شافت فيه بعيون لامعة بسبب الدموع نطقات بكلمات متقطعة ك..ك.كنكرهك هزات ايديها كتمسح دموع بعصبية قبل ما تنزل و كملات شكون داها فيك يا بوفرطيطو انا هنا على حساب ولدي لقى ولدي و رجع فحالي بقى انت هنا حيت هذا العالم يجي معك الممسوخ

رافا:شاف فيها بضحكة استهزاء ممسوووخ عارف بغيتي تعصبيني و مرة أخرى عوديها غير عاوديها اقسم بالله ما يلقاو ما يجمعو فيك تهزي جمعي الوقفة ياك جاية تقلبي على ولدك تهزي

وقفات وهي كتسوس ف الكسوة لتوسخات ليها و شافت فيه ببراءة

بدلها ليا بغيت سروال باش ناخد راحتي

رافائيل:انا ماشي متجر تاع جدك عندك زهر ما خليتك عريانة ركلها برجليه حتى طاحت الأرض تاني و كمل تهزي تحركي

افرا:الله ينعلك يا المتوحش سير كل واحد جا بوحدو اش بغيتي مني

رافائيل:شاف فيها وهو كيدوز ايديه على شعرو و بصاح نيت عندك لقى مك تبعاني عطاها بظهر و تمشى

افرا:نتبعك على زين جداك اش من زين فيك بقات ف شعيرات مدلين و العظلات السداسية وانت كيف القرد الشنبانزي شافتو كاع ما مسوق ليها و غوتات غادي نتهنى منك يا عيون اللبوية كيضويو عليا بحال البولة ااااانت خااايب شافتو غبر و كملات بصوت مهموس ماشي شي خيوبية كاع لالا فمو زوين و الوقفة و العظلات و صراحة يا افرا كلشي فيه زوين دابا إلى مشى بوحدو تخايلي يلقى شي مخلوقة و دور بيه شافت ما بقى كيبان وقفات جمعات الوقفة

افرا:رااااااافائيل تسنى تسنى

رافائيل كان مكمل على طريقو بخطوات ثقال وهو كيضحك غير بوحدو من الحوار الغبي تاع افرا بقى ليه غير مخلوقة بحال جاي هنا يصيد البنات لالا دابا متأكد معه مصيبة متنقلة

*********

هزو عينيهم باستغراب من غير إيمان لعايشة الجو ما مسوقة لحتى حاجة هزو عينيهم الفوق حتى شافو قفص ايه وسط قفص عبارة عن بيت الألعاب شوية كيسمعو خطوات كتهز المكان كان عملاق مع ولد كان نفس العملاق لكان قزم

العملاق:ها هما الألعاب تاعك الجداد كيف جاوك ا ولدي

الابن:اه ولكن علاش هدو ما كيتحركوش بحال هذا قصدو إيمان للابسة حوايج رجال

العملاق:دابا نحركهم هز عود طويل دخلو كيف مسهم بحال الضو ضربهم نقز كارلوس و كريست من بلاصتهم بعصبية كون شدوهم ياكلوهم 

العملاق:غادي روضهم لك مازال اولدي باينة هدو العاب صعيبة لكن مع من طاحو دابا لعب و ستمتع عندك تفتح عليهم شاف فيهم وانتما خليو ولدي يستمتع معكم نمشي نشوف البشرية لقالو ليا جنودي كاينة مع ابن فصيلتنا القزم قالها و مشى

كريست:شكون البشرية زعما افرا تكون

كارلوس:اكيد هي ابن فصيلتهم القزم هو رافائيل هو لاي عالم دخل ليه كيتكايف معه يعني قراب ليهم غادي يجي رافائيل يعتقنا 

كريست:اربي ما كتحسش بالمرgة العام ليجي يعتقنا رافائيل بحال حنا ولاد صغار بلا فايدة 

كارلوس:عندنا فائدة فالعوالم تاعنا ماشي تاعهم

ايمان:مالكم أنتما الزوينات

كريست:جمعي فمك انتي والله حتى ندخلو فيك حتى للمعدة

كارلوس:صافي صافي كالم خلي عليك البراهش

إيمان:علاش صافي شافت فيه بابتسامة اه عفاك بغيت

كريست:اشنو بغيتي😳

إيمان:دخلو للمعدة اكيد غادي يكون شي حاجة لذيذة اش من نكهة انا عزيز عليا نكهة الفانيلا بنجمات السعادة شدات ايديه بتوصل عطيه ليا عفاااك فيا جوووع

شاف كارلوس ف كريست ل كانت عيونو حمرا بقوة الغضب وهو كيشوف ف إيمان خصوصا أنو بدا كيحس برغبة يشرب الدم

كارلوس:صاحبي شوف فيا صافي بعد من البرهوشة كاع ما عارفة علاش كتهضر شوف فيا قاوم غادي لقاو حل و كنواعدك غادي نخليك تشرب دم هذا ولد العملاق كلو

كريست:قول ليها تبعد مني رآه شاد راسي بسيف عليها

إيمان:مالو اش واقع ليه علاش عينيه حمرين أرى نشوف واش كتبكي واش انا جرحتك اووووه سمح ليا

كريست:بعدي ما تقربيش مني لمصلاحتك

ايمان:بدهشة مالك اش فيك

كارلوس:هز ايديه و بعدها عليهم لور بعدي منو سمعي الهضرة إلى بغيتي تعيشي شوف كريست إلى كنتي محتاج دم بزاف خد دمي مد دراعو لقدام فم كريست شرب دمي

كريست:هز ايديه رمى بيها يد كارلوس واش انت حمق رجعك مصاص دماء سير بعدي مني انا قادر نقاوم لبعض الوقت

كارلوس:عادي مصاص دماء نسيتي رآه مراتي مصاصة دماء اشنو فيها إلى ضحيت على حساب صاحبي

كريست:تكى على ركبت كارلوس اييي اصاحبي ما تقولش ليا هنا غادي تكون نهاية تاعي مازال ما حققت الحلم تاعي نتزوج أليس و نجيب منها ولاد هجاءن يبقاو يطلعو فوق شعري و كتافي يكونو مشاغبين

كارلوس:مازال غادي تحقق حلمك و تجيب لينا ولاد نسلخوهم دراكولا كاع ما كيموت و مازال تشوف ولادي من ريحانة غادي يوريوك شغب كيف داير

كريست:شاف فيه زواج زوين ياك ا صاحبي انت عايش بسعادة مع ريحانة

كارلوس:انا عارف ريحانة كتبغيني ممكن نكونو مختالفين على بعضنا ولكن بنا حب و حتى انا كنبغيها بزاف الزواج زوين إلى مبني على الحب و التفاهم

كريست:اشنو ف نظرك غادي يكونو كيديرو دابا خليناهم بلا ما نقولو ليهم والو واش غادي يغفرو لينا هذشي

كارلوس:انا كون اكيد كاع الماعن غادي ينزلو فوق راسي هذي إلى ما شربات دمي داكشي علاش قلت لك غير سبق انت قبل ما رجع ضحكة ساحر افترسته زوجته

كريست:ضحك وهو كيكح بضعف هههه بعد مني هز عينيه دابلين فيه غادي رجعو ياك غادي رجع ليهم

كارلوس:شاف فيه وقلبو كيتقطع عليه غادي رجعو غمض عينيك و نعس غادي لقاو حل و نخرجو وعد ما غاديش نخليك تمشي شاف فيه كان غايب شدو من وجهو واش سمعتي ماااا غاديش نخليك تمشي سمعتي ممنوع تمشي نزلو دموع من عينيه و إيمان كتشوف بدهشة فجسد كرست لبدا كيتجمع شافت ف كارلوس لكان كيبكي و يهز فيه 

إيمان:علاش كيتكور حسات بشي حاجة ماشي هي هديك لكن مافهماتش أن كريست ما بقى ليه والو و يختفي

كارلوس:ممكن تسوكتي من انتي ما كتعرفي ديري والو سوكتي وهني الوقت

في حفرة الظلام كان السيد جالس على اعصابو اكيد خاصو يلقى حل كيفاش يتخلص من الغول و ياخد قوتو كان كلشي هو هداك لو جا فابيان بقوتو الكبيرة ولكن رجع بشري و ما عندو فايدة حتى انو يسكن الجسد تاعو ما يقدرش حيت رافائيل اكيد غادي يحس بيه دابا رجع يمثل دور الأب على فابيان لكل ساعة يطالب يمشيو عند ماماه ما يقدرش يقتلو ممكن ينفعو غادي يديرو طعم إلى خرج رافائيل من العالم السفلي و اكيد غادي يخرج غادي يلقى البوابة خصوصا أنو عارف ولدو ما كاينش فداك العالم تجدب لعالم الآخر ديك البشرية ما نفعاتوش ولكن ممكن الجسد تاعو ينفعو ما عندو غير يتلبس الجسد تاعها و من بعد يتلبس الجسد تاع كريست داك مصاص دماء الحقير و من كريست ل ساحر البهلواني غادي يكون خدا قواتهم عاد ريحانة مصاصة دماء مرات البهلواني ومن بعد يتلبس افرا غادي تكون عندو قوى عاد دمها مستحيل ينتابه رافائيل أنو ماشي هي تما ينقذ على الفريسة تاعو لكن قبل خاصو يخرج الغول من العالم وإلى مات فيه يكون احسن هو ما يمكنش يتلبس جسد فابيان حيت هو اصلو ماشي بشري من الأول عاد رجع بشري يعني ممنوع جسدو يتلبس هاجين بشري أما أليس هي بشرية من الأول وعاد بايعة روحها ليه يعني يدير فيها لبغى كان كيفكر حتى ظهر قدامو مايكل شاف فيه بعيونو الكحلة كلها لمافيها ولا نقطة بيضا

مايكل:سيدي واش نقتل الولد رآه صدعني بقوة الأسئلة

السيد:ما تقتلوش هذاك غادي يكون طعم تاعنا دابا خاصنا غير نتفرجو ممكن العالم الآخر يهنينا من الغول و جماعتو تما غادي نسيطرو على البشر و نشرو ظلام تاعنا فكل مكان البشر قوم ضعيف ما عنديش مشكلة معه

مايكل:ولكن انا بلغيت نقتل الغول و مراتو كيف قتلو خوتي ما غاديش نهنى إلى ما قتلتهم بايدي

السيد:شاف فيه هاهاهاها تسحاب غير اجي و قتل الغول الغول أقوى من لكتصور هو براسو ما عارف حجم القوة لعندو هو براسو مازال كيقلب على اش من نوع هو جمع ايديه بغضب قلعة الغول ختافات ياك

مايكل:بحال عمرها كانت

السيد:ديك القلعة خاصك تلقاها ضروري و تريب أمها حجرة بحجرة هذيك ماشي أي قلعة هديك بوابة

مايكل:كيفاش بوابة انت منين كتعرف هدشي كلشي

السيد:شاف فيه بغضب وغوت بصوت عالي ماااشي شغلك منين كنعرف هذشي المهم القلعة قلب عليها فالبحر المسكون هناك مكانها من كتختفي انا غادي نصيفط معك رجالي هز ايديه نيشان تجاه الخوا و ظهرو جماعة من رجال بشكال مخيفة ماشي بنادم ماشي حيوان كيف ظهرو ختفاو هما و مايكل ووقف سيد من بعد ما تسيف بشكل رافائيل ختفى عند فابيان يمثل عليه شوية دور الاب

******

ريحانة:شافت ف أليس بخدود حمرة عرفتي نقول لك غادي تكوني أول وحدة تعرفيها

أليس:اشنو شي خبار زوين هدا ههه

ريحانة:انا حاملة عاد عرفتها هههه غادي يفرح كارلوس بزاف من يعرف أخيرا انا حاملة كان ديما كيحلم بهذا لحظة اوووو الشكر لرب

أليس:هههيي فرحت لك وقفات عنقاتها خاصك ديري مفاجأة ل كارلوس شي عشاء رومانسي شموع و فستان أحمر موسيقى هادية خاصك تجي واعرة و جاو رومانسي

ريحانة:اااه بصاح فكرة زوينة ومنها نتقرب من كارلوس اكتر هههههه كضحك و خدودها حمر بالخجل انا فرحانة شدات كرشها قالت ليا العرافة عندي تلات توائم جوج بنات و ولد

أليس:هههييي ااااح فرحت لك ياله سيري اش كتسناي خاصك توجدي راسك لليلة حمرا من العيار الثقيل

ريحانة:عنقاتها شكرا لك ا صاحبتي انتي بحال ختي ياله نخرج من الباب باش ماماك ما تشكش فيا بسلامة

أليس:بسلامة ههههه بقات كتشوف حتى خرجات ريحانة هزات كاس و ضربات بيه الباب خفاشة حقيرة فرحانة حيت غادي تجيبي لينا 3 تاع جليدان بالحق بقاو فيا غادي يكبرو بلا أب وانتي المسكينة ليل كلو غادي تتسناي هاهاهاها

إيمان:غير فهمني اشنو واقع علاش هو ناعس شافت فيه و فلونو لبدا كيرجع كحل و عاودات شافت ف كارلوس عفاك مالو رجع كحل

كارلوس:هز ايديه مسح على وجهو اوووف كيموت واش كتفهمي اشنو كيموت شاف فيها بدموع

ايمان:اشنو معنى كيموت علاش كتبكي

كارلوس:شاف فيها بعدم صبر لكن ما عرف علاش شاد مع زبل الهضرة يعني ما غاديش يبقى مازال معنى بقى ليه شوية و يختفي عرفتي اشنو يختفي غادي يغبر غادي يتلاشى و يرجع غير غبرة و الغبرة تختفي و تبقى ايدي خاوية هىء هىء هز ايديه مسح دموعو واش عرفتي ولا نشرح لك مازال

ايمان:شافت فيه بعيون دامعة و دموع كتلمع هىء هىء غادي يمشي مقبرة الشهداء هىء هىء ياك

كارلوس:بحال داكشي لكن ما عندو قبر حيت كيختفي جسادو

إيمان:اشنو هو الحل هىء هىء انا ما بغيتوش يمشي عينيه زوينة

كارلوس:هو كيعيش غير بالدم ماشي بحالك و بحالي واخا ما عارف جد أمك باش كتعيشي

إيمان:اشنو هو دم

كارلوس:بعصبية اووووف سوووكتي انا ماشي مربية تاااعك شاف فالعملاق الصغير لجالس كيشوف فيه بتمعن و هز ايديه تجاهو خاصو يأكل هذاك لكن كيفاش نخرجو من هنا 

إيمان:على حنا ماشي كلعبو هنا علاش نخرجو من هنا ياك مستمتعين

كارلوس:تهزي تق** عليا اشنوووو كلعبوووو رآه كيلعبوووو بينا المصيبة منين أصل أمك انتي اربي علااااش ما بقيتي فالسما اشنو نزل جد أمك عندنا أودي اشنووو جاب جد امنا حنا هنا واش عارفة غادي نموتو كلنا غادي ندخلو مقبرة شهداء ولا اش اسم مها

إيمان:هىء هىء لاااا لاااا بابا صورياا هىء هىء شافت فيه غادي نخرجو من هنا رآه ساهل نخرجو انا كنت كنسحاب كلعبو صوريا قالت ليا نزلو لعبو هىء هىء وقف نخرجو من هنا

كارلوس:واش شوفتي قداش هما ولا أصغر واحد فيهم رآه قدامك توصلي ليه ربع صبعو صغير

إيمان:غادي نغني ليهم اه اه نغني ليهم

كارلوس:تشطحي ليهم لا قالها بعصبية

إيمان:سمعني انا غادي نعسهم بالغناء تاعي انا مخلوقة ليلية ليل اش كيكون فيه

كارلوس:بدهشة اشنو فيه

إيمان:النعاس وانا صوتي كينعس أكبر مخلوق على وجه الأرض و عاد نقدر نخرج من القفص الجسد تاعي مطاطي و نخرجكم و هما غادي ينعسو 3ايام

كارلوس:ايه معيا دبابة تسيتسي شخصيا قالها بسخرية

إيمان:جرب ولكن عندي شرط إلى بغيتي هذشي حيت حنا كنديرو اي حاجة بالشروط

كارلوس:اشنو شرط تاعك

إيمان:نزلات عينيه ف كريست لناعس كيحتضر

كارلوس:اشنو نعطيه لك فاحلامك جمعي راسك من الأول عرفتك عينيك فيه رآه هو مزوج و هو مخلوق أرضي انتي سماوي واش عارفة هذشي مخالفة القوانين

إيمان:خليني غير نبوسو صافي عفاك بغيت نجرب البوس كيف داير

كارلوس:شاف ف كريست لما بقى ليه والو يغبر واخا لكن بشرط هذشي يبقى سر بيني وبينك إلى مشى حتى عرف غادي يمص دمي و دمك كوني اكيدة

ايمان:ههه صافي سر و هو اصلا غادي يكون ناعس

كارلوس:اشنو هو تنعسيه 3ايام واش مريضة رآه خاصو دم انا نتكلف بيه و بيا واصلا هو دابا رآه غايب ياله غير غني نشوف هذا صوت دبابة تسيتسي حط ايديه على ودنيه بحركة سحرية ما بقى كيسمع والو أما كريست رآه غايب اصلا ما عندو ما يسمع والله ما تنقدهم و يخليها تبوس فيه كيف بغات ولا يموت ليه صاحبو 

فتحات إيمان حنجرتها الذهبية لكانت فعلا ماشي غير ذهبية الماسية كان صوتها عالي بزاف تقول غير عاملة مكبرات صوتية كان العملاق واقف حتى طاح على وقفتو كارلوس ما صدقش لشاف يعني اخيرا هذا البرهوشة كيف كيقول عندها شي فايدة بقات شي عشر دقائق كتغني حتى وقفات و تجهات للقفص لخرجات منو بسهولة نزلات فوق كرسي كان فوقو القفص و قف كارلوس حتى هو بالفرحة

كارلوس:واش ماتو كلهم زعمت نعسو

ايمان:اه صوتي يتسمع من شحال من كيلومترات شافت فالقفص و نزلات دموعها لنزلو على القفص و بدا يدوب 

كارلوس:بالفرحة شاد راسو انتي فعلا هذية لينا انا هو البرهوش خرج من بعد ما هز كريست من القفص و نقز للأرض حط كريست فالأرض و تاجه للعملاق لمسرح فالأرض ناعس كيشخر

إيمان نزلات مباشرة عند كريست شافت فيه كيف ناعس واخا لونو بلون كحل لكن كيبان ليها بحال مهلبية بالشوكولا نزلات على فمو باستو بوسة خفيفة من بعد ستحلاتها بدات تبوس و تمص بحال لعمرو شاف الخير حتى حسات بيد كارلوس كيدفعها

كارلوس:قلنا بوسيه ماشي كوليه

إيمان:لذيذ بزاف ما قدرتش نقاوم

كارلوس:حسن لك تبعدي من حداه دابا و تشدي ركنة حيت غادي يشم دابا دم و ينوض شخص آخر

إيمان:كيفاش

كارلوس:دفعها بعيد و هو كيردد كلمات سحرية ظهر موس فالهواء شدو كارلوس وهو جار معه إيمان و جرح بيه رجل العملاق الصغير حتى خرج الدم بزربا بعد من حداه و هو رامي إيمان و طايح جنبها كيشوف ف كريست لبدا كيتهز و يتحرك فتح عينيه لكانت كحلة كلها و نقز طاير مباشرة لساق العملاق لمجروحة برزو نياب لامعة من فمو تحنى غرزهم في ساق العملاق و بدا يمص بكل وحشية فيه

إيمان:كتشوف فيه بصدمة اشنوووو هذشي اشنوو تكونو نتما كتهضر برعب

كارلوس:هذا هو الفم لكنتي كتاكلي فيه شوفتي حقيقتو

إيمان:لا ما تقولش غادي رجع بحالو هيرقل غادي يقتلني لا محال

كارلوس:شكون هيرقل تاني هو لبقى لينا

إيمان:بابا شافت ف كريست ابدا كيرجع قوي و لونو كيف هو عاد عيونو الحمر لتحولو لون زرق بااارد صافي سيد امتلء 

كارلوس:بصحة ا صاحبي واش انت لباس

كريست:شاف فيهم و دم نازل من جناب فمو اكتر من لباس حلمت حلم غريب

كارلوس:اشنو حلمتي 

كريست شاف ف إيمان بحال أول مرة بشوفها و عاود شاف ف كارلوس لخاف يكون عرف اش كان الاتفاق 

كارلوس:اشنو مالك

كريست:والو ياله نتحركو من هنا و مال هدو كلهم ناعسين

ايمان:هههه صوتي كينعس اي واحد سمعو 

كارلوس:اه اخيرا لقينا فيها فايدة جسم مطاطي و دموع لاصيد عاد صوت دبابة تسيتسي

كريست:مزيان دابا عرفتي اش واش كتعرفي طيري تنقزي تختفي حيت خاصنا نخرجو من هنا ولا نهزك

إيمان:ااا لالا والو غير هزني مازال صغيرة على طيران

كارلوس:غير كطيري من المقلة

كريست:صافي سكتو من نخرجو من هنا كل واحد يشد طريقو انتي رجعي لسما و حنا نمشيو فحالنا فتح فمو و ساط على الخوا خرج دخان بلون كحل لبسرعة تحول ل مجموعة خفافيش

كريست:لي لقيتو من هدو شربو دمهم دار عند العملاق لمص دمو هز ايديه كانو فيها ظفار كبار غرسهم ف قلبو حتى ختفى العملاق و كمل كريست تسنى باباك هاهو تابعك ما نعطيكش شرف ترجعو مصاصي دماء 

كارلوس:هما ناعسين نت و خفافيشك شرب دم و دخر دمهم و انا غادي نرمي عليهم تعويذة الموت من بعد ما يخوى دمهم من جسدهم 

كريست:اوك ياله تهزي انتي قالها ل إيمان لبدات غير كتشوف هذا العجبة و خايفة

كارلوس:بدا كيردد تعويذة الموت وهو كيهز ايديه نفرارو شموري نابوري زوخو ريك مو رددها ثلات المرات و شاف في كريست ياله قبل ما توصلنا لعنة الموت

جر كريست إيمان هزها على ظهرو شدات فيه مزيان و نطلقو بسرعة قسوة اكتر من سرعة الصاروخ كانت رجليهم ما كتوصلش الأرض و مرة مرة كينقزو فوق الشجر و إيمان اي لحظة كينقز كريست كتشدو بقوة و خوف من عنقو و كتحشي وجهها بين شعرو لطاير فالسما قلبها كان غادي يخرج من صدرها بقوة الخوف لدرجة كريست بدا كيحس بيه كل لحظة كينبض مع قوة السمع لعندو العكس ما صدعوش كان مستمتع بيه بحال لحن موسيقى كيهدا الأعصاب و ايديها لشادة فيه وهي كترتعش بالخوف ودايرين على عنقو كان مستمتع بزاف لدرجة رجع كيتعمد ينقز عالي باش يحس بيها كدخل فيه حتى فيقو من هذا الشعور الضمير تاعو كيفاش يحس بهذ الشعور لخاصو يحس بيهم غير مع أليس هذشي بحد ذاتو خيانة أليس البشرية لكان سنوات مراقبها بخفاء من رجعات بين ايديه هو يرجع شماتة و يحس بهذشي ساس الأفكار تاعو و بدا كينقز غير بشوية و كيحاول يبعد قدر الإمكان من أن إيمان تتمسك بيه بقوة

****كانت لابسة كسوة فالاحمر قصيرة فوق من الركبة و مصايبة حالتها شاعلة شموع جالسة كتصايب الورد فوق الطبلة لفيها كل أنواع الأكل لذيذ عاد مشروبها الأحمر دم حيواني ليها جلسات كتستنى وهي كل دقيقة كتقول دابا يجي دابا يجي دازت ساعة ساعتين تلاتة بدات كتمل و دموع نازلة مع عينيها الكحل دلع مع وجهها وهي كتشرب من الكاس بحسرة

ريحانة:فينك كارلوس خاصك تكون هنا دابا هىء هىء هذشي وجدتو لنا ليلة خاصها تكون زوينة تعالى ما تفسدهاش هىء هىء

سمعات الباب كيدق وقفات بفرحة رغم أن كارلوس عندو سوارت لكن ممكن يكون نساهم قبل ما تفتح تاجهات المرايا كتعدل المكياج والباب مازال كيدق فتحات بفرحة غير شافت شكون تلاشات الإبتسامة من وجهها

أليس:شافت في شكلها عرفتها كتستنى كارلوس سلام

ريحانة:بدهشة اهلا اشنو كديري هنا شكون جابك لعالمنا كارلوس ياك ههه فينو كااارلوس تعالى فينك مشاغب مازال عزيز عليه يلعب

أليس:ريحانة سمعيني جابني كريست و مشى المهم ممكن ندخل نهضرو لداخل

ريحانة:بخوف كارلوس وقع ليه شي حاجة ياك هىء هىء اشنو اشنو كنت حاااسة بيها

اليس:كارلوس خطف ولد رافائيل و ختفى كلشي كيقلب عليه تبعوه يمكن دخلو شي عالم ما عالم ما عرفتش قالها ليها كريست

ريحانة:كضحك بصدمة و دموع نازلة ههههه كضحكي معيا ياااك لالا هذشي غير ضحك ياك

اليس:شافت فيها للأسف هذشي صحيح قربات ليها عنقاتها اوووه سمحي ليا ما عرفت ما نقول لك ياريت هذشي كدوب هىء هىء عارفة كنتي كتستناي يجي تقولي ليه حاملة تفرحيه و تكون ليلة زوينة لكن هذشي لوقع

ريحانة:طاحت فالأرض لااااا لاااااا كارلوسس انا السبب انا السبب انا لماقدرت نجيب ليه ولاد طول هذا المدة كان كيتمنى ولد بحال فابيان انا السبب هىء هىء كااارلوووس رجع رجع انا حاااملة بتلاتة ماشي غير واحد هىء هىء رجع رجع كااارلوس 

تحنات أليس بغات تشدها لكن ريحانة دفعات ايديها بعيون حمرا

ريحانة:ما تقيصينيش هىء هىء انا السبب

أليس:لا ما تقوليش هكذا هو خائن ما يستاهلكش

ريحانة:لاااا لااا انا السبب تحولات لمجموعة خفافيش و طارت من قدامها

أليس هههه الغبية هىء هىء انا السبب انا السبب خفاشة حقيرة ايييه هكداك غضبي غوتي كرهي كارلوس كرهي راسك باش تولدي لينا اتباع الظلام صافين حريين من الولاد كلهم حقد ها انا شتت لجد أمكم الشمل و رافائيل غادي يكون تاعي هو الهدية تاعي ماشي انا بعت راسي لشيطان بلا والو اااااح رافائيل قريب نقيصك و نمسك كيف بغيت احياتي قالتها و ختفت 

******

افرا:رافا ستنى ستنى اووووف شحال كتجري واش هدو خطوات ولا شبورة كتهضر وهي كتحنى تسترجع أنفاسها و واقفة قدام رافائيل لجالس كيشوف فيها بنص عين

رافائيل:اشنو علاش تبعتني ياك قلتي كل واحد جا بوحدو يبقى بوحدو

افرا:شافت فيه انا غير بشرية ضعيفة ما نقدرش نبقى بوحدي

رافائيل:عاد عرفتي هذشي و من قبل ما دخلي الكتاب الملعون علاش ما قلتيها لكر**

افرا:وقفات ما نقدرش ا رافائيل ما نقدرش نبعد عليك وعلى فابيان ماشي بايدي لكم أنتما هما الحنان و العائلة لكنعرفكم انا رآه طووول عمري عايشة ف ميتم من وصلت سن القانوني رماوني برا خرجي ضربي راسك كنت غير شمكارة شفارة مع انخيل حتى عرفتك اه كنت كابوس حياتي لكن كابوس زوين

رافائيل:شاف فيها صافي ساليتي المحاضرة هذشي كان يكون زوين تقوليه ف عالمك أما هنا رآه غير كتسببي ليا المشاكل

افرا:لا مازال ما كملت انا ما نقدرش نخليك تمشي بوحدك كنغير عليك ماشي مسألة ما واثقة فيك والله واثقة فيك كليا لكن راسي شرير ما يتصورش حتى شي وحدة تشوف فيك

رافائيل:تحنى عندها كيشوف ف عيونها هي ما عندك ثقة ف راسك أنك زوينة ولا عارفة انا زوين عليك كيحاول يستفزها أما هضرتها ما ينكرش بردات ليه الأعصاب من تجاهها هي الوحيدة لمايقدرش يغضب منها بزاف هي حياتو اه جانب عندو فرح أنها كاينة معه لكن خايف عليها

افرا:شافت فيه مباشرة ف عينيه عندي ثقة أنك كتموووت عليا واخا خايبة كيف قالتها تحنات على فمو باستو 

رافائيل عارف كانت غادي ديرها العكس كان كيقول ف خاطرو سربي ديريها حاول ما يتجاوبش معها لكن الأسد أمام مروضته يستسلم لقى راسو متجاوب و معنقها ليه بقوة توحشها توحش ريحتها عنقها ليه وهو كيتسرى بايديه تحت كسوتها كان غادي يغوص اكتر و يتمدى اكتر وحتى هي كانت بغات اكتر حتى وقفهم صوت من الوراء تاع مراة

المراة:اوووه علاش كتخاصمو نتما عيب

بعد رافائيل من افرا من بعد ما نزل ليها كسوتها بخفة عاد طلقها باش ما يشوف لحمها اي شخص شاف كانو تلات تاع البنات زوينات لمن لبسهم باينة عليهم ساحرات وحدة شعرها حمر تانية كحل الاخيرة صفر شاف فيهم باستغراب من كلمة علاش كتخاصمو نتما واصلا رافائيل و افرا كانو في موقف محرج ماشي مخاصمين

رافا:ساحرات من أي نوع

الساحرةالاولى:انا ساحرة السعادة هذي ختي ساحرة الحب و ختي الصغرى ساحرة الخير

الأخت الوسطى:ييييع شحال خيبين بزاف ما عجبونيش 

رافائيل:واش متأكدة انتي ساحرة الحب قالها باستغراب 

الساحرة الوسطى:اه عندك شك الخايب انت وهي

رافائيل:شاف فيهم امممم زوينات مع راسكم كيف قالها حس افرا رجعات بركان غادي تنفاجر عليه هزات ايديها ضرباتو بتسم غير مع راسو

الأخت الصغرى:هىء هىء هىء قال لينا زوينات هىء هىء

افرا:رافائيل واش انت مرتاح ليهم راهم فشكل

رافا:ما تخافيش ما غاديش يادونا قريت افكارهم خليك طبيعية و ما تبيني أني كنقرا الأفكار قالها فاعماقو تواصل روحي

شافت فيه افرا و بتسمات ليه بتسلم ليها بدورو و شد ايديها بحب باش تحس بالامان شاف فيهم

رافا:فين حنا

الساحرة الكبرى:العالم المستوي كلشي لكتشوفو هنا حقيقي مئة بالمئة تعالو ما غاديش ناديوكم تشوفو جمال مملكتنا

رافا:شاف فافرا تعالي نمشيو معهم راك عيانة نيت منها تاكلي شي حاجة و دوشي

افرا:ولكن ولدنا

رافائيل:ولدنا واخا ما عرفت فينو لكن عايش و بخير حيت إلى وقع ليه شي حاجة غادي نحس بيها رآه قطعة مني وانتي بشر ما عندك قوة ياله نشوفو هذا العالم المستوي

افرا:بابتسامة واخا

الاخوات:هههه مرحبا بكم كيشوفو فيهم بسعادة حركو ايديهم و ظهرات حدا كل وحدة شطابة طايرة كل وحدة ركبات فوق من شطابتها و تهزو من الأرض

الأخت الصغرى:شافت فيهم ما غاديش طيرو نتما

رافائيل:شد افرا عنقها حنا كنطيرو هكدا ما محتاجش شطابة كيف قالها تهزات رجليه من الأرض و طار وهو معنق افرا تابعهم 

افرا:واش حاشورات هدو ولا شاعشابونات ولكن زوينات حشورة كان وجهها خضر و نيفها كبير

رافا:شاف فيها هههه كنت كتفرجي فيهم المشاغبة تاعي

افرا:اه من كنت صغيرة

رافا:رآه اي عالم ندخل ليه كنتنسب ليه يعني واخا يكون أي خطر انا أقوى منهم حيت انا كلشي و ما غاديش نخلي مرات الغول يوقع ليها والو

افرا:شداتو من عنقو كنبغيك الغول تاعي

رافائيل:نموت عليك المشاغبة على فكرة داكشي لبدينا خاصنا نكملوه رآه صبرت و وقفت غير بزز

افرا:بغباء اشنو هو

رافائيل:قربي ودنيك قرب لودنيها غادي***** ***** 

افرا:بخدود حمرا ويلي كون تحشم ما كتحشمش

رافائيل:مراتي حلالي و هدو حقوقي عليك غير شوفي كيفاش ديري و سلتي اجي عندي نسخنو العظيمات

افرا:هههه كتهضر بحال شي مراهقين فالمدراسة وانت رآه إلى بغيتي تشدني وقت ما عجبك قدام كلشي حتى حد ما يعرفنا اش كنديرو

رافا:اه لكن بغيت نعيش شغب المراهقة رآه ما عشتهاش وانتي بغيت نعيش معك كلشي شاف فيها افرا سمحي ليا حيت ضربتك تحنى باسها ف جبهتها و عنقها ليه ما قالت والو لكن هو عرف كلشي بتسم براحة و كمل طاير ورا الأخوات لجالسين كيقولو شحال خايبين و شحال غادي يطهلو فيهم وان سكان المملكة غادي يتخلعو من يشوفو ابشع مخلوقات كملاتها الاخت الصغرى انا بعدو مني غير هداك القرد خلعني و ما عندو حتى قوة ضعيف بزاف بلا فايدة

بتسم رافائيل من حوارهم التافه 

وصلو لمملكة كانت ديور فوق من نهر مبنية كان الأشكال واعرة بزاف نزلو من شطابتهم نزل رافائيل هو و افرا

افرا:واو هذشي زوين بزاف عجبني كون ما مختفي فابيان كنت نستمتع انا وانت

رافائيل:غادي ناخدك احسن منو مازال وعد شاف فالساحرين لكيدوزو من حداهم كل واحد كيف كيشوف فيهم بدهشة كل شي كيقول شحال خايبين و رافائيل غير كيضحك ف خاطرو حتى وصلو قصر زوين بزاف غير صفقات الساحرة الكبرى و تفتح الباب دخلو و هما كيبتاسمو

الساحرة الكبرى:مرحبا بكم غادي نتهلاو فيكم مزيان شاف فافرا تعالي ناخدك تنعسي ترتاحي صدقيني غادي ترتاحي مزيان

افرا:لا غير خليني مع راجلي 

رافا:عطيها تاكل واش عندكم أكل لكن أكل صيحي شاف فيهم أنتما اش كتاكلو بعدا

الساحرة الصغرى:فواكه ميام ميام

افرا:واو عندهم حتى هما الفواكه

وقفو ف مكان فيه شلال من بعد ما تاكدو أنهم بعدو على العمالقة اصلا إلى بقى شي عملاق نزل كريست إيمان من فوق ظهرو شاف فيها بابتسامة واش انتي لباس

ايمان:اه بخير شافت فالشلال وااااو توحشت نعوم

كارلوس:على نتما كتعومو

إيمان:و مالنا موسخين شوفتي ديك الشتاء لكتنزل عليكم رآه الواد الحار تاعنا حنا من كنعومو

كريست و كارلوس:هههه زوينة عندك هذي 

إيمان:بزعل طفولي معكم بصاح

كريست:وعلاش ما فيه رغوة ولا ما كديروش الباندوش

ايمان:رآني غير ضحكت معكم حنا عندنا سيد البرق سيد الرعد سيدة العاصفة و سيد المطر بابا هيرقل هو سيد نجوم و خاصني رجع دار قبل ما يجي من الاجتماع سنوي إلى عرفني خرجت غادي يعاقبني واخا انا بنت الحاكم لكن بحالي بحال اي عشيرة

كارلوس:ايوا ها انتي دابا حرة طلعي لسما ولا خاصك سلم

إيمان:انا ما نقدرش حيت مازال القوى تاعي ضعيفة

كريست:و ختك صوريا فينها رآه حنا ما نقدروش نطلعو لسما حنا مخلوقات أرضية

إيمان:شافت فيه واش ما غاديش نشوفكم مازال

كريست:بعد من نظراتها وهو كيلعب بشعرو طويل ما عرفت ما عرفت

كارلوس:نوضي سيري تعومي طرفي حالتك غير ما تبعديش علينا سيري ورا ديك الحجرة الكبيرة باش تاخدي راحتك

ايمان:اه اه بغيت قالتها و نقزات فالما عاد بدات تحيد ف حوايجها

كارلوس:اشنو مالك بنتي ليا ماشي هو هداك

كريست:حلمت حلم غريب بحال كان حقيقي بزاف وانا غايب كان كتر من حلم

كارلوس:اشنو هو عاود ليا

كريست:شاف فيه ضاحك لا غادي ضحك عليا تقول هبلت

كارلوس:حلم عليها ياك

كريست:شكون هي

كارلوس:النجمة إيمان

كريست:ما عرفتش ما عرفتش كان داكشي غريب حلمت كنا انا وهي فالسما من بعد بحال كانت كتجر لتحت كانت كتنزل للأرض وهي كتمد ليا ايديها و كتغوت باش نشد ايديها حاولت نجري عندها نشدها لكن رجلي كانت بحال مشللة ما قدرتش نتحرك كنغوت و ماد ليها ايدي لكن ما قدرتش ما قدرتش نشدها من بعد نزلات وهي كتغوت غير باسمي من هي نزلات عاد رجلي ترخاو خفافو جريت نطل كانت السما تسدات حاولت و حاولت والو شاف ف كارلوس لجالس كيسمع ليه باهتمام كان الحلم حقيقي بزاف حسيت بكل شي بكلشي 

كارلوس:اشنو زعما تكون عندها صلة بك انا نيت شوفتها مهتمة بك بزاف ممكن عجبتيها

كريست:الله يهديك انا تخلقت غير لاليس ومن غير أليس ما غادي نتزوج حتى وحدة ولا نحب شي وحدة

كارلوس:اشنو تنكر أنك فقتي متغير من الغيبوبة

كريست:كارلوس صافي بدل الموضوع انا براسي ما بقيت فهمت راسي لكن لفهمت أن هذا إيمان خاصها تمشي فحالها

كارلوس:هههه كتتهرب من المشاعر تاعك حيت انت براسك خايف

كريست:سكت صافي بلا ما تندمني حيت عاودت لك 

ياله بغا يجاوب كارلوس حتى سمعو صوت إيمان من وراهم 

إيمان:كيف جاكم شكلي الجديد

دارو عندها بصدمة من شافو شعرها تغير ليه لون و رجع قصير بزاف

كارلوس:رآه قلنا لك عومي ماشي سيري لصالون و اش هذا الحالة و التكحيلة لدايرة لعينيك رآه واقلة عندك غير ستة أشهر كيفاش قطعتي شعرك و صبغتيه علاش

إيمان:و رآه هذا التغير وقع ليا بوحدو

كارلوس:كيفاش بوحدو شوفي شعرك كيف قصار شعر كريست رجع طول من شعرك شاف ف كريست ل واقف كيشوف فيها حال فمو امالك اصاحبي

إيمان:ههه اكيد عجبتو ناس دواقة عجبتك ا زين

كريست:قرب ليها و كيشوف فيها بدهشة بحال أول مرة يشوفها انتي فايت ليا شوفتك

إيمان:هههه اواه لهذا درجة تبدلت هههه انا إيمان 

كارلوس:اش كتقول حتى انت

كريست:شاف فيه شوف فيها مزيان واش ما كتشبهك بشي وحدة شد راسو ناري غادي نحماق مألوفة ليا لكن فين شوفتها ما عرفت

كارلوس:شاف فيها باستغراب ما شبهات ليا حتى حد غير انت واقلة دم العمالقة رجعك مكلخ

كريست:ما عرفت حاسس كنعرفها من قبل لكن ف غير زمان وغير الوقت

إيمان:مال هذا كيهضر بغموض انا خاصني رجع هدو عوارض أني قريب نموت

كارلوس و كريست:كيفااش

ايمان:بحزن اه حيت هذا ماشي عالمي مسموح ليا غير ببعض الأيام معدودة فيه

كارلوس:مشكلة هذي واشنو الحل

كريست:شحال مازال تاع الوقت عندك

إيمان:ما عرفتش ماشي بزاف هدو عوارض الأولى من بعد يطيح ليا شعر كلو و نرقاق اكتر من هكدا شافت ف كريست اشنو رأيك تمشي معيا

كريست:هههه لالا ازوينة انا هنا جاي نقلب على ختي و ولدها و انا خليت احسن بنت فالعالم كتستنى رجع ليها و حنا من كنواعدو كنوفيو بالوعد واخا ما عرفت اش يكون

رافائيل:قرب ليها و همس تسناي يا الهبيلة لا تكون شي فواكه من نوع آخر نجيب لك انا أكل حسن

افرا:لا رآه حشومة رفضو ضيافة شوف كيف كيتعاملو معنا زوين بزاف غادي يكون عيب رفضو الأكل عندهم

شاف فيها رافائيل و تنهد واخا هز عينيه ف الساحرات و كمل واخا عطونا فواكه

طارو الساحرات بالزربا و ظهرو بزربا مرة أخرى وهما هازين شبكة تاع فواكه كانت فواكه غريبة الأشكال والأحجام

حطو الشبكة حدا رافا و افرا شافت افرا فيه باستغراب و تردد

رافائيل:ستناي ناكل انا و نقول ليك حيت أي عوارض كانت ما غاديش تشد فيا بزاف الوقت 

هذشي قالها بالتخاطر طبعا حركات راسها بابتسامة بتسم ليها بدورو و هز حبة من فاكهة بحال العنب لكن لونو ليموني و حجمو أكبر حطها ف فمو و افرا كتشوف فيه كتستنى يوقع ليه شي حاجة حتى هز عينيه فيها

رافائيل:بنييين بزااف هذشي دوقي دوقي مد ليها حبة حطها ففمها 

افرا:امممم واعر بزاااف مدات ايديها هي و رافا كيلتهمو والأخوات مقابلينهم بسعادة

دارت الأخت الكبرى عند خواتاتها

الساحرة الكبرى:ههههههه غادي نطهلواو فيها بزاااف غادي نديوها حجرة الحياة ياكو

الاخوات:اه اه هاهاهااااي

دارت الساحرة عند افرا غادي نديوك حجرة الحياة دابا

افرا:وقفات بسعادة اه اه بدات غير كضحك و تفرنس هي و رافائيل هههه

رافائيل:سيري و طهلاو ليا فالمرا رآها القلب تاع القلب تاعي هههههههههه 

الساحرات:ههههييييي ما تخممش هزات وحدة ايديها تجاه رافائيل و ختفى

افرا:هههههههه طار يووويووو حبيبي طائر 

شداتها الساحرة الصغرى جراتها بكل سهولة و الأخوات الكبرى و الوسطى تابعينهم كيضحكو بسعادة اكتر

فتح عينيه على صوت افرا كتعيط ليه رااااافائيل نقز من بلاصتو وهو كيقلب يمين يسار وقف بالخوف وهو شاد راسو كيحاول بتفكر اش واقع حتى تنفس براحة

رافا:اوووف رجعت كنسى ياك مشاو الحمام خاص بالنساء وانا خرجت هنا ندور جلس كيشوف فنهر لكان قدامو ولكن قلبو ما مامهنيش على افرا حتى شاف ولد صغير ساحر كيقرب لنهر و يعاود يهرب طار لعندو رافائيل

رافا:بغيتي تشرب نعاونك

الولد:لا ما بغيتش نشرب

رافا:واخا مزيان 

تحنى الولد كيشرب و رافا كيشوف فيه باستغراب

رافائيل:ياك ما بغيتي تشرب علاش شربتي

الولد:و رآه قلت لك ما بغيتش نشرب و رآني ما شربتش الخايب

رافا شاف فيه باستغراب مال هدا حتى كيسمع صوت مراة من لور

المراة:لورد ما تجيش عندي ما تسربيش

وقف الولد و بدا كيجري عند الام تاعو

و رافائيل غير مراقب بدقة

الام:مافيكش جوع

الإبن:ما فياش شوية كاع

الام:ما غاديش نمشيو و ما غاديش نحط لك الماكلة يا لي ماشي ولدي

رافائيل:مال هدو كتهضرو هكدا دار كيحاول يسمع لقى كلشي كيهضر بالمقلوب

رافائيل:جلس كيتفكر هضرت ساحرات مرحبا بكم خايبين غادي نتهلاو فيك مزيااان تفكر من قال لصغرى فيهم زوينة و جلسات تبكي حتى قال ليها خايبة عاد فرحات

وقف قافز من بلاصتو

رافائيل:العالم المستوي هو العالم المقلوب اه العالم المقلوب افرا ف خطر كيف نطق بالعالم المقلوب تحولات المدينة لكانت أية فالجمال لخراب النهر كان عبارة عن مادة خضرة خانزة و الطبيعة يابسات ديور كلها قديمة و باينة مهجورة طار بسرعة خيالية عرف داكشي لكالو لعب بعقلو و خلاه يبعد على افرا ولكن ماشي هو ليتقولب بزاف طار لقصر تاع ساحرات لكان الاثات تاعو قديمة و راشية غوت غوتة وحدة طاح القصر كلو بقوة الغوتة نزل عينيه وهو كيترصد مكان افرا عبر التواصل حتى شاف مكان سري التحت الارض

نقز بخوف هز ايديه لسما و ضرب بيه الباب السري لفي الأرض كيف تفتح نقز الداخل نزل للأرض لكانت التحت كان ظلام بزاف كيسمع غير ضحكات هستيرية تاع افرا باينة مازال آثار الفواكه شادين فيها ما لقاش صعوبة يشوف فالظلام العكس كان كيشوف احسن طار فالهوا و هو كيشوف جسد غليض تاع ساحرة صافي رآه تأثير تعويدة العالم المقلوب فهمها رجع كيشوف كلشي بشكلو الصحيح طار فالهوا بلا اي صوت حتى شدها من عنقها

الساحرة الكبرى:اوووو اووو طلقني طلقني عتقوني

رافائيل:اشنو كديرو لمراتي هز ايديه و شعل المكان كلو وهو مازال شادها من عنقها كانت افرا شادها الساحرة الصغرى حتى هي من عنقها كيف شاد رافائيل ختها و افرا جالسة كضحك بحال السكرانة

رافائيل:افرا انتي بخير شاف فالساحرة طلقيها حسن لك 

الساحرة الصغرى:طلق ختي

افرا:هههييي طلق أختي انت شرير

رافائيل:بابتسامة مكر اها نطلقها بدا كيرخف ايديه بحال بغى يطلقها و هو يرميها للأرض بقوة الرمية تكورات فالأرض بلا حركة تحول من بلاصتو حس بشي شخص جاي من لور كيف تحول من بلاصتو نقز هاز رجليه لسما جات مباشرة فالساحرة الوسطى لكانت بغات ضربو من اللور طاحت الأرض حتى هي حد ختها نقز بخفة و نعس فوق منهم وهو كيشوف فالساحرة الصغرى

رافائيل:هو صراحة ما كنحملش العنف خصوصا مع نساء انا ضدو ااااه لكن بسباب مراتي ممكن نكون أعنف و ما نعاودش لك رجعت كنحس راسي اكتر قوة من دخلت هد العالم بحال انا كننتمى ليه بحال عالمي الحقيقي هز عينيه مباشرة فيها كيف قلت انا ضد العنف طلقي البنت حسن لك

الساحرة الصغرى:لاااا بعد من خواااتاتي الأول كتهضر وهي كترعد كلها بالخوف

رافا:اوووه الخايبة خايفة ههههههههه كترعدي كنحس بالخوف تاعك لا ماشي هكدا شي عنقها مزيااان قصحي ايديك

الساحرة الصغرى:ماااا تقولش ليا خااايبة انا غادي نولي بفضل هذي و دمها أجمل فتاة فالعوالم و غادي نتزوج و العالم تاعنا يرجع اجمل عالم علاش حنا خايبين و نتما زوينين لكن دمها هو دم الخلود و الجمال الابادي

رافا:هز ايديه و صفق ليها واااو اخيرا عرفتو انتي وهذا أكياس البطاطا الحل تاع الجمال 

افرا:هههههييي رافائيل حياتي حتى انا بغيت رجع زوينة ياك 

رافا:ما تحتاجيش ا حياتي انتي اصلا ملكة العالم عليهم ناري شوفي شحال خيبات ناري شحال كيخلعو

الساحرة الصغرى:سكوووووت سكوووووت خرجات خنجر من صدرها المنفوخ المشحم و حطاتو على عنق افرا قطرة من دمها ترجع لينا العالم اكتر روعة

رافائيل:اه اكتر روعة و جمال خاصك غير تبادي و خصوصا إلى شربتيه

الساحرة الصغرى:هههههااا غلبتك ياك شوف انت جالس كتفرج ف حبيبتك غادي تموت بين إيدي و جالس كتفرج هههههاااا تفرج هزات الخنجر حتى السما و غرزاتو ف عنق افرا لطوش دمها و بدات كترخى و الساحرة شادها بين ايديها كضحك بهستيرية هاهاها هااااا شافت ف رافائيل لمازال ناعس فوق من خواتاتها و كيضحك بحال شي هبيل و زادت فالضحك بهستيرية

تحنات على الجرحة لفيها الدم خرجات لسانها و لحسات الدم بنشوة 

الساحرة الصغرى:اممممم اخيرا الجمال حتى كتحس بافرا كتوكض وقفات و بدات كدور عنقها بحركة دائرية تقول ماشي عنق ترونبية شافت فيها و دورات عنقها يمين يسار و العظام فيه كيترطقو

افرا:بصحتك الدم الأسود دم الموت ههههههههه كيف قالتها تحولات افرا ل رافائيل و رافائيل لكان جالس فوق من خواتاتها تحول لافرا

الساحرة الصغرى:لالا اشنو كيفاااش لا بدات كتحس براسها كتقج و التنفس صعيب طاحت الأرض 

نزل عندها رافائيل ايوا شوفتي حتى عمو الغول عندو مع الخدع السحرية ماشي غير أنتما

الساحرة الصغرى:ع..عدعتقني

رافا:انا ما عنديش ميزة العتق انا غير كنقتل كيف قالها ختفى جيد الساحرة كليا 

افرا:هييي هههه عرض واعر بزاف هزات ايديها كتصفق 

رافائيل:بصاح الحبيبة قرب ليها و هز ايديه حتى السما و طلقها فوجهها حتى طاحت الأرض

افرا:اوووه فين انا هزات وجهها رافا اشنو كندير هنا اشنو واقع

رافا:والو ا حياتي ياله نمشيو مد ايديه ليها شداتها وهي مقلوبة ما عرفات اش جابها هنا 

رافائيل:شدها قربها ليه بزااف سمعي كاين مخلوق هنا ما نقدرش نخرج بيك إلى ما قتلتو

افرا:اشنوو شداتو بخوف شكون واش ساحر ياك هما ظرااف

رافائيل:لا ماشي ساحر هو كيتغدا بقوة الساحرين من اتباع الظلام تطفى الضو

رافائيل:بابتسامة خرج من الجحر تاعك وانت مخبي بحال الفار 

ظهر شكل وحش مرعب بزاف حمدالله رافائيل أن افرا ما كتشوفش فالظلام

الوحش:ههههاااا مرحبا بالالهة سمعت أنك موتي قتلك سيدي لكن دابا انت فالمكان الغلط

رافائيل:هههه العكس انا فالمكان الصحيح باش نقتلك

افرا:بخوف شكون شكووون هذا ما كنقدرش نشوف والو

رافائيل:خليك حدايا و متخافيش قريب نخرجو من هنا

المخلوق:واحد فيكم لغاذي يخرج ومن الأحسن تعطيني القطيطة و تخرج انا منك نختار راسي كان كيهضر بصوت مرعب كيخلي افرا تدخل ف رافائيل اكتر واكتر

رافا:شفتك واثق من راسك بزاف جرب تقيصها و شوف اش غادي يوقع لك

المخلوق:واخا انت ما غاديش تستسلم وانا مبعوت باش نشرب دمها و نقتل اي واحد يوقف فطريقي 

رافا:جرب وشوف شاف فيه بعيون لامعة والغضب بدا كيسيطر عليه انت من مخلوقات الجنية المظلمة

المخلوق:اه مزيان هز ايديه كانو صبعانو طوال بزاف ل ستنتج منهم رافا أنهم كيتمددو أما باش يقرا افكارو مستحيل حيت كيف قلنا قبل الجن و العفاريت لا تفكر و بهذشي رآه صعيب بزاف يعرف اي حركة من قبل و هو ما يقدرش يبعد من افرا لكن واخا ما عرفت اش مستحيل يخليه يقرب من افرا ما دام على الوجود مستحيل شي حد يقرب ليها 

هز المخلوق الجني المظلم ايديه لبسرعة تمددو لعند رافائيل و افرا لكن رافائيل كان أسرع وأخف منو طار لسما وهو هاز افرا كيف طار مباشرة نزل عينيه كانت بلون احمر طلق منهم ضو ليزاري لصبعان المخلوق و تقطعو فالبلاصة و نزل هو وافرا للأرض

رافائيل:شدها من شعرها انتي لباس

افرا:اه بخير هىء هىء اشنو هذشي

رافا:اوووس اوووست صافي انا معك 

سمع ضحكة من المخلوق دار عندو وافرا شادة في ظهرو شاف المخلوق كيطلعو ليه صبعان جداد 

المخلوق:هاهاهاهااا لالا غير خافي هز ايديه و هو كيحرك صبعانو كيف حرك صبعانو نقز مباشرة عندو رافائيل هاز ايديه بدائرة لولبية ضربو لوجه طيحو الأرض نزل فوقو كان اكتر عصبية عصبو هذا المخلوق الغبي ياله هز ايديه غادي بطبق عليه حركة الأفعى السامة حتى سمع افرا كتغوت

رافا:دار لعندها بخوف أكبر افراااااا كيف دار عندها ستغل المخلوق الموقف دخل صبعانو اكانو ماضيين كتر من السيف ف قلب رافائيل حتى خرجو عينيه طلع بصدرو لسما و عاود نزل

المخلوق:هههاااا البشرية كتتسبب ديما بالموت تاعك 

افرا:رافائيل هىء هىء عتقني هي ما قادرة تشوف اش كاين ما قدراتش تشوف أن رافائيل تضرب ف قلبو و طايح كينزف لكن كانو صبعان المخلوق لقطع رافائيل شادين رجليها و طيحوها للأرض وهي كطلب رافا ينقدها

بدا المخلوق كيقرب ليها بخطوات تقال كانو رجليه بحال أرجل الأخطبوط و رافائيل طايح للأرض بلا أي حركة كيشوف غير بعينيه كان البصر تاعو مضبب كان كيحس بشي حاجة كتمشى وسط صدرو اي بلاصة وقفات فيها كتعصرها و كيزيد رافائيل كينزف و كيفقد القدرة على اي محاولة حركة

قرب المخلوق لعند افرا مد ايديه ليها و تجبدات شداتها من شعرها ووقفاتها لعندو و هي كتتالم و تعيط باسم رافا

المخلوق:قرب لوجهها اممم ناقية الدم ام الهاجين مولاتي زوجة الإله هاهاهاهااا اخيرا تواجهنا وجها لوجه

افرا:ما قدرات تشوف فيه غير عيون لا معة حيت هو مخلوق ظلامي لكن من كيهضر كان نفسو خاااانز خااانز اكتر من خنز الجيفة

افرا:بعد منيييييي رااااافائيل هىء هىء و كتركل برجليها فالهوا

المخلوق:صافي رافائيل ف طريقو للموت غير انا وانتي دابا لهنا

افرا:لالاااا كداااب رافا ما كيموتش الخااانز تفووووو عليك 

كيف دفلات عليه هزها حتى السما و رماها للأرض

المخلوق:بشرية لعينة كيفاش تقدري دفلي عليا انا 

افرا طاحت فالأرض و كتغوت و كتتالم بوجع 

رافائيل شافها اه شافها لكن ما قدرش ماااقدرش يتحرك بدا الدم كينزف ليه من فمو كيفاش لهذا درجة رجع ضعيف ما قادر حتى يتحرك ياك هو ملك العوالم ياك هو الغول دابا كيشوف حب حياتو كيتضرب قدامو و ولدو مختفي دخل العالم و تبعاتو هذا التابعة تاعو لعالم ما فيه حتى ولدهم لاش جاو لهنا ما عرف كانت افرا كدمع بألم و خوف عليها و على رافائيل ما بغاتش تصدق كلام المخلوق لكن إلى مازال رافا عايش مستحيل يخليها و ما يحامي عليها طاحت وهي كتشوف غير الظلام بدات كتحبو بايديها فالظلام وهي كتعيط غير باسم رافائيل و الخوف قاتلها من بدات كتسمع ضحكات المخلوق كتحس بيه مراقبها كتسمع خطواتو كتسمع انفاسو ما تقدر دير والو هي غير بشرية ضعيفة علاش دخلات لهذا العالم علاش تبعات رافائيل غير باش تخرج عليه مرة أخرى بدات كتبكي بصوت عالي و هي محطمة كليا دخلات هستيرية من الغوات و البكى و كل كلمة كتقول رافائيل رافائيل

غمض رافا عينيه حاول يوقف و بكى افرا كيقطع ليه القلب اكتر ما هو كيتقطع ما بغاش تبكي ما بغاش يكون هو سبب دموعها وقف و طاح تاني كان قلبو كيتشد اكتر واكتر طاح و هو مغمض عينيه كانو كيستسلم للموت و في اعماقو غير سمحي ليا سمحي ليا افرا غمض عينيه اكتر كان كيشوف غير ظلام حتى سمع صوت غريب لكن واخا هكداك كان مهدن بحال صوت مألوف ليه دار لور ناحية الصوت و هو يشوف تنين عملاق بزاف بلون ذهبي ناري كان كيشوف ف رافائيل بابتسامة

رافائيل:شكون انت اشنو كدير كيفاش تواصلتي معيا ذهنيا

التنين:ماشي مهم هذشي المهم انا انت قالها و هز ايديه حطها على صدر رافا بحال كياكد ليه الهضرة و رافا ما دار اي حركة بحال عارفو ما غاديش يهجم

رافا:انا بشري ماشي تنين ممكن نكون كنتحول ليك اكتر المرات لكن نقدر نتحول لأي مخلوق ولكن انا بشري أب عن جد بشري متحول المهم تولدت بشري كيفاش تحولت ما عرفت

التنين:بتسم ليه انت روح التنين كان صوتو هادي بزاف و كمل روح تنين ما كيستسلمش وانت ما غاديش تستسلم غادي توقف و بضربة وحدة غادي نتغلبو على جني الظلام

رافا:حشرة ف قلبي موقفة تحركاتي

التنين:الغووول ما كاين ليوقف تحركاتو غمض عينيك و نقز نقزة وحدة روح تنين لا يهزم قالها وبدا يختفي وهو كيبتسم 

رافا:ولكن تسنى شكون انت

التنين:انا انت ياله وقف وقف رافائيل انت ما كتستسلمش

فتح عينيه لكانو بلمعان صفر ناري و صوت واحد كيتكرر الغول لا يهزم الغول ما كيستسلمش نقز نقزة وحدة طايرة مباشرة عند مخلوق الظلام

افرا:هىء هىء بعد منننني 

شدها المخلوق وقفها و دور على عنقها ايديه كيخنق فيها حتى طار لسما مهزوز و صوت رافائيل هاز المكان

رافا:بببببيعد من مرااااتي 

المخلوق:لا ما يمكنش ماااايمكنش كيفاااش وقفتي ما كاين ليقدر يوقف كيهضر وهو مرعوووب بحال شاف شبح

رافا:بتسم ليه بنصر ما كاينش المستحيل مع عمو الغول ودع حياااتك المظلمة قالها و شد ايديه شللها عن الحركة هي و رجليه

المخلوق:لاللاا عفاااك تسنى ممكن نتفاهمو انا وانت عفاك غير تسنى نتفاهم معك

رافائيل:رآه داكشي نيت لغاذي ندير معك غادي نتفاهم معك مزيان رماه فالسما حتى خترق الجدار و تبعو طاير وراه و المخلوق كيغوت و يطلب الرحمة شدو رافائيل و بدا كيلعب بيه الكارطي فالسما دقة بالرجل دقة باليد دقة بالراس شدو من عنقو و جلس يدور بيه بحال الإعصار حتى تكون زباعة المخلوق داخ ما بقى قادر لا يهضر ولا يتحرك طار رافائيل بيه حتى خترق ثقب الأوزون و رماه مباشرة بحال صاروخ للأرض 

افرا اخيرا المكان تنور ليها من تتقب الجدار كانو احاسيسها مخلطة بالفرحة والخوف حتى كيترمى قدامها شخص كلو كحل بشعر طويل و صبعانو طوال يمكن هذا هو لكان غادي يقتلها من بعد سمعات صوت متاجه تجاهو من السما صوت نسر طير تنين هي هربات متخبية حتى كتشوف العافية نازالة من السما حرقات المخلوق الظلامي و نزل تنين بطريقة سريعة كان نفس التنين الذهبي لكيرجعو رافائيل فرحات و عرفات ما كاين مناش تخاف قبل ما ينزل التنين للأرض تحول ل رافائيل هز ايديه لسما و طلقها على جسد المخلوق لكلو محروق حتى ختفى طاح رافائيل على ركبتو كينهج و جبهتو كلها عرق شاف في افرا بابتسامة لغير شافتو نفزات عندو مد ليها ايديه و جرها عندو خشاها ف صدرو

افرا:هىء هىء هىء خفت خفت خفت بزاااف

رافائيل:صافي صافي انا معك ما تخافيش شوفي ما وقع ليا والو

افرا:شافت فيه بدموع وهي كتضربو ف صدرو عمرك عمرك تخليني

رافا دوق ضربات لكتضربو افرا ف صدرو حس بسيف كيضرب قلبو شد ايديها و باسها و عقلو ماشي معها عقلو مع الحشرة لتعششات ليه فالقلب 

افرا:واش وجعتك كتشوف ف صدرو لنازل منو دم

رافائيل:لا ا حياتي رآه كنقول ليك غير كتهريني شوفي فيا شافت فيه و كمل انا كنبغيك والله انتي أكبر مصيبة لذيذة ف حياتي نزل جبهتو على جبهتها كان كيتنفس بصعوبة و كيتالم بصمت

افرا:حتى انا كنبغيك بزاف عنقاتو مزيرة عليه وهو مستحمل ما قادرش يقول ليها والو خايف دير ليه جنازة قبل من الوقت

تسرح فالأرض و جر عندو افرا عنقها طلعها فوقو شافت فيه

افرا:واش متأكد انت لباس

رافا:اكتر ما كتصوري

افرا:ياله نوض نمشيو من هنا قبل ما يجي شي حد

رافا:انا وانتي بوحدنا لهنا خلينا نسترحو شوية عنقها ليه و كيشوف بعينيها بطريقة غريبة نوضات فيها العجب

تحنى باسها و بتسم و عاود نزل راسو فالأرض كيشوف فالسما و شعرو نازل على جبهتو لاصق مع العرق و معنقها شاد ايديها بحال خايف تهرب ولا هو يهرب

افرا:عفاك نوض نمشيو من هنا خايفة بزاف ما بقاش عجبني هنا

رافا:افرا غير بلاتي شوية و نمشيو

افرا:عفاك إلى كنتي كتبغيني هىء هىء

شاف فيها بعيون دابلة ما قادرش يقول ليها رآني فشلان و هي كتتصرف هكدا حيت عارفة ما كيعياش

رافائيل:واخا ا لالة رجعنا فإلى كتبغيني وقف و هزها بين ايديه وكل حركة كيدير كيحس بيها سيوووف طعنات

عنقاتو افرا كنبغيك الغول تاعي مووووح عليك

*****

عند كارلوس و كريست و إيمان من بعد ما دوشو شدو طريق تاعهم كيتسناو ليل باش تبان صوريا خت إيمان خاصهم يتسناو ليل باش تبرز النجوم

إيمان:الحب زوين ياك 

كارلوس:اه زوين بزاااف انا عندي واحد الحبيبة مشاغبة هي مراتي وراها الخاتم و تنهض صراحة توحشتها بزاف علم الله اش كدير (لهلى يوريك اش كدير واش دارت فيها اليس)

ايمان:شافت ف كريست و انت

كريست:انا كنحب أليس بزاف هي حب حياتي كيهضر و أول مرة ما مقطانعش لكلامو

إيمان:حتى انا من نكبر غادي يكون عندي حبيب ياكو 

كارلوس:ههه اه و تحبي و تمعشقي ليا مع راسك

إيمان:غادي يبقى يعنقني و يبوسني و ينعس معيا و 

كريست:قاطعها بعصبية صافي سوكتي بقى لك غير تعاودي لينا كلشي

كارلوس:هووو تهدن أصحابي مالك معصب

كريست:رآها ما كتعرفش اش كتقول بقى غير دير لينا فيلم إباحي هنا

كارلوس:هوووهووو حتى نكون ما كنعرفك راك كتموت على الإباحية 

إيمان:علاش كتخاصمو صافي صافي حتى نحب و نعرفكم على حبيبي غمضات عينيها بسعادة اااه غادي يكون عندي حبيب يكون صدرو عريض عظلات سداسية هههه ما نبقاش نتوسد الوسادة صدرو قااايم بالواجب اااااه و..

قبل ما تكمل لقات راسها طايحة الأرض و كريست فوقها بعيون حمر و نياب بارزين كيلمعو شافتو ترعبات

كارلوس:نقز عندو كريست لاااا اصاحبي طلقها كريست رجع الوعي تاعك اصاحبي 

ايمان:هىء هىء اشنو غادي ياكلني هىء هىء عفاك خليني غير حتى نلقى الحب الأبدي تاعي حتى نبوس و نتباس و نعنق و نتعنق 

كريست زاد جعر اكتر و زادو عيونو حمارو

كارلوس:سوكتي المصيبة ينعل الحمارة لقالتها لك إلى مازال بغيتي تعيشي سدي فمك

كريست:سدي فمك سدي فمك ولا نسدوووو لك بطريقتي انتي منين خرجتي ليا منين اشنو لقاني بك شكووون انتي شكووووون

كارلوس:كريست صافي صافي رجع لرشد تاعك حنا ماشي أشرار إلى رجعتيها بحالك عمرك تسامح راسك قرب ليه شدو وهو يطيرو كريست حتى جا طايح الأرض 

كريست:دابا شوفي شكون غادي يحبك النجمة فتح فمو و ظهرو نياب كيلمعو 

إيمان شافت الفم تفتح تفكرات البوسة اللذيذة بلا شعور طلعات وجهها لفمو لصقات عليه فمها وانقلبت الآية من تحول إلى تحوحو😂 كريست كانت نقصاه غير بوسة باش يبرد

كارلوس هز راسو مسكين سحاب صافي كريست مص دمها حتى كيشوف دراكولا طالع فوق منها و كيعنق و يبوس وهي كانت اكتر منو كتلعب ف شعرو الطويل و تزيد تلصقو فيها اكتر

وقف كارلوس وهو كيدور راسو بالله يستر ما بقات حشمة و بعد نظرو عليهم حيت بان ليه هذا جوج غادي يتمادو فاكتر 

حتى سمعو بوووووووم بووووووم بحال البرق و السما كلها ضوات 

إيمان:صوريا جااات قالتها وهي كتسترجع أنفاسها 

عاد سترجع كريست الوعي تاعو وقف من فوقها وهو كاره راسو اشنو هذشي اش واقع قرب لعند كارلوس غير شاف فيه كارلوس هظر كريست

كريست:عفاك ما تقول والو

كارلوس:شاف إيمان كتجري لجيهة الضو و شاف ف كريست غادي تخليها تمشي هكدا بسهولة رآه باينة العمى بينكم تجادب و مشاعر شوف كيف تعصبتي من سمعتي كتمنى حبيب

كريست:خليها تمشي شاف فيها و قلبو كيتقطع كيقول وقفها وقفها

كارلوس:كريست وقفها ممكن تندم مازال رآه انا صاحبك عارفك طحتي فيها

في عالم الظلام كان فابيان جالس كيتفرج فالتلفازة حتى دخل عليه رافائيل شاف فيه رافائيل و دور فابيان وجهو بزعل

رافا:مال حبيب باباه مقلق وهو كيحك شعرو

فابيان:انا ما حبيب حد بغيت ماما رآني توحشتها واش ما حشوماش عليك ساد عليا هنا علاش ا رافا رجعتي خايب بحال هكدا توحشت عمي كارلوس توحشت كريست كنا عايشين مزيان توحشتهم توحشت حياتي لعب معهم توحشت شغب شوف رافا غير خلي القوى ما بقيتش بغيتها بغيت غير الأسرة لكانت عندي اه كنا مختلفين على البشر لكن كنا اكتر سعادة معهم

رافائيل:شاف فيه واش كتيق فيا ولا لا هذشي دايرو لمصلاحتك

فابيان:ما عرفتش ا رافا هذشي بزاف انت عمرك خبيتني ماشي حتى الدابا و تخبيني شرح ليا عطييييني غير سبب وااااحد باش نعدرك 

رافا:السبب أن ماماك باعت بينا ف عالم البشر و قالت السر تاعنا و البشر كيقلبو علينا باش يديرونا فئران تجارب

فابيان:شاف فيه باستغراب هذشي ماشي حقيقي ياك افرا مستحيل تبيع بينا حيت كتموت علينا

رافا:هذشي صراحة ا ولدي و خاصك تعرف من هذا ساعة انا بوحدي لبغيت مصلحتك و البشر خايبين ديما طمع تاعهم كيبغلبهم البشر خايبين ا ولدي 

فابيان:رآه يمكن انا بشري نسيتي نصفي بشري و دابا كلي بشري

رافا:لا انت ولد الغول ا حبيبي و غادي انا وانت نسيطرو على العالم بالقوى تاعنا و نخليو البشر يرجع عبد لينا 

فابيان:رافا سير فحالك يمكن الحرارة اترات على راسك

رافا:واخا دابا غير الهضرة صدماتك غادي نخليك تفكر مع راسك و خاصك تحقد على البشر كلشي قالها و ختفى

فابيان:باينة غادي نحقد عليك انت و كان و ضروري خاصني لقى حل نخرج من هنا حيت بايت ليا بابا خرج ليه العقل

ختفى من عندو و ظهر قدام الخدام تاعو وهو معصب تحول لشكلو الطبيعي كان لابس الكحل بجسد طويل جلس فالعرش تاعو لكلو مظلم

السيد:عيطو على داك الغبي تاع مايكل يمشي لعالم الجن كاين واحد جن عاشق مجمد كيحرك غير عينيه يقول للملك الجن انا نقدر نعالجو و يجيبو ليا الجن اسمو جمجوم ايوا قولو ليه يغلط تاني و يجيب ليا جن آخر

الخدام:أمرك مولاي كيف قالوها ختفو 

السيد:قريب نقتل مك الغول انت لواقف فطريقي و غادي ناخد كلشي منك حياتك مراتك ولدك كلشي غادي ناخدو حرك راسو من حس ب أليس كاينة كتسلت وكمل اشنو جابك انتي هنا خرجي شوفتك

أليس:بخوف سمح ليا ا سيدي وفي خاطرها كيفاش عرفني مخبية 

السيد:ساهلة كيفاش عرفتها حيت انا كنعرف كلشي

أليس:وااااو واااااو مولاي انت فعلا السيد بتسمات ليه وهي كتحاول تشوفو من ظلام

السيد:اشنو الفضول تاعك قاتلك تعرفي كيف داير شكلي

أليس:اه صراحة بغيت نعرف صاحب داك الجسد القوي شكون هو

السيد:سمعي انتي داك تق** تاعك ماشي عليا ماشي انا مايكل جاية عندي تغويني اشنو رجعو عندك قوى الظلام تنتقلي فين ما عجبك ما تنسايش بايعة روحك ليا يعني ما عندي فايدة منك و انا كاع لفي عقلك عارفو جلية تغويني باش تعتقي روحك بدا كيقهقه بصوت مرعب هاهاهاهااا هاهاهاهااا غبية على انتي عندك شي روح بعدا رووووحك رووووح الشيطان بغيتي تشوفيني واخا تعالي هز ايديه تجاهها و بدات كتحرك تجاهو وهي كلها خوف ندمات علاش جات جات تغويه صدق عايق بيها شدها بين ايديه لكانت كتحس بيهم كلهم معرقين كان الظلام بزاف ما قدرات تشوف والو حتى ضوا المكان كيف ضوا المكان رجع وجه أليس بحال الشبح بحال شافت جنون او اكتر

أليس:لالا مستحييل

السيد:هاهاهاهااا رماها للأرض بقوى حتى حسات عظامها تهرسو و كمل ياله تقو** من هنا

كارلوس:صاحبي شدها رآه غادي تمشي ممكن تندم 

كريست:واش انت حمق رآه غير شهوات و رغبات واقلة نسيتي عندي أليس و مواعدها لزواج و خاصني موفي

كارلوس:واش توفي على وعد و تدمر راسك و راسها إلى ما بقى حب اش من زواج

كريست:على انت تقدر تخلي ريحانة 

كارلوس:انا ماشي بحالك ريحانة كنبغيها و ما نظنش نساها شي نهار أما انت كون اكيد رآه حبيتي إيمان

كريست:حنا هنا واقلة باش نقلبو على افرا و ولدها ماشي نتمعشقو

كارلوس:ممكن يكون سبب و مكتاب أنك تتعرف على توأم روحك الحقيقي

كريست:سكوت سكوت توأم روحي هي أليس 

إيمان:بصوت عالي هيه دراري غادي تتهناو مني ياكو

كارلوس:بابتسامة تشرفت بك الهبيلة أول مرة نتلقى مخلوقات سموية هبيلة

كريست كان كيشوف فيها بحال كيودع روحو بغى يقول ليها بقاي عفاك بغيتك لكن لا هو ماشي شماتة حتى يخلي أليس خاصو يكون رجل و يوفي بوعدو ليها ماشي يخليها وهو مجرجرها اكتر من 4سنين باش فالاخير يجزيها بالتخلي ماشي مشكل ممكن غير هذا البرهوشة مع ضسارة لفيها خلاتو يتمناها جنسيا اكيد غير رغبات ماشي مشاعر صادقة المشاعر الصادقة هي ل أليس هي الحب تاعو و اكيد من غادي تمشي البرهوشة غادي ينساها بحال عمرو شافها

إيمان:وهي كتشوف فيه ما يمكنش ليا نديك معيا خسارة

كريست:اصلا ما نقدرش نمشي معك إيمان داكشي لوقع من دابا شوية انا انا..شاف فيها و ما قدرش يكمل الكلمة 

إيمان:اه سمح ليا انا لبستك كنت كنجرب كيفاش غادي نبوس حبيبي المستقبلي

كارلوس شد راسو وهو كيقول ما هذا الغباء 

كريست:اه اه مزيان حتى انا رآه عندي مراتي اكيد غادي يكون عندك حبيب زوين حيت انتي زوينة و مشاغبة حلوة

إيمان:ههه كضحك و قلبها مجروح اه اه ههههههه نتمنى تولد بنت زوينة بحالي من مراتك هههه

كريست:هههه اه و نسميوها إيمان 

شافت إيمان ف السما كانت نجمة كتزيد تنزل للأرض تجاههم

كارلوس:ختك قربات تجي ياك

إيمان:اه صوريا توحشتها بزاااف اكيد غادي ناكل العصا من هرقل غبرت بزاف لكن ماشي مشكل شافت ف كريست المهم تعرفت عليكم عشت مغامرات معكم

كارلوس:مرة مرة هربي من هرقل و نزلي عندنا

كريست:غبي على حنا غادي نبقاو هنا رآه حنا غير داخلين لهذا العالم غير بقاي مع هرقل

إيمان:هههه ممكن نشوفكم فالمستقبل أما الماضي لا

كارلوس:ههههههه مازال غبية اش من ماضي ابنتي

إيمان:شافت فيهم بدهشة علاش ما عارفينش

كريست و كارلوس:اشنو عارفين 

إيمان:حنا رآه فالماضي ماشي الحاضر 

كريست:اشنووو كضحكي علينا

كارلوس:تسناي تسناي شرحي لينا

ايمان:انا من الماضي يعني هذشي هذا اللقاء هذا الكلام كان من الماضي ما عرفتش علاش دخلتو هنا و علاش بالذات جيتو الماضي و علاش تلقينا لكن هذشي كلشي من الماضي

كريست:شاد في راسو اش من ماضي انا هذشي عمري عشتو فالماضي شاف في كارلوس واش عشتيه انت

كارلوس:حتى انا عمري عشتو واقلة البرهوشة كتخرف علينا تاني

ايمان:لا معكم بالصاح اشنو الهدف تاعي نكدب وانا غادية دابا هذشي من الماضي شافت فيهم و بدات كتلمع و بحال كتتجر للفوق و كملات ممكن واحد فيكم كان خاصو يكون هنا غير شي حاجة منعاتو أنو يمشي و كان مكتاب عليه يجي لسبب ما شافت ف كريست و بتسمات ما غاديش نشوفك مازال انا متأكدة لكن كنتمنى العريس لغادي يختار ليا هرقل يكون شبيه لك قالتها و طلعات طايرة بحال نيزك و كريست و كارلوس كيشوفو بصدمة كيفاش رجعات نجمة و قفات حدا نجمة لامعة و تكون ف السما قلب لامع كبير من بعد طلعو النجمات و ختفو وسط نجوم

كريست حاول يشوف أي نجمة هي إيمان لكن كانو النجوم بزااف حس بقلبو كيتقطع مد ايديه لسما كيدير باي باي أما كارلوس كيشوف فيه بصدمة و مازال كلام إيمان كيتكرر في عقلو انا من الماضي أنتما فالماضي تفكر من العجوز الساحرة كانت كتهضر ليه على نجوم واش ممكن هذا هو السبب لكن اللقاء كان خاص ب كريست ماشي بيه 

أما كريست ما عندو فين يتفكر ف الكلام جالس كيرسم ملامح إيمان ف ذاكرة تاعو خايف بزاف ينساها شعرها القصير و عيونها المكحلة بطريقة عربية و النجمة المرسومة بحال الوشام ف دراعها ضحكة تاعها الهبال تاعها لو كان تعرف عليها من قبل والله لا خلاها تمشي واخا يعرف يحارب هرقل لكن أليس ما تستاهلش هذشي

شاف كريست ف كارلوس و هو كيحاول يبين راسو ما تاثرش ولا والو

كريست:ياله مشينا

كارلوس:صاحبي غير بين الغضب تاعك رآه حنا خوت زعما

كريست:اش من غضب انا غادي نغضب لو ما لقيت ختي و ولدها واقلة نسيتي علاش حنا هنا

كارلوس:صافي صافي بلا ما تبقى تتعصب عليا و نزل راسك من السما وانت لصقتي فيها

كريست:واش انت حماقيتي دوز ايديه على شعرو ياله منين نشدوها

كارلوس:اشنو بان لك ف هضرة إيمان أننا فالماضي

كريست:واش انت تصدق هضرت البراهش رآها غير حمقا

كارلوس:والى كانت صحيحة اشنو بان لك

كريست:إلى صحيحة معناها الماضي و داز علاش نهضرو عليه زيد كمل على طريق رآه قرب الفجر يجي نشوفو اشنو غادي لقاو تاني ف هذا العالم 

كارلوس:على ربي نتلقاو شي حاجة زوينة عيت من المغامرات المملة عرفتي ياربي نتلقاو الغبية تاع ختك و رجعو فحالنا كاع حيت خاطري ما مريحنيش على ريحانة مشيت بلا ما نعلمها

كريست:رآه عارفة فابيان مختفي غادي تعدرك و عاد غادي تتلقى مع أليس مصيبة كحلة لا لقاوهم كيخططو لينا لشي مؤامرة ولا يعملو علينا المقاطعة بحال افربقيا و سنطرال و سيدك علي و موازين و نصدفو واحلين

كارلوس:اشنو هذا الأسماء

كريست:هذو منتوجات كاينة فالمغرب ا صاحبي مالك قديم

كارلوس:زيد زيد ا جديد ياله ليسبق فينا هو البطل كيف قالها طار بسرعة خيالية و تبعو كريست حتى هو بسرعة اكتر

كانو ناعسين ف غابة و محيط بيهم حجاب الحماية ختار مكان زوين و بعيد على طريق باش افرا تاخد راحتها و عاد حاجب عليهم النظر ما يقدر حتى حد يشوفهم خرجها من الحاجز تقضي حاجتها ورا شجرة وهو واقف جنبها حتى كملات هزات سروالها و صيبات حالتها تقدمات عندو عنقاتو هزها و رجعها الحاجز نعس و سرحها جنبو كان مفرش ليهم بساط زوين و وسايد بحال رحالة الصحراء

رافائيل:كان عليك تبقاي مع خوك و خويا احسن لك شوفي دابا كيف معذبك معيا

افرا:طلعات فيه راسها إلى بقيت حداك رآه راحة هذي ا حياتي بتسم ليها و هو كيدوز ايديه على شعرها

افرا:غادي لقاو ولدنا ورجعو ياك 

رافا:اه اكيد وساعتها غادي نتحاسب مزيان مع لكان سبب ولحط الكتاب

افرا:شكون غادي يكون في نظرك

رافائيل:انا غادي نشك فاي واحد من خوك كارلوس ل اليس و ريحانة للجارة الهبيلة للبرهوشة صغيرة 

افرا:وانا

رافائيل:انتي حياتي عارف عليك كلشي راكي قطعة مني هز راسو باسها وهي بادلتو البوس بلهفة اكتر حس بيها متلهفة ليه بعد منها لا يصدق فشي حاجة اكتر

افرا:رافا حبوبي توحشتك بزاف حطات راسها على صدرو و ضرب فيه البرق هو لكن قاوم الألم و بدات كتطلع ليه تيشورت تاعو بايديها وهي كتبوس ف صدرو

رافائيل:افرا حبيبة ما نقدرش والله شد ايديها و رجع نزل التيشورت على لحمو

افرا:اوووف و بلا ما تتدلع عليا رآه غير صباح قلتي ما قادرش تصبر وقفات كتشوف فيه بدهشة 

رافا:رآه دابا خاصني بزز مني نصبر شد ايديها و جرها لعندو عنقها و بأس جبهتها كنبغيك الهبيلة مازال و توحشتك كتر منك لكن فعلا ما نقدرش

افرا:وعلاش ما تقدرش ممكن غير نعرف

رافا:بابتسامة واخا أولا انا كنبغيك تانية المرة جاية كوني أكيدة غادي نحمل مك تالتا حط ايديه على راسها تالتا نعسي براحة كيف قالها نزلات على صدرو ناعسة حطها جنبو و بتسم ليها بالم غطاها مزيان تسرح على ظهرو و هو كيطلع تيشورت على جيهة قلبو كان الجرح برا كليا حيت الجسد تاعو بسرعة كيتشفى لكن الحشرة كيحس بيها كتحفر في قلبو حس سائل سخون نازل من نيفو هز ايديه مسح كان دم اسود بتسم بمرارة وهو كيشوف ف افرا

رافائيل:الغول غادي تكون سبب الموت تاعو حشرة ههه خايبة حتى فالتعويدة لكن مازال ما خاصنيش نموت حتى نخرج مراتي من هنا ضرب على صدرو واش سمعتي الحشرة اللعينة مازال ما غاديش نموت من نخرج مراتي و نلقى ولدي ساعتها كولي قلبي و احشاءي كلها كيف بغيتي حس بألم فصدرو الأوكسجين ما بقاش كيدوز ليه زير على عينيه بألم و العرق نازل مع جبهتو دور وجهو عند افرا أول مرة ينعسها مقلقة منو شاف في ملامحها لأي واحد ممكن يشوفهم عادين لكن هو كيشوفهم ملامح اسروه لمستحيل شي وحدة تكون في بلاصتها حب حياتو والى كان غادي يموت شكون بحالو يموت على هذا الملامح

يتبع ...